تجمع حوامل ليبيا

[ميرنا]

مواليد 1981 وزنى قبل الزواج 60
وتوة 71بعد 7 سنين زواج


حبل الوصل هههههههه كل سنة كيلو hwaml7

[ميرنا]

انا مواليد 1977 وزني قبل الزواج 74 والان ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ ؟؟؟؟؟؟؟؟؟

ام اسيل هههههههه وانا انقول الراجل شن دايرتله كل حاجة حاضر حاضر hwaml7

[ميرنا]

انا موليد 86 ووزنى قبل الزوج 45 وبعده 53 وتو فى الحمل 64 بعد زواج سنتين ونص
انا وحده تقول رقيقه نهارها هههههههههههههه

لولى المرجاوية ههههههههه طشة ولية hwaml02

[ميرنا]

انا مواليد 1971 وزنى قبل الزواج 45 وبعد الزواج 93 بعد 8سنوات زواج الضحك بدون سبب ؟؟؟؟؟؟؟؟؟؟؟؟

[حبل الوصل]

ههههههههههههه كلكم اسمان فيكم انى رشيقة بس ههههههههههههه

[حبل الوصل]

هاتو لاباس عليك

[حبل الوصل]

أم أسيل وينك نبي نسألك الابر دارولك مضاعفات زى غثيان ولاوجع خبرينى عنها لانى اليوم مريضة واجد وقلت مرات من الابرة وعندى اليوم اخر ابرة ودكتورتك امتى قالتلك يكون اللقاء بعد اخذ الابرة

[ميرنا]

حبيلة ابعيد السو عليك

[ميرنا]

نكة

/ ليبيى قال لخوه نبى ناخذ وحدة لبنانية مثل لتفاح والا سورية مثل الخوخ
ردعليه خوه قال التفاح والخوخ فى يومين يكونن خرابات خوذلك ليبية مثل التمر خمسين سنة وما خربت hwaml7

[smhaa]

أم أسيل وينك نبي نسألك الابر دارولك مضاعفات زى غثيان ولاوجع خبرينى عنها لانى اليوم مريضة واجد وقلت مرات من الابرة وعندى اليوم اخر ابرة ودكتورتك امتى قالتلك يكون اللقاء بعد اخذ الابرة


ابر شنو؟؟ متاعالتثبيت؟؟

[اميسر]

بسم الله الرحمن الرحيم

http://www.majalisna.com/gallery/1740/1740_194504_1254269702.gif


كيف حالكم

انا النت عندي dslوالاشتراك انتهى من حوالي عشره ايام


http://www.majalisna.com/gallery/1740/1740_194504_1254269882.gif


انا مواليد 1971 وزني قبل الزواج 63 وبعد ثمانيه سنوات زواج 65
وعندي وليد وبنيتين

[حبل الوصل]

أميسر ماشاءالله مازلتى محافظة على وزنك
سمحة انى نقصد ابر تنشيط اول مرة ناخذهم
ميرنا ربي يسعدك ويدوم ضحكتك يااارب حلوة النكثة هههههههههه

[ام اسيل]

[QUOTE=حبل الوصل;215357][size=5]أم أسيل وينك نبي نسألك الابر دارولك مضاعفات زى غثيان ولاوجع خبرينى عنها لانى اليوم مريضة واجد وقلت مرات من الابرة وعندى اليوم اخر ابرة ودكتورتك امتى قالتلك يكون اللقاء بعد اخذ الابرة
[/QUOTمانيش رادة عليك الرشقيات وعارضات الازياء الي كيفي على قولتك الاشتشارة متاعهن بالفلووس hwaml73

[ام اسيل]

لكن يلا يا ام اخلاص عشان انا نحبك ها المرة نعطيك استشارة مجانية انا الابر دارلي غثيان مش عادي ورجعت كم مرة وبديت فيهن السبت والسبت الاخر عطتني ابرة تفجير في الليل وقالتلي الجماع بعد 36 سعة و48 ساعة الممهم ثلاثة ايام جماع بعد 36

[ام اسيل]

ميرنا ان شاء الله ديما فرحانة ومضحكتينا وامتا موعد دورتك

[ام اسيل]

وين ها الغيبة وحشتينا. ووين ها الرشاقة قهرتينا

[عيون زوجي]

لاش الحشمه وحكاية الاوزان استروا من في الارض يستركم من في السماء
انا مواليد 1982 ووزني عند الزواج 56 وعندي ابنيه وتوا حامل كيف دخلت السابع بأذن الله ووزني توااااااااا؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ ؟؟؟؟؟؟؟؟؟؟؟؟؟؟؟

[عيون زوجي]

hwaml78
ياكـــــــــــــســـــــــــــوووووووووووفي
خلوا الرد بعد سنه ممكن وقتها اتكون عندي الشجاعه ونكون مدايرة حل للوضع المستفحل

[عيون زوجي]

بااااااااااااس
مرور للاجابه

[اميسر]

نبي نحكيلكم السر الي مخليني ما نزيدش في الوزن


عندي راجل


امنكد علىّ



انحس روحي حتى لقمتي ما ناكلها وانا متهنيه



والله والله يخلق مشكله من ابسط الاسباب


ويعلق تعليقات سخيفه ويتهزى باستمرار



تعرفوا اكتشفت ان العيب مش عندي لما تزوج اخوه والعروس اتعاني من نفس المشكله


ربي ان شاء الله يكون في عوننا اجمعين

مسكينه قريب تنكلب ومشكلتها سمينه والجميع بما فيهم زوجي طول النهار يعلقوا على سمنها

[اميسر]

يا عيون زوجي شن قاللولك وليد وإلا ابنيه



انشاء الله ربي يفرحك بوليد

[ام اسيل]

عيون زوجي ياجبانة خليك شجاعة زيي

[حبل الوصل]

أنا عندى إسهال حشاكم وغثيان لكن مافيش ترجيع وعندى حرارة وضعف في جسمي والله راقدة في الفراش

[smhaa]

اميسرمشكلة راجلك زي راجل اختي بالضبط والله لدرجة تقول ياريته ياخد وحدة تانية باش ترتاح من نقانه شوية

[اميسر]

حبل الوصلhttp://www.manarcom.com/~card1/images/category/mareed.jpg

[ام اسيل]

حبل الوصل لاباس عليك ياخيتي والله حتى انا تعبني واجد لكن مش لدرجة رقدة الفراش بلكي واخذة برد من المكيف عدي للعيادة عايني

[ام اسيل]

نرجو في قصة حمللك بالتفيصل احكي على راحتك وما تخافيش من العين smhaa

[اميسر]

يا ميرنا يا ميرنا

تلاقيت مع صاحبتي ما شفتهاش من ايام الجامعه ومتزوجه لها تقريبا عشر سنوات

وهي في السبع سنوات الاولى صارلها مشاكل زيك


بس السنه قبل اللي فاتت مشت لعياده اهليس وزرعت وجابت توأم اولاد والسنه هذي كررت نفس العمليه وزرعت وجابت توأم بنات عقبالك عقبالك

[اميسر]

بسم الله الرحمن الرحيم


إلى الجميع

الي مش حامل ان شاء الله تحمل وتجيب اللي خاطرها فيه
واللي حامل ان شاء الله تجيب على خير وسلامه

http://www.tawamhospital.ae/english/greetings/thumb/7320081251504600299.jpg

[ام اسيل]

يابنات كل وحدة تقول وزنها مش غير انا ازرطت وقلته عشان تقعدن تقولن اهي الدبة جت وعمرها اخرى ايو
وكل وحدة كان تشتغل تقول شن تشتغل خلونا نطيرو الكساد يعني هدرزن على كل حاجة المستورة والمفضوحة في التجمع هضا ممنوع الاسرار

[ام اسيل]

اميييييييييييييييييييييييييييييييييييييييييييييييي ييييييييييييين يااميسر

[عيون زوجي]

غمضواااااااا عيونكم بنقوووووووول وزني على خاطر ام اسيل ما تحرجش
في حملي في بنتي للشهر الرابع وزني 60 وفجاءة وصل 80 والدكتورة خوفتني وقالت سكر حمل لكن الحمدلله النتيجه طلعت سلبيه كل الناس طمنوني قالوا بعد الولادة رح تنزلي وزنك
بعد الاربعين مشيت لدكتور اخصائي تغديه اسمه عبدالقادر المصري ودارلي تحاليل وقالي هرموناتك مازال ماتعدلتش وديري ريجيم ولكن النتيجه رح تبان بعد 6شهور لان جسم المرأة يحتاج 6شهور بعد الولادة باش يتعدل درت ريجيم شهر نقصت 6كيلو وبعدها جي عرس خوي وسفرتي لالمانيا وما نحكيلكم على الاكل قلت نستنى ل6شهور بعدين نعذب روحي
بعد 6شهور كنت في المانيا وزوجي قال بري لطبيب كويس هنا ومع المشي والجو الحلو رح تتضعفي في نفس الاسبوع طلعت حامل ولله الحمد وتوا مأجله مسئلة الوزن الى مابعد الولادة
انا حاليا ماوزنتش لكن احساسي اني فوق 90 وزني زايد مع الحمل

[عيون زوجي]

ارتحتي يا ام اسيل بعد ما كشفتي المستوووووور

[عيون زوجي]

انا عرفت قصة حب وزواج ميرنا وام اسيل وحبل الوصل لكن نبي نعرف قصص البنااااااات التانيات وخصوصا هنديه شن جابك عندنا لطرابلس يا اوخيتي

[عيون زوجي]

بخصوص الشغل انا ربة بيت وسعيدة جدا جدا بانني ربه بيت
انا معي بكالوريوس صيدله ولما تخرجت كنت مخطوبه اشتغلت صيدلانيه 6شهور في مستشفى تابع المخازن واتفقت انا وخطيبي يلي هو زوجي وحبيبي توا اني انسيب الخدمه وتنازلت عن التعيين بقراري واتفرغت لنفسي ومن بعدها لزوجي وبيتي وبعدها لزوجي وبنتي حبيبتي وحملي وارتحت لاعاد نعرف خدمه ولاقرايه عرض اعليا زوجي نكمل ماستر هنا في المانيا رفضت اعييت من التعب سادني ما عندي من مسئوليات
اميسر انشاءالله اوليد قالولي اوليد ويارب انشوفه بصحه وسلامه وعقبال الكل ميرنا وام اسيل وحبل الوصل وراجيه

[ام اسيل]

طبعا هكي ارتحت امالا نقعد انا الوحيدة الرشيقة وحبل الوصل تضحك عليا كلنا نقعدو في الهوا سوا وبعدين اول ماتجيبي ديري رجيم والله اختي سمنت في حملها 15 كيلو وبعد الجياب باسبوعين سكرت راسها ودارت رجيم وهي ترضع لكن رجيم صحي ما في حاجة وما فيه لحم خضرة وفاكهة والله ماطقت ثلاث شهور الا وهي رادة احسن من قبل ما تحمل ومازالت ترضع وبنتها ماشاء الله عليها لكن هي عندها عزيمة وارادة انا العزيمة والارادة نسيتهم في حوش هلي لما اتزوجت ومعش لقيتهن شكلهم طوحوهم

[ام اسيل]

باهي احكينا انت عن قصة زواجك ياعيون شكاه الحب بيناتكم مقطع بعضه اللهم لا حسدhwaml02

[اميسر]

عيون زوجي ماشاء الله تبارك الله
ربي يهنيك


يا بنات شن اخر اخبار صابره

[عيون زوجي]

انا كنت دبوسة قراية لا نعرف لاحب ولا علاقات بعد ماكملت اخر امتحان في سنة خامسة كان صاحب النصيب في الكليه يتمشى ويتفرج عالبنات وتلاقينا في كفي نت الكليه وسئلني عن الكفي وحاجات تافهة مش اكثر من5دقايق
بعدها بشهر كنت في الكلية نكمل في مشروع التخرج تلاقيت معاه وكان جاي باش يشوفني وانا كنت امبهدله لاني جايه عالسريع ومروحه سئلني عالنتيجه وخلاص
بعدها باسبوع كنت حاسة اني بنشوفه كان مهندس وحليوة وعمره مناسب لبست احلى ماعندي وقلت لصاحبتي كان جي ووقف اعلينا بري وخلينا بروحنا وفعلا جي وكان يوم النتيجه ونجحت وبعدها تتطورت الحكايه بالتليفون وجاني يوم مناقشة المشروع وجابلي خاتم ايجنن هديه وكنا خلاص متفقين على كل شي واولهم ان الخطبه مازال لانه ماعنداش حوش
ويلي صار جاني صاحب خوي يخطب فيا والعيلة وافقت ومازال رايي قعدت نبكي مش عارفه شن انقول خفت نحكي يدبحوني دبح يقولوا من وين تعرفيه
اتصلت بيه وفعلا شاور امه قتله مانمشيش نخطب وانت ماعندكش حوش قعدت انا في حيرة وبديت نماطل وجاني صاحب خوي للشغل يبي يتعرف ويبي رايي وكنت جافه وبايخه معاه وفي نفس الوقت ما قلتش لا
بعد 3اسابيع بدي حبيبي يبني على خاطري وجاب امه بالسيف وجو يخطبوا والعيله فضحت القصه بس لما لقوه راجل امقوم وافقوا وقعدت مخطوبه 3سنوات ونص
ثم تزوجنا ومشينا شهر عسل لسوريا وحملت بعد 3شهور وبعد الولادة مشيت للاردن ادهورت وهادي قصتي بالتفصيل الممل

[ميرنا]

مساء الخير على الحلوات الدبدوبات والرقيقات

[عيون زوجي]

هلا ميرنا مساااااااااء الخيرات

[عيون زوجي]

مبروك للتجمع انه فات 100صفحه

[عيون زوجي]

كيف حالك يا ميرنا

[ميرنا]

اميسر انشالله يارب نحمل تعرفى البارح قاعد فى سريرى وندعى ونقول يارب عطينى 4 أعويلة اذكورة اشوى قالى راجلى هويضحك عليك الحمرة 4 مرة وحدة

ام اسيل شوفى شن صار امعى دورتى يوم 11 /6 ماجتش وانا موش وخذا شى مشيت امس فى المغرب درت تحليل حمل لا يوجد درت تحليل هرمون الحليب لقيت 70 امشيط مشيت اليوم لدكتورة قالتلى عندك كيس وظيفى على المبيض وممنوع المنشاطات الى ان ايحول الكيس روحت للحوش ما نشوف فى الطريق زمطتها وسكتت قلت هذا لى كان ناقصنى زعلت اشوى وبعدها هونت يالله وين ما اطب طب

[عيون زوجي]

الف سلامه وانشاءالله لاباس

[اميسر]

والله ربك كريم يا ميرنا




بس توكلي على الله وتعالي لبنغازي
في حالات اصعب من حالتك وحملنا هنا في بنغازي بمشيئه الله
وراهو سمعت شيخ ايقول انه من الاخذ بالاسباب العلاج عند الدكتور الحاذق بس توكلي على الله وتعالي لعياده اهليس وإلا عياده المستقبل والله الايام الي فاتت وحده شالت للدكتوره ايمان بوطلاق في عياده المستقبل طبق حلويات وخاشه ووليدها في حضنها عقبالك وقالتلها يا دكتوره حملت بفضل الله وبفضلك وهذا اوليدي




والله والله والله يا ميرنا انا لما ننصح حد عمره ما حد خذا نصيحتي وندم


انا ننصحك من بكره اتجي لبنغازي وتبدي العلاج هنا وتوكلي على الله

والله عندي احساس انك كان جيتي لبنغازي تحملي

[ميرنا]

عيون راجلها ايش اخبارك واخبار عرب المانيا انا علق النت على المدار وبطى جدا لهذا الرد ايجى متاخر

[عيون زوجي]

الله يسلمك المانيا كويسه وفي الصيف احلى من الشتا
بس من كل قلبي ندعيلك بالذرية الصالحه وتجيك ابنيه حلوة زي بنيتي ولا اوليد احلى وايارب زوز توامه

[اميسر]

عيوني زوجي نراجي في ردك على رسالتي

الله ينور عليك

[smhaa]

ميرنا اني ليا سنين وسنين محملتش لدرجة الناس ومن وراي يحفروا لراجلي ويقولوله شن بدير بيها ماكلة وشراب وبس مرتك هذه مع ان عندي ولد كبير ربي يحفظه بس انتي تعرفي الناس وزنانهم المهم اني عالجت في طرابلس والحمد لله توا حملت مع اني سافرت حتى خارج ليبيا للعلاج ومافيش فايدة

لو تقدري تجي لطرابلس تعالي وامشي لنفس دكتورتي وان شاء الله ربي يساعدك

[smhaa]

نرجو في قصة حمللك بالتفيصل احكي على راحتك وما تخافيش من العين smhaa

ههههههههههههههه لالالا منخافش اني نعرف ان الليبيات كلمة مشاء الله ولاقوة الا بالله في فمنهم ديما

قصتي ياحنة

اني متزوجه صغيرة وحتى راجلي صغير لما تزوجنا راجلي كان عمره 20 سنة واني اصغر منه طبعا

بعد زواجي بشهرين حملت بولدي ربي يخليه وجبته قبل عيد زواجي بعشرة ايام
بعد و لدي خديت حبوب منع الحمل لكن سبحان الله حملت بيهمhwaml5 حملت وكانت بنت وبما اني ولدت ولدي بقيصرية فكان احتمال ولادتي التانية تكون عملية ودخلت شهري بس لما امشيت للعيادة قالي الدكتور زيدي اسبوع بالك تجيبي طبيعي ولو ماجبتي طبيعي انديرولك قيصرية اني بغبائي قلت باهي وروحت في الاسبوع هذا للاسف بنتي ماتت في بطني وسبحان الله ولدتها طبيعي مع انها كانت متوفية
المهم بعد بنتي الله يرحمها رميت ومنها خلاص ماعاد حملت م اني عالجت وسافرت برغابدا بس مافيش فايدة والحمد لله
في شهر 4 اللي فات قررت نمشي لمركز عندنا هني في طرابلس كويس جدا ومشكور

امشيت واخترت دكتورة اسمها سكينة صدفه من غير مانعرفها او نسمع عنها

والحمد لله لما خشيت ارتحت ليها هلبة هلبة كانت انسانة راقية جدا وتحسي بحنان الام والاخت رغم ان سنها مش كبير وبالنسبة ليا اخترت الحقن المجهري بس في هلبة حملو بالعلاج فقط بمساعدتها وبعون الله طبعا

عملت عندها العملية والحمد لله بعد غدوة انخش الثالت بعون الله

هذه قصتي باختصاااااار
ربي يثبت حملي وحمل كل الاخوات يااارب

[ام اسيل]

سمحة

قصتك اثرت فيا واجد يارب ياسيدي يحفظلك الي في بطنك وتفرحي بشوفته يارب

[ام اسيل]

ميرنا لاباس عليك هضا الكيس من المنشطات حتى انا بعد الكلوميد الدكتورة مبتش تعطيني ابر لين تأكدت ان مفيش كيس بس هو حاجة عادية وممكن يعطوك حبوب وينزل مع الدورة


وراس ميرنا والله انا نحبك زي خيتي اقنعي راجلك يجيبك للدكتورة ايمان بوطلاق والله نسمع عليها واجد بكل وكان تبي نحجزلك موعد من توا نحجزلك لان تبيلك بيش تحصلي موعد عليها زحمة بكل فكري في الموضوع انت شن خاسرة حتى المبلغ مش كبير

[ام اسيل]

حبل الوصل طمنينا عليك حبيبتي ان شاء الله خفن الاعراض لاباس عليك انشاءالله

[ام اسيل]

انا ريتك كاتبة عيون راجلها ربي يخليكم لبعضكم يارب تجيبيله طزينة عيال وتعيشي متهنية طول عمرك انت وياه قولي امين

[ام اسيل]

ههههههههههههههه لالالا منخافش اني نعرف ان الليبيات كلمة مشاء الله ولاقوة الا بالله في فمنهم ديما

قصتي ياحنة

اني متزوجه صغيرة وحتى راجلي صغير لما تزوجنا راجلي كان عمره 20 سنة واني اصغر منه طبعا

بعد زواجي بشهرين حملت بولدي ربي يخليه وجبته قبل عيد زواجي بعشرة ايام
بعد و لدي خديت حبوب منع الحمل لكن سبحان الله حملت بيهمhwaml5 حملت وكانت بنت وبما اني ولدت ولدي بقيصرية فكان احتمال ولادتي التانية تكون عملية ودخلت شهري بس لما امشيت للعيادة قالي الدكتور زيدي اسبوع بالك تجيبي طبيعي ولو ماجبتي طبيعي انديرولك قيصرية اني بغبائي قلت باهي وروحت في الاسبوع هذا للاسف بنتي ماتت في بطني وسبحان الله ولدتها طبيعي مع انها كانت متوفية
المهم بعد بنتي الله يرحمها رميت ومنها خلاص ماعاد حملت م اني عالجت وسافرت برغابدا بس مافيش فايدة والحمد لله
في شهر 4 اللي فات قررت نمشي لمركز عندنا هني في طرابلس كويس جدا ومشكور

امشيت واخترت دكتورة اسمها سكينة صدفه من غير مانعرفها او نسمع عنها

والحمد لله لما خشيت ارتحت ليها هلبة هلبة كانت انسانة راقية جدا وتحسي بحنان الام والاخت رغم ان سنها مش كبير وبالنسبة ليا اخترت الحقن المجهري بس في هلبة حملو بالعلاج فقط بمساعدتها وبعون الله طبعا

عملت عندها العملية والحمد لله بعد غدوة انخش الثالت بعون الله

هذه قصتي باختصاااااار
ربي يثبت حملي وحمل كل الاخوات يااارب

كان مافيهاش صماطة قوليلنا انت مواليد كم

[عيون زوجي]

ربي يباركلك يا سمحه
حبل الوصل لاباس اعليك يا اوخيتي
ميرنا اسمعي الكلام وريحينا ولا نجوك بالسيف والعصا نرفعوك وماتزعليش الكيس مش مشكله خودي حب الرشاد عالريق اختي استفادت منه لما جاه كيس وخدت غداء الملكة قالت كويس والله اعلم

[اميسر]

يا بنات نبوا انديروا اضراب ومعاش نبو انشاركوا ولا نتكلموا لين ميرنا
تجي اتعالج عند الدكتوره ايمان بوطلاق وتزرع عندها


والله والله الدكتوره ايمان بوطلاق بنت حلال
اتصدقوا في بعض المريضات الي يتعالجو عندها في العياده الخاصه
والله والله والله على ما اقول شهيد
قدامي صارت مش قولت قاله
لما الدكتوره ايمان تلقى المريضه ظروفها الماديه صعبه ما تاخدش منها ولا قرش
وبعض المريضات لما تلقى حالتها متوسطه تاخذ منها مبلغ بسيط جدا جدا

ونفتح باب التسجيل في الاضراب

انا اول وحده اميسرhwaml7

[حبل الوصل]

حبل الوصل طمنينا عليك حبيبتي ان شاء الله خفن الاعراض لاباس عليك انشاءالله
الحمد لله توة أحسن لكن شكلى واخذة بردة توة أحسن بعد دهنت ودفيت روحى الحمد لله

[smhaa]

سمحة

قصتك اثرت فيا واجد يارب ياسيدي يحفظلك الي في بطنك وتفرحي بشوفته يارب

ربي يخليك وخيتي والله فيك الخير ربي يعطيك اللي في بالك يااااااارب

ويثبت حملي وحمل كل اللاخواات

[smhaa]

كان مافيهاش صماطة قوليلنا انت مواليد كم

شنو معناها صماطةhwaml13

اني مواليد 75

[الهندية]

انا مواليد 80 وزنى قبل الحمل 56 وبعد ماجبت بنتى 70 الكارثة ان ننزل ثلاث كيلو ونرجع نردهن مع انى فى الاكل نفس الشى ومبتعدة عن اى حاجة تسمن ...
نشتغل مدرسة ونحب التعليم بشكل ومستحاشة المدرسة وجوها ...

[ساجدة]

اهلين بنات كيف حالكم انا مازلت نكركر ادعولي الله ايفرج عليكن كلكن ربي ايسهل ولادتي وانجيب في هاليومين لاني تعبانه تعبانة وااااااااااااجد ياااااااااااااااااارب مليت ......ادعولي ربي ايسرلكن اموركنك لاني محتاجة لدعواتكم في هالغربة

[ام روفيدة]

اختي smhaa أسأل الله أن يثبت حملك ويرزقك رؤية طفلك ويتمم فرحتك اللهم امين

[الهندية]

من فيه ...مساء الخيرات
اختى ساجدة ربى يتمللك ويسهلك ولادتك وينوضك انتى وطفلك بالسلامة امين يارب العالمين

[عيون زوجي]

ام اسيل ربي يبارك فيك ويهنيك بزوجك واولادك ويرزقك ب 10تانيين يارب
ساجدة ربي يفرج اعليك وتجيبي على خير
سمحه ربي يتبث حمل عل ى خير

[عيون زوجي]

بنتي المدة يلي فاتت خدت بردة على صدرها والتهب هلبه واليوم كان عندها صورة طبقية على صدرها وخدروها باش ماتتحركش
بالله ادعولها تتطلع النتيجه كويسة وصدرها انظيف بالله عليكم

[ميرنا]

عيون راجالها بعيد اسو على ابنيتك وعينك من الصقع ديمه دافيها وما تطلعيش بيها وقبل ماترقد ادهنيها كلها بزيت ازيتون وانشالله يارب تطلع صورتها اكويس

[ميرنا]

ساجدة ربى يخلص كربك وانتى طيبة ويفرحك بوليد سمح زى بوه

[ميرنا]

يا بنات نبوا انديروا اضراب ومعاش نبو انشاركوا ولا نتكلموا لين ميرنا
تجي اتعالج عند الدكتوره ايمان بوطلاق وتزرع عندها





ونفتح باب التسجيل في الاضراب

انا اول وحده اميسرhwaml7
ههههههه نجك لى والله انشالله بس نرجاء الكيس ايحول وباذان الله نعدى نزرع

[ميرنا]

ميرنا


وراس ميرنا والله انا نحبك زي خيتي اقنعي راجلك يجيبك للدكتورة ايمان بوطلاق والله نسمع عليها واجد بكل وكان تبي نحجزلك موعد من توا نحجزلك لان تبيلك بيش تحصلي موعد عليها زحمة بكل فكري في الموضوع انت شن خاسرة حتى المبلغ مش كبير
والله يا ام اسيل حتى انا نحس بيك زى وحدة من خواتى وتعرفى امس قالى راجلى خوذى عنوانها وامتى ما نمشو الى بنغازى اتعدى اتسلمى عليها حتى ولو عنوان مدرستها وان شالله امتى ما يبى ايشيلنى توة انقولك وبالنسبة لدكتورة انشالله بعد ما يحول الكيس نبى انخش على الزرع على طول معش نبى ننتظر اكثر من هك خلص يا صبات ياخبات وربى كريم

[hatoo]

اهلييييييييييين

[hatoo]

بكره يطلع تحليل ويوم السبت ندعي لدكتورة واظن انها حتعطيني مضاد حيوي وان شاء الله خير

[ميرنا]

ساموحة ايش اخبارك توة قريت قصتك ربى انشالله يوفقك ويفرحك بالى فى خاطرك بس قوليلى بعد الحقن قعدتى راقد ولا تشتغلى فى الحوش عادى وكم يوم قعدتى فى العيادة وشن الحاجات لى قالولك عليهن الدكاترة اديريهم وشن لى تجنبيها احكيلى كل حاجة من النقطة الى الفاصلة

[ميرنا]

هاتوة حبيبتى انشالله يطلع تحليلك اكويس وتفتكى من المضاد الحيوى

[hatoo]

ان شاء الله ياميرنا وانتي شنو اخبارك

[ميرنا]

حبل الوصل انشالله ربى يشفيك يالغالية

[ميرنا]

هاتوة اخبارى اكويس ومانفرح الا بعد ما نبداء نسهرى امعكن ونشجع ويجدد فى الأمل

[smhaa]

[quote=ميرنا;217959]ساموحة ايش اخبارك توة قريت قصتك ربى انشالله يوفقك ويفرحك بالى فى خاطرك بس قوليلى بعد الحقن قعدتى راقد ولا تشتغلى فى الحوش عادى وكم يوم قعدتى فى العيادة وشن الحاجات لى قالولك عليهن الدكاترة اديريهم وشن لى تجنبيها احكيلى كل حاجة من النقطة الى الفاصلة [/quot

اهلييين
ايوة راحه تاااااامة مانمشي الا للحمام حاشاك
بالنسبة للمصحة روحت نفس اليوم امشت الساعه 10 ورجعوهم الساعه 12 تقريبا وروحت الساعه 5
الدكتورة طبعا تمنعكك من اكل الحار والبهارات زالجكاع ممنوع جدا
يعني راحه لجسمك وحتى اعصابك
لمدو اسبوعين يوم التحليل ان شاء الله

[ميرنا]

معليش غالى على اتزغريت حسنى نبى نزغرت اسمعن موش اتسكرن ذانكن فولة خير
روروروروروروروروروروروروروروي

[smhaa]

كيف حالكم بناويت بلادي وحال صحتكم كلكم؟؟

[ام الجازي]

كيفكم حوامل
ادعوكم لمشاركتي في قروب حوامل
للنساء فقط للي حابه ترسل ايميلها او ارسل لها ايميل القروب
اتمنى تشاركوني

[smhaa]

وين الرابط ام الجازي؟

ربي يثبت حملي وحملك وحمل كل الاخوات

[ميرنا]

يابنات صباح الخيرات خلص اتفقت مع ام اسيل تحجزلى عند الدكتورة ايمان ابو طلاق ادعولى انشالله ربى يوفقنى بلاش 4 اعويلة انجيب حتى ابنية قولنا امين

[ميرنا]

اليوم جتنى الدورة موعدها 11/6 تاخرت على بسبب ارتفاع هرمون الحليب وجاءت اليوم تاريخ 19/6 والحمد الله انها جاءت

[ميرنا]

راجية فرج ربها انشالله ربى يفرجها عليك وين امغطسة
ساجدة ايش صار امعك وين طبيتى اكيد خاطرك فى اوكلنا ابنبعثلك اليوم عصبان مع بنتى بس خليلها باب حوشك مفتوح
الصابرة اكيدة جابتى مستحيل تقعدى الى الان وما جبتيش انشالله ياربى بسلمتك ونحن نرجو اتبشرينا
اميسر رسالتك اثرت فى راجلى وقالى شكلها اتعزك واجد ومشغولة عليك ربى انشالله يحققلك كل ما تتمنى
حبل الوصل ايش داير اليوم صحتك اكويسة ربى انشالله يجبر خاطرك وتحملى وتحطى راسك من ها القصة
عيون راجلها ايش اخباركم وبالاخص ابنيتك ؟
الهندية ايش فيه من جديد ايش اخبار الدورة جاتك ولا مازال
امنيات يام البنات ايش اخبارك والا كيف هلال العيد
هاتو ايش قالتلك الدكتورة على التحليل طمنينا عليك يا الغالية
لولى المرجاوية ايش صار امعك رانى مشغولة عليك وشن دارولك من حل امس نسال فى راجلى على قطر قالى الله اكبر عليه دولة متطورة جدا وبذات من الناحية الطبية
سماح حبيبتى كم ابرة منشط خذيتى وهل دارتى عملية منظار جراحى
ام ايسم يامصراتية ايش لعلوم ربى يخليك لعويلتك انتى خشيتى اشهرك ولا مازال
ام اسيل ربى يفرحك ويهنيك وينجيك لعويلتك شنو ها جرى خففى سرعة

[ميرنا]

سماح ايش الاخبار انتى تسالى على الرابط هو تجمع المتاخرات عن الحمل

[ميرنا]

كيفكم حوامل
ادعوكم لمشاركتي في قروب حوامل
للنساء فقط للي حابه ترسل ايميلها او ارسل لها ايميل القروب
اتمنى تشاركوني
ام جازى
ميرنا وحبل الوصل خشن معكم وكتبن قصتهم وانشالله توة يخشن لاخرات وحاضر توة انبلغوهمhwaml7

[ميرنا]

فوائد الزوجة النكدية

1ـ تجعل لسان زوجها رطبآ بذكر الله (طول اليوم يردد :حسبي الله ونعم الوكيل )


2ـ غض البصر (بأسبابها يكره كل الحريم )


3ـ صلة الرحم (على طول شارد بيت أهله من نكدها)


4ـ المحافظه على الوزن (دايم نفسه منسده )


يعني سبحان الله حتى وهي نكديه فيها فايده ..

[ميرنا]

على فكرة ياحبل الوصل فى تجمع المتاخرات عن الحمل ام جازى سالتك بعد ما حكيتى قصتك , عن حبوب منع الحمل كم سنة خذيتيهم

[حبل الوصل]

صباح الخير
انى بخير والحمد لله لكن مانحكيلكمش كيف صار في وجع بطن واسهال وحرارة ومفيش ماكله 3 ايام لكن توة الحمد لله احسن مشيت عاينت قالى الدكتور القولون متهيج من العلاجات
والدكتورة مشيتلها 9يوم في الدورة قالتلى زيدي 3 ابر تنشيط وقالتلى عندك تكيسات والله ماكانها شن قالت توكلت على ربي وروحت ومانبيش ناخذ ابر ولاعلاج اخر
والراجل امس روح من مصراتة معناها مش فاضيتلكم بكل
ميرنا احسن شي اللي درتيه حتى انى تو الشهر الجاي بنقنعه يرفعنى لبنغازى ماعادش فيها كيف تعبت وكل النساوين اللى بحداى حوامل
أم أسيل وينك وامتى البشارة يااااااااااااااااااارب مايضيع تعبك في الفاضي وتكونى حامل ياااااااااارب

[اميسر]

يا ميرنا

انا ليا كم يوم زعلانه بسببك

بس والله اليوم فرحتيني بقرارك


بس نصيحه حطيها حلقه في وذنك

قال رسول الله صلى الله عليه وسلم
(استعينوا على قضاء حوائجكم بالكتمان)

والعين حق

انقولك الله اعلم والله اعلم
انتي من النوع اللي كان قلتي على حاجتك تنحسدي بسرعه وما ايصيرش منها

يعني نبيك تمشي في موضوعك بكل قوه
بس ما اتخبريش حتى على اقرب الناس ليكم
ويقولوا ما يحسدك إلا حبيبك

حتى بنغازي قولي ماشيه ندهورونتفسح وكان عالحجز خلي ام اسيل تعطيك رقم تلفون العياده والحجز ساهل


وتبشرينا وانتي حامل بالشهر الرابع

انقولك سر .......انا هكي اندير....

[ام اسيل]

السلام عليكم

الف لاباس عليك ياحبل الوصل وان شاء الله الي تديريها تلقيها متيسرة قدامك (وبشوية عا الرجل راهو شكا لراجلي امس منك قاله معش لحقت عليها باهي الي مريضة )
انا يابنات درت تحليل دم يوم الخميس وطلع مفيش حمل

وانا قررت اني نوقف محاولات حمل لين نقص على الاقل 20 كيلو عشان حتى لما نحمل مانتعبش وانا خذيت القرار هضا وانا راضية نفسيا وفرحانة وكل توخيرة فيها خيرة ان شاء الله

[حبل الوصل]

ربي يقدملك اللى فيه الخير
تعرفي حتى انى اول مرة نحس روحى مرتاحة والله بعد التكيسات قلت مانبيش ناخذ منشطات

[ام اسيل]

تعرفي يا ام اخلاص انا حملتي الي فاتت حملت من غير منشطات بس كنت ناخذ في حبوب متاع الحليب والدكتورة كانت ترجا في الدورة امتا تنزل بيش تعطيني كلوميد وسبحان الله طلعت حامل والله ما في بالي بكل لكن قدر الله وماشاء فعل والجنين كان كويس وفيه نبض ويتحرك لكن لما سمعت ان عمي توفى كنت واخذة ابرة السكر ومفروض بعدها ناكل وانا عديت طايرة بعد الخبارة ونسيت ناكل وبعد ساعتين في العزاء جاني هبوط شيديد واغمى عليا وشالوني للمستشفى تخيلي لقو سكري 35 وهذا هو سبب موت الجنين والحمد لله على كل حال وعمتي سماته عوض عشان يعوض علينا ربي ولما حملت كان عندي تكيس وانا مش عارفة الدكتورة فوزية مابتش تقولها ليا قالت عشان نفسيتك عشان اهم حاجة في الحمل النفسية والله ما قالتها ليا لين دارتلي عملية التنظيف

[smhaa]

ايوة مكنتش نعرف ان القروب هكي على اموضوع التأخر هذا ربي يفرحهم بوليد او بنية

ميرنا قرار جدا كويس ربي يوفقك ان شاء الله

[smhaa]

ام اسيل ربي يعوضك وخيتي قدر الله وماشاء فعل

[اميسر]

ربي يعوض عليك يا أم اسيل

تبي الصارحه انشاء الله التوخيره هذي ما فيها ندامه


اهم حاجه تحطي قدامك الهدف وهو الاستعداد الجيد للحمل ديري رجيم

بس في الفتره هذي خوذي كورس فيتامينات وفوليك اسيد

تعرفي انشاء الله انشاء الله خير


كولي تمر وحليب وعسل وامتنعي على النشويات وديري رياضه

يعني حاجه شهر شهرين وتكوني جاهزه


بس حبيتك تشوفي الموقع هذا ممكن يساعدك

http://www.rjeem.com/forum/f8.html

[ام اسيل]

اميسر الف الف شكر على التشجيع وشفت الموقع الي قلتي علية ممتاز بكل وشكرا مرة اخرى

[حبل الوصل]

حلو الموقع يا اميسر مشكورة استفدت منه

[حبل الوصل]

أم أسيل شن رايك في توقيعى تعبنى ههههههههههههههه

[ام اسيل]

الحمد لله فكيتينا من الانهيار لكن باهي باه مستكردة اخلاص هذينا الليبيات توا نفتنها ونقوللها امك حاطة غير اسم خوكhwaml02

[عيون زوجي]

السلام عليكم
ميرنا فرحتيني واحسن قرار وادعي الله يوفقك ويجيبهالك زينه واحنا ندعولك يارب تحصلي توامه وترتاحي
ام اسيل الله غالب كل شي بالكتبه وقرار الريجيم بنبدا فيه معاك نديروا قروب للهمه والعزيمه ولازم انحوا 20كيلو واكثر بأذن الله
حبل الوصل يا دلوعه بردة رقداتك قداش يوم ولا غياب راجلك هو يلي فشلك اول ما روح قلتي باي مش فاضيه
هنديه وينها شكلها سافرت لتونس لشيبانيها ولا لاهلها
راجيه وينك
اميسر اول ما تعرفي جنس البيبي طمنينا

[لولى2010]

كيف حالكم جميعا شكرا لكل من سال عليا وميرنا انت اسعى وربي معك وان شاء الله حندعولك فى الولاده بنقولك حاجه تو خودى فوليك اسيد وخودى طلع النخيل كشيك صغير مع كوب اميه كل يوم من اول ماتجيك الدورة لعند الدورة التانيه يساعد ع الحمل بادن الله انت اقري عليه حتى فى النت توتلاقى فؤائده كتيره وربي يسهل
جربوها كلكم وهدى حاجه طبيعيه مش حتضر ودعولى ربي يسهل عليا ونجيب طبيعى

[اميسر]

عيون راجلها
(( اميسر اول ما تعرفي جنس البيبي طمنينا ))

فال وعلى الله الكمال

لا والله انا توا مش حامل
انشاء الله

[حبل الوصل]

هذا حطيه في توقيعك ياأم أسيل http://raneen.info/calage/$205$200$237$200$201$32$199$225$227$199$227$199$32 $195$211$237$225-2001-10-30-1/myage.png

[ام اسيل]

للاسف يلحبل الوصل ما نعرفش كيف(جهل الكتروني)

[ميرنا]

صباح الخير يابنات لى وعيات ولى مازالن امرقدات وانشالله ربى يفتحها فى وجوكن
( شيشة ببسي مرجوجة)
hwaml7

[ميرنا]

ام اسيل / بارك الله فيك , واى تغيير توة انقولك

[حبل الوصل]

صباح الخير ياميرنا شن اخبارك
أم أسيل أمشي لتعديل التوقيع واحفظى الصورة هذى في جهازك ومن تعديل التوقيع تلاقي تصفح امشي للمكان اللي حطيتي فيه الصورة وديري رفع بعدها حفظ التوقيع ساهلة

[ميرنا]

حبل الوصل كيف كيف

[حبل الوصل]

http://raneen.info/signature/13-$216$177$216$168$217$138$32$217$132$216$167$216$17 0$216$176$216$177$217$134$217$137$32$217$129$216$1 77$216$175$216$167$32$217$136$216$163$217$134$216$ 170$32$216$174$217$138$216$177$32$216$167$217$132$ 217$136$216$167$216$177$216$171$217$138$217$134-13-14-4-110-143-$217$133$217$128$217$128$217$128$217$128$217$128$2 17$128$217$128$217$138$216$177$217$134$216$167-3-14-13-151-102/signature.png
هذا لك ياميرنا

[حبل الوصل]

باهى نقولك طريقة اخرى
شفتى المربع الاصفر اللي في اضافة الرد وعليه هرم فيه زيه في تعديل التوقيع
انتى في الاول امشي للصورة اللي درتها لك وديري كليك يمين بالفارة على الصورة واختاري انسخ مكان الصورة وامشي لتعديل التوقيع للمربع الاصفر ديري لصق

[حبل الوصل]

باي توة نمشي نفطر

[ميرنا]

هاب هاب ولا ما عرفت ياخيتي دارت نسخ ولم جيت لتوقيع دارت لصق ما بتش اتلصق

[ميرنا]

تى كيف صار ههههههههههههههههه

[ميرنا]

اجرى ياحبل الوصل افطرى وصقدى روحك قبل ما يجى الراجل ويشوف التوقيع ولا انطفى الجهاز ونطمره

[ميرنا]

ولا يوم عطيب ههههههههههههه
النجدة ياهوه

[ميرنا]

وين ياحبل الوصل هذا كله فطور تعالى ياولية غيريلى التوقيع ابعدك ما عندنا الريح وين اتهب

[حبل الوصل]

ههههههههههههههههههههههههههههههههههههههههه
ضحكتينى ارفعى الصورة اللي درتها لك وهذى احذفيها

[ام اسيل]

هههههههههههههههههههههههههههههههههههههههههههههههههه ههههههه والله ضحكت من وسط قلبي عطكن حبة ضحكتني وانا قلت كنها ميرنا حاطة توقيع حبل الوصل توا عرفت هههههههههه انا نفشك عاد حطيت التوقيه صح لكن من ساعدني ووراني كيف (الفضيحة السودا )اسيل تعرفن تضحكن عليا نوريكن ودايرة روحي مديرة مدرسة هههههههههه ميرنا انتي ديري حذف التوقيع الاصلي قبل هههههههههوالله مازلت ميتة ضحك

[ميرنا]

ام اسيل هههههه اسيل هى لى اتوري فيك عليك وقت

[ميرنا]

ام اسيل نجك لى انشالله يوم 7/4 انجى للدكتورة باذان الله وسامحينى على التعب

[ميرنا]

يا ميرنا


اليوم فرحتيني بقرارك


بس نصيحه حطيها حلقه في وذنك

قال رسول الله صلى الله عليه وسلم
(استعينوا على قضاء حوائجكم بالكتمان)

والعين حق

انقولك الله اعلم والله اعلم
انتي من النوع اللي كان قلتي على حاجتك تنحسدي بسرعه وما ايصيرش منها

يعني نبيك تمشي في موضوعك بكل قوه
بس ما اتخبريش حتى على اقرب الناس ليكم
ويقولوا ما يحسدك إلا حبيبك

حتى بنغازي قولي ماشيه ندهورونتفسح وكان عالحجز خلي ام اسيل




انقولك سر .......انا هكي اندير....


هاب ياخيتي ماعمرى مسكت حاجة لكن والله نعمل ابنصيحتك ايوه ايوه وانا انقول عليش اميسر كيف الفارس الملثم

[smhaa]

للرفع.....

[ميرنا]

صباح الخير يابنات

[ميرنا]

حبل الوصل ايش رايك فى توقيعى شاطرة مه انا الكمبيوتر خبرة ما قريتش بكل ولا خذيت دورة اهو قاعدة انتعلم اشوى بشوى

[ميرنا]

يابنات تعالنا عبرنا على شعوركنا بايقونة
ميرناhwaml85 هذا حالى زامط وسكته

[اميسر]

ميرنا
(hwaml78ايوه ايوه وانا انقول عليش اميسر كيف الفارس الملثم)

حسك حرجتيني
hwaml78


هابه يا ميرنا اندير في روحي فالحه

زعميتك نقدر نجحد حاجه


بس خاشه على جو الفلاحه جديد وقاعده انتعلم

[ميرنا]

اميسر وينك قاعدة نرجاء فى الرد

[اميسر]

السلام عليكم

بس ما كنتش بجنب الجهاز

[صابرة]

السلام عليكم
كيف حالكم يابنات
ربي رزقني بالولد يوم الجمعة 11-6 وكانت الولادة عملية قيصرية
وسميته عبد الهادي
ليكم وحشة يا بنات التجمع

[صابرة]

ساجدة جابت ولا مازال؟؟
ومآسر مفيش عليها اخبار؟؟؟

[اميسر]

ألــــــــــــــــــــــــــــــــــــــــــــــــ ـــــــــــف مبـــــــــــــــــــــــــــــــــــــــــــــروك

(صابره)

جعله الله من مواليد السعاده ويتربى بعزك يارب


http://www.alnaddy.com/images/items/1222604737r1908t.jpg




http://www.alnaddy.com/images/items/1222604697g3810j.jpg

[حبل الوصل]

صابرة ألف ألف مبروووووووك والحمد لله على سلامتك ويتربي في عزك عبدالهادى
عليش قيصري لانك مطولة في الجيابة
ميرنا وأخيرا هههههههههههههههه
أم أسيل ياحشمتك أسيل تعلم فيك يامديرة

[اميسر]

بسم الله الرحمن الرحيم
صابره ما شاء الله تبارك الله


http://www.majalisna.com/gallery/1744/1744_76244_1258469262.gif


عقبال عندنا يا كريم يا رب

[اميسر]

بسم الله الرحمن الرحيم

يارب يارب أحفظ عبد الهادي

http://www.majalisna.com/gallery/1744/1744_76244_1257396893.jpg

[لولى2010]

الف مبروك ويتربي فى عزك ويجعله الله من حفظت كتابه الكريم وحكينا شن جو القيصريه لان حتى انا حددولى عمليه ان شاء الله لان البيبي راسه فوق وربي يسهل علينا

[اميسر]

كيف حالك يا لولي طمنينا عليك

[لولى2010]

كيف حالكم وحشتونى اميسر انا ماهو قلتلكم ان الميه امتاع الجنين قلت وانا رابطه وتو بيديرولى عمليه قيصريه بعد اسبوعين وانا مازلت فى نهايه التامن وربي يسهل

[صابرة]

ربي يبارك فيكم
والعقبة ليك ياميسر انت وحبل الوصل
وربي يسهلك وتنوضي بالسلامة يا لولي والعملية ما تخافيش منه بس تبي الحركة بعدها
لانك لو رقدتي الجرح ما يصحش بسرعة والبطن تقعد منفوخة في المصحة كانوا يمشوا فينا طول الوقت ويقولولنا ارتاحوا شوية وكملو مشي والحمد لله من رابع معادش انحس فيه الجرح وهوا اسبوع الجرح صح تماما والحمد لله

[ميرنا]

روروروروروروروروروروروروي الف الصلاة وسلم عليك ياصابرةhwaml02

[ميرنا]

روروروروروروروروي الف الحمدالله على السلامة ويتربى فى عزك وعز بوه انشالله وعاشت الاسماء يا عبد الهادى

[ميرنا]

hwaml7الترتيب الاول ام لقمان // جابت جنان
والترتيب الثانى صابرة // جابت عبد الهادى

الترتيب الثالث ؟؟؟ ؟؟؟؟؟؟؟؟؟؟؟؟؟؟


بدور يابنات , بشويش شن وهل الهرجة خشى ياساجدة , ام اسيل وحبل الوصل بلا ادعاك بشويش توة ايجى دوركان
اميسر عليش امخنس اطلعى تعالى خليك احذاى لولى خشى فى الطبور خليك بعد ساجدة , شن قلنا ياحبل الوصل بلش زرازرة , ام اسيل خليك فى مكانك كسرتى الصبايا

[ميرنا]

خلص توة اتخشن كلكنا , عليك اعطب ادعاك على غرفة الولادة بشويش خشى ياساجدة وبعدها اتخش لولى بشويش يا اعيون راجالها وانتى اتهرسى خليك وراء لولى تمام مرة وحدة سمينة ومرة ارقيقة ولا انديرو طبورين , طبور السمان وطبور الرقيقات *ههههههههههههه

[عيون زوجي]

السلام عليكم
باهي باهي يا ميرنا نازله فينا عزار وتهزيط
انا موعدي حسب الالتراساوند يوم 21/9/2010
انشاءالله مازال اشويه غدوة عندي موعد مع دكتور نساء في مستشفى فينس بيرق وهو يلي رح يولدني انشاءالله وهذا اول موعد ليا من 3شهور كنت لاهيه مع ابنيتي والبردة يلي خدتها لكن توا كويسه ولله الحمد
ادعولي غدوة ما يكشخش اعليا ويقولي وين كنتي راقدة 3شهور بلا متابعه لان الام في المانيا لازم ادير كتيب حمل واتابع والا نهارها يلي ادور فيه
وحاجه تانيه ادعولي يكون البيبي تمام وصحتها كويسه بالله اعليكم

[راجيه فرج ربها]

السلام عليكم ورحمة الله وبركاته

كيف حالكن كلكن ياخياتي ان شاء الله اموركن طيبه والله لكن وحشه مبروك المولود الجديد يصبوره يجعله الله من الصالحين الي بيك بارين يارب والعقبه النا كلن يارب وميرنا هدا القرار الصائب اهم شي استخيري في كل خطوه تخطيها في هالموضوع لان الاستخاره عظيمه واسالي مجرب وباقي الحبايب ان شاء الله اموركن طيبه وشن صار فيك يام اسيل ان شاء الله خير وحبل وميسر وعيون زوجها وباقي الحبوبات مستعجله وقت غداء لكن قلت ضروري نطمن عليكم ان شاء ربي يعطكن مافي بالكن الي فيه الخيره يارب لي عوده ان شاء الله

[راجيه فرج ربها]

يفرجها عليك ياخيتي عيون ويفرح خاطرك كيف ماتبي يارب

[لولى2010]

ههههههههههههههههههههههههههههههههههههه ضحكتينى ميرنا وربي يسهل علينا

[smhaa]

السلام عليكم
في عضوات من مدينة طرابلس؟؟ او من الجهه الغربية عامة؟؟

[ميرنا]

ايش لاخبار ياسموحة فى عندنا ماسر وهذا شهرها وايضا الهندية وصابرة واحلام هولاء من طربلس
ام لقمان من ازليتن ام ايسم من مصراتة وحبل الوصل من سبها

[حبل الوصل]

ميرنا عجبك التوقيع

[حبل الوصل]

أم أسيل وينك مغيبة

[ميرنا]

ميرنا عجبك التوقيع

ايجنن ومستحيل انحوله سلمك دزازة

[عيون زوجي]

نسيتيني يا ميرنا حتى انا من طرابلس
شكلي منسيه باهي باهي

[عيون زوجي]

تصدقوا يا بنات اول مرة في حياتي تنبل في فمي فوله
انا حاليا ولله الحمد في اول اسبوع من السابع وما حدش يعرف اني حامل الا انتم وطبعا زوجي حبيبي والالمان
لا اهلي ولا اهل زوجي ولا امي ولا صديقاتي
حبيت انروح بيه مفاجاءة وانشاءالله ربي يباركلي ونشوفه بصحه وسلامه وعقبالكم يارب ولاني مروحه في شهر 9 لو روحت حامل حتى هي مفاجاءة لاني رح نكون في شهري
شن رايكم حلوة المفاجاءة ولا لا

[عيون زوجي]

نسيت ما باركتش لصبورة الف الف مبروك ويتربى في عزك وانشاءالله من قسمك يارب والحمدلله على سلامتك وقومتك من العمليه بصحه وسلامه

[لولى2010]

عيون هى اكيد مفاجاءة حلو بس هاتى من يفهم لان انا درت زيك وماقلتش انى حامل الا فى الشهر الخامس هلى فرحو لكن عربي زعلو وقالو عليش مش شهوة الحمل وان شاء الله ماينكدوش عليك وعلى فرحتك وبالنسبه للسفر فى الشهر التاسع شوفى الطيران لان نحن هنا فى قطر الخطوط القطريه ممنوع تسافر فى التاسع والتامن

[لولى2010]

انا انصدمت فيهم بكل بعد ماقتلهم لانهم انا غاليه عليهم بكل فقلت مش حيزعلو لان الموضوع مايزعلش ان شاء الله ماحد يزعل منك

[hatoo]

اهلين بنات شنو الاخبار ماشاء الله التجمع منور والله سهفتوني اني نخش كل يوم لكن النت فاصل عندي ولما نجي عند هلي نخش علي النت

[ام اسيل]

خير يا احلى تجمع على وجه الارض وحشتونييييييييي

صابرة الف الف مبروك وان شاء من قسمك ايوة هكي نبو اخبار يفرحن والله خاطري نزغرد غبر منعرفش تو نخلي التزغريد لميرنا والف مبروك مرة اخرى
حبل الوصل نجك لي يانشادتي ياقريعتي انا مشغولة في عرس اختي
واليوم عند عربي صبيتي روحت من مصر كانت تزرع وروحت في بطنها اثنين عقبالكن كلكن يارب

[ميرنا]

نسيتيني يا ميرنا حتى انا من طرابلس
شكلي منسيه باهي باهي

حبيبتى كل حاجة الا زعلك وناس تنسى اخيارها وبما انك فى المانيا مستحيل انقول من طرابلس نين ترجعى هههههههههه
انتى ولولى و ساجدة hwaml7

[ميرنا]

ام اسيل ما شالله انشالله بسلامتها

[حبل الوصل]

أم أسيل نورتى ومبروك على صبيتك ماشاءالله وامتى فرح اختك

[ميرنا]

حبل الوصل ايش اخبارك نبى نسالك على حبوب منع الحمل كم قعدتى سنة تاخذى فيهم انا الدكتورة عطتم لى قالت خوذيهم الشهر هذا ايحولو الكيس وانا خايف منهم

[عيون زوجي]

عيون هى اكيد مفاجاءة حلو بس هاتى من يفهم لان انا درت زيك وماقلتش انى حامل الا فى الشهر الخامس هلى فرحو لكن عربي زعلو وقالو عليش مش شهوة الحمل وان شاء الله ماينكدوش عليك وعلى فرحتك وبالنسبه للسفر فى الشهر التاسع شوفى الطيران لان نحن هنا فى قطر الخطوط القطريه ممنوع تسافر فى التاسع والتامن
خوفتيني يا لولي
انا متاكدة ان اهلي رح يفرحوا زي اهلك لكن كلامك مقنع حوش شيابيني اكيد بينكدوها اشويه بس طزhwaml02 والله ماني معدله ومش رح انقول حتى لو فهموا اني داسه الموضوع بلعاني... عاديhwaml7..
لو فرحوا وبها ولو نكدوها نمشي لحوش اهلي اسبوع ولا اتنين انريح وبعدين نرجع لحوشي والحمدلله حوش اهلي بعيد اعليهم
لان سلفتي مسافرة زيني وعندها ابنيه عمرها 5سنين وماعادش ربي رزقها توا حتى هي تحسابني داسه لاني خايفه من العينhwaml03
ربي يستر ويجيب العواقب سليمهhwaml7
والسفر تو نسئل اعليه لان راجلي يبيني انجيب هنا ما يبينيش انروح وانا حامل وانا خاطري انجيب وامي جنبي وتهنيني على بنتي

[حبل الوصل]

الحبوب خذيتهم اكثر من سنة بس مش متذكرة بالضبط

[حبل الوصل]

عيون كيف تقدري تخبي خبر حملك انى كان نديرها امى تزعل منى مش غير حوش هل راجلي انتى قوية بصراحة انى لو في مكانك مانقدرش صعبة بس كل واحد عليش متعود

[عيون زوجي]

عيون كيف تقدري تخبي خبر حملك انى كان نديرها امى تزعل منى مش غير حوش هل راجلي انتى قوية بصراحة انى لو في مكانك مانقدرش صعبة بس كل واحد عليش متعود

امي بأذن الله ضامنتها رح تفرحلي هلبه لانهم مش متوقعيني نحمل توا لان بنتي حاليا عمرها سنه وشهر بس
وحبيت انفرحها لما تستقبلني في المطار تلقانا 4 مش 3 انشاءالله
بس عزوزتي وشيابيني ممكن انا سافرت 3مرات مع زوجي قبل هالمرة في حياتهم ما استقبلوني في المطار
وعزوزتي متاكدة انها رح تفرح لو الامر سلم من الابر متاع حمواتي وسلفتي

[عيون زوجي]

بعد ولادتي بأذن الله حابه اخد راحه من الحمل اشويه باش تنصحوني بالحبوب ولا اللولب ولا لصقه منع الحمل

[عيون زوجي]

سؤال تاني انا لو ولدت هنا في المانيا بأذن الله وجبت طبيعي تنصحوني نطلب ابرة الظهر لمنع الالم والوجع ولا لا
في ليبيا مستحيل نطلبها لاني مش واتقه في مختصين التخديرالليبين بس هنا طبهم غير
شن رايكم

[عيون زوجي]

الساعه 2ونص موعدي مع الدكتور ادعولي يكون كل شي تمام وطبيعي واول مانروح رح انخش انطمنكم انشاءالله

[عيون زوجي]

ادعولي امااااااااااانهhwaml7hwaml7hwaml7
hwaml13

[لولى2010]

ربي يسهل عليك ياعيون
انا زى ماقلتى عمتى فى حاله لكن زعلت من الابر الى من صبيتى وصبيتى اغماء عليه قالو وعمتى زعلت بكل بعدها ربي يستر ياعيون وانا نكدو عليا بس راجلى قالى ماتعدليش ع حد وهدا موضوع خاص محد يتدخل فيه
وبنسبه للابرة الظهر انا خديتها هنا فى عمليه الربط والله راحه بكل ماتحسيش بشي وكنت بنطلبها فى الولاده الطبيعيه لكن انا بنجيب قيصريه وحنخدها غصبن عنى مش بجوى لان التخدير الكامل مضر للبيبي وفى ليبيا يعطو فيهم تخدير كامل هنا فى قطر ممنوع لانه خطر ع البيبي

[ساجدة]

hwaml7باركولي انا ولدت ولله الحمد والشكر يوم 19-6 السبت وجبت احلي بنوتة ملكة جمال بريطانيا hwaml02

[اميسر]

ساجده

بسم الله ما شاء الله
تبارك الله

الحمد لله على السلامه والف مبروك




http://www.fesal.net/cardsm/945.jpg

http://www.fesal.net/cardsm/914.gif

[صابرة]

ربي يبارك فيكم وفي خلفتكم

hwaml71 يابنات مدايرة لمة يوم الجمعة باش تتفضلو كلكمhwaml7

[اميسر]

يا سجوده يا سجوده عينها زرقه وإلا سوده






http://www.arabiccards.com/cards/newbaby/newbaby_1_L.gif


http://www.fesal.net/cardsm/917.jpg



http://209.61.189.40/cards/newbaby/newbaby_6_L.gif

[حبل الوصل]

الحمد لله على سلامتك والف الف مبروك البنوتة تتربى في عزك وعز بوها
ماقلتيلنا شن سميتيها

[ميرنا]

روروروروروروروروروروروروي الف الف مبروك ياساجودة hwaml7

[ميرنا]

رورورورورورورورورييييي الحمد لله الحمدلله بسلامتك يا ساجدة
اللمة شورنا هيا بنات وتن اروحكن ناخذو تاكسى ونمشو انتغدو عند الصابرة ونتعشو عند ساجدة

[صابرة]

حمد لله على سلامتك ياساجدة ومبارك عليك المزيودة
شن سميتيها باش انقول عليها لولدي يخطبها

[ميرنا]

hwaml59ماشالله خشينا فى الخطبة ياصابرة وين يا عبد لهادى تبى اتجيب عروس من ابريطانيا مازالت طازجة ياصقع ياصقع ياعبد الهادى وتونة الطيارات بيش انعدو فى الزفةhwaml7 هيا يا حبل لوصل وام اسيل انعدو مع الصابرة علشن خاطر عبد الهادى

[ميرنا]

ان شالله ديمه من الزيادين يارب العالمين ولعقبالنا يابنات

[ميرنا]

ادعولي امااااااااااانهhwaml7hwaml7hwaml7
hwaml13

عيون راجلها ربى امعك ويفرحك ويرعاك ويجبر خاطرك انتى وبنيتك ونونو وراجالك ويجيبكم لنا سالمين غانمين hwaml30

[لولى2010]

الف مبروك ساجده وتتربي فى عزك وشن سميتيها وولدتى طبيعى ولا قيصرى احكينا بالتفصيل والعقبه لينا نولدو بالسلامه يارب

[لولى2010]

شنو عيون مازلتى ماروحتى طمنينا عليك

[ام اسيل]

ماشاء الله الف الف مبروك ياساجدة وتتربى في عزك
ماشاء الله عندها حظ الامورة حصلت عريس غرباوي مقنط وامه عسل بكل ربي ان شاء الله يهنيكم كلكم يارب وعقبالنا انا وميرنا وحبل الوصل يارب

وبالنسبة للمة خلو عليا البوريك اصلي مش فاضية لاهية في العرس فالبوريك اسهل حاجة والف مبروك مرة اخرى وقولينا قصة الولادة وشن سميتي المحروسة

وياميرنا نبي نسألك ساجدة بكرية ولا عندها عيال علي ما سألتها ماردت علي تخش تجري وتطلع تجري

[عيون زوجي]

شكرا عالدعوه الحلوة ميرنا
وصحيتي عالسؤال يا اوخيتي يا لولي
ساجدة الف الف مبروك وتتربى في عزكم ومن قسمكم يارب وبشرينا باسمها ووزنها كم وكيف كانت ولادتك
صابرة يا فالحة اوليد وكنه مع بعض ماشاءالله
ميرنا وام اسيل وحبل الوصل عقبالكم يارب ومعاكم راجيه واميسر
لولي عقبالك بولادة سهله وشكرا عالنصايح يلي كانها من اخيتي بنت امي وبوي

[عيون زوجي]

مشيت لموعدي الساعه 2.5امس وتخيلوا جت الدكتورة دارتلي الالتراساوند وبعدين طلعت تجري ونادي بروفيسور اخصائي جي يشوف وعطلوا بلا تعليق ويتكلموا بالالماني وانا وزوجي قلوبنا على نار والبيبي يبان في شاشة بلازما كبيرة

[عيون زوجي]

واخيرا تكلم البروفيسور وقال ان ماء الجنين زايد خوفني وقلبي طاح بين رجليا قلت فيه تشوه وراجلي بالاول ما عدلش لكن لما قتله الحكايه تخوف حتى هو خلعته
والبرفيسور طمني قال ان الجنين طبيعي كل القياسات تمام والقلب والنبض تمام والعمود الفقري اوكي بس 90%انه فيا سكر حمل وبالعادة يكتشف من الاسبوع 25 الى 28 وانا حاليا في 27وان ماء الجنين زيادته نتيجة السكر وواضح من زيادة وزني المش طبيعيه
خلال الحملين
وقال لازم اديري تحليلgttواعطاني موعد يوم الاربعاء الجايه باش يتاكد ولو فيه سكر حمل احتمال حجم الجنين ايزيد ويسبب عسر ولادة او ولادة قيصيريه ولو ما اخدتش دواء لا قدر الله ممكن افقد الجنين
واحتمال بعد الولادة يختفي ويرجع بعد 10سنوات
ادعولي بالله اعليكم ادعولي ما يطلعش عندي سكر حمل البارح ما ارتحتش بكل وما قدرتش نكتبلكم
اماااااانه يا اوخيااااتي ادعولي يكون مافيش سكر حمل
وانصحوني واعطوني الشيرة شن اندير
تعرفوا ظلمت الدنيا في اعيوني والدمعه انحبست

[عيون زوجي]

للعلم وزن الجنين حاليا طبيعي جدا 991 جم وقال البروفيسور انه مش زايد عن الطبيعي في الوقت الحالي

[حبل الوصل]

أن شاءالله ربي يطمنك ومايكونش فيه سكر حمل اهم شي ماتتوترى وربي يكون في عونك

[عيون زوجي]

ادعيلي يا حبل الوصل والتوتر مش بيدي غصبا عني والله

[حبل الوصل]

والله ندعيلك من قلبي ربي يهون عليك انى عندى اختى عندها سكر الحمل واستمر معاها سكر لعند توة لكن انتى ان شاءالله مايكونش سكر ياااارب
لكن لو هما حكمو على زيادة المية انى في حملى ببنت كانت المية واجدة لكن ماعنديش سكر والحمد لله

[عيون زوجي]

صحيتي يا حبل الوصل ويارب ما تشوفي شر
شن قالولك السبب لحالة زيادة الميه في حملك في بنتك
ولما جبتيها مافيش مشاكل في الولادة او مشاكل للبنت

[حبل الوصل]

انى بنتي جبتها قيصري لكن ماشاءالله عليها لاتعبت ولاحاجة

[ام روفيدة]

اختي ( عيون زوجي ) الله يحفظك إنتي والجنين ويسهل ولادتك وأهم شيء ما تتوتريش وخليها على الله هو الحفيظ يحفظك من كل سوء لأن التوتر أحيانا يكون سبب في الإصابة بالسكر وعليك بالدعاء دعائك إنتي أنفع ليك وأحسن من دعاء غيرك لك وبإدن الله ندعيلك ربي يحفظك إنتي وطفلك اللهم امين

[لولى2010]

لاباس عليك ياعيون والميه انت زايده وانا ناقصه والله حاله وخلاص ربي يسهل علينا وماتخفيش لان صحبتى كان عندها اميه زياده وجابت طبيعى والبيبي صحه ما شاء الله وكانش عندها سكر ولا شي

[لولى2010]

ام رفيده وين هالغيبه شن اخبارك طمنينا عليك

[لولى2010]

عيون انت معاك بنت ولا ولد

[عيون زوجي]

مشكورات اوخياتي على وقفتكم وربي يعطيكم يلي في بالكم
لولي كل وحدة مننا تعاني وربي يقومك انتي والبيبي بالسلامه امتى موعد ولادتك بالزبط
انا اوليد انشاءالله وعندي من قبل ابنيه انتي بشريني ولد ولا بنت

[عيون زوجي]

يا بناااااااات شن تنصحوني ناكل بالزبط وشن الممنوع عارفه الحلويات والسكر ممنوع شن تاني

[ام روفيدة]

ام رفيده وين هالغيبه شن اخبارك طمنينا عليك
الحمد لله أنا بخير ونعمة بس كنت مشغولة شوي في هالدنيا اللي تأخدنا وراها المهم إنتي شن حالك وكيف حال حملك أنا مليت خلاص نبي نولد توا هههههههه والله عندي وجع في الظهر قوي هلبة مش قادرة حتى نمشي إدعولي ربي يسهل علي ولادتي مازال 3 أيام وندخل في شهري إن شاء الله ربي يسهل عليك وإنتي شن حالك وكيف حال حملك إن شاء الله كل شيء تمام

[عيون زوجي]

أنا مليت خلاص نبي نولد توا هههههههه والله عندي وجع في الظهر قوي هلبة مش قادرة حتى نمشي إدعولي ربي يسهل علي ولادتي مازال 3 أيام وندخل في شهري

ربي يسهل اعليك وتقومي بالسلامه hwaml13منو فيكم قبل التانيه انتي ولا لوليhwaml52

[ام روفيدة]

أنا مليت خلاص نبي نولد توا هههههههه والله عندي وجع في الظهر قوي هلبة مش قادرة حتى نمشي إدعولي ربي يسهل علي ولادتي مازال 3 أيام وندخل في شهري

ربي يسهل اعليك وتقومي بالسلامه hwaml13منو فيكم قبل التانيه انتي ولا لوليhwaml52
والله مانعرفش لكن أني الدكتورة قالتلي الموعد يوم 27 -7 إن شاء الله

[عيون زوجي]

انشاءالله على خير يا ام رفيدة
انتي من وين بالزبط وشن عندك قبل هالحمل وهالحمل هذا اوليد ولا ابنيه

[عيون زوجي]

انا موعدي 21/9/2010

[ميرنا]

واخيرا تكلم البروفيسور وقال ان ماء الجنين زايد خوفني وقلبي طاح بين رجليا قلت فيه تشوه وراجلي بالاول ما عدلش لكن لما قتله الحكايه تخوف حتى هو خلعته
والبرفيسور طمني قال ان الجنين طبيعي كل القياسات تمام والقلب والنبض تمام والعمود الفقري اوكي بس 90%انه فيا سكر حمل وبالعادة يكتشف من الاسبوع 25 الى 28 وانا حاليا في 27وان ماء الجنين زيادته نتيجة السكر وواضح من زيادة وزني المش طبيعيه
خلال الحملين
وقال لازم اديري تحليلgttواعطاني موعد يوم الاربعاء الجايه باش يتاكد ولو فيه سكر حمل احتمال حجم الجنين ايزيد ويسبب عسر ولادة او ولادة قيصيريه ولو ما اخدتش دواء لا قدر الله ممكن افقد الجنين
واحتمال بعد الولادة يختفي ويرجع بعد 10سنوات
ادعولي بالله اعليكم ادعولي ما يطلعش عندي سكر حمل البارح ما ارتحتش بكل وما قدرتش نكتبلكم
اماااااانه يا اوخيااااتي ادعولي يكون مافيش سكر حمل
وانصحوني واعطوني الشيرة شن اندير
تعرفوا ظلمت الدنيا في اعيوني والدمعه انحبست
ابعيد السو عليك يا اعيون وعلى اوليدك وان شالله تفرحى بيه وتهنى بس طالما الجنين سليم واكويس هذا هو المكسب افرحى والعبى وما تنكديش ولا اتنكدى على راجلك وسكر ساهل ما تخافيش منه حتى ولو فيه بعد الحمل ايحول يعنى سكر حمل اهم حاجة اوليدك سليم وحمدى الله انها جات فيك انتى اتحملى لوكان قالك اوليدك متشوه لاقدار الله ايشى يكون موقفك تقعدى اتعنى فيه طول عمرك صح ولا ولكن انتى اسهل وحتى ولو فيه ما تشيلى منه حمال عادى الصبايا يحملن بيه والله عندى جارتى عندها 9 ربى ايخليهم لها فيها السكر وكل سنة جايبة وربى ان شالله ما يكتب عليك سوا وان شالله تبقى سليمة ولا يطلع امعاك سكر ولاشى

[ميرنا]

يا بناااااااات شن تنصحوني ناكل بالزبط وشن الممنوع عارفه الحلويات والسكر ممنوع شن تاني

عيون حبيبتى// شن تاكلى؟؟؟ انتبهى انتى حامل حذارى تاكلى اى عشبة او حاجة بدون استشارة دكتورتك حبيبتى ما تصرفى من راسك حتى ولو نكتبولك كولى هذى واتركى هذى

[ميرنا]

لولى المرجاوية ربى ايتمم عليك بالخير
ام اروفيدة // وين ها الغيبة ان شالله خير

[عيون زوجي]

ربي يخليك يا ميرنا والله وليك وحشه
طمنتيني لاني ما عنديش لمن نحكي غيركم اهلي مستحيل نشغلهم وانتم اهلي
ربي يعطيك يلي في بالك ويفرحك بتوامه وتجي مشيتك للعيادة بالخير والفرحه

[عيون زوجي]

الحمدلله على كل حال

[ام روفيدة]

انشاءالله على خير يا ام رفيدة
انتي من وين بالزبط وشن عندك قبل هالحمل وهالحمل هذا اوليد ولا ابنيه
اختي عيون زوجي أني من الزنتان لكن حاليا في بريطانيا وهدا أول حمل ليا وقالولي وليد وإن شاء الله ربي يسهل عليا وعليك وعلى كل الحوامل اللهم امين

[ميرنا]

ماشاء الله الف الف مبروك ياساجدة وتتربى في عزك


وياميرنا نبي نسألك ساجدة بكرية ولا عندها عيال علي ما سألتها ماردت علي تخش تجري وتطلع تجري



ام اسيل// ساجدة عندها ابنية وجتها ابنية اخرى والعطيبة خاطرها فى اوليد ,
خليها بين شكلها زمقتها لا عزمت ولا قالت للمة لاشى

[ام روفيدة]

لولى المرجاوية ربى ايتمم عليك بالخير
ام اروفيدة // وين ها الغيبة ان شالله خير
بارك الله فيك أختي ميرنا على سؤالك عني الحمد لله أنا بخير بس كنت مشغولة شوي كيف حالك إنتي إن شاء الله بخير وربي يعطيك اللي تتمنيه في القريب العاجل اللهم امين

[ميرنا]

امين يااااااااااااارب

[ميرنا]

تعرفى ياعيون انا جبت بنت وعاشت 3شهور وتوفية وكانت متشوهة فى راسها ماء والارجل سبحان الله لا يتحركو وفى ظهرها فتحة صغيرة وهذا بسبب انى لم اخذ حمض الفوليك تعرفى شفت الموت من مستشفى الى مستشفى وطيلة ثلاث شهور وانا انتقطع الم عليها وابكى على ابنيتى كلما يديرولها عملية على راسها ويركبولها جهاز وجهاز يسكر ويفتحو الراس من جديد ويصلحو الجهاز والله العظيم تمنيت ربى يرحمها وياخذها من كثر ما شا فت المسيكينة من قهر وانا صارت لى زى العقدة عندما اسمع وحدة جابت طفل معاق ربى ان شالله يرحمنا ابرحمته ايتقطع قلبى عليه من كثر المر لى شفته

[عيون زوجي]

تعرفى ياعيون انا جبت بنت وعاشت 3شهور وتوفية وكانت متشوهة فى راسها ماء والارجل سبحان الله لا يتحركو وفى ظهرها فتحة صغيرة وهذا بسبب انى لم اخذ حمض الفوليك تعرفى شفت الموت من مستشفى الى مستشفى وطيلة ثلاث شهور وانا انتقطع الم عليها وابكى على ابنيتى كلما يديرولها عملية على راسها ويركبولها جهاز وجهاز يسكر ويفتحو الراس من جديد ويصلحو الجهاز والله العظيم تمنيت ربى يرحمها وياخذها من كثر ما شا فت المسيكينة من قهر وانا صارت لى زى العقدة عندما اسمع وحدة جابت طفل معاق ربى ان شالله يرحمنا ابرحمته ايتقطع قلبى عليه
ربي يعوضك خير والحمدلله كل الم وتعب لينا فيه اجر ربي يعوضنا بدله خير في الدنيا والاخرة
ويارب يعوضك خير دنيا واخرة ويرزقك بتوامه ويحفظلك زوجك ليك بروحك

[عيون زوجي]

ميرنا انتي اقوى امراءة ليبية قابلتها وربي يقويك ويعطيك من وسعه

[عيون زوجي]

اختي عيون زوجي أني من الزنتان لكن حاليا في بريطانيا وهدا أول حمل ليا وقالولي وليد وإن شاء الله ربي يسهل عليا وعليك وعلى كل الحوامل اللهم امين

ربي ينوضك بالسلامه ويكون اوليدك من الصالحين شن ناويه تسميه وانتي وين بالزبط في بريطانيا
سلفتي في مانشستر وصاحباتي وحدة في نيوكاسل والتانيه في برادفورد كلهم قرايه ماستر
وانا من طرابلس وحاليا مع زوجي في المانيا تابع العمل مش قرايه

[عيون زوجي]

hwaml76hwaml76hwaml76

[عيون زوجي]

غبت ساعات ورجعت لا حياة لمن تنادي

[عيون زوجي]

الوووووووووووو
الووووووووووووو
الوووووووووووو

[ام روفيدة]

ربي ينوضك بالسلامه ويكون اوليدك من الصالحين شن ناويه تسميه وانتي وين بالزبط في بريطانيا
سلفتي في مانشستر وصاحباتي وحدة في نيوكاسل والتانيه في برادفورد كلهم قرايه ماستر
وانا من طرابلس وحاليا مع زوجي في المانيا تابع العمل مش قرايه
مش عارفة شن إنسميه فيه هلبة أسماء حلوة لكن ما قررتش إلى الان واني حاليا في مانشستر مقاطعة باري واسفة على التأخير في الرد لأني كنت مشغولة نقرأ في قصص الولادة هههههههههههه

[hatoo]

اهليييييييين

[smhaa]

كيف حالكم؟؟

لو في حد سئل عني فاانا احمد ربي
اليوم درت رسكامينتو لاني اجهضت
الحمد لله على اي حال

[ام روفيدة]

كيف حالكم؟؟

لو في حد سئل عني فاانا احمد ربي
اليوم درت رسكامينتو لاني اجهضت
الحمد لله على اي حال
حمد الله على سلامتك أختي سمحة وربي يعوضك خير وما تشوفي سو بعدها ولا بأس طهورة إن شاء الله

[smhaa]

اللهم لك الحمد والشكر حمدا كثيرا طيبا مباركا كما ينبغي لجلال وجهك وعظيم سلطانك"
"اللهم آجرني في مصيبتي واخلفلي خيرا منها"

[hatoo]

الله يعوضك خير ان شاء الله وقدر الله ماشاء فعل عسى ان تكرهوا شيء وهو خيرآ لكم

[مراة نفسها]

الله يتمم عليكم الحمل ويسهل عليكم الولاده

[عيون زوجي]

كيف حالكم؟؟

لو في حد سئل عني فاانا احمد ربي
اليوم درت رسكامينتو لاني اجهضت
الحمد لله على اي حال
قدر الله وماشاء فعل
اللهم يؤجرك في مصيبتك ويخلف لك خيرا منها امين
وصرف الله ما كان اعظم يا اختي سمحه واكيد هادي هي الخيره بس احنا عجولين والخيرة ديمه فيما يختاره الله
والف الف الحمدلله على سلامتك انتي وانشاءالله العام الجاي في ايدك النونو الجديد بأذن الله

[عيون زوجي]

اهليييييييين

هاتوووووووو وينك
تخشي جري وتتطلعي جري وماعادش انحصلوك بكل بكل
نبي نتعرف اعليك اكثر لان اسابيع حملك قريبه مني
عندي هلبة اسئلة:
1_انتي بكرية؟
2-شن نوع الجنين؟
3-امتى موعد ولادتك بالزبط؟
4-انتي من وين ؟وعند منو اتابعي؟
5-بدي معاك الثقل والرزن ولا مازال؟
6-قداش زاد وزنك من اول الحمل لتوا؟

[ميرنا]

سماح // كـأنك ياخيتى شن صار لك

[ميرنا]

على الفاضى ما شيت بلاش تستاهل عزاء يا عمرنا

[عيون زوجي]

السلام عليكم
فعلا اوخيتي سمحه فضفضي واحكينا كيف ارميتي
الله المستعان

[عيون زوجي]

كيف حالك يا ميرنا

[عيون زوجي]

السلام عليكم
خيركم مكسدات هكي
نغيب نغيب ونرجع مانلقاش تجاوب ومشاركات بكل
حي اعليكم التجمعات التانيه انشط منكم واحسن وكل يوم تلقاهم متفاعليين
تو يهزوا عالليبيات وكساادهم

[smhaa]

السلام عليكم
كيف حالكم؟؟
اشكر اللي سئلو عني هني
بس زي ماتعرفوا احني الليبيات حشيشتنا لوم وعلي خاطر هكي اني لايمة لان مافيش ولا وحدة بعتت ليا رسالةhwaml4

الحمد لله على اي حال
بالنسبة لرمو
اني قتلي الدكتورة ان حجم الكيس صغير بس النبض كويس
والحمد لله لما امشيت اخر مرة لقت حجمها كويس وكل شي تمام

بس ايش اندير قدر الله وماشاء فعل
من 3 ايام اني انخلعت من حاجه ورعشت يومها وجعتني بطني وفي الليل نزل نقطتين دم امشيت لمصحه المختار وخشيت للدكتور شافت بالجهاز وقتلي الجنين قاعد كويس وماتخافيش روحي ارقدي على ظهرك وبسhwaml10

روحت وارقدت تاني يوم في الليل لقيت في دم لونه وردي يميل للاحمر

امشيت نجري لمصحة تانية لقيت دكتور مش دكتورة دارلي جهاز وقالي برضو الجنين كويس ومافيه اي شر بس رقدني بالمصحة عشان الراحه
في الصبح حشاكم لقيت دم وفيه زي الخيوط
جاني الدكتور وصار يقولي الحمد لله انتي كويسة واهم شي الصحة وكلام زي هكي
اني ارعشت وقتله شنو دكتور هذا بداية اجهاض؟

قالي بصراحه ايوة بس خلينا نتاكدو لو الجنين كويس

جت دكتورة ودارتلي الجهاز لقت النبض مافيشhwaml5والكيس انكمش
بعدها بسرعه عملولي تحليل ثلاتي وتحليل فصيلة دم ورفعوني لغرفة العمليات ودارولي رسكامينتو

الحمد لله
طبعا لو على حالتي وشنو صار فيا مانرعشكمش احسن

[ميرنا]

سماح يا خيتى الله غالب والله ما ترعشيى روحك وافداك ان شالله اتعوضيه صح قهرة لكن ايش اديرى مكتوب علينا هكى والله العظيم انا نفس قصتك هذا صارت امعى اربع مرات ونفسيتى فى وقت الاجهاض مدمر ونحس لو كان انموت اهون على من الاجهاض ونحس الناس لى يخشو على متشمتين فى وامغير نبكى واخلص ودكتور يقولى اهم حاجة النفسية فى الاجهاض

[ميرنا]

ربى ان شالله يعوضك ابخير منه وطالما احملتى هذه ابروحها تسدك يعنى عندك امل باذان الله تحملى اخر وتجيبى 2 او 3 افرحى وتهنى طالما عرفتى طريقهم ما تآيسى وسلم اوليدك ماتنكدى عليه واشجعى وقوى عزمك واشربى سوائل ساخنة بيش ينزل الوسخ بسرعة وتجهزى نفسك من جديد وربى يجبر خاطرك

[ميرنا]

الله يتمم عليكم الحمل ويسهل عليكم الولاده

مرحبتين بيك يااختى نورتى التجمع
مراة نفسها اسمك يدل على انك يا انسة, يا مطلقة, يا ارملة اختارى انتى من هولاء hwaml12

[حبل الوصل]

الف الف الف لاباس عليك وبسلامة راسك وان شاءالله خزين آخرة تلقيه قدامك يشفعلك وربي يعوض عليك بتوامة والله زعلت عليك واااااجد لكن كيف نديرو هذى حكمة ربي ماتضايقيش روحك ياوخيتى ربي يعطيك لحد مايرضيك

[عيون زوجي]

]السلام عليكم [/size]
كيف حالكم؟؟
اشكر اللي سئلو عني هني
بس زي ماتعرفوا احني الليبيات حشيشتنا لوم وعلي خاطر هكي اني لايمة لان مافيش ولا وحدة بعتت ليا رسالةhwaml4

الحمد لله على اي حال
بالنسبة لرمو
اني قتلي الدكتورة ان حجم الكيس صغير بس النبض كويس
والحمد لله لما امشيت اخر مرة لقت حجمها كويس وكل شي تمام

بس ايش اندير قدر الله وماشاء فعل
من 3 ايام اني انخلعت من حاجه ورعشت يومها وجعتني بطني وفي الليل نزل نقطتين دم امشيت لمصحه المختار وخشيت للدكتور شافت بالجهاز وقتلي الجنين قاعد كويس وماتخافيش روحي ارقدي على ظهرك وبسhwaml10

روحت وارقدت تاني يوم في الليل لقيت في دم لونه وردي يميل للاحمر

امشيت نجري لمصحة تانية لقيت دكتور مش دكتورة دارلي جهاز وقالي برضو الجنين كويس ومافيه اي شر بس رقدني بالمصحة عشان الراحه
في الصبح حشاكم لقيت دم وفيه زي الخيوط
جاني الدكتور وصار يقولي الحمد لله انتي كويسة واهم شي الصحة وكلام زي هكي
اني ارعشت وقتله شنو دكتور هذا بداية اجهاض؟

قالي بصراحه ايوة بس خلينا نتاكدو لو الجنين كويس

جت دكتورة ودارتلي الجهاز لقت النبض مافيشhwaml5والكيس انكمش
بعدها بسرعه عملولي تحليل ثلاتي وتحليل فصيلة دم ورفعوني لغرفة العمليات ودارولي رسكامينتو

الحمد لله
طبعا لو على حالتي وشنو صار فيا مانرعشكمش احسن

الله غالب يا اوخيتي وسلامتك انتي ويارب يخليلك اوليدك ويرزقك ويعوضك بتوامه لو ماصارش حمل الشهرين الجايين بري جربي الزرع وربي كريم وانشاءالله يرزقك بتوامه وليدات ولا ابنيات المهم ذرية تملي اعليك الحوش
ويسلملك العريس يلي عندك وما ادوري شي
الخيرة فيما اختاره الله وسواء رضينا ولا لا امر الله ماشي ولهدا لازم نرضى باش ربي يكتبلنا الرضى ويرزقنا من خيراته ورزقه

[عيون زوجي]

صباااااااااااح الخيرااات يا مكسدااااااات

[ميرنا]

حبل الوصل حبيتى ايش اخبارك

[ميرنا]

ايش اخبارك ياعيون راجالها

[حبل الوصل]

أنا كويسة ياميرنا انتى كيف حالك وامتى بتبدى تراجعى
عيون شن حالك انتى وبنتك وراجلك ان شاءالله تمام وامتى مراجعتك طمنينا عنك

[حبل الوصل]

أم أسيل لاهية في فرح اختها ربي يتمم عليها ويهنيها اعزمينا ياأم أسيل

[لولى2010]

سماح الحمد لله ع السلامه وان شاء الله تعوضى يارب
انا الحمد لله ولدت امس قيصريه والبنت فى الحضانه والحمد لله ربي ينجيها ليا من كل سوء وتطلع معافاء وسليمه من كل شر يارب بسرعه تطلع من الحضانه انا مازلت ماخشيت شهرى لكن الله اردانها تجى تو سبحان الله وانا تعبانه ع الاخير وجعتنى بنيتى بعيده عنى وانا مازلت فى المستشفى وخشيت ع النت من المستشفى قلت نسال ونشوف شن صار فيكم