ديوانية البحرين - دردشة حوامل البحرين - البحرينيات [الأرشيف] - الصفحة 17

بنت الأياويد

11-10-2010, 09:59 AM

معنى الوفاء مسامحه على هالسؤال بس بسألج استخدمتي حبوب منع الحمل عقب ولادتج ببنتج ولا شنو؟ لان انا زوجي محلفني ماسوي شي ولا آكل حبوب والرياييل مامنهم امان ، يعني مابي اظلم بنتي توها ام شهور واحمل عليها صعبه شوي على الاقل سنتين جذي زين ، ياريت نستفيد من خبراتج بما ان عندج خبره سابقة

معنى الوفاء

11-10-2010, 10:00 AM

أن شاء الله... الله يتمم لنا على خير
بنتي اكثر وحده فرحانه بهل الحمل... وما تبي الا أخت لها... الله يستر بتقلعنا اذا جاها اخو

الله يعينج بنت الأياويد هانت ان شاء الله ماباقي شي

أم حماني

11-10-2010, 10:01 AM

قلت باخذ لي بدله من مانقو او كمايو .. بس المشكله ماتحصلين جلابيه مفتوحة وانا احب البس جلابيه اول يوم عيد ... احس روحي هيلقيه اذا لبست بدله ههههههههههههه

بنت الأياويد

11-10-2010, 10:03 AM

فصلي لج انزين جلابية في محل في بوكوارة اسمه فلاح حسن اعتقد عنده قطع حلوة وروحي المحل الي اتعامل وياه يسوي لج تطريز وعنده شكثر جلابيات حتى جاهزين يبيع وايد شغله فضيع انا كل مرة اسوي عنده يعني حتى لو عندج قطعه عادية سادة وديها له شوفي شلون يسويها لج وايد فنانين، انا حق صباحية عرسي سوالي جلابية فضيعه جنها ثوب نشل بس على جلابية الكل عجبته واسعاره زينة بعد حاولي تتحركين من الحين

أم حماني

11-10-2010, 10:03 AM

بنت الاياويد ... نفس الحاله .. زوجي مب راضي اخذ اي شي ولا حتى اركب لولب ... محتارة شسوي .. اختي تستخدم حبوب ياسمين .. وايد زين تقول وقريت عنه بالنت وايد يمدحونه

معنى الوفاء

11-10-2010, 10:03 AM

بنت الأياويد
أنا أبداً ماستخدمت حبوب منع الحمل... يعني موانع طبيعية
بس أهم شي تكونين متفقة مع الزوج
ولازم اهو يحاسب لروحه>>> أحم أحم فاهمه علي؟؟
وبعد تقدرين تحسبين أيام الاباضة عشان تتحذرين اكثر

أم حماني

11-10-2010, 10:05 AM

في وين يصير هالمحل ؟

بنت الأياويد

11-10-2010, 10:05 AM

اي فاهمه بس ساعات مايصير عندهم كونترول على روحهم هذي مشكلة بعد ، بس بحاول افهمه على قولته يبي سبعه يقول مصدق روحه قلت له شعليك التعب مب عليك ولا الثقل عليك، اللولب مب ضمان اختي مركبه واحملت على بنتها خخخخ الحمدلله والشكر مابي اضحك لايضحكون علي بعدين

أم حماني

11-10-2010, 10:06 AM

انا ريلي لمح لي انه مابيرتاح بطريقه العزل الطبيعي ... مادري ليش احس الطريقه تضايق الريال يعني مايرتاح

بنت الأياويد

11-10-2010, 10:07 AM

محل الجلابيات اسمه مياسين وانتي يايه بداية بوكوارة صوب الصديق مال الخلق اول لفة من عقب مكتبة اليقين تدشينها امشي شوي اهو على يسارج محلهم قديم بس دشي داخل وشوفي لج قبل لاتشترين خلق اخذي فره لان عندهم جلابيات للبيع بارزين يقولج في العيد يسوي 2000 جلابية ماشاء الله

أم حماني

11-10-2010, 10:09 AM

بروح اليوم بجوف ... مشكورة

بنت الأياويد

11-10-2010, 10:09 AM

ام حماني عيل شكلج بتييبين اخو حق حماني ، يعني ريلج لاينقلي ولاينشوي مب راضي حبوب ولا شي وهم مب راضي العزل الطبيعي والحل يعني ؟ والله مشكلة الرياييل ، بقولج تدرين ليش مايرتاحون انا سمعت ان يأثر على ظهرهم يصيدهم ألم في ظهرهم ، انا اعرف وحده تقول زوجها يلبس ذي مادري شسمه العازل خخخخ جني بديت اخوره وماشاء الله الحين يمكن ست سنوات ميودين روحهم تقول مايبون الحين

معنى الوفاء

11-10-2010, 10:10 AM

اذا تحسينة مايسيطر على روحه وبعد يبي يهال وايد
نصيحه ابلعي حبوب
ترى حتى الموانع الطبيعية مو ضمان ولاحتى الحبوب
يعني أنا هل المره ولله الحمد أن بنتي كبرت شوي
حمل بالصدفة ولاكان فترة اباضة وكنه بعدنا على المانع... يعني حمل غير مخطط له
" الحين تأكدت أن مافيه ضمان "
أذا الله أراد شي يقول له كن فيكون

أم حماني

11-10-2010, 10:11 AM

اي هاذي ع قولتج الي يلبسونه ... اقترح نستخدمه بعد ... الصراحه وايد شي يحير بس اهوة لازم يحدد موقفه اذا مب راضي اخذ حبوب عيل لازم يستحمل ويضحي << حلوة يضحي ههههههه

بنت الأياويد

11-10-2010, 10:12 AM

اي والله سبحان الله ، بس انا بعد اخاف من الحبوب لان في ساعات حبوب مايناسب الوحده مثل وحده تقولج استخدمت حبوب وتمت ماتشوف نفس الي عمت تخيلي وماقرت الوصفة الي مع الحبوب كان مكتوب ان احتمال يسبب جذي وجذي

معنى الوفاء

11-10-2010, 10:13 AM

أم حماني ماعليج منه
خله يشوف لروحه حل
حماني صغير الله يحفظه
لازم تتفاهمون على هل الشغلة من الحين

بنت الأياويد

11-10-2010, 10:13 AM

هههههههههههههههههههههه الله يعينج ام حماني والله
اي لازم يضحي خخخخخخخ ، اشتري له ذي لين رحتوا تاخذون اغراض من جيان ولا شي وقطيه في الجاري قوليله بدربك عليه في البيت خخخخخخخخخخخخخخ

أم حماني

11-10-2010, 10:15 AM

عيل مالنا الا الطبيعي ونمشي على جدول الاباضه .. بس يعني عن تجربه اذا عندكم ياهل هاذي بروحه تقريبا مانع ... مايخليكم تاخذون راحتكم ... ههههههههههههههههه

معنى الوفاء

11-10-2010, 10:15 AM

أم حماني
أنتي خلصت وقت النفاس؟؟

بنت الأياويد

11-10-2010, 10:17 AM

والله الريال مايوده شي لاتقصين على روحج لاياهل ولا شي ، خخخخخخخخخ لين في راسه ابليس ماتقدرين عليه انا بعد خايفة من ريلي يقولي انا رايح في كبر اقوله الي يسمعك يقول شيبه

معنى الوفاء

11-10-2010, 10:17 AM

ترى العازل مب مريح للزوجه
والحبوب اكثر شي تسبب مضاعفات
يعني كلش كلش تمتن الوحده

أم حماني

11-10-2010, 10:18 AM

اي خلصت صار لي شهرين الحين من ولدت

معنى الوفاء

11-10-2010, 10:19 AM

يعني المفروض خلاص تكونين متفاهمه وخالصة ويه ابو حماني

أم حماني

11-10-2010, 10:21 AM

ريلج نفس ريلي ... الود وده واحد فوق واحد ... هذاك اليوم تذكرت يوم اقولج ريلي مادري شلون بيكون مع ولده مايحب اليهال ... تعاااااااااالي جووووفيه هالحمني ماخذ قلبه وروحه .. يموووت عليه حتى انا صرت اغااااااار .. ماشاء الله عليه وايد يحبه وصاير يشاركني بالربى .. يسبح معاي ويبدل حفاظاته ويرقده في الليل

بنت الأياويد

11-10-2010, 10:22 AM

انا سألت وحده قالت لي مانستخدمه من البداية الا لين جريب بيخلص يلبسه احس اوكي هالحركة بس اهم شي نسأل قبل ان مايسبب حساسيه او شي ، ماشاء الله ام حماني صج الايام تركض الله يحفظه ويخليه لج ، ام حماني صج يقولون عقب ماتخلصين من النفاس تخافين ترقدين ويا ريلج تحسين جنج توج معرسه وتخافين من الخياط؟ ولا عادي؟لان في ناس يكبرون السوالف قلت بسألج ، وعلى طاري الحليب اختي تقولي لاتعطينها صناعي طول فترة النفاس لاتعلمينها عليه تقولي بتشوفين مابتصيح من بطنها ولا شي وبترقد عدل وعقب استخدمي لها صناعي وطبيعي بس قللي من الصناعي

أم حماني

11-10-2010, 10:23 AM

الحين حاليا الجراحه االي فيني اهيه صايره المانع خخخ

بنت الأياويد

11-10-2010, 10:25 AM

بييه يعني كلش ماجربتي؟ بالجراحة شلون الوضع ولا خايفة؟ انزين انا افكر شلون انظف تحت من عقب الجراحة احس بصيدني خوف؟

أم حماني

11-10-2010, 10:26 AM

اي تعور وايد .. انا جربت مره وتبت .. وبخصوص الحليب .. انا ماكنت افكر اعطيه بس ماكان فيني حليب والياهل يوعان .. وبعد ماتدرين شيصير يمكن تمرضين لاقدر الله او تحتاجين تطلعين مشوار .. اش بيسوي الياهل حزتها .. ويمكن بعد اذا تعودت كله على الطبيعي ترفض الصناعي ولد اختي جذي ماقبل الصناعي كلش .. انا دكتور يوسف اكبر قال لي .. لازم الام تعطيه 3 رضعات صناعي ع اساس انه يتعود عليه واذا اضطرت الام تخليه ماتتوهق

معنى الوفاء

11-10-2010, 10:28 AM

أم حماني
الله يخلي لج حماني وأبو حماني لازم يحبه ويباريه
حتى علاقتج مع بو حماني تصير أحسن وأجمل وأقرب

بنت الأياويد
بما انج تدرسين لازم بتعطينها صناعي بس بعد حاولي ترضيعنها من عندج أكثر
أنا بنسبة لي كان اكثر شي متعب ومألم الرضاعه
صادني تشققات وألم في صدري والصناعي يشبعها اكثر
لين تركت الطبيعي وتمت على الصناعي

أم حماني

11-10-2010, 10:28 AM

انا استخدمت فيت بس حاسبت مايصيد صوب الجراحه .. وجربت بس مره بس ماقدرت اواصل .. احس الجرح كأنه بيتبطل على اني كنت مستخدمه ملين ... امي واختي يقولون يبي لها الوحدة وقت ترجع طبيعيه لازم بيعور جم شهر

بنت الأياويد

11-10-2010, 10:29 AM

ماشاء الله 3 رضعات؟!
ترى سمعت ان فيه كريم من الصيدليه تشترينه ملين حق هالسالفة عقب الولادة عشان مايألمج
معنى الوفاء وين اختفيتي؟
لايفوتج اليوم بسوي سمج صالونة مطفيه وشيلاني من الصبح مطلعه الجنعده عشان تفج اول مرة بجرب السمج ان شاء الله يضبط لان ريلي يقولي خاطري في سمج قلت بتعصلب وبسوي

معنى الوفاء

11-10-2010, 10:30 AM

أم حماني
شلون لج شهرين من يبتي حماني وللحين الجراحة؟؟
جراحة غير السيم لو مسوية جراحه ثانية؟

أم حماني

11-10-2010, 10:31 AM

انا عانيت مع الرضاعه .. صدري ناشف مافيه حليب .. يعني رابع يوم من الولادة المفروض صدري متروس حليب وانا بالغصب تطلع نقطه ... بس ما ايست .. مابي احرم ولدي من منفعه الطبيعي .. واذا حملتي تشققت استخدم الشفاطة له .. اشغلها على اقل درجه وتشفط الحليب شوي شوي ...

أم حماني

11-10-2010, 10:33 AM

لا معنى ...اقصد مكان الجراحه .. الظاهر انا شقوني وايد لانه حزة الدفع انا كنت دايخه وايد ونص راقده ... كانوا بالغصب يصحصحوني

معنى الوفاء

11-10-2010, 10:33 AM

موجوده مارحت مكان
ياسلاااام على الجنعد
أنا اسوي بس مقلي وريلي الا يقليه بعد خخخخ
بالعافية حبيبتي
باجر بسوي لنا سمج

بنت الأياويد

11-10-2010, 10:37 AM

اي انا بقلي شوي والباقي بحطه وبسوي صالونة مطفية مع خضره ، الله يعافيج، شله ام حماني مايعور الطلق هههههههههههههههه نص راقدة تقولين؟
حسيتي انج نسيتي الام الطلق ولا للحين تتذكرين لان يقولون من تولد الوحده الله يمسح على قلبها

معنى الوفاء

11-10-2010, 10:38 AM

أم حماني
رحت فحص مابعد الولادة؟؟
مابخوفج بس اذا للحين ماتقدرين تقعدين وعندج ألم في الجرح روحي المستشفى أحسن
لأن صادني جذي من قبل وتميت أعاني كل من يقول لي حتى لو الجرح وايد من تكملين الشهر يروح الالم ويتأم الجرح ولما رحت فحص مابعد الولادة حولوني على السلمانية.. بس انا رحت الفاتح بفلوس عند د. ساندو وقالت لي أن الجرح ملتهب وشالته لي في نفس الوقت (بس طلعت روحي) ويوم ثاني حسيت روحي تمام

أم حماني

11-10-2010, 10:39 AM

من اول ماتيودين البيبي تنسين كل شي .. واقولج الطلق يعور بس على اخر شي وقت الياهل بيطل دوخت

أم حماني

11-10-2010, 10:40 AM

برب اختي متصله

بنت الأياويد

11-10-2010, 10:40 AM

شنو اسباب التهاب الجرح؟معنى الوفاء ،،، بما انج يايبه بنيه شلون الطلق صج يقولون يروح وايي مو حامي نفس الولد والبنيه يضرب كله تحت جنه ألم الدورة بس اقوى؟

بنت الأياويد

11-10-2010, 10:41 AM

انا دقايق بس بروح اغسل السمج وببهره وبخليه شوي يتخمر عشان عقب اقليه وبرجع لكم

أم حماني

11-10-2010, 10:42 AM

معنى .. رحت الفحص والدكتورة قالت لي الجراحه اوك بس واهيه تفحصني تقول شوي طلع دم .. وعطتني مرهم مالت علي ليحين ماستخدمته

معنى الوفاء

11-10-2010, 10:42 AM

صالونة جنعد بعد وايد زين بالعافية ياقلبي
احلى شي لين أمي سوت الجنعد مشخول ياسلااااام

بنت الأياويد ترى ماعليج من الاقاويل وحده تقول لج يعور وحده تقول مادري شنو ترى يختلف
أهم شي انتي لاتحاتين وخصوصاً أول مره بيصير كأنه حلم

أم حماني

11-10-2010, 10:44 AM

اي والله صاجه كأنه حلم .. انا من الحين ااحاتي يقولون الولادة الثانيه تصير اصعب ... صح هالكلام ولا لا؟

معنى الوفاء

11-10-2010, 10:45 AM

الحمدلله أن الجراحه زينه
استخدمي المرهم زين

وحاولي تشوفين لج وحده تمسدج الا بعد الولادة ترى وايد بترتاحين

أم حماني

11-10-2010, 10:47 AM

اي مرختني وحدة يوم خلصت النفاس لي ليحين عافيتي تعورني ماستفدت منها وايد

معنى الوفاء

11-10-2010, 10:47 AM

لي ولدت هل المره بقول لج اذا يألم اكثر او لا هههههههه الله يستر
بنات وايد قالو لي ان المره الثانية اصعب

أم حماني

11-10-2010, 10:51 AM

هههههههههههه الله يستر

أم حماني

11-10-2010, 10:55 AM

قاعده في الصاله ارضع وماخذه راحتي .. عبالي اخواني في الشغل .,, دش اخوي مره وحدة .. والله فشييييييييييييله

بنت الأياويد

11-10-2010, 11:02 AM

قووووبش حده احراج ههههههههههههههههههههههه محد قالج طلعي اغراضج جدام بيتكم خخخخ ، لاتشوفون ويهي وانا اطلع الجنعد من الجيس ويهي جنه شهادة وفاة الحين بس وقفت شوي بهرت السمج ظهري عورني الله يعين ، عندي خيار وطماط بعد بسوي سلطة وبحط وياه ملح وليمون وقام الشوط وبسوي له عصير برتقال اذا الله قدرني ان شاء الله ، الولادة الثانية يقولون لان تحسين بالراس لين بيطلع اما البجر ماتحسين بشي لان توج يديدة، ام حماني شلون معاملتهم السلمانيه وياج يوم تولدين حليوين؟ وفيه الحدايد الي تعلقين ريولج نفس الافلام خخخخخ ولا اهمه يطلبون منج تحطين يدج تحت ريولج؟

أم حماني

11-10-2010, 11:06 AM

صج ماحسيت بطلعة الراس ... بس يوم تميت ادفع حسيت شي تمزلق مني ههههههههههه احلى شي .. ومعاملتهم عاديه مايطبطون عليج ويهمزونج بس زوينه يعني .. والحدايد يحطونها من يجوفونج خلاص بتولدين يعني توسعتي كفايه

بنت الأياويد

11-10-2010, 11:06 AM

رقــــــــدتــــــوا؟

أم حماني

11-10-2010, 11:07 AM

لا انا موجودة

بنت الأياويد

11-10-2010, 11:08 AM

مايصير بدون ماحس وانا راقدة يصير كل ذي؟ خخخخخخخ وماشوف بنتي الا يمي بدون هالاكشنات الي تصير اهو البجر لازم عشرة جنه تنتفحين؟

بنت الأياويد

11-10-2010, 11:11 AM

احس روحي دايخه ابي ارقد لان ماعندي سالفة قاحصة من سبع ونص ، عزت الله استوى الغدى يزعم قايلة بصلي الظهر وبسوي الصالونة وباخلي السمجه حق التقلي حزة الي ريلي بيي بقليها حق الشيلاني

أم حماني

11-10-2010, 11:12 AM

هههههههههههههههههههههههه انا كنت شوي واحب يدهم والله ... اخذ يدهم وألمها .. اشوة فيني حاسيتي وماقعد احببها ههههههههههههههه بس ابي يعطوني ابره بس مايصير لانها خطرة ع البيبي بس انتي لاحسيتي البيبي بيطلع قولي لهم لانه ساعات بيقولون لج توج مب متوسعه كفايه بس سبحان الله يصير تتوسعين مره وحدة .. انا اخر شي قالوا لي 5 مادري 6 .. واهيه تقول لي لاتدفعين لانه بيتعور الياهل .. بس انا مب قادره اقولها ماقدر امسك نفسي .. يات فحصت جافتني 9 وبسرعه جهزت الاغراض وكل شي

بنت الأياويد

11-10-2010, 11:14 AM

الاااي آبي اولد شوقتيني خخخخخخخخخخ ، مشكلتي مافيني شده الحين حتى حق المشي مادري شبسوي اتعب بسرعه وريولي من الثقل احس جني دينااصور يمشي على الارض اقول حق ريلي جرب حط ريلك بدوس عليك جوف يعورك او لاخخخخخخخخخخخ

أم حماني

11-10-2010, 11:17 AM

ههههههههههههههههههههه هانت كلها شهر ونص .. صح هالكثر باقي لج ؟؟؟ انتي امشي لاتقطين روحج ..انتي اذا مادخلتي التاسع الله يعينج لانه التاسع اطول شهر .. مابي أأيس بج بس خليج مستعده

أم حماني

11-10-2010, 11:19 AM

عيني قامت تصك بروحها الله يهديك ويصلحك ياعبدالرحمن ... بغمض عيني شوي دامه راقد

بنت الأياويد

11-10-2010, 11:20 AM

انا احس الثامن اطول شي مايخلص ، بس قولي بتهون علي لاني بكون ويا اهلي الحين الا بريحاتي في الشقة من جذي اعد الايام ماعرف والله شكثر باقي لي انا المفروض ولادتي في 19/12 واعتقد اسبوع 36 ادش شهري صح؟ يعني باقي لي على حسبة دكتورتي ماعطتني موعد تاريخ 21 ادش شهري الله يعدي هالايام على خير والله تعبانه كلش واحس بطني وايد صغير من جذي يالسه ابرز كلشي الحين شكلي بولد بداية التاسع لان احس بطني مو مكفي الياهل والعلم عند الله

أم حماني

11-10-2010, 11:21 AM

اقول اذا رحتي بيت هلج خذي الجهاز معاج ... من الحين تبين تقطعيناااااااا ... ؟؟؟؟ وانا ادري بج لا ولدتي مابنجوف ويهج بعد .. اخذي الجهاز معاج عشان تضيعين وت به لاتمللتي وعشان يطير الوقت عليج

بنت الأياويد

11-10-2010, 11:21 AM

اي قومي ريحي شوي انا بعد برقد شوي نص ساعه لان وراي كرف في المطبخ ، اذا قدرتي شبكي بعدين احتمال على التسع ادش بشوف

بنت الأياويد

11-10-2010, 11:23 AM

عارفه هااا ان لين ولدت مابتشوفوني ههههههههههههههههه اي ان شاء الله بودي الجهاز وكل ماحصل فرصة بشبك بس عقب الولادة ماعتقد بتشوفوني خخخخخ يمكن ادش في الشهر مرة اسلم عليكم واطمن على الي ولدت والي ماولدت واسأل عنج وعن وليدج نسيبنا ههههههههه آيه عليه

أم حماني

11-10-2010, 11:24 AM

ان شاء الله بجوفكم عقب العيد واذا حصلت فجه مني ولا مناك بدخل ... ريلي بيطلع من وقت من الشغل وبيي ياخذني .. يعني يمديني اجهز نفسي واجهز حماني واجهز اغراضنا ... تحملي بروحج وان شاء الله الله يعينج ويخفف عنج ... سلمي على البنات وكل من يسأل عني

أم حماني

11-10-2010, 11:25 AM

ياويلج اذا مادخلتي . هذاني ولدت وادخل .. عن الدلع ... وبعد برزي روحج وتعلمي شلون تنزلين صور عشان نشوف شيوخة عروستنا .. ولا تبيني اخذها حق ولدي عمياوي ههههههههههه

بنت الأياويد

11-10-2010, 11:26 AM

ان شاء الله يوصل وانتي تحملي بروحج وفي حماني فديت روحه
وhave a nice week end

أم حماني

11-10-2010, 11:27 AM

مع السلاااااااااااااااااااااااااااااااااااااااااااااا اااااااامة

بنت الأياويد

11-10-2010, 11:28 AM

اي نفس مال اول بنييبها بزوليتها وبنحطها له لاتخافين بتطلع حلوة ان شاء الله ههههههههههه انا فاشله في الكمبيوتر لازم اسأل اشلون ينزلونهم واذا صار عندج بيبي مادري شسمونه ذي بطرش لج على تلفونج من تلفون بنت اختي مافي الا هالحل لو ماعرفت انزل الصور

بنت الأياويد

11-10-2010, 11:28 AM

الله يسلمج يالغالية في حفظ الله

طفلي حياتي

11-10-2010, 01:26 PM

السلام عليكم
مساكم الله بالخير
افا ام حماني مشيتين واني مو هنا اسلم عليش
بس يلا اهم شي تستانسين وبوسي حماني عني
ان شاء الله تمرينا
باقي لبنات شخباركممممممم

فلونة

11-10-2010, 02:10 PM

عليكم السلام طف طف الدبدوبة hwaml02

انا البارحة مصختها في السهر واليوم ماقعدت الا ويا اذان الظهر ،، آخر مرة اسويها حتى شغل البيت ماسويت شي والغدى للحين ما خلصته ،،hwaml5

جنه اليوم فتوووت ما بينت كلش،، من عواديها الصبح لازم اطل اهني...

بنت الأياويد

11-10-2010, 02:15 PM

عليكم السلام طفلي ، هلا والله فلونة مايسوى عليكم السهر أمس انا قلت اكيد محد بيدش الصبح اليوم كلش محد بين حتى الفتاة غريبة بالعادة تدش تصبح علينا الصبح بس يمكن انشغلت مسكينة ، انا غداي توه بارز سويت صالونة مطفية جنعد وشيلاني حطيت وياه خضرة مشكلة وقليت بعد سمج وسويت السلطة والعصير خلكم انتوا يالكساله رقاد بس ههههههههههههههههههه عشان مرة ثانية ماتسهرون هالكثر

شمس الأصيل

11-10-2010, 02:26 PM

السلام عليكم بطااااااات البحرين شخباركم بغيت انضم اليكم في الديوانية ..............

بنت الأياويد

11-10-2010, 02:32 PM

هلا والله شمس الأصيل عليكم السلام حياج الله بين خواتج

شمس الأصيل

11-10-2010, 02:36 PM

ألحين راح اعرف نفسي ..... اني حامل في الشهر الثامن وهذا الحمل الثالث ولدي البجر عمره اربع سنوات والثاني الله استخاره وقت الولادة بعييييد الشر عنكم وكان قبل سنة ونص وألحين الله عوضني بحملي لأني حامل بتوينز بنات الله يخليهم اليي والى ابوهم ويسهل عليي وعليكم وموعد ولادتي 5/12 لأنها قيصرية مع ان روسهم تحت ومتهيئين للولادة بس بسبب المشاكل اللي شفتها في ولادتي السابقة وسببت اليي مشاكل في الرحم فما اقدر اولد ولادة طبيعية بعد الآن ..... الحمد لله قدر الله وما شاء فعل

شمس الأصيل

11-10-2010, 02:39 PM

ونعم بنت الأياويد الله يحييش ومشكورة على الترحيب

فلونة

11-10-2010, 02:39 PM

هلا بنت الايايويد ،، انا الحمدلله برز غداي سويت عيش ابيض وقليت سمج صافي وباذنجان وآلوو وطمااط .. سويت السلطة وبانطر الحجي لين يوصل،، صج البارحة مصختها بشكل مو طبيعي في السهر،، عليكم بالعافية الجنعد عاد ضبطتي الطبخة hwaml02

هلا فيج شمس الاصيل ،، حيااج بيتج ومطرحج hwaml03

فلونة

11-10-2010, 02:43 PM

الله عوضج خير،، وصج من صبر نال ..الله يخلي لج ولدج ويبلغج فيه ،، و الله يتمم لج الحمل على خير وتقر عينج بجوفة بنوتاتج .. صج احساس حلوو الحمل بتوينزز ..
مشيمة وحدة والله كل وحدة مشيمة؟

بنت الأياويد

11-10-2010, 02:47 PM

فلونة اتمنى ان تضبط الصالونة ضبطت بس الجنعد مايندرى عن طعمه مع البهارات ضبط لو لا، يالله زين استوى غداج وريلج للحين ماوصل نفس حالتي للحين مايه انتظره الظاهر بيصلي في الدرب، وشمس الحمدلله الله عوضج خير والله يبلغج فيهم ياربي

طفلي حياتي

11-10-2010, 02:49 PM

هلا بنات
اني البارحه سهرت الى ثنتين وشوي وقعدت 9 رجعة زوجي من اخر ليل وللحين قاعده وراسي يدور
طبخت مجبوس دياي عقب شوي بناكله علينا بالعافيه وانتو عليكم بالعافيه غداكم بس غداي احلى منكم
شمس الاصيل اهلا وسهلا فيش ويارب هالتوأم يجون وانتين وهم سالمين والله يعوضش ويعوضني وكل من فقدت جنين

اقصوصه

11-10-2010, 03:18 PM

أهلين حياتي اخبارج

فلونة

11-10-2010, 04:15 PM

بنت الاياويد ،، هااا بشري اضبطت معااج او لا

طف طف،، غدااي عجيييييب.. وانا احب مجبوس الدياي بس اليوم مدلعة السمج قطعت الآلو والطماط والباذنجان دوئر صار شكله يشهي على السفرة hwaml02

ماميش احد اهني،، قيلولة بعد الطباخ hwaml5

اقصوصه

11-10-2010, 04:16 PM

فلونه اخبارج؟

شمس الأصيل

11-10-2010, 04:19 PM

مشكورين بناااات ولكل من رحب فيني واللي ما رحب
فلونة اني حملي بمشيمة وحدة.....
طفلي حياتي....اني الصراحة ما كان صايدني اجهاض اني رايحة اولد وكنت في الأسبوع 38 وحزة الولادة بعييييد الشر عن الكل انفصلت المشيمة وما لحقوا على ولدي ومات الله يرحمه .......

اقصوصه

11-10-2010, 04:20 PM

الله يرحمه شمس

طير من طيور الجنه

والحمدلله ربي عوضك خير

فلونة

11-10-2010, 04:31 PM

اقصوصة ،، الحمدلله انتي شخبارج وشخبار حوور؟؟

شمس .. يعني بنوتاتج بكونون متشابهين اذا الله يسر لج,, وين كانت ولادتج بولدج السلمانية؟؟

اقصوصه

11-10-2010, 04:33 PM

فاونه حور بخير الحمدلله

تصيح تبي ترضع

وانا ما فيني حليب ولا فيني حيل هههههههههه

فلونة

11-10-2010, 04:43 PM

وعليه عليهااا ييبها عندي ،، اقصوصة ترى الرهش يدر الحليب اكلي لج جمن قفشة ورضعيها :p ،، وفي اكل وايد يدر حليب الام

اقصوصه

11-10-2010, 04:52 PM

ماعندي رهش :(

فلونة

11-10-2010, 04:57 PM

لوووول تبين اطرش لج ،، انزين البقل والمكسرات النية تنفع بعد :p
بس لازم ترضعينها علشان لا يجف الحليب،، سبحان الله لين بترضع بنتج بييها الحليب لا تخافين

فلونة

11-10-2010, 04:59 PM

عاد انا احين صار خاطري في الرهش ،، ومابي اكل الاسبوع الياي عندي تحليل سكر وعقدوني اهني البنات كل من يشتكي من سالفة سكر الحمل الله يبعد هالشر عن جميع الحوامل،،

اقصوصه

11-10-2010, 05:00 PM

انا ارضعها كل ساعتين بس هي مرات تبي ترضع كل ساعه لانها ترضع خمس دقايق وتنام تتعب بسرعه هههههههه

شمس الأصيل

11-10-2010, 05:06 PM

ايه كانت ولادتي في السلمانية والصراحة اهتموا فيني ذاك الاهتمام ومعاملتهم بعد كانت فوق الممتازة مع اني صارت حالتي حالة بعد الولادة وصارت عندهم حالة استنفار وعلى قول الدكتورة قومت السلمانية فوق تحت لأني على قولتها حالتي اول مرة تشوفها.......
لأني بالأول ولدت طبيعي وبعدين صادني نزيف داخلي وصار الأكشن العدل بعدين على قولة اختي صار مستشفى السلمانية مثل المسلسلات الأجنبية ما تم دكتور في السلمانية الا يا عندي وسوووني عملية والسبب صادني نوع من انواع انفجار في الرحم لكن الله سلمني وطلعني منها ...الحمد لله
ومن جذي قال لي الدكتور الرحم ما يتحمل طلق فأني قلت اولد قيصرية اشوى اليي من اأقدر احمل مره ثانية

الظاهر اني طولت عليكم وايد....

شمس الأصيل

11-10-2010, 05:08 PM

فلونة ما عليش من كلام البنااات ترى هونيها وبتهون

شمس الأصيل

11-10-2010, 05:19 PM

الصراحة بنات اني من اول ما حملت الدكتورة اللي في المركز على طول حولتني على الفاتح وتقول اليي ليش ما تأخرتين شوي وخوفتني لا اني بعد ما صدقت خبر قام الوسواس يلعب فيني ليل نهار لا وريلي بعد كل يقول لي منش النتين اللي تبين اليهال مع ان الدكتور قال لي عقب ستة شهور اقدر احمل واني حملت بعد ثمانية اشهر المهم قلت في نفسي ليش اكبر السالفة خلني اتفائل احسن اليي.....
رحت اول موعد اليي في الفاتح ونفس شي قالت الدكتورة ليش ما تأخرتين بعد واخذت عليي سونار لان تقول ألحين ما ينسمع النبض الا تقول انتي حامل بتوأم وكنت في الأسبوع التاسع
والى هاليوم كل ما ادخل على دكتورة تخوفني واني أطنشهم لأن تكبرينها تكبر وتضغرينها تصغر لإني مخليه روحي دايما متفائلة وشايله الوسواس من راسي واللي كاتبنه ربي بصير

فلونة

11-10-2010, 05:21 PM

شموسة الله يعينج ،، صادتني قشعريرة من كلامج .. اهم شي الله سلمج ،، عاد اتصدقين السلمانية عندهم امكانيات واجهزة متطورة احسن بوايد من المستشفيات الخاصة بس بما ان مستشفى حكومي فالاهتمام مو ذاك الزود ويمكن لان انتي حالة خاصة حصلتي عناية والتساهيل من رب العالمين وان شاء الله تعدي عمليتج على خير .. اخذي راحتج افا عليج انا الي سألتج

عاد اتصدقين اختي في ولادتها مع ان بجر وصغيرة ما حصلت اهتمام في السلمانية حتى ابرة مسكن للألم ما عطوها تمت 24 ساعة تعاني من الطلق بس الحمدلله يوم ان جافت ولدها.. حتى انا عقب ماجفتها جذي لانه كنت معاها في المستشفى خايفة اروح السلمانية ويلعبون فيني نفس اختي .. يارب يسهلها علينا

فلونة

11-10-2010, 05:26 PM

اقصوصة نفس ولد اختي يرضع شوي ويتعب يرقد ،، بس ما يشبع فكل ساعة يصيح.. وعليه عليهم النتف

شموسة ،، عاد انا عكسج فيني وسواس مو طبيعي كله اوسوس على اتفه الأمور .. الشهر الي طاف سويت سونار وقالت لي الدكتورة ان البيبي نازل الله وكيلج يومين وانا اصيح وما لي خلق احد .. لانه وايد اركب وانزل على الدري با ان شقتي في الطابق الثالث بس احيين عقلت شوي وما انزل الا مرة وحدة في اليوم ،،،
وعلى قولتج صغريها تصغر وكبريها بتكبر .. بس احنا الحريم دمعتنه على طرريف

فلونة

11-10-2010, 05:27 PM

سمعت عن دكتورة في الفاتح اسمها ساندو وايد يمدحونها .. انتي عند اي دكتورة اتابعين في الفاتح؟

اقصوصه

11-10-2010, 05:54 PM

فلونه والرضاعه بهالطريقه تسبب للطفل غازات

شمس الصباح

11-10-2010, 07:19 PM

سلاااااااااام عليكم

شمس الأصيل
هلا بيش والله يسهل عليج وتفرحين ابهم يا رب

ام خليل
تدرين يا ريت زوجي يدرس اليهال بس يعرف يوقع على اوراق الامتحان ويتفلسف بعد اذا قام يوقع امس اقول له والله حاله بس تعرف توقع ولا تعرف وش داخل الكتب قام يضحك لان يدري اني اتعب وهو بالجاهز يحط توقيعه اليوم اني وقعت من حرتي

حروف من زمان ما دخلت ما ندري شنو اخبارها

وحنونه بعد تغب مرة وحده

فجورة ماليها حس

ممممممممممم بعد من لا حد يزعل اذا ما ذكرت اسمه الكل في بالي بس اسماي كلش احيانا افقد الذاكرة

الليلة في مباراة شكلي بدخل الديوانية لان سي السيد ما بيعطني ويه عدل

اقصوصه

11-10-2010, 07:43 PM

أهلين شمس :)

فجوره

11-10-2010, 09:07 PM

سلااام
هلا والله شمس
انه موجوووده بس انتي ماتبينيين

بنااات اليوم رحت المستشفى
فحص السكر بو 4 ساعات طلع فييني سكر خفيف للاسف
وعندي قابليه ان اكون فيني سكر حمل
قالت لي حاسبي في اكلج

وانه نسيييييييييت كل شي كنت باقوله لهااا
حتى عن ضرسي نسيييت

وقالت لي البيبي نااازل ومجدم على وقته
وقالت لي يمكن اولد في العييد الوطني ويمكن قبل لان بطني نزل

والحمدلله على كل حال

بس حدي متضايقه من زوجي وايد زعلني اليووم :(

شمس الصباح

11-10-2010, 09:27 PM

هلا فجوره لا ما عليش شر

ليش زعلانة من البطل

فجوره

11-10-2010, 09:32 PM

نفسيتي تعبت معاه
اقوله عندك شغل يقول لا ابي اروح الحداق
اقول له زين تعال خلني امشي يقول لي تمشي في سطح بيتكم
مساعه في المستشفى بالغصب مشاني 5 دقايق
ولا يتمشى وياي ويشرب جقاير
اقوله لا تدخن يعاندني
ريحه سيارته جقااير وريحته وريحه الشقه
حتى انه ريحتي جقايير
وايد ناس كلموني وقالو لي ريحتج جقاير
اكلمه يعاند اسكت عنه يزيييد
خيسني

om khalil

11-10-2010, 09:40 PM

توني قريت سوالفكم يوعتووني خاطري في جنعد وبيلجان:(
متعشيه من وقت وساكنه في بيت عمي هالفتره واستحي اطلع اطبخ ليي في هالوقت بيلجان :(

عن المانع اللي اني استخدمه هو فترة الأمان، ويعتمد على حسب طول دورتش، اني الفترة بين دورة وثانية بين 26 الى 28 يوم..
وتمتد لـ 6 أيام
الخمسة الايام الأولى بعد الدورة أمان
الخمسة ايام قبل الدورة الثانية أمان
فعادي لو دش داخل.

وبفترة الاباضة يكون العزل برا او استعمال الواقي الذكري، ويستخدم قبل مايخلص الريال.. فترة طوارئ حزتها خخخخخخخ

بس خلال فترة حملي هذي متنسيه على زوجي مو بس في الجماع،، حتى في المشاعر والاحاسيس اعامله كانه اخوي مو زوجي. مسكين الله يصبره يارب ويعميه عن غيري.

تدرون بعدي ماجهزت للعيد... رجعت الدوام من شهر ومارجع البيت الا العصر وماعندي وقت ادخل النت في الشغل علشان جذي بعد دخلاتي خفت عن قبل.
راسي يعورني بقوم اشرب ليي مياهه لا ينزل ضغطي ما فيي شده

وبنات لا تهملون حمية السكر ترى في ناس ان مانزل عندهم السكر يعطونهم ابر انسولين تعوووور يوميا بعد ها
وفيه ناس يواصل وياهم السكر اصابه خلاص طول العمر بسم الله عليكم
وغير عن تاثيره على الياهل بعد
من غير شي بصير حجمه وش كبره ماشاءالله وطبعا الولاده قيصريه بعيد الشر عنكم

وقبل مانسى عن حبوب منع الحمل اني استخدمت نوع مناسب حق الرضاعه بعد ولادتي بشهرين تقريبا علشان اصوم رمضان كامل.. بس تدرون متنت حدي...والنفسيه زفت... والدورة تلخبطت وتركتها

ام حماني ماشاءالله اينننننننننن ولدش الله يحفظه ويهديه ويجعله من الصالحين ان شاءالله والله يسعدش باجازه حلوه ان شاءالله

شمس الصباح زوجي امس اول مره يقعد وياها يدرسها وقالي لانه درس رياضيات بس ولا باقي المواد لا،، والله زين صدته كل واجب رياضيات بقطه عليه

om khalil

11-10-2010, 09:44 PM

فجوره نفس الحال ويا جقاير زوجي
هذا ومايشرب في البيت بس ايي والريحه قابه
من شوي طالع ويا ولده البراحه وياني خلي وريحته كلها جقاير
قلت الحين تسبحه تسبحه ماقدر اتحمل اشيله وفيه هالريحه :(
على طول اييني صداع وحرقه بعيوني :(
وخشمي يخييييييييس

om khalil

11-10-2010, 09:46 PM

طفلي حياتي
هيكلحين ولدي من شاف صورة الياهل اللي حاطتنه تحت اسمش ماشاءالله كل شوي يقولي باتوف دادو
ابي أصرفه من ريحة جقاير أبوه راويته الصورة اللي حاطتنها فلونه وبعد شمس الصباح مو راضي الا صورتش هههههههههه

فجوره

11-10-2010, 09:47 PM

مايحسوووون
المشكله الريحه تارسه راسه ومااايشم
وايد اتعب من الريحه ومايحس فيني

om khalil

11-10-2010, 09:51 PM

عشت معاناتش زمان
يتني حساسيه في عيوني
وصداع نصفي بمجرد ما اشم الريحه
كرهت انام وياه من هالجقاير لازم بشم نفسه يختش
البوس مانشوفه الا بالافلام ههههههههه

بس الحمدلله الحمدلله الحمدلله ماشاءالله الحين بدل مايخلص بوكس في اليوم يخلص ربعه الحمدلله

طحنت عليه يروح عيادة مركز الحورة للاقلاع عن التدخين.... طنشني

om khalil

11-10-2010, 09:53 PM

فجوره تقولين اسم ولدش قديم ويفشل؟
عيل اني ويش اقول خليل ههههههههه
مت من الضحك عليه وهو ياهل نتفه في اللفه واسمه خليل ههههه
اسم قديم وعود على ياهل....
يقولون لي باجر بيكبر وبصير عادي الاسم
بس البلا مو في خليل،، البلا في أم خليل كبرني الاسم ههههههه

فجوره

11-10-2010, 09:57 PM

هههههههههههههههه
اييي انه اسمه صغنون مو طويل بس اسم شيوخ يازعم رزه
مادرى انه حافي منتف
وخليل لي كبر بيصير اوكي
بس وهو صغير اطول منه خخخخخخخخ

طفلي حياتي

11-10-2010, 10:01 PM

اوووووووووه ام خليل هنااا
اسفرت وانورت
مادري اقوم افلصش؟
راده فاتحه سالفة السكري ليييييييييييش؟
اني انتظر النتيجه وخايفه فجوره ويش قرروا يسوون لش حل ويى السكري؟ ماقلتين

om khalil

11-10-2010, 10:02 PM

ماسميه الا خلي شوي اصغر الاسم هههههههههههه
باقوم ادور لي علف آكله وبرجع برب

طفلي حياتي

11-10-2010, 10:03 PM

اي يهبل الياهل كله اراويه بنت حميي اذا تيي الحجره اقول ليها شوفي ولدي الحين هو في بطني نايم وتقعد تهر وتمر

فجوره

11-10-2010, 10:04 PM

طفلي ماسوو لي شي
قالت لي بس لا تاكلين حلاوه خففي سويتاات وسكريات
وبس لا ماكان وااايد مرتفع
شوي يعني مو لدرجه ابر الحمدلله

بس الغريب ان خذو من صبعي وطلع مافيني سكر
شي غريب الصراحه

فجوره

11-10-2010, 10:14 PM

عندي اقتراااح
ليش مانتعرف على بعض في الصج
يعني احس لين ولدنا بعدين بتقل دخلاتنا المنتدى
ويمكن تنقطع
وخصوصا قت الولاده
ليش ماناخذ ارقام بعض علشان مانقعد نحاتي من ولدت ومن ماولدت نفس مانحاتي حرووف الحيين
ووين فلانه ووين علانه
نسأل عن بعض ولو بمسج
واللي تستحي تشتغل بالمسجات بس
و اللي تخاف على راحتها هذي شي مو اجباري

طفلي حياتي

11-10-2010, 10:14 PM

عيل لاتحاتين يوخيتي خلاص روئي وهذا سكر حمل ان شاء الله يروح بس خففي حلويات وبس
واني مثلش عمتى ام زوجي عندها جهاز 3 مرات متباعده يعني كل يومين او ثلاثه اسوي يطلع مافيني شي والدرجه طبيعيه وعندته امس وربي يستر من النتيجه
يارب مافيني وسواسيه يادافع البلا والخوف يخليني امووووووووت احتضر

شمس الصباح

11-10-2010, 10:14 PM

هلوووووووووووو اني اهني بس كنت انتقل بين المواضيع

اقول فجورة انه ما احب شي اسمة تدخين ما اقدر على الريحه لان عندي ضيقه ولا احب التدخين بس وش تسوين ربش كريم

طفلي حياتي

11-10-2010, 10:23 PM

ابغي اعرف ليش كلامي يطلع فيه غلط كله كلام فيه حروف زياده لو ناقصه انقهر عدل

طفلي حياتي

11-10-2010, 10:26 PM

ام خليييييييييييييييييييييييل رحتين تسوين لش باستا لو مجبوس تهي نتفة روتيه وجبن بسرعه تعالي

شمس الصباح

11-10-2010, 10:26 PM

عادي مو بس انتين حتى اني معظم كلامي كل اخطاء املائية شنيعه

اليوم سويت اكشن الي زوجي فيلم رعب مسكين خاف هههههههههه

أم حماني

11-10-2010, 10:27 PM

السلااااااااااااااااااااااااااااااااااااام
عللللللللللللللللليكم

فجوره

11-10-2010, 10:28 PM

علييكم السلاام
شمس شسويتي في زوجج خل اسوي نفسج وانتقم منه ماحاجييه

أم حماني

11-10-2010, 10:30 PM

فجورة طولي بالج على ابو اعيالج ... الحياه جذي ups & downs

طفلي حياتي

11-10-2010, 10:31 PM

ام حماني هلا والله زين اللي ييتين تعودنا ع السهر وياااااااش

شمس الصباح

11-10-2010, 10:32 PM

اني من زمااااااااااااان قاعده على المنتدى المهم في موضوع عن مقص شق عجان مال الولادة قمت اروية ههههههههههه اتخرع مسكين وهو يسئل واني اقول شوووووف واشرح شكله خاف من الولادة يقول ليش جدي يسوووووووون وهو مخنفس ههههههههه مجرمه

طفلي حياتي

11-10-2010, 10:33 PM

اني قلت اليو مابتيي وبتصير لها فييييه الا ماقدرتين على فراقنا لا تقطعين واذا رحتين السعوديه ادخلي هناك بيصير ملل بروحش

أم حماني

11-10-2010, 10:33 PM

انا بعد ,, المفروض اني رحت بس ريلي ماقدر يرجع لانه الجسر وايد زحمة وباجر من الصبح بيي .. على فكره نسيت اقولكم باجر بيطعمون حماني ... انا وايد خايفه

فجوره

11-10-2010, 10:35 PM

شمس ريلي يحب هالسوالف اصلا يمووت على الدم اللي يتطشر
يقول لي بدش اطالع حالج حال فلم سووو

ام حماني لا تحاتينه بيصيح وبيسكت وان شالله مايتصخن عليج قبل العييد

أم حماني

11-10-2010, 10:36 PM

ياريت اقدر ادخل من هناك ... بس ماعندي نت .. ليحين ماركب لي

حنين للماضي

11-10-2010, 10:37 PM

السلام عليكم

ماشاءالله الديوانية نشيطة هاليومين
من المغرب للحين اقرأ سوالفكم
عاد خلال هالفترة تابعت لي فيلمين وتعشيت بعد

فجورة ترى اغلب الرجال جدي
هونيها وتهون
اللي عندي يعصب من اقل شيء
وعقب يرجع ندمان ويرضيني
من تزوجنا لحد يومش ولا خمسين مرة قال لي خلاص مابعصب وبتغير وللاسف ....
بس يلا تدرين اني من قبل كنت اقلب الدنيا مواجع وصياح بس الحين صرت اقوى ودائماً اردد هالآية في بالي وأفوض أمري إلى الله ان الله بصير بالعباد
ونفس ما قالت ام حمني الحياة فيها ابس ودون

لايفوتكم الليلة ما طبخت
ونوع اللي كنت ابيها من الله
زوجي كان معزوم وسويت لي فيله دجاج عالسريع

شموس مشكورة حبيبتي على سؤالش
شنسوي مشاغل الحياة واني طول يومي بيت ابوي المغرب ارجع
من ددي ما ادخل الديوانية اله في الليل

فجورة على طاري اقتراحش والله خوش فكرة

أم حماني

11-10-2010, 10:37 PM

فجورة فلم سووو مره وحدة هههههههههههههههههههههه
اسم الله عليج ... ولادتج سهالات باذن الله الواحد الاحد

طفلي حياتي

11-10-2010, 10:39 PM

ام حماني اهم شي النتتتتتتتتتتتتتت
فجوره ناقمه ع الريل وشبهته بالسفاح خخخخخخ غربل الله بليسش

أم حماني

11-10-2010, 10:39 PM

شنو اقترحت فجورة ... ماحطيت بالي

شمس الصباح

11-10-2010, 10:40 PM

لا تحاتين ام حماني يمكن يسخن اشوي بس بتخف بسرعه

فجوره انا زوجي ما يحب هالسوالف بس اليوم هو قاعد يطالع مباراة كرة قدم قلت اقعد على جبده واخوفه هههههه اليوم كل اشوي يقول روحي نامي احسن تقولين المباراة زوجته الثانية

أم حماني

11-10-2010, 10:42 PM

بسوي رضعه لحمني وبرجع لحد يروح مكان

شمس الصباح

11-10-2010, 10:43 PM

هلا حنونه شنو اخبار الحمل معاش

صار ليش فترة ما دخلتين

فجوره

11-10-2010, 10:45 PM

خخخخخخخخخخخخخ
لا ريلي احبه مارضى عليه
بس نوع اللي وايد قشمرجي ويتقشمر في اشياء ماقدر اتحملها
يعني انه خايفه من الولاده من بدال لا يواسيني يقعد يضحك ويتطنز
بروحي حدي مالي بارض وهو يزودها علي بالقشمره

حنين للماضي

11-10-2010, 10:49 PM

هلا حنونه شنو اخبار الحمل معاش

صار ليش فترة ما دخلتين

الحمل الحمدلله اكو يحوس علاوي
بس تعالي بسألش بما ان انتي عندش ولدين
حركة البيبي كله جهة اليسار وحتى صوب اليسار صاير ارفع شوي
انتي بعد كنتي جدي باولادش؟؟
ام حماني وفجورة انتو بعد عطونه من خبراتكم

فجوره

11-10-2010, 10:52 PM

حنييين
انه كله صوب اليمين حركته
ترى هو يعتمد كل وحده غييير

شمس الصباح

11-10-2010, 10:55 PM

ما أذكر لاني من زمااااااااااااااااااان صار لي تسع سنوات من اخر حمله بس حاليا بنتي الحين كل يمين وحملتي هذة ثقيله بالنسبه لحملي باولادي وكل تكور روحها الصبي خفيف في الحمل ويشوت بقوة والبنت تشوت على خفيف الله يحفظها

فجوره

11-10-2010, 11:04 PM

وينكم
رحت يبت لي تمر على الله تسهل ولادتي

شمس الصباح

11-10-2010, 11:06 PM

اني اهني ما رحت مكاااااااااااااااان

طفلي حياتي

11-10-2010, 11:07 PM

فجوره الحين تو الناس تاكلين تمر
بس وقت الولاده اكلي رطببببببب هذا اقتراح من عندي لان الايه في سورة مريم عليها السلام ذكر فيها الرطب مو التمر

فجوره

11-10-2010, 11:07 PM

تصخوون مره وحده خخخخخخخخ

فجوره

11-10-2010, 11:10 PM

حيااكم تمر
سمو

أم حماني

11-10-2010, 11:13 PM

انا رديت ... ليحين هني؟؟؟

فجوره

11-10-2010, 11:14 PM

جوفي على حسب
يعني انه اليوم سألت الدكتوره عااادي اولد؟
قالت لي اي عاادي مادام بتدشين التاسع جرييييب
يعني كلها جمن يوووم

فجوره

11-10-2010, 11:15 PM

ام حماني ويين اتعسعسييين؟

اقصوصه

11-10-2010, 11:15 PM

هااااااااي

فجوره

11-10-2010, 11:16 PM

هايااات
شخبااارج اقصوصه
سافر زوجج لو للحين؟

شمس الصباح

11-10-2010, 11:17 PM

بالعافية فجوره

بنات بكره الظهر يمكن اروح السعودية الساتر الله زوجي ما يدلي يعني لازم نضيع مع ان عندي خريطة بس كل خايفة يضيع ما فيني شده نضيع كل مرة يسوي جدي ما اوصل الا جبدي لايعه وترجيع ووجع راس الله يستر من بكره

أم حماني

11-10-2010, 11:17 PM

رحت اسوي رضعه حق حمني وقعدت اتكلم مع اختي

هايااااااااات اقصوصه .. شخبارج اليوم ؟

فجوره

11-10-2010, 11:18 PM

شموسه ويين تبين ترووحين بالضبط
يمكن ادل وادلييج خخخخخخخ
مع ان خذ لي تقريبا سنه مارحت

طفلي حياتي

11-10-2010, 11:19 PM

فيني النووووووومه نايمه البارحه متاخره وقاعده من وقت وابغي اشوف لعنة الطين خخخخخخ
ام خليل ترى راحت ولا يت لكن ماعليه براويها الشلاخه

اقصوصه

11-10-2010, 11:19 PM

فجوره سافر اليوم الظهر

ام حماني ما ترضعينه طبيعي؟
انا الحمدلله بخير بس ابا احاول انام اليوم من وقت :(

أم حماني

11-10-2010, 11:21 PM

اعطيه الاثنين طبيعي وصناعي ..رحت سويت بمب .. لانه صدري يعورني واهوة الله يحفظه يصك عليه بقوة اذا يطنقر .. و وايد اتألم

طفلي حياتي

11-10-2010, 11:22 PM

هلا اقصوصه
الليله بالذات لا تحاولين تنامين من وقت لان الليله ريلش مو صوبش وبتذكرينه فنصيحه انتظري تصك عيونش عدددددل بعدين دخلي غرفة النوم ونامي

شمس الصباح

11-10-2010, 11:23 PM

ابغي اشتري اجهز نفسي واشتري لي ملابس للولادة وبعد النفاس فساتين اكشخ ابهم ووووووملابس اطفال بعد اذا في مكان يبيعون اشياء للتوزيعات لان بس احنا ندلي حدنا الحياة بلازا والهرم مع المحلات اللي صوبها بس اذا وصلنا الحياة بلازا مو مكان ثاني زين

اقصوصه

11-10-2010, 11:25 PM

ام جماني هالالام ما بتحسين فيها الا في الولاده الاولى بس

شو بتسوين تحملي

ترى الصناعي يزيد المغص والغازات بعد

فجوره

11-10-2010, 11:25 PM

طفلي لا اتييبييين سيره لرقاااااااد
اليوم مارقدت عدل
اليوم يمكن على 4 ونص الفير رقدت وقعدت الساعه 7 الصبح
وبعدين رقدت 11 وقعدت 12 وشوي
يعني حدي داايخه

اقصووصه يروح ويرجع بالسلامه
والله الله بالصووغه
قولي له اييب لج كيمره صغييره
ومسباح
ومسواج
وسياده
وعلج لبان
خخخخخخخخخخخخخخخخخ ماااااااال لوووول

شمس الصباح

11-10-2010, 11:26 PM

اقصوصة خلي ملابس زوجش اللي كانو عليه على المخده علشان لا تشتوحشين وتحسين كانه نايم معاش انه اسوي جدي

أم حماني

11-10-2010, 11:26 PM

الحليب اللي استخدمه نوفولاك خاص لحالات المغص و لازم اعطيه لاني اشتغل وساعات بعد اطلع مشاوير ... الحل الاحسن اعطيه الاثنين

فجوره

11-10-2010, 11:27 PM

شمس روحي الخبر بلازا اجرب وعندهم حلوين
حتى فينيسيا بس اغلب المحلات حق سهره بس في جمن محل حق ملابس
وفي فووق محل العيسائي للاطفال

أم حماني

11-10-2010, 11:28 PM

فجورة نسيتي المرية ههههههههههههههه

اقصوصه

11-10-2010, 11:28 PM

فجوره الله يسلمج ان شا الله

الحين بكتبله مسج باللسته هههههههههه

ام حماني شو وتشتغلين؟

شمس لو سويت جيه بشتاقله زياده
خلني مطنشه احسن ههههههههه

om khalil

11-10-2010, 11:28 PM

طفلي شفيت على بروستد قمت اشتريت ووديت

الله على حمالي بولدي مشااءالله ويش حلاوته لا نساه ولا هم يحزنون

الحين اكيد فيي بنيه.. كان خاطري اعرف جنس الجنين بسرعه بس الحين هونت خاطري في مفاجأه

ولو انه احساسي يقولي.. بنوووته بس حيره ويش اسميها

اقصوصه

11-10-2010, 11:29 PM

بنات هاالمشد ذبحني يابلي مغص شو ها :(

أم حماني

11-10-2010, 11:30 PM

على طاري اسواق السعوديه ريلي كلش مايدل على انه يشتغل هناك .. واليوم طالع يبي يروح المطعم وضاع بالطريج ... ههههههههههههه مالقى روحه الا في السوق .. اتصل يقول دليت السوق خلاص اذا تبين بوديج هههههههههههههه

فجوره

11-10-2010, 11:30 PM

جوفو لبردي امس

http://www.youtube.com/watch?v=gyIi1xsRpfY

اقصوصه

11-10-2010, 11:31 PM

ام حماني سالتج شو تشتغلين ما رديتي

شمس الصباح

11-10-2010, 11:33 PM

اقول الي زوجي عن الخبر يقول لا بيروح الدمام هو اهم شي ما يضيع تدرين انه اختى ساكنة في السعودية وعندي اهل وايد هناك بس المشكله انه ما يدل مكان وما اوصل الا مخلصه حدي اتسوق اشوي والباقي انسدح في السيارة من جدي قاعده احاتي وخصوصا اني حامل واذا رحت بيت اختى اكون كلش تعبانه من جدي استحي اروح عندها

أم حماني

11-10-2010, 11:33 PM

الاااااااااااااااااااااي فجووووووووورة ... شفقتيني عليه

اقصوصه

11-10-2010, 11:34 PM

ابا حل لهالمغص :(

أم حماني

11-10-2010, 11:35 PM

هلا اقصوصه ... هاي فجورة زوغت قلبي يهالبردي ههههههههههههه
الله يسلمج انا مدرسه

om khalil

11-10-2010, 11:35 PM

اقصوصة
لاتشيلينه بس خففيه شده شوي مو وايد
اني ندمت اني مالبسته وكاهي دبتي بدون الحمل كاني حامل
بالذات اني طبيت على البيبسي طبة بعد ولادتي

ام حماني
خاطري حدي اروح السعودية بس مافيني شده بالمره من الحين بدا فيني الشد باعلى الفخذ رغم اني توي اسبوع في الخامس.. اليوم امشي في الدوام ميوده الطوف واني مفوشحه كانه فيي حرار ههههههههههههه

فجوره
عجييييييييييييييييب البردي خساره ماطب علينا اني كنت في مدينة عيسى ذاك الوقت وطاح مطر بس خفيف

طفلي حياتي

11-10-2010, 11:36 PM

هلا ام خليل زين ييتين
اني بعد رجعت لي حالة التشفي ابغي بسرعه النتيجه وباهف اللي ابغيه هههههههههههه
ام حماني تشتغلين في السعوديه؟؟؟ ويش تشتغلين ذبحني الفضول ههههههههههههه

اقصوصه

11-10-2010, 11:36 PM

ام حماني اي ماده

ام خليل مشدي شورت فما يتضيق ويتوسع :(

om khalil

11-10-2010, 11:37 PM

باقوم انام عليي قعده من غبشه تصبحون على خير وسلامي لطفلي مالحقت عليها اليوم

طفلي حياتي

11-10-2010, 11:38 PM

فجوره صادتني حره في بيت ابوي اركب فوق او اوقف على الباب وفريقنا يهبل واسع وروعه
هنا فبيت زوجي كريه ومحكوره في غرفه داخل ماشوف الاجواء وماحب اطلللللللللللع في فريقهم
يارب ايام العيد يصير حليو لان ريلي بسافر واني بروح بيت ابوي ويى قطونا هناك

طفلي حياتي

11-10-2010, 11:39 PM

ام خليل مع السلامه

om khalil

11-10-2010, 11:40 PM

طفلي ييتين على قومتي... ان شاءالله ينزل السكر عندش وتالي هفي اللي تهفينه ههههههههه وهيكي قالت لش ام حماني هي مدرسه وماخذه اجازه هالسنه عفر

اقصوصه الله يعينش ان شااءلله حاولي تلبسينه على فترات ان ماقدرتين شيليه بالذات عقب الاكل مايصلح تحطينه يضغط على المعده ويسبب الم وضيق

أم حماني

11-10-2010, 11:40 PM

انقلش ماي سستر اقصوصه

فجوره

11-10-2010, 11:40 PM

اقصوصه اذا بطنج عورج شيليه مب زيين
اخذي لج مشد اندونيسي او ربطي شيله على بطنج مؤقت لي بكره
وتحملي ترقديين فيه

ام حماني لا يفوتج بيت ابوي في المدينه ومن رداه الحظ مايانه شي لو قايلين لي جان رحت كلييت حدي خاااااطري

om khalil

11-10-2010, 11:41 PM

طفلي بقيتين على قطو واحد عن افادش ههههههههههه
الله يسعدش تصبحين على خيررر

طفلي حياتي

11-10-2010, 11:41 PM

اي والله روعه البردي يارب يصير مره ثانيه واستانس اشوفه

طفلي حياتي

11-10-2010, 11:43 PM

اي والله خخخخخخ مابقى الا هالواحد وابغي اتخلص منه لان البيت نبغي نفرشه وهو اسود الويه مو مسوي سوايه

شمس الصباح

11-10-2010, 11:45 PM

يالله برررب عندي قعده من الصبح

تصبحون على خير

واحلاااااااااااام سعيده

فجوره

11-10-2010, 11:46 PM

طفلي حياتي

11-10-2010, 11:47 PM

باي ام خليل تصبحين على خير
ام حماني ربي يوفقش ان شاء الله ومدرستش قريبه لو مثل حالهم يسكنون في الدمام ويتظفون في حائل خخخخخخخخ
تصدقون واني قاعده اسولف صارت حالة استنفار في حوض السمج حسبي الله على الظالم حتى السمج فيهم طغاة السمجه العوده تشلخ لصغار ويفترون يكسرون خاطري
ابغي اقوم اراويها قاهرتني

أم حماني

11-10-2010, 11:47 PM

انا مالبست مشد والحين فيني كرشه كأني في الرابع او الخامس ... شسوي عشان تروح .. اي شي غير الرياضه خخخ

أم حماني

11-10-2010, 11:49 PM

طفلي حياتي .. ههههههههههههه لا حبيبتي انا اشتغل هني في البحرين

طفلي حياتي

11-10-2010, 11:49 PM

ام حماني مو الحين انتظري جم شهر واتمشي وسوي تمارين للبطن وان شاء الله تروح

طفلي حياتي

11-10-2010, 11:49 PM

شلوووووووووووووووووووووون ام حماني هالسالفه تشتغلين هنا وساكنه هناك حيرتينا بهالسالفه

فجوره

11-10-2010, 11:50 PM

طفلي
ريلها يشتغل هنااك
وهي ماخذه اجازه بس تشتغل اهني

أم حماني

11-10-2010, 11:51 PM

الله يسلمج اول شي كان عندي اجازة امومة شهرين ... وانا مددتها سنه .. يعني انا اجازة طويلة حاليا

أم حماني

11-10-2010, 11:53 PM

شطورة يافجورة ... طفلي كله مضيعه امس ضحكتني مع سالفه الثياب .. توها تقول نسيت الثياب في الغساله وعقب دقيقه تقول انا ماتكلمت عن الثياب .. ولا تقول حق البنيه شكلج فيج النودة قومي رقدي هههههههههههههههههههههههههههه ذبحتني ضحك

طفلي حياتي

11-10-2010, 11:53 PM

اهاا مللتش من التحقيق بس بعدين عقب الاجازه شبتسوين؟
ريلش شغله مؤقت هناك؟
عن الملل خلني اسولف هيهيهيهيهي

طفلي حياتي

11-10-2010, 11:54 PM

ماعليه تطنزوا براويكم
امس اني سولفت عن ثياب مغسولين هي نطت الى الكترونيات وقالت اللي ذكروها ثيابي ماقالت الغساله ابغي ويه معصب بس ماقدر اروح رد متطور

أم حماني

11-10-2010, 11:55 PM

عقب الاجازة بجوف وين يودوني وباخذ شقه صوب بيت امي وبتم هني وريلي ايي كل يوم لانه شغله جريب في الظهران

فجوره

11-10-2010, 11:55 PM

هههههههههههههههههههههههههههههههههههههههههههه
لا وكله كووم وبول الخنافس كووم ثاني ههههههههههههههههههههههههههههههههههههه

طفلي حياتي

11-10-2010, 11:57 PM

فجوره اني فهمت عليها عقب ما وضحت يعني انتي عرفتي من وين هااااااااااااااااااااااا؟ مو معقوله بتعيش هناك وتقول اشتغل اثناء سوالفها يعني يا اما انه بيرجع لان مؤقت شغله او هي تشتغل هناك

أم حماني

11-10-2010, 11:58 PM

هههههههههههههههه لا لا طفلي ... قلتي انا متى يبت طاري الثياب . اعترفي اعترفي
مافيها شي معليه ... الحامل كله هلون .. انا يوم حامل اخوره وانجبه ... اشدعوه عاد الحين ماسويها ... مازال التفهي مستمر معاي

طفلي حياتي

11-10-2010, 11:58 PM

المهم لا تاكلين تمر وايد لاتغربلينا
اكلي رطب هههههههههههههه

فجوره

11-10-2010, 11:59 PM

ههههههههههههههههههه
ماطاح الا انبطح
التمر يعني رطب مرعووص في قرطاس خخخخخخخخخخ

طفلي حياتي

11-11-2010, 12:00 AM

هي قالت تخفيظات وتوقعت ان التخفيظات على اشياء يديده بالله عليش تخفيظات وشجابه لثياب في غسالهhwaml4

طفلي حياتي

11-11-2010, 12:01 AM

وااااااههههههههههههههههه ويلي عليكم ناويين عليي تفطسوني
لا حبيبتي الرطب الجني غير التممممممممر غير

فجوره

11-11-2010, 12:02 AM

هههههههههههههههههههههههههههههههههههههههههههههه
وه وه وه طفلي طنقرت هههههههههههههههههههههههههه

أم حماني

11-11-2010, 12:05 AM

ياااااااااااربي بنتف شعري ... ولدي مب راضي يرقد .. حتى الطريقه السحريه مب نافعه معاه

طفلي حياتي

11-11-2010, 12:06 AM

ام حماني كرري الصلاة على محمد وآل محمد واقري عليه وان شاء الله ينام

فجوره

11-11-2010, 12:07 AM

سولفي ويااه خخخخخخخخ
عطيه رشووه

أم حماني

11-11-2010, 12:09 AM

صادني موقف حده سخيف اليوم ... قاعده في الصاله ارضع حمني وماخذ راحتي ومطلعه اغراضي وثيابي مرتفعه لفوق لركب على اساس اخواني كلهم في الشغل وابوي في الدختر وامي بعد عندها موعد ... الا مره وحدة اخوي الكبير دخل علي ... ماعرفت اغطي شنو واخلي شنو ههههههههههههههههههه ... مسكين حتى هو تدوده ... سيده دش المطبخ ههههههههههههههههههههههههههههههه

فجوره

11-11-2010, 12:11 AM

هههههههههههههههههههههههههههههه
امبي مابي اضحك
الله يهدااج بس
راويتي الريال اغرااضج

فجوره

11-11-2010, 12:13 AM

امبي عيوني اتصاكك
باارقد

أم حماني

11-11-2010, 12:17 AM

هههههههههههههههههه تطنزي اي فجورة تطنزي وانتي بالنفاس وايد بتتعرضين لهالمواقف .. ااذا انتي مثلي .. انا ماحب اندعس في حجره وارضع اخاف تفوتني السوالف هههههههههههه

أم حماني

11-11-2010, 12:18 AM

انزين حبيبات قلبي انا استأذن بروح اجهز اغراضي واغراض حماني لانه ريلي باجر من الصبح بيي ياخذني عشان حماني موعده 7 ونص ... بحاول ارجع ان شاء الله الاقيكم

فجوره

11-11-2010, 12:19 AM

ان تعبانه باقووم ماعبر دار راسي
اجوفكم على خيير

أم حماني

11-11-2010, 12:47 AM

احم احم ...............

أم حماني

11-11-2010, 12:56 AM

خلاص صك الدكان ؟؟؟؟ كلكم صخيتوا .. انا فيني النودة بس ولدي قاعد :(

طفلي حياتي

11-11-2010, 01:07 AM

هههههههههههه
مالش غنى عن هناا

طفلي حياتي

11-11-2010, 01:07 AM

محد وياش قاعد فبيتكم؟؟

أم حماني

11-11-2010, 01:13 AM

امي قاعده ... تحاول ترقد حمني ... وانا اجهز شنطته حق باجر

طفلي حياتي

11-11-2010, 01:17 AM

اهاا موفقه ان شاء الله

أم حماني

11-11-2010, 01:24 AM

طفلي ... شتسوين

طفلي حياتي

11-11-2010, 01:27 AM

ماسوي شي توه خلص المسلسل وجاني مثل الخوف من شنو مادري كله يصير لي هالشكل
احس نفسيتي تتعفس هو عادة اذا الحموضه مرتفعه ومن شوي اكلت طعميه وغربلت روحي المفروض ما اكله
وفيني نومه حدي بس بقعد شوي لين اهدأ

أم حماني

11-11-2010, 01:29 AM

شربي حليب بارد ... خليها عاده عندج كل يوم قبل النوم

طفلي حياتي

11-11-2010, 01:30 AM

تصدقين توني بكتب لش بقوم اشرب قلاص حليب بارد عشان يخف

أم حماني

11-11-2010, 01:32 AM

انزين حبيبتي انا بطلع الحين

طفلي حياتي

11-11-2010, 01:32 AM

معني اعرف هالحاله تصيدني بسبة الحموضه لكن احس بخوف وشعور كريه حتى النوم اعوفه واقعد ايدي بس على قلبي واحس ويهي يتنمل وحالتي حاله
بلاوي خخخخخخ

طفلي حياتي

11-11-2010, 01:33 AM

اوكى يلا تصبحين على خير
بوسي حمني
بااي

شمس الصباح

11-11-2010, 08:37 AM

صباااااااااح الخير بنات

شكل السهرة امس كانت خفايف

قلت اصبح عليكم لان بعدين ما بيكون عندي وقت يالله تحملوا بروحكم

اشوفكم على خير

rose soul

11-11-2010, 10:21 AM

صبحكم الله بالخيــــــــــــــر

حبيبة حسوني

11-11-2010, 10:48 AM

هااااااااي حبايبي شخباركم وشحتونيي وشاح هههههه
اني اخيرتي بستجن ما انام كله افكر في بتي وشكلها ومتى بولد انتون بعد مثلي لو اني في حاله ؟؟ والله ماانام بس افكر فيها ماخذه كل عقلي

فلونة

11-11-2010, 10:59 AM

صباااح الخيرررات والليرااات

شمس الصبااح ،، مستعيلة على السعودية،، بس اذا ماعليج امر ييبي لنا كبسة دياي hwaml02

روز،، اشفيج امس ما بينتي ... كل ذي من امتحانات خواتج صايرة ابلة عطيات هاا

حبيبة حسووني ،، والله انا افكر شنو فيني بنوتة والله صبي وتالي اذا عرفت بافكر في شكلهم شلون ,, اهم شي الصحة والسلامة يختج

rose soul

11-11-2010, 11:05 AM

حبيبة حسوني..
هلا بيييييج..انا صادني مثلج قعدت اتخيلها من عقب ماعرفت ان اهيه بنوتة خخخخ
بس الحين عادي ماقكر وايد

..
هلا فلووونة
هههه اشوة خواتي كملووو امتحانات وافتكيت والحين اجازة..امس كان النت مشير وبطيء وعال جبدي..من جذي مادخلت

rose soul

11-11-2010, 11:07 AM

فلونة ما بقى شي وندش السابع
تقريبا بقى عشرة ايام

فلونة

11-11-2010, 11:13 AM

ايييي مستانسة حدي الله يعديها على خير علشان ابتدي اجهز ،، لانه للحين ما خذيت الا اشيااء بسيطة كلش .. الا باقولج حسيتي بالثقل احين والله لا ،، انا البارحة كل ما انبطح احس البيبي يروح صوب اليمين ؟؟ توترت حدي ولا عرفت ارقد على اي صووب وماقدر انبطح على ظهرري واايد وبنت الاياويد خرعتني تقول اذا انبطحتي على ظهرج وايد مادري شيصير في الحبل السرري تمييت ساعتين اتقلب يالله غفت عيني

فلونة

11-11-2010, 11:17 AM

وعلى سالفة شلون شكل البيبي الي بيشرف ،، انا اقول حق ريلي اذا ولد ابيه يشابهني علشان اجوف ويهي بشنب شلون ،، يقول لي بتنطرين عشرين سنة زوود بساحين رووحي اخذي الكحل وحطي الشنب ولا تضيعين ايام عمررج :p

rose soul

11-11-2010, 11:18 AM

اي انا من دشيت السادس حسيت بالثقل..اي مب زين النوم على الظهر..انا من بداية حملي عودت نفسي ارقد يا على جهة اليمين او اليسار
هههههههههه ولازم الدبة بعد تنقلب تصير على صوب..تقولين جنها نفاخه داخلها ماي ..ولحين ولي وقتج مب عارفة اتأقلم معاها

rose soul

11-11-2010, 11:20 AM

سكتي عن طاري الشبه .. ريلي يقولي اذا طلعت بنية ما يبيها تشابه..بنية على ريال مب حلووو ههههههه

فلونة

11-11-2010, 11:21 AM

انا قبل الحمال ارقد على بطني بس احين وهقة اخاف ارعص الفقير الي في بطني ،، انا من حسيت بالثقل مستانسة.. اختي تقول لي نطري لي الثامن والتاسع بتصيحين منه :p

فلونة

11-11-2010, 11:25 AM

انزين بنية على ريال حلوو :p >>
عليووي ولد اختي نفسه امه حتى حركاتها في النوم وشلون تبطل حلجها نفس الحركات يسويها ايه عليه وحشني .. بس ما يندرى يختج من الي جيناته اقوى من الثاني ويغلب

rose soul

11-11-2010, 11:26 AM

اي عادي بداية الحمال ع البطن انا بعد كنت ارقد على بطني خخخ.. لأن ماكو دبة خخخ..بس الحين مستحيل
اي ويقولون التاسع دبل الاشهر كلها..الله يستر
انتي روحي جوفي شفيج .. علشان تقدرين تكملين اغراضج.. انا تقريبا فريت كل الاماكن ما القى ألوان محايده..يا وردي او ازرق..حتى قلت ابي انوع لها مب كله وردي ..ما ألقى الا بالغصب ..او ابيض

فلونة

11-11-2010, 11:27 AM

اكا يأذن بارووح اصلي واجوف شنو باطبخ حق الغدى علشان يفج وبارجع

rose soul

11-11-2010, 11:30 AM

ههههههههه فلونة ريلي متعقد من واحد..يقول اخته الصغيرة تشابهه عدل يقول جنها صبي صغير هههه

اما اذا صبي عادي اذا حتى طلع على امه

تصدقين اغلب البجر اذا صبي يشبهون امهم

حبيبة حسوني

11-11-2010, 11:31 AM

ههههههههههه زين طمنتوني اني مو بس اني الي افكر الله يعني لين ماولد اني ابغي اولد بدايه شهري التاسع علشان لاتروح على بتي سنه ادعوليي الله يسهل عليي

rose soul

11-11-2010, 11:32 AM

اي انا بعد برب باصلي وبييكم..توج تفكرين شنو بتسوين هههه حق الغدى
انا لين باسوي افكر من الليل شنو باسوي

فلونة

11-11-2010, 11:55 AM

رووز على سالفة السوونارر علشان اعرف صبي او بنت ترى الساني ذاب وانا احن على ريلي،، ساعات اهدده اقول له باروح بروحي اخاف اسوي شي والحجي مو راضي عنه تعودت امشي على طوعه شاسوي.. يمكن الله يهديه وبرووحه يوديني

والثياب حدث ولا حرج ،، ماميش الوان محايدة كلش اناا تميت افترر ساعة وشي في مجمع الرفاع في النهاية خذيت 4 بدلات بييج hwaml5... ومب عاجبيني لانه الوردي والازرق موديلاتهم وايد اكشخ .. تنبط جبدي حتى الفوط وردي وازرق خذيت فوطة بييضة .. وانا كنت متفائلة اقول باسوي لي كلشي اخضر ثيابي وثياب البيبي.. بس خذيت قحفية خضرة بالغلط