تجمع حوامل ليبيا

[أم ردينة]

منورين بوجودك حبل الوصل .. قصدك صغارك يقرو مشالله . سعدودك كبرو خاطري يفوت الوقت بسرعه ونلقى بنتي تقرا ونلقى روحي جبت واو الحمل شعور حلو لكن في الاشهر الاخيره ممل ..

[أم ردينة]

الجوو فظيع في غريان توه الدنيا مسحبه والمطر تصب والجوو دافي .. قداش نحب الجوو هو رومانسي .. هههه

[ღॐ آية ღॐ]

يا سلاااااااام
صحة ليكم يا ام ردينه مشاء الله جوكم حلو
والله نستنى في المطر اتصب بساعه والدقيقة
او كان نقوللكم علاش تضحكو عليا
والله خاطري في البرتقال وكل منقول لي راجلي اشريلي يقولي مزال
مش وقته يقولي اليم يبي المطر والسقع باش يطيب.
والله خطري فيه بشكل مش طبيعي
حتى لو كان نلقاه اخضر لما ناكله
ههههههههههههه

[أم ردينة]

وينكم يا جماعه مفيش حد؟؟؟

[ღॐ آية ღॐ]

نحن هناااااااااااااااااااااا

[ام اسيل]

ام اسيل هدولا صور عمور من لما كان عمره يوم واحد لعند 3 سنين
ماشاء الله عليهم
ربي يحفظهم وتجيبيلهم خوت يونسوهم يارب لين تعيطي من كثر العيال والله حلوين ربي يحفظهم يشبهولك ولا ولبوهم كانهو لبوهم افطينيله وردي بالك منه معناها حلو عا الاخر

[أم سعد]

السلاااام عليكم

مساء الخيرات والليرات

[ام اسيل]

حبيبتي حبل الوصل
انا خزنت صورة الصغار على جهازي ودمجتهم في الخلفية مع صورة اسيل وهيمو ربي يحفضنا عويلتنا ان شاء الله

[ام اسيل]

ميرناااااااااااااااااااااااااااااااااااااااااااااا ااااا
وينك يالسمح هضا كله شغل ربي يعطيه الصحة الراجل شكلك ماصدقتي ان شاء الله ربي يفرحك بعويلة يارب ويجبر خاطرك

عيون مازلتي مفنصةربي يسهل عليك والله شاغلتيني كل يوم نقول زعمة جابت ولا مازالت تكركر ان شاء الله على خير وسلامة

ميمونة يارب يامجيب الدعوات تطلعي حامل ويفرحك ويجبر بخاطرك ربي [inden[/indent]

[ღॐ آية ღॐ]

عيون زوجي والله ستاحشتك ومخليه
مكانك انتي من فترة سالتي على طريقة الكب كيك
وبصراحه مارديتش لي اني ماجربتهاش بس امس شريت طاجينها
واليوم درتها وطلعت حلوة لو تبي الطريقه نعطيهالك زي ماطيبتها بزبط
لانها جتني خفيفه وحلوة هدا شكل طاجين شبيه من طاجيني
http://forum.hwaml.com/imgcache2/hwaml.com_1285790444_746.jpg

[أم ردينة]

يا آيه راهو اليم موجود اني حاليا ناكل في ليمه والمده اللي فاتت جي خاطري لن خلاص جابلي كيلو في خمسه ليمات ب 5 دينار . يعني راجلك لو كان ايدور يلقاه..

[أم ردينة]

قولينا ايه علي الطريقه كلنا نبو نجربوها

[حبل الوصل]

ماشاء الله عليهم
ربي يحفظهم وتجيبيلهم خوت يونسوهم يارب لين تعيطي من كثر العيال والله حلوين ربي يحفظهم يشبهولك ولا ولبوهم كانهو لبوهم افطينيله وردي بالك منه معناها حلو عا الاخر
بالنسبة لاخلاص زى عمتها اما عمر فواخد منى ومن بوه يعنى العيون منى والباقي لبوه
تعرفي حتى انى خزنت صورة صغارك القلوب عند بعضها

[حبل الوصل]

منورين حبل الوصل
ام ردينه
كيف الحال ان شاء الله تمام
حبل الوصل حتى بعد جيابك لتاني رديتي لي وزنك الطبيعي؟؟
لاني والله خايفه نقعد دبدوبة
انى توة 62 لانى نبي نزيد لكن وزنى رجع زى قبل وكلهم يقولولى انتى وقفتى الجياب على خاطر تبي جسمك رشيق

[ام رنوة]

انا مشغول عليك حبيبتي معارج شنوا صار فيك ام رنوة طمنيني

[MALAK2010]

http://forum.hwaml.com/imgcache2/hwaml.com_1285824048_634.jpg

[ღॐ آية ღॐ]

ام ردينة بالك موجود بس في غريان
لان عندكم صقع...لاكنم والله حنقوله يدورة
خاطري فيه ليييييين خلاص

[ღॐ آية ღॐ]

ام ردينه من عيوني حنحط الطريقة الكب كيك
سهله وحلوة

[ღॐ آية ღॐ]

هذه الكمية تعطي 12 كب كيك

؛؛؛؛؛؛؛
1 وربع كوب دقيق
2/3 كوب سكر ناعم الحبيبات (سكر الاسرة)
2 حبة بيض
1/2 كوب حليب
1/2 كوب زبدة طرية
1/4 ملعقة صغيرة ملح
1 ونصف ملعقة صغيرة بيكينج بودر
الطريقة
سخني الفرن 180 درجة
في وعاء ننخل المكونات الجافة معا
في وعاء الخفق نضيف السكر والزبدة والفانيليا ونخفقهم قليلا
ثم نضيف البيض واحدة واحدة ونخفق
نضيف الحليب والخليط الجاف ونقلب حتى يختلطوا جيدا
نضع قوالب الكب كيك داخل الصينية ونصب الخليط بالملعقة وندخلهم الفرن لمدة من 10-15 دقيقة حتى نغرز السكين ويطلع نظيف
...وبنسبه لزينة الكب كيك من فوق فهادي انتي وشطارتكانا درت لقسم كريم شانتي ومركوب ملون وقسم زينته بشكولاته بيضاء وسوداءوالف صحة وعافية عليكم وهدا شكل عجبني هلبا بس نبي سنين باش نحترف لهادي
الدرجه ههههههههههههههههههههههههههههههه
http://forum.hwaml.com/imgcache2/hwaml.com_1285840554_599.jpg

[ام ولدها]

اهلين بيكن كلكن اني من سبها وعندي اوليد وتو حامل ربي ايسلم الجميع

[ღॐ آية ღॐ]

ام ولدها اهلا بيك نورتي التجمع
انتي في اي شهر؟
وربي يحفضلك وليدك ياارب
كم عمره؟؟
اسفه على القصقصه,,

[ღॐ آية ღॐ]

عيون والله غطستي يارب تكوني ولدتي بسلامه يااااااارب
وتخشي اطمنينا عليك
ميرنا والله ستاحشناك يانوارتنا وينك وليش هلغيبه
ان شاء الله خير
سورينام وينك لاحس ولاخبر طلي طمنينا عليك وعلى صغيويرتك

[MALAK2010]

http://forum.hwaml.com/imgcache2/hwaml.com_1285845685_271.jpg

[لولى2010]

كيف حالك شن اخباركن وحشتنى واجد
انا عاتبه عليكم مافيش حد فقدنى بكل .......................................
الا صبورة حبيبيتى يعطيك الصحه ويخليلك عبدو وبوه
مرحبتين بالناس الجدد ع التجمع ايه وام ردينه نشاط ما شاء الله

[ღॐ آية ღॐ]

اهلا بيك لولي
كيف الحال ؟؟
منورة التجمع
اليوم كلهم شدينها نوم شكلهم..

[عيون زوجي]

السلااااااااااااام علــــــــــــــــــــــــــــيكم
كيف حالكم اليوم وهلا بالنشيطة دوما أية
انا قعده ماجبتش ونستنى في مراحم ربي اليوم ليا 10ايام في العاشر وربي يستر
كنت مشغوله مع سارة مريضة جايتها بردة قويه
قبل كنت اليوم ناوية نمشي للمصحه اندير وجع صناعي واخلاص
بس سارة مريضة مانقدرش نطمن اعليها عند حد
لو سارة حالها باهي وربي سخر الحال رح نمشي السبت بأذن الله

[عيون زوجي]

أية بالنسبة لليم شفته البارح في سوق المهاري ممكن الكيلو ب4.5
ماشريتش بس شفته ههههههههههههه
الف صحه عالكب كيك نبي نجربه قبل الولادة ما واتانيش لاني شارية زينة المرزبان من المانيا نبي نجربها معاه
في المانيا كل ما نطلعوا للشتات لازم نشروا من الكفي كب كيك مع كابتشينوا طعمته اتجنن
وخصوصا متاعالشكولاته والكاكاو

[عيون زوجي]

ميمونه يارب تتطلعي حامل والف مبروك للسنويه وتتهنوا العمر كله
لولي حبيتي كيف حالك وحال ليوني وانتي وين في قطر ولا ليبيا

[عيون زوجي]

هاليومين موقفه مشي بس نشرب في القرفه لان الدكتورة وصتني بيها وانشاءالله خير
أية.. جبتي ايوبي طبيعي ولا قيصري ووين جبتيه وكيف كانت ولادنك
انا سارة جبتها طبيعي بس بوجع صناعي في اخر اسبوع من الثامن لان المية نزلت مني بلا سبب وخافوا اعليها

[لولى2010]

عيون مازالتى تكركر ربي يعينك انا روحت يوم التلاتاء من ليبيا

[لولى2010]

ايه كيف حالك انا والله عاجبنى كلامك حسيتك قريبه منى ياريت نتعرف عليك اكتر
عيون شن اخبارك وحشتينى عارفه لما سفرت قلت فى المطار امس كانت عيون هنا فى مطار طرابلس انت سفرتى الخميس وانا الجمعه الصبح شفتى انا نفكر فيك مش زيك نسيتينى
ميرنا ربي يسهل عليك انت وميمونه وام اسيل وحبل الوصل وكل من يتمنى

[ميرنا]

ماشالله امنورات وين هذه الحلويات الصقع يا اية شن تقربلك حورية هههههههههههههه


اعيون راجالها خلص ايستى خشيتى على الحلويات وخلص
وايش اخبار سرورة الحلوة بعيد السو عليها

ام ولدها انستى انستى انستى وين هذه الغيبة
ميمونة الحبوبة بشرينا انا عندى احسس لو وحدة منا تحمل حا نحملو كلنا شكلنة مربوطات فى بعضنا
ام اسيل اين شغل والله قاعدة من الكوجينة للحمام نبرم

سورنيام شفتك امس طالعة من مختبر ابن سينا شن صار طلعتى حامل ههههههههه


حبل الوصل جسمك حلو معش تنقصى خليه جسم شبابى حلو فى السراويل والقونات ما تزيديش تسمنى اخره وزن 62 ممتاز هذا لى مطلوبة لرجالة توة


ام ردينة ايش اخباركم ياعرب الجبل شنو جايتك على ليمون الحامض اكيد لى امعك اوليد
ام سعد يا فاطومة شن حالك وين مختفية
تيمو ليبيا ايش اخبارك اكيد امرايف على حوست العصبان وخبزة التنور ان شالله بعد ما تجيبى انديرولك فى لمتك ونبعثوه فى الشحن السريع هههههههههههههه


رنوة قوليلى انتى مدرسة

[ميرنا]

لولى ايش اخبارك

[ميرنا]

لولى ايش اخباركم ياعرب المرج وشن حال امك وبنيتك روحتى الى بلادك ولا مازاتى فى قطر وربعنتى خلص

[عيون زوجي]

أية حبيبتي والكلام للكل وليك يا لولي باش ادلعي زوجك في غربته
شوفي هالحلو ما احلاه وما اسهله
http://forum.hwaml.com/imgcache2/hwaml.com_1285858813_778.jpg

http://forum.hwaml.com/imgcache2/hwaml.com_1285858798_310.jpg

http://forum.hwaml.com/imgcache2/hwaml.com_1285858808_256.jpg

http://forum.hwaml.com/imgcache2/hwaml.com_1285858802_261.jpg

http://forum.hwaml.com/imgcache2/hwaml.com_1285858799_863.jpg

http://forum.hwaml.com/imgcache2/hwaml.com_1285858811_621.jpg

http://forum.hwaml.com/imgcache2/hwaml.com_1285858796_103.jpg

http://forum.hwaml.com/imgcache2/hwaml.com_1285858809_137.jpg

http://forum.hwaml.com/imgcache2/hwaml.com_1285858810_905.jpg

http://forum.hwaml.com/imgcache2/hwaml.com_1285858806_661.jpg

http://forum.hwaml.com/imgcache2/hwaml.com_1285858803_848.jpg

http://forum.hwaml.com/imgcache2/hwaml.com_1285858797_603.jpg

http://forum.hwaml.com/imgcache2/hwaml.com_1285858806_922.jpg

http://forum.hwaml.com/imgcache2/hwaml.com_1285858805_314.jpg

http://forum.hwaml.com/imgcache2/hwaml.com_1285858804_118.jpg

http://forum.hwaml.com/imgcache2/hwaml.com_1285858812_743.jpg

http://forum.hwaml.com/imgcache2/hwaml.com_1285858807_508.jpg

http://forum.hwaml.com/imgcache2/hwaml.com_1285858796_719.jpg

http://forum.hwaml.com/imgcache2/hwaml.com_1285858808_527.jpg

http://forum.hwaml.com/imgcache2/hwaml.com_1285858800_517.jpg

http://forum.hwaml.com/imgcache2/hwaml.com_1285858798_987.jpg

http://forum.hwaml.com/imgcache2/hwaml.com_1285858811_716.jpg

http://forum.hwaml.com/imgcache2/hwaml.com_1285858803_712.jpg

http://forum.hwaml.com/imgcache2/hwaml.com_1285858801_395.jpg

http://forum.hwaml.com/imgcache2/hwaml.com_1285858795_267.jpg

http://forum.hwaml.com/imgcache2/hwaml.com_1285858801_850.jpg

[عيون زوجي]

هلا ميرنا كيف حالك وشن صاير معاك........

[ميرنا]

ياماشالله عليك ياعيون راجالها وين هذه الطرحات

[ام لقمان]

السلام عليكم جميعا
كيف حالكم يااحبابنا؟
ماشاء الله الشات فى تقدم حلويات وجو سمح
ربى يونسكم ببعض
ويفرحنا كل بما فى باله

[ام لقمان]

خيرات ياميرنا
كيف الحال؟
انا النت بالهون عندى
وانتم ؟

[لولى2010]

ميرنا انا مشيت لليبيا تالت يوم رمضان وروحت اول امس اااااااااربعنت من زمان هههههههههههههه

[عيون زوجي]

السلااااااااااااام عليكم
كيف حالكم توا
ام لقماااااان ولولي....... عودة الحبايب ماشااااااااءالله

[لولى2010]

عيون كيف حالك نبي نسالك لما هلك وهل راجلك شفوك حامل شنى تعليقهم ههههههههه
ديمه فى عقلى

[ღॐ آية ღॐ]

مشاء الله منورين التجمع
نورتي ميرنا والله وحشتينا
ام لقمان كيف الحال؟
لولي حبيبتي القلوب عند بعضها عرفيني عليك اكتر؟
عيون ربي يسهل علييييييييييك ياااااااااااارب
وربي يشفي سرورة يارب بعيد السو عليها
بنسبه لي ولادتي في ايوب كانت طبيعيه بس طولت هلبا باش ولدت
جاني الوجع قبل موعدي بي اسبوعين
امشيت الساعه 2 بليل وكان الوجاع فضيع دارولي كشف لقوالرحم مفتوح 4 سانتي
بس معادش بي يزيد ينفتح حطولي تغديه ودارو فيها يبرت وجع صناعي((الله لا يوريها لعدو))
وكل مرة طبعا يديرو في كشف والله حاله المهم وقت حمي الطلق ونفتح الرحم 8 سانتي
والميه قعدة مانزلتش جي الدكتور وفتح الكيس وقالي يله ولادة
قعد12 الساعه وانا نتوجع وبصراحه وقت الدحم والجد والله ماكان فيا جهد
وصاخت اوخيتكم من الالم في هدة الاثناء رئس ايوب كان طالع شويه وربي
ستر شفطه الدكتور بلماكينه >>>>وما ادراك ما الولادة بشفط>>الي ماتعرفش تسئل يااااااااارب يبعد عليكم الولادة بلماكينه ياااااااااارب
والحمد لله ولدته على خير وهادي قصتي بختصار شديد ياعيون

[عيون زوجي]

السلاااااااااام عليكم
كيف حالكم اليوووووووووووم
لولي هلا بيك مرة تانيه بالنسبه لرد الفعل ديمة رد فعل الاهل احلى بهلبه من حوش الشيابين
امي على قريب طارت من الفرحه والزعل فرحت بحملي وزعلت لاني دسيت اعليها بس ما نحكيلكش احنا الليبين لما تكون عندك ابنيه والتاني يقولوا اوليد يفرحوا هلبه هلبه اتقولي لو جبتي بنتين على بعض حرام
اما عزوزتي وحمواتي قالولي اه هذا حمل نحسابوه كله سمن انخلعنا لو كان كله سمن شوفي الرد ما ابيخه
بس المهم زوجي فرحااااااااان وماما فرحاااااانه وادعيلي يا لولي انجيب طبيعي وعلى خير اليوم ليا 11يوم في العاشر

[عيون زوجي]

مااااشاءالله يا أية المهم جبتيه طبيعي وارتحتي انا نكره القيصري والاريح انه قبل موعدك
احلى شي في الولادة نستنوها 9شهور ونتعدبوا وقتها وبمجرد مايجي البيبي بصحه وسلامه ننسوا كل شي
انا كنت راقدة في نومي وزوجي في العمل وكنت في الاسبوع الاخير في الثامن
الساعه9 نحس في اميه تحتي حاشاك نحساب روحي عملتها شميت لقيتها ميه اتصلت بزوجي ومشيت لمصحة الفتح قالتلي ان امية الجنين نزلت مني
رقدت في مصحة 11يونيو 9ايام كل يوم حاشاااااااك كشف وتخطيط وجهاز مرتين يوميا
وبعدها دارولي وجع صناعي الساعه 6الصبح في تحميله مهبيليه مانحكيلكش عالوجع من الصبح للمغرب وانخفض الضغط لدرجة ماعادش نشوف نهائي جاني الدكتور واعطاني مسكن الغي مفعول الوجع بعد المغرب
اليوم التاني الساعه 6الصبح اعطوني الوجع في الوريد وكان اسرع وجبت سارة بعد 6ساعات الساعه 12 وربع الظهر ووقت الولادة بالزبط اتعبت والمشكله مش اغماء لا والله نوم صدقيني جاني نوم بالحلم والقابله الفليبينية تعارك هيا بوش بوش وانا راقدة لكن الحمدلله زوجي كان معاي في ولادتي كان يقولي حبيبتي هانت خلينا نشوف حلا لاني كنت ناويه اسميها حلا ويلي ساعدني انها بنت 8شهور كانت 2كيلو بس بمجرد ما حاولت ندحم بجهدي الخاص لان الطلق طار ماعادش فيه طلعت سارة الامورة وارتحت
ويارب نجيب قبل الاحد لانه موعدي مع الصناعي ويارب ما نشوفه تاني

[عيون زوجي]

حاشاكم من امس وانا مريضة انتقلتلي العدوى متاع البردة من بنتي
رقبتي مسكرة وراسي يوجع وفاشله انفكر في الولادة ماعنديش جهد نهائي للوجع والتحمل ولاحتى رقبة للعياااااااط ههههههههههههههه

[ام لقمان]

السلام عليكم
اعيون كيف الحال
ربى يسلمك لينا وتنوضى صحيحه وتبشرينا
آيه ربى يسلملك ايوب واجرك حاصل
ميرنا...........حبل الوصل.......هنديه.......ميمونه.........كيف حالكم جميعا؟
آيه شن هالشعار نقضتى علينا المواجع
الله ياخذ فيهم الحق وجعوا قلوبنا على امنا اكثر ما نحن نتوجع
والله زمن احرف
لولى ملاحضه دائما الاهل فرحانين اكثر لانهم اهلك واغلبهم ينسوا ان هذا الطفل لولدهم حتى هوا
سلامى للجميع

[ام لقمان]

بعيد السو عليك ياعيون
كولى تمر وحلبه وانتبهى كا ن ضغطك عالى من الحلبه
ديما ارقى نفسك وربى يسهل عليك
وين ايجيك الوجع اقرى من سورة الانشقاق من البدايه الى قوله والقت ما فيها وتخلت
واصدقى راهى الصدقه عجيبه
ايقولن عزايز قبل المرأة الكريمه تظهر فى الولاده الخوات امتاع العيل تصلع بلا تعب
وصدقينى هم الحمل وتعبه ولا هم العقم وراحته

[معراج]

تسلمي يام رنوة وتسال عنك العا فيه والسنين الطيبه انا الحمد لله صحيا كويسه بس نفسيتى ززززززززززفت مشيت للدكتور امس وقالي فيه بويضات بس حجمهن صغير وغير صالحات للحمل ياااربنا حطمنييي لاعرفت نضحك او نبكى بلاخص امي كانت تستنى فيا بره الحمد لله لابسه الخمار ماشبحت وجهى قداش انقلب قعد مكبد فيه مية لون المهم الحمدددددلله ربي يرزقني ويرزق كل محرومه من وااااااسع فضله

[ღॐ آية ღॐ]

عيون لما جبتي سرورة قعدت في الحضانه اسبوع
ولا روحتي بيها؟؟
وان شاء الله لاباس عليك ديري بالك على عمرك واشربي ليموناضه
كويسه مضاض طبيعي وكتريلها العسل ولو عندك نعناع اخضر ديريها في الخلاط
وحطي ورق النعناع ..وففففففففففن لين يرتحى كله
على فكره تجي حلوة زي المنته وربي يشفيك يارب
ام لقمان الله يخليك يارب انتي كم ليك متزوجة ؟؟
وبنسبة لشعار فهدا والله من حرقة قلبي على ام المؤمنين ربي ياخد في كل
من يضلمها الحق لانها اطهر نساء الخلق قولي امييييييييين

[ღॐ آية ღॐ]

معراج ربي عنده هلبا خير
وان شاءا كيد رح يرزقك من واسع فضلة
وزي ما نصحت الاخت ام لقمان عيون بصدقه ننصحك
تتصدقي بنية الانجاب وتصدقي بكترة مع الدعاء المستمر والاستغفار
وبأدن لله رح تشوفي دريتك في القريب العاجل
يااااااااااارب

[عيون زوجي]

hellooooooo......

[عيون زوجي]

السلاااااااااااااام عليكم
لا اله الا الله استغفره واتوب اليه

[عيون زوجي]

وينكم اليوووووووووووووووووم.............
شكلكم كلكم في حياش اهاليكم سعدودكم
انا مريضة راقدة في فراشي
الزكمة قتلتني خلاااااااص
ومش عارفه شن ناخد من غير البنادول
ومكسدة بروحي
بنيتي راقدة وزوجي رافع بوه وامه يعزوا
ومش مروحيين لليل
وانتم مهنااااش
شن بندير قولولي راسي بينفجر............

[ام لقمان]

السلام عليكم
كيفك يا آيه؟
بنجاوبك على سؤالك انا متزوجه من 14 سنه وماحصلتش ابنائى بسرعه يعنى بالعلاج والرقيه
الحمد لله ربى يحفضهلى وين انشوفهم منصدقش نفسى
ويارب تحصلوا زيهم واكثر منهم
الدعاء وبس اطلبوه من غيركم ديما
بالنسبة لامنا عائشه
الطاعن فيها وصفه احدهم بانه صرصور اراد ان يتعاظم واراه اهون
وهى الان فى جنة وجنان وهو يضيع اوقاته سدا
اعيون باين اليوم امكسده بالحق
ربى يشفيك ويفرحنا بيك
معراج خيرها فى غيرها وين بيعطى المولى ساهل
ومتعدليش على كلام الاطباء راهم فقط اسباب
قلتلكم انديروا كل يوم ندعوا لوحده وربى مش ممكن ايخيب الجماعه

[أم سعد]

السلام عليكم

مساء الخير

[ღॐ آية ღॐ]

مساء الانوار ام سعد كيف حالك؟

[ღॐ آية ღॐ]

عيون ربي يشفيك
ديري بالك على عمرك

[أم ردينة]

احمدي ربك علي الصحه يا معراج وانشالله ربي يفرحك في القريب العاجل يارب وخلي ايمانك بالله كبيير واي حاجه من ربي مرحبتين بيها .. ديمه ادعي وانشالله ربي يستجيب ... سلامتك يا عيون الف سلامه

[أم ردينة]

اهلين بام السعد كيف الحال

[أم ردينة]

شنو صار يا آيه شريتي البرتقال ولا مازال؟؟

[حبل الوصل]

السلام عليكم كيفكم اليوم
عيون الف لاباس عليك وعلى بنوتك
معراج ربي يفرح قلبك ويرزقك بتوامة يارب
ام اسيل وينك قعدتى كسلانة عن التجمع وخيتك فاقدتك وينك
ميرنا الشهر هذا خذيتى علاج وابر ولاشنو احكيلى

[ღॐ آية ღॐ]

هلا بام ردينه نورتي والله كيف الحال وكيف حال السموحه
ان شاء الله حالها باهي؟
والله شريت اليوم اليوم وكليت منه لييييييييييين بطني وجعتني
راجلي يقولي ياسرك وانا ناكل بس الحمد لله وجاع بطني خف توة
تصدقي والله شفته صدفه في بركه على الطريق قلتله درس درس مسكين
تخالط قالي خيرك قلتله فيه ليم بالله درس واشريلي
مسكين والله درس نزل طيارة وجابلي زوز كيلو
لاكن راهو مستورد لان مزال عندنا ما طابش وقارص لين خلاص

[معراج]

شكرا لكل وحده دعتلى والله كلامكن هون عليا وووووووواجد وربي يباركلكن في ضناكن وازواجكن يارب امييين ويربحن الله ادعلى ادعلى ادعلى ربي يعطيني الدريه الصالحه

[حبل الوصل]

معراج في اي عيادة تعالجى ومع اي دكتورة

[ام ريحان]

السلام عليكم: كيف حالكم ان شاء الله الكل بخير وربى يسهل على كل حامل ولادتها ويرزقنا الذرية الصالحه يارب. كنت نحساب روحى حامل الشهر هذا لان الدورة تاخرت 10 ايام مشيت درت تحاليل ن طلع هرمون الحليب عالى مع انى ليا شهرين ونص راميه لكن خاطرى نحمل ثانى وبالله عليك يا ام رنوه اعطينى مواعيد الدكتور ابو ظهير فى مصحة اليشفين انا نمشى كنت للدكتوره نعيمه النعاس فى نفس المصحه وحتى انا اعطتنى اسبرين بعد ما رميت انتى اخديته ولا لا? وبالله كان تعرفو دكتور ثانى كويس قولولى انا رميت فى الفردوس عند الدكتور احمد الزروق وكلهم قالولى مايصلحش والله معاد عرفت وين نمشى نعاين

[نسرينا]

السلام عليكم

تجمع طيب ميرنا

كل التوفيق للجميع

سأكون متابعة واي استفسار عن اي شيء في طرابلس انا في الخدمة

تقديري

.

[نسرينا]

عزيزتي ام ريحان

على حسب ما سمعت ان الدكتور الزروق دكتور كويس والكثير يشكروا فيه
بس اني انتابع عند الدكتورة بدرية في الفردوس

وياريت انك تستني شوية بعد ما رميتي اقل شيء 3 شهور عشان صحتك

اني نفس الشي ليا متزوجة 7 شهور حملت ثاني شهر ورميت لان ماكنتش نعلم بالحمل وقعدت فترة ننزف .

ولتوا ماحملتش وحاليا انتابع عند د. بدرية وناخذ في كلوميد وان شاء الله خير يارب

,
موفقة عزيزتي

.

[ام اسيل]

صباح الخير عا الحلوات

حبل الوصل والله انتم واحشيني لكن نروح من المدرسة الساعة 2 وزحمة الغداء والمطبخ مانكمل الا عا الساعة 4 نحط راسي نرقد نوض عا الحمسة ونص نضم الحوش نشوف واجبات العيال ماتجي العشرة الا وانا نشوف في النجوم تعب بكل غير اليوم اجازة وحصلت نومة باهية حتى هيمو حطيته السنة في منزلية التعليم لان مازال ماسكر الستة هو 2005 وسنة اولى 2004 يستر الله خايفته يحشم بيا مش كيف اسيل اسيل شاطرة ماتعبتني بكل

وانتي العيال يعدو للمدرسة ولا الروضة

[ام اسيل]

ميرنا
شن صار عندك شن خذيتي ها الشهر والنبي كان جيتي لبنغازي المرة الجاية كلميني المرة الي فاتت مشيتها لكي لكن المرة الجاية نزعل راهو

ام لقمان نورتينا والله لك وحشة

عيون والله قلبي معاك شد عزومك وتنفضيه بالسلامة ياربي والله الكركرة واعرة لاباس عليك وعلى سرورة

معراج خلي املك بالله كبير وفيه علاج اكيد اوله الكلوميد متخافيش المهم شوفي دكتور كويس

ميمونةوينك وشن صار عندك

سورينام غياب عندك استدعاء ولي الامر انتي وهاتو غياب غير مبرر

[نسرينا]

ههههههههه

ربي يعاونك ام اسيل

ويعوضلك تعبك راحة وخير ان شاء الله

.

[ام اسيل]

اية

صحة عا البرتقال لكن واجد يوجع البطن وماتكثريش دلع عا الراجل لو حبيبك عسل ماتلحسوش كلو

[ام اسيل]

ههههههههه

ربي يعاونك ام اسيل

ويعوضلك تعبك راحة وخير ان شاء الله

.

الله يسلمك ياخيتي والله نحنا الصبايا مغير نشاكو كانا في الحوش نقولو ووووه كساد نفس الروتين وكان اشتغلنا نقولو وووووه تعب ارهاق ماعاجبنا شي ديما سنفور غضبان تبي الحق اسمالله على رجالتنا ديما متحملين النقنقة متاعنا

[نسرينا]

لالالالا هههههههههههه

تي غير منو اللي متحمل منو ؟؟

اسمالله علينا احني البال الواسع والكلمة الحلوة والضحكة والا شنو ؟

[حبل الوصل]

صباح الخير عا الحلوات

حبل الوصل والله انتم واحشيني لكن نروح من المدرسة الساعة 2 وزحمة الغداء والمطبخ مانكمل الا عا الساعة 4 نحط راسي نرقد نوض عا الحمسة ونص نضم الحوش نشوف واجبات العيال ماتجي العشرة الا وانا نشوف في النجوم تعب بكل غير اليوم اجازة وحصلت نومة باهية حتى هيمو حطيته السنة في منزلية التعليم لان مازال ماسكر الستة هو 2005 وسنة اولى 2004 يستر الله خايفته يحشم بيا مش كيف اسيل اسيل شاطرة ماتعبتني بكل

وانتي العيال يعدو للمدرسة ولا الروضة
ربي يعينك ياوخيتى
بالنسبة للصغار اخلاص سنه اولى مواليد 2004 هيا وعمر اولى روضة مواليد 2006 تعرفي حتى انى نحس في عمر بيتعبنى مش زى اخته اخلاص ماشاءالله عليها ذكية وتحفظ بسرعة شكلهم الاولاد اغبياء ولاكيف

[عيون زوجي]

السلااااااااااااااام عليكم
انشاءالله غير قاعدااات
مش هاربااات زي العادة
نبي نشاوركم

[ام رنوة]

سلامي م يا ام ريحان ماهي مشكلتك هل عملتي جميع التحليل وماهي النتيجة وباانسبة للهواتف المصحة هي 3700152 3700156 وضروري من الحضور الشخصى ونصيحة الي كل واحدة تريد تحمل وخاصة انها رامية من قبل انها تحزم يعني 5يوم الدورة تروح تحزم و2345 يوم الدورة تشرب الحلبه ومعها قليل من القرفه والزنجبيل وانشاء الله تحملي وتشوفي باعيونك الحلوة سلامي الي حبل الوصل وام اسيل واية معراج وسماسم

[عيون زوجي]

انا اليوم ليا 12يوم في العاشر
مشيت البارح لدكتورة في مصحة الفتح
طمنتني وخوفتني الزوز
قالت وضع الجنين كويس وكل شي تمام
بس مخاطرة من الام على البيبي انها تفوت اكتر من اسبوع
وخصوصا انها مش بكريه
ونصحتني اليوم نمشي اندير وجع صنااعي
وبالفعل كنت ناويه نمشي
البارح ضميت الحوش وبرمت يمين وشمال
ودرت دووووووووش سخوووووون و طويل وشطبت البوابه ههههههه
(كل يوم تتشطب حتى لما كنت عروس مش هكي)
والصبح جهزت حاجات سارة باش تاخدها امي
ولما قالي هيا خفت
مشيت كلمت صاحبتي عالتليفون
قالتلي استني اليوم وبري اتمشي
وغدوة في كلتا الحالتين بري وتوكلي على الرحمن
اقتنعت وقعمزت(هههههه وحدة خايفة وما صدقت)
توا قلت انخش وناخد نصايحكم
انتم شن رايكم
انصحوا اختكم حبيبتكم...........
مش اطنشوا وتختفوا
نبكي راهووووووووووووو
البارح صليت استخارة
وقعدت بلا نوم محتارة لبعد الفجر
ولحد الان مش قادرة نقرر قرار نهائي

[حبل الوصل]

عيون انى ننصحك تديري وجع صناعى لانى نعرف وحده كملت شهرها وخشت التاسع ومابتش تمشي لعند ماجاها الوجع لما ولدت العيل كان شارب المية والنفاس وقعد 3 ايام بعدها مات بعيد السو عليك وعلى وليدك انى مانبيش نخوفك لكن والله خايفة عليك اسمعى كلام الدكتورة وامشي وربي يسهل امورك والله حندعيلك من قلبي

[عيون زوجي]

هلا ام رنوة شن اخبارك
انتي وريحانه وام ردينه
أية اليوم غياب انشاءالله المانع خير
ام اسيل وحبل الوصل منورات التجمع
صحه ليكم تخدموا انا نكره الخدمة
ما صدقت حددوا عرسي وبطلت نخدم

[عيون زوجي]

خوفتيني يا حبل الوصل
يا حليلي شن بندير
باهي شن رايك نصبر اليوم بس
ونمشي لين تتورم رجليا
وغدوة من الصبح انكون في المصحه
لاني توا جاني امل في الطبيعي
عندي وخز في منطقة المهبل
والبارح الدكتورة قالت ان راس البيبي في الحوض تماام
طمنيني اوخيتي وقوليلي حتى غدوة عادي

[عيون زوجي]

hwaml93hwaml93hwaml93

[حبل الوصل]

لو الدكتورة قالت لك امورك تمام والبيبي كويس نبضه والمشيمة والمية وتحسي بحركة البيبي كويسة اصبري وديري كل السبل باش تولدى اليوم اوبكرة ان شاءالله وربي معاك خودى مية مقري فيها
مرة اختى كانت حامل في شهرها وولدها مات في بطنها وكانو مقررين ليها عملية لانه قعد في بطنها 16 يوم ميت وفي اخر يوم كان مازال ساعة ويدخلوها غرفة العمليات اعطاها عمى مية مقري فيها تعرفي سبحان الله ماجتش الساعة الاوهيا والدة طبيعى

[حبل الوصل]

انى مانخدمش مدرسة بس احتياط وقاعدة في البيت

[ميرنا]

ههههههههههههه ياعيون راجالها مازلتى بالك خاطرك فى حاجة ولا واكله لحم جمل

[ميرنا]

رفيقاتى حبل الوصل وام اسيل انا اعطتنى الدكتورة ايمان الشهر لى فات حبتين دوستنكس على 6 الاولت وقالت عندم اتجيك الدورة اتصالى بى واخذت من عندى اكلوميد وعديت لدكتورة فى درنة تاسع يوم الدورة قالت التبويض 23 واعطتنى ابرة تفجير وان شالله خير الدورة 13/10 انتظرونى بالك توة انعلق اعلان حملى قولن امين ا

[ام ريحان]

امين يا ميرنا

[ميرنا]

عيون راجالها معش ترهقى نفسك لانك معش تلقى جهد بعدين لدحم

[ام ريحان]

ربى يرزقك ويعطيك الا يفرح قلبك يا ميرنا

[ميرنا]

ميمونة الوووووووووووووو الوووووووووووووو وينك واحد واحد واحد الصوت واضح ياجماعة عطونا سكت منغادى لو سمحتم ميمونة ميمونة هل تسمعينى اكيد امك طردتك هذا عليش معش خشيتى

[ام اسيل]

ميرنا

مش قبل تبي تاخذي ابر وتجي للدكتورة ايمان شن صار
ولقت عندك بويضة ولا 2
يارب تحملي ويتهنى خاطرك ياخيتي
انا ان شاء الله اول ماتجيني الدورة ندير تحليل الحليب ونعدي للدكتورة ايمان ونشوف لاني الشهر لاخذيت كلوميدولا دواء الحليب مليت حتى الدورة الشهر الي فات جتني ضعيفة بكل يوم ونص بس وخفيفة لاني ماخذيتش دواء الحليب
يارب يرزقنا وكل محرومة ومتمنية يارب

[ميرنا]

ام ريحانة ايش اخبارك وانستينا وانشالله وجهك خير علينا انا علق النت على المدار هذا عليش الرد امتعى بطيئ

[ميرنا]

ام اسيل نجك لى انتى قاعدة على الخط ايوه انا مازلت مع الدكتورة ايمان بس قالت لى ما نعطيك شى نين نقص هرمون الحليب اول مرة اعطتنى 6 حبات دوستنكس وثانى مرة اعطتنى حبتين وانا اخذت من راسى اكلوميد واعديت لدكتورة فى درنة وقالت عندك بويضة وحدة حجمها 23 واعطتنى ابرة التفجير لانى مستعجلة ماقدرتش نهلب هذا الشهر

[ام روفيدة]

السلام عليكم كيف حالكم يا احلى تجمع الحمد لله شرينا كمبيوتر وركبنا نت مؤقت ليكم وحشة والله

[ميرنا]

وانا نقول عليش التجمع امنورة
طالما انتى موجودة شن رايك انخشو على اعيون راجالها ونولدوها وخلص المسيكينة تعبت هههههههههه راهى تسمعنا تنفجع وينك ياعيون راجالها

[حبل الوصل]

رفيقاتى حبل الوصل وام اسيل انا اعطتنى الدكتورة ايمان الشهر لى فات حبتين دوستنكس على 6 الاولت وقالت عندم اتجيك الدورة اتصالى بى واخذت من عندى اكلوميد وعديت لدكتورة فى درنة تاسع يوم الدورة قالت التبويض 23 واعطتنى ابرة تفجير وان شالله خير الدورة 13/10 انتظرونى بالك توة انعلق اعلان حملى قولن امين ا
سبحان الله حتى انى لما مشيت للدكتورة لقت بويضة وحدة حجمها 23 وعطتنى ابرة تفجير بس انا دورتى 18/10

[ميرنا]

تعرفى ياام روفيدة من البرنامج لى عطيتيه لى موش ماسك منه شى امغير قراءة سورة البقرة مرة وحدة فى اليوم اوالاستمع متضحكيشى على الله غالب

[ميرنا]

ااااااااو حبل الوصل ان شالله نحملو ونتريحو انتى تبى كم عيل مع اولادك ولا حتى واحد عادى

[حبل الوصل]

قبل كنت نقول منبيش عيال واجدين نبي اربعة بس وتوة بعد قعدت والله كان نحمل مانبيش ناخذ بعدها مانع خليهم كل سنة عيل

[صابرة]

كيف حالكم يابنات

[صابرة]

ربي يرزقك يا حبل الوصل 10 صغار بإذن الله

[صابرة]

ميرنا يارب تفتكي من الدورة تسعة شهور قولي اميييين

[صابرة]

معراج حبيبتي ربي يحفظك ويزقك اولاد وبنات يهنوك في دنيتك واخرتك

[ام روفيدة]

ربي يسهل لك الحمل يا ميرنا وان شاء الله شهر شوال القادم وليد ولا بنية بين يديك اللهم امين

[صابرة]

كيف حالك يا ام رفيدة

[ام روفيدة]

الحمد لله شن حالك يا صابرة

[ام روفيدة]

ماشاء الله على وليدك تبارك الرحمان ربي يحفظه لك

[صابرة]

سلمك
انا الحمد لله حالي كويس وراجلي يبي عيل تاني وولدي مسكرش 4 شهور
مش عارفة كيف بندير

[ام اسيل]

قبل كنت نقول منبيش عيال واجدين نبي اربعة بس وتوة بعد قعدت والله كان نحمل مانبيش ناخذ بعدها مانع خليهم كل سنة عيل

ههههههههههههههه حبل الوصل اجعري من الراجل راهو شكا لراجلي وقاله ها الولية ركبتني الطياب(المياط) بشوية عليه عليك الي ماعندها نية بكل

[ام رنوة]

صابرة حبيبتي السلام لكي ولجميع الاعضاء شكرا لشعورك النبيل الطيب ولكن اسف على تتدخلي ولكن ارجوا عدم اظهار صورة ابنك على شاشة المنتدى الله يحفظ تخوي 10 اولاد باش يرضى عليك ابوهم اميييييييييييييييييييييييييييييييييييييييييييييييي يييييييييييييييييييييييييييييين

[ام اسيل]

صابرة كيف حالك والله ليك وحشة وماشاء الله عليه عبودي تبارك الرحمن ومادام الانتاج كويس هكي جيبي خلي الحبل عا الجرار قبل ماتبلد الماكينة وراجلك كيده على روحه هو يشتغل وانتي جيبي ما تاوي عليه بكل

[عيون زوجي]

السلاااااااام عليكم
واحلى صباااااااااااااااح لكل نساوين ليبيا..........

[عيون زوجي]

طبعا انا نايضة وساريه من الصبح
النوم طاير من عيني
لاني اليوم بأذن الله رح نمشي للمصحه
واخيرا رح اذعن للحل الاخير
الووووووووووووووووووجع الصناعي اهئ اهئ اهئ
حبيت اكتبلكم واكلمكم قبل ما نمشي
لاني نبي منكم دعوة صادقة من القلب
وفي ظهر الغيب
ان الله يسهل ولادتي
ونشوف وليدي سليم معافى
وانوض بالسلامه لعويلتي

[عيون زوجي]

طبعا البارح طلعت مشيت لميدان بوسته
وتمشيت ساعتين ورا بعض بلا راحه
واليوم نضت شريت حليب بالقرفه
وكليت تمر وربي يهونها اعليا
ومع الساعه 12 رح نمشي
لو سخر ربي العالمين
لله الامر من قبل ومن بعد
مشكلتي .....
قعده مزكومه وعندي كحة حارة جدا
يارب يشفيني ويهونها اعليا
................

[عيون زوجي]

بأذن الله مش رح ننساكم من دعائي
ومن توا رح ادعيلكم
باش الدعوة تعلق في فمي ساعة الجد
يارب ارزق كل محرومه الذرية السليمة
المعافاة الصالحه
واخص بدعائي يارب العالمين كل مؤمنه مسلمة
واخواتي فيك ياربي
ميرنا وام اسيل وحبل الوصل وميمونه ومعراج وراجيه وسمحه واميسر ياااااارب العالمين
ويارب افرجها وهونها على كل حامل
تنتظر مولودها
وارزقها الولد الصالح السليم المعافى
وارزقها بره
وهونها على
اية وام ردينه وكل الحووووووووامل يارب
يارب العالمين يسر امر تربية الاولاد
لكل اخت لينا وارزقها بر اولادها
وهون اعليها مصاعب الحياة وهني
سورينام وام رفيدة ولولي وهاتو وصابرة وام لقمان وساجدة باولادهم يارب
وهنيهم بازواجهم
ويارب يارب يارب زوج ميرنا ما يتزوج غيرها
وهنيها معاه وارزقها معاه بالدر وخيرة الذرية
والعيشة الهنيه يارب
لا أله الا انت سبحانك اني كنت من الظالمين
واللهم صلي وبارك على محمد
واله وصحبه اجمعين الى يوم الدين
اللهم بارك في صحبتنا
واغفر لنا ذنوبنا ماتقدم منها وما تأخر
بالله لو نسيت اسم معين او تناسيت
ما تلومنيش قلبي يطق من الرهبه
وعقلي نصه طاير من التخميم
ادعولي اماااااااااااانه
اختكم في الله
عيووووووووووووووووووون

[عيون زوجي]

اكيدة بتقولوا عيون هبلت وعقلها طاير وساريه من الصبح تنفخ فيهم وتوجعنا في روسنا
سمعتكم
ومع هذا مسامحتكم
دنيا واخرة
.............................

[عيون زوجي]

hwaml7hwaml7hwaml7
hwaml7
استودعكم الله الذي لا تضيع ودائعه
hwaml10

[نسرينا]

السلام عليكم

عيوووون

بجاه هالصبح ربي يسهلك ويهون عليك وترجعي لعيلتك بوليدك بصحة وسلامة

الله امين يارب العالمين

صباح الخير للجميع

العزيزة صابرة

ياريت تضيفي اسمي للجماعة اللي يستنوا في الحمل

عشان توا ناخذ في كلوميد اول مرة نكمله الاسبوع هذا ويستر الله وان شاء الله تكون الامور بخير ونحمل الشهر هذا بإذن الله

سلامات

[ميرنا]

يارب يارب يا اعيون راجلها ربى يخلص كربك فى هذا اليوم وتولدى بسلامة انتى واوليدك يارب العالمين وتجيبى طبيعى وتفرحى راجالك وبنيتك

[ميرنا]

والله حسك شغالتينى ياريتك اتقولى الوحدة من خواتك اول ما تجيبى اتخش اطمنه عليك

[ميرنا]

نسرين حبيبتى انتى لك كم سنة متزوجة

[نسرينا]

صباحوووا

ميرنا

انا ليا 7 شهور متزوجة

حملت من ثاني شهر بس اجهضت لني ما كنتش نعرف اصلا اني حامل

.

[صابرة]

يارب يرزقك الذرية الصالحة يا نسرينا..7 شهور مش هلبة علاش تاخذي في الكلوميد هل عندك مشكلة في التبويض وعند منو تراجعي وانت من وين ....اسئلتي هلبة صح

[صابرة]

يارب يسهل عليك الولادة يا عيون وماتعطليش في الولادة وتشوفي وليدك سليم معافى يارب

[صابرة]

ام اسيل وينك كنت مغطسة والله ليك وحشة

[صابرة]

ميرنا شن حالك وشن امورك ان شاء الله كويسة
ربي يحفظك ياميرنا والله نحبك في الله

[صابرة]

ام رنوة ربي يبارك فيك ويارب نشوفو خير منه عندك

[ام رنوة]

عيووووووووووووووون حبيبتي بارك الله فيك انك تفكرتين وانا عارفة الي كنتي فيه يارب سهل عليها وخليها اتشوف ولدها بين ايدها ياااااااااااااااااااااااااااااااااااااارب الساعة 2 لااعرف ماوضعك الان ولكن انشاء الله طبيعي

[ميمونة]

ان الله يسهل ولادتي ياعيون اكيد هدا مش اسمك هههههههههه
وتشوفي وليديك سليم معافى بين ايديتك
واتنوضي بالسلامه لعويلتيك يارب

[ميمونة]

ميمونة الوووووووووووووو الوووووووووووووو وينك واحد واحد واحد الصوت واضح ياجماعة عطونا سكت منغادى لو سمحتم ميمونة ميمونة هل تسمعينى اكيد امك طردتك هذا عليش معش خشيتى
الو الو ميرنا ميمونه معك
السلام عليكم ميرنا كيف حالك يارب تكوني تمام وانشاءالله تطلعي هالشهر حامل وماتشوفيها الا بعد تسعة شهور يارب ياوخيتي ندعيلك من قلبيhwaml7

بالنسبة لحوشنا نجئ كل يوم احد وثلاتاء لاني نشتغل بالمدرسه الا جنب حوشنا hwaml12

[ميمونة]

السلام عليكم كل من دعيلي بارك الله فيه بس الله غالب الدوره جتني يوم الجمعه ومش هدا بس كان عيد زواجي يوم السبت مانحكيلكمش شن صار فيا ربي يعوض بس والله تعبت تعبت

[ميمونة]

بارك الله فيكم اخواتي عالدعاء

ربي يعطي كل وحده اللي تتمناه ويرزقها من نعيم رزقه يارب العالمين

[معراج]

كيف حالك يام رنوة وكيف حال افراد الاسره ان شاء الله بخير

[معراج]

ياربنك بكيتينى ياعيون ووحسيت بخوفك وقلقك \يالله ياربي ياعلام الغيوب تولدي بلسلامه انتى ولدك يااااالله يارب العالمين يارحمن يارحيم وتربحي طمنينا عليك ودعواتي معاك ان شاء الله مفتوووووحه قدامك اااااااااااامييييييين

[معراج]

متحرقيش اعصابك وتعبي نفسيتك هدا امر الله وان شاء الله الشهر الجاى حااامل باءدن الله ياميمونه

[حبل الوصل]

كيف حالك يام رنوة وكيف حال افراد الاسره ان شاء الله بخير
انى سالتك وين تعالجى ماجاوبتينيش يامعراج

[ام روفيدة]

السلام عليكم كيف حالكم اليوم ربي يسهل عليك يا عيون وتنوضي بالسلامة ليك وللبيبي

[ام روفيدة]

والله يا عيون دكرتيني بلما بنجيب قعدت نبكي ونقول لراجلي اني خلاص بنموت وقعدت نوصي فيه ونقوله كان متت روح بيا لي ليبيا ودفني غادي ههههههههه

[ام روفيدة]

وينكم يا عيلة مافيش حد

[أم سعد]

أنا هنا ----->

[حبل الوصل]

عيون ربي يسهل عليك شن صار فيك توة

[أم ردينة]

آيه كيف حالك .. باهي واخيرا حصلتي اليم واكيد بيكون مستورد لان مازال وقته شويه والفاكهه كلها تلقيها حتى كان مش في وقتها يستوردو فيها مش زي زمان ..

[أم ردينة]

حد يطمنا شنو صار في عيون الساعه سته توه يارب تولد بالسلامه يارب والله من بكري واني مشغوله .. مفيش حد يعرف اي حاجه عليها ولا يعرف ررقمها يطمنا بالله عليكم ...

[معراج]

شلخبار يا حبل الوصل وكيف حال اخلاص وعمور وبلنسبه لسؤالك انا من ما عالجت عنده عدي على اصابعك)دكتوره اولغا وبشير القاضي ورياض وفردوس ووحده ليبيه ما نعرفها هذا في سبها وفي براك= هيفاء وحمدي وسمير العراقي ووواحد مصري نسيت اسمه وانتى وخيتى كان تعرفي حد كويس قوووووولي

[لولى2010]

test test test

[ام روفيدة]

من يعرف شن صارمع عيون

[لولى2010]

خيرات كيف حالكن
ربي يسهل عليك عيون وتنوضى بالسلامه انت والبيبي

[ام ريحان]

السلام عليكم: كيف حالكم ....... ربى يسهل عليك ياعيون .................

[لولى2010]

السلام عليكم

[أم ردينة]

مساء الخير : شكله مفيش حد يعرف شنو صار في عيون؟

[معراج]

ها طمنوني شنوو صااار مع عيوون ياااارب ان شاء الله خير ياررررب تنوض بلسلامه هى وولدها ييييياااااااارررررب

[لولى2010]

ايه
الاسم لولى
الجنسيه ليبيه
البلد قطر
الاطفال بنت واسمها لينه
المده الزواج تلات سنوات
غرض السفر للعمل
مده السفر من انا عروس يعنى تلات سنوات

[لولى2010]

عيون ربي معاك طمنينا ووليدك ان شاء الله من قسمك ربي يسهل عليك

[لولى2010]

بنات وينكن شكلها مافيش حد

[ام اسيل]

لولي كيف حالك وين هالغيبة
كيف حال لينة وحشتينا والله
لولي بنسألك ام زوجك اجنبية؟

[ميرنا]

صباح الخير يابنات نهاركن سعيد

اعيون راجالهاhwaml7

صباح الخير يا اعيون راجالها ان شالله تبقى جايبه وطيبه انتى ووليدك يا نوارة التجمع والله مشغولين عليك كلنا واول مرة اتسير فى التجمع كلهم يبقو متواجيدين شوفى غلوتك عندنا كلن انحبوك ربي يسهل عليك ويعطيك على قصد نيتك الطيبة ونفسيتك المريحة

[ميرنا]

لولى
يا اهلال العيد كانك معش اتخشى واجد لينة خذاتك منا

[ميرنا]

لولي كيف حالك وين هالغيبة
كيف حال لينة وحشتينا والله
لولي بنسألك ام زوجك اجنبية؟

ام اسيل هههههههههه عطك حبة انتى تعتقدى ان لينة على اسم حنتها

[ميرنا]

ام اسيل خوذى نبذة مختصرة على لولى اهلها من المرج واهل راجالها من بنغازى جيرانكم وهى تسكن فى قطر وعندها بنوتة اعتقد انها امسميتها على لينة التى فى عدنان ولينة

سمحينا يالولى اليوم امكسدين عليك hwaml02

[ميرنا]

اعيون راجلها

يارب يا كريم ساعدها وخلص كربها وفرجها عليها وفرحها وجبر خاطرها بشوفت ولدها بصحة وسلامة فى هذا اليوم المبارك

[ميرنا]

شلخبار يا حبل الوصل وكيف حال اخلاص وعمور وبلنسبه لسؤالك انا من ما عالجت عنده عدي على اصابعك)دكتوره اولغا وبشير القاضي ورياض وفردوس ووحده ليبيه ما نعرفها هذا في سبها وفي براك= هيفاء وحمدي وسمير العراقي ووواحد مصري نسيت اسمه وانتى وخيتى كان تعرفي حد كويس قوووووولي


ههههههههههه يا معراج خلص معش فيه حد جيتيهم كلهم

[ميرنا]

السلام عليكم كل من دعيلي بارك الله فيه بس الله غالب الدوره جتني يوم الجمعه ومش هدا بس كان عيد زواجي يوم السبت مانحكيلكمش شن صار فيا ربي يعوض بس والله تعبت تعبت

ميمونة

امهونة امهونة امهونة

[ميرنا]

سورنيام
سورنيام وينك التوام امتعك دخلت لغرفة الولادة وان شالله ربى يخلص كربها وتحل اعيونها على خير وسلامة هى ولدها

[ميرنا]

الصابرة

بارك الله فيك توقيعك وفر علينا معرفة كل وحدة حامل ولا جايب ولا تستنى فى الحمل فكرة سمحة وبما ان نحنا ما شالله معش عرفت من هى لى تستنى فى الحمل ومن لى حملت

[ميرنا]

اسسسسسس ااااااااسس يا بنات سمعت صوت عيون راجالها قعدة تدحم hwaml8
ايوه ياعيون راجالها ايوه خلص هانت ما شالله هيا هيا هيا ايوه تمامhwaml45 نبو تشيع يا ممرضات صفقولها hwaml50 شاطره شاطرة اعيون راجالها هيا هى ما شالله
راجالها قعد يصفق بره عند البابhwaml7 ايوه ايوه خلص هانت هانتhwaml42

[poucie]

السلام عليكم يا بنات ليبيا انا حبيت نتعرف عليكم وننظم معكم في التجمع انا من طرابلس شن قلتو ممكن ننظم ليكم

[ميرنا]

يا مرحبتين بيك يابوسى انستينا وانشالله وجهك خير علينا

[ميرنا]

بوسي
بنات التجمع اليوم شكلهن امرقدات كلهن مفيش حد الا انا

[ميرنا]

يابنات جوكن عرب من طرابلس نوضن لمن حوشكن
وعدن انشدن على خيتكن اعيون ايش صار امعها نوضى ياميمونة ياحبل الوصل نوضى يابنيتى
يام ردينة يا ام اسيل نوضن الصابرة يام رنوة يانعلى امغير امرقدات وخلص يا امغيلبات البنات
نوضى يامعراج يا اية رانى انخش عليكن يابنيات نوضن

[poucie]

تسلمي يا ميرنا والله شكلنا غير انا وياك امفقعات من الصبح خليهم صحه ليهم خلي يشبعو في النوم

[poucie]

خلاص يا ميرنا حرام عليك انا والله ماني برانية خليهم على راحتهم

[poucie]

ميرنا
خليني نتعرف عليك انتي قبل قوليلي انت من وين وكم عندك عيال ( وحدة تبي اتقصقص ههههههههه)
بالنسبة ليا انا انا من طرابلس وعندي بنية ربي يحفضها ليا انشاء الله اسمها روان وتواء انا حامل (مش امضيعة وقت بسلامتي هههههههه)

[ميرنا]

ههههههههه ههههههههههههههههه نجك لى حتى انتى كيفنا جوك سمح ربى يحفظك

[ميرنا]

ربى يحفظلك بنتك ويسلمك ويتمملك على خير انا من درنة وما عنديش اعيال كنت انجيب ويتوفو ومرات نجهض فى شهرين بس لى صارتلى صارتلى لى عشرة شهور معش حملت

[poucie]

انشاء الله ربي يرزقك ويطعمك ولا يحرمك يا رب العالمين

[poucie]

ميرنا وينك شكلك حتى انتي مشيتي اطخي في النوم معاهم انا عارفتك اكيدة سهفوك والله النويمة ما كيفها شيئ

[ميرنا]

ههههههههههه لا والله يريت نرقد امغير الضى طفه انا اليوم ماسك غفير علشن نرجا فى واحد يخش ايبشرنا على اعيون راجالها خشت امس للمستشفى اتجيب ومعش اسمعنا عليها شى ربى ان شالله ايفرجها عليها وتجيب باسلامة

[poucie]

انشاء الله تنوض بالسلامة والعقبة عندك انشاء الله

[poucie]

تعرفي يا ميرنا فيه دكتور شاطر هنا في طرابلس في عيادة الاخوة اسمه فيصل الكريكشي والله واجد يشكرو فيه وحملو على ايديه بعد فضل رب العالمين سامحيني يا ميرنا لو تتدخلت فيك بس حبيت انفيدك ونعلمك مش اكثر

[ميرنا]

خوذى راحتك يابوسى انا مشيت الى الدكتور محمد سعيد المحيشى فى عيادة الامومة فى طرابلس ودارلى عملية استكشف منظار الرحمى ومنها معش حملت وتوة بديت عند دكتورة فى بنغازى قالن لى عليها اخواتى فى التجمع اسمها ايمان ابو طلاق وبدية امعها لى شهر واذا كان ما صارش من الحمل الطبيعى قالت لى نزرع وان شالله خير

[poucie]

انشاء الله خير ويكون وجهي خير عليك وتحملي الشهر هذا انشاء الله

[ميرنا]

امييييييييييييييين

[ميرنا]

وتوة نبى انعدى اندير غداء مع السلامة

[ام روفيدة]

السلام عليكم كيف حالكم اليوم

[ام روفيدة]

وينك يا عيون شن صار معاك طمنينا عنك

[ام روفيدة]

شكله ما فيش حد

[poucie]

وعليكم السلام انا قاعدة اليوم مشتركة جديدة معاكم في التجمع

[نسرينا]

مراحب ام روفيدة

اهلا بوسي / ازيك ههههههههههههههه

انستينا وربي يحفظلك بنيتك ويسهل ولادتك على خير

الغالية صابرة شكرا لك

اني حسيت روحي فعلا استعجلت بالكلوميد بس قلت انجرب الشهر هذا خلاص وان شاء الله خير والخيرة فيما اختار الله

ميرنا

للعلم بس اختك مرت خوي زي حالتك بالضبط بس تعرفي شنو دارت ، سيب العلاجات كلها والمناظير وريحت روحها كم شهر وبعدين مشت دارت حجامة هي وراجلها والله حملت بعدها على طول وتوا جايبة وليد زي الغزال مع ان ليها 8 سنوات متزوجة لدرجة ان كلهم يأسوا منها ، بس ربي كريم
وان شاء الله ربي يكرمك زيها واحسن منها

ربي يوفق الجميع ونفرحوا كلنا يارب

.

[ام لقمان]

السلام عليكم ورحمة الله وبركاته
كيف حالكن ياخواتى
مرحبتين باجديدات نورتونا
يارب نفرحوا بعيون
يارب ايسلمها

[ام لقمان]

ياميرنا على خاطرى خشى النوافذ الطبيه والله فيها طبيب اعشاب اردنى ماشاء الله عليه
جربته فى روحى
والحمد لله حصلت جنان

[أم ردينة]

صباح الخير ميرنا اني هادي النوضه اليوم فقت الساعه واحد ظهرا لاني راكده الساعه سته صباحا .. وطول فتحت النت قلت بالك نسمع شي خبر على عيون لاكن للاسف مفيش اي خبر .. اهلا بيك يا بوسي نورتي التجمع اني ام ردينه من غريان يا ريت تعرفينا اكثر على روحك كم عندك صغار وكم ليك متزوجه .... لازم من التقصقيص باش نتعرفو

[حبل الوصل]

شلخبار يا حبل الوصل وكيف حال اخلاص وعمور وبلنسبه لسؤالك انا من ما عالجت عنده عدي على اصابعك)دكتوره اولغا وبشير القاضي ورياض وفردوس ووحده ليبيه ما نعرفها هذا في سبها وفي براك= هيفاء وحمدي وسمير العراقي ووواحد مصري نسيت اسمه وانتى وخيتى كان تعرفي حد كويس قوووووولي
وووووووه هذا كله
عندك حمدى كويس يحكو عنه واجد
بالنسبة ليا انى كنت نعاين عند اشجان تخدم في عيادة الهلال وعيادة بلقيس بس للامانة لما كنت نتعالج عندها ماحصلت نتيجة حتى البويضات اكبر وحدة لقيت حجمها 17
وتوة عند البلغارية ناتاشا ماشاءالله عليها عطتنى كلوميد معاه فيتامينات ولقيت بويضة حجمها 23 وعطتنى ابرة تفجير
ننصحك بيها هيا تخدم يوم الاحد والتلاثاء في عيادة الشفاء العشية
وفيه في براك في عيادة المنار دكتورة كورية حتى هيا كويسة وجهازهم كويس بكل

[ميرنا]

ياميرنا على خاطرى خشى النوافذ الطبيه والله فيها طبيب اعشاب اردنى ماشاء الله عليه
جربته فى روحى
والحمد لله حصلت جنان


ام لقمان توة خشيت على نوافذ الطبيه علشن خاطرك وسجلت باسم ميرنا ورديت على مقالك على اسبرين يخفض ضغط الدم وان شالله ربى يوفقنى *

[ام لقمان]

انشالله خشيتى وجاك الفرج
شفته ردك

[ام لقمان]

تواصلى مع الدكتور فواز وانشالله خير

[MALAK2010]

http://forum.hwaml.com/imgcache2/hwaml.com_1286199096_980.jpg

[معراج]

وراسك انتى ياميرنا نايضه ومفقعه من فجر ربي عندي طالبات يستنن فيا بلريق اليابس ويعطيك السلامه ضحكتينى هااادى الدنيا الله غالب عشان العويله مهناك من مامشيتله قريب كان يشبحونى فى الشارع يعرفونى

[معراج]

صحيتى بارك الله فيك ان شاء الله نمشى لنتاشا ويارب يعطينى وكل محرومه

[معراج]

طمنونا عن عيووووووووووون

[لولى2010]

خيرات بنات كيف حالكن ام اسيل لالالاام زوجى مش اجنبيه
عطك حبه ياميرنا ضحكتينى والله معاك حق فى الى قولتيه ممكن لينه بوها الى مسميها
عارفه ميرنا انت تو نسموك السجل المدنى للتجمع ههههههههههههههههههههههههه
عيون الحمد لله ع السلامه اكيد جبتى لانك ماخشيتيش
اهلا وسهلا بيك بوسي

[لولى2010]

ام اسيل بنت اختى تبي تسجل فى مدرسه وقالو المديرة واعرة ومابتش تسجلها شوى انا قلت بالك ام اسيل نتوسطلها كان هدا هههههههههههههههههههههههه

[MALAK2010]

http://forum.hwaml.com/imgcache2/hwaml.com_1286198988_165.jpg

[ام اسيل]

عيون يانعلي شن صار فيك طمنينا والله من امبارح لية راكبة فيا طنينا الله يربحك

[ام اسيل]

ام اسيل بنت اختى تبي تسجل فى مدرسه وقالو المديرة واعرة ومابتش تسجلها شوى انا قلت بالك ام اسيل نتوسطلها كان هدا هههههههههههههههههههههههه
انا مش واعرة بكل جيبوها ليا

[ام لقمان]

مسسسسسسسسسسسسسسسسسسسسسساء الانوار
باين مفيش اخبار
كيف حالك يا ام لينه
ام اسيل
حبيباتى الكل

[لولى2010]

كيف حال ام لقمان شن صار فيك ياعيون

[ام لقمان]

الحمد لله يالولى
جنان ولت ورقدت
ولاولاد كيف روحوا من الجامع
وهانى انراجى فى اخبار عيون
وانت كيف حال لينه

[حبل الوصل]

هلا شن اخباركم

[صابرة]

السلام عليكم كيف حالكم يابنات
مرحبتين بيك يابوسي نورتينا..تعالي هنا شوية قصقصة انت في اي شهر من الحمل وعند من تراجعي

نسرينا مقلتيش عند من تراجعي

ميرنا ام ريحان متعرفتش بيها حامل والا لا؟؟

ملاك وينك دوب ماتباني تعالي عرفينا عليك...شن شاغلك عليناhwaml7

[صابرة]

اووو من انشوف ....مش مصدقة لولي في التجمع من جديد
وينك لينة خذاتك منا والا......الراجلhwaml02

ام لقمان كيف حالك وكيف حال جنان وشن جو زليتن

[صابرة]

معراج ليك وحشة.........ربي يحفظك
ام اسيل وحبل الوصل احسن توامه

[صابرة]

عيون ربي يسلمك ويسلم وليدك
ماقالتش شن بتسميه؟؟؟؟

[ام لقمان]

صباح الخيرات
اهليييييييييييييين صابره الله يسلمك
كيف حالكم جميعا؟

[نسرينا]

صباح الخير ام لقمان

صباح الخيرات على عيون الجميع

صابرة / اني انراجع عند الدكتورة بدرية في مصحة الفردوس

للعلم يا بنات اليوم اخر يوم في الكلوميد ، بالله امتى نطمن على البويضات بسلامتهم نمشي يوم الخميس او السبت ؟؟

[حبل الوصل]

اليوم كم عندك في الدورة يانسرينا

[نسرينا]

وووينكم

؟؟؟

[نسرينا]

مراحب حبل الوصل

اليوم عندي 9 ايام

و مواعيد الدكتورة يوم الخميس ويوم السبت والاثنين

[ام ريحان]

صباح الخير

[حبل الوصل]

انى دكتورتى اعطتنى الكلوميد من خامس يوم لتاسع يوم واليوم العاشر شفت التبويض لقيته كويس وعطتنى ابرة تفجير

[ام ريحان]

نسرينا..حبل الوصل كيف حالكم

[حبل الوصل]

بخير الله يسلمك انتى شن اخبارك

[نسرينا]

ام ريحان صباح الخير و يومك سعيد ان شاء الله

كيف احوالك واخبارك ؟؟

.

حبل الوصل نفس الشيء حتى اني اخذيته من خامس يوم الدورة لمدة 5 ايام

واليوم اخر يوم يعني على هالحال نمشي يوم الخميس بعد بكره

.

[ام ريحان]

نسرينا قداش ليك متزوجه

[نسرينا]

ليا 7 شهور وكم يوم

وانتي ؟

.

[ام ريحان]

19 /11 نكمل سنة

[نسرينا]

العمر كله ان شاء الله

عندك صغار .؟؟ هههههههههههههه اكيد ريحان

[ام ريحان]

كنت حامل لكن ربى خدى امانته جبت بنوته فى اول السابع لكن توفت وزوجى من لما عرفنا انها بنوته تفقنا على اسم ريحان وبالفعل سمينها فى شهاده الوفاه

[تيمو ليبيا]

صباح الورد عليكم وضهر الخير علينا في ماليزيا كيف حالكم انشالله تكونو بخير يارب

[نسرينا]

ام ريحان / ربي يعوضك خير ، وربي يرزقك بطفل سليم معافى عاجلا غير آجل

مراحب تيمو ليبيا ظهيرتك مباركة ان شاء الله انتي وكل الماليزيين هههههههههه

.

[poucie]

خير يا بنات شخباركم اليوم صحيتي يا ام لقمان ولولي وصابرة وكل من رحب بيا في التجمع
صابرة ولا يهمك كلنا ما عدنا شيئ غير القصقصة حتى اوخيتك ما تتواصاش ههههههههههههه
انا ليا سنتين و3 شهور و 3 ايام وحده تعطي بالتفصيل الممل ههههههههه عارفة كترت عليك باردتي المهم عندي بنوته اسمها روان ربي يحفضها ليا انشاء الله وتواء انا حامل في الشهر الثاني انعاين عند الدكتروة ربيعة النعاس في مصحة المسرة ولو تبي اي معلومات ثانية انا حاضرة ولا يهمك نحن في الخدمة هههههههههه ( واحدة باردة لين خلاص)

[تيمو ليبيا]

الله يسلمك نسرينا انتي من طرابلس وفي وعندك كتاكيت بنسبه ليا اني في شهري وكل يوم انقول اليوم بنجيب شكلها حرجانه متبيش تنزل لين تشوف امي وبوي ورزن واله منحكيلك لاكن حمدالله كله باجره

[نسرينا]

سلام

تيمو ليبيا اني من طرابلس وماعندي صغار ليا 7 شهور متزوجة

ان شاء الله ربي يسهل ولادتك ويرزقك بطفل معافى وسليم وتنوضي بخير وصحة وسلامة

بس ما تنسيش تدعيلنا

.

[ღॐ آية ღॐ]

السلام عليكم
كيف الحال وان شاء الله يوم سعيد على الكل
عيون ان شاء الله ربي يسمعنا عليها الاخبار الطيبه
وان شاء الله تخش اطمنا عليها وياااااااااااااااارب تكون ولدت بسلامه
مشاء الله التجمع ناشط
اهلا بلجدد نورتو التجمع ..
ربي يرزق كل متمنيه الدريه الصالحه
اللهم امين

[ام رنوة]

وين مافيش اخبار على عيييييييييييييييييييييييون بوسي نورتيني شنوا وضعك حا مل ولا تستني وانتي شرقاويه ولا طرابلسيه ام رنوه

[ام لقمان]

بوسى ام ريحان تيمو ليبيا نسرينا كل الغاليات
مساء سعيد
انشالله ربى يعطى كل من تراجى وانقوللكم ساعدوا انفسكم بالاعشاب زى الحويره والزبيب والالواز كلها مقويه تساعد فى انضاج البويضات

[ام لقمان]

يارب ياميرنا تنالى ما تتمنى
ويعطيك المولى على قيس طيبة قلبك

[ميمونة]

احم احم

السلام عليكم في احد

[ميمونة]

عيون شن صار فيك طمنينا عليك

[ام اسيل]

السلام عليكم ام لقمان
كيف حالك وحال جنان العياطة
نبي نسأك عن التبول الاارادي بنتي عمرها 9 سنين واحيانا عندها تبول لا ارادي قلت اكيدة خيتي ام لقمان عندها الحل
قالولي مرة على قشور الدحي بس الحق ماجربتهمش

[ام اسيل]

اهلا بخياتنا الجدد ونورتينا يابوسي ويانسرينا ان شاء الله وجوهكم خير علينا ياربونحمل انا وميرنا وحبل الوصل وميمونة يارب


يابنات سمحة معش باينة بكل زعمة شن صار فيها النبي الي تسمع عليها خبر تطمنا

[ام اسيل]

ميرنا
حبل الوصل
ياهوووووووووه وينكن با فيكن الوحم من توا ولا شنو
بصراحة راجلي مل من كثر ما رجالتكن يشكوله منكن نوم نوم نوم نوم وين هضا صح الي توحم تدلع لكن انت كثرتن ارقدن حتى لل12 وبعدها نوضن
وبعدين انتي ياحبل الوصل جاي وحمك عا العيال ونازلة فيهم ضرب عليش ياخيتي لقنك جيبيهم ليا لين يكمل ها الوحم قطعتي العويلة واهو يمشوا للمدرسة مع العيال وبلاش زيطو هي hwaml02

[ميمونة]

شن حالك يام اسيل

وياهلا باخوتنا الجدد نسرينا وبوسي هلا والله

انا ميمونه من طرابلس عمري 24 ليا سنة واربعه ايام متزوجه

ههههههههههههههههههه بكل دقه باش تشبحوا

ومازال ماسخرش ربي في الحمل يارب يرزق كل محرومه يارب

[ام روفيدة]

السلام عليكم كيف حالكم اليوم وين ما فيش حد

[ام روفيدة]

ديمة لما نخش ما نلقاش حد

[ام روفيدة]

شن هالكساد هدا اللي ضاربكم

[ام لقمان]

مرحبتين ام روفيده
كيف حالك يا ام اسيل

[ام لقمان]

ام اسيل
سلمك نشاده وتعرفى بنتى قريب يسموها العياطه وين ما نمشى اتحشم فيا قالتلى وحده بنتك نين تعطيها شورها بتقعد هكى
تستغرب على الاخر نين امزهقتها
اما عن التبول الارادى راهى مشكلة وقت اعويلة اختى نين يكبروا وبعدين ايبطلوا ابروحهم المهم الطبيب ما يقولكش عندها مشكله الباقى راهى مع الوقت تمشى
وانشدى ممكن انتى والا بوها كنتوا تعملوا فيها اتكون وراثه لعمر معين ما يزيدش على 12 سنه حد عرفى المهم راعى نفسيتها وردى بالك اتخبرى عليها

[ام لقمان]

ام اسيل
سلمك نشاده وتعرفى بنتى قريب يسموها العياطه وين ما نمشى اتحشم فيا قالتلى وحده بنتك نين تعطيها شورها بتقعد هكى
تستغرب على الاخر نين امزهقتها
اما عن التبول الارادى راهى مشكلة وقت اعويلة اختى نين يكبروا وبعدين ايبطلوا ابروحهم المهم الطبيب ما يقولكش عندها مشكله الباقى راهى مع الوقت تمشى
وانشدى ممكن انتى والا بوها كنتوا تعملوا فيها اتكون وراثه لعمر معين ما يزيدش على 12 سنه حد عرفى المهم راعى نفسيتها وردى بالك اتخبرى عليها

[تيمو ليبيا]

انشالله ربي يرزقك يانسرينا ب بيبي وكل ال يستنو وبجوده حتي اني من طرابلس وطرابلسيه وليا 9 شهور في ماليزيا وام لقمان تسلمي يارب اني علي وشك خلاص وانشالله حندعيلكم بادن الله

[لولى2010]

تيمو كيف حالك شنو منسجمه فى ماليزيا انا مشيتلها السنه الى فاتت ندهور حلوه عجبتنى ع الاخير مشيت لى كولالنبور
صابرة كيف حالك شنى داير فيك عبدو كم عمره توه مازال عياط انت وين تسكنى توافى بريطانيا صاح انا دكرتى بالهون راه