ديوانية البحرين - دردشة حوامل البحرين - البحرينيات

[طفلي حياتي]

روز ترى اني بعد اذا اتذكر اصيح اقول شكلي بقعد في شقتي واذا فكرت في التسبوح والشيل والحط اقول ياعلي ويش الشور اول الايام يقولون من السهر يدور الراس وكله يطيحون

[فلونة]

رووز صج الله يكون في العون خصوصا ويا الرضاعة والخيااط انا ماعرف ومارضيت امي تعلمني استحي.. وصارت لي سالفة عويصة بنتي ماتقدر ترضع لانه ماعرف ارضعها وانتفخ صدري وصادتني صخووونة وهبووط رحت الدختر حطو علي سيلان وقالو لي لازم اخذ شفاطة اشفط الحليب كل يوم او بيجف الحليب .. وتميت اصيييح على روحي وعلى بنتي يومين كنت اعاني ويا الشفاطة بس احين تعودت استخدمها .. ضروري تشترون خصووصا حقنا احنا بجر ومانعرف شي

[Roze]

طفطف مالش الا خواتش مافي فايده تقعدين في شقتش مافي الا عمتش بتشوفينها تسوي لش غدا لو بتسوي لش حاجه مافي حد لحد

فلونه ياعلي كل هذا صادش وي علا افادي واحنه اهني كنه انحاتيش حاولي تشفطين بالشفاطه او بايدش اذا ماتقدرين بالبم ولا يتحجر صدرش
وان شاءالله كلها ايام وتكبر وتصير فرخه وتصلب روحها وترتاحين شوي

[فلونة]

طفلوو بنتي حجمها وايد صغير حتى الدكتورة قالت لي حاسبي عليها عن الجو البارد..والله لو اتيين تسمعين صوت صدرها خرخرة وملبستها شباكة صيفية بس الايسي ماشغله .. والرضااعة اصلا معاناة معاها ماترضى ترضع انا اقعدها بالزور جان ترضع اخاف يصيدها جفاف لانه وايد يمشي بطنها كله من ماي الحلووووة:(
على حسب حجي الدكتورة الرضاعة الطبيعية المفروض كل ساعتين والصناعية كل ثلاث ساعات لانه بوصفار يصيدهم اذا مارضعو زين ويخدرهم

[طفلي حياتي]

حوسه وياش يفلونه هذا حال الوسواسيين والعنيدين وياخوفي اصير هالشكل ذكرتيني ببنت خالتي بالضبططط نفس الحاله.. من كثر القلق والدفاشه اللي فيها بنتها كرهت ترضع منها ومن تقرب صدرها تفزع الدنيا الياهله انتي هدي روحش لاتسوين هالشكل العالم كلهم يولدون ويربون لا تسوين هالشكل لو بس تهدين بالش وقت الرضاعه وبكل هدوء تعطينها بهدوووووووووووووووء والله بترضع وبتقولين طفلوو قالت

[فلونة]

رووز .. الامومة اول مرة يبي لها صبر وطولة بال وانا كلشي استحي منه وابي اتعلم بروحي
تغربلت اول اسبوع كله يصيدني هبووووط لانه ماشتهي اكل وخبرج رضاعة والدم ينزل محتاجة الوحدة تاكل علشان تعوض .. يومين على بعض يصيدني هبووط واروح الدختر على السيلان بس الحمدلله احين صرت قوية شووي

[طفلي حياتي]

اسم الله عليها من الجفاف انتين عيل مدام جدي هدي روحش وكثري رضاعه لو كل شوي تنقطين في حلقها اوبهدوء هدي روحش وتفائلي ترى كل اليهال وخصوصا البكريات هالشكل ولا تحوسين وتلوسين الى كل شي عليه ان لالا وكلي امرش لله وعطاش اياها بيخليها لش تفرحين بها لاتخافين بتكبر يوم عن يوم وبتصير فرخه على قولة روز

[فلونة]

طفلوو.. انا خاطري في اسم نور هبة وريلي مو عاجبه ولا اسم

اليوم قلت بابتدي اتعلم ابدل حفاظتها وتعالوو جوفو الحوسة وشلون متدودهة.. ذبحت روحها بنتي وهي تصيح وانا خايفة عليها خذتها امي بدلتها .. ابي اتعلم بس ماقدر اقعد على الخيااط وايد يعورني

[Roze]

الله يعينه لازم هالشي يفلونه التربيه مي سهله لازم سهر ومقابل الياهل


انا بخليكم لانه يتني النومة

تصبحون علا خير ياحلوات

[طفلي حياتي]

ريلش ويش يبغي من اسم هذا عسر بعد طالع على مرته :p
وتبديل الحفاظه اصبري شوي روحي طالعي امش وشوي شوي ساعديها وهي تساعدش تالي بروحش بتعرفين

[فلونة]

الله يسمع منج طفلوو.. سندرتكم بسالفتي حتى ريلي مسكين ملوعة جبده ويحاول يهديني بس مافي فايدة.. تخيلي امي تقول قبل عندي علاوي كلشي اسوي له على كيفي بس احين بنتج انتي تقعدين على راسي جني اول مرة ارربي وهالوسواس الي ذابحني ..
نصيحة طفلو لا تقعدين في الشقة بروحج وايد صعب التعامل مع الياهل عقب الولادة خصوصا حق البجرر

[فلونة]

وانتي من اهل الخير.. احين نامي على كيفج ياروز لاحقة على السهر

[طفلي حياتي]

مع السلامه روز تصبحين على خير
اني بشوف وضعي والانسب بسويه يمكن اقعد بيت ابوي اشوف الظروف ومن يقدر يمرني ويقدرون لولا وبعدين اقرر اقعد لو ارجع مكاني الله ييسهلها عليي ان شاءالله

[فلونة]

الله يعطيج الصحة ان شاء الله واهم شي الارادة والقوة علشان تقدرين تجابلين بنتج .. انا خوافة حدي من جذي ماعندي الجرأة اتعامل معاها ..

[طفلي حياتي]

مثل ماقلت لش لا تعصبين ولا تخافين زياده عن اللزوم بنت خالتي من عصبيتها وعنادها حتى ماتقبل نصيحه صارت طايشه وشريره حدها من احد يكلمها اكلته ولا تقبل نصيحه اخر شي بنتها رفضت الرضاعه الطبيعيه لان الياهل وقت عصبية الام يرفض الارضاع

[فلونة]

الله يسر الامور ان شاء الله.. باجر ان شاء الله باكتب لكم الاكشن اللي صادني يوم الولادة

احين باقوم ارتاح دام الاموورة راقدة احين لانه البارحة تميت سهرانة معاها من وحدة لي الساعة اربع حتى ظهري انقص تصيح بدون سبب حفاظتها نظيفة وماتبي ترضع بغيت استخف .. الله يحفظها بس من العين

[طفلي حياتي]

هههههههههههه الله يحفظها من كل مكروه ان شاء الله
تصبحين على خير
باااي

[فلونة]

طفلوو خاطري اتنقرش فيج نفس قبل بس احين مافيني طاقة بس ترجع طاقتي براويج :p
يلا تصبحين على خير واذا فيج سهر تعالي تسلي ويا بنتي علشان زنووب تتحرك من الغيرة:؛

[طفلي حياتي]

اني ساكته عنش لان ظروفش تعبانه من زوع بتش وحلولها بس قومي ارتاحي واذا هدأتين براويش الشغل
تيسري ماتقدرين عليي هههههههههههههههههههه :p

[أحلام أم]

صبااح الخير والأنوار على عيونكم الحلوات
فلونة
هدأي شوي ،لاتصيرين مثلي ببنتي وهي بكري ،قمت أعاند وأمبى كل شيء أسوي ليها بروحي وكانت الحبوبة كله نايمه وماتشرب وكان فيها أبو صفار وحاطينها في الحاضنه إسبوع،ومن توتري ولأنها جت بعد إجهاضين الله لايعود الشر وربط وبعد يت في الشهر الثامن وخوفي عليها ماأمبى أحد يعلمني شيء مساكين أمي وعمتي أم زوجي يركبون ليي الشقة ويبون يعلموني شلون أرضع ويأشروون على صدرهم وأمي تقول أني أمش أمشي باعلمش ماخليت حد يلمسني وقمت كله أشفط بالشفاطة وأقعدها غصب وأحط المرضعه في بورزها ليين تشرب وظليت على هالحال ليين نشف صدري وهي خلاص تبى كله حلمت المرضعه ونشف الحليب من طلعت من الأربعيين وتالي كله قواطي حليب صناعي ليين كبرت وصرت أني إللي جنيت عليها وحرمتها من حنان حليب صدري كنت أتمنى ليين صاحت أحطها على صدري وتشرب لاكن صدري صار ليها غريب
الحمدلله هدأي نفسش وتركي عنش الوسواس وإفرحي بهدية رب العالميين hwaml7

[شمس الصباح]

صبااااااااااح الخير

قاعده من الصبح اقراء سوالفكم يا ريت ما شفتها بروحي من الليل قاعده احاتي والا اشوف فلونه كلش نفسيه خربانه

على الرضاعة ترى فلونة عادي اني ملاك اذا اعطيها صدر تمص مصه وتشيل راسها وترد تقولين ميراند تشرب وتلوع جبدي ام امبارح بالليل من تشم ريحه صدر تصيح تقلع المكان واذا عطيتها مرضعة عادي تشرب واني نفسيتي هالأيام زفت وخصوصا لما عرفت ان نتيجة التحاليل بتطلع اليوم واني حدي خايفة ما ادري شنو الشعور اللي فيني وكل سرحانه واطالع ملاك على عمري تمللت اني شهرين من شي لشي وابو صفار مو راضي يروح استغفر الله ولا بطت الجبد الكل يقول اعطيها ماي حندباء اعطيها ما ادري ويش خل امها تشرب واني ما خليت شي الا سويته واكي الياهلة حتى حليب صدري كرهته

ولا يجي لي زوجي يقول انا ما اشوف ملاك تركز بعيونها ما تطالع يبغي يجلطني اقول اليه بله تطالع يقول لا يقصد بعيد الشر عميه اخذت خرخشانه وقمت اخرخش وقامت تطالع اقول اكي تشوف لا ويش فيك تبغي تقتلني انته

بروح ملاك تصيح

[طفلي حياتي]

السلام عليكم
مساكم الله بالخير
في اوادم لولا؟؟

[طفلي حياتي]

شموس اقري على بنتش المعوذات وقت الرضاعه وقلنا ليكم النفسيه مهمه وقت الارضاع كرري نادي عليا مظهر العجائب.. ولي خمسة اهل العبا وتوسلي بهم وبتشوفين الفرج بأذن الله
كلما خفتون وارتعبتون زادت الحاله
ياربي تستر عليي من هالاشياء عقب الولاده وتلهمني الهدايه والسكينه بشوفة طفلتي الجميله واللطيفه

[أحلام أم]

شمس الصباح
بشري حبيبتي ويش نتائج التحاليل ،اني متأكده تحاليل بنوتتش زينه
ماتوقعت إنتين بعد ياشموس تضعفين وإنتين إللي كله تساندينه وتخففين علينه لين ضاقت بنه الدنيه ،كوني قويه وتوكلي على رب العالميين وننتظر منش أخر الأخبار
طفطووفه
يارب تكونين بعد الولادة قوية وماتضعفين وتوسوسين قدام دلاعة زينة البنات على العموم يارب تجربين الأمومة ونشوف غفصتش وياها وتكونين أقوى أم فينه

[شمس الصباح]

رجعت ما ادري افرح لو اشدخ راسي بالطوف

طبعا التحاليل ما رحت المستشفى خليت تطلعها لي زوجة حمي (مرة اخو زوجي) ودخلتها على الدكتور يقولون ابو صفار نزل بس طبعا ما راح

والمصيبة الجديده دم ملاك نازل وبيغون يعرفون ليش دمها نازل واليوم اني قلت بروح المركز بعد برد اطلع التحاليل لان تحليل نقص الخميرة مو موجود في السلمانية وفي نفس الوقت بناقش الدكتور تمللت

والله اني من دريت راسي دار ودمعتي على طرف حتى زوجي قلت اليه ما بروح بروحي ما اقدر اسوق راسي يدور لا تروح الشغل العصر كل ما احاول اصبر نفسي اشوف ملاك على قلبي يعورني قلبي ما تهنيت بولادتي ولا ارتحت هداني بكمل الشهرين واني بعدي ومن يوم هي عمرها ثلاثة ايام وهي تغزز ابر فيها على عمري يا ريت فيني

[أحلام أم]

شموسة
صلي على النبي ،يعني التحاليل زينه ماعدا أبو صفار وهذا شيء غريب إنه للحين فيها وهي تقريبا بتكمل شهرين بس الحمدلله هيكو نزل ،وإذا على دمها وإنه نازل من رأيي صدق تتناقشين مع دكتور أخصائي بروح قوية بعيد عن النفسية السيئة والدموع ،أحس إن بنتش يبى ليها حليب صناعي مدعم بالحديد علشان يعوض نقص الدم إللي فيها
لازم تتحليين بالشجاعة وتتفائلين أبو صفار عاادي حبيبتي ومادام ينزل شيء زين ومثل ماقلتلش شوفي دكتور يدلش على حليب صناعي مدعم بالحديد بالإضافة لحليب صدرش ولاتخافين أني بولدي علي للحيين دمه ناقص وهو نفس بنتش سوينه له تحاليل وهو صغير ومافيه شيء ماعدا نقص الدم والشحوب للحيين فية ولافية نقص خميرة ودائما تعوره رجايله وماعنده شهية للأكل واللحوم بكل أنواعها أخر شيء قالوا فيه عنده نقص في الحديد إللي في العظم الحمدلله
أحس بنتش صايدتنها عين وإنتين بعد بس لاتركنين للقنوط واليأس وتحلي بالقوة والأمل ومافيها إلا العافية والليلة إقري زيارة عاشوراء وتوسلي بالإمام الحسين يشفع ليش في حاجاتش عند رب العالميين

[ام حسين الدار]

مساء الخير اخباركم؟؟؟اتمنى الجميع ابخير وشكراً على وقفتكم معاي والله اعتبركم مثل خواتي حتى كل ماصار فيي شي نطيت عليكم ههههه اقول في نفسي اخاف وجودي عدكم يزعجكم وكون ثقيله عليكم ان كنت ازعجتكم قول عادي ماراح ازعل؟؟؟؟؟ حبيت استشيركم افكر بعد كم يوم اروح اسوي اشعة لان لم طلعت من المستشفى ماسوو الي وقلت فرصه اعرف اني حامل ابشنو ؟؟ فهل اروح او اصبر موعدي 15-4عند الدكتوره اف مره محتاره صيره اخاف من كل شي ياالله ياكريم لاتحرم احد من الدريه يارب
دعواتكم

[أحلام أم]

هلا ومرحبا أم حسين الدار
أستغفر الله ويش هالكلام إنتين إخت عزيزة وغالية ووقت ماحبيتي تكونين معانه حياش الله في أي وقت ولو كل حين حياش إحنه خوات بنظل نحتاج لمشورات بعض أفه عليش
وإذا عندش أي سؤال لايردش إلا لسانش
بالنسبة للأشعه (الألتراساوند ) المفروض يسوونه ليش بعد كم يوم العملية المفروض إنتين تطلبين علشان تطمنين فقط
ألحيين لاتروحيين مكان ولاتتحركيين وايد علشان نجاح العملية والتثبيت ،موعدش بعيد شهر ونص تقريبا ،أني من رأيي لاتطلعيين ألحين ولاتروحين مكان إنتظري إسبوعين على الأقل وبعدين روحي لأنه موزين واايد تتحركين إنتين توش ماكملتين إسبوع على العملية
وإنتين بعد ساكنه بالطابق الثاني فتعب عليش ويارب كل أمور الجنين بخير

[ام حسين الدار]

تسلمين خيتوه والله يعطيك العافيه وتشوفي جنينك ابصحه وعافيه يارب لا موعدي ربيع2 15-4-1432يعني بعد اسبوعين فالو ماعطتني موعد الى الاشعه بروح في نفس اليوم وبسوي اشعه ولم طلعت من المستشفى قلت اليهم ابغا اسوي اشعه على البيبي قالت لم دخلت تتنومين سويت اشعه وكل شي ابخير بس خلتهم اسمعوني نبضات البيبي انشاالله يارب كل شي ابخير اني احس ابترفيسات البيبي ووقت نبض قوي وهذه امطمنني ولااتحاتي امريحه مره بس صلاه وحمام زوجي اخد اجازه وساعدني في طباخ اني اقطع واني قاعده وهوالي يطبخ وغسل ونظف فديته ههههههههههههه اقول اذا الله سهل وقمت بسلامه بطلع اشغل من عين هههههههههههههههههه بس مايصخي علي
دعواتكم وانتي خيتو اخبارك؟؟؟؟؟

[أحلام أم]

هلا ومرحبا أم حسين الدار
هههههه،تصدقين حسبت الموعد مالش تاريخ 15\4 \2011 يعني بالإنجليزي لأنه إحنه مانحسب بالهجري من جدية قلت ليش موعدش بعيد
مادام جدية إنتظري موعدش على اليوم إللي عطوش إياه ولاتحاتين وإنشاء الله كل أمورك وأمور جنينك بخير
الله يخلي ليش زوجك ويفرحش وياه بتمام حملك ووصول حسين بالسلامة بولادة ميسرة يارب والله يعوض تعبكم خيرويخليكم لبعض بحق محمد وآل محمد
الحمدلله مادام تحسي بعوارض الحمل وسمعوش النبضات تطمني
أني حبيبتي الحمدلله بس ولدي من رجع من المدرسة وهومريض ويرجع وماأدري ويش فيه من العصر وهذي 3 مرات يرجع عطيته أدول وأمي الغالية دهنته وسوت له مساج خفيف تقول يمكن ماخذ بردوألحين رجعت من عند أهلي ومازال يرجع وأبوه في الشغل

[أحلام أم]

حوامل وأمهات وينكم اليوم محد يبين منكم
أم السادة يارب ولدت اليوم
طفطووفه وينه غايصة اليوم
باقي الربع وينكم
أني ولدي مريض وضايقه بي الدنية كل حين يرجع تعالوا قولوا لي ويش أسوي له حتى مرقدوش عطيته

[صعب تنساني]

هلوووووووو شكله الليله ما فيه سهره

[شمس الصباح]

سلااااااااام

احلام ام اني مو قصدي اني اقنط ابدا ودائما احمد ربي على كل شي حتى لو مرض بعد الحمد لله بس مجرد تعبير واني تمللت وضاقت خلقي وما عندي الا انتو انفس عن نفسي وبخصوص الحليب اللي استخدمة مدعم بالحديد

المهم اليوم جهزت نفسي علشان اروح المستشفى وجتني حماتي في الوقت الضايع وقامت تعطي نصايح واني ساكته ولا تبط جبدي تقول انتو ما تعرفون تربون يا ريت اني تحتش واني كل ساكته وطامه حلقى اقول هي ضيفه واكبر مني لازم احترمها وكل واحد يهدر بكيفه ما اطول عليش رحت المركز واستغربت الدكتورة من نتيجه التحاليل وللحين ما راح ابو صفار وطبعا طلع تحليل نقص الخميرة ضيعووه وبعدين اتصلت الي دكتور ثاني قررت مع الدكتور يحولوني على الطوارئ السلمانية وجيت البيت بس صليت وردينا رحنا السلمانية وخليت ملاك على السرير علشان ياخذون الدم الا الممرضه ما قبلت تاخذ دم من ملاك تقول ان الياهله نشيطة وما يحتاج وقامت راحت الي الدكتورة مع دكتور ثاني وبعد نقاش دار بينهم الا يقولون بنعطيش تحويل على اخصائي اطفال في الصبح وما بناخذ دم اليوم بس قبل الموعد باربعة ايام تعالو واخذو تحليل اليها

واني نفسيتي كلش وقلت لزوجي لا تقول لي ان امك لو اخت لو اي احد يقول اعطيها ماي لو شي اكو انت سمعت ويش قالو مو كل واحد يفتي انتو ما تعطونها ماي يمكن حليب امها مو زين خل امها تشرب ماي حندباء وترضع وترد تقول خلها تشرب ماي الحيج كاني اني وبنتي معمل تجارب قلو اليهم اذا صدق يحبون ملاك خلهم بس يطلبون اليها طبعا اني كلامي هذا لان كل وحده تقول شي يعني اخته اليوم لما حت مع اني احبها الا تقول يمكن تعطونها بس ماي ما تعطونها ماي الحندبان قلت عطيتها ردت على النباته ونفس الشي قلت اعطيها قالت يمكن حليب صدرش ما يناسبها قلت اليها اكو اخوش قاعد اسئليه قدامه بنتي ما تبغي صدري تشرب صناعي اكثر من حليب صدري ردت يمكن ما تعطينها ماي مسكينه انتو ما تعرفون تربون يعني ويش اقول اني هذة مو اول طفل اربيه عندي ولدين الله يحفظهم بس سكت عنها قلت في نفسي الواحد ما يحس الا بالنار اللي تلسعه ما يحس بنار غيره اااااااااخ

المهم طولت واايد عليكم وعورت راسكم سامحوني عورت راسكم وتمللتون مني بس ما عندي الا انتو افتح قلبي ليكم

[أحلام أم]

حبيبتي شمس الصباح
أسفة حبيبتي بس شفت نفسيتش تعبانه الصبح قلت أحاول أخليش تتفائلين وإنتين صدق لازم تتفائلين
بس شكل حمواتش وعمتش مضايقينش ومزيدين تعب نفسش
أعرفهم حمواتش ماتقدرين تراددينهم وزين سويتين سكتين عنها قالت ويش ماتعرفين تربين تقهر لاكن ويش تسويين مالش إلا الصبر أشوه مو تحت بيتكم إنجان أعظم
صبري مو كل يوم تروحيين يسحبوون منها دم وشكله تحليل الخميرة يتأخر في الظهور أكثر من باقي التحاليل وخلي كل شيء على رب العالميين ويارب مافيها إلا العافية
فضفضي حبيبتي ترتاح نفسيتش ولاتقوليين إنش تضايقينه بكلامش

[شمس الصباح]

لا احلام ام لا تتأسفين اني ما زعلت منش ابدا

تعالي على سالفة ولدش يرجع وديه المستشفى بيعطونش اليه دواء افضل لان الترجيع يتعب الياهل

[أحلام أم]

شمس
أني إختي لمن ولدت بأخر مولود عمره ألحيين 8 شهور ولدت في التخصصي البحرين وقالوا فيه أبو صفار تأذت كل يوم تروح يسحبون دم يجيكون وتالي مانزل راحت المستشفى الإمريكي وفحصوه ورقدوها وياه وخلوه في الحاضنه وياها وكله عليه الضوء إللي يكسر أبوصفار ويعابلونه يومين وقالوا راح منه أبو صفار مع إنه جابته يوم من التاسع
صدقيني أبو صفار يروح بس لو مهتميين من قبل المستشفى بها ومتابعينها إنجان ماتعبتين جديه
أمنى أشوفش بشوشة الصغيرة مافيها إلا العافية إنشاء الله

[أحلام أم]

ويش أسوي حبيبتي
الولد من رجع من المدرسة وهو تعبان ويقول فيه نومه مع إنه ماينام الظهر وخليته ينام ومن قعد بعد لابانكة مشغلة ولامكيف وقف وراسه داير وماأسمع إلا يرجع بقوة وأشوه أرضية غرفتهم موزولية ويش لاعت جبدي ربطت خشمي بقطعه خلق معطره وأنظف المكان وأرد من المغرب رحت بيت أبويي ويإختي ويرد يرجع في السيارة وأمي على عمري قامت تمرخه وتذهنه وتقولي ماتعرفين له الياهل يبى له عناية ضحكتني وتقول خلاص مابيرجع ومن رجعت البيت رد يرجع وألحيين نام وبطنه خلي الله ويايي الليله عطيته أدول وماي مرقدوش ومن ياكل يرجع معور قلبي أبوه مو في البحرين في السعودية ومادري ليين رجع يقدر نوديه المستشفى أو لا

[شمس الصباح]

اي والله لو من البدايه مهتمين ما صار جدي بس وش تقولين هذا اهمال منهم حتى تحليل نقص الخميرة ضيعوه اختفى يعني لازم تحليل من يديد

[شمس الصباح]

الله يساعدش اذكر اني لما مرض ولدي الصغير وقام يرجع لاعت جبدي وغير انه يكسر الخاطر
بس لا تعطينه ماي اذا رجع مو زين لانه بطنه فاضي

[أحلام أم]

بعد شوي باوديه الطوارىء لأن أبوه رجع شوي وبيوصل
باقعده ماأقدر أخليه جدية صايرخلقه مرمية ولازم حمود بعد ناخذه لوإخته هنيه إنجان خليناه بس هاجرت الدراز وياخواتي من عصر

[شمس الصباح]

ما عليه شر طمنيني عليه

[أحلام أم]

المشكله هو من يصير شوي زين يقول جوعان ومن ياكل بعد ربع أونص ساعه يرجع بس إنشاء الله مانتأخر لأنه أبوه يعرف الدكاترة في الطوارىء

[أحلام أم]

إتشاء الله حبيبتي من نوصل باطمنش باقوم أستعد وألبسه

[شمس الصباح]

الله وياش يحفظكم الله
برررررررب برضع ملاك

[ام حسين الدار]

على قلبي اختي احلام مااشوف شر يمكن عنده جرثومه في المعده لان بنت اختي بعد من يومين نفس اشي وكل مااكلت تستفرغ قالو اليها عندها جرثومه في المعده عدوه جيتنها من المدرسه يارب ماعليه الاالعافيه
اختي شمس الصباح انشاالله البنوته ماعليها الاالعافيه اختي ولدت في صفر وجبت بنت وكان عنده ابو اصفار خفيف بس لان الانور حق بيتهم كلها صفره فزاد عليها ودتها المستشفى ونوموها يومين خلو اعيونها امغطيه والحين الحمدالله احسن وبنسب الى الحليب اختي ماعندها غير صدر وحد لان الثاني مشيول كان عندها سرطان الله يكفي الجميع الشر وبطلعو الروح ترضا تشرب وتبغا كل المرضعه بس اختي اتحط المرضعه اشوي في بوزها وبعدين اتشيلها على طول وتحط صدرها وتشرب بس مااتحب تسمع ضجه وهي ترضع يعني على طول اتصيح ولاترضى ترجع ترضع
الله اطمنكم على اولدكم يارب ويرزق الله كل محرومه يارب
دعواتكم

[نورالدنيا]

سلام بنات ديرتي شخباركم

[أحلام أم]

صبااح الخير على عيونكم
تسلموون حبيباتي شمس الصباح وأم حسين الدار
شموسة
توني راجعه من الطوارىء والحمدلله الولد عطوه أدوية عن الترجيع ومحاليل الجفاف والأدول وياارب يصير زين
الدكتور قالي إشتري 4 قواطي سفن أب وحطي محلول الجفاف فيهم وعبيهم في غرشة وضلي شربيه منهم وقال هذا ناتج عن تغيرات الجووياارب يساعدني في علاجه ويتقبل يشرب الأدوية والمحلول
على عمري طلعنه من الطوارىء ويقول يبى سندويشة كبدة ومن إشتريناه له حطها على بوزه وسيده قال ماأمبى فيي نومة ولاأكل شيء بس ماي وشوي من المحلول ويارب ينقطع عنه الترجيع
أم حسين الدار
ألف سلامة على إختك ماتشوف شر بحياتها وتربي أولادها بالصحة والعافية يارب وربي يهديهم ليها وإنتي بعد ربي يتمم لك فرحتك ياارب ويحفظكم بعيونه إللي ماتغفل ولاتنام
عن إذنكم باقوم أطلع صدقات وأحاول أناام تصبحوون على خير

[صعب تنساني]

احلام ام شخبار الولد ما يجوف شر داومي على السفن اب والادويه وان شاء الله يخف الترجيع عليه وين البنات اليوم ما لهم حس شكلهم تعبانين او مشغولين

[ام حسين الدار]

اتصدقي والله فيي النوم بس مااقدرات انام قبل لااطمنيني على ابنك الحمدالله على سلامته وانشاالله اخر السوء يارب اشوفك اليليه على خير تصبحو على خير ياحلوين الله اسهل عليكم يارب

[أحلام أم]

صبااااح الخيرات
صعب تنساني
مشكورة حبيبتي وإنشاء الله نداوم على المحلول والأدوية وهو بدون شيءيحب السفن أب بس هذا في دواء ولاكن بعد مقبول طعمه
أم حسين الدار
أسفة حبيبتي شغلت بالش ويايي ومشكورة على مشاعرك وقلقك على ولدي
الحمدلله اليوم ماأشوف رجع يمكن لأنه ماأكل شيء يستحق يرجعه بس أتمنى خلاص مايرجع ويصير بطل يسمع الكلام
مانمت زين للحين فيي النومة بس لازم أقوم أتابعه ،واليوم الجمعه لازم أروح بيت أبويي بس خلاص هناك مافي نوم كله إزعاج هههههه
باقي الحوامل والأمهات
ويش صاير الديوانية صايره ليي بروحي على العموم يارب أخباركم أحسن مايكون
أشوفكم على خير

[شمس الصباح]

السلاااااااااااااااام

امبارح كل ما ادخل ابغي اطمئن علي ولدش احلام ام الاب توب يشير شكله يبغي اليه برمجة الحين استخدم كمبيوتر البيت لان محد قاعد عليه الشباب في الجامع

يالله ان شاء يكون اليوم احسن ولا يرجع بس حاسبي عليه لان احتمال يرد يرجع مرة ثاني بعيد الشر مثل ما صار الي ولدي وحاولي تخلينه يشرب عصاير وشوربه لانها خفيفة على المعده وما عليه شر الله يساعدش

اليوم ولا امس لا طف طووووف ولا غيرها ليهم حس اعتقد ام الساده ولدت لان كلش ما دخلت بس باقي البنات كلش ولا حتى سلاااام وخصوصا طف طووووف مع روز

فلونة ويش اخبار البنوته

ام حسين الدار مشكورة حبيبتي وربي يتمم عليش وتشوفين ضناش في حضنش

[فلونة]

سلام.. جمعة مباركة على الجميع

بنات انا البارحة مارقدت ويا بنتي حدها مريضة ترجيع واسهال وصدرها يخرخر وكل ماحاول ارقدها تغط خمس دقايق وتفز من النوم تصيح من قمة راسها .. طلعت الساعة ثلاث بوديها العسكري ومادري شقول عن هالامة التعبانة ما رضو يدخلونه يقولون عندهم حالة طوارىء وناس وايد كانو هناك والجيش محاصر المكان.. وخفت اوديها مكان ثاني يلعبون فيها ومايعرفون لها

احين ابي اوديها العصر حق عيادة ابي دكتور اخصائي اطفال مادري احلام ام او شمووس قلتو عن دكتور اسمه حسن في رويان ريلي حاول يسأل ويطلع رقمه علشان نعرف اوقات العيادة مالته خصوصا اليوم الجمعة ما يندرا يفتحون او لا بس مايرد
اذا تعرفوون مكان زين اوديها لانه من البارحة واصلة حدها وانا اطالعها واصييح مادري شسوي لها :(

[فلونة]

رجعت ادور في الردود وجفت شموس اهي الي ودت ملاك حق دكتور حسن وريلي من الصبح للحين يتصل على العيادة علشان ناخذ موعد محد يرد :(
مادري شسوي

[Roze]

السلام عليكم جمعة مباركه عليكن

احلام ام مايشوف شر
وعليش بالسوائل لانه الترجيع يسبب جفاف اسم الله عليه
علا طول سوائل وسوي له مضروبه علا طماط تيود بطنه

شموسه هدي نفسيتش انتين الاقوى الصبر زين وان شاءالله بتصير ملوك زينه وماعليها شر

فلونه دكتور محمد الساعي في العدليه وايد زين ادا تبين رقمه بشوفه لش عند امي لانه هدا جارنه وعلا طول البيبيات عدنه يتعالجون عنده*

[فلونة]

هلا رووز،، الساعي بعد وايد اسمع عنه وامي تقول زين عطيني رقمه اذا ماحصلت دكتور حسن باوديها له بس المشكلة اليوم الجمعة ومادري امتى تفتح العيادات

[شمس الصباح]

فلونة اسم الدكتور حسن علي زين الدين وهو استشاري امراض اطفال وجهاز الهضمي والكبد والتغدية
رقم العيادة 17593177
وهو ما يفتح الا العصر

[شمس الصباح]

وبعد فيه دكتور ثاني ويااه في العيادة وهو دكتور نادر محمد حسن دواني استشاري امراض اطفال وخدج ومواليد وربو نفس رقم العيادة بس حاط رقم تلفونه وهو 39626006

[شمس الصباح]

فلونة اني كنت بقوم لان ملاك تصيح بس بقول ليش شي ترى السلمانية يهتمون بالياهل انتي الحين اذا ما حصلتين عيادة فاتحة روحي طوارئ السلمانيه هناك في عياده اطفال لا تخافين واذا ما عجبش كلامهم اطلعي وروحي الخاص ما عليش شر

برررررب ملاك تصيح

[فلونة]

شموووس ..انا ماكملت لكم قصتي البارحة عقب ماطلعت من العسكري رحت السلمانية الطوارىء والدكتور جافها حرارتها مرتفعة وصدرها يخرخر حده ورجعت اهناك على دفتي وعفست المكان بالزوع ويقول لي مافيها شي كلشي طبيعي اقوله هالصوت من صدرها طبيعي والزوع الي مايخلص والاسهال ..قال خل نوزنها والميزان الانتيكة الي اهناك كل مرة احطها يطلع وزن غير وخلاني اتوتر زوود مرة يزيد وزنهاا ومرة ينزله في القااع وانا خفت ان وزنها قل من الولادة وبغيت استخف .. اللهم سوولها بخار وقال لنا مع السلامة
وللحين على حالتها.. بحاول اتصل في العيادة مع انه مايردون وريلي عنده رقم موبايل دكتور حسن دايركت بس مايرد.. وانا خايفة اليوم مايفتحون الجمعة وباجر السبت اجازة بعد

دعووواتكم بناات محتاجة لكم

[شمس الصباح]

فلونة اني شفتش في السلمانية مفرش بنتش برتقالي لا

اني اللي قلت اليكم تعالو هالسرير افضل

[Roze]

فلونه سالت امي الا تقول الدكتور مايعالج يوم الجمعه ولايفتح العياده اليوم

[فلونة]

شمووس ،،انا كنت في الطوارىء الساعة ثلاث ونص ومفرش بنتي اخضر مو برتقالي بس يوم كنت اهناك ماكان احد موجود غيري و وحدة معاها بنتها عمرها ست شهور وماجفت ويهها بعد ومحد كلمني غير هالدكتور النحيس عراقي لابس نظارة
عسى ماشر انتي البارحة كنتي في الطوارىء بعد؟

روز.. خوفي مافي عيادات اليووم الله يستر ويحفظ بنتي بس

[شمس الصباح]

اي اني كنت اهناك علشان ملاك وشفت وحده تطالعني وكانت خايفة ومن قلتين انش رحتين قلت هذة انتين لانش خايفه مثل اللي شفاتها

اني وديت ملاك علشان دمها نازل وابو صفار بعده فيها وحولوني على اخصائي اطفال وهداني اشتغل على الواسطة يمكن اقدر ادخل قبل لا اخذ موعد لان مواعيدهم وايد متاخرة

بس فلونة ترى الياهل الخروج عنده جدي هذا مو اسهال تشوفين لونة اصفر سائل عادي اني بعد بنتي جدي وكل ما تشرب حليب توسخ وهذا افضل علشان لا يصيدها ابو صفار لا قدر الله

[ام حسين الدار]

مساء الخير اخباركم ياحلوين معليهم شر اولدكم وانشاالله يرجعو مثل اول واحسن اختي احلام ام اخبارك ياعمري وكيف ولدك الله يعطيك العافيه وكون عون الك في الكبر يارب حوالي مااتعبي نفسك واجد وانتي حامل
اختي شمس الصباح غريبه كل هل الروحات وماقالو الك تنويم لان طول ابوصفار معها الله اكون ابعونك وتشفاءمنه ابسرعه
اختي افلونه معليها شر يارب وتقوم لك بسلامه يارب
ابصرحه الله اعينكم اني مااستحمل اني اذا شفت بنت اختي اصيح او تستفرغ اقوم على طول اصيح الكل يستغرب حتى امها اتقول بنتي واني ماصحت انتي ليش اتصيحي
دعواتكم

[rose soul]

سلام شخباركم؟؟


..
ما يشوفون شر عيالكم..احلامي..وشموس.. وفلونة..
الله يشافيهم ان شاء الله..

فلونة,,انا بعد بنتي الخروج مالها اصفر..وسائل يكون..وعقب كل رضعة تسويها..حتى اتعب من تبديلها..امي تقول لي هذي الشي عادي طبيعي

[فلونة]

رجعت لكم عقب الدوخة ويا الاتصالات من عيادة لعيادة وكلهم مايردون.. باجر بنجيك ويا دكتور حسن وان شاءالله تعدي الليلة على خير والله يمسح على بنتي ويعطيها العافية ياربي عطيتني احلى هدية تمم هالنعمة علي وان شاء الله بحق هاليوووم وتوسلي بأهل البييت عليهم السلام مايخيبووني ان شاءالله

شمووس،، ماعليها شر ملووكة.. بس انا خبري امراض الدم الوراثية ما تطلع في التحاليل الا عقب السنة لانه الياهل في اول سنة من عمره ياخذ هيموجلوبين الام وما يظهر اي شي .. ان شاءالله تكوون سليمة وما فيها الا العافية انا بعد لو اترك الوسواس جان انا و بنتي بألف خير

رووز ام بشااير.. شخبار بنتنا الحلووة.. وانا لو على سالفة الاسهال جان تهوون بس سالفة الصوت الي يطلع من صدرها الخرخرة مضايقتني مسكينة ماتقدر تغفي نص ساعة على بعض الله يعينها ويعين قلبي بس انا املي برب العالمين وان شاء الله ما يخيبني

لا تنسوون بنتي من الدعاااء والله يعطي كل وحدة الي تتمناه :)

[صعب تنساني]

احلام ام شلون الولد اليوم ان شاء الله احسن؟؟؟
شموس شخبار الكتكوته ان شاء الله راح ابو صفار عنها هذا كريه الله يعينج
فلونه شلون عروستنا اليوم خف عنها ترجيع والاسهال وخرخره الصدر يعني ناز ل لها بلغم فصدرها
روز سول وطفطوف وروز وام الساده ان شاء الله ولدتي

[حنين للماضي]

يا بعد عمري شموس واحلام ام وفلونة
صدق تجضرت عن جد
ياااااااااااااارب بحق محمد وآل محمد يشافي ولادكم ويدفع عنهم كل سوء ويحفظهم من كل بلاء

علاوي يصيح بس ماقدرت ادخل وماسلم عليكم

طمنونا على ببياتكم

فلونة حبيبتي اقري قرآن وصلي على النبي وانتي حاملتها على طول
يعلون الجبد هالمستشفيات الحين ناقصة هالجاهلة يضيعون تحاليلها بعد
الله يصبركم ان شاءالله

نراكم غداً بأخبار احلى من اليوم ان شاءالله

[om khalil]

متملللللللللله حدي ومادري حاسه بضيق فيي مادري من وي
اللهم صل على محمد وآل محمد

ماعليهم شر ولادكم احلام وشموس وفلونه الله يشافيهم بشفاءه يعافيهم بدواءه ويفرج عنهم فرجا عاجلا ان شاءالله

[صعب تنساني]

ام خليل الحال من بعضه حتى انه طافشه من الملل وما اعرف شسوي

[طفلي حياتي]

هلا ام خليل
قسمابالله نفس الشعور حاسه بضيقة خلق وكآبه ماني عارفه ليها مبرر خايفه ليصير شي خايفه من ويش مادري ياربي تستر علينا

[om khalil]

من اوضاع هالديره واللي نشوفه بالذات صور اللي انضربوا في دوار سبعه
شفت الفيديو ياني شعور ياعليييييييييييي يارب ارحمنا برحمتك الواسعة
يارب
لا تتركنا في ايدين من لايخافك ولا يرحمنا ياااااااااارب

[صعب تنساني]

هلا طفطف شلونج اكيد متملله مثلي ومثل ام خليل

[om khalil]

اني اتمنى اولد بسرعه وافتك كله بسبب شي واحد

تنسيي على بعلي العزيز من كل النواحي :(

[أحلام أم]

السلام عليكم
توني من شوي راجعه من بيت أبويي
مشكورين كل من سأل عن ولدي ودعى إليه بالصحه والعافية
شمس الصباح ،فلونة ،روز سول ،صعب تنساني ،روز، حنين للماضي ومن بعد إعذروني إذا نسيت أحد
ولدي الحمدلله أفضل من أمس بس الترجيع خلاه أصفر وخدوده دخلت من الحاله إللي كان فيها اليوم أشوى مارجع بس مايبى يشرب محلول الجفاف كلش ولايرضى ياكل عدل الله يساعدني شلون بيروح المدرسة أخاف علية يطيح
فلونة حبيبتي ماعلى البنوتة شر الله يفرج عنها يارب وتسترجع صحتها مابنساش من الدعاء مع البنوته الحلوة وبظل أنتظر أخبارش تكفين طمنينه بأخر أخبارش
أم خليل وطفطوووف وصعب
هلا ومرحبا بكم ربي يفرج عنه وعنكم ضيقة الخلق
تصبحوون على ألف خير

[om khalil]

وانتين من اهله احلام ام ماتشوفون شر ان شاءالله

[طفلي حياتي]

كسرو خاطري اليهال اسم عليهم من كل شر وضر ياربي تفرج ليهم كلهم بحق محمد وآل محمد
ام خليل ماشفت المصابين ولا اطلعت على هالموضوع بتاتا لاني مبيته في بيت ابوي البارحه او بالاحرى قعدت بلا نووم سوى غفوات كل جم ساعه واطفر للسمه مفزوعه بغيت امووت ونفسيتي دمار عدل
للحين مادخلت ولا قريت ويش فاتني من اخبار والنفسيه ملعوب بها فما بقرا شي الحين ماقدر ابغي انام
فلونه عورتين قلبي اسم الله على فرحتش ربي يفرج ليها اني يتراوى لي صوت الصدر مو شي خطر يهال وايد هالشكل عادي
وشموس احس بنتش عين وصابتها ويبغي لش تحصنينها بالمعوذات وآية الكرسي بستمرار وقراءة نادي عليا وكرري الصلاة على النبي
احلام ام ماعليه شر ولدش يمكن يلعب وصادته ضربه على بطنه خبرش اليهال وحركاتهم ماعليه شر
باقي البنات وشخباركم؟؟

[طفلي حياتي]

وين رحتون ؟؟ على الاقل خلنه نسولف شوي
اني ام الساده احاتيها ولا عندي نت هناك وقلت بتصل ولكن ترددت قلت لو ولدت بتتصل ليي
الله يسهل عليها ان شاء الله

[طفلي حياتي]

ام خليل توني قريت عن اصابات دوار7 اتضح انها لعبه والاصابات طفيفه والناس تحذر من الانجرار والانتقام خلنا سلمييين لاخر نفس محد يقدر يعصبنا ويجرنا للفتنه

[ام السادة]

السلاااااااااااااااااااااااااااااااااااااااااااااا اااااااام وشحوالكم ويش اخباركم

سامحوني لانه ما دخلت ولا طمنتكم علي لانه النفسيه كلش يادافع البله وما يحتاج اقول اني للحين ما ولدت hwaml4على العموم يوم الخميس رحت الى المراخه خضتني خض وقالت ليي شكلها صايدتنش عين لانه حالتش حاله وختمت عليي القران وهي تمرخhwaml73 وقالت ليي اسوي جم شي علشان الله يسهل وللحين لا حس ولا خبرhwaml79 والجمعه اليوم عندي الم بس مو راضي يزيد ومو منتظم بس معفس مزاجي تعفس ومخلي راسي منفجر من الالم وزيدتني بتي قامت رمت روحها عليي وتجي ركبتها في جبدي خلت الدنيا تدور بي وهداني للحين قاعده ماني عارفة انام لانه احاتي ويش بيصير وان شاء الله خير ...دعواتكم

طفطوفة وام خليل ويش اخباركم ويش علومكم

احلام ام ما يشوف شر هالوردة الي عندش

فلونه وشموسه بسم الله على بناتكم والله يحفظهم يارب ويبعد عنهم كل شر

روز وروز سول وصعب تنساني وام حسين الدار وحبيبة والبنات الباقي ويش اخباركم

[طفلي حياتي]

حيى الله ام الساده
رحتين لام احمد؟؟
ان شاء الله ياربي باجر ماتدخلين وماشوف الا مسج منش ولدتين ويمكن هالرفسه من بنتش تخليش تولدين ههههههههههههههه

[ام السادة]

هلا طفطوفه ويش احوالش

ان شاء الله
الله يسمع منش لانه كلش تعبانه مااني قادرة حتى ارفع روحي

[حبيبة حسوني]

صبااااااااح الخير بنات hwaml23
شلونكم شمسويينhwaml02
باين الكل متملل وضايق خلقه وحالي من حالكم كله من هالاوضاع hwaml85
الله يفرجها علينا يارب ويزول كل الهم والحزن ويجينا كل فرح وخيرhwaml86
وعلا عمري هالجهال ويش صاير عين وصايدتنهم اني بعد بنوتتي مرضيه وعلا عمريhwaml93
ترجيع وسهال وغازات وزكام وصدرها الله يحفظ بيبياتنا من كل شرhwaml73
واني هالسيم للحين ماطاح تخيلو خلصت شهر من ولدت وللحين ماطاح واجد مضايقنيhwaml78
باجر بروح المستشفى hwaml87بشوف ويش سالفته بعد دعوااتكم hwaml94

[حبيبة حسوني]

الله يسهل عليش ام الساده يارب
ويسهل على كل الحوامل ويعين كل ام على المسؤؤليه الجديده

[om khalil]

ام الساده الله يسهل عليش اليوم وتتيسرين ان شااءالله

طفلي، شفت صور الاصابات وهم في الدختر يبزعون.وفيديو الشغب واقفين صوبهم ويطالعونهم جيفه يبضعونهم تبضيع بلسجن ولسيوف والخناجر ياعليييييييييي وهم ساكتين عنهم يطالعونهم بس، لجل ربعهم مجنسين في مجنسين

حسبنا الله ونعم الوكيل مابي اضيق خلقكم كفايه

اشوفكم على خيرر

[حنين للماضي]

السلام عليكم
الحمدلله احلام ام على سلامة ولدش اشوه دخلتين وطمنتينا
باقي شموس وفلونة يدخلون ويطمنونا بأحلى الاخبار ان شاءالله

حبيبة حسوني شخبارش حبيبتي؟؟
السيم يقولون اطيح بروحه
رحتي المستشفى؟؟
اني ساعات ينغزني ويحكني وللحين ماجفت طاح شيء
انتي بشنو تحسين بالضبط؟؟
وعلى عمري فطامي ماعليها شر
الجو كريه لاتقدرين تشغلين اسي ولا دفاية
يااااااااارب يحفظ اولادنا من كل سوء بحق محمد وآل محمد

ام السادة ربي يسهل عليش وتقومين بالسلامة
بنوتة شكلها ولدت من زمان ما بينت
ياااااااااااارب يسهل ولادتهم ان شاءالله

[أحلام أم]

هلا ومرحبا
أم السادة
الله يسهل عليش حبيبتي وتولدين اليوم ولا يحطوون عليش طلق صناعي باجر وتقومين بالسلامة مع السيد الصغير ولاتنسينه من دعائش
حنين للماضي
الله يسلمش ،الحمدلله ولدي صار زين بس مايبى ياكل وهو بدوون شيء نباتي حده من وين بيقوه على الضعف إللي فيه
وصادقه شكلها بنوته ولدت ماليها حس
شمس وفلونة
طمنونه على البنات الحلوات ربي يفرج عنهم كل شر ويصيرون عرايس ياخذون القلب
يارب الجميع بخير وسلام
أشوفكم بعدين

[طفلي حياتي]

السلام عليكم
شخباركم شموس وفلونه وشخبار يهالكم؟
الحمدلله احلام ام على سلامة ولدش
حنون وحشتيني شخبارش وشخبارعلاوي
اما اني تخربط نوم الليل يطلع عليي في النهار كله تعبانه ماني قادره اسوي شي كلش :(
وكله الم في هالدبه من فوووق يملل

[طفلي حياتي]

ملللللللللللللللللل

[فلونة]

سلااام عليكم.. شخباركم ؟؟
داشة على السريع اجوف اخباركم.. مشكوورين كل الي دعوا حق بنتي وسألو عنها احلام ام وطفطف حنوون ام السادة وام خليل ومستحيل ينساني وحبيبة حسووني ثنكيو حبيبات البي
الجوو وايد كسيف واليهال ماعندهم منااعة كلش وبنتي اليوم الحمدلله احسن من امس بس الصوت ما راح من صدرها واجوفها زكمت اليوم ومسكينة ماتقدر اطلعه من خشمها وانا اخاف ادخل عود الاذوون داخل ويضايقها.. وريلي يبي ياخذ موعد عند دكتور حسن زين الدين بس انا محتاارة اوديها او لا خايفة عليها من الادوية :( شرايكم؟

انا نفسيتي دووون وكله كئيبة حتى ريلي الفقير اذا ايي اطفشه واتهاوش معاه على اسباب تافهة .. مادري شسوووي علشان يروح هالاكتئاب عني استغفر الله صاايرة قعدتي كريهة ويا الناس اتسبب على الكل مادري اكتئاب عقب الولادة او بسبت اوضاع الديرة .. الله يفرررجها عن الجمييع يارب بحق محمد و آله

[فلونة]

الله يسهل عليج ام السادة وكل تأخير فيها خيررررة لا تحاااتين .. ولا تستعيلين على رزقج وحاسة فيج الله يعينج على الثقل بس كله محسوب عن رب العالمين

طفطف اذا متمللة تعالي قعدي مع بنتي علشان اقووم اتسبح جان يتغير هالمزاج الودر

[طفلي حياتي]

اهلا فلونه
الحمدلله انها خفت شوي وصدرها يمكن زكام نازل بصدرها ويطلع هالصوت وليش بالله ما تعطينها ادويه اذا راح يخف عنها الالم تبغينها تتعذب بلا علاج موزين وش هالتفكير ؟ وايد صعبه انتين.... كل اطفال العالم يعالجونهم ويخفون وانتين بتخلينها خايفه من الادويه !!!
وديها للدكتور اللي قالو عنه زين وان شاءالله تقوم بصحه وعافيه
متملله ولا اقدر اطلع مكان تعبانه عددل :(.... روز بنت بلادي وينش مابينتين ام الساده شكلها ماودلت لانها من شوي اونلاين هههههههههههه

[طفلي حياتي]

ييبيها اتسلى وياها شوي وانتين قومي عدلي هالكشه فشلتينه

[طفلي حياتي]

يقولون النساة تروح في الرابع واني للحين الطعم المر ويايي ملوع جبدييييييييييي من اكل اي شي لاعت جبدي طول الوقت طعم مروكريه

[ام السادة]

السلام وشحوالكم

صدقتين طفطف للحين ما ولدت باشوف باجر ويش يقولون لييي

فلونه ما عليها شر هالوردة وديها المستشفى احسن واعطيها ادوية بعدها صغيرة ما تتحمل الم بس بتتحمل مرارة الدوى

[om khalil]

الله يساعدش ياطفلي ماعليش شر جان انتين على الاكل اني على الريل مسكين حتى سلام ما اسلم عليه رجعته من لشغل ياساعد الله قلوبنا بس..

فلونه اشتري لبتش شفاطة مالت الخشم، استخدميها شوي شوي لا تعصين عليها علشان ماينسحب الوصخ اللي في خشمها بسرعه وتصيح لش. وايد مريحه.. وماعليها شر
تعالي مادري ويش سميتينها؟

[om khalil]

ام الساده
الله يسهل عليش ان شاءالله
ويش اخبار المشي وياش؟

[طفلي حياتي]

اهلا ام الساده الله يسهل عليش وان شاء الله الليله اييش الطلق وتولدين بسرعه وبسهوله
ام خليل اهلا وسهلا ماتروحين الدوار هالايام؟
اني تبغيني حماتي اروح اياها من صلاة المغرب ل11 قلت ولا نص ساعه اقدر متلخلخ بدني ولاقدرت اطلع مكان وهداني منرزه بغيت بنيه تدخل اهر وياها ع الاقل لا المسن ولا هنا في احد طفشت عدل :(

[ام السادة]

هلا ام خليل ما خليت مشي في البحرين الا مشيته ويقول رجلي لين ظليتين الى باجر بكرفش كراف من المشي ما برجعش البيت الا بالطلق

الله يسمع من طفطف

[om khalil]

اخر نوبه رحت الدوار ليلة الخميس
ومن الخميس احس كلش متكسره ماقادره أصلب روحي

واليوم عن باروح ولا قدرت ان شااءلله باجر اذا الله أراد

باقوم اروح اييب خلي من بيت ابويي اتصلوا ليي مو عامل عمل في الدوامات
قضض الكاشي ههههههه

برررب

[om khalil]

اني ماني محصله كرسي عدل احمله ويايي
اما غير الكرسي اروح انبطح ليي في أدنات خيمه وأخيم ههههههه

ام الساده السيكو سيكو وما أدراك ما السيكو سيكو ان حضرت روز بتعلمش هههههه

بررررب

[ام السادة]

ويش اقولش يم خليل ما خليت شي لا مشي لا سيكو سيكو لا دعاء لا قران وبخورة وتنقز بس للحين الله ما كتب

[صعب تنساني]

ام الساده الله يسهل عليج يا قلبو وتولدين وترتاحين من الثقل

[طفلي حياتي]

ام الساده اليوم جارتنا يايه تشوف عمتي وقامت تسولف الا تقول مره كانت حامل وهديك الليله عرس في الديره وخلت ليها مشموم في راسها نفس املعاريس وهي شهرها ومبديه عليها الارياح قام الريل يبغي سيكو قالت لالا المهم وصار السيكو وتقول لش منها ودوها تولد موتتني من الضحك وهي توصف وتسولف قتلتني من الضحك وعورتني دبتي واني اضحك تقول اذا دخلتين شهرش عليش به خخخخخخخخخخ وعمتي تقول متفرغه ام محمد قاعده الوحده في حالة ولاده تبغي الا تقول ماعليش يطفطف طيعيني اني مجربه هيهيهيهيهيهيهيهيهي

[ام السادة]

الله يسمع منش يا صعب دعواتكم

[ام السادة]

هههههههههههههه ويش اقول لش يطفطف الحاله كسيفه استغفر الله اي سيكو هالحزة لرجول ما اقدر ارفعها استغفر الله خخخخخخخخخخخخخخخخ

[طفلي حياتي]

هههههههههههههههه حلووووووووووووه
الله يسهل عليش ان شاءالله وتفتكين

[Roze]

هلوووووو
ويش احوالكم
توني رجعت من بيت عمي
وهداني بموت من الالم
ويع الظهر زلزله وويع الراس من صراخ اليهال ماافي راحه ابدااا
ياربي تعبت توي حاطه جسمي علا السرير من الصبح للحين

[طفلي حياتي]

ولكم روز حياش الله
بيت عمش مافي حجره تنخشين فيها ترتاحين؟؟احس مأساه اذا تروحين وايد تتعبين

[Roze]

ويش يم الهوااشم تيكرش قفل وبعدش ماتبطلتين
ضكرتيني بوحده في النت يقولش خلي ريلش يسوي حفريات بالسيكو سيكو جان تولدين
عاد تقدرين ترفعين ريولش لو لا خليه يساعدش


طفطوف ويش احوالش
كله ضارب عليش الملل باجر ان شاءالله بتييش نصره ولابتقدرين تحكين راسش ههههههه

[Roze]

المشكله انه مافي مخل اقدر اقفل عليه
قاعدين يبنون وحجره ريلي من طلعنه البيت تم استعمارها
ويش اسوي يختش اتعب وايد لين اروح لكن المشتكاة لله
الريال مايفهمون عبالهم مانشتهي روحة بيت اهلهم

[ام السادة]

هلا روز هههههههههههههههههههههههههههههههههههههههههه الله يغربل بليسش ويش نسوي بنستسلم الى الامر الواقع وبنشوف ويش يصير ان شاء الله يفيد عاد مو دبحة على الفاضي

[ام السادة]

يا الله بقوم انسدح شوي وبحارس الرجل لين يرجع خخخخخخخخخخخ

يمكن اقعد بعدين مو تهربون عاد

[صعب تنساني]

هههههههههه روز انه من حملت للحين ما احب اروح بيت عمي وايدددد والمسعد الي عندي يقولي بيت ابوج تحبين تروحي ولامي تضايقين وهو مو فاهم السالفه انه الوحده تبي تاخذ راحتها الريايل كله هذي اي سالفتهم ما يفهمون ولا يقدرون يوم الي قولي في بيت ابوج راحه وعند امي لا خاطري افغصه هههههههههههههههه

[طفلي حياتي]

هربت ابغي اقول ليها في طرق سهله للسيكو للحامل بس ان شاء الله تذكر ان في وضع فرنسي هيهيهيهي
اي صدقتين يروز يفكرون الوحده تكره اهلهم على اقل شي بس ويش تسوين اصبري لين تولدين او تستوي شقتش تالي نزولس بصير اقل من الحين بوايد تقدرين تنزلين شوي وتركبين مكانش

[صعب تنساني]

ام الساده ان شاء الله ما ترجعين الا بخبر ولادتج يارب

[طفلي حياتي]

روز من حقي اتملل يعني اما اطق مشوار لبيت ابوي ومافيه احد هناك بعد او اقعد مكاني من الصبح لليل فالملل لاعب بي لعب وانتظر بفارغ الصبر قدوم انتصار الفرحانه جان اتسلى وياها نصرتي

[صعب تنساني]

روز يقولون الامس سوا مسيره صوب اذاعه البحرين والي يشتغلون اهناك ماتوا من الخوف ان شاء الله المكحل اهناك علشان يصروع ويتادب ما ينافق ههههههههههه

[Roze]

وي علا افادي يطفطف مالش الا حوامل تقعدين فيه خوب عمتش ماينقعد وياها
من قبل فاتحه ليه الموضوع اني ماابي اروح مابغيت الا السلامة علا عمري هههههههه

[Roze]

المكحل حبس روحه في المرحاض من الخوف هههههههههههه

[صعب تنساني]

ههههههههههه روز موتيني من الضحك على المكحل وسوالفه

[صعب تنساني]

روز يسويها لمكحل مو بعيده عليه يخاف على كحله يسيح هههههههههههه

[طفلي حياتي]

اني اروح لازم ويى عمتش شوي واذا تصير جماعه عندها اقعد شوي بس المشكله وقت الاكل خخخخخخخخ استغفر الله .... اذا يصيدها شي تكسر خاطري ماقدر الا امد يد العون والمساعده تصدقين من جم يوم بنت حميي رفعت ضغط عمتي وقامت تصرخ عليها ومره وحده ننزل السكري بغت تموت تصدقين مرت حميي راحت ليها وشافتها باقي شوي وتروح فيها حضرتها سألتها تبغين شي عمه!!! هديك قالت لا واني خفت قلت اذا نازل لازم اروح ليها ولا رحت الا موصله حدها عطيتها عصير وعابلتها وقعدت وياها يعني مهما كان ماتقدرين تسيئين للي يسيء كل واحد واخلاقه يمكن الله يحنن قلبها عليي على طول .. كله لله في الله

[Roze]

صعب نفس الكلام
هالريال مخوخهم جيفه حتا علا هالسوالف يحافلون
شي طبيعي الوحده بترتاح في بيت ابوها ازيد
وخصوصن بيت عمي ضيق صاير وحمياني طالعين داخلين واني متنقعه قاعده صالبه الظهر اخخخخ

[طفلي حياتي]

قصدي عمتي مو عمتش

[rose soul]

سلااااااااااامي عليكم

[صعب تنساني]

هلا والله بااام بشوره القمر

[طفلي حياتي]

وعليش سلامي يم بشوره

[صعب تنساني]

ام بشوره انتم السابقون ونحن الاحقون انه كلما قربت الايام اشيل هم الولاده اكثر
اقول لزوجي ابي قيصري

[طفلي حياتي]

على طاري لمكحل يقولون براطمه مشيرين هذي جم يوم من كثر ما يحوس فيهم خخخخ

[Roze]

هههههههههه زين سويتين يطفطف كله في ميزان حسناتش



ولكم روزه

[طفلي حياتي]

ام بشوره عندي سؤال بخصوص الابر اللي طلبتينها مالت الالم عادي نطلبها ويعطونه اياها في اي وقت لو هم يحددون الوقت الليناخذها فيه؟؟

[rose soul]

هلا بيكم حبيباتي طفطفاتي وصعب

صعب..ههه نطري بعد اكا نطرتي جمن شهر..وان شاء الله البيبي ما يطلع الا بكماله وتمامه

[Roze]

اخليكم بقوم اسبح وبحط التلفون علا الجارج وبنرجع تالي

[rose soul]

هههههههههه
مو مسوين سواة على هالمكحل ههههه
هلا هلا روزاتي

طف طوف..بالنسبة لسؤالج مادري تصدقين..انا طلبتها..يوم ماقدرت..وقالت لي انزين بنعطيج اياها الحين
ويمكن على جم انتي متوسعة
لأن انا كنت اربعة سانتي يوم تعطيني

[rose soul]

تيت روزتي..

[صعب تنساني]

هههههههه المكحل صاحبنا ما نخليه حتى اسقاط النظام بنظل نعلق على كحله اسود هههههه

[طفلي حياتي]

نعيما روز اني احس جسمي متلخلخ ان شاء الله من ايي ريلي اقدر انام مافيني شدة سهر ياربي انام ياربي انام

[طفلي حياتي]

روزاتي شخبار بشوره القمر ؟ عرفتين تسبحينها لولا؟؟

[rose soul]

صعب..ههههههههه عاد اتخيله لين سقط النظام شبسوي؟؟
ههههه
..
بشورة في حظني بعد جبدي ما تبي تنام

[صعب تنساني]

ههههههه طفطف اها وانه اقول صار له كم يوم مو بين وتاليها مشغول براطمه الله يصلحهم له

[طفلي حياتي]

روز الله يحفظها لش يارب تحملي بهاوبوسيها عني
شخبار الجفاف ان شاء الله خف عنها

[صعب تنساني]

هههههههه ام بشوره بعدين راح يدور في الشوراع يدور احد يصلح كحله السايح هههههههه

[rose soul]

ههههههههههههههه
الله يقطع ابليسكم

طفطفاتي..اي خف عنها شوي بعد ما استخدمت لها زيت الزيتون..وبواصل عليها ليما يروح منها
بعد جبدي هالبشرة الحساسة

اكاهي فاقة عيونها هههه فديت عيونها..جنها تدري ابوها ما بيي اليوم :(
بعابلها بروحي اليوم

[طفلي حياتي]

ربي يحفظها ويسلمها ويخليها هالنتفه الجميله
سولفي ليها قولي البابا الليله ما بيي اكيد بتصيح ههههههههههه يفهمون ترى اليهال الحين على قولتش مبطله عيونها يمكن تنتظر البابا ياخلف جبد امهم لنتففففف

[صعب تنساني]

بشوره يمكن تنظر ابوها لحد ما يي ان شاء الله ما طول بنطره وتنام

[rose soul]

اي طف طف..يفهمون كل شي..اخاف اقول لها ابوجج ما بيي وتمد البرطوم لي تحت ههههه
..
امس استخفيت..قعدت اعابلهم اثنيناهم اهيه وابوها..امس داق عليه ضروسه..وقعد يتألم لي
بنته تبيني من صوب .. واهو بعد في نفس الوقت محتاج احد يداريه..صرت سيارة اسعاف

[rose soul]

ام السادة لحين معاناة بعد جبدي
..
انزين بسألكم..فلونة شنو سمت بنتها؟؟
مادريت لحين

[طفلي حياتي]

ههههههههههه يعطيش العافيه ياروز ويخليهم لش اثنتينهم ههههههه

[أحلام أم]

شحوالكم
قلت أطل عليكم شوي وباقوم
ضايق خلقي حدددددددي
عندنه مريضه مرقدينها اليوم حامل 3 شهور ومن العصر نزيف عندها وتقول ينزل قطع عليها على عمري وخايفة وتصيح وإحنه ماعندنه إلا الدعاء والصدقة ليها ومن سمعت عنها زادت همومي وألامي
دعواتكم ليها بثبات حملها وتوقف النزيف ألحيين عليها بس سيلان ولاعطوها حتى مثبت
دعواتكم

[طفلي حياتي]

فلونه لا والله ماسمت بنتها للحين متحيرين تقول واذا ثبت بتقول شنوو

[rose soul]

احلامي..ماعليها شر ان شاء الله..والله يثبت حملها

[rose soul]

شلون ما سمت بنتها..لحين يعني بلا هوية ههههههههه
الله يقطع ابليسج يا فلونة..
عيل شنو تناديها الحين

[طفلي حياتي]

احلام ماعليها شر واذا ليها فيه رزق بيثبت وصحتها اهم شي ان شاء الله يارب يكون رزقها ويثبت

[صعب تنساني]

احلام الله يساعدها ويثبت جنينها

[rose soul]

وينكم الا صخيتو؟؟
اكا صخت بنتي بعد..رقدت..شكلها تعبت واهي تنتظر ابوها
انا بقعد معاكم شوي..دام راقدة..

[طفلي حياتي]

الحمدلله نوم العوافي على بشورتنا اني تعبانه حدي وخايفه استسلم للسرير وتتبطل لعيون كالعاده

[rose soul]

طفطوفة..اذا تعبانة..قومي ريحي..احسن لج..ولعافيتج
^_^

[طفلي حياتي]

لا بنتظر ريلي يقوم وبقوم ويارب انام

[om khalil]

باااااااااااااك

كيفكم ياحلوات وكيف بشوره يام بشوره

ام الساده عليش بالحفريات خخخخ ولا عليش من طفلي ومن نصيحتها المكوكية قال فرنسي قال، الحين رويسي ويالله يصيب ههههههه

الله يسهل عليش صدق كريه وحده يطوف موعدها بس كله بيد رب العالمين سهاله ان شااءالله


احلام ام سلامتها يارب يتمم ليها حملها على خير وشر عنش لاتقولين على عمري، قولي على عمر العدو..

[طفلي حياتي]

ام خليل هلا والله
اني قصدي يمكن خطر ع البيبي الوضع العادي لان ينرعص عفر والفرنسي اسلم مادري والله انتون اخبر هههههههههه

[rose soul]

طف طوف .. يعني ما تعرفين ترقدين الا مع الريل :p
..
هلا هلا ام خليل..بشورتي بخير تسلم عليكم..اكا هي قاعدة تحلم الحين..بعدين بتقعد

[طفلي حياتي]

ياخلف عمري كلما توصفين حركاته تهبببببببل بشورتنا
لا لان نومتي تعرفينها عسره ولو بقوم انام وبتغفى عيوني بالغلط بيطفرني ريلي بأي حركه وخلاص بتنتهي النومه فخلني انام وياه في مره احسن ليي

[rose soul]

طف طوف..اها هيك لكاااااان
دام جذي..قعدي ليما يقوم
الا شخبار فرحتنا؟؟

[om khalil]

ايه ياطفلي من قدام بالطريقه العاديه ينصحونش بها دخلتش التاسع

اما الفرنسي فهو الوضع الآمن للياهل لجل بعيد

هديكلحين الساعه عشر وشوي مريت صوب البريد ييت بدخل محل اللي فيه فياب يهال ورديت تخييبت، ماردي رحتينه انتين؟

ام بشوره ياعساها السعد بتش ربي يحفظها، قضيتين اذونها؟

[طفلي حياتي]

هلا ام خليل لا مامريت هالمحل بس قالت لي عنه روز واني عفر مابغي الحين شي الا الادوات الصحيه وجمن قماط

[rose soul]

ام خلي..الله يخليج..لا لحين احس تو الناس..واخاف تتسخن..قلت ان شاء الله عقب ما انطعمها
شرايج انتي؟؟

[om khalil]

اسايلش عنه لجل ناقصتني جمن حاجه امبي فراش واحد وقماط واحد وشباحتين فلاف
والادوات الصحية وقحافي ودلغه وشنطة

وماليي زاغر اطلع محل بعيد

[om khalil]

اني قضيت اذون بتي بعمر شهرين مره وحده ويا التطعيم

صدق ام بشوره توي ادري انه فلونه بعدي ماسمت بتها

حلاوتها ساكته طول التسع لشهور مادورت اسم بنيه !!

بس تدرين
اني بعد لو تصير معجزه عكس ماني شفته بعيوني بالسونار
وتطلع بنيه؟ بي ويش باسميها
صدق البنات حيررره

[طفلي حياتي]

ام خليل على قولة روز الخبطات ماعندي لنصره ولا واحد وخايفه على الخد الناعم من اضافرها ياخلف طوايفي بت الخبطات ههههههههههههههههه
روز انتظري شوي على الاذون لعقب الاربعين احسن عشان عيون الاوادم خخخخخخخخخ

[Roze]

باك رجعنه
نيمنه الرجل وجينه خخخخخ
ويش سالفة الخبطات اخدت افنين بضنار من السعوديه
والله وطلع الدينار يسوي شي هاليومين
علا قولة واحد في الفيس بوك
في مخباايي دينار ماادري اشتري به ارض لو اصب بترول جيد

[om khalil]

صحي ضكرتيني بالخبطات
لو اقولش عن شي بتموتين ضحك

بتي عقب ولادتها تدرين انها مشمخه ويهها شموخ طوليه من وهي في بطني
فلافة شموخ و ويها مخطط من فوق عيونها لخدها
انصرعت من شفتها اقول ويش فيها راووني اظافرها ويش طوالتهم hwaml03

[rose soul]

اي بنتظر لي تتطعيمها
..
تصدقين عاد ام خلي..لحين فلونة ما سمت بنتها هههههه
اهوه صج اسم البنية حيرة..بس ع الاقل اسم مؤقت تعطيها الحين
خلني اصيدها فلونووووو ههههه
معذبة البنية بدون اسم

[Roze]

ههههه صدق البنات قضاض الادون بدل التختون
وييلي متا اقض ادونها واركب اغلا التراكي
يارب تقر عيونه بشوفة هالضنياات من بعد هالتعب

[طفلي حياتي]

ياخلف جبد امها منصوره جان مو هالحوسه داخل تشمخ في روحه ويش اسوي فيها بعد الخبطات مايصير ندخلهم ياعلي على نصرتي عساها السعاده
هههههههههههههههه روز بنت بلادي اني رحت نيمته ورجعت اعرف روحي لا بانام ولا شي

[Roze]

تعالووو
دونه يخلون الابو يكتب الاسامي حزة تدخيل الوالده حق تولد اسم للصبي واسم للبنيه
هدا جيفه ماسموها للحين كيف كدا

[om khalil]

روز، لو اشتري كريدت ههههههههه

[Roze]

ام خل لو اشتري كيلوين موز شاكو

[om khalil]

طفلي ياعلييييييييييييييي ماقدر اضحك بطني يتكهكه ويايي ههههههههههههه

روز اني بعد استغربت خبري بهم يكتبون اذا بنيه لو صبي

[Roze]

هيكو نام وتلفونه مايسكت هالبلاك بيري وقعه قول يسكت خمس دقايق علا راس حتا اني راسي انبط من رنته كلخ اخبار ماتخلص افففففف

[Roze]

باقوم افلته من فوق العماره

[طفلي حياتي]

يتراوى لي لازم فلونه سموها اسم مؤقت او ريلها عطاهم اسم هي ماتبغيه هههههههههههههه لان قايل ليها بسميها بأسم وبفاجأها ان كان ولد لو بنت مسكينه فلونو ماقالت هالحجي عنلا العب بحسبتها هههههههههههههههه

[om khalil]

لا تفلتينه

اشتريه ،،،،،،،، بدينارhwaml03

[Roze]

اي صدق يمكن يبون يغيرون اسم البنوته خصوصن كانو مايدرون بنيه لو صبي يجيهم
يالله اهمشي الحين تهدأ وياها وتطلع هي من هالاكتئاب *

[om khalil]

ههههههههههههههههه مسكينه خمر بها الريل

جامو سماها فخريه :(

[طفلي حياتي]

ههههههههههههههههههههههههههههههههههههههههه ام خليل قتلتيني واني عندي ويع في بطني من فوق ماقدر اضحك منه ويش هالبلاوي جان مو صدق طبعها بفخريه خخخخخخخ
روز ودي التلفون الصاله فلتيه لا يدوي مخش

[Roze]

ههههههههه ام خليي حلوووه

[Roze]

ههههههه طفطف اذا حركت واحد من التلفونات بيوتعي هههههههههههه الايفون علا اليمين والبلاك بيري علا اليسار يخلص من واحد ويدور للفاني واني الفقيره اطالعه انطره يفضا ليي تالي نام علا افادي تعبان

[om khalil]

مسكينه وفشلت ماقالت ههههههههههه

على عمر العدو يافلونه حقش العافيه ان شااءالله
الله يفرج عنش وعن بتش ويوسع صدرش
وتيين تبسطين ويانا من يديد وهالمره تلعبين بحسبة طفلي هي بدبتها هههههه

صحي تعالوا اني هالايام مو مسويه سوايا في عمري ياربي ما اولد هالشهر بعدي في الفامن

باجر بخمر الاعتصام، طرشوا لينا مسجات لشغل ،، بنفتك اجازه hwaml03

[rose soul]

فخرية ههههههههههههه
بس بس
خلو البنية في حالها هههههههه
شكله اذونها اطننن الحين ههههههه
..
انا تصيدني حكة مكان السيم..ومب عارفة احك
قاعدة اضرب عله تروح الحكة هههههههه
اففف كريه

[Roze]

رووز تضربين وا؟؟؟!

[om khalil]

استخدمتين ميبو لو زيت الزيتون؟

[om khalil]

بي صدق تضربين ويش تعالي هههههههه

[Roze]

تشطف بروحها عفر رووزه

[طفلي حياتي]

ويش هالحاله وياكم ماحد يرمي جلمه تضرب يمكن على التكس

[طفلي حياتي]

في دمتكم كلما ضحكت ياني ويع في دبتي من فووق

[rose soul]

روزتي..خخخ اضرب مكان السيم بعد وين خخخخ
ماقدر من الحكة
اذا ما ضربت اقعد اترقص من الحكة
..
ام خليل..استخدمت ميبو..وجنه يطيح السيم شوي شوي
لأن مشيتي وقعدتي شوي احسن

[om khalil]

ياعلي كريه السيم :(

اذكر بخلي التهب عليي واني في غرفة الولاده كلمن تولد يطوفونها عليي بالسرير ويطلعونها الجناح

مافي الا اني موكره بروحي ويحطون ليي اجياس فلج رايح ياي

ايه صدق روز وين بتولدين اذا الله سهل ان شااءالله؟

[rose soul]

الله يغربل بليسكم هههههههههههه
ما تسوى علينا هالضربتين خخخ
اكا بتقعد بشورة من صوتي

[om khalil]

عفر اني بعد باخذ ميبو مفلاتش

[Roze]

جي ينضررب
يعني اتخيلش روووز لين جتش الحكه تركضيين الحمام جنه حد لاحقنش امش منصوب ويش هست ويش هدا
تدشين تصفعين السيم صفعتين وترتاحين

[Roze]

ام خلي لاتضكريني بالمستشفيات
العن ابو الامريكي لابو الي يابهم البحرين


كح كح بروح السلمانيه

[طفلي حياتي]

ام خليل يعطون الدختر ميبو يقولون عادي تطلبين مشيتش
روز والاخير وياكم مايسوا عليها قالت جلمه تضرب اني اتخيلها تطرطق عليه من فوق وتستانس خخخخ
ام بشوره بقول لش شي اذا تستخدمين اولويز غيريه فاحتمال هالحكه منه لان كريه اخذي الوردي اوكى

[rose soul]

روز ههههههههه
لا ع الكوتكس اضربه..مو لازم اروح الحمام ههههه
وساعات اروح الحمام..ارش عليه ماي حااار خخخ يخف تصدقين

[om khalil]

تصفع السيم ههههههههههههههههه
حرسي بنشوف جيف بتسوينها بعدين hwaml02

لامريكي كريه ولا عاد مال سار رحته نوبه في رمضان خلوني ساعتين على السيلان وبعلي خلاني وراح وتلفوني في السياره السيلان يغرف وأنا أعيط

وحش مكانهم حده صندقه

[Roze]

استخدمي فام رخيص وقوي رغم انش بتبدلينها كل خمس دقايق لكن قطن طبيعي

هههههههه هدا الي عاشت عليه امهاتنه
يمكن تطلع لش وياه منظره ومشط زرقان

[طفلي حياتي]

ويش ليكم بالولادات في الخاص بروحه ماعندهم خبره نفس السلمانيه يوميا يبحطرون في الاوادم
وخبره
روز ويش صار على فايلش؟؟ سويتين لولا؟

[om khalil]

اني باروح جدحفص واذا مافي مجال بطرولون بي السلمانيه اكيد
لجل بت عمتي تولد وهي في السلمانيه علشان جذي بولدي رحت جدحفص
لا تصيدني هناك هههههههه

[om khalil]

روز وبعضهم وراهم تراكي بعد ههههههههه

[طفلي حياتي]

ههههههههههههههههه روز غربل الله بليسش اني من زمان استخدم ابو حمامه ويش حلاوته وتالي حولت على اولويز الوردي اما فام ماحبه طوال ويتنتف ابو حمامه زمن لول في كارتون تالي صار جياسه وللحين موجود

[rose soul]

طف طوف..تصدقين شكله من نوعية اولويز
انا استخدم البنفسجي..لأن مكتوب عليه مال عقب الولادة
واول مرة استخدمه

[Roze]

طفطف هالاسبوع بروح الموعد ونوبه وحده بييررر فايلي من عندهم لابارك الله فيهم حولو عليي بوسواس لا من ارض ولا من سما

[طفلي حياتي]

ام بشرى غيري الكوتكس لان هو اللي مسبب لش الحكه مو السيم استخدمي غيره

[om khalil]

كارتون ابو حمامه الوردي للحين عايش؟

اهم شي بالايم ليي مال الدختر للايام الأولى لجل متين وقطن اذكر ماكنت اقدر اقعد من السيم وهو كان يريحني عدل

[Roze]

ام خلييي
حلاوة الوحده لابسه تراكي طالعين ليها في فام هههههههههههههههههه

طفطف ابو الحمامة كوارتين كوارتين بس ضكريني بسمه ماعرف بالشكل عطيني الاسم

[طفلي حياتي]

مادري والله ويش اسمه نسيت لكن اعرف شكله وردي وجياسه ماهو فام وحجمه مرتب حليو عدل حتى في القبائل عندهم منه او بالاحرى متواجد وايد هالحجي قبل سنتين لو اكثر بس بعدين حولت على اولويز الوردي نفس الشي لكن قطنه خفيف جدا

[Roze]

هدوله يجون كوارتين لانه مايشدونيدرون جيس واحد يخلص في اليوم مايحملون شي
جدي الناس قامت بالكوارتين وتخشش في المخازن وفي الكارتون يحطون منظره يحطون ترجيه

[rose soul]

اي بغيره..انا من قبل استخدم الوردي
وكنت متكيفة معاه
..
يلا انا بقوم اعدل ظهري قبل لا تقعد وردتي لأن ابتدت تتحرك
اجوفكم على خير

[طفلي حياتي]

مايصلح لولاده اولويز الوردي يبغي لينه على قولة ام خلي ننيل لينه من الدختر مبدال هالنود والجلف لاعبين فيه لعب الله بحسبتهم ان شاء الله

[om khalil]

روز كشخت بهم واني ياهله فضيل اختي ههههههه

[طفلي حياتي]

في امانه وحفظه ام بشوره على حسب غزارة الدم اخذي لش اي نوع بس غيري الاولويز هذا

[om khalil]

نيلي لش ياطفلي
اني احط اولويز لو فام وعليه احط القطني مال الدختر

وين احقل شورت للدبه وتوابعها خلف الاربعين؟
عندي المشد الاندونيسي واتملل ألوت روحي إبه

[Roze]

هههههههه هذا فلتتهم عليش لجل تدري مابتستفيد منهم وهم دعاية فاام ههههههه
جان انتون جدي ضكرتوني بموقف مقررف ويع

يوم اني جاهله كنت العب برا في الشارع وجفت جيس اسود صغنون مربوط اسود
اتخيلو شسويت ههههههههههه لوع الله جبدي
رحت انخشيت وبطلته استكشف وييييييييع هههههههه ولا اضكر مابي حد يشوفه عندي ههههههههههه وييلي

[om khalil]

الله وياش أم بشرى

طفلي اذكر بعد ندبت السستره تييب ليي بعد القطعة اللي يحطونها تحتش حتى لايصير فيه تسرب.

[طفلي حياتي]

اما اني ولا فكرت في ربط الدبه ابدا افكر اسوي رياضه وبس والشورت يضغط يفطس مانقدر مادري اربط بطني نفس طريقة يدتي ههههههههههههه احسن حل تقول امي الله يرحمها من تولد الوحده يربطون بطنها على طير تروح الدبه

[Roze]

وانتين من اهل الخير ام بشووره

[طفلي حياتي]

روز غربل الله بليسنا على لوافتنا يوم احنا يهال موتنه نكتشف لو زين شي عدل ونبدع الا هالجياسه لمربطه اذكر اني فتحت جيس مال صاقعه لا ما فتحته عفر حاولت المهم قمت اتعبث ويلي من اذكر تييني الزوعه ويييع ماشتهي حتى افتح سيرته
ام خلي هاوي لقطن مال التسرب في الدختر هذا؟؟ بنشوف بعد بالايم اللي اقدر عليه مامخليه للجلف شي

[om khalil]

غربل الله بليسش طالعه ليي تويكس بعلفه لوعتين جبدي هههههههههههههههه

[Roze]

اني اخدت ليي مشد بطن من السعوديه
المشكله مو بس البطن حتا الصدر احسه يبي له شد ههههههههههه

[طفلي حياتي]

اي الصدر ويش يشده؟؟ قولي الدبه بنعابلها بالرياضه والصدر تيريرين فيه جيفه؟؟

[om khalil]

اذكر شغالة أمي ربطتني بمشمر
عاد ملل كل شوي باروح الحمام وأفجه
تالي اشتريت هالمشد وفقيل بس هالمره ابستخدمه خلف لاربعين
لجل اني استخدمته خلف سبوعين من ولادتي

[om khalil]

عقب ولادتي بيومين
اطالع في المنظره ياعلي بنابي طالب
الصدر ذايب
الدبه مجفسه
ولفخوذ يالله سترك

عاد من اذكر اقول هالمره لازم لازم احط على روحي مايصير

[Roze]

طفطف اني اضكر التفاصيل بطلته للعمق الجيس فتقته فتااق
يهال ماندري بالدنيا

زين يوم مااكلتينه
ماياكلون حلاوه قبل النوم بعدين ماتحرقين وتتكتل السكريات بسرعه*

[om khalil]

تيريرين ويش وتخلين ويش هههههههههههههههههههههههههه

[om khalil]

يوعانه من زمان متعشيه
بس عقب جيسش لسود حرمت

[طفلي حياتي]

اني يمكن اربط بطني بمشمر على ماقلتين وبس ماقدر اني على مشدات هو من قبل اني ماقدر على اي شي يضغط على بطني مباشره افطس يعني اي شي يضيق على مناسمي ماقدر بس بربط المشمر وبنشوف وتالي نادي

[Roze]

عيوني تغمض
اني بخليكم بدبابكم الحلوه

نراكم علا خير
تصبحون علا فل وياسمين

[om khalil]

وانتين من اهله روز

طفلي ايه نسوان لول كله بمشامر
صدق الدبه ماتنبغى واللي ورا بعد اففف
مساكين يالنسوان كل شي علينا الحمدلله بس

قومي ياطفلي احنا بعد ننام باجر عليي مسيره
تصبحون على الف خير

صحي قبل مانسى كانش تسايليني هديكلحين عن القطعة مالت التسرب

هي قطعة مستطيلة كانها فوطه حجمها يمكن ذراع في ذراعين
اكيد شفتينها قبل ، عموما بتشوفينها وقت الولاده
يحطونها فوق السرير علشان مايتوصخ

[طفلي حياتي]

وانتين من اهل الخير
ام خليل بتي صايدنها ابو فاق واحسه نص بطني لاهو فوق ولا هو تحت والحين بطني اشوف حركة تنفس بتي ومن يصير هالشكل اخاف ياعلي طمنيني ام خليل اشوف بطني كانه بطن ياهل يتنفس بسرعه فاهمه قصدي؟؟

[om khalil]

ايه تتنسم الياهله ماتبينها تتنسم بعد
ساعات يصير ليي جذا واحس كانه احد يطبل في بطني على برا
عليه عليه

انتين وين تهيسينه بالضبط؟

[طفلي حياتي]

ههههههههههههههههههههههه اهيسه يسار بطني في الوسط لاهو فوق ولاهو تحت
بس تيسري ام خليل طول الله عمرش طمنتيني صراحه
ياخلف عمري وشبابي نصره ربي يحفظها ويحفظ نسمها ان شاءالله ويحفظ لكل حامل ووالده ضناها

[om khalil]

عدل مكانها راسها تحت وريايلها فوق
بس لانه بطنش بعده مانزل
اني دبتي تدلدلت خلاص عندي احساس هالمره بولد قبل موعدي
خب اني كله اطوف الموعد يالله بالسهاله بس ليي وليكم يميع

تصبحين على الف خير

[طفلي حياتي]

وانتين من اهل الخير مشكوره ام خليل
مع السلامه

[بنوتة حلوة]

أم السادة ولدت لووو بعدهيي .. ؟؟

[ام السادة]

السلااااااااام وشحوااااااااااااااااال
ورجعنا لكم بالدبة المنفوخة ههههههه

دبحتوني من الضحك على سوالفكم البارحة ما خليتون شي جيبتون من كل مكان خسارة فاتتني السهرة

احلام ام الله يقومها بالسلامه ويثبت ليها ان شاء الله
البارحة بتي ما خلتنا نسوي شي سهرتها الى متى الله يحفظها ما ادري ويش فيها

اليوم رحت الموعد وقالوا خلاص باجر بيحطون عليي طلق لان يخافون يصير شي في البيبي الله لا يقوله دعوااااااااااااااااااااااااااااااااتكم حبايب قلبي

بنوته للحين ما ولدت وانتين للحين بدبتش غطيتين الشاشه خخخخخخخخخخخخخخخخخخخخ

[طفلي حياتي]

السلام عليكم
مساكم الله بالخير
وي على افادي ام الساده لكن كل تأخيره وفيها خيره ان شاء الله ربي يسهلها عليش وتولدين بسرعه ما تتعذبين.. وشكله اهلسيد بييب وياه الخير ان شاء الله والفرج على قدومه بصير لاتنسين الوضع من الدعاء ام الساده ادعي للبحرين بالنصر واهلها بالسلامه منكل مكروه وربي يرد كيد كل طاغي وظالم في نحره

[طفلي حياتي]

اني الا احاتي شموس مادري ويش سالفتها امس مابينت ربي يحفظها ويحفظ بنيتها ان شاء الله

[أحلام أم]

هلا ومرحبا
أم السادة
لايكون يايه من الفاتح أني توي ياايه من هناك ذبحوني مينون إللي يتعالج هناك عندهم ،الله يسهل عليش وتقومين بالسلامة
طفطف
تصدقين أني بعد أحاتي شموس ويابنيتها الله يسمعنه الأخبار الزينه عن الكل
أخباري ويالفاتح ...
رحت الصبح موعدي على الـ11 وزفتني هالعراقية لويش ماسويت أشعه ومثل ماقلت قبل نسيبي قص عليي وقال مافي دكاترة بتداوم في التاريخ إللي طاف وراحت الأشعه ،أقول شكله ماداومتون إلا تقول ناس جو وسوينه ليهم أشعه
2_تحليل السكر طلع على الحافة ويننتني تقول ردي روحي المركز وسوي تحليل صايمة فاطرة أقول سويته من قبل إلا تقول بعد أحسن ردي سوية وهي حمقانه
3_الضغط طلع مرتفع وتقول لويش مرتفع قلت ليها يمكن لأني من شوي قااعده وتعطيني ورقه بيضة لجدحفص يوم وترك أسوي قياس ضغطوليين مانزل سيدة تعالي السلمانية بريدتني
المهم عطوني أسوي تحليل للسكر بعد ،وأسوي أشعة ،ويوم وترك أقيس الضغط والله يستر
أخبار مريضتنه مشكوريين كل من دعى إليها بثبات حملها ربي يسمع منكم ويقضي حوائجكم
رحت ليها الجناح وهي بعدهي خاايفة ومتضايقة وهو أني نمت الليل من محتاها ومن الصبح التلفونات على راسها المهم قالت ليها الدكتورة ليين إستقر وضعش ووضع الجنين راح يسوون ليها ربط لعنق الرحم لأنه العنق قصير طلع عندها وخايفة أقول ليها لاتخافين أني ببنوتتي مسوية ربط وقمت أهديها وأقول أهم شيء ألحيين سلامتش ويالجنين وكل ألم يهون... دعواتكم ليها بإستقرار وضعها ونجاح عملية الربط

أني من خوفي من إرتفاع الضغط ماقدرت أحارس لباجر أقيس الضغط رحت جدحفص وقاسوه ليي وقالوا الحمدلله نزل وياارب مايرتفع مونااقصة
ويييييييييه إنتهت الأخبار وخلطت الحابل بالنابل
وتوي راجعه لقاعدتي والغذى يحارس من يسويه يمره
عن إذنكم فريت مخكم

[Roze]

ام الساده
ربي يسهل علييييش يااارب
اهمشي دعواتش لينه ولشباب الثورة ولصلاح هالوطن باذن الله حزة الطلق

[طفلي حياتي]

هلا احلام ام الله يسهل امورش وتنقضي فترة الحمل على خير
روز شحوالش عقب ضحك البارحه ماعملتون عمل انتين وام خليل ههههههه