تجمع حوامل ليبيا

[ليبياقلبي]

منو موجود اليوم

[ليبياقلبي]

,,,,,,,,,,,ووووووووووووووووووووووينكم

[ليبياقلبي]

ووووووووووووووووووينكم اليوم انا لي جايني منبيش نطلع من الحوش مازال مضايقة وتعباتة شن اخباركم كلكم

[الايمان]

يا بنات وين ام اسيل ان شاء الله المانع خير

[الايمان]

يا بنات ما جوبتنش علي سؤالي اين احسن عيادة اهليس ولا ايمان بوطلاق

[الايمان]

وينك يا ميرنا ويا عيون زوجي

[ღॐ آية ღॐ]

السلام عليكم وجمعة مباركة على الجميع ..
ولكل المغطسات ان شاء الله بس خير ...
ام سعد وينك اليوم ...

[الايمان]

وين يا بنات ولا اليوم عند هل داركن

[ميراس]

خير ياحلوين فى حد الليلة والله امكسدة

[ام لقمان]

السلام عليكم
كيف حالك ميراس؟
انشالله بخير

[نسرينا]

السلام عليكم

صباح الخير للجميع

بداية اسبوع مباركة

وبداية عام جديد مليء بالمسرات و الاخبار الحلوة ...

.

[رجاء2]

صباح الخير لجميع

[أم سعد]

السلام عليكم

مساء الخيرات


آية .. شكرا على السؤال .. أنا جيت

نسرينا ..رجاء .. كيف الحال؟؟

[عاشقة الصحراء]

السلام عليكم ... أنا من طرابلس وحامل في نهاية الشهر الثاني ونبي نفتح ملف في مستشفى الخضرا لأني سمعت عليه انه كويس ونظيف بالذات توا بعد ماصار نظام عيادات... من منكم ولدت في الخضرا وكيف كانت الخدمات وكم كلفتها الولادة غادي ... مع العلم إني بكر وماعنديش خبرة نهائياً ... نستنى في ردودكم

[رجاء2]

ام سعد كيف حالك انتي ليش مش متواجده زي قبل
انا اكويسه والحمد لله بس كنت مشغوله اشوي يوم الخميس كان عندي فرح ويوم الجمعه مشيت لحوش هلي
نسرينا كيف حالك

[ღॐ آية ღॐ]

السلام عليكم
وكل عام وانتم بالف خير
ويارب هل عام يكون عام خير وسعادة
على كل وحدة متمنية الحمل...
ان شاء الله تحمل في هلعام وتجيب العيل الي
خاطرها فيه يااااااااااااارب
ولكل الحوامل ان شاء الله انوضو سالمات احنى والبيبيهات يارب.

[ღॐ آية ღॐ]

ستة ايام ونخش شهري
يارب نخشه على خير
ونجيب بعد ما نحول يااااارب...
دعواتكم يا حلوات...
وربي ينول كل وحدة الي في بالها
اللهم امين..

[رجاء2]

ام سعــــــــــــــــــــــــــــــــــــــــــد ؟؟؟؟

[رجاء2]

آيه انشاء الله ربي يعطيك اللي في بالك وتخشي حوشك وبعدين اتجيبي فيه وانتي في اتم الصحه والعافيه ويفرحك الله بولدك ويخليلك راجلك ...يارب

[ღॐ آية ღॐ]

آيه انشاء الله ربي يعطيك اللي في بالك وتخشي حوشك وبعدين اتجيبي فيه وانتي في اتم الصحه والعافيه ويفرحك الله بولدك ويخليلك راجلك ...يارب
سالمها ياربي
والله دعوتك هادي ليا بدنيا كلها
ربي يبارك فيك
ويكتبلك الخير يارب...
اليوم مشيت لجامع الصقع نبي ناخد اتات للحوش
والله دخت وتكسرو رجليه وروحت
هو مشاء الله السوق تعبة هلبا على قبل وبضعة اشكال الوان وجميع الصنعات موجودة .. لاكن والله احترت ...
نبي رائيكم في الموبيلية بنات انا خاطري فيها لونها فاتحة
يعني كريمة على عاجي شن رايكم ...
انا زواق داري زي ما شفتوها غامقة ونحس الافضل ناخد فاتح
لاكن راجلي قالي الفاتح بطلت موضته ..
نبي رائيكم ورح ناخد برئي الاكترية hwaml7
سعدوني وخيتكم محتاجتكمhwaml15

[رجاء2]

آيه..........كلام راجلك مزبوط لكن عشان اتحلي المشكله خلي فرشه الدار فاتحه

[ميراس]

امليحة انشالله بخير كيف حاللك انت انشالله بخير منين انت ممكن نتعرف

[ميراس]

كل عام والجميع بخير وانشالله هالعام ايخش عليكم بالصحة والهنى وربى يشفى كل مريض واننشااالله ياربى ايفرج على كل مؤمن واللى خاطرها بالحمل انشالله ربى ايبشرها اميييييييييييييييينياربى العالمين

[ميراس]

فى حد منكم يسكن بانجيلا بالعمارات انا نسكن غادى لكن منحكيلكم على الكساد ليا ثلاثة شهور ساكنة ولاريت مخلوق حتى جارتى بالباب اقريب انموت من الكساد

[ليبياقلبي]

السلام عليكم

[ღॐ آية ღॐ]

ميراس انا نسكن في النجيلة
لاكن بنحول خلال هلاسبوعين

[ღॐ آية ღॐ]

انا نسكن في العمرات الي بحدى مركز شرطة جنزو
بحدى السوق ... مش بعيدة على الكناري

[ღॐ آية ღॐ]

وعليكم السلام ليبيا كيف حالك
وطمنينا عليك؟؟

[ღॐ آية ღॐ]

آيه..........كلام راجلك مزبوط لكن عشان اتحلي المشكله خلي فرشه الدار فاتحه

رجاء الله يبارك فيك وحتى هو حل
لاكن هو والحمد لله شبة اقتنع بدار الفاتحة
مشيت لي حوش سيدي وقنعوة
والله الموبيلية الي شفتها اليوم قعدت في خاطري
عجبتني لييييييييييين خلاص
تصوري معها مراية دائرية كبيرة ومعاها علاقة وكرسي لشكماجة
وملحق 5 ادرج ولونها فاتح يشرح الصدر مع خطوط بنية غامقة في كل الزواية
+ان سريرها كبير2في 2
بالله عليك مش تقعد في خاطري اوكان مخديتهاش>>>>> قولولهhwaml9

[ღॐ آية ღॐ]

شبيها من هادي
http://forum.hwaml.com/imgcache2/hwaml.com_1293913214_768.png (http://www.hayah.cc/forum/t20103.html)

[رجاء2]

آيه......لا مادام خاااااااطرك فيها خوذيها وانشاء الله مبروكه وتنتجي فيها ولد تاني على حول الاول

[ღॐ آية ღॐ]

دعواتك
وان شاء الله تكون من نصيبي ..

[رجاء2]

انشاء الله

[رجاء2]

أيه.... ويــــــــــــــــــــــــــــــــــــــــن البنات

[ღॐ آية ღॐ]

والله ماني عارفة
لاكن التجمع كسد هلبا

[رجاء2]

غياب البنات قاعد بشكل واضح والتجمع بطئ في الحركه ومعش فيه هدرزه ولا معلومات ولا حتى نكت

[رجاء2]

وين عيون ..حبل الوصل..ليبيا..ام اسيل ..ام سعد..بوسي ..نسرينا..سوري نام..ام لقمان ..ام ريحان وميمونه....والبقيه

[رجاء2]

من اللي عندها تجربه اوفكرة على علاج يتروجيستان

[ღॐ آية ღॐ]

الله اعلم
بس ندعو يكون المانع خير

[راجيه فرج ربها]

http://forum.hwaml.com/imgcache2/hwaml.com_1293919175_739.gifhttp://forum.hwaml.com/imgcache2/hwaml.com_1293919178_272.jpg (http://imageshack.us)http://forum.hwaml.com/imgcache2/hwaml.com_1293919176_760.gifhttp://forum.hwaml.com/imgcache2/hwaml.com_1293919173_519.jpg (http://3.bp.blogspot.com/_CZo1sV3LEt0/S3Ftp4EIWrI/AAAAAAAAA_g/KETyCG0AZiY/s1600-h/BR10.jpg)

http://forum.hwaml.com/imgcache2/hwaml.com_1293919180_241.jpg (http://www.liquidup.com//index.php?url=aHR0cCUzQSUyRiUyRnd3dy5iYWFuc2FuZ3Bh dGh1bS5jb20lMkZpbWFnZXMlMkZydWVkaSUyNTIwaG9yYmVyJT I1MjBjZCUyNTIwMiUyNTIwMDM1LmpwZw==)
http://forum.hwaml.com/imgcache2/hwaml.com_1293919180_131.jpg (http://www.liquidup.com//index.php?url=aHR0cCUzQSUyRiUyRnd3dy5hcGFydG1lbnR0 aGVyYXB5LmNvbSUyRm9sLWltYWdlcyUyRmxhJTJGdXBsb2Fkcy UyRkJlZHJvb20lMjUyMDFfMS5KUEc=)
http://forum.hwaml.com/imgcache2/hwaml.com_1293919177_868.jpg (http://forum.hwaml.com/imgcache2/hwaml.com_1293919177_868.jpg)
الألوان الدافئة ( الأحمر ، البرتقالي ، الأصفر ) وهي تساعد على ارتفاع ضغط الدم..!!





http://forum.hwaml.com/imgcache2/hwaml.com_1293919180_225.jpg (http://www.liquidup.com//index.php?url=aHR0cCUzQSUyRiUyRnd3dy4zZG0zLmNvbSUy RmZvcnVtJTJGYXR0YWNobWVudHMlMkZmMTY5JTJGMTQxMzVkMT IwMTYyNTMyNi1ncmVlbi1iZWRyb29tLWdyZWVuX2JlZHJvb20t MS0uanBn)



http://forum.hwaml.com/imgcache2/hwaml.com_1293919187_200.jpg (http://www.liquidup.com//index.php?url=aHR0cCUzQSUyRiUyRnd3dy5waWVrbml0cy5j b20lMkZyb29tJTJGcm9vbV90aHJ1ZG9vci5qcGc=)




http://forum.hwaml.com/imgcache2/hwaml.com_1293919186_230.jpg (http://www.liquidup.com//index.php?url=aHR0cCUzQSUyRiUyRnd3dy5uZXd5b3Jrc29j aWFsZGlhcnkuY29tJTJGTllTRGhvdXNlJTJGaW1hZ2VzJTJGa2 lwc2JheXNob3dob3VzZSUyRlAxMDYwNTc1LmpwZw==)
تمتع الألوان الباردة ( الأخضر ، الأزرق ، الأسود ) بمفعول ع**ي .



من هنا ، كان من الأهمية أن نختار بدقة الألوان الطاغية على الأماكن التي نقضي فيها وقتاً كبيراً من حياتنا ومن اهمها غرف النوم ، وهي تعتبر أن الألوان الدافئة التي تتميز بموجات طويلة تنشط حالتنا النفسية ، بينما تتميز الألوان الباردة بموجاتها القصيرة .

ونجد أن الألوان الفاتحة تبعث الراحة في النفوس أكثر من الألوان الداكنة ، أما الألوان القوية فتكون غالباً منشطة ، فيما تساعد الألوان الهادئة على الاسترخاء





http://forum.hwaml.com/imgcache2/hwaml.com_1293919176_790.jpg (http://www.liquidup.com//index.php?url=aHR0cCUzQSUyRiUyRmltYWdlYmFuay5pcGNt ZWRpYS5jb20lMkZpbWFnZUJhbmslMkZjYWNoZSUyRmMlMkZjb2 9sYmVkLW1haW4uanBn)
الأبيض ..!!
رمز الهدوء والنقاء ، يناسب جميع الغرف ، لكنه يترك مسحة من البرودة ، إذا كان نقباً جداً ، وإذا استعمل كلون موحد ، ولتجنب ذلك يمكن أن نستعمل ( الأبيض الملون ) المائل إلى الأزرق ، المائل إلى الأخضر أبيض القمر المائل إلى الأصفر ، وأبيض اللؤلؤ المائل إلى الزهري




http://forum.hwaml.com/imgcache2/hwaml.com_1293919185_478.jpg (http://forum.hwaml.com/imgcache2/hwaml.com_1293919185_478.jpg)
الأخضر
يتميز بكونه لوناً مهدأً ، ومضاداً للتوتر ، يضفي على الجو مسحة من السكون والطمأنينة ، تذكرنا بأجواء الطبيعة ، يناسب جداً غرف الأطفال ، خاصة بتدرجاته الفاتحة والمائلة إلى الأزرق




http://forum.hwaml.com/imgcache2/hwaml.com_1293919173_963.jpg (http://www.liquidup.com//index.php?url=aHR0cCUzQSUyRiUyRmJlZHppbmUuY29tJTJG YmxvZyUyRndwLWNvbnRlbnQlMkZ1cGxvYWRzJTJGMjAwNyUyRj A2JTJGMjMuanBn)
البرتقالي
هو لون دافئ ومشرق ، يفتح الشهية ، ينصح باستخدامه في الأماكن التي نقضي بها وقتا طويلاً . ويفضل أن تكون إحدى الواجهات أغمق من الثلاث جهات ل**ر الملل في اللون .




http://forum.hwaml.com/imgcache2/hwaml.com_1293919182_852.jpg (http://www.liquidup.com//index.php?url=aHR0cCUzQSUyRiUyRnd3dy5jYXNhZGVpdGlu dG9yaS5pdCUyRmltYWdlcyUyRmNhbWVyYS1naWFsbGEtMDEuan Bn)
الأصفر
هو أقرب الألوان إلى الضوء ، يجمع بين الدفء والمرح ، ينشط الذهن ، ويساعد على التركيز ، يتميز بكونه لوناً مثالياً للمكاتب ، ولكن من الأفضل الابتعاد عنه في غرف النوم ، حيث يؤثر بالشكل السلبي في الأشخاص الذين يعانون من الأرق ، اللون الأصفر النقي والمشرق ( بلون الليمون ) أفضل من الأصفر الهادئ . ويلاحظ أنه في الآونة الأخيرة بدت موجة اللون الأصفر فاستخدمه الكثير من الناس في منازلهم ، دون دراسة أو استشارة المختصين ، لذا سرعان ما تبدى لهم بأنه لايطاق ، وبدت عمليات التغيير إلى ألوان أخرى ، وهي تعتمد بالدرجة الأولى على شخصية الإنسان




http://forum.hwaml.com/imgcache2/hwaml.com_1293919184_257.jpg (http://www.liquidup.com//index.php?url=aHR0cCUzQSUyRiUyRnd3dy5jZWx0aWNjYXN0 bGVzLmNvbSUyRmNhc3RsZXMlMkZlYXN0bm9yY2FzdGxlJTJGaW 1hZ2VzJTJGYnJfcmVkYmVkMi5qcGc=)
الأحمر
يتميز بكونه منشطاً ومنبهاً ، يلفت الانتباه ، ويفتح الشهية ، ينصح باستعماله في المطبخ والقاعات التي تستخدم للقاءآت الحميمة ، ولاينصح باستخدامه في غرف النوم ، خاصة بالنسبة للأشخاص الذين يعانون من الأرق ، يضفي اللون الأحمر مسحة من التفاؤل في المكان ، ويفضل أن تتوافق ا**سوارات المكان بهذا اللون ، ويفضل أن تكون مشتقة من الأحمر ، مثل العنابي والبرتقالي ، والبصلي .




http://forum.hwaml.com/imgcache2/hwaml.com_1293919186_520.jpg (http://www.liquidup.com//index.php?url=aHR0cCUzQSUyRiUyRnd3dy5ob3VzZXRvaG9t ZS5jby51ayUyRmltYWdlQmFuayUyRmklMkZJSDA1MDQtMTA4YS 5qcGc=)
الأزرق
هو أفضل الألوان التي توحي بالهدوء والاسترخاء ، يتمتع بمفعول معا** للون الأحمر ، ولذلك ينصح باستعماله في غرف النوم ، وفي الحمامات ، حيث يضفي جواً من النظافة ، ويتميز بغناه وسعة أفقه بالتدرجات اللونية ، انطلاقاً من الفيروزي مروراً بالأزرق البنفسجي وصولاً إلى الكحلي . والمتتبع للكثير من لوحاتي يتبين له مدى عشقي لهذه الأوان الجميلة .
ومن الأفضل تجنب اللون الأزرق الداكن جداً فهو لون بارد ، يضفي ثقلاً على المكان .

[أم سعد]

السلام عليكم

مساء الأنوار

رجاء .. سلمك نشادة .. أهو والله موجودة بس آمس طلعت واليوم طلعت

آية .. كيف حالك .. بالنسبة لدار النوم أنا من رأيك ديريها فاتحة لأن الزواق متاعك غامق

وبعدين لو على الموضة الموضة اطيح وترجع من جديد .. يعني اللي توا مش موضة بعد

شهور يرجع موضة تاني .. وبعدين مادوريش الموضة على قدر مادوري المنظر والإضاءة

هذه وجهة نظري

وين باقي الهدرازات؟؟

:)

[عاشقة الصحراء]

السلام عليكم ياحوامل
نستنى في الرد من أمس ومافيش وحدة اعطتني معلومة مفيدة .. عموماً شكراً وتوا ندور عالإفادة في مكان ثاني ... خليكم مع الموبيليا والأثاث .

[ღॐ آية ღॐ]

السلام عليكم ياحوامل
نستنى في الرد من أمس ومافيش وحدة اعطتني معلومة مفيدة .. عموماً شكراً وتوا ندور عالإفادة في مكان ثاني ... خليكم مع الموبيليا والأثاث .

لا حولا ولاقوة الابالله العلي العضيم
يعني لو كان معانديش معلومة باش انرد عليك لازم ما تلقحي...
حسبي الله ونعم الوكيل.

[ღॐ آية ღॐ]

السلام عليكم
ام سعد كيف حالك اليوم
ورئيك تمام وعندك الحق ...
امشيتي لي موعدك مع الدكتورة
اوكان مشيتي طمنيانا عليك شن قالتلك؟؟

[نسرينا]

السلام عليكم

صباح الخير عليكم


عاشقة الصحراء / معليشي شنو سؤالكم دورت في الصفحات وما لقيتش مشاركتك ،
ولا تزعلي

.

[ღॐ آية ღॐ]

وعليكم السلام
نورتي نسرينا
كيف حالك وشن صاير معاك؟

[نسرينا]

أيه ، صباح الخير

كيف احوالك ، ممكن مازالك 4 ايام علي شهرك .

يارب ان شاء الله على خير ، وربي يسرلك وتخشي حوشك وتجيبي وليدك وتقعدي تفشكي عليهم هههههههه وليد وحوش جديد وقنين

ربي يهنيك يااااااااااااارب

.

[حنين88]

السلام عليكم وكل سنة وانتو طيبات يابناويت

اية وام سعد عتبة مابركة وتخشو حياشكم على خير ان شاء الله
ليبيا قلبي الف لاباس عليك
نسرينا افكار حلوة عجبتني منورة سموحة
واهلين بالجديد معانا

[ღॐ آية ღॐ]

راجية معلومات مفيدة
والله قبل ما نزوق وسط الحوش قريت تأثير الون البنفسجي
على الانسان لاقيت انه افضل لون خصوصاً لوكان هادي ..
وفعلاً للألوان تأثير على نفسيت الانسان..

[نسرينا]

حنين حنين

ليك وحشة والله

كيف احوالك وشنو صار في الوحم طار والا مازال ؟؟

.

[حنين88]

يابنات نبي نروح لليبيا استاحشتها خاطري انشم صنتها ياناس مليت ووووه

مصر ماحبيتهاش بكل بكل ماخشتليش راي مابعدهم كيف ساكنين فيها تعرفو يوميا الشقة انسيقها وتولي غبرة كحلة من جديد والجو الملوث شن هادا

[ღॐ آية ღॐ]

أيه ، صباح الخير

كيف احوالك ، ممكن مازالك 4 ايام علي شهرك .

يارب ان شاء الله على خير ، وربي يسرلك وتخشي حوشك وتجيبي وليدك وتقعدي تفشكي عليهم هههههههه وليد وحوش جديد وقنين

ربي يهنيك يااااااااااااارب

.
صح يا نسرينا ووالله نحسب فيها بساعة والدقيقة
وخيفة هلبا ...
اهم شي عندي والله البيبي يجي سليم ومعافي دعوتكم ليا
وربي ينولك الي في بالك يارب
في القريب العاجل
اللهم امين

[ღॐ آية ღॐ]

السلام عليكم وكل سنة وانتو طيبات يابناويت

اية وام سعد عتبة مابركة وتخشو حياشكم على خير ان شاء الله
ليبيا قلبي الف لاباس عليك
نسرينا افكار حلوة عجبتني منورة سموحة
واهلين بالجديد معانا

وعليكم السلام ورحمة الله وبركاتة
نورتي حنين كيف حالك والله يبارك فيك ..
وشن اخبار الحمل والتعب معاك !ان شاء الله اجرك حاصل
ويارب تشوفيهم بين ايديك وتمر الايام بسرعة وتروحي لي ليبيا
وتقعدي بين اهلك وخواتك يارب..

[حنين88]

وين طار يانسرينتي قاعدا نتعدب والحمد لله توا اني خشي الرابع ومزال مستمر الوحام ربي يستر
حتى الدكتورا لقتني ناقصة زوز كيلو قتلي ((مش معقولة كدا ياحنين انا زعلت منك)) قتلها في خاطري ان شاء تطربقي والنبي ترا فكيني انننااااااااااااااااااااااهاهاهاهاهاهاها

وانتي نسرينتنا شن امورك وشن دايرة

[نسرينا]

ههههههههههههه

أية حي عليك فاولتلك بوليد

زي شوفي فالجهاز بالك وليد والجماعة ما شافوش كويس ههههههههههههههههههه

.

[حنين88]

يارب ان شاء بنت اية تجي سليمة وقنينة ومعافاة يارب وناكلو عصيدتها بالزبدة والعسل ................اللله محلاها سخونة تسهف انننااااااااااااااااااااااهاهاهاهاهاهااها

[نسرينا]

هههههههههههههههههههههههههههههههههههههههههههههههههه ههه

وااااااااااااااااااااااااااااااااك ضحكتيني يا حنين

اخس عليك اخس دي الدكتورة زعلها وحش

هههههههههههههههههههههههههههههههههههههههههههه


.

[ღॐ آية ღॐ]

السلام عليكم ... أنا من طرابلس وحامل في نهاية الشهر الثاني ونبي نفتح ملف في مستشفى الخضرا لأني سمعت عليه انه كويس ونظيف بالذات توا بعد ماصار نظام عيادات... من منكم ولدت في الخضرا وكيف كانت الخدمات وكم كلفتها الولادة غادي ... مع العلم إني بكر وماعنديش خبرة نهائياً ... نستنى في ردودكم

هدا السؤال يانسرينا>>
اناوالله ماعندي معلومة
ان شاء الله البنات يفيدوك ..
وان شاء الله تولدي على خير

[ღॐ آية ღॐ]

لا يانسرينا لاء لاء لاء
قالولي بنية وأكدولي ان شاء الله
وشرينا الحويج كلهم بودري
والي يجي من ربي يا محلاة وحتى لو جي ولد والله بادن لله لما يلبسهم
مايقعدوش في خاطري
حنين بارك الله فيك على الدعوة الطيبة
ومرحبتين بيك اتانسي واحلى عصيدة لي احلى بنات في التجمع..

[ღॐ آية ღॐ]

انا حتى من الخرصات خديتهم
ماما تقولي اوكان جي ولد لابسيه بودري عادي مايقعدش في خاطرك
لاكان ردي بالك اديريله خراصات
اتقول بالك بنتي تهبل وديرهآ hwaml7
هههههههههههههههههه

[حنين88]

كان انقولكم يابنات امس صارلي موقف مع راجلي اخيييه بايخ بايخ لين خلاص وممكن وحدة منكم صاير معاها ....الله اعلم عاد !!!!

المهم الموقف هوا :- امس مقعمزين نتغدو وكان راجلي جايب رمان فترشتله صونية وحطيتها مع الغدي وتغدينا والامور تمام وصلنا في الرمان وهوا ياكل شوي انشوف في الراجل يطلع من فمه شعرة هكي طولها طبعا من شعري ياناري هوا ماقال شي ولا علق لكن اني تحشمت مش عارفة كيف ماشفتهاش اخيييه اول مرة في حياتي وووه حشمة وخلاص !!!
موقف ولا يابنات ؟؟؟ انناااااااااااااااهاهاهاهاهاهاهاها

[ღॐ آية ღॐ]

نسرينا ربي يرزقك بلولد الصلاح يارب
حلو لما يجي البكر ولد خصوصا لما يجي يشبه بوة ..
وبعدين ربي يرزقك بي بنوته حلوة تشبهلك ..
اللهم امييييييييييين

[ღॐ آية ღॐ]

عليك موقف يا حنين
لاكن عادي تصير
مش يبو الشعر الطويل يتحملو
وبعدين في بداية الحمل الشعر يطيح هلبه
قوليله معليش على خاطر الصغار ..

[نسرينا]

هههههههههههههههههههههه
حنين

عادي عادي ههههههههه ديري روحك حوله ؛؛ هههههههه متعدليش . واصلا عادي انتي مرته واكيد بتصير حاجات زي هكي .....هههههههههههههههههههه فوتي فوتي وكأنه مش انتي ههههههههههههههههههههههههههههههههه بس نتخيل في منظرك كيف هههههههههههههههههههههههههههههههههههههههههههههههههه ههه

[نسرينا]

أية مشكورة على دعواتك الحلوة
ربي ينوسك بعويلتك ويهنيك ...

ربي يسمع منك ياااااااااااااااااارب

وعلى فكرة لو درتي اسبوع وعزمتيني والله نجيك هههههههههههههههههه ما عندكش مشكلة


.

[نسرينا]

فيه غياب ان شاء الله خير

عيون زوجي / شكلك محتفلة بالسنة الجديدة ، اني انقول انك رفعتي ولدك لتونس ، في جميع الاحوال ان شاء الله خير .
تيمو ليبيا / يا عرب ماليزيا ، يا ودي الشقة الجديدة ما عجبتنيش من يوم حولتيلها معادش شفناك زي قبل .
لوللللللللللللللللللي / جماعة الخليج وينك / زعما روحتي ،؟ والا مشيتي للإمارات ؟
سورينام / بكل مختفية على الاخر
حبل الوصل / خير يارب
ام ردينه / شكله الصقع عامل عمايل فيك .
ام سعد / شنو ؟؟ قررررررررررررررررررررررررربت ؟ والا اماليك روحوا من السفر ؟

.

[ღॐ آية ღॐ]

ربي يسلمك نسرينا
والله تستاهلي كل خير
وان شاء الله بندير سبوع في الصالة بادن لله
وبنعزمك اكييييييييييييد ووالله جيتك حتفرحني
هلبا هلبات..

[ღॐ آية ღॐ]

والله مخلين مكانهم لين خلاص
ومساتحشينهم هلبا
بنسبة ليا عندي هدا الاسبوع بس نقدر نخشش الاسبوع الجاي
بنحول للحوش الجديد ومعنديش خط تيلفون
والله اعلم امتى نقدر نخش تاني ....
يارب يخشو قبل ما نحول

[poucie]

السلام عليكم يا حلوات ازيكو وعاملين ايه قلبناها مصري هههههههههه خلي نأخدو بخاطر حنين انونسوها شوية هههههههههههههه
ايه تعرفي دارك عجبتني هلبه انشاء اتحولي لحوشك وتتهني بيه وتجيبي بالسلامة يا رب
نسرينا شن الاخبار حتى انتي الديكورات اللي مخترتيهم حلوات الادرج المعلقة حتى اني امدايرة زيهم في الشقة تواء وحتى لما يكمل الحوش انشاء الله ناوية انديرهم انقولك سر اني بصراحة خنبت فكرتهم من وحدة عارضة ديكور شقتها في منتى الفراشة يلا شادينها سطو وخلاص هههههههههههه
حنين معليشي عادي كله بأجرة سايوره كل شئي يتم فات الكتير وماقعد غير القليل انشاء الله ربي يتمملك على خير
حبل الوصل/ عيون / تيمو/ راجية/ام اسيل/ام روفيدة انشاء الله كلكم اتكونو كويسات يا رب

[ღॐ آية ღॐ]

بوسي نورتي والله يبارك فيك
وعيونك هيا الي حلوة والله
وليك وحشة...

[poucie]

تسلمي يا ايوتة كلك ذوق

[poucie]

شن غذاكم اليوم والله حائرة شن نبي انطيب ؟؟؟

[أم سعد]

السلام عليكم

نسرينا .. أنا موجودة وأهلي مش مروحين لنهاية الشهر تخايلي ... يعني نكون خاشة شهري

نخمم كان نجيب قبل وقتي وهم مش موجودين ... نهار أبيض كان هذا

آية ... كيف حالك.. مشيت للدكتورة وطمنتني قتلي وضعك طبيعي جدا وكل أمورك تمام والحمد لله

حنين .. ربي يعينك إن شاء الله

كيف حال الجميييييييييييييييييييع؟؟؟

[عاشقة الصحراء]

كيف حالكم ياصبايا ... يا حوامل

آية آسفة جداً مش قصدي نهائياً التلقيح ... وتسلمي على السؤال يانسرينا والله متحشمة منكم ..
أكيد عاذريني والله الوحام مخليني على أعصابي ومن أبسط حاجة تنترفز ومافيش حد فادني بحاجة ..
تعرفوا يا حوامل تعبانة هلباااااااااااااا .. طبعا تعبي عصبي يعني الوحام جايني عالبكي والكآبة ومش متحملة نشوف راجلي ولا نسمع حتى صوته وحوشي نروح له بالسيف ويخنق فيا ... من ناحية تانية ماعنديش ترجيع ولا حتى حاجة .. وامبارح بايته عند أهلي ويمكن حتى اليوم ..
ادعولي بالله عليكم يفوت هالوحام علي خير والله بنهبل ...
وآسفة مرة تانية

[عاشقة الصحراء]

على فكرة قررت نفتح ملف في عيادة المختار عند دكتورة ممتازة اسمها "إيناس " لما كنت بنت وعندي مشاكل في الدورة كنت نمشيلها وامبارح تذكرتها والحمد لله خلاص قررت .

[ღॐ آية ღॐ]

كيف حالكم ياصبايا ... يا حوامل

آية آسفة جداً مش قصدي نهائياً التلقيح ... وتسلمي على السؤال يانسرينا والله متحشمة منكم ..
أكيد عاذريني والله الوحام مخليني على أعصابي ومن أبسط حاجة تنترفز ومافيش حد فادني بحاجة ..
تعرفوا يا حوامل تعبانة هلباااااااااااااا .. طبعا تعبي عصبي يعني الوحام جايني عالبكي والكآبة ومش متحملة نشوف راجلي ولا نسمع حتى صوته وحوشي نروح له بالسيف ويخنق فيا ... من ناحية تانية ماعنديش ترجيع ولا حتى حاجة .. وامبارح بايته عند أهلي ويمكن حتى اليوم ..
ادعولي بالله عليكم يفوت هالوحام علي خير والله بنهبل ...
وآسفة مرة تانية
عاشقة الصحراء
ربي يفوت مرحلة وحامك على خير
وكلها فترة وترجعي زي قبل انا في وحمي كرهت حوشي
وكرهت حتى نفسي وراجلي لاكن حاولت ما نبينلاش
تصدقي مسكين كنت في حوش بوي بايته يتصل ينشد عليا
وبعد ما يسكر يجيني غثيان فضيع وحشاك نرجع على طول
وبعدين الحمد لله بعد الرابع رجعت زي ماكنت ورجع حبي لية ولي حوشي والحمد لله
ربي يكون في عونك يارب وربي يتبت حملك ومتهمليش نفسك وصحتك اهم شي صحتك وصحت الجنين..
..ولا تنسى ان الله لا يكلف نفساً الا وسعها ..
وان شاء الله اجرك حاصل

[ღॐ آية ღॐ]

مصحة المختار ممتازه فيها الدكتورة رانيا مشاء الله عليها
اسالي عليها وربي يتمملك على خير.

[poucie]

اختي عاشقة الصحراء بالنسبة لمستشفى الخضراء بصراحة وعن تجربة خدماتهم اكثر من ممتازة اني جبت فيه بنتي من تقريباً سنة ونصف عنايتهم كويسة واهتمامهم بالمريض رائع مع العلم اني جايبة بالعملية والله يتمملك على خير

[ღॐ آية ღॐ]

بوسي انا غداي مكرونة صالصة
ام سعد الحمد لله وربي يتمملك حملك على خير يارب
وانا بخير والحمد لله معاد اني معادش نقدر انقعمز يا متسطحة يا نتمشى في الحوش
لان ضهري يوجع فيا ..
وربي يكتبلنا الاجر.

[عاشقة الصحراء]

تسلمي يا آية وربي يخليك يارب والله متحشمة منك فوق ماتتصوري .. جت فيك انتي اليوم ههههههههههه .. واختي بوسي الله يخليك يارب عالإجابة وياريت بس لو تقوليلي سعر الولادة الطبيعية في الخضرا والعملية .. وربي يجزيكم كل خير

[عاشقة الصحراء]

صحيح نسيت نسألك يا آية الوحام تم منك في نهاية الثالث ولا قعد للرابع .. طمنيني بالله عليك اني قريب نخش الثالث ونطمن في روحي ان خلاص هانت شهر ونرتاح ...
وعلى فكرة سهفتيني في المكرونة صلصة وبالذات كان حارة .. اممممممممممممممممم حاجة مش عادية هههههههههه.. اني اليوم من الصبح خاطري في فتات وبنته في فمي .. كلمت صاحبتي قلتلها تديرلي فتات لأني مانقدرش حتى نخش للمطبخ وأمي ماتعرفش تدير خبزته ... والله جو تشرد وخلاص ههههههههههه

[poucie]

تسلمي يا آية وربي يخليك يارب والله متحشمة منك فوق ماتتصوري .. جت فيك انتي اليوم ههههههههههه .. واختي بوسي الله يخليك يارب عالإجابة وياريت بس لو تقوليلي سعر الولادة الطبيعية في الخضرا والعملية .. وربي يجزيكم كل خير

بالنسبة لسعر العمليه 1000 د.ل اما بالنسبة للطبيعي تقريباً كان صدقني ربي هو 350 د.ل وانشاء الله تجيبي طبيعي وتفتكي من سريب العمليه

[عاشقة الصحراء]

صحيح يابنات عندي سؤال : تحسوا ان ريحة وطعمة فمكم متغيرة في الحمل ولا غير اني نوسوس.. باعتبار اني نحب نهتم هلبااااااااااااا بنظافة فمي وعلي طول المعجون والخيط لكن من لما حملت نحس كأن فيه ريحة في فمي .. والموضوع مقلقني هلبا..

[عاشقة الصحراء]

تسلمي عالرد يابوسي وربي يريحك يارب ... نبي نعرف انتي من امتى بالضبط عرفتي انك بتجيبي بعملية ... قصدي من أما شهر قالولك ولا هكي فجأة دخلوك للعمليات ؟؟؟
سامحيني كترتها عليك لكن والله مانعرف حاجة ونبي نستفيد من تجربتك وليك الأجر ... وحقا شن صار في الغدي شن طيبتي ؟؟؟ ههههههههههههههههه

[ღॐ آية ღॐ]

عاشقة الصحراء معليش جت فيا ما جتش في حد برانيhwaml7
وبنسبة للوحام قعد معاي لرابع ومع بداية الخامس طار والحمد لله
وبنسبة لطعم فمك ننصحك بمستيكة المينتة او الحلوة الحارة
لاني في وحامي كنت نكره طعم ريقي وهدا يساعد على انتعاش ريحته
حتى لو مقدرتيش تاكليها خليها شوية وبعدين لوحيها
وفيه نعناع بخاخ في الصيدلية نستعمل فيه حتى اليوم
ننصحك اشري منه وخليه ديمة في شنطت ايدك ..
وان شاء الله مرحلة ورح تفوت على خير
وبنسبة لصالصه ياريتك جارتي لوكان هدا راني حسبتك في صونيه
ودرتلك العشى فتات مسقى يعجبك ,

[عاشقة الصحراء]

ربي يخليك ياااااااااااااااااااارب والله قمة الذوق انتي ... وتشرفت جدا جدا اني عرفتك . وبالنسبة للبخاخ عندي نستعمل فيه ويمكن اني موسوسة .. وربي يخليك عالصالصة كإني كليتها والفتات اوووووووووووووو ياريت يجيني عالعشي اليوم والله هبلني .. على فكرة مادام تعرفي تديري فتات حتكوني من الجبل .صح ؟؟؟

[ღॐ آية ღॐ]

عاشقة انا اصلي تاجورية
بس مرت خوي من الجبل وتعلمت منها الفتات
وبديت ندير فيه هلبا لان راجلي
بدي يحبة ..وانتي من وين
وانا تشرفت بيك اكتر...

[عاشقة الصحراء]

بالجودة ياستي .. أنا من الطوارق من أوباري جنوب ليبيا .

[أم سعد]

آية ... حتى انا غداي صالصة ههههههههههههههههههه

عاشقة الصحراء ... أهلا وسهلا بيك نورت التجمع وبالجودة ان شاء الله

:)

[ღॐ آية ღॐ]

عاشقة بجودة
واهلا بيك بين وخياتك.
وربي يتمم حملك على خير
ام سعد مش متفقين اننا توأم سبحان لله .
ان شاء الله بصحة والعافية عليكم..

[عاشقة الصحراء]

صباح الخير يا أمهات المستقبل انشالله على خير ... كيف حالكم اليوم انشالله تكونوا بخير .
تسلمي يا أم السعد واني سعيدة جدا نكون معاكم وربي يخليك انتي وآية اللي اعتبرتها من البداية قمة الذوق وانشالله ربي يتمم لكل حامل على خير ويثبت حملها ويقومها بالسلامة يااااااااااارب.
شن فيه جديد اليوم ؟؟؟

[نسرينا]

صباح الانور

عاشقة / كيف حالك اليوم ؟ ربي يصبرك عالوحم ويسهلك الحال .

[نسرينا]

ميمونة / شنو اخبارك وليك وحشة كبيرة والله

ان شاء الله الحجامة تجي عليك بفائدة " واني متأكدة " ان شاء الله ربي يرزقك بتؤام امين يارب العالمين .
و سؤال / وين مشيتي حجمتي ؟؟؟ ،
لاني قاعدة نستنى في الدورة امتى تنزل ناوية بنمشي اندير حجامة ، وقالولي على مصحة جنب مصحة الفتح يشكروا فيها هلبة .

.

[ميرنا]

كل سنة وانتن بخير يا بنات ان شالله سنة مبارك على الجميع

[نسرينا]

وعليك يا ميرنا
وبجاه النبي تكون السنة هادي فاتحة خير عليك وليك وربي يرزق بالحمل العاجل
آآآآآآآآآآآآآآآآآآآمين يارب العالمين

.

[ღॐ آية ღॐ]

صباح الخيرات
كيف حالكم اليوم بنات
مع الصقع والامطار الغزيرة مشاء الله
سبحان الله كل منقول بنمشي لسوق تصب المطر
يوم تاني ان شاء الله..

[نسرينا]

خيرات يا أيه

امطار ما شاء الله ههههههههههه خيرها في غيرها

اني امس طلعت خذيت ثريا للممر . حلووووووة ورخيصة وكريستال اللي يحبهم قلبك يا أية ..

وين وصلتي في الاثاث شنو خذيتي و شنو خليتي ؟؟؟

.

[رجاء2]

السلام عليكم ورحمة الله وبركاته
نسرينا كيف حالك ...انا نفس الشئ الدوره فات موعدها ليه 8 ايام
وانا درت تحليل حمل من 10 ايام فاتو. بس طلع التحليل سلبي والدكتور كان صرفلي دواء (يتروجيستان)هو مثبت حمل واذا كان مفيش حمل ينزل الدوره بعد التوقف عليه ب3الي5 ايام وانا سيبته ليا عشر ايام والدورة مانزلتش ...الي عندها على الموضوع فكره اترد عليا

[نسرينا]

اهلين رجاء

والله ان شاء الله خير ، بس نقولك

اني لما خذيت الابرة قعدت بعدها ب 22 يوم باش نزلت الدورة .
لكن لازم تعاودي التحليل عشان تطمني
وشبء ثاني انتي المرات اللي فاتوا اللي خذيتي فيهم الكلوميد والابر المنشطة والابرة التفجيرية بعد كم يوم نزلت الدورة ؟؟؟

.

[رجاء2]

انا لما ناخذ ابر منشطه تقعد 14 او 15 يوم وتنزل.. لكن الدوره الاخيره كانت 27\11\ يعني موعدها فات

[رجاء2]

على فكره انا ابرة التفجير خذيتها عاشر يوم من الدورة الاخيره يعني يوم 6\12 يعني توا لها 29 يوم

[الايمان]

عادي يا رجاء ديري تحليل توا ان شاء الله حاااااااااااااااااااااااااااااامل

[عاشقة الصحراء]

مساء الخير يانسرينا كيف حالك وشن جوك مع المطر والرعد اليوم ؟؟؟ وآية الحلوة اللي تبي تطلع للسوق معليشي مش وقته اليوم بالذات ان فيه مباراة وتعرفي الحالة اللي تصير . اليوم مش يوم طلوع بكل ... كان خاطري نطلع في الليل نتعشى برا لكن مش اليوم .. معليشي

[عاشقة الصحراء]

نسرينا ممكن نعرف شن مشكلتك ؟؟؟ وعلاش تاخدي في الابر ؟؟؟ عندك تكيس في المبايض ؟؟؟

[عاشقة الصحراء]

آية وينك اليوم ؟؟ كيف حال ضهرك ؟؟ وشن درتي غداك اليوم ؟؟؟ نحس في تطييبك حلو ...هههههههههه

[ღॐ آية ღॐ]

عاشقة الصحراء
الله يسلمك حالي باهي والحمد لله
وضهري والحمد لله احسن بشوية
سلمك نشادة ياربي.
غداي اليوم رز مسقي..
وانتي شن مدايره غداك؟
وشن اخبار الوحم معاك؟

[ღॐ آية ღॐ]

خيرات يا أيه

امطار ما شاء الله ههههههههههه خيرها في غيرها

اني امس طلعت خذيت ثريا للممر . حلووووووة ورخيصة وكريستال اللي يحبهم قلبك يا أية ..

وين وصلتي في الاثاث شنو خذيتي و شنو خليتي ؟؟؟

.
مساء الانوار يا نسرينا
مبارك عليكم التريه
وان شاء الله بزيادة..وبنسبة للترية الي خديتها وحطيت صورتة
راهي بي 250 وكريستال اصلي مش بي 350خديتها من محل في سراج.
امس كملنا فيهم وبيركبوهم يوم الاربعاء ان شاء الله
خديت مدخل ومكتبة للتليفزيون ودولاب مهني
وان شاء الله الاسبوع الجاي بناخدو الموبيلية ودار ايوب ..

[ღॐ آية ღॐ]

السلام عليكم ورحمة الله وبركاته
نسرينا كيف حالك ...انا نفس الشئ الدوره فات موعدها ليه 8 ايام
وانا درت تحليل حمل من 10 ايام فاتو. بس طلع التحليل سلبي والدكتور كان صرفلي دواء (يتروجيستان)هو مثبت حمل واذا كان مفيش حمل ينزل الدوره بعد التوقف عليه ب3الي5 ايام وانا سيبته ليا عشر ايام والدورة مانزلتش ...الي عندها على الموضوع فكره اترد عليا
وعليكم السلام ورحمة الله
رجاء والله ما عندي معلومة
بس حبيت ندعيلك ربي يكتبلك حمل في القريب العاجل
ويارب ياااااااااااااارب تكوني حامل وتبشرينا قريبا يارب..

[عاشقة الصحراء]

تسلميلي يا آية ... اني غداي اليوم فاصوليا ومدايرة الفترة اللي فاتت مسير ومخلل لفت سفناري وكرمب وملفوف .. جنبها طلعوا حاجة روعة واني عاد جايتني عالحار والمالح استمتعت بيها هههههههههه ... الوحام زي ماهو وربي يصبر راجلي وخلاص .. المشكلة يابنات انه مايحبش نبات برا حتى عند اماليا .. بتت عندهم اول امبارح وامبارح تقولي ليا سنة برا الحوش يديرلي في جو الحوش من غيرك مش حلو وحرام عليك تخليني بروحي .. في خاطري والنبي اكرهني هالفترة وخليني نمشي وعادي مسامحاتك هههههههههههههه

[عاشقة الصحراء]

انشالله بالصحة عليك يا آية اللي شريتيه لحوشك وحتى انتي يانسرينا وربي يعطيكم أكتر وأكتر نتمنى نهتم شويا بحوشي والله الفترة هاذي كارهاته بشكل غير عادي ونشم في ريحته حاشاكم تقتل فيا قتل مع ان مافيه شي .. نشريله عينه لا تريات ولا غيرهم هههههههههههههههه انشالله يفوت الوحام بسرعة ونتكم حوشي شويا لأن فيه نواقص
واللي مريحني شويا ان الاسبوع انشالله كان ربي فرج عليا وجبت على خير بنديره في حوش أهلي لأنه كبير وبندير لمة وحدة وعشي كبير ومانبيش سريب المشي والجي لأن عندي قراية .ادعولي

[ميمونة]

لسلام عليكم شن الأموركم
نسرينا شن حالك والله توا كيف قالتلي آيه
وخشيت من النقال علي خاطرك باش تعرفي
المهم أنا حجمت عند عواطف الطبال في سوق الجمعة يحط إيديتها في الجنة
سمعت باحجامة اللي جنب الفتح بس ماأرتحتش ليها

[عاشقة الصحراء]

حقا يا آية بنعترفلك بحاجة ( مش اني اللي درت الغدي )) لأن ريحة المطبخ والماكلة مش متحملتها بكل عزوزتي تطيب وتبعتلي .. ادعو ربي يخليها ويطول في عمرها والله ماتخلي فيا ندير حتى حاجة ... والله حتى حوايجي وحوايج راجلي هي تغسل فيهم

[ღॐ آية ღॐ]

حقا يا آية بنعترفلك بحاجة ( مش اني اللي درت الغدي )) لأن ريحة المطبخ والماكلة مش متحملتها بكل عزوزتي تطيب وتبعتلي .. ادعو ربي يخليها ويطول في عمرها والله ماتخلي فيا ندير حتى حاجة ... والله حتى حوايجي وحوايج راجلي هي تغسل فيهم

مشاء الله ربي يحفضهالك ياربhwaml7
شكلها طيوبة زي ماما
ربي ما يحرمكم من بعض وديري بالك عليها وحطيها في عيونك
لان نادر تكون العزوزه حنينه هكي.

[ღॐ آية ღॐ]

تسلميلي يا آية ... اني غداي اليوم فاصوليا ومدايرة الفترة اللي فاتت مسير ومخلل لفت سفناري وكرمب وملفوف .. جنبها طلعوا حاجة روعة واني عاد جايتني عالحار والمالح استمتعت بيها هههههههههه ... الوحام زي ماهو وربي يصبر راجلي وخلاص .. المشكلة يابنات انه مايحبش نبات برا حتى عند اماليا .. بتت عندهم اول امبارح وامبارح تقولي ليا سنة برا الحوش يديرلي في جو الحوش من غيرك مش حلو وحرام عليك تخليني بروحي .. في خاطري والنبي اكرهني هالفترة وخليني نمشي وعادي مسامحاتك هههههههههههههه

شكلة زي راجلي ربي يحفضهولك وميحرمكم من بعض
يقولو الي تتوحم على المالح والحار تجيب ولد والله اعلم .
بس نصيحة متكتريش من الحار والمالح ..

[ღॐ آية ღॐ]

انشالله بالصحة عليك يا آية اللي شريتيه لحوشك وحتى انتي يانسرينا وربي يعطيكم أكتر وأكتر نتمنى نهتم شويا بحوشي والله الفترة هاذي كارهاته بشكل غير عادي ونشم في ريحته حاشاكم تقتل فيا قتل مع ان مافيه شي .. نشريله عينه لا تريات ولا غيرهم هههههههههههههههه انشالله يفوت الوحام بسرعة ونتكم حوشي شويا لأن فيه نواقص
واللي مريحني شويا ان الاسبوع انشالله كان ربي فرج عليا وجبت على خير بنديره في حوش أهلي لأنه كبير وبندير لمة وحدة وعشي كبير ومانبيش سريب المشي والجي لأن عندي قراية .ادعولي

الله يسلمك والعقبة ليك..
فترة وتفوت على خير ان شاء الله وترجعي تحبي حوشك
وربي يوفقك في دراستك ..

[عاشقة الصحراء]

تسلميلي عالردود الحلوة زيك يا آية وربي يعطيك كل اللي في بالك .. انتي حامل في أما شهر ؟؟
وبالفعل زي ماقلتي نعتبر أمي راضية عليا بعتلي عزوزة زي اللي عندي ربي يبعت لكل بنت زيها ياااااااااااااااارب ويخليلك راجلك ويزينك في عينه أكتر وأكتر

[ღॐ آية ღॐ]

اللهم اميييييييييييييييين يارب
انا في نهاية التامن
اربع ايام ونخش شهري ان شاء الله

[عاشقة الصحراء]

ربي يتمملك علي خير ياااااااااااااااااااارب ... وتقومي بالسلامة انشالله وتفرحينا وتحكيلنا على تجربتك بالتفصيل ... لكن مش تركبيلنا الرعب هههههههههههههههههههههه اني من توا خايفة

[الهندية]

مساء الخير
كيف حالكم ياليبيات المنتدى كل عام وانتو بخير بمناسبة العام الجديد انا بنتى عمرها 10 شهور بس والدورة مجتنيش من قبل 16-11 مجتش درت تحليل دم مرتين ونطلع مش حامل
لعند مجتنى دوخة قوية والفار لعب فى عبى من جديد مشيت لنفس معمل التحليل وقتلهم انى حللت مرتين فدارلوى تحليل دم وقالولى هو جهاز يطلع النسبة بالمزبوط
وفعلا طلعت حامل انا مضايقة شوية ونفسيتى زى الزفت نحس فى الوقت مازال وموش عارفا شنو اندير لااعتراض على حكمة الله عذابى فى بنتى قاعدة منسيتش
اشتقت للتهديرزة معاكم يابنات

[ღॐ آية ღॐ]

اختي الهندية الف مبروك الحمل وربي يتبته ويتمملك على خير
وبنقولك هادي حكمت ربي واكيد الي يجي من ربي يا محلاه
ولو كنتي ترضعي فيها طبيعي وقفي رضاعة فوراً..
حتى انا حملي هدا جي هكي
وكنت نبي نستنى لين يسكر ولدي سنتين على الاقل
لاكني حملت وهو عمره سنه وشهرين والحمد لله لما نجيب حيكون عمره سنتين ..
وبنتك حتكون سنه وعشرة شهور يعني باهي ..
افرحي بلحمل ومتغششيش عمرك لانه رح يرجع بضرر عليك وعلى الجنين..
واهلا بيك في التجمع ..

[ღॐ آية ღॐ]

هندية كيف حالك مع اهل زوجك؟؟
طمنيني عليك انا قريت قصتك وتئترت يارب تكون الامور بينكم كويسه؟

[ميمونة]

آيه أنت هنا وأنا ندور فيك
تعرفوا اليوم أنا بأيام تبويض ونزل مني نقطة دم مع كدرة زعمه هذه علامة عالتبويض الكويس
وعندي وجع زي الدوره

[ميمونة]

هندية شن حالك ومبارك الحمل
أحمدي ربي توا يسهلها ويفتحها عليك إنشاءالله بوجه البيبي يارب

[ღॐ آية ღॐ]

ميمونة لفيت وجيتك بلخبر اليقين بأدن لله
ابشرك هادي علامة من علامات التبويض الممتاز
ويارب يارب هدا الشهر تبشرينا بلحمل التابت السليم
اللهم امين

[الايمان]

الف مبروك يا الهندية واحمدي ربك نعلرف وحدات جابن اول عيل وبعدها معاش جابوا وعاينوا وحالتهم حاله والعقبال رجاء2 والعقبالي يااااااااااااااااااااااااااااااااااارب
ام اسيل وينك

[الايمان]

وين بنات بنغازي يجاوبني علي سؤالي في اي احسن عيادة اهليس ولا عيادة ايمان بوطلاق عشان نفكر في الزرع
ميرنا انا عرفت انك عديتي لايمان بوطلاق شن صار معاك

[أم سعد]

السلام عليكم

كيف حالكم كلكم كلكم

[نسرينا]

صباح الخير

يومكم مبارك

اول شيء / شكرا اية بارك الله فيك والله يفتح عليك

وألف شكرا ميمونة ، لآنك خشيتي عشان خاطري وجاوبتيني ، ان شاء الله باذن الله اول ما تنزل الدورة حناخذ منك العنوان بالضبط عشان نمشيلها .
ميمونة / والله فرحتلك وان شاء الله تكون علامات تبويض اكيدة اقسم بالله حسيت كأني اني وكأنك جيتي وقلتي اني حامل
ربي ما يضيعلك تعب ويجبر خاطرك ويفرح قلبك انت و زوجك وكل من يحبك
و ما يفوت هالشهر الا وانت امبشرتينا بالحمل يااااااااااااااااااااارب العالمين

وان شاء الله كل يوم تكون فيه بشاير واخبار حلوة وحمل و ولادات على خير يارب .

والعقبال لكل وحدة تتمنى

امين

.

[نسرينا]

يا بنات نبي نسألكم في شيء

اني ما عنديش بطن ، يعني حاجة بسيطة ، بس الفترة هادي حاسة بطني طالعة اكثر من قبل ، وحاجات كنت نلبس فيها عادي من 20 يوم الايام هادي بديت نحس فيها ضيقة على بطني هلبة ، يعني اضايق فيا بشكل كبير .

مع العلم اني منتعشاش ابدا يعني كل عشاي زبادي او حليب و تمر يعني عشي خفيف جدا جدا
طارتلي ، حتى حماتي لاحظت قالتلي قبل ما فيكش بطن وانت ما سمنتيش قاعدة زي ما انتي لكن بطنك طالعة

مشكلة هذا مسيبة العشي وهكي

.

[عاشقة الصحراء]

صباح الورد والفل والياسمين عالموجودات توا واللي مازال متدفيات في السرير ههههههههههههه
كيف حالك اليوم يا آية ؟؟ وكيف حالك يانسرينا ؟؟ انشالله تكوني بخير يارب .بالنسبة لبطنك يمكن يكون السبب من شرب الغازات وشرب السوائل مع الأكل حتى هي تطلع البطن يعني زي مايقولك اني نحب نعدي بمشروب هذي عادة غلط ..

[نسرينا]

مراحب / عاشقة
صباح الخيرات و يومك طيب

تعرفي لو نقولك الغازات ابدا ما نشربش فيهم والله ممكن من العيد الكبير ما شربت طاسة مشروب كاملة ، ما عنديش عليه بكل بكل و ما اندورش فيه ولا حتى العصائر الجاهزة حدي حد المية و الله مرات ننسى فيها بكل .

[عاشقة الصحراء]

1- كثرة الدهن فى الجدار الأمامى للبطن وضعف عضلات البطن والظهر.
2- قلة الحركة والخمول وكثرة النوم والجلوس والاسترخاء والكسل.
3- ابتلاع الهواء أثناء تناول المشروبات والأطعمة بسبب الاستعجال فى الأكل مما يؤدى لكثرة الغازات فى المعدة والأمعاء.
4- النوم بعد العشاء مباشرة وعدم تنظيم أوقات الوجبات.
5- التدخين والشيشة مما يؤدى إلى كثرة دخول الهواء.
6- كثرة شرب المشروبات الغازية والمياه والبيرة وخصوصاً أثناء الوجبة.
7- التركيز على تناول وجبة كبيرة دسمة فى اليوم وإهمال الوجبات الأخرى.
8- كثرة تناول الوجبات الجاهزة وعدم مضغ الطعام والاستعجال فى تناول الطعام.
9- الإكثار من الوجبات النشوية والسكرية والدهنية.
10- وجود ضغوط نفسية أو قلق يؤدى لكثرة الأكل والتهامه بكميات كبيرة.
11- أمراض القولون وتجمع السوائل فى التجويف البطنى.
12- كثرة رفع الأشياء الثقيلة بطريقة عشوائية تؤدى إلى هبوط البطن والأمعاء.
13- التغذية العشوائية للحامل وعدم ممارسة التمارين أثناء الحمل وبعد الولادة.
14- كبر السن مما يؤدى لضعف العضلات والأعضاء الداخلية.
15- ترسب الدهون على الأحشاء الداخلية للبطن مما يزيد حجم المعدة والأمعاء.
علاج كبر البطن
- عدم استخدام المراتب والفرش الناعمة بككثرة أثناء النوم لأنها تضعف عضلات البطن وتقوس الظهر.
- يجب أن تكون الركبتان أرفع من مستوى وسسط الجسم "الحوض" عند الجلوس على كرسى.
- يلزم عمل تمارين التنفس والاسترخاء. - يلزم المشى بعد العشاء ويحذر من النوم بعد الأكل مباشرة.
- يلزم القيام بتمارين لتقوية عضلات الظههر والبطن والفخذ الخلفية.
- اسحب عضلات البطن مع الزفير فى كل وقت وفى أى مكان فهو يحسن القوام.
- تحسين القوام مهم جداً للتخلص من كبر االبطن والطريقة فى الوقوف، قف معتدلاً وظهرك ملاصق للجدار، يجب أن تلامس الجدار بالأطراف التالية: الكعب، المقعدة، الكتفين، خلف الرأس.
- اتبع النصائح الغذائية التى يلى توضيحهها:
يلزم الحذر من النوم على البطن فهو من أسوأ العادات وقد حذر منه الرسول عليه الصلاة والسلام.
تعود أن تقف معتدلاً.

[عاشقة الصحراء]

نسرينا هذا موضوع جبته على خاطرك ... انشالله يفيدك يارب

[نسرينا]

مشكووووووووووووورة
حنقراه بتركيز

بارك الله فيك

.

[أم سعد]

السلام عليكم

صباح الخيرات

نسرينا بنسألك درتي تحليل حمل؟؟

[تيمو ليبيا]

السلام عليكم نسرينا كيف حالك وحال اوبيك توا انشالله بخير والبطن ممكن من تقعميز في مكتب وسياره مدامك متتعشيش مستحيل تتطلع الخدمه هيا سبب اعتقد ام سعد شني اخبار حملط توا خشيتي شهرك ولا مازال

[أم سعد]

أهلين تيمو ... أنا حالي الحمد لله آمس تعبت شوية بس الحمد لله

ومازال ماخشيتش شهري قاعدة في الثامن

وانتي كيف حالك وشن صاير فيك؟؟

[نسرينا]

السلام عليكم

ام سعد / صباح الخير ،،، كيف احوالك / الحق ما درتش تحليل

تيمو/ ليك وحشة يا بنت والله / والله لا يوريك باس بوي الحمد لله بخير
انتي كيف حالك وحال بنتيك وشنو جو الشقة الجديدة ،
وبالنسبة للتقعميز ، هو صح اني نقعمز هلبة بس ما اعتقدش لان ليا سنوات نشتغل و نسمن من جيهة الارداف والجناب بس البطن لا عمرها ما طلعت هكي لدرجة لان حتى فطوري مش هداكا الفطور يعني لو كليت حاجة في الحوش قبل ما نطلع ما ناكل شيء فالمكتب ابدا الا قهوة وكيك او بسكويت بس ..
والمشكلة يا تيمو فجأة طلعتي و الله توا نكتب و فاتحة سوستت القونة ههههههههههه من كثر ما مضايقتني وهادي القونة من فترة كنت نلبس فيها عادي ، توا معادش نقدر نقعمز شوية ونفتح السوستة شوية

.

[أم سعد]

نسرينا ... مانبيش نطمعك بس ديري تحليل حمل

لأن عندي وحدة صاحبتي صارلها زيك بطنها فجأة طلعت بطريقة مش طبيعية

وفي الآخر طلعت حامل ... ياااااااااااااااااااااارب تكوني حامل

[نسرينا]

زعمااااااااااااااااااااااااااا الامل في وجه الله الكريم ، بالك اندير تحليل الاسبوع الجاي

ان شاء الله ،

والله يا ام سعد دارتلي الشك في الحوش نلف نلف ونجي للمرايا ونشبح ونقول يا همي هذا من توا بنسمن هكي من قبل الصغار .

[أم سعد]

نسرينا .... ياااااااااااااااارب تكوني حامل

[نسرينا]

ربي يسمع منك

وشكرا على الدعوة الطيبة ، الله يفرحك بشوفة سعودي وهو في احسن حال يااااااااااااااااااااااااارب .

وهو امتى موعدك ؟؟؟

.

[أم سعد]

موعدي ان شاء الله 21/02/2011

لكن آمس وقفت قدام المراية لقيت بطني نازلة قلت يستر الله

[نسرينا]

ما شاء الله
سلفتي حتى هي قريب من موعدك

الدكتورة طمناتك والا ؟؟؟ بعدين خلاص هداكا هو ،

oniy 45 days to gooooooo

قررررررررررررررررربت هههههههههههههههههه

.

[أم سعد]

هههههههههههههه

رعشتيني ههههههههههههههه

[نسرينا]

هههههههههههههههه

ربي يسهلك ياااااااااارب والله من قلبي انتي و أية

امالا أية أمتى موعدها ؟؟

.

[ღॐ آية ღॐ]

صباح الورد والفل والياسمين عالموجودات توا واللي مازال متدفيات في السرير ههههههههههههه
كيف حالك اليوم يا آية ؟؟ وكيف حالك يانسرينا ؟؟ انشالله تكوني بخير يارب .بالنسبة لبطنك يمكن يكون السبب من شرب الغازات وشرب السوائل مع الأكل حتى هي تطلع البطن يعني زي مايقولك اني نحب نعدي بمشروب هذي عادة غلط ..

صباح الانوار عاشقة كيف اخبارك اليوم وكيف صبحتي..
انا طيبة ولله الحمد حاجة وحدة مش مخليتني مرتاحة خشوش الحمام كتر هلبا
وحركت البيبي ولت عنيفة وظغط على فقرات ريتي والله مرات نحس في الرجلين
بيطلعو من بلعومي ...
شكلها بتجي زي خوها نشطه وربي يستر الحمد لله على كل حآل...
نسرينا ان شاء الله حامل يارب هلبا تطلع بطنهم من اول ما تشد وربي يقدملك الي فيه الخير...
غر راك تنسى السوسته مفتوحة وتجي واقفه على غفله ردي بااااااااااااااالكhwaml7

[ღॐ آية ღॐ]

آية موعدها 8/2
وامس خشيت لي موقع لحساب الحمل وقالو دقيق طلعلي موعدي 4/2
والله احترت وربي يستر وخلاص ...
نبي نعرف كيف كل حد وحسابة وكيف يحسبو من اول يوم في الدورة ؟؟
من عندها معلومة تفيدني الله يجبر بخاطرها...

[ღॐ آية ღॐ]

ام سعد كيف حالك
وخيرك امس ان شاء الله لاباس عليك
وبنسبه لنزول البطن البكرية الجنين عندها يتوجه للحوض بكري ومتخفيش ..
انا بطني قعده فوق واكيد متعبتني بس انتي رح ترتاحي وتتنفسي احسن وتمشي منك حرقة المعدة
الي مهبلتني ومنها اربع وعشرين ساعه وانا نقرمش في الثلج hwaml15..

[نسرينا]

خيراااات أية

يومك طيب

هههههههههههههههههههههههه ضحكتيني

ربي يسهلك حبيبتي 8 او 4 ما فيش فرق على خير يارب والمهم انتي وبنتيك ما بيكم سوء

.

.

[أم سعد]

أهلين آية كيف الحال

والله الأيام هذهه عندي هبوط سكر وشوية ارتفاع في الضغط

مع حركة البيبي على قولتك عنيفة وبطني منفوخة

[نسرينا]

لا باس عليك ام سعد

تساهيل تساهيل


.

[ღॐ آية ღॐ]

خيراااات أية

يومك طيب

هههههههههههههههههههههههه ضحكتيني

ربي يسهلك حبيبتي 8 او 4 ما فيش فرق على خير يارب والمهم انتي وبنتيك ما بيكم سوء

.

.

يومك اطيب يارب
وربي يسمع منك يارب
وعندك الحق والله ما فرقت بلاخر رح نولدهآ في يوم 4 او 8
ربي يسهل ولادتي يارب وتكون اسهل من ولادة ايوب ياااااااااااااااااارب

[نسرينا]

أمين أمين أمين

هههههههههههههههه تقول مرت خوي زي " اللوزة لما تزلطيها" هههههههههههههههههههه

[ღॐ آية ღॐ]

أهلين آية كيف الحال

والله الأيام هذهه عندي هبوط سكر وشوية ارتفاع في الضغط

مع حركة البيبي على قولتك عنيفة وبطني منفوخة

كولي حلو يام اسعد اكيد جاياتك على المالح ومش مدورة الحلو
لانك حامل بولد..
وهانت كلها اسبيع قليلة وتولدي على خير وتشوفي سعودي بين ايديك
بصحة وسلامة..اللهم امييييييييين

[ღॐ آية ღॐ]

ياااارب يا نسرينا..
احساسي يقول مش رح نتعب المرة هادي
ومرات من الخوف ميجينيش النوم ونقعد نبكي في نص الليل
يااااااااااارب يا مسهل سهل ولادتي ويسرهآ ولا تعسرهآ..

[ღॐ آية ღॐ]

امس في اليل راجلي مكسد
امشي حط ايده على بطني بيرقينا انا وبنوته
واكان نقوللكم حاجة تضحكو هو حط ايده وهي بدت ترفس والله
جيهت القدم واااااااضحة ترفس فيه بلقوة ولما يقيم ايده من على بطني تبطل
قالي هادي مضايقة مني لما اندير راسي وراسها
هو وهي يلعبوو
وانا والله ضلوعي قريب تشركو....
الله غالب طحت في عيلة دراويش هههههههههههههه

[أم سعد]

ياااااارب يسهل ولادتنا ونجيبو صغار أصحاء طيبين

ونسكنو في حياشنا قبل الجياب

ونفرحو بحمل نسرينا وكل من تستنى تحمل

[أم سعد]

هههههههههههههههههههههههه

آية نفس الموقف يصير معاي

هههههههههههههههههههههههه

[ღॐ آية ღॐ]

ربي يكون في عونك يا ام سعد
انتي بكرية واكيد راجلك ممصدق
ههههههههههههههههه
يارب ياخدو مكانا نسرينا وميمونه ورجاء ويحملو يااااااارب
اللهم امين

[أم سعد]

شن غداكم اليوم

ماتقولوش وين عيون مختفية

[ღॐ آية ღॐ]

الله اعلم هيا وسورينام وام اسيل وحبل
والله ليهم وحشة اليوم حلمت بي عيون خشت
على ما مستاحشتها ..
ربي يوجهلهم الخير وين ما كانو يارب
وان شاء الله يكون المانع خير

[ღॐ آية ღॐ]

اليوم راجلي مروح موخر هلبا وقعدة ما قررتش شن انطيب
انتي شن غداك؟؟

[أم سعد]

أنا بكبكت وخلاااااص

تعرفي نحس في روحي مرزنة هللللللبه

[ღॐ آية ღॐ]

سلامتك هدا لان وزن البيبي زاد
ووزنك حتى انتي اكيد زاد
ساعدي على عمرك وديري زيني كل شوية ارتاحي..
ام سعد الباين اني مش محوله الا بعد النفاس
لان الزواق الخارجي ما قدروش يزوقوة من المطر وقالو بيستنو لين الدنيا تدفى
يعني ديمه نهايت 2 او بدايت 3..
في البداية تغششت بعدين قلت الي بيكتبه ربي اكيد فيه الخير..

[ميراس]

انا ميراس والله الامور خشت بعضها من منكم متقكر قصتى انا طالبة المساعدة

[ميراس]

قلتلكم ضربت ابرة التفجير يوم 27 -12يعنى ليا9 ايام وقو الابرة كانت 5000 المهم جتنى بردة قوية والكحة قريب تقتلنى المهم اليوم لما نضت لقيت عليا دم كمية باهية الهم خفت منها ومشيت عملت تحليل دم طلع مافيش حمل انا مفهمتش مش ايقولو الاسبوعين الاولين مايبانش كيف وبعدين هادى اتكون دورة نزلت بعد اسبوع من الابرة ومازال عن موعدها عشرة ايام فى حد يقدر ايفيدنى بسرعة لوسمحتو

[تيمو ليبيا]

نسرينا وام سعد حالي حمدالله ونهديت من المحوال قيمي وحطي في شناطي وظمي الحوش ال بتسيبيه وبعدين اسكني وظمي ونكتي واقلبي وشقلبي وستفي واااااااااااااااو حمدالله وخلاص وماليزيا كان متسيقيش وتمسحي غبره كل يوم تغرقي من الخمر حشاكم زي مصر علي قولت حنين بس جوها مش ملوت هادي ميزتها هانت ام سعد ربي ايسهلك ولادتك يارب و ونسرينا انشالله تكون بطن بيبي مش سمن يارب

[تيمو ليبيا]

يا ناسسسسسسسسسسس الحقوني مجتنيش الدوره الا مره وحده بعد 40 وقالولي هاده دورت النفاس خطيره ردي بالك منها ومسمعتش الكلام ودرت طريقة بوسي ومعاش جت الدوره ودرت تست حمل طلع سلبي ليا سبوعين مدايرته درته مرتين مره طلعلي عاودي تست قلت حي عليا حي قتله طير وجيب واحد تاني شكله بداية حمل ياروحي جاب واحد تاني وطلع مفيش حمل ومجتش الدوره وارضع طبيعي بس مره او مرتين في يوم مظنيتش الجغيمه ال تاخد فيها بنتي بتشد الدوره راني في دوامه بنهبل ههههههههههههه

[الهندية]

مساء الخير على الحلوات المتجمعات كلهم
ايه والله حالى الوضع على ماهو عليه وزاد سوء بس صارتلى مشكلة بين راجلى وخواته وهجموا عليا انا سبله وسبيله ...فمعاش جيتهم لاجونى افتكيت منهم والله ارتحت ..عالاقل معاش فيه حد يسببلك قلق ومش ناوية نفتح معاهم صفحة جديدة لان صفحاتى كلها انحرقت ..
انا كنت نبى نصبر نين نحول لان راجلى يبى يبنى وان شاء الله يصير كنت نتمنى الموضوع يتأجل لعند منحول ونستقر بس شنو بنديره
زى ماقالت نسرينا مرات الواحد يقعد يستنى فى البيبى وميجيش ..
تيتو مرات الدورة متجيش مع الرضاعة والتحليل راهو مش مضمون انا مرتين ندير فى تحليل دم ونطلع مش حامل سبحان الله نين درت تحليل الجهاز وطلعت عليا الاعراض
عندى دوخة قوية وخايفة يجينى الوحم اللى جانى فى بنتى ربك يستر
روحت من المدرسة تعبانة طووول على الكوجينة درت طبيخة بطاطا وبعدها ضميت حوستى ورقدت انا وبنتوتى وهذا وين نضت ....ومعنديش نية نطلع من الحوش في الصقع ..

[الهندية]

ميمونة الله يبارك فيك حيبيتى ومشكورة جدا

[تيمو ليبيا]

اهلين هنديه درتي تحليل بول في مستشفي ولا جهاز تعرفي خايفه عل اخر حمدالله لو طلعت حامل بس بنتي صغيره عمرها تلاته شهور بس

[ღॐ آية ღॐ]

مساء الخير على الحلوات المتجمعات كلهم
ايه والله حالى الوضع على ماهو عليه وزاد سوء بس صارتلى مشكلة بين راجلى وخواته وهجموا عليا انا سبله وسبيله ...فمعاش جيتهم لاجونى افتكيت منهم والله ارتحت ..عالاقل معاش فيه حد يسببلك قلق ومش ناوية نفتح معاهم صفحة جديدة لان صفحاتى كلها انحرقت ..
انا كنت نبى نصبر نين نحول لان راجلى يبى يبنى وان شاء الله يصير كنت نتمنى الموضوع يتأجل لعند منحول ونستقر بس شنو بنديره
زى ماقالت نسرينا مرات الواحد يقعد يستنى فى البيبى وميجيش ..
تيتو مرات الدورة متجيش مع الرضاعة والتحليل راهو مش مضمون انا مرتين ندير فى تحليل دم ونطلع مش حامل سبحان الله نين درت تحليل الجهاز وطلعت عليا الاعراض
عندى دوخة قوية وخايفة يجينى الوحم اللى جانى فى بنتى ربك يستر
روحت من المدرسة تعبانة طووول على الكوجينة درت طبيخة بطاطا وبعدها ضميت حوستى ورقدت انا وبنتوتى وهذا وين نضت ....ومعنديش نية نطلع من الحوش في الصقع ..


هندية احسن شي اديريه والله
وفايتك في راجلك ربي يحفضهولك ويسخره ليك يارب
ويكفيك شرهم ..وان شاء الله تبنو وتكملو على خير
وتستقري بروحك ..
ويارب اتجيبي وتنوضي بسلامة وتشوفي السعد
على وجه المولد الجديد اللهم امين..

[ღॐ آية ღॐ]

ميراس لوكان الدم نزل منك في ايام التبويض مع افرازات
مع البول >>اكرمكم الله
فهدا دليل تبويض ممتاز ويارب تحملي وتبشرينا في القريب العاجل يارب
ميراس انتي قلتي تسكني في النجيلة صح ولا انا متلخبطة؟؟

[أم سعد]

مـــــــــــراحــــــــــــــــــــــــــــــب

[ليبياقلبي]

السلام عليكم معقولة انا تاعبة وشاكية ولاوحدة سالت عليا وعلا حالي ماعدا اية معقولة لا ام سعد ولانسرينا البركة في اية وحنو هكي معقولة والله وجعتني منكم
وانا واخدة بردة قوية

[الايمان]

الف لا باس عليك يا ليبيا قلبي أمالا انا شن قول الي نشوف فيكم تدعوا للبنات بالحمل وانا لا وماحد معدل علي موضوعي
لكن والله انحبكن واجد

[ليبياقلبي]

والله يا اختي الايمان انا الحق تو ماتلومني ماعالم بحالي الا ربي حتى انا نخش والله مانعرف شن نقول لانا نفسيتي تاعبنة بس والله ما انتبهت لموضعك والمهم ربي يعطيط يارب وينولك لي في بالك

[ميراس]

انا نسكن بانجيلاايه يايةاليوم كنت عند الدكتورة سعاد وضاع حلمى وطلعت دورة بس قوية والله نفسيتى تعبانة والحمد لله على كل حال

[ميراس]

انا اسفة يااختى الايمان بس والله مش عارفة قصتك انشالله والله انا حايسة على روحى

[ليبياقلبي]

اهلا ميراس يارب الشهر الجاي تكوني حامل ربي يعوضك الشهر الجاي يارب انت عند منو تعايني اي دكتورة

[ميراس]

انا انعالج دكتور بتونس بصفاقس اسمه عبدالحميد العموصى لكن اليوم مشيت لدكتورة سعاد بانجيلا انت وتسكنى

[نسرينا]

السلام عليكم

صباح الخير

لا بأس عليك ليبيا قلبي

الايمان / ربي يرزقك ياااااااارب ويطعمك ولا يحرمك ..
انتِ تأخذي في علاج والا شنو ؟؟

[حبل الوصل]

السلام عليكم كيف حالكم كلكم وحشتونى
الهندية نورتى ومبروك الحمل
ليبيا لاباس عليك
ميراس ربي يعوضك وتحملى بعد الدورة هذى يارب انتى شنو مشكلتك احكيلنا بالزبط
نسرينا شن حالك
ام اسيل وعيون وسورينام ولولى طولتو الغيبة وينكم

[نسرينا]

مراحب حبل الوصل

الحمد لله انتي كيف حالك وحال وليدك وبنيتك ؟

.

[نسرينا]

ميراس / ربي يعوضك الشهر الجاي ان شاء الله
أية / بالنسبة للمحوال لازم اتزوقي من برا قبل ؟؟؟ تقدري تحولي وتسكني ولما تدفأ الدنيا تزوقي من برا عادي والا ؟

.

[حبل الوصل]

بخير الله يسلمك انى جتنى بردة والجيوب الانفية تعبونى بكل ليا اسبوع راقدة في الفراش ومعاها وجع راسي رهيب ماينوصف لكن توة مع العلاج الحمد لله احسن

[أم سعد]

السلام عليكم

صباح الخيرات

كيف حالكم؟؟

[حبل الوصل]

صباح النور ام سعد شن اخبارك وشن دايرة مع الثقل

[ميرنا]

وين بنات بنغازي يجاوبني علي سؤالي في اي احسن عيادة اهليس ولا عيادة ايمان بوطلاق عشان نفكر في الزرع
ميرنا انا عرفت انك عديتي لايمان بوطلاق شن صار معاك

اختى الا يمان عندما ذهبت الى ايمان بوطلاق كنت قد ايست من الحمل بعد عملية المنظار لى دارها لى محمدلمحيشى بعد لعملية بعشرة شهور لم احمل فاصرت البنات ومن ضمنهم ام اسيل ذهبت وحجزت لى عندها وكان مدة علاجى عندها شهر وحملت طلبت منى تحليل كاملة ووجدت عندى هرمون الحليب واعطتنى دواء لتجفيف هرمون الحليب 8 حبات اسمه دوستنكس وبعدها اعطتنى اكلوميد وعملت تحليل ووجدت نفسى حامل ولكن لم يستمر الحمل سوا اسبوعين بعد الدورة برغم من انها اعطتنى مثبت حمل واسبرين اطفال وحمض الفوليك ولكن قدر الله وما شاء فعل مع العلم انى جيتها على اساس انى نبى نزرع ولكن قالت انحاول هذا الشهر طبيعى واذا ما صار حمل نزرعلك ووجدت اخوات اكثر من 15 حالة قاعدت يرجعن عندها زرعات وربى يجبر خواطر نا سوا طبيعى او بزرع المهم انديرو اعويلة كيف ها الصبايا

[أم سعد]

حبل الوصل ... أهلين .. أنا الحمد لله والله بديت ندهش حتى لما نتكلم ... ونحس في روحي رزيييييييييييييييييييييييييييينة هلللللللللللبه

وانتي شن أخبارك؟؟

[ميرنا]

نهاركم سعيد يابنات حبل الوصل وام السعد ونسرين

[حبل الوصل]

ربي يرزقك باللي تتمنى في القريب العاجل ياميرنا وماتايسيش لان بنت عمى ليها تسع سنين وتوة حملت سبحان الله والله رحمة ربك واسعة

[حبل الوصل]

انى تمام والحمد لله بس تعرفو مش قلتلكم كان يمشي معايا دم في ايام التبويض توة نحس بغثيان كل ماناكل حاجة ولاحتى نشم ريحة الماكلة ومانبيش نعشم روحى
نهارك اسعد ياميرنا نورتى

[أم سعد]

أهلين ميرنا نورت :)

[نسرينا]

مراحب ميرنا
وام سعد

.

[نسرينا]

ام سعد

صورة البيبي اللي في الصورة الرمزيو يشهبللللللك ههههههههههههههههههههههههههههههههه

.

[أم سعد]

ههههههههههههههههههههههه

ان شاء الله يطلع زيه سعودي

[نسرينا]

ويطلع احلى ، ان شاء الله وبإذن الله


امس جيت قدام راجلي وقعدت نقوله ترا شوف بطني طالعة هلبة ، ونعاود نقوله هلبه قصدك ونقوله شفت بطني كيف ولت
طيرتهاله مش قاله ما تقوليليش وينها البطن... هادي بطن هادي ..وتقولي حتى بيها ههههههههههههههههه

حبطلي معنوياتي ههههههههههههههه

.

[أم سعد]

هههههههههههههههههههههه

هذا حال الرجالة

ههههههههههههههههههه

[نسرينا]

حالة وخلاص

تعرفي لو نقولك عمره ما سألني على الحمل والا كيف بديري والا ضروري تعايني ، حتى لما مشيت نعاين المدة اللي فاتت مش راضي وكان يلقى اني ما ناخذش ادوية بكل ،

وتعرفي حتى الدورة ما يسألش فيا عليها ابدا هههههههههههههههههه والله ما يعلم بيها منين زارقة .

.

[ميمونة]

السلام عليكم

شن حالكم ياحلويين

[نسرينا]

خيرااااااااااااااااااات يا حلوة

شنو صار معاك ؟؟؟

.

[حنين88]

السلام عليكم
في الزين نصيب في الزين نصيب زعم لنا في الزين نصيب ناره تعديب طفوها وتزيد لهيب

يجبر بخاطرك يابوسي ياحلوة ماشية معاك اللهجة المصرية ههههههههههههه واهو صابرين وخلاص

عاشقة الصحراء حتى اني احرف منك بنة فمي مش طايقتها واربع وعشرين ساعة واني ندفي حاشاك ومستكة النعناع كرهتها نتبنن فيها مرة زي العلقم
وخليك لا خاطري اندير لادوش لاحلوة لاشي دايرة شيانة وخلاص زي الغوريلا رايحة الصبر وخلاص
وانتي باهي عندك من يطبلك ويبعتلك اني بالسيف عليا انخش وانطيب في الغدي اوخيتك مغتربة وقاعدا في مصر بروحي ياهئ ياهئ ياهئ

نسرينا يارب تكوني حامل وتشاركينا وحامك حتى انتي انننااااااااااااااااااهاهاهاهاهاا

[ميمونة]

والله اليومين تنزل عليا افرزات بنيه مانعرفش شن معناها سلابين فهمتي
واليوم 15 من الدوره والله زعما تبويضي كويس يارب

تعرفي املي هالشهر خير بعد الحجامه انشاءالله مايخيب املي حتي اهلي هالشهر طايحين فيها احلام عليا كل وحده حلمت بيا حملت ياناري يفكروا فيا

وانت////////////شن صار فيك حللت نسرينا

ا

[ميمونة]

والله سفهتوني بالوحم شن هدا راعوا مشاعرنا والله حاله

ههههههههههههههههههههههه
مش تقولوا حسدتنا نتمنالكم كل خير
انبصر عليكم يارب يتتملكم وينبتلكم انشاءالله

[ღॐ آية ღॐ]

السلام عليكم معقولة انا تاعبة وشاكية ولاوحدة سالت عليا وعلا حالي ماعدا اية معقولة لا ام سعد ولانسرينا البركة في اية وحنو هكي معقولة والله وجعتني منكم
وانا واخدة بردة قوية

ليبيا ان شاء الله لاباس عليك اشربي عصير برتقال فرش
والله كويس اوكان قدرتي اشربي لبموناته بلعسل ..
وهانت قريب تخشي شهرك وتولدي وتلهي في البيبي وتنسي عمركhwaml7
ربي يشفيك يارب .... وكتري سوائل على خاطر مية البيبي ..

[ღॐ آية ღॐ]

الف لا باس عليك يا ليبيا قلبي أمالا انا شن قول الي نشوف فيكم تدعوا للبنات بالحمل وانا لا وماحد معدل علي موضوعي
لكن والله انحبكن واجد

الايمان ربي يقدملك الي فيه الخير ويرزقك بلحمل في القريب العاجل ياااااارب
ويقر عيونك وعيون زوجك بطفل صالح سليم معافى اللهم امين

[ميمونة]

هلا والله بالناشطه شن الجو ايه طيبتي يافالحه والا مازال

انا راحه اليوم في حوش بوي بدخ

[ميمونة]

ليبيا قلبي كيف حالك ماتحرجيش مني والله اختك ماعندها نت

وانشاءالله لاباس عليك

[ღॐ آية ღॐ]

ميراس / ربي يعوضك الشهر الجاي ان شاء الله
أية / بالنسبة للمحوال لازم اتزوقي من برا قبل ؟؟؟ تقدري تحولي وتسكني ولما تدفأ الدنيا تزوقي من برا عادي والا ؟

.

كيف حالك نسرينا اليوم نورتي ..
بنسبة ليا اوكان نلقى انحول اليوم قبل غدوة
لاكن مع سيدي وسلافي والله ما نقدر نقول حاجة
لو يبو يقدرو وضعي ويحولو قبل ولادتي فبارك الله فيهم ولو مايبوش
برضو بارك الله فيهم ...بنخليها على ربي وربي يستر ..

[ღॐ آية ღॐ]

حبل الوصل ياااااااااااااارب يااااااااااااااارب ياااااااااااااااربي
ياكريم يا حنان يا غفور يااااااااااارب تكوني حامل وتبشرينا وتفرحينا ياااااااااااااااااارب

[ღॐ آية ღॐ]

ام سعد شن حالك اليوم
ان شاء الله صبحتي احسن
وبنسبة لرزن والله نقعمز ومعاد نقدر انوض
خليها على ربي هااااااانت مشي الهلبا وقعد الشوية
يومين ونخش شهري ويارب نولد على خير وناخد اسبوعين بس من التاسع
زي في ايوب يارب

[ღॐ آية ღॐ]

ميراس كيف حالك
الدكتورة سعاد هلبا يشكرو فيها ومكانها مش بعيد على حوشي
انا نسكن في النجيلة جيران..

[ღॐ آية ღॐ]

ميمونة يارب خير هشهر
شدي حيلك عاد نبو كتكوت حلو
ويارب تحملي ووحمك ما يجيش واعر والله حالة
ماعندك ماديري بيه انا في وحمي اكتئبت وشديتها بكي وخلاص.

[ღॐ آية ღॐ]

السلام عليكم
في الزين نصيب في الزين نصيب زعم لنا في الزين نصيب ناره تعديب طفوها وتزيد لهيب

يجبر بخاطرك يابوسي ياحلوة ماشية معاك اللهجة المصرية ههههههههههههه واهو صابرين وخلاص

عاشقة الصحراء حتى اني احرف منك بنة فمي مش طايقتها واربع وعشرين ساعة واني ندفي حاشاك ومستكة النعناع كرهتها نتبنن فيها مرة زي العلقم
وخليك لا خاطري اندير لادوش لاحلوة لاشي دايرة شيانة وخلاص زي الغوريلا رايحة الصبر وخلاص
وانتي باهي عندك من يطبلك ويبعتلك اني بالسيف عليا انخش وانطيب في الغدي اوخيتك مغتربة وقاعدا في مصر بروحي ياهئ ياهئ ياهئ

نسرينا يارب تكوني حامل وتشاركينا وحامك حتى انتي انننااااااااااااااااااهاهاهاهاهاا

حنين يارب تفتكي منه في اقرب وقت
صارلك زيني كرهت الدوش والشامبو والصبون والمزيل
وحتى حلوة والله ما درتها الا في رمضان وانا في الخامس
على قولتك كنت زي الغولة وضعفت ورحت هيكل عضمي
راجلي يقولي كان لون وجهك مستخضر من الضعف
وتوة والحمد لله يقولي زعما ترجعي رشيقة زي قبل ..
وانا والله ماندور في الرشاقة اهم شي نكون بصحيحتي ونقدر نعاني عويلتي
والله الراجل والصغار يبو صحة hwaml17
ربي يهونها عليك وفترة وتفوت وتقعد دكرى تضحكو عليها

[ميمونة]

ايه ياسرك من الدوه من امبكري معاش سكتي شن هالحاله والله خلينا فرصه نردوا

[حنين88]

ميمونة يارب يلرب تحملي حتى انتي ويجيك وحم واعر واعر باش تجربي المعاناة اميييييييييييييييييييييييييييييييييييييييين

[ميمونة]

يارب يسمع منك ياحنين انت شن حالك طيبتي غداك والا شنو

[حنين88]

ايه والله يااية ماخاطري فيها الحلوة خلي للخامس يامن عاش حالة وخلاص ههههههههههههههههه
ويارب يفوت الايام وحتى اني يجي شهري ونجيب ونفتك ونبدا نلعب مع وليداتي وابيس

الايمان يارب يرزقك بالحمل الثابت السليم يارب
حبل الوصل ان شاء الله حامل وربي يتمم على خير

[حنين88]

لاطيبت لاودنت قاعدا نتكاسل عليه
خشة المطبخ بحسابها ياحليلي الصبر وخلاص

ممكن اندير رز مسقي وخلاص

[ميمونة]

نهارك بيض خيرك خشي طيبي حتي رز يشكروا فيه

[حنين88]

يعطك نقطة ياميمونة هههههههههههههههههههههه
مش غير يشكرو فيه حاجة مش عادية بكل بكل

[ميمونة]

باهي خشي خيرلك وابعتيلي صنيه انت وين توا ماتقوليش مسافره كان هدا مشكله كبيره كيف بتبعتيها وكان عندك مسير وزيتون يمممممممممممممم

[ليبياقلبي]

سلامي ليكم
ميمونة لالا عادي كانك سالتي
ايوتة كيف انت مازالك يومين تخشي شهرك انا مازالي فيه اسبوعين انا توا في الاسبوغ34السبت نخش 35 لانا التاسع يبدا الاسبوع 37 انت توا اي اسبوع وحقا وين بتحولي
ميرنا انت مدايرة منظار عند محمد سعيد باهي شن نتيجته علاش مكملتيش عنده ازرعي عنده هو والله ماشاء الله انا نعرف وحدة زرعت جابت توام ولاد
وسلامي للكل حنو والله زاجعتني بس يارتني انا في مصر نتمنى انا نكون غادي مكانك نحبها مصر جوها حلو شن مازال مافيش زيارة لي ليبيا
وووووووووووووووووووووووووووووووين عيون غطست وسورينام
وسلامي للكل بوسي اسيل حبل الوصل ميراس الايمان عاشقة

[حبيب روحي]

السلام عليكم
نهاركم ورد حتى اني من ليبيا من طرابلس وحامل في الشهر السابع و قالولي ولد وربي يستر

[ميمونة]

اهلا وسهلا بيك نورتي ولله انا من طرابلس متزوجه عام وشهريين ومازال ماحملتش

انت قداش ليك متزوجه

هيا عرفينا علي نفسك وين تسكني ومواليدك وقداش ليك متزوجه بطاقه شخصيه كامله من فضلك
طبعا المديره غايبه هالايام بنعينوا مديره غيرها عيون غطست مره وحده الباين ايه نعينوها مديرتنا

[ღॐ آية ღॐ]

سلامي ليكم
ميمونة لالا عادي كانك سالتي
ايوتة كيف انت مازالك يومين تخشي شهرك انا مازالي فيه اسبوعين انا توا في الاسبوغ34السبت نخش 35 لانا التاسع يبدا الاسبوع 37 انت توا اي اسبوع وحقا وين بتحولي
ميرنا انت مدايرة منظار عند محمد سعيد باهي شن نتيجته علاش مكملتيش عنده ازرعي عنده هو والله ماشاء الله انا نعرف وحدة زرعت جابت توام ولاد
وسلامي للكل حنو والله زاجعتني بس يارتني انا في مصر نتمنى انا نكون غادي مكانك نحبها مصر جوها حلو شن مازال مافيش زيارة لي ليبيا
وووووووووووووووووووووووووووووووين عيون غطست وسورينام
وسلامي للكل بوسي اسيل حبل الوصل ميراس الايمان عاشقة
ليبيا انا في نهاية الاسبوع 36
وان شاء الله بنحول من النجيلة لسراج
اوكان جيتي لحساب الدكتور انا في شهري
ام حسابي واحساسي انه ادق فا انا في الاسبوع الاخير من التامن
يعني يومين ونخش التاسع..
ونبدء نتمشى وناكل تمر وربي يسهل عليا وعليكم يارب..

[ღॐ آية ღॐ]

انتي امتى موعد ولادتك انا 8/2 بحسابي
و4/2 بحساب الدكتور

[الهندية]

مساء الخيرات عليكم يابنات كيف حالكم
أم السعد اهلا وسهلا بيك ..
تيمو ليبيا انا درت فى معمل تحليل ودارلى جهاز يطلع نسبة الحمل على قولتها وطلعت كبيرة
انا مجتنيش الدورة من 10 -11 موش عارفا معناها قداش ليا حامل تعرفوا منبيش نعاين توا مازال
ليبيا قلبى الف لاباس عليك حبيبتى
الايمان ان شاء الله تحملى وربى ينورلك طريقك وتنولى اللى بالك

حبل الوصل الله يبارك فيك وان شاء الله عندك حمل وحمدلله عالسلامة من المرض
نسرينا كيف حالك اليوم حبيبتى وشنو اخبارك

زعما الوحم امتى يبدا فيا فيا بنتى تعذبت بالك المرة هذه ميجنيش ههه ادعولى ...

[ღॐ آية ღॐ]

الهندية
نورتي التجمع بنسبة ليا بدء معاي الوحم في الحمل الاول والتاني
بعد شهر و15 يوم بزبط
وان شاء الله المرة هادي ما تتوحميش وتتعبي زي المرة الاولى
وبما ان حالك والحمد لله كويس حتى الان استغلي الوضع اشربي هلبا امية
وخودي حبوب حمض الفوليك ضروري تساعد على نمو الجنين بشكل افضل
ربي يتبت حملك ويسهل ولادتك..

[ميمونة]

مسكتين الحلويين وين غاطسينhwaml12hwaml7

[الهندية]

ايه وميمونة مساء الخيرات ميف حالكم اليوم
بديت فيهم علطول بالنسة لحمض الفوليك والسوائل بصفة عامة المياة ننسى فيها حنحاول انى نكثر منها
اليوم يوم طويل مدايرة حملة على حوشى ونظفت الثريات زى السلحفاة لان بنتى مش من الساهل تتحركى معاها هذا وين قعمزت خذاها بوها قلت خلى نشوف البنات شوى درت عشاى دشيشة والله سريب العشاء والغذاء سريب كل يوم تخممى عليه

[ميمونة]

هلا هنديه شن اخبارك ردي بالك ماتعبيش روحك هلبه

شن درتي عشاك

[ღॐ آية ღॐ]

هندية ربي يكون في عونك
سلامتهم الصغار ميخلوك ادري شي
انا ولدي رابطاته ومريحاته ومريحا نفسي

[الايمان]

ميرنا ليش ما استمريتي مع الدكتورة
حبل الوصل الف لاباس عليك
الهندية ربي يتتمملك علي خير انتي واية وام سعد
ليبيا قلبي كيف حالك
ام اسيل عيون زوجي اين انتن؟
عاشقة الصحراء وميراس كيف الحال
حنين ياريتني في مصر وخاصة القاهرة تهبل
ان شاء الله مانسيت حد تحياتي
لحظه لحظه رجاء شن صار فيكي؟

[ميمونة]

صباخ الخير عالجميع نهاركم سعيد

[حبل الوصل]

صباح النور كيف حالك ميمونة

[أم سعد]

السلام عليكم

صباح الخيرات

[ميرنا]

انا ميراس والله الامور خشت بعضها من منكم متقكر قصتى انا طالبة المساعدة

اختى ميراس انتى من ليبيا سبحان الله عرفتى انا حسيت بيك انك من ليبيا فى اول مشارك لك فى قسم تاخر الحمل وتعليقك على البقرة الحلوب موش قتلتينى بضحك . ربى ان شالله يفرحك دايمه

[ميرنا]

يش اخبارك يا ام السعد ان شالله بخير وبصحة جيدة وانتى وكل الاخوات

اختى ايمان ا نا لم انقطع على الدكتورة وجدت اختها فى درنة واسمها الدكتورة وداد ابو طلاق وقعدت اتابع فى حالتى وربى كريم

[أم سعد]

أهلين ميرنا

كيف حالك

وشن أخبارك

[نسرينا]

مراحب صباح الخير عليكم كلكم

اللي سأل عليا ،، اني بخير الحمد لله
والتحليل لسه ما حللتش ، لاني نبي نحلل في الحوش قبل ما نمشي اندير تحليل دم طلع حمل كان بها ما طلعش ما خاطري في وجع القلب ..

ميمونة / ههههههههه خليهم يحكوا عالوحم ان شاء الله بإذن الله هما ايحطوا واحني نرفعوا ، والشهر الجاي اني وانتي وميرنا وحبل وام اسيل وميراس والايمان وعاشقة الصحراء نهدرزوا على وحمنا

ربي كريم ما بعدي عليه شي . وبالك وجه سعد واسل خير علينا

لان لما عيون جابت حمودي معراج حملت ...

يااااااااااااااارب يا كريم

.

[نسرينا]

ميمونة تعالي نقولك

الحال حال تبويض وانت قاعدة في حوش بوك ما تقوللييش خيرك ههههههههههههههههههههههههه

[أم سعد]

نسرينا .. صباح الخيرات

[نسرينا]

يسعدلي ايامك وصباحاتك


ازيك انتي والرزن ؟؟

؟

[أم سعد]

تعرفي صايرة فيا حااااااااااااااااااااااااااااااله

فاااااااااااااااااااشلة

مع آمس ... حماتي مشت بتجيب لقو العيل متوفي في بطنها

سخفتني هللللللللللللللللللللللبه .. ونحس في روحي نفسيتي زي الزفت والحمد لله

لا الحوش بي يتم .. ولا الحمل يبي يتم .. وأهلي اللي كلهم مسافرين

حاااله وخلاص

[ღॐ آية ღॐ]

تعرفي صايرة فيا حااااااااااااااااااااااااااااااله

فاااااااااااااااااااشلة

مع آمس ... حماتي مشت بتجيب لقو العيل متوفي في بطنها

سخفتني هللللللللللللللللللللللبه .. ونحس في روحي نفسيتي زي الزفت والحمد لله

لا الحوش بي يتم .. ولا الحمل يبي يتم .. وأهلي اللي كلهم مسافرين

حاااله وخلاص

لاحول ولاقوة الابالله
ان لله وان اليه راجعون
والله والله زعلت عليها ..
ربي يجعلهولها طير من طيور الجنة ويعوضها خير ويصبرهآ
.............,,

[نسرينا]

لا حول ولا قوة الا بالله

ربي يعوضها خير

خيرك انت منعرفكش هكي ، اتعوذي من الشيطان كل شيء ليه وقت واوان واحمدي ربك على نعمه ..

بس نبي نعرف حاجة وحدة

شنو سبب الاجهاضات والعيل اللي متوفي اللي كاثرة ، اقسم بالله نسمع بالاجهاضات بشكل مش طبيعي

نعرف وحدة صاحبتها حملت اجهضت مشت لتونس ، قالولها يجونها ليبيات بشكل مش طبيعي في الاجهاض ، وكله بسبب الدجاج اللي تاكلوا فيه لان فيه هرمونات هي السبب

والله اعلم

.

[أم سعد]

لالا حماتي عندها السكر .. قالولها ارتفع السكر فجأة سبب وفاة البيبي


آية .. صباح الخيرات