تجمع حوامل ليبيا

[عيون زوجي]

صباح الخيرات والاعمال الطيبه
هلا وغلا بام لقمان كيف حال جنان توا
وصحه ليك كيف قدرتي اديريلها الحجامه ووين درتيها
انا بنتي لما صغيرة رفعتها لوحدة تكوي بالعود رفعتها مجاملة في راي عزوزتي وندمت لين خلاص
لكن اكيد الحجامه غير وخير
قداش عندك صغار تانيين وشن اعمارهم

[عيون زوجي]

وين هالقطعه يا حبل الوصل كيف حالك وشن مدايرة وشن تاخدي من علاج توا وكيف حال الصغار وبوهم

[عيون زوجي]

صابرة اصبري اعليه هالسموح مازال على العقل والهدوء انا بنتي قعدت عياطة وتسهر فيا ليل ونهار لين سكرت 6شهور باش تغيرت وعقلت وربي يصبرك ويعطيك وسعة البال

[عيون زوجي]

منو فيكم تفطر في رمضان كامل مع حوش شيابينها من غير ميرنا طبعا
انا ما عنديش حموات صبايا كلهم متزوجات وسلف واحد مسافر ولهذا لازم نفطر مع حوش شيابيني رمضان كاما ونمشي كل جمعه نفطر عند امي وانتم شن برنامجكم دردشوا وهدرزوا

[عيون زوجي]

شكلي نهدرز على روحي
بالله خليني نسكر ونطلع نمشي ندهور خيرلي مازالي يومين بس ونروح ليبيا ونروح للكساد ماعنديش لا وين نخش لا نطلع الا الحياش واخلاص

[hatoo]

اهليييييييييييين بنات انا كنت عند الدكتوره يوم الخميس وقالتلي انتي خشيتي التاسع طبعآ انا خفت بكلللللللل وكنت نسحاب روحي نخش اليوم للتاسع علي حسبه النت ادعولي ربي يتمملي علي خير وسلامه ونشوف بنيتي بين ايديا

[عيون زوجي]

انشاءالله يا هاتو تنوضي بالسلامه
وانشاءالله عقبالي نخش التاسع ونجيب بصحه وسلامه ليا وللبيبي
وعقبال سورينام وينك يا سوري رمفقودة

[لولى2010]

عيون كيف حالك

[لولى2010]

حتى انا ان شاء الله بنمشي نصيم فى ليبيا ماشيه الجمعه جت لراجل شغله فى ليبيا بيمشي وانا ماشيه معه انت بتردى للمانيا ولالالا

[ساجدة]

كل عام وانتن بالف خير....رمضان كريم علي الجميع

[ساجدة]

كيف حالك ياصابرة وشن اخبار عبد الهادي حطيتله صوره بنتي ....بس مازلت منتفخه لانه هنا عمرها 3ايام وانا معش فضيت انصورها عشان قاعدة انوتي للسفرة ليبيا

[ساجدة]

كل سنة وانتي طيبه ياعيون زوجها وكيف حالك......لولي ...وام لقمان...حبل الوصل...ميمونه....وهاتو...وام اسيل وينك...وميرناااااااااااااااااااااا وينك غبت مره وحدة...كل سنة وانتم بالف خير يارب

[ღॐ آية ღॐ]

هلا باحلى حوامل بلمنتدى
كيف حالكم وشن مديرينا مع التجهيزات لشهر رمضان
بنسبه ليا نفطر فيه في حوشي
نمشو اول يوم رمضان لي حوش شابنيا
نفطرو غادي
اليوم كملت الضمان والحمد لله
بنات من عندها خبر على ام رفيدة
ان شاء الله تكون ولدة بسلامه
امييييييييييييييييييين يارب
ادعولها بالله عليكم

[ღॐ آية ღॐ]

اهليييييييييييين بنات انا كنت عند الدكتوره يوم الخميس وقالتلي انتي خشيتي التاسع طبعآ انا خفت بكلللللللل وكنت نسحاب روحي نخش اليوم للتاسع علي حسبه النت ادعولي ربي يتمملي علي خير وسلامه ونشوف بنيتي بين ايديا

ربي ينوضك بسلامه
وتشوفي بنيتك وتفرحي بيها
وان شاء الله تكون من قسمك
بلعكس افرحي لحضت الصفر قربت
ويااااااااااااارب تدخلي تبشرينا بنوضتك بسلامه
في اقرب وقت
اللهم امين

[لولى2010]

سجودى شن سميتيها بنتك ما شاء الله عليها امتى ماشيه لليبيا انا فرحانه عشان ماشيه لليبيا والمشيه جتنى فجاءة
صابرة انت والده قيصريه

[لولى2010]

ام لقمان انت ولادتى قيصريه صاح نبي نسالك امتى كملتى النفاس ونظفتى انا لي تو مانظفتش ليا 55 يوم ومازال ينزل منى بنى عادى نصلى ونصوم ولالالا وياريت اى وحده تعرف تجاوبنى ولها جزيل الشكر

[ساجدة]

اهلين يالولي...انا بنتي سميتها سيلين....وحتي انا جتني فجاه المشيه لليبيا وماشيه في نهايه رمضان ان شاء الله.... وحاجه اخري ماتخافيش من الدم عااااااااااااااااااااادي حتي انا طولت ومانظفت لكن ماتصليش لان هدي ممكن دورة النفاس ايقولولها

[حبل الوصل]

السلام عليكم ياخواتى
كيف حالكم ؟
شن اخبار عبد الهادى يا ام عبد الهادى ؟
تبرك الله عليه ربى يحفظهلك وعادى كلهم الصغار عياطين المهم تكون زيادته باهيه
وينك ياميرنا رمضان مازال ما جا
كيف حالك ياميمونه مازلتى عروس تمتعى بوقتك وقولى لزوجك ايام وتبقى تقول ياريتنى عشتهن
ام اسيل - هاتو- ساجده -عيون زوجها- هنديه - وميييييييييييييرنا وكل الغاليات كل عام وانتم جايبات والا اتوحمنhwaml02
طبعا انى لا على الاقل نين ننسى العمليه
بالنسبه لجنان مازالت عياطه امس عملتلها حجامه ومتصدقنش قديش ارتاحت
سبحان الله
خوتها زعلوا عليها واجد لكن بعد ما شافوها ارتاحت سكتوا
رمضانكم كريم
وانى خيرنى نسيتينى والا مانيش على البال اهى اهى زعلتينى

[حبل الوصل]

وين هالقطعه يا حبل الوصل كيف حالك وشن مدايرة وشن تاخدي من علاج توا وكيف حال الصغار وبوهم
ماناخد في شي لان المشكلة توة مش عندى عند الراجل وربك يسهلها انى لاهية مع اختى قاعدة تاعبة ليها اسبوعين مدايرة العملية وردو رقدوها في المستشفى ادعولها ربي يقومها بالسلامة ويشفيها ويردها لصغارها

[حبل الوصل]

منو فيكم تفطر في رمضان كامل مع حوش شيابينها من غير ميرنا طبعا
انا ما عنديش حموات صبايا كلهم متزوجات وسلف واحد مسافر ولهذا لازم نفطر مع حوش شيابيني رمضان كاما ونمشي كل جمعه نفطر عند امي وانتم شن برنامجكم دردشوا وهدرزوا
انى زيك بالزبط يوميا في بيت الشيابين ويوم الجمعة من الساعة 12 مع امى

[حبل الوصل]

ساجدة ربي يحفظلك بنتك ماشاءالله عليها

[لولى2010]

سجودى ما شاء الله اسمه حلو بس انا مش دم لون بنى ينزل
انا والده قيصريه

[حبل الوصل]

لولى حتى انى في بنتى صارلي زيك مانظفتش الابعد شهرين لكن مشيت للدكتورة عطتنى علاج

[ياقوته83]

صباح الخير يابنات ولادي و كل عام وانتم بخير وانشاء الله يعود عليكم بالصحة والعافية

[عيون زوجي]

صباااااااااااااااااح الخيرات والفلات والوردات والليرات الذهبيات

[عيون زوجي]

ساجدة ...ماشاءالله على بنتك اتهبل ربي يحفظها ويخليها وتتربى في عزك نبوا منها صورة تانيه جديدة نشوفوا هالامورة كيف تغيرت واحلوت
وانشاءالله توصلي ليبيا بالسلامه
لولي....نبوا نشوفوا ليوني حطيلنا صورتها ومبروك عالرجعه لليبيا اكيد فرحانه صح جنب اهلك وناسك والكل رح يشوفوا ابنيتك ربي يحفظها
انا خلاص ماعادش راجعه لالمانيا اصلا دورة زوجي 9شهور وخلاص بس كان ناوي يمدد لشهر 10 او 11 وانا رفضت الجو هنا حلو بس الغربه غربه وغربة رمضان اصعب شي
حبل الوصل الحمدلله اطمنا اعليك وارتحتي من الدواء وانشاءالله علاج زوجك يمشي تمام ورمضانك مبارك وينعاد اعليك بالحمل انتي وميرنا وميمونه وام اسيل وسمحه وكل المحرومات يارب
انا مروحه الخميس بعد غدوة انشاءالله طيارتي الساعه 1 الظهر بس المدينه يلي نسكن فيها تبعد عن دوسلدورف المدينه يلي فيها المطار ساعه ونص والسواق يلي اجرناه شرط نطلعوا من 9الصبح للمطار ربي يصبرني من 9 الصبح باش نوصل ليبيا الساعه5 العشيه

[عيون زوجي]

اعلااااااااان
هنا قائمة بالمفقودين والرجاء من عنده معلومه الاتصال بنا للاطمئنان وشكرا:
-ميرنا
-سورينام
-سمحه
-اميسر
-ام روفيدة

[صابرة]

صباح الخيرات
كيف حالكم اليوم
ماشاء الله تبارك الرحمن على بنيتك يا ساجدة ربي يحفظهالك
لولي حطي صورة بنتك لينا
يالولي حتى انا ولادة قيصرية وعطل معاي الدم البني لكن بعدها جتني دورة الاربعين وهي دورة عادية ومنها انظفت

حبل الوصل ربي يشفي وخيتك ويرجعها لبيتها سالمة وربي يقدرك انت والراجل وتجيبو صغار تانيين يونسو عيلتكم
كيف الحال ياياقوتة وينك مغطسة
شكلها جابت ام رفيدة يا ايه ان شاء الله تكون بخير هي والبيبي

[صابرة]

حتى راجية يا عيون...على فكرة كيف حالك اليوم

[صابرة]

توصلي بالسلامة ياعيون
انت وساجدة
ولولي

[عيون زوجي]

هلا وغلا بصابرة كيف حالك وحال عبدو ومبارك اعليك هالشهر الفضيل وعام داير في ايدك اخ او اخت لعبدو ...

[ام اسيل]

كل سنة وانتن طيبات

لمتكم حلوة وتسهف انا كنت في البحرمع هلي اليوم روحت قاعدة نضم في الحوش وبنطلع في العشية نشري حاجات الحلويات
انا اغلب الايام نصيم مع هل زوجي مع ان زوجي ميبيش يصيم مع هله يحب يصيم بروحه وانا نقعد عركة انا وياه عشان نبي هله
اكيدة تستغربو لكن انا نحبهم بكل لان امه وخواته يحبني بطريقة مش طبيعية وانا بصراحة غاليين عليا وبعدين رمضان حلاوته في اللمة

[ام اسيل]

حبل الوصل كيف حالك ياخيتي سلمك نشادة انتي قرعتتي صح والله العظيم غالية عليا وخاطري نشوفك كل سنة وانتي طيبةوان شاء الله رمضان الجاي وليدك الجديد في ايدك يارب
شن حال اختك ووليدها ان شاء الله كويسة طمنيني عليها

يابنات وين ميرنا كنها مفش عليها اخبار بكل

عيون زوجي لنقنك حانطة وتهبلي وتروحي بالسلامة وتنوري ليبيا

ساجدة بنتك ماشاء الله عليها ربي يخليها لكي وشن درتي في الهدايا

لولي كيف حالك وحال العروس بوسيها ليا وخلينا نشوفوك كان روحتي
صابرة ماشاء الله على اوليدك لمن طالع حلو لامه ولا لبوه كان بوه حلو هكي معناها ردي بالك
ام لقمان كيف حالك ياحكيمتنا وكيف حال بنيتنا لاباس عليها

[صابرة]

هاتوا ربي ينوضك بالسلامة وتولدي عل خير انت وعيون
ام اسيل والله ليك وحشة ... شن حو البحر معاك ..بحر قبل رمضان ياصقع
الولد طالع لبوه اكثر وشوية مني

[حبل الوصل]

ام اسيل نورتى وين هالغيبة والله حتى انى خاطرى نشوفك مبروك عليك رمضان
وكيف صار في النزيف شن طلع وعاينتى ولا لا
اختى باهى شوية وولدها طلعوه من الحضانة

[ام اسيل]

حي عليك ياصابرة معناها باته طرف (طرف يعني حلو) افطني كويس
طبعا نبصر حتى انتي غير تسلمي ربي يدوم المحبة وسقدي روحك جيبينا بنية حلوة اخرى ناخذها لهيمو

[حبل الوصل]

مبروك عليكم رمضان وكل عام وانتم بخير ميرنا وينك استاحشتك خشي طمنينا عنك

[ام اسيل]

حبل الوصل حمدلله على سلامة اختك ووليدها
انا النزيف الدكتورة معرفتش من شنو يمكنمن الكلوميد لاني خذيته الشهر هضا بس توا كويسة وقف والحمد لله

خلينا نقولو لبعضنا اكلات في رومضان نغشوا من بعضنا لزوم التغيير عارفتك سوايا بدعة

والبنات كلهن يخلينا نقولو لبعضنا اكلات حلوة ولا حتى كل وحدة شن طيبت بيش مانحيروش

[صابرة]

ربي يستر يا ام اسيل ..توا نحبسه باش مايطلعش ويشوفوهhwaml14

اناقلت نبي ندير اسياخ الدجاج المشوية
وشربة وبيتزا وبوريك
والحلو نبي اندير الكيكة الباردة او التشيز كيك

[عيون زوجي]

السلام عليكم
شن اخباركم توا يا احلى ليبياااااااااات
ومبروك اعليكم الشهر
وهلا وغلا بالغياب ام اسيل وحبل الوصل وام لقمان
ام اسيل سلامتك من النزيف وانشاءالله خير
حبل الوصل انشاءالله لاباس على اخيتك

[عيون زوجي]

لولي وساجدة وصابرة شدوا الهمة وديمة خشوا زي قبل مش في رمضان تسكتوا وتختفوا زي بعض ناس

[ღॐ آية ღॐ]

السلام عليكم
كل عام وانتم بالف خير
ورمضان مبارك للجميع
وربنا يعينا على الصيام والقيام
اللهم امين

[لولى2010]

كل سنه وانتم طيبين وينعاد عليكم بالصحه والعافيه
عيون انت راك تمشي لليبيا وتنسسي تخشي هههههههههههه

[اميسر]

http://card.jaralqamr.com/images/cards/ramadan/rmd_71a.jpg


مبارك عليكم الشهر


اسفه جدا هذه الفتره ما عندي نت

انشاء الله اخباركم تمام

[اميسر]

http://card.jaralqamr.com/images/cards/ramadan/rmd_81.jpg


http://card.jaralqamr.com/images/cards/ramadan/rmd_40.JPG

[ღॐ آية ღॐ]

اهلا بيك اميسر
نورتي التجمع
ورمضانك مبارك

[عيون زوجي]

السلام عليكم
كل سنه وانتم طيبين
وربي يعيني عالصيام يارب انا من توا جعاااااااانه وربي يستر

[ام اسيل]

صباح الخير كل سنة وانتم طيبين
كيف حالك ياعيون والله ضحكتيني امالا لما تجي ليبيا كيف اتديري المغرب يذن الساعة 8 تعرفي كان حسيتي روحك تعبانة لازم تفطري متزريش على روحك انتي في مرحلة حرجة توا نحكيلك جد لو حسيتس باي تعب متفكريش افطري على طول وان شاء الله بسلامتك

[عيون زوجي]

الله غالب ....يا ام اسيل الجوع والعطش وراسي حاله يوجع فيا متعود على القهوة والمغرب عندنا يأذن الساعه 9والربع
كيف حالك وحال النزيف واسيل واخوها وبوها

[لولى2010]

عيون كيف حالك ردى بالك من روحك وع سرورة والبيبي وبوهم نحن المغرب يادن الساعه 6 ونص يعنى بتوقيت ليبيا 5 ونص

[عيون زوجي]

سعدودكم يا لولي احنا مغربنا 9.30 وتوقيتنا نفس توقيت ليبيا بالزبط تخيلي في ليبيا 8 شفتي الفرق

[عيون زوجي]

صحه شريبتكم ....وصياما مقبولا وافطارا شهيا

[عيون زوجي]

كل وحدة تكتب شن دارت فطور اول يوم رمضااااااااااانhwaml7hwaml7

[عيون زوجي]

انا اليوم بأذن الله اخر يوم ليا في المانيا ولله الحمد
ودرت فطور رز ابيض ودجاج مشوي في الكوشه وشربة وكيكة ومحلبيه وعندي دجاج ناجتس واتي في الفريز قليت منه صونيه صغيرة والحمدلله حاليا الرز ما ذقتاش هو والدجاج ماعادش ليهم مكان عارفين ماكله الليبين يلي بالبدخ لازم تلوحي نصها في الكناسه استغفر الله

[hatoo]

كل سنه وانتو طيبيننننننننننننن وان شاء الله رمضان الجاي مع عيالنا

[لولى2010]

كيف حاكم بنات انا اليوم طيبت عجه بيضانجان وشربه وبطاطا مقليه وسلاطه وعصير وخلاص كلينا شوى ع المغرب والباقى سخنته بعدين والخميس فاطرة برة عشان خلاص نبي نلم الشقه ومعش نبي حوسه فيها عارفات انا قاعده ماشريتش هدايا هههههههههههههههههه والجمعه طيارة الساعه 8 وانا مازال ماخديتش لروحى حاجات خديت بس للونه لان المشيه جت فجاءة عرفت يوم التلاتاء بس ان ماشيه

[حبل الوصل]

صباح الخير انى امس درت بطبوط وبوريك وتشيز كيك ورفعته لحوش عمى فطرنا غادى وسلفاتى كل وحدة مدايرة حاجتين
واليوم بنمشي غادى من الساعة 2 يعنى الحوسة كلها غادى
تعرفو اليوم قعدت بلاسحور نحس في روحى تاعبة من توة

[ام اسيل]

حبل الوصل شنو البطبوط اول مرة نسمع بيه

وتسللم ايديكن كلكن
نحنا في حوش عمي يوميا شربة وكيميا وبراك وحاجتين اخرى درنا امس يطاطا مبطنة وقطايف مالحة خاطي الحلو
واليوم مع الثلاثي المرح درت دجاج محشي وبوريك وسلطة طبعا
تعب لكن جو حلو

[ميرنا]

خير يابنات كل عام وانتم بخير انتن واعويلتكم

[ام اسيل]

ميرنا وينك
شغلتينا عليك

[ميرنا]

نجك لى يا ام اسيل انا ابخير بس النت كان عاطل والدورة الى اليوم لم تاتى لى الان عشرة ايام ودرت تحليل حمل لايوجد وقاعد غاطسة فى المطبخ والحوسة اما فى الصبح نقراء كل يوم ثالث اجزاء وصلت اليوم فى سورة الاعراف بس مانحكيلك على العطش اتقول اول مرة انصيم

[ميرنا]

ايش صار فى ام روفيدة جابت ولا مازالت

[Mقمة البرااااائهM]

يااااا الله ياااااميرناااااااا.....يالقااااطعه........

وين أنتي؟؟؟؟؟؟؟؟

وحشتيني ...........

[ميرنا]

حبل الوصل ايش اخبارك وشن ديرين فى الحمو
عيون راجالها روحتى ليبيا ولامازال

[ميرنا]

اوووووووووووووووو قمة البرائة كل عام وانتى بخير توة امغير قريت رسالتك على الخاص انا كان النت عاطل شبكة المدار فى مدينتى مقطوعة

[ميرنا]

ايش اخبارك واخبار بنتك عساكم من عوادة *

[ميرنا]

http://card.jaralqamr.com/images/cards/ramadan/rmd_71a.jpg


مبارك عليكم الشهر


اسفه جدا هذه الفتره ما عندي نت

انشاء الله اخباركم تمام
وخيرا يا اميسر وين ها لغيبة والله العظيم بعد اختفيتى زعلنا عليك واجد وبذات الهندية كل يوم اتعيط يابنات وين اختفت اميسر قالت هى يد العون لى وطريقتك امعها نجحت فى حياتها العائلية (معش اتغيبى يا عسولة يا احلى شيخة

[Mقمة البرااااائهM]

بخير يااااقلبي.....وعسى هالشهر عليج كللللللللله خييير............

[ام اسيل]

ميرنا والله انشغلت عليك باهي المدار عاطل خشي طمنينا من اي مكان اخرى عليك حق مدخلنيش

وبعدين خذيتي الحبوب ولا مازال قوليلي شن صار عندك
وارجي كم يوم وديري تحليل اخرى وان شاء الله خير

[ام لقمان]

مسسسسسسسسسسسسسساء الخير
كل عام وانتم بخير
ميييييييييرنا انشالله اتفرحينا عن قريب
وماشاء الله عليك انا جزئين وما هنيتش عليهن
زوج اختى فى عناية تونس فى غيبوبة
المسكين دار حمام ونام قدام المكيف
ادعوله عنده راس ابنيه المسكينه ابتهبل عليه
رمضانكم كريم

[حبل الوصل]

حبل الوصل ايش اخبارك وشن ديرين فى الحمو
عيون راجالها روحتى ليبيا ولامازال
انى تمام انتى كيف حالك ووينك استاحشناك
الحمو تعودنا عليه خلاص

[حبل الوصل]

مسسسسسسسسسسسسسساء الخير
كل عام وانتم بخير
ميييييييييرنا انشالله اتفرحينا عن قريب
وماشاء الله عليك انا جزئين وما هنيتش عليهن
زوج اختى فى عناية تونس فى غيبوبة
المسكين دار حمام ونام قدام المكيف
ادعوله عنده راس ابنيه المسكينه ابتهبل عليه
رمضانكم كريم
وين هالغيبة مبارك عليك رمضان الف لاباس على راجل اختك ربي يقومه لعيلته بالسلامة ربي يكون في عونها

[حبل الوصل]

عيون بعد روحتى لليبيبا معادش خشيتى وينك

[دنيتى غريبه]

سلام عليكم كيف حالكم

كل عام وانتم بخير رمضان كريم

ام لقمان الله يشفى زوج اختك\








ممكن تشاركونى في موضوعى

http://forum.hwaml.com/t25580.html (http://forum.hwaml.com/t25580.html)

[ام لقمان]

السلام عليكم
كيف حالكم يابنات اليوم؟
بارك الله فيك ياحبل الوصل
انتى شن اخبارك؟
انى كل يوم انخش التجمع لكن ما نكتبش نطمن عليكم وعلى اخباركم ونطلع
كيف امشيه رمضان؟
وعليش اتفرجى وشن تحضرى ياحبل الوصل؟

[ام لقمان]

دنيتى غريبه
اهليييييييييييين وسهليييييييييين
وكل عام وانت بالف خير
حابه اتعرف عليك انت من وين؟

[ام لقمان]

ام اسيل شن اخبارك؟

[ام اسيل]

ام اسيل شن اخبارك؟

سلمك نشادة ياخيتي والله الحمد لله
حال التعب في رمضان لكن جوه سمح
وبالنسبة للحمل معش نفكر فيه زي قبل مخليتها على الله
انتي شن حال عويلتك وشن حال بنيتنا

[حبل الوصل]

يابنات بنسالكم انى اليوم الفجر بعد درت الكريم المهبلى لقيت شوية دم وبعدها رقدت ومنها ماعادش لقيت شي حتى لما نمسح بالمنديل نلقى في افرازات بيضة وضهرى يوجع فيا بيذبحنى زعمها شنو هذا
على فكرة الدورة متاخرة 4 ايام

[ام لقمان]

السلام عليكم
كيف حالك ياحبل الوصل اليوم
انشالله بخير
عن الشىء الى سالتى عنه
مااضنش دوره والا كانت كملت طريقها ممكن اورايه
يعنى علامة حمل
وانسشالله خير

[ميرنا]

يالله فى هذا الشهر المبارك انشالله ياحبل الوصل تطلعى حامل والله العظيم لوتطلعى حامل انتى او ام اسيل او ميمونة والله كانى انا لى حامل نفرحلكم من كل قلبى خاطرى وحدة منا تطلع حامل علشن تنفك هذه العقدة ونحملو فى جرتها

[ميرنا]

يابنات اليوم ثانى يوم فى الدورة والدكتورة قالت لى بعد ما تجيك الدورة اتصلى بى علشن نعطيك منشطات وانا من امس نتصل بيها وهى ماتردش مع انها قالت لى اذا كان ما رديتش ابعثى لى رسالة فيها اسمك واسم المدينة علشن ارد عليك والله دزيت رسائل يادكتورة انا م والله مابت اترد على انحس فى روحى مقهورة الانى المفروض اليوم ناخذالمنشطات والله حتى كان اقريب رانى عديت لها ولكن بعيد والناس صيامه اناجلها الشهر الجاى وخلص الله غالب

[صابرة]

كل سنة وانتم بخير
كيف الحال يابنات وكيف حالك ياميرنا ليك وحشة
حبل الوصل وميرنا يارب تبشرونا بالحمل الشهر هذا وام اسيل وميمونة معاكم
ام لقمان لاباس على زوج اختك يارب يرجع لعويلته بالسلامة
لولي كيف حالك

[صابرة]

ابعتيلها رسالة ذكريها بموضوعك مرات تكون ناسية

[ميرنا]

من امس وانا فاطر ما نسهفكن وعيت فى الصباح درت حليب وشاهى ونرفع فى البراد فوق علشن ايدير صوت فى الحليب امكسده على الراجل ههههههههههه قالى ياولية تحشمى قلت له نوض هات لى خبزه ساخنة من الكوشة

[ميرنا]

اوووووووووووو الصابرة كيف حالك ويش اخبار هدهودك

[ميرنا]

مافيش حد فاطر ايونسنى كلكم صيمين ربى يكون فى عونكم هههههههههههههه

[ميرنا]

والله ياصابرة بعثتلها اكثر من رسالة ولكن للاسف الشديد ما ردتش على

[صابرة]

حتى انا فاطرة زيك تاني يوم

[حبل الوصل]

حتى انى فاطرة زيكم ههههههههههههههههه اليوم 3 يوم

[ميرنا]

ما شالله ماشالله شكله ما فيش حد صايم غير الرجالة هههههههههه

[ميرنا]

حبل الوصل صباح الخير يا احلى من الحلو

[ميرنا]

ايش اخبار حبيبى عمورة واخلاص اطيبيلهم فى غداء ولا خطه عليهم

[ميرنا]

يا بنات هيا قولن لى من ثانى فاطر

[ميرنا]

تجمع الفطارات

ميرنا
صابرة
حبل الوصل

[حبل الوصل]

هههههههههه لا نطيبلهم لان معاى حتى بنت اختى اللي جايبة وقاعدة في المستشفى

[حبل الوصل]

اليوم مدايرة بوريك وطعمية وسمبوسة وتشيز كيك وانتى شن بتديري ياميرنا

[عيون زوجي]

السلاااااااااااام عليكم
رمضانكم مبارك وعقبال الرمضان الجاي كلكم عندكم بيبيات جدد انشاءالله

[صابرة]

انا مريضة مزكومة وفاطرة ومخلطة الحكاية انحس في روحي فاشلة

[صابرة]

حمدلله على سلامتك ياعيون

[ميرنا]

اليوم مدايرة بوريك وطعمية وسمبوسة وتشيز كيك وانتى شن بتديري ياميرنا

ماشالله ياحبل الوصل اما عنى اندير فى بوريك وكيكة الخضروات وسويسرول هذوم انديرهم فى شقتى ونحطهم فى التلاجة وبما انى نفطر مع اهل الراجل انا حطين على القلى نقليلهم فى بطاط امبطنة و كرنب الزهرة و فلفل بالدحى وباذنجان ونجهز السلطة ونسيقلهم الكوجينة ونطلع منها والعوايز على خوات راجلى وبعد الفطور الساعة 8 تماما بدقيقة وثانية نرقى لشقه على طول انا وراجل ما انفس الا فى شقتى ومعاش نطلع

[ميرنا]

الصابرة لاباس عليك طالما انك فاطر خوذى دواء بس عينك من اوليدك فى الرضاعة *

[ميرنا]

الصابرة تعالى نبى نسألك عندما جبتى اوليدك حياتك تمت احلى من قبل حسيتى ان ابو عبد الهادى تمة يحبك اكثر من قبل ولا عادى ايقولو العيل ايقرب بين امه وابوه صح ولا تعرفى خاطرى انجيب اوليد علشن يحبنى راجلى

[ميرنا]

كشكول
فى وحدة من الاخوات اسمها ناقصة فرحة عندما يمر على اسمها نصبح حزينة منيش عارفة ايش علاقتى بهذا الاسم اتشق فى قلبى ربى ان شالله يكمل فرحتها وتجيها لى نقصتها وحتى نحن امعها فرحتنا ناقصة لا اب والا ام ولا اعويلةhwaml78 استغفر الله العظيم الحمدالله على كل حال لا اعتراض على حكمك يارب *

[ام لقمان]

ميييييييييييييرنا وحدى الله
الى معاه الله مايبيش حد

[ام لقمان]

وانشالله تفرحى وتفرحى عن قريب

[ميمونة]

ميــــــــــــــــــــــــــرنا يف حالك وحال زوج الله يسلمك يارب تحملي عن قريب


صابــــــــــــــــــــــــره تسلمي حبيبتي

[ميمونة]

hwaml7الســــــــــــــــــــــلام عليكم

شن حالكم انا اليوم في حوش بوي زياره قلت نخش لنسلم عليم ونشوف اخباركم في رمضانhwaml5

[ميمونة]

ساجده كيف حالك

[حبل الوصل]

والله ياميرنا عندك الحق لكن شن بتقولى هذى حكمة ربى
هذا انى اللي عندى 2 صغار بننهبل مالا كيف انتى والله الفترة هذى نفسيتى تعبانة وخاطرى نبكى وبزيادة كل النساوين اللي بحداى جايبات والا حوامل ماشاءالله والله كل مانمشي لوحدة نروح مريضة يااااااارب ارزقنا ولاتحرمنا انت اعلم بحالنا يارب

[حبل الوصل]

ام اسيل وينك خذاك مننا رمضان هذا كله ماكلة اطلعى من المطبخ شوي نشوف فيك وزنك زايد 3 كيلو

[hatoo]

اهلييييييييييين انا مازلت ماجبت

[حبل الوصل]

وينكم مفيش حد يخش طبعا انى اليوم اخر يوم فاطرة يعنى فطرت 6 ايام

[ام اسيل]

حبل الوصل كيف حالك
يارب كل رمضان وانت سالمة وان شاء الله رمضان الجاي وليدك الجديد في ايدك
انا مش غير نزيد في رمضان وكال وطياح وكساد وين مانطلع ناكل

سألتك مرة شن البطبوط وطريقة التشيز كيك ياريت تقوليهن ليا

[معراج]

السلام عليكم انا معراج حابه انتعرف عليكن

[معراج]

انا معراج من سبها متزوجه من سنه وشهر ما عنديش عويله ربي يرزقني ويرزق كل محرومه يارب

[صابرة]

اهلا بيك يا معراج نورتي التجمع وربي يرزقك ويرزق اخوات التجمع بالصغار

[صابرة]

ميرنا ندعيلك ربي انت وميمونة وام اسيل وحبل الوص انه يرزقكم بالعيل اللي يفرحكم
اما بالنسبة لوضع الولد معاي..انحس في الراجل غاير منه وطلباته كثرت وديما اينق عليا وانا مش ملحقة على طلباته وطلبات العيل وربك يستر

[حبل الوصل]

اهلين فيك معراج نورتى وربي يرزقك بالعويلة اللي يفرحو قلبك
انى من سبها انتى من وين في سبها

[ام اسيل]

حبل الوصل كنك خاطة عليا وتردي غير على عرب سيها باهي باه

[حبل الوصل]

مش خاطة فيك مغير انى ندير فيهم من الكتاب وتوة كتبته لك سامحينى ياخيتى كله الازعل الغوالى
شيزكيك الجالكسي



المقادير :


واحد ونصف بسكوت مطحون - أصبع زبده - ثلاث علب جبن كيري - علبه قشطه - ملعقه بيكنج بودر - ملعقتان سكر - بيضه


طريقة العمل :

يخلط الجبن مع القشطه والبيكنج بودر بخلاط الكأس وتفرك الزبده مع البسكوت ويرص في صينيه أو قالب ثم يوضع عليها الخليط السابق ويوضع في الفرن نصف ساعه حتي تتماسك ثم تخرج من الفرن ويوضع في الثلاجه - حتي يبرد ويوضع عليه بعد ذلك الكريمه مقادير الكريمه : كأس حليب + 1 كريم كرامل + ثلاث ملاعق كاكاو الطريقه : يوضع علي النار حتي يغلي ويصب علي الخليط السابق ويدخل مره أخري في الثلاجه ويزين بالجلاكسي المبشور


البطبوط
العجينة
طاستين حليب جهينة +طاسة الا شوى مية دافية+ملعقة خميرة +ملعقة صغيرة ملح + بيضة ويمكن الاستغناء عنها
تفرد وتقطع وتطيب في ماكينة البيتزا
الحشوة لحم وبصل وبهار وطماطم حكة ملعقة ومعدنوس وفلفل والازى ماتحبى وتحشي بعد النضج

[ساجدة]

السلام عليكم ....كيف حالكن مع الصيام وشن جو الصيام في ليبيا

[ساجدة]

كشكول

فى وحدة من الاخوات اسمها ناقصة فرحة عندما يمر على اسمها نصبح حزينة منيش عارفة ايش علاقتى بهذا الاسم اتشق فى قلبى ربى ان شالله يكمل فرحتها وتجيها لى نقصتها وحتى نحن امعها فرحتنا ناقصة لا اب والا ام ولا اعويلةhwaml78 استغفر الله العظيم الحمدالله على كل حال لا اعتراض على حكمك يارب *
ميرنا ياحبيبتي والله الهم واااااااااااااااااااااااااااجد امغير امقسم hwaml39 قولي الحمد الله ديما والله غالب كل شي باجره مافيش شي هكي وديما تفألوا خيرا تجدوه والدنيا هذي هكي مافيش حد متريح hwaml80 ...الصبر وبس هو مفتاح الفرج وفوضي امرك لله وحده

[ساجدة]

ساجده كيف حالك
مشكووووووووووووووووووووووره احتي ميمونه علي سؤالك عليا .....انا بخير والحمد لله ... قاعده حايسه عندي رمضان , وبنيه تبي ترضع hwaml42, وانوتي للسفرة امتاع ليبيا hwaml32 ,ومازلت ماشريت شي hwaml15....انبطيت بطه شينه ههههههه hwaml72 اكيده اتقولي ياريتني ماسألتها

[عيون زوجي]

السلام عليكم
شن اخباركم وحال رمضان معاااااااكم
انا حاله متعبني رمضان جوع وعطش لين خلاص وبمجرد ما نحل فطري ننزل على السوائل وبطني تبدا معبيه ومضايقتي حاله ولين خلاص
ام رفيدة جابت ولا لا
بقية البناااااات كيف حالكم ونهاركم مبارك انا ليا 10 ايام في ليبيا والجو كساااااااد الجو في المانيا احلى بهلبه

[معراج]

مساء الخيرات لى احلى بنات ليبيا

[عيون زوجي]

السلااام عليكم
صحة شريبتكم

[عيون زوجي]

hwaml4hwaml4hwaml4
وينكم مهناش حد.....

[حبل الوصل]

صياما مقبولا وإفطارا شهيا

[حبل الوصل]

خيركم معادش تخشو أنا خاشه بالموبايل

[hatoo]

شنو جو الصيام والحمل معاكم تعب صح؟؟؟؟؟؟؟؟

[عيون زوجي]

السلام عليكم
وينكم............................................. ......

[ام اسيل]

[Cخير يابنات كيف حالكم والله رمضان خلانا نتفرقو
LOR="DarkSlateGray"][/COLOR]

[نسايم صيف]

السلام عليكم ..
اني جديدة ونتمنى تقبلوني بكل حب وتفاهم ..
اني حامل بنهاية الشهر السابع ماشاء الله والحمد لله .. وليا 4 سنوات ماحملتش ادعولي اني نولد بالسلامة ..

[معراج]

والله يا ميرنا نفس الوضع فى عز الفرح انحس فى نار فى صدرى انحس بيتى كساد وفاضى وممل وقداش نفرح لما نمشى لحوش اختى اعويلتها ماشاالله حركه ودوشه ومقالب وضحك ربى يخليهم ليها انشاءالله اااااااااامين ويرزقنى الله بلدريه الصالحه انا وكل محرومه

[معراج]

اهلين بيك حبل الوصل نتشرف بيك وبمعرفتك اهل زوجى يسكنوا فى سبها فى سكره ونا نسكن فى قلب برااااااك زوجى ولد ولد عم بوي ربي يحفظه ويخليه ليا

[معراج]

اهلا بيك اختى نسايم ويفرحك الله بضناك ويحفظك الله وتولدى بلسلامه انشاء الله

[معراج]

انشاء الله تولدى بلسلامه ياعيون زوجها والحمد لله هانت كلها ايام انشاء الله تكون بنتك سليمه وبتمام الصحه بين ايديك انشاءالله

[عيون زوجي]

انشاء الله تولدى بلسلامه ياعيون زوجها والحمد لله هانت كلها ايام انشاء الله تكون بنتك سليمه وبتمام الصحه بين ايديك انشاءالله
الله يسلمك عالدعوة الحلوة يا معراج انا عندي بنت ربي يحفظها وتوا بأذن الله اوليد وربي يباركلك ويسخرلك الحال وتعبي حوشك اولاد وبنااااااااااات يارب العالمين

[ام لقمان]

السلام عليكم ورحمة الله وبركاته
كيف حالكم يا خواتى؟
بالنسبه لى مريت بايام الله لاتوريها لمؤمن
اختى زوجها توفى وبنيتها تقطع القلب
وخاصه بعد مرض اختى وبقائها فى المستسفى ربى يشفيها يارب
السلام عليكم

[ام لقمان]

اهلا باختى معراج
نورتينا نسايم صيف

[عيون زوجي]

السلام عليكم ورحمة الله وبركاته
كيف حالكم يا خواتى؟
بالنسبه لى مريت بايام الله لاتوريها لمؤمن
اختى زوجها توفى وبنيتها تقطع القلب
وخاصه بعد مرض اختى وبقائها فى المستسفى ربى يشفيها يارب
السلام عليكم
عظم الله ليكم الاجر والهمكم الصبر والسلواااااااااان
الله يرحمه ويسكنه فسيح جناته
كم عمرها ابنية اختك ربي ارحم مننا اعليها انشاءالله

[عيون زوجي]

ادعولي انجيب قبل نهاية شهري التاسع ما نبيش نكمله اعييت من الرزن والثقل والتكركير

[hatoo]

مليييييييييييت امتى نولد ان شاء الله نولد الاسبوع هضا ادعولي ربي يسر ولادتي

[معراج]

الله يرحمه ويغفرله ويجعل الجنه مثواه ويجعل الله صبره على قدر غلاه ومحبته عندكم والبركه فى بنته ويرزق الله اختك الاجر والثواب والصبر ااااااامين
ويا عيون زوجها ماتستعجليش على ولدك خليه يطلع براحته انشالله كم يوم وتجيبى بلسلامه

[معراج]

انشالله ربى يسهل ولادتك
خواتى انا ناخد فى الكلوميد ثلاث حبات فىاليوم من ثلاث ايام يعنى من ثانى يوم الدوره امتى تبان اعراضه ومن خداته ثلاث حبات وعطى مفعوله وحملت وراه

[معراج]

ام لقمان هادى الدنيا متفرح ربى يصبررررررررررررركم

[hatoo]

وين مفيش حد ولا شنو وين ميررررررررنااااااااااا والبنات

[ام لقمان]

السلام عليكم ورحمة الله وبركاته
اعيون زوجها
معراج
انشالله ما انعزيكم فى غالى
اختى عيون بنت اختى فى اول جامعه
واختى تحس فى نفسها فقدت الزوج والبنت فى الطريق للزواج
الحكايه صعبه عليها واجد
ربى يصبرها

[صابرة]

عظم الله احركم يا ام لقمان وربي يصبر اختك على ما ابتلاها به ربي
ربي يعوضها خير ويغفر لزوجها ويدخلها الجنة

[ام لقمان]

اختى اعيون
اختى هاتوا ربى اينوضكن بالسلامه وما تستعجلنش كل يوم اجركن مثل المجاهد فى سبيل الله ما بالك رمضان ياسعيدكن

[ام لقمان]

اختى معراج والله خذينا ثلاث واربعه
وين اراد المولى الحمل حملنا بلا علاج
ديرى الى عليك والباقى على المولى وبس

[ام لقمان]

ماتنسوناش من دعواتكم فى هالرمضان

[صابرة]

عظم الله اجركم يا ام لقمان وربي يصبر وخيتك
ويارب يكون مثوى زوجها الجنة

[عيون زوجي]

ام لقمان ...........ربي يصبر اختك انشاءالله وتشوف بنتها عروس وما تفكر في شي امرنا كله بيد الله والحمدلله انه ارحم مننا على حالنا واكيد رح يفرجها عليها من وسعه ويكرمها ويفتحلها ستين باب بس ضروري تصبر وتحتسب لله يعني ما تبكي وتنعي حظها هذا امر الله بس تقول حسبي الله ونعم الوكيل واللهم اجرني في مصيبتي واخلف لي خيرا منها

[عيون زوجي]

وينكم يا بقية البناااااااات هالرمضااااااااااان خداكم كلكم الله غالب رمضاااان الصيف متعب بس اجرنا على الله انشاءالله

[عيون زوجي]

هاتووووو........ انتي بكريه ولا لا
وحسيتي بوجع ولادة ولا لا قصدي الام زي الدورة تجي وتمشي وظهرك تحسيه بينفصل عن بعضه

[hatoo]

ان شاء الله يااختي ام لقمان وعظم الله اجرك,اها ياعيون زوجي انا بكريه ونحس بألم زي الدورة يمشي ويجي وظهري من تحت بيوجع فيا وكيف الموس مرات ينغزني من تحت وبطني تيبس والله تعبت ان شاء الله نولد قريب علي خير وسلامه بكره قالتلي الدكتورة تعالي بلكي نديرلك توسيع عشان نولد قريب عشان منطولش ونخش للعاشر وان شاء الله تولدي بسلامه وتشوفي النونو علي خير وان شاء الله نولدو في رمضان لان اجر الولاده في رمضان العتق من النار

[معراج]

اختى الغاليه ام لقمان ربي ينزل المصيبه وينزل معاها الصبر ربي يقويها ويعينها

[ام لقمان]

السلام عليكم
بدن العشره يالله كثيرين راحوا وما حضروهن
شدوا الهمه وماتنسونا من الدعاء

[ام لقمان]

شكرا اختى معراج
وشكر الله سعيك اختى صابره
وانشالله مانعزيكن فى غالى

[عيون زوجي]

يارب يسمع منك يا هاتووو ونجيبوا في رمضان انا مستعجلة جدا مع انه 60 حاجه ناقصتني بس الرزن والثقل تعبني تصدقي كل ليله راجلي يقولي هبا نطلعوا نشروا شن ناقصك نركب السيارة وماتجيش نص ساعه انقوله ردني اعييت تعبت وانروح عالفاضي
ربي يكرمنا من وسعه ونولدوا بالصحه والسلامه لينا ولاولادنا يارب
يارب ارحمنا في هالشهر الفضيل واغفر لنا ذنوبنا ما ظهر منها وما بطن قولوا امين

[عيون زوجي]

شريتوا حوايج العيد ولا مازال انا شريت من اسبوع تقريبا

[ميمونة]

السلام عليكم كيف حالكم وحال رمضان معاكم انا والله تعبانه اول سنة علي رمضان من غير اهلي كل شئ عليا ياربي الحمد لله

بالنسبه للحمل قاعده ماحملتش كل شهر انقول هالشهر ربي يرزق

[عيون زوجي]

هلا ميمونه كيف حالك ومبروك عليك الشهر وانشاءالله تحملي بزوز توامه

[hatoo]

ان شاء الله ياعيون زوجي انا اليوم عديت ودرتلي توسيع بس مش واجد شويه قالتلي لانو الرحم مازال مسكر وقالتلي تمشي اليومين هذين وان شاء الله خير

[ميمونة]

هلا ميمونه كيف حالك ومبروك عليك الشهر وانشاءالله تحملي بزوز توامه



تسلمين حبيبتي انت شن حالك وشن صار فيك روحتي او لا

شن مازال امتي موعدكhwaml7 يارب اتنوضي بالسلامة وتشوفي البيبي في حضنك

[ميرنا]

السلام عليكم ورحمة الله وبركاته
كيف حالكم يا خواتى؟
بالنسبه لى مريت بايام الله لاتوريها لمؤمن
اختى زوجها توفى وبنيتها تقطع القلب
وخاصه بعد مرض اختى وبقائها فى المستسفى ربى يشفيها يارب
السلام عليكم
عظم الله اجرك يا ام لقمان وانشالله ربى ايصبرها ويقوي عزمها

[ميرنا]

بناتى واخواتى سامحنى على انى ما نخشش واجد لانى نرقد بعد صلاة الفجر ونوعة الساعة 11 تمام فى الصبح ونبداء على طول فى قراة القران وبعد ما نقراء فى جزاءين كل يوم مع سورة البقرة يوميا بعدها نبداء انقوم بواجبات فى الشقة والراجل وبعدها نخش للمطبخ امتعى انجهز اى نوع حلو وبعد العصر ننزل الى حوش اهل زوجى وانا حطين على المقليات نبداء نقلى ونقلى ونقلى ونقلى ونقلى ونقلى من براه ومن جوها من الكلام لى نسمع فيه ونقول يارب صبرنى اهو اقريب تنفرج وخايفه انتكلم ايضيع اجرى والله المة سمحة لكن ها الصبايا ما خلن فيها حاجة اكويسة وانا على خاطر راجلى ما يكسدش ابروحة انقول خلينة نفطرو مع خواته واخوات لكن لمة تبى صبر *

[ميرنا]

شوفو موقف امس صارلى واذا انا غلطنة والله ما اتحشموش منى قولولى انتى يا ميرنا غلطنة : اخت راجلى ادير فى باسطى بعد الفطور وانا رقيت اشقتى دزتلى مع بنت سلفى تبي اكريمة شنتيه انا عندى كريمة سائلة اعطيتها منها وقتالها اظربيها بالمظرب الكهربائى شكلها ماعرفتش اديرها حطتها على الكيك بدون ما تضربها جيت انا ثانى يوم القيتها اطنش ومعندهش الريح وين اتهب وتعزق فى الكلام وانا انقول ياغفل لك لله ازعمك شن صاير وانا امس امعهن ما فيش شى وتبداء اتقول ها الزغد ة شن تضحك علينا تعطى فينا فى حليب رايب وتقولنا حطنه علىالباسطى اينفش ابروحه قاتلها والله قلتلكم اضربوه فى المضرب وطلعت من المطبخ وسكرت على روحى فى شقتى نين جاء الرجل على اذان المغرب وبداء يرضى فىويقولى امسحيها فى وجه هالمرة وقعد ايحب ويظبط وقالى توة نحجزلك فى مصيف سوسة ثانى يوم العيد خيتكن ميرنا ما اهنكش شى عقل على طول راضيت وانزلت بس مع صبيتىمازالت القصة مستمرة وربى يستر اليوم شن يصير والله ما عندى جهد للمشاكل يا نا على

[ميرنا]

العشر الاواخر من رمضان منبيش انضيعهن على الفاضى نبى نشتهد فى الاستغفار ودعاء وقراءة القران ربى ايقوينى انشالله على طاعة

[ميرنا]

حبل الوصل سلم يديك على تشيز كيك ايجنن ما شالله عليك

[ميرنا]

اعيون راجالها انستينا وانا انقول كنها البلاد نورت

[ميرنا]

ميمونة يا سنفورة اين احسن رمضان عند اهلك ولا عند زوجك سؤال محرج

[ميرنا]

ام اسيل ايش اخبارك يادلوعة

[ميرنا]

هاتوة ربى قومك بسلامة وتفرحينا قبل العيد

[عيون زوجي]

السلام عليكم
كيف حالكم اليوم كلكم كلكم ويارب تكونوا باحسن حال وايامكم هادي مباركة عليكم
ميرنا هلا وغلا النور نور والله يانسك بوليد يكون في حجرك العام الجاي انشاءالله
استاحشناك هلبه هلبه
كاني زيك نفطر بروحي وطز فيهم بس قلبك اكبر مني وعافسة اعليه على خاطر راجلك ربي يكرمك ويعطيك من وسعه انشاءالله
انا نفطر مع شيبانيا وعزوزتي بس الحمدلله ياربي حمواتي كلهم متزوجات لو وحدة منهم قعده ماني فاطرة معاهم الحموات عقارب
بس في مثل يقول داري على شمعتك تقيد والوحدة مننا تبي الستر وسعادة راجلها ورضاها ومنشان عين تكرم مرج اعيون

[حبل الوصل]

ام لقمان عظم الله اجركم وان شاءالله خلف لكم البركة وربي يصبر اختك ويكون صبره على قد غلاه هذى الدنيا
ميرنا نورتى وينك استاحشتك وووووواااااااااااااجد نجك لي يالغالية والله ماحد ناجى ياوخيتى لكن كيف نديرو نزرطو على خاطر الرجالة وان شاءالله يثمر فيهم

[hatoo]

اهلييييين بناااااااااااات منورررررررررره ياميرنا وربي يعطيك الصحه متعدليش عليها وخليك احسن منها مشي علي خاطر راجلك بس متخليش حد يطق فيك خلي راجلك هو الي يتكلم لو حد ضايقك مره تانيه وان شاء الله خير

[ميمونة]

ميمونة يا سنفورة اين احسن رمضان عند اهلك ولا عند زوجك سؤال محرج

اكيد عند زوجي ههههههههههههههههه

بعدين وينك انت وشو اخبارك

[عيون زوجي]

الســــــــــــــــــــــــلام علــــــــــــــــــــــــــــــــيكم

[hatoo]

وينكمممممممممممممممممممممممممممممم

[ღॐ آية ღॐ]

السلام عليكم
http://forum.hwaml.com/images/icons/icon20.gifكيف الحال يا احلى حوامل؟
ربي يسهل على كل وحدة في شهرها
وان شاء الله تولدو في رمضان ويثبت ليكم الاجر
اللهم امينhttp://forum.hwaml.com/images/icons/icon20.gif

[hatoo]

ان شاء الله ياايه يسمع منك ربي وربي يسهلك حملك

[ღॐ آية ღॐ]

تسلمي حبيبتي
اللهم امين

[عيون زوجي]

السلام عليكم
كيف حالكم اليوم يا احلى ليبيات
اليوم مشيت مراجعه في النفط كلينك ولقيت دكتورة حبوبه مش عارفه اسمها المهم الوضع تمام والبيبي راسه تحت وكل شي كويس وبدت اوجاع زي الدورة تجيني وقالت ان هذا وجع الفالق ولازم نتمشى باش يجي الوجع والمشكله في رمضان صعب نطلع في النهار نو وصيام وعطش وفي الليل نفشل ونتعب ونرقد والمشي يجيبه ربي ادعولي نولد ونرتاح يارب بالصجه والسلامه

[ام الصبيان]

بنات كيفكم انا جديدة بصراحة فرحانة واجد اني لقيت احد من ليبيا
الهوية
ام الصبيان
في الشهر الخامس الله ايتمم علي
حامل بتوأم
اول حمل
25 سنة
وبس ................

[hatoo]

اهلين ام الصبيان ربي يثبتلك حملك ويسرلك امورك واهلآ بيك بينا , والله انا زيك ياعيون زوجي المشي يجيبه ربي مشيت 3 ايام بعدها مليت ان شاء الله ربي يسرلنا امورنا ونولد علي خير وسلامه

[hatoo]

عيون زوجي انت مش بكريه صح؟

[عيون زوجي]

هلا ام الصبيان ماشاءالله تواءم ربي نوضك بالسلامة

[عيون زوجي]

ايوه يا هاتو انا مش بكريه انا بنتي عمرها سنه و4 شهور ماشاءالله وحملت على طول يعني من لما عمر بنتي 6 شهور
وخايفه من الولادة اكثر من البكريه لان ميزة البكريه غافله ما تعرف شي لين تجرب بس انا من اول ما خشيت شهري وشريط ولادتي يتعاود بين عيوني وخايفه ونسئل الله العلي العظيم ايهون اعليا وعليك وعلى كل حامل مسلمه يارب بجاه هالايام المباركة

[ام الصبيان]

هلا ام الصبيان ماشاءالله تواءم ربي نوضك بالسلامة
وانت كمان الله ايقومك بالسلامة وتشوفي ضناك سليم معافى ويجعله من عباده الصالحين
بنات انا احس من اول اليوم ان البيبي نازل جهة الورك مع كل خطوة احسه هل هذا طبيعي

[ميرنا]

خير يابنات ايش الاخبار
مرحبتين بك يا ام الصبيان وربى يتمملك حملك على خير بس حاولى اتراجعى عند الدكتورة علشن تطمنى اكثر وانتى بكرية ولا عندك اصغار
عيون راجالها شن اخبارك ربى يخلص كربك خلص ما هى الا ايام قليل واتجيبينا بيبى حلو مثل بوه بس ماتنسيش اتحطينا صورته فى توقيعك وحتى صورة سار ة علشن ما تزعلش

[ღॐ آية ღॐ]

السلام عليكم
اهلا بيك ام الصبيان نورتي التجمع؟
ميرنا كيف حالك وشن اخبار رمضان معاك
ان شاء الله تكوني بخير ؟
ميرنا انا من يومين قريت قصتك انتي وحماتك
بصراحه اتأترت بس بعدين قلت
ميرنا لازم توسع بالها واهم حاجه زوجك
وعلى خاطر عيونه مدوريش شئ لوحي وراك
ربي يخليه ليك ويخليك ليه ويقر عيونكم بطفل سليم معافى
عاجل غير اجل اللهم امين

[حبل الوصل]

بنات كيفكم انا جديدة بصراحة فرحانة واجد اني لقيت احد من ليبيا
الهوية
ام الصبيان
في الشهر الخامس الله ايتمم علي
حامل بتوأم
اول حمل
25 سنة
وبس ................
نورتى ام الصبيان انتى من وين وقديش ليك متزوجة
ربي يسهل حملك وولادتك

[حبل الوصل]

ربي يسهل عليك عيون ويهون لك ولادتك يااااارب ماتنسيش تدعيلنا وقت يجيك الوجع

[حبل الوصل]

ام اسيل وينك لاهية في دبش العيد
حنى ماشاءالله عندنا 3 افراح بعد العيد كلهم اقاربي
يعنى الايام اللي فاتو كنت في السوق

[hatoo]

ان شاء الله ياعيون ربي يسهل علينا ونولدو بخير وسلامه

[عيون زوجي]

هاتوووووو...حبيبتي موعدك خلاص قرب صح طمنينا فيه بوادر ولادة ولا لا

[عيون زوجي]

هاتوووو...احكيلي شن جهزتي وشن شريتي للبيبي ونفاسك وبديري اسبوع ولا لا

[عيون زوجي]

ميرنا وام اسيل وحبل الوصل انشاءالله مارح ننساكم في الدعاء لو عقلي قعد في راسي وماطارش مني ساعتها حتى اميسر وميمونه
صابرة وساجدة وام لقمان وسورينام وينكم
ميمونه وايه منورين
سورينام شكلك جبتي انتي وام رفيدة وشفرتوا
هاتو ربي يهون اعلينا ونجيبوا في هاليومين قبل العيد انا عن نفسي مليت من الثقل ما بعدك انتي يارب نرتاح ونشوفوا صغارنا بالصحه والسلامه لينا وليهم

[hatoo]

ان شاء الله ياعيون والله مليت بكل اليوم عديت للدكتوره ودارتلي كشف داخلي وقالتلي مازال الرحم مسكر قالتلي يدوب خششت صبعي يعني مفتوح 1 سم؟؟؟ مافهمتهش هيا قالتلي درتلك توسيع بس مش واجد وقالتلي توا ينزل عليا دم وفعلآ نزل عليا دم وردي والله ماني عارفه بطني توا توجع فيا بس خفيف ان شاء الله نجيب قبل العيد ادعولي

[عيون زوجي]

السلام عليكم
وينكم يا بناااااات خيركم ماعادش تخشوا بيختوها
انا من المغرب ظهري خلااص بينفصل وشويه وجع بسيط في البطن والرجلين بس درت دوش دافي وقعمزت في البانيو وجع البطن خف بس الظهر مازال
وحاليا مقعمزة نكتبلكم وانا نشرب في يانسون دافي ادعولي ربي يخلصني الليلة ونشوف اوليدي بالصحه والسلامه

[معراج]

ربي يسهل ولادت الجميع ان شاء الله ويفرحكن الله بدريه كاملة الخلق والخلقه اااااااااااااااااااااااااااامين يارب العالمين بحرمة هدا الشهر الكريم

[hatoo]

جهزت كل حاجه ونرجوا في النونو تشرف وان شاء الله نبي ندير اسبوع بس مش علي طول لان هلي مسافرين بعد مايجو ان شاء الله كل يوم نبحت في السرير والدبش ونقول هيا امتي تجي انا وراجلي

[عيون زوجي]

كسف حالكم اليوم
معراج شكرا عالدعوة الحلوة
هاتو ذكرتيني في حملي الاول كنت من الشهر السادس واتية وكل يوم نتفرج على حاجات سارة ونخليهم مفرشات لين يروح زوجي ويتفرج معاي بس توا لا ممكن السفر او البيبي التاني او جو رمضان مافيشي فراغ اليوم مضغوط حاله
يارب نجيبوا ويهون اعلينا ولادتنا ويسهل اعلينا على يارب

[ღॐ آية ღॐ]

http://forum.hwaml.com/images/icons/ajel.gif
السلام عليكم
كيف الحال يا احلى حوامل ربي يسهل عليكم
وتجيبو وتنوضو سالمين انتم وصغاركم
بنات بي نسئلكم
انا نبي نحني اليوم وبعد ما بنغسل الحنه بندهنها بي رب ومنياكه (النشادر)
>>اكيد تعرفوها الي نضيفو فيها على الحلويات, تخلي الحنه داكنه وتلمع.
هل فيها ضرر على الجنين
با لله ردو بسرعه

[hatoo]

ان شاء الله ياعيون ,والله ياايه مش عارف اسألي الدكتوره بس انا نخسها قويه لانو ريحتها قويه بكل

[ღॐ آية ღॐ]

تسلمي على الرد هاتو بس انا ما عنديش موعد مع الدكتور اليوم
او كان هادا كنت سألته
بالله لو فيه وحده استعملتها وهي حامل وما صارش ضرر تقول

[عيون زوجي]

كان فيه حد مهونها اعليا اني قعده ماجبتش هو انتي يا هاتو
ايه حبيبتي مش عارفه انجاوبك الرب انحسه عادي بس المنياكة قويه

[عيون زوجي]

انا قلت لامي ان الوجع يجي ويختفي فجاءة قالتلي ممكن شايفة حاجة وخاطري فيها
فكرت لقيت لا بس من مدة خاطري نفطر عالبحر واليوم مشيت فطرت في بحر تاجوراء صقع وريح لكن عادي
ياخوفي خاطري في حاجة في المانيا مافيهاش كيف بكل
نصحوني بالسردينه والرب جربيهم يا هاتو بالك انتي زيني خاطرك في حاجه
بنسالك نزل البيبي للحوض ولا لا قصدي تحسي في بطنك طاحت لوطة وما عادش مطنشة قدامك

[عيون زوجي]

امانه
امانه....امانه ...امانه
لكل من يقرا مشاركتي يدعيلي نجيب ويهونها ربي وتكون ولادتي اسهل ولادة توا او في العيد مانبيش نكمل شهري بالله عليكم
ويارب يهونها اعليا وعلى هاتو وكل مسلمة حامل يارب ويرزق كل محرومه يارب

[ღॐ آية ღॐ]

شكرا على ردك عيون زوجي
وان شاء الله تجيبي وتنوضي بسلامه
وتخشي اطمنينا عيك وعلى البيبي,
والله حسني بنديرها وخلاص يا بنات نسمي بسم الله وان شاء الله
ما فيها سو
والله خاطري فيها كحله
نخاف ما نديرهاش تتطلع في البيبي وحمه سودء كبيرة لا قدر الله

[hatoo]

ان شاء الله ياعيون والله حتي انا اليوم عمت راجلي قالتلي بلكي شايفه حاجه وخاطرك فيها قالتلي كولي تفاحه حمراء ومتخليش حد ياكلها معاك واشري حكه سردينه وكولي منها طرف وطرف بخريه والله اعلم قلت انا كان لعند تاني يوم العيد ماجبت نجربها ان شاء الله

[hatoo]

وبالنسبه للبيبي الدكتوره قالتلي ان راسها نزل للحوض من قبل

[ميرنا]

ربى يسهل عليكن يا عيون راجلها و هاتو ويخلص كربكن انشالله بخير وسلامة وتنوضن انتن واعيلتكن بصحة ممتازة ونزغرتو عليكن زغروته نين تسمعنها فى المستشفى ولكن انتن كثرن من الجماع والمشى ايقولو ايسهل الولادة وربى امعاكن

[ميرنا]

آية يا حبيبتى انتى تبى الحنة سودة ديرى( سكر وليمون وزيت) وبما انك حامل وحرارتك مرتفعة صدقينى توة تطلع كحلة زى ماتبى والمانيكة لو تحطيها على الحنة تطلع زى الخضراء ثانى يوم وانا ما ننصحكش بيها وانتى حامل واحذرى من السرتية فى الحنة وحاولى تعجنيها باحاجات طبيعية مثل كوب ليمون وشاى احمر وان شالله ربى يجبر خاطرك وتطلع زى ما تبى

[ميرنا]

هاتو وعيون راجالها hwaml7 خوذنا هذا البرنامج يساعد على الولادة المبكرة المشى كل يوم نصف ساعة على الكرنيش من ثانى يوم العيد انتى وزوجك ومعك ترمس شاهى وسندوتشات فى العشية لمدة اسبوع hwaml34 والحاجة التانية الجماع كل يوم ثلاث او الربع مرات ماتعقبنش فيهم جهد وشجعنهم قولولهم صابو امعانا هذا اسبوع وبعدها نعطوكم راحة لمدة اربعين يوم hwaml62 هههههههههههههه ايوه هذا اذا كان تبن اتجيبناhwaml82 ايش رايك ياحبل الوصل فى هذا الكلام صح ولا ام صبيان وايه كلامى مزبوط

[ميرنا]

كل عام وانتم بخير يا احلى اخوات فى الدنيا

[hatoo]

وانتي بخير ياميرنا وان شاء الله حنجربه الوصفه وان شاء الله نولد ونتريح ادعولي ربي يسرلي

[ღॐ آية ღॐ]

ميرنا صح والله وعن تجربه والله على ما اقول شهيد
انا في حملي الاول من الثامن ما عدش جماعنا
وفي الاسبوع التاني في التاسع زوجي اصر عليه ليلتهاوجامعنا
ووالله والله ما بتت يومها الا في المستشفى وجبت ايوب الصبح
والحمد لله كانت ولادة طبيعيه
عقبالكم يارب

[ღॐ آية ღॐ]

انا حنيت امس
درتلها زيت شيح في العجينه
لان قالولي ما ديرشيي وخواتي كلهم
وهم حوامل يحنو
ودرت حتى المنياكه والحمد لله طلعت زي ما نبيها
على فكره حنيت بروحي ايديا ورجليه لاكن روحي قريب طلعت
اهم شئ ما قعدتش في خطري صح؟

[عيون زوجي]

كل ســـــــــــــــــــــــــنـــــــــــــــه وانتم طيبااااااااااااااات

[عيون زوجي]

هلا وغلا بميرنا وين هالغيبة وعيدك مبارك انتي وكل بناات التجمع ادعيلي يا ميرنا ربي يسهل اعليا ويهونها اعليا انا وهاتو
الحاجتين يلي ذكرتيهم في وصفتك للولادة رمضان تام ممكن 3مرات بس( يا كسوفي كله مني ومن كسلي والراجل حرجان مني بس كاتم ) والسبله اني تعبانه وظهري يوجع

[hatoo]

كل عام وانتم بخيييييييييييييييييييييييييييييييييييير

[معراج]

كل عام والجميع بخير وعافيه الحوامل يخلصهن الله ويولدن بلسلامه ويرزق الله كل محرومه الدريه الصالحه ااااااااااااااامين

[معراج]

لا ما تكترنش الجماع فى الشهور الكبيره يسبب نزيف واحيانا انفصال للمشيمه مره او مرتين في الاسبوع وبرفق وبدون عنف احدرن اخواتي حوامل الثامن والتاسع الجنين مابيقعد ديمه في بطنك يجيه يوم يطلع

[عيون زوجي]

كل سنه وانتن طيبات وحلوات وحوامل يا احلى ليبيات
اليوم كان اول ايام العيد من الصبح للعشية كساااااااااااد جدا بس بعد الساعه6 مشيت لسوق الثلاتاء مع زوجي ولعبنا بنتي وتعشينا غادي الجو حلووووو ويارب نجيب الليله يارب قولوا امين ؟؟؟؟؟ومن غير الم شن رايكم في الطمع........هههههههههههههه
هلا معراج وين هالغيبه
هاتو جبتي ولا لا

[ღॐ آية ღॐ]

كل عام وانتم بخير
وعيد سعيد وينعاد على الكل
وان شاء الله العام الجاي يكونو صغاركم معاكم
وتحملو من اول وجديد
عيون زوجي انا اليوم كنت بنمشي لاكن راجلي قالي تو نلقوه زحمه
زحمه السوق كان اليوم؟؟
غدوة ان شاء الله بنمشوله

[عيون زوجي]

كل سنه وانتي طيبة يا ايه انتي ووليدك وراجلك
اليوم زحمه صح بس الزحمه المعقوله معظم الناس لاهيين في حياشهم وزياراتهم العائلية اتوقع غدوة ازحم الكل فاضي وبيلعب صغاره وبيصورهم
لو مشيتي رح تلقي شاب اسمه يوسف موجود من ايام رمضان يرسم في وجوه الاطفال ايهبلوا رسمت وجه قطة على وجه بنتي طلعت قطة اتجنن

[عيون زوجي]

شكلي بنعين روحي مديرة ومشرفه عليكم لانني انا الوحيدة انخش يوميا

[ام اسيل]

كل سنة وانتن طيبات يااحلى خوات ف الدنيا وانشالله ينعاد عليكن بالصحة والسلامة ميرنا وحبل الوصل ان شاء الله السنة الجاية في يدنا عويل
هاتو ومديرتنا عيون زوجي والله ندعيلكن ربي يسهل عليكن وطمننا

[معراج]

ياخواتي يلى تعرف اتقولى اليوم 17للدوره واحس بنغزات في المبايض اول امس في مبيض واحد وامس واليوم في المبيضين مع غثيان وارتخاء وخمول في جسدى علما اني هلشهر اخدت كلوميد علما ان موعد دورتى بعد 8 ايام طمنووووووووووووووني

[معراج]

ادعووووولي ربي يرزقني الدريه الصالحه عاجل غير اجل اااااااااامييييييييييننننن

[hatoo]

لا مازلت ماجبت وعطوني لعنديوم 16 كان ماجبت قالولي حنجيبوك بليه صناعيه ادعوووووووووووووووووووووووولي

[ام لقمان]

كل عام وانتم بخير
وانشالله مامنكم مفقود ويعطيكن المولى مافى بالكن
ويتقبل من الجميع ويرضينا بما عطانا

[ام روفيدة]

السلام عليكم كيف حالكم وكل عام وانتم بخير وتقبل الله منا ومنكم نحب نبشركم ولدت الحمد لله بعملية وجبت ولد وسميته حازم ودعيتلكم وخصوصا ميرنا وسامحوني ماعنديش نت والكمبيوتر عاطل توا نكتب من حوش صاحبتي ان شاء الله نحيلكم قصة ولادتي مرة تانية

[عيون زوجي]

هلا وغلا بالغايباااات
ام اسيل عيدك مبارك وعام داير وانتي في شهرك والا جايبة انشاءالله
ام رفيدة الف مبروك ويربى في عزك
نستنوا في قصة ولادتك والف الف الحمدلله عالسلامه
ام لقمان عيدك مبارك
هاتو ربي يهون اعليك واعليا وترتاحي من الوجع الصناعي حتى انا نستنى كل يوم نقول اليوم ربي يهونها ونجيبوا طبيعي بلا عملياااااااات ولا اوجاااع صناعيه يارب ونوضوا احنا واولادنا بالصحه والسلامه

[ღॐ آية ღॐ]

ام رفيدة الف مبروووووووووووك سلامتك
وسلامة البيبي وان شاء الله يكون من قسمك
وتفرحي بيه وتشوفيه عريس
نستنا في قصة ولادتك
وربي يزيدك من الشفى
لكل وحدة في شهرها ننصحكم ما تفكروش هلبا وما تستاعجلوش
على الولادة النفسيه ليها دور والله
وياااااااااااااارب تدخلو اطمنونا عليكم وعلى اطفالكم في اقرب وقت
اللهم امين

[ام لقمان]

السلام عليكم
ام روفيده الف الف الف مليون مبروك
ويارب ايونسك بيه وتفرحى بعياله
عيووووووووون كل عام وانت حامل وتنوضى بالسلامه
كل الحبيبات كل عام وانتن بالف خير

[عيون زوجي]

ام لقمان الله يسلمك ويعطيك يلي في بالك
اية صحيتي على كليماتك الحلوات وربي يخلصك بالسلامه
ام رفيدة صلجوا كمبيوتركم خيرلكم
هااااااااتو بالله اعليك خشي كل يوم وطمنينا اعليك مش تختفي زي الباقيات

[عيون زوجي]

وينكم يا عرب ليبيا يا هوووووووووووو يا ناس با عالم يا اهل الله يلي هنا............................................... ..............................................

[صابرة]

كل سنة وانتن طيبات

ام رفيدة حمدا له على سلامتك ومبارك عليك حازم يتربى في عزك انت وبوه..وين صورته؟؟

[ميمونة]

السلام عليكم

كيف حالكم اخواتي والله ليكم وحشة

وكل عام وانتم بخير ينعاد عليكم بالصحه والعافية

[ميمونة]

ام رفيده الف مبروك والحمد لله علي السلامه يتربي في عزكم

[ميمونة]

عيون كيف حالك وحال بنتك شورك مازال ماجبتيش ربي يسهل عليك

[ميمونة]

صابره كيف حالك انا اليوم قاعده في حوش بوي

[سورينام]

السلام عليكم ورحمة الله وبركاتهhwaml7hwaml7hwaml7
أخواتي .. حبيباتي طل عم وانتم بالف خير بمناسبة شهر رمضان المبارك وبمناسبة عيد الفطر وبمناسبة كل المناسبات اللي فاتت وما كنتش موجودة معاكم

[سورينام]

أولا نبي نسلم على حبيبتي ووخيتي اللي ما شافتهاش عيوني واللي مكانها في قلبي ويعلم ربي بمعزتها أختي الحبيبة وتوأم روحي عيون زوجي

[سورينام]

ونقوللها شكرا وألف شكر لانك الوحيدة اللي فقدتيني انشاالله ما تفقدي غالي يارب وانشاالله ربي يهون عليك ولادتك بجاه هالايام المباركة من شوال آآآآآآآآآآآآآآآآآآآآآميييييييييييين