تجمع حوامل ليبيا

[poucie]

ام عويضة انشاء الله ربي يحفضلك عويلتك وعويضة ما شاء الله عليه

[poucie]

ما فيش منكم من يعرف وين نلقى تطعيمة 4 شهور قالو التطعيمات ناقصات واني المفروض غدوة تطعيمتها

[أم عويضة]

اهلا كيف حالكpoucie؟
ان شاء الله اتكوني بخير
انت وين ساكنه

[poucie]

اهلا بيك حالي الحمد الله اني ساكنة في طرابلس تحديداً في زاوية الدهماني

[hatoo]

وين بنات مفيش ولا وحده تفسرلي حلمي وترد عليا الا يقين يجبر الله بخاطرها وينكم؟؟؟؟؟؟؟؟؟؟؟

[hatoo]

هلا والله بأهل ليبيا والله لنا الشرف انو يكون في المنتدى اعضاء من ليبيا
انا مو من ليبيا انا من اليمن
بس لما شفت التجمع قلت ادخل عشان احي كل ليبيه والله اني احبكم في الله
والله ينصركم على الطاغيه ويكون في عونكم
وهنيئا لكم النصر
وعقبالنا ان شاء الله
سامحوني لاني دخلت في التجمع وانا مش ليبيه بس ماقدرت اني ماادخل واكتب لكم كثر حبي لليبيين وكثر ماانا فرحانه لكم
وادعولي ان الله يرزقني بالذريه الصالحه ويرزق كل محرومه



ان شاء الله ربي يرزقك بالذريه الصالحه اختي وربي ينصركم علي تكم القطار فاتكم القطار قولوله انت الي فاتك القطار

[ميمونة]

هلا ام عويضه انا متزوجه ومن ونسكن في المدينه طرابلس وماعنديش صغار متزوجه ليا سنتين تشرفت بيك

[ميمونة]

هلا بوسي حبيبتي كيف حالك والله انا ماعنديش فكرة في التطعيمات بس الاخوات يفدوك

[يقين]

هاتو حبيبتي ان شالله خير
الزرع يقولوا انها حاجه كويسه وانقضاء للحاجه تبيها انتي والله اعلم راني مانعرفش في الاحلام بس واضح انه حاجه خير

[يقين]

ام عويضه وعيون شكرا ليكم ربي يخليكم يارب ويطمنكم علي كل احبابكم

[يقين]

حي يا حي امبارح اندير بسبوسه تطلع تحشششششششششششششششششم مانعرفش علاش وباهي اللي راجلي مش قاعد

[يقين]

ميمونه شكرا حبيبتي ربي يخليك

[hatoo]

شكرآ يايقين وان شاء الله ربي يفرحك بشوفه هلك عن قريب, واهلين ام عويضه شنو الجو انا برضو من بنغازي انتي من وين في بنغازي؟؟؟

[يقين]

عيون شوفي حبيبتي ي بني وليد المال والسلاح ي ايدي السفهاء وهم من يسموا بالجحفل وجماعه جبران وهما اللي مسيطرين عالوضع كله وما نخفيكش انه بعض الناس تبي معمر ولكن ورفله مش امتاعت فتن ابدا ما ايرها ايدورها جماعه جبران بس شبابنا لالا وبعدين ورفله نايضه من زمان93 عموا الشباب وطيحوا الحياش والشعب الليبي كللللللللله قعد يقول ورفله خونه وتوا نفس القصه يعني واخذين عليه عادي

[يقين]

ميراس كيف حالك ان شالله بخير
اهلي قالولي بكل البلا د حتي اللي يبي حاجه بسيطه يطلع للغريان وبنزينه ما في والضي احرفين وقالك الجحفل جابوا عبيد رافعين علم الاستقلال وخشوا علي عايله في سكبيه وفرغوا وقتلوا عزوزه فيحسابوهم الثوار بعين عرفوا انهم مبعوتين من الجحفل والله حاله وقالولي حكم الناس كلها طلعت تصوري في ناس قاعده في البر لاحول ولا قوه الا بالله وحسبنا اللله ونعم الوكيل

[عيون زوجي]

ام عويضة.....ماشاءالله لا قوة الا بالله تبارك الرحمن اعليه اتقولي ابنيه ربي يحفظه ويسلمه ويرزقك باخ ليك ويخليلك الامورات البنوتات اكيد احلى من خوهم
يقين انتي وميراس قلبتوها امر شخصي انا نحكيلكم انه كلام الناس ولاني في حياتي كلها ما نعرفش ولا شخص ورفلي الا انتم وعبر النت بس حبيت نتاكد
والامر كله ما يعنينيش لاني عارفه ان الاشاعات اكثر من الحق ولهدا ما تزعلوش حقكم اعلينا وانتم عز الناس
ميمونه انتي اول مرة اديري بسبوسه والا غلطة الشاطر
ام قصي وينك اليوم وشن اخبار الوالد كلمك والا لا
بوسي بديتي تخدمي ولا مازال
ميمونه اخت ايه وين تسكن في تاجوراء ولا طرابلس
بوسي فيه تطعيمات في مجمع الحريه في الفرناج
الاخت من اليمن الشقيق اللهم فرج همنا وهمكم ويرزقك بالدريه الصالحه
هاتو كيف حالك وحال ابنيتك اليوم
ام وسونه كملتي قضيتك ودرتي غداك عالنار ولا مازال
نبي نسئل بنات طرابلس قاعد فيه مطاعم تركيه مفتوحة ولا لا حسب طلعاتي يلي نفوت اعليهم كلهم مسكرات وخاطري في عشي ولا غدي تركي

[عيون زوجي]

انا نستأدن بنمشي نحط غداي عالنار بندير امبكبكة وبنجهز روحي غدوة بنمشي لحوش بوي وبنقعد 3ايام انغير فيهم جو لاني جدا مكسده
وعندي زوز صاحبات جايبات بنوتات الاولى سمتها جمانه والتانيه نهى وحماتي سمتها ميرال كلهم بنات ماشاءالله
بسليمتكم توا نتلاقوا العشيه على خيررررر

[ميمونة]

عيون مش انا اللي درت بسبوسه خيرك داخيه هههههههههههههههه

يقين هيا اللي دارت بسبوسه تحــــــــــــــــــــشم ههههههههههههههههه

يقين راك تحرجي حتي انا مرات هكي تجيني

[ميراس]

اعيون حبيبتى انا مازعلت منك بالعكس انا انحب انوضح للناس وضع ورفلى وفعلا سلم فمها يقين زمان لما ورفلى دارت الانقلاب الليبين حالة وطلعوا عالاداعات وقعدوا يتشدقوا ودارونا خونة كلنا وماخلوا ماقالوا علينا وكل مانتلاقوا احنا وحد ايقولوا كيف اديروا هكى وكيف وكيف زى توا وهدا الحال حبيبتى وبعدين وين بتهربى ياماما تلات ايام

[ميراس]

يقين خيرك اندهبت شيرتك ولاخيرك والا كترة الفرحة بطلوع اهلك اتخلطت يالا عليك يقين

[ميراس]

الظاهر مافى حد بنمشى اندير دورة عالفيس بوك ونرجع

[ميراس]

بنات وينكم

[ميراس]

نمشى انكمل الارض الطيبة احسن

[أم سعد]

السلام عليكم

هاتو تفسير حلمك والله أعلم أنك سترزقين بالذرية

كيف حال المدامات اليوم؟

[أم سعد]

ميراس ... اهو جيتك هي

[ميمونة]

السلام عليكم ميراس انا عندي حساب عالفيس اللي يبي يضيف هههههههههه


Memy Mohammed‎

[ميمونة]

نتلاقوا عالفيس

سلام توا

[hatoo]

ميمونه لقيت صديق مشترك بيني وبينك الي هو منتدي حوامل انا دزيتلك راك متطلعيش انتي؟ هههههههههه

[ام وسونة]

اهلين حبايب كيفكم

اني اليوم في حوش بوي ياعيون وبعدين مروحة

حبيت ننصحك بمطعم روعة اني تعشيت فيه اول امس مطعم

المتين في زاوية الدهماني لاصق في محل حنين متع ملابس الاطفال

روووووووعة الحق لكن خلي جيوبكم دافيات هههههههههه

وفي ابو علي فاتح ومطعم ماما بصدق هلبا مطاعم مفتوحات وانتي جربي

[أم سعد]

السلام عليكم

خيرات

طبعا اليوم مشيت لدكتورة نساء قلت خللي نطمن على الوضع

المهم .. طمنتني ولله الحمد ... وقالتلي اني حامل ببنوتة

طبعا من الدكتورة طوووووووووول طلعت للبينتون عاجبيني حاجات خديتهم طوووول :)

وحدة مستعجلة :)

[اعتدال]

السلام عليكم ورحمة الله وبركاته
آيـــــــة البقاء لله عز وجل وتقبل الله زوج اختك بالرحمة والمغفرة واسكنه فسيح الجنان بلغي تعازينا لاختك ربي يكون في عونها ويصبرها ويثبتها

[ميراس]

الاسم اللى حاطيتيه فى منه الف شن الصورة اللى حاطيتيها

[ميراس]

اهلا اعتدال كيفك وينك غيبتى

[ميراس]

ميمونة هل فى صورة معينة امنزلتيها مع الاسم

[اعتدال]

شكرا لكل البنات اللي ردوا عليا وخذوا بخاطري مشكورات على اسلوبكم الراقي وعدم تجاهلكم لسؤالي
مانبيش نحكي في الموضوع هذا ثاني لان مش هذا مكانه ولا هذا وقته لكن حبيت نرد على البنات اللي شرحولي الوضع لان فيه سوء فهم بخصوص اللغة يا ام قصي انا ماتكلمتش على الانجليزية انا قلت مع انها مهمة لكن مش مرغوبة من قبل الطلبة انا حاليا طالبة ماجستير ويعلم ربي بالصعوبات اللي واجهتها في اللغة الانجليزية قعدت نقرا في اللغة اكثر من سنة والله قريب هبلت باش رضيت على وضعي وحسيت اني مؤهلة للدراسة الاكاديمية انا تكلمت على الفرنسية فرض الفرنسية على الطالب الليبي ((في الظروف هذي وفي الوقت هذا)) حسيت فيه اهانة لليبيين علاش احنا نتقربولهم ونبوهم يرضوا علينا علاش الضعف والاحساس بالنقص يعني شوي ثاني ويفرضوا اللغة الايطالية واشبح شن بعدها!! الفرنسية والا الايطالية اللي يحبها ويبيها يتخصصها في الجامعة اما تنفرض اجباري في المدارس للمجاملة والإرضاء فقط هذا كلام فارغ وهي اصلا لغة مش مهمة الانجليزية هي اللغة المهمة والضرورية وبعدين قولولي خير هم مايتعلموا العربية ياسيدي من هذا كله هم غير يحترموا العرب اصلا الغرب يشوفوا للعرب اغبياء و طحالب واحنا نزيدوا نواطوا في روسنا بصراحة حركة بايخة جدا (( وخصوصا في الظروف الراهنة))

[اعتدال]

اهلين ميراس انا زعلااااانة منك واستغربت من كلامك لما قلتي اللي يده في النار مش كيف اللي يده في المية على اساس انا يدي في المية ياميراس انا فاقدة من اقاربي وعايلتي سبعة اشخاص من ضمنهم ولد خالتي اللي هو سلفي خو زوجي شاب عمره 32 سنة توفى في الزاوية وخالي الغالي توفى في الزنتان وعقب 5 اطفال يقطعوا القلب وحالي يعلم بيه الا ربي وهذا كله صار وانا نعاني في الامتحانات والنفاس والغربة الحرفة وكان اللي برا البلاد مايحسش قصدك انت بعد ما طلعتي لتونس نسيتي اهلك وارتحتي؟؟ شوفي يقين مسكينة قريب تهبل والله متاكدة لو انها في ليبيا هذا مايصير فيها لان اللي في البلاد على الاقل فاهم الوضع انا نشوف الاخبار بشكل وكلام اهلي شكل ثاني والله من الخوف اهلي معادش نصدق فيهم انحسهم يدسوا عليا كان اهل راجلي كلموه نقول وووووووووه اهلي اكيد فيهم حاجة وكان اهلي كلموني هو مسكين يقعد خايف خصوصا بعد وفاة خوه حاله مسكين يقطع الكبد ومع هذا قعدة مش مقتنعة باللي صاير ونحس الخسارة اكثر من الربح نحس في ليبيا قعدت عزايز وشيابين بس الرجال الشباب تموا ربي يلطف وخلاص
انا مش راضية بكل بكل بكل

[اعتدال]

بالسلامة انا عندي امتحان يوم الجمعة وعيوني من السهر والتعب ذابوا ياهمي كرهت القراية نشوف في البنات يحكوا على المزينات (ربي يدوم النعمة عليكم) سهفوني انا في القراية والعياط وخلاص الحمد لله على كل حال ولدي يعيط ماباش يقبل الحليب الصناعي ودارله اسهال (حاشاكم) وانا ناااااشفة والله كان هذا قعد حالي ولدي يموت من الجوع قولولي كيف اندير قولولي تربحوا

[أم سعد]

السلام عليكم

أهلين اعتدال

ربي يعينك ... وعظم الله أجركم في موتاكم

بالنسبة للحليب غيريله نوع تاني ... وانتي تغدي كويس ... شوفي الحاجات اللي تنزل في الحليب وكوليها حرام العيل ....

[عيون زوجي]

السلام عليكم
كيفكم يا حلوات مبروك البشارة يا ام سعد وعقبال ما تشوفيها بين ايديك
من توا فكري باسم للبنوته لانه اصعب من اسم الولد وايحير
ندكر لما صورتيلنا حوايج سعد قبل ولادتك الايام فيسع فيسع وتوا ان شاءالله بعد ما تكملي شري كل شي صوري حوايج الصبيه

[عيون زوجي]

مشيت درت دورة في سوق المهاري قبل المغرب ماشاءالله اليوم جايبين بضاعه والسوق متنوع خير الف مرة من المدة يلي فاتت نحسه كلها اسابيع وترجع البضاعه والاسواق والاسعار زي قبل

[ام وسونة]

اهلين اني جيت ياحبوبات

مبروك وخيه ام سعد تصدقي كنت حاسة انك حامل ببنت والله

[ام وسونة]

الله يحفظك انت وخوتك الثوار يا أم وسونة
ووسونة كم عمرها حتى هي مسقط راسها فشلوم
نبي نسألك فشلوم منطقة والا شارع

تسلمي حبيبتي ام عويضة وربي يخليك وبنتي عمرها 3 سنوات و3شهور

وبالنسبة لفشلوم منطقة في طرابلس وموسونة مسقط راسها حي الاندلس

[ام وسونة]

حبيبتي عيون مبروك عليك المنيديرات وتبيدي وتجددي

وبالنسبة لورق الحائط راهو مش عملي صدقيني لو الحيط

اللي وراه مش مخدوم كويس حينتفخ وبنتك تلقى فش

شن تتسلى بدل التخربيش بالبيرو هههههههه ربي يحفضها

فننصحك خليك عالجوتن افضل

[ميراس]

سلام عالحلوين وحدة وحدة اختى اعتدال ماتزعليش منى انت خاشة بقوة ونازلة عالتوار والتورة وانا ياحبيبتى زى فى ليبيا زى فى تونس واجعنى وضع ليبيا وعلاش هدا كله لان السيد مايبيش يتخلى عن الكرسي امتعه وبعدين لما طالع اول امس ويقول انا ماعنديش نظام والسلطة امسلمها للشعب الليبى من 77تباهى خيره مافهمش واطلع مش السلطة بيدنا باهى اطلع شن هالحصلة كمل شبابنا النهار الاحرف والله اليوم عندنا راجل شن بنقوللكم عليه مخضرم قضى حياته فىالتعليم ومدير لاحدى المعاهد يعنى مانحكيلكم عليه مشوله لحوشه وقتلوه وبعدين الله يرحم موتاك يااعتدال وهم من الكتائب والا من التوار بس حسيت انهم من الكتايب لانك اتدافعى النظام انحس فيك وحاجة تانية بالنسبة للغة الايطالية او الفرنسية ياريت والله مش رضوخ على داروه الفرنسيس او الطليان بالعكس نتمنى الطلبة ايكونوا عندهم خبرة فى جميع اللغات بيش زيك لما يطلعوا برا مايحصلوش فى روحهم وبدل من يقروا اقرايتهم يبدوا ياخدولى فى لغات ومادراك وماتزعليش حبينا انوضحولك لاكتر وانشاالله ترجعى بالسلامة وباعلى الشهادات وتلاقى الامور طيبة وليبيا جديدة وتعجبك وتلاقى اهلك واهل راجلك بخير على فكرة انت من وين اصلك وبرى اقري اقرايتك ياحنة وبعدين افضيلنا احنا دوتنا هلبا وماتخلصش

[ام وسونة]

كيفك اختي ميراس

[أم سعد]

السلام عليكم

عيون ... أم وسونة .. الله يبارك فيكم ... وعقبال كل وحدة تحصل شن خاطرها :)

[اعتدال]

الله يسلمك ويبارك فيك ام سعد تعرفي انا ماعنديش خبرة فقلت للدكتور يعطيني افضل انواع حليب الاطفال اعطاني اثنين واحد دارله اسهال والثاني مرات يقبله ومرات لا ومانعرفش اكثر منهم لان البضاعة معظمها صينية والانواع اللي قالتلي عليهم ماما ما لقيتهمش ربي يستر وخلاص
مبارك عليك البشارة وعقبال تملي الحوش ولاد وبنات يارب

[اعتدال]

ياميراس اقاربي من الثوار وسبق وقلت ان اهلي كلهم منحازين للثوار
وانا من الزاوية لكن وجهة نظري تختلف احنا همنا الوحيد نحولوا القذافي من السلطة على اساس اللي يجي بعده ملائكة والله الليبيين زي بعض اللي يشد منصب يلصق بيديه ورجليه ويفكر في نفسه بس والفساد اللي في ليبيا مش بسبب القذافي بروحه معقولة اللي يحطوه في مكان يخنبه تحت شعار (معادش نلقاه مرة اخرى) حتي مدير الجمعية الاستهلاكية تلقيه منتف وتعبان من حد يرموه في الجمعيه بعد اسبوع بس يبدى باشا وتتغير السيارة والحوش والباقي انتم عارفينه على حساب مصلحة المواطن اللي مسكين يشوف لبضاعة الجمعية زي هلال العيد لذلك الليبيين مش حيعيشوا كويس لن يتغيروا ويغيروا تفكيرهم السلبي وتغيير القذافي لوحده مش حيغير شي بالعكس حيزيد الفوضى والايام راح تثبت كلامي للاسف
سامحوني هو مش وقت تنكيت لكن الحالة اللي احنا عايشينها فكرتني في نكته - فيه واحد مسكين عنده سوسة في اسنانه متعباته ومذوقاته الويل (السوسة اعتبروهة القذافي) وباقي اسنانه تمام (الاسنان البيضاء اعتبروها الشعب الليبي) مشي للدكتور شافه قاله لازم تنحيها السوسة لان السن ملتهبة قال المريض معقول بالبساطة هذي لها سنين متعبتني انحولها بدون ماننتقم منها اسمع يادكتور قلع الاسنان كلهم وخليها السوسة بروحها زي الكلبة (اكرمكم الله) !!! يعني من كثر كرهه وحقده على السوسة نسي مصلحته ومستقبله حتى احنا كرهنا للقذافي عمى عيوننا والدم الليبي نزف بسبب التهور وليبيا بدت بلاد العزايز والشيابين والأرامل كيف راح تكون دولة قوية ومتحضرة كيف؟؟
القذافي مانبوشي لانه دمر ليبيا وخلاها متخلفة ومسحها من الخريطة اي نعم لكن مش هذا الحل مش هذا

[أم عويضة]

هلا ام عويضه انا متزوجه ومن ونسكن في المدينه طرابلس وماعنديش صغار متزوجه ليا سنتين تشرفت بيك
اهلا بيك ياميمونة الله ايزيدك شرف
كيف حالك وشن اخبار طرابلس وعربها والله كانن قلوبنا مشغولات عليكم لكن الحمد لله ربي سلم
ربي يرزقك ان شاء الله الذرية الصالحة الباره
اللهم كن مع أهلنا في بني وليد وسرت وسبها
اللهم وحد كلمتهم وثبت اقدامهم وسدد رميهم وقوي سواعدهم أللهم كن لهم عونا على عدوك الطاغية وكل من والاه
اللهم دمر القذافي وأعوانه فقد بغى وطغى
وسفك الدماء وأستحل النساء
قتل الاطفال وقهر الرجال عليك به يالله فأنه لايعجزك

[أم عويضة]

ام عويضه وعيون شكرا ليكم ربي يخليكم يارب ويطمنكم علي كل احبابكم
الله ايسلمك يايقين

[أم عويضة]

شكرآ يايقين وان شاء الله ربي يفرحك بشوفه هلك عن قريب, واهلين ام عويضه شنو الجو انا برضو من بنغازي انتي من وين في بنغازي؟؟؟
اهلي في البركة وانا في الماجوري وانت وين تسكني

[hatoo]

انا نسكن في بوعطني

[أم عويضة]

اعيون حبيبتى انا مازعلت منك بالعكس انا انحب انوضح للناس وضع ورفلى وفعلا سلم فمها يقين زمان لما ورفلى دارت الانقلاب الليبين حالة وطلعوا عالاداعات وقعدوا يتشدقوا ودارونا خونة كلنا وماخلوا ماقالوا علينا وكل مانتلاقوا احنا وحد ايقولوا كيف اديروا هكى وكيف وكيف زى توا وهدا الحال حبيبتى وبعدين وين بتهربى ياماما تلات ايام
سلام ميراس كيف حالك يابنت عمي
اييييييييه لوكان تشوفي وتسمعي هنا في بنغازي كل مانطلع ونشوف حد براني ايقول ورفلة وورفلة لكن اني نرد ومانيش ساكته وخاصة ان عندي ولد سيدي استشهد في 15 رمضان في البريقة
الناس في العموم دائما هكي غالي عليهم النقد

[أم عويضة]

واااااك مابعدك هههههههه

[hatoo]

ههههههههههههه شوفي من الفويهات عند هلي لبوعطني سفر هههههههههههههههههههه

[أم عويضة]

بالسلامة انا عندي امتحان يوم الجمعة وعيوني من السهر والتعب ذابوا ياهمي كرهت القراية نشوف في البنات يحكوا على المزينات (ربي يدوم النعمة عليكم) سهفوني انا في القراية والعياط وخلاص الحمد لله على كل حال ولدي يعيط ماباش يقبل الحليب الصناعي ودارله اسهال (حاشاكم) وانا ناااااشفة والله كان هذا قعد حالي ولدي يموت من الجوع قولولي كيف اندير قولولي تربحوا
السلام عليك اعتدال كيف حالك وحال زوجك ووليدك
عظم الله اجرك في سلفك والله ايعينك علي قرايتك وتعبك وان شاء الله ربي يكافيك بالنجاح والتوفيق
نبي نسألك وليدك كم عمره وليش ماترضيعيش فيه ؟؟؟

[أم عويضة]

ياميراس اقاربي من الثوار وسبق وقلت ان اهلي كلهم منحازين للثوار
وانا من الزاوية لكن وجهة نظري تختلف احنا همنا الوحيد نحولوا القذافي من السلطة على اساس اللي يجي بعده ملائكة والله الليبيين زي بعض اللي يشد منصب يلصق بيديه ورجليه ويفكر في نفسه بس والفساد اللي في ليبيا مش بسبب القذافي بروحه معقولة اللي يحطوه في مكان يخنبه تحت شعار (معادش نلقاه مرة اخرى) حتي مدير الجمعية الاستهلاكية تلقيه منتف وتعبان من حد يرموه في الجمعيه بعد اسبوع بس يبدى باشا وتتغير السيارة والحوش والباقي انتم عارفينه على حساب مصلحة المواطن اللي مسكين يشوف لبضاعة الجمعية زي هلال العيد لذلك الليبيين مش حيعيشوا كويس لن يتغيروا ويغيروا تفكيرهم السلبي وتغيير القذافي لوحده مش حيغير شي بالعكس حيزيد الفوضى والايام راح تثبت كلامي للاسف
سامحوني هو مش وقت تنكيت لكن الحالة اللي احنا عايشينها فكرتني في نكته - فيه واحد مسكين عنده سوسة في اسنانه متعباته ومذوقاته الويل (السوسة اعتبروهة القذافي) وباقي اسنانه تمام (الاسنان البيضاء اعتبروها الشعب الليبي) مشي للدكتور شافه قاله لازم تنحيها السوسة لان السن ملتهبة قال المريض معقول بالبساطة هذي لها سنين متعبتني انحولها بدون ماننتقم منها اسمع يادكتور قلع الاسنان كلهم وخليها السوسة بروحها زي الكلبة (اكرمكم الله) !!! يعني من كثر كرهه وحقده على السوسة نسي مصلحته ومستقبله حتى احنا كرهنا للقذافي عمى عيوننا والدم الليبي نزف بسبب التهور وليبيا بدت بلاد العزايز والشيابين والأرامل كيف راح تكون دولة قوية ومتحضرة كيف؟؟
القذافي مانبوشي لانه دمر ليبيا وخلاها متخلفة ومسحها من الخريطة اي نعم لكن مش هذا الحل مش هذا
اختي اعتدال والله حاولت نفهمك وما قدرتش شن هالكلام اللي قاعدة اتقولي فيه
الليبيينشن خلاهم هكي تعبانيين وطايح سعدهم الا معمر انا متاكدة ان الشعب الليبي ح يكون في الف خير بدون معمر وشلته الفاسقة
وبعدين معمر من كان يحط في المناصب اللي فيها الفلوس بالهبل الا الفاسقين اللي زيه اللي نهبوا وجابوا من ينهب معاهم
الليبيين عمرهم ماكانوا اصحاب فوضى وان كانك صغيره اسألي من هما اكبر سن منك
وبعدين سياسة معمر كانت تهدف الي قتل الانسان واحلال روح الغابة والفوضى والهمجية بدل منها والدلائل واجدة ماتنعد
ولا معمر ولا غيره يقدر يمحى ليبيا من الوجود والدليل الزاوية شوفي شن دار فيها سحنها سحن لكن ماقدرش عليها مازال فيها خير وطلعوا الرجال منها مجروحين لكن عايشين بعزة وافتخري بيهم
وفي الاخير انقولك خليك متفائلة فيه رب في الوجود وعلى قيس النية ربي يعطينا
سلام ياوخيتي وربي ايوفقك

[أم عويضة]

أو وسونة الله يسلمك والله خليك انت وبنيتك

[أم عويضة]

ههههههههههههه شوفي من الفويهات عند هلي لبوعطني سفر هههههههههههههههههههه
هههههه
الله ايعينك ع المشوار

[اعتدال]

اهلا بيك ام عويضة ربي يخليلك عويضة ماشاء الله عليه ربي يحفظه طالع ليك انت وإلا لبوه وإلا لاشيء مما ذكر؟
انا مش صغيرة (على فكرة وجعتني كلمتك) وعندي من الخبرة والثقافة مايكفي انه تكون عندي وجهة نظري المستقلة
اسفة على كلمة فوضى لكن احنا مش مجتمع ملائكي ولا مجتمع مثالي للاسف والادلة على هذا كثيرة مثلا في التصعيد دم للركبة !!! وفي المباريات والكورة بدون تعليق!!! حتى في الجمعية الزراعية تلقي عراك ودعاك على العلفة ماحدش يعرف يشد دور ولايحترم الثاني والبضاعة نصفها طبعا ماشية لتجار الجملة قبل ماتوصل حتى مكانها وحتى كوشة الخبزة تلقي عليها دعاك بالبوني مع انها متوفرة تلقي اللي عندة غنم يشري الف خبزة للشياه والمواطنيين مرات مايحصلوش فطور صغارهم (نفسك نفسك) هو كل شي متوفر والحمد لله لكن مايحلاش إلا بالمشاكل وفي رمضان عاد ماتدويش بكل ماتقولوش لاهذي حقيقة غير قابلة للنقاش
على فكرة انا زرت بنغازي انا وراجلي مرة وقعدنا فيها اسبوع قعدنا في فندق اسمه اعتقد (الدوجال) مطل على البحر روعة بصراحة حلوة بنغازي بالمرة شن اسمها المنطقة اللي فيها الفندق هذا لانها عجبتني ( سؤال لهاتو وام عويضة)

[يقين]

السلام عليكم كيف حالكم اليوم
هههههههه ميراس والله مانندري اني من زمان ندير فيها لكن توا جتني تحشم شكله من كثر الفرحه

[يقين]

عيووووووووووووووووون حرام عليك يا اعيوني انت والله ما خدينها لا امر شخصي ولاشي علي قد سؤالك رديت ماتزعليش خلاص هي توا نرضيك ونبعتلك شويه من بسبوستي الحللللللللللللللوه

[يقين]

ميمونه اني اول مره تجيني هكي شكلي ناسيه حاجه مع انه كل المكونات قدامي علي الرخامه بس اني من كثر التفكير عقلي قعد يلخبط

[يقين]

هيا باي بنمشي نغسل اماعين الفطور ماتقولوش بايره راهو الساعه عندنا 12مش زي المنتدي 2 الا هههههههه اني كسوووووله الحق الحق

[أم عويضة]

اهلين ياأعتدال
اللي خلى الناس هكي هو معمر القذافي قطع الناس وعلمهم الطمع والجشع
والتفكير في المصالح الشخصية قبل الصالح العام لغى عند الليبيين صفة الإيثار والتفكير في الجار والمحتاج إلا من رحم ربي
علمهم اليوم عندك دير اللي تبيه وبكرة ال غيرك ماتعقبش حاجة
لكن صدقيني يأعتدال الليبيين بدات اتردلهم روح التفكير في الغير وبدوا ايحنوا في بعض وقلوبهم على بعض
وبعدين هن 42 سنه مش ساهلات ضروري نبو نتعبوا شوية وبعدين التغيير مايصيرش بسرعة وكل واحد يبدأ بنفسه وحوشه وأولاده ح نشوفوا التغيير الايجابي حتى بعد كم عام مش مهم المهم ان نتغيروا للأحسن
اكيد الخير جاي والدنيا أن خليت من الأخيار خربت
وبعدين عليش زعلتي لما قلت لك صغيرة ياريتني مازلت صغيرة ولا العمر اللي راح ونحن تحت حكم القذافي مادرنا بعمرنا شي
بالنسبة للفندق توا بعد يروح راجلي توا نسأله الفنادق عندنا في البلاد لكن توا نتأكد وانقولك الأكيد

[أم عويضة]

أيه انسيت الله ايسلمك على عويضة واخذ منا نحن الأثنين
الملامح مني والشقورية من بوه

[أم عويضة]

باهي انا طالعة نبي اندير الغداء
مفروض يديروا حل الرجالة يوم يتغدوا ويوم ايتعشوا مش كل يوم هنا الاتنين
واليوم ماشية بايتة في المزرعة اشغال شاقة انشوفكم بخير ان شاء الله

[hatoo]

انا نعرف ان الفندق في البلاد علي الكورنيش
وهضا العنوان من النت
من اهم الفنادق التي تقع في مواجهة البحر بالقرب من منارة إخريبيش الواقعة في وسط مدينة بنغازي التجاري. الفندق مصنف سياحيا ثلاث نجوم مستوفاة التجهيز

[ام قصى محمد]

السلام عليكم رايفتوا عليا
ام عويضه نجك ليا شكلك عسل ودمك خفيف روعه مره غذا ومر عشا هههههههههههههههه
الله يخليلك عويضه وتفرحى بيه عريس وتفرحى باخ له يارب وتبشرينا عن قريب اعويضه شكله كبير وانتى قلتى حملتى واجهتى يعنى من سنه عليش ما حملتيتش لتوا وكم عمرك؟
هاتو مشاء الله عليك على الحضور مبروك الوسام شن اخبار البنوتهاتنضم نومه
يقين مبروك طلعه هلك وراكى تقولى البسلوسه لنا حلاوه الطلعه ههههههههههههههههه والله عزايكم لا اليوم لا امس وانتى اطفشى فينا بيش مانجوك بس جاييييييينك فى عقر دارك هههههههههههههه
ام رويفده وينك مغطسه حبيبتى الله يوفقك والله انرايف عليك
ميراس الله يردك طيبه والحمدلله خلاص انشاء الله هانت
عيون ياعسل فكك منا الورق اصله اصعب وخاص لو عندك فنانه فى البيت زى بنتك هههههههههههه

[ام قصى محمد]

ميمونه شن اخبارك والله مشتاقه لكم و
ومشتاقه لعاشقه ويييييييييييييينها؟؟؟؟؟؟؟
اعتدال انشاء الله بالنجاح وربى يوفقك وترجعى لليبيا وتشاركينا فرحتنا بالحريه
انا مقدره وضعك بس والله انتى متاثره بالاخبار ومتشوفيش فينا على طبيعتنا بالعكس نحن عايشين ايام راح يذكرها التاريخ الشباب يسطرو فى تاريخنا بدمائهم وعظم الله اجركم فى سلفك بس عشان خاطره ماتخليش الثمن الى دفعه يرخص يانك مش مقتنعه بالثوره بعدين نحن من اول يوم فى الثوره قلنا ان لا رجوع خلاص خط الرجعه تخطيناه ومعش نقدرو نردو ولا معمر يرجعه خلاص لازم تستمر الحياه وبعدين الحل العسكرى هو فرضه علينا يعنى حطى روحك مكاننا فى اى لحظه ممكن يسلبك مرنزق اغلى ماتمكله المراه انتى نفسك كنتى راح تشيلى السلاح مش بس راجلك زفعلا اذاكنت انا ابى وخوتى الاثنين فى الجبهه وخالى وابناء خالتى الاثنين وابناء عمى وفى واحد منهم مفقود وانقول نحن ما شفنا شى الى فى الغرب هم الى دفعوا الدم فاكيد راح يقولوك انتى فى الميه على الاقل بعيده
اختى انشاء الله ترجعى لليبيا وتساهمى فى الرقى والحضاره الى تشهدها البلاد والله لو على كلامك ان مافيش نظام وفوضى صح هذا زرعه القذافى فينا بس توا
تعالى وشوفى النظام والله الناس رايحه تفهم حتى الشباب فى الشوارع رايحين مشاء الله عليهم والنظام والنظافه حتى الناس رايحه تبى تترتقى ويكفى انه فى حريه

[يقين]

السلام عليكم اني جيت يا حلوااااات من في اهني
ام قصي سلمك بارك فيك هههه انتي غير تعاليلي بس ولا يهمك انتوصى فيك

[يقين]

وينكم شكلكم مقيلين

[أم عويضة]

السلام عليكن ورحمة الله وبركاته
أكيد رايفنا عليك يأم قصي
تسلمي وسلم ألسانك كل هذا من ذوقك تسلمي
اييه عويضة كبر وان شاء الله من اطوال العمار (قولن آمين)
مازلت خايفة وانفكر في حاجات واجدة أولها الوحم والضغط والسكر وووو ههههههههه
اكيد توا اتقولي شن ها لعزوز
بالنسبة لعمري انا مش صغيرة انا من مواليد سنة 69 شفتي اني عزوز ماتقوليش لحد ههههههههه
شن اخبار باتك وخوتك مافيش اخبار عنهم
يارب ان شاء الله ايروحوا طيبين وتفرحي بيهم

[أم عويضة]

استودعتكن الله الذي لا تضيع ودائعه

[ام وسونة]

كيفهم الحلوات

والله اليوم وخيتكم من الصبح دهواري زتغديت في مطعم وتوا طالعة اني وزوزي تاني

خشيت نمسي عليكم معاش نقدر مانخشش للمنتدى خلاص ادمنتتتت


هههههههههههههههه

[ام قصى محمد]

يقين متاكد على العزومه انا رانى عيونى البسبوسه
ام عويضه لا عزوز ولا حاجه انا عندى قريبتى زيك اتزوجت بس من 5 سنوات وتحمل وتجيب ومشاء الله على عويلتها اتوكلى على الله وجيب الاخ لعويضه البنات يتصحو فيا ويقولولى جيب واحملى لا يدعولى بتوم اولاد لا انا انقولهم اشقو بام عويضه وخطونى خليهن يلهن فيك هههههههههههههههه

[ام قصى محمد]

تعرفو توا مطر مشاء الله لميت البنات وقلت لهم ادعو لنا بالنصر وكان تشفو فايزه وجنجونى وهما يقولو يارب انصرنا هههههههه منظرهم يهبل وما انا قلت نجمع الاثنين وقت الاستجابه عند نزول الغيث ودعاء الاطفال المستجاب
تعرفو من شوى اتذكرت ايام الدراسه هههههههه
فى امتحانات الفكر الجماهير انا كنت مانقرا فيه بكل ولا عمرى جاوبت على اسئلتهم كنت نكتب فى كل اجابه عاش القائد
ههههههههههههههههه
الرجال الى يسقطنى هههههههههههههههههه
سبحان الله

[ام قصى محمد]

تربحى ام وسونه خوذينى معاك
انا راجلى ماشفته من الصبح فى المصرف ما انزلن المرتبات وقالى مشاء الله الزياده كويسه فى المراتب

[يقين]

حتي اني حتي اني يا ام وسونه ارفعيني معاك والله مانتكلم حطوني في شنطه السياره والله مانتكلم غير قليني بس هههههههههه تقول محبوسه

[يقين]

ام عويضه ربي يخليلك عويضه مشالله عليه حليوه

[hatoo]

الله يبارك فيك ياام قصي والله الحمدلله بدت اتعدل انتي كيف حالك وكيف البنوتات

[يقين]

ميراس وينك وكيف حالك اني بعتلك ايميلي وانت معاش رديتي عليا

[ام روفيدة]

السلام عليكم اختي ام قصي كيف حالك وحال سنتفوراتك الزوز وبارك الله فيك حتى أني والله نشتاق لكم لكن ظروفي مرات ما تساعدنيش إني نكتب لكن انخش نطمن على اخباركم ونقرا ردودكم على السريع ونطلع
ما قلتيليش بكم خديتيها الطنجرة الشاطرة
وهدا الرابط فيه الاجابة على سؤالك حول مبايعة المجلس الوطني الانتقالي
كلام الشيخ محمد العقيل حول مبايعة المجلس الانتقالي (http://www.youtube.com/watch?v=kDRklZ2sNk8)
www.youtube.com (http://www.youtube.com/)

[ام روفيدة]

يقين ما شاء الله على بنتك ربي يحفظها لك سنفورة وبوسيها لي بوستين بوسة مني وبوسة من ولدي لما شافها عطاها بوسة مع شاشة الكمبيوتر ويقول بيبي

[ام قصى محمد]

البنات الحمدلله بخير
مشكورههاتو ام رويفيده
بالنسبه للطنجره انا خذيتها 55 جنيه وامى خذتها 45 ولختى 65 طبعا حسب الماركه انا خذيها هومر

[ام وسونة]

السلام عليكم

[ام وسونة]

شكله مافيش حد

بس نبي نسالكم لوتعرفوا دكتورة نساء تكشف بجهاز الكشف المهبلي يعني من تحت

ضروووووووووووووووووي وخياتي

[يقين]

ام روفيده تسلمي هذا من ذوقك وربي يخليلك وليدك والبوسات وصلوا

[اعتدال]

السلام عليكم ورحمة الله وبركاته
انا اخباري كويسة وجاوبت في امتحاني والحمد لله مشكورات على دعواتكم وكلماتكم الطيبة
بنات فيه معلومة عرفتها واستفدت منها وحبيت انفيدكم لانها فعلا مهمة زي ماتعرفوا التطور والتكنولوجيا ليه فوائد كثيرة لكن في نفس الوقت فيه جوانب سلبية يمكن تدمر حياة الشخص بل هي بالفعل دمرت حياة الكثيرين بسبب الجهل بها واكيد طبعا مهما كان الشخص متعلم مايقدرش يلم بكل شيء لان كل يوم فيه اكتشافات وابحاث جديدة والمواكبة بدات مستحيلة مانطولش عليكم فيه المدة الاخيرة مشكلة (اختراق الكمبيوتر والتجسس) وهذي مشكلة كبيرة بحثت على الموضوع ولقيت معلومات ممكن تساعد كل وحدة كيف تعرف ان جهازها مخترق ومراقب واليكم الموضوع
هذه نصائح شخص تاب الى الله تعالى وهو الان من الصالحين نحسبه والله حسيبه واقسم بالله العظيم اني واجهته شخصيا وأملاني هذه النصائح لعل الله ينقذ بها الفتيات من براثن الضياع
بدأ حديثه في نقاط رئيسية ونصائح وقد رتبتها ونسقتها بشكل ميسر على شكل نقاط
1 - يجب على الفتاة أن لاتضع صورها على جهاز الكمبيوتر مهما كانت الأسباب فالمخترق عندما يخترق الجهاز يستطيع الحصول على جميع الصور في الجهاز بسهولة وتبدأ ماساة الأبتزاز وفضح الأعراض فلا تضعي اختي صورك أو أحدا من أهلك أو صور خاصة على الجهاز نهائيا مهما كانت الأسباب
2- عندما تشتري الفتاة جهاز كمبيوتر شخصي او محمول يجب ان تحرص كل الحرص أن لايكون فيه كميرا نهائيا فحتى لو كانت الكميرا مغلقة يستطيع الهكر ان يجعلها تعمل ويصور جميع من هم حول المحمول هي واخواتها وكل من يدخل الغرفة وحصلت مآسي كثيرة بهذه الغلطة الشنيعة
3- اذا كانت للفتاة صور او ملفات خاصة في سيدي أو فلاش ممري وارادت أن تشغلها في الكمبيوتر يجب عليها أن تفصل النت وتفصل الأتصال قبل ذلك فبمجرد دخول الفلاش ممري أو السيدي للجهاز اصبح جزءا من الجهاز واصبح اختراقه متاحا وسهلا فأحذري تمام الحذر
3- لاتستقبلي اي ايميل لاتعرفينه مهما كان فبفتحه يزرع الهكر تروجين في الجهاز مباشرة ويتحكم بجميع المنافذ والبورتات وتبدا الماساة
4 - لاتستقبلي ولاتضغطي على أي رابط او ملف لاتعرفينه الا بعد العرض على مواقع الفحص على النت أو برامج مكافحة الفايروسات والتاكد من خلوها من الفايروسات فالملفات المرسلة هي اسرع طريقة لأختراق أي جهاز بدون عناء
5 - يجب ان يكون المودم للأنترنت مشفر برقم سري ليس فقط الوايرلس بل ايضا الأتصال السلكي فيجب ان يكون الأتصال السلكي والاسلكي مشفر برقم سري فالهكر أذا تمكن من السيطرة على مداخل المودم تمكن من جميع مداخل الجهاز واصبح كانه صاحب الجهاز يمسح ويضيف مايشاء ويسجل ويدمر
6 - لوكان لديكي بعض الصور سابقا في الجهاز ومسحتيها حتى لو حذفتيها يمكن استرجاعها لذالك يجب الحذر من عامل الصيانة للأجهزة في محلات الكمبيوتر فبإستطاعته أسترجاع جميع البيانات والصور من جهاز الكمبيوتر حتى بعد الفرمته لذلك احرصي على ان لايصلح الجهاز الا من تثقين فيه ويكون اخوكي او والدك فوق راسه ومعه وهو يفرمت الجهاز أو يصلحه
7 - لو حدث وحصل أبتزاز لاقدر الله أتصلي بأقرب مركز هيئة واخبري أهلك مباشرة فالصبر على تعنيف الأهل أفضل من أن ترضخي للمبتز الذي سيفضحك ثم يهينك وبعدها ترجعين وتسنتجدين بأهلك بعدما ضاع الشرف والعفة فأبدأي باهلك مباشرة ولاتخافي فمهما قسوا عليك فأنت ابنتهم ودمهم ولحمهم أما المبتز فهو نجس قذر سيريكي الذل والفضيحة وستندمين أشد الندم

[اعتدال]

بنات فيه طريقة سهلة كيف تعرفي الجهاز سليم والا مخترق ان شاء الله ماتكونش عندكم المشكلة هذي بس انا نعرف انها مسببة مشاكل في دول الوطن العربي وانها المشكلة اللي شاغلة هيئة الامر بالمعروف والنهي على المنكر حاليا وانا للاسف لقيت جهازي المحمول مخترق والثابت سليم لان مافيشي كاميرا انا ماعنديش صور لكن ملفاتي وبحث التخرج مازال ماناقشته وهلبة ملفات خاصة عندي والله ضايقتني القصة هذي لاقوة إلا بالله
طريقة التاكد من سلامة او اختراق الجهاز
اولا نفتح قائمة ابدا (start)
ثانيا نختار تشغيل (run)
ثالثا نطبع الجملة (system.ini) واضغط موافق (ok)
ستظهر لك نافذة إذا ظهر لك رقم 850 فان جهازك سليم 100 % وغير معرض للاختراق ان شاء الله
واذا ظهر WOA فهذا يعنى ان جهازك به ملفات وتجسس وسهل جدا انه يخترق


يابنات لو وحدة منكم لقت جهازها مخترق لا قدر الله المفروض ادير فورمات للجهاز وتتبع النصائح السابقة

الموضوع كان معروض للنقاش في منتديات الشيخ عبدالله الخليفة حفظه الله ولو محتاجين اي مساعدة اختكم اعتدال في الخدمة

[ام وسونة]

صباح الخير

جمعة مباركة عليكم يارب

[يقين]

اعتدال شكرا ليك عالنصايح بس اني درت اللي قلتي عليه تطلعلي نافذه ما فيها شي مانعرفش علاش

[يقين]

قصدي الجمله اللي قلتي عليها انتي قلتي انسخوها يعني من مكان تاني ما نكتبوهاس احني ما فهمتش قوليلي منين ناخذها

[يقين]

والله حسك خوفتيني هذا جهازي خاص بيا ما فيشي صور الا لبنتي ولكن قصه الهكر هادي خوفتني لا ني ديمه نرضع في بنتي احيانا واني نقرا لان كتباي اللي بنقراهم في الجامعه كلهم اهني ر بي يستر كان ما فيه شي الجهاز

[يقين]

ام وسونه نهارك مبارك ان شالله شن جو التدهوير امبارح اهhwaml53

[يقين]

حقه امبارح رفعنا فروتي للعياده لما تعيط صوتها متغير ومره مره تدفى وترجع هلبا فعطانا مضاد حيوي ومكمل غدائي بس

[اعتدال]

اهلا ام وسونة كيفك يقين ان شاء الله لاباس على بنتك


بالله قبل مانجاوبك جاوبيني انت ....... انا كنت كاتبة (انسخ) بعدين دخلت وعدلتها (اطبع) قصدك قعدة انسخ لاني في التعديل وضحت هلبة حاجات قوليلي لان فيه هلبة مشاكل في المشاركة الاولى وبعدين عدلتها وانا عندي معدلة استغربت


المهم اكتبي الجملة بروحك في الفراغ الخاص واضغطي موافق
وانا تو انزل الصور للنوافذ كلها للتوضيح لان في البداية مابوش ينزلوا

[ام وسونة]

اهلين يقين كيف حالك وبعيد السو على بنيتك

وبالنسبة للدهوير والله مانحكيلك جو مش عادي ماخلينا شارع يزعل مننا

امس وراجلي شرالي ريحة شانيل بيرفيم وشرالي مكياج ومانيكير

وكريمات وهلبا حاجات عقباليكم يارب

كيف حالك وخيه اعتدال وتشرفت بمعرفتك

[ام وسونة]

نسيت نقولك يايقين تعرفي تعشيت عشي لدرجة اليوم نحس في روحي

مريضة منه ههههههههههههههههه

[ام وسونة]

ياريت يابنات تساعدوني

نبي دكتورة دير في كشف مهبلي ياريت ضروووووووووووري

[ام وسونة]

شكله مافيش حد امالا خلي نطلع في امان الله

[يقين]

ام وسونه ايح ايح شن هالجو المليح ان شالله ربي يدوم المحبه بيناتكم يااااربي ويرزقكم بوليد وتكملوا فرحتكم
يا اعتدال اني شفتها انسخ مانعرفش بالك اني خشيت قبل التعديل

[ريم البراري]

السلام عليكم كيف حالكم جميعا
يقيييييين الطباخة الماهرة وردة التجمع كيف اخبارك وكيف حال فروتي شكله شعرك طول هلبة بعدي يا عويناتي كيف صار آمس شميت رايحة بسبوسة فااااايحة جاية من جهة مصر قلت هذا اكيد انتي هههههاي تعرفي طعمة عشاك هذاك اليوم قعدة في فمي عطيك الصحة وخلاص انا مانعرفش اخباركم قريت صفحتين اوثلاثة بس المهم انا اموري كويسة ناقشت في نهاية رمضان وتخرجت والحمد لله وبعدها مشينا للسعودية ورجعت من يومين
سوووووووووووووووومة حبيبتي ورفيقة الغربة كيف حالك وحال الهند اكيد تو تتكلمي بالهندي قولي الحق
ام قصي محمد مديرتنا الغالية كيف حالك وحال قنوشاتك كيف صار معاك مشيتي لمصر؟
ام الصبيان ليك وحشة كيف حالك وحال عويلتك ان شاء الله مرتاحة
هاتووووو كيف اخبارك انت والحمل
ميرنا واضواء وام روفيدة وكل البنات الجدد واللي غابوا ورجعوا من جديد كيف احوالكم وكيف صار فيكم في الفترة الماضية مع احداث ليبيا ان شاء تكونوا بخير وربي يفرج علينا وتكون الايام الجاية افضل

[ام قصى محمد]

السلام عليكم
اعتدال مشكوره على المعلومات بالنسبه للكميرا انا مغطيتها من زمان لانى قريت على الموضوع هذا
وانشاء الله بالنجاح شن اخبار وليدك وكيف دايره لماتمشى للامتحانات من يمسكه اكى وراجلك يشتغل لو يدرس
ههههههههههه شويه قصقصه

[ام قصى محمد]

ريم عاش من شافك
مبروك النجاح والله كنا مشغولين عليك وحتى سومه معش خشت كى قبل لو عندك رقمها طمنينت عليها
انتى شن اخبارك قلنا شكلها حامل الى معش خشت شن صار معاك
بعيدد السو على فروتى العسوله هههههههه شكلها واكله من البسبوسه

[ام قصى محمد]

ام وسونه حسك سهفتينى ومشاء الله الله يدوم المحبه بينك وبين راجلك خيرك تبى دكتوره فى حاجه عندك

[يقين]

ريومه ريومه ريييييييييييييييييومه مرحبتين حبيبتي والله استااااااااااحشتك وينك يا شريره مبروك النجاح وحمدلله علي سلامتك شغلتيني عليك يا كيه هكي تطلعي ما تبعتيش حتي طمنينا عليك
هههههه طول هكي فضايح علاش باهي جو العشي ما العشي والبسبوسه ما البسبوسه سا عاد من الفضايح هههههه عطك السلامه والله مستاحشاتك بكككككككككككككككككككل

[يقين]

ام قصي شكرا حبيبتي وربي يخليلك بنوتاتك حتي انتي
باهي علاش هكي هي حرام عليكم شديتولي هالبسبوسه رقبه شلفوح هههههههههه معاد بنقوللكم علي مغامرات او بالاحرى غلاطاتي هههههههه ووعالجو ذكرتوني بخواتي طبعا اني اصغر وحده في خواتي وتزوجت بكري ديمه يسالوا فيا شن درتي وكان نقوللهم علي غلطه ايشدوهولي معاش يطلقوها ههه

[يقين]

ريومه شعري طول هلبا وقداش ليا ما قصيته انتي قالوا ايدك جرايه تو نجيك تقصيهولي شن رايك
حقه والله يابنات شعري يبي قصه باهي طول توا لاسفل ضهر راجلي قالي ماتقصيشي واني نبي نقصه جارتي مزينه شكلي بنمشيلها تلعبلي فيه لكن خايه منه ههههه حتي الشعر يدخلوا فيه عليك حاله

[يقين]

تعرفن اغاني طيور الجنه كلهن حفظتهن من فروتي ديمه التلفزيون علي طيور الجنه لاو تعرف اول مل نفتح عليها تسكت وتقعد تشبح فيهم

[زهرة2000]

سلام ع الحلوات الليبيات الحرائر

[يقين]

زهره وعليكم السلام نورتي

[زهرة2000]

عيون كيف حالك وحال حمودى وسارة
هاتو كيف حالك انت ورتولى انت كنتى برة امتى رجعتى لليبيا
ليبيا قلبي كيف حالك انت وبنتك الحلوة
يقين كيف حالك انت ديما فجعتينى هداك اليوم لما حكيتى ع قصه خوك خليتينى فى حاله ههههههههههههههه
او رفيده كيف حال وليدك وربي يعينك ع الغربه
ام اسيل وميرنا وحبل الوصل كيفكم ياحوامل ربي يسهل عليكم
عاشقه الصحراء كيف حال بنتك بسرعه خشي بنسالك ع اكل سورى ههههه
ميمونه ربي يسهل عليك ونسمعو عليك خبر حلو وشكلك ماتجيش لهلك ديما ههههههه بيش تخشي
وسلام للجميع هدوم الى تو فى عقلى هههههههههههه

[يقين]

زهره ههههههههه صار حتي اللي مش في المنتدي فاجعته

[يقين]

زهره شكرا ربي يخليك وانتي كيف حالك

[زهرة2000]

ام قصي ربي يجبر بخاطرك ويجيك قصي ويكون مجاهد زى خوتك وبوك ربي ينصرهم ويطول فى عمرهم كيف حل فايزة وجنجون ههههههههههه احينا ع الطنجر الشاطر عجبتنى يومها وكيف الطبخ فيها بالك نشريها نبو وصفات الشيف او قصى ربي يخليك

[أم عويضة]

يقين متاكد على العزومه انا رانى عيونى البسبوسه
ام عويضه لا عزوز ولا حاجه انا عندى قريبتى زيك اتزوجت بس من 5 سنوات وتحمل وتجيب ومشاء الله على عويلتها اتوكلى على الله وجيب الاخ لعويضه البنات يتصحو فيا ويقولولى جيب واحملى لا يدعولى بتوم اولاد لا انا انقولهم اشقو بام عويضه وخطونى خليهن يلهن فيك هههههههههههههههه
الله ايمسيك بالخير
والله ضحكت من أشقوا بأم عويضة وخطوني
اكيد وكان يسمعك راجلي توا يفرح

[أم عويضة]

ام عويضه ربي يخليلك عويضه مشالله عليه حليوه
الله ايحلي ايامك ويسعدك وايطول عمرك ويطمنك علي أحبابك
عيونك الحلوة

[ام وسونة]

كيفكم ياحلوات

تسلمولي يايقين وام قصي والله تهبلوا وربي يحفضكم ويهنيكم

ويجعل ايامكم كلها فرح

حبيبتي ام قصي نبي دكتورة لاني نبي ندير تشك

لان عندي شوية تلخبيط


ياريييت يلي في طرابلس دلني على دكتورة تكشف بالجهاز المهبلي

[أم عويضة]

أم قصي
لا ....حتى انت المفروض تشقي برويحتك واتجيبي ولي العهد وسلمك ودادة اللي واديني بالحمل ههههه لا.. واتحرشي علي في البنات

[يقين]

يا ام وسونه في دكتوره كويسه واسلوبها حلو وتاخد وتعطي معاك في عياده الفتح طريق الشط اسمها
لطفيه والله نسيت اسم بوها سامحيني لاني نمشيلها من السنه اللي فاتت ونسيتها
وعلي كل يا ام وسونه اي كتوره نساء عندها التراساوند حتلاقي عنده سونار مهبلي

[زهرة2000]

ياقين انت ولدت فى مصر صاح
قوليلى اسم الدكتورة وهل هى شاطر ووين ولدتى وشن جو المستشفى والعنايه بيك

[hatoo]

اهلين بنات كيف حالكم,وكيف حالك يا ريم البراري وشنو اخبارك وانا الحمدلله تمام والحمل الحمدلله بخير, واهلين زهره كيف حالك انا ورتولي الحمدلله بخير وانا كنت في مصر في شهر 3 الي فات قبل مايخش الرتل لبنغازي وبعدها روحت في شهر 4

[ام قصى محمد]

ام قصي ربي يجبر بخاطرك ويجيك قصي ويكون مجاهد زى خوتك وبوك ربي ينصرهم ويطول فى عمرهم كيف حل فايزة وجنجون ههههههههههه احينا ع الطنجر الشاطر عجبتنى يومها وكيف الطبخ فيها بالك نشريها نبو وصفات الشيف او قصى ربي يخليك
اهلا بيك واى شى على حسابك ههههههههههههه
بس مش نصدقى رانى حتى انا شوى شوى ههههههههه شر من يقين
لا نمزح بس نابش فى يقين
ومشكوره وانشاء الله ربى يرزقنى بقصى يارب
والطنجره كويسه خاصه فى التحمير واللحوم تقول دايرتهم على الفحم تهبل الطعمه تجنن وسريعه فى التسخين تغنى عن الميكرويف hwaml7
hwaml12يلا يابنات هذا اول درس ههههههههhwaml13

[ام قصى محمد]

ام عويضه كان مانودك من نود غيرك انشاء الله تبشرينا بالحمل انتى وميمونه وام وسونه وريم
وكل محروم يارب

[ام قصى محمد]

انا توا مع السلامه لانى بكرا اول يوم دوام فى المدرسه
ونبى انوض من ال7 وتوا الساعه 3 ههههههههههه
مش عارفه كيف راح يصير
اتمسوا

[اعتدال]

السلام عليكم
ام قصي مشكورة على الدعاء راجلي يقرا يحضر في الدكتوراء ربي ينجحه وهذا آخر فصل بالنسبة له ان شاء الله لذلك هو تقريبا فاضي لذلك هو يشد في الوليد لما انا عندي محاضرة وانا الفصل هذا عندي ثلاث ايام فقط في الاسبوع يعني محلولة الحمد لله
يومها سألت على حل لان الحليب عندي شوية وكنت نتمنى نرضع ولدي طبيعي لكن انتم تسألوا وماتجاوبوش والمشكلة الاخرى اني ماطهرتاش قريب انموت المفروض في الاسبوع لكن انا خايفة مش متخيلة ولدي مجروح وفيه دم خايفة قعد صغير عارفة كل مايكبر اصعب لكن خايفة
ام قصي كويس انك عارفة قصة الهكر لكن نبي انقولك لازم تتأكدى من خلو الجهاز من ملفات المراقبة لان تغطية الكاميرا ماتكفيش
ام عويضة عندي سؤال لك لانك من بنغازي بالله نبي نسألك على الشهيد الصادق الشويهدي قصة اعدامه المتداولة في مواقع النت صحيحة؟؟ قصدي صح انعدم على مرحلتين!! هي قصة قديمة هلبة لكن تأثرت منها

[أم عويضة]

السلام عليكم
ام قصي مشكورة على الدعاء راجلي يقرا يحضر في الدكتوراء ربي ينجحه وهذا آخر فصل بالنسبة له ان شاء الله لذلك هو تقريبا فاضي لذلك هو يشد في الوليد لما انا عندي محاضرة وانا الفصل هذا عندي ثلاث ايام فقط في الاسبوع يعني محلولة الحمد لله
يومها سألت على حل لان الحليب عندي شوية وكنت نتمنى نرضع ولدي طبيعي لكن انتم تسألوا وماتجاوبوش والمشكلة الاخرى اني ماطهرتاش قريب انموت المفروض في الاسبوع لكن انا خايفة مش متخيلة ولدي مجروح وفيه دم خايفة قعد صغير عارفة كل مايكبر اصعب لكن خايفة
ام قصي كويس انك عارفة قصة الهكر لكن نبي انقولك لازم تتأكدى من خلو الجهاز من ملفات المراقبة لان تغطية الكاميرا ماتكفيش
ام عويضة عندي سؤال لك لانك من بنغازي بالله نبي نسألك على الشهيد الصادق الشويهدي قصة اعدامه المتداولة في مواقع النت صحيحة؟؟ قصدي صح انعدم على مرحلتين!! هي قصة قديمة هلبة لكن تأثرت منها
اعتدال كيف حالك وشنو حال وليدك توا ان شاء الله ايكون بخير
سألتيني عن الشهيد الصادق الشويهدي قصته توجع القلب وتزيد الغل على معمر
هي فعلا صحيحة لقد انزلوه من على المنصة طبعا بعد ان تمت مهزلتهم وقد ظنوا انه مات ووجدوا انه مازال حيا تم نقله الى مستشفى الهواري واحضروا طبيبا وقالوا له احقنه بمادة سامة لقتله رفض الطبيب ففعلوا هم فعلتهم (والطبيب مش عارفين شن صار فيه بعد الرفض )
الكارثة ان المجرمات هدى بن عامر وواختها سلوى وعليا يعقوب حضرن التشنيق وهن يهتفن زي المسعورات"ما نبوش كلام لسان..نبو شنقه في الميدان" صفيهم بالدم يا قايد... سير ولا تهتم " "الرصاص خساره فيهم...عود وقيد انولع فيهم"
لاحول ولا قوة إلا بالله
الله يرحمه كان يبكي وايقول(((( ياأمي)))) قطع قلوبنا .
ايييييييه ياأعتدال
والله ذكرتيني بأحداث مؤلمة ... كأني في يوم تشنيقته .
لا وفوق هذا كله بعد تنفيذ الحكم مروا من قدام حوش هله وهم ايبيبوا
وإمعان في القهر منعوا أهله من إقامة ليالي عزاء وسجلوا أسماء النساء والرجال اللي جوا للعزاء وممنوع حد ايرد على العزاء
وووووووووووواك عليك ظلم الله يهد معمر واللي معاه قهر الرجال والنساء
الله يأخذ الحق منهم وينتقم لجميع شهدائنا

[ام وسونة]

صباح الخير

[يقين]

زهره ايه اني ولدت في مصر ومن اول شهر فيحملي نراجع عند دكتور مجدي مسعد عارفه كويس وشاطر بكل وكبير في السن وهذا في مستشفي المقاولون العرب وولدتفي نفس المستشفي احلي اهتمام وراحه والغرفه اما بروحك الليله او معاك شخص واحد وهادا حسب فلوسك متاعك ونضافه بكل مستوى الخدمات ممتازواي خدمه او سؤال عن دكاتره في القاهره تضلي نخدمك بعيوني وعليحسب معرفتي

[يقين]

هههههههههه عموره عارفين كيف المفروض يعدموه لالالا اعدامالتريس متاع الحبال والرصاص خسارهفيه ايزيدمن قيمته
عارفين كيف المفروض يعدموه يجيبوا عزوز نظرها مصلح او ضعيف باهيويقعمزوها علي كرسي ويقعمزوا بو شفشوفا عالوطى والعزوزتاخد شفشوفته وتقعد تنتف منهاوهوا يقول اي احييييييييييي اي احييييييييي وووووو حاره ههههههههه والعزوز نظرها ضعيف مره تنتف شويه مره هلبا مره شعره كل ميره حاجه باش الالم يزيد هههههههههههاي

[يقين]

هههههههههه يازهره ذكرتيني بوالدتي عارفه شكله مافيش واحد في المستشفي ما عرفش اني بنولد حي يا حي عياااااااااااااااااااااااط حقاني ليييييييييين رقبتي انبحت اتصلوا بيا اهلي بعد ولادتي بساعه لقوا رقبتي منبحه قالولي شكلك رادحه واجد بالله بناويت قولولي انتم تعيطوا في جيابكم كل وحده ترد خلي نضحكوا عليها

[يقين]

معليشي يا ام عويضه نبي نسال حتي اني الشهيد الصادق امتي انعدم في سنه كم وكان كبير ولا شاب لاني اول مره نسمع بيها

[ام وسونة]

اهلين وخيه يقين

بالنسبة للعياط والله ماخليت واحد في العيادة راقد

من دكاترا لممرضات لمرضى والنضفات لدرجة كلهم عرفوني بالاسم

هههههههههه والله ليلة عمري ماننساها

[زهرة2000]

شكرا بنات ام قصى نبو طريقه ماتضحكيش علينا ؟؟؟؟؟؟؟؟؟؟؟؟؟؟؟؟
يقين قوليلى اسماء دكاترة نساء بس يكونو دكتورات صبايا يعنى مانحبش الرجاله هههههههه وانت المستشفى من قالك عليها

[ام وسونة]

هايات وينكم ياحلوات

ان شاء الله المانع خير يارب

[ام قصى محمد]

سلامات الكل موجود يقين وام وسونه واعتدال وام عويضه

[ام قصى محمد]

زهره الله يسهل عليك ولادتك انتى قاعده فى مصر

[ام قصى محمد]

تعرفو بابنات امى واختى لما يحكولى على ايام المشانق يقولو عليك ايام سود وفى رمضان
حسبنا الله ونعم الوكيل

[ام قصى محمد]

توا انرد ونكتبلكم على يوم ولادتى ضحك ضحك
لو تشوفونى لسانى 10 متر

[ام قصى محمد]

باى انا توا نخش بكرا
مع السلامه

[أم أجنادين 80]

السلام عليكم
كيف حالكم
مفيش من تهدرز عليا
بالله يابنات بنسالكم عندي ولد عم زوجي وهوا ولد خالته في نفس الوقت
توفي في اواخر رمضان ان شاء الله ربي يرحمه ويجعل مثواه الجنة
بنستفسر لأمتا المفروض ماحنيش او ندخل لفرح مع العلم اني متزوجة من سنة
ولتوا الظروف ماساعدتش ومادخلتش لفرح نهائيا او حتي مناسبة بسيطة
وعندي الأسابيع الجايه تلبيسة صاحبتي وبنت عمتي
مش عارفة نمشي او لا نحني او لا مع ان زوجي قالي امشي عادي
وحني ...
بس مش عارفة شن المفروض اندير قصدي انا جديدة ومش عارفة شن العادات والتقاليد ولو مشيت عادي او لا ,,,,
بالله عليكم فيدوني من خبرتكم

[يقين]

زهره في مستشفي في المهندسين باهي اسمه الشروق فيه دكتوره نساء اسمها نسيته توا الحق اسمها نواره اونوره والله نسيت اداوم يوم الاثنين والخميس ومريحه واسلوبها حلو وشاطره والمستشفي حتي هوه نضييييييف

[يقين]

ام اجنادين ماعنديش فكره الحقان شالله يفيدوك البنات باهي انقولك حاجه اسالي عزوزتك ولا امك عندهم خبره
اسمعي اني قبل جدي ماتاللي هوا بو امي نكدتها علي اهل راجلي مافيش واحد يتجرأ يقولي امشي لعرس ههه قعدت علي هالحال 7 شهور ليييييييييين سافرت

[يقين]

ريوووووووومه وين مشيتي تعالي مستااااااااااحشاتك نبوا انهدرزوا ونحكيلك عالطبخات متاعي ههههههههاي بعد عزومتك درت حاجات هلبا

[يقين]

عندكم الحق كلكم عندكم خدم تخدموا فيها هادا باش اني بروحي عطاله ماهو ولا تو تبا قرايتي قالي راجلي لما تبدا معاش تحلمي بالنت قرايه بس يهدد فيا
هيا باي تو

[ميراس]

السلام عليكم ورحمة الله وبركاته

[ميراس]

والله مابردكم زعلان منكم كلكم ماعدا بنت سيدى يقين سالت عليا خيركم اسمالله افتكيتوا من دوتى الواجدة

[ميراس]

غدوة نتلاقوا توا اكيد راقدين بس استحشتكم وحبيت اندير طلة ونقرا المشاركات لان النت كان تام الاشتراك

[صعب تنساني]

الله ينصركم على الظاغيه وثبت اقدااااااااااااامكم قلوبنا معاااااااااكم يا شعبنا الغالي

[أم عويضة]

والله مابردكم زعلان منكم كلكم ماعدا بنت سيدى يقين سالت عليا خيركم اسمالله افتكيتوا من دوتى الواجدة
اهلا ميراس انت ديما في البال دزيت لك رساله ع الخاص وما رديتيش نحسابك مسافره

[أم عويضة]

معليشي يا ام عويضه نبي نسال حتي اني الشهيد الصادق امتي انعدم في سنه كم وكان كبير ولا شاب لاني اول مره نسمع بيهااهلا يقين كيف حالك وحال بنيتك
الشهيد الصادق الشويهدي عدموه في رمضان سنة1984 وكان شاب صغير اعتقد انه في نهاية العشرينات كان في هذاك الوقت ياناري عليه والله يأخذ الحق من شلة القذافي الفاسدة
ايام نكد الله لايردهن

[ام روفيدة]

السلام عليكم
كيف حالكم
مفيش من تهدرز عليا
بالله يابنات بنسالكم عندي ولد عم زوجي وهوا ولد خالته في نفس الوقت
توفي في اواخر رمضان ان شاء الله ربي يرحمه ويجعل مثواه الجنة
بنستفسر لأمتا المفروض ماحنيش او ندخل لفرح مع العلم اني متزوجة من سنة
ولتوا الظروف ماساعدتش ومادخلتش لفرح نهائيا او حتي مناسبة بسيطة
وعندي الأسابيع الجايه تلبيسة صاحبتي وبنت عمتي
مش عارفة نمشي او لا نحني او لا مع ان زوجي قالي امشي عادي
وحني ...
بس مش عارفة شن المفروض اندير قصدي انا جديدة ومش عارفة شن العادات والتقاليد ولو مشيت عادي او لا ,,,,
بالله عليكم فيدوني من خبرتكم
اختي ام اجنادين حبيت انردعليك بما يرضي الله وفق الكتاب والسنة :
أختي فيه قاعدة فقهية اتقول (ما جرت عليه العادة فهو مباح إلا ما قام الدليل على تحريمه ) أي بمعنى إن كل شيء في العادات حلال إلا ما حرمه الاسلام بالدليل من الكتاب والسنة وديننا الاسلامي الحنيف يحرم الحداد على الميت فوق 3 ايام إلا على الزوج لقوله عليه الصلاة والسلام:
قالت زينب دخلت على أم حبيبة زوج النبي صلى الله عليه وسلم حين توفى أبوها أبو سفيان فدعت أم حبيبة بطيب فيه صفرة خلوق أو غيره فدهنت منه جارية ثم مست بعارضيها ثم قالت والله ما لي بالطيب من حاجة غير أنى سمعت رسول الله صلى الله عليه وسلم يقول على المنبر (لا يحل لامرأة تؤمن بالله واليوم الآخر تحد على ميت فوق ثلاث إلا على زوج أربعة أشهر وعشرا )

قالت زينب ثم دخلت على زينب بنت جحش حين توفى أخوها فدعت بطيب فمست منه ثم قالت والله ما لي بالطيب من حاجة غير أنى سمعت رسول الله صلى الله عليه وسلم يقول على المنبر (لا يحل لامرأة تؤمن بالله واليوم الآخر ان تحد على ميت فوق ثلاث إلا على زوج أربعة أشهر وعشرا )من كتاب صحيح مسلم للإمام النيسابوري
والطيب لمن لا يعرفه هو الرائحة الروائح (الصنة)
فنصيحة من أختك في الله ونحبك في الله أبعدي عن هده العادات المحرمة وليكن ردك على اهل زوجك بقوله صلى الله عليه وسلم (لا يحل لإمراة تؤمن بالله واليوم الاخر ان تحد على ميت فوق ثلاث إلا على زوج أربعة أشهر وعشرا) وصدقيني مش رح يعارض احد لأنك أرضيتي الله عز وجل قال عليه الصلاة والسلام ((من التمس رضى الله بسخط الناس رضي الله عنه وأرضى عنه الناس، ومن التمس رضى الناس بسخط الله سخط الله عليه وأسخط عليه الناس) أخرجه الترمذي في السنن.
فمجارات البشر أو مسايرتهم بما يغضب الله أو بما حرمه ديننا أمر محرم .

[poucie]

السلام عليكم ورحمة الله وبركاته،،،

[poucie]

كيف حالكم اليوم ماشاء الله عالهدرزة الا اني لما انخش ما نلقى في حد يا ناري عليا وخلاص

[اعتدال]

اهلا بيك بوسي
اهلين ميراس كيف حالك وكيف صار معاك في العلاج طمنينا على اخبارك وشن آخر اخبار بني وليد؟
مشكورة ام عويضة الغالية للاجابة الشافية
تعرفوا لاحظت ان تجمعنا نوعا ما مش مفيد يعني كل وحدة تدخل في وقت مستحيل اثنين يتلاقوا مافيش تجمع فلذلك اكثر من الف صفحة بالطريقة هذي

السلام عليكم

من موجود؟

مساء الخير

شكله مافيش حد

انا طالعة

صباح الخير

وينكم

شكلكم راقدين

تصبحوا على خير!!

قصدي كل الصفحات عبارات تحية واستئذان حتى انا نفس الشي مداخلاتي عقيمة بدون فايدة تعرفوا ديمة انقول كان كل وحدة تطرح موضوع اومشكلة ونتناقشوا فيها لان الموضوع مثبت يعني نستفيدوا ونفيدوا يعني لما وحدة تقول مشكلتها الكل يهتم بيها هي بس ويلتفوا حولها لين يحلوا المشكلة لكن احنا وحدة تقول في المشاركة مثلا: (مجرد مثال باش توصل الفكرة مش حق)
العضوة 1 انا تعبانة وعندي ارتفاع في الهرمون لدرجة انه سبب ورم
العضوة 2 مش عارفة شن اندير الغداء اليوم انتم شن غداكم؟
قصدي الاجدر بالعضوة 2 والمشاركات اللي بعدها يساعدوا العضوة 1 ويبحثوا ويسألوا ويجمعوا معلومات ويحاولوا يفيدوها ويساعدوها مش يتجاهلوها ويفتحوا موضوع ثاني
احنا حتى وحدة تسأل سؤال والا تطلب استشارة ماتلقاش حد اهتم بيها وإلا تعب على خاطرها وبحث في النت واعطاها الاجابة ياريت تديروا برنامج بحيث تكون هدرزة وترفيه وفايدة وتبادل خبرات في نفس الوقت خصوصا ان كلكم ماشاء الله متعلمات وعلى مستوى عالي من الثقافة والوعي انحس نقدروا نساعدوا بعض ونستفيدوا من بعض لكن احنا سلبيات نسالوا ونستفسروا من باب القصقصة والفضول فقط مش للإفادة ماتزعلوووووووووووش هذا شعوري وقلته بصراحة بالنسبة لي انا نرشح ام قصي لبدء برنامج تطوير ورفع مستوى التجمع لان واضح انها انسانة عملية وخدومة مع احترامي للجميع طبعا
ام روفيدة واضح انها انسانة على قدر عالي من الثقافة ياريت نستفيدوا منها . ام عويضة ماتترددش للمساعدة وعندها خبرة ممتازة ربي يحفظها ام سعد ماشاء الله ايضا مهندسة كمبيوتر اكيد تقدر تختار بعض المواضيع الحلوة وتفيدنا يقين نشيطة ومتعاونة وكل وحدة اكيد عندها هوايات ومهارات ياريت ماتبخلش علينا هو صحيح تجمع حوامل لكن في الواقع مافيش حاجة على الحوامل ولافيه وحدة حامل لذلك نقدروا نحكوا في مواضيع الدين والتكنولوجيا و الطبخ والموضة والمكياج والعادات والتقاليد والمشاكل العائلية (ربي مايجيب مشاكل) انا عارفة انه موجود اقسام خاصة بها في المنتدى لكن لما انكونوا كلنا ليبيات يكون احلى وقريب لواقعنا وممتع خصوصا لو تكون المواضيع مدعمة بالصور والفيديو لزيادة التشويق
انتم شن رايكم؟
ياريت كل وحدة تقدم مقترح لنظام جديد بالتجمع وبعدين نختاروا الافضل لكن قصة انا مشيت انا جيت انا شربت انا كليت انحس فيها مملة ومش مواضيع جذابة ومفيدة هذي يوميات وخصوصيات يمكن تكون جزء من مواضيع التجمع بس مش اساس
طبعا عارفة انكم حتتجاهلوا كلامي كالعادة لكن مجرد محاولة مش قصدي التقييد وفرض الروتين الرسمي لكن رفع مستوى التجمع

آسفة على الاطالة

[يقين]

ميراس نورتي وين الغيبه ان شالله خير
اسمعي البارح كلمت بنت خالتي في تاجوراء وقالت الاحوال في بني وليد زي الزفت والله قالت الشباب يموتوا بالبلاش وما واحد يندري عليهم قالوا اول امس قاتلين واحد من الخوازم يستر الله وخلاص اني خوتي الثلاته قاعدين غادي في الحياش تي ما يروحوا الحياش غير يسلوا هما والله ما تلقي واحد يسمعك الله غالب هاني ندعي وخلاص طمنيني علي اخبارك

[يقين]

اعتدال تعرفي عندك حق في كلامك بس اني اول ما نخش للتجمع والله نحس في روحي مع خواتي ونبي نهدرز علي كل شي زي الخوات بذات اني بعيده عن خواتي ومستاحشتهم

[يقين]

هيا باي توا بنمشي ندير المم

[يقين]

ام روفيده كيف حالك وحال وليدك ان شالله كويسين

[ريم البراري]

يقين وين ماشية انتظري جهزي مقصك وافتحي شعرك انا قادمة (اقوى من الشدة واطول من المدة) يدي جرااااية حق وآهو بالمرة نحصلوا غدي امبحبح من يدياتك (ماتصدقيش والله يدي ثقيلة كان نقصلك شعرك يبدا يقصر مش حتى يثبت بس)

[ميراس]

السلام عليكم ورحمة اله وبركاته

[زهرة2000]

السلام عليكم ياحلوين
يقين سامحينى تقلت عليك بس والله كله فى ميزان حسناتك قوليلى باهى المستشفى نمشيله بدون موعد قصدك ولا كيف لان ماعمرى مشيت للمستشفى طول نمشي للعياده

[ميراس]

ريم مممممممممممممكيف حالك وين هالغيبة حتى انت راهو شاملك التحقيق فى مجلسنا الجديد وين كنتى يقين كيف حالك اسمعى انا عندى السكر البسبوسة ماتزلبحينى بيها راهو ديريلى حاجة ناشطة وحارة

[زهرة2000]

بنات بنسالكم ع عمليه ربط عنق الرحم للى عندها توسع من سمعت بيها او تعرف وحده درتها ياريت تقولى كيف كانت تتحرك وتشتغل فى بيتها ولالا نبي مساعدتكم انا قريت عليه هلبه الموضوع هدا بس نبي تجارب حيه ههههههه بيش نطمن

[ميراس]

ام عويضة بعتلك عالخاص قريتيه

[ريم البراري]

اعتدال كلامك مزبوط وانا نضم صوتي لصوتك في اختيار ام قصي انها تبدا بفكرة وانا عندي اقتراح ان كل وحدة مجربة الطنجرة الشاطرة (طبعا انا اول مرة نسمع بها ضحكتني كلمة "شاطرة" من عطاهالها الشهادة هذه) تحكيلنا كيف استخدامها وشن هي الاكلات اللي يمكن تجي بها وهل تنفع للكفتة المشوية لاني انا اندير فيها بالشواية الكهربية لكن الطنجرة شكلها احلى عجبتني

[ميراس]

يقين وين الايميل مالقيته

[ميراس]

حتى انا عجبتنى فكرة اعتدال وحتى عندى الطنجرة هادى وتعمل حتى الكفتة هى اتطيب فى اللحم الخروف فما بالك كفتة والسلطة المشوية والسمك الصراحة حلوةحلوة واحنا انسميها طنجرة البورديم

[ميراس]

ام قصى شن اخر اخبار اهلك اللى فى الجبهة وبوك معاش كلمكم

[ميراس]

اسمعوا حتى انا من راى اعتدال انخش سلام فى حد مافي حد باهى السلام المفروض انديروا ساعة معينة اخشوا فيها اكبر مجموعة منا

[ريم البراري]

مرحبتين والف مراحب ميراس تفضلي اي استفسار انا كنت في السعودية يارب كلكم تزوراها تهبل انا مشغولة شوية لاني بنمشي لليبيا المدة الجاية زيارة ونرجع بعد العيد ان شاء الله توا نشري في هدايا لاهلي ماعرفتش شنو نشريلهم نحوس نحوس في السوق ونقعد حايرة وفي النهاية نرجع فاضية اقترحوا عليا

[ريم البراري]

ام قصي تعرفي تعبت نفسيتي مش مصدقة بعد ماقلتلكم خذيت الحبوب تاخرت الدورة عليا اسبوع درت تحليل دم وطلعت حامل وكان موعد مناقشتي بعدها بأيام مانحكيلكش عالفرحة طبعا حسيت روحي في حلم وثاني يوم بعد المناقشة ماشية للجامعة للدكتور بخصوص التعديلات في البحث كيف بننزل من السيارة حسيت بألم رهيب ونزل مني دم طار بيا راجلي للمستشفى قالتلي الدكتورة اجهاض قلت ياسيدي الله اعطى والله اخذ الحمد لله على كل حال ان شاء الله ربي يكتبلي الحمل الثابت السليم عاجلا غير آجل وكل من يتمنى لهذا راجلي رفعني للسعودية هدية التخرج وتغييرت جو لان نفسيتي تعبت شوي وانا ماشية لليبيا زيارة الاسبوع الجاي وبنرجع ماليزيا بعد العيد ان شاء الله

[ام قصى محمد]

السلام عليكم
ريم ربى يعوضك بخير منه انا مجربه الاجهاض صعب
الحمدلله الله يعوضنى ويعوضك

[ام قصى محمد]

مشكورات وبارك الله فيكم والله فرحتونى باجماعكم عليا
بس عندى تعليق واحد بانسبه لمشاركتنا انا ما نحسش اننا نهملو فى مشاكل بعضنا بس نحن هنا نستفيدو من بعض فى التجارب الى عشناهم ولما وحده تطرح موضوع كلنا او اغلبنا انردو عليها ومرات تقرى المشاركات مش متناسقات فى الردود لانه انا عن نفسى عشان تقرا مشاركتكم لازم نكتب رد فمانعرفش شن كتبتوا نين يطلع ردى
اعتدال مشكوره على الفكره وانا معاكم بالنسبه لطنجره
انا عن نفسى تنقذ فيا يعنى مستعجله بس نتبل اللحم اى لحم كانى نبى نشويه ونحطه فيها وتعرفو عشان بدل البطاطا المقليه بس قطعى البطاطا زى المقليه بس اعرض شوى واسلقيهم نص طياب بعدها اذا حاطه لحم على الشبك حطى البطاطا تحتها فى الطنجره من لوطا وتقعد المرقه تنزل عليها فيها طعمه مانحكيلكم عليها
واذا مش دايره لحم حطيها على الشبك وطبعا ادهنيها قبل بزيت زيتون ورشى عليها كمون وخليها نين تنحمر
وكولى وادعيلى احسن من المقليه وافيد وافر فى الزيت

[ام قصى محمد]

ميراس ريم وينكم طلعتوا
مشكوره ميراس والله اخواتى وابى مسمعنا منهم شى لنا مده
ادعوا ان تتحرر سرت عن قريب على فكره انا منشوفش فى الاخبار من مده لانى خايفه نشوف شى خبر يرعشنى

[ام قصى محمد]

اعتدال بالنسبه لوليدك وين مشكلتك كيف متقدريش ترضعيه وهو محبش الصناعى كيف دايره توا

[ام قصى محمد]

ام اجنادين شوفى موضوع الحزن وانك ماتخشى فرح نين وين هذا والله فيه جهل يعنى ليش هكى انا امى ثالث يوم وفاه جدى ابوها قالت روحن وكحلن عيونكن انا واختى وماتحزننش صح لما نجى للعزا منكحلش لكن فى حوشى والحياه لا عادى
حبيبتى هذى الموضيع خلاص بس الحنه مش عارفه اذا راح تمشى لاهل الميت ماننصحك بيها عشان شوى مش حلوه
بس انا لما توفى ولد خالى شاب 22 سنه وجعنى والله ماقدرت نخش فرح نين وين مش حزن بس مش قادره نفرح الله يرحمه
الخلاصه ام رويفده غطت الجانب الدينى وانا انقولك جانب العادات خلاص عادى تخشى الفرح ليش تحرمى فى نفسك

[ام قصى محمد]

توا نستاذنكم
تمشى نغدى البنات
سلام

[ريم البراري]

لا لا قعدة لكن نقرا في الصفحات القديمة بنشوف اخباركم
ام قصي بوك رجع للجبهة ويده مجروحة كيف خليتوه يمشي كان صبر حتى الجرح يبرأ افضل ربي يحفظه
قولولي اقتراحاتكم ماعرفتش شن نشري لاهلي ليا 3 سنين ماشفتهمش امي بنشريلها سوار ذهب هندي عجبني هلبة ورايحة وشبشب وبوي ماعرفتش هو راجل متعلم ومدير مصلحة قصدي مش شيباني كبير قولولي هدية تليق بيه

[ريم البراري]

حتى انا طالعة كان جت يقين سلمولي عليها عاد توا اطيب في الغداء اشبح شنهو دايرة اليوم من اطباق حار وحلو وبارد وساخن الله تطييبك ما احلاه يايقين الله

[زهرة2000]

وانا كيف يسير فيا ههههههههههههه وتقولن عجبنا اقتراح اعتدال باهى ردن ولو وماعندكمش خبرة فيه ارفعن الموضوع ولو بدعو ة؟؟؟؟؟؟؟؟؟؟؟؟؟؟؟

[يقين]

زهره لالا لاثقلتي عليا لاشي احني خوات اهني اصلا
اسمعي في مستشفي الشروق الدكتوره نواره تجي الساعه 2ظهرا فلازم تمشي قبلها بساعه او ساعتين بيش تحصلي موعد وتخشي اول وحد
وانتي قوليلي سكنتك وين بس وعندي ليك عياده مش عاديه ودكتوره كويسه

[يقين]

ريم باااااهي اني مستاحشاتك وانتي تتهزي ولا بري انتي مش صاحبتي معاش بنكلمك

[يقين]

زهره الحق مانعرفش حد دارها من قبل

[يقين]

ميراس شن رايك في بازين اكيده تحبيه ولالا

[زهرة2000]

يقين انا فى الرحاب بس انا جيت هنا وزرطت ونبي طيارة نروح بيها لان السيارة صعب ومازال ماحصلتش طياره

[يقين]

زهره خوذي طياره لتونس وبعدين روحي لليبيا الناس كلها دارت هكي

[زهرة2000]

يقين انا من بنغازى فصعب نمشي لتونس وبعده طرابلس وعدها بنغازى هههههههه

[ام وسونة]

معقولة مافيش حد فقدني امس واليوم رغم اني كنت راقدة رقاد في المنتدي هههههه

عموما خشيت توا من الموبايل نبي نطمن عليكم المهم انكم كويسات

اني الواي مكس ماباش يفتح اليوم

وسوالي مافيش من جاوبني عليه شكرا

علي اساس زعلت هههههه

[ميراس]

سلام ياحلوين

[ميراس]

اسكتى يايقين تسالى فيا عالبازين اعيونى وخاطرى فيه لين خلاص يلا انشاالله انروحوا ونفرحوا بتحرير ورفلى ونديروه

[ميراس]

ابعتيلى اميللك مرة تانية او الفيس وانخشوا عالدردشة الخاصة

[ميراس]

والله صدقتى يااعتدال سلام مع السلام هايا باى لى ساعة انرمض ومافيش حد ايخش

[يقين]

ام وسونه نورتي اسفين حقك علينا

[ميراس]

من الاخير كان فى حد عالسريع اتقول

[ام روفيدة]

ام روفيده كيف حالك وحال وليدك ان شالله كويسين
الحمد لله بخير ونعمة إنتي كيف حالك وحال بنتك وربي يسلم خوتك ويحفظهم هما هكي الولاد ما يسمعوش الكلام ويديروا اللي
في روسهم ما عندك ما اديري غير الدعاء واستودعيهم الله الدي لا تضيع ودائعه

[ام روفيدة]

ميراس كيف حالك توا وشن صار في علاجك طمنينا عليك

[ام روفيدة]

ام قصي وخيتي كيف حالك والله حاولت أنسجل في المنتدى من لما قلتيلي لكن تطلع لي رسالة اتقولي عدرا غير قادرين على تسجيلك في الوقت الحالي ما عرفتش شن السبب.
بالله عليك بالله عليك لو كلمتي ميرنا او شفتيها بلغيها سلامي وقوليلها فقدناك يا نوارة التجمع هيا ردي لنا بسرعة وقوليلها والله ندعيلها في الصلاة وغير الصلاة كل ما نتفكرها انقول يارب ثبت حملها وارزقها بالطفل السليم المعافى .

[ميراس]

ام روفيدة شكرا على سؤالك والله انشاالله انقولوا باهى اعطانى علاج فترة اربعة شهور وبعدها حايشوف الورم ادا كان نقص حانستمر فىالعلاج والا لو قعد زى ماهو بعدها سنطر لاجراء العملية

[ميراس]

احكولى عن ميرنا مش عارفة عن مشكلتها شى راهو شن صاير امعاها بالضبظ

[ام روفيدة]

ام روفيدة شكرا على سؤالك والله انشاالله انقولوا باهى اعطانى علاج فترة اربعة شهور وبعدها حايشوف الورم ادا كان نقص حانستمر فىالعلاج والا لو قعد زى ماهو بعدها سنطر لاجراء العملية
أسأل الله العظيم ر ب العرش العظيم ان يشفيك اسأل الله إن الورم يستجيب للعلاج وما تحتاجيش العملية اللهم امين قوليلي شن الاعراض اللي تحسي بيها؟

[يقين]

السلام عليكم ميراس اني موجوده وانتي موجوده كيف حالك اليوم

[ريم البراري]

سألتكم وماحدش عبرني وعندي سؤال ثاني المرة اللي حملت فيها نزل مني نقطات دم قبل موعد الدورة بستة ايام وسألت الدكتورة قالتلي هذا تعشيش البويضة في جدار الرحم سؤالي هو هل ضروري ينزل هذا الدم في حالة حدوث حمل لان انا ماعمره صارلي هذا الا لما حملت والشهر هذا نزل مني ايضا زعمة يكون حمل ادعولي

انا معادش نقدر ندخل ثاني لان اليوم بننتقلوا لشقة ثانية والاسبوع الجاي مسافرة ومش حنوصلوا خط نت الا بعدما نرجعوا ان شاء الله تمنياتي للجميع بالتوفيق ربي يرزق كل وحدة ماتتمنى ويطمنكم على اهلكم واقاربكم يارب

يقين شكلك زعلانة رسمي وخيتي سامحيني خاطري ضايق ونبي نهدرز لان يعلم الله نحسب فيك انت بالذات زي اختي لكن الحظ ناقص

http://C:\Documents and Settings\xp\My Documents\My Pictures\imagesCAHPG80O.jpg

[أم عويضة]

بنات بنسالكم ع عمليه ربط عنق الرحم للى عندها توسع من سمعت بيها او تعرف وحده درتها ياريت تقولى كيف كانت تتحرك وتشتغل فى بيتها ولالا نبي مساعدتكم انا قريت عليه هلبه الموضوع هدا بس نبي تجارب حيه ههههههه بيش نطمن
اولا ان شاء الله لابأس عليك والله ايمتعك بالسلامة
ثانيا الربط اعتقد انه ينددار بعد الشهر الرابع وماتحسيش بيه ايضايقك ولما تخشي لشهر التاسع تقرر الدكتورة موعد لتحويل الربط حتى تتم تهيئتك للولادة
الربط مايخوفش ماتخافيش منه وأسأل الله السلامة لك
انا عندي صبيتي(اخت راجلي ) دايرته اكثر من مرة والحمد لله

[أم عويضة]

ام عويضة بعتلك عالخاص قريتيه
حبيبتي اللي القيته اقتباس كلامي وبس
والله قعدت انفتش في الرد ونقلب مالقيتش حاجة كاتبتيها والا ماتبييش تتعرفي على hwaml96hwaml96hwaml96

[يقين]

ابدا والله يا ربم البراري نبصر معاك بس وان شالله ربي يوصلك سالمه لاهلك وترجعيلنا بالسلامه
وبالنسبه لسؤالك مش ضروري ينزل دم وبعدين حتي لو حملتي تاني يا ريم تكلمي دكتورتك من الاول ولما لا قدر الله ينزل حتي شويه دم تعطيك مثبتات
تعرفي اختي ليها 4 اسنين ما حملت ولما حملت يوم دم ويو وجع ماشيتلها دكتورتها بالمثبت واهو توا مشالله في الشهر 8
العقبه ليك يا اوخيتي اول ماتجي من ليبيا تبشرينا بحملك

[أم عويضة]

[QUOTE=ريم البراري;1470022]سألتكم وماحدش عبرني وعندي سؤال ثاني المرة اللي حملت فيها نزل مني نقطات دم قبل موعد الدورة بستة ايام وسألت الدكتورة قالتلي هذا تعشيش البويضة في جدار الرحم سؤالي هو هل ضروري ينزل هذا الدم في حالة حدوث حمل لان انا ماعمره صارلي هذا الا لما حملت والشهر هذا نزل مني ايضا زعمة يكون حمل ادعولي

انا معادش نقدر ندخل ثاني لان اليوم بننتقلوا لشقة ثانية والاسبوع الجاي مسافرة ومش حنوصلوا خط نت الا بعدما نرجعوا ان شاء الله تمنياتي للجميع بالتوفيق ربي يرزق كل وحدة ماتتمنى ويطمنكم على اهلكم واقاربكم يارب

يقين شكلك زعلانة رسمي وخيتي سامحيني خاطري ضايق ونبي نهدرز لان يعلم الله نحسب فيك انت بالذات زي اختي لكن الحظ ناقص

[IMG]http://C:\Documents and Settings\xp\My Documents\My Pictures\imagesCAHPG80O.jpg[/IMGسلامت قدرك ياريم البراري
تعرفي انا صار لي شئ قريب من هكي
في حملي ببكريتي نزل علي دم بس واجد مش شوية واجهضت ولما مشيت للدكتورة طلع عندي حمل تؤم واحد نزل والثاني استمر
وحملي الثاني تكرر نفس الشئ وطلع توئم وقف نمو احد الاجنة والاخر استمر
ممكن يكون عندك حمل توئم وفيه خلبطة في الهرمونات
الدكتورة اتعدللك الموضوع ماتهزيش عليهن نقاط الدم وبعدين ريحي روحك نين تمشي للدكتورة
وانت كيف ماقلتي تبي اتحولي في شقة جديدة وبعدها تبي تسافري واجد هذا عليك وخاصة في الحمل صعب الاشياء هذين
اتمنى لك السلامة يارب

[أم عويضة]

كيف حالك يابنت عمي ؟ وشن اخبارك ؟ان شاء الله كويسة

[عيون زوجي]

السلام عليكم
كيف حالكم وشن اخباركم واخبار عويلاتكم
يلي سئلت عالدم عادي حتى انا صارلي في بنتي البكره زي ام عويضة نزل مني دم هلبه هلبه هلبه ولمدة 3شهور والله كل شوي نغير القطن ويتعبى حاشاكم وفي الليل كان رقدت وما نضتش للصبح نلقى السرير يعوم دم ولله الحمد بنتي مع ابر التثبيت ما صارلها شي بس الجنين التاني لانه تؤم نزل
وفي حالات التببيض والتخصيب فيه نساوين ما يلاحظوا شي وفيه تنزل منهم هلبه افرازات مخاطيه وفيه قطرات دم بس شويه جدا والله اعلم

[عيون زوجي]

ام وسونه كل الدكتورات يقدروا يديرولك كشف مهبلي عادي وانا اندلك على الدكتورة امنه قرينات في عيادة الرحمة في بداية تاجوراء ماشاءالله اعليها شطورة جدا
وربي ينولك الحمل العاجل يارب

[عيون زوجي]

وبخصوص يلي سئلت عالربط فهدا امر عادي وبسيط جدا لكل النساء يلي يعانوا من الاجهاض المتكرر وتوسع في عنق الرحم انا لما جبت بنتي كانت جنبي مدام طيوبه جابت معاي وامورها ميه ميه ربطت من الشهر الخامس ومرتين في صغارها الزوز وفي نهايه التاسع يفكوا الربط ويقولولها اتمشي لين تجيب واخلاص القصة بسيطة جدا ومش معقدة

[عيون زوجي]

منو موجودة منكم ولا مافيش حد غيري........
للطرفه طبعا
امس خوي فرحان مع انه متزوج بس ايخوف في مرته ويقوليلها الدوله حاليا بتعطي للزوج الحق في الزواج 4 زوجات بلا ادن وتوقيع الزوجه الاولى بالعكس رح تشجع الرجاله باعطائهم قرض تاني لو كان عنده قرض سابق وزيادة في المرتب ههههههههههه
خوفني حتى اني هو ايبصر بس الرجاله ماعندهمش روح مع التغيير الشامل دولة جديدة وزوجة جديدة هههههه

[عيون زوجي]

ام قصي شن اخبار بوك وخوتك .....ربي ينصرهم ويرد الكل سالمين يارب

[ام قصى محمد]

عيون والله ضحكتينى الله يهدي خواك ههههههههههه
ابى واخوتى والله مانجيبوا عليهم علم فى سرت والاتصال مافيش

[ام قصى محمد]

ام وسونه حبيبتى اصحى تزعلى منا كلنا خوات وبس والله اشغال امهم حبيبتى ايش كام سؤالك بالضبط وانشاء الله كلنا انساعدوك فى موضوعك وموضع زهره
كلنا نهتموا بزهره ووام وسونه
زهره موضوعها بالنسبه للربط
فهمينا المشكله الى عنك زهره انتى حامل وفى الكم والربط ليش تبى اديريه يعنى شن المشكله من قالك عليه
زهره فهمينا المشكله عشان نساعدوك

[ام قصى محمد]

ميراس انشاء الله الورم ينقص وتتجاوبى للعلاج وترجعى لليبيا وديرى بازين وتعزمينا عليه فى ورفله الحره

[ام قصى محمد]

اعتدال امو عويضه وينكم
ام رويفيده بالنسبه لميرنا انشاء الله تنحل مشكله النت عندها وتدخل وتنور لنا التجمع من ثانى
عشوق والله شغلتينى عليك وينك حبيبتى طمنينا عليك وعلى الامور بنتك

[ام قصى محمد]

انا توا نطلع بس الى تخش لازم تهتم بموضوع زهره وام وسونه خلاص
قرار من مجلس للتجمع وطبعا بعد اذنك ميراس بماانك مديره المجلس

[زهرة2000]

السلام عليكم بنات كيف حالكم وشكرا لاهتمامكم
انا حامل شهرين وعندى توسع فى عنق الرحم سببه مش معروف ممكن يكون تشوه خلقى والله اعلم المهم لما يتقل الجنين يبدا الرحم يفتح ولو مادرتش ربط الجنين ينزل وهدا صار ماعيا فى اول بيبي نزل الجنينى فى الشهر الخامس انا درته فى حملى ببنتى بس تعبت تعبت منه وجبت فى التامن بس وقتها ربطت فى الخامس فتو ناويه بادن الله نربط بدرى فهدا بيش سالتكم ادا تعرفو حد ربط
فى الشهر الكم ربطت وهل تعبت ولالا وهل كانت تصبي وتطلع عادى او لا وامتى فكت الربط وامتى جابت قصدى الاساله هدى من وحده مجربه نبي نعرفه هههههههههههه وفى مستشفى ربطت وعندى منى
وشكر للاهتمام

[عيون زوجي]

السلام عليكم بنات كيف حالكم وشكرا لاهتمامكم
انا حامل شهرين وعندى توسع فى عنق الرحم سببه مش معروف ممكن يكون تشوه خلقى والله اعلم المهم لما يتقل الجنين يبدا الرحم يفتح ولو مادرتش ربط الجنين ينزل وهدا صار ماعيا فى اول بيبي نزل الجنينى فى الشهر الخامس انا درته فى حملى ببنتى بس تعبت تعبت منه وجبت فى التامن بس وقتها ربطت فى الخامس فتو ناويه بادن الله نربط بدرى فهدا بيش سالتكم ادا تعرفو حد ربط
فى الشهر الكم ربطت وهل تعبت ولالا وهل كانت تصبي وتطلع عادى او لا وامتى فكت الربط وامتى جابت قصدى الاساله هدى من وحده مجربه نبي نعرفه هههههههههههه وفى مستشفى ربطت وعندى منى
وشكر للاهتمام

اعتقد اني جاوبتك وانتي ما اهتميتي بردي وربي يسهلها اعليك

[زهرة2000]

اعتقد اني جاوبتك وانتي ما اهتميتي بردي وربي يسهلها اعليك انا قلتلكم شكرا لاهتمامكم بس انى كتب تفصيل لى حالتى عشان ام قصى قالتلى اكتبيى توضيح اكتر hwaml10

[زهرة2000]

زهره موضوعها بالنسبه للربط
فهمينا المشكله الى عنك زهره انتى حامل وفى الكم والربط ليش تبى اديريه يعنى شن المشكله من قالك عليه
زهره فهمينا المشكله عشان نساعدوك
كتبتلك قصتى ههههههههه

[ريم البراري]

يقين ,,,,, أم عويضة ,,,,,, عيون زوجي ,,,,,,, شكرا جزيلا على الردود والنصيحة وربي يجبر بخواطركم

زهرة اختي انتي مجربة وقعدة تسألي! حبيبتي ماتوجعي راسك بحالة أوتجربة غيرك لانك انت مجربة شخصيا ولان الناس تختلف عن بعض فالشي الوحيد المهم بالنسبة ليك هو هل يمكن الربط في الشهر الثاني أولا؟ وهذا الافضل انك تسألي دكتورة وممكن عن طريق النت فيه منتدى الدكتورة زينب ابوطالب دكتورة سعودية جدا ممتازة والله ولي التوفيق

[عيون زوجي]

انا قلتلكم شكرا لاهتمامكم بس انى كتب تفصيل لى حالتى عشان ام قصى قالتلى اكتبيى توضيح اكتر hwaml10
انا ما زعلت بس حبيت اوضحلك اننا مهتمين بيك يا احبيبه ويارب يسخرلك يلي فيه الخير

[زهرة2000]

زهرة اختي انتي مجربة وقعدة تسألي! حبيبتي ماتوجعي راسك بحالة أوتجربة غيرك لانك انت مجربة شخصيا ولان الناس تختلف عن بعض فالشي الوحيد المهم بالنسبة ليك هو هل يمكن الربط في الشهر الثاني أولا؟ وهذا الافضل انك تسألي دكتورة وممكن عن طريق النت فيه منتدى الدكتورة زينب ابوطالب دكتورة سعودية جدا ممتازة والله ولي التوفيق


بالعكس لما تسمعى تجارب ناس ترتفع ماعنوياتك وتتفائلى خير لان انا فى ربطى كنت طول الحمل فى السرير بس حبيت نسال لو وحده دايرته بس
وبما ان انت تقولى كل الناس تختلف ليش سالتلى ع نزول الدم يعنى هدى حالتك خاصه بيك بس انت سالتلى لو وحده صارلها متلك ولو من الافضل نسال دكتورة ليش ماسالتيش انت دكتورة بس انت سالتى عشان التجارب وانا سالت دكتورة وقالتلى لو ربطتى فى البدايه يكون اريح وانا سالت من باب الهدرزة والمساعده
وانا ماتحسستش منك بس مافهمتش وجهة ونظرك وشكرا لكى حبيبتى

[يقين]

السلام عليكم

[زهرة2000]

شكرا عيون تعرفى انا متابعه المنتدى من الصفحه 20 وربي ماسخرش نشترك الا تو فانا نعرفك واجد ونحب نقرا مشركتك حتى لما اشتركت اول وحده حبيت نسلم عليها انت انت حمودى وسار ة

[ريم البراري]

سامحيني ,,,,,آسفة ,,,,,very sorry ,,,,, معادش انعاودها !!!! غير ماتجيبيش عصا اوخيتي

[يقين]

ريم ههههه العفو خيرك وخيتي مني اللي يهدد فيك قوليلي عليه بس

[يقين]

زهره علاش معصبه حبيبتي

[زهرة2000]

سامحيني ,,,,,آسفة ,,,,,very sorry ,,,,, معادش انعاودها !!!! غير ماتجيبيش عصا اوخيتي
ماتتاسفيش عادى بس انا وضحت تناقض كلامك عادى انت عليش زعلتى hwaml20شنو رايك مش عصا سلاح ههههههههههههههههههههههههه

[يقين]

ريم عارفه اني قاعده في الشقه بروحي فروتي راقده وبوها مهناكش واني علي هالحال كل يوم والله لين نبكي مرات من القعاد بروحي وقله الطلوع تعرفي راجلي دييييييييييييييييييييييييييييييييمه قرايه واليوم اهو طالع من 9 للمطار بيستقبل عمه ومراته وصغاره اهو الي توا ما جي الله غالب حتي حد ما نعرف سعدودك بتروحي بتشوفي اهلك

[أم عويضة]

اعتدال امو عويضه وينكم
ام رويفيده بالنسبه لميرنا انشاء الله تنحل مشكله النت عندها وتدخل وتنور لنا التجمع من ثانى
عشوق والله شغلتينى عليك وينك حبيبتى طمنينا عليك وعلى الامور بنتك
السلام عليكم
سلمك نشادة ياأم قصي أنا قاعدة بس شكلي لابسة طاقية الأخفاء وhwaml7ما فيش حد يشوف فيا هههههههههههه

[أم عويضة]

السلام عليكم
وعليك السلام ورحمة الله وبركاته

[أم عويضة]

اندير برمة ع الفيس وانجي بالك( بعدها ايشوفني حد
) اتشوفني وحدة منكن اسم الله علينا

[يقين]

ام عويضه اني نشبح فيك كيف حالك وحال عويضه ان شالله كويسين

[يقين]

اني طالعه نحس في روحي بننفجر من الكساد ياربييييييييييي امتي انروح لا هلي بس اف اف اف

[عيون زوجي]

شكرا عيون تعرفى انا متابعه المنتدى من الصفحه 20 وربي ماسخرش نشترك الا تو فانا نعرفك واجد ونحب نقرا مشركتك حتى لما اشتركت اول وحده حبيت نسلم عليها انت انت حمودى وسار ة
حتى انا من باب الحب عاتبتك نبيك تكلميني وتخصيني بالسلام لاني بجد حبيتها منك لما سئلتي اعليا مع اني ما نعرف اعليك شي تقريبا
بس طلعتي ماشاءالله خير مني وتعرفي اعليا كل شي
شوفي يا غاليه ويا احبيبه اول شي ان شاءالله ربي يعزك ويعز مقدارك
تاني شي يارب ويارب يسخرلك الحال ويرزقك بوليد قنين وحلو
وتغنيلها بيك جبر وبيك جبر وان شاءالله وليدي يكبر ويعدي يحارب في البر ويجيب الحمل اللي يكر
وثالت شي حبيتك من هالموقف ونبي نتعرف اعليك اكتر؟

[عيون زوجي]

ام عويضة ماشاءالله انتي منورة وباينه زي الشمس .......
تكفي صورة عويضة باش تخليك ضاويه ماشاءالله اعليك واعليه.....

[أم عويضة]

ام عويضه اني نشبح فيك كيف حالك وحال عويضه ان شالله كويسين
سلم عويناتك يارب
الله ايسلمك وينجيك الحمد لله
وانت شن اخبار بنيتك ؟؟وشن أخبار اهلك وين قاعدين توا انت قلتي طلعوا من بني وليد

[أم عويضة]

اني طالعه نحس في روحي بننفجر من الكساد ياربييييييييييي امتي انروح لا هلي بس اف اف اف
وينك يقيييييييييييييييييييييييييييييييييييييين قاعدة وإلا لا
مازال الكساد ساكن عندك والا مشي لتركينة اخرى

[أم عويضة]

ام عويضة ماشاءالله انتي منورة وباينه زي الشمس .......
تكفي صورة عويضة باش تخليك ضاويه ماشاءالله اعليك واعليه.....
الله ايسلمك انت اللي منورة وبارك الله فيك
كم لك في المانيا ياعيون واجد والا شوية ؟
وكم عندك من اولاد وكم عمارهم شوية قصقصة

[أم عويضة]

السلام عليكم

[أم عويضة]

ان شاء الله لابأس عليكن يابنات وينكن
ان شاء الله ايكون المانع خير

[أم عويضة]

والا لاقيات تريكينة ثانية اتهدرزوا فيها
أم قصي ميراس يقين عيون ريم زهرة أم وسونة أعتدال
باهي قولوا لي وين قاعدين هذي
(وحدة لصقة ملتبي اتخطاكم )بكل

[زهرة2000]

خيرت ياحلوين
اهلين ام عويضه كيف حالك وحال عويلتك
عيون ربي يسمع منك امين اجمعين قوليلى شن تبي تعرفى بيش نقولك ههههههههه

[ميراس]

السلام عليكم ورحمة الله وبركاته

[ميراس]

ام عويضة والله العظيم الا بعتلك من وين انا وزوجى وشوية تفاصيل بالك نعرفوا بعضنا لكن مش عارفة كيف تبعتوا عالخاص مع انى درت اقتباس للتحية امتعك بيش مانكتبش هلبا وكملت الباقى ودرت رد للرسالة لكن شكلها الارسال منجحش قوليلى كيف بيش انعاودلك

[ميراس]

ام عويضة طلعتى