تجمع حوامل ليبيا

[عيون زوجي]

وبنسئلكم منو مجربه طريقه للمافن (الكب كيك) وطلعلها قنين ومنفوش وحلوووووووو

[ღॐ آية ღॐ]

أم ردينه للأمانه انا عطيتهاله وعمره تلات شهور
بنسبه للميه غاليها بروحها وهي سخونه من نارها حطيها على التمر
وبعد ما تبرد صافيها وحطيها في الشيشه.
وبنسبه لبنيتك اكيد سموحه وقنينه زي مامتها
جيبي صورتها باش يشوفها ولدي ويختار
ربي يحفضهالك يارب وتشوفيها عروسه

[ღॐ آية ღॐ]

سورينام مشاء الله على بنيتك ربي يحفضها سموحه
والله الاختيار حيكون صعب عليه
لان البنيات مشاء الله عليهم ربي يفرحكم بيهم

[تيمو ليبيا]

عباده حلو اول مره نسمعه وخفيف حتي هو اني عارفه معناه رفيف ومقتنعه ببيه بس هو مازال شكلي بنغمه غمان بيه وخلاص والهي تحيري توا في اسماء صحباتي ايسمو في اسامي والهي ماقدرت نحفظها غريبه ومعجنه تبدا في بعضها حنستخير بادن الله ونتوكل علي الله تسلمي ام ردينه

[أم ردينة]

مساء الخير يا سورينام قصدي صباح الخير ..اني ديمه الوقت هذا عندي صبح فايقه ومصحصحه وكانها 3 في القايله .. المهم والله سخفتني بنيتك مكملتش الرضاعه وحملتي عليها بسرعه لكن اي حاجه من عند ربي مرحبتين بيها هما علي بعضهم متعبين لكن فتره وتعدي لما يكبرو يا سلام انشالله ربي يخليهمللك
وبالنسبه للموانع كلها معادش عندي فيها تقه كل مانع يطلعو فيه لوله وتوه نخمم بعد الولاده شنو بندير وها الموضوع متعبني لاني خايفه نحمل تاني قصدي ثالث..وبالنسبه للحليب راهو ممشاش مع ولدك اكيد لان يقولوا لما يرجع البيبي بشكل مش طبيعي او يجي اسهال اوامسالك معناها الحليب ممشاش معه . جربي غير ي الحليب هما يقولو احسن حاجه يمشي مع البيبي كيكوز او بييلاك والله اعلم

[ام ريحان]

السلام عليكم يا بنات بلادى معاكم ام ريحانه من طرابلس

[ღॐ آية ღॐ]

اهلا بيك ام ريحانه
نورتي التجمع مرحبتين بيك بين وخياتك
عرفينا عليك اكتر .

[أم ردينة]

أهلا يا أم ريحانه مرحبتين بيك..

[ام ريحان]

السلام عليكم :شكرا على الترحيب .......انا من طرابلس متزوجه من 10 شهور حملت بعد ثلاثه شهور من زواجى
لكن رميت وانا فى نهاية السادس مش معروف السبب منقدرش نصوف قداش كنت فرحانه بروحى حامل وخاصة لما قالولى بنت قريب طرت من الفرحه لكن فرحتى مكملتش جتنى صدمه لما قتلى الدكتوره البيبى مافيشى نبض واناكنت نتوجع لكن مانعرفش وجاع الولاده كيف لانى بكره لكن الحمد لله سهل عليا ربى مع ان وضعها كان فارسى لكن ربى الطف بيا ونزلت ادعولى ربى يعوضنى انا ربعنت فى رمضان لكن الموقف قاعد بين عيونى كان امس وبالله عليكم بنسالكم انا الدورة جتنى بعد الاربعين على طول وكانت قوية هلبه وقعدة 10 ايام عادى? وتوا تاخرت عليا افيدونى من خبرتكم

[عيون زوجي]

السلام عليكم
كيف حالكم اليووووووووم وشن اخباركم
انا تمام والبارح كنت طامعه نجيب جاني وجع فظيييييع لين خلاص ووخز شديد في عنق الرحم يقتل واستمر من غير انتظام من الساعه1 ليلا ال 4.20الفجر ومعاه الام الظهر وبعدها اختف نهائي........
واليوم مافيش الم ربي يستر وادعولي انجيب قبل الاتنين مانبيش الصنااااااعي

[عيون زوجي]

هلا ام ريحاااااااانه شرفتينا............

[ام ريحان]

ربى يسهل عليك ياعيون وتولدى طبيعى وتنوضى بالسلامه ويفكك ربى من الوجع الصناعى

[سورينام]

السلام عليكم يا غاليااات
مراحب بام ريحان آنستي خواتك جوامل ومنتظرات الحمل ليبيا

[سورينام]

عيوون .. كيف حال سرورة وبوها .. وشن صاير فيك ربي يهون عليك

[ღॐ آية ღॐ]

ام ريحان ربي يعوضك خير
وان شاء الله تحملي في القريب العاجل
بنسبه لموضوع النفاس والدورة المعروف ان الدورة تتلخبط
بعد النفس يعني ممكن تجيك شهر قوية وشهر متجيكش
متخافيش هدا شئ طبيعي
ربي يفرحك بحمل وولادة سهلة
اللهم امين

[سورينام]

سوريناااااااام..بنسئلك وين تقعمزي في سارة في السيارة بعد ولادة فرااس لان بنتي ديمة في حجري ومش عارفه كيف بندير معاها نفكر نشري كرسي سيارة وخايفة انها ما تتقبلاش لانها كبرت على العوج مع انها في المانيا تركب في السيارة في الكرسي متاعها ويسموه ماكسي كوزي بس هنا مش عارفه دليني
والله يا عيون هاذي مشكلتي وشغلي الشاغل حاليا .. اول مرة لما طلعنا مع بعض اضطريت نشدهم الزوز عندي فراس في حجري وسارة واقفة قدامي .. غير مشوارنا قريب بس .. لان الوضع خطير جدا .. بعدها بديت نحط فيها التالي ونعطيها حاجة في ايدها تلها فيها .. وقاعدة لتوا مش مقتنعة بالوضع وحايرة زيك .. وصار موقف طريف مرة طالعين وحطينا سارة التالي وقعمزت اني في مكاني وبدت ساره تعيط .. وبوها ما خلانيش نحطها القدام معاي قالي الوضع خطير هكي . اضطريت نقعمز اني معاها التالي .. تخيلو العيلة كلها التالي والراجل ايسوق بينا .. وهو الطريق كلها متعفلق .. ويقولي خلاص هو هاذا سواقكم أني وليتhwaml4 ... ههههههههههه

[ღॐ آية ღॐ]

سورينام وعيون زوجي
منورات كيف حالكم
عيون زوجي هادي اعراض طلق كاذب
ويسموها تساهيل يعني العضام عندك تتهئ للولادة
يعني ولادتك قربت بأذن لله
خصوصا لو كانت مصاحبه لي افرازات بيضاء
ربي يفرحنا بيك في اقرب وقت
قولي اميييييييييين

[ღॐ آية ღॐ]

حابيباتي هكي رح تتعبو
بنسبه ليا من الي حملت
قلتله معاش راكبه لسيارة لين تشري كرسي لولدك
ولدي حركي وفي الطريق ديمه يسحن فيا ويسحن في بوة
تصدقو مرات نسخفه يشده مني وهو يسوق
طبعاً حركته وانا حامل مش باهيه على الجنين سلامته عنيف حبتينhwaml4
ماليكمش في طول السيرة شراله كرسي سيارة وحطيناه التالي
والحمد لله خدي على الوضع
ننصحكم تشرو لعبه جديدة تقعد بس في السيارة
على قولت سورينام يلها فيها العيل
يعني ضاروري تستعجلو بي شري الكرسي وننصحكم يكون فيه طرف بلاستيك يطوق العيل
للحصانه زي كرسي ولدي
ننعتكم على محل فيه كراسي حلوة باسعار معقوله حنين الي في زاوية الدهماني فيه
كراسي حلوة

[أم ردينة]

انشالله يا عيون تفتكي من الصناعي ومن التمزريط اللي في المستشفى وميصيرلكش زيني قعدت ثلاث ايام وفيا الوجاع وكل وجعه احرف من اختها وبعدين ثالث يوم دخلوني للصاله تبع الولاده وقتلي الدكتوره خمسه سانتي الرحم وبعدين بدي الم فظيع لكن الرحم معادش بي ينفتح فدارولي الوجاع الصناعي ايضا مفيش فايده الم مش عادي غير السمي مقدرتش نوصلها لن نزلت عليا الميه الخضراء فدخلوني للعماليات ودرولي عمليه ولما فقت فرحت فتكيت من الوجاع لكن اللي بعد العمليه احرف من الوجاع كله تعبت هلبه قعدت شهر مش طبيعيه بكل وبعدين وجعني صدري قعد في الحليب فدارلي التهاب ولما مشيت للحارس في عيادة المراه قالي لازم من العمليه المهم صارت فيا حاله ... لكن منشعفوش عادوتها مره تانيه ههههههه وبديت كل ما نشوف مرا حامل والله ندعيلها يا رب يسهل عليها .. وانشالله يا عيون تجيبي قبل الاتنين يارب ويسهل عليك

[ميرنا]

خلنى نبكى على حالى وما حد يسكتنى hwaml80
hwaml76hwaml78

يان على يابوى انا ايش اندير
يارب انا ايش دايرة فى عمرى نين ايصيرلى هك يارب عطينى الصبر اه اه اه يارب ارحمنى ارحمنى ارحمنى خلص اتعبت والله اتعبت
hwaml78عمرى عدى وكبدى انسحنت من العلاج خلص ظلمت قدامى نطلب الطلاق ولا نقعد ونتحملhwaml78 اه اه اه اه يارب الحايرة يامى ياريتك حية اتقولى ايش اندير يامى يامى حوشى اقريب ياخرب اه اه اه يايمى بنيتك الحايرةhwaml80 يارب جيبلى لى فيه الخير يارب صبرنى صبرنى يارب hwaml80

[ميرنا]

استغفر الله واتوب اليه

[ميرنا]

اخت راجلى طلقت بسبب عدم لانجاب موليد 86 وولد عم راجلى طلق زوجته له 5سنوات متزوج ومعندش اعيال وامس فرحه تجوز وحدة اصغيره موليد 89 ايقول الاولى كبيرة حتى العلاج ما يخذ فيها وهى عمرها 34 يستر الله

[ميرنا]

حبل الوصل
وينك ايش اخبار بنت عمك لى اتجوز عليها راجلها على سبب العيال شن قالت منسجمه ولا مع ضرتها

[حبل الوصل]

والله حاسة بيك ياخيتى وانى ديما نقول هذا انى اللى عندى عيلين مدايرة هكى مالا اللى ماعندهمش بكل كيف
تعرفى ياميرنا حتى حنى كثر عندنا الطلاق والماخدة بسبب عدم الانجاب
وان شاءالله ربي يفرج همك ويرزقك والله ديما ندعيلك
بالنسبة لبنت عمى تاقلمت غصب عنها مع الوضع لان راجلها يحبها ويقول مش حنلاقي زيها لومادرت لانها ماشاءالله عليها فالحة وست بيت ممتازة وتعرفى حتى المراة التانية مازالت ماحملتش بس راجلها ماخداش لانه يبي ياخد لان امه قالتله لوماخديت بنغضب عليك واماليه كلهم يقولوله خود سادك بتقعد بلاصغار لامتى

[حبل الوصل]

السلام عليكم يا بنات بلادى معاكم ام ريحانه من طرابلس
مرحبتين ياام ريحانة نورتى التجمع
وان شاءالله ربي يعوضك خير وتحملى عن قريبhwaml7

[عيون زوجي]

السلاااااااااااااام عليكم يا حبايب قلبي.......
اختكم عيوووووووون قعده مفنصه وعجبها الشهر العاشر الكل تسعه شهووووووور بس خلينا مع التميز صح......

[عيون زوجي]

ميرنا....حبيبتي توكلي على الله من توكل على الله فهو حسبه مافيش باب تقدري ادقيه ويرد غير باب الله هو الوهاب والعاطي والرحيم صح
زوجك يحبك وهادي احلى شي صح شفتي قداش ليكم صابرين والصبر مفتاح الفرج
رح ادعيلك ومن قلبي ونقول يارب ارزق اختي ميرنا بالذرية الصالحة ويهنيها هي وزوجها ويعفيك من هم الضرة يارب

[عيون زوجي]

عندي بنت عم بوي متزوجة ولد عمها وكل ما تحمل تجهض وجابت مرتين بنات مشوهات في الشكل وفي القلب ثقب وماتوا بعد 6شهوووووووووور عذاب
والدكاترة في ليبيا وتونس ومصر قالوا انهم صغار عم وما يقدروش ينجبوا اولاد سليمين ابدا ولازم ينفصلوا لو يبوا اولاد
زوجها قال نتحشم انطلق بنت عمي بعد 6سنوااااات زواج ولانه ملتزم وكويس دارها هو وزوجته على قيام الليل ولو بركعتين في جوف الليل للدعاء والصدقة وكثرة الاستغفااار والحمدلله ربي رزقهم بنت سليمة معافاة لما مشوا بيها لتونس انصدموا الدكاترة وتوا البنت عمرها 3سنوات او اكثر والعقبه عندك يارب

[عيون زوجي]

سوريناااااام,,,,,,صار انتي واقعه في مشكلتي
انا فكرت نشري كرسي للمولود الجديد وسارة تقعد في مكانها في حجري ولما تشوف خوها ممكن تقتنع وحتى هي تقعمز التالي وتريحني
وفعلا يا ايه محل حنين شكرتهولي حماتي وقالت حلووووو
البارح درت دورة في المحلات وعجبوني حاجات بس انشوف حنين وبعدين ناخد

[عيون زوجي]

ادعولي ربي يفرجها اعليا تعبت ولله الحمد ويارب يفرجها على الكل ويفرج هم ميرنا يارب لانها فعلا اكثر وحدة تعاني في التجمع يارب يا ميرنا يفرجها اعليك

[عيون زوجي]

بنتي سارة من امس مريضة واخدة بردة طلعت بيها نتمشى والجو في الليل نسمه والصبح امس طاحت على وجهها وفي فمها الزلباحه لسانها انجرح وبدي يصب في الدم
ولهذا البارح ما رقدتش وهي تنقنق وتبكي وماتقدرش تاكل من الجرح في فمها قلقتني معاها ومش عارفه شن انديرلها ابنيتي ومسخفتني عالاخر

[معراج]

اللهم لا تذرنى فردا وانت خير الوارثين

[ღॐ آية ღॐ]

ميرنا ان الله مع الصابرين
والله ربي لما يرزقك من واسع فضله
ادعي واقري سورة الفاتحه وتصدقي
بنية الحمل تصدقي هلبا انتي وزوجك
وادعو مع البعض خليه يصلي بيك
وادعو اثناء السجود وصدقيني ربي مجيب الدعاء
والي تطلقة بسبب الصغار ربي يعوضها خير
واكيد اجرها عضيم عند ربي
واكيد خيرتها مش معه اكيد مع غيرة
ربي يرزقك بدرية الصلاحه عاجلا غير اجل
اللهم اميييييييييييييييين

[ღॐ آية ღॐ]

عيون بعيد الشر على سرورة
والله حتى ايوب تسكر على ايدة امس باب الدولاب
في حوش بابا وصبعه تعوج ونتفخ
طول الطريق وهو يعيط ووجه لين ولا ازرق
والله قلبي نسحن وكبدتي تمجمجت وطول الليل وانا نبكي
والله حتى النوم ما رقدت باهي
ربي يطمنك عليها ويطمني عليه

[معراج]

السلام عليكم كيف حالكن ان شاء الله كويسات شخبارك ياحبل الوصل والصبر الصبر الصبر كل تاخيره فيها خيره ياعييووووون راجلها

[عيون زوجي]

السلااااااااااام عليكم
اية حبيبتي ايوب وجعني لين لحمي ناض شوك شوك انشاءالله لاباس طهور وربي يحفظهولك ويحميه
معرااااااج يارب يفرح قلبك ويهنيك ويرزقك بالذرية الصالحه انتي وميرنا وكل يلي يستنوا ميمونه وام اسيل وحبل الوصل وسمحه وراجيه واميسر وخصوصا خصوصا ميرنا ربي يعطيها الصبر على الاذى والقول ويفرحها بالحمل عاجل غير اجل

[عيون زوجي]

معرااااااااج عرفينا بحالك اكثر انا مانعرف اعليك شي لاعمرك ولا سكنك ولا اي شي..............
سورينام وينك اليوووووووووم
ميمونه شكلك مامشيتيش لحوش اهلك ......
ام اسيل كمبيوترك الجديد طلع ما ينفعش بكل

[عيون زوجي]

اية محل حنين متاع الاطفال وين يجي بالزبط في زاويه الدهماني دليني بالتفصيل نبي نمشيله بعدين وما عنديش نيه في الدوران........

[عيون زوجي]

وبقداش شريتي كرسي ايوب

[ღॐ آية ღॐ]

ما يوجعك غالي عيون
الله غالب بس الحمد لله حاله احسن اليوم رفعنا عينا وقول
مافيشي كسر والحمد لله
وسرورة شن اخبارها ان شاء الله حالها باهي ؟

[ღॐ آية ღॐ]

كرسي ايوب بي 85 ولونه مناسب بنات وولاد ازرق واحمر
بنسبه لنعته المزبوطه ان شاء الله ناخدها من زوجي بتفصيل المملل
ونعطيهالك لا كن المحل معروف بأذن لله غر يروح نقصقصه على مكانه
بزبط .. وبصراحه المحل حلو واسعاره حلوة ومعضم حاجات ايوب منه
ننصحك تمشيله مدامك قعده ماولتيش

[ام اسيل]

خيرات يا صبايا وحشتني واجد واااااااااااااااااااااجد
ونجيكن ليا كلكن سألتن عليا وفقدتني وعارفة روحي غالية عليكن زي ماانتن غاليات علي
انا جهازي كان خارب يفتح لكن نص المفاتيح خاربات
والمدرسة بدت وتعب مانحكيلكمش ووووووووووووووه من التعب
برة وجوة

[ღॐ آية ღॐ]

ام اسيل نورتي التجمع
وربي يكون بعونك
.. هدا حال الدنيا والله تعب في تعب
الحمد لله على كل حآل.
باقي الحلوات شكلهم راقداتhwaml02

[ام اسيل]

حبل الوصل عظم الله اجرك في بنت عمك ولسكنها الله فسيح جناته والله وجعتني اسم الله علي مينتها اكيدة محروقة عليها ربي يصبرها


عيووووووووووووووووووووووون مازلتي تكرركري ياوخيتي واجعتيني هلبة (واجد) ربي ينوضك بالسلامة ان شاء الله اليوم ترقدي من هن وتركب فيك اللية من هن مايجي الصبح الا وانتي وليدك احداك يارب


ميرنا والله ليك وحشة معش بتجي لبنغازي ولا شنو هيا تعالي نرجا فيك

[ام اسيل]

اهلين بأم ايوب كيف حالك وحال ايوب ماشاء عليه ربي يحفظه لكي وتشوفيه عريس والتجمع منور بوجودكم

والتعب ماعندنا وين نهربو منه غير نحصلو كلمة حلوة كله يهون لكن الرجالة يحسابو روحهم ملوك الارض يروح يبي كل شي تمام وانت تتعبي مش مشكلة هذا واجبك من قالك تشتغلي كان ماتبيش التعب اقعدي في الحوش تبي تضطري تسكتي لان الشغل يوفر في راحة مادية ويغنيك على مدة ايدك لراجلك
انا كان ننبط معش نسكت

[عيون زوجي]

ام اسيل هلا وغلا والحمدلله على سلامتك وكيف حال الضابط وصغارك انشاءالله تمام
قلنا شكله الضابط هج من مصروف رمضان والعيد والمدرسه وخلاك تولولي بروحك ههههههههههههههههههههه
الله غالب ادعيلي مازلت من الصبح ما حسيتش بحركة ومشيت بعد المغرب لدكتورة دارتلي تخطيط وجهاز وقالت النبض كويس والمية كويسه بس البيبي لحد الان راسه صح تحت بس مازال مانزلش للحوض
مادرتش كشف لكن باين انه امسكر

[عيون زوجي]

الحمدلله اطمنتي على ايوب يا اية والحمدلله على سلامته
سارة كويسه اليوم بس البردة مازالت مأثرة شويه فيها
مشيت انا وزوجي لزاويه الدهماني ولفين بالسيارة وما لقيتش وزوجي مايحبش يسئل زي الناس بالله اعطيني نعته جنبه معروفه باش ادلينا بالزبط

[عيون زوجي]

اليوم مشيت لين انهد حيلي ومافيش فايدة
خايفة يوم الاتنين يتعبوني بالصناعي وفي الاخير عمليه
ادعولي انجيب طبيعي اماااااااااااااااااااااااااااانه
اماااااااااااااااااااااااااااااااااااااانه
امااااااااااااااااااااااااااااااااااااانه
امااااااااااااااااااااااااااااااااااانه

[ღॐ آية ღॐ]

عيون اكيد زوجك يعرف سيمفرو زاوية الدهماني على اليمين منه مجموعة محلات
حنين وغيرة وان شاء الله اكيد رح تلقي طلبك

[ღॐ آية ღॐ]

ربي يشفي سرورة يارب
وتجيبي من غير وجاع صناعي
يااااااااااارب ما تستحقيشي

[ღॐ آية ღॐ]

الله يسلمك ام اسيل
وربي يحفضلك غاليك
وربي يعاونك والله هلبا شغل في الحوش وشغل
برا الحوش ربي يعطيك صحيحتك ويحفضلك زوجك يارب

[سورينام]

السلام عليكم يا حلوووووووووووووواااات
سامحوني ما طليتش اليوم .. انتم عارفين الحكاية اربعين وكنت مدايرة صيانة لجسمي من اعصار الولادة هههههههههه
خشيت فيها حلوة وحنة وصبغة شعر وفتلة وشمعة وحواجب واقنعة
عقبالك ياعيون زي مايقولو العزايز(تنفضي عيلك على خير وتنوضي لعويلتك يااااااااارب) وتربعني وتصيني جسمك زيني .. ونبدو نهدرزو على طهارة ولدي وولدك انشاءالله ... راهو فراس مازال ماطهرتاش نراجي في حمودي ونطهروهم مع بعض انشاءالله ..

[سورينام]

أية .. لا باس على ايوووبنا الغالي ... وردي بالك عليه راهو اللي يصير للعيل يحطوه في راس امه .. انشاءالله ما يصيرله غير الخير حبوبنا ...
وسرورة .. بعيد السو عليها ياعيون .. لبسي البنية زين راهو الصغار مناعتهم ضعيفة وابسط بردة تأثر فيهم وتبان عليهم ..
مرضة سرورتك فكرتني بسرورتي لما دارولي دخول للمستشفى في ولادتي بفراس كانت هيا مريضة عندها التهاب لوزتين .. وعاطيينها مضاد .. ولما خليتها عند امي كنت نبكي وكبدي مسحونة عليها ونقوللها يمه راهو المضاد كل ستة ساعات .. مرات بتنوضي في الليل .. لازم تعدلي المنبه وما تنسيش .. وامي تضحك عليا وتقولي توصي فيا عليها .. راهو اعز من الولد ولد الولد

[سورينام]

والله البكي اللي بكيته على سرورة واني في المستشفى .. ما بكيتاش في حياتي يا بناويت
وزيادة جابوهالي قبل العملية .. واني نبكي ونوصي في بوها عليها تقول بنموت .... فعلا الكبيدة غااااااااااااااااااااالية غااااااااااااااااااااااااااااالية غاااااااااااااااااااااااااالية

[سورينام]

ميرنا ميرنا ميرنا .... سامحيني حبيبتي .. والله توا كيف قريت ردك ...
وخيتي صبرا جميلا وبالله المستعان .. ياريت زوجك يفكر في صبرك وانتظارك ليه لما كان في السجن ويصبر عليك... ومعاش تقولي انك كبيرة .. طالما الدورة قاعدة تجيك الأمل مازال قائم وربي يعوض صبرك خيرو يرزقك بالتوأم بكامل الصحة ياااارب قولو آممممىمييييين

[سورينام]

ميرنا أرجوك ارجوك ارجوك .... داومي على قراءة هذا الدعاء بعد كل صلاة 5 مرات وانشاءالله الفرج قريب وحملك في الطريق
يااااااارب
سبحانك ما أحلمك .. وبحالي ما أعلمك .. وعلى تفريج همي ما أقدرك ..أنت ثقتي ورجائي .. فإجعل حسن ظني فيك جزائي .. ياااااااااااارب

[ام رنوة]

ميرنا اللللللللف مبروك

[ام رنوة]

ادعولي انشاء لله بالحمل

[ღॐ آية ღॐ]

اهلا سورينام والله التجمع نورك بيك
وان شاء الله بصحه عليك وطووووووول العمر
وربي يحفضلك فراس
وايوب والله في وسط عيوني غر مقدر ومكتوب
لاكن الحمد لله صبعه سليم بس اليوم طعمته وتطعيمت العام ونص
اتعب راقد بجنبي ومرة مرة ينوض يعيط

[ღॐ آية ღॐ]

هلا ام رنوة ربي يرزقك بلحمل
في القريب العاجل
انتي وكل متمنيه

[ام رنوة]

ايه حبيبتي تسلمي ياعمري المشكلة اني جديدة علئ النت ولااعرف التعامل والردود علئ الاعضاء في المنتدى ارجوكم ساعدوني

[ღॐ آية ღॐ]

حبيتي معك وحدة وحدة اكيد رح تتعلمي
الامر بسيط جدا.
لو حابه تسئلي اي سؤال تفضلي؟

[ام رنوة]

اية كيف نحكي معاك براحتي

[ام رنوة]

ايه انتي معاي

[سورينام]

مرحبا بأم رنودة ... آنستينا
قوليلنا انتي من وين ومواليد كم وقداش ليك متزوجة وعندك صغار والا لا و ... و... و...
يعني عرفينا اكثر بيك ..

[ღॐ آية ღॐ]

ام رنوة خودي راحتك احنى هنى خوات
وزي ما قالت سورينام عرفينا عليك اكتر!

[حبل الوصل]

خيرات يا صبايا وحشتني واجد واااااااااااااااااااااجد
ونجيكن ليا كلكن سألتن عليا وفقدتني وعارفة روحي غالية عليكن زي ماانتن غاليات علي
انا جهازي كان خارب يفتح لكن نص المفاتيح خاربات
والمدرسة بدت وتعب مانحكيلكمش ووووووووووووووه من التعب
برة وجوة


نورتى ياوخيتى والله على قد مانقول استاحشتك مش حنقدر نوصف
استاحشت هدرزتك واستاحشت نشوف اسمك وردودك ماتغيبيش علينا واااجد
باهى يلي اتطمنت عليك والله كنت مشغولة عليك واااااااجد
ربي يكون في عونك شن حال صغارك وباتهم

[حبل الوصل]

اية وعيون لاباس على عويلتكم ردو بالكم منهم

[ميرنا]

خير يا بنات ايش لاخبار

عيون راجالها كثرى المشى وما تستعجليش على الصناعية عديلها وشوفى امية البيبى اذا كان اكويسة قوليلها اتزيدك يومين اخره لانه مرات الية الصناعية ما تمشيش امعاك يديرولك قيصرية لهذا اسمعى كلامى تابعى امية الجنين و النبض وخلى الصناعية اخر شى وبعيد الشر على ابنيتك


اية ربى يسلملك اوليدك ويزيدك عشرة زيه

سورنيام شكرا للك على الاهتمام بى وان شالله ناخذ بكلمك ونقراء الدعاء وانشالله ربى يفرج على


ام اسيل وين ما ختفية انا جيت البنغازى وقالت لى الدكتورة هرمون الحليب ما زال مرتفع خوذى حبتين دوستنكس وتعالى جايب معاك تحليل الحليب
حبل الوصل وانا انقول عليش مبسوطة جاتك صاحبتك ربى يخليكن البعضكن خوذى منها رقمها الخاص راهى اكويسة بكل وقوى علاقتك بها هى انسانة متعلمة واعية مرات يوما ما اتلقن


المعراج ربى يرزقك ان شالله بس عندما تمشى لدكتورة اتقولك شنو مشكلتك دارتلك تحليل لهرمونات واشعة صبغة


ميمونة وينك ولا امك طردتك ههههههه قوليلى الدكتورة دارتلك اشعة صبغة

[ام رنوة]

السلام عليكم انا من طرابلس مشكلتي مرتين نسقط 2008 2010 الان رحت الدكتور عبد الحفيط ابو طهير وعملت جميع التحليل والحمد لله اناوزوجي تمام وقال ليالان يمكن انك تحملي بس تاخدي اسبرين وانت حامل ادعولي وللجميع انشاء الله يسخر الحال

[ميرنا]

ان شالله يا رنوة تحملى وتفرحى با اعويلتك وتحطيلنا صورتهم فى التجمع بس قوليلى لك كم سنة متزوجة وشن خطوات العلاج لى درتيهم وهل عرفتى سبب الاجهاض وفى اى شهر اجهضتى

[حبل الوصل]

صباح الخيرات
ميرنا ان شاءالله اخبارك تمام
ام رنوة نورتى قداش ليك متزوجة احكيلنا اكثر وان شاءالله ربي يرزقك بطفل سليم

[ميرنا]

اخبارى تمام والحمد الله الامن مستتب الان قاعدة فى ايام التبويض مشيت امس لدكتورة قالت تبويضك اكويس وركزى على هذه الثلاثة ايام والله مانى امعقبة جهد

[حبل الوصل]

حتى انى اليوم في 9 يوم من الدورة وبكرة بنمشي نشوف التبويض نحس في وجع في خفيف حزامى وان شاءالله ربك يعطينا على قد مانتمنو

[صابرة]

السلام عليكم......
كيف حالكم يابنات ليكم وحشة
اول حاجة خللي نسلم على ام ردينة وام رنوة ونقوللهم كيف حالكم ومنورين التجمع

تاني حاجة كيف حالك ياميرنا ويا حبل الوصل وام اسيل وميمونه وعيون وسورينام وام لقمان وايه وام فيدة ولولي ومعراج وراجية وكل بنات التجمع الحلوات

[صابرة]

ميرنا قوية ماني امعقبة جهد(ايوة ايوة)hwaml7
ربي يرزقك الذرية ادعيتلك ما نسيتكش في ليلة القدرانتي وميمونه وحبل الوصل وام اسيل

[ღॐ آية ღॐ]

صباح الخيرات
مشاء الله الحبايب متلمين
كيف الحال ميرنا وحبل الوصال
صابرة معادش تغطسي والله ليك وحشه
كيف حال وليدك ان شاء الله حاله باهي

[صابرة]

والله مغطست الا لحرق الدم
عندي حماوات يكذبو ويقولوك كلام انتي ماقلتيشي والمشكلة الراجل مصدقهم

[صابرة]

ربي يحفظلك وليدك يا اية ماشاء الله لا قوة الا بالله

[ღॐ آية ღॐ]

حبل الوصال الله لا يوريك باس
وميرنا ربي يرزقك يارب من واسع كرمه
قولي امييييييييين

[ღॐ آية ღॐ]

الله يسلمك صابرة
وربي يكون في عونك
قولي حسبي الله ونعم الوكيل فيهم وربي رح ياخدلك
حقك واسمعي لو لزم الامر سجليلهم خلي يسمع راجلك
ويعرف حقيقتهم هدا الحل داراته اختي ومشي معاها تمام

[ღॐ آية ღॐ]

تصدقي ينكرو فيها على خوهم من وراه ويكذبو عليها قدامه
مشي سجلتلهم كلامهم بلموبايل وسمعه ومسكين صارت فيه حاله
بس في الاخير ما يصح الا الصحيح

[صابرة]

فكرت فيها لكن تعرفي هم الخبث امتعهم ما ريته عند حد
يكذبو عليا عند سلفتي ويكذبو على سلفتي عندي ويكذبو على المراه عند راجلها ويطلعوك ماتصلحيش قدام راجلك وقدام خوته الرجاله
فتنه وكذب وسبان
عمري مادعيت على حد زي ما دعيت عليهم
حسبي الله ونعم الوكيل
المشكلة راجلك تقدري توضحي معاه الموضوع لكن خوته الرجاله كيف بنوضحلهم ..واعرة نضرتهم ليك بانك ماتصلحيش
حسبي الله ونعم الوكيل
الحمد لله

[ღॐ آية ღॐ]

لاحولا ولا قوة الا بالله
لاكن والله باش تقدريهم لازم تكوني وعايتلهم باهي
وسلفتك اكيد تعرف طبعهم الكدب
ولو صدقتهم كيفها انتي مضلومه وربي تو يكشفهم في يوم من الايام

[صابرة]

سلفتي تعرف كل شي وهيا معاي مصيبتي مصيبتها
كيف حال حملك يا ايه؟

[ميمونة]

السلام عليكم كيف حالكم بنات يارب تمام

صابره كيف حالك وتسلمين عالدعوة ويارب يرزقك من واسع رزقه ي ويسهللك امرك ويطحيك في الناس الباهية ويعطيك علي قيس نيتك

[ميمونة]

ايه كيف حالك اليوم بس جيت لحوشنا وتوا مروحه


ربي يحفظلك ايوب ماشاء الله عليه

[ღॐ آية ღॐ]

الحمد لله اوضاعي مستقرة واهم شئ
عديت مرحلة الوحام
ميمونه نورتي وينك والله ليك وحشه

[عيون زوجي]

السلااااااااااااام عليكم
ماشاءالله منورين.............

[عيون زوجي]

سوريناااااااااااااام مبروك اعليك النفضه ههههههه قصدي الاربعين وانشاءالله بطول عمرك وعمر عويلتك يارب

[عيون زوجي]

صابرررررررررة وينك هلا وغلا كيف عبادي توا وماتحطيش في بالك مادام راجلك معاك طز في الكل
وربي يهنيك

[عيون زوجي]

ميرنا حبيبتي كيف حالك اليوم وعلى قولتك ماتعقبي من جهدك شي ومن جهده هو شي ردي بالك تخلي فيه حييييييييل
ويارب يرزقك بالذرية الصالحه

[عيون زوجي]

اية ماشاءالله ديمة منورة التجمع خليك هكي ديمة..........

[عيون زوجي]

شكرا عالدعواااااااااات الحلوة والنصايح
بس انا لليوم ماعنديش وجع حقيقي والبارح درت التراساوند البيبي تمام بس الراس مانزلش للحوض وموعدي ليه 6ايام وغدوة ليه اسبوع فايت
ماعادش نتحمل الرزن وقلة النوم وكثرة التفكير نبي نجيب بعون الله ونرتاح حتى لو الدكتور قال انزيدك مدة رح انقول لا نبي وجع صناعي وامري لله وربي يهونها اعليا وعليكم يااااااااااارب

[أم ردينة]

اهلا بالصابره انشالله ربي يصبرك وخلاص ها العرض معظم اللبييين عندهم والتجمع منور بوجودك واحمدي ربك ان راجلك معاك

[ام رنوة]

السلام عليكم نتمنئ ان نكون صدقات بالمنتدئ

[معراج]

شلخبار ان شاء الله كويسات وتسال عنك العافيه والسنين الطيبات ياصابره انا كوسه ولله الحمد زي حالتكن ياميرنا وحبل الوصل بكره اليوم العاشر للدوره وبنعدي بنتابع التبويض ادعللى ان هلشهر تزبط معايا وتصير ونحمل انا وكل من تتمنى يارررررررررررررررررب

[معراج]

ياصابره يصبرك الله على مابتلاك بيه خودى هلنصيحه وتنفعك ان شاء الله ماتعدليش عليهن ديري ودن من طين ولخرى من عجين اسمعى دوتهن الفاضيه واضحكييييي كانهن يقولن في نكته توه يهزن على رواحهن ويسكتن

[معراج]

يااارب ميتم هلاسبوع الا وانتى ووووالده وبصحه وعاافيه ليك ولولدك ياااعيون زووووجها اللهم ااااااااااااااااااااامين

[ميرنا]

عيون راجالها هههههههههههههههههههه هذا الشبل من ذك الاسد شكله راسه يابس زى بوه حالف ما ينزل الا فى الشتاء

[ميرنا]

الصابرة انتى كنتى زعلنة فى حوش بوك على خاطرهن انتى امعاك الله وعبدالهادى وابوه ما تخافى من حد مدام انتى على حق ما يقدرانش يهزن فيك اشعرة وحاولى ان تتجنبى لالختلاط بيهن وبي سلفاتك وخلى كلمك امعاهن رسمى وديريلهم يوم واحد فى الاسبوع يوم الجمعة تعالى بكرى وانتى لى سوى الغداء وخليلهن المطبخ بعد ما اتغديهم ايتناطحن فيه وقعمزى بحذا عمتك واحكيلها على مقالب عبد الهادى وعلى اهلك وردى بالك اتقولى شريت او مشيت اولبست وادعى ربى يصلح حالهن شوفى انا فى كل صلاة ندعى ونقول يارب ان شالله يتجوزنا ونتريح منهن وحدة من المتزوجات اطلقت ههههههههههههههههههه زدت الطين بله

[ميرنا]

المعراج المعراج يارب انشالله تلقى تبويضك ممتازة وتحملى بس راكى تنسى اتقولى لدكتورة كم الحجم وبشرينا

[ميرنا]

سورنيام ياسوسو نحن فى انتظار خبر حملك شدى الهمة هههههههههههههه الصيانة لى درتيها ما نبوهش تمشى بلاش شوفى اعيون راجالها مستعجلة على الجياب علشن تحمل مرة اخرة وموش غلاء فى ولدها هههههههههههههههههههههه

[ميرنا]

يلا ه نهرب قبل ما توعة اعيون راجالها وتزرنى ههههههههههههههههههههه

[ميرنا]

حبل لوصل وين الجوه السمح لى درتيه امبارح ليلة سعيدة الروب الحمر وشموع والورود والعطور وحدة وحدة مش هكى امشيط النار فى الراجل هههههههههههه امداير عذر بالتبويض

[ميرنا]

ايه نوووووووووووووووم شكلها لى امعاك بنت قوليلى اخر موعد لدورتك وشن جيتك على الحلوى

[ميرنا]

ام ردينة وينك كنك كيف اهلال العيد اتخشى اشوى وتريحى

[ميرنا]

ام روفيدة وينك تعالى ؟

ام اسيل مفقودة ؟

[ميرنا]

رنوة
انتى تبى صديقات ونحن جهزين ما تلقيش خير من هذه الشلة نمسحو كبدك فى كل شى متخصصات فى جميع المجالات hwaml7 hwaml10 hwaml17 hwaml15 hwaml9 hwaml8 hwaml02 hwaml4 hwaml11 hwaml16 hwaml24 hwaml56 hwaml56 hwaml71hwaml27hwaml31hwaml33hwaml36hwaml34hwaml46h waml48hwaml49

[ღॐ آية ღॐ]

صباح الخيرات
ياهلا بميرنا نوارة التجمع والله
كيف حالك وشن اخبارك ويش علومك؟
انا اخر موعد كان 17/5
وبصراحه نحب الحوامض والموالح زي في ايوب
وقالي الدكتور ولد وطبعا العلم عند الله
مرات يكون بنوته من يعرف

[ღॐ آية ღॐ]

والله صابرة وجعتني
ان الله يمهل ولا يهمل
تو يتزوجو وربي يبعتلهم حماوات عقارب زيهم
انا ولله الحمد حماواتي الاربعه متزوجات وصغارهم كبار
وكل وحدة لاهيه في حوشها وعيالها
عقباليكم يتزوجو حماواتكم وتفتكو ياااااااااااااارب

[حبل الوصل]

ميرنا ضحكتينى
معراج ان شاءالله ربي يفرحك بالحمل
انى اليوم كنت عند الدكتورة وقالتلى التبويض كويس البويضة حجمها 23 وانى اليوم 10 من الدورة وقالتلى الاسبوع هذا كله شغل ويااااارب تكون هذى اخر مرة ونحمل

[ღॐ آية ღॐ]

ميمونه الغالية
هدي صور لميك اب اسود وفضي
http://forum.hwaml.com/imgcache2/hwaml.com_1285587729_561.jpg
في البدايه حطي ضل ابيض على كامل العين ابدي من تحت
الحاجب باش تعطي اضائه حلوة ويفضل يكون لامع
بعدين وزعي الفضي الامع على العين زي في الصورة بعدين حطي في طرف العين
الون الاسود وزعيه عكس حركة عقارب الساعه
يعني من الخارج لداخل العين على عضمة العين
باش يجي نضيف ومزبوط
http://forum.hwaml.com/imgcache2/hwaml.com_1285587605_413.jpg
حتى الحطه متع الضل هني حلوة ولون الشفايف مفروض
يكون زهري فاتح لامع زي في الصورة
وحلو لو اديري لمسه للعين من تحت بلفضي تعطي وسع للعين
وان شاء الله نكون قدرت نفيدك
>>hwaml7اسمحولنا بي هادي المداخله لو كنت خرجت عن صلب الموضوع
دردشة حوامل ولت دردشة ميك ابhwaml02

[صابرة]

المشكلة انهم متزوجات وراجلي يسمع لكذبهم ومصدقهم

[صابرة]

لازم عركة انا وياه باش يفهم من اللي عنده الحق
المهم خلينا في التجمع المبارك مشاكل الحماوات ماتكملش ودره الكبد

معراج ربي يفرج عليك ويرزقك كل ما تتمني

ميرنا ربي يصبرك عليهم "و زادت مطلقة"

عيون يارب يسهل عليك وتولدي بالسلامة وانا صارلي زيك خشيت في العاشر وفاتو 11 يوم وبعدها المية نزلت من غير وجع ولادتي كانت قيصرية

ايه ربي يبارك فيك ويفكك من شر العقارب"الحماوات"

[صابرة]

اية شكلك صقع في المكياج

[ღॐ آية ღॐ]

ههههههههه
الحمد لله
هكي يقول في العيلة
نعتمد على البساطه ومنحبش المكياج المبالغ فيه.

[عيون زوجي]

السلااااااااااااااااام عليكم
ميرنا........هادي ميرنا الاوله المرحه الحلوة ربي يفرح قلبك وعليك وعلى العسل للراجل والمكسرات وكان تعب حبه الفيغا ب50قرش بس هههههههههههههههههههه والنصيحه لحبل الوصل ومعراج
ويارب يفرح قلوبكم هالشهر يارب
صابرة انتي ولله الحمد من يومك صابرة ما تعدليش وياداير يا لاقي شدي روحك في حوشك وراجلك يمشي بروحه يطمن على اهله ويروح وانتي فكك من جمعتهم الكذابه
اية ماشاءالله فالحة شكلك فاتحه مزين قوليلنا وين خلي انجوااااا

[عيون زوجي]

وصحيتوا يا احلى خوات على الدعوااااااااات الحلوة يلي ترفع المعنويااااااااات ويارب يفرجها اعليكم كلكم ويعطيكم ما تتمنوا............................................ .................................................. ...........................................

[عيون زوجي]

انا اليوم كنت ناوية 100% اني اندير وجع صناعي ونفتك مع ان امي البارح جتني تقنع فيا اني نستنى
المهم درت دورة اخيرة على الحوش الصبح واتاكدت من كل شي مسكر ونظيف جهزت ساكو بنتي وبعتها لحوش حناها من بوها وصليت ركعتين استخارة ومشيت
دارلي الدكتور جهاز قال كل شي تمام ولله الحمد ودار سي تي جي (التخطيط) قال كويس وفيه شوية وجع مع اني مش حاسه بشي
اخر شي نادى دكتورة فليبينية دارتلي كشف وقالت 1سم///امممممممم قمة التحطيم
هو عرض اعليا انخش اندير صناعي وكان نبي نروح قال عادي وكثري مشي هلبه هلبه
وفعلا روحت وتغذيت برا في مطعم وتوا بنرقد للعصر انشاءالله
وبعدها يفتحها ربي ويسخر الحال بأذنه تعالى

[عيون زوجي]

نتلاقوا العشية انشاءالله على خير خشوا كلكم نبي نطمن اعليكم مرات خاطري في هدرزتكم كلكم مع بعض حرام اعليكم تخلوها في خاطر وحدة حامل موعدها فايت واتسخف

[عيون زوجي]

ميرنا ما علقتيش على صورة سارة بنتي
سارة زعلانه من خالتها ميرنا لانها ما تكلمتش بكل عالصورة وتجاهلتها.......اهئ اهئ اهئ

[صابرة]

هذه بنتك ماشاء الله ربي يحفظها مدايرتيها قطوسة هههههههه
يارب يسهل عليك الولادة وعيلك يكون صحيح

[ام اسيل]

نورتى ياوخيتى والله على قد مانقول استاحشتك مش حنقدر نوصف
استاحشت هدرزتك واستاحشت نشوف اسمك وردودك ماتغيبيش علينا واااجد
باهى يلي اتطمنت عليك والله كنت مشغولة عليك واااااااجد
ربي يكون في عونك شن حال صغارك وباتهم


والله انت وحشيني اكثر وديما نفكر فيك وان شاء الله ماتنشغلي على غالي
قريت الردود شكلك كنتي حاطة صورة عيالك مادخلنيش نبي نشوفهم عيال خيتي ونبي نشوفهم والنبي حطيهم تاني

[ღॐ آية ღॐ]

احسن حاجه درتيها
يارب يطق فيك الوجع الليلة وتفتكي من الصناعي
اسمعي لو كان حسيتي بنفسك مبلوله
وصبت عليك حتى شويه اميه ما تستنيش امشي طوووووووول
للمستشفىhwaml10
ربي يسهل عليك ياااااااااااارب

[ميمونة]

السلام عليكم كيف حالكم

ايه صحيتي علي المكياج يارب بس يطلعلي حلو

[ღॐ آية ღॐ]

وعليكم السلام
كيف حالك ميمونه؟ نورتي..
اكيد رح يطلع عليك حلوالمكياج
القالب غالب اكيييييييييييييييييد

[عيون زوجي]

hwaml7hwaml7hwaml7
طلعت تمشيت حوالي ساعه ونص في هالجو الرطوبة والنوووووو حhwaml15اله الدنيا اليوم يلطف بيها ربي
وروحت هدرزت شوية في حوش عزوزتي وتو كيف جيت انطل على خواتي الحلواااااااات
الباين مافيش بوادر ولادةhwaml10
خلي نرقد ونربح راحتي حتى الليلةhwaml13 ونخلي سوريناااااااام تعاني في العياط والتنقنيق من فراسhwaml02 وانا اوليدي ساكت ماشاءالله في بطني في حفظ اللهhwaml03
فرااااااااس حبيب خالتو عيون نوض عيط وماتريحش ماما بكل باهيييييييhwaml4

[عيون زوجي]

hwaml7hwaml7hwaml7تصبحوا على خيرhwaml7hwaml7hwaml7
وادعولي نولد طبيعي مش تنسوووووووووووا hwaml12
امانه في اعناقكم

[ميمونة]

يارب تولدي بالسلامه عيون وربي يحفظلك بنيتك تهبل ماشاءالله عليها عقبال ماتحطي صورة وليدك يارب

[ميمونة]

تعرفوا كيف نحيت الحنة مانحكيش كيف طلعت والله خسارة رقدتي بيها برتقاليه

هههههههههههههههههههه

غدوه بنعاودها يارب تسترنا وتطلع باهيه

[حبل الوصل]

وينكن اليوم مفيش حد ميرنا وعيون واية اكثر وحدات ناشطات وينكم

[حبل الوصل]

ام اسيل هدولا صور عمور من لما كان عمره يوم واحد لعند 3 سنين

[صابرة]

ربي يحفظلك عموري يا حبل الوصل ماشاء الله عليه في لبسة العربي طالع يهبل

[صابرة]

وينكم يا بنات ليبيا

[حبل الوصل]

الله يسلمك ياصابرة كيف حال عبودى

[ღॐ آية ღॐ]

صباح الخيرات
انا جييييييييييييت
ميمونه صحه الحنه
حبل الوصل بالله عليك بوسيلي خديداته
مشاء الله عليه وعلى وخيته
ربي يحفضهملك يارب
وتفرحي بيهم

[حبل الوصل]

ويخليلك ولدك يارب وان شاءالله تولدى بالسلامة ليك ولعيلك ياية

[ღॐ آية ღॐ]

ميمونه لو تبيها سوداء عاوديها وملي تنحيها ديريلها منياكه ورب
ادهني بيهم ايديك ورجليك وغطيهم بنايلو وخاليها نصف ساعه
تجيك سودء وتلمع

[ღॐ آية ღॐ]

سلم وخيتي بارك الله فيك
وربي يحفضك لعويلتك يارب.

[راجيه فرج ربها]

السلام عليكم ورحمة الله وبركاته

طابت ايامكم اخواتي العزيزات

ان شاء الله خير ياعيون ربي يسهل ان شاء الله (ان شاء الله ماتغولي علينا بعد شوي)
نبي نحكيلكم يابنات معليش تحملوني شوي بالنسبه لتصوير الصغار ربي يبارك لكم فيهم ويجعلهم يارب من الصالحين لكن لما قريت قصة اصبع ايوب اوليد الغاليه ايه ولسان عصفورة عيون لنقاني ايقنت انها عين مافيش كلام وخاصة بعد طلعتم التصاوير بيوم حصلنا هالمواقف كان تلاحضو وانا امعاكم في كل وحده تبي تشوف اصغار اخويتها وتبارك عليه لكن هالمنتدي موش خاص بينا احنا بس هو لمن هب ودب يدخل في الي عينا ماتنزل وطا ربي يحفض اصغارنا يارب وفيه الي ربي ابتلاه بالعين القويه وهيا كان شاف تبارك الله ماشاء الله اوليدك خويتي حبل بلبسته العربيه سامحوني لكن من واقع تجربه مره مريت بيها ان شاء الله ربي مايبتليكم نتمنى كل وحده قرت كلامي تشيل صور اصغارها وان شاء الله نتلاقو في الخير ونشوف بعض وكل وحده توري اصغارها لخويتها وان شاء كل متمنيه ربي يكرمها بالدريه الي تجبر خاطرها يارب
اللهم إني أسألك بأن لك الحمد ، لا إله إلا أنت ، وحدك لا شريك لك ، المنان يا بديع السماوات والأرض ياذا الجلال والاكرام ياحي ياقيوم يافرد ياأحد ياصمد يامن لم يلد ولم يولد ولم يكن له كفوا احد
اللهم صلي على نبينا محمد وعلى اله وصحبه وسلم
اللهم إليك نشكو ضعف قوتنا .. وقلةحيلتنا .. وهواننا على الناس


ياأرحم الراحمين . أنت رب المستضعفين ، وأنت ربنا .. إلى من تكلنا؟



إلى بعيد يتجهمنا ؟ أم إلى عدو ملكته أمرنا ؟ إن لم يكن بك علينا




غضب فلا نبالي ، ولكن عافيتك أوسع لنا.. أعوذ بنور وجهك الذي
أشرقت له الظلمات ، وصلح عليه أمر الدنياوالآخرة من أن تنزل
بناغضبك ، أو يحل علينا سخطك .. لك العقبى حتى
ترضى ، ولا حول ولا قوة إلا بالله
يااول بلا بداية ويا اخر بلا نهاية
يامن لايعلم كيف هو الاهوويامن لا يبلغ قدرته
غير ه
ياكثيرالخير ويا دائمالمعروف
يامن هو على كل شيئ قديرمقتدر
يامن اذا اراد شيئ يقول له كن فيكون
اللهم اني اسالك باسمك الواحد الاحدادعوك
اللهم باسمك الصمدادعوك
اللهم باسمك العظيم الذي ملا الاركان كلها الا فرجت
على اختنا ميرنا وام اسيل وحبل الوصل وميمونه وام رنوه وام محمدوكل راجيه فرج ربها بالدريه الصالحه وكل اخواتي في هدا المنتدى وسخر حماوة اختنا صابره والهنديه وكل وليه سخر لها زوجها واهل زوجها لها اللهم اشفهم بشفائك وداوهم بدوائك ولاتحيجهم الى احد غيرك اللهم قد ضاقت بنا الاسباب واغلقت دوننا الابواب اللهم يسر ولادة اختنا ام ساره وكل معسر في الولاده والحمد الله ربي العالمين وصل اللهم وسلم على سيدنا محمد وعلى واله وصحبه وسلم تسليما كثيرا

[ميمونة]

بارك الله فيك راجيه في ميزان حسناتك

[ميمونة]

بارك الله فيك ايه عودتها ودرتهلها منياكه طلعت مش عادية ماشاءالله عليها

[ღॐ آية ღॐ]

جعله الله في ميزان حسناتك
اختي راجيه وجزاك الله كل خير
ومشكورة على التنبيه

[ღॐ آية ღॐ]

ان شاء الله بصحه عليك وطول العمر ميمونه

[عيون زوجي]

السلاااااااااام عليكم
ميمونه...صحه الحنه وعقبال ما نهنوك بخلاصك يارب في توامه مش واحد باش تتشحوري كويس
راجية بارك الله فيك وجعل الله نصايحك في ميزان حسناتك
حبل الوصل يارب يرزقك برهم وتشوفيهم زي ماتبيهم ماشاءالله عليهم
صابرة كيف حالك وشن اخر اخبارك وكيف حال عبودي الحلو ايهبل اول ما جبتيه مش لابال توا اكيد احلى صح ربي يباركلك فيك
ميرنا وسوريناااااااام وينكم
سوريناااااااااااام خشي طمنيني اعليك وعلى فراااااااااااس وسارة
ميرنا كله خدمه مافيش وقت اتخشي ههههههههههههههههههه ربي يباركلك ويكمل اعليك من فضله....

[عيون زوجي]

راجية يارب يرزقك بقرة عين ليك ولزوجك يارب
راجية عرفيني عنك كم ليك متزوجه ووين ساكنة وشن تاخدي علاج وعند منو حابه اتعرف اعليك اكثر يارب من كل قلبي

[ღॐ آية ღॐ]

عيون زوجي كيف حالك وشن اخبار بنيتك
ان شاء الله حالها باهي؟
صح راجيه عرفينا عليك اكتر
والله خشيتي خاطري ربي يرزقك بي الي تتمنيه يااااااارب

[صابرة]

ميمونة صحة الحنة شكلك تحبي الحنة هلبة
انا عكسك منحبهاش حتى في عرسي خليتها برتقالية وما بيتش انعاودها..الله غالب

راجية فرج ربها ليك وحشة وخيتي ..يارب يرزقك الخير كل

عيون نشدت عليك الصحة..سلمك نشادة.. عبودي كبر عمره توا 3 شهور ونص ونقص عياطه وكثر ضحكه والحمد لله

[صابرة]

هاتو جابت ولا مازال ..من يعرف يا بنات

[صابرة]

اختي راجية شن صار فيك حملتي ولا مازال يارب تكوني حامل وتبشرينا وشن حال صحتك توا؟؟

[ღॐ آية ღॐ]

صابرة ربي يحفضهولك
احلى عمر بصراحه من تلات شهور للعام
مشاء الله عليه يارب تفرحي بيه وتشوفيه عريس

[صابرة]

اميسر وساجدة وامنيات ولولي وام رفيدة ومآسروينكم؟

[صابرة]

سلمك وربي يسهل عليك الولادة يارب.. شن صار ياية شفتي جنس البيبي ولا مازال

[صابرة]

هندية سورينام ومعراج وسمحه طلو على التجمع وطمنونا عليكم
سورينام مش بعد الاربعين متخشيش ... والا خذاك الراجل مناhwaml02

[عيون زوجي]

ماشاءالله اعليه عبودي وربي يحفظه من العين ويرزقك باخت او اخ في القريب العاجل
اية حبيبتي شن حالك وحال الحلو ايوب انا بنتي كويسه ولله الحمد زايدة شقاوتها كل يوم اكثر من يوم ربي يحفظها
هاتو جابت من مدة اكثر من اسبوعين
وقبلها بمدة ام رفيدة وحدة جابت ولد سماته حازم والتانية بنت اسمها رتال

[صابرة]

مازلتي انت يا عيون العقبة ليك

[صابرة]

ميرنا وينك؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ ؟؟؟؟

[أم ردينة]

اني رايي من راي امك يا عيون استني لن يجيك الوجاع علاش اديري في الصناعي وبري كل فتره اطمني علي البيبي وخلاص ويا ربي يسهل عليك وتجيبي طبيعي يا رب

[أم ردينة]

مشالله شكلك فالحه في الميك أب يا آيه واني عكسك تماما لا نعرف نحط ولا نحب اصلا لان لما نحطه نحس فيه ميطلعش عليا بكل ولو في مناسبه نحط مكياج خفيف جداجدا زي متع البنيات يقولولي ميطلعش عليك منعرفش ....علاش

[ღॐ آية ღॐ]

صابرة قالولي والعلم لايزال عند الله ولد
عيون ربي يحفضهالك زي ولدي ناشط زيادة على الازمhwaml15
من شويه حدفني بخروفه انقلبت طاست العصير على الكيبورد
والطاولةhwaml17 الله يهديهم ويصبرنا على شقاوتهم

[أم ردينة]

أهلين بميرنا اللي منوره الشله اني طواري في الحوش نزوق وتغير في بعض الاشياء غاطسه منحصلش في وقت باش نخش للنت لاكن توه الحمد لله حكم تميت واللي زايديني ها الاعراس معاش بو يتمو انشالله ديمه افراح .. ههههه

[أم ردينة]

شنو بتسمي يا آيه ؟؟

[ღॐ آية ღॐ]

بنسميه ألياس ان شاء الله
ربي يعاونك ام ردينه

[أم ردينة]

حلو الاسم انشالله تجيبي علي خير يا رب .. بالك تعرفي محل يدير في الحاجات الحاره وتكوني ضايقتيها يعني حاجه حلوه وباهيه لان في غريان حاجاتهم مش قوي..

[أم ردينة]

هادي صورة بنتي لما عمرها 11 الشهر ..

[ღॐ آية ღॐ]

مشاء الله تبارك الله
ربي يحفضهالك يارب وتفرحي بيها
بنسبه ليا في سبوعي مشيت لي وحدة فاتحه زي المشغل وسعرها حلو
واهم حاجه نضيفه نتدكر صونيه فيها تلات حاجات كبار
ورز وسلاطتين بي 4دينارو75قرش
والله المكان توة رايح من بالي يروح راجلي ونسئله على مكانها وين بزبط

[صابرة]

تبارك الرحمن ماشاء الله لا قوة الا بالله عليها بنيتك ياام ردينة
ربي يحفظها لك

[أم سعد]

مساء الخيرات

كيف الحال وشن الأخبار

[ღॐ آية ღॐ]

نورتي التجمع ام سعد
كيف الحال وانتي من وين؟

[أم سعد]

الحمد لله تمااااااااااام

أنا في الأصل من مصراته بس عايشة في طرابلس

وانتي؟؟

[ღॐ آية ღॐ]

بجودة اهلا وسهلا بيك
انااصلي تاجورية وزيك مسقط راسي طرابلس
عندي ولد ووخيه في الطريق ان شاء الله
عندك صغار ام سعد؟

[أم ردينة]

اني منبيش رز نبي اندير رشده او رز مسكي ومعاه حاجتين حاره يا ايه وحياتك اهتمي بالموضوع وقوليلي وين مكانه بالزبط .. باهي ... اهلا صابره صحيتي سلمك يا ربي وهلا بام السعد كيف حالك وزي ما قالت ايه عندك صغار؟؟؟.. خلي بنمشي ناكل حاجه جعت . لنا لقاء بعد الفاصل

[أم سعد]

ربي يحفظلك وليدك .. ويثبت حملك .. ويسهل ولادتك

لا والله أنا بكرة ... متزوجة من 8 شهور
والواضح يا آية انه بيني وبينك أسبوع


أم ردينة .. لو تبي حاجة مسقية عندك في وحده ادير في رشدة كسكاس مش عادية

درتها في فاتحتي

يقولولها مريم التشادية في بن عاشور ... لكن حاجة صح

الكل يوم الفاتحة يشكر فيها .. وانتي تقدري تجربيها قبل :)

[ღॐ آية ღॐ]

ربي يتبت حملك يارب ويسهل ولادتك
انتي امتى موعدك بزبط
وشن قالولك ولاد ولا بنيه؟

[ღॐ آية ღॐ]

ام ردنيه بنسبه للقعاد نعرف وحدة هيا مرت خال مرت خوي
مضمونه ميه في الميه مشاء الله عليها مكلتها حلوة ودير حتى في رقيق
امبطن وغيرة لو تبي بجديات نشوفلك اسعارها
تو من شهرين درنا فضان اختي وصيناها على قعاد رشدت كسكاس بصراحه مشاء الله
تجنن .

[ღॐ آية ღॐ]

بس هادي تجيبهولك جاهز سخون من ناره لحوشك
يعني اطيب في حوشها بس

[صابرة]

كيف حالك يا ام سعد وربي يسهلك ولادتك يارب

[أم سعد]

آية .. أنا موعدي قالولي والله أعلم 21-2-2011
ومازال ماقالوليش ولد والا بنت

صابرة .. أنا الحمد لله حالي .. اللهم آمين
وانتي شنو مدايرة

[راجيه فرج ربها]

إذا رأيت الله يحبس عنك الدنيا
ويكثر عليك الشدائد والبلوى
فاعلم أنك عزيز عنده ، وأنك عنده بمكان
وأنه يسلك بك طريق أوليائه وأصفيائه | وأنه يراك
أما تسمع قوله تعالى: ( واصبر لحكم ربك فإنك بأعيننا

[ام رنوة]

رالسلام عليكم حبيبتي راجية مشكورة جدا عن النصيحة فعلا العين ترفع الجمل الي القدر والرجل الي القبرا مشكووووووووووووورة

[ღॐ آية ღॐ]

انا عندي موعدين واحد 8/2/2011
وموعد 18/2/2011
والله اعلم
رربي يسهل عليك وتولدي بسلامه وتشوفي ضناك في ايدك
يارب

[سورينام]

السلام عليكم يا أحلى من الحلوووووووووووواااااااااات

[سورينام]

كيف حالك يا أيوتة وكيف حال ايوب والياس وبوهم

[سورينام]

ميرنا كيف الحال ... وين مغطسة يا أوحيدة .. ليه ليه شوره .. انشاءالله ربي يعاونكم انت والراجل .. ونسمعو بنتيجة نشاطاتكم قريبا انشاءالله

[سورينام]

عيون .. حبيبتي شن صاير فيك .. والله كل يوم نفكر فيك .. تعرفي تقول ليا سنين نعرفك .. وديما في بالي واني نخمم ونقول زعما جابت المنجوها والا تتوجع والا مازال ضاربتها نوم وخلاص ... ربي يخلص وحلك عن قريب .. هانت بإذن الله

[أم ردينة]

لالا منبيش قعاد نبي حاجات حاره بس باهي اسألولي بقداش الحاجات الحاره وشنو هي قصدي شنو ادير المرا من غير المبطن .... وبقداش

[سورينام]

مرحبا بالصابرة .. والله ليك وحشة .. كيف مدايرة مع عبودي ايسهر فيك والا مريح بوه في الليل .. اني والله صغاري امدايرين فيا حالة في السهر

[أم ردينة]

يا ام السعد مشكوره عندي من ادير الرشده نبي اندير معها حاجات حاره لكن منعرفش وين بالزبط

[سورينام]

مرحبا ام ردينة .. ربي ينوضك بالسلامة واديري لمتك زي ما تبي

[أم ردينة]

شنو صار في عيون طمنينا عليك

[سورينام]

اني يا بنات الاسبوع الجاي بتخشلي الصيانة متاع العمارات .. وبنمشي نقعد في حوش عزوزتي ممكن اسبوعين والا لين تكمل الصيانة .يعني ممكن معاش نقدر نخش فترة للتجمع .. بالله عليكم ما تنسوني .. واني راجعتلكم باذن الله بعد ما تكمل الصيانة.. وسرورة مريضة الايامات هاذي تجيها حرارة في الليل وترجع .. وحتى لما مشيت عاينتها اعطوها زرابيط حرارة بس .. نبي دكتور اكفال كويس .. والنبي اللي تعرف اتقوللي

[سورينام]

ام ردينة .. انتي من غريان .. صح؟

[سورينام]

جيراني اللي قدامي من غريان .. والله عز الناس مشاءالله عليهم زين وفلاحة وقدر واحترام وحشمة .. ويعاونو فيا تقول خواتي ..هما من البراشيش كان تعرفيها

[سورينام]

عييووووووووووووون .. كان حالك باهي خشي للتجمع واكتبي حتى حرف بس .. باش نطمنو

[ღॐ آية ღॐ]

والله بنستاحشوك وبتخلي مكانك وبعيد الشر على سرورة
انا كل معاينتي في ايوب في مصحة الفردوس
فيها دكاترت اطفال ممتازين بصراحه
ربي يشفيها يارب

[ღॐ آية ღॐ]

ام ردينه مش تبي رز او رشدة يعني قعاد
فهميني والله دخت. ولاتبي حار بس
يعني بوريك او ابواق بلمفروم او سكلوب واشياء من هدي القبيل

[ღॐ آية ღॐ]

عيون يااااااااا طالعه تتمشى
ياااااااااا ربي يكون بعونها على سرير الولادة
ياااااااااااارب تكون تولد وولادتها تكون سهلة وميسرة ياااااااااااااارب

[صابرة]

بارك الله فيك ياسورينام..بالنسبة لعبودي يسهر ويقيم اليل وبوه مش تاعب لانه مش هوا اللي يعاني..لكن الحمد لله يسهر من غير عياط ..يلعب ويتفرج على التلفزيون

ربي يعاونك على الصيانة وترجعي لبيتك وراحتك يا سورينام

[عيون زوجي]

السلااااااااااااام عليكم

[ام ولدها]

انشالله ياميرنا بجاة الله بعزتة وطهارته يرزقك ربي من يقولك ماما وتحملي وتجيبي بدون تعب امانة اللي يقرا سطوري يقول امين

[عيون زوجي]

هلا وغلا بالغالياااااااااات
طلعت مشيت لمحل حنين يلي حكتلي اعليه اية عجبني حلووو بنشري منه كرسي سيارة مش لسارة لا لخوها باش يتعود من فتحة اعيونه وهي لما تشوف خوها انحسها رح تقتنع ونشريلها حتى هي كرسي وتريحني من الرفس في حجري وقدامي

[عيون زوجي]

ام ردينه ماشاءالله توتي للسبوع من توا يارب يباركلك ويخلصك على خيرررررر واديري احلى اسبوووع

[ღॐ آية ღॐ]

مبروووووووك مقدما عيون
والله الاحسن يكون الاتنين جالسين بلخلف في السيارة والله
أأمن ليهم
وربنا يسهل عليك يارب

[عيون زوجي]

سوريناااااااااااام اوخيتي الغاليه الف الف سلامه على سرورتك وربي يحفظها من كل شر ارقيها كل وقت بالنسبه للدكاترة انا كنت نمشي للدكتور عثمان شليك في مصحة الاخوة وتوا انحس في الدكتور عبدالرحمن بكار خير منه في عيادة 11يونيو والله اعلم وربي يكتبلها الشفاء على ايد اي دكتور لان الشافي ربي

[ام ولدها]

السلام عليكم اني ام ولدها ومن سبها وانشالله الحامل ربي ايسلمها واللي مش حامل ايفرحها ربي بعيل

[عيون زوجي]

بنستاحشوك وقت الصيانه قداش بتاخد وقت وانتي في اي عمارات بالزبط
وقولي لاهلك ايديروا نت نبوا نطمنوا اعليك

[ღॐ آية ღॐ]

ام ولدها نورتي التجمع
واهلا باهل سبها
عندك صغار ولا مزال؟؟
انا من طرابلس

[عيون زوجي]

انا قررت ماعادش مخممه في المجيبه لا شاربه قرفه ولا غيرها ولا انحير روحي حتى المشي بنريح روحي منه اعييت ورجليا ورموا طول الليل يوجعوا فيا من المشي
بنرقد على ظهري ونلعب بنتي وامتى ما ربي يسخر الحال باهي وكل يومين نمشي اندير جهاز نطمن والاسبوع الجاي لو ما ولدتش بنكون واخدة اسبوعين من العاشر ولازم اندير وجع صناعي وامري لله
ادعولي وانا رح ادعي لروحي وادعيلكم وخلاااااااااااص ملييييييييييييت ولدي مفنص ولاصق في رحمي باللصقه شن بنديرلها ساعته يعلم بيها ربي

[ღॐ آية ღॐ]

ربي ينجيه عارف مصلحته وهو
لاصق فيك .ربي يسهلها عليك وفعلا ياسرك من المشي حتى الاجهد
مش باهي ارتاحي وبلاخر رح يطلع بادن لله وان شاء الله تولدي طبيعي

[معراج]

ربي ينولك يلي في بالك يا صابره وبرزقك الله من واسع فضله ياربنك تغلى عليا وتربحي ادعيلى ربي يرزقني الدريه الصالحه مليت من كلام الناس وسؤالهم حامل ولا مزال ربي يرزقنا ان شااااااااااء الله

[عيون زوجي]

سوريناااااااااااام بنسئلك انتي من الناس يلي يسمنوا في الحمل ولا العكس يضعفوا معاه

[ღॐ آية ღॐ]

معراج كم ليك متزوجه؟؟

[عيون زوجي]

معراااااااااااج يارب يارب يرزقك بالذرية الصالحه ويفرح قلبك قدااااش ليك متزوجه بالزبط

[عيون زوجي]

اية حبيبتي نفس السؤااال انتي مع الحمل تسمني ولا لا

[معراج]

انا ليا سنه وثلاث شهور متزوجه

[معراج]

ان شاء الله يا ايه وعيون يسمع منكن ربي

[عيون زوجي]

انا وزني لعند الشهر الخامس في حملي لسارة 60كيلو كان تمام وحلو وماشي حاله بعدها تفاقم الوضع ولما جبت سارة مشيت لدكتور دارلي تحاليل قال عندك هرمونات ملخبطة وتتعدل بعد6 شهور والمشكله بعد 6شهور حملت تاني وخليت الكيلواات الزايدة مكدسه وتوا بأذن الله بعد الولادة لازم انشد الهمه ونتخلص من هالهم ومش عارفه كيف نبدا انفكر نشري سير للجري وخايفه نخسر فلوسي ونهمل المشي اعليه مش عارفه كل ما نفكر في وزني نمرض والمشكله السنه الجايه بأذن الله رح نسافر تاني لبريطانيا زوجي عنده ماستر 9شهور نبي نمشي رشيقه جدا باش نشري كل شي لاني في المانيا انحرمت من الشري مقاساتهم صغيرة جدا وكنت حامل ما شريتش كل يلي نبيه

[عيون زوجي]

سنه و3شهور مش مدة طويله بس شن قالك الدكتور قصدي شن سبب التأخير

[عيون زوجي]

hwaml13hwaml13hwaml13

[ღॐ آية ღॐ]

انا في ايوب لما جبته كان وزني 65
وانا في العادي وزني 50
وتوة وزني 58 ونحس في نفسي هدي المرة زدت هلبا
مش نفاخ بل زيادة في الوزن لاكن زيادة حلوة
وبصراحه شهيتي مفتوحه على الاكل والحمد لله ناكل الاخضر واليابس
لاكن خايفه نزيد هلبا في الاشهر الجايه ويفسد جسمي
انتي توة كم وزنك عيون؟؟

[معراج]

كان عندي مجموعه من اللحميات الصغيره داخل الرحم وخارجه ومن 5شهور درت عمليه قيصريه في عيادة الامل عند الدكتور مفتاح الفرجاني والحمد لله تمت بنجاح رغمني تعبت فيها لان دمي نازل حشاكن الهيموجلوبين 4بس وتوه عندي التبويض ضعيف اول امس كان اليوم 11للدوره وحجم البويضات وحده 6 ولاخرى 9 ويوم الخميس ماشيه مره ثانيه ادعوللى حجم البويضات يكبرن

[ღॐ آية ღॐ]

يارب يا معراج تتيسر امورك وتلقي كل شي تمام
وتحملي وتولدي بسلامه يااااااااااااارب
يا مستجيب الدعاااااء هبها قرة عين لها ولي زوجها
اللهم امييييييييييييييييييييين

[ام رنوة]

حبيبتي معارج امشي للدكتور ابو ظهير مش عادي في مصحة الياشفين في تاجورة وبالنسبة للتبويض عليك و علئ المارمية 3اكواب يوميا تغلي الماء اولا تم تضعي قليلا منها وانشاء الله حامل يارب

[أم ردينة]

اهلا بام ولدها منوره كيف الجو في سبها؟؟ انتو مشهورين بالحنه واللصقه تبع الحنه والبخور ..عندي بنت خالتي كانت ساكنه في سبها كل مانشوفها نلقاها محنيه حنه مش عاديه تقولي جاراتي يقصو في اللصقه بروحهم مشالله تهبل

[أم ردينة]

كيفك يا عيون هو هداكا بنخمم في كل شي من توه واليوم خشيت التامن ونبي نستقر على راي باش منقعدش متررده شن بندير وشن بنشري..

[أم ردينة]

يا ايه اي نبي حاجات حاره بس لان الرشده عندي من يعرف يطيبها فهمتيني ؟؟

[أم ردينة]

اني من غريان يا سورينام وكلهم يقولو غريان زين وفلاحه والله اعلم .ههههه والبراشيش نسمع بيها اني من غريان المركز نسكن بجانب فندق الرابطه كان تسمعي بيه.. ودريري النت في الموبايل وتقدري تخشي على التجمع لان والله بنشتحشوك هلبه .. وانتي في عمارات تسكني

[تيمو ليبيا]

السلام عليكم علي احلي ليبيات كيف حالكم انشالله قاعدين مدكريني كل يوم انقول يوم بنجيب وملياش الا 9 ايام في التاسع تزعبين حشاكم ومشكلة المقاس والبس حتي اني انعاني منها في ماليزيا كلهم مساخيط وضعيفين واني من اني بنت عظمي خشبن لاكن وين مانمشي في ليبيا نلقا حمدالله اهني شي لين ماما بعتتلي لبس حمل من ليبيا والهي تبهدلت في لبس اهني وحتي اني مقرره اول مابنجيب بنضعف وبكشي ننسخط زيهم باش نلبس هههههه

[ميمونة]

صباح الخير

[ميمونة]

انا في ايوب لما جبته كان وزني 65
وانا في العادي وزني 50
وتوة وزني 58 ونحس في نفسي هدي المرة زدت


عادي يايه غير ردي بالك والضعف لاحقه عليه اهم شئ ماتحرميش نفسك ووليدك اللي في بطنك حرام والله

وبعد ماتنوضي بالسلامه ديري برنامج رجيم hwaml7

[ميمونة]

كان عندي مجموعه من اللحميات الصغيره داخل الرحم وخارجه ومن 5شهور درت عمليه قيصريه في عيادة الامل عند الدكتور مفتاح الفرجاني والحمد لله تمت بنجاح رغمني تعبت فيها لان دمي نازل حشاكن الهيموجلوبين 4بس وتوه عندي التبويض ضعيف اول امس كان اليوم 11للدوره وحجم البويضات وحده 6 ولاخرى 9 ويوم الخميس ماشيه مره ثانيه ادعوللى حجم البويضات يكبرن

كيف حالك معراج والله الفرجاني كويس كملي عنده وتوكلي علي الله

انت خديتي الكلوميد للتنشيط المبايض يساعد علي كبر البويضه لحد ماتوصل 18

اللحميات عندك في الرحم والمهبل او الرحم بس؟ وتوا شن اخبارهم تحسنوا انشاءالله ؟ المهم كملي متابعتك وتوكلي علي الله ويارب يرزقك بالدرية الصالحه انا وانت

[ميمونة]

نــــــــــــــــــــــــــــــداء عاجـــــــــــــــــــــــــــــــــــــل hwaml10


لكل ليبيه تدخل عالتجمع اطلب منكم تدعولي نطلع هالشهر حامل الدوره غايبه عليا يومين بس

ادعولي ماتطلعش لخبطه زي كل مره ويخيب ظني hwaml15hwaml13

[ميمونة]

عيد زواجي يوم السبت الجاي يارب تكون السنة الجايه سنة خيرورزق عليا وعلي راجلي ونور عيوني وانبشره بحملي هالشهر هدية زواجنا يارب قولوا أأأأأأأأأأأأأأأمين

[ميمونة]

قريب بنخشوا عالصفحه 300 انشاءالله بالصحه عليكم

[ميمونة]

السلاااااااااام عليكم
ميمونه...صحه الحنه وعقبال ما نهنوك بخلاصك يارب في توامه مش واحد باش تتشحوري كويس


يسلموا عيون كيف حالك انتي وحال بنيتك ووليدك شن مازال عاجبه المكانhwaml8

انشاء الله في اخلاصك وخيتي وبارك الله فيك

[ميمونة]

ميمونة صحة الحنة شكلك تحبي الحنة هلبة
انا عكسك منحبهاش حتى في عرسي خليتها برتقالية وما بيتش انعاودها..الله غالب




شن حالك صابره والله استحشتك شن حال عائلتك

والله يسلمك عالحنه عودتها وطلعت روعه وخديت طريقه مكياج ايه طلع تحفه شكار العروسhwaml7

[MALAK2010]

http://forum.hwaml.com/imgcache2/hwaml.com_1285747248_767.jpg


http://forum.hwaml.com/imgcache2/hwaml.com_1285747249_449.jpg

[ღॐ آية ღॐ]

تيمو اهلا بيك
احسن حل تضعفي وتولي زيهم
ان شاء الله بعد ما تولدي بسلامه يرجع وزنك

[ღॐ آية ღॐ]

ميمونه مشاء الله نشيطة
شن اخبار العرس؟
ومش قلتلك القالب غالب والله
انتي الحلوة مش المكياج,
وياااااااارب يااااااااااااااااااارب يااااااااااااااااااااااااااااارب
تطلعي حامل يارب وتبشريه في عيد زواجكمhwaml7
اللهم اميييييييييييييييييييييييييين

[تيمو ليبيا]

انشالله ايه نضعف من بوئك ل باب السما وانتي وزنك تبارك الرحمن حتي وانتي حامل حاولي تحافظي عليه وياميمونه يارب يامولاي بجاه حبيبك محمد اتكوني حامل انتي وباقي الوخيات ياررررررررررررررب والهي ندعيلك وادن عليا المغرب توا انشالله دعوتي مستجابه يااااااااااارب

[ღॐ آية ღॐ]

ان شاء الله يا تيمو حنحاول نخلي نفسي
ماشيه على نفس النضام
باقي البنات شكلهم راقدات
نوضو صحصو وينكم مسكتين !!!

[أم ردينة]

انشالله يا ميمونه تحملي يا رب وتفرحي زوجك بعيد زواجكم وتكون سنه حلوه ليكم يا رب

[معراج]

يااااااارب العالمين ياارحمن يااارحيمممم ان شاء الله ياميمونه ماتشوفي الدوره الا بعد 9 شهوووور حااااااااااااااامل ان شااااء الله يااارب

[حبل الوصل]

اللهم ارزق ميمونة الذرية الصالحة وقر عينها برؤية اولادها يارب العالمين

[حبل الوصل]

ام اسيل خشي شوفي صغار اختك لانى بنحولها الصورة

[حبل الوصل]

انا في ايوب لما جبته كان وزني 65
وانا في العادي وزني 50
وتوة وزني 58 ونحس في نفسي هدي المرة زدت هلبا
مش نفاخ بل زيادة في الوزن لاكن زيادة حلوة
وبصراحه شهيتي مفتوحه على الاكل والحمد لله ناكل الاخضر واليابس
لاكن خايفه نزيد هلبا في الاشهر الجايه ويفسد جسمي
انتي توة كم وزنك عيون؟؟
وزنك معقول يااية
انا لما حملت باخلاص كان وزنى 60 ومع اخر شهر للحمل صار75 يعنى زدت 15 كيلو تخيلي بعدها قلت مستحيل ننقص بس رجعت لوزنى الاول بعد 6 شهور من الرضاعة

[حبل الوصل]

مش عارفة عليش لما انى نخش مانلاقاش حد وبعدها تخشو
انى معزومة اليوم على فرح سهرية اليوم نمشي نجهز روحى حتى الصغار قريب يرجعو من المدرسة

ميرنا وينك اليوم هذا كله شغل بشوية على الراجل نشوف فيه كيف صار زي الورقة مسكين

[حبل الوصل]

أم ردينة ماشاءالله على بنيتك ربي يخليها لك ويخليك ليها

[ღॐ آية ღॐ]

منورين حبل الوصل
ام ردينه
كيف الحال ان شاء الله تمام
حبل الوصل حتى بعد جيابك لتاني رديتي لي وزنك الطبيعي؟؟
لاني والله خايفه نقعد دبدوبة