تجمع حوامل ليبيا

[عيون زوجي]

احنا في طرابلس وحاشاكم هاليومين كاثر الموت والقتل بالرصاص
سلفتي ولد اختها مات برصاصة في رقبته وولد جيرانا جوه للحوش ضربوه برصاصة في رجله ةاخرى في كتفه ورفعوه معاهم من يوم 20
اهله يسخفوا دوروا عليه كل المستشفيات ما لقوشي عنده زوز بنات
وقريب زوجي واقف في بوابه للثوار امس طلعوله زوز بنات في خمارات فرغوا اعليه الرصاص مات في مكانه
الوضع الامني ايخوف
اللهم انك عفو تحب العفو فاعفوا عنا دنيا واخرة
واحفظنا ياااااااااااااااارب

[hatoo]

اهلين بنات انا ياميرنا الحمدلله توا معش نزل عليا دم من اول يوم ناخد في مثبت واسبرين والحمدلله وياعيون احنا كويسين وان شاء الله اول مايهدا الجو نبي نجي لطرابلس متنسيش انو ماما طرابلسيه وماليها كلهم غادي وبالنسبه لي عندي بنوته توا في نص 9 تسكر سنه وانا حامل في الثالث ان شاء الله ربي يقدرني وان شاء الله الايام الجايه نسمعوا اخبار حلوه علي ليبيا

[ام اسيل]

احنا في طرابلس وحاشاكم هاليومين كاثر الموت والقتل بالرصاص
سلفتي ولد اختها مات برصاصة في رقبته وولد جيرانا جوه للحوش ضربوه برصاصة في رجله ةاخرى في كتفه ورفعوه معاهم من يوم 20
اهله يسخفوا دوروا عليه كل المستشفيات ما لقوشي عنده زوز بنات
وقريب زوجي واقف في بوابه للثوار امس طلعوله زوز بنات في خمارات فرغوا اعليه الرصاص مات في مكانه
الوضع الامني ايخوف
اللهم انك عفو تحب العفو فاعفوا عنا دنيا واخرة
واحفظنا ياااااااااااااااارب
عيون ربي يهدي الوضع
قوليليهذا اللي انضرب في رقبته رصاصة طايشة ولامقصودة
واللي ضربوه في رجله ورفعوه ضربوه من الثوار ولا معمر وهو مع من
معليش نقصقص عشان زوج اختي في الاذاعة ويبو يعرفو الاخبار الداخلية متاع طرابلس
بالنسبة لمصر تذاكر مش عارفة لاني جيت بالسيارة اما السكن بصراحة القاهرة احلى واجد وفيه مكان في القاهرة اسمه مدينة الرحاب هو بعيد شوية في القاهرة الجديدة بس جميل جدا جدا
واسعار الشقق مناسبة يعني في الشهر مابين 3000 و 3500
شقة دارين وصالة ونظيفة جدا جدا
والجنيه الليبي بثلاثة ونص مصري ممكن يزيد الايام الجاية والمدينة فيها مولات تجارية كبيرة وسينما ونادي رياضي فيه كل شي من حمامات سباحة ملاعب وفيه مكان ملاهي للصغار تجنن وفيه مجموعة مطاعم عالمية مشهورة وقدامها بحيرة صناعية خيالية يعني من الاخير مكان يهبل والصرف انتي وجيبك حسب الشرا والاكل اه وفيه سيارة خاصة تشيلك لاي مكان في المدينة هذي بخمسة جنيه
قعدت مرشدة سياحية ههههههههههه بس بجد مكان حلوhwaml7

[hatoo]

اه صح ياام اسيل الرحاب حلوه بكل عمي عنده شقه غادي حلوه بكل

[ام قصى محمد]

ههههه ام اسيل مرشده سياحيه
الله يخليكم يابنات والله مرايفه ومشغوله على عاشقه
مش عارفه ليش ما خشت لعند توا
شوفى عيون الوضع الامنى ياخذ شويه وقت وتستقر الاوضاع
عيون امتى ماشيه بلكى نتلاقو غادى
فى مصر

[ام قصى محمد]

هههههههههههههه
عيون على اساس مصر صغيره ههههههههههههه
عشان نتلاقوا
ههههههههههههههه

[ميرنا]

الحمدلله..ريحتوني بكلامكم
ميرنا وهاتو وام اسيل ماشاءالله نبوا اسبوع كبير في طرابلس
مش بنغازي تعالوا عندنا والاسبوع للبيبيات اعلينا
الف الف مبروك وتنوضوا على خيرررررر وبالسلامه انتم والبيبيز يارب
احنا يلي كنا خايفات عليكم اول الاحداث
لان طرابلس مافيهاش دوشه زيكم وخاصة اهل اجدابيا
ويوسف شاكير مفهم الناس ان بنغازي موت ورعب واغتصاب وجوع وكل شبابها ماتوا في الجبهات
قلت ياربي يحفظ الكل وخصوصا رجلاتكم لانكم الشرقاويات الوحيدات يلي نعرفهم في حياتي
وانشاءالله يكتبلنا ربي ونتلاقوا على خيررر
بعد انتهاء الاحداث نهائي خاطري نزور بنغازي وراس هلال والجبل الاخضر مع السنه الجايه كان كتبلنا ربي عمر والامور هانيه
بنسئلكم اولا:
ميرنا نبي قصة حملك بالتفصيل وزوجك انضم رسمي للثوار ولا لا
ام اسيل ماشاءالله في السابع ولد ولا بنت لان ماشاءالله ميرنا وليد صح واسمه عمر
هاتو شن عندك من صغار وقداش ليك حامل
ام قصي هي احملي في هالفجعه على قولة ام اسيل وجيبي خو لبنياتك
ميمونه يارب نفرحوا بحملك يارب
ونتمنى نطمن على سورينام احبيبتي وكل بنات طرابلس



عيون راجالها اليكى قصة حملتى..... جائتنى الدورة وخذيت اكلوميد وابرة تفجير وبعد اسبوع مشيت خطبة الى راجلى على اساس انى حتى لو صار حمل توة ينزل لانى ايست من روحى وفقدت الامل بعد ما جاء موعد الدورة لقيت روحى حامل عديت الى الدكتورة قالتلها الدكتور عادل فاروق البيجاوى قالى عندما تحملى خوذى نصف حبة دواء دوستنكس مجفف الحليب اعطتنى الدكتورة الروشيت واخذت الدواء الى ان شفت نبض الجنين راسلت الدكتور عادل عن طريق الايميل قالى طالما شفتى النبض اوقفى دواء المجفف للحليب وخوذى ابر الهيبارين مسيل للدم وخوذى مثبت لبوس 400 غرام فقلت لدكتورة كلام الدكتور فصرفتلى العلاج تحت اشراف الدكتورة فا استمر الحمل والحمدلله وما تخيليش قديش انا فرحانة عقبال كل محرومة يارب.... اما عن راجلى كيف الغريق لى طلعوه من الماء رافع علم الاستقلال وخاصتنا بعد ما عرف امعى اوليد ههههههههههههه اخ من راجاله

[ميمونة]

الف مبروك ياميرنا تستاهلي كل خير لانك طيبة

والله ياعيون صدقتي عايشين في رعب بس المهم هو هارب كالجرد

حتي احنا ماتو هلبه من معارفنا بس مع هدا الصبر فقط ربي يفرج علينا ونعيشوا مرتاحيين

تسلم عليكم نسرينا وايه وحالهم باهي

[ميمونة]

تسلمين ام رفيده بس شوفنا بعيوننا افعاله يارب ياخده هالشفشوفه

ليبيا شن حالك هيا امتي ترجعي خلينا نشوفوك

ام قصي تسلمي حبيبتي ليك وحشه

[ميمونة]

قول عنهم قول يامدمر صعب الوصول... ليبيا طلعت من ايدك يا مغرور ..قلت عنهم جردان رفعوا راسنا في الميدان ...قلت عنهم مهلوسين وهما لله ساجدين...قلت عنهم مقملين وهما بالنظافه معروفين ..قول عنهم ماتقول يامدمر صعب الوصول..

والله شن رايكم؟؟؟؟؟؟؟؟؟؟؟؟ظ

[يقين]

اهلا كيف حالكم ام قصي وام اسيل وسومه ورييييييييييييييييييييم وميرنا وليبيا قلبي كلكم شخباركم ان شالله كويسين
ليبيا قلبي امس متصله بيا تعرفي والله طالعه من العشيه وفطرت برا وتسحرت برا والله حرام ما سمعته هاتفي المهم اني كلمت راجلي باهي طلع يعرف المكان هادا واتفقت معاه اللقاء يكون تالث يوم العيد شن رايك يناسبك ولالا

[يقين]

يابنات اللي في مصر بالله عليكم مني تعرف مكتب شغلات يكونوا شغلاتهم نظيفات بالله عليكم باسرع وقت قولولي قرايتي بتبدا و اني نبي نتفرغ لقرايتي ونبي حد يقيم الحوش وفروتي الصراحه الاتنين مانقدرهمش مع القرايه اللي تعرف ماتبخلش عليا نراجي فيكم

[عيون زوجي]

عيون ربي يهدي الوضع
قوليليهذا اللي انضرب في رقبته رصاصة طايشة ولامقصودة
واللي ضربوه في رجله ورفعوه ضربوه من الثوار ولا معمر وهو مع من
معليش نقصقص عشان زوج اختي في الاذاعة ويبو يعرفو الاخبار الداخلية متاع طرابلس
بالنسبة لمصر تذاكر مش عارفة لاني جيت بالسيارة اما السكن بصراحة القاهرة احلى واجد وفيه مكان في القاهرة اسمه مدينة الرحاب هو بعيد شوية في القاهرة الجديدة بس جميل جدا جدا
واسعار الشقق مناسبة يعني في الشهر مابين 3000 و 3500
شقة دارين وصالة ونظيفة جدا جدا
والجنيه الليبي بثلاثة ونص مصري ممكن يزيد الايام الجاية والمدينة فيها مولات تجارية كبيرة وسينما ونادي رياضي فيه كل شي من حمامات سباحة ملاعب وفيه مكان ملاهي للصغار تجنن وفيه مجموعة مطاعم عالمية مشهورة وقدامها بحيرة صناعية خيالية يعني من الاخير مكان يهبل والصرف انتي وجيبك حسب الشرا والاكل اه وفيه سيارة خاصة تشيلك لاي مكان في المدينة هذي بخمسة جنيه
قعدت مرشدة سياحية ههههههههههه بس بجد مكان حلوhwaml7
بارك الله فيك وانشاءالله تجيبي بالسلامه وتروحي انتي وعويلتك على خيررر
بأدن الله وتتهنى البلاد بنمشي قبل العيد الكبيرة لمصر ولمدينة الرحاب تحديدا
اما قصة الشباب الاول من المتطوعين مع معمر
ام التانيين من الثوار
وما نحكيلكش على ولد جيرانا البارح ينظف في صواريخ ولا دخيرة ار بي جي مش عارفه تحديدا المهم اتفجروا واتهدمت الكوجينة البرانية والشاب انحرق وماماتش لله الحمد وانحرقوا خوته الزوز
ام الجو الخارجي اليوم كويس بس الكل يحكوا على القوات العربيه والاسلامية للشرطة
الكل ما يبيش وخايفين ان الطابور الخامس يستغل الموضوع ويوغل الصدور
الكل يقولك ما نرضوش ايجونا قطريين واردنيين ومصريين واتراك يتحكموا فينا
انشاءالله ما يصرش منه هالموضوع لانه بايخ جدا
ويارب يعم علينا الامن والامان والسيادة والشرطة ليبية وليبية فقط

[عيون زوجي]

ههههه ام اسيل مرشده سياحيه
الله يخليكم يابنات والله مرايفه ومشغوله على عاشقه
مش عارفه ليش ما خشت لعند توا
شوفى عيون الوضع الامنى ياخذ شويه وقت وتستقر الاوضاع
عيون امتى ماشيه بلكى نتلاقو غادى
فى مصر
واعلاش لا كانك ماشية لمدينة الرحاب او القاهرة عموما نتلاقوا ونلعبوا صغيورتنا مع بعض ونتفتكوا من الرجاله وندهوروا مع بعض
جيبي عربة اطفال متاع زوز معاك باش نشدوه طلوع ومشاوير
ههههههه

[عيون زوجي]

عيون راجالها اليكى قصة حملتى..... جائتنى الدورة وخذيت اكلوميد وابرة تفجير وبعد اسبوع مشيت خطبة الى راجلى على اساس انى حتى لو صار حمل توة ينزل لانى ايست من روحى وفقدت الامل بعد ما جاء موعد الدورة لقيت روحى حامل عديت الى الدكتورة قالتلها الدكتور عادل فاروق البيجاوى قالى عندما تحملى خوذى نصف حبة دواء دوستنكس مجفف الحليب اعطتنى الدكتورة الروشيت واخذت الدواء الى ان شفت نبض الجنين راسلت الدكتور عادل عن طريق الايميل قالى طالما شفتى النبض اوقفى دواء المجفف للحليب وخوذى ابر الهيبارين مسيل للدم وخوذى مثبت لبوس 400 غرام فقلت لدكتورة كلام الدكتور فصرفتلى العلاج تحت اشراف الدكتورة فا استمر الحمل والحمدلله وما تخيليش قديش انا فرحانة عقبال كل محرومة يارب.... اما عن راجلى كيف الغريق لى طلعوه من الماء رافع علم الاستقلال وخاصتنا بعد ما عرف امعى اوليد ههههههههههههه اخ من راجاله
[/quote]
الحمدلله يا ربي تستاهلي صبرتي ونولتي
الف الف مبروك وعقبال كل محرومة يارب
وربي يعقد عسلك انتي وراجلك وتشوفي اوليد حلوووووو زي امه راجل زي بوه
وافتكيتي من هم الضرة احمدي ربي كل صلاة فكك من هم كبير

[عيون زوجي]

الف مبروك ياميرنا تستاهلي كل خير لانك طيبة

والله ياعيون صدقتي عايشين في رعب بس المهم هو هارب كالجرد

حتي احنا ماتو هلبه من معارفنا بس مع هدا الصبر فقط ربي يفرج علينا ونعيشوا مرتاحيين

تسلم عليكم نسرينا وايه وحالهم باهي
ميمونه يا احبيبة ما جاوبتنيش من وين تقضوا هالايام
وشريتي حوايج عيد ولا لا.......

[عيون زوجي]

كل سنة والجميع بالف الف خير
وعيكم مبرووووووووووك

[عيون زوجي]

عـــــــــــــــيـــــــــــــــــــــــــــــــــ ــــــــــــــــدكم مبروووووووووووك

[ميمونة]

كل عام وانتم بخير


والله ياعيون ماشريت حاجه المحلات مسكره مازال

حتي اللمواد الغدائيه مسكره بس اليوم قالو فيه محلات فتحت في سوق الجمعه والمدينه الله اعلم انشاءالله يارب نتهنو

[ميمونة]

انا غدوه بنروح لحوشي نتلاقوا علي خير

وكل عام والجميع بخير

[يقين]

كل عام وانتم بخير ربي يفرج علي بلادنا عن قريب ياااااااااااارب

[ام قصى محمد]

وانتى طيبه يايقين شوى اشتريتى لفروتى بدله العيد
انا بالغصب طلعت شريتلهن حاسه بنفسى نخون فى خوتى الى بالغرب بس الله غالب مانقدر نحرم البنات فرحه العيد
الله يحرمه من الجنه حرم اللاولاد من فرحه العيد الله يزيده فى حفرته قهر

[ام قصى محمد]

اى ياعيون اذا المكان هذا كويس مدينه الرحاب نمشيلها انا اول مره نمشى لمصر
واى اكيد راح اخذ عربه الاطفال عشان ارتاح من الشيل
يكفينى اكياس التسوق هههههههههههه
انا لما حكيت لراجلى عليك قالى قوليلهم يجو نحن ندهوروكم فى الشرق وخاصه منطقتنا درنه وراس الهلال والجبل الاخضر
وتعرفى ماتخافيش من موضوع هذى الشرطه الخارجيه
هذا كلام بس عشان الشرطه المحليه ينغرو ويجو لاعمالهم اعتقد هكى

[عاشقة الصحراء]

السلااااااااااااااام عليكم .... كيف حالكم يا بنات كلكم من غير استثناء ...؟؟ والله طايرة من الفرح إني نكلم فيكم توا استحشتكم موووووووووووووووووت ...
أم قصي حبيبتي كيف حالك مشتاقتلك أكتر وربي يخليك على سؤالك عليا .. تسلميلي يارب ...
ميرنا وحبل الوصل ألف ألف مبروك الحمل والله فرحتلكم وعقبال ميمونة الحلوة يااااااااااااااارب وتكون حرية البلاد وجه خير عليها ...
أخباري إني ولدت بنوتة حلوة وزي القمر ماشالله عليها يوم 10/8 ولله الحمد وخاطري نحكييلكم على تفاصيل ولادتي لأني تعبت هلبا وصاروا معاي مغامرات ..
أول شي ياحبيباتي اني كملت شهري بدون ولادة مع ان الشهر التاسع فات عليا كله وجع وتقلصات وإنذارات كاذبة لدرجة مشيت للمستشفى أكتر من مرة ويطلع مش ولادة والرحم فاتح بس 1 سم . المهم دكتورتي قالتلي تعالي نديرلك وجع صناعي فرحت وقلت طيب خلي نفتك ونرتاح .. مشيت في الموعد المحدد وسبحان الله اليوم اللي قبله كله قلبي مقبوض وماجانيش نوم وحاسة بتصيرلي حاجة .. طلع الصبح وتوكلت علي ربي ومشيت الساعة 1 الظهر أول ماوصلت عطتني الدكتورة أول جرعة وجع صناعي وبعدها بساعة بدت لضربات والتقلصات لكن خفيفة بعدها من الساعة 4 بدت أقوى وقريبة من بعض ... خدوني عالصالة امتع الولادة والحق فرحت شويا نحساب روحي خلاص قريب مسألة ساعة أو ساعتين بالذات اني شفت كل اللي كانوا في الصالة كل شويا تجيب منهم وحدة واني نتوجع ونستنى ونصبر في روحي ونقول يالله هانت .. على هالحال لغاية الساعة 7 الصالة كلها فضت وقسم الولادة كله ماقعدش فيه حد غيري والوجع على أشده ونعيط بروحي حتى الممرضات برا يجهزوا في روحهم للفطور ..
تعرفوا حسيتها أطول ساعات عمري وأصعب شي إني بروحي ومسكين راجلي وأمي برا قلقانين وحالتهم حالة ...
المهم قعدت نتوجع للساعة 12 في الليل واللي قتلني ان الوجع يمشي ويجي كل دقيقتين يعني قريب من بعضه هلبا ومع هذا الدكتورة كل ماتجي تقيس تقوللي مازال 2 سم والله العظيم وقتها تمنيت الموت ...
جت الساعة واحد في نص الليل وصارت الطامة الكبرى ........... انقطعت الكهرباء على مستشفى الخضرا اللي اني فيه وعينكم تشوف حالتي الدنيا ظلااااااااام واني الوحيدة اللي قاعدة ماجبتش في القسم كله وصار استنفار مش طبيعي وبدو يطلعوا في النساوين كلهم حتى اللي جابوا قبل ساعات ونزلوا الناس اللي مركبينهم عالأكسجين وقالولي بري قعمزي شويا جنب أهلك في الصالة برا باش ماتخافيش بروحك ... مشيت جنب أمي وراجلي ومقعمزة عالكرسي ونتوجع والناس كلهم يتفرجوا عليا ويدعولي ويقولوا مسكيييييييييييييينة ربي يعينها ... في عز المعمعة جاني مدير المستشفى شخصيا وقاللي يابنتي دوروا على مستشفى تاني ولا عيادة كان لقيتي سرير وبري لأني مانضمنش وضعك ممكن تحتاجي عملية وشايفة الوضع كيف حتى المولدات وقفوا طبعا شعوري كان صعب بشكل مش طبيعي ونتوجع ... اتصلنا بكذا عيادة اللي نكلموها يقولولنا مافيش سرير أو مافيش كهرباء وفي وقتها بالذات راجلي قاعد جنبي وحالته حالة ويتصل انفجرت مية الراس وبدت تصب واني بديت نعيط بأعلى حسي ... خدوني للقسم مرة تانية ومافيش شموع ومشي راجلي جابهم والوجع بدي أضعاف مضاعفة وجسمي بدي يبرد ويتشنج من كتر الوجع واللي هلكني وجنن الدكتورة ان الوجع هلبا لكن الرحم مايبيش يفتح آخر شي زادتني الدكتورة إبرة وجع تانية وحسيت بالموت قدام عيوني وبالفعل جسمي تشنج لدرجة ان ايديا ورجليا تعوجوا بدون إرادة مني ... الساعة 3 قلت للدكتورة جت الكهرباء وقعدت نترجا في الدكتورة باش تديرلي عملية وهي تقوللي اصبري شويا آخر شي سمعت نبض البيبي ضعيف واني معاش عندي جهد حتى نتنفس وشبه مغمى عليا وقتها خافت وبدت تعيط عليا مسكينة باش ننوض وتقولي هيا راهو بنتك بتموت .. سبحان الله وقتها ربي وغريزة الأمومة حركوني وجاني شوية جهد باش ندحم والدكتورة بدت تفتح في الرحم بايديها .. تجربة فظيعة يابنات لكن انتهت الساعة 4 تمام بطلوع أحلى بنوتة اسمها ( لجين ) ... 15 ساعة من العذاب نسيتهم لما شفتها وسبحان الله طلعت سااااااااااكتة ولا طلعت صوت ولا بكت تتحرك وفاتحة فمها تبي تاكل وتتفرج عالدنيا ..
هاذي قصتي الطويلة وانشالله مانكونش طولت عليكم زيادة ...
وانشالله يارب يارب يارب بجاه هالشهر الفضيل تعطي لكل محرومة وكل وحدة تستنى وتجيب اللي في خاطرها لكن من غير ماتشوف اللي شفته اني هههههههههههههههههههه
عيون حبيبتي كيف حالك وكيف حال وليدك ؟؟؟ طيب فيك اللي طهرتيه .. توقعتك تستني في ليلة عرسه ههههههههههههههههههههه
قاعدة مقعمزة والست لجين ماخلتنيش نرقد نهائيا من الساعة 6 وهي تلعب وتبكي وتاكل وماخلت شي في خاطرها واني عيوني تنفخوا من قلة النوم ومنظري ولا أحلى من كذا ... ( تشرد تاااام)

[ميمونة]

حمد لله عالسلامه ياقمر ياعاشقه والله استحشتك --شن حال الاموره لـــــــــــجين تتربا بعز بوها وامها انشاءالله اكيد طلعت حلوه زيك ربي يحفضهالك شن حال عيلتك واهلك كلهم طمنينا عليهم



انا اليوم الصبح بنروح لحوش ليا 4 ايام عند اهلي الميه مقطوعه تمام من 5 ايام لحد اليوم والله متعبتني بس بنروح شن بندير عيد وضروري انكون في الحوش تعرفوا امس كان عيد ميلاد زوجي خساره وانا بعيده عليه بس اكيد يتعوض اليوم مدايره الواجب ماتخمموش عليا

وانشاءالله نشوفكم علي خير ياحرائر ليبيا

[يقين]

الف الف الف مبروك البيبي يتربي في عزكم وان شالله تشوفيها عروسه

[يقين]

ليبيا قلبي علاش ماترديش عليا في المنتدي الشفره متاعي ضغطيتها مقطوعه مانعرفش علاش ردي العفو اهني خلي نتلاقوا في اقرب وقت ممكن

[يقين]

ام قصي الله غالب شن بنديروا والله اني مضايقه موت بس بوها حلف لما تمشي للسوق وتشريلها مشيت وشريتلها كل شي وربي لاخاطرني في عيد ولاشي بالسيف تعرفوا نتمني نمشي في غيبوبه ونوض نلاقي كل شي تمام وبلادي جوها مليح

[عيون زوجي]

ام قصي بارك الله فيك ويخليلك راجلك وبناتك ويارب يجمعنا ونتلاقوا على خيرررر يارب
كلك مفهوميه...

[عيون زوجي]

عااااااااااااااااااااااشقة يا حلوة الف الف الف الحمدلله عسلامتك
بكتني قصتك ووجعتني بس الخاتمة اتجنن لان النهاية لجين
تتربى في عزك ويخليهالك
انتي وين تسكني بالزبط في طرابلس وكيف حال اقاربكم في الجنوب تحرروا ولا مازال مخنوقين
انسي النوم للاربعين وبعدها نبوا صورة لجين ضروري

[عيون زوجي]

يقين كيف حال حناك توا...
ومبروك ماشريتي انتي وام قصي وكل الليبيات
البارح وجعني المطار والخطوط الافريقية ويلي قتلني اكتر الجثث يلي انحرقت في الهنقر وعدد المفقودين 50الف مفقود رقم خيالي
يارب ارحم كل موتانا وشهدائنا واجمع كل حي باهله يارب
6شهور ررررررررررررعب
ياريته هرب فنزويلا من اول مرة خيرله وخيرلنا
قدر الله وما شاءالله فعل

[ام روفيدة]

السلااااااااااااااام عليكم .... كيف حالكم يا بنات كلكم من غير استثناء ...؟؟ والله طايرة من الفرح إني نكلم فيكم توا استحشتكم موووووووووووووووووت ...
أم قصي حبيبتي كيف حالك مشتاقتلك أكتر وربي يخليك على سؤالك عليا .. تسلميلي يارب ...
ميرنا وحبل الوصل ألف ألف مبروك الحمل والله فرحتلكم وعقبال ميمونة الحلوة يااااااااااااااارب وتكون حرية البلاد وجه خير عليها ...
أخباري إني ولدت بنوتة حلوة وزي القمر ماشالله عليها يوم 10/8 ولله الحمد وخاطري نحكييلكم على تفاصيل ولادتي لأني تعبت هلبا وصاروا معاي مغامرات ..
أول شي ياحبيباتي اني كملت شهري بدون ولادة مع ان الشهر التاسع فات عليا كله وجع وتقلصات وإنذارات كاذبة لدرجة مشيت للمستشفى أكتر من مرة ويطلع مش ولادة والرحم فاتح بس 1 سم . المهم دكتورتي قالتلي تعالي نديرلك وجع صناعي فرحت وقلت طيب خلي نفتك ونرتاح .. مشيت في الموعد المحدد وسبحان الله اليوم اللي قبله كله قلبي مقبوض وماجانيش نوم وحاسة بتصيرلي حاجة .. طلع الصبح وتوكلت علي ربي ومشيت الساعة 1 الظهر أول ماوصلت عطتني الدكتورة أول جرعة وجع صناعي وبعدها بساعة بدت لضربات والتقلصات لكن خفيفة بعدها من الساعة 4 بدت أقوى وقريبة من بعض ... خدوني عالصالة امتع الولادة والحق فرحت شويا نحساب روحي خلاص قريب مسألة ساعة أو ساعتين بالذات اني شفت كل اللي كانوا في الصالة كل شويا تجيب منهم وحدة واني نتوجع ونستنى ونصبر في روحي ونقول يالله هانت .. على هالحال لغاية الساعة 7 الصالة كلها فضت وقسم الولادة كله ماقعدش فيه حد غيري والوجع على أشده ونعيط بروحي حتى الممرضات برا يجهزوا في روحهم للفطور ..
تعرفوا حسيتها أطول ساعات عمري وأصعب شي إني بروحي ومسكين راجلي وأمي برا قلقانين وحالتهم حالة ...
المهم قعدت نتوجع للساعة 12 في الليل واللي قتلني ان الوجع يمشي ويجي كل دقيقتين يعني قريب من بعضه هلبا ومع هذا الدكتورة كل ماتجي تقيس تقوللي مازال 2 سم والله العظيم وقتها تمنيت الموت ...
جت الساعة واحد في نص الليل وصارت الطامة الكبرى ........... انقطعت الكهرباء على مستشفى الخضرا اللي اني فيه وعينكم تشوف حالتي الدنيا ظلااااااااام واني الوحيدة اللي قاعدة ماجبتش في القسم كله وصار استنفار مش طبيعي وبدو يطلعوا في النساوين كلهم حتى اللي جابوا قبل ساعات ونزلوا الناس اللي مركبينهم عالأكسجين وقالولي بري قعمزي شويا جنب أهلك في الصالة برا باش ماتخافيش بروحك ... مشيت جنب أمي وراجلي ومقعمزة عالكرسي ونتوجع والناس كلهم يتفرجوا عليا ويدعولي ويقولوا مسكيييييييييييييينة ربي يعينها ... في عز المعمعة جاني مدير المستشفى شخصيا وقاللي يابنتي دوروا على مستشفى تاني ولا عيادة كان لقيتي سرير وبري لأني مانضمنش وضعك ممكن تحتاجي عملية وشايفة الوضع كيف حتى المولدات وقفوا طبعا شعوري كان صعب بشكل مش طبيعي ونتوجع ... اتصلنا بكذا عيادة اللي نكلموها يقولولنا مافيش سرير أو مافيش كهرباء وفي وقتها بالذات راجلي قاعد جنبي وحالته حالة ويتصل انفجرت مية الراس وبدت تصب واني بديت نعيط بأعلى حسي ... خدوني للقسم مرة تانية ومافيش شموع ومشي راجلي جابهم والوجع بدي أضعاف مضاعفة وجسمي بدي يبرد ويتشنج من كتر الوجع واللي هلكني وجنن الدكتورة ان الوجع هلبا لكن الرحم مايبيش يفتح آخر شي زادتني الدكتورة إبرة وجع تانية وحسيت بالموت قدام عيوني وبالفعل جسمي تشنج لدرجة ان ايديا ورجليا تعوجوا بدون إرادة مني ... الساعة 3 قلت للدكتورة جت الكهرباء وقعدت نترجا في الدكتورة باش تديرلي عملية وهي تقوللي اصبري شويا آخر شي سمعت نبض البيبي ضعيف واني معاش عندي جهد حتى نتنفس وشبه مغمى عليا وقتها خافت وبدت تعيط عليا مسكينة باش ننوض وتقولي هيا راهو بنتك بتموت .. سبحان الله وقتها ربي وغريزة الأمومة حركوني وجاني شوية جهد باش ندحم والدكتورة بدت تفتح في الرحم بايديها .. تجربة فظيعة يابنات لكن انتهت الساعة 4 تمام بطلوع أحلى بنوتة اسمها ( لجين ) ... 15 ساعة من العذاب نسيتهم لما شفتها وسبحان الله طلعت سااااااااااكتة ولا طلعت صوت ولا بكت تتحرك وفاتحة فمها تبي تاكل وتتفرج عالدنيا ..
هاذي قصتي الطويلة وانشالله مانكونش طولت عليكم زيادة ...
وانشالله يارب يارب يارب بجاه هالشهر الفضيل تعطي لكل محرومة وكل وحدة تستنى وتجيب اللي في خاطرها لكن من غير ماتشوف اللي شفته اني هههههههههههههههههههه
عيون حبيبتي كيف حالك وكيف حال وليدك ؟؟؟ طيب فيك اللي طهرتيه .. توقعتك تستني في ليلة عرسه ههههههههههههههههههههه
قاعدة مقعمزة والست لجين ماخلتنيش نرقد نهائيا من الساعة 6 وهي تلعب وتبكي وتاكل وماخلت شي في خاطرها واني عيوني تنفخوا من قلة النوم ومنظري ولا أحلى من كذا ... ( تشرد تاااام)
حمد لله على سلامتك يا عاشقة وبارك الله لك في الموهوبة لك وشكرت الواهب وبلغت أشدها ورزقت برها كيف حالك وحال أهلك والحمد لله إنك بخير وشفناك ثاني والحمد لله معظم الاخوات اللي معانا بخير بس مازالت حبل الوصل في سبها وسبها إشتباكات ربي يحفظها ويحفظ كل الليبيين اللهم امين

[ام روفيدة]

الله أكبر الله أكبر الله أكبر لا إله إلا الله والله أكبر الله أكبر ولله الحمد
الله أكبر الله أكبر الله أكبر لا إله إلا الله والله أكبر الله أكبر ولله الحمد
الله أكبر الله أكبر الله أكبر لا إله إلا الله والله أكبر الله أكبر ولله الحمد
الله أكبر الله أكبر الله أكبر لا إله إلا الله والله أكبر الله أكبر ولله الحمد
الله أكبر الله أكبر الله أكبر لا إله إلا الله والله أكبر الله أكبر ولله الحمد
الله أكبر الله أكبر الله أكبر لا إله إلا الله والله أكبر الله أكبر ولله الحمد
الله أكبر الله أكبر الله أكبر لا إله إلا الله والله أكبر الله أكبر ولله الحمد
الله أكبر الله أكبر الله أكبر لا إله إلا الله والله أكبر الله أكبر ولله الحمد

[عاشقة الصحراء]

السلااااااااااااام عليكم ياحبيباتي ... صحة فطوركم . شن أخباركم وشن مدايرين ؟؟؟
حبيبيتي ميمونة ربي يخليك ياااااااااااارب وعقبالك نباركلك ببيبي حلو زيك والله انتي اللي حلوة ياعسل وكل سنة وزوجك بخير انشالله بطول العمر يارب ...
يقين .. تسلميلي يارب والله يبارك فيك ويسهلك .
عيون عيون عيون ياقمر ياحلوة والله استاحشتك موت .. الله يبارك فيك وتسلميلي يارب والله تعرفي تعبانة من قلة النوم والظروف اللي عشت فيها ولادتي ونفاسي صعبة هلبا لأني نسكن في شارع الزاوية قدام مستشفى الحروق بالضبط .. وعينك تشوف القصف اللي صار علينا من باب العزيزية وكتائب الشفشوفة الله لا يرده .. تخيلي روحك نافس وقاعدة حتى الخياطة توجع فيك وعيلك على إيدك وحوشك تحت القصف وأكتر يوم تعبت فيه هو يوم سقوط العزيزية صار علينا قصف مش طبيعي بصواريخ الغراد لأنهم كانوا يبوا يكسروا مبنى الاستخبارات والبريد المركزي اللي جنب حوشنا وجونا الثوار للحوش وقالولنا اطلعوا للمستشفى وخليكم تحت لأن القصف عشوائي ... تعرفي ياعيون شعوري كان وقتها لا يوصف وكانت بنتي في حضني تبكي .
المهم اني ماطلعتش من حوشي وقلت لراجلي مش حنطلع حتى لو متت نموت في حوشي ومانبيش نرفع بنتي لمستشفى كله أمراض ومعبي ناس ..
والله بدون مبالغة قعدت من الساعة 10 الصبح لغاية الساعة 6 أو 7 مش متذكرة بالضبط المهم اللي نعرفه ان القصف وقف بعد ماطاحت العزيزية .. الوقت هذا كله قعدت حاضنة بنتي ومقعمزة في داري ندعي والحمد لله ربي حمانا وطاحت العزيزية الحقيرة أخيراً ..
بعد اللي عشته ياجماعة صدقوني الأحسن الوحدة ترعش وتخاف وهي حامل ولا تخاف وهي نافس والله في النفاس كل رعشة بحسابها والحليب يجف وتلقي قلبك بيتقطع عالعيل اللي في إيدك لكن وهو في بطنك أهون بهلبا ههههههههههه . ( رسمي شر البلية مايضحك ) .
بالنسبة للجنوب ياحبيبتي أوباري اللي أني منها واللي تجي بعد سبها سلموا بروحهم لكن العقدة كلها قاعدة في سبها يديروا في روحهم فالحين مازال ... لكن توا الناتو يتولاهم .. الحمد لله أهلي كلهم كويسين وربي سترهم انهم طلعوا من الحوش قبل الاشتباكات بيوم لأنهم ساكنين في العمارات الجديدة اللي جنب العزيزية عالطريق .. هما طلعوا وتاني يوم في الاشتباكات بين الثوار والكتائب جت قذيفة في عمارتهم وتضرر الدورين الثالث والرابع وحوش أهلي الدور الأول ... ربي سترهم الحمد لله .

بنسألكم ياصبايا .. شن مدايرين مع انقطاع المية والله تعرفوا تشرد مش طبيعي والخضرة واللحم اليوم بس خشوا حوشنا من بداية المشاكل والأسعار طبعا مانحكيلكمش كيلو الطماطم 6 دينار معقولة ؟؟؟ وكيلو اللحم 25 دينار تتخيلوا ؟؟؟
والله الحالة حالة وخلاص ( الحمد لله على كل حال )

[يقين]

عيون والله نقولوا الحمد لله كان مايفرج ربي

[أم أجنادين 80]

السلام عليكم ورحمة الله وبركاته

كيف حالكم يابنات والله ليكم وحشة كبيرة

شن اخباركم طمنوني عليكم ياهل طرابلس وبنغازي وسبها

الحمد لله علي سلامتكم ان شاء الله كلكم بخير

يارب يارب تفرج علينا وترجع بلادنا زي ماكانت واحسن

[أم أجنادين 80]

كل عام وانتم بخير

وان شاء الله رمضان والعيد الجاي تكون الاوضاع احسن

لااا ياأم قصي ماترحمي صغارك من فرحة العيد هدو صغار شن ذنبهم

الف الف مبروك ياعاشقة تتربي في عزك

[ام وسونة]

كل سنة وانتم طيبين ياحبايب

[soomaa83]

كل عام وانتو بالف خير وينعاد عليكم بصحة ولعافية يارب

الى كل ليبية نهنيكم باحلا عيد فى ليبيا

وربى يفرج على اهلنا ويصبرهم

http://forum.hwaml.com/imgcache2/hwaml.com_1314764836_176.gif
http://forum.hwaml.com/imgcache2/hwaml.com_1314764836_493.png

[ام روفيدة]

تقبل الله منا ومنكم وغفر الله لنا ولكم وعيد مبارك علينا وعليكم وكل سنة وإنتم طيبين وكل عام وإنتم بخير وينعاد عليكم بالصحة والسلامة وربي يفرج على بلادنا ويتمم علينا النصر

[ام روفيدة]

ام قصي ميرنا ام اسيل حبل الوصل ليبيا قلبي عيون زوجي
ميمونة عاشقة الصحراء سومة
يقين ريم البراري أم أجنادين أم
اسولة كيف حالكم ؟يارب تكونوا بألف خير وصحة وسلامة

[ام روفيدة]

أم أجنادين أعتقد إنتي من الزاوية بالله كيف حال أهلنا وأحبابنا في الزاوية وكيف الامور عندكم في الزاوية هل الحياة رجعت طبيعية ولا فيهاصعوبات زي طرابلس؟

[hatoo]

كل عام وانتم بخيييييييييييييييييييييييييييييييييييييييييييييييي ييييييييييييييييييير

[أم أجنادين 80]

السلام عليكم ورحمة الله وبركاته

شن اخباركم يارب تكونوا بخير

ايييييييييييه ياأم روفيدة انا من الزاوية احوالنا بدت في تحسن

تقدري تقولي مش طبيعة 100% بس أحسن من الأول بهلبة الحمد لله

بالنسبة للمنطقة يلي ساكنة فيها الكهرباء موجودة وحتي المياه

وفي نقص في المواد الغذائية وحتي البنزينة توفرت شوية والناس بدوا يطلعوا

والحمد لله علي كل حال ويارب ترجع الحياة لطبيعتها

بس عشنا أيام ان شاء الله يارب ماتتعاود

[أم سعد]

السلام عليكم

تقبل الله منا ومنكم ... وكل عام وأنتن بألف خير

:)

[عيون زوجي]

السلام عليكم ورحمة الله
وتقبل الله منا ومنكم ويارب تكونوا بالف الف خيررررررر
ام روفيدة امتى مروحة؟؟؟؟؟؟؟؟
ام اجنادين طيب عسلامتكم عندي بنت حماتي ساكنة في شارع الولاني شافوا الموت مرتين في بداية الاحداث ونهايتها وروحت ليلة العيد لحوشها ومسكينة لقت الحوش خاشينلها ومكسرين الاثاث والرصاص مضروب في الابواب والكوجينة المهم الصحة والسلامة والامن والامان
ام سعد كيف حالك وماشاءالله على سعودي كبر وبدي عزري تبارك الرحمن
وماتقوليش انك حامل في الرابع زي ما امبين في التوقيع
الف مبروك لو جديات
انتي جارتي مش بعيد اعليا : انتي في 11يونيو ؟؟؟؟

[يقين]

كل عام وانتم بالف خير يارب يكون العيد الجاي احلي واحسن من العيد هادا ربي يطمن كل مشغول علي احبته وربي يصبر كل فاقد علي فقيده وربي يرحم كل من توفي علي ارض ليبيا الحبيبيه ايا كان ولائه

[أم أجنادين 80]

السلام عليكم

كيف حالكم ميمونة وعيون زوجي وعاشقة ,ام سعد , يقين ,ام روفيدة ,hatoo

عيون زوجي صح شارع الولاني قريب علي ميدان الشهداء وصار فيهم هلبة في بداية الاحداث

هلبة ناس القوا حياشهم حالة واغلبية الحياش يلي علي الطريق الرئيسي انسرقوا

والمهم الصحة والأمن والامان زي ماقلتي .

[ام اسيل]

كل عام والجميع بخير
والحمد لله يارب اكيد بلادنا حاتكون كل يوم في الاحسن ونحنا حانصبرو
عيون وميمونة كيف حال طرابلس طمنونا عليها
ام رفيدة امتا جاية تشمي وتذوقي الحرية معانا ولا لين يكمل الصيف ههههههه
ميرنا وين مغطسة ؟
ليبيا قلبي كيف حالك وحال بنيتك
ام سعد ام قصي ومحمد وسومة ويقين وهاتو يارب ينعاد عليكم بالصحة والسلامة
انا ان شاء الله بكرة مروحة وخايفة من تعب الطريق تعرفو مازال عندنا عشر ايام في الشقة لكن راجلي والعيال خلاص معش يقدرو يبو يروحو والله مااحلا بلادنا بكل ما فيها نشوفو فيها احلى بلاد من قبل يابال توا
نشوفكم على خير
وكان خشت حبل الوصل سلمولي عليها واااااجد باي

[ميمونة]

السلام عليكم كل عام وانتم بخير

شن حالكم

ام اجنادين منوره حبيبتي الحمد لله علي سلامتك شن حالك وشن حملتي والا مازال؟

ام سعد وينك يامراه لااتصال ولا ارسال المهم شن الحال ومبروك عليك الحمل

عشوقه شن الوضع توا انا نسكن في المدينه مانحكلكسش صارت فينا حاله

[hatoo]

اهلين بنات واهلين ام اجنادين ان شاء الله تكوني بخير انتي باقي البنات من طرابلس والزاويه ان شاء الله الايام الجايه احسن, واهلين ام اسيل توصليلنا بالسلامه وردي بالك علي روحك في الطريق وصح وين ميرنا مغطسه وشنو صار في ريم معش خشت؟ وكل سنه وانتي طيبه يايقين وكيف حال البنوته

[أم أجنادين 80]

اهلين ام اسيل توصلي بالسلامة حبوبة

ميمونة شن اخبارك وين بنحمل من الضغوط هذه هههههههههههه

كيف بديت نعالج مشيت لدكتورة ودارتلي الجهاز وقالت المبيض والرحم كويسات

واكثر من دكتورة تقولي هكي طلبت تحليل لزوجي وداره وطلعت عنده شوية مشاكل

وقالت يدور دكتور متخصص وأنا اعطتني الكلوميد رغم انه مفيش منه فايدة

خديته ومصارش حمل ونفس القصة صارت مع قريبتي وعالجت في عيادة

فيها دكتور مع زوجته يعالجوا في المرضي يشكروا فيهم مشاله زوجي واعطاه

علاج لمدة 3 شهور وقاله دير تحليل وارجعلي بس صارت الأحداث هذه معادش

رجعنا للدكتور ...

بس في مشكلة ثانية انا ديمه عندي حرارة ولما درت تحليل طلعت هرمونات الغدة

الدرقية ملخبطة ناخد في علاج حاليا بس الحرارة مازالت عندي...

بس انا يلي مش فاهماته كيف الدكتورة اديرلي جهاز علي الرحم وفحص مهبلي

وماتطلبش مني تحاليل للهرمونات سمعت بتحاليل يديروا فيها ثالث يوم الدورة

توا نفكر نرجع لنفس دكتور زوجي يلي يعالج هوا وزوجته الحق هلبة حملوا لما

عالجوا عندهم

وانت شن صار فيك ياميمونة ؟؟؟؟

[ميمونة]

والله شن نحكليلك ونحكليلك اخدت كلوميد شهريين ومافيش فايده والله زاد وزني كيف خديتهم بعدها خليتهم

انا درت تحاليل في تاني يوم الدوره الحمدلله تمام وعملت الجهاز الحمدلله بس مش عارفه خيرني ربي ماسخرش المهم توقفت عالكلوميد لا انا ولا سلفتي اللي دخلت معايا حملنا عزوزتي بتهبل قريب نسكر سنتين مازال شهرين بس كل ماندكره نمرض

بس هالشـــــــــــــــــــهر جربت شئ تاني قالولي بالك من التصفيح ==سمعت يوم الشيخ العريفي يتكلم قال لسحر الارحام او التصفيخ يغسل بماء مقروء بالرقيه الشرعيه تم تاخدي زيت زيتون مع الحبه السوداء مطحونه ويقرا عليها ايات من سورة الفاتحه00اية الكرسي00خاتمه البقره00سورة مريم00الفتح00المعودات00ادهني بها بطنك من تحت وظهرك قبل الجماع في ايام التبويض وربي يسخر

انا جربت هالطريقه هالشهر ربي يسخرلي وغايبه عليا الدوره ' 4ايام مانبيش نحلل خايفه زي كل مره ربي يسخر ادعولي مايخيب املي

[ميمونة]

ام اسيل الجو في طرابلس يهبل واليوم كانت مظاهره للنساء مشيت شويا بس بالسياره والله تمنيت ننزل في ميدان الشهداء الله اكبر الله اكبر الله اكبر

الجو تعدل في طرابلس بدينا نرقدوا مرتاحيين مازال نرتاحوا اكتر لما يشدوا الفار الله اكبر

[hatoo]

اهلين ميمونه شنو اخبارك وان شاء الله تطلعلي حامل الشهر هضا وتبشرينا وان شاء الله عن قريب حيمسكوا الفار الكبير

[ام قصى محمد]

السلام عليكم
والله ياخواتى فرحنه وانا نقرا فى ردودكن
كانا خوات فعلا الحمدلله الثوره خلت قلوبنا على بعض اكثر من قبل
عشوقهالحمدلله على سلامتك والله يبارك فيما اعطاك وتتربى فى عزكم وعز ليبيا الحره خوذى كسبر مطحون للرعشه انا امى هذا ما اديرلى
كسبر مطحون وشويه راوندو تعجنه بشويه زهر نين تقدرى اديرى منه حبات زى الحبوب
خليهن ايجفن حطيهن فى حافظه اشربى حبه كل ما تنفجعى واحلبى حليبك برا راكى تشربيه لبنتك حرام مسكينه الله يحفظها حطى صورتها مشتاقه نشوفها اشتقت لك وبالى ديما معاك
ام اجنادين والله والله والله الزاويه عنقاء الثوره والى شافته مش شوى الحمدلله الله حفظكم والله غالب هذا نصيبها الله لايسامحه ونشوفو فيه يوم
ام اسيل تروحى بالسلامه عينك من روحك وانتبهى لنفسك واول ما تدخلى اسجدى شكر لله انك رجعت لبلادك حره
ام روفيده حبيبتى الحمدلله دخولك كثرالحمدلله ارتحتى والله رجعكم لليبيا طيبين حتى اخوانا الى برا وقفو معنا
وحاولو بكل جهدهم ينصرو الثوره ويدعمها الحمدلله
هاتووانتى طيبه وعيدك مبارك ايش الاخبار ؟
ام سعد طمنينى وين صرتى رجعتى لليبيا واو مازلتى
عيون تعرفى شوى شوى راح ترجع الامور لطبيعتها واحسن وراح تحسى الحريه وتحسى نفسك تتنفسى هوا ثانى سبحان الله
سومه وينك لنا مده ما شفناك ايش اخبار العيد فى الهند اوصفيلنا الاجواء
ميمونه انشاء الله مع الرعيش تحملى مش يقولو الوحده مع الرعشه تحمل صارت لمرت خويا مسكينه رعشت على راجلها لما عدى لبنغازى فى خشه الرتل الى قصه الناتو جاته قذيفه من الكتائب فى السياره ومات اثنين من اصحابه وانقطعت ايد صاحبه بس هو الحمدلله بخير
زوجته رعشت وحملت على طول
غريزه البقاء
هههههههههههههه
يقين شن درتى فى العيد كيف عيدتى
ام الصبيان ريم ميرنا اضواء وينكم؟؟؟؟؟؟؟؟؟؟؟؟
ويارل كل الليبيا يرجعولنا سالمين

[ميمونة]

ههههههههههههه ضحكتيني يام قصي انشاءالله ربي يسمع منك

هاتو شن الجو نحسابك نسيتيني كل سنة وانتي طيبه

[ميمونة]

من موجود انا مكسده خاطري نهدرز وينكم

[ميمونة]

تصدقوا في هلبه ناس قاعدين متمسكين بالفار حتي بعد ماتحررت طرابلس ومنهم 2 من عائلة راجلي خلاص بنموت من كلامهم

في الاول انا كنت نقول كيف وحرام الناتو يدمرنا بس بعدين مافتحت ليبيا الحره وقعدت نتفرج عالحقائق بصدق غيرت راي وعرفت ان الناتو رحمه من ربي العالميين قاعد خير من الظالم

تعرفوا انا نسكن مش بعيده عالشارع الصريم تصدقو قعد يضرب فينا بالمدافع والصواريخ قدام عيني نشبح في الصاروخ يتفجر في السماء وانا بنموت لحد مااغمي عليا الوعي صخت بالليبي راجلي قبل بفطرني خاف عليا وهرب علينا الضئ والماء لحد ماجائ الناتو وضربهم وارتحنا شوي

وارتحنا اكتر لما خشوا للعزيزه الحمدلله ربي يكمل فرحتنا

لا نبو ميه ولا كهرباء المهم ربي ياخد حق هالشهداء اللي ضحوا باروحهم في سبيل الاستقلال

[hatoo]

اهلين ام قصي شنو اخر اخبارك وين مغطسه؟وياميمونه في حد ينسى الناس الحلوه الي زيك والحمدلله ربي طمنا علي عاصمتنا الحلوه وانتي تعرفي ان نصي طرابلسي ماهو ماما طرابلسيه

[أم أجنادين 80]

صباح الخير

والله فكرتيني ياميمونة حتي انا قالولي علي وحدة تنحي في التصفيح وفعلا خديت علاج منها

غسل بماء مرقي وشرب وحتي شرب زيت زيتون ودهن بيه في الثلث الأخير من الليل

ودرت حجامة رابع يوم الدورة وفي نفس الوقت خلطة عسل مع حاجات ثانية منعرفش شن هيا

هدا قبل رمضان بفترة وربي ماسخرش ...

الشي الوحيد هوا التحاليل الهرمونات يلي مدرتهاش ...

ان شاء الله ربي يسخرلك الحال وتطلعي حامل ياميمونه ..

من تعرف حد من سبها يابنات عندي صاحبتي من سبها نتصل بيها منحصلش فيها

مشغولة عليها ...

سلام

[ميمونة]

هلا اجنادين صاحب اخي من سبها وقال في مشاكل داخليه وفي انشقاقات في صفوف الفار ربي ينصرهم

[ميمونة]

تسلمين ياهاتو ياقمر انت وين توا ؟

[ميمونة]

ياليبيات تسلم عليكم ايه فردا فردا ==وتقولوكم كل عام وانتم بخير

[أم أجنادين 80]

ربي ينصرهم

[ام روفيدة]

السلام عليكم ورحمة الله
وتقبل الله منا ومنكم ويارب تكونوا بالف الف خيررررررر
ام روفيدة امتى مروحة؟؟؟؟؟؟؟؟
ام اجنادين طيب عسلامتكم عندي بنت حماتي ساكنة في شارع الولاني شافوا الموت مرتين في بداية الاحداث ونهايتها وروحت ليلة العيد لحوشها ومسكينة لقت الحوش خاشينلها ومكسرين الاثاث والرصاص مضروب في الابواب والكوجينة المهم الصحة والسلامة والامن والامان
ام سعد كيف حالك وماشاءالله على سعودي كبر وبدي عزري تبارك الرحمن
وماتقوليش انك حامل في الرابع زي ما امبين في التوقيع
الف مبروك لو جديات
انتي جارتي مش بعيد اعليا : انتي في 11يونيو ؟؟؟؟
والله يا عيون مش معروف لأن مازال عندي مواضيع هني ما تمتش وإن شاء الله ربي يفرج عليا ونرجع ونشم نسائم الحرية في بلادي الغالية

[ام روفيدة]

كل عام والجميع بخير
والحمد لله يارب اكيد بلادنا حاتكون كل يوم في الاحسن ونحنا حانصبرو
عيون وميمونة كيف حال طرابلس طمنونا عليها
ام رفيدة امتا جاية تشمي وتذوقي الحرية معانا ولا لين يكمل الصيف ههههههه
ميرنا وين مغطسة ؟
ليبيا قلبي كيف حالك وحال بنيتك
ام سعد ام قصي ومحمد وسومة ويقين وهاتو يارب ينعاد عليكم بالصحة والسلامة
انا ان شاء الله بكرة مروحة وخايفة من تعب الطريق تعرفو مازال عندنا عشر ايام في الشقة لكن راجلي والعيال خلاص معش يقدرو يبو يروحو والله مااحلا بلادنا بكل ما فيها نشوفو فيها احلى بلاد من قبل يابال توا
نشوفكم على خير
وكان خشت حبل الوصل سلمولي عليها واااااجد باي
يا ودي صيف ليبيا واااااااااعر نو هلبة شكلي بننزل في الشتاء ههههههههه والله بلادي حلوة بصيفها وشتاها وإن شاء الله توصلوا بالسلامة إلى ليبيا يا عرب بنغازي والشرق كله عندكم معزة في قلبي كبييييييييرة وبإدن الله لما انروح بنزور الشرق كله

[أم أجنادين 80]

توصلي بالسلامة ام روفيدة

وينك يابنات مفيش وحدة موجوده

[hatoo]

اهلييييييييييييين بنات كيف حالكم كلكم كلكم

[ميمونة]

صباح الخير كيف الحال

[ام قصى محمد]

سلامات يابنات وينكم مافى حد
ام اجنادين الله يطمنك على صاحبتك

[ام قصى محمد]

ام رويفده انشاء الله تكلمو اشغالكم وترجعوا سالمين وغانمين لبلادكم

[ام قصى محمد]

الحمدلله يا اهالى طرابلس بدا الخير يجيكم والى جاى اكثر الله يفرحها بوجوهكم ويكمل فرحتنا يارب

[ميمونة]

والله طرابلس اخبارها الحمد لله البنزين توفرت صح زحمه بس ساعتين وتعبي الحمدلله الكهرباء متوفره الا الاماء مازال ماجتش ربي يسهل

امس مشيت للعزيزية اول مره نخشلك زحمه مانحكلكمش مدينه تانيه ربي يدمره هالمدمر

واحتفالات والدنيا منوره بالثوار

اما ميدان الشهداء ربي يبارك علي شبابنا ويحفظهم واخير عشنا الفرحه وانشاءالله يكملها علينا

[ام قصى محمد]

الله يكمل عليكم فرحتكم

[عيون زوجي]

http://forum.hwaml.com/imgcache2/hwaml.com_1315171051_171.jpg
ماذا سيحل بهؤلاء الأبطال بعد التحرير ؟ ومن سيتكفل بعلاجهم ؟




فقد ضحوا من أجل الوطن فهل أبناء ليبيا الحرة وضعوهم ضمن أولوياتهم أم لا ؟




أسئلة تحتاج إلى الاجابة!!

[ام قصى محمد]

اولا مشاء الله على الابتسامه المرسومه على شفها هؤلاء الابطال الذين ضحو من اجل ليبيا الوطن الحر
ثانيا نعم هم اول من وضع لهم خطط للعلاج والتى بدائت من اول الايام فى الثوره والتى حتى الان قائمه فالثوار يذهبون للخارج لللعلاج على حساب بلادهم ليبيا
اختى عيون المستشار مصطفى عبد الجليل قد نبهه ان اول من سوف تذهب اليهم اموالنا المجمده هم الجرحى واول من ستشملهم التعوضيات هم المتضررين من جرحى واهالى المفقودين والشهداء
بعدهم من تضررت منازلهم ووووووووو
المهم ان ليبيا انتى وانا مسؤلين عليها زى كل الثوار ليبيا ملك الليبين مش ملك لواحد ملك الملايين

[ام قصى محمد]

كيف يابنات وينكم
يقين وينك انشاءالله الغيبه خير

[عيون زوجي]

كيف حالك يا ام قصي ويارب يرزقك بقصي..
لو لاحظتي ان الصورة اتصورت ليلة العيد 31/8
كلنا كنا في حياشنا بصغارنا ومرتاحين وهم ليهم الله حسبنا الله ونعم الوكيل
فلوس الدنيا ماتعوضش الاول منهم على رجليه ولا التاني على عيونه وغيرهم بالالاف
سؤالي كان مش نحطوهم ماديا بالاوليات لا
المفروض ماننسوهمش نطالبوا زي ما قال محمود جبريل بيوم للشهداء ويوم للجرحى والمتضررين بالعاهات المستديمة جراء الحرب
ويوم للثوار الابطال اللهم ادم عليهم كامل صحتهم
وهالايام تكون عطلات رسمية وتخرج الناس في اكبر الساحات تهلل وتكرم وتمنح الرتب والنياشين لهؤلاء الابطال
لمادا؟.
حتى يشعروا انهم ابطال وتضحياتهم لم تدهب هدرا وان الشعب الليبي يقدم لهم امتنانه وشكرة ويرفع لهم القبعه
حتى يسيروا في الطرقات وهم سعيدون بعاهاتهم وليس نادمين يجب ان نحسسهم ان هده العاهات هي نياشين الابطال
انا اول مواطنة ليبية اقبل وبكل رضا ان يعاملوا معاملة خاصة اقلها
تصرف لهم بطاقات خاصة تسمح لهم بركوب جميع المواصلات حتى الطيران مجانا
وتسمح لهم بالقروض والمركوب والمسكن مجانا والاهم التامين الصحي والتعليمي داخل وخارج ليبيا على حساب المجتمع الليبي
وتمنح لعائلاتهم التكريمات
من يوافقني؟؟؟؟؟؟؟؟؟؟؟؟؟؟؟؟؟

[hatoo]

اللهم احمي ليبيا وانصرها وعليها ديييييييييييييييييييييييييييييييييييييمه

[ام قصى محمد]

انا معاك عيون اكيد كل الليبين راح ييغر تظرتهم للشباب
بالعكس انا وحده من الناس والدى واخواتى الاثنين بالجبهه واللله مش خايفه عليهم
واحد منهم متمنى الشهاده هاد على الموت هد
والدى من قبل العيد بيوم معش سمعنا منه متقدم ومانعرفو اخباره
واخى الاخر باحد المعسكرات الوحيد الى نكلمو فيه تعرفى ما يبوش يروحوا قالو مرتاحين يشوفو فى الموت كانها جائزه

[عيون زوجي]

انا معاك عيون اكيد كل الليبين راح ييغر تظرتهم للشباب
بالعكس انا وحده من الناس والدى واخواتى الاثنين بالجبهه واللله مش خايفه عليهم
واحد منهم متمنى الشهاده هاد على الموت هد
والدى من قبل العيد بيوم معش سمعنا منه متقدم ومانعرفو اخباره
واخى الاخر باحد المعسكرات الوحيد الى نكلمو فيه تعرفى ما يبوش يروحوا قالو مرتاحين يشوفو فى الموت كانها جائزه
ربي يحفظهم ويردهم ليكم سالمين غانمين
ويرد كل ولد لامه وزوج لمرته واخ لوخيته
ويارب يرد المفقودين لاهلهم ويرحم امواتنا واموات المسلمين يارب

[hatoo]

اهلييييييييييييين بنات كنه التجمع مكسد , وين ميرنااااااااااااااااااااااااااا طمنونا عليها ووين باقي البنات ريم وام اسيل ويقين وكلهممممممممممممم ان شاء الله خير

[أم سعد]

السلام عليكم


صباح الخيرات والليرات

وأخيراً رجعت لحوووووووووووووشي

عيون ... صحيح أنا حامل في الرابع :)

وأنا جارتك شارعنا الجديد سموه شارع 20 رمضان :)

سلاامي للجميع بدون استثناء

[hatoo]

حمدلله علي السلامه ام اسعد

[أم سعد]

الله يسلمك :)

[يقين]

السلام عليكم كيف حالكم ان شالله بخير وين ام قصي وهاتو وريم وسومه وعيون وليبيا وام اسيل وكلكم كيف حالكم ان شالله كويسين اني مغطصه هالايام معليشي تونولي انشط من قبل غير توا مشغوله شويه

[ام قصى محمد]

مشاء الله على سعودى رايح شاب الله يحفظه نورتى بيتك ام سعد
هاتو اهلاين اوخيتى شن اخبارك كنك تخشى وتطلعى على السريع مشغوله كى يقين
يقين شن شاغلك حامل ههههههههههههه

[hatoo]

اهلين بنات شنو الجو ,والله نخش بسرعه ونطلع لاني مانلقى في حد ياام قصي وبعدين حمل وبنتي نفطم فيها يعني ربي يعيني

[ام قصى محمد]

فعلا الله يكون بعونك وانشاء الله بنتك ماتعبك فى الفطام مسكينه
وحتى انا لما انخش ومنا نلاقى حد نطلع كساد

[ام قصى محمد]

السلام عليكم
انشاء الله اموركم اليوم احسن اخواتى
انا اليوم صحيت على صوت المطر الغزير ههههههههه
وعيت ونقول كيف رقدت لعند ما جا الشتاء
المهم اعتقدت ان الجو مصقع بس طلع التكييف خخخخخخخخخخخ
ولما طلعت كان الجوا صيفى بس نقاء الهواء مش طبيعى
الحمدلله بلادنا بلاد الخير

[ام قصى محمد]

كيف معقوله صارلى ساعه ولا وحده خشت

[ام قصى محمد]

خلاص انا باىىىىىىىىىىىىىى
لانى من ساعه انتظر ومافى احد دخل

[غرام الغالي]

السلام عليكم مش عارفة تذكرتوني و الا لا كنت من مدة نبي نخش التجمع لكن نسيت الباس ورد المهم ان شاء الله اموركم تمام كل البنات و تووا نبي تشوف الصفحات و نشوف اخباركم الكل

[hatoo]

اهلين ام قصي
جيت نونسك

[hatoo]

الحمدلله توا ليا رابع يوم فطمتها هيا مدورش فيه توا بس نقعد سهرانه معاها للصبح عشان تنساه

[غرام الغالي]

كيف الحال هاتو
انا صديقة قديمة بس من الاحداث معاش حصلت نت

[hatoo]

اهلين غرام كيف حالك وانتي وين قاعده توا؟

[ميراس]

السلام عليكم كيف حالكم يابنات انا ميراس الورفلية اتدكرتونى

[ميراس]

من فى توا انهدرزا عليه والله نبى نطمن عالبنات كلهم ومبروك التحرير وعقبال تحرير بنى وليد يارب ادعولنا والله الوضع مزرى للغاية

[hatoo]

اهلين ميراس

[ام قصى محمد]

الله يكون بعونك تسهر لصبح ياهاتو
انا نسهر بس على النت ههههههه

[ام قصى محمد]

تعرفى انا امس سهرانه بس على بنتى فايزه كانت مريضه هى عندها حساسيه الصدر ومتتحمل تغير الجو وبين كل تغيير وتغيير تمرض
المهم
يااهلاين غرام اى تذكرتك بس مع القليل من التفاصيل سامحينى المهم شنو اخبارك وين قاعده توا واحكيلنا اخر الى صار معاك اثناء الثوره احكيلنا
ميراس والله من يومين البنات جابو سيرتك طمنينا انتى وينك وشنو الاخبار من عندك وانتى شنو اخبارك
هيا يابنات احكولنا نبو تفاصيل

[يقين]

ههههههه ام قصي وك وك فال الله ولا فالك ان شالله ماسمعتيش اني اعتزلت هههههههههههه الفن ماعاش في سهرايات ههههههه وووووو

[يقين]

ميراس اهلين كيف حالك حتي اني ورفليه بنت عمي يعني

[يقين]

ام قصي سلامتها بنوتك ان شالله لاياس اعليها

[عيون زوجي]

السلاااام عليكم
كيف حالكم يا نساوين بلادي
ام سعد نتشرفوا بهالجيرة بنسئلك ما عندكمش شباب من عيلتكم استشهدوا في هالحرب ولا انفقدوا ان شاء الله لا
احنا من العيلة لا بس فيه من جيراننا مجموعه ومعظمهم يوم تحرير طرابلس

[عيون زوجي]

ام قصي ماشاءالله اعليك حاضرة دوم
لا بأس طهور على فيوزه ويارب يشفاها المشكلة حساسية الصدر رح تفعد معاها لسن البلوغ ان شاءالله تبلغ بكري من 9 سنوات شن رايك
امتى مسافره مصر
انا مشكلتي ان الخطوط التونسية اسعارها خيالية الشخص الواحد 1000دينار
وزوجي قال انه سمع ان المطار والطيران رح يرجع في طرابلس بعد شهر
وانا مكتئبة نبي نطلع نغير جو

[عيون زوجي]

غرام الغالي انا مدكراتك بس مش كل التفاصيل الحمدلله على سلامتك وهلا بيك بينا
عادوي تاني تعريفك من وين وشن صاير فيك والبيبي يلي عمره4 شهور ولد ولا بنت

[عيون زوجي]

ميراس كيف حالك وحال اوليدك وربي يفرجها على اماليك في بني وليد وتنحل سلمي يارب
انتي جارة ايه قبل ما تسكن في السراج صح

[عيون زوجي]

يقين حبيبتي انتي تقري ولا شنو وشن تقري

[عيون زوجي]

ام اسيل وميرنا وينكم ؟؟؟؟؟؟؟؟؟؟
ميمونه ما درتيش نت في حوشك لتوا
بنسئلك نسرين حملت ولا لا
وايه كيف حال صغارها حملت تاني ولا شعفت

[عيون زوجي]

عاشقة الصحراء كيف حالك وحال اهلك وبنيتك؟؟؟؟؟
ام روفيده وين مغطسة وحملتي تاني بعد ولدك ولا لا؟

[عيون زوجي]

سورينااااااااااااااااااااااام النجدة
وينك يا اوخيتي ان شاءالله المانع خيرررررررررر

[ام قصى محمد]

شكرا يا عيون ويا يقين
فعلا لما مرضت قالى الدكتور انها الحساسيه تقل مع الكبر ولما تبلغ تحول بس مش عال9 سنين حرام مازالت صغيره
بالمسبه لمصر انا اليوم متعاركه مع راجلى عشانها على اساس اليوم يقدم على اجازته ونمشو اليومين هذواى بس هو ماقدمش عليها ومش عارفه عذره
وانا خلاصشوى ونرجع للعمل ما الدراسه تبدى 17 وانا معلمه ومانقدرش نغيب قلت الله غالب بلادى توا بحاجتى ونصبر
بس فعلا والله غاليه 1000 على الفرد اذا انا كنت ناويه نمشى 2000 لمصر فانتى كم تبى تاخذى وتوا المصارفمسكره اصبر والله غالب الحمدلله

[ام قصى محمد]

يقين مانصدقك بكل بطلتى سهرايا ت
ههههههههههههههههههههههههههه
مستحيل
والله وينكم يا بنات
تعرفو كل وحده تحط الوقت الى راح تدخل عليه انا مثلا بكر راح ندخل 1 الظهر بتوقيت ليبيا ونتفقو خلونا نسهرو
وانتو الى تدخل تكتب كم الساعه الى تدخلها وهكى نعرفوا

[ام قصى محمد]

عيون انتى كنتى بالمانيا ورجعتى لليبيا

[أم سعد]

السلام عليكم

مساء الخيرااااات عليكم

كيف الأحوال إن شاء الله عال ؟؟

عيون .. لالا الحمد لله العيلة كلها أمورها تمام

بالنسبة ليا أنا كل وقت تقريبا نخش ... لكن مانلقى في حد :(

[hatoo]

اهلين بنات شنو الجو,ولابس علي بنيتك ياام قصي ديري بالك عليها وان شاء الله خير ,مش حتصدقوا انا لعند توا واعيه رقدت ساعتين بالغصب ورتولي ملهش كيف راقده طلعت سنونها الي فوق وفطمتها كله جاها مره وحده حبيبتي وتوا خذيت دش وقاعدتلكم علي النت , ودرت التحاليل الي طلبتهن الدكتوره الدم كويس وكالسيوم كويس وسكر بس البول في التهابات متوسطه ان شاء الله خير

[poucie]

السلام عليكم ورحمة الله وبركاته
خير يا بنات شخباركم انشاء الله كلكم بخير
شن ادكرتوني انا بوسي عيون شخبارك

[غرام الغالي]

خير يابناويت
انا من بنغازي و جبت وليد
و كنت اشتركت وقت ولادة ام سعد و اية و ياما دردشت مع عاشقة الصحراء

[غرام الغالي]

عيون زوجي انت الوحيدة اللي تذكرتيني باه الحمد لله

[غرام الغالي]

هيتوا و ميراس كسف الحال و انا في بنغازي و من بنغازي

[عيون زوجي]

السلام عليكم
ازيكم يا بنات
انا اليوم ولله الحمد جوي حلووووووووو جدا جدا من غير سبب
او ممكن نقول امس مشيت لحوش بوي ولقيت بوي بروحه اهلي كلهم في تونس من شهر تقريبا هدرزت معاه هلبه وريحني وارتحت

[عيون زوجي]

هلا بكل ليبية حرة حلوة وام صالحة او زوجة تنتظر في الامومة في القريب العاجل جدا جدا والدعوة مخصصة لميمونه الغاليه
ام قصي الله غالب قدر الله وما شاء فعل
انا وزوجي اتفقنا على السفر بعد اسبوعين لسبب واحد امس فيه برنامج في التلفزيون اكد ان المطار رح ترجع خدماته نهاية 9 اما ادا لا بأدن الله مسافرين عن طريق تونس
هو احنا اتنين انا زوجي وسارة نص تدكرة ومحمد تقريبا 79 دينار فقط
هو وعدني ويدبر راسه

[عيون زوجي]

هاتووووووووووووو وغرااااااااااااام الغالي هلا وغلا بالحلوين ومنورات
بوسي شن حالك اكيد مدكراتك عندك روان وكنتي حامل ببنوته وخبيرة فرنسيه صح
كيف حالك بنياتك وشن سميتي التانيه

[عيون زوجي]

ام سعد احكيلنا حملتي صدفة ولا كنتي مخططة للحمل لان وليدك قاعد اصغير

[عيون زوجي]

اليوم كان سخر ربي بنمشوا لباب العزيزيه ونقفوا على الاطلال الماضية يندكر وما ينعاد

[عيون زوجي]

انا نخش معظم الوقت واكتر مشاركاتي على الفيس بوك في صفحة اخر تطورات ثورة 17 فبراير او صدى ليبيا
ولازم انطل عليكم كل شوي حتى لو ما نكتبش نشوف منو خش
بخصوص الخدمة انا ربة بيت لكن حاليا لو فطمت ولدي وبنتي طاوعتني وقدرت انحيلها الشمال(الحفاظ, بامبرز) ممكن السنه الجاية في ظل ليبيا الجديدة نقدم ملف ونشتغل في واحد من المستوصفات او الطبي باعتباره قريب هلبه من حوشي قصدي هالفكرة واردة وزوجي مش ممانع مبدئيا لكن حاليا لا لا لا استطيع زوز صغار متعبيني هلبه وبنتي متعبتني ما تبيش تعملها في الحمام ولا حتى المحبس تقعد شادة العملة واول ما نلبس الشمال تعملها كيف اندير معاها انصحوني لانها كبرت عمرها توا سنتين و4شهور

[عيون زوجي]

فريق الصقور عام 1958 وخلفه علم (http://www.libyanyouths.com/vb/t98291.html)الإستقلال يرفرف (http://www.libyanyouths.com/vb/t98291.html)في المدرجات



http://forum.hwaml.com/imgcache2/hwaml.com_1315487970_773.jpg (http://www.libyanyouths.com/vb/t98291.html)

[يقين]

السلام عليكم كيف الحال
عيون ايه اني نقر وقرايتي تبدا نص 9 وتخصصي في ليبيا دراسات اسلاميه لما عادلولي اهني طلع التخصص لغه عربيه والقرايه في عين شمس

[يقين]

هههههههههه ام قصي وعلاش ماتصدقيش الاسابيع هادي بذات مشغووووووووووله هلباااااااااااااااااااااااااااا ههههههههه

[ميراس]

السلام عليكم

[ميراس]

والله يبنات قصتى قصة انا مرت عليا حسبى الله ونعم الوكيل فىالضالم اللى كان السبب والله انا مشغولة على اهلى مانعرفش اىحاجة عنهم وخاصة امبارح قالوا فى اشتباكات وانشالله خير ياربى والله البلاد تعبت ومش عارفة كيف تتصرف المشكلة فى المرتزقة اللى نشهم فى البلاد تخيلوا وادى البلاد عندنا فيه الزيتون ناشر فيه اكثر من 2700شخص من التبو والطوارق والله لو بنى وليد تنضم يطلق عليهم هالجيف ايكملوهم والله نفسيتى تحت الصفر يقين قلتى انك ورفلية بالك عندك معلومات

[ميراس]

شنى طلعتى يايقين وين قاعدة توا يعنى السكن

[ميراس]

شنى مافيش حد توا ولاشنى

[عيون زوجي]

يقين ربي يوفقك
ميراس ربي يسمعك خير وربي يفرجها عالكل
بني وليد ماكانتش اصعب من تحرير طرابلس ولا اكبر منها اكيد رح يحرروها قبل السبت ان شاء الله
عيبكم في بني وليد قبيلة وحدة وتسمعوا في كلام رووس القبيلة حتى لو كان رايهم غلط ومتعصبين لجانب محدد

[عيون زوجي]

يارب تتحرر بلا دم ويطمنكم خيرررررررر
الكل يلوم في محمود جبريل انه متحيز لمنطقته وانه الحل العسكري السريع انسب واحسن لانه هو الحل يلي انقدنا في طرابلس

[عيون زوجي]

نستادنكم راجلي روح باي..........

[ميراس]

لا والله مدام اولاده والكتائب نوجودين غادى معناها بنى وليد فى خطر تعرفى بنى وليد اصعب من طرابلس عارفة لانها محصنة كويس وتضاريسها نافعتم فى الاختباء والله صعبة والناس خايفة وماهى قادرة ادير شى لانهم مسيطرين عليها تمام هم والكلاب المتورطين بالدم معاهم

[ميراس]

عيون وينك انت وباقى البنات يقين احكيلى اشوى عنك ومنين من ورفلى

[ميراس]

خلينى نحكيلكم عن اخر اخبارى انا الان فى تونس ليل خمسة ايام طبعا وضعى الصحى زى الزفت هرموناتى رجعت ارتفعت من جديد والورم زاد تضخم من جديد تصورو بعدما نزل الى 13 هرمون الحليب عاود ورقى مرة تانية 700 والله ماعد نعرف شن اندير متلخطة وخلاص

[أم سعد]

السلام عليكم

مساء الخيرات

عيون ... قصة حملي في الأول درت مانع طبيعي بس الحال مامشاش معانا ولعبنا في روحنا

وحملت والحمد لله ... اللي شجعني اني نحمل ان ولدي معاش يرضع مني حليبي جف ودخلته الصناعي ... وراجلي يبي الصغار ... ومانعرفش الوحم شن هو ولله الحمد ... ومانخدمش ... وسكنت في حوشي مع انه مازال مش كامل من ناحية الفرش "كله من المشفشف" ... وعاجبتني قصة جيبي على بعض ويكبرو مع بعض ... والحلو في الموضوع انه ان شاء الله بيجوني في نفس اليوم ... سعودي جي يوم 3/2 وهذا ان شاء الله في نفس اليوم نجيبه ... وهذه قصتي

أما بخصوص الشمال ردي بالك تضربيها لأنها بتتعقدلك منه .. عاقبي عادي ... ولما اديرها فرحيها هللللللللللللبه ... راهو البنت أسهل من الولد شن بديري في حمودي بعدين ... وديمة قعمزيها على المحبس وفهميها ان الشمال لحمودي البيبي بس وهي كبرت وان الشمال حاجة مش حلوة

ميراس ... أسأل الله االعظيم رب العرش العظيم أن يشفيك ... وإن شاء الله ربي يطمنك على أهلك


دهشت :)

[يقين]

عيون ربي يخليك حبيبتي شكرا

[يقين]

ميراس اسكتي اني اماله اني حالتي ما يعلم بيها كان ربي تصوري قبل انكلم فيهم علي الارضي توا ليا تلات ايام نتصل يعطيني مشغول وعارفه الخبر الاكيد في وحدين داروا اجتماع وما يبوش يسلموا وفي وحدين تانين يبوا يسلموا والموضوع خاش في بعضه وربي يستر عارفه اني حاسه فعلا انه بني وليد اصعب من طرابلس تعرفي علاش لان طرابلس معروف وين مكان المجرم وكتايبه لكن بني وليد لا مش عارفه وين لابدين عطيهم موت ما لقوا كان بني وليد

[عيون زوجي]

ميراس يا غاليه اسئل الله العظيم رب العرش العظيم ان يشفيك
اول مرة نعرف قصة مرضك يلي نعرفه انه عندك ولد واحد وكبير في الثانوي صح ولا لا
شن قصة ورمك وشن نوعه ومن امتى فضفضي على روحك يا اوخيتي
انتي وين في تونس اهلي نصهم في سوسه والثاني في العاصمه
ويارب يطمنك على اهلك وتنحل سلمي وربي قادر على كل شي
الشفشوفه طالع الفجر يشحن فيهم بلعاني ومخلي موسى ابراهيم وعلي الاحول وولاده غادي

[عيون زوجي]

ام سعد...هههههههههههههههههههه
المانع الطبيعي كدبه كبيرة نفس قصتي وسورينام وايه وغيرنا ياما
حتى انا حملت لما سارة عمرها 7شهور وبجد فرحت بحملي وحاليا فرحانه بيهم رغم تعبهم
مبروك اعليك العتبه الجديدة يعطيك خيرها ويكفيك شرها وبالبركة ان شاءالله
والاثاث ملحوق اعليه بالك يتغير الحال وتخشلنا البضاعه الاوربيه والامريكية ونفتكوا من الصيني ومستوى المعيشة يتحسن وتقدري تشري اثاث زي الخليجيات ما حدش خير مننا
وان شاء الله تجيبي على خيرررررررر

[عيون زوجي]

يقين....ان شاء الله تتطمني على اهلك ويوفقك في قرايتك
من امتى انتي في مصر ؟ راني ننسى قوليلي شن عندك من صغار وشن اسمه ولا اسمه وقداش عمره وتقري على حسابك ولا ايفاد؟
القصقصة شعار تجمعنا حتى ثورة 17 فبراير ما تقدرش تغيره.....

[عيون زوجي]

قصة الشمال متعبتني انحس في روحي مش فالحة مش قادرة انعلمها امي تقولي مازال صغيرة وسلفتي كانت في بريطانيا 4سنوات دراسه وبنتها غادي الدكتورة اصرت انه لازم من عمر السنتين والا البيبي يقعد يعمل فيها مرة مرة لعمر الدراسه او اكبر
بنتي عنايديه هلبه هلبه وما تخافش

[عيون زوجي]

ام قصي وينك ؟؟؟؟؟؟؟؟؟؟؟؟

[ام اسيل]

خير ياحلوات

[ام اسيل]

انا روحت والحمد لله
تعبت من الطريق قريب متت لكن بديت نسترد في صحتي الحمد لله
كيف حالكم كلكم يارب اموركم تمام

[يقين]

ام اسيل حمدلله علي سلامتك يابختك والله روحتي لناسك وبلادك اني بنمووووووووووووووووووت خلاص معاش نبي نقعد اهني ووووو مزال 4 سنين شن بيفوتهم اف اف اف عيييييييييت نبي انروووووووح

[يقين]

عيون هههههه ولا يهمك اني اللي مايقصقصش ما يخشش مودي المهم
اني ياحنه هادا جيت لمصر شهر 10 اللي فات باهي وبعدين نزلت ليبيا عليشان المظاهرات شهر 2 ورجعت مصر شهر3 وحاليا ليا6 شهور
وعندي بنوته عمرها4 شهور واسمها فاطمه
واحني جايين اهني علي خاطر راجلي يقرا علي حساب الدوله ايفاد يعني واني نقرا معاه وسلامتك

[يقين]

ميراس الف الف الف لاباس اعليك حبيبتي والله هادا وين انتبهت لما كتبتلك عيون ان شالله ربي يشفيك ويفرج عليك ويرزقك الشفاء من حيث لا تحتسبي يااارب اللهم امين

[hatoo]

حمدلله علي السلامه ام اسيل شنو اخبارك واخبار اولادك وزوجك ان شاء الله تمام وشنو اخبار ميرنا متعرفيش لها فتره مخشتش ان شاء الله خير

[يقين]

هاتو كيف حالك وحال بنوتك ان شالله تمام

[أم سعد]

سلامي للجميع

[ام قصى محمد]

السلام عليكم
ميراس طهور انشاء الله
لاباس عليك والله يطمنك على اهلك
يقين انشاء الله بالنجاح انتى وزوجك وانتى تطمنى على هلك
الله يسمعك منهم اخبار طيبه

عيون حبيبتى حرام بنتك
صغيره انا بنتى فايزه لما كانت بنفس عمرها قالولى خلاص علميها وتعبت انا والبنت وماتعلمت وبعدين وقفت ورجعت للحفاظ وعمرها 2 و7 اشهر تعلمت وما اخت منى وقت انتظرى شوى
وفعلا ارجعى اشتغلى مثل ماتقولى لانه الشغل راح يغير حياتك
انا اليوم متضايقه
لانه اليوم جابو شهيد لدرنه من جبهه سرت وانا متضايقه وخايفه على ابى واخواتى الاثنين
الله يستر وينتصرو ثوارنا
مع انه 9/9 عيد ميلاد فايزه صح انا مانحتفل بيه بس نحب نعملها كيكه بالبيت تفرح بيها وحاسه انى على نفسيتى هذى الله يستر

ميرنا راح انجرب انكلمها بكرا
ام سعد مبروك حوشك عتبه خير عليك وعلى راجلك ووليدك
انشاء الله تفرشيه احلى اثاث

[ام قصى محمد]

ام اسيل الحمدلله على السلامه
رجعتى لبلادك الحره احكيلنا شن شعورك
هاتو حبيبتى اعذرينى العتب على النظر
ميرنا انشاء الله انكلمها بكرا وانطمنكم عليها

[ميراس]

سلام يابنات فى ولا لا لانى خاشة متاخر ة اكيد نمتو

[ميراس]

مين الاخت اللى معانا لو تتكلمى عربى احسن لانى مش فاهمة شى من كتبتيه

[ميراس]

ليش سحبتى مشاركتك حبينا نتعرف قبل

[hatoo]

كل سنه وفيوزه بخير يارب ياام قصي وطمنينا علي ميرنا والله يرحم شهدائنا ويحفظ باتك واخوانك يارب واني الحمدلله يايقين قاعده نفطم في رتولي وان شاء الله خير وانتي كيف حالك وكيف حال البنوته

[ام وسونة]

صباح الخير ياحلوات والله نتمنى ضموني معاكم في قروبكم

لانه تعجبني طريقة تهدريزكم

ملاحظة

ممكن نعرف من البنات وين يجي الشارع الورانيhwaml7

[أم سعد]

السلام عليكم

جمعة مباركة :)

[يقين]

هاتوا الله يسلمك الحمدلله حالنا باهي
غير قوليلي مش انتي حامل كيف ترضعي في بنك وتني حامل يعني اني مانعرفش بس حسب مايقولوا البييبي ماترضعاش امه لوهي حامل ولالا

[ميراس]

سلام عالحلوين وانشالله جمعة الانتصار ياربى على الطاغية وتحرر ورفلى وباقى المدن المحاصرة

[ميراس]

يقين انت معاى توا

[ميراس]

ماعندك اخبار جديدة وماقلتيلى منين من ورفلى

[يقين]

ميراس قوليلي ماسمعتي شي علي البلاد قسم بربي اني اني بتصيرلي مصيبه من التخميم تعرفي واحد ما يندريش شن صاير لاهله ميتين حيين مستريحين ولا لا والله العظيم خاااااااااااااايفه نسمع خبرمش كويس والله يابنات ويا ميراس حتي النوم مانسريح فيه نحلم في احلام ازفت من الزفت ربي يستر وخلاص
ياااااااااااااارب خوذه هو واصغاره اخذ عزيز مقتدر عارفين مقعمز في بني وليد ويشحن عطه مايقشه هو وولاده ضيع الناس وركب الفتنه بيناتهم وكمل الشباب

[ميراس]

عاشقة وينك انت واية وباقى البنات وماهى اخر اخبار مناطقكم واخبار طرابلس شنى مازال فوضى اتخيلوا ورفلى معزولة عن باقى العالم وشنى المعلومات اللى امسيطرين عليهم بيها هى ان التوار ايخشو عالبيوت يقتلوا ويخنبوا والقتلى امعبيين الشوارع تصورا يعنى

[يقين]

اهلين ميراس

[يقين]

ااااااااااااه ربي يجازيه هالمجرم فعلا هادي الدوه اللي منتشره غادي

[أم سعد]

السلام عليكم

بالنسبة لطرابلس 100% الجو فيها واليوم في مسيرة مليونية "جمعة التطهير"

وبني وليد ربي يفك أسرها ويفكنا من الطاغية وأعوانه ياااااااارب

أهو ان شاء الله الانتربول يشدوه ويريحونا منه

ربي يطمن بالكم على أهلكم وترتاحو ومايكون في ضرر عليهم

[يقين]

وينك يا ميراس والله فرحت بيك لانك من ورفله اهو عالاقل نتقاسموا الهم شويه

[ميراس]

يقين امس راجلى كلم صاحبه بالنسبة للامن مافيش حاجة اتخوف لكن حسب ماسمعت انهم الكلاب ايهددوا فيهم اللى يطلع من البلاد معاش ايفكر يدخلها تانى هدا امس قالتهالى صاحبتى تسكن فى طرابلس وحصلت اتصلت باهلها عندهم ارضى مش ريفى وهكى قالولها والشاب اللى مات من الكتائب من القطانشة اتخيلى بعد اصيب هربوا عنه واسعفوه التوار لكن مات

[ميراس]

وينك طلعتى يايقين

[ميراس]

ام سعد وين انت بالضبط فى طرابلس الحركة توا طبيعية والامن كويس

[ميراس]

المفروض نتفقوا على حاجة يابنات اللى بتطلع اتقول انى طالعة باش اللى قاعدة عالخط ادير راى وهى اتراجى مش احسن

[ميراس]

يابنات عندى هرمونى 700 فى حد تعرفوه اوصل هكى وتعالج منه والنبى يابنات اسالولى

[ميراس]

"]انى طالعة توا[/size]

[أم سعد]

أنا في سوق الجمعة شارع 20 رمضان

والأمور تماااام

[يقين]

معليشي اني طلعت وماقتلكش
المهم اتشرفت بيك وايه اللي توفي قطنشي ربي يرحمه وربي يستر عارفه اني مايفوت عليا نهار غدوه لين ياخد يا ربي ويعطي وبعدين ان شالله تقعد يوم بس مايدورهاش حرب
يااااااااااااااااااااااارب فرج عليا وطمني علي اهلي وناسي يااااااااااااااا رب

[يقين]

باي اني طالعه

[hatoo]

اهلين ام وسونه مرحبا بيك معانا انتي من وين وعندك اولاد ولالا عطينا نبذه عن حياتك, ويايقين ايوا انا نرضع بس الحمدلله ليا قريب 6 ايام اليوم فطمتها هو ميأثر عليهم بس يأثر عليا انا والحمدلله فطمتها ولعند توا تمام

[ميراس]

يقين سمعتى حسنى بنموت انشالله ربى يستر

[أم سعد]

ميراس .. إن شاء الله خير ؟؟؟

[عيون زوجي]

السلام عليكم
كل سنة وفيوزه بالف خير ويارب يطمنك على بوك وخوتك وتسمعي كل خير يا ام قصي
ميراس انتي ويقين ما تخمموش حتى احنا في طرابلس نحسابوها كبيرة وطلعت ولله الحمد اقل مما توقعنا
ادعوا الله تتحرر من غير دم يارب
ويارب يشفيك يا ميراس
هاتو كيف حالك وشن اخبارك؟

[عيون زوجي]

ام اسيل الحمدلله عسلامتك نورتي ليبيا الجديدة
ام سعد خير يا جارتي كيف حالك اليوم
كل البنات شن حالكم وشن اخباركم؟؟؟؟؟؟؟
سمعتوا ان خدمة الرسائل النصية رجعت للموبايل
ليبيانا عادي والمدار تبعثي رساله فاضية ل 8989

[عيون زوجي]

بنسئلكم الواي ماكس حاليا بكم سعره؟

[عاشقة الصحراء]

السلام عليكم يابنات ... شن أخباركم ؟؟؟
أنا وأهلي بخير والحمد لله طرابلس كويسة والأمور تمام مع ان فيه مازال شوية كلاب قاعدين معاه وينشروا في إشاعات عالثوار انهم يخنبوا ويكسروا في الاحياش والمور ماشية والحمد لله المية رجعت هذي أهم حاجة ...
ربي يطمنكم يابنات ورفلة على أهلكم وانشالله تفرج عليهم زي مافرجت على طرابلس ...
ام قصي .. أم سعد .. ميراس ... يقين .. ميمونة .. عيون ...والكل بدون استثناء .. طمنوني عليكم واستحشتكم جميعا .

[ميراس]

السلام عليكم ربى ايسلمك ليك وحشة والله استحشنا هديك الايام والهدرزة السمحة مانسحاب ايجى يوم ويصير فينا هكى الليبين

[ميراس]

يقين شن صار فيك اخر المعلومات التوار جاهم امر بالتراحع من قبل الناتو وتراجعوالدينار والان اصبحت الاشتباكات داخل البلاد مع المرتزقة اللى داخل والله خايفة شن ايفوت هالليلة ياربى والجيف قاعدين غادى تخيلى القوا هم ايجهزوا فى صواريخ اسكود عشان يضرب بها مصراتة وتم تدميرها من قبل الناتو وانشالله هادو حدهم ورفلى قنبلة موقوتة

[hatoo]

ان شاء الله ربي يطمنا علي ورفله ويفرح ليبيا كلها

[بالولينا]

hwaml7مساالخير جميعا ياااااااااااااااااااااااريت ادا في حد فايق يرد عليا اني بالولينا عضوه معاكم بس غبت شهوربسبب الاحدات الي صارت مفيش نت فيه الهم والغم لكن الحمد لله ربي فرج علينا وبوشفشوفه تمله وايضا السبب التاني وهي ولادتي في 5-6-2011 بتؤام بنوتين زي القمر مش لاني امهم لكن الكل يقول هكي والله عندي استفسار مهم جدا بالنسبه ليا ياريت تساعدوني اديرو فيا معروف كبببببببببببببببر

[بالولينا]

وييييييييييييييييييييييييييييييييييييييييييييييييي يييييييييييييييينكم مافيش حد بالله عليكم ردو علياhwaml15

[بالولينا]

بنتي فااااااااااااااااااااااااااااااايقه مش خاطر عليها النوم

[بالولينا]

شكلكم راقدينhwaml8

[ام لقمان]

السلام عليكم ورحمة الله وبركاته
كيف حالكم ياخواتى فى الشرق والغرب والشمال والجنوب فى كل مكان من بلادى الحبيبه حفضها المولى من كيد الكائدين
قولوا امعاى الللهم من اراد ببلادى سوء اجعل تدبيره تدميره
استاحشتكم بالمره
انطمنكم على ازليتن راهى الحمد لله بخير
ياريت اطمنونا كل على مكانها
ربى انشالله ايتم علينا نعمته ويطمنا على باقى بلادنا
وما يفرقنا جمعه

[poucie]

خييييييييييييييييييييير يا بنات بلادي انشاء الله من نصر لنصر يا رب العالمين
شن نسيتوني باهي باهي انا بوسي شخباركم كلكم
انا حالي الحمد الله حبت بنوته وسميتها رودينه

[ام وسونة]

hatoo (http://forum.hwaml.com/u3129.html)

شكرا ليك اختي هاتو للانك الوحيدة رديتي عليا ورحبتي بيا

بالنسبة للمعلومات عليا اني متجوزة ليا 4سنوات و3شهور

وعندي بنوتة عمرها 3سنوات و3شهور واسمها وسن

وماعنديش غيرها لاني حاولت نحمل لكن ربي ماسخرش

وفي بداية الاحداث صارلي اجهاض وبعدها خلاص

وهذا السبب مسببلي عقدة ومخليني على طول منرفزة

الحمدلله وخلاص

اكيد تتسالي هل مشيت لدكتورة اولا مشيت للدكتورة رائدة

وطمنتني انه حالي كويس بس جوزي عنده مشكلة

بس بسبب ظروف بلادنا فماقدرناش نعالجوا

فادعيلي ربي يسخرلي وتهدا الامور ونقدروا نكملوا مشوارنا


اهو احكيتلك كل شئ توا احكيلي على نفسك

ملاحظة::

لانك تحبي تعرفي كل شئ هذا باين من ردودك

اني من مواليد 83 ووزني 60وطولي 1.57

ههههههههههههhwaml7

[ميراس]

مبروك عليك التؤام ويتربوا فى عزك وانشالله وجهم خير عالبلاد وايش سميتيهم ونورتى انت والبنات اللى شرفتو ا

[ميراس]

يقين وينك من هالاحدات اللى فى مصر

[عيون زوجي]

ماااااااااشاءالله شرفونا الغايبات هلا وغلا
بالولينا يتربوا في عزك ان شاءالله وشن سميتيهم وشنو هو استفسارك؟؟؟؟
ام لقمان كيف حالك وحال عويلتك وشن صار فيكم انتم اكتر منطقة صار فيها قصف شن صار فيك في هالخلايع
بوسي حرام اعليك انا رحبت بيك وادكرتك وقتلك يا متاع فرنسا ومبروك اعليك رودينه وربي يخليلك روان
ام وسونه مرحبتين بيك وبالجوده وانتي من وين بالزبط ؟؟
كيف حالك يا ميراس وشن اخبار اهلك؟
ام قصي وينك؟
ام سعد كيف حال سعد واخبار الحمل والدلع
هاتو شن اخبارك اليوم وشن حال عربك
غرام الغالي وينك؟
ام اسيل شكلك قعده تعبانه وينك يا غاليه؟
ميرنا شن صار فيك ولا الحمل تعبك وارزنتي
عاشقة الصحراء كيف حال البنوته معاك كبرت ولا لا
ميمونه وينك
ام روفيده وينك

[ام وسونة]

ام وسونه مرحبتين بيك وبالجوده وانتي من وين بالزبط ؟؟


من طرابلس من خلة الفرجان

وانتي ياحلوة احكيلي عليكhwaml5

[أم سعد]

السلام عليكم

مساء الخيرات

لكل من سأل عليا أنا حالي الحمد لله وسعودي كبر وبادي في الحركة

والحمل ماشي أموره على خير والحمد لله

[عيون زوجي]

مرحبتين ام سعد سعودي بدي يمرد ولا مازال
ام وسونه هلا بيك
انا عيون من طرابلس سوق الجمعه مش بعيدة اعليك في جهة الفرناج
عندي بنوته عمرها سنتين و4شهور ووليد مازال اسبوعين على عيد ميلاده الاول
ربة بيت حاليا كنت نخدم قبل الزواج
مواليد1982 وخريجة كليه الصيدله جامعة الفاتح سابقا وطرابلس حاليا من 2004 شكلي كبرت اول مرة نحسبها انا متخرجة من 7 سنين وووووووووووك كبرت حي عليا
اخر سنه ليا في العشرينيات لازم نستمتع بشبابي
اهئ اهئ يا حسرة على شبابنا
هههههههههههههههههههههه
ضاع كله في عهد بوشفشوفه

[يقين]

صباح الخير نهاركم سعيد ان شالله
ميراس قاعدين ماسمعناش شي تعرفي حتي الارضي مايبش يعلق تي ماهو هي وين تطين تطين جميع
عاشقه نورتي حبيبتي كيف حالك الله يسلمك احني امورنا باهي اهو ندفوا وخلاص
عيون اخرمره خذيت فيها واي مكس السنه اللي فاتت خذيته ب160
بولينا مبروك الوأم ان شالله ربي يحفضهم ويتربوا في عزكم وتشبحيهم عرايس
ام وسونه مرحبتين بيك منوره وان شالله ربي يرزقك بيبي عن قريب سامحينا كان مارديناش الحكايه خاشه في بعضها

[ام وسونة]

هههههههههه ضحكتيني يعطيك السلامة

يتربوا في عزك وتشوفيهم عرسان حتى اني متخرجة من الفاتح سابقا بس

من كلية الهندسة قسم عمارة واني تخرجت السنة اللي بعدك2005

واشتغلت سنة وطلعت زوائد؟؟؟؟؟

[يقين]

ميراس تعرفي امبارح لصبح مارقدنا عالاخبار اااااااااااااااااااااااااااااااااه منين بنلقوها من اهني ولا من اهني خلاص اني فديت تصوروا منعرفش شي علي اماليا ويبوا يطلعوا لطرابلس ممنوع كتائب الشيطان مانعه اي حد يطلع من البلاد

[يقين]

باي اني طالعه فروتي مدايره عياطات قالبه العماره قلب

[noony]

هلا بالغاليات بنات بلادي

والله أني ضيفة جديدة عليكم بس قبل ما أقول أي شئ حبيت أبارك لي ولكم على نصرنا وتخلصنا من الطاغي السفاح الله لا يسامحه والله أني فرحانة ومش لاقية وين أدير الفرحة هذي بصراحة حسيت أن بلادي بدأت حلوة لأن فيها عدة ألوان مش لون واحد على الأقل حياتنا ملونة
ههههههههههههههههههههههه
والله حبيت أشاركم في هذا التجمع الرائع لأن بجد حاسة أني نتلكم مع عيلتي مو بس بنات بلادي

خلوني أنخش في الموضوع على طول
أنا نوني متزوجة من سنة وسبعة شهور من طرابلس عاصمة بلادنا الحرة
مهندسة كنت نشتغل بالشركة الفرنسية لمشروع مطار طرابلس الدولي
وتوا واخدة راحتي نستنى لحد ماترجع الشركة من جديد

المهم للأسف أني مش حامل بس صارلي مرة حمل في شهر 5 اللي فات وأجهضت بسبب الظروف اللي في بلادنا وحملي كان شهرين يعني أجهضت في بداية شهر 8
وتوا خلاص مافيش حمل وأني نفسيتي جدا صفر والله مش قادرة نتحمل نبي نسمع كلمة ماما

أنشألله أستفيد منكم وناخدوا بالكلام مع بعض ونتمنى أن يكون ليا صديقات من بينكم

وشكرا على هالتجمع الحلو *

[ام وسونة]

ربي يرزقك بلي يفرح قلبك حتى اني نعاني من نفس مشكلتك بس في اختلاف اني عندي بنت ونبي نحمل تاني ربي ماسخرش الا في بداية الاحداث وتم اجهاضة
وللعلم توا ليا عام ونصف منحيه المانع

[noony]

شكرا حبيبتي أم وسونة على أهتمامك
ربي يحفضلك بينتط ويرزقك بغيرها ويرزقني
باهي أنت مدام أمنحية المانع أمشيتي عالجتي بلكي في مشكلة

[ام وسونة]

مشيت واموري كلها تمام بس المشكلة عند جوزي ويلزمه علاج بس

الظروف اللي كنا فيها ماساعدتناش وانتي مشيتي عالجتي ولعند مني مشيتي

[hatoo]

اهلين بناااااااااااات ومرحبا بيك اختي نونه بينا وماتخفيش انا زيك مره اجهضت وبعد 4 شهور حملت وجبت رتولي حبيبتي وتوا حامل اخري والحمدلله وان شاء الله ربي يرزقك عن قريب المهم انتي درتي عمليه تنظيف ولا لا

[أم سعد]

السلام عليكم

عيون .. ولدي مايبيش يمرد شادها تشقليب وبس نحطه في نهاية الدار نلقاه في الباب نظام تشقليب بس ...

نوني ... ان شاء الله ربي يرزقك ويرزق كل محروم ...

[hatoo]

ههههههههههههههههههههه والله ضحكتيني ياام وسونه علي المعلومات الدقيقه
وان شاء الله اختي تحملي عن قريب وتجيبي توأم لبنوتك وتفرحيها ومتخفيش اختي جابت بنتها وقعدت 4 سنين محملتش طلع عندها هرمون الحليب زايد وقاللها الدكتور نزلي من وزنك لانها هيا مليانه من تحت من جهة الرحم وبعد مذت الدواء وبدت تنقص حملت وجابت بنوته وبعدها علي طول حملت مره تانيه وجابت بنوتة ثالثه ههههههههههه ان شاء الله ربي يرزقك قريب

[hatoo]

اهلين بالولينا وربي يخليلك بنوتاتك ويحفظهم يارب,وشنو مشكلتك احكيلنا؟
واهليييييييييين عيون زوجي وينك؟

[noony]

مشيت واموري كلها تمام بس المشكلة عند جوزي ويلزمه علاج بس

الظروف اللي كنا فيها ماساعدتناش وانتي مشيتي عالجتي ولعند مني مشيتي


ربي أيسهل أمورك أنتي وزوجك يارب
أيه أني أنتابع عند الدكتور ( مصطفى القواس )
شن رأيك فيه وشن تعرفيه

[noony]

اهلين بناااااااااااات ومرحبا بيك اختي نونه بينا وماتخفيش انا زيك مره اجهضت وبعد 4 شهور حملت وجبت رتولي حبيبتي وتوا حامل اخري والحمدلله وان شاء الله ربي يرزقك عن قريب المهم انتي درتي عمليه تنظيف ولا لا

تسلميلي حبيبتي الله ايخليك
نعم أني سويت عملية تنظيف بس ممكن سؤال عندي وحدة صاحبتي صار لها أجهاض وقعد عليها النزيف 10 أيام ووقف ومسوتش عملية تنظيف قالتلها الدكتورة صارلك أجهاض طبيعي متستحقيش عملية
قصدي هذا الشئ أيأتر عليها

[يقين]

نوني ربي يرزقك بيبي عن قريب يااااارب ويكون قرة عين ليك ولبوه وماتخافيش اني اجهضت قعدت حوالي 6 او 7 شهور ما حملتش وبعدين ربي رزقني

[Mقمة البرااااائهM]

نصيحه بناااااااااااات ليبيااااااا حبيبااااااااااتي

بعد الاجهاااااااااااض هرموووون الحليب يرتفع لااااازم نعااالجه عشاااااااااااااان نكرش.......

وانصحكن بأخذ فوليك اسيد 400 ملجم العلبه اللي فيها 90 حبه مدة 3 شهوووور لتقوية المبااايض وبطااانة الرحم لأستقباااااااااال طفل جديد .......

[Mقمة البرااااائهM]

فيه أخبااااااااااااااار عن (( ميرنااااااااااااااااااا )) ؟؟؟؟؟؟؟؟؟؟؟؟؟؟

طمنووووووني عليهااااااااااااااااااااااااااااااااااااااااااااا

[ام قصى محمد]

السلام عليكم بنات بلادى

[ام قصى محمد]

يابنات انا توا بس كلمت ميرنا هى والبيبى بخير
خشت شهرها السادس على سلامه بس عندها مشكله فى النت انشاء الله تنحل على قريب

[Mقمة البرااااائهM]

الله يخليييييج قوليلهااااا قمه دخلت تجمعناااا تسأل عنج......

سلمي على ميرنااااااااااااااااااااااااااااا

[hatoo]

مدام يانوني قالتلها انو صارلها اجهاض طبيعي المهم تشوف انو الرحم نظيفوعادي ان شاء الله حتحمل عن قريب وزي ماقالت اختنا قمة البرائة حمض الفوليك ضروري للمقبلات علي الحمل وان شاء الله الشهر الجاي تحملي انتي وصاحبتك, واهلين ام قصي شنو اخبارك وطمنتينا علي ميرنا الله يطمنك وان شاء الله نشوفوا وليد ميرنا بخير سليم معافي يارب وان شاء الله ربي يرزقك ببتوأم ياام قصي عشان يهبلوك هههههههههههههههه

[ام قصى محمد]

مرحبتين بكل اخواتنا الليبيات
انا ام لابنتين من درنه وكنت حامل بولد واجهضته فى الشهر الخامس ودرت عمليه تنظيف فى شهر 1 الماضى قبل الثوره بشهر بالضبط

مواليد 83 وخريجه قسم لغه انجليزيه واعمل معلمه

[hatoo]

ان شاء الله الشهر الجاي تحملي بتوأم اولاد

[ام قصى محمد]

قمه انا وصلت الى ميرنا انك تسالى عنها هى تسلم عليكم كلكم


هاتو ليش ههههههههههههههه
كل الناس يدعولى بتؤم مش عارفه يحبونى او يعاقبونى ههههههههههه


الحمدلله ام وسونه وضعك احسن من ناس واجده وانشاء الله زوجك بتعالج واستعملى الزنجيبل مع العسل يقوى واجد والسلطه الجرجير
واذا يدخن لازم يبطل الدخان


وانشاء الله تبشرينا عن قريب
noonyامرك بسيط وسعى بالك والحمل لله عندك امل مادام حملتى معنها انشاء الله مافى مشكله وانشاء الله تبشرينا انتى الثانيه عن قريب ومرحبا بيكن معانا شرفتن لمتنا
بالولينا الله يحفظ بناتك ويفرحك بيهم ووتشوفيهم عرايس

[ام قصى محمد]

هاتو شنى اخبارك واخبار بنوتك ومبروك سنونها الله يحفظها والحمل شن داير فيك
عاشقه وينك والله رايفت عليك تخشى شوى تطلعى

[ام قصى محمد]

هاتو وينك طلعتى

ميراس شن احوالك الله يشفيك حبيبتى ويطمنك على اهلك
ادخلو وطمنونا اذا كلمتوهم

يقين شن اخبار مصر انشاء الله الاوضاع هاديه عندكم صاح مافيش امن اليوم صاحبتى كلمتنى وحطمتنى قالت مافى امن وجوهم يزعم الكبد المهم احبطتنى وخوفتنى من الجيه راجلى مخطط نمشو الاسبواع الجاى وتوا قعدت خايفه على البنات

[ام قصى محمد]

وينكم بنات مافى حد
بوسى اهلاين انى متذكرتك شن احوالك طمنينى عليك

[hatoo]

الله يبارك فيك والله الحمدلله الحمل ماشي تمام بس مازلت معديتش نراجع اخري دكتورتي قالولي متحصليهش الا 25-9 يعني واااجد شكلي نبي نغيرها

[hatoo]

اهلين بوسي ومبرووووووووك وربي يخليلك بنوتك

[hatoo]

سلام بنات توا نبي نعدي نرقد مصدقت رتولي رقدت هههههههههههههه

[ام قصى محمد]

انا مانحب الانتظار بكل
واصلا دكتوره النساء لازم تكون متوفره تحت امرك فى اى وقت

[ام قصى محمد]

انا باى راح نطلع زى ما قالت ميراس الى تطلع تقول انها طالعه مع السلامه انشاء الله نسمعوا الاخبار الطيبه
قبل مانطلع واسفه ياعيون الناس تنسى اخيارها حبيبتى سمحينى يافرحتكم اليوم جاكم مصطفى عبد الجليل الله يحفظه

[ميراس]

السلام عليكم ورحمة الله وبركاته

[ميراس]

ااهلا وسهلا بيك يانونى انستى المجلس يبنات رايكم حتى نحن انديرو مجلس لكن مش انتقالى ابدى نحكوا فيه عن مشاكلنا واهمومنا ونستشيروا فيه اهل الخبرة فينا وحتى وحدة تبدا عندها مشكلة انحلوها مع بعض شن رايكم ومهما كان نوع المشكلة صحيا او اجتماعيا من كله يعنى

[ميراس]

فى حد والا نطلعو

[ام لقمان]

السلام عليكم
كيف حالكم ياغاليات؟
سلمك نشاده ياعيون الحق ما توقضينيش على الخلايع لاغايب جرى عقاب الليل ولالهيد تحت الزيتون حفايا والصغار ما نحكيلكش كيف احوالهم وهما يعيطوا ويقولوا مانبوش انموتوا حرام عليكم
ايام الله لا تردها
اما الصغيرونه جنان انضنى تذكرى فيها قريب صابتها حاله نفسيه بعد ما انقصف مكان اقريب هلبه
المهم توا انشالله ربى اينزل رحمته بسرعه ويهنى البلاد الحق عيينا من التشرد والدوران والتخميم

[hatoo]

صبااااااااااح الخير وان شاء الله اليوم يوم نصر ياااااااااااااااااارب

[ام وسونة]

وينكم يابنات كل مانخش مانلقى في حد نقعد مكسدة بروحي

[ام قصى محمد]

السلام عليكم كيفكم بنات
ام لقمان والله هذيك الايام شايلن حملكم نحن مره مرت طياره فوق درنه صوتها بس رقد عظامى معنها شخباركم انتو الى القصف قصف تالاكم
الله لايعاود هذيك الايام وانشاء الله بنيتك جنون تكون بخير

[ام قصى محمد]

انشاء الله ياهاتو اليوم يكون النصر

[ام قصى محمد]

ام وسونه انا قاعده وينك طلعتى

[ام قصى محمد]

المهم البوم حمدوا لى على سلامه بنتى جنى شلناها اليوم 5 الفجر للمستشفى فى حاله نفاسها متقطع
دارولها البخار وعطوها ابره واراهى قاعده راقده وانا مرهقه لانوم ولاراحه
الحمدلله