تجمع حوامل ليبيا

[ميراس]

والله مانعرف قداش لى نخش ومنلقى فى حد شن قصتكم امتى اتخشوا مخولتونىىىىىىىىىىىىىىىىىىىىىىىىىىىىىىىىىىىىىىىىىىى ىىىىىىىىىىىىىىىىىىىىىىىىىىىىى

[ميراس]

سلام ياحلوين

[ام وسونة]

السلام عليكم

كيفك وخياتي اني اموري الحمدلله بس الواي مكس مايفتحش

توا خاشه من الموبايل

شكرا وخيتي عيون كيف حالك تصدقي نحسابك تتوحمي هذا علاش مغيبة ههههههه

ام قصي ربي يطمنكم علي عويلتكم ويرجعهم سالمين

يقين كيفك ياحلوة وكيفا فروتي

وكيف حال وخيتنا هاتو وام سعد ربي يطمنا عليهم

[hatoo]

اهلين بنات وينك يايقين كنك معش رديتي عليا؟؟؟؟؟؟؟

[أم عويضة]

اهلين ميراس انا توا كيف خشيت بعد يأست ان في وحدة تبي اتخش اليوم
اليوم نضت بدري بعد سقدت الينات وبوهن للمدرسة قلت يلا طلعي اللي تبي اتديريه احسن من الكسل
طبعا خشيت شوية للنت وبعد مالقيتش حد مشيت لحوستي
وبعد كملتها درت الغداء وتغدينا وتوا جاني الباشا زوجي يبيني نمشي معاه للمزرعة
مع اني تعبانة لكن ما نقدرش انقوله لا بعيد عنكن يزعل

[أم عويضة]

ياريت في حاجة يخترعوها لما تخش وحدة للصفحة الجهاز يزغرت والا ايدير عوايه والا اي نوع من انواع التبيهات

[أم عويضة]

يابنات اللي عندها حساب في الفيس انا اسمي فيه مجد الخالدية اللي تبي تضيفني وبعد انروح من المزرعة توا انشوفكن بأذن الله
استودعتكن الله الذي لاتضيع ودائعه

[ام وسونة]

هههههه ضحكتيني ياام عويضة يعطيك السلامة

[ام وسونة]

خلاص توا نضيفك ياام عويضة اني مدايراته باسمي

[أم أجنادين 80]

السلام عليكم ورحمة الله وبركاته

كيف حالكم ياأحلي بنات

شكرا لكل من رد علي استفساري

شكرا يقين ...

بارك الله فيك ام روفيدة

انا كلامك هدا عارفاته (لا يحل لإمراة تؤمن بالله واليوم الاخر ان تحد على ميت فوق ثلاث إلا على زوج أربعة أشهر وعشرا).
ومقتنعه بيه بس انت عارفة مجتمعنا الليبي خايفه انحني ام زوجي تزعل مني
او ياخدوا مني موقف ,,
بالرغم ان زوجي ماعنداش مانع حتي لو نمشي لفرح ,,
والمشكلة صار حديث بيني وبين حماتي وقالتلي احنا قبيلتنا مرتبطه هلبة ببعض لدرجة انهم
مايدخلوش لفرح لمدة سنه كاملة لو عندهم حالة وفاة ,,,
والله مش عارفة شن بندير وبعدين حتي زوجي عنده حق عليا لازم نتزين ونهتم بنفسي
والحنه زينه المرأة لزوجها ,,
سامحوني لو طولت عليكم وفضفضت هلبة .
اختي اعتدال والله كلامك زينه العقل أنا اول وحده شاركت في المنتدي للأسباب يلي قلتيها
نبي لما تكون عندنا مشاكل او استفسارات نكونوا متعاونين مع بعض
ونحاولوا نساعدوا بعض ..
سواء كان اجتماعيا او علميا او دينيا واكيد لاننا ليبيات ومن نفس البيئة وتقاليد وعادات وحدة
حنفيدوا بعض هلبة لان مرات الوحدة منا عندها مشكلة حتي مع زوجها مثلا
وماتقدرش تحكيها لاختها لامها ولا لصاحبتها تحكيها هنايا بكل راحه وبكل صراحة
بدون ماتكون عندها اسباب تخاف منها لانها شاركتنا مشكلتها ,,
او نقدموا نصائح لبعض سواء كانت عن الحياة الزوجية او التعامل مع الناس او غيرها
ونستفيدوا من خبرات بعض اكيد فينا الدكتورة والمهندسة واالمعلمة وغيرها من التخصصات
معليش لو دردشنا شوية حتي نكسروا الروتين بس ضروري نكونوا اكثر ايجابية
سامحوني طولت عليكم

[أم أجنادين 80]

بالله عليكم يابنات اول مرة نسمع بيها الطنجرة الشاطرة

ممكن وحدة منكم تحط صورتها وتقول كل الأكلات يلي نقدر نديرها بيها

[أم أجنادين 80]

صحيتي ام قصي علي اهتمامك وتقديمك النصيحة ليا
ريم البراري ان شاء الله ربي يعوضك خير
بس ماقلتيش انت تحضري في الماجستير او شنو بالضبط ؟؟؟ ماشاء الله عليك

[أم أجنادين 80]

ام ونوسة حتي الواي ماكس عندنا مايشتغل سمعت انه في تصليحات
وفتحناه بطريقة مانعرفش كيف دارها زوجي ,,

[أم أجنادين 80]

شكلي ندوي بروحي
وينكم وينكم

[أم عويضة]

[quote=ام وسونة;1474455]هههههه ضحكتيني ياام عويضة يعطيك السلامة[
سلمك ضحاكة
وان شاء الله ديما مبسوطة
كيف حال وسونة
ماعندك الا وسونة والا فيه وسون ؟؟؟؟؟

[أم عويضة]

ميراس انت قاعدة وينك ؟؟؟؟؟؟؟؟؟؟

[ميراس]

ام عويضة انت موجودة ولاخرجتى انا طلبت اضافتك عالفيس بوك شن صار وبعدين شن عملتى بالمزرعة

[ميراس]

بالله كان فى حد ايترجم لنا ماكتبته الاخت لانو مانعرف انترجم والفضل يرجع لبابا القردافى اللى قرانا جميع اللغات

[ميراس]

فى حد ولانطلعوا زى كل مرة

[ميراس]

بنمشى اندير دورة فالفيس بوك

[أم عويضة]

اهلا ميراس

[أم عويضة]

اهلا ميراس
درت نسخ وحطيت اللي كاتيته الاخت اللي ماعرفتش نقرأ اسمها وطبعتها في القوقل ترجمة وطلعت الترجمة تحكي علي تغذية ومش عارفة شنو اخرى


نحساب روحي انا بس اللي مانعرفش انجليزي

[أم عويضة]

ام عويضة انت موجودة ولاخرجتى انا طلبت اضافتك عالفيس بوك شن صار وبعدين شن عملتى بالمزرعة
انا قاعدة ش صار كنك ياميراس قيسها انا وياك النت مايبيناش نتعارفوا بكل وين ماجاتنيش اضافتك
وكان نبي نحكي على المزرعة ماعاد اتفض بكل
وكان تحقيني نجري جاي وغادي بين سقيت الشجر وبين تكسير خبزة للحواله وبين قهوة وشاهي للباشا وسندوتشات للبنات اتقولي خاشة لمارثون ومروحة هالكة

[أم عويضة]

قيسك استحليتي الفيس ياميراس وسلحتيني

[ميراس]

ام عويضة قاعدة انشالله قاعدة بس

[أم عويضة]

تصبحي علي الف خير بكرة بعد يمشن البنات للمدرسة توا انخش شوية وان شاء الله نلقاكن
أخلام سعيدة ونوم هادئ

[أم عويضة]

ايه وينك ياميراس

[ميراس]

لا والله بس كنت انشوف فى اخر اخبار بني وليد اليوم استشهد القائد الميدانى ضو صالحين من السكبة مسكين هو واولاد خوته الاتنين على اتر صاروخ حرارى من الكتائب اتصدقى قعد 15سنة محبوس مع مجموعة اللى دارت الانقلاب فى 93 حتى اهله ماشبعوا منه لالان اطلق سراحه فى الاحدات ومشى للجبهة طول

[ميراس]

ياودى اخلام سعيدة شن قاعد ماتر فيك القردافى ولا شنى اخلام سعيدة هههههه

[أم عويضة]

الله يعطيه البلاء معمر
والله توا قريت الخبر في صفحة بنات ورفلة فقط وجعني بكل ماشديت روحي الا بالغصب ع العياط

[دافئة المشاعر]

http://forum.hwaml.com/images/icons/e3.gif الحج عرفه .. (تعالو نتعرف عن قرب بمسابقة مثريه ومشوقه http://forum.hwaml.com/images/icons/e3.gif

http://forum.hwaml.com/imgcache2/hwaml.com_1317164453_276.gif (http://forum.hwaml.com/redirector.php?url=%68%74%74%70%3a%2f%2f%75%70%2e% 68%77%61%6d%6c%2e%63%6f%6d%2f%75%70%6c%6f%61%64%73 %2f%31%33%31%36%38%32%30%32%33%30%31%2e%67%69%66)



(http://forum.hwaml.com/redirector.php?url=%68%74%74%70%3a%2f%2f%75%70%2e% 68%77%61%6d%6c%2e%63%6f%6d%2f%75%70%6c%6f%61%64%73 %2f%31%33%31%36%38%32%30%32%33%30%31%2e%67%69%66)

(http://forum.hwaml.com/redirector.php?url=%68%74%74%70%3a%2f%2f%75%70%2e% 68%77%61%6d%6c%2e%63%6f%6d%2f%75%70%6c%6f%61%64%73 %2f%31%33%31%36%38%32%30%32%33%30%31%2e%67%69%66)h ttp://forum.hwaml.com/t74895.html#post1476027 (http://forum.hwaml.com/t74895.html#post1476027)

(http://forum.hwaml.com/redirector.php?url=%68%74%74%70%3a%2f%2f%75%70%2e% 68%77%61%6d%6c%2e%63%6f%6d%2f%75%70%6c%6f%61%64%73 %2f%31%33%31%36%38%32%30%32%33%30%31%2e%67%69%66)

[أم عويضة]

ايه مرة مرة ايخشن الحروف في بعضهن

[ميراس]

ام عويضة قاعدة

[ريم البراري]

اهلا ام عويضة وميراس منورات المكان

يقين اسمعي وسعي بالك الغربة تبي وسعة بال وماتحسبيش الايام تو تلقيهم فاتوا ان شاء الله زي تو تروحي لاهلك وانت وراجلك بشهاداتكم ويبقى كله ذكرى حلوة دعواتي لك بالتوفيق

أم اجنادين الله يبارك فيك ويسلمك ايوه حبيبتي انا كنت نقرا في الماجستير وتخصصي فيزياء نووية وأي خدمة تفضلي من عيوني

[ريم البراري]

اعتدال بعثتلك على الخاص ياروووووحي مش مصدقة فعلا رب صدفة خير من الف ميعاد

زهرة لا انا مازعلتش بس قمت بالواجب وتأسفت على غلطتي

[يقين]

السلام عليكم
ياهاتو اني اسفه حبيبتي هادا وين ريتهاالرساله

[يقين]

ياهاتوا في السنه الف وخمس ميه استرليني يعني بالليبي السنه بثلاته الاف دينارنتمني انكون افدتك

[يقين]

ريومه بعتلك عالخاص وان شالله تجيبي وليد شكله زي البنيه للي في الصوره

[أم عويضة]

السلام عليكم ورحمة الله وبركاته
كيف حالكن يابناااااااااااااااااات وشن اخباااااااااااااااااركن وشن اخبار عويلتكن
وينكن اتقول مدعي عليكن ماتلتمن الا بالصدفة
المهم انا اخباري كويسة والحمد لله زعلانه على الثوار وخاصة اللي استشهدوا في بني وليد امبارح مارقدت الا بالغصب
وعويضة درت له نضارة طلع عنده بعد نظر يانا علي ياوليدي والحمد لله الذي لايحمد على مكروه سواه
يقين نبي نسألك انت في مصر ؟

[يقين]

كيف حالكم كلكم اعتدال وميراس وام اعويضه وان قصي وعيون وميمونه وام سعد وهاتو وريومه وان شالله ما نسيت حد

[زهرة2000]

يقين كيف حالك انت وفرتى
نبي نسالك ماسمعتيش شي الطيران

[زهرة2000]

السلام عليكم ورحمه الله وبركاته
وينكم مافيش حد نهدرزمعه انا راجلى طالع وعلمى ضايق وكساد

[يقين]

زهره اهلين كيف حالك وحال الحمل معاك لا والله ما سمعت حاجه عن الطيران

[زهرة2000]

اهلين يقين انا قريت ان الخطوط الليبيه فتحت امس والخطوط المصريه الاحد الجاى ياريت ياكدو الخبر

[أم أجنادين 80]

السلام عليكم
مساء الخير
كيف حالكم اليوم يقين وريم وميراس وزهرة وميمونة وام عويضة وكل البنات
من موجودة تهدرز عليا

[يقين]

ام عويضه لاباس عليه ان شالله بالك عين ديريله رقيه
تعرفي حتي اني اعيوني يوجعوا فيا النظاره لابستها من لما اني بنت وتوا لما اتزوجت نحول فيها كرهتها نلبس فيها وقت القرايه بس ربي يشفيه عويضه

[يقين]

اهلين ام اجنادين كيف حالك

[يقين]

زهره والله ما نعرف ان شالله يكونوا فتحوا بالك تجيني امي خلاص فين اني وراجلي قالي ماصارليش مش مروح العيد وووووو اني خلاص قلبي اطبق من هالمصر ما حبيتها

[زهرة2000]

يقين عارفه انا مستغربه فى الى يجو لمصر يدهورو حتى انا ماعجبتنيش بكل دره الكبد

[زهرة2000]

ياقين وينك
ام عويضه لاباس عليه غير عين هو ما شاء الله عليه قوليلى انت من بنغازى صاح من وين تخشي ع النت ؟

[أم أجنادين 80]

اهلا زهرة انت من وين

[يقين]

السلام عليكم

[يقين]

زهره هيا الحق فيها مكانات حلوه بس حراااااااااام ما اتقلمت معها خاصه الوحده كيه بكل حتي ليبين مانعرفش فديت من الكساد

[زهرة2000]

ام اجنادين كيف حالك
يقين قوليلى وين المكانات غير الستى سترز ودريم بارك

[أم أجنادين 80]

الحمد لله يازهرة
انا من الزاوية وانت

[أم عويضة]

ياقين وينك
ام عويضه لاباس عليه غير عين هو ما شاء الله عليه قوليلى انت من بنغازى صاح من وين تخشي ع النت ؟
السلام كيف حالك و الله ايسلمك وما تشوفي بأس يازهرة
انا من بنغازي وانخش على النت من حوشي هههههههههههه دمي اكيد خفيف
عندي دي اس ال

[أم عويضة]

زهره هيا الحق فيها مكانات حلوه بس حراااااااااام ما اتقلمت معها خاصه الوحده كيه بكل حتي ليبين مانعرفش فديت من الكساد
كم لك في مصر ؟؟؟

[ام وسونة]

السلام عليكم

كيف حالكم ياحلوات

[ام وسونة]

ادعولي ربي يتقبل مني صايمي يابنات

غدوة رابع يوم يارب نكملهم ونستريح

[أم عويضة]

أم وسونة ان شاء الله ربي يتقبل صيامك وقيامك ويقويك يارب

[أم عويضة]

أم قصي وينك ان شاء الله المانع خير ياريت اتخشي اطمنينا عنك
شن اخبار ثوارنا الابطال

[أم عويضة]

ميراس وينك حتى انت مش باينة

[أم عويضة]

اللهم إن كان رزقي في السماء فأنزله...
وإن كان في الأرض فأخرجه ...
وإن كان بعيدا فقربه ...
وإن كان قريبا فيسره ....
وإن كان قليلا فكثره ...
وإن كان كثيرا فبارك لي فيه

[ام قصى محمد]

السلام عليكم
مشكوره ام عويضه بس انا خاشه من adslمن سلفى وهو له يومين فاصله واليوم بس رجع شغله
الحمدلله امورى بخير دقيقه بس نرجع لصفحات الماضيه نشوف الجديد عندكم

[يقين]

ام عويضه جيت لمصرشهر10-2010ونزلت ليبيا لما صاروا المظاهرات اهني شهر 2 ورجعت مصر شهر 3يعني ليا سنه مفصوله بالنزله لليبيا

[يقين]

يا زهره في مصر الجديده في اسواق يهبلوا وديمه نمشيلهم وبضعت منهم لفروتي دبش الشتاء في مكان اسمه ميدان الجامع وصلاح الدين حاجه صح ما فيش حاجه تخطر علي بالك ما تلقيهاش وفي مطاعم امممممممم وشن تاني وفيه حتي مكانات هلباااااااا يبيعوا في ذهب
وبري حتي هوا لروكسي حلووووووووووووووووو والحريه مول حتي يهببببببببببببببل هادا امتاع عادل امام وفي اخر حاجه وندرلاند حتي هوا حلو ادهوير مع تبضيع دبش وشناطي وكنادر كل شي حلو
زالحق هادا اللي نعرفه بس

[يقين]

ام قصي نورتي وان شالله دوم امورك تمام

[ام قصى محمد]

اهلاين يقين مشاء الله المرشد السياحى بتاع التجمع

[يقين]

ههههههه ام قصي حرام عليك اين مرشد اني بروحي نبي من يرشدني

[ام قصى محمد]

ام اجنادين حبيبتى مش سنه مبالغ فيها وين سنه من دون افرح ولا حنه انتحار والله حرام ومايجوز
ام وسونه ماكتبتى سؤالك
وين يابنات ردين بس على زهره
المهم انا حبيت انسلم عليكن ونطلع اندير الغدا ماعندى نيه نسوى لذالك راح اندير بيتزا بالمفروم ومقليات
السلام عليكم

[يقين]

ام وسونه ربي يتقبل صيامك وينك عالياهو غايبه وكيف حال وسونه

[يقين]

ام قصي بنجي نتغدا حداك خاطري ضايق ومانيش مطيبه شي ايوه ساد عيت اف اف حسني فااااااااااده

[يقين]

ميراس وينك ان شالله المانع خير وان شالله علاجك تمام تعالي والله لما نشوفك في التجمع نستريح بنيت عمي اماله شني

[يقين]

هيا باي حتي بنوض ندير غداي اشبح شنوهوه بندير خفيف

[ميراس]

السلام عليكم ورحمة الله وبركاته

[ميراس]

كيف حالك يايقين واله قعدت انخش نقرا المشاركات ونطلع لانى انخش ومانلقى فى حد معاش عرفت امتى اتخشن

[ليبيه100%]

اهلين خواتي الليبيات كيف الحال انى عضوه جديده اليوم كيف اشتركت نتمنى نتعرف عليكم كلكم انى حامل في الشهر التانى طبعا مش بكر البيبي التانى عندى ولد ومش عارفه شن خاطرى ولد وله بنيه انا حاليا مقيمه في لندن واتشرفت بيكم وبالمنتدى
اسماء

[يقين]

اهلين ليبيه تشرفنا بمعرفتك وان شالله ربي يتمم حملك علي خير

[ميراس]

سلام اتشرفنا ليبية وشرفتى المنتدى وممكن بطاقة التعريف من وين ومواليد كم وكله كله

[ميراس]

طبعا انا ميراس مواليد 75 عندى ولدين ورفلية

[يقين]

اممممم شكله ما في حد

[ام وسونة]

اهلين وخياتي وشكرا لدعاكم ليا

والله النت مهبلنا الواي مكس اليوس بي مايبيش يخدم

راجلي شري واي مكس وايرز ماباش يخدم

وتوا خاشة بالموبايل باش نطمن عليكم

والله يايقين سفهتيني فيها مصر تعرفي نحبهااااا ديمة نمشيلها قبل

بس بعد الزواج راجلي مايحبهاش وقعدت نقنع فيه ولما وافق صارت الاحدات

في مصر يلا الصيف الجاي بالك حتي نتلاقوا ههههههه

ام قصي علي اما سوال وخيه

[ليبيه100%]

اهلين بيكم كلكم وشكرا للرد
طبعا انى اسماء سكان طرابلس بس من سرت ربي يفرج عليها ويحررها ويهنينا كلنا انى من مواليد 84 خريجت هندسه جامعة طرابلس (الفاتح سابقا)قسم معماري مقيمه في لندن بس من مده قصيره ليه تلاته سنوات ونص متزوجه عندى وليد عمره سنتين وشهرين وتوه زي ماقتلكم حامل في الشهر التانى

[يقين]

وينك يا ليبيا فلبي معاد خشيتي التجمع ان شالله المانع خير

[يقين]

اهلا بيك اسماء بالجوده
اني يقين ورفليه سكان طرابلس مواليد 91 متزوجه من سنتين شهر 10 نسكروا سنتين وعندي بنوته عمرها 5 شهور ووحاليا في مصر للدراسه وبس

[ميراس]

يقين كيف حالك انشالله بخير وكيف حال اهلك وبنوتك

[يقين]

ام وسونه غير تعالي لمصر كان تلاقيت اني وياك معاش نخليك في شقتك ههههه

[ليبيه100%]

اهلين يقين مرحبتين بيك صغيرون ماشالله وعندك بنيه انشالله اتخاويها
قولولي يبنات الي عندهم بيبي وجابو التانى شن ايكون احساسك تبي النوع يتغير وله نفسه انى عندى وليد مرات انقول نبي بنيه كان صخر الله ومرات طماعه انقول وليد تاني الي مجربه اتقولي تجربتها

[يقين]

ميراس الله يسلمك حبيبتي حالنا باهي وانتي وصغارك كيف حالكم

[ام وسونة]

خلاص يايقين متفاهمين حتي اني مانحبش قعاد الحوش

وخيه اسما انستينا وتشرفت بمعرفتك وربي

يسهلها عليك

اني وخيتك ام وسونة متجوزة من 4سنوات وعندي

بنوتة اسمها وسن عمرها 3سنوات وشهور

واني من مواليد 83 ومنخرجة من الهندسة قسم عمارة

[hatoo]

اهلين بنااااااااااااااااااااات, واهلين ليبيا مرحبه بيك في تجمعنا وان شاء الله ربي يحرر سرت وبني وليد ويهنينا علي بلادنا وانا عندي بنيه عمرها سنه وحامل في الرابع واكيد الشعور بيتغير توا يعني خاطري يجي وليد عشان تغيير بس لو تجت بنت حنفرح بيها واجد عشان تقعد قريبه من رتولي

[يقين]

السلام عليكم كيف حالكم توا

[hatoo]

اهلين يقين

[أم أجنادين 80]

السلام عليكم
شن اخباركم
نورتينا ليبية انا ام اجنادين " مازلت مابديتش أم "
زاوية ونسكن في الزاوية متزوجة من سنة ومازال ربي ماسخرليش الحمل إدعيلي .
صح انتحار ياأم قصي
والمشكلة انه كل يوم في شباب صغيرين يتوفوا الحق يوجعوا
غير البارح سمعت عن 6 شباب من أقاربنا كانوا مفقودين من فترة دخول الجيش للزاوية
وكانوا ماشيين بيلتحقوا بالثوار في الزنتان وامس بس القوهم في وادي قاتلينهم من شهر سبعة بدون مايندفنوا ...
لدرجة انهم ماعرفوا واحد منهم الا من البلاتين كان عنده كسر,,
ماعنديش شن بنقول غير
"لاحول ولا قوة الا بالله العلي العظيم "
اللهم يسكنهم فسيح جناتك,وإرحم موتانا وموتى المسلمين
الله يسكنه فسيح جناته,ويرحم موتانا وموتى المسلمين

نحنا ماعندنا غير الدعاء ليهم وان شاء الله ربي يصبرهم أمهاتهم
وبالنسبة لموضوع الحنه حاليا راح نأجله حتي مانجرح مشاعر حد ..

[أم أجنادين 80]

يابنات انا عندي اقتراح
شني رايكم كل فترة نختاروا موضوع نتناقشوا فيه ونفيدوا بعض بخبراتنا وبتجاربنا الخاصة
مثلا كيف الوحده منا تتعامل مع زوجها بالكلمة الطيبة واالحلوة وتخلي لسانها ينقط عسل "زي المصريات "
وشني واجباتها اتجاه زوجها وشن حقوق الزوجه اتجاه الزوج مرات الوحده منا تكون غافلة علي
أشياء مهمة مذكورة في ديننا ومهم جدا بس مانهتموش بيه .
ومن المفروض يتنازل الزوجة او الزوج في بعض المواقف
وكيف تقدر الزوجه تراضي زوجها لما تزعله
أو كيف تعامل مع اهل زوجها " أم زوجها , وخواته , أقاربه "
اي موضوع مهما كان صغير وبسيط ممكن يكون مهم في نجاح الحياة الزوجية والأسرية
أي فكرة او اي اسلوب تتبعه كل وحدة منا ووجدت انه ناجح
طبعا البيوت اسرار ومانبي منكم تحكوا أشياكم الخاصة بس كل وحدة عندها
طريقتها الخاصة في تقديم النصيحة بدون ماتحكي عن حياتها الشخصية "أكيد فهمتوا قصدي ".

"هدفي أني نستفيد ونفيدوا حديثات الزواج منا "
شني رايكم

[ام وسونة]

فكرة حلوة وخيتي ام اجنادين ياريت الكل يتفاعل معاها

[يقين]

هاتو حبيبتي ولو احني خوات
بالنسبه ليا جبت طبيعي بانسبه للقيصري بالف وحاجه بس حنسالك لو تبي
واني موجوده بالقاهره
وبانسبه لسؤالك عن الكورس قالي راجلي هيا غاليه هلبا بس حنتصل ونقولك ونرد عليك ان شالله ماشي
اي خدمه تانيه اني تحت امرك

[ام وسونة]

يقين شن جوك تعرفي اني قاتلني الكساد

[ليبيه100%]

اهاين كل الى رحبتوا بيا اهلا بيك ام وسنه معناها انتى دفعتى لكن اكيد اتخرجتى قبلي لانى كيف كملت انى لانى وقفت بعد الزواج سنتين معانها اكيد نعرفك ام اجنادين والله فكرتك حلوه وياريت نتفاعلو مع بعض لانى انىحاليا عندى عيد ميلاد راجلي بعد اسبوع والحق مايحبش المفاجاة الغريب او بالحري ايدير روحه ايحب لكن الواضح لا فامش عارفه شن نبي انديرله وافكاركم يالبيبات بما اننا قريب نفس الطبع هههههه

[ღॐ آية ღॐ]

السلام عليكم غاليات
الكل من سالت عليا وعزتني
ان شاء الله الاجر حاصل والسعي مشكور..
وان لله وان اليه راجعون ..
والله فرقت الغالين صعبة وربي يعينها على تربية صغيويرتها...
قلبي مشغول على خوي ليييييييييييييين خلاص اول امس اتصلو
بي بابا جايبين شهداء من تاجوراء يحملو نفس لقبنا ...لاكن ولله الحمد ماكانش منهم
كانو اولاد عمومتي
.....ربي يرجعه سالم غانم يااااااااااااااارب...

[ღॐ آية ღॐ]

اسالكم الدعاء لثوارنا المرابطين في الجبهات
وللجرحى بشفاء
ولشهداء برحمة والمغفرة
اللهم اميييييييييييييين..

[يقين]

وعليكم السلام ايه عظم الله اجركم واسال الله العظيم رب العرش العظيم ان يرجع خوك وبوك بالف سلامه يارب وربي يعين وخيتك ويصبرها ويبدلها مكان حزنها فرح ياااااااارب اللهم امين

[يقين]

ام وسونه اني اعظم منك كساااااااااد اسمعي قوليلي امتي تكوني فاضيه خلي نهدرزوا عالياهو احسن

[يقين]

وينكم يابنات شكلكم لتوا راقدين

[poucie]

السلام عليكم ورحمة الله وبركاته،،،
جمعة مباركة للجميع وانشاء الله ربي ينصر ثوارنا ويردهم سالمين غانمين يا رب العالمين

[poucie]

مرحبتين يا ليبية 100% انستي

[poucie]

اية شخبارك عضم الله اجركم وانشاء الله ربي يصبر اوخيتك ويعينها على تربية صغيوريتها

[ام وسونة]

جمعة مباركة عليكم

ربي يصبركم يااية ويرجع وخيك سالم غانم

يقين والله عندك حق اني غالبية الوقت فاتحه الياهو بس انتي مسكر

وخيه بوسي كيفك وكيفا بنياتك

[ام وسونة]

سلمها بنيتك يايقين ماشاء الله ربي يحفضها

[عيون زوجي]

أيه.....عظم الله اجرك مرة تانيه
ويارب تشوفي خوك راجع منصور وسالم غانم هو وكل الثوار ويطمنك اعليه ويطمن ام قصي على اهلها وحتى ميمونه ممكن سمعت خوها صح
المهم دعوتنا في هالجمعه المباركة
اللهم انصر شبابنا المرابطين في الجبهات والثغور والبوابات وكل من سهر ليحرس ليبيا وناسها يارب
ويارب اشفي جرحانا وارحم موتانا واسكنهم فسيح جناتك واغفر لهم ولجميع اموات المسلمين يارب
كيف حالها اوخيتك وقداش عندها صغار وشنو اعمارهم وهي تخدم ولا لا؟
ماتخافيش اعليها لها الله هو خير حافظا وهو ارحم الراحمين

[عيون زوجي]

وينكم ما هناك حد انهدرز معاه؟؟؟؟؟؟؟؟؟؟

[ليبيه100%]

السلام عليكم جمعه مباركه ليكم كلكم وانشالله جمعة النصر ياااااارب ايه عظم الله اجركم والهم الصبر ونحتسبه عند الله شهيد ربي يرجعلك خوك سالم رافعلكم راسكم بتحرير بلاده يارب

[ام وسونة]

هذه بنتي وسونة المصراتية وهي مصرية العام اللي فات


http://forum.hwaml.com/imgcache2/hwaml.com_1317385594_120.jpg

[عيون زوجي]

بالعاده اكتر البنات المتواجدات
ميراس
ام وسونه
ام عويضة
يقين
وينكم ولا البنات التانيات ادعوكم لان عدوى الغياب متفشيه في التجمع

[ام وسونة]

اني قاعدة ياعيون كيف حالك وحال صغيويرتك

تعرفي نشغلت عليك وينك شكلك تتوحمي ههههههههه

[عيون زوجي]

ماشاءالله على وسن تبارك الرحمن ربي يحفظهالك ويجعلها من خيرة الناس وتفرحي بيها عروسه ويرزقك بخوتها وخواتها يارب...........

[ام وسونة]

انييييييي قاعدة

[ام وسونة]

تسلمي ياحبيبة

[عيون زوجي]

كيف حالك يا ليبيه وشن جو لندن صقع ولا وسط حال وتأقلمت مع الوضع ولا مازاااااااااااال؟

ام وسونه انا الحمدلله لا لا لا مش حامل يارب يرزقك انتي الحمل الثابت السليم وكل وحدة تستنى يارب
انا ولدي قاعد صغير عيد ميلاده الاول بعد 4 ايام
وبنتي عمرها سنتين و5شهور صغيرين مازال 3 او 4سنوات تانيه

[عيون زوجي]

انشغلت اعليكم بعزوزي وشيبانيا الزوز مرضوا مع بعض
عمي جاته زي الدبحه الصدريه وعمتي انكسرت
توا كيف كملت منهم نضت درتلهم فطورهم وروحت منهم درت الغدي وبعتها مع راجلي وتوا قعمزت بنشرب قهيوتي معاكم
انتي شن اخبارك وشن غداك وكيف حال امك توا؟

[ام وسونة]

ربي يخليهملك ويحفضهم يارب

وان شاء الله ربي يسخرلي اني الاسبوع هذا ماشية لتونس منه دهواري ومنه علاج

ادعولي ربي يسهلي

[عيون زوجي]

ان شاءالله ربي يسخرلك الحال وتحملي يارب
وين بتمشي بالزبط؟؟؟؟؟؟؟؟؟؟؟

[عيون زوجي]

اهلي مشوا لتونس حوالي شهرين الا شوي
يشكروا في العاصمه وسوسه قالوا حلوات وعندك وين تتدهوري..........

[ام وسونة]

لاباس عليهم وطهورا ان شاء الله

والله امي الحمدلله قاعدين يضربولها كل اسبوع في ابرة

في ركبتها وان شاء الله تجيها القدام

والغذي والله عجنت بيتزا وخبيزة بالتن لكن مازال ماطيبتهمش

لان الحب كيف فاق ماليشي هلبا درتله كابتشينو بالوز وكيكة

انت شن درتي غذاك

[عيون زوجي]

ليبيه وام وسونه وينكم نهدرز بروحي...........

[ام وسونة]

ان شاء الله ماشية حتى اني للعاصمة وسوسة اني نبي العاصمة لان فيها

دكتور كويس بنمشيله وراجلي يشكر في سوسة لانه ديمة يمشيلها

طبعا مش توا قبل الزواج ههههههههه

[ام وسونة]

ايوة اني قاعدة غير المنتدى مايديرش رفرش بروحه

لازم انتي ديريه

[ام وسونة]

لوعندك ايميل عالياهو ابعتيهولي خلي نهدرزوا غادي احسن خير من التشحوير

[عيون زوجي]

اليوم نضت بكري شوي
درت سحلب متاع اللوز للعيلة غادي علة خاطر كسر عزوزتي
وفي حوشي درت بيتزا بالجبنه بس خفيفه في ماكينه البيتزا كابتشينوا لراجلي ونوضته من 10.30
والصغار زبادي وحليب بس عالصبح
والغدي رز مسقي وسلاطة
وتوا بنوض اندير كابتشينو قلت نستنى بعلي نشربوا مع بعض

[ام وسونة]

اهو اني توا نخرط برووووووووووحي

[عيون زوجي]

omsara2052009@yahoo.com

[عيون زوجي]

ههههههههههههههههههه
حتى اني كنت نخرط بروحي
هههههههههههههههههههههههههههههههه

[ام وسونة]

خلاص توا ضفتك ادكي الاضافة

om_wassona@yahoo.com

[عيون زوجي]

ليبيه وينك
تعالي انضميلنا

[ميراس]

سلامات عالحلوات وين هالغيبة ياعيون وشن هالجمال ياام وسونة عينى ماتضرها اتهبل ربى ايخليها لك عيون والله ابديت وانخش اتطيرلى نقرا اشوى ونطلع كل مانخش منلقي حد نستنى ونطلع وبرا قلنا حالوا تقربوا ساعة ندخلوا ولو مجموعة بسيطة ومافيش فائدة عين وصابتنا

[ام وسونة]

شكله مافيش حد

[ام وسونة]

تسلميلي ميراس وتشوفيها عندك حبيبة

[ام وسونة]

وينك وخيه ميراس

[يقين]

ام وسونه تسلمي حبيتي هذا من ذوقك حتي وسن مشالله عليها ربي يحفضهالك

[يقين]

عيون وميراس كيف حالكم وحال صغاركم طيبين ان شالله

[يقين]

هيا توا بالسلامه اني طالعه

[يقين]

السلام عليكم مساء الخير عليكم

[يقين]

وينكم ان شالله المانع خير معقوله ولا وحده في التجمع

[ريم البراري]

السلام عليكم ورحمة الله وبركاته

آية عظم الله اجركم والبقاء لله وحده وربي يطمنكم على خوك وتكحلوا عيونكم بشوفته ويلم شملكم ويطمن كل من غايب عليه حبيبه يارب

اهلا بيك ليبية 100% نورتي

يقين كل مرة نلقى البنات يقولوا ماشاء الله على فروتي وانا مانشوف في شي
قوليلي السبب:
هل انا عندي مشكلة في النظر؟
هل بنتك شفافة عديمة اللون؟
او انك تحطي في الصورة شوية وتشيلي فيها !!!!
خاطري نشوفها ديريلي حل مانعرفش

ام وسن بنتك حلوة ماشاء الله ربي يحفظها

ام عويضة وينك؟ ان شاء الله لاباس على عويضة وديما حصني صغارك

بالرقية الشرعية والاذكار ربي يحفظهم ويحميهم

[يقين]

ريم البراري قوليلي وصلك الايميل عالخاص ولالا
بالنسبه لفروتي زي ماقلتي شفافه وملاك يشبحها رقيق المشاعر ومرهف الاحساس بس هههههههه
انبصر عليك نحط في صورتها شويه ونحولها الصوره اللي نصورها تطلع مش حلوه فقلت خلي نختارلها صوره حلوه ونزلها اهني

[أم عويضة]

السلام عليكن يابنات
كيف حالكن وان شاء الله اتكونن بخير كلكن

[ام وسونة]

السلام عليكم

هس هس هل في احد موجود

[ام قصى محمد]

انا جيت مين قاعد من نايم

[يقين]

السلام عليكم حتي اني جيت ومدايره بكبوكي بنسهر عليها اني وزوزي علي قولت ام وسونه
بس شكلها حااااااااااااااااااره وتوا كيف كسرت المكرونه

[ام قصى محمد]

اهلاين يقين صحه وعافيه

[ام قصى محمد]

سامحونى عند مدرسه بكرا اتمسوا

[ღॐ آية ღॐ]

السلام عليكم
منورات بنات كيفكم توة
عيون ويقين وام وسونه وبوسي شكرالله سعيكم..
ياعيون اختي هادي الي حملت معاي وقلتلكم تعبت في الشهور الاخيرة في الحمل
وبدت تمشي على الكرسي.. الله يرحمه كان يحبها هلبا ويرف عليها ومدللها لين خلاص
عندها 4 صغار تلات ولاد وبنية بكرها يقرى صف اول اعدادي والتاني صف خامس والبنت صف اول والصغير عمره 8 شهور...والله والله يقطعو القلب ..هيا مواليد 78 وهو 74

[ღॐ آية ღॐ]

لاكن الحمد لله صابرة ولما جابوة في تابوته وشافاته يوم جنازته ارتاحت
لانه كان ليه شهر تاعب ..صورته مابتش تمشي من بين عيون ياريتني
ما ريته ...استغفر الله ولله الحمد لانه شهيد...

[ام وسونة]

صباح الخير عالحلوين

اختي اية الله يرحم ميتكم ويجعل مثواه الجنة يارب

ويصبر وخيتك ويعوضها الله في تربية صغارها

[أم أجنادين 80]

صباح الخير
عظم الله أجرك آيه وربي يسمعك الاخبار الطيبة علي خوك وبوك

[ميرنا]

السلام عليكم يا بنات

[يقين]

آيه ربي يعوضها خير في صغارها وربي يصبرها ان شالله ويعينها علي تربيتهم يارب

[يقين]

ميرنا وعليكم السلام كيف حالك وشن اخبار الحمل

[يقين]

ام قصي سلمك واعطيك الصحه

[يقين]

تعرفوا يا بنات حسني مضااااااااااااايقه امبارح كلمتني اختي متزوجه ليها 9شهور وماحملتش والله بكل قعدت نفكر فيها ومضاااااايقه هلبا
بالله عليكم ادعولها بالحمل عاجلا لا اجلا

[يقين]

هيا تو بالسلا مه بنطلع للسوق اللي بحدانا بنجيب شويه حاجات ناقصاتني ومنها نغيرجو

[ام وسونة]

كيفك يايقين وكيفك وخيتنا ميرنا

ربي يسخر لوخيتك يايقين هي مشت عالجت المفروض ماتسكتش علي روحها

[أم سعد]

السلام عليكم

كيف الحال؟؟؟

[ام قصى محمد]

السلام عليكم منوره ميرنا لك وحشه
ايه عظم الله اجركم وصبر اختك ويصبركم واهله
اهلاين بنات ام وسونه وام اجنادين شن صار معاك شن قررتى راح تمشى للتلبيسه والفرح لو لا
بنات وين اعتدال له مده

[ام قصى محمد]

يقين راكى تنسينى اشريلى معاك ههههههههههههه
ام سعد ام وانا على الفيس شفت واحد حاط صوره سعودى اظنه زوجك اتمنيتك انتى
بنات اسمى على الفيس
Nfs Ballo

[ام قصى محمد]

تعرفو اليوم راحه الغدا اليوم من امى امس دايره حوت وعطتنى عزول انا بس قليت البطاطا ودرت السلاطه الله الراحه حلوه ههههههههههه

[ام قصى محمد]

بنات وينكم تعرفو اندير برمه على المنتدى اوكى ونرجع لكم

[ام وسونة]

اهلين ام قصي اني اموري تمام وان شاء يوم الاثنين ماشية لتونس العاصمة

خلالالالالالالالالالالالاص بنفد

[يقين]

اهلين ام قصي وام وسونه كيف حالكم اني اموري تماااااام والحمدلله
ام وسونه بالنسبه لختي مشت عمره هيا وراجلها في رمضان ومشت لدكتوره شاطره وقالتلها الدوره بس متلخبطه وعطتها دواء وقالتلها ان شالله خلال 3 شهور تحملي
تعرفي يا ام وسونه سلفتها جابت من اسبوع وليد وهادي متزوجه معاها وتعرفي عاده شوايخ العزايز وخيرك وشن في
ياربي ارزقها عن قريب يااااااااااارب

[يقين]

ام وسونه عالخير ان شالله وربي يكتبلكم الشفاء والذريه الصالحه

[يقين]

ام قصي من عيوني اللي تبيه نجيبهولك شن رايك في سنكرس عششششششششششششششششششقي سنكرس

[ميراس]

السلام عليكم ورحمة الله وبركاته

[أم سعد]

وعليكم السلااااام

[ميراس]

كيف حالك ام سعد وكيف حال سعودى

[ميراس]

شنى ابروحك فى المنتدى ولافى حد تانى

[أم سعد]

الحمد لله تماااااام

و انتي كيف حالك وكيف حال العائلة؟؟؟

[ميراس]

الحمد لله حال الكساد

[ميراس]

بعد ادنك ام سعد بنمشى نعطى لولدى غداه

[يقين]

السلام عليكم ورحمه الله وبركاته

[يقين]

ميراس وام سعد كيف حالكم وحال صغاركم

[أم سعد]

أهلين يقين ... احنا تمام ولله الحمد وانتي؟؟

[أم أجنادين 80]

مساء الخير
كيف حالك يقين
شفتك كاتبة اختك ليها 9 شهور وماحملتش
ربي يرزقها الحمل العاجل
حتي انا ليا سنه وربي مارزقنيش
تعرفي والله انا زوجي الموضوع مش مأثر فينا نهائيا
بس قصقصة الناس بكل لدرجة يسألوا فيا شن مدايره مانع وامشي عالجي شن من يفتش فيك انت وراجلك , بالك عندك التهابات ,,,, الخ.
لدرجة حتي لو نصدع ولا نكون مرهقة يبدوا يوشوشوا شكلها عملتها
حـــــــــــــــــــشرية زايده
لين قعدت نبكي ,,
وبعدين استغفرت ربي وقلت ليش انكد علي زوجي انا ندير شن عليا والباقي علي ربي

" ربي لاتذرني فردا وانت خير الوارثين "
ويارب يرزقنا كلنا بالذرية الصالحة

[أم أجنادين 80]

اهلين ام سعد شن اخبارك حبيبه

[يقين]

ام سعد اهلين اني الحمد لله تمااام قوليلي شن اخبار الشعر والقصات صبغتي ولالا

[يقين]

اهلين ام اجنادين ربي يرزقك بالطفل السليم المعافى
حقه والله عندك حق في كلام الناس اللي ماتتحشم علي وجوها تعرفي اختي نفس الحاله قاتلي من تاني شهر يقصقصوا وفوق هادا لما يجيهم ح اول سؤال شني ما دارت شي كنتك ااااااااااااااه حسني شايله همهاربي يرزقك ويرزقها ويرزق كل محروم يااااااررب امييييييييين

[ام وسونة]

كيفكم ياصبايا

تسلميلي يايقين وربي يرزق وخيتك

ميراس يف حالك وشن اخبار صحتك

ام سعد الحمدلله علي سلامتك امتي روحتي وشن صار

في صبغتك والقصة علي قولة يقين

[أم أجنادين 80]

السلام عليكم
ان شاء الله يايقين ربي يرزقنا جميعاً
شن اخبارك أم وسونه
بنات بنسالكم يلي من طرابلس فيه بضاعة ملابس جديدة ولا مفيش
وشن الأسعار

[ام وسونة]

شكرا لسوالك وخيه ام اجنادين وبالنسبة لناس مامخلين

حد في حاله حتي اني عندي بنت وناس بتاكلي وجهي شن مازال مافيش حويجه

وااااااااااااااك منهم وسعي بالك وكله تساخير من عند رب العالمين

وحاولي انك تكفوا وتحللوا باش تطمنوا وربي يطمنكم

وبالنسبة للملابس في حاجات حلوة بس الاسعار زاااااااايدة

وانتي استني شوية لان توا قريب ينزلوا حاجات الشتي


بتاكل وجهي من الاسيلة لكن كله بالتساخير*

[ام وسونة]

شكرا لسوالك وخيه ام اجنادين وبالنسبة لناس مامخلين

حد في حاله حتي اني عندي بنت وناس بتاكلي وجهي شن مازال مافيش حويجه

وااااااااااااااك منهم وسعي بالك وكله تساخير من عند رب العالمين

وحاولي انك تكفوا وتحللوا باش تطمنوا وربي يطمنكم

وبالنسبة للملابس في حاجات حلوة بس الاسعار زاااااااايدة

وانتي استني شوية لان توا قريب ينزلوا حاجات الشتي


بتاكل وجهي من الاسيلة لكن كله بالتساخير*

[ليبيه100%]

سلام عليكم بنات كيف الحال شن اخباركم كيف حالك ام وسنه ام اجنادين ربي يرزقك يارب انى اختى ليها سنتين متزوجه وماسخرهاش ربي بس رمة ٣ مرات وزياده معاها سلفه داخله وجايبه اتنين فاشدلك الناس هههه لين مرات توجع فيه وانشالله ربي يرزق الكل

[ليبيه100%]

بلاهي سوال وساعدونىى

المره هدى جايتتي عليى النوم وهلبه اعصاب وولدى هلبه مدلع وحركي وطلباته اكتر منه فاول مره اليوم خبطه علي ايده مرات مرات تضحكو لكن وللله من بكرى منكد ويبكى لين مستغربه كانى عاطياته طريحه بديت عصيبه شادتها كان عياط عليه ومش عارفه كيف نصرف معاه

[أم أجنادين 80]

صباح الخير
ان شاء الله ربي يسمع منك ليبية
وسعي بالك شويه معاه
مرات ضغط حتي الحالة النفسية تأثر

[أم أجنادين 80]

وينكم
لما فتحت الصبح مالقيتش ولا وحده منكم
يقين ام سعد ام عويضه ام وسونه ليبية عيون زوجي

[أم أجنادين 80]

صحيتي ام وسونه
صح كله بتساخير ربي
والانسان مايملك شي في نفسه
وامتا ربي كاتب مهما الواحد يدير ويجري بس امته يكتب ربي
هدوا الناس مايخلوا حد في حاله
تعرفي مرات نتعصب من الموضوع ونتعفلق بس نقول المهم عايشه متاحة مع زوجي
مش حندور كلام حد ,,,,
يالله اعطينا الصبر

[ميمونة]

السلام عليكم

شن حالكم يقين .ام وسونه.عيون.ميراس.ام اجنادين ورفيده وينك استحشناك وام اسيل وميرنا شن حال حملك وام سعد

مرحبتين بيك ليبيه شرفتينا

[ميمونة]

ربي يسخر يااجنادين انا ليا سنتين علي فكرة واليوم نسكر السنة التانيه عرسي 2/10 واليوم دكري زواجنا ادعولي ربي يسخرلي بالحمل

مانحكليكمش وجايتني الدوره هالمهبوله هههههههههههههه ومفشلتني حاله وخلاص بس اكيد بندير جهدي ههههههههه

[ميمونة]

شن اخبارك عيون وشن حالك صغارك انشاءالله مش متاعبينك

[ميمونة]

ام قصي شن حالك وحال راجلك اسال علينا ياحلو

[ميمونة]

يقــــــــــــــــــــــــين شن دكري زواجك في شهر 10 زيني هههههههههه

انشاءالله بالصحه عليك وطول العمر

[ميمونة]

ربي يحفظلك وسونه ياام وسونه ماشاءالله عليها

[ميمونة]

توا انا مروحه لحوشي ماعنديش نت

نتلاقوا قريبا

[أم أجنادين 80]

اهلين ميمونة شن اخبارك
ووينك معادش بينتي
حتي انا جايتني الدورة حاله مدايره فيا

[ام قصى محمد]

السلام عليكم
اهلين حبوبات
ميمونه والله مش ناسيتك وعيد زواج سعيد وانشاء الله حملك عن قريب يارب
شرفتينا ليبيه 100%
انشاء الله ربى يعونم على ولدك انا مقدره الى انتى فيه مريت بيها فى بناتى بس مرحله وتمر واسمعى كل ماتكونى عصبيه مع وليدك كل مايكون عصبى يعنى هو مرايتك اى شى تمليه ينعكس عليه اهم شى انك تكونى واضحه معاه يعنى مش كل مره براى لما تعاقبى تكون دائما بالوقت العقاب اما بحرمان باشياء يحبها
هو بسليمته كم عمره وانتى حامل فى كم ؟
يقين انشاء الله اختك تحمل مع الدوا وييييييييه خوذى على السلفات وحناطتهم انا سلفتى جبت بنت وهى جابت وليد تقولى جايبه الملك فاروق ولا امير المؤمنين وتمت تشكك فيا لا اكيد راجلك يبى اولاد بس هو مراعى شعورك شفتو الجهل والله قعد نبكى ونبى الوليد ولما حملت بالوليد واجهضته فى الخامس وجعنى وبعدين امى لفت عليا وقالتى بسلامه بناتك احمدى الله وفعلا وجديتى قالتلى الى تجيب البنت تجيب الولد بس الدق على الراجل شوفو جديتى كبيره بس الكبار عندهم حكم فعلا العلم اثبت ان الراجل يحدد النوع مش المرا
لذالك وكلت امرى لله بس الناس تعبونى كلهم يقولى انشاء اتجيبى الوليد توا انتن خواتى بس اهل زوجى نحسهم فى الاوةل استغلو الموضوع لعند ماراجلى قال انا راضى بالبنات وهم بنتين مش عشره فاليش كل هالاهتمام مش عارفه
زهره شن صار معاك وينك طمنينا عنك ادخلى على تجمع المصريات خليهم يورك الدكتورات الكويسات
ام وسونه انشاء الله تحملى عن قريب وتفرحينا
ام اجنادين وحتى انتى هذا الصح اهم حاجه راجلك ونفسك وشن عليك بالباقى الله يكملك بعقلك

[أم أجنادين 80]

ياأم وسونه شن معناه اسم بنتك

[ام قصى محمد]

ام اجنادين مرحبتين شن صار معاك فى موضوع الفرح راح تمشى

[ام قصى محمد]

اعتدال...........ام عويضه.........ام رويفيده.......
هاتو...........ام الصبيان........عاشقه..........
سومه.........بوسى...........اضواء.........
وينكم
ام عويضه خير انشاء الله لك وحشه

[أم أجنادين 80]

ياأم قصي بالله عليك هدا كلام
شن علاقة بنت ولا ولد المهم طفل سليم وكامل الخلقه
داروا زي عصر الجاهليه يستعيروا من البنت
وشن المشكله البطن هذه بنيه الجايه وليد هدا كله من ربي

تعرفوا مجتمعنا ميبيش حد ساكت زي حالاتي يبي وحده ترد بدل الكلمه 100
حتي يمعادش يتمادوا ويدخلوا في حاجات خاصه
اخر مره طلعت لمرت ولد عم زوجي جايبه وليد قالتلي شن مدايره مانع
ولا امها قالت بري عالجي من يفتش فيك انت وراجلك
وانا اول مره نشوفها امها في حياتي وياريت هكي بس قالتلي خيرك ضعيفه رايحه بتموتي ماتاكليش ولا شني
والله بنهبل من الدره هدي

[ام قصى محمد]

ام اجنادين انتى الفوتو شوب محملته من النت او من مركز خاص لانى جربت كم مره انحمله من النت وماقدرتش ومش عارفه كيف نحمله انفكر انشيل اللاب ونحمله من مركز

[ام قصى محمد]

هههههههههههههه والله شن دخله اول مره تشوفك وهكى تحكى معاك والله حاله
الحمدلله المهم الراحه مع الراجل وبناتى يكونو بصحه وعفيه
ميراس وينك معش كتبتيلنا شى تدخلى تسلمى وتطلعى
ويابنات وين عيون والله فاقدتها

[ام قصى محمد]

سامحونى نمشى ندير الغدا
باىى

[ام وسونة]

صباح الخير كيفكم ياحلوات

ربي يحفضهملك بناتك ياام قصي ماشاء الله عليهم وكانك عالناس

هادوا فاضيين لوتلاحضي انهم يبدوا يسالوا فيك من لما تقري كملتي قريتك

وبعدها شن مافيش خطوبة بعدها امتى العرس وبعدين مافيش حويجة وتحملي

ويبدوا امتى بتخاوي وليدك ولابنيتك وكان جبتي بنت تانية جبيلهم وليد

وكان جبتي زوز ولاد يقولوا جيبيلهم وخيه هي قصة طويلة بس

لحد اهني وفهمك معاي هههههههههههههههه

ام اجنادين معنى اسم وسن هو بداية النعاس ويااااااااااااارب تشوفيها عندك

وخيتي ميمونة ان شاء الله العمر كله ويارب يكون هالعام حلو عليك

وتجيبي تؤام ويعوض صبرك ربي خير ....وعيد زواجك حاولي

انك اديري اجواء جديدة بماانك جاياتك الدورة فافضل شئ تقضوه

فترة طويلة من الوقت خارج البيت يعني تغذوا البرا واشروا كيكة

امشوا بيها لحوشكم بعدين ادهوروا واعطيه

اهديته واشكريه عالسنتين

الحلوات اللي عشتيهم معاه وبعدها رتبي حاجت تانية

اني اعطيتك اقتراحات هههههههههه وربي يونسكم ببعض

[أم أجنادين 80]

مش عارفه ياام قصي نمشي او لا
بس الحنه ممكن نحني الاسبوع الجاي
لان خلاص فات 40 يوم علي حالة الوفاه وحتي اخت المرحوم طهرت ولدها
راسي دايخ قاعدة نحسب فيها

وبالنسبة للفوتوشوب عندي سيدي نزلته منها لو تبي نقدر نبعثهالك عالايميل لو حبيتي
واي سؤال في الفوتوشوب تفضلي

[أم أجنادين 80]

تتربي في عزك وسونه
عاشت الأسامي
اسم حلو ومميز

[ام وسونة]

حتى اني نخدم بيه الفتوشوب والله روووووووووووعة

ونخدم حتى في المونتجات الافراح و اسبوع المولود وصور المونتاج

كلهم نخدم فيهم فوتوشوب

[ام قصى محمد]

والله ياريت تبعثيه ليا
ادخلى على ايميلى معروض تحت ودزيلى انضيفك واى سؤال راح نتوجهلك كانت فى وحده من السعوديه اديرلى فى صور بناتى بس توا انتمى اندير بروحى
ام وسونه قالك الناس ماتريح روحها بكل ههههههههههه
انتى لخصتى الحكايه
تعرفوا مش عارفه رايفت على الحمل وانفكر نحمل ومش عارفه انقول كل مره أنجل على سبب انخاف نتاخر بكل
كل مره ملاقيه سبله انأجل فى الحمل على خاطرها وتوا حاسه انى نبى نحمل رايفت على ان يكون عندى بيبى وحاسه بروحى نضجت عن جيبتى للبنات وتوا انشاء الله انكون قد المسؤليه حتى جانى عرض انى نشتغل فى مجله
بس اخرت الرد فكرت انى نحمل ودوبى دوب المدرسه حوشى

[ام قصى محمد]

نمشى انصلى العصر السلام عليكم

[العاااالي مستواها]

تعالي عزيزتي الغااليه شاركينا

في مسابقتنا الرائعه والغريبه في قسم الغرائب والعجائب

هذا رابط المسابقه

http://forum.hwaml.com/t74927.html

[اعتدال]

السلام عليكم كيف حالكم يابنات ان شاء الله تمام
انا مرضت ورقدت في المستشفى يومين من الصدمة حالتي حالة تعرفوا بنت خالتي طفلة عمرها 10 سنين زي الوردة توفت بسبب ورم في المعدة (وقانا الله ووقاكم شر الامراض والاسقام) قعد متعبها مسكينة ثمانية شهور بدت هيكل عظمي ياناري عليها وتوفت ليها أسبوع والفاجعة انه الاطباء ماعرفوش يشخصوا المرض لا في ليبيا ولا في تونس كلهم قالوا التهاب او قرحة حادة وما عرفوا انه ورم إلا لما وصل مرحلة حرجة وتوفت البنت بأول جرعة كيماوي في تونس لاحول ولا قوة الا بالله ادعوا ربي يصبر اهلها حالهم يقطع القلب وادعولي انا امتحانات وقلة القراية الفصل هذا مشي كله بكاء ورعايش يستر عليا إلا ربي

[زهرة2000]

كيف حالكم بنات
اعتدال عظم الله اجركم والبقاء والدوم لله سبحانه وتعالى وربي يصبركم

[اعتدال]

الله يخليك حبيبتي زهرة تعرفي والله نتفكر فيها في عرسي هي تحبني هلبة تخيلي في الكوشة مقعمزة جنبي مابتش تنزل واللي يكلمها تبكي ولما ركبت في السيارة تبكي وتقوللي بنمشي معاك والله صورتها ودميعاتها قدام عيوني محروقة عليها حرق ياناس

زهرة انت اعتقد يلي في مصر وتبي تروحي في الطايرة وإلا لا؟ كيف صار معاك انت وين توا قعدة في مصر ودرتي عملية الربط أو لا؟ ربي يحفظ جنينك ويثبته

[زهرة2000]

اعتدال ايه انا هى ههههههههه لالاوالله مازالت فى مصر بس تو قالو الخطوط الليبيه فتحوها ان شاء الله نحصل فيها يارب وربط مازلت ماربطت والمشكله مازالى اسبوع بس وكان هدا نربط هنا وخلاص
ايه ياعتدال ربي يصبرك ويصبر هلها ايه والله توجعك صغير ومازالت ماشفت من الدنيا شي والى يقهر الطب بس ان شاء الله فى ليبيه الجديده تحسن وضع الطب

[اعتدال]

ربي يسهل عليك ان شاء الله وتوصلي بالسلامة وحتى تروحي خلينا نشوفوك ما تنقطعيش علينا

[يقين]

ميمونه كل سنه وانتي طيبه واني زيك متزوجه شهر 10
ام اجنادين تو لن شالله ربي يرزقك والناس التاعبه تسرت افامها
ام وسونه كيف حالك وحال وسن
ام سعد كيف حالك وحال سعود
اعتدال عظم الله اجركم وربي يلهم اهلها الصبر والسلوان
ام قصييييييييييي ربي يرزقك بتوم

[ام وسونة]

اعتدال عظم الله اجركم والبقاء والدوم لله سبحانه وتعالى وربي يصبركم

[ام وسونة]

يقين كيف حالك واحكيلنا تجهيزاتك لعيد زواجك

[ام قصى محمد]

اعتدال عظم الله اجركم والله يصبرك ويصبر اهلها
الله يرحمها طفله وهذا عمرها
اختى حاولى تقراى قرأن راح تهدى نفسيتك وتركزى فى قرايتك الله يوفقك
زهره وين كنتى مغطسه طلعتى ادهوتى والله راقده محبوسه
الله يخليك ام وسونه حبيبتى
مشكوره يقين هههههههههههه والله شكلى الناس كلها تدعيلى بتوم الله يستر
بنات ام عويضه وينها

[ام قصى محمد]

ههههههههههه تعرفو يا بنات حتى انا زواجى كان فى 10 والسنه انسكرو 5 سنوات

[ام قصى محمد]

بس نحن يهدينى مسبقا يعنى السنه شرالى من اسبوع موبايل جديد واشترينا للبيت غساله العوايز بس لسه ما استلمناها
مش عارفه شن نهديه نقول ساعه لان ساعته الماركه انسرقت منه انفكر نشريله وحده مع عطر اعجبنى خطيب اختى حاطه وصيتها تجيبلى اسمه عشان نشريه من وراه ونلفهم له ونهديهم اليومين هذولى

[ام وسونة]

العمر كله يارب ياام قصي حتى انتي احكيلنا شن مجهزة

[ام قصى محمد]

يوم زواجنا كان 28/10

[ام وسونة]

يعني اتجوزتي قبلي بعام واحد اني في 5/8/2007

[ام قصى محمد]

تعرفوا سبحان الله
كنت ابحث فى مجومات cd عندى على واحد يحوى مسلسل الهروب من السجت الجزء الاول وبالصدفه لقيت سىدى يحوى صور بنتى وهى صغير كنت اعتقد انه ضايع منى شوى بكيت والله حاسه بروحى فرحانه

[ام وسونة]

ام قصي هذا ايميلي عالياهو

om_wassona@yahoo.com

[ام قصى محمد]

اى انا اتجوزت 2006

[ميراس]

السلام عليكم ورحمة الله وبركاته

[ميراس]

سلامات للحلوين كلهم اعتدال سلامة راسك وربى ايصبر اهلها

[ام وسونة]

اهلين ميراس انستينا كيف حالك روحتي ولا مازال

اني غدوة ماشية لتونس العاصمة

[ميراس]

يابنات اليوم عيد ميلاد ولدى محمد وانا تمنيت نعمله مع اهلى لانه كل عام نعمل فيه كبير ونعمل له فى جو مش عادى لكن هالسنة والله ماحسينا به لكن يلا انشالله اتحرر بنى وليد ونعوضهوله فى ليبيا الجديدة

[ام وسونة]

عقبال مائة شمعة يارب

[ميراس]

لا والله مازلت قاعدة لانه اتغيرت الامور ومعاش اقدرنا اروحوا طبعا ماقلتش على راجلى شن صار امعاه كان خلال الازمة وقبل التحرير لمدينة طرابلس كان هو ومجموعة كبيرة ايهربوا فى بعض التوار من بنى وليد بعد احدات السوق وهربوا منهم مجموعة اللى قدروا يهربوا من ورفلى بعد قتل مجموعة منهم وتم تهريبهم من ليبيا تونس واخيراتم فضحهم فى وعرفوهم فى ورفلى وكان راجلى هو اللى هربهم الى تونس وتوا اصبح مستهدف من قبل الكلاب امتعين ورفلى وتم الاعلان عنه ومعه خمسة من اصحابه باحراق منزلنا او تصفيته وتوا اهو قاعدين وراجلى توا قاعد ايرتب للجرحى والمصابين فى امور استقبالهم وتسوية اجراءاتهم طبعا كعمل تطوعى وعلى حسابهم الخاص والجرحى وضعهم مزرى حسب قوله لان الى حد الان الدولةماعملت لهم اى حاجة والناس والله عاملةجهدها بيش يوفروا ليهم العناية اللزمة

[ميراس]

وانا ديمة خايفة عليه لكن هو اقولى خلاص معاش فى شى ايخوف التورة ونجحت وخليهم كيف مايبوا اديروا والبيت مش مشكلة خلهم ايدمروا على الاقل انحس روحى قدمت شى لبلادى الشباب قدموا ارواحهم فداء للوطن مش حوش وبرا

[ميراس]

شكله مافيش حد بنمشى اندير دورة فى الفيس بوك

[أم عويضة]

كيف حالك ياميراس
الله ايسلمك ويسلم راجلك من كل سوء
اللهم سدد خطاه وبلغه الاجر الكثير على تضحياته ببيته وماله وراحته من أجل وطننا الغالي

[أم عويضة]

بناااااااااااااااااااااااات هل فيه وحدة موجودة فيكن ؟؟؟؟؟؟؟؟؟؟؟؟؟

[زهرة2000]

اهلين ام عويضه كيف حالك

[أم أجنادين 80]

اعتدال عظم الله اجركم وان شاء الله خاتمة الاحزان
أم وسونه حتي أنا عندي فكرة عالمونتاج نخدم الصورة بالفوتوشوب وبعدين نشتغل المونتاج
ب movie maker أو swish max بس بالموف ميكر أسهل
ان شاء الله نبعثلك بس انت علي اما اصدار تشتغلي
أنا عندي photoshop 7 ME و CS 4

[أم أجنادين 80]

ربي يحفظلك زوجك ميراس

كيف حالك ام عويضه وزهرة

[ميراس]

سلام للحلوين الموجودين

[ام وسونة]

ام اجنادين اني نخدم بكل الاصدارات لانهم قراب من بعض

والمونتاج نخدم بالباور شو بصدق روووووووووعة وعالم

[ميراس]

وبارك الله فيكن يابنات ام عويضة كيف حال اعويضة اسمعى مارديتيش على عالخاص وماقلتى لى منين بنت سيدى