ديوانية البحرين - دردشة حوامل البحرين - البحرينيات

[طفلي حياتي]

هلا فلونه اني مسويه امس صالونة سمج مميزه وسويتها ليومين لاني ماحب السمج من حملت وهو الليله عازم صديقه فقلت مدامه بياكل المغرب ماله داعي اسوي غدا عاد اتصلت للمحروس الا يقول راح بيت ااخته تبغيه بنت اخته يشرح ليها مادري ويش والحين انتظره ايي وبس

[Roze]

اني رحت بيت ابويي اتغديت وهداني مفلوته

[Roze]

غدانه لحم صالونه وعيش ابيض وتغديت بلا ريوق خربطه صااارت في المعده وريلي خلص شغل وراح يقابل الهنود في الشقه وبيتغدا عند امه

[فلونة]

طفلوو ياحظي جان طبختي شي بسيط حق غداج وانا اتصدقين من حملت ماحبيت اللحم الاحمر كنت اكل السمج والدياي بس

رووز هاذي تغيرات الحمل كل دقيقة لج مزاج غير شكل صلي علا محمد واله وتعوذي من ابلييس ويلا عاد تركوا عنكم الحززن

[فلونة]

انتو الثنتين لايعة جبدكم لانه ابطالكم محد اعترفوا ترا الحال من بعضو كلنا يالسين ننطرهم

عليج بالعافية رووز انا وايد اسويها اتغدا وما اتريق

[Roze]

فرخة حياتي بتاكلين ويش بتظلين بلا اكل
قومي شحني لش سله خضرة وفواكهه وتعالي قرضي فيها وانتين تسولفين

فلونه ويش هالغدا الي بتاكلونه بتصير الساعه 4

[Roze]

لا اني بطلي متعوده عليه اشغاله وايد وماتخلص وطول اليوم اهدر وياه في الواتس اب

[طفلي حياتي]

اني متريقه متأخره وعلى قولتكم اني اغلب ايام حياتي ريوق بلا غدا
الحين ماشتهي اكل شي توني تريقت
والعشى سمج مقلي للمحروس ولا ادري ويش اتعشى خاطري في عيش ااني عكسكم من قبل اعشق السمج واهلي يسموني الزفره الحين كرهت السمج واحب اللحم اكثر شي وحظي ماطبخ اللحم لان ريلي مايحبه يحب السمج والدياي ماحبه لهناك احب طبخات معينه واحب النجت وهالسوالف
الحين روز شفتني على صالوة لحم امبيييي عليش بالعافيه
فلونه ويش سويتين غدا؟

[Roze]

افا عليش فروحة حياتش بس نتفرصخ من الولاده بعزمش علا صالونة لحم ويا مخضراتها طق المطرقه صالونة بحارنة ومنها نخلي الفرخه والفرحه يتعرفون علا بعض

[فلونة]

وصل سي السيد باقوم انجب الغدا،، توني اقول مسوية عيش ابيض ودياي مقلي وسويت معاه صالونة باميا صج انج مفهية طف طف
وصار خاطري في شربت حليب ورد سويت لنا بعد يلا بررب

[Roze]

عوافي فلونه وحقوي تقولين شربت حليب ورد هذا هالشربت صار لي دهر ماضقته جبتينه علا بالي احين باقوله يشتري لي غرشة شربت ورد وواحد فيمتو بارد اطلع وادخل فيهم هههههههه

[طفلي حياتي]

هههههههههههههه اوكى روزا تصدقين اني خايبه حدي يعني ريلي مايحب الحم ولا يشتريه واني انسى اشتري والله وشيبغي ليها الصالونه كل مره اتحلم بها وافكر في طعمها واقول بشتري وانسسسسسسسسسسسسسسى

[Roze]

توي منتبه طفطف انتين بتولدين وداير الاسبوع بولد وراش اذا شاء الله ربي يتمم لينه. بخير وسلامة

موعش تاريخ جم*

[طفلي حياتي]

اي صدق نسيت فلونه مو مني من القهر خخخخخخخ

[طفلي حياتي]

اني موعد الدوره 8\4
والسونار 22\4
ولا ادري بعد

[طفلي حياتي]

روز بتي احلى من بتش

[Roze]

موعدي 11/5

مادري شسوي في هالخدامة البلوه اقولها سوي لي فيمتو بارد سوت ليي سنكويك ماادري اطلع خياس المزاج فيها ههههههههه

[Roze]

هههههههه لاتخلينهم يتحسسون من بعض من الحين باجر يصيرون في مدرسه وحده وتقوم المصارعه

[طفلي حياتي]

هههههههههههه شغالتكم خاطرها في سنكويك
ومن قال بنتي وبنتش في نفس المدرسه خخخخخخخ اني وين وانتين وين
اني محافظه المحرررررررررررررررررق وابغي بيت قريب البديع مابغي مناك بعيد
يعني ان شاء الله يصيرون ويى بعض اذا سكننا منطقه وحده
والمدرسه من الحين ابغي مدرسه خاصه ع الاقل فترة الروضه

[طفلي حياتي]

حديتني على الاكل اكلت كيويه وبرتقاله وجزره عورني بطني ااااااخ ويش اسوي

[Roze]

اي توها اختي تسولف عن روضة ولدها تقول ميح حتا الحروف مايعرفهم وبت اخويي في نفس العمر مودينها مدرسة المهد ماشااءالله عليها كل بالانكليزي تتعامل رغم انه سعر الروضتين واحد اللهم فرق عشرة دنانير

[Roze]

تنطرون الاسكان يعني

احنه ماقدمنه للاسكان مول هههه لاتقولين ميانين لانه كل من يسمع يقولون استجنيتون

اني بتي ماتروح الا المدارس الخاصه تعليم الحكومة مامنه فايده وبعدين تختلط في كل من هب ودب
علا قولة ريلي البنية تربيتها اصعب من الصبي لازم كل شي علا اصول ماتنهد نفس الصبي

[طفلي حياتي]

مشكل يعني المدارس الخاصه اميع واميع مايخلى من مراقبة الاهل هذا اهم شي اني افكر في المهد للروضه واذا الحال من الحين لوقتها تيسر بنخليها هي وباقي العائله مدارس خاصه .. ان شاء الله يارب
والاسكان ليش ماقدمتون حضرتكم؟
اي طبعا ننتظر رزقنا من وين لينا نشتري لو نفكر نشتري بيت حاليا.. اني خاطري في شقه مؤقته مو تمليك ابغي اطلع من هالضيق والمر:(

[طفلي حياتي]

هاليومين كله الم تحت يصيدني مادري ويش السالفه بعد الله يستر

[Roze]

ريلي خايب ماراح قدم يقول مايبي من عندهم شي
اني شقتي بعد مبتلشه فيها في الطابق الرابع مااوصل الا الروح شوي وتطلع من الدري كلش عذاب

هدا انتين وسواسش بعد مو طبيعي ماكله خضرة وفواكهه ماتضرررش

[Roze]

مايقرون بيتكم الليله الاربعين ؟؟

[طفلي حياتي]

اي شقه اللي في الرابع الي انتين فيها لو اللي بتروحين ليها؟؟
خليه يقدم بلا هرار

[Roze]

لا الي الحين مستمره منها
شقتي اليديده اوسع وفي الطابق الاول
اتصدقين لحين محد دش شقتي والكل يبي ايي من ربعي ومن نسباتنه
خو من وحدة تتزوج يبون يطبون يشوفون شقتها ماخليت احد اجي بروحه بس علا الدري بيهلكون اقولهم لين مااتحول في شقتي الجديده ويش اسوي بعد

[طفلي حياتي]

الاربعين ليلة اليايه مو الليله خخخخخخخخخخ شكلش متبرزه حسبالش الليله
ترى النت رد استلعن الصفحه تفتح بالغصب والرد يتأخر وايد على مايروح افف

[rose soul]

سلامي عليكم
شخباركم؟؟
انشغلت بتدريس اختي من امس لليوم..راسي شوي مفتر علي منها
انتو منشغلين بعيالكم..وانا مبتلشة بهالخوات

اي مو جنة اليوم ادش التاسع هاااع
امس صادني ألم في ظهري وبطني..ماقدرت ارقد..قلت بييه ليكون طلق تو الناس هههههههه
بس خذ لي فتره على ما يروح..وبعدها رقدت
مابي اولد الحين..لحين مو مستعدة

[طفلي حياتي]

شقتش اليديده المنامه لو قريب بيت ابوش؟

[Roze]

تاريخ 25 الاربعين
جي اليوم وا !!
ماعندي حواس مول
المهم مأجورين ان شاءالله

ولكم روزه لاتولدين الحين نطري ريلش
موحليو تولدين وابوالشباب مو وياش لازم يحس بتعبش في الولاده

[طفلي حياتي]

ولكم روزاتي
هذا يمكن طفحت جبدش من تدريس اختش ههههههههه اصبري لاتولدين الا لين وصل المحروس

[rose soul]

لا روزي ما بولد الحين .. لأن كلش الحين مافكر

[طفلي حياتي]

روزاتي طبعا مو بكيفش فكرتين لو قعدتين بس يفضل تحاولين تتفاهمين ويى سعيده اللي في دبتش ان تأجل الطلعه لين يجي البابا
ياخلف عمري هاليهال

[rose soul]

اي والله طف طف بلاعيمي طلعت من كثر ماصرخ عليها رفعت ضغطي
وما تبيني الا انا ادرسها

شفي اليوم عله النت صاير عندي!!

[طفلي حياتي]

الظاهر الصفحه لازم تتقفل ويفتحون غيرها صارت ثقيله
اني مافضل يحذفونها عشن تبقى ذكرياتنا المفروض يقفلونها ويفتحون وحده غير وتبقى هذي في الارشيف

[rose soul]

لا ماعتقد ثقيله .. ههههه
شكله نت بيتنا عله شوي
انتي بعد بطيء عندج؟؟

[طفلي حياتي]

اني من امس بسبب لي اختناق مروري في اعصابي
واليوم الاحظ بس هالصفحه ثقلها غير طبيعي
وين راحت روزو بنت بلادي؟

[Roze]

لا شقتي اليديده في سار
هدي اختي اتصلت ولا راح الرد

[فلونة]

اكل لقمتين عالسريع وطلع وانا متمللة بروحي ولايعة جبدي من شغل البيت جني خداامة افففففف
رووز مبروك عليج التاسع وانا ابي اوولد البارحة رحت مشيت نص ساعة رجعت البيت امشي نفس البطريق من التعب وسي السيد يقول مصختيها المرة الياية حدج ربع ساعة وانا كلش ما جهزت اغراضي حق الولادة بس جانزين اوولد الليلة ،، جني استخفيت لا

رووز الثانية ترا الاسكان طلعوا قانون اذا الزوج والزوجة يشتغلوون ومعاشهم فوق 1000 دينار طلبهم يتكنسل هالديرة كل يوم لهم قانوون يبط الجبد

[rose soul]

سلامة اعصابج طف طف..
ما يندرى وين راحت روزي..طلعت بنت بلادج بعد اوه زين زين
انا بقوم بريح لأن توني مكمله من مراجعة مع اختي
اجوفكم بالليل

[rose soul]

فلونه..انا اليوم بابتدي بامشي مع امي..وانا بعد اغراضي ماجهزتها..الليوم بطلع بعد باشتري لي
بس انا الحين مافيني شدة..صايرة كلش..صج آخر الاشهر مآساة
والحين حتى في النوم..صايرة ثقيلة عدل..ماقدر افتر بسرعة..جني فيلة

[Roze]

هدا يقوليكم محل في كرباباد اسمه ادوات مدري شغل الايادي البحرينيه

اغراض اليهال فراشات شغل عدل مدل اسعار حلوه واغراضهم احلى


يبي ليي روحه

[طفلي حياتي]

هلا فلونه توش تقولين لاتزعلون والحين دورش على حساب طلع سي السيد اني بروحي للحين مارجع الكريه في بيت اخته
روزاتي قومي ارتاحي
تصدقون اني من الحين اذا امشي شوي انعين واتعب عدل ماقدر اسوي شي بس افتريت في مكانين تعبت عدل شلون بتسوق مادري لفرحة حياتي

[فلونة]

يلا ماعطلج وردة انا اذا انبطح يبيلي شاحنة تقومني يلا الله يعديها ،، وانا اغراضي انطر اامعرض علشان اكملهم متفرغة لا

*

[طفلي حياتي]

روز2 هذا اللي تقصدينه اني اشوف المبنى روحتي بيت ابوي على الكوبري يبين مبنى ضخم اعتقد هذا هو ..... انزين ويش اسعارهم اخاف اجازف واروح يطلع خرطي

[rose soul]

يلا بيباااي اجوفكم بالليل
بس بلا حش هااااااا

[فلونة]

طفلوو انا زوجي يشتغل شفتات وماجووفه الا قليل واذا صار في البيت لازم يطلع لنا شغل حق بيتهم بس خليني ساكتة ان فتحت هالموضوع ما باسكت انا ما امنعه عن بيتهم بس ابي اقعد معاه حالي حال هالناس

رووز انا عجبني محل في بووري نسيت اسمه يم مستشفا الامل بس كل شغله جاهز روحي وطخي الي يعجبج واشراقة رضيع شغله وااايد حلووو نفس مفرش ملاك بنت شمووسة

[Roze]

هذا المدرسات الي ويا اختي قايلين ليها عنه توها متصله الحين تقولييي ماادري علا جم اسعارهم بس قالو معقوله واغراضهم تخبل علا قولهم ولايندرا

روحي تشرفي مو لازم تشترين اذا ماعجبش يقولون شغل بحرينيات التطريز وهذا

روزه اني بعد حاجزة موعد ويا ريلي يفضي روحه للمعرض نايخصني
لانه بشوف اذا عجبني شي للشقه الحسينه بعد بشتري

[فلونة]

انا مشكلتي باخذ الوان محايدة لازم اوصي بس انتو بتجوفون اشيا وايد الوان تناسب البنات اي لون بتاخذوون لكم لا تقولووون وردي غيروا عااااد

[Roze]

فلوونه اي اعرفه النجم الساطع مرة تشجعت وضربت سلف يوم الجمعه ومارحت الا مبندين قلت علا حظ بتي بندو ماادري يمكن يوم مايفتحون لو شي اذا هدا برد اروح للحين ماسويت لافراش ولاشنطة ولا شي

[طفلي حياتي]

اي فلونه لا تخليني اضرب سلف على ريلي خخخخخخخخ اذا اطلب شي كله سوي بروحش والى اهله اي اي عادي كلش عادي ويطير فلت ولايفتكر يبط جبدي بطاط
وين يصير اشراقة رضيع؟؟
انزين هالمحل مال بوري ويش اسعارهم؟
خاطري اعرف شنطة المستشفى ويش يخلون فيها

[فلونة]

انا عجبني محل وكنت باوصي من جم اسبووع الا المحل صكووه علا قولة الهندي مافي بزنز وانبطت مرارتي بس يلا خيرررة لي وحق البطل الي في بطني
رحت محل في الديه اسم علا ماعتقد الرياحين الصغار شي جذي شغلهم وايد حلوو وشكلي باخذ من عندهم بس انطر المعرض يمكن اجوف شي احلا طماعة انا واخاف انطر ويصكوونه علا حظي نفس المحل الاولي الي عجبني

[Roze]

اشراقة رضيع غالي شوي طف طف النجم الساطع تحصلين المفرش ب 25 دينار علا حسب الديزاين الي بتحطينه كل مايزيد ادفعي زود

فلونه المعرض اغراضهم غاليه وجيب خصوصن الثياب قطن سوري رخوصي ومايسوا حتا مايتمدد مو راهييين

[فلونة]

شغل المحل اللي في بووري وااااايد عجييييب وسعرهم ثابت الشنطة والمفرش 30 دينار واشراقة رضبع في فرع في المنامة عاااد ماتحصلين بارك في شوارعهم الواسعة وفي فرع ثاني في جدعلي وكله تطريز وخلقهم حلوو حق الجو الربيعي بعدين

وعلا سالفة هالابطال كلهم جذي انا احس فيه يتعب في الشغل بس اهم شي يخلص الشغل الي حق بيتهم شنسوي الله كريم وكل واحد وضميرره

[Roze]

اني باخد للبنوته مفرش للبيت حق ادا وصخت لو شي من احلا الاطفال رخيص وقوي فراشاتهم علا عشرة دنانير زينين حق البيت مو للطلعه

[فلونة]

طفلووو اذا برزت شنطتي حق الدختر باقووولج سر الطبخة انا البارحة كنت باشتري فوط صحية واحترت ويا الجراحة شنو احسن نوع انا علا ايام الدورة استخدم اولوبز البنفسجي والاخصر عنزكم خبرة في هالسالفة

[Roze]

فلونه 30 دينار وايد زين سعرهم لشنطة وفراش اني هدا الي سمعته انه ب 25 الفراش بس الخبر عندش اذا رحتين

[طفلي حياتي]

يووو مفرش وشنطه ب30 جدا غالي واني مستغليه ام دان اللي مركز البحرين التجاري على هالحاله اسعارها افضل من غيرها مفرش وشنطه ولفطه ب20 واذا فخم واغراضه اكثر ب30 عفر بنتظر عروضها اليديده اللي قبل ما اولد بتخليهم وباخذ منها
وبنشوف بعد محل اللي روز خذت منه حب الاطفال كانه؟ عفر بنشوف

[فلونة]

رووز اتهقين جذي ما اخذ من المعرض انا اللعام رحت وعجبني مفرش احمر فيه رسوم حلوة علا الدبدووب ويني ذا بووو ولازم يبيلج واحد عادي حق البيت واثنين حلوين حق اكشخ فيهم البطل اذا طلعت

[طفلي حياتي]

فلونتي اني استخدم وقت الدوره اولويز الوردي مال الحساسيه
ووقت الولاده يقولون فيه اولويز الليلي زين ماعرفه اخاف اخذه ويسبب لي حساسيه لاني ماقدر على اولويز اني الا الوردي ومن الحين لداك الوقت افراج انتون ابحثو واحنا بارز مبرز بنقلد خخخخخخ
فلوووووونه يصيدني الم تحت حقويش؟ عادي لو ويش السالفه

[طفلي حياتي]

يقولون للبيت تخلين 2 لان كل شوي يلعوزون هالفرحانين وللطلعه 2 او 3 على حسب برامجكم الطلعاتيه

[Roze]

طفطف طرشي لينه موديلات هالدانه مال المركز التجاري خل نشوف يمكن نوصي

يتراوا ليي للمستشفا بسوي شنطة البيبي بروحها باغراضها وسامانها مابحط ويا اغراضها اي شي واني ثيابي وافراضي ونعال للحمام بعد في شنطة بروحهم

[طفلي حياتي]

اني كلش مافكر في المعرض احس اغراض غاليه وفاشل الكواليتي مالها

[om khalil]

داير راسي
توي مفاججه ولادي عن بعض ذبحوا عمرهم
بتي تبا تصيد شعر اخوها تيزه وهو نتفه
وهو مبدل الشر عنده دوامه ضربها على راسها
شكلي باصلي وباوديها الدختر يسوون ليها اشعة الضربه صايره ورا الأذون مباشره
وطلع دم بس متجتل شوي، مادري خفت
أبوهم مو هنا ويش الشووووووووور

[Roze]

هدا اختي عن تجربة ماخده شباحات من المعرض تقول مايتمغطون اتقول اخلي الجك جك مبطل لانه مايتمدد قطنهم مخلوط ويا بولستر ماادري وا هههههه

[فلونة]

طفلو اذهوه البنفسجي اهو الليلي وشكلي باسمع كلامج وباخذ الوردي والله يستر لانه في المنتدا السعوديات يمدحوون في فاام وانا ماشتهي استخدمه وايد رطب وما يمتص لاعت جبدي تذكرت ايام الدورة

طفلو هالالم انا معاي من دشيت الثامن ويقولون طبيعي ناس يصيدهم من السابع يختلف وهذا كله من الثقل والبيبي يضغط علا المثانة والعضلات الي تحت البطن

بارووح اصلي انا ودعوواتكم لي اوووولد في القررررريب العاااجل تعبت

[طفلي حياتي]

هذا رابط متجر دان
http://www.mbahrain.net/vb/forumdisplay.php?f=57
بقوم اصلي اذن

[Roze]

ياعلي مسكينه وديها لاتتنفخ ليها ام خلي لاتتركين السالفه

[om khalil]

هيكو يأذن متمسحه للصلاه عن باهيم وياهم غربل الله بليسهم
اللي انسدح داخ ونام واللي هيكي تنافت من لصياح ويا الأتاري

قبل مانسى اني بعد ولادتي اخذت ليي فوط من المستشفى، استخدمت فام بس حطيت فوقه فوطة المستشفى لانها قطن وعلشان تخفف علي ويع السيم اذا قعدت...

نسالكم الدعاء

[طفلي حياتي]

فلونه اولويز الوردي خفيف مايطلح للولاده
فيه غيره الليلي هذا اوكى
اني باشوف شي غير اولويز ما يناسبني
يلا نسألكم الدعاء

[Roze]

برربhwaml03

[om khalil]

غفر الله ليكم

[حبيبة حسوني]

هلوووووووووووو ماميش احد هني له

[om khalil]

شكله ماميش حدا

[حبيبة حسوني]

ام خلول اني هني شخبارش ؟؟؟؟؟؟؟

[Um Amal]

مراااااااااااااحب

[om khalil]

الحمدلله منبطحه اراقب حركات البيبي ويا بتي مستانسه تحط ايدها تقول يرفسني ههههههههه

قولي جيفه استعدادش النفسي لاول مولوده، اذكر اول ماولدت ببتي البجر اطالعها صوبي عقب ما اوتعيت اقول من هذي جيفه يت هههههههههه

[om khalil]

هلا ام موسى شخبارش وشخبار الصغير

[om khalil]

النت بطيءءءءءءءءءءءءءءءء

[فلونة]

بناات عندي استفساااار
في الشهر التاااسع نقدر نشرررب اشيا علشان تسرع الولادة واذا يصير شنو هالاشيا غير المشي لانه بعد اشوي بارووح امشي؟؟؟

[فلونة]

االصفحة صايرة ثقييلة وااايد

[om khalil]

اني صاير النت عندي مو بس هالصفحه

[طفلي حياتي]

بنات عفر اني شوي مشغول بس بفلت سؤالي وجاوبو عليه لاتتركونه ارجوكم
عندي الم تحت بطني وحركتي صعبه صايره يعني يعورني بطني فوق وتحت بس الم تحت مخوفني ماهو قوي بس في الم طبيعي لو ويش؟؟

[om khalil]

فلونه شفت لش هالموضوع :

اعطتني الاستشارية عده نصايح علشان تساعدني اولد طبيعي وحبيت ابلغكم بها علشان نستفيد منها ويارب تسهل علينا ....وتساعدنا بالولاده ....المهم الطرق هي :
1. عمل مساج للحلمات ومحاولة اخراج بعض الحليب منها ... لانه يجيب الطلق ويساعد على تحفيز الولادة.
2. المشي .....قالت كثري من المشي .يعنى فى اليوم امشي اكثر من مره ومتقطعه كل 3 ساعات امشي ربع ساعه .
3. تمارين رياضية معينة وهي توقفين مستقيمه ومباعده بين رجليك بمسافة وتنزلي للارض وظهرك مستقيم ، اقصد تنزلي بثني ركبتيك عل جنب يعنى قرفصاء بالبدايه بتحسي بصعوبه بالنزول لكن يمكن الاتكاء على كرسي او عملها بالاستناد للحائط لين ما تتعودي عليها بعدين تسويها بدون شي ... الحقيقة صعبه مع وجود ثقل الحمل بس قالت لى الاستشارية انها تنزل راس الطفل بالحوض وتساعد ببدايه الطلق.
4. الاخيرة وهي الجلوس متربعة مثل ما تجلسي على الارض ويكون الظهر مستقيم .

[om khalil]

طفلي ياحلوه
طبيعي اللي تحسين به، واحيانا الياهل الله يحفظه يوقف لش بالواقف وتحسين كانه ريوله بتطلع من تحت وراسه يخويس لش تحت صدرش باعلى البطن
بالذات من الشهر السابع،،،، والله يشغلش بطاعته ان شاءالله

دهشتينا تبين الياهل يتحرك يتحرك وهيكو تحرك ماشاءالله الله يسعدش به يارب

[طفلي حياتي]

هههههههههههههه ماتحرك وايد يام خليل الحكره نفسها خفيفه بس الالم مخوفني

[طفلي حياتي]

احس بتي تتحجج من انام على صوب تقعد تطرطق يعني عدلي روحش ومن انقلب سكتت خخخخخ

[حبيبة حسوني]

اني صار لي امس واليوم مارحت اتمشى ومتخيبه مالي خلق شي
نفسيتي كلش زيرو وتعبانه حدي وباجر عندي موعد في المركز:(

[طفلي حياتي]

ام خليل الالم مثل الدوووووووووووره يعورني هناك :(

[حبيبة حسوني]

بنات ادعو ليي الالتهاب زايد عليي بموت منه لافايد لاكريم ولاتحاميل
دعواتكم ليي نفسيتي تعبانه كلش :(

[om khalil]

ايه ياطفلي عينة الطلق بسم الله عليش اني بعد يصيدني عادي ويروح من زمان احس به مو توي،، هالشي طبيعي وصادني بحملاتي اللي قبل

حبيبة حسوني هوني على روحش خيرتش بتولدين بالسلامه ان شاءالله

[om khalil]

بعده عندش التهاب؟؟؟ ردي راجعيهم لانه خطر وقت الولاده ترى بسم الله عليش من كل شر

[طفلي حياتي]

رحم الله والديش يم خليل طمنتيني عسى ربي يطمنش
اقول لش هذا مفاول وحده يايتني الا تقول من تدخلين السابع بصيدش ريح استقبال قبلوها الهبله تهاكو الالم هالكني ولا اقدر اسوي شي الله الحافظ يتم حملي وحملكم كلكم على خير يارب

[طفلي حياتي]

ماعليش شر احلام ام اني بعد شكله عندي التهاب في الابوال ولاني مفتكره في روحي موعدي بعيد ولا لي خلق دخاتر

[om khalil]

اكثر شي لازم نحرص عليه كحوامل هو شرب السوائل على طول
عاد اني ما يزيد عطشي الا في الليل وتنهد عليي البيلان تالي الليل
كل شوي قايمه، وقومتي احس بالم في بطني تحت كانه شي متحجر
وتالي شوي شوي يروح الحمدلله

[om khalil]

جيفه تحاجين احلام ام وينها؟
اللي فيها التهاب حبيبة حسوني

[أحلام أم]

مساء الخير على الموجودات ،قلت داام حمود طلع ويأبوه يشتروون خبز بقعد شوي أرد نسم
طفلي حيااتي الشر مايجيش ورحت ليلة الجمعة الطوارىء عن الإلتهاب وأخذوا عينه وعطوني تحميلة وكريم مهبلي ،أخااف من التحميلة قبل لاأحمل إستعملتها وذبحتني من الحرقة والألم حتى ثلج قلت باحط جيفة وأني حاامل ماني أخااف وكل ماقلت للدكتورة ويش صادني إتقوليي إلا مرة بتحطينها ماتفهم هااذي مينونه أأذي روحي

[أحلام أم]

أم خليل
أني وأقول طفلي حياتي ويش دراها عندي إلتهاب ،قلت يمكن قرت موضوع حبيبة حسوني لأني كتبت ليها رد إن فيي إلتهاب ذابحني وماقدرت إلا يوم رحت الطوارىء

[om khalil]

ماتشوفين شر احلام ام وايد احاتيش ويا غفصة الحمال والامتحانات واليهال ماشاءالله الله يهونها عليش ان شاءالله

حاولي الكريم يصير داخل مايصير برا اتذكر لما ياني الاتهاب قبل كان يحرقني لما يصيدني من برا

[أحلام أم]

هلا حبيبتي أم خليل
الشر مايجيش وماتحاتين غالي ،ويش نسوي بعدالوحدة من تصير أم جهال تزيد المسؤولية عليها
تصدقيين كل ليلة عندي غفصة وياحطاط الكريم هههههه وأخاف أدخل العود واايد أتأذى وياارب يروح الإلتهاب على هالكريم الليلة رابعه وبعدي أحس بحرقة
تعالي اليوم شرفوونه .......في المأتم وإنتين مو وياهم قمت أدورش يالكريهه

[om khalil]

ايه قالت ليي اختي عن المقسوم مايمديني ايي يختش اذا ارجع من الشغل اربع اربع وشوي ساعات
اتغذى أريح شوي خلاص راحت العصرية،، ان شاءالله تتسهل يارب

[أحلام أم]

الله يساعدش حبيبتي وأني اليوم عجب رايحة لأمي بس لأنه عمتي تبى تروح وضغطت على روحي ورحت شوي
ماعليه حبيبتي أياام الله واايد ونشوفكم على خير
وصل الخبز بااقوم أشوف ويش يبى ياكل لأنه اليهال تعشوا من مغرب وهو توه ههههههه
ألله وياش حبيبتي

[om khalil]

حزة الحزه مالش الا البيض ههههههه
الله يعينش ان شاءالله وعليكم بالعافية

باقوم اريح الله يعطيكم العافية جميع ان شااءلله

[حبيبة حسوني]

يعني قولكم اقوليهم عن الالتهاب الي فييhwaml85
ماعتقد بيعطوني شي يفيد لانه دابحني دباح ياربي خايفه على بتي لايصيدها شي لاسمح اللهhwaml78
يقولون واجد خطير الالتهاب في التاسع ياثر على البيبيhwaml79
دعواتكم ليي يابنات لاتنسوني hwaml80
يالله عن اذنكم بقوم اروح باجر وراي موعد خبركمhwaml87

[طفلي حياتي]

احلام ام وام خليل اني استغربت من روحي معني متأكده ان اللي قالت فيها التهاب احلام ام اني شكلي شفت لون الخط مال حبيبة حسوني وحسبتها احلام لكن بعد شفت حبيبه يوم تقول عفر حقوي تخربطت مادري بس الله رايد لش بالدعاء خخخخخخ ربي يفرج لي وليكم كلكم

[طفلي حياتي]

حبيبة حسوني لازم تسيطرين على الالتهاب لان مثل ماسمعت ان مو زين اشربي ماي واااااااااااااااايد وايد ويارب يروح

[حبيبة حسوني]

حبيبة حسوني لازم تسيطرين على الالتهاب لان مثل ماسمعت ان مو زين اشربي ماي واااااااااااااااايد وايد ويارب يروح
اي احاول اشرب واجد وباجر بقول لدكتوره وبشوف ويش يصير
الله يسمع منش ويروح يارب
يلا بنات تصبحون على خير

[طفلي حياتي]

وانتي من اهل الخير
وينكم متملله ريلي رجع البيت تعشى ويى صديقه وطلعو ويى بعض ربي يحفظه ان شاء الله واني متملله امشوا
فلونه ابغي اسوي حركه تعالي

[Roze]

ام زينب تحاجين من ماميش احد ..!!؟؟

[rose soul]

لقد عدنااااااااا
في احد
؟؟
ترا انا ماسهر خخخخ يعني حدي لي 12
خبركم نظامي تغير
انا توني رادة
خذيت لي ثياب داخلية من السرور..وجمن بدله خفاف حق البيت من سوق واقف

[طفلي حياتي]

روز شفتين؟ اني اهذر والبنات يدخلون يجيكون الوضع ويسولفون خخخخ
اكي يت روزاتي بعد هلا بيكم

[rose soul]

هلا بيج طفطفاتي
يلا معليه احنا بنونسج على ما يرجع الريل

[طفلي حياتي]

هلا بيكم منورين والله

[Roze]

عجبتني طفطفاتي

[Roze]

توه داش الريل عندي

قعدت اطالع فلم رومانسي في ام بي سي ماكس ضكرني بايام الفتوة والمراهقه هاع

[اروي يقيني]

سلااااااااام عليكم له

شحوالجم له


ويش تعشيتون عفر ؟؟


ادعو ليي خلف جبدتي الله يرزقني بالحمال هالشهر ان شاءلله

ياعلي ياحلال المشاكل ياحبيبي

[طفلي حياتي]

روز2 وين رحتين

[rose soul]

اروي يقيني..الله يرزقج ان شاء الله بالذرية الصالحة آجلا يااااااااااارب..وتين تهذرين معانا عن حملج

[طفلي حياتي]

الله كريم اروي يقيني ادعي وتوسلي وانذري ولا تيأسين وربي بيرزقش لازم:)

[Roze]

رجعت شقتي عفر بس وكويت ثياب حق شغله وتسبحت وقعدت اطالع التلفزيون وبس

[Roze]

اروي يقيني داومي علا الاستغفار بنية الحمل وربي يسهل عليش وييسر اموركم مافي شي صعب

[طفلي حياتي]

روز ماقلتين رايش في متجر دان؟؟ عجبش شي؟

[Roze]

اي صحي قعدت اباوع فيهم صدق حلوين موديلاتها واسعارها بلاش بس مايندرا المتيريال زينه الكوالتي مال اغراضها والقطن بس صدق يعني يستاهلون

بتنزل موديلات يديده بعد لو بس دلين عندها ؟؟

[طفلي حياتي]

طالع هالحاله كتبت رد وراح من طيحة حظ النت
اني مابشتري الحين لانها كل بين فتره تسوي احلى واحلى والخلق حليو والاسعار زينه

[طفلي حياتي]

روزاتي ما صارت 12 عفر ساعتش غلط!!

[طفلي حياتي]

متمللللللللللللللللللللللللللللللللللللللللللله حدي :(

[Roze]

مكتوب اذا تبين تفصيل لازم قبل 20الى 30 يوم توصين
بس موديلاتها كشخه شكلي بوصي عندها من علا سريري ويوصلني للبيت وخلاص هههههههه

[Roze]

الملل زين لا
قومي اقري قران لين مايرجع ابوزينب
اني بقوم اهدر علا ريلي هههههه اتغشمر اقصد بشوف طلباته

[rose soul]

لا انا رحت اجوف متجر دان
وريلي اتصل وانقطع مافي ارسال عدل اكلمه عقب سنة يرد
جنه نفس الصدى
وهالصفحة بعد مادري صايرة عله على القلب

[طفلي حياتي]

اصبري لين شفتين موديل والش الثامن اتصلي ليها
لحد الان وش جهزتين ؟؟

[طفلي حياتي]

ان شاء الله يعيد الاتصال اهم شي هو بصحه وسلامه وربي يرده سالم

[Roze]

الا شوية شبااحات طقطقهم عاد من تحت مو ورا هههههه
صدق جم وحده اخدتين طقطقها في الظهر ؟

[نور البحرين]

السلام عليكم انا مشاركة جديدة بالمنتدي ولاول مرة بس حبيت اشاركم الدردشة

[rose soul]

انا لحين ما فصلت لي جلابية شكلي ما بافصل بعد :(

انزين قولو لي شنو آخذ لي بعد؟؟

[طفلي حياتي]

ردت ذكرتني تتعلفين ادري بش
اخذت 8 لو 9 ماتذكر اصلا عادي لان فراشها ناعم ومتين وهي خفيفه نصرتي مابيضغط عليها وبلبسها شلحه ياخلف الشلحات والشباحات كلهم هالفرحه

[Roze]

حياش الله نور

[rose soul]

اهلين نور البحرين..تنورينا في الدردشة اختي
حياج الله تفضلي

[طفلي حياتي]

اهلا نور البحرين حياش بتستفيدين وايد
انتي حامل؟؟ واذا اي بأي شهر عطينا تقرير عشان نكمل اجراءات الدخول

[rose soul]

طف طف ..انا ما جفت الشباحات اللي فيهم طق طق من ورا؟؟من وين ماخذتهم ؟؟
وانا بعد ما نصحوني بالمشكبوك اللي مصكوك من تحت في الريول

[Roze]

روز لاتنسين نعال للحمام تتوهقين في المستشفا اذا بدشين تسبحين مافي نعله مكرم السامع
اخذت ليي موسده اتسند عليها لين جو زيارة المستشفا وحق الرضاعه

[Roze]

ام نصرة اني محد اخد مني اجراءات دخول ولاشي

[حبيبة حسوني]

ويش اسوي في حالي امبي انام وموقادره

[rose soul]

انزين وغير لنعال بعد
والموسدة انا ما باخذ مو لازم خخخ
انزين يلا ذكروني بعد

[طفلي حياتي]

روز2 انتين دخلتين خلسه وسكت عنش لانش بنت بلادي والله جان فلصتش وراويتش شغلش

[rose soul]

حبيبة..تعالي هذري معانا لين اتعبين بعدين رقدي :p شرايج؟؟

[طفلي حياتي]

اخذي مشمر تتغطين به لين بترضعين بشبوشه ياعلي متى تمشي الشهور على خير واشوف روحي منسدحه وصوبي وحده ورديه وتصيح انغا انغا يابعد جلوتي هالنصره

[Roze]

فلصيني جان اقوم لريلي قاعد بريحاته ويعلا افادي

بقوم اتعلف به ماشفته من الصبح



تيك كير اووول سي يو تمووروو

[حبيبة حسوني]

هههههههههههههههههههههه ماقدر عليش طف طف خيالش واسع
خوووش فكره روزه مالي الا اهدر وياكم
الا خلصتين اغراضش وجهزتين شنطتش لو بعدش ؟؟؟

[Roze]

روزه حملي سشوار هههههه
حطي لش منظفات شخصيه وياخدون بدله كشخه لاستقبال الناس في المستشفا كشخي بها بلا هرار وشبشب وبرنوص اذا لش مياز

مياز - خلي ام طقطق تفسرها لش

[طفلي حياتي]

اني بعد ما شفت ريلي من الصبح وطالع للحين مارجع متأكده مابيحصل لي اتعلف بيرجع وينك يالسرير روحي اخذي راحتش

[rose soul]

طف طف ..سكتي..انا للحين احس روحي في حلم..مو متخيلة ان بصير عندي بنت..وبصير ام و بصير عندي مسؤلية..حتى امي تقول لي ..يا بنتي ما تخيلج بتصيرين ام خخخ
لأن انا اول وحدة في بناتها بتصير ام
يبي لي احد يعطيني سطارات علشان اقعد من حلمي ههههه
مع كل المعاناة وللحين احس حلم
روزو..تو الناس دبدوووب..ولاحقة على الريل..

[حبيبة حسوني]

اني بعد كله اتخيل شكلي فطومتي القمر ياعليييييي
كل يوم اقوليها متى بتطلعين ماما عاجبنها الوضع الظاهر داخل

[Roze]

اذا هديته بنام وفي ادونه ماي بعد

خلني اقوم

يالله تصبحونوعلا خيررات

[طفلي حياتي]

اني بعد في حللللللللللللللللللللللللللم حتى كمنت اتوقع وقت اللي بحمل بكون غير جذي لكن الحمدلله رب العالمين رزقني الحمل ويارب يتم على خير واولد بالسلامه بحنين سليم كامل وجميل واحمد الله واشكره دائما
الحمدلله رب العالمين يارب ترزق كلمن تتمنى يارب يارب

[rose soul]

انتو ثنتيناكم لاتحروني بريايلكم..لا تخلوني الحين افتح ماتم
..
فكرت في السشوار تصدقين..بس قلت ما تسوى..افكر اقص شعري ..اسوي نيو لوك
وافله..لا سشوار ولا يحزنون..لأن مب ليفة شعري ههه
وقلت بانظف روحي من الحين تحت ههه مايندرى
باحول انظفه بشيرة بس الدبة كبرت الحين الله يستر..انا شلته من الثامن بس ما طلع بعد عدل متفرق ههههه

[طفلي حياتي]

روز قومي قبل لا ينام مو فن ينام تحسين بقهر
اي والله شعور حليو الامومه ربي يقومنا كلنا بالسلامه ويى اجنتنا ويكفينا الله شر الحسد والحقد والسوء يارب يارب يارب
تعالو ام شيخه مابينت مادري وشفيها
وبنوته اتوقع اللي فيها امساك ماهو شي بس وينها بطمنها
فلونتي بتخلص السهره ولا يت :(

[rose soul]

على خير روزو..الله وياج..وهابي دريمز

انا لاحقتج عقب شوي بعد

[طفلي حياتي]

روزاتي عن الغيره خلينا نستانس انتين ريلش بيي ان شاء الله والزقي فيه خخخخخخ

[طفلي حياتي]

اوهو اني بتصل له تمللت بتقومون كلكم وبتم بروحي :(
اتوقع ريلش متصل يقول شوفي التلفزيون يمكن تلمحينه عزا البحرين اكو حسين لكرف شفته

[طفلي حياتي]

يو غباوة الانوار قطعوه موكب البحرين صدق قهر :(

[حبيبة حسوني]

باجر علي قده من ست وكلش مافيني نومه
افففففففف ياربي غير هالوجع الي صايدني في الحوض والالتهاب الي حارقني حراق
ياربي خفف عني وسهل عليي يارب

[rose soul]

ههههههههههه
لا انا الغيرة تذبحني لا تتحجون عنهم
رد اتصل مرة ثانية..بس صوته ما يكفيني هههههه

[طفلي حياتي]

ماعليش شر حبيبة قومي ارتاحي ولا تفكرين في شي حاولي تسبحين لين تغفي عيونش
والالتهاب قلت ليكم في كريم اسمه جينوديكتارين ممتاز موجود في الصيدليه جدا ممتاز اسألي عنه الدكتوره واشتريه

[طفلي حياتي]

طماعه روزو مسافر وشتبين غير صوته يلا نامي على نغم صوته وتخيليه واحظني المخده نياهاهاهاها :p

[rose soul]

الله يساعدكم..وايد اللي فيهم التهابات اجوف
الله يشافيكم كلكم..ويروح..بس داومو على الادوية وشرب السوائل

يلا انا صار وقتي..قومي طف طف .. اتصلي لريلج..جنه ماعندج ريل الا انتي ههههههه
:p

[حبيبة حسوني]

يلا ياحلوين بقوم احاول انام ورايي قعده من الصبح
تصبحون على خير ولاتنسوني من الدعاء

[طفلي حياتي]

اتصلت له الكريه قال بيتأخر لان صديقه بسافر خلاص مابيرجع وبيسهر وياه واني من صبح ما شفت رقعة ويهه افف
لو تيي فلونه العب بحسبتها على الاقل عن الملل :(

[rose soul]

وانتي من اهله حبيبة
يلا نشوفكم غدا على خير
تصبحون على خير جميعاً

[rose soul]

هههههههههه طف طف
الحين فلونة تلعبين بحسبتها؟؟
وبنوتة مسكينة شصار معاها الحين؟؟

[طفلي حياتي]

تصبحون على خير باااي
بنتظر من الحين لين يوصل هالريل

[rose soul]

طف طف..والله ودي اقعد معاج كاسرة خاطري..حاسة بلي تمرين فيه من ملل
بس لين قعدت اخترب نظامي خخخ
بس ماعليج الا كل دقيقة تتصلين لريلج تقولين له متى بتيي؟؟متملله
انا على طول اسوي جذي اذا بيتأخر عني
ويرد من وقت بعدين خخ

[طفلي حياتي]

بنوته ماتدخل زين تعبانه شوي ماعليها شر ان شاء الله تيي
بس فلونتي هالايام ساكته عنها مخلتنها تتفلسف تحسب غلبتني ان درت ليها براويها البشه تروح تمشي وترجع كانها بطريق ماتعرف حتى تمشي خخخخخخخخ بشه هالبنيه

[طفلي حياتي]

لا هذا صديقه امريكي وبيمشي خلاص بلا عوده وقاعد وياه بيسهر وبعدين بيمشي فقال هي ليله وخليني قلت انزين :(

[طفلي حياتي]

قومي نامي روزاتي تصبحين على خير اطالع التلفزيون في امانه وحفظه :(

[rose soul]

صبـــــــــــــــــــاح الخير
حبيت ابشركم
ان حنين للماضي ولدت..في جدحفص..ويابت علاااوي اخيراً
حمدلله على سلامتج حنون
ويتربى علاوي في عزكم..وان شاء الله يكون من مواليد الصالحين
افتكيتي حنون فديتج..استانست لج لما عرفت

[أحلام أم]

صباح الخير والأنوار وزقزقة الأطيار على عيونكم
هلا روز سول
بشرش الله بالخير ويارب دووم نسمع البشاير وياطلعة الشمس وعقبال مانسمع بولادتش وسلامة بنوتتش
ألف الحمدلله على السلامة حنين للماضي ويتربى في عزش وعز أبوه علاااوي وصرتين أم علي
والفال لكل من تنتظر ولادتها (حبيبة حسوني) طمنينه عن موعدش وياارب بالتساهيل لكل من على وشك ولادة والله يتمم لينه ولكل الحوامل شهور حملها ونولد بالسلامة مع سلامة مواليدنة ياااارب

نسألكم الدعااء الليلة (أربعين الإمام الحسين (ع)) مأجورييين
ياررررب تحفظ جميع زوار مرقد الإمام الحسين (ع) وترجعهم بالسلامة لأوطانهم وتكتبنه السنة الجاية من زوار مرقدة الشريف يااارب العالمين

[Roze]

هههههه اني قايله ليها بتولدين ويا الاربعين

يتربى في عزهم ان شاءالله


قاعده من الصبح فحت بيض وسويت لريلي ريوق ورديت جعست روحي على السرير الجو مول مو مال شغل بروده *

[طفلي حياتي]

السلام عليكم
شخباركم؟ مأجورين
يابعد قلبي حنوووووووووووووووووووون مايصير نبارك بس بقول يتربى في عزكم بخير وصحه وسلامه وتشوفينه خريج لافضل تخصص ومعرس يارب وهذي بوسه لش ولعلاوي خلف جبدي يلا حصلنا منافس لبنتي بنشوف الاحلى هو لولد ام خليل
باقي البنات عساكم طيبات وقرة عيونكم بولادة حنون والفال لي وليكم
وعظم الله اجري واجركم بأربعين الحسين سلام الله عليه ولا تنسونه من الدعاء

[طفلي حياتي]

روز مصطلحاتش مقتل غربل الله بليسش
انجعستين واني البارحه رجع المحروس الساعه 2 وكانت غافيه عيوني طفرت ومانمت الا فوق الثلاث وقعدت للصلاة بعدين يعني تقطعت نومتي وماقمت الا 11 ونص

[rose soul]

بسم الله الرحمن الرحيم
اعوذ بالله من الشيطان اللعين الرجيم
_______________________
ان تحفظ زوار ابي عبد الله عليه السلام
اللهم ارزقنـــا زيارة الحسين في الدنيـــا و شفاعتـــــه في الاخـــره
اللهم ثبتــنا على ولايــــه اهل بيتك الطيبين الطاهـــــرين

اللهم احفظ زوار ابا عبدالله الحسين

بسم الله الرحمن الرحيم

" بسم الله خير الأسماء, بسم اله رب الارض والسماء, بسم الله الذي لا يضر مع اسمه سم ولا داء, بسم الله اصبحت وعلى الله توكلت, بسم الله على قلبي و نفسي, بسم الله على ديني وعقلي, بسم الله على اهلي ومالي, بسم الله على ما اعطاني ربي, بسم الله الذي لا يضر مع اسمه شيء في الأرض ولا في السماء وهو السميع العليم,الله الله ربي لا أشرك به شيئا, الله أكبر الله أكبر وأعز وأجل مما أخاف وأحذر, عز جارك وجل ثناؤك, ولا إله غيرك اللهم إني أعوذ بك من شر نفسي, ومن شر كل سلطان شديد, ومن شر كل شيطان مريد, ومن شر كل جبار عنيد, ومن شر قضاء السوء, ومن كل دابة انت اخذ بناصيتها, إنك على صراط مستقيم, وأنت على كل شيء حفيظ, إن وليي الله الذي نزل الكتاب وهو يتولى الصالحين, فإن تولوا فقل حسبي الله لا إله إلا هو عليه توكلت وهو رب العرش العظيم
______________________
ياكريم يارحيم احفظ زوار الحسين

[طفلي حياتي]

اللهم آمــــــــــــــين

[أحلام أم]

مشكورة روز على (دعاء الحفظ) الله يحفظ الزوار ويرجعهم بالسلامة سالميين غانميين يارب العالميين ووياهم زوجش حامل لش أكبرالهدايا وللمولودة ياارب

بنات عندي إستفسار عن _*_*_* ألم الحلمات متى يروح <<<أضحك أني إللي عندي خبرة أسألكم ،بس صدق ألم الحلمات متعبني ألم فضيع فيهم تصوروا ماألبس صدرية في البيت كلش وحتى ليين رحت بيت أبويي ألف عليي المشمر وأفصخ الصدرية ،بحمل سابق صار ليي جذية وواصل ليي ليين الولادة ،ماأقدر ألمسهم وعوار فيهم ماأدري من ويش متواصل على طول ،في حملي السابق بعلوييييي رحت للدكتورة وقامت تضغط عليهم وتقلب وتالي تقول يمكن من الهرمونات وماراح الألم إلا بعد الولادة والأيام الأولى
إذا تعرفون أحد مثلي ويش أسوي ماأقدر أتحمل الألم ولو إني أعرف مايفيد شي ويااهم <<<غريبة حالت صدري مو

[حبيبة حسوني]

الف الف مبروكhwaml60 حنووووووووووووووووونhwaml60 فرحة ليش من كل قلبي يتربى في عزش علاوي القمر حمد لله على سلامتش نتتظر تدخلين وتخبرينا بقصة ولادتش hwaml86
يااااااااااااااااااااربي عقبالي يارب ادعوليي يابنات بحق هاليله اولد وتتسهل ولادتي hwaml02
كنت ببشركم بس روزبشرتكم قبلي hwaml02

[بنت الأياويد]

ألسلام عليكم ، مبرووووك حنين واخيرا شرف علاوي والفال حق باقي البنات تسلمين طف طف انج سألتي عني ، انا لاهيه مع سالفتي مع الجامعه الدكتور رد رسبني حسبي الله ونعم الوكيل فيه وخلا حياتي جحيم هالايام صياح وقافله على روحي الباب لا اكل ولا شي لاني انصدمت وانا مسوية زين ومجهزه مسج التخرج واخر شي يسوي فيني جذي الحين قاعده اراكض اكلم رئيس القسم وبارفع تظلم دعواتكم بنات وتحسبوا على هالدكتور الظالم :(
احلام ام بالنسبه حق حلماتج انا صادني نفسج وكتبت لي مرت حماي كريم وااااااااايد زين برد على سدري كنت قبل ماقدر البس الصدرية وخاصه الي فيها تشكيلة من جدام ماتحمل شي يلمس حلماتي احس بعوار باكتب لج اسم الكريم انا حصلته في صيدليه الواحة الي تحت لونه بنفسجي وتقدرين تقولين حق الصيدلي ابي كريم البنفسجي حق مال الرضاعه بيعطيج اياه على طول واذا تبين قوليلي

[فلونة]

السلام عليكم
ماجووووورين بمصاب ابا عبدالله الحسين عليه السلام ونسالكم الدعاا
انا اليوم رحت مشوار النحس وياريت ما رحت بس الحمدلله علا كل حال وان شالله بحق غربة الحسين الله بيسر الاموور ،، اللهم اجعلني قانعا راضيا بما رزقتني ايااه وادعوو لي بنات

الحمدلله علا سلامتج حنووون ويتربا في عزكم والله يخليبه لكم

بنت الاياويد،،، الله كريم واذا لج حق انشالله بتاخذينه والله ما يضيع تعب عباده ولكل مجتهد نصيب ولا تعورين قلبج عساه عن صلاح

طفلوو ،، انا من البارحة كنت بادش بس رحت امشي ورجعت ضلوعي متفرفتة وما قدرت اطل عليكم بس سويت روحي قوية علشان ريلي ما يحرمني من المشي

[فلونة]

احلاام ام مرت خالي يصيدها نفس الالم فترة حمالها وتحط ورق الملفوف عليهم وتلبس الاختراع وتقول يخف الالم واذا تببن جربي ما بتخسرين شي وقولي لي النتيجة

[فلونة]

ماميش احد عندكم بيات شتوي وانا ضايق خلقي بروحي

[شمس الصباح]

مأجورين

حنوووووووووون الحمد لله على السلامة يا ام علاوي

احلام ام ما تشوفين شر بس حاولي تسوين تدليك اليهم وتحطين كريم بيخف الألم لان اعتقد ان الحلمة صايرة ليش يابسة فحاولي تسوين مساج

بنت الاياويد ربي يوقفش ان شاء الله ويقبلون التظلم

حبيبة حسوني وفتوت وفلونه وسول روز ربي يسهل عليكم يا رب والباقي ربي يتمم حملكم على خير
بنات لا تنسونا من الدعاء الليلة اني بقعد حبيسة البيت ما اقدر اتسمع في الماتم بفرفر الليلة في المحطات الفضائية

[بروفكشن]

عظم الله اجرورنا واجوركم باربعين جدي الامام الحسين سلام الله عليه

[om khalil]

ماجوريييييييين خواتي
مادري ويش فيي مكتئبه حدي الريال طلع ويا يهاله ومادري حاسه ضايقه بس الوسيعه، ظهري يعورني ماقادره اروح اصطلب اتسمع :(

طفلي صدق ماتنعطين ويه هذا واني حايزه فرحتش هي شهر..
حنين الماضي ماشااءلله الحمدلله على السلامة الله يسعده ويحفظه لش ويجعله من الصالحين ان شاءالله والفال لينا جميع كل بوقتها يارب...

شكلي بتسمع في الدريشة ويش اسوي بعد، الرسيفر مادري ويش فيه جان افتح ليي أدناة قناه..

[قمر بنت راشد]

ام خليل انا بعد متضااااااايقه اووووف حدي

ريلي في الدوام

امي راقده

مافي الا انا واختي الصغيره تدرس اوووف

[om khalil]

اني يو اليهال وابوهم هيكم يتعشون بس اني ماليي بارض حتى عشا
يارب لطفك ورحمتك بحق صاحب هالليله يارب...

[om khalil]

ماقلتين استخدمتين حبوب الغثيان؟

[أحلام أم]

مأجوريين بأربعينية الإمام الحسين (ع) ونسألكم الدعاء
هلا بنت الأياويد
ماعلية حبيبتي لاتضايقين روحش موزين إنتين توش والده علشان شيخة والنفسية ترى تلعب دور في إدرار الحليب ويمكن الحليب يضرها إذا نفسيتش تعباانة ،مابننساش حبيبتي الله لايضيع تعبش وإنشاء الله التظلم يرجع لش حقش وتنجحيين يااارب
إيه حبيبتي كتبي الكريم ومايضر الحامل ،لأني تعبانه من ألمهم وجزاش الله خير

فلونة
وإنتي كذالك مأجورة ،والله ييسر أمورش بحق هالليلة والله مايسوي شيء إلا لصلاح الإنسان وماتدريين الله ويش خاش لش من خير كثير فتوكلي علية وريحي بالش
وطريقة مرت خالش طبيعية الخست أمره هين وباجرب الطريقة وياارب تفيد في حالتي

هلا حبيبتي شمس الصباح
وأنتي كذالك مأجورة ومثابة،الشر مايجيش حبيبتي ويش أخبار ملاك الحلوة وأخبار أخوانها والإمتحانات يارب بالتوفيق للجميع
باسوي تدليك ولو إن ماأقدر ألمسهم ويمكن ليين حطيت كريم يهون الألم وصادقة يمكن من يباستهم ومشكورة حبيبتي على النصيحة

ياارب تحفظ زوار الإمام الحسين بحق الليلة وترجعهم إلى أوطانهم سالميين غانميين وتفرج عن المهموميين والمكروبين وتغني الفقير وتفك قيد السجين وتشافي المريض وتبدل سوء حالنا بحسن حالك ياكريم وتيسر حمل جميع الحوامل ويكملون شهور حملهم وتتيسر ولاداتهم ويقومون بالسلامة مع مواليدهم وترزق المحروميين ذرية صالحة إنك سميع الدعااااااء
hwaml7

[بنت الأياويد]

الله يسمع منكم لاتنسوني بالدعاء يوم الي سمعت بالخبر بيتنا ماخلوني ارضع بنتي avalon pharma -nipple cream
هذي اسم الكريم لونه بنفسجي

[قمر بنت راشد]

اذا قصدج انا عن حبوب الغثيان لا ما استخدمتهم لان اني قالت لي خطر على البيبي

[بنت الأياويد]

الحبوب مال الزواع نيفودنيكس اعتقد جذي اسمه الي حطيتوا صورته فضيع ومفعوله روعه ودكتورتي الي اتابع عندها كتبت لي اياه استخدمته لي بداية الخامس مو خطر ولا شي

[فلونة]

مرحباا
توني راجعة من الماتم مادري شصادني هناك الاوادم مستبردة وانا حراانة حدي مع ان في شقتي كله بردانة حسيت بضيقة ،، اللهم اجعله خيرر وتمم لي علا خير يارب

ام خليل،، شكلج انتي حالتج نفس حالتي مزاجية كل يوم لج مزاج شكل والمشكلة انا اذا صار مزاجي جذي احط حرتي في هالفقير زوجي ،، اتصدقين عااد رحت الماتم وكنت متضايقة حدي وعقب محاضرة الشيخ حمدت ربي علا كل شي يعني مهما يصيب الانسان يقول الحمدلله علا كل حال وعسااه عن صلاااح و كل مصايب الدنيا تهونها مصاب الامام ،، وانتي ما تنلامين يهال ومدارس وبيت و هم الشغل الله يكوون في عوونج

احلاام ام ،،جني قلت لج ورق ملفوف مب خس الظاهر خاطرج في الخسس ها

ام ملاكي،، مشكوورة حبيبث البي والله يسمع منج و اوولد في القريب العاجل مع كل حوامل الشهر التااسع ونقووم بالسلااامة يااارب لا تنسووني

وطفلووو شكلها في بيت ابوها علشاان الماتم الليلة الله يعطيها العافية

[قمر بنت راشد]

الله يسهل لكم كلكم يارب

وبنت الاياويد كلمي الدكاتره ورفعي تظلم ان شاءالله اكييييييد بساعدونج قولي له حالتج واكييد بساعدج ويسهل لج كل شي يارب

[فلونة]

بنات احد فيكم عنده خبرة او سمع عن حبة البركة سمعت انها تساعد علا فتح الرحم و ام حمني الله يذكرها بالخير نصحتني فيها احطها ويا الحليب الساخن والعسل بس انا خواافة ما ادري اذا يصير اشربها ويا الحليب من احين او انطر،،، بحثت في قوقل وناس وايد مدحوها ويا الماي المغلي بس ما يندرا اي حزة بالضبط تنفع وبعد استفسار ثاني يصير اشتري زيت الخروع واشرب منه او المفروض وقت الطلق ما يصير احين ؟؟؟

[بنت الأياويد]

ان شاءالله يساعدوني ياربي الله يسمع منكم، فلونه مانصحج في الخروع اخاف اييج الم ورحمج مو مفتوح مايسوى عليج انا ماشربت شي غير اني كلت رطب ومشيت واااايد

[قمر بنت راشد]

اتذكر يوم بنت خالتي وديناها واختي قالو لهم لا تشربين دارسين وماي ورد وهالاشيا

قالت لها امي عادي نعطيها بيض وثوم ههههههههه قالت لي عادي لان يحمي الطلق

[بنت الأياويد]

اي انا بعد سألوني في المستشفى قبل لايجيكوني جم انفتحت ، قمر قصدج بيض وفلفل اسود؟ تاكلينه بدون خبز ولا روتي يحمي الطلق ، انا احس هالاشيا ماتسوي شي اكثر من المشي اهو الي يسهل وكل شي بيد الله سبحانه وتعالى

[قمر بنت راشد]

الله يعييني للحين دربي طويل توني بدايه الثالث

بقووولج بنت الاياويد سمعتي عن تمارين الحوامل اللي في السلمانيه سمعت ان في في جناح 410

اذا صج شلون يسجلون وبجم ومن اي شهر؟؟؟؟

[بنت الأياويد]

لا والله ماسمعت ، شلج في هالسوالف على المشي ماميش وانا ماولدت اساسا في السلمانيه لان سمعت ان كان في جرثومة وسكروه وخفت بعد ههههههههههههه

[قمر بنت راشد]

ايييي انا يوم رحت حق الطوارى يوم كان نزل علي دم نقط كان مسكر قسم الولاده من جذي بسرعه خلصت في اقل من نص ساعه

بس ماعجبتني الدكتوره قالت لي في دم قلت لها لا وقت الصبح قالت لي عيل اخذي فولك اسيد ولا تيين الا اذا نزل عليج دم قطع بدال ماتطمني خرعتني قلت فال الله ولا فالها

[بنت الأياويد]

اي عادي اخذي وخلي
الحين انا استاذن بروح اشوف برنامج طارق العلي وهيا الشعيبي في ام بي سي
مع السلامة

[قمر بنت راشد]

الله يسلمج حبيبتي

[فلونة]

اتهقوون جذي .. انا المشي صار لي جمن يوم امشي نص ساعة مايرضى ريلي امشي اكثررر مع ان ما تكمل هالنص ساعة الا وصلت حدي ،، ويمكن باجر اجوف الحواج باسأله عن حبة البركة لانه قريت عنها اذا ما تنفع ما تضر وكلشي بيد الله سبحانه

[فلونة]

طفلوو كله في بيت الابوو ردي شقتج يمة احسن لج تعالي نبي خبرتج في هالمووضوع

[طفلي حياتي]

فلونه اني ييت بس انتين هنا لولا؟

[طفلي حياتي]

السلام عليكم
مـــــــأجورين
شخباركم خلف جبداتي ماقدر ارد على كل وحده
ظهري يعورني خخخخخ كأني بكتب بظهري بس مابرد عليكم لاتحاولون مو لعبه الكتابه تتعب
المهم اني اتطمنت عليكم وبس
فلونتي تستشيريني في ويش؟؟ عيدي السؤال

[فلونة]

توا الناس لا جان كملتي لي الصبح :p

انا اهني عندي ثياب اشكثر ابي اطويهم جان تمدين يدج معااي يا الشااطرة:p

[طفلي حياتي]

فلونتي بالنسبه لزيت الخروع ياخذونه اذا بدأت بودار الولاده يسوي خبر حده اما قبل ما انصحش

[فلونة]

يعني انتي ظهرج يعورج من الكتابة وانا اعيد السؤال صج ماعندج سالفة جوفي الصفحة الي قبل يلا عاد حركي اناملج الذهبية مافيني شدة اعيد القصة مرة ثانية .. اشك انج تعرفين شي عن هالموضوع ابي استفسر عن زيت الخروع وحبة البركة حق الولادة روحي جوفي ردي في الصفحة الي قبل يلا مناك

[طفلي حياتي]

توني اقول ظهري يعورني مابكتب رد للبنات تبغيني اطوي ثياب خوش خوش
بس تدرين ييبي جمن قطعه بس ثيابش مابغي ثياب ريلش
عطيني هذي القطعه الخضرا

[فلونة]

امممممم انزين ماتعرفين اخترااع يستخدمونه قبل ما يحمي الطلق يعني في الشهر التااسع
ابي اووووولد تعبببببببت:(..

[طفلي حياتي]

يلا مناك في خنافرش انتين ارفعي رقبتش وشوفي ردي حسبالش اني عبقريه واعرف اجاوب

[طفلي حياتي]

بصراحه لا يقولون الجماع زين بعد يسهل الولاده استغفر الله كتبت واني مغمضه

[فلونة]

هههههههههههههههههههه تسمعتي اليوم انتي ؟؟
ثياب ريلي يبيلهم الاووتي ما ينفع اطويهم وانا خايفة اولد والشراشف مغبرين .. غسلت المفارش والشراشف ولايعة جبدي من شي اسمه ثياب شغلتهم ما تخلص.. وبعدين اذا شرف بطل حيااتي كل ساعة يبيله تغيير .. خاطررررري اجووفه هالمنخش في الدبة والبسه ثياابه:(

[طفلي حياتي]

اني قيمة مأتم وملايه وسؤالش عجيب تسمعت لولا هيهيهيهيهيهيهي
وغسال لثياب اكره شي فيهم التطوي والنشار يع يقهر
اما بالنسبه لما في بطنش شكلش عارفه انه ولد كل حين ماقلتين بطل وبطل يعني تعرفين انه ولد بعد ويش

[فلونة]

طفلووو يلا منااك عيب ههههههههههههههههههههههه الحمدلله ريلي آخر ليل يبتدي من الليلة .. واصلن ما لج بارض هل سواالف.. تدرين انا اذا بغيت افتر على السرير من صوب الى الصوب الثاني اقعد عشان اتقلب هاذي حالة وبس اقعد تروح النوودة حالتي حالة من دشيت التااسع حتى النووم ما يحصل لي

[فلونة]

ردينااا على هالمووضوووع باذبحج قلت لج مادري والاوادم الي يجوفوني يقولون لي فييج بنية لدرجة اني صار في مخي ان فيني بنووتة .. والي ايي من الله يا محلاااه المهم الصحة والعافية بس خل يطلع بطل او بطلللللة ارتحتي احين :p

[طفلي حياتي]

الله اييبه بالسلامه ان شاء الله بحق محمد وآل محمد ويحفظني ويحفظ جنيني ويحفظ لكل حامل جنينها
تذكرت بنت الاياويد ياربي تيسر ليها ان شاء الله ويطلع تظلمها فمكانه وتنجح يارب
جيف الجماع لازم في الليل حسبالش بطه بتقصين عليي لا يبه اي والله اخر ليل وااااااهههههههه موزين يضحكون غربل الله بليسش استغفر الله

[فلونة]

ادعي لي عااد يا الملااااية ابي اوولد طفلوو .. ووعليه الي اييوون الماتم شكلج تشردينهم :p،، ريلي يقول لي توج داشة الشهر التاسع وكل يوم حنننة ورنة على الولاادة .. وللحين ما برزت روحي حق الولادة التوزيعاات مكانهم ماشتغلت فييهم .. تحسفت عقب ماخذيتهم قلت ياريت خذيت جاهز ارريح لي توقعت اتسلى فيهم بس المزاج كله عفيسة

[فلونة]

اي والله مب زين يضحكوون استغفر الله سكتي بس سكتي الله يتمم حملج على خير واذا دشيتي التااسع باضحك عليج نفس ما تسوين احيين عبالج السالفه تصير بسهااالة ويا الدبة في الليل وبنستحمل بس وقت ثاني لا يمكن :p

[طفلي حياتي]

فلونه دقيقه بروح وبرجع مو تقومين

[فلونة]

حدج دقايق ان طولتي يا ويلج .. ادري فيج رايحة ترقدين ريلج لا :p

[طفلي حياتي]

نياهاهاهاها اي رايحه انيمه واخر شي يوم بغى ينام طردني خخخخخخخ ويش هالحاله وياهم
تعاي ماتمنا وجربي التنحش على اصوله يالبشه هذا هقوتش فيني؟؟ ماعليه روحي ماتم ام جعفرو جارتكم خلها تستقبلش بدبتش

[طفلي حياتي]

اي تصدقين فلونو احسش حنانه وطحانه وايد يعن يتوش دشيتين التاسع ومغربله الاوادم صدق بلوه انتين..... هذا لو تاكلين الشهر وشبتسوين اعتقد بتاكلين شعرش خخخخ استغفر الله ياربي تسهل على فلونه بنت لوسي وتولد بالسلامه عاجلا غير آجل يا رب

[ام السادة]

سلاااااااااااااااااااااااااااااااااااااااااااااااا ام

[طفلي حياتي]

هلا ام الساده عليكم السلام
مثابين ان شاء الله

[فلونة]

ريلج ما استحمل وقال لج اووت شلون الي معاج في الماااتم :p .. انا ماتسمع مواتم الحريم اروح مواتم الرجال :p .. يعني اسم الله عليج انتي كلش ما تعرفين شي اسمه حنة والله تبين اذكرج بالطقاطق مال بنتج هااا كليتي قلوبنه كل يوم نفس السااالفة .. لا تعيبين هاا

عليكم السلام هلا ام الساادة .. ما ولدتي :p

[فلونة]

لا تفاولين طفلووو :( ان شاء الله يارب في هالاسبوعين افتك منج واكون ويا ولدي او بنتي واعوف السهر ويااج واسهر ويا ظناي حبيبي :p

[فلونة]

انا شكلي باقوم اخمد .. ظهرري انقص علي وصادني اكتئاب خايفة صج يطوف موعد الولادة وهالبطل ما يشرف .. يا رب بحق صاحب هالليلة تسهل علي وعلى جميع الحوامل

[ام السادة]

شخباركم مانمتون


لا للحين خيو ما ولدت بس شكله قريب لانه جاني كرم الله وجهكم اسهال ومن بعده بده علي الم ومو راضي يفج ان شاء الله علامات ولادة ونفتك من التعب لانه مو قادرة اتحرك

[ام السادة]

اني بعد بقوم ارتاح لانه الالم دابحني والله يسهل واسمعكم الاخبار الطيبة

[ام السادة]

تصبحون على خير

[فلونة]

الله يسهل عليج ام السادة .. نوم العوافي ودعوواتج لناا

طفلوو السالفة امصخت اول شي قلتي دقيقة وبارجع وتميتي نص ساعة واحين مادري في شنو خامرة.. كنت فاتحة الورد ابي ابدع و ألف مسج حق ولادتي خليتيني اهوووون سنفوورة

[طفلي حياتي]

الحجي مانام ورحت اشوفه والحين الطلبات بدأت يبغي اغلي له حليب جان ينام

[طفلي حياتي]

اني الفت مسج على ولادتي شوفيه
(بعد الصبر والانتظار... ربي العزيز الجبار.... وفقني وجبت بنوته.... زينب نور النهار) وشرايش فيه؟؟ بس لحد يبوقه ويغربلني يصير مسجي قديم

[طفلي حياتي]

فلونه من صدقش صادش اكتئاب؟؟ تخوفين انتين محد يسطي يتحجى الا تعكر مزاجش مغروره يادافع البلاوي
ان شاء الله تولدين اول ماتدشين التاسع ونفتك من حنتش يارب واغراض البطل تشتريهم امش واختش وانتين والده ويى بطلش

[فلونة]

رووحي مناك لا تحاوولين.. اختي اليوم متصلة فيني تقول حماتها مودينها الدختر تولد واهي المفروض ولادتها معاي بس لانه نزل ماي الياهل وما ادري شخبارهاا.. تاولها افتكت وريلي عصب علي يقوولي مصختيها انتي ليكون تبين تولدين ويتم الياهل في الشيشة اسم الله علييه بطلي حبيبي

والمسج حلوو بس يبيله تعديل عشان تصير القاافية وحدة ما تعرفين عربي انتي :p

[طفلي حياتي]

اني كتبت اول شي عقب باجر ورديت خفت منش وعدلت الرد
وبالنسبه للمسج من ناحية اللغه جدا صحيح مابقى الا مال علمي يتجون سكتي سكتي ولبكم على تشريح الارانب
حبي الكتابه صحيحه فيه بيت كاسر القافيه والاخير يرجعها خخخخخخخ بشه انتين ::p

[فلونة]

اشفيج اليوم يالسة تفاولين علي تبين تفتكين مني ادري فييج .. يلا متى ما كتب ربي له بيجوف الدنيا ان شاء الله .. حبيبتي واشحقه تكسرين القافية ليكون كاتبة قصيدة كلها كلمتين

بعد طول الانتظار
وهبني الواحد الجبار
بنوتة نورت الدار
شرفت زينب بالانوار

مادري جوفيه عدلته لج بس احسه مو ذاك الزود مخي قفل ...

[فلونة]

مال علمي مخهم يشتغل مو نفسكم مخكم يشتغل بس علشان يسوي كوبي بيست :p

يلا طفلوو خل نقوم نخمد انا ظهرري عووورني وسي السيد الي في بطني يرفس وحركته احين مو نفس قبل يعووور بطني صار صغير عليه

[طفلي حياتي]

لاتحاولين مال علمي مايعرفون مسجي اصح واسألي اي احد لغوي ويفهم للغه العربيه يالبشه

[طفلي حياتي]

اوكى فلونه بكمل ويى المعاتيق في فورتين وبقوم انتين تيسري في امان الله شكرا ادري جبرتين روحش وقعدين خخخ لان تعبانه يلا باااي