تجمع حوامل ليبيا

[أم سعد]

إن شاء الله

[ام اسيل]

خيرات على احلى ستات

ازيكو

درتو فول وحمص ولا لا
نحنا عندنا الدراونة يديرو في حاجة تجنن اسمها سليقة وهي زي الطبيخة بالقديد وفيها فول وحمص وقمح بجد تجنن
اليوم الغازات مشتغلة على اصولها

[ام اسيل]

حبل الوصل ماشاء الله على عموري ربي يحفظه توا قوليننا اخلاص تشبه لمن وعموري ليك ولا بوه

عيون اية ام سعد منورات والباقي راقدات رسمي

[ام اسيل]

ام رفيدة
العتب موجود والزعل مرفوع
يعني نتعاتبو ونتناقشو لكن مانزعلوش من بعض ممكن نحنا قوينا العيار شوية واهي فشة خلق وعدت وحتى مصارين البطن يتعاركو والخوات يزاعلن ويرضن خلاص خشي زي قبل والله نحنا خوات وقلوبنا بيضة على بعض
بوسينا حازم وماتنقطعيش علينا وخلينا كلنا ننسو سوء التفاهم اللي صار وانا عارفة ان حتى عيون ولولي ونسرينا وسورينام وكل البنات من رايي

[رجاء2]

السلام عليكم
كيف حالكن يا بنات
ان شاء الله ربي ايتمم عليكن بالخير
انا اختكم رجاء من اجدابيا متزوجه من 8 سنوات و الحمدلله عندي ولد وبنت
البنت 6 سنوات
الولد 5 سنوات
اول حمل لي كان بعد علاج طويل اثمر بتوؤم عيل و بنت
في الشهر السابع التفت البنت على الولد مما ادي الى ولاده مبكرة
نتج عنها انه عاشت البنت اما الولد توفى .
ثم رزقت بولد زي الفل بعد عام و عدة شهور ..
والان بعد خمس سنوات بدأت العلاج من جديد واخذت العلاج النوع ابر منشطه
والان انتظر في النتيجة ... ان شاء الله خير

معليش طولت عليكن

[ام اسيل]

[quote=رجاء2;563208]السلام عليكم
كيف حالكن يا بنات
ان شاء الله ربي ايتمم عليكن بالخير
انا اختكم رجاء من اجدابيا متزوجه من 8 سنوات و الحمدلله عندي ولد وبنت
البنت 6 سنوات
الولد 5 سنوات
اول حمل لي كان بعد علاج طويل اثمر بتوؤم عيل و بنت
في الشهر السابع التفت البنت على الولد مما ادي الى ولاده مبكرة
نتج عنها انه عاشت البنت اما الولد توفى .
ثم رزقت بولد زي الفل بعد عام و عدة شهور ..
والان بعد خمس سنوات بدأت العلاج من جديد واخذت العلاج النوع ابر منشطه
والان انتظر في النتيجة ... ان شاء الله خير

اهلين رجاء بيك بين خواتك
وان شاء الله تحملي قريب بتوامة اخرى
توا حتى الحملة الاولة كانت بالابر المنشطة ان شاء ربي يسرلك
وليش راجيتي خمس سنين درتي كيفي والله الوحدة المفروض ماتراجي الحبل عا الجرار
طمنيا امتا موعد الدورة ان شاء الله ماتشوفيها الابعد 9 شهور

[أم ردينة]

مساء الخير : كيف حالكم .. اني جووي اخي عليه راجلي في تونس قلت واخيرا بنطلع من الحوش بعد الجياب ونمشي لحوش امي نقعد 10ايام لن ايجي فاتصلت بيا وقتلي راك تجي لانهم كلهم مرضى اللي يكح واللي مزكوم .... فخافت علي وليدي لان قاعد صغير ومعنداش مناعه ..مش مصدقه ليا 25يوم مطلعتش ربي يكون في عوني وخلاص

[ليبياقلبي]

,,,,,,,,,,,,,,ووووووووووووووينكم ولاوحدة تسال علي ياسيدي متسالويش ارجعوا للصفحات انا طلبت مساعدة منكم وسالت سوال وطلبت منكم ولارد الله غالب والله طرتلي رسمي

[ليبياقلبي]

اختي رجاء ربي يعطيك من نعيمه وربي يرزقك بعويل يارب

[حبل الوصل]

حبل الوصل ماشاء الله على عموري ربي يحفظه توا قوليننا اخلاص تشبه لمن وعموري ليك ولا بوه

عيون اية ام سعد منورات والباقي راقدات رسمي
سلمك ياخيتى اخلاص تشبه عمتها يلي ولدها شفتوه في الصورة وعموري زى بوه بالتمام كلهم يقولوله انت النسخة المصغرة من بوك محدش جى يشبهنى أهى أهى ان شاءالله الجاي يجي يشبهنى هههههههههههه

[ليبياقلبي]

لالالالالالالالا والمشكلة رادين علا بعضكم الا سوالي والله بننفجر لاحظت ديما تجاهل ليا

[حبل الوصل]

رجاء اهلين بيك بين خواتك وربي يرزقك بالذرية الصالحة ويباركلك في عويلتك انتى حالتك زينى انى وام اسيل بس نحن الصغار الاولين جو بدون علاج بس انتى شنو مشكلتك بالزبط

[حبل الوصل]

سامحينى ليبيا قلبي والله مانتبهت
بالنسبة للوضع انتى تعرفى اللي ترتاحى معاه اكثر المهم مايكونش قوى وبعدين الافضل تكونى على ضهرك بس مستندة على وسادة تكونى شبه جالسة وانتى اعرفي الباقي انى هذى اللي كان يريحنى لما كنت حامل اوالجانبي وسامحينا وكله ولا زعلك ياعسل

[حبل الوصل]

شكله اليوم مفيش حد

[ليبياقلبي]

والله ياحبل الوصل تاترت هلبة مانحسابيش روحي بين خواتي

[ليبياقلبي]

انا هنا موجودة

[حبل الوصل]

لا ماتحطيش في بالك بلكى مانتبهوش لانه الكلام واجد وتوة تصبحى على الف خير لان عندى علاج حشاك عندى حساسية مهبلتنى سلامات توة

[ليبياقلبي]

الف سلام ليك

[نسرينا]

صباح الخير

يومكم مبارك

كيف حالكم كلكم

منو صايم اليوم ؟؟؟

اني وراجلي صايمين ،

أأأمانة اللي صايمة تدعيلي

ربي يتقبل من الجميع ان شاء الله

[نسرينا]

ليبيا قلبي

ما تزعليش ،بعدين انتي ما غبتيش ما شاء الله اطلي كل يوم و يوم حتى وان كان شوية شوية ،،
و بالنسبة لسؤالك الله غالب ما نعرفش ههههههههههه

عيوووووووووووووووون

ههههههههههههههه فيه سؤال حاصل نبي نسألك
مرت خوك قلتي من مواليد 1994 والا غلطتي ... ؟؟؟
لو هكي ،، صغييرررررررررررررررررررررررررررررررررررررة هلبة ، سامحيني لكن والله صغيرة صغيرة هههههههههههههههههههههههه

.

[أم سعد]

صباح الخير

يومكم مبارك

كيف حالكم كلكم

منو صايم اليوم ؟؟؟

اني وراجلي صايمين ،

أأأمانة اللي صايمة تدعيلي

ربي يتقبل من الجميع ان شاء الله

يصبحك الله بالخير

الحمد لله

يومك سعيد

أنا وراجلي بإذن الله صايمين

ربي ينولك اللي في بالك ياااااااااااااااااااااااااااااارب

[ღॐ آية ღॐ]

ليبيا قلبي صباح الخيرات
والله ما شفت سؤالك
وان شاء الله رح نجوبك
افضل وضع انتي ترقدي على جنبك الجنب الي يريحك
وتحطي وساده ناعمه على بطنك باش
ميصيرش عليها ضغط
وطبعا زوجك يكون وراك ...
هدا الوضع من الي نحمل لين نجيب ماشيه بيه والحمد لله
ماعنديش مشاكل لانه مريح وصحي وامن للحامل
بس ماتزعليش وراس وخيتي والله كلنا نعزوك..
وشن صار في البردة ومشيتي عينتي ولا لاء؟؟

[رجاء2]

مشكورات اخواتي ام اسيل وحبل الوصل وليبيا قلبي على الرد انا مشكلتي عندي ضعف في التبويض والدورة مش منتضمة وليا فترة انعالج بس ماصارش حمل اخذت في شهر 11 الي فات 33 ابرة منشطة (مينجون) بس جتني الدورة وهذا الشهر اخذت 20 ابرة وقبل موعد الدورة بعشر ايام نزل دم خفيف قال الدكتور الي انعالج عندة هذا انغراس البويضة في الر حم وعطاني مثبت (يتروجيستان) وقالي انتظري موعد الدورة وانشاء اللة خير

[ღॐ آية ღॐ]

صباح الخيرات ام سعد ونسرينا
وان شاء الله اجركم حاصل
دعواتكم بالله وليكم بلمثل

[ღॐ آية ღॐ]

حبل ان شاء الله لابس عليك
ننصحك خودي اجازة الفترة هادي من زوجك
واشري الكريمة الي قالتلك عليها عيون
تهفت الحكه هلبا وان شاء الله طهوراً

[ღॐ آية ღॐ]

ام اسيل منورة التجمع
كيف حالك وحال صغيويرتك
ابعتيلي صونيه من الاكله الي قلتي عليها
جي خاطري فيها
ولا قوليلي على الطريقه بتفصييييييييييييييييييل

[ღॐ آية ღॐ]

مشكورات اخواتي ام اسيل وحبل الوصل وليبيا قلبي على الرد انا مشكلتي عندي ضعف في التبويض والدورة مش منتضمة وليا فترة انعالج بس ماصارش حمل اخذت في شهر 11 الي فات 33 ابرة منشطة (مينجون) بس جتني الدورة وهذا الشهر اخذت 20 ابرة وقبل موعد الدورة بعشر ايام نزل دم خفيف قال الدكتور الي انعالج عندة هذا انغراس البويضة في الر حم وعطاني مثبت (يتروجيستان) وقالي انتظري موعد الدورة وانشاء اللة خير

اهلا بيك اختي رجاء بين وخياتك
وان شاء الله تحملي عاجل غير اجل يارب وتبشرينا
قريباً ..

[poucie]

السلام عليكم كيف الحال اليوم،،،،
رجاء اهلاً وسهلاً بيك انستينا وانشاء الله ربي يرزقك الشهر هذا بالحمل السليم
ليبيا سامحيني لاكن ما نتبهتش لسؤلاك الا تواء لما وليت وقريته بالنسبة لانسب وضع واللي شخصيا نستعمل فيه هو اللي قالتلك عليه اية وسامحيني مرة ثانية .
عيون وين هربتي بطريقة الكب كيك اللي تديري فيها والا حتى انتي من النوعية الي ما يحبش يعطي وصفاته ههههههههههه هيا اكتبي الطريقة واكتبيها بضمير ههههههههه انبصر عليك مش تزعلي.
نسرينا شن الاخبار عندك هلبة شغل شكله اليوم صبحتي وهربتي
حبل الوصل ماشاء الله على عموري ربي يحفضهولك هو واخلاص ويعمر عليك انشاء الله

[رجاء2]

شكرا اختي آية وpoucie انشاء اللة ربي يسمع منكن انا قاعدة في انتظار وترقب ومتوترة لانة الدكتور قالي هذا بداية حمل متخلخل وانا مليت من العلاج وضرب الابر وحتى الكلوميد ماعاد اثر فيا

[poucie]

تفألي خير يا اخت رجاء والله كريم

[رجاء2]

والنعم باللة اللة كريم والحمد للة اللهم لامانع لما اعطيت ولا معطي لما منعت

[ليبياقلبي]

مشكورة اية وبوسي الله يبارك فيكم شن اخباركم واية كيف حال البيبي وبالنسبة للبردة الكحة الحمد لله مشيت يارب ماتوتولي والله تعبت منها وصعبة في الحمل نبي نسالك دكتوري قالي وضع البيبي توا الراس فوق طبيعي في السابع ولالالالالالالا
رجاء ربي يرزقك يارب بالحمل العاجل
نسرينا ربي يعطيك عويل يارب

[أم سعد]

مساء الخيرات

ليبيا .. أنا في السابع قتلي الراس فوق لازم ماتتمشي لكن مش هلبة

لأنه توا ساهل ينقلب لكن لما تخشي للثامن صعب انه ينقلب لأنه حجمه بيزيد

وأهو أنا مازال قدامي أسبوع وإن شاء الله يكون انقلب ونرتاح

هم الناس يقولو حتى في التاسع ينقلب لوضعه الطبيعي لكن الأفضل والأسهل إنه ينقلب توا

وإن شاء الله خير

[أم سعد]

ماشاء الله خيرات ... أمطار غزيرة

[سورينام]

السلااااااااااااااااام عليكم .. أنا جيييييييت

[سورينام]

نسرينا .. أنا صايمة وفي اللحضة هادي المغرب يؤذن .. ياااااااارب يارب يارب .. يرزقك وما يحرمك وتشوفي عويل بين اايدياتك الام هذا وراسك يضوج من قولت ياماما ويابابا .. آآآآآآآآآآآآآآآآآآآآآآمييييييييييييييييييين

[سورينام]

وتو نستأذنكم بنمشي نفطر .. ولنا عودة انشاءالله

[سورينام]

يااااربي ... مشيت فطرت وتعشيت وغسلت اماعيني .. ومافيش حد خش منكم معقووووولة

[سورينام]

أني اليوم طعمت فراس تطعيمة 4 شهور في الاول كويس وشوية وانتفخت ودارتله حرارة وشدهالي عيااااط لقريب العصر والله حتى فطوري درت شربة شعير وطاجين بلحمة الهمبورجا عالسريع وخلاااص

[سورينام]

عيوووووني سلمك نشادة ياوخيتي الغاااالية وانشاالله مانفقدك يااارب اني والله لااهية في هالدنيا لكن والله كل يوم لازم نفتح التجمع ونشوف اخباركم .. والله وليتو حتة مني ونتمنى نتلاقى معاكم انشاالله في ساعة مباركة يارب .. باللك نتلاقو في جياب نسرينا .. ماتدريش ..

[رجاء2]

السلام عليكم
انا من شوية فطرت وانشاء اللة ربي يتقبل صيامي وصيامكم انا بس حبيت نسأل على موضزع نقط الدم الخفيفة بعد التبويض وقبل موعد الدورة يعني مافيش وحدة مر عليها الشئ هذا ؟؟؟اللي تعرف اترد علي

[رجاء2]

كيف صار مافيش حد

[ليبياقلبي]

يسعد مساكم شن اخباركم توا تقبل الله رجاء وسورينام صيام مقبول وان شاء الله في الجنة
ام سعد مفهمتيش منك يعني مش كويس في السابع الراس فوق ولاشنو

[رجاء2]

اختي ليبيا قلبي ماتخافي بكل من كون ان راس الجنين فوق وخاصة في السابع لانة انا لما حملمت بأبني كان الراس فوق في السابع وبعدين لما دخلت التاسع كان الراس تحت ومافيش مشكلة واما بالنسبة للحركة و المشي فقللي منهن بقدر المستطاع لانة الاجهاد في السابع مش كويس وخلي المشي والحركة في التاسع وانشاء اللة ربي اتمملك على خير

[رجاء2]

ماشي باي انا توا نبي انطفي النت لانة جانا ضيف انكلمكم بعدين

[ღॐ آية ღॐ]

السلام عليكم
كيف الحال
سورينام نورتي وان شاء الله صيامك في الجنة
ليبيا متخافيش من وضع البيبي
حتى انا كان فارسي وتساوا في الاسبوع الاخير في السابع
وتو نزل للحوض ومستعد للحظة الولادة

[ღॐ آية ღॐ]

اليوم طلعت انا وراجلي بنشري حاجات
ناقصيني للمستشفى يعني بنجهز شنطة المستشفى متع الولادة
المهم طلعت لي غوط الشعال بناخد قفطان عجبني واحد رقمة 42
وانا في المحل حسيته كبير لاني من فترة بديت نلبس 40
وقبل الحمل كان رقمي 38
المهم خدينا القفطان وراجلي يقولي بالك صغير خودي اكبر منه
طارتلي منه وزعلت قلتله مستحيل يكون صغير
انا خايفة يجيني كبير
شرييييييييييينا القفطان ولما روحت بنقيسه ماباش يخش
جاني صغير
والله اتاترت وقالي غدوة بنرد وبنجيبلك 44
http://forum.hwaml.com/imgcache2/hwaml.com_1292444506_567.gif (http://www.sweetim.com/s.asp?im=gen&lpver=3&ref=10&p={4D986A24-C3F1-11DE-9775-0018716BBC82})
تخيلو من 38 لي 44
والله زعلت وهو يقولي سمنتي ويضحك عليا
وزني ولا 70
من 50 الى 70
20 كيلو زيادة .

[نسرينا]

نسرينا .. أنا صايمة وفي اللحضة هادي المغرب يؤذن .. ياااااااارب يارب يارب .. يرزقك وما يحرمك وتشوفي عويل بين اايدياتك الام هذا وراسك يضوج من قولت ياماما ويابابا .. آآآآآآآآآآآآآآآآآآآآآآمييييييييييييييييييين




آآآآآآآآآآآآآآآآآآآآآآآآآآآآآآمين يااااااااااااااااااارب العالمين

ياعيني عليك يا سورينام

دعوة تشرح القلب الف شكر والله يفتح عليك ويباركلك في صغارك ويباركلك فيهم ويطول عمرهم وتشوفيهم احسن الناس

.

[نسرينا]

تقبل الله صيامكم

لو تعرفوا الصداااااااااااااااااااااااااع قتلني اليوم ، روحت بكري من العمل رقدت شوية ونضت الساعة 11:30 تصوروا من هداكا الوقت للساعة 11 في الليل وراسي صداع ،
درت فطوري
ارز مخلط و شربة دشيشة وقلايه والله ما ذقته بكل

شربت قهوة وكيكة كريم كراميل و فواكه ،
والله توا بس حسيت روحي ارتحت شوية

الحمد لله
ربي يغفرلنا ويتقبل

.

[نسرينا]

رجاااااااااااااااااااء

بالنسبة لسؤالك اني حملي الاول صااااااااااااار معاي هكي وهادي اسمها " التوراية " ،
وفي الغالب تقعد 3 ايام والدم يكو ن قليل وغااااااااامق

[رجاء2]

نسرينا .....كيف حالك إن شاء الله دائما بخير ؟
مافهمتش معنى التوراية هل تقصدي انة حمل ؟؟
ارجو الرد سريعا

[أم ردينة]

التورايه يا اخت رجاء معناها توريك انك حامل حتي اني جتني وقعدت يوم واحد يقولو الناس والعزايز تورايه..والله اعلم
وانشالله ياربي تكوني حامل يارب ويناول كل وحده اللي في بالها

[أم ردينة]

شكله مفيش حد ؟؟

[ليبياقلبي]

يسعد مساكم انا اليوم دخل عيد زواجي وغدوة ماشية لطربلس حجزلي راجلي هدية ليلة في فندق وجو كنت عند اماليا وروحت وجو وتيت حوايجي ولقطات

[نسرينا]

نسرينا .....كيف حالك إن شاء الله دائما بخير ؟
مافهمتش معنى التوراية هل تقصدي انة حمل ؟؟
ارجو الرد سريعا


اهليييييين رجاء

صباح الخير و يومك طيب

عزيزتي / زي ما قالت ام رودينة /

التوراية هادي نساوين زمان تعتبر عندهم علامة من علامات الحمل ، وزي ما قلتلك اني صارتلي في حملي الاول والحق ما كنتش نعرفها بس سألت مرت خوي وقالتلي هادي توراية وتو تطلعي حامل ، وفعلا طلع حمل

نسأل الله ان ما يضيعلك تعب ويكون حمل اكيد ان شاء الله

بس انتي ليش ما اديريش تحليل حمل بالنسبة عشان تتأكدي و تطمني .؟؟؟

.

[نسرينا]

ليبيا قلبي /

مبارك عليكم وعقبااااااااااااال سنين وسنين وسنين

بس ياريتكم اجلتوا جيتكم لطرابلس ، عشان امطااااااااااااااااااااااااااااار ما شاء الله والطرق كلها مسكرة وامغدرة ...

ربي يهنيكم

[نسرينا]

ماشاء الله

شكلكم راقدين ومدفيين كلكم

.....

[نسرينا]

http://forum.hwaml.com/image.php?u=12689&dateline=1285689257

ام رودينة

هادي رودينة ؟؟؟ ماشاء الله عليها ربي يحفظها

اليومين اللي فاتوا مشيت لسوق في قسم المواد المنزلية ، جت جنبي وحدة مدام وشادة بنية صغيرة ، تكلم فيها وتقوللها ياررودينة ههههههههههههههههههههه
قعدت نقول زعما هادي ام رودينة هههههههههههه

وبعدين قلت ياناري عليها غير بخليها عُبادة تطلع وتدهور في الاسواق ههههههههه

.

[أم سعد]

السلام عليكم

صباح الخيرات

[نسرينا]

خيرات ام سعد

كيف اصبحتِ

؟؟؟

[ღॐ آية ღॐ]

صباح الانوار
كيف حالكم بنات؟

[رجاء2]

السلام عليكم ورحمة الله وبركاته
شكرا اختي ام ردينة ونسرينا على الرد والمعلومة الجديدة**
توا انقولك ليش مانبيش اندير تحليل حمل .......
لانة انا اخذت علاج ابر منشطة وبعدين قالي الدكتور تعالي اليوم الثامن من الدورة عشان اندير صورة (سونار)وايشوف التبويض وقالي التبويض ممتاز ...وقالي لازم بكرة تضربي ابرتين تفجير كل وحدة 5000 يعني مع بعض 10000 ...وابر التفجير عبارة عن هرمون مشابهة لهرمون الحمل ويستمر لمدة 14يوم يعني لو حللت بعد الجماع بيوم او يومين يطلع في حمل وهذا مش مزبوط عشان هكي لازم نصبر 14 يوم من اخذ الابرة والمدة هذي تنتهي يوم الاثنين الجاي 20\12

[رجاء2]

صباح الخير لكل الموجوداتhwaml7

[أم سعد]

خيرات ام سعد

كيف اصبحتِ

؟؟؟


فاااااااااااااااااااااااااااااشلة وتعباااااااااااااااااااااااااااااااااااااااااااااا اااانة

والحمد لله

[أم سعد]

آية .. صبحك الله بالخير .. كيف حالك اليوم؟

رجاء .. أهلا وسهلا بيك .. إن شاء الله تطلعي حامل إنتي ونسرينا مع بعض :)

[رجاء2]

مرحبا ام سعد ....الله يسمع منك ...على فكره حتى انا ابني اسمه سعد واندلعو فية سعودي

[أم سعد]

هههههههه

حتى أنا ندلع فيه من توا سعودي

[رجاء2]

بسم الله الرحمن الرحيم


اللهم إن كان رزقي في السماء فأنزله...
وإن كان في الأرض فأخرجه ...
وإن كان بعيدا فقربه ...
وإن كان قريبا فيسره ....
وإن كان قليلا فكثره ...
وإن كان كثيرا فبارك لي فيه

****************
الهي ادعوك دعاء من اشتدت فاقته و ضعفت قوته ...و قلت حيلته دعاء الغريق المضطر البائس الفقير الذي لا يجد لكشف ما هو فيه من الذنوب إلا أنت فصل على محمد و آل محمد و اكشف ما بي من ضر انك ارحم الراحمين .

لا اله إلا أنت سبحانك أني كنت من الظالمين

[أم سعد]

اللهم آمين

[أم سعد]

وين الناس ؟؟؟؟

[سورينام]

السلام عليكم ورحمة الله وبركاته

[سورينام]

مرحبا ام سعد - رجاء وليبيا قلبي كيف حالكم

[سورينام]

أيوته كيف حالك انتي وأسولة .. وقوليلنا كيف حال ميمونة كان كلمتيها وخيرها معاش خشت .. وصليلها سلامنا بالله

[أم سعد]

وعليكم السلام ورحمة الله وبركاته

أهلين سورينام

كيف حالك؟

[سورينام]

حبل الوصل وأم أسيل .. كيف حالكم وكيف صغاركم وازوازكم .. وين واصلين في رحلة العلاج ربي ينولكم اللي في بالكم آآمين

[ღॐ آية ღॐ]

السلام عليكم
سورينام نورتي
وانا حالي باهي والحمد لله وايوب واسولة بخير
في نعمة ولله الحمد
توا كنت نكلم في ميمونة وقالت النت فاسد وتسلم عليكم كلكم
وامورها طيبة والحمد لله
كيف حال صغيويرتك وزوزك وشن مديرن في هصقع مع البيبي؟

[سورينام]

لوللللللللللللللللللللللللللي لولي لولي ... وين هالغيبة .. انشاءالله المانع خير ولولو اصحيحة أهم حاجة !

[سورينام]

مرحبا بأيوتة .. لنور نورك حبيبتي .. ولله هالصقع مكتفني تكتيف وما مخليني دايرة حاجة .. وخيتك صقاعة لين خلاص .. تعرفي مسطرة رواشن الشقة كلهم ومولعة الدفاية في الصالة ومقعمزة في الدار متطمطمة في بطانية .. وليوم صيمة نضت درت شربة بس ورجعت نجري للبطانية مشي راجلي سخفته جابلي بيتزا واتية وشوية فواكه

[سورينام]

الله غالب الكيبورد متاعي يقلب في حرف الكاف بالطاء هههههههههه حلوة مطمطمة ... (مكمكمة)

[سورينام]

عيووون .. وينك ياسموني .. اني نعرف ان السمان ما يصقعوووش .. يا بخت ابو حمودي بالدفي ههههههههههه

[سورينام]

نسرينا وينك .. قوليلنا شن صار في الدورة .. فات موعدها صح .. انشاءالله ماتشوفيها غير بعد 9 شهووووور ياارب

[ღॐ آية ღॐ]

ربي يحفضلك راجلك
وان شاء الله اجرك حاصل
حالك زي حالي حتى انا قعدة في دار تحت البطنية
وفاتحة الدفاية
وايوب وبوة خامدين زيني
سقع لييييييييين خلاص والحمد لله ..

[سورينام]

عيون .. مرة سألتيني عالمانع اللي ناخذ فيه ... اني ناخد في حبوب منع حمل للمرضعات اسمهم ميكروفال وقريت عليهم في النت انهم ماينفعوش مع الرضاعة المختلطة .. واني زي ماتعرفي ولدي دخلته الشيشة مع صدري .. فا مش عارفة كيف اندير هل نمشي نبدلهم بحبوب عاديات والا كييييييييف ؟؟؟

[سورينام]

أيوتة كيف برنامج لمتك .. بتديري في الحوش والا لصالة ؟؟

[سورينام]

آيـــــــــــــــــــة .. انتي رحتي فييييييييييين .. غطستي تحت البطانيييية والا شيء من هذا القبيل ؟؟؟hwaml02

[سورينام]

ياربي .. مافيش حد .. عيون .. نسرينا .. لولي .. أية .. ميمونة .. حبل الوصل .. أم أسيل .. ميرنا .. ليبيا قلبي .. تيمو ليبيا.. أم رفيدة .. أم سعد .. أم الصبياان .. حنين .. هاتو ..رجاء .. أم ردينة .... صابرة .. معراج .. راجية ..ساجدة .. أم لقمان ..بوسي وانشاءالله مانسيت حد
يلا .. سلاام مربع

[رجاء2]

مساء الخير يابنات
انا قاعدة واعية ماجانيش نوم لانة بنتي ولدي هما الاثنين عندهم حرارة وانا مشغولة عليهم مشيت جبت اللابتوب وقعدت معاهم في دارهم بس هما راقدين وانا نبي نرقد معاهم في دارهم والمشكلة ان بوهم حتى هو واخذ برد ومريض والجو بره ريح ومطر قويه....اذا في وحده واعيه اترد واتهدرز معايا

[سورينام]

مرحبتين برجاء .. أنا زيك ياحبيبتي .. صغاري وبوهم راقدين واني قاعدة ما جاني نوم ..

[سورينام]

قداش اعمارهم صغارك يا رجاء .. وردي بالك من الحرارة راهي اتخوف .. اعطيهم شروبو والا زرابيط كانهم صغار هلبة

[رجاء2]

مرحبا سورينام شكلك حتى انتي امكسده بروحك

[سورينام]

اي والله يارجاء مكسدة لييييييين خلاااااااااااااص

[رجاء2]

بنتي عمرها 6 سنوات و 5شهور و ولدي عمره 5 سنوات
عطيتم دواء الحرارة شروب انا منشغلة عليهم وحاسة بالذنب لاني خليت بنتي تمشي للمدرسة وهي عندها برد

[رجاء2]

قوللي يا اخت سورينام انتي من وين

[سورينام]

تصبحي علي خير حبيبتي .. العزري وبوه ناضو هههههههههههههه

[رجاء2]

[size="5"]الباين عليك لكي واجد في المنتدى بالنسبة ليا انا ديمة نصفح في النت لاكن هاذي اول مشاركة ليا في منتدى

[رجاء2]

ماشي تصبحي على خير

[أم سعد]

السلاااااااااااااااام عليكم

صبحكم الله بالخير

[نسرينا]

نسرينا وينك .. قوليلنا شن صار في الدورة .. فات موعدها صح .. انشاءالله ماتشوفيها غير بعد 9 شهووووور ياارب

اهلا سورينام

شكرا علي سؤالك و دعوااااتك و ليك بالمثل ان شاء الله

هي لحد الان الدورة ما جتش ، بس المشلكة ان الشهور الاخييرة مش منتظمة ، وفي جميع الاحوال حنستنى لمهاية الشهر ، وان شاء الله خير يارب


.

[نسرينا]

جمعتكم مباركة ان شاء الله

.

[ღॐ آية ღॐ]

أيوتة كيف برنامج لمتك .. بتديري في الحوش والا لصالة ؟؟
هلا سورينام انا اوكان سخر ربي
وبعد مانوض بسلامة انا وبنوتي اسولتي عسولتي
بنعزم نهار اماليه القراب ونهار امليه
على عشى حاجة غليضة
وبعدييييييييييييين يا حي لسبوع
الاسبوع بنديرة بعد ما نربعن وبنديرة في الصالة
هذا برنامجي ان شاء الله..

[الايمان]

انا عضوة جديدة اتمنى صداقتكم
متزوجة منذ 4 سنوات حدث حمل واجهاض ولم يحدث حمل بعدها اريد من التي تعرف الدكتور فتحي اطوير في اي عيادة ورقم العيادة ان ترد علي في اسرع وقت وكذلك رقم عيادة الاندلس ببنغازي ولكن مني جزيل الشكر
نصحوني بوضع موضوعي هنا

[ام اسيل]

انا عضوة جديدة اتمنى صداقتكم
متزوجة منذ 4 سنوات حدث حمل واجهاض ولم يحدث حمل بعدها اريد من التي تعرف الدكتور فتحي اطوير في اي عيادة ورقم العيادة ان ترد علي في اسرع وقت وكذلك رقم عيادة الاندلس ببنغازي ولكن مني جزيل الشكر
نصحوني بوضع موضوعي هنا
اهلا اختي
عيادة الدكتور فتحي في عمارات الكيش الجديدة بس تخشيلهن من ورا من شارع البركة وانتي نازلة من شارع جمال عبد الناصر للبركة بعد تفوتي نادي النصر بشوية على يدك اليمين خشي جوة اسالي اي حد يدلك لانه غادي مجمع عيادات
وان شاء الله ربي يعطيك مافي بالك

[الايمان]

شكرا اختي ام اسيل لكن ياريت رقم العيادة لاني من المرج ونابي نحجز قبل منجي البنغازي وجزاك الله خير

[أم سعد]

السلام عليكم

صبحكم الله بالخير

تعرفو محصلة بردة قوية جدا جدا جدا

آمس في الليل مشيت للبشرى عاينت واعطتني دواء

والحكاية مانحكيلكمش حتى راسي مش قادرة نقيمه من على المخدة

لكن بشرتني قتلي العيل راسه تحت توا والحمد لله

[أم سعد]

أهلين الايمان نورت التجمع

:)

[نسرينا]

صباح الخيرات

الف لا بأس عليك ام سعد /
والحمد له انك اطنتي على البيبي ونزل لوضع الطبيعي عقبال لما تجيبي وتنوضي انتي وياه بالسلامة يااارب

.

[أم سعد]

الله يسلمك يانسرينا

كيف حالك؟؟

[ღॐ آية ღॐ]

ام سعد الحمد لله ان وضع البيبي تعدل
ومبروك دخولك لشهر الثامن
وعقبال ما تدخلي التاسع
وتجيبي وتنوضي بخير

[ღॐ آية ღॐ]

وان شاء الله الف لابئس عليك
كثري من اكل البرتقال ولو تقدري ديري ليموناضة بس تكون خفيفة
وطهوراً ان شاء الله

[ღॐ آية ღॐ]

وين ام لوولي!!
وعيون !!
فقدناكم.*_^

[ღॐ آية ღॐ]

غدوة راجلي مسافر لي بنغازي
في شغل وانا بنمشي لي حوش بابا
بيروح بعد اسبوع
والله حانستاحشكم هلبا هلبا...

[أم سعد]

أهلين آية

صحيتي بالهلبة

وإن شاء الله يمشي ويجي بالسلامة

بتخلي مكانك

:)

[أم ردينة]

http://forum.hwaml.com/image.php?u=12689&dateline=1285689257

ام رودينة

هادي رودينة ؟؟؟ ماشاء الله عليها ربي يحفظها

اليومين اللي فاتوا مشيت لسوق في قسم المواد المنزلية ، جت جنبي وحدة مدام وشادة بنية صغيرة ، تكلم فيها وتقوللها ياررودينة ههههههههههههههههههههه
قعدت نقول زعما هادي ام رودينة هههههههههههه

وبعدين قلت ياناري عليها غير بخليها عُبادة تطلع وتدهور في الاسواق ههههههههه

.

يا ناري عليا يا نسرينا والله ما طلعت برا من الحوش محبوسه من عباده ومن الصقع وخايفاته يمرض مني . hwaml15

[أم ردينة]

اي وهادي بنتي وقديمه الصوره شويه توه عمرها سنتين وسبعه شهور

[ღॐ آية ღॐ]

العفو ام سعد والله فرحتلك من قلبي
وانتم والله بنستحشكم هلبا هلبات

[ام اسيل]

غدوة راجلي مسافر لي بنغازي
في شغل وانا بنمشي لي حوش بابا
بيروح بعد اسبوع
والله حانستاحشكم هلبا هلبا...


يامرحبا باللي جانا يامرحبا
الغالي مكانه عندنا يامرحبا
نختاروله عروسة شرقاوية يامرحبا
حي عليك يا ايوتة يامرحبا
الغالي نصيبه عندنا يامرحبا

[رجاء2]

انا عضوة جديدة اتمنى صداقتكم
متزوجة منذ 4 سنوات حدث حمل واجهاض ولم يحدث حمل بعدها اريد من التي تعرف الدكتور فتحي اطوير في اي عيادة ورقم العيادة ان ترد علي في اسرع وقت وكذلك رقم عيادة الاندلس ببنغازي ولكن مني جزيل الشكر
نصحوني بوضع موضوعي هنا
السلام عليكم ورحمة الله وبركاته
اهلا بيك اختي الايمان انا من اجدابيا انا زيك جديدة في المنتدى انشاء الله ربي يسهلك مشوارك لبنغازي وتأخذي علاج اكويس بس ننصحك بتوكل على الله في كل شئ

[ღॐ آية ღॐ]

يامرحبا باللي جانا يامرحبا
الغالي مكانه عندنا يامرحبا
نختاروله عروسة شرقاوية يامرحبا
حي عليك يا ايوتة يامرحبا
الغالي نصيبه عندنا يامرحبا

فيه احلى من هكي ضرة شرقاويةhwaml03
نديرها وخيتي واعزــــــــــــــــــــــ> hwaml4
وانتي ام اسيل ابعتي زوزك عندنا نخترولة احلى عروسة طرابلسية
وتعيشو وخيات انتي وضرتكhwaml02

[ام لقمان]

السلام عليكم
كيف الاحوال ام اسيل؟

[ام لقمان]

مرحبتين باختنا رجاء
كيف حالك اختى آيه انشالله بخير

[عيون زوجي]

السلاااااااااام عليكم
كيف حالكم كلكم
هلا باخواتنا الجدد معانا
ام اسيل شن الجو وكيف حال الضابط وصغاره
وامتى قررتي تزرعي
وكيف شكلها خطيبة راجل ايه
لازم تكون احلى من ايه

[عيون زوجي]

لاباس على فراس يا سورينام
ونازله فيا عزار وتقولي سمينه باهي باهي
زعلانه جدا جدا جدا
لو تشوفيني انا حلوة هكي هههههههههههه
جديات ههههههههههههههه
وكملتي صيامك ودينك ولا لا يا رقيقة يا ضعيفه

[عيون زوجي]

انا مكسده وانتم مهناش وينكم
عندي حماتي تسكن في جنزور في الجهه المقابله في عمارات عبدالجليل نمشيلها ولاصقع عالصغار
مسافه شوي وصقع
لكن راجلها مريض وكان في تونس وخايفه من اللوم والزعل
شن اندير؟؟؟؟؟؟؟؟؟؟؟؟

[أم سعد]

أهلين عيون

بريلها وخلاص

غلفي الصغار كويس

صقققققققققققققققققققققققققققع

[ام اسيل]

من ارى عندنا
ام لقمان الغالية

يامرحبا يامرحبا نزلتي اهلا وحللتي سهلا
وينك قعدتي زي اهلال العيد
كيف حال الصغار وشن دايرين في القراية والصقع
وانتي شن دايرة مع السكر رديتي للحبوب

[ام اسيل]

عيون اهلين رد بالك من الصقع كان يتطلعي ودفي الصغار كويس
انا بالنسبة ليا نبي نزرع بس عا الدكتورة قالتلي الشهر اللي فات عندي هرمون عالي لو الشهر الجاي نزل نزرع الشهر الجاي وربي يقدم اللي فيه الخير


وبالنسبة لضرة ايه قاعدة واتية ماشاء الله عليها عندي مدرسات في المدرسة يهبلو غير يجي يوازي بس
هو بيني وبينك شكا قال ها الولية بطن في جرة بطن مافضتلي بكل قلنا ندوروله شرقاوية مفرفشة تروق الراجل ويجيها حتى كل شهر عادي مش مشكلة

اما انا راجلي مانطلقة بروحه ابدا لطرابلس رجلي على رجله
(اللي بنعمله في الناس حايجي علينا ولا ايه)

[سورينام]

لاباس على فراس يا سورينام
ونازله فيا عزار وتقولي سمينه باهي باهي
زعلانه جدا جدا جدا
لو تشوفيني انا حلوة هكي هههههههههههه
جديات ههههههههههههههه
وكملتي صيامك ودينك ولا لا يا رقيقة يا ضعيفه
حي عليا حي.... الا انتي يا عيوني لا لا لا ماتزعليش والله الا انبصر عليك من غلاوتك عندي وراس صغاري .. عارفة روحي كان طلقت برادتي لين انبسلها ... وبعدين اني صاحباتي كلهم سمونيات وحلوات وعارفاتك حلوة والله من لما شفت صورة سرورتك وقلتي تشبهلك ..hwaml7
هي بالله عليك وراس عيوني ماتزعلي مني .. ها شوفيني مانقولك الا يا عيوني ...ومابصرت عليك الا لأني اعتبرتك زي نفسي كان هذ راني ما كلمتك الا بالرسميات ... يا سموووني hwaml02hwaml02hwaml02
وبالنسبة لصيامي ياحنة صمت 18 يوم ومازالولي 7 أيام hwaml03 ماهو وخيتك داقة 25 يوم في الرمضانhwaml15hwaml15

[سورينام]

أم أسيل \ شن سيبتي التدريس وشغالة خاطبة .. ردي بالك رانا الغرباويات واعرااات ونرضو بكل شيء الا الضرررررررررررة .. والا ايييه يا ايوته

[سورينام]

حنين معاش بانت يا بنات .. هيا ومعراج انشاءالله خير ويارب يهون عليهم احمالهم ويطمنهم على بيبياتهم .. راهم اول تويمات ما شاءالله بيجونا في التجمع انشاالله على خير وبعدهم ام اسيل وميرنا وحبل الوصل ونسرينا وميمونة وكل متمني يااارب

[سورينام]

ليبيا قلبي ... شني غاطسة في الفندق ماشاالله .. انشاءالله عيد زواج مبارك عليكم وربي يدوم السعادة والود بينكم آآآمييييين

[الايمان]

مساء الخير يا احلى تجمع والله جوكن سمح
شكرا للي رحبوا بيا وبالنسبة للدكتور حجزت عنده وبأذن الله خير ياريت يا بنات تدعلي ربي يوفقني ويجبر بخاطري لاني خلاااااااااااااااااااااااااااااااااااااااااااص مليت ومرات انقول الراجلي انسيبوا بعضنا وخلاص مع اني نموت فيه وهو يموت فيا لكن يابنات الناس متخلش حد مرتاح الي هضا يابي دير روحا دكتور ومنحكيلكنش عالهمز واللمز وحي علي عمتي بعد تسمع وحده حامل تقعد ماسكه اسطوانه كم يوم مع انها كويسه وماتسألش لكن المسكينه حتى هي ملت مليش غير الدعاء وانتن ادعلي على فكرة انا هلي في بنغازي ومتزوجة في المرج

[ليبياقلبي]

مشكورة ينسرينا ويا سورينام الوحيدات الي هنوني وانا روحت امس بس من الفندق والجو كان حلو ولي زاده المطر جو رومانسي يهبل وشن اخباركم كلكم
الف سلامة علا صغاارك رجاء سورينام شن اخبارك عيون شن مدايرة وايوتة ربي يرجعه بسلامة ام سعد الف سلامة نسرينا يارب تبشرينا بحملك قريبا سلامي للكل

[ليبياقلبي]

نسرينا راجلي صايم اليوم الايام الييض قتلا يدعيلك وربي يتقبل

[ليبياقلبي]

اختي الايمان ربي يفرجها عليك والناس تافهة اهم شي انت متخليهميش ياتروا فيك عادي

[كنت احبك]

سلام عليكم بناااااااااااااااات ادرى بتعبكم شؤؤؤؤؤؤؤؤي ولله بس ياريت الى عندهاااااااا اي فكررررررر او نصيحة ااااااااااووووو اي شيء اوسامعه اااااااااووووووو انت اااااااااامانة تقولولى جعلكم ماتشوفووووون النااااااااااار اامين يارب ويرزقكم ربي؟؟؟؟؟؟؟؟؟؟؟؟؟







بنااااااات بنت عمي حامل الحين بشهرها لاول وعندها بنت,,,
وزوجهااااااا يبقااااء ولد وهى خاااااااااااايفة حيل انها تنجب بنت
(((تعرفوووون حبايب ان الرجااااال يبي صبي ))) اي كمل......

الحين هى بشهرها لاول وطبعاااااااان مايبان الجنين لسة ع سوناااار بعد ,,,,,, فان شنو لاغدية او لاطعمة اللى تنصحوها تاكله او تشربهاا
يعنى احتمالات تخله يطلع ولد وشنو لاشيء اللى لازم تبتعد عنهاااا تتخله تنجب بنااااااااااااات(((ادرى بتقولون كل شيء بيدى ربي اي ولله صجين )))))))) انا سمعت انى الى تتوحم بملح صبي والى تتوحم بسكر بنت؟؟؟؟؟؟؟؟ يالله يابناااااات الى جربت وانجبت صبي
امانة ردوووووووووووو الله يحفظجن ياااااارب ناطره ردودجن

[نسرينا]

السلام على الكرام

صباح الانوار على احلى ناس

ام سعد / كيف اصبحتِ اليوم ان شاء الله احسن ، مبارك عليك الثامن عقبال موعدك وتنوضي بالسلامة يارب .
ليبيا قلبي / شكرا حبيبتي ربي يتقبل ويسمع منك ومن راجلك ، ربي يهنيك وزواجة العمر كله ان شاء الله
عيوووون / ولا يهمك
حتى كان سمينه شوية زي الحوتة في الصونية
****
حتى كان سمينة شويه كله مالراحة النفسية
ههههههههههههههههههههههههههههه طلي علينا ما اتطولي الغيبة ..
لولي / ان شاء الله غيابك خير و مافي سوء يارب
سورينام / كثري كثري التواجد ، وما تعدلي عيى كلام وعيون ، وبعدين ان شاء الله بإذن الله في اسبوعي لما نعزمكم وتجو كلكم نشوفوا منو السمينة والضعيفة هههههههههههههه
تيمو ليبيا / نشوفوا فيك متواجدة بس ما اطلنا علينا في التجمع ، ان شاء الله غير مش زعلانة منا
حنين / ومعراج / اهم شيء تكونوا بخير وصحيحين ولو كان وحم معذورين وربي يسهل عليكم
ام لقمان / كيف احوالك واخبارك ؟
ام رودينة / اي والله ربي يكون في عونك روح راجلك والا مازال ؟؟
بوسي / شكلك واخذة اجازة ؟
أية / لو في مكانك كنت مشيت مع راجلي لبنغازي وتعرفت على حبل الوصل و ام اسيل .
ميمونة / خيررررررررررررررر ان شاء الله .
الايمان / ربي يرزقك ويناولك اللي في بالك ولا يضيعلك تعب ،

[حبل الوصل]

حبل الوصل وأم أسيل .. كيف حالكم وكيف صغاركم وازوازكم .. وين واصلين في رحلة العلاج ربي ينولكم اللي في بالكم آآمين
الحمد لله الله يسلمك ياسورينام وسلمك نشادة بالنسبة للعلاج ليا شهرين مادرت شي لان اخر مرة راجعت قالتلى الدكتورة كل شي تمام بس الشهر هذا بنحزم وبندير حجامة وربك يستر

[حبل الوصل]

نسرينا صباح الخيرات شن اخبارك انى مش من بنغازى انى من سبها

[أم سعد]

السلام عليكم

أهلين نسرينا صباح الورد ... والله الحكاية نحس فيها زايدة عليا والحمد لله ... الله يبارك فيك وعقبال مانشوفوك بكرشتك حتى انتي

حبل الوصل ... صباح الهنا وراحة البال

[نسرينا]

اهلا

حبل الوصل / هههههههههههه مع اني عارفة انك من سبها بس الخريطة راحت مني هههههههههه

ام سعد / بارك الله فيك .. قاعدة راقدة مالبردة ؟؟؟

[أم سعد]

قاااااااااااااااااااااااااااااااااااااااااااااعدة

[نسرينا]

لا بأس لا بأس

اسمعي

بخري الحوش بالزعتر معقم كويس وقاتل للبكتيريا اللي تنتقل من الانفلونزا

.

[أم سعد]

وكيف صنته هذا

عندي راجل حاشاك كان الحوش مش صنته وشق وإلا بخور يجلى منه

حاسة الشم عنده تخدم بشكل مش طبيعي

[حبل الوصل]

ام سعد هلا ومرحبا والف لاباس عليك والله هالبردة دايرة بالناس حالة ماتلقيش الا اللي مستبرد هذا الشتاء

[عيون زوجي]

السلااااااااااام عليكم
ازيكم النهارده................

[نسرينا]

لالا صنته حلوة كأنها بخور
وانتي ديريه لما يكون مش موجود

شوية وتمشي صنته

وبعدين قوليله تعود على ريحة البخور والوشق والفاسوخ جايك النفاس .ههههههههههه

[عيون زوجي]

ليبيا قلبي...مبروك اعليك ويجعل ايامكم كلها عسل وعقبال العيد100

[عيون زوجي]

نسرينا كيف حالك وشكرا عالاغاني الحلوة
مع اني مش سمينه هلبه هلبه شهدرتو بيا
ام سعد سلامتك
خودي طاسة شاهي اخضر بالنعناع وزياده سكر واعصري فيها نص ليمونه ممتازة جدا للزكمه

[نسرينا]

عيوووووووووووون

كيف حالك وحال حمودي وسارة

عندك علم اني نحب ونموت في اسم سارة ، وديما نقول لو ربي اكرمني ببنوتة بنسميها سارة

.

[عيون زوجي]

سوريناااااااام...عذبك ضميرك تستاهلي
هههههههههههههههههههههه
تو انحرش فيك ابو سرورتك
انقوله مراتك نازله في الناس بلا رحمه
حي اعليك منه..........

[أم سعد]

ام سعد هلا ومرحبا والف لاباس عليك والله هالبردة دايرة بالناس حالة ماتلقيش الا اللي مستبرد هذا الشتاء


الله لا يوريك باس

[أم سعد]

لالا صنته حلوة كأنها بخور
وانتي ديريه لما يكون مش موجود

شوية وتمشي صنته

وبعدين قوليله تعود على ريحة البخور والوشق والفاسوخ جايك النفاس .ههههههههههه


كان نديره قبل مايخش للحوش بأسبوع لما يشمه

أقسم بالله مرات صنة التطييب يديرلي عليها حاااااااااااااااااله

نقوله أحرف من المرا اللي تتوحم وهو اخي افي اعي شنو هذا

ويلود في الحوش ويفتح في الرواشن وحااااااااااااااااااااله

[أم سعد]

نسرينا كيف حالك وشكرا عالاغاني الحلوة
مع اني مش سمينه هلبه هلبه شهدرتو بيا
ام سعد سلامتك
خودي طاسة شاهي اخضر بالنعناع وزياده سكر واعصري فيها نص ليمونه ممتازة جدا للزكمه


أهلين عيون

الله يسلمك

إن شاء الله ... شكرا

[رجاء2]

سلام يابنات
كيف حالكم كلكم\\\\ لاباس على المريضة فيكن او اعيالها والف مبروك على اللي تحتفل بعيد زواجها و انشاء الله ربي ايهنيكن سااااامحوني انا ماكنتش امتابعه على طول لانة مشغولة بعويلتي والحمد لله هما احسن من قبل و المهم ان الجو صار دافي اشوية في اجدابيا

[عيون زوجي]

كيف حالك يا ام سعد...
وحال سعودي معاك ومبروك انه نزل راسه لتحت

[عيون زوجي]

اختي الايمان ربي ينولك يلي في بالك...

[عيون زوجي]

جواب الاخت يلي سئلت عن الحمل
طبيا..نوعيه الاكل وايام الجماع تحدد جنس الجنين لكن قبل الحمل
حاليا هي حامل والامر لله من قبل ومن بعد
ومافيش اي شي يغير مافي الارحام الا الله
عليها بالدعاء ثم الدعاء ثم الدعاء
انا في بنتي توحمت على الحلويات وعصير البرتقال
وفي ولدي عالحار ونفس الشي عصير البرتقال

[عيون زوجي]

ام اسيل شن اخبارك وردي بالك تخلي الضابط يزورك في المدرسه لان المدرسات يلي معاك حلوات
والبنات على قفا من يشيل

[عيون زوجي]

حتى لو كنتي مقررة على الزرع
صلي استخارة قبل
حتى تكوني في حفظ الله
وحبل الوصل شن تستني الحجامه كويسه ومن الطب النبوي
توكلي على الله ودريها

[رجاء2]

سلام عليكم بناااااااااااااااات ادرى بتعبكم شؤؤؤؤؤؤؤؤي ولله بس ياريت الى عندهاااااااا اي فكررررررر او نصيحة ااااااااااووووو اي شيء اوسامعه اااااااااووووووو انت اااااااااامانة تقولولى جعلكم ماتشوفووووون النااااااااااار اامين يارب ويرزقكم ربي؟؟؟؟؟؟؟؟؟؟؟؟؟





بنااااااات بنت عمي حامل الحين بشهرها لاول وعندها بنت,,,
وزوجهااااااا يبقااااء ولد وهى خاااااااااااايفة حيل انها تنجب بنت
(((تعرفوووون حبايب ان الرجااااال يبي صبي ))) اي كمل......

الحين هى بشهرها لاول وطبعاااااااان مايبان الجنين لسة ع سوناااار بعد ,,,,,, فان شنو لاغدية او لاطعمة اللى تنصحوها تاكله او تشربهاا
يعنى احتمالات تخله يطلع ولد وشنو لاشيء اللى لازم تبتعد عنهاااا تتخله تنجب بنااااااااااااات(((ادرى بتقولون كل شيء بيدى ربي اي ولله صجين )))))))) انا سمعت انى الى تتوحم بملح صبي والى تتوحم بسكر بنت؟؟؟؟؟؟؟؟ يالله يابناااااات الى جربت وانجبت صبي
امانة ردوووووووووووو الله يحفظجن ياااااارب ناطره ردودجن

**************************************************


اهلا اختي (( كنت احبك ))
بالنسبه لانجاب ولد او بنت هضا عند الله سبحانة وتعالى ومدام هي في الشهر الاول معناها خلص الجنين تحدد جنسة ذكر او انثى لانةهضا الشئ يحدده الرجل لانه السائل المنوي يحمل حيوانات منوية ذكرية وحيوانات منويه انثوية فأذا لقح البويضة حيوان منوي ذكري صار الجنين ولد واذا لقح البويضة حيوان منوي انثوي صار الجنين بنت ....وبالنسبة للوحام يقولون اذا توحمت المرا على حلو معناه انه اللي معاها بنت وانا امجربة واذا توحمت على مالح معناها اللي معاها ولد
وانشاااااااء الله اتجيب ولد

[عيون زوجي]

هلا اختي رجاء كيف حالك
ووين تسكني بالزبط؟
وانتي مواليد شن؟
وتشتغلي ولا لا؟

[عيون زوجي]

لازم اتجاوبي انا المديره هنا
واذا ما جاوبتي سيتم حدفك من المنتدى
وماعادش تقدري تخشي عالنت اصلا

[أم سعد]

عيون ... أهلين كيف حالك ... أنا حالي الحمد لله .. الله يبارك فيك

وبشوية عليها تو تخاف وتهرب ... خليها تاخد عالوضع قبل

كيف حال سرورة وحمودي؟؟

[رجاء2]

حاااااااضراختي عيون زوجي
انتي تاااامري امر ...ولايهمك انجاوبك وليش لا
انا من اجدابيا ومعاي بكالوريس علوم (احصاء) وبعد التخرج اشتغلت لكن بعد الزواج دارلي زوجي تفريغ

[رجاء2]

شكرا اختي ام سعودي على الدعم
هي عندها حق مادام هي المديره وين تندري مرات معش نقدر انخش عالنت خليني انصاحبها يش تبقى عندي واسطة

[أم سعد]

لا للواسطة هنا

[رجاء2]

كنك معش رديتي ياعيون وين رحتي ؟؟ ام سعد وينك ؟؟؟

[رجاء2]

بعد اشوية يبدا مسلسي (الاوراق المتساقطة) حتى كان توقيتة صااامط

[رجاء2]

وين يابنات ؟؟؟؟؟؟؟؟؟؟؟؟انتو رحتو فييييين

[ام اسيل]

ام اسيل شن اخبارك وردي بالك تخلي الضابط يزورك في المدرسه لان المدرسات يلي معاك حلوات
والبنات على قفا من يشيل
لا متخافش نقي فيهم لازم اللي نجيبها نكون احلى منها
وبعدين الضابط بعدي منعمي كل يوم يشوف فيا احلى
وكان تبي الطريقة نقولك عليها

[ليبياقلبي]

ام سعد ممكن سوال علاش متحبيش تردي علا كلامي ولا تعلقي لاحظتك تعلقي علا الكل الا انا توا سالت عليك الكل قتليهم الا انا منعرفيش السبب

[رجاء2]

مرحبا ليبيا
على فكرة حتى انا ليبياقلبي من اللي مايحبش ليبيا

[أم سعد]

ام سعد ممكن سوال علاش متحبيش تردي علا كلامي ولا تعلقي لاحظتك تعلقي علا الكل الا انا توا سالت عليك الكل قتليهم الا انا منعرفيش السبب

لالالالالالا والله ماركزت ... أنا نحاول نرد على الكل

لكن ممكن سقطت سهوا

وعلى العموم حقك عليا ... والله من غير قصد

[أم ردينة]

اهلا نسرينا سلمك نشاده لالا راجلي قاعد مروحش يبي يومسن اوثلاثه تاني واني طلعت اليوم واخيرا حسبت الجو اليوم حلو مش صقع هلبه زي اليومين اللي فاتو فمشيت لحوش امي معأن اثار المرض قاعده عندهم لكن مليت من القعاد بروحي والحوش بلا بيه ايدره الكبد والوقت طويل وخاصه في الليل ..

[عيون زوجي]

حاااااااضراختي عيون زوجي
انتي تاااامري امر ...ولايهمك انجاوبك وليش لا
انا من اجدابيا ومعاي بكالوريس علوم (احصاء) وبعد التخرج اشتغلت لكن بعد الزواج دارلي زوجي تفريغ
ماتخافيش يا ام سعدhwaml4
واخدة عالوضع وماينخافش اعليهاhwaml17
ههههههههههههههhwaml02hwaml02hwaml02
اهلا وسهلا بيك بينا
انا عيون مواليد1982hwaml03
بكالوريس صيدله
من طرابلس
المهنه ربة بيت بعد الزواجhwaml15
اشتغلت قبل الزواج في المستشفىhwaml10 وفي صيدليات خارجيهhwaml13
عندي ولد وبنت سارة ومحمد hwaml11
واعتبر نفسي اوخيتك في التجمع ياريت تقبلينيhwaml7

[عيون زوجي]

مبروك الطلعه يا ام رودينه
كيف حال العزري والصبيه

[عيون زوجي]

ام سعد كيف زكمتك وطهور انشاءالله
ليبيا قلبي..شكلك وحدة دلوعه وديمه تلومي وتتدلعي صح
حي اعليه راجلك بيعاني البيبي الجديد ولا مراته الدلوعه

[عيون زوجي]

hwaml7لا متخافش نقي فيهم لازم اللي نجيبها نكون احلى منها
وبعدين الضابط بعدي منعمي كل يوم يشوف فيا احلى
وكان تبي الطريقة نقولك عليها
خلاص العبي اعليك بعد الله
الطريقه نبوها مفصله تفصيل
ولو مش حابه تحكيها لبقية البنات عادي//انانيه
مافيش مشكله ابعثيها عالخاص
ههههههههههههههههههه
الليله لو ماحكيتهاش مش رح يجيني نوم
ومش انا بس كلهم زينيhwaml7hwaml12

[رجاء2]

بالمهللللللللي ياعيون
هضا تواضع كبييييير منك كيف اتقولي ياريت تقبليني انتو الاصل انتو اصحاب المكان ونحنا الضيوف نحنا مازلنا اجدد و لنا الشرف ان نبقو اخوات
اناعندي اوليد و ابنية وانتمنى من الله يزيدنا عليهم في

[رجاء2]

مشيت اوجيت وميش حد

[ليبياقلبي]

هلا عيون لالا والله ماني دلوعة بس توا في الحمل روحت حساسة لابعد اللزوم بس
ام سعد يالا العتب علا المحبة
ممكن سوال قالولي دلكي حلمتك من السابع بزيت الزيتزن معرفتيش كيف وهل ضروري ينزل لب من الصدر توا في الشهور الاخيرة ولالالالالالالالا

[ليبياقلبي]

رجاء الله يرزقك يارب عن قريب

[أم سعد]

السلام عليكم

صباح الأنوار

عيون .. أنا حالي الحمد لله أحسن اليوم ... الله لايوريك

ليبيا .. يقولو يدلكو فيهم عن نفسي مادلكتهمش ولا نزل منهم شي :)

[رجاء2]

صباح الخير ام سعد
شكلك واعية بدري

[ميرنا]

نهاركم سعيد يابنات

[أم سعد]

صباح الخير ام سعد
شكلك واعية بدري

صباح الأنوار

ايه والله

من الفجر

[أم سعد]

نهاركم سعيد يابنات

أهليييييييييييييييييين ميرنا

عاش من شافك

شن الأخبار عندك

[رجاء2]

نهارك اسعد ميرنا
على ما اعتقد انتي المؤسسة لتجمع الله يبارك فيك انا شفت الصفحات الاولى وحسب ما فهمت انك تنتظري في الحمل شنو صار معاك
اما انا واخذة علاج وقاعدة انتظر الدورة وانشاءالله ما توريني وجها

[رجاء2]

تعرفي ياام سعد حتى انا واعية من الفجر ولما فتحت النت(الصفحة ) عرفت انك واعية عارفة كيف....لانة التلفزيون اللي تحت اسمك قاعد يعطي في الاوان معنها انك فاتحة الصفحة

[نسرينا]

صباح الخيرات للجميع
كيف حالكم اليوم ؟

رجاء / كم ليك يوم من بعد الابرة التفجيرية ؟؟ وكم قوتها الابرة ؟؟

.

[رجاء2]

[quote=نسرينا;579746]صباح الخيرات للجميع
كيف حالكم اليوم ؟

رجاء / كم ليك يوم من بعد الابرة التفجيرية ؟؟ وكم قوتها الابرة ؟؟

.[/quote
آه يانسرينا ..تعرفي انا اليوم في حاااالة
اليوم ليا 15 يوم واخذة الابرة التفجيرية وهما اثنين كل وحدة 5000 يعني مع بعض 10000 وحسب علمي ان نقدر انحلل بعد 14 يوم من الابرة لكن خايفة من الصدمة تعرفي باهي اللي اللقيت واحد سألني لاني قاعدة انخمم
الله يفتح عليك قوللي شن اندير

[رجاء2]

البارح قلت لراجلي خلاص توا نقدر انحلل مش شرط انراجي الدورة ولما طلع الصبح قالي هيا كان تبي اديري تحليل...... شوى قلتلة امممممم وكنك مستعجل خلينا اشوية وفي الاصل انا على ناااااار

[نسرينا]

مرحب رجاء

اسمعي استني شوية

وطنشي ، تعرفي اني لما خذيتها شهر 10 ، هو المفروض بعد 14 يوم لو ما فيش حمل تنزل الدورة
تخيلي قعدت اكثر من 22 يوم باش نزلت الدورة ...

فلهذا استني شوية اقلها حتى 20 يوم فوتي الاسبوع هذا وبعدين ديري تحليل

قوليلي ، ما عندكش اي اعراض من اي نوع ؟

.

[أم سعد]

حتى أنا من رأئي نسرينا فوتي فترة

تعرفو أنا كنت مستعجلة على الحمل وحملت من ثاني شهر زواج بس لم يثبت الحمل

وبعدها قعدت على أعصابي لأنهم يقولو اللي تحمل وترمي مرات صعب تحمل على طول

المهم جتني بعدها الدورة وتغششت ورابع شهر زواج جوني التهابات قلت لراجلي راهو عندي التهابات ومستحيل يصير حمل ونحيت الموضوع من راسي حطيت في راسي انه مستحيل نحمل هداكه الشهر

وسبحان الله ... جاني وجع دورة واستنيتها 6 أيام ومانزلت وألمها نحس بيه ولما جربت حللت لقيت روحي حامل

وفي دكتورة مشتلها مرت خوي في إيطاليا دارت عندها كشف وهي ليها شهرين متزوجة بس قلتلها الدكتورة نفسيا انتي لو بتحطي الموضوع في راسك مش حيصير حمل ماتفكريش في الموضوع وتو تشوفي

وفعلا نفس الشيئ داراته وحملت على طووووووووووول

فلذلك ماتفكروش في الموضوع انتو أسعوا وإن شاء الله خير ..

نسرينا ... صبحك الله بالخير :)

[نسرينا]

خيرات ام سعد

تعرفي اول مرة نعرف انك حملتي ورميتي

يا ستي حمد لله على سلامتك ، و ربي يثبت حملك ويسهل وييسر ولادتك

وشي ثاني / اني نحس في روحي الشهرين الاخيرات معادش مدورة ولا معدلة بكل و منحية الموضوع من بالي ومش متلهفة هللللللبه زي قبل
، نقرأ في سورة البقرة ومطمنة ، لدرجة الدورة ما جتش الشهر هذا وما فكرتش نمشي نحلل بكل

ياااا من عاش لنهاية الشهر وتكون مكلمة 45 يوم من سورة البقرة ، هداكا الوقت نفكر اندير تحليل

[رجاء2]

شوفو يابنات الوضع يختلف انا اللي امخليني انفكر واجد في التحليل بعد نزل مني قطرات دم لمدة يومين ونص بعد الابر ودخول الفراش بسبوع مشيت للدكتور قالي هضا احتمال بداية حمل وقالي عليك بالراحة التامة ومانحكيلكنش الراجل طاااير من الفرحة

[poucie]

خيرااااااااااااااااااااات على الجميع
شن اخباركم والله استحشتكم هلبه هلبه عارفه روحي غطست القصة وما فيها اني كنت في تونس مشين اندير لروان في كشف كامل لانه من بعد البردة اللي جتها حسيتها مش مزبوطة لاكن الحمد الله طلع ماعندها شيئ .
نسرينا صحيتي وايسلمك نشادة
ام اسيل تي وين الطريقة صدقت عيون انكان ما تعطيهاناش الليلة مش حيجيني نوم وحطي في بالك اني حامل حي عليك حي (تهديد عيني عينك هههههههه)
عيون حتى انتي وين هربتي بطريقة الكب كيك وإلا تسحابينا نسينا عندك فيهم هالحركات ههههههههه
رجاء انشاء الله ربي يرزقك بالذرية الصالحة
ميرنا نورتي وجهك وإلا وجه القمر
حنين ويييييييييييييينك
ليبيا قلبي انشاء الله الف مبروك وربي يهنيكم انشاء الله ويعقد عسلكم
حبل الوصل شخبارك وكيف حال عموري و خلوصة
سورينام - تيمو-ميمونة - ام لقمان - ام سعد شخباركم وانشاء الله مانسيت حد

[رجاء2]

تعرفي ياام سعد حتى انا اول حمل ليا كان توم بعدعلاج الابر المنشطة لكن ولدت في السابع بعملية قيصرية وبعد 10 شهور رميت في نهاية الثاني وبعد 6 شهور حملت بولدي سعد وجبت بعد 9 شهور ....وتوا عمرة 5سنوات ربي يحفضة

[رجاء2]

اهلا بوسي الحمد لله على السلامة ولاباس على بنتك

[رجاء2]

مرحب رجاء

اسمعي استني شوية

وطنشي ، تعرفي اني لما خذيتها شهر 10 ، هو المفروض بعد 14 يوم لو ما فيش حمل تنزل الدورة
تخيلي قعدت اكثر من 22 يوم باش نزلت الدورة ...

فلهذا استني شوية اقلها حتى 20 يوم فوتي الاسبوع هذا وبعدين ديري تحليل

قوليلي ، ما عندكش اي اعراض من اي نوع ؟

.
تعرفي منحسش بأي حاجة لا اعراض دورة ولا اعراض حمل وبعدين الدواء اللي اعطاه ليا الدكتور (يتروجيستان) هضا ما يخليش الدورة تنزل الابعد انتوقف علية ب 3او 4_ ايام واذا كان في حمل يثبته

[عيون زوجي]

السلام عليكم
الف لاباس اعليكم
بوسي لاباس على بنيتك حتى انا بنمشي لتونس بندير كشف لمحمد لانه الكحه تعباته هلبه
الطريقه حاضر حاضر//انا مانجيش الا بالعين الحمرا
ليبيا..حتى انا في حملي ونفاسي نولي حساسه وخلوقي في شيشه
نسرينا ورجاء كيف حالكم اليوووووووووم
ام سعد كيف حال الزكمه
ميرنا انا عارفه انك تخشي كل يوم تشوفي فينا
بالله اعليك اكتبيلنا اخبارك مشغوليين اعليك

[أم سعد]

نسرينا .. الله يسلمك .. وياااااااااااااااااااااااااااااااااااااارب تحملي في أسرع وقت

بوسي .. نورت وإن شاء الله البنوتة أمورها تمام

رجاء .. ربي يحفظلك اللي عندك ويرزقك

[أم سعد]

أهلييييييييييييييين عيون ... هاتي الطريقة هياااااااااااااااااااااا

وحال البردة اليوم متحسنة ولله الحمد



ومرة تانية ... هاااااااااااااااااتي الطريقة

[عيون زوجي]

طريقه الكب كيك يا بوسي والكلام للجميع :
هاتي يا ستي طاجين الكب كيك وادهنيه بالزيت والدقيق لو ما عندكش ورق الكب كيك
ولو عندك الورق خير وخير
المقادير للخليط:
كوب ونص دقيق +3 بيضات + ربع كوب نشا + كوب زيت + نص كوب زبادي +4/3 كوب سكر+ رشه ملح +نص كوب زبيب +خميرة باسطي
نغربل المقادير الجافه مع بعض :الدقيق والنشا وخميرة الباسطي
نضرب بالخفاق اليدوي البيض والسكر مع رشة ملح وسكر فانيليا بعدين صبي الزيت والزبادي وبعد ما تخلطيهم كويس ضيفي المقادير الجافه بالشويه
خودي مقدار الزبيب بعد ما تنقيه وتغسليه وتجففيه زين خلطيه بشويه دقيق وضيفيه للخليط لانه لو ما خلطيشي بالدقيق ينزل للقعر كله
صبي الخليط في طاجين الكب كيك ودخليه الفرن
ممكن ربع ساعه ويكون جاهز
للتزيين:
انا شخصيا نحب صوص التوفي او كريمه الجبنه
صوص التوفي:حطي كوب سكر في طاجين عالنار لين يتكرمل ويتغير لونه افتحي حكة قشطة وصبيها اعليها مع التحريك المستمر وطفي النار
تجيك صوص توفي ايهبل طعمته لازم القشطة طبيعيه بدون عسل ولا بنه فواكه
كريمة الجبنه اتجنن:
اضربي باكو جبنه فرومي مع نص كوبايه سكر في الخفاق الكهربائي
وبعدين اضربي كيس كريم شانتيه مع ربيع كوب حليب للحصول على كريمه مخفوقه وخلطيهم بالجبنه
حطيهم في الثلاجه شويه من ربع لنص ساعه
حطيهم في كيس حلواني وزيني الكب كيك
وصبي اعليم شويه صوص توفي بعد ما تبرد طبعا
وانشاءالله فهمتي مني الطريقه بالزبط بلا اي مكونات سريه انتي وفلاحتك ونفسك في الطبيخ
وكوليها بالف صحه انتي وابو روان وروان مع مق كابتشينو اسخين

[عيون زوجي]

ام سعد هادي الطريقه واي شي ما فهمتيشي اسئلي الشيف عيون جاهزة وحاضرة لاستفساراتكم
هههههههههههههههههههههههه

[أم سعد]

هههههههههههههههههه

وأخيراً .... لولولولولولولللللللللللللللللللللللللللللللي

لالا كل شي مفهووووووووووووووم

وصحيتي عالطريقة

وكان عندك حاجة تانية هاتي .. في الماكلة مانقولوش لا هههههههههه

[عيون زوجي]

توا نبوا نصايح الدكتور فوز (ام اسيل) هيا تعالي نورينا
رجالاتنايخدموا معاهم البنات زي الرز
وخلينا نمشوا بمثل حرص وماتخونش

[عيون زوجي]

امتى يروح ابوسعد من العمل
انا راجلي يروحلي ال5 العشية ويطلع من 7.30 الصبح

[عيون زوجي]

ويــــــــــــــــــــنـــــــــــــــــــــــــــ ـكم...

[عيون زوجي]

خليتوني بروحي
http://forum.hwaml.com/imgcache2/hwaml.com_1292850393_913.jpg
اهئ اهئ اهئ اهئ

[أم سعد]

امتى يروح ابوسعد من العمل
انا راجلي يروحلي ال5 العشية ويطلع من 7.30 الصبح

يروح الساعة 3.30 ويطلع الساعة 9.30

[تيمو ليبيا]

السلام عليكم ليبيا كل عيد زواج وانتو بخير وينعاد عليكم سنين طوووووووووووويله يارب سامحيني جت متاخر وعيد زواجي الاول طبعا قريب حتي اني يوم24 انحس فيها سنه طارت طياره سبحان الله ربي يدومه علينا يارب نسرينا حبييتي انخش مره مره بوسي لاباس علي بنوتك وربي يخليهالك

[أم سعد]

هل من أحد هنا؟؟؟

[ليبياقلبي]

في حد موجود

[ليبياقلبي]

بوسي الف شكر علا التهنئة
تيمو ياعسولة ماشاء الله عليها رفيف تهبل ربي يخليها ليك وكل عيد زواج وانت اسعد وبطول عمرك يارب

[ليبياقلبي]

مين موجود مافيش حد انا في حوش اماليا مكسدة ومدايرة كيكة كراميل

[ام اسيل]

hwaml7
خلاص العبي اعليك بعد الله
الطريقه نبوها مفصله تفصيل
ولو مش حابه تحكيها لبقية البنات عادي//انانيه
مافيش مشكله ابعثيها عالخاص
ههههههههههههههههههه
الليله لو ماحكيتهاش مش رح يجيني نوم
ومش انا بس كلهم زينيhwaml7hwaml12
ياخيتي فكيني تو يطلع شي حد يقولي قلة حياء فكينا
بس نقوللكم حاجة وهي والله صح
خلي زوجك ديما محتاجلك سهفيه قبل مايطلع وماتذوقيش خليه وهو برة يفكر فيك من كلام التسهيف
انا مرات نكلمه عا التلفون وهو في العمل ونسهفه وانتي ست العارفين كيف التسهيف ومرات نكلمه ونتغزل فيه وشوية كلام حب ورطب المغزى ان تخليه ديما يفكر فيك بحاجات جديدة بيش مايملش
ديما حاولي تديرله ابهار وحاجة مش متوقعها
ومرات انصفطي عليه بيش يحس انك مش ديما متوفرة
ومرات تانية ماتديريلاش اي جو خلي الامر يمشي عادي
يعني كل مرة يحس انك وحدة جديدة وانك مش بس زوجته كانك صاحبته
انا والله عن تجربة الحمد لله مازال زوجي يعامل فيا كيف الخطوبة وبدايه الزواج وديما يتغزل وغير امتا نرضى
تفصيل اكثر من هكي قعدت نخاف
ها شن رايكن في الطريقة

[حبل الوصل]

ياخيتي فكيني تو يطلع شي حد يقولي قلة حياء فكينا
بس نقوللكم حاجة وهي والله صح
خلي زوجك ديما محتاجلك سهفيه قبل مايطلع وماتذوقيش خليه وهو برة يفكر فيك من كلام التسهيف
انا مرات نكلمه عا التلفون وهو في العمل ونسهفه وانتي ست العارفين كيف التسهيف ومرات نكلمه ونتغزل فيه وشوية كلام حب ورطب المغزى ان تخليه ديما يفكر فيك بحاجات جديدة بيش مايملش
ديما حاولي تديرله ابهار وحاجة مش متوقعها
ومرات انصفطي عليه بيش يحس انك مش ديما متوفرة
ومرات تانية ماتديريلاش اي جو خلي الامر يمشي عادي
يعني كل مرة يحس انك وحدة جديدة وانك مش بس زوجته كانك صاحبته
انا والله عن تجربة الحمد لله مازال زوجي يعامل فيا كيف الخطوبة وبدايه الزواج وديما يتغزل وغير امتا نرضى
تفصيل اكثر من هكي قعدت نخاف
ها شن رايكن في الطريقة
هلا ام اسيل شن حال اسيل وهيمو وشن مدايرين مع الدراسة والصقع وتعرفى والله نفس الطريقة نتبع فيها طلعنا متشابهين في حاجات واجدة

[ام اسيل]

هلا ام اسيل شن حال اسيل وهيمو وشن مدايرين مع الدراسة والصقع وتعرفى والله نفس الطريقة نتبع فيها طلعنا متشابهين في حاجات واجدة

اهلين حبيبتي
والله العيال تمام اسيل مية مية دراستها ممتازة وخذت برد وصحت
لكن ولدي مهبلني لدرجة اني حولته من مدرستي وحطيته في مدرسة اخرى بيش نقدر عليه وحتى هو مرض وصح ومازال يكح
واكيد فيه تشابه بينا هضا ليش انتي غالية عليا
بس بصدق نبي منك تردي تشقي بموضوع الجياب راهو العمر يمشي ياخيتي وماحد يقعد صغير
تعرفي انا الشهر الجاي لو تحاليلي تمام حانزرع ان شاء الله
على الاقل نرضي ضميري ونقول حاولت وربي يسخرلي انا وياك يارب

[الايمان]

وين يا بنات محد سأل عليا ولا نسيتني هابا عليك بخت
hwaml4

[ام اسيل]

وين يا بنات محد سأل عليا ولا نسيتني هابا عليك بخت
hwaml4
لا معقولة انتي الخير والبركة كيف حالك
وعديتي للدكتور فتحي ولا مازال
وياريت تحكيلنا عن سبب تاخر حملك وكم عمرك عشان نعيشو معاك التجربة

[الايمان]

عمري 26 ومتزوجة من 4 سنين بعد زواجي بسنة حملت ودام الحمل 3شهور واجهضت
وبعدها بدأت العلاجات وزوجي عمل عملية دوالي من سنة في مصر لان كان عنده تشوهات وضعف بالحركة بس توه تحليلا 100% وانا تحاليلي تمام واشعة الصبغة تمام بس جرت منظار في مصر وقالي الدكتور عندي التهاب في قناة فالوب اليسرى واليمنى سليمة وباقي الوضع تمام وقالي ماتمنعش الحمل بس انا خايفه تكون هي السبب وحجزت عند الدكتور فتحي يوم الخميس الجاي وانتي ياام اسيل وين تراجعي وشن قصتك

[حبل الوصل]

ياوخيتى انى مش موقفة العلاج بالعكس نعالج ونبي ندير حجامة لكن الراجل مازال موسع باله وانى قريب نهبل نبي عيل بالاخص لما صاحبتى ولدت والله بكيت ووجعنى خاطرى خاطرى نحمل ونجيب ربك يكرمنا بالذرية ونملو حياشنا صغار نحن وكل من يتمنى يارب

[ميمونة]

السلام عليكم كيف حالكم

[تيمو ليبيا]

حبيبتي ليبيا تسلمي ونشوفها عندك يارب والهمر كله حتي ليك انتي

[poucie]

صباح الخيرات عالحلوات
شكراً لكل من سأل على روان وانشاء الله ربي يخليلكم صغويرتكم ويرزق كل متمنية بالذرية الصالحة يا رب العالمين
*عيون صحيتي يا حنا ايوه هكي ناس تخاف ما تختشيش هههههههههه
*ام اسيل هيك الشغل ولا بلا تسلمي بس عادي حتى انكان حكيتي بالتفصيل ما تخافيش عندك حصانه هههههههههههههه
*تيمو ماشاء الله عليها رفوفة بصراحة انا مصرة علاسم ربي يحفضهالك وانشاء الله تشوفيها عروسة وعقبال لما تخاويها يا رب

[حبل الوصل]

صباح النور بوسي ولاباس على بنيتك وربي يخليهالك وتشوفيها عروس
ميمونة وجهك ولا وجه القمر نورتى وين هالغيبة احكيلنا عنك شن صار معاك
تيمو ماشاءالله على بنيتك ربي يخليها لك تهبل قداش عمرها توة

[تيمو ليبيا]

الله يسلمك بوسي ليك وحشه وشني تونس صقع اكيد حبل وصل سلمك وخيتي توا عمرها شهرين وسبوع وعقبالك بوخيه تانيه ل بنيتك ولا وخي يارب

[ميرنا]

السلام عليكم
الف لاباس اعليكم
بوسي لاباس على بنيتك حتى انا بنمشي لتونس بندير كشف لمحمد لانه الكحه تعباته هلبه
الطريقه حاضر حاضر//انا مانجيش الا بالعين الحمرا
ليبيا..حتى انا في حملي ونفاسي نولي حساسه وخلوقي في شيشه
نسرينا ورجاء كيف حالكم اليوووووووووم
ام سعد كيف حال الزكمه
ميرنا انا عارفه انك تخشي كل يوم تشوفي فينا
بالله اعليك اكتبيلنا اخبارك مشغوليين اعليك

قاعدة نرجاء فى رحمت ربى والله كل يوم انشوف فيكم ومارت نقعد نضحك على تعليقكم مع بعض بس مانى قادر انخش خايفه انكد عليكم لانى ما عنديش حاجة اتفرح اقريب نترك دكاترة النساء ونخش على دكاترة الحالات النفسية(الرويعى )

[نسرينا]

صبااااااااااااااااااااح الانوار للجميع

تيموووووووووووووو ههههههههههههههههههه بنيتك طالقين عليها الماليزيين هههههههههههههه تهبل ما شاء الله ربي يحفظها ويطول عمرها ..

بوسي / كيف حال روان توا ؟ وشنو جو الشغل معاك ؟ و روان وين تخللي فيها ؟ وامتى تمشي للشغل ؟ هههههههههه

[نسرينا]

ميرنا

لو تقري في مشاركتي ، ننصحك بحاجة وحدة بس .

اقري سورة البقرة كل يوم بنية الحمل وامشي احجمي حجامة عالصغار ،

وربي يسهلك الحال ويرزق بأكثر مما تتمني ....

.

[نسرينا]

آآآه نسيت نقوللكم
في واحد يخدم معاي مرته جابت 4 بنات توامة ههههههههههه وحدة توفت وقعدوله 3 ما شاء الله
وهو صغييييييير ومش باين عليه بكل ... مسكينة ركولها من كلوميد لين قالت بس ههههههههههههههه

عقبال ميرنا وحبل الوصل وام اسيل ورجاء و الايمان وميمونة .وكل من تتمنى يااااااااااااااااااارب

.

[نسرينا]

رجااااااااااااااااااااء على فكرة

عندي احساس انك حااااااااااااااااااااااااااامل *_^


.

[نسرينا]

ام سعد /
تي وينك اليوم ؟؟؟

[أم سعد]

السلام عليكم

صباح الخيرات

[أم سعد]

ام سعد /
تي وينك اليوم ؟؟؟


أنا هنا :)

[نسرينا]

هلااااااااااااااااا

محلاها صورة سعد وهو في الثامن ، ههههههههههههههه

[أم سعد]

ههههههههههههههههههههه

تعرفي خلاااااااااااااااااااااص عيييييييييييييييييييييييييت

[رجاء2]

رجااااااااااااااااااااء على فكرة

عندي احساس انك حااااااااااااااااااااااااااامل *_^


.
صباح الخير لكن كلكن يابنات
نسرينا انا امبارح تفجججججججرت
درت اختبار منزلي (الشريط) طبعا بعد 15 يوم من ابرة التفجير وطلع خط واحد يعني ساااالب(negative) يعني مفيش حمل كانت ليلية سيئة كاااابوس

[نسرينا]

يا رجاء يا رجاء

يااااساتر ليش هذا كله ،،،،الله يهديك
اول شيء ماحلك ليك 15 يوم بس ومش ديما يظهر ويبان على طول ،
اني حماتي حامل في شهرين واختبارات الحمل كلها نيقاتيف حتى تحليل الدم كلها نتيجته سلبية ، تصوري وهي حامل في شهرين .

وبعدين يا ستي لو لا قدر الله ما فيش حمل ، الله غالب والحمد لله على كل حال ، عندك نصيبك ربي يخليهم ، فيه غيرك ما حملت ولا عندها صغار ابدا وليها سنين وسنين
...
استهدي بالله واحمدي ربك وكله قدر ونصيب من عند الله ليش تنكدي علي روحك وتكدري في راجلك وتعيشي انتي وياه في كآبه ...

هذا في حالة انه لا قدر الله ما فيش حمل
مرات يصير حمل بعد وقت او بعد فترة بسيطة من المنشطات ..

[أم سعد]

رجاء .. صباح الخيرات ... أنا مانبيش نطمنت ونعشمك بس أنا لما درت تحليل حمل في العشية طلع سالب وثاني يوم درته الصبح طلعت حامل لازم يكون أكرمك الله البول مركز

[هيندا]

هاى انى هيندا من ليبيا عضوة جديده امعاكم فى المنتدى انى حامل ليا 4 شهور

[أم سعد]

أهليبن هيندا .. نورت التجمع

[حبل الوصل]

رجاء ان شاءالله تكونى حامل انتى امتى درتى التحليل
هيندا اهلين بيك عرفينا عنك اكثر من وين وقداش ليك متزوجة وبكرة ولاعندك صغار وتشتغلى ولاربة منزل بسرعة اعترفي هذا النظام

[رجاء2]

كيف صار مافيش حد ايواسيني

[أم سعد]

أهلين رجاء ... ماليك إلا الصبر إنتي أسعي وربي يكون معاك ان شاء الله

[حبل الوصل]

نحن معاك يارجاء وشعورك مريت بيه اكثر من مرة وربي يكون في عوننا

[هيندا]

انى هيندا بكرة جديدة وقالولى ولد انى فى الشهر الرابع وعندى الام فى ضهرى هلبه عادى او مش عادى اللى يعرف ممكن يقولى انى فى نهاية الرابع نخدم وليس ربة منزل

[نسرينا]

مرااااااااااحب هيندا
نورتينا

انتِ من وين ؟ وكم ليك متزوجة ؟

.

[نسرينا]

رجاااااء

هذا كله و مش امواسيينك ؟؟؟

قلبي معاك وان شاء الله تحليلك يطلع غلط ، وتكوني حامل ، ممكن ماشيء بعيد عن الكريم رب العالمين

.