تجمع حوامل ليبيا

[ღॐ آية ღॐ]

عيون بعيد السو
اليوم غداي رز بلبصلة وسيدي تغدى معانا اليوم
تو انوض اندير كبين نسكافية ادفيك وتروقلك مجازكhwaml7
شن صار في دورتك ؟؟؟..

[عيون زوجي]

باهي باهيييييييييييييييييييييييييييييي

[عيون زوجي]

هلا وغلا
كيف حالك زهرة وحال بنيتك والبيبي وشنو الجو عندكم في بنغازي احني اليوم صقع ومطر
ايه...صحتين الرزيزة انا من بخلي درت اندومي كليتها اسخينه وخلاص دار الله عزابيه بروحي
وتوا اندور في طريقه كيكة طبقات القرفه بنديرها باش نشربوا بيها كابتشينو الليل

[ميمونة]

السلام عليكم كيف حالكم اليوم انا عداي رز بالبصله ًعيون جتني الدوره امس والحمد لله

[ღॐ آية ღॐ]

اشيه اشيه عيون راك تنسي حصيصتي
بنمر عليك الليلة بناخدها هههههههههه

[ميمونة]

صقعانه تعرفوا مش عادي متخرمده تحت البطانيه

[ميمونة]

رغوده كيف حالك وحال صغيورتك

[ღॐ آية ღॐ]

هلا ميمو كيف مدايرة في هصقع؟؟

[عيون زوجي]

ايه....تو نبعتهالك عالايميل ههههههههههه صقع
ميمو صحه الرز انا اليوم صقعت رسمي لاني ثلجت وانا برا غاطسه في الميه ومبروك الف مبروك وافتكيتي
زهرو وينك؟؟؟؟
ايه ...الدورة جتني الاسبوع الفات اليوم بس غسلت منها وتأخرت من موعد اخر دورة شهرين تقريبا وقررت اني مش رح ناخذ الدوفاستون رح نبعثهولك مع الكيكه ههههههههههههههههههههههههههه انتي يمشي معاك

[عيون زوجي]

ميمو و ايه.....خيركم ما جاوبتوش عالسؤال من منكم عندها مكنسة كيربي ولا رينبو؟؟؟؟
وشنو النوعيه يلي عندكم؟؟؟

[ميمونة]

انا والله ماعندي خلفيه ياعيون الحق بس في ناس يشكروا فيها الحق

[ميمونة]

ههههه ضحكتيني ياعيون علي الدوفستون انا ردي بالك تبعتيه مع الكيكه مش ناقصه
الحمدلله استريحت الوقت يجري مسرعا كملت تلات دورات الحمدلله ربي يعوضني كل خير رياخد حقي من ظلمني حسبي الله ونعم الوكيل

[hatoo]

سامحيني رغوده مقصره معاك انتي كيف حالك وشنو اخر اخبارك؟

[hatoo]

اهلين تموووووره شنو الجو وين هالغيبه هذي

[عيون زوجي]

ان شاءالله ربي يهنيك
خليكم مش تهربوا بنصلي العصر وندير الكيكة ونرجعلكم وعندي غسيل يبي النشر في هالجوووووووووو

[عيون زوجي]

هاتووووو......كيف حالك وحال رتوله والحمل وشنو تغذيتي؟؟؟؟؟؟؟

[ميمونة]

حتي انا نستاذن نتلاقوا بعدين في السهريه

[ღॐ آية ღॐ]

ولا انا عيون عندي فكرة مكنستي موناليكس
اي ابعتيه يلزمني..

[hatoo]

الحمدلله تمام اليوم راجلي جابلنا من بره سندويتشات همبرجر وطابونه ومشروب

[hatoo]

حتي انا نعدي نوض راجلي ونشوفه ونجيكم

[ღॐ آية ღॐ]

فكرتيني في صابوني حتى انا بننشر ونصلي
ونرجع نشوفكم على خير..

[عيون زوجي]

منووووووووووو قعده .............طق طق طق..........

[عيون زوجي]

صحه غذااااااااااااك هاتووووووووووووو

[زهرة2000]

خيرات انا جيت
عيون كيف حالك وحال ساره وحمودى

[عيون زوجي]

زهرة يا غاليه وين تغطسي
احنا الحمدلله حال الصقع والزكمه والكحه حاشاك يكحوا لين يرجعوا
كيف حالك انتي مع الرزن في هالصقع وحال الاموره الصغيرونه زهره قداش عمرها بنيتك

[عيون زوجي]

اسمها لين هالامورة صح هي اكبر من حمودي بشويه وولدي توا سنه وقريب 3شهور بس مازال يمشيش الا بالكثير 10خطوات ويطيح متعبني في المرد
انتي بنيتك امتى بدت تمشي لان البنيات انشط من الوليدات ويمشوا ويتكلموا بكري

[عيون زوجي]

يقين........وينك يا روح التجمع ان شاءالله خير ولا في حد جديد جاي زياره لمصر؟ خشي طمنينا بالله اعليك
ام وسونه...كنتي اتخشي مرة مرة في النهار وفي الليل ديمه وينك يارب تكوني كويسه ووسن تمام خشي انا مقعمزة بروحي مدايرة شاهي وحليب وكيكة طبقات القرفه يلي بنزلها ورح نشارك بيها في المسابقه ههههههه
ام روفيدة ...كيف حالك في هالصقه وثلجكم صب ولا مازال تفضلي كولي معانا انتي وحزومي ونوري تجمعنا بطلتك ونصايحك الحلوة
ليبيا قلبي ...الحمدلله عسلامة نوزة نبوا اعليك هلبه صور صورة عزومتك لخالاتك وعشاك يوم ذكرى زواجك وينهم؟؟؟؟
ميمو ايه زهرة الشاهي بيبرد تعالواااااااااااااااااااااااااااا

[عيون زوجي]

اتفضلواااا مدوا ايديكم درت حساب الكل يلي تاخذ طرف تمرر السفرة للتانيه
http://forum.hwaml.com/imgcache2/hwaml.com_1324919753_390.jpg (http://forum.hwaml.com/imgcache2/hwaml.com_1324919753_390.jpg)

وهذا طرف خاص ليقين لانها اتحب الحلو

http://forum.hwaml.com/imgcache2/hwaml.com_1324919753_980.jpg (http://forum.hwaml.com/imgcache2/hwaml.com_1324919753_980.jpg)

http://forum.hwaml.com/imgcache2/hwaml.com_1324919753_731.jpg (http://forum.hwaml.com/imgcache2/hwaml.com_1324919753_731.jpg)

http://forum.hwaml.com/imgcache2/hwaml.com_1324919753_298.jpg (http://forum.hwaml.com/imgcache2/hwaml.com_1324919753_298.jpg)

[ღॐ آية ღॐ]

حيه عليك حيه يا عيون
جت في خاطري باهي ما نتوحمش اوكان هادا راهو
جاكم ابو العيال وقاللكم لله يا محسنين ..على سيرة الوحم خطرهآ
هدا مرة يا حنة في وحمي في اسيل مشينا للبحر وخدينة عشة
جت عشتنا بجنب عشة شباب عزابة وكانو يطيبو في بكبوكي على البياض
رغم اني نكرة الماكلة وريحته استغفر الله الا ان ريحت هديكا المبكبكة فاحت
في خشمي وجت في خاطري طبعا راجلي حشومي ومسحيل يمشي يطلب
قعدة في خاطري وريحتها والله لاعند توة في خشمي ..
يسلمو ايدياتك يا عيوني مشاء الله عليك ربي يحفضك يارب
فالحة ونويشطة...

[ღॐ آية ღॐ]

ميمو فتكيتي الحمد لله وتميتي عدتك
ان شاء الله طار السو معاها وربي يهنيك يارب ويقدملك الي
فيه الخير ليك لانك وربي يشهد على كلامي بنت كويسة وممتازة وتستاهلي
الي يقدرك ويحترمك ووالله بأخلاقك وبي بيتيتك وبأصلك الباهي يجيك سيد سيدة ..

[عيون زوجي]

ياريتك قولتيلي انحب ماكلة البياض في ايام الازمه الله لا تردها في رمضان لا غاز عندي ولا ضي
كنا شاريين صندوق دجاج فيه 6دجاجات وخفنا انه يفسد لان الضي يهرب ب 48 ساعه ويجي سويعه او اقل درت الطنجرة عالبياض وطيبت زوز دجاجات في الطنجرة بطريقه المصلي لين طلعوا اميتهم واميه البصل وبعدين حطيت طاسه ونص رز منقوع اممممممممممم
والله ما نحكيلك لتوا البنه في فمي جي رز بنته احلى من كل حاجات وابداعات رمضان شي خيااااااال البياض الماكله اعليه غير عندك حق
وراجلك ما قدر يجيبلك المبكبكه من العشه يلي جنبكم يقدر يجيني للحوش ياخذلك الكيكة ههههههههههه
يا ستي احملي وانا انديرهالك ونبعثهالك للحوش

[عيون زوجي]

شنو ناويه اديري عشاااااااااااااك؟؟؟؟؟؟؟؟
..........انا بنوض نقلي دحيه..........

[ღॐ آية ღॐ]

سلمها ياربي
عشانا بادن لله حيكون خفيف سلاطة وفواكة ..
وتوة ياحنة نشربو في نسكافية زوزي جايب كيكة تهبل محشية بشكولاتة
طعمتها مش عادية "تفضلو معانا
صحيحة الدحية "

[أم سعد]

السلام عليكم

هل من أحد هنا؟؟؟

[راية]

مرحبااااااا....
عيووون...ماشاءالله يسلمو ايديك على الكيكة شكلها مش عادية اعطينا طريقتها بالتفصيل ووين هذي المسابقة اللي بتحطيها فيها خلي نشوف وصفات مضمونة

[عيون زوجي]

السلام عليكم ورحمة الله
ايه.....صحه الكيكة وصحة عشاكم الخفيف
ام سعد.......كيف حالك وحال سعودي
رايه......مسابقتنا احني في التجمع ههههههههههه مازال يبوا مني حاجه حارة ونوع سلاطة والطريقه خذيتها من منتدى تاني وطبقتها بحذافيرها رح انزلهالك

[عيون زوجي]

كـَيكُـةٌ طـُبـقــآتَ ـآلقـٍرًفـةَ

المقادير:

كوب وربع دقيق
كوب سكر
كوب حليب سائل
ربع كوب زيت
بيضة + فانيلا + بيكنج باودر

مقادير حشوة القرفة :

ملعقة كاكاو بودرة
ملعقة نسكافيه
ملعقة سكر
ملعقه دارسين ( قرفة ناعمة )

الطبقة الاخيرة :

4حبات جبن كيري
علبة حليب نستله المحلى

للتزيين :

شوكولاته هيرشي السائلة

الطريقة :


تخلط مقادير الكيكة ويوضع ربع المقدار في قالب بايركس

تخرج من الفرن ولا تأخذ وقتاً كبيراً
( ربما 15 دقيقه وانتبهي ألا تتركيها لتحترق )

( اذا صبيتي الطبقه الاولى شغلي النار من تحت فقط وخلي الصنيه بالرفع اللي قبل العلوي
وخلي النار متوسطه عشان تستوي ع راحتهاا وحتى تشقر من تحت))
ثم تخرج من الفرن ونرش ثلث مقدار حشوة القرفة من الاعلى ))



http://forum.hwaml.com/imgcache2/hwaml.com_1324931825_109.jpg
(http://www.mkyag.com/urls.php?ref=http%3A%2F%2Fwww.mkyag.com%2Fredirect or.php%3Furl%3Dhttp%3A%2F%2Fwww.sahm-ahsas.com%2Fvb%2Fshowthread.php%3Ft%3D78622)
ثم يصب فوقها الربع الثاني من العجينه ،
ثم نعيدها للفرن ونفتح عليها من الأعلى فقط ( النار تكون من اعلى والصنيه بااسفل الفرن حتى تستوي وتشقر ع راحتها
(( 15 دقيقه اخذت معي كل طبقه))



الآن حتى تنضج ثم نخرجها ونضع الثلث الثاني من حشوة القرفة
وعلى هذا المنوال حتى تتكون لدينا طبقات من الكيك والحشوه


http://forum.hwaml.com/imgcache2/hwaml.com_1324931825_572.jpg
(http://www.mkyag.com/urls.php?ref=http%3A%2F%2Fwww.mkyag.com%2Fredirect or.php%3Furl%3Dhttp%3A%2F%2Fwww.sahm-ahsas.com%2Fvb%2Fshowthread.php%3Ft%3D78622)

وطبعاً الطبقة الأخيرة من الكيك لن نضيف فوقها حشوة القرفة
وهذا شكلها بعد الانتهاء من عمل الطبقات


http://forum.hwaml.com/imgcache2/hwaml.com_1324931825_861.jpg
(http://www.mkyag.com/urls.php?ref=http%3A%2F%2Fwww.mkyag.com%2Fredirect or.php%3Furl%3Dhttp%3A%2F%2Fwww.sahm-ahsas.com%2Fvb%2Fshowthread.php%3Ft%3D78622)

الآن نخفق الجبنة مع الحليب المركز حتى نحصل على كريما بقوام ثقيل
وندهن به وجه الكيكة


وتقطع مربعات ونزين كل مربع ببعض الشوكولا السائلة من هيرشي


وهذي هي النتيجة




http://forum.hwaml.com/imgcache2/hwaml.com_1324931825_812.jpg
(http://www.mkyag.com/urls.php?ref=http%3A%2F%2Fwww.mkyag.com%2Fredirect or.php%3Furl%3Dhttp%3A%2F%2Fwww.sahm-ahsas.com%2Fvb%2Fshowthread.php%3Ft%3D78622)

عوااافي لى قلـوبكم
منقووووووووول من منتدى مكياج

[راية]

اووووكي عيووون يسلمو مقدما ....

[راية]

صحيتي عيووون جاري التنقيل

[عيون زوجي]

الله يسلمك يا رايه ننصحك اتجربيها بنتها احلى من شكلها خفيفه وناعمه اتهبل راجلي عجباته وبعث منها لحوش عزوزتي وشيبانيا مع انه ما يحبش الحلو كلي منها زوز طروف

[زهرة2000]

ميمو ربي يبدل خير وعسي ان تكرهو شى وهو خير لكم تعرفى والله تو غير سمعت الخبر والله تاترت واجد ربي يعينك بس قوليلى لو مافيهش احراج شن السبب وكيف صار وانت حرة فى الاجابه عادى فوتينى لو ماتبيش تردى بس حبيت نطمن عليك وربي يصلح حالك وينور قلبك

[عيون زوجي]

زهرة ما يوجعك غالي ميمو حكت قصتها واكيد لو خشت رح اترد اعليك لانك اوخيتنا
وين هربتي بكري وما قلتيش رايك في الكيكه

[ميمونة]

هلا زهراء قصتي تلقيها في صفحه رقم 1160والله لايوريك سوء

[عيون زوجي]

هلا ميموووووووو كيف حالك توا وشنو تعشيتي

[ميمونة]

سلمها ياربي هالعيون انت باذن الله لو قعدت معاك سنه بنزيد عشره كيلو وبتفسدي عليا برنامج الرجيم
وسلم ايديتك اللي طلع في الحاجات الحلوه

[ميمونة]

واك عليا تعرفي هالصقع يخليك ديما جعانه والله درنا بيتزا جت مش عاديه خفيفه

[ميمونة]

زهراء انتم زي وخياتي صح مانعرفكمش بس يعلم الله بمعزتكم كلكم

[عيون زوجي]

صحتين يا حلوة ويارب يهنيك هالشتي مافيش لوم على حد والصيف الواحد يعذب روحه بهالريجيمات والتعب
وفي ناس تبي دورة تسمين تعرف روحها وبنبعثولها باكوات الدوفاستون وكل يوم انديرولها زوز كيكات و3 وجبات دسمه يوميا وان شاءالله يفلق فيهم

[عيون زوجي]

وينكم؟؟؟؟؟

[عيون زوجي]

http://www.galeria-kaufhof.de/fsi/server?type=image&source=celumExport/Produktbilder/2764/27645529/27645529_002_99999_bild_001.jpg&width=234&height=244&profile=jpeg&quality=80

[عيون زوجي]

http://www.galeria-kaufhof.de/fsi/server?type=image&source=celumExport/Produktbilder/2548/25481206/25481206_002_99999_bild_001.jpg&width=234&height=244&profile=jpeg&quality=80


http://www.galeria-kaufhof.de/fsi/server?type=image&source=celumExport/Produktbilder/1670/16705090/16705090_003_99999_bild_001.jpg&width=234&height=244&profile=jpeg&quality=80


http://www.galeria-kaufhof.de/fsi/server?type=image&source=celumExport/Produktbilder/2848/28486068/28486068_001_99999_bild_001.jpg&width=234&height=244&profile=jpeg&quality=80


http://www.galeria-kaufhof.de/fsi/server?type=image&source=celumExport/Produktbilder/2760/27604067/27604067_002_99999_bild_001.jpg&width=234&height=244&profile=jpeg&quality=80


http://www.galeria-kaufhof.de/fsi/server?type=image&source=celumExport/Produktbilder/2548/25481248/25481248_001_99999_bild_001.jpg&width=234&height=244&profile=jpeg&quality=80


http://www.galeria-kaufhof.de/fsi/server?type=image&source=celumExport/Produktbilder/1148/11489528/11489528_006_99999_bild_001.jpg&width=234&height=244&profile=jpeg&quality=80


http://www.galeria-kaufhof.de/fsi/server?type=image&source=celumExport/Produktbilder/2945/29451247/29451247_001_99999_bild_001.jpg&width=234&height=244&profile=jpeg&quality=80


http://www.galeria-kaufhof.de/fsi/server?type=image&source=celumExport/Produktbilder/1837/18371716/18371716_001_99999_bild_001.jpg&width=234&height=244&profile=jpeg&quality=80


http://www.galeria-kaufhof.de/fsi/server?type=image&source=celumExport/Produktbilder/2764/27645967/27645967_002_99999_bild_001.jpg&width=234&height=244&profile=jpeg&quality=80

[hatoo]

سلم ايديك علي الكيكه الحلوه نسختها وان شاء الله نجربها

[ღॐ آية ღॐ]

هلا غاليات شلونكم الحين !!
يا عيون زوزي شرالي حبوب فتح الشهية من اكثر من اسبوع
وزدت زوز كيلو عليهم هما يفتحو الشهية ويهضمو ..ويارب نزيد 7
كيلو تانيات نبي نوصل لل65 وبعدين خلاص"ادعولي

[عيون زوجي]

صحتين هاتوووووووو ويارب تعجبك

[عيون زوجي]

يارب يا ايه يا بنت ام ايه يلي اتزديهم انتي ننقصهم اني ههههههههههه

[ღॐ آية ღॐ]

ميمو كولي يا غالية الماكله حلوة في الشتي بدات لو كانت رشته امبكبكة
ولا مكيرينة جارية وحارة حتى المسقي حلو في الصقع
ويدفي وزي ما قالت عيون خاليكم في الصيف على الرجيم وبعدين في الشتي
نبدو مغمومين بي فلينيات الصوف والجيبوطيات ولي يسال قولو متقلين في الحوايج
مش سمن ^ ^.....وين يقونة والله مخليا مكانها كل مانجي نبصر نتفكرها الله يمسيها بلخير"

[عيون زوجي]

الوزن اكتر عامل ليه الوراثه ممكن انتي اهلك وخواتك ضعاف هلبه صح؟

[عيون زوجي]

يقين شغلتنا اعليها انخاف نجيب سيرتها انا وانتي تتطلع وماعادش اتخش تاني خلي نسكتوا وخلاص

[ღॐ آية ღॐ]

تيشن هليرغانات يسفهو في النوم حسني بنرقد
على الب توب ومحلها تجي اسيل اتسكرة اخخخخخخخخخخخخخخخ

[عيون زوجي]

ههههههههههههه ضحكتيني نوم العوافي
لقيت في منتدى المطبخ الليبي لزينب محمد هالسؤال وعجبتني الفكرة لان ام قصي مرة اقترحت هالموضوع وما لقت تفاعل شنو رايكم نتفاعلوا معاه وكلنا نجاوبوا واولنا انا وانتي يا ايه

[عيون زوجي]

نرجو منكن جميعا المشاركه لتعم الفائده ونتبادل الخبرات جعلها الله في ميزان حسناتكم
فكرة الموضوع كل وحده تكتب الأجهزه المنزليه اللي إشترتها وكانت سر سعادتها http://forum.hwaml.com/imgcache2/hwaml.com_1324939426_696.gifومميزاتها http://forum.hwaml.com/imgcache2/hwaml.com_1324939425_172.gif
والأجهزه المنزليه اللي ندمت http://forum.hwaml.com/imgcache2/hwaml.com_1324939426_974.gif http://forum.hwaml.com/imgcache2/hwaml.com_1324939425_994.gif على شرائها وركنتها وما أستفادت منها وإيش السبب ياترىhttp://forum.hwaml.com/imgcache2/hwaml.com_1324939425_875.gif؟؟

لتعم الفائده

[عيون زوجي]

الموضوع منقول من المطبخ الليبي لزينب محمد للعلم

[عيون زوجي]

ايه.......وين مشيتي ولا منو خطفك مني؟؟؟؟؟؟؟؟؟؟

[ღॐ آية ღॐ]

اوك حلو السؤال نبدو بيك عيون وبعدك انا !!

[ميمونة]

انا جيت قاعدين والا نقيم بطانيتي ونطلع

[عيون زوجي]

اوكي نبدأ اني بعدين انتي وميمو بعدك

[ميمونة]

انا خليني في حالي ياعيون شن تبي فيا نتفرج عليكم بس

قدري مشاعري اخص عليكي انا مخصماكي

[ღॐ آية ღॐ]

لالاء ميمو اطرحيها وجيبي على طريقك حويجة دافية نشربوها ...

[ღॐ آية ღॐ]

ميمو شوفي مطبخكم شن فية
وميمتك في شن تستخدم من اجهزة منزليه
واكيد رح تفيدينا "

[ღॐ آية ღॐ]

وينكم؟؟؟؟؟؟؟؟؟؟

[عيون زوجي]

الحاجات يلي عندي:
- مكنسه كهربائيه ماركة هومر
- قلايه كهربائيه هومر
- مكواة بخارية عالواقف زي متاع المحلات
- شوايه
- مكينة توست
- مكينه بيتزا مش يلي مغطاها زي الطنجرة لا كلها تيفال وتتسكر زي مكينه التوست
- غسالة اتوماتيك ال جي
- عصارة فواكه
- طنجرة بورديم
- خفاقه كهربائيه
- خلاط مولينكس ومعاه عجانه صغيرة وخفاقه وعصارة
- خلاط مالقي بس ومعاه مطحنة توابل
- سشوار عادي
- سشوار متاع الفرشه يلي ادور وتلف الشعر
- فير شعر
- جهاز تنظيف الوجه بالبخار زي متاع الكوفيرات
- جهاز تتدليك الرجلين كهربائي وتنحط فيه اميه تبدا ادير في فقاعات وادلك اسباني
- فرنيلو كبير ( ايام الازمه)
- ست البيت يلي اهم شي
- كاميرة سامسونج 12.2 ميجابيكسل
- اللاب توب ماركة اسرacer
-مولد كهربائي
والحاجات يلي نادمة اعليهم:
- عصارة الفواكه ممكن استعملتها مرتين بس
- فير الشعر قاعد جديد لانه ما عجبنيش
- جهاز بخار الوجه وتتدليك الرجلين كنت نستعمل فيهم قبل ما انجيب صغاري ايام كنت واقفه لعمري ههههههههههه
- القلايه كويسه بس تصرف زيت قلايتي تاخذ زوز شيش زيت بس محلاه ايام العزايم ورمضان
- المكنسه لانها صينيه نبي نشري غيرها وتكون ماركة زي كيربي او رينبو او مولينكس
- غسالتي لانها صغيرة 6 كيلو نبي وحدة تكون 12 كيلو للبطاطين

ويلي نتمنى نشريهم:
- غسالة الصحون
- مجفف ملابس ماركة سامسونج ونرتاح من سريب النشر والحبال
- بقديني متاع الكهرباء
- ولو اذكرت شي تاني تو انقوللكم..............

[عيون زوجي]

ميمو حبيبتي اندادك نصهم قعدين في حياش اماليهم وتجربتك شئ امقدر ومكتوب وان شاءالله تؤجري اعليه وانا نقصد كوجينه وحوش بوك لازم تنورينا يا حلوة هيا نستنى..........

[عيون زوجي]

الموضوع مش خاص للكل يلي اتخش تنورنا تفيد وتستفيد

[عيون زوجي]

ويــــــــــــــــــــــــــــــــــــــــــــــــ ــــــــــــــــــــــــــــــــــــــــــــــنـــ ــــــــــــــــــــــــــــكـــــــــــــــــــــ ـــــــــــــــــــــــــم؟؟؟؟؟؟

[عيون زوجي]

ام وسونه
ليبيا قلبي
ميراس
وينكم الليله؟

[ღॐ آية ღॐ]

تمام عيون مشاء الله تعتبري عندك جميع الكماليات
_ بنسبة ليا "
_ مكينة براون لنزع الشعر تلات روس روسها دهب"
_ مكنسة كهربائية مولينكس"
_ مكينة توست هومر "
_ خلاط عادي مولينكس"
_ مكينة البوريك هومر"
_ سشواري هومر"
_ غسالتي سامسونج"
_ لاب توبي ماركة deel"
_ شاشة مسطحة 42 بوصة ماركة سامسونج "
_ ست البيت "
_ طنجرة البتزاء "
_ ضراب كهربائي مولينكس
_ مكواة عادية هومر"

كلهم نستخدم فيهم بصراحة لا كن نبي نشري مكينة صنع العصير
تحطي الفاكها بقشورة تتحول لي عصير ونبي نشري فلو
ونبي نشري شويه كهربائية ومكينة لي قلي البطاطة بكوب زيت صغير
شيفتها وعن قريب اوكان سخر ربي بنشريهم ..

[ღॐ آية ღॐ]

وينها ميمو حاستها اليوم جوها مش حلو
يا غالية دهرزي علينا انا واخده ادن في سويعه بس
وبعدين الى النوم ؟؟

[عيون زوجي]

انا شاشتي ال سي دي 40 لان صالتي موش كبير وسامسونج
وغسالتك قداش كيلوووووو؟؟؟
ومكينه بروان بكم؟
انا عندي مكينه نزع شعر مش ماركة معروفه جبتها من المانيا ماشي حالها نص نص

[عيون زوجي]

ميموووووووووو خشي بالله ما تشغلينا اعليك

[ღॐ آية ღॐ]

غسالتي 7 كيلو ونغسل فيها في البطاطين انا بطاطيني
مش كبار هلبا وطاق واحد "
ومكينة براون شاريتها بي 150

[ღॐ آية ღॐ]

وحتى اليرغانات كبار وصغار نغسل فيهم فيها "
انا الشاشه هادي حاطتها في درالنوم بس صالتي كبيرة
تبي 50 وخدها سلفي حلوة وكبيرة اوكان صخر ربي
بنخدو زيها

[ღॐ آية ღॐ]

تصبحو على الف خير يا غاليات
وان شاء الله نتلاقو غدوة
بونوي"

[عيون زوجي]

تصبحي على الف خيرررررررر
انا قعده امفنصه لان ساره قعده تلعب

[عيون زوجي]

خشينا على 2013 والناس تستنى بعد 4 ايام في 2012 ههههههههههه

[ميراس]

سلامات للجميع عيون شكرا عالسؤال انا توا كويسة الحمد لله رغودة حابة انا انرد علي سؤالك اللي طرحتيه علي متفائلة انا شن قلتلها غير انينسال فيها عن سبب انسحابها من المنتدي وحسب نظري ان البنات كلهم يحترموها ويحترموا خصوصياتها وماشفتش حد غلط فيها عامة وماعجبتنيش منها اللقطة هادي لاننا بالمنتدي كلنا نحترموا في خصوصيات بعض ومافيش حد تعدي عالتاني يقونة ليك وحشة ومخليا فراغ مكانك سالي شن اخر اخبارك باقي البنات انشالله اموركم تمام اية خيرك فيسع طلعتي اليوم

[ميمونة]

هلا عيون وايه والله صح اليوم جوي مش قوي بكل

شورها حتي الدوره زايدتني ومخليتني عصبيه وحساسه مش اكثر وربي مايشغلكم

[ميراس]

اما الاجهزة اللي عندي مكنسة كهربائية
استشوار ايطالي فير امتع فرد والتاني امتع لوي
وعندي نوعية تانية جاية تاكم فيه هلبا اطروف
امجوي الاصلية اسنونها مدهبات
حوض التدليك للارجل
جهاز لابتوب توشيبا وكمبيوتر عادي بالنسبة لطرابلس عندي ثلات تلفزيونا ت ورفلة اتنين باهي وغسالة 12كيلو وحدة 7كيلو وحدة اهني وحدة غادي اهني عندي فريز عمودي سامسونج وتلاجة كبيرة وغادي تلاجة كبيرة وفريز عادي اهني الغاز عادي اربع روس وغادي كبير مكوي هومر ماكينة توست ماكينة بوريك طنجرة بورديم طاجين البيتزا ماكينة صنع الكيك زي ماكينة التوست رحاية مكسرات ست البيت اتنين ومضرب للبيض عجانة صغيرة خاصة بالكيك وماكينة كبيرة متعددة الاستعمالات اهمها مفرمة الي موس الكعك تعمل حتي الكعك حلوة مش عاديو شواية كهربائية فرنيلو ميكرويف كوشة ستايلستين غلاي ماء والحاجة الوحيدة اللي ماعنديش ليها جو حوض التدليك مانستعملش فيه بالاضافة الة الرياضة الدراجة جايبهولي يبيني انقص وزن بدون فايدة مانحبش نستعملها بكل

[تمر حنة]

السلام عليكم ورحمة الله وبركاته
كيف حالكم اليوم
شكلكم رقدتوا كلكم خسارة
ميمونة لاباس عليك اسمعي خوذي مقدار كوب ماء وارمي فيه عود قرفة وخليه يغلى شوية وطفي عليه وحليه بشوية عسل طبيعي واشربيه دافي والله مش عادي يخفف الالم ويهدي الاعصاب ايام الدورة وماتشوفي سوء يا عروستنا

[تمر حنة]

كساد ومشغولة على اهلي ليهم قريب 10 ايام ماكلمني منهم حد وانا مانحصلش فيهم بكل هم قالولي يومها الشبكة تعبانة لكن مع هذا مش مرتاحة يستر الله خصوصا بابا مايصبرش عليا يومين ثلاثة ويتصل والله موسوسة بشكل

[تمر حنة]

يقيــن تعرفي لو ما تدخلي اليوم تلقيني انخبط على باب حوشكم وتعرفيني كان مشيت بنرفع معاي هدية 10 ربطات بصل اخضر وعشرة شكاير ثومة وشوفي جوك بعدين
ههههههههه ياخوفي نلقى المصاروة كلهم دايرين وراي طابور هم عاد ماعندهمش الروح معاه
انا حذرتك وانت حرة

[تمر حنة]

عيـــــون عيني ماتضرك ماشاء الله عليك تعرفي منتديات "بيت حواء" مش عالم حواء شوفي مسابقات قسم الطبخ رح تعجبك هلبة حاجات انا مجربة منه حلو وحار كله مضمون يهبل

[تمر حنة]

قصدكم آيــة ضعيفونة ههههههه حتى انا زيك وزني توا 56 خاطري نزيد شوية وزوزي مايبيش حتى الحبوب ماخلانيش ناخذهم يمشوا معاي السراويل واللبس الصيني هنا يجنن لكن لما بنروح ان شاء الله تعرفي كيف الناس تفكر عندهم كانك متزوجة لازم تكوني دبدوبة عاد باش يمشي معاك اللبس العربي قداش نكرهه لا هو يمشي معاي ولا اني نمشي معاه 5 متر قماش يلفوك بيهم زي الشرنقة ويبي قنطار ذهب ثاني لاااااااااااا يفدد وعزوزتي يعز عليها تبيني نلبسه وجسمي مايناسباش يقعد منظري زي "خالتي مشهية" ههههه حالة والله

[تمر حنة]

http://forum.hwaml.com/imgcache2/hwaml.com_1324960106_375.png (http://forum.hwaml.com/imgcache2/hwaml.com_1324960106_375.png)

[تمر حنة]

لكن في الحلو وخصوصا التورتات انا افلح وحدة فيكم متأكدة من روحي
شوفوا مثلا التورتة هاذي درتها في 5 دقايق وعيوني الاثنين مغمضات


http://forum.hwaml.com/imgcache2/hwaml.com_1324965650_835.jpg (http://forum.hwaml.com/imgcache2/hwaml.com_1324965650_835.jpg)


طبعا عيوني الاثنين مغمضات معناها راقدة ونحلم ههههههههه

وهاذي درتها وعين وحدة مغمضة بس


http://forum.hwaml.com/imgcache2/hwaml.com_1324965650_143.jpg (http://forum.hwaml.com/imgcache2/hwaml.com_1324965650_143.jpg)


وهاذي درتها وعيوني الاثنين مفتوحات ههههههههههه يعني الوحيدة الحقيقية

"

"

"

"

"


http://forum.hwaml.com/imgcache2/hwaml.com_1324965650_182.jpg (http://forum.hwaml.com/imgcache2/hwaml.com_1324965650_182.jpg)

[تمر حنة]

رغـــــــــودة وينك؟؟
مرحبتين بيك يا خطابية انا انحبهم الخطاطبة وعندي صاحبات هلبة منهم دمهم خفيف بشكل ماشاء الله عليهم

[تمر حنة]

بالله انوض اندير غداي وقت

[يقين]

السلام عليكم ورحمه الله وبركاته
صباح الخير لاححلي خوات في الدنيا

[يقين]

مفائله كيف حالك وحال زوزك والله وجعتينا بانسحابك الحق اني ابصر كيف اضايق احني متعودين عليك وحبيناك وندعولك زي وخيتنا وانتي بتطلعي مره وحده وبنقولك كليمه ان شالله يااااااااااااااااااارب اللهم ياااااااارب العالمين ان شالله يا ودود يا مجيد يا دا العرش المجيد يا فعال لما تريد تخشي للتجمع وتبشرينا بحمل ونهنوك وتستشيرينا فكل شي يخطر علي بالك اللهم امين

[يقين]

تموره يا حياتي ان شالله ربي يخليك ليا وما يحرمني منك تعالي انتي وبصلك وتومك راضيين لكن تحملي راه بتلقيهم كلهم وراك خخخخ مايعرفوا كان البصل والتوم والفول
طمنيني عليك وعلي زوزك وما تخافيش بالنسبه لماليك حتي اني زيك والتغطيه عندهم بكل متخده اليوم اتصلوا بيا في الفجر اطمني حبيبتي مافي كان الخير

[يقين]

مروووووووووسه كيف حالك يا غاليه وكيف حال زوزك وصغارك ان شالله تمام والله مستاحشاتك وبارك الله فيك عالنشده ان الله مانفقدك

[يقين]

ميمو كيف حالك يا امورتنا وكيف حال اماليك والف مبروك افتكيتي واللهم يا رب العالمين يا مجيب الدعاء يا ارحم الراحمين ربي يرزقك بولد الحلال اللي يصونك ويعرف قدرك عاجلا لا اجلا اللهم امين

[يقين]

ام نووووووووووزه يا احبيبه كيف حالك ومعاش تغششي روحك الصغار كلهم يمرضوا ويصحوا مره هكي ومره هكي معليشي المهم كيف حالك وربي يشفيلك الاموره وتشوفيها تنقز زي الغزيل
كيف حال شيبانيك وشن صار فيه

[يقين]

ايوته مرحبتين بنور العين كيف حالك وحال اطافيلك وحال قوزك يا رب تكونوا بخير والله استحشتك واستاحشت هدرزتك ومبروك التوت والبالوا تبيديهم بالهني والصحيحه

[يقين]

عيون مشااااااااااااالله ربي يحفضك كيف حالك وحال صغيويرتك ما تقدريش تعلميني حتي كيكه بارده والله راضيه عليك فضايح عيييييييييت من المعجن والمعبد

[يقين]

ساليييي كيف حالك يا سوسو ان شالله تمام وكيف حال الحمل وحال زوزك ولا باس عليك ربي ينوضك بالسلامه ويعطيك ساعه كويسه وتشبحي اصغارك علي خير وانتي طيبه يااااارب وبوهم بجنبكم ويخليكم لبعض

[يقين]

رغووووده كيف حالك يا حليوه تي وين نحسابك زعلتي مني ترعشي فيا عليك وني مرا ماني فاضيه ههههههحامل
المهم كيف حال بنياتك ووليدك وزوزك ياااارب حالهم باهي
كيف حال العمل ربي يوفقك

[يقين]

هاتو مرحبتين بالغاليه كيف حالك وحال بنيتك وحال الحمل وحال زوزك ربي ينوضك بالسلامه وتشدي وليدك بين ايدياتك صحيح والعقبه ليااااااا ياااااااارب يقولولي وليد

[يقين]

زهره كيف حالك وحال بنيتك وزوزك ووحملك واهلك كلهو ان شالله تمام ربي ينوضك بالسلامه يااااااااارب

[ميمونة]

صباح الخير

تمــــــــــوره-----هلا حبيتي عاش من شافك كيف حالك ياغاليه ووين انت توا وخيرك علينا خشي هدرزي مره مره والله مستاحشه الهدرزه معاك وماتخمميش التغطيه تعبانه عندنا امس المدار وليبيانا ماعنديش الصبح فيها تغطيهhwaml5 والضي بدا يهرب هالايام هلبه hwaml03
وربي يطمنك عليهم

[يقين]

ام اجنادين كيف حالك يا جارتي في الصباح الباكر وحال زوزك واهلك ان شالله كلهم تمام

[يقين]

رايه كيف حالك وحال زوزك ويسلمو ايدياتك عالكيكه حلللللللللوه

[ميمونة]

يقونه هنا الحمد لله علي سلامتك كيف حالك وحال فطومه وحال الحمل معاك

وينك خليت مكانك طمنينا عليك انشاءالله خير والله شغلتنينا الحق


وصحيتي عالدعوة ربي يحفضك ياغاليه ويخليك ويرزقك من بابه الواسع

[يقين]

ام وسونه اهلييييييييين بالعقيد ام شهاب ان شالله تجيبي وليد وسميه شهاب
كيف حالك وحال بنيتك وقوزك ومشااااااااااله علي صفراك حلوات يهبلوا
تبي نصيحتي فكيك من المفاجاه اخطيها خير وكانك مصممه نقولك خخخخخخخخ

[يقين]

ام قصي كيف حالك وحال عريساتك وحال زوزك والله يا ام قصي ما مخرفين كان احني مانعرفوا حاجه العزايز هنا يعرفن كل شي ويااااااااارب يرزقك ويرزقني بوليد صحيح وحلو

[ميمونة]

سلمها ياربي اللي مانسيت حد ربي يخليك غير قولي وين كنتي مغطسه

[يقين]

ميمو اهلين بالغاليه كيف حالك وربي يخليك عالنشده الطيبه
واني حالي باهي وبوتي حالها باهي بس النت كان مقطوع علينا فلهدا انقطعت عليكم والله استاحشتكم يا ميمو والله ماتقول الا نعرفوا بعضنا من زمان

[ميمونة]

والله نفس الشعور والله شغلتنا الحق البنات كلهم يسالوا عليك

شفتي ماشاءالله صايره تطورات في المنتدي

[يقين]

الاء كيف حالك وحال بنياتك وزوزك والعمل ان شالله كلهم تمام معقوله احني مانسالوش عليك تي انتي وخيتنا ونحبوك في الله وللله بس احيانا الواحد يسهي بس ربي يخليك لبنياتك ويخليك لزوزك ويرزقك بوليد يفرح قلبك

[يقين]

ميمو اني كيف نايضه مانتبهت لشي شن هنا التطورات يا وخيتي

[يقين]

ام سعد نوووووووووووووورتي التجمع كيف حالك وحال سعودي وبوه ان شالله تمام تي وين كنتي مغطسه اه

[يقين]

ميمو الناس تستني فال 2012 وانتن فتنه غادي وصلتن ال 2017 مشاااااااااالله ابدااااااع وصدفه حلوه

[يقين]

ميمو اسكتي ساااكته اني درت تورطه الله لالالالالالالاتروعك يا مينتي اني مازلت انفكر اندير حتي باسطي درت هديا الورطه وفضيحتي بأت بقلاقل في الشقه

[ميمونة]

ههههههههههههه

يعطيهالك بجد درتي طورطه مش مصدقه عينيا ماشاءالله عليك

بالك من الطريقه مش منك هههههههههه

[ميمونة]

باهي نزلي الصوره هذه كان ماكملتهاش

شفتي عيون دارتلك طرف علي جنب وساطه اها

[يقين]

جايبتلها عواله وتاعبه عليها ودرتها ولامس يوم الجمعه وقلت لراجلي معليش اليوم مش حنطيب لاني بندير تورطه شوي قالي باهي خشيت من الساعه 12 في هداكه المطبخ تقول نصارع في جنون نضرب في الكريمه ونوتي في جيلاتين ونطحن في المكسرات المهم نطلع نصلي نسكر وراي في الباب يقولي راجلي خير شن فيه داخل ماتبينيش نشبحه قتله لاء مافي شي خايفه من العين هههههه طيح سعد العين اللي بتضربني
المهم درت الكيكه ومعاش نبي نكمل القصه افهمو انتم عاده

طلعتها وقعدت نعارك هالفول هالمصرين والله ما يبوعوا في حاجه تنفع ناديت راجلي قتله شوف النبي البيكنبودر ما ينفعش بكل شكله مغشوش داير روحه مش مني من الخميره راجلي زبط الوضع عارف القصه من زمان
والله يا بنات اضايقت عقدتي في الكيكااااااااااااات الحار نفتلكه ونخترع بس الكيكات جابلي اكتيئاااااااب

[يقين]

عيون سلمممممممها يا ربي تهبل هيا وكيكاتها صحيتي يا عيوني عالطريف يهبل بس خداه مني زوزي مسكين متعطش لكيكات الحوش

[يقين]

ميمو تو بنحطهالك في تو قيعي شوفيها وما تقوليش لحد استري عليا ههههه ردي بالك تضحكي نشبح فيك راهو تضحكي نوريك خخخخخخخخ

[ميمونة]

صار من البيكنبودر ههههههههههههه

مافيش حد نزليها وبعدين نحيها سر بيني وبينك ههههههه

[يقين]

هههههههه ها شن رايك ابداع ولا خساره الفراوله اللي عليها خخخخخخ قعدت انقي في الفراوله ونقول هادا ماناقصك غير فراوله خخخخخخخخخخخخ ختشت

[يقين]

خليك مع الشكلاطه يا ميمو تقول جرت نمله ههههههههه وووو فضايح كان يشبحوها خواتي يفضحوا بيا

[ميمونة]

وينك يابت بابا يستنا فيا

يبني نطلع معاه للجنان مهبلني بالغرس متاعه انا والله كنت نحبهم بس توا خلاص يهتم بيهم هلبه كيف روح من الحج لقاهم يابسات هههههههههههه مع اني كل مانسيق الجنان نروي فيهم شن بنديرلهم اكثر

[يقين]

ميمو ووووووك وينك شكلك دختي منها ولا معليشي سامحيني قبل نبي نفضفلك شوي رعشتك

[ميمونة]

والله شكلها حلوة والباين حتي بنتها خيرك عليها انا نشجعك المفروض تنزلي الصوره وتخشي فيها في مسابقه عيون بجديات ابدعتي انت اول تجربه ليك نهنيك

والله حتي انا المره الاولي طلعت احرف من هذه شن جابها ليك

نزلي الصوره وخشي للمسابقه خيرلك اسمعي كلامي

[يقين]

هه تسقي فيهم بالصابون ولا عارفاتك نوضي مع باباك خلك من التورطه توا يا خوفي تنصدمي من الصوره

[يقين]

ميمو ما يغركش المنضر من داخل كلاكيعووو
باهي الاجابي في المسابقه انهم مايضوقوش خخخخ كانهادا عيون تعضني وتصرني من التجمع خخخخخخخخ

[ميمونة]

سلم ايديتك ياحنه وربي يحفضك ويعطيك اللي في بالك

[ميمونة]

لا المكتوب واضح من عنوانه خليها الصوره hwaml7

توا تشوفي بعدين البنات بيهبلو عليها ويقولولك اعطينا الطريقه هههههههههhwaml03

والا مايقولكش راهو حاسدك من الاخير hwaml17

[ميمونة]

شن هالرجل يعطيهالك اللي في توقيعك درهتيلي كبدي ردي الطورطه

[يقين]

سلمك وربي يجبر بخاااااطرك ياااااارب كيف ما جبرتي بخاطري ان شالله ربي يراضيك بولد الحلال وعقبال ماتحطيلنا صوره وليداتك يااااااااااارب

[يقين]

هههههههههه هادي رجلي راهو خخخخخخخ كلام الناس لا بيأدم ولابيأخر اااااااااااااه يا عين

[ميمونة]

سلمها ياربي علي هالدعوات عالصبح

خلي توا نستاذنك يقونه مع اني والله مستاحشه الهدرزه معاك غير نشوف بابا ونبدا في دوره الصبح

نتلاقو وانشاءالله معاش يفصل النت عندك

سلام ياقمر

[تمر حنة]

هههههههههههههههه يعطيهالك يقين ضحكيني بدموعي بتعليقك
خيرها شن ناقصها شكلها حلوة ماشاء الله
اسمعي شن رايك انا وياك انديروا مسابقة بروحنا فكينا منهم ميمونة وعيون ما يعرفوش
اسمعي المسابقة الاولى مسابقة "التورتة المعجنة" هذي لازم تكون مايلة ومن الوسط قعدة عجين نية ولاصقة في الطاجين والافضل تكون محروقة شوية شن رايك

بس بجديات شكلها حليوة

[تمر حنة]

الله يسلمك ميمونة والله معزتك خاصة عندي
ربي يفرح قليبك بكل ماتتمني ياااااااااااااارب

[تمر حنة]

يقيــن انقولك حاجة هههههههههههه منظر رجليك احلى من كيكتك
هههههههههههههههههههههه والله انهدرز راك تزعلي عاد

[تمر حنة]

كلمني بوي قبل شوية وطمني الحمد لله قال الاتصالات صعبة بس
حق ماقلتلكمش خوي الكبير خطب من اسبوعين ربي يهنيه ويكمل فرحته والعقبة لوخيينكم ووخياتكم و لحبوبتنا ميمونة ربي يبعثلها وليد الحلال اللي يفرحها ويعوضها اللهم آمين

[تمر حنة]

يقين تزعلي نقتلك والله انهدرز عليك
انت افلح مني بألف مرة ماشاء الله عليك

[يقين]

تموووووووووره منوره ان شالله حتي انتي من فصيلتي كيكات مايلات خخخخخ خلاص موافقه عالموسابقه

[رغوده2006]

طق طق طق افتحو الباب راني جمدت

[رغوده2006]

يقونه تي وينك والله الا ليك وحشه كيف حالك وحال زوزك وحال فطومه وكيف حال الوحم معاك

[يقين]

تموووووره تي اما كيكه واما قشطه تي اني رجليا يثقلوا بالذهب تي اماله شبشب الصبع كان تشبحيه كيف يطلع عليا تي يفلققققققققققققق اني عندي صوره رجليا من كثر ما عاجبيني ديمه نصور فيهم تو نزلهم شويه بس

[رغوده2006]

يقونه بالله عليك رديها التورته خلي نشوفها

[يقين]

اهمي رجليا في شبشب الصبع مشااااااالله أشطه يا اخواتي
http://forum.hwaml.com/imgcache2/hwaml.com_1324978065_197.jpg (http://fashion.azyya.com)

[يقين]

رغوده مرحبا شجو كيف حالك وحال بياتك وزوزك اني حالي باهي الحمدلله في نعمه والوحم مهناكش بكل تعرفي رجعت مقولي 3 مرات بس خايفه يا ودي هادوا مش عوايدي

[يقين]

رغوده هااااااااااادي التورطه العجيبه شن رايك في جرت النمل هههههههه

[رغوده2006]

يقونه تعرفي رجليك احلى من التورته هههههههههههههههههههههههههه
بالذات جمالهم مع الشبشب زايد اكثر
تمر حنه كيف حالك ومبروك على اوخيك انشاءالله بطول عمره و علاش ماتبيش تقولي انت منين من صبراته

[رغوده2006]

يقونه والله العظيم الا تهبل وديري في بالك اول مره ليك صدقيني بتطلعي احسن وحده في المنتدى مع المزاوله

[يقين]

تموره مبروك علي وخيك ان شالله ربي يهنيه وان شالله زواجه الدهر وان شالله بطول عمره

[يقين]

رغوده بارك الله فيك ربي يجبر بخاطرك المشكله يامزوق من برا يا معبد من داخل هههههه يا ريتني صورتها وهي مقصوصه باش استمتعتوا اكثر

[الاء 2002]

صباح الخير

[الاء 2002]

عيون حبيبتى كيف الحال انا كنت فى دراسة مع زوجى ولم اعلاج
يقين حبيتى الله ياخذ بخطرك ويسلمك نشاده كيف حالك انتى وحال الاسرة
رغوة كيف حالك تى وين مغطساه

[يقين]

الاء صباح الورد كيف حالك وحال بياتك ماتقوليش هكي احني وخياااااااات

[رغوده2006]

الاء تي كيف حالك غير عدلي علينا بس تواضعي شويه واسألي علي حتى مره العفو

[يقين]

تموووووووره وين هربتي نبيك تقوليلي شن غداك

[يقين]

رغوده نبي منك خدمه ممكن ولالاhwaml78

[يقين]

رغوده معقوله هكي تشبحي فيا خانقتني العبره وقريناتي طنشن من العبره وانتي ولا علي بالك خلاص حرجت منك اسسسسسس ولا كلمه حرجت معاش نبي اعذار انت طلعت واحد غدار خخخخخخخخ

[رغوده2006]

تفضلي يقونه من عيوني

[رغوده2006]

ههههههههههههههههههه يقونه يعطيهالك على روح النكته هلي عندك والله الا تهبلي ودمك شربات

[يقين]

http://www.youtube.com/watch?v=uVpXpKyR4EE&feature=relatedخشوا (http://www.youtube.com/watch?v=uVpXpKyR4EE&feature=relatedخشوا) الرابط وقولوا هادي مييييييين ياترا واللي تجاوب نعطيها قطيعه تورطه

[يقين]

ام وسونه محلا رقيصك ياتجبدي في جبد خخخخخخ راك تزعلي هادي مفاجاتي راك تزعلي بصاري يا حبوبتي

[رغوده2006]

يقونه تعرفي والله الا مشغوله على سالي هلبه لاني قريت صفحات امس وهي مش موجوده انشاءالله خير
ومستغربه جدا على انسحاب متفائله فجأه شنو السبب مانيش عارفه شنو؟
مع ان البنات الكل مافيش وحده وصلت فيها حسب ما انا نشوف غريبه والله

[الاء 2002]

رغودة شنى خدمة هلبة ما تطلعتيش من مكتبك

[عيون زوجي]

السلاااااااااام عليكم
تمورة كيف حالك ومنورة وديمة خشي رغم الثومه والبصل بس الله غالب قابلينك وحابينك في الله اتمتعي بالرشاقه قبل ما يجوك الصغار اقلها بيحرموك من منظر بطنك هادي اقل الخساير هههههههه ومرات اكبر
ميمونه امشي اسقي الزريعاااااااات احسنلك من سد الحنك
هههههههههه كلمة سد الحنك ما نقصدش بيها شي هههههههههه
يقونه ههههه ضحكتيني وبنتي في حجري تنخض فوق ولوطة من ضحكتي بالله اعليك بالله اعليك نزليلي الصورة خاطري نشوفها
ورجيلاتك ايهبلوا يستاهلوا حنه وخلخال ورقصه شعبيه لزوزك مش عاديه ههههههههه
الاااء هلا وغلا انا سئلت بس لان حسيت فرق العمر بين بنياتك كبير ربي يحفظهم
رغووودة صباح الورد يا ورد وشنو جو الصقع والمطر معاااااكم

[يقين]

رغوده والله امس نقرا في الردود وما انتبهتش للتواريخ فما انتبهتش لغيبها لانها عندها مشاركات ربي يستر ان شالله خير وهيا الحمد لله صحتها كويسه واميمتها قايمه بيها بس يمكن النت او حاجه هكي ياااااااااااارب تكون بخير هيا وصغيويرتها
بالنسبه للمتفائله اني انصدمت من الموضوع نبي السبب بس احني متعودين علي بعض وماحد ضايقها زي مانقرا كلهم زي العسل بس فئوله اشبح خيرها زعلانه ولا شي والله مانعرف ربي يوفقها ويهنيها ويرزقها بالحمل

[عيون زوجي]

ميرااااااااس....ماشاءالله حاجاتك هلبه ربي يمتعك بيهم ويزيدك من خيرك زوز احياش تبارك الرحمن واتنين من كل شي
والحمدلله انك طمنتيني على رجلك
بنسئلك غسالتك متاع 12 كيلو شنو ماركتها وبقدااااش؟؟؟؟

[عيون زوجي]

يقوووووووونه....وين صورة التورته بالله اعليك خاطري نشوفها متشوقه جدا جدا باش نجيبلك شكلاطة.......

[يقين]

عيوووووني منووووووووووره كيف حالك وحال اطافيلك تي يا ودي التورطه كملتها رغوده هههههه ما نسحابكم بديروا فيا هكي كان ها دا شديت تورطاتي وقعمزت في حوشي اش مالي ومال التسفيه كلكم جي خاطركم فيها اف حاله وخلاص حاضر يا عيون تو انزلها>>>>>>>>>وحده نذله فرحت اللي شكروها اخص اخص علي قولت ميمو

[عيون زوجي]

الاااء و رغوده وحتى المغتربات يقونه و تمورة السؤال ليكم بخصوص الاجهزة المنزليه شنو عندكم بالزبط وشنو هو الشي يلي نادمين علييييييه.؟؟؟

[يقين]

عيون علي فكره اللي عالطورطه شكلاطه راهو مش تسحابي ماشيه عليها نمله خخخخخ والفراوله اللي عليها نقيتها كلللللللللللها كليتها وخليتها صلعه اصلا خساره فيها حتي الكاكويه اللي فيها خخخخخ يبال فرااااااااااااوله

[عيون زوجي]

حاشاااااك يا يقونتي انتي احلى يقووووونه وبعدين من لايم اعليك اندادك قعدين سنه اولى جامعه وما يديروا في شي وانتي غربه وابنيه وحمل وراجل مشغول بقرايته ربي يعينك وحتى امكرينه بس من يديك ساده وخير وبركة وكل شي بالتجربه انا اكبر منك ب 10 سنوات انا 82 وانتي 92 معناه فرق العمر ريتي ولييت عزوز قدامك اهئ اهئ

[عيون زوجي]

والله اقنينه حرام اعليك شكلها قنين ومشية النمله زايدتها جمااااااال بجديات
والله شكلك بتبدي تنافسي فينا يا بت

[عيون زوجي]

شنو غذااااااااك يا يقين؟؟؟؟؟؟؟؟
انا مش مدايره شييييييييييييي سي السيد متغذي في الخدمه
والصغار تو انديرلهم اي شي جاف وخلاص

[الاء 2002]

شن تقصدى بفرق العمر الايدخل فى السؤال عن الحال

[يقين]

عيون خلي انقولك شن عندي في شقه مصر وبعدين نقولك علي حوشي في ليبيا
شقتي فيها كالاتي
شوايه كهرباييه
سشوار
ماهوني نستشور في شعري وبعدين نرقد عالشوايه هههههه
المهم وعندي قلايه
وعندي غلايه
وعندي مروحه هههههه فراره
وعندي غساله عاديه مش توماتيك
وعندي سخانه
وعندي زوزخيوط شحن واحد رقيق واحد غليظ واح نوكيا وواحد سام
امممم وعندي مكينه دونات وتوست
وعندي ثلالالالالالاجه انضني صقع عليكم بالك في وحده منم تجرا وتقول عندي تلاجه اصلا معاش فيه تلاجات هالوقت خلالالاص غليين
وعندي فرنيلوا
وعندي مكينه توست
وعندي حداده كف عالواقف
ملالالالالالاحظه هادوا كلهم جايبهم صاحب الشقه مش تبعنا عندكم خيوط الشحن والاستشوار والشوايه بس احني خديناهم ايه والغلايه والباقي الحق جايبه عمي الحاج صاحب الشأه
تو نكتب شن فيه حوشي في ليبيا

[يقين]

عيون بارك الله فيك عالمواسا وبعدين معاش تقولي كبيره ماكبيره راهو نحرج منك انت مشااااالله عليك ربي يحفضك في عز شبابك ربي يحفضك ويطول في عمرك ويخليك لصغيويرتك ويخليلك راجلك ويطول في عمره ياااااااارب

[يقين]

عيوني الحق مادرتش غدي لان راجلي مهناكش عشاي اليوم مقلووووووووووووووبه ان شالله تجننن بالزبده الصفره فضااااعه

[يقين]

اكلتي المفضله هاليومين بطاااااااااطا مطبوخه ومهروسه وعليها ملححححححح ورشه كمون وعصره لمون تهبببببببببببل طيبه وخفيفه

[عيون زوجي]

هههههههههه يقونه ديمه يعجب فيا اسلوبك في الحكي ماشاءالله اعليك ربي يكبر مقدارك وبالوليد يعمر دارك يارب ويخليك زوزك ورزيقك
وصحتين المقلوبه وصحتين البطيطة
الااااااااااء انا نقصد فرق العمر بين بناتك وحدة 9 سنوات والتانيه سنتين الا صح هذا قصدي.. شعارنا ( لا للزعل لا للفهم الغلط) ..(اختلق لاخيك المؤمن 70 عذر) ههههههههههههه
هيا يقونه حوشك في ليبيا شنو فيه وبنسئلك انتي عندك حوشين في طرابلس وحوش في ورفله ولا شنوووووو؟؟( من اين لك هذا؟) هههههههه

[يقين]

عيوني وينك طلعتي ولا شني مستاحشاتك قبل نبي نهدرز معاك

[عيون زوجي]

ميموووووووو و رغوده و تمورة وين هربتوا؟؟؟؟؟؟؟؟

[عيون زوجي]

يقووووووووونه انا معاك وفاضيه الجو في طرابلس خياااااااااال شمس والارض مبلوله ونسمه اخفيفه الجو متاع طلوووووووع وماعنديش منو يطلعني تعالي نمشي انا وياك لمحلات غوط الشعال نتسوقوا جيبي فروتي

[عيون زوجي]

قصة حلوة أقروها..

سافر ثلاثة شباب لأحد الدول ولم يجدوا سكن إلاَّ في عمارة من 75 طابقاً..
سكنوا في الدور 75
قال لهم موظف الاستقبال: إحنا مو مثل نظامكم فالمصاعد مبرمجة على أن تغلق أبوابها عند الساعة (10) ليلاً *...*
... و لو أغلقت لا تستطيع قوة أن تفتحها، مفهوم؟!
قالوا: مفهوم
وفي اليوم الأول.. خرجوا للنزهة وقبل ال 10 كانوا في سكنهم .
في اليوم التالي تأخروا إلى 10 وخمس دقائق وجاءوا بأقصى سرعتهم لكن هيهات!!
أغلقت المصاعد أبوابها! توسلوا وكادوا يبكون! دون جدوى ..
فقرروا الصعود إلي غرفتهم عبر السلالم مشي !.. قال قائل منهم:
أقترح أن كل واحدٍ منا يقص علينا قصة مدتها مدة الصعود في (25) طابقاً.. ثم الذي يليه، ثم الذي يليه حتى نصل إلى الغرفة..
قالوا: توكل على الله .. أنت ابدأ..
قال: أنا بعطيكم من الطرائف ما يجعل بطونكم تتقطع من كثرة الضحك! قالوا تمام وفعلاً حدَّثهم حتى أصبحوا كالمجانين.. ترتج العمارة لضحكهم
ثم.. بدأ دور الثاني
فقال: أنا عندي لكم قصصٌ لكنها جد شوي فوافقوا.. فاستلمهم مسيرة خمسة وعشرين طابقاً أخرى
أما الثالث قال : أنا ما عندي إلاَّ قصص النكد والهمِّ .. سمعتم النكت بسكم عاد قالوا: قول حتى نصل ونحن في أشد الشوق للنوم
فبدأ يعطيهم من قصص النكد ما ينغص عيش الملوك
فلما وصلوا إلى باب الغرفة كان التعب قد بلغ بهم كل مبلغ..
فقال لهم : أما القصه الاخيره وهي أعظم قصة نكد في حياتي.. أن مفتاح الغرفة نسيناه لدى موظف الاستقبال في الدور الأرضي.. فأغمي عليهم

العبررررة...!؟!
الشاب يلهو ويرتكب الحماقات..
في السنوات 25 من حياته.. فلا يشغلها بطاعة ولا بعقل
ثم في 25 الثانية يبدأ الجد يتزوج ويرزق بأولاد.. وينهمك في الحياة.. حتى الخمسين.
ثم في الخمس والعشرين الأخيرة من حياته { وأعمار أمتي بين الستين والسبعين وأقلهم من يتجاوز ذلك كما في الحديث }
يبدأ النكد.. وإنفاق الأموال على العلاج.. وهمِّ الأولاد
حتى إذا جاء الموت.. تذكر أن مفتاح الجنة.. كان قد نسيه في 25 الأولى من حياته.. فجاء إلى الله مفلساً.. "ربِ ارجعون.."
ويتحسر "لو أن الله هداني لكنت من المتقين"
ويصرخ "لو أن لي كرة.."
فيجاب:
{بَلَى قَدْ جَاءتْكَ آيَاتِي فَكَذَّبْتَ بِهَا
وَاسْتَكْبَرْتَ وَكُنتَ مِنَ الْكَافِرِينَ}
اللهم أعنا على شكرك وذكرك وحسن عبادتك

[عيون زوجي]

في واحد فاهم الحرية بالمقلوب من هو ؟
.
.
.
.
... ... ... ... ... .
.
.
" الضي "

يا خونا مش هكي الحرية مش أمتا ما تبي تجي و أمتا ما تبي تهرب

[عيون زوجي]

http://forum.hwaml.com/imgcache2/hwaml.com_1324987365_341.jpg

زاويـه يا زاويـه ان شاء الله ديما ضاويه ♥
نجمه فى سماء ليبيا عاليه .. [ ♥ ]
على كل كبير وصغير فى بلادى غاليه ♥

( اهداء لام اجنادين والااء ورغودة)

[عيون زوجي]

يقووووووووووونه وينك؟
صغاري يتفرجوا على سبونج بوب وانا امفنصه ومنسجمه معاهم ههههههههههه حاله وخلاص

[يقين]

عيون بسم الله ايه يا حنه عندي حوش في ورفله وشقه في تريبولي باهي
عنك حوش بني وليد مخدوم صح مشالله مش ناقصه شي
بس الشقه فرشها عادي وبسيط ومواد الكربائيه الضروريه بس مافيهاش كماليات واني قعدت سنه في ليبيا عشت شويه اهني وشويه هني
المهم حوشي في ليبيا فيه كالاتي
غساله توماتيك 12 كيلومهياش ماركه
مايكرويف
غلايه
مكينه توست
مكينه بيتزا مغطاها شفاف وفيه هريد عالجنب ولونه اخضر زي متاع الطنجره
شوايه
استشوار وفير ومملس شعر(شعري مش ليفه بس يساوي في الشعر مش عادي)
دفايات 2
فريز عادي
ثلاجه صغيروووووونه حاطينا في دار النوم
مفرمه الكبيره متاع اللحم والخضره
خلاط مالقي
مضرب كهربائي
طبعا مش كلهم ماركات والله ناسيا الاسماء لاني حوشي قعدت فيه 5 شهور بس والباقي طلعت
كلهم الحق جايبهم راجلي والله مشالله عليه مساوي كل شي في مكانه نسحابهم خواته قالي حوشي مالمساشي واحد كان مانرتب ني وصحابي والله مشالله عليهم الشباب ربي يحفضهم
ايه وشن تاني خلالالالاص اي وه ومكنسه كهربائيه وبخاره كهربائيه برضوا
اممممم وحداده عاااااااديه بخار وميه خخخخخخخ

[يقين]

عيوني هاني جييييييت درت شاهي بالحليب وجيت هي تفضلي

[يقين]

عارفه يا عيون خاطرني في حاجات رمضان كللللهم باهي ويا حسره خاطرني فيهم من يدين حد تاني مش مني مانعرفش علاش هكي المهم مش عارفه كيف اندير توا هي

[عيون زوجي]

تبيديهم بالهني يقونك ويخليك راجلك وصغويرتك يارب
بعد ما تكملوا اسكنوا في طرابلس خيرلكم وخليك جارتي

[عيون زوجي]

الله غالب يا يقين يلي قال الغربه مرة مش من فراغ لو كنتي في ليبيا راهم اهلك كفوا ووفوا
ديري يلي في خاطرك وكولي بالسيف الله غالب

[ام اسيل]

خير يابنات
نبي نطمنكم على ميرنا جابت وليد بالعملية من اسبوع وهي وعموري ماشاء الله عليهم مش عارفة كان في حد قبلي قاللكم ولا لا

[ميمونة]

الحمد لله علي سلامتها بالله عليك ام اسيل وصلي سلامي ليها وربي يحفضلها وليدها

[hatoo]

ماشاء الله والحمدلله علي سلامتها يتربى في عزهم ان شاء الله سلميلي عليها واااااااااااااجد وقوليلها مبرووووووووووووك

[عيون زوجي]

الحمدلله على سلامتها هي ووليدها وسلمي عليها هلبه هلبه
وانتي خشي مرة مرة طمنينا على يوسف

[hatoo]

انقوللكم شنوعندي:خلاط كاس ومعاه مطحنه مولينكس
ست البيت وخلاط كيكه ومعاه كاس ومعاه عصاره ليمون ومعاه مطحنه يعني كاااااااامل من بلاك اند ديكر
عندي غلايه بلاك اند ديكر
عندي ماكينه التوست وفيها جرل برضو بلاك اند ديكر
عندي ماكينه التوست تسخنه بس ماركه عاديه
عندي الخلاط الطويل الي يطحن الشوربات يعني الي يخش داخل الطنجره برضو بلاك اند ديكر
وكوشتي بلاك اند ديكر
وغاز مسطح بس منعرفش الماركه
وغساله ال جي 5 كيلو
وثلاجه ال جي الي مقلوبه الثلاجه فوق والفريز تحت
وسشوار بلاك اند يكر دايره عقد معاهم هههههههههه
وحداد بلاك اند ديكر
وماكينه ازاله الشعر من بروان
هذا

[hatoo]

وخاطري نشري الخلاط هذا من تعرف بكم؟http://t3.gstatic.com/images?q=tbn:ANd9GcQAQGy8-K5xeclQeFnF1K2T-IQOKggcuGYJRPbqdyQPWBrexZvx7g&t=1

[hatoo]

اه نسيت مكسنه كهربائيه بلاك اند ديكر

[زهرة2000]

اهلين ياحلوين
ميمو ربي يكون فى عونك والحمد لله الى جت ع هكى وعسي ان تكرهو شي وهو خير لكم
عيون ما شاء الله عليك شوفى ياستى انا عندى خلاط الكاس ومعه مطحنتين وحده للتوابل وتانيه للحم مولينكس وعندى ست البيت ماركه بلاك اند يكر وعندى اله توست نياك وعندى غساله اتوماتيك 7 كيلو وعندى تلاجه بنزو تركيه وعندى مكنسه كهربائيه ال دجى وقلايه كينوود غاليه اميه ماركه بلاك وعندى عده كامله لخلاط الكيكات مولينكس وتلفزيون ال سي دى تو شيبا وهوم ثيتر هدا مش عادى فى الافلام ههههههههه ماركه سونى وكاميرا سونى وعندى 5 مكيفات وشن تانى هههههههههههههه

[زهرة2000]

هاتو الماكينه هدى حلو بس غاليه ب 700 ومش كامله يعنى الماكينه والسونيه بس كينوود
عيون مكنسه كاربي حلووووووووو وكل شي ادير فيه معاد الطبخ بس غاليه سعره غالى جدا ب 4000 دولار هههههههههههه والله بجد نحكيلك تخيلى راجلى قالى نشري بيهم سيارة هههههه

[زهرة2000]

الف مبروك ع الخبر الحلو وان شاء الله يتربي فى غزك ياميرنا ويكون من اطوال الاعمار يارب الحمد لله والله كانت فى بالى وحتى قلت لام قصي كلميها نطمنينا عليها الله يطمن قلبك يام اسيل وينك معش تطلى والحمد لله ع سلامتك حتى انت ويتربي فى غزك يوسف

[hatoo]

اهلين يقونه كيف حالك وكيف حال النونو, مبروك علي خوك يا تمر ان شاء الله تفرحوا بيه واهلين رغوده كيف حالك والاء كيف حالك وميمونه شنو اخبارك

[hatoo]

اهلين زهوره كيف حالك

[زهرة2000]

هاتو كيف حالك شن اخبارك واخبار رتولى كم عمرها تو ولما حملتي كم كان عمرها

[hatoo]

توا عمرها سنة و3 شهور ونص وحملت لما كان عمرها 9 شهور

[عيون زوجي]

هاتو ماشاءالله شنو قصتك مع هالماركة انتي وزهرة شكلها وزعوها اعليكم لما تحررت بنغازي واحنا قاعدين محتلين ههههههههه انبصر اعليك ماشاءالله بالذات ماكينة التوست مع القريل رائعه ومنظرها بس يكفي وحاجاتك انتي وزهرة ايهبلوا اتبيدوهم بالهني والفرح واديروا خير منهم يارب
بخصوص العجانه كينوود فعلا توصل حتى 900دينار خاطري فيها كاني اشتغلت وبدي عندي مرتب ان شاءالله انديرها
المكنسه سعرها 4000 وااااااااااااااو شنو هذا اتخيلتها 500 او 700 حي اعليه وهي حلمي لاني تعبت من غسل السجاد اهئ اهئ السعر كسر خاطري
هاتو...كيف حال رتولي وتمشي اكيد صح قعد العزري متاعي بس يلي يمرد في ليبيا خالتها اتقوله نوض امشي اندادك في الجبهه
زهرة...كيف حال لين وقداش عمرها توا بالزبط؟؟؟

[عيون زوجي]

قلايه كينووود شنو مميزاتها لان عندي نظريه اي شي ماركة مش خساره فيه الفلوووس والمقلد يعيشلك فترة قصيرة ويفسد

[hatoo]

الله يسلمك رتوله تمشي علي السنه بدت الحمدلله انتي ديمه خليه يوقف وشجعيه وان شاء الله يمشي الاسبوع هذا

[hatoo]

هههههههههههههههههه مش غير وزعو علينا وبتاع التوست حلوه بكل ومفيده في كم حاجه

[عيون زوجي]

زهرة .......انتي تخدمي ولا تقري انتي مواليد 1986 صح؟؟؟

[hatoo]

بنات نسأذنكم توا نبي نطلع زوجي ينادي عليا

[عيون زوجي]

يمشي اكتر شي 10 خطوات ويبدى فرحان ويقول هيييه اتقول اعليه حرر ليبيا والقدس مع بعض وبنت خوي وولد خوي اصغر منه ب 3شهور ويمشوا
انا توا نبيه يقعد يمرد باش ما يتعبش اختي لاني بنخليه شهر عندها في السفر وهي تسكن في شقه عالتاني وعندها بالكونات خلي يمرد زي الدودة خيررررر هههههههه

[عيون زوجي]

هادي صورة البقديني يلي خاطري فيه
http://www.galeria-kaufhof.de/fsi/server?type=image&source=celumExport/Produktbilder/1370/13701190/13701190_999_99999_Bild_001.jpg&width=234&height=244&profile=jpeg&quality=80

[عيون زوجي]

نسيت انقول ههههههه عندي محمصه توست من غير ماكينته زي هادي
http://www.galeria-kaufhof.de/fsi/server?type=image&source=celumExport/Produktbilder/2825/28250489/28250489_999_99999_bild_001.jpg&width=234&height=244&profile=jpeg&quality=80

[عيون زوجي]

وهادي زي يلي عندك هاتو ولا لا


http://www.galeria-kaufhof.de/fsi/server?type=image&source=celumExport/Produktbilder/1231/12316250/12316250_999_99999_Bild_001.jpg&width=234&height=244&profile=jpeg&quality=80

[عيون زوجي]

وهادي طنجرة تشتغل بالكهرباء ماركة كينوود خاطري فيها ب 150 دينار
http://www.galeria-kaufhof.de/fsi/server?type=image&source=celumExport/Produktbilder/2601/26010557/26010557_999_99999_Bild_001.jpg&width=234&height=244&profile=jpeg&quality=80

[زهرة2000]

عيون ايه انا موليد 86 وقلايه كينوود مافيهش ميزات عاديه زى اى قلايه بس انا خديتها ماركه قلت مع الاستعمال تتحمل وخاصه فيها الزيت ديما فقلت اكيد احسن
والمكنسه كيربي انا مره سافرت لقيتها بس فى ليبيا ماظنيش فيه لان قالولى الشركه مافيش فى ليبيا وكيل لينا
ولين عمرها سنه وست شهور مشت ع السنه وتلات شهور حملت وهى عمرها سنه وشهر تقريبا

[زهرة2000]

عيون ربي يعطيك وديري كل الى تبيه تبنى الحوش المسقوف 300 مترغير الجنان وكل الحاجات الى خاطرك فيهن

[زهرة2000]

بنات نبى نسالكم الخميس بيجونى صحباتى بيعزونى فى مرت خوى هما اتنين بس شن تقترحو عليا انديرلهم
وسؤال تانى انا كل ماندير بيتا تطلع فيها يبسه ماعرفتش ليش ؟؟؟؟؟؟؟

[زهرة2000]

الوووووووووووووو انى بدى ذير هالوووووووووووووووووووووو؟؟؟؟

[عيون زوجي]

مشكورة زهرة عالدعوة الحلوة ويارب ينولك يلي في بالك يارب رح نكتبلك طريقه بيتزا صح انتي بيها تتطلعلك روعه بس فهميني منو مرت خوك ما سمعتش؟؟

[عيون زوجي]

حمودي عمره توا سنه و 3شهور بالك يمشي هالاسبوع على قولة هاتو ...

طريقه عجينة بيتزا:
كوب ونص دافئ + ملعقة كبيرة خميرة خبزة + 2 ملاعق سكر كبار + ملعقة صغيرة ملح + كوب دقيق اخلطيهم مع بعض وخليهم يتخمروا بعدين ضيفي نص كوب زيت اي زيت وb.p ولو عندكم في اسوقكم البصل والثوم البودرة حطي ملعقة من كل نوع وحطي زعتر جاف وزيدي الدقيق حسب العجينه وخليها ترتاح لين تتخمر
وحتى بعد ما تحطيلها الصلصه والجبنه والطن وتكملي كل الزينه رشي رشة زيت زيتون صغيرة ورشه زعتر جاف اتجيك اتهبل زي متاع المحلات

ما قلتيش في اي ساعه بيجوك صاحباتك؟؟؟؟

[يقين]

حمدلله علي سلامه ميرنا ومبروك عليها النونو ربي يخليهولها ويتربي في عزهم

[زهرة2000]

بارك الله فيك عيون والله ماقالوش بس اكيد 12 الظهر او العشيه ممكن هما بكرى حيكلمونى وياكدولى

[عيون زوجي]

يقين درتي مقلوبه ابعثيلي منها جعاااااااااااانه ما اتغذيتش؟؟؟
زهرة طلعي كابتشينو اسخون مع كيكة جربي كيكة طبقات القرفه ساهله جدا واتحسيها فاخرة وانيقه
وديري شاهي مع مكسرات ولو عندك موالح او بقلاوة
وفاكهه وخلاص
لانه المناسبه حزينه شوي صح ما تستحقش شوكلاطة وحار وتعب عالخفيف ضيافه محترمة وخلاص
ولتوا ماعرفتش منو يلي يعزوك فيك وعظم الله اجرك وما نعرفش منو؟؟؟

[يقين]

عيوني من عيوني نبعتلك منها يا ريتك حداي والله يجيك اسخيييين
ولك خسي الجوع

[ღॐ آية ღॐ]

هاتي خشيمات يا يقونة (بوسات بتاجوري)
مشاء الله تبارك الرحمان على النشاط ايووووووووووووووووووة هكي
نبو المنتدى يشعلل تشعليل بيك منورتية
كيفها فطومة وكيف ولي العهد وشن اخبار الوحم معاك وزدتي ولا قعد وزنك
ولا ضعفتي ...انا في طريقي الى السمنه ..
تمورة ياحياتي سلمها الرشيقة انا زوزي يبيني نزيد "الكاجول يطلع علينا بس انا
نبي نزيد باش يطلعو عليا قفطين الحفلات خصوصا ان عندي عرس اختي
بعد ما اتم اختي التانية عدتها ..ونبي نزيد على الاقل 8 كيلو قولو امين "
ميمو يا غالية هو هكي المزاج يكون في ايامها بس والله حسيت بيك "
ميراس امس قالي الليلة ما فيش سهور غير معاي وان شاء الله الليلة هادي
حيكون عندي الاوكي نسهر عماكم "كيف حالك وحال وليداتك "ومكينة بروان زي الي عندي
روسها دهب ومعها سيلكون تكميد وصندوق وجوان انيق "ومشاء الله تعتبري
عندك جميع الالات زي عيون "

[ღॐ آية ღॐ]

الحمد لله على سلامتها ويتربى في عزها "

[يقين]

http://forum.hwaml.com/imgcache2/hwaml.com_1325005850_434.gif

[يقين]

مرحبااااااا ايوته منور بصحابه وبيك يا عسوله كيف حالك وحال وليداتك وزوزك ان شالله تمااااام
عطك الهني مشتاحشاتك

[يقين]

ايوته شن رايك في تورطي اه http://forum.hwaml.com/imgcache2/hwaml.com_1325006501_487.gifروعه ولا عندك راي تاني

[يقين]

يلا استأزن انا لحسن دماغي واقعني وعايزه اتخمد شويه أصدي انااااااام
يلا سلام يا امامير
تعرفوا يا بنات خايفه علي جنسيتي تنسحب مني هههه وليت مايعه كيف ال............ افهموها مانبيش نكتب اسمهن لحسن تخشلنا فوله هنا وتزعل مننا

[ليبياقلبي]

سسسسسسسسسسسسسسسسسسسسلامات حبايب
اول شي ايوتة زعلانة منك هلبة اول شي

[ليبياقلبي]

سلامات للغاليات لي نشدوا عليا نبدا
الحبوبة عيون سلمك نشادة وعليك حجابة ديما غالية وبالنسبة للصور اليوم لو عندي فضوة حنزلهم بعون الله
ميمونة سلامات حبيبة وماتشوفي شر وكيف حال صبعك ياغالية
يفونة ياوردة تعرفي انا خشيت نقرا في الرودد لقيت تبارك الرحمن وخياتك يسالوا كلهم قلت كان ملقيتهيش كاتبة بنكلمها من نقال راجلي بنطمن احنى التغطية اليوم بس جتنا اسكعي التورتة متاعك مشفتهيش ابعتيها بنشوفها وبوسيلي فروتي يامتاع المقالب

[ليبياقلبي]

رغودة مشكورة عالسوال انت والاء الغاليات وسلمها لي تسال علا بشورة وقبولي امهم يارب مانفقدها انت كيف حال عويلتك انت والاء وزهورة

[ليبياقلبي]

تمورة حبيبة شن الجو شن اخبارك وكيف حال امالبك اطمنتي عيلهم ولالا لسه
ربي يطمنك عليهم
انا جاية لحوش اماليا اهو مكسدة معا خواتي وماما يسلموا عليكم كلكم وبالاخص عيون وميمو ويقونة

[ليبياقلبي]

والله مريضة نحس في كبدي زاهقة وعندي دوخة وماعنديش خلوق لشي

[ليبياقلبي]

مروسة شن اخبارك

[ღॐ آية ღॐ]

رووووووووووووووووووعة يقونة غر ما تتغششيش
بس الا زعلك عشان اليبيبي مش منيح لنفسانيتة ^ ^hwaml5
ايوب واسولة يسلمو عليك وقالولك يا خالتو ابعتي فروتي
تلعب معانا مكسدينhwaml7

[ღॐ آية ღॐ]

ياحليلي يا ليبيا انا ديمة نسال عليك
وانتي مترديش !!!بس خيرك زعلانة علاش يا غالية ..
وان شاء الله بعيد السو عليك ..وكيف حال نوزة اليوم ابعتيها تلعب مع ايوب واسيل وفروتي

[عيون زوجي]

السلام عليكم ورحمة الله
أم ناريز...ربي يخليك كليماتك زي العسل سلمي على امك وخواتك وخصوصا الدكتورة وبوسيلي ناريز وعضيها من خذها عضة امحبه
وايييه مصره ونستنى في الصور خلي ناريز مع خالاتها وافضيلنا
وشنو صار مع الشيباني
ايه...بدل ما تعزمي في الناس ولعي السيارة وسوقي وجيبي الصغار ايوب يلعب مع سرو واسيل مع محمد وانديرلك كيكة يلي تبيها ونشربوا كابتشينو اسخين ونقرموا ميمونه عالمفاصل حوشي اصغبر ميزته في الشتي دافي وحميم وماتخافيش من قبل ما توصلي نبعث الراجل لامه نستنى فيك خلي انوض انوشق الحوش وانبدل للصغار وانحط حاجه عالخفيف لوجهي

[عيون زوجي]

http://forum.hwaml.com/imgcache2/hwaml.com_1325014004_320.jpg