تجمع حوامل ليبيا

[عيون زوجي]

ياسيدي بن سيدي القصة ومافيها كالتالي
يوم الموسم مشيت لحوش بوي من قبل العصرية بشويه لان راجلي بيطلع مع خوتي لسوق السعي بيشري خروف
المهم روحنا حوالي الساعه 10 في الليل بخريفنا وجونا تمام والخروف يبعبح في صندوق السيارة واحنا فرحانين
لما وصلت كلمتني سلفتي بالتليفون قالت: اسمعي وينك ما عيدتيش اعليا
انا:اليوم موسم والعيد غدوة
هي:الناس تعيد اليوم يا فالحه العيد عرفه وانا اكبر منك وهدا اول عيد مع بعض وما اتصلتيش
انا:(في خاطري لاش متصله وهي تنفخ)؛؛: ياحنا انتي كبيرة قدر وكل سنه وانتي طيبه ومبروك اعليك خروفك وعيدك
هي:اسمعي انا تفاهمت مع شغالة مغربيه بتجي ادير كل شي يوم العيد من غسل البطون والماعين وكل شي الا التتطيب والتقطيع
انا:يازين ما درتي احنا الزوز عندنا صغار هكي اريح وعزوزتنا كبيرة
هي:انا ندفع الثلت وانتي الثلت وعزوزتي الثلت
انا: ماعنديش مشكله اي مبلغ انا ندفعه
هي: الشغاله تبي 70دينار انتي ادفعي 25
انا:(واعلاش اني 25 خيرها هي) مش مشكلة حتى 30 مافيهاش مشكله
هي: اسمعي نسيت انقولك الشغاله بتقرض الخضرة يلي انــــــــــــا شريتها وبتغسل البطن متاع خروفي وخروف العزوزة وانتي اغسلي بطنك بروحك
انا:( وبكل غباء وسداجه): اوكي بسليمتك ومتفاهمين
بعدها مشيت لحوش عزوزتي هدرزت وكان جوها مش 100% لان سلفتي كانت عندها قبلي وروحت حكيت لراجلي وعيط في وجهي انتي غبيه تدفعي زيك زيها وهي مقعمزة رجل على رجل وانتي مع الشغالة تغسلي في الدوارة وريحتك اتفحفح ما يمشيش الحال كلمي الشغالة وزيديها فلوس من عندك وخلي تغسلك زيك زيها
فقت من غبائي شنو درت في عمري زي الحمارة وافقت وهي بتقعد زي البيه ادور وتشرف وحتى العصبان بديره الشغاله وانا نغسل مع الشغاله ونلبز واعلاش والفلوس ندفع زيني زيها
كلمتها الساعه 12 في الليل وقعده طيبه ودمي مش محروق هلبه نحسابه الدوة من الشغاله مش خنس من سلفتي تبي تستعبدني وتقلل من قيمي وتتطلع هي البيه النظيف لابسه وامفحفحة
انا: شنو الجو يا فلانه
هي:كويسه تمام
انا:بالله نبي رقم الشغاله منك
هي: واعلاش فيه حاجة
انا: راجلي قالي انزيدك فلوس المهم تغسلك البطن متاع خروفك مع البطون التانيه
هي: والله اسمعي يا احبيبه لما كنتي راقدة في حوش بوك كنت اني اندور على شغاله وشاقيه انوصي
انا: اوكي كان عالفلوس نزيد
هي:( تعيط وتصيح وتتطلع على حقيقتها) اسمعي الشغاله رح تغسل نص دوارة عمتي والبطن متاع خروفي ونص الماعين والنص الباقي اديريه انتي بروحك وغصبا عنك
انا:( فقت من الغباء): والله انا ما حدش يغصبني ومش ملزومه بيك وغدوة قعمزي انتي وشغالتك بروحك نقعد في حوشي واندير حاجتي بروحي واشبعي في عيدك بروحك
هي: والله يفتحلك ربي نص الحوسه نبعتهالك لحوشك
انا:تبعتي اي شي انحطه في الكناسه
هي: احترمي نفسك وتعلمي الاحترام وينهم اهلك ما علموكش الاحترام
انا: والله انا محترمه غصبا عنك وبالسلامه وعيدوا بروحكم باي
ومشيت بعدها لعزوزتي نجري ودموعي في عيونها نحكيلها شنو صار نحسابها بتزعل وتقول كيف تقولك هكي لكن الحكايه شكلها مدروسه بينهم ومعبيه راس عمتي ردت اعليا بكل برود وبصوت ما ينسمعش: مايصيرش منه لازم تجي غدوة
قلتلها بسلامتك تصبحي على خير
ردت: تصبحي على خير
تصدقوا ولا لا والله العظيم والله العظيم قعدت للصبح نايضة وريقي يابس ودمعتي في عيوني
على شنو يلزوني لا شاريه خضرة ولا شي و3 سنوات وانا نغسل بروحي في 3بطون عمي وعمتي كانوا يضحوا على زوز ونغسل كل شي وندوب الشحمة للعزوز ونديرلها القلاية ونعول اعليها للتقديد ونحشي العصبان ونخلي حصة حمواتي ال 5 وانطيب الغدي فاصوليا والساعه 10 في الليل باش انكمل ونسيق كل شي ونطلع من عندها بروحي ولا نشكي ولا نتكلم
وكانت الليلا مسافرة وتوا اول عيد بينا المفروض احلى وكل شي تمام لزتي وعمتي راضيه
تاني يوم بخرت حوشي بالوشق وقعمزت عالنت ولبست صغاري حوايج لعب باش يطلعوا يلعبوا جنب مكان الدبح وفعلا دبحنا ال11 وكملت كل شي بروحي الساعه 3كنت مدوشه وتامة
مادرتش عصبان لانه ماعنديش خضرة بس غسلت البطن وقرضت معاها المعلاق وشويه لحم وحولتها وكيست اللحم ودرت قلايه
بعتت للشيابين من الكبدة والشواء ومعاهم كتف
وما حدش منهم جاني يرضي فيا ولا حتى قال وينها
جاني عمي اماخر نحسابه يرضي فيا( للعلم اول ما تمت صلاة العيد مشيت عيدت على عمي وعمتي ورفعت صغاري وروحت)
جي عمي يعارك فيا بري رضي سلفتك والا ماعادش نكلمك قتله هي يلي غلطت فيا مانمشيش
في الليل مشيت باش نعيد على سلفي
تلقتني عزوزتي قتلي وينك لتوا قلتلها انا زعلانه وخاطري مكسور ونبكي للصبح ومعيدة بروحي من غير اي غلط مني ماتقوليش والله لازم اتعيدوا مع بعض وتحلفي عالكل انه لازم انجي ونحضر 3سنوات ما قصرتش معاك توا على خاطر شغاله خلاص كنت مجرد شغاله مافيش اعتبار لكوني كنتك وام احفادك
قتلي لا انتي كنتي تجي بروحك هدا حوش العيله
قلت:انا زعلانه ومجروحه
جتني زي الغوله سلفتي من الكوجينه تسب وتلعن وتقولي انتي لازم اتجي وتغسلس وتنظفي وانتي يلي قلتي مش ملزومه بعمتيوانتي انتي
وماخلت من خرارتها شي حاشاكم
ما سكتش وقلتها انتي تسكتي وكلامي وعتبي على عزوزتي وانتي ماعنديش كلام معاك تصيحي زي المصريات العوالم
ناضت زي المجنونه انا دكتورة يا حلوة قلتلها حتى انا دكتورة قالت انا ماجستير مش بكالوريوس
قلتها الشهادة مهما كبرت ماتعلمش الادب انا بادبي
وبدت تعيط انت قليله الاحترام
نطيت فيها وقلت لعمتي حسبي الله فيكم جيت بنعيد على سلفي ونلوم عليك من باب لوم الكنه والبنت بس خدلتوني وطلعت
تاني يوم مشيت الصبح لعزوزتي لابسه وملبسه صغاري وكان جوها حلو وفرحت بينا قعمزنا جنبها نص ساعه وجي سلفي عيدت اعليه وبعدها مشيت لحوش بوي وروحت اماخر
هادي القصة
وللعلم امي لتوا ما حكيتلهاش لان ماحبيتش نزعلها ممكن اليوم نحكيلها
بس بجد سلفتي قدرت تبسل الجو وتعكر العيد اعليا
اول يوم طيبت وما كليت شي وما اطعمت شي وامس كليت من نفس واسعه في حوش بوي
وعام داير سايورا نتسامحوا بس ياجارتي عاركيني وخلي باش تقابليني
ولكم كل الحريه والمجال للتعليق والمشورة
في انتظار قصة اختنا ايه....

[ام وسونة]

هايات عالحلوات

كيفكم وشن احوالكم

لالالالا كل شئ الاوخيه ليبيا ام ناريز

والله مانقدر على زعلك عموما كل سنة وانتي طيبة

وووووووووووووووووه صنة الثومة شن هدا ياتمورة

يبس ريقك قلبتي المنتدى بعد ماجبت الصفر وبعدها

بخرت وعطرت وجبت الخويتمات ودليليعات

حراااااااااااااااااااام عليك ضيعتي تعبي

لكن عقابك عند ميرااااااااااس اين انتي ياميراس

وخيه ميمونة كيفك وكيف حال عويلتك

ووخياتي ام روفيدة وام محمد واية ويقين كيفكم

[ام وسونة]

وتوا الرد خاااااااص لوخيه عيون

كيفك وكيفا زوزك وصغارك

وبالنسبة لسلفتك هادي شكلها وحدة ناوياتك بالهلبة

من ليلة الموسم خاطرها في عركة احسن حاجة درتيها

عيدتي بروحك وخليتيهالها واسعة وعريضة ....

لكن بصدق المفروض عيدتي عليها لان العيد

حتى اللي بيناتهم رقب يتسامحوا انتي عيدتي ورميتي

دنوبك عليها وبعدين العيب على زايد العقل والباين

هي عقلها صغير فلهدا فوتيييهااااااا,,,,,,

ههههههه الحمدلله ماعنديش سلفات

لكن صحة ليها قدرت ادير غسيل مخ لعمك وعمتك هادوا

اللي يقولوا عليهم فالحات يلا ايام وبتفوت على قولتك

وتتراضوا بس المواجع علاش ؟؟؟؟؟

[ام وسونة]

جبتلكم شوية دبيلات

http://www.beautifuljewellery.net/var/resizes/Antique%20Diamond%20Engagement%20Ring%2017.jpg?m=1 309376244

http://www.beautifuljewellery.net/var/resizes/Antique%20Diamond%20Engagement%20Ring%2019.jpg?m=1 309376244

http://www.beautifuljewellery.net/var/resizes/Antique%20Diamond%20Engagement%20Ring%2018.jpg?m=1 309376243

http://www.beautifuljewellery.net/var/resizes/Antique%20Diamond%20Engagement%20Ring%2010.jpg?m=1 309376241

http://www.beautifuljewellery.net/var/resizes/Antique%20Diamond%20Engagement%20Ring%2016.jpg?m=1 309376242

http://www.beautifuljewellery.net/var/resizes/Oval%20sapphire%20with%20diamond%20cluster%20engag ement%20ring.jpg?m=1309377094

http://www.beautifuljewellery.net/var/resizes/New%20wedding%20ring%20set.jpg?m=1309377061

http://www.beautifuljewellery.net/var/resizes/pink%20ring.jpg?m=1309377096

http://www.beautifuljewellery.net/var/resizes/Pearl%20and%20diamond%20engagement%20ring.jpg?m=13 09377094

http://www.beautifuljewellery.net/var/resizes/Antique%20Diamond%20Engagement%20Ring%209.jpg?m=13 09376241

http://www.beautifuljewellery.net/var/thumbs/White%20Gold%20Diamond%20Wedding%20Set.jpg?m=13093 77180

[ام وسونة]

http://www.beautifuljewellery.net/var/resizes/Aquamarine%20and%20diamond%20engagement%20ring.jpg ?m=1309376245

http://www.beautifuljewellery.net/var/resizes/Aquamarine-fleur-de-lis%20engagement%20ring-1268617132.jpg?m=1309376247

http://www.beautifuljewellery.net/var/resizes/Cushion%20cut%20kunzite%20and%20peridot%20three%20 stone%20cocktail%20ring.jpg?m=1309376721

[ام وسونة]

بصراحة كلهم عجبوني هههههههههههه

خلي نغيروا اجواء الثومةhwaml02

[ميمونة]

السلام عليكم

كيف حالك عيــــــــــــــــــــــــون الله يسلمك وعقبالك في حجه انتي وبعلك

بالنــــــســـــــــــــبه لقصتك اثرت فيا هلبه بصراحه ماصح وجهها وماره عليا قصص هالشكل عيني عينك كيف تجئ اصلا انتم الزوز في حوش العزوزه كيف هيا تقعمز وانتي عادي المشكله انها الشغاله جايه جايه وبتدفعي من جيبك لاحول ولا قوة الا بالله بس احسن عيدتي في حوشك ارتحلك ولا الاهانه وبعدين انتي درتي واجبك ومشيت عيدتي علي حوش العيله الاول هدا يكفي ورجعتي ومشيتي قعدت الحشمه في وجهها هده معبيه راس عزوزتك وشبانيك فالحه بس الله غالب الواحد يدير باصله وخليك ديما الباهيه ومعاش تفتحي الموضوع حتي مع راجلك نصيحه هو يشوف بعينه تصرفاتها مش ضروري تتبرري وهيا ربي ياخد حقك منها مش عارفه كيف الناس تفكر تعرفي عيـــــــــــــــــــــــون انا دمي انحــــــــــــــــرق مابعدك واكيده علي هالحاله شوق مواقف تحطك فيهم ربي يهديها وانتي فوتيها ورضي اهل زوجك ولو غالطين علي خاطر عيون راجلك بس وانتي درتي الباهي ربي يوسعلك بالك

[ميمونة]

ام وسونه والله الثوم غالب ربي يهديها تمــــــــــــــــوره اشبح قداش تخليها ههههههههههههههه

[عيون زوجي]

الله غالب
حسبي الله ونعم الوكيل
لو كان خاطر في بالي 1% انه ممكن نعيد في حوشي لكنت تقبلت بس العيد في حوش العيله امر مسلم به وواجب
بس راجلي حكالي شن يهدرز مع امه ومن بين السطور فهمت انه عمتي مش فارقه معاها المهم حد يخدمها ويضم الحوسه
اما حكايه اللمه وجو العيله عادي امر ثانوي
قلت العام الجاي كان سخر ربي انجيبلها شغاله زي سلفتي وكل وحدة تخدمها شغالتها ونقعمزوا في الصالون زي اي يوم عادي
دار الله ماعندناش ايديات والا صغيرونات اعمارنا 10 سنين مانعرفوا شي
وهكي كل وحدة ترتاح وبلا عراكات ولا حسبانيه
لما تحسي انك دروك في العيله تقدر تاخده سلفتك توجعك لكن تفوتي الموضوع لانه زيك زيها في الحوش
لكن دورك ومكانك تاخده شغاله مغربيه ويستغنوا اعليك
توجعك وتهدلك حيلك
الله المستعان

[عيون زوجي]

ميمونه عندك اخوات بنات ونساوين خوت والا لا
وربي يهنيك
ام وسونه ارتحتي توا من نفخ الدماغ
نسيت بكري ما سلمتش على ام ناريز وبوسي كيف حالكم يا امورات وجو الخمس وزواية الدهماني
ويارب يرجع النت لسبها ونطمن على حبل الوصل

[عيون زوجي]

نستأدن بنمشي لشارع اول سبتمبر سابقا و17 فبراير حاليا بتدور قفطان عندي عرس بنت خالة زوجي حفلتها يوم 11/11/2011
وبدير سهلرية ليله الحنه ونجمه وحاله وتعب مادي على روسنا واحنا كيف طالعين من العيد السعيد
دلوني وين نمشي ونلاقي بضاعه حلوة

[ميراس]

سلامات عالحلوات كلهم اول اخيرا سمعنا قصتك ياعيون ومش حرقتلي دمي حسها اسمعي ماتخديش كلام ام وسونة فوتيها بالطويل لانها وحدة مغرورة وانك انت طيحتي عليها روحك وهي مش من النوعية اللي تتنازل فوتيها بس هالتاعبة وهي توا تجيك وكما هدا بالناقص شيابينك امشيلهم زي قبل وهي بالعكس ديريلها اللي يكسرلها رقبتها وغييضيها ياتمورة حي عليك حي قلبتي علينا المنتدي اسمعي شن بنديرلك بنمش انحطلك عارفة احنا انقولوله برشني او فحل او عتوت او جدي شارف عارفينه بناويت هداكه اللي تشمي صنته من 10 كيلو ياعععععععععععععععععععععععععع ونوريك صنة التوم يافولة عارفة شن سر جية المصرية ليك ياغبية هم ايموتوا في البصل والتوم الني يامتومة خلها تسحن كبدك ليبيا قلبي ماعندك حق والله انت في القلب وديما نسالو عليك لكن هاليومين لاهيين ام وسونة وعيون وبعدين انا اصبحت شخص مسئول وعندي مسئوليات انتابع فيها والكيب عابي عليا هدا بيش مرات ننسي قوليلي شن صار في عمك جيبيلي عليه معلومات مرات نقدر انطلع هولك بجديات هو وين محبوس

[ميراس]

شوفي الترسانة فيه حاجات حلوة وغوط الشعال حتي هو واقل في السعر من 17فبراير

[MALAK2010]

ادخلوا شاركونا فى مسابقه لبس العيد للاطفال

http://forum.hwaml.com/t81043.html#post1621953

[ميمونة]

عيون احنا 3 بنات وانا الكبيره فيهم انا 85 واختي الاصغر 88 وبعدها 90

اما الشباب عندي 2 واحد مواليد81 مش متزوج مع انه حوشه واتي بس مازال ربي ماسخرش والتاني مواليد 92 حتي هو واتي حوشه بس هدا مازال يامن عاش

[ميمونة]

ميراس شن الجو

عيــــــــــــــــــون انشاءالله تحصلي اللي في خاطرك

[ميراس]

الحمد لله شن اخبارك انت وين ام قصي ماعليهاش اخبار

[أم أجنادين 80]

مساء الخير
نلقي علي من نهدرز مكــــــــــسدة بروحي وراجلي طالع
خاطري نفضفض حتي انا
شكله يوـــــــــــــم التفضفيض هههههه

[أم أجنادين 80]

عــــــيون سلفتك عقلها صغير سامحيني في الكلمة
بعدين شن ناقصكم انتم اديروا حوستكم بروحكم وحتي لو جبتوا خدامه لو تبي ادير روحها فالحة عندها ايديات وتوري فلاحتها ..
مش مهم من جايبها مدام دافعة زيها اديرلك بطنك حتي انت ,,,
انتي طيبة كان هدا فهمتي خطتها من الأول
لكن خوديها نصيحة مني كبري عقلك والنوعية هذه ماتبيش غير انك
اطنشيها هداكا وين تزيد تنقهر لما تلقاك مش معبرتها وفي نفس الوقت
ماتشدش عليك كلمة مش كويسه ,,,,
ههههه ضحكتيني شن دخل الدكتوراه ولا الماجستير في موضوعكم
أحسن شي فوتيها ومتعامليهاش بالمثل وديري يلي في راسك
وعيدي بروحك في حوشك وعمك وعمتك ماتقصريش معاهم حتي لو غلطوا فيك ,,
باش تقعد الحشمه في وجهها ,,

[ميراس]

حتي هكي انقول طنشيها وتوا تشوفيها هالدكتورة بعدين تولي مساحة كنادر انا منحبش هكي واحد يقعد يتمهتك بشهادته وانا وانا تمشي تروح هادي المفروض قرت فى اسلوب المعاملة والاحترام قبل بيش تعرف كيف اتعامل الناس باحترام بعدين تلقيها في حوش اماليها دايرينها تغسل كان في البطون هدا باش غايظة كان عالبطن معليشي القت علمن تدلل اشكالها هلبا هادي

[أم أجنادين 80]

انا مضايقة يابنات في هلبة مواقف بدت تصير معاي معجبتنيش
نبي ناخد رايكم بصفتكم طرف محايد مرات انا نطلع متحسسه ولا حتي غالطة
فيدوني بخبرتكم,,
خلي نبدأ وأنا تقول عليا بنعطي محاضرة جو مقدمات هههههههه
المهم انتم عارفين ليا سنه وشهرين متزوجه والي بعد العيد الصغير
مادخلتش لفرح بكل بكل من اول ماتزوجت المهم زوجي كان قريبه متوفي
وكان ليه شهر وانا عندي بيان بنت عمتي شاورت عمتي انحني ولا لا للعلم اني
من الأزمة معادش حنيت لما بدت الأحداث كان ليا 5 شهور متزوجة ,,,
قالتلي توا هوا كيف متوفي وماسكرت ال 40 استني شوي
قلت باهي رغم ان زوجي قالي حني عادي رجاله مايفهموش في عمايلنا النسون ,,,,,,
مصارش من بيان بنت عمتي ونسيت قصة الحنه hwaml15
في 27/10 عرس بنيه صاحبتي واخدها قريب زوجي مش قريبه هلبة بس يحملوا
نفس اللقب وانا خاطري في عرس عزمتني وقررت نحني ونمشيلها ليلة الحنه والزفة
وهيا فرحة بيا البنيه وقالت انت اول مره تخشي بندرجوك الحق استقبلتني وحطتني في عيونها
بعد ماروحت قالي راجلي امي قالت المفروض تمشي حتي لحوش العريس توا يقولوا مشت لهديكا
واحنا ماجتناش وهما اصلا اهل العريس ماعزموش عزومة رسمية ,,,
وعمتي وحماواتي مش ماشيات علي خاطر قريبهم المتوفي ,,
راجلي قال لامه ماتقدرش تمشي بروحها تمشي وحده منكم معاها
المهم يوم الزفة كلمتني حماتي قالت امي تبيك تمشي بما انك رجلك خدت عالمشي
قلتلها بروحي مانقدرش بعدين انا بنمشي للبنت وامتا بنلحق مشيت لصاحبتي وروحت بعدها
مشيت لحوش عمي قالتلي عمتي خيرك مامشيتيش لحوش العريس قلتلها بروحي مانقدرش
انا برانيه ووين حتي بيعرفوني قالت خشي عرفي بروحك وخيرك هديكا مشيتيلها بروحك
بالله عليكم مش المفروض هما يمشوا معاي لاني اول مره بنخش لعرس في ناسهم
وحسيت لو مشيت فيها تنقيص لقيمتي ناس مش عازمين نمشي عروسه نخش عليهم
ومفيش من يعرف بيا هديكا البنيه صاحبتي وبالتلفون تكلم فيا وين وصلتي واستقبلتني في الباب,,
ومن قبل انا زوجي اتفقنا مانمشيش الا للخالات والعمات والعمام من ناحيتي وناحيتهم
باش مايزعل حد اهوا توا صارفيها الزعل علي خاطر مشيت لصاحبتي ,,
والله مانبي نزعل حد مني لا عمتي ولا حد ,,
قولولي هل المفروض نمشي لاي حد لقبه زي لقب زوجي مع العلم اني ساكنه بعيد علي
حوش عمي ومش في جهة اقاربه وهل المفروض نمشي وين تمشي عزوزتي ,,
لو عزوزتي بتلوم عليا حتي امي بتلوم عليا خيرك مشيتي غاديكا وفي ناسنا ماتمشيش
قلت من اخرها نمشي للعيله المقربة بس والباقي صاحباتي وعلاقاتي الخاصة
هذا الموقف الثاني
اول يوم العيد بعد ماكملنا حوستنا طبعا معيده عند حوش عمي
بنطلعوا نعيدوا علي اقارب راجلي ,,
قالوا بنمشوا لجارتنا ويلي هيا عمت ولاد عمت راجلي مرآه كبيرة وعندها ولد واحد
مشيت معاهم ورفعنالها عصبان ومشروب وغيره ,,,
بعد سلمنا وقعمزنا مدتلي 5 دينار باعتبار اول مرة نخش حوشها قعدت
نقول علاش وصحيتي " مش مقاتنعه بالأسبار اول مرة نخش واول مرة ومش عارفة شنو "
قالت عمتي للعزوز علاش ومفيش داعي شن جايبتهولك هيا hwaml4
انا كذبت وذاني الصراحه بلعتها وقعدت ساكته ولا كأنه صارت حاجة
نبي راي صريح منكم انا طبيعتي هاديه وراجلي احرف مني وانا زي النعجه حاشاكم
لانهش ولا انش حتي ردان الدوه مانعرفش ,,
كيف نتعامل مع عزوزتي في مواقف زي هذه هل نسكت ولا نرد عليها
ولاشــــــــــــــــــــــــــــــني ,,

[ميراس]

بناويت شن تفسير قص الشعر بالحلم

[ميراس]

ام اجنادين عادي مادوريهاش ديمة العزايز عندهم اللقطات هادي اما بالنسبة للمشي فنقولك حاجة انت ملزمة تمشي لاقاربه وهدا مش معناه كان ماخلوكش تمش لناسك معناه تقطعي ناسه هو لا لان في عرسك اكيد الناس جوكم بكناينهم وطبيعي انت بتمشي زيهم وانسي كان هم مش راضيين انك تمشي لناسك عادي فزوجك من حقه شرعيا يمنعك حتي عن حوش اهلك باهي وامك الصراحة مش من حقها تطلب منك انك تواصلي اقربكم زي ماتواصلي اقرب راجلك باهي ومدام عزوزتك ماتقدرش تواصل توا عادي بري في مكانها لانك انت تمتليها اكتر من بناويتها

[أم أجنادين 80]

ياميراس اكيد بنمشي لعماته وعمامه وخالاته وخواله لكن بنمشي لكل حد لقبه زي زوجي
مش هلبه هكي اهل زوجي يمشوا ويواصلوا هلبه هلبه هلبه ,,,
وبعدين المفروض عمتي تقولي انا علي طول مفيش داعي تكلم ولدها هذه مواضيع تخص النساء وامي لتوا ماتكلمتش مش بالنوعيه يلي ادور انا نتفادي انه يصير كلام فهمتيني ,,
يلا احنا الصغار بنتحملوا وبنسايروا الناس الكبيرة وفي هلبه امور مانفهمش فيها
بحكم اني البنت الوحيدة لأهلي وماعنديش خبره في الحاجات هذه .

[ام وسونة]

من رايي انه مازااااااااااال ماشوفتي شئ من العزايز

لدرجة من نعجة حتولي اسد ههههههههه يعني

حتنشطي لوحدك ....وبالنسبة للمواصلة هده

حاجة تتعلق بيك وبراجلك اني عزيزتي ماتفرضش

عليا شئ تقولي عالمناسبة كانا نبي نمشي نقوللها اوكي كهندا نقوللها لا

تصدقوا اني مانمشيش لحوش العيلة الا مرررررررررة

بعد وين لانه القيته هكي احسن يوم نمشيلها بتحطني على راسها

بعكس ماكنت نمشي اول ماتجوزت كل يوم كل يوم

لين بردت وعاد بدت غيرة الحموات بعدها راجلي قالي

معاش في مشي الا لملا تبي انتي تمشي وشوية بس

[ام وسونة]

وخيه ميراس ماليش في تفسير الاحلام سوري

[ام وسونة]

شن رائيكم روووووووووووووووووعة

http://www.sweet-ladies.net/var/resizes/MakeUp/Arabic%20makeup%202.jpg?m=1310720140

[أم أجنادين 80]

روعه يهبل ياام وسونه
حتي انا عمتي الحق والله ماتفرض عليا وحماواتي ينحطوا عالجرح يبرا
لكن لما نقول مانبيش نمشي نحس فيه تزعل مني وانا منبيش تاخد علي خاطرها مني
معادش عرفت شن ندير

[ام وسونة]

http://forum.hwaml.com/imgcache2/hwaml.com_1320778162_351.jpg

http://forum.hwaml.com/imgcache2/hwaml.com_1320778162_352.jpg

http://forum.hwaml.com/imgcache2/hwaml.com_1320778162_871.jpg

http://forum.hwaml.com/imgcache2/hwaml.com_1320778163_180.jpg

[بيلاسان]

السلام عليكم ورحمة الله وبركاته ... انا بيلاسان من طرابلس متزوجة ليا تسع شهور كنت حامل في الشهر السابع وصارتلي ولدة مبكرة والبيبي قعد 12يوم وتوفي وانا الان في اليوم38 من فترة النفاس ونزل عليا افرازات بنية اللون مع دم خفيف مع ان الدم انقطع في اليوم العشرون هل هدي دورة او بقاي نفاس وفي اللي قولي ان هدي علامات حمل بلله عليكم افيدوني

[ام وسونة]

http://forum.hwaml.com/imgcache2/hwaml.com_1320778338_420.jpg

http://forum.hwaml.com/imgcache2/hwaml.com_1320778338_219.jpg

[ام وسونة]

وخيه ام اجنادين افضل شئ انك تحكي معاهم وتفهميهم وجهة نظرك

[ام وسونة]

هدا مصير الزوجات الليبيات

http://forum.hwaml.com/imgcache2/hwaml.com_1320780268_541.jpg

[أم أجنادين 80]

ههههههههههههههههههههههههه
هههههههههههههههههههههههههههههههههه
يعطيهالك ياأم وسونه والله فعلا حياته هدا كان قعدلها حياة

[أم مُحمد]

السلام عليكم كلكم بدون استثناء
عيون والله ماشالله عليك بقوة تحملك ودرتى الزينه وهى تبيك تخدمى بروحك ليش زيك زيها وهى مريضه وغايرة منك اكيد فى حاجه قاهرتها منك
وانت هكى قهرتيها وبعدها شن دخل الشهادات وبصراحه العيد صاح تعب بس الجو امتاعه مش سمح الاوانتى اتحوسي وتسابقى في الوقت عشان اتمى ابسرعه وحاجتك اتجى سمحه
ليبيااااااااااا قلبي والله فقدتك بس سامحينا كل وحده لاهيه وانت طيوبه سامحى وشن شن صار معا عمك طلع والله مازال
تمر حنه وين الثوم مره وحده انتى العاقله حبوبه حطى ورده حطى معطر جو معش اقدرت انخش من الوحم راعى انه فى حوامل طبى الطريق خيرلك عشان حتى انتى توا يجيك وحم بعدها انردوه كله الجو هضا ايوة خليك احنينه وحوليه توا خشيت وسكرت خشمى
ام وسونه الله يربحك صفر حطى لكن خواتم فكينا بعدها ايسهفنى خاتم تبقي ليله هههههه
ميمونه شن اخبارك نحساب عندكم شهيد لان ايقولو الحج السنه لى اهالى الشهداء

[أم مُحمد]

اهلين بيلاسان ربي ايعوضك حبيبه لكن ابصراحه ماعنديش خبره توا يجاوبوك باقى البناويت

[أم أجنادين 80]

أنا زعلت ام محمد ماردتيش عليا واعطيتيني رايك ونصيحتك

[ام وسونة]

والله ياوخيه بيلسان ماعندي معلومة بس اللي نعرفه

ان بعد الاربعين تنزل عليك الدورة ومرات هده هي

بس عندي ملاحظة ياريت معاش تكتبي بالابيض

[hatoo]

اهلين بيلسان وان شاء الله ربي يعوضك عن قريب وبالنسبه للدم عادي هادي دم النفاس يقعد ينزل هك لعند الاربعين او بعد وممكن تكون هدي دوره الاربعين انتي لو شاكه انك حامل استني اسبوع وديري تحليل وان شاء الله خير

[ميراس]

انا طبعا مش حانرد عليك لاني اساسا نشوف بالنضارة وكاتبتيلي بالابيض زدتي طميتيها مرة وحدة بس انقولك انستينا وخلاص وانشالله البنات اللي نضرهم خارق يجاوبوك ام وسونة شني هدا هبلتينا بعمايلك علي فكرة انا عندي خبرة كويسة عالمكياج والتسريحات وايضا خواتي فاتحات مزين في البيت واللي عندها اي مناسبة تتفضل عندي

[hatoo]

واهلين ام اجنادين بالنسبه للمشيه هذي امشي وخلاص منها متزعليش عمتك وراجلك يفرح بيك ومنهاتحضري زفه صحبتك وتغيري جو

[ام وسونة]

o اللهم لا تكسر لي ظهرا o
o ولا تصعب لـي حاجة o
o ولا تعظم علي امرا o
o اللهم لا تحني لي قامة o
o ولاتكشف لي سترا o
... O ولاتفضح لي سرا o
o اللهم ان عصيتك جهرا فأغفرلي o
o وان عصيتك سرا فأسترني o
o اللهم لا تجعل ابتلائي في جسدي ولا في مالي ولا في أهلي o
o اللهم لا تمكن مني حاسد o
o ولاتفرح بسقوطي أعدائي o
o اللهم أغنني بحلالك عن حرامك وبخشيتك عن عصيانك o
o اللهم أن ضاقت على الأرض بما رحبت فأغثني برحمتك o
o اللهم أني رفعت لك يدي أدعو بحاجة o
... فلا ترد يدي يــــــارب ...
امين ياررررررررررررب

[hatoo]

بالنسبه للخط الابيض

[hatoo]

بالنسبة للخط الابيض ضللوا عليه توا تبان الكتابه

[ام وسونة]

ههههههههه ياميراس والله قولت خلي نغيرلكم جوكم

تعرفي اني نموت في حاجة اسمها ماكياج حتى في المناسبات

ندير في كل شئ بروحي والله مانحكيلك هههههههه

خلاص امالا لازم نجرب مكياجك وتسريحات مانحبهمش

[ام وسونة]

ياوخيه هاتو نعرف طريقة التضليل على الخط الابيض

لكن المشكلة اني نحسابها نزلت مشاركة من غير كتيبه

استغربت لكن لما قريت رد وخيتنا ام محمد عرفت انها

كاتبه رد فرجعت ركزت هههههههههه

[ميراس]

شكرا ياهاتو في الاخير طلعنا فيها اغبياء باهي علاش من الاول ماكانتش ملونة وخلاص

[ميراس]

هادي اخرتها هادي اخرتها ياشيخة ام وسونة بعد اللي خلوطيه من الكسكسي للعصبان للروايح والاكسسوارات للمكياج خشيتي عالدين انت عندك الملايين من المواضيع الي الامام الي الامام تورة تورة تورة علي البصل والتوم

[ميراس]

ربي يبعد عنك الأشرار .. ويجعل لك في كل خطوة دينار
ويفكك من أولاد ا لحرام .. اللي لا يناموا ولا يخلوا من ينام
لا محتال ولا نصاب .. ولا حشاش ولا خناب
ويجعل أعمالك كلها حسنات .. ويكفيك شر المغربيات
تمشي للسوق ما تخاف .. وتاكل من المطعم ما تعاف
ويحف** من كل الشرور .. ويكفيك شر عصابة المرور
وما يجعلك مغرور .. ولا في الشوكات تدور
ويكون لك دايما في العون .. وما يقطعلك التليفون
ولا ينقطع عليك ضي ولامية .. ولا يجبر عليك وليد ولا بنية
وينجحوا عيالك في الثانوية .. بلا غش ولا دروس خصوصية
ويجعل لك الناس حبايب .. ويكفيك شر عصابة الضرايب
ولا يجعل عيالك محرومين .. ولاصياع ولا مساجين
ويسهلهم التعيين …ويخلصوا قبل شهر ويومين
و ينجيك من اللقاقة .. والحسدية والّسّراقة
لا يطيحك طيحة البلدية .. ولا يحرمك من قهوة العشية والعصرية
ويجعل أصحابك كلهم بخير .. ولايوقعك في المجاري والحفير
ويحميك من المحاكم والمعارك .. وكل متقصد وظالم وجمارك
يارب يارحيم يارحمان .. يخلصك من شرالجيران
وينور طريقك بالبركات .. ويكفيك شر الحفر والمطبات
ويكتر في جيوبك القريشات .. ولا يجيبيك للعيادات
ويرد عنك العبيد والمغربيات .. والشلوشة والسحارات
ولا يحرمك من دبش العيد .. ولا من العصيدة والقديد

[ام وسونة]

صورة مدهشة جدا جدا ..

1- افتح الصورة وركز على النقطه الحمراء الموجوده على أنف المرأه لمدة 30 ثانية على الاقل

2- ابعد عينيك عن الصورة وانظر باتجاه اي حائط / سقف .. وارمش واستمر ..


3- حتشوف الصورة الأصليه بالالوان

http://forum.hwaml.com/imgcache2/hwaml.com_1320793058_574.jpg

[ام وسونة]

هده لاحلى وخيات اللي من احلى بلاد

لــــــــــيـــــــــبــــــــــيــــــــــا

http://forum.hwaml.com/imgcache2/hwaml.com_1320793264_838.jpg

[ميراس]

شن هالدوق ياصاحبة الدوق الرفيع

[ام وسونة]

هده وسونة في تونس

http://forum.hwaml.com/imgcache2/hwaml.com_1320793797_169.jpg

http://forum.hwaml.com/imgcache2/hwaml.com_1320793797_909.jpg

[hatoo]

اختي عيون زوجي سلفتك ان شاء الله ربي يهديها انتي سكري عليها بكل وان شاء الله تعقل وتعرف غلطها وهل دارك متقصريش معاهم خليك في الاوصول وان شاء الله ربي يصلح الحال

[ام وسونة]

هده باقة خاصة لوخيتي وحبيبة قلبي ميراس

وياريت ياوخياتي من غير زعل ههههههه

http://forum.hwaml.com/imgcache2/hwaml.com_1320794034_240.jpg

[ميراس]

السلام عليكم ورحمة الله وبركاته
العيد السنة هادي ليها نكهة جديدة إن شاء الله أعلاش لعدة أسباب كل أخت إتخش لموضوعي إتحط سبب يختلف عن التانية الاسباب هلبة ما شاء الله لين تحيروا المهم أني وأعوذ بالله من كلمة أني سر النكهة إني مش رايح نسمع اغنية كل عام وإنت بخير يا قايد ثورتنا يا بابنا الكبير يا حلم عروبتنا ((صح هكي الاغنية )) كنا إنشوفوا في الهلال وإنقولوا لا مش عيد نسمعوا الاغنية هادي خلااااااااااص ثبتت الرؤية
المهم حبيت من خلال طرحي لهذا الموضوع نحكيلكم علي طريقتي في تنظيف (( الدوارة )) أهم حاجة وتعتبر نقطة اساسية لازم الدوارة تكون سخونة بمعنى اول ما يطلعوها على طول ديري شغلك في الاول طبعاً تتنظف من الفضلات كوييييييس وبعدين إنحطوها في اميه سخونة لمدة 10 دقايق وبعدين إنطلعوا المعدة بعد ما نحطوها في الكسكاس باش تنزل أميتها ناخدوا موس و نبدوا بسم الله طبعاً الطبقة اللي في المعدة بالطريقة هادي تزال بسهوووووووووووووووولة وبعدين إنتي وشني تبي تستعملي لإزالة الرائحة أني نستعمل في الخل
المهم بالنسبة للمصاريين إنظفهم بالمية وبعدين إنحط فيهم شب مدقوق مش ناعم حبوب تعرفوا والله ما تقعد فيهم حتى حاجة بدليل لما تقلبهم باش ......... ما نلقاش حتى حاجة كل المادة المخاطية تنزل مع الشب يعدين مصمصيهم و صبي عليهم شوية خل وخليهم يتنقعوا شوية وشوفي النظافة علي أصولها بياض ناصع ولا بياض كلوركس جربوا الطريقة و مش راح تندموا بالعكس رايح تدعولي لانها ساااااااااااااااااااااااهلة وما فيهاش تعب بكل
وكل عام وإنتم بخير و صحة وسلامة

[ميراس]

بسم الله
200 جرام = 1.5 كوب
75 جرام = 0.25 كوب يعني ربع الكوب
20 جرام = 2 ملاعق كبيره
375 جرام = 2 أكواب ونصف الكوب
275 جرام = كوب وملعقتين
250 جرام = كوب واحد أو 16 ملاعق كبيره
125 جرام = نصف الكوب أو 8 ملاعق كبيره
12.5 جرام = ربع الكوب
18.500 جرام = ثلاث أرباع الكوب
83 جرام = ثلث الكوب
166 جرام = ثلثين الكوب
ملاحظه حبوبات : كوب الماء الطويل = 150 جرام
1.5 كوب الماء الطويل = 250 جرام
وعندي بعض المقادير بالملاعق
150 جرام = 9.5 ملاعق كبيره
75 جرام = 4.5 ملاعق كبيره
357 = 24ملاعق كبيره

[ميراس]

للحصول على مرق دجاج او لحم صحى بعد سلقهم ضعيهم فى الثلاجه وبعد ساعتين تحصلى على طبقه سمن من اعلى المرق يمكن ان تزيليها نهائى وهكدا تحصلى على مرق صحى تماما وقليل الدسم انا معتمده الطريقه دى من فتره طويله

[ميراس]

" اشرب الماء وأنت أمام الكمبيوتر أو عند أستخدامك الجوال "


شعار لابد أن نرفعه لحماية أنفسنا من مخاطر الأجهزة الإلكترونية ...

حيث توصلت دراسة طبية حديثة أجراها مستشار الصحة العامة والطب الوقائي بوزراة الصحة المصرية إلى أن تناول
لترين من الماء يومياً يساعد على تجنب الإصابة من مخاطر الأجهزة الإلكترونية ...

و كشفت الدراسة أن استخدام الأجهزةالإلكترونية كالكمبيوتر و الميكرويف و الهاتف الجوال و التعرض لها لفترات طويلة
يتسبب في العديد من المخاطر أقلها إصابة مستخدمها بالإجهاد العقلي و الذهني

* فضلاًعن أن الإشعاعات الصادرة

عنها قد تؤثر على الدم ، و تؤدي مع طول وقت التعرض لها إلى الإصابة بالأنيميا و عتامة العين و العقم .

و قد يصل الأمر إلى حد الإصابة بالأورام السرطانية ...


و حذرت الدراسة من أن الأطفال و الشباب أكثر عرضة للإصابة بهذه المخاطرمما قد يؤثر على نموهم* و نصحت بألا يزيد

عدد ساعات التعرض للكمبيوتر عن ساعتين يومياً ..

[ام وسونة]

توا شن خطر عليك ياميراس تتدريه الكبد في هالليل

حراااااااااااااام عليك توا اني قداش ليا نغير في الاجواء

بالصور الحلوة اخرتها باقات ورد تخشي انتي وتفسدي

ريحة المنتدى مش سادنا ثومة تمر حنة يبس ريقها

وريقك بري هي

هههههههههههههههههههههههههههههههههههههه

[ميراس]

نصائح عامة....

** دوما اغسلي يديك قبل التعامل مع الطعام اغسلي جميع الخضراوات النيئة و الفواكه لإزالة الأوساخ و المواد الكيميائية و المبيدات الحشرية

*اغسلي الدجاج الغير مطبوخ و السمك و اللحوم تحت الماء البارد .

** إضافة قليل (بعض ذرات) من السكر إلى الحساء يكسبه مذاقاً مميزاً خاصة إذا كان ضمن مكوناته الطماطم.

* إذا كنت ممن يعانين ارتفاع ضغط الدم فاعتادي على طهي الطعام دون إضافة الملح واستخدامه أثناء تناول الطعام لأن هذا من شأنه التحكم في ضبط كمية الملح واستخدام قدر قليل منه.

* استخدام خل التفاح- إضافه إلى إكسابه طعماً محبباً ومميزاً للأطعمة- يساعد على إذابة الدهون وسرعة هضمها واحترراقها داخل الجسم


الخضار و الفواكه:

**استعملي لوح التقطيع عندما ستقطعين الخضار و الفواكه و لا تقطعيهم و هم في يديك! و كوني متأكدة من القطع في اتجاه بعيد عنك و عن أصابعك.

الأجبــــان :

** لم نعد نصنع الأجبان بل نشتريها جاهزه من السوق أهم شئ يجب التاكد من التاريخ وان تكون موضوعة في واجهة مبردة ضمن الحرارة القانونية وإلا سوف تتدهور حالتها من لون الإصفرار و ظهور العفن و الطعم الحامض .

الـــدهــون :

** من الأخطاء الشائعة استخدام خليط من الدهون (السمن البلدي) مع الزيوت النباتية، والأصح استخدام أي منهما منفرداً والأفضل استخدام الزيت بدلاً من السمن.

* تكرار تسخين الزيت إلى درجة الغليان يغير من صفاته ويجعله يمثل خطورة على صحة الإنسان.

* من الأخطاء الشائعة ايضاً استخدام زيت القلي في اصناف الطعام الأخرى إذ يتكرر التسخين. والصحيح أن الزيت عند تسخينه تتغير ذراته ويفضل التخلص منها بدلاً من كمية كبيرة ، وإعادة القلي او التحمير بها حيث يشكل تكرار استخدامه في درجة لغليان (قدرالزيت) خطورة على صحة الإنسان)( حيث يؤدي إلى تكون خلايا خبيثة بين الأنسجة ومن ثم ظهور الأورام).



اللحـــوم :

**اللحوم والخضروات التي تؤكل مسلوقة يجب أن يتم سلقها في كمية قليلة من المياه.

*إضافة قليل (بعض ذرات) من السكر إلى الحساء يكسبه مذاقاً مميزاً خاصة إذا كان ضمن مكوناته الطماطم.

* إذا اضطررت- نزولاً على رغبة أفراد الأسرة- إلى إعداد أصناف اللحوم فيجب مراعاة الآتي:

* استخدام اللحوم او الطيور الصغيرة (مثل لبتلو).

* ضعي قطرات من الخل على اللحوم قبل طهيها لانه يعمل على تفتيت خلايا اللحوم.

* استعملي زيت الزيتون أو الذرة فهو من أخف الزيوت ولا تترك رائحة عند التحمير.

* ضعي قليلاً من البكربونات الصودا أو (البيكنج بودر) على البقسماط المضاف إليه الدقيق قبل التحمير مباشرة.

* لتقليل نسبة الدهون والوقاية من الكوليسترول تخلصي من الدهون الموجودة بين أنسجة اللحوم وغلاف الطيور، لا تلجئي إلى غمس قطعة اللحم الأبيض قبل تغطيتها بالدقيق والبقسماط لأن ذلك من زيارة كمية البيض بما يحويه من نسبة عالية من الكوليسترول.



ماذا تفعلي عند احتراق القدور...

_ استخدمي الماء والملح ..على القدر المحترق واتركيه لمدة خمس دقائق..ثم اغسليه

اسهل طريقة لازالة الصدأ من القدور او الصواني ..استخدمي البطاطس التالفة ثم اغسلي القدربالماء والصابون

اذا احببتي تجنب التصاق الاكل بالصينيه اوالقدور..عليك وضع الملح عليها ثم اغسلها كالمعتاد

ان وضع الزيت على الصينيه حتى ولو كان القليل منه .. يسبب ظهور الصد أ السريع لها ..فتجنبي ذلك.

للقدور التيفال ...ضعي ملح وخل وامسحه بهما ..فهو اسرع طريقة لازالة الاحتراق منها...

وممكن ايضاً استخدام الليمون والملح ثم ازيليه بفوطة مبلولة ونشفيها جيداً وضعي زيت الليمون .



احد الطرق السهلة لتنطيف القدور المحترقة....واتبعي مايلي:

*خذي قدر اكبر من القدر المتسخ ..وضعيها داخل بعضهما البعض .

*ضعي ملعقتين بكنج صودا في ماء ساخن..واتركيها حتى تبدأ تخف درجة الاتساخ .

*ضعي ماء عليه واستخدمي الليفة وينظف بالماء والصابون

[ميراس]

هههههههههههههههههههههههههههههههههههههههههيعطيهالك وخلاص والله الا كسدت قعدت ناخد وننقلكم من المواقع التانية تبري بالك بعد تروحي تدبحي علوش بروحك وتحصلي فيه ماتقدريش تنضفيه يعطيهالك وخلاص الحوش كلهم راقدين وخليتيني نضحك برحي زي المجنونة باعلي صوت

[ام وسونة]

معاكم ست البيت الممتازة ميراااااااااااااااااااااااس

اي سؤال تفضلوا اخواننا المشاهدين وياريت ماتعطلوش

ههههههههههههههههههه لانها مش فاضية عندها عشر

بطون تستنى فيها ههههههههههه

هده ميرااااااااااااااااس

http://forum.hwaml.com/imgcache2/hwaml.com_1320795104_138.jpg

http://forum.hwaml.com/imgcache2/hwaml.com_1320795104_421.gif

[ميراس]

يعطيهالك وخلاص قالوا التوانسة ماعندي مانقولك

[ميراس]

وين تحصلي فيهم يادعوة هالصور تعرفي انا غبية راهو مانعرفش كيف انحطهم الصور من موقع للموقع

[ميراس]

هاي بالك اعطيني دروس باش حتي انا نجيب صور حلوات زيك

[ميراس]

الوووووووووووووووووووووووووووووووووووووووووووووووو وووووووووو

[ام وسونة]

هده صورة طاااااااااااااااااااازة عجبتني ونزلتهالكم

مانتسفهش اني بروحي هههههههههههههههه

http://forum.hwaml.com/imgcache2/hwaml.com_1320795413_474.jpg

[ميراس]

اشبح علاش ناويتيلي وين تفركسي شن بتجيبي المرة هادي

[ام وسونة]

هههههههههههههههه هدا سر المهنة

هدا القوقل واخد مجراه خشي عالقوقل واكتبي علي تبيه

اختاري الصورة واضغطي عليها خودي عنوانها ونزليها

في صندوق الرد تلقي في اعلى الصندوق عاليسار التانية

وحطي العنوان غادي تطلع الصورة

[hatoo]

نصايح مفيده ياميراس انا نسختهم وحفظتهم يعطيك الصحه علي النقل, عليش تسهفي فينا ياام وسونه علي الليل مش ناقصين احنا سمن

[ميراس]

ا في قاطع طريق جاي بيستولي عالنت نتلاقوا بكري ماشي ماتنسيش تعطيني دروس

[hatoo]

ربي يخليلك وسونه ماشاء الله عليها

[hatoo]

حاشاكم من الغباء ياميراس

[ام وسونة]

ويــــــــــــــــــــــــــــــــــــنـــــــــــ ــــــــــــــــــــــــــك

ياميراااااااااااااااااااااااااااااااس

[ليبياقلبي]

اول شي وخيتي عيون بما انك حتى بعد ماحرجت مكتبنيش لانشدتي بس قصتك وجعتني الحق وفي الاول والاخير انت طلعتي بنت ناس وعاملتها بطريقة كويسة تو ترجع بروحها وتعرف غلطها انت شن علافتك بيها قبل عادية ولا من فوق لفوق
ام اجنادين انت طبعك زي مهما نشوف منلطيش بس الحق راجلي ياخد بحقي وياما بتشوفي لين تدرهي

[ليبياقلبي]

ام محمد مازال مطلعيش فات علينا عيد نكد
وتمورة والله اسفة مانعلم بيك استغربت فيك لانا انت وميمونة ويقين وام محمد ديما تسالوا عليا الحق ولي قالوا انسينا المسوة كان لييبيا قلبي واللهو بس نعرفه علا الكل

[ليبياقلبي]

يقين شن الجو
انا الحق العيد هدا كستد ونكد قبل اهل راجلي نديروا في جو بورديم وعصبان وشواء العيد هدا بنتي مركدتنيش لين بدلت ونزلت لقيت حماتي خاشة بتغسل البطون خشيت معاها غسلت وسلقتي قعدت تفرض في افاد القلاية والعصبان وحشيتته بعدها قطعنا لحمنا وشوينا شوية تحسيهم منكدين وهما الحق شببانه جو حلو وقبل فرهودي
ويعدها كلينا عصبان ومشيت عيدت علا حانهم وروحت حوش اهلي بايتت غادي

[ليبياقلبي]

انا الحق الحمد لله علاقتي معا سلفتي اخت انا وياها نسكنوا قدام بعضنا والله حتى لما سافرت اكتر حد فقدته هي وبابا طبعا لانا اهلي معاي بكينا هلبه نساعدوا فيبض يوم نمرض طيبيلي وانا نفس الشي بس اختي لالا هي وسلفتها

[ليبياقلبي]

http://forum.sedty.com/t173201.html
عمايل ايديا وحياة عينه

[ليبياقلبي]

الموضوع مرات مشا يطلع يبي يفتخ يطلعوا تواني استنوا ويخش عاللموضوع

[ليبياقلبي]

االمقبلات:
كرنب مقللي
سلطة زبادي
سلطة زيتون
سلطة ممشوية
بابا غنوج
الاطباق الجانبية :
شيش طاووق
كباب
اصابع الكنافة
الاطباق الرئسية :
باستا
مقلوبة

يالا رح نبدا بالسلطات:
بابا غنوج(اخدت باذنجان وشويته عالنار الي ان يطلع دخان معناها خلاص شيليه وحطيه في نايلون عشان يسهل تقشيره وبعدها قشيره وخودي فص ثوم واشويه ايضا وبعضها حطي في الخلاط الباذنجان والثوم وشوية ملح وشوية زيت وشوية عصير ليمون وشوية خل)
سلطة زبادي(خيار مقطع قطع صغيرة_ونعناع مفروم _وزبادي بدون نكهة وتتخليطيهم وتحطيهم في متلا طماطم تحفيرها او فللفل حلو تحشيه فيه عشان حلو يبدا في التقديم)
سلطة مشوية_طماطم فلفل حار رؤؤس وفصوص ثوم وتحطيهم اما علا الشواية او الفرن او النار وبعدها يفرموا مع بعض وتحطي عليهم ملح وكروية وشوية زيت لو كانت حارة)
سلطة زيتون(زيتون اسود او اخضر حلقات بطاطا مطبوخة مربعات صغيرة بقدونس مفروم شوية ملح وهريسة ليبية)
كرنب مقلي(تاخدي الزهرة ووتقصيها او تفصيصها الي ان تبدا عندك زهرات صغيرة تطبيخهم في شوية ماء وضيفي شوية كركم عشان ريحته ويقلى بالبيض والبقسماط واحذري عند التلبيسة يجب ان تضغطي جيدا عليها حتى لايقع البقسماط واحذري في القلي من ان نتنفتح

الشيش طاووق(دجاج مربعات وبطاطا مكعبات وزبادي بدون نكهة فلفل اكحل شوية زعتر زنجبيل مطحون جوزة الطيب مطحونة باربيكو واي تتبيلة تبيها انت وخل وعصير ليمون وتخليهم في الثلاجة ليوم واحد)
ويقلى بالبيض والبقسماط
الكباب(لحم مفروم نصف بصلة مفرومة ملح فلفل اكحل تتبيلة المشاوي وفلفل اكحل مفروم يخلط وتوضع مقلاة علا النار وويشكل اللحم متل الاصابع وبوضع في المقلاة بدون زيت ويغطى باحكام لي ان ينضج مع تقيليل النار بعدها خودي فحم واشعيليه وخودي الكباب وحطيه في طاجن رتيبه وحطي قطعة الفحم مشعولة وحطي عليها سمن عشان نكتته تصر كانه مشوي
اصابع الكنافة(دجاج مفروم وبصل مفروم مع تتبيله بالفلفل الاسود وملح وزنجبيل مطحون وجوزة الطيب مطحونة ويتبل حتى يوم بالتلاجة بعدها ضيفي بيضة وبقسماط لي الدجاج
وخودي بطاطا وقصيها متل الاصابع واقليها ولفي عليها الدجاج
واقليها البيض والكنافة بعد تريشها

باستا(لحم مفروم بصل مفرووم زيت ملح فلفل احمر بودرة شوية كركم معجون طماطم وماء الي ان تنضج بعدها اسلقي مكرونة ملونة خاصة لي باستا بعد ماتنضج خلطيها باللحمة واكتري من جبن مبشور
وتقدري تضيفي للحمة بازليا مطبوخة وجزر مطبوخ


هما اكلات انا مديرتهم قبل ببنزلهم امس بس طارتلي منكم غير ام ناريز قلبها ابيض

[تمر حنة]

السلام عليكم ورحمة الله وبركاته

كيف اخباركم اليوم

لـــــــــــيبيـــــــــــــــــــــــا قلبــــــــــــــــــــــــــــــــــــــــي ماشاااااااااااااء الله عليك طباخة فالحة انا دخلت الرابط ودخلت موضوع العزومة عجبوني الاكلات لكن الصور ماتطلعش
كان عندك الصور نزليها هنا في التجمع باش نستفيدوا

[تمر حنة]

ميمونــــــــــــــــــــــــــــــــــــــة كيفك اليوم ... تعرفي آمس جربته السويسرول طلع حلو وسمكه تقريبا زي التوست او اقل شويه ومتماسك حولته من الطاجين بسهولة وجهزتله حشو مفروم مش عادي لكن المشكلة ماقدرتش انلفه كان نلفه يتكسر من الوسط مش عارفة ايش الخلل
تعرفي شن درت ههههههه قصصته مثلثات ودرتهم زي السندويتشات وخلاص وحتى راجلي عجبه
يسلمــــــــــــــــــوا ايديـــــــــــك

[تمر حنة]

عيــــــــــــ زوجـــي ــــــــــــــــون ....... انت حسابك بروحك يادلوعة تعرفي تستاهلي ياريتها جابتلك عصا ههههههه بعدين شن الشغالة اللي تبيها خير ايدياتك محنيات عقابها عيدكم تقيمه مغربية وإلا اشبح شن اصلها لااااااااااااااااا هذا دلع اسمه
سلفتك مش راح نتكلم عليها لانها مش موجودة معانا باش اتدافع على روحها اما انت راح انقولك وجهة نظري
اولا انت تصرفتي صح كونك ما كثرتيش معاها الكلام وماعليتيش صوتك وكنتي عاقلة ورزينة وكذلك تصرفتي صح لما مشيتي عيدتي عليهم الصبح ورجعتي عيدتي على سلفك لانك انت بنت اصول ومحترمة وماخليتيش راجلك في موقف بايخ في العيد
لكن انقولك ماتكبريهاش هي مشكلة بسيطة وعائلية وايضا عابرة و أول ماتتلاقوا ارمي عليها السلام وابدي انتي لانك الصغيرة في العمر كانها فهمت وتواضعت تمام وكان قعدت متغيرة وما هداهاش ربي سيبيها للايام سيورها ترضى وكان مارضتش مش حاجة كبيرة يعني
وهي الدنيا فانية واخرتها موت وفراق لذلك صفي قلبك وماتقوليش إلا الطيبة على خاطر زوجك مش اكثر وتسكير الدماغ والعناد مش حل ومش تصرف زوجة متعلمة وأم عويلة ماتنسيش انك تمثلي نفسك وتمثلي راجلك ايضا قدامهم لذلك وسعي بااااااااااااااااالك

[تمر حنة]

ام اجناديــــــــــــــــــــــــن ماتضايقيش روحك وكانك تبي ترضي كل اللي جنبك مستحييييييييل وراح تتعبي في حياتك لذلك اللي مقتنعة بيه انت وراجلك ديريه واللي ماتقدريش عليه قوليلهم مانقدرش ومانبيش وكان زعلوا المرة الاولى وبعدين يتعودوا ويفهموا طبعك لان هذي عشرة عمر مش عام او اثنين قداش بتجاملي على حساب اعصابك!!
وموقف عزوزتك عادي شن متوقعة منها اديرك فوق راسها ههههههه ماتضايقيش منها وحاولي تكسبي ودها لانها ام زوجك حبيبك وجدة اطفالك ان شاء الله

[تمر حنة]

أم وسونــــــــــــــــــــة ... ماشاء الله عليها بنيتك ربي يحفظها وان شاء الله تخاويها عن قريب
بوسيهالي وقوليلها هذي هدية من خالتك تمورة


http://forum.hwaml.com/imgcache2/hwaml.com_1320822566_481.jpg (http://forum.hwaml.com/imgcache2/hwaml.com_1320822566_481.jpg)

http://forum.hwaml.com/imgcache2/hwaml.com_1320822566_307.jpg (http://forum.hwaml.com/imgcache2/hwaml.com_1320822566_307.jpg)

http://forum.hwaml.com/imgcache2/hwaml.com_1320822566_628.jpg (http://forum.hwaml.com/imgcache2/hwaml.com_1320822566_628.jpg)

.





.




.




.





.



وهذي هدية متواضعة لأم وسونـــــــــــــة حبيبتي الغالية



http://forum.hwaml.com/imgcache2/hwaml.com_1320822566_310.jpg (http://forum.hwaml.com/imgcache2/hwaml.com_1320822566_310.jpg)

[ميمونة]

صباخ الخيرات

تموره صحتين مقدما بس كان نزلتلك الصور توا تفهمي اكثر مادام راجلك عجبه فنجحت هههههههههههه غير بس غيري هالصوره

ام ناريز--تي وينك مادرتيش اضافه في الفيس وشن حالك وحال بنيتك توا ومبارك عليك العيد تسلم ايديكي نفس طريقتي شكله تطيبك

ميراس--شن هالنصائح والارشادات كيف خشيت للقسم انخلغت قلت انا وين خاشه ماشــــــــــــــــــــــــــــاء الله طلعت مواهب بعد سقوط بو شفشوفه

ام وسونه_______ربي يحفظلك بنيتك هالسنفوره وتجيبيلها عزري يلعب معاها العيد الجاي انشاءالله

ام محمد= وينك مغطسه هده نتيجه البازين هههههههههههههه

ايقيــــــــــــــن شن مازال مطول سلفك خشي وهدرزي

ايــــــــــه--كيف حالك وحال صغارك من البرده يارب تمام توا وخشي احكلينا قصتك مع سلفتك

[ميمونة]

هههههههههههههه تموره ضحكتيني سلة بصل هههههههههههههه عالصبح ياام وسونه

[ميمونة]

ام اجنادين عادي مادوريش العزايز ديما هكي الاغلب يغاروا الله غالب

بس من راي ماترديش لانه ينزل من قدر الشخص معليش خوديها باللسان واسكتي وبالنسبه للعرس اسالي راجلك وخودي رايه قوليله ماعزمونيش رسمي شن الحل واللي يقوولك عليه امشي عليه الله غالب هده المراه تتحمل ربي يوسعلك بالك

[تمر حنة]

ميـــــــــــــــــراس مازال شوية وتدخلي ايديك للحاسوب وتضربيني ههههههههههههه
لكن عادي وراك وراك بالبصل والثوم لين خشمك يستسلم ويقدم استقالته من منصبه كخشم

[ميمونة]

وينكم مافيش حد نايض بكريhwaml7

[تمر حنة]

توا نمشي نجهز اموري عندي ضيوف اليوم ربي يسترنا قدامهم

[ميمونة]

تموره خاشه ولا تسلمي وانا نقول من النايض هده كله ماشبحتيني ههههههههههه

ربي يعاونك

[تمر حنة]

اهلين ميمونــــــــــــة كيف حالك انا قعدة ماكملتش حاجاتي والمراة بتجي عالعشاء نمشي انكمل وكانك فاضية تعالي ساعديني انت ماشاء الله فالحة وإلا حتى كسدي بحذاي في المطبخ هدرزي

[ميمونة]

لا عادي انا جايه ماصدقت هههههههههههه

ربي يعاونك خشي بعدين قولي شن حضرتي اوكي

سلام ياثوم

[تمر حنة]

سامحيني لما نزلت المشاركة بتع ميراس فتحتلي صفحة جديدة 1260 مانحسابش فيه من دخل وكتب قبلي حالة النت ضعيف مانشوفش المشاركة إلا لما نغير الصفحة او انزل مشاركة جديدة
عالعموم نراجي فيك راهو ماتعطليش عليك الكفتة والمبطن ورز بلاو

[ميمونة]

من عيوني ياتموره انشاءالله بس يعجبوك

[ميراس]

http://t3.gstatic.com/images?q=tbn:ANd9GcR-XZFoVbbzc6x4Vh_ezBN-B5s82ZXViZpf5CxejSdiACc3CBYoaAwYgJ-aeQ

[ميراس]

http://t1.gstatic.com/images?q=tbn:ANd9GcRGqDz8nUpDFAGUmqKZqEICjAKMJT5zO NfWA_qhYUHzbz6iC2Ik

[ميراس]

http://t3.gstatic.com/images?q=tbn:ANd9GcRkbFHnFKT96xyg-xHlvW511vqMKKyGj0Xrv-2OSN0M8FOIKb9t8w

[ميراس]

http://t2.gstatic.com/images?q=tbn:ANd9GcQgBki9CvxL5TWjF-YVWgHYubkhlNCLfTF2BeOeoNYi0Lv_-rnGRQ

[ميراس]

شن رايك ام محمد اما قصة تبي قعمزي علي القصعة اللي تبيها اسمعي تمورة عارفة شن اديريلهم اليوم الجماعة المصريين رز بالبصلة ويصل محشي وعصير البصل وسلاطة بصل بالتوم ولما تجي بتروح اعطيها بخة من الرائحة البصلية اللي هداهولك راجلك يوم عيد زواجك ةهكي تحرم معاش اتفوت من الشارع اللي تسكني فيه

[ميراس]

http://forum.hwaml.com/imgcache2/hwaml.com_1320827781_847.jpg

[ميراس]

هادي اهديهولها وين تجي طالع

[ميراس]

http://forum.hwaml.com/imgcache2/hwaml.com_1320828155_829.gif

[ميراس]

تمورة حبيبتي بنرضيك اختاري ساعة بنرضيك بيها[/b][/b][/b][/b]

[ميراس]

http://forum.hwaml.com/imgcache2/hwaml.com_1320828377_985.gif

http://forum.hwaml.com/imgcache2/hwaml.com_1320828377_761.gif

http://forum.hwaml.com/imgcache2/hwaml.com_1320828377_376.gif

http://forum.hwaml.com/imgcache2/hwaml.com_1320828377_465.gif

[يقين]

السلام عليكم كيف حالكم اليوم
شكله هالسبوعين اللي ما خشيتش فيهم نسوكم فيا تو نفضالكم بعدين
علي ما اعتقد سلفي بيروح الاسبوع الجاي ان شالله
بعدين لما انجيب فراشي وبطانيتي ونرقدلكم اهني ومعاد يزحزحني واحد

[يقين]

ام وسونه مشالله علي بنيتك تبارك الله سنفوووووووووووره وتبي عضضضضضضضضضضضضه من خدها لان هوايتي عضان الصغار ربي يحفضهالك

[ام وسونة]

معاش صباح الورد اللي البارح منزلاته في المنتدي

بدي صباح البازين والثومة حراااااااام عليكم والله ماعاد

منضفاته المنتدي وانتي ياتمورة حسابك عندي استني عليا

ههههههههه ميراس شكلك حفضتي درسك اللي اعطيتهولك

ماشاءالله شاطرة صابحه من الصبح اشي بازين واشي ساعات

يااااااااعيني

ميمونة كيفك وتسلميلي يارب


وخيه ام ناريز تسلم ايديك

ووخيه تمورة تشوفي زيها وسونة وخير منها يارب

وخيه يقين كيفك واخيرا سلفك بيروح وبتانسينا في المنتدي

والله ليك وحشة

[ام وسونة]

يقين هذه اكيد بنيتك ماشاء الله كبرت ربي يخليهالك

حتي هي خدودها عذاااااااب عضان بصدق حتي اني

نحبها الهواية هذه لين بنتي تعودت وسلمت لامر الواقع

ههههههههههههه

[يقين]

يا بناويت حقه ما قلتلكمش ما صارش من قرايتي والله اضايقت بكل بعدين فتت الجوبالك السنه الجايه انحصل

[ام وسونة]

وخيه ليبيا ممكن سؤال بالنسبة للصورة اللي في المنتدي

التاني متاع الكنتاكي في اول صورة فيها باكو الدقيق

لكن مكتوب عليه فلور يعني بالانجليزي وبصدق اول مرة

نشوفه عندك لان الدقيق ليبي واحني ممنوع علينا

نكتبوا اي شي الا بالعربي

[ام وسونة]

ربي يسخرلك وخيه يقين وكل تاخيره فيها خيرة

[يقين]

ام وسونه ايه كبرت ريتها نسخه تانيه من بوها
ماشناها ههههههههههههههه وبالنسبه للخدود ما نقربش فيهم بكل كان هادا بعدين بوها يضردني من الحوش هههههههههه مع انه كان يعض في صغار خوته واخته الصغيره لكن بنته ما يقدرش

[يقين]

ام وسونه شني قالوا التوم كاتر اهني واني انقول اللاب توب يطلعوا منه روايح مش ولا بد اتريه التوم والبصل يفحفحوا

[ام وسونة]

هههههههه ريتي حتي هي بنته ربي يخليهالكم

اني راجلي مايعضش لكن اني والله مانحكيلك

ههههههه

[ام وسونة]

هذا كله من تمر حنة مفحفحه المنتدي

لاتعرف عيد لاعاشورة معدبتنا

هههههههه

[يقين]

ام اجنادين والله عندك حق اليوم الاول يالله نلحقوا عالتنضيف

[يقين]

تمر حنه اسم علي غير مسمي يا تموره نبوا ريحه حنه ريحه تمر ولا انقولك التمر ماليشي ريحه عالاقل ريحه رب لكن بصل وتوم لالالالا هلبا عيب عليك الحال حال عيد

[يقين]

ياميراس مش قلتي امس خاطرك في كسكسي بالبصله علي خاطرك امس درتلهوم غداهم رز بالبصله ومعاه مسيروصورته بس ما نعرفش نزل الصوره من اللاب للمنتدي خلي ام وسونه اتقوللنا كيف باش ننزلك صوينيتك

[أم مُحمد]

السلام عليكم شن احوالكم انشالله طيبين

[أم مُحمد]

ام اجنادينمعليش حبوبه والله انا انغيب اشوى ع المنتدى نلقى البنات مهدرزات واجد نقعد نقرا شن كاتبات مرات فى صفحات يسقطا سهوا وبالنسبه الرد امتاعى انتى مش ملزومه تمشى ناس ماتعرفيهمش وبروحك بايخه لازم حد منهن امعاك ومافيها شى لو مشيتى لعرس صاحبتك واقاربهم لا وانا فى راىى فووووووووووووووووووووووووتى هههههههههه شن رايك
ميراس صحيتى عالبازين مع انه متاخر لكن مقبوله منك مازلت نستنى فى قصعه وحده اخرى وصاحبتها غامه عالموضوع

[أم مُحمد]

ليبيا قلبيسلم ايديك وبعدها وين طريقة المقروض اللى وصيتك عليه
ام وسونهماشالله عليها بنيتك شكلها دمها خفيف وحنوطه ربي يخليها لك ويفرحك بالى ايونسها
ميمونهالبازين خلانى اتقول واخده منوم هههه

[أم مُحمد]

hwaml15وين مافيش حد قاعد

[يقين]

اللهم اسالك بكل اسم هو لك سميت بيه نفسك او استأثرت بيه في علم الغيب عندك او انزلته في كتابك او علمته احدا من خلقك ان تجعل القرآن الكريم ربيع قلبي ونور بصري وجلاء حزني وهمي

[أم مُحمد]

hwaml17hwaml5

[أم مُحمد]

http://http://forum.z88z.com/pic/z88z_pic_1313754058_935.jpg

[ام وسونة]

السلام على الحلواااااااااااااااااااااااااااااااات

[ام وسونة]

قداااااااش مانحس ان تمورة تشبه زيتونة مرة بباي

ههههههههههههههه وتي روحك ياتمورة انتي بديتي

http://forum.hwaml.com/imgcache2/hwaml.com_1320853727_980.jpg

[ام وسونة]

هده الاخت تمورة تجهزلصاحبتها وحبيبتها المصرية

هههههههههههه

http://forum.hwaml.com/imgcache2/hwaml.com_1320854130_130.gif

[الهندية]

السلام عليكم
ليا فترة على المنتدى تقريبا منين كنت حامل فى الشهر الاولى وانقطع النت
عالعموم كيف حالكم طمنونى عليكم انحاول نتصفح اللى فاتنى ونشوف اخباركم
انا ولدت على خير وجبت طبيعى المرة هادى الحمدلله مع انى فتت موعدى 15 يوم
وتعبت هلبا الحمدلله يارب جبت ولد سميت عبد الله جيل 17 فبراير موبارك علينا النصر والعقبة لجميع الحوامل
تحياتى الهندية

[ميمونة]

السلام عليكم كيف حالك هنديه ومبارك عليك وليدك يتربي في عزك وينك معاش بنتي المهم اخبارك تمام وكل عام وانت بخير

[ام وسونة]

اهلين وخيه ميمونة كيفك كلمتي امك وبوك اليوم

ان شاء الله كويسين يارب

وخيه هندية مرحبتين بيك مرة تانية بيناتنا

ومبروك عليك وليدك ويارب يكون من حملة القران

[ام وسونة]

ناقة تشكي إلى الله فى موت إبنها سبحــــان الله تستحق المشاهدة

انظروا ...... إلى من تشتكى هذه الناقة والى من تنادى عندما مات صغيرها

انظروا ...... إنها ترفع رأسها إلى السماء سبحاااااااان الله في خلقه.

http://forum.hwaml.com/imgcache2/hwaml.com_1320867168_761.jpg

[أم أجنادين 80]

مساء الخير
أنا مانعرفش امته تخشوا حتي نلقاكم
الصبح عندي خدمه ولما نروح مانفضاش وطبعاً زوجي مسيطر عالنت
وعندي هلبه طلعات وصاحبتي وصديقة عمري زاد عليها وليد بنمشيلها
لو نلبس حولي او ردي حرير عادي شن رايكم يمشوا للنافس في حرير
وشكرا لك من ردت عليا وأعطتني رايها
اهلين هندية الحمد لله علي سلامتك ومبروك عليك الوليد يتربي في عزك

[أم أجنادين 80]

ليبيا قلبي فتحت الرابط وطلعتلي وصفة كنتاكي

[أم أجنادين 80]

صحيتي أم محمد نبصر عليك غير ندلل عليك

[أم أجنادين 80]

شوفوا هالدراعات بالله عليكم الحاجات الحلوة ليش مفيش منها في ليبيا

http://forum.hwaml.com/imgcache2/hwaml.com_1320871978_371.gif


http://forum.hwaml.com/imgcache2/hwaml.com_1320871979_294.gif

http://forum.hwaml.com/imgcache2/hwaml.com_1320871980_863.gif

http://forum.hwaml.com/imgcache2/hwaml.com_1320871980_217.gif
http://forum.hwaml.com/imgcache2/hwaml.com_1320871979_826.gif
http://forum.hwaml.com/imgcache2/hwaml.com_1320871981_748.gif
http://forum.hwaml.com/imgcache2/hwaml.com_1320871980_178.gif

http://forum.hwaml.com/imgcache2/hwaml.com_1320871978_554.gif
http://forum.hwaml.com/imgcache2/hwaml.com_1320871979_353.gif

ولو وحده حامل يزيدوا فيها النص

اسمعوا مش تتعاركوا عليهم اختاروا واحد واحد

[أم أجنادين 80]

http://forum.hwaml.com/imgcache2/hwaml.com_1320872660_728.jpg

http://forum.hwaml.com/imgcache2/hwaml.com_1320872659_991.jpg

http://forum.hwaml.com/imgcache2/hwaml.com_1320872660_350.jpg
http://forum.hwaml.com/imgcache2/hwaml.com_1320872660_108.jpg

http://forum.hwaml.com/imgcache2/hwaml.com_1320872659_263.jpg

http://forum.hwaml.com/imgcache2/hwaml.com_1320872658_820.jpg

[ميراس]

http://forum.hwaml.com/imgcache2/hwaml.com_1320873692_189.jpg

[ميراس]

http://forum.hwaml.com/imgcache2/hwaml.com_1320873739_878.jpg

[ميراس]

http://forum.hwaml.com/imgcache2/hwaml.com_1320873809_227.jpg

[ميراس]

http://forum.hwaml.com/imgcache2/hwaml.com_1320873861_215.jpg

[ميراس]

http://forum.hwaml.com/imgcache2/hwaml.com_1320873896_641.jpg

[ميراس]

http://www.7oobk.com/vb/imgcache/2/79957oobk.bmp

[ميراس]

http://www.7oobk.com/vb/imgcache/2/79977oobk.bmp

[ميراس]

الف حمد عالسلامة هندية وليك وحشة وانشالله يتربي في عزك يارب ونشوفوا علي وجوهم الخير مواليد تورة 17 فبراير وحبيت نهديك حاجة بسيطة فحرت اختاري الهدية اللي تعجبك ولا نقولك مبروكين عليك كلهم كل مرة خليه ايزيط موديل

[ميراس]

http://forum.hwaml.com/imgcache2/hwaml.com_1320874323_816.jpg

[ميراس]

وهدا ارماي حاجة بسيطة

[ميراس]

http://www.mr7-ly.com/up//uploads/images/mr7-ly.com9054789fcf.bmp

[ميراس]

وهده العصيدة انا بنديرها لبنات المنتدي هي لحلحوا اجيبوكم

[ميراس]

http://forum.hwaml.com/imgcache2/hwaml.com_1320874549_578.jpg

[ميراس]

للي مايحبهاش بالسمن درتله بالزيت والعسل

[ميراس]

http://forum.hwaml.com/imgcache2/hwaml.com_1320874780_318.jpg

[ميراس]

http://forum.hwaml.com/imgcache2/hwaml.com_1320874816_335.jpg

[ميراس]

http://forum.hwaml.com/imgcache2/hwaml.com_1320874844_154.jpg

[ميراس]

http://forum.hwaml.com/imgcache2/hwaml.com_1320874881_245.jpg

[ميراس]

http://forum.hwaml.com/imgcache2/hwaml.com_1320874902_867.jpg

[ميراس]

طبعا مش تاكلوا العصيدة وتطلعوا بعدين اتقولو ا مادارتش مكسرات كل تاخد من السلة اللي تعجبهاتعرفوا نسيت تمورة مادرتلهاش عصيدة بالزيت والبصل المحروق مرة تانية توا تولي ونعملهولها

[ميراس]

دهشتوني اليوم هيا بالسلامة نتلاقوا غدوة ام وسونة عليك تبخري بالوشق

[عيون زوجي]

ماشاءالله ام وسونه علمت ميراس والاتنين ما قصروش
تسلم الايادي
شكرا لردودكم ومشاركاتكم وكلامكم العسل بخصوص مشكلتي
ويارب ماتشوفوا الا ايام الفرح
ام اجنادين انتي مش مجبورة تمشي لاهل زوجك كلهم واعلاش اقاربه الدرجة الاولى فقط وفي المناسبات الكبيرة حتى جو العيد عن نفسي مانمشي لحد في العيد الا اهلي واهله فقط
وعزوزتي ماشاءالله ديمة عندها اسبوع في الصاله والا حفله ونجمه ودخول وعزي حاشاكم لو انتبعها اطيحوا نمرض ويهزوا اعليا الناس
عزوزتي مرا كبيرة بتطلع توسع بالها وبتلبس ردي حرير وتكحل ودهب وخلاص اما احنا الكناين نبوا قفاطين كبار وبدلات رسميه ومزينات او تكوني فالحة في الميك اب واكسسورات والخ الخ الخ
وين بيه كله
وكان بتلبسي عبايه بس وتتطلعي هدا جو زمان توا لازم يوزنوك من فوق لتحت
نصيحة خليك على اقرب الاقارب وصاحباتك خط احمر هدا شورك انتي وراجلك ماحدش يحاسبك اعليه

[عيون زوجي]

كيف حالك يا ميراس الليله
هندية كيف حالك يا احبيبه عاش من سمع عنك خبر استاحشتك كيف حال ابنيتك ومبروك اعليك عليك وليدك ان شاءالله من قسمك
كيف حال اهلك وشنو صار فيهم هم من الشرق صح
وكيف حال اهل راجلك معاك تغيروا ولا مازالوا زي قبل....
ريحتك من ريحة الغوالي الاوليين نورتي وماعادش تغيبي اعلينا
ومبروك اعليك عبدالله مرة تانيه يتربى في عزك

[ام وسونة]

رجعت مرة اخرى

وخيه ميراس والله اكليتي مني الجو كله معاش بنعلمك شئ

ههههههههههههههههههههه

ووخيه ام اجنادين كيفك وتسلمي عالدرعات بس حبيت

نقولك ان في منهم في ليبيا واحلى بس غاليات وخصوصا

في محلات مزيونة في الجرابة وفي قرقارش وفي حناين

اني واخده منهم حاجات حلوة وفي اكتر من محل

وخيه عيون كيفك وكيف سليفتك الفالحة ههههههههههه

ميراااااااااااااااس اني ماناكلش فيها العصيدة رغم اني

ندير فيها ابدااااااااااااااااع والبخور معاش بنديره

علاش نتعب في روحي وبعدين نلقى تمورة مزيناته

بالبصل والثومة خلالالالالالالالاص حرمت

[ام وسونة]

اهي العصيدة ياميراس مبدعة ههههههه

http://forum.hwaml.com/imgcache2/hwaml.com_1320878175_130.jpg

http://forum.hwaml.com/imgcache2/hwaml.com_1320878344_106.jpg


hwaml5hwaml5hwaml5hwaml5hwaml5

[أم مُحمد]

ماشالله عليك ياميراس طلعتى شاطره وسهفتينى عالعصيده ام وسونه ميراس توا اتجيبلنا صور القوقل كله هناهههههه
حاولت انزل صور عندى ع الاب توب ماصارش منهن معش عرفت كيف

[المتفاااائلــــه]

السلام عليكم ورحمة الله وبركاته :

كيف حالكم كلكم ... وكل عام وانتم بألف خيير ... ومبارك علينا وعليكم النصر ... والحمد لله ياااربي افتكينا من بو شفشوفة وان شاااء الله ديماااا ليبيا حرة وآمنة مستقرة ... ويااربي ولي علينا خيارنا يااارب ...

ومبارك لكل اللي حملوا حملهم ومبارك للي جابوا وان شااء الله يتربوا في عزكم ... وبالله عليكم تدعولي ان ربي يرزقني ونحمل الشهر هذا .. الحمد لله ليا سنة متزوجة وماحملتش .. " ربي لا تذرني فردا وانت خير الوارثين "

[ليبياقلبي]

السلام عليكم تبارك الرحمن الشات رجعوا فيه الغوالي وميراس وسونة طليحة فيهم عزايم وماكلة وجو وام اجنادين
ردراعات وتشوف فينا وحقا زي ماقتلك وسونة حنانين فيه حاجات حلوة اتا واخدة منه حاجة فوق الخيال وشن جابتك صاحبتك وشن جواللمة وشن لبستي وحلوة لبس الرداء بس انا الحق مجربتهيش قبل حلو الحوالي بس نحس احنا صغيرات عليهم ههههههه قوللي تجوزتي تو خلاص معاش تقولي صغيرة \
ميمونة شن اخبار العويلة
تمورة شن ديرتي لي المصرية الصامته وهي دورا دورا عندك
وسونة الدقيق عادي من المحلات في هدا وتهبل وسونة
ويقين وينها صورة فروتي مطلعتيليش انا نبي نشوفها واخيرا بتفتكي من سلفك
ام محمد تو نكتبها الطريقة والكنتاكي الرابط انا مدايرته هدا خوديه وجربيه حلو
هندية مبروك عليك عبدالله ويتربى في غزك كيف حال بنيتك توا
متفائلة اهلين بيك انستي وربي يرزقك يارب انت وتمورة ومسونة وميراس وكل محرومة يارب قادر ياكريم دعوة من القلب

[ليبياقلبي]

يقين وكل وخية سالت علا تنزيل الصور خودوا الطريقة متاع تنزيل الصور طبعا بعد ماتنزلي الصورة علاب توب ح\يها في المستندات ياهي وخودي اي موقع اكتبي تحميل الصور متلا هدا الموقع العملاق

[ليبياقلبي]

http://www.0zz0.com/
باهي وتعالوا وين مافي مربع مكتوب فيه تحميل صور مكتوب حدد الصور اضغظي علا رقع الصورة يطلعلك الصولا لي في المستندات لي في الاب توب يالاخص
بعدها تنفتح االصورة تعالي واضظي علا الزر الايسر وخودي كلمة فتح الصورة في علامة تبويب يطعللك رابط الصورة وتقديري تنسخيها
ملاحظة المنتدى هدا في اكتبي في المربع ارقام يطليهم منك هو

[ليبياقلبي]

او لما تطلعلك الصورة اضغطي عليها بالزر الايمن تطلعللك في علامة تبويب

[ليبياقلبي]

يارب يكون الشرح وصل

[ليبياقلبي]

انا طبعا الحلو صفر معنديش عليه هلبة نجب ندير كيكب الشوكولا متاع منال العالم يجي حلو ويهبل وباوند كيك متاع منال وندير في البقلاوة بس الحار اكتر
الحاجات الحارة

اليوم جايبة لكم طريقتي للبيض الملفوف باللحم
المقادير:
بيض مسلوق حسب عدد الاشخاص
لحمة مفرومة
التتبيلة (فلفل اسود ثوم مفروم ملح
دقيق
بقسماط
الطريقة:
اولا شي تاخدي عدد من البيض وتحطيه علا النار ويسلق وبالنسبة للعدد الي تبيه انت
وتاخدي اللحم وتفرميه فرم ناعم وتحطي عليه فلفل اسود والثوم المفروم
والملح وتخليه يتبل فترة حتى ساعة
بعدان تاخدي وتحطي بيضة وبقسماط عشان يتماسك
بعدها البيض المسلوق وتقشيره بعدان تحطي اللحة عليه وتلفيه كلا
بعدان تاخدي وتغمسيه بالدقيق ويقلى بالزيت بعد ما ينضج يقص من النصف
ويؤكل بالهناء

[ليبياقلبي]

http://forum.sedty.com/t172661.html
حلي الدوني علا طريقة بنت خالتي بس يجي حلو ومضمون

[ليبياقلبي]

اليوم جايبة لكم طريقتي لسلة الدجاج
وطريقتي لي الفطيرة
المقادير العجينة :
كوب زبدة سائحة
كوب حليب
كوب ماء دافي
ملعقة خميرة
ملعقة ونص ملح يعني حسب الرغبة
نص ملعقة سكر
مقادير السلة
دجاج مسلوق ومتبل
طماطم مكعبات
فلفل حلو مكعبات
بصل مكعبات
جبن مبشور
الطريقة
بالنسبة للعجينة تحطي كل مقادير العجينة في صحن وتخخليها الي ان تخمر
وبالنسبة لي الدجاج بعد ما يتبل ويسلق يتم تريشه بعدان
يقطع الطماطم مكعبات ويوضع معا الدجاج في صحن وتاخدي الفلفل الحلو ويقطع مكعبات ويقلى في الزيت بعدها يوضع مع الداج وتاخدي البصل ويقطع مكعبات ويقلى في الزيت بعدها يوضع مع الدجاج ويوضع معه جبنة مبشورة
ويتم تخليطه مع بعضها
بعدماتخمر العجينة تاخدي قوالب السلة وطبعا لو كانوا من النوع تيفال ماتدهنيهم بالزيت بس لوكان القوالب من النوع العادي فالافضل دهنهم بالزيت حتى لاتلتصق العجينة
بعدان تحطي العحجينة في كل قالب من القوالب
وبعدها تحطي خلطة الدجاج في كل قالب وتوضع في الفرن الي ان تنضج
وتؤكل بالهناء والشفاء

اما عن الفطيرة
بالنسبة للعجينة نفس عجينة قوالب السلة يعني الي طرحتها من قليل
اما عن المحتويات

باذنجان مقطع مكعبات ومقلي وبطاط مكعبات ومقلية
وتاخدي العجينة وتفرديها في طاجين وتدهينها بالزيت
وتحطي العجينة فيها
وتحطي فوقها الباذنجان والبطاط وبعدان تاخدي صحن وتحطي فيه بيض مخفوق وحرارت وفلفل اسود وتدهني بيه الوجه عشان النكهة
وبعدها ترشي الجبنة المبشورة وتوضع في الفرن الي ان تنضج
وبعدها تقص مربعات او بالشكل الي ترغبيه
وتؤكل بالهناء والف عافية

وعندي كروكيت الدجاج
هو تاخدي صدر دجاج وتسلقيه علا النار مع الماءوالتوابل الي عندك بعد مايطيب خودي ريشيه وحطيه في صونية وخودي طنجرة وحطي نص طاسة زبدة ونص طاسة دقيق وطاسة ونص حليب وخليطيهم مع بعض لي ان تبدا متل العصيدة خففي النار وحطي رشة حرارت
بعهدها حطيها علا الدجاج المريش وحطي عليها جبنة مبشورة وخليها لين تبرد وتشكل متل الاصابع وتغمس بالدقيق بيض خبز مرحية وتقليى في الزيت وتوكل تهبل تجي

[ليبياقلبي]

اليوم والله من الصبح نايضة علا التنظيف لين طبت من الساعة 1 لاتوا مش كعمزت والله اهو ساهرة انا ونوزة وبوها راكد ونشرب في اللبن
حقا نبي نسالكم بنتتاقشوا علا موضوع ان الراجل يساعد مرته في اعمال البيت مني منكم يعاون فيها انا راجلي نضاف هلبة لدرجة في حملي لانا خديت تبيت عاوني هلبة بشكل مش معقول

[أم أجنادين 80]

متفائلة مبروك عليك وعلينا
عيون تسلمي ياغالية هدا الرد يلي نبيه صدقتي في كل كلمة
ليبيا قلبي هيا مش مدايرة لمه هدا علاش نسأل
ماشاء الله ميراس عالحاجات الحلوة
مكنتش نعرف انه فيه دراعات في ليبيا لو سمحتلي الفرصه راح نمشي وين قلتولي

[الهندية]

صباح الخير على حلوات الدردشة
ام ناريز اسم بنتك حلو لكن شنو معناه ....والحار بتاعك حلو لكن لو فيه صور احلى باش نطبقو مزبوط عجبتى السلة ناوية انديرها ان شاءالله
بالنسبة للراجل يساعد موستحيلة ان ياريت غبر ميحويش والله لما نقعد برا الحوش نرووح نلقى فى الدنيا مقلوبة لما جبت نفست عند امى قعدت 15 يوم وانا نقول صب اميه فى الحمام لم الدبش ولع الغسالة مفيهاش لاعلم لادرة
للاسف لما روحت صدمتى كبيرة اتكالى بشكل مش طبيعى وانا نضم فى الليل ولما نقول تعبانة يقولى انتى شن درتى على اساس الحوش ضم روحه بروحه
طريقة التربية خطا ان لما قلت لى امى حنلقى الحوش مقلوب قتلى وانتى شنو عندك مديرى يعنى ...هذه الثقافة السائدة
تقبلى مرورى

[أم مُحمد]

سلام ع حلوات المنتدى
ليبيا قلبي شكرا ع الشرح توا بعدين انجربها الطريقه امتاع البيض المسلوق كان تقدرى تنزلى صور لها تكونى فضلتي
وين ميراس الفلته مش دايره شى اليوم
وام وسونه الاستاده قبل اول وحده نلقاها تصبح هيا وميمونه

[أم أجنادين 80]

السلام عليكم
تسلمي ليبيا قلبي نسختهم وصفاتك عندي لما نفضي بنديرهم بس ياريت بالصور
وياميمونه ممكن تعاوديلي طريقة السويسرول الحار او قوليلي في اما صفحه نزلتيه
والله عند الحق هنديه هذه التربية من الاساس او الاحري تدليع الأمهات الزايد لوالادهم
حتي حناي مدلعه خوالي هلبه هلبة حتي بعد ماتزوجوا تحمل في همهم ,,,

[الهندية]

السلام عليكم
تو كيف كملت حوستى اليوم يوم طويل نبى نشرى لبس لولدى اصلا مشريتش دبش هلبا لان قالولى ولد فى الشهر الاخير وسلامته فيسع ميكبر كل اسبوع ناخذله خلاص بس راسى وجعنى خذيت تموين ولبس لبنتى ولبس ليا راسى داخ نضت طيبت الغذاء من الصبح وخليت على تسقيطة المكرونة بس
بالله
شنو نحكيلكم اكثر مازادات المشاكل بينا هم مجاوش باركولى حتى فى ولدى مع العلم انى فوقهم لكن احسن ميرعشونى شنو بندير جربت جميع السبل مش كل الناس تتعاشر بس عشان راجلى مريحنى وطيب كان هذا مفيش حاجة تخلينى مع انى معاهدة نفسى لو هجموا عليا مرة تانية حنسيبه وناخذ صغارى نين يديرلى حل

[الهندية]

انا حاجة وحدة يدير فيها لانى نكمل قبل فى الماكلة فلما ينوض يرفع فى الصفرة ومن غيره حتى حاجة

[ام وسونة]

كيفكم اليوم ياحلوات

وخيه هندية وسعي بالك راهو تخربي حياتك

وماداما راجلك معاك باهي هذه اهم حاجة

صدقيني كلنا نمروا بحاجات اصعب من هكي

لكن نتحملوا لان رجالتنا كويسين ويستاهلوا

ربي يهدي سرك يااااااارب

وخيه ليبيا تسلم ايديك عالحاجات الحلوة تهبل

حنحاول نجربها وصحيتي عالدعوة الحلوة

وربي يعطيك علي قيس نيتك

وبابنسبة لمعاونة الراجل للمراة فاني

الحمدلله راجلي من اول ماتجوزنا لاتوا يعاون

فيا في كل شي مستحيل يخليني نقيم حاجة رزينة

ولما نكت الحوش يبدا معاي يد بيد هو يحب يعاون

الحاجة الوحيدة مايديرهاش غسيل الماعين ولا تطييب

اصلا اني مانخليشي يديرهم يحب يرتب فوق الدولاب

ويلمع التريات ويغسل معاي البساطات الحمدلله

ربي يخليهولي تصدقوا انه حتي لما يدوش يسيق الحمام

بعده ويغسل ملابسه الداخلية ماهو متعود علي جو الداخلي

لماكان يقرا في الداخلي تعود يعتمد علي نفسه في كل شي

ووخيه ام اجنادين ننصحك البسي لبسه خفيفة فكيك من الحولي

علاش تعقدي في نفسك اني نشوف لبس الحوالي يكون في اسبوع

بالزمزاماتفقط

ووخيه ام محمد كيف حالك وحال البيبي وفي ردود تلقوا وخيتنا

ليبيا منزلة درس لتنزيل الصور مكمل لدرسي هههههههه

يارب تستفيدوا منه

[عيون زوجي]

السلااااااااااااااام عليكم
كيف حالكم اليوم وشنو اخر اخباركم
هنديه طز فيهم في عقد الزواج انتي متزوجه ولدهم بس وحاولتي معاهم الف مرة وما نفعش خليك في حوشك وعيشي حياتك مع عويلتك وخدمتك وربي يرزقك تشري حوش بعيد وتتهني
ام اجنادين انا رايي من راي ام وسونه البسي قفطان نازك مع مكياج ناعم وخلاص
ليبيا قلبي مشاركاتك تتطلعلي كانها مكتوبه بالعبري مش بالعربي وغريبه الا انا بس
ام وسونه امتى مروحه من تونس وان شاءالله تروحيلنا حامل يارب
ابنيتك ماشاءالله عليها لمنو تشبه انتي ولابوها نبي نتخيلك
يقين كيف حالك وشنو جو سلفك معاك
ميمونه ربي يخليلك اخواتك وخوتك وبوك وامك ويرزقك بولد الحلال
ميراس شكلك مروحه في الطريق
ام قصي وينك؟
ام محمد شنو اخبارك
متفائلة اهلا وسهلا مدكرتيني ولا لا ويارب يرزقك بالحمل السليم
تمورة شكلك دختي من ريحة البصل والثومة
ايه...وين هربتي بقصتك تعالي احكيلي شنو صار معاك

[عيون زوجي]

رح انزللكم طريقه الدونت يلي درتها في العيد اتجنن مش عادية طيقوها وقولوا رايكم بعد التجربه طبعا

[أم أجنادين 80]

كيف حالكم ياحلوات توا
حتي انا رايئ من رايكم عيون وام وسونه لبسه خفيفة ولا حتي بدله بسيطة
وين يقين وميمونه وام محمد وميراس وام روفيده وليبيا قلبي مش مبينات
هنديه زي ماقالولك البنات مش كل الرجاله يحبوا يساعدوا انتي يكفيك حتي يقيم عليك حاجة
ثقيلة بس ,,
والرجال مش زي بعضهم طباعهم تختلف مش كان راجل صاحبتك يساعد فيها معناها ضروري راجلك يساعدك كل شخص ليه عيوبه وميزاته مرات زوجك فيه ميزات تغنيك علي انه يساعدك

[الهندية]

السلام عليكم ورحمة الله وبركاته
بنتى طلعت مع بوها وتو نصلى المغرب وبندير بيتسا عشاء تو نزلها ليكم
شنو الاخبار
ام وسونة ماشاءالله بخرى الراجل راهو ناخذوه بالعين هههه
عيون زوجى : كلامك ريحنى وعطانى دفعة للقدام خصوصا انى فى العيد تنكدت عشان قعدت بروحى مع راجلى مبيتش نسيب فى العيد
أم اجنادين راجلى هادى وطيب وحنون وكريم يعنى ميزات اكثر من العيوب لكن هله انتقموا منى ههه الحلو ميكملش
تقبلن مرورى حنخلى النت مفتوح بالك وحدة قاعدة معاى تقبلوا مرورى

[يقين]

السلام عليكم كيف حالكم وشكرا للغاليات اللي سألوا عليا
ام اجنادين مش مني مش مبينه من الاعمال الشاقه اللي اني فيهم اليوم نفضت الشقه كلها لين كتوفي اتقرنوا وغاسله الدبش وطبعا حطيت العشي عالنار باش يروحوا ياقوا العشي واتي وهادا جوي خدمه ليل نهار
عيون حالي باهي الله يسلمك وجوي سلفي كويس قداش ليه كل مايطلع من الشقه يطلع في كيس معاه واني واحله في هاداك الكيس شن فيه هههههه قصقصه المهم اتريته يرفع في دبشه للمغسله ويجيب فيه واني نسال فيه يا فلان عندك دبش يبي الغسل هوا يقولي لالالا كله نضيف لين قتل لراجلي شوفي قصته دبشه ما يتمسخش بكل شكله متحشم مني شوي قال لالا ما عنديش دبش مسخ
امس نخليه لين يطلع ونفتح شناطيه ونلعبله فيهن هههههه غسلته كله ولقاه عالحبل انخلع بعدين وحلفتله قتله معاد ترفعه للمغسله قالي باهي واشبح شن يصير

[يقين]

ليبا قلبي كيف حالك وحال بنيتك اسمعي علي فكره مشاركتك كلهم يطلعولي بالصيني مكتوبات ديري حل نبي نعرف شن تكتبي

[يقين]

هنديه حمدلله علي سلامتك ومبروك البيبي ويتربي في عزك وعز بوه وفوتي الجو وعشي احياتك والله غالب ان شالله ربي يهديهم ويحنوا برحوهم ما تنكديش علي روحك

[يقين]

ام اجنادين ذووووووووووق يهبلوا دراعاتك سلمك جيايبه طبعا اهمي ليا اني بس وكلهم زياده

[يقين]

هيا توا اني بندردح علشان الشباب قريب يجوا من صلاه العشاء يلا باي غدوه نتلاقوا علي خير
حقه بعد خطرها ميراس اني حرجانه وبنوريك وعارفه علاش

[الهندية]

مشكورة يقين ...بارك الله فيك

[أم مُحمد]

هنديه اهلا بيك حبوبه اسمعت انه عندك عرق فى الشرق انتى شرقاويه -----------
يقين ضحكتينى والله صار درتلى مداهمه لشنطه متاع سلفك
ام اجنادين وين قاعده معش تقعدى من عرس العرس ومن لمه اللمه ههههه
[/color]"6"]خ

[Almasah]

بليززز دخلوا موضوعي هذا
^
^
اسعاف ,, اسعاف بنتي اسهال واستفراغ اسعاااااف بسرعه !! (http://forum.hwaml.com/t81360.html)

[الهندية]

ايه انا من درنة بس عايشين فى طرابلس هلنا غادى انتى من وين

[أم مُحمد]

مرحبتين بيك هنديه انا من البيضا
قصدك انتو اصلا من درنه بس طول عمرك فى طرابلس والا لا

[عيون زوجي]

السلام عليكم

[أم مُحمد]

ليبيا قلبي حتى انا راجلى ايساعد فى واجد مرات يغسل الدبش الاكثر دبش وماعين ويكنس الحوش ويطيبلنا خاصه لما بدا فى الوحم استلم الحوش رسمى حتى فى رمضان يغسل عليا ماعين السحور وبرضوا حتي هو متعود ع الداخلى وعمله فى الصحرا ديما ايدير فى حمله على السكن امتاعه ويطيب لصحابه لا شطور وفزعه وقت اللزوم

[أم مُحمد]

عليك السلام عييييييييون شن امورك

[أم مُحمد]

http://forum.hwaml.com/imgcache2/hwaml.com_1320949234_881.jpg

[عيون زوجي]

منو موجودة حاليا؟؟؟؟؟؟؟؟؟؟؟؟؟؟؟؟؟؟؟؟؟؟؟

[أم مُحمد]

شكرا ليبيا قلبي نورتينى

[عيون زوجي]

كيف حالك ام محمد؟
انتي مواليد كم ؟ وكم ليك حامل؟ وتشتغلي ولا لا؟

[عيون زوجي]

وشنو درتي عشااااااااااااك.....قصقصه

[أم مُحمد]

مش اخساره فيك الدوه ياعييييون
مواليد 84 متجوزه لى سنه ونص وحامل فى الخامس وحاليا مازلت نقري لانه صارلى اشوي ظروف وقفت قيدى وبعدها رديت عليها وعشاى طاجين والاسئله لك برضو ههه

[عيون زوجي]

رح انقل لكم من ابداعات فروحة الامارات ماشاءالله كل شئ اطبقه من وصفاتها يطلع ايجنن مش عادي
للعلم منقووووووووووووووول
http://forum.hwaml.com/imgcache2/hwaml.com_1320950188_525.jpg

http://forum.hwaml.com/imgcache2/hwaml.com_1320950193_906.jpg

http://forum.hwaml.com/imgcache2/hwaml.com_1320950190_789.jpg

http://forum.hwaml.com/imgcache2/hwaml.com_1320950185_539.jpg

http://forum.hwaml.com/imgcache2/hwaml.com_1320950201_735.jpg

http://forum.hwaml.com/imgcache2/hwaml.com_1320950192_350.jpg

http://forum.hwaml.com/imgcache2/hwaml.com_1320950194_157.jpg

http://forum.hwaml.com/imgcache2/hwaml.com_1320950201_878.jpg

http://forum.hwaml.com/imgcache2/hwaml.com_1320950189_756.jpg

http://forum.hwaml.com/imgcache2/hwaml.com_1320950195_630.jpg

http://forum.hwaml.com/imgcache2/hwaml.com_1320950190_427.jpg

http://forum.hwaml.com/imgcache2/hwaml.com_1320950200_617.jpg

http://www.host10mb.com/w5s8ep

http://forum.hwaml.com/imgcache2/hwaml.com_1320950203_452.jpg

http://forum.hwaml.com/imgcache2/hwaml.com_1320950185_842.jpg

http://forum.hwaml.com/imgcache2/hwaml.com_1320950193_134.jpg

http://forum.hwaml.com/imgcache2/hwaml.com_1320950196_790.jpg

http://forum.hwaml.com/imgcache2/hwaml.com_1320950199_240.jpg

http://forum.hwaml.com/imgcache2/hwaml.com_1320950202_759.jpg

http://forum.hwaml.com/imgcache2/hwaml.com_1320950183_501.jpg

http://forum.hwaml.com/imgcache2/hwaml.com_1320950196_451.jpg

http://forum.hwaml.com/imgcache2/hwaml.com_1320950198_410.jpg

http://forum.hwaml.com/imgcache2/hwaml.com_1320950182_799.jpg

http://forum.hwaml.com/imgcache2/hwaml.com_1320950191_469.jpg

http://forum.hwaml.com/imgcache2/hwaml.com_1320950188_351.jpg

http://forum.hwaml.com/imgcache2/hwaml.com_1320950197_653.jpg

http://forum.hwaml.com/imgcache2/hwaml.com_1320950198_859.jpg

http://forum.hwaml.com/imgcache2/hwaml.com_1320950187_103.jpg

http://forum.hwaml.com/imgcache2/hwaml.com_1320950186_686.jpg

[ليبياقلبي]

السلام عليكم منو هنا
هندية ناريز يعني الدهب القليل غالي التمن وبالنسبة ليك لالا والله اتحملي عادي والله اهم شي الراجل شن مادام معاك حنون وكويس طز فيهم اهم شي ميعميش ليهم انا منحبيش الراجل لي يسمع وكلنا نتعرضوا لمواقف انا علا صغر سني ودلعي غي حوش اهلي احنا 4 بنات وبابا معندناش ولاد غير شن نبوا انا مدلعة هلبة الشهور الاولى في الزواج حسته صعب مسولية الراجل وكلام العزوز الحرفا مرات بس علا عيون راجلي كلا يهون

ام اجنادين مدام مش لمة البسي بدلة احلى حاجة سمبل
وام محمد نحاول نزل الصور

[ليبياقلبي]

عيون كلامي ميطلعيش ماهو المنتدى عارفك انا الوحيدة لي مدوريش فيها هههههههههههههه بس مدام حتي يقين مشكلة تو نشوف الادارة باهي تو شنو

يقين مفلحك فتحتي الشنطة مشطنك ونزلت موضوع تنزيل الصور كان اهد ام ويسونة ولا ام محمد انسخوه من جديد مش تشوف يقين بخطكم

[عيون زوجي]

انا مواليد 1982
متزوجة من 4سنوات الا شويه
عندي بنت ووليد
من طرابلس
خريجة كليه صيدلة بس ربة بيت من قبل زواجي بشهرين
عشاي درت لحم مشوي بالشوايه الكهربائية وسخنت شوية فاصوليا من عشاي البارح
وعمي(شيبانيا درتله قلايه لان اسهل للمضغ بالنسباله)

[عيون زوجي]

وينك يا ام حمودي

[ليبياقلبي]

انا ديرت ردشدة كساكس ولحم في الكوشة ومسير راجلي صايم
ونتوا مدايرة كيك الشوكولا وساقتي كيك كراميل انا بنمشيلها قدام بعضنا نسكنتوا
وبالنسبة لمعونة الراجل انا راجلي مش داخلي بس اهله قالولي من يوم يومه يجب يبنظف الحمد لله يسيق ويدير الحمام ويلمع ويبخر وكلا ماعدا الماعين وميحوليش الشامل لنوزة حتى ترضيع يرضع فيها بالشيشية ويرقدها تبارك الرحمن عليه

[ليبياقلبي]

عيون ام ناريز هنا

[عيون زوجي]

هالوووووووووووووووو هالوووووووووووووو
انتي وين؟؟؟؟؟؟

[أم مُحمد]

عيون عجبتني الطريقه بس القشطه والكراميل اطيبيهن والله بس تخلطيهن مع بعضهن

[أم مُحمد]

عيون معليش الصوره توا غير فتحت ابتاع الكراميل

[عيون زوجي]

ليبيا قلبي يا احبيبه ما نفهم منك في شي كتابتك تتطلعي بالعبري ديري حل

[أم مُحمد]

ليبيا قلبي حتى انتى راجلك ماشالله عليه خمسه وخميس عليهم ياربي ههههه لالا جديات ماشالله

[عيون زوجي]

ماشاءالله ناشطة ليبيا قلبي طلعتلي الكتابه توا
صحتين الرشيدة واللحم والكيك
وماشاءالله انتي وسلفتك احبيبات
ام محمد اطيبي الكريم كراميل عالنار حسب تعليمات المكتوبه عالباكو وهي عالنار اضيفي القشطة

[عيون زوجي]

ليبيا قلبي راجلك وراجل ام وسونه يبوا جوائز الرجل العصري النادر في ليبيا

[أم مُحمد]

عيوووووون الخط عندى شكله مريض قاعد بطئ

[أم مُحمد]

عيوون عندك سلفات ان مازلت السلفه الكبيره

[ليبياقلبي]

عيون وينها الكيكة ترا ابعتيها نشوفها زي كيكتي ولالا
اهو كيكتي طابت هي تجو عيون وام محمد عيون خاطري نتعرف عليك انت وام محمد شخصيا

[عيون زوجي]

الله غالب يا ام محمد مقيوله يلي يبي يتعلم الصبر يخش عالنت من ليبيا صبرك لله

[أم مُحمد]

عييييون كيف راجلى معندش جائزه حتى هو امسيكين
صبي امعايا ليبيا قلبي

[ليبياقلبي]

ابعتي لكيكة ياعيون بسرعة

[عيون زوجي]

ياريت يا ام ناريز الحلوة ليا الشرف نتعرف اعليك شخصيا
صوريلنا كيكتنا ياحلوة
ويارب يعطي قياس نيتك
ام محمد لو ترجعي كم صفحة رح تلقي قصة مغامرتي مع سلفتي هي سلفة وحدة لاغير ومتعبتني معاها وواكله خبزتي بالكامل
ياريت ماعندي سلفة بكل

[ليبياقلبي]

http://forum.sedty.com/t330702.html

بسم الله الرحمن الرحيم حبيت اقدملكم التشييز كيك بالكابيتشنو من مطبخي

المقاااااااااادير:
الطبقة السفلية
1_بسكويت ديجستف كوبين.
2_6ملاعق كبير زبدة.
3_ملعقة كبيرة كاكاو.


الطبقة الوسطي وهي تتكون من:
1_جبن كريمي فلادلفيا400غرام.
2_كوبين كريم مخفوقة او صرف دريم ويب.
3_نصف علبة حليب محلي.
4_شكولاتة جالاكسي مبشورة 6حبات.
5_ملعقتين كبيرة قهوة سريعة التحضير.



الطبقة العلوووووية:
1_نصف كوب كريمة مخفوقة.
2_كاكاو للتزيين.



الطريقة :
1_الطبقة السفلي وهيا نفرم بسكويت الديجستف وبعدين نضيفله الزبدة ومن ثما نضيفله الكاكاو ونضعه في الطاجين متحركونضعه في الفريزر لحين تجهيز طبقة الجبن.

2_الطبقة الوسطي وهيا نخلط المقادير كلها ونذوب القهوة في 2ملعقتين من الماء ونصبها علي الجبن والكريمة والحليب المحلي ثم نضعها علي البسكويت ونتركها في الثلاجة لفترة طوووووووووويلة.

3_قبل التقديم نزيين التشييز بالكريم والكاكاو نرشه عليه

[ليبياقلبي]

كيف الكيكة متاعك ياعيون صورتيها

[ليبياقلبي]

http://forum.hwaml.com/imgcache2/hwaml.com_1320952761_822.jpg

[عيون زوجي]

راجلك يستاهل ورح توصلك الجائزة لفم الحوش
ليبيا قلبي اما كيكة شيرتي مدهوبه الصغار الزوز مرضى حرارة وكحة وتوا معفنينها الزوز شمالاتهم معبيه
ومشيت الصبح بنعاينهم خفت لقيت العيادة معبيه صغار مرضى يكحكحوا خفت ياخدوا عدوى جديدة روحت وما استنيتش دوري
وبعد العشي غسلت سجادة الصاله والكوجينه لان الجو عندنا بدي يتغير وخايفة الايام الجاية تمطر
وغدوة عندي حفله في الصاله وراجلي عنده فاتحة وعزومه عشي ومش عارفه امتى بنمشي للمزين والحفله

[ليبياقلبي]

هدا التشيز علا طريقة اختي يجيها يهبل وتو بنعبت الترميسو ننصجحكم ديروه يجيها تحفة الحق

[ليبياقلبي]

حفلة منو واي مزين بتمشي قوللي حقا شن تنصنحي انا مدايرة ميش مرتين شن احسن تو بني نصبغ شن نصبغ كيكة الكراميل حتى انا نوزة شمالها معفن الصنة رقيت \
والكيكة نبيها كيكة الكراميل

[ليبياقلبي]

http://forum.sedty.com/t291490.html

هدا الترميسو علا طريفتي اختي يجيها يهبل

[عيون زوجي]

ماشاءالله اعليك يا ليبيا اعطينا طريقتها منظرها ايشهي
انا عضوة في نفس المنتدى من مدة بس لما صارت ازمة ليبيا وانقطع النت نسيت كلمة مروري باسم ام سارة وانحب انطبق اطباق المشرفة بيلسان حتى هي من ليبيا ماشاءالله اعليها فالحة وما عندهاش اصغار ربي يرزقها بالدريه الصالحه

[ليبياقلبي]

التشيز كتبت طريقته والترميسو خشي عالموقع
جاوبي علا اسئلتي

[عيون زوجي]

حفلة بنت خالة راجلي تسكن في تاجوراء في صالة مسايا وبنمشي لمزين مروى في الفرناج مع ان اسعارهم زادت تصدقي مكياج ب 70 دينار وتسريحة ب 50 دينار
الله غالب انا انحب نمشي للمزين في الاقارب الدرجة الاولى اما السوابيع والاعراس درجة تانيه نحاول نفتلك بروحي
الميش عمري ما درته في حياتي نخاف منه يقولوا انه ايريش الشعر
وانا حاليا نبي نصبغ شعري بني شوكلت
وانتي شن تحبي من الوان....

[ليبياقلبي]

http://forum.sedty.com/t287099.html

هدا عشانا مرة في حوش اماليا اختي هادي دكتورة اطفال فالحة هلبة النرميسو هدا متاعها يهوس يجنن

[ليبياقلبي]

انا المرة الاولى صبغته بي بني وركبت عليه ميش بس توا حايرة بشني نصبغه كان ربي هاننا علا شيباني بنمشي نصبغ هدا مزين مروة العزوز صاحبته اسمها مبروكة عمة راجل خالتي وكانتهم امنة حمات خالتي

[ليبياقلبي]

http://forum.sedty.com/t380806.html

وهدا حتى هو من عمايل ايدهها

[عيون زوجي]

تسلم ايدياتها متزوجة ولا انجوا نخطبوها

[ليبياقلبي]

http://forum.sedty.com/t172219.html

[ليبياقلبي]

لالالالالالالالا والله مادبيا كان عندك حد ماجاهش نصيبها معا انه منقديرش نوصفها الحق لي يشوفها يقول كيف كعادة منخطتبش ماشاء الله هادية ماتسمغي منها كلمة وفالحة دكتورة مواليد84 ربي يبعتلها نصيبها

[أم مُحمد]

ليبيا قلبي ماشالله عليه التشيز كيك ديما نبي انديره ومايسيرليش وقت بس بكره اندز راجلى ع النواقص وانديرها
عيييون مشيتى ع خط ام اجنادىن ههههههه
ليبيا ياريت والله انتعارفو عن قرب

[ليبياقلبي]

http://forum.sedty.com/t160210.html

http://forum.sedty.com/t161954.html

وعندها هما يجوها يهببوا\

[عيون زوجي]

http://forum.hwaml.com/imgcache2/hwaml.com_1320953879_649.jpg (http://forum.sedty.com/)
فنجان كابتشينو وطريف كيكة وقته توا يمسح دسامة اللحم وينحي القداد
ورح انقص طرف لام محمد
تفضلي من كيكة اخت ام ناريز

[ليبياقلبي]

حتى الترميسو يجها فظاعة

[أم مُحمد]

عيون ماتقصيهش مانحبهش مقصص انحبها كامله

[ليبياقلبي]

http://forum.sedty.com/t162799.html