تجمع حوامل ليبيا [الأرشيف] - الصفحة 16 - منتديات حوامل النسائية

لولى2010

10-18-2010, 07:23 PM

خيرات بنات كيف حالكن صابرة ها شن صار فيك ان شاء الله تكونى حامل
تيمو ها طمنينا كيف حال صحتك تو والبيبي
عيون وسورينا وحبل الوصل وام اسيل ونسرينا وام رفيده وايه كيف حالكم

أم سعد

10-18-2010, 08:05 PM

أهلين أية ... أنا حالي الحمد لله ... نعاني من هبوط في الضغط دائما

وقالولي ولد .. والله أعلم

كيف حال جميع حوامل ليبيا ... وأخباركم ... وأخبار من تنتظر حملها

ياريت نسمع أخباركم كلكم

لولى2010

10-18-2010, 08:50 PM

ام سعد كيف حالك انت من وين وكم عندك وليد

أم سعد

10-18-2010, 09:23 PM

أهلين لولي .. الحمد لله

أنا في الأصل مصراتية .. من سكان طرابلس ... ماعندي أولاد بكرة يعني

وانتي؟؟

لولى2010

10-18-2010, 11:50 PM

ام سعد انا م المرج وراجلى من بنغازى ونسكن فى قطر عندى بنت اسمها لينه

حبي مونتي

10-19-2010, 03:40 AM

يسعد مساك الكل

حبي مونتي

10-19-2010, 03:43 AM

أهلا بيكي أم لقمان أني عندي بنوته عمرها سنتين وتوا بآخر حملي التاني يعني مش بكريه
وإنت كم عندك اصغار أختي

حبي مونتي

10-19-2010, 03:46 AM

مرحبتين بيكي يا نسرينا إنشالله عن قريب نسمع الأخبار الطيبه عن حملك يارب

نسرينا

10-19-2010, 10:20 AM

صباح الخيرات والليرات على الجميع

كيف حالكم واحوالكم ؟؟

حبل الوصل

10-19-2010, 11:55 AM

السلام عليكم ورحمة الله وبركاته
كيف حالكم إن شاء الله دائما بخير ؟hwaml29

ام ريحان

10-19-2010, 12:19 PM

صباح الخيرات

نسرينا

10-19-2010, 01:09 PM

مرااااحب حبل الوصل

طلّة حلوة ، انتي كيف اخبارك توا ؟؟

صباح الانوار ام ريحان

كيف الصحة والاخبار ؟

تيمو ليبيا

10-19-2010, 02:29 PM

السلام عليكم لاحلا ليبيات الحمدالله ولدت وجبت احلا بنوته في الدنيا وطلعت روحي معاها ولت الحمدالله منبيش نحكيلكم علي شفته وال صارلي كله بمشيئة الله المهم هيا معاي وماليا عليا الدنيتي جبتها يوم الخميس الساعه 2 الاعشره يعني جمعه فجر وانشالله نحكيلكم علي صار معاي بس والهي مانبي انخوف الحوامل وال يستنو وربي يرزقهم انشالله وسلم وخياتي سئلتو عليا وربي يخليكم ليا يارب ونسرينا حبيبتي ربي يرزقك انتي وكل البنات وعيون ربي يحفظلك بنتك و وليدك انشالله بعدين انخش ونحكيلكم

ام روفيدة

10-19-2010, 02:55 PM

السلام عليكم كيف حالكم اليوم اختي تيمو ليبيا الف مبروك وحمد لله على سلامتك وسلامت البنوتة وربي يحفظها لك وتكون من الدرية الصالحة اللهم امين

معراج

10-19-2010, 03:28 PM

الحمد لله على السلامه ياتيمو تتربى فعزك ونورتي التجمع يا حبل الوصل وكيف حال الجميع عيون وام اسيل وام روفيده ونسرينا والكل وميرنا وينك وسلام كبييييرررر لميمونه يالله يرزقك بلحمل السليم ونا معاااك يارب

تيمو ليبيا

10-19-2010, 03:29 PM

الله يبارك فيك ام رفيده وعقبالك يارب لولي تسلمي يالغاليه علي نشدتك عليا والهي لو امي مش معاي مش عارف شني صار فيا وفيا راجلي مسكين حمدالله علي نعمة الاهل

معراج

10-19-2010, 03:30 PM

اليوم بلخير ان شاء الله اخر حبة كلوميد ويوم الخميس ماشيه بنتابع التبويض >>ادعووووووووووولي

ميمونة

10-19-2010, 03:48 PM

يارب يسهل عليك يامعراج وتحملي هالشهر وانا معاك وباقي الاخوات قولوا امين

ميمونة

10-19-2010, 04:03 PM

مافي احد نهدرز معه وينكم

بالولينا

10-19-2010, 04:12 PM

اني حامل في الاسابيع الاوله وعند ولد عمره عشره اشهر وكان الحمل مش متوقع ياريت اتردو عليا وترفعولي من معنوياتي

ام اسيل

10-19-2010, 04:14 PM

تيمو الف الف مبروك وتتربى العروسة في عزك وعز بوها

ميمونة

10-19-2010, 04:15 PM

السلام عليكم

ام اسيل

10-19-2010, 04:15 PM

حبل الوصل والله نورتي
وخليها على الله وديري كيفي لعند شهر 12 ماصار شي نديرو حقن مجهري شن رايك

ام اسيل

10-19-2010, 04:17 PM

معراج ان شاء الله التبويض ممتاز وتحملي بتوم يارب

ام اسيل

10-19-2010, 04:21 PM

ميرنا وينك
اسمعي الكلام وتعالي ازرعي وفكري كويس تقدري تبدي الشهر هضا في التحضيرات

ام اسيل

10-19-2010, 04:23 PM

اهلين ميمونة
يارب الشهر الجاي نشوفوك توحمي المهم ماتوحميش على التجمع

حبل الوصل

10-19-2010, 04:26 PM

تيمو الف الف الحمد لله على السلامة ومبروك ماجاك وتتربى في عزك وعز بوها إن شاءالله
شن سميتيها؟؟؟

معراج النور نورك ياوخيتى والله كان مش على شانكم وان انى مانقدرش نبعد عنكم كان ماخشيتش

ام اسيل ياريت والله المشكلة انه راجلى راسه يابس ومش متقبل فكرة الحقن

حبل الوصل

10-19-2010, 04:27 PM

ميرنا وينك استاحشتك هيا خشي وردى زى ميرنا الاولى ماعاش اللي ينكد عليك ياوخيتى

ميمونة

10-19-2010, 04:28 PM

هلا ام اسيل كيف الحال يارب يسمع منك

حبل الوصل

10-19-2010, 04:28 PM

سلامات توة نمشي نغدى الراجل توة كيف خش من العمل

ميمونة

10-19-2010, 04:30 PM

الحمدلله علي سلامتك تيمو ومبروك عليكم البنيه تتربي في عزكم

ام اسيل

10-19-2010, 04:30 PM

حبل الوصل كل الرجالة روسها يابسة لكن كيدهن عظيم وانت وشطارتك عندك ها الشهرين زني عليه واكيدة حا يوافق

لولى2010

10-19-2010, 05:20 PM

تيموالحمد لله ع سلامتك وتتربي فى عزكم وربي يخليلك هلك وشنى سميتيه
حبل الوصل نورتينا انت وام اسيل
ميمونه ربي يكتبلك الحمل انت وكل البنات

عيون زوجي

10-19-2010, 05:57 PM

تيمو...تتربى في عزك وعز بوها وانشاءالله من قسمك
نبوا اللمة في ماليزيا ما دخلناش فيك
وشن سميتيها رفيف ولا شنو؟

ميمونه ومعراح....يارب هالشهر تتطلعوا حوامل ونرتاحوا من ناحيتكم
وندعوا ..لميرنا وام اسيل وحيل الوصل وام ريحانه ونسرينا يلحقوكم الشهر الجاي

هلا ومراحب بالجدد اكليل الورد ولوليتا وكل البنات

اية وسورينام ....وينكم يا اوخياتي انشاءالله ما نفقدكم وينكم غايبات

البنات التانيات ام رنوة وام ردينه وام سعد وليبيا قلبي وينكم خشوا نوروا التجمع

حبل الوصل ..ويلكم باك حبيبتي

لولي وام رفيدة وام لقمان وصابرة كيف حالكم وحال البيبيات معاكم

عيون زوجي

10-19-2010, 06:00 PM

بنسئلكم؟؟؟؟؟؟؟؟؟؟؟؟؟
انا ليا اسبوعين جايبة والعاقبه لبقية الحوامل ينوضوا بصحه وسلامه يارب
ومن رابع يوم الولاده مانزلش مني دم
مستحيل انكون اطهرت في 4 ايام
وخايفه يقعد الدم متعفن في الرحم
دلوني كيف الراي؟؟؟؟؟؟؟؟؟؟؟؟

عيون زوجي

10-19-2010, 06:07 PM

وينكم ياهوانم يا ستات يا شابات يا حلوات............

أم سعد

10-19-2010, 06:19 PM

أنا جيـــــــــــــت

أهلين عيون

كيف حالك؟؟؟ وكيف حال العزري ؟؟

والله أنا بكرة مانعرفش الوضع هذا

بس نقولك مافي أحسن من تسألي دكتورة

أم سعد

10-19-2010, 06:24 PM

ألف ألف مبروك يا تيمو

تتربى في عزك وعز بوها ان شاء الله

ღॐ آية ღॐ

10-19-2010, 08:34 PM

الف مبروك البنوته تيمو وتتربي في عزكم
والحمد لله على سلامتك
عيون نورتي بنسبة لي توقف الدم
ينبغي مراجعة الطبيبة علية ضرووووووووري تمشي تراجعي
وان شاء الله خير وطمنينا
حبل ربي عندة هلبا خير وصبري وان شاء الله تحملي في القريب العاجل
نسرينا يارب كل الامور تكون تمام معاك وتخشي اطمنينا عليك
ميمونه يارب يا مستجيب الدعاء يااااااااااا كريم تحملي في هدا الشهر ياااااارب
انتي وكل الاخوات في هدا التجمع

ميمونة

10-19-2010, 10:11 PM

ايه شن الاخبار توا

انت شن تقولي ممكن يصير مني هالشهر يارب نمشي لموعدي الجاي وانا حامل

لولى2010

10-19-2010, 10:33 PM

ان شاء الله ياميمونه تطلعى حامل وتفرحينا

ليبياقلبي

10-19-2010, 10:50 PM

مراحب اخواتي شن اخباركم اليوم ارجوكم ابي استفسار اول شي يخص المنتدى انا تاخرت في الدخول كيف ممكن القي روددي اول شي كيف اشوفها في المنتدى تاني شي انا كنت ظانة اني في الشهرالسادس بس انا حسبتي خطا انا في الاسبوع 22 يعني اليوم بس دخلت الخامس اخر دورة يوم _5_

ليبياقلبي

10-19-2010, 10:51 PM

طيب كمان سوال احر اليوم كنت مسوية دواء للمرحاض بتاع المرحايض وجلست تبولت من غير ما اشيله هل يضر اليببي اولا ارجوكم ردوا لانا خايفة هلبة

راجيه فرج ربها

10-19-2010, 11:45 PM

" ربى لا تذرنى فردا وأنت خير الوارثين "

أسألك اللهم يا مالك الملك يا من تؤتى الملك لمن تشاء وتنزع الملك ممن تشاء وتعز من تشاء بيدك الخير كله .. يا حى يا قيوم ... يا رحمن ويا رحيم ... يا رب ...

لا تذرهن فردا وأنت خير الوارثين يا أرحم الراحمين ... أدعوك اللهم إنك ترزقني وترزقهم الذرية الصالحة والخلف الصالح وتجعلنا وتجعلهم مقيمى الصلاة ومن ذرياتنا وذرياتهم ......

ربى وتقبل دعــــــــــــــــــــــــــــ ــــــــــــاء..........

اللهم يا فارج الهم يا كاشف الغم ياربنا ورب كل شيء ومليكه سبحانك تباركت وتعاليت ...
اللهم إني أسألك بأنك أنت الله الواحد الأحد الفرد الصمد الذي لم يلد ولم يولد ولم يكن له كفوا أحد .... أن تفرج كربة كل اخت مسلمة ومؤمنة لم تحمل بأن تيسر لها جميع أمورها وتنال مرادها... وتوفقها لما تحبه وترضاه.. أمين يارب العالمين
مبارك اختي تيمو
واختي الي سالت عن دواء المراحيض كان ماحسيتي بضيقه في التنفس وامورك عاديه ان شاء الله مافيك غير العافيه والحمل وراء بعض اريح لك بعد سنتين تقولي هالكلام خير من الحمل والتقطيع وكلها ارزاق ربي يوزعها فما تتاففي يحصلك كيفي وتندمي ممكن لاحقا نحكيلك عن قصتي اتقولي الحمد الله وياربي زيد وبارك وكيف مايقولن امهاتنا عدا زمان الخديدات وجاء زمان الوليدات وبني ادم موش ديمه بيجيب هي مرحله وتنتهي والحمد الله ربي العالمين

لولى2010

10-20-2010, 12:20 AM

ليبيا معليش كلامك مش واضح بالنسبه للسؤال الاول والتانى عادى بس معش تعاوديها
حبيت نسالك انت موليد كم وكم ليك متزوجه

ليبياقلبي

10-20-2010, 12:53 AM

شكرا اختي راجية واختي لولي سوالي الاول انا متلا توا مش نكتب رد زي كلامي هدا ونطلع من المنتدى لما بنجي وونخش مرة تانية كيف نشوف ردي والرودد لي بعدها يعني في منتديات تلاقي كلمة مشاركتي متلا وبالنسبة لسوالك انا من الخمس متزوجة في شهر12 لي فات حملت واجهضت في الشهر التالت والحمد لله الان حامل ودخلت السادس بس خايفة واهلين بيك اختي لولي انت منين وانا مواليد87

لولى2010

10-20-2010, 01:26 AM

ليبيا غريبه المفروض تشوفيهن عادى مش عارفه السبب والله
بالنسبه لعمرك انت اصغر من بسنه انا موليد 86 وربي يتمملك ع خير وانا سالتك حسيتك صغيره من طريقت حكيك

بالولينا

10-20-2010, 01:27 AM

السلام عليكم

أخواتي كيف حالكم طيبين إن شاء الله

لولى2010

10-20-2010, 01:28 AM

بنات نبي نسالك نبى اندير عزومهلشخصين زعمه شنى انطيب كل وحده تخش تكتب اقتراح اجبارى الموضوع

بالولينا

10-20-2010, 01:30 AM

اهلين اختي لولي

انا نقترح عليك اتطيبي لازانيا و شربة خضار و لحم مشوي

بالولينا

10-20-2010, 01:40 AM

اني حامل في الاسابيع الاوله وعند ولد عمره عشره اشهر وكان الحمل مش متوقع ياريت اتردو عليا وترفعولي من معنوياتي

وينكم يا عويلة

حبي مونتي

10-20-2010, 04:06 AM

تيمو الحمدلله علي سلامتك ومبروك عليكم البنيه تتربي في عزكم شن سميتيها
نبي نسألك بأي مصحه ولدتي؟
حبل الوصل نورتينا وخلي نفسيتك ديمه مرتاحه
معراج إنشالله أختي يوم الخميس يكون يوم سعد عليكي يارب وتحملي هاد الشهر إنت وميمونه
عيون زوجي لازم ترجعي لدكتورك ضروري وليه صابره على روحك كل هالفتره

حبي مونتي

10-20-2010, 04:21 AM

مرحبتين بيكي أخيتي بالولينا أول حاجه ربي يتمملك حمل على خير وتنوضي بالسلامه أني احملت حملي التاني وعندي بنوته وكانت مازالت أقل من سنه تقريبا 10شهور وكنت ديمه زعلانه ومانبيش الحمل الجديدلأنو ابنيتي مازالت صغيره وأنا جايبتها بعمليه مو طبيعي وكنت خايفه هلبا ونفسيتي بالأرض
لكن توا أنا بآخر الحمل وفرحانه هلبا ونفسي أشيل وليدي بسرعه وعقبال ما تنوضي بالسلامه

ميمونة

10-20-2010, 09:28 AM

صباخ الخيرات

poucie

10-20-2010, 09:50 AM

صباح خير يا بنات شخباركم اليوم انشاء الله كلكم كويسات ومبسوطات يا رب
تيمو الف الف الف مبروك البنية وتتربي في عزك وعز وبيها وانشاء الله من قسمك يا رب

poucie

10-20-2010, 09:51 AM

مرحبتين بالمشتركات الجدد انستونا

حبل الوصل

10-20-2010, 11:26 AM

صباح الخير كيف حالكم اليوم
مرحبتين بالولينا بالنسبة للحمل عادى جدا انى لما حملت بولدى كان بنتى عمرها 8 شهور وكنت نرضع فيها ولما جبت كان عمرها سنه ونص بعدها قلت نبي ندير مانع خلاص تعبت لانى جبت 2 قيصري لكن والله توة ندمانة على قد شعر راسي

تيمو ليبيا

10-20-2010, 12:36 PM

سلمهم يارب حبل وصل وام اسيل وميمونه يارب يامولاي زي ماعطيتني وتفضلت عليا اعطيهم يارب ياكريم وعيون الله يبارك فيك تعرفي اني مخترتلها اسم من قبل لاكن شني بديري ل تكوليف مالي الراجل بعتو هما اسماء وقالو وازو منهم واني معجبونيش بكل مش عارفه انسكر راسي ونسمي ولا نسيرهم معان حرجانه منهم عل اخر وصلت للموت ومفيش مني اتصل ونشد عليا منهم الا مره خشو نت لاكن يالا سلم اماليا وناسي حتي من جرات ماما كلموني و بنسبه لدم النفاس حتي اني زيك 3 يام قوي وبعدين ابدي خفيف قتلي ماما معناها دكتورتك شاطره ونظفاتك باهي انتي زيدي عايني وانشالله خير طبعا البواسير قاتليني قتل مش عارفه شني اندير معاش نقدر انقعمز وصدري رضعت يومين ومعنديش حلمه تفلق دم وبدي يوجع فيا اعطيتها شيشه بنيتي مسكينه ونشفط شفط وخلاص وحبي مونتي تسلمي حبيبتي اني نبي انسميها رفيف او رغد وجبت في ماليزيا لو جبت في ليبيا كنت ياني متت او بنيتي بعيد سو عليها ولمتك قعده بادن الله بروح ليبيا شهر 4 بندير سبوع كلكم معزومين من توا مش تقولو سلحت وماقالتش

poucie

10-20-2010, 12:46 PM

تيمو معليش التعب كله بأجره انشاء الله و ربي يخليلك بنيتي انشاء الله اسمعي بالنسبة للحلمة حتى انا في الاول زيك حلمتي صغيرة وتفقلت وقعدت تصب في الدم امشي قالولي على زيت الزيتون انو كويس للحلمة وفعلا درته وما مرو يومين إلا اوالحلمة طلعت وقعد ما عادش ايصب في الدم وحتى الزيت انكان مصاته بنيتك وهي ترضع ما يدرلها شيئ يا وخيتي خير من الكريمات كلها مواد كيميائية وبالنسبة لاهل راجلك عادي ما تعدليش سلامت اهلك جوك وما خلوكش بروحك للاسماء تعرفي اسم رفيف احلى انا عاجبني من قبل وكنت ناوية انسمي بنتي رفيف لاكن سبحان الله يقولو العيل يجي ويجي اسمه معاه حق سميتها روان وانا ماكانش خاطر عليا الاسم هذا بكل لاكن بوها شبحة في النت قالي عليه فغيرت رائي وسميتها روان. ربي يحفضلك بنيتك يا رب

بالولينا

10-20-2010, 02:21 PM

صباح الخير للكل ونهاركم حلو شكرا علرد وبارك الله فيكم ماتتصوروش قداش الموضوع مقلقني لما شفت المنتدي وشفت مشاركاتكم عجبتني هههههههههلبه اشتركة عالطول ويارب انكون صديقة ليكم وتشاركوني في حملي الغير متوقع شكراليك ياحبي مونتي ويا حبل الوصل

تيمو ليبيا

10-20-2010, 02:25 PM

اهلين بوسي والهي مخليت مدرتلها حلمه غرقتها بزيت زيتون وقفت عليها حنولي انديره تاني وبنسبه ليهم حتي اني بنسكر راسي وبنسميها رفيف واسم بنتك حتي هو حلو هلبه ربي يحفظهالك يارب وتشوفيها من احسن ناس

حبل الوصل

10-20-2010, 03:03 PM

ميرنا خشى وينك والله انشغلت عليك
يابنات بالله وين هندية واميسر

ام روفيدة

10-20-2010, 03:04 PM

السلام عليكم كيف حالكم اليوم

ام روفيدة

10-20-2010, 03:05 PM

ميرنا وينك خشي شغلتي الكل بغيابك

ام روفيدة

10-20-2010, 03:07 PM

عيون وحبل الوصل ولولي وتيمو ليبيا وبوسي وليبيا قلبي كيف حالكم إن شاء الله بخير مرحبتين بيك اختي بالولينا نورتي التجمع

حبل الوصل

10-20-2010, 03:08 PM

ام روفيدة كيف حالك وشن حال عيلتك

حبل الوصل

10-20-2010, 03:09 PM

انا بخير الله يسلمك

ام روفيدة

10-20-2010, 03:15 PM

الحمد لله اني بخير وحازم بخير الحمد لله وعقبالك يارب الشهر الجاي تكوني حامل والسنة الجاية انقولولك كيف حالك يا حبل الوصل وكيف حال البيبي إنتي وميرنا وام اسيل يارب سهل لهم الحمل في القريب العاجل اللهم امين والله دعيتلكم من قلبي

بالولينا

10-20-2010, 03:32 PM

شكرا الله يخليك يام رفيدة ونتمني تقبلوني صديقه ليكم لان محتاجه نهدرز ونوسع خاطري معكم وتفيدوني في حالتي هادي وترفعولي معنوياتي

عيون زوجي

10-20-2010, 04:36 PM

السلاام عليكم
كيف حالكم...............

عيون زوجي

10-20-2010, 04:45 PM

شكرا ...ثانكس وميرسي
لاهتمامكم بحالتي يا اطيب صحبه
انا ما نقدرش نمشي نشوف دكتورة الا الاسبوع الجاي
لان اليوم زوجي من الصبح في السوق بيشري زوز خرفان
وغدوة بيدبح بروحه
والجمعه بندير السبوع لاهل زوجي
مع انهم ما يستاهلوا على قولة تيمو لا يسئلوا اعليا ولا على صغاري ومايتعبوش روحهم في تليفون
بس كرمال عين تكرم مرج اعيون
لانهم اهل الغالي وابو عيالي
ويوم الاتنين عزومة لاهلي وصاحباتي
يعني مشغوله
وزوجي بروحه ماعنداش خوت يساعدوه
عنده اخ واحد مسافر مع مرته بريطانيا
تيمو حبيبتي حتى انا زيك بلا حلمة
وصدر واحد فيه حليب
شفطت منه 10ايام بس
وتوا بطلت نعطي فيه صناعي بيبيلاك واخلاص
الله غالب
وماتعدليش يا تيمو طنشي وديري يلي في راسك

عيون زوجي

10-20-2010, 04:50 PM

بالوليناhwaml7 انا حملت وبنتي عمرها 6شهور
وحتى انا بلا تخطيطhwaml02
بس من اول ماعرفت بحملي فرحتhwaml03
وتوا وليدي ربي يحفظها في حجري فرحانه اكثر
عقبالك وعقبال الحوامل
ويرزق يارب ميرنا وميمونه وحبل الوصل وام اسيل وراجيه ونسرينا وسمحه واميسر يارب ومايحرم حد من الاطفال يارب

عيون زوجي

10-20-2010, 04:51 PM

حبل الوصل خلي همتك بتوكلك على ربي

بالولينا

10-20-2010, 04:56 PM

اهلين ياعيون زوجي تعرفي طمنتيني شويا لكن بالله عليك كيف درتي معاهم الاتنين ربي يحفظهملك صايره فيا حالهhwaml7

عيون زوجي

10-20-2010, 05:01 PM

لولي مشكورة عالرد
وعزومتك ماحددتيش المعازيم ليبين ولا لا
رجالة ولا نساوين
تفرق

عيون زوجي

10-20-2010, 05:01 PM

سوريناااااااااااااااااااام
استاحــــــــــــــــــــــــــــــــــشــــــــــ ـــــــــــــــــــتك

لولى2010

10-20-2010, 05:02 PM

خيرات بنات
عيون ردى عليا

عيون زوجي

10-20-2010, 05:03 PM

شكلي بروحي نهدرز....................
ميرنا وينك حبيبتي

لولى2010

10-20-2010, 05:03 PM

عيون بعتلك ايميلى ع الياهو وصلك

عيون زوجي

10-20-2010, 05:04 PM

لولي سامحيني يا اوخيتي هدا وين شفت ردك
مدايرة 5عيون خايفة ان سارة تتضرب محمد

عيون زوجي

10-20-2010, 05:05 PM

لا مافتحتش الايميل تو نفتح ونقولك
وصحيتي من قبل ما نشوفه

لولى2010

10-20-2010, 05:05 PM

عيون العزومه لراجل ومرته ليبيين

لولى2010

10-20-2010, 05:06 PM

انا ضفتك فى الياهو عندى

لولى2010

10-20-2010, 05:13 PM

سورى عيون بعتلك اوف لاين مسج سامحينى

ليبياقلبي

10-20-2010, 05:17 PM

ام روفيدة شن اخبارك ومشكورة انت الوحيدة لي تسالي عليا بارك الله فيك وتحاتي للكل وام لولي انت حامل ولالالا وكيف ممكن نشوف روددي وين نلقاها كلمة مشاركتي
والف الحمد لله علاسلامتك تيمو وتتربى في عزك وسلامي لي اهلك عادي متحرقيش دمك الشيبان راحو في كل مكان عادي انت نافس ومش باهي الزعل ليك سلامي لي رفو

ليبياقلبي

10-20-2010, 05:19 PM

لولي انقولك شن ديري لوتبي غليظ ديري حاجة مسقية متلا مكرونة مبوخة ومعاها لحم محمر وبوريك ومبطن او ديري شربة ولحم محمر او دجاج محمر ودحي ملبس وبوريك واصابع الدجاج

عيون زوجي

10-20-2010, 05:27 PM

انتي ناوية اديري حار باش نقترحوا اعليك الاصناف ولا مسقي

عيون زوجي

10-20-2010, 05:29 PM

لولي حبيبتي الاوف لاين امتسح قبل لا نفتح

عيون زوجي

10-20-2010, 06:13 PM

اسفه على الانقطاااعhwaml7

لولى2010

10-20-2010, 06:46 PM

ليبيا انت درتى مشركه فى منتدى حوامل متلا وتبي تشوفيها ولا قصدك مشركتك فى التجمع امتاعنا وتبي تشوفيها
عيون تو نبعته لكى من جديد

لولى2010

10-20-2010, 07:00 PM

ليبيا حطى الماوس ع اسمك وديري كلك تو تطلعلك قائمه تو تلاقى البحت عن المشركات التى اشتركتى بيها وخلاص نتمنى ان نكون جاوبتك

أم سعد

10-20-2010, 08:04 PM

السلام عليكم

خيرات

صابرة

10-20-2010, 08:51 PM

السلام عليكم
سامحيني عيون على تأخيري باش انبارك لك مرواحة ولدك
يارب يحفظلك حمودي وينجيهولك

تيمو الف مبروك وحمدلله على سلامتك تتربى في عزك

صابرة

10-20-2010, 09:18 PM

مرحبتين طرابلسية وام خطاب وهبة الرحمن وحبي مونتي واكليل الورد وبالولينا بيكم في التجمع وربي يسهلكم ولادتكم

صابرة

10-20-2010, 09:19 PM

الدورة جتني بعد ما عطلت 8 ايام عن موعدها يالولي

صابرة

10-20-2010, 09:20 PM

ميمونة كيف حالك ان شاء الله ربي يفرحك بعيل اينورلك حياتك

صابرة

10-20-2010, 09:23 PM

ميرنا لو اتأخرت الدورة ماتقوليش "واستعينو على قضاء حوائجكم بالكتمان" في حال تأكد الحمل خبرينا وفرحينا معاك
يارب فرج هم اختي ميرنا وارزقها بطفل ينور حياتها ويجملها

صابرة

10-20-2010, 09:41 PM

معراج كيف حالك ان شاء الله بخير
حبل الوصل خليك معانا وديري زي ماقلت لميرنا وربي يرزقك الذرية الصالحة
ام اسيل كيف حالك
اميسر وراجية وساجدة وام رفيدة وام لقمان وام سعد وهاتو وهندية وسورينام ولولي نسرينا وام ريحان سمحة وبوسي كيف حالكم
مرحبتين ليبيا قلبي بيك في التجمع

صابرة

10-20-2010, 09:43 PM

سامحوني النت معنديش في الحوش وتوا نفتح فيه لما نمشي لي اماليا

زهــــور

10-20-2010, 09:52 PM

http://forum.hwaml.com/t31853.html#post427946

شاركوني تكفون طلبتكم ..

ام لقمان

10-20-2010, 11:10 PM

السلام عليكم
كيف حالكم يا احبابنا؟
صابره كيف حالك وشن اخبار اوليدك؟
قوليلى شن نوع الحليب الصناعى الى تعطى فيه لوليدك؟
الحق جنان غيرتلها الحليب ومنها وهى فى العد التنازلى بالنسبه للوزن ولكنها اتزيد فى الطول وتريحت من الغازات وما نيش عارفه شنى انديرلها

ميرنا

10-21-2010, 08:42 AM

صباح الخير يا احلى واغلاء خوات نهاركن سعيد ان شاء الله

تيمو ليبيا

10-21-2010, 08:54 AM

ليبيا قلبي عقبالك حتي انتي لما تشدي وليدك ولا بنيتك بين ايديك والهي خاطري وجعني مانكدب عليكم وهو عيونه في ماليه ويطفطف عليهم ومنبيش ندويله نقعد في مشكله اني وياه المشكله مارو مني الا كل خير سبوعين ال قعدتهم في ليبيا واني عروسه بس ومخليت مادرتلهم ورفعتلهم وهما مشرطنا عليهم حاجه وتعرفو الباقي ميصدقو ماليا البنت مايشرطوش حمدالله اني مامتحمله الا علي خاطره راجلي مقوم ومفيش منه ربي يخليهولي وحندير ال في راسي عيون غدوه حيمشي بوها ايسميها وخلي يتعفلقو هما هكي ولا هكي محسوني اتقولي قطوسه ال جايبتها وبنسبه لحالتك نفس حالتي حتي اني صدر ترضع منه وتاني مغلوق نشفط فيه وخلاص وصابره الله يبارك فيك حبيبتي عقبالك يارب ولولي ديري بوفي صغيرون ديري لازانيا وسكالوب وبوريك وخبيزه وسلايط مشويه ومايونيز وفتوش متكتريش وديريلهم كيكات وقهوه ولا كبتشينو وخلاص

تيمو ليبيا

10-21-2010, 08:57 AM

ميرنا صبح الورررررررررد معاش تغطسي علينا طلتك زي العسل

hatoo

10-21-2010, 09:27 AM

اهليييييييين بنات طولت عليكم وااااااااجد كيف حالكم كلكم والف مبروووووك ياعيون زوجي يتربى في عزك ان شاء الله ,بعد بكره ان شاء الله نكمل الاربعين ,معش في نوم زي قبل رتولي متخليش فيا نرقد بكل لعند توا واعيه انا وياها ,ميرنا هابشرينا شن صار معاك

poucie

10-21-2010, 10:16 AM

صباح الخيرات يا بنات انشاء الله نكونو كويسات اليوم
تيمو شن جو رفيف اتسهر فيك والا لا
ميرنا وينك انشاء الله المانع خير وينك ما عادش بائنة انتي الاصل راهووصاحبة فكرة لمتنا هادي طمنينا عليك بالله عليك

تيمو ليبيا

10-21-2010, 02:12 PM

والهي مانحكيلك يابوسي ترقد نهار كله وليل طوافه كل ساعه تبي ترضع

ام ريحان

10-21-2010, 02:13 PM

السلام عليكم تيمو ليبيا الف مبروك المزيوده وتتربى فى عزك

عيون زوجي

10-21-2010, 02:44 PM

ميرنا...وين كنتي مغطسه ولما تخشي تكتبي كلمتين لا لا نبوا التفاصيل وينك وشن اخبارك تحقيق تام هكي معوديتنا انتي صح
تيمو حبيبتي حالك ما يفرق على حالي انا لولا زوجي ما كنت ساكته بس الراجل لما يكون كويس يستاهل نصبروا على خاطره
وربي يكملك بعقلك ويهنيك براجلك وبنيتك وسميها زي ما تبي وعقبال ما تسموا خوتها
هاتووووووو عاش من سمع عنك خبر وينك ووين اخبارك احكي احكي
ام روفيدة شن اخبارك
ام ريحان انتي وين تسكني وتشتغلي ولا لا
بوسي ماشاءالله منورة التجمع كيف حالك يا اوخيتي

عيون زوجي

10-21-2010, 02:47 PM

عندي ناس شاغليني
هلبه هلبه
واجد واجد
أية.... كانت ناشطة ويوميا تخش وينك
وسورينام... حبيبه اوخيتها وينك يا غاليه

ام رنوة

10-21-2010, 02:53 PM

وينكم مااحد فقدني فيكم يااخواتي ام ريحان وعيون وبوسي ادعولي ان ربي يكمل عليا

عيون زوجي

10-21-2010, 03:05 PM

ويـــــــــــــــــــــــــــــــنــــــــــــــــ ـــــــــــــــــــــــــــــــكم

عيون زوجي

10-21-2010, 03:06 PM

ام رنوة حبيبتي ربي يكمل اعليك يارب
ام رنوة انتي قعده معاي ولا طلعتي

عيون زوجي

10-21-2010, 03:07 PM

ام رنوة انتي حامل صح؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟....................... ..

لولى2010

10-21-2010, 07:20 PM

عيون وينك
هاتو وين هالغيبه
ميرنا معش اطولى ماتخشي شغلتى البنات عليك
صابرة وتيمو كيف حالكم وحال عبد الهادى ورفيف تيمو راجلك قوليلها لالالالالالالانبي نسميها رفيف حتى فى التجمع امتاعنا يقولولى كيف حال رفيف معش نقدر انغير الاسم فضيحه يقولو ماعندهش كلمه

ღॐ آية ღॐ

10-21-2010, 11:02 PM

عيون ان شاء الله ما تفقدي غالي
والله الي منعتني الضروف
خوي دار حادث كبير بس الحمد لله حاله باهي
اغلب الوقت في حوش بوي على خاطر ماما يجوها الناس
وان شاء الله نرجع زي قبل
طمنينا شن اخبارك ومشيتي عاينتي ولا مازال ؟

ام لقمان

10-22-2010, 12:21 AM

السلام عليكماعيون كيف حال السنافر؟آيه شن اخبارك اليوم؟ام رفيف لولى حبل الوصل ام اسيل ميييييييييييييييييييرناكل الحبايب كيف حالكن؟

ليبياقلبي

10-22-2010, 01:21 AM

شن اخباركم اليوم تيمو شن اخبار رفو ومعاش تعدلي اهم شي انت كاسبة راجلك وربي يحليك بنيتك
ولولي شكرا علا المساعدة ويارب منكونيش نشفت دمك
وتحياتي لي عيون وميرنا وصابرة وام لقمان ورفيدة ولكل الغالليات

عيون زوجي

10-22-2010, 01:54 AM

[QUOTE=لولى2010;430329]عيون وينك

الله غالب مانتلاقوش .......
بوسي الامورة ليوني

hwaml7hwaml7hwaml7

عيون زوجي

10-22-2010, 01:57 AM

عيون ان شاء الله ما تفقدي غالي
والله الي منعتني الضروف
خوي دار حادث كبير بس الحمد لله حاله باهي
اغلب الوقت في حوش بوي على خاطر ماما يجوها الناس
وان شاء الله نرجع زي قبل
طمنينا شن اخبارك ومشيتي عاينتي ولا مازال ؟

الف الحمدلله على سلامة اوخيك
وتوا هو في الحوش ولا المستشفى
لاباس طهور وصرف الله ماكان اعظم
لا مامشيتش
غدوة سبوع محمد الخاص باهل زوجي
ممكن نمشي السبت بعون الله

عيون زوجي

10-22-2010, 02:08 AM

السلام عليكماعيون كيف حال السنافر؟آيه شن اخبارك اليوم؟ام رفيف لولى حبل الوصل ام اسيل ميييييييييييييييييييرناكل الحبايب كيف حالكن؟

الله يبارك فيك يا اوخيتي
كيف حالك انتي وعويلتكhwaml7 مع اني مانعرفش اسمائهم صح....hwaml15
انا اليوم مشيت لخوي
مرته جايبه بنية من اسبوعhwaml03
وجاها حاشاك الصفير وشدوها في الحضانهhwaml10
لعلاج الاشعه
وزادوها 3مرات دم
وتوا حالتها احسن ولله الحمد
ورايحة اتهبل ماشاءالله hwaml02
عقبالكم كلكم يارب
hwaml9ابركا دابركا كلكم حواملhwaml9
العام الجاي التجمع كله عياط بيبيااااات جدد
وحتى يلي جابوا يجيبوا تاني

عيون زوجي

10-22-2010, 02:11 AM

ليبيا قلبي 100 هلا وغلا حبيبتي
منورة ومشكورة عالسؤاااااااااااال

عيون زوجي

10-22-2010, 02:12 AM

ســــــــــــــــــــــوريــــــــــــــــــــــــ ــــــناااام
؟؟؟؟؟؟؟؟؟؟؟؟؟؟؟؟؟؟؟؟؟ويـــــــــــنك؟؟؟؟؟؟؟؟؟؟؟؟؟؟ ؟؟؟؟؟

تيمو ليبيا

10-22-2010, 07:57 AM

الله يبارك فيك ام ريحان عقبالك يارب ليبيا قلبي هاده ال بيصير تسكير راس وخلاص هما مارضوني اني برضيهم هادي بنتي اني ال قريب متت علي خاطرها مش هما هما حتي شني صار معاي ميعرفوش عيون حتي انتي ربي يصبرنا وخلاص احكينا شني بديري في عقيقة وليدك نبي بتفصيل وماليك وماليه ولا مدايره علي مرتين ربي يحفظهولك يارب

Dina87

10-22-2010, 02:42 PM

السلام عليكم
انا دينا من طرابلس وحبيت نشارك معاكم

انا حامل في الشهر الاول ونبي نعرف اي طبيبيه شاطره تنصحو فيها

عيون زوجي

10-22-2010, 02:44 PM

تيمووووووو كيف حالك اليو
م وحال رفيف وامك وبوك وراجلك
وشن الطقس عندكم في ماليزيا
وامتى بتتطلعي ادهوري امك في البلاد
صحصحي وشدي روحك
ودهوريها في كل مكان
تستاهل جايه على خاطرك من اخر الدنيا

عيون زوجي

10-22-2010, 02:54 PM

انا اليوم مدايرة عقيقة
زوجي ناض الصبح بكري
ذبح زوز خرفان
وعازمين بس اقارب زوجي واهله
ويوم الاتنين انشاءالله
عازمه اهلي واقاربي
وانا نبي عزومة اهلي في حوش بوي
بندير المعتاد مع حدف هلبه حاجات كنت نبي انديرها
ههههههههههههههه
مش قفاصه بس مايستاهلوش مايسئلوش بكل
بندير (شكولاته * روزاطه لوز وعبمبر + كسكسي مع مشروب وسلاطة وفاكهه وامسير +شاهي مع كنافة بالقشطة +مكسرات)
وكان الله وبقى الله

عيون زوجي

10-22-2010, 02:58 PM

اهلييين دينا انستينا
كيف حالك وقداش ليك متزوجه
بالنسبة للدكاترة ماعنديش علم لاني لا اثق في احد
بس نعرف الدكتور فيصل كويس في عيادة الاخوة
والدكتورة امنه قرينات في مصحة الرحمة

تيمو ليبيا

10-22-2010, 03:04 PM

كيف حالك انتي يوم عيون تعرفي امس سبوعها الحقاني بابا الله يحفظه عزمنا منساش اللاصول حتي في البلاد التانيه وبنسبه لدهوير اماليا مشالله مهنين علي روحهم ماما انحبست معاي سبوع وبعدين قتلها اطلعي خلاص اني حالي باهي ومش مسيبتني مسكينه حوشي مخلياته زي فليله ومشالله هاده كله ومنقصه الله يبارك شني مازال يبو اكتر من هكي ربي ايزيدكم من نعيمه ويخليلك ماليك يارب

تيمو ليبيا

10-22-2010, 03:26 PM

اهلين بيك ديما ومبروك عليك الحمل وانشالله تنوضي بسلامه يارب بنسيه ل دكاتره زي ماقلتلك عيون بصراحه احسن واشطر دكتوره امنه قرينات فضيعه بس مده الفاتت كانت مسافره مش عارفه رجعت ولا لا نصيحه مني متفلتيهاش وربي يكمل عليك يارب

ليبياقلبي

10-22-2010, 04:09 PM

هلا عيون وماشاء الله عزومة باهية شن يبوا اكتر من هكي وهما اصلا الناس مايعجبهم عجب وكان توزعي دهب وبنقولك انت شن سميتي وليدك وطلع من المستشفى ومعليش سوال انت قتي مايسالويش تقصدي اقارب زوجك
تيمو شن اخبارك توا وربي يبارك في اهليك ديما الاهل حنين علا بنتهم انت كم موليدك وكم ليك متزوجة نحسك صغيرة
اختي دينا الله يتمم حملك بخير يارب انا تعرف دكتورة في طربلس اسمها نادية في مصحة الامومة يشكوروا فيها وعندك دكتور محمد سعيد المحيشي ماشاء الله انا نمشيلا في مصراتة مصحة لميس بس هو يتابع حتى في مصحة المسرة لي في شارع الظل بس ننصحك ردي بالك تمشي لدكتورة سعاد الورشفاني

ام ريحان

10-22-2010, 05:12 PM

كيف حالك ليبى قلبى

ام ريحان

10-22-2010, 05:14 PM

عيون كيف حالك انى نسكن فى قرجى وتوا كيف تخرجت لكن ناويه بنشتغل ان شاء الله

ام ريحان

10-22-2010, 05:24 PM

كيف حالك يا آيه وطهور ان شاء الله ام لقمان وام رنوه وتيمو ليبيا نسرينا كيف حالكم ديما نفتح منلقاش حد وتوا انا نوتى فى روحى الايام هادى مسافره كان ربى سخر للحج ان شاء الله ربى يكتبهالى
لما كنت حامل كان خاطرى هلبه نمشى للعمره فى رمضان لكن زوجى وماما وبابا قالولى لا متقدريش واعر عليك ولما جبت قالى بابا هديه منى انتى وزوجك تمشى للحج ربى يحفظه ويطول ربى فى عمره

ليبياقلبي

10-22-2010, 06:26 PM

ام ريحان اهلا بيك والله ربي يخليك ابوك ويطول في عمره والله حنانه زي حنان بابا ربي يخليه ليا المهم انت قداش ليك جايبة وين بتخلي البيبي لانا منعرفيش انت شن جايبة عموما حج مبرور وادعيلنا وحتى انا زيك اتخرجت السنة هادي السنة الوحيدة لي قريتها متزوجة وناوية نبي نتم ادعيلي يطلعلي ابيفاد ويصير منه لانا جايبة الاولى علا شعبيتي ادعيلي ربي يسخر

ام اسيل

10-22-2010, 06:32 PM

[size="6"]مساء الخير يابنات

انا ماعندي لمن نشكي الا انتم
امس نضم في الدولاب نطلع في دبش الشتاء لقيت الدبش اللي كنت شاريته للوليد الي توفى في بطني والي صارلي صارلي نقعد نبكي معش سكتت لعند اليوم
وفي الصبح قالولي على سلفتي جابت وهي حملت بعد حملتي زدت انهرت والله ماني حاسدتها كله قسايم من ربي
لكن قعدت نقول كاني جايبة راهو توا عمره 4 شهور
والله مازالت نفسيتي تعبانة لغاية توا مش قادرة نطلع من مود البكا بكل

والداهية الاخرى مشيت من اسبوع لدكتورة قتلي لما تجيك الدورة تعالي ثاني يوم والدورة مابتش تنزل فات موعدها توا 5 ايام ودرت طبعا تحليل دم من ثلاثة ايام طلع مافيش حمل
وخذيت حتى دافستون ثلاثة ايام بيش ينزل الدورة مفيش فايدة الالام خلاص
[/si

ام ريحان

10-22-2010, 06:58 PM

ليبيا قلبى انا جبت بنت بس متوفيه جبتها طبيعى فى اول السابع الحمد لله وربى يعوضنى خير توا نفسيتى احسن وخاصه لما سمعت بالحج ربى يسخرلى ويرزقنى الذريه الصالحه آمين

ღॐ آية ღॐ

10-22-2010, 11:03 PM

الله لا يوريك باس عيون
كان في مستشفى الحوادث وطلعو بيه خوتي لتونس
قالو عندة كسور في الجمجمة والحمد لله على كل حال
والله يا عيون لما ريته ما صدقت ان هدا خوي
وجها متغير وكله ازرق ومنفوخ والله وجعني ووجعتني بنته
ومرتة قريب تهبل ..الحمد لله الذي لا يحمد على مكروة سواة
وان شاء الله مبروك السبوع احني امتى لمتنا؟؟

ღॐ آية ღॐ

10-22-2010, 11:07 PM

مساء الخير يابنات

انا ماعندي لمن نشكي الا انتم
امس نضم في الدولاب نطلع في دبش الشتاء لقيت الدبش اللي كنت شاريته للوليد الي توفى في بطني والي صارلي صارلي نقعد نبكي معش سكتت لعند اليوم
وفي الصبح قالولي على سلفتي جابت وهي حملت بعد حملتي زدت انهرت والله ماني حاسدتها كله قسايم من ربي
لكن قعدت نقول كاني جايبة راهو توا عمره 4 شهور
والله مازالت نفسيتي تعبانة لغاية توا مش قادرة نطلع من مود البكا بكل

والداهية الاخرى مشيت من اسبوع لدكتورة قتلي لما تجيك الدورة تعالي ثاني يوم والدورة مابتش تنزل فات موعدها توا 5 ايام ودرت طبعا تحليل دم من ثلاثة ايام طلع مافيش حمل
وخذيت حتى دافستون ثلاثة ايام بيش ينزل الدورة مفيش فايدة الالام خلاص
[/si
[size=6]ام اسيل ربي يعوضك خير اجرك حاصل
ربي يرزقك بدرية عاجل غير اجل
عسى ان تكرهو شئ وهو خيرا لكم
والخيرة في ما اخترة الله
اصبري وحتسبي اجرك عند الله
وربي كريم اكيد رح يرزقك بلحمل في القريب العاجل

تيمو ليبيا

10-23-2010, 02:45 AM

اهلين ليبيا قلبي وام ريحان لا والهي ماني صغيره مواليد 84 وليا 10 شهور متزوجه غير شكلي امببيه ام ريحان اعطاك ربي حج مبرور وربي يحفظلك ماليك وراجلك يارب اني بابا بيهبل عليها سني حجه معان حج 4 مرات حاول من ليبيا بس جت سفرت ماليزيا وحتي في ماليزيا امشي قالوله لازم اتكون مقيم اقل حاجه ليك سنتين ربي يكتبهاله السني يارب

Dina87

10-23-2010, 10:23 AM

اهلييين دينا انستينا
كيف حالك وقداش ليك متزوجه
بالنسبة للدكاترة ماعنديش علم لاني لا اثق في احد
بس نعرف الدكتور فيصل كويس في عيادة الاخوة
والدكتورة امنه قرينات في مصحة الرحمة

صحيتي عيون زوجي
حتى اني سمعت عن الدكتور فيصل انه ممتاز بس زحمه عليه ولازم تستني شهرين حتى تحصلي الحجز
والدكتوره امنه اول مره نسمع فيها...بس ما تعرفيش كانو تخدم في مصحه ثانيه غير الرحمه؟

Dina87

10-23-2010, 10:28 AM

اهلين بيك ديما ومبروك عليك الحمل وانشالله تنوضي بسلامه يارب بنسيه ل دكاتره زي ماقلتلك عيون بصراحه احسن واشطر دكتوره امنه قرينات فضيعه بس مده الفاتت كانت مسافره مش عارفه رجعت ولا لا نصيحه مني متفلتيهاش وربي يكمل عليك يارب

الله يبارك فيكي تيمو ..عقبال كل المتزوجات ان شاء الله
وما تعرفيش حد بالليبي السويسري ولا الرازي او العافيه ..ديما يشكرو فيها انه مصحات كويسه والعنايه بيها ممتازه

تيمو ليبيا

10-23-2010, 11:14 AM

اهلين دينا كيف حالك يوم تعرفي اني ليا قريب سنه برا وحتي حملي وجيابي برا بس نسالك كان في دكاتره كويسين في سويسري ورازي ولا يهمك

ميمونة

10-23-2010, 02:31 PM

السلام عليكم

كيف حالكم انشاءالله تمام

ღॐ آية ღॐ

10-23-2010, 04:11 PM

حبيبتي ميمونة كيف الحال
عاش من شافك؟؟
شن اخبارك

ميمونة

10-23-2010, 04:56 PM

الله يسلمك ايه شن حالك انت وحال ايوب والبيبي يارب بخير والله استحشتك

لولى2010

10-23-2010, 05:48 PM

خيرات بنات كيف حالكن
ليبيا لالالالالاعادى ولا يهمك اهم حاجه انك لقيتى مشاركتك
عيون مبروك اسبوع حمودى
ايه شنى حالك انت والصغار
ام اسيل ربي معاك ان شاء الله فى القريب العاجل تعوضيه
تيمو شنى صار فى الاسم وكيف حالك تو انت والبنوته السموحه بنسبه للحلمات خليها ترضع منك تو تطلع سبحانه الله بروحها وبنتك لما تشفطيلها وتعطيها بالضاعه تستسهل الرضاعه وترفض صدر وبعده الحليب يقل هدى نصيحه دكتوره قالتها ليا لانى انا كنت واحد نرضع منه والتانى نشفط فيه بعد جربتها والله صاح طلعت الحلمه التانيه
سلام للجميع

لولى2010

10-23-2010, 05:49 PM

دينا اهلا وسهلا نورتينا ومبروك الحمل وربي يتمم ع خير

أم سعد

10-23-2010, 06:35 PM

السلام عليكم

مساء الخيرات

كيف حالكم جميعاً

وهل من أحد هنا؟؟؟

poucie

10-24-2010, 09:47 AM

صباح الخيرااااااااااااااااااااات على الجميع
عيون مبروك اسبوع حمودي وعقبال لما تشوفيه عريس انشاء الله
تيمو شخبارك
دينا انستينا ومبروك عليك الحمل بالنسبة للدكاترة فيه الدكتورة ربيعة النعاس في عيادة المسرة والليبي السويسري فيه دكتورة هندية والله نسيت اسمها بس يشكرو فيها خلبة وربي يسخرلك الحال
اية الف لاباس على وخيك وانشاء الله ماعنده سوء
ام رنوة ربي يسخرلك ويسرلك الحال انشاء الله
ميرنا وينك والله ليك وحشة خشي طمنينا عليك

تيمو ليبيا

10-24-2010, 10:39 AM

اهلين بوسي كيف حاله الحلو عطله يوم حتي انتو في ليبيا اني خلوقي طبقو من الحوش اليوم عيدميلاد حبيبي واول عيد ميلاد معا بعض وزعلانه مش قادره نتحرك ولا نديرله شي ولا نلبس ولا نتكم غدوه بيعزمنا علي العشي في مطعم وبناخدله كيكه وخلاص انشالله العام جاي انعوضه

الاخت طيور

10-24-2010, 11:16 AM

السلام عليكم
مشاء الله عل التجمع الحلو وربى يسهل ولادة كل حامل ويرزق كل اخت محرومه
الذرية الصالحة ومعافه ...
انا من بنغازى وحامل بالشهر الثلاث بكرية وطبعا مانقولش على التعب الى انا في ربى
يعين الامومه الصراحة مش ساهلة ابدا ...
نبى نسال سؤال شغالينى الايام هذه ومخلينى فى حالة وبكاء هو اكيد انى متوكلة على الله
وندعى من الله يرزقنى بمولد سليم ...سؤالى هو:
هل فى هنا جهاز انترساون الصورة ثلاثية الابعاد الى تبين كل شئ على بيبى يعنى
هل هو سليم او لا ...
طيب من الدكتور المختصص فى الامور هذه مثلا ...انا حايرة وضرورى نطمن

تيمو ليبيا

10-24-2010, 11:40 AM

لولي حبيبتي عندك الحق مفيش احسن من الرضاعه الطبيعيه بس تعدبت في الاول هلبه من حلمة صدري وبنتي مينزلهاش الحليب اعطيتها الشيشه واني بنموت من القهره وبعدين الحليب قعد في صدري دارلي حراره وتورم وخديت شفاطه الاكترونيه وقعدت نشفط بشويه وقعدت ارضع بواحد ونشفط في تاني وحمدالله ربي رحمته واسعه توا الاضع بزوز علي قولتك يطلعو حلمات من كترت الرضاعه بس حليبي ميشبعش فيها لازم متاخد شويه من شيشه لاكن المهم ترضع مني وحمدالله عيون وينك بعد العزومه شني صار اكيد جت عزومه مقومه مشالله تعال احكينا وحمودي طهرتيه ولا مزال خلاص ولا عزري حويته عليه

poucie

10-24-2010, 12:34 PM

تيمو معليش ما تزعليش نفسك على شأن العيد الميلاد عوضيهاله لما تنوضي بالسلامة انشاء الله وما تنسيش انتي ربي بعتلكم احلى هدية وهي رفيف الامورة ربي يخليهالكم انشاء الله واحني اليوم مش عطله شكلك انسيتي ان عطلتنا يوم الجمعة وإلا شنو هههههههههه

poucie

10-24-2010, 12:37 PM

مرحبا بيك يا طيور انستينا
ما تشغليش نفسك انشاء الله تجيبي مولودك بالسلامة ويكون كامل الخلقة دون زيادة او نقصان وماتخليش الوسواس يسيطر عليك انشاء الله ما فيه الا الخير وربي يتمم حملك على خير انشاء الله

ام روفيدة

10-24-2010, 12:42 PM

السلام عليكم كيف حالكم اليوم اية لاباس على خوك ويارب ينوض بالسلامة عيون مبروك اسبوع ولدك وامتى بطهريه اني توا ان شاء الله بنطهر ولدي يوم 10-11 لان هني بالموعد تيمو كيف حالك انتي وبنتك وشن سميتيها ليبيا قلبي كيف حالك وشن اخبار الحمل معاك واني اصغر منك بسنة مواليد 88 ومرحبتين بالاخت الجديدة نورتي التجمع ميمونة كيف حالك نورتينا وشن صار معاك في العلاج

أم سعد

10-24-2010, 01:27 PM

السلام عليكم

كيف حالكن اليوم

بالله نبي نسأل أنا اليوم جتني أعراض مثل أعراض الدورة بالضبط

من يعرف عنها شي؟؟

نسرينا

10-24-2010, 01:58 PM

خيراااااااااااات يا حلواااااااااااااات

تيمو تيمو تيمو الغالية مبارك عليك يا حبيبة وتتربى في عزك شنو سميتي رفيف خلاص ...

في جميع الاحوال تعيش بإسمها ودوم عليك بنيتك وراجلك ، لما تروحي لليبيا نجيك ونشوف رفيف ان شاء الله

شكرا لكل من سأل عليا ...

كنت مضااااايقة ومش صافية

مراحب العضوات الجدد آآنستونا وربي يسهل للجميع

كيف حالكم واخباركم

عيون / د . امنة قرينات في الرحمة او الفتح اني سمعت انها في مصحة الفتح . ؟

تيمو ليبيا

10-24-2010, 02:00 PM

تسلمي بوسي انشالله عام جاي انديرله احلا عيدميلاد وشيرتي حشاك مدهوبه نحسابه جمعه وسيت العطله وام رفيده كيه حالك وحال بريطانيا معاك احني مشالله مطر خيط من السمي لاكن رطوبه لازم منها نسرينا وينك ليك وحشه

تيمو ليبيا

10-24-2010, 02:03 PM

كيف حالك ام سعد اني لما حملت ماكنش عندي فكره علي اعراض الحمل جتني ليه زي الدوره تمام نفس اعراض الدوره قلت خلاص دورتي بتنزل وعطلت 3 ايام علي موعدها ومازال عندي امل انها تنزل مش حاطه في بالي اني حامل وشريت تست حمل وطلعت حامل حمدالله وعرفت ان اعراض الحمل نفس الدوره بزبط وانشالله تكوني حامل يارب

عيون زوجي

10-24-2010, 02:07 PM

السلام عليكم

نسرينا

10-24-2010, 02:09 PM

كيف حالك تيمو

كيف حال امك واماليك ، ان شاء الله غير امك جابتك فاسوخ و وشق باش تبخري ، الله محلاها ريحة حوش الناس تعز عليا هلبه

.

أم سعد

10-24-2010, 02:11 PM

السلام عليكم

ياتيمو أنا حامل بالشهر السادس

وعندي أعراض دورة

نسرينا

10-24-2010, 02:11 PM

وعليكم السلام عيون

كيف حالك وحال حمودي

؟

ليبياقلبي

10-24-2010, 02:13 PM

يسعد مساكم اختي دينا صراحة زعلت منك ردتي علا العضوات علا الدكتور وانا كاتبة معبرتيش ردي عموما اسفة لو ازعجتك
وشن اخباركم تيمو انت معناها في شهر 1 بعدي بشهر حتى انال موصلتيش سنة غير انا في 12 وام روفيدة صار اصغر مني ربي يدوم المعروف وبوسي ولولي وام سعد ويارب تحملي ياميمونة وبالنسبة لي اختي لي تدكرت مولدها ان شاء الله ربنا حيعوضصك حتى انا لما رميت في شهر 4 نشوف في حوايجي ونبكي والحمد لله ربي عوضني بحمل اخر وربي يرزقني ونشوف بين ايديه وربي يعوضك الشهر الجاي تكوني حامل
حبوبات نبي نسالكم انا موسية شوية وخايفة امس مشيت للمزين عندي عرس مشا شدتلي شعري هلبة من فوق لين هز جسمي هل هدا ياتر في البيبي ولالا وزادها انو معاش سمعت حركة خايفة هلبة

نسرينا

10-24-2010, 02:20 PM

مراحب ليبيا قلبي

هههههههههههه الله يهديهم المزينات بهدلونا

عموما لو اكثر من يومين ما حسيتيش بحركة البيبي لازم تراجعي دكتورتك واديري جهاز وتطمني

ربي يطمن بالك ، ويسهل حملك و ولادتك على خير ،

تيمو ليبيا

10-24-2010, 02:32 PM

اهلين نسرينا معاش الا ضايقك لوحي كل شي ورا ضهرك وامي جابت العده كله ربي يحفظهالي حتي من العبمبر جابتهولي ولاسم خليني ساكته راني مريضه منهم وخلاص اتصلو بيه وقالوله امك تبي اسم رحمه وهو في دوامه بيني وبينه مبيتش انزيد عليه قتله سميها زي ماتبي امك وقالي يناري انتي بعدين نادي عليها بالاسم ال تبيه الله غالب علي خاطره اندير كل شي

تيمو ليبيا

10-24-2010, 02:35 PM

ليبيا قلبي معاش تسوسي والهي ماهو باهي خليها علي الله اني بنتي وقت حامل بيها جميع الحاجات الا تسبب في اجهاض مريت بيها وحمدالله ربي لما يبي ايتبت حاجه ايتبتها وزري ماقتلك نسرينا لو يومين متحركش بري ل دكتورتك وام سعد اعراض الدوره اتجي في اول شهر الحمل و وقت الولاده لازم تمشي تعايني وديري جهاز ونسرينا مرحبتين بيك نحطوك في عيون عيونا غير تعال بس

ليبياقلبي

10-24-2010, 03:35 PM

شكرا ليك تيمو والله علا عقلك قداش رزين خليته يسمي بي اسم امه والله غالب علا امهات هالوقت وصجتي علا السوال
شكرا ميرنا

ليبياقلبي

10-24-2010, 04:23 PM

شنو الكروشات نايمات

لولى2010

10-24-2010, 04:38 PM

خيرات بنات كيف حالكم
تيمو والله حتى رحمه حلووووو وهدى مهما كان امه وانت جربتى الامومه حتى ياما تعبت فيه زوجك وديري زى ماقال هو سميها وناديه بالتبيه من الاسماء
ليبيا معش توسوسي راه مش كويس ع نفسيتك والحمل وانت لو ماحسيتيش بحركه البيبي عدى اكمنى عند الدكتور وخلاص
اهلا وسهلا طيور نورتينا حبيبي ماتوسوسيش والرسول عليه الصلاة والسلام قال تفائلوا خير تجدوة

معراج

10-24-2010, 07:14 PM

كيف الحال بنات ان شاء الله كويسات نبي نسال عن صابره ان شاء الله يكون غيابك لخير يارب ويا ليبيا قلبي متوسوسيش ومتخافي وتوكلي على الله وياتيمو متزعليش روحك على حاجه ماتستاهل انتى نافس وبعدين رحمه اسم حلو وبعدين ديمه الاول اهل الراجل يسموه ديري روحك فرحانه وعاجبك الاسم وياايه ان شاء الله لاباس على وخيك والحمدلله على سلامته حبل الوصل وميرنا وام رفيده وحبي مونتي وام رنوه ونسرينا والغاليه ميمونه ان شاء الله طيبات كلكن ويا عيووون شخبارك مع حمود ان شاء الله موش متعبك ويام اسيل متكدريش روحك قدر الله وما شاء فعل كل ماتذكري يلي ضاع منك احمدي ربي وشكريه انا اختي الكبيره بنتها البكريه عمرها عامين و6ايام طاحت من الطابق الخامس حدا امها وبوها قعدت يومين في العنايه وماتت صبرت وحتسبت والحمد لله جابت وراها 3اولاد على روس بعضهم ومن 3شهور رزقها الله ببنتين تؤم ربي كرييييييم وعلى قد الصبر يرزق العبد الحمدلله الحمد لله ربي يرزقني الذريه الصالحه انا وكل محروووومه يارب اااااامين

عيون زوجي

10-24-2010, 11:05 PM

السلام عليكم
هلا بالغاليااااااااااات
انا درت اسبوع الجمعه لاهل زوجي والخميس الجاي لاهلي
اتفضلواااااااااا عندي معزومات

تيمو ...ماتزعليش المهم زوجك راضي ومش رح ينسى انك تنازلتي على خاطره هو وحسسيه انك لولاه هو ماكنتي تتنازلي لحد حتى ولو كانت امك باش يحس بقيمتك وحبك ليه

ام اسيل بعيد السو عالغاليه ماتزعليش قسايم من ربي يا اوخيتي واحمدي ربي انه عندك قسمك اسيل وهيمو منورين حياتك امالا شن تقول ميرنا يلي ربي يلطف بيها ويرزقها وشن يقولوا يلي ما عندهم ولا عيل
استغفري ربي لان الاستغفار سبب من اسباب الرزق والبنين وهالشي مدكور في القران
ايه حبيبتي ربي يانسكم بوخيك ويطول في عمره وتشوفوه صحيح ومعافى ولاباس طهور انشاءالله ويارب يجعلها اكبر واخر المصايب

معراج كيف حالك يا اوخيتي وربي يفرحك عاجلا غير اجلا
حمودي ينقنق واخد حصته واخته امببيه اعليه حاله

سورينام وينك خشي استاحشتك

عيون زوجي

10-24-2010, 11:06 PM

لولي كيف حالك وحال ليووووني وقداش عمرها توا......

عيون زوجي

10-24-2010, 11:09 PM

ام روفيدة
هاتو
ام سعد
ام رنوة
صابرة
ام لقمان
ساجدة
ميرنا
حبل الوصل
ميمونه
نسرينا
ام ريحان
اكليل الورد
دينا
ليبيا قلبي
راجية
اميسر
هنديه
سمحه
كيف حالكم ووينكم؟؟؟؟؟؟؟

عيون زوجي

10-24-2010, 11:10 PM

سوريــــــــــــــــــــــــنـــــــــــــــــــــ ـــاااااااااااااااام

تيمو ليبيا

10-25-2010, 04:20 AM

صباح الورد لولي والهي حتي اني انحبهم هلبهم وديما انكلم فيهو ونطفطف عليهم بس وجعتني روحي لما جبت ماكلمونيش وهو اول ماقالي امي تبي رحمه قتله خلاص كلمة امك منطيحهاش ومعراج هما يسمو ومحسونيش ولا عدلو عليا خشو علي نت مره وحده بس لاكن علي قولت عيون المهم هو شني وعارف اني اسم منبيشي علي خاطره رضيت بيه ميرنا وينك معاش خشيتي ليك وحشه

poucie

10-25-2010, 09:56 AM

خيرااااااااااااااااااااات
نسرينا وينك والله ليك وحشة
ميرنا بالله عليك طمنينا والله استحشناك والتجمع من غيرك ظلام
تيمو الله يكملك بعقلك انشاء الله وما تخافيش ما يضيع شيئ
سورينام وينك ما عادش بائنة انشاء الله المانع خير

الاخت طيور

10-25-2010, 11:09 AM

صباح الفل يا بنات بلادى ... شنو اخبار الحوامل كلهم
امس اول مرة انحس بالجوع فى الليل زى النار فى معدتى وانا عارفه
انى لو كليت خياره هنرتاح هههههههههههههههه بس الثلاجة كانت مصفرة
منا ... قالى زوجى المفروض اديروا دكان خضرة للطوارئ اسمه( بقالة للحوامل )
ولله ضحكنى قالى انعدى صيدلية 24 على 24 بس فى نص اليل خيار ههههههههههههه
يلا ليلة عدت على خير ان شاء الله.
حبيباتى نبى وحده تعرف كويس فى حساب شهور الحمل توا انا هل دخلت للشهر الرابع؟؟؟
نعطيكم اخر دوره ( يوم 2 شهر 8 ) مرة نمشي للدكتور يقول شهر الثانى وبعدين يقول ثالث
ودكتورة تقولى نص الثالث معش فهمت صراحة ؟؟؟!!!! ونبى نعرف هو الشهر كام ياخذ اسبوع
اكيد معنديش معلومات ثابته لان اول مرة احمل ؟؟؟؟

poucie

10-25-2010, 11:32 AM

صباح الخير طيور شخبارك اليوم انشاء الله كويسة بالنسبة لفترة حملك انتي اليوم خشيتي الاسبوع 12 يعني لما تكملي السبوع هذا بعده تخشي للشهر الرابع يعني انتي مازالك اسبوع وتكملي الثالث وتخشي في الرابع يوم 1/11 وشهرك الرابع يكمل بعد ماتخشيله باربع اسابيع وهكي كل اربع اسابيع بشهر يعني موعد ولادتك المتوقع بإذن الله حيكون يوم 9/5/2011 انشاء الله ربي يتمم حملك على خير وتنوضي بالسلامة

نسرينا

10-25-2010, 11:35 AM

سلام وصباح الانوار على الغاليات

بوسي تسلمي يارب على سؤالك

تيمو الغالية رحمة رحمو ، ربي يرحمنا برحمته ههههه الله غالب ونقولك حاجة وصليلهم انك زعلانة منهم عشان ما كلموكش ولا دوروك خللي يحسوا بيك اكثر او لما تكلميهم قوليلهم راني واخذة علي خاطري منكم لانكم ما كلمتونيش يعني فشي غلك وخلااص هههههههههههههههه ربي يهنيك ويدوم عليك بنيتك

معراج شكرا على سؤالك ، ونسألوا على صابرة

الاخت طيور ، ممكن حسبة الدكتورة صح انك في نص الثالث او ليك اسبوع في الثالث ، وما اتوهيش روحي توا مع الوقت يبان بروحه .

عيون زوجي

10-25-2010, 03:49 PM

hwaml7hwaml7hwaml7
السلااااااااام عليكم

شهدا

10-25-2010, 03:58 PM

السلام عليكم انا شهدا من ليبيا وانا من طرابلس وانا حامل في الشهر الثالت وانا متزوجة من اربعة شهور نبيكم تفيدوني في كل شي عن الحامل

لولى2010

10-25-2010, 04:31 PM

كيف حالك بنات شنى اخباركن
طيور انت اليوم سكرتى تلات اشهر ما شاء الله وتاريخ ولادتك بادن الله 9-5-2011
عيون لولى سكرت اربع شهور ربيريطوللها عمرها
شهدا كيف حالك نورتينا انت اى مساعده ما تتحشميش

لولى2010

10-25-2010, 04:34 PM

http://sehha.com/medical/pregnancy/Preg-calc.h
طيور انت وشهدا شوفو الرابط هدا حيفيدكم فى حسابات الحمل

لولى2010

10-25-2010, 04:35 PM

http://sehha.com/medical/pregnancy/Preg-calc.htm
معليشسمحونى هدا الرابط

سورينام

10-25-2010, 09:48 PM

السلام عليكم ورحمة الله وبركاته

سورينام

10-25-2010, 09:52 PM

كيفكم يا أحلى وخيات وأروغ صحبة .. سامحوني والله كنت مشغولة وغاطسة لشوشتي زي ما يقولو .. هالصيانة هاذي مخليتني قايمة الدنيا كلها والشقة كلها قاعدة زليز .. ومفرشة دار وحدة بس قلعدين فيها ... وذا كله خدمولي الحمام الصغير بس لحد الآن .. وزيادة خيط التليفون كان مقطوع من بره هذا بيش ما خشيتش للتجمع . . والله مستاحشتكم هللللللللللبة

سورينام

10-25-2010, 09:55 PM

سلم النشادة عيوني .. تنشد عليك الصحة والايام الزينة انشاالله ... كيف حال حمودي وليدي الغزيل .. وسموحتي سروري شن مدايرة فيك مع الوضع الجديد .... و .. قصة ولادتك ويييييييييييييييييييييييييييين يا هرابة تزلبحي فينا والا شنو !!

سورينام

10-25-2010, 09:58 PM

آية الحمدلله الف الحمد على سلاة وخيكم .. والله بركة اللي جت في الحديد وسلم هو .. انشاءالله ربي يرده لعويلته بالسلامة ويفرح اميمته بشوفته لا سو ... صدقو من ماله وانشاالله ربي يحميه من كل شر

سورينام

10-25-2010, 10:00 PM

بوسي .. صحيتي عالنشدة .. وانشاءالله ما تفقدي غالي .. وينوضك ربي بالسلامة لعويلتك انشاءالله .. قوليلي انتي بكرة ؟

سورينام

10-25-2010, 10:02 PM

ميرناااااااااااااااااا
where are you .. We miss you so much

سورينام

10-25-2010, 10:08 PM

حبل الوصل و أم أسيل .. كيف حالكم .. وين مغطسات .. وما تنكدوش على ارواحكم سلم وخياتي اللي عطاكم عيل قادر انه يعطيكم عشرة .. وبعدين المهم درتو عويلة وحصلتو صغيويرة .. والله ما تبو كان راحة البال باش تحملو .. أني متأكدة 100% ..رغم اني ما نيش عارفة عليش مستعجلات .. عالتعب والا على قلة النوووووم والا عالرعايش متاع المفرخ (أهو مرض آه رجع .. حرارة ....الخ) الحمد لله على كل حال .. نبيكم تتأكدو إن اللي عنده صغار شاااقي واللي ماعنداش مش مرتاح

سورينام

10-25-2010, 10:12 PM

تيمو .. الف مبرووك عالبنوته الحلوة .. انشاالله تتربى في عزكم .. وأني بصراحة بنسميها رفيف .. لان مش عاجبني التدخل في الاسم من اي حد وديما نقول اسم الطفل من حق امه اولا وابوه تانيا فقط .. لكن انتي رضيتي راجلك ربي يكملك بعقلك انشاالله ويدوم عليك .. وانشاالله رفيف من قسمك

لولى2010

10-25-2010, 11:27 PM

بنات ارجوكم ساعدونى لينه عنده امساك تقعد ب 5 ايام ماديرش ببيه شنى الحل

سورينام

10-25-2010, 11:41 PM

مرحبا لولي .. بعيد السو على ليونتنا .. انا مجربة الكرموس اليابس والتمر تاخذي كعبة من كل نوع وتغسليها بالمية كويس بعدين تغليها وتخليها تبرد وتعطيهالها مرتين والا تلاتة في اليوم وانشاالله تتحسن

ليبياقلبي

10-26-2010, 12:14 AM

مراحب للجميع والف شكر لي لولي وعيون لي يسالوا عليا بس الباقيات انا نسال وهما لالا يالا عادي المهم يارب تكونوا بخير واختي شهد مبروك الحمل وربي يتبت وخلي بالك عر روحك وانت عندمن تابعي وفي اي شي اتفضلي نفيدوك

ام لقمان

10-26-2010, 02:20 AM

السلام عليكم
مرحبتين لولى ولاباس على لينه ننصك بالبابونج ارقيم والا اثنين ايسهلن بعون الله وحتى اليانسون ملعقه صغيره تغليها ممتازه جدا
وانشالله بالشفاء

ام لقمان

10-26-2010, 02:25 AM

ليبيا قلبى ماتزعليش ولا تاخدى على خاطرك وحقك علينا والعتب على الذاكره
وانشالله اتكونى بخير دائما
نشدنا والا بلاش

الاخت طيور

10-26-2010, 10:09 AM

صباح الخير طيور شخبارك اليوم انشاء الله كويسة بالنسبة لفترة حملك انتي اليوم خشيتي الاسبوع 12 يعني لما تكملي السبوع هذا بعده تخشي للشهر الرابع يعني انتي مازالك اسبوع وتكملي الثالث وتخشي في الرابع يوم 1/11 وشهرك الرابع يكمل بعد ماتخشيله باربع اسابيع وهكي كل اربع اسابيع بشهر يعني موعد ولادتك المتوقع بإذن الله حيكون يوم 9/5/2011 انشاء الله ربي يتمم حملك على خير وتنوضي بالسلامة

صباح الفل والياسمين حبيبتى بارك الله فيك وربي يفتح عليك ابواب الخير يااااااارب
اسعدتى قلبي الصراحة وطمنتينى واجد لان بجد تعبنى الشهر الثالث وانا متأمله خير فى الرابع ...جزاك الله خيرا

w

الاخت طيور

10-26-2010, 10:18 AM

بنات ارجوكم ساعدونى لينه عنده امساك تقعد ب 5 ايام ماديرش ببيه شنى الحل

لولى شربيها اليانسون كويس ودلكى البطن بحركات دائرية وحول السرة
براحة ولطف وكان عندك زيت زيتون شوية يكون دافى علشان جلدها بيكون حساس
منها تهدا ويريحها

ميمونة

10-26-2010, 10:46 AM

ميمونة كيف حالك نورتينا وشن صار معاك في العلاج

صباح الخير كيف حالك ام رفيده والله يسلمك علي السؤال والله مازال موعدي الشهر الجاي

11/7 عند الزروق //اتفقنا انا وايه في نفس الموعد انشاءالله ربي يسهل ونمشي

ودورتي بداية الشهر انشاءالله نمشيله وانا حامـــــــــــــــــــــل قولوا اميــــــــــــــــنhwaml7

تيمو ليبيا

10-26-2010, 10:56 AM

كيف حالك ميمونه ليك وحشه انشالله مانع خير ويارب تكوني حامل وبتوامه انشالله خشي حتي مه مره طمنينا عليك

ميمونة

10-26-2010, 10:56 AM

صابره هلا والله وينك والله خاطري نحصلك انا نخش وانت مهناش

ميمونة

10-26-2010, 10:58 AM

هلا تيمو والله ماعنديش نت

والمدرسه اللي نخدم فيها بجنب حوشنا كل احد وتلاتاء وكيف انجيه لحوشنا انخش من نتهم

ميمونة

10-26-2010, 10:58 AM

معراج كيف حالك

نسرينا شن صار في الكلوميد

poucie

10-26-2010, 11:07 AM

صباح الخير يا بنات شخباركم اليوم؟؟؟
طيور من غير جميل تفضلي في اي وقت مرحبتين بيك وانشاء الله ربي يتمم حملك على خير.
لولي لابأس على بنيتك ما تخافيش عليها انتي غير غليلها شوية يانسون ومعاهم شوية حلية مثلاً سبع حبات يانسون ومعاهم سبع حبات حلبة في شوية موية وعطيها تشربهم والله زي السحر شوية وتتسرح بطنها انشاء الله لابأس عليها.
تيمو شخبارك وشخبارك اماليك روحوا والا مازال شن مدايرة فيك رفيف انا بصراحة بناديها رفيف ربي يحفضهالك انشاء الله.
نسرينا وييييييييييييييييييييييينك؟؟؟؟؟؟؟؟؟؟؟
ميرنا بالله عليك خشي للتجمع وطمنينا عليك .

ام روفيدة

10-26-2010, 01:21 PM

السلام عليكم كيف حالكم اليوم ميمونة ربي يسهل لك الحمل وتمشي للدكتور حامل الهم امين باقي الاخوات كيف حالكم كلكم وميرنا الله يفتح عليك خشي وهدرزي معانا والله استاحشناك هلبة

ام روفيدة

10-26-2010, 01:22 PM

عيون كيف حالك وكيف حال حمودي إن شاء الله بخير

ام روفيدة

10-26-2010, 01:25 PM

سورينام كيف حالك وكيف حال صغيويرتك وشن جو الصيانة معاكم ربي يعينكم والله عداب هالصيانة جربتها لما كنت في حوش بوي قبل ما نتزوج بهدلونا بالصيانة هلبة ناس خش عليهم رمضان وهما مش تامين الصيانة والكوجينة قاعدة على الشامنت تخيلي والله بجد ربي يعينكم

ام روفيدة

10-26-2010, 01:29 PM

ليبيا قلبي كيف حالك ان شاء الله بخير وشن حال حملك ربي ينوضك بالسلامة انتي والبيبي
تيمو ليبيا كيف حالك وكيف حال رفيف ان شاء الله بخير وكيف حال اهلك معاك شن عجبهم جو ماليزيا ؟ اية ومعراج وصابرة ونسرينا ولولي وبوسي ان شاء الله حالكم بخير

poucie

10-26-2010, 01:52 PM

كيف حالك انتي يا ام روفيدة انشاء الله بخير

لولى2010

10-26-2010, 04:55 PM

شكرا حبيباتى ان شاء الله تو نجربه
كيف حالكم جميعا

عيون زوجي

10-26-2010, 09:23 PM

السلاااااااااااام عليكم
استغفر الله ولا اله الا الله ولاحول ولا قوة الا بالله

عيون زوجي

10-26-2010, 09:28 PM

ام روفيدة صحيتي عالنشدة يا غاليه
حمودي كويس بس امبدل الليل بالنهار
في النهار راقد وفي الليل نايض
وساره غايره منه حاله ونحاول كيف نرضيها
كيف حالك وحال حازم صح
ولا اني غالطة حازم ولدك انتي والا رتا
ل لاني ملخبطة حاله

عيون زوجي

10-26-2010, 09:33 PM

سوريناااااااااااااام حبيبتي
الحمدلله طمنتيني اعليك
انا الحمدلله درت عقيقه لحمودي
وعزمت حوش شيابيني واقاربهم والجيران
والخميس الجاي في حوش اهلي عزومه لاهلي وناسي
انتي ربي يعينك
فراس صغيرون ينقنق وساره صغيرة
والصيانه اتعب الشخص نفسيا
بس بعد ما تكمل تفرحي وترتاحي
التغيير يريح ويفتح النفس
عقبالي انا بندير صيانه لحوشي المده الجايه
ومش عارفين امتى بالزبط
بوسيلي ساره وفرا
س وطمنيني اعليهم
وانتي شن جوك مع ابوالعيال
ولا مازلتي تتدلعي

عيون زوجي

10-26-2010, 09:38 PM

لولي حبيبتي هذا وين وصلني ردك مشكورة وربي يبارك فيك
طمنيني على ليونه
وقداش عمرها بالزبط
والفليه (البابونج) ممتازة للامساك للمواليد
وفي المانيا يستعملوا فيها هلبه هلبه بلا مرض ولا شي

عيون زوجي

10-26-2010, 09:43 PM

حمودي مرض يوم الجمعه
جاه طياب في فمه وسببله جروح في لسانه
ماقدرش يشرب الحليب ولا فليه ولا شي
تعبني وسخفني
مشيت بيه للعياده شدوه 5ساعات
باش يعطوه دكستروز سالاين للتغديه
خافوا اعليه من الجفاف
وقالوا لازم يبات عندهم 48 ساعه
وانا خليت الدكتور طلع وروحت من راسي
لان معازيم العقيقه وصلوا
روحت لحوشي صلاة العشي
تخيلوا العيله والمعازيم والكل حاضر
وانا في العيادة متغششه على ولدي
روحت لبست ومكيجت على الخفيف بلا نيه
وجوي بايخ ووجهي اصفر حاله
والحمدلله في الليل بدي يرضع
ومارجعتش تاني للعيادة
حاليا مستمرة على قطرة نستاتين للفطريات كل 6ساعات وخلاص
ولله الحمد والشكر كل يوم خير من يوم

عيون زوجي

10-26-2010, 09:44 PM

بوسي كيف حالك وشن اخبارك يا حلوة؟

عيون زوجي

10-26-2010, 09:47 PM

تيمو ليبيا؟؟؟ كيف حال رفيف واهلك وشن صار في عيد ميلاد راجلك شن درتي من جووووو

ميمونه كيف حالك ويارب تتطلعي حامل

معراج وينك شن اخبارك
نسرينا وام ريحان وميرنا وليبيا قلبي وام اسيل وحبل الوصل شن اخباركم
بقيه البناااااااات وينكم

ميمونة

10-26-2010, 10:55 PM

ايه شن رايك في هالقصه هي هده اللي قولتي عليها

http://www.alhnuf.com/attachment.php?attachmentid=46509&d=1279375189

ღॐ آية ღॐ

10-26-2010, 10:57 PM

حلوة
وتبي لون شعر فاتح وخصلات ميش
باش تزيد تبان

ღॐ آية ღॐ

10-26-2010, 10:58 PM

سورينام سلمك نشادة
كيف حالك وشن اخبارك
ان شاء الله بخير
ربي يعاونك وتمي الصيانة على خير
عيون كيف الحال
وكيف حال سرورة وحمودي؟

ميمونة

10-26-2010, 10:59 PM

كان عندك صوره عالميش البلاتيني انسخيها

ღॐ آية ღॐ

10-26-2010, 11:00 PM

وهادي لقصة تجنن
http://forum.hwaml.com/imgcache2/hwaml.com_1288123208_437.jpg
ان شاء الله بنديرها في سبوعي
مع خصلات بلاتين في الشعر رفيعه جدا
وبتكون من جيهت الرقبة الطرف الاخير اطول بشوية شن رايك فيها

ღॐ آية ღॐ

10-26-2010, 11:03 PM

اوك لحـــــــــــضة

ميمونة

10-26-2010, 11:04 PM

بس ايه الرقبه تبان قصتي خير صح

ღॐ آية ღॐ

10-26-2010, 11:11 PM

http://forum.hwaml.com/imgcache2/hwaml.com_1288123893_957.jpg (http://forums.jraaa7.com/t21478.html)

ميمونة

10-26-2010, 11:13 PM

يعني ماشي للاخضر

ღॐ آية ღॐ

10-26-2010, 11:14 PM

بنسبه للقصة الي وريتهالك تقدري تزيدي في طول الطرف الاخير
من جيهت الرقبة من الخلف
وهادي الي قلتلك عليها
وحتى صورتك حلوة
بس فيها طروف هلبا اتعب في السشوار
قصيت قبل طروف ووالله قريب شبتhwaml15

ميمونة

10-26-2010, 11:15 PM

http://forum.hwaml.com/imgcache2/hwaml.com_1288124134_234.jpg

ღॐ آية ღॐ

10-26-2010, 11:15 PM

http://forum.hwaml.com/imgcache2/hwaml.com_1288124149_458.jpg (http://forums.jraaa7.com/t21478.html)
هادي فيها اكتر من درجة فيها البلاتين وفيها الميش الاشقر

ღॐ آية ღॐ

10-26-2010, 11:17 PM

الون الاخير الي حطيتيه يجنننننننننننننننننننن.
ننصحك بلبلاتين لي انه الدارج توة
واكيد رح يطلع عليك حلو.

ميمونة

10-26-2010, 11:19 PM

خلاص اعتمدت عالقصه واللون

كلمتي اختك عالمزين والا شنو

ღॐ آية ღॐ

10-26-2010, 11:20 PM

تو انكلمها تواتوا
استني متروحيش

ميمونة

10-26-2010, 11:22 PM

وقوليلها قداش

هههههههههههههههههههههه

هدا اهم شئ

ღॐ آية ღॐ

10-26-2010, 11:28 PM

زي ما قلتلك مشت لمروة الحسناء
البنت اسمها نجاة دارتلها سحب وصبغة في نفس الوقت

ღॐ آية ღॐ

10-26-2010, 11:29 PM

هيا شعرها طويل مشاء الله هلبا
مع الصبغة 100 دينار والمهبولة قالتلهم للبيان
زادو غلو هلبا

ميمونة

10-26-2010, 11:31 PM

والله كويس

انا ميش من غير سحب اللون ب70

ميمونة

10-26-2010, 11:32 PM

بس توا نسال عليها وصحيتي

شن تعشيتوا والا مازال

ღॐ آية ღॐ

10-26-2010, 11:36 PM

تعشينا
من بكري وجعت تاني حسنيhwaml02

ميمونة

10-26-2010, 11:37 PM

ايه الباين انا وياك بس

وين عيون خشت خطف وطلعت من مازال يلوم عليك سلم حمودي

ღॐ آية ღॐ

10-26-2010, 11:39 PM

ربي يكون في عونها
ويرزقك حتى انتي في القريب العاجل
قولي امين

ميمونة

10-26-2010, 11:40 PM

رد بالك ياسرك حاله والله خشي ارقدي وارتاحي وسكري المطبخ

ههههههههههههههههههههههههههه

انبصر راني مادام الريق حلو كولي صحتين ياوخيتي

ღॐ آية ღॐ

10-26-2010, 11:42 PM

الله يسلمك
تعرفي حااااااااالة والله ماكله ونوم
والحمد لله

ميمونة

10-26-2010, 11:43 PM

امين اهو نبدا لاهيه بيه ومعاش تلقوني عالتجمع زعميتني مش فاضيه

هههههههههههههههههههههههههههههههه

ونخش وتقولولي شن حال وليدك والا بنيتك

ياسلام يارب ترزقني ولا تحرمني

ميمونة

10-26-2010, 11:46 PM

الحمد لله اهم شئء صحتك وصحة عيالتك

ღॐ آية ღॐ

10-26-2010, 11:48 PM

الله يسلمك يارب

ميمونة

10-26-2010, 11:52 PM

ميرنا وينك خشي طمنينا

ميمونة

10-27-2010, 12:05 AM

ايه تصبحين علي خير نتلاقوا انشاءالله

وسلامي للكل