تجمع حوامل ليبيا

[ميرنا]

السلام عليكم ورحمة الله وبركاته

حبيت اندير هذا التجمع لبنات ليبيا علشان نساعد ونفيد بعضنا وين تراجع واين احسن دكتور تمشيله وين راح تولد واين احسن مستشفى واين احسن طبيبة عرب (الطب الشعبى)
ابداء بنفسى انراجع فى درنة عند الدكتورة نعيمة الجازوى و مبروكة المكاوى

[ميرنا]

كيف صار ما فيش حد ؟

[مآسر]

أهلين أختي ميرنا أنا مآسر من ليبيا وبالتحديد نسكن في طرابلس واني نراجع في مصحة الأمل وتوا اني في الشهر السابع ليا 29 أسبوع 2 أيام (الولادة يوم 29-5-2010)واللي باين في الجهاز انه ولد وهذا اول طفل يعني البكرية متزوجة ليا سنة و4 شهور

[ميرنا]

مرحبتين باعرب طرابلس نورتى المنتدى يا بنات بلادى
بارك الله فيك واطال الله فى عمرك
وربى يتمم حملك عل خير و لاتنسى تعزمينا عل المة

[مآسر]

ها اختي ميرنا قوليلي شن وتيتي وأمتا الخلاص إن شاء الله

[هنودة]

السلام عليكن
يا بنات بلادي
انا من بنغازي نرجع عن دكتورة فوزية العربي مصحة الصفوة
متزوجة من سنة و8 اشهر هذا اول حمل بكرية يعني الان حامل في شهر ونص
ربي يتمم لنا علي خير

[دلع]

اهلين صبايا
انا سعوديه بس حبيت ادخل وابارك لكم بالتجمع
الله يسهل عليكم الحمل والولاده

[ميرنا]

مشكورة يادلع ياذواق على هذه المشاعر النبيلة يا احلى واروع دلع فى دنيا وربى يكثر من امثالك ويمتعك بصحة والعافية

[ميرنا]

يا اهلا وسهلا با اهل بنغازى وعربها شرفتو المنتدى يا هنننننننننننودة
وانشالله ربى يتمم حملك على خير وتفرحى به وتفرحينا

بس سؤال ليش تاخر الحمل عندك؟ دير مانع

[ميرنا]

ها اختي ميرنا قوليلي شن وتيتي وأمتا الخلاص إن شاء الله

حبيبتى ماسر انشالله ربى يرزقنى و انوتيى انا متزوجة لى 8 سنوات وحملت من اول شهر طبيعى وانجبت ولد التف عليه حبل السرة وتوفية وبعده احملت وجبت بنوتة وعاشت 4 شهور وتوفيت بسبب وجود ماء فى راسها ومن بعدها اصبحت كل ما احمل اجهض وصلت الى 4 اجهضت متكرارة واخر شى عملت عملية منظار رحمى عند الدكتور محمد المحيشى فى عيادة الامومة وكان كل شى سليم والحمدالله وتحليل زوجى سليمة والان لى 4شهور داير العملية ولم احمل بعدها علما ان اخر حمل لى كان قبل العملية بشهر /// وقاعدة نرجاء فى رحمت الله سبحان وتعالى

نفسى اكون ام

[مآسر]

والله يا أختي ميرنا وجعتيني هلبة وإن شاء الله ربي يرزقك ولو أنتي تقدري تجي لطرابلس نقدر نقولك علي مركز عالجت فيه اختي اللي كانت حالتها مستعصية وراجلها ما فيش دكتور ما قالش عليه انه هو عقيم لكن الحمد لله ليها أسبوع جايبة وما شاء الله الولد في حالة ممتازة تصوري يا اختي ميرنا كنا فاقدين الأمل فيها يا ريت تشوفي زوجك وتقوليلي

[هنودة]

انا تاخر الحمل بسبب تكايس المباايض وارتفاع هرمون الحليب الحمدلله سافرت لمصر تعلاجت هناك واخذت علاج والحمدلله رب العالمين

[ميرنا]

انشالله بسلامتك ياعزيزتى
وفعلا هرمون الحليب عندما يرتفع يسبب تكايس فى المبياض وياخر الحمل وانا مثلك عندى هرمون الحليب اذا تركت بدون علاج اتاخر الدورة ويصل الى 300 ولكن انا مدوام على مجفف الحليب البارلوديل يعدل هرمون الحليب وينظم الدورة و يصبح تبويضى اكويس ونحمل وربى كريم

[ساجدة]

السلام عليكم ورحمة الله وبركاته........حبيت انقوللكم الف مبروك ع التجمع وانشاء الله مايكونش الاخيرhwaml13 انا جديدة في المنتدي واول مرة انشارك لانه عجبتني الفكرة واجد ....خصوصا اني ليبية وحامل وعايشة في الغربة وياريت تعتبروني زي اختكم

[مآسر]

أهلا بيك أختي ساجدة مبارك الحمل وربي يتمملك علي خيروانتي في ليبيا وين ساكنة وتوا وين عايشة

[ميرنا]

عليك السلام ويربى مرحبة انا من ليبيا درنة يا اختها انتى من اى مدينة فى ليبيا وفى الخارج فى اى دو لة ويقول للة تعالى انما المومنون اخوه وانتى اختى باذن للة نريد ان نستفيد من بعض فى اى معلومة علمية وصحية

[ساجدة]

أهلا بيك أختي ساجدة مبارك الحمل وربي يتمملك علي خيروانتي في ليبيا وين ساكنة وتوا وين عايشة
مشكورة اختي ماسر.....انا في ليبيا كنت ساكنة في بنغازي وتوه مع زوجي في بريطانيا

[ساجدة]

عليك السلام ويربى مرحبة انا من ليبيا درنة يا اختها انتى من اى مدينة فى ليبيا وفى الخارج فى اى دو لة ويقول للة تعالى انما المومنون اخوه وانتى اختى باذن للة نريد ان نستفيد من بعض فى اى معلومة علمية وصحية

بارك الله فيك اختي ميرنا وصحيتي ع التجمع خصوصا اني في غربة وقاعدة بروحي وحامل في الشهر السادس ياريت اتساعدوني علي اي استفسار

[مآسر]

أهلا بيك أختي ساجدة وبكل أهل بنغازي شني وتيتي حوايج العيل أني يا أخواتي شريتله الحاجات كلها لكن تو نصورهم بالكاميرا ونوريهم في أقرب وقت

[ساجدة]

ماشاالله عليك اختي ماسر ربي ايكمل عليك فرحتك وتشوفي ضناك بحذاك يارب ..باهي قوليلي انت في اي شهر وشن قالولك وليد والا بنية...وين تسكني

[بيارق]

اهلين حبايبي انا من طرابلس حامل في شهر تاسع بكريه .نتابع في مستشفى جلاء لولاده.وقالولي ولد .بس ننصح الي اتأخر حملهم يتابعو في مستشفى طبي عند دكتور مصطفى القواس

[ميرنا]

يا مرحب بطربلسية ربى يتمم عليك بالخير نوراتى التجمع hwaml7 موفق بإذن الله ... لك مني أجمل تحية .

[مآسر]

وأني مآسر من طرابلس نتابع في عيادة الامل وأني في نهاية السابع وبكرية وقالولي وليد واني وزوجي مقررين نسموه همام قولولي شن رايكم في الاسم واللي عندها اسم غريب لولد تقوله ليا يعني قولولي اسم ولد أول مرة تسمعوه بالنسبة لاختي بيارك نرحب بيك في القسم وربي يتمملك علي خير نبي نسالك أني نبي نجيب في الطبي وقاعدة مش فاتحة ملف عادي نقدر نجيب

[فاتينا]

السلام عليكم ...
فاتينا من ليبيا وبالتحديد مدينة سرت
تشرفت بيكم

[**سماسم**]

تجمع مبارك إن شاء الله ومبروك لكل الحوامل الليبيات والله يسهل لكن الحمل و الولاده وتفرحون بشوفت أولادكن سليمين معافين ..

[hatoo]

اهلين بنات انا من بنغازي ونتابع عند الدكتورة مبروكه القنين في مصحه الام الحنون وحبيت نقول انو راجل خالتي دكتور من طرابلس اسمه عبد الغني البدري مدير مصحه الامومه وهو دكتور شاطر بكل

[ميرنا]

السلام عليكم ...
فاتينا من ليبيا وبالتحديد مدينة سرت
تشرفت بيكم

يا هلا ياهلا ولله بالسرتاوية نورتى وشرفتى بحضورك يافاتينا

ها قولين انتى حامل وفى اى شهر وعند من تراجعى فى سرت واى احسن دكتورة تنصحى الاخوات يراجعن عندها ولكى كم سنة متزوجة وربى يتمم لك على خير و موفق بإذن الله ... لك مني أجمل تحية .

[ميرنا]

تجمع مبارك إن شاء الله ومبروك لكل الحوامل الليبيات والله يسهل لكن الحمل و الولاده وتفرحون بشوفت أولادكن سليمين معافين ..


سماسم حبيبتى كلك ذوق شكر لك على هذه المشاعر النبيلة وانتى شرفتين ابمرورك

[ميرنا]

اهلين بنات انا من بنغازي ونتابع عند الدكتورة مبروكه القنين في مصحه الام الحنون وحبيت نقول انو راجل خالتي دكتور من طرابلس اسمه عبد الغني البدري مدير مصحه الامومه وهو دكتور شاطر بكل

يا الف مرحب بعرب بنغازى وناسها شرفتى باطلتك ونورتى يا بنغازية

وانا انيد رايك فى الدكتورة مبروكة القنين فعلا طبيبة نساء ممتازة وربى يعطيك ويعطيها الصحة والعافية
باهى قولين انتى فى اى شهر وهل انتى بكرية وربى يتمم لك على خير

[ساجدة]

ياهلا ببنات بلادي شنو اخباركن كلكن.....الدرناوية, الطرابلسيه, السرتاوية,و البنغازية,انشاءالله مانسيت حد....hwaml13 وشن جو ليبيا وحشتني بلادي موتhwaml78 والله ماتحس بقيمة بلادك الالما تسيبهاhwaml16

[hatoo]

انا ليا متزوجه 10 شهور حملت علي طول وبعدها طيحت ودرت عملية تنظيف وتوا حامل مره تانيه وفي الشهر الرابع اللهم ثبت لي حملي وسهلي علي وعلي كل الحوامل

[ميرنا]

انشالله من قسمك وتفرحى به ياhatoo
وتضعي لنا صورته بدل الصورة الرمزية امتعك
ها قولي لنا شن داير فيك الوحم عليش جاتك

[مآسر]

يا رب يتبت حملك

[ميرنا]

وينكن يا بنات نبو دوام يومى

[ساجدة]

كيف حالكن اليوم وحال الوحم والحمل امعاكن انشاءالله تمام hwaml10

[ساجدة]

وين شكله مافيش حد يبي يرد عليه

[مآسر]

بالنسبة ليا أني توا في نهاية السابع يعني الوحم تام والله خايفة من الجياب هلبة واني طلعت شريت لبس العيل ووصيت على جلسة لأن عندي دار في الحوش فاضية وما زالت غير لبسي

[ساجدة]

مشكورة اختي ماسر ع الرد....وانا كيفك بس في اول السابع انشاءالله....وبالنسبة للولادة ماتحكي بكل

[hatoo]

خير يابنات كيف حالكم اليوم ,والله الوحم جاني علي راجلي مسكين بس توا خلاص خف الوحم

[ميرنا]

ههههههههه( لا شلت يمينك ) ها شن درتى فى ولد الناس جاتك على عطره ولا تعرفى يا hatoo انشالله لم تولدى بسلامة اتشوفى نسخة زوجك الصغنطوطة لى توحم على راجله اتجيب نسخته

[hatoo]

مسكين توحمت علي عطره وكل مايحكي معايا شوي ونتعارك معاه بس بعدها نرضيه دغري وان شاء الله يجي يشبهله.وان شاءالله ربي يرزقك وتوحمي علي راجلك حتي انتي.

[ميرنا]

هذا من شدة حبك له ربى يحفظكم لبعضكم وتملى الحوش عليه بس المرة الثانية غيرى على حاجة اخرة وانا مثلك مرة احملت وجاتنى على صبايتى المسيكينة تحملتنى والله عندما جابت جبت بنت اتقولى فوله مقسومة منها سبحان الله يا hatoo

[hatoo]

سلمك ان شاء الله ..

[مآسر]

أمالا أني كان أنقوللكم علي من توحمت هههههههههههه
علي شيبانيا مسكين والله كويس معاي هلبة هلبة لكن لما توحمت كل ما نشوفه نتعود من الشيطان والله هكي صارلي لما نبدأ راقدة نسمع صوته نسكر وداني ههههههههه أن شاء الله غير يسامحني ولما يمشي للجامع ويروح للحوش ومرات نبداعندهم نقول شن جابه توا يا ناري لكن والله نحبه زي بوي ما نعرفش شن جاني عليه

[ميرنا]

السلام عليكم ...
فاتينا من ليبيا وبالتحديد مدينة سرت
تشرفت بيكم

كيف حالك يا فاتينا انتى فى اى شهر الان ولك كم سنة متزوجة وهل حملتى طبيعى ولا بالعلاج وفى سرت عند من اتراجعى

[ميرنا]

انا تاخر الحمل بسبب تكايس المباايض وارتفاع هرمون الحليب الحمدلله سافرت لمصر تعلاجت هناك واخذت علاج والحمدلله رب العالمين

يالغالية اين اختفيتى ولا الوحم دايرها فيك اختى بانسالك ماهو اسم الدكتور لى تعلجتى عنده فى مصر وهل علاج هرمون الحليب تاخذى فيه وانتى حامل موفق بإذن الله ... لك مني أجمل تحية .

[ميرنا]

أمالا أني كان أنقوللكم علي من توحمت هههههههههههه
علي شيبانيا مسكين والله كويس معاي هلبة هلبة لكن لما توحمت كل ما نشوفه نتعود من الشيطان والله هكي صارلي لما نبدأ راقدة نسمع صوته نسكر وداني ههههههههه أن شاء الله غير يسامحني ولما يمشي للجامع ويروح للحوش ومرات نبداعندهم نقول شن جابه توا يا ناري لكن والله نحبه زي بوي ما نعرفش شن جاني عليه

الله يعطيك الخير يا ماسر باذان لله اتشوفى همام نسخة جده هههههه

[ميرنا]

ها يابنات كل وحدة اتقولنا ماهو العدد المطلوب منها 4 .8 . 10

طبعا نحن ليبيات عندنا رجاجيل دون ما حطيتى طزينة ما يسكتوش

[مآسر]

آه قصدك علي عدد الصغار كان هكي قصدك أني وراجي مقررين أنجيبو 3 ما تقولوليش شوية (قلل ودلل) وأني بنجيب العيل الاول وبنصبر 4 سنين واللي بعده لأني مش مقتنعة بكترة الصغار تشوفو فيها الحياة كيف مولية صعبة
واللي نشوف فيهم أني والله صغيرات هلبة هلبة وعندهم 6-7-8 تي ما تقولوليش شن يجري وراهم مستعجلين والمشكلة التربية صفر يعني تجيب والشارع يربي مش زي أمهات زمان يجيبو باللهلبة والصغار ما شاء الله (معليشي خواتي ما تزعلوش هذي وجهة نظري)وحاشه البعض

[ميرنا]

ربى يحفظكم لبعضكم وتحقوا احلامكم وتكونوا احلى واجمل اسرة وفعلا مثل ماقالتى قلل ودلل للى يبى يعيش صح

[ميرنا]

كيف حالكن اليوم وحال الوحم والحمل امعاكن انشاءالله تمام hwaml10

hwaml7 كيف صار امرايف على العصبان والبراك ولله ياخيتى ما تريحتى الامن التعب بس اصحى ايجى فى النونو

[ساجدة]

والله يستر الله..... ياختي ميرنا عندك فكرة علي الجدول الصيني

[ميرنا]

الجدول الصينى فيه واحد اصلى انشالله تحصلى عليه بس طريقة استعمله هى : تحسبى عمرك فى الشهر الذى انتى احملتى فيه وتشوفى بنت او ولد//// هم فى الجدوال يضعو العمر 18 . 19. 20. 21 .22. 23 الى 45 سنة انتى تاخترى عمرك كم //// وتاجى على الصف لذى به الشهو ر من شهر 1. 2 .3 . 4. 5. 6. الى شهر 12 وتاخترى الشهر الذى احملتى به وتشوفى ولد او بنت
والجدول لى عندك احاولى اتطبقيه على قريبتك التى ولدن لتتاكدى من انه صحيح

[ساجدة]

وين اليوم مافيش حد....hwaml79

[ساجدة]

ميرناااااااhwaml76....وين اااك

[مآسر]

أهلين
كيف حالكم يا عويلة اليوم

[ساجدة]

اهلين ماسر انستي hwaml7 وينك شن اخبارك hwaml03

[ميرنا]

hwaml4ياخواتى انا كل شهر باخذا اكلوميد ومع الكلوميد يكون عندى تبويض فى المبياض الايسر والايمن ويصل الى الحجم المطلوب للحمل وشهر هذا بالذات بويضتان وحدة 19 وحدة 25 لكن الدكتورة قالت لى اذا كان ما حملتيش الشهر هذا با اعطيك ابر منشطة بدل لكلوميد و انشالله الدورة ماتجى ياخيتى طلما تبويضى مع الكلوميد ممتاز ليش الابر هل اسمع كلمها ونخش على الابر وانا خايف انى اتعود على الابر دلونى ياهل الخير

[hatoo]

كيف حالكم يابنات شن الاخبار,اختي ميرنا ان شاء الله ماتجيك الدورة الشهر هذا وتطلعي حامل وربي يفرحك ان شاءالله وانتي اكثري من الدعاء وخصوصآ دعاء سيدنا زكريا في سورة مريم.

[ميرنا]

يارب انشالله

[هنودة]

السلام عليكم يا خواتي كيف حالكن اسفه ع التاخير والله شوية ظروف؟؟؟
انا تعالجت عند د عادل البيجاوي في القاهرة ووقفت العلاج لما حملت وانا تو في اول اسبوع بالثالث
نبي نسالكن سوال بالله يا خواتي انا لا اشعر بحركة ابدا وفي نساء يقولن نشعرو بحركة النبض كيف رفرة الفراشه صح هل الكلام؟ والله خايفه جدا علي وليدي؟ يارب يستر وانا درت صورةو قالتلي الدكتورة في نبض والقلب اكويس؟
وعلي فكرة انا جيتني علي زوجي المسكين كرهته جدا ونعارك فيها بس بعده يوجعني نمشي نرضيه تعرفنا والله للاسف نشم في ريحته شينه؟
ادعلي ربي يتم لي ولكن علي خير ونفرحوا بصغرنا

[ميرنا]

وووووووووووووين ها الغيبة عموما انستى ونورتى يابنغازية/// اما بالنسبة لحركة الجنين انا احكيلك على نفسى ماشعر به الا فى الخامس وطلما الدكتورة قالت لك نبض اكويس وكل شى تمام اعتقد مازال شوى //// ولكن خالينى انقولك حاجة ثانية مبروك مقدما البنوتة لحلوة لى تشبه ابوها وقولى كيف عارفت اولا حركة البنت هادئة اما حركة الولد سريعة وثانيا الوحم جاى على زوجك يعنى باذان الله ابنيتك تشبه ابوها هههههههه

[مآسر]

ههههههههه واني مع اختي ميرنا

[ميرنا]

ارجوووووو الانتبه
منظفات تسبب الاجهاض
منظف الحمامات _منظف لغاز _ ومزيل الدهون _كريم ازالة الشعر _ كريمات المبيضة

[ساجدة]

كيف حالكن اليوم .....ميرنا وماسر....والف مبروك الحمل ياهنوده ربي ايتمم لك علي خير

[صابرة]

السلام عليكم
انا من طرابلس حامل توا في بداية الثامن وموعد الولادة يوم 29-5-2010 ونتابع عند الدكتورة اعتماد المسلاتي في عيادة رفيدة وقالتلي الدكتورة إنه ولد

[هنودة]

بارك الله فيكن طمنتني الله يطمنك
ربي يبارك فيك يا ساجدة

[هنودة]

اهلا بيكي يا صابرة ربي يتمم لك علي خير وسلامة يارب

[hatoo]

اختي هنوده حركه الجنين متبنش الا في الرابع او في الخامس ولو حسيتي فيها في الرابع تكون خفيفه انا حسيت فيها في الرابع وكانت متل رفرفه ويقولو البكريه تطول ماتحس بالحركه يعني ممكن في الرابع او الخامس كيفي وكيفك وان شاء الله ربي يسهل علينا كلنا.

[هنودة]

الله يبارك فيك ويطمن قلبك ياhatoo كيف ما طمتني
انا عندي نوم مش عادي كل شوية نرقد وانوض وكسل وخمول غير طبيعي لدرجه ما انظم في البيت ابدا هذا طبيعي مع العلم اني كنت قبل الحمل لهلوبه في النظافه وانوض بدري تو كان نضت ال11 نقع مبدره ونرقد العصر ونقعد غير نرجي في الليل بيش ايجي عشان نرقد وحتي نحلم واجد في واحده تمر بنفس ظروفي؟؟؟؟؟؟؟

[hatoo]

والله انا كيفك نرقد كل شويه في الصبح والعصر والليل تقول مكنتش نرقد بكل هههههههههههههه اختي قالتلي لما تقعدي ترقدي واجد معناها بنت الله اعلم ربي يسهل علينا ويرزقنا بأولاد معافين سليمين يارب

[ميرنا]

السلام عليكم
انا من طرابلس حامل توا في بداية الثامن وموعد الولادة يوم 29-5-2010 ونتابع عند الدكتورة اعتماد المسلاتي في عيادة رفيدة وقالتلي الدكتورة إنه ولد

ياهلا والله وحياك الله ياختى صابرة وربى يتمم لك حملك على خير
ولكن ما قلتين هل انتى بكرية ولك كم سنة متزوجة hwaml7

[ميرنا]

hwaml02 يا هنودة
hatoo
وووووووووووووين خميرة ها النوم مبروك عليكن البنات
hwaml02
(اخواتى انى امزح) /// النوم من اعراض الحمل شى طبيعى عند الحوامل hwaml02

[ساجدة]

انا جيييييييت hwaml34مافيش حد والاكيف.... ياحوامل وينكن نوم والاشنووووhwaml36....... وحشتينا ياميرنا وينك

[ميرنا]

هههههههههههههههه الله يعطيك الخير ياساجودة
على فكرة لحظت حاجة الطربلسيات حوامل باولاد ربى يتمم لهن على خير والبنغازيات قالن نحن شورنا البنات وانتى ياساجودة وين تصنفى روحك مع البنغازيات ولا مع الانقليز

ها ساجودة واعية ولا حتى انتى نووووووووووووووم ربى يستر

[صابرة]

السلام عليكم
ياميرنا انا ليا متزوجة سنة ونص وبكرية

[هنودة]

السلام عليكم كيف حالكن يا خواتي
طبعا انا متاخرة عشان كنت بايته عند هلي
واليوم مشيت للدكتور طمني الحمدلله النبض كويس وقاللتلي خوذي اسبرين اطفال 75
يارب تكونو كلنكن بخير

[ميرنا]

ها ياهنودة سالتى الدكتورة عن الحركة امتى تبداء تحسى بها علشن انقارن اجابة الدكتورة مع اجابة الاخوات وانشالله ياهنودة ربى يفرحك بلى فى خاطرك

[ميرنا]

صابرة

الله يجعل حياتك مثل البلسم ويحفظلك زوجك ولى فى بطنك ويتمم لك على خير
ياحبيبتى ما هو سبب تاخير الحمل ولا ما فيش سبب هل حملتى دون تدخل طبى hwaml10؟

[مآسر]

أخواتي صابرة وهنودة أنستو المنتدى وكيف حالكم يا بنات اليوم لكن النوم هدا حتى اني مريت بيه ديما راقدة في البداية وما اعتقدش ان ليها علاقة بالبنت والا الولد لاني أني ولد ؟؟؟؟؟؟؟؟
أختي صابرة حتى أني موعدي 29 -5-2010 يعني بنتلاقو
هي عاد قولولنا شن وتيتو وشن بتديرو في الاسبوع

[هنودة]

صباح الخيرات علي الحبيبات يارب تكونن كلمنا بخير
انا امس درت صورة بس بصراحه ماشفت شكل البيبي ما في شئ واضح غير نبضات قلبه هل هذا عادي يارب يكون عادي؟؟؟؟؟؟
قالتلي الدكتورة الحركة ممكن تبدا في الرابع او بدايه الخامس؟
انا يا خواتي خايفه جدا ودائما موسوسه نبي نطمن بالي قولن ليا كيف نطمن بالي ونريح راسي من كثر التفكير؟؟؟

[صابرة]

كيف حالكم اليوم يا بنات ليبيا
اما بالنسبة ليا ياميرنا حملت قبل هكي ورميت والحمد لله حملت تاني وان شاء يكمل مشواره ويطلع بالسلامة
ان شاء الله تنوضي بالسلامة يا مآسر ونولدو في نفس الموعد
انا امخططة نولد في مصحة الأمومة على خاطر يحكو على الرعاية بالام والبيبي ممتازة واللي كاتبه ربي هو اللي ح يصير

[صابرة]

ياهنودة توكلي على ربي وطمني بالك
انت في الشهرين الأولات مازالت الحركة ماتبانش انا حسيت بها في الخامس وكانت قوية
في من ناس يحسو بيها من نهاية الثالث لكنها تكون حركة خفيفة جدا
وحالتك النفسية لازم تكون مرتاحة ومعاش توسوسي والحمد لله انه الدكتوؤة قالت في نبض واموره تمام
وان شاء يجيك بيبي زي العسل وتنوضي بالسلامة يارب


وبالنسبة ليا يا مآسر قاعدة نوتي ونشري في حوايج البيبيوطبعا هنا في طرابلس السبوع الأول على أمها
فشريت حوايج السبع ايامات الأولات وخذيت بانيو للعيل وساكو والنايلو لتغيير الشمال وشراشيف قطنية للف العيل عند الخروج و حوايج متنوعة المقاسات من 0-3 و 3-6
والباقي بتجيبه امي يوم السبوع من بدلات نوم وبدلات طلوع وبطانية وشال وشخاشير وقفطان السبوع ومنظفات ملابس داخلية وفوط حمام وفوط للكتف (حماية من التقيؤ) وشيشات الحليب ومقص الظفار والقرشاة واسفنجة الحمام ومعدات التنظيف والشيشات حتى انا خذيت منهم
والباقي مازال..

[ساجدة]

hwaml7كيف حالكن حوامل هنوده,وماسر,وصابرة انشاءالله ربي ايتمم لك علي خير,,,وانت يااحلي ام في هالتجمعhwaml84...ميرنا...وينك اليوم,,سامحيني والله كنت مشغوله امبارح واجد راك تحسابيه نوم والله النوم ناسيته من زمان...hwaml72

[مآسر]

حتى اني هكي لكن ما بيتش انكتر علي أمي هلبة وأني والحمد لله نخدم فشريت هلبة حاجات وأني الكاميرا امتعي مش معرفة بالجهاز فحنوريلكم حاجات شريتها تشبهها هلبة
بالنسبة للبضاعة الشامبوات والصابون والزيت والرائحة كلها من تشيكو أني بصراحة عاجبتني الماركة هلبة وفي هلبة ماركات وكلهم قريب فتحو في ليبيا واللبس من كل حاجة 4 لكن حلوات ونازكات ولبستين للطلعة للتطعيمات لكن في حاجة اندور عليها ما لقيهاش هيا مش ما لقيتهاش لكن لقيتها من زي ما نبي يعني مش نازكة واللي هيا جوان المرضعة نبي قماشه راقي لكن اللي نلقى فيهم قماشهم نايلو وكبار هلبة هلبة واني المرضعة متعي تشيكو مش كبيرة صغيرة ومكركبة فهمتوني بالك تعرفو مكان

[hatoo]

خير ياحوامل الليبيات كيف حالكم وشنو الاخبار ان شاء الله تمام وان شاء الله ربي يسهل علينا جميعآ ويسهل ولادتنا ويفرحنا بشوفه النونو

[hatoo]

هنوده انت من بنغازي صح يعني كيفي انتي تمشي عند اي دكتورة؟ وباهي قولولي نبي ندير حلوه في بطني عادي ولالا قولولي

[مآسر]

أختي hatoo أني الحلوة اندير فيها في بطني عادي شن المشكلة غير مادا بيك تكون رطبة خير

[هنودة]

حتي انا اندير في الحلوة عادي بس بصراحة في بطني اندير في الاله بروان وباقي الجسم بالحلوي ما تخافي
انا نمشي د.فوزية العربي في عيادة الصفوة

[صابرة]

اليوم يابنات جابلي خوي هدية البيبي حنوريكم صورة من النت نفس الهدية اللي جابها باختلاف اللون وهذه هي الصورة
http://www.chiccousa.com/Images/gear/playards/lullaby-lx/Romantic_Playard_360.jpg

[hatoo]

شكرآ اختي مآسر وهنوده,شنو الجو اليوم يابنات وشنو اخبار الحمل معاكم انا نحس بألم شوي مش قوي في بطني يعني زي المغص من عند الرحم والم زي الدورة بس مش قوي يعني عادي هل هادا عادي ولا لا,وانا نمشي للدكتورة مبروكه القنين في الام الحنون

[صابرة]

اهلا اختي هاتو ان شاء الله لا باس عليك عليك مرجعة دكتورتك واخبارها لو الألم مستمر واريد ان اخبرك اني ببداية الخامس احسست بألم في الرحم وقليل من الضغط على المثانة وعندها عرفت انها بداية حركة الجنين وقد اعتدت على اشكال حركته
وربي يحفظك انتي واللي قي بطنك

[hatoo]

شكرآ اختي صابرة بس الم مش مستمر يعني بيجي شوي يعني مش كل اليوم وان شاء الله خير

[هنودة]

السلام عليكم كيف حالكن ياخواتي اليوم يارب بخير
ربي يتمم لنا بالخير ويفرحنا بذريتنا

[مآسر]

توا عاد نبي نوريلكم الحاجات اللي شريتها
1 المرضعة خديتها من تشيكوhttp://www.ebaby.it/images/detailed_images/detailed_image_371.jpgلكن الرسمة مرسوم عليها فكرونة شادة بنتها http://kidslane.ca/Shop/images/categories/chicco/chicco%20feeding%20bottle%205oz.jpg
2-الزلباحة خديتها من ماركة ديزني http://zaminpima.deiramarket.com/items/B004198.jpgزيها بالزبط لكن الزلباحة بس التانية مش معاها
3- الصابون والشامبو وزيت الشعر والصنة والمشطة من تشيكو
ها الصابون http://www.ibebe.bg/media/catalog/product/cache/3/small_image/135x135/5e06319eda06f020e43594a9c230972d/b/e/bebeshki-sapun-chicco.jpgوهدا الزيت صنته حلوة http://www.ebaby.it/images/product_images/thumbnail_Final_DermoSolutionOlio.jpgوهذا الشامبو http://www.ebaby.it/images/detailed_images/Chicco-Dermo-Solution-Shampoo-Senza-Lacrime.jpgوهي الصنة حلوة حلوة http://www.ebaby.it/images/product_images/thumbnail_Chicco-Dermo-Solution-Acqua-Profumata-Senza-Alcool-100ml.jpgوهدي المشطة شريتها بودرية لأن حمامي بودري وما لقيتش الا بودري http://www.cadeaux-mariage-naissance.com/site/images/vignette/Produits49ca0b5aaff0d.jpgزيها بالزبط وهدي القصاصة زيهاhttp://img.alibaba.com/photo/51475114/baby_nail_clipper_angular_nail_clipper_toe_nail_cl ipper_.summ.jpg وشريت اللي تتعلق فيها الزلباحة وحادي كلينكس للمسح من تشيكو زي الصورة في متع مسح الصدر وفي متع مسح لتغييرالحفاظ أني شريت الثاني http://www.taime.com/tnv/images/uploads/thumbs/thumb_CC842293s.jpg

[مآسر]

والشنطة واللبس تو نوتي الصور

[صابرة]

بالصحة عليك وعلى البيبي
وفي انتظار الباقي
وان شاء الله بعد ماتكملي حنعرض حتى انا شن وتيت للبيبي

[ميرنا]

مااااااااااااشالله عليك يا ماسر حاجاتك حلوة وراقية ربى يتمم لك على خير وعقبال ما تحطيلن صورته

[هنودة]

مبروك عليك يا ماسر وعلي وليدك هل الحاجات ربي يحفظك ويحفظ اللي في بطنك
يا خواتي انا عندي هبوط في الضغط من الصبح والله راسي قريب يتفجر اخذت طماطم ورشيت عليه ملح لعند لساني اتشلشل من الملح صح خف شوية بس مازال وجع راسي
عندكن حل غير المستشفي؟؟؟؟؟؟؟؟

[ميرنا]

بعيد السوء على هنودة

حبيبتى انا من راى قيسى الضغط حتى فى اقرب صيدلية و اذا وجدته متغير لابد من مراجعة الدكتورة واصحى ترفعى الضغط باكللك للملح .
هنودة انتى عليش جياتك على الحاجات الملحة او الحاجات الحلوة ايقولو لى تجيها على الحاجات الحلوة اتجيب بنت ولى اتجيها على الحاجات الملحة تجيب ولد . وانتى وين طبيتى فى السكر ولا فى لملح لكن انا انقول فى الملح الانك كليتى منه نين اشلشل السانك وما حسيتى به

[Mقمة البرااااائهM]

ميرنااااا ياااااحياااااتي.....طمنيني عليكي.....أنتي بخير؟؟؟؟؟

[صابرة]

ان شاء الله لا باس عليك يا هنودة
نقولك زي ماقالتلك ميرنا لازم تقيسي الضغط والمستشفى هو الحل باش تستريحي انت والبيبي
وربي يحفظكم انتم الاثنين

[ميرنا]

8 ثمانية اعوام وشهور ,تهيم بالدنيا تهيم , تحمل بصيص من الامل وتموت اذا قالوا عقيم , ترجع تشيل احزانها والياس والهم المقيم , تسهر تناجى حملها وتسامر الليل الظليم , تشرب مرارة صبرها وفى قلبها مثل الجحيم , وان صار لمة واجتماع تلف اطفال الحريم , تبكى تمناهم لها وتقول يالله يا كريم , بنت و ولد او لا ولد او بنت جودك يا كريم , يارب لا تقطع رجاى يارب انا يتيم , يارب عوضنى عن واليداى , يارب انا حالى سقيم ,يموت حلمى فى احشائى , ويعيش بى جرح آليم , يارب انا لك عابدة يالى بما فى نفسى عليم .

[هنودة]

السلام عليكن
كيف حالكن يا خواتي
انا فعلا مشيت للمستشفي والحمدلله الضغط تمام بس قاللتلي من ضعف النظر وتو لازم نمشي للدكتور عيون؟؟؟؟؟؟؟؟؟؟؟

[ميرنا]

بعيد السو على اعيونك ياهنودة وعندما تدخلى على دكتور ةالعيونى اول حاجة قوليها لها انك حامل وعندما تصرفلك علاج ماتستعمليه الاباستشارة دكتورة امراض النساء هم اكثر خبرة على تاثير الدواء على الجنين انتبيه يا صغيرتى انتى مازلتى فى الشهور الاولى يعنى خلي نين تهلب مرحلة تكوين الجنين وربى يسهل عليك

[حبل الوصل]

السلام عليكم كيفكم يابنات بلادى انى وخيتكم من جنوب ليبيا وبالتحديد سبها اتمنى ان تعتبرونى زى اختكم وشكرا ميرنا على الدعوة بالنسبة ليا انى متزوجة ليا 7 سنين وعندى بنت عمرها 6 سنين وولد عمره 4سنين ونص ربي يخليهم ليا بعد جبت الولد قلت لا ماعادش نبي صغار توة وخذيت حبوب منع لمدة سنة بعدها حسيت روحى نبي نحمل بطلتهم ولعند توة ماحملت يعنى ليا 4 سنين والحمد لله كان عندى هرمون الحليب مرتفع وعالجته والحمد لله ولى طبيعى لكن الدكتورة قالتلى عندك ضعف في التبويض اسفة طولت عليكم دعواتكم لي بالحمل القريب امييييييييييييييييييييييييين

[هنودة]

اهلين باهل الجنوب نورتيني وربي يناولك اللي ببالك عليك بشرب البردقوش مرتين في اليوم يقوي المبايض وينشط التبويض؟؟
يا خواتي ساعدني انا عشان نشعر بمرار في فمي ناخذ ونمضغ في اللوبان صحباتي قالن ليا انه مش كويس ابدا للحامل وانه ينقص المهاد؟؟
هل الكلام صح وهل يضر البيبي واصلا شن هو المهاد وصح ينقصه انا خفت جدا بعد سمعت هل القصة من تقريبا ساعتين بس وربي نرعش خايفه علي الببيبي طمنني بالله عليكن؟؟

[ميرنا]

يا مراحبتين باسبها وناسها

نورتى التجمع يا حبل الوصل وانشالله يكون وجه خير عليك

[ميرنا]

هنودة ماتخافى واطمانى انا توة نشرحلك كيف // عرفتى بلنسبة لجنين ما ياثر فيه ولا من قريب ولا من بعيد ماهو شور الجنين بكل يعنى انتى تمضغى فيه وموش تاكلى فيه ونزل فى بطنك وعد عن طريق الحبل السرى الى العيل صح ولا لا القصد من كلام صاحبتك انك عندما تاتى فى يوم الولادة انشالله وانتى طيب الهادى او المهاد زى مقلتى هو الكيس لى قاعد فيه الجنين يصبح من كثرة المضغ قوى ولا يستطيع الجنين تمزيقه وبتالى تضطر احدى الممرضت بفتحه بيدها اثناء الولادة والله اعلم

[hatoo]

اهلين بنات كيف حالكم وحشتوني وااااااجد

[ميرنا]

السلام عليكم كيفكم يابنات بلادى انى وخيتكم من جنوب ليبيا وبالتحديد سبها اتمنى ان تعتبرونى زى اختكم وشكرا ميرنا على الدعوة بالنسبة ليا انى متزوجة ليا 7 سنين وعندى بنت عمرها 6 سنين وولد عمره 4سنين ونص ربي يخليهم ليا بعد جبت الولد قلت لا ماعادش نبي صغار توة وخذيت حبوب منع لمدة سنة بعدها حسيت روحى نبي نحمل بطلتهم ولعند توة ماحملت يعنى ليا 4 سنين والحمد لله كان عندى هرمون الحليب مرتفع وعالجته والحمد لله ولى طبيعى لكن الدكتورة قالتلى عندك ضعف في التبويض اسفة طولت عليكم دعواتكم لي بالحمل القريب امييييييييييييييييييييييييين

عزيزتى انشالله ربى يرزقك وانا مثلك عندى هرمون الحليب يرتفع ويصل الى 300 بدون علاج ولكن انا امدومة على البارلوديل الذى يجفف الحليب ونحمل عادى يعنى بالنسبة لهرمون الحليب ما تخافى منه بس انتى تابعى فيه كل شهرين ولا لا وماهو العلاج لى اخذتيه وعلاج ضعف التبويض عندما يجف الحليب يرتفع التبويض يبدا كويس يصل 18_27 وانتى كم الحجم التبويض عندك وهل اخذتى اكلوميد وابر المنيقون وابرة تفجير وهل عملتى ابرة الزيت اى ابرة اشعة الصبغة لك تطمانى على الانابيب والانجاب السابق هل طبيعى او بالعملية القيصرية والله ياختى هرمون الحليب مرتبط بالتبويض اذا كان ارتفاع يضعف التبويض وانا انصحك اتعودى تحليل الهرمون الحليب وربى يفرج عليك وعلى وعلى كل محرومة

[ميرنا]

hatto
ايش اخبارك وايش اخبار النونو وين ها الغيبة ولا نوووووووووووووووم

[hatoo]

ههههههههههه اكيد نوم بس مش واجد كيف قبل والله الحمدلله انا والنونو كانت عندي مراجعه الاربعاء الي فاتت والحمدلله كل شيء تمام وقفتلي علي المثبت الدوفاستون وطبعآ الدكتورة مبروكه القنين متقولش وليد ولا بنت وكانت معاها دكتوره تانيه شفتلي قالتلي مازال مش باين كويس بس انا نبي نمشي الاسبوع الجاي لدكتورة حكمت بوقرين يقولو عليها شاطرة في حكايه وليد ولا بنت تعرف من الشهر الرابع والله اعلم ,وانتي اختي ميرنا كيف حالك وشو اخر اخبارك؟

[ميرنا]

يا بنات ياحوامل بنغازى ايش ريكن فى الدكتور على الرابطى اذا كان ما تعرفنا انشدنلى عليه وان كان اكويس قوللى اسم العيادة لى يدوام فيها او رقم تليفونها الصبايا يقولنلى عاديلة وانتن شن رايكن

[حبل الوصل]

عزيزتى انشالله ربى يرزقك وانا مثلك عندى هرمون الحليب يرتفع ويصل الى 300 بدون علاج ولكن انا امدومة على البارلوديل الذى يجفف الحليب ونحمل عادى يعنى بالنسبة لهرمون الحليب ما تخافى منه بس انتى تابعى فيه كل شهرين ولا لا وماهو العلاج لى اخذتيه وعلاج ضعف التبويض عندما يجف الحليب يرتفع التبويض يبدا كويس يصل 18_27 وانتى كم الحجم التبويض عندك وهل اخذتى اكلوميد وابر المنيقون وابرة تفجير وهل عملتى ابرة الزيت اى ابرة اشعة الصبغة لك تطمانى على الانابيب والانجاب السابق هل طبيعى او بالعملية القيصرية والله ياختى هرمون الحليب مرتبط بالتبويض اذا كان ارتفاع يضعف التبويض وانا انصحك اتعودى تحليل الهرمون الحليب وربى يفرج عليك وعلى وعلى كل محرومة

مشكورة اختى ميرنا بالنسبه لهرمون الحليب انى حللته الشهر اللى فات قالت لى الدكتورة طبيعى وحجم البويضة وصل ل 12 بس والشهر هذا خذيت كلوميد وبنتابع التبويض الشهر هذا إن شاءالله وبالنسبة لصورة الاشعة سويتها وقالولى كل شى اوكى والولادة انى الاثنين جايبتهم قيصري والحمد لله على كل حال وان شاءالله ربي يرزقنا جميعا

[hatoo]

خيررررررررر يابنات كيف حالكم,بما ان الدكتورة مبروكه متقولش وليد ولا بنت اليوم عديت لدكتورة حكمت بوقرين وشافتلي وطلعت بنت الحمدلله باركولي يابنات وادعولي انها تطلع بخير وياميرنا توا نسألك علي الدكتور الي قلتي عليه ونقولك بس حتي الدكتورة مبروكه القنين كويسه بكل

[ميرنا]

hatoo
مبروك عليك البنوتة الحلوة واعقبال ما تشيليها بين يديك // بس نبى نسالك انتى جاتك على حاجات الحلوة او المالحة ؟ ///حبيبتى اكتبى الاعراض لى مريتى بهن فى كراسة واحتفظى بها علشن اتقارنيها بحمالك الثانى انشالله على الاربعين (ههههههها انتى عارف عويدانا )

[ميرنا]

ساجدة وهنودة
وين راحتن تعالنا باركن لى هاتو hatoo كانك خافتنا ما قلتلكن البنغازيات قالن نحن شورنا البنات وتن ارواحكن hwaml02

[ميرنا]

ماااااااااااااااااااسر والصااااااااااااااااااااااااااااابرة

وووووووووووينكن هل بداتن فى العد التنزلى

[هنودة]

السلام عليكم يا خواتي واتاسف لهذا التاخير انا وحومي جايني علي الكمبيوتر كرهته جدا سبحان الله؟؟؟
وبالنسبة لسؤالك يا ميرنا علي د. علي الربطي راهو ممتاز جدا جدا واختي تتابع عنده الان وهو انسان ملتزم ويفهم في شغله اكويس حتي بنت خالتي كانت لها 5 سنين ما حملت بعد مشت له ربي قدر علي يديه الفرج وراهو يمسك في عيادة الهرم مشهورة جدا في بنغازي في منطقة حي الدولار ولازم تحجزي علي الاقل قبل الموعد باسبوع او 10 ايام لانه عليه زحمة جدا ناس من كل مكان تجيه لدرجه يقعد في العيادة لعند1 او اكثر في الليل يشوف في حالات المتابعة ولو تبي رقم التليفون تو نحاول نحصله لك في اقرب وقت ويارب اكون افدتك

[صابرة]

مساء الخيرات يا بنات
غبت المدة اللي فاتت لاني روحت لحوشي وزوجي روح من السفر وماعنديش نت في حوشي
وحنحاول اني انطل عليكم مرة مرة
الحمد لله انتم كلكم بخير

[hatoo]

خير يابنات شنو الجو ,الله يبارك فيك ,عليش ياميرنا البيبي الثاني علي الاربعين حرام عليك تحركي من مكانك هههههههههههههههههههه

[hatoo]

وبالنسبه للوحم في اول الشهور كرهت الحلو وطحت علي الحوامض بس بعد الثالث قعدت ناكل في الحلو عادي ونشتهيه

[ميرنا]

مشكورة يا هنودة ماقصرتى وانشالله نمشيلة بالك على يده الفرج

[ميرنا]

مساء الخيرات يا بنات
غبت المدة اللي فاتت لاني روحت لحوشي وزوجي روح من السفر وماعنديش نت في حوشي
وحنحاول اني انطل عليكم مرة مرة
الحمد لله انتم كلكم بخير

ربى يحفظك ويسلمك انتى والبيبى بس ما تنسيش اطمنينا عليك

[ميرنا]

خير يابنات شنو الجو ,الله يبارك فيك ,عليش ياميرنا البيبي الثاني علي الاربعين حرام عليك تحركي من مكانك هههههههههههههههههههه

نبو طزينا او استيكة او دست
6 بنات و6 اعيال بيش انقولو هاتو عت متريحة وبعويلت او بيى العويلة يسكت

[مآسر]

أهلا كيف حالكم يا بنات
معليشي طولت الغيبة والله معاد فيا جهد نحس في روحي تاعبة هلبة هلبة وشكرا ليك أختي ميرنا على السؤال عليا
أختي صاااااااااااااااااااابرة بالله السرير عجبني هلبة ممكن تساليلي خوك من وين خداه وبقداش

[صابرة]

أختي صاااااااااااااااااااابرة بالله السرير عجبني هلبة ممكن تساليلي خوك من وين خداه وبقداش
خداه من محل تشيكو اللي في بن عاشور وسعره 395 دينار
هذا الرابط لصورة السرير ومميزاته
http://www.chiccousa.com/gear/playards/lullaby-lx/lullaby-lx-luna.aspx
في المحل يقولوله حباس احسن مافيه انه يتسكر ويصبح زي شنطة السفر

وهذه صورة الرقادة حتى هيا من تشيكو وسعرها 95 دينار
http://arb-up.com/i/00042/pazpodqgyjaq_t.jpg (http://arb-up.com/pazpodqgyjaq/Picture_002.jpg.html)


وهذه صورة القعماز من تشيكو سعره 100 دينار من عمر صفر
http://arb-up.com/i/00042/fe05ozq6yeyc_t.jpg (http://arb-up.com/fe05ozq6yeyc/Picture_001.jpg.html)

[ساجدة]

كيف حالكم اليوم ياحوامل بلادي وشن اخباركن.....وكيف حالك ياميرنا وشن اخبارك

[hatoo]

اهلييييييييييين بناااااااااااااااات وينكم ؟؟

[مآسر]

ها كيف حالكم يا بنات اليوم آخر يوم في الخدمة عطوني الشركة أجازة 3 شهور توا نبي نخمل حوشي وبنوتي حاجاتي وبنشدها نووووووووووووووووم والله تعبت هلبة من الخدمة تصورو وحدة في التامن وتخدم
يا بنات مرات نغيب عليكم لان زي ما تعرفو عندي مشكلة في النت لكن إن شاء الله كل ما نحصل فرصة طول على التجمع ادعولي بس ربي يتمم عليا بالخير وادعولي ربي يهدي راجلي يا رب وينحي منه هالأعصاب الزايدة

[ام اسيل]

السلام عليكم انا ام اسيل من بنغازي ليا عشر سنين متزوجة حملت بعد ثلاث شهور وجبت بنت وهي اسيل تقرا في سنة ثالثة وبعدين قعدت ثلاث سنين ما حملتش بسبب هرمون الحليب لكن بعد ماخذيت الدوا حملت وجبت ولدي هيمو وبعدها قعدت نقرا في الماجستير ومعش فكرت في العيال وبعدين حملت غي شهر 11 ولقيت ان كان عندي سكر وانا مش عارفة والبيبي مات في بطني في نهاية الرابع ودرت عملية تنظيف دارتها ليا الدكتورة فوزية العربي في 8_2 وتوا نبي نحاول نحمل وكان ها الشهر ما صار شي نبي ناخذ كلوميد طبعا السكر مازال قاعد والحمد لله

[hatoo]

اهلين اختي ام اسيل ان شاء الله ربي يخليك عويلتك ويعوضك في الي راح وا شاء الله تحملي من دون مشاكل

[ام اسيل]

شكرا ياختي هاتو والله خاطري في بيبي كأني عمري ما حملت وعيالي زعلانين يقولو كل اصحابهم عندهم بيبيات الا نحنا يارب يرزقني

[hatoo]

ان شاء الله يارب يرزقك

[ميرنا]

يا مراحبتين بعرب بنغازى مراحبتين ]بام اسيل وعويلتها شرفتى ونورتى التجمع يا ام هيمو وانشالله تجيب وانس الهيمو وخيت وما تخافى من السكر والمواقف لى تعرضتى له هو بسبب عدم علمك بأن عندك سكر ولكن الحمل الجاى باذان الله راقبى هرمون الانسلين عندك وخوذى حمض الفوليك من الأن وحبة اسبرين اطفال وراقبى التبويض عندك قبل ماتاخذى الكلوميد هذا الشهر واذا وجدت التبويض عندك اكويس مابين 18 _27 ما فى داعى للكلوميد واذا كان ضعيف اعملى تحليل لهرمون الحليب واذا وجدته مرتفع خوذى البارلوديل هذا الشهر ولم اتجيك الدورة خوذى اكلوميد وتابعى التبويض بعد 12 يوم من الدورة وربى يفرحك ويفرحنا[/color]

[ميرنا]

مااااااااااااااسر

احلام سعيدة

[hatoo]

اهلين بنات شنو كلكم راقدينننننننننننن

[ام اسيل]

شكرا اختي ميرنا والتجمع منور بوجودكم اولا طمنينا انشالله الدورة مازالت ما جاتك

[ام اسيل]

ثانيا نبي نسالك الباردويل تاخذي في حبة ولا اثنين وحجم البويضة كيف تقيسي فيه عند الدكتورة؟ اصله ماعمري سمعت عليه

[ام لقمان]

السلام عليكم ورحمة الله وبركاته
تحياتى اخواتى انا ام لقمان من زليتن ليبيا
ولن تصدقوا فرحتى بهذا التجمع
المهم انا موعدى 10- 6-2010 ربى يسهل على الجميع ويرزقهم الابناء الصالحين

[ميرنا]

ياهلا والله وحياكى الله وانستينا يا ام لقمان ونور التجمع بعرب زليتن
ها يا زليتنية انتى بكرية ولك كم سنة متزوجة وانشالله وجهك خير علينا لى حمل يتمم لها ربى على خير ولى ماهى حمل تحمل قولى آآآآآآآآآآآآآآآمين
hwaml7 hwaml7 hwaml7 hwaml7 hwaml7

[ميرنا]

اهلين بنات شنو كلكم راقدينننننننننننن

ولله ياهاتو كلهم فى سبع حلامة خميرة نووووووووووم وشدى حتى انتى معهم

شكل اعراض الحمل عندهم مافى شى يشتغل ألا هرمون النوم مرتفع امشايط ياستر الله بعد ما

يجيبن ما نلقو واحد يمسك العويل

[ميرنا]

ثانيا نبي نسالك الباردويل تاخذي في حبة ولا اثنين وحجم البويضة كيف تقيسي فيه عند الدكتورة؟ اصله ماعمري سمعت عليه


ام هيمو واسيل الدورة جاتنى اليوم تعرفى لو ما جات ركبتنى حالة نفسية باركيلى hwaml7

اما بلنسبة لدواء ارتفع هرمون الحليب لبارلوديل تصرف فيه لى الدكتورة 2 حبتين فى اليوم قالت لى خوذيه الى ان تحملى وحتى فى مصر قالولى نفس الكلام

وحجم التبويض : عندم تاتى الدورة تحسبى من اول يوم الى ما تصلى 12 يوم من الدورة يعنى اتقولى انا لى 12 يوم جايتنى الدورة تذهبى الى الدكتورة وتقولى لها نبى نعرف هل عندى تبويض اكويس هذا الشهر علشن نبى نحمل الشهر هذا فاتقوم الدكتورة بتصويرك بجهاز السونار وتشوف كم عندك بويضة فى كل مبيض وكم حجم كل بويضة وفى بعض الدكاترة يصورك وهم سكتين يقول اكويس واخلاص بس انتى انتبيهى واسالى الدكتورة قولى لها كم حجم البويضة واين مبيض الذى فيه التبويض المبيض الايمن او المبيض الايسرى وامتى نبدا فى الجماع للتلقيح البويضة والوضع فى الجماع من الامام اوالخلف فى بعض النساء ماتحمل الا من الخلف ومنهم خيتك وتبويض اذا كان قالت لك 18 فما فوق معنها ممتاز واذا قالت اقل فمعنها ضعيف انشالله ان كون افادتك

[ميرنا]

هاتو

مقاس حذاك 40 وطولك 175 (انشالله ولادتك طبيعية ) //////



لان صغر لاقدام من 35 واقل يدل على ضيق الحوض بدرجة لاتسمح بمرور الجنين وكذلك الطول لى اكثر من 180 واقل من 150// تزداد فى هذه الحالة العملية القيصرية

[ام اسيل]

خيتي ميرنا شكرا ليك تعبتك معايا انا الشهر الي فات كان هرمون الحليب 168 وخذيت حبة وحدة بدون استشارة دكتورة لان عندي خبرة من المرات الي قبل وانا من جيبتي الاولى بعد الفطام ما جتنيش الدورة وحللت لقيت الهرمون عالي ومنها ابتدأ مشوار الباردويل . بس ديما يعطو فيا حبة وحدة وتوا بعد عملية التنظيف الي كانت بتاريخ 8_2 جتني الدورة في 24_3والى الان مازالت ما جتني وامس واليوم عندي الام في بطني وغازات رهيبة لين الراجل طفش من الدار لكن الدورة مازال ما نزلت وانا طبعا ديما تتأخر مع اني يوم 21_4 من الهبال عديت درت تحليل حمل وطبعا طلع سالب مش عارفة شن ايصير ؟؟؟

[ام اسيل]

وعموما ميرنا ما تزعليش الي كاتبه ربي ايصير وانشالله الشهر الجاي نحملو مع بعضنا يارب

[hatoo]

ان شاء الله ياميرنا نولد طبيعي ,وانتي كيف حالك انتي بس الي تخشي باقي البنات راقدات ههههههههههه

[ام لقمان]

السلام عليكم ورحمة الله وبركاته اخواتى
كيف حالكم اليوم جميعا؟
مشكوره اختى ميرنا على الترحيب
اختى ام اسيل انصحك بالمتابعه مع الدكتور فواز الخطيب فى موقعه نوافذ طبيه
ولقد استفدت منه انا شخصيا
اما عنى يااختى ميرنا فانا متزوجه منذ ثلاثة عشر سنه
وهذا هو حملى الثالث ادعولى ان يتممه المولى بخير
وطبعا مش فلاحه منا ان يكون لدينا طفلين فقط ولكن لوجود مشاكل صحيه عندى وعند زوجى والا قليل من يشد الفرينوات هكى
المهم ادعولى بالخلف الصالح السليم فانا اعانى من السكرى منذ عامين
وانشالله يااخت ميرنا عن قريب تلحقى بركب الناعسات ونضحكوا عليك

[ميرنا]

ان شاء الله ياميرنا نولد طبيعي ,وانتي كيف حالك انتي بس الي تخشي باقي البنات راقدات ههههههههههه

يا خوفى يهلبهن موعد الولادة وهن مراقدات وخاصتنا ماسر وصابرة شخيرهن نسمعو فيه لعند هنا hwaml7

[يارب ترزقني بطفل أضمه]

أخبارك قلبي ميرنا وش مسوية طمنيني عن صحتك اشتقتلك يالغالية

[ميرنا]

وعموما ميرنا ما تزعليش الي كاتبه ربي ايصير وانشالله الشهر الجاي نحملو مع بعضنا يارب

آ آ آ آ آمين يارب ولله شغلتنى روحى حتى الليل ما نرقد فيه ولا اذا كان رقدت نوعة مفجوعة وناخذ فى الليلى وانا ندعى وارجلى يقولى يا ولية راكى اطرشقى /// يستر الله ان كان ما اخرتها عند الرويعى

[ميرنا]

أخبارك قلبي ميرنا وش مسوية طمنيني عن صحتك اشتقتلك يالغالية
]اخر اخبارى فتحة محل احذاية للحوامل hwaml7 فى المنتدى الولادة العام

جزاك الله الف خير ياعزيزتى على سؤالك على // وانا مازال ماصار معى شى امس جاءتنى الدورة واخذات طريقة اعشاب للحمل من قمة البرائة / وربى يستر وحط فى راسى فكرة الحقن المجهرى وقاعد حاير مابين نمشى المصر عند الدكتور حسان النعمان أو فى طرابلس فى مركز الاردانى عند الدكتور غسان //
وربى يستر [/COLOR]

[ميرنا]

ام لقمان انتى فى اى شهر ربى يتمم حملك على خير وتعزمينا على اللمة

[صابرة]

السلام عليكم
كيف حالكم يابنات وشن أموركم ان شاء الله طيبة
واهلا بأختي أم اسيل ويارب تحملي انتي وميرنا الشهر هذا باش يجيكم الوحم في الصيفhwaml72
ومرحبا بام لقمان وكيف حال اهل زليتن كلهم ..وانقولك انا زيك زليتنية بس مولودة وعايشة بطرابلس وعندنا عيلتنا في زليتين ساكنين ربي يثبتلك حملك وتنوضي بالسلامة يارب

شكله يا مآسر راجلك زي راجلي عصبي ربي يهديهم الاثنين

ميرنا وهاتو ماشاء الله عليكم قايمين بالتجمع بطلتكم الحلوة

[ام لقمان]

مسسسسسسسسسسسسسسسسسسسسسسسسساء الانوار للى فاطن والى راقد
كيف حالكم اخواتى ؟
كملتوا النوم والا ما زلتوا؟
وايش اخبارك ياميرنا؟
اما عنى فانا بخير ولله الحمد وانا الان فى نص الثامن وقلت ياساتر شكلها الليه بتولى لانى مشيت الشهور الاولى كلها راقده لانى عندى ليه
المهم مشى اليوم بسلام والحمد لله
ميرنا توكلى على ربك وماديريش هكى الحاله النفسيه مهمه
كثرى من الاستغفار لانه مفتاح للرزق بدريه وخوذى نصيحتى والله الدكتور فواز ممتاز وهو طبيب اعشاب جربيه
وانشاله ما تستحقى مصر ولا غيرها
انا اخر طفل عمره سبع سنوات وعانيت من مشاكل صحيه وزوجى رفض فى الاخير العلاج لانه تعب وياس ولما رحم المولى استعملنا اعشاب بسيطه جدا ونتائجها فى المختبر كانت رائعه
المهم ربى يعطيك ما فى بالك انتى وكل الاخوات ويسهل على جميع الحوامل النايضات والنايمات

[ام لقمان]

شكرا اختى صابره على الترحيب والحمد لله ازليتن بخير
ربى يبلغنا جميعا المراد

[hatoo]

اهلين بنات والله نرايف عليكم لازم كل يوم نخش ونشوفكم.
منوررررررررررره اختي ام لقمان وان شاء الله ربي يسهل عليك ولادتك,ميرنا كيف حالك اليوم وشو اخبارك اختي ميرنا ماتفكريش واجد لان كثر التفكير يقولو يعطل الحمل انتي شيليه من بالك وان شاء الله تفرحينا الشهر الجاي بالحمل ووينك اختي صابره كنكم متخشوش واجد انا وميرنا قعدنا بروحنا.اه بنات ادعوا لراجلي بالنجاح ويحل كويس في امتحاناته يارب نجحه ياااااااااااااااااااااااااارب.

[يارب ترزقني بطفل أضمه]

ياقلبي ميرنا انشالله تبشؤيني قريبا يالغالية يشهد ربي اني احبك في الله يالغالية

[صابرة]

يابنات كيف حالكم اليوم

نبي نسألكم هل من الطبيعي انه يقعد البيبي في وضع الفارسي نهاية الثامن وبداية التاسع؟؟؟

[ام اسيل]

السلام عليكم كيف حال الجميع اختي ام لقمان زميلتي في السكر طبعا انا مش حانسيبك لين تحكيلي بالزبط كيف دايرة ومسيطرة عا السكر وجيباتك الي من قبل كانت مع السكر ولا عادي طبعا انا خايفة يصيرلي زي الحملة الي فاتت انا حملت وكان السكر التراكمي 9_9 ويمكن هذا كان سبب موت البيبيي الشهر الرابع (بيعيد السو عليك) لكن توا التراكمي متاعي 1_6 يعني كويس وتوانحاول نحمل دعواتكم معاي تعرفي عندي كلام واجد لكن كل مرة شوية بيش ماتقولوش دوتي واجد باي

[ام اسيل]

اختي صابرة شكرا على دعواتك وغير نحملوا انا وميرنا الوحم في الصيف الوحم نتحملوه ميرنا شن رايك كان حملنا نقضوا فترة الحمل في راس الهلال فكرة حلوة

[ام لقمان]

السلام عليكم
اخواتى جميعا كيف حالكم اليوم
اختى صابره البيبى يتغير وضعه حتى فى لحضة الولادة وافضل شىء هو ان تنامى على يسارك بهذا نصحنى الدكتور
اختى ام اسيل السكر قبل الحمل كنت انعالج فيه بالجلوكوفاج والحميه اما الان بالحميه والانسولين والحمد لله ماشى الحال
كله باجره يا اختى
انشالله قريبا اتفرحونا بحملكم
اختى ميرنا وينك شكلك راقده حتى انتى

[ميرنا]

ياقلبي ميرنا انشالله تبشؤيني قريبا يالغالية يشهد ربي اني احبك في الله يالغالية

بارك الله فيك على مشاعرك اتجاهى وجزاك الله الف خير وطال الله فى عمرك وفرحك بلى فى خاطرك

[ميرنا]

هههههههههههه ام اسيل فكرة روعة

مانحكيلك بكل على اوحمى لم نحمل على طول اتجينى على صبيتى لمسيكينة تقعد زامط وخلص ولم انجيب سبحان الله انجيب نسختها اتقولى فولة مقسومة اختى ام اسيل جيبى عويلتك وتعالى منها انتعرفو عليك ومنها ندهوروك فى راس الهلا ل والشلال والصحابة والعزومة لجميع

[ميرنا]

ام لقمان
والله ياخيتى عندى راجل توجعه ان كان شفنى راقد والا متريحة ولا انتفرج على تلفزيون ايموت ويتلذذ لم يلقنى امصبية على اكرع واحد وعرقى اندل اندل هنا يبقى سعيد
تعرفى ياخيتى والله ما تخافنا من السكر عندى جارتى فيها السكر وكل سنة جايب وعندها 9 اعويلة ولم الصبايا ايقولن لها يا شريفة عينك من صحتك خلاص واقفى الضنو اتقول مش منى من دواء السكر لى ناخذا فيه مع العلم انها كبير فى السن 43 سنة وحامل وخشها السكر لها 5سنوات ربى انشالله يفرحها ويتمم حملها على خير وتجيبانا انتى وام اسيل كيفها*

ام لقمان وام اسيل عينكن من النحلة hwaml02

[ميرنا]

يابنات كيف حالكم اليوم

نبي نسألكم هل من الطبيعي انه يقعد البيبي في وضع الفارسي نهاية الثامن وبداية التاسع؟؟؟

صابرة
ماتخافى البيبى يتحرك مرة فوق ومرة لوطة الى ما تجى فى الاسابيع الاخير بس انتى كثرى من المشى والسجود والله انا مرة قالتلى الدكتورة راس الجنين فوق وانا موعد ولادتى بعد يومين فخفت من العملية القيصرية والله بعد ماجاء موعد الولادة صورتنى وجدت الراس نزل فى الحوض اطمنى يالغالية

صابرة
انتى صابرة صابرة هذا الشبل من ذاك الاسد hwaml4 امعند كى بوه hwaml02

[ميرنا]

هاتو
يااااااااااااااارب انشالله ينجاح راجلك ياهاتو وتفرحى به

تعرفى ياخيتى راجلى لم كان يقرا سبحان الله مايغلاء على الاوهو فتح اكتباته اتقول انغر من الكتبات مرة نجيه نضبط راس ومرة مع رقبته ومرة نرقعه يقعد ايعيط ياوليه خطينى // ما فيش نفس
ولم يشيل امعه مادة يقولى موش منى ايحط لوم على ماتخرج واحد يعرف واحد

[ميرنا]

ماسر وساجدة // انتن وين من غرفة الولادة ما فيش ليه مافيش حاجة هكى ولا هكى سكون تام hwaml03

هنودة // وينك ايش صار ابنية ولا اوليد & اسمعى انكت هذه مرة فى واحد مرأة تبى اتجيب قاعد فى صالة الانتظار ماشى جاى ويقول يارب انشالله اوليد ولا ابنية فاقالوله ها املة شن تبى اتجيب ان كان ماهو اوليد اكيد ابنية فاجأت الممرضة فقالت له مبروك بنبينو فقاللهم ها ما قالتلكم hwaml02

حبل الوصل // وينكم ياعرب سبها hwaml7

[حبل الوصل]

هلا ميرنا صحيتى عالسؤال
مرحبتين بنات كيفكم
انا خذيت ابرة تفجيرية ونستنى في رحمة ربي ادعولى نحمل هالشهر

[hatoo]

اهليييييييييين بنات كيف حالكم وشنو اخباركم اليوم ان شاءالله تمام

[ام لقمان]

السلام عليكم
كيف حالكم حوامل ومنتضرات رحمة ربهم بالحمل ؟
يبدو لن مرض النوم اصاب الجميع
كيفك هاتوا وينك ميرنا وشكرا على الصوره مردودتلك
وما هى اخبارك ام اسيل؟

[ام لقمان]

السلام عليكم
كيف حالكم حوامل ومنتضرات رحمة ربهم بالحمل ؟
يبدو لن مرض النوم اصاب الجميع
كيفك هاتوا وينك ميرنا وشكرا على الصوره مردودتلك
وما هى اخبارك ام اسيل؟

[ساجدة]

انا جيييييييييييييييت hwaml7كيف حالكن اليوم ياحوامل بلادي ....وينك يااحلي ميرنا في هاالمنتدي ربي ايسرلك امورك وانشوفوك حتي انت كبدك دارها واترقدي واندوروك من صفحة لصفحة في المنتدي hwaml42

[ساجدة]

ونورتينا ياام لقمان انتي حامل امعايا بيني وبينك 15 يوم بس ان شاءالله علي خير وسلامة ......وينك ياماسر وحشتينا...وكيف حالكن ياهنودة وصابرة وهاتوونورتينا ياام اسيل وحيل الوصلhwaml7

[ام اسيل]

خير يابنات كيف حالكن شكرا ساجدة على الترحيب انا تأخرت الدورة كم يوم وفرحت لكن للاسف جتني امس واليوم بديت في الكلوميد ونشالله خير يارب الي حامل تجيب على خير وسلامة والي مش حامل نحمل انا وياها الشهر هضا قولو اميييييييييييييييييييييييين تحياتي للجميع

[ساجدة]

امين يارب العالمين....ربي يرزقك انت وغيرك بالذريه الصالحة الكاملة الخلقة

[صابرة]

كيف حالكم يابنات
وهلا والله بيك ياساجدة وين كنت امغطسة شكلك كنت في سبات طمنينا عليك الحمل مش متعبك؟؟ وانت ان شاء الله طيبة؟

يابنات كان تشوفو راجلي شن يقوللي..


يقوللي




يقوللي شكلك زي بو بريص بالع حمصة
يضحك على شكل بطنيhwaml79
هل حق انا هكيhwaml78

[ساجدة]

هههههه ضحكتيني ياصابرة الله ايسامحك.....قوليله الحمصه هذي من وين جت

[ميرنا]

هلا ميرنا صحيتى عالسؤال
مرحبتين بنات كيفكم
انا خذيت ابرة تفجيرية ونستنى في رحمة ربي ادعولى نحمل هالشهر


طلما اخذتى ابرة تفجير يعنى ان تبويضك ممتاز انشالله ربى يفرحك يا خيتى

حبل الوصل قولى لى كم حجم البويض عندك هل قالت لك الدكتورة

[ميرنا]

روووووووووووووووووو عة يا صابرة

هههههههههههههههههههه

[ميرنا]

ساجدة
انستو ياعرب ابريطانيا

[ساجدة]

الله ايانسك بشوفت ضناك بحداك يارب.....ميرنا شن دايره ان شاءالله باهي

[hatoo]

السلام عليكم ورحمة الله وبركاته
كيف حالكم يابنات شنو اخباركم اليوم وكيف الحمل معاكم وان شاء الله الي مازال ماحملت تحمل ان شاء الله ياااااااااااااااااارب.

[ام اسيل]

ههههههههههههههه ضحكتينا ياصابرة خير مني انا لين نكمل السادس بيش يعرفوني حامل والسبب طبقات الشحوم طبعا هههههههههه

[ميرنا]

سال الابن امه الحامل مشير الى بطنها فقال لها من هذا يامى فقالت انه اخوك فقال لها انتى اتحبيه فقالت ايوه انحبه فقال لها وعليش كليتيه hwaml02

[حبل الوصل]

ههههههههه ميرنا كيفك وشن اخباركم جميعا بنات
انا من وقت ماخذيت الابرة ونحس في روحى مريضة واليوم حسيت بدوخة وغثيان غير طبيعي ووجع في الحزام وان شاءالله خير يارب

[hatoo]

اهلييييييين بنات ,ههههههههههههههههههههه حلوه ياميرنا و ان شاء الله يكون حمل يارب ياحبل الوصل وتفرحنا قريب انتي وميرنا وكل من تستنى يارب

[hatoo]

اهليييييييين بنات وينكم التجمع الليبي كسد شنو صار ,ميرنا في وصفه كتبتها عضوه عن طريقه الحمل بالشاى شوفيها وان شاء الله تفرحينا

[حبل الوصل]

الناس راقدة ولاشنى شنى حالكم وكيف مدايرين مع الحمل الله يسمع منك يا هاتو

[ميرنا]

مراحبتين باحبل الوصل وهاتو
ان شالله نحملو انا وحبل الوصل ياهاتو ربى يسمع منك // وبالنسبة لطريقة الشاى قرايتها والشاى شن علاقة بلحمل والزعل سبحان الله منى عارف عندى جديدتى عندما يتعركو العويل اتقول جيبنلى المبخرة وحطن فيها الشاى /// انشالله انجربها

[ميرنا]

صابرة واااااااا ام اسيل وااااااا ام لقمان

محلى الرسايل لاجت من عند محبوب ترضى عروق القلب لوكان ضايق

[ميرنا]

ماسر واااااااااااا هنودة وااااااااااا سجودة

دام الرجاء فى شوفتكم اليوم مقطوع خلو ا الرجاء بينى وبينكم رسايل

[ميرنا]

ياااااااااا خواتى دزيت رسالة الراجلى اتقول

(شايف القمر كيف بعيد كف واحد انطيرك عنده لو تنسانى )

رد على واقال امغير حد ماجيت انوريك الكف ايش شكله هههههههههه hwaml7

[حبل الوصل]

ههههههههههههههه ربي يسعد ايامك يالغاليةhwaml13 انا جربت طريقة الشاهى مرة وحدة ماتقيدت بالكلام اللي قالوه لكن تو لما تجى الدورة انجربه hwaml7

[ام اسيل]

كيف حالكم يابنات ليا يومين[ما خشيتش التجمع والله وحشتوني وانشالله ياحبل size="7"]حمل [/size] حمل حمل حمل بإذن الله وماتشوفي دورة الا بعد تسع شهور

[ام اسيل]

اقصد حبل الوصل

[ام اسيل]

ميرنا ما قلتينش الشهر هذا خذيتي كلوميد ولا شن الخطة انا امس سمعت ان الزنجبيل ينشط التبويض شن رايكن يا بنات

[ام اسيل]

يابنات شن رايكن بيش نطيرو الكساد ونستفيدو من بعضنا كل وحدة تخش تقول شن طيبت غداها اليوم لكن من غير غش يعني يوم التن ولا الشكشوكة تقول عادي وانا اليوم درت براك ورز محبب عشان اليوم واخذة عطلة قلت ندلع الراجل شوية اهو

[ام اسيل]

اخر حاجة الي واخذة كلوميد من قبل ممكن تفيدني هل يدير غازات وانتفاخ في البطن وهل يزيد الوزن

[hatoo]

ههههههههههههههههههه حلوه ياميرنا,ان شاء الله تجربوا الطريقه وتنفع وشنو الجو يابنات ,بالنسبة للغداء انا اليوم مدرتش سخت مكرونه بالبشاميل متاع عشاء امس طبعآ تمبله

[ام اسيل]

كان قتيلي ياهاتو راني دزيتلك براك اكيدة شميتي بنته ههههههههههههههه لكن معذورة عا التنبلة انالله العقبة لنا نتتبلو حتى نحنا وكانك قريبة من ارض بلعون مرة اخرى ندزلك عصبان ونحكي جد

[hatoo]

سلمك اختي ام اسيل والله خطرها علي البراك كل شوي عمتي ديرلي فيه جيتني عليه وانا نسكن في بوعطني لكن هلي جمب جامعه العرب الطبيه مقابل بلعون عند مطعم بيزا انتي قريب؟

[hatoo]

وان شاء الله عن قريب انتي وميرنا تقعدو تنبالات ودزولكم الاكل

[ام اسيل]

انشالله ياحبيبتي وانا نسكن قريب من مطعم بيزا جنب محل المواعين كان تعرفيه قريب من عيادة السلام وهلي يسكنو في بوعطني لكن بعيد قريب من المطار

[hatoo]

هههههههههههه العكس انا وياك هلك في بوعطني وانتي جمب بيزا وانا العكس اه عرفته فيلا الغيراني بتاع المواعين جيران هلي يعني انتي

[ميرنا]

ميرنا ما قلتينش الشهر هذا خذيتي كلوميد ولا شن الخطة انا امس سمعت ان الزنجبيل ينشط التبويض شن رايكن يا بنات

اماسيل وهيمو شن اخبارك با نسبة لى الشهر هذا اخذت خلطة من الاعشاب وما خذيتش اكلوميد ومن ضمن اعراض الكلوميد انتفاخ البطن وزيادة الوزن وبكرة الخميس ماشية انشوف التبويض // ومنى عارفة تبويضى مع الاعشاب اكويس ولا لا
بانسبة لزنجبيل حتى هو من ضمن الاعشاب لى خذيتم والخلطة عبارة عن زنجبيل و حبة هان وعود قرفة ومردقوش والمرامية والقرنفل وحبة السوداء عشبة المدينة خذيتها من قمة البرائة
وبالنسبة للغداء :
عندى راجل ادمان رز امبوخ لو كان يصيد يبيه غداء وعشاء

هاتو واااا ام اسيل انا بنغازى اتعز على لانى تعرفت على راجلى فيها

[ساجدة]

ااااااااااااااااه سهفتني hwaml03 والله اللي دخلتني التجمع بنة الغدوات اللي ايفحفحن...........hwaml71 رز وبراك وعصبان وبشاميل وامبوخ والله الاكل الليبي ليبي غير زايد والله انا قاعدة بره واندير في كل شي لكن طعمته مش كيف ليبيا........ hwaml79 امته انروح خلاص مليتhwaml4hwaml15

[ام اسيل]

اماسيل وهيمو شن اخبارك با نسبة لى الشهر هذا اخذت خلطة من الاعشاب وما خذيتش اكلوميد ومن ضمن اعراض الكلوميد انتفاخ البطن وزيادة الوزن وبكرة الخميس ماشية انشوف التبويض // ومنى عارفة تبويضى مع الاعشاب اكويس ولا لا
بانسبة لزنجبيل حتى هو من ضمن الاعشاب لى خذيتم والخلطة عبارة عن زنجبيل و حبة هان وعود قرفة ومردقوش والمرامية والقرنفل وحبة السوداء عشبة المدينة خذيتها من قمة البرائة
وبالنسبة للغداء :
عندى راجل ادمان رز امبوخ لو كان يصيد يبيه غداء وعشاء

هاتو واااا ام اسيل انا بنغازى اتعز على لانى تعرفت على راجلى فيها

ميرنا كيف حالك حتى انا اليوم عندي موعد عند الدكتورة حكمت بوقرين ليا سبع ايام ناخذ في الكلوميد والغريب دورتي من قبل 3ايام واليوم الرابع خفيفة لكن مع الكلوميد قعدت 6ايام والسابع خفيفة غريبة بكل شكله من الكلوميد.

وحتى انا راجلي ادمان رز مبوخ ومحبب واليوم دايرة شربة ورز كمان

وعارفتها بنغازي جوها حنونhwaml13

[ام اسيل]

ااااااااااااااااه سهفتني hwaml03 والله اللي دخلتني التجمع بنة الغدوات اللي ايفحفحن...........hwaml71 رز وبراك وعصبان وبشاميل وامبوخ والله الاكل الليبي ليبي غير زايد والله انا قاعدة بره واندير في كل شي لكن طعمته مش كيف ليبيا........ hwaml79 امته انروح خلاص مليتhwaml4hwaml15

انشالله تروحي من بريطانيا سالمة وفي يدك وليدك ولابنيتك؟ والعزومة والعصبان عليناhwaml03

[ساجدة]

ان شاءالله ياام اسيل ناكلوهن في اسبوعك وانتي جايبه اوليد والابنية ....مش بعدين الفرحة اتنسيكhwaml42

[ام اسيل]

على فكرة الي في الصورة ولدي هيمو لما كان عمرة 4شهور ايام وهو طفل برئ لكن توا ههههههههههه لسان عشرة متر ديمة نقول لروحي الهداوة وين عدت يارب احفظي عويلتي ونسهم بخي ولابخية

[صابرة]

ربي يحفظلك عويلتك يا أم اسيل

كيف حالكم يابنات ان شاء الله بخير
اليوم هو اليوم السادس في شهري ادعولي

[حبل الوصل]

صابرة ربي يسهل عليك ويقومك بالسلامة ويفرحك بوليدك ولابنيتك يااارب

[ام اسيل]

ربي يحفظلك عويلتك يا أم اسيل

كيف حالكم يابنات ان شاء الله بخير
اليوم هو اليوم السادس في شهري ادعولي

ربنا ينتعك بالسلامة يااختي(بالمصري) وتشوفي حبيب عيونك قدامك وهوبصحة وعافية وتربيه وانتي بصحيحتك يارب

[ام اسيل]

ههههههههه ميرنا كيفك وشن اخباركم جميعا بنات
انا من وقت ماخذيت الابرة ونحس في روحى مريضة واليوم حسيت بدوخة وغثيان غير طبيعي ووجع في الحزام وان شاءالله خير يارب


ها باسبهاوية طمنينا شن صار عندك وامتا البشاير انا يمكن السبت او الاحد ناخذ الابرة التفجيرية

[hatoo]

ان شاء الله علي خير اختي صابره وان شاء الله تفرحينا قريب وربي يسهل عليك,وكيف حالكن يابنااات

[ام اسيل]

hwaml4 وينكن ياناااااااااات كنكن مكسدات بكل ها اليومين hwaml02

[ام اسيل]

هاتووووووووووو شكله الوحم جايك عا ولا شنو

[ام اسيل]

هاتووووووووووو شكله الوحم جايك عا ولا شنو

عاالنوم يقولو ام البنية تقعد حركتها ثقيلة

[حبل الوصل]

اهلين بنات كيف حالكم شكرا على السؤال أم أسيل انى موعد دورتى يكون 12 او 13 الشهر وان شاءالله مانشوفها الابعد 9 شهور وحتى انتى تحملى يااارب

[hatoo]

مش غير نوم قلتلهم خلوني نرقد توا لانه لما نجيب قالولي مش حترقدي بكل هههههههههههههههههه ننتقم من النوم توا

[ميرنا]

صابرة
ربى انشالله ايخلص كربك ويسلمك انتى ووليدك بس ماقلتينش شن تبي اتسميه
شكلك خايف صح من الجيبة تعرفى ياخيتى سبحاالله ما اتربعنى نين اتفكرى فى الثانى وانشالله انحقوك حطتم 7أعيال على ساق واحد وتقوللى موش منى من راجلى يعيط يبى جيش

[ميرنا]

هاتو
ايش اخبارك واعية ولا فى سبع حلامه
قالو لى ترقد واجد تجيب وهى راقده وسالى البنات مش صح ياام اسيل وحبل الوصل وام لقمان وساجدة ههههههههههههههه
خلونا انكسدو على البكريات

[ميرنا]

والله ياخواتى فى الايام العادية انتحشم حتى من كشف الدكتورة العادى وجه ينحمر وعرقى يصب
ولكن ساعة الجيبة مافيش دكتورة او دكتور وما اجديت تعالو ساعدونى حلا كرعي وهم ايسهرو احذاى مازال اشوى 4سم ويجى الدكتور الاخر خلص ياماما اهو الراس طلع وبعد ماجبت الدكتور ايخيط فى ويقولى اسمك ايه ياحلو قاعد بين كرعى ويسال ويبينى انسهرى امعه انحط فى المخده على وجه وهو يقولى لحلو زعلن ليه اسم الله علينا فى هذك الساعة نبو واحد ايخلصنا وخلاص

[ام اسيل]

اهلين بنات كيف حالكم شكرا على السؤال أم أسيل انى موعد دورتى يكون 12 او 13 الشهر وان شاءالله مانشوفها الابعد 9 شهور وحتى انتى تحملى يااارب

انشالله يارب تبشرينا ونبي نسالك الكلوميد كم حبة خذيتي في اليوم ولما عديتي الدكتورة كم قالتلك حجم البويضة وحدة ولا اثنين؟ انشالله يارب توامة ونشوفوك وانت تعيطي من العيال hwaml12

[ام اسيل]

هاتو
ايش اخبارك واعية ولا فى سبع حلامه
قالو لى ترقد واجد تجيب وهى راقده وسالى البنات مش صح ياام اسيل وحبل الوصل وام لقمان وساجدة ههههههههههههههه
خلونا انكسدو على البكريات

تي مش غير هكي ياهاتو قالو الي بكرية وفي بطنها بنت وترقد واجد اول ماتجيب وتربعن تحمل عا الاربعين وتجيب توم ثلاث بنات حي عليك معش ترقدي بكل وكان نعستي ارقدي وانتي مصبية ههههههههههههههههههههههههه (راك اديريها)hwaml02

[ام اسيل]

وخلا ص عا توا باي وقت العصبان اكيدة عمتي قاعدة تبحت في الساعة وتقول اكيدة مازالت راقدة الخميرة نشوفوكم بعدينhwaml7

[حبل الوصل]

انشالله يارب تبشرينا ونبي نسالك الكلوميد كم حبة خذيتي في اليوم ولما عديتي الدكتورة كم قالتلك حجم البويضة وحدة ولا اثنين؟ انشالله يارب توامة ونشوفوك وانت تعيطي من العيال hwaml12
خذيت حبتين في اليوم وفي يوم 11 كان حجم البويضة 18.9 وبعدها بيومين خذيت الابرة قالتلى على اليومين الجايات تكون وصلت ل20 اواكثر وخير ان شاءالله

[حبل الوصل]

كل مانخش انى للتجمع مانلقاش فيكم وينكم

[hatoo]

hwaml02تي مش غير هكي ياهاتو قالو الي بكرية وفي بطنها بنت وترقد واجد اول ماتجيب وتربعن تحمل عا الاربعين وتجيب توم ثلاث بنات حي عليك معش ترقدي بكل وكان نعستي ارقدي وانتي مصبية ههههههههههههههههههههههههه (راك اديريها)hwaml02
صار هكي تبوا تكسدو علينا البكريات باهي باهيhwaml4 ,وان شاء الله نجيب تؤام hwaml7خاطري دايما نجيب تؤام وكيف حالك حبل الوصل ان شاءالله تمام,ومنقوللكمش علي النوم اليوم رقدت 7 الصبح راجلي جاء علي الفجر كان في اجدابيا يعزي في صاحبه ومرقدنا الا علي الصبح وبعدين في الظهر هو عدا يصلي وانا رقدت وبعدين دزو عليا عشان الغداء لقوني راقدهhwaml03 عليك فضايح المهم عدت تغديت وروحت رقدت اخرى ههههههههههههههههههههههههههههhwaml02

[ام اسيل]

هاتووووووووووووووووو صح النوم باهي الي نضتي ياحنة

[ام اسيل]

لكن تعرفي والله عندك حق انتقمي من النوم تبيلك ثلاث شهور يعد الجياب تنسي فيهن النوم
لكن وين الدلع هضا يدزولك في الغداء لعندك ونحنا اسمالله علينا من الصبح ايدينا في الصبان الله لاحسد ههههههههه

[ام اسيل]

ميرنا شن صار عندك امس قلتي تبي تعدي تشوفي التبويض انشالله خير طمنينا

[hatoo]

أم اسيل صبااااااااااااح الخير اليوم واعيه من الفجر مجانيش نوم بكل مش مني من النوم طبعآ هههههههههههههههه اكيد حننتقم لانو قالولي حتنسي النوم بعد الجياب,قلتلكم امتي رمضان يبدأ في اي يوم من شهر 8 ووينك ياميرنااااااااااااا

[حبل الوصل]

اهلين بنات وينك ياميرنا استاحشناك ان شاءالله خير وطمنينا عنك كيف صار

[ام اسيل]

أم اسيل صبااااااااااااح الخير اليوم واعيه من الفجر مجانيش نوم بكل مش مني من النوم طبعآ هههههههههههههههه اكيد حننتقم لانو قالولي حتنسي النوم بعد الجياب,قلتلكم امتي رمضان يبدأ في اي يوم من شهر 8 ووينك ياميرنااااااااااااا

صباح الورد ومش منك ما جاكش نوم اصللك كملتي حصتك من النوم ثلاث شهور لقدام ربي يعطيك الصحة

[حبل الوصل]

مرحبتين ام اسيل شن اخبارك ان شاءالله تمام شكله التجمع مافيش الا انى وانتى

[ام اسيل]

مرحبتين ام اسيل شن اخبارك ان شاءالله تمام شكله التجمع مافيش الا انى وانتى

مرحبتين والله البنات شكله مكسدات بكل انا اليوم عديت للدكتورة واليوم هو العاشر من الدورة وقالتلي عندك بويضتين وحدة 15 ىالاخرى اقل يمكن 13 وقالتلي يوم الثلاث الصبح خوذي الابرة التفجيرية حبل الوصل طمنينا فيه اعراض وحم ؟وهي قالت ممكن على يوم الثلاث يكونن كبرن شوية وانشالله خير

[حبل الوصل]

ان شاءالله خير وربي يفرحك هالشهر
انى الاعراض كل يوم تزيد والصدر مانحكيلكش عنه بس خايفة نكون نتوهم نرجو في رحمة ربي وراجلى يستنى في موعد الدورة بيش يرفعنى ندير تحليل مسكين متحمس واجد هالشهر
ان شاءالله نكون حامل ونفرحه يارب

[ام اسيل]

[اSIZE="6"][/SIZE]يارب ياحبل الوصل توم وليد وبنية امين يارب العالمين وتقعدي اول المتاومين في تجمعناhwaml12

[ام اسيل]

يابنات وينكن فيه حتى بنات كانن قاعدات في اول التجمع وبعدين اختفن شن فيه؟؟؟؟؟؟؟؟؟؟

[ام اسيل]

ميرناااااااااااااااااااااااااااااااااااااااااااااا ااااااااااا؟؟؟؟؟؟؟؟؟؟؟؟؟؟؟؟؟؟؟

[ام اسيل]

هاتووو انا سمعت ان رمضان يوم 11 في شهر 8 شكله موعدك في رمضان؟؟؟؟؟؟؟

[ميرنا]

ايش الاخبار يابنات
كنت ماشية الاهلى ولكن تعركت انا وياهم وجيت ياخواتى الوحدة بعد تزوج ماتقول كنت فى حوش هلها يوم موش نفس الحرية الاولى انريد نرقى نسلم على مرأة اخى قالن لى ماترقيش ليش بعد ما سمعتك جاية ليش مانزالت سلمت عليك // ننقنى قالت الراجلى ماعد فيها كيف تغديت وقالت له هاية

[حبل الوصل]

هلا ميرنا نورتى والله كلامك مزبوط بيت هلك ماعادش يتحملك وبالذات كان معاك صغارك حالة

[ام اسيل]

اهلا ياميرنا وحشتينا حتى هلك في درنة؟؟؟؟؟؟ وشن صار عندك قلتي ملشية تبي تشوفي البويض انشالله خير

[ام اسيل]

حبل الوصل كيف حالك والله نرجى معاك في الخبر السعيد يارب تفرحينا بتوم ها اليومين

[ام اسيل]

انا توا كيف روحت من المدرسة ومش عارفة شن اندير الغدا شكله طاجين دجاج اسرع حاجة باي تواhwaml7

[ميرنا]

اختى ام اسيل ايش اخبارك وايش اخبار اعويلتك /// ماشية لدكتورة نعيمة الجازوى وقالت عندك بويضة وحدة وحجمها 17 وعودى على بعد يومين نعطيك ابرة تفجير
وبنسبة لغداء انا ويك متفقين حتى انا اليوم قاعده على نت ما فطنت لساعة الاوهى 12وربع قالت اسرع حاجة الطاجين وسلفتى دزتلى لحم راس محمر