تجمع حوامل ليبيا [الأرشيف] - الصفحة 30 - منتديات حوامل النسائية

راجيه فرج ربها

01-19-2011, 06:08 PM

ام قصى محمد

01-19-2011, 06:08 PM

بصراحه يابنات لازم نحدو وقت نتلاقو فيه وتوا باي

ام رنوة

01-19-2011, 06:48 PM

يابنات افرحوووووووووووووووووووووووووووووووووووووووووووووو وو انا اليوم سمعت نبض جنيني ادعولي ربي يكمل عليا وعليكم ام رنوة سلامي ال صابرة وعيون اية وللجميع

ام قصى محمد

01-19-2011, 07:48 PM

كيف اليوم شكله كساد مبروك ام رنوة انشالله يتمملك حمل على خير

ام قصى محمد

01-19-2011, 07:51 PM

انا اليوم فكرت اندير مانع على الاقل الاشهر الثلاثه القادمه بس خايفه ومش عارفه ايش الانسب

عيون زوجي

01-19-2011, 08:25 PM

الف الف شكر لتبريكاتكم يالغاليات
ولتفاعلكم معايا
اضواء وام قصي هلا بيكم مرة تانيه
ام قصي ربي يعوض اعليك
وبالنسبه للمانع انا زيك محتارة ليا جايبة 3شهور ونص
ومش عارفه شن ناخد
حاليا مدايره مانع طبيعي
وربي يسهلها اعليك
اضواء حبيبتي مدامك اقترحتي الترافيل قوليلي منين ناخده وبكم

تيمو ليبيا

01-19-2011, 08:25 PM

نسرينا مبروك انشالله حامل بادن الله تفئلو خير تجيدوه وبري ديري حهاز علي طول باش تعرفي عمر البيبي وكيف وضعه اني في بنتي مشيت تابعت عند دكتوره من هيا سبوعين نطفه قعده ياعني ربي يكملك حملك علي خير يارب

عيون زوجي

01-19-2011, 08:26 PM

ايه... هيا بشرينا بولادة اسوله
وقوليلنا لمنو تشبه وبعد ولادتك بري للمزين واوقفي لروحك
ام سعد انتي وين بتجيبي في حوشك ولا حوش اهلك

عيون زوجي

01-19-2011, 08:29 PM

الايمان كيف حالك
ومشيتي للدكتورة ايمان بوطلاق ولا لاء

تيمو ليبيا

01-19-2011, 08:29 PM

بنسبه ل فراندا هلبه غالي ام سعد ينفع ل لمه بسيطه وال ناسه مش هلبه وحاجته صغيرونه هلبه بس تهبل طعمتها حلوه هلبه في وحده بنت اندير ادير في كب كيك روعه ايدوب دوبان عيون من راي تمشي ل مرا في حوش افضل محلات اغلا بيكون

اضوء

01-19-2011, 08:48 PM

أختى دارته فى لمتها خدته من الحارثى فى شارع النصر حلو ونزيك هلبة ومنظره حلو فى التقديم وتطلع حاجة مميزة

عيون زوجي

01-19-2011, 09:27 PM

تيمووووووووووووو كيف حالك وحال بنيتك
وامتى مروحه لليبيا
تم رنوة نورتي التجمع كيف حالك؟؟؟؟؟؟؟؟؟؟؟

عيون زوجي

01-19-2011, 09:29 PM

مشكورات تيمو واضواء صحيتوا
يارب تقضي لنفاسك يا اضواء
ويا تيمو انتي في اوليد لان رفيف كبرت

عيون زوجي

01-19-2011, 09:30 PM

اضواء انتي مواليد كم؟
ومنين متخرجه؟ وشن تشتغلي؟
ووين تسكني في طرابلس؟

عيون زوجي

01-19-2011, 09:33 PM

انا نحب نتعرف بيك انتي وام قصي
انا مواليد1982
بكالوريوس صيدله(جامعه الفاتح)
ربة بيت
عندي بنت عمرها سنه و8شهور
ووليد عمره 3شهور ونص
نسكن في الفرناج

ام قصى محمد

01-19-2011, 09:34 PM

ميرنا وينك اليوم ؟ايش الاخبار ؟مازلتى تابعى عند نعيمه الجازوى ومبروكه المكاوى ؟انا فى بنتي الاوله كنت نتابع عند

ام قصى محمد

01-19-2011, 09:36 PM

نكمل نتابع عند د.ليله شنيب والثانيه عند د.مها كمال ولمارميت كنت مازلت مع مها

ام قصى محمد

01-19-2011, 09:42 PM

اهلا عيون زوجى ربي يحفطلك اولادك انا مواليد 83 درنه ليسنس اداب قسم انجليزى معلمه عندي بنتين فايزه ثلاثه اسنين ونص وجنى سنه واربع شهور

ام قصى محمد

01-19-2011, 10:02 PM

انا بصراحه مانبيش نطول المانع يعني بس ثلاث شهور

عيون زوجي

01-19-2011, 10:16 PM

ربي يحفظهملك حلوين البنتوتات
خليك عالمانع الطبيعي

ميمونة

01-19-2011, 10:24 PM

عيون وين في فرناج
حوش أهلي بجنب ناصر سكان جدد كنا في جرابه

ميمونة

01-19-2011, 10:28 PM

أنا مواليد 85 اللي يبي يتعرف نسكن في المدينة ليا سنة وشهرين متزوجه

ღॐ آية ღॐ

01-20-2011, 12:00 AM

السلام عليكم ورحمة الله وبركاته

مبببببببببببببببببببببببببببببببببببببببرررررررررر رررررررررررررررررررررررووووووووووووووووووك
ااااالف مبرررروك نسرينا وعقبالنا كلنا يارب

والله اول مادخلت التجمع لقيت التبريكات ان شاء الله كل دخله يارب بهالبشري يارب

ان شاء كل ايامكن بشارات يارب

والباقي ان شاء الله بالسلامه ما لحقت نتابع اخبار الكل ان شاء الله ربي يسهل عليكن يالي تنتضرن في الولاده ان شاء الله تحطن وما تحسنا يارب العالمين

والله معبيه كلام لكن الوقت مايسمح

بنسالكن يابنات راين عليا فرح سلفي الاسبوع الجاي ونبي نلبس رداء شن الالوان الي تقترحن عليا بيهن وراجلي في طرابلس اقترحن عليا محل ولون وانا نقوله لي فتره على اللبس الرداء ونبي نطلع حاجه باهيه يالا تفاعلكن امعاي وشن زعما نلبس امعاه اراكن يابنات ماتخيبوش ضني

السلام عليكم راجية
منورة التجمع ووالله ماني عارفة علاش لما نشوفك موجودة نحس بخاطري يستاسع
ياودي ان شاء الله ديمة منورة ومتغطسيش نبوك ديمة موجودة
بنسبة لرداء لوكان قصدك تبي تشري فافيه توا موضة الالوان يعني ردء تكون فيه مجموعة الوان..
حلاته مرت خوي في سبوعها يهبل حلو ولون القمجة ايكون على راحتك الموف والزهري يهبلو,,
المكان باب الحرية المدينة القديمة سوق الحرير
فيه حجات حلوة هلبا
وان شاء الله تشريه وتلبسيه وتبيديه بلهنى ..

ღॐ آية ღॐ

01-20-2011, 12:03 AM

ام رنوة مبروك الحمل وربي يتبته
وعقبال البقية..

ღॐ آية ღॐ

01-20-2011, 12:06 AM

عيون انا مزلت مش مستعدة
نبي نكمل كل شي وبعدين نجيب
ادعيلي نجيب بعد منكمل كل حاجتي..

عيون زوجي

01-20-2011, 12:35 AM

هلا بيكم
ميمونه انا بعد جزيرة الفرناج على اليمين
الجهه المقابله لمحلات الفرناج

عيون زوجي

01-20-2011, 12:37 AM

راجيه هلا بيك منوره
انا في رجعة عمي من الحج شريت رداء حرير
لونه زهري في عنابي
بس لانه حجاج نسقت معاه بدي صوف عنابي فيه التل اللماع
وانتي خودي كمجه
وشنشي بالذهب قدر المستطاع مع الحنه
واو حاجه تانيه
والمكياااااج يكون داكن وحلوووو

عيون زوجي

01-20-2011, 12:38 AM

يارب يا عيون تجيبي في موعدك
وتنوضي بالسلامه........

راجيه فرج ربها

01-20-2011, 12:53 AM

نجك ليا وخلاص يايه يعلم الله بمعزتك من ريتك في حنين(طبعا ايه الكدبانيه)وانا حاطه في خاطري انك انت وخلاص ربي يسهل عليك ويعطيك مافي خاطرك يارب ويسهل عليك وتجيبي وانت على اتم الاستعداد للاستقبال امين
بالنسبه لباب الحريه والله مشيت له المره الي فاتت وماخديت بالي لاني ماكانش في خاطري نشري والمحروس بسلامته دوقه صفر ونخاف يجيبلي حاجه موش هي نبي اسم معين للطابه الاخيره للردوات

عطك دعوة خير ياعيون شوق ماجلجت في هاديك الجيه في الفرناج وينك من الكوشه والله جيهت المركز والله المره الجايه الا ضابتك ان شاء الله ومشكوره حتى انا خاطري في عنابي بنموت عليه ان شاء الله المحروس مايخيبني ونعطيه الوصف وربي يستر

ام قصى محمد

01-20-2011, 01:03 AM

مرحبا الله يفرجها ربى فى وجهك قولى امييين ياراجيه

الايمان

01-20-2011, 01:23 AM

اااااااااااااااااااااااااااااااااااااااااااالللللل لففففف مممممممبببببببررررررررووووككك يا نسرينا اكككككككككككيد حححاااااااااااااااااااامل والعقبالي يارب
كيف حالك يا عيون مشيت لايمان بوطلاق وان شاء الله خير
انتي تعرفي حد زارع عندها

ام لقمان

01-20-2011, 02:41 AM

الف مبروك اختى نسرينا
ويارب عقبال البقيه

اضوء

01-20-2011, 10:20 AM

عيون أسفة لأنى مأجبتكش على سؤالك أمبارح طالعة مع راجلى /أنى مواليد87خريجة ليسانس حقوق<محامية>نسكن فى الحى الدبلوماسى

نسرينا

01-20-2011, 11:58 AM

السلام عليكم

صباح الخير عليكم

الف شكر ليكم

بس والله مش عارفة ، حاساته مش حمل ، لان مافيش اي علامات او اعراض من اي نوع .

يستر الله ، والحمد لله

عيون / حمد لله على سلامة اوخيتك ما شاء الله " عميمة و خويلة " في نفس الوقت ، ربي يحفظهم ويطول عمرهم .

اضواء / بالنسبة للحجامة ، اني نعرف اللي جنب مصحة الفتح في مصحة غادي يحكوا عليها كويسة هلبة ، بس ميمونة اللي معانا مشت لوحدة في سوق الجمعة وتشكر فيها حتى هيا ، توا تخش وتعطيك العنوان بالضبط
ونصيحتي ليك ما تتاخريش بكل امشي على طول احجمي ، هلبة ناس نعرفهم حملوا بعد الحجامة على الصغار على طول ، ربي يسهلك .
عاشقة / ان شاء الله خير غيابك ، وما فيه سوء .

.

أم سعد

01-20-2011, 12:06 PM

السلام عليكم

صباح الخيرات

كيف حال الجميع

عيون .. حوشي مازال مش تام ومعطل في الغالب بنطلع على حوش أهلي

أنا عندي أختي جنبك معناها بالضبط .. أختي جهة الكوشة

آية .. يارب تجيبي وانتي مكملة كل حاجاتك ومستعدة بالكااااامل وتجي تحكيلنا على جيابك
وتكون ولادتك سهلة ... وأنا بعدك يااارب

ميمونة .. العمر كله إن شاء الله .. أنا مواليد 85 أهلي يسكنو في بن عاشور .. الجرابة .. وأنا حوشي في 11 يونيو .. مهندسة حاسب آلي .. وبعد الزواج مانشتغلش

نسرينا .. شن صاير فيك؟؟؟ وينك اليوم؟؟؟؟؟

نسرينا

01-20-2011, 12:11 PM

صباح الخير ام سعد

اهوو قاعدة

ربي يسهلكم ان شاء الله

ღॐ آية ღॐ

01-20-2011, 12:44 PM

السلام عليكم
وصباح الخيرات والسعادة
نسرينا ديري التحليل فيسع
يا كسولة ديرية اليوم خيرلك
خلي اتم فرحتنا وفرحتك..

ღॐ آية ღॐ

01-20-2011, 12:45 PM

ام سعد كيف حالك اليوم؟

poucie

01-20-2011, 12:50 PM

السلام عليكم
كيف حالكم كلكم بدون إسثتناء
*عيون الف حمد الله على سلامة اوخيتك ومرت خوك ويتربو في عزهم انشاء الله تعرفي اختك صارها زي بالزبط تمروجت من الوجع والرحم قعد 1.5 سم بس وفي النهاية جبت بالعملية الحمد الله على كل حال
بالنسبة للحلويات اني في سبوعي في روان درت محنشية باللوز والفستق وحطيتها في باكوات دائرية
*نسرينا بري حللي دم باش تستريحي وتنحي الوسواس من بالك لاكن صدقيني حامل بإذن الله
*ليبيا قلبي صحيتي وايسلمك نشادة وانشاء تنجيبي وتنوضي بالسلامة
*ايه انشاء الله تلحقي اتوتي روحك قبل ما تجيبي والظمان ما تجهديش روحك هلبة تخافي اتجيبي قبل موعدك ردي بالك
*ام سعد كيف حالك وحال سعودي شن يرفس فيك باهي ههههههه ربي يكملك هالشهر على خير انشاء الله
*اضواء بالنسبة للحجامة انا سلفتي مشت دارتها عند مرأة جنب مصحة الفتح والله تشكر فيها هلبة والله اعلم تقريباً هي نفسها اللي قالتلك عليها نسرينا

ღॐ آية ღॐ

01-20-2011, 12:51 PM

عاشقة وينك ؟؟
ليبيا قلبي ؟؟

ღॐ آية ღॐ

01-20-2011, 12:54 PM

بوسي نورتي
انا كملت الضمان واليوم نحس في عمري منتهية
ولا عليا كحاحة وحرارة وربي يستر
بعد غدوة عندي موعد مع الدكتور شني يصبرني..

نسرينا

01-20-2011, 12:56 PM

ان شاء الله ربي يسمع منكم

نسيت نفوللكم

البارح حلمت

ان هههههههههههههههههههه شادة ورقة طالعين فيها خطين " زي خطين الاختبار " حمر و طواااااااااااااااااااااااااااااااااااااااااااااااا اااااااااااااااااااااااااااااال

.

ღॐ آية ღॐ

01-20-2011, 12:58 PM

ღॐ آية ღॐ

01-20-2011, 01:05 PM

الحلمة خير والله اعلم
هكي حسيت
امتى بتمشي تحليلي ؟؟؟

poucie

01-20-2011, 01:15 PM

انشاء الله خير يا نسرينا تعرفي انكان تحليلي وتريحي روحك وتفرحينا

نسرينا

01-20-2011, 01:17 PM

نسرينا

01-20-2011, 01:18 PM

هههههههههههههههههههه

شكللي درهتلكم كبدكم .

ღॐ آية ღॐ

01-20-2011, 01:51 PM

بعيد السوء عليك يا أيه

.اسمعي اليومين اللي فاتوا مشيت لجامع الصقع
نشوف في وحدة هي وراجلها حامل وشادين وليد صغير ويعيط قالب هديكا الدنيا ، قعدت نشبحلها قلت شكلها آية ....هههههههههههههههه

بالنسبة للتحليل والله مش عارفة احتمال السبت ... بإذن الله

.بوووووووسي / ههههههههههههههه شن الغدي اليوم .

نسرينا انا موجودة في كل مكان وزمانhwaml02
مفروض ناديتيني hwaml7
لاكن هلايام قعدة في الحوش نزلت وركبت الدروج ابدت اتعب فيا
نطلع لشديد القوي..
بعد غدوة بنمشي للمصحة ونخمم في الدروجhwaml10
كسووووووووووولة وليتhwaml02

أم سعد

01-20-2011, 01:58 PM

آية .. أنا الحمد لله آمس تعبت شوية بس اليوم الحمد لله .. تعرفي آمس بطوله وأنا ألم في بطني يمشي ويجي وظهري حااااااااااااااااااااااله نحساب روحي بنجيب لكن اليوم الحمد لله .. واليوم عندي موعد مع الدكتورة يستر الله شن يصير

بوسي أهلين نورتي التجمع .. معاش رفس حاشاك .. بدي يسحن سحن ... ربي يحفظهولي ونشوفه بين ايديا ... وعلى قولت نسرينا شن غداك اليوم؟؟؟

أم سعد

01-20-2011, 01:58 PM

نسرينا ... سلم وخيتي بري ديري التحليل وريحينا

ميمونة

01-20-2011, 02:03 PM

نسرين أمشي حللي وبشرينا ياقمر
آيه ربي يعاونك ويسهل ولادتك
عاشقة_وين الغيبه إنشاءالله خير
اضواء أنا حجمت عند عواطف الطبال في سوق الجمعة بجنب بريد سوق الجمعة

ميمونة

01-20-2011, 02:07 PM

أم سعد شن حالك تشرفنا أحنا كنا نسكنو بجنب السويسري سكان قدم في جرابه وأنت وين؟ بالك نطلعوا جيران

اضوء

01-20-2011, 02:50 PM

صبا ح الخير جميعا/ميمونة أشكرك وجزاك الله الف خير ونسرينا وبوسى والله ماقصرتو بسحابة أعرف منك ميمونة امتى نمشيلها قصدى اما يومبعد الدورة

اضوء

01-20-2011, 02:52 PM

أسفة على الخطأ قصدى ام يوم بعد الدورة وشكرا

عيون زوجي

01-20-2011, 02:59 PM

السلاااااااااام عليكم
كيف حالكم اليوم
نسرينا...موسع بالك كاني زيك من امس مشيت لاقرب معمل تحاليل ودرت تحليل
ويارب تفرحي بالخبر السعيد
ام سعد...ديروا رابطة مواليد 85 لانكم ماشاءالله هلبه في التجمع
اضواء...مرحبتين بيك بالجوده والعمر كله
بوسي...حبيبتي ما قلتيش شن قالك الدكتور ولد ولا بنت بشرينا
وبنسئلك على المحنشيه بقداش ومن وين
فيه جنينا وحدة ادير في حلويات حوش وماشاءالله عليها
مخدمه معاها اكتر من 20 وحدة من كثر الطلبيات
بس غاليه في اسعارها

عيون زوجي

01-20-2011, 03:01 PM

نسرينا حلمتك بخطين خير من حلمك بانك حامل
لاني توا توا نتفرج على ام بي سي في اسبوع الشيخ يلي يفسر قال الحلم للوحدة انها حامل معناه هم وغم وان في ناس ياكلوا في عرضها بالغيب
وتفسير حلمك انك حامل بتوامه شن رايك
يقولوا الحلم على اول واحد يفسره
ولهذا لازم ما تحكيش حلمك الا للي يحبوك

عيون زوجي

01-20-2011, 03:03 PM

اضواء كيف حالك اليوم....
وشن مدايرة غداك ؟؟؟؟؟؟؟
انا الكل عارفني في التجمع ما انطيبش في الغدي الا يوم السبت لان زوجي يتغدى في العمل
والجمعه نكون في حوش اهلي والسبت اندير غدي اقنين

أم سعد

01-20-2011, 03:09 PM

أم سعد شن حالك تشرفنا أحنا كنا نسكنو بجنب السويسري سكان قدم في جرابه وأنت وين؟ بالك نطلعوا جيران

الشرف ليا .. لالا أنا في الشارع اللي مقابل أطفالنا .. جهة السفارة التونسية

أم سعد

01-20-2011, 03:16 PM

عيون .. تو نديروها :)

ميمونة

01-20-2011, 03:48 PM

آها عرقتها أم سعد جهة المصحة أو سوق المثلت

عيون زوجي

01-20-2011, 04:20 PM

ويتألف غذاى من

http://forum.hwaml.com/imgcache2/hwaml.com_1295529631_573.jpg (http://forum.sedty.com/)

1_ بطاطا سبايسى..][..

شرائح من البطاطا
زيت زيتون
فلفل احمر سبايسى
فلفل احمر مدخن
فلفل احمر مجروش
زعتر مرحى
ملح
تخلط كل المقادير وتدخل للفرن حتى النضوج

http://forum.hwaml.com/imgcache2/hwaml.com_1295529632_276.jpg (http://forum.sedty.com/)

http://forum.hwaml.com/imgcache2/hwaml.com_1295529632_152.jpg (http://forum.sedty.com/)

http://forum.hwaml.com/imgcache2/hwaml.com_1295529632_235.jpg (http://forum.sedty.com/)

http://forum.hwaml.com/imgcache2/hwaml.com_1295529632_132.jpg (http://forum.sedty.com/)

http://forum.hwaml.com/imgcache2/hwaml.com_1295529635_945.gif (http://forum.sedty.com/)

2_سلطة بذنجان....][..

بصلة كبيرة مبشورة خشن
حبة فلفل حلو وحبة فلفل حار مقطعين
3 حبات بذنجان مقطع ومقشر مقلى
نصف ملعقة معجون طماطم
ملح وكمون
زيت زيتون
حبتين طماطم اخضر مبشورين

http://forum.hwaml.com/imgcache2/hwaml.com_1295529633_869.jpg (http://forum.sedty.com/)

يقلى البصل فى الزيت حتى يذبل ثم نضيف الفلفل
والطماطم ومعجون الطماطم والملح والكمون وندعه حتى يتسبك
ثم نضيف بذنجان المفروم

http://forum.hwaml.com/imgcache2/hwaml.com_1295529633_423.jpg (http://forum.sedty.com/)

http://forum.hwaml.com/imgcache2/hwaml.com_1295529633_650.jpg (http://forum.sedty.com/)

http://forum.hwaml.com/imgcache2/hwaml.com_1295529633_974.jpg (http://forum.sedty.com/)

http://forum.hwaml.com/imgcache2/hwaml.com_1295529633_928.jpg (http://forum.sedty.com/)

http://forum.hwaml.com/imgcache2/hwaml.com_1295529634_671.jpg (http://forum.sedty.com/)

زوووووووووووووووم

http://forum.hwaml.com/imgcache2/hwaml.com_1295529634_645.jpg (http://forum.sedty.com/)

http://forum.hwaml.com/imgcache2/hwaml.com_1295529635_945.gif (http://forum.sedty.com/)

3_ رول البذنجان...][...

لحم مفروم مطهو

سبق انى عملته موجود على هالرابط

من صنع ايديا ...الفليفلة المحشية...~~ (http://forum.sedty.com/t340571.html)

شرائح بذنجان مقلى

يلف اللحم بالبذنجان ويوضع فى الطاجين

وتوضع طبقة من صلصة البيتزا وترش بالجبن بارميزان

http://forum.hwaml.com/imgcache2/hwaml.com_1295529634_491.jpg (http://forum.sedty.com/)

http://forum.hwaml.com/imgcache2/hwaml.com_1295529634_325.jpg (http://forum.sedty.com/)

http://forum.hwaml.com/imgcache2/hwaml.com_1295529634_759.jpg (http://forum.sedty.com/)

http://forum.hwaml.com/imgcache2/hwaml.com_1295529635_508.jpg (http://forum.sedty.com/)

وهذا غذاى قدمته مع الارز بالزعفران

http://forum.hwaml.com/imgcache2/hwaml.com_1295529635_304.jpg (http://forum.sedty.com/)

http://forum.hwaml.com/imgcache2/hwaml.com_1295529635_313.jpg (http://forum.sedty.com/)

يارب يكون عجبكم غذاى المتواضع

عيون زوجي

01-20-2011, 04:39 PM

ماشاءالله اعليها هادي وحدة ليبية اسمها بيلسان فلاحه ونشاطة تبارك الرحمن استفيدوا منها زيني
وصفاتها حلوة زيها
ربي يرزقها بالذريه الصالحه هي وكل اخواتنا يلي معانافي التجمع

اضوء

01-20-2011, 04:42 PM

صحتين عيون وتسلمى عالوصفات الحلوا وبالنسبة عن الغدى حتى أنى زيك راجلى ميروحش ألا فى الليل لكن أندير فى العشى

عيون زوجي

01-20-2011, 04:50 PM

الله يسلمك
ما جاوبتنيش انتي تشتغلي ولا ست بيت زيني......

ميمونة

01-20-2011, 05:39 PM

أضواء الحجامةفي 5يوم للدورةعلي ظهرك بعدها ترجعي
11‏ للدورة في حزامك

ميمونة

01-20-2011, 05:42 PM

صحيتي عالوصفات عيون بجد أفكار حلوة شكلك فالحة في اكطبخ

اضوء

01-20-2011, 05:44 PM

عيون أنى مانشتغلش الحق أنحب نمارس تخصصى لأنى دخلته عن قناعة لكن زوجى الله يهديه مش مقتنع بالشغل قاعدة أمكسدة فى الحوش

اضوء

01-20-2011, 05:46 PM

ميمونة حبيبتى شكرا وأنشاء الله ربى يفتحها عليك ويرزقك الدرية الصالحة يارب

ام قصى محمد

01-20-2011, 05:50 PM

سسسسسسسسسسسسسسلام علكل انا توا نوتى لضيوفى بكره هوا زى لمه عائليه عشان هكى انا مش مكلفه على روحى شوى اخرى نبى نطلع نجيب الحلويات

ميمونة

01-20-2011, 06:06 PM

ربي يعاونك أم قصي شن المناسبة وحدة قصقاصه؟

تيمو ليبيا

01-20-2011, 07:18 PM

السلام عليكم يابنات عيون اني مروحه نص 5 انشالله بنقعدو ل نهاية 7 بندير سبوع وعندي هلبه عراس ومازال مضعفتش هلبه مدايرا روحي منقصه ماكله لاكن مازال فيا بطن الحزام اعيت منه قولوي طريقة ادخلي بطني من غير رياضه لان معنديش ليها وقت ابدا وراجيه احلا الوان عندي درجات العمبري وموف الهادي اني بنحل بدله هكي لونها واحلا محل يخدم فيها التومي الصراحه دارلي البدله الكبيره روعه حاجه مش طبيعيا بري ل تومي امتع سوق الدهب حيعجبك اكيد

تيمو ليبيا

01-20-2011, 07:20 PM

ميمونه جيهتكم حلوه وهاديه هلبه عندنا ناس حبابنا يسكنو غادي وانتي تسكني في مدينه ياسلام كل شي بحداك متقلقيش بكل ربي يهنيك يارب

ميمونة

01-20-2011, 07:30 PM

تيمو تسلمي أنت قمر ربي يهنيك

ميمونة

01-20-2011, 07:44 PM

إنبي وين تسكني تيمو

تيمو ليبيا

01-20-2011, 08:00 PM

اني حوش ماليا في سراج حتي هما سكان جدد ليهم 4 سنين وقبلها في حي الاندلس واني تزوجت وجيت ل ماليزيا عروسه ليا سبوعين وخدينا الارض وانشالله بنبدو نبنوها ماروح لين انكونو تمينا الباني وربي يسخر انشالله

ميمونة

01-20-2011, 08:58 PM

ربي يعاونك ياتيمو وتروحي بالسلامة

اضوء

01-20-2011, 10:34 PM

السلام عليكم /كيف حالكم تو دخلت نبى أنقوللكم أنى أمسافرة بكرة لمصر مع راجلى عنده عمل وأنى سياحة وتغير جوسوف أفتقدكم والله حبيتكم وتعودت عليكم تصبحوا على خير

poucie

01-20-2011, 10:40 PM

خير يا جماعة الخير كيف حالكم تواء ؟
عيون تعرفي مازال ما نعرفش شنو المرة الاخيرة لما دارتلي الاتراساوند لقت الحبل ما بين الرجلين عيلي يتحشم ههههههههه فمعرفتش شنو الجنس قلنا عالمعائنة الجاية وخلاص تعرفي انا بروحي متشوقة اني نعرف بنيو والا وليد مع انه بالنسبة ليا اني والله ما تفرق عندي المهم الخلقة الكاملة واللي ايجي من ربي يا محلاه والعقبة لكل مشتهية يا رب العالمين
بالنسبة لمحنشية خديتها من الحاراتي الطرف بي دينار

أم سعد

01-21-2011, 08:21 AM

السلام عليكم

جمعة مباركة

كيف حال الجميع

أنا آمس مشيت للدكتورة وكانت مشية مبروكة مسعودة

لقت دمي 7 واعطتني يباري لمدة 10 أيام كل يوم يبرة

ولقت ضغطي عالي نتيجة للزلال واعطاتني حبوب للضغط

وقتلي ترجعي يوم الثلاثاء نشوفلك الحوض لو تولدي طبيعي بنديرلك وجع صناعي

وكان هذا نحددو موعد العملية

بالله عليكم دعواتكم تكون ولادتي سهلة وميسورة .. أنا في حملي نعتبر ماتعبتش وإن شاء في ولادتي مانتعبش

يارب احفظ عيلي ويسر ولادتي أنا وكل حااااامل يااااااااارب

وارزق من تستنى يااااااااااااااااااااااااااااااااارب

ميراس

01-21-2011, 12:41 PM

انشالله ربى ايسهل عليك ياام سعد امين بالله بلغينا اول باول وانت حافظى بس

ليبياقلبي

01-21-2011, 02:16 PM

اول شي انا زعلت منكم ولاوحدة سالت عليا ماعدا ايوتة وبوسي والعتب الاكبر علا عيون وميمونة
ام اسعد ربي يسهلك يارب وييسر حملك ولادتك والله حتى انا غدوة عندي موعد معا الدكتور وخايفة الحق ربك يستر
ايوتة شنو مازال
عيون مبروك علا الجيابات وبطول عمر السنافر والفال لي ميرنا وميمونة ونسرينا يارب واضواء وكل مشتاقة يارب العالمين
ميمونة مدايرة بازين تعرفي نموت فيه ومنعرفيش نديره

ليبياقلبي

01-21-2011, 02:18 PM

ام اسعد حتى انا في تحاليلي ديما الزلال موجود والله توا من الاسبوع لي فات ماعاد حللت وخايفة نحلل

ليبياقلبي

01-21-2011, 02:22 PM

اضواء نيالك ماشية لي مصر يارتني انا

ليبياقلبي

01-21-2011, 02:25 PM

جمعة مباركة للجميع

ميمونة

01-21-2011, 02:38 PM

ليبيا ألا زعلك والله أنا نفتح من النقال وبطئ المهم شن حالك
أضواء ياسعدك ياوخيتي تروحي بالسلامة
أم سعد هانت يارب يسهلها عليك وتبشرينا
بوليدك يارب

عيون زوجي

01-21-2011, 03:02 PM

جمعه مبااااااااركه عالكل...
ام سعد...الف لاباس اعليك ويارب يسهل ولادتك
انتي ماتخافيش وتوكلي على رب العالمين
ليبيا قلبي...سامحيني يا اوخيتي
انا نتابع في اخبارك وانتي الخير والبركه في التجمع وانتي نوارتنا والف سلامه ليكي
اضواء...نيالك تمشي وتجي بالسلامه
ميمونه...كيف حالك وشن اخبار الحجامه وموعد دورتك
ايه..هذا كله انشغاااال عنا فينك يا حلوة

عيون زوجي

01-21-2011, 03:03 PM

انا ماشيه لحوش اهلي
اشوف وشكم على خيرررررررررررررر

poucie

01-21-2011, 03:12 PM

صباح الخير على الجميع
جمعة مباركة انشاء الله
ام سعد ما تخافيش وانشاء الله تولدي ولادة سهلة وميسرة يا رب العالمين
ليبيا قلبي كيف حالك وشن داير فيك الحمل انشاء الله على خير
نسرينا بشري وقولي شن صار معاك مشيتي حللتي والامزال
اية ربي يعاون انشاء الله

ღॐ آية ღॐ

01-21-2011, 03:34 PM

السلام عليكم
كيف حالكم جميعا دون استثناء
ام سعد متخفيش من نسبة الدم
والله انا اخر مرة درت تحليل لاقيته7.8
يعني زيك لاكن قالي ما تستحقيش يباري ولا نقل دم وعطاني حبوب فيتمينات حديد
اسمهم pregnacare ممتازات والحمد لله معادش نحس باعرض فقر الدم لا دوخة ولا دهشة بنستمر عليهم حتى بعد الولادة بأدن لله..
http://forum.hwaml.com/imgcache2/hwaml.com_1295613245_176.jpg
غريبة تعطيك ايباري مفروض كتبتلك فيتمين اليباري يعطوهم امتى يولي الدم 6 او 5
لاكن متخفيش العملية ولت شي سهل زي الولادة الطبيعية وهلبا بدو يطلبو فيها
وربي ييسر ولادتك يارب..

أم سعد

01-21-2011, 03:43 PM

شكرا لكم جميعا على السؤال

آية .. أنا ناخذ فيهم من الخامس الحبوب هادو لكن مرات نقصر وننسى فيهم

ღॐ آية ღॐ

01-21-2011, 03:55 PM

مفروض اداومي عليهم يوميا بعد الفطور
وان شاء الله دمك يتعدل
هو 7 بس او 7 فاصلة رقم؟؟

أم سعد

01-21-2011, 06:28 PM

هو 7.3 ..... يستر الله وخلاص

دعواتكم

ميمونة

01-21-2011, 06:36 PM

السلام عليكم شن حالكم

والله انا نبي رايكم انا قلتلكم انه نزل عليا شوية دم في يوم 19للدوره وافرزات بنيه يوم ووقف
وامس الصبح نظفت الحوش قلبت اللي تحت فوق المهم بعد ماكملت نخش نعمل shower قبل مايجئ الباشا المهم لقيت افرازات بنيه ونقطه دم بعدها خلاص معاش نزل مني شئ لحد اليوم

شن رايكم زعمه دوره مازال علي وقتها يومين موعدها الاحد الجاي ربي يستر متوقعه دوره معاش بنعدل

ميمونة

01-21-2011, 06:37 PM

ربي يشفيك رد بالك علي روحك ام سعد

ام قصى محمد

01-21-2011, 09:56 PM

سسسلام توا بس فضيت وروحو كل الضيوف الحمدلله جت مجموعه بيش نتريح من سريب ميمونه الضيوف عشان انا رميت..توا بنتى الكبيره نزلت مع عميمه ماانا ساكنه فوق من اهل زوجى وراجلى مازال ماروحش وبنتي الصغيره مش مهنيتنى نكتب حرفين

ام قصى محمد

01-21-2011, 10:14 PM

ام سعد ماتخافيش اذا كنتى في شهرك كثرى من التمرلانه له فوائد عشان تجيبى طبيعى لانه يلين عظام الحوض ويسهل الولاده ويرفع الدم والحلبه فى الاسبوع الاخير مفيده وياريت مع الروينه لوكنتى تعرفيها مع حليب الصبح وهذا preganacareان مجربته وفعلا مفيد وانشالله ربى يسهلك ولادتك ويحفظلك الى بطنك وتتهنى بيه

ام قصى محمد

01-21-2011, 10:35 PM

اختى ميمونه انحب نطمنك انا فى بنتي الثانيه كنت راميه قبلها مرتين ومشيت لدكتوره وقالتلى ما فيك شى المهم خذتنى امى لطبيبه عرب معروفه عندنا فى درنه مرستنى وقالتلى عندك غازات فى الرحم من شيل الثقل ووصفتلي علاج حتى انتى اذا كنتى مش حامل تقدرى تاخذيه الى هوا نص كيلو عسل وطنى مع ملعقه ونص زنجابيل وملعقه ونص كمون اسعد مطحون الى هولونه اسود متاع الخبزه ملعقه فى الصبح عالريق تقعدى ساعه وبعدين افطرى عادى وفى الليل ملعقه وبعدها ماتاكلى شى انكملك خذيت الوصفه وفعلآ حملت قبل مانعرف انى حامل درت حمله عالسطاح ونظفته وشلت اكياس القمامه لانه كنا نكملوا فى بنايه السطح المهم في يومها نزل عليا دم ونحسابها الدوره بس راجلى شك لان ليا مرتين راميه خذانى فى يومها ودرت التحليل وطلعت حامل عقبالك

ميمونة

01-21-2011, 10:46 PM

السلام عليكم

ميمونة

01-22-2011, 02:08 AM

تعرفوا راقدة في حوش أهلي قداش ليا معاش جيت ماجانيش النوم بكل نتقلب من جهة لثانيه سبحان الله نحس في روحي مريضه فم كبدي يحسن فيا وصداع كلكم راقدين

ميمونة

01-22-2011, 02:10 AM

عاشقه__وينك طمنينا يارب مانع خير

ميمونة

01-22-2011, 09:14 AM

صباح الخير نايضه من الفجر صليت الحمد لله بس كيف نوضت عندي تحليل إحتياطي في حوش بوي طبعا درته ودورتي موعدها غدوة المهم بعد 5 د قايق طلع خط ثاني ماتفرحوش
كملو قبل __طلع الخط وردي بس خفيف هلبه بس في زي الظل وردي تركزي بالضوء باش تشوفيه_شن رأيكم_ مع إني متوقعه مش حيصير حمل هالشهر
على خاطر راجلي يحب الصغار هلبه ربي يفرحه_

نسرينا

01-22-2011, 11:38 AM

صباح الخير على الجميع

كيف حالكم واحوالكم

ام سعد / الف لاباس عليك ، ربي يسهلك انت وايه " غير عاد ما تنسوناش في الدعاء " خخخ
اني سلفتي ليها يومين تتمروج ماشية جاية عالمستشفى مسكينة ، ربي يسهلها وتجيب اليوم وترتاح .

نسرينا

01-22-2011, 11:44 AM

ميمونة
يارب يارب يارب ،، يصدق معاك التحليل ،،، ويصيرلك حمل هذا الشهر بجاااااااااااااااااه النبي

وان كان الخط فاتح وخفيف مرات يكون حمل في اوله ...
وبعدين مادام الدم شوية وقعد الصبح بس ،،، يعني اكيد مش دورة ... اطمني .. مرااااااااااااااااات توراية ومرات اول دورة بعد الحمل هكي تجي نقط بنية ودم غامق ..

ان شاء الله ربي يفرح قلبك بالحمل انتي وراجلك وعيلتك ...
ههههههههه عارفة لو بنقولك امشي حللي بتقوليلي وخيرك انتي ما حللتيش هههههه

بالنسبة ليا قاعدة ما حللتش لان بجد وبصراحة مش حاسته حمل ابدا ....

أم سعد

01-22-2011, 12:25 PM

السلام عليكم

صباح الخيرات

شكرا لكل من سأل عليا وماتشوفو شر ياااارب

ميمونة .... أنا في حملي نفس الشي صار معاي طلع خط خفيف بكل وردي وجتني علامات الدورة بالضبط وطلعت حامل

بري ديري تحليل دم بس بعد غياب الدورة بأقل شي 5 أيام وإن شاء الله تكوني حاااااااااااامل

ميمونة ونسرينا ... نهنيكم بقلوبكم كيف صابرين تي برو ديرو تحليل وفرحونا هيااااااااااااااااااا

تعرفو أنا آمس ماحسيتش بحركة العيل اتصلت بالدكتورة وقتلي بري ديري جهاز في أي مصحة مشيت لمصحة الفردوس درت جهاز طلع العيل أموره تمام المية كويسة ونبضه كويس وهو تحرك بس الدكتورة ماطمنتنيش قتلي مادام الضغط عالي وانتي خشيتي شهرك المفروض تجيبك دكتورتك لأن الضغط العالي يوقف المشيمة عن العمل ومايخليهاش توصل الدم والأوكسجين للعيل ويخسر العيل ... تعرفو خاااااااايفة على الآخر ومعاش عرفت كيف ندير

ناخذ في الدواء وايدي على قلبي .... وبالذات انه حماتي خاسرة عيل توا في شهرها ركبني الوسواس حتى أنا .. ربي يستر

بالله عليكم دعواتكم

نسرينا

01-22-2011, 12:35 PM

مشكووووووووووورة ام سعد

وبعد السوء عليك وعللي عيلك ربي يحفظه ،، ومادامه هكي ، كل يومين ديري جهاز ،،، وشوفي دكتورتك شنو تقولك ولو حتى انك اضطريتي اديري عملية عاد اصلا خلاص خشيت شهرك ومعادش فيه مشكلة ان شاء الله

ربي يجلده بجلوده ويفرحك بيه ....

ما تسكتيش مادام الدكتورة نبهاتك لا قدر الله

نسرينا

01-22-2011, 12:37 PM

وماتنسيش ان تقريه وتقري عليه ...

.

أم سعد

01-22-2011, 12:51 PM

هي دكتورتي قتلي ليوم الثلاثاء نقررلك عملية والا صناعي

بس شن يجيب يوم الثلاثاء وأنا على أعصابي

نسرينا

01-22-2011, 12:59 PM

اليوم السبت ما فيش باس لو غدوة او حتى اليوم تمشي اديري جهاز عشان تطمني ..

ربي يحفظلك جنينك يااااااااااارب

.

أم سعد

01-22-2011, 01:09 PM

إن شاء الله خير

ام قصى محمد

01-22-2011, 01:47 PM

ام سعد انا بنت خالتى فىالبكريه وضغطها مرتفع خالتها دكتروتها لعند ماخشت شهرها في خامس يوم دارتلها الصناعى وجابته وليد صح نسكين جا منسود لان ضغطها مرتفع بس الحمدلله نجيت هى ووليدها انشالله عقباللك (حا منسود بس بعدين راق)

ليبياقلبي

01-22-2011, 02:28 PM

ام سعد الف سلامة عليك وماتخافيش انا اختي من السابع ارتفعهلها الضغظ وجاها الزلال قوي نسبته 4 المهم دكتورها خلها تخش شهرها يوم ولدها عملية جابت ضوض توام وطبعا جو تعبانين ناقصين اكسجين ومن ضغظها اتروا علا البيبي بس دارولها نضام 40 يوم مسكرين الدار ودفاية كانهم في رحم امهم بس صحتهم الحمد لله واهو توا بدوا حتى يمشوا الحمد لله وربي يبشرك وحتى انا راهو الزلال عندي وربك يستر الضغظ ماعاد قيسته واليوم عندي مراجعة والله تبي الحق خايفة وهدا فيتامين برينجير كويس انا ناخد فيه من الخامس
وسلامي لي ايوتة وعيون ونسرينا بري حللي هيا وميمونة يارب حتى انت تبشرينا بحملك

ميمونة

01-22-2011, 02:41 PM

شن حالكم توا وصحيتوا عالردود بس نصبر احسن ونشري تحليل تاني الاسبوع الجاي تكون النتيجة اضمن

ღॐ آية ღॐ

01-22-2011, 03:28 PM

السلام عليكم
كيف حالكم
ام سعد كيف حالك وربي يصبرك ليوم التلاثاء
وان شاء الله تولدي على خير
ميمونة بادن لله اوكان سخر ربي هدا حمل
برو حللو وفرحونا هيا..

ميمونة

01-22-2011, 03:32 PM

ياوخيتي سلمها شن حالك ياايه والله استحشتك هلبه معا ماعاش نشوفوك

كملت حوشك الحمدلله//ربي يعاونك

وشن صار فيك انت ميشتي شعرك ودرتي الحلوة والامازال

ميمونة

01-22-2011, 03:33 PM

تعرفي ياايه عمره الخط ماطلعلي مانبيش نفرح وبعدين ننصدم خلي نتوقع الامر التاني احسن وربي يسخر

ام قصى محمد

01-22-2011, 03:59 PM

ميمونه انشالله حمل بس انتى اصبر كم يوم عشان النتيجه تكون اكيده انشالله يارب يكون حمل وتكون مشاركاتك تحكيلنا عالبيبى

ميمونة

01-22-2011, 04:02 PM

زعمه ياام قصي ربي سمع منك يارب

ام قصى محمد

01-22-2011, 04:09 PM

ايهوينك لاسلام لاكلام انا راح نزعل على فكره انتى ماحكيتلى على وضعك شنو الى فهمته انك حامل

ام قصى محمد

01-22-2011, 04:11 PM

قتلك فى بنتى نزل عليا دم واجع كانها الدوره ولمل حللت لقيت روحى حامل

ام قصى محمد

01-22-2011, 04:12 PM

ميمونه شن اخبار الغدا شن درتى؟

ميمونة

01-22-2011, 04:16 PM

أنا في حوش أهلي ودرنا عصبان وأرز

ام قصى محمد

01-22-2011, 04:18 PM

انا توا مكسده راجلى الله يحفظه ماشى للابرق هو وامه لعدوكم يعزو فى معارف ومابش يتغدى والبنات فاطرات متاخر مشيت نظمت الشقه ووشقتها وقلت نسلم عليكم ونبي نغتسل من النفاس لان الدم وقف عشان نبدى نصلى

ام قصى محمد

01-22-2011, 04:19 PM

انتى ليش قاعده عند هلك شويت قصقه ههههههههه

ღॐ آية ღॐ

01-22-2011, 04:21 PM

ميمونة اليوم الصبح جتني المراة ودارتلي الحلوة
وكملت حوشي قعد شعري بس
يوم الاربعاء بنمشي للمزين ..
ام قصي كيف حالك
منورة التجمع
انا حامل في شهري عندي ولد عمره سنتين
وقالولي توة حامل ببنية
انا موليد87..
انتي شن عندك
وعرفيني عليك..

ام قصى محمد

01-22-2011, 04:25 PM

ميمونه انا حولت نراسلك عالايميل مش عارفه شن صار تبى الصراحه انا نفكر نجى لطرابلس نغير جو بس راجلى شغله صعب حتى لما المصرف عاطى الموظفين شهر الزامى فى السنه راجلى 10 الايام الاخيره رده المدير عشان يسلملى ميقدرش يستغنوا عليه وتوا انا مصره انه ياخذهم ونجوا لطرابلس نغير جوا

ام قصى محمد

01-22-2011, 04:28 PM

انا ام لبنتين فايزه على عمتى وجنى وكنت حامل بس رميت فى الخامس ولد سميناه عبد الرحمن انشالله تمى امورك وتجيبى بالسلامه وبيش تعزمينى عالحفله

ميمونة

01-22-2011, 04:30 PM

اوكي ام ربع ساعه ونتلاقوا علي الايميل اوكي ام قصي

ام قصى محمد

01-22-2011, 04:31 PM

مهم للغايه انا حاولت نحط صوره بس ماصار شى كيف اندير ؟ توا انا مشاركه فى منتديات امهات والصوره تمام بس هنا ماعرفتش

ام قصى محمد

01-22-2011, 04:36 PM

ايه ميمونه وينكم؟؟؟؟؟؟؟؟؟؟؟؟

ام قصى محمد

01-22-2011, 04:41 PM

انا توا فاتحه الايميل وانتى مازلتىoff

ام قصى محمد

01-22-2011, 04:42 PM

لما الوحده تطلع تقول باى على الاقل

ام قصى محمد

01-22-2011, 04:43 PM

ببببببببببباى

ღॐ آية ღॐ

01-22-2011, 04:45 PM

اهلا بيك ام قصي
تشرفت بمعرفتك وربي يحفضلك صغيويرتك
ميمونة نتلاقو على خير ..

ميمونة

01-22-2011, 04:47 PM

اكيد ياقمر سلام توا

ميمونة

01-22-2011, 04:49 PM

انا قاعده والله يام قصي ونستني فيك علي الايميل بجد ماتحرجيش

ام قصى محمد

01-22-2011, 05:00 PM

تعرفى ميمونه مش عارفه المشكله وين انا خشيت وانتى طالعه عند offتوانجرب مره اخرى

ميمونة

01-22-2011, 05:05 PM

لحظه نسكر ونفتح

ميمونة

01-22-2011, 05:10 PM

اهو فتحت وينك ياام قصي

ام قصى محمد

01-22-2011, 05:11 PM

ميمونه انتي توا متاحه وانا راسلتك بس مافيش رد انا حابه الايميل لانه اسرع

ميمونة

01-22-2011, 05:12 PM

شورك فاتحه من النقال صح

ام قصى محمد

01-22-2011, 05:12 PM

انتى توا شفتى الى كتبته ولا

ميمونة

01-22-2011, 05:12 PM

انتي اسم ايميلك فاطمه

ام قصى محمد

01-22-2011, 05:13 PM

لا والله انا فاتحه من اللاب فى البيت عالdesl

أم سعد

01-22-2011, 06:39 PM

مساء الخيرات

ميمونة .. آية .. أم قصي ... كيف حالكم توا وصحيتو على السؤال

وين الغايبات ... رجاء غطست ان شاء الله خير

ام قصى محمد

01-22-2011, 09:00 PM

ام سعد طمنى شن اخبارك اليوم؟

أم سعد

01-22-2011, 10:11 PM

أم قصي .. الحمد لله .. اليوم ضغطي تعلى شوية .. يستر الله وخلاص

ليبياقلبي

01-22-2011, 10:37 PM

ام سعد ربي معاك يارب
وانا مشيت لدكتوري والحمد لله طمني قالي توا بتسخير ربي الجياب والحمد لله وحتى انا ضغظي مرتفع والتهاب المسالك رجعلي وقالي انا في الاسيوع 37 ونص

ليبياقلبي

01-22-2011, 10:38 PM

وووووووووووووين عاشقة وسورينام اختفاء تام

ام قصى محمد

01-22-2011, 11:27 PM

ليبيا قلبى انشالله ربى يسهلك والضغط طبيعى فى الاخير بس حافظى وابتعدى عن الانفعالات

ام قصى محمد

01-22-2011, 11:29 PM

انا توا نفسيتى متريحه لانى رديت انصلى

ام قصى محمد

01-22-2011, 11:30 PM

ما فيش وحدة ورتني كيف نخصص صوره

ام قصى محمد

01-22-2011, 11:38 PM

اخواتى شكلى بروحى

ام قصى محمد

01-23-2011, 12:15 AM

زغروته عرفت كيف نحط االصوره ههههههههههههههههههههههى

نسرينا

01-23-2011, 10:27 AM

صباااح الخير

جربت اختبارحمل ثاني

ما طلع شيء ، لا خط خفيف ولا غامق

هو الاختبار اللي درته اصلا منحباش بكل .. مش نفس الاول ..

قلتلكم حاسة انه ما فيش حمل

.

أم سعد

01-23-2011, 11:04 AM

السلام عليكم

صباح الأنوار

نسرينا ... التأكيد بتحليل الدم

نسرينا

01-23-2011, 11:08 AM

صباح النور

يستر الله

مزكووووووووووووومه بنروح لحوشنا بنرقد غادي

نشوفكم على خير

.

أم سعد

01-23-2011, 11:19 AM

سلامتك

نشوفوك

عاشقة الصحراء

01-23-2011, 01:44 PM

السلاااااااااااااااااااااام عليكم ... كيف حالكم نفر نفر هههههههههههههه
شكراً لكل من سأل عليا والله طول فترة غيبتي وانتو في بالي لكن معاش جتني النية حتى نخش ونفتح النت ...
ليبيا وأم السعد انشالله لا باس عليكم وربي يحفظكم ويسهل ولادتكم يااااااااااااااااارب
بوسي .. ميرنا .. ميمونة .. نسرينا .. عيون .. الإيمان .. أضوء .. آية السموحة كيف حالكم وشكرا على سؤالكم واستاحشتكم كلكم .
حبل الوصل كيف حالك ؟؟؟
غبت الفترة اللي فاتت لأني كنت تعبانة هلبا من وجع الظهر وموسوسة وأموري ملخبطة كلها لكن الحمد لله توا أحسن ... تعرفوا يابنات والله العظيم حالتي حالة من لما حملت وحياتي كلها مقلوبة رأساً على عقب .. نحس في روحي زي المتشردة وراجلي ياناري سارح بروحه في الفيافي وحوشي قمت البساطات كلهم والمطبخ معاش خشيتله بكل ومعاش طيبت ... بجديات مش عارفة شن نوصفلكم مش راضية عالوضع نهائياً وفي نفس الوقت مش قادرة نرجع زي ماكنت ..
مشيت لدكتورة وقالتلي نقصي من الحركة الفترة هاذي ومعاش تسوقي ومعاش تركبي دروج وبرا عاد .. خاطري نرجع زي ماكنت ونخش للمطبخ ونطيب لراجلي المسكين ونحس بروحي عندي حوش لأن صاير فندق حوشنا معاش نشوفوا فيه إلا وقت النوم ...
حااااااااااااااااااااااااااااااااالة ادعولي بالله عليكم ومن اللي صاير معاها زيي وكيف رجعت طبيعية ؟؟؟

عاشقة الصحراء

01-23-2011, 01:47 PM

حبيبتي نسرينا يااااااااااااااااااااارب تكوني حامل لأن اني لما درت اختبار الحمل طلع الخط التاني خفيييييييييييييييييييييييييييف يادوب تشوفيه .. وحللت دم تاني يوم وطلع حمل ..
بالله عليك حللي وفرحينا وعقبال ميمونة وأضوء وميرنا وكل اللي يستنوا ياااااااااااااااااااااااارب

ام قصى محمد

01-23-2011, 01:57 PM

سسسسسسسسسسسلام كيف الاحوال ام سعد شن الاخبار اليوم ؟ نسرينا انا فى حملى الثلاثه مانتاكد الامن تحليل الدم لانى اغالب المرات ما ياكدلى تحليل المنزلى وانشالله خير طمنينى اهلا عاشقه الصحراء انا زيك فى حملى الاول كرهت بيتى وانا عروس ماليش شهر والمسكين تحملنى يوم فى بيتى وعشره عند هلى وفى الثانيه كرهت المطبخ وقعد مسكين ماشى جاى عالمطاعم

عاشقة الصحراء

01-23-2011, 02:52 PM

كيف حالك يا أم قصي وتشرفت بيك وانشالله ربي يعوضك خير يااااااااااااااااارب ...
والله تعرفي الحالة مريييييييييييييييييعة .. متضايقة من الوضع وواقفة نتفرج تخيلي حتى حوشي تجي اختى تضم فيه .. تقولي حوش عزابية ههههههههههههههههههههههه ..
ربي يصبرني وتفوت هالفترة علي خير يارب ...

ღॐ آية ღॐ

01-23-2011, 03:01 PM

السلام عليكم منورين التجمع
نسرينا ان شاء الله خير
واكيد متاخرت الدورة كل هلفترة الا ما بيكون حمل
ام سعد ربي يسهل عليك يارب
ليبيا قلبي مبروك خشيتي شهرك
وعقبال ما تجيبي وتنوضي على خير
عاشقة ليك وحشة
ومعليش فترة ورح تمر وتقعد دكرى
المهم اسمعي كلام الدكتورة وما تتحركيش

ღॐ آية ღॐ

01-23-2011, 03:02 PM

ام قصي شن اخبارك اليوم؟

عيون زوجي

01-23-2011, 03:13 PM

السلااااااام عليكم
كيف حالكم ياعويله...
ماتقولوش خيره التجمع يلي يغيب عليه معادش يرجع
الله غالب
عاشقه لاباس اعليك وفتره وتمشي
انا ماصارليش زيك ولله الحمد ارتحت من الوحم وهمه
ليبيا كيف حالك ومبروك اعليك شهرك وعقبال ماتنوضي بالسلامه
ايه شن اخبارك وكيف حال ايوبي
ام سعد الف لاباس اعليك وانشاءالله يوم الثلاثاء تكوني جايبه طبيعي

عاشقة الصحراء

01-23-2011, 03:18 PM

هلا وغلا بآية الزينة ... شن الجو يا أم أيوب ؟؟؟ ليك وحشة والله .. مبروك عليك كملتي الحوش والله فرحتلك لأني عارفاته هم وإنجاز كبيييييييييييييييييير ... وصحة صحة عالحلوة ياعروسة وانشالله تلحقي تكملي باقي الحوسة اللي عندك ... والله مسخفني راجلك نتخيل فيه ههههههههههههه ... اليوم كيف عرفت انك مواليد87 صغنطوطة ههههههههه ربي يحفظك يارب ويخليك لصغارك وراجلك ياعسولة ... قوليلي انتي شن قريتي وشن تخصصك في الدراسة ؟؟
عيون كيف حالك وشن أخبارك ؟؟؟ تسلميلي يارب عالسؤال وانشالله ربي يفوت هالفترة على خير

ام قصى محمد

01-23-2011, 04:11 PM

اهلا ايه الحمدلله اخبارى تمام توا كنت نفكر نمشى لدكتورتى عشان تنصحنى بخصوص المانع وانا عارفه مسبقا راح تقولى لولب والله خايفه امس اول مره نقعد مع راجلى وكملتها نبكى مش عارفه ليش شكلى متأثره بالرميه وخايفه نحمل توا مانبيش نتقعد على اعصابى حابه نحمل بس مازلت مش مستقره نفسيآ

ام قصى محمد

01-23-2011, 04:20 PM

عيون خيرات نقول شن اخبار ميرنا مغطسه لها فتره انشالله المانع خير

اناهيد

01-23-2011, 06:15 PM

السلام عليكم ورحمة الله وبركاته
كيفكم اهل ليبيا ان شاء الله بخير
حبى اسأل اذا كان وحده منكم كان زوجها عند مشاكل في الحيوانات المنويه(العدد/الحركه/التشوهات) عالج وحملت بعد العلاج ارجوكم افيدوني ولا تنطنششششووووني
في انتظار ردكم hwaml5

ام قصى محمد

01-23-2011, 06:38 PM

اهلا اناهيد التشوهات مش عارفه بس العدد تزيدينه يعصير الفجل عالريق والكثير من اكل الجرجير

اناهيد

01-23-2011, 06:45 PM

اهلا اناهيد التشوهات مش عارفه بس العدد تزيدينه يعصير الفجل عالريق والكثير من اكل الجرجير
شكرا لك اختي وجزاك الله خير على الرد
ارجوا من باقي الصبايا يفيدوني اذا عندهم علم بشي hwaml5

ام قصى محمد

01-23-2011, 06:52 PM

اناهيد انتى جديده زى فى التجمع انشالله ربى يرزقك

ام قصى محمد

01-23-2011, 09:29 PM

وووووووووووووووييييييييينننننننننننننن مافيش حد

أم سعد

01-23-2011, 09:35 PM

السلام عليكم

أنا مشيت للدكتورة وقتلي خليك للأحد الجاي وبعدها نحددو موعد الولادة

ام مهاب

01-24-2011, 02:41 AM

ربي يسخرلك الحال ياميرنا وتحملي وتجيبي علي خير في اقرب وقت يااااارب قولو ااااامين

ام قصى محمد

01-24-2011, 03:09 AM

ام سعد معناها الامور تمام انشالله تقومى بالسلامه من شاف ميرنا والله انا خايفه تكون فى حاجه طولت الغيبه

ام قصى محمد

01-24-2011, 03:30 AM

اناتوا تمسوا على خير

ღॐ آية ღॐ

01-24-2011, 11:31 AM

السلام عليكم كيف حالكم كلكم كلكم
ام سعد مدام قالت استني يعني امورك تمام والحمد لله
وان شاء الله خير..
عاشقة يقولولي انتي صغنطوطة هدا علاش ولدك ما يقولش ماما
ينادي فيا باسمي رغم انه توا عمره سنتين ...
اليوم بادن لله بتجيني صاحبتي (نور) متع المزين بديرلي شعري
ونكون هكي كملت خلاص وبنشدها على المشي
لان امس الدكتور قالي شكلك كاسولة قلنالك تمشي لين يطيحو رجليك
خلي تجيبي لان وزن البيبي فوق لتلاته كيلو
ومش باهي يزيد يكبر ويستر الله....بس باقي اموري طيبه ولله الحمد
اعطوني وصفات تعجل بلولادة خلاص نبي نجيب ونرتاح وبصراحة
متشوقه نشوفها بنوتي هلبا ادعولي نجيب هليوممين.

ღॐ آية ღॐ

01-24-2011, 11:35 AM

اناهيد كيف حالك ونورتي التجمع
اهلا بيك بين وخياتك..
زوج حماتي عندة تشوه في الحيونات المنوية ومشاء الله
عندها زوز صغار توة
يعني يصير حمل في مثل هادي الحاله بادن لله..
وبنسبة للعدد يزيد بادن لله مع حبة البركة مع العسل ..
وربي يقدملكم الي فيه الخير

ღॐ آية ღॐ

01-24-2011, 11:36 AM

نسرينا ... وميمونة وينكم
نشطو عمركم وفرحونا ...

ساره القطعانى

01-24-2011, 12:10 PM

صباح الخير
شخباركن يارب يكون الكل بخير

ام قصى محمد

01-24-2011, 02:14 PM

السلام عليكم بنات واهلا ساره شن الاخبار ؟ انتى من البيضاء صح

ام قصى محمد

01-24-2011, 02:22 PM

ايه باهى تميتى امورك انشالله تجيبى بالسلامه وفعلا المشى يسهل الولاده انا فى بنتى لما الدكتوره قالتلى امشى قاعدت ناخذ فى مسافات طويله وقبل مانجيب بيوم مشيت نين وصلت حدى وبعدها قعدت مع راجلى را الرجل حتى هو مهم ههههههههههههه وتوا تكون ولاتك متيسره وماتنسيش الدعاء والاستغفار (مهمين)

ميراس

01-24-2011, 02:26 PM

عليك يااية وعلى الجبنة الحمرا والكحل والرب وصفات مضمونة

ميراس

01-24-2011, 02:28 PM

وانشالله ربى ايسهل عليك يارب ايش ناوية اتسميها

ام قصى محمد

01-24-2011, 02:29 PM

اهلا ميراس

ميراس

01-24-2011, 02:29 PM

وين باقى الشلة مافى حد ولاشنى

ميراس

01-24-2011, 02:30 PM

اهلا بيك ام قصى انشالله بخير

ام قصى محمد

01-24-2011, 02:31 PM

ميراس قاعده

ام قصى محمد

01-24-2011, 02:33 PM

ايش الوضع عندك؟ انا داخله عشان كنت راميه الفتره الماضيه بس الحمدلله انا عندى بنتين

ام قصى محمد

01-24-2011, 02:36 PM

ميراس وينك طلعتى وله شنو

ام قصى محمد

01-24-2011, 02:38 PM

اسفه قريت مشاركاتك لقيتك كاتبه كساد كساد ولما لقيتى مع من تحكى سيبتينى

ام قصى محمد

01-24-2011, 02:40 PM

طيب شويا وتوا نرد ونشوفك قاعده وله طالعه

ساره القطعانى

01-24-2011, 04:21 PM

أهلى فى البيضاء يا أم قصى تبى حاجه منها تفضلى
يابنات توا كنت انكلم فى صاحبتى والله كانت اتعالج فى بريطانيا لانه قعدت ست سنين ما حملت وعدت لطبيبة عرب هنا فى البيضاء ماشاء الله حملت بفضل من الله على طول وجابت بنوته ما شاء الله تبارك الرحمن الله يحفظها لها وتقولى حط داياتها فى الجنه
انا لى ست شهور متزوجه ونحس بالم فضيع فى ظهرى وقاللولى عدى لطبيبة عرب اديرلك حجامه وتمرسه لك والله كريم
انا اليوم بنمشيلها وتوا انقوللكم على اخر الاخبار

ام قصى محمد

01-24-2011, 05:58 PM

ديرى باللك على ورحك والحمل يبى ظهر قوى حافظى على روحك

عاشقة الصحراء

01-24-2011, 06:33 PM

مساء الخيرات يابنات ... كيف الحال ؟؟؟
آية العسولة شلونك ... ضررورررررررري تتمشي وعليك بالعسل لأنه يسهل الولادة وربي يسهللك ولادتك ياااااااااااارب ...
أناهيد كيف حالك ؟؟؟ بالنسبة للتشوهات بإذن الله ماتمنعش الحمل لكن تسبب تأخيره عليك بحبة البركة والعسل وشوفوا دكتور يكون كويس وربي يسخرلكم ياااااااااااارب ...
أم سعد الحمد لله أمورك تمام يعني وربي يسهللك وتجيبي علي خير ...
نسرينا شن صار راهووووووو عيشتينا على أعصابنا هيا ديري التحليل وريحينا .. ميمو كيف حالك ؟؟؟ ليبيا وييييييييييييييينك ؟؟؟

ام قصى محمد

01-24-2011, 07:02 PM

يييييييييييييييابنات قريت موضوع حلو فى منتاديات امهات نت منتدى الحمل والولاده العنوان كيف تعرفى انك حامل قبل تحليل الحمل وانا لانى مجربه صاح فى علامات واجد مذكورات زوره

ام قصى محمد

01-24-2011, 07:04 PM

عاشقه يعنى سلمتى عالكل الا انا عادى حبيبتى نضحك معاك شن الاخبار؟

ام قصى محمد

01-24-2011, 07:06 PM

تصدقوا شكلها الدوره تبى تجينى يا حبيبتى انا ماليش اسبوع دايره عمليه التنظيف معقوله الدوره تجى ياريت اى وحده ترد عليا

ليبياقلبي

01-25-2011, 12:52 AM

شن اخباركم ياحلوات والله انا مضايقة شوية انفكر في كلام الدكتور لما مشيتلا قالي وقفي حبوب متاع لي عطهلي لما المياه نقصت قالي مش تجيك لية وانا ليا اقل من اسبوع في التاسع والحق مازال منبيش نجيب اليوم من الصبح ظهري يوجع فيا وتنزل عليا افرازت بكترة هل هو دليل ولادة قالي لو مجبتيش في هالاسبوعين بنديرلك صناعي منعرفيش قلت شكلا ميبنيش نتم شهري علشان المياه
عاشقة شن اخبارك ومعاش تغشيشي روحك فترة وتعدي عادي خليه الحوش المهم صحتك وراحتك
نسرينا شن صار فيك
ام سعد شن الوضع توا
ايوتة يارب تجيبي علا خير
وووووووووووسلامي لي ام قصي وللكل

ميمونة

01-25-2011, 11:02 AM

صباح الخير حبايب قلبي_ليبيا وآيه وأم سعد يارب تبشرونا بالولادة بأذن الله ربي يسيرها ويسهلها_
نسرينا_شن صاير فيك
ربي يفرحك ويطمن قلبك
تيمو وعاشقه وحبل الوصل وميراس وأم قصي وميرنا وعيون وسلامي للكل

ميمونة

01-25-2011, 11:07 AM

أنا لسه الهانم ماشرفتش اليوم الثالت من غيابها ومادرتش تحليل ثاني
خايفه الخط الخفيف اللي طلعلي في الاول يختقي ربي يستر

ღॐ آية ღॐ

01-25-2011, 11:45 AM

السلام عليكم
كيف الحال ميمونة شكلها شدت والحمد لله
ويارب تبشرينا بتاكيد الحمل انتي ونسرينا في القريب العاجل
عاشقه كيف حالك وشن اخبار الوحم
ليبيا هانت قريب تكملي وتولدي على خير
ربي يسهلك ام سعد وينك..؟؟
ام قصي كيف حالك اليوم
وبنسبه لدورة والله ما عندي معلومة..

ღॐ آية ღॐ

01-25-2011, 11:48 AM

ميراس ليك وحشة كيف حالك
وشن اخر اخبارك..

أم سعد

01-25-2011, 12:03 PM

السلام عليكم

صباح الخيرات

كيف حالكم كلكم

شكرا ليكم على السؤال

أنا وضعي قاعد زي ماهو في حالة ترقب وخلاص

بديت نجهز في نفسي للولادة وحلاص

آمس ميشت شعري

واليوم بالك دور الحلوى

وشنطتي سكرتها

وإن شاء الله على خير ليا وليكم

عاشقة الصحراء

01-25-2011, 12:12 PM

عاشقة الصحراء

01-25-2011, 12:14 PM

صحة صحة يا أم سعد ... انشالله ربي يسهللك ولادتك يارب ..
عقبالنا نميشوا ونديروا الحلوى حتى احني ... تعرفي بنموت باش نصبغ ونميش لكن مازااااااااااال ههههههههههههههههههههه

نسرينا

01-25-2011, 12:50 PM

السلام عليكم

كيف احوالكم كلياتكم

ربي يسهل عليكم يا جماعة التاسع
وربي يفرج عليكم يا جماعة الوحم
وربي يرزق الجماعة اللي تستنى

اني ما حللتش ، خلاص بعد الاختبار الثاني معادش دورت ،، اني توا مريضة واخذة بردة اني وراجلي ، اول ما يولي حالي باهي و نقدروا نطلعوا بنمشي نحجم او نحزم ...

وربي يسهل الحال

.

نسرينا

01-25-2011, 12:54 PM

ليبيا قلبي / ضحكتيني لما قلتي " ما خاطريش بنجيب توا " هههههههههههههههه خليه للصيف الجاي ههههههههههه ربي يسهل عليك وتحطيه وما تحسيه

.

عاشقة الصحراء

01-25-2011, 01:17 PM

الله ما اطول بالك يانسرين ... موعد دورتك فات وقاعدة عندك صبر .. عموما انشالله لا باس عليك وعلي راجلك ... شكلكم عديتو بعض ... زعما كيف ؟؟؟ هههههههههههههههههههه

أم سعد

01-25-2011, 01:20 PM

نسرينا ... ألف لا باس عليك

عاشقة ... إن شاء الله تميشي واديري كل اللي في خاطرك

نسرينا

01-25-2011, 02:07 PM

ههههههههههههههههه
اشبح كيف يا عاشقة خخخ

بالنسبة للدورة ، اصلا مش حاطتها في بالي بكل لانها ملخبطة وبزايد بعد ما رميت ، فلهذا مش ماشية بحسبتها ...

.

ام سعد / ربي يسهل عليك وتجيبي طبيعي .

بوسي / اجازة زعما ؟؟؟

نسرينا

01-25-2011, 02:11 PM

أمس حسبت ، لقيت لو ان ما رميتش كان موعدي يوم 6 / 12

اللهم لا اعتراض ..

الحمد لله

اللهم لا مانع لما اعطيت ولا معطي لما منعت ..

.

عاشقة الصحراء

01-25-2011, 02:32 PM

خخخخخخخخخخخخخ أكيد عن طريق التليفون يانسرين ... هههههههههه
قولي بنسألك انتي عندك تكيس في المبايض ؟؟؟ أو زيادة في هرمون الحليب ؟؟؟
لأن حسب ماتحكي دورتك مش منتظمة
بوسي وينك وينك وينك ؟؟؟ انشالله خير
حنين فينك يابت ؟؟؟ شكلها مصر خداتك رسمي .. انشالله تكوني بخير يارب

عاشقة الصحراء

01-25-2011, 02:37 PM

حبيبتي نسرين ماتتحسريش على قدر الله وقضاءه ... ربي حيعوضك أكيد ..
عندي سلفتي عندها تكيس بالمبايض ودورتها تغيب بالشهور حملت من قبل ورمت .. تعرفي توا كل ماتتذكر نقوللها قولي الحمد لله لأن حمل يجي هكي بدون دورة وجسمك ملخبط حتى لو قعد ماكانش حيطلع طبيعي يعني نزل لحكمة يعلمها ربي ... وتوا رفعتها اني وراجلي لدكتورة روسية في السبيعة ممتااااااااااااااااازة تعالج عندها ودورتها انتظمت والشهر الجاي بتبدا في كورس الكلوميد بالك يصير حمل ياااااااااااااارب ..

ام قصى محمد

01-25-2011, 02:50 PM

سلام حبيبتى كيف الكل عاشقه حبيبتى والله مانزعل من وحده زيك طيوبه خفيفه دم وحليوه

عاشقة الصحراء

01-25-2011, 02:52 PM

وعليكم السلام أم قصي ... كيف حالك ؟؟ تسلميلي يارب انتي العسولة ياعسل ..
شن جوك وشن أخبارك مع الضيوف والماشي والجاي ؟؟؟ وربي يعوضك خير يارب

ام قصى محمد

01-25-2011, 02:55 PM

عاشقه انتى توا فى الشهر الكم؟

ام قصى محمد

01-25-2011, 03:03 PM

نسرينا انا توا لما رميت دورت موضوع الدوره ولقيت انه موعد يتغير وانتى وسعى بالك عمرى وكثرى من الدعاء خاصه الثلث الاخير من الليل واخرى الصدقه بنيه الحمل بولد صالح والله انا طول رمضان ديما دعائ من وانا شباب انى ربى يرزقنى الزواج والزوج والذريه الصالحه وان يجعلنى زوجه صالحه ولله الحمد زواجى من الاول شرعى ما نعرفه بكل وحبيته وهو يحبنى وعندنا بنتين بالكون كله تعرفى كثرى من الصيام والوقت الافطار الدعاء مستجاب وانشالله ربى يرزقك

ღॐ آية ღॐ

01-25-2011, 03:10 PM

صباحو ... كيف الحال ؟؟؟ أم قصي سلام خاص مربع مكعب ليك والله مش قصدي مانسلمش عليك لكن كنت مستعجلة وماقريتش حتى المشاركات كلها وطلعت على طول ... كيف حالك ؟؟؟
ليبيا حبيبتي كيف حالك والله ليك وحشة انشالله ربي يسهل ولادتك انتي وآية وأم سعد يااااااااااارب .
آية كيف حالك شن صار كملتي شعرك وميشتيه ؟؟؟ صحة صحة مقدماً
ميمو الحلوة شن الجو ؟؟؟ يارب ياااااااااااارب بإذن الله حامل مادام فات موعدها وطلعلك خط خفيف من قبل ربي يفرحنا بيك انتي ونسرينا وميرنا وأضوء وكل من تستنى يااااااااارب
نسريييييييييييييييييييييينا وينك وينك وينك ؟؟؟ طمنينا عالأقل ... نحس فيك قاعدة في الحمام على قولت ميرنا هههههههههههههههههههههههههه

عاشقة كيف حالك وشن اخبار الوحم
هداياستي كملت تجهيز نفسي درت الحلوة يوم السبت وامس قصيت شعري
ودرت خصلات ميش بلاتين طلع حلو على الاخر>> مهبولة تشكرفي عمرهاhwaml02
واليوم كملت عقاب الحلوة لاكن ماكملتهالين عيوني طلعو
هم ونزاح وتوة مستعدة 100% بادن لله انشاء الله نجيب الليلة ولاغدوة
ادعولي hwaml7

ღॐ آية ღॐ

01-25-2011, 03:13 PM

نسرينا ربي يعوضك خير
ربي كريم وماخد منك الاليعطيك ...

عاشقة الصحراء

01-25-2011, 03:26 PM

عاشقة الصحراء

01-25-2011, 03:29 PM

واحد عم يقول لجاره
سكر الشباك وأنت نايم مع مرتك
لأني شفتكم مبارح.

ضحك وقال له:
أصلا أنا مبارح ما كنت في البيت يا حماررررررررر
ههههههههههههههههههههههه

ليبياقلبي

01-25-2011, 03:39 PM

يسعد مساكم نسرينا مش نقصد ماخاطريش نجيب معناها نبي البيبي يقعد في الرحم افضل مش يقولوا كل ماتفوتي احسن وانا اليوم نسكر اول اسبوع في التاسع يعني مازال شوية وبعدان والله مامجهزة حاجة لاصاكوي ولاصاكو البنوتة ولا الحوش ظميته ولا روحي لاحلوة لاشي اكيد بنخمم وربي يسهل علي وعلا ام سعد وايوتة
ام سعد كم ليك في شهرك

عاشقة الصحراء

01-25-2011, 03:46 PM

ليبيا كيف حالك ؟؟؟ ربي يسهللك يارب .. انشالله تكملي أمورك كلها على خير ومن غير مضرة للبيبي وتنوضي بالسمة انتي وام سعد وآية ...
الثلاثي المكركب هههههههههه على أساس مش جاينا الدور هههههههههه ربي يسهللكم يارب

ღॐ آية ღॐ

01-25-2011, 05:43 PM

حبيبتي أم قصي اني توا في الثالث والاسبوع الجاي بنخش الرابع انشالله ... ادعيلي .
آية العسولة صحة صحة شعرك كان درتيه زي الصورة اللي حطيتيها حيكون حلو بكل تأكيد أن فعلا القصة واللون يجننوا.. والحلوة وااااااااااااااااااك منها رسمي تطلع العيون .. حيه عالراجل حيه ..هههههههههههههه والله مسكين قدامه عروسة ومش قادر يقرب ههههههههههههه قداش مانحبها هالمواقف امتع شوف ولا تذوق .. تحسسك باللذة خخخخخخخخخخخخخخخخخخ
ربي يسهللك ولادتك يارب .. وكان جبتي توا طمنينا مش تغيبي على طول خشي وقولي جبت بس وبعدين خليك في نفاسك مع ان بنستاحشوك هلبا

عندك حق كلمني مبكري قالي كملتي الحلوة قلتله اي قالي اليلة بادن لله حتجيبي
والله خفت قلتله اجلها hwaml02
ربي يستر في ايوب من الي خشيت شهري وانا عزوبيه ويوم ما خطرله جبت في نفس الليلة وحتى توا من الثامن وحنى زي الوخين واليوم متحلف hwaml17 يستر الله علياhwaml5

ღॐ آية ღॐ

01-25-2011, 05:45 PM

ليبيا وحدة وحدة ان شاء الله تكملي ترتيباتك
وتولدي على خير ..

ام قصى محمد

01-25-2011, 06:20 PM

عاشقه انشالله انشالله بسلامتك لومينك رايقه مش زى الجماعه الى على اعصابهم (ليبيا وام سعد وايه)مع انه ايه عينى عليها بارده شاطره تمت امورها انشالله تبشرنا بولاتك ياايه مش لما تشوفى البيبى تنسينا (من لقى احبابه نسى اصحابه)ههههههههههه

ام قصى محمد

01-25-2011, 06:30 PM

hwaml15ليبيا رتبى امورك بمعنى اكتبhwaml81ى قائمه بالحاجات الى لازم تم قبل الولاده وابدى نفذى بس من دون توتر راه يسبب ولادتك ابدى بالبيت ولو فى من يساعدك احسن الحلاوه اخر حاجه طبعا وراه انا فى بنتى االبكريه درتها فى الصبح بعد مادرت حمامى وخلاص معش عندى شى سبحان الله حكيت معاها قلت لها هيا تعالى وانا تبدى فيا الليه وجبت فى الليل وفى الثانيه زيك والدكتوره تقولى لازم تجيبى خلاص مشيت وكملت كل حاجه يمكن فى يومين وجبيت احلى بنوته انشالله حتى انتى ربى يسترها معاك

عيون زوجي

01-25-2011, 08:56 PM

مااااااشاءالله
الجماعه واتيه للمجيبه قلت ماشاءالله
هههههههههههههههه
ايه حراااااااااااااااااااام عليك مشحورة الراجل
مادامك كملتي اعطي الراجل حقه
تخافي تجيبي من غير ما تعطيه شي
مسكين بيتحمل شهر ونص فات واربعين يوم جايين
ربي يعينه
الخليجيين يقولوا يلي يبي الدح مايقولش اح((مانعرفش شنو هو الدح)) هههههههههههه
ربي يسهلها اعليكم انتي وام سعد وليبيا
سهفتوني بنيو لوك
عندي عرس بنت عمتي يوم 28/2
ومن قبل سفري يعني من اكتر من سنه ماخشيتش عرس
لازم انجدد ونغيروا
تشينج ستايل

عيون زوجي

01-25-2011, 08:57 PM

الله خلق كل حيوان وجعل فيه ميزة وكذالك شكل معين
ولكن هذا لا يمنع انه هناك حالات استثنائيه
هنا اضع بين ايديكم....
أغرب 10 حيوانات بالعالم
http://forum.hwaml.com/imgcache2/hwaml.com_1295978263_535.jpg
وجد الأطفال في حضانة ويستون سوبر(في انجلترا) هذا المخلوق في الحديقة. وهو عبارة عن ضفدع بثلاثة رؤوس –سبحان الله-.
المصدر: BBC News
http://forum.hwaml.com/imgcache2/hwaml.com_1295978266_200.jpg
كان يعتقد في البداية بأن هذا القط غير حقيقي. لكنه حقيقة مع عين واحدة وبدون انف تمكن هذا القط من العيش لمدة يوم واحد.
المصدر: BBC News
http://forum.hwaml.com/imgcache2/hwaml.com_1295978264_973.jpg
أشهر مخلوق غريب حتى وقتنا الحالي هو الدجاجة مايك التي كانت بدون رأس. تمكنت هذه الدجاجة من العيش لمدة 18 شهرا ودخلت موسوعة غينيس للأرقام القياسية. وقد تمكنت من العيش لهذه المدة لأن جزء من دماغها وأذن واحدة كانت على جسدها.
المصدر: Mike the Headless Chicken
http://forum.hwaml.com/imgcache2/hwaml.com_1295978264_476.jpg
هذه ليست مزحة من مزحات الفوتوشوب فقد تحول لون فرو انثى الدب بيلوزا (كما تم تسميتها) بعد ان اعطيت ادوية خاصة بتنقية الجلد. وجذب هذا التحول الكثير من الزوار الى حديقة ميندوزا سيتي في الارجنتين. وقد عاد لون فرو بلوزا الى لونه الطبيعي بعد عدة ايام.
المصدر: NW Botanicals
http://forum.hwaml.com/imgcache2/hwaml.com_1295978263_404.jpg
ماذا ترى في هذه الصورة؟
انها طفرة جينية لاحد انواع الببغاء وقد سميت بـ Feather duster (وتعني منفضة الغبار).
المصدر: Green Apple
http://forum.hwaml.com/imgcache2/hwaml.com_1295978263_422.jpg
مجموعة من الدلافين اكتسبت اللون الزهري في نهر دلتا الواقع بين هونغ كونغ و ماكاو. ولم يعرف سبب هذه الظاهرة لكن مجموعة من الخبراء قالوا بانه قد يكون سبب عدم تنظيم الحرارة بين خارج الجسم وداخله أو الظروف المفترسة التي تحيط بها.
المصدر:2 Dolphins
http://forum.hwaml.com/imgcache2/hwaml.com_1295978264_908.jpg
قام مزارع بتسليم هذه البقرة ذات الست أرجل الى رهبان معبد محلي خوفا من أن تجلب له الحظ السيء. وقد تم تسميتها "تشام ليك" ويعني الغريب مع العلم أن عمرها شهران فقط.
المصدر:Steve Quayle
http://forum.hwaml.com/imgcache2/hwaml.com_1295978266_317.jpg
في ظاهرة غريبة من نوعها تم تضخم كرة مطاطية في التجويف الأنفي لفقمة. وتعتبر الفقمة من الثدييات التي يصل وزنها الى 400 كغم وطولها الى ثلاثة أمتار.
المصدر: Canadian Museum of Nature
http://forum.hwaml.com/imgcache2/hwaml.com_1295978266_116.jpg
يعتبر هذا المخلوق أغرب مخلوق بحري في العالم. ذا جسم مسطح تقريبا ويزن اكثر من طنين وطوله اكثر من ثلاثة أمتار. ويحتل الرأس مكانة كبيرة جدا حيث يمثل أكثر من ثلث الجسم.
المصدر:Earth Window
http://forum.hwaml.com/imgcache2/hwaml.com_1295978263_902.jpg
اذا كان من ضمن معلوماتك بأن النمر السيبيري هو أكبر قط في العالم فمعلوماتك خاطئة. النمر هو أكبر قط في العالم حيث ان هناك فرق شاسع بين الأسد الذكر والنمر الأنثى.
المصدر:Wikipedia
ســــبـــحــــان الله الــــعـــظـيـــم

مــــــــــــــــــنـــــــــــقولــــــــــــــــ

عيون زوجي

01-25-2011, 09:04 PM

مجموعة اغرب الحيوانات الموجودة في العالم والتي طبعا لم تراها في حياتك من قبل .. هذه الحيوانات هي غريبة الاطوار في تصرفاتها ونموها وكذلك ايضا في شكلها ...

http://forum.hwaml.com/imgcache2/hwaml.com_1295978662_712.jpg

اماكن وجوده : جنوب حوض الامازون,شرق بيرو, شمال بوليفيا ويتمركز في الغابات له شارب ابيض طويل وهو العلامة المميزة له وربما سمي بهذا الاسم نظرا للتشابه بينه وبين اخر قياصرة الامبراطورية الالمانية

http://forum.hwaml.com/imgcache2/hwaml.com_1295978662_732.jpg

Tapir- تعيش في جنوب ووسط امريكا, وجنوب شرق اسيا من الحيوانات المهددة بالانقراض .

http://forum.hwaml.com/imgcache2/hwaml.com_1295978663_719.jpg

Sun Bear اصغر الدببة من جهة الحجم تعيش في الغابات الاستوائية جنوب شرق اسيا .

http://forum.hwaml.com/imgcache2/hwaml.com_1295978663_627.jpg

Hag Fish

http://forum.hwaml.com/imgcache2/hwaml.com_1295978663_464.jpg
Star-nosed Mole

http://forum.hwaml.com/imgcache2/hwaml.com_1295978663_725.jpg

Proboscis Monkey - معروف ايضا بالقرد ذو الانف الطويل

http://forum.hwaml.com/imgcache2/hwaml.com_1295978663_845.jpg
Pink Fairy Armadillo اماكن وجودهاك الارجنتين تستطيع ان تدفن نفسها في التراب لبضع ثواني تحفر حفر في الارض للبحث عن مستعمرات النمل حيث تعتمد عليها في غذائها

http://forum.hwaml.com/imgcache2/hwaml.com_1295978663_768.jpg

Axolotl - هذه الفصيلة توجد في بحيرة مكسيكو سيتي تستخدم بكثرة في البحوث العلمية لقدرتها على اتجديد اجزاء جسمها في امريكا واستراليا واليابان تصنف من الحيوانات المنزلية التي يمكن تربيتها .

http://forum.hwaml.com/imgcache2/hwaml.com_1295978663_974.jpg
Alpaca - يشبه الى حد كبير حيوان اللاما وحجمه مثل حجم الخروف ولكن برقبة طويلة له الوان عدة ويستفاد من صوفه.

http://forum.hwaml.com/imgcache2/hwaml.com_1295978663_466.jpg
Tarsier - تصنف تحت طائفة القرود لها اصابع طويلة تعيش على الحشرات وبعض الثعابين والطيور الصغيرة لها قدرة عجيبة على القفز على فريستها والتهامها من الحيوانات النشطة في الليل اكثر اماكن وجودها:بعض الدول الاسيوية واوروبا , شمال امريكا .

http://forum.hwaml.com/imgcache2/hwaml.com_1295978662_554.jpg
Dumbo Octopus - من اندر فصائل الاخطبوط تعيش في اعماق بعيدة جدا في البحر

http://forum.hwaml.com/imgcache2/hwaml.com_1295978662_732.jpg
Frill-necked Lizard - من الزواحف تمشي عادة على قدمين اذا كانت في الارض يصل طولها الى متر اماكن وجودها : منطقة كمبرلي غربي استراليا, شمال استراليا, جنوبي غينيا.

http://forum.hwaml.com/imgcache2/hwaml.com_1295978662_585.jpg
Komondor Dog - من سلالة الكلاب مكان وجودها: هنغاريا رشيقة وسريعة جدا

http://forum.hwaml.com/imgcache2/hwaml.com_1295978662_667.jpg

Angora Rabbit - اماكن وجودها: تركيا معظمها هادئة ومطيعة ولكن يجب التعامل معها بعناية .

http://forum.hwaml.com/imgcache2/hwaml.com_1295978662_563.jpg

Narwhal- من فصيلة الحوت الابيض(من الثدييات ) الذكور منها لها انياب طويلة قد تصل الى 3 امتار.

http://forum.hwaml.com/imgcache2/hwaml.com_1295978662_400.jpg

Sucker-footed Bat نوع من الخفافيش مكان تواجدها: جزيرة مدغشقر مهددة بالانقراض .

http://forum.hwaml.com/imgcache2/hwaml.com_1295978662_759.jpg

Pygmy Marmoset- نوع من القرود اماكن وجودها : غرب البرازيل,جنوب شرق كولومبيا, شرق الاكوادور, شرق بيرو صغير الحجم لايتجاوز 16 سنتيمتر

http://forum.hwaml.com/imgcache2/hwaml.com_1295978662_853.jpg

Red Panda - من الثدييات اكلات الاعشاب حجمه اكبر من القطة بقليل لديه مخالب قابلة للانقباض اماكن وجوده: نيبال وجنوب الصين من الحيوانات المهدده بالانقراض .

http://forum.hwaml.com/imgcache2/hwaml.com_1295978662_340.jpg

Blobfish - تعيش في اعماق بحار سواحل استراليا وتسمانيا من الصعب رؤيتها لأنها توجد في اعماق بعيدة وهي عبارة عن كتله جيلاتينية خالية من العضلات تستطيع ابتلاع اي طعام موجود في الماء

http://forum.hwaml.com/imgcache2/hwaml.com_1295978662_256.jpg
Platypus- من الثدييات الشبه مائية(برمائية) مكان وجودها:شرق استراليا بمافيها تسمانيا تعتبر الوحيدة من الثديات التي تضع البيض

http://forum.hwaml.com/imgcache2/hwaml.com_1295978662_595.jpg

Shoebill - طائر كبير الحجم صغاره عادة الوانها رمادي اما الكبار منها فلونها بني اماكن تواجدها: في الدول الافريقية الشرقية في المستنقعات من السودان الى زامبيا وهذا الطائر معروف لدى المصريون القدماء والعرب يتغذى على المياه الموحلة وبعض انواع الاسماك

http://http://pms.panet.co.il/online/images/articles/2007/10/20-10-07/20_1.jpg
Sloth - نوع من الثدييات ذات الحجم المتوسط مكان تواجدها:امريكا الجنوبية والوسطى غذاؤها: على الحشرات وانواع الزواحف الصغيرة

http://forum.hwaml.com/imgcache2/hwaml.com_1295978663_207.jpg

Yeti Crab - يوجد في المحيط الاطلسي الجنوبي شوهد لأول مرة في عام 2005 اغرب حيوانات في العالم اتحداكم لو احد شافها

(http://forum.6r63h.com/t42094/)

ام قصى محمد

01-25-2011, 09:32 PM

عيون تسلمى عالصور سبحان الله ومع هذا كله فى ناس جاهله قدره الله فى خلقه بارك الله فيك

عيون زوجي

01-25-2011, 10:21 PM

الله يسلمك يا ام قصي محمد
كيف حالك وحال بنياتك انشاءالله تمام؟؟؟؟؟؟؟

عيون زوجي

01-25-2011, 10:22 PM

منو موجوده منكم حاليا
ولا مافيش حد
هالوووووووووو ......

عيون زوجي

01-25-2011, 10:35 PM

فساتين شتويه 2011 .. فساتين شتويه روعه

السلام عليكم ورحمه الله وبركــــــآته

http://forum.hwaml.com/imgcache2/hwaml.com_1295984154_963.jpg

http://forum.hwaml.com/imgcache2/hwaml.com_1295984158_750.jpg

http://forum.hwaml.com/imgcache2/hwaml.com_1295984158_397.jpg

http://forum.hwaml.com/imgcache2/hwaml.com_1295984154_548.jpg

http://forum.hwaml.com/imgcache2/hwaml.com_1295984156_900.jpg

http://forum.hwaml.com/imgcache2/hwaml.com_1295984158_528.jpg

http://forum.hwaml.com/imgcache2/hwaml.com_1295984153_151.jpg

http://forum.hwaml.com/imgcache2/hwaml.com_1295984157_594.jpg

http://forum.hwaml.com/imgcache2/hwaml.com_1295984157_594.jpg

http://forum.hwaml.com/imgcache2/hwaml.com_1295984155_239.jpg

http://forum.hwaml.com/imgcache2/hwaml.com_1295984155_467.jpg

http://forum.hwaml.com/imgcache2/hwaml.com_1295984159_887.jpg

http://forum.hwaml.com/imgcache2/hwaml.com_1295984156_258.jpg

http://forum.hwaml.com/imgcache2/hwaml.com_1295984154_562.jpg

http://forum.hwaml.com/imgcache2/hwaml.com_1295984153_677.jpg

http://forum.hwaml.com/imgcache2/hwaml.com_1295984155_858.jpg

http://forum.hwaml.com/imgcache2/hwaml.com_1295984156_874.jpg

http://forum.hwaml.com/imgcache2/hwaml.com_1295984155_288.jpg

http://forum.hwaml.com/imgcache2/hwaml.com_1295984154_637.jpg

وهالموديلات موجود منها واقصد نفس الموديل وشبيهه في كل محلات طرابلس
منها التركي والسوري والطلياني عجبوني
موديلات بسيطة جدا وتليق بالمدام والانسه.......
سامحوني كسدت وبديت نتفرج على هلبه مواضيع ويلي يعجبني منه نحب نشاركم معاي فيه...........

ليبياقلبي

01-26-2011, 02:23 AM

هلا بالحلوات ايوتة انتي امتى موعدك انا كنت حاسبة خطا انا غدوة بعون الله نخش في الاسبوع38
عيون وام قصي شن جوكم

بنت الزنتان

01-26-2011, 04:09 AM

السلام عليكم
كيف حالكم كلكم رجعتلكم تاني بعد ما جبت بنية واخترتلها من الأسماء هبة
يارب اتكون وجه خير علينا ومن الذرية الصالحة وحملة القرآن

ام قصى محمد

01-26-2011, 05:07 AM

النوم مجافينى وحبيت انطل بلكى فى وحده سهرانه نسرينا وينك حبيبتى طمنينى شن صار

ام قصى محمد

01-26-2011, 05:24 AM

اختى بنت الزنتان مرحبتين بيك وربى يحفظلك بنوتك انا عندى بنتين

عاشقة الصحراء

01-26-2011, 10:49 AM

صباح الخير ...
آاااااااااااااااااااااااااية والله ضحكتيني ... زعما شن صار فيك ياعسولة جبتي ولا مازال ههههههههه والله انتي جو ... تبي الحج والسلامة . تديري حلوة وتقصي شعرك وماتبي شي يصيييييييييييييير ... لا لا لا يا بو قلب قاسي .
تعرفي من لما قريت كلامك خطرت في بالي أغنية زمزامات يمكن سمعتيها من كتر مايحطوا فيها في الأعراس تقول ( جاك الدبور يانحيلة ) هذي فددوني بيها صاحباتي في عرسي . رسمي انتي جاك الدبور امبارح وربي يستر عليك .. ههههههههههه طمنينا يا حلوة بما تبقى منكي على قيد الحياة وكان جبتي عاد هذاك هو سلامتك وربي يسهللك ...
ليبيا وأم سعد شن صار فيكم ... قاعدين تقاوموا ؟؟؟
حبيبتي أم قصي شن أخبارك وتسلميلي يارب عالسؤال ... عيون شن جوك ياحلوة وتسلمي جدا عالفساتين الحلوة فعلا بسيطة وأنيقة لكن صور الحيوانات ماقدرتش نشوفها لأن الحكاية حمل زي ماتعرفي ومش كويس نشوفوا حاجات زي هذي .. تسلمي ياقمر ..
نسرينا .. ميمونة .. حنين .. ويييييييييييييييييييينكم ؟؟
نسرينا المزكومة كيف حالك ؟