تجمع حوامل ليبيا

[ღॐ آية ღॐ]

وانتي بخير يارب
وليلتك سعيدة

[عيون زوجي]

السلااااااااااااااام عليكم
هلا بخبيرات الموضة والستايلست ميمونه وايه
كيف حالكم يا هوانم جاردن سيتي

[عيون زوجي]

عجبتني القصة والميش
بس يلي نعرفه ان الميش يفسد الشعر ويخليه ناشف صح

[عيون زوجي]

اية ...كيف حالك اوخيك طمنينا اعليه
وكيف حال الامور ايوب شن جوه ويتكلم ولا لا؟؟؟؟

[عيون زوجي]

ميمونه حبيبتي يارب يرزقك بوليد ولا بنية

سليم ومعافى يارب
هالشهر يارب العالمين
بس لازم تخشي
مش تحملي وتهربي زي بعض نااس

[عيون زوجي]

سورينام حبيبية قلبي شن صار في طهور فراس
امتى بتطهريه؟؟؟؟؟؟؟

[عيون زوجي]

اية


مزين مروة يلي في جزيرة الفرناج ولا وين؟؟؟؟؟؟

[عيون زوجي]

وينكم
hwaml7hwaml7hwaml7

[تيمو ليبيا]

سورينام حبيبه الله يبارك فيك شني بديري رضيت بالاسم نحب ولا نكره مبيتش انطيح كلمته وانشالله ايقولو بيه كيف حال فراس وساره الاموره ربي يحفظهملك وصيانتك قريب تم ولا مازال بوسي اهلين اماليا قاعدين ل يوم 10\11 وبنيتي عياطه شويه ترقد العشيه كلها وتقيم في ليل ام رفيد كيف حالك في بريطانيا اكيد سقعت توا امالي منسجمين هلبه وطالعين لجزيره غدوه واني مشقادره نمشي معاهم اهئ اهئ بواسير متاعبيني مازال عيون لاباس علي حمودي ولمه انشالله كانت حلوه عيدميلاد راجلي مدرت شي خدي كيكه هو وعزمنا امس علي العشي وتعبت مش عارفه امتا بنبرا حمدالله ومخديتلاش هديه قعده نستنا في هدية الجياب كان عجبتني بناخدله كان هاده لالالالالالالالالالالالالالالالالالالالالالالالالا لالالالالالالالا

[ليبياقلبي]

سلام للكروشات وشكرا عيون وام روفيدة علا سوالكم عليا

[ليبياقلبي]

تيمو ما جاولتي انت فرحك في شهر 1 صخ

[تيمو ليبيا]

صباح ورد ليبيا كيف حالك يوم انشالله بخير اني حفلتي كانت يوم 24\12 وحملت في شهر واحد دوره جتني مره وحده عنده وبعدها حملت اول ماجيت ماليزيا

[ميمونة]

صباح الهير

شن حالك عيون انا سكرت قبل ماتخشي

بالنسبة للمزين مروه الحسناء اللي في شارع النصر طلعت منه عروسه حتي ايه طلعت منه

طلعني ماشاءالله علينا

اما مروه متاع الفرناج في بياني طلعت تحفه والله بجديات تغيرت هلبه

[ميمونة]

صباحو تيمو شن الجو

[تيمو ليبيا]

اهلين ميمونه كيف حالك يوم وشني هالوكات الحلوه عندك مناسبه ولا تغير

[poucie]

صبااااااااااااااح الخير على الجميع
شنو يا بنات قلبتو التجمع مزين ههههههههههههه مش تزعلو والله انبصر

[ام اسيل]

صباح الخير عا الحلوات

اية وميمونة القصات والهاي لايت يجننوا سهفوني انا نحب ديما نغير لان شعري خفيف نحب ديما نديرله قصات بيش يبان اكثر خدع يعني

عيون كيف حالك وحال الصغار وشن جو العزومة
وانتي تجيبي في العزومة جاهزة ولا تجيبي في طباخة في الحوش ربي يكون عونك العزايم صعبة خاصة والوحدة مازال ماردت صحتها


لولي لاباس على لينا والله كيف ماقالت عيون القميلة ممتازة للامساك انا مجربتها

[ام اسيل]

حبل الوصل
ميرنا
وينكن والله وحشتني

تعرفن يابنات الدورة مازالت ماجتني عمرها ماصارت ودرت تحليل الاحد مفيش حمل غريبة بكل
ممكن السبب اني سيبت دوا متاع الحليب الي كل يوم
بس خذيت الحبة الي كل اسبوع خذيتها مرتين وخذينت دوفاستون ثلاث ايام ووقفته الخميس اللي فات وبرضو مانزلت قريب ننجن
والمشكلة الدكتورة ايمان بو طلاق قتلي اول ماتجيك الدورة تعالي نبدو في العلاج والدورة مكرت فيا مش عارفة شن ندير

[الاخت طيور]

حبل الوصل
ميرنا
وينكن والله وحشتني

تعرفن يابنات الدورة مازالت ماجتني عمرها ماصارت ودرت تحليل الاحد مفيش حمل غريبة بكل
ممكن السبب اني سيبت دوا متاع الحليب الي كل يوم
بس خذيت الحبة الي كل اسبوع خذيتها مرتين وخذينت دوفاستون ثلاث ايام ووقفته الخميس اللي فات وبرضو مانزلت قريب ننجن
والمشكلة الدكتورة ايمان بو طلاق قتلي اول ماتجيك الدورة تعالي نبدو في العلاج والدورة مكرت فيا مش عارفة شن ندير

عليك والاستغفار والدعاء كل وقت ... ولله مافى كيف رحمة الله
يعنى انا وزوجى ياما مشينا وعلاجنا وتركنا كل شئ وغشينا على العسل والتبير
والدعاء الدعاء الدعاء ... مشيت سافرت علشان اهو انديروا شهر عسل شوية تغير جو ... لقيت روحى فى السفر فى القاهرة حامل " لك الحمد والفضل "
الكل مش مصدق .. يعنى صح انا عروس جديدة ليا 10 شهور بس عانيت واجد
الحمدلله وربي يرزقك الذرية الصالحة .اول ماقلتى ايمان بطلاق قلت اكيد انتى
من بنغازى صح لان انا منها ؟؟

[ام اسيل]

الاخت طيور انا فعلا من بنغازي ونسكن في بلعون وعندي وليد وبنية ومن شهر 2 مات البيبي في بطني درت عملية تنظيف ومعش صار حمل
وشكرولي ايمان بوطلاق واجد
وانتي ان شاء الله تجيبي طيبة وتشوفي وليد بين ايديك

[نسرينا]

خيراااااااااات يا حلواااااااااات

كيف حالكم كلكم

ومن سأل عليا تسأل عليه الصحة والعافية

بالنسبة للي صار معاي

ليا 14 يوم بعد الابرة التفجيرية والدورة قاعدة ما نزلتش مش عارفة اندير تحليل والا نستنى للإسبوع الجاي

شن رايكم انتم ؟؟؟

وحاجة ثانية ، قلت لو ربي ما سخرليش حمل الشهر هذا ، مش حندور ولا حناخذ كلوميد او ابر ثاني يا من عاش لبعد عام حنشدها عالعسل وحبة البركة والحبة السوداء والحجامة ، وان شاء الله خير

.

[تيمو ليبيا]

اهلين نسرينا كيف حالك انشالله حامل هاده الشهر وحبيبتي خليها علي الله معاش تفكري فيه هلبه الموضوع اهم حاجه الراحه النفسيه صدقيني ارتاحي نفسيا ومتخماميش هلبه بادن الله يصير الحمل ومني اني ندعيلك انتي وباقي الغاليات ان زي ماربي طعمنا يطعمك يارب وتشوفو صغار صغارهم

[نسرينا]

مراحب تيمو الغالية ، ربي يخليك ويحفظلك بنيتك وتشوفيها عروووسة

والله هذا اللي بيصير ما عاد مخممة ولا شايلة هم واللي بيصوره ربي صاير والحمد لله على كل شيء ، وزي ما حملت المرة الاولى ، ان شاء الله ربي حيكرمني بحمل ثاني وثالث .

بس تعرفي يا تيمو

ليا اكثر من اسبوع نحلم ببنت بنوتة يعني بيبي مرة نحلم براجلي شادها ومرة نحلم بيها تعيط جنبي

مش عارفة بشكل مش طبيعي

ان شاء الله خير

.

[تيمو ليبيا]

انشالله تكون بنيتك يارب البنوته في الحلم دنيا حمدالله معناها متهنيا انتي وربي بادن الله حيعطيك وتشوفيها بين يديك ويدين بوها

[ღॐ آية ღॐ]

عيون منورة والله
بنسبة للميش حسب النوعية
انا درته والحمد لله شعري قعد رطب وناعم زي قبل
ننصحك بعد ما اديري ميش ادهني شعرك بزيت الصبر
وبأدن لله ما يصيرله شي
مزين مروة الحسناء في شارع النصر في المدينة
بصراحة مزين حلو طلعت منه انا في عرسي وحتى ميمونة..
وقعدة نمشيلة .

[ღॐ آية ღॐ]

ايوب حالة باهي والحمد لله
يتكلم لاكن مش هلبة بس نطقة سليم والحمد لله
انا ايوب نربط فية يا عيون انتي بنتك تربطي فيها في الحوش ولا تلعب على راحتها
تصدقي لو نحله من رباطه لازم ما يدير عملة اول شئ يجي للكمبيوتر ويبدء يفشخ فيه hwaml17
كسرلي الشاشة سلامتة مش مهني عمرةhwaml150.

[لولى2010]

خيرات بنات كيف حالكن شنى اخباركن
ام سيل الله يبارك فيك والله درتها لها ما صار شي
عيون لولى عمرها اربع شهور ما شاء الله
ام اسيل انت ونسرينا ما تياسنش بسرعه انا زمان بعد تزوجت كنت مانبيش نحمل ع اساس ندهور ونعيش حياتى لمده سنه وفعلا قعدت سنه ماحملتش وبعده قلت خلاص نبى نحمل وعلى ماحولت ما صار شي ماخليت مادرت وصفات وعلاج والى نسمع عليها انديرها بعده قلت خلى نمشي للدكتور شكرولى دكتورة الصراحه ما شاء الله فوق الممتازة نتمنى طيحو فى وحده زيها تخاف ربي ومش استغلاليه اول حاجه تابعت التبويض معايا وبعدين طلبت منى تحليل
وطلعت سليمه لكن انا ممكن كان عندى تبويض متاخر يعنى مش شرط يكون يوم 12 من الدورة
ع المهم عطتنى كورس كلوميد وملاحظه الكلوميد ماينعطش اكتر من 6 شهور يدير اكياس
وما صار شي انا خديت الكلوميد شهرين او تلات شهور مش مدكرة بعدها هى قالتلى شنو رايك انجربو الابر المنشطه اسمهن جونال اف تقريبا خديتهن وبعده مشيت انشوف فى التبويض لقيه ما شاء الله عطتنى ابرة تفجيريه ولله الحمد حصل حمل ع طول واستمر الحمل للشهر الخامس وبعدها اجهضت بدون سبب سبحان الله وكان اختبار من ربي العالمين ليا لكن انا تاتر بشكل غريب لكن كانت ع لسانى كلمه وحده الحمد لله الحمد لله وبعده جى رمضان فكنت دائما ندعى فى ربي ان يرزقنى من حيت لا احتسب وبعده سفرت لليبيا كان فرح خويه ونسيت الاجهاض والحمل وعشت حياتى نفكر فى البس والمكياج وخلاص وبعده روحت من ليبيا فى نفس اليوم سفرت للامارات ندهور وشلت موضوع الحمل من راسي سبحانه الله معش فكرت فيه بكل والدورة ماجتش واندير فى تست حمل ما فيش حمل استنيت بعد موعد الدوره اسبوعين ودرت تحليل سبحانه الله طلعت حامل ولله الحمد
انا كتبتلكم قصتى عشان نرفع معنوياتكم يعنى انسو الحمل والهو فى حياتكم تو يصير لان يعتمد ع الحاله النفسيه ودعاء تم الدعاء وربي يسهل للجميع

[لولى2010]

اسفه كتبتلكم قصت حياتى

[ام اسيل]

لولي ربي يخليلك بنيتك وتخاويها يارب
وعندك حق النفسية مهم لكن عطيني عقلك تفكري في الموضوع غصبن عنك
ربني يرزقنا يارب
ويانسرينا بجاه الرسول محمد عليه افضل صلاة وسلام تطلعي حامل وتتهني وتشوفي عيلك بين ايديك امين يارب العالمين

[ام لقمان]

السلام عليكم ياخواتى
كيف حالكن كلكن؟
امنورتينا ام اسيل
نبى نسالكن عن نوع متبت شعر ما يطيحش الشعر
سلامتهم الاولاد مصرين انه فيه نوع هكى
قلت نسالكن بالكى عندكن فكره

[ام لقمان]

السسسسسسسسسسسسسسلام عليكم

[عيون زوجي]

وعليكم السلام

[عيون زوجي]

كيف حالكم اليوم
كيف حالك يا ام لقمان

[نسرينا]

السلام عليكم

ازيكم عيون و ام لقمان ،

عيون / سألتك عل د . امنة في الفتح او الرحمة ؟

لولي ، عندك حق والله و ربي يكرمك وتعبي حوشك صغار ..

ام اسيييييييل / الله يفتح عليك اقسم بالله لما قريت دعائك ليا والله لحمي ناض شوك شوك حسيتها في قلبي ربي يسمع منك ويرزقك من غير حساب ويقر عينك بأولاد وبنات ويدوم عليك الهني وراحة البال .

واليوم 15 بعد الابرة وما جتش الدورة ههههههههههههههه هذا غير معادش بنفكر ...

.

[poucie]

خير يا بنات شن امدايرات اليوم
اللهم اني اسألك بإسمك الأعظم الذي اذا دعيت به اجبت ان ترزق اختي في الله نسرينا وكذلك جميع الاخوات اللذين يتمنون الحمل بالذرية الصالحة كاملة الخلقة دون زيادة او نقصان عاجلاً غير اجل انك على كل شئي قدير يا ارحم الراحمين وكل من قال امين.

[تيمو ليبيا]

اميييييييييييييييييييييييييين يارب العالمين كيف حالك بوسي تشتغلي انتي ولا زيني حوش وبس نسرينا شني تفقنا خليها علي الله حاولي تلهي روحك بموضوع تاني عيون وينك استحشناك الامور حمودي عياط زي بنتي ولا هويدي بنتي مهبلتني متبيش ترقد الا وصدري في فمها زي زلباحه مدايراته حمدالله طمنوني عليكم سالتكم علي لحزام مردتوش عليا بطني خشت بس تبي شد نلبس من توا ولا انزيد شويه ليبيا قلبي وينك يوم وميمونه وام رفيده غياب انشالله مانع خير

[ميمونة]

السلام عليكم

والله طالعه اليوم بلوك جديد شايفه نفسي شوي مش هلبه ميشت شعري وقصيته طلع تحفه يلا حلو التغير

[تيمو ليبيا]

حلو التغير ميمونه اكيد طلع حلو عليك اني نستنا في 40 امتا ايجي باش نغير من شكلي كرهت ررررررررررروحي

[لولى2010]

ميمونه وتيمو كيف حالكم
ميمون اكيد طلع حلو كيف درتى لونه الميش

[ميمونة]

والله صبغت شعري اولا بالعسلي او البني الفاتح

ثم عملت الميش البلايتيني خصلات طلع تحفه

ونظفت وجهي بالشمع

ملنحكلكمش علي سهرة امبارح كيف صارت تجنن دكريتني ببوم عرسي شموع وموسيقه slow,وعشي خفيف ياسلام عالرومانسيه

[ميمونة]

والله صدقتي ياتيمو انا كرهت نفسي مانحسش روحي متغيره بكل

لكن توا خير نتمني عندي عرس بس توا مافيش يكفي راجلي ايشوف فيا

[ميمونة]

ياربي اليوم التاريخ 28 قريب الدوره تشرف يارب ماتجئ ونطلع حامل

[تيمو ليبيا]

هو ال فيه الفايده اهم حاجه انه ايشوفك دما حلوه وانشالله معا لوك جديد ونفسيه جديده تكوني حامل يارب العالمين حتي نفسيه ليها دور كبير ميمونه ديما خليك متفائله

[نسرينا]

السلام عليكم

كيف حالكم

بوسي / ربي يخليك
ميمونة / تتهني اني ان شاء الله الاحد بنغير شعري ولاول مرة لان حتى في عرسي ما غيرتش خليته اسود ، مش عارفة كيف بنقنع راجلي هو يحبه اسود واني بنغير بندير خصلات بالصبغة وبنفتح اللون شوية

تيمو الغالية / يسلموا حبيبتي على رفع المعنويات ، كي حال رفيف بوسيهالي .

.

[اميسر]

السلام عليكم
كيف حالكم جميعا

اريد ان اسألكم هل يوجد في الصيدليات عندنا في ليبيا

جهاز تحليل لكشف التبويض


يارب يارب انشاء الله الي اترد عليا تحمل بذكرين عاجل غير آجل يا رب

[ليبياقلبي]

يسعد مساكم كلكم تيمو صار انت معاي انا حفلتي كانت في 16_12 وحتى انا زيك حملت في 1 جتني الدورة مرة بس بعد عرسي بس انا رميت في شهر 4 في الشهر التالت والسبب لقوه قلب واقف وبعدها حملت والان ادعيلي ربي يتبلي لانا خايفة هلبة وخاصة تعبت من الاجهاض وربي يرزق كل محرومة معانا

[ليبياقلبي]

يالا سلام اليوم لانا نحس في روحي عاينة وتعبانة

[ام نانى]

مساء الخير انى اول مرة اليوم نشوف تجمع الحوامل وفرحت على الاخر ونبى نرد رد خاص للاخت الى سالت علىاختبار الاباضة هو موجود فعلا وانىشريته من صيدلية المنشيةفى بن عاشور وتوا نعرفكم على نفسى

[ام نانى]

والله نبى نطلب منكم طلب ممكن تساعدونى انى خاطرى نحمل ليا سنة وما صار شى قالتلى الدكتورة استخدمى ابر او حبوب منشطة الى عندها تجربة تفيدنى لو سمحتم

[ام نانى]

////////////////////////////////

[تيمو ليبيا]

ليبيا اهلين صار بينا سبوع بس ربي يعوضك في حملك هاده ومتخافيش كل شي بمشيئة الله نسرينا يوصل احلا واكبر بوسه ام ناني انستينا وانشالله علي وجهنا الخير وتحملي يارب اني معنديش فكره بس ميمونه و ونسرينا يفيدوك انشالله

[تيمو ليبيا]

مساء الوردجمعه مباركه عليكم يارب

[ام روفيدة]

السلام عليكم كيف حالكم اليوم ام ناني انستينا وربي يسهل لك الحمل في القريب العاجل

[تيمو ليبيا]

جمعه مبارك عليك ام رفيده كيف حالك انشالله تكوني بخير طيبتي غداك ولا مازال

[ام نانى]

مساء الخيرات واليرات على الكل انى طبعا سعيدة انى تعرفت عليكم كلكم وشكرا لكل الى رحب بوجودى معاكم

[ام نانى]

طبعا انى طبيبة بيطرية متزوجة من سنة2004وكنت طالبة ونقرا كملت قرايتى 3سنين وانى متزوجة وحملت فى سنة خامسة2008 وفى المفاجئة كانت فى الشهر السابع ولادة مبكرة جبت ولد ومات بعد 3ايام فى الحضانة طبعا قصة طويلة هلبة وبعدين حملت تانى فى 2009 وجبت بنية فى الشهر التامن سميتها نانى عمرها سنة .......وبعدين صارتلى مشكلة لو لقيت تفاعل منكم نكمل باقى القصة هيا رحبو بيا عاد

[ام نانى]

هيا وينكم عاد

[ام نانى]

000000000000000000000000000000000000000000000

[ام نانى]

000000000000000000000000

[ام روفيدة]

هيا كملي باقي القصة شوقتيني

[لولى2010]

السلام عليكم اهلين ام نانى انت من وين فى ليبيا وهيا شوقتينا نسمعوقصتك
وبالنسبه للابر والمنشطات اقرى مشاركتى فى الصفحات الى فاتو ممكن تستفيدى
وربي يتتم ع كل وحده حامل بالخير والى ما حملت ربي يسهل عليها

[لولى2010]

تيمو كيف حالك وينك وحشتينى كيف حال السموحه رحمه وتشبه بوها ولاامها هيا هدرزينا
عيون وسورينام وميمونه وام اسيل وحبل الوصل وام رفيده وام عبد الهادى السموحه وينكم هيا خشو هدرزو وحكونا وحولو الكساد
عيون خطرها ولدك لمن يشبه وين ترقدى فيه وهو وسارة وابو ساره ههههههههههههههه
شنى لبستى فى لماتك
ميمونه اكيد طلع حلووووووووووو وطبعا القالب غالب وماتفكريش فى الحمل تو يجى
ام رفيده كيف حالك وشن جو بريطانيا والغربه

[ام اسيل]

خيرات يابنات
نسرينا شن صار عندك طمنينا
لولي منورة بوسيلي لينة
ميمونة اكيد القالب غالب وانتي حلوة والقصة تزيد تحليك

ام ناني اهلا وسهلا بيك ونورتينا وشرفتينا وربي يخليلك ناني

[ام روفيدة]

السلام عليكم لولي الحمد لله ماشي الحال مرة حلوة الغربة ومرة مرة وصعبة وانتي شن جوك في قطر لكن مهما كانت احسن من بريطانيا لانها بلاداسلام وكيف حال لينة من الامساك مشي منها ولا قاعد

[ام روفيدة]

ام اسيل كيف حالك وكيف حال الصغاران شاء الله بخير

[ام نانى]

واخيرا رديتوا وعدلتوا انى من طرابلس حوشى فى الفرناج وحوش بابا فى بن عاشور وانى مواليدسنة1982 ومتزوجة ليا 6 سنوات وباقى القصة ياحلوين انه انى من كتر ما عانيتمن الحمل اصبحت خبيرة فى امور الحمل والولادة لانى تخصصت نساء و ولادة المهم انى رضعت بنتى شهر ونص وبهدها الدورة ماجتش بكل لمدة6شهور وبعدين شرفت بنزيف متواصل لمدة 3شهور واستخدمت حبوب منع حمل وما فيش فايدة ودارتلى دكتورتى منضار وعملية تنضيف ولكن المشكلة انه عندى كيس والعلاج الوحيد لازم يكون الحمل تم الحمل تم الحمل واستخدام النشطات وتوا نبى نعرف كيف الحل منكم يامجربات

[ام نانى]

00000000000000000000000000000000000000000000000000

[ام نانى]

0000000000000000000

[لولى2010]

نانى انا مافهمتش ممكن توضحى اكتر يعنى بنتك عمرها سنه ولا كم عشان تبي تحملى

[ام نانى]

000000000000000000000000000

[عيون زوجي]

السلام عليكم
كيف حالكم وشن اخباركم
لولي كيف حالك وحال الغربه وحال ليونه
انا لبست في لماتي نفس اللبسة لان المعازيم يختلفوا وفي لمه البارح مشيت للمزين دارتلي تسريحه بسيطة وميك اب خفيف
ولبست عباية خليجية شيفون اسود مرصع بالفضي كبيرة وفيها ذيل حلوة ولبست عليها اخراصات طوال فضيات بس
واللمتين نفس التقديم اعدلواااااااااااا/ههههههههههههههه
بس جو البارح احلى بهلبه اهلك وصاحباتك الجو حلوووو تمنيتكم معاي

[عيون زوجي]

نسرينا كيف حالك وشن اخبارك
بخصوص د.امنه قرينات كنت نعاين عندها في حملي الاول 2009 من سنه فاتت في عيادة الرحمه مش الفتح
اما حاليا مش عارفه رح نتصل بالعيادتين على خاطرك ونتاكد اوكي
لاني حتى انا نبيها تشيك على الخياطة متاعتي كويسة ولا لا
خاطري اندير خياطة تجميلية في ولادتي الجاية ونرجع كاني عروس جديدة بس مش عارفه وين ايديروا فيها
مرات انخمم نمشي نديرها في تونس لان الرجاله يدفعوا للحاجات يلي يبوها هما مش توا في وليد تاني انشاءالله ليا وليكم اجمعين

[عيون زوجي]

صحة الصبغه والقصة يا ميمونه
حتى انا بنمشي لنفس المزين بندير شعري زيك بالزبط ماتقوليش تماري فيا ههههههههههههههه
وبنمشي نسئل عن المركز الدولي لليزر
قالوا فيها جلسات بالليزر لتنظيف الوجه والنضارة والاشراق قلت نمشيله قبل الاربعبن شن رايكم
مساكين الرجاله صح

[عيون زوجي]

اميسر كيف حالك
فيه في ليبيا جهاز التبويض متوفر في الصيدليات الكبيرة والمشهورة وممكن تتطلبيه ويوفروه على خاطرك كطلبيه عادي

[عيون زوجي]

تيمو ليبيا كيف حالك وحال رفيف لانه احلى من رحمه صح
الله غالب
اوليدي عاقل في النهار وعياط في الليل حاله
وماياخدش في الزلباحه باش تلهيه
ربي ايعيننا عليهم ويرزقنا برهم ويرزق خواتنا المحرومات الذرية الطيبه

[عيون زوجي]

سورينام خشي هيا
ميرنا وينك
ايه شن الجو وكيف حال اوخيك
انا سارة مانربطش فيها تلعب وتفركس وتفسد حاله لاعبه في الحوش

[لولى2010]

عيون لولى كويسه باهى ما شاء الله المه فتكينى منها وريحتى راسك بس انت ليش درتيها عند اهلك ليش مش فى حوشك هههههههههههههه قصقصه مارديتش وين ترقدى فى الصغار ههههههه
ام رفيد سلمك نشاده اهو الغربه مشي حاله بس ليبيا خير ولولو مازال الامساك انديريلها فى تحميل بعد خمس ايام وخلاص انت كيف حال بنتك او وليد انا والله مش مدكرة بالضبط سامحينى
ميمونه فى ليبيا الصبغه والميش بكم والقص
ميرنا وينك ايه كيف حاله خوكى تو ان شاء الله احسن
نسرينا وبوسي كيف حالكم ليبيا قلبي شنى صار معاك مشي للدكتور بعد شده شعرك المزين هههههههههه
من تانى ما قصقصتش انا فاضيه ونقصقص والله من الكساد هنا مش زى ليبيا مرة تمشي لاهلك تهدرز ولا اخواتك ولا خلاتك ولا صحباتك ولا لمات ولا افراح انا والله من لما تزوجت سفرت ودبشي مازال جديد والله لعند تو فى هلبه لابسات ما لبستهنش فحتى الموضه فى ليبيا ما نعرفش شنى تو هههههههههههههه انا مكملتها كا جول وخلاص لما نمشي غادى ههههههههههه
طبعا اكيد تقولو مكتر دوتك ماهو ماعنديش غ[يركم نحكيله

[تيمو ليبيا]

اهلين لولي بنتي كوكتيل مره تشبهلي ومره ل بوها مازال متبانش هلبه وانتي كيف حالها الاموره انشالله مش متعباتك

[نسرينا]

مراحب يا غاليات وصباح الخيرات

عيون / تسلمي وبارك الله فيك
لولي / ما فيش زيارة لليبيا ؟؟ في القريب ،

ام روفيدة / شنو اخبارك واخبار اللاكتيئاب معاك ان شاء الله احسن ، ردي بالك وخيتي ترضعي عيلك الزعل والغشاش والبكي من باهي ليه ، اني سلفتي هكي صارلها مع بنتها 24 ساعة وهي تبكي تو بنتها عمرها عام و4 شهور كيف بدت تتعلم المشي والمرد

بوسي / وينك يا حلوة

ليبيا قلبي / كيف الاخبار

ام اسيل / شكرا عالسؤال وربي يفرح قلبك باللي تتمنيه ، اليوم 17 من الابرة وما جتش الدورة بنفوت لبعد يوم 20 وبندير تحليل ، والخيرة يأتي بها الله ..

تيمو الغالية / كيف حال اماليك شنو جوهم غادي ، وكيف حال امالي راجلك كلموك والا لا ؟؟

اووووووووووو دهشت

توا ام ناني مرحبتين بيك وانستينا ،
اسمعي نقولك حاجة ، لو قالولك عند كيس عالمبايض اني نقولك علااااااااااااج مجرب ومضمون للأكياس .

.

[حبل الوصل]

صباح الخير كيف حالكم ياللي ماتدوروش

[نسرينا]

مراحب / حبل الوصل

والله فالبال ونسألوا عليك ، المهم كيف اخبارك واحوالك ، ان شاء الله طيبة ؟

.

[حبل الوصل]

انا بخير نسرينا انتى شن اخبارك
والله كنت مستبردة وحرارة حالة

[تيمو ليبيا]

مساء الخير كيف حالك حبل الوصل بعيد سو عليك اشربي شاهي بليم ضرب ضربه نسرينا كيفك يوم مقلتليش تشتغلي ولا بيتوتي زيني عيون ربي ايونسك بناسك وماليك سبحان الله مهما تكوني مقومه وكويسه مالي راجلي ميشوفوشي هاده مايعرف قيمتك الا اهلك وناسك عبايتك من وين خديتيها من محل دبي ال في سياحيه خاطري حتي اني في وحده حلوه

[اميسر]

السلام عليكم ورحمة الله وبركاته

انا نسأل عن تحليل التبويض
وهو تحليل مشابه لتحليل الحمل

يعني شريط يوضع في البول


الي تعرف اي صيدليه في بنغازي تبيع فيه تدلني عليه



الله يفرج عليكم ويحقق اما نيكم

[حبل الوصل]

ام اسيل شن حالك ياوخيتى وكيف صار جاتك الدورة والامازال
ميرنا بالله عليك والله التجمع من غيرك مش حلو ناقصه واجد
عيون ماشاءالله ربي يهنيك وتخلصى الاربعين على خير ويخليلك عويلتك
ام نانى نورتى وربي يشفيك ويرزقك اللي تتمنى
ميمونة يارب تكونى حامل انتى ونسرينا يارب
ام روفيدة ولولى شن حالكم

[حبل الوصل]

اميسر شن اخبارك وكنك معادش تخشي احكيلنا عنك تخشي تسالى وتطلعى

[نسرينا]

الف لا بأس عليك حبل الوصل / حبل الوصل لو قاعد عليك الدورة خوذي حبة البركة كل اليوم مع مية او حليب طول فترة الدورة وكملي بعد ايامات ، كووووويسة علاخر ،

تيمو / اني نشتغل وكل يوم الا الجمعة ،

اميسر / بالنسبة بجهاز كشف التبويض ، هو مش شريك واحد عدة اشرطة ممكن 10 او 7 ، عشان كل يوم ، وفيه انواع وينحط فالبول " اكركم الله " ولو فيه اباضة يتغير لونه ، والنشرة تكون موضحة طريقة الاستخدام .

بالنسبة لبنغازي الله اعلم ، بس اكيد تلاقيه في الصيدليات المركزية الكبيرة ، لان في طرابلس مش في اي صدلية بس الكبيرة .

.

[أم سعد]

السلام عليكم

مساء الخيرات

[عيون زوجي]

السلاااااام عليكم

[عيون زوجي]

ام سعد كيف حالك؟

[عيون زوجي]

حبل الوصل لاباس طهور انشاءالله
اشربي السخون هلبه والشاهي مع الليم زي ماقالوا ممتاز جدا

[عيون زوجي]

لولي
لاباس على بنيتك الامساك مشكلة
حتى ساره بنتي ديمه تعاني منه من الولادة
والصغار انا قعده نرقد في دار التقعميز لل 40 انشاءالله
والزوز معاي
وسارة عندها سرير جنب سريري
بناخده لخوها
وهي بنفكر كيف بنعودها عالرقاد بروحها
مش عارفه كيف
عندهم دار بس فاضية
بنشريلهم دار اطفال زوجيه
لكن مسئلة التعود صعبه
هي مازالت تنوض في الليل تعيط تبي المرضعه
انفكر نخدم سرير على دروين خدمه
في ورشة لين يفوت الشتاء
وفي الصيف يكون عمرها سنتين
نعودها على دار بروحها
مشكلة كل الليبين
لاننا نرقدوا في صغارنا معانا من الولادة
صاحبتي الالمانية نصحتني قالت من الولادة الطفل بروحه
ويديروا في شاشة او بيبي فون للمراقبه واخلاص
باش يتعود

[عيون زوجي]

تيمو كيف حالك وحال البنوته
العباية من محل حناين
والصغار البنت تشبهني انا هلبه
والوليد يشبه بوه
قسمه خوت صح

[عيون زوجي]

نسرينا كيف حالك
وحال البنات التانيات وينكم؟؟؟؟؟؟؟؟؟؟؟
هلا ام ناني
اميسر احنا مانعرفوش بنغازي اسئلي ام اسيل

[تيمو ليبيا]

اهلين عيون عمله نومت الصغار معا اماليهم مرت خوي اني مقوي قلبها من تاني سبوع حطاته في دار بروحه ومدايتله بيبي فون بتلفزيون وتوا عمره عامين زي شيباني معتمد علي روحه اني منقدرش قلبي واله مايطوعني نرقدها بروحها ومشكله كان تعودت خلاص حناين نعرفه خديت منه عنده حاجات حلوه عل اخر تتهني بيها يارب نسرينا حلوه خدمه لاكن اني تنباله منقدرش نخدم وحوش وراجل مشالله عليك ربي يعطيك الصحه

[اميسر]

السلام عليكم
كيف حالكم جميعا


انا كنت انشارك معاكم من قبل بس مريت بفتره اكتئاب وإحباط
والسبب انا مصابه بمرض الضغط وحاولت علاج هذا المرض وذهبت لتونس ونعتبرها رحله فاشله ضيعت افلوسي بدون اي فائده


ومن كم شهر انحاول انزل الضغط ما باش ينزل

بعدين قلت خلاص نحمل حتى بالضغط عادي
وما سخرش ربي


انا الحمد لله تبارك الله عندي اوليد وبنيتين وبنتي الصغيره عمرها سنتين ونص

بس انا عمري اربعين

قلت انلحق انجيب بطن


نبي نسألكم هي الوحده اتجيب لعن سن كم

[اميسر]

السلام عليكم



شوفوا البنات شن دايرين في المنتدى هذا

كل يوم يتنافسوا ودايرين جدول في تنظيف البيت ورعايه الاولاد ولمسات متنوعه

وكذلك في المجال الديني


ياريت نحنا الليبيات انديرو حاجه مشابهه هنا

http://forum.hawaaworld.com/showthread.php?t=1804429

وشوفوا
http://forum.hawaaworld.com/forumdisplay.php?f=69





ادعولي ربي يشفيني من الضغط ويهدي زوجي

[معراج]

السلام عليكم اختى اميسر لو الظغط مرتفع عندك ما تحاوليش تحملي وهو مرتفع كثري من مظغ اوراق شجر الزيتون والله مفيد انا امي عندها الظغط بس تاخذ في حبوب واشربي اميه عشان تتبولي واجد كثرة التبول تنزل الظغط وعلى فكره خالتى اصغر بناتها جابتها وعمرها 52سنه ربي يرزقك يارب والله يا ميمونه سهفتيني امي انغير اللوك متاعي انا شعري من يوم ما وعيت علدنيا احمر غامق وانفكر انديره بلاتين بس زوجى مايبيش موش عارفه كيف نقنعه

[لولى2010]

كيف حالكن بنات
حبل الوصل حرام عليك انا سالت عليك
نسرينا انا كنت فى ليبيا شهر رمضان كله وشهر تسعه كله لكن طمع هدا
ب

[لولى2010]

بنات نبي نسالكم انا نبي نبدى نوكل للولى تو هى عمرها 4 شهور وخمس ايام انا تو بديت نعطى فيها بسكويت ميلوبا ياريت تفيدونى

[ام اسيل]

ام رفيدة
الله يسلمك سألتي على صغاري بخير والحمد لله
اليوم كان عيد ميلاد اسيل سكرت 9 سنين
وانتي كيف حال اوليدك يارب يكون بخير والعقبة لما تشوفيه عريس يارب

[ام اسيل]

صباح الخير كيف حالكم ياللي ماتدوروش

خير ياهرابة اكيد هلي مايدوروش فيك انا مش منهم لاني سألت عليك انتي وميرنا اكثر من مرة
وحشتيني وكنت مشغولة عليك معش تطولي الغيبة راهو غلاك واجد عندي وننشغل عليك
كيف حال الصغار ان شاء الله خير
والف لاباس عليك هذي مرضة تغييرة الجو
انا اموري تمام والدورة مازالت ماجت تاخرت واجد بكل
من ثلاثة ايام خذيت دوفاستون بيش تنزل لاني درت تحليل حمل في الدم اكثر من مرة مفش فايدة مش عارفة شن سبب التأخير ودرت تحليل هرمون الحليب لقيته 44
صح عالي شوية لكن مش لدرجة الدورة ماتنزلش
توا يومين اخرى لو ما نزلتش نرد للدكتورة تشوفلي حل
اخر انذار معش تطولي الغيبة

[ام اسيل]

اميسر
بالنسبة للضغط لازم تعدي لدكتور باطنة يعدلك الضغط قبل ما تحملي وتعديلته ساهلة
وبعد ما يتعدل تعدي لكتورة نساء تابع معاك التبويض احسن
لان جهاز كشف التبويض انا في بنغازي ما لقيتش
وشفت كم صيدلية كبيرة
بس الشعب الي في السلماني ماشفتهاش
لكن في اعتقادي احسن حاجة المتابعة مع دكتورة عديلها عاشر يوم الدورة وهي تشوف وتقولك احسن وقت للجماع
وربي يرزقك ويعطيك اللي في بالك ويهنيك

[حبل الوصل]

الله يسلمكم ويبارك فيكم
لولى تسلميلي عارفتكم تنشدو على وتعزونى لكن نقيس في غلاتى عندكم
ام اسيل سلمك نشادة ياوخيتى وقولى لاسيل كل عام وانت بالف خير ياحلوة وعقبال لما تشوفيها عروسة
انى والله انشغلت في الاول كان عندنا فرح ولد خالى بعدها توفى بات صاحبة عمرى وصديقتى العزيزة قعدت نمشيلها نواسي فيها بعيد عليكم
وامس توفت مراة صغيرة هيا مش قريبة واجد بس جارتنا ونعرفها واجد وجعتنى بكل
واليوم صغار اختى اتبزعت عليهم الطبيخة زوز واحد عمره 2 و7 شهور والبنت عمرها سنة و4 شهور بس البنت متضررة واجد وتوة رفعوهم لطرابلس لمستشفى الحروق وان شاءالله ربي يشفيهم

[حبل الوصل]

ام اسيل كم يوم اتاخرت الدورة
انى مرة تاخرت 13 يوم ومع انه الهرمون مش مرتفع ولاحاجة بس لما خذيت دوفاستون حبتين الصبح وحبتين الليل نزلت بعد الحبوب بيوم واحد
وان شاءالله مايكون فيك الاالخير بلكى حامل ماتندريش نعرف وحدة غابت عليها الدورة وتمشي للدكتورة تقول مافيك شي وبعد 4 شهور بان الحمل بس هذى المراة سمينة واجد

[ليبياقلبي]

ام ناني ربي يسهل عليك والله ماعندي خبرة ربي معاك
وعيون ربي يكتر افراحك وكيف حال وليدك
تيمو وام روفيدة شن اخباركم

[ليبياقلبي]

ممكن سوال انا مشيت لدكتوري اليوم وقتلا عندي الم وتصطير في رجليا قالي اكيد متخديش في كتاسيوم وصفلي كالسيوم بس انا الاسبوع لي فات مدايرةتحليل وطلع فيه لكالسيوم كويس وانا نسيت مقتليش انو طلع كويس وصفلي كالسيوم بس منبيش ناخده لانا انا كويس طلع شن رايكم

[نسرينا]

مراحب

صباح الخيرات للجميع

ليبيا قلبي / فوتي كم يوم ولو قاعد التسطير خزذي الكالسيوم وخلاص .

حبل الوصل / لا باس على صغار اختك والله وجعوني ربي يشفيهم

ام اسيل / مبروك علي اسيل عيد الميلاد وعقبال 100 سنة ولما تشوفيها دكتورة او مهندسة

[ميمونة]

السلام عليكم
كيف حالكم جميعا

اريد ان اسألكم هل يوجد في الصيدليات عندنا في ليبيا

جهاز تحليل لكشف التبويض


يارب يارب انشاء الله الي اترد عليا تحمل بذكرين عاجل غير آجل يا رب


كيف حالك وعاش من شافك

بالنسبة لجهاز التبويض ينباع عندنا في طرابلس //صيديلة دات الصواري///

[ميمونة]

صباح الخير

معراج وام رفيده وتيمو وميرنا وحبل الوصل وام ايوب وعيون وصابره وام لقمان ونسرينا

لكم وحشه واللخ خاطري نهدرز معاكم

[ميمونة]

غدا اليوم المشهــــــــــــــــــــــــــــــــــود

هههههههههههههههههههههههههههههههههههه

موعد الدوره

نتلاقوا يوم الثلاتاء ونقولكم شن صاــــــــــــــــــر

ادعولي يااخواتـــــــــــــــــــــــــــي


في امان الله

[نسرينا]

اهلا ميمونة

عاش من شافك

ان شاء الله ما تجيكش الدورة غدوة ولا بعد غدوة ولا اللي بعد ل9 شهور و بعد 9 شهور تجيك مرة وحدة بس وبعدين معادش تجيك لبعد 9 شهور وهكي لمدة 5 سنوات هههههههههههههههههههههه

حبيبتي نحي الموضوع من بالك ديري زي اني نسيتها بكل ، طايحة فيها مناسبات علي عراس علي سباويع على لمات ما مخليه حاجة معاشي كله مشي عالمزينات .... هههههه وربي يسهل .

.

[حبل الوصل]

صباح الخير كيف حالكم اليوم

[نسرينا]

الله يسلمك

كيف حالك انتي وكيف حال صغار اختك ؟؟؟

[حبل الوصل]

الحمد لله الله يسلمك
بالنسبة لصغار اختى هما توة في طرابلس البنت في العناية لانها تعبانة واجد
بس الولد اخف منها شوى توة مرقد في مستشفى الحروق في طرابلس

[تيمو ليبيا]

السلام عليكم كيفكم يوم ليلتي مطوفه امس ميمي مرقدتش بكل مش عارفه خيرها شربت قهوه ممكن منها وحتي اليوم نومها مش عاجبني جايني جيراني فلسطنيين واله ماعندي جهد ليهم ظميت حوش بسيف بنديرلهم عصير وشكلاته و قهوه وحلاوت وفروت سلات وخلالالالالالالالالالالاص وماما غدوه مروحه ياريتهم ايجو غدوه وريحوني

[نسرينا]

حبل الوصل / ان شاء الله لاباس عليهم وربي يطمنكم

تيمو / ردي بالك من ماكلتك كانها هي تاكل فيها ... ههههههههههه بالنسبة لجيرانك سادهم والا عابية تبي ادير تبولة و فتوش ههههههههههههههههه

[تيمو ليبيا]

ههههههههههه والهي ضحكتيني نسرينا مساكين حتي القهوه مضاقوها عصير بس بنتي دارت العيطه العجيبه متعها مبتش تسكت لين روحو مساكين

[لولى2010]

حبل الوصل لاباس ع عويلت اختك
ام اسيل شنو حالك وحال العيال واسيل كل سنه وهى طيبه
نسرينا وميمونه وتيمو وليبيا شنو اخباركم
عيون وسورينام ليكم وحشه

[Om KHaled]

شاركوني فرحتي بعيد خطوبتي

http://forum.hwaml.com/t33016.html

[ليبياقلبي]

تيمو ربي يعاونك وخلي بالك من بنوتك الحلوة وصار اماليك بيروحوا البركة فيك سلمينا عليهم يشهد ربي يا تيمو اني حبيتك كاني نعؤفك ونهدرز عليك حتي لي راجلي واماليا
ميمونة يارب يارب ماتجيكش الدورة لابعد 9شهور طمنينا عليها
وتحياتي للكل

[ام روفيدة]

السلام عليكم حبل الوصل لاباس على صغار اختك وربي ينوضهم بالسلامة ليبيا قلبي كيف حالك وكيف حال الحمل معاك ربي ينوضك بلسلامة

[ام روفيدة]

ليبيا قلبي موجودة ولا طلعتي؟

[ام روفيدة]

وينكم انخش ما نلقاش حد

[ام روفيدة]

ام اسيل ربي يخليلك صغارك وتشوفيهم عرسان وتشوفي صغارهم اللهم امين

[ام روفيدة]

ميرنا يا نوارة التجمع وينك وين هديك الهدرزة السمحة بالله عليك خشي وفضفضي ووسعي خاطرك والله شغلتينا عليك

[ام روفيدة]

وينكم؟00000000000000000000000000

[ام روفيدة]

000000000000000000000000000000000000000000000؟

[لولى2010]

ام رفيده كيف حالك انت موجوده

[لولى2010]

ام رفيده ولدك شن اسمه

[ام ريحان]

السلام عليكم كيف حالكم

[ام ريحان]

شكله مافيش حد خاش والاه فتحت نبى نسلم عليكم لان ان شاء الله يوم الاربعاء مسافره للحج
استودعكم الله الذى لا تضيع وداعه يارب

[لولى2010]

كيف حالك ام ريحان

[لولى2010]

تمشي وتجى سالمه غانمه يارب وعقبالنا كولنا يارب

[ام روفيدة]

[QUOTE=لولى2010;459593]ام رفيده ولدك شن اسمه[/
لولي كيف حالك وكيف حال لينة اني الحمد لله بخير ولدي بخير وسميته حازمhwaml7

[ام روفيدة]

تمشي وتجي بالسلامة يا ام ريحان ودعيلنا معاك بالله عليك ما تنسيناش بالدعاء

[ليبياقلبي]

ام روفيدة شكرا ياغالية علا السوال
ام ريحان ادعيلنا

[تيمو ليبيا]

ليبيا حبيبتي تسلم يارب والهي الفقلوب عند بعضها ربي يحفظلك اماليك وراجلك يارب

[نسرينا]

مراحب جميعا

ام ريحان ، في حفظ الله وامانه ، امانة تدعيلنا ، تمشي وتجي بسلامة الله

وما تنسيناش في اللبان والسبحة هههههههههههههه

ام روفيدة ولولي وليبيا قلبي وتيمو شن اخباركم

ميرنا / ان شاء الله المانع خير

[حبل الوصل]

ميرنا تخشي للمنتدى وماتخشيش معانا للتجمع كنك زعلانة علينا ولاشنو

[حبل الوصل]

وينكم يابنات والله بيختوها التجمع مكسد بكل معادش زى قبل

[نسرينا]

تي انتي اللي وينك

بالنسبة ليا اني من الساعة 8.30 مفقعة .

[ام روفيدة]

السلام عليكم كيف حالكم اليوم حبل الوصل كيف حالك وكيف حال صغار اختك إن شاء الله احسن
نسرينا كيف حالك ليبيا قلبي وينك اليوم ميرنا يالغالية إستاحشناك واجد تيمو ليبيا كيف حالك وكيف حال رفيف وروحوا اهلك ؟إن شاء الله وصلوا ليبيا بخير وسلامة عيون كيف حالك وحال حمودي وشن صاير فيك مع زوز صغار إن شاء الله تاقلمتي مع الوضع

[معراج]

السلام عليكم وينك ياصااابره ان شاء الله غيابك لخير يارررب وتسال عنك العافيه ياميمونه وندعيللك ديمه ربي يرزقك ما تتمني وحج مبرور وسعي مشكور ياام ريحان وادعيلنا معااااك موش تنسي

[ام نانى]

مساء الخير على الجميع الحاضرين والغايبين وصحة غداكم يابنات ساعدونى فى موضوع الابر المنشطة من كل النواحى هيا نبى نستفيد منكم

[ام نانى]

وينكم
يابنات كيف نعرف من منكم موجود

[ليبياقلبي]

نسرينا وتييمو وام ورفيدة ووووووووووووينكم هلا بيكم وام روفيدة انت عندك ضغار ولا لسه
واهلين معراج وميمونة وام ناني وحبل الوصل وعيون ولولي

[ام نانى]

والله حالىكويس كيف حالك انتى ياليبيا قلبى

[حبل الوصل]

السلام عليكم

[حبل الوصل]

نسرينا انتى شن تشتغلى

[نسرينا]

مرحب حبل الوصل

اني نشتغل في شركة جهة عامة يعني في عين زارة

ام ناني / الابر المنشطة زي الكلوميد يعني تنشيط للمبايض لانتاج البويضات

.

[نسرينا]

هو ما فيش حد هنا وإلا إيه ؟؟؟

.

[ام روفيدة]

اني موجودة كيف حالك يا نسرينا

[ام روفيدة]

نسرينا إنتي قعدة ولا طلعتي

[نسرينا]

قاااااااااااااااااااااااااااااااعدة

الحمد لله كيف حالك انتي ؟؟

[ميرنا]

شكله مافيش حد خاش والاه فتحت نبى نسلم عليكم لان ان شاء الله يوم الاربعاء مسافره للحج
استودعكم الله الذى لا تضيع وداعه يارب

ام ريحان // حج مبرور وذنب مغفور ان شالله ربى يوفقك


ام ريحان ادعيلنا بالذرية الصالحة وان الله لا يتركنا فى الارض بدون خلف يسبحون له بسبب ذنوبنا واخطاءنا ان الله غفورا رحيم

[ميرنا]

ميرنا تخشي للمنتدى وماتخشيش معانا للتجمع كنك زعلانة علينا ولاشنو


هههههههههههههه لا والله بس مليت وهى حالة بعيد عنك اتجينى مرات مثل الاحباط نسك على الحاجة ايام وبعدها نرجع مثل قبل انا معنديش اعز منكن انتن اكثر وحدات نشكيلهم همى ونفضفض بلى فى صدرى وانا كل يوم نخش نقراء تعليقتكن بس بدون ما نرد ولكن عندما لقيتك كاتبه انا زعلنا منكن رقة عزمى ماقدرتش نقراها وما نردش انتى غالية على ويعلم الله على معزتكى عندى

[نسرينا]

صباح الخيرات

ميمونة / زعما شنو صار معاك في المربحة ان شاء الله ماجت ولا تجي ...

نستنى فيك تخش وتطمنينا

.

[أم سعد]

السلام عليكم

مساء الخيرات

[نسرينا]

وعليكم السلام / ام سعد

كيف حالك ؟

[ام لقمان]

السلام عليكم
كيف حالكم ياغاليا؟
ام ريحان ربنا يتقبل منكم صالح العمل

[ام نانى]

مساء الخير شن اخباركم اليوم والله ليكم وحشة من امس لعند اليوم باهى يابنات قولولى شن اسعار الابر المنشطة وكم عددهم وكيف استخدامهم من فضلكم ردو عليا رجاء خاص

[ميمونة]

السلام عليكم

انا جيت شن حالكم

[حبل الوصل]

ميرنا نورتى والحمد لله اللي تطمنت عليك والله نعزك معزة مايعلم بيها الاربي ونتمنى لك كل خير ويارب يبعد عنك كل هم ياخيتى ويرزقك بعويلة يملو عليك بيتك
ميمونة بشري شن صار عندك

[ميمونة]

الدوره موعدهاامس ولليوم ماشرفتش hwaml7

شريت تحليل منزلي غدوه الصبح بنديره hwaml03انشاءالله تصدف معنا هالشهر hwaml13

يارب خير والله خايفه مايطلعش اني حامل

الله غالب

موعدي مع الدكتور الاسبوع الجاي كان جتني الدوره بناخد كلوميد انشاءالله مانستحقهمhwaml15

[ميمونة]

امس تعبت بدت عندي الدهشه هلبه وعندي اوجاع غريبه في بطني وجنابي زعمه برده هده مش اعراض حمل هههههههههههههههههههه

وعندي نيه في الاكل غريبه

مانعرفش بس امس تعبت ورقدت مريضه


انشاءالله خير

وكان ربي ماكتبش الحمل هالشهر يكتبلي الشهر اللي جاي انا وكل من يتمني الحمل

قولوا اااااااامين

[ميمونة]

وين ايه وعيون مغطسين انشاءالله المانع خير

[حبل الوصل]

إن شاءالله تطلعى حامل وتفتكى من العلاج

[ميمونة]

توا درت التحليل مستعجله وطلع مافيش حمل

زعمه استعجلت الدوره غايبه يومين بس او لاني درته في العشيه مش الصبح النتيجه مش ادق والله مانعرف

[ليبياقلبي]

ميمونة يارب تكوني حامل واصبري شوية وراهو تحيليل المنزلي انا في حملي طلع مافيش لما درت تحليل بول طلع حامل نقصد مش دقيق وهلبة خاب معاهم ويارب تكوني حامل وربي يعطيك من نعيمه طمنمينا والله ندعيلك ومن كل قلبي
ام ناني ننصحك نصيحة امشي لدكتور احسن والله افضلك

[ليبياقلبي]

ام روفيدة شن اخبارك
تيمو ووووووووووووووينك روحوا اماليك

[ميمونة]

يسلموا ليبيا قلبي

هما يقولوا الصبح خير بس انا الصبر معاش عندي

[عيون زوجي]

ميمونه ...حبيبتي يارب تكوني حامل صبري بالك وخلي ايفوتوا 5 او 6 ايام وبري ديري تحليل دم ادق واحسنويارب العالمين ويارب تكوني حامل هالشهر يا كريم امين

[عيون زوجي]

استاحشتكم هلبهبس اللاب توب ملخبط يبي ويندز جديد وراجلي مش فاضيسلامي واشواقي للكل الكل الكل بلا استثناء..........

[ميمونة]

انشاءالله

تعرفي امس كيف مرضت راجلي متفائل خير وحاط في باله اني حامل هالشهر

خايفه اخيب ظنه يارب سهلها عليا وارزقني الحمل

[لولى2010]

ميمونه ان شاء الله تطلعى حامل يارب انت وكل البنات

[لولى2010]

ايه وتحليل الحمل اانا درت مطلعتش حامل وزوجى يقولى شكللك حامل وجهك متغير ههههههههههه وبعده من الساعه 9 الليل الى 9 الصبح ماشربتش سوائل ودرت تحليل تانى وطلعت حامل العقبالك ياميمي

[ميمونة]

انشاءالله يارب يسمع منك

لاني تغديت وشربت سوائل بعدها درت

نصبر يومين واندير تحليل دم احسن

[ام روفيدة]

ام روفيدة شن اخبارك
تيمو ووووووووووووووينك روحوا اماليك
السلام عليكم كيف حالك ليبيا قلبي اني عند ولد عمره شهرين ونص ربي ينوضك بالسلاة إنتي والبيبي وتشوفيه بين يديك اللهم امين

[ليبياقلبي]

ربي يخلهولك يا ام روفيدة يارب وعقبالي شن اسم السنفور

[ميمونة]

كساد وينكم مافيش حد

[ام روفيدة]

ربي يخلهولك يا ام روفيدة يارب وعقبالي شن اسم السنفور
ولدي سميته حازم والعقبلك تولدي بالسلامة وتسمي البيبي اللهم امين قوليلي شن ناوية تسميه كانه ولد ولا بنت

[ام روفيدة]

ميمونة ياربي تطلعي حامل وتفرحي وتفرحي زوجك اللهم امين يارب

[ام روفيدة]

وينكم يا عيلة مافيش حد منكم قاعد

[تيمو ليبيا]

السلام عليكم كيف حالكم يا بنات ليكم وحشه كبيره امس طلعت اني وماليا وراجلي وسعت خاطري من صبح ل بعد العشي غيرت جو الحوش دارلي اكتئاب عييييييت منه وماليا قريب يروحو قريب نهبل واني ماشيه زياره شهر 4 يعني قريب واله دوت علي حزام مفيش من عدل عليا لاكن عادي تمونو كلكم ميمونه انشالله يارب حامل يارب وميرنا حتي انتي ياعسل انشالله تحملي ها شهر وخشي ومتنكديش علي عمرك خليها علي الله العمر واحد

[تيمو ليبيا]

نسرينا وعيون وليبيا وام رفيده وام لقمان كيف حالكم كلكم مهبين يومين هادم شويه اكيد لاهين في مناسبات انشالله اياماتكم كلهم فرح يارب

[نسرينا]

مراحب بالجميع

تيمو كيف حال بنيتك ،

ام روفيدة / ليبيا قلبي / لولي / عيون / حبل الوصل / ميرنا
كيف احوالكم

ميمونة اصبري شوية خليك زيي ليا 21 يوم بعد الابرة التفجيرية وقاعدة مش عارفة انحلل او مازال ، الدورة ما جتش نفكر اندير تحليل منزلي قبل تحليل البول ..

[تيمو ليبيا]

اهلين نسرينا توكلي علي الله وديري تحليل في حوش وبعدين تحليل دم وانشالله حامل يارب

[معراج]

السلام عليكم كيف حال الجميع بدون استثناء ان شاء الله حوامل ياميمونه الغااااااليه بكل بكل ونسرينا اليوم مفروض الدوره مشرفه من امس مزال مانزلت وطبعا استعجلت ودرت تحليل حمل منزلي والمفاجئه طلعلي خطين واضحات بس الثاني اخف شوي زعمكن حامل ولا شنو متقوللي ديري تحليل دم لان موش صحبه انا وياه خايفه ننجلط وبعدين حاسه باعراض الدوره

[نسرينا]

يامااااما وساكتة

مبرووووووووووووووووووووووووووووووك الحمل يا معراج

من غير تحليل دم ، بمجرد ظهور خط ثاني حتى وان كان خفيف يعني حمل ان شاء الله ،

قوليلي انتي مش واخذة ابرة تفجيرية والا ؟؟؟

وبعدين اعراض الحمل زي اعراض الدورة ، وزايد كثرة التبول او ألم في المسالك ...

مبااااااااااااااااااااااااااااااارك عليك مسبقا

وان شاء الله فاتحة خير علينا كلنا ..

تيمو الغالية / شكرا حبيبتي عالدعوة اليومين هادم اندير تحليل وان شاء الله خير .

.

[لولى2010]

معراج مبروك والعقبه للبنات الاخرات خلاص هدا حمل حتى انا ديما فى حملى يطلعلى واحد داكن والتانى خفيف توكلى ع الله وديري تحليل دم وحاولى ماديريش مجهود وكلام نسرينا صح كله
نسرينا كيف حالك خلاص انت المفروض اديري تحليل حمل لان يبان بعد اخد الابرة التفجيريه بسبوعين انا درت هكى فى حملى الى فات اخدت ابرة تفجيريه وبعد 14 يوم درت تحليل حمل منزلى وطلعت حامل العقبالك
ميمى وينك ربي يناولك الى فى بالك ما شاء الله عليكم وربي يحفظكم انتم التلاته وتكملو حمللكم ع خير
تيمو شن اخبارك باهى كويس حتى رفوفه يقعد عمرها كويس وتتحمل ضغط الطيارة
ليبيا كيف حالك انت فى الشهر الكم تو
عيون كيف حالك وحال الصغار وين هربتى بقصه الولاده انا الوحيده الى كتبت قصه ولادتى والباقيين خطو ههههههههههههههههه
كيف حالكم كلكم بدون استثناء
ميرنا شن اخبارك وسعى بالك وربي يسهل عليك انت معش مشيتى للدكتورة ايمان ولا كيف

[حنين88]

السلام عليكم )استشارة ارجو الرد ولكم جزيل الشكر

انا عندي صديقة عزيزة ومحتاجة نصيحتكم

صديقتي متزوجة من 8 شهور من اول ماتزوجت راحت مع زوجها للسودان لانه يشتغل هناك وحالي هيا حامل بالسادس قلها زوجها انا رح ابعتك على بلدنا تكملين شهور حملك هناك وتولدين هناك لانه لايريد تسجيل ابنه من مواليد السودان .
السؤال هل يجوز ان تترك زوجها تلات شهور لوحدو هيا ببلد وهوا ببلد مع العلم ان زوجها دو خلق وادب بس حبيت اسئلكم واخد يرايكم

[نسرينا]

لولي / تسلمي يا غالية على الكلام الطيب الحلو

وان شاء الله حمل معراج فرج على الجميع ، وكل يوم تبشرنا وحدة بحملها ، اني متفألة لان امس سمعت وحدة حامل بعد الكلوميد واليوم معراج وغدوة الباقي يارب ...

لولي كيف حال لولي ؟ههههههه

حاضر من اليوم لبداية الاسبوع الجاي اندير تحليل وربي يسهل ...

[تيمو ليبيا]

معراج انشالله حامل يارب بس لازم منها مشيت الدكتوره اني درت تحليل في حوش وبعدها بيومين خديت موعد عند دكتوره وهيا ال اكدتلي حملي عقبال البنات التانيات يا مولاي لولي كيف حالك وحال بنوتك حلوه بنتي اني عياطه مهبلتني معاها قصت ولاتي اني معاش نبي ندكرها كل ماندكرها لحمي يرعش حمدالله علي كل حال حنين بنسبه ل سؤالك حسب علمي لو هو ملتزم اخلاقيا قبل الدين عادي لو قعد في بلاد وهيا في بلاد بس لو اني مكانها نمشي معاه حتي ولو يتسجل من موليد السودان

[معراج]

ان شاء الله يانسرينا يسمع منك ربي انا ماخذيت ابره تفجيريه انا الدكتور قالي عندي 3بويضات احجامهن 16و16و17وقالي نسبه ضئيله يصير فيهن حمل هذا في اليوم13من الدوره احبطني وقالي على اساس الشهر هذا ماناخذش منشطات يالله ياربي نطلع حااامل انا وانتي وميمونه وميرنا وام اسيل وحبل الوصل اللهم ااااامين وكل مشتهيه

[معراج]

شكرا والله يبارك فيكن يا تيمو ولولي وياربي يطلع حمل لاني خايفه موش قادره اندير تحليل دم ولا حتي قدرت انقول لامي وخواتي وزوجي لاني حاسه باعراض الدوره والله ان شاء الله نطلع حامل وماتجيني

[معراج]

حنين88قولى لصاحبتك كراعها على كراعه ماتخليه واولدى في السودان عادي شنو فيها بيعتبر ليبي حتى كان انولد فى تشاد ماتخليييييش زوجك بروحه

[تيمو ليبيا]

معراج مش ضروري تحليل دم اني دكتوره عرفت اني حامل بجهاز ايكو بري بعد يومين وشوفي وبادن الله حامل

[لولى2010]

نسرينا كيف الحال لولى حالها باهى هههههههههايه انا اسمى ع لولى بنتى من انا حامل بيه اخترت الاسم لينه وسميت روحى فى المهنتدى لولى وتو اندلع فيه لولى هههههههههههههه
وانت هدا اسمك الحقيقى ولا اسم بنتك الى فى الطريق ولا انت تبي ولد هههههههههههه
تيمو شن الاخبار وشنى الامومه معاك هههههه
ام اسيل وحبل الوصل وميرنا وبوسي وعيون وليبيا وينكم

[ليبياقلبي]

عاشت الاسامي ام روفيدة ويتربى في عزك وبالنسبة ليا انا لسه علا الاسماء بس في حملي الاول قلت لو بنت عداري نحبه او شوق ولو ولد معن بس الاسماء هادي لغيتها في حملي توا وربك يستر شنو توا الاسماء
تيمو كيف منساليوش عليك انت غالية كيف حال بنوتك الحلوة
لولي كيفك وانا توا في الشهر السادس ادعيلي
نسرينا يارب انت وميمونة تكونوا حوامل ونفرحوابيكم
معراج يارب يطلع حمل وديري تحليل بول يبان فيه الحمل بس انا توقعاتي حمل بعون الله

[حبل الوصل]

معراج ان شاءالله حمل يارب
نسرينا امتى بتديري تحليل يارب تكونى حامل وتبشرينا ويارب يرزقنا بالحمل حتى احنى

[حبل الوصل]

أم اسيل وينك الك وحشة

[ميرنا]

السلام عليكم كيف حال الجميع بدون استثناء ان شاء الله حوامل ياميمونه الغااااااليه بكل بكل ونسرينا اليوم مفروض الدوره مشرفه من امس مزال مانزلت وطبعا استعجلت ودرت تحليل حمل منزلي والمفاجئه طلعلي خطين واضحات بس الثاني اخف شوي زعمكن حامل ولا شنو متقوللي ديري تحليل دم لان موش صحبه انا وياه خايفه ننجلط وبعدين حاسه باعراض الدوره
hwaml7 مبروك يا معراج ايوه هكى الاخبار لى اتخلى الوحد يطير من الفرحة ان شالله ربى يكمل عليك ويفرح الجميع بالحمل العاجل غير الاجل يارب قولو امين

[حبل الوصل]

صباح الخير هلا ميرنا شن اخبارك

[راجيه فرج ربها]

يسعد صباحكن بكل خير ياخواتي
شكل غيبتي فيها اخبار طيبه مبروك للجايبات ان شاء الله مواليد سعاده يارب ومعراج ان شاء حمل يارب لكل من تمنى يارب يرزقها من حيث لاتحتسب اليوم عندي صديقه سعوديه كانت مريضه وشالولها واحد من المبايض خبرتني بان الله رزقها بمولود ريتو رحمة ربي كريم وحكيم يابنات استعدن للايام العشر الاولي من دي الحجه الهمه الهمه فيهن بالدكر والدعاء وماتنسوني من الدعاء ان ربي يشفيني ويرزقني بخوت لوليدي
ميرنا شن صار جاتك الدوره ربي كريم واسعات افضاله المهم عدم الياس لان هدا معناه ان قدر علينا الشيطان ماتخلولها ثغره ينفد بيها لقلوبنا الراجيه يارب رجانا فيك مايخيب حقق منانا ماغيرك حد عالم باحوالنا ودري بما في قلوبنا فرج علينا من اوسع ابوابك يارب وصل اللهم وسلم علي الحبيب الامين وعلى اله وصحبه وسلم اجمعين

[حنين88]

صحيتو يابنات اللي رديتو عليا على صاحبتي ربي يطمن بالك ويرزقكم بالدرية الصالحة

حتى اني ليبية وحامل في الاسبوع الخامس ياريت تقبلوني معاكم

بنات نبي نسألكم لما يليل الليل ينوض عليا الوجع اسفل البطن عرفو لين نبدأ نتقلب تقول عندي الزايدة ومرات يجيني من اسفل الظهر زي اوجاع الدورة شنو زعمة عادي هادا الوجع ولا شنو حتى راجلي سخفته يقولي معليشي اكيد هادي الشهور الاول بس يتكون الجنين هادا لاش هههههههههههههههههههه يطمن فيا ياناري في النهار نبدأ زي الجنية hwaml16كانه مافياش حاجة
من صارلها زيني ؟؟؟؟hwaml02

[حنين88]

تعرفي يامعــــــــراج حتى اني جتني زي اوجاع الدورة مابيتش اندير تحليل منزلي بعد 6 ايام لما الدورة مانزلتش مشيت للدكتورة وكان الخبر السعيد قتلي انتي حامل

انحس فيك حامل وقولي قالتها حنين مرابطية اني راهو هههههههههههههههههههه

[حبل الوصل]

حنين مرحبتين بيك بس عرفينا عنك اكثر من وين وقداش ليك متزوجة وبكرية ولا لا

[حنين88]

حنين مرحبتين بيك بس عرفينا عنك اكثر من وين وقداش ليك متزوجة وبكرية ولا لا

اهلين بيك حبيبتي hwaml03ليا اربعة اشهور متزوجة من طرابلس وبكرية هادا اول حمل الصراحة خايفة شوي يجيني وجع يقتل hwaml15hwaml15اسفل البطن مرة مرة مش ديمة

[poucie]

السلام عليكم خير يا بنات شخباركم
باهي باهي صحيتوا يلي ما فيه وحدة سالت عليا خيرني ما خشيتش للتجمع يلا مش مشكلة،،،،
معراج مبروك وانشاء الله يطلع حمل يا ربي بس تعرفي حتى انا في حملي هذا لما حللت في الحوش طلعلي واحد داكن والاخر خفيف يا دوب بائن والحمد الله طلعت حامل انشاء الله حتى انتي يا رب والعقبة لكل من يتمنى الحمل بإذن الله
حنين انستينا وشرفتي التجمع وانشاء الله ربي يتمم حملك على خير انشاء الله

[حنين88]

مرسي اوي بوسي وصحيتي على الترجيب الحلو

بنات اني مانبيش جسمي يفسد بالخطوط البيض توا ندهن فيه بفازلين مخلطتها بزيت زيتون وربك يستر

وحقا يقولو اللي تشيان معناها حامل بولد وشن قصة الخشم اللي يكبر في الحمل توا هو شن دخله الخشم قولولي بس ؟؟؟؟

[نسرينا]

بوسي /والله سألت عليك ، والله في بالي

حنين / مرحبتين بيك وربي يسهلك الحمل والولادة ، وبالنسبة للوجع راهو شيء طبيعي وطبيعي جدا ، هو تكون الجنين ،حاولي انك ما تجهديش نفسك في النهار ولا باس عليك .

ميمونة / شنو صار ، ما نبيش نحلل قاعدة نستنى فيك ههههههههههه

معراج /هو حمل اني متأكدة

لولي / ربي يحفظلك بنيتك ، اني هذا مش اسمي جيت بنسجل بإسمي لقيته موجود مش عارفة شنو خطر عليا نسرينا ، بس ربي لو رزقني ببنت بإذن الله نتمنى نسميها سارة نحب اسم سارة على الاخر .
حبل الوصل / ممكن السبت اندير تحليل ، بس تعرفي هههههههههههههه اعراض ما عنديش ابدا ربي يستر .

راجية فرج ربها / بارك الله فيك على الدعاء والكلام الموزون ، وربي يكرمنا اجمعين ببركة هالشهر الفضيل .

[نسرينا]

ههههههههههههههههههههههههههههه
حنين / الله يهديك مازااااااااااالك على تشيان وما تشيان بعد الثلاثة شهور الاولى يبان ...

[حنين88]

ايه ياوخيتي والله خالة وخلاص شن هادا الخشم يكبر والدنيا تتشقلب فوق ولوطا ههههههههههههههههhwaml7hwaml5

والله ربي يسترنا ويتمم علينا على خير

لكن تعرفي يانسرينا انحس في بطني طلعت شوية hwaml8من توا تخايلي وهادا قعدا في بداية التاني ههههه امالا بعدين كيف بتوليhwaml9hwaml9 غبارة وخلاص

[poucie]

صحيتي نسرينا ربي يطمن قلبك باللي تتمنيه يا رب
اني عارفة كل وحدة عندها اللي مكفيها والحمد الله غير انبصر عليكم اني ما شدني ع التجمع إلا انه بنتي سلامتها مرضت جاها التهاب في الحلق مسكينة مع الكحة يا روحي تكح زي الشيباني فرعتها للعيادة دارولها اوكسوجين وفولتارين بخاخ وعطاها علاج وتواء الحمد الله حالها احسن بهلبة (ربي يحفضهالي انشاء الله)

[حنين88]

بعيد الشر على بنيتك بوسي ربي يشفيها ... ياروووووحي

تعرفو خاطري في خبزوة وهريسة ... ههههههههههههههههه تصدقو قل الهريسة ماعمري انجي جيهتها توا اللي جايني عليها ............. تعرفو امس الصبح خديت كاشيت على الخوا تهبل ماكنتش نحسابها هكي وقلت لراجلي جيبلي برنجرز بالفلفل قعد يضحك هههههههههههههه جايتني عالحار وخلاص

در هكي در ها نرقص ماانقولش لا

[عيون زوجي]

السلااااااام عليكم
كيف حالكم يا حلواااااااااااااات

[معراج]

بجاه صوت الحق يلي ياذن للعصر ان شاء الله تطلعي حاامل يانسرينا وميمونه ويرزقكن الله بلحمل السليم ياحبل الوصل وميرنا وكل مشتهيه يعطيك السلامه يا حنين ضحكتيني ذكرتيني باختي لما تحمل تولي غوووووله اختي خشمها واقف وطويل لما تحمل والله يولي كيف الجزره المقلوبه وعادي الشيانه في الشهور الاولات وفي الاخيرات يجي دور النفاخ والخشم الكبير يوم السبت ان شاء الله بنشجع وبندير تحليل دم وبنخش على الدكتوره ادعوووووووووووولي ربي يفرح قلوبكن كلكن لاباس على بنتك يابوسي وشكرا لكل من دعالي ربي مايحرمني منكن

[معراج]

عاش من شبح هلخط ياعيووووون وشن حال عويلتك

[عيون زوجي]

معراااااااااااااااج....الف الف مبروك اكيد حمل بأذن الله
راجيه.....وين هالغيبه استاحشتك وصحيتي عالنصيحه
انا ناويه بأذن الله نصيم العشرة ايام وربي يوفقني ويتقبل مننا
ميمونه ونسرينا....اكيد عقبالكم هالشهر يارب
بوسي...الف سلامه على بنيتك ولاباس اعليها
ميرنا...خشي بلا دلع
ايه وسورينام...وينكم بنعيدوا من غيركم ومانحسبوكمش في اللحمه
حنين....هلا وغلا بيك شكلك جوك ايهبل
الخشم الكبير معناها حامل ببنت
والوحم على الحلو بنت
والبطن زي البطيخه بنت
والبنت مكركبه ولد
والوحم عالحار ولد
والله اعلم بس صدفوا معاي
حبل الوصل..كيف حال صغار اختك
بالله طمنينا اعليهم
وشن صار في اختك يلي تعبت في السابع
ام اسيل...كل سنه واسيل بالف خير
والعمر كله انشاءالله
تيمو وليبيا قلبي ولولي
وام روفيدة وصابرة ام لقمان واميسر
وام سعد وام ريحان
كيف حالكم
وكل سنه وانتم طيبات
وتوا ايديكم للتعب غسل البطن والقديد واللبز حاله
عيد التعب للنساوين

[عيون زوجي]

كيف حالك انتي يا معراج مبروك ما سمعنا...........

[عيون زوجي]

ويارب يكمل اعليك بالخير وعقبال كل البنات ميرنا وميمونه وام ريحان وام اسيل ونسرينا واميسر وراجيه وسمحه وحبل الوصل يارب

[سورينام]

السلام عليكم .. عسولات ليبيا

[سورينام]

والله ليكم وحشة .. نخش جري نشوف في اخبتركم ونطلع لان حوشي حااااااااااااااااااااااالة ونفسبتي تااااااااااعبة من هالصيانة الغبرا.. تخيلو كملولي الحمام الصغير بس والحوش كله مقيوم والحكاية صقع .. ومازال سريب الكوجينة والحمام الكبير ... واااااااااااااك .. والله الا مصينات ورايحات ايهبلو غير راجلي ربي يهديه قالي حلي يكسرو باش تنخدم المجاري من جديد

[أم سعد]

ربي يعاونك ياسورينام

هي الصيانة مشناها تعب في تعب


بس بعدين تفرحي بالجديد

[سورينام]

عيون كيف حالك وحال عويلتك ..وبالنسبة للصغار ونومهم حتى اني نرقد مع صغاري لحد توا لان الزوز صغار .. رغم اني موتية دار لسارة وخوها سريره جنبي .. لكن زي ماتعرفي الصيانة مخليتني قايمة كل شي ومفرشة دار وحدة بس
ميرنا الجمد لله اللي طليتي .. ياختي نورك والا نور القمر ..والله ليك وحشششششششششة يا مؤسسة التجمع ربي مايغيبك يااوخيتنا ويعطيك ما في بالك
ميمونة .. ياااااااااارب انشاالله تكوني حامل ويكون عيدك عيدين وتدلعي على شيابينك ومااديري معاهم شي وتفتكي من لبز العيد .. ماهوتتوحمي وتعبانة لييين خلااااص ههههههههههه
حبل الوصل . شن صار في صغار اختك طمنينا ليهم ربي يشبح فيهم انشاالله وشن صاير في امهم بالله
اية .. وينك تخشي تقري وتهربي .. عارفاتك اني .. والا توتي للمة من توا .. قوليلنا كيف حال اوخيك
حنين .. حنين يا حنونة يا حلوة وزغنونة .. شكلك فرحااااااااانة بالحمل وطبعا من حقك ربي ايكملك على خير انشاالله .. وبالشوية عليك تو يبان وليد والا بنية عليش مستعجلة باش تعرفي انتي بكرة ويللي ايجيبه ربي باهي .. فهمتي والا لا يا بنت .. (مرحبتين بيك بين وخياتك وربي يخلص وحلك (هاذي بتسمعيها هلبة في الجديد ههههههههه))
معراج .. الف مليوووون مبروك .. بإذن الله حمل ربي ايفرحك انتي وكل متمنية في هالتجمع يااااااارب
نسرينا .. احسن حاجة فيك انك راكزة ورزينة وما بيتيش اتديري التحليل بسرعة الصبر كويس وانشاالله حامل

[نسرينا]

ههههههههههههههههههههههههههه

قاعدة نضحك على حنين

[نسرينا]

شكرا ليكم على الدعوات

ان شاء الله عقب الصبر خير يا سورينام بس لازم انحلل نخاف لو في حمل ايصير زي الحمل الاول لا تقدر ....لان حملي الاول اجهضت لاني ما كنتش نعرف روحي اني حامل وهاتك يا فلاحة ويا ضم ويا تنفيض ... الحمد لله .

ميمونة شنوووو صاااااار

بس تعرفوا والله متفألة خير .

[حبل الوصل]

نسرينا إن شاءالله تكونى حامل انى متفائلة انك انتى ومعراج حوامل بإذن الله
عيون وسورينام نورتو وين هالغيبة بالنسبه لصغار اختى حالتهم احسن الحمد لله
والولد احتمال يطلعوه بعد عشرة ايام يعنى على العيد لكن البنت مازال والله حالة الام ومعاها حتى امى ربي يكون في عونهم ويشفي صغارهم يارب

[حبل الوصل]

بوسي الف لاباس على بنتك وربي يخليها لك يارب
ام اسيل وينك هيا بكرة عطلة خشي هدرزى استاحشتك نبيك تخشي زى قبل

[معراج]

الجمد لله كما ينبغى لجلال وجهه وعظيم سلطانه الحمد لله عدد خلقه ورضانفسه وزنة عرشه ومداد كلماته الحمدلله باركووووووووووولي طلعت حامل ماقدرت نستنى مشيت بعد اذان العشاء الحمد لله الحمدلله الحمدلله ادعووووولي ربي يتبته ويحسن خلقه وخلقه والعقبه ليكن ان شاء الله يانسرينا تحللي ونتيجتك زيي والعقبه لميرنا وام اسيل وحبل الوصل وراجيه وميمونه وكل مشتهيه اللهم اااااااااااامين يارحمن يارحيم

[حنين88]

رورورورورورييييه hwaml02hwaml02مبروك يامعراج مبروك ياوخيتي وووهhwaml03hwaml03 تعرفي دموعي يهرو زي الشيشمة من الفرحة والله نفس شعوري لما عرفت روحي حامل قريبب طرت مش قتلك عندي عرق مرابط وبتطلعي حامل هيا انراجو في الزردة وعلى خاطر هالخبر الحلو عليا اني الشكشوكة hwaml12وبنفرق دحي مطبوخ بالفلفل الاكحل تفضلو يابنات كل واحدة تاخدي كعيبة يجنن راهو واللي تبي تحط عليه شكلاطة سايلة عادي فيع ههههههههههههههههههههههههههه بدخ احني راهو حتى هيا معراج
والعقبة لباقي البنيات حتى هما والزردة على حسابي انننننننننننناهاهاهاهاهاهاهاhwaml02hwaml02hwaml02

[حنين88]

شكلكم مازلت راقدين واني نايضة زي الغولة بروحي hwaml24
تعرفو يابنات انخمم في غسيل البطن وهادا اول عيد عليا مع راجلي تبو الحق ماعمري غسلتها في حوشنا ديمة حاصلة فيها امي ،،،،،حليلي hwaml5hwaml5كيف بندير تو اكيد بيركزو عليا ،،،، ولا احسن حاجة اندير روحي دايخة وتعبانة ومش متحملة صنة الكرشة hwaml93والفرت وخلاصhwaml78hwaml78هههههههههههههههه

[نسرينا]

http://forum.hwaml.com/imgcache2/hwaml.com_1288944793_765.gif


مبروووووووووووووووووووووووووووك ومباااااااااااااااارك عليك يا معراج

ربي يباركلك ويتمملك على خير ، ربي يتبث حملك وييسر ولادتك ، ربي يحفظلك جنينك ويجعله سليم ومعافى

والله احلى خبر عالصبح

بجاه هالجمعة المباركة حملك يكون فاتحة خير علينا كلنا ...

بس حافظي على روحك و ما اتعبي روحك

وربي يممملك على خير

.

[نسرينا]

على قولتك يا حنين حتى اني اولي عيد ، عاد الحق نعرف نغسل البطن والمصارين والجو هداكا ، لكن والله ما خاطري

ربي يستر وخلاص

ههههههههههههههههههههههههه وبعدين شنو قصة الدحي بالفلفل الاكحل ؟ شنو بتوكلينا حار علي وحمك ؟؟ههههههههه
.

[حنين88]

ههههههههههههههههههه نسرينا ضحكتيني hwaml7hwaml7
حتى راجلي يقولي زمان الهريسة تقعد لين تفسد وطيح مدتها وتوا بالكاشيك شن بتقتليني hwaml15هههههههههههههههه تعرفي جايتني عالحار بشكل مش عادي

بعدين اونه قتلكم في شكلاطة اللي تبي تحط على دحيتها شلاطة تحط خخخخخخخخخخخخخخخخخخخخخخhwaml02

[نسرينا]

هههههههههههههههههه

هريسة بالكاشيك ؟؟؟ سبحان الله ، هذا عيلك بيطلع نااااااشط وكان بنت بتطلع فااااااااالحة هههههه

.

[حنين88]

امس في الليل مشيت للدكتورة ورفعتلها التحاليل قتلي تحاليل تمام وامورك مستفة قتلها عندي امساك اعطتني شروبو قتلي تاخدي منه كاشيك كبيرة بعد الفطور واليوم جربته الحق مية مية حسيت روحي وليت خفيفة hwaml27hwaml27انااااااااهاهاهاهاها

يابنات حقا الشاهي الاخضر مش باهي اني متعودة نشرب فيه قبل ولما عرفت روحي حامل وقفت لكن مستاحشاته هلبة منو سامعة عليه حاجة ؟؟؟؟

[حبل الوصل]

ألف الف الف مبروك يا معراج

ربي يسهلك حملك ويتمملك على خير وربي يحفظلك جنينك ويجعله سليم ومعافى والعقبة لينا إن شاءالله
والله نحس في روحى طايرة من الفرحة

[حنين88]

في الزين نصيب في الزين نصيب في الزين نصيب زعم لنا

زعمة يانسرينا يطلعو ناشطين او والله مادابيا اني خلي يشيطو فيها النار ياوخيتي ولا يقعدو صغار اعمامهم يفشخو فيهم وهما ساكتين نبيهم واعرين ويدافعو على روحهم مش يجوني يتباكو وااله بعدين نزيدهم تفشيخ انننااااااااااااااااااااهاهاهاهاهاهاها

[ميرنا]

روررورورورورورورورورورورورورورورورى مبروك مبروك مبروك

يامعراج

[نسرينا]

مراحب ميرنا طل القمر

كيف حالك ؟؟

عقبالك يا ميرنا ان شاء الله ، العام الجاي ربي يغير من حال لحال ويخش عليك العام الجديد وانتي تتوحمي

.
صباح الخيرات حبل الوصل وحتى احني ان شاء الله في الجّرّرّة

.

[معراج]

الله يبارك فى عمركن والعقبه ليكن ربي يعمر عليكن بجاه الجمعه المباركه وهل ايام المباركه وتستوووووور ياشيخه حنين ياربنك مرابطه ادعيلي الله يثبته والله العظيم انحبكن في الله كلكن وان شاء الله ربي يفرحكن كيف مافرحتلي

[عيون زوجي]

روروروروروروريييييييييييييييي
الف الف مبروك
انا فالحه في الزغروطة تتطلع زي متاع المصريات اكيد سمعتيها لحوشك يا معراج
يارب يثبت حملك ويجعله من قسمك ويجعلهم توامه اولاد يارب باش تتهني وترتاحي من الحمل
عقبال البقيه يارب

[عيون زوجي]

حنين....... ذكرتيني بروحي
حتى انا تزوجت وما نعرفش نغسل البطن
واول عيد ليا مع عزوزتي
كنت حامل في الثالت ومعايا نزيف
ومع هدا خشيت اعليهم 3 بطون
لان شيبانيا وعزوزتي يذبحوا في زوز على روحهم
واحنا واحد
ومشت الامور على خير
ديري زيني لوحي المصارين الرقاق كلهم
وخلي الغلاظ بس والكرشة
وبالنسبة للقص قصي كيف ما يجي
كله يتاكل
وربي يوفقك
وكل عام وانتم طيبين

[عيون زوجي]

كل سنه وانتم طيبااااااااااااات
سورينام الحمدلله اطمنت اعليك استاحشك

[عيون زوجي]

سورينام وين بتعيدي في حوشك ولا حوش شيابينك زينا

[عيون زوجي]

فراس كبر وبدي عزري ولا مازال
وشن صار في طهوره امتى
نبي انطهر حمودي معاه

[عيون زوجي]

وساره شن مدايره معاك ومع اوخيها

[تيمو ليبيا]

الف الف الف مبروك معراج والهي فرحتلك من قلب قلب ربي يتبتلك حملك وتنوضي لا سو لا سويا وردي بالك علي روحك ودلعي وتوحمي هاده وقتك انشالله بدريه صالحه يارب وعقبال باقي البنات يارب في هاشهر مبارك تحملو كلكم معا بعضكم زي المدرسات ههههههههههه