تجمع حوامل ليبيا

[hatoo]

ان شاء الله ربي يشفيه عن قريب ويرزقك عن قريب , وربي يخليك بناتك بوسي , والله انا مازلت مافكرت شنو ندير لانو راجلي روح الصبح لان جدته تبي دير عمليه كان معاهم وشكله مش حينوض الا بعدين فحندير خفيف وخلاض

[poucie]

ام وسونة انشاء الله ربي يشفيلك زوجك ويرزقكم بالذرية الصالحة عاجلاً غير اجلاً انشاء الله

[hatoo]

بنات عن اذنكم نبي نطلع رتولي هبلتني ومتبيش تاكل

[ام قصى محمد]

السلام عليكم
ام وسونه الله يشفى زوجك وترجعى تشتغلى اذا حابه

هاتو الله يكملك حملك على خير ويحفظلك بنوتك

بوسى حرام بنيتك صغيره انا فى بنتى زيك خلاص شيلى الحفاظ بنتك كبيره تفهم والله تعبتنى والبنت جتها عقده راجلى قالى رديه لها ولما تفهم راح تتعلم بروحها وفعلا على السنتين و9 شهور بروحها تمت تفهم ولما محيته لها ما تعبتنى بكل حتى فى الليل ما تبلل فى سريرها
خلى بنتك مازلت صغيره
على فكره بوسى نفس مواليدى 83 انا دارسه لغه انجليزيه من درنه متزوجه من 5 سنوات وعندى بنتين
وحملت فى وليد بس نزل فى الخامس هذا الكلام من شهر 1 الى فات ومازلت مش مخططه حمل توا

[ام وسونة]

اهلين اختي ام قصي كيف حالك

طيبتي غداك ولا مازال

[يقين]

السلام عليكم كيف حالكم بنات اليوم ان شالله كويسات اني نخش كل يوم نقرا اخباركم ونطمن عليكم ونطلع معاش نكتب زي قبل

[يقين]

ام قصي ان شالله ربي يرزقك بتوأم اولاد

[يقين]

ام قصي قتلك درت مانع وافتكيت من التفكير
مع انه صاحبتي خوفتني وقالتلي في وحده تعرفها حملت علي اللولب جابت طبيعي ودارولها عمليه زي القيصريه باش يطلعوا اللولب بس اني ماقدرتش نقعد بلاه خايفه نحمل ونحصل بعدين

[ميراس]

يقين كيف حالك وخيرك تقرى وتطلعى شن صار فى هلك

[ام وسونة]

كيف حالكم يقين وميراس

[ام وسونة]

شن قاعدين ولاطلعتوا ياحلوات

[ميراس]

لا قاعدة انى اليوم طابرتلى ياام وسونة

[يقين]

بنمشي نتغدى ونرقدhwaml02hwaml02hwaml02hwaml02hwaml02

[يقين]

مروسه علاش طايرتلك سلامتك من الزعل

[يقين]

ام وسونه كيف حالك وحال الاموره

[ميراس]

اتصدقى ياام وسونة اليوم اسمعنا ان هالكلاب اتخدوا حبس الشباب فى الحاويات طريقة ليهم اليوم اسمعنا ان حاويات حابسين فيها شباب والناس ماقدرتش اتفك عليهم والله راجلى اقريب ايطير طلع مش عارف كيف ايدير من غير الشباب اللى عدموهم فى السوق

[يقين]

ميراس غير هكي ماعنديش خلوق نكتب واهلي مانعرفش عليكم شي

[ام وسونة]

خيرك وخيه ميراس عسى ماشر

يقين صحيحة مقدما بس قولي شن درتي غداك

[يقين]

ميراس تي اماله اني شن انقول اللي اهلي قاعدين في وسط البلاد ومايهنوش في رواحهم بكل الله غالب اني ما في شي في ايديا عندي حاله هستيريا نضم في الحوش ونفض ونغسل في الدبش النضيف ونحدد في المحدد هذا كله من الهم اللي اني فيه نفوت في الوقت بالسيف الله غالب

[ام وسونة]

لاحول ولاقوة الابالله ربي يصبر اهاليهم

وصدقيني كل حاجة لها نهاية ادهوا انها تكون قريبة

باش تحقن دماء شبابنا

[ام وسونة]

الله غالب ربي يطمنك على اهلك وخيه يقين

[ميراس]

يقين اهلك اكيد مافيهمش لان الظهرة مايالاها شى الشى كله من السوق الى الفقهى اللوطيين بعدين جايين من اول امس عايلات اصحابنا من بنى وليد ومن عايلة من القطانشة وصدقينى مافيش حد فيه شى

[ام وسونة]

ربي يطمنكم

[ميراس]

واكيد حايطلعوا

[ام وسونة]

وخيه ميراس كيف حال صحتك توا ماقولتيليش عندك صغار او لا

[يقين]

ام وسونه غداي كسكسي

[يقين]

ميراس امس متوفين 7 شباب 5 من الدعكا و2 خوازم واحد منهم صاحب راجلي الروح بالروح

[ميراس]

والشباب اللى اعدمومهم كلهم من الدعكى والخوازم واحد منسلى واكتر المساجين بين الدوايرة المناسلة الخوازم والدعكى لانهم ربى ايسامحهم طلعوا رافعين العلم والبلاد قاعدة امسيطرة عليها الكتائب وهم اسرعوا انشاالله ربى يفك عليهم وماتتعاود ماساة الحاويات

[ام وسونة]

توا نستاذنكم شكلكم مشيتوا تتغدوا وماتعزموش

خلي نمشي نشوف شيخ شباب شوية ونرجعلكم

[ميراس]

ام وسونة انا عندى ولدين على فكرة انا عجوزة المنتدى لانى اكبر وحدة فى المنتدى مواليد 75 وعندى 18 سنة تقريبيا

[ميراس]

طلعتوا انا بنطلع ادا مافيش حد

[يقين]

اني قاعده يا ميراس حتي الرقاد مش راقده

[يقين]

ام وسونه هي تعالي معاي اني بروحي حتي راجلي مهناك عند مقابله اليوم مع الدكتور متاع البحث بيروح العشيه

[يقين]

نحس في حاجه غامه علي قلبي النفس عندي بالتقسيط

[يقين]

يابنات التحديث كيف اديروا فيه قولولي نقعد نستني عام باش تطلع المشاركه اللي بعدي

[يقين]

هيا باي شكلي بروحي

[ام وسونة]

اني جيييييييييت

العمر كله يارب وخيه ميراس وبعدين عمرك هذه يقولولها زهرة الشباب

[ميراس]

شكرا ام وسونة هدا من دوقك

[ميراس]

علاش اتعطلوا فى الكتابة نقعد نستنى فيكم وشاشاتكم مفتوحة المشكلة

[ميراس]

يقين صدقينى اكيد انشاالله مافيهمش قلتلك القطنشى هدا جاى من بنى وليد طول الحاجة الوحيدة اللى قال عليها الشيبانى محمد شرتل هدا توفى لانه مريض

[ميراس]

بعدين والله نبى نسال عن عائلتك لكن مش عارفة كيف والله نبى انطمنك

[عيون زوجي]

السلام عليكم
كيف حالكم كلكم يا مدامات
يقين ربي يهني بالك
ام عويضة انستينا العمر كله ونتشرفوا بمعرفتك
ياناس عندي صاحبة بينكم وراحت ماعادش لقيتها
منو يدلني اعليها
ســـــــــــــــــــــــــــــــــــــــــــــــــ ــــورينااااااااااااااااااااااام وينك؟

[ام وسونة]

اني قاعدة نهيج في المنتدى لكن مانلقاش فيكم نطلع

[عيون زوجي]

ميراس امتى مروحه؟؟؟؟؟؟؟؟؟؟؟؟؟؟؟

[عيون زوجي]

ام وسونه كيف حالك وحال وسنوقوليلي كيف تقضي في يومك
انا مكسدة الصبح انكمل قضيتي ونقعد مكسدة نعيط وراء الصغار بطل اركح لين يجي راجلي الساعه 5 العشية يرقد لل 6.30 ومرات نطلعوا انديروا دورة بالسيارة والاغلب نقعد مكسدة بين الكوجينه والغساله وتغيير شمالات الصغار
نتمنى اندير شغاله من كثر انحس في روحي طول اليوم نبرم زي الشغاله

[عيون زوجي]

بوسي كيف حالك يا مدام بوسي وحال البنيات شن قصتك تخصصك فرنسي وتسافري لفرنسا حتى بنتخصص فرنسا باش نقدر نسافر قوليلي منو يسفر فيك منو؟؟؟؟؟
حتى انا بنتي اكبر من روان عمرها سنتين و4 شهور قبل العيد حاولت معاها يومين وشريت المحبس متاع الموسيقى وقدمت كافة الاغراءات ومافيش فايدة
تصدقي اتشد في الككا والبي بي طول اليوم لليل تخيلي
ولما شكيت منها في المنتدى خديت نصيحة اختي ام قصي اللهم ارزقها بقصي واجلت الحكاية لين تولي عمرها سنتين و 6شهور يعني شهرين تانيين
مع العلم حتى ولدي كبر وعمره سنه وريحة الككا تقلب الراس لانهم بسلامتهم بدوا ياكلوا في المما
ربي يصبرنا ويعطينا الاجر يارب

[عيون زوجي]

ام قصي شنو هو المانع يلي مدايرته حاليا ما تقوليش لولب زي يقين
لاني مش مقتنعة بيه
لانه في بعض المشايخ محرمينه
وللتفسير اكتر ان اللولب فيه مادة تقتل البويضة المخصبه بعد تخصيبها وهدا حرام وهالتفسير من زوجة خوي دكتورة نساء وحتى اخت زوجي دكتورة نساء

[عيون زوجي]

شكلي بروحي وام وسونه طلعت وخلتني يا ناري اعليا

[ام وسونة]

كيفك اختي عيون

والله يومي نقضي فيه كالتالي نفيق الصبح الساعة 8.30 او 9.00

نفيق وسن وبعدين نفطر ونبدا نتنت وبعدين نفيق زوزي نسقده

ونبدا في ضمان الحوش ونفكر للغدي ونرجع تاني للنت شوفتي الملل

ووسونة تيبسلي في ريقي لكن مدايرة حس في الحوش

مع الواحد يجي الحب نتغدوا ونقيلوا وبعدها نطلعوا ولما نروح نتعشوا

ونرقد من الساعة 11 تخايلي بالتفصيل الممل

[عيون زوجي]

ســـــــــــــــــــــــــــــــــــــــــــــــــ ـــــــــلاااااااااااااااااااااااااااااام توا انشوفكم لما نروح لاني ماشية لجامع الصقع توا نحكيلكم بعدين واعلاش

[ام وسونة]

خليك اني قااااااااااااااااااااااااااااعدة

[ام وسونة]

اني اللي ياناري عليا ديمة قاعدة بروووووووووحي

[عيون زوجي]

رجعتي يا ام وسونه هلا بيك
ماشاءالله راجلك يمشي بعد ال 9 ويروح ال 1 شن يخدم سعدودك
انا راجلي يطلع ال7.30 ويروح ال5
يشتغل في شركة نفطيه
وترقدي من 11 ياسلام انا يوميل نرقد صلاة الفجر وانوض 10.30 او 11 وصغاري ينوضوا ال 12.30 لانهم يرقدوا الساعه 2 او 2.30في الليل
نظام شهر رمضان قاعد ساري المفعول ممكن لاني قعده صايمه

[عيون زوجي]

رح نزيد شوي على خاطرك ومن حظ راجلي باش ايزيد يرقد
بنسئلك تسوقي في السيارة ولا لاء

[عيون زوجي]

؟؟؟؟؟؟؟؟؟؟؟؟؟؟؟؟؟؟؟؟؟؟؟؟

[ام وسونة]

راجلي حاليا عمله هكي تصدقي قبل الاحداث مانتلقاش معاه اكثر من ساعتين

او ثلاتة ماهو توا مافيش شئ في الجامعة والخدمة متع العشية بدت امس

بس بعد انقطاع اكثر من 5 شهور

[ام وسونة]

بالنسبة للسيارة نسوق بس مايعطيش فيا هلبا لان سيارتنا مارشة عادية

قالي لين نغير اتوماتيك مسكين خايف عليا لان طريقنا تخوف الحق

قبل بنغيروا السيارة في شهر 2 بس صارت الاحداث الحمدلله

[ام وسونة]

الووووووووووووو وينك ياعيون

[ام وسونة]

شكلك فيقتي راجلك مستعجلة حتى هو سوق جامع الصقع

والواحد مش كل يوم يحصل طلعة

ههههههههههههههههه

[يقين]

في بنات بالله عليكم تدعولي
لما طلعت من اهني اتصل بيا خوي والله يا بنات وحياه بنتي الا يتكلم بطريقه اتخوف كانه خايفني نعرف شي بعدين قالي وين راجلك يبي يكلمه قتله مهناكش قالي باهي باهي قتله انت وين قالي برا بني وليد وسالني شني امته بتروحوا اول مره يساله السؤال هادا وقالي ما تتصليش بحد اتصلي علي اني بس والله اله يا بنات ابصر شن في وتوا عبيت رصيد ونضرب عليه يدير عليا مشغول قولولي كيف اندير وين نمشي من نكلم حتي راجلي مهناك
محتاجه دعواتكم بالله ادعولي والله نكتبلكم واني نبكي ياااااااربي طمني

[ام وسونة]

ربي يطمنك باذن الله مافي شئ ....

غير انتي في الغربة وبعيدة فقلبك مش حيقول خير

[ميمونة]

السلام عليكم شن حالكم بنات

[ميمونة]

ايه حبيبتي كيف حالك وينك مغطسه شن ركبتي نت

[hatoo]

ان شاء الله مافي الا الخير يايقين وربي يطمنك عليهم واستودعيهم عند الله الذي لايضيع ودائعه استودعيهم راك تنسي وان شاء الله خييييييييييير

[ميراس]

يقين انشالله خير باهىشن افهمتى منه وشوفى باهلك بالك اتحصلى حد والله حسك اشغلتيى اسمعى دبرى اعطينى رقم تليفونك ضرورى بنكلمك

[ميراس]

ابعتيلى رقمك عالخاص

[ميراس]

اعيون انا مازال مش معروف امتى انروح

[ميراس]

قاعدة نلوى ابروحى شورنى مافيش جد

[ام وسونة]

تروحي بالسلامة وخيه

[ام وسونة]

اهو اني قاعدة خيرني اني ماشبهش هههههههه

[ميراس]

شكرا حبيتى والله اقلقت واحدات اليوم ماترة هلبا

[ميراس]

مافهمتكش ام وسونة

[ام وسونة]

وينك ميراس اني توا ندوي برووووووووووووووحي

[ميراس]

خيركم اطولوا فى الكتابة

[ام وسونة]

الله غالب ياغالية شدة وتزول ان شاء الله

[ميراس]

مانعرفش علاش النيتو مانزلش ناس ينقدوا هالشباب والا ايديروا اى حل

[ام وسونة]

ماهو النت تاعب شوية

[ميراس]

يابنات انى طالعة اشوى

[ام وسونة]

ربي ينقذهم ان شاء الله والله يقطعوا القلب

[ام وسونة]

خودي راحتك اصلا مافيش غيري

[ام وسونة]

مافي حد شكله

[ميراس]

السلام عليكم ورحمة الله وبركاته

[ميراس]

يقين طمنينى شن صار فيك

[ميراس]

ام وسونة طلعتى والا قاعدة

[ميراس]

ام قصى اليوم ماقابلتى شنى اماله فى حوش بوك كيف حاله انشالله بخير

[ام وسونة]

اني قاعدة ياميرس

[ام وسونة]

ويييييييييييييييييييييينك

[ميراس]

سسسسسسسسسسسسسسسسسسسسسسسسلام من الغيض

[ام قصى محمد]

السلام عليكم
انا توا خلاص تحت الصفر النفسيه تعبانه
اليوم كنت عند اهلى واطمنت على ابى وفى الليل خلاص نبى نمشى لقيته يوتى فى شنطته وقال راجع للجبهه الفجر
والله خلاص خلاص يعنى خوتى مانعرفوا عليهم حاجه لانه مافيش اتصالات وهذا ابى رجع للقتال
حسبى الله ونعم الوكيل فى معمر واعياله و الى معاه
يقين الله يصبرك ويطمنك علي هلك وحسبى الله ونعم الوكيل

[أم عويضة]

اتصدقى ياام وسونة اليوم اسمعنا ان هالكلاب اتخدوا حبس الشباب فى الحاويات طريقة ليهم اليوم اسمعنا ان حاويات حابسين فيها شباب والناس ماقدرتش اتفك عليهم والله راجلى اقريب ايطير طلع مش عارف كيف ايدير من غير الشباب اللى عدموهم فى السوق

الله يفك عنهم ها الهم اللي قاعدين فيه والله مشغولين على الاهالي اللي غادي ويستر الله فيهم ياخيتي متمسمرين قدام التلفزيونات وخلاص بيش نسمعوا اخبارهم

[أم عويضة]

السلام عليكم و أسعد الله صباحكم
اللهم اجعل هذا اليوم مبارك ويحمل في ساعاته الاخبار الحلوة كيف حالكن أخواتي

[أم عويضة]

تعرفوا يا بنات نبي مساعدة نبي انحي لروان الشمال ومش عارفة كيف انديرلها بسلامتها ذكية وكل شيئ تعرفة إلا الككا (حاشاكم )هبلتني تعرفوا انحطها ساعة كاملة على (حشاكم) المحبس ومادير شيئ واول ما نلبسها الشمال انديرها والله هبلتني مرات انقوللها خودي حتى بخاطري وديري بيبي (اكرمكم الله) لاكن والله شيئ اللي عندها طريقة اتقولي على فكرة هي عمرها سنتين وشهرين
كل طفل وقدرته في الاستيعاب المهم عمرك ماتضربيها على الموضوع هذا
وبالذات موضوع دخول الحمام (اكرمك الله ) ما يبيش ضرب hwaml4بناتي كل وحده تعلمت في عمر لكن ماوصلنش للسنتين ونص الا وهن ناظفات
ابدي معاها من الصبح اول ماتنوض حطيها شوية وبعدين اذا قررت انك تحولي( الكافولة )ماعاش ترديها لها فيه كولتات نايلو استعمليهن احسن في هالمرحلة لكن عليك بالصبر والصبر
(ناااااااااااااقصين صبر توا احنا ساداتنا الجبهات )هههههه
ان شاء الله تستفيدي من اجابتي

[أم عويضة]

يقين طمنينى شن صار فيك
ميراس ويقين

شن اخبار أهلكم اتصلتوا بالبلاد والا لا انتوا من بني وليد ؟؟والا من سرت
أم قصي الله يردهم سالمين غانمين

[ام وسونة]

صبحكم ربي بالخير وخيات

ويارب يطمنكم على اهاليكم ويرجعولكم بالسلامة

يقين ياريتك تخشي نطمنوا عليك وطمنينا على اهلك

وخيتي ام قصي خليها على ربي واستودعيهم عند باذن الله يرجعوا بالف خير

[poucie]

كل طفل وقدرته في الاستيعاب المهم عمرك ماتضربيها على الموضوع هذا
وبالذات موضوع دخول الحمام (اكرمك الله ) ما يبيش ضرب hwaml4بناتي كل وحده تعلمت في عمر لكن ماوصلنش للسنتين ونص الا وهن ناظفات
ابدي معاها من الصبح اول ماتنوض حطيها شوية وبعدين اذا قررت انك تحولي( الكافولة )ماعاش ترديها لها فيه كولتات نايلو استعمليهن احسن في هالمرحلة لكن عليك بالصبر والصبر
(ناااااااااااااقصين صبر توا احنا ساداتنا الجبهات )هههههه
ان شاء الله تستفيدي من اجابتي

صباح الخير
صحيتي يا ام عويضة على النصيحة وانشاء الله ربي يخليلك عويلتك انا حنخليها على راحتها وخلاص على قولتك والله ماعاد فيه صبر ساد الجبهات هههههههههه

[ام وسونة]

صباحو وخيه بوسي

[poucie]

صباح النور ام وسونة شخبارك اليوم

[poucie]

يقين شن صار معاك انشاء الله خير ربي يطمنك انشاء الله

[ام وسونة]

والله الحمدلله لكن مكسسسسسسسسسسسسسسدة

[أم سعد]

السلام عليكم

[poucie]

بالله يا ام وسونة ما تحكيش عليه الكساد هذا ضاربنا كلنا الواحد ماعاد عارف شن يدير باش غير يطير الكساد وغير الروتين

[poucie]

شكله مافيش حد

[ام وسونة]

اختي بوسي ابعتيلي ايميلك عالخاص خلي نهدرزوا عالماسنجر احسن

[ام وسونة]

وعليكم السلام اختي ام سعد كيفك وكيفا زوجك وسعودي وينك عالماسنجر

[ام قصى محمد]

السلام عليكم
مشكورات خواتى على الشعوركم والله اليوم واعيه ضايقه بيا الواسعه كان نصيد نطب فى الجبهه مع ابى وخوتى
ام عويضه شرفتينا وانستى خواتك
بنات انقوللكم لما انشوف ام وسونه وبوسى معش نحكى معاهم صار تبو ترخونا وتسهرو على المسن وطيب
بس قولولى وندوس او ياهو او سكاى بى او فيس لانى عندى حساب فيهم كلهم هههههههههههههه
بلكى نونسكم

[عيون زوجي]

السلام عليكم
كيف حالكم اليوم وان شاءالله يومكم طيب والاخبار تكون طيبه وساره
ميراس .....كيف حالك وشن اخبار ناسكم يلي في بني وليد طمنينا
يقين ....شغلتينا اعليك شن صار معاك كلمت اهلك ولا لا ربي يطمن قلبك
ام قصي .....ربي يفرج عليكم وعلى هالبلاد وربي يردلك بوك وخوتك سالمين وهم وكل الثوار استودعيه عند الله وادعيلهم بالحفظ والنصر يارب
ام عويضة .....فسريلنا اسمك عندك ولد اسمه عويضة والصورة يلي حاطيتيها بنتك ولا ولدك ماشاءالله عليه او عليها وشن اسماءهم صغيورتك وانتي حامل ولا لا
ام سعد ....وين هالغيبه كيف حالك ياجارتي وشن اخبارك
ام وسونه ....انتي اكثر وحدة منورة التجمع ماشاءالله
ايه ....كيف حالك وشن اخبار خوك يكلم فيكم ولا لا
هاتو .....شن جو بنغازي احكيلنا بالتفصيل اخر اخباركم غادي
بوسي ....وسعي بالك مشكلتك زي مشكلتي وبنتي اكبر من روان بشهرين وسعي بالك
ام اسيل ...يا احبيبه وين غطستي شدي اسيل من ودنها ونوضيها من على النت وخشي هدرزي معانا استاحشناك
ميرنا .....انتي شفرتي من يوم ما خشيت وين مشيتي طمنينا على عموري وبوه
ميمونه ....امس شكلك عند اهلك شفتي الدكاء كيف حالك وحال نسرينا وشن اخر التطورات مع طبيبه النساء متاعتك
ام روفيدة ....والاخت اعتدال..... وينكم؟؟؟؟؟ تخشوا زي هلال العيد
ان شاءالله ما نسيت حد لاني نكتب ونخمم عالغدي شن انطيب ما تقولوش اماخر اصلا راجلي يروح ال 5 العشية مازال الوقت معاي

[ام قصى محمد]

المهم انا مش عارفه شن دير غدا يا بنات شن دايرين غداكم

[عيون زوجي]

منووووووووووووووو موجودة من المدامات توا

[عيون زوجي]

ام قصي كيف حالك يا غاليه وطيب عسلامة بوك وان شاءالله يرجعلكم بالسلامه هو وخوتك يارب

[ام قصى محمد]

اهلا عيون شفتى الخيانه الى ايديرو فيها ام وسونه وبوسى

[عيون زوجي]

انا ندور ندور ونرجع للرز لان راجلي ما يحبش الكسكسي وانا ما انحبش المكرونه هلبه
ممكن رز مسقي لالا ادكرت ماعنديش رز امكركب عندي بس رز بسمتي الطويل
شكلي بندير رز بلاو (بالخلطة) ومعاه ممكن شربه او بازيليا حسب ما نفركس في بوقي شن هناك
وانتي شن ناويه اطيبي

[ام قصى محمد]

الحمدلله عيون انا بخير والبنات مجنينى وانا على اعصابى وخلاص معش فى وقت ومش عارفه شن دير الغدا انفكر انقوله ايجي مفرم وانديرله كباب فى الطنجره الشاطره بسرعه ما اطيب
قلت ممكن تلاها بطاطا وكوسه مقليه وسلاطه باذنجان مطبوخ بالصلصه

[عيون زوجي]

http://center.jeddahbikers.com/download.php?img=136687 (http://www.libyanyouths.com/vb/t70852.html)

[عيون زوجي]

قوليلي كيف طريقه الكباب في الطنجرة انا اندير فيه في شوايتي الكهربائية او عالفحم

[عيون زوجي]

وسعي بالك انا حاسه بيك ما بعدك بس اطمني وارمي حمولك على ربي وقل لن يصيبنا الا ما كتبه الله لنا
واللهم احفظنا واحفظ كل اهل ليبيا وشبابها بحفظك التام وبعينك التي لا تنام

[ام قصى محمد]

عيون شن اخباركم فى طرابلس
امس طلعتى

[ام قصى محمد]

هذى الطنجره الى زى الشوايه راهى تشتغل على الهوا
اشتريتها من مده بصراحه روعه فى التسخين ولما تشتهى الشوايه تحلفى عليه مشوى على الفحم الطعمه والشكل بصراحه قعدت مانعدل على الكوشه الكهربائيه معها
فى الى يسميها مكموره وفى من يسميها الطنجره الشاطره

[ام قصى محمد]

بس يرجع راجلى راح انصروها لكى عشان تعرفيها ممكن انتو عندكم لها اسم ثانى

[عيون زوجي]

طرابلس ولله الحمد كويسه جدا جدا اللهم احفظ نعمة الامن والامان علينا يارب
طلعت لسوق كبير عندنا في طرابلس خاص بالسجاد والجلسات العربيه والفرنجيه والستائر وفيه محلات ملابس وحاجات تانية بس شوي مش هلبه واسمه جامع الصقع خديت قماش للمنادير متاع حجرة المعيشة يعني للتقعميز مش للضيافة وممكن اليوم يجهزوا
وطرابلس كلها منورة لان بوك وخوتك ومن معاهم هم السبب بعد الله سبحانه وتعالى يلي مخلينا مرتاحين ولله الحمد
افرحي وافخري انك من عيلة ابطال واسود

[عيون زوجي]

صوريهالي ماتنسيش ممكن حسب تخيلي قصدك طنجرة البورديم احنا مسمينها في طرابلس

[ام قصى محمد]

بس يرجع راجلى راح انصورها لكى عشان تعرفيها ممكن انتو عندكم لها اسم ثانى

[عيون زوجي]

اقري هالابيات لقيتهم في منتدى تاني ضحكوني.............

[عيون زوجي]

نخليكم مع كلمات عجبتني ... واللي عنده يزيد


بالمصري : ارحل يعني موش عاوزينك *** تحكمنا من تاني فــعينك
بالخليجي : تبغي ولا ما تبغيش *** معانا والله ما عاد اتعيش
بالتونسي : طول راهو برشا برشا *** تبيله فالحفرة خشه
عهدآ عهدآ يا فتاح ***أنقصوا راسه هالسفاح
قالو ميت زوج عويشة *** والشفشوفة زاد رعيشه
علي صالح وجها محروق *** العقبا لطاغي مشنوق
حيه على راجل صفية ***ادور فيه الجينائيه
شاكير ايعيط: ياهووووه ***القائد سرواله قصفوه
عيلت معمر حاسوا حوسة *** وين نشق عليهم كوسة
أمعمر وين أوحل في قومه *** جاب عبيد و قال حكومة
حي عليه النار كلاته *** جاته من عند انساباته

يا البيضاء نلقنك حاجه *** خليتي هالصقر دجاجه
قاعد ما عندي ما اندير *** صابر صابر نين اتطير
خوذ كتابك يا شيطـان *** نبوا السنـــه والقران
عزيز انكان معاى نقص*** انودة بربعطاش ونص
خوالك منشغلين عليك *** تل ابيب اتراجى فيك
امغير عليش اتحارب فينا ***ماقدرو الطليان علينا
يا خذ سوك يا شفشوفة *** واحد تسعة معاد اتشـــوفـــة
بره يا عويلة صفيه *** خربتو الدوله الليبيه
ايرفرف بو نجمة وهلال *** عليه دفعنا دم حلال
الجيش اللي في تشاد فنيته *** اهم صبولك ذريته
يالاباس عباة اجدودى *** من لاخير طلعت ايهودى
جاك الطز اللى مايطزك *** ساركوزى من برقه لزك
ماتبطل من هاالهزايب *** لاقصر عيل لا شايب
الليله ديريلا بوماطا*** راه الطاغى زاد عياطه
يرقى ينزل فوق يطير *** نبو راسه من الاخير
اجعنك ياقتال ضنانا*** اتعفن ماتلقا جبانه
يابلاد المليون شهيد *** لزى هالمرعوش بعيد
غير اطلع يادكتاتوري *** اطلع والتحليقه شوري
منبوهم منبوهم *** سبع كلاب معاهم بوهم
ياالعقيد صفيه وين*** اتخيط بيطانك لثنين
ياقذافي يدك لوطا ***راهي سوريتك مشروطه
يامعمر طيح مزالك *** اول من باعوك ارجالك
السروال الطايح والجل ***دارو للكتيبه حل
الجيل اللي سرواله طايح *** خلا بو منيار فضايح
هم هاذول ثوار الجل**اللي دارو للواطي حل
ياسلم بوشنه حمرا ... ماانديرو شى الا بأمره
حتى كان احبوب خذينا ... وسط الكتيبه خشينا
الطاغى منك يافشلوم .... لايرقد لا يجيه النوم
سوق الجمعة يارجالة .......ردو علطاغى وعيالة
بلتكبير الله ياسبها ........ديري ضد الطاغى جبهة
بلتكبير يازنتان......انقصو رأسه هلجبان
باذن الله اتجيه رصاصه ........تفصله جسمه من رأسه
لاانتخاب ولاحوار ........ نبو جثة بومنيار
لاشفنه زنقة لادار ........وين تريسك ياثرثار

[عيون زوجي]

نستأدنك اختي ام قصي بنصلي الظهر ونخش الكوجينه سويعه ونرجع انطل عالتجمع ممكن لو كملت غداك بسرعه نتلاقوا تاني
نبي نهدرزوا على حاجات منزليه زي تنظيف سيراميك الحمام تعبني من وراكينه وكل المنظفات والارضية ما تلمعش وتقعد فيها خرايط بيضاء نبي نصايحك ونصايح كل الفالحات

[ام قصى محمد]

ههههههههههههههههههههه
سلمتى اختى على النقل روعه

[ام قصى محمد]

اذنك معاك حتى انا نمشى راجلى فى الطريق
راح انرد بس تبيلى كم ساعه

[ام وسونة]

ام وسونه ....انتي اكثر وحدة منورة التجمع ماشاءالله

الله غالب وخيه نحساب نلقاكم باش نهدرزوا

[ام وسونة]

وخيتي ام قصي ماهو نخش مانلقى حد والصفحة تعطل فاقترحت نهدرزوا

على الماسنجر ابعتيلي ايميلك وتوا نضيفك

[ام وسونة]

اني درت غداي بيتزا ومعاها صحن سلطات مشكل

وبالنسبة للارضية ياعيون حتى اني كنت نعاني منها هذه المشكلة فلقيت

انسب حل اني نسيقها بالمية بس ونشفها بالنشافة معصورة هلباااااااااااااااااااااااا

وان شاء الله نكون افدتك

[ام وسونة]

الطاغى منك يافشلوم .... لايرقد لا يجيه النوم

هذه قوية شارعي ومسقط راسي وخوتي الولاد ال9 ثوار فشلوم من 17 فبراير

[أم سعد]

طبعا سبب الغيبة إني مشيت لتونس بنروح ببوي وأمي لأني أنا اللي رفعتهم

ومافيش من يروح بيهم روحت وقلتلهم تو نرجع ونروح بيكم وتوا جي موعد مرواحهم

وإن شاء الله يوم الخميس مروحين :)

[ميمونة]

[QUOTE=عيون زوجي;1453562]السلام عليكم

ميمونه[/color] ....امس شكلك عند اهلك شفتي الدكاء كيف حالك وحال نسرينا وشن اخر التطورات مع طبيبه النساء متاعتك


وعليكم السلا كيف حالك انت عيون وحال راجلك وصغارك يارب تكوني تمام

صح يافالحه انا في حوش اهلي ههههههههههه المهم بالنسبه للعلاج توا دور زوجي طالبين عليه تحاليل ربي يطمنا وانا الحمد لله ربي يسهل علي كل محرومه

اما بالنسبه لنسرينا --تسلم عليكم حالها الحمد لله كان خوها ستة شهور غايب والحمدلله توا رجع بعد الاحدات عقبال كل وحده تخمم علي حد ربي يطمنها عليه

اما بالنسبه ايــــــــــــــــــــــه ---امس اتصلت بيها وخبرتنا ان راجل اختـــــــــــــــها توفـــــــــــــــي قعد شهر في العنايه مصاب برصاصه ربي ينتقم من الظالم وجردانه عاجلا غير احلا ربي

ان لله وان اليه راجعون

[ميمونة]

هلا ام سعد انشاءالله توصلي وتروحي بااهلك بالسلامه يارب

[أم سعد]

السلام عليكم

أهلين ميمونة

إنا لله وإنا إليه راجعون

عظم الله أجركم يا آية ... بلغيها تعازينا بالله عليك

[ميمونة]

تبارك الرحمان علي وليدك كبر وراح عزري شن طهرتيه والا مازال زي هلبه ناس ههههههههههههههههههههه

[أم سعد]

هههههههههههههههههههه

لالا الحمد لله طهرته من الشهر ونص

:)

حقا فكرتيني هو شن صار فيه طهراته والا مازال؟؟؟

[ميمونة]

انشاءالله بالصحه علي وليدك

والله علمي علمك ام سعد متحشمه حتي نسالها اطهر والا لا هههههههههههههه

[ميمونة]

يابنــــــــــــــــــــــــــــــــات نبي منكم طلب وخاصة اللي تسكن في طرابلس

مدرسه لتعليم القياده عنصر طبعا نسائي بالله عليكم اللي تعرف وحده كويسه ترد عليا والله انا مانعرف في السواقه شئ نبيها بالها واسع لاني خوافه هلبه وياريت تكتبلي رقم نقال

مع الشـــــــــــــــكر

[ميمونة]

انا توا نستادن ام سعد نقيل شويا

سلام

[يقين]

السلام عليكم يا بنات حبيت انطمنكم اماليا امبارح اتصلوا بيا طلعوا من البلاد وخلوا خوتي الزوز في بني وليد علشان يردوا بالهم من الحوش والحمد لله اطمنت
وان شالله ربي يطمن كل مشغول

[يقين]

ام سعد كيف حالك وحال سعد

[ام وسونة]

الحمدلله ربي طمنك وخيه يقين والله قلبي كان حاسسني انهم بخير

الحمدلله على سلامتهم وابعدي الافكار السودة عليك والله عيشتينا في رعب هههههههه

نمزح معاك مش تزعلي

[أم سعد]

ميمونة ... في مدرسة الهناء في شارع الظل فيها وحدة اسمها أبلة لطفية وحدة ممتاااااازة بكل والله الرقم ضاع مني بس بري غادي وقولي نبيها تو تطلع معاك ....

يقين ... أهلين الحمد لله اللي اطمنتي على أهلك ... وعقبال لما تتحرر البلاد

وترجعولها منصورين :)

[يقين]

ام وسونه عندك حق والله انتم عندي زي وخياتي
ام سعد الله يسلمك حبيبتي

[ام وسونة]

عظم الله اجركم وخيه اية وربي يرزقكم بالصبر

[ام وسونة]

ولايهمك حبيبتي

[يقين]

ام وسونه ام سعد شن رايكم في فروتي

[أم سعد]

تهبل ربي يحفظها :)

[ام وسونة]

ماشاء الله كبرت ربي يحفضها قداش عمرها

[يقين]

ام سعد سلمك هذا من ذوقك
مشيت شفت وضع التشقير غسلته وجيت

[يقين]

ام وسونه عمرها توا5 شهور سلمك ان شالله حتي انتي ربي يرزقك باحلي بيبي

[يقين]

اليوم ليبيا قلبي سافرت لليبيا ان شالله ربي يوصلها سالمه يارب خساره قبل نبي نتلاقه اني ويها بس الله غالب الضروف ماسمحتش اتصلت بيا الساعه 9 اني راقده بعتتلي رساله
ان شالله ربي يوصلهم سالمين يارب

[ام وسونة]

خيرك غيرتي صورتها الحلوة

[أم سعد]

حتى أنا نفكر نشقر لأنه الأول مشي

ونخمم نمشي غدوة نقص شعري وندير فيه لقطة لكن خايفة مايطلعش حلو

شن رأيكم

ربي يوصل ليبيا قلبي لأهلها سالمة

[يقين]

ام وسونه حبيت نوريهولكم بس شبحتيها مصورتها في توته لالا خلي نصورها في قفطين ونزلهولكم هههههه
ام سعد اني شقرت حواجبي وتصدقي حواجبي غير مهمات بس شعري من عيد حملت ما حطيت عليه صبغه بكل
انتي جربي ولا راجي للعيد مره وحده والعبي فيه

[يقين]

ام وسونه غير قوليلي وصلك الايميل ولا زي ميراس

[يقين]

كانه وصلك ديريلي بص

[ام وسونة]

لالالالا
افتحي انتي وضيفيني بعتلك ايميلي

[أم سعد]

أنا صبغت في العيد الصغيرة بس توا قلت التونسيات فالحات في الصبغة

نستغل الفرصة والا نفوت الموضوع ... وخاصة انه أنا مانمشيش للمزينات

في ليبيا ... وتوا فرصتي قالي باهي بري للمزين هذا ... وقدامي غدوة بس

[ام وسونة]

تعرفي ياام سعد نصيحة مدامك في تونس الميش احلى لانهم فالحين فيه

[أم سعد]

خايفة مايطلعش عليا ... الحق مرت خوي ميشت هنا

حاجة صح الحق

[يقين]

مانسحبكش في تونس اني
بري بس بري بس التونسيات فالحات في كل شي صبغه واقنعه للوجه ما تفوتيهاش بكل

[يقين]

المغامره حلوه ومرات يطلع عليك

[يقين]

ام وسونه توا بعتهولك جاك ولالا

[ام وسونة]

يفين اكدي الاضافة وياام سعد توكلي على الله وخلي في بالك انك

حلوة وكل شئ يطلع عليك وخلي زوزك يشوفك متغيرة

[أم سعد]

تعرفي أنا نبي نمشي نقص ونميش وندير تنظيف بشرة وباديكير ومانيكير

وكللللللللللللل شي

والراجل قال باهي

بس خايفة

[hatoo]

اهلين بنات كيف حالكم كلكم ان شاء الله بخير,والحمدلله علي سلامه هلك وانك طمنتي عليهم يايقين ان شاء الله تشوفيهم عن قريب سالمين ,وان شاء الله ياام قصي ربي يردلك بوك وخوتك بخير وسلامه ويرد كل الثوار لاهلهم بخير , وياعيون بنغازي الحمدلله بخير والحياه فيها طبيعيه والحمدلله ويارب ليبيا كلها تكون بخير وان شاء الله ربي ينصرنا عن قريب ويحقن دماء الليبيين

[يقين]

هاتو شكرا ربي خليك

[يقين]

ام سعد فرصتك مادمن الراجل قال باهي بري راهو الرجاله كلمه باهي يقولوا فيها في العام مره بس هههههه

[ميراس]

السلام عليكم ورحمة الله وبركاته

[ميراس]

اية تعازى الحارة ليك وانشاالله ربى ايصبركم ام قصى انشاالله ربى ايردهلكم سالمين منصورين يقين الف حمد على السلامة انا قلت لك انهم مافيهمش شى الحمد لله على سلامتهم ام سعد انت وين فى تونس بيش كانك فى صفاقس عندى ليك مزين لقطة ومش تندمى عليه

[يقين]

ميراس وعليكم السلام ورحمه الله كيف حالك وحال اصغارك

[ميراس]

حمد لله كيف حال بنيتك شن ايخبروا اهلك على ورفلى

[يقين]

عن اذنكم بنمشي نصلي المغرب و ندير العشي مانيش عار فه شن اندير

[عيون زوجي]

السلام عليكم وكيف حالكم توا
يقين ولله الحمد انك اطمنتي على اهلك ما احكولكش على الحال غادي
بنسئلك يايقين الناس يقولوا ان اهل بني وليد يبوا معمر ويسبوا في الثوار ويديروا في عمليات غدر وخونه هما واهل سرت طبعا مش الكل بس المعظم
وتوا يسبوا في ثوار مصراته ويديروا في الفتن

[ميراس]

ماعندهمش اخبار عن الشباب المحجوزين فى الحاويات ومن وين حتى انا قعد غادى ومافيش عليه خبر من طلعوا اهى مشغولين عليه عالاخر

[ميراس]

والله ياعيون هدا تشويه لسمعة ورفلى وورفلى زيها زى اى منطقة فيها مع وفيها ضد وبعدين ورفلى محاصرة فى من ناس ماقدرتش تطلع من الخوف والتهديد وقاعدين ايدورا الكتايب فى سيارات عليها علم الاستقلال وين تطلع الناس فرحانة يحسابوا التوار جوا بيحرروهم يتفاجوا بيهم ويلقوهم الكتائب ويبدوا يعتقلوا ويقتلو فى شبابهم للاسف مازال ماجد يفهم الموقف اللى فيه ورفلى لين تتحرر وبعدين ورفلى اصبح فيها الناس المتورطة من كل مكان فى ليبيا هاربين فيها وهلبا كان بنحكيلك لغدوة مانكملش

[ميمونة]

السلام عليكم

يقين كيف حالك والحمدلله ربي طمنك علي اهلك وانشاءالله تشوفيهم عن قريب

[ميراس]

ميمونة اهلين فيك شو اخبارك وانت وين ساكنة

[ميمونة]

هلا ميراس انا نسكن في المدينه اما حوش اهلي في عين زاره وكنا نسكنوا في بن عاشور

ليا متزوجه سنتن الا شهر وربي ماسخرش في الحمل مواليد 85 ههههههههه شن تبي تاني ميراس

انت وين تسكني

[ميمونة]

عيــــــــــــــــــــــــــــون ارجعي للصفحات واقري ردي

[ميراس]

بعدين ياعيون ورفلى يكفى ايكون فيها 7000 من العبيد مايستحقوش معاهم حد وفى قبيلة اسمها المناسلة غادى اكترهم مع عاطيهم الكلب سيف بمداهمتها وقتل اى حد فيها لانهم رحبوا بالتوار لما خشوا

[ميمونة]

لاحول ولا قوة الا بالله ربي ينصرهم انا خوي في الجبهه توا بني وليد والاتصالات مقطوعه ربي يطمننا عليه

[ميراس]

ميمونة انا من ورفلى ونسكن فى انجيلا بالايجار طبعا لان راجلى يخدم غادى وانا توا فى تونس لغرض العلاج

[ميراس]

اصلك من وين

[ميراس]

انشاالله ربى ايردهلكم بالسلامة ياربى

[ميمونة]

تشرفت بيك ميراس عندك اطفال --وعلاج شنو انشاءالله خير

[ميراس]

سبحانه الله يابنات شباب سطروا التاريخ بدمهم ودخلوه من اوسع ابوابه والله لو يقوللى قبل الازمة شن تتوقعى من الشباب انقول شى حتى حاجة شباب اتبع فى الموضة والجل والكريمات مانتوقع منهم هالباسالة والشجاعة وسيبوا كل شى وراهم انشاالله ربى ينصرهم وياخدوا حقهم وماتضلمهمش الحكومة الجديدة وتشوف متطلباتهم وتعوضهم

[ميمونة]

تسلمي ميراس انا طرابلسيه

[ميراس]

انا ياميمونة عندى ارتفاع قوى بهرمون الحليب امسبب لى ورم حميدى فى الغدة النخامية وعندى ولدين

[ميمونة]

الحمدلله ميراس هدا الشباب اللي نفتخروا بيه يارب انصرهم

[ميراس]

بالجودة حبيتى شن جو العام بطرابلس من كل شى الامن والمواد الغدائية والاسعار وهل فبه فوضى واطلاق نار او وفف

[ميمونة]

ربي يحفضهملك وليدتك والحمدلله توا عطوك علاج


قداش مواليدك ميراس

[ميمونة]

اكيد مازال في خونه في البلاد ربي يجيرنا منهم بس الحمدلله المحلات فتحت وشويا شويا ترجع طرابلس احسن من قبل

[ميراس]

75 عزيز المنتدى

[ميراس]

قصدك مازال فى فلول قاعدين ايخربوا ولاكيف

[ميراس]

ميمونة انسيت انقوللك ارجعى الى الوراء واقرى شن قررنا بنديرولكم انت وباقى البنات النبى ارجعى واقرى

[ميمونة]

اه والله مازال مره مره يحدفوا علي البوبات التوار قنبله تعرفي انا بايته في حوش اهلي وسمعنا الرصاص قوي بعدها عرفنا انه فلول هاجمت بوابه بالسلاح كاتم للصوت وانجرح واحد بعدها صار ضرب الرصاص مازال الوضع يخوف بس الحمد لله المهم هو هارب كالجرد

[ميمونة]

طيب قوليلي اما صفحه نرجع

[ميمونة]

مالقيتش ميراس هلبه دوتكم هههههههههههه غير قوليلي الصفحه

[ميمونة]

انا توا نستادن ميراس صايمه وقريب المغرب نمشي نجهز

سلام توا

[ميراس]

سلام حتى انا طالعة

[ام قصى محمد]

لالالالالالالالالالالالالالالالالالالالا
يعنى لما وصلت لقيتكم طالعين انا انخش ونقرا فى الردود مشاء الله ب6 صفحات وهيتى نين تفتح الصفحه ونقراها وننتقل للاخرى المهم وصلت لقيتكم طالعين
عيون هذى صوره الطنجره
http://forum.hwaml.com/imgcache2/hwaml.com_1316540619_839.jpg
http://forum.hwaml.com/imgcache2/hwaml.com_1316540619_391.jpg
وشوفى هذى صوره المستحضرات ابدى من الكمفورت طعا راح تقولى شن جيبه للسرميك بس انا قريت فى احدى المنتديات انك تضيفيه لمياه التنشيف وتمسحى بيه السرميك ايخليها تلمع وتقعد رائحته رائعه وطول
بس مش تكثرى واى نوع مش بس الكمفورت انا عن نفسى مازلت ما جربتها هالوصفه
الى فى النص منتجات سماك روعه روعه الى لونه ازرق هذى زى متقولى للسرميك وخاصه الناس الى عندها الجيوب الانفيه ومتتحمل رائحه الاشدو زى
وهو تخفيفه فى مياه 5 ملل على لتر ماء وهو الثانى روعه وما بخلى السرميك تنشهب
البخاخ اروع واروع انا نستخدمه لكل شى السرميك والغاز والاحواض بس رشى وامسحى باسفنج الاروع انه تسنخدميه للحائط يعنى الخربشه والاوساخ الى على الحيط وماتخافى الزواق مايتأثر بخى وحكى بالاسفنج انا يوم خشه الثوار لطرابلس قعدت فاشه غلى فى السيسان ونمسح ونبكى خايفه عليهم ماانا لما نقعد نحرق على الحاجه نفش غلى فى الشغل
الاخير طبعا الاشدو بس انا ماننصح بيه للسرميك لانه يشيل اللمعه الى بيها انا نستخدمه للحمامى االارضيه بس لانها بيضه ومتعبه ومانستخدمه الا بعد كم شهر مره
ها عيون انشاء الله انكون نفعتك

[ام قصى محمد]

لالالالالالالالالالالالالالالالالالالالا
يعنى لما وصلت لقيتكم طالعين انا انخش ونقرا فى الردود مشاء الله ب6 صفحات وهيتى نين تفتح الصفحه ونقراها وننتقل للاخرى المهم وصلت لقيتكم طالعين
عيون هذى صوره الطنجره
http://forum.hwaml.com/imgcache2/hwaml.com_1316541314_742.jpg
http://forum.hwaml.com/imgcache2/hwaml.com_1316541314_197.jpg
وشوفى هذى صوره المستحضرات ابدى من الكمفورت طعا راح تقولى شن جيبه للسرميك بس انا قريت فى احدى المنتديات انك تضيفيه لمياه التنشيف وتمسحى بيه السرميك ايخليها تلمع وتقعد رائحته رائعه وطول
بس مش تكثرى واى نوع مش بس الكمفورت انا عن نفسى مازلت ما جربتها هالوصفه
الى فى النص منتجات سماك روعه روعه الى لونه ازرق هذى زى متقولى للسرميك وخاصه الناس الى عندها الجيوب الانفيه ومتتحمل رائحه الاشدو زى
وهو تخفيفه فى مياه 5 ملل على لتر ماء وهو الثانى روعه وما بخلى السرميك تنشهب
البخاخ اروع واروع انا نستخدمه لكل شى السرميك والغاز والاحواض بس رشى وامسحى باسفنج الاروع انه تسنخدميه للحائط يعنى الخربشه والاوساخ الى على الحيط وماتخافى الزواق مايتأثر بخى وحكى بالاسفنج انا يوم خشه الثوار لطرابلس قعدت فاشه غلى فى السيسان ونمسح ونبكى خايفه عليهم ماانا لما نقعد نحرق على الحاجه نفش غلى فى الشغل
الاخير طبعا الاشدو بس انا ماننصح بيه للسرميك لانه يشيل اللمعه الى بيها انا نستخدمه للحمامى االارضيه بس لانها بيضه ومتعبه ومانستخدمه الا بعد كم شهر مره
ها عيون انشاء الله انكون نفعتك

[ام روفيدة]

أختي اية عظم الله أجركم وأحسن عزائكم إن لله ما أعطى وله ما أخد وكل عنده بأجل مسمى فلتصبروا ولتحتسبوا حسبي الله ونعم الوكيل في الظالم وأعوانه

[ميراس]

ام زى طنجرتى احنا انقولولها طنجرة البورديم مش عادية

[ام روفيدة]

ام قصي حبيبتي هدي halogen oven أخت اللي عندي وفعلا ممتازة في التطييب والاكل فيها صحي نبي نسألك بكم خديتيها نبي نعرف كم سعرها في ليبيا

[ميراس]

فى حد والا نطلع

[ميراس]

ام روفبدة كيفك انشاالله كويسة منين حضرتك

[ام روفيدة]

ميراس اني بخير ونعمة والحمد لله كيفك إنتي توا إن شاء الله أحسن وأني زنتانية من الزنتان

[ميراس]

اخت الجد يعنى اليوم كان عند راجلى اجتماع ايضم جماعة الزنتان وورفلى وعنده اصحابه بعائلتهم من الزنتان

[ميراس]

طبعا اهنا فى تونس نحكيلك

[ميراس]

يقين خشى وخبرينى شن قالوا اهلك على ورفلى

[ام روفيدة]

بالجودة يا ميراس وربي ينصر اهل ورفلى الاحرار على الطاغية واعوانه

[ميراس]

انشاالله ياربى

[عيون زوجي]

عظم الله اجرك اختي ايه ولله ما اخد ولله ما اعطى
اختي ام قصي ماشاءالله اعليك هادي نسموا فيها طنجرة البورديم وحتى الدجاج فيها ايجنن وفالحة في النظافة وصحيتي عالنصيحه
ربي يرزقك بقصي ويحفظلك كل عويلتك

[ام روفيدة]

ميراس نستأدن طالعة بنصلي المغرب ونرجع

[ام وسونة]

السلام عليكم حبوبات

[عيون زوجي]

ميراس انا قتلك شن يحكوا الناس هنا مش انه رأيي اكيد كل مكان فيه وفيه حتى الزنتان ومصراته وطرابلس فيهم يلي مع ويلي ضد الباهي والعافن في كل مكان

[عيون زوجي]

ام وسونه وعليكم السلام ورحمة الله

[ميراس]

اى اكيد طبعا لكن ورفلى واخدين عليها فكرة غلط وايجى يوم والجميع يفهم الحقيقة ياعيون وربى ايكون فى عون الناس اللى قاعدة ماطلعتش

[ميراس]

ام وسونة انستى حبيبتى

[ام وسونة]

كيف حالك عيون شن صار في مناديرك جبتيهم

[ام وسونة]

الله يانسك حبوبة يف حال صحتك توا

[ام وسونة]

اني في حوش بوي بايته الليلة قولت ماليا الا انتم ههههههههههه

[أم سعد]

السلام عليكم

ميراس ... للأسف أنا في نابل

:(

[عيون زوجي]

السلام عليكم
انا وراجلي نتبادلوا عالنت الله غالب يزاحم فيا شن بنديرله
ام وسونه شن الجو والا رقدتي
انا جبتهم طلع لونهم حلو قريب من لون وزخرفة الجلسة المغربيه يعني في حالة اتجيني عزوز ولا حد ما يبيش العالي نجيبله مندار نفس الالوان
اهو تغيير من الكساد لانه مش وقت تغييرات كبيرة وغاليه قلت انغير الاشياء البسيطة
نبي نطلع ل11 يونيو او زناته بندور على ورق جدران حلو
لان الزواق متاع حوشي لاعبه فيه بنتي حاله ترسم عالحيط بالبيرو وخاطري انزوق الصاله وحجرة الضيوف انديرها بورق الجدران شن رايك

[hatoo]

بنات من تعرف تفسرلي حلمي يومها كنت استني زوجي ونعست الساعه 1 بليل المهم نمت يمكن نص ساعه وحلمت فيهم اني انا في بيتي ومعايا اهل زوجي وانا عندي زرع واااجد في الي نبت وفي الي مازال وانا نسقي فيهم كلهم وحاطه ميه واجده عشان للسقي وانانسقي وفرحانه بيهم شو يعني الزرع في الحلم؟؟؟

[ميمونة]

هلا هاتو الباين انه رزق وخير بجيك ربي يهنيك هده معرفتي البسيطه

[ميمونة]

عيون شن حالك كملتي صيامك والا مازال

[أم عويضة]

السلام عليكم
كيف حالكم اليوم وان شاءالله يومكم طيب والاخبار تكون طيبه وساره
ميراس .....كيف حالك وشن اخبار ناسكم يلي في بني وليد طمنينا
يقين ....شغلتينا اعليك شن صار معاك كلمت اهلك ولا لا ربي يطمن قلبك
ام قصي .....ربي يفرج عليكم وعلى هالبلاد وربي يردلك بوك وخوتك سالمين وهم وكل الثوار استودعيه عند الله وادعيلهم بالحفظ والنصر يارب
ام عويضة .....فسريلنا اسمك عندك ولد اسمه عويضة والصورة يلي حاطيتيها بنتك ولا ولدك ماشاءالله عليه او عليها وشن اسماءهم صغيورتك وانتي حامل ولا لا
ام سعد ....وين هالغيبه كيف حالك ياجارتي وشن اخبارك
ام وسونه ....انتي اكثر وحدة منورة التجمع ماشاءالله
ايه ....كيف حالك وشن اخبار خوك يكلم فيكم ولا لا
هاتو .....شن جو بنغازي احكيلنا بالتفصيل اخر اخباركم غادي
بوسي ....وسعي بالك مشكلتك زي مشكلتي وبنتي اكبر من روان بشهرين وسعي بالك
ام اسيل ...يا احبيبه وين غطستي شدي اسيل من ودنها ونوضيها من على النت وخشي هدرزي معانا استاحشناك
ميرنا .....انتي شفرتي من يوم ما خشيت وين مشيتي طمنينا على عموري وبوه
ميمونه ....امس شكلك عند اهلك شفتي الدكاء كيف حالك وحال نسرينا وشن اخر التطورات مع طبيبه النساء متاعتك
ام روفيدة ....والاخت اعتدال..... وينكم؟؟؟؟؟ تخشوا زي هلال العيد
ان شاءالله ما نسيت حد لاني نكتب ونخمم عالغدي شن انطيب ما تقولوش اماخر اصلا راجلي يروح ال 5 العشية مازال الوقت معاي

اهلين عيون زوجي كيف حالك بالنسبة لأسمي واضح ياخيتي عندي وليد اسمه عوض ربي يسلمه والصورة له
والبنيات البكرية مسميتها على امي الله يرحمها امي توفت بعد عرسي بشهر اسمها نورية
والثانية نسيبة والثالثة فاطمة الزهراء
بالنسبة للحمل انا رامية في شهر 10 اللي فات يعني قريب سنة ونفكر في الحمل مرة اخيرة بأذن الله وان شاء الله يجيني وليد اخرى يكون سند لأخيه
وجعت لكن روسكن قصة طويلة

[أم عويضة]

هذه قوية شارعي ومسقط راسي وخوتي الولاد ال9 ثوار فشلوم من 17 فبراير
الله يحفظك انت وخوتك الثوار يا أم وسونة
ووسونة كم عمرها حتى هي مسقط راسها فشلوم
نبي نسألك فشلوم منطقة والا شارع

[أم عويضة]

السلام عليكم يا بنات حبيت انطمنكم اماليا امبارح اتصلوا بيا طلعوا من البلاد وخلوا خوتي الزوز في بني وليد علشان يردوا بالهم من الحوش والحمد لله اطمنت
وان شالله ربي يطمن كل مشغول
الحمد لله على سلامتهم
وان شاء الله يردوا وهما مجبورين الخاطر وربي يحفظ خوتك من كل سوء

[أم عويضة]

والله ياعيون هدا تشويه لسمعة ورفلى وورفلى زيها زى اى منطقة فيها مع وفيها ضد وبعدين ورفلى محاصرة فى من ناس ماقدرتش تطلع من الخوف والتهديد وقاعدين ايدورا الكتايب فى سيارات عليها علم الاستقلال وين تطلع الناس فرحانة يحسابوا التوار جوا بيحرروهم يتفاجوا بيهم ويلقوهم الكتائب ويبدوا يعتقلوا ويقتلو فى شبابهم للاسف مازال ماجد يفهم الموقف اللى فيه ورفلى لين تتحرر وبعدين ورفلى اصبح فيها الناس المتورطة من كل مكان فى ليبيا هاربين فيها وهلبا كان بنحكيلك لغدوة مانكملشان شاء الله ياأختي الله قادر على ان يظهر الحق واسأل الله ان يكون قريب جدا
والله شاغلينه الناس أسم الله عليهم

[أم عويضة]

انا ياميمونة عندى ارتفاع قوى بهرمون الحليب امسبب لى ورم حميدى فى الغدة النخامية وعندى ولدين
ان مازلت نقرا في اللي فاتني من تعليقات
ألف ألف لابأس عليك وبعيد السوء عنك باهي وانت توا شن حالك وفيه علاج لحالتك أتمنى لك الصخة والعافية يارب وان شاء الله تفرحي بعويلتك

[أم عويضة]

75 عزيز المنتدى
ياصغنونة انا عزوز اكبر
معليش
شكلي فارضة روحي بالغصب
تبو والا ماتبوش ههههههه

[ميمونة]

هلا ام عوض شرفتي والله

[أم عويضة]

بالجودة يا ميراس وربي ينصر اهل ورفلى الاحرار على الطاغية واعوانه

ان شاء الله يتقبل دعائكم ياخوت الجد
ويتحرر كل ليبيا شبر شبر

[ميمونة]

من غرائب العرب أنّ:
مدمر ليبيا اسمه معمّر
وقبيح تونس اسمه زين
وناهب مصر اسمه مبارك
وفاسد اليمن اسمه صالح
وجبان سوريا اسمه الأسد

[أم عويضة]

هلا ام عوض شرفتي والله

الله ايسلمك ويزيدك شرف كيف حالك ؟

[ميمونة]

تمام الحمد لله انت من وين

[أم عويضة]

ميمونة انت متزوجة والا ؟وين تسكني في طرابلس ؟انا مانعرفهاش طرابلس بس للفضول فقط

[أم عويضة]

أنا من بنغازي

[أم عويضة]

في الاحداث كنت في طرابلس والا لا ؟

[أم عويضة]

امتى الوقت اللي تخشوا فيه وهل هو ثابت ؟انا في العسية نمشي مع زوجي للمزرعة فلاحة هههههههه

[أم عويضة]

ياهووووووووووووووووووو مافيه حد قاعد
باهي حتى انا نطلع عيوني ما قبل نمسك فيهم يبن يغمضن من النعاس
تصبحوا على ألف خير

[امنيتي اسمع كلمة ماما]

هلا والله بأهل ليبيا والله لنا الشرف انو يكون في المنتدى اعضاء من ليبيا
انا مو من ليبيا انا من اليمن
بس لما شفت التجمع قلت ادخل عشان احي كل ليبيه والله اني احبكم في الله
والله ينصركم على الطاغيه ويكون في عونكم
وهنيئا لكم النصر
وعقبالنا ان شاء الله
سامحوني لاني دخلت في التجمع وانا مش ليبيه بس ماقدرت اني ماادخل واكتب لكم كثر حبي لليبيين وكثر ماانا فرحانه لكم
وادعولي ان الله يرزقني بالذريه الصالحه ويرزق كل محرومه

[أم عويضة]

هلا والله بأهل ليبيا والله لنا الشرف انو يكون في المنتدى اعضاء من ليبيا
انا مو من ليبيا انا من اليمن
بس لما شفت التجمع قلت ادخل عشان احي كل ليبيه والله اني احبكم في الله
والله ينصركم على الطاغيه ويكون في عونكم
وهنيئا لكم النصر
وعقبالنا ان شاء الله
سامحوني لاني دخلت في التجمع وانا مش ليبيه بس ماقدرت اني ماادخل واكتب لكم كثر حبي لليبيين وكثر ماانا فرحانه لكم
وادعولي ان الله يرزقني بالذريه الصالحه ويرزق كل محرومه

حياك الله يأختي
أحبك الله لما أحببتينا فيه
يارب ايفرج عليكم ويزيل عنكم الهم والغم الجاثمين على قلوبكم
وينصركم بنصر من عنده ويهدي اليمن وأهل اليمن لما فيه صالح البلاد والعباد
وإن شاء الله يرزقك الله بالذرية الصالحة عاجلا غير آجل ويرزق كل محروم ويجبر خاطرك

[poucie]

السلام عليكم ورحمة الله وبركاته
ايه عضم الله اجرك وانشاء الله ربي يرزقكم الصبر والسلوان
يقين الحمد الله انك اطمنتي على اهلك
ام سعد اتجي بالسلامة انشاء الله نصيحة توكلي على ربي وبري ديري شعرك والله التونسيات فالحات اني مشيت تاني يوم العيد لتونس قعدت 10 ايام اهو تغير جو ما خليت حاجة في خاطري مشيت للمزين صبغت ودرت ميش طلع على قولت الجميع قنين بري وانشاء الله ما تندميش
عيون إزييييييييييييييييييييييك
ميراس ربي يطمنك على اهلك ويرجعك بالسلامة وبالشفاء العاجل انشاء الله

[poucie]

اختي امنيتي اسمع كلمة ماما حياك الله وحيا اهل اليمن تسلمي على تهانيك لنا بالنصر وانشاء الله العقبة لكم