ديوانية البحرين - دردشة حوامل البحرين - البحرينيات [الأرشيف] - الصفحة 8

rose soul

10-13-2010, 09:05 PM

اي الحين بروح آكل لي شي

يعني مكس توزيعاتج بتصير

rose soul

10-13-2010, 09:08 PM

بس مو جنه خمسين شوي؟؟
انا احس مو كفاية

الفتاة الذهبية

10-13-2010, 09:09 PM

حلوو يكون مكس بعد

بنت الأياويد

10-13-2010, 09:10 PM

اي بسوي ثلاثة انواع كل توزيع لون يعني كلهم اييون 100 حبة يمكن يزيد ولا يقصر ، انا عشاي برز بس مو مشتهيه آكل قلت حق ريلي حاول تطلع من وقت وتعال تعشى وياي بروحي ماقدر آكل

الفتاة الذهبية

10-13-2010, 09:10 PM

بس مو جنه خمسين شوي؟؟
انا احس مو كفاية

ما ادري لانه احس ان في محرم محد بيتفرغ خخخخ
بس ما ادري يعني جم يعني اسوي

فجوره

10-13-2010, 09:10 PM

متابعه سوالفكم خخخخخ

rose soul

10-13-2010, 09:10 PM

انا برب احس روحي بموت من اليوعhwaml45

الفتاة الذهبية

10-13-2010, 09:11 PM

هلا فجورة
شخبارج ؟
سولفي مو بس متابعه خخ

الفتاة الذهبية

10-13-2010, 09:12 PM

روز تيت يا قلبي

فجوره

10-13-2010, 09:13 PM

انه بخير انتي شخبارج
لا ماعندي شي اقوله
جفتكم تتكلمون عن التوزيعات قلت بافكر انه شاسوي وجم اسوي؟
خخخخخخخخخخخخ

الفتاة الذهبية

10-13-2010, 09:15 PM

انا تمام

اها يعني
عادي جان شاركتينا خخخ

الفتاة الذهبية

10-13-2010, 09:18 PM

بررررررررررررررررررررررررررب

فجوره

10-13-2010, 09:20 PM

مادري ماعندي فكره كللش شباسوي
ويمكن اسوي في حدود 70 توزيعه
مادري اذا كفايه والا لا

بنت الأياويد

10-13-2010, 09:24 PM

روز شكلها قعدت في الثلاجة فقيرة يوعانه هههههههههههههههههههههههه ، انا عشاي سويته واكو مغطيته مو حابة آكل بروحي ،فجورة ابتدي سوي توزيعات ترى في بعض المحلات يطولون على مايسوون الاوردر

فجوره

10-13-2010, 09:27 PM

عاد ابي فكره
كلش مخي مدستر
قلت بسوي جوكلت
الحين ياتني فكره الكوكيز
مادري والله حالتي صعبه خخخخخخخ

بنت الأياويد

10-13-2010, 09:28 PM

روحي الرونق الي فاتحينه يديد وايد فيه حركات واشكال روعة بس عليج تحطين الجوكلت فيه او شي معين وخلاص

فجوره

10-13-2010, 09:30 PM

الرونق؟
وين يصير ذي؟

بنت الأياويد

10-13-2010, 09:35 PM

شفتي جنج بتروحين صوب الابراج مال سند بس انتي تواصلين سيدة ماتلفين يمين بتشوفين على يسارج مفروشات المنتزه وبيت التنزيلات وفخر المملكة على ماعتقد اهو يمهم انا خذيت توزيعات منه بس من قطر لو ادري ان بفتحون اهني ماخذيت من قطر ، يعني عندهم شغلات روعة ماله داعي اتعبين روحج حق التوزيع عندج كورنر بروحه بس حق مواليد

فجوره

10-13-2010, 09:43 PM

اهااا
والله يبيله روحه اجوف شغلاتهم
ان شالله عاد يعجبني شي

بنت الأياويد

10-13-2010, 09:47 PM

بيعجبونج ان شاء الله ويفكونج عن العباله بدال ماتروحين تدورين ومادري شنو، ام حماني مابينت اليوم شكله حماني ماخلاها تدش فديته
وروز شكلها للحين تاكل فقيرة ضاربها اليوع
والفتاة مادري وين راحت ، مساعه شحليلهم يسولفون مرة وحده اختفوا hwaml15

بنت الأياويد

10-13-2010, 09:48 PM

فجورة رحتي حق التراساوند هالمرة ؟ انا تاريخ 10 من ثلاثة ايام كان عندي وقالت لي راسها فوق واحتمال يسوون لي قيصري انتي ماقالت لج شي عن وضعية الياهل

فجوره

10-13-2010, 09:52 PM

اليوم رحت والحمدلله كلشي تمام
بس تاعبني الترفس في معدتي وضلوعي :(
وتو الناس على يخرعونج بالقيصري
للحين مادشيتي الثامن
في نسوان يتمون لي التاسع تالي ينقلب
اي دكتوره ذي؟

طفلي حياتي

10-13-2010, 09:55 PM

اهلين بنات
متملله حدددي طول اليوم بروحي بروحي بروحي
متى اولد هالنونو اتسلى وياه :(

بنت الأياويد

10-13-2010, 09:55 PM

دكتورة منى الشرقي وايد حليوة وطيبة وكلشي فيها اوكي ، بس اهيه عطتني مهله عقب اسبوعين اسوي التراساوند وتشوف الياهل نزل راسها تحت ولا للحين فوق ، بديت اتمشى شوي عشر دقايق كل يوم وان شاء الله ياربي يفتر راسها ، كل من يقولي تو الناس على هالسالفة بس يالله اللي الله كاتبه يصير بصير مانقدر على شي

بنت الأياويد

10-13-2010, 09:56 PM

طفلي حياتي ليش مادشيتي من مساعه كلهم اهني يسولفوون الحين اختفوا الظاهر كل واحد راح يتعشى

طفلي حياتي

10-13-2010, 10:00 PM

اني اشوف ردودكم بس مالي خلق نفسيتي تعبانه
زوجي يشتغل ويدرس وطول اليوم بروحي طفشت

بنت الأياويد

10-13-2010, 10:01 PM

الله يعينج

فجوره

10-13-2010, 10:01 PM

هلا طفلي حياتي منوره
بنت الاياويد من كثر ماسولفتي عن الاكل كلنا صرنه يواعه
هكو انه بعد يوعانه بس متكيسله انزل اييب لي شي اكله

طفلي حياتي

10-13-2010, 10:02 PM

شكرا حبيباتي

بنت الأياويد

10-13-2010, 10:04 PM

ههههههههههههههههههههههههههههههه انا بعد يوعانه وعشاي مسويته بارز بس انتظر ريلي اييي من برع عشان اصخنه ، هافه خاطري على نخي خباز خخخخ قلت له اييب لي في دربه

طفلي حياتي

10-13-2010, 10:06 PM

بسألكم متى طلع ليكم بطن وصار خشن يعني تحسون فيه بيبي؟

بنت الأياويد

10-13-2010, 10:07 PM

انا من الخامس

فجوره

10-13-2010, 10:07 PM

نخي خبااز عاد خخخخخخخخخخخخ
حطيه في قلاص بلاستك بعد
مادري ليش احب اكله هلون

بنت الأياويد

10-13-2010, 10:09 PM

الااااااااااي اي والله ، يذكرني جني يالسه في عرس فوق السطح او عيدميلاد والفلفل الحمر في القلاص ياسلاااااااااام

طفلي حياتي

10-13-2010, 10:09 PM

اي لذيذ النخي بس مو كلمن يسويه فن

بنت الأياويد

10-13-2010, 10:10 PM

اني الخباز الي يم بيتنا قديم من سنيين حتى خبزهم حلو ماشاء الله ماتحصلينه فاضي كله زحمة عليه، وامي فديتها تسوي لنا قبل في البيت

طفلي حياتي

10-13-2010, 10:13 PM

الله يخلي لش امش ولكل بنت امها ان شاء الله اني كانت المرحومه امي تسويه مميز عدل الحين اذا رحنا مكان ويابو النخي كل وحده تقول تصدقين مافي على نخي امش فعلا امي تسويه عجيب ومافيه رغوه وقشور منتف تشوفينه لين وطعمه عجيب وصافي نظيف

فجوره

10-13-2010, 10:13 PM

ههههههههههههههههههههههههههههه
ذكرتيني بأيام لعروس اللي على لسطوح خخخخخخخخخخ
شلون كنا نستحمل اللزق !!

بنت الأياويد

10-13-2010, 10:15 PM

الله يرحمها ويغمد روحها الجنه ، اي تصدقين فجوره والشعر يلصق في الرقبة والحاله لله ، أيام والله بس صج تحسين انه عرس مب الحين ، عروس لول طعمها غير

طفلي حياتي

10-13-2010, 10:15 PM

اي والله ايام عرس السطوح فله والناس كلها سواسيه وبراءه حدها صدق ايام
الحين الفشخره والنفخه وبعد كلما تجددين تشوفين الاحلى ووين تلحقين هههههههههه والميزانيه اويلي ويلاه

فجوره

10-13-2010, 10:18 PM

برب يوعانه خخخخخخخخخ

بنت الأياويد

10-13-2010, 10:19 PM

روز على ماعتقد قالت ان خدامتهم تقولها اذا الخط الي في البطن سيدة فيج بنت واذا موو سيدة ولد اعتقد معلومتها صح لان انا الخط الي فوق بطني سيدة

بنت الأياويد

10-13-2010, 10:19 PM

تيت هههههههههههههههههههههههههه

طفلي حياتي

10-13-2010, 10:20 PM

جي يصير يلف الخط بعد؟؟؟
خبري فيه كله سيده هههههههههههههههههه اكيد اندنوسيه اللي مشلخه عليهم

طفلي حياتي

10-13-2010, 10:21 PM

عوافي فجوره

بنت الأياويد

10-13-2010, 10:32 PM

ههههههههههههههههههههههههههههههههههههههه حلوة ذي اندونيسية ، مايندرى يمكن كلامها صح لان انا اشوف الخط الي في بطني سيدة قلت يمكن كلامها صح ، طفلي حياتي شنو عشاج؟

طفلي حياتي

10-13-2010, 10:35 PM

والله لحين مادري وش آكل عندي قوطي فول وعندي جبن وبيض بشوف بعدين الحين متضايقه حدي مافكرت ويش اكل

بنت الأياويد

10-13-2010, 10:37 PM

سوي نفسي فول ههههههههههههه ، لاتضايقين يقولون خطر على الجنين اذا الأم تضايق تفرز مادة سامة على الطفل حاولي تفرفشين بس ساعات صج مانقدر نتغلب على الضيقه الي فينا يصير الشي غصبا علينا

طفلي حياتي

10-13-2010, 10:39 PM

ان شاء الله تفرج من رب العالمين
انتين شلون سويتينه قوطيش المحترم؟

بنت الأياويد

10-13-2010, 10:41 PM

هههههههههههههههه قصصت بصل وحمسته وحطيت ثوم مدقوق وقطيت عليه الفول وصلصة الطماط وملح شوي وفلفل اسود وحطيت فلفل علوب واحد صغيرون والله شحلوه صار حتى ريحته عجيبة

طفلي حياتي

10-13-2010, 10:43 PM

اهاا عوافي
اذا صار لي خلق بعدين بسوي

فجوره

10-13-2010, 10:47 PM

بسم الله
تفضلو
روب مقصصه فيه خيار واكله ويا توست وعصير برتقال
حيااكم

بنت الاياويد هذي خدامتنا اللي قالت
فلبينو

طفلي حياتي

10-13-2010, 10:49 PM

عوافي فجوره بس اثنينهم ايوعون البرتقال والروب
بعدين بتيوعين
وبالنسبه للخط اللي بالوسط يتراوى لي لازم سيده ماسمعت ان يصير مايل

فجوره

10-13-2010, 10:50 PM

انه الخط مالي صاير منعوي شوي
شكلها دبتي عويه خخخخخخخخ

بنت الأياويد

10-13-2010, 10:51 PM

بالعافيه فجورة ، انتي يمكن لان فيج ولد عشان جذي الخط منعوي وانا فيني بنوتة الخط سيدة ههههههههههه، الله يعافيج طفلي حياتي بعد لي متى قومي الحين سوي لج عشى
انا الحين استاذن اكو زوجي في الدرب وبروح اصخن العشى بتعشى وبرقد وراي دوام باجر انشوفكم على خير وسلامي للجميع

طفلي حياتي

10-13-2010, 10:52 PM

يعني اذا معوي ولد واذا سيده بنت الحين صبري ليي بس اطالع في هالخط مع انه للحين توه قاعد يبين

فجوره

10-13-2010, 10:53 PM

اذنج معاج حبوبه
بالعافيه مقدما

طفلي حياتي

10-13-2010, 10:54 PM

في امانه وحفظه بنت الاياويد وبالعافيه العشا

om khalil

10-13-2010, 11:00 PM

ام عايشة
طمنينا عليش وان شااءلله مافيش الا كل خير يارب

بنت الاياويد
بعده قوطي الفول عندش ههههههههه
سويت الجبود شبه طاح في جبدي ههههههههههه شسوي من زمان ماطبخت من قبل رمضان،،، بس الحمدلله بالآخر إنأكل ^_^

طفلي حياتي
الله يرحم امش ويكرم مثواها ويصبرش ان شاءالله.. والبيبي بيي بيي ان شاءالله اهم شي لا تقعدين تحسبين الاسابيع، اني من تركت الحسبه شفت روحي ماشاءالله طوفت ثلاث اسابيع بسرعه الحمدلله.. يمكن لاني وقت النساة كنت بسرعه ابي اتخلص من الثلاث شهور الاولى.. بس الحمدلله الله يهونها ان شاءالله وتهون.. اليوم الجو عجييييب طبخت في الهوا برا، خفت الريحه تصير داخل وترجع لي النساة مافييي شده.

om khalil

10-13-2010, 11:02 PM

اني اذا استمل اروح أعور في عالم حواء

وعلى طاري ضيقة الخلق ترى هالشهر الرابع من اعراضه جذي
الحزن فجأه الفرح فجأه بلاوي قريت من جم يوم وحده من البنات كاتبه مادري هني او في موضوع ثاني
اني من يصيدني صرت بسرعه اذكر الله واصلي على النبي محمد وآله واذكر روحي انه هذي هبة من الرحمن واني لازم اصبر، والحمدلله تروح هالحاله ماتييني

طفلي حياتي

10-13-2010, 11:03 PM

بالعافيه ام خليل لاعبه في البيت لعب العمه هناك وانتين هنا منتين مسويه سوايه هيهيهيههيهي
انزين اني يغب واييني الم نفس الم الدوره ماهو قوي للكن اني اقول حقوي الحين اني في الرابع عادي يعني؟؟

om khalil

10-13-2010, 11:03 PM

متعشيه من 8 ونص
أمبا فووووووووول على طريقة بنت الأياويد بالذات فلفل لعلوب :(

om khalil

10-13-2010, 11:05 PM

الليله يتني واني في مطبخها
وبما أني خلاص خزنت مواعيني في كوارتين ، طاحت عليي اعور في مواعينها هههههههههه

طفلي حياتي

10-13-2010, 11:07 PM

ههههههههههههههه غربل الله بليسش
انزين ماقلتين هالالم ووووووووووووووووووويش عادي لولا كانه مال الدوره ماهو قوي بس في احساس

om khalil

10-13-2010, 11:10 PM

هذي اوهامش اللي يابت لش هالعوار تدرين
اني عشت هالاحساس قبل بحملتي ببتي لاني كنت خايفه اجهض
وانتين عندش هالخوف..

اني ساعات احس بالام في ظهري والام في بطني اذا بذلت مجهود

طفلي حياتي

10-13-2010, 11:12 PM

اني اليوم مشتغله وشغاسله الحمام وانتين بكرامه ومواعين وطبخ عفر من جدي تعبت هو ماهو الم قوي بس احس نفس الم الدوره شوي خفيف

فجوره

10-13-2010, 11:13 PM

طفلي حياتي
انتي وانتي بكرامه تتبولين وايد؟
يمكن عندج التهاب في البول الله لا يقول
انه بدايه حملي صادني وكان الم في البطن تحت نفس العاده
والم في الظهر
وكنت اروح الحمام واايد وااااايد
طلع عندي التهاب
روحي المركز قولي لهم شاكه فيني التهاب
خل يسوون لج فحص بول ماياخذ وقت وايد

طفلي حياتي

10-13-2010, 11:15 PM

اي اني وايد ادخل الحمام يمكن عيل من جذي

om khalil

10-13-2010, 11:17 PM

قعدت ابحث بقوقل وطلع لي انه يمكن التهاب ابوال كثري ماي وسوائل.. ويمكن بعد من تمدد حجم الرحم لانه الجنين كبر عن الاشهر الاولى..

طفلي حياتي

10-13-2010, 11:19 PM

ان شاء الله خير يارب كل شوي اجيك اخاف لاينزل مني شي الله لايقوله يارب سترك وعفوك ورحمتك
تصدقين احنا كنا شلة بنات متاخرات عن الحمل واني الحين الله رزقني ووحده من المقربات مستانسه بس تحن وايد وامس تقول لي نفسيتش وايد احسن من قبل وكله فرحانه واقوم لش اليوم مالي حال حتى لصياح اصيح وفيني الغبنه الحين

فجوره

10-13-2010, 11:21 PM

بس عيل بكره من الصبح روحي المركز
وكثري من السوائل حوالي لترين في اليوم
واذا احتاج يعطونج مضاد
وبيقولون لج بعد الجماع دايركت لاااااااااازم تتبولين

om khalil

10-13-2010, 11:22 PM

** تطورات الحمل فى الشهر الرابع **

التغييرات الجسديه

- انخفاض الغثيان والقىء
- انخفاض عدد مرات التبول
- زياده فى الشهيه للاكل وتذوق الطعام
- قد يحدث احيانا احتقان بالانف وانسداد بالاذن
- الشعور بحركه الجنين فى نهايه الشهر الرابع
- قد يحدث تورم للارجل والايدى والوجه
- استدارة البطن
- زياده التعرق والشعور بارتفاع طفيف فى درجة حرارة الجسم

التغييرات الانفعاليه
- الشعور بالقلق تجاه زيادة الوزن
- احيانا شرود فى الذهن والنسيان

التغييرات فى الرحم

زيادة حجم الرحم حيث يصل وسط المسافة الفاصلة بين السرّة والعانة

تطورات نمو الجنين فى الشهر الرابع

- زيادة حجم الجنين وتكون اعضاء الجنين كافه
- طول الجنين 10 سم ويتغذى من المشيمه
- تطور مهارة مص الاصبع والبلع والنوم والحركه

- ظهور الأصابع ونتوءات الأسنان والرأس بوضوح
- تغطية جسم الجنين بطبقة رقيقه تسمى الزغب
- نهاية هذا الشهر يصبح طوله 20 سنتم ووزنه 250ج .

ما يجب على الحامل فعله فى الشهر الرابع
- مراقبة الوزن لأن في تلك المرحلة يبدأ الوزن فى الزيادة.
- من الممكن تناول كمية أكبر من السعرات الحرارية ( 2000إلى 2500سعر ) مع الحرص على نوعية الطعام لا الكمية.
- تناول كميات كبيرة من الحليب وذلك لتوفير احتياجات الجسم من الكالسيوم وتناول الفواكه والخضار لتفادي الإمساك .
- شراء الملابس الواسعة

om khalil

10-13-2010, 11:23 PM

على طول اقري اية الكرسي والمعوذتين في ايدش وانفثي على بطنش ومسحيه وبالذات اذا سمعتين صاحبتش هي تحن في قلبي صلي على النبي وقولي اعيذ نفسي ومافي بطني بكلمات الله التامه من كل شيطان وهامه وعين لامه وربي يحفظش ان شاءالله

طفلي حياتي

10-13-2010, 11:25 PM

شكرا ام خليل اني اليوم قريت هذا الكلام عن الشهر الرابع
ومالي خلق مستشفيات مليت هالاسبوع اللي طاف وهذا كله اروح تمللت بنتظر لموعدي الاحد

om khalil

10-13-2010, 11:30 PM

الشهر الياي اكيد بيكبر بطنش وبتحسين بحركة الجنين، وبتشوفينه يروح يمين ويسار ماشاءالله الله يبلغش ويبلغنا ان شااءلله

طفلي حياتي

10-13-2010, 11:34 PM

ان شاء الله ياربي ببركة دعاكم

فجوره

10-13-2010, 11:35 PM

يلا انه استأذن الحين

om khalil

10-13-2010, 11:35 PM

ان شاءالله
باجر اول موعد متابعه ليي في المركز

طفلي حياتي

10-13-2010, 11:36 PM

مع السلامه فجوره
ام خليل اني اول موعد الاحد

om khalil

10-13-2010, 11:48 PM

الله وياش فجوره

طفلي بعدش متضايقه

طفلي حياتي

10-13-2010, 11:49 PM

لا الحمدلله ام خلي ببركة دعاش ومن شفتش هدأت شوي

om khalil

10-13-2010, 11:52 PM

الحمدلله،، الا بذكر الله تطمئن القلوب لا تنسين الصلاة على النبي في اضيق حالاتش والله يفرج همش ان شاءالله

اني لازم اخليش الحين امبي انام جان باجر اقعد من غبشه للدختر وتالي للدوام.. لا تقطعينا

طفلي حياتي

10-13-2010, 11:53 PM

على خير ام خليل واني بقوم جان اكل شي ما اكلت
في امان الله وحفظه
تصبحين على خير

om khalil

10-13-2010, 11:57 PM

وانتين من اهله ان شاءالله وسلام للجميع

قمر بنت راشد

10-14-2010, 01:12 AM

بنااااااااااات البحرين الحلووووووووات

ادعو لي هالشهرررر انضم لكم ياااااااااااااااااااااااااااااااااااااارب

أحلام أم

10-14-2010, 07:06 AM

بنااااااااااات البحرين الحلووووووووات

ادعو لي هالشهرررر انضم لكم ياااااااااااااااااااااااااااااااااااااارب
إن شاء الله حبيبتي تكوني حامل

أحلام أم

10-14-2010, 07:20 AM

صباح الخير على الجميع
مشكورة أم عائشة لسؤالك عني
إنشاء الله تروحي لدكتورة السونار وتطمني على حملك والبيبي وطمنينا ،وإن شاء الله أني بعد باروح أطمن على حملي وسلامة الجنين ،يارب تسمعنا الأخبار المفرحة والمطمئنه بحق ليلة الجمعة المباركة ،لاتنسونا من الدعاء كما إننا لن ننساكم hwaml84
أمس تغيبت عنكم لأنه خبروني عندي إلتهاب أبوال شديد والغازات كملت عليي حسيت بطني تقطع من الغازات وطول اليوم ماقادرة أتحرك ولليوم
أمن يجيب المضطر إذا دعاه ويكشف السوء ،أكشف السوء عنا يارب العالمين

من الظهر بتحول في بيت أبويي وبانام هاليومين هناك
ريلي بسافر يومين مع أخوته رحلة ،يارب تحفظهم في سفرهم وتبعد كيد الأشرار وشر الطريق عنهم وتجعل دروب السلامة دروبهم وترجعهم إلى أرض الوطن سالمين غانمين hwaml13

أم عائشة

10-14-2010, 11:39 AM

هلا والله باحلام ام وينج كنت احاتيج مو من عادتج تغيبين

وسلامات والله ماتشوفين شر اجر وعافية ان شاء الله ولاتشكريني لاني سالت عنج ذي واجبنا حبيبتي حنا خوات ان شاءالله

وزين تسوين تروحين بيت هلج جمن يوم ترتاحين شوي على الاقل واغتنمي الفرصة دامج ببيت الاهل ارتاحي شوي

وربي يرجع لجج ريلج وبوعيالج بالسلامة يارب

واليوم موعدي عند الكتورة فهيمة الساعة 5 وربع
زوجي اول شي رفض وصمم وقال ماعنج سالفة تروحين لدكتورة ماتعرفينها وانتي موعدج 25\10 عند طبيبج

عاد انا شوشت عليه خلودي قبل ليروح المدرسة واهو ضعيف كلش يم خالد خخخخخخ
وقاله خالد يبه ود امي لا اخاف اخوي اللي ببطنها يصيده شي وعقب امي بتمرض
وتصدقين من قاله هالكلمتين سيده وافق
وانا اللي من امس احن عليه وكلش معطيني الاذن الصمخة
بس مومشكلة اهم شي وافق يوديني اليوم

طفلي حياتي

10-14-2010, 12:53 PM

بنااااااااااات البحرين الحلووووووووات

ادعو لي هالشهرررر انضم لكم ياااااااااااااااااااااااااااااااااااااارب

ان شاء الله يارب تشرفينا وتبشرينا بحملج يارب
بانتظارج

طفلي حياتي

10-14-2010, 12:55 PM

صباح الخير على الجميع
مشكورة أم عائشة لسؤالك عني
إنشاء الله تروحي لدكتورة السونار وتطمني على حملك والبيبي وطمنينا ،وإن شاء الله أني بعد باروح أطمن على حملي وسلامة الجنين ،يارب تسمعنا الأخبار المفرحة والمطمئنه بحق ليلة الجمعة المباركة ،لاتنسونا من الدعاء كما إننا لن ننساكم hwaml84
أمس تغيبت عنكم لأنه خبروني عندي إلتهاب أبوال شديد والغازات كملت عليي حسيت بطني تقطع من الغازات وطول اليوم ماقادرة أتحرك ولليوم
أمن يجيب المضطر إذا دعاه ويكشف السوء ،أكشف السوء عنا يارب العالمين

من الظهر بتحول في بيت أبويي وبانام هاليومين هناك
ريلي بسافر يومين مع أخوته رحلة ،يارب تحفظهم في سفرهم وتبعد كيد الأشرار وشر الطريق عنهم وتجعل دروب السلامة دروبهم وترجعهم إلى أرض الوطن سالمين غانمين hwaml13

ماعليش شر اختي احلام وان شاء الله اجر وعافيه وكله يهون بس يثبت الجنين ويجي سالم

شمس الصباح

10-14-2010, 12:58 PM

السلااااااااااااااااام تعبتوني وانه اقراء سوالفكم وكل عن الأكل جوعتوني وعلى طاري الأكل في أحد يعرف طريقة مموش الروبيان اليابس خاطري اسويه

ام خليل
اليوم تذكرت ان عندي دله يديده ورحت اعفس وركبت فوق طاولة الطعام بس ما اطااااال الكبت فوق ودبتي ما تساعد كلش ما في رشاقه تعبت شكلي بشتري يديده وامري لله

طفلي حياتي

10-14-2010, 12:58 PM

ام عايشه شخبارش ان شاء الله تمام؟
الله يلقيش خير ان شاء الله وتطمنين وتطمنينه

طفلي حياتي

10-14-2010, 01:01 PM

السلااااااااااااااااام تعبتوني وانه اقراء سوالفكم وكل عن الأكل جوعتوني وعلى طاري الأكل في أحد يعرف طريقة مموش الروبيان اليابس خاطري اسويه

ام خليل

اليوم تذكرت ان عندي دله يديده ورحت اعفس وركبت فوق طاولة الطعام بس ما اطااااال الكبت فوق ودبتي ما تساعد كلش ما في رشاقه تعبت شكلي بشتري يديده وامري لله

هلا والله
على طاري المموش اسكتي خاطري فيه عدل وابغي احد يسويه لي بطريقه حلووووووووه لان ماعرف ولا مره سويت

فلونة

10-14-2010, 01:48 PM

مرحبااا

قمر بنت راشد // ان شاء الله تبشترينا هالشهر بحملج والله يعطيج الي تتمنينه ويتمم لنا ولج على خير ويعطيني اللي اتمنااه

وحق الي يسألون عن المموش انا بقول طريقتي الي تعلمتها

اول شي تحمسين البصل لين يتغير لونه ويصير بني وتحطين عليه طماط مربعات وتابل وبقدرونس وتنطرين يذوب الطماط شوي تحطين فيه الربيان وفوقه البهارات ( بزار / فلفل اسود / ليمون اسود/ ملح /كركم/ كمون/ كزبرة و رشة زنجبيل )
وتالي تحطين الماش الاخضر ويكون مغلي بروحه من قبل، نص غلية عالاقل واذا حبيتي لوبة بو نقطة سودة انه احبه واخليه ( الماش واللوبة يكون نص مستوي)

وتخلطينه زينه وتحطين فوقه الماي على حسب كمية العيش ،، انا احط كوبين ونص لانه اسوي العيش مقدار كوب واحد وتنطرين الماي يغلي وبس تحطين فوقه العيش وبسس تلاحظينه كل شوي لين يستوي

طريقته سريعة بس اهم شي الماي يكون مناسب حق كمية العيش نفس المجبوس

باسألكم بنات انا احس حركة البيبي كله جهة اليمين طبيعي او لاا؟؟؟؟؟؟

om khalil

10-14-2010, 01:49 PM

سلام لكل الحوامل

قمر بنت راشد
يارب يرزقش الذرية الصالحة وتنضمين لنا هالشهر ان شاءالله.

أحلام أم
ماتشوفين شر ان شاءالله تحملي بروحش والله يرده لش بالسلامه ان شاءالله.

أم عايشة
وكلي امرش لله ومعروف انه الروح تنبث في الجنين بالشهر الثالث وانتي للحين في الثاني.فطبعيي مايكون عنده نبض الحين. بتطمنين ان شاءالله وقولي لينا ويش يصير وياش.

شمس الصباح
ماعرف للموش حدي الطبخات العاديه ولازم اجرم فيها بعد ههههههههه.
زين اشتري دله يديده الله يهديش ويش مركبنش انتين بدبتش فوق الطاوله زين ما طحتين لينا الله سلمش

طفلي حياتي
رحت موعدي اليوم من وقت، المفروض اول شي اسويه اني اروح المختبر اخذ رقم لاني خست عقب.
سويت تحويل أبوال عزش الله ورحت المختبر اخذوا دم حق تحليلين، دمي طلع 9.8 ودهشوني. وسالتني ان احد عنده سكر في العايله قلت ليها اخويي العود فيه. عطتني فورمة تحليل السكر ابو العصير وقالت ليي ايي الاسبوع الياي في اي يوم اسويه، احتمال اروح الاثنين. عطتني موعد 26/10. عاد سايلتها عن الامش اللي نفس الدورة وقالت ليي عاديه.. واني اليوم كنت متكسوره من ظهري ومن الم بطني حدي.

باقوم اتغذى وارجع

فلونة

10-14-2010, 02:19 PM

ام حماني امس واليوم ما لها حس عسى المانع خيرر؟

ام خليل // شخبار الجبود وليش ما انأكل؟؟

طفلي حياتي

10-14-2010, 03:31 PM

هلا والله فلونه هلا بيش وبطلتش
ام خيل ما قصرتين يالغاليه والله طمنتيني الكآبه هالكتني
والظاهر توهيتين عليي وصادش الالم خخخ ماعليش شر يالغاليه
يلا اني بمشي الحين مع السلامه

om khalil

10-14-2010, 03:56 PM

فلونه
مهلت عليه كانوا عندي اهل بعلي ومارجعت له الا الجبود لين حده اكلناه على عماه هههه
زين اني كنت مسويه وياه خضره وقوانص غطت على الموضوع hwaml03
المره اليايه مابمهل عليه بالذات صار الخل وايد. عفست روحي عفاس هههههههه

طفلي حياتي
الحمدلله البارحه كنت نايمه على الارض لجل ماقدر الايسي يضرب على عمري فوق السرير نمت ويا بتي وماقعدت الا ظهري منكسر..
اني بعد باقوم عندي شغلات وتالي برتفع بيت أبويي الليلة جمعه..

لا تنسونا من الدعاء في هالليلة المباركة، قضى الله حوايجنا وحوايجكم وجميع المؤمنين والمؤمنات ان شاءالله..

يالله بحوامل يدد ينضمون لينا ان شاءالله،، مع السلامة

قمر بنت راشد

10-14-2010, 06:49 PM

مشكوووووووووووره على دعوتك حبيبتي

قمر بنت راشد

10-14-2010, 06:51 PM

ان شاء الله يارب تشرفينا وتبشرينا بحملج يارب
بانتظارج

مشكوووووووره حبيبتي
آمييييييييييييييين يارب

قمر بنت راشد

10-14-2010, 06:53 PM

فلونه وام خليل مشكوووووورين حبيباتي يااااااارب

بسألكم مافي وحده منكم للحين طالبه في الجامعه؟؟ ابي اعرف شلون الحمال مع الدراسه؟؟؟؟

الفتاة الذهبية

10-14-2010, 07:01 PM

قمر بنت راشد هلا والله نورتينا
ان شاء الله تنضمين لنا يا رب عن قريب

أم عائشة

10-14-2010, 08:21 PM

ام عايشه شخبارش ان شاء الله تمام؟
الله يلقيش خير ان شاء الله وتطمنين وتطمنينه

هلا فيج اختي انا ولله الحمدبخير وانتي شخبارج وشخبار النونو ان شاءالله دووووووم تكونون بصحة وعافية

أم عايشة
وكلي امرش لله ومعروف انه الروح تنبث في الجنين بالشهر الثالث وانتي للحين في الثاني.فطبعيي مايكون عنده نبض الحين. بتطمنين ان شاءالله وقولي لينا ويش يصير وياش.

لا اله الا الله محمد رسول الله
تصدقين ام خليل الوسواس ذابحني وزوجي كله يطنز عليhwaml4 يقولي جنه ذي اول حمال لج!!!!!!!
يعني باولادي الاثنين ولا وسوست بحمالهم ولا شي اصلا كنت بالدز اروح المركز حق المواعيد
بس ذي ماادري ليش صايدني هاللون يلا اختي الله كريم ومشكورة حبيبتي على اهتمامج فديتج والله

قمر بنت راشد حياج الله بينا اختي وان شاءالله تبشرينا بحمالج جريبhwaml7

أم عائشة

10-14-2010, 08:25 PM

الحمدلله رب العالمين على كل حال

بنات انا رحت اليوم الدكتورة فهيمة عشان اسمع النبضhwaml79hwaml80hwaml80

والحمدلله سمعتهhwaml03hwaml03hwaml03hwaml03hwaml03hwaml7hwam l7
واي عليه الصوت يهبل ههههههههههه

الا بس بسالكم اهي شافت كيسين
الكيس الاول شافت فيه جنين وسمعتني نبضه بس الثاني قالت لي مو مبين فيه للحين شي

فيه احد صارله نفسي؟؟؟

أم حماني

10-14-2010, 10:36 PM

السلام عليكم .. شلونكم وشخباركم ... رجعت تقريبا عشر صفحات ورى اجوف اخباركم والحمدلله تطمنت انه الامن مستتب وكل اموركم زينة ولله الحمد .. معليه لابد من بعض المتاعب بس مايطلع حمل لو ما طلع عيونكم هههههههههه .. الله يسهل عليكم وياجركم ان شاء الله ويعوض تعبكم بطلقه هينه ولينه و ولادة ميسره ...

مشكورين فلونة وبنت الاياويد وام عايشه للسؤال ... انا الله يسلمكم رحت بت في الليل مع ريلي لانه كان موعد حماني اليوم للختان في الامريكي ومن هناك اجرب لنا لانه الموعد 7 الصبح .. صج انه حمني مارقدنا لانه متغير عليه المكان وطول الليل يصيح بس ارتحت وقلت حق ريلي انا خلاص مب راجعه بيت ابوي هههههههههههههههههه بس مسكين حمني وايد كان يصيح وانا ايست وقمت اصيح معاه .. والريال متوهق بالنص هههههههه .. الساعه 3 الا ربع قال لي قومي بوديج حق امج ههههههههههههه لانه اتصلت حق امي وقالت ييبوه .. عورها قلبها يوم سمعت صياحه بالتلفون .. بس انا قلت لازم اختنه ومابأجل اكثر من جذي جريب بيصير عمره شهر ونص .. والحمدلله على الاربع رقد و وديناه والله يعين الي فيكم بتييب صبي على ختانه .. صج صج صج صج معانااااااااااااااااااه ... الله لا يراويكم حالتي .. مت من الصياح عليه .. كأنه اسم الله عليه فيه شي .. و ما في الا ريلي لامني وانا اصيح مسوويين فلم ... والناس يطالعونا فشيله
واهوة يوم جافني مصختها يقول لي ماجوف احد هني صاح غيرج .. عاد انا شسوي قلبي عورني على ولدي .. خذوه راقد في امان الله ورجعوه لي رايح صوته من الصياح ...

بنت الأياويد

10-14-2010, 11:03 PM

هلا والله ام حماني ، آيه عليه حماني شلعوا يوفج عيل وعليه عليج يالله اهم شي ختنوه جان رضعتيه على طول يوم عطوج اياه الحين ان شاء الله مع البول بيبرى مكان الختان بس يبيله شوي معاناة اليهال الله يحفظهم مايكبرون الا بطلعة الروح ، باجر ان شاء الله باروح السعودية اتسوق ماخذيت شي حق بنتي فقيرة، عيل الحين انتي ويا ريلج ولا رجعتي بيت امج؟

أم حماني

10-14-2010, 11:16 PM

هلا فديتج .. لا رجعت بيت ابوي ,,, ماقدر اعابله بروحي اخاف .. انا من اجوفه يصيح وايد ويصير لونه احمر خلاص توقف الدنيا وماتقعد .... وايد اخاف

أم حماني

10-14-2010, 11:18 PM

اول ماعطوني اياه دخلت معاه غرفه الرضاعه وحاولت ارضعه مب قادر يرضع من كثر الصياح .. حتى خفت و قلت حق ابوه رجعه لهم يمكن فيه شي .. ويوم وديناه قالوا مافيه شي بس خلوه يهدى شوي وعقب رضعيه .. وفعلا يوم طلعنا بالسياره هدى شوي وقدرت ارضعه و رقد فديت عمره

بنت الأياويد

10-14-2010, 11:19 PM

اي هذا اهو فليل مشكلة اليهال انا من الحين احاتي اذا الله سهل لي وولدت شكثر بتم في بيت امي هههههههههههههههه عادي لين يصير عمر الياهل شهرين ولا ثلاثة ، والحين شخباره حماني من عقب التختونه ، انا ولد اخو رفيجتي مختنينه وحلو ملبسينه رازجي ومشموم يقولج الاوليين يسوون هلون بس صج عجبتني الحركة

بنت الأياويد

10-14-2010, 11:20 PM

آيه عليه حياتي شفشفوا يوفه ، انا يعورون قلبي اليهال ماقدر

أم عائشة

10-14-2010, 11:21 PM

مساكم عسل
هلا والله ببنت الاياويد وام حماني
رجعت نورت الديوانية بطلتكم

وام حماني واي عليج حاسة فيج عندي ولدين الله يحفظهم ومريت باللي مريتي فيه
فديته حماني يكبر وينسى ان شاءالله وتجوفينه معرس يارب
كلها جم يوم وبتجوفينه مافي شي ان شاءالله
ومثل ماقالت اختي بنت الاياويد حاولي لاتغيريله البامبرز بسرعة خليها شوي فيها بول تكرمين لانه البول فيه املاح بسرعة يبري الجرح معاه
بيحره شوي فديته بس عقب بيتخدر عليه

أم حماني

10-14-2010, 11:23 PM

امي قالت لي بعد . بس انا مارضيت .. اقولها الياهل في حالة روحه وانا متفرغه احطه جذي هههههههه .. بس امي سوت توزيعات ... هالاجياس الصغار حطت فيهم حلاوة و ربية و وزعتهم على اليهال

حماني مقضي اكثر وقته نوم .. بس الله يعييييييييني على الليله ... من الحين انا تعبانه .. المفروض ارقد دامه راقد .. بس ابليسي قوي الله يغربله ... اكثر اليهال يبي لهم وقت على مايستعدل نومهم .. اول سنه من عمرهم وايد صعبه .. خبرج على مايتعدل نومهم وعقب يبتدون يسننون ويمرضون ويصخنوون وغير التطعيمات .. اووووه... مساعه مرت خالي تقول لي .. لحد سنه جدام حطي في بالج مابتتهنين في رقادج

أم عائشة

10-14-2010, 11:24 PM

الحمدلله رب العالمين على كل حال

بنات انا رحت اليوم الدكتورة فهيمة عشان اسمع النبضhwaml79hwaml80hwaml80

والحمدلله سمعتهhwaml03hwaml03hwaml03hwaml03hwaml03hwaml7hwam l7
واي عليه الصوت يهبل ههههههههههه

الا بس بسالكم اهي شافت كيسين
الكيس الاول شافت فيه جنين وسمعتني نبضه بس الثاني قالت لي مو مبين فيه للحين شي

فيه احد صارله نفسي؟؟؟

hwaml15hwaml15hwaml15 جنه محد عبرني
اشدعوة hwaml85hwaml93

بنت الأياويد

10-14-2010, 11:25 PM

ياهلا والله ام عايشة ، اليوم رحت الممشى ويا بيتنا الجو فضيع وتمشيت خمس دقايق قلت كل يوم بمشي شوي لان موعدي تاريخ 24 وان شاءالله ينزل راسها تحت مافيني شده قيصري وراي امتحان نهائي

أم عائشة

10-14-2010, 11:25 PM

تصبحون على خير

بنت الأياويد

10-14-2010, 11:29 PM

انا بقوم ارقد ريلي شكله مطول ويا ربعه رايحين يشوون على البحر ، ان شاء الله اشوفج باجر وتطمنيني على حماني اي والله صج كلامها مافي راحة لا في الحمال تقولين راحة ولا عقبه راحه ان شاء الله في الاخره نرتاح بس بعد حلوين اليهال ايه عليهم على الاقل في شي يسليج بدل قعدتنا جذي مجابلين اربع طوف

أم حماني

10-14-2010, 11:29 PM

مساكم عسل
هلا والله ببنت الاياويد وام حماني
رجعت نورت الديوانية بطلتكم

وام حماني واي عليج حاسة فيج عندي ولدين الله يحفظهم ومريت باللي مريتي فيه
فديته حماني يكبر وينسى ان شاءالله وتجوفينه معرس يارب
كلها جم يوم وبتجوفينه مافي شي ان شاءالله
ومثل ماقالت اختي بنت الاياويد حاولي لاتغيريله البامبرز بسرعة خليها شوي فيها بول تكرمين لانه البول فيه املاح بسرعة يبري الجرح معاه
بيحره شوي فديته بس عقب بيتخدر عليه

هلاوغلا ام عايشه ... الله يعينا .. والله قلت في قلبي مابي اييب ولد مره ثانيه عشان ما امر باللي شفته مره ثانيه .. الله يغفر لي على هالكلام .. بس من خوفي قمت اخربط

أم حماني

10-14-2010, 11:30 PM

انا بقوم ارقد ريلي شكله مطول ويا ربعه رايحين يشوون على البحر ، ان شاء الله اشوفج باجر وتطمنيني على حماني اي والله صج كلامها مافي راحة لا في الحمال تقولين راحة ولا عقبه راحه ان شاء الله في الاخره نرتاح بس بعد حلوين اليهال ايه عليهم على الاقل في شي يسليج بدل قعدتنا جذي مجابلين اربع طوف

دامكم بتطلعون عيل بروح اغط شوي قبل لا يقعد حبيبي ... بس ساعات النحاسه توني بحط راسي الا هو قاعد هههههه hwaml02

بنت الأياويد

10-14-2010, 11:32 PM

قومي على الاقل تمددي ولاتطلعين صوت عشان مايقحص ان شاء الله تريحين شوي وعقب يقوم يالله تصبحين على خير

أم حماني

10-14-2010, 11:33 PM

hwaml15hwaml15hwaml15 جنه محد عبرني
اشدعوة hwaml85hwaml93

لا لا اشدعوه .. كل شي الا الزعل ... الحمدلله والف الف مبروووووووووووووك

اقصوصه

10-15-2010, 11:50 AM

http://forum.hwaml.com/imgcache2/hwaml.com_1287132612_862.gif

طفلي حياتي

10-15-2010, 01:14 PM

السلام عليكم
جمعه مباركه
والف مبروك ام عايشه وعقبال ما تشوفينه بحظنش يارب ويبلغنا كلنا بأجنتنا ان شاء الله

Om KHaled

10-15-2010, 01:18 PM

اللهم أرفع مقامهم كما رفعت السماء .. وحببهم إلى خلقك عدد مانزل من الماء..
وزين قلبهم بنور الايمان في الليلة الظلماء..وأطو بفضلك يارب صحائفهم بيضاء
..وأجعلهم في دنياهم و آخرتهم من السعداء..جمعة مباركة

شمس الصباح

10-15-2010, 03:33 PM

السلااااااااااام عليكم

فلونة

ما قلتين الروبيان اليابس شنو يسون فيه اغسله انظفه شلون خبرش اول تجربة يعني ابغي تفاصيل ومشكورة مقدما

ام عائشة

مبروك لج وعلى طاري البشيمة انه لما رحت للدكتورة كنت بالأسبوع الخامس شافت البشمية بس النبض ما في وعطتني موعد ثاني بالأسبوع السابع وسمعت النبض الحمد لله يعني لا تحاتين وخلي ايمانش بالله قوي

وام حماني

مبروك على ختان حماني ترى عادي انج تصيحين انه طهرت ولدي بالأمريكي وكنت الوحيده اللي تصيح خخخخخخخخ بس لا تحاتين كلها يومين وخلاص بتشوفين حماني عادي

صار لين يومين كل احلم ببنتي وزوجي نفس الشي يحلم hwaml5 مشتاقه احملها بين اذراعي واضمها

فجوره

10-15-2010, 03:49 PM

ام حماني
كسرتي خااطري
والله حاسه فييج من الحين احاتي ولدي
لان محد بيعرف له ماعندنا صبيان في البيت مافي الا ابوي وريلي يعابلونه
من الحين خاايفه

om khalil

10-15-2010, 04:37 PM

سلام خواتي جمعه مباركه يايه ركض ابي اخبار ام عايشة ان شاءالله تطمنت على اللي ببطنها
نبدي بسم الله

قمر بنت راشد
الله يسلمش بنت الأياويد هني ويانا طالبه في الجامعه الله يساعدها ويسهل عليها ان شاءالله

ام عايشة
الحمدلله الحمدلله الحمدلله على عطاياه ان شاءالله يكون الكيس الثاني فيه جنين وبموعدش الياي تسمعين نبضاته ان شاءالله.. الحمدلله وايد استانسنا لش.

أم حماني
الحمدلله على سلامته ويقولون مبروك في هالحالات ^_^ الله يصبر قلبش ان شاءالله وماعليه الا العافيه..

فجوره

10-15-2010, 04:50 PM

اييي نسيت ابارك لج ام حماني من التدودييه
مبروووك وان شالله تجوفينه معرس يارب

قمر بنت راشد

10-15-2010, 05:24 PM

جزاكم الله خير على دعواتكم

ومشكوره ام خليل على ردج

وينها بنت الاياويد تقولي شلووووون الحمال والدراسه؟؟؟؟؟

أحلام أم

10-15-2010, 09:06 PM

هلا والله باحلام ام وينج كنت احاتيج مو من عادتج تغيبين

وسلامات والله ماتشوفين شر اجر وعافية ان شاء الله ولاتشكريني لاني سالت عنج ذي واجبنا حبيبتي حنا خوات ان شاءالله

وزين تسوين تروحين بيت هلج جمن يوم ترتاحين شوي على الاقل واغتنمي الفرصة دامج ببيت الاهل ارتاحي شوي

وربي يرجع لجج ريلج وبوعيالج بالسلامة يارب

واليوم موعدي عند الكتورة فهيمة الساعة 5 وربع
زوجي اول شي رفض وصمم وقال ماعنج سالفة تروحين لدكتورة ماتعرفينها وانتي موعدج 25\10 عند طبيبج

عاد انا شوشت عليه خلودي قبل ليروح المدرسة واهو ضعيف كلش يم خالد خخخخخخ
وقاله خالد يبه ود امي لا اخاف اخوي اللي ببطنها يصيده شي وعقب امي بتمرض
وتصدقين من قاله هالكلمتين سيده وافق
وانا اللي من امس احن عليه وكلش معطيني الاذن الصمخة
بس مومشكلة اهم شي وافق يوديني اليوم
هلا حبيبتي ...أم عائشة ...
الله يسلمش يالغالية وماتقصرين إنتين وياباقي الغاليات الحوامل ربي يتمم ليكم وتفرحون ببيبياتكم يارب
تويي راجعه البيت ريلي رجع من السفر المغرب الحمدلله لك ياربي على سلامته ،رحت بيت أبووي إرتحت من شغل البيت بس أولادي دوخوني هناك ،لين أمي وأخواتي طلعوا وياهم البحر شووي ونمت شوي
الله يخلي لش خالد وأبوه وأخوه وأخوته إللي جايين في الطريق ياربي ،أني بعد لين زوجي مايرضى على شيء أدز بنتي مايقدر يقول ليها لا ربي يحفظهم ويهديهم ،الحمدلله عندنا أسلحه في البيت قداام الأب علشان تتنفذ مطالبنا
مبرووك حبيبتي على إطمئنانش على البيبي وسماعش دقات قلبة وإنشاء الله البيبي الثاني بعد كم يوم يبين في الكيس عاادي لازم تؤام يبين قبل الثاني وربي ييسر أمورش
ماعليش شر اختي احلام وان شاء الله اجر وعافيه وكله يهون بس يثبت الجنين ويجي سالم
هلا والله ...بطفلي حياتي ...
الشر مايجيش خيووالله كريم والله يسمع منش ،إن شاء الله حبيبتي والله يتمم لش وتبشرينه بولادتش في شهر التاسع وتفرحين يالغالية
سلام لكل الحوامل

أحلام أم
ماتشوفين شر ان شاءالله تحملي بروحش والله يرده لش بالسلامه ان شاءالله.

هلا والله ...بأم خليل ...
الشر مايجيش حبيبتي الحمدللة متحمله بروحي والله كريم مشكورة يالغالية على دعواتش لزوجي والحمدللة رجع بالسلامة ربي يتمم لش ويقومش بالسلامة
hwaml13

أحلام أم

10-15-2010, 09:12 PM

الحمدلله رب العالمين على كل حال

بنات انا رحت اليوم الدكتورة فهيمة عشان اسمع النبضhwaml79hwaml80hwaml80

والحمدلله سمعتهhwaml03hwaml03hwaml03hwaml03hwaml03hwaml7hwam l7
واي عليه الصوت يهبل ههههههههههه

الا بس بسالكم اهي شافت كيسين
الكيس الاول شافت فيه جنين وسمعتني نبضه بس الثاني قالت لي مو مبين فيه للحين شي

فيه احد صارله نفسي؟؟؟
مثل ماقلتش مبروك وألحييين أقولش ألف مبروك ،ويارب أني بعد أتطمن وأبشركم يارب
عاادي حبيبتي صديقتي إللي قلت لش عنها يابت أربعة توائم ما شاء الله لمن كنا إمرقدين كل مرة يكتشفون جنين فيها لمن يسوون السونار يعني ماطلعوا كلهم مرة وحدة ،لاتحاتين إنشاء الله مرة ثانية ببينون عدل كلهم حبيبتي
hwaml7

أحلام أم

10-15-2010, 09:23 PM

السلام عليكم .. شلونكم وشخباركم ... رجعت تقريبا عشر صفحات ورى اجوف اخباركم والحمدلله تطمنت انه الامن مستتب وكل اموركم زينة ولله الحمد .. معليه لابد من بعض المتاعب بس مايطلع حمل لو ما طلع عيونكم هههههههههه .. الله يسهل عليكم وياجركم ان شاء الله ويعوض تعبكم بطلقه هينه ولينه و ولادة ميسره ...

مشكورين فلونة وبنت الاياويد وام عايشه للسؤال ... انا الله يسلمكم رحت بت في الليل مع ريلي لانه كان موعد حماني اليوم للختان في الامريكي ومن هناك اجرب لنا لانه الموعد 7 الصبح .. صج انه حمني مارقدنا لانه متغير عليه المكان وطول الليل يصيح بس ارتحت وقلت حق ريلي انا خلاص مب راجعه بيت ابوي هههههههههههههههههه بس مسكين حمني وايد كان يصيح وانا ايست وقمت اصيح معاه .. والريال متوهق بالنص هههههههه .. الساعه 3 الا ربع قال لي قومي بوديج حق امج ههههههههههههه لانه اتصلت حق امي وقالت ييبوه .. عورها قلبها يوم سمعت صياحه بالتلفون .. بس انا قلت لازم اختنه ومابأجل اكثر من جذي جريب بيصير عمره شهر ونص .. والحمدلله على الاربع رقد و وديناه والله يعين الي فيكم بتييب صبي على ختانه .. صج صج صج صج معانااااااااااااااااااه ... الله لا يراويكم حالتي .. مت من الصياح عليه .. كأنه اسم الله عليه فيه شي .. و ما في الا ريلي لامني وانا اصيح مسوويين فلم ... والناس يطالعونا فشيله
واهوة يوم جافني مصختها يقول لي ماجوف احد هني صاح غيرج .. عاد انا شسوي قلبي عورني على ولدي .. خذوه راقد في امان الله ورجعوه لي رايح صوته من الصياح ...
هلا والله ...بأم حمني ...الغالي
مبروك ختان الولد وإن شاء الله تبلغين فية وتشوفينه معرس ،كم يوم وبيرجع ولاكأنه فيه شيء أهم شيء إهتمي بالجرح ونظافته ولاتظغتين بالحفاظة علية
ذكرتين بولدي علووي ختنته في الإمريكي وهو أول ولد حسيته وكان عمره 10 أيام بس مثل الفرخة المذبوحة لمن عطوني إياه صحت صياح ربي يحفظه وألحين كبر ماشاء الله ونسيت صياحي وعذابي هذيك الأيام
لاتدعين إن شاء الله تيبين الولد الثاني وترا بصير عاادي مابتخافين واايد وتصيحين لاني بولدي الثاني صرت شجاعة خلاص <<<تشلخ إلا صار قلبها يطق طبول من الخووف
ماعطوش عصارة ميبو تحطينها عليه تراهي زينه بولدي حموود عطاني إياها الدكتور ووايد هدأته زينه للختان
تصبحوون على خيرر تووي راده البيت وسيده جيت أشووف أخباركم باقووم أتفقد البيت
hwaml7hwaml7hwaml7

بنت الأياويد

10-15-2010, 11:54 PM

هلا قمر لاتسأليني عن الحمل والدراسة شي متعب بصراحة بس اذا انتي ماشاء الله صحتج زينه بتقدرين تواصلين اما اذا نفسي ضعيفونه مامني فايدة وايد بتصادفين مشاكل ، انا باقي لي بس مادة بس وايد تعبانه لاني اسوق سيارة تعب علي والامتحان النهائي عقب ولادتي بفترة كلش قصيرة الله يعيني

فجوره

10-16-2010, 12:03 AM

محد اهني
شهست اليوم؟

om khalil

10-16-2010, 12:30 AM

ازيكو ياحلويييين
اكلت صبار حامض ويا معكرونه وهذاني الحارق ذابحني
باقوم اعور ويا قلاص حليب بارد عل وعسى

بنوتة حلوة

10-16-2010, 12:39 AM

شخباركم حواامل؟ وحشتوني بس انا زعلانة منكم لاان محد سأل عني.. :(

أم حماني

10-16-2010, 12:46 AM

صباح الليل

أم حماني

10-16-2010, 12:48 AM

احلام ام ... مشكورة والله يبارك بحياتج .. بالامريكي قالوا لنا لاتحطون عليه اي شي كلش .. بس اختي قالت لي سمعي كلامي وحطي له ميبو وانا حطيت له ويوم قريت بالنشرة مكتوب انه يستخدم لجرح الختان .. وحطيت له واشوفه اليوم احسن من امس الحمدلله

طفلي حياتي

10-16-2010, 01:27 AM

طق طق طق
يصير اسهر لو مافي بشر؟؟؟

أم حماني

10-16-2010, 01:28 AM

شخباركم حواامل؟ وحشتوني بس انا زعلانة منكم لاان محد سأل عني.. :(

هلا والله بنوتة حلوة .. انا رديت عليج بس انتي ماخصيتيني معاكم بالسلام .. يعني قلتي شخباركم حوامل وانا مب حامل هههههههههههههههه ... المهم .. لاتزعلين اختي ترى الحمل يفر الراس

طفلي حياتي

10-16-2010, 01:29 AM

في لو مافي بتكلم عاد
ام حماني مبروك ختان حماني وعقبال ماتشوفينه معرس
وباقي البنات كلكم شخباركم عساكم طيبات؟
اني النت عندي حالته حاله يبند كل 3 ثواني ويادوب اقرأ وخاطري ارد الا بند والحين بسلم عليكم كلكم اذا لقيت احد والنت مافصل بدردش

أم حماني

10-16-2010, 01:29 AM

موجودة طفلي حياتي؟؟

طفلي حياتي

10-16-2010, 01:31 AM

اووووووووه زين صدنا ام السهر تصدقين ام حماني اكثر شيئين خايفه من الحين منهم على البيبي اذا يه بالسلامه اذا بنت خايفه عليها من قضاض الاذون واذا ولد من الختان هههههههههههه
وي على قلبي نتف ويتألمون الم قوي لكن لهم الله ارحم واعطف يهون الالم عليهم

أم حماني

10-16-2010, 01:31 AM

هههههههههههههه الله ايبارك بحياتج ... النت اللي عندج ميناتليكوم؟

أم حماني

10-16-2010, 01:32 AM

قضاض الاذن اهون يختج من الختان

طفلي حياتي

10-16-2010, 01:34 AM

اي يلا غردي وسمعيني في بودره اسمع واشوف اختي تستخدمها لليهال وقت الختان روعه تيبس الجرح وتطيح القطنه بسرعه اسم الله عليه حماني

طفلي حياتي

10-16-2010, 01:35 AM

اي مينا تيلكوم يقولون عندهم صيانه غربل الله بليسهم

أم حماني

10-16-2010, 01:37 AM

اي قطنه اختي ... الحين مايحطون قطنه يحطون حلقة بلاستيكيه ... انا استخدم ميبو حق حماني

طفلي حياتي

10-16-2010, 01:41 AM

وييي يتراوى لي تألم منظرها يكفي تذكرت الحين مو قطنه الله يهون عليه بس يلا عليش بالادويه اللي تخفف عليه وماعليه الا العافيه ان شاءالله

أم حماني

10-16-2010, 01:45 AM

الميبو وايد زين ... للجروح والحروق .. انا الحين اسميه الكريم السحري ههههههههه .. انا حق جرح الولادة استخدمته والحمدلله ما في اثر وايد للجرح

طفلي حياتي

10-16-2010, 01:47 AM

شكله قعد حمني
اني بقوم تعبانه قاعده من وقت اليوم
يلا تصبحين على خير قصدي سهره سعيده على الحان حمني

الفتاة الذهبية

10-16-2010, 01:47 AM

اووو الشباب سهرانين
شخباركم ؟

أم حماني

10-16-2010, 01:51 AM

رقد حماني ... بس عطيه شوي وبيقعد .. هلا الفتاه الذهبيه شخبارج ؟

الفتاة الذهبية

10-16-2010, 01:52 AM

تمام اسأل عنج

أم حماني

10-16-2010, 02:01 AM

سألت عنج العافيه .. شخبارج مع الحمل؟

الفتاة الذهبية

10-16-2010, 02:04 AM

اوكي تمام ماشي الحال
وانتي شخبارج مع ولدج

أم حماني

10-16-2010, 02:09 AM

فديته حبيبي .. بس ياريته مايسهر الليل .. ههههههههههه ... الله يعينكم بعدين

الفتاة الذهبية

10-16-2010, 02:14 AM

ام حماني
توني اليوم صايرة مخبله شوي
وانا اسبح الا اقول بييي ما باقي شي واولد
واضحك بروحي
يوم طلعت من الحمام زوجي يقول شفيج تضحكين بروحج
الا اقول له مو مني من الخوف خخخخ كلما قربت الولاده

أم حماني

10-16-2010, 02:24 AM

اش كثر باقي عليج ؟ِ

الفتاة الذهبية

10-16-2010, 02:32 AM

لا بعد باقي شوي

انا الحين توني في السادس

اولد نهاية شهر واحد
بس انا كلما قربت الشهور والايام خخخ

اقعد افكر اشوي بس انا موكله امري الى ربي يعني
اقول شي ما جربته ما بحكم عليه

الفتاة الذهبية

10-16-2010, 02:46 AM

عن اذنج بروووح ارقد تعبت

فرح عمري

10-16-2010, 09:53 AM

صباحكم بالخير والسرور يارب

فتاه انتي وياي يعني تولدين <<<< 19 -1

تصدقين انا مو خايفه من الولاده يمكن لان ما جربت للحين بس احسه شي عجيب

بحكم انه اول مره واول تجربه يعني يمكن للحين ما حسيت بالخوف

اصلا على طول يجي ببالي اني بولد ويجون لي الناس والياهل وياي وافرح <<< فرح روحها غصب ههههههههههههههههههه

انتي بعد سوي جذي ولا تمللين روحش بالتفكير الزايد لان القصاب جاي جاي ههههههههههه

الفتاة الذهبية

10-16-2010, 10:08 AM

صباحكم بالخير والسرور يارب

فتاه انتي وياي يعني تولدين <<<< 19 -1

تصدقين انا مو خايفه من الولاده يمكن لان ما جربت للحين بس احسه شي عجيب

بحكم انه اول مره واول تجربه يعني يمكن للحين ما حسيت بالخوف

اصلا على طول يجي ببالي اني بولد ويجون لي الناس والياهل وياي وافرح <<< فرح روحها غصب ههههههههههههههههههه

انتي بعد سوي جذي ولا تمللين روحش بالتفكير الزايد لان القصاب جاي جاي ههههههههههه

لا اانا اولد تاريخ 25/1
مع حنين للماضي
اي والله القصاب جاي جاي خخخ

حنين للماضي

10-16-2010, 10:37 AM

السلام عليكم
رجعنا لكم عالسريع
شخباركم حبايبي؟؟

فتوت حبيبتي زين لاقيتش
بسألش المحل اللي شريتي منه الفراشات في سوق واقف شنو اسمه وصوب وين يصير بالضبط واذا عندش رقمه ممكن تعطيني اياه
مشكورة حبيبتي
اله بسألش متى ندخل السابع؟؟؟
مرة ام خليل حطت اسابيع الحمل بس نسيت الله يسلمش

أحلام أم

10-16-2010, 11:16 AM

احلام ام ... مشكورة والله يبارك بحياتج .. بالامريكي قالوا لنا لاتحطون عليه اي شي كلش .. بس اختي قالت لي سمعي كلامي وحطي له ميبو وانا حطيت له ويوم قريت بالنشرة مكتوب انه يستخدم لجرح الختان .. وحطيت له واشوفه اليوم احسن من امس الحمدلله
هلا بأم حمني الحلو ...
لاتشكريني على شيء واجبنا حبيبتي إحنا خواات
الإمريكي مايعطون شيء وتغربلت ويا علاووي ماأدري ويش أهدأه لمن قالتلي عمتي حطي علية زيت الزيتون لأنه يسرع الشفاء للجرح ويخلي الحلقة تتطيح بسرعة وصادقة نفعني معاه
يمكن ثلاثة أوخمسة أيام بالكثير وتطيح الحلقة ،ولمن تطيح بتنصدمين قد ويش هي طويلة الحلقة ومو بس الجزء الدائري البارز
لاكن بولدي حموود ختنتة عند دكتور جمال الزيرة وهو عطانه كريم ميبو وااجد زين يسرع الشفاء وغير إنه يعمل على تخذير المنطقة،لاكن بعد حطيت علية بعد يومين زيت الزيتون علشان تطيح الحلقة بسرعة <<<ملقوفة
سلامات للغالي ومايشوف شر وخلاص صار رجال الله يحفظه لش ويهدية

نورالدنيا

10-16-2010, 01:04 PM

سلام عليكم حوامل
شلونكم ؟؟؟ والبيبيات شلونهم ؟
الله يتمم لنا على خير

om khalil

10-16-2010, 01:44 PM

مساء الخير حوامل

حنين الماضي
تدشين السابع في 26 اسبوع و 5 أيام ان شاءالله

طفلي حياتي
وينش سهرانه البارحه اشوف، اني كنت موجوده البارحه للساعه 2 الا ربع تقريبا بس كنت اعور بمركز البحرين التجاري لاني ييت هني وماشفت احد
واليوم شكلنا مابنلتقي حدي مشغوله واجبات بتي.

طفلي حياتي

10-16-2010, 02:27 PM

على خير ام خليل اني توني طالعه من مركز البحرين التجاري شفت مفارش غساله خراب حليوين بس مبالغه الاسعار
المهم اني بعد مشغوله الحين ان شاء الله نلتقي وقت ثاني

الفتاة الذهبية

10-16-2010, 05:20 PM

حنين
انا شريت المفارش من سوق واقف اسم المحل احلى الاطفال
يصير في صفة مكتبة اميرة

وجاوبت عني ام خليل وقالت ندخل السابع في 26 اسبوع و5 ايام

الفتاة الذهبية

10-16-2010, 05:21 PM

سلام عليكم حوامل
شلونكم ؟؟؟ والبيبيات شلونهم ؟
الله يتمم لنا على خير

وعليكم السلام

احنا تمام وبيبياتنا تمام وانتي شلونج وشلون البيبي ؟

الله يسمع منج ويتمم لنا على خير

om khalil

10-16-2010, 08:52 PM

كلكم صاخين

حبيبة حسوني

10-16-2010, 09:27 PM

هاااااااااااااااي بنات شخباركم وحشتوني موووووت
سوري كنت مشغوله اجهز لتوتتي شريت كل ثيابها
وكنت بنزل الصور بس مو راضين ينزلون ومو عارفه انزلهم
لين عرفت بنزلهم

حروف عاشقة

10-16-2010, 09:34 PM

سلااام عليكم يا حلوين يا مجكنمين

معنه محد سأل عني بس معذورين كلكم كل وحده مشغولة بروحها ويه دوخة الحمال .. من رديت من المستشفى سيدة على سوالفكم اطمن عليكم

ام حماني مبرووووووك التختونا والله كبر حمني وصار رجااااااااااااااال ..
ام عايشة هم مبروووك وترى صادني مثل إلي صادش بالضبط بين نبض واحد والثاني ما فيه شي والحمد الله اكاني في الثامن وثنينهم مجننيي واحاتي ولادتتهم والله يتمم ليش على خير إن شاء الله

هذا إلي اذكرة بس من إلي قرأته بقوم اسبح وبريح شوي من دوخة المستشفى وبجي اقول لكم سالفتي نشوفكم في سهرة أم حمني ههههههههه قصدي ساهر الليل

أم حماني

10-16-2010, 11:28 PM

ام ساهر الليل تحييكم ... شخباركم ... ؟؟؟

أم حماني

10-16-2010, 11:30 PM

الله يبارك بحياتج حروف عاشقه .. والله يعينج على ختان ولد وقضاض اذن بنتج ... بتجربين الاثنين مره وحدة ... و فجورة وام عايشه الله يبارك في حياتكم .. انتوا باركتوا لي في الردود الي قبل بس انا توني حاطة بالي ... سامحوني اذا فوت شوي ... ترى السهر مسوي فيني سوايا

بنت الأياويد

10-16-2010, 11:42 PM

السلاااام عليكم شخباركم حبيت اسلم عليكم قبل لا ارقد ورانا دوام باجر من صباحة الله خير، وام حماني بشرينا عنه شخباره من عقب التختونه؟
نسيت اقولكم امس رحت السعودية وكملت اغراض بنيتي وأخيرا الحين بس باقي لي التوزيعات والتناتيش الصغار وباجر ان شاء الله بدش الشهر الثامن على حساب الدكتورة الله يتمم لنا على خير، ونشوفكم مرة ثانية ان شاء الله تصبحون على خير ومع السلامة

طفلي حياتي

10-16-2010, 11:47 PM

السلام عليكم
اللهم صل على محمد وآل محمد
ام حماني يهبببببببل حمننننني بهالصوره يشبه ولد اخويي يوم كان كبره

أم حماني

10-16-2010, 11:56 PM

بنت الاياويد خساره مالحقت عليج

فجوره

10-17-2010, 12:27 AM

السلاااااام

بنوتة حلوة

10-17-2010, 12:39 AM

مرحبااا.. مساءالخيرات للحوامل وغير الحوامل عشان لاا تزعل أم حماني

شخباركم؟؟

فجوره

10-17-2010, 12:40 AM

هلا بنوته
شخبارج

بنوتة حلوة

10-17-2010, 12:56 AM

الحمدلله فجورة نسأل عنكم.. وشخبار الحمل والتجهيزات وكل شي؟؟

فجوره

10-17-2010, 01:23 AM

كل شي تمام
جهزت للبيبي تقريبا تقريبا قاعده اشطب
بس باقي لي اشياء السبوح
وآنه ماجهزت لي ولا شي
والتوزيعات للحين خخخخخخخخخخخ

وانتي شخبار البيبي وشخبار تجهيزاتج

أم حماني

10-17-2010, 01:40 AM

صباح النور ..... ابشركم باقي 3 ايام واخلص محكومية النفاس

فجوره

10-17-2010, 01:45 AM

صباح الانواار
هلا والله ام حماني
يلا مابقى شي وتفتكيين
اهم شي شخبار حمااني
اشوه الحين؟
شلون احساسج لين تبدلين الحفاظه
لان حدي احاتي ولدي

أم حماني

10-17-2010, 01:48 AM

اول يوم اهوة اللي صعب .. بس يوم اودي حماني مسكين كان اكبر واحد هناك ... يمكن لو كان اصغر بيكوون احسن .. بس لاحظت ثاني يوم وثالث يوم الي اهوة اليوم وايد احسن ... حطيت له ميبو وايد زينماعليج منهم حتى لو قالوا لج لاتحطين شي .. وامس واليوم بديت حط له زيت زيتون عشا تطيح الحلقه بسرعه ..

فجوره

10-17-2010, 01:50 AM

واايه عليه فدييته
مايجوف شر
يكبر وينساه ان شالله

أم حماني

10-17-2010, 01:52 AM

و حق الحفاظة اخذي له اكبر من مقاسه عشان ماتصكين عليه ... انا الحين استخدم له رقم 2
صج عودة بس اناا اضمن انه ماتضغط على الجرح وتعوره

فجوره

10-17-2010, 02:16 AM

عيل يبيله بسرعه نختنه
يعني لي صار عمره اسبوعين علشان مايتغربل

فجوره

10-17-2010, 02:27 AM

يلا استأذن باقوم حدي تعبت

اقصوصه

10-17-2010, 07:01 AM

http://forum.hwaml.com/imgcache2/hwaml.com_1287288118_420.gif

حبيبة حسوني

10-17-2010, 10:55 AM

صبااااااااااح الخير بنوتات شخباركم حبايبي
اني باجر عندي تحليل السكر وخايفه ولايعه جبدي
الي راحت تخبرني شنو بيسوون بالضبط سمعت انهم بيشربوني جلكوز وعقب ساعه بياخدون مني دم وانتو شتقولون؟؟؟

om khalil

10-17-2010, 11:27 AM

يسعد صباحكم ومساكم

حبيبة حسوني
اني بعد باجر موعدي حق السكر، بروح الساعه 7 وقالوا لي لازم اصوم من 7 المغرب
بشرب عصيرهم وبقعد مكاني مابتحرك اخاف ادوخ منه
وقبل ما تكمل الساعه بوقف ليهم عند المختبر لانه اذا تاخرتين عن الساعه بردون يشربونش هالعصير
وهو ترى عصير عادي يعني، بس عاد كريه عصير من الصبح.. يالله ان شاءالله مايطلع فينا سكر يارب

شمس الصباح

10-17-2010, 12:47 PM

سلااااااااااااام يا بطات شلونكم

اليوم رحت الموعدي زحمة ما في باركات كاني رايحه السلمانية مو البديع الصحي اااااااااف جم مرة الف وادور لين حصلت بارك المهم والمختبر حدث ولا حرج حتى كراسي ما في طلعت من المستشفى الساعه عشر ونصف وانه من الصبح هناك وطلعت نتيجة السكر اوكي ما فيني بس دمي نازل حصلت جم زفه خفيفة لاني مطنشه حبوب الحديد وعطتني ورقة قائمة طعام وتعليمات

وامس سوينا عيد ميلاد ولدي طبعا بدون الكاميرا لكن صورت الكيكة بكاميرا اللاب توب والنقال

http://forum.hwaml.com/imgcache2/hwaml.com_1287308881_136.jpg

حياكم تفضلو كل وحده تاخذ اليها قطعة

نورالدنيا

10-17-2010, 12:50 PM

سلام حوامل
هلا أم خليل أن شاء الله يطلع ما فيج السكر أنا يوم الخميس موعدي وبشوف نتيجة السكر الله يكفينا شره

نورالدنيا

10-17-2010, 12:53 PM

شمس الصباح الحمد لله على السلامة بس لازم تاخذين الحديد حتى يزيد دمج دعواتكم لي موعدي الخميس

كل عام وولدج بخير وعليكم بالعافية

نورالدنيا

10-17-2010, 12:57 PM

حوااامل تدرون للحين ما جهزت أغراض البيبيhwaml42 صار لي شهر وأنا اعاني من ألم

في الفخد ما أقدرأمشي منه صرت عجوزةhwaml78

حوامل من تاخذ ابر تثبيت ؟؟

أحلام أم

10-17-2010, 01:24 PM

سلااااااااااااام يا بطات شلونكم

اليوم رحت الموعدي زحمة ما في باركات كاني رايحه السلمانية مو البديع الصحي اااااااااف جم مرة الف وادور لين حصلت بارك المهم والمختبر حدث ولا حرج حتى كراسي ما في طلعت من المستشفى الساعه عشر ونصف وانه من الصبح هناك وطلعت نتيجة السكر اوكي ما فيني بس دمي نازل حصلت جم زفه خفيفة لاني مطنشه حبوب الحديد وعطتني ورقة قائمة طعام وتعليمات

وامس سوينا عيد ميلاد ولدي طبعا بدون الكاميرا لكن صورت الكيكة بكاميرا اللاب توب والنقال

http://forum.hwaml.com/imgcache2/hwaml.com_1287308881_136.jpg

حياكم تفضلو كل وحده تاخذ اليها قطعة

هلا والله ،بشمس الصباح ،مبروك لأنش ماطلع فيش سكر،وداومي على الحديد علشان البيبي ،وإنكان على مستشفى البديع حاله حال جدحفص الله يعين الجميع بما فيهم الحوامل،مبروك عيد ميلاد الولد وعقبال مية سنة يارب وربي يحفظه ويهديه ،أني ليلة الجمعة سويت عيد ميلاد علاووي في بيت أبويي وكنت تعبانه وخليت أختي تصور الحفلة ودز الصور على الإيميل وللحين ،معذورة السنه توجيهي عندها،إلا باقول لش الكيكة من مخبز المنار لأنها تشبة كيكة ولدي وعلى شكل قلب بعد وكلها فواكة ،الله يعودكم على جميع المناسبات السعيدة

الفتاة الذهبية

10-17-2010, 01:35 PM

بنوتة
تصومين من الساعه 7 المغرب وتروحين المستشفى الساعه 7 وبيشربونج العصير
عصير برتقال عادي بس لوعه من الصبح وثلت ارباعه شكر

شمس الصباح
اشوه ان ما فيج شي
ومبروك عيد ميلاد الولد وعقبال 1000مليون سنة خخ

نو الدنيا
حاولي تجهزين ترى عقب بتتعبين اكثر

أم عائشة

10-17-2010, 01:44 PM

السلام عليكم شخباركم خواتي
ومشكورين كل اللي بارك لي والله ماقصرتوا استانست بردودكم

واحلام ام وشمس الصباح عقبال مليون سنة يارب وان شاءالله تفرحون فيهم وتجوفونهم معاريس

واختي نور الدنيا انا اخذ ابرة تثبيت كل خميس ابرة

واختي حروف عاشقة الله يطمن قلبج مثل ماطمنتي قلبي ان شاءالله بالموعد الياي اسمع نبض الثاني
والحمدلله على كل حال

الفتاة الذهبية

10-17-2010, 01:45 PM

ام عائشة ان شاء الله تسمعين نبض الثاني
لا تحاتين خلي ايمانج بالله قوي

أم عائشة

10-17-2010, 01:46 PM

ام خليل فديتج والله وربي استانست لانج كنتي تحاتيني حسيتج مث اختي واغلى وربي يشهد ماقصرتي اختي والله يخلي لج عيالج وتفرحين فيهم يارب وادعيلي اسمع نبض الثاني
والله يتمم حملج على خير وتجوفين البيبي بين يدينج وتفرحين فيه يارب

الفتاة الذهبية

10-17-2010, 01:48 PM

ام عائشة
ان شاء الله تسمعين نبض الثاني
والله يتمم حملج على خير

أم عائشة

10-17-2010, 02:04 PM

جزاج ربي كل خير اختي الفتاة وربي يتمم حملج على خير يارب وتفرحين ببنوتج

طفلي حياتي

10-17-2010, 02:15 PM

السلام عليكم
تصدقين اخت ام عايشه استانست وحسيت بأمل وتفائل ياربي تقضي حاجه كل محتاج وترزق كل متأخره ومشتهيه طفل ياربي تبشرينا بنبض الثاني وتولدين بنت وولد يارب

طفلي حياتي

10-17-2010, 02:16 PM

ماقدرت افتر على كل سوالفكم بصراحه
بس حبيت اسلم عليكم وحده وحده واتطمن على بيبيها ان شاء الله يارب بخير كلكم
بالنسبه لتطوراتي الوسواسيه مو مهتمه ليها وايد بس في راسي ان بطني ساعات يصغر ساعات يبين شوي وماحسيت بحركة البيبي ههههههههههه خله على الله اللي يطمني ساعات ان لحين عندي شوية من النساة ماراحت كلها

الفتاة الذهبية

10-17-2010, 02:38 PM

جزاج ربي كل خير اختي الفتاة وربي يتمم حملج على خير يارب وتفرحين ببنوتج

ان شاء الله

الفتاة الذهبية

10-17-2010, 02:39 PM

ماقدرت افتر على كل سوالفكم بصراحه
بس حبيت اسلم عليكم وحده وحده واتطمن على بيبيها ان شاء الله يارب بخير كلكم
بالنسبه لتطوراتي الوسواسيه مو مهتمه ليها وايد بس في راسي ان بطني ساعات يصغر ساعات يبين شوي وماحسيت بحركة البيبي ههههههههههه خله على الله اللي يطمني ساعات ان لحين عندي شوية من النساة ماراحت كلها

ان شاء الله بتحسين بحركة البيبي
ويمكن حسيتي بس مو عارفة تميزين

نورالدنيا

10-17-2010, 02:39 PM

أختي أم عائشة الله يفرح قلبج وتسمعين نبض الجنين ويثبت حملج

الى متى تاخذين ابر التثبيت ؟

أنا آخذها من الشهر الأول وقالت لي الدكتورة الى الاسبوع 34 آخذها كل أثنين

الله يتمم لنا على خير

الفتاة الذهبية

10-17-2010, 02:41 PM

نو الدنيا
الله يتمم حملج على خير

نورالدنيا

10-17-2010, 02:47 PM

نو الدنيا
الله يتمم حملج على خير

الله يتمم لنا جميع

الفتاة الذهبية

10-17-2010, 02:54 PM

ان شاء الله

om khalil

10-17-2010, 03:04 PM

شمس الصباح
كل سنه والصغير بالف خير ان شاءالله وايد حليوه الكيكه وين سويتينها، احنا كان عندنا عيدميلاد ليلة السبت بس الكيكه مو ذاك الزود ، كانت من المخبز الكوري. لو مسوين عند ام حسام احلى.
وهالمره اذا رحتين المركز اول شي سويه اخذي رقم مال المختبر.

نور الدنيا
الله يسلمش خيو من كل شر والله يساعدنا على هالعصير، اني اليوم الصبح على الفال شربت ربع قلاص ماي كنت عطشانه ودار راسي.

ام عايشه
الله يخليش ويحفظش واجنتش واولادش من كل شر، اني كنت انتظرش بالذات تبشرينا انه فيش ثنين علشان بسرعه اضيف جنين ثاني لتوقيعش ^_^ ان شاءالله يارب..

طفلي حياتي
اني بعد لازال عندي بعض النساة بس الحمدلله أفضل

طفلي حياتي

10-17-2010, 03:11 PM

اهلا ام خليل
اني شربت العصير وفرحانه حدي لاني ربي بلغني في يوم شفت روحي مث الحوامل واسوي اشياء يسوونها مستانسه واني اشربه وان شاءالله يارب استانس وقت الولاده واستانس بشوفة جنيني سليم
ويبلغ كل وحده للي تتمناه

om khalil

10-17-2010, 03:24 PM

ان شاءالله ربي يبلغش مرادش ياطفلي حياتي وتفرحين بشوفته سليم معافى ان شاءالله
باجر غفصتي روحة الدختر وروحتي ويا بتي بعد لازم اوديها اسجلها للمدرسة

طفلي حياتي

10-17-2010, 03:24 PM

ام خليل البارحه تذكرتش لاني قبل لا انام ماكله خوخه وطارت النومه من عيوني للصبح وقلت ويش لي اكلها تغربلت وماقعدت الا وحده الظهر واني باغي اعدل نومتي عشان اروح المستشفى
كريه هالشكل

om khalil

10-17-2010, 03:26 PM

توبه من شراي الخوخ ههههههههههه شوقتيني لراعي اللوز اقصد اللوز ههههههههه
يالله شي اييب شي، اخليش مشوار شوي وراجعه

طفلي حياتي

10-17-2010, 03:27 PM

اوكى على خير

شمس الصباح

10-17-2010, 04:13 PM

نور الدنيا
الله يبارك لك وراح اخذ حبوب الحديد ويش اسوي مع اني ما احبه يسوي لي امساك

احلام ام وام خليل
الكيكة من برد توست في البديع الكيكة لذيذة وخفيفه كل ما تأكلين تقولين بعد ما تجيب الحومه كلش ولا مسوي عرض يوم السبت والأحد الكيلو 4 دينار خخخخخخخخخ اسوي دعايه

فتاة
الله بيارك لج وان شاء تحتفلين بأولادش

حروف
انه ما نسيتش وكنتين على بالي ولكن انشغلت كم يوم بالكاميرا كل ما نوديها محل يقولون لنا لا المحل الثاني والحين زوجي اكو اخذها وياه يقولون الوكيل في المنامة وبنشوف وين نوصل وياهم امس شريتنا صبغ للمجلس النساء على اسبوع الجاي بنصبغ hwaml7

أم حماني

10-17-2010, 05:04 PM

السلاااااااام عليكم

بناااااااااااااات طالبتكم طلبة ارجوكم لاتردوني ... ضروري ابي رقم مراخه اتيي للبيت وياريت لو يكون عندها مواصلات بروحهااا ,,, باقي يومين واخلص من النفاس وليحين ماتمرخت ,,, عافيتي وايد تعوررني

فرح عمري

10-17-2010, 06:08 PM

شخباركم حوامل

ان شاء الله انتون وبيبياتكم بخير يارب

ام حماني ما اتوقع فيه مراخه تروح البيت ما اتوقع يرضون يعني

بس اني عندي مراخه في جدحفص ما شاء الله وايد شغلها زين ومراخه وش حلاته

اسمها ام عبدالله اذا تبين رقمها بعطيك

شمس الصباح

10-17-2010, 07:15 PM

السلاااااااام عليكم

بناااااااااااااات طالبتكم طلبة ارجوكم لاتردوني ... ضروري ابي رقم مراخه اتيي للبيت وياريت لو يكون عندها مواصلات بروحهااا ,,, باقي يومين واخلص من النفاس وليحين ماتمرخت ,,, عافيتي وايد تعوررني

هلا أم حماني عندي وحده شاطرة في الدراز وتروح للبيت بس ما عندها مواصلات يعني الموصلات عليج اذا بغيتي بطرش لج رقمها على الخاص وممكن تروحين عندها البيت في غرفة خاصة للمراخ

rose soul

10-17-2010, 07:36 PM

السلام عليكم
شخباركم جميعا؟؟
صار لي جم يوم ما دخلت..لأن ماقعد ف الشقة
بس كنت اطل على سوالفكم بس مارد

طفلي حياتي

10-17-2010, 08:17 PM

السلام عليكم
هلا فيش روز وبطلتش
بنات سؤال وابغي تجاوبوني كلكمممممممممممممممممم
هل انتي ايتها الحامل بالفعل تحبين جنينك؟؟
اقصد انو تحبينه وتخافين عليه وتتعلقين فيه وهو للحين فبطنش؟؟
قالت لي وحده كلمه علقتها براسي وتميت افكر فيها
تقول لمن كانت حامل تخاف ع الجنين لا يطيح وتبغي تجيبه سليم لكن الحب الحقيقي والتعلق فيه صار عقب ما انولد يعني احنا شعورنا تجاه الجنين يصير حقيقي وواضح اكثر بعد الولاده
تعليقاتكمممممم لو سمحتوو

om khalil

10-17-2010, 08:17 PM

راسي منفجر حديييي مالي خلق اشرب سوائل غصبت روحي على عصير باقوم احط راسي شوي اريح، باجر تحليل السكر توني صمت، ماباروح الا 8

شمس الصباح
عجيب اكلهم برد توست بجرب الكيك المره اليايه ان شاءالله، بس ماعليش امر طرشي لي على الخاص اسم ورقم المراخه اللي قلتين عنها باجربها في التاسع قبل الولاده ان شاءالله

طفلي حياتي

10-17-2010, 08:23 PM

ماعليش شر ام خليل
ان شاءالله مافيش الا العافيه

أحلام أم

10-17-2010, 08:55 PM

هلا أم حماني عندي وحده شاطرة في الدراز وتروح للبيت بس ما عندها مواصلات يعني الموصلات عليج اذا بغيتي بطرش لج رقمها على الخاص وممكن تروحين عندها البيت في غرفة خاصة للمراخ
هلا شموسة الصباح
من هي المراخة الشاطرة إللي في الدراز، دليني عليها أني وأختي لين نولد مانحصل في الدراز كله نروح ندور بره الدراز المراخات ،تكفين دلينه عليها دزي لي رقمها على الخاص رحم الله والديش لأنه أمي محتاجه مراخه لشي ثاني وزين بعد قريبه ليهم
لايكون أم حمد اوحسن ماجربناها بس ينعتونها

أم حماني

10-17-2010, 09:07 PM

شمس الصباح ... مشكورة بس بالدراز وايد بعيد علي

أم حماني

10-17-2010, 09:10 PM

السلام عليكم
هلا فيش روز وبطلتش
بنات سؤال وابغي تجاوبوني كلكمممممممممممممممممم
هل انتي ايتها الحامل بالفعل تحبين جنينك؟؟
اقصد انو تحبينه وتخافين عليه وتتعلقين فيه وهو للحين فبطنش؟؟
قالت لي وحده كلمه علقتها براسي وتميت افكر فيها
تقول لمن كانت حامل تخاف ع الجنين لا يطيح وتبغي تجيبه سليم لكن الحب الحقيقي والتعلق فيه صار عقب ما انولد يعني احنا شعورنا تجاه الجنين يصير حقيقي وواضح اكثر بعد الولاده
تعليقاتكمممممم لو سمحتوو

عن تجربة .. اكيد شعورج غير لما تولدين البيبي .. في بطنج تحبينه وتخافين عليه وتتخيلينه بس يوم يكون بحضنج احساس ثاااااااااااني .. كل ماشفتيه يكبر جدامج تتعلقين فيه اكثر واكثر

بنت الأياويد

10-17-2010, 10:04 PM

السلاااام عليكم ، شخباركم ، ام حماني عندي رقم مراخه زينه اتيي البيت امرخه اخت رفيجتي يوم طلعت من النفاس تبينه ولا حصلتي؟

طفلي حياتي

10-17-2010, 10:04 PM

هلا ام حماني ربي يخليه لش يارب ويبلغنا ان شاء الله
انزين بقول لش عن مراخه رهيبه والله العظيم عن تجربه وتروح حتى لشيوخ ياخذونها هي كبيره في السن لكن سبحان الله ايدها سحر
اذا رحتين ببتاكدين بنفسش عاااااااااااااااااااااااااااااالم تنتظر دورها وكل وحده عندها قصه وياها المهم هي من ستره واسمها ام احمد الجزيري مشهوره حدها تبغين رقم بيتهم بعطيش اياه

قمر بنت راشد

10-17-2010, 10:22 PM

بنت الاياااااويد فديتج سامحيني توني اقرا ردج

بل خرعتيني انا بعد اسوق من محرق لي صخير كل يوم

وحدي ما استحمل شي كل اي واووه

الله يستر بس معليش اذا حملت ان شاءالله بتحمل

أم حماني

10-17-2010, 10:47 PM

هلا بنت الاياويد .. حصلت وحدة يسمونها ام يوسف .. هاذي تعلمت من وحدة الله يرحمها ماتت اسمها عذبة معروفة . هذي تصير جنتها .. مرت ولدها

أم حماني

10-17-2010, 10:48 PM

طفلي حياتي .. اي قريت عنها بالنت .. بس مكانها بستره وانا اخاف اروح هناك ههههههه

طفلي حياتي

10-17-2010, 11:02 PM

هههههههههه ام حماني اذا اني اخاف ويام اللي رحت كان اللعام كنت اموت من الخوف من اوصل لين ما اطلع خخخخخ اقول يمكن فيه شي او ما شيات ويصيدني طشار هيهيهيهيهي بس طافت على خير

أم حماني

10-17-2010, 11:09 PM

ههههههههههههههههه الديره كلها صارت تخرع ترى

طفلي حياتي

10-17-2010, 11:11 PM

اي والله
الله كريم وترجع ايام العز والهدوء

أم حماني

10-17-2010, 11:14 PM

ان شاء الله

طفلي حياتي

10-17-2010, 11:23 PM

تصدقين تسولف لي ام احمد اقول لها تعالي ديرتنا كم يوم لان ناس وايد يبونش وارجعي قالت لالالالا ماعرف لي عالم تجيني كل يوم وماعرف اهد زوجي ولو تشوفين زوجها قتلتني من الضحك وقامت تضحك تقول هو شايب لكن مايصير اهده يمكن يلوف على الشغاله ههههههههههههههه
المهم تقول ان عوائل كبار ياخذونها تمرخهم ويرجعونها لان ماشاء الله خبره حدها

أم حماني

10-17-2010, 11:36 PM

اي اشوف وايد ناس يمدحونها في المنتديات ...

فجوره

10-18-2010, 12:08 AM

وااااااي يمه
عافيتي متكسره
دشيييييييت الثاامن وهذي اوله
سترك يااااااارب

فلونة

10-18-2010, 12:51 AM

سلاام

شخبارركم بنات

انا حبيت اسلم على السريع واقولكم تصبحون على خيررر

ومتى ادش السادس جم اسبوع ؟؟؟

الفتاة الذهبية

10-18-2010, 06:42 AM

صباااح الخير
شخباركم اليوم ؟

طفلي حيااتي
انا صج ما عندي خبرة لانه اول مولوده لي
بس اكيد احساسج يكون ثاني بعد الولاده وتخافين على البيبي وتتعلقين بالبيبي اكثر واكثر

بنت الأياويد

10-18-2010, 10:39 AM

صبااااح الخير ، شخباااركم ؟ ام حماني اي نعرفها ام يوسف بيتنا كلهم يعرفونها نودي امي ساعات تمرخها 3 ايام بعشرة بس يمكن الحين غيرت ماعرف وحاليا صارلنا فترة مارحنا لها بس يوم اليمعه الي طاف ماخذين منها دقوس خخخخخخ خوش دقوس تبيع اهيه بروحها تسويه اي متعلمة من عذبه الله يرحمها عذبة كنت اسبوعيا بيتنا يودوني لها والسبه بلاعيمي عشان تغمزني الله يرحمها صج غربلتها

حبيبة حسوني

10-18-2010, 11:52 AM

هااااي بنات شخباركم
اما اني تعبانه وحالتي حاله ومتكسره احس اني خلاص صرت عجوز
تخيلو رجايلي ويا ظهري بمووت منهم والله العظيم ماقدر حتي انبطح بتي دبحتي
يالله كل شي يهون لجل عيونها الحلوه واليوم رحت لتحليل السكر وايدي للحين تعورني من محل الابره ايدها ثقيله الي ضربتني ياربي ساعدنا وسهل علينا يارب

الفتاة الذهبية

10-18-2010, 12:00 PM

انا تمام انتو شخباركم

حبيبة حسوني
يلا هونيها وتهووون
راحت اشهر وايد ما بقى الا القليل

بنت الأياويد

10-18-2010, 12:33 PM

نسيت اسأل ام حماني جم يوم يرقدون السلمانيه حق الولادة؟ لان اذا بحجز الستاند والخلفية ماعرف اقوله جم يوم!!!

شمس الصباح

10-18-2010, 12:49 PM

السلااااااااام عليكم

ام خليل
طرشت ليش رقمها على الخاص بس بيغيت اسئلش ليش بتروحين في التاسع عند المراخه لاني اسمع ناس وايد تروح في التاسع بس ما ادري ليش ؟؟

احلام أم
اي ام حسن اسمها بس ما شاء الله عليها شاطرة بصراحة جربتها واستفدت منها وايد

السلام عليكم
هلا فيش روز وبطلتش
بنات سؤال وابغي تجاوبوني كلكمممممممممممممممممم
هل انتي ايتها الحامل بالفعل تحبين جنينك؟؟
اقصد انو تحبينه وتخافين عليه وتتعلقين فيه وهو للحين فبطنش؟؟
قالت لي وحده كلمه علقتها براسي وتميت افكر فيها
تقول لمن كانت حامل تخاف ع الجنين لا يطيح وتبغي تجيبه سليم لكن الحب الحقيقي والتعلق فيه صار عقب ما انولد يعني احنا شعورنا تجاه الجنين يصير حقيقي وواضح اكثر بعد الولاده
تعليقاتكمممممم لو سمحتوو

شعوري يختلف لما يكون في بطني غير في حضني لما يكون في البطن احاسب على نفسي وعلى الجنين عن الأجهاض واحبه بس أكيد لما يكون بحضني واعيش معاه يتفاعل واتفاعل معاه يزيد الحب وكل ما كبر يكبر حبي وتعلقي به وتكبر ذكرياتي معاه يصير هو كل شي في حياتي وجزء ما يتجزء منى تدرين ان معظم الأمهات لما يكون عندها طفل رضيع سبحان الله تعرف ان طفلها يبغي يرضع قبل لا يصيح واذا سئلتين بقولج انه الصدر يالم على خفيف وخزات وبعد اقل من ثانية تشوف الطفل يصيح حتى اذا البيبي برد عليه هي تحس به من غير ما يتكلم سبحان الله يعني بعد الولادة يصير في ارتباط وجداني وجسدي بين الرضيع والأم .....لو اكتب ما راح اخلص ولكن الحمد لله على نعمة الأمومة والله يرزق كل وحده بالذرية الصالحه

فلونة

10-18-2010, 12:53 PM

سلاام

بنت الاياويد // السلمانية اذا ولادة طبيعية وانتي والياهل مافيكم شي يوم واحد بس
واذا ولادة قيصيرية بعيد الشر عن الجميع اسبوع

عندي ثياب لازم اغسلهم وثياب اطويهم واسوي الغدى // شغل البيت ما يخلص تمللت :(

بنت الأياويد

10-18-2010, 12:58 PM

مشكورة اختي فلونة على الرد ، الله يعينج انا الثياب على المنشره يبيلي اشيلهم واطويهم والصالونة تطبخ على الفرن مقصره عليها على ماتسبح واصلي ببند عليها وبسوي العيش ، فلونة جنج مرة سألتيني شنو فيني وشنو بسمي فيني بنوتة وبسميها شيخة ان شاء الله وأنتي لحين ماعرفتي شنو فيج؟

فلونة

10-18-2010, 01:32 PM

بنت الاياويد // ااي سألتج والله يسر حملج ولادتج وتجوفين شيخة البنات بأحسن حال
وانا للحين علامة استفهام ماعرف شنو فيني ابي بسرعة الايام تمر واجووف بنتي او ولدي ،، مع ان انا احساسي بنت بس زوجي يقولي ولد والي ايي من الله حياه الله

انا سويت مجبوس وللحين ما كملت وباطوي الثياب احين والعصر باغسل والله يعين