تجمع حوامل ليبيا

[سورينام]

ليبيا قلبي .. وراس وخيتي ماتخافي ولا تنكدي على روحك .. اني عندي صاحبتي نفس ماصارلك انتي حتى هيا في الثامن صارلها زيك مية البيبي نقصت .. رقدوها في المستشفي وبدو يضربولها في يبرا مرتين في اليوم لمدة 7 ايام وبعدها الحمد لله الحالة اتحسنت وكملت حملها وجابت بنيتها وتوا عمرها عام مشاالله .. ختى انتي ماتخافيش واللي ايشوفه دكتورك امشي عليه واني نعتقد ان الحمدلله حالتك مش متأزمة كان هذا راهو رقدوك ..وماتخاااااااافيش طهورا انشاءالله

[سورينام]

لوووووووووووليييييييييي .. نسسسرينااااااااااااا وينكم ياجماعة الليل .. هكي خليتوني امكسدة بروحي ..

[سورينام]

آية لاباس عليك انشاالله تولدى في وقتك وتكملي حملك على خير اني وكل الحوامل ويخفف ربي عنكم آمييييييييييييين
عيوون .. حمودي لو عنده امساك ماتطهريشي لين يمشي منه (معومة قالهالي دكتور قبل ما انطهر فيرووووو).. وانشاالله بطول عمره مقدما
وعلى فكرة صاحبتي اللي جايبة وليد توا عندها بنية اسمها سارة عمرها سنة بالزبط وتوا وليدها سماته محمد هههههههههه وحتى هيا مواليد 82 ...... ياوالله حااالة وخلااااااص ... شكلنا بنتجمعو ونديرو رابطة وخلاص هههههه رابطة مواليد 82 كخخخخخ

قولولي نوضي ارقدي خيرلك من التعسعيس مادام الصغار رقدو ..

[سورينام]

تصبحو على الف خير ونور ورحمة من الرحمن

[أم ردينة]

اهلين با ايه كيف الحال ليك وحشه .. كيف حالك با عبون وسلمك نشاده والله المه انشالله يوم السبت وبندير مسقي رشده . والمشكله نبي اندير عصير طبيعي لكن في غريان مش موجود قوليلي محل لو تعرفي في طرابلس يبيع فيه .. وحتى اني نخمم في طهاره عباده نبي نطهره بعد لمتي انشاءالله
غير طهري انتي الاولى باش تحكيلي شنو صار معاك؟؟
وبنسأل لو درت عصير طبيعي متقدمش معاه شي ولا ولا لازم من الكيكه منحبهاش..

[أم ردينة]

خلي انقوللكم شنو بندير وانتم اعطوني رايكم اوكي... في الاول شكلاطه طبعا. وبعدين العصير بروحه اعتقد لان انحس ان ميتقدمش معاه شي العصير الطبيعي وبعدين طاسه شاهي وحلاوات والعشي والفاكه وبعدين بكلاوه وخلاص شنو رايكم؟؟؟؟

[أم ردينة]

ولا اندير رزاطه وعبمبر ؟.. والله ماني عارفه كل مره براي

[أم سعد]

السلام عليكم

الله يصبحكم بالخير

أم ردينة .. بما أن العصير مافيش عندكم ديري رزاطة وعبمبر لا يعلى عليهم الصراحة

والباقي تمام

نسرينا ... وين مغطسة إن شاء الله خير

[ღॐ آية ღॐ]

اهلين با ايه كيف الحال ليك وحشه .. كيف حالك با عبون وسلمك نشاده والله المه انشالله يوم السبت وبندير مسقي رشده . والمشكله نبي اندير عصير طبيعي لكن في غريان مش موجود قوليلي محل لو تعرفي في طرابلس يبيع فيه .. وحتى اني نخمم في طهاره عباده نبي نطهره بعد لمتي انشاءالله
غير طهري انتي الاولى باش تحكيلي شنو صار معاك؟؟
وبنسأل لو درت عصير طبيعي متقدمش معاه شي ولا ولا لازم من الكيكه منحبهاش..

السلام عليكم
اهلا بيك ام ردينة والله استاحشتكم
ووالله ماني عارفة كيف بندير لما نحول
الفترة الاولى كلها بنقعد من غير نت لان الحوش الجديد يبي تيليفون ارضي
واجراته اطول يعني بنقعد مستحشتكم وخلاصhwaml4..
بنسبة لي عصير الطبقات يقدمو معه في شكلاطة ..

[ღॐ آية ღॐ]

سورينام
منورة هلبا هلبات
وسلمك نشادة معادش تغطسي
والله تخلي في مكانك

[ღॐ آية ღॐ]

انا من راي ام سعد يا ام ردينه
رزاطة وعبمبر احسن
وانا بصراحة ما عنديش معاهم روح
وان شاء الله كل شي بلبركة وربي يعاونك

[ღॐ آية ღॐ]

يسعد مساكم انا نفسيتي تعبانة هلبة هلبة ومن مبكري نبكي الدكتور قالي مياه البيبي ناقصة واعطيني دواء والله نفسيتي تاعبنة ادعولي بالله عليكم

ليبيا قلبي ما تتغشيشيش ولا تزعلي عمرك بادن لله ترجع كمية المياة
بس ماقالكش شن سبب نقص المية ..
ضروري تساليه ...
وربي يسهل عليك وتولدي في موعدك
دومي على العلاج وديري بالك على عمرك

[حنين88]

السلام عليكم كيف حالكم يابنات ليبيا قلبي ، تيمو ليبيا، عيون زوجي ، سورينام، نسرينا ، حبل الوصل ، راجية ، ام رودينة، ام اسيل ، اية ، ام سعد ، بوسي، لولي والجميع ان شاء الله مانسيت حد اني تعبانة يابنات مع اني نهاية الثالث والصداع زايد والماكلة معاش فيه نية والغربة حتى هيا دايرة فيا حالة ماتلقيش حتى من يمدلك طاسة المية راجلي ديمة مشغول ويروح موخر والحمد لله وخلاص نتمنى نروح لليبيا ونقعد عند امي والله تعبت تعبت وعندي وجع فم المعدة شوره من الترجيع تعرفو نقعد بروحي في الحوش زي الغولة والله نستاحش في صوتي والصداع اليوم اربع ايام مستمر نرقد ونوض عليه يارب صبرني وكوني معايالف لاباس عليك يا ليبيا قلبي ماتشوفي شر

[ليبياقلبي]

مشكورة سورينام واية وربي يشفيك ويصبرك ويكون معاك حنو والله استاحشناك ويا اية الدكتور قالي من المشيمة موصليتش الدم هكي قالي واعطاني دواء وقالي ولي بعد اسبوعين كان هدا بنولدك مبكر والمشكلة زيدي الطين بلة عندي شوية زلال في البول والتهاب مسالك رجعلي لانا حملت بيه من الاول والله ربك يستر

[حبل الوصل]

السلام عليكم كيف حالكم كلكم ولاباس عليك ياحنين وليبيا قلبي وعيون
اية ان شاءالله تحولى وتجيبي في بيتك الجديد على خير انتى وام سعد
معراج وين هالغيبة والاالوحم جايك علينا ربي يسهل عليك
سورينام الك وحشة وشن حال صغارك

[حبل الوصل]

يابنات نبي نسالكم ولدى عندى التهاب في اللوزات وديما يشكى منهم وبطل حتى الماكلة ودواء الدكتور مش نافع فيه وقالولى لازم من العملية لما يسكر 5سنين لكن بوه مايبيش يديرله العملية وانى مش متحملة نشوفه هكى لوعندكم علاج غير علاج الدكتور بالله قولولى عليه

[أم سعد]

السلامـ عليكمـ

ليبيا قلبي .. ألف لاباس عليك إن شاء الله وماتتغششيش روحكـ راهو حتى النفسية تأثر

حنين .. فترة وتفوت إن شاء الله مع الرابع كله يمشي تقولي كذب هذا اللي يقولو فيه الجماعة اللي تتوحم اصبري هانت إن شاء الله

حبل الوصل .. حل ولدك العملية أنا كنت هكي وخوتي كلنا نتعبو هلبه منهم ومارتحناش إلا لما نحيناهم وتوا صغار أختي نفس الشي ومارتاحوش إلا بعد مانحوهم اللوز فرق كبيييييييير بكل

آية .. إزيك النهاردة عامله ايه

سورينام .. نورت التجمع

عيون زوجي .. كيف حالك اليوم إن شاء الله أحسن

[حبل الوصل]

اهلين ام سعد
انى عارفة ان هذا الحل بس شن يخلي البو يقتنع والله قريب نهرب بيه ونديرله عملية

[أم سعد]

خليه يمشي للدكتور ويقتنع منه

قوليله هذا كلام دكاترة ويسأل أكثر من دكتور لو هو خايف

وبعدين العملية هذه ولت حاجة عادية بكل عندنا

توا الأسبوع اللي فات دارها صاحب زوجي لبنته والحمد لله أمورها تمام

ودارهالها في شارع الزاوية وتوا الحمد لله تمام التمام

[ام اسيل]

تسلميلي ياعيون وان شاء الله حتى عشرة والله ماني كارهتهم
تعرفي وقسما بالله امس حلمت بيك جايتيني في الحوش وشكلك يهبل ورشيقة خالص وانا نقول خزي على نسرينا وسورينام يقولو دبة وهي تهبل صورتك اللي في الحلم هي اللي نتخيل فيها عليك توا

حبل الوصل لاباس على عموري ولازم تقنعي بوه انا منبيش نخوفك بس عندي صاحبتي ولدها جاته فترة يطيح وبعدها معش قدر يمشي ولما شالوه لتونس قالولهم هذا من التهاب اللوز دايرات صديد ونازل على الرجلين
توا الوليد كويس بس انتي ردي بالك



رجاااااااااااااااااااااااااااااااااااااااااء؟؟؟؟؟؟ ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

وينك ياحلو ليك وحشة ان شاء الله المانع خير وتكوني طلعتي حامل يارب

[ღॐ آية ღॐ]

حبل الوصل والله ماليهم حل غير العملية
والله مسكين يقعد ديمة يعاني منهم
بنت سلفي دارتها المدة الي فاتت وتوة حالها باهي مشاء الله عليها

ليبيا قلبي ان شاء الله لاباس عليك ويارب تكملي حملك على خير..

ام سعد انا بخير والحمد لله انتي شن اخبارك وشن امور البني.

ام اسيل منورة وان شاء الله يتحقق حلمك وتشوفي عيون والله حتى انا خاطري نشوفها
لاكن نتخايل فيها دبدوبة مش عارفة ليش ههههههههههههههه.

[أم سعد]

أهلين آية أنا الحمد لله والبني ماشية أموره ويستر الله

[حبل الوصل]

ربك يستر ياام اسيل ان شاءالله في عطله نصف السنة نرفعه لتونس واللى يقولوه نديره ليه وخلاص

[أم سعد]

حبل الوصل ...إن شاء الله ربي يشفيه وليدك

[أم سعد]

رجاء .. خيرك تقري بس نبو تسلمي ونسمعو أخبارك

[راجيه فرج ربها]

السلام عليكم ورحمة الله وبركاته كيفكم كلكم بلا تخصيص وشكرا لكل من سال ودعاء وله بالمثل مشيت لطرابلس وشوفو الضحكه دخلت محل حنين للاطفال ولقيت وحده تشري هي وزوجها في ملابس مواليد ومعها طفل عمره هكي سنتان تقريبا طبعا ولت تنادي عليه ياايوب مشيت زي المهبوله سالتها انت سماك ايه ابتسمت وقالت لا واستغربت مني زعما هدي انت ياايه والله انا تدروشت قالي زوجي يا تاجوراء ماريتي عمر المراه خافت منك المهم حصلت لبنتي حاجات نازكه في محل ماما والله محل نازك كل نزله لطرابلس ناخد حاجات الصغار منه وتو فتحوله فرع جديد جنب النبراس كل الاعمار طبعا عمر بنتي حاجات بسيطه لكن وفت بالغرض لله الحمد شن امور البنات ان شاء الامور ميسره وللامهات يحفظ الله الصغويره وللحمال ربي ييسر الامور وللمشتاقه ربي يبل الشوق يارب العالمين ويشفينا جميعا قولن امييييين
معليش النت مفصول هالفتره كل مانحصل ندخل نطمن ان شاء الله المره الجايه بالبشرات الكن كلكن يارب

[أم سعد]

هههههههههههههههههههههههه

ضحكتيني يا راجية ههههههههههههههههههههههههههههه

نورت طرابلس .. وإن شاء الله تتهنو بالحوايج وتلبسوهم في الفرح

[تيمو ليبيا]

السلام عليكمhwaml7

[تيمو ليبيا]

ام سعد عيون ليبيا حبل وصل ام اسيل سورينام راجيه ام لقمان حنين رجاء ايمان ميمونه كيف حالكم كلكم انشالله تكونو بخير عيون فرقت حالنا ماليزيا بلاد وحيده ال مفيهاش صقع جو استوائي ديما وطهري حمودي كل ماصغير كل ما خير احني لما ايطقع اسبوع ايقرمطوهاله مسكين ليبيا حبيبتي الف لاباس عليك ومتخافيش حاجه عاديه انشالله وادعي ديما وخلي في فمك كلمة يارب في كل شي

[أم سعد]

أهلين تيمو نورت التجمع

[تيمو ليبيا]

قالولي لما تتزوجي دوره معادش توجعك وتزوجت ودوره قعده بتقطعني مشكله منقدرش ناخد مسكن لاني مازال ارضع في بنتي قولولي علي حاجه طبعيا ناخدها تسكن الم من غير القرفه قرفتهم مش حلوه نسرينا ولولي شغلتونا عليكم انشالله مانع خير

[أم سعد]

اشربي سخون

ديري شاهي سخوووون بالنعناع يقولو كويس

[تيمو ليبيا]

منور بيك ام سعد كيف حال حملك توا كملتي سابع ولا مازال

[تيمو ليبيا]

والهي درت لاكن وجعها قوي هلبه لازم بروفين ناخد حمدالله وخلاص

[ღॐ آية ღॐ]

السلام عليكم ورحمة الله وبركاته كيفكم كلكم بلا تخصيص وشكرا لكل من سال ودعاء وله بالمثل مشيت لطرابلس وشوفو الضحكه دخلت محل حنين للاطفال ولقيت وحده تشري هي وزوجها في ملابس مواليد ومعها طفل عمره هكي سنتان تقريبا طبعا ولت تنادي عليه ياايوب مشيت زي المهبوله سالتها انت سماك ايه ابتسمت وقالت لا واستغربت مني زعما هدي انت ياايه والله انا تدروشت قالي زوجي يا تاجوراء ماريتي عمر المراه خافت منك المهم حصلت لبنتي حاجات نازكه في محل ماما والله محل نازك كل نزله لطرابلس ناخد حاجات الصغار منه وتو فتحوله فرع جديد جنب النبراس كل الاعمار طبعا عمر بنتي حاجات بسيطه لكن وفت بالغرض لله الحمد شن امور البنات ان شاء الامور ميسره وللامهات يحفظ الله الصغويره وللحمال ربي ييسر الامور وللمشتاقه ربي يبل الشوق يارب العالمين ويشفينا جميعا قولن امييييين
معليش النت مفصول هالفتره كل مانحصل ندخل نطمن ان شاء الله المره الجايه بالبشرات الكن كلكن يارب
راجية والله تمنيت كنت اناراهي كانت صدفة حلوة
انا اسمي الحقيقي آية يعني لو كنت انا راني قلت اي
خسرة والله ...
المهم حصلتي حاجات حلوة وشن صار في الثريات انا اليوم وامس طلعت انا وراجلي نبو نشرو تريات للحوش الجديد وطبعا مش رح نختار غير الكريستال
فيه محل اسمة الشعاع في السراج ترياته تجنن
والله يهبلو ومديرين فيهم تخفيض الكبيرة بي 350..

[أم سعد]

كملت السابع وخشيت للثامن وإن شاء الله ربي يستر ... خايفة من الولادة هلبه ... نحس في الحكاية قربت

وربي يشفيك .. أنا توجع فيا الدورة لكن ماناخدلها في شي بكل

نتحمل الأيامات متاعها وخلاص

متعبة هيا ...

[أم سعد]

آية .. قداش فيها لامبة الكبيرة يعني كيف حجمها

والصغيرات والمتوسطات شن أسعارهم

وأما كرستال تقصدي

[تيمو ليبيا]

مشالله هانت لالا متخافيش كتري من الدعاء وصدقيني كله تنسيه اول ماتشوفي اوليدك قدامك ربي ينوضك بسلامه بتجيبي في عياده ولا مستشفي ايقولو الخضرا روعه ولت توا اني مشيتلها قبل منسافر مرت خوي جابت فيها معاش مستشفي عام خاصه داروها

[تيمو ليبيا]

بنسبه للتريات مفيش زي تريات الاناره كان في حي الاندلس وتوا في نوفلين حاجه محصلتش وحتي عنده طاولات جانبيات وتحف ايجننانو

[أم سعد]

تيمو .. إن شاء الله بنجيب في الأمل لأم دكتورتي تولد في الأمل والبشرى

وبالنسبة للخضراء صاحبتي جابت فيها بالعملية قتلي عناية صفر ... وحطولها ولدها جنبها وهي تعباااااانة هلبه

من غير طبعا زيادة الأسعار اللي صارت عندهم مش طبيعي وعلى شنو ؟؟؟ مافيش عناية مقومة

طبعا هذا اللي قالوه

والله أعلم في لحظة الولادة شنو يصير ...بالك نجيب حتى في السيارة

[أم سعد]

أنا مكســـــــــــــــــــــــــــــــــــــــــــــــ ـــــــــدة

قاعدة بروحي في الحوش

[ღॐ آية ღॐ]

الكبيرة فيها خمسة لامبات فيه الي ايطارها على الدهبي وفيه الي على الفضي
وكريستال شفاف وفيه الي كريستالها على العسلي
وبما ان صالتي موف هادي حناخد كريستال شفاف
شوفي هادي الي في الصورة امس شفت اختها وبناخدها وبنديرها
في الصلاة
http://forum.hwaml.com/imgcache2/hwaml.com_1293384388_863.jpg

[ღॐ آية ღॐ]

ام سعد زوقتو ولا مزال؟؟

[ليبياقلبي]

منو موجود توا

[أم سعد]

آية .. نزوقو توا .. والثريات هادو مركب زيهم خوي في حوشه

[الايمان]

وين يابنات في حد متواجد ان شاء الله لا باس عالمريض ولي على وشك الولادة تدعيلنا
ولي مشتا قة ربي يرزقها
وينك يا ام اسيل شن صار في رقم العيادة
شنو رايكن في عيادة اهليس ومبروكة زوبي بيش تنصحوني وشنو تكاليف الزرع ارجوكن ردن عليا معاش في وقت ودبينا راجلي طارب

[الايمان]

تصبحوا على خخخخخخخخخخخخخخخخخخخخخخخخخخخخخخخخخخخير

[ليبياقلبي]

اهلا الايمان والله بالنسبة للعيادة انا منعرفيهش وبالنسبة للزرع نسمع انه تكاليف جو 1000 ممكن وربي معاك ويرزقك

[ليبياقلبي]

انا الدكتور قالي السبب من المشيمة بس معرفتيش كيف هلا لانها موصلتيش الدم للببيبي بس علاش موصلتيش منو عندها خبرة وانا خايفة تاتر علا البيبي لانا انا المياه منزلتيش عليا بكل

[smhaa]

اشيييييه ياحنة الزاقات والتلميع والثريااات

شنو جوكم ياعويلية؟؟ تفكرتوووني ؟؟؟؟؟
من زمان ماخشيت هني

كيف حالكم كلكم اخباركم شنو؟

[smhaa]

السلام عليكم ورحمة الله وبركاته كيفكم كلكم بلا تخصيص وشكرا لكل من سال ودعاء وله بالمثل مشيت لطرابلس وشوفو الضحكه دخلت محل حنين للاطفال ولقيت وحده تشري هي وزوجها في ملابس مواليد ومعها طفل عمره هكي سنتان تقريبا طبعا ولت تنادي عليه ياايوب مشيت زي المهبوله سالتها انت سماك ايه ابتسمت وقالت لا واستغربت مني زعما هدي انت ياايه والله انا تدروشت قالي زوجي يا تاجوراء ماريتي عمر المراه خافت منك المهم حصلت لبنتي حاجات نازكه في محل ماما والله محل نازك كل نزله لطرابلس ناخد حاجات الصغار منه وتو فتحوله فرع جديد جنب النبراس كل الاعمار طبعا عمر بنتي حاجات بسيطه لكن وفت بالغرض لله الحمد شن امور البنات ان شاء الامور ميسره وللامهات يحفظ الله الصغويره وللحمال ربي ييسر الامور وللمشتاقه ربي يبل الشوق يارب العالمين ويشفينا جميعا قولن امييييين
معليش النت مفصول هالفتره كل مانحصل ندخل نطمن ان شاء الله المره الجايه بالبشرات الكن كلكن يارب

اهليين بيك نورتي طرابلس
تعرفي محل حنين حدا حوش بوووووي

ياريتني كنت نعرف انك غادي

قاعدة في طرابلس؟؟؟

[poucie]

صباح الخييييييييييييييير يا جماعة الخير شخباركم كلكم بدون إسثتناء .
عيون انشاء الله لابأس عليك.
حبل الوصل اف لا بأس على حومدي بصراحة يا حبل الوصل انا ننصحك لازم إديريله عمليا إتخافي لا قدر الله يزيدو يلتهبو وينزله الصديد على المفاصل وربي يقدر اللي فيه الخير.
نسرينا وييييييييييييييييينك؟؟؟؟؟؟؟؟؟؟؟؟؟؟؟ إنشاء الله خير
ليبيا ما تخافيش انشاء الله خير إتصير هلبة .

[poucie]

تيمو .. إن شاء الله بنجيب في الأمل لأم دكتورتي تولد في الأمل والبشرى

وبالنسبة للخضراء صاحبتي جابت فيها بالعملية قتلي عناية صفر ... وحطولها ولدها جنبها وهي تعباااااانة هلبه

من غير طبعا زيادة الأسعار اللي صارت عندهم مش طبيعي وعلى شنو ؟؟؟ مافيش عناية مقومة

طبعا هذا اللي قالوه

والله أعلم في لحظة الولادة شنو يصير ...بالك نجيب حتى في السيارة
تعرفي يا ام سعد انا جايبة روان في الخضراء وبصراحة عناية لدرجة لا توصف صح هما اول ما تطلعي من العملية يعطوك العيل امتاعك معاك لاكن كل شوية يجوك ويشوفوك حتى اول ما تطلعي للغرفة ايجو هما ويغيرولك وينضفوك تعرفي انا قعدت امي معاي مرافق تصدقي حتى لو ما قعدتش كان عادي لانه هما ما يخلوكش حتى في الليل لما يبكي العيل اول ما يبكي يجو يجرو يشدوه ويسكتوه بصراحة والشهادة من الدين عنيتهم كويسة والفلوس اللي تعتيهم مش حرام

[أم سعد]

السلامـ عليكمـ

صباح الخيراتـ

كيف حالكمـ كلكمـ اليومـ إن شاء الله كويسينـ

بوسي .. شكراً ليكـ لكن هذا بالكـ كانـ قبلـ سنة وتوا قالو تغيرتـ والله أعلمـ

على العمومـ أنا دكتورتي تجيبـ في الأمل والبشرى فقط

[poucie]

السلامـ عليكمـ

صباح الخيراتـ

كيف حالكمـ كلكمـ اليومـ إن شاء الله كويسينـ

بوسي .. شكراً ليكـ لكن هذا بالكـ كانـ قبلـ سنة وتوا قالو تغيرتـ والله أعلمـ

على العمومـ أنا دكتورتي تجيبـ في الأمل والبشرى فقط



إنشاء الله تنوضي سالمة وتقري عينك بسعد يا رب العالمين

[أم سعد]

الله يسلمك

[نسرينا]

احم احم

السلام عليكن

كيف احوااااااااااااااااااااااالكم كلكم كلكم

شكرا جزيلا لكل من سألت عليا

غيابي كان ،، لان بوي تعب شوية وقعد في المستشفى في الملاحظة ، وثاني يوم طلع والحمد لله توا بخيرررررررررررررررررررررر

.

[أم سعد]

أهلا نسرينا .. نورت

الحمد لله على سلامة الوالد ... إن شاء الله طهورا

[نسرينا]

الله يسلمك ويبارك فيك ام سعد

وربي يسهلك و يسرلك ولادتك يااااااااااارب


اية اية اية اية

الثريا اللي حاطة صورتها ...

عندي منها زوز في الصالة

لكن اني واخذتها من طريق عرادة ،، فيها محلات حلوووووووووووووووووة وارخص بهلللللللللللللله لما جيت نشري لقيت فرق هلبه هلبة

امشيلهم وشوفيهم

في حاجات حلوة وفرق في السعر

[أم سعد]

نسرينا ... تعالي قولي المحلات وين ؟؟؟ وبقداش يعني السعر؟؟

[poucie]

انشاء الله الف لابأس على الوالد يا نسرينا وربي يحفضهولكم انشاء الله

[ღॐ آية ღॐ]

الله يسلمك ويبارك فيك ام سعد

وربي يسهلك و يسرلك ولادتك يااااااااااارب


اية اية اية اية

الثريا اللي حاطة صورتها ...

عندي منها زوز في الصالة

لكن اني واخذتها من طريق عرادة ،، فيها محلات حلوووووووووووووووووة وارخص بهلللللللللللللله لما جيت نشري لقيت فرق هلبه هلبة

امشيلهم وشوفيهم

في حاجات حلوة وفرق في السعر

نسرينا الحمد لله على سلامة الوالد
وان شاء الله الف لابئس عليه
....
وبنسبة لي محل التريات وين في عرادة بزبط ؟؟؟
وبكم خديتوها لو قعدة تتفكري ردي عليا بسرعة بسرعة بسرعة ...

[ليبياقلبي]

شن اخباركم وخيرا ماقيش حد رد والف سلامة علا والدك نسرينا والحمد لله علا سلامته
بنسالكم انا دكتوري قالي البيبي مقعمز ميتغيريش وضعه بكل

[أم سعد]

أهلين ليبيا ... لالا يتغير انتي تمشي شوية مش هلبه

انتي في أي شهر بالضبط

[تيمو ليبيا]

السلام عليكم الف لاباس علي نسرينا وربي ايزيده من الشفي يارب

[ღॐ آية ღॐ]

شن اخباركم وخيرا ماقيش حد رد والف سلامة علا والدك نسرينا والحمد لله علا سلامته
بنسالكم انا دكتوري قالي البيبي مقعمز ميتغيريش وضعه بكل

ليبيا بنسبة لي وضع البيبي مزال عندة فرصة يتغير حتى الاسبوع 36
بس كتري من السجود واتمشي شوية لان المشي ينزل الراس للحوض
ام عن عدم وصول الدم للمشيمة وعدم قيام المشيمة بمهامها فا في هادي الحالة مفروض تراجعي اسبوعياً حتى يطمن الدكتور وراقبي حركة البيبي لو قلة او نعدمت أولو حسيتي بمغص امشي لطوارئ فوراً هدا الي قدرت نفيدك بيه .. ديري بحت في قوقل عن قلة ماء الجنين وان شاء الله رح تستفيدي اكتر ..

[ام اسيل]

وين يابنات في حد متواجد ان شاء الله لا باس عالمريض ولي على وشك الولادة تدعيلنا
ولي مشتا قة ربي يرزقها
وينك يا ام اسيل شن صار في رقم العيادة
شنو رايكن في عيادة اهليس ومبروكة زوبي بيش تنصحوني وشنو تكاليف الزرع ارجوكن ردن عليا معاش في وقت ودبينا راجلي طارب
اهلين ايمان
0925110964
هذا رقم العيادة بس مرات مايدوش حسب جوهم
وتكاليف الزرع في عيادة الامل 1500
بس هذا خاطي العلاج والابر حسب الحالة والسن والوزن يعني حدود 2000 اكثر شوية او اقل شوية
وربي يرزقكك ويعطيك من واسع فضله

[راجيه فرج ربها]

السلام عليكم ورحمة الله وبركاته

الله يبارك الكم كلكم يارب في اعماركم الحمد الله لقيت ثريات ماشاء الله عليهم في النوفليين طبعا الحبوبه ام سعد تقريبا دلتني عليهم الله يبارك في كل من اشار عليا المهم راجلي كسر رجليا من المشى تصورن من بدايه محل الثريات على رجليا لعند الحايس دهاب واياب يبي يشعفني نقول بنتمشي لكن لقيت حاجات روعه واسعارها معقوله والله ماحفضت اسماء المحلات وفيه محلات دايرا تخفيضات حلوه والله ياسموحه بالدات لما جيت لمحل ماما واصله حدي قلت لراجلي ارفعني على باريله ماعاش نقدر وكله ماشعفت امس قالي عندي دوره في طرابلس قلت له وراءك وراءك مطرح ماتروح رغم اني للان نعاني من الرياضه القصريه الي مارستها في النوفليين لاباس على بوك يانسرسنا ولاباس عليك ياليبيا ولاباس على وليدك ياحبل وليكم مني اجمل الامنيات بااحلى اللحضات في رحاب الله

[رجاء2]

السلام عليكم ورحمة الله وبركاته
خير يابنات كيف حالكم
عيون .....شكرا وبارك الله فيك
نسرينا ....لاباس على الوالد وانشاء الله ربي يشفيه
ليبيا...... لاباس عليك وتوكلي على الله
حبل الوصل...... لاباس على اوليدك بعيد السؤ انشاء الله
ام سعد........وحشتيني ....
ام اسيل ... شكراً على السؤال .. تو انقولك سبب الغياب
انا ليا 3 ايام ماحكيت امعاكم بس كنت انخش ونقرا في اخباركم

[أم سعد]

أهلين رجاء وين كنتي مغطسة خيرك لاسلام ولاكلام؟؟

[رجاء2]

والله كنت زعلانه اشويه.. يوم السبت قلت عليش انراجي في الدوره ...مشيت درت تحليل حمل عن طريق الدم وطلعت النسبه (2.0) يعني سلبيه ......كنا متفألين واجد

[أم سعد]

معليشي يا رجاء الخيرة فيما اختارها الله

ربي يعوضك خير

[أم ردينة]

الحمد على سلامة الوالد وانشالله لاباس عليه نسرينا

[رجاء2]

انشاء الله...الحمد الله

[أم ردينة]

وربي يعوضك با رجاء ولا يهمك ربك كريم ..انتي بس قولي يا رب

[أم سعد]

أم ردينة .. كيف حالك اليوم

رجاء ..ن طيبتي غداك اليوم

وين باقي البنات زعمه ؟؟

[أم ردينة]

الجو في غريان صقع مش طبيعي درجه الحراره الوقت الحالي 4 امال في الليل قدادش بتوصل ..امتى بيتم الشتي علي خاطر الصغار وحتى احني نحرمنا من الطلوع علي خاطرهم .هههه لان الشتي في غريان معروف.سحنتي مش عادي

[أم ردينة]

اهلا بام السعد كيف حالك وحال الحمل معاك

[أم سعد]

أم ردينة .. تعرفي أنا من أول ماتزوجت إلى ماقبل مايصقع الجو كل جمعة نمشي لغريان نزردو فيها لكن توا مانتجرأش ونمشيلها بصراحة

[أم سعد]

اهلا بام السعد كيف حالك وحال الحمل معاك

أهلين أم ردينة أهو الأمور ماشية

[رجاء2]

اهلين ام ردينه شن اخبار اللمه درتيها والا مازال
ام سعد انا شكلي معاش نبي نحكي في امور العلاج والحمل وشكلي نحكي معاك في امور البني ...حتى نحنا نبنو في بيت حوش جديد بس مازلنا في المراحل الاولى (الدور الاول)

[ليبياقلبي]

مساء الخير ام سعد انا في بداية التامن في الاسبوع 33 ومشكورة انت واية علا ردكم وربي يسهل عليكم والله انا كعادة متاترة هلبة مديرتها بكاء بس والله امس مشيت لحوش اماليا اول مرة نحس روجي جتة بس تعبانة موت وخايفة نستنى الايسبوغين امتى يتموا بالله ادعولي كلكم والله من الحوش قالقة وكان طلعت قالقة وطول الوقت نخمم ربي يستر والحمد لله علا كل حال نبي ندير صورة متاع التلاتي الابعاد بس راجلي الحق ميبيش لين يعرف دكتوري شن يقولي بنت خالتي حجزتلي عند دكتور فيصل لانا عنده جهاز نبي نطمئن الحق

[ليبياقلبي]

منو هنا منو موجود

[ليبياقلبي]

انا كنت ناخد في الاسبرين من الشهر الخامس وقريت في النت انو سبب عدم وصول الدم للمشيمة توقف الاسبرين لما الحامل توقف عليه وانا وقفت عليه في السابع هل ممكن يكون سبب

[أم سعد]

ليبيا قلبي ... انتي توكلي على الله وديري اللي يطلبه منك الدكتور

وإن شاء الله خير

أطلعي ادهوري ورفهي على نفسك ... ماتخليش التخميم يصيطر عليك

راهو الحالة النفسية تأثر هلبه

قل لن يصيبنا إلا ما كتب الله لنا

[ليبياقلبي]

انت موجودة ام سعد انت في اي اسبوع توا

[أم سعد]

أنا في الأسبوع 32

[ღॐ آية ღॐ]

ليبيا قلبي انتي زيني في الاسبوع33
انا غدوة نخش الاسبوع 34
وقريت ان الولادة في هدا الاسبوع تكون طبيعية
لان نمو الرئه يكون اكتمل..
لاكن ننصحك متغشيشيش عمرك على خاطر الي في بطنك والله يحس بيك
ولما تبكي يبكي زيك
خاليها على ربي وادعي وزي ما قلتلك راجعي اسبوعيا وبري لي دكتور تاني
رئين احسن من راي واحد
وربي يقدملك الي فيه الخير يارب

[ام اسيل]

خير ياحلوات

رجاء نورتي وخليها على الله والله حاسة بيك لان جربت الشعور هذا كم مرة ابر تلقيح صناعي كلوميد وكل مرة نحس روحي حامل ومايصير شي
لكن املي بالله كبير
نسرينا لاباس على الوالد ربي يعطيه طولة العمر

ليبيا قلبي والله انتي دلوعة واجد حي عليك توا بتقعدي ام لازم تكوني قوية
متخافيش حبيبتي وشوفي دكتور ثاني وتوكلي على الله وانتي اجتزتي المرحلة الحرجة يعني تولدي في اي وقت عادي وان شاء خير متخافيش

عيوووووووووووووووووووووووووووون وينك ياعسل التجمع من غيرك مكسد خالص

[ام اسيل]

اية
ام اسيل2
الثريا حلوة وان شاء المحوالة تحوليها وانت بصحة وخير يارب
بس متعبيش روحك انت في مرحلة صعبة توا


ام ردينة صقعتيني شنو عندكم ثلج؟

[ام اسيل]

حبل الوصل
لاباس على عموري شن داير توا ربي يحميه ويشفيه ويلين راس بوه بيش يديرله العملية ويفتك الوليد منهم
شن دايرة اخلاص في سنة اولى اكيدة شطورة العسولة

[ام اسيل]

ام سعودي
شن اخبارك حتى انتي ان شاء تحولي وانتي في اتم الصحة والهناء
قوليلي محوالتك قبل الجياب ولا بعد

[الايمان]

شكرا يا ام اسيل واحكيلي علي متابعة الدكتورة معاك واسفة على التطفل

[نسرينا]

السلام عليكم

وصباح الخيرات على الجميع

الف شكر لمن حمدلي على سلامة الوالد ، و ربي ما يوريكم سوء في غالي ...

ليبيا / اني من وجهة نظري اهم شيء اتابعي عند الدكتور حت تطمني اكثر ، اول ما تحسي بألم على طول تمشي وما تستنيش ، وبعدين ليش القلق والزعل حرام عليك راهو مش باهي ، توكلي على الله ، وخوذي بالاسباب ، وتبعي كلام الدكتور ، وان شاء الله لاباس عليك .

[نسرينا]

طمطم ....ام سعودي الغالية

بالنسسبة للثريات شوفي
لو انتي خاشة من بيفي تاجوراء تخشي على عرادة عادي كانك ماشية لعرادة او العاشوري وتكملي طول طول طول طول طول ليييييييييييييييين يجوك المحلات على اليمين وعلى اليسار في من ضمنهم محلات يت النور و الانارة
او لو انك جاية بالعكس فوتي العاشوري وكانك ماشية لعرادة وتكملي طوووووووووول تجيك المحلات على اليمين وعلى اليسار

المهم عرفتي في طريق المميز اللي في عرادة

بصراحة اني ماكنتش متوقعة نلقى حاجات حلوة هكي وبالاسعار هادي لاني شفت اكثر من مكان وهذا لقيتهم ارخص بهللللبه ونفس السلعة .
والله اللي أية حطت صورتها خذيت منها زوز وخذيت وحدة ثالثة اكبر بهلبة كريستال .هادي سعرها في حدود 300 وللعلم لكبيرة هلبة وتجي لوسط الحوش او لصالة كبيرة ....
والاسعار تو نسألك راجلي ونقولك لكن رخاص بمقارنة باللي برا

ونصيحة اللي تشري تريات كريستال زي هادم هكي تحط لامبات صفر اقسم بالله كأنهم ذهب فيهم منظر مش طبيعي ...
.

[حبل الوصل]

حبل الوصل
لاباس على عموري شن داير توا ربي يحميه ويشفيه ويلين راس بوه بيش يديرله العملية ويفتك الوليد منهم
شن دايرة اخلاص في سنة اولى اكيدة شطورة العسولة

لايوريك باس وتوة حاله احسن شوى من قبل وتوة اقنعت بوه يرفعنا في العطلة لتونس واللي بيقولوه بنديره يبي ولامايبيش
وخلوصة ماشاءالله عليها في الدراسة مش متعبتنى

[حبل الوصل]

نسرينا لاباس على باتك وان شاءالله ربي يطوللكم في عمره
وشكرا لكل من سال على عمر صحيتو يااحلى وخيات
ليبيا قلبي تعرفي انتى توسوسي ياسر توكلى على ربك كلنا في الحمل مرينا بهالمراحل واصعب وماشاءالله تعديناها وصغارنا حدانا توة ماشاءالله ماتفكريش واجد ولاتغششي روحك بس اسمعى نصائح الدكتور
انى في اخلاص مشت معايا المية ورقدت اسبوعين في الفراش وعطونى علاج بس بعدها الامور مشت تمام

[نسرينا]

تسلمي حبل الوصل

وربي يطمنك على وليدك ...
كيف جو سبها عندكم ؟؟
.

[حبل الوصل]

سلمك ياخيتى الجو مصقعععععععععع وامس كاين فيه مطر وانتم شنو جوكم

[نسرينا]

الجو صقع على الاخرررررررررر

ومطر الحمد لله ...

و ما نحكيلكش وخيتك صقاااااااااااااااااااااااعة بشكل مش طبيعي ..

.

[أم سعد]

السلامـ عليكمـ

الله يصبحكمـ بالخير

نسرينا ... شكراً على الوصفـ .. بس سؤال جنبـ العاشوريـ من جهة الهانيـ وإلا من جهة سهى

[أم سعد]

ام سعودي
شن اخبارك حتى انتي ان شاء تحولي وانتي في اتم الصحة والهناء
قوليلي محوالتك قبل الجياب ولا بعد



أهلين أم أسيل .. إن شاء الله .. بارك الله فيك .. والله نحاول نحول قبل الجياب

وقولي إن شاء الله

[نسرينا]

مراحب ام سعد صباحك زين ...

شوفي اممممممممممم خللي سهى على يمينك وشديها طوووووووووووووول ههههههههههه

صدقيني مش حتندمي ،وهم شوية محلات مش هلبة وفيه مسافة بينهم على اليمين وعلى اليسار ..

.

[رجاء2]

صباح الخير لجميــــــــــــــــــــــــــــــــــــــــــــــ ــع

جماعه الثريات .......راكم سهفتونا

[نسرينا]

ههههههههههههههههه

خيرات رجاء

عقباااااااااااااااااااااااااالك تبي وتكملي وتجهزي وثأتتي ..

.

[poucie]

صباحكم بالخير يا جماعة الخير
شخباركم والله سهفتوني في الثاثيت امته حتى اني انكمل حوشي ونبدأ نأثث فيه يا رب سهلي

[أم سعد]

نسرينا.. خلاص إن شاء الله تو نمشيلهم

رجاء .. بوسي .. مراحب

[رجاء2]

صباح الخير نسرينا وبوسي ....والله انشاء الله على الاقل كان ما صار من الحمل انشاء الله نفرح بحوشي الجديد ولو انه مازال يبي واجد وعلى ما اعتفد راجلي قال ممكن ايتم السنه الجايه

[رجاء2]

ام سعد مرحبتين بالغاليه

[أم سعد]

رجاء ... رحب بيك

[ღॐ آية ღॐ]

اية
ام اسيل2
الثريا حلوة وان شاء المحوالة تحوليها وانت بصحة وخير يارب
بس متعبيش روحك انت في مرحلة صعبة توا


ام ردينة صقعتيني شنو عندكم ثلج؟

ام اسيل ربي يسلمك ووالله كنت نبي نحول قبل بهلبة ومفروض توة احنى محولين وسكنين
لاكن الله غالب حتى ماما توصي فيا وتعاود
وتقولي متحوليش رزين لاكن والله لازم منه التعب
ومع هدا والله فرحانة لاني بديت نحس اني الحوش بدي يضياق علينا
والحوش الجديد اوسع فيه اربع غرف وصاله كبيرة وحمامين ومطبخ
يعني حوش العمر بادن لله...
شفتو حضي استغفر الله مفروض امس طلعنا وخدينا الموبيلية والاثاث
لاكن الجو جي صقع ومطر توة ياحي للاسبوع الجاي...
والله الحكاية مزال مطولةhwaml15

[ღॐ آية ღॐ]

نسرينا كيف حالك وكيف حال الوالد
وينسبة للمبات الترية اكيد يكونو صفر
انا درت اسبورت لايت في السقف ابيض
بس ضي الثريات الصراحة ديمة اصفر احلى..

[ღॐ آية ღॐ]

ام سعد كيف حالك اليوم
وبنسبة لزواق بديرية ابيض ولا بديري الون
وبصراحة ننصحك بي دهانات جوتن
عندهم جميييييع خيرات الالون وعندهم افكر حلوة لتزين الجدران
لو حابة نوريك صور الحوش وبلاخص غرفة النوم بصراحة طلعت رووووووعة
ان شاء الله تشوفيها وتقولي رئيك ..

[راجيه فرج ربها]

مراحب يابنات كيفكم ان شاء الله بخير عليكم كلكم البنات الي اختفو ان شاء الله خير عليهم يارب يسمعنا الله عليهم خير رجاوي مدام الدوره ماجت فالاملفي الله كبير ارجي فرج ربك قريب يابنات الي خدت الابره التفجيريه زعما تقعدي قداش لين تديري تحليل الحمل اختي خدتها والدوره قالت المفروض تجيها يوم 26 وقالت ماجتها زعما امتى تحلل بالضبط وقالت انحس في صدري متحين مانتحملش حد يلمسه قلت لها نسال البنات الي جربو افيدوها ربي يسخر لها قولن امين بتموت عالصغار وهي لها سنه متزوجه وربي ماسخر الها رغم كل تحليلها سليمه لكن مازال راجيه فرج ربها ربي يطعمنا جميعا يارب

[أم سعد]

أهلين آية .. بالنسبة للزواق درته كريمه لأنه الألوان بضلملي الشقة

أنا شقتي تعتبر مش كبيرة ولو بندير ألوان نحس فيها بتنغملي

لكن نبي ندير لقطة في الصالون ووسط الحوش ... بسيطة يعني مش هلبه

والزواق أكيد جوتن

أنا توا نزوق

[ღॐ آية ღॐ]

حلو بكل حتى سلفى دار حوشة كلة كريمة
وطلع حلو ..
وبنسبة لي حوشي درت الصالة موف هادي ودار استقبال النساء
كريمه ودار ايوب سماوي وعندي جلسه خضراء زوقت دارها بلاخضر الفاتح
وبنسبة لي غرفة النوم درتها كريمة يعني بين الكريمة والاصفر الفاتح
والسقف احمر وحيط الكريولة احمر
وفية رشمات دهبية بصراحة احلى دار في الحوش طلعت دار النوم...

[أم سعد]

صوريهالي نبي نشوفها

[ღॐ آية ღॐ]

هادي صورة السقف ..

http://forum.hwaml.com/imgcache2/hwaml.com_1293542458_532.jpg (http://forum.hwaml.com/imgcache2/hwaml.com_1293542458_532.jpg)

[ღॐ آية ღॐ]

وهادي صورة الحائط الي حتكون وراة الكريولة
http://forum.hwaml.com/imgcache2/hwaml.com_1293542662_364.jpg (http://forum.hwaml.com/imgcache2/hwaml.com_1293542662_364.jpg)

[ღॐ آية ღॐ]

قولي رئيك بصراحة ؟؟؟؟

[أم سعد]

ايه حلوة بكل جت الدار حتى الجبس حلوووووو هللللللللللبه

[ღॐ آية ღॐ]

سلمك ياربي
والعقباليك يارب تزوقي وتكملي
والله نستنى امتى نسكن بساعة والدقيقة ..

[أم سعد]

والله حتى أنا نستنى فيه هاليوم

[ღॐ آية ღॐ]

لاكن والله هانت ان شاء الله
مشي الهلبا وقعد الشوية

[أم سعد]

عيون وين مغطسة؟؟؟؟؟؟؟؟

[أم سعد]

يا آية أنا مشكلتي راجلي باله واااااااااسع هللللللبه

[ღॐ آية ღॐ]

والله الرجالة كلهم بالهم واسع
حتى راجلي لاكن انا مش صبورة بكل
وديمة شادتها نقان وراة والله لوكان ما نقش مافيش حاجة اتم
ربي يكون في عونا ويكون في عونهم من نقانا

[أم سعد]

على قولتك .. لكن أنا مانحبش نعاود الكلام .. مرة واحدة فقط

[ღॐ آية ღॐ]

كنت زيك لاكن والله ميجيب نتيجة لازم مرة وتنين ومرااات عشرة
هههههههههههههههههه

[أم سعد]

ههههههههههههههه

يقولولي فيها لكن مازال ماقدرتش

يقولولي تو يجيك العيل وتتغيري غصبا عنك

[ღॐ آية ღॐ]

صح وتزيدي بعد العيل التاني
ومع كل عيل يزيد النقان
ربي يستر وخلاص والله مرات يسخف فيا
بس الله غالب انقو غر في الضروري بس http://forum.hwaml.com/imgcache2/hwaml.com_1293557913_358.gif (http://www.sweetim.com/s.asp?im=gen&lpver=3&ref=10&p={4D986A24-C3F1-11DE-9775-0018716BBC82})

[أم سعد]

ههههههههههههههههههههههههههههههههههههه

كســـــــــــــــــــــــــــــــــــاد

[ليبياقلبي]

مساء الخيرات وخياتي كيف حالكم حسيتكم تردوا عليا بحمق وتضايقتوا انا يشهد ربي من معزتي ليكم وراحتي نحكيلكم ونبي نفضفض ومن الهم لي فيا والله وبالذات الحركة سمعتها خفيفة والله خايفة باهي قوللي المياه شرط تنزل عليا ولالالالالالالالالالالا انا منزلتيش خوفني منها وحبل الوصل انت مياتك في البنية نقصت
وييييييييييييييييييييييين عيون غيبة ليها وحشة الحق
وايوتة مالحلاها دارك تهبل ربي يكمل عليك بالخير

[أم سعد]

أهلين ليبيا قلبي

والله بالنسبة ليا نرد عليك حتى نطمنك ومانبيك تخافي وبس

[ღॐ آية ღॐ]

مساء الخيرات وخياتي كيف حالكم حسيتكم تردوا عليا بحمق وتضايقتوا انا يشهد ربي من معزتي ليكم وراحتي نحكيلكم ونبي نفضفض ومن الهم لي فيا والله وبالذات الحركة سمعتها خفيفة والله خايفة باهي قوللي المياه شرط تنزل عليا ولالالالالالالالالالالا انا منزلتيش خوفني منها وحبل الوصل انت مياتك في البنية نقصت
وييييييييييييييييييييييين عيون غيبة ليها وحشة الحق
وايوتة مالحلاها دارك تهبل ربي يكمل عليك بالخير

مساء النور ليبيا احنى زي وخياتك وكلنا ردينا عليك وزعلنا لانك غششتي نفسك
ولان هدا يؤثر على الجنين ونموة لاكن صدقيني انا قريت كل الردود
وكل وحدة ردت كانت خايفة عليك وتبي مصلحتك...
واسباب نقص المية هلبا مش ضروري تكون تسربت
زي ما قالك الدكتور قصور مهامها خلى المية تنقص
ديري بالك على نفسك ...وربي يقدملك الي فيه الخير ..
فرحتيني لما قلتي داري عجباتك سلمها ياربيhwaml7

[ميراس]

انا عندى مشكلة ومش عارفة شى وضعى انا اخدت ابر منشطة وكلوميد بعدين شفت المبايض كان حجم البوىضات فى جهة الشمال حسب كلام الدكتور فى اتنين وحدة حجمها 16والتانية 14مش عرفة شو الوضع ضربت الابرة التفجيرية اليوم تانى يوم من الابرة ونزلت منى مادة هل يعنى فى تبويض ارجوكم ساعدونى مش عارفة حاجة

[ميراس]

[ميراس;hwaml53انا عندى مشكلة ومش عارفة شى وضعى انا اخدت ابر منشطة وكلوميد بعدين شفت المبايض كان حجم البوىضات فى جهة الشمال حسب كلام الدكتور فى اتنين وحدة حجمها 16والتانية 14مش عرفة شو الوضع ضربت الابرة التفجيرية اليوم تانى يوم من الابرة ونزلت منى مادة هل يعنى فى تبويض ارجوكم ساعدونى مش عارفة حاجة

[الايمان]

اهلين ميراس المادة الي نزلت عليك اذا كان لونها احمر او بني فهذا والله اعلم علامة التبويض


اية دارك تهبل الف الف مبروك ما شاء الله لا قوة الا بالله

[ليبياقلبي]

مشكورة ايوتة وام سعد ودارك ماشاء الله ربي يتمم بخير وتخشي حوشك انت وبنيتك

[ليبياقلبي]

ممكن نسالكم سوال انا عندي زلال وقالولي معاش تاكلي البيض والتن واللحم باهي قوللي شن ناكل معاش عرفت شن نفطروشن نتغداء وشن نتعشامديرتها فاكهة بس

[نسرينا]

السلام عليكم

وصباح الخير للجميع

أية / ديكور دارك حلوووووو ،
والله خاطري نغير الزواق لكن راجلي مزوقه ابيض و قالي الابيض ولا يعلى عليه ، فاشة غللي في الصالونات والستائر الملونة وخلاص
ربي يهنيك حبيتي وبيت العمر ان شاء الله
وعقبال ام سعد و بوسي ورجاء و عيون وكل البنات يارب العالمين .

شنو ام سعد وين وصلتي بديتي في الزوا ق وشنو حوشك قداش فيه دار ؟

ليبيا قلبي / وراس وخيتي ما تزعلي والله نجاوبوا فيك عشان انريحوك وما نخلوك اتزيدي تتغششي ، لان فعلا مش باهي ليك ، والزلال هذا الله اعلم لكن نصيحتي ليك تمشي للدكتور وقلتهالك قبل او ما تحسي شي او تشوفي شيء امشي لدكتورك ولو حتى لو اضطريتي اتغيري الدكتور .

[نسرينا]

يا أهل الله يللي هنااااااااااااااااااااااااا

.

[أم سعد]

السلامـ عليكمـ

صباح الأنوار

ميراس ... والله ماعندي معلومة في الموضوع هذا

ليبيا قلبي ... غيري على الخفيف .. التوست .. الدجاج .. كورن فلكس .. فاكهة .. شوربة خضرة وحاجات هكي

نسرينا ... أنا توا نزوق .. ونخدم في الكوجينة وصالون الاستقبال ودار النوم موجودة

أنا عندي 3 ديار وصالون ومطبخ وزوز حمامات (حمام في دار النوم وحمام للضيوف)

احكيلنا على حوشك واللقطات اللي فيه بالك نخنبو منك حاجة :)

[ღॐ آية ღॐ]

ممكن نسالكم سوال انا عندي زلال وقالولي معاش تاكلي البيض والتن واللحم باهي قوللي شن ناكل معاش عرفت شن نفطروشن نتغداء وشن نتعشامديرتها فاكهة بس

اهلين ليبيا كيف حالك اليوم
وبنسبة للزلال هدا في البول اكرمكم الله؟؟
لو كان في البول ولون البول متغير يعني عندك التهاب مسالك
ام مكلتك خاليها عادية والبيض واللحم والتن مايضروكش ولو كان
التهاب ماليهمش علاقة ومتحرميش نفسك
وربي يشفيك يارب ...

[ღॐ آية ღॐ]

نسرينا الله يبارك فيك ويحفضك
وينولك الي في بالك في القريب العاجل يارب
ويباركلك في زوجك
اللهم امين

[ღॐ آية ღॐ]

الايمان
الله يبارك في عمرك حبيبتي ويرزقك بدرية الصالحة
اللهم امييييييييييييييين

[ღॐ آية ღॐ]

نسرينا زي ما قالتلك ام سعد احكيلنا على ديكور حوشك
ويا بنات الي عندها معلومة على مكان فيه حاجات ولقطات حلوة
لديكور المنزل تقول وربي يبارك فيها يارب

[ღॐ آية ღॐ]

ام سعد قسم الديكور في المنتدى فيه حاجات حلوة امس تفتلت فيه
وخديت هلبا افكر.. شوفيه وديري عليه طله

[أم سعد]

آية .. صباح الخيرات .. أنا توا بنمشيله نتفرج عليه :)

[نسرينا]

سلام ياحلوات

خللي قبل انرد على ميراس.... بنرد عليها من بكري ونسيت

بنقولك ههههههه خليك ما تعرفيش احسن باش كل شئ يجيك بالنية وبالبركة ...

وما تخافيش الخطوات والعلاج اللي خذيتيه طبيعي جدا وان شاء الله ربي يرزقك ويثبت وينبت .

[نسرينا]

وبالنسبة لحوشي

الحمد لله حوشي كبير مسقوفه 300 وفيه 3 حمامات وصالون و3 ديار وصالة كبيرة ممكن 9 × 5 ومطبخ كبير

يعني زي ما تقولوا مربع فيه صالون وحمام الضيوف و مربع فيه دار النوم والحمام
و ممر مربع فيه دار المعيشة وحمام المعيشة هههههه والكوجينة .

والصالة تفصل بين الجناحين كبيرة وطويلة وتفتح فيها دار الجلسة متع النساوين هههه
بس لما اتزوجت تقدروا تقولوا مش امأثث كله يعني فيه الضروري بس ،
وخشت عليه عمتك نسرينا وبديت فيه والحمد لله الحمد لله ماشية فيه تمام التمام والشهر هذا بإذن الله بنخدم الجلسة متع النساوين ..
بالنسبة للديكورات " ربي يحفظلي قووووقل "ههههههههههههه بجد خديت منه هلبه هلبة لقطات حلوة لان الحوش كبير وفيه زوايا وممرات وتراكين تقدري تحطي وتتصرفي فيها زي ما تبي

اممممم الصالة جزء منها حاطة فيه صالون برتقالي ومعاه اكسسوارت كلها برتقالي وابيض حتى الشموع برتقالي وخنبت من قوقل اللقطة هادي بالضبط وخدمتها في ورشة و زوقتها ابيض وحطيت التحف والاكسسوارت اللي عليها برتقالي .

http://forum.hwaml.com/imgcache2/hwaml.com_1293621209_820.jpg



والجزء الثاني من الصالة حطيت فيه كنبة لونها اصفر بناناي وجنبها سهارة طووويلة وقدامها طاولة وعليها اكسسوارات من نفس لون الكنبة .زي اللي في الصورة بس الكنبة اطول يعني من الحد للحد .

http://forum.hwaml.com/imgcache2/hwaml.com_1293621211_643.jpg

وخدمتلها هادي ومازال على الزواق بس

http://forum.hwaml.com/imgcache2/hwaml.com_1293621211_619.jpg

انتم ديروا بحت في قوقل اكتبوا " رفوف " حيطلعلكم شيء مش طبيعي يفوق الروعة رفوف جديدة وطراز جديد ، وخدمتهم ساهلة في اي ورشة وما تكلفش بكل وحطوا عليها اكسسوارات ولقطات تطلع حلوة علاخر .

ودار المعيشة عادي فيها منادير وتلفزيون وان شاء الله ناوية نخدم دار الجلسة

زيبرا في الاسود في الاحمر ..

[أم سعد]

نسرينا ... تفصيلة حوشك مش عادية ... وركبتيلة حاجات حلوة .. واضح عندك أفكار :)

بس فكرة 30 حمام رعشتني في الأول

[نسرينا]

هاااااااااااااااااااااا شنو رائيكم ؟؟؟

.

[نسرينا]

ههههههههههههههههههههه

شفتي تقول فندق ههههههههههههههه

[نسرينا]

اسمعي توا بنروح لو خشيت بعدين نقوللكم على لقطة امدايرتها في حوشي وكل من يشوفها تعجبه

تمشي معاكم انتم اللي على وشك الجياب والنفاس

تو نحاول نخش

وغير هكي تو نصور اللقطات اللي في الحوش عشان تبان اوضح وتعطوني رايكم بالضبط

.

[أم سعد]

ههههههههههههههههههههههههههههههههههه

كل يوم من أيام الشهر تستعملو في حمام أكيد

بس ربي يعينك في الضمان

[أم سعد]

يااااريـــــــــــــــــت

[رجاء2]

السلام عليكم ورحمة الله وبركاته
ليبيا....... زي ما قتلك من قبل( توكلي على الله) غير انتي مااتعقديش روحك
آيه.......الزواق والديكور ايهبل انشاء الله اتخشي حوشك وانتي طيبه
نسرينا ......بالعكس اللون الابيض سيــــــــــــد الالوان انا انفكر اني انزوق الحوش الجديدباللون الابيض
ام سعد......انشاء الله اتجيبي في حوشك الجديد وانشاء الله (عمار )
ميراس ...زي ماقالت نسرينا مادقيش واجد انتي درتي اللي عليك والباقي على الله (والافرازات علامة التبويض)وانشاء الله ربي يرزقك بالذربه

[رجاء2]

ام سعــــــــــــــــــــــــــــــــــــــــــــــــ ــــــــــد قاعدة والامشيتي

[ღॐ آية ღॐ]

رجاء الله يبارك فيك
وينولك الي في بالك عااااااااجل غير اجل يارب
وعقبال كل وحدة خاطرهآ تبني وتأتت على كيفها

[رجاء2]

نسرينا ماشاء الله عليك ايسير منك مهندسة ديكور امالا لما نوصلو لمرحلة التشطيب نستعينو بيك

[ღॐ آية ღॐ]

نسرينا مشاء الله الحوش كبير
بس ياريتكم استغليتو كبرة وزوقتوة بلالوان
والله توة يديرو في لقطات حلوة
دار ايوب رسمولي عليهاو ان شاء الله بس انكملها هي وباقي الحوش رح انصورهآ
واكيد الديكور كلها رح يكون على دوقي زي الزواق والحمامات ..
حمام دار نوم درته احمروحمام الضيوف موف هادي أكرمكم الله
خديناه من رويال
عنده حمامت رووعه وكلها موديلات جديدة حتى مويلكت المطبخ من رويال..
تو انحط صورهم ..

[ღॐ آية ღॐ]

حمام غرفة النوم اكرمكم الله
http://forum.hwaml.com/imgcache2/hwaml.com_1293625709_420.jpg (http://forum.hwaml.com/imgcache2/hwaml.com_1293625709_420.jpg)

[ღॐ آية ღॐ]

حمام الضيوف تبع الصالة
http://forum.hwaml.com/imgcache2/hwaml.com_1293625831_940.jpg (http://forum.hwaml.com/imgcache2/hwaml.com_1293625831_940.jpg)

[ღॐ آية ღॐ]

ميولكت المطبخ
http://forum.hwaml.com/imgcache2/hwaml.com_1293625908_770.jpg (http://forum.hwaml.com/imgcache2/hwaml.com_1293625908_770.jpg)
دواليب المطبخ خدمتهم عند الفاندي ...

[رجاء2]

تو انا نوصفلكم حوشي الجديد
هو دبلكس الدور الارضي فية صالون لرجال بي حمامة (مربوعه) وصالتين وحدة استقبال وحدة افرنجي ودار معيشه ودار مقعد لنساء ومطبخ كبير وحمام الضيوف والدروج وسط الصاله
والدور الاول فيه اربع غرف نوم وحمامين
وجناح ليا انا وراجلي فيه صاله وبار ودار نوم بحمامها

[ღॐ آية ღॐ]

وهاد عرض في المحل خدمت المطبخ زيه بزبط
http://forum.hwaml.com/imgcache2/hwaml.com_1293626240_575.jpg (http://forum.hwaml.com/imgcache2/hwaml.com_1293626240_575.jpg)
وبس

[ღॐ آية ღॐ]

تو انا نوصفلكم حوشي الجديد

هو دبلكس الدور الارضي فية صالون لرجال بي حمامة (مربوعه) وصالتين وحدة استقبال وحدة افرنجي ودار معيشه ودار مقعد لنساء ومطبخ كبير وحمام الضيوف والدروج وسط الصاله
والدور الاول فيه اربع غرف نوم وحمامين

وجناح ليا انا وراجلي فيه صاله وبار ودار نوم بحمامها


مشاء الله نبي نسالك على الوان الصالات والمربوعة شن درتي لونهم
والزواق ابيض ولا الوان؟؟
وكيف فرشتيهم بالك نخنب منك فكرةhwaml7

[رجاء2]

لا احنا مازلنا ماوصلناش للزواق توا نحنا في مرحلة البني والتفصيل والصب
بس مطبخك حلو بكل يا آية

[ღॐ آية ღॐ]

ربي يسلمك يارب والعقبة ليك..
ربي يتمملك على خير واي شي
او اي استفسار انا حاضرة ..

[ميراس]

انا ليبية ورفلية اريد المساعدة مناهل الخبرة انا اعانى من مشاكل فى الهرمونات كان هرمون الحليب عالى جدا لكن اخدت العلاج ونزل اشوى المهم الدورة لها اتنى عشر سنة ماتجينى وتوا لى تلاتة اشهر انزل فيها بالدوفاستون والشهر هدا اخدت الابر المنشطة والكلوميد وبعدين شفت البويضات كان عندى فى الجه الشمال بويضتين وحدة حجمها 14والاخرى 16المهم اخدت ابرة التفجير ونزل منى مادة افراز ات بعدين ايش ايصير بنضركم هل يصير حمل ادعولى

[رجاء2]

شكرا ...اكيد انا حاستفيد من خبرتكن

[نسرينا]

السلام عليكم

مشكوووووووووووووووورين وربي يهنيكم ويكتب للجميع السعادة طول العمر

وربي يزينلها دار الاخرة اكثر من دار الدنيا ، امين يارب العالمين

أيه / مطبخك نسخة من مطبخ خوي هههههههههههه نحساب روحي في طوجينة حوش خوي والله

بس حلووووة ربي يتتمكلك وتجيبي على خير وتفرحي بيه .

ادعو يا بنات ، والله بنت خالتي بنت حوشها على احلى ما يكون ولم بدت تزوق وقريب تسكن جابت ولد وبعدها باسبوع توفت ربي يرحمها برحمتها، وحوشها اللي بناته وتعتبت فيه سكنت فيه غيرها .

ربي يهني الجميع ويطول اعماركم في حياشكم و يحفظلكم صغاركم وازواجكم .

.

[ميراس]

انا ميراس الورفلية هل فى احد يمكن يساعدنى انا حكيتلكم قصتى انا على نار نستنى فى الرد

[نسرينا]

ميراس

عزيزتي رديت عليك في الصفحة اللي فاتت

لكن احتمال وبإذن الله يصير حمل ، ولو لا قدر الله ما صار الشهر هذا يصير الشهر الجاي .

ربي يسخرلك الحال ..

لكن ما تقدريش اديري تحليل الا بعد 14 يوم من يوم الابرة التفجيرية ، يعني فوتي 14 او 15 يوم وديري تحليل وان شاء الله ربي يفرحك بحمل عاجلا يارب

.فهمتيني ميراس ؟؟

[ميراس]

ادعو لى يارب ايصير لى حمل هالشهر بجاه الحبيب سيد الانبياء يارب استجب لى ادعولى والنبى

[رجاء2]

ميراس .....انشاء الله خير ..... وانشاء الله ربي يرزقك....قوليلي انتي كم عمرك

[ميراس]

شكرا والله كلامك ريحنى الله اريحك تعرفى انا محتاجة لحد ايواسينى وعايشة على اعصابى وانشالله ربى ايقدر اللى فيه الخير

[ميراس]

انا عمرى 35 سنة

[ميراس]

انا جديدة فى المنتدى هل انت قديمة فى المنتدى

[نسرينا]

ربي ما يخيب رجاك يا ميراس

و يرزق بتؤام امين ياااااااااااااااااااارب العالمين

والله دعيتلك من قلبي

انتي توكللي على الله و فوضيله امرك وربي يبل ريقك بالذرية الصالحة يااارب .

توا قوليلي / انتي كم ليك من يوم الابرة التفجيرية ؟؟؟

.

[ميراس]

والنبى قوليلى طالعة موضة البار توا اماله ناوية اتعبيها عقاب الليل انت ليبية والا لبنانية

[ميراس]

ليا تلات ايام

[ميراس]

شكرا ليك وبارك الله فيك يااختى

[نسرينا]

والنبى قوليلى طالعة موضة البار توا اماله ناوية اتعبيها عقاب الليل انت ليبية والا لبنانية


ميراس

كل واحد حر ، قوللي كلمة طيبة وباركي للناس وادعيلهم بالخير والهني .

.

[ميراس]

باررررررررررررررررررررررررررررررررررررررر حلوة هادى

[نسرينا]

وبالنسبة للإختبار مادام ليك 3 ايام ، استني لين يفوت 14 يوم او اكثر وديري تحليل وان شاء الله خير


وان شاء ا

[ميراس]

بار انبارك على الحوش مش عالبار ليش البهرجة الزائدة معقولة فى ليبيا وبار قولى مطبخ اصغير ملحق مش بار

[نسرينا]

يا حلوة هو هكي اسمع

متعارف عليه هكي

الناس تعرفه هكي



.هههههههههه وشنو دخل ليبيا هو مش معناه ديسكو ...

[نسرينا]

وهذا شكل " البار " يا ميراس


http://forum.hwaml.com/imgcache2/hwaml.com_1293631894_692.jpg

[ميراس]

النبى وين تسكنى يمكن انا متخلفة فالحاجا ت هادى بالله عليك فى ليبيا عندنا ديسكو والا بارررررررررررررررررررررررررررررررررررررررررررررررر

[نسرينا]

هههههههههههههههههه

يا بنتي البار معنا ان المطبخ فيه روشن او نافذة تطل على الصالة او وسط الحوش هذا معنى كلمة بار .

زي الصورة اللي فاتت بالضبط

يعمي بدل ما نقولوا مطبخ فيه روشن مفتوح الى وسط الحوش او الصالة ، نقولوا " بار " بالمختصر يعني وهللللللللللللللللللللللللللللللبهة ناس عندهم في حياشهم .

[ميراس]

عارفينه ياحبيبتىوعندى وراسك لكن انقولوله مطبخ مش بار والبار معروف للشرب بس ماتقوليلى على معناه المطبخ مطبخ والبار بار المهم انشالله اتمم لك فيى ربى بالخير واتسكنيه بالهناء وكل واحد وقناعته

[نسرينا]

واااااااااااضح

واحنى انقولوله بار .

و ايوااااااااااااااااااااا زي ما قلتي كل واحد و

.

.

[رجاء2]

منوره بكـــــــــــــــــــــــــل يا نسرينا
شكل الاخت ميراس معقبه على كلامي(بار) لكن ريحتيني يانسرينا من الشرح والتوضيح

[MALAK2010]

http://forum.hwaml.com/imgcache2/hwaml.com_1293635216_976.gif

[ღॐ آية ღॐ]

السلام عليكم
كيف حالك يا نسرينا وشن اخبارك
صورة المطبخ الي حطيتيها تحفة
خوي مداير مطبخ بار فكرت انديرة لاكن لان المطبخ في وسط الحوش تراجعت
وراك تنسي اتصوريلنا افكر حلوة من حوشك
وانا ان شاء الله بس يركبو التريات ونضفوة حنصورة

[ميراس]

ياخوانى مش عارفة لش اضيقتوا من وجهة نظرى الكلمة ماعجبتنى ومش لينا ليش المطبخ شن شكلته

[ميراس]

وصورة امطبخ اللى حطيته حتى انا عجبتنى

[ღॐ آية ღॐ]

اختي ميراس
وصلتنا وجهة نضرك واكيد نحترموها
بس معني كلمة بار هي مطبخ مفتوح بدون باب
وهادي الكلمة متعارف عليه
ومرة تانيه اكيد نحترمو وجهة نضرك وكل حد وراحته ..
وباش تتاكدي ياختي ان الكلمة معنها واصلها برئ
جبتهالك بترجمه
Bar Kitchen_ المعني _شريط المطبخ
يعني المطبخ الي بدون سقف عالي يكون
عبارة عن شريط مافيشي باب وولاختصار نقولو بار
وتقريبا هكي المعنى حيكون واضح للجميع

[ღॐ آية ღॐ]

عيووووووووون
سورينام
ولولي والله مخلين مكانكم
ان شاء الله المانع خير

[حبل الوصل]

السلام عليكم اية ماشاءالله على دارك فضيعة عجبتنى ان شاءالله بيت العمر وتتهنو بيه يارب
ام سعد نستنو في الصور حتى انتى
نسرينا ماشاءالله شكلك مهندسة ديكور وماتنسيش الصور
وان شاءالله العقبة للي مابنى واللي يبني يكمل انى محولة ليا سنة ونص لحوشي ودايرة فيه 4 ديار و3 حمامات ومربوعة وصالة ودار معيشة وفوق دايرة دار غسيل وان شاءالله بنكمل عليه الفوق بس مازال شوي

[حبل الوصل]

ام اسيل وعيون زوجى ولولى وسورينام ومعراج وحنين وتيمو وام رفيدة وام لقمان وهاتو وساجدة وصابرة والهندية وينكم فيه ناس من زمان معادش تخش ليبيا قلبي ننصحك تغيري دكتورك افضل

[رجاء2]

حبل الوصل كيف حالك وشن اخبار اوليدك شن داير توا

[رجاء2]

ام سعد وينك مش باينه

[رجاء2]

ام اسيل ....كنك غايـــــــــــــــــــــــــــــــــــــــــــــــ ـــــبه

[رجاء2]

اهداء الى (( تجمع حوامل ليبيا ))


سلام لك من صادق القلب مشروح ** ياللي غلاك بداخل القلب ماراح
نــاس تجـــي وتروح ماهزت الروح ** وناس غلاها ثابت وسط الارواح
ياللي بنيت من الوفــا قصر وصروح ** قصر مشيّد مع هل الجود ماطاح

[أم ردينة]

اهلا : ام السعد وين تتزردي في غريان في اي منطقه باهي في الربيع كان جيتي خلينا انشوفوك..لاكن توه مستحيل تقدري تجي لان صقع مش طبيعي راهوو .. رجاء كيف حاللك لمتي انشاء الله يوم السبت وانشالله يطلع الجوو كويس .. عيووون وينك متشفره شكلك طهرتي وليدك قولينا شنو الاخبار وانشالله غيابك خير ... ايه حلوه دارك ونازكه على لاخر عندك ذوق ..

[أم ردينة]

مشكوره يا رجاء علي الاهداء

[ღॐ آية ღॐ]

حبل الله يبارك في عمرك
ويحفضلك صغيويرتك ويرزقلك حمل في القريب العاجل يارب
كيف حالك وشن صار في الاتهابات..؟؟

[ღॐ آية ღॐ]

ام ردينه ليك وحشه وين تغطسي؟؟
وربي يبارك في عمرك و والله انتي الذوق
تسلمي

[ميمونة]

السلام عليكم

انا جيت كيف حالكم وحال ازواجكم وصغاركم يارب بخير

[ميمونة]

والله اللي سال عليا قاعده ماصار شئ وكيف جت دورتي

بس جربت علاج تاني يارب ينفع معي وهو الحجامه في خامس يوم الدوره في الظهر بعدها الحجامه بعد الطهاره في البطن غدوه موعدي للحجامه التانيه يارب سهلي وبديت نقرا سورة البقرة يوميا انشاءالله هالشهر هدا نخش وانشركم يارب يارب يارب

[أم سعد]

السلام عليكمـ

الله يمسيكمـ بالخير

أنا جيتـ .. ماكانشـ عنديـ نتـ اليومـ ... شكراً لكل من سألـ عنيـ .. ودعاليـ

باركـ الله فيكمـ

وإن شاء الله لما نسكنــ نحطلكمـ الصور

أمـ ردينة .. إن شاء الله نشوفوكـ في الربيعـ

[ميمونة]

ماشاءالله علي حوشك ايه يارب يهنيك ياوخيتي ويمتعك انت وراجلك وصغارك فيه ويعطيكم الصحه والعافيه

[الايمان]

والله يا بنات شكلي نابي ننفصل علي راجلي ونخليه يحول للحوش الجديد نحن عندنا حوش ماجرينا وساكنين فوق هل داري ومنفكروش نحولوا توا بكل
الف مبروك وربي يهنيكن
ام اسيلللللللللللللللللللللللللللللللللللللللل اين انت؟

[الايمان]

في حد متواجد؟

[ميراس]

السلام عليكم انا ميراس اتمنى ان تقبلونى كصديقة من ورفلى

[ميراس]

عجبنى هالتفسير ياودى غلطنا ومنكم السماح

[ميراس]

ممكن انخشوا علخط والا لا حابة انكون صحبة معكم

[ميراس]

فى حد ولا نطلع

[ام لقمان]

اهلين ميراس
مساء الانوار

[ليبياقلبي]

مشكورات وخياتي علا اhttp://forum.hwaml.com/images/editor/menupop.gifلرد والله يبياارك فيكم وماشاء الله علا حوشكم يا ايوتة ونسرينا وعقبال مانشوفوا صور اطفالكم يارب
ونشوفوا حوش ام سعد

[ام لقمان]

ربى يباركلكم ويهنيكم
ويتمملكم فضله وعطاياه

[حبل الوصل]

حبل الله يبارك في عمرك
ويحفضلك صغيويرتك ويرزقلك حمل في القريب العاجل يارب
كيف حالك وشن صار في الاتهابات..؟؟
الله يسلمك الالتهابات مشو والحمد لله لكن توة انى في ايام التبويض وينزل معايا دم ليه 4 ايام نقط وبعدين يمشي ماعرفتاش شنو لكن يوم السبت تو نمشي لدكتورتى ونشوفه
وانتى شن دايرة مع الحمل

[أم سعد]

السلامـ عليكمـ

[ღॐ آية ღॐ]

الله يسلمك الالتهابات مشو والحمد لله لكن توة انى في ايام التبويض وينزل معايا دم ليه 4 ايام نقط وبعدين يمشي ماعرفتاش شنو لكن يوم السبت تو نمشي لدكتورتى ونشوفه

وانتى شن دايرة مع الحمل


الحمد لله احسن شي افتكيتي من الاتهابات
وبعد ماتمشي لدكتور طمنينا عليك وان شاء ان شاء الله خير يارب ...
بنسبة ليا حال التكركير الحمد لله الذي لا يُحمد على مكروه سواه
هانت والحمد لله معادش هلبا..

[ღॐ آية ღॐ]

وعليكم السلام
كيف الحال ام سعد؟؟

[ღॐ آية ღॐ]

ميراس اهلا بيك
منورة التجمع ..
كم ليك متزوجة ..

[ღॐ آية ღॐ]

ميمونة نورتي
والله ليك وحشة
وان شاء الله تبشرينا هشهر
ويارب انا نفرغ وانتي تعبي على طول ياااااااااااارب

[أم سعد]

أهلين آية

شن أخبارك وكيف حال أيوب اليوم ؟؟

[ميمونة]

السلام عليكم
يارب يسمع منك آيه وتجيبي بنيه قمر وعسل زي أمها
أنا كيف روحت من الحجامة الثانية علي رحمي تعروا صعبه شوي وأنا توا راقدة زي البيه في حوش أهلي

[ღॐ آية ღॐ]

الحمد لله سلامته والله بيطير
وبيطيرني معاه
والله ماني عارفة كيف بندير معه بعد مانجيب
تعرفي والله تقولي حاس من اسبوعين وهو مايرقدش غر في حضني
وما يبينيش انوض من جنبه طووووووول النهار
ربي يستر وخلاص

[ميمونة]

أم سعد كيف حالك وحال الحمل معاك

[ღॐ آية ღॐ]

السلام عليكم
يارب يسمع منك آيه وتجيبي بنيه قمر وعسل زي أمها
أنا كيف روحت من الحجامة الثانية علي رحمي تعروا صعبه شوي وأنا توا راقدة زي البيه في حوش أهلي

وعليكم السلام
نورتي ميمونة
وان شاء الله تشوفي على وجه الحجامة الخير
وربي يكتبلك حمل في القريب العاجل ياااااااااااااارب

[ميمونة]

أنشاء الله تنوضي بالسلامه هدا ولدك يقيس في غلاه
ربي يحفظهملك

[ღॐ آية ღॐ]

شكله مسكين
والله بوه يضحك عليه ويقوله
امالا انا شن انقول جيتو شاركتوني في ايتي
ما خليتولي شي...

[أم سعد]

ميمونة ... أهلين .. ربي ان شاء الله ينولك اللي في بالك .. أنا الحمد لله ماشية أموري

واليوم موعدي عند الدكتورة نشوفو شن تقولي

آية .. سلامته ربي يحفظهولك

[ღॐ آية ღॐ]

الله يسلمك يا ام سعد وعقبالك يارب تجيبي ووليدك يكبر وتحملي مرة تانيه
ويدلع عليك...
وان شاء الله اطمنينا عليك بعد ما تروحي..

[أم سعد]

يااااااااااااااااااااااارب

آية .. شن غداك اليوم؟

[رجاء2]

السلام عليكم ورحمة الله وبركاته

كيف حالكــــــــــم اليوم يا بنات

[أم سعد]

وعليكم السلام

أهلين رجاء

نورت

[ღॐ آية ღॐ]

وعليكم السلام
انا بخير والحمد لله...
كيف حالك انتي؟؟

[ღॐ آية ღॐ]

يااااااااااااااااااااااارب

آية .. شن غداك اليوم؟


اللهم امين
غداي بازين
وانتي شن غداك ؟؟
ورجاء شن غداك...؟؟

[ميراس]

خيرات يابنات حتى انا نستنى ليا اربعة ايام اخدة الابرة التفجيرية لكن ايقولوا حتى لو عملت تحليل يطلع فى حمل لان الابرة فيها هرمون الحمل وينم مفعولها بعد14يوم لكن خايفة لو يصير حمل يمكن ايصير اجهاض لان اصلا عندى ارتفاع بهرمون الحليب توا53 طبعا نزل بعد العلاج كان 969

[ميراس]

ادعولى يابنات انشالله نحمل وربى انشالله ايفرحنى ليا 12سنة وكبدى مسحونة وهالوقت هدا كله وكبدى انسحنت غير من الادوية لكن اول مرة ناخد ابرمنشطة وتفجيرية

[ღॐ آية ღॐ]

ربي يتقبل منك دعائك
ويارب تحملي في القريب العاجل
وان شاء الله تدخلي تبشرينا بحمل تابت يارب..
ليك 12 سنه متزوجه؟؟

[رجاء2]

ام سعد .... و الله انتي اللي منوره المنتدى كله
ايه .... كيف حالك عساك بخير ... ربي يحفضك ان شاء الله
ميراس ... ان شاء الله ربي اينولك يلي في بالك و ايفرج عليك ويتمم عليك بالخير

[رجاء2]

بسم الله الرحمن الرحيم

على كل مسلم و مسلمه قرأتها 41 مرة كل يوم بعد صلاتى الفجر والمغرب وأن يداوم على قرأتها ما أمكن ان شاء الله له فيها سر عظيم..

دعـــــــــــــــــــــــــاء اليوم


(رَبِّ لَا تَذَرْنِي فَرْدًا وَأَنتَ خَيْرُ الْوَارِثِينَ) [الأنبياء/89]

[رجاء2]

ربي يجعله في ميزان حسناتك