تجمع حوامل ليبيا [الأرشيف] - الصفحة 28 - منتديات حوامل النسائية

عاشقة الصحراء

01-06-2011, 01:53 PM

مسالخيرات والليرات ياصبايا ... كيف حالكم وشن أخباركم ؟؟؟
أختي الايمان شكرا جدا على سؤالك عليا أنا بخير والحمد لله
آية كيف حالك اليوم وشن صاير معاك في الحوش ودوشة السوق ؟؟
نسرينا شن أخبارك وانشالله يارب تحللي تطلعي حامل ياااااااااااارب لكن انشالله مايكونش وحامك زي وحامي لأني بجديات نحس في روحي نهايتي في قرقارش لو نقعد هكي ... اول امبارح درت مشكلة مع راجلي هكي كبرها وقعدت نبكي للساعة 4 الفجر هكي من غير سبب مقنع ..

عاشقة الصحراء

01-06-2011, 01:57 PM

ادعو لي بالله عليكم تعرفوا والله نكون كويسة وعادية لحد مانشوف راجلي تقولي حاجة تخنق فيا .. وهو مسكين من النوع الحنون وخايف عليا هلبا .. لكن اني مانتحملش حتى يقرب مني .. حاولت نغصب علي روحي ماقدرتش .. يااااااااااااااااااااارب ساعدني .

ღॐ آية ღॐ

01-06-2011, 01:58 PM

عشقة الصحراء يومك مبارك
وربي يهونها عليك قوليله يساعدك
لان الحوامل حساسات هلبا>>تحكي على عمرهآ<<
وبنسبة للمحوال مزال شوية والسوق من الصقع معادش مشيناله
قعدة في الحوش وخلاص.

عاشقة الصحراء

01-06-2011, 01:59 PM

يا بنات شن رايكم نحكوا نكت لبعضنا عالأقل الواحد يضحك شويا .. ولا كان حد صاير معاه موقف مضحك يحكيلنا .. ربي يفتح عليكم

عاشقة الصحراء

01-06-2011, 02:01 PM

هههههههه غير حساسات والله تقولي مركبة آلارم سيارة كل مرة نعيط .. وبالنسبة لراجلي والله حنين مسكين وتعبان معاي هلبا .. بالنسبة للسوق احسنلك ماتطلعيش هالفترة لأن الجو صقع ولا سمح الله تاخدي بردة وانتي قريب ولادتك .. خليك في الحوش أحسن وأسلم والمحوال ربي يسهلك فيه انشالله

عاشقة الصحراء

01-06-2011, 02:03 PM

مرة فيه واحد أصلع مات بوه شد شعر أخته ههههههههههههههه ( مع العلم ان راجلي أصلع) هههههه

أم سعد

01-06-2011, 02:12 PM

والله يا آية لازم منه التفكير

ويستر الله

عاشقة الصحراء .. ديمة استعوذي من الشيطان ... وردي بالك راجلك يولي عليك ويشدلك شعرك

ميمونة

01-06-2011, 02:57 PM

اانا روحت يانسرين قلنا خلي الراجل يرتاح يوم ويشتاق

حنين88

01-06-2011, 03:17 PM

ياروحي يام سعد والله وجعتني حماتك
تخايلي وحدة ماشية بتجيب يقولها عيلك ميت والله صعبة
يارب احفظ اجنتها وونستنا بشوفتهم احياء يرزقون بلا زيادة ولانقصان
اللهم ياارحم الراحمين

حنين88

01-06-2011, 03:20 PM

ميمونة اني في مصر ياخسارة وكانك على المسير والزيتون عندي

نسرينا خاطري نسمع بيك حامل ووتتوحمي نبي نسمع حكايتك في الوحم مش عارفة علاش انننننننننننناااااااااااااهاهاهاهاهاهاها

ميراس

01-06-2011, 03:22 PM

مساء الخير يابنات كيف حالكم اليوم فى حد موجود توا ولا مكسدة اية اسيل الايمان عاشقة ام سعد نسرينا والا رقدتو

ميراس

01-06-2011, 03:42 PM

يابنات كان فى حد معاى قولولى شن رايكم بالحجامة وهل فى مراة اتحجم فى طرابلس عالعقم

ღॐ آية ღॐ

01-06-2011, 04:27 PM

لسلام عليكم شن الأموركم
نسرينا شن حالك والله توا كيف قالتلي آيه
وخشيت من النقال علي خاطرك باش تعرفي
المهم أنا حجمت عند عواطف الطبال في سوق الجمعة يحط إيديتها في الجنة
سمعت باحجامة اللي جنب الفتح بس ماأرتحتش ليها

اختي ميراس ان شاء الله تمشي تحجمي
وتشوفي الخير على الحجامة

نسرينا

01-06-2011, 04:40 PM

مراااااااااااااااحب يا عيلة

حنين هههههههههههههههههههههه حرام عليك

نحكيلك حاجة
لما حملت المرة الاولى جاني وحمي على راجلي ،
طبعا بعد ما عرفت حملي واجهضت عرفت اني توحمت عليه هههههههههههه
تخيلي كنا لما نطلعوا ندهورا والله والله نمشي بعيدة عليه ما نبيش نجي جنبه بكل ولما في السيارة يشدلي ايدي كنت اندير اي سبلة باش نسحب ايدي منه نقوله ههههههههههههههههههههه ظهري يحك فيا والا بنساوي شخشيري والا بنساوي وشاحي ههههههههههههههههههههههههههههههههههه والله لما نتفكر نقعد نضحك على الاخر

وتعرفي نبدأ طول الطريق والمشوار علي عصابي ونحس فيه حتى السواقة ما يعرفش يسوق ههههههههههههههههههه
مرة مشينا لسوق المهاري قعدنا اندوروا وين اندرسوا السيارة ، هو ايدور في مكان وان انقرز عليه ونقوله لا وخر قدم اهو هذا طلع ولا مش هكي امشي طول
هههههههههههههههههه ونتكلم بجديات وبتنرفيز .... طيرتهاله قاله لما نروحوا خوذي انتي سوقي السيارة هههههههههههههههههههههههه

وسبحان الله سبحان الله او ما نوصلوا للحوش نتغير ونقول لروحي يا ناري يسخف حتى اني ما نتحشمش والله عيب عليا هههههههههههههههههه

ولما نطلعوا اليوم الثاني يصير نفس الشيء

يا عليك ايامات وخلاص

.

نسرينا

01-06-2011, 04:45 PM

ميراس

الحجامة كوووووووووويسة وهللللللللللللللبهة داروا حجامة وحملوا على طول

وميمونة دارت حجامة وان شاء الله تحمل على قريب

وان ان شاء الله نستنى في الدورة وبنمشي نحجم على طوووووووووووووووووووول

توكلي وما تستنيش بكل

.

الهندية

01-06-2011, 04:54 PM

ღॐ آية ღॐ

01-06-2011, 05:00 PM

أهلين صارتلي اليوم رعشه روحت علي امي بناخذ بنتي لقيتها طاحت علي راسها وقالولي اغمي عليها والله رعشه حصلتها تعرفو روحت تو بعد التصوير والكشف قالو مافيها شي بس تحطيها تحت ملاجظه لو تغير عليها حاجه ربي يستر

ياروحي عليها بعيد السو ويارب مافيها حاجة
مترعشيش عمرك وان شاء الله خير...
الصغار كلهم يطيحو بس خلي عينك عليها
وان شاء الله الف لابس
بالله طمنين عليها بس يطمنوك

الايمان

01-06-2011, 11:45 PM

هااااااااااااااااااااااااااااااااااااي
كيف حالكم وشخباركم وين ام اسيل يا بنات والله توحم علينا

ميراس

01-07-2011, 12:05 AM

ماقلتيلى يا نسرينا عند من نمشى فى وحدة كويسة مشكورة

ميراس

01-07-2011, 12:06 AM

وبعيد السو على بنيتك ياهندية انشالله كويسة توا طمنينا عليها

الايمان

01-07-2011, 12:16 AM

مرحبا ميراس

ميراس

01-07-2011, 12:23 AM

ا هلين الايمان منحسابش فى حد كيف حالك انشاالله تمام

حبل الوصل

01-07-2011, 01:06 AM

السلام عليكم كيف حالكم توة
الهندية ان شاءالله الف الف لاباس على بنيتك وبعيد السو عليها والله حسك رعشتينى وان شاءالله مايصيرلها شي باذن الله طمنينا عنها

حبل الوصل

01-07-2011, 01:14 AM

أم أسيل وينــــــــــــك غيابك كثر ولا متغيبة عشان الامتحانات ربي يعاونك

حبل الوصل

01-07-2011, 01:16 AM

شكله مفيش حد تصبحو على الف خير

ام لقمان

01-07-2011, 01:21 AM

السلام عليكم
لاباس على بنيتك ياهنديه
طمنينا انشالله بخير

ام لقمان

01-07-2011, 01:24 AM

حبل الوصل
مسسسسسسسسسسسسسسسسسسسسساء الخيرات

ام لقمان

01-07-2011, 01:32 AM

حتى انى الباين بنقول تصبحوا على خير

ميراس

01-07-2011, 02:01 AM

الله والله اكسد منتدى كل منخش نلقاه فاضى شن هالحالة

أم سعد

01-07-2011, 08:29 AM

السلام عليكم

صباح الخيرات

جمعة مباركة

الهندية ... ألف لاباس على بنتك ...

أم أسيل .. رجاء .. ليبيا قلبي .. تيمو ليبيا .. عيون زوجي ... وهلللللبه حالات غياب

إن شاء الله المانع خير

ويــــنكم؟؟؟

آم ميـار

01-07-2011, 08:57 AM

آستغفر الله العظيم وآتوب آليه

آستغفر الله العظيم وآتوب آليه

آستغفر الله العظيم وآتوب آليه

اللهم صلى وسلم على نبيينا محمد

اللهم صلى وسلم على نبيينا محمد

اللهم صلى وسلم على نبيينا محمد

حبايب لاتنسون قرآت سورة الكهف

ميمونة

01-07-2011, 10:27 AM

صباح الخير جمعتكم مباركة
لاباس علي بنيتك هندية بعيد الشر عليها

حبل الوصل

01-07-2011, 12:07 PM

صبحكم الله بالخير وطاعة الرحمن شن الجوووو

ساره القطعانى

01-07-2011, 04:45 PM

السلام عليكم
كيف حالكن؟ عجبنى المنتدى وتوا كيف سجلت وقلت خلينى انهدرز معاكم
ونبى نسالكن انا الدكتوره طلبت منى تحليل هرمون الحليب وطلع 22 قالتلى مرتفع شوى وعطتنى دوستكيس نص حبه كل ثلاث ايام لمدة اسبوعين وعطتنى حمض الفوليك لانه الفحص كان قبل الدوره بثلاث ايام وقالت احتمال يكون فى حمل خذيته ولما نزلت الدوره سيبته وقالت عندك كيس على المبيض اليسار صغير 2 سم ماياثرش واشربى اميه واجد ودارت منظار عالرحم قالت لى سليم ومافيه شى
شن رايكن بحكم خبرتكن
واليوم بنمشى لدكتوره تانيه لانى توا فى زياره عند هلى اسبوع وفى دكتوره ممتازه حجزت عندها االيوم المغرب ونشوفها شن تقولى

انتظر ردكن ياحلوووات

ليبياقلبي

01-07-2011, 06:35 PM

جمعة مباركة انا الحق امس النت متاعي افصل وتاني حاجة مضايقة كعادة وتعبانة هلبة المهم شن اخباركم
الهندية لاباس علا بنيتك والف سلامة عليها
ام سعد ربي يعوضها خير حماتك والله الوقت هدا بدا الحمل صعب والجياب صعب وكلا صعب ربي يستر اهم شي الوحدة تسلم هي والبيبي
ايوتة انا توا في الاسبوع 35 بنخش توا وانا موعدي علا حسبتي يوم 19_2موعدي علا حسبت دكتوري 22_2وربك يستر ونتم حملي علا خير يارب
وان شاء الله خير يا سارة يارب وربي يرزقك يارب
وووووووووووووووووووووووووسلامي للكل

الهندية

01-07-2011, 07:40 PM

مساء الخيرات جمعة مباركة ان شاء الله بنتى كويسة وحالها باهى والصور كلهم طلعو ا سليمات الحمدلله شورنى ندير فى الخير غير رعشتها ساد وامى رعشت فى جرتى
انا عندى دوخة رهيبة مش قادرة كل مانوض الدينا تبر م بى ..
ام سعد ليبا قلى حبل الوضل ايوته شكرا لانكم سالتوا عليا .... وعلى بنتى

ميمونة

01-07-2011, 07:58 PM

أولا الحمد لله علي سلامة بنيتك هندية
تانيا أنا سألت عليها ووجعتني إنت ماشفتنيش نشدتك علي حبوبتك

ميمونة

01-07-2011, 08:05 PM

سارة شن الجو هرمون الحليب نسبته عندك مايخوفش أشربي البرقدوش أنا كان 77 وتوا نزل طبيعي علي فكرة الحجامة كويسة جربيها وتخفض هلبه هرمون الحليب عن تجربه وخيتي

ليبياقلبي

01-07-2011, 08:13 PM

كيفك ميمونة والهندية

ساره القطعانى

01-07-2011, 08:48 PM

الهندية

01-07-2011, 09:07 PM

ميمونة الله يسلمك ..والله مازالت راعشة اليوم من الصبح مريض سامحينى مقريتش زين انا سامعة بيها البردقوشة كويسة ليبيا قلبى كيف حالك اليوم والله صقع كارسين فى الحيشان وخلاص

الهندية

01-07-2011, 09:09 PM

اهلين سارة اصبرى عليش تستبقى فى الامور ان شاء الله خير انتى عند من اتعالجى

ميمونة

01-07-2011, 09:29 PM

هندية عادي أهم شئ صحتك والله
ليبيا قلبي شن حالك
سارة الحمد لله بس قالك الدكتور إنه رحمك مقلوب يبان في الجهاز الترساند العادي
واللي ينزل منك عادي غير أنت إرقدي علي ظهرك حتي ساعتين وأرفعي رجليك
في معلومة سمعتها جديدة أنك ترقدي علي جنبك اليمين بعد الجماع
ربي يفرحك ويفرحنا بالحمل

ساره القطعانى

01-07-2011, 10:49 PM

انا انتعالج توافى البيضاء عند دكتوره اسمها عزه مصريه فى عيادة التراحم
توا اندير اللى قلتيلى عليه يا ميمونه والله كريم
ومازال زوجى مادارالتحاليل فنبدوا هالشهر ان شاء الله

عاشقة الصحراء

01-08-2011, 10:47 AM

صباح الخير عالجميع كيف حالكم كلكم ؟؟؟ انشالله تكونوا بخير .. حبيت بس نجاوب عالأخت سارة ونقوللها ان حتى اني السائل ينزل مني الصبح وأحياناً على مدار اليوم لدرجة وسوست وقلت يمكن يكون عنق الرحم قصير عندي وهذا السبب اللي يخلي السائل ينزل باستمرار لكن توا اني والحمد لله حامل في الثالث وكنت الحاجة الوحيدة اللي ننتبه عليها هي اني نقعد علي ظهري ونحط مخدة تحت حوضي باش يكون عالي ونقيم رجليا ... ربي يعطيك اللي في بالك يااااااااااااارب

ميرنا

01-08-2011, 01:24 PM

نهاركم سعيد وان شالله كلكم بخير وبصحة جيدة

ميرنا

01-08-2011, 01:43 PM

مساء الخيرر عليكم
شكرا ليبيا قلبى وميمونه والهنديه شخباركن والف لا باس على بنتك ماتشوف شر

انا توا كيف جيت من الدكتوره دارت لى منظار عالرحم ولقاته تمام مافى شى حتى الكيس مافيش وقالت لى المبايض كويسه والله احترت وبعدها طلبت منى تحليل sprogestrone بنديره الخميس الجاى
مش عارفه عندى احسااس انه عندى االرحم مقلوووب :) لان السائل انحس فيه ينزل فى الصبح :*)
ميمونه توا نسال على طبيبة عرب ونمشيلها وان شاء الله خير
بنسالكن ممكن المنظار اللى داراته لى توا يبين انه فى حمل اولا او ياثر على الحمل اذا فى؟
اسال الله العظيم ربى العرش العظيم ان يرزقنى ويرزق كل محرومه بالذريه الصالحه

اختى سارة ما تخافيش طالما دكتورة درتلك منظار مهبلى ووجدت كل شى سليم الرحم نضيف وخاى من الاكياس ولاتهابات يبقى شى واحد هو تحليل الهرمونات اما عن واسواس ان رحمك مقلوب هذا شى تعرفه الدكتورة وطالما هى ما قالتلك معناه ما عندك ميول فى الرحم وانتى زيدى اساليها المرة القادمة قولى لها يادكتورة الجماع يكون من الامام او من الخلف لمثل حالتى وهى تحددلك نوع الجماع اذا كان عندك ميول فى الرحم سوف تقولك الجماع للحمل يكون من الخلف واذا كان مافيش ميول اتقولك عادى من الامام وبلنسبة لسائل لى ينزل هذا شى عادى وطبيعى بس انتى عند الجماع ادخلى الى الحمام وفضى المثناة من البول قبل الجماع وحطى مخاده تحت منك اثناء الجماع وارفعى نفسك وبعد الجماع بنصف ساعة ريحى اعظامك و ما تمشيشى فى جرت زوجك تستحماى يعنى حاولى ان تستحماى فى الصباح زى امهتنا اما عن المنظار لى درتيه ما منه خوف اثناء الحمل عادى ندير فيه انا اثنا حملى فى الشهر الاول لمعرفت هل الحمل داخل او خارج الرحم واما عن طبيبة العرب فى وحدة فى درنة اسمها سالمة العوامية ايجوها من كل مكان اذا حبيتى اتجى قوليلى نعطيك العنوان

نسرينا

01-08-2011, 02:07 PM

السلام عليكم

صباح الخير

الهندية / سلامات على بنيتك ربي يسلمها ويطول عمرها وبعيد السوء عليها ،

تعالي قوليلنا ، بنيتك شنو اسمها ؟؟؟

ميمونة / بنسألك ،،،، بالنسبة للهرمون نسبته نزلت من غير علاج ؟؟؟

نسرينا

01-08-2011, 02:13 PM

سارة
بنقولك ان نسبة الهرمون عندك نحس فيها طبيعية يعني ما يعتبرش مرتفع لان النسبة الطبيعية من 2- 20 ،
وبالنسبة للرحم لو كان مقلوب كان بان في الجهاز
والسائل طبيعي جدا جدا انه ينزل ، هادي ما تفكريش فيها .

ربي يرزق الجميع بالذرية

.

ميمونة

01-08-2011, 02:14 PM

صباح الخيرات
ميرنا شن حالك طمنينا
نسرينا وين هالغيبة نستنا فيك

عاشقة الصحراء

01-08-2011, 03:40 PM

مساء الخيرات .. كيف حالكم وشن أخباركم ؟؟؟ هندية الحمد لله على سلامة بنتك وربي يخليهالك يارب وتشوفيها عروسة ...ميمونة كيف حالك ؟؟ .. نسرينا شن أخبارك والله تعرفي ضحكتيني عالوحام كيف كنتي تديري ..آية وينك اليوم ؟؟ انشالله تكون غيبتك خير ويكون حالك باهي يارب ...أم السعد كيف حالك وشن أخبار الصقع معاك ؟؟؟

عاشقة الصحراء

01-08-2011, 03:41 PM

وينكم والله المنتدى كسااااااااااااااااااد

أم سعد

01-08-2011, 04:01 PM

السلام عليكم

كيف حال الكل

عاشقة الصحراء .. والله الحوش مثلج بكل ...

عاشقة الصحراء

01-08-2011, 04:17 PM

غير مثلج الحوش والله العظيم نتمنى نفتح باب الحوش ونحط كرسي ونعكس في الشارع تحت الشمس ههههههههههه ردي بالك ودفي روحك

أم سعد

01-08-2011, 04:34 PM

هههههههههههههههههههههه

والله ياريت

ميراس

01-08-2011, 08:15 PM

كيفكم يابنات انشالله طيبين

ميراس

01-08-2011, 08:16 PM

فى حد والله امكسدة زى كل مرة

ساره القطعانى

01-08-2011, 10:14 PM

مساء الخير يا بنات
امنورات الشات
شكرا على رفع المعنويات اذا قررت نمشى لطبيبة عرب توا انقولك وعلى فكره يا ميمونه انا سالت الدكتوره عن ميلان الرحم او ما يسمى الرحم مقلوب قالت لى ما فيش حاجه زى كده على قولتها والمشكله ان له مصطلح طبى وقلته لها قالت لا مافيش فى الطب حاجه زى هكى ... المشكله انها قالتلى المفروض جيتى بعد الدوره على طول نعطيك منشطات قلت اسم الله مازال بدرى وانا كل شى سليم عليش المنشطات حتى زوجى مازال مادرش التحاليل وسبحان الله اللى يجنها كلهن تعطى فيهن منشطات من ثانى مراجعه يابنات المفروض الواحد يتريث شوى ويشوف ...
نبى نسالكن انا نزلن اليوم على افرازات بيضاء من غير رائحه واليوم 16 من الدوره هل هن افرازات التبويض ودورتى 24 يوم ومنتظمه ؟
والله يرزق كل محروم ومحرومه انه القادر على كل شئ واذا قال له كن فيكون

ميمونة

01-08-2011, 10:36 PM

سارة بكري عالمنشطات ضروري تعملي تحاليل إنت وراجلك قبل وبعدين تقرر تعطيك أو لا
إنت تابعتي التبويض أو لا
تابعي قبل مرات ماتحتاجي منشطات
بعدين غيري الدكتوره كيف تقولي مافي رحم مقلوب أسألي علي دكتور كويس قبل ماتمشي
بالنسبه لسؤالك الثاني هذا وقت تبويضك من يوم 12 الي 19 ربي يسخرلك يارب
إنت قداش ليك متزوجة

ساره القطعانى

01-08-2011, 11:00 PM

انا لى ست شهور متزوجه المشكله انى ماقعدتش فى حوشى الا 12 13 بس
ونريد نحمل هههههه حتى الدكتوره امس قالت لى لازم يصير جماع هاليومين وانا توا فى زياره لاهلى خيرها فى غيرها وياما عند الله من خير على قولة زوجىىىى الله يحفظه
شكرا ياقلبى ونجك لى على معلومة ايام التبويض والله يرزقك بالذريه الصالحه عاجل غير اجل وكل البنات اللى فى المنتدى

ليبياقلبي

01-09-2011, 12:35 AM

مساء الخيرات الف سلامة عليك سارة ويارب تحملي قريبا انت وميمونة وميرنا ونسرينا يارب
ميمونة مشكورة عالسوال
بالنسبة لي اناالحمد لله مشيت لدكتوري وطمني علا مياة البيبي وقالي معاش تخافي توا الحمد لله والله فرحت هلبة والفضل لي رب العالمين ولي دعواتكم وخياتي مشكورات

ميراس

01-09-2011, 12:44 AM

ياجماعة ياهل الخبرة فى حد انشاوره

ميراس

01-09-2011, 01:21 AM

النبى قولولى وين اية

ميمونة

01-09-2011, 10:41 AM

صباح الخير
ليبيا قلبي إنشاءالله ربي يفرحك وتنوضي بالسلامة
ميراس هلا بيك منورة والله نتشرف بمعرفتك

حبل الوصل

01-09-2011, 11:06 AM

حبل الوصل

01-09-2011, 11:11 AM

صباح الخيرميمونة وشن اخبارك
ليبيا قلبي الحمد لله ربي يفرحك ويكملك على خير
ميراس احكى ولاضروري تبي اية
اية وينك غبتى فجاة
ام اسيل وسورينام وعيون زوجى وتيمو غيابكم طول ان شاءالله المانع خير

ميمونة

01-09-2011, 11:24 AM

شن حالك حبل الوصل وشن صار فيك
شكلها نسرينا حامل يارب يفرحها وتبشرنا
آيه خشت بالتاسع ربي يفرحها وتشوف بنيتها
عيون غطست إنشاء الله خير
معراج نسيتنا من حملت غير خشي طمنينا

ميمونة

01-09-2011, 11:30 AM

أنا في يوم 19 من التبويض نزل عليا نقطة دم وأفرزات بنية في اليوم 13 وجتني أوجاع الدورة
واليوم عندي أوجاع زي الدورة زعما تنزل قبل موعدها 23_1 مازال

عاشقة الصحراء

01-09-2011, 11:39 AM

صباح الخير عالكل كيف حالكم ؟؟ سارة كيف حالك نبي نقوللك ليش مستعجلة وتمشي لدكاترة وانتي ليك ستة شهور بس والمنشطات حاجة بكري عليها هلبااااااااا ماتسمعيش كلام أي دكتورة وانشالله ربي يعطيك اللي في بالك وحتى اني ليا ستة شهور متزوجة...
ليبيا كيف حالك وانشالله ربي يسهلك وتنوضي بالسلامة بالنسبة لأي حاجة تخص مية البيبي عليك بمية زمزم تعرفي حاجة مجربة ومش عادية في حالة نقص مية البيبي وبدو حتى يبيعوا فيها هني..
حبل الوصل وميمونة كيف حالكم انشالله تكونوا بخير ؟؟؟ نسرينا وأم السعد كيف حالكم وينكم اليوم شكلها أم السعد دارت كرسي قدام باب الحوش رسمي هههههههههههههه.
آية الحلوة وينك والله المنتدى ناقص انشالله المانع خير

عاشقة الصحراء

01-09-2011, 11:44 AM

ياميمونة مافيش حاجة اسمها رحم مقلوب أنا دارسة طب بشري .. مصطلح أول مرة نسمع بيه

ميمونة

01-09-2011, 12:48 PM

عاشقة أنت درست تخصص نساء وولادة أنت دارسة طب وكل شئ له أختصاصه
أنا سمعته هلبه بالبرامج وفي النت أبحثي عنه في القوقل وخشي في موقع طبيب كوم وشوفي شن كتبو عليه
80في الميه من النساء يكون الرحم في وضع طبيعي الي أسفل وقاعدته الي الأمام
أما 20بالميه يكون الرحم مقلوب أو مائلا للخلف

نسرينا

01-09-2011, 12:50 PM

السلام عليكم

صباح الخير ، كيف احوالكم

ميموووووووونة / والله في البال يا حلوة ومش ناسياتك بس " معجوقة " شوي ،

وبعدين خير تفاوللي عالدورة ان شاء الله ما تنزل لا في موعدها ولا في غير موعدها ، وان كان في حد بيحمل الشهر هذا فهو انتي
ومرات نقطة الدم هذا علامة تعشيش البويضة ،
ان شاء ياااااارب يا ميمونة تحملي الشهر هذا بجاه النبي و بجاه كل من ليه جاه عند ربي ..
وكللللللللللللللللللللللللل من خاطرها في الحمل ربي يرزق الجميع .

رجاء / ان شاء الله غيابك خير انتي وعيون وسورينام و ايه وام اسيل والايمان ...

ليبيا قلبي / والله فرحتلك هههههههههههه لان نتخيل فيك امدايرة لماليك ولراجلي فيلم رعب من كثر ما نفسيتك تعبت المدة اللي فاتت ،،،، ربي يطمنك ويسهلك ولادتك ،

جماعة التامن والتاسع ووووووووووووووين

.

ميمونة

01-09-2011, 12:58 PM

عاشقة أسفة مش تحرجي بس أنا هكي نعرف ودكتوري الزروق هكي قالي
نسرينا تسلمي حبيبتي عالدعاء يارب تفرحي قبلي وأنا نلحقك

أم سعد

01-09-2011, 01:12 PM

السلام عليكم

انا محصلة بردة قووووووووووووووووية

نسرينا

01-09-2011, 01:23 PM

سلامتها ام حسن هههههههههههههههههههه

بعد السوء عليك مامة سعودي ...

ميمونة لالالالا ان شاء الله انتي الاولى لانك متزوجة قبلي فلهذا خووووذي احملي قبلي وان بعدك بإذن الله ، بجد والله من قلب قلبي ......

ميمونة

01-09-2011, 01:26 PM

بعيد الشر عليك يأام سعد
حتي أنا محصله بردة مخلطه عليا
كيف حطيت عالنار رشدة أمبكبكه أنت شن درتي غداك

ميمونة

01-09-2011, 01:34 PM

أنا ليا سنة وشهرين
أنت قداش ليك

نسرينا

01-09-2011, 01:43 PM

انا ليا 10 شهور ونص * _ ^

وصحة الرشيدة بجد هذا وقتها ،،،

.

عاشقة الصحراء

01-09-2011, 01:53 PM

حبيبتي ميمونة ماصار شي ... بإذن الله حنبحث أكتر في الموضوع ولو فعلا صح المصطلح نبي نفهمه كويس لأن تعتبر معلومة فايتتني وأكيد مستحيل حد يلم الطب كله حتى لو كان عبقري العباقرة هههههههههههههههه صحة الرشدة ... أم السعد انشالله لا باس عليك والله حتى اني محصلة بردة والخشم مصكر اليوم والنفس بالسيف ... نسرينا نورتينا كيف حالك اليوم وشن الجديد عندك ... وانشالله ياميمونة ماتجيك الدورة وربي يعطيك اللي في بالك انتي ونسرينا ونفرحوا بيكم هالشهر .. لو موعد دورتك 23/1 يعني انك توا في مرحلة تبويض لأن اليوم يعتبر ليك 17 أو 18 يوم من آخر دورة وهذي تعتبر فترة إباضة ومعناها إباضتك كويسة بإذن الله .. شدي حيلك وانشالله ربي يفتح عليك يارب

نسرينا

01-09-2011, 01:59 PM

اهلين عاشقة
ربي يسمع منك ويسهل الحال للجميع ...وما عندي جديد ، التحليل قاعدة ما حللتش ..... ليش ؟؟؟ لاني نبي نحلل منزلي قبل وبيني وبينك ما نبيش نقول لراجلي ، نستنى امتى نطلع بروحي او نكلم اختي تجيبلي جهاز تحليل .... وربي ما سخرليش نطلع بكل ههههههههههه

ميمونة / او سمحتي كلمينا اية شوفيها خيرها غريبة مش متعوده تغيب هكي

أم سعد

01-09-2011, 02:05 PM

الله لايوريكم باس يااارب

آية يا إما حولت لحوشها وماعندها نت يا إما جابت .. وإن شاء الله خير ...

عيون زوجي وسورينام وليبيا قلبي وتيمو ليبيا وينكم ؟؟؟؟

ميمونة

01-09-2011, 02:07 PM

عاشقه والله شادينها قلب ورب هههههه
إنشاء الله ربي يسهل مع أني من يوم 17 معاش صار جماع حشاك بردة جتنا أنا وياة
ربي يسخرلي

نسرينا

01-09-2011, 02:08 PM

هههههههههههههههههه

ان شاء الله الزوز

عاشقة الصحراء

01-09-2011, 02:09 PM

انشالله خير يانسرينا .. يااااااااااااارب تحللي ويطلع فيه حمل ونفرحوا بيك يارب .. طمنونا على آية انشالله المانع خير ... تعرفوا يمكن جي موعد ولادتها ... ربي يعاونها لو هكي .

نسرينا

01-09-2011, 02:10 PM

ميمونة / تساخير من ربي كله ممكن البردة هادي لصالحكم ، ربي يكمل عليك ويفرح قلبك ..

ام سعد / شنو غداك اليوم ؟؟؟ والله شكلك بتمشيها نواشف ههههههههههههه.

.

نسرينا

01-09-2011, 02:12 PM

يسلموووووا عاشقة /

شنو بتغديه حتى انتي اليوم ؟؟؟

.

ميمونة

01-09-2011, 02:14 PM

نسرينا القلوب عند بعضها كيف أتصلت بيها
آية تسلم عليكم غير مشغوله بس وحالها الحمد لله ربي يعاونها

عاشقة الصحراء

01-09-2011, 02:14 PM

هههههههههههههههههههه ربي يعاونك ياميمو ... أهم شي وأكبر فرصة حمل تكون في اليوم 14 يعني انشالله خير يااااااااااارب نتأملو خير ... اني في شهر حملي حتى اني معاش صار شي من يوم ال17 بالضبط ونسيت الموضوع يعني بصراحة الشهور اللي قبله كنت نبي نحمل ومدايرين جهدنا علي قولتك في الشهر اللي رخينا روحنا شويا صار حمل ههههههههههههه أهم شي ماتنوضيش طول ومش ضروري تديري دوش في نفس الوقت وحطي مخدة تحت حوضك وارفعي رجليك نص ساعة ... ويارب تطلعي حامل هالشهر يارب

أم سعد

01-09-2011, 02:17 PM

ههههههههههههههه

نسرينا ... حوش خوي روحو من السفر على حوش بوي وأختي عندنا حتى هيا أهو يطيبو

في رز مسقي وأنا مقعمزة على النت وبس

نسرينا

01-09-2011, 02:19 PM

عليك وعليها السلام ..... الله يطمنك يا ميمونة .....
ربي يعاونها ويعينها .....

نسرينا

01-09-2011, 02:20 PM

اني شوية و مروحة ،،، والله ما ني عارفة شنو بندير غذاي .....

.

ميمونة

01-09-2011, 02:20 PM

نسرينا القلوب عند بعضها كيف أتصلت بيها
آية تسلم عليكم غير مشغوله بس وحالها الحمد لله ربي يعاونها

عاشقة الصحراء

01-09-2011, 02:21 PM

اني من لما حملت معاش قدرت نشم ريحة التطييب ... وعزوزتي هي اللي تطيب ويجي من الشغل ياخدني ونمشوا عندها نتغدوا لكن بصراحة اليوم ماخاطريش في شي وقداش ليا خاطري في فتات وا مبطن وعزوزتي سورية يعني ماعندهاش علي ماكلتنا
بنموووووووووووووووووت عالماكلة الليبية .امممممممممممممممممممممم

نسرينا

01-09-2011, 02:24 PM

اني شوية و ومروحة ... والله مانيش عارفة شنو بندير غذاي ...

بووووووووووسي // تفكرت لما حكيت عالغذي هههههه/ ان شاء الله خير

.

نسرينا

01-09-2011, 02:25 PM

عاشقة /

حتى التبولة والفتوش باهيين هههههههههههههههههههه

.

أم سعد

01-09-2011, 02:28 PM

هههههههههههههههههه

عاشقة .. المهم حاجة تعبي البطن

حتى رجاء مختفية

عاشقة الصحراء

01-09-2011, 02:41 PM

نسرينا انتي تشتغلي ؟؟؟؟

عاشقة الصحراء

01-09-2011, 03:03 PM

ههههههههههه الحمد لله فعلا باهييين الفتوش والتبولة على قولتك يانسرينا لكن والله حتى ماكلتنا الحارة والناشطة باهية اممممممممممممممممممممم معاش نبي حاجة بيضا بكل وأغلبية الأكل السوري أبيض .... من منكم يعرف مطعم شعبي كويس وقعدته محترمة وعائلي ؟؟؟
بالله عليكم ضروري جاوبوني ..

ميراس

01-09-2011, 04:48 PM

والله ياحبل الوصل مالقيت حد ايكلمنى ويهتم بحالتى ومرة مرة اترد عليا اية المهم انا بعد الابرة التفجيرية بتسعة ايام جتنى الدورة ومانيش عارفة بالضبط ايام التبيويض والدورة جتنى يوم 4-1

ميراس

01-09-2011, 04:55 PM

يابنات اسمعتوا قالوا فى كيكة منزلها السوق الليبى واحد مكوناتها الكحول قريتها فى منتدى الكساد

حبل الوصل

01-09-2011, 04:58 PM

ميمونة

01-09-2011, 05:09 PM

ميراس من أول يوم الدورة عدي لحد ماتوصلي 11 الي 19 أيام التبويض بشكل عام والأحسن تشري شريط يكشف أيام التبويض يبيعو فيه صيدلة ذات الصواري
حبل الوصل_صور صغارك في التوقيع ربي يحفظهم ليكم

أم سعد

01-09-2011, 06:22 PM

مساء الخيرات

ميراس .. منك نسمع .. كيف هذه؟؟؟

ميمونة ... كيف حالك؟؟

حبل الوصل

01-09-2011, 06:36 PM

ام سعد شن حالك توة

أم سعد

01-09-2011, 06:38 PM

حبل الوصل .. سلمك نشادة ... حالي الحمد لله .. مسكرة على الآخر

حبل الوصل

01-09-2011, 06:40 PM

لاباس عليك والله هالجو المتقلب مخلى الناس كلها مريضة وربي يعدى هالشتاء على خير

أم سعد

01-09-2011, 06:48 PM

ايه والله صدقتي ... ان شاء الله خير

وانتي شن أخبارك؟؟

حبل الوصل

01-09-2011, 06:52 PM

تمام والحمد لله جو كساد بكل

ميمونة

01-09-2011, 06:57 PM

تعرفوا مريضه ماخاطري في شئ حتي خدمتك مامشيتش اليوم وجتني عزومه يوم الثلاتاء والجمعة الصبر جو صقع وراحه

أم سعد

01-09-2011, 06:58 PM

ايه زي حالاتي صار

أم سعد

01-09-2011, 06:59 PM

ميمونة الحال من بعضه

ميمونة

01-09-2011, 07:09 PM

وزيدي كلام الناس وأهلي وأهله علاش ماحملتيش خيرك أمس جونا الضيوف هبطولي معنوياتي وعزوزتي قالت لا إيمان عطلت عليا أنا
أنا دخلت مع سلفتي أنا وياها ماحملناش غير هيا أكبر مني مواليد68

ميمونة

01-09-2011, 10:42 PM

الحقوني يابنات نزلت نقاط دم عليا توا قبل موعدها ب 13 يوم ياربي زعمه هده دوره

أم سعد

01-09-2011, 11:03 PM

شكلها زي الدورة العادية؟؟؟

ميراس

01-10-2011, 12:17 AM

بالك تبويض ياميمونة

ميراس

01-10-2011, 12:24 AM

والا حمل انشالله حمل

ام لقمان

01-10-2011, 01:12 AM

ميمونه سلم اوخيتى هدى بالك توا تقعدى تدكرى فى هالايام بعد ما يجوا الفيلق عن قريب انشالله وتقولى ياريتنى اتمتعت بيهن اكثر
وبالنسبه للناس مايخلوش حد مرتاح
وتوا اتجيبى لاول وايقولولك العفوا واحد بس وتجيبى التانى وايقولولك العفوا اتنين اشويه وبعد الثالث ايقولولك زوز اولاد وزوز بنات مليحين وبعد الرابع مازلتى اصغيره جيبى هذا وقتك
المهم مافيش راحه ومش ممكن ايسيبوك فى حالك
لهذا انقولك صحتك اكويسه استمتعى بعمرك صيورك اديرى اعويله وتتحسرى على وقت ضاع فى التفكير
اسالينى انى جربت كل هذا واكثر
وانشالله تطلع علامة حمل بيش تريحى اعصابك

ام لقمان

01-10-2011, 01:20 AM

ميراس كيف الحال؟

ღॐ آية ღॐ

01-10-2011, 01:21 AM

السلام عليكم
كيف حالكم ووالله ليكم وحشة ..
ميراس سلمك نشادة وربي ما يحرمني من نشدتكم
ام سعد كيف حالك مع الرزن والتكركير ربي يسهل عليك
بنسبة ليا مزال مش محولة توة وبنبدء نخمل في حوشي لاني بنجيب في النجيلة
والمحوال ياحي لابعد جيابي لاني قلتلة بعد ما نجيب مستحيل نحول وانا نافس
...
نسرينا طمنينا شن صار معاك ...
ميمونة ان شاء الله خير هشهر ويارب تبشرينا في القريب العاجل

ام لقمان

01-10-2011, 01:23 AM

ام سعد قاعده والا طلعتى؟

ღॐ آية ღॐ

01-10-2011, 01:28 AM

عاشقة الصحراء سلمك نشادة انا حالي باهي والحمد لله
بس الرزن نازل على رجلي اليمين والله مخليتني مش قادرة نتمشى
وربي يستر لان الدكتور وصاني نتمشى من نهاية التامن والله حتى اليوم
ماطلعت تمشيت...
حبل كيف حالك وكيف حال صغيويرتك ربي يحفضهملك وتجيبيلهم
وخي ولا وخية..
ليبيا الحمد لله خطاك السو وربي يسهل عليك ولادتك
وهانت كلها 10 ايام وتخشي شهرك
على خير ان شاء الله..
هندية الحمد لله على سلامة بنوتك وربي يحفضها من كل شر..

ღॐ آية ღॐ

01-10-2011, 01:42 AM

ام لقمان
كيف الحال؟؟..

poucie

01-10-2011, 10:42 AM

اني شوية و ومروحة ... والله مانيش عارفة شنو بندير غذاي ...

بووووووووووسي // تفكرت لما حكيت عالغذي هههههه/ ان شاء الله خير

.
اهلاً نسرينا باهي اللي فيه حاجة تفكرك بيا هههههههههه بصراحة والله مشكلة هالغذئ
اني ما عادش خشيت للتجمع لاني مريضة شوية والحمد الله ظهري في حالة لاتوصف مش قادرة حتى نتحرك وكان اتكيت يبيلي باش نقدر انوض مكسدة في الحوش وخلاص حتى العمل خديت إجازة و روان سلامتها رفعتها عند ماما خليتها غادي لاني مش قادرة انعانيها مع حشاك الترجيع اللي ما باش يوقف والحمد الله على كل حال كل شئي بأجرة انشاء ربي يتمم حملي على خير اني وكل حامل ( ام سعد / اية) ويرزقك يا نسرينا باللي تتمنيه يا رب العالمين والله دعوة من وسط القلب وربي يحفضك انشاء الله .

poucie

01-10-2011, 10:46 AM

عندي استفسار من فيكم تعرف الدكتورة امينة يوسف في عيادة الاخوة اني بصراحة انتابع عندها لاكن فيه اللي شكرها وفيه اللي ذمها واني قعدت حائرة لاكن اوخيتكم ما ضيعش في وقتها قالولي على دكتورة ثانية في الليبي السيوسري وحتى هيا قاعج انتابع عندها تواء يعني عند الزوز اللي في السويسري اسمها اوما هي هندية لاكن نبي نستقر على وحدة بس وما عرفتش اللي تعرف وحدة منهم اتوقولي وشكراً

نسرينا

01-10-2011, 01:28 PM

السلام عليكم

صباح الخير

كيف احوالكم كلكم

بووووسي / يقبرني اللي في الخاااامس هههههه ألف لا بأس عليك و ربي يسهلك ، والف شكر على الدعوات بارك الله فيك
بالنسبة للترجيع ليش ما تاخذيش حبوب الترجيع كانت مرت خوي تاخذ فيهم وماشيين معاها كويس لانها زي حالاتك ...

وبالنسبة للدكتورات العلم عند الله ربي يوفقك .

.

ღॐ آية ღॐ

01-10-2011, 01:57 PM

السلام عليكم
كيف حالكم اليوم
ان شاء الله صبحتو طيبين ...

نسرينا

01-10-2011, 02:02 PM

صباح النور

كيف حالك انتِ يا آية ؟؟ وكيفواا أيوب ؟؟

؟

ღॐ آية ღॐ

01-10-2011, 02:08 PM

الحمد لله بخير وفي نعمة
ولآ عسووووووووول على الاخر ويستر الله على البيبي الجاي
ايوب غيور هلبا تصدقي ما يبنيش حتى نهدرز مع بوة ...
مش عارفة كيف بندير معاه ..ربي يهديه ويصلح حالة .

poucie

01-10-2011, 02:09 PM

تعرفي يا نسرينا اني والدواوات ماناش صحاب اني حبة الفيتامين وحبة الاسبرين نأخد فيهم بالسيف والدكتورة وصفتلي حبوب ترجيع لاكن بصراحة اني وسواسة ومانتحبش كثرة الدواوات هذا باش امخليتها هكي وخلاص ومتحملة في روحي

poucie

01-10-2011, 02:11 PM

خير يا اية شخبارك شن العصيدة مازال

نسرينا

01-10-2011, 02:13 PM

هههههههه ياااويلك ..

تعرفي سلفتي صايرلها زيك هي توا موعدها معاك بس بنتها تغيرت فجأة تعرفي معادش تبي حد الا امها ما كانتش هكي ، قاعدة طول الوقت في حجرها .... شوره العيل يحس سبحان الله ...

ربي يهنيكم ياااااارب

.

ღॐ آية ღॐ

01-10-2011, 02:15 PM

كيف حالك بوسي وشن اخبار الحمل معاك
مزال شوية خالي نكمل ترتيب الحوش وبعدين
نمشي للمزين ونجهز عمري وبعدين نجيب >>>ههههههههه نحساب زي مانبي

ღॐ آية ღॐ

01-10-2011, 02:17 PM

هدا حال ولدي نسرينا بدي ما يرقدش الا على رجليا
وطول الوقت يبيني مقعمزه بحداه

نسرينا

01-10-2011, 02:26 PM

ربي يعينك

،،،،،،،،،،،،،،،،،،

هي عاد نبو نسمعوا زغاريد الجياب

1- آية
2- ام سعد
3- ليبيا قلبي
4- بوووسي
5- عاشقة الصحراء

سقدونا عاد نبوا ناخذوا دووووركم

.

حبل الوصل

01-10-2011, 03:07 PM

السلام عليكم كيف حالكم اليوم

ღॐ آية ღॐ

01-10-2011, 03:43 PM

وعليكم السلام
حبل نورتي كيف حالك وحال صغيويرتك
بالله نبي نسالك شن درتي مع بنيتك لما جبتي وليدك هي بكرتك صح؟؟
وهي من طبعها غيوره ولا لاء
فيدوني بخبرتكم جزاكم الله عني كل خير ...

ღॐ آية ღॐ

01-10-2011, 03:43 PM

ان شاء الله يانسرينا حنى نفرغو اونتم تعبو يااااااااااااارب

عيون زوجي

01-10-2011, 04:58 PM

السلااااااااااااااام عليكم..............
كيف حالكم كلكم كلكم كلكم بلا استثناءات؟؟؟؟؟؟

حبل الوصل

01-10-2011, 04:59 PM

عاش من شافك عيون نورتى وين هالغيبة

عيون زوجي

01-10-2011, 04:59 PM

انا كويسه ومشكورااات يالغاليات
على سؤالكم اعلياااااااااا
دوتكم وسؤالاتكم توصلني .....
لانكم في الخاطر
انا ماجد اعليا شي
حتى حمودي قعده ما طهرتاش

عيون زوجي

01-10-2011, 05:00 PM

غير الصغار مرضوا حشاكم مرضه كبيرة
ترجيع واسهال حاله تعبوا وتعبوني معاهم

عيون زوجي

01-10-2011, 05:02 PM

وعندي سلفتي ليها 3سنوات في بريطانيا ما روحتش
وتوا روحت الاحد الفات
والعيله ملتمه وواحد ماشي وواحد طالع
ومدايرة لمة لرجعتها ونجاحها يوم الجمعه الجايه في الصاله

عيون زوجي

01-10-2011, 05:04 PM

حبل الوصل

01-10-2011, 05:05 PM

وعليكم السلام
حبل نورتي كيف حالك وحال صغيويرتك
بالله نبي نسالك شن درتي مع بنيتك لما جبتي وليدك هي بكرتك صح؟؟
وهي من طبعها غيوره ولا لاء
فيدوني بخبرتكم جزاكم الله عني كل خير ...
النور نورك ياية انى تمام وصغاري كويسين
اخلاص لما جبت عليها عمر كان عمرها سنة ونص بالزبط وكانت غيورة ودلوعة لكن في الاول مادارتله شي وانى كنت ديما نرضعه ونخليه ونهتم بيها هيا اكثر وبعدين قعدت نحبب فيها فيه نقوللها شديه وبوسيه وهذا الحاجة من خوك لكن المشكله مش في الاول انى توة مدوخينى يتعاركو ويغيرو من بعضهم وفي نفس الوقت يحبو بعض بشكل غير طبيعى ويفزعو مع بعضهم ربي يكون في عونك الصغار في جرة بعض متعبين

عيون زوجي

01-10-2011, 05:05 PM

انا رجعتلكم وانشاءالله
عرقوبي جلاب ويرجعوا الغايبات كلهم

عيون زوجي

01-10-2011, 05:07 PM

كيف حالك يا حبل الوصل ويارب يخليلك اصغارك

حبل الوصل

01-10-2011, 05:09 PM

سلمك ياوخيتى ولاباس على صغارك ربي يخليهم لك

عيون زوجي

01-10-2011, 05:10 PM

امس كلمت صاحبتي في المانيا هي مقيمه فيها من 10سنوات
عندها 3اولاد وابنيه
اوليدها عمره 7سنوات جاته لوكيميا وتعب شهر واسبوع وتوفي رحمه الله اعليه
ادعوا لامه بالصبر الضنى غالي والموت حارة
الله لا يفجعكم في غالي ولا حبيب

عيون زوجي

01-10-2011, 05:11 PM

ولاباس اعليك يا حبل الوصل قريت انك مرضتي اشويه في هالصقع........

حبل الوصل

01-10-2011, 05:12 PM

لاحول ولاقوة الابالله العلى العظيم
انا لله وانا اليه راجعون
ربي يصبرها ويكون في عونها والله وجعتنى

عيون زوجي

01-10-2011, 05:13 PM

نستأذنك يا اوخيتي حبل الوصل
بنغير لسارة شمالها حاشاك
ومحمد شادها عياااااااااااط حاله
لكن راجعه انشاءالله لاني مستاحشتكم هلبه هلبااااااااااات

حبل الوصل

01-10-2011, 05:14 PM

ولاباس اعليك يا حبل الوصل قريت انك مرضتي اشويه في هالصقع........
الله لايوريك باس
سلامات توة اخلاص وبوها روحو نمشي نحطلهم الغذاء

ميراس

01-10-2011, 09:18 PM

احلى تحية للجميع

ميراس

01-10-2011, 09:20 PM

فى حد ولا مكسدة

عاشقة الصحراء

01-10-2011, 10:08 PM

مساء الخير ياحلوات ... نسرينا يقبرني الحلو اللي بيحكي سوري ههههههههههههه كيف حالك ؟؟ يارب يارب يارب نفرحوا بيكم قريب وعلى قولة آية احني نفضوا انتو تعبوا ياااااااااااارب.. آية نورتي كيف حالك وانشالله لا باس عليك ردي بالك علي روحك وانشالله يارب تلحقي تكملي حوشك وتمشي للمزين تديري اللي تبيه ... حبل الوصل كيف حالك ؟؟ عيون كيف حالك تشرفت بمعرفتك ... بوسي شن أخبارك ؟؟ بالنسبة للدكتورة الهندية اللي في السويسري ممتازة جدا وتعرفي سبحان الله كان راجلي ينق عليا يبيني نمشي عندها تخيلي لدرجة جابلي حتى سيرتها الذاتية وقاللي شوفي الخبرة والشهادات اللي عندها .وصاحبه الدكتور اللي معاه حتى هو من الهند يشكر فيها بشكل غير عادي .. انشالله ربي يسخرلك وترتاحي معاها .على فكرة اني مامشيتش لأني نبي الخضرا من قبل عند دكتورة منيرة تعرفي ولدت بنت عمي ماشالله عليها أولا وثانياً هو المستشفى في حد ذاته نحبه .والنفسية ليها دور .. وانشالله ربي يسخرلنا الحال يارب.

عيون زوجي

01-10-2011, 10:28 PM

السلام عليكم
كيف حالكم توا...
هلا بميرااااااااااس شن الجو والحال والاحوال معاك يارب تكوني طيبه
بالجوده يا اوخيتي عاشقه الصحراء مع العلم انا نكره الصحراء جدا
لان زوجي ايام خطبتنا كان يشتغل في حقل نفط في اوجله ويبعد اعليا
وتوا ولله الحمد من قبل عرسنا بشهور بسيطة حول لطرابلس جنبي ويارب دوم جنبي
ويخليلكم ازواجكم ويخليلي زوزي على قولة سورينام
وينها الامورة سورينام انشاءالله مانفقدك وينك يا اوخيتي استاحشتك
الصقع حجبك اعلينا ولا شنو
وين ميرنا وام اسيل وام ردينه وام لقمان وتيمو ليبيا
ولاباس على ليبيا قلبي
وعلى ايه وام سعد
ويارب تنوضوا بالسلامه انتم والبيبيز يارب
مافيش اخبار على لولي ووين جت حدفتها
واخبار معراج وحنين
ومنو تاني انشاءالله مانسيت حد بالسهو ياربي

عيون زوجي

01-10-2011, 10:31 PM

شكلي بروحي نهدرز باهي باهي
بنمشي لدار النوم انمكيج بندير بروفات للبستي الجديدة للمه يلي مدايرتها سلفتي
لو حلو اوكي
وكان هذا نمشي للمزين ونريح جمالي وخلاص

عيون زوجي

01-10-2011, 10:34 PM

نسيت نبارك لام ريحان
حج مبرور وذنب مغفور وعقبالنا يارب
كان سخرلنا ربي الحال وكنا من اهل الدنيا عاقدين العزم والنيه بأذن الله تعالى على عمرة رمضان العام الجاي
وربي يسخرلنا الحال ادعولي نمشي ونزور هالاراضي الطيبه
ونصلي في الحرم
انا وانتم وكل احبابنا يارب ماتحرم منها مؤمن

ღॐ آية ღॐ

01-11-2011, 12:17 AM

النور نورك ياية انى تمام وصغاري كويسين

اخلاص لما جبت عليها عمر كان عمرها سنة ونص بالزبط وكانت غيورة ودلوعة لكن في الاول مادارتله شي وانى كنت ديما نرضعه ونخليه ونهتم بيها هيا اكثر وبعدين قعدت نحبب فيها فيه نقوللها شديه وبوسيه وهذا الحاجة من خوك لكن المشكله مش في الاول انى توة مدوخينى يتعاركو ويغيرو من بعضهم وفي نفس الوقت يحبو بعض بشكل غير طبيعى ويفزعو مع بعضهم ربي يكون في عونك الصغار في جرة بعض متعبين

صدقتي والله كلهم يقولولي الي يجو ورا بعض يغيرو هلبا من بعض
ربي يكون في عونا وبندير زي ما درتي حنحاول انخليه يحبها بس تجي بسلامة
وربي يحفضهملك وزيد يحننهم على بعض ..

ღॐ آية ღॐ

01-11-2011, 12:21 AM

عيون
هلا هلا هلا هلاآآآآآآآآآآآآآآآآآآآآآآآ بنوارة التجمع
يقولو من طول الغيبات جاب الغنايم
وحنى غنيمتنا انك بخير انتي وصغيويرتك
وينك والله خليتي مكانك
ومكان كبير هلبا .. ان شاء الله اخر الغيبات
معادش تعاوديها ...
عيون علاش قعدة ما طهرتيش وليدك والله كل ما تستعجلي يكون خير خوي طهر ولدة
من تلات ايام وهو اصغر من ولدك عمره شهرين بس ...
ومشاء الله عليه ما عيطش هلبا بري بسرعه طهري وليدك ...

أم سعد

01-11-2011, 12:28 AM

السلاااام عليكم

عيون .. أشرقت الأنوار ... باهي اللي طليتي علينا ... معاش تعاوديها .. هذا غير مديرة التجمع .. وألف لا باس على الصغيويرة .. وبري طهري ولدك أحسن ماتتعبي في جرته ثاني..وشن صار في المكياج والا بتريحي جمالك .. قولينا شن شكله القفطان .. وأما صالة العزومة .. وكل شي

آية .. كيف حالك توا؟؟

أم سعد

01-11-2011, 12:33 AM

آية .. بنسألك انتي قلتي خدمتي كوجينتك عند الفاندي بالله قداش كلفاتك وهي قداش متر

ღॐ آية ღॐ

01-11-2011, 12:45 AM

ام سعد شن اخبارك ...
انا حالي باهي والحمد لله
كنت خلوقي ضايقات بعد ما روح الراجل درتله ردحه باهيه
ليه هلبا ما طلعناش وانا مفروض بادية نتمشي امشي ياحنة
رفعنا لي سوق التلات..درنا فيه و من المشي لين رجليا انتفخو ولما تعبت قلتله هيا
قالي شي لما نكرهك في المشي مشيييييييييييت لييين دهشت
قلتله خلاص حرمت الي مشيته اليوم سادني شهري كله>> شرير..
وتوة مدايرة صونية تمر وبحداي طاست حليب دافية(بقر)وفيها كشيك عسل
وهدا حالي بتفصيل ... وليت منفوخة زي المبولة شكلي مضحك للغاية..

ღॐ آية ღॐ

01-11-2011, 12:46 AM

ام سعد والله مش عارفة قداش كلفت
لان سلفي الي خدمهم غدوة ان شاء الله نستفسر ونجيك بلخبر اليقين من عيوني..

أم سعد

01-11-2011, 12:51 AM

أنا من توا بديت في التمر ومرة مرة نتمشى

مبروك عليك خشيتي شهرك .. ان شاء الله بالصحة .. وتجيبي بنوتك وهي بكامل صحتها ... وتفرحي بيها ... وياااااااااااارب يسهل ولادتك ...

قولي شنطتك واتية؟؟؟؟

ويسلمولي عيونك

ليبياقلبي

01-11-2011, 12:59 AM

يسعد مساكم
ميمونة طمنينا يارب تكوني حامل
عيون الف لاباس علا الصغويرة وربي يحميهم
ايوتة مبروك خشيتي شهرك ربي يتمم يارب علا خير
ام سعد علاش من توا تمشي لاحقة مشي انت بكرة الجنين كل مايقعد في الرحم افضل ليه انا نتمنى نفوت موعدي انت امتى موعدك
عاشقة قالولي عليها مياة زمزم بس خايفة الصراحة انا انا مصفحة وقالوا مياة الرقية والقران للي مصفحة تخنق الجنين في رحم امه وين يبعوا فيها نحس في روحي نبي نجازف ونشربها
وسلامي لي بوسي وووووووووووووينك
نسرينا
ميراس الايمان تيمو
ووووووووووين لولي ليها غيبة صراحة

أم سعد

01-11-2011, 01:02 AM

أهلين ليبيا كيف حالك اليوم؟؟

تبي الحق .. أنا قلقت .. وبعدين قالولي تمشي من توا وان شاء الله تجيبي في موعدك

فلهذا نتمشى لكن مش ديمة مريرة مريرة

ღॐ آية ღॐ

01-11-2011, 01:05 AM

الله يبارك فيك وعقبالك يارب
وكويس بديتي بكري بكري ..
ننصحك بلحليب وخصوصا حليب البقرلو كنتي تحبيه
وربي يسهل ولادتنا يارب.

ღॐ آية ღॐ

01-11-2011, 01:09 AM

ليبيا الله يبارك فيك يارب
شن اخبار الحمل والتكركير..

ليبياقلبي

01-11-2011, 02:49 AM

ليبياقلبي

01-11-2011, 02:50 AM

ايوتة حقا وتيتي الصاكو ولا مازال
ميمونة ووووووووووووينك طمنينا عليك شن صار فيك ياغالية

ميمونة

01-11-2011, 08:34 AM

أنا حرجانه منكم معقوله لا وحدة كلفت روحها وسألت أنا ديما نسأل تهدرزو ونسيتوني وبالي عندكم علي راحتكم
‏_ليبيا قلبي وام سعد صحيتو عالنشدة والله نزل شوي دم وردي بعدين نزل بني وخلاص ظهري يوجع هلبه وانا توا يوم20بعد الدورة ودورتي 23_1 مازال 12 يوم علي ماأعتقد

poucie

01-11-2011, 10:21 AM

بوسي ردي بالك تمشيلها امينه يلي في الاخوة
مشيتلها في بكرتي وكنت في الشهر التاني
خوفتني وطلعتلي ان الحمل خارج الرحم وركبتلي الرعيش عالفاضي
والهنديه مشيتلها بعد ولادتي بحمودي بعد نفاسي باش نطمن عالرحم نظيف
عجبني اسلوبها وهي صغيرونه في الحجم وحبابه
اهلاً عيون نورتي والله انشاء الله الف لابأس على حمودي وسارة
تعرفي والله ماعاد عرفت وين نمشي بس ما دامك قلتي ان د.امينة ما تصلحش وعن تجربتك الشخصية فزاد خوفي منها وخصوصا ان مرات انجيب بالعملية والدكتورة الهندية حتى اني عجبني اسلوبها وعلى قولتك هي تحسيها صغيرة في السن اني هذا السبب اللي خلاني حتى هي انخاف منها شوية لانها صغيرة يعني ماعادهاش هاديكة الخبرة وكان بنتابع عندها بنجيب في السويسري وخلاص يالله ربي يقدر اللي فيه الخير ليا وللجميع انشاء الله وصحيتي مرة ثانية على ردك

poucie

01-11-2011, 10:28 AM

poucie

01-11-2011, 10:36 AM

ميمونة

01-11-2011, 10:54 AM

عيون أهلين نورتي ولاباس عليكم

نسرينا

01-11-2011, 01:32 PM

خيرااااااااااااااات يا حلوااااااااااااااااات

عيون / حمد لله على السلامة ، والف لا بأس عالصغار وربي يحفظهم من كل شر .

ميمونة الغالية / اممممممم اول مرة تحرجي " والا شكلك تتوحمي علينا " هههههههههههههه
ان شاء الله يارب ، و زي ما قلتلك الدم هذا ما اعتقدش انه دورة متخافيش منه ممكن مر وراء الحجامة وممكن تنظيفات من الرحم وممكن تعشيش البويضة في الرحم ، تفأأأأألي خير ، ومااازالك على الدورة ، انسي الموضوع ....

.

لولي و رجاء و تيمو و ام اسيل و الايمان و ام ردينه

سلامتك بس .

حنين88

01-11-2011, 01:38 PM

هاااااااااااااااي يابنات
ميمونة وينك ؟؟؟؟؟؟؟؟؟؟؟؟؟؟ظظ

نسرينا

01-11-2011, 01:40 PM

حنين

ازيك يا بت ؟؟

.

عاشقة الصحراء

01-11-2011, 01:59 PM

مساء الخيرات كيف حالكم كلكم ؟؟ آية . ليبيا . نسرينا . عيون . ميمونة . بوسي . حنين . حبل الوصل انشالله تكونوا كلكم بخير ياااااااااااااارب .. بوسي تسلميلي عالرد أني أمس مشيت للخضرا عند دكتورة منيرة فعلا استريحت والمستشفى قداش نحبها من قبل مش عارفة ليش ههههههه
ليبيا شن أخبارك ؟؟ بالنسبة لمية الرقية والقرآن حاجة مش ممكنة انها تضر العيل يعني معقول قرآن وكلام ربي يقتل الجنين بالعكس وجربي مية زمزم وكوني متيقنة من فايدتها لأن ربي قال أنا عند حسن ظن عبدي بي ... وبالنسبة ليها يبيعوا فيها في عطار أبناء العاشوري في نادي الاتحاد ولو ماعندهمش اسأليهم وين ممكن تلاقي .. وربي يفتح عليك يارب .
ميمونة انشالله تكوني حامل يااااااااااارب وتكون هذي علامات حمل انشالله ونفرحوا بيك ..
بالنسبة ليا الحمد لله نحس في هم الوحام والأعصاب بدو يخفوا شويا يعني حاسة إني بديت نتحسن عالأقل من ناحية راجلي معاش نشم في ريحة مزعجة لما يقرب مني والحمد لله ..
ادعولي

poucie

01-11-2011, 02:02 PM

اهلييييييييييييييييييييييييين بنسرينا وحنين هلا والله حي الله هههههههههههههه عارفة روحي باردة ههههههههه

نسرينا

01-11-2011, 02:17 PM

بووووووسي / هلا هلا

من قال باردة ،،، عسل يا خواتي عسل ههههههه

.

poucie

01-11-2011, 02:20 PM

سلمك نسرينا ويجبر بخاطرك
طبعاً السؤال المعتاد ( شن غذاك اليوم؟؟؟؟؟)ههههههههه
اني ناوية اندير رشيدة مبكبكة وانتي؟؟؟

نسرينا

01-11-2011, 02:22 PM

عاااااااشقة //

مرت خوي لما وحمها طار ،، قعدت نغنيلها

ما طيرته طاار بروحه ... وما طيرته طااار بروحه

هههههههههههههههههههه

عقبال لما تخشي للمطبخ وا طيبي الكسكسي والعصبان والفتات والمبكبكة ههههههههه

.

عاشقة الصحراء

01-11-2011, 02:54 PM

ههههههههههههههه حلوة يانسرينا لكن اني مش حنقول عدا وخلاني ... ياناس نعاني ... بالعكس الله لا يرده وووووووووووووووه متت منه ... تعرفي خاطري في عصبان وفتات وامبطن نستنى امتى نديرهم ونستمخ بيهم هههههههههه ربي يخليك ياعسل وانشالله نفرحوا بيك قريب انتي والوحام يااااااااااااااااااااااارب

أم سعد

01-11-2011, 03:14 PM

السلام عليكم

كيف حالكن ؟؟

عاشقة الصحراء

01-11-2011, 03:22 PM

وعليكم السلام ام السعد ... كيف حالك ؟؟؟ وشن جو البرد معاك ... الصبح الجو يجمممممممممممد

أم سعد

01-11-2011, 03:26 PM

أهلين عاشقة الصحراء .. أنا الحمد لله مازال البردة مأثرة فيا ..

انتي شن أخبارك؟؟

عاشقة الصحراء

01-11-2011, 04:03 PM

اني بخير والحمد لله يا أم السعود ... امس مشيت للمستشفى ودرت جهاز وشفت البيبي صغييييييييييير .. ماحلاه ... تعرفي نتفرج عالشاشة ومش مصدقة ان فعلا فيه حاجة في بطني يمكن لين تكبر بطني باش نبدا نحس ونصدق لأني لحد توا نحس في روحي عااااااااادي ماعنديش أي شعور بالأمومة ... بس الوحام متعبني ونبي نرتاح هذا اللي نعرفه...
انتي شن جوك وشن عندك جديد ؟ ربي يسهللك ولادتك يارب

ღॐ آية ღॐ

01-11-2011, 04:10 PM

اخبار الحمل يا ايوتة الحق قاعدة خايفة يارب نتم التامن ونخش شهري علا خير وسلامة بس قولليه ايوتة جسمي كلا يحك فيا زعما حساسية وتاتر في البببي ولالالا وشن رايك في مياة زمزم نبي نشربها بس زي ماقتلك خايفة قوللي ايوتة البيبي كيف نعرف راسه بدا لوطا انا نمس في بطني من لوطا نحس فيها قاعدة رطبة معناها الراس فوق صح ولالالا وديرت وضع السجود

حبيبتي ليبيا سلمك نشادة
انا حالي باهي والحمد لله فرحانه لان مرحلة الحمل قريب اتم ويارب اتم على خير
وخايفة شووووووووووووية من لحظة الولادة ... بنسبة لي شنطتي جاهزة ومخليتها بجنب الشكماجة في دار النوم وفوقها سكو البيبي ...hwaml10جهزين لي اي طارئ
شن صار في حاجة البيبي كملتيها ولا مزال ..وشنطة المستشفى مفروض تبدي تجهزي فيها من توة ...

ღॐ آية ღॐ

01-11-2011, 04:14 PM

ميمونة العسولة
والله في بالي وندعيلك في كل صلاة
وان شاء لحضة الولادة رح ندعيلك وان شاء الله ربي رح يستجيب
لان المراة لحضة الولادة من مرتبت المرضى والمجاهدين ودعائها مستجاب بادن لله..
وان شاء الله ندعيلكم كلكم نسرينا حبل وميراس ورجاء والايمان وكل وحدة تنتضر الحمل في التجمع...

ღॐ آية ღॐ

01-11-2011, 04:15 PM

ام سعد بعيد لسو عليك وان شاء الله
الف لابئس ..

عيون زوجي

01-11-2011, 04:15 PM

مسااااااااااااء الخيرااااااااااات
لكل الحلواااااااااااااات الليبياااااااااااااااات
ردودكم ليا اثلجت صدري وحسستني قداش ما انا غاليه اعليكم
زي ما انتم غاليات اعليا
يارب ماتشوفوا شرررررررررر ابدا
ويارب ينولكم يلي في بالكم ويريحكم

عيون زوجي

01-11-2011, 04:19 PM

مبروك يا ايه انك خشيتي شهرك وعقبال مانباركوا على ولادتك
وتحكيلنا انها سهله ومش متوقعه وتمر زي الحلم يارب
انتي وام السعد الغاليه وليبيا الخوافه وبوسي يلي وحمها جاي على شن غذاكم
هههههههههههه
وعاشقه الصحراء يلي تغني وتعاني
وحنين ام التوم ياااااااااااااارب
دعوة المؤمن لاخيه في ظهر الغيب مستجابه
ادعوا لبعض وادعولي ..........

أم سعد

01-11-2011, 04:19 PM

آية .. الله لا يوريك باس ..

عيون زوجي ... نورتي

عيون زوجي

01-11-2011, 04:20 PM

ليبيا توكلي على ربي واشربي وفكك من الخرافات..
وربي يسهلها اعليك

عيون زوجي

01-11-2011, 04:24 PM

ميمونه..شكلك حامل ويارب تبشرينا هالشهر يارب
وعقبال نسرينا يلي مقعمزة ومسيبه شغلها وتتضحك اعليكم
هههههههههههههه
نسرينا وين صور حوشك متاع الديكور يا هراااااابه
ايه دارك حلوة بالعمار والصغار يارب
وعقبال مانشوفوا صور حوش ام سعد
وحوشي طبعا هههههههههههههه
ومنو تاني يبني..
شن اسمها نسيت اوخيتنا متاع البار ويلي ميراس دارت فيها حاله
هههههههههههه انا وحده فتاااااانه
قريت القصه وضحكت تمنيت اني معاكم راني خشيت في العركه
حتى انا بندير بااااار
ههههههههههههه وحده نشايفيه وينك يا ميراس
وتي روحك وشمري على ذرعانك بنتعاركوا
شن رايك نتلاقوا في الساحه الخضرة ونبدوا العركه

عيون زوجي

01-11-2011, 04:25 PM

النور نورك يا ام سعوووووووووووووودي يا اموره يا بكره......

عيون زوجي

01-11-2011, 04:27 PM

اختي الايمان سئلتي اعليا هلبه مرات ربي يبارك فيك
سامحيني يا اوخيتي انا من طرابلس مش من الشرق باش نفيدك
لكن اوخيتي ميرنا فاداتك من قلبها ربي يفرجها اعليها واعليك وعلى كل وحدة تستنى الحمل يارب

عيون زوجي

01-11-2011, 04:31 PM

خلي يجي راجلي ونقنعه نطهر حمودي يوم السبت
بنسئلكم عندكم عوايد معينه للطهور ولا لا
زعمه ام ردينه طهرت عباده ولا لا
حبيت اسم عبادة من مسلسل ماوراء الشمس
وعندي هلبه اسماء خاطري نسميها شكلي بنجيب 10 اولاد وبنيه تانيه
منهم البراء وهمام والحارث ويمان ويارا وسهيل وانس
عقبال ما الحامل منكم تجيب بالسلامه ويلي تستنى تجيب وتسمي يارب
وعقبال مانحمل مع سورينام في نفس اليوم ههههههههههههه
شن رايك يا سوري.....

ღॐ آية ღॐ

01-11-2011, 04:34 PM

عيون مشاء الله عليك
متابعة بهتمام ..وعقبالك يارب زوقي دارك زي داري
لان هدا لون الرومنسيات وشكلك رومنسية زيني ههههههههههههههههههه ..
ليبيا توكلي على ربي واشربي امية زمزم وادعي قبل ما تشربيها هدا الدعاء
(بسم الله الذي لا يضر مع اسمه شئ لا في الارض ولا في السماء وهو السميع العليم)
وان شاء الله بشفي..

عيون زوجي

01-11-2011, 04:36 PM

لبستي يا ام سعودي لونها اسود في ازرق نيلي
وشعري مش محتاج تسريحه لانه قصير وناعم وخفيف بس القصه حسيتها تبي التعديل
مش ميه ميه
والصاله في صلاح الدين جنب حوش اهل سلفتي مش عارفه شن اسمها ما سئلتش تو نسئل
والحار بتاخده من اللبنانيه يلي في طريق الشط
والحلو والروزاطة من محل الساحل يلي في 11يونيو
وهي مجهزة روحها من صبغه وقص ولبسه من بريطانيا قبل ما تجي
وماعنديش سلفه غيرها لانهم زوز اولاد بس و5 بنات وكلهم متزوجين
مازلت نبي نشري كندرة عاليه ومريحه لاني بنتحرك هلبه ومعاي زوز صغار ولبستي قصيرة
يلي عنده صور مكياج عالازرق تبعتلي الصورة

ღॐ آية ღॐ

01-11-2011, 04:37 PM

عيون اهم شئ تنقعية في امية وملح
وبعد ما تنحي الصقة ويطيحو البنتوات انتبهي على بوله اكرمكم الله
كيف يطلع يعني لو كان مستقيم معناها مبارك الطهارة تمام لو
مشنشب راجعي دكتور..وطبعا لبسيه ابيض يوم طهارته..وخلاث..

عيون زوجي

01-11-2011, 04:39 PM

الله يسلمك يا ايوته
وانشاءالله تشوفي الخير وتكونلك عتبه مباركه

عيون زوجي

01-11-2011, 04:41 PM

عيون زوجي

01-11-2011, 04:43 PM

hwaml03hwaml03hwaml03

عيون زوجي

01-11-2011, 04:46 PM

بنزلك صورة الدار علق الكمبيوتر
الله غالب الالوان نبيها زيك بس بنضيف ديكورات جبس للحيط والزواق السقف بس والباقي ورق جدران
حلم ما يجي وقته لين نغير رايي عارفه روحي
بس نبيك توعدينا انك تصوريلنا حوشك كله كله

عيون زوجي

01-11-2011, 04:47 PM

خاطري في امبطن من قاللكم تجيبوا سيرته
انا ما انديرش في غدي لان زوجي يتغدا في الشركه لكن ندير عشا خفيف
امس بيتزا واليوم دجاج مصلي

ღॐ آية ღॐ

01-11-2011, 04:55 PM

شوفي هدا يا عيون ديري ضل اسود في ازرق ميك اب سموكي
http://forum.hwaml.com/imgcache2/hwaml.com_1294754145_871.jpg (http://forums.fatakat.com/thread352212)
هني حطت اسود فاتح وفوقة حطت ازرق باش طلع اسود مزرق ..
هدا الرابط ان شاء الله يفيدك يا عيون ...
http://www.google.com.ly/imgres?imgurl=http://forum.hwaml.com/imgcache2/hwaml.com_1294754145_871.jpg&imgrefurl=http://forums.fatakat.com/thread352212&usg=__jL4zPNN56R0Zi-1wY-RyPr9GzeY=&h=475&w=604&sz=83&hl=ar&start=89&zoom=1&itbs=1&tbnid=EXf9TREzo2pfYM:&tbnh=106&tbnw=135&prev=/images%3Fq%3D%25D9%2585%25D9%258A%25D9%2583%2B%25D 8%25A7%25D8%25A8%2B%25D8%25A7%25D8%25B2%25D8%25B1% 25D9%2582%2B%25D9%2588%25D8%25A7%25D8%25B3%25D9%25 88%25D8%25AF%26start%3D80%26hl%3Dar%26sa%3DN%26gbv %3D2%26ndsp%3D20%26tbs%3Disch:1

ღॐ آية ღॐ

01-11-2011, 04:59 PM

امين يارب
وبنسبة لي حوشي ان شاء الله بس يتم حنصورة كله كله وعد بادن لله

ليبياقلبي

01-12-2011, 01:57 AM

مساء الخيرات
ميمونة شن اخبارك توا وشن صار فيك
عيون ربي يعطيك الصحة وتطلعلي حلوة في اللمة
ايوتة شن اخبارك وانت عاجبك اسم اسيل نحس فيه قديم
ام سعد انت في اي اسبوع

ليبياقلبي

01-12-2011, 02:00 AM

ايوة عاشقة قوللي انت عند من تابعي

ليبياقلبي

01-12-2011, 02:04 AM

ام سعد الف سلامة خيرك

ليبياقلبي

01-12-2011, 02:59 AM

ووووووووووووينكم انا سهرانة لوحدي ايوتة بنسالك
انا بطني الاسبوع لي فات حستها فوق مشحطة بس توا اليوم حسيتها نزلت تحت وانا قبل الببي مقعدي زعما تسوى

ليبياقلبي

01-12-2011, 03:00 AM

عاشقة انت كم عمرك
وكم ليك متزوجة وانت طالبة بشري

عاشقة الصحراء

01-12-2011, 11:38 AM

صباح الخيرات والليرات والدولارات والدينارات ... كيفكم صبايا ؟؟؟ انشالله تكونوا بخير يااااااارب... نسرينا وينك غيبتي ؟؟؟
عيون كيف حالك وشن أخبارك ؟ انشالله تطهري وليدك وترتاحي من الموضوع .
آية كيف حالك يا غالية ؟؟ ربي يسهللك ولادتك وتدعيلنا ربي يسهل علينا وتكملي حوشك زي ماتبيه وأحلى ...
ميمونة كيف حالك ؟؟؟ أم السعد كيفك ؟؟
ليبيا الحلوة ؟؟؟ انشالله تكوني خديتي مية زمزم وفكيتي روحك من الوسواس والخرافات .. اني ياحلوة عمري 24 سنة وليا 6 شهور متزوجة ونقرا في الطب سنة خامسة لكن شكلي مش حنكمل ونبي نعادل موادي لعلم الأمراض .. لأن الطب مواله طويييييييييل ومتعب والدكاترة ماشالله يشجعوك وكان كملتي وماطلعتيش حضرتي برا مش حتلقي شغل ... يعني تعبه أكتر منه بالذات توا صعب جدا نكمل فيه ومافيش دافع يخليني نقول معليشي وتوا غدوة نتخرج ونشتغل ونستريح بالعكش كل ماتفكري بعد التخرج يوجعك راسك .. أما علم الأمراش تخصص حلو جدا وقوي ومطلوب يعني نقدر نشتغل وشغلي محترم جدا من الدولة ومع الجنائية وحاجة كويسة .. أو كان نبي بروحي نفتح معمل خاص بيا ونريح راسي ..ادعولي ربي يوفقني في دراستي لأنها أهم حاجة عندي ..

عاشقة الصحراء

01-12-2011, 11:46 AM

اني نتابع عند دكتورة منيرة في الخضرا

عاشقة الصحراء

01-12-2011, 12:14 PM

http://forum.hwaml.com/imgcache2/hwaml.com_1294676596_117.jpg (http://forum.hwaml.com/redirector.php?url=%68%74%74%70%3a%2f%2f%66%69%6c% 65%73%2e%6d%6f%74%68%68%65%6c%61%68%2e%63%6f%6d%2f )
هذي صورة البيبي في الأسبوع العاشر ... زي حالاتي توا ههههههههه يقبرني انشالله

نسرينا

01-12-2011, 01:07 PM

صباااااااااااااااااااااااااااااااااااااااااااااح النوار لاحلى ناس والله

عيوووون / يعطيهالك مش مفوتة شيء بكل هههههههههههههههههههههه والله ضحكتيني ، ربي يهنيك ويدوم عليك السعادة ..
بالنسبة للصور والله صورت الديكورات بس في الجهاز الثاني حننقلهم بإذن الله ونحملهم وانزلهم وتشوفوهم
بوووسي "شنو غذاك " / هههههههههههه سامحيني امس طلعت قبل ما انرد عليك و صحتين الرشدة وامس درت غداي بيتزا وارز بلاو وسلطة مشويه ،،ومش هكي بس ، عاد روحت من العمل ناشطة خاطري في طاجين جبن ، خشيت جري للمطبخ درت البطاط والدجاج و وتيت وكملت ولما جيت بنخلط فتحت الثلاجة لقيت فيها دحية وحيده ، طاااااااااااارتلي على الاخر قعدت نشبح لدحيه تقول نستنى فيها امتى ادحي ههههههههههههههههههه حطيت الخلطة في حافظة. وامبارح شريت طبق دحي كاااااااااامل هههههههههههههههههههههههههههههه وبندير اليوم ان شاء الله ، وانتي شنو بديري غذاك اليوم ؟؟؟ههههههههههههههههههههه
آيه : بالله بنسألك الشنطة شنو تحطوا فيها ؟؟ وساكو البيبي شنو فيه ، تعرفي نحس في روحي لو حملت ان شاء الله من اول شهر بنوتي الشنطة والساكو هههههههههههههههه
ام سعودي الغالية / الف لا بأس عليك ، ويلا خشي عالتاسع و خوذي فيه اسبوع بس .
ليبيا قلبي / زعلانة منك اني سألت عليك وحمدتلك عالسلامة وانتي ما عدلتيش عليا ولا رديتي عليا ههههههههههههه " نوريك اني الدلع والزعل هههههههههههههههههههه"
عااااااااااااااااااااااشقة الحلوة / قوليلي الصورة هادي متع الجنين ههههههههههه هو شنو ايدير لاصق في المؤخرة ههههههههههههههههههههههههه

ربي يهنيك وعقبال للتاسع يااااااااااااااااااااااااااااااااااااااااااااااااا اااااااارب

أم سعد

01-12-2011, 01:45 PM

السلام عليكم

صباح الخيرات

ليبيا قلبي أنا في الأسبوع 34 في نهاية الثامن يعني

عاشقة الصحراء شكرا على السؤال وانتي كيف حالك؟

آية كيف الحال

نسرينا ... ههههههههههههههههههههههه ضحكت على الدحية هلللللللللللللبه ههههههههههههههههه

هو أنا من ناحية نبي نجيب وعييت ومن ناحية مازلت مش جاهزة وأهلي مسافرين خللي يروحو قبل

:)

نسرينا

01-12-2011, 01:57 PM

هههههههههههههههههههههههههههه

دووووووووووووووووم الضحكة ياااااااااارب

.

نسرينا

01-12-2011, 01:58 PM

ههههههههههههههه غير قوللي ان شاء الله سعودي يصبر لين ايروحوا اماليك هههههههههههههههه

.

حبل الوصل

01-12-2011, 02:03 PM

السلام عليكم ام سعد ونسرينا وعاشقة وليبيا قلبي شن اخباركم والبقية وينكم

نسرينا

01-12-2011, 02:04 PM

نسرينا

01-12-2011, 02:07 PM

مراااااااااااااااااحب

حبل الوصل

كيف الاحوال ؟؟؟

.

حبل الوصل

01-12-2011, 02:09 PM

ام اسيل الامتحانات غدوة اخر يوم ولو كان هيا اللي مانعتك تخشي توة نشوفو في العطله والله استاحشتك

حبل الوصل

01-12-2011, 02:12 PM

تمام يانسرينا الله يسلمك وانتى شن اخر اخبارك وشن صار في الدورة والتحليل

حبل الوصل

01-12-2011, 02:14 PM

ميرنا تغيرت علينا واااااجد تحكى برة التجمع وحنى ماتحكيلنا في شي

أم سعد

01-12-2011, 02:15 PM

أهلين حبل الوصل كيف حالك؟؟

حبل الوصل

01-12-2011, 02:20 PM

تمام ياام سعد انتى شن حالك ويارب يروحو هلك بالسلامة وتولدى على خير يارب ولادة سهلة وميسرة باذن الله

نسرينا

01-12-2011, 02:25 PM

والله يا حبل الوصل

ههههههههههههه لا دورة ولا تحليل

يستر الله وخلاص قررت الاسبوع الجاي اندير تحليل

.

عاشقة الصحراء

01-12-2011, 04:30 PM

ههههههههههههههه يعطيهالك يانسرينا ... حلوة علاش لاصق في المؤخرة ... قريب من نقطة الخروج هههههههههههههههههههه تعرفي والله فكرتيني في الرز بلاو والسلطة المشوية اوووووووووووووو بنقول لأمي تديرلي ضروري ... صحتين وألف عافية علي قلبك .. وصحتين اليوم عالطاجين . لكن قوليلي شن بتديري معاه ؟؟ قولي وسهفيني ترا ..

عاشقة الصحراء

01-12-2011, 04:32 PM

انشالله ماتجيك الدورة يانسرينا وتديري تحليل تطلعي حامل وتبدي تتوحمي وتكرهي المطبخ اللي تسهفي فيا بيه ... ووقتها نبدا اني مكملة الوحام انشالله ونخش للمطبخ وحي عليك حي بعدين شدي روحك .. كل يوم أكلة لعيونك يا أحلى نسرينا هههههههههههههههههههه
ربي يعطيك اللي في بالك ياااااااااااااارب

ღॐ آية ღॐ

01-12-2011, 04:36 PM

السلام عليكم
كيف حاكم اليوم ؟؟
ليبيا قلبي السموحة كيف حالك اليوم ؟؟
بنسبة للحكة ادهني بزيت الزيتون طول تخف عليك
وسببها كبر البطن والسوائل الطبيعي الي في الجسمي خلال الفترة الاخيرة تزيد
وتخلي الجسم يتشحط .. وبنسبة لي اسم اسيل انا نحبة من زمااان ومعناه جميل
ومش مهم لو كان قديم او جديد وفيه اسماء هلبا جديدة مش مقتنعا بيها المهم عندي اسم
حلو ومعناه جميل وعلى وزن اسمي واسم وليدي وبس ..ام نزول بطنك فان شاء الله دليل على ان البيبي تساوة وممكن يكون الراس نزل تحت..ويارب يكون نزل وتمشي تعيني وتبشرينا ..
حبل نورتي كيف حالك وشن اخبارك ..ام سعد يومك سعيد شن اخبار سعودي؟؟
نسرينا شن اخبارك ووالله صحة ليك قادرة تصبري على التحليل انا العام الاول كنت كل ما تغيب
شوية نجري نشري واحد ...اليوم كملت تجهيز شنطتي وشنطة بنوتي امس غسلت كل حوايجها
وبطاطينها واليوم وشقتهم وعطرتهم بريحة شيكو وحطيت بدالتين او زوز شخاشيراو زوز غيارات داخليه ومريقتين وكوانتيات وطاقيتين وفوط صغيرة وعقمت شيشتها وزلباحتها وحطيتهم في ساكوهآ
..وفي ساكو المستشفى تبعي حطيت زوز قفاطين بلارواب وزو سكليزات وطاقمين ملابس داخلية لرضاعة وفوطة وفرشة وزو قاميدجات قطنيات
وشخاشير لاني في ايوب سقعت هلبا ..وخلاث عقبالك يانسرينا ماتوتي ساكوك وساكو النونو
ياااااااارب اللهم امين

عاشقة الصحراء

01-12-2011, 04:49 PM

سلام آية نورتي .. كيف حالك ؟؟؟ يسلموا عالمعلومات لأن والله نسرين شكله عمرها أطول من عمري لأني كنت بنسألك نفس السؤال وربي يخليك عالإفادة ... وربي يفرحك ببنتك انشالله قريب وتفرحينا معاك ..
وعقبال ماتوتي ساكوك يانسرين وتقوليلنا شن حطيتي فيه ويلصق البيبي في مؤخرتك حتى انتي هههههههههههههههههههههههههه

ღॐ آية ღॐ

01-12-2011, 04:58 PM

الله يسلمك يا عاشقة
كيف حال الوحم معاك غالبك ولا غالبتيه!!

ليبياقلبي

01-12-2011, 08:15 PM

ام سعد انت قبلي بي اسبوع انا في الاسبوع35 وربي يتمم علا خير
نسرينا لالالا الازعلك فكينا من الجو عاد
عاشقة انت سنة خامسة كملتي خلاص معناها شن فضلك بس ربي يعاونك في لي بتقريه وبالنسبة ليا انا لالا مازال مشربيتش قاعدة خايفة لانا في حملي الاول جوني التهابات في الشهولا الاولى مشا قالولي نساوين ديري بينكج بودر دريته لما مشيت لدكتوري قالي خطا لانا ينزل منك عفن وبكتيرا والبينكج بكتيريا تزيدي في روحك حلفللي راجلي معاش ناخد حاجة الا بادن الدكتور توا خايفة ناخدها من وراه نندم مش عارفة شن ندير
ايوتة الله سفتهتني بتوتا شنطتك ربي يتمم علا خير وتنوضي بسلامة شن مقررة بتجيبي في مصحة ولالالا وشن ملابس داخلية متاع الرضاعة

ليبياقلبي

01-12-2011, 08:17 PM

حبل الوصل شن اخبارك انت والسنافر

عيون زوجي

01-12-2011, 10:31 PM

السلام عليكم ورحمة الله
كيف حالكم انتم وعايلاتكم يارب تكونوا كويسين في هالصقع والريح
منو موجوده منكم تهدرز معاي
.............................
؟؟؟؟؟؟؟؟؟؟؟؟؟؟؟؟؟؟؟
,,,,,,,,,,,,,,,,,,,,,,,,,,,,

عيون زوجي

01-12-2011, 10:36 PM

وينكم يا عويله...........

عيون زوجي

01-12-2011, 10:51 PM

اختي موعد ولادتها 18/1/2011
ومن امس نزل معاها شوية دم والوجع كل 10دقايق
والرحم معند 1.5سم
ادعولها ربي يفرجها اعليها وتجيب بالسلامه
ومرت خوي ما معاها لا وجع ولا شي موعدها5/2/2011
لما شافت اختي تتوجع من الخلعه انفتح كيس الجنين
ونزلت الميه كلها
وحاليا في الحوش نفسيتها تعبانه وموعدها مع دكتورتها
الساعه 12 في الليل
احتمال تولدها بوجع صناعي
بالله امانه من يقرا مشاركتي
يدعي لاختي وزوجة اخوي بالولادة السهله الميسرة
وينوضوا بالسلامه هم والبيبيات
وعقبالكم يارب...............

عيون زوجي

01-12-2011, 10:55 PM

تصبحوا على خير
في امان الله........

عيون زوجي

01-12-2011, 10:56 PM

مبروك الصفحه 700 ........للكل؟؟

ميراس

01-13-2011, 01:03 AM

انشاالله ربى ايفرج عليها ياعيون والله يبارك فيك وانشالله ايكونوا الصفحات الجاية انشط للعضوات كلهم

ღॐ آية ღॐ

01-13-2011, 01:46 AM

عيون يا رب تولد على خير
وتفرحو بسلامتها وسلامة البيبي
يااااااااااارب
ليبيا نقصد الحملات متع الصدر الي ينفتحو باش يطلع الصدر منهم
شريتهم من الصيدلية ممتزات استعملتهم لما كنت انرضع في ايوب
وبنسبة ليا بنجيب في مصحة الفردوس عند الدكتور احمد الزروق
حتى في ايوب كنت انراجع عنده في المصحة وهوا الي ولدني..

poucie

01-13-2011, 10:09 AM

عيون انشاء الله ربي ايسهلها على اوخيتك ومرت خوك وينوضوا بالسلامة هما والبيبيات يا رب

ميرنا

01-13-2011, 10:34 AM

الى ميرنا /

ممكن سؤال ؟؟؟

انتي حامل والجنين نبضه متوقف وقاعد في رحمك ؟؟؟؟

اني هكي فهمت من رد في موضوعك ...

سؤال / ليش ما اديريش تنظيف وليش تستني لين ينزل بروحه ، مش هكي ايديرلك تسمم لا سمح الله .

.

اختى نسرينا ايوه هذا لى صار امعى كل اجهاض اتقولى الدكتورة لافضل اتخليه ينزل ابروحه لانه فى الاسبوع السادس الكيس صغير و ما يحتاج تدخل وكذلك قالت لى انا بمكانى انقولك عدى الى المستشفى اينزله لك ولكن الدكتورات لى فى المستشفى ما نقدر نسلمهم حالتك لانهم صغيرات وخريجات جدد ان خاف عليك منهم فى عملية التنظيف لافضل لك ان تنتظرى

والحمد الله امس اول يوم فى نزول الجنين بس دم بدون قطع وقاعدة نشرب فى قرفة وحلبة وحب رشاد علشن نساعد نفسى على تنظيف الرحم وان شالله اليوم نمشى الى الدكتورة نشوف نفسى بالسونار شن صار الاخ مازال قاعد ولا نزل

اما عن التسمم حتى انا مثلك خفت منه فى بدايت اجهاضتى بعد ما قالت لى الدكتورة خليه ينزل ابروحه صار لى زى الواسواس انقول بالك نسمم فقالت لى لا تخافى لو كان كبير صح كلامك ولكن هذا صغير ما تخافى منه

وفعلا اجهاضتى 4 مرات السابقة كلها انتظر بدون تدخل طبى لانى ناخذ فى اقوى انواع المثبتات لبوس 400 لتثبيت الحمل لهذا ايطول وما ينزال وحتى بعد مادارلى محمد المحيشى عملية منظار رحمى قالى الله اكبر احسن شى انك موش داير ولا عملية تنظيف فى كل هذه الاجهاضات رحمك ممتاز ولحمدالله لو انك دايره عملية تنظيف حا الدمري القاعدة الاساسية فى بطانة الرحم كل اجهاض عملية تنظيف موش اكويس والحمدالله ربى العالمين

شوفى انا اخر دورة كانت يوم 13 /9 واخذت فيه مجفف لهرمون الحليب واكلوميد فقط وذهبت الى الدكتورة بعد 12 يوم من الدورة قالت عندك بويضة حجمها 25 واعطتنى ابرة تفجير وبعدها جاء موعد الدورة فى شهر 10 /13 ولم تاتى الدورة انتضرات اسبوع وحللت فطلع تحليلى فيه حمل وبداء ينزل على فى دم وبعد اسبوعين درت تحليل رقمى وكان اكويس ودم مازال موجود اعودته بعد اسبوع قالت الدكتور الحمل وقف وكذلك الدم وقف وكلما نجى الدكتورة اتقولى مازال قاعد فى رحمك الى امس بيش نزال والحمد الله

عاشقة الصحراء

01-13-2011, 11:22 AM

صباح الخير ياحلوييييييييييين ....شن مداير فيكم الصقع والمطر ؟؟؟ الجو حلو جدا ويبي طلعة وتقعميزة في مكان دافي وحلو وفنجان كابوتشينو وبريوش سخون وقدامك المطر تتفرجي عليها اوووووووووووه تذكرت أيام العزوبية وقعداتي مع صاحباتي في أيام المطر وطلعاتنا مع بعض .. الله فعلا أيام حلوووووووووة وسبحان الله توا تقولي كذب كل وحدة لاهية في روحها معاش نتلاقو بكل بالتليفون ويالله ...
على هالسيرة اني عندي مشكلة ان راجلي مايبيش الخلطة ومايبينيش نمشي لحوش حد والأعراس بالسيف مشيت في أعراس صاحباتي اللي تزوجوا بعدي .. مرات نقول عادي وهذي الحياة تتغير وخليني نرضا ونسكت لكن والله العظيم مستاحشة قعدة مع صاحباتي بشكل غير عادي وصايرلي ملل فظيع لأن حياتي كلها يا إما عند أهله ولا أهلي واحنى من النوع اللي نطلعوا هلبا ونمشوا لأماكن عامة لكن كل هالطلعات ماتغنيش علي صاحباتي والتهدريز معاهم ... خايفة ندير مشاكل في حياتي علي خاطر الموضوع هذا وفي نفس الوقت مليت من الروتين ونبي نمشي لناس ونشوف صاحباتي ونحس إني عايشة في هالعالم بالذات إني انسانة اجتماعية جدا ...
ديروا لي حل وانصحوني كيف نتصرف معاه

عاشقة الصحراء

01-13-2011, 11:30 AM

آية الحلوة كيف حالك ؟؟ وشن أخبارك .. الوحم خف عليا والحمد لله بعد ماخشيت الثالث لكن قاعدة عندي حالة كره المطبخ وحالة التعب والإرهاق .. تعرفي علي طول نبي نرقد وعلي طول تعبانة وكان تحركت شويا تقولي حركت جبال وكسل طبعا مانحكيلكش حتى طاسة المية نبي من يجيبهالي ... حشمة وخلاص .
عيون كيف حالك ؟؟ انشالله ربي يسهل على أختك ومرت خوك وينوضوا بالسلامة يااااااااارب .
نسرينا . حبل الوصل . ميراس . أم السعد . بوسي . كيف حالكم ؟؟
ليبيا الغالية .. كيف حالك ؟؟ اني فديت من قراية الطب وبالذات ان زي ماقلت مافيهاش مستقبل لو ماطلعتيش وحضرتي برا وانتي وحظك كان ربي يحبك وعندك حظ توقعي عقد وكان هذا تقعدي تكركري في المستشفيات وتجري عالفاضي وبالبلاش ... تشرد يعني ... القراية اللي بنبدا فيها انشالله أحسن وربي يوفقني فيها ...
تاني حاجة يا امتع العمايل هناك حد ياخد بيكنج بودر ؟؟؟؟ والله أول مرة نسمعها واللي قالوهالك ناس جاهلين .. والحمد لله ربي ستر وحاولي معاش تسمعي كلام حد وعلى قد ماتقدري أقري بروحك عن مشاكل الحمل وعلاجها .. وبالنسبة لمية زمزم هذي حاجة ربي بارك فيها والرسول الكريم قال ( ماء زمزم لما شرب له ) يعني تنوي النية وتشربيه وبإذن الله لا يضر .. خوديه وتوكلي علي ربي ..