تجمع حوامل ليبيا [الأرشيف] - الصفحة 49 - منتديات حوامل النسائية

ام قصى محمد

10-25-2011, 03:49 AM

لللولوولووووووووووى
واخيرا وصلت لصفحه الاخيره
ولللللللللللللللللللللللوووووووووووووووووووى
على التحرير
طبعا ما قريتش الا 10 الاواخر وزعلانه منكم يعنى نغيب قله من تسال عنىخلاص مش راح نطريكن
الا حبيبتى ميمونه
خذا سوك وربى ياجرك فى مصيبتك ويخلفك بخير منه
حبيبتى والله ماتجيبى عليا علم عقلى معاك بس النت فصل ليا ايام منقهره حسيت تقول محبوسه
المهم راح نسلم على هاتو مش تفرحن البقيه بس عشان بنوتتها مريضه هاتو انا كنت زيك الى ان مرضت فايزه اجلكم الله باسهال قوى والاطباء حارو فيها14 يوم نين انا خلاص فقدت واختى تقولى شيلها لطبيبه عرب نقوللها ايش هذا الجهل المهم اختى الكبيره سكرت راسها ودلتنى على طبيبه تشيل فى اولادها لها المهم من يئسى شلتها وراجلى يهزب ومش مقتنع وشلتها من ورا عمتى لانها حذرتنى من الموضوع المهم شلتها لما كشفت عليها
قالتلى انتى وينك من زمان بنتك عندها الطيره ومحلوقه
عالجتها وفعلا فايزه من هى صغيره ديما تشرق فى الميه من لما شلتها معش شرقت حتى عمتى لاحظت تحسنها ولنا سالتنى عن السبب اخبرتها فتمت تنصح الناس انهم يشيلو اولادهم خخخخخخخخخخخ
الطيره للمايعرفاهش طائر يشبه الغراب اسود اللون وكبير انا شايفته بعيونى طان فى زوج يسكن جنبى هههههههه
المهم هم فى من يصيدهم وياخذ شحمهم ويديرو منه الدوا
انا عن نفسى اؤمن بطب العرب لانى مجربته فى جنى ايضا والحمدلله من رمضان والبنت ماتكلش المهم نين من اسبوع مرضت وانصفرت شلتها للدكتوره واعطتنى لها علاج وماصار شى شوى اختى من يومين قالتى شيليها لطبيبه ماتمت طبيبه العائله ههههههههههه
وفعلا شبتها عالجتها وتوا رد لونها طبيعىورجعت تاكل
الحمدلله

ام قصى محمد

10-25-2011, 03:58 AM

يقين بعيد السو عليك هذى اكيد من صنته البصل من اول مافتحت فاحت الريحه الزكيه الله يهديك تمر حنه او نقول للبصل صنه
ميراس انشاء الله كل سنه وانتى طيبه واحلى عيد من غير القذافى
ام عويضه طايحتلى على الفيس ومسيبتنا
ميرنا سلمك زغراده انشاءالله وانتى جايبه نزغردو احلى زغاريد
كبريائى غريب انشاء الله بالنجاح
ليبيا قلبى شهيتنى سلم ايديك
ام ردينه خيرات شن اخبارك
سوريتا اهلا بيك حبيبتى شرفتينا
ام وسونه سامحينى شن صار معاك اصلى ماقريت كل الصفحات طمنينى عنك
ام اجنادين انشاء الله حامل مبروك مقدما

ام قصى محمد

10-25-2011, 04:00 AM

عيون وام سعد وايه شن اخباركم؟؟؟؟؟؟؟؟؟؟؟ظ

ميمونة

10-25-2011, 09:12 AM

يـــا رَبّ أنــتَ أعْــلــمُ بــمَــا فــي الــقــلــوبِ ♥
وَ مَــا يَــسْــكــنُ ...الصّــدورْ ..
يَــا رَبّ ازرَعْ فــي رُوحــي الــرّضَــا
وَ اسْــتــرنــي بــرِدَاءِ مِــنْ نــورْ ♥~
يَــا رَبّ ألــبــسْــنــي ثــوبَ الــطّــهــرِ
... ... ... وَ الــعَــافــيَــة وَ الــقــنــاعَــة وَ الــسّــرُورْ
يَــا رَبّ إمْــلأ حَــيَــاتــي بــحَــسَــنــاتِ طــاعَــتــكَ ♥
وَ ألــهــمْــنــي إلــى ديــنــكـَ وَ حُــســنِ عــبَــادَتِـك
وَ ارْحَــمــنــي يَــومَ يَــنــتــهــي أجَــلــي وَ أمُــوتُ —

صـــــ ♥ ـــباح الحب و المغفرة و الرحمة ~~

ميمونة

10-25-2011, 09:14 AM

ام قصي هلا حبيتي والله ليا يومين نجرب نكلمك بس ماباش يشكل عارفه والله انك مشغوله ربي مايشغلك انشاءالله شن حالك وحال بنياتك وراجلك واهلك خشي هدرزي خيرك مغطسة

ميمونة

10-25-2011, 09:15 AM

والله حتي انا مشغوله هلبه علي عيون ياريت تخش وطمنا

ميمونة

10-25-2011, 09:19 AM

هلا سورينا نورتي والله ياهلا باهل البيضاء

ميمونة

10-25-2011, 10:08 AM

أول مـره أعرف هذه المعلـــومه!
.
.
.
.
... ... ... .
.

.دموع الايتام تهز عرش الرحمن عن ابن عمر رضي اللّھ عنهما أن رسول اللّه صلى اللّه عليه وسلم
قال: (إن اليتيم إذا بكى اهتز لبكائه عرش الرحمن، فيقول اللّه تعالى لملائكته: ياملائكتي من ذا الذي أبكى هذا اليتيم الذي غيبت أباه في التراب فتقول الملائكة ربنا أنت أعلم فيقول اللّه تعالى لملائكته: ياملائكتي اشهدوا أن من أسكته وأرضاه؟ أنا أرضيه يوم القيامة).

اترك غيرك يعرفها .. لان هذا شيء عظيم

يقين

10-25-2011, 12:13 PM

صباح الفل عالكل نهاركم دقله وحليب
ام قصي كيفك حبيبتي معليشي راهو اني قداش ليا ما خشيت كان هادا قبل نسال عليك سامحيني عالنسوه وهاي باقه ورد عالصبح ولا انقولك الورد شن اديري بيه تفضلي فطور
http://t0.gstatic.com/images?q=tbn:ANd9GcQQ7cxRF31Wl0rrIVuq5roI6NfHUWQ2c 8C1eTiPcC-HjEukfCXV

يقين

10-25-2011, 12:14 PM

خاصة اليدين اللي يوتوا في الفطور شكلهم نضيفاااااااااااااات باش ام قصي تفطر وهي متهنيه

يقين

10-25-2011, 12:59 PM

وينكم مزال ما جيتوش اني مكسسسسسسسسسسسسسده ونبي نهدرز

ايمان العليمي

10-25-2011, 01:13 PM

السلام عليكم ورحمه الله وبركاته

ازيكم يا حوامل ليبا ....انا اختكم من مصر وحبيت بس ادخل اهنيكم بالحريه

مبارك عليكم والله يدمها عليكم وتعدوا الفتره دي علي كل خير يارب

تقبلوا تحياتي :)

ميراس

10-25-2011, 01:22 PM

صباح الخير ياحلوين الف لاباس عليك يايقونة بعيد السو عليك لالاكان اهناك بصل تمورة هو اللي جاب الدورة ام قصي حرام عليك اكتر وحدة تسال عليك ومشغولة هي انا يافالحة كيف بتعرفي وانت قريتي العشرة الاخيرة بس

ميراس

10-25-2011, 01:26 PM

يقين كيف درتي لبنتك مع من خليتيها معندك حق خيرك مادهمتيها على

ام قصى محمد

10-25-2011, 02:59 PM

حبيبتى ميراس والله عارفتك ماتقصرى
وسلمك نشاده

ميمونة

10-25-2011, 03:05 PM

يقين من هيا هالمراه ادير حتي في الحلو متاع الاعراس نبي نوصي عندها شكلها نضيفه تجيب النيه في الماكله

ههههههههههه درهتيلي كبدي معاش خاطري حتي نتغدا

ميمونة

10-25-2011, 03:08 PM

ميراس شن الجو ياحلو وينك مغطسه ماتساليش عليا وماتقوليش ربي يعوضك خير منه خيرك ماقريتيش الصفحات اللي فاتت

ميمونة

10-25-2011, 03:09 PM

والله شوفي هالطريقه الطبخ نعلمك من البدايه شن رايكم

نص بالدحي ألحقو يا عيله شن تضحكوا فيه اللي مايعرفش

يلا جايبتلكم وصفه سريه للغايه وأكله سريعه وشهيه

وخصوصا للشباب وأيضا للبناويت الى ما يعرفوش يطيبو

أمشي للكوجينه وهذه المقادير

لأكلتنا السريه

1. فردة خبزة طويله زي صواريخ كوشه عمي حمدوني تكون مشوطة شوية .

2 . حارة دحي مش امتع الوركينة وكان عربي ياسلام .

3. هريسة عربية قديمة بالزريعة امتعها حارة زي السم كاشيك معبية ولا حتى زوز ملاح .

4. طماطمة وحدة مقطعة جرار جرار .

5. تدرديرة ملح .

الطريقة :

ناخذ طاوة تكون باهية نحطوها على النار نخلوها

تسخن شوية ونصب عليهاشوية

زيت اني حشيشتي زيت زيتون اللي يبي يدير نباتي مافيش مشكلة .

ناخد الدحيات نغسلهمم وكلكم عارفين علاش وبعدين ناخدو صونية

نفقصو فيها الدحيات وناخدو فركيتتا نخلطو بها الدحيات

باش يتخلط المحاح مع

الابيض وتولي لونها زي الصفرا الهافتة .

نحط شوية ملح على الخلطة هذه ونزيد نخلطهم كويس .

بعيدين نصب خلطتنا في الطاوة السخونة

ونقص النار عليها ونخليها ونجي ناخد فردة

الخبزة امتعنا نقصوها من الوسط بالموس ونحي

الوسط وناخد كاشيكين هريسة

ونعبيهم في الخبزة ونديرلهم مسحة مليحة .

بعدين نجي نشوف الدحي امتعنا كان ولا لونه زي القهوي

من لوطة نقلبه في الطاوة

باش يطيب الجزء الفوقاني امتع دقيقة هكي .

توا خلاص طابت ناخد الدحي المتعنا ونقصه على زوز نحط جزء منه

في الخبزة من

فوق ونكمل النص الثاني في الفردة من لوطة ونحط عليهم جرارات الطماطم

المقطعة وكان خير يكون فيه زيتون أسود حي يا حي

وتباها من الأخير كان فيه حكيكة بيبسي تكون مندية ياسلام

والى اللقاء مع نص آخر ان شاء الله

hatoo

10-25-2011, 03:48 PM

السلام عليكم ورحمه الله وبركاته

ازيكم يا حوامل ليبا ....انا اختكم من مصر وحبيت بس ادخل اهنيكم بالحريه

مبارك عليكم والله يدمها عليكم وتعدوا الفتره دي علي كل خير يارب

تقبلوا تحياتي :)

الله يبارك فيك والعقبه للسوريا واليمن وان شاء الله الامه العربيه تكون بخير يااااااااااااااااااااااارب وسلام

hatoo

10-25-2011, 03:48 PM

بنااااااااااااات نسيت نقوللكم الدكتوره اكدتلي انه وليد الحمدلله

hatoo

10-25-2011, 03:53 PM

اهلين ام قصي والله مقصرين معاك علي السؤال الحمدلله انك بخير وشنو اخبارك انتي ؟ وعلي فكره توا مسألتيش عليا زعلانه منك راني فيها حق هذي

ميمونة

10-25-2011, 04:19 PM

الحمد لله هاتو ربي ينوضك بالسلامه ويحفظه ليك

أم مُحمد

10-25-2011, 04:53 PM

السلام عليكم انا برضو ليبيا بس مش مغتربه وفرحت لما القيت التجمع هضا ونتمني انكون صديقتكن في الدردشه

يقين

10-25-2011, 04:54 PM

ههههههههههه ام قصي خيرك ما عجبكسش الفطور نستاهل واقفه من الفجر نطبخلك وفي الاخير ما عجبكش لالالالا حرجت منك
علي فكره اليدين اللي في الصوره ايدياتي ما تخافيش نضيفاااااااااااااات كولي بس
هههههه ميمونه ادير في كل شي انتي اطلبي وادللي بس يجيك لغايه باب البيت وفوق منه بوسه من هاليدين الحلوات هههههههههههههاي

يقين

10-25-2011, 04:56 PM

ام محمد اهلين بيك ونورتي وان شالله ترجعي من غربتك وتشوفي اهلك واحبابك علي خير

يقين

10-25-2011, 04:57 PM

هاتو الللللللللللللللف مبروك وان شالله تنوضي بالسلامه انتي والزعيم الصغيرون ويربي في عزكم مقدما

يقين

10-25-2011, 05:01 PM

مروووووووسه ان ما تشوفي باس وبنتي خليتها في الشقه مع بوها وعمها مش قلتلك خليتها فروتي روحت لقيتها زفوتي الحفاظ حشاك تغير فيه مرات البواب واللبس يلبس فيها بوها بلا حمام
وععععععععععععععع اني كل يوم حمام اهي لين قريب تموت من حماتها كل يوم اهي مزكومه ومبحوحه هههههههههههه بنقتلها عيني عينك

يقين

10-25-2011, 05:06 PM

هيا باي بنوض نوتي روحي وبنوتي بنتي اليوم بنمشي لروكسي ان شالله
بنشري بش عيد ليا ولفروتي هههههههه حتي اني قاعده صغيره ونشري في دبش عيد كان شريت شي بنصوره وبنزلهولكم

hatoo

10-25-2011, 07:38 PM

الله يبارك فيكم والعقبه لكم ان شاء الله , واهلين بيك ام محمد نورتي وانتي من وين وكم عمرك وكم لك متجوزه وعندك عيال ولا لا نبدو في القصقصه لازم هههههههههه

hatoo

10-25-2011, 07:39 PM

بنات قولولي عندي بعد اسبوعين فاتحه وبيان صبيتي وخاطري ندير هايلايت ونصبغ ونقشر حواجبي لاني منقيش فيهم عادي ولا لا عشان الحمل

أم مُحمد

10-25-2011, 08:16 PM

أم مُحمد

10-25-2011, 08:20 PM

بالنسبه للحواجب انا انقص فيهم عادي بس هايلايت ماعنديش معلومات

يقين

10-25-2011, 08:30 PM

هاتو اني لما كنت حامل شقرت حواجبي 3 مرات في الاول وفي الخامس وفي التاسع بس الصبغه ما قربتهاش بكل وقالوا عادي ع 3 شهور

ميمونة

10-25-2011, 10:10 PM

شن الجو يايقين وين راس البصل هههههههههههه معاش بانت شكلها ذبلت

hatoo

10-25-2011, 10:58 PM

هاتو
وين هالقصقصه كلها وحده وحده عموما ياستي اهلين بيك وبصبايا كلهن امهات لعويله واللي في الطريق
انا شرقاويه من الجبل وعمري 27 ومتجوزه من سنه ونص وحاليا حامل في نص الرابع وربي ايتمم على حملي بخير وعليكن اجمعين كان فى حاجه نسيتها ذكريني بيها

ههههههههههههههههه مش غير قصقصه نبصر معاك بس نبوا نتعرفو عليك اكتر وان شاء الله ربي يتمملك حملك علي خير بهي سؤال فيه قصقصه اخري شن قالولك وليد ولا بنيه (اكيد تقولي مش دوت قصقاصه)hwaml02

hatoo

10-25-2011, 10:59 PM

هاتو اني لما كنت حامل شقرت حواجبي 3 مرات في الاول وفي الخامس وفي التاسع بس الصبغه ما قربتهاش بكل وقالوا عادي ع 3 شهور

شكرآ علي التوضيح يايقين مردوده في الافراحhwaml7

أم مُحمد

10-25-2011, 11:53 PM

والله من كثر مامشيت للدكتور لزنى مانكش غابيه اول حمل وجهل ههههه اللي تسير امعاي نمشي انقوله طبيعى يادكتور لان كان امعاى توم وبعدها قالى واحد ماحصلش غذاء تلاشي بكري الحمد الله حتي نونو واحد بصحه اكويسه اكويس اخر مره مشيت مازال مابان انشالله بعد العيد نمشي ع حسب الموعد مع اني ماسكه روحي بالغصب وبرضو راجلى عنده عمل مش حانمشى الا لما ايجى طيب ع العيد(عمل راجلى مهندس فى حقول لبريقه )هذا الكلام للقصقاصين
حصيله طلعت انا ثرثاره وانت قصقاصه

ام وسونة

10-26-2011, 12:14 AM

اهلا وسهلا

كيفهم الحلوات معقولة مافيش من سال عليا

لكن حنجي خير منكم ونسال عليكم

وخيه يقين لاباس عليك والحمدلله على سلامتك

ردي بالك على روحك عاد

وخيتي ام قصي نورتي المنتدى والله ليك وحشة

كيفك وشن اخر اخبارك في نونو ولا مازال

وتوا السؤال لميراس الزعيمة مبروك النت

وكيف حالك وامتى ماشية لتونس راهو بنعيد

عندك وتيلي الجو ههههه

ميمونة والله قطعتيلي قلبي لكن الحمدلله على كل الاحوال

وربي يعوضك احسن منه

هاتو مبروك عالوليد وتشوفيه بين ايدياتك

ام محمد نورتي المنتدى وتشرفنا

ووخياتنا عيون واية وام عويضة وميرنا

ويييييييييييييينكم طمنونا عليكم

وسامحوني لونسيت حبيبة من الحبيبات

ام وسونة

10-26-2011, 12:24 AM

وخيه هاتو تصدقي اني لما كنت حامل درت كل

شئ والله حتى الميش كنت نميش ونصبغ ونقي

في حواجبي والحمدلله ماصارلي شئ

امنيتي اسمع كلمة ماما

10-26-2011, 12:42 AM

السلام عليكم ورحمة الله وبركاته
اولا اهنئ الشعب الليبي بمناسبة تحرير ليبيا ووتطهيرها من الجرذالقردافي واعوانه وعقبالنا في اليمن لما نطهرها من الطاغيه علي صالح وعائلته وعقبال اخوانا في سوريا اللهم طهر بلادنا من الطغاه hwaml11امين امين امين واخيرا الف الف الف الف مبروووووووووووك لشعب الليبي الحر

ميمونة

10-26-2011, 01:02 AM

بارك الله فيك --امنيتي اسمع كلمة ماما--يارب تسمعيه عن قريب

ميمونة

10-26-2011, 01:03 AM

هلا ام وسنه والله ليك وحشة ماتلوميش عليا تعرفي امس بس صار وبعدين الحوش مانحكيلك زحمه الحمدلله علي كل شئ

ام وسونة

10-26-2011, 01:07 AM

لالالا حبيبة ماعليكش ملام

hatoo

10-26-2011, 01:19 AM

اهلين اختي ام وسونه سامحينا علي التقصير في السؤال انتي كيف حالك وكيف حال الاسره ان شاء الله تمام ,وشكرآ علي التوضيح ان شاء الله راح ناخد نصيحتك وندير كل حاجه هههههه , وان شاء الله ياام محمد تفرحي بالنونو وربي يرجعلك راجلك بخير وسلامه واي سؤال اسأليه هنا بدال ماوجعتي راس الدكتور هههههههههههههههه

ام وسونة

10-26-2011, 01:35 AM

تسلمي حبيبتي هاتو ولايهمك

hatoo

10-26-2011, 01:40 AM

أم مُحمد

10-26-2011, 01:50 AM

اهلين بيك ام وسونه المنتدى منور بيك وبالوردات الليبيات

ليبياقلبي

10-26-2011, 02:17 AM

السلام عليكم
اول شي ام قصي منبيكوش تحرجي انا كتبت في الاخوات لي هنيتهم بتحرير ليبيا كيف عاد
يقين الف سلامة عليك وردي بالك علا روحك وانت متلقيا وفروتي صارت راحت زوفتي الله غالب كان معاك حد من اهليك يهتم بيها

ليبياقلبي

10-26-2011, 02:24 AM

هاتو حبيبتي صار شوفتوك تو ناخدلط الطريقة وربي يسهلك في ولادتك وبالنسبة للميش الاحسن تبتعدي عليه لانا مش كل جسم يتحمل
تمورة شن اخبارك وياريتك جنبي راهو نديرلك لكيكة
ام وسونة انت لي ناسية يافالحة انا كاتبتك
ميراس شن الجو
ام ردينة ربي يعاونك يارب ويردلك امك بالسلامة

ليبياقلبي

10-26-2011, 02:32 AM

ميمونة حبيتي والله العظيم وخيتي اسفة بس فرحتلك وخيتي ربي معاك واللهم يجيرك في مصيبتك هده ويخلفك خيرا منها والله حبيتي اعملي بنصايح اختي ام روفيدة اسغلي روجك بحاجات وبعون الله حترتاحي وابتعادي عن اي شي يردك الي الماضي وربي معاك واحنا معاك اتفضلي في اي وقت وربي يرزقك بي الي ينسيك فيه

ღॐ آية ღॐ

10-26-2011, 02:36 AM

السلام عليكم كيف الحال يا حبوبات وشن الاجواء
والف مليون مبروووووووووووووووووك مقتل القردافي وفرخه المعتصم
والله هاد وين رتحنا وفعلاً دم الشهداء ممشاش هباء وهادا وين خدي حقه زوج اختي وكل شهيد ..
وشكرا لكل من عزتني وعضم الله ليكم الاجر ..خوي روح والحمد لله سليم معافى ...
وشكرا لكل من سالت عليا ,,,,ولي كل من حابه تتواصل معاي على الفيس بوك هذا
اسمي. فرآشة ليبيآ

ღॐ آية ღॐ

10-26-2011, 02:37 AM

ليبيا قلبي ليك وحشه و مشاء الله على العسولة ربي يحفضها..

ليبياقلبي

10-26-2011, 02:40 AM

شكرا ايمان عالتهنئة
واهلين بيك ام محمد وربي يسهلك حملك
هاتو خودي الطريقة
اول شي يحرق السكر في طاجين ويترك ليبرد طبعا انت عارفة الطاجين يكون وسط
الكريم
2بيض وتلاتة ارباع كوب سكر وكوب ونص حليب بودرة و1 م صغيرة فانيليا سائلة
و2كوب ماء وماء عطر شوية وبرشة ليمون علشان الزفرة تضرب مع بعض بالخلاط الكهربائي وتوضع في الطاجين فوق طبقة السكر المحروق
الطبقة التالتة 2بيض وكوب وربع دقيق ونص كوب زيت ونص كوب حليب سائل و2ملعقة كبيرة كاكاو و1م صغيرة فانيليا سائلة وتلاتة ارباع كوب سكر و2ملعقة صغيرة b.b,وماء عطر شوية وبرشة ليمون وتصب في الطاجين السابق توضع في حمام مائي وتوضع في الفرن ويكون حرارتة 180 والرف يكون تحت وتترك ساعة تم تخرج تترك لتبرد 5دقايق بعدها توضع في البراد لمدة نصف ساعة وتوكل بالهناء والشفاء

ليبياقلبي

10-26-2011, 02:42 AM

هلا ايوتة ولاباس خيرا خوك ومن ماتلك والله مانعلم كيف حال سنفورتك وينك ليك وحشة
انا علا الفيس ام ناريز

ليبياقلبي

10-26-2011, 02:44 AM

ايوتة نبوك ديما معانا معاش تسيبي

ღॐ آية ღॐ

10-26-2011, 02:51 AM

ام ردينه نورتي مشتاقين وعيون ليك وحشه .؟؟؟؟ وين مغطسه؟؟؟؟

ღॐ آية ღॐ

10-26-2011, 02:54 AM

ليبيا قلبي زوج اختي استشهد يوم تحرير طرابلس برصاص قناص مرتزق
وخوي كان في جبهة بني وليد والحمد لله روح ...
ليبيا قلبي المشكله اني ماعنديش نت ناخد في الريفي متع حوش سيدي ونحس فيهم مش راضين
ومن غير سو هادي اخر مرة نطلبه ....ربي يفرج ويبيعو الواي مكس ونشري واحد...

ميمونة

10-26-2011, 10:54 AM

اللهم لا تدع لنا ذنبا الا غفرته, ولا هما الا قرجته, ولا دينا الا قضيته, ولا حاجة من حوائج الدنيا والأخرة الا قضيتها, يا أرحم الراحمين , ياااااااارب,,

صباح الخير للحلوات فقطhwaml12

ميمونة

10-26-2011, 10:56 AM

تسلمين حبيتي ليبيا قلبي ربي يحفظلك بنيتك

ميمونة

10-26-2011, 10:59 AM

ياريت تقرو اهده القصه التي تحكي علي شاب حبيت ننقلها لكم من الفيس وهي لشاب ليبي شم رائحته الزكية قبل موته ----

"الرائحة التي أبكت ثوار الجبهة الشرقية"

حينما يبكي الرجال

ــــــــــــــــــــــــــــــــــــــــــــــــــ ــــــــــــــــــــــــــ

نعم نسمع ولم نتخيلها لم نشتمها ولم نأنس بها ولكنه أصر على انه يستنشق نسيمها تلك الرائحة التي سيطرت على تفكيره و سأل نفسه كثيراً لماذا انا وحدي من يتنسمها وهنا تبدأ القصة.؟
في الجبهة الشرقية هو أحد ثوارها احد رجالها احد ابطالها التي تعجز الكلمات عن وصفهم في كل مرة يقول لمن معه اشتم رائحة غريبة لم تمر عليا ابداً ويسألهم واحد واحد انت او انت والجميع يقول لا (والله ما شورنا كان في خشمك) وكل يوم يتكرر السؤال (ياجماعة تشمو والا انا بس نشم) و كل رفاقه اعتقدو انهم يمازحهم , تقدم ثوار البريقة وكان هو و رفاقه في الصفوف الامامية خط النار واشتد عليهم الضرب فأستشهد هذا البطل و لم يستطيع احد للتقدم وحمل الشهيد لان القصف كان قوي جداً وفي حال مأساوي تراجع الثوار الى اماكنهم تاركين رفيقهم فوق الرمال في رعاية الله و اسفين وف حالة حزن شديد على انهم لم يستطيعون حمله واكرامه بالدفن و كان الضرب المتبادل مستمر والجبهة ساخنة تشتعل و بعد 12 يوم من القصف المستمر انتصر الثوار و تقدموا فإتجهوا إلى المكان الذي تركوا فيه رفيقهم .... وكانت المفاجأة حينما بدأو في الإقتراب منه كلما اقتربوا تفوح رائحة زكية لم يعهدوها وتزداد الرائحة فإنهار الثوار من البكاء قائلين (هذي اللي كان يشم فيها و يحكيلنا عليها وقعدنا نضبطو فيه ونشمو فيه و نبكو) الله اكبر الله اكبر , وكان دم الشهيد وكأنما لم يمر عليه دقائق ساخن وجرحه ينزف , فحمدنا الله الذي نصرنا وجعل من الاثنى عشر يوم كأنها لم تمر على الشهيد و حملنه ودمائه تسيل و لولا مرور الايام لقلنا انها لحظة استشهاده..

اطلب من كل من يقرأها التكبير تكبير الله اكبر الله اكبر الله اكبر و لله الحمد

ღॐ آية ღॐ

10-26-2011, 12:46 PM

والله بكتني القصه ياميمونه فعلا مؤثرة تسلمي لنقل

ميراس

10-26-2011, 01:38 PM

السلام عليكم ورحمة الله وبركاته اية الف الحمد لله عالسلامة ونورتي المنتدي ميمونة شن صار فيك طمنيني

ميمونة

10-26-2011, 04:16 PM

الله يسلمك ايه انشاءالله ربي يرزقك بنت خاص بيك ههههههههههه

خلي تخشي ونرجعوا ايام زمان

كان بس نعرف عيون وين غاطسه

أم مُحمد

10-26-2011, 05:13 PM

السلام عليكم واهلين بصبايا لاحرار
بصراحه قصه حلوه وفيها عبره وتبكي وتفرح فى نفس الوقت وربي يتقبل الشهداء في فسيح جناته ويشفي كل الجرحى امين يارب

أم مُحمد

10-26-2011, 05:16 PM

وين ماديروش فى فنجان قهوه فى العشيه انكسدو عليه معا بعضنا هيا انشطن وين مختفيات

ام وسونة

10-26-2011, 05:43 PM

اهليييييييييين اني جيت وبعد ماكملت الغدي

والضمان وهذا كله واني صاييمة

ههههههه لكن فاااااااااشلة

اية مرحبتين حبيبة كيف حالك والحمدلله

على سلامة وخيك ويارب يرحم زوج اختك

بالنسبة للواي مكس لوبتشري في يااية

في هلبا محلات منهم محل دسكات قدام

عيادة المسرة وفي واحد في بن عاشور

راجلي الاسبوع اللي فات شري منه واي مكس

وايرز واهو توا نهيج بيه

أم مُحمد

10-26-2011, 05:49 PM

يالله بالسلامه توا

ام وسونة

10-26-2011, 07:09 PM

وييييييييييييييييينكم وين لاهيييييييييين

ام جمااانة

10-26-2011, 07:11 PM

ممكن تعطوني رايكم في موضوعي وتدعولنا بالنجاة انا وبنتي http://forum.hwaml.com/t79659.html#post1589051

ام وسونة

10-27-2011, 01:26 AM

وينكم ياعويلة العفو خيره

المنتدى رااااااااااااااقد

ليبياقلبي

10-27-2011, 02:04 AM

يسعد مساككم شن اخباركم

ليبياقلبي

10-27-2011, 02:06 AM

شن اخبارك ميمونة وعظم الله اجرك ايوتة في راجل اختك وهيا حاولي ديري واي ماكس حالة اهل راجلك شكلهم واحد بتزيد هههههههههههههههههههههه

ميمونة

10-27-2011, 10:22 AM

صبحنا , وأصبحَ الملكُ لله , والحمدُ لله , لا إله إلا الله وحده , لا شريك له , له المُلك , وله الحمد , وهو على كل شيءٍ قدير , رَبِّ أسألُك خير ما في هذا اليومِ , وخَيرَ ما بعدَه , وأعوذ بك من شرِّ ما في هذا اليوم , وشَرِّ ما بعدهُ , رَبِّ أعوذ بك من الكسل وسوءِ الكِبَرِ , رَبِّ أعوذ بكَ من عذابٍ في النارِ , وعذابٍ في القبر .

صباح الخير

أم أجنادين 80

10-27-2011, 10:23 AM

صباح الخير ياحلوات

ميمونة

10-27-2011, 10:24 AM

هلا ليبيا قلبي شن حالك انت

او وسونه شن حالك تعرفي ليا 3 ايام والحوش زحمه خلاص تعرفي مانحكيلك كلهم مساكين يخمموا فيا

امس جوني صديقاتي من العصر والله وحده منهم جابتلي طورطه ههههههه متشمته انبصر بس فرحانه مسكينه اني استريحت منه قعدنا لحد 11 ماحسينا بالوقت والله غيرولي جوي هلبه واستريحت

ميمونة

10-27-2011, 10:34 AM

صباح الانوار ام اجنادين كيف الحال

أم أجنادين 80

10-27-2011, 10:35 AM

كيف حالك ياميمونة
خيرك ان شاء الله لاباس عليك

ميمونة

10-27-2011, 10:36 AM

ميراس كيف حالك وحال صغارك وبعلك

ميمونة

10-27-2011, 10:41 AM

ام اجنادين وميراس ارجعي لصفحة 1198

أم أجنادين 80

10-27-2011, 10:49 AM

ان شاء الله ربي يعوضك خير ياميمونة والخيرة في ما إختاره الله

هدا يلي كاتبه ربي , وحاولي انك تعيشي حياتك

وتستفيدي من كل الجوانب مش رح توقف الدنيا واصلي دراستك وإثبتي نفسك

في المجتمع بعلمك وأخلاقك وصدقيني ربي حيبعثلك نصيب احسن منه بمليون مرة

بس انا مافهمتش مش انت ميمونة نفسها ولا انا تلخبطت " فهميني " راني مصدومة

ميمونة

10-27-2011, 11:17 AM

انا ميمونه نفسها الله غالب ياام اجنادين

أم أجنادين 80

10-27-2011, 11:30 AM

الله غالب حبيبتي
بس شن صار وكيف هكي وليش
قاعدة عروسة انتي
وعلي حسب ماتحكي عايشين حياتكم كويس مع بعض ومتفاهمين
سامحيني لو سألت علي حاجة خاصة بس انحرقت وانصدمت
قاعده عريسه علاش هكي علاش

ميمونة

10-27-2011, 11:47 AM

ام اجنادين ياريت ترجعي لصفحه1160 تشوفي قصتي

أم أجنادين 80

10-27-2011, 11:57 AM

هذه مش نهاية الدنيا ياميمونة
وحطي في بالك انه هوا الخاسر وربي رح يعوضك خير علي صبرك
وانت درتي شن عليك نصحتيه ومانفعش
انت درتي بأصلك وصبرتي وتحملتي بس الله غالب ماتغيرش ومحاولش يصلح من نفسه من
اجلك
احمدي ربك انك من غير صغار " من وجهة نظري هكي أفضل "
تحلي بالإيمان والصبر
وكثري من الدعاء
والله ماتدري شن ربي كاتبلك وربي رحيم بعياده ويكافئك بشخص احسن منه
واحمدي ربي ديمه علي الصحه والعافية وكله يتعوض
انت بنت بيتيه ومليون احسن منه يتمنوك

ميمونة

10-27-2011, 12:00 PM

تسلمي ام اجنادين والله يطيب خاطرك والله انا توا ارتحت والحمد لله ربي يريحني من بس مع هدا حسبي الله ونعم الوكيل

ميمونة

10-27-2011, 12:09 PM

انا توا نستادن نتلاقوا علي خير

ام اجنادين صحيتي سلم وخيتي خلينا نشوفوك

أم أجنادين 80

10-27-2011, 12:28 PM

ان شاء الله نتلاقوا علي خير

ام وسونة

10-27-2011, 02:21 PM

صباح الخيرات والليرات عالحلوات

اهلين ميمونة يسعد صباحك والله الاصدقت صاحبتك

جابتلك كيكة هذا احسن رد علي ماعرفش

يقدر النعمة اللي بين ايديه ربي يعوضك

في الدنيا والاخرة يارب

وخيه ام اجنادين كيف حالك وشن صار

فيك في تونس والله كلنا سألنا عليك

ونبوا نطمنوا عليك ياررررررريت

اطمنينا عليك

أم أجنادين 80

10-27-2011, 02:36 PM

اهلين ام وسونة
سلمك
الحمد لله لا طلعت عندي حمه ولا شي
وبالنسبة للغدة امورها تمام ومفيهاش تضخم وحتي هرموناتها كويسة
الباين ان العلاج يلي ناخد فيه في ليبيا خلاها تنتظم
وحتي الدكتورة في تونس ماعطتنيش علاج
مزالي بس تحاليل الهرمونات يلي تندار في ايام الدورة قلت نديرها هنايا في ليبيا

شن اخبارك انت ام وسونة وين مشيتي في تونس

ام وسونة

10-27-2011, 03:45 PM

الحمدلله ياام اجنادين ربي طمنك

لكن المفروض تحليل الهرمونات ديريه في تونس افضل

اني مشيت لتونس العاصمة وانتي

ميمونة

10-27-2011, 08:25 PM

السلام عليكم وين الحلوات مغطسات

أم أجنادين 80

10-28-2011, 01:15 AM

انا مشيت لجربة وسوسوة وتونس العاصمة

انا كان عندي فرح صديقتي ياميمونة

واخيرا دخلت لعرس بعد سنة من زواجي هدا اول عرس نحضره تصدقوا

ههههههههههه

أم مُحمد

10-28-2011, 03:04 AM

سلام عليكم نبي نسأل على هرمون الحليب هل ياثر على تاخر الحمل اكثر من سنه مع العلاج ونسال على الصور متاع المبايض في اى حاله اديرها المراه ولما يكون التبويض في غير الوقت المحدد للبويضه شنو السبب(اللى فهمت حاجه من اللخبوطه هذى او عندها فكره اتقوللا فى انتظار الرد وبدون بخل على المعلومه وشكرا مقدما

ام قصى محمد

10-28-2011, 04:45 AM

السلام عليكم
شوفى ام محمد مرحبا بيك
بالنسبه لهرمون الحليب ياثر على الحمل
حبيبتى شوفى دكتورتك شن تنصح لان فى اطعمه لازم ماتاكليهم
حبيباتى خشيت انسلم بكره انشاء الله نقرى الصفحات الفايتين ونشوف اخباركم اتمسوا

ميمونة

10-28-2011, 10:28 AM

للھمَ إنّ يــومْ آلجمعه أحـَبّ آلٱيآمَ إليك . .
~
فلا تَدع شَمـسْ آلسَبْتّ تَشرِقْ ،،
إلٱ ۆ قَدّ گتبَتّ لنْآ مَغفِرھّ لٍذنَۆبِنآ . . ۆ إزآحَھ لٍهمٌۆمٍنآ . . ۆ تَفرْيَجاً لگٍرْۆبِنَآ ،،
ۆ شٍفَآءً لٍمَرْضٍآنآ . . ۆ رحَمْة لٍمَۆتٍآنآ ،،
... ... و سًعَآدْھَ ونقاء تَغمٍرْ قٌلۆبٍنـا

صباح الخير جمعتكم مباركه

ميمونة

10-28-2011, 10:31 AM

هلا ام قصي كيف حالك ياحلو طمنينا عليك

ام محمد----نورتي المنتدي والله هرمون الحليب ياثر هلبه عالحمل زي مانعرف بس مع العلاج ينخفض بادن الله

ام اجنادي--انشاءالله بطول عمرك واخيراا ماخشيتش لاعراس بكل علاش
واحكلنا شن لبستي وشن العروسه ههههههههههه

ميمونة

10-28-2011, 10:36 AM

وين السنفورات يقين وام رفيده وعيون وتموره وميرنا وليبا وام سعد هاتو مغطسات

يقين

10-28-2011, 02:13 PM

السلام عليكم صباح\مساء الخير
كيف حالكم كويسين ان شالله
ليبيا قلبي كيف حالك ياغاليه وحال بنيتك واهلك وشيابينك
ميمونه كيف حالك وحال اهلك
ام وسونه كيف حالك وحال بنيتك وان شالله ربي يرزقك من واسع ابوابه ويفتحها في وجهك يااااااارب
هاتوا كيف حالك وحال بنيتك
ام قصي لالالالالالا بالرسمي ما عجبكش الفطور هههههههه كيف حالك يا غاليه وحمدلله علي سلامة بوك وخوتك وكي حال سنفوراتك ربي يحفضهولك
ام اجنادين كيف حالك ان شالله كويسه
ميراس كييييييييييييييف حالك وحال صغارك
تمر حنه وينك وكيف حالك وحال البصل شكله ذبل قولي شن اخبار التلقيح ان شالله مريح روحك بس
ام محمد كيف حالك وحال الحمل تمام ان شالله
عيون كيف حالك وحال صغارك
ام ردينه وين غايبه ان شالله المانع خير وكيف حال صغيويرتك
كبريائي وينك وكيف حالك وحال بنوتك ان شالله تمام

يقين

10-28-2011, 02:17 PM

اني زي ما عارفين سلفي عندي مره نحصل و10 لا علشان هكي اني ما نخشش يمه وهما توا في الجمعه هادا باش قلت نخش نسال علي حبيباتي اسمعوا غير مايروح سلفي لما نرقلكم في التجمع هيا باي توا سلامي للجمييييييييييييييييييع دون استثناء

ام وسونة

10-28-2011, 03:59 PM

جمعة مبااااااااااااااركة عالجميع

وخيه يقين صحيتي على هالدعوة والله فرحتني هلبااااااااااااااا

تسلميلي يارب كيف حالك انتي وبنيتك والله ليك وحشة

وخية ميمونة الله يرزقك بالي تتمنيه بجاه هاليوم ياااارب

وباقي وخياتي ان شاء الله تكونوا بالف خير يارب

وبما اننا خشينا في ايام العشر من ذي الحجة

فحبيت نقوللكم......

كل عام والجميع بالف خير وينعاد عليكم بالخير والبركة

يقين

10-28-2011, 04:27 PM

ام وسونه تستاحشك العافيه والقلوب الدافيه اني اموري تمام وبني حالها باهي وفي نعمه ولله الحمد وبارك فيك علي هالنشده الطيبه

ام وسونة

10-28-2011, 04:53 PM

اهلين انتي قاعدة تهيجي في المنتدى

أم أجنادين 80

10-28-2011, 06:00 PM

السلام عليكم حبوبات

ياأم محمد هرمون الحليب ليه تأثير علي تاخر الحمل علي حد علمي

بس زيدي أسالي دكتورة أفضل

يقين شن اخبارك باهي نستنوا بعد يروح سلفك

ام قصي , ام وسونة شن اخباركم

ميمونة من اول ماتزوجت صارت اعراس بس مامشيتش

وبعدين صارت الظروف هذهمن حظي الله غالب

حتي الحنه اكثر من 5 شهور هدا وين حنيت

وشن رايك اني لتوا ماغيرتش حنتي العرايسية

ليلة الحنه مشيت صداره في البدلة الصغيرة

ويوم الحفلة لبست فستان سهرة اخضر مائل للأزرق والمكياج درته بروحي

العروسة طلعت حلوة ماشية لمزين هبه في حي الاندلس

أم مُحمد

10-28-2011, 06:08 PM

السلام عليكم كيف الحال يقينشخبارك الله يسلمك حبوبه الحمل تمامميمونه شن الجو ام وسونهعيب عليك حطى القفطان نبي انشوفه راه انتوحملك عليه هههههههههه وين هاتو بعد اول يوم خشيت فيه معش شفت سباطها قدام المنتدى كان حقيتنا بسيارته الموف عزرنها لي

ام وسونة

10-28-2011, 06:14 PM

اهلين ام محمد كيفك كل شئ الا وحمك عالقفطان

اني بنصوره وبنزله راجلي قالي لا كل شئ بتصوريه

وبتنزليه في النت توا لما يبدا مهناش نصوره ونزله

هههههههههه شوفتيني شريرة

هناء خالد

10-28-2011, 06:38 PM

كل سنه وأنتو طيبين يارب
ومبرووووووووك علينا التحرير والنصر
كيف حالكم ياحلوات

أم مُحمد

10-28-2011, 06:51 PM

ام سونه عارفتك ماديرى غير الزينا باهى انقولك راجلك عدى والله مازال هههههناء مرحبتين بيك شرفتينا

هناء خالد

10-28-2011, 07:03 PM

تسلمي يا ام محمد

يقين

10-28-2011, 07:08 PM

السلام عليكم كيفكم توا ان شالله تمام ااااااااه اني مكسسسسسسسسسده ومانيش عارفه شن اندير العشاء و

يقين

10-28-2011, 07:28 PM

شني اماله ما في ح حسني مضااااااااااااااااااااايقه

يقين

10-28-2011, 07:49 PM

تي ويييييييييييييييييييين مغطسين

يقين

10-28-2011, 09:30 PM

السلام عليكم شكله اليوم دور التهييج عليا خلي بنهيج شوي وبنطلع

hatoo

10-28-2011, 10:13 PM

اهلين يقين شنو الجو

hatoo

10-28-2011, 10:29 PM

شكرآآآآآآآآآآآآآآآآىىى وبارك الله فيك ليبيا قلبي ان شاء الله نديرها ونذوقك منها والله اكبر الله اكبر الله اكبر ياميمونه علي القصه الرائعه

أم أجنادين 80

10-28-2011, 11:42 PM

السلام عليكم

مفيش علي من نهدرز

بنسالكم انا ليا ايام عندي مغص وإسهال حاشاكم

وهدا موعد دورتي يعني اليوم 28 يوم من اول يوم لاخر دورة وهيا في العادة

تجيني يوم 27 او 28 او 29 ماتفوتش 30

هل المغص من اعراض الحمل او لا

انا بديت نركز علي ابسط تغيرات قبل الدورة مرات يطلع حمل ومرات

من الدورة مش عارفة ,,,

الافضل مانتسرعش ونستني الدورة كل شهر نستني وتجيني

يارب ماتجينيش الشهر هدا ونطلع حامل يارب ادعولي

ربي يرزقني الحمل العاجل

hatoo

10-29-2011, 02:08 AM

ان شاء الله يكون حمل ياام اجنادين انتي استني كم يوم وديري تحليل منزلي ولو مستعجله ديريه توا وبشرينا

ام وسونة

10-29-2011, 02:28 AM

هايات عالحلوات

أم مُحمد

10-29-2011, 02:44 AM

ام اجنادين شخبارك انا لما تاخرت الدوره بعد اسبوع درت تحليل منزلى ماطلعش حمل بعد ها بيومين درت تحليل دم طلع حمل لذلك ماديريش فى الحوش لانه يحبطك واستنى اشوي وحاولى انك تنسي الموضوع وماتعديش الايام وانشالله يارب يرزقك بلى يفرح قلبك وادعي فى كل وقت ربي هب لي من لدنك ذريه صالحه انك سميع الدعاء[/color]"5"]سلام ع

أم مُحمد

10-29-2011, 02:48 AM

هاتونحنا مافيش خير ههه وينك مش باينه

أم مُحمد

10-29-2011, 02:51 AM

بصراحه خاطرى نهدرز اشوي لكن كساد توا نمشي انكسد فى تجمع واح اخر باي

hatoo

10-29-2011, 03:45 AM

اهلين ام محمد

hatoo

10-29-2011, 04:07 AM

شكلك طلعتلي خليني حتي انا نطلع باااااااااااااااي توا ممكن نرجع بعد ساعه

ميمونة

10-29-2011, 10:19 AM

إذا ظـُـلمت فقل " حسبي الله و نــِـعم الوكيل "

و إذا أُبتليت فقل " حسبي الله و نــِـعم الوكيل "
...
و إذا ضاقت بك السُبل و لم تجد من الناس
...
أنيساً و لا مؤنساً فقل" حسبي الله و نــِـعم الوكيل "

و إذا كنتَ بريئاً و عجزتَ عن إظهار الحقيقة فقل " حسبي الله و نــِـعم الوكيل "

و إذا أجتمع القومُ ليؤذوك و إذا أُغلق عليك في أمر فقل " حسبي الله و نــِـعم الوكيل "

و إذا تعسرت الأمور فقل " حسبي الله و نــِـعم الوكيل "

إذا أُرتجَ عليك و ضاق فُهمك و تعسّر إدراكك فقل " حسبي الله و نــِـعم الوكيل "

فبها يدفع الله عنك الأذيــّـة و يزيح الكُربة و يــُـستجلب الرِزق و ينزل الفــَـرج

صباح الورد

ميمونة

10-29-2011, 10:23 AM

هلا هاتو--بارك الله فيك والله اكبر شن حال بنيتك توا والسنفور الصغير طبعا

ام محمد-- تسلمي حبيبتي شن امورك

ام اجنادين--انشاءالله بالصحه عليك هالمدمر حرمنا من كل شئhwaml11

علي فكره تسلم عليكم ميراس فردا فردا شوره ماعندهاش نت

يقين--هلا وينك خشي جبيلنا بقلاوه من هاليدين الحلوات عالصبحhwaml15

تموره ياقمر--وينك غير خشي نبو صنة البصل محلاه وهو في المنتديhwaml12

ام قصي شن قصتك بديتي زي الهلال العيدhwaml13

ميرنا وعيون وام لقمان وام رفيده وام سعدوينكم

ميمونة

10-29-2011, 10:28 AM

لبيك اللهم لبيك ... لبيك لا شريك لك لبيك .... ان الحمد والنعمة لك والملك لا شريك لك
اول ايام العشر الاوائل من شهر ذى الحجة
قال رسول الله صلى الله عليه وسلم :
" إن لربكم في أيام دهركم نفحات، فتعرضوا لها لعل أحدكم أن يصيبه منها نفحة لا يشقى بعدها أبداً"
صدق رسول الله
كل عام والامة الاسلامية بكل خير

أم أجنادين 80

10-29-2011, 03:51 PM

ان شاء الله ام محمد وهاتوا

حتي انا بنستني مرات الدورة ماتجيش

رغم انه في علامات تقول انها راح تجي

أم أجنادين 80

10-29-2011, 03:54 PM

كيف حالك ميمونة

من جاب سيرة بقلاوة سهفتوني

خاطري فيها

مرة درتها في الحوش تعبتني ومجتش حلوة هلبة

ميمونة

10-29-2011, 09:26 PM

هلا ام اجنادين كيف حالك والله قالو يقين فالحه في الحلويات ههههههههههه

أم مُحمد

10-29-2011, 11:49 PM

السلام عليكم كيف حالكم كلكم شنو الجو انا الجو عندى الواى ماكس امسكر توا غير فتح وراجلى فى العمل وقاطعنى الكساد وهضا الجو من منكن ماعندهش خط زىى اليوم

ام وسونة

10-29-2011, 11:56 PM

اهلين ياحلوات

كيفك ياام محمد كانك عالواي مكس فحدث بدون حرج

أم أجنادين 80

10-29-2011, 11:59 PM

مساء الخيرات للموجودات والغايبات

ام وسونة

10-30-2011, 12:11 AM

اهلين ام اجنادين كيفك

أم أجنادين 80

10-30-2011, 12:16 AM

الحمد لله شن اخبارك ام وسونة
شكلك مكسده

ام وسونة

10-30-2011, 12:22 AM

والله كساااااااد وكنت نجهز في حاجاتي غدوة

ماشيين لتونس وبنقعد 20 يوم او اكثر

أم أجنادين 80

10-30-2011, 12:34 AM

بترجعي ثاني

إن شاء الله سفره كويسة وترجعولنا سالمين

أم مُحمد

10-30-2011, 03:14 AM

سلامات شن حالك ام اجنادين شن صار امعاك والله بلاش توا تدويلنا ابروحك
ام وسونه انشالله تمشى وتجى طيبه
هاتو شخبارك امس ماشفتكش لما خشيتى كان نحسابك جيتى راه كسدة امعاك

أم مُحمد

10-30-2011, 03:19 AM

هاتو بنسالك على عيادة ابن سينا شن جوالتوليد فيها مش انتى من بنغازى
ونبي نسال على عياده محمود شنيب الايوائيه اللى فى درنه اذا في حد هنا من درنه اوتعرف عن العياده وانا حاليا قااااااااااااااعده

hatoo

10-30-2011, 03:25 AM

اهلين ام محمد كيف حالك بالنسبه لابن سينا نسمع فيهم يشكروا فيها بس لو تبي نسألك اكتر حاضر وبالنسبه لدرنه اسألي ميرنا او ام قصي هنا من درنه

hatoo

10-30-2011, 03:28 AM

انا تمام ياميمونه والحمدلله انتى شنو اخبارك؟

hatoo

10-30-2011, 03:30 AM

في حتي ام الحنون يشكروا فيها لكن تأخدي رأيي انا الجماهيريه احسن شيء صح هيا عامه ومش نظيفه زي الخاصه بس والله لو عندك حد تعرفيه يتممولك حاجتك بسرعه واحسن لانو عارفه انو الخاصه لاقدر الله صار فيك شيء دغري علي الجماهيريه

أم مُحمد

10-30-2011, 03:41 AM

اهلين هاتو شخبارك وكيف حال الحمل وياريت تساليلى بتفصيل على ابن سينا وسمعت فى عياده جديده امقابله الجمهوريه

أم مُحمد

10-30-2011, 03:45 AM

والله ياهاتو بصراحه ملى نسمع فيه نخاف من المستشفى العام الحاجه الوحيده اللى نبيها انى انكون مرتاحه ومطمنه من المكان اللى نمشيله وبرضو اللى كاتبه ربي ايسير

hatoo

10-30-2011, 03:52 AM

حاضر توا نسألك عليها وفي حتي الام الحنون بس انا بصراحه ولدت في الجماهيريه وبعمليه والحمدلله كل شيء كان تمام ومعايا توصيه طبعآ

hatoo

10-30-2011, 03:53 AM

وانا الحمدلله تمام والحمل تمام وان شاء الله حنصل توصيه اخري لما نجيب

أم مُحمد

10-30-2011, 04:05 AM

هاتو شكله مازال في واسطات بعد 17 فبرايرهههه انشالله ايتمم حملك على خير بس ليش جبتي بالعمليه شن السبب وديما انجيبي بعمليه والله بس هالمره

ليبياقلبي

10-30-2011, 04:12 AM

شن اخباركم كلكم بدون استتناء

ليبياقلبي

10-30-2011, 04:12 AM

اختي ام اجنادين شن اخبارك ويارب تحملي ويكون حمل يارب

ليبياقلبي

10-30-2011, 04:14 AM

ام محمد شن جو الحمل
يقين شن مدايرة معا سلفك وانا حالي والله مايسر نخمموا عالشيباني حتى في العيد نكد
ميمونة صحابتك احسن مادرولك هكي احسن ربي يسعدك

ليبياقلبي

10-30-2011, 04:15 AM

ام وسنونة توصلي بالف سلامة وراك تنسينا في العلوش
اهلين بيك اختي هناء

hatoo

10-30-2011, 04:15 AM

ههههههههههههههههههه مش غير, انا جبت بالعملية لاني فتت شهري وماجتنيش ليه بكل والرحم مفتحش حتي بعد التوسيع انا جبت بعد شهري ب3ايام المهم لقوا ان الميه بدت تقل والنبض بدا يضعف فعملية دغريييييييييييييي وتوا قالتلي الدكتوره نستنو تجيك ليه لو فتي شهري وماجتكش نجيبوك عمليه وميقدروش يعطوني ليه صناعيه

أم مُحمد

10-30-2011, 04:22 AM

اهلين ليبيا قلبي سلم ايديك على الكيكه درتها وطلعت حلوه بكل ويوم الوقفه نبي انديرها وناخدها لى هل داري هههههه
هاتو نبي نسالك سوال بس انسيت ندكر ه وتوا نكتبه

hatoo

10-30-2011, 04:24 AM

هههههههههههههه اذكريه

أم مُحمد

10-30-2011, 04:25 AM

توا ادكرت كم قعدتى شهر بعد جيبتك وبعدها حملتى

hatoo

10-30-2011, 04:26 AM

اهلين ليبيا قلبي

أم مُحمد

10-30-2011, 04:26 AM

شنى ليبيا قلبي وين رحتى

hatoo

10-30-2011, 04:27 AM

حملت وبنتي عمرها 9 شهور

أم مُحمد

10-30-2011, 04:30 AM

الدكتور قالك عادي والله غلطه مقصوده هههه اصلا اللى تحمل اتقول غلطه انا سميتها غلطه مقصوده

hatoo

10-30-2011, 04:31 AM

اهلين يقين شنو اخبارك واخبار فروتي وشنو جو سلفك؟ اهلين ام وسونه وميراس وام قصي ويييييييييييييييييييييييييييييينك مغطسه وام اسيل شن صار فيها جابت ولالا وتمر حنه مغطسه حتي هيا ان شاء الله المانع خير وميرنا الي رايحه ناسيتنا بكل ان شاء الله ربي يتمملها علي خير وعيون زوجي كيف حالك وميمونه طبعآ معانا ديمه وهناء خالد وريم البراري وينك وام رودينه وباقي البنات وينكم ان شاء الله ماننسى حد

hatoo

10-30-2011, 04:33 AM

ههههههههههههههههههه هيا فعلآ غلط الشهر الي حملت فيه بس كنت ناويه نحمل الشهر الي بعده كان خاطري نحمل في توأم وناخد كلوميد لكن ربي مااردش وانتي شنو ديري في درنه شو قصقصه بدأ يشتغل

hatoo

10-30-2011, 04:35 AM

عن اذنك توا نص ساعه ونرجع او نرقد هههههههههههههههههههههه

أم مُحمد

10-30-2011, 04:42 AM

بصراحه ماعمريش مشيتلها انخطم عليها بس لكن محمود شنيب دكتور ممتاز ومعروف ابا عن جد فى امراض الناء وتوليد واحسن فيه حاجه ايفصفص فصفصه انشالله فهمتى المصطلح مايخليش حاجه الا ويديرلها تحليل انا كنت انجيه بسبب فقر الدم فقط تخيلى وحاليا فاتح عياده خاصه بيه هو وبتنه وولده

أم مُحمد

10-30-2011, 04:43 AM

مع السلامه او تصبحي على خير

تمر حنة

10-30-2011, 09:05 AM

السلام عليكم ورحمة الله وبركاته

كيف حالكم كلكم ان شاء الله مرتاحين
شكرا لكل من فقدتني وسألت عليا او تفكرتني بدعوة وربي يخليكم ليا
انا الحمد لله كويسة وبخصوص التلقيح قدر الله وما شاء فعل
بعد ما تاخرت الدورة وتأملت نزلت اليوم الله غالب وربي يعوضني خير ويرزقني انا وكل متمنية

ميمونة

10-30-2011, 09:28 AM

تموره صباح النور قدرالله وماشاء فعل ربي يعوضك ياعمري الشهر الجاي

ميمونة

10-30-2011, 09:36 AM

ليبيا فلبي --خلينا نشوفوك في النهار حتي نهدرزو عليك شن حال ناريز توا انشاءالله تمام

ميمونة

10-30-2011, 11:14 AM

اللهم احرسني بعينك التي لاتنام،واكنفني بركنك الذي لايرام ،وارحمني بقدرتك علي ، لاأهْلِكُ وأنت رجائي ؛فكم من نعمة أنعمت بها علي: قلَّ لها شكري ..وكم من بلية ابتليتني بها: قلَّ لها صبري .فيا من قل عند نعمته شكري فلم يحرمني ، ويا من قل عند بليته صبري فلم يخذلني ،ويا من رآني على الخطايا فلم يفضحني ، أسألك أن تصلي على سيدنا محمد وعلى آل محمد ،كما صليت وباركت ورحمت على إبراهيم وعلى آل إبراهيم ، إنك حميد...

ام قصى محمد

10-30-2011, 03:25 PM

السلام عليكم حبيباتى
سامحونى على قله دخولى انشاء الله ارجع بقوه ههههههههههههه
تمر حنه الله يعوضك ويرزقك الشهر الجاى
ميمونه حبيبتى الحمدلله انك بخير والله يعوضك

يقين

10-30-2011, 03:27 PM

صباح الخير علي الجميع نهاركم سعيد وان شالله حالكم باهي
ليبيا قلبي حبيبتي ان شالله ربي يفك اسره ويفك اسر كل اسير وان شالله يعيد معاكم
تمر حنه قدر الله وما شاء فعل وان شالله تحملي المهم الصبر والمداومه عالاستغفار والدعاء وانشالله ربي يرزقك ولما تفكري وتشوفي الناس اللي ليها 7 و8 و10 سنين مش حيحرمك ولا حينساك وربي كبيييييييييييييييير ويرزق حتي الدوده والنمله في الوطى يبال انسان يسبحله ويدعيله كل صلاه اللي نبي نقولهولك ماتفكرييييييييش عيشي حياتك واسعدي زوجك وادعي ربك وما دامك واثقه فيه حيرزقك بطريقه لا تتوقعيها

يقين

10-30-2011, 03:29 PM

ام قصي نحي من بحذاي ما تقربينيش بكل اني حرجاااااااااااااااااااااااانه منك

ليبياقلبي

10-30-2011, 03:47 PM

السلام عليكم
شن اخباركم ياتائرات ليبيا

ليبياقلبي

10-30-2011, 03:49 PM

ام محمد صحتين الكيكة
هاتو باهي انت قالولك توا احتمال تولدي طبيعي والله العملية تخوف حتى انا جايبة بعملية وبنتي عمرها كيف خشيت 10شهور وانت توا البيبي هدا التاني ولا شنو ومديرتش الكيكة شكلا
ميمونة اهو خشيت لانا والله مانفضى نمشي لحوش شيباني ومرات عندي طلعات
يقين شن جو فروتي
تمورة حبيتي ربي يعوضك الشهر الجاي يارب

ليبياقلبي

10-30-2011, 03:51 PM

شوفوا هدا
يا اجليل منك وجعتنا تبي تزوج رجالتنا
بعد قولت ليبية حرة يبي يجيب علينا اجليل مافيه محنة
بيسحبها التوقيعة منا
هاون واربعطاش ونص وراس يقص ضره في حوشي ماتنخش
شن رايكم في موضوع الزوجات

ليبياقلبي

10-30-2011, 03:53 PM

ام قصي وين تغطسي
ووووووووووووووين ام اجنادين كبريائي ام وسونة وميراس وميرنا وهناء واسفة لو نسيت حد

ليبياقلبي

10-30-2011, 03:58 PM

http://forum.hwaml.com/imgcache2/hwaml.com_1319979511_612.jpg
http://forum.hwaml.com/imgcache2/hwaml.com_1319979512_278.jpg
http://www.mexat.com/vb/attachment.php?attachmentid=949085&stc=1&thumb=1&d=1253809173

ليبياقلبي

10-30-2011, 04:00 PM

http://forum.hwaml.com/imgcache2/hwaml.com_1319979622_733.png
هيا لي تخش تسمي وتاكل تتغداء منو صايم انا بديت الجمعة بس الدورة قطعت عليا بس راجلي صايم نطيب في عشا طول

ليبياقلبي

10-30-2011, 04:01 PM

ووووووووووووووووووووووووينكم مافيش حد بروحي

shohrah

10-30-2011, 04:33 PM

ألف مبروك حبايبي في ليبيا النصر و الحرية وربنا ينصركم دائماً ...

ليبياقلبي

10-30-2011, 05:39 PM

شن ماجاش حد

ليبياقلبي

10-30-2011, 05:40 PM

مشكوة اختي شكلكم كلكم راقدت

ليبياقلبي

10-30-2011, 05:43 PM

لأول : أداء الحج والعمرة ، وهو أفضل ما يعمل ، ويدل على فضله عدة أحاديث منها قوله صلى الله عليه وسلم : ( العمرة إلى العمرة كفارة لما بينهما والحج المبرور ليس له جزاء إلا الجنة ) وغيره من الأحاديث الصحيحة .
الثاني : صيام هذه الأيام أو ما تيسر منها – وبالأخص يوم عرفة – ولاشك أن جنس الصيام من أفضل الأعمال وهو مما اصطفاه الله لنفسه ، كما في الحديث القدسي : ( الصوم لي وأنا أجزي به ، انه ترك شهوته وطعامه وشرابه من أجلي ) وعن أبي سعيد الخدري رضي الله عنه قال : قال رسول الله صلى الله عليه وسلم : ( ما من عبد يصوم يوماً في سبيل الله ، إلا باعد الله بذلك اليوم وجهه عن النار سبعين خريفاً ) متفق عليه . ( أي مسيرة سبعين عاماً ) ، وروى مسلم رحمه الله عن أبي قتادة عن النبي صلى الله عليه وسلم قال : ( صيام يوم عرفة أحتسب على الله أن يكفر السنة التي قبله والتي بعده ) .
الثالث : التكبير والذكر في هذه الأيام . لقوله تعالى : ( وَيَذْكُرُوا اسْمَ اللَّهِ فِي أَيَّامٍ مَعْلُومَاتٍ ) وقد فسرت بأنها أيام العشر ، واستحب العلماء لذلك كثرة الذكر فيها لحديث ابن عمر رضي الله عنهما عن أحمد رحمه الله وفيه : ( فأكثروا فيهن من التهليل والتكبير والتحميد ) وذكر البخاري رحمه الله عن ابن عمر وعن أبي هريرة رضي الله عنهم انهما كانا يخرجان إلى السوق في العشر ، فيكبرون ويكبر الناس بتكبيرهم . وروى إسحاق رحمه الله عن فقهاء التابعين رحمة الله عليهم انهم كانوا يقولون في أيام العشر : الله أكبر الله أكبر لا إله إلا الله والله أكبر ولله الحمد . ويستحب رفع الصوت بالتكبير في الأسواق والدور والطرق والمساجد وغيرها ، لقوله تعالى : ( وَلِتُكَبِّرُوا اللَّهَ عَلَى مَا هَدَاكُمْ ) ولا يجوز التكبير الجماعي وهو الذي يجتمع فيه جماعة على التلفظ بصوت واحد ، حيث لم ينقل ذلك عن السلف وانما السنة أن يكبر كل واحد بمفرده ، وهذا في جميع الأذكار والأدعية إلا أن يكون جاهلاً فله أن يلقن من غيره حتى يتعلم ، ويجوز الذكر بما تيسر من أنواع التكبير والتحميد والتسبيح ، وسائر الأدعية المشروعة .
الرابع : التوبة والإقلاع عن المعاصي وجميع الذنوب ، حتى يترتب على الأعمال المغفرة والرحمة ، فالمعاصي سبب البعد والطرد ، والطاعات أسباب القرب والود ، وفي الحديث عن أبي هريرة رضي الله عنه أن النبي صلى الله عليه وسلم قال : ( ان الله يغار وغيرة الله أن يأتي المرء ما حرم الله عليه ) متفق عليه .
الخامس : كثرة الأعمال الصالحة من نوافل العبادات كالصلاة والصدقة والجهاد والقراءة والأمر بالمعروف والنهي عن المنكر ونحو ذلك فانها من الأعمال التي تضاعف في هذه الأيام ، فالعمل فيها وان كان مفضولاً فأنه أفضل وأحب إلى الله من العمل في غيرها وان كان فاضلاً حتى الجهاد الذي هو من أفضل الأعمال إلا من عقر جواده واهريق دمه .
السادس : يشرع في هذه الأيام التكبير المطلق في جميع الوقت من ليل أو نهار إلى صلاة العيد ويشرع التكبير المقيد وهو الذي يعد الصلوات المكتوبة التي تصلى في جماعة ، ويبدأ لغير الحاج من فجر يوم عرفة ، وللحجاج من ظهر يوم النحر ، ويستمر إلى صلاة العصر آخر أيام التشريق .
السابع : تشرع الأضحية في يوم النحر وأيام التشريق ، وهو سنة أبينا إبراهيم عليه الصلاة والسلام حين فدى الله ولده بذبح عظيم ، ( وقد ثبت أن النبي صلى الله عليه وسلم ضحى بكبشين أملحين أقرنين ذبحهما بيده وسمى وكبّر ووضع رجله على صفاحهما ) متفق عليه .
الثامن : روى مسلم رحمه الله وغيره عن أم سلمة رضي الله عنها أن النبي صلى الله عليه وسلم قال : ( إذا رأيتم هلال ذي الحجة وأراد أحدكم أن يضّحي فليمسك عن شعره وأظفاره ) وفي رواية ( فلا يأخذ من شعره ولا من أظفاره حتى يضحي ) ولعل ذلك تشبهاً بمن يسوق الهدي ، فقد قال الله تعالى : ( وَلا تَحْلِقُوا رُءُوسَكُمْ حَتَّى يَبْلُغَ الْهَدْيُ مَحِلَّهُ ) وهذا النهي ظاهره انه يخص صاحب الأضحية ولا يعم الزوجة ولا الأولاد إلا إذا كان لأحدهم أضحية تخصه ، ولا بأس بغسل الرأس ودلكه ولو سقط منه شيء من الشعر .
التاسع : على المسلم الحرص على أداء صلاة العيد حيث تصلى ، وحضور الخطبة والاستفادة . وعليه معرفة الحكمة من شرعية هذا العيد ، وانه يوم شكر وعمل بر ، فلا يجعله يوم أشر وبطر ولا يجعله موسم معصية وتوسع في المحرمات كالأغاني والملاهي والمسكرات ونحوها مما قد يكون سبباً لحبوط الأعمال الصالحة التي عملها في أيام العشر .
العاشر : بعد ما مر بنا ينبغي لكل مسلم ومسلمة أن يستغل هذه الأيام بطاعة الله وذكره وشكره والقيام بالواجبات والابتعاد عن المنهيات واستغلال هذه المواسم والتعرض لنفحات الله ليحوز على رضا مولاه والله الموفق والهادي إلى سواء السبيل وصلى الله على محمد وآله وصحبه وسلم .

ميمونة

10-30-2011, 05:50 PM

الله الله الله اكبر ولله الحمد

بارك الله فيك ليبيا قلبي انا نبدا نسميك ام ناريز

سفهتيني يعطيهالك في البيتزا

يقين

10-30-2011, 07:24 PM

ام قصي ماتقربينيش لا تجي بحداي بكل نحي من بحداي وما تكلمينيش اني حرجاااااااااااااااااااانه منك وخبرت فيك حتي راجلي وقالي تو نوريها كيف تحرجك والله خبرت فيك وقتله نزلتلها فطور مابتش تقولي حتي شكرا

يقين

10-30-2011, 07:28 PM

ليبيا قلبي ووووووو ماهي خباره مني اللي قال خوذوا علي نساوينكم ترا فكونا اني ما معاي حد ونتعارك اني ودبشي يبال يجيبلي وحد نضربها في الليل وفي النهار وك وك وك بعيد السو

يقين

10-30-2011, 07:33 PM

ليبيا قلبي ووووووووو علاش ترعشي فيا خاطرني فيه كله اللي في الصوره هههههههههه وتوا مدايره رجيم وممنوع عليا الرز والمكرونه وخبزه الفارينه كله ممنوع الا مره في الاسبوع طبعا اني مش سمينه هلبا وزني 78 هههههههههه دبدوبه ما تضحكوش عليا شهر ان شالله ونولي رشييييييييييييييييقه
عمتي مش طايب عليها الرجيم قتلي خليك هكي احسن لكن اني درته لاني نحب الجسم الرقيق
اااااااااااااه حكيتلكم قصه حياتي كلها هي توا خلي نوض نصلي العشا لانه اذن ونوليلكم كان ما جوش راجلي وسلفي سطو عالنت

يقين

10-30-2011, 07:35 PM

هاتو كيف حالك وحال بنيتك ان شالله تمام والله يا حنه جو سلفي مشالله كويس وبيروح بعد العيد

أم مُحمد

10-30-2011, 09:32 PM

خير عليكم كلكم انشالله بلاف خير
ام قصي نبي نسالك على عيادة شنيب
ميمونه كيف الحال
ليبيا قلبي شن اخبارك وربي يفرج عليكم وعلى عمك بطلعته بخير وسلامه ولو عندك طريقة المقروض عطيها لى لان خاطرى فيه بس نبي مقدار اصغير وشكرا مقدما
تمر حنه ربي ماينساش حد وعندي صاحبتى من اجدابيا عطتنى طريقه معروفه عندهم بس انا حملت قبل مانديرها وانشالله انتى نفس الشى الطريقه نص كيلو عسل والافضل سدر وتجيبى كمون حلو وتنقيه وتحمسيه اشوى ع نار وبعدين اطحنيه ولوبان مر حطيه فى الفريز عشان تقدري تطحنيه وحطى نفس الكميه من الكمون ولوبان المر يعنى 6او 7 ملاعق من اللوبان ونفس المقدار كمون وخلطيهم مع العسل لين ما تحس ان العسل قعد كله من الخليط هضا وخوذى ملعقه على الريق انتى وراجلك وفى الليل عند الجماع كل واحد ملعقه وابدي خوذيه من ثالث يوم دوره وانشالله بالشفاء وانا عطيت الطريقه لصديقتى وتوا حامل وانشالله كل وحده تبي تحمل اديرها وتصح امعاها

يقين

10-31-2011, 01:25 AM

وينكم العفوا علاش معاد حد يخش ووين ميراس استاحشناه

ليبياقلبي

10-31-2011, 02:22 AM

ميمونة احلى ام ناريز وربي يعوضك وتجيبي بنوتة احلى من ناريز
يقين ماخصنيش فيك اكتبلي الطريقة الرجيم انا وزني 75وبنهبل منه نبي نقص شنو هو رجيميك بالتفصيل
ام محمد تو ناخدها ونكتبهلك

أم مُحمد

10-31-2011, 03:50 AM

السلام عليكم
شن اخبار حلوات المنتدي انشالله تمام
ليبيا صحيتى على الاغانى قالو الصبايا يبو ايديرو مسيره احتجاجيه ضد سحبت التوقيعه وتعدد الزوجات شن رايك هههه وكل عام وانت سالمه انتي وعيلتك وراجلك
يقين -----ميمونه ---------تمر حنه --------ام وسونه -------هاتو -----------ام قصى ------ام اجنادين ------- مرات ننسي حد سامحوني عموما نبي انقول كل عام وانتو بالف خير وانشالله العيد مايجيبلكن غير البشاير واللى تبي شى من رب العالمين تدعى فى كل وقت لان الايام هذين ايام مباركه وكل يوم له ثواب وربي يقبل من كل صائم وكل دعاء

بدآيه حلم

10-31-2011, 09:33 AM

السسسلام علييكم ورحمه الله

كيف حالكم حوامل ليبيا

دعآء حللووه حبيت تقرونه

حصنت نفسي ومافي رحمي باسم الحي القيوم الذي لايموت ورددت عنه السوء بألف ألف لا حول ولاقوة إلا بالله
اللهم اجعله مسلما صالحا عابدا ذاكرا..
حافظا للقران الكريم وممن يعملون به..
اللهم يامثبت القلوب ثبت قلبي على دينك
وثبت مافي رحمي واجعل حمله تسعة اشهر بلا زيادة او نقصان
اللهم اجعله بارا بوالديه وأهله..
اللهم حسن خلقه وخلقته ..
اللهم أعيذه بكلماتك التامات من شر شياطين الانس والجن..
اللهم سهل ويسر حمله وولادته..
اللهم قر عيني به..
اللهم ارزقني ولدا واجعله تقيا ذكيا
واجعله سليما معافى ولا تجعل في خلقه زيادة ولا نقصان ..
واجعل عاقبته إلى الخير...
اللهم إني نذرت لك ما في بطني محررا...
فتقبل مني إنك أنت السميع العليم...
اللهم اصلح لي ذاتي وذريتي...
اللهم استودعتك هذا الجنين فحسن في خلقه وأخلاقه يا رب العالمين..
اللهم اني اسألك هون الطلق وحسن الخلق ..
اللهم آمين

تمر حنة

10-31-2011, 02:32 PM

السلام عليكم ورحمة الله وبركاته

ميمـــــــــــونة مشكورة حبيبتي وربي يفرح قلبك بكل ماتتمني
ام قصـــــــــــي ربي يخليك ويحفظ زوجك وصغارك ويرزقك ماتتمني
يقيـــــــــن الله يبارك فيك كلامك كان زي البلسم بالنسبة ليا ربي يحفظك ويخليلك عويلتك
ليبيـــــا قلبـــــــــي الله يسلمك حبيبتي والله ليك وحشة
ام محمـــــــــد تسلميلي ياغالية على اهتمامك وربي يحفظ حملك ويسهل ولادتك ويرزقك ماتتمني لكن المشكلة اللبان المر مافيش في ماليزيا المدة الماضية دورت عليه لاني نحب رايحته كبخور ومالقيتاش للاسف كان بتبعثيلي شوية من بنغازي مانقولش لا
سلامي للغايبات الحاضرات ميــــــــراس...هــــــاتو...ام ردينـــــــة...ميرنـــا...عيــــــــون...ام وسونــة...كبريـــــائي...ام عويضـــة...ام اجنادين

والله مانكذب عليكم مضاااااااااااااااايقة ودموعي من آمس ما كفوش راجلي امس واليوم طلعني قاللي اشري لبس العيد وادهوري مسكين يبيني ننسى لكن مافيش فايدة
لاحــــــول ولاقـــــــوة الا بـالله
اللهــــــــم لا اعتــــــراض

تمر حنة

10-31-2011, 02:52 PM

يقيـــــن ولـيبيــا قلبـــي انقوللكم انا وزني وماتضحكوش عليا

.

.

.

.

.

.

.

.

.

.

56 hwaml81 وقبل ما نتزوج كان 50 hwaml03 شفتوا الرشاقة ههههههه قولوا ماشاء الله

ميمونة

10-31-2011, 04:04 PM

السلام عليكم هلا تموره ماضيقيش روحك حبيبتي قدر الله وماشاء فعل تيارب الشهر الجاي تفرحي عن قريب ببنوته حلوة زيك

يقين

10-31-2011, 05:35 PM

تموره ما ضايقيش روحك اختي ليها 4 سنين ومارزقهاش ربي والبارح كلمتني وخايفه من الولاده موعدها الاسبوع الجاي ريتي ربي كيف يجازي الصابر تي عيشي حياتك واطلعي ماليزيا يحكوا عليها طبيعتها وجوها يهبل اطلعي ومادامنه راجلك قالك اطلعي اطلعي معاه والله الصغار مصيؤهم بيجوا اكثر ما بكيت اني قعت 7 شهور ونيتي ملخبطه واهو ربي رزقني اطلعي اطلعي اشري دبش واشريلي معاك حاجه اممممممممممممم انقولك شن ناقص عليا ناقص عليا دسدة شغاشير لحم ونبي شبشب صبع ماهو شبشبي انقطع ولامس ونبي منايل مبلله خلاص الليله يوصلوني الحاجات وراك تطلعي بخيله

يقين

10-31-2011, 05:47 PM

حي يا حي ليبيا قلبي اني اسمن منك من عيوني نعطيك برنامجي
الفطور تست مع شويه زبده وشاهي بالعسل السكلر ممنووووووووووووووع
الغداء لحمه اي نوع مطبوخه مع كرنب اخضر وكرنب ابيض وكوسه وبطاطه علي البخار طبعا هادا كله بالميزان بس اني مانفهمش في جو الجرام والكيلو ولا عندي ميزان فقالي الكتور صحن صغير اللي نحطو فيها في السلطه
العشاء سلطه عباره عن طماطم وخيار وذره معلب وزيت زيتون وشويه ملح مع عصير برتقاله بلا سكر
هي ابدي معاي يا نونووكان عجبك انزلك الجدول كله لمده شهر وقالي الدكتور حتنزلي من 8 الي 10 ك اشبح تو شن ايصير
ليبيا قلبي مانبيش ننسل بكل وما نبيش وزني الحالي لاني السراويل الامريكانيات سيبتهم من الوزن الزفت لازم انقص لازم ان شالله ربي يعيني ياااااااااااااارب وننزل 10 كيلو

يقين

10-31-2011, 05:49 PM

ميونه كيف حالك وكيف حال اهلك ان شالله كويسين

يقين

10-31-2011, 06:53 PM

السلام عليكم جيتوا ولا لسى

ام وسونة

10-31-2011, 07:03 PM

هايات عالحلوات

كيفكم وحدة وحدة ان شاء الله تكونوا بالف خير

وخيتكم كيف وصلت لتونس العاصمة طالعين من امس

تشحورنا في البوابة للعشرة في الليل وبعدها وخيه

ميراس اعطتنا حوشها رقدنا فيه اللي في المحرس

ونوضنا توكلنا للعاصمة وفي الطريق خطمنا علي

سوسة ومشينا للقنطاوي لكن الجو مطر مش عادي

وخاصة توا في العاصمة مشكووووورة وخيه ميراس

وخيه تمر حنة والله قلبي معاك ربي يعوضك

ماتخافيش ربي خيره هلباااااا المهم ماتنكديش

علي روحك راهو عيد ياحلوة انسي الموضوع

وتواكل شئ يجي اهو اني وخيتك توا

جاية لتونس احتمال ندير زيك تلقيح صناعي

او حقن مجهري ربي يسهللنا يارب

أم مُحمد

10-31-2011, 07:30 PM

السلام عليكم
ام وسونه حمدالله ع سلامتك انشالله موفقه

ام وسونة

10-31-2011, 09:28 PM

اهلين ام محمد وتسلميلي يارب

ام قصى محمد

10-31-2011, 10:45 PM

حبيبتى تمر حنه وسعى بالك وخيرها فى غيرها والله يرزقك كل محروم وتفرحينا عن قريب
ام وسونه الله يوفقك وينجح علاجك يارب
ميمونه كيف احوالك مشاء الله شكلك رقتى الله يكمل عليك ويفرح قلبك ويرزقك على قد نيتك
ام محمد التوقيع يجنن الله يفرحك زى ما ضحكتنى سامحينى ماتنعرفناش
يقين يعنى الرجيم هذا على ضمانتك
حى حى حى مش راح انقوللكم على وزنى احسن تطفسو من الضحك وباديه انزيد الله يستر
تعرفو يابنات انحس فى روحى مرهقه الفتره هذى ونبى غير نرقد وغرقانه لوذانى فى الشغل بين الصلح فى المدرسه للعشيه فى الرابطه واجتماعات وندوات للحوش
خلاص تعبت من جد

ميراس

10-31-2011, 11:29 PM

السلام عليكم ورحمة الله وبركاته كيف حالكم كلكم اللى سال علي واللي حتي ماعدلش عليا مسامحتكم احنا ابواب العيد المهم ربي يعوضك خير ياتمورة ولاتياسي من رحمة الله بالعكس احمديه واشكريه علي كل حال

ميراس

10-31-2011, 11:34 PM

ام وسونة الحمد لله علي سلامتك حتي انا وصلت والله تسحونت في الطريق خسارة تمنيت انو تلاقينا

ام وسونة

10-31-2011, 11:45 PM

اهلين بوخيه ميراس الحمدلله علي سلامتك

كيف حالك توا وشن الاجواء عندكم اهني مطر هلبااااااااااا

عادي حبيبتي خيرها في غيرها الجايات اكتر من الرايحات

تمر حنة

11-01-2011, 09:09 AM

http://forum.hwaml.com/imgcache2/hwaml.com_1320127746_125.gif (http://forum.hwaml.com/imgcache2/hwaml.com_1320127746_125.gif)

تمر حنة

11-01-2011, 09:25 AM

السلام عليكم ورحمة الله وبركاته

كيفكم اليوم ان شاء الله تمام وشكرا حبيباتي على كلماتكم الطيبة والله عاجزة على شكركم ومش راح ننسى وقفتكم معايا وربي يخليكم ليا
ميمـــــــونة كيفك ياحلوة..يومها نزلتيلنا طريقة نص بالدحي انا طمعت قلت اكيد كل يوم تعلمنا حاجة جديدة لين نوصلوا للبازين والعصبان والحاجات القوية لكن شكلك بطلتي!
يقيـــــــــــن ولا يهمك الحاجات اللي ناقصة اليوم العشية او غدوة بالكثير تكون عندك عيب عاد قداش عندنا يقين احنا غير انت قوليلي رايك وكان ماعجبوكش نغيروهم عادي
ميــــــــــــراس الف الحمد لله على سلامتك والله استاحشناك طمنينا عليك واحكيلنا شن وضع البلاد ومشيتي لبني وليد وإلا طرابلس بس
ام قصـــــــــــي ربي يخليك ليا ياغالية وكانك تبيني ننسى وحالي يتعدل قوليلي وزنك هههههههههه وما تخنبيش حتى جرام
ام وسونــــــــــة يااااااااااااااااااااااااارب ماتروحي من تونس إلا وانت حامل بتوامة الشهر هذا اللهم آمين

تمر حنة

11-01-2011, 09:43 AM

خاطري في القديد لييييييييييين خلاص والبلاد هذي ديما مطر ورطوبة لا يجي فيها قديد لا شي
وحتى خروف العيد آمس مشينا لصاحب مزرعة يبيع في الخرفان على اساس نحجزوا خروف قال كله سعي استرالي ومستورد وهم هنا ماعندهمش محلي لكن شكله مقرف فيه ذيل طوييييل وابصر كيف شكلهم وراجلي حتى هو ماعجبوشي قال الاسترالي لحمه مش مزبوط لانه مش معروف شن ياكل... يعني من الاخير العيد السنة هذي مايصيرش منه ومرات نعيدوا على دجاجة وخلاص ههههه الله غالب
قولوا امس شن خاطر عليا قديد من لحم الدجاج زعمة كيف طعمته!!!

تمر حنة

11-01-2011, 09:55 AM

راجلي صايم نمشي انديرله فطوره مرات اندير رشدة كسكاس وامبطن وعندي شوية سمبوسة بالدجاج في الثلاجة فاضلة من آمس نسخنها
قسما بالله فاشلة وكارهة نفسي ماعنديش نية نتحرك ولا نمس شي هاليومين اندف في روحي دفان قريب انطيح على وجهي
المهم بالسلامة توا وكــــــــــل سنـــــــــة والجميـــــــــــــع بخيــــــــــــــر

ميمونة

11-01-2011, 10:36 AM

هلا ام قصي --شن حالك والله الحمد لله قداش مره نحاول نكلمك وربي الشاهد ماشكلش بكل الخط

ام وسونه --الف الحمد لله علي سلامتك بتقعدي غادي في العيد والا بتروحي

ميراس--شن حالك وحال وليديتك وقبلك ديما كبير ههههههههه

يقين --شن حال بنيتك انت في مصر توا والا شنو

ميمونة

11-01-2011, 10:39 AM

تموره

تبي نبعتلك خروف وطني والله مانحكيلك علي هبرته ههههههههه نسفه فيك وهداك القلايه والقديد والشواء يممممممممممم

قديد بالدجاج عمري مادرته بس سفهتيني

ميمونة

11-01-2011, 10:45 AM

اليوم بادن الله امي وبوي يتسكدو للحج يارب يسهلها عليكم وتعرفوا انتم الحجاج وزحمه الناس

والله امي مسكينه تخمم فيا عالعده طلاقي ماتبيش حتي العزومه بس انا والله ماخليتها بالعكس نفسيتي مرتاحه علاش تنكد روحها امس حتي من الدربوكه طلعتها واعطيتها شوطين مانحيلكم

شن رايكم شخص مايستاهل شن بنديرله نقعد حاطه ايدي علي خدي نزيد اهلي هم ماهو الواحد يتفائل خير في حياته

ميمونة

11-01-2011, 10:46 AM

عقبالكم كلكم في حجه والا عمره

ميمونة

11-01-2011, 11:22 AM

httماهى العالة ؟؟
تتكون العالة من مجموعة ادوات والغرض منها اعداد كوب شاي ليبي بكل المقاييس

ابتداءً من الأدوات التى سيعد بها مروراً بطريقة الاعداد الى مايرافق هدا الكوب من حلويات

ولا بد ان تكون من تعد هدا الكوب الرائع على معرفة جيدة حتى لاتبقى مثار سخرية بقية النساء

فللعالة طريقة معينة فى وضع الادوات وكدلك الجلسة التى تتخدها من تقوم بعده المهمة وطريقة

الاعداد والتقديم

تتكون العالة من :
السكريات \ عددها 3 يحفظ باحداها اوراق الشاي الاخضر والاخرى للاحمر والاكبر حجما لحفظ السكر
اللقامة \ تستخدم لتخديم الشاى للحصول على الرغوة البيضاء التى تزينه
البراد \ عدد2 يعد فى احدهم الشاى والاخر يصفى فيه الشاى
السخان \ لحفظ الماء
النشافة \ للمحافظه على نظافة العالة
الصفاي \ تصفية الشاى من الثفل
مائدة توضع عليها الادوات
الموقد \ لاعداد الشاى
اناء لغسل الاكواب
اكواب الشاى

يقدم الشاي على ثلات مراحل ويتميز الكوب الاول بانه قوي والتانى ايضا
والشاى الليبي يتميز برغوة بيضاء تجمله
ولن تحصلى عليها ابدا مالم تكن ادواتك نظيفة
وخالية من اي اثر للزيت المتاتى من الحلويات

ويصاحب تقديمه الحلويات واهم نوع يرافق الشاي
الكعك الليبي بانواعه المختلفة
ولا يكاد يخلو بيت ليبي من الكعك
وحلويات اخرى مثل المقروض والغريبة وايضا الخبز
وخصوصا الفطيرة او خبز الفرن او خبزالطاجين

والكوب الثالت يكون خفيف نوعا ما وينكه بالزعتر او القرفة او وريقات من النعناع
او يقدم مصاحبا له (الكاكاوية) او اللوز

p://‬images-bb0e931e64

يقين

11-01-2011, 11:46 AM

صبااااااااااح الفل عليكم يا احلي من العسل
ميمونه اني في مصر توا
ام قصي نورتي ورجيمي مظموووووووووووووووون علي قولت الدكتور
ميراس اني سالت عليك ومستاحشاااااااااتك
تموره القديد مش لازم عالشمس ديريله خلطه القديد العاديه وحطيه في التوستر او في مكينه اللي تجفف في الفواكه ياخذ ساعتين وربع ويلع يهبببببببببببل اني جربته العيد اللي فات اختراعات

ليبياقلبي

11-01-2011, 04:01 PM

تمورة حبيتي والله ماتكدري روجك بالعكس والله انا اختي 4سنين محملتيش وتعبت من كلام الناس لانا حماتها خشيت معاها حملت طول وبعدها حملت وجابت زوز توام ولاد مبشر ومقبل ربي يخليهلالها يارب

ليبياقلبي

11-01-2011, 04:55 PM

يقين شن اخبارك والرجيم بنديرا بس مش توا بعد العيدهههههههههههههه يفوتني الشواء والعصبان والجو

ليبياقلبي

11-01-2011, 04:58 PM

تمورة ربي يعطيك يارب ويرزقك من حيت لايحتسب اكتري الدعاء هده الايام مبارك ياغالية
ميمونة حج مبرور وربي يسلمهم يارب وعقبالنا نحجوا يارب حتى انا عمي مشا
ام وسونة الحمد لله عالسلامة وكولي العلوش وسميه عليا
ميراس شن اخبارك
ام محمد شن الجو صايمة ولالالالالالالا
والله نفسيتي تاعبنة نوزة بنتي مريضة حرارتها 39 بس توا اعطيتها مضاظ انخفضت امس ماما كعدت تعارك فيا عاد عارفين انتم الامهات اصلا انت مهملة وجو مش عادي

ليبياقلبي

11-01-2011, 04:58 PM

بنمشي نطيب العشاء بازين راجلي يتوحم صايم يبي يفطر علا بزين ههههههه

ام قصى محمد

11-01-2011, 08:56 PM

تموره صحه القديد مسبقا
وحبيبتى قولى الحمدلله شوفى ميمونه الله يكمل عليك فرحتك وبرك لاهلك
اذا ابتلانا الله فهذا لانه يحبنا ويشوف فينا نصبروا علشانه او لا فا شوفى نفسك تحبى ربك وعندك ثقه بيه او لا
توكلى على الله وانشاء الله ربى يرزقك الذريه الصالحه
ويرزق ميمونه الزوج الصالح
على فكره قالو بعد العيد باسبوعين راح ترجع الاتصالات بين الشرق والغرب عادى والنت راح يرجع ويقوى انشاء الله
انشاء الله نحصلك ميمونه ونباركلك بحج اهلك
ليبيا قلبى بعيد السو على بنيتك خوذى الامهات والعمات دائما يزيدن نفسيتك سوء على اثر الواحد ضميره عليه اهله واهل راجله
انا ديما ام راجلى ماتصدق بناتى يمرضن تبدى تعطى فى راجلى محاضرات ههههههههههههههه
على اساس وهم صغار عمرهم ما مرضوا اولادها الله غالب
يقين شن اخبارك واخبار فروتى واهلك فى بنى وليد شن جوهم

أم أجنادين 80

11-01-2011, 09:41 PM

السلام عليكم ياحلوات
تموره حتي انا زيك نستني ربي يرزقني بس نقول الحمد لله علي كل حال
وكان بنقعدوا نسمعوا كلام الناس وبنكدوا علي ازواجنا شن بنستفيدوا
هدا شن يبوا الناس غير تتنكدي
عيشي حياتك
لما مشيت لتونس رغم انها المشيه بعد سنه بعد زواجي بس كأني كيف متزوجة " شهر عسل جديد"
وقلت مرات ماعنديش صغار احسن خديت راحتي واستمتعت اكثر
عليك بالدعاء والواحد مداير جهده والباقي علي ربي
ميمونه حج مبرور لأهلك ان شاء الله قوليلهم يدعولنا
يقين وضحيلنا اكثر اختراعك بالتفصيل نبي نجربه
ليبيا قلبي لاباس علي بنيتك تعرفي حتي الكبار مرضوا وانا خديت برده هدا من تقلب الجو
ام قصي شن اخبارك حبوبة عند ك الحق ديمه في مبالغة من الامهات والعمات
ممكن من خوفهم الزايد
ميمونه تعرفي ولا مره درت شاهي العاله في حياتي هههههههههههههه ولا حتي القديد

أم أجنادين 80

11-01-2011, 09:49 PM

ام وسونه الحمد لله علي السلامه

ام قصي انا وزني 53 ديمه خوي يضحك عليا يقولي امته بتسمني يابنت منعرفش

وزوجي مايبينيش نسمن رغم اني مرات مانقصرش في الاكل مش مخليه حاجة

بس نخاف لو نحمل ونجيب بطني معادش ترجع زي قبل رغم اني نشوف في بنات معاي في

العمل ولا كأنهم حملوا وجابوا ماشاء الله وراهوا اجسامهم مش ضعيفة

نبي نعرف كيف الوحده ترجع بطنها زي ماكانت قبل الحمل ....

تموره مادوريش حتي انا جتني الدورة بعد ماكان عندي أمل بس الحمد لله علي كل حال

وربي يرزق الجميع ,,,,

ام وسونة

11-01-2011, 10:15 PM

اهلين ياحلوات وشكرا لكل من تحمدي على السلامة

ميمونة ربي يرجع ميمتك وبوك بالسلامة يارب

وان شاء الله حج مبرور و\نب مغفور حتى اني

عندي خوي الليلة ماشي للحج

وخيه ليبيا لاباس على بنيتك وربي يخليهالك

وخلاص توا نخليلك من العلوش

يقين كيفك ياحلو ربي يعاونك في الريجيم

حتى اني بندير ريجيم وزني زاد سمنت وليت

64 كنت ديمة مابين 59 او 60 لكن ماعنديش

زوائد في جسمي حنى بطني لاصقة في ظهري

لكن ضروري نرجع زي ماكنت هههههههههه

وخيه ام اجنادين كيفك ويارب يسخرلك الحال

وتحملي يارب

أم أجنادين 80

11-01-2011, 10:27 PM

الحمد لله
احنا الليبيات مشكلتنا في هالبطن والمؤخرة
اول وحده ماتتزوج تكبر بطنها مانعرفش ليش

ميراس

11-01-2011, 11:45 PM

سلام للحلوات كلهم ميمونة انشالله حج مبرور ودنب مغفور لوالديك ليبيا قلبي انت اكيد راجللك معنداش عريق في ورفلي ينط يفطر علي بازين ياودي اسالي لابد يطلع عنده سر فيناام قصي ليك وحشة يقين علاش معاش اتخشي زي قبل ونتلاقوا ليك وحشة انا مشيت لورفلي ياودي الناس تغلي لانهم روحوا الاول الاول وكيف القوا حياشهم حالة والدمار في من ناس قعدوا من غير احياش تمورة ادبحوا دجاجة ولما تدبحوها غمضوا عيونكم وتخيلي روحك تخنقي في خروف وراجلك يدبح ميمونة شني شريتي حلويات او درتي بروحك حلوات الحج

ღॐ آية ღॐ

11-02-2011, 02:09 AM

السلام عليكم منورات ياحلوات
ميمونه ان شاء الله حج مبرور لوالديك وان اشاء الله زي ما سقتو تلاقو
ليبيا قلبي حتى اسوله مريضه اول امس حرارتها وصلت لي 40.6
تخيلي شن صار فيا عقابات الليل قريب هبلت امس 39 واليوم عاينتها
وتوه مسهرتني معاها في الدار بروحنا والبابا يعيني عليه راقد عزري الليله ..
لزنا من الدار..

ليبياقلبي

11-02-2011, 02:13 AM

سلام مشكورات حلوات
صدقتي ام محمد ام الراجل متصديقش انو الصغار يمرضوا ياوخيتي يطلعوا فينا احنا نرعشوا علا صغارنا
ام اجنادين مشكورة عالنشدة والسوال واحسن وزنك كويس والله ياريت انا هكي
ام وسونة مشكورة عالسوال صحيتوا وخياتي الف شكر ليكم

ليبياقلبي

11-02-2011, 02:16 AM

انا جيت في حوش اهلي والله تعبت اليوم ميراس ضحكتني بي عرقه ورفلي لالا راجلي من الساحل ياحنا بس تصدقي اول مرة يديرها يفطر علا بازين عجب
انا اليوم تعبت بكل نوزة مريضة وضميت الحوش وتوا جيت لي اهلي خواتي وبنات خالتي يشوفوا يطيبوا مدايرين الخمس بزار يطيبوا بيبعوه غدوة

ღॐ آية ღॐ

11-02-2011, 02:19 AM

ميمونه لما يرجعو العويله من الحج وديرو لمات اعزميني مش تنسي
أنهارك تنسي والله قلبي عندك نبي نشوفك ونهدرز عليك ونرتاح من يالآك..

ღॐ آية ღॐ

11-02-2011, 02:45 AM

تمر حنة اسمحيلي نسميك حنانه ...مشتقه من الحنان ومشتقاته مثل الحنة ...ربي يرزقك بدرية
في القريب العاجل ياااااااااااااااارب انتي وكل متمنيه قولي امين يا حنانه ..

ام قصى محمد

11-02-2011, 03:01 AM

ايه بعيد السو على بنيتك تعرفو حتى انا جنى اليوم عندها حراره راقده مسكينه وعيونه حمر والله شاغلتنى مش قادره نرقد وبكرا عندى تصحيح
ميراس حتى انتى واحشتنى حبابه

ام وسونة

11-02-2011, 02:37 PM

نهاركم حلو يارب

كيفكم ياحلوات قداش ليا ماقصقصتش

يلا كل وحدة تخش تحكيلي علي اخر اخبارها

يقين

11-02-2011, 02:56 PM

السلام عليكم مرووووووووووووسه تواحشتك وينك مغيبه اسكتي ساكته اهلي مشوا لحوشهم في بني وليد مشاااااااااااااااااااااااااالله علي الا سلوب اللي مكسكسين بيه الحوش وحوش خوي واااااااااتي مش نا قصاته حاجه علي اساس بيتزوج فيه رافعين منه التلفزيونات وطاوله وكرسي خزف
وحوش اهلي رافعين زوز لاب تبوات متاع خوتي ورافعين هاتف ريفي حتي الخدمه ما يخدم حنننننننننننننننننننننبه وتنكيت وتكسكيس بالرصاص مانعرفش علاش هالغل والحقد هادا كلع علاش عليشان ناصروا معمرهما حرين كل واحد ورايه مش قلتوا ديمقراطيه اااااااااااااااه بالله خليني ساكته حتي اللي كان مع الثوره حقد عليها تعرفي ولد جيرانه قسما عظما خوه ميت في جبهه البريقه مع الثوار لقوه بيركب في سيارته بيطلع وقفوه خدوا منه سيارته وهو واقف ظلم عيني عينك ربي ياخد الحق وينصفنا اللي داروه مايرضي بيه لا ربي ولا عبيده واللي راضيه تقول هادا صح