تجمع حوامل ليبيا

[ام وسونة]

ام قصي اني موجودة ولاباس عليها بنيتك ماتشوف شر

[أم سعد]

السلام عليكم

كيف الجميع

أم قصي ... ألف لاباس على بنيتك ... طهورا ان شاء الله ... أسأل الله العظيم رب العرش العظيم أن يشفيها ...

[ام روفيدة]

السلام عليكم أختي أم قصي لا بأس على بنتك وطهورة إن شاء الله وشن رايك تجربي لها الحجامة والله كلامي عن 7 سنين خبرة في الحجامة والله كانت عندي حالة زي حالت بنتك لكنها كبيرة والله الدى لا إله غيره من أول حجامة تحسنت أمورها والبخاخ نقص إستعماله وبعد أربع شهور من الحجامة البخاخ بدت تستعمله يمكن مرة في الشهر وقبل الحجامة كانت يرفعوا فيها ميتة للمستشفى ويضربولها إبرة الكرتزون حتى ترجع تتنفس وعندي حماتي حتى هيا نفس الحالة وحجمتها والله العظيم مرة وحدة حالتها توا ما شاء الله عليها حتى البخاخ قالت لي بدت تستعمل فيه كل 6 شهور مرة وقبل الحجامة كانت يوميا وتجيها حالة يرفعوا فيها ميتة للمستشفى ونفس الشيء يضربولها إبرة الكرتزون حتى ترجع تتنفس وتوا الحمد لله كل ما إنكلمها تقول لي الله يجزيك الجنة من يوم الحجامة نسيت البخاخة والكرتزون فلهدا نصيحة من أختك عليك وعلى الحجامة شوفي عيادة للحجامة وأسألي على التعقيم يعقمو كويس ولا لأ قوليلهم نبي نحجمها على الربو وبإدن الله تتحسن ثم تشفى منه

[يقين]

الف الف الف لا باس علي جنى يا ام قصي ان شالله ماتشوف شر يارب وحمدلله علي سلامتها

[يقين]

ميراس شني ماسمعتيش شي وشنو فتحوا المدار ولالا قوليلي كانك عارفه شي قوليلي
اني عطوني يومين تانيات بس وتسمعوا بيا في الانعاش لاني لاناكل ولانرقد والله نرقد 8 لازم 11 نكون فايقه علشان فروتي والماكله مانحطش في حاجه في فمي مانيش عارفه امتي يسقم حالنا بس

[ميراس]

ام قصى لا باس على بنيتك يقين اليوم اسمعت ان التوار خشوا البلاد واصلين شعبة الحلمة اكيد عارفتيها والظهرة قالوا حرروا انفسهم بروحهم هكى اسمعنا انشالله خير والله زيك ليل نهار انفكر فى الف حاجة بعد انروح مش عارفةربى يستر من نلقاه حى ومن ميت وبرا

[ام وسونة]

السلام عليكم

كيفكم يابنات وربي يضمنكم على اهليكم

اختي يقين انتي حامل ولا كيف والدة

[يقين]

ام وسونه لا حبيبتي اني والده من 4 شهور
ميراس نفس الشعور بالزبط اشبح مني اللي حي ومني اللي ميت

[ام وسونة]

باهي يتربى في عزك يارب

[ام وسونة]

ممكن نسالكم سؤال وياريت ماتبخلوش علي بالاجابة

وخياتي اني وراجلي متفاهمين في كل شئ الحمدلله الاحاجة وحدة

هي من يجي لتاني وقت المداعبة والجماع هو ديمة ينتقد فيا يقولي

لازم اني نجيك انتي ماتجينيش للعلم اني قبل مانخش للفراش نلبس احلى الارواب ونمكيج

ونتعطر اني نشوف فيه هذا يكفي انه يعرف اني نحبه ومستاحشاته

بس هو قالي هذا مش كافي لكن اني هذا طبعي مش قادرة نغيره حاولت بس ماقدرتش

فياريت تنصحوني

[أم سعد]

أم وسونة ... أكيد الراجل ديما يبي يحس انه مرغوب من المرأة ولازم هي مرة مرة تبدأ عليه

مش لازم تقوليله هيا نبي ... بس حاولي اديري حركة تخليه يفهم منها انك تبيه وهو حيكمل ...

[ام وسونة]

شكرا لك اختي ام سعد على ردك

صدقيني حاولت وهذه اول مرة نستشير فيها حد بس لانه الموضوع

مضايقني مشكلتي هذه الحركات اللي قولتيلي عليها مانعرفش زي شني

ياريت ممكن توضحيلي باش نستفيد

[hatoo]

لابس علي بنيتك ياام قصي

[ام اسيل]

خير عا الحلوات
اللي قاعدات واللي راقدات واللي طالعات يدهورن في ساحة الشهداء
شن اخباركم
ومرحبا بالبنات الجدد وشرفتونا
يابنات شن اخبار طرابلس الا مور فيها ان شاء تمام
ولاباس على بنيتك يا ام قصي

[ام اسيل]

سلملك نشادة ياخيتي عيون
والله صدقتي انا رزن من قبل يابال مع الحمل نحس في روحي نبي نطربق وسكر والحمد لله والقراية تبي تبدا ونوتو في روحنا
تعرفي نفاخ وحمو
وبنتي ديما مقعمزة على النت (عيال اخر زمن)اول مانلقاه فاضي وانا متريحة نفتح ونطمن عليكم

[hatoo]

اهلين ام اسيل كيف حالك وشنو اخبار الحمل معاك؟

[ام قصى محمد]

اهلاين ام اسيل الله يكون بعونك الحمل والحمو صعب مع بعض
مشكورات خواتى على السؤال هى انشاء الله صارت احسن بس شوى اخرى نبى نشبلها للمستشفى عشان ادير البخار
ام وسونه هههههههههههه
حركات زى انك مش تجملتى ولبستى
قعمزى تاله امسكى ايده وهو بنفسه راح يفهم واذا ما عجبش خليك صريحه وقوليه الى تبينى انديرها انديرها والصراحه احسن حاجه خاصه فى الفراش بس الاسلوب الحسن والرفق فى الطلب

[ام قصى محمد]

انا اول مره ننتبه لموضوع الشاشه الصغير الى تحت الصور الى توريك اذا كان الشخص موجود او لا فاهاتو وام وسونه عندى توا قاعدين وينكم

[ام قصى محمد]

ام رويفده مشكوره حبيبتى بس فهمينى بنتى عمره 4 سنوات ممكن انديرلها الحجامه المشكله اننا ماعندناش عيادات مختصه وانا نخاف عليها من المستشفى فكيف بناس عادين وجنى الى مرضت مش فايزه فايزه هى الى عندها حساسيه الصدر بس جنى قالى الدكتور هذا زى مانقولو هف فى الهوا
حتى اولاد اختى كلهم مرضو بيه

[يارحمة الله الواسعه]

الله يسهل عليكم يااحوامل ياارب

ادعوالي اكون حاامل هالشهر

محتااجه الى الدعااء بظهر الغيب

( "ما من عبد مسلم يدعو لأخيه
بظهر الغيب إلا قال الملك : ولك بمثل )

الله يفرج همنا وهمكم ياارب

[ام قصى محمد]

ساعه وارجع مع السلامه

[hatoo]

ان شاء الله ربي يثبتلك حملك ويسرلك ولادتك يارب وتشوفيه سليم معافي يارب يارحمه , وانا قاعده ياام قصي بس نفتش في المنتدي شوي ونرجي وراء بنتي شوي ههههههههههههه مهبلتني بسلامتها

[ღॐ آية ღॐ]

السلام عليكم ورحمة الله وبركاته
اولا مبروك علينا النصر المئزر على الطاغية واعوانه
ولله الحمد والمنه من قبل ومن بعد
ثانيا انا مشتاقة ليكم جدا جدا جدا جدا
كلكم بنت شن اخباركم وكيف حال اطفالكم
زمان على هلمه الحلوة...

[ღॐ آية ღॐ]

ام اسيل طرابلس في خيار الخير وكل يوم عندنا عيد
ولله الحمد...
بس قلوبنا مع الثوار في بني وليد
ادعو لي خوي ان يرجع سالم غانم لي زوجته واطفاله من جبهت بني وليد
واذا استشهد فليتغمده الله بواسع رحمته
وادعو لي زوج اختي بشفاء العاجل هومن ثوار عرادة وفي غيبوبه من ايام..
اصيب برصاصة يوم فتح طرابلس...
رحمتك يااااااااااااااااااارب...

[ميراس]

اية نورتى ايش اخبارك انشالله تسمعى الاخبار الطيبة هن احبابك يارب وربى ايطمنا على ورفلى خوك مايكلمش فيكم بالله كان عندك اى اخبار طمنينا والله بنموت مشغولة لين خلاص

[ميراس]

وتوا وين قاعدة وشن صار فيك اتناء الازمة

[ام قصى محمد]

انشاء الله تكونى حامل اختنا بارحمه الله
ايه اهلاين الله يرجعلك خوك سالم غانم من الجبهه
ويشفى راجل اختك يارب
ميراس اطمنى حبيبتى حرق الدم مش كويس عليك
قل لن يصيبنا الاماكتب الله لنا
وانا والدى اليوم كلمنى من جبهه سرت هو رجع الى اجدابيا بس عشان يكلمنا عشان هم خلاص بكرا خشين رسمى لسرت والله مسكت روحى بالغصب مانبيش نبكى نشغله علينا الله ينصرهم النوم مجافينى واعصابى على الاخير الله ينصرهم
عيون وينك حبيبتى رايفت عليك

[ام وسونة]

صباح الورد على الكل

شكرا ام قصي على الاهتمام

[أم سعد]

السلام عليكم

مساء الخير

أهلين آية نورتي المنتدى ... إن شاء الله ربي يطمنك على الأحباب يااااارب

[عيون زوجي]

السلام عليكم
ماشاءالله الاحباب بدت ترجع لاهلها
ام قصي شكرا لسؤالك يا احبيبة وان شاءالله ما نفقدك ويشفيلك بنياتك ويردلك بوك وخوتك سالمين غانمين
بنسئلك بوك وخوتك في نفس الجبهه والمعسكر ولا كل واحد بروحه
يارب انصرهم يارب ويشدوا معمر اليوم قبل غدوة هو وصغاره يارب

[عيون زوجي]

ايه.....مرحبتين والفين مراحب
كيف حالك وحال وليدك وبنيتك الصغيرونه وشن جو الحوش الجديد والجيران الجدد في السراج صح؟
اللهم انت خير حافظا وانت ارحم الراحمين يحفظلك اوخيك ويرده سالم هو وكل الثوار وما يصيبهم شر ولا خوف ولا الم يارب
واسئل الله العظيم ان يشفي زوج اختك ويرده لزوجته وعويلته سليم معافى
هدا خوك يلي صارله حادث السنه يلي فاتت ولا لا؟

[عيون زوجي]

ام اسيل الف الحمدلله على سلامتك
احمدي ربك بنتك كبرت وتعاونك زي الرحمه
البنت ياسلام انا سارة نستنى فيها تكبر شوي
ما قلتيش البيبي ولد ولا بنت وكيف حال سلفاتك وحمواتك وشن جو الرمضان في مصر قالوا حلو............

[عيون زوجي]

اليوم انخلعت لما قريت خبر الانفجار يلي في المطار واحنا كيف فرحنا انه بيرجع للخدمه تاني ونرجعوا زي قبل
بس اتصلت براجلي في خدمته قالي ان اصحابه اكدوله انه في جهة قصر بن غشير في معسكر انفجرت دخيرة بالغلط مش متاكده طبعا
وسمعت بحكايه كتائب القدافي يلي جايه بتدير عمليه انتحاريه في راس لانوف وقتلت 15 شخص من الثوار يلي كانوا شاديين بوابات
الله المستعان الكلاب يبوا ايديرولنا جو العراق باش ما ننعموش بعيشتنا

[عيون زوجي]

نستأدنكم لانه مافيش حد غيري
انا اليوم صايمه انا وراجلي ومش عارفة شن انطيب
تعودت عالتنبله
ممكن رز بلاو وبازيليا وبيتزا اسهل شي
وحماتي جابت امس في المركز الطبي بنوته وعندها زوز اولاد من قبل وهي تسكن في جنزور ومش عارفة امتى نمشيلها لان طلوع الليل ما انحباش
اني نطلع في النهار ونروح في الليل عادي اما نطلع من الحوش في الليل ما انحبش

[ميراس]

السلام عليكم ورحمة الله وبركاته ام قصى نشكرك على شعورك الحلو وربى ايطمنك على والدك وياربى يرحم كل الشهداء وهالكلاب يبو فعلا ايخلو ابلادنا زى العراق ربى ايفشل جميع مخططاتهم يارب والله الناس تعبت والله اليوم عندنا اخبار من بنى وليد تعبت الناس معاش عندهم شى والامن زيرو والناس فى رعب من هالكلاب ايهددو فيهم حتى اللى يبى يطلع مايخلوه ربى ايفرج علينا

[ღॐ آية ღॐ]

السلام عليكم
ميراس شن الاخبار ان شاء الله تكوني بخير
وللاسف والله ماعندنا بيه اتصال ...اللهم نسالك الصبر...
عيوووووووووووووووووووون
زمان على الحلوين كيف حالك وطمنيني على الاهل ان شاء الله الكل بخير ...
وهو نفسه الي دار حادت ونزاد عليه ولد من شهر وشوية ...عنده بنت عمرها اربع سنين...
مشاء الله عليك الداكرة 100%....
ام سعد نورتي ومشاء الله على سعودي ربي يحفضه تبارك الرحمان...

[ღॐ آية ღॐ]

انا نسكن في السراج عيون مكان هدئ جدا جدا
والجيران كل حد في حاله ...
بس متونسه بحوش سيدي وسلفتي الي مقابلتني ليها سنه برة وقريب تروح
وحيزيد الونس ....
لاكن سكنت النجيلة كانت افضل من حيث الحركة والجيران..
اسولة توة قريب تسكر تمانية شهور ... بس هيا ضريفة هلبا وتشيشونة لاكن حلوة...

[ღॐ آية ღॐ]

ميراس انا في طرابلس زوجي في نصف الاحداث قالي شن رايك نمشو لي تونس
لان ايوب يخاف من صوت رزمات النيتو قريب هبل
لاكن انا اصريت نقعد .... مسكين جاته فوبيه من الصوت العالي...
لاكن كله فداك يا بلادي ...صمدون هنا لاخر رمق....
ام قصي الله يسلمك منورة حبيبتي كيف الحال ؟؟....
عيون وين سورينام شن صاير فيها ...هيا تسكن جيهت طريق المطار صح...؟؟

[ღॐ آية ღॐ]

ام اسيل ربي يتمم حملك على خير وفي اي شهر؟؟؟
وحبل وينها شن صاير فيها..

[ღॐ آية ღॐ]

عيون ان شاء الله صيام مقبول وافطارحلو
ارجعي بعد المغرب ...

[ميراس]

ا]ية اتصدقى انا وصغارى صارت لنا نفس الحالة احنا فى تونس توا وكل مانسمع صوت اجوا واقفين والله صوت الطائرات ولدى الصغير كل مايسمعها ايجى يجرى خايف يحسابها طائرات النيتو وبرا والله توا اتشوفوا ماازال مانحسوا بها الازمة الا بعد ماتم والفوبيا على كل شكل عند الاطفال والاعاقات عند الشباب والعنوسة عند البنات وعارفين لهدا السبب سوف تكون وزارة الضمان الاجتماعى هى اكبر وزارة اتضم اليتامى والارامل والمعاقين والمفروض ايدورلهم وزارة خاصة بيهم لضحايا 17فبراير اتضمهم كلهم اقل شى ممكن ايقدموهلهم يقين وينك اليوم[/size]

[soomaa83]

السلام عليكم كيف حالك

وشن اخباركم انشالله اتكونو بخير مشالله دردشة بدت عامرة معاش زى الاول
كان ميفتحش النت الا الى مسافر او دواخر ليبيا والحمد لله بدت كلها اتخش وتتكلم بحرية ربى يدوم هلفرحة ويهنينا من كل شر يارب العلمين

طمنونا عليكم كيف حالكم اجمعين ويارب اتكونو بخير

[ميراس]

ام وسونة انا انفضل انى هو اللى يبدا عليك باش مايتعود ش مرة حويجة بسيطة مافيش مشكلة تعرفى عندى سلفتى تحكى على راجلها امعوداته على كل شى هى اللى ادير فيه كل شى افهميها عادا قالت الحمام مايمشيلاش انجيبله طشط اصغير وفوطة اتصدقى وهكى قالت اتعود بالعكس هى اللى قعدت تشكيله تبيه ايبادلها اشوى وهو اامتنبل وراهو ماكانش هكى لين هى عوداته هى هكى اتقول لهدا انى انقولك خليك تقيلة عليه احسن

[ღॐ آية ღॐ]

ميراس انا معاك صحيح مفروض تقام وزارة خاصة لضحاية هذة الثورة ..
واكيد حيتم الاهتمام بيهم وتخصيص ميزنيه ضخمة ليهم... لاكن انا اكثر من واجعني
الجرحه الي فقدو اعضائهم لازم ديمة ندعولهم ... ونتفكروهم. الي استشهد خش الجنة
بادن الله ...اما الي صارتله اعاقة ربي يكون بعونه ومفروض ليه الاولوية في كل شئ...
اهلا سومه نورتي التجمع كيف الاحوال...

[ميراس]

انشالله اللى خلقهم ماينساهم وهكى ربى كاتبلهم

[ميراس]

احسن حاجة اليوم قريت فى الفيسبوك قالو لازم ننتخبوا رئيس شعره رطب مش اضحكت عليها وماخاطرى فى الضحك

[ღॐ آية ღॐ]

يا بنات نبي نسالكم وكلاء ال ال تي تي
فتحو ويبيعو ولا مازال وهل فيه وحدة شرت واي مكس من قريب؟؟؟

[ميراس]

والله خودو هادى لىماعمره حلق شعره مسخ ومعفن فى صغره يبقى الواد ايه شفشوفة اللى امداير روحه عقيد وجايب لبلاده العبيد يبقى الواد دا ايه شفشوفة امه ايهودية مية مية مش ليبى عنده جنسية يبقى الواد دا ايه بوشفشوفة

[يقين]

ام وسونه شكرا حبيبتي العقبه ليك

[ميراس]

انا واخداته قبل الاحدات نوعين صغير وكبير واحد 500 والتانى 650

[ميراس]

انستى يايقين

[ميراس]

]وينكم ياحلوين[/color]

[ღॐ آية ღॐ]

ههههههههههههههههههههههه معليشي شفشوفه

[يقين]

سومه مرحبتين نورتي والله شن اخبارك ووين هالغيبه كلها وكيف حال النونو

[ميراس]

يقين عندك صفحة فالفيس بوك

[يقين]

ميراس تعرفي بني وليد ما فيهاش حاجه ولا بنزينه ولا مواد غذائيه ولا ضي تعرفي الناس اللي عنده شويه بنزينه يمشي لغريان باش يجيب حاجاته ويعبي بنزينه
وعافه الساليطه اللي ترقي لبني وليد هاديكه اللي لما نجو من طرابلس يرقوا منها المهم هادي عارفه شن مدايرين فيها الكتايب شوفي علي مني يخطر شياطين
مشحمينها ومزيتينها كلها باش السياره اللي ترقي تولي علي وراها شكلها الحكايه مطوووووووووووووله

[يقين]

الله يانسك انتي اهني هدرزي معاي شويه اني مضااااااااايقه

[ميراس]

طلعتو والا خيركم سكتو

[يقين]

لالا ماعنديش والله

[يقين]

اني قاعده اهني ما طلعتش

[يقين]

ميراس يا ميراس تي وين هربتي اه نشبح فيك راهو كلميني اهني

[ميراس]

قالى عليها راجلى شوفى هالشياطين بالله عليك باهى ماكلمتى حد من اهلك

[ميراس]

اسمعى فى حد من ورفلى بحداك غادى

[يقين]

لا والله ماكلمت واحد امس سلفي كلم راجلي بس واني مانندري عليهم حيين ولا مييتين

[يقين]

ميراس فرقت حالي غير نصل من ليبيا اصلا باش نحصل من ورفله

[ميراس]

اسمعى انا نبى انهدرز عالفيسبوك عندك نبى نعرفك اكتر

[ميراس]

باهى انعزو بعضنا فى هالحالة

[ღॐ آية ღॐ]

بنات فيه عائلات طلعت من بني وليد .... ان شاء الله فيها حد يعرفكم ويطمنكم...
يارب يكونو اهلكم بخير وربي يطمنكم عليهم ...

[يقين]

بنسجل في الفيس علي خاطرك باش نهدرزوا تعرف هالايام مانفتحش في النت الا للمنتدي ونسكر حتي الياهو ماعاد نفتح فيه من الضيق والهم اللي قاتلني

[ღॐ آية ღॐ]

ميمونة يا غالية
وينك والله استاحشتك ....
!!!!!!!!!!!!!!!

[ميراس]

اليوم فى توار كلمو راجلى قالوله الكلاب قعدو يضربو فى الاحياش اللى اولادهم من التوار بالقدايف الهاون والتوار هادو اهنى فى تونس

[يقين]

آيه شكرا ربي يخليك

[ميراس]

حوش للصيعان وحوش للقطانشة واشبح من تانى

[ღॐ آية ღॐ]

معراج... ليبيا قلبي .....!!!!
مشتاقين لي لمات زمااااااااااااااااااااااان

[يقين]

يانهاري الاحرف هادا امتي اني قلبي مش مريحني نحس في اهلي صايرلهم شي ياااااااااااربي استر

[ღॐ آية ღॐ]

العفو وخيتي يقين ..

[ღॐ آية ღॐ]

حسبنا الله ونعم الوكيل
الله على الظالم....

[يقين]

القطانشه هادا حد لينا يااااااااااااربي استر ميراس بالله عليك كان راجلك يعرف اسئليه علي اسم العايله الله عليك

[ميراس]

شوفى الاخبار توا دايرين لقاء مع الاهالى قالوا الكلاب قعدو يقصفو فى اللحياش ياساتر استر ياربى

[يقين]

ايه والله ليا هلبا ماكلمتهم ومانعرفش شن صاير فيهم وقلبي مش مريحني

[ميراس]

قالوا حوش نصر علاق وحوش بلعز

[يقين]

الجزيره جايبين فيها توا التوار ياربي امتي يخشوا بس علي الاقل نعرف شن صلير فيهم

[ღॐ آية ღॐ]

نستاذنكم لصلاة..

[ميراس]

يقين بنمش انصلى خليك عالخط

[يقين]

الله عيت بلعز قتلوا راجل بنتهم ماسدهمش هالكلاب الله يلعنهم

[يقين]

ميراس باهي حتي اني عالعشاء ياذن قاعده اني عالخط

[ميراس]

شن بتديرى للطغاة الكلاب

[يقين]

تعرفي مانحكيلكش علي حالتي وخوتي ونعرفهم الا ما يطلعوا وعندهم سلاح ما يعرفوش يشدوا مكانهم ودمهم حامي فوق اللزوم ربي يستر مش متريحه

[يقين]

انتي لما بيحرروا بني وليد بتروحي ولا مزال مطوله

[يقين]

ميراس شكلك طلعتي خلي حتي اني نضوي اماله

[ميراس]

يقين خودى اخر حاجة المعتصم اليوم متكلم فى اداعة بنى وليد وقاللهم فى تهديد ياما توقفوا معانا ياما راح نمسح حاجة اسمها بنى وليد

[يقين]

الله ريم البراري مستاحشتهااااااااااااااااااااااااااااا قداش ليها غايبه علينا اشبح حملت ولالا ربي يرزقها يااااارب

[ميراس]

اكيد شن عندى قاعدة انا حتى لو كملت بنروح شادنى العلاج ومرات اندير عملية على اعيونى وان قاعدة فى طرابلس حاليا

[يقين]

حي يا حي هادي جديده مش عارفه شن يبو فينا تو تشوفي بيقعدوا يحاربوا لاخر راجل زي ما قال هوا وبني وليد وديان وتضاريس وشوارع عوج حرف مش حيعرفوا هما وين مندسين وكلهم محاصرين فيها ماعندهمش الا القتال او الاستسلام وشكلاتهم مش شكلات استسلام ربي يستر

[ميراس]

يقين طلعتى

[يقين]

تو انتي في تونس ولا في طرابلس

[يقين]

لالا قاعده يا ميراس تشبحي في الشاشه الصغيره اللي تحت اسمي هادي تبينلك اذا اني قاعده ولا طلعت شوفيها اذا مشوشه معناه طلعت واذا ملونه معناه قاعده

[ميراس]

بالله هو قال بنرحيها مابيخليهم لين ايتمو بالراجل نهارات حرف وخلاص تعرفى قالو الدوايرة والمناسلة والحلمة والخوازم سحنوها فى الاول قالو امحمد الغليظ مات بعدين قالو مش امحمد امحمد الهميل واخر لعيلة الطو يل

[ميراس]

انا حاليا فى تونس والله كان غادى انقوللك مانصبرش نمشى واللى بيصير ايصير

[يقين]

ميراس يا ميراس شكلك مش فاضيه ان شالله ربي يطمنا علي ناسنا كلهم قوليلي انتي اهلك في بني وليد ولا طرابلس

[ميراس]

اسمعى البنات معاش خش حد منهم خلا المساحة لينا احنا عارفينا قريب انخبشو ا ياربى يايقين اتم هالازمة وانروحوا ونتلاقوا

[يقين]

ربي يرجعك بالسلامه يارب عارفينها احني حنروح حنلاقي في كارثه في البلاد

[يقين]

ياريت هكي نروحوا بالسلامه ونلاقوهم كلهم حالهم باهي نتلاقوا اكيد في اقرب فرصه ياااااااا ربي امتي بس انكلمهم ونطمن عليهم

[يقين]

غير قوليلي انتي تكلمي في اهلك ولا زي اطمنتي عليهم ولالا

[يقين]

الو ياميراس اني ما صدقت لقيت حد نتكلم معاه تعرفي راجلي قرايه وكورسات ما يقعدش في الحوش بكل واني قريب ننفجر

[يقين]

هيا باي توا

[ميراس]

انا اهلى ماعنديش عليهم اى معلومات اسمعى توا كلمتنى من طرابلس قالتلى لبيانا تطلع مع الفجر حاولى مع الفجر بالك اتحصلى اخبار وبعدين قالتلى الكتائب متحشدين فى القبائل باش لما يقصفوا يقصفوا القبائل وايقولوا النيتو يقصف فى المدنيين

[ميراس]

اصغارك اكبار والا اصغار

[ميراس]

باى حتى انا طالعة

[يقين]

لالا بنتي عمرها4 شهور هادا ماعند بس يارب تطلعلي تو نجرب اليوم

[يقين]

مشيت رقدت فروتي وجيت لاني ماعنديش خلوق لالا نلعبها ولا حتي نخليها فايقه لاني مضايقه وبالي متقفل عالاخر

[عيون زوجي]

السلام عليكم وشن اخباركم توااااااااااا

[عيون زوجي]

ميراس ويقين ربي يطمنكم على اهلكم سمعت ان الثوار خشوا للجهه الغربيه وسيطروا على معسكر تاقرفت ويمشطوا فيها باش يتقدموا
وخايفين عالناس لان الكتايب لابده في الحياش بين العايلات

[عيون زوجي]

ايه ...يا احبيبه خاشه وناشطة
انا فطرت وعبيت بطني وانحس في روحي رازنه حتى اماعين العشاء ما غسلتهم
سلفتي الفالحه والمحظوظة حصلت شغاله بالبلاش
لان اصحاب الشغاله دافعينلها مرتب سنه ولما صارت الازمه هربوا خارج ليبيا وطلبوا منها تخليها عندها تخدمها لين يروحوا
يارب نتهنوا ونرتاحوا ويفرجها ربي عالكل وتبحبح الحاله الماديه وندير شغاله ونلهى غير بصغاري وزوجي ونفسي

[عيون زوجي]

سورينااااااااااام مستاحشتها موت وماعنديش رقمها ومانعرف اعليها شي

[عيون زوجي]

ايه كيف حال نسرين وشن صار معاها حملت ولا لا؟؟؟؟؟؟؟؟؟؟

[عيون زوجي]

نخليكم مع كلمة المستشار عبدالجليل
؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

[عيون زوجي]

سلام مؤقت نمشي للحمام انخفف هالرزن
هههههههههههههههههه
تغيير جو ما اتصدقوش عاد

[أم سعد]

مساء الأنوار ...

[يقين]

مساء النور ام سعد كيف حالك وحال سعد
عيون صحه فطورك وان شالله اديري شغاله للمطبخ وداده للصغار وتلهي بروحك تصدقي نلاحظ في هلبا نساوين من عيد تجيب هداكه العيل تولي كيف شيخ الغفر معاش تندري علي روحها بكل
ربي يعاون الكل علي هالصغار تعرفي اني بنيه وحده ومطلعتلي قرون والمانع درته وبنخليه 7 سنين وزوجي قالي لالا سنه بس ونبي بيبي وعلاش الواحد ايضيع في شبابه في الهم والربايه والعياط لاباس

[يقين]

عيون تي وين طولتي في الحمام لا باس هههههههههه

[يقين]

وينك ام سعد وعيون انتم في المنتدي علاش مسكتين

[ام قصى محمد]

السلام عليكم يابنات
كيف الاحوال؟؟
عيون انشاء الله تتحسن الاحوال واديرى شغاله
بس داده لا انا مش مقتنعه الوحده اتخلى غيرها ايربى اولادها اذا لقت من ينظف البيت فاكل شى ساهل
يقين ميراس الله يطمنكن على اهاليكم ويطمنى على ابى واخوتى

[أم سعد]

صباح النور من الفجور

أهلين يقين ... كيف حالك ... ربي يطمنك على أهلك

[ام لقمان]

اسلام عليكم
كيف الاحوال يا خواتى
وشن اخبارك ام سعد شكله سعودى كبر ما شالله

[ام قصى محمد]

اهلاين بنات من فى من ما فى
انشاء الله وحده تخش ومانقعد بروحى

[ام قصى محمد]

اووووووووووووووووووف
شكلى بروحى باىىىىىىىىىى

[أم سعد]

السلام عليكم

أهلين أم لقمان ... ايه كبر ويستر الله على الجاي

أم قصي .. كيف حالك اليوم؟؟

[يقين]

السلام عليكم مساء الخير كيف حالكم اليوم تمام ان شالله ام قصي وام سعد اللهم امين ياربي

[ميراس]

السلام عليكم ورحمة الله وبركاته

[ميراس]

كيف حالكم اليوم

[ميراس]

يقين كيفك اليوم

[ميراس]

ماسمعتى شى اليوم

[ميراس]

شنى بنات مشغولات كان مافى حد بنطلع الشاشات مفتوحة ومافى حد ايرد وينكم

[يقين]

تصوروا يابناويت بنتي متعلمه الراقد علي بطنها ماهو هيا قعدت تنقلب فخايفه عليها يغم عليها النفس وبسألكم بالله بالك في وحده تعرف طريقه تخلي بنتي تحب اللهَايه لانها تكرهها وتاخذ في صبعها

[يقين]

اهلا ياميراس كيف حالك اليوم وحال صغارك

[يقين]

لا والله يا ميراس ماسمعت حاجه واتصلت بيهم ما باش يعلق شادتها بكي وتخميم وخلاص الله غالب

[يقين]

الو يا ميراس وينك

[أم سعد]

يقين ميراس ... أهلا وسهلا بكم ... ربي يطمن بالكم ياااااااااااار ب

[يقين]

ام سعد اهلا بيك حبيبتي اللهم امين يارب

[ميراس]

تعرفى انا قضيتها ابكى طول الليل ودرت فى ولدى الصغير الغيظ اقريب اقتلته مسكين ايجى يسال فيا وانا ماعنديش اخلوق نتكلم والله خلاص نتخايل فى روحى بنروح وانخش حوش اهلى وايقولولى واحد من خوتك اوبوى او امى المهم قعدت انخلط وانجلط والله قريب انجن

[ميراس]

تعرفى حتى نحن نبوا لاهاية

[ميراس]

انى طالعة نتلاقوا العشية

[يقين]

قسما بالله ياميراس نفس التفكير الله فاهمتيني ونفس تفكيري قلت لما بنروح بيقولولي خبر مش كويس ااااااااااااااااااه الله غالب لالا فوق هدا كله زوجي ديمه قرايه يروح عياااااان الصراحه يعز عليا حتي انقوله مضايقه مانقدرش نخليه لين يرقد ونطلع من حداه ونقعد نبكي اااااااااااه الواحد مايلقي حتي لمن يشكي تعرفوا يابنات حتي ليبين مانعرفش اهني اصحاب زرجي كلهم روحوا واني من كتر الكبت والسكات بتصيري مصيبه

[يقين]

تعرفوا زوجي غدوه عازم صاحبه علي الغداء صاحبه كندي وجايب معاه صغاره وزوجته المشكله اني مش شاطره في الانجليزي مانيش عارفه بنقعد انقوللها يس ونو وخلاص ماعنديش خلوق نتكلم ولا نطيب

[ميراس]

بعيد السو عليك نفس الشى انا وياك اتصدقى شن قلت لراجلى امبارح وحسيت روحى حقيرة بعد مافكرت فيها هو وحيد ماعنداش حد بوه وامه اتوفوا ومعنداش خوات شن قتله والله احسن حاجة معندكش حد اتفكر فيه شن قالى علاش انا ورفلى كلها اتهمنى واهللك حتى انا شاغلينى شوفى الحال وين وصلت بيا واليوم تاسفت وقالى عارف شعورك ومقدرك

[ميراس]

والله نتخايل فيك يس نو وزيدى عليها تنكيو اوكى

[ميراس]

شن بتديرى لهم الغداء

[ميراس]

اسمعى ولدى واقف على راسى يبى النت نتلاقوا بعدين ضرورى اتخشى قبل المغرب

[يقين]

السلام عليكم مساء الخير

[يقين]

تعرفي ياميراس احسن حاجه هكي الواحد مستريح لا هم لا غم احسن
وبالنسبه للغدي بندير رز بلاو ودجاج في الكوشه
ههههههههه والله ضحكتني وماعندي خاطر للضحك يس ونو وتنكيوههه

[ميراس]

السلام عليكم ورحمة الله وبركاته

[ميراس]

شن بنديرلك اهو نكدبوا على ارواحنا اشوى بيش نطلع من الهم اشوى

[يقين]

وعليكم السلام نورتي

[يقين]

ربي يفرج علينا ان شالله غير عرفيني عليك اكثر

[ميراس]

وين باقى البنات ام وسونة شن صار فيك

[يقين]

شني قبل الاحداث تقري ولا تشتغلي ولا راحات وهادا الافضل طبعا

[ميراس]

اتخيلى فى اللقطة الاخيرة نطلعوا نعرفو بعضنا

[يقين]

معاش خش حد اهني شكلهم مش فاضيات

[يقين]

ياريت والله ليا الشرف اكيد

[ميراس]

والله الا امكسدة فى الحوش والمرتب ماشى نشتغل فى المعهد المهن الشاملة مع وقف التنفيد وانت

[ميراس]

اسمعى مواليد كم انت

[ميراس]

]وينك خيرك طولتى[/size]

[ميراس]

بنتك ناضت والا راجلك جى

[يقين]

الو مروسه وين مشيتي

[ميراس]

جاوبينى عاسالتى

[يقين]

راجلي مشي يصلي في المغرب مزال ما جاش وفروتي راااقده

[يقين]

اني نكتب علي طول بس ما يصولش بسرعه راجي شوي اني مواليد91

[يقين]

انا كنت نقرا وفي زواجي وقفت قيدي وبعدين سافرنا ورتبت اموري وتوا بنقرا اهني

[ميراس]

]وين طرتى نستنى فيك[/color]

[يقين]

وانت مواليد كم

[ميراس]

انشاللله موفقة ياربى من عمر اختى اختى مواليد 92 فى اما تخصص قصدى التانوى وين اقريتيه وراجللك حتى هو قطنش

[يقين]

اني قااااااااااااعده ونبعتلك اول باول

[ميراس]

انا عجوز طلعت بحداك مواليد 75

[يقين]

لالا راجلي مش قطنش واني تخصصي كان دراسات اسلاميه وتوا عادلولي طلع لغه عربيه اهوقرايه وخلاص هههه مانحبهاش القرايه راهو

[ميراس]

بعد الزواج وين تسكنى والاطلعتى لمصر طول

[يقين]

لالا حشاك لالا عجوز لا شي قاعده عز شبابك

[ميراس]

عندك خوات اكبر منك

[ميراس]

تعرفى فضولى بيقتلنى على مانعرف من عيلة من

[يقين]

عندي خوات اكبر من ومتزوجات وبعتلك سكنتي عالخاص جاتك ولالا

[يقين]

بعيد السو اعليك قوليلي انتي من تعرفي من القطانشه ترا

[يقين]

وانتي عندك صغار

[يقين]

نعرف ان عندك قصدي كم مشالله طبعا

[ميراس]

اسمعى لما يطلبوا منى اعنوان شن نكتب راهو اول مرة نكتب عالخاص

[يقين]

وينك ياميمو

[يقين]

اكتبي اين حاجه اكتبي السلام عليكم

[ميراس]

انا عندى ولدين وانا نص القطانشة نعرفهم وصاحباتى اكترهم قطنشيات

[ميراس]

وعليك السلا م يقين اسمعى مالاحضتى البنات معا ش خشوا بكل للمنتدى وحتى اللى اتخش اتقول السلام عليكم وين تلقانا احنى تطلع والله شكلنا نفخناها والله

[ميراس]

اسمعى خلينى انصلى المغرب وراجعه

[ميراس]

تعرفى حتى انا نسكن فى بنىوليد فى نفس الجهة وطرابلس بانجيلا

[يقين]

اصلا ما خشش حد للتجمع المهم اماله خلاص شكلنا عسلنا في التجمع خلي نهدوا شوي وكان عندك ايميل خاص بيك نعطيك ايميلي ونهدرزوا

[ميراس]

خلاص اتفقنا

[ميراس]

ابعتيه عالخاص انا مانفهمش كيف نبعت منه

[ميراس]

يقين انا توا بنطلع لان فى واحد عش واقف على راسى طبعا ولدى بعدين انكلمك اسمعى تو نعطيك رقم تلفونى ونهدرزوا زين

[يقين]

هههههههههاي ضحكتيني واحد عش عطك الهني خلي الوليد علي حاله شكلك هكي تنابشي فيه بالله بالمناسبه بنسألكم اللي عنده بنت تغار منها بالله عليكم تجاوبوني للاهميه

[يقين]

نتصل بليبيا قلبي وهاتفها مغلق ان شالله خير استاحشنها في التجمع معاش خشت

[ام قصى محمد]

كيف الاخبار يقين ميراس تبو ترخونا تسهرو على الايميل
معاكى حق ليبيا قلبى معش خشت انشاء الله المانع خير حتى اضواء
وعاشقه وعيون وينها وريم وسومه كنكم يابنات لقبن تجمع ثانى وله شنو الدوا

[soomaa83]

كيف حالكم يا بنات ليبيا

انى ولهى انخش نقرا فى اخباركم لكن منكتبش بس
اهم شى نعرف حالكم بخير وشكرا للى سال عليا

ياليبيا ياجنة

http://www.youtube.com/watch?v=NXXAJEap_30

[poucie]

صباح الخيرات
شخباركم انشاء الله تكونوا كلكم كويسات

[ام وسونة]

صباح الخير ياحبوبات سوري كنت مشغولة بأمي رجعت من السفر اول امس تخايلوا

من بداية الاحداث وامي خارج ليبيا وللاسف هي من قبل مريضة تعاني من رجليها

بس رجعت حتى الحمام اكرمكم الله معاش تقد تخشله فاتفقت اني وخواتي الاربعة

ان كل يوم تبات عندها وحدة واول امس كان دوري والله يابنات لو تشوفوها تقطع القلب

لكن الحمدلله المهم رجعت وشوفناها مرة تانية ادعولي ربي يشفيها....

اختي ميراس ويقين ربي يطمنكم على اهاليكم وترجعولهم وتلقوهم باحسن حال

شكرا اختي ميراس على ردك وصدقيني اني هذا اللي خايفة منه يصيرلي زي

سلفتك ونقعد نعاني لكن حنحاول ندير حل وسط وان شاء الله ربي يقدرني

[أم سعد]

السلام عليكم

مساء الأنوار

[عيون زوجي]

السلام عليكم مساء الانوار فعلا
شن اخباركم كلكم
انا الحمدلله تمام امس امي روحت من تونس وقضيت طول اليوم عندها
ام قصي ما فيش غنى عنكم ماعنديش لاتجمع ولا شي غيركم
ام وسونه لاباس على امك طهور ان شاء الله
امس لما روحت من حوش بوي روحنا من طريق الشط ومرينا على ميدان الشهداء الناس زحمة لين خلاص وسيارات واعلام
بس الشي السئ جدا جدا اطلاق النار في الهواء
فيه سيارة تمشي جنبنا وبنتي طالعه من الروشن ويطلع السواق الكلاشن ويبدا يضرب في الراس
بنتي وولدي قريب طلعوا من عقولهم عياط لين روحنا للحوش وعزوزتي كانت معاي خافت هلبه هو اني قلبي بدي طاق طاق لان السواق يلي ما يتحشمش لاصق فينا الصوت كان فظيع

[عيون زوجي]

كل وحدة تخش تكتب شنو غداها لاني مادرتش غدي راجلي يتغدى في عمله وانا صايمه بس نبي نخنب منكم شن درتوا باش نعرف شن انطيب عشاء

[عيون زوجي]

ام سعد::::كيف حالك وحال سعودي وحملك وراجلك كويسين ان شاءالله
شن درتي غداك يا حلوة وصمتي ست شوال ولا لا؟
وتتطلعي للبلاد وساحة الشهداء ولا لا
قصقصة
بنسئلك شن رايك في اسم ( ميرال ) لان حماتي جابت بنت من يومين وسمتها ميرال
وبنت حماتي توا شهرها وحتى هي بنت وتبي تسميها بيلسان
وعزوزتي مش عاجبينها الاسماء حتى راجلي نازل في اخته ويقول بايخ انا عندي انه عادي لانه مميز ومش كاثر هلبه

[أم سعد]

أهلين عيون ... عندك الحق المشكلة الكبيرة في اطلاق الرصاص في الهواء

ووالله في حالات اصابة بسببه ..

والله في وليد جيرانا عمره سنة ونص خشت في ظهره وهو يلعب في الجنان

وأهله قعدو 10 أيام ومايندرو عليها قعدت تانتة تحت الجلد ولله الحمد ... ليوم يلعب عليه بوه قعد يمس فيه لقاها ... يحسابوه طايح على الرخامة في الجنان ....

ربي يهدي

[عيون زوجي]

شكلي بروحي مهناك حد غيري الله غالب
عمري ما خشيت ولقيت وحده موجودة
نستادن خلي نتفرج عالتلفزيون مدام صغاري يلعبوا في حالهم ومسكتين بلا ضرب وعراك لحد الان
ســـــــــــــــــــــــــــــــــــــــــــــــــ ـــــــــــــــــــــــــــــلاااااااااااااااااااا اااااام

[عيون زوجي]

اهلين ام سعد سامحيني ما شفتش مشاركتك

[عيون زوجي]

كيف خشت ظهره بلا دم ولا وجع ولا شي فسريلي ما فهمتش؟؟؟؟؟؟؟؟

[أم سعد]

عيون كان عرفتي شن بديري غداك قوليلي لأني حتى أنا مازال مادرتاش

فاطرين متأخر وأكيد الغداء متأخر ... هو راجلي قالي تو نكلمك ونقولك شن اديري ... لكن أشك ... لأنه مايدورش في الماكلة بكل ... شادلي أي حاجة أي حاجة وخلاص...

وبالنسبة للأسماء حلوات ومميزات ... أنا يعجبني اسم ميرال هلبه حلووووو

[أم سعد]

وبالنسبة للتدهوير ايه نطلع لكن لليوم ماخشيتش ميدان الشهداء مازال

ماهو أنا بالخمار وفي الليل ممنوع الطلوع لأنهم يوقفو ... وفي النهار مافيها شي نحس فيها

الولد .. خش لأمه يبكي لقوه ظهره دم يحسابوه طايح في الجنان ... تى أنا القصة مستغربة منها هلبة ...

[عيون زوجي]

حتى انا نطلع بالخمار زيك بس بديت اندير في نقاب قصدي نرفع الطرف الفوقي ونخلي عيوني يبانوا هكي انحسه عادي

[عيون زوجي]

انا انحب شربة الشعير بس راجلي ما يحبهاش
وفي الليل الرز والمسقي كله ارزين
وبندير طاجين بطاطا ودجاج في الكوشه لكن فيه مشكله الخبزة ماعنديش وما خاطريش نعجن وندير توا

[عيون زوجي]

بنسئلك تعرفي اديري بازين؟؟؟؟؟؟؟؟
انا من صغري ما ناكلش فيه ما حاولتش نتعلمه بكل
وتوا راجلي شادني فيه خاطره في بازين باللحم والمرقة
وامس يقولي قولي لامك تعلمك وهي امي كيف روحت من السفر
مش عارفه كيف نرضيه ونديرله بازين

[عيون زوجي]

ام سعد...............ويــــــــــــــــــــنـــــــــ ـــك؟؟؟؟؟؟

[أم سعد]

أنا ندير في الشباك فترة الحمل لأني مانتحملاش ندهش هلبة


أنا راجلي صعب في الأكل .... الباين نهايتها اسكالوب ورز ...

[أم سعد]

قاااااااااااااااااااعدة


درته مرة في حياتي لما كنت في حوش بوي

ومعاش عاودته


بس نفكر نتعلمه حتى أنا لأني نحبه وراجلي حتى هو يحبه ... عزوزتي ادير فيه مرة مرة يوم الجمعة وتحسب فينا

[عيون زوجي]

السكالوب امممممممممم فكره حلوة

[أم سعد]

تعرفي راجلي توا كلمني قالي مش فاضي وماتعبيش عليا في شي

ناقصتني خضرة قالي مش فاضي وطيبي أي حاجة ومانبيش مقلي


واااااااااااااك شن بندير

[يقين]

ام سعد كيف حالك وحال سعد
عيون كيف حالك وحال اصغارك
بنتكلم معاكم في البازين تطفل معليشي والله اني راجلي اعيونه اعيونه بازين فتعلمته غصبا عليا وتوا تقريبا كل جمعه بازين وعلي فكره هو مش صعب الصعب هوا التعصيد في ماكينه يبيعوا متاعت عجاين تعصد في البازين حتي اني خاطرني نشريها هيا سلام اني نوتي توا المعازيم بيجوني بعد العصر كل شي واتي مزال السلطه بس

[أم سعد]

أهلين يقين

ربي يعاون

حتى انا بنشريها العجانة

:)

[عيون زوجي]

هههههههههههههههه عندك حق
امممممممممم خلي نفكرلك لو يحب الرز ديري شويه رز مسقي وريحي روحك والا اسهل شي امبكبكه واخلاص

[عيون زوجي]

http://forum.hwaml.com/imgcache2/hwaml.com_1316003068_881.jpg

[يقين]

ام سعد ديري مكرونه في الكوشه لا تبي خضره لاشي مفروم وجبنه
ام وسونه حمدلله علي سلامة اميمتك ان شالله ربي يشفيها ويطول في عمرها علي الطاعه يارب وكل امهاتكن

[أم سعد]

فكرتيني في البكبوكي فكرك في الشهادة

هي هكي مبكبكة

[أم سعد]

مايحبهاش يا يقين .. هذه مشكلتي

[عيون زوجي]

كيف حالك يا يقين وشنو جديدكم في بني وليد؟؟؟؟؟؟؟؟؟؟

[أم سعد]

يقين لاهية بالكندي ومرته وصغاره اللي بيتغدو عندها

تعالي قبل ماتطلعي قولينال شن درتيلهم

[عيون زوجي]

بالله قولي شنو درتي انت البارح قلتي رز ودجاج في الكوشه شن صار معاك

[عيون زوجي]

انا من بعد الرمضان خاطري في سمك السردينه انحبه مقلي طلبته من راجلي وباخل يمشي سوق الحوت استاحشته ليا قريب سنه ما كليتاش
الله كان يجيبه وندير معاه رز واخلاص

[عيون زوجي]

http://forum.hwaml.com/imgcache2/hwaml.com_1316004597_557.jpg

[عيون زوجي]

نسخة أصلية لمن يود الاستماع
http://forum.hwaml.com/imgcache2/hwaml.com_1316004679_921.jpgنشيد الاستقلال للمملكة الليبية National Anthem of the Kingdom of Libya (http://www.youtube.com/watch?v=ISbyDqRExYQ)
www.youtube.com (http://www.youtube.com/)

[يقين]

درت السلطه وجيت درتلهم رز ودجاج في الكوشه وسلطه لبنه وطحينه وسلطه خضره وبطاطس مقليه وصاله بجنب الرز
بالله هدي حاله الناس في العزايم مش تطيب وتوتي في المطبخ بس اني لالا من البارح نوتي في الجمل والكلمات تقول عندي امتحان وووووو ماهيش خدمه يستر الله راجلها مقايل لراجلي ماتعرفش ولا كلمه تماله شن بنقولها بنقوللها ولكمتين ههههه مرحبتين

[يقين]

عيون بالله ماتفكريني خليني علي همي والله مانندري عليهم شن صاير فيهم اهو ندف وخلاص والثوار قاعدين ما خشوش

[يقين]

ميراس وينك بعتلك ايميلي تي معاش قابلتي

[عيون زوجي]

سلاااااااااااااااااااام

[عيون زوجي]

ربي يسمعك كل خيررررررررر امتى بيوصلوا ضيوفك

[يقين]

خيركن ما جاوبتنيش علي سؤال
البارح

[يقين]

بعد العصر وتوا العصر ياذن
هيا باي تو نتلاقوا بعد الامتحان هههههه قصدي العزومه

[عيون زوجي]

اي سؤااااااااال؟؟؟
بسليمتك وان شاءالله ربي ينجحك قصدي يسترك

[عيون زوجي]

خاطري انخش اول وحده عالصفحه الف ولهدا رح نكتب اي كلام لين تجي هال1000

[عيون زوجي]

؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

[عيون زوجي]

مبروووووووووووووووووووووك الصفحه 1000

[أم سعد]

مبرووووووووووووووووووووووووووووووووووووووووووووووك

وصلنا للصفحة 1000

[ღॐ آية ღॐ]

الف مبروك وصولنا لصفحة الف
بنات منورين
سفهتوني في البازين
انا اندير فيه حسب الجو
اندير في البازين المعجون تعرفوه اسهل حاجه ...
ويجي طايب وما يوجعش البطن...
بصراحه يجي يجنن...

[ღॐ آية ღॐ]

ام سعد كيف حالك
ايوب قريب يهبل في سعودي من بكري يبوس فيه
ولما بنزل الصفحه يقولي خلي البيبي ماما
تبارك الرحمان عليه
ربي يحفضهولك...

[ღॐ آية ღॐ]

عيون كيف حالك
وكيف حال سرورة وحمودي..

[ღॐ آية ღॐ]

وينكم ؟؟؟؟؟؟؟؟؟؟؟؟؟؟؟؟؟؟؟؟؟

[ღॐ آية ღॐ]

يقين ربي يعاون ....
غدوة بنجيك انا وصغار ...
عازمتينا انا والبنات صح ولا؟؟؟؟

[ღॐ آية ღॐ]

شن اخبار ميراس
؟؟؟؟؟

[ღॐ آية ღॐ]

مشناكم مافيش حد


!!!!!!!!!!!!!!!!