تجمع حوامل ليبيا [الأرشيف] - الصفحة 19 - منتديات حوامل النسائية

ام اسيل

11-22-2010, 04:11 PM

خيرات يا احلى خوات
كل سنة وانتن طيبات واهلا بخواتنا الجدد انستونا ونورتونا
حبل الوصل كيف حالك وحال عويلتك وكل سنة وانتي طيبة
الف لاباس على عويلة خيتك ان شاء الله توا كويسين
والف مبروك على بنت عمك والله جلدي كوش فعلا رحمة ربي واسعة وعقبالك يارب بزوز توامة

ميرنا هيا نورينا كيف قبل
ام روفيدة ليك وحشة يا ام حازم شن جو الصقع عندكم
عيون زرجي لاباس عليك وعلى عويلتك عليك والليم والساخن
ام لقمان كيف حالك يالغالية وحال الاولاد وجنان الحلوة
اية وينك وين هاالغيبة
نسرينا خيرها في غيرها ومازلتي صغيرة وربي يرزقك
ميمونة بشري يارب حامل
تيمو وينكم ياعرب ماليزيا وحشتونا
ليبيا قلبي شن داير فيك الحمل والوحم ان شاء الله على خير وسلامة
لولي عرب قطر شكلهم بنكيك بكل شن الحوالة هذين مرة اخرى نشحنولك حولي مرجاوي
ليبية 85 اهلا بيك وعادي مرات الكيس يبان في نص الثاني يعني الاسبوع 5 او السادس
صااااااااااااااااابرة وينك ياعسل وكيف حال عبدو شكلك تتوحمي
سورينام كيف حال الصغار كملتو الصيانة ولا مازال

معراج نجيها ياربي بديتي تتوحمي ولا مازال

لولى2010

11-22-2010, 04:19 PM

خيرات بنات شن الاخبار
ام اسيل شن اخبارك ياريت تشحنيلى حولى خاطرى فى لحم الليبي هههههههههههههه
حبل الوصل كيف حالك ولاباس ع عويلت خيتك كيف حالهم تو

لولى2010

11-22-2010, 05:33 PM

بنات نبي نسالكم بس ماتضحكوش عليا انا كل ماندير عصبان واحد منهم ينفتح ماعرفتش السبب ساعدونى ههههههههه بيش يقولو فالحه للعلم انا نربط فى المصارين بالخيط ونفتحو شن الحل

ليبية85

11-22-2010, 05:57 PM

بالك ماتنقبيش فيهم؟؟

عيون زوجي

11-22-2010, 05:58 PM

السلاااااااام عليكم
هلا وغلا بالغاليه سورينااااااااااام
ليك وحشه والله
كل سنه وانتي طيبه
وبالصحه والسلامه
ليك ولعويلتك
كيف حال ساره وفراس
اعقل فراس ولا قاعد ايعيط
ويقيم في الليل زي ولدي
وشن صار في الصيانه
انا تمام وزي ما قلتي كل شي يفوت
والمهم الصحه
ساره ماشي حالها تعودت عالجو
ومحمد عياط حاله
مانرقدش في الليل نهائي
لين يمشي راجلي للعمل وانا اعيوني مفنصه
وطايرتلي واعصابي تعبانه منه
ربي يهديه ويعقله بس

عيون زوجي

11-22-2010, 05:59 PM

حبل الوصل وام اسيل وين هالغيبه
استحشاكم وعيدكم مبروك
وعقبال ما تخش...
ميرنا وايه وتيموووو

عيون زوجي

11-22-2010, 06:02 PM

بنات نبي نسالكم بس ماتضحكوش عليا انا كل ماندير عصبان واحد منهم ينفتح ماعرفتش السبب ساعدونى ههههههههه بيش يقولو فالحه للعلم انا نربط فى المصارين بالخيط ونفتحو شن الحل

ضحكتيني يا لولي يا غاليه
اكيد عابيتيهم هلبه لان العصبان لازم يتعبى نص حال لان الرز يزيد الداخل
او ما نقبتيهمش
او الرز اكتر من الخضرة بهلبه
او مصارين خروف رقاق في الطنجرة مش الكسكاس
لان مصارين الخروف الرقاق يبوا الكسكاس
مش زي الجمل
مصارين الجمل زي الكرشه في الطنجرة ومن غير ما تخيطيهم حطيهم ويلتحموا بروحهم
سهفتيني في العصبان

ام اسيل

11-22-2010, 07:41 PM

لولي
حتى المصارين الرقاق يجو في الطنجرة متاع الحولي ومصران الشحم والمصران الازرق حتى من غير خياطة المهم ماتعبيش واجد وماتكثريش الرز

لولى2010

11-22-2010, 09:30 PM

هههههههههههههههههههههههههه ضحكتونى انا مانعرفش المصارين الى عندى غلاظ ولا رقاق ههههههههههههه لالالالالالاانا نقبتهم بس ممكن يكون الرز اكتر من الخضرة لكن شن المعنى واحد بس الى ينفتح ولااخرات لالالالالالا
عيون ماقلت ماتضحكوش عليا هههههههههههه كانك قريبه راه دزيتلك لالالالاالمصارين خروف وانا انطيب فيهم عادى فى اميه مش فى كسكاس
ام اسيل تو ننتبه مرة تانيه ممكن نكون نعبي فيهم واجد
اى وحده تبي اندزله فضل منه راه مش تقولو بخيله

سورينام

11-22-2010, 10:59 PM

نهارك اللي اتدوري فيه يا لولي ... ياسر من العصبان .. حاش النعمة كرهته كرهته .. تعاليلنا بعد شهر او اكثر انكونو استاحشناه عالاقل ونفيدوك هههههههه

سورينام

11-22-2010, 11:02 PM

أم أسيل ألف مراحب بيك ... والله الصيانة مازااااااااااااال قاعدين ينقشو .. الحمام الصغير ليهم فيه أكثرمن اسبوعين وما كملش .. يوم ايجو وعشرة لا .. الله غااالب عليا وخلاص. وانتي قوليلي شن اخبارك وين واصلة في رحلة العلاج .. وامتا موعد دورتك

سورينام

11-22-2010, 11:06 PM

عيوني .. ربي ايعينك انشاءالله .. والله اصعب حاجة العيل اللي ما يرقدش في الليل .. وووووووك جربته في سارة قعدت قريب 5 شهور الليل تقيملي فيه للصبح .. والله وليت عصبية ومن ابسط حاجة نتعفلق .. وعيوني ديما ارهاق وماخاطري اندير حاجة في النهار من الراس اللي يفشخ من قلة النوم .. لكن توا الحمد لله والله وليدي هويدي هويدي يرقد وينوض مرة والا مرتين يرضع وايولي يرقد (وأما بنعمة ربك فحدث)

سورينام

11-22-2010, 11:08 PM

اني الخميس الجاي بنطهر فراس بإذن الله .. قولولي حق ام الولد ماتمشيش معاه .. عزوزتي قالتلي خلي امك ترفعه .. شن رايكم ؟؟

ليبياقلبي

11-23-2010, 01:59 AM

سلامات
حنو والله ضحكتني بوحمك عادي ياغالية اتحملي كلمة ماما مش ساهلة
عيون ولولي انا اتخرجت السنة هادي من التاريخ وجيبت الترتيب الاول علا شعبيتي بس مازال قرار المعيدة وانا نبي نتم برا بعون الله بس نبي نرتاح سنة لانا العام لي فات تعدبت عروسة ونقرا وتجمع كله ويالولي مازال ماقالولي الببي شنو لانا عاطي من وراء
غاليتي ام اسيل مشكورة علا سوالك عليا
خبل الوصل مبروك علا بنية خالتك والله فرحتلها الحق
معراج ووووووووووووينك بالله ديما نسال عليك وانت فايتة
سورينام شكرا هلبة مسالتي عليا بكل

ليبياقلبي

11-23-2010, 02:15 AM

عيون تحملي ديما البيبي هكي وهو صغير انا عندي سلفتي بنتها قريب مرات تريش مسكينة من الارهاق بس الام مش ساهلة
ليبية عادي ماتخافيش مرات الحمل ميبناش في الجهاز المهم بان في التحليل اطمني وراهو يجيك الوسواس زي انا توا حتى كان نوض في لبل نلقى روحي راكدة علا ظهري نوض في راجلي مخلوع نقولا حا عليه انا راكدة علا ظهري حا الببي معاش وصلا الاكسجين ههههههههههههه

ليبية85

11-23-2010, 11:05 AM

السلام عليكم

صباح الخيرات عليكم كلكم كيف حالكم كلكم وشن اخباركم

ليبيا قلبي ضحكتيني ههههههههههه والله راكبني الوسواس والخوف وندعي هلبة بالدات ان ماتوحمتش لحد توا قبل ديمة نقول حي عليا كان نحمل بنمرض ونرجع لكن ما في شي قالولي مازال لنهاية التاني اهو نستنى وحدة ادور في الشقى ههههههههههههه

ميرنا

11-23-2010, 12:05 PM

اني الخميس الجاي بنطهر فراس بإذن الله .. قولولي حق ام الولد ماتمشيش معاه .. عزوزتي قالتلي خلي امك ترفعه .. شن رايكم ؟؟

الف الف مبروك وان شالله بسلامته وفعلا ام الولد ما تمشيش امعاه حتى نحن فى الشرق ماعندنش كلهم يعطو الولد الى اجديتاه هى لى اتشيله الى المستشفى ويديروله تحليل السيولة واذا كان اكويس ايطهروه
hwaml10

عيون زوجي

11-23-2010, 01:00 PM

اني الخميس الجاي بنطهر فراس بإذن الله .. قولولي حق ام الولد ماتمشيش معاه .. عزوزتي قالتلي خلي امك ترفعه .. شن رايكم ؟؟
hwaml7hwaml7hwaml7
الف الف مبروك وبالصحة وطول العمر يارب
حتى انا راجلي كل يوم يقولي امتى بنطهروا محمد
لانه بنيته ماشاءالله كان عند الولادة 4كيلو وشوي
وتوا ماشاءالله
بس انا خايفه يزيد ايعذبني من العياط والنقيق
الله يفرح قلبك يا سوري يا غاليهhwaml13

عيون زوجي

11-23-2010, 01:03 PM

الف الف مبروك وان شالله بسلامته وفعلا ام الولد ما تمشيش امعاه حتى نحن فى الشرق ماعندنش كلهم يعطو الولد الى اجديتاه هى لى اتشيله الى المستشفى ويديروله تحليل السيولة واذا كان اكويس ايطهروه

hwaml10
عااااااااااااااش من شافك حبيبي
او سمع عنك خبر
وينك يا احنينه يا حلوة التجمع
ووين اخبارك وشن صاير معااك
hwaml7استحشنااااااااااااااك هلبه هلبهhwaml7

عيون زوجي

11-23-2010, 01:06 PM

ليبيه85 ماتخافيش حتى انا في بنتي تعبوني
مشيت درت جهاز في بداية التاني
قالوا مهناش كيس حمل
ولانه التحليل كان فيه حمل
قالوا احتمال حمل خارج الرحم
وتعبوني نفسيا
بس الحمدلله طلع كله كدب
وجبت احلى واغلى سارة
بنتي ساره قصتها طويله معاي توا نحكيهالكم للعبرة
وتشوفوا ان الله حق
وان الله مع عبده وان الاستغفار سيد الاذكاااااااار

عيون زوجي

11-23-2010, 01:12 PM

ليبيا قلبي ريحي روحك من القرايه هالمده لين تجيبي
وتنوضي بالسلامه
وبعدين لاحقة اعليها انشاءالله
بعد ما تتعيني معيده رسمي في الكليه
يكون من حقك الايفاد وانك تسافري
وينزل اسمك في قرار المعيدين للايفاد
حتى انا نحب السفر مش للقرايه
لا لا لا بعيد السوووووووو
مع اني كان مستواي كويس
وتخرجت بتقدير حتى هو كويس
وحياتي كلها عمري مادرت دور تاني
بس حاليا انا سعيدة جدا
اني ربة بيت ومسئوله عن زوج واطفال وبيت
نعمه من ربي الكريم
ونتمنى نسافر مع زوجي
هو يقرا مش انا
واحتمال نهاية 2011 نمشوا لبريطانيا
مدة سنه وحدة بس
بعثة من شركة زوجي
ويارب يسخر الحال

عيون زوجي

11-23-2010, 01:34 PM

رح احكيلكم قصة سارة...
ونتمنى منكم كلكم شي واحد
الدعاء لبنتي وخوها يكونوا من الذريه الصالحه
انا لما حملت بسارة كنت متزوجة من 3شهووور
واول مرة الدكتور خوفتني ان الحمل خارج الرحم
ونفسيتي صارت زفت
وبعدها مشت الامور تمام
وانا في الثالت كنت راقده
لين جت حماتي تعيط بقوة
خفت وطلعت نجري من حوشي
كانت حماتي التانية بتجيب وخلعتنا معاها
صارلي نزيف وتوقعت اني رميت
والحمدلله كان الجنين ثابت اعطوني مثبتات
وقعد معاي النزيف 3شهور تامه
وفي الشهر السابع خوفوني تاني
انه معاي سكر حمل وفي النهايه طلع التحليل سلبي
ومافيش سكر ولله الحمد
وفي نهايه الثامن اخر اسبوع
غسلت سجادة الصاله
وفي ليلتها صار فيه لقاء مع زوجي
ومن تحت هالسببين لانهم مع بعض
تاني يوم الصبح انفتح كيس الجنين ونزلت الميه
وانا راقدة
قعدت في العيادة 9ايام والميه تنزل
وعاشر يوم ولدوني اندكشن يعني بوجع صناعي
اليوم الاول اعطوني 2 تحاميل للوجع
تعبت وعانيت هلبه ونزل ضغطي عالاخر
وماعادش قدرت انشووووووف وانعميت خلاص
ووقفوا مفعول الوجع
وتاني يوم اعطوني الوجع الساعه 6الصبح في الوريد
ولله الحمد
الساعه12 الظهر جبت سرورة
بس كان وزنها 2كيلو بس ولونها ازرق لقله الميه والاكسجين
قعدت في الحضانه 3ايام وطلعت
تعبتني من العياااااااااط
وكل الدكاترة يقولوا غازاااااات مش اكتر
المهم بعد شهرين كانت ساره
عندها مراجعه روتينيه في العيادة يلي ولدت فيها
وكان في ليلتها اسبوع اختي جايبه وليد
المهم الصبح مشينا للدكتور قال مش غازات
بروا ديروا جهاز الترا ساوند وارجعوا
قلنا اوكي
لما رجعنا بالنتيجه
صدمنا بالخبر قال انه ورم في الكبد
ومش معروف ان كان حميد او خبيث
تخيلوا صدمتي وعمر بنتي بكرتي شهرين
ما قلتش لاهلي
لانهم في سبوع اختي
واسبلت ان ساره عندها حرارة
وطول الليل وانا نبكي وندعي
وعشنا انا وزوجي اطول واصعب يوم في عمرنا
المهم تاني يوم من ال6 الصبح كنا في الطبي
اتصلت بخوي لانه دكتور ومشينا
دارلوها كانيولا في ايدها (ابرة) ومزرطوها كانت ضعيفه
وزنها 3كيلو بس وعروقها رقاق
قعدوا ساعه باش ركبوا الابرة
وبنتي تعيط تقطع القلب
ودارلوها صورة مقطعيه ورنين مغناطيسي
ومشينا خدينا موعد مع طبيب اورام
اسمه الزروق في الطبي نفسه
واكدنا ان الورم خبيث يعني سرطان
في هاللحظات اسودت الدنيا في عيني
بنتي تعيط من الجوع لانها صايمه
ومن نخص الابرة والتحاليل
والممرضة شادتها بكل عنف ووحشيه
وانا في عالم تاني
خوي يصبر فيا وماعنداش كلام ايصبر
كلام العالم كله
مايصبرش ام مصدومه بابنها
بنتي صغيرونه فرحه عمري بكرتي
ويقولولي سرطان
وزوجي شادني وحاطني في حضنه
ودموعه زي المطر وساكت بلا كلام
طلعت برا لقيت امي والعيله كلها
ماتتخيلوش لحظة احضنت امي
وتقولي شن فيها بنيتك
وانا انقوليلها بنتي فيها سرطان يا ماما
دموعي خلاص توا تعبوني ما عادش نقدر نكتب
اذكرت هالايام الصعبه
رح نرجع انكملكم........

عيون زوجي

11-23-2010, 01:59 PM

المهم كان هداك اليوم الخميس
واعطاني الدكتور موعد السبت
باش يقولنا خطة العلاج
واحكالنا مبدئيا انها تحتاج 6شهور كيماوي
بعدين عمليه وبعدها شهرين كيماوي
المهم عشنا الخميس والجمعه جثث
لاننا خلاص
طاقتنا للتحمل تمت خلاص
بس اهلي كانوا سند احسن من اهل زوجي
اهل زوجي يبكوا ويتحسروا
زادوني على همي
بس اهلي كانوا ملتزمين وعقيدتهم قويه
كان كلامهم اني لازم
استغفر وان الله يختبر عبده في المصايب
وان هالساعه الدعاء فيها مستجاب
كنت انوض انصلي وندعي لين ايجف حلقي
السبت مشينا للطبي
قالوا الدكتور واخد اجازت السنويه
حاشاكم الحقير عارف روحه طالع اجازة
لاش يعطي مواعيد للناس
جانا واحد بلا خبرة ولا شي
قال انا اناوب عنه
رفضنا انا واخي
بس زوجي كانت حاله بنته عاميه اعيونه
يقولي خليه ايشوفها
سكرت راسي وروحت الحوش
كان الوقت الساعه12
المهم صلاة الظهر خش خوي الدكتور ومعاه
زوز تذاكر و3الاف دولار
قالي الوقت مش لصالحك
الليله حجزتلك عالاردن
سافري انتي وراجلك وبنتك
ولو زوجك عملك يمنعه نمشي معاك انا
وقفه اهلي كانت اكبر عزااء ليا
الساعه 11في ليلتها كنت في الطيارة
ودعت اهلي بالدموع وكاني بنموت
قعدت في الاردن شهر
تحاليل وصور وما يقولوا شي
اخر شي طلبوا عمليه لاخد عينه للتاكيد
وروحنا بعد شهر بلا نتيجه
لان عينه العمليه بعتوها لاوروبا مش عارفه
وين تحديدا
والنتيجه تعطل
رجعنا بعد اسبوعين للادرن
وتخيلوا جتنا الممرضه وقالت الدكاترة طالبين موعد معاكم
كان قلبي خلاص
لانه قبلها الدكتور حكالي على اطفال فيهم سرطان
وتوا عايشين كويس
قلت خلاص يبي يهيئ حالي للنتيجه
بس تعرفوا رحمة الله
كانت النتجة مافيش ورم ابدا وبنتي
سليمة معافه
وخلعات الطبي والدكاترة الليبين كدب
وقلة خبرة
تخيلوا رحمه الله بعبده
ام واب شهرين من الدموع
والصدمه والبكاء
والوسواس
وبنتنا الابرة فيها وتحاليل صبح وعشيه
وعمليه الخزعه بروحها اطيح الحيل
بس بالدعاء بالصلاة بالاستغفار
الله كدب قولهم
كانت بنتي سليمة
عشت احلى اسبوع في الاردن وانا طايرة من الفرحة
روحنا وكان الاستقبال غير الوداع
كاني مروحه من الحج
تهاني ودموع فرح وكل العيله في المطار
امي وخواتي وخوتي
الكل يبكي ويهني من الفرحه
ولله الحمد
كانت دورة زوجي لالمانيا بعدها ب4 شهور
واول ما وصلنا رفعت تقترير ليبيا والاردن
لمستشفى فينوسبيرغ في المانيا
ودارولها تحاليل تانيه وقعدت عندهم اسبوع
والنتيجه ان بنتكم سليمة
تقارير الاردن صح
ولعب الليبين دكاترة الكدب كدب في كدب
والحمدلله رب العالمين حمدا كثيرا مباركا فيه
طمني على بنتي
كل مانشوها تلعب
ولا تجري مع صغار عمتها
وتناديني ماما
نتخيل هالايام الاولى من الصدمه
الشهرين المريرين يلي مريت بيهم
وقتها ماتوقعت بنتي تعيش اصلا
حاليا هي اتجنن فرحة عمري يلي ربي اكرمني بيها
وزاد ربي اكرمني على صبري ودعائي
شفاء بنتي بعدها سفرة لالمانيا كانت من اجمل ايام حياتي
تم حملي ووليدة حمودة
الله كبير وعظيم ورحيم
فأكثروا الدعاء والاستغفار

عيون زوجي

11-23-2010, 02:01 PM

ادعولي بحسن الخاتمه والسعادة مع زوجي
وان الله يجعل سارة وخوها من الذرية الصالحه
ويارب يكرمكم بكرمه ويعيكم من وسعه وويحقق امانيكم

نسرينا

11-23-2010, 02:02 PM

الله
بكتيني معاك

قدااااااااااش تحملتي ، موقف صعب والله

ربي يجازيك على صبرك ويطول في عمر سارة ومحمد وتشوفيهم من احسن الناس يارب

قلبي تقطع عليك والله

اني حملت ورميت في شهر ، من غير مانعلم وكل ما نتفكر نموت وقلبي يوجعني

فما بالك بنيتك قدام عينك ....

نستنى باقي قصتك عيون

.

نسرينا

11-23-2010, 02:09 PM

سبحان الله وبحمده
سبحان الله وبحمده
سبحان الله وبحمده

الحمد لله الذي لا يحمد على مكروه سواه

بصراحة قصتك اجمل عبرة ، وكلنا ايمانا بربي كبير

بس الصبر والدعاء في المحن هو الفرج

ربي يونسك بعويلتك وراجلك واماليك وصغارك وما تفقدي حد منهم .. ويطول عمرهم ويجعلهم من الذرية الصالحة وحفظة كتاب الله

أمين يارب العالمين

.

نسرينا

11-23-2010, 02:16 PM

خلاص يا بنات

انمشوها قصص

كل وحدة تخش تحكي قصه صايرة معاها سواء فالزواج او الحمل او الجياب

واكيد كل قصة فيها عبرة نستفيدوا منها

ها شنو رائيكم ؟؟

..

لولى2010

11-23-2010, 02:29 PM

عيون الحمد لله وربي كريم
والله بكيتينى معاك وربي يفرحك بيهم وتشوفيهم عرسان يارب

ميمونة

11-23-2010, 03:52 PM

السلام عليكم كيف حالكم

عيون ربي يحفظلك صغارك وراجلك

لولي شن حالك استحشتك

نسرينا ربييعوضك الشهر الجاي انا دورتي قاعده مانزلتش

ايه مغطسه لا الو ولا مسج غايبه عالشاشه

ام اسيل هلا والله بالغلا

معراج بارك الله فيك عالمعلومات واسفه اني ازعجتك

عيون زوجي

11-23-2010, 03:57 PM

لولي...نسرينا
يا اعز اوخياات
يارب ماتشوفوا شر...
انا سعيدة اني كتبت قصة بنتي
للعلم ان اهلي واهل زوجي بس
يلي يعرفوا بيها
حتى اعز صديقاتي لا
عمرهم ماسمعوا بيها
من البدايه جاني خوي وزوجي
قالوا ان سارة بنت
ولو ان المرض فعلا فيها
ارح تشفى منه بالعلاج وتكبر
وتتعقد من كلام الناس وتعاطفهم
ويلي يشوفها يقول ياناري مريضة
ولما بتتزوج خطيبها يفكر الف مرة
قبل ما يتزوج وحدة كانت
مريضة بطفولتها
لان للاسف واحترامي ليكم
مجتمعنا جاهل طبيا
ولما طلع التشخيص غلط
وكل شي كان وهم
وامتحان من ربي العالمين
انا اصريت اني ما نحكيش لحد
مش لازم حد يعرف
ونقعد في الناس
واحد ماشي وواحد جاي
والكل يسئل
ولساني يجف من تكرار القصة
ولانكم اهلي في التجمع وحبايبي
حبيت نحكيها لسبب واحد
عبرة وعظة
كل وحدة فينا تتق بالله
وتتاكد ان الله معها
وان مشاكلها امتحان
وباش تنجح فيه لازم من
الصبر ثم الصبر
والدعاء والاستغفار

عيون زوجي

11-23-2010, 03:59 PM

ميمونه ربي يبارك فيك
ويفرحك بوليد ولا بنيه بعد 9شهور او 8 صح
يارب.............

ميمونة

11-23-2010, 04:00 PM

صح والله بس حاسه اني مش حامل

شن رايك عيون في الكلوميد ناخده او لا هل يدير التكيس

ليبياقلبي

11-23-2010, 04:05 PM

الله ياعيون ربي يصبرك والله ةالحمد لله علا كل حال ربي يطول في عمر اصغارك وربي يجعلهم من الدرية الصالحة يارب العالمين وربي يزي
ك من نعيمه الله علا مدى صبرك والله عبرة الجق

ليبياقلبي

11-23-2010, 04:20 PM

بالنسبة لي انا قصة حملي الاول هو انا تزوجت بعدها مشيت لي اختي دكتورة نشكي قتلها نحس عندي الم في اسفل البطن قتلي مرات مسالك قتلي خودي مضاد لكن قبلها ديري تحليل المهم الاسبوع هدكا كان عندي امتحانات نصفي وكنت قراية بس حتى زوجي مانشوفيش فيه الا في ليل نسكر علا روحي الباب وهو مسكين يعاون فيا يطيبلي يجيني يجبلي عصير حاجة وندير في رياضة معاها يعد مانكمل رياضة البطن المهم اخر يوم في امتحانتي تغديت في حوش شيباني وبعدها مشيت للمزين ندير في وجهي لانه مولد صابح المهم انا بابا برفسور باطنة اخصائي كبير رفعتلا تحليل البول وبعدها وانا في المزين بعتلي مسج مبروك البيبي الجديد انا من غباي وانا كنت مدايرة مانع طبيعي قلت شكلا غالط ونفس المسج بعته لي راجلي وراجلي قالي اكيد خطا لين اتصلت اختي الصغيرة وقتلي بابا بعتنا مسج قال انت حامل المهم مفرحتيش هلبة لانا نخمم في قرايتي وحاسة روحي كيف اتزوجت كعادة متقليمتيش معا الوضع الجديد المهم راجلي فرح ومشيت الامور تمام الحمد لله وكنت انقول يارب ينزل ومرات نضرب في بطني ودرت اشياء الحق لاتحتمل المهم في الشهر التاني فرحت بحملي بس كنت نقيم في الرزين مدنوريش وطحت مرتين ونخاف بس مندوريش زي توا توا ابسط حركة نخاق المهم في الشهر التالت معاش نرجع قلت اكيد الوحم خف طلعت مشيت مشوار وانا في طريق حسيت بطني لية وصلت للحوش لقيت قهوي مشيت هنا لدكتورة قتلي القلب واقف وهو متكون كامل شفته بس ميت مشا راجلي قالي لالا كدب مشينا لدكتور تاني قال هدا ميت يبي تنزيل وقتلا شن السبب قال مشيمة انفصلت عليه السبب جونا زيك 25في المية من حالتك مشيت اليوم التاني لدكتوري في مصراتة قالي ميت ليه5ايام قالي روحي اليوم وغدوة تعالي نديرلك وجع صناعي بعدان نديرلك تنظيف نعطيك حبة لانا منبيبش نديرلك مسح المهم روحت الخمس وطول الطريق نبكي انا وراجلي واختي المهم في ليل روحت لقيت ينزل عليا نزيف مشا بابا قال مشا حنستنوا لاغدوة رفعني لمصحة في الخمس دارولي مسح وتعدبت فيه هلبة هلبة البنج والسبب انوفي البداية ربي اعطاني حاجة وانا محمدتيش ربي عليه خدها مني

MALAK2010

11-23-2010, 04:32 PM

شاركونا فى الموضوع دة

http://forum.hwaml.com/t35247.html#post507985 (http://forum.hwaml.com/t35247.html#post507985)

ليبية85

11-23-2010, 06:04 PM

السلام عليكم

عيون قصتك غرييييييييييييبة وقداش الدنيا صعبة الحمد لله ان بنيتك عاشت وما فيها شي لن قلبي وجعني

ميرنا

11-23-2010, 06:14 PM

ادعولي بحسن الخاتمه والسعادة مع زوجي
وان الله يجعل سارة وخوها من الذرية الصالحه
ويارب يكرمكم بكرمه ويعيكم من وسعه وويحقق امانيكم

آآآآآآآآآآآآآآآآآآآآآآآ مين يارب العالمين وعقبال ماتشوفيهم متزوجين ان شالله

ميمونة

11-23-2010, 06:55 PM

ليبيا تاترت بقصتك هلبه يارب يعوضك خير

ميمونة

11-23-2010, 07:11 PM

ميرنا عاش من شافك ياحلو

ام اسيل

11-23-2010, 08:00 PM

عيون حبيبتي ربي يخيليك عويلتك وتفرحي بيهم
عارفة قريت القصة من امبدري والله من الدموع ماقدرت نرد فعلا موقف الله لا تجيبه لمؤمن والحمد لله بنيتك كويسة وربي كذبهم المتخلفين المهملين والله لو منك نرفع فيهم قضية
ان شاء الله تشوفي عويلتك في ارفع المقامات وتشوفي عيال عيالهم

ام اسيل

11-23-2010, 08:05 PM

ليبيا قلبي بجد فقدة الضنا غالي حتى لو ماشفته
وربي عوضك خير وان شاء الله تفرحي بيه ولا بيها يارب
وهضا تذكير لينا كلنا ان هدايا الرحمن لينا لازم نفرحو بيها ونشكروه عليها حتى لو مش في حاجة ليها

ام اسيل

11-23-2010, 08:07 PM

حبل الوصل
ياهووووووووووه حبل الوصل مفقودة اللي يلقاها ليا نعطيه جائزة كبرى
وينك يا الغالية وشن اخبار العلاج هيا سقدينا راهو نحمل قبلك

ليبياقلبي

11-23-2010, 09:01 PM

شكرا ميمونة وام اسيل علا حسن مشاعركم والله يا ام اسيل اصعب شي بعد\ ماشفته مقطع بعد التنظيف بكيت هلبة انا وزوجي ولاتوا نتفكر فيه ويوم موعدي الاول 31°10بكيت هلبة وتدكرت البيبي بس الحمد لله ربي العالمين ما اخد منك الا ليعطيك الحمد لله علا كل حال وعقبال كل محرومة يارب

زهــــور

11-23-2010, 09:41 PM

ليبيا قلبي كيفك اشتقت لااخبارك

كيفك وانتي حامل ولا لا اللي بعرفو انو كنتي حامل واجهضتي

سورينام

11-23-2010, 09:44 PM

عيون الف مليون الحمد لله على سلامة بنيتك وانشاءالله ربي ينعم عليها وعلى وخيها بالصحة وطولة العمر وتشوفيهم زي ما تتمني ...والله وجعتيني لين خلاااص .. الله يمروجهم زي ما مروجوك على بنيتك .. وربي يعميهم أكثر من هكي باش معاش يشوفو ويشخصو الناس بأمراض وهمية .. وربي يسلم سرورتك والله نحس فيها زي بنيتي بالزبط .. انشاالله يتلاقو يوما ما في هالدنيا الصغييييييييرة

سورينام

11-23-2010, 09:47 PM

ليبيا قلبي .. سامحيني وخيتي على عدم السؤال والله مقصرة في حقك يا غالية واللي تبيه اني فيه .. كلو الا زعلك يا عسل

سورينام

11-23-2010, 09:49 PM

تيمو وام رفيدة بوسي .. وينكم .. والا طايحين في القديد ليه ليه ..هههههههه بالشوية عليكم

سورينام

11-23-2010, 09:50 PM

حنين ... أع أع أع أع ...... أكيد فاهمتيني .... انيييييييييااهاهاهاهاهااااا

سورينام

11-23-2010, 10:10 PM

يابنات وينكم وينكم ... تعالولي جاااااي ... مش قلتلكم الخميس بنطهر ولدي ... قولولي شن نطيب العشي ... وشن هما الحاجات اللي في العادة الناس ايديرو فيهم في الطهور.... راني رااااايحة ... أم اسيل ميرنا حبل عيون ميمونة تيمو ام ريحان حنين ليبيا أم رفيدة راجية ام لقمان لولي آية ونسرينا ومعراج .. والبنات كلكم وانشاالله مانسيت حد كلكم وخياتي ونبي رايكم ما تبخلوش عليا

ام اسيل

11-23-2010, 11:22 PM

سورينام
نحنا في بنغازي نحكي على روحي وهل زوجي
نذبحو ونديرو كسكسي بالتقلية وشربة ومصارين شحم متاع الحولي وسلطة عادية وخلاص وكان بتديريه عا الساكت حتى هي اوفر واقل تعب بعد تعب العيد
فكري اين خير سكوتي ولا ذبح وتعب وزيطة
انا عندي قريبتي تطهر من غير ماتقول لحد لين يبرا العيل وكان ماسألتيهاش متقولش بكل

أم سعد

11-24-2010, 12:19 AM

السلام عليكم

مساء الخيرات

بنت الزنتان

11-24-2010, 03:22 AM

السلام عليكم كيف الحال اني جديدة في هالمنتدى ولما خشيت ولقيت فيه انسيوينات من ليبيا فرحت هلبا قلت هيا انخش الزيطة او نتعرف عليهم كيف حالكم إن شاء الله بخير..........

ميرنا

11-24-2010, 11:46 AM

مرحبتين بيك وان شالله وجهك خير علينا

نسرينا

11-24-2010, 11:57 AM

بنت الزنتان مراحب بيك آنستينا

كيف حالكم كلكم

تيمو ليبيا /وووووينك يا غالية ان شاء الله خير وما في سوء يارب

ليبيا قلبي / يا عيني عليك جزاك الله على ما تحملتي وصبرتي وربي يعوضك ويفرح قلبك

عيون / عين العقل ان ما قلتي لحد ، والله زي وخيتي واكثر ومشكورة على الثقة وربي يجمعنا عالخير

ام اسيل / ليك هلبة ما دعيتيليش ، نبي دعوة من دعواتك الحلوة اللي تشرح الخاطر .

سوينام يا عيني / الناس لما تبي اطهر ولدها ما تقولش بكل ، بري طيهري وليدك عالساكت ورد بالك تقولي ، ولم تروحي بيه على خير فكري شنو بديري ، مع ان نصيحتي ليك ، ما اديري شيء ، الجماعة معيدين كلهم و واكلين لين شبعانين هههههههههه من رأي فكك من العزايم وعلى حد علمي هداكا قبل ايديروا لكن توا ما حد يندري عليها من وين زارقة .

امممممم ايوا لولي تعالي نقولي / العصبان ياحلوة لو ما تبيشي ينفلت منك سواء طيبتيه في الطنجرة وامية سواء في الكسكاس
بالنسبة ليا ولمالية انطيبوا في في المية ، اما حوش راجلي واماليه اطيبوا فيه في الطنجرة من غير شيء يحطوا في قعر الطنجرة عيدان المعدنوس و ورق بصل ويحطوا العصبان ويطيب عادي
وعشان ما ينفلتش منك اول شيء / ما تعبيشي هلبه
ثاني شي / قبل ما تحطيه بقيه ونفسيه بعود الاسنان عشان ما يطربقش ،
اني ما نربطش فيه ، انسكر في بعود السنان
وقبل ما تحطيه بققيه شوية نخصات يعني وصحتيييييييين
اه اه اه / دهشت ، تقول كنت اندير في عصبان

ميمونة الغالية / مشكلة لما ما تنزلش الدورة اني هكي صارلي ، عطلت وما فيش حمل
بالنسبة ليا

المرة هادي ما نبيش ناخذ كلوميد
توا بادية في سورة البقرة ليا اسبوع نقرأ فيها كل يوم ،
وعندي رقية للحمل
وناخذ في حبة البركة كل يوم مع حليب او زبادي
وبالنسبة لسورة البقرة / عندي معاها قصة ، واني متأكدة ان الفرج بيكون معاها وبفضلها
وحتشوفوا

.مرة ثانية نحكيلكم قصتي

.

ام روفيدة

11-24-2010, 12:57 PM

السلام عليكم كيف حالكم اليوم سورينام اني طهرت ولدي قبل العيد باسبوع وما درتش لمة ولا حاجة مع انه عندي هلبة صاحبات لكن درتها بالساكت واعتقد حتى في ليبيا ما عاش فيه حد يدير في لمة على خاطر الطهار وصدقيني بالساكت احسن وخاصة بعد حوسة العيد

ام روفيدة

11-24-2010, 12:58 PM

ميرنا الحمد لله اللي خشيتي وطمنتينا عليك ونورتينا

ام روفيدة

11-24-2010, 01:05 PM

ليبية85

11-24-2010, 01:10 PM

السلام عليكم

صباح الخير كيف حالكم اليوم

ام روفيدة

11-24-2010, 01:12 PM

عيون الحمد لله بنتك طلعت سليمة والحمد لله انك صبرتي ونجحتي في هدا الامتحان لكن سامحيني هدا مش دكتور اورام دكتور في الغباء وتمرعيش الناس لا حول ولا قوة إلا بالله كل بلدان العالم يتطوروا إلا احني كل يوم نتخلفو حاشى الدكاترة الممتازين واللي عندهم ضمير

ام روفيدة

11-24-2010, 01:13 PM

وعليكم السلام ليبية كيف حالك اليوم

زهرت سرت

11-24-2010, 01:24 PM

السلام عليكم انا ادهب الي الدكثورة منيرة قنيدي في مستشفي الخضراء وانا ارجع عندها من سنة 2000.ف وهي الي قامت بتوليدي اربعة مرات يعني صغاري الاربعة هي المولدتهم والله يعطيها الف عافية ماريت دكثورة زيها في المعلمة الحسنة والاسلوب الطيب وكل لااصحابي وافراد العائلة يستشرونها فهيا تبارك الرحمن عليها ارجو من كل واحدة فيكم حامل تروحلها وتدعيلي وتشوف ماحلي المعلمة معها والسلام

ميرنا

11-24-2010, 05:53 PM

ميرنا

11-24-2010, 05:55 PM

مرحبتين باوردة سرت انستينا

عيون زوجي

11-24-2010, 06:59 PM

السلااااااام عليكم
بعد السلااااااااااام
يحلى الكلااااام
اولا...هلا بيك وردة سرت
وكم عمرك
وقداش ليك متزوجه
واولادك الاربعه ماشاءالله
كم ولد وكم بنت
وتشتغلي ولا لا
هادي شرووط التجمع لازم تجاوبي
ثانيا......هلا وغلا بالغاليه ميرنا
خيرك بديتي قليله الكلام
ومكتئبه
خلي الدنيا وراك
واعرفي ان الله معك
وبالدعاء والاستغفار
حتى القدر يتغير
والصدقه ترد البلاء
خليك مؤمنه ومفرفشه
وحنونه
ونوارة التجمع زي قبل
ثالتا...صدقوني ارتحت لما
حكيت عن قصة بنتي
حسيت قداش ما انتم احنان
وانكم خواتي
يلي ماشفتهمش
انقولكم حاجه ...
انا نحكيلكم في سري
ومشاكلي وضيقي
اكثر من صاحباتي
يلي نتلاقى معاهم ونعرفهم من زمان
علاقتي بيكم
بلا حواجز
يلي خاطري نقوله
ويلي يوجعني نشكيلكم منه
وكل ما نضايق نفضفض
ممكن السر
يكمن
اني لما نكلمكم من وراء شاشة
الكمبيوتر
انحس كاني نكلم في نفسي
نلقى العزاء
والكلمة الطيبه
والتربيت
نلقى الرد يلي لو رديت بيه على روحي
ماكانش اصدق ولا احن
من ردودكم الطيبه
شكرا لصداقتكم
وشكرا لوقوفكم جنبي ومعاي
من لما كنت حامل
وكنت في المانيا
ولما جبت
وتوا وكل وقت
صحيتوا وشكرا
يا لغالياااااااااات........

عيون زوجي

11-24-2010, 07:04 PM

سورينام حبيبتي
وتوءمي الغالي
سهفتيني انطهر محمد
احكيت لزوجي اعليك
قالي حتى احنا نبوا انديروا زيكم
تصدقوا
نحكي لراجلي اعليكم
وحافظ معظم اسماؤمكم
ولما يبي يخش في الدوة معاي
يقولي كيف حال
سورينام والليبيات معاك
بجد انحبكم
والقلوب عند بعضها
ومبرررررررررررروك على فراااااس
وبطول عمره وعمرك
نستنى محمد يبرا من الحرار لانه متعبه حاله
ونطهره
انتي وين بطهريه اما عياده
بوسيلي سارة وفراس
وديري بالك على روحك

حنين88

11-24-2010, 07:49 PM

ياروحي ياعيون زوجي والله بنتك قطعتلي قلبي ياروحي
والحمد لله الحمد لله انها طلعتىسليمة رغم هاديكا الرعايش والخوف الله كريم

يابنات اني تعبانة هلبة هلبة هالوحام بكل دراه كبدي ياودي

بنسال :- عادي نرقد على بطني ولا فيه خطر ؟؟؟

واهلا ووسهلا بالنبات الجدد انستونا وان شاء الله رفقة خير

خاطري في فطيرة الله سخونة تهبل يم يم اع اع اننناااهاهاهاهاهاهاها

حنين88

11-24-2010, 07:59 PM

وينكم ياوينكم حنين اتهيج بينكم !!!!!
تي وينكم يابنات مستاحشتكم خشو هيا وتعالو ناكلو مقروض

لولى2010

11-24-2010, 11:08 PM

خير عليكم كيف حالكم
عيون انتاختنا واكتر بس ماتحيليش علينا نبو قصه ولادتك ههههههههههه
حنين شن الاخبار جربي هدا الوحم ياستى ههههه
سورينام ربي يعاونك ع الطهار وان شاء الله بطوله عمرة وزي ماقالولك ديري عشاء عادى لاهلك واهل وخلاص
صابرة وينك وين مختفيه وكيف حال عبدو
او رفيده شن حالك وحال حزومى
ميمونه وميرنا وام اسيل وحبل الوصل وبوسي ونسرينا وليبيا قلبي شن اخباركم

hatoo

11-25-2010, 12:56 AM

اهليييييييييين بنااااات وكل سنه وانتم طيبين مرايفه عليكم بكل طولت عليكم كنت مسافره ومعش حصلت فضوه بكل مع رتولي ربي يخليها ليا ها قولولي شنو اخر الاخبار منو حامل ومنو لا

لولى2010

11-25-2010, 01:01 AM

هاتو شن الاخبار وينك كل هالمده كلها وين كنتى مسافرة وشن دايرة فيك رتولى كم عمرة تو

hatoo

11-25-2010, 01:35 AM

الحمدلله تمام والله ورتولي توا عمرها شهرين ونص ومعش نرقد بكلللللللللللللللللللللل منها مش كيف في الحمل كنت ام النوم توا لا

ام اليان

11-25-2010, 08:21 AM

صباح الخير

نسرينا

11-25-2010, 10:45 AM

صباح النور والسرور على الجميع

.

نسرينا

11-25-2010, 10:46 AM

نبي نسألكم

عشبة الميرامية هي نفسها تفاح درنة ؟؟

.

نسرينا

11-25-2010, 10:52 AM

أأاه حنين نسيت نقولك

اول ما تنوضي الصبح خوذي قطعة خبز صغيرة كوليها

هادي مرأة كبيرة في السن قالتها لمت خوي لانها كانت تتوحم هلبة في بداية الحمل ، ومرت خوي قالت فعلا كويسة اتنحي الزهاق وتدريه الكبد

وربي يسهلك

.

ميرنا

11-25-2010, 12:10 PM

نبي نسألكم

عشبة الميرامية هي نفسها تفاح درنة ؟؟

.

ايوه هو تفاح الشاى واسمه فى الشرق تفاح درنه

تيمو ليبيا

11-25-2010, 01:03 PM

مساء الخير وكيف حالكم ليكم وحشه كبيرررررررررررررره انشالله تكونو بخير كلكم عيون حبيبتي سلامتك وسلامت سروره مبعدك شني حسيتي كله باجره حمدالله ومشالله عليك انسانه صبوره انتي ربي يعطيك علي قيس نيتك ويخليلك روجليك وصغيورتك نسرينا مرميه ديما انقوللكم كويسه تنظف رحم اشربيها معا شاهي وتسلمي علي نشدتك عليا يالغاليه سورسنام كيف حالك حبوبه وحال الاطفال الحلوين انشالله قادره تلايمي بينهم ولولي وليبيا وام رفيده وحبل الوصل وبوسي طمنوني عليكم ياوخيات نبي مانع للحمل مضمون انخاف نحمل علي طول واني بنيتي نبي ندلعها ونهتم بيها بروحها عل اقل 10 شهور ومش عارف المانع الكويس الحبوب ديما ايدمو فيهم ايقولو ايسببو مشاكل وينفخو ردو عليا راهو المره هادي لو معدلتوش عليا نززززززززززززززززعل ونتغشش علي سبله موليا اهتمو بيا تربحو هههههه

لولى2010

11-25-2010, 02:38 PM

تيمو شن اخبارك انت ترضعى انا نرضع والدكتورة اعطتنى حبوب منع للترضع اسمهن سيرازات كويست انا ليا شهرين ناخد فيهم
نسرينا ايه المريميه هى تفاح البر او تفاح درنه ريحته قويه ويديرو فيه مع الشاهى حتى هو كويس بكل يعدل الهرمونات انا دكتورتى قالتها ليا

تيمو ليبيا

11-25-2010, 02:47 PM

اهلين لولي ارضع بس مكيس بين طبيعي وصناعي حليبي ميشبعش فيها الحبوب هادم موجودات في ماليزيا زعما ومحسيتسش مضاعفات منهم

لولى2010

11-25-2010, 04:34 PM

تيمو لالا والله كويسات وماينقصنش الحليب وانا ماحسيتش باى مضاعفات اكيده فى فى ماليزيا لان حتى ليبيا فيها ههههههههههه انت امشي لدكتورة احسن

ليبياقلبي

11-25-2010, 05:20 PM

يسعد مساكم كلكم كيف حالكم اليوم
سوربنام لالا عادي حبيتي ولا يهمك المهم تكوني بخير مرات بس نقول غريبة تسال علا الكل الا انا وبالنسبة للطهور مبروك عللا وليدك وبطول عمره بس والله ياسرك كيف طالعة من عيد خلي امورك عادي لا لمة لاشي بس لو انت تبي لمة ديري كسكي ومسبر وسلاطة وفاكهة وشاهي ولوز ونسكافيه و\حاجة حلوة كان تبي
نسرينا والله افضل شي القران الكريم وربي يعطيك يارب علا قيس نيتك
تيمو انا نسمع يقولوا الحبوب ليهم اتر في المستقبل انا ماما خديتهم زمان وبعدها معاش دارت صغار حصلت من الجبوب ومنها معاش حملت انت اسالي دكتورتك او ديري طبيعي مش واقي لالا لا التاني هلبة محمليوش بيه
حنو معاش تقولي عيت من الوحم انت في نعمة غيرك فاقدها نصيحة من دكتورة وعزوز كبيرة حطي بسكويت مالح جنب سريرك اول ماتنوضي الصبخ خوديه قبل ماتقيمي راسك انا جربته معاش نرجع وبالنسبة لنوم علا الظهر انا نعرف من الشهر الرابع ممننوع لانا يمنع وصول الاكسجين للببي وربي يسهلك
ليبية شن صار فيك من الوسواس كاعد زي انا
وكيف حالكم ام روفيدة ولولي واسيل وحبل الوصل ومعراج وام سعد واية وميمونة والكل

ليبياقلبي

11-25-2010, 05:47 PM

تصدقوا وين وصل بيا الوسواس متاع الحمل شيطت مني طنجرة في المطبخ حشيت مطبخ حفت قلت حا عليا تو البيبي انخنق ههههههههه تو اصلا البيبي وين بيوصلا

ليبياقلبي

11-25-2010, 05:49 PM

تعرفوا ماما تقولي انت ماتحطي هالعيل لي في بطنك لين كلنا قريب نهبلوا ديما نرعش فيهم

تيمو ليبيا

11-25-2010, 06:22 PM

حبيبتي لولي تسلمي حنمشي ل دكتوره اكيد وليبيا والهي مدبيا حاجه مش طبيعي مانع ايكون مظمون ويستر الله وبنتي تعيط توا بعدين نتلاقو سلالالالالالالالالالالالام

ليبية85

11-25-2010, 07:57 PM

السلام عليكم

كيف حالكم اليوم

hatoo

11-25-2010, 10:26 PM

اهلين بنات عندي سؤال انا حايبه ليا شهرين ونص الحمدلله ونرضع طبيعي وتوا بديت نخشش في الرضاعه رضعه وحده في اليوم وطبعى هيا متبيهش صراع انا وياها المهم سؤالي انا مجتنيش دوره الاربعين وبعد الاربعين بأسبوعين نزل عليا لون بني وبعدها قبل العيد نزل عليا دم نسحابها الدوره طلعت مش هيا ولعند توا مجتنيش الدوره ونحس في مكان المبايض يوجع فيا هل سبب عدم نزول الدوره لانو نرضع طبيعي؟؟؟؟؟؟؟؟؟؟؟؟؟؟؟؟؟؟؟؟؟؟

ام اليان

11-26-2010, 07:33 AM

صباح الخير

صابرة

11-26-2010, 11:27 AM

السلام عليكم
كل سنة وانتم طيبين
كيف حالكم يا بناتسامحوني ماسألتش عليكم لظروفي
شكرا ام ا اسيل سألتي عليا وشكر لكل من سأل من بنات التجمع

صابرة

11-26-2010, 11:30 AM

ولدي مريض ببردة قوية على الصدر توا ليه اربعة ايام في المستشفى وانا عندي البو شوكة منقدرش انشوفه ونمشيله ..حالتي النفسية زي الزفت
لا حول ولا قوة الا بالله

ليبية85

11-26-2010, 01:03 PM

السلام عليكم

كيف حالكم اليوم؟

صابرة ربي يشفيك ويشفي وليدك وربي يصبرك ان شاء الله فترة وتمر

ليبياقلبي

11-26-2010, 01:36 PM

صابرة ان شاء الله الف لاباس علا وليدك يارب
حبيبتي هاتو سلفتي صارلها زيك لما عاينت طلع التهابات امشي عايني وشوفي احسن
وكيف حالك ليبية شن اخبار الوسواس معاك

ليبياقلبي

11-26-2010, 01:38 PM

اهلا ام اليان وووووووووووووين الباقي جمعة مباركة ولاتنسوا سورة الكهف

ام اسيل

11-26-2010, 06:18 PM

ميرنا انتي كنتي حامل ؟؟؟؟؟؟؟؟؟؟؟؟؟؟؟؟؟؟؟؟؟؟؟؟
هكي قريت في مشاركتك في قسم امراض الرحم

حنين88

11-26-2010, 07:09 PM

السلام عليكم
كيف حالكم يابنات ان شاء طيبات وقنينات مانبيش ندكر اسماء باش ماننسى حد hwaml5

تيمو يقولو الرضاعة الطبيعية احسن مانع للحمل يعني استمري في ترضيع بنتك ودلعيا حتى للسنة لانه معروف هرمون الحليب يمنع الحمل وان شاء الله انكون افدتك
نسرينا وليبيا قلبي تو اندير بنصيحتكم ونخلي البشكطي المالح جنبي وهيا جايتني عالمالح جايتني انننناااااااااااااااهاهاهاها hwaml02hwaml02
وحق ياليبيا قلبي الحمد لله الحمد لله الواحد مرات ينسى النعمة اللي هوا فيها

هاتـــــــــــــــو الف لاباس على وليدك ربي يقومه بالسلامة

نسرينا نعرفها المرمية هيا نفسها تفاح الدرنة واشربي بالصحة عليك ياربي

بنات بشارة ليكم ويارب يجعل تجمعنا هادا كله بشارات مشيت امس للدكتورة باش تشوفلي النبض قتلي الحمد لله نبض البيبي كويس وانتي حامل بتوأم hwaml10انااااااااااااااااهاهاهاهاهاهاها الحمد لله الحمد لله الحمد لله يارب احفظلهملي وتبتهم وسهل حملهم وولادتهم

ويارب ارزق كل مشتاقة وكل مرا صابرة وداعية ليك يارب بالدرية الصالحة المعافاة

حنين88

11-26-2010, 07:14 PM

ام اسيل كيف حالك

يابنات اني سألت على الركاد على البطن مش الظهر ؟؟؟؟؟

لولى2010

11-26-2010, 08:44 PM

صابرة لاباس عليك وعلى عبدو وربي معاك
حنين ما شاء الله ولاحوله ولا قوة الابالله ربي يمم عليك بالعافيه بس مجرد سؤال انت خديت كلوميد او عندكم حد فى العائله ؟ والنوم ع البطن لالالالامش كويس ديما ع الجنب او الظهر الى الشهر السابع عادى
بنات الرضعه مش مانع ميه الميه يعنى مرات تصدف ههههههههههههه
هاتو شوفى دكتور خير وممكن يكون رحمك ما زال ما نظفش تصير بس انت وين كنتى مسافرة ؟

حنين88

11-26-2010, 09:11 PM

الله يبارك فيك يالولي 2010
وبالنسبة لسؤالك لالا ماخديش الكلوميد ولا عندنا حد في العيلة جايب توامة
لكن شربت البردقوش اونه هوا ممنشط تبويض شربته من اول يوم للدورة وشكله دار مفعول مع اني مش مصدقة لتو اني حامل بزوز ربي يحفظهملي يارب

لولى2010

11-26-2010, 10:36 PM

حنين ما شاء الله ربي يحفظهم لكى يارب ويسهل حملهم وولدتهم ويكونو من الذريه الصالحه وتو ياماما غيري الصورة الرمزيه امتاعك وحطى اتنين بدل تلاته هههههههههههه

ليبياقلبي

11-26-2010, 10:47 PM

حنو ياغالية ربي يسهل عليك وربي يتبتهم يارب العالمين وردي بالك علا روحك ماتقوليها لحد والله احسن العين حق ويعطهولك وربي معاك وياحنو اكيد النوم علا البطن مش كويس خليك علا جنباك بس
لولي شن اخبارك

لولى2010

11-26-2010, 11:54 PM

بالنسبه للنوم لالالالالاعادى حتى ع الظهر انا من بدايه الحمل وانا ع ظهرى الى الشهر السابع وبعدها الدكتورة قالتلى تو ابدى ارقدى ع جنبك اليسار لان الدم يمشي بسرعه للجنين ولو رقدتى ع ظهرك الدم معش ايوصل الاكسجين اكويس للبيبي

hatoo

11-27-2010, 12:03 AM

اهلين بنات توا ان شاء الله نشوف دكتوره والف مبروك حنين علي التوأم ان شاء الله تشوفيهم علي خير وانا يالولي كنت مسافره في مصر

أم رهوفة

11-27-2010, 12:20 AM

شككككككككككككراًلك يا عيون زوجي الله يجعلك حورية بعيون زوجك أنا أسفة على التائخيرشكري لكي ان شاء الله بدي زور المنتدى غدامساء ما فيني طول على النت الان كتير تعبانة كنت بظروف صعبة ان شاء الله غدا احكي شو معي تصبحو على خير

ام اسيل

11-27-2010, 12:38 AM

صابرة حبيبتي الف لاباس عليك وعلى وليدك
تصير عادي وتو ياخذ مناعة من ها المرضة
طمنينا عليك

ام اسيل

11-27-2010, 12:41 AM

حنين ماشاء الله
ايوة هكي خلي التجمع فيه اخبار حلوة
الف الف الف مبروك وردي بالك من روحك
وان شاء الله هذي بادرة خير

ميرنا

11-27-2010, 11:51 AM

الف الف الف مبروك ياحنين انشالله بسلامتك وسلامت ابوهم

نسرينا

11-27-2010, 01:08 PM

السلام عليكم

صباح الخير

حنين / ألف ألف مبروك خبر حلو ويفرح والله ، ربي يتمملك على خير ويحفظهم وييسر حملك و ولادتك .
صابرة / الف بعيد السوء عليك وعلي وليدك ، ان شاء الله لاباس وطهورا ان شاء الله ...

بوسي بوسي بوسي بوسي بوسي بوسي بوسي
وووووووووووووووووووووينك .

لولى2010

11-27-2010, 01:26 PM

ميرنا تاخد سوك وان شاء الله تخشي بيه للجنه بس شن سبب الاجهاض

نسرينا

11-27-2010, 01:44 PM

لولي كيف حالك

وكيف حال لينا ؟؟

لولى2010

11-27-2010, 02:46 PM

نسرينا الحمد لله كيف حالك انت

ماليكه

11-27-2010, 09:00 PM

اهلا بيكن حبيباتي
حبيت اشارك معكم انا من سبها
عندي سنه وشهرين متزوجه الي الحين ما حملت والله اني متشوقه للحمل
ادعولي

ღॐ آية ღॐ

11-27-2010, 09:27 PM

سبحان الله وبحمده

ولله الحمد من قبل ومن بعد

عيون قصة بنتك خالتني نبكي من قلبي

والله كاني انا مريت بضروفك
وانا جربت الكبد والله تتمني كل شي يصيبك ولا يصيب صغارك
الله يثبتلك الاجر والحمد لله انها طلعت سليمه
وللاسف ماعندناش في ليبيا تشخيص صحيح
ولا عندي ثقه في الاطباء ابداً ابداً..
ربي يحفضهملك ويباركلك فيهم ويجعلهم من الصالحين وحفظت القرآن الكريم ...
اللهم امين...

ღॐ آية ღॐ

11-27-2010, 09:28 PM

سورينام مبروك على ولدك طهارته
وعقبال ولد عيون يارب
انا ايوب طهرته في مصحة القريو في قرقارش
مشاء الله على طهارتهم ممتازة..

ღॐ آية ღॐ

11-27-2010, 09:34 PM

بنات انا اسفه بسبب عدم دخولي زي قبل
لاني تعبانه شويه وضهري تقول مقسوم على تنين
اغلب وقتي متسطحه ..
قالولي احتمال يكون عندك ولادة مبكرة
والله خايفه وندعي ربي نفوت الشهر السابع على خير
ياااااااارب يا مجيب الدعاء تبت حملي لتاسع يارب..
محتاجه دعائكم ..

ღॐ آية ღॐ

11-27-2010, 09:35 PM

اهلا بيك اختي مليكه نورتي
وربي يكتبلك الحمل في القريب العاجل

أم سعد

11-27-2010, 09:54 PM

مساء الخيرات

كيف حالكن جميعا

أم سعد

11-27-2010, 09:58 PM

آية يارب يثبت حملك للتاسع

ويشفيك من كل داء

يارب

لولى2010

11-27-2010, 11:30 PM

اهلا بيك اختى ماليكه وربي يسهل عليك وتحملى فى القريب العاجل
ايه لاباس عليك وان شاء تكملى حملك ع خير وسلامه

بنت الزنتان

11-28-2010, 04:00 AM

اخياتي ادعولي اني توا شهري وموعدي مازال عليه يومين ونحس في روحي تعبانة هلبااااااااااااا عندي المشيمة نازلة والتهاب في المسالك واحتمال ايقررولي عملية وانا بنتي الاولى جايبتها بالعملية وهاذي فرصتي الوحيدة اني انجيب طبيعي ادعولي المرة هاذي اني انجيب طبيعيييييييييييييييييييييييييييييييييييييييي .............

poucie

11-28-2010, 10:03 AM

السلام عليكم ورحمة الله وبركاته،،،
خير يا بنات شكراً لكل من سأل عني لولي ونسرينا وتيمو سلم وخياتي ما نفقدكم انشاء الله
حنين الف مبروك ع الخبر الحلو وانشاء الله ربي يتمملك على خير
عيون والله بكيتيني لما قريت قصت بنتك ربي يحفضهالك ويحفضلك وليدك ومولى بيتك انشاء الله وانشاء الله اجرك حاصل
مليكة مرحبتين بيك انستينا
تيمو والله ما فيش احسن من المانع الطبيعي وهو مضمون لو رديتي بالك انا شخصياً استعملته لمدة سنة والحمد الله كنت محافضة وما صارش حمل لين وقفت عليه وتواء حامل بإرادتي ومش غلطة وفي النهاية صدقيني احسن من المواد الكيميائية وربي يسترك انشاء الله

حنين88

11-28-2010, 11:59 AM

الله يبارك فيكم يابنات ياحلوات وعقبال لكل وحدة خاطرها في بيبي يارب

ايــــــــــــــــة ربي يتبت حملك للتاسع يارب ويرزقك الدرية المعافاة والسليمة
هانت اهو مازالك شهرين وتكملي

يابنات نبي نسأل كف اضمو في حياشكم توا وانتو حوامل يعني عغادي طبسو وتقيمو والتسييق والكنس بالهوفر ياريت كل وحدة تخش تحكينا في اضم في حوشها خلي كلنا نستفيدوا

اهلين بجماعة ســــــــــــــــبها نورتو ويارب يرزقك بللي تتمني الله كريم حبيبتي

أم سعد

11-28-2010, 12:33 PM

صباح الخيرات

يا حنين والله بالنسبة ليا نضم عادي جدا

نسيق وانشف ونكنس وكل شي ندير فيه

وتوا الحمد لله في السابع وأموري كويسة والحمد لله

ماعندي إلا إلتهاب في المسالك

نسرينا

11-28-2010, 12:54 PM

السلام عليكم

صباح الخير على عيون الجميع

اية / ربي يتمملك حملك للشهر التاسع و يسهللك ولادتك امين يارب العالمين .
ماليكة / مرحبتين بيك انستي ونورتي وربي يرزقك بحمل ثابت وسليم عاجل غير آجل
بوسي / حمدلله عالسلامة وشك والا القمر ، طيب انك بخير .
حنيني / ساعدي روحك في الضم وخاصة في الشهور الاولى ، اني رميت حملي الاول من ورا الضم والتنفيض والفلاحة الزايدة ، ربي يثبت حملك ويفرحك .

بس قوليلي شنو فكرتي تسميهم ؟؟؟

.

لولى2010

11-28-2010, 02:46 PM

حنين والله انا كنت انجيب فى شغاله فى الاسبوع مرتين تنكت الشقه وتضم وتسيق وتنشف وتلمع وانا كنت فى الايام الاخرات ع الخفيف نسيق فى الحمام اكرمك الله ونضم فى دارى والمطبخ عندى غساله اماعين فماكنش الحمد لله عندى مشكله

لولى2010

11-28-2010, 04:01 PM

بوسي ياريت تشرحيلى طريقه المانع الطبيعى انا ديما نسمع عليه لكن مانعرفش او اى وحده من البنات تقولنا عليه للفيده

عيون زوجي

11-28-2010, 06:04 PM

حنينوووووووووو...احلى بشارة الف الف مبروك انا خاطري في توامه
في حملي الاول كانوا توامه
واحد من عمر الشهر والنص توقف نبضه
والتاني كانت بنتي ساره

عيون زوجي

11-28-2010, 06:11 PM

ايه...عاش من سمع عنك خبر
وانشاءالله لاباس اعليك
ويارب يثبتلك حملك 9 شهور من غير زيادة ولا نقصان
وتشوفي الياس بين ايديك سالم يارب

عيون زوجي

11-28-2010, 06:23 PM

ام رهوفه.... هلا بيك بينا
مليكة.... انستينا
صابرة ....لاباس اعليك وعلى اوليدك
يارب شده وتزول
ويارب تنوضوا بالسلامه
وبالف خير
هاتو... انا جتني دورة الاربعين
بعد ولادتي ب18يوم
وتوا موعدها فايت ليه اسبوع او اكتر
وماجتش وانا خااااااااااايفه
درت مانع طبيعي بس خايفه
يارب تنزل وتريحني
لولي وليبيا قلبي وتيمو وليبية ونسرينا وبوسي....
كيف حالكم ويارب تكونوا باحسن حال
ليبيا قلبي... النوم عالظهر عادي
ما يخوفش
في صغاري الزوز نرقد على ظهري للولادة
بنت الزنتان.... هلا بيك
حنين.... انا انضم في حوشي عادي
بس الرزين ممنوع وانتى حامل بتوامه
لازم تحافظي اكتر لانك
رح ترزني وتتنفخي اكتر
ميرنا وام اسيل وحبل الوصل....
وينكم يا اقطاب التجمع
ام اسيل اكتر وحدة فيكم تخش
ميرنا.... وليتي زي هلال العيد
صح كنتي حامل ولا لا
ميمونه وام روفيدة.... وينكم
حبيبتي واوخيتي
...سورينااااااااااااام ....
وينك
تعبك فراس بعد الطهارة ولا لا
ووين طهرتيه
ومبروك اعليك واعليه
انا رح انطهره بأذن الله
نهايه شهر 12
ام سعد ومعراج.... كيف حالكم
وحال الحمل
ام لقمان وساجدة... وين ايامكم
ووين اياااااااااام هنديه وحمواتها
زعمه طلقوها ولا شنو

عيون زوجي

11-28-2010, 06:24 PM

راجيه واميسر وينكم

تيمو ليبيا

11-28-2010, 07:48 PM

السلام عليكم كيف حالكم انشالله بخير بوسي وراس وخيتي مانعرفه مانع الطبيعي ياريت تقولي عليه ولو مضمون شجعيني عليه حتي اني مدبيا حاجه طبيعيا خير من سريب الدواوات عيون كيف حالك وحال سروره وحمودي قداش عمره توا وقوليلي علي مانع ال ديري فيه وحملتي بيه في حمودي ولا كنتي مخليا روحك هكي حنين الف الف مبروك وعقبال متشديهم بين يديك يارب

ام لقمان

11-29-2010, 12:00 AM

السلام عليكم حبيباتى الكلوسلمك نشاده يا عيونوربى يسلملك اوليدك وتفرحى بيهواما انى السكر امتعبنى واجد ياريت تذكرونى بالدعاء ان الله يرفع عنى كل تعبانشالله ربى يعطى كل متمنيه ويسر ولادة كل حامل

راجيه فرج ربها

11-29-2010, 12:17 AM

السلام عليكم ورحمة الله وبركاته

مبروك عليكم العيد كلكم بلا استثناء نخاف نطري الاسماء ننسي حد فيكم ولي هلبه عنكم ان شاء الله كل ايامكن افراح يارب يسر لنا امورنا ونفرح يارب زي الكل ويدوم علينا العافيه راهي ياوخياتي اهم شي اسالن مجرب الحمد الله علي نعمة العافيه قبل كل شي وعلى كل النعم اهمها اللسان الداكرالشاكر اللهم لك الحمد ان شاء الله اموركن طيبه كلكن ولي عوده ليكن سموحه ياوخيتي كان ماقريت الصفحات واطلعت علي الاخبار لاني مشغوله واجد لكن لي عوده بادن الله

Mقمة البرااااائهM

11-29-2010, 12:18 AM

بناااااااااااات طمنوووني

أخبااااااااااار ميرنااااااااااااااا؟؟

اقصوصه

11-29-2010, 12:25 AM

هاااااااا

اشوفج ناقزه هني؟

Mقمة البرااااائهM

11-29-2010, 12:28 AM

يااااانااااا الضب..........

اقصوصه

11-29-2010, 12:29 AM

مالت عليج وعلى خالضب بس لوعتي جبودنا :(

راجيه فرج ربها

11-29-2010, 12:34 AM

وعزتك لو انتهرتني مابرحت من بابك
ولا كففت عن تملقك
لما الهمت قلبي من المعرفة بكرمك
وسعة رحمتك
الى من يذهب العبد
الا الى مولاه
وإلى من يلتجىء المخلوق
الا الى خالقه
الهي لو قرنتني بالاصفاد
ومنعتني سيبك من بين الاشهاد
ودللت على فضائحي عيون العباد
وأمرت بي الى النار
وحلت بيني وبين الابرار
ماقطعت رجائي منك
وماصرفت وجه تأميلي لعفوك عني
ولااخرج حبك من قلبي
أنا لا انسى نعمك علي
وسترك علي في دار الدنيا
انت الرحمن الرحيم
انت ارحم بي من نفسي
الهي غمرتني بنعمك
فلا تكلني الى نفسي طرفة عين
واصلح لي شأني كله لا اله الا انت
اجعل لي ولاخواتي هنا ولكل المسلمين
من كل هم فرجا ومن كل ضيق مخرجا
ولا تحملنا ياربنا مالاطاقه لنا به
اللهم اشفنا جميعا ولاتحيجنا الى احد من خلقك
اللهم أكتب لنا وللمسلمين اجمعين
الصحه في الابدان وابعد عنا الالام
واعنا على شكرك ياربنا على جميع نعمك واجعلنا جميعا من الراضين بقضائك وقدرك واجعل لنا بكل قضاء قضيته لنا خيرا
ياربي وارحم موتانا جميعا وموتى المسلمين وارحمنا جميعا اذا صرنا الى ماصارو اليه اللهم ارزق اخواتي في هدا التجمع الحمل السليم المعافى وبارك فيمن رزقتها
اللهم امين

ليبياقلبي

11-29-2010, 01:25 AM

poucie

11-29-2010, 09:33 AM

السلام عليكم خير يا بنات شخباركم اليوم
لولي وتيمو سامحوني في الشرح المانع الطبيعي يعني الجماع يكون عادي بس عند حدوث نشوة الرجل معناها لما يبي يستفرغ يكون الاستفراغ خارج المهبل وانشاء الله تكونوا فهمتوني وسامحوني مرة ثانية بس صدقوني والله احسن من الدواوات لاكن يبي انتباه منك ومن زوجك لازم يرد باله خصوصاً في ايام التبويض لاكن عندك في اليومين اللي بعد الدورة و5 ايام اللي قبل الدورة حتى لو تم الجماع بالاستفراغ في المهبل فمافيش خوف لانهم مش ايام الحمل

حنين88

11-29-2010, 10:29 AM

صباح الخيرات والليرات على بنات ليبيا الزينات

ان شاء الله يابنات يومكم سعيد
راجية صحيتي على الدعوات والتدكير (ان الدكرى تنفع المؤمنين) الحق انتي مش مقصرة معانا من الناحية الدينية ربي يعطيك على قيس نيتك يارب

نسرينا غير نعرف جنسهم بعدين نفكر في الاسم حتى هوا موال وبرنامج طويل اختيار الاسماء

خلاص معناها انضم من فوق لفوق وخلاص وحنجيب شغالة في الاسبوع اضم ضمة باهية وخلاص عالاقل الاشهور الاولى بعدين ادير الله طريق اننناااااااهاهاهاهاهاها

ميرنا

11-29-2010, 10:50 AM

انا اكويسة سلمكن نشادات

نسرينا

11-29-2010, 11:02 AM

صباااح الخير

يومكم طيب

ربي يسترها معاكم ويفرحكم ويرزق الجميع

لولي المانع الطبيعي / زي ما قالتلك بوسي بالضبط بس يبي تركيز وانتباه ، وبعدين لو دورتك منتظمة تقدري تجامعي بشكل طبيعي الا في ايام التبويض .

راجية / ربي يفرج عليك ويشفيك ويرزقك بكل ما تتمني ...

مش عارفة يا بنات

حاسة روحي متفائلة جدا جدا خاصة بنت خالتي حلمتلي حلم ان شاء خير يارب كويس وفرحني هلللللللبه

.

راجيه فرج ربها

11-29-2010, 01:12 PM

السلام عليكم يالعزيزات

الف مبروك يالحنين ويجعلهم لك دخرا وسند يارب وينفعك الله بيهم يارب ويرزق كل متمني يارب ولك يانسرينا دعوه من الاعماق ماتم هالسنه الا وانت مجبورة الخاطر عاد كيف كيف السنه الهجريه ولله الميلاديه كلهن على الانتهاء والعام داير بالافراح والبشارات يارب العالمين علينا كلنا والله قريت هالصفحتين ولاباس ميرنا ان شاء الله خير

راجيه فرج ربها

11-29-2010, 01:15 PM

الف لاباس عليك ام لقمان باعدي عن الزعل وربي يشفيك ان شاء الله

راجيه فرج ربها

11-29-2010, 01:17 PM

سلمك نشاده يالغاليه عيون والف لاباس علي بنيتك وكله بامر الله فقط شدي في الله وهدي تدكره من الله لينا بانعامه الف حمد وشكريارب على سلامتها

راجيه فرج ربها

11-29-2010, 01:18 PM

مبروك طهارة وليدك اختي سورينام وان شاء الله عقبال افراحهم يارب

راجيه فرج ربها

11-29-2010, 01:20 PM

ميرنا تو قريت خبر الحمل ان شاء الله خير والحمد الله الي زرع في رحمك قادر يتبث المره الجايه يارب والف لاباس عليك ايه كله باجره شن اخبار خويك ان شاء الله تحسن

راجيه فرج ربها

11-29-2010, 01:30 PM

ليبيا قلبي تاثرت بقصتك واجد لاني مريت بنفس قصتك لكن انا كانت بنتي ام اربع سنوات بعد الله ماخدا امانته والحمد الله ربي العالمين

نسرينا

11-29-2010, 01:53 PM

راجية

طريقة الاستغفار الانجح كيف برأيك ؟؟؟؟

معراج

11-29-2010, 02:52 PM

السلام عليكم ان شاء الله لاباس عليك وعلى ولدك ياصابره هذا ابتلاء من الله وريحي روحك ياايه وماديريش اي مجهود ومشى لدكتور كويس كان اكدلك ان احتمال تولدي ولاده مبكره فابدي باخذ اباري تنشيط الرائتينعشان سلامة البيبي تسال عنك العافيه ياغاليه يام اسيل انتى وعيون وان شاء الله ربي يمتعكن بصحه بلا مرض ياارب ولاباس عليك ياميرنا وربي رحمن رحيم ان شاء الله يعوضك ويعطيك السلامه ياحنين والله وضعك زي وعضى والله ضحكتينى الكلمه يلي تكتبي فيها على طرف لسانى ونبي انقولها مبرووووك عليك التؤام ربي يكملك على خير بس انا في عيلتى فيه التؤام يعني وراثه اختي حتى هيا جايبه بنتين تؤم من 5شهور بنتين زي القمر ما شاء الله ويانسرينا ربي يفرح قلبك ويعطيك ماتمني يااااارب وسلام كبيييير للولي وليبيا قلبي وتيمو ليبا ور ا جيه وحبل الوصل وسامحووووني كان نسيت حد وادعوووولي يوم 4)12 عندي موعد مع الدكتوره عشان تطمني على وضع الجنينين وان شاء الله كيس الحمل الثاني يكوون ثابت ومووووجود لانها قاتلي واحد كبير والثاني صغير احتمال يستمر واحتمال لاقذر الله ينزل ادعووووووووووووووووولى توه مع السلامه الى السبت الجاي لان الدكتور عاطيني راحه ادعوووولى ربي يتبتهم يااارب

معراج

11-29-2010, 02:56 PM

مبرووووووووووك طهارة ولدك يا سورينام وعقبال فرحتك بيه يااااااااااارب

حبل الوصل

11-29-2010, 03:52 PM

السلام عليكم كيف حالكم وشكرا لكل من سأل عليا
والله انى قاعدة في دوامة سامحونى منقدرش نخش كيف قبل وادعو لاختى بيديرولها عملية استئصال للرحم بعيد عليكم ت>كروها اللي تعبت وقعدت في العناية الدكاترة اللي مايفهموش ناسيين فيها قطنة وتوة هيا فيا تونس يديرولها في استئصال للرحم ربي يشفيها ويردها لصغارها

حبل الوصل

11-29-2010, 03:59 PM

اية ربي يثبتلك حملك للتاسع وردى بالك على روحك
صابرة الف لاباس ان شاءالله ياوخيتى
حنين مبروك على التوأم ربي يكملك على خير
معراج يارب يكون حملك ثابت ويارب يطمن بالك
ام اسيل وحشتينى يالغالية
ميرنا والله زعلت منك تحكى برة التجمع ومعانا لا خيرك تغيرتي علينا
عيون ربي يعطيك على قد صبرك
راجية نورتى
نسرينا وبوسي وليبيا قلبي وتيمو ليبيا وام لقمان وام سعد ولولي وسورينام

حبل الوصل

11-29-2010, 04:16 PM

انى كنت مريضة حشاكم اغمى عليا ورفعونى للمستشفى طلع عندى هبوط ومعاها قاللي الدكتور انتى متعبة روحك ونفسيتك ريحي روحك بالله من وين الراحة

ღॐ آية ღॐ

11-29-2010, 08:07 PM

حبل الوصل بعيد السو عليك
اسمعي كلام الدكتور ورتاحي
والله العمر يتم والقضيه متمش
طهوراً ان شاء الله.

ღॐ آية ღॐ

11-29-2010, 08:17 PM

اية ربي يتمم حملك علا خير يارب وتوصلي للتاسع بس شن السبب في الولادة المبكرة
حنو افتكي من الضم خلي حدا يعاونك انا تبي الحق والله العظيم في حملي هدا راجلي من الخوف ماندير في حاجة الا في غسل الماعين ومش ديما والله مرات نمشي لي اماليا نشرب ونخلي الطاسة في الدار تبي الحق رحت بايرة بكل تبالة تعودت علا الراحة بس انت ردي بالك من التطبيس هلبة وافتكي من طب الرزين والله انا ماهلكني الا هدا في رميتي الاولى ربي معاك
ووووووووووووووسلامي لي لولي وغيون وميرنا ونسرينا وسورينام ولولي ام اسيل تيمو ام لقمان معراج ام سعد

تسلمي حبيبتي ومشكورة على الدعاء ربي يتقبل منك يااااااااااارب
بس سبب احتمال الولادة المبكرة هي بعض الاتهابات في المهبل
ولو جيتي لي الضمان والله مريحه عمري وزوجي معوني ربي يحفضه
والمشكلة ان البيبي فارسي يعني لو قدر الله جي بكري حنولد بعمليه قيصري.
دعواتكم بنات والله محتاجه لي الدعاء من قلوبكم.,

ღॐ آية ღॐ

11-29-2010, 08:23 PM

ايه...عاش من سمع عنك خبر
وانشاءالله لاباس اعليك
ويارب يثبتلك حملك 9 شهور من غير زيادة ولا نقصان
وتشوفي الياس بين ايديك سالم يارب

تعيشي حبيبتي عيون
ربي يسلمك ويحفضلك عويلتك يارب
شفت تاني بلجهاز وبان انها بنوته مش ولد
وان شاء الله بنسميها اسيل او كان سخر ربي..

ليبياقلبي

11-29-2010, 10:14 PM

حبيبتي راجية الف شكر علا سوالك وربي يعوضك خير في بنيتك وان شاء الله تلاقيها في الجنة
حبل الوصل الف سلامة عليك اولا وسلامان علا وخيتك
اية والله قلبي معاك وربي يتمم حملك يارب

لولى2010

11-29-2010, 11:40 PM

لاباس عليك حبل الوصل ولاباس ع خيتك وربي يكون فى عونها
ايوته ربي يسهل عليك وتكملى حملك ع خير
كيف حالكم كلكم

لولى2010

11-29-2010, 11:42 PM

بوسي ونسرينا ربي يخليكم شكرا ع المعلومه ان شاء الله تو نديره بعد انسكر سنه عشان العمليه

لولى2010

11-29-2010, 11:47 PM

كيف حالك ليبيا قلبي وعيون وبوسى ونسرينا ام اسيل وحبل الوصل حنين ايوته ميرنا معراج راجيه ميمى تيمو من تانى مش مدكرة وحشتونى كنكم معش تخشووووووووووووووووو

لولى2010

11-29-2010, 11:48 PM

هاتو سامحينى نسيتك شن اخبارك
صبورة كيف حالك
ام رفيده شن الاخبار

عيون زوجي

11-30-2010, 12:30 AM

السلاااااااااااااااام عليكم
هااااااااااالوووووووووووووو
شن الجو والحال والاخبار
ايه حبوبتنا كيف حالك وحال ايوب وحال مولى بيتك
وخاصة خوك شن اخباره توا
ومبروك اعليك بنيتك وتشوفيها بصحه وسلامه
وتتطلع حلوة لمامتها....

عيون زوجي

11-30-2010, 12:33 AM

لولى2010

11-30-2010, 12:34 AM

عيون شن اخبارك انت موجوده تو شن اخبار عويلتك تو نسالوك انت كملتى الاربعين ما فيش حاجه فى الطريق هههههههههههههههههههه

عيون زوجي

11-30-2010, 12:35 AM

لولي........شن الجو يا ام ليوني
وكيف حالها وعاقله ولا عياطه
وتتطلعي بروحك تتمشي وتتسوقي ولا لا
وقادش ليكم غادي
ولامتى قاعدين

عيون زوجي

11-30-2010, 12:37 AM

معراج وحنين وايه وام سعد وليبيا قلبي ربي يثبت حملكم
ويرزق ميرنا وام اسيل ونسرينا وميمونه وحبل الوصل وراجيه وسمحه
تيمووووو شن جو ماليزيا
خاطري ضايق نتمنى نسافر نغير جو
اكتئاب مابعد الولادة تعبني شوي
وخاصه ولدي متعبني من السهر

عيون زوجي

11-30-2010, 12:39 AM

بأذن الله مسافرة تونس يوم 8/12
يومين او ثلاثه انغير جوووووو
ملييييييييييييييت من حبسه الحوش
العيل متعب في الشتاء
بنتي في الصيف ريحتني
نطلع بيها وين نبي
ونلبسها اي شي
وتوا محبوسه خايفه من الصقع
ومع هذا البارح ساره حرارة 38.6وكحة
ومحمد كحة وزكمة
وبوهم زكمة وصوته مبحوح حاله
والعيله حال شتاء ومرض حاشاكم

عيون زوجي

11-30-2010, 12:43 AM

ههههههههههههههه
لولي تصدقي كنت نحساب روحي حامل
انا بعد النفاس نزل مني دم
3ايام بس
وبعد اسبوعين بس من الولادة
جتني دورة الاربعين
يعني قبل الاربعين ب 3اسابيع
ومن هداك اليوم ماجتنيش تاني
والمشكله انا وزوجي حياتنا الخاصه
بدينا فيها قبل الاربعين
بس كنا حذرين شوي
ومن يومين جاني وسواس اني حامل
وحماتي اكدتلي وخوفتني
واليوم درت جهاز قالت الدكتورة
بطانه الرحم سميكة
يا حمل في بدايته
او دورة محبوسه
وحاشاك درت تحليل بول
ولله الحمد طلعت مش حامل
الحمدلله

لولى2010

11-30-2010, 12:43 AM

عيون لاباس عليكم ايه انا نسوق ولولو الحمد لله هاديه بس عندها فصلات هههههههه نحن لينا 3 سنين هنا ومش معروف امتى نروحو او نغيرو البلاد بس الدوحه حلو هاديه وامان بشكل غريب وطب اهم شي عندهم دكاترة صح وكل شي تمام هنا

عيون زوجي

11-30-2010, 12:45 AM

وانتي شكلك عاملتيها وحاااااااااااامل
هههههههههههههه
لولي حامل
لولي حامل
انا فاولت اعليك
معناها رح تحملي هالايام

لولى2010

11-30-2010, 12:46 AM

هههههههههههههههههههه انا هدا بيش ناخد فى حبوب بيش نقعد فى السيف سايت ههههههه لكن مع هدا كله مرات نشك فى روحى انى حامل هههههههههههه مرات نحس بوحم كبدى تدره ومرات نوخ انقول خلاص مبروك راجلى يعلق عليا يقولى مبروك هههههههههههه

عيون زوجي

11-30-2010, 12:47 AM

ميمونه
انا مشيت لمزين مروة قصيت شعري
وعجبني مكياج منجيه صاحبه المزين
بس طلبت منها مكياج عرايسي
لو جتني مناسبه
قالت من 70 الى 95
من غير تسريحه هلبه
انا متعوده مكياج وتسريحه 80 دينار

عيون زوجي

11-30-2010, 12:48 AM

عندي اعراس كدس
بنت عمتي الاسبوع الفات
اصغاري مرضوا
وانا كنت ناويه نصدر
ماصارش ومامشيتش بكل
والاحد الجاي عندي محضر
ومش عارفه كيف اندير
اصغاري قعدين مرضى

لولى2010

11-30-2010, 12:49 AM

لالالالالالاانا تو نطلع عليك اشعه وننشرها فى المنتدى ونقول عيون حامل حملت ع الاربعين ووليده مازال صغير هههههههههههههههههههههه ونتفاولك هههههههههههههههه

عيون زوجي

11-30-2010, 12:50 AM

ههههههههههههههههههههههههه
يارب يارب تحمل لولي هالايام

لولى2010

11-30-2010, 12:51 AM

ما شاء الله سهفتينى ربي يشفى عويلت وتمشي تغيري جو خاطرى نحظر فرح الغربه هدا عيبه ههههههههههههههههههههههههه تنقطعى ع العالم الخارجى

عيون زوجي

11-30-2010, 12:52 AM

انا اليوم اتاكدت وارتحت
بري انتي ريحي ضميرك
واشري اختبار حمل
وانا متاكدة ان الخطين رح يطلعوا داكنات

لولى2010

11-30-2010, 12:52 AM

عيون بنسالك انت ترضعى طبيعى ولا صناعى

عيون زوجي

11-30-2010, 12:53 AM

افتكيتي من المجاملات
انا ما انحبش جو الاعراس والسوابيع
من الصبح وانتي توتي في روحك
وعالقة طوارئ
وشاريه وخاسرة مزين
على ساعتين وروحي
ما انحباش جو الاعراس بكل

لولى2010

11-30-2010, 12:55 AM

ههههههههههههههههه انا عادى نحمل بس عشان العمليه قالتلى الدكتور الى دير عمليه يجيها طلق مبكر وانا اصلا جبت فى التامن وانا فى الحمل ندير فى ربط عنق رحم لان عندى ارتخاء فهدا بيش ناخد فى حبوب لعند السنه وبعده ندير مانع طبيعى علمته ليا بوسي هههههههههههههههه

عيون زوجي

11-30-2010, 12:55 AM

للاسف انا صناعي
وضميري حاله معذبني
بس ربي كاتب هكي
اسمعي شن الجو عندكم
صقع ولا نو

لولى2010

11-30-2010, 12:57 AM

عيون انت فايتك الجو تو نحن اطورنا وبدين نحكو ع الموانع امتاع الحمل المره الجايه تو نجرو بوسي تحكينا حاجه تانيه ههههههههههههه حى عليا تو تزعل تقولى العتب عليا ههههههههههه

عيون زوجي

11-30-2010, 12:58 AM

صاحباتي الزوز مشوا للحج
حجوا من بريطانيا وبيروحوا شهر واحد لليبيا
ويارب يكتبلنا الحج يارب
خاطري في عمرة رمضان لو حج
انتي ماشية للعمرة يا لولي

لولى2010

11-30-2010, 12:59 AM

لالالالالالالالالالانحن الجو يهبل دافى وخلاص نحن فى الوقت هدا بس نطفو المكيفات شهر 11 و12 و1 و2 وبعدها يبدا الحمو من جديد

عيون زوجي

11-30-2010, 01:00 AM

هههههههههههههههههههه
امالا تبيها اتخش عالممنوع
توا توريها اميسر
زمان ميمونه ياناري سئلت بحسن نيه
على الجماع او شن
نسيت سؤالها
قالتلها عيب هالاسئله
هههههههههههههههههه

لولى2010

11-30-2010, 01:01 AM

لالالالالالاوالله قبل نبو نمشو السنه الى فاتت كنت حامل بس ان شاء الله فى شهر 3 ادا الله راد ونحجو السنه الجايه من هنا قريب بكل السعوديه ساعه بالطايرة والحج 5 ايام بس ويروحو

عيون زوجي

11-30-2010, 01:03 AM

لقيت سؤالكم عن المانع الطبيعي
انا ولدي محمد حملت بيه بالمانع
ومتاكدة جدا انه ايام الاباضه
ماصار شي
بس ربي اراد اني نحمل
ولما عرفت بحملي فرحت جدا
كنت في المانيا وفرحت هلبه
لانه حمل بلا تخطيط
بس توا زوز صغار سادين
وبعد 3سنين انشاءالله نحمل ونجيب خوهم
خاطري في زوز اولاد تانيين
نسميهم الحارث وهمام
وابنيه تانيه نسميها يارا
على وزن ساره

لولى2010

11-30-2010, 01:04 AM

ههههههههههههههههههههه حى عليا مالا سامحينى يابوسي والله مش قصدى هى راقده وانا ندفلها فى الطواجين مسكينه يانارى غير تخش تتفاجاءة هههههههههههههه سامحينى بوسي

عيون زوجي

11-30-2010, 01:05 AM

ماشاءالله تبارك الرحمن
كل شي حلو قريب منكم
دبي وابوظبي والسعوديه
نيالكم خير مننا
قصدك الحج غادي بلا قرعه زينا
هههههههههههه
الا احنا قرعه وعراك واعمار فوق ال40

لولى2010

11-30-2010, 01:06 AM

ايه ان شاء الله ربي يسهلك
عارفه هو الدكتورة قالتلى ممكن يكون التبويض متاخر انا فى حملى الصراحه الجماع كان متاخر بس الحمد لله صار حمل فسالت الدكتورة قالتها ليا هى حكمه ربي سبحانه وتعالى

عيون زوجي

11-30-2010, 01:07 AM

هههههههههههههههههههههه
بوسي في عالم تاني
لو تبي تعرفيه
طفي الكمبيوتر وبري لسريرك
وكملي الباقي
مش زينا
مادين وجهنا بلا دفئ
ههههههههههههههههههه
عايشين في الصقع

عيون زوجي

11-30-2010, 01:08 AM

قادش عندك خوت............................................... .....

لولى2010

11-30-2010, 01:08 AM

ماهو قتلك الدوحه حلو بس عيبه الحمو والاسعار غاليه هلبه نار

عيون زوجي

11-30-2010, 01:10 AM

انا شفت بنات من الامارت والبحرين
قصدي الخليج
ايحشموا
في المانيا لابسين شورتات
وعريان
ومكياج صارخ
ووشم على الكتف والظهر
مدايرين العار
في المانيا
شن جو بنات قطر عندكم
اكيد في بلادهم باهي
وبرا مهناك حد يشوف

لولى2010

11-30-2010, 01:10 AM

ههههههههههههههههههههههه انا راجلى من بدرى راقد عمل من الساعه 7 ينوض يعنى بتوقيتكم 6
انا خوتى الشباب 5 والبنات 4 ما شاء الله ههههههههه وانت
انت ليش سهرانه

عيون زوجي

11-30-2010, 01:11 AM

وينك سمعتي نصيحتي وخليتيني

لولى2010

11-30-2010, 01:12 AM

ايه هنا حشم حتى وجوهم مغطيينالا القليل القله معريين وجوهم بس فى وحدات يلبسو فى نقاب امتاع العيون ويديرو فى دور الاي شدو ولاي ينار شارع ههههههههههههههههههه بس عبايتهم خيال يهبلو ههههههههههههه

لولى2010

11-30-2010, 01:13 AM

ههههههههههههههههه لالالالالالالاقاعده انا خاطرى نتعرف عليك اكتر

عيون زوجي

11-30-2010, 01:13 AM

انا زوجي غدوة اجازة
وديمه ساهرة للصبح من ولدي
ونسهر اكتر شي عالتلفزيون
انا عندي ماشاءالله 5خوت و2اخوات
3خوت متزوجين وخواتي متزوجات
وعندي اخ واتي ايدور في بنت الحلال
واخر العنقود يقرا في هندسه نفط
سنه ثالثه مواليد88

لولى2010

11-30-2010, 01:15 AM

الووووووووووووووووينك عيون

عيون زوجي

11-30-2010, 01:16 AM

وشن تاني....متاع وحدة مكسدة وتبي تهدرز
هههههههههههههههه
انا خريجه صيدله وانتي
وربه بيت ما نخدمش

لولى2010

11-30-2010, 01:17 AM

ماشاء الله كان ع العروس عليا بجد ههههههههههههه عندى وحده صقع بس شرقويه كان يبي ههههههههههههههههههه

عيون زوجي

11-30-2010, 01:17 AM

معاااااااااااااااااااااااااك من ليبيا الى قطر حول من طرابلس الى الدوحه حول

لولى2010

11-30-2010, 01:18 AM

لالالالالالالالاانا نقرا فى علوم كنت بس تزوجت وسيبت ممكن لما نرجع انكمل ههههههههههههدرزى وانا مكسده اكتر منك

عيون زوجي

11-30-2010, 01:18 AM

هههههههههههههههههههههههه
شرقاويه
بعيدة امالا تنسى اهلها
تمشي كل 6شهور بس
لو وافقت اوكي
يلا نكملوا ونخطبوا

لولى2010

11-30-2010, 01:20 AM

هههههههههههههههههههههههه ممكن تاخدى حتى ايميلى من المنتدى ونهدرزو ع الياهو مسنجر كان تبي انا فاضيه هههههههههههههههههه وممكن نزورك حتى فى ليبيا ههههههههه

عيون زوجي

11-30-2010, 01:21 AM

انا خاطري في هلبه حاجات
حوشي صغير دارين وصاله وكوجينه وحمام ومساحة الارض كبيرة
وعندنا ارض تانيه مساحتها 800متر
خاطري نبدا نبنوا
ونبني حوش كبير
الصالات تحت والنوم فوق

لولى2010

11-30-2010, 01:21 AM

حنسالها هههههههههههههههههههههههههههه قبل انا خالتى فى طرابلس

عيون زوجي

11-30-2010, 01:22 AM

ياريت يا لولي تزوريني
بجد نتمنى
انتم تجوا هلبه لطرابلس
تعالوا اقعدوا عندنا اسبوع غيروا جووووووو

لولى2010

11-30-2010, 01:23 AM

ان شاء الله ينولك الى فى بالك انا عندى شقه بس مسكرة ومش امتته وحتى انا خاطرى نبي انا جنبي هنا قصر كل ماطلع نخطم من قدامه نقول لراجلى نبي زيه فى ليبيه هههههههههههه

عيون زوجي

11-30-2010, 01:24 AM

عندك حوش في بنغازي وكبير ولا لا
انا نتمنى مسقوف الحوش من 400 الى 500 متر
يعني فيلا شن رايك
احلام بس يارب تتحقق

لولى2010

11-30-2010, 01:25 AM

نحن ننزلو فى طرابلس الدوحه طرابلس وبعده نقعدو فى المطار ونحجزو البراق بنغازى هههههههههه
ومرات نمشو لصاحب راجلى لعند مايجى موعد الطيارة ههههههههههه

لولى2010

11-30-2010, 01:26 AM

لالالالالالالالالالالالالاانا عندى شقه

عيون زوجي

11-30-2010, 01:27 AM

يارب يحقق احلامنا يارب
ونتمنى نزور بعد البيت الحرام طبعا تركيا
لان زوجي واعدنا بيها
في شهر العسل
ووقت العرس غير رايه ورفعني لسوريا
انتي احكيلي وين سافرتي بالزبط
انا سافرت تونس والاردن وسوريا والمانيا

عيون زوجي

11-30-2010, 01:29 AM

انتم تشرفوا عندنا وتانسوا
انزلوا عندنا ارتاحوا وتغدوا وسافروا عالبراق
بنسئلك
بنغازي حلوة ولا لا
وشن فيها اماكن حلوة

لولى2010

11-30-2010, 01:29 AM

انت تسوقى ولا مكسده انا كنت ناخف قبل لا نسوق وبعد سقت جو الصراحه امتى ماتبي تطلعى تطلعى هههههههههههه نحن هنا تو بيبداء السيل ف 12 نبي نشري للولو هلبه حاجات من المدركير والبيبي شوب اسعارهم حلوة فى السيل

عيون زوجي

11-30-2010, 01:30 AM

لولي ...حبيبتي
بنستأذنك
محمد حاشاك رجع
وسارة عملتها
من كثرة تغيير الشمالات انحس في ريحتي زفرة
الصغار حاله

عيون زوجي

11-30-2010, 01:31 AM

انتي جوك حلو وما ينملش منك
تصبحي على الف الف خيررررررررررررر
ونتلاقوا غدوة على خير
خشي نوضي راجلك بطريقتك
انا مش رح نريحه حتى لو كان مريض
هههههههههههههههههه

لولى2010

11-30-2010, 01:34 AM

الله يسلمك تو نفكرو فى الموضوع هههههههههه والله هى بلادى نحسه حلو بس انت لو تبي تدهورى امشي لشحات وسوسه للمصايف ولاتار والبحر
وانا ياستى تزوجت وقعدت اسبوع فى ليبيا وبعده سافرت للدوحه مامشينش شهر عسل لان رمضان بعد 10 ايام وبعد رمضان مشينا لشهر العسل فى ابوظبي ودبي وبعده روحنا للدوحه وبعد سنه مشيينا للمليزيا تحفه الصراحه وبعد رجعنا للدوحه وبعده ب 6 شهور تقريبا مشينا للابوظبي وبعد رجعنا للدوحه وقبل نبو نعيدو فى دبي بس راجلى صارلن شوى ظروف وما صارش بس تقريبا تو نفكرو نمشو للبحرين خاطرى فيه و السعوديه وانا قبل مانتزوج ماشيه ندهور فى مصر حلوة هههههههههههه مخلاص

لولى2010

11-30-2010, 01:37 AM

وانت من اهل الخير ههههههههههههههنهدرزو بكرى ان شاء الله

حبل الوصل

11-30-2010, 10:45 AM

حبل الوصل........
الف الف سلامه اعليك
اقري قران واذكار الصباح والمساء
وتوكلي على ربي
رح ترتاح نفسيتك
وحتى الحمل مع النفسيه الكويسه ايجي
والف لاباس على اوخيتك
وجعتني لين اخلاص
طب ليبيا الله يرحمه مات من زمان
ماعندناش طب
مع احترامي للقله القليله
بالله قداش عندها صغار من قبل
وعيلها يلي جاباته في السابع كويس ولا لا
وصغار اختك التانيين يلي انحرقوا كيف حالهم
ربي يكرمكم ويجعلها اخر مصايبكم

الله يسلمك بالنسبة لاختى عندها 6 صغار ماشاءالله 4اولاد و2بنات ربي يحفضهم
والولد ماشاءالله عليه توة وهيا مطلقة
واختى اللى صغارها نحرقو توة احسن الحمد لله تحسنو بس قاعدين في حوشي في طرابلس يمشو يراجعو بيهم في المستشفى لكن احسن والحمد لله

تيمو ليبيا

11-30-2010, 11:21 AM

بوسي هههه سلمه ال يتحشم لاكن ياوي مانع ايخوف مش مضمون معا راجلي تو نجرب وكان حملت يابوسي لما بنجيب بنبعتهولك اتربيه وعيون حملت بيه مانع

تيمو ليبيا

11-30-2010, 11:25 AM

محلاه تهدريزكم عيون ولولي الله قداش ستحشت طرابلس وصحبات نعد بيوم امتا بيجي شهر 4 لولي وين جيتي في ماليزا مشيتي جزر ولا قعدتي في كولامبور بس اني صراحه راجلي يبي نمشو جزر واني خوافه انخاف من القروده حشاكم وكل شي جبانه امي خير مني مخلات وين مشت حتي لكهف الخفافيش خشت واني شادتها اسواق والابراج وبس عيون ياريت تجيها ماليزيا حلوه هلبه لاكن تدكرتها غاليه نار بس تستاهل الواحد يفلس علي خاطرها ومتبيش صغارررررررررررررر انتي وياه بس شهر عسل

لولى2010

11-30-2010, 01:51 PM

حبل الوصل كيف اختك حامل ومطلقه الطلاق باطل للحامل باهى الحمد لله على سامتهم
تيمو ايه هدريزة سمحه انا وعيون امس ياريتك معانا انا مشيت للكولالمبور بس مشيت للklcc ,و تون تورز وللمولات لالالامامشيتش للجزر قلنا تو نجو مرة تانيه بس هى حلو ع الاخر بس زحمه صح تعرفى انا راجلى مشي وانا حامل ما مشيتش معه وجابلى حوايج لولو كلهم من غادى حتى الكروسه والكرسي امتاع السيارة من غادى هههههههههههه معنا هنا فى زيها وكل الماركات الى غادى هنا بس هو دايرها ليا مفاجاءة ربي يخليه ليا هههههههههههه

ღॐ آية ღॐ

11-30-2010, 04:20 PM

لاباس عليك حبل الوصل ولاباس ع خيتك وربي يكون فى عونها
ايوته ربي يسهل عليك وتكملى حملك ع خير
كيف حالكم كلكم

الله لا يوريك باس لولي
والله الاتهبات مهبليني وخاييفه على البيبي من الولادة المهبليه
مافيش دوا ولا كريمه مستعملتهاش ومفيش تحسن ولا فايدة
انا من كتر خوفي نحس في نفسي بنقرر نجيب بعمليه حتى ولو تعدل وضع الجنين
وبعدها نطلع نتعالج في تونس
لاني من بدايت حملي نعاني من الافرازات ...
متنسنيش بدعاء ..

ღॐ آية ღॐ

11-30-2010, 04:23 PM

عيون سلمك نشادة خوي حاله باهي والحمد لله
بس والله يقطع في قلبي هو كان اية في الجمال
تغير بعد الحادث عينه بدت تتحول وفيه جروح في وجهاه
الله يصبر زوجته ويصبره ويعافيه ويرجعه لي طبيعته.
اللهم امين

ღॐ آية ღॐ

11-30-2010, 04:24 PM

عيون مكياج مدام منجيه يجنن
والله من غير مبالغه مشاء الله عليها
طلعت من مزين مروة في عرسي وعلى ايديها
والحمد لله طلعتني زي مانبيhwaml7
ننصحك ماتخطيهاش .

لولى2010

11-30-2010, 04:25 PM

ايوته الف لاباس عليك وربي يسهل عليك يارب بس شن سبب الالتهابات

لولى2010

11-30-2010, 04:28 PM

ايوته انت قاعده تو ؟؟؟؟؟؟؟؟؟؟؟؟؟؟؟؟؟؟؟؟؟؟؟

ليبياقلبي

11-30-2010, 05:04 PM

وووووووووووووووينكم نبي علاج عندي برد قوي وكحاحة وخايفة موت علا الببي

زهــــور

11-30-2010, 05:10 PM

الف سلامه عليكي ليبيا قلبي
اشربي زنجبيل بالشاي بس حطي ملعقه عشان يكون حاااااااااار والله ماضرني الحمدلله

واكلي برتقال كثير لاني مجربه ..

زهــــور

11-30-2010, 05:11 PM

اختك زهور الورد ان شاء الله مانسيتيني

طمنيني عليك ..

ღॐ آية ღॐ

11-30-2010, 05:29 PM

لولي الله لا يوريك باس
والاتهبات المهبليه سببها
التهاب المسالك البوليه عندي

ღॐ آية ღॐ

11-30-2010, 05:32 PM

وووووووووووووووينكم نبي علاج عندي برد قوي وكحاحة وخايفة موت علا الببي
ليبيا قلبي ان شاء الله لاباس عليك
ننصحك بري عيني عند دكتورتك
انا في حملي الاول جتني بردة قوية
زكمه وكحه وحرارة
عطاني الدكتور مضاض للحوامل
بري عيني في اسرع وقت
ربي يشفيك..

ღॐ آية ღॐ

11-30-2010, 05:39 PM

والله كبدي تمروجت من الحبوب والعلاج
المسالك من جيها http://forum.hwaml.com/imgcache2/hwaml.com_1291127966_943.gif (http://www.sweetim.com/s.asp?im=gen&lpver=3&ref=10&p={4D986A24-C3F1-11DE-9775-0018716BBC82}) والاتهبات من جيها تانيه
اللهم اشفني واشفي مرضى المسلمين اللهم اشفني بشفائك، وداوني بدوائك، وعافني بعافيتك من بلائك اللهم امين..

http://content.sweetim.com/tbsig/sig.asp?img=ad1 (http://www.sweetim.com/s.asp?im=gen&lpver=3&ref=12&p={4D986A24-C3F1-11DE-9775-0018716BBC82})

لولى2010

11-30-2010, 07:04 PM

ليبيا لاباس عليك اشربي عصير ليمون كويس وماتشربيش ساخن هلبه
ايوته اشربي اميه مغلى فيها المعدنوس كويسه للمسالك مرات خويا درتها وكويسه تو جربيه مش حتضرك مواد طبيعيه واشربيه دافيه

ليبياقلبي

11-30-2010, 07:15 PM

شكرا زهور الورد وشكرا ايوتة ولولي والله خايفة هلبة والمشكلة دكتوري لايوم السبت عنده الله غالب شن بندير ادغولي ومنبيش ناخد دواء من غير مانقولا هو وباستشارتا ادعولي

ليبياقلبي

11-30-2010, 07:17 PM

والله موسسة ومن كل شي خايفة حتى انا كاين عندي التهاب مسالك وخايفة يكون وللي

حنين88

11-30-2010, 07:45 PM

ليبيا قلبي الف لاباس عليك ماعندك الا اتصبري وخلاص وحاولي تريحي روحك بللي قاللولك عليه البنات ربي معاك

حبل الوصل بعيد الشر عليك
والحاضرين كيف حالك اليوم وشن جوكم ماشاء الله لقيتهم مهدرزين هلبة صفحات يعطيكم الصحة

معراج ربي يثبت حملك حتى انتي يارب

حنين88

11-30-2010, 08:02 PM

يابنات اني متعودة نشقر في حواجبي
فيه ناس قالولي مش كويس تستعملي الصبغة توا

واني يابنات نبي نشقر حويجباتي بس يعني حاجة بسيطة من بنصبغ شعري كله ولا بنشقر وجهي كله لالا
حواجبي بس ....... شن رايكم ؟؟؟

راجيه فرج ربها

11-30-2010, 08:26 PM

السلام عليكم ورحمة الله وبركاته
عزيزتى نسرينه هذه افضل طريقه للاستغفار فداومى عليها فى كل الاوقات واسال الله ان بفرج همك ويشرح صدرك ويقضى حاجتك يارب العالمين
تفضلى يا غاليه ولاتنسينى من دعائك
ولقب بسيد الاستغفار لأنه أفضل الصيغ التي جاءت عن النبي صلى الله عليه وسلم وهو: (اللهم أنت ربي لا إله إلا أنت، خلقتني، وأنا عبدك، وأنا على عهدك ووعدك ما استطعت، أعوذ بك من شر ما صنعت، أبوء لك بنعمتك علي، وأبو بذنبي فاغفر لي، فإنه لا يغفر الذنوب إلا أنت)
وكان عليه الصلاة والسلام ينوع في طلب المغفرة، ويعدد الذنوب بأنواعها، فيقول: (اللهم اغفر لي خطيئتي وجهلي وإسرافي في أمري، وما أنت أعلم به مني، اللهم اغفر لي جدي وهزلي، وخطأي وعمدي، وكل ذلك عندي، اللهم اغفر لي ما قدمت وما أخرت، وما أسررت وما أعلنت، وما أنت أعلم به مني، أنت المقدم وأنت المؤخر وأنت على كل شيء قدير).
وهناك دعاء إذا قاله العبد موقناً به فمات من يومه قبل أن يمسي كان من أهل الجنة، وإذا قاله في الليل حين يمسي موقناً به، فمات قبل أن يصبح فهو من أهل الجنة، ما هو هذا الدعاء؟ إنه سيد الاستغفار،

أم سعد

11-30-2010, 11:50 PM

السلام عليكم

لولى2010

12-01-2010, 12:54 AM

ميمونه وينك شن صار معاك ان شاء الله حامل يارب

أم سعد

12-01-2010, 08:12 AM

وين التجمع فاضي

ناس تقوبع من الفجور :(

poucie

12-01-2010, 10:08 AM

خيييييييييير بنات شالخبار ؟؟؟؟
شن لولي نازلة فيها قرمة ليه ليه انتي وعيون ههههههههههههه لا انبصر عليكم بالنسبة ليا انا خودو راحتكم معاي واحسبوني كإني اختكم لاني والله حاسبتكم وخياتي وربي الشاهد .
حبل الوصل الف لا بأس على وخيتك وانشاء الله ماعندها سوء وحمد الله على سلامة صغار اختك .
تيمو لو راجلك من النوعيه اللي ما يعرفش ايسيطر على نفسه فمن رائي تشوفي حاجة ثانية لاكن انتو جربوا في الاول .

نسرينا

12-01-2010, 12:27 PM

صبااااااااااااااااح الخيرات
راجية / الله يفتح عليك ويفرج عليك ويشفيك و يرزقك بكل ما تتمني ...شكرا جزيلا
حبل الوصل / الف لاباس على اختك والحمد لله عندها قسمها وربي يحفظهم ليها .. وتنوض لا سوء لا سوية ..
ليبيا / بعيد السؤ عليك / حالول انك ما تاخذيش ادوية لانها مش كويسة خليك عالبرتقال والليموناضة .
ايه / كيف حالك وصحتك ؟ وبعيد السوؤ عليك اني مرت خوي كانت زيك ، بس الحمد لله جابت طبيعي وفي موعدها ، بالنسبة للوضع البيبي ، الحل انك تكثري من السجود والتطبيس يعني زي ما نقولوا تكنسي بالمكنسة الصغيرة الوضع هذا كويس يرجع البيبي لوضعه ، وربي يسهلك ويشفيك يااااارب .
تيمو / كيف حالك وحال بنيتك وشنوامدايرة معاك ولمن طالعة تشبه ..
عيوووون / ألف ألف مبروك الحمل هههههههههههههه ربي يثبت ويتمم على خير ههههههههههههههه
لولي / لينا قداش عمرها توا ؟
ميمونة / هالغيبة ان شاء الله خير شكلك تتوحمي .......يارب يارب
معراج / ربي يثبت حملك ويسهل الايام وتجيبي توامة
بوووسي ، سورينام ، ام اسيل ، ام روفيدة ، ميرنا ، ام لقمان ، ام سعد

.

كيف احوالكم كلكم