تجمع حوامل ليبيا

[حبل الوصل]

لا والله انتم كلكم تعزو علي لكن انتى وام اسيل بالدرجة الاولى لانى عرفتكم قبل والله نحبك حتى انتى وديما نحكى لاخواتى عليكي

[ام روفيدة]

موش منك ما درتى اشوى فى دجاجة امس هههههههههههههام روفيدة ابعيد السوء عليكى ام عن الم الظهر فى الشهر التاسع هذا طبيعى نتيجة لكبر الجنين, و تورم الاطراف هذا زلال , وام انك توقفى واطيحى هذا هو لى ماتسكتيش عليه اما بسبب فقر فى الدم او نقص فى الكالسيوم لهذا انصحكى بالذهب الى الدكتورة ا*
بارك الله فيك ميرنا على الدجاجة المشوية امتاع امس هههههههههه لكن لما انطيح مش بسبب ضعف في الجسم لألكن بسبب عظام الورك إنحس فيهم مفصولات ما نقدرش نمشي بسببهم

[مزنة]

وينكم يابنات طرابلس مافيش حدا ردا عليه وهدي مشاركتي
انا مزنة من طرابلس وهدي اول مداخلة ليا وهانشاء فاتحة خير ومبروك لكل الحوامل والي عاد جابو بيبي انشاء ماينسوناش بالنصائح وشن صار معهم على المهم انا ليا 8شهور متزوجة وحامل في الشهر والنص ونحس الم اسفل بطني تقولي حمصة تنخص فيا هل هدي طبيعية وانا قاعدة ماتبعتش عند دكتورة نبي دكتورة كويسة بالله عليكم وتساير واني نستنى فيكم تردوا علي
باب بارك الله فيكم ياحبل الاصل وميرنا انتم الوحيدين الي عدلتو شوية علية

[smhaa]

هههههههههههههه مزنة حلوة حمصة
كيف حالك وخيتي؟؟
اني من طرابلس

ربي يتتملك حملك علي خير
الالم هذا عادي متعدليش عليه اصلا هو علامة من علامات الحمل الثابت على مااعتقد

[moon 85]

اني اعيييييييييييييييييييييييييييييت وحده تلحقني

[ميرنا]

اهليييييييييييين بنات اليوم خشيت الثامن ادعولي نكمله علي خيرر ونخش التاسع علي خير قالولي الثامن خطير

ان شالله بسلامتك وسلمت النونو وربى يفرحك ابشوفته

[ميرنا]

اني اعيييييييييييييييييييييييييييييت وحده تلحقني

ههههههههههههه كنك شن صاير امعاك hwaml56

[حبل الوصل]

مون كنك شن صاير عندك
ميرنا شن الاخبار امتى موعد دورتك
انى المفروض تجى 8/7 ولعند اليوم ماجتش ربك يستر

[ميرنا]

حبيبتى مزنة // اذا كان راجالك ما يتكلمش على الدكاترة الرجال ، اذهبى الى المستشفى الطبى عند الدكتور مصطفى القواس ، هذا الدكتور كانت وحدة من الاخوات التى فى اتجمع اتراجع عنده , وفى الدكتور محمد المحيشى ايجى فى عيادة الامومة يوم الخميس وعيادة المسرة يوم الاربعاء هذا مشيتله انا ، دكتور للحالات الصعبة ، والدكتور فيصل الشريف فى عيادة الامومة حتى هو دكتور شاطر

[ميرنا]

مون كنك شن صاير عندك
ميرنا شن الاخبار امتى موعد دورتك
انى المفروض تجى 8/7 ولعند اليوم ماجتش ربك يستر


حبل الوصل دورتى اليوم كيف غسلت منها اليوم اخر يوم // وكيف انتى ماجتكش ما درتيش تحليل حمل بلك حامل والشهر هذا ما خذيتيش شي بعد الحجامة تعرفى ياحبل الوصل انا مشيت الشيخ فى المرج وقراء على واعطنى كاس به ماء مقرئ ولم شربته قالى رجعى حاشاك تخيلى شن رجعت والله العظيم والله العظيم (شعر ) سبحان ربى العظيم وقال لى هذا معمولك على الحمل والله اعلم وخذيت انا وراجلى وحرقنه واعطانى 4 فازوات عسل وفى العسل الاواز مطحونة وقالى خوذى منه فى الصباح على الريق وخذ من راجلى 500 دينار وقال عندما تحملى تعالى نرقيك والله ما كنت انصدق هذا الكلام من قبل اهلى ايقولولى بلك مسحورة وانا انقول من وعليش يسحرونى انا مافى شى نين شفت بعينى اقريب طرشقت بالك تعطيلتى منه والله اعلم

[حبل الوصل]

مش قلتلك مدايرينلك شي انتبهى لروحك واستمرى مع الشيخ وربي يكون في عونك
انى مادرتش تحليل قلت خليني يومين ثانيات ونمشي ندير تحليل

[ميرنا]

تعرفى ياحبل الوصل والله ماعمرى اذيت واحد ولا نعرف نكشر فى وجه واحد وديمه نحب الناس كلهم اى وحد يضحك نضحك امعه حتى وانا فى قمة القهر عمرى ما كسفت حد ونتمن الخير لناس كلهم ليش يديرولى فى السحر مانى عارف عليش يبو يخربو على عليش يحرمو فى من كلمة ياماما مانى عارف وان كان على راجلى اصحيحة عليهم والله من يوم لى قالى نبى نجواز وانا خلص ندرب فى روحى على انى نشيله من راسى المهم نبى اندير اعويلة هذا هدفى اما حب ماحب ماعش قلبى يؤمن بالحب لانى سمعت كل عبارات الحب منه وفى النهاية حطنى على جنب وفكر فى نفسه ونسنى وانشالله ربى يجبر خاطرى ونجيب حتى ابنية بس انا راضية انعيش انا ويها ونقولك حاجة ثانية لى خلتنى نصبر عليه القزن ما عندى وين نمشى

[ميرنا]

اخ لو كان اندير اعويلة والله ماني امربيتم تربية اكويسةhwaml46 انربيهم فى الشارعhwaml49 ان خليهم متشردين hwaml31 امتعين احبوسhwaml27 و امواس وضربhwaml11 علشن ياخذو لى حقى hwaml17 *

[ميرنا]

توة نبى انعدى اندير غداء مع السلامة

[لولى2010]

ميرنا ربي يجبر بخاطرك يارب وتجيبي عشر عيال وعشر بنات وديري مانع وتحملى بيه يارب ياجبار الخواطر

[ميمونة]

السلام عليكم كيف حالكم

ميرنا لاباس عليك انشاءالله في عدوك يارب

[ميرنا]

ميمونة ايش اخبارك قوليلى على احسن دكتورة نساء فى طرابلس وانتى عند من اتراجعى *

[ميرنا]

سماح هههههههههههههه مشكورة على الدعاء مع بنات مكة

[عيون زوجي]

السلام عليكم
كيف حالكم اليوم وحرجااااااانه منكم هلبه هلبه ليا قداش يوم ما خشيتش وما حدش اسئل اعليا بكل
ميرنا لا باس اعليك وانا ندعيلك ما تخافيش الدعاء والاستغفار هم سبب الاستجابه

[ياقوته83]

السلام عليكم كيف حالكم يابنات ان شاء الله تكونوا كلكم بخير ياريت من يجاوب عليا

[ميمونة]

هلا انا معاك ياقوته شن حالك


ميرنا والله كنت انراجع عند الدكتوره لطفية في مصحة الفتح ومااقتنعتش بيها وتوا في مصحة الامل في نادي الاتحاد عند دكتور محمد النويجي تعرفيه

[ياقوته83]

الاخت مزنه الالف مبروك عليك وان شاء الله تنوضى بسلامه انى من طرابلس ونتابع في مستشفى الخضراء عند الدكتوره كميله ابو عين تمسك يوم واحد فى الاسبوع يوم التلاتاءوهى كويسه لانى عانية في بداية الحمل ومشيت لعيادة الشفاء وقالتلى حامل لاكن تقريبا خارج الرحم بعدها مشيت لعيادة الفردوس ودارتلي الجهاز ومبانش فدخلتهولى من المهبل وبان لكن بعد يوم جانى نزيف من الجهاز وعطتنى مراجعه اسبوع ومشيت ودارتلى الجهاز تانى من المهبل والله منحكلكش الوجع امتاعه 0رعب 0 وجانى نزيف مره تانى وعطتنى زلابيط تتبيث وتعبت وحالتى النفسيه تعبت على خاطر حملت على طول من عرسى عموما طولت عليك دكتوره كميله كويسه واسلوبها ممتاز والحمد لله انى توا في الشهر السادس وعندى مراجعه يوم التلاثاء وان شاء الله يكملك على خير

[ياقوته83]

كيف حالك ياميمونه ان شاء لله تكونى بخير

[ميمونة]

والله تمام والحمد لله نحساب روحي نحمل هالشهر بس للاسف طلع لا ياربي سهلها عليا

[عيون زوجي]

والله تمام والحمد لله نحساب روحي نحمل هالشهر بس للاسف طلع لا ياربي سهلها عليا
ربي تتطلعي حامل انشاءالله هالشهر

[عيون زوجي]

hwaml7hwaml7hwaml7hwaml7hwaml7hwaml7hwaml7

[ميمونة]

وينك ياعيون راجلها شن حالك

[عيون زوجي]

وينك ياعيون راجلها شن حالك
حاشاك مزكومه وانا وبنتي حاله
وبنتي حرارتها فوق 38 ومش قادرة حتى نتنفس ولله الحمد

[ميمونة]

انشاء لاباس عليكم

رد بالك علي البنوته

[ياقوته83]

تصبحوا علي خير يابنات بلادي سبحان اللهم وبحمدك لا اله الا انت استغفرك واتوب اليك فى رعاية الله وحفضه

[عيون زوجي]

صـــــــــــــــــبــــــــــــاح الـــــــــــــخــــــــــــير

[ميمونة]

صباح النووووووووووووور

شن حالك اليوم ياعيون زوجها انشاءالله احسن

[ميمونة]

مافي حد وينكم

[ميرنا]

خير يابنات ايش اخباركم ان شالله اكويسات

[ميمونة]

باهي اللي جيتي انا كسدت بروحي

[ميرنا]

عيون راجالها // اهم حاجة نسألك عليها ايش اخبار ابنيتك

[ميرنا]

ميمونة انا علق النت على المدار وهو بطى جدا وانتى نبيك تحكيلى عى قصة النت عندك عليش اتخشى اشوى وبعدها تقعدى اسبوع وتخشى اخرى ونت عند اهلك ولا عند اهله

[ميمونة]

والله الله غالب النت في حوش اهلي اما في حوشي ماعنديش نت انا توا عندهم نجيهم بعد 10 ايام وارقد عندهم واروح

[ميمونة]

نت المدار بكل كنت نفتح بيه بس متعب هلبه

[ميرنا]

ميمونة امس سالت على دكتورة لى تراجعى عندها على خاطر مزنة استنتكم واجد تبي دكتورة شاطر ة اتراجع عندها وما فيش حد خش من طرابلسيات المسيكينة ندتكم واجد يابنات يابنات النجدة مفيش حد فاقمت انا بلواجب واعطيتها دكاترة العقم ههههههه هذا لى قدرت عليه

[ميمونة]

والله ماشبحتها بس الدكاتره هلبه يدهبوا الشيره

انا قررت قرار خطير معاش نبي نمشيلهم ونخليها علي تسخير لربي لاني كرهت مشي للدكاتره ناخد راحه ونكمل العام الاول وبعدين ساهل انا ليا متزوجه 9 شهور وخاشه في 10

[ميرنا]

ميمونة انا انحس بيك اصغيرة واجد ورقيقة وطويلة ونظيفة هذين اوصفاك صح واما على النت افتحى موبيللك وتبعينه عن طريقه وعندما اتجى لحوش اهلك اتخشى علينا
ميمونة بنسالك اعطتك الدكتورة منشطات وانتى ليك كم سنة متزوجة

[ميمونة]

لا والله انا عمري 25 مش صغيره هلبه

ميرنا قداش عمرك انت

[ميرنا]

لك 9اشهور متزوجة ان شالله عقبال ما تقولى لى 50 سنة ,
ميمونة شن ايقولوك الدكاترة, وراجالك دار تحليل

[ميمونة]

درنا تحاليل راجلي الحمد لله

اما انا في الاول طلع عندي هرمون الحليب مرتفع اعطوني علاج وتوا وقفت عليه والحمد لله

[ميرنا]

لا والله انا عمري 25 مش صغيره هلبه

ميرنا قداش عمرك انت

هههههههههههه وين انتى كبيرة بكل انا اصغر منك انا عمرى 18 سنة
خليها بين اناعمرى 38 سنة اصغيرة هلبة

[ميرنا]

درنا تحاليل راجلي الحمد لله

اما انا في الاول طلع عندي هرمون الحليب مرتفع اعطوني علاج وتوا وقفت عليه والحمد لله

هرمون الحليب ما تخفيش منه انا نحمل بيه عادى بعد العلاج والله انا مرة وصل الى 300 واخذت علاج البارلوديل ونتظمة الدورة وحملت يعنى مهوش سبب يمنع الحمل والاسبوع لى فات طلبت منى الدكتورة تحليل لقيت 160 واعطتنى الدوستكين 6حبات ناخذ حبة كل بعد خمسة ايام ولحمدالله , وانتى كم نسبته عندك , وهل دارتى ابرة زيت ,الصورة الملونة وكم حجم التبويض عندك ؟

[ميرنا]

ميمونة توة نبى انعدى اندير غداء نقانق اذا كان اديرى فيهم وطاجين مع السلامة

[حبل الوصل]

خيرات على بنات بلادى كيف حالكم اليوم
انى اليوم وعيت متكاسلة ومانيش قادرة نتحرك واللي محطمنى ان الدورة ماجتش وخايفة ننصدم ونقول التكيس يدير هكى تعبــــــــــــــــــــــت

[ميمونة]

هرمون الحليب ما تخفيش منه انا نحمل بيه عادى بعد العلاج والله انا مرة وصل الى 300 واخذت علاج البارلوديل ونتظمة الدورة وحملت يعنى مهوش سبب يمنع الحمل والاسبوع لى فات طلبت منى الدكتورة تحليل لقيت 160 واعطتنى الدوستكين 6حبات ناخذ حبة كل بعد خمسة ايام ولحمدالله , وانتى كم نسبته عندك , وهل دارتى ابرة زيت ,الصورة الملونة وكم حجم التبويض عندك ؟

ميـــــــــــــــــــــــــــــــــــــــــــــــر نا شن حالك توا شنو تغديتي؟؟؟؟؟؟؟ صحتين//hwaml5

انا طلع عندي هرمون الحليب 77 واخدت علاج حبه في الاسبوع وتوا حللت طلع 21 صار فيه تحسنhwaml13

اما حجم البويضه مادرتهاش كيف نعرف حجم البويضه؟؟؟؟؟؟؟؟hwaml10

[عيون زوجي]

السلام عليكم
مشكورين خواتي ميرنا وميمونه عالسؤال
انا مزكومه لين خلاص ولله الحمد
وبنتي حرارتها مش مستقرة مرة فوق ومرة تحت
ادعولنا بالله عليكم
وربي يعطيكم يلي في بالكم

[ميمونة]

ياارب يشفيهااااااااااااااااااااااا يارب

انت اليوم شن حالك

[ميمونة]

كيف حالكم توا انا طالعه توا ماشيه للمزين عندي عرس //نبي نلبس البدلة الكبيره///

عرس بنت عمتي وغدوه الحفله في الصاله

ادعولي نطلع حلوه عروسه ماشاءالله عليا

ههههههههههههه

سلاااااام تواااااااااااااا

[ميرنا]

ميـــــــــــــــــــــــــــــــــــــــــــــــر نا شن حالك توا شنو تغديتي؟؟؟؟؟؟؟ صحتين//hwaml5

انا طلع عندي هرمون الحليب 77 واخدت علاج حبه في الاسبوع وتوا حللت طلع 21 صار فيه تحسنhwaml13

اما حجم البويضه مادرتهاش كيف نعرف حجم البويضه؟؟؟؟؟؟؟؟hwaml10
هكى تمام بالنسبة لهرمون الحليب بس كل بعد شهرين ديرى تحليل وشوفى يعنى راقابى هرمون الحليب ,
الخطوة التانية يوم 13 من الدورة اذهبى الى الدكتورة وقولى لها يا دكتورة نبى نعرف كم حجم التبويض هذا الشهر اتقولك الحجم بالسونار اذا قالتلك الحجم 18_24 يعنى تبويضك اكويس واذا قالت اقل من 17 يعنى تحتاجى الى اكلوميد والكلوميد يساعد على تكبير البويضة ,يعنى حاولى الشهر الجاى تنسيق بين حجم البويضة وهرمون الحليب لان هرمون الحليب يسبب صغر فى حجم التبويض واذ كان وجدتى حجم التبويض مناسب والحليب مناسب ولا يوجد عندك تكيسات وليس اكياس تبقى الخطوة الاخيرة هى ابرة الزيت لكى نطمان على الانابيب وان شالله ما توصلى هذه المرحلة انشالله تحملى وتريحى ياحلى عروس

[ام روفيدة]

السلام عليكم كيف حالكم يا بنات اليوم عيون راجلها لابأس عليك وعلى بنيتك وردي بالك عليها

[لولى2010]

كيف حالكم اليوم لاباس عليك ياعيون انت وبنيتك

[لولى2010]

ميمونه سهفتينا ع الافراح والبس والعربي الله عليك جو جو ليبيا

[لولى2010]

ميرنا كيف حالك نبي نسالك من الشيخ الى من المرج قراه عليك وخد 500 جنيه شن اسمه
وانا انشك فيه ادا خد منك فلوس قوليلى عليه وانا تو نسالك عليه مرات يكون ................؟

[لولى2010]

ام رفيده كيف حالك مازلتى تكركرى
ربي يعينك

[عيون زوجي]

ام رفيدة ربي يعينك ويسهل اعليك ولادتك ومشكورة على سؤالك على بنيتي نبي نسألك هذا اول حمل ليك ولا لا
لولي ...حتى انا خاطري نلبس ونفتلك استاحشت الاعراس وانا في المانيا تزوج خوي واختي وبنت عمتي وبنت حماتي فاتوني هلبه اعراس الله غالب
الجو عندنا في المانيا نو نو نو لين خلاص وزي مايقولوا زكمة الصيف اقوى من الشتاء وبنتي نرفع فيها لدكتورتها كل يوم تقيسلها الحرارة وتاخد منها في تحليل دم لان كرات الدم البيضاء ناقصه شوي
انتي كيف حال ابنيتك وسمنت ولا لا
انا بنتي جبتها 2كيلو وبدت تسمن بعد 4شهور من التعب والمراقبه اليوميه بس كانت تاخد حليب صناعي بس

[عيون زوجي]

ميمونه اقري المعوذتين وانتي خاشة العرس

[عيون زوجي]

حبل الوصل يارب تكوني حامل ومش حكاية تكيس يارب

[عيون زوجي]

ام اسيل خشي احكيلنا عن العرس وعوايدكم كيف في الشرق وقداش يوم وشن تلبسوا وشن تقدموا

[مزنة]

انا حامل في شهر ونص ومزكومة هلبا وشادة علية الكحة ومعرفتش شن اندير قالولي الفيكس مضر بالله عليكم نصيحة لان الكحة فتحتلي صدري

[ام اسيل]

خيرات يا بنات كيف حالكم

حبل الوصل لاباس عليك وان شاء الله حمل يارب وعدي ديري تحليل دم بيش تتأكدي لان الانتظار صعب وعلى فكرة وحشتني الهدرزة معاك

ميرنا بديتي في الابر ؟؟وشن صاير معاك كلمتي الدكتورة ولا لا وشن قصة السحر هضا ديما اقري قران وقولي حسبي الله ونعم الوكيل

[ام اسيل]

عيون زوجي اولا لاباس عليك وعلى بنيتك
ثانيا نحنا عرسنا كان مكسد بكل وفي الحوش لان عندي عمي متوفي مالاش 6 شهور فدرنا عرس عا السكيتي وما عزمنا حد الاهل بس ونحنا عرسنا عادة 3 ايام اول يوم الرمي يجيبو هل العريس الدبش والذهب للعروس وثاني يوم الحنة ونديره في صالة ويجو هل العريس يحنوها وثالث يوم الزفة

[ميمونة]

السلام عليكم

هدا وين روحت من العرس الساعه 3 لقيت النت مفتوح قلت انسلم عليكم

يااااخساره زوجي ماشافش اللبسه العربيه ماهو مسافر وروحت عند اهلي

والا ماشاءالله زمزامات والدنيا رابخه ههههههههههههه

بس طلعت ياميرناااااااااااااااااااااااا حاجه تانيه احمممممممممم احمممممممممممممم

[ميمونة]

ميمونه اقري المعوذتين وانتي خاشة العرس

يسلموا ميرنا خايفه عليا من العين وخيتي hwaml12

[ميمونة]

تصبحواااااا علي خير

[عيون زوجي]

يسلموا ميرنا خايفه عليا من العين وخيتي hwaml12
هادي انا عيون زوجي مش ميرنا لكن مش لايماتك لان راسك دايخ من الزمزامات وشايفة روحك اشويه بالعربي صح هههههههههههههههههههههههههه

[ميرنا]

يسلموا ميرنا خايفه عليا من العين وخيتي hwaml12

ههههههههههههههههههههه والله صدقتى ياعيون راجالها راسها منقلبhwaml7

[ميرنا]

لولى حاضرين (اهل مكة ادره با شيعابيها)

[ميرنا]

ام اسيل وينك تعالى نسهرو امعاك ايش اخبار صبيتك حملها ماشى تمام طمنينى عليها وقوليلها والله ندعيلك ديمه ربى انشالله يجبر خاطرها فى عيادة الامل يوم لى جبت التحليل لقيت وحدة قالت اختى زرعت لها شهرين ودرت صورة لقيت جنين ينبض وجنين لا ومن بنات بنغازى فى بالى قالت ممكن صبيت ام اسيل واوصافها طويلة وبيضاء وحامل فى 7 شهر وعندها بنت وقعدت بعد البنت 5 سنوات وما حملتش وبعدها حملت على يد الدكتورة ايمان بوطلاق ومعها اوليد *اما عنى اعطتنى الدكتورة مجفف حليب الدوستكين 6 حبات وقالت تاخذى حبة بعد كل 5 ايام وبعد ما اتجيك الدورة نبداء امعاك فى الابرئ المنشطة والدورة لم جيتها كانت على يعنى نبداء فى الابر الشهر الجاى وربى يستر قالت اذا كان ما حملتش طبيعى الشهر الجاى بعد المنشطات اتخشى على الزرع

[عيون زوجي]

ربي يجبر بخاطرك يا ميرنا وانشاءالله تحملي طبيعي قبل الزرع
ولو درتي زرع مش مشكله صح رح تجيبي زوز توامه وتلهي بيهم وماعادش نشوفوك بس عادي مسامحينك
انا في بنتي حملت بزوز توامه في الشهر التاني نزل واحد وقعدت الامورة ربي يحفظها

[ميمونة]

hwaml17صباح الخير

خيركم عليا ههههههههههههههههههههههhwaml4

عيون راجلها اسفين بجد //////ميرنا تتذهب الشيرهhwaml03

مازال الحفله اشبح شن شكلها

[عيون زوجي]

منو تعرف في اي اسبوع انخش الثامن انا غدوة نخش الاسبوع 30 وبحساباتي نخش الثامن في اول يوم اسبوع31 صح ولا لا
يعني مازال اسبوع صح ؟؟؟؟؟؟؟؟؟؟؟؟؟؟؟

[ميمونة]

يارب نسمعوا بيك حامل هالشهر ياميرنا ويجبر خاطرك وخاطري ببيبي ياارب

[عيون زوجي]

سؤاااااااااال تاني
في حالتي وهي زيادة امية الجنين هل فعلا رح اولد ولادة مبكرة ولا في موعدي
لاني قررت استخير الله ونروح ليبيا وانا في نهاية الثامن او بداية التاسع قرار نهائي بأذن الله

[عيون زوجي]

ميمونه ماشاءالله نايضة بكري وانتي البارح سهرانه ودايخه وحالتك حاله..........
ههههههههههههههههههههههههههههههههه

[ميمونة]

والله مش مني من زوجي من الصبح يتصل بيا قال استحشتك وهدرزي من مازال يجيه النوم بعد الغزل وهو بعيد

ههههههههههههههههههههههههههه

المهم ياعيون راجلها والله ماعندي خلفيه علي الولاده يارب يفيدوك

[عيون زوجي]

والله مش مني من زوجي من الصبح يتصل بيا قال استحشتك وهدرزي من مازال يجيه النوم بعد الغزل وهو بعيد

ههههههههههههههههههههههههههه

المهم ياعيون راجلها والله ماعندي خلفيه علي الولاده يارب يفيدوك
هههههههههههههه
انا مقدرة وضعك انا لما انبات في حوش اهلي يقعد يهدرز بالساعه ويتغزلhwaml02 مش لابالك مسافر
البعد حلو يخليك تسمعي كلام احلى واحلىhwaml7
وين مسافر العريس ومخلي عروستهhwaml02

[عيون زوجي]

hwaml68
hwaml68
hwaml68
hwaml68

[ميمونة]

ههههههههههههههههه

الله غالب شغل شاغله عليا

المهم انت شن حالك

[حبل الوصل]

صباح الخير تو كيف روحت من التحليل طلع مافيش حمل لكن الدورة ماليهاش ولاأثر شن معناته والله خايفة انه يكون تاخيرها من التكيس تعبت من العلاجات ياربي ارحمنى برحمتك

[حبل الوصل]

أم اسيل نورتي حتى انى استاحشت هدرزتك
عيون المية ماليهاش علاقة بالولادة المبكرة لان اختى ديما المية عندها زايدة وتجيب في الوقت اللي محدد ليها
ميمونة ربي يردلك راجلك بالسلامة نيالكم والله خاطرى في فرح بس عندنا حالة وفاة ماضنيتش حد بيعرس للعيد

[حبل الوصل]

ميرنا وينك اليوم مش فاضية

[ميمونة]

حبل الوصل شن حالك وانشاءالله لاباس عليك

انا زيك والله الدوره تعبتني هلبه بس انا السبب هرمون الحليب

بس نبي نسالك كيف تعرفي انك عندك تكيس

[حبل الوصل]

الدكتورة دارتلى جهاز مهبلى تلفيزيون بس من تحت وعرفت ان فيه تكيسات في المبيض الايمن
بس انا هرمون الحليب اخر مرة حللته طلع كويس ماعتقدش منه

[ميمونة]

قصدك من التحاليل مايبانش التكيس او الجهاز العادي

[حبل الوصل]

يبان بالصورة بس على مااعتقد

[ميمونة]

والله خفت وجاني الوسواس زعمه عدم نظام الدوره يكون سببه التكيس

[ميمونة]

السلام عليكم

انا بنروح اليوم بعد الحفله نتلاقواااااااااااااا الاسبوع الجاي كيف نجئ للحوش اهلي

[ميمونة]

نتلاقوا علي خير يارب

[smhaa]

حبل الوصل
باهي شنو عطاتك علاج للتكيسات؟؟

اني لقت عندي دكتورتي تكيسات بسيطة اعطتني حبوب ناخد كل يوم نص حبة وسط الغداي ونص حبة وسط العشي

شنو قالتلك الدكتورة وانتي وين بتعالجي؟؟ قصدي في اي مدينة؟

[حبل الوصل]

ماعطتنيش علاج انى مشيتلها في اليوم التاسع من الدورة بيش تشوف التبويض دارتلى تلفزيون مهبلي وقالتلى عندك تكيسات وقالتلى زيدى ابر تنشيط انى روحت ومعادش مشيتلها بس بعدها درت حجامة والشهر هذا تو نديرها اخرى لانه لما تكون الدورة مانزلتش وفات موعدها الحجامة تنزلها

[حبل الوصل]

ميمونة نتلاقو على خير

[smhaa]

ماعطتنيش علاج انى مشيتلها في اليوم التاسع من الدورة بيش تشوف التبويض دارتلى تلفزيون مهبلي وقالتلى عندك تكيسات وقالتلى زيدى ابر تنشيط انى روحت ومعادش مشيتلها بس بعدها درت حجامة والشهر هذا تو نديرها اخرى لانه لما تكون الدورة مانزلتش وفات موعدها الحجامة تنزلها



غلط منها المفروض اعطاتك علاج للتكيس لان ابر التنشيط يزيدو من التكيسات
هذا كلام دكتورتي
انتي امشي لدكتورة تانية وشوفي
الحجامة يشكرو فيها هلبة والله
ربي يجيبلك اللي فيه الخير وخيتي

[حبل الوصل]

انى ماسمعتش كلامها ماخذيتهنش باقى الابر خذيت 3 بس وربك يستر

[ام روفيدة]

السلام عليكم كيف حالكم اليوم وشن أخباركم بالله إدعولي نجيب في أقرب وقت مليت خلاص نبي نشوف ولدي وتعبت من الرزن دعواتكم بالله وربي يسهل لكل من تتمنى الحمل وعليكم بالدعاء في هده الايام المباركة واحني على ابواب رمضان اللهم بلغنا رمضان والله صحة ليكم اللي في ليبيا والله رمضان ليبيا ما يتعوضش بكل هني في بريطانيا تقول شهر عادي ما تحسيش بيه رمضان بكل

[ام روفيدة]

ام رفيدة ربي يعينك ويسهل اعليك ولادتك ومشكورة على سؤالك على بنيتي نبي نسألك هذا اول حمل ليك ولا لا
لولي ...حتى انا خاطري نلبس ونفتلك استاحشت الاعراس وانا في المانيا تزوج خوي واختي وبنت عمتي وبنت حماتي فاتوني هلبه اعراس الله غالب
الجو عندنا في المانيا نو نو نو لين خلاص وزي مايقولوا زكمة الصيف اقوى من الشتاء وبنتي نرفع فيها لدكتورتها كل يوم تقيسلها الحرارة وتاخد منها في تحليل دم لان كرات الدم البيضاء ناقصه شوي
انتي كيف حال ابنيتك وسمنت ولا لا
انا بنتي جبتها 2كيلو وبدت تسمن بعد 4شهور من التعب والمراقبه اليوميه بس كانت تاخد حليب صناعي بس
إيه يا وخيتي هدا اول حمل ليا وإدعولي ربي يسهل عليا الولادة والله بجد خايفة

[smhaa]

ربي يسهلك حبل الوصل لا 3 شوية متخافيش ان شاء الله وببركة رمضان يارب تحملي وانشوفو عندك احلى توووأم

ام رفيدة ان شاء على قريب تعزمينا علي العصيدة
والله صدقتي صحيح رمضان ليبيا ماكيفه رمضان بس معليش سلم راجلك واللي معاك وان شاء الله رمضان اللي بعده تكوني هني باذنه تعالى

[عيون زوجي]

ام رفيدة يارب تجيبي هالايام هادي وتفتكي اسمعي يا اوخيتي مادامك بكريه وما تعرفيش
كثري مشي وجماع وكولي تمر واشربي حليب سخون واقري عليه قران
واغتسلي بحمام سخون
وادهني جسمك بزيت دافي ولما يجيك الوجع انشاءالله ادهني جسمك بزيت زيتون دافي مع حبة البركة بطنك وظهرك رح ترتاحي انشاءالله
ويارب يخلصك بالسلامه اهم شي الصحه ليك وللبيبي
لازم تجيبي في مصحة معروفه
صاحبتي بكريه ساكنه في نيوكاسل القابلة ولدتها طبيعي وما شقتش العجان لانهم يبوا كل شي طبيعي عندهم تعرفي وربي يحفظك رجلها لتوا شبه عرجة من الجبد

[عيون زوجي]

يابنات اقترحوا اعليا شن ادير
عندي صاحبات المانيات يبوا يتغدوا عندي قبل رمضان وشارطين يبوا اكل عربي اقترحوا شن انديرلهم بالزبط

[عيون زوجي]

انا ناوية اندير
رز بلاو +طاجين جبن + امبطن + بوريك
السلايط:
سلاطة فتوش + سلاطة خضرا
الحلو:
بسبوسه + محلبية
شن رايكم
طبعا القهوة رح انقدمها عربيه مش نسكافه ولا كابتشينو

[smhaa]

عيون زوجك لو منك اندير اكل ليبي
يعني بما انهم يبو اكل عربي الاولى انك اديري اكل كله من الالف للياء ليبي

الشربة الليبية بس ديريها خفيفة شوية كطبق اولي
وديري امبطن ايوة كانك فالحه فيه يجيك روعه ان شاء الله ومثلا رز بالخضرة اللي يشبه حشو العصبان لانه خفيف وفي نفس الوقت حلو
والسلاطة لو درتي سلاتة عربية احسن من الفتوش والمتوش البوريك ايوة كويس ولو تبي اديري لحوم عليك مثلا بمطمور دجاج او لحم وهذا زي العسل ويستر في العزومات

يعني متكتريش الحاجات الدهنية لانهم اصلا ميحبوش الدهون هلبة

ربي يسترك وتجيك عزومة مقومة

وكان تبي مساعده رني عليا في يوم العزومة واني انجيك بطنجرتي كخخخخخخخخ
لو درتي رز مثلا ديريه رز بالخضرا اللي زي حشو الع

[عيون زوجي]

عيون زوجك لو منك اندير اكل ليبي
يعني بما انهم يبو اكل عربي الاولى انك اديري اكل كله من الالف للياء ليبي

الشربة الليبية بس ديريها خفيفة شوية كطبق اولي
وديري امبطن ايوة كانك فالحه فيه يجيك روعه ان شاء الله ومثلا رز بالخضرة اللي يشبه حشو العصبان لانه خفيف وفي نفس الوقت حلو
والسلاطة لو درتي سلاتة عربية احسن من الفتوش والمتوش البوريك ايوة كويس ولو تبي اديري لحوم عليك مثلا بمطمور دجاج او لحم وهذا زي العسل ويستر في العزومات

يعني متكتريش الحاجات الدهنية لانهم اصلا ميحبوش الدهون هلبة

ربي يسترك وتجيك عزومة مقومة

وكان تبي مساعده رني عليا في يوم العزومة واني انجيك بطنجرتي كخخخخخخخخ
لو درتي رز مثلا ديريه رز بالخضرا اللي زي حشو الع
hwaml7hwaml7
نستنى فيك يا سمحه ماتجيبي معاك شي تعالي بزويلك ساعديني وتغدي عندي وندهورك في المدينه وروحي شن رايكhwaml03
بنسألك شن هو مطمور الدجاج قصدك بورديم hwaml13

[حبل الوصل]

يابنات شن تنصحونى ناخذ دوفاستون ولا نصبر hwaml8لانى درت تحليل في الدم وتحليل منزلى وطلع سلبي وانى الدورة متاخرة 6 ايام hwaml15 نستنى في رايكم والله محتارة ومنبيش نمشي للدكتورة كرهتهمhwaml10

[حبل الوصل]

عيون كلام اختى سمحة مزبوط ديري اكل ليبي وما تثقليش ونبو دعوة حتى حنى أهىء أهىء

[ميرنا]

ماشالله وين هل الزيطة ياعيون راجالها ديرى كسكسو بالبصلة

[ميرنا]

سماح استنى نمشى امعك انا متحشمة من عيون راجالها ديمه اتجينى

[ميرنا]

يابنات شن تنصحونى ناخذ دوفاستون ولا نصبر hwaml8لانى درت تحليل في الدم وتحليل منزلى وطلع سلبي وانى الدورة متاخرة 6 ايام hwaml15 نستنى في رايكم والله محتارة ومنبيش نمشي للدكتورة كرهتهمhwaml10
لالالالالالالالا ماتاخذى شى خليك طبيعية استنى 4 ايام اخرى الى يوم الجمعة

[ميرنا]

يابنات انا مرة صارلى تكيسات على المبياض بسبب ارتفاع هرمون الحليب اصبحتو عندما اخذا اكلوميد بدون مجفف الحليب البارلوديل يصبح التبويض بدل ما تخرج بويضة وحدة خرجت 10 بويضات صغيرات وحجمها اقل من التسعة فقالت لى الدكتورة خوذى مجفف الحليب وخوذى اكلوميد وفعلا الشهر الذى بعده اصبحت البويضة 17 ولاخرى 20 يعنى علاج التكيسات فعلا بالمنشطات والله اعلم وكل وحدة تسال دكتورتها وتقولنا كلامى صح او لا

[حبل الوصل]

حاضر انى بنسمع كلامك ياميرنا دعواتكم يابنات

[ام اسيل]

حبل الوصل يسلملي المعنادي انا
ممكن نفهم عليش ماتسمعيش كلام الدكاترة للأخريعني المنشطات لازم تتاخذ حسب وصفة الطبيب مع الابرة التفجيرية وتحليل هرمون الحليب كل شهرين وبعدين علاج التكيس هو الجلوكوفاج الي هنا حبوب السكر تعرفي صبيتي الي زرعت في مصر عطاه لها الدكتور قبل الزرع وقاللها تستمر فيه للشهر السابع يا حبيبتي العلم رحمة لنا ونحنا لازم نسمعو كلام الدكاترة (واسعى ياعبدي وانا نسعى معاك)توا المفروض انك تاخذي دوفاستون حبتين لمدة ثلاث ايام لو كانت دورة تنزل ولو حمل يثبت بأذن الله وتعدي للدكتورة ولا تغيريها كان مش عاجبتك المهم تديري تحاليلك ثاني يوم الدورة ولازم تاخذي العلاج بانتظام واسمعي الكلام راني نعاقبك راني مديرة واعرة وبالذات مع الي نحبهم

[ام اسيل]

ام اسيل وينك تعالى نسهرو امعاك ايش اخبار صبيتك حملها ماشى تمام طمنينى عليها وقوليلها والله ندعيلك ديمه ربى انشالله يجبر خاطرها فى عيادة الامل يوم لى جبت التحليل لقيت وحدة قالت اختى زرعت لها شهرين ودرت صورة لقيت جنين ينبض وجنين لا ومن بنات بنغازى فى بالى قالت ممكن صبيت ام اسيل واوصافها طويلة وبيضاء وحامل فى 7 شهر وعندها بنت وقعدت بعد البنت 5 سنوات وما حملتش وبعدها حملت على يد الدكتورة ايمان بوطلاق ومعها اوليد *اما عنى اعطتنى الدكتورة مجفف حليب الدوستكين 6 حبات وقالت تاخذى حبة بعد كل 5 ايام وبعد ما اتجيك الدورة نبداء امعاك فى الابرئ المنشطة والدورة لم جيتها كانت على يعنى نبداء فى الابر الشهر الجاى وربى يستر قالت اذا كان ما حملتش طبيعى الشهر الجاى بعد المنشطات اتخشى على الزرع
لالا مش صبيتي صبياتي الاثنين المتزوجات عندهن عيال وجابن على طول وحدة عندها وليد وبنية وحدة عندها وليد وجابت توامة وتوا حامل اخرى قريب تموت وصبيتي الاخر كويسة عندها موعد 20 الشهر تشوف امورها

[ام اسيل]

نبي نحكيلكم على مرات خالي ليها خمس سنين متزوجة وحملت ثلاث مرات واجهضت وعدت لمصر عالجت لقو عندها قرحة في الرحم وعالجوها وبعدها حملت وطلع حمل عنقودي ودارت عملية تنظيف وليها سنة ونص تبي تحمل مفيش فايدة ومفيش نوع منشط ما خذاته ابر وحبوب المهم الشهر الي فات قالت منيش واخذة شي عشان عرس اختي تبي تاخذ راحتها ونفسيتها تعبت من الادوية وقالت بعد رمضان تبي تزرع وخلاص خاصة ان عمرها 42 سنةوقبل العرس بثلاثة ايام نحس فيها تعبانة وجها اصفر والدورة متأخرة 4ايام قلتلها عدي ديري تحليل بلكي حامل قالتلي ليا سنة ونص منشطات وما حملتش ويوم الي نوقف نحمل مستحيل وانا نزن عليها غير عدي المهم عدت ولقت روحها حامل سبحان الله حتى العرس ما خليناهاش تحضره ادعولها يابنات ربي يثبتلها حملها يارب

[ياقوته83]

السلام عليكم يابنات البلاد كيف حالكم اليوم ان شاء الله تكونوا بخير hwaml7

[ياقوته83]

الي عنده تكيس تاخد عشبه اسمها العرعار وهى موجودة عند العطار وطريقة استخدامها سهله زى مدير ى الشاهى تاخدى كوب الماء وتخليه يغلي وحوليه وحطى العرعاروغطيه لين يبرد شويه وحطى فيه كاشيك عسل اوسكر حسب الرغبه واشربي بالهناء والشفاءوكان تبي اضيفي عليه اعشاب اخرى عادى زي النعناع والزعتر والينسون وهدا مجرباته لان لما ابلغت كانت اتجينى الدوره وبعدين غابت 10شهور لما عاينت قالولى عندك تكيس على المبايض وعطوني علاج ومخديتاش وخديت العرعار لين الدوره انتضمت والتكيس امشى وهدا امجربينه هلبا ناس وانفع بيهم وكنت ناخد فيه ايام الدورة اكتر شي وتوا انى حامل وفي الشهر السادس وهدا كله بفضل الله

[ام اسيل]

وينكن ياهرابات انا زعلت خلاص وبنعدي لحوش هلي

[ام روفيدة]

يابنات اقترحوا اعليا شن ادير
عندي صاحبات المانيات يبوا يتغدوا عندي قبل رمضان وشارطين يبوا اكل عربي اقترحوا شن انديرلهم بالزبط
حتى أني المدة اللي فاتت عزمت صاحباتي إنجليزيات وبا كستانيات ودرتلهم بالزبط كيف ما قالت لك سمحة لكن ما درتش بوريك ومبطن درت رز بلاو وطاجين جبن وفلفل محشي وسلاطة مشوية وفضل لي من حشوة الفلفل الي هي زي حشوة العصبان حطيتها حتى هي وكلوها وعجبتهم وقالو لي أحلى من الرز البلاو ودرت سلاطة فاكهة ومعاها نوعين من الكيكة وكلو الغدا وروحو وكلهم عجبهم

[سورينام]

لااااااله... لاااااااااله------- معليشي هذي بنتي عمرها سنة و3 شهور تقريبا تحاول تقوللكم ماشاااااالله ...... ماشااااااااااااالله
فعلا ماشاالله عليكم بنيات بلادي وعلى لمتكم الحلوة

[سورينام]

طبعا نعرفكم على نفسي انا وخيتكم من طرابلس عمري 28 سنة متزوجة من سنتين وعندي بنوته وتوا .. حامل في الثامن

[سورينام]

وليا قريب اسبوع مكتشفة تجمعكم الطيب هذا وما بيتش نسجل في المنتدى لين قريت المية وستين صفحة (الله أكبر ماشاالله) وتعرفت عليكم قبل ما تعرفوني

[سورينام]

طبعا حبيتكم كلكم وبالذات ميرنا بعفويتها ومرحها رغم حرمانها الداخلي ربي يوسع ضيقها ويعطيها اللي تتمنى

[smhaa]

hwaml7hwaml7
نستنى فيك يا سمحه ماتجيبي معاك شي تعالي بزويلك ساعديني وتغدي عندي وندهورك في المدينه وروحي شن رايكhwaml03
بنسألك شن هو مطمور الدجاج قصدك بورديم hwaml13

ههههههههه خلاص بس قوليلي خلي انوتي شبشبي من توا

المطمور شوفي هو والله زي العسل وطريقته ساهلة جدا

خودي طنجرة حطي فيها قطع دجاج او لحم مغسول طبعا وحطي فوقه بصل مقطع
وبطاطا مقشرة على كبرها بدون تقطيع وكان تبي طماطم اخضر وملح وشوية زيت وفلفل ااكحل

ولو عندك ضرسين تومة ولو كان دجاج حطي عليه شوية اكليل جبل واي بهار انتي تحبيه
طيه على نار هادية جدا وهو بروحه من هدوء النار يطلع اميته وخليه لين تنزح اميته ومتنسيش تكون النار هااادئة ومغطية الطنجرة كووويس

ولما يطيب تحطيه في صونية الفلوكة وان شاء الله يكون حاجه حلوة ومداقه يشبه البورديم بس احلى

[سورينام]

وبصراحة حبيت عيون لاني حسيتها قريبة منى في هلبة حاجات
- انا وهيا من طرابلس
- مواليد 1982
- كل وحدة منا عندها بنوتة وحامل وقالولها ولد
-اخر حاجة انا اسم بنتي ساره انشاالله يكون نفس اسم بنتها ربي يحفظهالها

[smhaa]

طبعا حبيتكم كلكم وبالذات ميرنا بعفويتها ومرحها رغم حرمانها الداخلي ربي يوسع ضيقها ويعطيها اللي تتمنى

واني واني تعرفينيhwaml7؟؟؟؟ اهلا وسهلا بيك منوووورة التجمع الليبي وان شاء الله تكوني ديمة معانا

[smhaa]

ام اسيل والله قصة مرت خالك قصة مؤترة جدااا سبحان الله رحمه ربي مافيش خير منها والله

[سورينام]

مرحبا اختي سمحه يا نشيطة (الوحيدة اللي قاعدة لتوا)

[سورينام]

أكيييييييييييد نعرفك كيف لا ............ انشا الله ربي ينوللك اللي في باللك وتحملي بتلاثة تواما زوز ولاد وبنت ........ وتنسي النوووم لا ليل ولا نهار ...... هههههههههه قوللي امين

[سورينام]

وين باقي العيلة .........حبل الوصل ام اسيل ميرنا اني بنسميكم ثلاثي الامل

[ياقوته83]

اهلين بيك ياسورينام ان شاء الله تكوني بخير حتى اني جديده في التجمع hwaml7

[smhaa]

هههههههههههه اللهم امييييييييييييييييين ونعزمك علي سبوعهم بما انك قريبة وفي طرابلس

خلي يسهروني اصلا اني ناوية اول مانشوفه نضربهم ضربة توريهم الزمباع وين ينباع علي تاخرهم في الجيان

[سورينام]

يرحب بيك ياقوتة ويزهيك انشاالله .. قوليلي انتي عروسة جديدة والا

[smhaa]

اهليييين ياااقوتة مشاء الله الليبيات كثر ربي يزيدهم ويبارك فيهم ياااارب

[ياقوته83]

تصبحوا علي خير يابنات البلاد سبحان الله وبحمدك استغفرك واتوب اليك

[سورينام]

هههههههههههه اللهم امييييييييييييييييين ونعزمك علي سبوعهم بما انك قريبة وفي طرابلس

خلي يسهروني اصلا اني ناوية اول مانشوفه نضربهم ضربة توريهم الزمباع وين ينباع علي تاخرهم في الجيان
اسكتي حي عليك راهو يسمعوك ويغيرو رايهم لاني حاسة انهم جاييين في الطريقhwaml12 انشاالله والله اعلم

[smhaa]

ههههههههههه صح لالالا مش حنضربهمhwaml9 بس غير يجوووانبصر عليكم ياصغيويرتي غير تعالوhwaml17 يارب احساسك يكون صحيح

[smhaa]

قدامك كل خير ياقوتة حتى اني الراجل جي انخليكم بخير وعافية تصبحي على خير سورينام غدوة نتلاقو على خير

[ياقوته83]

سامحينى ياسورينام وياsmhaaمشبحتش ردكم بارك الله فيكم انى اتزوجت شهر واحد الى فات 18-1 والحمد الله اطعمنى وحملت وتوا فى نص السادس

[ياقوته83]

وتوا تصبحوا علي خير

[ام صهيب]

السلام عليكم كيف حالكم ومبارك عليكم التجمع وان شاء الله ديما ملمومين على الخير والهناء اني مشتركة جديدة وتوا حامل وفي اخر التاسع وادعولي رب يتمم على خير واني من ليبيا لكن حاليا في امريكا اعتبروني اختكم الجديدة تحياتي للجميع وبسلامتكم

[ميرنا]

خير يابنات

[ميرنا]

طبعا نعرفكم على نفسي انا وخيتكم من طرابلس عمري 28 سنة متزوجة من سنتين وعندي بنوته وتوا .. حامل في الثامن

انستى وشرفتى انتى وسارة hwaml7

[ميرنا]

السلام عليكم كيف حالكم ومبارك عليكم التجمع وان شاء الله ديما ملمومين على الخير والهناء اني مشتركة جديدة وتوا حامل وفي اخر التاسع وادعولي رب يتمم على خير واني من ليبيا لكن حاليا في امريكا اعتبروني اختكم الجديدة تحياتي للجميع وبسلامتكم

مرحبتين بعرب امريكا انستى وشرفتى انتى اول وحدة من امريكا تخش التجمع عندنا من ابريطانيا والمانيا وقطر

[ميرنا]

[QUOTE=ام اسيل;268907]حبل الوصل يسلملي المعنادي انا
ممكن نفهم عليش ماتسمعيش كلام الدكاترة للأخريعني المنشطات لازم تتاخذ حسب وصفة الطبيب مع الابرة التفجيرية وتحليل هرمون الحليب كل شهرين وبعدين علاج التكيس هو الجلوكوفاج الي هنا حبوب السكر

[SIZE="5"][COLOR="DarkOrange"]ام اسيل عليك نور اناك جبتيها, صح لان الدكتورة قالتلى الازم لى عندها تكيس اتنقص وزنها وحبوب السكر الجلوكوفاج ينقصن الوزن . لان التكيس هو مثل الغلاف على المبيض ويسبب فى عدم نضوج البويضة ويجعل التبويض اكثر عدد ولكن صغير و غير قابل لزيادة وبنقاص الوزن يزوال ذلك الغلاف وكذلك ضبط هرمون الحليب مع اخذ المنشطات .

[ميرنا]

ميمونة ,,,,,, ميمونة ,,,,,, اذا كان انتى اتبعى فينا توة اسمعينى عدل لاتياسى ياصغيرتى ما زلتى تجرى مازلتى عروس وان شالله تحملى والدورة عندك متلخبط بسبب هرمون الحليب الذى وصل 70 عدى الى احسن دكتورة وتبعى عندها ومعش اتغيريها وقوليلها تعطيك علاج لهرمون الحليب وعندما اتجيك الدورة قوليلها تعطيك اكلوميد وباذادالله اتخشى وتقولى انا حامل وحقك على انزغرتلك زغروت نين تسمعيها عندك هههههههههه

[ميرنا]

حبل الوصل انتى دبة ؟؟؟

[ميرنا]

حبل الوصل ,,,,,, حبل الوصل ههههههههه قصدى كم وزنك ؟

[ميرنا]

هههههههههههه اللهم امييييييييييييييييين ونعزمك علي سبوعهم بما انك قريبة وفي طرابلس

خلي يسهروني اصلا اني ناوية اول مانشوفه نضربهم ضربة توريهم الزمباع وين ينباع علي تاخرهم في الجيان

هههههههههههههههههههه نجك لى ياسماح ضحكتينى من وسط قلبى hwaml7

[ميرنا]

ياقوته ,,,, ربى يتمم لك على خير يا عروس شن قالولك امعاك بنوتة ولا اوليد

[حبل الوصل]

حبل الوصل ,,,,,, حبل الوصل ههههههههه قصدى كم وزنك ؟
أنى وزنى 69 وطولى 168

[ميرنا]

هاتو ,,,,, هاتو ,,,, شن صار امعاك وينك

مزنة ,,,, مزنة ,, وينك

ام روفيدة ,,,, ربى يتمم لك على خير

لولى ,,, لولى ,, انا فى انتظارك

اعيون راجالها ,,, عساك بخير

ساجدة ,,,, ما تقوليش انا حامل شكلك امخنسة على حاجة

صابرة ,,, وينك ولاموش فاضية من عبد الهادى

ام لقمان ,,ايش اخبار جنان

اميسر ,,,, اميسر ,,,,, اميسر ان شالله خير وينك ياولية

الهندية ,,,,, ايش اخبار الشيب وين طب

منى ,,,يامنى يا منال العالم وينك

[حبل الوصل]

سورينام نورتى التجمع ماشاءالله عليك وربي يتمملك على خير يااارب
ام صهيب مرحبتين بيك قداش ليك متزوجة وعندك صغار قبل ولا لا وربي يسهل عليك ولادتك يارب

[ميرنا]

أنى وزنى 69 وطولى 168http://images.nokiagate.com/smiles2010/patch_omlt.gif

اهلين حبل الوصل ,, انتى موش سمين واجد وزنك متناسب مع طولك احسبتك سمينة قلت اكيد الدكتورة حا تقولك اول شى نقصى الوزن زى ما قالتلى عندما وجدت عندي تكيس

[ميرنا]

ايش اخبار حبيبى عمورة واخلاص

[ميرنا]

حبل الوصل انا راجل يوعة من الساعة 6 يشتغل على شاحنة ويمشى للميناء ولم يعدى نقعد على النت وبما انى عالقته على المدار فى الصبح جوه سالك نين اتجى الساعة 12 وبعدها توعة الناس ويشغلو اجهزتهم انا يتعطل عندى ويبقى بطيى ومن كثر ما نقعد على النت نين اعيونى وجعتنى خفت انقولها لراجل ايقول ما نقصتنى امغير لعيون ما عينتكش عليهن هههههههه

[عيون زوجي]

وبصراحة حبيت عيون لاني حسيتها قريبة منى في هلبة حاجات
- انا وهيا من طرابلس
- مواليد 1982
- كل وحدة منا عندها بنوتة وحامل وقالولها ولد
-اخر حاجة انا اسم بنتي ساره انشاالله يكون نفس اسم بنتها ربي يحفظهالها
hwaml7hwaml7hwaml7
انا رح نمشي اليوم لطبيب نفسي شكلي عندي انفصام في الشخصية وداخلة باسم تاني وانا مش وااااااااااااعيه لروحيhwaml03hwaml03
hwaml10 حاليا رح نحجز موعد شكلي هبلت من الحمل والغربه

[حبل الوصل]

عيون شن حالك اليوم انتى وبنتك

[حبل الوصل]

ايش اخبار حبيبى عمورة واخلاص
بخير الله يسلمك مغير شطانة وتسكير دماغ والله متعبين لكن تعبهم حلووو ربي يذوقه لك عن قريب

[حبل الوصل]

حتى انى النت متاعى توة مدار بس مش ديما اغلب الوقت نشتغل بالريفي لكن تعرفي انى سرعته بيش مايتعبنيش
تعرفو يابنات اليوم بنت عمى اللى حكيتلكم عنها ماعندهاش صغار ليها 8 سنين متزوجة راجلها بيتزوج عليها وحدة من طرابلس والله مقهورة عليها قريب نبكى واجعتنى بكل ربي يكون في عونها كلنا على هالطريق

[عيون زوجي]

وبصراحة حبيت عيون لاني حسيتها قريبة منى في هلبة حاجات
- انا وهيا من طرابلس
- مواليد 1982
- كل وحدة منا عندها بنوتة وحامل وقالولها ولد
-اخر حاجة انا اسم بنتي ساره انشاالله يكون نفس اسم بنتها ربي يحفظهالها
-انا فعلا موااليد 1982
-وعندي بنت عمرها سنه وشهرين وحامل بولد انشاءالله ومازالي اسبوع وانخش الثامن
-اخر حاجة انا اسم بنتي ....................
اسم بنتي شكلي انا يلي خشيت باسم تاني
وعقلي طاااااااار
والله العظيم اسم بنتي ساره هادي صدفهhwaml4hwaml4 ولا انا ابصر شن صارليhwaml4

[عيون زوجي]

سوريناااااااام ...انتي انا ولا شنو؟؟؟؟؟؟؟؟؟؟؟؟؟

[عيون زوجي]

سؤااااااااااال باش نطمن انك انتي مش اني........
راجلك مواليد شن ومن شنو متخرج بالله طمنيني لن عقلي تمام

[عيون زوجي]

ام روفيدة طمنتيني ان الاجانب عجبتهم ماكلتنا رح اقرر بالزبط شن بندير ونشاوركم قبل العزومه
ميرنا معزومه حبيبتي وانتي ماتحتاجي عزومه دفي الباب برجلك وخشي
حبل الوصل وام اسيل وكل البنات تعالوا مع سمحه ساعدوني وتغدوا عندي سمحه تعرف الحوش
عندي ليكم مفاجاءة نهر الراين جنب حوشي تمام شن رايكم بعد الغدي انديروا شواء عالنهر ونديروا جو نسائي بلا رجاله نهائي

[حبل الوصل]

هههههههههههههههههههههههه عيووون كيف صار تخدعى فينا ولاكيف هههههههه

[عيون زوجي]

هلا ام صهيب شرفتي يلي في بطنك ولد ولا ابنيه وانشاءالله تشوفيه بصحه وسلامه طمنينا
-ياقوته حتى انتي احكي ما ادسيش
-سورينام انا ناويه نسمي ولدي من توا ومقررة قولي انتي قبل شن ناويه تسميه

[حبل الوصل]

ميرنا بنحكيلك عن حلمى حلمت ان فيه مراة نعرفها اسمها امباركة قالت لي ماتاخذيش شي الدورة مش حتجيك الشهر اهو تعتقدى عنده تفسير مع انى والله مش مفكرة واجد انى نكون حامل يعنى عادى عندى الامر مش عارفة ليه

[لولا772]

حملت واطفلتى عندها سنه هل يوثر عليها

[ميرنا]

hwaml7hwaml7hwaml7
انا رح نمشي اليوم لطبيب نفسي شكلي عندي انفصام في الشخصية وداخلة باسم تاني وانا مش وااااااااااااعيه لروحيhwaml03hwaml03
hwaml10 حاليا رح نحجز موعد شكلي هبلت من الحمل والغربه

ههههههههههههههههههههه ما تقوليش بنتك اسمها سارة ههههههه عطكن حبة hwaml03

[ميرنا]

حتى انى النت متاعى توة مدار بس مش ديما اغلب الوقت نشتغل بالريفي لكن تعرفي انى سرعته بيش مايتعبنيش
تعرفو يابنات اليوم بنت عمى اللى حكيتلكم عنها ماعندهاش صغار ليها 8 سنين متزوجة راجلها بيتزوج عليها وحدة من طرابلس والله مقهورة عليها قريب نبكى واجعتنى بكل ربي يكون في عونها كلنا على هالطريق


حسبى الله ونعم الوكيل , الله غالب ايش نبو انديرو لهم بس بنت عمك طلبت الطلاق ولا قاعدة وشن عمرها والله انا جربة الخطبة بس اقريب طرشقت هاب لو يجوز

[ميرنا]

حبل الوصل / شن دارت بعد ما قاللها راجلها نبى نتزوج والله حسك قطعتيلى قلبى تعرفى انا مجرد انه قالها لى وانا عمره ماقالها لى من قبل بيش ننتبه جتنى على غفلة وانا قعد اندير فى شاهى بعد الغداء على طول واخيتك متربعة على اعدالة وهو يقولها اجعلها ساعة عدوك اول كلمة قلتها طلقنى توة قبل لا نطلع تمة يقولى سهل سهل يصير خير وطلعت الحوش اهلى على طول وعمتى تبكى وصبيتى ايتبكو وسلفاتى يتبكو وتخيلى اصغار سلفى يبكو فى جرتى اقعدى يااعميمة قالتلهم ولا اعميمة نار ولع فيها موقف الله لايجيب المسلم . ان شالله ربى يصبر بنت عمك ياحبل الوصل

[ميرنا]

ميرنا بنحكيلك عن حلمى حلمت ان فيه مراة نعرفها اسمها امباركة قالت لي ماتاخذيش شي الدورة مش حتجيك الشهر اهو تعتقدى عنده تفسير مع انى والله مش مفكرة واجد انى نكون حامل يعنى عادى عندى الامر مش عارفة ليه


ان شالله خير توة ايجى الراجل ونحكيله على روايتكى

[ميرنا]

حملت واطفلتى عندها سنه هل يوثر عليها


لولا : انستينا انتى وبنتك بس سوالك موش واضح هل تقصدى انتى حامل وترضعى فى بنتك ولا قصدك من ناحية التربية hwaml7

[ميرنا]

سورينام // اسم بلد يقع فى شمال امريكا الجنوبية وهى اصغر دولة فى امريكا الجنوبيه ويوجد بها الكثير من المسليمون

[ميرنا]

يابنات وينكم

[لولى2010]

ميرنا اهلين سامحينى هدا وين قريت رسالتك والله حنسالك عليه هلى واقربائى ونرد عليك باسرع وقت ممكن وربي ينولك الى فى بالك

[لولى2010]

عيون كيف حالك انا بنتى كويسه ماشاء الله عليها تو زدت 300غرام بس وتو عندها الصفراء
وربي يخليها ليا بس هى صغيرة واجد فى الحجم حتى الدبش ماجش عليها
نبي نسالك كيف كنتى ترضعى فىها بنتك انا نبيك تساعدينى لان الحلمه مابتش تطلع وهى ماعرفتش تمسكها وانا نشفطلها بالشفاط قالى الدكتور لو تعودت تاخد رضعه مش حترضع منك
ساعدونى يااهل الخبرة .........................

[حبل الوصل]

حبل الوصل / شن دارت بعد ما قاللها راجلها نبى نتزوج والله حسك قطعتيلى قلبى تعرفى انا مجرد انه قالها لى وانا عمره ماقالها لى من قبل بيش ننتبه جتنى على غفلة وانا قعد اندير فى شاهى بعد الغداء على طول واخيتك متربعة على اعدالة وهو يقولها اجعلها ساعة عدوك اول كلمة قلتها طلقنى توة قبل لا نطلع تمة يقولى سهل سهل يصير خير وطلعت الحوش اهلى على طول وعمتى تبكى وصبيتى ايتبكو وسلفاتى يتبكو وتخيلى اصغار سلفى يبكو فى جرتى اقعدى يااعميمة قالتلهم ولا اعميمة نار ولع فيها موقف الله لايجيب المسلم . ان شالله ربى يصبر بنت عمك ياحبل الوصل
شن بتدير اهو قاعدة في بيتها وتبكى هو اليوم عنده عقد وبكرة الدخلة وماطلبتش الطلاق قالت مش حنلاقي زيه لانها تحبه وتموت عليه

[عيون زوجي]

عيون كيف حالك انا بنتى كويسه ماشاء الله عليها تو زدت 300غرام بس وتو عندها الصفراء
وربي يخليها ليا بس هى صغيرة واجد فى الحجم حتى الدبش ماجش عليها
نبي نسالك كيف كنتى ترضعى فىها بنتك انا نبيك تساعدينى لان الحلمه مابتش تطلع وهى ماعرفتش تمسكها وانا نشفطلها بالشفاط قالى الدكتور لو تعودت تاخد رضعه مش حترضع منك
ساعدونى يااهل الخبرة .........................
اشري حلمات صناعية من السيلكون ماركة تشيكو او افينت كويسين جدا ورح تشفط منهم لين تتطلع الحلمة وحتى لو اعتمدت على صدر واحد موش مشكله
انا بنتي كنت ارضعها بالحلمه الصناعيه مدة اسبوعين وبعدين مشيت لدكتورة اوكرانيه الله لا تسامحها قتلي لازم اعطيها حليب صناعي مع صدري لان البنت صغيرة وضعيفة
وسمعت كلامها وبنتي استسهلت الصناعي وتركت صدري لليوم hwaml15

[عيون زوجي]

شن بتدير اهو قاعدة في بيتها وتبكى هو اليوم عنده عقد وبكرة الدخلة وماطلبتش الطلاق قالت مش حنلاقي زيه لانها تحبه وتموت عليه


الله غالب شن بدير تتحمل الراجل والضرة خير من هم نساوين الخوت وكلام الناس
رح نحكيلكم قصة ولد عمي
هو عقيد ووضعه المادي ممتاز وتزوج عن حب من 20سنه وزوجته حلوة ومعلمه واتجنن في كل شي
حملت من اول سنه وفي الولادة جاها الطلق وزوجها مسافر رفعها عمي يلي هو بوه للمستشفى وفي الولادة جاها نزيف وكان مستشفى حكومي فيه دكاترة تشيك مايعرفوا شي طلعوا للشيباني قالوله حاله كنتك صعبه يا توقع اننا نشيلوا الرحم او تاخدها مستشفى تاني لاننا قاعدين ما ولدنهاش بس الشيباني خاف ووقع
تخيلوا مات البيبي في الولادة وشالوا الرحم
حس ولد عمي بالذنب لان بوه السبب 20سنه ما تزوجش وكانت هي تقوله تزوج لكن طلقني يوم زواجك
بعد 20سنه سافر للحج مع امه وكانت امه وحدة صعبه اطوف عالكعبه وتقول يارب انا مش راضيه على ولدي لين يتزوج
خاف وروح تزوج ومرته زعلت شهر ورجعت بالسيف وين بتمشي
يعني انتظار 20سنه راحوا عالفاضي

[لولى2010]

عيون انا جربت الحلمات ماركه تشيكو بس بنتى رافضه تاخدها

[عيون زوجي]

حاولي يا لولي ورح تنجحي وما اديريش غلطتي
انا حملي هذا بأذن الله ناويه ارضع طبيعي وبأي ثمن بعد مشيئة الله طبعا

[سورينام]

السلام عليكم يا عويلة الخير

[سورينام]

عيوووووووووووووووووووون يا أحلى عيوووووووووون
والله العظيم فعلا .. رب صدفة خير من الف ميعاد

[سورينام]

والله اني المفروض سميت روحي في المنتدى توأم عيون

[سورينام]

نستأذنكم لحضات .. راجلي تقول يتوحم ... الساعة توا 12 وهو جايب اللحم ويبي القلايا

[ام اسيل]

حتى انى النت متاعى توة مدار بس مش ديما اغلب الوقت نشتغل بالريفي لكن تعرفي انى سرعته بيش مايتعبنيش
تعرفو يابنات اليوم بنت عمى اللى حكيتلكم عنها ماعندهاش صغار ليها 8 سنين متزوجة راجلها بيتزوج عليها وحدة من طرابلس والله مقهورة عليها قريب نبكى واجعتنى بكل ربي يكون في عونها كلنا على هالطريق

(كلنا على ها الطريق؟؟؟؟؟؟)بعيد السو عليك يا اوخيتي ليش التشاؤم راجلك يحبك وجايبتيله الوليد والبنية لالالالا ما تفكريش هكي وكان عا العيال مازلتي صغيرة وتوا تجيبي طقرور وبعد رمضان تعالي لبنغازي راهي وجها خير عالي يجيها (وبالك تطلعي توا حامل وتفكينا من ها القصة) تعالي توحمي عندي

[ام اسيل]

عيون زوجي كيف حالك امتا الجية وراني عازمة روحي عا الاسبوع والمقروض عليا

[ام اسيل]

امس يابنات كنت مريضة بكل من الصبح في الفراش والليل شالني الراجل للعيادة لقة ضغطي مرتقع 180 عا ال100 وعطوني ابرة وقالولي قيسيه 3 ايام كانهو قعد عالي نعطوك حبوب لكن اليوم الحمد لله كويس

[ام اسيل]

ام اسيل والله قصة مرت خالك قصة مؤترة جدااا سبحان الله رحمه ربي مافيش خير منها والله

ان شاء الله ياسمحة بجاه النبي نشوفك حامل بتوامة عاجلا غير اجل

[smhaa]

والله يابناويت ظهري بيتقطع مني اليوم زي الفالحة طلعت دار العربية ودخلت في مكانها الصالون امس عفلقتني الشغالة قلتلها معاش تجيني

توا انحس في ظهري يوجع فيا لين خلاص مش عارفة هل لاني بس ليا ٢٠ يوم من الرسكامينتو او شي اخر

حالتي النفسية مزفتة اليوم حاسة روحي انصخف فيا والله

[smhaa]

صحيتي ياام اسيل وربي يفرح حتى انتي ياااارب

[ام اسيل]

[size=5]طبعا نعرفكم على نفسي انا وخيتكم من طرابلس عمري 28 سنة متزوجة من سنتين وعندي بنوته وتوا .. حامل في الثامن

لك اهلا وسهلا بلي جي واهلا وسهلا لك اهلين ام عصام اسفة قصدي سورينام انستينا وشرفتينا

[سورينام]

لا لا لا يا سموحة ... هاذي عمايل اتديريها وانت ما سكرتي حتى شهر عالسكامينتو .. سلم وخيتي ردي بالك على روحك وسيورها كلها تنظم .. وما تلقى غير الصحة ربي يدومها عليك ........... ومرة تانية قوليلي نجي نعاونك
وبالنسبة للحالة النفسية ... ديما استغفري وعطري فمك بذكر الله ((ألا بذكر الله تطمئن القلوب))

[ام اسيل]

طبعا انتي غلطانة يا اوختي سمحة لان عملية التنظيف اوعر من الجياب لانهم يفتحو الرحم وهو مش مهيأ ويخرطوه انا لما درتها قالتلي دكتورتي 25 يوم مفيش جماع و30 يوم راحة تامة حتى العمل ما تمشيش لان الرمي والعملية اصعب من الولادة حتى الحمل منعتني منه 3 شهور بيش الجسم يرد لطبيعته الله يسامحك حبكت الدار العربية توا هذينا الليبيات اول ما يشمن صحتهن يديرن روحهن رامبو

[ميرنا]

شن بتدير اهو قاعدة في بيتها وتبكى هو اليوم عنده عقد وبكرة الدخلة وماطلبتش الطلاق قالت مش حنلاقي زيه لانها تحبه وتموت عليه


هاب ياخيتى درت كيفى حتى انا رديت علشن انحبه قوليلها انتى تندرى على الغيب بالك اتجى من حظها ويعرف قيمتها ولى تحب راجالها اكيد ماتوقف قدام اى شى يسعده حتى وهى قهرة فى وسط العمر لكن ان كان هو راجل زين يحطها تاج على راس نين ايموت

[ميرنا]

حبل الوصل بلنسبة الى الروئ قالك باذان الله باذان الله ترزقينا بولد فاابشري

[ميرنا]

[quote=عيون زوجي;270705]الله غالب شن بدير تتحمل الراجل والضرة خير من هم نساوين الخوت وكلام الناس

هذا هو الكلام الصح , لى ما عندهش وين تمشى وكبيرة كيف حالتى , توطة على قلبها وتحمل فى روحها لانه الله غالب بالك هكى خير ربى العالمين ما يكتب على العبد شى لا وهو فيه خير للعبد ,وعسى ان تكره شى وهوخير لكم .

[ميرنا]

امس يابنات كنت مريضة بكل من الصبح في الفراش والليل شالني الراجل للعيادة لقة ضغطي مرتقع 180 عا ال100 وعطوني ابرة وقالولي قيسيه 3 ايام كانهو قعد عالي نعطوك حبوب لكن اليوم الحمد لله كويس

ابعيد السو عليك ياام اسيل ان شالله فى عدوك ياخيتى عينك من روحك راكى غالية علينا وخفى من الملح يا اروع واجمل واحسن اخت فى الدنيا ها ايشى تبى بعد هك hwaml02

[ميرنا]

والله يابناويت ظهري بيتقطع مني اليوم زي الفالحة طلعت دار العربية ودخلت في مكانها الصالون امس عفلقتني الشغالة قلتلها معاش تجيني

توا انحس في ظهري يوجع فيا لين خلاص مش عارفة هل لاني بس ليا 20 يوم من الرسكامينتو او شي اخر

حالتي النفسية مزفتة اليوم حاسة روحي انصخف فيا والله
سماح ,,,,, سماح لاباس عليك ياخيتى ديرى بالك على صحتك انتى مثلك مثل الجايبه انتى تعتبرى نفاس مازال بكرى على شيل والحط وايش شكلها الشغالة وانتى عندك رجالة فى الحوش سمحة ولا عجوز كبيرة من وين بنقلاديش

[ميرنا]

عيون كيف حالك انا بنتى كويسه ماشاء الله عليها تو زدت 300غرام بس وتو عندها الصفراء
وربي يخليها ليا بس هى صغيرة واجد فى الحجم حتى الدبش ماجش عليها
نبي نسالك كيف كنتى ترضعى فىها بنتك انا نبيك تساعدينى لان الحلمه مابتش تطلع وهى ماعرفتش تمسكها وانا نشفطلها بالشفاط قالى الدكتور لو تعودت تاخد رضعه مش حترضع منك
ساعدونى يااهل الخبرة .........................


لولى,,,,ههههههههههههههههههههههههه امغير اطلقي عليه بنتك الكبيرة توة يطلعhwaml7

[عيون زوجي]

صباح الخير
كيف حالكم اليوم
سمحه لاباس اعليك انشاءالله كويسه ارفاتك تبي تهربي من العزومه وام اسيل حتى هي مريضة لاباس اعليها وحبل الوصل قالت نفسيتها تعبانه كلكم تتهربوا
حاليا التعب كله بيجي على ميرنا المسكينه قداش منها
والتانيات يلي لاهيه بالبيبي ويلي حامل الله غالب عزومتي مش في مكانها

[عيون زوجي]

ههههههههههههههههه
نصيحه ميرنا الى لولي مش 100%
لاني مجربه ومانجحتش الله غالب

[ام اسيل]

ميرنا يا حبيبتي توا راجلك بالله عليك كم سنة راجيتيه وهو في الحبس وضيعتي كم سنة من عمرك توا جاي يقولك بتزوج والله عيب وحتى كانك ما تجيبيش نقولو هذومة الرجالة مفيهمش امان المفروض الوحدة ما تضحيش عشانهم بكل لكن نحنا هبل بكل بعد مشيئة الله انا حاسة ان الدكتورة ايمان حيكون على ايدها الفرج المهم انتي ماتهمليش العلاج بكل وخليها مسألة حياة او موت يا احلى واروع اخت في الدنيا ها اش تبي بعد هكي

[smhaa]

ميرنا قلبي معااااااااااااااااك والرجالة بطبعهم اناني للاسف الشديد كلهم زي بعض في النهاية

[smhaa]

هههههههههه ميرنا الراجل عندي مستحيل يقيم الرزين الا لو اني عيطت وحرجت يدلع حاشاك وولدي والله ساعدني بس حتى هو احرف من بوه

هامبارح قريب متت حلفت اليوم ماعاد قايمة حاجه رظينة ياسر من التعب في النهاية

ماتنفعني غير صحيحتي ....

ميرنا تعالي لطرابلس والله فيها دكاترا كويسين جدا

[سورينام]

سوريناااااااام ...انتي انا ولا شنو؟؟؟؟؟؟؟؟؟؟؟؟؟
,الله يا عيون ليا الشرف والفخر نكون شبيهتك لأني والله حبيتك من غير ما نشوفك ربي يوفقك في حياتك ويسعدك يارب ....... ويسعد كل وخياتي في هالتجمع hwaml84hwaml84

[سورينام]

سؤااااااااااال باش نطمن انك انتي مش اني........
راجلك مواليد شن ومن شنو متخرج بالله طمنيني لن عقلي تمام
سلامة عقلك ياغالية .. اني راجلي مواليد 1973 وهو مهندس زراعة ويشتغل في أمانة الزراعة - في سيدي المصري

[سورينام]

والله يا ميرنا على ما شفتي من معاناة في هالدنيا من ابتعاد عن خطيبك في الأول إلى فقدان صغارك إلى حرمان من الحمل لفترة إلى الخوف من زواج راجلك .. والله كلها إمتحانات من ربي سبحانه وبإذن الله تكوني قدها وتكوني من الصابرات ويجازيك المولى عن صبرك في النهاية ونشوفوك أم سعيدة في حياتك ياااااااااااااااااااااااااااااااااااااااارب .. يااااارب بجاه هالأيام المباركة ... قولو آمين يابنات وانشالله باب العرش مفتوح

[سورينام]

بنات أنا زعلانة شوية اليوم لأن كان عندي مراجعة عند دكتورتي وقالتلي إن وضع البيبي فارسي وأنا حاليا في نص الثامن ... وقالت لو ان البيبي في المراجعة الجاية لقيناه مازال فارسي .. بنحددلك موعد قيصرية وخلاص لأن بنتي جايبتها بقيصرية وصعب نخاطر ونجرب طبيعي
والله حاسة روحي قلبي إنغم وكنت نبي نجيب طبيعي المرة هاذي ... لكن الله غالب والحمد لله على كل حال

[moon 85]

لالا انشاالله يتغير وضع البيبي تعرفي بنتي خالتي اول اسبوع فتاسع وقالولها البيبي فارسي قعدت تتمشي بري للفروسيه امتع بوسته ولا اتمشي في القزه امتع البحر لانه تبي جهد وبشويه بشويه لين يتغير وضعه ورح ندعيلك انشاالله

[hatoo]

اهلين بنات شنو الاخبار والله مرايفه عليكم كلكم بس والله ماني فايضه نخش بكل لاهيه مع هلي وتوا نطلع نشري في حاجات البيبي وان شاء الله علي خير انتو شنو اخر الاخبار وميرنا شنو اخبارك ان شاء الله مافيك شيء من السحر انتي ادعي ربي وانشاء الله خير وام اسيل وكل البنات كلهممممممممممممم شنو الاخبار

[سورينام]

وينكم يا كسولااااااااااااااااااااااات ... والله حاسة اني نكلم في نفسي

[سورينام]

لالا انشاالله يتغير وضع البيبي تعرفي بنتي خالتي اول اسبوع فتاسع وقالولها البيبي فارسي قعدت تتمشي بري للفروسيه امتع بوسته ولا اتمشي في القزه امتع البحر لانه تبي جهد وبشويه بشويه لين يتغير وضعه ورح ندعيلك انشاالله
شكرا يا موون والله انتي فعلا قمر ... شكرا علرد وعالدعوات .. ربي يهنيك ويعطيك اللي في بالك hwaml13

[عيون زوجي]

ميرنا حبيبه قلبي ماتخافيش يلي كاتبه ربي يصير ادعي ليل ونهار واستغفري واهم شئ الصدقة لانه في حديث داووا مرضاكم بالصدقة وان الصدقة ترد القضاء
واكيد ظنك بزوجك مش رح يخيب ماتقارنيش روحك بحد مرات الرجاله التانيين حياتهم مش سعيدة مع نساوينهم خليك واتقة من روحك

[عيون زوجي]

ام اسيل سلامتك من الضغط وحاشاك منه
حبل الوصل يارب تحملي وتفتكي من الادويه

[سورينام]

السلام عليكممممممممممممممممممممممممممممممممم hwaml9hwaml9hwaml9

[عيون زوجي]

سورينااااااااااااام....تؤامي الغالي
لاباس اعليك والله انا حبيتك زي ما حبيتني ونتمنى نتعرفوا على بعض اكثر واكثر
ماتخافيش انشاءالله خير الوضع الفارسي يتغير حتى في بداية التاسع انا تغير اخر ايام الثامن في بنتي
على فكرة انا زوجي مواليد1974 يعني مش فرق كبير وزوجي مهندس بس مهندس نفط يشتغل في شركة نفطية في شارع النصر
ما قولتيش شن ناويه تسمي المحروس ربي يجيبه بالسلامه

[عيون زوجي]

انا بأذن الله وربي يجيبه بالصحه والسلامه ليا وليه ناويه اسميه محمد

[عيون زوجي]

انتي اي يوم بالتحديد موعد ولادتك وبتشتغلي ولا لا
على فكرة انا بنتي جبتها طبيعي غريبه مش زيك صح

[سورينام]

مرحبتين وثلاثة ومية .. بعيون الحلوة الغالية عليا
الشركة اللي يخدم فيها زوجك .. اذا كانت شركة الفيبا فهيا الشركة اللي تدربت فيها 3 شهور بعد التخرج من معهد الكمبيوتر ..
وبالنسبة لاسم البيبي والله ماني عارفة يا عيون .. قاعدة ما خممتش .. لكن امي عاجبها اسم عبدالمالك .. واسم محمد مرغوب من العيلة كلها وربي يسهل .. وزي ما يقولو إيجي العيل واسمه ايجي معاه

[سورينام]

انتي اي يوم بالتحديد موعد ولادتك وبتشتغلي ولا لا
على فكرة انا بنتي جبتها طبيعي غريبه مش زيك صح
موعد ولادتي 29-8-2010 انشاالله .. لو تعدل وضع البيبي طبعا
أما لو ماتعدلش فقالتلي الدكتورة موعد العملية نحددهولك في نص شهر 8 يعني ممكن اول اسبوع في رمضاااااان تخيلي ..hwaml15

[سورينام]

وبالنسبة للشغل طبعا قصته قصة .. اني قبل ما نتزوج كنت نشتغل موظفة في مركز يتبع أمانة التعليم في قرقارش .. وبعد ماتزوجت استمريت في العمل وبما اني حملت على طول .. قعدت نخدم الى بداية الشهر التاسع وبعدين خذيت اجازة .. وبعد الوضع معاش قدرت نرجع .. لأن سرورة ربي يخليها ما كانت ترضع الا من صدري .. واحني في عملنا كان كترو بيعطوني ساعة رضاعة في الدوام اللي يبدا من 8 الة 3.30 بعد الظهر .. تخيلي .. فقررت ان مصلحة بنيتي فوق كل اعتبار وقعمزت في الحوش .... شن رايك .. ايديا وجعوني من الطباعة .. ما اطولها القصة ..ههههههههههههههههه

[سورينام]

صار جبتي بنتك طبيعي ... شوره بدو ينقو علينا يا عيون وبدت تطلع الفروقات بالشوية .. بس فروقات زي هاذي مش مشطلة .. انشاالله ديما جيابك طبيعي ومتسهل من عند ربي آمين
قوليلي .. شن تاريخ ميلادك بالضبط .. اني 21-7-1982 وتاريخ زواجي 3-7-2008 وتاريخ مبلاد بنتي 3-5-2009

[سورينام]

عيوني ... اني نستأذن شوية لأن مقيلة عندي عزوزتي .. وتوا ناضت بتصلي لعصر خلي نمشي نديرلها طويسة شاهي خضرا ونشوف حاجة حلوة نحطوها معاها ....... كانك فاضية تفضلي معانا .. بالله عليك خلي نزيدو نتعرفو وخلي سرورتي وسرورتك يلعبو مع بعض

[smhaa]

عوووويلة
رمضان قرب اليوم وتيت حاجات المحلبية ..محلبية رمضان غير المحلبية متاع الايام العادية اندير فيها

بديتو اتوتو والا مازاااال؟؟؟

[عيون زوجي]

عيوني ... اني نستأذن شوية لأن مقيلة عندي عزوزتي .. وتوا ناضت بتصلي لعصر خلي نمشي نديرلها طويسة شاهي خضرا ونشوف حاجة حلوة نحطوها معاها ....... كانك فاضية تفضلي معانا .. بالله عليك خلي نزيدو نتعرفو وخلي سرورتي وسرورتك يلعبو مع بعض
الله يبارك فيك والف صحه عليك وديري بالك من سرورتك
ايه زوجي يشتغل في شركة الفيبا
وتواريخنا صح مش متطابقة بس قريبه جدا من بعضها
-مواليدي 1/7/1982
-زواجي 6/6/2008
-بنتي 20/5/2009
-ولادتي انشاءالله21/9/2010
hwaml7hwaml7hwaml7

[عيون زوجي]

وبالنسبة للشغل طبعا قصته قصة .. اني قبل ما نتزوج كنت نشتغل موظفة في مركز يتبع أمانة التعليم في قرقارش .. وبعد ماتزوجت استمريت في العمل وبما اني حملت على طول .. قعدت نخدم الى بداية الشهر التاسع وبعدين خذيت اجازة .. وبعد الوضع معاش قدرت نرجع .. لأن سرورة ربي يخليها ما كانت ترضع الا من صدري .. واحني في عملنا كان كترو بيعطوني ساعة رضاعة في الدوام اللي يبدا من 8 الة 3.30 بعد الظهر .. تخيلي .. فقررت ان مصلحة بنيتي فوق كل اعتبار وقعمزت في الحوش .... شن رايك .. ايديا وجعوني من الطباعة .. ما اطولها القصة ..ههههههههههههههههه
انا خريجة كلية الصيدلة2004 اشتغلت قبل الزواج شوية في المستشفى ولما ماجاش التعيين فوته واشتغلت سنتين في صيدلية خاصة ومن قبل عرسي بشهر ودعت الشغل وسنينه وحاليا سعيدة جدا جدا بكوني ربة بيت وملكة بيتي من الصبح لليلhwaml03

[عيون زوجي]

عوووويلة
رمضان قرب اليوم وتيت حاجات المحلبية ..محلبية رمضان غير المحلبية متاع الايام العادية اندير فيها

بديتو اتوتو والا مازاااال؟؟؟
ربي يكرمك سهفتينا معاك
انا حاليا ما نوتيش لرمضان لا انا نوتي لمرواحتي لاني قررت بأذن الله وبعد الاستخارة انشاءالله اني نروح نولد في ليبيا خيرلي لاني سئلت لقيت البيبي هنا ما ياخدش الجنسية الا اذا كان احد والديه ليه اكتر من 8سنوات في المانيا ولهذا حوشي اكرملي وامي عند راسي نتهنى بيها على بنتي وروحي خير من الدنيا وما فيها
زوجي حاليا يكمل في اوراقه وممكن لو كمل بكري نروحوا بداية رمضان انشاءالله

[عيون زوجي]

انا من غدوة بنشدها تنسريف ودوران ونشري الهدايا للعيلة
ماتخافوش حاسبتكم في الهدايا بس يلي ما تجيش اتهني بسلامة رجوعي ما تاخدش هديتها

[عيون زوجي]

سمحه ..شن تبي انجيبلك معاي من المانيا وصيني وما تكوني الا هانيه

[smhaa]

عاد الهدية علينا ان شاء الله انتي امتى بتجي ان شاء الله ؟

ههههههه عيون زوجي لو درتي سبوع اعزميني باش انكون اول وحدة عندك ان شاء الله

[smhaa]

ايوة ايوة بداية رمضان ....ربي يجيبكم على خير وسلامة

والجنسية طز فيها والله اني مش مقتنعه بالجنسية غير الليبية حتى صغار اخواتي مولودين في امريكا وعندهم الجنسية بس مش مقتنعه بكل

[عيون زوجي]

عاد الهدية علينا ان شاء الله انتي امتى بتجي ان شاء الله ؟

ههههههه عيون زوجي لو درتي سبوع اعزميني باش انكون اول وحدة عندك ان شاء الله
بالعكس الهدية مني ومن عيوني
وانشاءالله نعزمك في اسبوعي وتعزميني انتي في اسبوع اولادك التوامه ونهدلولك بدلتين بدل البدلة وعشرتين بدل العشرةhwaml7hwaml7

[ياقوته83]

السلام عليكم يابنات البلاد كيف حالكم ان شاء الله بخيرhwaml7

[ام روفيدة]

السلام عليكم كيف حالكم يا عيلة إن شاء الله كلكم بخير عيون زوجها صحى ليك والله بتمشي في بداية رمضان لليبيا والله رمضان في ليبيا ما كيفه رمضان وسلمي لي على ليبيا شبر شبر بالله مع أني ليا سنتين بس في بريطانيا لكن استاحشت ليبيا

[سورينام]

والله يا سمحة ما وتيت حاجة لرمضان لأن حاسة اموري متلخبطة جياب مع الرمضان .. مش عارفة كيييف .. ربنا يسهل

[عيون زوجي]

ام رفيدة حتى انا ما كنتش متوقعه ان زوجي يقتنع ويروح بس امه قعدت تقوله رمضان بايخ من غيرك وانا كنت نقوله نبي امي جنبي في حوشي ورزقي وبندير كان سخر ربي اسبوع وانا موتيه روحي ومرتاحه وفي الاخير ربي سخرلنا الحال فرحااااااانه لين خلاص
ياقوته هلا وغلا بيك
سورينام...صحتين طويسة الشاهي
انا رح نخش شهري في رمضان ومش ناويه نتعب روحي باش ما نتعبش من الصيام ولهذا كثر خيري كان درت حاجتين مع الشربه فيهم البركه

[سورينام]

عيون انشاالله توصلي بالسلامة ليك وللبيبي والبنوتة والراجل .. وتفرحي بعويلتك معاك في هالرمضان .. والله لمة الرمضان مازيها لمة في بلادك وبين اماليك .. بلا انتى تكوني واصلة لليبيا واني نكون واصلة لنص شهري كان مش جايبة مرة وحدة

[سورينام]

وين الغزالة ميرنا وحبل الوصل وام اسيل يا عيون .. شورهم عملوها وتلاقو وفاتو التجمع .. هذا كان مش جايهم وحم جماعي وحملو مع بعض ..انشاالله ...ربي كريم..... وينكم يا بنات استاحشنااااااااااااكم

[عيون زوجي]

وين الغزالة ميرنا وحبل الوصل وام اسيل يا عيون .. شورهم عملوها وتلاقو وفاتو التجمع .. هذا كان مش جايهم وحم جماعي وحملو مع بعض ..انشاالله ...ربي كريم..... وينكم يا بنات استاحشنااااااااااااكم
شكلهم هكي
هههههههههههههههههههههههههههههه
اكيد متوحمين على المشي لمكان معين ومتلاقيين فيه غادي نيالهم دلعhwaml02
على ذكر الوحم انا والحمدلله ماتوحمتش ابدا منو فيكم من النوع يلي تتوحم وتتدلع وتتعبhwaml5

[عيون زوجي]

كيف حال صغار التجمع
جنان وعبدالهادي ولينه

[سورينام]

وأني تقريبا متلك يا عيون الحمد لله لكن والله نتحمل لأن الزهاق ودراه الكبد حاشاك ضروري منه لكن كل مرا وقدرتها عالتحمل ... لكن بيني وبينك مرة مرة كنت نتدلع على راجلي مسكين ولما ايجي يسألني على احساسي ديما تلقيني نقوله تعبااااااااانه .. مريضة ومرة نضت في نص الليل ممكن الساعة 3.30 وأني نقوله خاطري في دجاج محمر توا توا وهو يقولي الله يربحك ارقدي وغذوة نجيبهالك .. وأني شي مسكرة راسي نبيها تو .. ناض مسكين قالي هيا انتي وحظك .. طلعنا في هاداك الليل والحكاية شتي والبلاد فاضية .. درنا قريب للفجر وفي الأخير حصلنا واحد في شارع عمر المختار عنده دجاج محمر خذيناها وروحنا للحوش
تعرفي كليت منها شوييييييييييييييييييية وقتله معاش نبي ...... الراجل قريب عيط .. بعد الدوران هذا كله هذا ما تاكلي منها والله عيب عليك .. واني نقوله باهي شن بنديرلك مش مني هذا البيبي معاش يبي ...كخخخخخخخخخخخ

[عيون زوجي]

وأني تقريبا متلك يا عيون الحمد لله لكن والله نتحمل لأن الزهاق ودراه الكبد حاشاك ضروري منه لكن كل مرا وقدرتها عالتحمل ... لكن بيني وبينك مرة مرة كنت نتدلع على راجلي مسكين ولما ايجي يسألني على احساسي ديما تلقيني نقوله تعبااااااااانه .. مريضة ومرة نضت في نص الليل ممكن الساعة 3.30 وأني نقوله خاطري في دجاج محمر توا توا وهو يقولي الله يربحك ارقدي وغذوة نجيبهالك .. وأني شي مسكرة راسي نبيها تو .. ناض مسكين قالي هيا انتي وحظك .. طلعنا في هاداك الليل والحكاية شتي والبلاد فاضية .. درنا قريب للفجر وفي الأخير حصلنا واحد في شارع عمر المختار عنده دجاج محمر خذيناها وروحنا للحوش
تعرفي كليت منها شوييييييييييييييييييية وقتله معاش نبي ...... الراجل قريب عيط .. بعد الدوران هذا كله هذا ما تاكلي منها والله عيب عليك .. واني نقوله باهي شن بنديرلك مش مني هذا البيبي معاش يبي ...كخخخخخخخخخخخ
هههههههههههههههه
تعجبيني الدلع يحلي الوحدة خير من المرايفه اعليهمhwaml7
وفي حملك التاني كنتي تبي تحملي ومنسقة امورك ولا جاك هدية ولا على البال زينيhwaml03

[عيون زوجي]

درتي اسبوع في بنتك ولا لا وتوا ناوية اديري انشاءالله

[سورينام]

هههههههههههههههه
تعجبيني الدلع يحلي الوحدة خير من المرايفه اعليهمhwaml7
وفي حملك التاني كنتي تبي تحملي ومنسقة امورك ولا جاك هدية ولا على البال زينيhwaml03

بصراحة حملي هذا لا كان عالبال ولا عالخاطر .. لأني كنت نرضع في سارة وزي ماقتلك ما رضعتش الا من صدري .. وطبعا الرضاعة عملت عملتها ولخبطتلي الدورة .. يعني ربعنت في شهر 6 والدورة جتني مرة في شهر 9 وقبلها مشيت نعاين خايفة نكون حامل فقالتلي الدكتورة لا هاذا كله من الرضاعة لو تبي نعطيك ابرة تنزل الدورة وبعدها نوصفلك مانع للحمل مع الرضاعة .. وخيتك خافت من ابرة تنزيل الدورة وماخذيتها وقعدت ماشية عالجدول زعميتني لين جتني تاني في شهر 11 وبعدها معاش شفتها للآن ...

[smhaa]

لالالالالالالالالالالالالا عيون زووووووجي جيبي ٣ بدلااااااات صغاري توووامة في ٣ كخخخخخخخ

[smhaa]

عليك وعلي حوش عزوزتك سورينام وانتي ترتاحي

[smhaa]

اني مايجينيش وحم فرقة حالي بالله لاكن مرات اندير في روحي تعبانة قدام راجلي وبالذات لما خاطري يعفسلي رجليا انقوله تعبت يمشي المسكين يعفسهم بالشوية عليا ويقولي مش قتلك معاش اتعبي روحك كخخخ واني قبلها انكون كنت في سابع حلمة