تجمع حوامل ليبيا

[نسرينا]

بوسي / اني بخير والحمد لله

طرابلسية / مرحب بيك آنستينا ، ربي يسهلك الحال وتجيبي على خير

.

[طرابلسيه]

يعني 4مرات في الشهر الجهاز،كل من تسمع بيا تقوللي مش كويس هكي هذه الدكتوره تستغل فيك لانك بكريه(ربي يهديها) اه نسيت نقوللكم اني الخامس بإذن الله
و ربي يستر..
هيا توا دوركم قصقصوني..
وبالله عندي سؤال:من جابت طبيعي في وحده من عيادات او مصحات طرابلس؟فيه نساوين خوفوني من الولاده في العيادات او المصحات الخاصه قالولي يخشولك ولاده بالعمليه طول على خاطر اغلى..الحمد لله مش مشكله الفلوس بس خايفه يقولوا تعب العمليه اكتر من الطبيعي :-( طمنوني ربي يطمنكم

[طرابلسيه]

الله يآنسك نسرينا ربي يسلمك،،
وسامحوني يابنات عالتأخر في الكتابه،لاني نكتب بالموبايل مش الكمبيوتر

[نسرينا]

مرحب / طرابلسية

لو عالجهاز مش لازم تمشي كل موعد يكفي مرة فالشهر لو انك ما تحسي في شيء على قولتك استغلال وخلاص ... او راجعي في مستشفى عام او مستوصف ومافيش فرق راهوا
بالنسبة للعيادات والمستشفيات والله ماعاد تعرفي
اللي يقولك عيادة اضمن واللي يقولك مستشفى عام احسن ، بس الحق المستشفيات يخوفوا وديما ما عندناش سرير
ومشكلة العيادات العملية من اول ما تخشي ايديرولك عملية ، بس يحكوا على مستشفى الخضراء التشاركي طبعا يحكوا عليه كويس بالمرة ..

وربي يسهل ويوقفلك اولاد وبنات الحلال

.

[ميرنا]

صباح الخير يابنات

بوسى ايش الاخبار وكيف حال ابنيتك
نسرين ايش اخبار لكلوميد كملتى ولامازال انشالله تبويضك يطلع اكويس وترتحى

حبل الوصل ايش اخبارك ما فيش اى شعور بلحمل

طرابلسية انستينا ونورتى التجمع

[poucie]

اهلاً باختنا الطرابلسية باهي والله ما قصرتي عطيتي جميع معلوماتك من غير ما نقصقصوك هههههههههههه لانه احنا بصراحة انحب القصقصة هههههههه لاكن نسيتي تقولينا انتي في اي شهر وانشاء الله ربي يتمم حملك على خير سامحيني انكان تبردت عليك

[poucie]

خير ميرنا شخبارك انتي انشاء الله كويسة
الطرابلسية سامحيني تاريتك كاتبه انتي في اي شهر غير انا ما كملتش قراية الصفحة المهم بالنسبة للجهاز هو ماليشي تأتير على البيبي بإذن الله لاكن في النفس الوقت ما يندارش كل إسبوع إلا لو فيه لا سمح الله مشكلة بعيد السوء عليك بس هي الله يسامحها يبوك اديري كل إسبوع باش غير تستغلك واهو زيادة ارباح بالنسبة ليهم المهم انا ولادتي كانت في مستشفى الخضراء بصراحة قمة في النظافة والعناية الفائقة مع اني والدة بالعملية صح مكلف شوية بس الواحد في سبيل راحته وعنايته ما يهموش الفلوس اني جبت بالعملية لانه كانت عندي مشكله في المشيمة كان عندي تكلس في المشيمة وعنق الرحم ما باش يزيد يفتح عن 1.5 سم لهذا السبب ولدوني بالعملية وفيه هلبة كانوا جايبات طبيعي يعني مش استغلال والا حاجة على حسب وضعك ووضع البيبي يقررو لو كان طبيعي او بالعملية وانشاء الله انتي تكون ولادتك طبيعية وتنضوني بالسلامة انشاء الله عارفة انفختلك راسك هههههههههههه

[نسرينا]

مراحب ميرنا
اني كملت الكلوميد ، وليا اسبوع مكملاته لكن الدكتورة اعطتني موعد يوم الخميس ،
مش عارفة حاسة الموعد متأخر هلبة ، لاني شفت حبل الوصل اول ما كملت الكلوميد ثاني يوم مشت دارت الجهاز وتابعت التبويض .

يستر الله اني قاعدة نستنى في يوم الخميس .

[poucie]

انشاء الله خير يا نسرينا وشن مازال على يوم الخميس غير انتي شكله ماعندكش صبر الله يطمنك انشاء الله ويرزقك الشهر هذا بالحمل يا رب العالمين

[ميرنا]

يا بنات اسمعن اخر اخبارى طبعا بكره موعد الدورة وان شالله ماتجيش الا بعد تسعة شهور

امبارح طق باب الشقة تقريبا الساعة التاسعة ليلا فتحت لقيت اخت زوجى متزوجة لها سنة وما حملتش فقلت لها تفضلى بحرارة خشى تعشى معنا قالت لا اريد اخوى فى موضوع خاص خرج معها زوجى ونزل على حوش اهله فوجد اخواته متجمعت فقال وحدة منهن انها كانت عند شيخ وبقى يقراء على بدات اصارخ واقول ان اخوى الذى هو زوجى انه مسحور حتى لايتزوج وينجب اولاد وطلبو منه ان يتزوج بحجة انه كبير والعمر يجرى وكلام من هذا الكلام

بس قولن لى من سحرته ؟ اتصدقن يا بنات انا التى سحرته علشن ما يتزوج على

دخل على زوجى وسالته كانهن خواتك قالى وهو يضحك انتى سحرتينى علشن ما نتزوجش عليك

ياخواتى طارت فى سماء ربى من قهرتى على روحى هذا لى نقصنى انى نبقى سحرة عقب عمرى تخيلو حالتى بعد هذا الكلام حسبى الله ونعم الوكيل

قلت له بكره اجوز وفكنى من هذه القصة بس شرطى الوحيد انا نختارلك البنت لتى تاخذها موش هن

[COLOR="Red"]ايش اندير بدا زوجى يصبر فى ويقولى شوفى هذا شعور اى اخت مشغولة على اخوها بس اخطاءن فى طريقة التى يبلغنى فيها بضرورةالزواج [/
COLOR

[poucie]

لا حول ولا قوة إلا بالله اختي ميرنا ربي يصبرك انشاء الله ويرزقك بالذريه الصالحة وماتشوفي الدورة 9 شهور بس انقولك حاجة ما تعدليش عليهم وعيشي حياتك باش تقهريرهم المهم راجلك معاك وهو عارفك وفي البداية والنهاية هاذي حاجة ربي وامته ما ربي يسخرلك الحال بس انتي ماعليك الا بالدعاء ومن ناحيتي انا والله ندعيلك من كل قلبي ان الله يرزقك بالذرية الصالحة ويقر عينك بظناك يا رب العالمين انك على كل شيئ قدير

[نسرينا]

لا حول ولاقوة الا بالله

الله يكون في عونك يا حبيبة والله شيء يقهر ويكدر

يعني الواحد ناقص ، هو صح زي ما قلتي ممكن خايفين على خوهم بس التعبير والطريقة غلط وحتى حرام ..

ربي يجعل كيدهم في نحرهم و يجعل سوهم في دوهم

وفي مثل امي تقول فيه " طويرة في عشها ، يطش من يطشها "

ربي يا ميرنا يفرح قلبك وربي يرزقك بجاه هالصبح وتسكتيهم كلهم والله انقهرت عليك ،

ولا تختاريله ولا يختارك ربي يدوم عليك راجلك وبيتك ويعمر عليك ،

هللللبه ناس قاعدوا سنين سنين وزي ما قلتلك اخت مرت خوي والله 8 سنوات عالجت ودارت عمليات ومافاد شيء ، لين مشت حجمت هي وراجلها حجامة خاصو بالحمل .
بس فوضي امرك لربي وادعي ادعي يا ميرنا واستغفري بكثرررررررررررة وتصدقي بنية الحمل .

[ميرنا]

شوفن يابنات انا السنة الماضية قالى نبى نتزوجة والله والله والله حاجة وحدة دراتها انى بكيت فى مكانى وقتله هذه اخرتها وعديت لحوش خوتى وطلبت اطلاق لكن مابش يطلاق بحكم انى يتيمة وما عنديش هل ووفقت على انى ارجع بس بشرط شقتى ابروحى وجيت ووقعت له وخطب وحدة مطلقة ولكن بسبب انها لم تنجب عند زوجها السبق ساله ما سبب عدم انجابك من زوجك السابق قالت يعطى فى فى حبوب منع الحمل ذهب الى زوجها السابق قال له هذا الكلام مستحيل وعليش نعطى فيها فى منع حمل فا خاف زوجى على طول تركها مع العلم ان ناس كلهم يشكرو فيها والله اعلم بس بينى وبينكن انا طرت من الفرحة وانتهاء موضوع الزواج ولكن البارح خوات راجالى ما لقن عليش ايكسدن شفونى متريحة ومنسجمة حسدنى عليها حسبى الله ونعم الوكيل

[poucie]

ما تعدليش انتي ليش تحرقي في دمك هم هذا اللي يبوه يبو غير ينكدو عليك وخلاص

[نسرينا]

ربي كريم ، وماتيأسيش من رحمة ربي ، مرات اللي صار فيه خيرة وربي بيعوض صبرك خير

.

[نسرينا]

يابنات الباين ان الغالية حبل الوصل

حااااااااااااااااااااااامل

http://forum.hwaml.com/t30769.html (http://forum.hwaml.com/t30769.html)


يارب يا حبل الوصل تكوني حامل يارب وتكون فاتحة خير على الجميع

.

[ღॐ آية ღॐ]

يارب يا مستجيب الدعاء تكوني حامل يا ميرنا
وتشوفي ضناك وتفرحي زوجك ياااااااااااااااارب
بنسبه لحمواتك مع احترآمي ليهم ((العقارب))
هادم فاضين ومدوريش كلامهم ربي ياخد فيهم الحقhwaml15
الي تخاف على خوها تبي راحته وهما شكلهم بلعكس يبو ينكدو عليه وعليك
حسبي الله ونعم الوكيل فيهمhwaml4
ربي يرزقك يا ميرنا ياااااااااااااارب باش معادش تكون عندهم سبله
اللهم اميييييييييييييين..

[ام روفيدة]

السلام عليكم كيف حالكم اليوم اختي الغالية ميرنا ربي يفتح عليك ويكفيك شر الحماوات وكل الحساد ويباعد عنك الضرة وموالها اللهم امين وعليك بالاستغفارفي كل وقت وما تيأسيش من رحمة ربي وبالنسبة لموضوع زواج راجلك عليك بالدعاء ربي يبعد عنك الضرة والله الرجالة كلهم على نفس الموال يبو يتزوجو حتى اني راجلي ديمة يقولي نبي نتزوج وبجديات مش بصارة حتى بعد ما جبت ولدي باش تعرفي إن عدم الانجاب مش سبب لزواج الراجل على مرته يعني كلنا مهددين بالضرة الله لا يكتبها علينا وعليك بالدعا الدعاء الدعاء وخاصة في جوف الليل وربي يعطيك السعادة والهناء في الدنيا والاخرة على قد صبرك يا غالية اللهم امين

[ليبياقلبي]

نسرينا الف شكر ليك علا ترحيبك بس انا توا خشيت السادس وامس مشيت الدكتور والخمد لله وضع البيبي كويس بس ماقالي شنو بس نبي نسال عن الحركة كيف تكون لانانحس بي شي بس منعرفيش كيف وشن هي الحازوقة معرفتهيش بكل وانا الدكتور عطاني لبوس مهبلي علشان الافرارزات بس اعطاني مرهم اسمه canastineبس الصيدلاني بدله بي كلوتو ايمازول وانا قريت في النشرة المرفقة انو تبتعد عليه الحامل ديرت منا امس في ليل بس فابنوقف عليه هو علشان الحكة منو عندها خبرة تفيدني
واختي تيمو ليبيا الله يبارك فيك وشن وصلوا اماليك
واختي لولي الف شكر ليك

[ميمونة]

السلام عليكم كيف حالكم

ميرنا قريت قصتك وتاثرت هلبه لاحول ولا قوة الا بالله انا بصراحه مش مجربه الحماوات هم 7 اولاد وماعندهم بنات ربي يهديهم وصبري بالك وادعي ربي ياخد الحق

انا راجلي الحمدلله مقتنع بس عزوزتي ديما تتكلم علي الحمل والله الواحد يتمني يحمل وتوا سكرت سنه علي زواجي وقاعده ماحملتش بس والله انا خاطري نحمل نفرح اهلي واهله

[ميمونة]

ليبا قلبي اهلا وسهلا فيك نورتي يارب اتممي حملك علي خير

[ميمونة]

شن حالك معراج شن صار في الكلوميد انتي وميرنا وحبل الوصل يارب تطلعوا حوامل هالشهر خلي نحمل انا بعدكم

نسرينا وصابره طرابلسيه وام اسيل كيف حالكم

الشهر الجاي موعدي عند الزروق وانشاءالله خير

[طرابلسيه]

نسرينا
بوسي
ميرنا
ميمونه
شكرا لترحيبكم بيا وربي يفرحكم زي مافرحتوني..
وميرنا ماتغشيش روحك ربي موجود وانتي قلتي كلمه قويه حتغلبيهم بيها بإذن الواحد الأحد احسن شي انك قلتي حسبي الله ونعم الوكيل واللي وكيله الله عمره مايخيب..
ياربي ماتشوفي الدوره الا بعد 9 شهور يااااارب
:
وعادي يا بوسي وياكل البنات قصقصوا زي ماتبوا ;-) خودوا راحتكم وان شاء الله ربي يقدرني ونفيدكم زي مافدتوني مع اني بكريه وماعنديش خبره في الحمل بس حندعيلكم من قلبي ربي يسهللكم فحياتكم

[طرابلسيه]

سؤال:
حقا قالوا مانقدرش نفتح ملف بعد السابع؟نقصد في مستشفى عام زي الخضرا او الجلاء

[ام خطاب3]

انا بالاسبوع الخامس ولا احس باي وحم هل هذا طبيعي

[ليبياقلبي]

ربي يسهل عالجميع واختي ميرنا تاترت بقصتك بس ياربي تكوني حامل وربي معاك
اختي كربلسية اهلا بيك وربي يتمم حملك بخير وتحياتي للكل وارجوكم ردوا عليا علا سوالي لي في الصفحة السابقة وهلا بي اختي ميمونةة

[ميمونة]

عيون الف مبروك والحمدلله علي سلامتك وسلامة وليدك انشاءالله توا بخير

غير قولي شن سميته وماتهربيش بالزرده

[ليبياقلبي]

نسرينا الف شكر ليك علا ترحيبك بس انا توا خشيت السادس وامس مشيت الدكتور والخمد لله وضع البيبي كويس بس ماقالي شنو بس نبي نسال عن الحركة كيف تكون لانانحس بي شي بس منعرفيش كيف وشن هي الحازوقة معرفتهيش بكل وانا الدكتور عطاني لبوس مهبلي علشان الافرارزات بس اعطاني مرهم اسمه canastineبس الصيدلاني بدله بي كلوتو ايمازول وانا قريت في النشرة المرفقة انو تبتعد عليه الحامل ديرت منا امس في ليل بس فابنوقف عليه هو علشان الحكة منو عندها خبرة تفيدني
واختي تيمو ليبيا الله يبارك فيك وشن وصلوا اماليك
واختي لولي الف شكر ليك

[تيمو ليبيا]

وصلو ليبيا قلبي سلمك نشاده ياربي وفرحانه بيهم قريب نطير ربي يحفظهملي وبنسبه للحركه مرات انتي مش منتبهتلها راهي هيا زي ليه في بطن في اول وفي سادس تحسي بيها ومتفكريش فيها هلبه المهم ان وضع بيبي كويس خلاص وطرابلسيه انستينا وتشرفنا بمعرفتك وربي ينوضك بسلامه يارب

[تيمو ليبيا]

طرابلسيه في عيادة الفتح ال في تاجورا فيها دكتوره اسمها امنه قرينات بصراحه من اشطر واحسن دكتورات ننصحك بيها فضيعه مرت خوي كانت دكتورتها ومرت خوي دكتوره عندها خبره قالت نشفتش دكتوره بشطرتها ويبنات ننصحكم بشرب المرميه والهي كويسه وتنظف رحم وهلبه حملوبيها جربو انتو مش حتخسرو شي وانشالله تحملو كلكم في شهر واحد يارب وحتي في نفس ليله ههههههههههه

[لولى2010]

تيمو ااحمد لله ع سلامتهم وتو وتى روحك للولاده بنتك كانت مستنيه هلك وتو وصلو فيش ترجى هههههههههههههههبكرى نلاقيك جايبه
ليبيا قلبي انا كنت نستعمل فى غسول عادى بس انت ليش شنى عندك بضبط والحركه تو تحسي بيها بس اشربي عصير وافردى رجليك حتحسيها اكيد
نسرينا ربي يفرحك بالحمل انت وكل البنات وميمونه
ميرنا ان شاء حامل عن قريب يارب وتفتكى من الدوة

[ميمونة]

لولي شن حالك ووين هالغيبيه

[ميمونة]

ياربي وينكم كلكم غاطسين
هههههههههههههههههههه

بالك عيون دارت لمتها ونستني

[ليبياقلبي]

اختي تيمو الف الحمد لله علا سلامتهم والله يتمم فرحتك بي بنيتك وحلو اسم رفيف بس انت شن ديري في ماليزيا شغل ولادراسة
وحبيتي ميمونة الله يرزقك بالدرية الصالحة يارب الشهر هدا
ولولي انا عندي افرازت وعندي حكة ودكتوري عطاني مرهم للحكة من الخارج وعطاني لبوس مهبلي من الداخل ولي قلتي عليها جربتها متاع نشرب عصير بس محسيتششي والله تنمى نحط يدي نحس حركة المهم الف شكر ليك

[تيمو ليبيا]

لولي سلمك يارب والهي في اعراض قويه وتجيني ليه قويه موت بس يهرب الوجع وعرفت علاش يهرب ماما لقتني نشرب في مسقع هلبه تعرفي انتي نو ال اهني قتلي الحاجه البارده تبرد الوجع وليبيا قلبي والهي راجلي ال يحضر في ماستر اهني واني مقعمزتله في حوش دابه هو بس والحكه حتي اني هبلتني من السادس ونديرلها في ملح وميا دافيا حمدالله تهفت عليا هلبه وندهن بزيت الزيتون

[ليبياقلبي]

شكرا تيمو وربي يوفقه بس قوللي انت اول بيبي ولالالا
وبالنسبة لسوال اخر كيف ندير لصدري قالولي دلكيه بزيت الزيتون معرفتيش

[ميمونة]

ياسلام انا نطلع منها

[لولى2010]

ميمونه يارب تحملى الشهر هدا وتجيبي توم
ليبيا قلبي و شنى اسمها التحاميل والمرهم
تيمو كم قاعدين هلك عندك
سورينام ضحكتينى حتى انا ماما ديما تسال عليكم تقولى شنى حالهم صحباتك الى فى النت

[لولى2010]

ليبيا قلبي صدرك دلكى بزيت زيتون او مرهم مخصوص فى الصيداليه عشان تطلع الحلمه بره وما تتشققش وتعبك

[ميمونة]

صبـــــــــــــــــــــــاخ الخير علي الموجود والغير موجود صباحكم نور وفرح وسرور

[ام ريحان]

صباح الخير

[ام ريحان]

ميمونه كيف الحال

[poucie]

صباح الخير يا بنات شخباركم اليوم،،،،
تيمو
الف حمد الله على سلامت اهلك وربي ينوضك بالسلامة انشاء الله وتشبحي بنيت وتفرحي بيها انشاء الله
طرابلسية
كيف حالك اليوم انشاء الله كويسة اسمعي بالنسبة لمستشفى الخضراء الولادة فيه من غير ما تفتحي ملف لما يجيك الوجع تمشي لو لقوك حالة ولادة يديرولك دخول لانه خاص مش عام زي زمان اما بالنسبة للمستشفيات العامة فوالله ما نعرف لاكن انا ننصحك بالخضراء وانتي وراحتك لاني انا مجربته وربي يتمملك حملك على الخير انشاء الله.

[poucie]

صباح النور ام ريحان كيف حالك اليوم

[ميمونة]

هلا والله ام ريحان كيف حالك
عرفيني عليك ومن وين في طرابلس انا من طرابلس وليا سنه متزوجه ماحملتش

[ميمونة]

بوسي صباح الخيرات كيف حالك

[poucie]

الحمد الله كيف حالك انتي ميمونة انشاء اللله بخير حتى انا من طرابلس

[ميمونة]

ياهلا وسهلا بيك

انا في حوش اهلي نسكن بن عاشور اما حوشي في المدينه

وانتي وين

[ميمونة]

خشوا علي هارابط وشوفوا واو الناموس كيف منطقه تجنن

http://forum.hwaml.com/t30900.html

[ميمونة]

انا توا ماشيه للمدرسه

سلام ونتلاقوا يوم الثلاتاء الجاي لما انجئ لحوش اهلي لاني ماعنديش النت

في امان الله

[نسرينا]

صباح الخير صباح الخير

كيف حالكم كلكم

تيمو ليبيا الحمد لله على سلامة اماليك وربي يونسكم ببعض وتكمل فرحتك ببنيتك سلميلي عليهم كلهم ، والله بنفقدك قبل ديما معاي فترة الصبح ، معليش اللي لقي احبابه نسي صحابه ههههههه

ليبيا قلبي / بالنسبة للحركة والله ما نعرف لكن ديري زي ما قالولك ارقدي على ظهرك فترة طويل " والا نقولك هادي شكلها بنت وبتجيك تنبالة وبايرة ما تحبش الحركة ههههههههههههههههه
وبالنسبة للحازوقة هي الشاهيقة عندنا

والحكة قالولك دير امية دافية وملح وادهني بزيت الزيتون

منو مازال ؟؟؟ ميمونة عالجتي او خديتي علاج ؟

.

[ام ريحان]

نسرينا كيف حالك

[نسرينا]

مراحب ام ريحان

كيف احوالك ؟

[نسرينا]

ليبيا قلبي / شوفي شنو جبتلك

علامات تساعد على الاحساس بالجنين
(http://www.mzaeen.net/upfiles/6Ie30935.jpg)
الجنين عندما يضع ربنا سبحانه و تعالى فيه الروح عندما يمكن ان يتحرك الجنين و تحسى بالحركه ويكون هذا عادة فى الاسبوع 20من الحمل او فى الشهر الخامس من الحمل وتختلف كل واحده عن الاخرى من حيث اول الخامس او اخره وايضا
هناك عوامل تختلف من امرأه الى اخرى تساعد على الاحساس بحركه الجنين وهى

1- حجم الجنين
اذا كان حجمه كبير تكون الحركه اوضح
-----------------------

2- اتساع الحوض عند الام

اذا كان عضام الحوض واسعه لن تحسى بالحركه بسهوله
لصغر حجم البيبى بالنسبه للمكان

-------------------------------
3- طبيبعه البيى نفسه

و هى تختلف من بيبى لاخر
من حيث شده الحركات و قوتها و لا ضعيفه و بسيطه
--------------------------------------
4-الوقت الملائم للاحساس بحركه البيبى

يوجد اوقات خاصه يكون فيها الاحساس بحركه البيبى واضحه
منهاا

* بعد الطعام مباشره http://forum.hwaml.com/imgcache2/hwaml.com_1286968974_146.gif
----------------------
عندما تنتهين من وجبه الغذاء مثلاا
و مع الجلوس فتره طويله و ضفط المعده على الجنين و هى ممتلئه بالطعام
بمجرد قيامك و فرد ظهرك بالنوم على السرير او حتى الوقوف باعتدال
تحسى بحركه الجنين سريعه و مباشره

فرحان انه اتحرر من الضغط عليه http://forum.hwaml.com/imgcache2/hwaml.com_1286968974_146.gif

* عند اداء الاعمال المنزليه المجهده
------------------------------------------

مع كثره الحركه و المجهود يحس الجنين بالاهراق مثلك تماما
فبمجرد ان تسترحى فى السرير بعد مجهود شاق و نتعب و تستلقى على ظهرك
يبدا الجنين فى الحركه و اللعب http://forum.hwaml.com/imgcache2/hwaml.com_1286968974_146.gif


* عند النوم على جنبك
------------------------

فى اوقات كثيره عندما تطول مده نومك على احد جانبيك و فجاءه تعودى الى الاستلقاء على ظهرك
تلاحظى حركه الجنين
كانه يحمد الله على عودته الى و ضعه الطبيعى http://forum.hwaml.com/imgcache2/hwaml.com_1286968974_558.gif

اول ما تجربيها وتحسي بحركته ، امانة تدعيلي

.

[ام ريحان]

تشتغلى يا نسرينا والا مقعمزه فى الحوش

[ام روفيدة]

السلام عليكم كيف حالكم اليوم

[ام روفيدة]

ميرنا وينك خشي هدرزي وفضفضي وسعي خاطرك وخاطرنا بالهدرزة وجوك الحلو زي زمان هيا وينك هالكساد

[ام اسيل]

السلام عليكم
كيف حالكم كلكم
حبل الوصل
ميرنا وينكن نرجا شن صار عندكن

[ميرنا]

السلام عليكم يا اعز صديقات فى الدنيا اليوم كان موعد الدورة وما جتش وانشالله ماتجى الابوليد يصرخ فى هذا التجمع نين يقلب روسكن وتقعدن اتعيطن منه وتقولن تعالى فكينا من اوليدك ذهب شيرتنا لانى ما نبيش انربيه اكويس نبى انربيه تربيت شوارع علشن ياخذ لى حقى ويمسح كبدى قولن امييييين
ان شالله بكرة اندير تحليل حمل ونبشركن يارب يارب هذه المرة بس يارب استجب دعائى

[راجيه فرج ربها]

ان شاء الله ياميرنا ربي يجبر خواطرنا كلنا

كيف حالكن يابنات مالحقت انخش نقرا الكل المهم اطمنت على عيون مبروك المزيود اجعله يارب من عبادك الصالحين ومبروك ياساره الخوي وعقبالكن كلكن يابنات ان شاء الله نرد بعد فتره بسيطه نقرا لكن ونرد عليكن ردي بالك من خويك ياساره وامك فاتحه فمها عالنتhttp://forum.hwaml.com/imgcache2/hwaml.com_1286986996_310.jpg

[تيمو ليبيا]

مساء الخير يابنات كيف حالكم انشالله تكونو بخير ونعمه لولي كيف حالك انتي وبنوتك الحلوه اماليا بيقعدو شهر انشالله وممكن ايزيدو نسريينا لاحتي اني نتونس بيك الصبح بس توا جري وسكات بوسي تسلمي حبيبتي وليبيا قلبي جربتي ميا دافيه وملح ودهنتي بزيت طمنيني ومتفكريش فيها الحركة البيبي هلبه ياما جايك من سحن

[راجيه فرج ربها]

وانت يام ساره تشوفي فيها بروحك ساره مدخله صبعها في فم خوها ردي بالك منها وانت مقعمزه عالنت شورا ماعندنا سيره غير ساره وامها

[تيمو ليبيا]

اني صايرلي احباط يوم منحكيلكمش كان عندي موعد يوم ودكتورتي محددتلي موعد ل جيابي ممكن يوم مشيت واني عندي امل اتقولي رحم مفتوح حتي سانتي دارتلي كشف شوفت موت طبعا يا اني مببيا وهيا ضريفه مسكينه شدتلها ايدها قريب طربقتهالها قتلي رحم مسكر متصمر تصمير وبنتي لوطه واتيه مش قادره كيف تطلع قتلي تعاليلي غدوه انديرلك وجع صناعي لان هما يخافو ان بيبي وزن يزيد يكبر وياتر علي ولاده قتلها اعطيني فرصه انجيب طبيعي حتي 4 ايام قالت غير تعبي في روحك ورزن وخلاص راجلي معاي قالي شاوري امك وشوفي شني ال صح فكرت بيني وبين نفسي مدام متصمر متصمر خلي نمشي غدوه وديرهولي وماما شجعتني قتلي توكلي علي ربي وبري خير مابنتك تنخنق ولا نبضها يضعف وصناعي وطبيعي واحد وراجلي ياروحي عنده متحانات نهائيه سبوع جاي قتله نمشو غدوه وال ردايده ربي يصير كتبت هلبه والهي من غلاوتكم انحب نهدرزلكم كل شي

[عيون زوجي]

السلام عليكم ورحمة الله
استاحشتكم يا اعز الناس واطيب صحبه...
ميرنا ...يارب العالمين يا مجيب الدعوات ويا عاطي وياوهاب ارزق اختي ميرنا في هالشهر الكريم بالحمل الثابت السليم والطفل السليم المعافى
ويارب ماتحرم مؤمنه من الذرية الصالحه
وارزق اخواتي ميمونه وراجية وام اسيل وحبل الوصل وام ريحانه واميسر وسمحه بالذرية الصالحه وما تقطع لهم خلف يارب

[عيون زوجي]

تيمو ليبيا...مداما البيبي نازل في الحوض توكلي على الرحمن وصلي استخارة وبري لاش التاجيل

[ღॐ آية ღॐ]

عيون نورتي والله
كيف حالك ان شاء الله باهيه؟
طمنيني على حمودي معاك في الحوش؟؟
يااااااااارب روحتي بيه

[ღॐ آية ღॐ]

تيمو ليبيا توكلي على ربي وامشي
وان شاء الله تولدي بسلامة وتنوضي انتي وولدك بخير ياااااااااارب

[ღॐ آية ღॐ]

ميرنا يارب تخشي اتبشرينا ياااااااااااارب
والله ندعيلك من قلبي في كل صلاة
ربي يرزقك بدرية الصالحة.

[ام لقمان]

نورت المنتدى اختى اعيون
كيف حال الامور الى شغل الجميع انشالله بخير

[ام لقمان]

تيمو ليبيا توكلى على ربى وامشى وما تنسيش تقرى سورةالانشقاق من البداية الى والقت ما فيها وتخلت راهى رائعه

[لولى2010]

تيمو توكلى ع الله وعدى وربي معاك شنى شريت للبيبي انا زوجى لما كنت حامل مشى كورس اسبوع وجابلى دبش والكروسه والكرسي والسرير من غادى فى محل فى klcc

[ام لقمان]

آيه كيف الحال انشالله بخيييير؟

[لولى2010]

عيون كيف حالك نورتى التجمع والحمد لله ع سلامتكوسلامت وليدك
ميرنا ان شاء الله تكونى حامل يارب العالمين
نسرينا وميمونه وراجيه ربها وحبل الوصل وام اسيل وسموحه العقبالكم يارب

[سورينام]

السلام عليكم
hwaml7hwaml7hwaml7
ماشاءالله ماشاءالله
التجمع منور بالغاليات
( عيون و آية )

[سورينام]

ولولي وأم لقمان

[عيون زوجي]

سامحوني قطعت اعليكم
عارفين حال النفاس واحد جاي واحد ماشي
انحب انطمنكم روحت بميدو امس الصبح وصحته ولله الحمد كويسه
وانحب نشكركم من كل قلبي على دعواتكم ووقفتكم جنبي
والله انحبكم في الله ويارب يحقق امانيكم يارب
هلا بالغوالي...ايه وام لقمان ولولي والحبوبه سورينام
قاعدين ولا طلعتوا؟؟؟؟؟؟؟؟؟؟؟؟؟؟؟؟؟؟؟؟؟؟؟

[عيون زوجي]

انا نحاول نكتبلكم قصة ولادتي بس لقيت روحي كاتبه رواية مش قصة
رح نحاول نختصرها او ننسخها على اجزاء باش ماتملوووووش

[عيون زوجي]

ام روفيدة بخصوص الاكتئاب اغلب النساوين يجيهم مابعد الولادة بس درجاااااااات والغربه تزيد نت الحاله
وسعي بالك وقولي اذكارك وتوكلي على الله

[سورينام]

تيمو انشاالله ربي ينوضك بالسلامة

[عيون زوجي]

ليبيا قلبي.... بخصوص الحكة كريم كانستين ممتاز وعادي في الحمل مادام باستشارة الطبيب والكلوترايمازول نفسه الكانستين بس شركة تانية وانا ننصحك تاخدي الكانستين الاصلي الالماني لانه احسن الف مرة

[ام لقمان]

ام لينه كيف الحال؟
انشالله البنوته بخير
وقديش عمرها توا ؟

[عيون زوجي]

سوريناااااااام ....حبيبتي استاحشتك يا حبيبه
كيف حالك وحال سرورة وفراس وابو العيال
يارب تكوني تمام وحاله الضيق والملل راحت منك

[عيون زوجي]

ام لقمان كيف حالك وحال صغيورتك

[سورينام]

عيون الف الحمد لله على سلامة الغالي ميدو .. ربي يونسك بيه هو ووخيته وبوهم وانشاءالله ما تفقديهم يااارب

[عيون زوجي]

انا كانت معاي امي مهنيتني على كل شي على حوشي وبنتي وكنت مرتاحه انفكر الا في ولدي وفي وجع الخياطة
امس مرات خوي جابت ابنيه وامي روحت وخلت مكانها كبير ما ذقت شي من الصبح لتوا الا طاسة حليب وشوية شامية للحليب
ولا من سئل اعليا شن كليت ولا عندي حوسه ولا صابون ولا راجلي شن غداه مع ان عزوزتي جنبي وحماتي معاها اليوم بس الام ام ربي يخليلنا امهاتنا يارب

[سورينام]

الحمد لله يا عينوني .. الضيق والملل افتكيت منهم .. لكن فراس هذا وين نشط وبدي ينقنق ويعيط ويوري في فلاحته .. وهاذيكا الصيانة اللي قلتلكم عليها مازال ما خشو ممكن الاسبوع هذا .. بنمشي نقعد شهر عند عزوزتي

[عيون زوجي]

واخيرا رديتي يالغاليه هلا سورينام
ساره كويسه وزايدة في الدلع والبيبي
وبوها عنده شهر جيش ما ارتاحش فيه ولا يوم شاقي بين غادي وجاي
وميدو كويس ولله الحمد والدكتور طمني اعليه وهو معاي
وانا ولله الحمد احسن شوي بس الخياطة متعبتني ووجع الراس مدوخني شوي

[ام لقمان]

سورينام
سلمك نشاده
انت شن اخبارك؟

[عيون زوجي]

ربي يعينك على فراس ويحفظهولك من شر العين والمرض يارب هو ووخيته وبوهم
وايعينك على هم الصيانه انا مايجينيش النوم الا في حوشي حتى في حوش اهلي مانرتاحش نرقد فيه مابعدك شهر تام برا حوشك قداش بترفعي من شناطي

[سورينام]

ربي ايخليلك اميمتك ويعطيها صحتها .. وطبعذا وعن تحربة ما يحسك حد غيرها .. خلاص توا صحصحي يا حنة .. وعودي نفسك عالتعب والشقا ربي ايعيننا عليهم .. لان معاناتهم الزوز سلامتهم وااااااااعرة واااااااعرة

[عيون زوجي]

سورينام انتي ترضعي في فراس طبيعي ولا شنو؟؟؟؟؟؟؟؟؟؟

ام لقمان قداش عندك صغار وقداش ليك متزوجه

[سورينام]

وايعينك على هم الصيانه انا مايجينيش النوم الا في حوشي حتى في حوش اهلي مانرتاحش نرقد فيه مابعدك شهر تام برا حوشك قداش بترفعي من شناطي
واااااااااااااك hwaml15hwaml15hwaml15... ماتفكرينيش ياعيون بالله عليك .. لاني متكدرة من طلعتي من حوشي لين خلاص .. وحتى اني مارتاح الا في حويشي .. لكن الله غالب ..

[ام لقمان]

عاد ياعيون مااديريهاش بكل
طاسة حليب وشوى شاميه!!!!
ياريتك اقريبه رانى جبتلك الجغوم ابروحى
خلى باللك من نفسك على الاقل على شان الصغار
ديرى دحى الكمون وكولى حويره ساهل ديرهن ويقون
اوعدينى تهتمى بروحك

[عيون زوجي]

اليوم جتني عزوزتي تبيني انطيب طبيخة حلبه لان عمات زوجي بيجوا العشيه كلمتها بالدلاله والضحكة قلتلها طيبيها انتي انا مريضة سهرانه ليل تام على ميدو وراسي بينفجر وخياطتي متعبتني و لان صحتها ماشاءالله وديمه اطيب لبناتها
ردت اعليا وقالت لا لا فكيني
حرجت من كلمتها وما بينتش اني زعلت ولما جوا عماته قدمت عصير وشكلاته وقهوة وحلويات وفواكه وخلاص وهي مش عاجبها وتنفخ اعليا

[ام اسيل]

رورورورورووررووورررووورررووورورورورورورورورورووووو وووووووي

احلى زغروته لاحلى ميدو وامه والف حمدالله على سلامتك وسلامته ربي يحفظه لكي انتي وبوه وتشوفي اولاده يارب
وردي بالك من سارة مش تخطي عليهاوالله فرحتلك من قلبي ربي يدوم عليك الهنا

[سورينام]

عن اذنكم يالغاليات .. نمشي نغير لفراس .. عاملها حاشاكم

[ام اسيل]

اهلا بالغالية ام لقمان كيف حال الاولاد وشن دايرة الحلوة جنان هدت ولا مازالت عياطة ربي يحفظلك عويلتك يارب

[عيون زوجي]

صحيتي يا ام لقمان ردك جاني زي الرحمه حسيتك اوخيتي جديات
يارب يفرح قلبك بلي تتمنيه
هلا وغلا بالغاليه ام اسيل والله يسلم زولك ويسلملك اسيل وهيمو وبوهم يارب

[ام لقمان]

عيون انا عندى ثلاث اصغار ربى يحفظهم لي
اوليدين وبنيه
ونرضع فى ابنيتى طبيعى ونعاون بالصناعى

[ام اسيل]

ميرنا يارب بكرة تبشرينا بالحمل يارب يارب بجاه النبي ياربي

حبل الوصل وينك والله مشغولة عليك

[عيون زوجي]

افيييه يا فراس العمله قويه يا عزري
ربي يحميه حتى انا اليوم ميدو بطنه مشت بعد رضعة الفليه بس توا ارتاح وحتى الغازات مشت
وساره يا ام اسيل وام لقمان ما توصوش اعليها زايدة في الدلع وناغرة لين خلاص من خوها
والمشكله الزوز صغيرين
بنتي قعده ترضع في المرضعه والزلباحه والكلام ما تتكلمش الا كليمات بسيطات والمشي تمشي بس ديمه اطيح ناقصة خبرة في المشي

[ام اسيل]

ياهوو فيه بنية عياطة في التجمع قلبتنا روسنا اسمها لينة عياطة عياطة
لكن ماشاء الله فيها جمال مش عادي طالعة لبوها عليك الطرف
وامها من لمة للمة مابت تسكت البنت بكل خايفة نقوللها سكتي بنتك وقعمزي في حوشك تزعل بعدك زعالة بكل

[عيون زوجي]

ربي يحفظلك صغارك يا ام لقمان
انا بنتي ما رضعتهاش طبيعي لان صدري مافيشي حلمات بكل بكل ممسوحه الحكايه مع ان صدري مليان حليب ماشاءالله
وتوا نفس المشكله كل يوم نشفط بالشفاطة ونعطيه في المرضعه ونعاون بالصناعي وشريت حلمات سيليكون حسيته مش متقبلهم
ومش عارفه شن بندير من حل مانبيش نحرم وليدي من الرضاعه الطبيعيه

[ام لقمان]

كيف حالك يا ام اسيل؟
انشالله بخير
كلا من جنان كيف ما يقوللها خاطرها
ودايرتها على السهر ماترقدش لعند الساعه 3
والصبح بنسقد خوها وحصصى الاولى والثانيه جاب ربى احتياط كنهدا نرقد للصغار فى الفصل

[عيون زوجي]

ههههههههههههههههه ضحكتيني يا ام اسيل بالله امها وين بتقلى اللمات في قطر ...........
والا بتحكي على روحك من لمه للمه واسيل الحلوة تنقنق صح

[عيون زوجي]

وين تسكني يا ام لقمان................

[عيون زوجي]

عطلتي يا سورينام شكله ابو سارة وفراس شدك في الطريق صح لو دارلك حركة هكي ولا هكي احكيلي تو انحرش فيه امه وخواته.............

[عيون زوجي]

لو ما رديتش اعليكم اعرفوا ان الشحن تم علة اللاب توب لان خيط الشحن في الصالون وزوجي معاه صاحبه ونتحشم اناديه على خاطر خيط الشحن قدام الراجل

[سورينام]

آآآآآآآآآآه .. حسني دهشت من الجري .. غيرنا الككا متاع العزري طلعت حتى الصبية عاملتها ..
ودرتلها رضعة وتوا نكتبلكم وفراس عالق اتصال مباشر مع صدري يرضع
يا ناري عالام قداش تعاني .. الحمد لله الحمد لله الف حمد المهم صحيحين

[عيون زوجي]

انا بأذن الله رح اندير عقيقة ميدو الاسبوع الجاي وبعدها بنسافر لتونس نطمن على وليدي اكثر ونديرله كشوفات تامه في صفاقس او تونس العاصمه لان العيادات التابعه لشركة زوجي في هالمكانين بس

[ام لقمان]

انا ازليتنيه ياعيون

[سورينام]

ايه يا عيون .. اني نرضع في فراس طبيعي بس لأن ما تقبلاش الصناعي لما حاولت ندخلهوله .. حاشاك ايرجع فيها على طول .. قلت بعد تطعيمة الشهرين يوم السبت الجاي انشاالله نحاول نغير نوعية الحليب ونجرب تاني لان ضروري منه الواحد ما يندريش عالدنيا

[ام لقمان]

تعرفوا
تقعميزتكم حلوه بكل
لكنى عييت من جنان امبكرى فى حجرى وتتلاحق فى اللوحه
توا بالسلامه

[لولى2010]

ام لقمان كيف حالك لونه كويسهاليوم نقبتلها ودنيها للخرص تمت تعيط وتبكى بالدموعاول مره تبكى بيهم
ام اسيل ضحكتينى البنت مسكينه تعيط من الخراص راه بس وانا مانتحركش بكل من الحوش لان بنتى الحمد لله وما شاء الله ترضعى منى بس وهى عمرها تو 3 شهور ونص
عيون الحمد لله ع سلامتك ايه تريحى وماتعدليش ع حد اهم شي راحتك الواحد لما تجى فى روحه ماينفعه حد وعزوزتك بما انها صاحه المفروض تشيل عنك شوى
سورينام كيف حالك وحال فروسي وسرورة التعب لازم منه عليش اسمك ام

[سورينام]

ميرنا انشاءالله تخشي اتطمنينا وتقهري صبياتك .. بجاه كل من عنده جاه عند ربي آآآآآآآآمين

[سورينام]

عيوني بما اننا اكمنا على حبوبنا الغالي ميدو .. بنستأذنك نغير الدعاء اللي في توقيعي

[سورينام]

عيون وين مشيتي .. راني مستاحشاتك هلبة ومازال ما شبعتش منك

[سورينام]

والله اني ما نحصل في فرصة للنت الا في الليل .. ما نفضى الا توا .. سرورة جنب بوها زعميته بيرقدها .. وفراس رقد في حجري مش قادرة انوض نحطه في سريره

[سورينام]

تصبحو على خير .. شكلكم رقدتو .. والا اشبح شن مشيتو اديرو hwaml02hwaml02hwaml02hwaml8 hwaml7

[ام رنوة]

سورينام شنوا الجو ام اسيل عمله ايه عييييييييييييييييييييييييييييون الحمد لله على سلمتك وبعيد السو على وليدك وشنوا سميتيه ارجوكي ان ترقيه

[poucie]

عيون
الف حمد الله على سلامة ميدو وهادي زغروطه مني ليك (وووووررررررررررري) ربي يحفضهولك ووينسك بيه هو واخت وبوهم وما يحرمك منهم انشاء الله
ميرنا
الله يرزقك بالذرية الصالحة يا رب العالمين وتخشي اليوم تقولينا بوزيتيف يا رب العالمين يا رحمان يا رحيم .
تيمو
توكلي على الله وبري ديري الوجع وانشاء الله تنوضي لاسو لاسوية يا رب العالمين

[نسرينا]

السلام عليكم

كيف حالكم كلكم

تيمو ليبيا / على خير ان شاء الله وترجعي بالسلامة وفي حضنك بنيتك .

اني كان موعدي اليوم مشيت واعطتني ابرة تفجيرية ، مش عارفة خايفة منها ،

[نسرينا]

حبل الوصل / شنو صار معاك بعد الابرة ؟ المفروض الوقت هذا تكوني حللتي

يارب تطلع النتيجة ايجابية وتفرحي

.

[poucie]

خير نسرينا كيف حالك اليوم انشاء الله كويسة؟
علاش خائفة انشاء الله خير تفائلي خير الله يطعمك الشهر هذا وتحملي انشاء الله بس انتي عليكي بالدعاء وانشاء الله ربي يستجيبلك يا رب

[poucie]

ميرنا
وينك طمنينا عليك شن صار معاك انشاء الله خير

[ღॐ آية ღॐ]

حبيبتي ووخيتي عيون الف الحمد لله على سلامة حمودي
ربي يحفضهولك هو ووخيته وبوة
وزي ما قالولك الاخوات ارقيه كل يوم الصبح
وحاولي ترقديه على المعودات كل ليلة..
والله لو كنتي في جنبي راني درتلك كل يوم فطور عجه
وغدي دحيت كمون بس الله غالب ياريتك جويرتي
وعزوزتك والله ما عندها حق مفروض تعاونك شويه هي وحماتك
والله قعدت نسحن ليييييييين خلاص. اهم شيْ الحمد لله على سلامتك..
بس ربي يعاونك واشدي حيلك وتنوضي لي حويشك لا سو ولا سويه
اللهم اميييييييييييييييييييييين..

[ღॐ آية ღॐ]

نسرينا ربي يبشرك وتفرحي بلحمل عما قريب يارب
ولا تنسي تفرحينا معاك انتي وحبل الوصل
يارب تحملو في القريب العاجل
وميرنا ياااااااااااااااااااارب

[ღॐ آية ღॐ]

سورينام كيف حالك
وين مغطسه والله ستحشناك
ويارب تكمل الصيانه على خير.
كيف حال كنينتي سرورة بوسيهالي امانه
وبوسيلي فراس هلبا

[لولى2010]

ميرنا وينك ان شاء الله خير

[ام روفيدة]

السلام عليكم كيف حالكم اليوم ميرنا تربحي خشي وطمنينا عنك يارب تكوني حامل اللهم امين

[عيون زوجي]

السلام عليكم
كيف حالكم اليوم يا اعز الناس
نسرينا واية وبوسي حبايبي الله يسلم زويلكم ويخليلكم احبابكم يارب
ميرنا يارب نسمع عنك كل خير

[أم سعد]

السلام عليكم

ألف الحمد لله على سلامتك ياعيون وعلى سلامة حمودي

ربي يحفظهملك هو وبوه وأخته

[عيون زوجي]

لولي كيف حال ليونه
ام روفيده شن اخبارك وحال الغربه وشن الطقس عندكم توا
تيمو خشي طمنينا بعد ولادتك

[عيون زوجي]

ام سعد الله يسلمك يا اوخيتي ويثبتلك حملك وتنوضي بالسلامه يارب
قداش عندك صغار وقداش ليك متزوجه ومن وين بالزبط............قصقصه الله غالب شعار تجمعنا القصقصه

[عيون زوجي]

مسامحه يا سورينام وماقصرتي معاي يا اعز اوخيه وتوقيعك عجبني وبنستأذنك نخبه منك

[عيون زوجي]

وينكم يا بنااااااااات يا صبايا يا نساوييييييييييين............

[عيون زوجي]

كلكم معزومين عندي بندير لمة لبنات التجمع وميرنا ادير العصيدة عقبال اعصيده وليدها يارب...........

[لولى2010]

عيون كيف حالك انت وصغارك

[ام اسيل]

خير عالي قاعدين والي مش قاعدين شن اخباركم

ياهوو ميرنا وحبل الوصل مش باينات زعمة عملنها ودايرتها لنا مفاجئة
لازم ياعيون نعرفو الحقيقة انا مش قادرة نراجي

[ام اسيل]

ياهل قطر كيف حالكم
الدنيا بردت عندكم ولا حمو نار كيفنا

[لولى2010]

كيف حالك ام اسيل لالالالالالاالحمد لله الجو حلو توة فى اليل بس لكن النهار نار مازال
تيمو ربي ينوضك بالسلامه وتجيبي احلى رفيف يارب

[نسرينا]

خيرات على الجميع

[لولى2010]

نسرينا كيف حالكانت كم ليك متزوجه

[لولى2010]

بنات وينكن حبل الوصل وميرنا وتيمو طمننا عليكن
يارب ان شاء الله خير

[ميرنا]

السلام عليكم

ذهبت امس للمختبر وكانت النتيجة (لايوجد حمل )الله غالب

[حبل الوصل]

اهلين بالغاليات وان شاءالله ياام اسيل ماتنشغلى على غالى
انى مشيت يوم الثلاتاء ودرت تحليل وكان سلبي بعدها خشيت للدكتورة قالتلى اصبري لعند يوم التلاتاء الجاي احتمال يكون حمل والدورة ماجتش والوجع زايد عليا وعندى وخز شديد في المبيض لدرجة انى مانقدرش نقعمز كويس
سامحونى ماكانش عندى نت

[اقصوصه]

http://forum.hwaml.com/imgcache2/hwaml.com_1287131685_538.gif

[ام لقمان]

السلام عليكم ورحمة الله وبركاته
كيف حالكن اليوم
انشالله كلكن بخير

[Om KHaled]

جعل الله لكم التقوى قلادة ..وجعل لكم بين الأقران سيادة ورزقكم
في الدارين السعادة وكتب لكم عند الممات الشهادة.
(عطر الله جمعتكم)

[ام لقمان]

ميرنا
خيرها فى غيرها اوخيتى

[ام لقمان]

حبل الوصل
انششششششششششششالله خير
ويكون الثلاثاء القادم يوم اتفرحينا فيه بحملك
يارب

[لولى2010]

ميرنل تاخد سوك وعسي ان تكره شي وهو خيرا لكم
حبل الوصل ان شاء التلاتاء الجاى تطلعى حامل

[ام ريحان]

السلام عليكم

[لولى2010]

ام ريحانه كيف حالك
تيمو طمنينا شن صار معاك ربي يسهل ولادتك وتحلى عيونك ع خير انت والبيبي يارب

[ام روفيدة]

وعليكم السلام كيف حالك ام ريحان

[ام روفيدة]

لولي كيف حال ليونه
ام روفيده شن اخبارك وحال الغربه وشن الطقس عندكم توا
تيمو خشي طمنينا بعد ولادتك
بارك الله فيك يا عيون إن شاء الله احسن وبالنسبة للغربة ما فيش أحسن من بلادك ولما تجيبي عيلك وسط أهلك وناسك واحسن حاجة درتيها إنت روحتي وجبتي في ليبيا وبالنسبة للطقس مضطرب مرة مطر وصقع ومرة صقع وشمس

[ام روفيدة]

كيف حالك يا لولي وكيف حال لينة

[ام روفيدة]

ميرنا ربي يفتح عليك وتحملي في القريب العاجل وما تيأسيش خليك صابرة وقوية زي ما نعرفوك وما تعدليش على كلام حد ما فيش حد دار صغار بيده كله بيد ربي وربي يسهل لك الحمل اللهم امين

[ام روفيدة]

وينكم مافيش حد

[لولى2010]

ام رفيده كيف حالك انت كم ليك متزوجه وكم عندك عيل وانت ساكنه فى بريطانيا صاح

[لولى2010]

وينكم مافيش حد الا انا نفتح ونسكر شنوهل كساد

[حبي مونتي]

صباح الخير صباياااااااا

[حبل الوصل]

وينكم اليوم والا لانى انى خشيت
ميرنا ربي يفرحك وكان الدورة مازالت ماجت بلكى تكونى حامل والتحليل مابانش والله قاعدة على امل انك تكونى حامل يارب

[معراج]

السلام عليكم شلخبار بنات ان شاء الله كويسات ميرنا متزعليش روحك كل شئ ينشرى بلفلوش الا بعض الحاجات الذريه وحده منهن هادى بيد الله سبحانه وتعالى ماتيئسيش الحمد لله ماكش عقيمه الشى يلى عنده علاج افرحى بيه الحمد لله وبلنسبه لصبياتك قوليلهن الدنيا موش هادي حدها يمكن انا عندى امل ان شاء الله انجيب عويله يمكن انتن مستحيل تحصلن &الله غالب اصبري وحتسبي والله فضله واسع والله انا حاسه بيك وحاسه حتى بلغصه يلى في صدرك انا وحده كرهت الطلعه من البيت وين مانمشي >ها شنو مزال مافيش شى عطريق ها انقولو مبرووك>ذرهلى كبدى تقول يلي بنجيبه ليهم لذلك ياختى حاولي مره ثانيه ورابعه وعاشره وان شاااااء الله الشهر الجاي حااامل>>> وياحبل الوصل ربي يفرح قلبك يوم الثلاث يارب العالمين وادعولي انا باديه الكلوميد من امس يعنى من خامس الدوره ويوم 11ماشيه انتابع التبويض ان شاء الله

[نسرينا]

مراحب ياغاليات

كيف احوالكم

لولي / اني متزوجة ليا 8 شهور ، حملت ورميت ، وتوا نستنى في فرج ربي

صابرة / وينك ان شاء الله خير

تيمو / ليك وحشة والله ، يلرب تكوني بخير وجبتي وبنيتك بين ايديك

للعم ، اني خذيت الابرة

[أم سعد]

مساء الخيرات

[ام روفيدة]

السلام عليكم كيف حالكم اليوم

[ام ريحان]

السلام عليكم

[ام لقمان]

وعليكم السلام ورحمة الله وبركاته
كيف حالكن اخواتى ؟
انشالله بخير

[ام لقمان]

نسرينا
انشالله خير
وربى يفرحنا بيك

[نسرينا]

بخير الله يسلمك ام لقمان

ام روفيدة / كيف حالك ان شاء الله احسن توا ؟

[ام لقمان]

نسرينا
خير الجماعه امكسدين اليوم؟

[ام ريحان]

كيف حالك ام لقمان ونسرينا شن اخباركم

[ام ريحان]

شكله مافيش حد

[هبةالرحمن]

السلام عليكم ورحمةالله وبركاته،،،،،،،صبايااناجديدةمعاكم في المنتدى واناحامل بالشهر الخامس واول حمل لي ،،،،،ومتزوجة من سنتين،،،،،،ربي يتمم حملكن علي خير يارب

[هبةالرحمن]

اهلين خالتي شواخبارك،،،،،،،شن جنونه رقدت ولاشن وين الكساد؟؟؟؟؟

[ام ريحان]

اهلا بيك يا هبة الرحمن نورتينا وآنستينا وربى يسهل عليك

[هبةالرحمن]

؟؟؟؟؟؟؟؟؟؟؟؟

[هبةالرحمن]

الله يأنسك بصحبةالنبي ياأم ريحان ،،،،،،وبارك الله فيك ياأوخيتي

[هبةالرحمن]

!!!!!!!!!!!!

[لولى2010]

اهلين نورتينا هبه الرحمنربي يتمم حملك ع خير انت من وين فى ليبيا وشن سبب تاخرك بالحمل شعار تجمعنا قصقصه هههههههههههههه

[ام روفيدة]

[quote=نسرينا;413803]بخير الله يسلمك ام لقمان

ام روفيدة / كيف حالك ان شاء الله احسن توا ؟
بارك الله فيك الحمد لله احسن بهلبة انت شن اخبارك؟

[حبي مونتي]

سلام صبايا أنا جديده بالمنتدى وحابه أكون صديقتكم.أنا متزوجه من 3سنوات ونفص والحمد لله ربي أنعم علي وأكرمني ببنوته سميتها تالا عمرها سنتين وتوا أنا حامل بالشهر التاسع وهاليومين موعدي ادعولي لأني بولد بعمليه.وربي يتمم للكل ويعطي كل من سأله يارب

[حبي مونتي]

!!!!!!!!!!!!!!!!!!!!!

[نسرينا]

صباااح الخيرات

اني بخير ام روفيدة الحمد لله

لولي / هههههههه العفوووو خللي المرأة تتنفس وتقعمز شوية ههههههههههههههه
هبة الرحمن / مراحب عزيزتي ربي يسهل عليك

حبي مونتي / مرحبتين بيك ربي يحفظلك تالا ويسهلك ولادتك وتنوضي بخير وفي حضنك وليدك .

تيمو / طمنينا تربحي

.

[poucie]

خير يا صبايا شخباركم اليوم ،،،،
*مراحب حبي مونتي انستينا وانشاء الله ربي يتمم حملك على خير وتنوضي بالسلامة ويخليلك تالا يا رب
*هبة الرحمن مرحب بيك انستينا
*ميرنا الله يزرقك الذرية الصالحة انشاء الله انتي وحبل الوصل
*عيون شخبارك وشخبار حمودي تواء ربي يزيده من الشفاء انشاء الله
*نسرينا انشاء الله ربي يطعمك ولايحرمك من الذرية اميييين

[نسرينا]

صباح الخيرات يا بوسي

ربي يسمع منك وشكرا على الدعوات الطيبة عالصبح

الاسبوع الجاي بإذن الله اندير تحليل وان شاء الله خير

.

[حبل الوصل]

صباح الخير
مرحبا ب حبي مونتى وهبة الرحمن نورتو تجمعنا وعرفونا عنكم اكثر
ام اسيل وينك لما قعدت نخش هربتى
ميرنا وينك شن صار
اية وسورينام وينكم
عيون شن حال حمودى توة
نسرينا ان شاءالله تكونى حامل يارب

[نسرينا]

اجمعين يا وصل اني وانتي وميرنا وكل من يتمنى

.

[حبل الوصل]

نسرينا انتى في اي يوم من الدورة وامتى بتديري تحليل

[poucie]

اميييييييييييييييييييييين
اللهم اني ادعوك بإسمك الاعضم الذي اذا دعيت به اجبت ان ترزق اخواتي في الله ميرنا ونسرينا وحبل الوصل وكل مسلمة يا ارحم الراحمين بالحمل العاجل غير آجل يا رب العالمين
والله يا بنات دعوة من دعيتهالكم من وسط قلبي وانشاء الله ربي يستجيب يا رب .

[حبل الوصل]

ربي يسمع منك يابوسي وصحيتى على الدعوة وربي يسهل عليك الحمل والولادة

[ام ريحان]

صباح الخير

[ميمونة]

صباح الخير شن حالكم اليوم

ميرنا فيها خيره الشهر الجاي يارب

حبل الوصل ربي يسهل عليك الحمل يارب

ايه وين مغطسه

[poucie]

صباح النور ام ريحان كيف حالك؟

[ام ريحان]

بوسى قداش ليك متزوجه وعندك صغار ولا لا

[ام ريحان]

ميمونه كيف حالك

[ميمونة]

الحمد لله كيف حالك انت ام ريحان

[نسرينا]

الله عليك يا بوسي

ربي يستجيب ليك ويحفظك ويبارك فيك ويسهلك كل صعب يارب العالمين .

ام ريحان صبااح الخيرات

ميمونة صباااحووووا

كيف الاحوال ؟؟؟

[ميمونة]

اليوم يوم 17 من بداية الدوره يارب تضبط هالمره واطلع هالشهر حامل

[ميمونة]

هلا والله نسرينا كيف الحال شن صار في الدوره ؟؟؟؟؟؟؟؟؟؟

[ميمونة]

انا عندي شغل نوا نستادن ونتلاقوا قريب

يارب نخش ونسمع عليكم اخبار طيبه

[نسرينا]

ميمونة اني يوم الخميس بس اخذيت الابرة ومازال الاسبوع الجاي اندير تحليل ان شاء الله

يارب يا ميمونة تشوفي الدورة في 2011


اوكي حبيبتي نشوفك على خير

.
.

[ام ريحان]

نسرينا كيف حالك
انتى عند مينو اتابعى وفى اما مصحه

[نسرينا]

اهلين ام ريحان

اني انتابع في مصحة الفردوس عند الدكتورة بدرية

.

[حبل الوصل]

استغفر الله العظيم اللهم اجرنى في مصيبتى وخلف لى خيرا منها
اليوم جت الدورة والله بكيت وانقهرت

سامحونى خواتى معادش نقدر نخش للمنتدى تعبت من كل شي وسامحونى اذا كنت ثقيلة عليكم
ادعولى بنات

[نسرينا]

استغفر الله العظيم

قلبي معاك يا حبل الوصل ، لعلى فيها خيرة ، ربي يعوض عليك ، ويرزقك ، خللي ايمانك قوي ، والخيرة فيما اختار الله ...

وما تنقطعي عالمنتدى ابداااااااا

ربي يفرج عليك وعلينا وعلي امة محمد اجمعين

.

[poucie]

معلش يا حبل الوصل الخيرة فيما اختاره الله ما تزعليش روحك انشاء الله فيها خيرتك وكل تأخيرة وفيها خيرة انشاء الله وما تقهريش نفسك وخلي ايمانك بالله قوي والله يرزقك في القريب العاجل انشاء الله

[ღॐ آية ღॐ]

منورين التجمع
واهلا بكل العضوات الجديدآت
ان شاء الله ربي يسهل عليكم الحمل والولادة
ميمونة نورتي استاحشناك
سورينام وعيون مغطسات البيبيهات شاغلينهم علينا ربي يحفضهملهم
والله استاحشناكم خشو حتى شوية

[معراج]

ربي يرزقك الحمل السليم ياميمونه وياحبل الوصل احمدي ربي وشكريه عندك فمن تشيعي عينك ربي يخليهم ليك ان شاء الله ويرزقك برهم وربي يرزقك من واسع فضله

[لولى2010]

حبل الوصل ربي يخليلك عيال والحمد لله ع كل حال وربي يمهل ولا يهمل
ميمونه ان شاء الله تكونى حامل وتفرحينا
تيمو وينك خشي وطمنينا

[ام لقمان]

حبل الوصل
اوخيتنا مش هكى قولى الحمد لله رب العالمين مازالت الدوره اتجيك وبعون المولى اتجيبى
وشن ايقول الى حتى الامل ما عنداش وهما كثيرين
اختى نفسيتك مهمه
اشغلى نفسك بحاجات تانيه وانشالله يفرحك المولى عن قريب
كثرى من الصدقه والاستغفار بنيه الحمل والدرية
وانشالله خير
واما عن بكاك بينه اغسلى بيه ضيقتك
والله ان الله رحيم

[ام روفيدة]

السلام عليكم كيف حالكم اليوم حبل الوصل ما تزعليش ووكلي امرك لله وربي يسهل لك اللي فيه الخيرة

[ام روفيدة]

وينكم ما فيش حد

[اكليل الورد]

هلا أختى ميرنا أنا من بنغازى عضوة جديدة عندكم فى الشهر الخامس صار الحمل

بعد سبع سنوات أدعولى نجيب ولد وأن تكون الولدة ميسرة نرجع فى دكتورة

سليمة زوبى *وأرجو حمل ميسر للجميع الحوامل *hwaml02

[لولى2010]

اهلين اختى اكليل الورد ربي يمملك ع خير وتولدى بصحه وسلامه
ام رفيده كيف حالك

[ام اسيل]

لا حول ولا قوة لا بالله
حبل الوصل كل شي نصيب ياخيتي
والله لو ماعاد خشيتي نزعل منك نحنا خوات متخليناش ننقطعو على بعض
والحمد لله فيه علاج
شوفي انا لو ما حملتش لعند شهر 12 نبي ندير حقن مجهري ديري كيفي ةالي كاتبه ربي يصير
بكرة ان شاء الله تفتحي وتخشي التجمع وماتشغليناش عليك

[ام لقمان]

السلام عليكم
كيف حالكم توا؟
آنستينا يا اكليل الورد

[عيون زوجي]

السلام عليكم

[عيون زوجي]

اوخيتي حبل الوصل خلي ايمانك بربي كبير ولاتقنطوا من رحمة الله

[عيون زوجي]

احمدي ربي عندك اخلاص وعمر غيرك ماعندهمش بكل ومتوكلين على ربي لانه هو العاطي مش عبده

[عيون زوجي]

ايه وسورينام كيف حالكم ووينكمميرنا وين الضحكه الحلوه.....ام لقمان وام اسيل ولولي وميمونه وام رفيدة وصابرة وراجيه وام ريحانه وام رنوة وتيمو وليبيا قلبي وكل البنااااااااااااات كيف حالكم وانشاءالله ما تنشغلوا على غالي

[عيون زوجي]

انا عندي التهاب في الخياطة .......متعبني مشيت لدكتورة في مصحة الرحمة اعطتني غسول اسمه لا فيم درت منه قتلني قتل ماقدرتش انوض ولا نرقد منه خليت محمد يعيط وساره بعتها لحناها وانا قعدت نتمروج من الوجع حاله ربي يسهل اعليه ويسترني

[عيون زوجي]

حبيت نطمن اعليكم ومستعجله وماقدرتش نقرا كل الصفحات سامحوني بالله اعليكمميمونه طمنينا اعليك ويارب تحمليتيمو خشي طمنينا عن بنتك وولادتكوانا كتبتلكم قصة ولادتي ولما افضى اراجعها وانسخها ليكم

[عيون زوجي]

تصبحوا على الف الف خير

[ام لقمان]

وانتى من اهله
ياريتك يا اختى استعملتى الملح والماء راهوا افضل بواجد
ومامناش خوف فى المستقبل
انشالله لاباس عليك ياعيون

[حبي مونتي]

هلا بيك أختي نسرينا الله يسلمك ويسعدك يارب ويعطيكي اللي بنفسك.بس خبريني إنت كم ليكي متزوجه وعندك صغار ولا ما زال

[حبي مونتي]

مرحب بيكي أخت بوسي وشكرا ليكي وياريت اتعرفيني عليكي أكتر

[حبي مونتي]

أهلا بيكي أخت حبل الوصل امنور التجمع بيكم كلكم
أني نسكن بجنزور وتوا حامل بالشهر التاسع وإنشالله هاظ آخر أسبوع ليا بالحمل بالله إدعولي الله ييسر ولادتي وإنشالله رح أدعي لربي لكل الصبايا ربي يتمم للحامل ويرزق الي ما زال ما حملتش
يارب

[حبي مونتي]

خواتي
حبل الوصل نبي انقولك حاجه إذا ربي أراد شي أكيد هو الأفضل وعدم الحمل هاد الشهر هو الأنسب ليكي صدقيني أني نعرف شنو شعورك توا لأني امجرباتهوتوكلي عا ربي وخلي إيمانك أقوى وربي يخليلك غلي عندك.....
عيون زوجي ردي بالك من إلتهابات الخياطه وما تتركي روحك تتألم استعملي ماء وملح راهو ممتااااااز أو ديري مغطس ديتول الأخضر بتاع تعقيم العمليات وماء يعقم ويخفف الألم والإلتهابات

[ام لقمان]

مرحبتين حبى مونتى
انت بكريه والا عندك قبل اصغار؟

[ام لقمان]

تصبحون على خير

[نسرينا]

صباح الخيرات جميعا

ربي يفرح الجميع

ويرزق الجميع

ويسهل على الجميع

حبي مونتي / اني توا ما سكرتش 8 شهور وماعنديش صغار

تيموووووووووووو / ربي يطمنا عليك والله مشغولة عليك عالاخر ونستنى في طلتك

.

[poucie]

صباح الخيرات على الجميع انشاء الله تكونوا كلكم كويسات
حبل الوصل شخبارك اليوم انشاء الله احسن
تيمو وينك طمنينا عليك شن صار معاك انشاء الله تكوني والدة بالسلامة
اكليل الورد مرحبا بيك في التجمع انستينا

[نسرينا]

بوسي

صباحك طيب

تعالي عازماتك على فنجان قهوة

http://forum.hwaml.com/imgcache2/hwaml.com_1287386586_580.jpg

[poucie]

صباح الخير نسرينا
انا قبلت العزومة هي وتيها وانا جاية راهو انا قهوتي سكر زيادة

[poucie]

وانا عليا الحلو جبتلك معاي طرف كيكة صحتين
http://forum.hwaml.com/imgcache2/hwaml.com_1287390790_918.jpg

[نسرينا]

يا حلو انت هههههههههههه

على فكرة اني نحب النوع هذا من الكيكات وخاصة مع فنجان كابتشينو اللللله ولا الذ

.

[نسرينا]

يسلمواااااااااا

.

[poucie]

صحتين على قلبك

[poucie]

وينكم يا خميرات النوم مازلتم راقدات لا تواء لالالالا خاب ضني فيكم نوضوا صحصحوا لا يخش عليكم حد تواء احنا ماشاء الله هاليومين انسونا هلبة اخوات في التجمع هيا لا نمشي نشكي لرجالاتكم تواء يحسابكم حتى من الغذاء طاب ما يندروا عليكم حتى فطور الصبح ما درتوه هيا

[نسرينا]

ههههههههههههههههه

شفتي يا بوسي ، غير اني وانتي من فجر ربي شربنا القهوة والكيكة ، وبنخشوا عالغدي

.

[أم سعد]

السلام عليكم

مساء الخيرات :)

[ღॐ آية ღॐ]

مشاء الله على النشاط
فايقين ومصحصحين وعزايم >>قهوة وكيكة
باهي انا وين حصتي
خلاص غدوة انوض بكري وتحسبوني
رغم اني والله ما نقدر نقيم راسي من على المخدة قبل الساعة 11
والله جايتني على النوم بشكل مش طبيعيhwaml15
عديت وليدي معاي كان ينوض بكري ..
بدي ينوض يبي يلعب الساعة 8 أو9 نعطيه شيشته يرجع يرقد مسكينhwaml03
الله غالب هدا كله على خاطر وخيه شكلة بيطلع كسولhwaml7

[أم سعد]

والله يا آية حتى أنا مانقدر نتحرك إلا بالسيف الصبح

وكان نلقى كل شوية نرقد

لكن الواحد بالسيف بينوض

كان هذا راحت ليل

[ღॐ آية ღॐ]

مساء النور ام سعد كيف الحال؟

[ღॐ آية ღॐ]

تصدقي والله اوكان مش من المنبه والله نقعد راقدة لا بعد الضهر
شن قالولك ام سعد ولد ولا بنيه؟

[عيون زوجي]

السلاااااااااااام عليكمكيف حالكم اليووووووووووومصحة القهوه واحسبونا معاكم

[عيون زوجي]

اللاب توب متاعي مضروب الكلام يطلع ملخبط

[ام روفيدة]

السلام عليكم كيف حالكم اليوم حبل الوصل وينك خشي ونورينا وما تغششيش روحك عيون لاباس عليك وردي بالك من الالتهاب وديري مية وملح احسن بهلبة لولي بارك الله فيك اني بخير انتي شن حالك