تجمع حوامل ليبيا

[ام وسونة]

والله مش ديمة حسب الظروف والمناسبات

[ღॐ آية ღॐ]

ايوب توة سنتين و9 شهور
19|3عيد ميلادة

[عيون زوجي]

وانتي من اهله وخلانه................

[ღॐ آية ღॐ]

كيف حال حمودي وسرورة؟

[عيون زوجي]

العمر كله يارب يعني اكبر من سارة بشهرين لانها يوم20/5
نبي نسئلك نحيتي منه الشمال

[عيون زوجي]

الله يسلمك كويسين انتي كيف حال السنافر الحلوييييييييييين

[ღॐ آية ღॐ]

لاء والله مزال
امي قالتلي خلي لي الصيف
يكون كبر شوية والله ما يفهم غر بنبلبز حوشي وخلاص ..
حاولت معه بس مازال.. نحس فية صغير

[ღॐ آية ღॐ]

وسرورة؟؟؟؟؟؟؟؟؟؟؟؟؟؟

[ميراس]

سلامات يابنات اول معقولة يااية طلعنا برا احني خيرنا ماعبيناش عينك والله كلكم نعتبر فيكم صديقاتي فعلا لاني حتي انا ماعنديش صديقات نهائيا سابقا كنت اكتر وحدة عندها صديقات لكن قطعت علاقتي بالعالم الخارجي نهائيا والله يابناويت انكلم فيكم جديات وطبعا عندي اسبابي لكن لما علي المنتدي كنت في حالة يرتي لها اكتئاب علي يآس اتصدقوا فتحت اندور علي موضوع ايخص حالة الورم اللي عندي وصدفة طلع الموضوع في هدا المنتدي ومنها صارلي اللي صار والله يابناويت تغيرت تغيير جدري في نفسي مع اني مازال مانحبش انخالط هلبا لكن الحمد لله وطبعا السبب الرئيسي هو حالة ولدي الصغير تعرفوا ان البشر التاعب ما خلو ما قالوا عليه لان حالات التوحد تعتبر نادرة وبدات عندنا غادي في ورفلة ولما تصير مناسبة يبدوا يزعجوا فيا ولدك خيره علي غير عقله وحدة اتقول مسكين مرابط وبري وين مانمشي نسمع هالكلام لهدا قررت نقطع علاقاتي نهائيا وصرت منزويه علي حالي انا وولدي وبس تعرفوا راجلي عيي في وانا مسكرة دماغي لكن فرح لما حصلت هالموقع وبديت نحكيله عنه بدي ديما يسال فيا ديما كيف حال صاحباتك ولما مانخشش يقولي خيرك اليوم ماخشيتيش وبرا وهادي قصتي المملة حكيتهلكم وانتم بصدق كنتو نقطة تحول بحياتي

[ميراس]

قاعدات بناويت ولا طلعتو

[عيون زوجي]

ميرااااااااس....القلوب عند بعضها انتي الغاليه بجديات نحبك من قلبي وغربتك الاخيرة والازمة وحالة ولدك قرباتك اكتر من الايام يلي قبل الازمة
انتي الاصل وايه ما تقصدش النت قصدها على الواقع الرسمي مشاوير وطلعات وزيارات
اكيد احنا صديقات يلي نحكي فيه هنا ما نحكيش فيه برا بنفس العفويه

[عيون زوجي]

انا قاعده
بخصوص سارة قعده بشمالها ونحساب روحي غير اني نعاني توا ارتحت لما لقيتك زيي
حاولت معاها في الصيف الفات ما طاوعتنيش وعنايديه
واجلتها للصيف الجاي زيك
بس اليوم اخت مرت خوي بنتها عمرها سنتين بس تخش للحمام بروحها عجبتني وسهفتني تمنيتها سرو
للعلم انها ما ترضعش من عمرها عامين وتقولي يا ماما بندير ككا حاشاكم بس ما تباش اتقعمز عالمرحاض ولا محبسها بكل بكل

[ღॐ آية ღॐ]

ميراس ياغاليه كيف حالك ومنورة التجمع
انا قلت اني نحبكم كلكم في لله والله
وانتي والله غالية ونسال عليك وامس والله مخليه
مكانك ومكانك كبير ... ميراس للأسف احني في ليبيا
عندنا نسبة كبيرة متخلفه في تفكيرة ومعاقة في نضرتها للأمور سا محوني
بس والله تفكير الكثير منا سطحي ..ومنقدروش الحالات الخاصة وذوي الاحتياجآت الخاصة
بس انتي مشاء الله عليك متعلمة ومنفتحه واسلوبك بجد يبان عليك متحضرة
ميهمش تفكير الناس يهمك في وليدك ربي يحفضهولك يااااااااااااارب
وربي مختارلك الاجر وهو رح يكون سبب دخولك لجنة من اوسع ابوبها
بيه ..

[عيون زوجي]

شكلكم رقدتوا امالا تصبحوا على خير نتلاقو غدوة بأدن الله سلاااااااااااااام

[عيون زوجي]

ايه رجعتي..........
نستأدنك يا احبيبه اليوم نايضه بكري وينعس فيا النوم
بوسي اسوله وايوب غدوة الصبح

[عيون زوجي]

ميراس تبي انسموك نوارة التجمع............
نستأدنك تصبحي على خيرررررررررررر

[ღॐ آية ღॐ]

هدا شي عادي عيون احني مشاء الله 7 بنات و6 ولاد
ماما قالتلي مافيش حد فيكم نحيتله الشمال قبل سناتين كلنا بين سنتين وتلاته
والحمد لله ...شكلي بنطلع لي امي ...
حتى ايوب شريناله محبس حاشكم ووالله مابي يقعمز فيه قعد جديد مدايرة كرسي في دارة ويلعب بيه ..وبرضو اكرمكم الله محبس الحمام يعيط من لما نحطة عليه ...بالله كيف بنقدر نعلمه
وهو هكي ...ياحي لصيف انا وانتي نريحو عمرنا لين يكبرو

[ღॐ آية ღॐ]

وانتي من اهلة عيون ::
ميراس وينك ؟؟؟؟قعدة ولا رقدتي ؟؟

[ميراس]

انا نبصر علي اية ياعيون دايرتهولها بالجو لكن والله كلكم عز مانعرف والله يابناويت كل يوم نتعلم في حاجة منكم وحتي معاملتي يوم عن يوم تتغير وانشاالله ربي يعاوني علي هالحمل وتعرفوا والله ولدي هدا عندي في كفة وباقي العيلة في كفة ماعنديش معاه روح تعرفوا هو دنيتي كلها ومانحسش فيه انه عنده شي بالعكس

[ميراس]

شن يااية قاعدة مكسدة

[ღॐ آية ღॐ]

ربي يحفضهولك يارب
كم عمرها يا ميراس ؟؟؟وشن عند غيرة ؟؟؟

[ميراس]

وين ميمو اليوم مكانه فاضي زعما خيرها قبل ماتغيبش اتخش اتشيك حتي لما تكون عندها زحمة

[ღॐ آية ღॐ]

مكسدة وخايفة والله مخلطا عليا

[ميراس]

عمره 12 سنة وعندي وليد تاني عمره 17 سنة

[ميراس]

من شني خايفة علي فكرة لاباس عليك قلتي يدي بندير عليها عملية امتي وين

[ღॐ آية ღॐ]

حتى حنانة مغيبة (تمر حنة)
ميمونة اكيد اليوم ما فضتش
بس تقريبا خشت شوية ....

[ميراس]

ماشفتهاش اي زيتونة معاش اتخش زي قبل من نهار سيبت البصل وهي مدوخة شكله البصل هو اللي كان منشطها ماقلتيليش شن مخوفك

[ღॐ آية ღॐ]

انا غدوة بنمشي لدكتور جراحة وهو يقرر ما اذا كانت
عمالية او علاج بس واااااااااااااااااالله ندعي من كل قلبي علاج
او شفط او اي شي خاطي العملية ...
مشاء الله عليك والله جوك وتهدريزك محسسني انك صغيرونه
انتي مواليد كم ؟؟؟ربي يحفضهملك يارب"

[ميراس]

والله هالرقاصة اللي اتخش اتميتخ علينا اشوي وتهرب زي تشة الغولا يقونة ههههههههههههههه خلي انطلعك من جو الخوف شن رايك دوة العزايز

[ღॐ آية ღॐ]

خايفة من العمليه ياودي صعبة فب الايد
ربي يستر ياااااااااااااااااارب

[ميراس]

حي عليك مرة مش قلتلكم انا عزوزتكم في المنتدي مواليد 75ومتزوجة ليا 18سنة

[ღॐ آية ღॐ]

ههههههههههههههههههههههههههههه مافيناش شمالات الليلة اه
انا قلتلك منبوش نفلسو بي ابو العياااااااااااااال ....

[ღॐ آية ღॐ]

والله هالرقاصة اللي اتخش اتميتخ علينا اشوي وتهرب زي تشة الغولا يقونة ههههههههههههههه خلي انطلعك من جو الخوف شن رايك دوة العزايز


اي والله ريتيها ريتيها رقص وغني ودربوكة حاااااااااااااااله
تخش ترقص ترقص وتطلع لا معدلا على حد ولا مدورا حد
تجيب ولد رقاص هههههههههههههههه

[ميراس]

اسمعي شوفي راي الدكتور واللي ايقولك عليه ديريه احسن من تقعدي بعدين اتعاني وين الدكتور هدا في المختار تاكدي منه كويس والا لا وتوكلي علي ربي

[ميراس]

ياحنة دايره غيضها في الرقيص شكله تبليصة اسلافها بتخليها تنحرف يطلعوا من بحداها من اهني وادير الغيظ في الرقيص عادة شعفة الراجل ماتقدر تحكيله والسلفة احرف دارتها عالرقيص ياروحي ياودي امقدرينك خشي هالهبال وين ينشدك راجلك قولليله وحم شن بندير

[ღॐ آية ღॐ]

لا والله مش في مصحة المختار
ماشية لي مستشفى شارع الزاوية
خو مرت بو زوجي دكتور باطنية يعرف دكتور جراحة ممتاز
غدوة الصبح بنمشولة واكيد الي يقولة بادن لله بنديرة

[ميراس]

ايوتة توا بنستادن منك بنرقد وحتي انت ياسرك خشي ارقدي بيش غدوة بعد اتروحي خشي طمنينا شن ايقولك الدكتور وتصبحي علي خير

[ღॐ آية ღॐ]

وانتي من اهلة يا غالية
ان شاء الله خير
واكيد الي بيصير معاي بنحكيهولكم
هو فيه اغلى منكم ربي يحفضنا لي بعض ويديم المحبة والمعروف
ياااااااااااااارب
سبحانك اللهم لا اله الا انت استغفرك واتوب اليك,,

[يقين]

صباح الخير كييييييييف حالكم
متفائله باهي باهي يا كيه هكي معقوله اني ماننشدش عليك ارجعي للصفحه اللي قبل اللي قريتيها اول وحده كلمتها ودعيتلك انت معقوله اني ننسالك ولا انفوتاك لالالا حرجت منك

[ميمونة]

صباح الخير

عيون--هلا بالغايب وين هالغطسه شن حالك وحال صغيورتك وشن جو حوش بوك طبعا مايتعلاش عليه شئ تاني

ايـــــــــــــــــــه--سلمها ياربي كيف تشكر فيا والله انتي اللي تخشي الخاطر ماشاءالله عليها صغيرونه واموره ربي يحفظك يارب

وانا انشاءالله اطمنينا اليوم

يقين--شن حال الحمل خلاص معاش فاضيه بكل نحلف عليك ماتطلعي من المطبخ قوليلي شن حال الريجيم

ميراس --حبيتي شن حالك احنا صحابتك طبعا والله تخشي الخاطر يعطيهالك

ام وسن--شن حال النزيف وقف والا شنو امشي عايني ماتسكتيش علي روحك

ام محمد وام قصي وتموره لاحضتو غيابهم انشاءالله خير

[المتفاااائلــــه]

صباح الخير

عيون--هلا بالغايب وين هالغطسه شن حالك وحال صغيورتك وشن جو حوش بوك طبعا مايتعلاش عليه شئ تاني

ايـــــــــــــــــــه--سلمها ياربي كيف تشكر فيا والله انتي اللي تخشي الخاطر ماشاءالله عليها صغيرونه واموره ربي يحفظك يارب

وانا انشاءالله اطمنينا اليوم

يقين--شن حال الحمل خلاص معاش فاضيه بكل نحلف عليك ماتطلعي من المطبخ قوليلي شن حال الريجيم

ميراس --حبيتي شن حالك احنا صحابتك طبعا والله تخشي الخاطر يعطيهالك

ام وسن--شن حال النزيف وقف والا شنو امشي عايني ماتسكتيش علي روحك

ام محمد وام قصي وتموره لاحضتو غيابهم انشاءالله خير


أهلا ياميمونة صباح الخيرات ... عادي حتى متفائلة ينشدوا عليها راهوا ..

[المتفاااائلــــه]

عمره 12 سنة وعندي وليد تاني عمره 17 سنة


مااا شااء الله ياميراس .. ماتوقعتكش هكي بكل تباارك الرحمن ربي يحفظهملك ... قداش عمرك كيف تزوجتي ومواليد قداش

[المتفاااائلــــه]

عيون حبيبتي صحيتي هلبة على الرسالة ... وحاولت انرد عليك لكن قالي ان عندك هلبة رسائل ماتقدريش تستقبلي احذفي منهم بش نبعتلك ... ومااااا شاااء الله على صبرك قعدتي الفترة هادي كلها بش حللتي آني مش طايقني صبر ...

[المتفاااائلــــه]

اختي متفائلة متحطيهش في بالك وانسيها وان شاء الله ماتنزل بكللللللللللللللللللل الا بعد الولاده


آآآآآآآآآآآآمييين يااااااااااااارب

[المتفاااائلــــه]

صباح الخير كييييييييف حالكم
متفائله باهي باهي يا كيه هكي معقوله اني ماننشدش عليك ارجعي للصفحه اللي قبل اللي قريتيها اول وحده كلمتها ودعيتلك انت معقوله اني ننسالك ولا انفوتاك لالالا حرجت منك

والله نحسابك ناسيتيني ومانشدتيش عليا لكن باهي نجحتي في الإختبار .... وردي بالك تفكري تنسيني والا ماتنشديش عليا ... باهي يافالحة وين الرد امتاعك على سؤالي ماقريتيشي آمتى درتي التحليل امتاعك امتع الحمل ودرتيه دم والا منزلي ... بسررررررعة نبي ردك ....

طبعا حتى راجلي زي رايكم مارضاش انه يرفعني اليوم اندير التحليل قالي انزيدوا شوية بالك تجي الدورة وخاصة ان اعراضها موجودة ... خايف ينصدم ... هه

[ميمونة]

هلا متفائله كيف حالك موجوده انتي

[المتفاااائلــــه]

هلا متفائله كيف حالك موجوده انتي


أهلا ميمونة آني موجودة ... شني الأخبار ..؟

[ميمونة]

تمام الحمد لله شن جاتك الدوره يارب لا

[المتفاااائلــــه]

تمام الحمد لله شن جاتك الدوره يارب لا


الحمد لله آني كويسة .... لالا لتوا ماجتش ... لكن في أعراضها نحسها بتنزل في أي لحظة ..

[المتفاااائلــــه]

آني بنطلع نشري قضية ونجيكم ... نستاذنكم توا .... مع السلامة

[امة الله 83]

السلام عليكم ورحمة الله وبركاته

انا جديدة فالمنتدى وتسجلت خصيصا لانو عجبتني حواراتكم المواضيع الي تناقشو فيها ونتمنى منكن تقبلوني

ولكم مني كل الاحترام


اختكم امة الله من طرابلس الحرة

[ميراس]

اهلين حبيبتي امة الله انستي التجمع وطبعا قبل كل السيرة الداتية امتعك با*لكامل

[يقين]

السلام عليكم ازيكم يا قمرات في وحده اسمها ميراس ووحده تانيه اسمها آيه ينزلوا للاداره المدير يبيهم وعارفين ارواحهم شن امدايرين يلا بسرعه عالاداره طبو الغاز يستني فيكم

[يقين]

معليشي هالايام معاش نخش هلبا عالقتها ادهوير وخلاص امس مشيت لمصر الجديده وروكسي وتغديت في مشويات هاي كوين وتعشيت في جاد وغيرت دبلتي جبت التونز ومعاهم طرف تالت حلوه مشالله عليها وهاا هوا بس

[يقين]

ميمونه باهي تو نوريك هكي اديري فيا انت حبيبتي ولا انقولك غيرت رايي يلا انزلي معاهم للاداره بسررررررررررعه ما تخلينيش نتعصب

[يقين]

ام محمد وينك غايبه علينا ان شالله خير بس
تموووووووووووره الغاليه وينك ياضي التجمع والله استاحشناك

[يقين]

ميراس كيف حالك ياغاليه انت وصغيويرتك ربي يحفضهولك ويحفضك ليهم ويحفض بوهم ياااااااااااااارب

[يقين]

امه الله اهلين بيك وخيتنا كيفك وعرفينا عليك علي فكره احني حشيشتنا القصقصه زي العزايز خخخخخخخخخخ

[يقين]

آيه ايه والله نخش نرقص ونطلع لاني خاطرني في عرسسسسسسسسسسسسسسسسسسس باش نطير فيه ونطير حي عليك اني مجنونه راهو عندي صرعه تجيني في العراس هههههههههههه بعيد السو عن جمالي خخخخخخخخخخخخخخ لالا قصدي في العراس نركب فوق الطاولات هههه وووووو

[ميمونة]

السلام عليكم

امه الله شرفتيني انت بين خوتك

متفائله ربي يبشرك خير هالشهر وتطلعي حامل

[ميمونة]

ههههههههههه بجديات يقين انت مش عاديه ربي يحفظك

[يقين]

متفائله شوفي حبيبتي التست ندير فيه بعدها ب4 او 5 ايام وندير فيه بول اكرمكم الله وبعد اسبوع ندير في تحليل دم ونتاكد ويااااااااااااااااااااااااااارب تكوني حامل وربي يرزق تموره وام وسن ومروسه وام اجنادين وكل متمني ياااااااااااارب اللهم امين

[ميمونة]

اشطحي لين تتعبي احنا مش برانيه

[يقين]

ميمونه اهلييييييين كيف حالك وحال العويله وربي يحفضك ويرزقك بوليد الحلال ويفرح قلبك ياااااااااااااارب

[ميمونة]

الله يسلمك اهو اليوم ماجانا حد

[يقين]

خخخخخخخخخخخخخخخخ هههههههههههههههههههههههه ميمونه هههههههههههههههههههه
ناكل في سامنسيه باهي حاطتها في صونيه وبحداها صونيه تانيه في لحوس لي فروتي نشبح في ردك قعدت نقرا فيه وحطيت ايد في اللحوس وووووووووووووووووو شن بيغسلي يدي صقع

[ميراس]

باهي يامطيورة توا تشوفي ادارة توا شن انديرلك انا واية لما انروحوا كيف‏ ‏ نشدوك ونريشوك لين تشعفي معاش اتخبري الشيبغو هههه شن رايك في الشيبغو قوية واكلة منه خلقة طريحة لتوا ندكر فيها

[يقين]

شني خفت الرجل عليكم ولا قاعدين يهفوا ياودي النساوين يفرحوا وين يلاقوا منسابه معاش يهفتوا

[يقين]

هههههههههههه ووووو يا ميراس نديروا عركه لكن ما فيناش شد شعر الشيبغو خخخخخخخخخخ خالتي قرت وهوا المدير حتي هيا عاطيها قراماتها

[ميمونة]

صحتين انت وبنيتك وينهم الجماعه مكسدين

[ميراس]

وين قارية الثانوي في البرق يقونة

[يقين]

ميراس عارفه عندي حناي ما نحكيلكش طول مانتي مقعمزه حداها تضحكي بدموعك المهم زمان نتعارك اني وبنات قريب من حوشنا وتزبطني قسما بالله يا ميراس ويا ميمونه الا بالرشاد تركب فيهم فضحت بيه قعدت نقول اهيا مني ما نعرفهاش خخخخخخخخخخخ والله ذكرايات يهبلوا ياريت يولي منهم حتي يوم توا حناي اللي نحكيلكم عليا في الاحدات ارتفرع عليها السكر وفقدت البصر الله غالب

[يقين]

مروسه لا والله قريت في القدس

[يقين]

قعدت مع جدودي خوالي يعني بس جدي وحناي حيين من اللوام عشت معاهم 4 سنينين الله عليك ايام يهبلوا

[يقين]

ميمو سلمك وربي يخليك علاش مسكته

[يقين]

ام نوزه وينها اليوم وينك وكيف حالك وحال نوزه افتحي الياهو خلي نهدرزوا زي ايامات مصرنقعدوا نفترشوا لين يتم الرصيد

[ميمونة]

انا توا نستادن سلام نتلاقو

[يقين]

http://t3.gstatic.com/images?q=tbn:ANd9GcTMkFRyeV3XBibq-Vwc2_b-sbVLNkizsMixKJV1aR9nnTiocn-Qهادي متفائله
http://t1.gstatic.com/images?q=tbn:ANd9GcSvZ8ZjEMsDU03XGGMCS2ArVz5ZN1fxw Oi87u1US4UpxhYRdI3vhwوبتجيب وليد زي القمر باذن الله الذي لا يصعب عليه شي

[ميراس]

علاش ماعندكش عالفيسبوك هي ديري وكملي القروب والله جوفايتك

[يقين]

ميمونه سلامتك بالله قولي لامك تدعيلي نجيب وليد امانه ما تنسنيش

[يقين]

مروسه والله ماندور فيه تصدقي لكن توا ندير ان شالله

[ميراس]

وين عزوزتك شن جوها اتكلم فيك وامتي بتجي عندك حموات

[يقين]

حتي اني نستأذن بنصلي العشي ونجي ان شالله

[ميراس]

زعما شن صار في اية ماخشت لا طمنتناوتمورة حتي هيا خيركم بديتوا تتجعدوا علينا قريب نحلفولكم لا نفع فيكم تهديد لا عقاب شن بنديرلكم

[المتفاااائلــــه]

السلام عليكم

امه الله شرفتيني انت بين خوتك

متفائله ربي يبشرك خير هالشهر وتطلعي حامل


آآآآآآآآآآآمييين ياااااااااااااارب ..

[المتفاااائلــــه]

متفائله شوفي حبيبتي التست ندير فيه بعدها ب4 او 5 ايام وندير فيه بول اكرمكم الله وبعد اسبوع ندير في تحليل دم ونتاكد ويااااااااااااااااااااااااااارب تكوني حامل وربي يرزق تموره وام وسن ومروسه وام اجنادين وكل متمني ياااااااااااارب اللهم امين


اللهم آآآآآآآآآآآمييين ياااااااااااااااااارب ... صحيتي على الرد ... وباهي ياهياااجة به ... والله فكرتيني في وحدة قرت معاي في الثانوي جوها زي جوك متع هياجة وطير واطير ... كيف نمشوا رحلة في الباص تبدا تغني تقل ... هيجوا زيدوا الهياجة العقالة مادارت حاجة .... ههه والله ايامات وذكريات ... طبعا لكن آني كنت زعميتك ديما الهادية اللي ماتسمعيلهاش حس ... وجو اللي الأبلة كيف تطلع من الفصل تقولي اوقفي عليهم .... هههههههههههههه

[المتفاااائلــــه]

http://t3.gstatic.com/images?q=tbn:and9gctmkfryev3xbibq-vwc2_b-sbvlnkizsmixkjv1ar9nntiocn-qهادي متفائله
http://t1.gstatic.com/images?q=tbn:and9gcsvz8zjemsdu03xggmcs2arvz5zn1fxw oi87u1us4upxhyrdi3vhwوبتجيب وليد زي القمر باذن الله الذي لا يصعب عليه شي



ياااااااااااااااااااوخيتي سلمه هالبيبي القنين هذااا ... ياااااااااااارب ربي يرزقني ويطعمني يااارب وما يحرمني ....

سلمها ياااربي صحيتي يايقين والله فرحتيني .. هذا الفال وعلى الله الكمال ...

ياااارب

[ღॐ آية ღॐ]

السلام عليكم
كيف حالكم بنات اليوم شكراً لكل من سأل عليا
مشيت اليوم عاينت قالي الدكتور تبي عملية
اوكان سخر ربي الاحد الجاي صباحاً بنديرهآ وطبعاً بنستخير
بس بصراحة خايفة منها لاكن بنرتاح لانها متعبتني وقضيتي مش هيا
ادعولي :ربي ينولكم الي في بالكم ...
ميمو انتي تستاهلي كل خير وهدا حق يا غالية :
يقين تي باهي باهي صار فيها فلقها ميراااااااااااااااااااااااااااااااااس يا ميرااااااااااااااااااااااااااس
نستنوهآ في المرواح ونمرجوها طريحه يحبها قلبك: مني معانا في الدعكة ؟؟؟؟؟
متفائلة هويديا متمشيش معانا يا تشدي معانا عصية يا تشدي عصيه مع يقين ؟؟

[المتفاااائلــــه]

السلام عليكم
كيف حالكم بنات اليوم شكراً لكل من سأل عليا
مشيت اليوم عاينت قالي الدكتور تبي عملية
اوكان سخر ربي الاحد الجاي صباحاً بنديرهآ وطبعاً بنستخير
بس بصراحة خايفة منها لاكن بنرتاح لانها متعبتني وقضيتي مش هيا
ادعولي :ربي ينولكم الي في بالكم ...
ميمو انتي تستاهلي كل خير وهدا حق يا غالية :
يقين تي باهي باهي صار فيها فلقها ميراااااااااااااااااااااااااااااااااس يا ميرااااااااااااااااااااااااااس
نستنوهآ في المرواح ونمرجوها طريحه يحبها قلبك: مني معانا في الدعكة ؟؟؟؟؟
متفائلة هويديا متمشيش معانا يا تشدي معانا عصية يا تشدي عصيه مع يقين ؟؟



آية : ياااااااااااااااااااااارب ربي يسهل عليك العملية يااارب ... وتفوت على سر الأحوال .. وربي مايزريك مكروه ... ماتخمميش فيها بإذن الله الا ماتكون على خير وتقولي الحمد لله فتكيت منها ... بسيييطة بإذن الله ..

ووالله آني معاكم لكن تبي الحق والله ماتهون عليا يقونتي حبيبتي عاد آني واياها أقرب اثنين لبعضنا في العمر ... صراحة ماتهونش عليا ... " الله غالب " هههه

[ღॐ آية ღॐ]

متفائلة ربي يااااااااااااااااارب يرزقك بي بيبي احلى منه
انتي ودلوعتنا يقين يكونو ولاد زي القمر ..
تقريبا يقين اصغر وحدة في التجمع صح؟

[ღॐ آية ღॐ]

يا متفائلة انتي مواليد شنو انا 87 اخر عشرة يعني مش
عزوزة زيكم صغيرة راني....ايوووووووووووووووووووووه
وحدة حرفة )^_*

[المتفاااائلــــه]

السلام عليكم :

منو موجود ...؟؟
بالله يابنات اللي موجودة ترد عليا بسرررعة وتهدرز معااي رااني محتاجتكم وبنطربق

يابنات آني بنهبل الدورة لتوا ماجتش .... وتعرفوا آمس واليوم لما نطلع مع راجلي كيف نقعمز في السيارة مدة طوييلة نحس ظهري من تحت بيطقطع ألم على الآخر لدرجة اني انقول لراجلي بسرعة راهوا الدورة بتجي ... وبعدين انروح للحوش ومجرد اني نتحرك شوية خلاص يمشي هضاكا الألم وشبه يختفي .... وكان نقعمز عالكومبيوتر فترة يعني مع كثرة التقعميز يزيد الألم ... ونغزات في صدري والحلمات لكن متقطعة مش ورا بعضه يعني لحظات هللبة ولحظات تقول عليا كنت نكذب ... وصدري خاااصة جيهة اليمين هلبة عروق زرق بدوا يبانوا وماكانش هكي هذا صار اليوم وفي جيهة معينة حول الحلمة فيها زي البقعة بنية دكانت يعني سامحوني في دقة الوصف لكن ماعنديش مع منو نهدرز بصراحة هكي.... والصدااااع الصداااع ياناس بشكل رهييييب ... وهذا الصداع عاد قريب من اسبوع والا أكثر شوية مافارقنيش ... والله ماعاد عارفة كانها دورة نبيها تنزل وتفكني ... بما ان عمري ماقعدت عندي دورة ثلاثين يوم ماجتنيش ... يعني حتى فترة قبل الدوفاستون وكيف كانت مش منتظمة ما كانتش تعطل بالعكس كانت تجيني مرة يوم 19 ومرة يوم 21 ومرة يوم 24 وكيف يخطرلها تجي 26 ... ومع الدوفاستون 3 شهور اللي فاتوا شهرين تجي 28 والشهر اللي فات 26 .... يعني شني رايكم ... مرات تجيني لحظات يجيني أمل .. ومرات نحسها الدورة بتجي ونقول لالا غير نتعب في نفسيتي .... ومش عارفة نحس في اعصابي تعبانة ....
آمس وآني مقعمزة معاكم على النت لدرجة اني قلتلكم خلااااص جتني أعراض على أساس انها بتجي يعني توقعت روحي انوض للحمام حاشاكم نلقاها نازلة لكن ماصار شيء .. تعرفوا مرات نخاف نقول ان شاء الله ماجانيش كيس والا التهاب والا حاجة وخلاها ماتنزلش والدم محتبس ... المهم حاشااااكم زي المهبولة ... والله توترت خلاااص ...


وان شااء الله يااربي خير


" رب لا تذرني فردا وانت خير الوارثين "
" رب هب لي من لدنك ذرية طيبة انك سكيع الدعاء "

[المتفاااائلــــه]

يا متفائلة انتي مواليد شنو انا 87 اخر عشرة يعني مش
عزوزة زيكم صغيرة راني....ايوووووووووووووووووووووه
وحدة حرفة )^_*

أيووتة طلعتي أصغر مني بشوييييية آني 87 نهاية 9 .... ياوخيتي سلمها نديتي ..وآني نقول شني سر الحب هذا ؟؟؟

[المتفاااائلــــه]

متفائلة ربي يااااااااااااااااارب يرزقك بي بيبي احلى منه
انتي ودلوعتنا يقين يكونو ولاد زي القمر ..
تقريبا يقين اصغر وحدة في التجمع صح؟

آآآآآآآآآآآآآآآمييين يااااااااااااااااارب ... ايه يقين أصغر وحدة في التجمع .... وان شااء الله يااارب ربي يستجيب لدعاائكم يااارب ..

[ღॐ آية ღॐ]

ربي يعطينا طولت العمر
وربي يواتينا بلوقت الطيب
اللهم امين ...
متفائلة حسب وصفك هادي اعراض حمل حبيبتي
خصوصاًالعروق في الصدر ويتنفخ ولونه يدكان
ياااااااااااااااااااااااااارب تكوني حمولة وتفرحينا يارب

[المتفاااائلــــه]

آية : ان شااء الله ربي يكبرنا في طاعته ويكتبلنا الخير وعلى قولتك يواتينا بالوقت الطيب ...

وبالنسبة للحمل ... زعمااااااا .. ان شاااء الله ياااارب ... ربي رحمته وااسعة ومايصعب عليه شيء ... ان شااء الله ربي ما يحرمني ..... صحيتي على الرد ... مع اني مانبيش نعطي لنفسي أمل كبييير ...

ياااارب ديرلي اللي فيه خييرتي ياارب ..

[المتفاااائلــــه]

وييييييييييييييييييييييييييينكم ... وين مشيييييتوا .. آية يقين ميمونة .. ارررجوكم خشوا هدرزوا ...

[أم أجنادين 80]

السلام عليكم
كيف حالكم
زيدي شوية متفائلة وديري تحليل

[ღॐ آية ღॐ]

ام اجنادين منورة كيف حالك ؟

[عيون زوجي]

السلام عليكم ورحمة الله
شنو اخباركم اليووووووووووووم
ايه...يلي كاتبه ربي خيرررر ان شاءالله ويارب يمر الاحد على خير وما تشوفين الا العافيه
متفائلة(اميرة التجمع) : سلامتك الف سلامه انا لو مكانك نمشي طول لدكتورة نساء كويسه ونريح راسي بري سلم اختي
وهي اطمن قلبك رح تكتبلك تحليل حمل دم طبعا 10 دقايق والنتيجه تتطلع لو حامل خير وبركة ويارب حامل
لو لا تعطيك احبوب تنزل الدورة وتريحك
واحكيلها كل اعراضك لانك تعبانه فعلا وانا في حملي ما نتعبش هكي

[ام وسونة]

اني جيت كيف حالكم وشن اخباركم

يقونة كيفك وربي يسهل الحال ويهنيك

ايوتة ربي يشفيك والخيره فيما اختارها الله وخليها علي ربي

متفائلة ان شاءالله حامل ياااااارب وتفرحي بيه

وخيه ميراس ربي يحفضلك وليدك ويشفيه وخليك في حوشك زايطه

والناس عليك شايطه واحني كلنا وخياتك

عيون كيفك اليوم وربي يهنيك

والله ليكم وحشه ياتمورة وام محمد

[عيون زوجي]

يقين...جو الطلوع والمشاوير يريحك ويريح فطوووووووومه
ربي يهنيك ويسليك في غربتك امتى امروحه لليبيا
تموره....وينك ان شاءالله يكون الوحم هو المانع وانك توحمتي اعلينا وكرهتينا
ميراس...كيف حالك اليوم وشنو شريتي بالطو ولا مازال
ميمونه...راحه اليوم انتي وين اتقري جنب اماليك ولا جنب حوش راجلك الاول
ام وسونه....كيف حالك اليوم وعايتني ولا لا الف لاباس
هاتو وام محمد وليبيا قلبي وكل البنات الجدد وينكم خشوا شرفونا بمشاركاتكم وارائكم
ام اجنادين...كيف حالك وحال جودايم

[عيون زوجي]

سؤااااااااااااالي اليومي...............
كل وحده اتخش تكتب:
_ شنو عشاها اليوووووووووووووم؟؟؟؟؟؟؟؟

[عيون زوجي]

انا عشاي هو غداي لاننا افطرنا اماخر اتعشينا صلاة المغرب
لحم مصلي ورز بالشعيريه
وتوا بنوض اشوي تاني اندير سفيرة الكابتشينووووووو ونصورهالكم باش تشربوا معااااااااااااي اوكي........

[ramaa]

مرحبا حبيباتي كيف حالكم من فيه يرد عليا

[ღॐ آية ღॐ]

اوكي

ههههههههههههههه كيف حالكم يا غاليات اليوم


وسلمكم نشدات ام وسونة وعيون....


عيون نستنى في الصورة ؟؟

[ramaa]

مرحبا عيون حبيبك نرجي في الصوره راني

[ღॐ آية ღॐ]

اهلا بيك رامآ ...

عشانآ سندوتشات مفروم صنع ايديا وحياة عنيآ ..

[ღॐ آية ღॐ]

مني خاطرهآ تشبح الاب توب متعي ترفع ايدها
انا خاطرني>على قولت يقين< نصورة ونوريهولكم من الاخير هههههههههههه
يقين ماترفعيش ايدك غمضي عيونك ما تشوفيشيhwaml17 انا مخمصآك راهو ..

[ramaa]

اهلين اية احنا عشانا ترفاس تعرفيه؟

[ღॐ آية ღॐ]

اللهم إني أسألك لقارئ رسالتي جوامع الخير وخواتمه
وسوابقه وفوائده وجميع ذلك بدوام فضلك وإحسانك،
ويمنك ورحمتك، فارحمه واعتقه من النار..

[ღॐ آية ღॐ]

نعرفه شكله زي
البطاطة الحلوة ...
الف صحة وعافية

[ام وسونة]

اني طبعا فاقه متاخر طيبت مكرونة بالبصلة راجلي قالي ماعنديش نية توا

واني نطيب كملت اسطوانة الغاز كلمته المغرب في العمل جي طلعنا غيرنا الاسطوانة

وشرينا فول وحمص وخضيرة.

روحنا حطيت المكيرينة عشي معاها طريفات عصبان من البارح هههههههه

وتوا نفكر نبي ندير حاجة حلوة نرفعها معاي غدوة لعزوزتي لان لازم

نمشي ونرفع معاي موسمي عيووووووون انقديني نبي طريقة حاجة

يقولولها الياقوته اللي يكركبوها ويديرولها فتحه بالصبع من الوسط

باش بعد ماطيب يحطوا فيها مربي ارجوووووووك لوعندك الطريقة

[ramaa]

ايه وينك عسولتي

[ام وسونة]

غدوة الموسم شن فكرتوا اديروا ؟؟؟؟؟؟؟؟؟؟

[ramaa]

هاي ام وسونة احنا نديرو هريسه (شعير مع مرقه) نقولولها هريسه وانتو ؟

[ام وسونة]

احني نديروا في حاجة بالبصة وخاصة رشدة الكسكاس

ومعاها فول مطبوخ وحمص ونطبخوا في الدحي

ونديروا شوش باني ياباني هههههههه

[ramaa]

تصبحو علي الف خير ياقروب نشوفوكم بكره
وايه ربي يشفيك غدوه عمليتك صح ؟ متخافيش انا قبل الاحداث درت عمليه علي يدي فيها كيس دهني وبعد شهرين رجعلي مره اخري معاش دورته قالو يمشي بالعلاج لان هلبا رجعلهم .


يلا امووووووووووووووووه يا غاليات

[عيون زوجي]

[url=http://forum.hwaml.com/imgcache2/hwaml.com_1322949873_653.jpg]http://forum.hwaml.com/imgcache2/hwaml.com_1322949873_653.jpg[/url

[عيون زوجي]

تفضلوا معاي
ومبروك عليكم الموسم

[عيون زوجي]

بسكويت الياقوته
المقادير
http://forum.hwaml.com/imgcache2/hwaml.com_1322950170_911.png
كوب ونص زبدة
صفار بيضة واحدة
نص كوب زيت
3ملاعق سكر ناعم
ملعقة صغيرة بيكنج بودر
ملعقة صغيرة قرفة
ما يعجنه دقيق
للزينة: لوز مجروش +كرز احمر او مربي فراوله او شوكلاته
حسب الدوق والرغبه
ملاحظه : البياض يدهن به وجه البسكويت

الطريقة

تضاف كل المواد مع بعض الزبدة والسكر والزيت وصفار البيضة والقرفة

http://forum.hwaml.com/imgcache2/hwaml.com_1322950170_749.jpg
واخيرا يضاف الدقيق والبيكنج بودر

تترك العجينة لترتاح مدة ربع ساعة تم تكور متل الغريبه وتعمل بها حفرة في الوسط
كما في الصورة
http://forum.hwaml.com/imgcache2/hwaml.com_1322950169_340.jpg
وبعدها تدهن الحواف ببياض البيض وتمرر في اللوز المجروش
وتخبز في فرن متوسط الحرارة
http://forum.hwaml.com/imgcache2/hwaml.com_1322950169_584.jpg
نتركها لتبرد قليلا ثم نزينها
بالمربي او الكرز { وضعت قبل الكرز قطرة من العسل} او شوكلاته نوتيلا

وهذه صورة الطبق بعد الانتهاء من تحضيره
http://forum.hwaml.com/imgcache2/hwaml.com_1322950170_414.jpg

[ღॐ آية ღॐ]

اشية اشية اشية عيون نبي تويصة مدخلنيش "
والله تسفة "
وين حصت حمودي وسرورة يا قفاصة هههههههههههههههههههههههههه

[عيون زوجي]

تفضلي ايه انتي تؤمري انديرلك احلى منها انطلعلك الكوبيات الجدد والسفيرة القنينه ونخلطوهليك بطعم لوز بوفريوة
شنو رايك
وام وسونه اعليها الياقوته

[ღॐ آية ღॐ]

راما يا غالية عملية فتح مستحيل ترجع
بس عملية شفط ترجع اكيد شكرا على الدعاء يا غالية ..

[عيون زوجي]

صحه عشاك يا ايه انا نحب المفروم وصنع الايد اكيد لانه من برا ما ينشراش بكل
وتسلم ايدك ويحفظها يوم الاحد من كل شر يارب

[عيون زوجي]

واعلاش كتابة راما تتطلعي بالعبريه

[عيون زوجي]

ام وسوووووووووونه كيف حال النزيف اليوم؟؟؟؟

[ღॐ آية ღॐ]

ياسلمها يانجيها الي راسي كابر بيها
عيون حبيبتي ربي يحفضها ويحميهآ

[ام وسونة]

صحيحة صحيحة الكباتشينوا ياعيون والله لونشربه ماعاد نرقد يومين

لاني مانشربش في المنبهات

والله ديمة نقول ماعندي غيرك ياعيون هي هذه الطريقة اللي نبيها

خلي نوض توا نكسد عليها ماداما كل شي عندي مشكوووورة هلبااااا

موااااااااااه خلي نوض وندخل معاي النت للمطبخ مانقدرش نقعد

من غيركم شوفتوا الحب هههههههه

[ام وسونة]

والله النزيف قاعد لكن نقصت كمية الدم ربي يستر وخلاص

[ღॐ آية ღॐ]

واعلاش كتابة راما تتطلعي بالعبريه



والله ما فهمت يا عيون عيت نترجم فيهم hwaml15 فشريهالي كويس ؟؟؟

[ميراس]

سلامات للحلوات انشالله بنجاح العملية وترجعي احلي من قبل وتغسلي وتضمي لين تعيي عيون كيفك شن احوال الصغار والباطو مازال مامشيتش لاني لاهية في رجلي لانه الدكتور مانع علي الحركة لانه الالتهاب زايد توا من العيادة للحوش نضرب في الابر وانروح شني صار فيك انت شن شريتي حوايج وشني الاسعار قالوا شايطة فيها النار حقا متفائلة انحس حامل حسب الاوصاف اللي قلتيها هادي حالة وحدة حامل والله اعلم انشالله ربي يسخرلك ويفرحك راما منين انت وبعدين توا اضني مش وقته الترفاس ولا وين طحتي فيه والله متوحمة عليه بناويت خير ام سعد معاش قابلت والله مسافرة انشالله المانع خير والله بنات الا استاحشنهم زي ميرنا وعاشقة وهندية حتي بانت وبعدين ردت غطست وام عويضة

[ميراس]

عيون مجربتيها الياقوتة انتي والا واخدتيها من موقع لان شكلها حلوة وعجبتني ام وسونة بعدما تجربيها قوليلي كيف طلعت معاك بعدين تعاليلي انت قاعدة ساكتة عليه البزيف هكي كان اجهاض مش تنظيف راك مشيتي شفتي روحك عيون شن هالطيسة الحلوة احسبيني مع ايوتة في طاسة

[زهرة2000]

مساء الخير

[ام وسونة]

اهو عجنتها والبوادر تقول خير وربي يستر توا نجربها ونقوللكم

[عيون زوجي]

ميراس الف لا باس على الالتهاب وان شاءالله تشفى وترتاحي منها امالا منو يعولك وايطيبلك
والطريفة جبتها من النت
تجربها ام وسونه وتقولنا
هلا زهرة شرفتي
ايه شنو بتصيمي غدوة ولا لا

[عيون زوجي]

ميمونه وينها الليلة هي وليبيا قلبي وهاتو
غدوة عشانا كسكسي وجنبه الفول والدحي المطبوخ وانتم

[ميراس]

ام وسونة خيرك عاجنتيها توا امتي بتكمليها ولاماكترتيش لكن مهما يكون تبي وقت مع التزيين هي ربي يعاونك وتطلع حلوة لازم تقوليلي كيف طلعت بنتها واهم شي اتكون هشة هشة باهي والطريقة خديتيها زي مامكتوبة بالضبط زهرة اهلين وين هالغيبة احكيلنا وين كنتي

[ام وسونة]

اهو قريب الطيب ومن ناحية هشه فشكلها هشه هلباااااااا

ربي يستر خلي راجلي مايضحكش عليا اني طبقت كل اللي مكتوب

[ميراس]

والله ياعيون شن بنقولك يادوبني انطيبلهم ومرات انجيبوا جاهز والباقي مافيش حاجة اتكدر عرفة علاش الدكتور مايبيش النفاخ ايزيد ينزل اكتر لانها رجلي اليسار منفوخة هلبة من الالتهاب ويبيها تتريح بيش تنفش مع العلاج وبدات انا عندي السكري وين ايوتة غطست ايوتة وينك غير قولي ياوحشة دايرة الخنس ياعيون فهمتي باهي باهي

[ميراس]

وين ميمونة اليوم غياب راك ماقلتيليش شن شريتي حوايج ومنين

[ميراس]

اليوم خيركم امكسدين ضاربكم الصقع ولا شني

[ღॐ آية ღॐ]

غاليات كل عام وانتم بخير بمناسبة العاشوراء وغدوة مش صايمة لاني
في اجازة ...
بنرقد لاني فايقة من الساعه 8 وامس ساهرة
يلا نستاذنكم تصبحو على الف خير
اللهم اشهد ان لاله الا انت استغفرك واتوب اليك ...

[ميراس]

http://forum.hwaml.com/images/editor/insertimage.gif

[ام وسونة]

هههههههه جربتها لكن جت تتهسهس هلبا ونصها لصق في الطاجين

مش تقولوا مش داهنه الطاجين بالزيت لالا دهنته توا كيف الحل في

شني غلطت معاها يبس ريقها هههههههه

[ام وسونة]

تصبحي علي الف خير ايوتة وربي يعينك ويشفيك

[ميراس]

http://forum.hwaml.com/images/editor/insertimage.gifhttp://forum.hwaml.com/images/editor/insertimage.gif

[ميراس]

يلعن جوك قتلتيني بالضحك غدوة شدي الطريق لعيون ريشيها جايبتلك طريقة من الشارع يعطيهالها بري حتي بلاها هالتزمزيكة لعزوتك اطبخيلها غارف فول وحمص لياقوتة لامرجانة والمهسهسة هادي ديريها لحوس لوسونة هههههههههههههههههههههههههههههههههههههههههههههههههه ههه

[ام وسونة]

غير شن هما اللي تنزلي فيهم ياميراس شوقتيني

[ليبياقلبي]

سسسسسسسسسسسسسلامي للحبوبات

[ليبياقلبي]

اول شي متفائلة يارب يكون حمل يارب العالمين وبالنسية لعمرك حتى انا زيك انت وايوتة بس انا اصغر منكم انا 30_7_1987ههههههههههه نفس السنة
ايوتة سلامات بالغالية الف سسلامة عليك وابعاد السو عليك ويارب بسيطة
عيون شن جو الياقوتة والكابتشنو شن جو السنافر وشن اخبارك
مروسة تبارك الرحمن عندك ولاد كبار ربي يحفظهم انت كم مواليدك
ييييييييييقونة تو تشوفيها ياشينة نشدتي عليا ماخر صار جو هياجة باهي سلفك هدا شكلا دمه خفيف معقدكيش زي الاول
ام وسونة ربي يعطيك صحتك وشن النزيف توا انا غدوة ماشية لي ماما عيد زواجها بنفطر غادي مدايرة رشدة ومعاها حاجات والفول والجو
ممممممممممميمونة شن جو حوشكم بنكلمك نقول باكش مش فاضية

[ام وسونة]

ياريتها تاكل وسن ههههههه لكن والله الطريفات اللي قعدوا

نقدر نرفعهم ويستروني غدوة هادي مش تزمزيكه يامروسه

اني معودتها مانخشش وايديا فاضيات ههههههه

[ليبياقلبي]

والله اليوم من لما نوضت وانا واقفة تعبت هلبة وطيبت سلفتي مريضة ايدها طيبت عشانا ديرت هامبورجا في الطاجين وشاورما وسلاطة مشوية ورز بالخلطة بعدان راجلي خاطره في سويسرول ديرناه معا بعضنا توا كيف روحت انا ونوزة ساهرين

[ام وسونة]

اهلين ام ناريز كيفك اعطيني طريقة حاجة حلوة ساهلة وتستر

[ليبياقلبي]

انت كنة وحدة شكلك

[ليبياقلبي]

ديري سويرول
يجي حلو وسريعي ولا كيك الشوكلاتة كلميني عالفيس احسن

[ام وسونة]

ايه اني اول كنة ومافيش غيري لاتوا

والعمر كله لامك وبوك وينعاد عليهم بالصحة والعافية ياااارب

[ليبياقلبي]

سلمك يارب خيرا ايميلك عالفيش مطلعليش

[ليبياقلبي]

وووووووووووينك ام وسونة

[ليبياقلبي]

http://forum.hwaml.com/imgcache2/hwaml.com_1322959959_745.jpg
http://forum.hwaml.com/imgcache2/hwaml.com_1322959960_889.jpg

[ليبياقلبي]

http://forum.hwaml.com/imgcache2/hwaml.com_1322960231_387.jpg

[ام وسونة]

مانبيش جو الكيكات ديمة نرفع فيهم نبي تجديد باش تقول كنتي كبرت

ههههههههههه وممكن تقوليلي كيف هامبورقا في الطاجين

[ام وسونة]

اني قاعدة واني اليوم ماخشيتش عالفيس شن هو اللي في الصفر

[ميراس]

اسمعي ام وسونة بري خشي علي مطبخ زينب محمد دوري عليه في القوقل ادير في حاجات مش عادية وكلها حلوة الصراحة مش حاتندمي جربت منها الكعك بالتمر والقرينات والغريبة ماشالله كيف طلعوا وخيتك اتحب الحاجات القديمة ماعنديش معها روح واكتبي منها بجديات والله حلوة توا كيف كنت نكتب منها ليبيا قلبي انستي عقاب الليل

[ميراس]

هيا تصبحوا علي خير دوخت وانشالله تحصلي حاجة حلوة ياام وسونة وترفعيها لعزوزتك ياحنة وتفرحيها وانبصر عليك راهو

[ام وسونة]

هههههههه تسلميلي يامروسه توا غدوة نخش ندير عليه دورة الموقع.

عارفاتك تبصري ياحبيبة قلبي

[ام وسونة]

هي تصبحوا علي خير وخياتي ويارب عاشوراء حلوة علينا

[رغوده2006]

انا من ليبيا بلد الاحرار

[saly.me.91]

السلام عليكم يا احلى صبايا بدون ما نسمي حد لاني قاعدة ماحفظتش الأسماء قاعدة نيو... كيف حالكم كلكم .. يقين بنسألك انتي فأي شهر توا.. ومتفائلة شن صار معاك خبريني .. وبالنسبة ليا انا غدوة ممكن بيرقدوني فالمستشفى باش بيربطولي عنق الرحم بعد اسبوع

[saly.me.91]

اهلين رغودة كيف حالك وانستينا

[ام قصى محمد]

اهلين رغوده انستينا
كل سنه وانتو طيبين

[saly.me.91]

وانتو طيبين .....
شنو ام قصي ورغودة حمولات ولالا

[saly.me.91]

عندي طلب بسييط ممكن اتقولولي كيف نقدر نكتب موضوع..مالقيتهاش كلمة اضافة موضوع

[saly.me.91]

الباين اني بروحي هنا اتخو فالليل بس شكلكم ماعنديش حظ

[ام قصى محمد]

اهلين سالى
حبيبتى خشى على القسم الى تبى تحطى فيه الموضوع راح تلاقى ايقونه اضافه موضوع فيه
انا ام لبنتين ونبى نحمل والدوره موعدها اليوم نعدى انها ما تجينيش ونقعد حامل
متفائله شن صار معاك ردين نقرا فى الصفحاتومازلت ماعرفت شن صار معاك طمنينى

[رغوده2006]

من صبراته يا ميراس والله يأنسك

[ام قصى محمد]

اهلين باهل صبراته
سالى وينك عرفينا عليك

[رغوده2006]

كنت حامل وكيف جبت ولد زي القمر ادعولي ربي يخليه

[رغوده2006]

وانت منين يا ميراس

[saly.me.91]

ام قصي انشاءالله تحملي يارب في اقرب وقت

[رغوده2006]

مبروك علينا النصر

[saly.me.91]

غودة ربي يحفظك وليدك ويتربي في عز والديه

انا من طرابلس وعمري20س متزوجة من سنة و5شهور

[رغوده2006]

وينكم الباين مافيش حد

[رغوده2006]

سالي اكيد حامل توه

[ام وسونة]

السلام عليكم كيفكم وخياتي

كيفك ياسالي وبالله احكيلي على قصتك مع الحقن المجهري

واهلين وخيه رغودة انستينا

[رغوده2006]

قتلكم مبروك علينا النصر خيركم الباين كلكم مؤدين

[saly.me.91]

كيف حالك ام وسونة .. بنسألك انتي درتي حقن تهيألي لمحت حاجة زي هدي في وحدة م الصفحات ..احكيلي بالله عليك لو مافيهاش ثقل

[saly.me.91]

مبروك النصر علينا وعليك بس احنا ما استمتعناش بيه النصر الله غالب

[أم أجنادين 80]

السلام عليكم
كيف حالكم يابنات
اهلا برغوده وسالي
حتي انا ليه سنه وشوية ياسالي متزوجة وماحملتش
خليتوني نفكر اندير تلقيح مجهري
معليشي سالي ممكن تقولي شن المشكله يلي ماخلاتكش تحملي
مش تقولي تقصقص بس مرات نفس مشكلتنا

[أم أجنادين 80]

من من صبراته رغودة ولا سالي
انا هداك اليوم مشيت لصبراته فيها محلات لبسهم حلو
خديت وشاح ب 13 دينار بس روعة
وفي واحد عجبني ب 20

[أم أجنادين 80]

وينكم يقين تمورة ام قصي ام محمد متفائلة ميراس ام وسن
عيون ميمو ليبيا قلبي
الباين بروحي

[ام وسونة]

لالا اني درت تلقيح صناعي وربي ماكتبش بالحمل

هدا علاش نبيك تحكيلي على الحقن المجهري وهل المركز

الي درتي فيه ممتاز ومضمون يعني في غيرك حمل بعد

الحقن بالله طمنيني لاني مفكرة نمشيله

وخيه رغودة لومشفناش ردك عالنصر وردينا عليك

هذا مايعنيش اننا مؤيدين وبعدين توا معاش في لامؤيد

لامعارض توا كلنا ليبيين وخوت بس

[saly.me.91]

لا اتقصقصي...ههههه انا من طرابلس والسببانا ضعف تبويض وهوا دوالي

[ام قصى محمد]

رغوده الله يحفظلك وليدك
ام اجنادين وسالى وام وسونه ومتفائله وانا
يارب ارزقنا الحمل السليم المعافى عن قريب

[ام قصى محمد]

من صايم اليوم
انا صايمه وحاسه بروحى تعبانه ودايخه
درت شعيريه مبوخه ومعاه شربه خضار ونفكر اندير سلاطه بابا غنوج والحلو محتاره

[ام قصى محمد]

انا توا نستأذن لانى متاخره والطناجر على النار
نبرم شويا فى حوشى قبل مايروح راجلى
سلااااااااااااااااااام

[ام وسونة]

اهلين ام قصي كيف حال وحال بنياتك وشن صار فيك

[ام قصى محمد]

اسمعو قبل مانطلع فكرت اننا نتعرفو على مطبخ بعضنا
يعنى كل وحده تصرو ادواتها وفى المطبخ ونعرفو ونتعلمو من بعض شن رايكم
حاستنا كساد

[saly.me.91]

لا اتقصقصي...ههههه انا من طرابلس والسبب انا ضعف تبويض وهوا دوالي

[ام قصى محمد]

اهلين ام وسونه
والله الدوره متاخره ومش عارفه يعنى هى من اول ما اجهضت قعدت تجينى كل شهر مقدمه يومين او ثلاث عن الى قبله واتعودت عليها الشهر الماضى جتنى يوم 4 يعنى المفروض تجينى يوم 2 لو 1 لكن لا حس لا خبر

[ام قصى محمد]

تعرفى وعندى اعراض نفس متفائله الى تكتب فيه تقول تحكى بلسانى وكلكم تقولوها حامل
بس انا حملت ثلاث مرات ومش متاكده اذا كنت حامل واو لا ان علامات حملى تبدى فى نص الثانى قبله ما نحس بشى
متفائله ماتمشي لدكنوره انتظر كم يوم ولو ما جتكش الدوره دير النحليل
بس ما تخذيش دوا ينزل الدوره لانه مره صاحبتى نفسك بالضبط ومشت لدكتوره وماطلعش معاه حمل لا بالصوره ولا بالتحليل خذت دوا تنزل بيه الدوره ومالمسكينه
طلعت حامل بس الحمل ما ثبتش ونزل
انتبهى

[ميمونة]

السلام عليكم

كيف حالكم وكل عام وانتم بخير

[saly.me.91]

اللي حابة تعرف معلومات عن الحقن اللي درته اتخش للموضوع اللي كاتباته

[ام وسونة]

عدت مرة اخرى وينكم ولا شكلكم لاهيات في تتطيب

اني كملت درت رز بالبصلة والحميصات والفيلات

وتوا عجنت دونات وطيبت التوفي باش نرفعه معاي

قولت خلي نخش نطمن عليكم قبل مانبدا في استشوار شعري

هههههههههههههههههههه

[يقين]

سلام عليكم شجو
وكيف حالكم وكل عام وانتم بخير مبروك عاشورتكم وربي يتقبل صيامكم
اول حاجه متفائله نحس فيك حامل ويارب يكون هكي تعرفي علاش لان وجع الضهر من لوطا هادا جاني في حملي ولما نكون مقعمزه نحس في حاجه بتنفجر من جنبي ونخش للحمام هلبااااااااا ياااااااااااااارب تكوني حامل

[ام وسونة]

اهلين يقين طيبتي موسمك ولامازال

[saly.me.91]

ام وسونة وين ماشية قوليليييييي ... اتقصقيص

[يقين]

ام نوزه حي عليك حييييييييييييييييييييييي اني ما سالتش عليك يا كيه تو نوريك اني ما نسالش عليك انتي اني نحب نسال علي نوزه بس انتي متعاركه اني وياك تعرفي علاش حايسه في هالكيكات اطيبي وتقصصي فيهم وتصوري وتنزلي في التجمع ما تقولي يقين ما تعرفش ادير كيكات خلي نعلمها حتي كيكه بارده تكسد عليها
اني سطلللللللللللللللللللللللللل كيكات خخخخخخخخخخخخخخ وحده تضحك نوريها

[ام وسونة]

ماشية للعزوزتي ماهو اليوم موسم

[ام وسونة]

سالي سالتك شوية اساله في موضوعك ياريت تجاوبيني

[ام وسونة]

خلي نمشي نستشور ونرجعلكم ههههه

[المتفاااائلــــه]

السلام عليكم ورحمة الله وبركاته :

أول حااجة كيييف حاااكم كلكم .... وتوا انرد عليكم وحدة وحدة ... وشكرااا لكل اللي سئلوا عليا واللي طمنوني واللي فاولولي بالخير ... وان شااء الله يااارب ربي يستجيب لدعائنا ياارب ويطمني ....


طبعا صاحبتكم ماعندهااش صبر بكل بش تستنى .. واليوم الصبح عاودت درت تحليل منزلي وطلع سااالب والحمد لله ... تنكدت شوية كنت نتمنى نفرح ... وبعدين قلت مالياش الا اني نكلم الدكتورة ونقوللها وكان قالتلي تعالي نمشيلها ... كلمتها وقلتلها دكتورة آمتى يطلع حمل بعد ماتغيب الدورة واندير تحليل دم ... قالتلي " على الأقل عشرة ايام " قلتلها آني درت تحليل منزلي والدورة متأخرة ثلاثة ايام قالتلي لالا بكري مازال .... بعد مايفوت عشرة ايام ديري تحليل دم ... وهذا اللي بنديره ...بإذن الله في حالة انها ماشرفتش بعد العرس هذا كله

وبالنسبة ليا قاعدة مانزلتش الدورة الحمد لله ... وآلام أسفل الظهر تمشي وتجي مع تشنجات في المنطقة الحساسة يعني انحس كـأن الدورة بتنزل لدرجة اني نخش للحمام ونقعد نمسح بكلينكس نحسها انها نزلت ...

وان شااء الله ياااربي خيييييييييييير ... وربي يفرحنا كلنا يااارب ..

[المتفاااائلــــه]

حقا متفائلة انحس حامل حسب الاوصاف اللي قلتيها هادي حالة وحدة حامل والله اعلم انشالله ربي يسخرلك ويفرحك

ميراس : كيف الحال حبيبة ... وربي يسمع منك ياااارب .. ويفرحني ... وصحيتي هللللبة ..

[المتفاااائلــــه]

اول شي متفائلة يارب يكون حمل يارب العالمين وبالنسية لعمرك حتى انا زيك انت وايوتة بس انا اصغر منكم انا 30_7_1987ههههههههههه نفس السنة


إن شااء الله ياربي " ليبيا قلبي " نكون حااامل يااارب .. وبالنسبة ليك انتي هكي أكبر منا لأني آني شهر 9 وأيوتة شهر 19 وانتي شهر 7 ...وان شااء الله العمر كللله يااارب شكله بيطلع تجمع مواليد ال 87 .. ههه

[المتفاااائلــــه]

السلام عليكم يا احلى صبايا بدون ما نسمي حد لاني قاعدة ماحفظتش الأسماء قاعدة نيو... كيف حالكم كلكم .. يقين بنسألك انتي فأي شهر توا.. ومتفائلة شن صار معاك خبريني .. وبالنسبة ليا انا غدوة ممكن بيرقدوني فالمستشفى باش بيربطولي عنق الرحم بعد اسبوع
سالي طمنيني انتي عليييك والله نفكررر فيك هلبا وانقول اشبح كيف حالها وانشغلت عليك كيف ماخشيتيش قلت ان شااء الله خير ...وشني يعني بيربطولك عنق الرحم .. يعني بش مايصيرش اجهاض ... ؟؟ وديما طمنينا عليك ...واللي صار معاي كتبته في المشاركة اللي فاتت .. وان سااء الله خير ..

[يقين]

ام وسونه طيبت موسمي ايه دجاجه في الكوشه ورز بالخلطه وبابا غنوج ولبنه ريتي موسمي موسم شوارعيه خخخخخخخ غدوه بندير هريسه تعرفيها متاع الشعير هديكا

[المتفاااائلــــه]

متفائله شن صار معاك ردين نقرا فى الصفحاتومازلت ماعرفت شن صار معاك طمنينى[/i]

والله ان شااء الله خير ياا أم قصي .. وتوا على كلام الدكتورة بعد مايفوتوا عشرة أيام بندير تحليل دم في حالة انها مانزلتش وان شااء الله خيييير يااارب ..

[المتفاااائلــــه]

كنت حامل وكيف جبت ولد زي القمر ادعولي ربي يخليه


مااشاااء الله .. ربي يحفظهولك كوان شااء الله عقبالي يااارب كيف نقول جبت وليد زي القمر ... ادعيييلي .. وأهلا وسهلا بييييك بيناتنا زي وخيتنا ..

[يقين]

سالي كيف حالك وحال البيبز
هيا سلام المغرب اذن بنفطرووووووووووووووووووووووووا

[المتفاااائلــــه]

قتلكم مبروك علينا النصر خيركم الباين كلكم مؤدين


الله يبااارك فيييك يااارب .. والحمد لله على هالنعمة ربي فكنا من وجهه .. والله لا يعودها ايام الأيام السود امتاعه واحني هنايا كلنا ثوريين للنخاع .... ومن هوا المهبول اللي بأيد واحد زي اللي كان ...

ياااااااااااارب اجمع كلمتنا على الحق ياارب وولي علينا خياارنا واكفنا شر شرارنا ... وألف بين قلوبنا .. ومن أرادنا وأراد بلادنا بسوووء فرد كيده في نحره واجعل تدبيره تدميره ... ياارب العالمين ..

[المتفاااائلــــه]

رغوده الله يحفظلك وليدك
ام اجنادين وسالى وام وسونه ومتفائله وانا
يارب ارزقنا الحمل السليم المعافى عن قريب


آآآآآآآآميين ياارب يا أم قصي ان شااء الله ربي يرزقنا وان شااء الله نطلعوا حوامل بأحلى وليدات ياارب ربي يرزقنا الذرية الصااالحة .... وآني واياك كان نفس موعد دورتنا الشهر اللي فات يعني كان طلعنا حوامل نجيبوا مع بعضنا بإذن الله ... ياااااااااااااااارب فررررحنااا ياااااااااارب .

[المتفاااائلــــه]

تعرفى وعندى اعراض نفس متفائله الى تكتب فيه تقول تحكى بلسانى وكلكم تقولوها حامل
بس انا حملت ثلاث مرات ومش متاكده اذا كنت حامل واو لا ان علامات حملى تبدى فى نص الثانى قبله ما نحس بشى
متفائله ماتمشي لدكنوره انتظر كم يوم ولو ما جتكش الدوره دير النحليل
بس ما تخذيش دوا ينزل الدوره لانه مره صاحبتى نفسك بالضبط ومشت لدكتوره وماطلعش معاه حمل لا بالصوره ولا بالتحليل خذت دوا تنزل بيه الدوره ومالمسكينه
طلعت حامل بس الحمل ما ثبتش ونزل
انتبهى

لالا مش حناخد ولا حااجة بإذن الله ... وآهوا كلمت الدكتورة وقالتلي استني بعد مايفوتوا عشرة ايام ديري التحليل .... يااارب ماتجيني يااارب وبعد عشرة ايام نفرح بحملي يااارب العالمين ... يااااااااااااارب .... وربي يفرحك حتى انتي ... ونولوا انكركروا مع بعضنا .... يااااااااارب ...

[saly.me.91]

جاوبتك حبيبتي

[المتفاااائلــــه]

خلي نمشي نستشور ونرجعلكم ههههه


أم وسونة : ان شاااء الله تستمتعي عند عزوزتك يااارب ... وحالك زي حالي حتى مانحبش نمشي وايدي فاضية الا كاني نكون باعتتلهم حاجة من غداي في الظهر وكنهادا لازم اندير حاجة حلوة وتوا مرة مرة نسميلك حويجة .... هههه الحمد لله يعجبهم تطييبي هللبة وديما يشكروا فيه ...

[المتفاااائلــــه]

ياهي بنوتات آني انوض شوية لأن ظهري وجعني كيف قعمزت هلباا وجاني الشعور امتاع ان الدورة بتنزل الله اعلم شني يصر ... انشوفكم بعدين ان شااء الله واليوم العشية بنمشي لحوش العويلة لكن اليوم مادرتش حاجة حلوة آخر مرة درتلهم تورتة ... واليوم بعتلهم من غداي يابراك سلك ...

ادعووووولي ..

[ام وسونة]

وخيه متفئلة خليها على ربي وان شاءالله العام الجاي

عاشورتك تهيجي فيها انتي وصغيويرتك يااااااااااااااارب

[ام وسونة]

يقونة هذا الموسم ولا بلا لكن قولي سلفك معاك ولاوين

[يقين]

ام وسونه وك عليا اين سلفي اللي معاي لالا طلع واخده راحتي بعد ماكنت مدفونه

[يقين]

http://forum.hwaml.com/imgcache2/hwaml.com_1323015969_108.jpgهيا آيه مش بتريشيني انت وميراس هيا تعالن

[ميراس]

يقونة شن صار امس وانت ترعشي شن هالشجاعة اليوم اللي جاتك

[يقين]

مروسه كيف حالك ولا باس عليك ياغاليه
لالا امس ماكنتش فايقتلكن اليوم صايمه وفطرت حي يا حي من مزال يلحقني هي تعالن ريشني هي تشبحي اللي في الصوره هادي اني راهو لما كنت في الصف السابع ريتي ولا من شطانتي المدير حلقلي شعري ههههههههههههههههه

[يقين]

ااااااااااااااااااااه حسني بنرقد
ميراس اليوم بنير عركه حقانيه والله اله زي ما نحكيلك اني طالعه عالياهو ونراجي في وحده عالياهو اليوم بنعلمها الادب شن شكله

[ميراس]

متقاوية ياحنة حسك خوفتيني بنت جداك اسمعي اهم حاجة ماديريلناش مشاكل مع حد براني مع بعضنا انشاالله نتقاتلوا ورفلة في بعضنا لكن براني لا خلي نحزوا الطراقة الاولة مع سوق الجمعة بعدين ساهل توا ايقولو ا ورفلة هادوما مكلوبين اريشوا في العباد كلهم باهي

[ميراس]

تتكلمي بجديات خيرك انت وياها

[يقين]

ميراس والله الا جديات بنتعارك اني ووحده بنأدبها اليوم عارفه منهيه

[يقين]

ميراس تي وينك حسني متعفلقه وهيا ما طلعتش عالخط نهارها ازرق عليها

[يقين]

مروسه راك تطلعي ندير ماكله فروتي ونجي 10 بس

[يقين]

مروسه وينك علاش مسكته ردييييييييييي شن رايك فلي كتبتهولك في الخاص

[يقين]

هيا سلالام اماله تصبحوا علي خير

[يقين]

متفائله علاش ما ردتيش عليا خيرك زعلانه ولا شني

[المتفاااائلــــه]

وخيه متفئلة خليها على ربي وان شاءالله العام الجاي

عاشورتك تهيجي فيها انتي وصغيويرتك يااااااااااااااارب


مخليتها على ربي ان شااء الله يا أم وسونة .... وان شااء الله ربي يسمع منك يااارب ..

[المتفاااائلــــه]

متفائله علاش ما ردتيش عليا خيرك زعلانه ولا شني


علي شنو حبيبتي يقونة مارديتش عليك آخر حاجة كتبتيهالي رديت عليها ... بكشي في حاجة ماشفتهاش لدت عالصفحات كلهم مالقيتش حاجة ....

[المتفاااائلــــه]

ويييييييييييينكم يابنااااات مااافيش حد ....؟؟

[ميمونة]

هلا من موجود

[يقين]

مزال ما جيتوش لتوا اف اني مكسده حتي العركه ما صار منها

[ميراس]

خيركم اليوم مافيش حد

[المتفاااائلــــه]

أهلا ميمونة ... كيف حال عويلتكم ؟؟؟

[ميمونة]

تمام كيف حالكم انتم

[ميراس]

اه يقونة شغلتيني عليك ماهو كان ناديتيني راهو ريشناه جميع

[ميراس]

احكيلي احكي فشي خراجتك ياحنة رعشنك ياحبيبتي