تجمع حوامل ليبيا

[أم سعد]

السلاااااام عليكم

[ام قصى محمد]

عاشت ليبيا حره
اللهم نسألك النصر
اللهم ارحم شهدائنا

[ام الصبيان]

اهلين يقين و ام قصي محمد اصغاري طيبين واحد منهم بدا يزحف والله ايعين

[ام الصبيان]

عاشت ليبيا حره
اللهم نسألك النصر
اللهم ارحم شهدائنا
امين يارب العالمين اللهم نسألك النصر والفرج والصبر

[hatoo]

كيف حالكم اليوم؟؟

[ميرنا]

السلام عليكم يا بنات

[ميرنا]

السلام عليكم والله مش عارفه النت فاتح بكل ليبيا المهم عندنا فى الشرق فتح وانشالله يا يقين تطمنيى على اهلك وتنفرج هاالغمه عن قريب يارب
ام رويفده والله اشتقت لك طمنينى وين صرتى بليبيا او مازلتى برا
hatooمبروك الحمل وانشالله ربى يرزقك وليد مع بنتك
ام اسيل انا من درنه نفس مدينه ميرنا وانشالله امورها بخير لان بدرنه نحن بامان ولله الحمد بس مشكله الكهرباء تنقطع واحد وما تخليناش نخشو عالنت واجد وممكن مش فاطنه ان النت رجع
هههههههههههههههههههه صح انا موش عارفه ان النت فتح الا بعد ما تغداء عندى خال راجلى يشتغل فى البريد هو لى خبرنى وان شالله ما تنشغلن على غالى انا اكويس والحمدالله
hwaml7

[ميرنا]

ميرنا حبيبتي كيف حالك انا مشغولة عليك كلمتك قبل ما نسافر مارديتيش وعقلي والله عندك يارب تكون امورك كلها تمام

يابوي ان شالله طبيتى فى مصر وانا انقول كنك خارج التغطية هههههههههههه ريفتى يا مكلوبة ولا خايفة على الراجل يجوز فى مصر

[ميرنا]

ام اسيل ما يلومك حد ههههههههه ( اصبي العين و بي ضناها )

[ميرنا]

باهى والله الحمد الله انك وصلتى طيبة انتى وعويلتك والنونو وردى بالك من روحك وتبعى عند دكتورة اكويسة فى مصر وان شالله ربي يفرحك بالنونو ويفرح بيه واما انابخير والان فى الاسبوع الثالث عشر

[ام قصى محمد]

ميرنا الحمدلله على السلامه تعرفى لازم نتعرفو رسمى
(مبروك مبروك)قوليى حامل او انا فهمت غلط المهم انك بخير طمنينى عليك ضرورى

[ام قصى محمد]

ام الصبيان انتبهى مادام واحد بدا يزحف لازم ترفعى الاشياء الى تخافى تؤذيه

[ام اسيل]

ميرنا نجك لي وعطك حبة شغلتيني موووووووت عليك لما مارديتش وماخشيتش النت لما فتح
بس الحمد لله انك بخير ردي بالك من روحك
ماشاء الله يعني تقريبا كملتي الثالث يارب عقبة لما تشوفيه بين ايديك ومايخليك ترقدي لا ليل لانهار من الشطانة وخليه يعذب حتى بوه ههههههههه
انا عديت اول ماجيت لدكتورة وطمنتني
ونهاية الاسبوع هضا نكمل 22 اسبوع
هيا امتا تقولينا وليد ولا بنية بيش نعرفو الهدية اللي نبو نجيبوها

[ام اسيل]

ام اسيل ما يلومك حد ههههههههه ( اصبي العين و بي ضناها )

ههههههههههههههههوالله مادخلني صون رزقك ولاتخون جارك
جيته نجري وغميت على نفسه لاضحكة لاتبسيمة حتى مرات البواب اللي لقيتها تنظف في الشقة قتللها يلا هلك عندي ايديات ننظف بيهن ولزيتها
بس تبي الحق والله ماتمتعنا طول الوقت على التلفزيون نرجو في الفرج

[ام اسيل]

ام الصبيان ربى يبارك عندك اولاد اهلاين بيك
hatooانشالله المنياكه ما تأثر اسألى الدكتوره بتاعك وربى يتمم حملك على خير تصدقو الفتره الماضيه كنت متضايقه وناجل فى الحمل بس توا قررت نحمل بعد رمضان مياشره وانشالله وليد
ام قصي كيف حالك
اول حاجة الفرج من عند ربي ليش تاجلي في الحمل ياخيتي خليها على الله وتوكلي على الله بلكي يجينا قصي وعلى وجهه الفرج تعرفي يقولو اللي تبي وليد تاكل ملح واجد ولحم وتسيب الحليب والحاجة الخضرا جربي مانك خاسرة شي
هيا بلا دلع من اليوم hwaml03

[ام اسيل]

يقين كيف حالك وينك يابنتي
شكلك حامل ؟؟؟؟
هيا بشرينا ههههههههههههه
كان طلعتي حامل راك تزعلي كله من عند الله

[ام اسيل]

ام سعد
كيف حال وشن حال طرابلس يارب تكون اموركم تمام يارب
انتي في طرابلس توا؟؟؟
وهل فيه نت في طرابلس
سعودي يجنن ماشاء الله عليه ربي يخليه ليك يارب

[ام قصى محمد]

اختى ام اسيل الحمل يبى روقان بس مش رايقه ابدا عندى فرح اختى بعد رمضان وفى نفس الوقت مشاكل مع اهل زوجى اه اه اه

[ام قصى محمد]

بالنسبه لام سعد فى تونس طلعت من طرابلس وانشالله امورها بخير

[ام اسيل]

خليني نحكيلك قصتي
انا بعد طيحت وليد في الخامس قعدت سنة كاملة نبي نحمل وبنات المنتدي عايشن القصة يوم بيوم انا وميرنا وحبل الوصل
كل يوم نتكلمو وكل دورة نواح بعيد عنك
والله مافيه حاجة ماجربتها من كلوميد ابر تنشيط ابرة زيت تلقيح صناعي اي حاجة تقوليها نقولك درتها وميرنا شاهدة ونفسيتي والله كانت تمام انا وزوجي امورنا تمام وهله تمام والحالة المادية كويسة وعندي وليد وبنية مع ذلك ابدا ما صار ووقفت العلاج في نهاية 12 اخر دوا خذيته وجتني الدورة في شهر واحد وبعدين جتني في شهر 2 بالزبط 12 _2 وانتي عارفة الاحداث امتا صارن والله مصارينا حطيناهن زوجي اصلا ماكنتش نشوف فيه ونبات عند اهله وزعل وفجايع تعرفي مديرية امن بنغازي لازقة في حوشي والله شفنا الموت المهة هضك الراجل بعد تحررت بنغازي ركبنا ليلة وحدة بتت في شقتي والله ليلة وحدة بعد كنا بابر التفجير وكل يوم سبحان الله ليلة وحدة
وبعدها صارت فجعة خشتهم علينا في نص شهر ثلاثة وانتي عارفة والله وصلو قريب حوشنا وانا نطير وننزل من السطوح للبدروم ونكر في عيالي راقدين وجو فل
بعدين طولت الدورة والله ماجا في بالي نحسابها من الفجعة تعرفي ماحللتش الا في نص اربعة
وحتى لما عرفت روحي حامل قلت اكيدة تو ينزل من الرعايش وسبحان الله اللي رايده ربي يصير
خطرها بنقولك خليها على الله وماتفكري في شي
(ام قصي الناوية نبوها ليلة ضاوية )هههههههه وانتي وحظك

[يقين]

كيف حالكم يابنات كلكم يارب بخير
اسكتوا اني في دوامه الدوره ما جتنيش وعندي اعراض مش مزبوطه شكله حمل وياام اسيل تعرفي بنمشي نحلل وخايفه بالجديات مانبيشي الحمل تعرفي مش وقته بكل وبعدين مزااااااال

[يقين]

ام اسيل في النهار خايفه من الحمل والليل انقيم في السهرايات هههههههههههههههههه

[يقين]

ااااااااااااه شكله ما في حد اهني النوم ماباش يجني كيف اندير افففففففففف

[ميرنا]

ميرنا الحمدلله على السلامه تعرفى لازم نتعرفو رسمى
(مبروك مبروك)قوليى حامل او انا فهمت غلط المهم انك بخير طمنينى عليك ضرورى

الله يبارك فيك ايوه زي ما فهمتى انا حامل والان فى الاسبوع الثالث عشر يعنى ان شالله فى بداية الرابع ونراجع عند الدكتورة نعيمة الجازوي كل اسبوع نمشيلها والدكتورة اتقولى خلص ما عش اتخافى تعالى بعد اسبوعين عقلى ما يريحنيش نقعد حايسة نين نمشيلها ولمة انخش عليها تقعد تضحك وتقولى ما تقدريش تصبرى اسبوعين انقوللها مستحيل كل اسبوع انجيك نين انجيب هذا حالى ياحنة

[ميرنا]

ههههههههههههههههوالله مادخلني صون رزقك ولاتخون جارك
جيته نجري وغميت على نفسه لاضحكة لاتبسيمة حتى مرات البواب اللي لقيتها تنظف في الشقة قتللها يلا هلك عندي ايديات ننظف بيهن ولزيتها
بس تبي الحق والله ماتمتعنا طول الوقت على التلفزيون نرجو في الفرج

ههههههههههه ههههههههههههههه ايوه صحة لك ما ضحك الا واجد

[ميرنا]

ام اسيل في النهار خايفه من الحمل والليل انقيم في السهرايات هههههههههههههههههه

ههههههههههههه عطك الخير سهريات وخايفة من الحمل

[ميرنا]

ام السعد ما شالله على اوليدك ايجنن كيف بوه

[ميرنا]

هاتوة نجك لى انتى حية

[ام قصى محمد]

ام اسيل انشالله بس نهلب رمضان بس فى حاجه مخوفتنى الدوره بعد رميتى بالوليد فى الخامس زيك يعنى تم منتظمه لمده شهرين وبعدها غيرت كل شهر تقدم اسبوع عن الشهر الى قبله مش عارفه طبيعى
ميرنا مبروك مبروك انا نسكن فى الساحل الشرقى واهلى من باب طبرق وانتى قلتيلى انك تسكنى بباب طبرق اذا لازم نتعرفوا
بالنسبه لنعيمه الجازوى احرصى منها والله مش ممتازه سلفتى لما جيبتها بهدلتها واختها ايضا لما جيبتها لما فتحت شوى بالموس فتحتها واجد وقعدت تنزف وخشوها العمليات عشان يخيطوها المشكينه ولاتدها طبيعى بس تبهدلت واخرى مرت ولد عمت راجلى لما جابت خيتها بالغلط تصورى قعدت ثلاث شهور وهى ما تقمعز كويس لازم على كرسى لما مشت لدكتوره اخرى دارتلها عمليه عشان تسقم الخياطه قالت كانت مخيطتها زى العصبانه ههههههههههه
بس انقولك انتبهى انا ننصحك ب(مها كمال)هى الى مجيبتنى فى بناتى
وانشالله يتم حملك على خير وتقومى بالسلامه

[ام قصى محمد]

ههههههههههههههههههههههه يقين اكيد بعد سهارى الليل فى حمل ههههههههههههه عطك الخير ههههههه

[ام قصى محمد]

(ام قصي الناوية نبوها ليلة ضاوية )هههههههه وانتي وحظك
هههههههههههههههههههههه
انشالله ساهل انا قلت ليله العيد منها نعيدو منها حمل هههههههه (منه عيد ومنه قديد)

[ام قصى محمد]

والله انا مشتاقه لعاشقه الصحراء ععععععععععععععععششششششششششششششششوق

[hatoo]

مبروووووووووووووووووووووووووووووووووووووووووووك ميرنا والله فرحتلك من قلبي ان شاء الله ربي يتمملك علي خير وتشوفيه بين ايديك سليم معافي , ويايقين اكيد في حمل بعد هضا كله ههههههههههههه عادي ربيهم مع بعضهم انتي تعاني تعاني كيفي انا طلعت حامل توا وان شاء الله خير وكيف حالك ام قصي ووينك ياام اسيل وباقي البنات

[يقين]

هااااتو شن بندير مغلوبه علي امري شني انعانيهم تعرفي اني تو كيف مسكره 19 وتو 20 وتبيني نعاني لالا

[يقين]

ام قصي وام الصبيان وام اسيل كيف حالكم يارب كويسين وكيف حال البيبيهات اكيده طالعيلكم قرون زيي اني هبلللللللللللللت تصوروا نوم في النهار وفي الليل سهر بنوتي مخالفه

[يقين]

هاااااتو حقه كيف حال بنوتك

[hatoo]

بنيتي مهبلتني مشاءالله عليها حركه بسلامتها , ويايقين متبيش تحملي وديريلي في سهرات في الليل هههههههههههههههههههههههههههه

[ام قصى محمد]

هاتو الحمد لله انى بخير وانتى كيف حالك؟ وحال البنوته الله يحفظها
يقين بعدك صغيره بس انشالله يكون من الذريه الصالحه انا نفسى حملت بعد بنتى والحمد لله منسجمات مع بعضهم ومريحاتنى صح مرات يطلعنى من عقلى بس الحمدلله
تمنيت لو انى حملت فى جرت بعضهم على طول كان الصغيره اكبر شوى

[ميرنا]

ياساتر يارب هذه مجزرة يا ام قصى والله حسنى خفت على الرغم ان الناس كلها تشكر فيها بس والله حملت وستمر حملى بفضل الله ثم هى اتبع فى بدقة شديدة وماهى غافلة على حاجة طلبت منى تحاليل كاملة جرثومة وتخثر الدم و هرمون الحليب و هرمون الحمل وتحليل السكر امتاع ثلاثة مرحل وتحليل البكتريا فى البول فى كل شهر تعود نفس التحليل وقياس الضغط واعطتنى علاج مكثف ابر الهبارين كل يوم ابرة فى الصبح وابرة فى الليل و حمض الفوليك مع اسبرين الاطفال و مثبت لبوس 400 و دواء الجرثومة كل يوم حبة واعطتنى رقمها ورقم راجالها وقالت لى اى شى يحدث امعك اتصلى بى ويستر ربى وان شالله نوصل فى الشهر التاسع ونجيب بلعملية لانها قالت هذا ابن فى الطب اسمه العزيز لابد من عملية ويستر ربى

[ام قصى محمد]

ههههههههههههههههههههههههه
ميرنا سامحينى مش قصدى نخوفك بس والله هذا الى عندى وحبت نبهك وبس يامسكينه خفتى

[يقين]

هاااااااااتو مش قتلك مغلوب علي امري

[يقين]

ام قصي لكن مسؤليه ورا بعض

[يقين]

ميرنا مبروك عالحمل وان شالله ربي يتمم عليك بالخير
متاخره لكن المهم جت ههههههه

[يقين]

يروروروروي زغرطوا يابناويت
والله ماني حامل درت تست حمل وطلع سالب

[hatoo]

اهلييييييييييييييييييييين بنات كيف حالكم اليوم ومبروك يايقين

[يقين]

هاااااااااااتو بارك في عمرك والله فرحت

[يقين]

ربي يسهل علي كل حامل وتجيب بالسلامه ويوصل النونو بالسلامه امين يارب

[يقين]

بالله يا بنات ساعدوني بنوتي عندها امساك ليها 4 ايام ارفعتها للعياده وكتبولي تحاميل ما لقيتهمش مقطوعات مافيش النوعيه هادي تربحوا شن انديرلها خايفه موووووووووووت

[hatoo]

متخفيش هيا كم عمرها بنتك عندنا هنا الصبايا الكبار يقولوا توجب انتي عطيها شويه زيت زيتون دافيء وانا بنتي ناخد عود وذان ونحط فيه زيت زيتون دافي ونديرلها بيه لبوس وعلي طول يطلع والحمدلله ميديرلها شيء كويس

[ام قصى محمد]

يقين مبروك عدى الحقى على روجك وديرى مانع قبل ما تزرطى

[ام قصى محمد]

يقين عيشتينا فى رعب وانتى خايفه راكى ديرى اى سهررررررررررررررررايه قبل المانع
وراكى تجينى تشكى بعدين انى قتلك

[ام قصى محمد]

بالنسبه للامساك ماتخافى منه بكل هى قولت هاتو توجب يعنى تبى تسمن
وانك تعطيها شويه زيت صح بس افطنى راهى تشرق

[ام قصى محمد]

هاتو باحبيبتى كيفك اليوم يقين خوخمتنى على الحمل
ايش اخبار البنتوته ايش اسمها؟

[ميرنا]

خير يا بنات حتى انا عندى امساك والله اقريب نبكى منه امضيق اخلوقى والدكتورة قالتلى كثري من السوائل ونشرب وما صار شى وخايفة لمة نخش الحمام حشاكم ندحم انزل العيل ربى يستر

[ام قصى محمد]

هههههههههههههههههههههههههههههههههههههههههه
ميرنا ماتخفيش على البيبى انشالله ربى يسهلك هههههههههه
المهم كولى دلاع وخضره واجد توا تمشى امورك ههههه
ايش الاخبار عندكم فى باب طبرق؟

[يقين]

شخباركم بنات
ام قصي لالا شعفت لكن الايام اللي فاتوا من كتر ماخايفه قعدوا يجوني اعراض حمل ههههه شكلي ختشت من الولاده ههههه وبنوتي اسمها فااااااطمه والاسم الفني فروتي مسمينها علي ام زوجي

[يقين]

ميرنا في ملين اسمهAgiolaxهادا ميه في الميه خديته اني لما كنت حامل واني زيك كنت نخاف ان البيبي ينزل لاني اجهضت قبل هكي لكن عادي جدا
وفي حاجه تانيه والله فعاله بكل بس ما تضحكيش
لما تقعمزي عالمرحاض مش الارضي لا الافرنجي افردي ايديك علي فخادك ومسديهم بالقوي والله اني قريتها في النت اهزيت عليها لكن لما تازمت الامور درتها والله جابت نتيجه وعالريق اشربي طاسه اميه كبيره وان شالله تكوني كويسه

[يقين]

هاااااااااتو عمرها شهرين بنوتي وشكرا عالرد انتي وام قصي ربي يخليكم

[يقين]

ام قصي شكلك واعره والله خفت منك حتي كان طلعت حامل مش حنقولك هههههه

[ام ارجواااااان]

كل عام وانتم بخير وبصحة وسعاده وعافيه
شهر كريم والله يحقق لكل وحده فيكم اللي تتمناه
دعواتكم لي وللمسلمات
الله يسعد ايامكم يارب
وكل عام وانت بألف خير


http://forum.hwaml.com/imgcache2/hwaml.com_1311161182_908.jpg

[يقين]

ام ارجوااااان وانت بخير وربي يحققلك اللي تتمنيه

[hatoo]

وانتي بخير يارب وان شاء الله ربي يفرحنا بنصرنا قبل رمضان علي الطاغيه, انا الحمدلله ياام قصي وبنوتي اسمها رتال ,ويايقين عندك حق بنتك مازالت صغيرونه بكل مازال بدري , وماتخفيش ياميرنا اكيد الامساك هضا من مقوي الدم الي تاخدي فيه كثري من السلاطه الخضراء والدلاع وخبزه شعير وان شاء الله بطنك تمشي كويس

[hatoo]

ام قصي كم عندك وليد؟

[ريم البراري]

السلام عليكم ورحمة الله وبركاته

[ريم البراري]

انا ليبية مغتربة اتمنى ان تقبلوني كصديقة جديدة للمنتدى

[يقين]

اهلين ريم البراري نورتي

[ريم البراري]

الله يسلمك يا يقين وانا عندي مشكلة وربي يفرج عليا وعلى جميع المسلمات انا متزوجة من ثلاث سنوات وما عنديش اطفال والحمد لله الذي لا يحمد على مكروه سواه واجرينا انا وزوجي كل التحاليل والحمد لله كل شي تمام وقالولنا مجرد مسألة وقت فقط وانا ماخذيتش اي علاج ولا حتى حاولت مش عارفة كيف نتصرف

[ميرنا]

ام ارجوان وانتى بالف خير يالغالية

ريم شرفتى التجمع وان شالله وجهك خير علينا وان شالله خشيتى بالفرج

يقين حبيبتى // حلمتلك حلمة انك شادة فى يدك 6 تفاحات قلتلك عطينى واحدة قالتى واحدة نبى نعطيها الام قصى وخمسة لى انا وراجالى
فسريلى هذه الحلامة او قوليها الام قصي شاطره فى تفسير الاحلام هههههههههههه

ام قصى امرايفة على باب طبرق جوه سمح صح (شارعنا القديم ياما العبنا فيه )هههههههههههه على فكرة حوش اهلك هو لى قبل المستوصف باحوش وقدمه شجرة كبيرة طالع راجلى يعرف راجلك وباتك

[ريم البراري]

حبيت انسلم على ميرنا وام قصي وهاتو ودعواتي لك يا ميرنا ان يحفظ الله جنينك لن تشوفيه بين يديك سليم معافى يارب

[ميرنا]

ريم حبيبتى ما تخفيى بكل الرزاق حى وطالما خشيتى لهذا التجمع باذان الله تلقى حل شوفى انا وام اسيل وحبل الوصل توة كيف حنى علينا الله بالحمل السليم بعد معاناة كل وحدة فترة معناتها لم تقل عن ستة سنوات اوسبعو اما انا لى تسعة سنوات

[ميرنا]

ريم خطرتى على ام اسيل ( يا ام اسيل وينك وحدة وحدة على الراجل عطيه نفس )

[ريم البراري]

مشكلتي يا ميرنا ما حملتش ولا مرة كل شهر نقول بالك الشهر هذا ربي يفرج وما يصيرش وزوجي ربي يحفظه مش مضايق يقول كلها ارزاق امتى ما يجي باهي وكان ما جاء سلامته هذا نصيبنا مش كل شي في الدنيا صغار لكن انا تعبانة نتمنى وندعي في كل لحظة انا ربي يطعمني ونقول كلمة انا حامل والله حتى الضحك نسيته انجامل وخلاص

[يقين]

اولا يا ريم البراري عارفه اختي الكبيره متزوجه ليها اربع سنين ومارزقهاش ربي ببيبي والله ياريم هيا وراجلها ما سيبوش الاستغفار بكل شهر 2 اللي فات حملت وقالولها بنوته وفرحانه بطير فلهذا ركزي عالاستغفار بنيه الحمل وربي يرزقك ياغاليه

[يقين]

وتانيا يا ميرنا مانعرفش نفسر نهاري كامابنحمل وبنجيب سته وك عليا خوفتيني

[يقين]

ميرنا ههههههههههههاي ام اسيل تشتغل مش فاضيه بينا

[ام اسيل]

ميرنا ههههههههههههاي ام اسيل تشتغل مش فاضيه بينا
هههههههههههههه باهي باهي يايقين تشفطي عليا انتي وميرنا تو نوريكن شكلك مش عارفة اني مديرة وواعرة بكل بكل هههههههههه
اسمعن يابنات انا قعدت نتعب وندهش بسرعة غير عادية والله ننقلب بس في السرير ندهش وكرعيا بدن ينفخنيعني الحالة مش جو شغل بكل
لكن مرات اللهغالب لازم مغلوب على امري على قولة يقين ههههههههه
ميرنا انافي مصر عطتني الدكتورة ملين زي قطرة العيون لكن مش عادي حتى انا كان عندي امساك من الاول قاتل بكل بس توا مية مية مهوية خالص
بس انتي ممكن مازال بدري شوية انزلي خضرة ليل نهار

[يقين]

ريم البراري ماتشيليش هم بكل عيشي حياتك انت شيخ الشباب وفوتي التفكير وربي امتي مايبي يرزقك مش هيوقف شي

[ام قصى محمد]

مشاءالله ما نغيب شوى نلقاكن زايطات ههههههههههه
ميرنا لما كلمتينى كنت فى التجمع امتاعى فى اجتماع
عشان الاسبوع الجاى اذا سخر ربى نديروا معرض وعرض مسرحى ومن بدرى نكلم فيك بس التغطيه تعبانه
المهم هوحوش هلى واكيد عرفتو ابى وخوتى وراجلى اخرى معروف ههههههههههههه
تعرفى من شوى بس روحت كنا فى فندق اللؤلؤه الجو يهبل البنات يلعبن واحلى جو فكرت نقولك نتلاقو غادى ايش رايك ناخذو راحتنا فى الحديث واجواء
المهم مش بكرى ولا الجمعه

[ام قصى محمد]

يقين الله يخليلك فروتى الحلوه شهيتينى نشوفها وناكلها هههههههههههه
ربى يستر من حلامه ميرنا المهم انا تفاحه يعنى اقل لوكان اولاد هههههههه

[ام قصى محمد]

هاتو حلو اسم ريتال ومعناه يجنن انشالله تكون من حفظه القرأن يارب
انا عندى بنتين فايزه شهر9 تكمل اربع سنوات وجنى شهر 10 تكمل سنتين
وكنت حامل بس رميت شهر1 الماضى وليد فى الخامس
مانقولكش راجلى قالى منقلبه ارنب كل سنه حامل ههههههههههههههه

[ام قصى محمد]

شرفتينا ريم البرارى
تعرفى شوفى ميرنا وغيرها صبرن ونالن
المهم راجلك مش متضايق خلاص وصدقينى هذا رزق لازم تحرصى على مرضاه الله واسعى ياعبد (دونك سهارى يقين هههههههههههه)
وبعدن مازال بدرى 3 سنوات انا ولد عمى حملت بعد5 سنوات وما شاءالله توئم بنات زى القمر

[ام قصى محمد]

ام ارجوان وانتى بخير ياغاليه وانشالله بالفرج والنصر

[hatoo]

ربي يعطيك الصحه ياام قصي ويخليك بناتك وقوليله اه توا نحمل مالا امتي ؟

[hatoo]

اهليييييييييييييييييين ريم بينا وان شاء الله ربي يفرج عليك عن قريب وانتي عدي الدكتوره وخليها تعطيك منشط يعني متسكتيش وان شاء الله خير

[ريم البراري]

بارك الله فيك يقين عالاهتمام انا والحمد لله من سنة مداومة انا وراجلي على الاستغفار والرقية الشرعية و سورة البقرة ومؤمنة بالقضاء والقدر لكن الله غالب مرات الواحد يضايق شوية وأنا من حد تزوجت سافرت مع راجلي بعد اسبوع وعمري ما تكلمت حتى مع اهلي في الموضوع هذا لاني نقرا وديما مشغولة بالقراية لكن تو قريب انكمل كان سخر ربي هذا وين حسيت بالحنين للحمل

[ريم البراري]

ام قصي حبيبتي تسلمي وربي يعطيك اللي تتمنيه يارب انا مش متذمرة بالعكس راضية وشاكرة ربي بس حبيت نستشيركم لو فيه نصيحة وتكفيني دعواتكم وكلماتكم الطيبة

[ريم البراري]

مرحبتين هاتو اقترحت عليا الدكتورة الكلوميد شريته ونتفرج عليه اتقول متفجرات مش قادرة نقربه خايفة انجيب لعمري الاكياس والمشاكل كل شهر انقول بناخذه نرميه جنبي لن تنتهي الدورة ونرجعه للثلاجة "علاج عن بعد" قلت لراجلي حتى مدته قريب تنتهي هالكلوميد مسكين وهو خاش طالع من الثلاجة قاللي معادش تمسيه هو عارف طريقه غير ناديه تو ايجي بروحه - خوافة وحالتي حالة ربي يفرج وخلاص

[ريم البراري]

كيف اخبارك ام اسيل ان شاء الله تمام حبيت نسالك انت وحبيبتي يقين لو تعرفوا دكتورة كويسة في مصر نفكر نتوكل على الله وندير حقن أو أنابيب يعني دكتورة عندها خبرة في المجال لان هنا كل مراكز الخصوبة فيها اطباء صينيين ومعامل صينية وانا نبي دكتورة مسلمة لان قصة التلقيح حساسة زي ما تعرفوا ياريت تساعدوني وكل من عندها معلومة ما تبخلش عليا

[ريم البراري]

يقين كيف حال بنيتك الامورة قدرتي تتصرفي معاها وانت صغيرة وفي الغربة ربي يكون في عونك ويحفظك يارب

[ريم البراري]

تو بتقولوا حقن!! hwaml03 وانت حتى كلوميد خايفة منه ههههههه مش عارفة انحس في الكلوميد مفيد لما يكون فيه ضعف بس مع ان الدكاترة قالولي ابدي بالكلوميد وكان ما نفعش خوذي كلوميد وابر وكان مانفعوش لاقدر الله ديري الزرع وان شاء الله نحمل ونفتك من هالمعااااااامع

[soomaa83]

السلام عليكم ياليبيات
شن اخباركم
يمكن خشيت غلط فى موضوع لكن حبيت انشجع الى تبى تاخد الكلوميد
انى متزوجة مسكرتش عام وبديت فى حالة نبى صغار
فا درت فحوصات وتحاليل ومافينا شى شورا انى فيا شوية ضعف
خديت كلوميد وتوكلت على ربى من خامس يوم الدورة والحمد لله حملت
من اول شهر بتؤام بس واحد مكملش مات فى شهر التانى
والتانى الحمد لله كويس قالى الدكتور البقاء للافضل
وانى متاكدة انهم كانو تلاتة تواؤم واحد رميته من اول موعد الدورة
لانى كنت فى مصر ومنعرفش ان الكلوميد بينفع لدرجة هدى
فاكنت نمشى هلبا فا الحمد لله حتى واحد باهى
طولت عليكم
سلامات

[ريم البراري]

اختي soomaa83 جيتي في وقتك انا اليوم ثاني يوم في الدورة والدكتورة قالتلي خوذيه من ثاني يوم كل يوم حبة لمدة 5 ايام معناها كان بناخذه نبدا اليوم وانا دورتي 25 يوم وقالتلي تعالي يوم 11 نتابع التبويض ونعطيك ابرة لو يلزم مش عارفة زعمة نتوكل على ربي

[soomaa83]

اهلن بيك
توكلى على ربى خليك هلمرة كلوميد بس وكل مرة جربى حاجة

انى مش خبرة الحق بس حكيت الى صارلى
درت تحاليل ومافينا شى انى وزوجى كان يمكن شوية ظعف او شوية تكيس
اعطتنى الدكتورة كلوميد مع ان المفروض مينعطاش الا بعد سنة
وكنت وقتها ستة شهور بس
جربى الكلوميد هشهر من غير ابر
انى خديته لكن مطلبتش منى ان انجيها وتشوف التبويض
خديته بس وعرفت ايام التبويض من افرازات الى نزلت عليا
لونها صفرة ووجع قوى فى ايام التبويض اتقول بنجيب
وتريتا كانت تخدم عندى هههههههههه حملت بى 3 والحمد لله قعد واحد
هوا الى يجرب خير من الى قاعد هكى وتراجى
توكلى على ربى قال ربى اسعئ ياعبدى وانى نسعئ معاك
خير متقعدى اتراجى
تصدقى كيف نايضة من النوم بالك فى كتيبتيى شوية اعادة

[ريم البراري]

الله يبارك فيك والله يكفيني انك حسيتي بحالي وخشيتي على خاطري ربي يجبر بخاطرك ويرفع قدرك انا زايدتني الدكتورة انحس فيها ما عندهاش خبرة وماتبيش من يناقشها وخايفتها تقوللي خوذي ابرة وهي حتى ايدها رزينة تمرض طبعا بتقوليلي شوفي غيرها "ما هناك في الجبل كان ميرة" نقولك عندك حق لكن هنا معظم الدكاترة رجالة وانا متعقدة وهذي زعميته افضل وحدة - يعني من الاخير قولتك نفتح الثلاجة ونسمي بسم الله- سامحيني عالازعاج وانتي حتى الفطور ما فطرتيش

[soomaa83]

لالا عادى انى فاطرة من الصبح ساعة 7
غير انى بروحى ومكسدة نعدى فيها نوم خير
توكلى على ربى وقبلها صلى استخارة وشوفى روحك
ومش حيصيرلك الا الى كاتبه ربى
وبعدين احسن ماتقولى ياريت درت
جربى خير من تراجى
ولو تبى اى شى ابعتيلى على خاص بالك منخشش هنى هلبا
وكان على كلوميد اقرى عليه هلبا
يا شوفى مواضيعى ومغامراتى معاه تلقيهم تحت كتيبتى طبعا
والحمد لله
هى سلامات

[soomaa83]

لكن انقولك على حسب النسوين وخبرتهم
يقولو دكتور راجل خير من دكتورة
لان الدكتور خبرة اكتر
ومتخفيش مش حيشوفك لان يغطوك ههههههه

[ريم البراري]

الله يبارك فيك ويسلمك

[ام قصى محمد]

سسسسسسسسسسسسسلامات
ريم جربى الكلوميد فعلا ايش تبى تخسرى على الاقل الشهر هذا يعنى مستحيل راح تصيرلك حاجه من مره وحده
مرحبتين سوما شرفتينا وربى يخليلك
هاتو ههههه تعرفى انا نفسى ما نبى نحمل فى جرت بعضه بس الله غالب سهرايات ههههههه
انا نخاف موت من المانع

[hatoo]

اختي ريم انتي عليش مركبه علي روحك انتي حتي الكلوميد مخذيتيش خوذيه وان شاء الله تحملي وفكك من الزرع علي طول جربي وحده وحده والكلوميد مش حتخذيه طول عمرك وانا برضو كنت الشهر هضا نبي ناخد كلوميد لانو خاطري في تؤام بكل بكل لكن طلعت حامل والحمدلله , وياام قصي ربي يخليلك بناتك وتفرحي بوليد ان شاء الله ولا تؤام ولاد

[ريم البراري]

اهلين هاتو انا توكلت على الله وخذيته بعدما شفت كلام سومة وام قصي وربي يسهل ادعولي مضااايقة

[ريم البراري]

ميرنا طمنينا عليك بخصوص الامساك ان شاء الله امورك افضل

[يقين]

يم البراري شكرا حبيتي عاسؤال علي بنوتي حالها باهي اهو نتعلم فيها ههه حقل تجارب
وياام قصي وانتي ياربي يخليلك صغارك ماتندريش مرات نتعرفوا وتشوفيها
وياام اسيل لقيناك مشغوله شوي قلنا شكلها عاجبها الشغل وخطت فينا هههههههه لكن قصه مغلوب علي امرك عندك حق الرجاله مايعرفوش ياماما ارحميني

[يقين]

ميرنا ياميرنا انت فين ياميرنا

[يقين]

ام قصي مادخنيش فيك رديلي تفاحتي اي وه نبيها اني

[يقين]

هااااااتو وينك كيف حالك وحال النونو الحلو

[hatoo]

الحمدلله تمام بخير وانتي شنو دايره مع بنوتك

[hatoo]

ربي يسهل عليك ان شاء الله ياريم

[soomaa83]

السلام عليكم

ياريت ياريم متنسيش اتقولينا على يصير معاك
اول شى كملى الحبوب وبعد الحبوب طبعا الجماع يوميا او يوم بعد يوم
واكبد حيبان فترة التبويض عندك ركزى فى الافرازات اكيد بتزيد عندك
انى لونها صفرا لين استغربت وحسيت بوجع وانتفاخ فى البطن
ووجع فى المبيض الايمن
مش عارفة انتى زيى او لا
ووكلى راجلك ماكلة دسمة انتى وياه انى راجلى خدى حبوب فتامينات
ومش فرض تمشى اتابعى التبويض عند الدكتورة غير سلان فلوس
عندى احساس انتى فى مصر وطبعا هما يموتو فى القرش فوتيهم
خليها وحدة وحدة
ولما ياحنة تقرب فترة الدورة ارتاحى تخافى يصيرلك زيى
انى عديتها دهوير ومشى تمشى يوم موعد الدورة اتجينى
ونحسابها دورة وهوا من المشى نزلت واحد وبعد عرفت ان حمل بشريط الحمل
لان جت يوم واحد بس ووقفت معاش عدلت نفس الشى مشيت لسوق
وخديتها مشى مات التانى
وتوا نمشى شوية ونوقف وربى يتبت التالت

وانتى ربى يسهلك و تفرحينا وراجى في اخبارك
دوتى هلبا
سلاماتhwaml7

[ريم البراري]

وعليكم السلام ورحمة الله - سومة ربي يحفظك ويثبت حملك وتشوفي طفلك سليم معافى يااارب وحاولي تريحي روحك وربي يسهل عليك. سومة انا في ماليزيا وباذن الله انقوللكم اللي يصير معايا ومشكورة على الاهتمام يا غالية

[soomaa83]

معنديش فيه جميل
غير انحسه صعب انك تبى تحملى وميصيرش صارلى هلموقف
وكيف حملت فرحت وفرحو كلهم معاى
لهدا بديت نتمنا كل وحدة تحمل وتجرب الفرحة
واولهم انتى
بنسبة ليا كنت فى مصر وتوا فى الهند
قلت انتى فى مصر لان الشعب الليبى كله غادى
هههههههه
هى سلامات

[ريم البراري]

صار انت هنا قريبة نحسابك في ليبيا انقول ماشاااااء الله سومة شكلها ناشطة تنوض من الفجر ههههه واكيد حتى انت تقولي عليا هكي احنا تو الساعة قريب الستة العشية

[ريم البراري]

ربي يسمع منك ان شاء الله نحمل ونفرح والله حالتي يعلم بها الا ربي انحس في روحي كان نحمل ننجن من الفرحة

[يقين]

كيف حالكم يا بنات اليوم ان تمام وجمعه مباركه

[يقين]

ريم البراري شوفي حبيبتي ربي يرزقك اهم حاجه النفسيه وبعدين طمنوك انتي وزوجك وتحاليلكم سليمه معناها مساله وقت توا تحملي وتفرحي زي اني حملت بعد الاجهاض ب8 شهور تعرفي من الفرحه لين تخوخمت لما قالي الدكتور حامل بعد ماضبطه هههههه
ربي ينولك اللي تبيه وتجيبي توأم وليد وبنوته ياااااارب والله ربي مابعيده عليه حاجه خودي كلامي اني وحكيتلك قصه اختي توكلي علي ربي ومعاش تفكري وخودي الكلوميد زي ماقتلك سومه

[يقين]

ريم البراري اني عندي دكتور ودكتوره بس الدكتور افضل كان تبي نعطيك اسمه واسم المستشفي تعرفي ميه في ميه مخضرم شاباني تحسيه عنده خبره شن رايك

[يقين]

هاتوااااا الحمد لله بنوتي كويسه

[ريم البراري]

اهلا يقين السنفورة نهارك مبارك شنو بنقولك النفسية مش بيدي والله راجلي مسكين يقرا ويشتغل ومش ناقصه ربي يكون في عونه وما نبيش نضايقه مخلية روحي عادية وجوي تمام قدامه لكن من حد يطلع من الشقة نقعد سارحة ونفكر
انحس في روحي ضايقتكم معايا وهو تجمع حوامل وانا مدايرة زحمة وهو مش مكاني تو ميرنا تقول في خاطرها هذي شنو دخلها في موضوعي هههههههه نسمع فيك يا ميرنا لكن مش طالعة شن بديري فيها

[يقين]

بالعكس درتيلنا جووتفاعلنا مع بعضنا وربي يوفق زوجك ياااارب

[ريم البراري]

ياريت يايقين اعطيني اسمه واسم المستشفى وان شاء الله مانحتاجهم

[يقين]

ياريومه هادا دكتور نساوتوليد واكيد يعرف في الاخصاب ماجربتش بس هوا شاطر حتي لما يشرحلي نحس فيه كتله خبره

[ريم البراري]

تسلمي حبيبتي وربي يكثر من امثالك

[يقين]

ولو يا رويمه انتي زي وخيتي ماعنديش فيه جميل

[ام الصبيان]

كيفكم يا بنات عالله بخير , انا كنت مشغولة مع صغاري توا يزحفو ومش املحقة فيهم هذا كله وما سلموش من الصدمات على الارض مش عارفة كيف انديرلهم

[يقين]

ام صبيان نورتي ربي يخليلك صغارك يارب
في حاجه زي الصندوق وفيه قضبان باهي اسمه بيبي بوكس تلقيه في الاسواق حطي فيه اصغارك مع العابهم مريح جدا انتي تتريحي وهما يلعبوا

[ام الصبيان]

كيفك ام قصي وام اسيل ويقين وسومة وريم البراري , ومن ثاني ...........؟

[ام الصبيان]

والله فكرت فيه هو خشب صح , بكن والله شقتي ضيقة , مش زي شقق ليبيا وهو بياخذ مساحة

[ام الصبيان]

ريم ربي يرزقك الذرية الصالحة والله انا حاسة فيك لاني كنت عايشة اللي عشتيه

[ريم البراري]

مرحبتين ام الصبيان عاش من شاف توقيعك وربي يحفظ صغارك اجري وراهم وانت ساكتة لا صناديق لا شي يا ناري قعدوا في بطنك تسعة شهور ومازال بتربطيهم في صندوق وبعدين هذي دبارة يقين ويقين راهي كسولة ياراقدة يا مقعمزة قدام الحاسوب انشديني نا عليها هههههه (على فكرة ام الصبيان رديتلك على الخاص ومشكورة)

[ام الصبيان]

والله مش قصة كسل ,لكن والله ايهبلو تعرفي الشقة صغيرة لفته تلقيهم وصلو لحاجة خطيرة

[ريم البراري]

ربي يكون في عونك ويعطيك صحيحتك انا نهدرز عليك وعارفة هو عيل واحد وصاعب في العمر هذا بسلامته مش لابال اثنين ماشاء الله لكن مرحلة وتفوت ديري جهدك وربي يسهل

[ريم البراري]

يقيييييييييييييييين أين أنت
شكلك زعلتي انا نبصر عليك انت قلتي كيف اختي وتحملي ما يجيك

[يقين]

هههههه لا يارويمه والله مازعلت انتزي اختي غير كنت طالعه اني والبي ندهورا وتوا كيف جيت
سحنه فيك انت مامشيتي ادهورتي هههههه زي العويله

[يقين]

هيا تصبحوا عالخير فروتي قالبه الدنيا بالعياطات

[ام قصى محمد]

سلامات وينكم بنات مافى وحده سهرانه
تعرفو والله رايفت على عاشقه انشالله امورها ووليدها بخير

[ام قصى محمد]

ريم انشالله ربى يوفقك حبيبتى وانشالله تفرحينا بالحمل عن فريب
تعرفى قلتى ان هذا مش مكانك اصلا ميرنا داراته عشان كلنا نحكو ونستفيدوا
بس الصبر وخيتى وعينك من روحك

[ام قصى محمد]

يقين انشالله نتقابلو قولى بلكى رمضان انشالله جايه لمصر وتوا نتفقوا

[ام قصى محمد]

ام الصبيان والله من كلامك انك تعبانه على الاخير
بس كله باجره مش الجنه تحت اقدام الامهات
الله يحفظهم ويرعاهم بس انتى خلاص رفعى كل شى تخافى منه وديما ابوابى نسكرها يعنى نخلى المكان الى نقعد فيه بسس

[ام قصى محمد]

سومه ربى يفرحك بلى ببطنك وتشوفيه يلعب بين ايديك ونسمعوك تشكى كيف ام الصبيان

[ريم البراري]

سومة وينك اليوم يا جارتي الحنونة ربي مايغيبك
صار هكي يا يقين هانم انا قعدة نسحن وناكل في روحي hwaml4 نقول وووه عليا البنت زعلت وانت ماشية تنسرفي - حسابك بعدين hwaml11
ام قصي كلك ذوق وكلامك يطمن فيا ربي يحفظك
ام الصبيان نشوف فيك مطلعة قرون ربي يكون في عونك

[ام الصبيان]

ريم مساء الخير كيفك اليوم

[يقين]

صباح الخير كيف حالكم يا بنات يارب بخير ام الصبيان كيف حالك وحال اصغارك ام قصي كيف حالك وياليت نتعرفوا تعرفي الليبيات اللي نعرفهم اهني كلهم روحوا لليبيا وقعدت بروحي
ريم كيف حالك اليوم يارب بخير نهارك عسل وقشطه

[يقين]

بالله بنسالكم علي حاجه كان سالت اهلي ولا اهل زوجي يقعدوا يضحكوا عليا ويقولولي انت ام بالصدفه مانبيش نسالهم
المهم البيبي امتي يمرد وامتي يتكلم المشي مش مهم امتي المهم تقولي ياماما بسرعه هههههههه بالسيف ردوا علي سؤالي اه

[ريم البراري]

مرحبتين يا أم الصبيان انا كويسة الحمد لله السؤال عليك انت ان شاء الله مرتاحة
يقين حسب ما نتفكر صغار خواتي وخوتي يمردوا في جو الشهر السابع او الثامن والكلام يبدوا ينطقوا في بعض الحروف من الشهر الخامس او السادس لكن كلمة ماما وبابا في الشهر الثامن او التاسع والصغار يختلفوا مرات يمرد بكري من السادس ومرات يتاخر وان شاء الله الامهات يفيدوك اكثر

[ام قصى محمد]

السلام عليكم
وينكم اليوم خشيت متأخر شكلى
المهم تعرفى يايقين انا فى خاطرى نسافر لمصر وتركيا
ومشكله مش فى الفلوس المشكله فى شغلنا اما انا مانقدرش اوزوجى بس توا ممكن نسافرو يارب خلاص شوى وننجن نحس انى طافشه الله يجازى الى كان السبب

[ام قصى محمد]

ريم انتى بنت بلادى واختى والله بعد الثوره نحس انى نحب الليبين واجد وكانهم خوتى واخواتى
وخاصه انك قصدتينا فى مشكلتك واشالله ما تردى خايبه طمننينى الدوا ماثر فيك نقصد لما حكيتيلنا عليه درت عليه بحث ولقيت انه فى تاثيرات جانبيه انشالله ما تتعبى بكل

[ام قصى محمد]

http://forum.hwaml.com/imgcache2/hwaml.com_1311432215_192.jpgام الصبيان تجرى ورا سنافرك اكيد مش فاضيه هههههههههه

[ريم البراري]

الحمد لله يا ام قصي لحد الان ما حسيتش بحاجة غريبة ويستر ربي شنو اخرتها ان شاء الله مانندمش بس
ام الصبياااااااااااااااااااااااااااااان تعالي شوفي ام قصي تبي تقولك انها تتخيل فيك زي شرشبيل ما عرفتش كيف تقولها قعدت تدوي عالسنافر

[يقين]

مساء الخير كيف الحال اليوم تمام ان شالله
بالله نبي نسالكم سؤال معليشي الاسءله كترت
لكن هادا اخر سؤال بنسالك بخصوص شعر بنوتي هيا جبتها وشعرها مشالله عليه ناعم وكيرلي شويه وكثيف باهي قالولي انه حيمشي مش هيقعد وتوا عمرها شهرين هل حيطير ولالا وادا ايه امتي في اين شهر

[ريم البراري]

يقين الغالية انا ماعنديش خلفية على موضوع الشعر بس ام قصي وام الصبيان وهاتو مجربين و اكيد يجاوبوك وانت حبيبتي معادش تسبقي الاحداث يعني كان عرفتيه امتى يطيح شن بتشديه هههههههههه ياقلاقة وسعي بااااالك

[يقين]

شكرا حبيبتي علي ردك واهتمامك لكن مانبيشي يطير

[ام قصى محمد]

يقين ما تخافى شعرها مش راح يطير
بس ممكن من جهه النوم راح يخف شويا ويبان كانها منصلعه بس كل الاولاد هكى يصيرلهم المهم ماتخفيش عليها اكيد راح تكون عسوله واموره
لو تشوفى جنى بنتى شعرها خفيف بكل بس توا الحمدلله بدا يزيد

[ام قصى محمد]

طيب ياريم ليش هكى والله نوريك تبى تفرقى بينى وبين ام الصبيان طيب ابقى شوفى من راح يساعدك من يوم وغادى
هههههههههههههههههههههههههه
ياالهبله اصحى تخافى انى نزعل من جدى عادى اصلا صداقتى بام الصبيان مش راح اتاثر باى شى انشالله ههههههههه واحد واثق من نفسه

[يقين]

صباح الخير ام قصي شكرا حبيبتي علي ردك لكن مش متصوره بنتي صلوعه
وبنيتك بين فتره وفتره قصيلها شعرها وشوفيه كيف يولي صاحبتي ديمه تقص في شعربنتها والله ولا حلو وثقيل

[ريم البراري]

السلام عليكم
يقين سمعنا في الاخبار ان فيه دوشة في القاهرة بالله طمنينا عليكم بسرعة
ام قصي وام الصبيان نهدرز عليكم عارفتكم اوخيات ربي يخليكم لبعض

[hatoo]

اهليييييييييييين بنات اليوم عندي موعد مع دكتوره ماشيه لوحده جديده مش الي كنت نمشيلها في بنتي اسمها الدكتوره مبروكه القنين كويسه بكل توا ماشيه لفاطمه عيسي يشكروا فيها من يعرفها منكم؟

[يقين]

ريم مرسي حبيببتي عالسؤال
الدوه اللي صايره بعيده عنا الحمدلله عايشين حياتنا طبيعي

[يقين]

قسم بربي حالتي النفسيه زي الزفت
قبل شوي مشيت للدكتوره علي اساس بندير لولب عارفين شن قاتلي
تعاليلي بعد اسبوعين شاكه عندك حمل ونديرلك سونار لو مش حامل نركبلك لولب قلتلها درت تحليل وطلع سالب قتلي مزال بكري خلالالالالالالاص اني بنموت حسني والله من بكري نبكي وزوجي مهناكش وما قلتلاش كيف اندير

[ريم البراري]

السلام عليكم
وعلاش تبكي يا يقين توكلي على الله هي الدكتورة حسب كلامك مش متاكدة وبعدين وان كنتي حامل هذي نعمة من ربي عارفة انه بنتك قعدة صغيرة وصعب عليك لكن ربي اللي اعطاك قادر يساعدك ويسهل عليك ويقويك المهم ماتتذمريش وحافظي على روحك لين تتاكدي

[العاااالي مستواها]

السلام عليكم ورحمة الله وبركاته


دعوه عامه لكم اخواتي العزيزااات للمشاركه في مسابقة شهر رمضان المبارك في البوفيه




هذي مسابقات في جميع الاقسام

مسابقة رمضان ّّّّ((طبق الاسبوع المميز))ّّّ (http://forum.hwaml.com/t67215.html)




(هنا مسابقة شهر رمضان00للمعجنات والحلويات) (http://forum.hwaml.com/t67328.html)



((هنا مسابقة شهر رمضان00لعمل العصير الفريش)) (http://forum.hwaml.com/t67333.html)



(هنا مسابقة شهر رمضان لأفضل صحن مقبلات وسلطه) (http://forum.hwaml.com/t67335.html)



ــــــــــــــــــــــــــــــــــــــــــــــــــ ــــــــــــــــ
والاتكيت راح تعطي وسام تميزالي تحط لنا ترتيب سفرتها في رمضان سواءكان فطور او سحور0

(دعوه لأخواتي العزيزات بشهر رمضان) (http://forum.hwaml.com/t67337.html)

ــــــــــــــــــــــــــــــــــــــــــــــــــ ـــــــــــــــ

وكل عام وانتم بخير وصحه وسلامه يارب

[soomaa83]

السلام عليكم

كيف حالكم بنات وشن اخباركم
ريم شن صار كملتى الحبوب ولا مزال ولا مصارلكش ؟

كيف بديرو فى رمضان برا بلادكم
انى اول رمضان ليا بعيدة على اهلى من اتزوجت سافرت
وحايرة كيف بندير وكيف بنطيب
شريت اغلب الحاجات على اساس بنطيب لى راجلى
اول رمضان مع بعض يستر ربى
وانتو كيف بديرو ولا كيف درتو؟

[ريم البراري]

هلا بسومة الخايفة من رمضان وكل سنة وانت طيبة تعرفي خطرتي عليا اول رمضان بعد الزواج تعرفي صارت فيا شماتة هذا ياستي انا تزوجت ويوم الاسبوع سافرت لماليزيا وبعدها بحوالي شهر كان رمضان وما ادراك مارمضان مع الغربة وكورس الانجليزي وانا اصلا قعدة في حالة استغراب حتى راجلي قعدة مش متعودة عليه يطلع من الحوش ننسى ملامحه ههههههههه وخايفة من رمضان واتقول خاشة مسابقة في الطبخ وانا نعرف نطبخ من قبل لكن بعد ما سافرت تفكرت اني ما نعرفش نطبخ لاثنين متعودة على مقادير اهلي ماشاء الله عيلة كبيرة تعرفي لما نرمي الفطور راجلي يقوللي من عازمة اليوم عرفتي ما نعرفش اندير شوية حاااااااااااالة ما تم رمضان لين ريم قريب جاها الصرع ورمضان الماضي حتى هو امتحانات و لكن تمام الحق حتى غربة لكن انديروا في جو حلو ورمضان هذا نراجي فيه لاني فاضية ومتريحة في الحوش - حق ياسومة خذيت الكلوميد اليوم اخر حبة ويستر عليا ربي

[ريم البراري]

يقين كيفك اليوم ان شاء الله افضل

[ريم البراري]

هلا بيك اختي العالي مستواها وكل سنة وانت بالف خير ومشكورة عالدعوة يا الغالية تسلمي

[hatoo]

متخفيش يايقين الي ربي كاتبه لك حيكون خير ان شاء الله

[يقين]

اهلين يابنات والله ياهاتو لو طلعت حامل بنهبل اني فاطمه ومش قادره نتعامل معاها حتي لما ترجع نتصل بماما طول نقولها كيف ندير والله مانعرف حاجه كيف نجيب بيبي تاني وفوق هادا قرايتي بتبدا شهر 9 وبعدين اني مش متفائله نحس فيه حمل والي توا ما قلتش لزوجي علي كلام الدكتوره
آآآآآآآآآآآآآآآه هم وغربه واجد عليا

[يقين]

ريم ماشي حالي في دوامه ما يعلم بيها كان ربي

[soomaa83]

كيف حالكم يا بنات ليبيا

يا يقين ربى يفرج عليك هوا صح صعب تحملى وبنتك صغيرة
لكن كان ربى كتبلك الله غالب نعرف هلبا اتعفلقو كيف حملو بعد جيابهم
وتعفلقو لكن بعد جابو فرحو هلبا وطلع التانى احس من الاول فى الشكل
والحب وكل شى معليش توكلى على ربى الى يجيبه نعمة

ويا ريم تبى الحق نبى نطلع فالحة قدامه انقوله نعرف كل شى على اساس
تعرفى كيف مشينا لمصر من اتزوجت طايحتله ماكلة بدى سمونى ههههه
انى اتزوجت يوم 10.10.2010
وبعدها سافرت لمصر قعدنا 7 شهور لين كهرهتهم
وتوا فى الهند قاعدين نتعرفو المهم حتى البازين درناه درته حتى توا فى الهند
ولعصبان طايحتله كول بس ولى صاير ان فى الهند ماركاتهم وسبزتهم
مش زى مصر او ليبيا حالة تعرفى حتى الدقيق يختلف
وتوا مش عارفة حقا حتى انى اول ماتزوجت انطيب بلهلبا زيك كنت انطيب لعيلتى قبل مشالله طنجرة كبيرة وكيف اتزوجت طنجرة متبانش اتحيرى كيف بديرى فيها دباير لكن توا اتعودت كان اتشوفى طنجرتى جبتها معاى من ليبيا
طنجرة وكسكاس مصغرة جدا ادهورت بيها
وهدى قصتى
المهم حالكم باهى كلكم وكل عام وانتو بالف خير ورمضان مبارك يارب
وربى يريح ليبيا عاجل غير اجل

[soomaa83]

حقا اليوم بندير جهاز وخايفة من قبل ان فيه حاجة ومش حاسة بيها
لان ناخد فى دوفاستون وحسب ماقريت ان يبان نوع الجنين توا
فابالك اليوم نعرف شن نوعه بنت او ولد
يستر ربى انى الحق نبى ولد راجلى خاطره فى ولد باش يسميه محمد
ويارب يطلع ولد وعارفة الى يجيبه ربى باهى بس انى نبى محمد على اسم الرسول يكون اول صغارى ادعولى بلهى عليكم

http://forum.hwaml.com/imgcache2/hwaml.com_1311667920_676.png

[ام قصى محمد]

http://forum.hwaml.com/imgcache2/hwaml.com_1311710449_934.jpghttp://forum.hwaml.com/imgcache2/hwaml.com_1311710449_699.jpg
كل عام وانتو بخير

[ام قصى محمد]

يقين ياعمرى وسعى بالك
انا لما حملت بعد بنتى جنى كانت صغيره 9شهور وعندى فايزه تعرفى بكيت لانى فعلا ما نبيش نحمل بكل
المهم لما رميت وجعنى وبكيت عليه ولعند توا مازال زاجعنى حبيبتى عارفه الدراسه والغربه وانك مازالت بنيتك صغيره بس اصبرى وعسى ان تكرهوا شيئ
المهم انك توسعى بالك ومعانه واحد هى اثنين واحسبيها ما تجيبى نين بنتك تكون اكبر شويا وتوا خلاص حاولى تعتمدى على نفسك

[ام قصى محمد]

ريم حبيبتى كملتى الدوا انشالله بالذريه الصالحه يارب امتى لازم تراجعى الدكتوره؟؟

[ام قصى محمد]

هاتوا دكتورتك القديمه ليش تبى تغيريها اسالى على الدكتوره قبل ما تمشيلها؟؟؟

[ام قصى محمد]

ام اسيل وينك؟؟؟؟؟؟؟؟؟؟؟
ام الصبيان انشالله امورك بخير ؟؟
يابنات لازم نمشوا لميرنا زياره باركولها انتقلت ببيت جديد انشالله يكون فال خير عليها وعلى راجلها

[ريم البراري]

السلام عليكم بنات مشكورات على السؤال انا كان موعدي مع الدكتورة لمتابعة التبويض يوم الجمعة او السبت لكن امس كنت نهدرز مع صديقة لي ماليزية قالتلي على دكتورة ثانية ونصحتني انشوفها لانها اخصائية وتدير حتى في عمليات الحقن وقالتلي كان بتمشيلها امشي قبل الموعد وخوذي معاك تحاليلك انت وزوجك بحيث تفهم قصتك بعدين تبدا معاك طبعا انا كلمة ترفعني وكلمة تجيبني فقلت خليني انشوفها كان عجبتني باهي كان ما ارتحتش نستمر مع الاولى وربي يسهل فمشيت اليوم اللي هو اليوم الثامن من الدورة لغرض اني نشوفها ولو عجبتني نمشيلها هي اتابع التبويض المهم مشيت سارية من الفجر قبل الشحاتة وبنتها وزوجي معايا وهو مش راضي اصلا على الكلوميد ومسكين خايف عليا لكن الله غالب الخلاصة اني شفتها وحكيت حكايتي البايخة كلها قعدت تسال فيا وبعدين دارتلي سونار مهبلي باش تطمان على المبايض وهي تشوف ضحكت قالتلي عندك بويضتين وحجمهم ممتاز 16مم قلتلها مش المفروض اكثر من 18 وقالتلي اليوم ثمانية من الدورة و مازال يكبروا للحجم المناسب وينزلوا من المبيض بعد حوالي 32 ساعة وقالتلي من غدوة ارقدي مع زوجك اربعة ايام متواصلة والابرة مش لازم منها لان كل شي تمام وقالتلي لو ماحملتيش ما ننصحكش تستمري على الكلوميد لانه يجهد المبايض وقالتلي افضل جربي التلقيح الصناعي البسيط طبعا مش المجهري ان شاء الله ما نحتاجه- وقالتلي من شهر دارت التلقيح الصناعي لوحدة ليبية وحملت من اول مرة بعد 5 سنين- روحت بديت انوسوس قلت كان يكبروا هلبة ويسببوا كيس ربي يستر وقالتلي كان تاخرت عليك الدورة اسبوع تعالي يعني معادش نرجعلها تو وهذي قصتي بالتفصيل الممل وادعولي

[ريم البراري]

سومة عطيك السلامة ما دامك تستعرضي في عضلاتك قدام الراجل وتقولي انا فالحة دبري راسك ما تنسيش انه صيام وما تقدريش حتى تذوقي الماكلة والا تعدلي الملح ههههههههه عجبتني الطنجرة اللي تدهوري بها شوفي بالك تحصليلها الجنسية الهندية بالاضافة لليبية تقديرا لجهودها على فكرة حتى انا طنجرتي جايبتها معاي من ليبيا على اساس مسافرة للربع الخالي ساعتها ضايقني وزن الشناطي طلع زايد بعض الكيلوات قاللي راجلي نحي طنجرتك حشمة كان يفتحوا الشناطي يلقوا طنجر وكسكاس قلتله ابدا مستحيل رجلي على رجلها نخلي كتاباتي ولا نخليها - طمنيني شنو صار مشيتي للدكتورة وطمناتك علي البيبي وشنو قالتلك ولد والا بنت

[ريم البراري]

ام قصي شنو صار في برنامج السفر حصلتي اجازة والا لا ربي يسهل عليك
يقين سخفتيني ما نحسابش عندك قراية ربي يطمن قلبك ويفك ضيقك
ام الصبيان زعلااااااااااااااااانة منك حتى في العيد احتمال ما نسامحكش
ميرنا الف مبروك الحوش الجديد وان شاء الله عتبة خير عليكم يارب
هاتو شنو صار معاك شفتي دكتورتك الجديدة اسألي عليها قبل وان شاء الله ربي يقدم اللي فيه الخير
ام اسيل كانت تخش مرة مرة من حد انا سألتها عالدكتورة راحت بخيطها تعرفي يا ام اسيل كان ما تقوليش على دكتورة كويسة باسرع وقت (تهديد صريح) انقوللهم على وزنك انا قارية الصفحات كلهم ونعرف عليكم كل شي باهي والا لا يا دبدوبة

[يقين]

مساء الخير كيف الحال ام قصي وسومه وريم البراري شكرا لردودكم اني الحمدلله قاعده نراجي في الاكيد

[يقين]

بالله كيف نطلع من الضيق اللي اني فيه والله يابنات مستاحشه اماليه وهادا اول رمضان نصيمه بعيده عنهم وفوق هادا نتخايل ان بيصيرلي شي اني ولا زوجي ولا بنتي بعيد الشر عليهم والله يا بنات نكتبلكم ونبكي والله ما ني عارفه سبب اللي اني فيه قولولي كيف نطلع من حالتي اللي اني فيها عارفين والله مانعرف حد اهني في مصر اني وزوجي وبنوتي بس تصوروا اني واخده عاللمه كيف بس كيف بيفوت عليا رمضان وفوق هادا همي التاني آآآآآه
معليشي ديمه مقلقتكم معاي ماعنديش حد غيركم زوجي مانحبش تنكد بحداه ولا نكد عليه حرام هوا بروحه متاثر من اللي صاير في البلاد
سامحوني والله انتم زي خواتي حبيت انفضفضلكم

[hatoo]

اهلييييييييين بنات انا سألت عليها الدكتوره وقالولي كويسه ولقيتها كويسه الحمدلله وقالتلي لازم تبدي تفطمي بنتك بالتدريج والاسبوع الجاي تشوف النبض ادعولي ان كل شيء تمام والف مبروك ريم ان شاء الله الشهر الجاي نسمعوا اخبار حلوه والف مبرروك ميرنا علي الحوش الجديد ان شاء الله يكون عتبه خير

[soomaa83]

السلام عليكم

كيف حالكم يا بنات
خيرك ياياقين مش انتى بس الى فى غربة وضيق كلنا زيك ونفس لبلاد
كان انتى فى مصر اهو تطلعى وتدهورى وفى نهاية عرب تفهمى لغتهم
يابالك انى فى الهند زندقى زندقى وله مانى فاهمة حاجة انى مافهمت انقليزى بنفهم هندى وماليا صاير فيهم حالة
لحد اول امس صارت فيهم حالة جو هدوك الى نسمعو بيهم فى تلفزيون لحوش اختى وقلبولها الحوش تفتيش
حتى عيونى فى وقتها معاش شفت بيهم تمنيت ماكلمتهم لانى بعيدة
وطلوع منطلعش هلبا باش ندهور نطلع السبت بس لان منقدرش نمشى هلبا

وعادى الصبر بس الله غالب شن بنديرو ربى يفرج علينا كلنا

ويا ريم توكلى على ربى زى ماقتلك لامتا بتقعدى ساكتة من غير ماديرى حل
والكلوميد اهو الباين دار حل عندك 2 بويضات بالك ربى يسخر وتحملى بى 2 هيا هكى لما ربى بيعطى يعطى بلهلبا قولى الحمد لله ونشالله خير

وبنسبة لاخبارى على الجنين شن نوعه
من حظى الحلو وكل شى مايجيش بساهل
مشيت باش انشوف حاله والحمد لله حاله باهى وكل شى تمام
ونبضه كويس يهبل يتحرك وكبير اتغير هلبا على اخر مرة شفته
لكن للاسف طلعو الهنود كلهم فى اى مستشفى ميقولوش على نوع الجنين
من حظى الحلو حسب ماسالنا قالنا واحد ميقولوش على خاطر الهند قاعدين فى عصر الجاهلية ان لو بنت اتنزلها ميبوش لبنات زى تفكير قبل

لكن الله غالب المهم حاله باهى ونبضه كويس
هى سلامات

[ريم البراري]

يقين هونيها تهون تعوذي من الشيطان ونحي عليك الوسواس الزايد والله ما فيه ليبي مرتاح والا فرحان في الوقت الحالي كلنا قلوبنا في ايدينا وكان على الغربة بالله شوفي حال الليبيين ياناري نصفهم في المخيمات متشردين في تونس ومصر وعالم بحالهم غير ربي واللي في ليبيا قصف ورعب وقتل انت الحمد لله في حوشك مستقرة معززة مكرمة وانت علاش تشوفي للسلبيات بس الحمد لله اهلك صحيحين وكويسين ياناري بالله شوفي مئات العايلات فاقدين احبابهم بسبب هالمشكلة شوفي حالهم في رمضان والعيد ربي يصبرهم انت الحمد لله ربي يدوم عليك النعمة والصحة وبعدين هذا اول رمضان معاك بنيتك ربي يحفظها وبتشريلها لبس العيد ربي يخليهالك وتشوفيها عروسة وتشوفي صغارها - يقين حاولي تداومي على اذكار الصباح والمساء والله تطرد الوسواس وتحسي بالراحة واقري القران تنسي هموم الدنيا (الَّذِينَ آمَنُوا وَتَطْمَئِنُّ قُلُوبُهُمْ بِذِكْرِ اللَّهِ أَلا بِذِكْرِ اللَّهِ تَطْمَئِنُّ الْقُلُوبُ) صدق الله العظيم

[ريم البراري]

سومة هههههههههه عليك حظ المهم الوضع كويس الحمد لله مش مشكلة جنس البيبي اللي يجيبه ربي باهي واكيد تلقوا دكاترة عرب اسألوا

[soomaa83]

ريم وصلك المسج
لان اول مرة نبعت مسج من الموقع فامش عارفة وصل او لا

[ريم البراري]

وصل حبيبتي تكرم عينك

[soomaa83]

http://forum.hwaml.com/imgcache2/hwaml.com_1311928314_842.jpg
http://forum.hwaml.com/imgcache2/hwaml.com_1311928313_846.gif
http://forum.hwaml.com/imgcache2/hwaml.com_1311928314_228.gif

[يقين]

صباح الخير وكل عام وانتم بالف خير يااااااااارب وربي يفرج علي بلادنا
ام قصي وام الصبيان وهاتو وام اسيل وريم وميرنا وسومه مبروك عليكم الشهر وان شالله ياربي يهل عليكم بالهني والصحه انتم واماليكم وازواجكم ياااااارب وربي يخليهلكم

[ام قصى محمد]

يقين هذى بس هرموناتك تحكى اسمعى حاولى انك تبتعدى عن اى شئ يأثر فيك التوتر مش كويس لاعلى بنتك وعلى البيبى وعلى علاقتك بزوجك انتى الحمد لله قوله ريم باهيه ومترايحه لاقصف ولا ملاجئ ولا شى شويه غربه تقدرى عليها
طيب اطلبى من اهلك او اهل زوجك يجوكم زياره فى رمضان
منها يغيرو جو ومنها تونسى بيهم
بعدين الى يصيرلك طبيعى جدا انا كل مانحمل نقعد مره نبكى ومره نخاف زى قولتك من انه تصيرلى انا او زوجى مصيبه والله راجلى يكملها بطلى وسوسه تعبتينى وفعلا لما رميت البيبى حسيت بالذنب لانى بالغت فى رده فعلى واعصابى كانو طول الوقت مشدودين
احمدى الله انتى بنعمه غيرك محروم منها مش قصدى نزيد عليك بالعكس انا مقدره وضعك والله حاسه بيك بس واجبى كاصديقه انى ننصحك
ونحن انشالله متواجدات كلمينا امتى تحبى

[ام قصى محمد]

والله ياريم الاجازه من يوم الثوره المدراس سكرن بس المصارف لا بس زوجى توا يقدر يسافر بس هومش مقتنعنحسه يخاف علينا
انتى انشالله توفقى مع الدكتوره الجديد فعلا خوذى كم راى قبل اى شى وانشالله ما تمشيلها ننين تباركلك بالحمل ماانتى خذيتى الدوا انشالله يصير منك الشهر هذا

[ام الصبيان]

بنات كيفكم

[ام الصبيان]

ام اسيل وينك؟؟؟؟؟؟؟؟؟؟؟
ام الصبيان انشالله امورك بخير ؟؟
يابنات لازم نمشوا لميرنا زياره باركولها انتقلت ببيت جديد انشالله يكون فال خير عليها وعلى راجلها
الحمدلله مشكورة عالسؤال كان البيت كله مريض الاسبوع الماضي زكام وكحة

[ام الصبيان]

السلام عليكم بنات مشكورات على السؤال انا كان موعدي مع الدكتورة لمتابعة التبويض يوم الجمعة او السبت لكن امس كنت نهدرز مع صديقة لي ماليزية قالتلي على دكتورة ثانية ونصحتني انشوفها لانها اخصائية وتدير حتى في عمليات الحقن وقالتلي كان بتمشيلها امشي قبل الموعد وخوذي معاك تحاليلك انت وزوجك بحيث تفهم قصتك بعدين تبدا معاك طبعا انا كلمة ترفعني وكلمة تجيبني فقلت خليني انشوفها كان عجبتني باهي كان ما ارتحتش نستمر مع الاولى وربي يسهل فمشيت اليوم اللي هو اليوم الثامن من الدورة لغرض اني نشوفها ولو عجبتني نمشيلها هي اتابع التبويض المهم مشيت سارية من الفجر قبل الشحاتة وبنتها وزوجي معايا وهو مش راضي اصلا على الكلوميد ومسكين خايف عليا لكن الله غالب الخلاصة اني شفتها وحكيت حكايتي البايخة كلها قعدت تسال فيا وبعدين دارتلي سونار مهبلي باش تطمان على المبايض وهي تشوف ضحكت قالتلي عندك بويضتين وحجمهم ممتاز 16مم قلتلها مش المفروض اكثر من 18 وقالتلي اليوم ثمانية من الدورة و مازال يكبروا للحجم المناسب وينزلوا من المبيض بعد حوالي 32 ساعة وقالتلي من غدوة ارقدي مع زوجك اربعة ايام متواصلة والابرة مش لازم منها لان كل شي تمام وقالتلي لو ماحملتيش ما ننصحكش تستمري على الكلوميد لانه يجهد المبايض وقالتلي افضل جربي التلقيح الصناعي البسيط طبعا مش المجهري ان شاء الله ما نحتاجه- وقالتلي من شهر دارت التلقيح الصناعي لوحدة ليبية وحملت من اول مرة بعد 5 سنين- روحت بديت انوسوس قلت كان يكبروا هلبة ويسببوا كيس ربي يستر وقالتلي كان تاخرت عليك الدورة اسبوع تعالي يعني معادش نرجعلها تو وهذي قصتي بالتفصيل الممل وادعولي
ماشاءالله ربي يجعلهم توم في رحمك وليد وبنية وانشوفك العام الجاي زي تجري ولا تدري

[ام الصبيان]

ام قصي شنو صار في برنامج السفر حصلتي اجازة والا لا ربي يسهل عليك
يقين سخفتيني ما نحسابش عندك قراية ربي يطمن قلبك ويفك ضيقك
ام الصبيان زعلااااااااااااااااانة منك حتى في العيد احتمال ما نسامحكش
ميرنا الف مبروك الحوش الجديد وان شاء الله عتبة خير عليكم يارب
هاتو شنو صار معاك شفتي دكتورتك الجديدة اسألي عليها قبل وان شاء الله ربي يقدم اللي فيه الخير
ام اسيل كانت تخش مرة مرة من حد انا سألتها عالدكتورة راحت بخيطها تعرفي يا ام اسيل كان ما تقوليش على دكتورة كويسة باسرع وقت (تهديد صريح) انقوللهم على وزنك انا قارية الصفحات كلهم ونعرف عليكم كل شي باهي والا لا يا دبدوبة
ليش عليك والله اني كنت مريضة والصغار مرضوا هاذا ليش ما رديت عليك

[ام الصبيان]

صباح الخير وكل عام وانتم بالف خير يااااااااارب وربي يفرج علي بلادنا
ام قصي وام الصبيان وهاتو وام اسيل وريم وميرنا وسومه مبروك عليكم الشهر وان شالله ياربي يهل عليكم بالهني والصحه انتم واماليكم وازواجكم ياااااارب وربي يخليهلكم
كيفك يا يقين وكيف بنوتك

[يقين]

ام قصي شكرا حبيبتي انت وريومه هونتوا عليا شويه

[يقين]

ريم تعرفي هادا وين قريت خبر التبويض الف مبروك حبوبه وان شالله توأم وليد وبنوته والبنوته سميها يقين باش تطلع زيي حلللللللللللوه

[ريم البراري]

رمضان كريم وكل عام والغاليات بالف خير

[ريم البراري]

مشكورات بنات على رفع المعنويات وربي يسمع منكم انا الحمد لله من قبل عندي التبويض كويس ولكن ربي قعد ما كتبليش الحمل ربي يعطيني الصبر والحمد لله على كل حال
ام الصبيان الف لاباس عليك حبيبتي وعلى صغارك وحافظي على روحك راك غالية علينا
ام قصي ربي يخليلك زوجك ومادام خايف عليكم طاوعيه وربي يفرج وتنحل مشكلة البلاد وتدهوري لين تملي
يقين يا وردة احكيلنا شنو وتيتي لرمضان وشن برنامجك والا مكسدة كيفي انا
سومة الهندية شنو صاير فيكم لقيتوا ما تاكلوا اسمعي تاكدوا من كل شي خصوصا اللحم يعني لازم يكون سوق موثوق فيه وما تعبوش على كلمة (حلال) المكتوبة على المنتجات لانهم يكتبوا فيها في كل مكان تعرفي يومها مكتوبة على باص تخيلي باص حلال ههههه انقهرت واقروا المحتويات لان عندهم كيكات فيها الكحول والشوكولاتة افخم انواع تلقي فيها دهن الخنزير اكرمكم الله
بنات مش مسامحة اي وحدة تنساني من الدعاء خصوصا في الشهر الكريم

[ريم البراري]

هاتو كيف هلال العيد هدرزي علينا شويه والا حالفة ما تزيديش على سطرين ههههههه
كل سنة وانت طيبة وما تنسيش تطمنينا على البيبي بعدما تشوفي الدكتورة

[يقين]

ريومه كي حالك اليوم
بالنسبه لرمضان اول حاجه وتيتها الصالصه متاع البيتزا ههه وعسل علشان الحلاوات باش مانقعدش نبكبك في رمضان نلقي كل شي واتي
وجبت وحده نفضتلي الشقه كلها زوجي خاي عليا قالي يمكن حامل
المهم فصصت الحمص للشربه وخلاص والباقي من السوبر ماركت
ياريم اول يوم فطورك عندي انت وشيخ الشباب

[يقين]

ام الصبيان الحمدلله يا قلبي كيفك انتي والنونوات الحلوين بالله تبوسهولي الاتنين امانه قوليلهم بوسه من خويله يقين ههههه خلهم يتعرفوا عليا وبالنسبه لفروتي الحمدلله كويسه

[اضوء]

السلام عليكم وكل عام وأنتم بخير بحلول رمضان أعاده الله عليكم باليمن والبركة أنشاء الله

[اضوء]

أسفة بنات لم نسأل عليكم ميرنا حبيبتى وأم قصى وأم اسيل وسومة ويقين وأم الصبيان وأم سعد وريم أتمنى أن تكونوا بخير وصحة وسعادة

[ريم البراري]

يقين اسمعي الاكل الليبي نعرفه لذلك نبي نجرب المصري نبي فراخ محشية وملوخية بالدجاج وفطير مشلتت وطيبيهم بروحك لاني ماناكلش في ماكلة المطاعم واحنا في الطريق سقدي روحك

[ريم البراري]

اهلين اضواء كل سنة وانت طيبة وين الغيبة طمنينا كيف اخبارك وانت في ليبيا تو

[اضوء]

أحنى فى تركيا

[اضوء]

شكرا ياريم وانشاء الله رمضان خير عليك ونسمعوا بيك حامل وتتوحمى

[ريم البراري]

آآآآآآآمين

[اضوء]

تعرفوا يابنات أستاحشت ليبيا هلبة هلبة وأستاحشت أهلى كلهم هدا أول رمضان وبوى مش معانا الله يرحمه ويغفرله أنحس فى روحى استاحشته هلبة أستاحشت هدرزته وصوته أسفة أزعاجتكم بهمومى

[ريم البراري]

ربي يرحم والدك ويغفر له ويسكنه فسيح جناته والبقاء لله حبيبتي هذا حال الدنيا ربي يجمعكم بيه في الجنة مع الحبيب المصطفى

[ريم البراري]

يقين وينك شنوا رجعتي في كلامك ياستي كان ما تقدريش الفطير المشلتت ديري حتى كشري ساهل عاد ما عندك ماتقولي (على اساس انا نعرفه هههه)

[يقين]

ماعندكش مشكله بكل يا ريري وبعدين الكشري ساهل شويه مكرونه علي شويه رز يطلع كشري وباقي الحلجات مش حنجيبهولك من المطعم لالا عندي مرات البواب فالحه وضوافرهامليانات نوتيلا ههههههههه تو ناديها اديرلك اللي خاطرك فيه موافقه

[يقين]

اضواء اهلين كيف حالك حبيبتي كل عام وانتي بالف خير وربي يرحم بوك ويرجعك سالمه لليبيا هههه انت اضواء مش سالمه
وكلنا استاحشنا ليبيا والله اهو انفوتوا بالسيف هههه سمعتي بمقلبي اني حملت وبنوتي عمرها شهرين اضحكي عالعار هههههههه

[ام قصى محمد]

اضواء الحمدلله على رجوعك لنا طيبه وانشالله كل عام وانتى بخير
ونسال الله الرحمه والغفران لوالدك
وانشالله عقبال ماتكمل فرحتك بالبيبى

[ام قصى محمد]

يقين ماشالله شكلك رايقه انشالله ديما يارب
شفتى الحمل ينفع اهو راجلك جابلك خدامه وكسبتى حاجه
ههههههههههههههه

[ام قصى محمد]

ريم طمنينى شن صار تحسى بروحك مترايحه اولا ؟؟؟
كيف كتبتى ما صار شى سامحينى ياريم لى يومين نخش ونطلع بسرعه لانى كانت عندى دفع اختى

[ام قصى محمد]

ام الصبيان والله شاغلنى حالك الصغار ورمضان الله يستر هههههههههههه

[soomaa83]

كل عام وانتو بخير ورمضان كريم على الكل

[ام قصى محمد]

اهلا سومه
استعديتى لرمضان معليش الله يساعدك معليش الغربه صعبه كله باجره

[يقين]

اهلين بنات
ام قصي نورتي ومبروك علي اختك واني الحمدلله كل شي من ربي حلو

[ام قصى محمد]

الله يبارك فيك والعقبه لفروتى هههههههههه
انشاءالله تكبر وتشوفيها عروس

[يقين]

امين ربي يحفضك

[اضوء]

علاش عار يايقين بالعكس هادى اكبر نعمة وأنشاء الله ربى أيكمل عليك وشكرا ليك ولجميع خواتى فى المنتدى والله أنحس بيكم كأنكم عيلتى

[اضوء]

مبارررررررررررررك عليكم رمضان بالله راكم تنسونا من الدعاء ردو بالكم ترقدوا وايفوتكم السحورههههههههههههه

[اضوء]

أم قصى وأنتى طيبة حبيبتى كيف حالك أنتى وبناتك وراجلكوهلنا فى الشرق ألك وحشة والله

[Om KHaled]

كل عام وأنتم إلى الله أقرب

رمضان مبارك...

[ام قصى محمد]

حتى انا اشتقت لك اضواء
وانشالله رمضان كريم على الكل

[يقين]

ههههههههه حي عالمقلب الميه قاصه شكلنا بنقعدوا بلا سحور عليك حظ

[ام قصى محمد]

هههههههههههه
يقين اسحرتو ولا مازال تصدقى انا راجلى من الواحد الظهر لعند توا 2 الفجر وهو بشغل المصرف ما المرتبات جن والناس الله غالب مش قادره تصبر والمسكين على عليه اكيد مهدود حيله وانا قاعده نبكى بروحى البنات رقدن وعمتى معلنه الحرب عليا حتى الخير ماتقول فيها وانا من الصبح بروحى
قلبت الحوش قلب وغيرت الديكورات ونظفته وتيت السحور انشالله يجى بدرى

[ام قصى محمد]

كيف نايمين او بديتو الطبخ
انا توا بس نبى نخش ندا المهم اليوم شربه وطبيخه فاصوليا خضرا ورز ابيض وسلاطه باذنجان وسلاطه خضرا

[يقين]

هههه ام قصي كيف حالك اليوم هادا يا حنه امبارح مشي راجلي جابلنا اميه من المحل لما حطيت الطنجره عالنار جت الميه ههههه الميه تبصر معاي
المهم اني توا قرضت خضره البراك بندير براك وبيتزا وكفته وشربه
تعرفي يا ام قصي الجو مكسد اعيييييي قبل متعوده علي اللمه والعيله وتوا بروحي

[يقين]

ام قصي كان نعطيك لغز تقدري تحليه ولالا هادا يعتمد علي ذكائك

[يقين]

اام قصي السؤال مش لغز غلطت اسفه
المهم السؤال هوا
اين ريم البراري ولماذا غائبه لمده يومين من التجمع ههههههههههاي كان جاوبتيه نعطيك براكه

[يقين]

ريم البراري ما صدقت الدكتوره وصتها خطت فينا بكل وقعدت تشتغل

[ام روفيدة]

السلام عليكم ورحمة الله وبركاته مبارك عليكم رمضان ويارب يكون النصر قريب على الطاغية واعوانه - اختي ام قصي كيف حالك إن شاء الله بخير -اضواء الله يرحم بوك ويسكنه فسيح جناته حتى اني جدي مات يوم الجمعة اللي فاتت وما شفته ولا طلبت منه السماح واجعني لين خلاص ربي يرحمه ويوسع عليه قبره - يقين ما شاء الله عليك الباين عليك هدرازة هلبة كيف حال بنتك - ريم البراري وسومة كيف حالكم ؟ ان شاء الله بخير ورمضان مبارك على الجميع وما تنسونيش من دعائكم

[يقين]

ام روفيده اهلين كيف حالك وكل عام وانت بخير

[يقين]

حالها باهي بنتي اليوم طلعتلي قرون تخليني نحط ايدي في حاجه وتنوض تعيط بتهبلني بوها عودها عالشد وتوا يطلع من العصر يقرا في ختمته يروح المغرب من الجامع واني نعاني في فروتي ونعاني في الفطور

[يقين]

هههه ام قصي نتخايل فيك عطصتي في الشربه لنصك وبعدين اتكيتي عالحيط وفلتي ااااااااه ياكرشتي حسني فشلت هههههههههه هادي اني اندير فيها

[ام قصى محمد]

عسل يايقين والله مانقولكش بطنى توجع فيا من الاكل اه ه ه ه ه
المهم مش اكل اكثرها سوائل انا نحب الميه واجد مع انى لما نحمل مانشربها بكل نين يجينى التهبات اجلكم الله
المهم انا اليوم فقدت اعصابى على جونى قهرتنى اليوم

[ام قصى محمد]

مانقولكش يقين شكلها ريم اليوم فطرت شغل رسمى ههههه
حى علينا توا تجى وتلقانا نهدرزو عليها هههههههههه

[ام قصى محمد]

اهلين ام رويفده والله اشتقت لك شن اخبار رمضان معاك
كل عام وانتى بخير
والبقاء لله فى جدك تصدقى الجد ديما له مكانه انا السنه قررت انى ندير ختمه لجدى اب امى نحبه واجد الله يرحمه

[يقين]

ام قصي عارفه لما نشرب الميه خلالالالالالاص مانقدرش حتي نتحرك وبالنسبه للريم تو بتشقلب التجمع علي روسنا ليا يومين قايمتها عليها ههههه

[يقين]

اللهم بحقك وبحق جاهك وبحق وجهك الكريم
اللهم ياارحم الراحمين اللهم يا حنان يا منان اللهم يا ذا الجلال والاكرام اللهم يارزاق ارزق ريم البراري بالذريه الصالحه المعافه السليمه اللهم امييييييييييييييين يارب العالمين

[ريم البراري]

ياعيني هذا كلة صاير من ورايا تباهي يايقين زيدي تسهوكي زيدي انت وام قصي وعلاش لا مش منك من العزومة المليحة اللي درتيهالي
تعرفوا يا بنات يقين عزمتنا امس انا وراجلي وشدت فينا بشكل لدرجة اني تشوقت قلت زعمة شنو مجهزتلنا من مراسم المهم مشينا وصلنا لشقتها قعدنا نطقوا على الباب ونرنوا في الجرس قريب ساعتين حتى جيرانهم انزعجوا قلنا نرجعوا وخلاص واحنا نازلين الدروج فتحوا الباب المهم سلمنا وخشينا يقين مكشمة زي الغولة حتى ابتسامة ما ابتسمت اذن المغرب جابت عاد الفطور وما نحكيلكم عالفطور الشربة مااااالحة ومكثرتلها حبوب الشربة خاااااثرة انا نحسابه رز في البداية والبراك بصل صافي وكبيييير البراكة زي المخدة والبيتزا شكلها بدون خميرة ثقيلة زي خبزة الشعير وما فوقها لا جبنة ولا طن ولا شي شوية طماطم محروق بس وهذا تقول مجهزة الصلصة من قبل رمضان اللي يسمع يصدق ومادارتش كفتة بكل غير امس تقول مدايرة كفتة لا لا كلام وخلاص باش انتم اتقولوا ناشطة وفالحة وطبعا هي مركزة عليا كيف ناكل ما واطتش عيونها لحظة وبنتها تعيط ما سكتتش دقيقة تكسر الراس وبعد هالعشي السمح جابت شاهي زي القطران مرررررررر ومصقع حتى حاجة حلوة ماجابتش معاه هذا غير تقول مجهزة العسل للحلاوات لالا لاعسل لا شكلاطة انا ما شفت شي وبعدين دخلت للدار معادش طلعت انا نحسابها رقدت وفاتتني قعدت قريب ساعة ولما ناديت عليها قلتلها بنروح بالسلامة طلعت – اسمعوا بنات ماتقولولهاش اني دويت عليها فكوني منها ومن حرجها الخلاصة انها عزومة زايطة وماتنتساش بكل وهذا علاش غبت عالتجمع وقعدة تعبانة من الملح والبصل الني اللي كليته

[ام الصبيان]

رمضان مبارك يابنات

[ام الصبيان]

والله يابنات اني في حالة اصغاري الزووز اسهال حشاكم . والله انحس ظهري بينكسر من الرفع والحط
قولولي شن انديرلهم عشان يوقف ,

[ام الصبيان]

ريم ماشاءالله عليها يقين ادربت فيك

[ام الصبيان]

بنات شن امدايرين في رمضان

[يقين]

هههههاي ياريم اولا اللي فتحتلك الباب هادي شغالتي احم احم احم واللي كليتيه رزامبكبك مش شربه انتي غالطه وما تعرفيش الاكلات زين وبالنسبه للركديه اللي تسحابيه شاهي هادا كركاديه
وعلي هالفضايح اللي درتيهولي بري ان شالله تجيبي 4 توامه وتقعدي كيف ام الصبيان

[ام الصبيان]

عطك السلامه يا يقين انت وريم , كيفك ورمضان والبنوته

[يقين]

ام الصبيان اهلييييين نورتي وكل عام وانتي بخير