تجمع حوامل ليبيا

[hatoo]

اهلين كبريائي مرحبتين بيك بينا واهلين يابنات يايقين قالت الحناطه راقيه عليها شويه ههههههههههههههه شكله من فروتي من قل النوم

[hatoo]

اهلين ام عويضه شنو اخبارك؟ واهلين ميراس كيف حالك؟

[ميراس]

يقين شن صار فى خوتك انا الحمد لله طلع خوى والله قال الوضع ماساوى جدا ومعاش تعرف الصواريخ منين اتجى لانه بيتنا بحدا المطار

[ميراس]

هاتو ا كيف حالك اهو كنت انهيج بروحى ونهدرز مع روحى

[ميراس]

هاتو ا وين قاعدة توا

[hatoo]

انا قاعده في بنغازي وانتي في طرابلس؟؟

[أم ردينة]

السلام عليكم : في حد؟

[أم ردينة]

ربي يطمنكم علي خوتك يا ام قصي .. والف مبروك الحمل يا ميرنا والله فرحتلك انشالله ربي يفرحك بشوفه البيبي ,, الله يا ربي قداش كريم .. وين المدمات كلهم اللي كانو قبل زي ايه وعيون وسورينام وهلبه هلبه .. انشالله الجميع بخير

[hatoo]

اهلين ام ردينه

[ليبياقلبي]

يقين خشيت علا الايميل ملقيتكش وووووووينك والف سلامة علا فروتي
وسلامي لي تمرحنة ربي يرزقك ربي وربي يرزق كل محرومة واهلين بي كبريائي وين انت في مصر
ووووووووووووسلامي للكل

[hatoo]

شكله مفيش وحده تبي تهدرز خليني نعدي نرقد يلا تصحبوا علي خير

[ليبياقلبي]

هلا هاتو كيفك

[تمر حنة]

[اني سجلت اليوم بس كنت في منتدي تاني فيه تجمع ليبي زي هنا بس حتي مرقدين المهم اني من بني وليدوعمري 20 سنه وعندي بنيه عمرها 6 شهور واني حاليا في مصر لان زوجي يقرا]


أزززززززززبط حالة غش

يقين الحقي فيه من منتحل شخصيتك هههههههههه

[تمر حنة]

هاتو ربي يخليلك زوجك اسمك في نقاله انيق وحلو
ام عويضة ربي يدوم الحب بينك وبين زوجك ومسجلك باسمه معناها يحبك زي نفسه
ميراس دبدوبة ههههههههه لطيف جدا ربي يخليهولك
يقين ربي يحفظكم ويسعدكم ويخليكم لبعض

انا ياحنة كان اسمي في نقاله "حبوبتي" بعدين في عيد الفطر الماضي مشيت بنشري لبس العيد المهم شريت بدلة فيه اللون الاحمر الغامق ونسقت معاها كندرة شامواة حمراء في المحل عجبتني وهبلت فيها وبعد رجعت للحوش ولبستها حسيتها باااايخة مشي قلت لراجلي نبي نرجعها الكندرة قاللي ليش حلوة قلتله لالا زي كندرة "السيدة ملعقة" (تعرفاها؟ رسوم اطفال قديمة) مشي قعد يضحك قريب مات من الضحك قاللي حتى انت تعرفي السيدة ملعقة لان انا راجلي اكبر مني بـ 12 سنة ويتخيل فيا صغيرة مانعرف شي المهم من هذاكا اليوم المشؤوم غيرني في نقاله السيدة ملعقة والمصيبة لما نتصل دايرلي نغمة مميزة وصورة السيدة ملعقة تطلع والله مهما درتله وبكيت ماباش يغيرها انقوله معقول انا السيدة ملعقة يضحك ويقوللي وشن ناقصها االسيدة ملعقة آآآآآآآه منه تخيلوا هو طالب دكتوراة واصدقائه كلهم دكاترة وناس راقية تخيلوا يشوفوا هاتفه وانا نتصل بيه فضيييييحة

[تمر حنة]

ليبيا قلبي الله يسلمك
لمن العروسة هذي ليك! ماشاء الله ربي يحفظها ويبارك فيها

[تمر حنة]

كبريائي غريب انت تقري وإلا لا ؟
وهذا اول عيد في مصر والا ليكم هلبة غادي ؟
ربي يسهل عليكم

[تمر حنة]

بنات بنسألكم على "الكب كيك" انا نحبه ونشري فيه جاهز لكن نتمنى نطيبه بروحي شريت الطاجين الخاص والمكونات وقعدت مشكلتي في الورق الخاص اللي زي الكوب صغير قولولي هو نفسه ورق الحلويات العادي والا فيه ورق خاص لان خايفة نجرب الورق العادي ينحرق
ماتهزوش عليا انا مش فالحة هلبة في الحلويات

[تمر حنة]

اسمعوا وحدة تضحك على قصة السيدة ملعقة نوريها
قولولي "ما شاااااااء الله اسم حلو يهبل"

[أم عويضة]

هاتو ربي يخليلك زوجك اسمك في نقاله انيق وحلو
ام عويضة ربي يدوم الحب بينك وبين زوجك ومسجلك باسمه معناها يحبك زي نفسه
ميراس دبدوبة ههههههههه لطيف جدا ربي يخليهولك
يقين ربي يحفظكم ويسعدكم ويخليكم لبعض

انا ياحنة كان اسمي في نقاله "حبوبتي" بعدين في عيد الفطر الماضي مشيت بنشري لبس العيد المهم شريت بدلة فيه اللون الاحمر الغامق ونسقت معاها كندرة شامواة حمراء في المحل عجبتني وهبلت فيها وبعد رجعت للحوش ولبستها حسيتها باااايخة مشي قلت لراجلي نبي نرجعها الكندرة قاللي ليش حلوة قلتله لالا زي كندرة "السيدة ملعقة" (تعرفاها؟ رسوم اطفال قديمة) مشي قعد يضحك قريب مات من الضحك قاللي حتى انت تعرفي السيدة ملعقة لان انا راجلي اكبر مني بـ 12 سنة ويتخيل فيا صغيرة مانعرف شي المهم من هذاكا اليوم المشؤوم غيرني في نقاله السيدة ملعقة والمصيبة لما نتصل دايرلي نغمة مميزة وصورة السيدة ملعقة تطلع والله مهما درتله وبكيت ماباش يغيرها انقوله معقول انا السيدة ملعقة يضحك ويقوللي وشن ناقصها االسيدة ملعقة آآآآآآآه منه تخيلوا هو طالب دكتوراة واصدقائه كلهم دكاترة وناس راقية تخيلوا يشوفوا هاتفه وانا نتصل بيه فضيييييحة

كيف حالك ياتمر وحنة ان شاء الله اتكوني بخير
خليك عادي ..ريلاكس هما أغلب الرجالة لما يعرفوا ان فيه حاجة اتعقد ايديروها بس اسم نادر ومش مكرر ههههههههههههه
ماتزعليش مني ياتمر وحنة بس زوجك شكله دمه خفيف الله دكتور ودمه خفيف
بالنسبة للكب كيك فيه اوراق خاصة للطبخ ويبيعوا فيهم في محلات المواعين والا في محلات مستلزمات الحلويات وفيه منهم اشكال وأحجام في ليبيا ايبيعوا فيهن واكيد توا تلقيهن

[أم عويضة]

يعطيهالك ىاام عويضة انا كان انقوللكم قداش ليا ماسمعتاش ينطق باسمى خاصة لما نتصل وايرد عليا اه دبدوب والله بجديات خلينى تمشى ننشده بالك تلقاه ناسيه ههههههههههههههههههههههههههههههههههههههههههه
الله ايسلمك ياميراس
سألتيه والا لا؟يادبدوب هههههههههه
القصة مش هنا القصة في انه ايكون ناسي وانت فكرتيه

[يقين]

صباح الخير علي الحلوين اممممممممممم مهدرزين هلبا بعدي مشالله
نبدوا بسم الله
تمر حنه ضحكتيني والله ريت هالشخصيه المهمه اللي بينتحلوها ههههههههههه ليش الاحراج يا تموره ليش
ميراس وينك هدا وين نور التجمع وحمدلله علي سلامه خوك واني والله كلهم طلعوا قاعد واحد بس ماباش يطلع قعد في الحوش وربي يسلمه ان شالله
هاتو والله فروتي مرقيتلي القاز مش الحناطه عارفه بعد ما فرحت بنومها تعدل ولت قعدت ترقد الساعه3
ليييييييييبا قللللللللبي محلاها ناريز مشالله تبارك الله ربي يخليهالك وتو اتجيك الاضافه معليشي امس انسيت
ام عويضه كيف حالك وحال عويضه

[يقين]

اسمعوا زمان لما ارميت راقده في المستشفي اول ما طلعت بعد ما فقت من العمليه قعد كل مره يتصل بيا راجلي فنقوله في اسمه يعني نضبح عليه باسمه شوي في عزوزه جنبي قتلي هادا مني قاتلها عمتي راجلها عارفين شن قاتلي قاتلي صحه الوجه تنادن فيه باسمه احني زمان انقولوله يا هوه وكانه حج يا حاج ههههههههه جيت بنضربه غير عزوز

[يقين]

ميراس حلوه دبدوب خيره غير ما دكريشي بيها بس خليه كانه ناسيها

[يقين]

السلام عليكم عدنا والعود احمد

[تمر حنة]

وعليكم السلام كيف حالك يقين
حق انا مخصماك سألتيني على اسمي وقلته على خاطرك وحشمت عمري وانت ماقلتيليش حتى "اسمك حلو" وإلا ماعجبكش؟ شفتي ام عويضة خذت بخاطري سلمهالي يارب

[تمر حنة]

ام عويضة انا دورت عليهم لكن نلقى فيهم في السوق ومانعرفش يصلحوا ويتحملوا الحرارة والا لا كيف نعرف اللي نلقى فيهم كلهم عاديات زي الورق اللي نحطوا فيه في الحلويات وانا لما نشري فيه جاهز انحس ورقه ثخين شوية

[تمر حنة]

ادعولي بنات غدوة ان شاء الله عندي موعد مع الدكتور ومتوترة بشكل مش عادي كأنها اول مرة بنمشي فيها للمستشفى مش عارفة ليش

[تمر حنة]

وينكم بنات هدرزوا عليا انحس في روحي متكدرة
وزيادة راجلي كلمه صاحبه مصري الصبح وقاله انه يبي يجينا هو وزوجته زيارة يوم الخميس عليك حالة انا مش فاضية بكل ولاعندي خلوق لحد
هم زارونا مرة عزمناهم في العيد وتو بدل ما هم يعزمونا عزموا رواحهم ثاني يا والله حالة وخلاص وانا بالي مش واسع هلبة ومانعرفش نضحك بلا نية (هأهأهأ) نقعد نتعصر ساعة لين يجيني صداع باش تطلع الضحكة وهي ماشاء الله مرحة تحكي وتضحك ماتسكتش دقيقة بسلامتها وانا عاد في عالم ثاني

[تمر حنة]

هي توا نستأذن روحي

[ميراس]

وين معمر ؟ وين دياره ** هارب م الشعب وثواره !

وين معمر بومنيار ؟
طامر خايف كيف الفار
هارب من وجــه الثوار
وفوق كتوفه شايل عاره

وين معمر ؟ وين دياره ** وين خطـــاباته الثرثاره ؟

[ميراس]

شعار طحالب الجديد.....(ياقائد نحنا حراسك وقت الشده دبر رأسك)

[يقين]

تمر حنه لا والله ما انتبهتله وماقريته كان هادا راهو قتلك حلو شويه بس خلي نقراه ونجي انقولك رايي

[يقين]

تمر حنه وحقه علي قولت راجلك شن ناقصها السيده ملعقه هههههههههه انبصر معاك ههههههه خير من ام قطنبو
اقل حاجه يجيك حد وانتي مش في بابه ووووووو جو مش حلو اسمعي كيف تكلمي فيها تفهم في الليبي ولالا ولا كيفي اني ازيك وعامله ايه

[يقين]

اممممممممممممم هيا توا بالسليمه بنمشي اندير مما

[أم ردينة]

حلو الاسم يا تمرحنه السيده ملعقه قداش نحبها الرسوم هادي .. يقين قداش عمرها بنتك فكرتيني في روحي قبل فتره لما كان ولدي مش مخليني نرقد بكل ربي يكون في العون وفي جميع الامهات

[hatoo]

ان شاء الله ربي يسرلك امورك ياتمر حنه وتفرحينا والسيده ملعقه هههههههههههههههههه حلو وانتي سميه في موبايلك بأسم زوج السيده ملعقه هههههه توا بعدها يغيره , ويقين تبيلها لعند السنه بيش تتنظم علي النوم انا توا رتولي دايره روحها تنظمت شوي

[hatoo]

شعار طحالب الجديد.....(ياقائد نحنا حراسك وقت الشده دبر رأسك)

قووووويه هذي مش غير دبر راسكhwaml02

[hatoo]

اهلين ام ردينه

[ميراس]

السلام عليكم ورحمة الله وبركاته

[ميراس]

وينكم بنات فى حد ولا امكسدة

[ميراس]

طبعا خلينى نعرفكم على ولدي محمد هدا ولدى الصغير اللى احكيتلكم عليه والتانى الصغير ابن اخوى طبعا ماعنديش امعاه روح وتوا مستاحشته اقريب نهبل عليه

[ميراس]

ولدى محمد مصاب بالتوحد نوع من انواع التوحد تاخر الدراسي عمره 12 ستة عيد ميلاده 2-10 وهو لايقرا كان بمعهد خاص المركز الليبى المصرى وفى الاحدات تم اقفال المركز وقاعد توا عنده افراط فى الحركة وزايطة انا وياه تعرفوا لو اتشوفوه القراية مليشى علاقة بيها لكن الكمبيوتر والنت والاجهزة الالكترونية داهية بكل ماتعنى الكلمة حتى فى المعهد متحيرين في دكاءه في تشغيله بالكمبيوتر بدون ان يخطئ في البرنامج اللى يبى يدخل ليه والله حالته اتحير يحفظ كل شى ودكى فى كل شى ماعدا القراية مايعرف ايفرق بين الالف والباء وجعتلكم روسكم معليششششششششي

[ليبياقلبي]

سسسسسسسسسسسسسسسسسلام
تمرحنة ماشاء الله ربي يطول في عمرها بنوتك وربي يحفظها يارب
يقين ضفتك كلمني
سلامي للكل

[أم ردينة]

مساء الخير قصدي صباح الخير ربي يعينك يا ميراس.. نبي نسألك امتى اكتشفتي ان عنده التوحد وشنو هي اعراضه..

[ليبياقلبي]

ربي يشفيه ميراس وربي يفرحك بيه يارب تبارك الرحمن عليه ونفس سوال ام ردينة امتى اكتشفتيه وشن اعراضه

[يقين]

صباح الورد والفل والياسمين علي احلي بنات
كيف حالكم كلكم ان شالله تمام
ام رودينه بنتي عمرها 5 شهور قاعده ماكملتهمش
هاتو قالولي علي 6 شهور يتعدل تبيلها كان بنراجي للسنه

[تمر حنة]

سلامي على اللي حاضر معانا .... وسلامي علي اللي خالي مكانه
سلامي ان شاء الله يوصل سلامي ... أسامي ما أريد اذكر أسامي
ســـــــــــــــــــــــــــــــــــــــــــــــــ ـلامي

[يقين]

ميراس ربي يخليهولك مشالله عليه وربي يشفيه

[يقين]

تمر حنه وعليكم السلام شن صار مشيتي للمستشفى ان شالله تفرحي بالحمل هالشهر يااااااااارب

[تمر حنة]

يقين تقارني في اسمي بأم قطنبو!! ده كلام .. لن انسى لكي هذا الموقف

[تمر حنة]

أم ردينة تسلميلي يا ذوق شفتي اسمي ما احلاه "السيدة ملعقة" ياسلام اسم حروفة قليلة لكن معناه كبييييير ومش أي واحد يفهمه إلا مرهف الحس كيفك انت هههههههههه
انت أحسن وحدة من اليوم انتي صاحبتي

[تمر حنة]

هاتو ههههه فكرت فيها الفكرة هاذي لكن مهما حاولت ما تفكرتلهاش راجل شكلها عانس هالدعوة
اللي تعرف اسم راجل السيدة ملعقة تسعفني جزاها الله الجنة

[تمر حنة]

ليبيا قلبي بارك الله فيك حبيبتي
ان شاء الله ربي يرزقني ببنوتة حلوة زي بنتك قولوا آمين

[تمر حنة]

ميراس ماشاء الله ربي يحفظ ولدك شخصيته تجنن تبارك الرحمن
حاولي تعالجيه بالرقية الشرعية والقرآن مرات عين لان الناس ماترحمش وفيه اللي يستخسر يقول كلمة ماشاء الله

[تمر حنة]

انا اليوم درت التلقيح ادعولي بالله عليكم ربي يسخرلي الحال ونفرح الشهر هذا أنا وأم اجنادين وأم وسونة وكل متمني يارب

[تمر حنة]

يقين اهلين بيك ان شاء الله يارب يسمع منك ويفرحني الشهر هذا
كيف اخبارك انت وكيف حال بنتك يومها قلتي رقبتها مبحوحة كيفها توا ان شاء الله افضل

[تمر حنة]

ميرنا من يوم قالتلي طريقة الحلوى اختفت ان شاء الله غيابها خير
و أم قصي حتى هي سألتني مرة على قصتي وما دخلتش ثاني ان شاء الله المانع خير
و كبريائي حتى هي غايبة

[تمر حنة]

توا بالسلامة وتضمخت بالود ليلتكم ودمتم في السعادة ترفلون
على قولت المذيع محمد القريو

[يقين]

يه ييييييييييييييييييييييييييييييييييييييييييييه يا تمر حنه علاش زعلتي اني ما قارنتش اسمك بام قطنبو اني قلت احلى منه وخير منه غير انت فهمت غلط

[أم ردينة]

مساء الخير كيف حالكم اليوم : يا تمر حنه راجل السيدة ملعقه اسمه سيد شوكه واي استفسار تفضلي.هههههه واني قبلت صداقتك

[يقين]

حبيباتي سلامي ليكم كلكم اني بنطلع توا ليلتكم سعيده وربي يجبر بخاطر ام اجنادين وام وسونه وتمر حنه وريم البراري يااااااااااااارب ربي يجبر بخاطركم وهالشهر تفرحوا بالحمل السليم التابث الصالح ياااااااااارب اللهم امين

[يقين]

اهلين ام ردينه كيف حالك

[أم ردينة]

الله يسلمك يا يقين ..

[يقين]

ام قصي وينك ان شالله المانع خير
كبريائي وينك ان شالله مش زعلانه بس عرفيني اكثر حتي اني في مصر بالك نتلاقوا

[يقين]

قوليلي ام ردينه قداش عندك صغار

[ام وسونة]

السلام عليكم كيفكم ياحلوات

شكرا وخيتي يقين علي الدعوة ااحلوة وربي يتقبل منك

وخيتي تمر حنة ربي يسخرلك وتفرحينا في هالشهر

ويفرح وخيتنا ام اجنادين

وبالنسبة لاسمك حلو السيدة ملعقة خلي روحك رياضية

اني توا في موبايل راجلي الغوالي رغم انه ينادي فيا بفلونة

ههههههههههههههه

وخيتي ميراس ربي يسلمه وليدك ويحفضه

وخيه ليبيا ماشاء الله عليها بنيتك ويارب تخاويها

حلو اسمك وخيه ام عويضة لكن النغمة احلي هههههههه

ادعولييييي ربي يسهلي الاسبوع الجاي

واللي عندها فكرة علي الصورة الملونة ياريت تفيدني

[ام وسونة]

وخيتي تمر حنة احكيلي علي تجربتك لان احتمال حتي اني نديره

واحكيلي السبب منك ولا من زوجك

[ام وسونة]

الحمدلله شدووووووووووه ولد الطاغية

شكلي نخرف بروحييييييي

احلي حاجة في المنتدي خشي هدرزي بروحك*

[hatoo]

اهلين بنااااااااااااااات كيف حالكم كلكم اليوم عديت للدكتوره وطمنتني الحمدلله علي البيبي وقالتلي احتمال كبير وليد الحمدلله قالتلي الاسبوع الجاي نأكدلك اكثر وان شاء الله خير زوجي فرحااااااااااااااااااان بكل ان شاء الله ربي يكمل علينا فرحتنا بشوفته

[أم ردينة]

يقين عندي بنيه اسمها ردينه عمرها 3سنوات ونص ووليد عمره 10شهور والحمد لله واسمه عبادة .. سألتك علي ولدك المره اللي فاتت مردتيش عليا

[أم عويضة]

اهلين أم وسونة أن شاء الله يكون حق ومش كذبة مسكت المعتصم

[أم ردينة]

زحمه حق خبر اعتقال معتصم .. مش مصدقه منعرفش علاش خايفه يصيرلي زل لما شدو مخويه فرحنا وبعدين طلع كذب .... انشاء الله يارب يكون الخبر صح

[أم عويضة]

هاتو ان شاء الله ربي يتمم لك الحمل على خير وتشوفي جنينك قدام عويناتك وربي يفرحك انت وزوجك
ويكبر وايكون رضي ...ومن وسط اصحابه يضوي ..ويرافق زينت الرجال ..ويبقالك من خيرت الفرسان ..اللي تفخر بيهم الأوطان ..وتقسم له ست النسوان ..صاحبة الدين والجمال
ريتي ياهاتو جيبتك الولد وكبرته لك وعلمته وزوجته وهو مازال جنين

ادعي لي حتى انا انجيب ولدين توامه مع عويضة

[أم عويضة]

ام ردينة
ما شاء الله عليها الحاجة ردينة شكلها مش ساهلة من عويناتها ربي يطول عمرها هي وعبادة يتربوا في عزكم
بالنسبة للقبض على المنجوه المعتصم حتى انا شادة اعصابي وخاصة بعد طلع اكثر من واحد من القادة الميدانيين ايقولوا ماعندناش العلم والله اعصابنا مانقصها حرق اظن الاعصاب بدت تقعد زي الفحمة من الحرق

[ليبياقلبي]

يقين العفو ماسلمتي عليا بكل وانا كل مانخش ندور فيك باه باه
هاتو ربي يسهل عليك ويحميك ياارب ويكمل عليك بالخير
اختي تمر حنة ربي يعطيك ويرزقك يارب بس قوللي انت عندك بنوتة عمرها ستة شهور ولاتبي تحملي مفهمتيش
وربي يرزقك ميراس

[ليبياقلبي]

ربي يرزقك التوام يارب ام عويضة \
ام ردينة وليدك قريب لعمر بنتي ربي يخلهولك
وبالنسة للمعتصم انا عندي احساس خدعة مديرها المجلس زي لما قالوا على سيف بعدها تحررت طربلس وخشوا التوار باب العزيزية حتى توا نحس فيها مش الكتائب تسلم ويحرروا بني وليد امين يارب

[أم عويضة]

بارك الله فيك ياليبيا قلبي على الدعاء
وكيف حالك وحال بنيتك الحلوة ماشاء الله عليها
اختي شن اللي زاره المجلس بيش يخدع قولي مش مصدقة نين انشوف فيديو أو نشوفوه ممسوك في النشرات حقك
لكن اتشككي في المجلس وانه يخدع في الشعب هذي في أعتقادي مش كويسة لها ابعاد نفسية سيئة جدا على النفس وتثير الوسوسة فيها
لما أعلن المجلس القبض على سيف كان فيه دول واجدة مازالت ما أعترفتش بالمجلس
لكن توا عليش يبي ايدير البرباقاندة هذي ياخيتي احسني الظن...ممكن لانهم مايبوش الناس في بنغازي تعلم بوقت وصوله ولا مكان تواجده لسرية التحقيقات أو خوفا من تهريبه مثل ماحصل مع محمد لانه أكيد انهم مازال معاهم الفلوس اللي ممكن يشتروا بها الاشخاص اصحاب النفوس الضعيفة وفي النهاية نحن نتمنى العمار للوطن وليبيا في قلوبنا كلنا

[ام قصى محمد]

السلام عليكم
ام عويضه سلمك نشاده اجعنى مانفقدك
وانشاء الله ربى يرزقنى ويرزقك بالتوم خخخخخخخخ والله يستر بعدها
ليبيا قلبى نورتى التجمع الحمدلله على السلامه
ام رودينه انا اول وحده سلمت عليك الله يحفظ بنيتك الاموره
يقين شن اخبارك رابفت عليك فلفوله التجمع
ميراس شن الاحوال انا انخش انتبع فيكم ونبى انرد مانلاقى وقت للكتابه حتى توا شوى وماشيه للمدرسه
هاتو الله يشفيك ويحفظلك البيبى وتفرحينا بيه
ام عويضه بالنسبه لموضوع سيف اصلا كان واضح انها لعبه سياسيهوباهى انهم داروها
بس المعتصمما اعتقد انها كذبه اعتقد انهم مسكوه بالصاح
بالنسبهاموضوع زوجى شن يدلعنى (ببوجى))من الخطبه لى توا
اما من يركب فى الكرسى السياره فى الاول كنت حلفه بحلفه مع امه وهى تقولى لا هذا مكانك فقعدت ال3 سنوات الاولى انا نركب قدام ومن سنتين تركتها هى تركب قدامى لانى لما تطلع تمشى وتركب قدام بروحها فهمت انها خلاص نبى نفرض مفسها قعدت حتى لما نطلع قبلها نركب فى الخلف مع بناتى
اما جديته فى قدام لان القدامى اريح لها

[تمر حنة]

السلام عليكم
كيف اموركم كلكم
ساعدوني انا من الصبح مضايقة ونبكي تعرفوا ليش انا اليوم زي ما قلتلكم يومها عندنا ضيوف مصريين مشي انا اليوم نايضة بكري على اساس نجهز العجينة ونجهز الحاجات اللي نبي نقدمها هم بيجو بعد العصر يعني مش دايرة وجبة رسمية مجرد حاجات خفيفة مثلا بيتزا وشاورما وكفتة وسمبوسة وانا امس درت التلقيح والدكتور قاللي عادي مارسي حياتك العادية لكن بدون اجهاد كبير يعني شغل المطبخ عادي المهم راجلي قاللي لا ماتمسي شي قوليلي شن تبي وانا نجيبلك جاهز من المطعم لانه فيه جنبنا مطاعم عربية مش عادية قلتله لا واضح اكل المطاعم خصوصا ان هذي المصرية يومها تحكيلي قالت ديما نشروا منهم المطاعم هاذو مشي حسيت بيها بايخة تو اتقول ان انا ماخاطريش فيها وجبتلها اكل مطاعم لما قلتله وجهة نظري قاللي وكان قالت المهم صحتك انت تعبتي وتبهذلتي وبعدين تضيعي تعبك باش تجامليها وما تزعلش على الاقل خوذي بالاسباب وهو في النهاية نصيب من ربي
انا بصراحة مانبيش اندير جو خايفة ونرعش لان التلقيح نسبة نجاحه ماتتعداش 10% حسب كلام الدكتور وعادة ما ينجح من ثاني او ثالث محاولة وكل شي بيد ربي

قعدت في دوامة قلتله باهي جيب من المطعم وخلاص وانحس في روحي متحشمة منها
شن رايكم انتم عادي والا بايخة؟

[تمر حنة]

ام قصي يا ام قصي غير بالشوية علينا نحن هنا غير عبرينا وإلا حتى تكرمي علينا بدعوة راهو الدعاء بلا فلوس

[تمر حنة]

ام وسن تكرمي حبيبتي في الليل باذن الله لو لقيت وقت ندخل ونحكيلك قصتي وان شاء الله تحملي طبيعي وما تحتاجي تلقيح ولا غيره

[تمر حنة]

ام ردينة نتشرف ياغالية وخصوصا انك من عشاق السيدة ملعقة ههههههه وربي يخليلك ردينة وعبادة ويحفظهم

[تمر حنة]

هاتو ربي يكمل فرحتكم يارب وانت شن عندك من صغار قبل؟

[تمر حنة]

ليبيا قلبي لا لا انا ماعنديش بنت ههههه منين جبتيهالي
لكن باهي فال كويس

[تمر حنة]

يقين لازم تقوليلي رايك في قصة ماكلة المطعم لان رايك يهمني وكلكم قولولي لاني مخنوقة منها
غير شن بيفوته اليوم بس

[ام وسونة]

صباحو

كيفكم ياحلوين ام قصي نورتينا هلباااااااااا

وخيتي تمر حنة المهم صحتك وفي النهاية اللي بيجيك

مش باش ياكل يعني المهم تكون مبسوطة واللي تقدميه

الضيف يقبل بيه والمثل يقول الجود من الموجود

عزوزة هههههههههههههههههههه

[ام وسونة]

رجعت مرة اخرى ولم اجد احد

لغة عربية فصحة ههههههههههههههههه

تي وينكم يامدامات كان نعرف في شني مشغولين؟؟؟؟؟

[ميراس]

السلام عليكم ورحمة الله وبركاته

[ام وسونة]

واخيرا في من جي يونسنييييييييي

ربي يحفضه ولدك وخيه ميراس وتشوفيه عريس ياااااااااااااااااااااااارب

[ميراس]

كيف حالكم بنات ام قصى كيف حال بوك وخوتك ادا اتصلوا بيكم يقين كيف حالك وحالبنتك ام عويضة شن صار فى بوك تمر حنة شن صار فيك كبريائي وينك شكله ماعجبكش جونا واعتدال وينها شكلنا طايرناهلها معاش تبى تخشلنا ام وسونة وخية شن جوك ام اجنادين شن صار قيك جيتى لتونس

[ام وسونة]

وينك ياميراس يافرحة ماتمت

[ام وسونة]

اني تمام الحمدلله وانتي

[ميراس]

ام وسونة سامحينى امشيت اندورة عالفيس بوك انشوف فى اخر الاخبار

[ام وسونة]

اعطيني اسمك عالفيس خلي نضيفك

[ميراس]

ميراس ميراس يعنى مرتين شن اسمك انت

[ام وسونة]

والله حابة نسال على وخيتنا عيون ليها وقت ماخشتش

ان شاء الله المانع خير يارب اللي عنده معلومة يطمنا عليها

[ام وسونة]

هكي كاتبتيه بالعربي مافيش في البحث

[ام وسونة]

واخيرا القيته اسمك اهو ضفتك اكدي الاضافة من عندك

[ميراس]

انا اكدت ياام وسونة

[ام وسونة]

كالعادة نهتري بروحي

[ميراس]

ام وسونة خشى عالدردشة

[أم ردينة]

علاش يا تمر حنه هذا كله البيتزا والشاورما وسمبوسه وكمان كفته وخصوصا انها جايه زياره بعد العصر يعني عشيه .. حطي عصير وشكلاطه وشاهي ومكسرات مثلا وديري حاجه وحده بيتزا مثلا واخير نسكافي وحاجه حلوه.. او فاكه والسلام واذا كانو بيقعدو للعشي هداكا موضوع تاني عاد

[أم ردينة]

علاش يا تمر حنه هذا كله البيتزا والشاورما وسمبوسه وكمان كفته وخصوصا انها جايه زياره بعد العصر يعني عشيه .. حطي عصير وشكلاطه وشاهي ومكسرات مثلا وديري حاجه وحده بيتزا مثلا واخير نسكافي وحاجه حلوه.. او فاكه والسلام واذا كانو بيقعدو للعشي هداكا موضوع تاني عاد

[أم ردينة]

اهلين بأم قصي كيف حالك ..نسيتيني يا ميراس مجبتيش سيرتي؟؟

[هناء خالد]

السلام عليكم يا أحلى وخيات
أنا اختكم هناء وحبيت نشترك ونتعرف عليكم ونستفيد من خبرتكم وتساعدوني
لأني جديده في الحمل وبكريه وتخيلو كيف حاااااايسه

[ميراس]

سامحينى ام ردينة بالله عليك العتب عالفكر مهناش

[ميراس]

اهلين وسهلين بيك وخية على قولت ام وسونة من وين اول شى المهم بطاقة التعريف كاملة

[أم ردينة]

اهلا بيك يا حنه نورتي خلي نقصقصك شويه انتي من وين وقداش ليك متزوجه وفي اما شهر وانشالله علي خير

[ميراس]

ياهنا احنا شعارنا فى المنتدى التقصقيص مانحكيلكش حالة

[ميراس]

وتوا حتى تنتقلك العدوي انشاالله بعد ماتنضمى لعيلتنا احلى عيلة ومش حاتندمى على اختيارك لمنتدانا

[هناء خالد]

ربي يحفظكم يارب والله أول ماخشيت المنتدى وقريت كلامكم طووووول سجلت
بطاقة التعريف لزوم القصقصه هههههههههههه
أسمي هناء وراجلي خالد
من مواليد بنغازي الحبيبه ومصراتية الأصل ومتزوجه وعايشه في طرابلس وطبعا عندي جدودي في طرابلس وعندي معارف وأقارب فيها
مواليد 1981 خريجة جامعة قاريونس اعلام تخصص علاقات عامه
وحامل في الشهر السابع وموعد ولادتي بداية شهر واحد وقالولي بنوته وطبعا بكرية
وخاااااااااااااااايفه من الولاده وأي سؤال من عيووووووووني
متزوجه يوم 25/11/2011

[ام وسونة]

كيفهم الحلوين

انستينا وخيه هناء ويارب تنوضي بالسلامة

بس سؤال لزوم التقصقيص كيف انتي تجوزتي يوم 25/11/2011

وحامل في السابع ممكن نفهم؟؟؟؟؟؟ههههههههههههه

وخيه ام رودينة والله احلى حاجة في المنتدى التقصقيص

[هناء خالد]

ههههههههههههههههه سامحيني هههههههههههههههههههههه
شكله من الحمل خلاص العقل والتركيز طارووووووووو
تهمه بالرسمي
نصحح التاريخ 2010/11/25

[ام وسونة]

هههههههههه ماعندناش حاجة تفوت في المنتدى

عادي عادي والعمر كله يارب

[هناء خالد]

سلمك يارب
وأنتي حبيبتي عرفيني عليك

[ام وسونة]

اني من مواليد 83 وراجلي من مواليد 71

خريجة كلية الهندسة ومتجوزة من 4 سنوات ونصف

وعندي بنية عمرها 3 سنوات ونص ونبي نحمل

وربي مازال ماسخرش

[هناء خالد]

بأذن الله ربي بيسخرلك الحال وتحملي ونفرحو بيك ياااااااااااااارب
وربي يهنيك ياررررررررررب

[هناء خالد]

باه شنو رايكم في المصحات وين تنصحوني نمشي للولاده

[ام وسونة]

تسلمي يارب وانتي وين تسكني

[MALAK2010]

ادخلوا يا بنات وشاركونا فى الموضوع ده(ايه احساسك يوم كتب كتابك)
http://forum.hwaml.com/t76921.html (http://forum.hwaml.com/t76921.html)

[ميراس]

يعطيهالك ياام وسونة قسما بالله قتلتينى من الضحك شن قوة الملاحظة اللى عندك يعطيهالك وخلاص والله انت صقع من الاخير

[ميراس]

ميراس مواليد 75 عندي ولدين واحد اصغير هدا اللى فالصورة والتاني عزرى العام الجاي بنخطبله اللى عنده بنت اتوتيها واتعلمها البازين وخبزة الفرن بالك ترسى علي وحدة من بناويتكم انكملوا بطاقة التعريف متزوجة 94 ورفلية سكان طرابلس موجودة حاليا بتونس

[hatoo]

شكرآ بنات وربي يخليكم ليا وان شاء الله ياام عويضه ربي يرزقك بخي لعويضه عن قريب

[ام وسونة]

هههههههه شوفتي ياميراس والله مافيها

مانقدر نفوتها لازم تخش للملاحظة

ولازم البازين وخبزة الفرن كنت بنعرض بنتي لكن

لالالا انتي عزوزة واعرة فكيني حتى اني مانعرفش نديرهم

ههههههههههههههههههههه

[ام وسونة]

اهلين حبوبة هاتو كيف حالك اليوم من اللوز

[hatoo]

اهلين هناء خالد مرحبتين بيك بينا وبالنسبه للمحصه زوج خالتي الدكتور عبد الغني البدري عنده مصحه الامومه في طرابلس ممتاز بكل شوفيه

[hatoo]

الحمدلله بخير ياام وسونه

[عيون زوجي]

السلام عليكم ورحمة الله
كيف حالكم كلكم كلكم
واهلا بالغاليات الجدد تمر حنة وهناء خالد وكبريائي
والف الحمدلله عالسلامه لوخياتي: ام رودينه وميرنا وليبيا قلبي
انا اسفه عالانقطاااااااااااع
شيبانيه والد زوجي جاته دبحه صدريه ورفعه راجلي لتونس وانا قعدت في حوش بوي مافيشي نت وعزوزتي انكسرت وانا وسلفتي مدايرين بالدور للغدي والقضيه
واليوم روحت حوشي وعويلتي رقدوا قلت انخش نطمن اعليكم
عارفه مافيش حد لان الساعه واحد في الليل
بنسئل عن نسرينا وام اسيل وحبل الوصل والغاليه سورينام وينكم؟
شكرا لكل من سئل عني واخر سؤال كان من اوخيتي ام وسونه ربي يرزقك باخ لوسن ويرزق كل متمنيه

[عيون زوجي]

هاتوووووووووو انتي موجودة ولا رقدتي؟؟؟؟؟

[عيون زوجي]

تصبحوا على الف خيررررررررررررر
وجمعتكم اتكون مباركة عالكل ولكل الليبين
ويارب نسمعوا بشاير خير

[عيون زوجي]

نسيت بنسئل اوخياتي من الشرق
مطار ابنينه بدي يخدم رسمي ورحلاته لكل العالم والا رحلات معينه لاهداف محددة سياسيه زي امعيتيقة
نبي نسافر لالمانيا الشهر الجاي شهر 11 لمدة اسبوعين او 3 فقط
ومانبيش نمشي عن طريق تونس
شنو الحل ومن وين بنطير ؟؟؟؟؟

[hatoo]

اهلين عيون وينك لك وحشه

[تمر حنة]

السلام عليكم ورحمة الله وبركاته

[تمر حنة]

اول حاجة نرحب بصديقتنا الجديدة هناء وانقوللها نورتينا وربي يسهل حملك وولادتك وتنوضي بالسلامة ان شاء الله

[تمر حنة]

وبخصوص الضيوف انقوللكم اللي صار
انا ما درت شي طبعا راجلي جاب من المطعم بيتزا وهمبورجة ودجاج محمر وسلاطة
المهم مديت عصير وشكلاطة وبعدين نسكافي وكيكة وبعدين الحاجات الحارة وبعدين فواكه وآخر حاجة شاهي ولوز ومشت الامور الحمد لله لكن حسيت روحي تعبت ويستر الله
ام ردينة انا درت الحار لان المرة الماضية لما جونا مادرتش حار على اساس زيارة خفيفة مشي قعدوا للساعة واحد في الليل وقعدت حايسة في حالة مشي المرة هذي خذيت احتياطي وفعلا قعدوا للساعة عشرة يعني بالهم واسع

[تمر حنة]

عيون زوجي مرحبتين بيك وربي يشفي عزوزتك وشيبانيك ياناري مرضوا مع بعض يوجعوا
وربي يعطيك صحيحتك ويقدرك على خدمتهم وكله بأجره

[تمر حنة]

ام وسونة تعالي ياحنة نحكيلك اللي صار معايا من طقطق للسلام عليكم
اولا انا متزوجة من سنة وشهرين وحملت في بداية زواجي لكن ماكانش من نصيبي ونزل في الشهر الثالث والحمد لله على كل حال وبعدها وراجيت الحمل بعدها لكن ماصارش بعدها ومن حوالي شهرين مشيت لدكتورة دارتلي كشف وسونار مهبلي وقالت الامور تمام وطلبت مني تحاليل الهرمونات وصورة اشعة للتأكد من سلامة الانابيب درت التحاليل والحمد لله سليمة وبعدين طلبت تحاليل السائل من زوجي وعاوده مرتين للتاكيد والشكر لله طلع كمان سليم (قولوا ماشاء الله) ههههه مشي الشهر الماضي سمعنا بدكتور ممتاز جدا مشيناله ورفعنا تحاليلنا مشي قال كل شي تمام لذلك نقترح عليكم تجربوا التلقيح الصناعي وهو كالاتي
اعطاني حبوب منشطة (كلوميد) حبتين في اليوم من ثاني يوم الى سادس يوم في الدورة وسابع يوم طلبوا مني سونار مهبلي وقالولي ارجعي عاشر يوم وايضا درت سونار لمتابعة التبويض طبعا وقالولي تعالي اليوم 12 مشيت وبعد دارولي سونار لقوا الاوضاع تمام وكل شي جاهز وكان المقرر انه يعطوني ابرة تفجيرية لكن الدكتور لما شاف الوضع قال مش محتاجة والحمد لله ربي فكني منها وفي نفس اليوم اللي هو الاربعاء الماضي خذوا عينة السائل من زوجي طبعا يغسلاها ويضيفولها مواد منشطة تزيد من جودتها وبعدها دخلوني الحجرة المهم دخل الدكتور قسطرة رقيقة لن توصل داخل الرحم طبعا مش مؤلم ابدا والحمد لله وبعدين حقن السايل وقاللي ارقدي على جنبك اليمين لان التبويض افضل في المبيض اليمين وقعدت راقدة حوالي ساعة ونص وبعدين طلعت عطوني دواء مثبت وتحاميل مهبلية هاني حاصلة فيهم ومش عارفة حتى كيف ناخذهم
وهذا هو وادعولي سألتكم بالله بالحمل السليم
اه حسني دهشت

[تمر حنة]

يقين وام عويضة وليبيا قلبي وينكم

[تمر حنة]

توا بنمشي نجهز السيد شوكة بيمشي للجمعة
ربي يخليهولي وينجحه ويكتب له التوفيق في كل خطوة

[عيون زوجي]

صبااااااااااااااااحكم عسل
شنو اخباركم اليوووم
هاتو احبيبه سامحيني طلعت قبل لنشوف ردك ويارب ما يوحشك على غالي
تمر حنه( سيده ملعقة) ........ماشاءالله اعليك دمك اخف من راجلك
ويارب ايصير من الحمل السليم ويفرح قلبك ويهنيك
نستأدن بنفطر السنافر وبوهم
على فكرة اسمي في نقال راجلي ( ام محمد) شفتوا الرزن والعقل هههههههههههه
سلام مؤقت

[ام وسونة]

صباح الخير وجمعة مباركة عليكم

[ام وسونة]

وخييييييييييه عيون الحمدلله على سلامتك وعش من شافك

المهم لاباس على عزوزتك وشبانيك ونورتي حويشك

وصحيحة فطوركم مقدما الفايدة فيهم

لكن ضروري تقوليلي شن فطرتوا ؟؟؟ههههههههههههه

وخيتي تمر حنة يااااااااااااارب يرزقك بالتؤام يفرح

قلبك وصحيتي على اجابتك وشرحك المفهوم

عموما تنفعي ابلة ههههههه نمزح معاك مش تزعلي

سؤال اخير وعارفة روحي بيختها نبيك تشرحيلي

على الصورة الملونة لان دكتوري طالبها مني يوم

الاثنين وقالوا مؤلمة ووخيتك خايفة ربي يسهلها وخلاص

[هناء خالد]

جمعه مباركه عليكم ياحلوين
وأن شاء الله تكونو كلكم بخير ومشكورين على الترحيب

[عيون زوجي]

ام وسوووووووونه كيف حالك يا احبيبه
والله يطمن قلبك
ولابأس طهور اعليك ويارب تجيك القدام وتحملي على خيررررررر
فطوري:
توست(جبنه وتن وهريسه عربيه) مع كابتشينو وزبادي لحمودي
والله يسلم زولك........

[عيون زوجي]

هنااااااااء نهارك مبروك كيف حالك وحال الوحم معاك وعقبال المستنيات كلهم تتشحروا من الوحم لين تكرهوا الحمل
انبصر اعليكم يارب يرزقكم بالحمل الميسر الساهل السليم

[عيون زوجي]

انا درت غداي رز مسقي مازال ما طابش حطيت البصلة عالنار انطيب فيها في الكسكاس
كل وحدة تخش اتقول شن غداها اليوم غير لانه يوم الجمعه

بنسئل عن اخوات الثوار
ايه وام قصي وميمونه كيف حال خوتكم وناسكم طمنونا على ابطالنا الاشاوس

[ام وسونة]

تسلميلي وخيه عيون ويارب يطمني وزيديني من الدعوات

الحلوة والله محتاجتها

وصحتين ومطرح مايسري يمري هههه مصرية

والغدي فكرت ندير طاجين دجاج ومعاه شوية رز ابيض

اني اول امس درت رز بالبصلة

وخيه هناء مرحبتين ياحبيبة

[هناء خالد]

هلا بيكم
بالنسبه للغداء وخيتكم ماليهاش مروحه من بنغازي غير يومين وطبعا بعد المطره الي جت لطرابلس وكلها خير أن شاء الله
حوشي غرررررررررررررق تنقع ميه وطبعا لقيت خلودي رافع الفرش للغسيل وكل الحوش على عرياااااااان ههههههههههههه المهم ليا يومين نجري ونرتب بي الجيه وتخيلو مع الحمل والتكركير ندير حاجه ونرتاح والغداء لاتوه ماطيبتاش فطرنا متأخر وتوه قاعده حايره شنو نطيب نفكر ندير شربه عربيه ومعاها حاجه ثانيه هذا يومي

[ميراس]

صباح الخيرات عالحلوات من الشرق الى الغرب عيون الف لاباس على شيابينك ام وسونة حرام عليك والله مانى واعرة تى خيرك اتخوفى فى الناس منى انا دايرة كسكسى

[ميراس]

هناء ربي ايعاونك ديري بالك على حملك عيون تعرفي والله باقي البنات مافيش عليهن اخبار

[عيون زوجي]

ميراس كيف حالك؟
والحمدلله عسلامه اهلك في ورفله

وماشاءالله على وليدك هالمرض في اوروبا يستغلوا منه ويطلعوا منهم عباقرة
لانهم يبدعوا في مجال واحد فقط ربي يحفظه
صحة غداكم كلكم
هناااااااء ربي يفرجها اعليك وشن جو بنغازي وكيف مشيتي وجيتي؟ خبرينا؟

ام وسونه نعطيك دعوة تانيه يارب سنة 2012تكون بين ايديكي زوز توامه

[عيون زوجي]

سورينام خاطري نعرف عليها اي خبررررررررررر

[أم سعد]

السلام عليكم ورحمة الله وبركاته

جمعة مباركة للجميع

كيف حال الجميع يارب تكونو بخير

ومرحبا باللي شرفونا جدد :)

[عيون زوجي]

خاطري ندير حاجه حلوة العشية اقترحوا شنو انديرررررر

[ميراس]

ام سعد انستى المنتدى وينك
كيف حال سعودى

[عيون زوجي]

ام سعد......كيف حالك وحال سعودي وزوزك وحملك وكل شارع 20 رمضان كل مانفوت من 11 يونيو نتلفت ونقول لراجلي هدا شارع صاحبتي ام سعد

[ميراس]

ديرى غريبة وابعتيلى منها

[عيون زوجي]

حاااااااااااااااااااااضر ورح توصلك اسخينه وتي فنجان قهوه عربيه فايحه

[ميراس]

نستاذن بنات

[ميراس]

تسلم ايديك مقدما

[ام وسونة]

اللللللللللللللللللللله عالدعوة الحلوة ياعيون زيديني منها

ميراس جمعتك مباركة وخيه لالالا مش واعرة

نبصر عليك تي هو في خير منك يابنات اللي عندها

بنية تعطيها لميراس وعيونها مغمضات .....

هي شن رائيك اهو درتلك دعاية بالبلاش ههههه

[ام وسونة]

عيون ديري كيكة كراميل وحتى اني نبي منها

شن ميراس بس

[ام وسونة]

كالعادة نهدرز بروووووووووووووووحي

[ام وسونة]

وخيه يقين وينك والله مخليه مكانك شكله

الجو حلو اليوم في مصر فرفعتوا فروتي لدريم بارك

المحقق كونان هههههههههههههههههههه

[أم ردينة]

أم وسونه بنتك عمرها زي بنتي قريب تهبلني ؟؟؟ عيون انسيتينا وانشالله لاباس علي اهل زوجك
ميراس راهو البازين الغرياني احلى بازين عليك وعلي بنتي .تمر حنه مدام حملتي مره انشالله معندكش مشاكل وحتحملي تاني باذن الله

[ام وسونة]

اهلين وخيه ام رودينة ربي يحفضهالك

والله لوانتي بنتك مهبلاتك اني بنتي شيبتني ههههههههه

[أم ردينة]

اني اليوم متغديه في بيت اهلي بازين لا يوم الجمعه يجو عمامي من طرابلس يبو بازين

[ام وسونة]

صحيحة على قلبك

[أم ردينة]

في الاول دلعتها لن ولت روينه هههههه وبعدين جي خوها وختمت واني غيرت معا المعامله

[ام وسونة]

اني بنتي صارلها زي المثل اللي يقول

نص الدلال هبال يعني بنتي من الدلع هبلت

[هناء خالد]

كيف حالكم توه يابنات ليبيا
تعرفو انا خايفه من الولاده ومش عارفه روحي كيف نتصرف نهاااااائي

[ام وسونة]

خليها على ربي ياهناء وكل شئ باجره

[هناء خالد]

أن شاء الله يا أم سونه بلاهي ماتنسونيش من الدعاء

[ام وسونة]

ربي يسهلها عليك وتنوضي بالسلامة

انتي امتى موعدك

[هناء خالد]

أنا بداية شهر واحد بأذن الله

[ام وسونة]

على خير ان شاء الله

وخيه ماعندكش معلومة علاش سكروا بوابة راس جدير

[هناء خالد]

حبيبتي قالو عشان ينضمو الحدود لانه جماعة المؤيدين مدايرين العار حشاك
ويهربو في السلاح أتفقو الحكومتين علي أساس لازم ينضمو الحدود

[أم ردينة]

انشاالله ربي يسهل عليك يا رب ياهناء وتحلي عويناتك علي خييييييير

[هناء خالد]

سلمك يا ام ردينه ياااااااارب
وربي يحفظلك البنوته الحلوه هادي يارب

[أم ردينة]

اني حشاك نجيب بالعملية .. بنتي وولدي

[ام وسونة]

قصدك حيقعد مسكر هلبا المشكلة اني ضروري نمشي

[هناء خالد]

لا حبيبتي مايعطلش وهما سكروه للصالح العام لأنه المؤيدين الي في رقدالين مش مدايرين الخير وهيا كام يوم ويرد كل شئ مكانه بأذن الله

[ام وسونة]

شكرا ليك وخيه هناء ويارب مايعطلش لان موعدي يوم الاثنين

[هناء خالد]

تحت أمرك أني بالعكس خودي راحتك وأن شاء الله يارب قبل الأثنين يفتح بأذن الله

[ام وسونة]

يااااااااااااااااااااااااااااااااارب

[ميراس]

سلامات للحلوين

[hatoo]

اهليييييييييييييييييييييييييييييييييين بنااااااااااااااااااااااااااااااااااات كيف حالكم اليوم

[ام وسونة]

اهلين ميراس واهلين هاتو

ميراااااااااااس افشتك طمنيني على البوابة ماسمعتي

شئ

[ميراس]

هناء ربي يسهل عليك يارب وانشاالله ماتربعنى زين لين تقولى والله خاطري بنحمل مرة تانية وتنسى هداك الوجع بكل طبعاهكي ايقولوا اللى جايبات طبيعي وانا جايبة اصغاري بالعملية

[ام وسونة]

ميراااااااااااااااااااااااااااااااااس شن صار

[hatoo]

اهلين ام وسونه وميراس شنو الجو , وعرفتيه ياتمر حنه الاسم صح السيد شوكه ههههههههههههه شنو قالك وسميته ولا لا في موبايل؟

[هناء خالد]

أن شاء الله ياميراس يسمع منك ربي

[ام وسونة]

كيفك اليوم ياهاتو ووخيتنا ميراس شكلها طلعت

[hatoo]

الحمدلله ياام وسونه انتو شنو اخباركم

[ام وسونة]

والله تمام لكن الجو كسااااااااااااااااااااد

[hatoo]

مش غير كسااااد قاعده خايفه زوجي يبي يعدي لسرت يجيب صاحبه من غادي مداير حادث وقالي نبي نجيه ومسكر راسه وانا خايفه بكل وهو يقولي امان

[hatoo]

ان شاء الله ياام وسونه وانتي شنو اخبارك وشنو اخبار طرابلس

[ام وسونة]

والله اليوم طرابلس خشت بعضها والله

ماقدرنا نطلعوا من حياشنا من كثرة التفتيش

[hatoo]

ان شاء الله خير لازم تاخد فتره وبعدها تهدأ

[hatoo]

عن اذنك ياام وسونه رتولي تبكي نبي نعدي نشوفها

[ام وسونة]

ربي يستر وخلاص

[ام وسونة]

اذنك معاك حبيبه

[ام وسونة]

هس هس هس وبقيت لوحدي في المنتدى

خلي نطفي الضئ قبل مايشوفني حد ويجي يخزرطني

ههههههههههه فيلم رعب

هي تصبحوا على خير

[يقين]

السلام عليكم
مساء الخير عليكم جميعا اووووووووووووووولا ليبيا قلبي ليش اني ديمه نسال عليك وبعدين انتي حبيبتي سالت ولا ما سالتش عالم ربي حبيتك كيف حالك وحال بنوتك الحلوه مشالله عليها
ميراس اني الحمد لله تمام وبنتي تمام والله يسلمك وشكرا علي السؤال
ام قصي ربي يخليك كيف اخبارك واخبار سنفوراتك وزوجك ان شالله تمام
ام وسونه وام اجنادين ان شالله ربي يعجل بحملكم بتوام وتفرحوا بيه
تمر حنه اني من رايي تريحي روحك وصحتك ما تجامليش فيها حد وبعدين المصرين م يدوروش كيف اليبين وتعليق وجو لالا وبعدين كان عرفاته او بتعرفه احكيلها قوليله معليشي ما قمتش بواجبكم تعبانه شويه وهذا رايي يا عسل
عيون كيف حالك وحال صغارك ان شالله تمام
م ردينه اني عندي بنيه عمرها 5 شهور متعبتني هلبا في لليل ما ترقدش بكل واني ارهاق بكل قريب نهبل
ام عويضه كيف حالك وحال عويضه وان شالله ربي يرزقك بتوام
كبريائي وينك ان شالله خير وكيف حالك وحال بنيتك

[ام وسونة]

وخيه يقين باهي اللي جيتي كنت خايفة اني

بروحي في المنتدى

[ام وسونة]

حتى يقين مشت هي امالا

تصبحوا على خير ماقبل الاخيرة

مرات نرجع تاني ههههههههههه

مايفوتني شئ

[ليبياقلبي]

سلام اول شي ام عويضة انا ممكن يكون تعبيري خطالما قلت يخدع المجلس بس انا منقصديش عليه اساءة لانا بالعكس ممكن اختي لي بعدي قتها لعبة سياسية وهدا قصدي بس
ميراس العفو الاخوات كلهم سلمتي عليهم ماعدا انا
يقين انبصر عليك انت عارفة روحك شنو
تمر حنة ريجي روحك وفكيك من الجو اهم شي صحتك وقوللي انت وين ساكنة في مصر وربي يكتبلك الحمل واهو انا فولت كنت نحسابك قلتي بنتي عمرها ستة شهور
وسلام لي هاتو وام قصي وعيون لاباس علي عويلتك
وام وسونة واهلين بي هناء

[ليبياقلبي]

انا كنت بايتة في حوش شيباني امس اليوم روحت

[hatoo]

اهلين يقين وليبيا قلبي شنو الجووووووووووووووووو

[أم ردينة]

السلام عليكم . ..اختي يقين حتى اني ولدي كان هكي ولا زال لكن مش كيف قبل مره مره ايدير في عفسه,,,, تعرفي اني جبت بالعمليه طبعا وهو سلامته عياط من اول اسبوع وانت يا ولد تعيط ومنحكيلكش علي الاراء من عزوزي وحمواتي وعمات راجلي وخواتي ونسووان خوتي واني عاد نسمع ونوسوس اليي يقولي حليبك حار .. شنو معناها منعرفش معاني رضعت اخته عامين وشهرين .. واللي يقولي حليبك مش ساده معان كل ما يرضع يعمل فيها واللي يقولي سرته واللي يقولي ودنه واللي يقولي عطيه الشيشه بالك جعان والشيشه مباش يشدها بكل وبرا واني من الصبح لن الليل هو يعيط واني نبكي معاه واستمر الحال هكدا لن اربع شهور ومازال الحال في العياط وقله النوم والسهر والنفسيه زي الزفت وبعدين بديت نعرض فيه كل مره علي دكتور يقولولي خيره نقوللهم ميرقدش بكل ويعيط,, يديرو في كشف علي بطنه بالك غازات والا ودانه يقولولي مفيش شي
اصبري اصبري توه يتغير وخيرا طهرته في الخمس شهور ولازال البكاء وقله النوم وبعدين رفعته لمرا تبع الاعشاب وعطاته اعشاب ولازال الموضوع كما كان وخيرا بديت نستعمل في زيت القران ونرفع فيه لجارنا يرقي فيه ويقرا عليه وبديت نوكل فيه لن السبعه شهور بدي يتغير والحمد لله ,,,,

[أم ردينة]

اللي نبي انقوله الاطفال راهم كل واحد وطبعه في اللي يجي هادي ويرقد من الصبح لن الليل وفي اللي يجي اعصاب من صغره ومعنداش نوم هلبه زي ولدي عكس اخته تمام كانت ترقد لن نجي نشوف فيها تتنفس او لا ولن صدري يوجعني لما يتعبى بالحليب لانها كانت ديمه راقد فما عليك الا الصبر واقري عليه قران ديمه انتي وبوه ..فالجنه تحت اقدام الامهات

[تمر حنة]

السلام عليكم ورحمة الله وبركاته

ياعيني ياعيني هدرزة وقهوة عربية وغريبة وكيك كراميل ودنيا حايسة غير تمر حنة المنحوسة تدوي بروحها وما فيش من تفكرها حتى بـ "سفنزة"
يالله ماعلينا اللي ماعنده حظ لايتعب لايشقى

[تمر حنة]

عيون حبيبتي تسلميلي وهذا من ذوقك وصفاء قلبك

ام ردينة ربي يسهل عليك ويعينك في تربية اطفالك ويقدرك لتكوني ام فاضلة وقدوة

هاتو هههههههههه مافيش فايدة خطة فاشلة قلتله بنسميك في نقالي السيد شوكة قلت بالك يحس بية ويغيرها مشي قاللي فكرتيني فيه والله كنت ناسيه ايه سجليني السيد شوكة اسم معتبر!! تخيلي عجبه زيادة واستانس بيه يعني مافيش امل

ليبيا قلبي مرحبتين بالغالية الحساسة يعجب فيا ملامك لما حد مايسألش عليك هههههه انا في ماليزيا مش في مصر واصحابنا مصريين واي استفسار تفضلي

يقين وين الغيبة والا تقيسي في غلاك .. ومشكورة على رايك وعندك حق كلامك زينة العقل ربي يحفظك

ميراس ما شاء الله عليها قعدة حاكمة فيكم وحاطتلكم زي ما يقولوا "شرط النسيب الكاره"هههههههه تعجبيني البازين بالذات ماتتنازليش عليه

ام عويضة اين انت؟ ان شاء الله احوالك تمام

هناء ماتخافيش توكلي على ربي وهو يسهلها ان شاء الله

ام قصي المدرسة صبح وعشية! افضيلنا شوية حتى على خاطري انا

ام سعد مرحبتين بيك وانا مشكلتي مانعرف عليكم شي لاني ماقريتش كل الصفحات

ام اجنادين اول ماتحصلي نت خشي طمني حبيبتك تمر حنة مشغولة عليك

[تمر حنة]

ام وسونة لا مش برنامج هذا بيختيها حق يعني انا ماعندي خدمة غير نجاوب في اسئلتك انتي كل ماندخل التجمع تقول داخلة امتحان انا مادخليش فيك معادش تسأليني شوفي واحد فاضي يجاوبك
أف
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.





ههههههههه اشبح كيف انصدمت ههههههه انشوف فيك فاتحة عيونك وشعرك واقف يمس في السقف من الصدمة ههههههههه

تكرمي حبيبتي انت تؤمري امر مش تطلبي قداش عندنا ام وسونة احنا وحدة بس المهم انا مش عارفة انت تقصدي بالصورة الملونة الاشعة اللي تكشف على سلامة قنوات فالوب؟؟؟ لو تقصدي هذي فهي مش صعبة المهم خوذي نفس واسترخي لأبعد حد وهي عادية جدا يعني جهاز بسيط يدخلوه للرحم وكلها 5 دقايق ماتخافيش بكل منها بس استغفري وما تبطليش من الاستغفار ولا راح تحسي شي باذن الله واي استفسار تفضلي وحتى لو كان محرج وانت متحشمة تسأليه ابعثيه عالخاص ولا يهمك ونجاوبك حسب خبرتي البسيطة جدا
موفقـــــــــــــــــــــــــــــة

[تمر حنة]

هيا تو نستأذن روحي
بسلامتي

[ميرنا]

بنات بنات وينكم ؟ النجدة

[ميرنا]

بنات انا فى نهاية الشهر السادس وباطنى نازله هل هذا عادى ؟


قبل يومين كان الجنين مرتفع عند الصدر وامس واليوم نازله اسفل من مرت عليها نفس حالتى والله انا خايفة يستر الله

ربى ما تحرمنى من كلمت ياماما

[هناء خالد]

كيف حالكم اليوم أن شاء الله بخير يااااااااارب
ميرنا ماتخافيش بأذن الله كله خير وطبيعي حتى أنا تصيرلي مرات نحسه فوق ومرات لوطه ومرات بالجنب ماتخافيش بس المهم حاولي كل شويه ترقدي علي ظهرك ومادبيك تخلي راجلك بعيد عليك فاهمتيني شنو نقصد
وحاجه ثانيه أتصلي بي دكتورتك عشان تزيدي تطمني
وربي مايحرمك من كلمة ماما ولا يحرمنا أجمعين ياااااااااااااارب

[ام وسونة]

صباح الخيرااااااااااااااااااااات والليرااااااااااااات

كيفهم الحلوين

والله عارفه ماعندي غيرك ياتمر حنة ديمة نقول فيها

هههههههههههههههه

تسلميلي حبيبتي على الاجابة بس ناقصة نبي بالتفصيل

الممل ونبي نعرف امتى تطلع الصورة وهل بعدها

يحدث نزيف؟؟؟؟ ولاحد اهني بصدق مشكووووووووووورة

[ام وسونة]

ميرنا حبيبتي اتصلي بدكتورتك وايساليها افضل شئ

ربي يطمنك ويسهلها عليك

[يقين]

هاتووووووووووو اهلين حبيبتي كيف حالك وحال رتولي وحال الحمل ربي يعينك ان شالله شني عرفتي جنس البيبي ولا مزال ههههههههههههه قصقصه عزايز

[هناء خالد]

بنسألكم حجم البطن لما يكون صغير شئ طبيعي ولالا
توه أنا حامل في السابع والي يشوفني يقول مش بااين
زعما عادي

[يقين]

تمر حنه لاوالله غبت يومين علشان عندي دار صغيره فاضيه كنت نجهز فيها لفروتي شريتلها سرير كبير شويه وفرشه اطفال وستار اطفال ودولاب صغيرون وشويه حاجات وخدمتهولها باش تتعود عالرقاد بروحها فنشغلت شويه عليكم

[يقين]

هناء اهلا كيف حالك وان شالله ربي يتمم عليك بالخير
نبي نسالك انتي اول حمل ولالا
دائما اول حمل تكون البطن صغيره حتي اني لشهري التاسع وبطني مش باينه اللهما الا اذا لبست حاجه ضيقه
وفي الحمل التاني تكون البطن متشققه من الاول فتكبر من الشهر التالت او الرابع
فاللي نبي نقوله عادي جدا ما تخافيش زيي بالزبط

[ام وسونة]

وخيه هناء تعرفي اني لما كنت حامل مافياش بطن

اللي يشبحني يقولي وين بطنك مش مهم حجمها المهم

البيبي صحته كويسة يارب تنوضي بالسلامة

وخيه يقين تبيد فروتي وتجدد يارب لكن بصدق

مازال صغيرة اني وسن لاتوا ترقد معاي

رغم انها عندها دار بروحها

[يقين]

ام ردينه كيف حالك اليوم وحال السنافر لالا اني الحق بنتي اول ما جبتها ديييييييييييييييييمه راقده تنوض وقت تجوع بس لكن توا مشردتني والحق ما ندسش عليك المسؤوليه صعععععععععععععععععععبه وتوا اللولب اللي مدايراته بنخليه 5 سنين ولا 6 بكل من كثر ماني خايفه من الولاده والمسؤوليه

[ام وسونة]

يابنات شن بديروا غذاكم

اني عجنت بيتزا وبندير خبيزة بالتن

[يقين]

ام وسونه كيف حالك وحال وسن ربي يخليك ويخليلك وسونه الحلوه والله الحق اني بوها هوا اللي اقترح وقالي مانبيهاش تتعود عنوم معانا لو مني اني ما عنديش مشكله

[ام وسونة]

يقين انتي مدايرة لولب حرام عليك قاعدة صغيرة عليه

[يقين]

ام وسونه اني مش حندير لان راجلي مهناكش سلامته اني ناكل اين حاجه مش مشكله
قوليلي شن عشاك لان اليوم سلفي بيجينا لمصر بيوصل الساعه7 ومش عارفه لتوا شن بندير العشي

[ام وسونة]

والله اني تمام الحمدلله

بس حاولي تقنعيه حرام صغيرة

افتحي الماسنجر نهدرزوا

[يقين]

ام وسونه شن بندير باهي خايفه من الحمل والله يا ام وسونه ولادتي لتوا نتخايل فيها وبعد مامتت فيها هذا غير التعب اللي تعبته في بني واني ما معاي حد فكرهت الحمل حاليا ونحس فيه صعب عليا ولو كان تشبحي حالتي في الحمل ماشيه باتغديات وونرجع في دم حشاك ونص شهور الحمل في المستشفي والله يا ام وسونه تصير فيا حاله نسع شهور ما قربني راجلي الا مره ولا مرتين مسكين صابر عليا خلالالالالالالاص قلت لما يولي عمري 25 تو نحمل احسن

[هناء خالد]

سلمهم ياربي وخياتي
ايوه يا يقين انا بكريه وعندي أختي قبلي لما تحمل بطنها صغيره وماما نفس الفكره قالت كانت زينا
باه شنو رايكم عادي نبدا ندهن بطني من توه في الشهر السابع عشان ماتتفزرش وتتشقق

[يقين]

ام وسونه ني عالياهو تعالي هههههههههههه

[هناء خالد]

ربي يكون في عونك يا يقين ويسهلك الحال يارب
وبالنسبه للعشاء ديري الي يحبه سلفك والله الغدا أنا حاااايسه نبي حاجه ماتحوسليش الدنيا قطة الميه قصه والله نفكر ندير مكرونه وخلاص

[يقين]

هناء حبيبتي لازم البطن تتفزر وما تخافيش بعد لولاده اهتمي بيه بالنسبه لي م دهنتهاش

[ام وسونة]

عادي انتي حامل ياهناء اللي ديريه كويس

[يقين]

المكرونه احسن شي يا هناء خفيييييييفه وما فيهاش حواس

[هناء خالد]

توه أنا بطني شكلها عادي يعني مافيش لا تفزير لاشئ
مكروونه وخلاص هههههههههههههههه ماليا غيرها

[يقين]

هناء قداش ليك متزوجه

[أم ردينة]

حتى اني نبي ندير لولب ولكن خايفه منه منعرفش يقولو ليه مضاعفات وكان نحمل تاني لما نهبل والجدول ممشاش معاي ومش عارفه شنو هو المانع اللي نديره على الاقل 3 سنين او 4

[أم ردينة]

اني درت غداي رشده بالكركوش ردينه تحبها

[هناء خالد]

ياستي 25/11/2011 نسكر سنه بأذن الله

[أم ردينة]

مش ضروري البطن تتشقق يا هناء اني جبت زوز صغار بطني لم تتغير اطلاقا وبالنسبه لصغر البطن كل وحده وجسمها

[هناء خالد]

الله يبشرك بالخير يا أم ردينه
ممكن تقوليلي صغارك الأثنين وين جبتيهم

[ام وسونة]

شن صار في مكرونتك ياهناء شكلها ناشطه

هههههههههههههه

[هناء خالد]

قاعده على النار هيا تفضلي معانا

[ام وسونة]

خلاص اهو جاية مسافة الطريق

حقا وين تسكني

[هناء خالد]

حي حي ياسعدودي معناها نوض نجري نبخر الحوش ونوتي رويحتي وندير على الأقل سلاطه مع المكرونه
نسكن شفتي مستشفى الخضراء الفتحه الي بعدها خشي منها وغير توصلي غادي كلميني نجيك
ههههههههههههههههههه

[ام وسونة]

نمزح معاك ياهناء راهوا مش جاية خيرك هربتي

ههههههههههه لكن مع هذا وين تسكني ممكن نجي