ديوانية البحرين - دردشة حوامل البحرين - البحرينيات

[حبيبة حسوني]

هاااااااااااااااااي حبياتي hwaml7
شخباركم اليوم شمسوين؟؟
بغيت اسألكم اذا فيه وحده تعرف وحده تسوي توزيعات حلوه وناعمه وسعرها زين كل الي احصلهم اسعارهم غاليه الصراحه او خاطري اشوي ليي توزيعات ومحتاره شرايكم ؟؟؟؟hwaml23

[بنت الأياويد]

هلا والله مشكلة التوزيعات الحين كله غاليين ، اذا عندج وقت روحي خمس دوائر الي في المحرق عندهم اشياء روعة شفتهم في محل التوزيعات يبيعون الحبة على دينار وفي خمس دوائر الوحده بثلاث ربيات اشياءهم وايد حلوة واشتغلي عليهم في البيت بيطلع لج ارخص كل الي عليج تشترين لج جوكلت او شي تحطينه داخل وخلاص، وفي محل انا مسوية عنده توزيعات في الرفاع المحل اسمه lichee على ماعتقد مجابل مجمع الريم المرة وايد حليوة تسألج اول شي جم ميزانيتج عشان تراويج على قد المبلغ الي عندج وانا سويت عندها اوردر وان شاء الله بستلمه منها حزة ولادتي باذن الله

[حبيبة حسوني]

اهاااااااااااااا الله يسهل عليش حبيبتيhwaml02
ويقومش بالسلامه اني في بالي هالفكره
بس قلت محل احسن بس شكلي هي الي بسويه

[طفلي حياتي]

السلام عليكم
شخباركم؟
حبيبة حسوني وشخبارش؟
بنت الاياويد عساش طيبه؟
ان شاء الله الكل بخير
يبغي لي ازور هالمحل اللي قلتين عنه بنت في عراد اذا عرفت شنو فيني ان شاء الله
عموما حبيت اسلم قبل لا امشي والتقي بكم في سهرتنا اني ورفيقة دربي بنوته حلوه
مع السلامه

[شمس الصباح]

السلااااااااااام عليكم

شخبارش طف طف وحبيبتة حسوني وام فاطمة

بنت الأياويد كل احاتيش بس قلبي حاس انش بتسوينها على الأسبوع الجاي بأذن الله ولا تنسينا من الدعاء الله يسهل عليش

الأثنين الجاي على ما اعتقد ادخل التاسع حدي مشتاقه اني اولد اشوف بنتي الدليعه الله يحفظها بس ترفس حزة النوم والأكل

هالأيام قاعد جسمي يضعف واخدودي كلش اختفت ما في غير الخنافر والبراطم وكلش قاعده احاتي ما احب اكل كل احس بالشبع اكره شي اسمه ريوق غذاء عشاء واحاول اجبر نفسي اني اكل الدكتورة قالت لي ابغي وزنش يزيد الزيارة الجايه الله المعين

طف طف وبنوته وبنت الأياويد كلش ما تسئلون عني ما فيكم خير اني زعلانة منكم

احلام ام ما ليها حس

[ام السادة]

السلام وشحوال وينكم

طفطف هني لو

روزة وينش بتفق وياش على يوم الاحد

البنات الباقي ويش اخباركم ويه الدبيبhwaml02

[حبيبة حسوني]

هلا والله هلا شخباركم
اني بخير حمد لله وعندي موعد هالاسبوع الي بيجي
تاريخ 13 منبرز روحنا للوعة الجبد ينقعونا ساعتين
تلوع جبد الواحد الصراحه حتى ظهري يتيبس من قعدتي على الكراسي

[ام السادة]

هلا بيش

اي والله الله يعينا

واني بعد موعدي مو في جدحفص في السلمانية

[امنيه تتحقق]

مســـــــــــــــــــــــاء الخير
كيفكم حواااااااامل
حبيباتي مين فيكم بعد تاخر دورتها وقبل ماتعرف انها حااامل كانت تنزل عليها افرازات شفافه بخيوط حراء بهدين صاريجيها مره بيضاء صافيه ومره بنيه ومره مخلوطه ومره افرازات حمراء خفيفه
ارجووووووو الرد سريعااااااا

[أحلام أم]

السلااااااااااام عليكم

شخبارش طف طف وحبيبتة حسوني وام فاطمة

بنت الأياويد كل احاتيش بس قلبي حاس انش بتسوينها على الأسبوع الجاي بأذن الله ولا تنسينا من الدعاء الله يسهل عليش

الأثنين الجاي على ما اعتقد ادخل التاسع حدي مشتاقه اني اولد اشوف بنتي الدليعه الله يحفظها بس ترفس حزة النوم والأكل

هالأيام قاعد جسمي يضعف واخدودي كلش اختفت ما في غير الخنافر والبراطم وكلش قاعده احاتي ما احب اكل كل احس بالشبع اكره شي اسمه ريوق غذاء عشاء واحاول اجبر نفسي اني اكل الدكتورة قالت لي ابغي وزنش يزيد الزيارة الجايه الله المعين

طف طف وبنوته وبنت الأياويد كلش ما تسئلون عني ما فيكم خير اني زعلانة منكم

احلام ام ما ليها حس
هلا وغلا بيش حبيبتي
سألت عنش العافيه ،والله مشغوليين بشهر محرم مأجوره خيوو
هالإسبوع يوم الأحد صارت ملجة حميي على السريع قبل محرم بيومين ونغفصنه بس أشوه سووها عائليه تعادلوا في الليل ويوم ثاني العصر عقدو
ويش أخبارش وأولادش زينيين ،باجر يوم المفتوح للولتي وعلاوي والله يستر بنبرز روحنه ولاعاد علاوي ويه الشطانه
الله يتمم لش حبيبتي ماباقي شي وتهل بنوتتش برزي روحش للسهر
إللي فيها بنيه لازم الخنافر من الخد للخد ذكرتيني ببنيتي صرت خنافر حدي والرقبه سوده والمتون تفجرت وتالي طلعت قمررررر
كل من شافها قال أحلى منش بواايدhwaml4ولاكأنها بتش
عاادي ماتشتهين تاكليين لأنه البنيه ترتفع وتضغط على المعده وتخلي الوحده ماليها شهيه بس حاولي تاكلين على دفعات بسيطه علشان البنوته الحلوه
إنتون كلكم على البال بس لين أحصل لي وقت أقعد
مشكوره حبيبتي لسؤالش عني hwaml02
أشوفكم على خير hwaml7

[حنين للماضي]

السلام عليكم
شخباركم حبايبي؟؟

هالسنة قلبي معورني عدل
كل سنة اروح المنامة بس هالسنة كلش مافيني شدة
مشكلة القعدة والظهر والحمام والمشي للماتم يعني كلش ما في أمل اروح
قلت الليلة بجوف هذا الماتم اللي صوبنا عن ولا شيء
وحدددي خايفة من سالفة الحمام

حبيبة حسوني اني بسوي توزيعاتي عند وحدة اسمها ام زينب
اسعارها كلش حلوة
اختي سوت 100 حبة ثلاثة اشكال مختلفين وفيهم قرآن وحلاوة وبطاقات حدهم كشوخي والكل اخذ رقمها من اختي والستاند بعد وياهم لمدة ثلاثة اسابيع مادي جم طلع عيها بس ب50 دينار
ان شاءالله بروح لها يوم السبت
مالي بارض اشتري واسوي والف وآخر شيء مايطلع مميز ويطلع اغلى بعد لو بتحسبين كل شيء بروحه
اني موعدي تاريخ 14 جان لاقيتش لو صرنا مع بعض

طف طف خففي الحركة حبيبتي
ترى التعب يأثر عليش عليش
ربي يسهل وتقومين بالسلامة
مو قصدي اخوفش بس اخذي احتياطش احسن

فلونة مابينت مسكينة من زمان؟؟
ام حمني شكلها غايصة في السعودية بعد

[حنين للماضي]

تعالي صدق حبيبة حسوني اني عندي ايملش بطرش ليش صور شغلها على ايملش

[ام السادة]

ادا تبون عندنا احنا محل نسوي على حسب ميزانيتكم

[حنين للماضي]

خفت نوعاً ما شويhwaml02
بعد اسبوعين بدش التاسع ان شاءالله
ياااارب يسهل علينا ونقوم بالسلامة
جان ماصير نفس ام السادة واولد من اول اسبوع
يعني معقولة بعد اسبوعين بصير ماماhwaml03
توني منتبهة للموضوع

ابي افتك من التوزيعات مو باقي اله هم وغسال ثياب هالكتكوت
تعالوا صدق يمكن نغير اسمه مايندرى
يمكن نغيره لميثم
بس لحد الآن مو اكيد

[بنوتة حلوة]

حنين الماضي لو زين اني مكانش خخخخخ خاطري تمشي الايام هلكت توني بداية السابع :(

شمس الصباااح وينش شحووواالش؟ شمسوية؟ ماتدشين تسهرين ويانا اني وطفطف انصاص الليالي ..

طفطف مأجورة ادعيي ليي في الماتم عاد مو بس كل تخشين الدعوات حقش وحق فرحة ,, على طاري الاجازة يوم تقولين عن رجلش رحت سألت رجلي انجان اقول ليه بتاخد اجازة لين ولدت ؟؟ الا يقوول أكيييييد خخخخ مادري حقويش متشقق ومنشكح شكله عشان يتعلم يربي وياي بس حبيت وجهة نظره ..

ووو الباقي حبيبة حسوني وأم حماني وأم السادة وبنت الأياويد كلكم مأجورين ونسألكم الدعااااء ,, واتحملووا بروحكم ..

وهادا محل طيور الجنة ضرووووري نمر عليه صراحتن شوقتيني اروح ليه بس أول لازم نشحن البوك .. وهالكلام اعتقد بيصير عقب العشرة ,, مابي اشتري احين مكروه عبارتن

[بنوتة حلوة]

في محل اسمه Bescuit حق توزيعات صوب شاورما اكسبرس في الزنج .. صوب بنك الاثمار بعد ولاريسا .. حماتي سوت عنه كاكو يوم تولد جنها مصاصة بس هي كاكو وحليوووو شكلها كان راااقي ,, خسارة ما حصلت وحدة .. أنصح فيه شكلي بمر اجيكه بعد يمكن اسوي شي غير

[بنوتة حلوة]

تعالوا انتوووون مسوين كلندر حقكم واسمي مو وياكم ؟؟ اعتررررض وأحتججججج شهالتفرقة العنصرية ما أجوووف اسمي @@
اني بولد في شهر 3 ان شاء الله ,, وفي رواية : نهاية شهر 2 :(

[حبيبة حسوني]

هلا هلا حنونه اني ايميله غيرته
جان اشوف شغلها لانه عمتي عطتني رقم وحده اسمها بعد ام زينب بس ماشفت شغلها
الا في توزيعات بنت عمتي واجد كيوت الصراحه ياعلي ماباقي شي مو تولدين عني حارسني هههههههههه >>>>تنكت الاخت

[أمي الحنونه]

السلام عليكم يا بنات انا اول مره ادش هاتجمع بغيت اسألك يابنات الله يكمل حملكم على خير انا مند 10 ايام ولدت بس بالاسبوع 30 والحين اولادي اثنينهم بالحضانه كانو بالسلمانيه والحين من 4 ايام حطوهم في جد حفص مين عندها فكره على الولاده المبكره هل اولادي بيعيشون الله يسهل امركم

[غلاي امي]

السلام عليكم يا بنات انا اول مره ادش هاتجمع بغيت اسألك يابنات الله يكمل حملكم على خير انا مند 10 ايام ولدت بس بالاسبوع 30 والحين اولادي اثنينهم بالحضانه كانو بالسلمانيه والحين من 4 ايام حطوهم في جد حفص مين عندها فكره على الولاده المبكره هل اولادي بيعيشون الله يسهل امركم








هلا فيج أختي
والف الحمد لله على سلامتج وان شاء تفرحين بطلعة اطفالج باالسلامه
ووكلي امرج اللرب العالمين بأذن الله بيطلعون باالسلامه
جارتي جابت توأم ببدايه السادس وربي كتب لها وحده منهم ضلت باالمستشفى4 شهور والحين مشاء الله عروس
ربي يطمن قلبج وتفرحين بسلامتهم

[حنين للماضي]

السلام عليكم يا بنات انا اول مره ادش هاتجمع بغيت اسألك يابنات الله يكمل حملكم على خير انا مند 10 ايام ولدت بس بالاسبوع 30 والحين اولادي اثنينهم بالحضانه كانو بالسلمانيه والحين من 4 ايام حطوهم في جد حفص مين عندها فكره على الولاده المبكره هل اولادي بيعيشون الله يسهل امركم

اولاً حمدلله على السلامة حبيبتي وحياش الله بيننا
وثانياً لا تحاتين حبيبتي راح يعيشون بإذن الواحد الاحد
احنه صار في اهل امي جم وحدة ولدوا في السابع والحمدلله الحين ولادهم يناقزون وحالهم حال باقي الجهال
الحين الطب تطور والولادة في الشهر السابع صارت آمنة
هو صدق يمكن في البداية تواجهين مشكلة لأنهم راح يكونون حدهم صغار بس مع مرور الايام راح ينمون ويكبرون
تعالي صدق بعد صديقة عمتي جابت ثلاثة ماشاءالله في الثالث والحين بكملون السنيتن ماشاءالله

هدرت واجد ادري بس عشان اطمنش حبيبتي
طمنينا على كتاكيتش وتوكلي على الله

[حنين للماضي]

هلا هلا حنونه اني ايميله غيرته
جان اشوف شغلها لانه عمتي عطتني رقم وحده اسمها بعد ام زينب بس ماشفت شغلها
الا في توزيعات بنت عمتي واجد كيوت الصراحه ياعلي ماباقي شي مو تولدين عني حارسني هههههههههه >>>>تنكت الاخت

اني وانتين تقريباً مع بعض
ماتدرين يمكن انتين تولدين قبلي واني بعيد الشر عني عقبشhwaml02
طرشت ليش ايملي

[حنين للماضي]

بنوتة على طاري الكلندر انتي على ايام اللي سوته لنا طف طف ما كنتي ادشين اصلاً
وحتى طف طف مسكينة اذكر سألت الحين اسوي لو لا بدون بنوتة
لأن انتي من قبل ماخبرتينا من جدي ماكنه ندري متى موعدش

تعالي صدق متى موعدش؟؟؟
ولا تحاتين الشهر السابع والثامن بمرون بسرعة
اني الثامن حسيته اسرع
مساعة كنت اتمشى مع زوجي للماتم وقلت له االخبر تفاجأ وتشقق عباله الحين اكيد بولد عقب اسبوعينhwaml02

[شمس الصباح]

السلام عليكم يا بنات انا اول مره ادش هاتجمع بغيت اسألك يابنات الله يكمل حملكم على خير انا مند 10 ايام ولدت بس بالاسبوع 30 والحين اولادي اثنينهم بالحضانه كانو بالسلمانيه والحين من 4 ايام حطوهم في جد حفص مين عندها فكره على الولاده المبكره هل اولادي بيعيشون الله يسهل امركم

لا تحاتين اني أختى جدي جابت بنتها في السابع والحين بنتها مخطوبة والعرس في ربيع بأذن الله

هم لازم يحتاجون عنايه اشوي من جدي حطوهم في الشيشه وعلشان يحمونهم من البكتريا تدرين لان بعده جسمهم ما عنده مناعه

ان شاء الله تبشرينا ولا تنسينا من دعواتش وقت طلعتهم الله يطمنش عليهم


حنون شلونش

بنوته اني حتى لو ما انام في الليل احاول ما اقوم من السرير لان يمكن بالغلط تجيني النومة hwaml02 وخصوصا الصبح عندي اشغال واليهال مدارس يعني لازم راحه لو غفوه بسيطة نعمة من الله

[Um Amal]

كيف الحال
مــأجوريـــن

[أمي الحنونه]

مشكورين يا بنات على الردود وان شاء الله بطمنكم لما يطلعون ودعواتك لهم ياربي يحميهم ويخليهم لي افرح فيهم انا بكر ومااعرف لشي لهدا خايفه تسلمووون

[فلونة]

مسااء الخيرر... شخباركم جميعا؟؟
مأجورين بمصاب ابا عبدالله الحسين عليه السلام.. ونسألكم الدعاء في هذه الأيام،، سامحووني ما كنت اقدر اشبك في الايام الي طافت لانه صادتني ضروف صعبة..
اخوي مريض وتم في المستشفى جمن يوم وكنا مشغولين معاه ..دعواتكم له بالشفااء العاجل والله يبعد عنه كل سوء وشر.. وفي نفس اليوم الي طلع من المستشفى امي العودة عطتكم عمرهاا .. الله يرحمها ويغفر لها ويجعل مثواها الجنة ان شاء الله

[بنت الأياويد]

فيني نغزات قوية تروح واتيي وساعات وانا امشي اوقف من قوة النغزة الحين زايد علي وخاصة في الليل من 3 ايام هالسالفة مادري هذي طلق بارد على قولتهم ولا شنو ومن يومين نزل علي شي ابيض الله يعزكم مع البول طويل ومن جدام شوي عريض اول مرة ينزل لي جذي محد عنده خبره بمشكلتي؟ النغزات قاعدة تألمني واحس جنه شي بيطلع من تحت وبطني منشد وايد
شموسة كلشي ولا زعلج فديتج بس سامحيني تعبانه مع هالالام وكفاية بس اني ادش واطمن عليكم

[بنت الأياويد]

مساء الورد ، هلا والله فلونه وحشتينا والحمدلله على سلامة اخوج وعظم الله اجرج حبيبتي والله يغمد روحها الجنة وطولة العمر حقج وحق الي يعز عليج والله كنا وايد احاتيج وخاصة انا من ادش كنت ادور لج رد عشان ارتاح ان مافيج شي بس للاسف ماشوف منج اي رد في المنتدى بس اهم شي طمنتينا عليج شخبار الحمل وياج وشخبار الوزارة شسويتي ؟

[فلونة]

هلا والله بنت الاياويد ،، جزاج الله خير والله يحفظكم من كل شر ان شاء الله
انتو بعد وحشتووني اتصدقين انا بعد كنت اقرى الصفحات الي فاتني وادور لج رد ابي اعرف اذا الله يسر لج و ولدتي او لا ... وان شاء الله نسمع خبر ولادتج في هذي الايام
وبالنسبة للوزارة كانو متصلين فيني علشان اعدل بياناتي لانه كان في غلط في الفورما الي مليتهاا .. وانا كليت قلبكم وقلب ريلي بحنتي.. يلا ان شاء لله خيرر.. دعواتج

وبالنسبة حق مشكلتج انا ماعندي خبرة .. بس النغزات منتظمة او لا ؟؟ و اتمنى انها بداية طلق لج.. والافرازات مادري ان سمعت اذا الوحدة بتولد ينزل منها ماي ابيض او دم والله يسهل عليج ان شاء الله

[أمي الحنونه]

الله يشفي اخوك ويحميه من كل شر والبقيه في حياتك اختي وعليكي بالصبر هدا قدر الله

[بنت الأياويد]

النغزات مو منتظمة كل جم دقيقة اتييني ، مايندرى انا خايفة باجر اداوم في الجامعه والله لايقول يصير شي قلت حق امي بكرى اول مارجع من الجامعه تجهزلي دلة دارسين بشرب فيها وايد تعبت من الثقل الله يسهل عليكم كلكم ، اشوة دام السالفة تعديل بيانات وايد زين عبالنا شي ثاني

[فلونة]

امي الحنونة.. جزاج الله خير اختي

بنت الاياويد .. انا سمعت اذا تبخربتي بقهوة (البن) اذا كان وياج طلق بيزيد واذا الم من الثقل بيرووح .. شخبارج ويا المشي .. حاولي كل يوم تروحين الممشى و روحي رقدي مع ريلج اذا حصلتي وقت .. والله يسهل عليج حبيبتي

[أمي الحنونه]

اختي بغيت اقولك حسب معرفتي الي تجيها نغزات متواصله علامه الولاده والافرازات الي نزلت منك غليضه هدي بعد مال الولاده لازم تروحين للمسشتفى لا تقعدين يمكن الماي ينقص مال البيبي لا سمح الله والله يفرحك ان شاء الله بالدريه الصالحه

[بنت الأياويد]

تصبحون على خير مو قادرة كلش من النغزات اني اقعد كله ابي انبطح دعواتكم
مع السلامة

[بنت الأياويد]

هلا والله ، شلون ينقص الماي من البيبي وانا مانزل علي ماي ؟ يصير جذي؟

[بنت الأياويد]

الجماع في هالمرحلة كلش كلش صعب بس احاول قد ماقدر غصبا علي وفي نفس الوقت عشان زوجي مسكين شسوي ، الممشى اروح وخاصة ان الدكتورة الموعد الي طاف قالت لي الراس مانزل عنق الرحم لازم تمشين وايد اليوم مشيت ساعه تقريبا وامس نص ساعه الله يسهل ان شاء الله

[فلونة]

روحي ارتاحي بنت الاياويد احسن لج .. والله يسهل عليج ان شاء الله واذا ما نزل منج ماي ما اعتقد ماي الياهل ينقص.. بس اذا حسيتي النغزات زادت وانتظمت عندج روحي المستشفى احسن .. وطمنينا عليييج

[فلونة]

امي الحنونة.. شخبار اعيالج .. تزورينهم في المستشفى ؟؟

بنات اذا احد يعرف وين يحطون الفالي او المهاجري يقول لي .. قصدي اي قناة تحط لهم بث مباشرر .. عيزت وانا ادور ما حصلت شي

[ام السادة]

السلام شخباااااااااار يعطيكم الف عافية

ياعلييييييييييييييييييييييييييي بنت الاياويد الله يسهل عليش خلف جبدي


مافي حس ويش فيكم خرعتكم بنت الاياويد

[فلونة]

انا تميت اسولف برووحي جني هبيلة ... ومحد يرد

ام السادة .. اي انا خفت تذكرت اختي مسكينة يوم ولادتهاا .. الله يسهل على الجمييع بحق محمد واهل بيته الاطهار

[ام السادة]

هههههههههههههههه الله يغربل بليسش


هدا لو اقول لش ويش سويت في ولادتي الاولى جان تموتين من الضحك

[فلونة]

اختي وعليه كانت صبوورة بس دمووع من الالم ... تذكرتها وعورني قلبي بس احين عندها علاووي بالدنياا

انتي وين ولادتج كانت؟ السلمانية الكرااه سولفي خل نضحك عليج hwaml02

[طفلي حياتي]

مسااء الخيرر... شخباركم جميعا؟؟
مأجورين بمصاب ابا عبدالله الحسين عليه السلام.. ونسألكم الدعاء في هذه الأيام،، سامحووني ما كنت اقدر اشبك في الايام الي طافت لانه صادتني ضروف صعبة..
اخوي مريض وتم في المستشفى جمن يوم وكنا مشغولين معاه ..دعواتكم له بالشفااء العاجل والله يبعد عنه كل سوء وشر.. وفي نفس اليوم الي طلع من المستشفى امي العودة عطتكم عمرهاا .. الله يرحمها ويغفر لها ويجعل مثواها الجنة ان شاء الله

هلا والله حيى الله الغاليه ماعليكم شر ان شاء الله والحمدلله سلامة اخوش وعظم اجركم في جدتش الله يرحمها برحمته ويجعلها مع النبي وآله في جنة النعيم
كنت احاتيش وايد فلونه بس ماددايم الا وجهه سبحانه وهذا حال الدنيا ناس تجي وناس تروح
وربي يحفظكم ذخر ان شاء الله وتكونون خلف لها

[rose soul]

سلامي عليكم
اوووه فلونة اخيرا دخلت
برجع لكم بقرأ اللي فاتني دقايق

[ام السادة]

سامحوني بقوم باجر بقول ليكم جه زوجي من الشغل

[طفلي حياتي]

السلام عليكم
شخباركم ....مأجورين
فلونه اني ماحب لا الفالي ولا المهاجري خخخخخخخ الفالي اشوه عندي من المهاجري
وشفتهم اني في الانوار بس اوقاتهم مادري متى نسيت التوقيت
احب ازيد شي الطويرجاوي والخويلدي وشسمه القطيفي نسيت اسمه هذا بعد حليو
انتين فرفري في القنوات بتصيدينهم
بنت الاياويد الله يسهل عليش ان شاء الله ويبللغنا لهاليوم بالسلامه
ام الساده غردي نبغي نسمع قصة ولادتش الاولى
بنوته ياخلف جبدي تصدقين صار ويهي احمر يوم اصير رفيقتش واقول ياربي الحين بتقول ليش اسمي مو في الجدول ياربي تغفل ولا تشوف لكن طحتين عليه وشفتين ههههههههههههه
احنا ياحبيبتي حارسناش وانتين نايمه في العسل كلما نقول نسويه لولا متى بتيي هالبشه ماييتين وسويناه
اني سوته ليي وحدهلا اعرفها ولا تعرفني بس تليقفت وطلبت منها تسويه وسوته
يعني مافي تتحايلين نخلي اسمش

[طفلي حياتي]

اهلا روز
ننتظر رجعتش
اني الا ابغي رفيقة دربي ما بنساها يلا بنوته احارس تعالي

[فلونة]

عليكم السلام .. مثابين ،، اهلين طفلي شخبارج؟
رحت الماتم اليوم ورجعت ابي اجوف لي محاظرة دورت وعيزت ما لقيت شي .. باجر باخلي زوجي يعدل لي القنوات .. وباجر الصبح اذا الله قدرني بروح بعد
حاليا بس اروح الماتم في الليل :)

[فلونة]

يعني احنا مو مالين عينج .. بس عيل باخليج انا احين
سلامي للجمييع

[بنوتة حلوة]

هداني جيت واقرااا الردود ماشاءالله بنت الاياويد ان شاءالله تولدين بسرعة بالسلامة اني بعد هلكت خلاااص ابي اولد وكل ما اسمع قصص ولادة في السادس والسابع اخاف على استانس ماعرف اوصف شعوري يعني احس ان في أمل يصيدني جدي .. مخرفة ماعليه بس من التعب..

قاعدة أحس بشي يضغط من تحت نوع التقلص مادري شلون من جيت من الماتم وشسمه كرمكم الله دشيت الحمام وللحين اجوف كل شوي يجيني دا الألم الغريب أحد صاده ؟؟؟

واللي سألت عن موعدي شهر 3 السنة الجاية اذا الله كتب ..

وطفطف طلعتين انتين اللي مسوية التوقيع هاااا ماعليه لكن مو مشكلة سامحتش لأنش صديقتي عبارتن .. شحوالش وشمسوية ؟؟ ويش سويتين اليوم ؟؟

اني الليلة رجلي بيروح الشغل ساعة وشي وبيرجع يعني بظل بروووحي مقابلتنش خخخخخخخ استانسي

[طفلي حياتي]

هي هي هي تعالي لا راويتش
اكو الفالي في الانوار
ههههههههههه فلونه كل هالاسأله ولمحاتاة وتقولين مابغيش عفر قعدي
بس تصدقين ربي ارسل لي بنوته بلسم على قلبي كنت في هم وحزن مايعلم به الا الله وللحين اعاني منه لا استمتعت برمضان السنه والحين محرم ماني حايه بطعمه مادري هو عين لو من الحمل مادري بس كله معصبه وكئيبه

[طفلي حياتي]

هلا بنوته والله ماكنت ادري اني بستانس وياش هالكثر لو اعلم الغيب ماسويت التوقيع بدونش
لكن اهم شي تقومين بالسلامه وتولدين احلى سعيده في الحياة بنتش سعيده هههههههههه وبنتي فرحه

[بنوتة حلوة]

ويلي عليش انتين اللي بلسم على القلب خفيفة الطينة وسوالفش ماتنمل .. خخخخخخخ

[أمي الحنونه]

بنات شمسويين ويا الحمل واكثر شي بالاشهر الاخيره كله تعب الله يثبت حملكم وتولدون بوقتكم يارب

[بنوتة حلوة]

ويلي عليهم بناتنا بعد سعيدة وفرحة ,, الله يحفظهم.. اجوفها تسوي شطانة من جبتين طاريها الظاهر عاجبتنها السالفة خخخخخ

[طفلي حياتي]

تصدقون من شوي طرا على بالي اللعام يوم كنت في العراق ايام الاربعين ويلي بدأت الحره في قلبي روعه روعه روعه
رغم التعب الا انه روعه ....... اني ماجربت الحج بس يقولون مثل الحج التعب تخيلي اموت على الطويرجاوي واسمعه في غرفتنا لان فندقنا مقابل الحرم لكن ماقدر اروح من التعب يقرون لهالحزه اكو هني قاعده واشوف برامج وهناك من التعب ماقدر
الله يرزقنا وياكم زيارتهم

[بنوتة حلوة]

على طاري الاربعين هكووو قلت لرجلي خاطري اروح بس على الاقل اسبوووع يقول بيفكر في الأمر .. ويش رايش؟؟ تنصحين واني بالدبة؟؟

[طفلي حياتي]

ان شاء الله ياربي بناتنا يترافقون ويكونون فريق الافراح والسعاده هههههه ياخلف جبدي ناصر واخته
من شوي اسأل طويل العمر خب هذا كل شي مادري واي شي جواباته كله هالشكل يفجر مرارتي لين اساله مثلا..تبغي ولد لو بنت يقول اي شي اهم شي سليم واني انقهر اقول له قووووووووووول
اليوم لحيت عليه قال خاطري في ولد بس لو جت بنت عادي اهم شي سليمين
قلت والاسم تصدقين لعب بمخي والحين ذكرت انه ماقال الاسم!!!!!! غربل الله بليسك يابو فرحان لكن براويه باجر

[rose soul]

بااااااااااااااااااااك
تعبت وانا اقرأ
قريت على السريع خخخخخ
المهم شخباركم؟
فلونة..البقى براسكم حبيبتي..شدراني فيها طف طف مو مالين عينها احنا ههههههه
..
ام السادة..سيفت رقمج..بس الساعة جم موعدج؟؟
..
امي الحنونه .. هلا وغلا فيج اختي..اي الشهور الاخيرة تعب من قلب.. تمللنا خخخ
..
بنت الاياويد..الله يسهل لج ياااااااااااااااااااااااااارب..شفيها بنوتتج تتدلع وايد خخخخ

[طفلي حياتي]

بنوته بصراحه اني استغربت من بنت عمتي راحت وهي دبتها قدامها
اني خفيفه اللعام وتعبت وكلنا تعبنا يبغي لش كل الفرايض تروحين وكل المواقف تشوفينها وكل شي تغوصين فيه واذا بدبتش مافي مجال للدلع هناك غفصصصصصصصصصصصه
ياعلي حلييييو ياربي تعودني وترزقني اللعام الجماعه كلهم يدعون لي كلهم والسنه ربي استجاب ويارب السنه اليايه عندي نصره لو ناصر ياخلف عمري وشبابي
تصدقين حتى بطفل صغير صعب السفر للاربعين
ويلي اتذكر اول يوم دخلت الحرم تقولين مينونه مو شايفه خير اطالع المكان وكاني كيمرا تفتر ع المكان واطالع القزويني واضحك اقول اكو اللي نشوفه في التلفزيون يااااااااربي يتني الصيحه اهيء اهيء اهيء

[أمي الحنونه]

تحملي اختي انا اقول ياريتني ظليت تعبانه تعب الحمل ولا الخرعه مخليه اولادي بالحضانه اليوم عشر ايام ولاد مبكره وكل شويه رايحه جايه من المستشفى تعب والله وغيروهم لجد حفص بنات دعواتكم لهم رحم الله والديكم

[طفلي حياتي]

روزا افا ياخلف جبداتي انتون مالي غنا عنكم وبالعكس كله افكر ياخوفي تولدون قبلي وتطيرون وماشوفكم مابغي ناس يدد ابغيكم انتوون احبكم وتعودت عليكم وحتى لو ولدنا بنلتقي عفر مو تغيبون؟؟

[rose soul]

امي الحنونة..الله يخليهم لج..بس ليش ودوهم جد حفص؟؟

[طفلي حياتي]

امي الحنونه الحمدلله عللى سلامتشوسلامة اليهال ربي يشافيهم ويعافيهم وتشوفينهم احلى اثنين والسنه اليايه في محرم يلعبون في حظنش ان شاء الله
لاتحاتين ووكلي امرش للي رزقش اياهم بيحفظهم

[أمي الحنونه]

يارب اختي بس يقولون في ناس محتاجين تنفس اصطناعي وانتي عيالك يتنفسون عادي بس يبي لهم زياده وزن وودوهم من السلمانيه لجد حفص عندكم فكره انا مااعرف شي انا مو بحرينيه انا مغربيه وتقبلوني معاكم

[rose soul]

طف طف..فديتج..من هالناحية لا تحاتين..انا ما راح اخليكم .. بقعد على جبووودكم خخخ حتى لو ما تبوني..بس خوفي انتي بعدين تغدين فينا وتنشغلين بفرحان :p

[rose soul]

أمي الحنونة..والله ماعندي فكرة..بس دام يتنفسون طبيعي..لا تحاتين..وان شاء الله تشوفينهم يكبرون بين عيونج يااارب ^_^

[طفلي حياتي]

اي روز ماتغدرين تقولين بتقعدين وتالي من تبديل حفاظه لغسال بسطه دشي اذا نامت بتش اني لان بروحي محد لي يمكن انشغل بعد لكن ماعتقد اسهي عنكم انتون غاليات عليي وايد
فلونه سوتها صدق وراحت لكن ماعليه هالحركات الكريهه براويش

[طفلي حياتي]

بنوووووووووووووووووووووووته لاتقولين اسوي سمبوسه جبن اوقاتكم انتين وهالريل كله شسمه يلا تعالي

[rose soul]

افا عليج طف طف .. وانا أأدر اخليكي ههه
الا متى رقدتي امس؟؟

[rose soul]

وينكوووووووووووووووووووووووووم؟؟
انا شكلي بقوم اسوي سليب
تعبت لأن
اجوفكم باجر..دايم تدقون فيني..واهذر بروحي

[بنوتة حلوة]

رحت اسوي اشياء صار ليي 3 ايام متخايبة اسويهم .. كرمش الله بدلت سلال الخمام في الحجرة والحمام والمطبخ فايضيييين الخياااابة مافيني شدة ابدلهم ,,

غسلت المواعين اللي ظلووا من الظهرر تخيلي توني غاسلتنهم

وو آخرر شي سويت ليي جاي حليب السهرة وأحين فاضية ليش .. أي رجل هالحزة انتين بعد ؟؟ راح الشغل اقووول لش ,,

[بنوتة حلوة]

ايووو روووزة لا تروحين امشي شوووي خلنا نسمع اخباركم .. كله خايبين هالكروشات امهات بطوون ,, اني دبتي اليوم استوت دبل شكلها !! ما اوتعيت ليها الا رايحة على قدااام !! ورغم اني احاول اخشها بالدفة في الماتم الكل يسألني .. حامل ؟؟ شهرش ؟؟ بااال لهالدرجة كبيرة خخخخ

[طفلي حياتي]

يوووووووو
تعالي اني النت مخرف كلما اسوي ريفريش ابغي ارد عليكم يوقف ويبند وتوني ييت
بس اذا تعبانه خيتي قومي ارتاحي
اني البارحه نمت ماتذكر عفر 2 او وحده وشوي ماذكر ان شاء الله الليله بعد انام ع الاقل 2 المغرب ماتفتح عيوني والحين اخاف اروح اتقلب قلت بخليها تصك بروحها وبقوم

[طفلي حياتي]

سعاده تسعدش بنوته فطستيني من الضحك ههههههههههههههههههههههه
الدبه تصدقين اني ابغيها تطلع وابغي ناصر يكبر وصدق ترى يتغير بدون لانحس لكن صبري اذا صار السابع اللاي حليو الدبه ترتفع ابغي بسرعه يكبر واشوف كوره قدامي
وبالنسبه لاشغالش اشوه سويتينهم يالجانسه اني من جم يوم مطلعه جيس متروس فيه مال ثلاث اماكن غرفتنا والمطبخ والحمام وطفت على عمتي واقفه في الحوي الا تقول حشى مال متى بطت جبدي قلت ليها مال كل مكان هذا وخبرش لكلينس في الحمام دخول مستمر واستخدام مستمر فيصير جبله وشكبره
اي قلتين ريلش بيروح ساعه وبيرجع وانتين ضيعتين هالساعه في شغلش الحين بيوصل
وبقوم اني عنش لاتخربيني عشان انام

[بنوتة حلوة]

هرارش مابيجي أحين ,,
واذا جى على قولته بيكمل شغل .. يعني بتسوينها يالخاينة تنامين من وقت .. يالله زين عشان تريحين ظهرش .. أني خب مافيي أمل أنام احين .. يمكن اقعد اتفرفر في النت لين حصلت شي حليووو بحطه هنيه عشان تقرينه باجر .. تحملي بروووحش ..

[طفلي حياتي]

ويش سالفتكم بقوم اني عفر اذا جدي

[طفلي حياتي]

اصبري بقعد شوي لين تنصك عيوني عدل عشان انام قاعده من وقت معني نمت البارحه 2 لو جم ماذكر بالضبط

[بنوتة حلوة]

عبالي بتقومين خلاص ,,

[طفلي حياتي]

بس شوي وبقوم
ويش اخبارش ويى التسموع الليله قعدتين برا بعد؟؟

[بنوتة حلوة]

اي حملت وياي موسدة يختش ,, وحطيتها ورا ظهري طبعا اريح من أمس بوااجد .. لكن التسمووع صعب بالدبة في كل الأحوووال .. وشحوالش انتين ؟

[طفلي حياتي]

اني والله ماشي الحال ريولي مشكلتي تنام واتغربل في القومه والقعده احس بطني بينفجر وكل شوي اقوم
ونفسيتي اقل شي تخترب
الحين رايحه الصرح وقمت لش اقرا مواضيع والحوادث اليوميه وكله اخبار تسد النفس وغربلت روحي

[بنوتة حلوة]

اني ماحب اقرا اخبار تجضر لأني من النوع اللي افكر واااجد وحياتي تخترب ونفسيتي عفسة على اقل شي .. مريحة روحي مابي اعرف شي ..

[طفلي حياتي]

يا الله زيتونه اني بقوم ارتاح ويارب انام
مع السلامه وتصبحين على خير
باااي

[طفلي حياتي]

تصدقين اني المفروض ما اقرا هالمواضيع بروحها نفسيتي مخروبه خراب وكله ابغي اصيح وابغي اتهاوش وكله متضايقه عفر وياي عيون تصدقين؟؟؟
وحده حاطه ليي الرصد تقول فلانه كله مستانسه ونفسيتها صايره تمام من حملت والحين هالنفسيه ابغيها تفج شوي مافي
الله ارحم واكرم ويكفيني ويكفيكم شر الحاسدين والحاقدين
الى اللقاء غدا ام سعيده

[بنوتة حلوة]

اني بداية حملي تبهدلت صدق كنت مستانسة اني حملت وكله اسولف ويا البنات ,, وماكانت عندي نساة ولاشي ومن عقبها كله صرت مريضة وحالتي حااالة واصيح ومشاكل ويا رجلي على أقل شي.. وترقدت في المستشفى مرتين في الشهر الثالث والرابع .. العيوون صدق ماترحم ..
بعدين اني قمت كله اصلي على محمد وآل محمد وغيرت من حياتي شووي والحمدلله الحين اشوا نفسيتي خاصة من هديت الشغل بعد كان كارف أجلي .. أحين مرتاحة أهم شي عندي وقت واجد اجوف فيه زوجي وعلاقتنا صارت افضل من قبل لأني ماقمت احتك بالاوادم ولا اقول ليهم كل شي عني ..

[بنوتة حلوة]

روحي نامي تصبحين على خير ,, اني بقعد افتر في مواضيع التوزيعات من احين احاتي على مايجي هالرجل ,, بعدهوو في الشغل :(

[**ام عيسى**]

سلاام بنات
شخباركم ..
توني جديدة واول مرة اشارك
وهذا حملي الاول وماعرف شي ترى خخخخخخ
مسكين زوجي هو الا يبحث ليي عن كل شي وهو الا خلاني اتعرف على هالمنتدى واستفدت منه واجد
المهم بنات ابيكم تساعدوني اني توني في الشهر ثاني بدايته بس كلش مااحس باعراض نسااة ولا شي
هو مابي احسد روحي بس ابي اتأكد شي طبيعي ؟؟
وشكررا وتحملوو فيي

[طفلي حياتي]

هلا والله ام عيسى عساه حمل سليم معافى يارب ووتقومين بالسلامه
اني مثلش ماكانت فيني الاعراض المعتاده وصادني وسواس قتلني قتال بغيت فعلا اصير مينونه حتى زوجي مره خاف وقام يقرا عليي .... معني طارحه مرتين والوضع عندي عادي ومهيأه نفسي لكل شي لكن هالمره كان الوسواس غير... واتضح اني تنسيت مو ماتنسيت بس اعراض غير عن المعتاده
مثلا العالم يرجعون يدوخون يدور راسهم اني نساتي كله الم في الجسم بقوووووه هذا اول شي وتعب ويوم اتأكدت اني فعلا حامل من خلال السونار بدأت الاعراض لوعه بدون ترجيع ولله الحمد ترجيع بسيط والالم في جسمي لا يوصف والتعب الشديد واقعد من النوم وارد انام(لوزين ترجع هالحاله) لاني افتقد النوم وامممممم ماذكر بعد وشصادني اي تذكرت طعم كريه في الريق عقب اي اكل اكله وملوع جبدي تلوع كريييييه وعلى فكره راح مني من فتره واكو رجع افف
بس عموما شي طبيعي قلة النساة لاتحاتين

[بنوتة حلوة]

اي خيووو عادة النساة كله في الثالث.. ان شاءالله ماتجيش نساة بعد قولي ان شاءالله ولاا تتكلمين عن هالسالفة اذا ماجتش نساة لان الناس تحسد الوحدة على اقل شي... نصيحة عن تجربة صدقيني..

[طفلي حياتي]

بنوته هذي مشكلتنا كل شي نقوله وقصدنا شي عادي لكن الناس ماترحم كل شي يحسدون عليه لكن الحافظ الله اني هالايام وضعي سيء وكله مهمومه لا اغرش ادخل اسولف ارتاح ما انكر اني جدا استانس وحسيتش هديه من السما تخففين عني اذا سهرت وياش عسى يارب دوووم ولا نفترق بمكروه
وبالنسبة للتوزيعات مادري منهي امس تقول ان وحده اسمها ام زينب توزيعاتها حليوه واسعارها مناسبه يمكن اشوفها اني بس مو الحين خخخخخخخ في ربيع بكون على نهاية السابع ان شاء الله تعالى

[طفلي حياتي]

يوووووووووو اكي هنا ام سعيده مانمتين للحين؟؟؟؟؟؟؟؟؟
هههههههه غربل الله بليسش اني نمت يوم اقوم تقلبت شوي لكن نمت ومن قمت للصلاه خلاص راحت النومه ساعات من القهر اقول مابصلي واركض انام لان اعرف بيخترب نومي مره ثانيه لكن اليوم قلت مابنام هذا ناصر مقومني للصلاه حقوي انام وللحين قاعده

[طفلي حياتي]

شكلها ام سعيده تعسعس مناك او قامت مايندرا اني شوي وبقوم حصلتيني كان بها ما حصلتيني كيفش

[بنت الأياويد]

صباح الخير ، شخباركم
ام عيسى موضوعج طبيعي انا امي وخواتي مايتنسون ماشاءالله وانا الوحيدة طلعت غير عنهم نساتي كلش ثقيلة :(

[شمس الصباح]

صباح الخير بنات

فلونة الحمد لله انش بخير وخطاكم السوء وعظم الله اجرش وهذا حال الدنيا

بنت الأياويد يالله هانت ان شاء الله ولادة يقولون طلق البنت بارد الله يعينش يعني احتمال طلق بس توه الناس اذا حسيتي روحش ما تقدرين والظهر انكسر وطلع دم او ماي لا تطولين على طول المستشفى عقبالي يا رب

مممممممممممم ام عيسى الله يثبت حملش يا رب واذا شفتي انش ما تحسين انش حامل ابدا ولا في اعراض الحمل كلش يعني تحسين نفسش خفيفة حاولي تروحين تسوين سونار علشان يشفون نبض الجنين وعلى فكرة في ناس يتنسون في الشهر الثاني والحامل لازم تحس باعراض حتى لو خفيفة

[شمس الصباح]

على طاري التسمع اني للحين ما رحت ولا ماتم اقعد واشغل القنوات واتسمع في البيت نفسيتي زفت كلش واعصابي ماليها حال وكل ما اقول بطلع اطالع السيارة وافكر اشلون امشي السيارة واني بالدبه انرزع مكاني وخصوصا ان ملاك قاعده تضغط على معدتي عدل وتكور روحها وكل ما حصلت شوته منها افرح انها تتحرك ولكن احس من الألم اني عصبيه تعبت ابغي اولد لا اقدر اتقلب لا يمين ولا يسار مشيتي ثقيله دبتي خلاص ما في مجال انها تكبر الحارق دبحني تمللت من حبوب الحديد واذا ما بلعت بيرد دمي ينزل ما اشتهي نفسي ولا زوجي ولا اولادي احس دمعتي كلش على الباب

[بنت الأياويد]

الحل الوحيد الي يودي الحارج الشراب الابيض مال المعدة انا كنت اصيح من الحارج وألم في معدتي ماكان يروح الا بهالشراب اسمه ماكسل على ماعتقد ولبن اكتيفيا بعد اشربه

[طفلي حياتي]

هلا بنات شخباركم؟
بنت الاياويد هانت ان شاء الله ولاده سهله ميسره والفال لينا بتمام الحمل والولاده :)
شمس الصباح هلا والله انزين خلي ريلش ياخذش الماتم او روحي بيت ابوش ع الاقل وويى خواتش روحي اي مكان قريب

[طفلي حياتي]

شمس ذكرتيني بسالفة النفسيه احس بنغلاق مو طبيعي احس بختناق يفطسني احس بقهر قووووي والدمعه كله على الباب ماني قادره اتحمل شي حتى محرم والمواتم ماني حاسه بطعمها ويش هالسالفه مادري
لكن الله ارحم واكرم

[ام السادة]

السلام شخبار شمسووووين


روزززززززززز اروح اني الساعه 8 او عقب شوي

ان شا الله نشوفش عاد

[**ام عيسى**]

مشكوورين بنات وحدة وحدة والله ما قصرتون
من خلال كلامكم الا احس فيه اني على طول ابي انام تجيني لوعة بس على خفيف وكلش
اول ما دريت اني حامل كنت احس بألم في خواصري بعدين قريت هني انه الرحم قاعد يتوسع
كل يوم بنط ليكم بجم سؤال
والله يثبت حملكم ويسهل عليكم ان شالله بحق هالليالي

[شمس الصباح]

هلا أم عيسى الحمد لله ان في نساة لا تحاتين عجل وعيشي ايامش الحين لاحقة على التعب والنفسية المتقلبه hwaml5

طف طف قال زوجي بيوديني الليلة بس ما ادري اروح او لا لان ظهري والشد دابحني

بنت الأياويد ما اقدر على دواء مال الحارق احاول اشرب حليب بس بعد يرد يرجع

الله يسهل على الجميع

[rose soul]

سلام عليكم

[om khalil]

مساااااااااااااء الخيرررر

وماجورين جميع والله يعودنا وياكم على احسن حال ان شاءالله
يايه اسلم على السريع مايمديني ادخل اطل عليكم بس يارب تكونون بخير
طفلي وايد وحشتيني يالدفشه اقول بترسل رساله تسايل لكن ماعليه
قولوا فجورة ولدت لولا طرشوا لي على الخاص مايمديني ادخل
مشغوله حدي وويع الظهر كاسر ظهري وهالايام عشرة للحين ماطلعت

مامداني اقرا سوالفكم بس ان شاءالله خلف العشرة نشوفكم على خيرررر

[rose soul]

ام خليل..مثابين ان شاء الله..وخلينا نشوفج..
..
ام السادة .. انا موعدي 12.30

[بنت الأياويد]

عليكم السلام ، هلا والله روز

[rose soul]

هلا فيج بنت الاياويد.شخبارج؟؟وشخبار صحتج الحين؟؟شنو تطوراتج؟؟

[بنت الأياويد]

انا بخير الحمدلله ، هذاني اعاني من النغزات القوية والحين مسوية لي دلة دارسين اشرب منه ، وعقب شوي بروح الممشى امشي تعبت من الثقل والله

[بنت الأياويد]

انتي شخبارج ؟

[أم حماني]

السلااااااااااااااااااااام ياحلواااااااااااات يا مكورات ومدورات خخخ
بنت الاياويد الله يهديج لاتشربين دارسين وانتي مافيج طلق ... جم مره اقرى تحذيرات لانه الدارسين يحمي الطلق والرحم مابيكون متوسع .. يعني تخيلي شنو بيصير بالرحم

[ام السادة]

السلام ..........


هلا روز بل 12 اني يوم الاشعة كان موعدي 10
بس اتصلت الموظفة من 7 وقالت عادي تجين قبل(يعني افهميها وتعالي قبل )خخخخخخخخ

[شمس الصباح]

السلاااااااااام

حيا الله ام اخليل الحمد لله انش بخير فجورة علمنا علمش لا حس ولا خبر

هلا ام حماني القمر طالع الليلة وش صاير وين الريل خخخخخخخخ

ام السادة شخبارش

بنات اليوم رحت الماتم بس حست حوسه ما اعرف اقعد كل دقيقة مغيره قعدتي حتى اللي جنبي انبهت الله يكتب لينا ونكمل باقي العشرة على خير

[أم حماني]

هلا بج شموسه .. انا في بيت ابوي اليوم .. وفجورة ليحين ماولدت

[شمس الصباح]

هاااااااااااااه من جدي انتي اهني

فجورة ما ندري عنها شي من قالت ان ظهرها يألمها بعدها ما سمعنا عنها شي لا دخلت تطمنا

انتي شخبار حماني اشلونه الحين كبر خخخخخخخ خاطري اشوفه

[أم حماني]

فجورة نزل عليها شوي ماي بس مافيها طلق .. حماني اليوم فديته كمل الثلاث شهور .. بس بسألج شموسه انتي متى تبتدين تأكلين اعيالج .. ولدي لحد الان بس ع الحليب وساعات اعطيه تمر

[ام السادة]

هلا شموسة

هلا ام حماني شخباركم

[شمس الصباح]

على نهاية الشهر الرابع

انتي تعرفين شي عن فجورة ام حماني وضحي لي اكثر مو فاهمة عليج

[شمس الصباح]

هلا ام الساده وش اخبار دبتش كبرت لو صغيرة

[أم حماني]

هلا بيج ام الساده ... انا بخير وانتي؟؟
شموسه ... اي انا اعرف فجورة

[أم حماني]

الا بنت الاياويد شخبارها ؟؟

[شمس الصباح]

يعني فجورة للحين ما ولدت ؟؟

وشنو اخبارها هي في البيت لو المستشفى؟

[ام السادة]

هههههههههههههههههههههههه

الله يغربل بليسش اكيد كبرت

[شمس الصباح]

بنت الأياويد بعد عمري تعاني حاليا من النغزات بس الحمد لله بخير

[ام السادة]

الله يسهل عليهم يا رب

ذكرتوني بولادتي بلللللللللللللللللل ما سويت سوايه

[أم حماني]

راحت المستشفى و رجعوها البيت .. شموسه كل الدكاتره يقولون لاتأكلينه الا بالشهر السادس بس انا احس وايد متأخر

[شمس الصباح]

ام السادة وش رايش تاخذين دبتي عني سلف جم يوم او لمدة اسبوع hwaml02

ام حماني لول كان الياهل ما يأكلونة الا بعد اربع اشهر بس بعدين غيرو وخلهم ست اشهر انتي شنو تسوين كل جم يوم جربي عليه فاكهة معينه وحاولي انش تعطينه كمية قليلة علشان لا تصيده حساسيه لان بعض الأطفال يتحسسون من اكل معين اذا شفتين الولد اوكي الحمد لله بس لا تكثرين اني اسوي جدي واحاول اعطيه عصير واخففه بالماي بس مو تعتمدين على كلامي لان ولدي الحين عمره 9 سنوات يعني خبرة بس اكيد نسيت بعض الأشياء
مممممممم اي اني شفت ناس ياكلون اولادهم وهم عمرهم شهرين تصوري استغربت وايد بس ما شاء الله عظم الياهل تحسينه انه قوي مو مثل اولادي بس قلبي ما يطاوعني اني اسوي تجارب على الياهل وهو شهرين

[ام السادة]

حرام عليش شموسة لو تشوفيني تقولين بالتاسع بعد تعطيني دبتش

[ام السادة]

ويش رايكم اقول ليكم ويش سويت في ولادتي الاولى بتنبطون من الضحك

[شمس الصباح]

حرام عليش شموسة لو تشوفيني تقولين بالتاسع بعد تعطيني دبتش

خخخخخخخخخ تدرين كل اتخيل لو الوحده تقدر تشيل دبتها وتعلقها بالكبت ولو لمدة ساعه يوميا نرتاح اشوي من التعب عجيبه السالفه hwaml03

[شمس الصباح]

قولي ام السادة خلينا اشوي نضحك

[ام السادة]

هههههههههههههههههههههههههه والله فكره يبغى ليها دراسه

لو يصير جان من زمان دخلتها وقفلت عليها لا تضيع خخخخخ

[شمس الصباح]

اني اهني انتظر القصة hwaml11

[ام السادة]

وين طف طف تبي تشوف بعد هههههههه

الله يسلمكم كنت رايحة الحمام الله يعزكم وبعد ما طلعت قلت اخد فرة على الثلاجة لانة جوعانه وقفت قبالها ونزلت راسي شوي الا احس شي ينزل قلت اف توي طالعة بعد ارد اروح (كان الجو شوي بارد ) رحعت الحمام عزكم الله بس مو راضي يوقف كل ما اجود روحي زاد .ناديت اختي (مو متزوجة ) اقول ليها ما ادري ويش فيي كل ما ادخل الحمام ما تخلص الب..... الا هي فاطسة من الضحك عليي وتقول حظي بتولدين يا البقرة (طلعت افهم مني ) واشوى مرت خالي كانت ويانه بخروني وودوني المستشفى العصر وقالوا وصلت 4ودخلوني غرفة الولاده وكل هذا وزوجي رايح السعودية ما شاف الاكشن ضليت الى 12 الليل ولا حس ولا خبر جتني النومه واسمع الي يصارخون واني اقول افففففف الى متى بعد سالفة واطول ولا عندي وجع ولا شي قمت قلبت روحي ونمت الى الصبح جت السستر وزفتني زف لانه خربت التخطيط ههههههههههههه ولا عطيتها وجه المهم الساعه 7 حطو عليي طلق واقعد لش انوزززز من الوجع ما ادري شلون طاف الوقت جتني الدفعة اقول الى الممرضة روحي نادي الدكتورة قالت صبري قلت ليها عجل بوقف قالت اخدي راحتش (اشوه بحرينية ) واوقف لش على داك السرير من الوجع لين جت الدكتورة وولدت بالسلامة الساعة 12 الظهر وافلح من صلى على محمد وال محمد

[ام السادة]

يا الله حبيباتي بشوف ردودكم باجر

بقوم لانه ظهري يصرخ حده

تصبحون على خير

[حنين للماضي]

السلام عليكم

منورة ام حماني
على طاري الاكل احنه بدينه الاكل مع ولد اختي من الشهر الخامس
وماعليش من الدكاترة
لو تمشين على كلامهم جان الجاهل يظل عمره سنة وهو بس يشرب حليب
واستغرب الدكاترة يقولون الطفل مايحتاج الى الماي!!!!
اني عمتي اكلت اولادها من الشهر الرابع وماشاءالله تحسينهم صدق نشيطين وقويين

شموسة وحشتيني يا ام دبة
انتي سيدة لو شنو سالفتش؟؟؟
صادتني حوبتش من كثر ماتطنزت على خنافرش
اليوم اختي وعمتي قالوا لي خنافري كبروا شوي
انقهرت كان خاطري اقوم واصطرهم وعلى طول جيتي في بالي
قلت ما في اله حوبة شموس هذه

ام السادة اتخيلش وانتي واقفة على السرير ههههههههههههه
يعني ليش وقفتي على السرير مو على الارض؟؟؟

بنت الاياويد ربي يسهل عليش وتقومين بالسلامة حبيبتي
الله يعينش اني في الثامن والحالة لا توصف من الثقل ربي يسهل عليش عمري

باقي الحبايب طف طف وبنوتة وحبيبة حسوني وام خليل وام امل والذهبية و روز شخباركم؟؟؟

صحيح فلونة عظم الله اجرش حبيبتي وعسى ربي يحشرها مع محمد و آل محمد
وعلى طاري الاربعين نفس ما قالت ليش طف طف روحة العراق يبي لها طاقة من قلب لأن واااااجد مشاوير و زيارات
والرأي الاخير راجع ليش

[شمس الصباح]

ههههههههههههههههههه وقفتين على السرير ههههههههههههههه واختش مو مزوجة طلعت شاطرة وانتي ما تعرفين خخخخخخخخخخخخ

بس تدرين اني صادني بولدي الثاني قمت للصلاة وشفت دم واني مغمضه اعيوني رحت لزوجي اقول اليه اكي الدورة نزلت خخخخخخخخ يقول انتي مخرفه قلت اليه لا وش فيك انت ما تفهم اكو ينزل على دم المهم الرجال شكك في عقلي قال هذة مخرفه من النوم والا يقول ابغي اشوف الدم الله يعزكم ما رضيت بس حصلت صرخه منه رحت وجبت اليه الكلينس الا يقول هذا ولادة روحي جهزي نفسك قلت اليه لا ما بولد الا يقول اذا ما رحتين جهزتين روحش بروح انام ولا بوديش بعدين المهم راح بينام واني زاد الألم عندي ورحت بعد دقايق قليلة المستشفى وعلى فكرة ولادتي ببجري كانت كلش غير من جدي ما توقعت ان الدم علامة من علامات الولادة هههههههه hwaml02

[شمس الصباح]

السلام عليكم


شموسة وحشتيني يا ام دبة
انتي سيدة لو شنو سالفتش؟؟؟
صادتني حوبتش من كثر ماتطنزت على خنافرش
اليوم اختي وعمتي قالوا لي خنافري كبروا شوي
انقهرت كان خاطري اقوم واصطرهم وعلى طول جيتي في بالي
قلت ما في اله حوبة شموس هذه



خخخخخخخخخ عجل طلع ليش خنااااااافرhwaml03 يا ام الخنافر خخخخخخخخخخخخ hwaml02

ما قلت ليش ان الخنافر موضه هالسنه ما تصدقين

[حنين للماضي]

ههههههههههههههههههه وقفتين على السرير ههههههههههههههه واختش مو مزوجة طلعت شاطرة وانتي ما تعرفين خخخخخخخخخخخخ

بس تدرين اني صادني بولدي الثاني قمت للصلاة وشفت دم واني مغمضه اعيوني رحت لزوجي اقول اليه اكي الدورة نزلت خخخخخخخخ يقول انتي مخرفه قلت اليه لا وش فيك انت ما تفهم اكو ينزل على دم المهم الرجال شكك في عقلي قال هذة مخرفه من النوم والا يقول ابغي اشوف الدم الله يعزكم ما رضيت بس حصلت صرخه منه رحت وجبت اليه الكلينس الا يقول هذا ولادة روحي جهزي نفسك قلت اليه لا ما بولد الا يقول اذا ما رحتين جهزتين روحش بروح انام ولا بوديش بعدين المهم راح بينام واني زاد الألم عندي ورحت بعد دقايق قليلة المستشفى وعلى فكرة ولادتي ببجري كانت كلش غير من جدي ما توقعت ان الدم علامة من علامات الولادة هههههههه hwaml02

ههههههه
يبي طف طف تشتغل عليكم اكثر وتزيد من ثقافتكم شويhwaml02
الحين اله يسمعني كلش تصدقين من قبل كنت اسمع طلق البنت بارد عبالي الوحدة تصيدها برديةhwaml02 والولد عبالي تصير حرانه
ههههههههههههههه

انتي قدمتي باولادش شموس لو أخرتين؟؟

[حنين للماضي]

خخخخخخخخخ عجل طلع ليش خنااااااافرhwaml03 يا ام الخنافر خخخخخخخخخخخخ hwaml02

ما قلت ليش ان الخنافر موضه هالسنه ما تصدقين

اصلاً مو وااجد طالع ليhwaml4
هم صايدهم عمى الاشكال hwaml4

[شمس الصباح]

لا حنون اني دائما أتقدم عن موعدي بأسبوع تقريبا

[بنت الأياويد]

مساء الخير ، شخباركم عدنا لكم من عقب الممشى ، شخباركم جميعا؟
ام حماني منورة وربي يبلغج فيه وتشوفينه معرس ويبلغنا جميعا بشوفة اعيالنا ، فقيرة فجورة رجعوها على الاقل تدش تطمنا عليها تمينا نحاتيها كلنا الله يهون عليها ، انا بطني من كثر الحكة ذبحني حكة مو طبيعية

[شمس الصباح]

بررررررب اريح ظهري تصبحون على خير

[حنين للماضي]

بنت الاياويد داومتي اليوم؟؟؟
الله يسهل عليش وتفتكين من هالمادة العلاقة

في احد يمشي معاش لو بروحش؟؟

[حنين للماضي]

بررررررب اريح ظهري تصبحون على خير

قومي ريحي حبيبتي
اني بعد بقوم اريح

نراكم غداً حبايبي
تصبحون على خير

[بنت الأياويد]

داومت اليوم بس تعب عدل عدل ماقدر اتنفس عدل والسكشن مالنا حار مافي نفس كلش حالتي اليوم كانت وايد صعبه بس كنت صبورة نوعا ما ، امشي بروحي بس الخميس اودي امي وبيتنا نتيمع انا اتمشى واهمه قاعدين احب امشي بروحي لاني لو مع احد اتم اسولف واتعب بسرعه حلاتي ساكتة ، انا بقوم اريح بعد احس بتقرص في بطني ان شاء الله الاقيكم بكرى الصباح اذا الله كتب لنا عمر ان شاء الله معاكم ، مع السلامة

[بنوتة حلوة]

أني هالسنة كله متجضرة أبي أتسمع وأصيح بس كلش أحس روحي مادري شلون.. اروح الماتم وأبيهم يخلصون بسرعة.. وكله أفكر في أشياء غير.. تمللت من الوحدة بعد.. كله بروحي ومتنرفزة من الدبة معطلتني اني قبل كنت خفيفة ما أتعب من المشي ولا القعدة.. احين ماليي طاقة أسوي شي وماليي زاغر أحد بعد ارجع بيت ابوي على مايخلص رجلي العزا أحس ماليي خلق احد فيهم كلشش........ مادري ليش

[بنوتة حلوة]

طفطف هادا شكله أني ناسية اللاابتوب مفتوح من أمس من جدي طالع لش اني موجودة..

[طفلي حياتي]

السلام عليكم
مأجورين
اهلا رفيقة دربي ماعليش شر انتين وسعيده والظاهر من الحمل هاللي يصيدنا اني امس حالتي عويييييييييييصه جدا جدا جدا احس اني بعالم غير تهدأ نفسيتي وترد الله اكرم وارحم علينا ويسهل ولادتنا
شمس الصباح قصتش رهيبه جم عمرش يوم تولدين يمكن 16 يالبشه في التاسع ونازل دم تقول عاده خخخخخخخخ اشوه ريلش يفهم مو بشه بعد جان رحتين وطي

ام الساده والله تمام زارش التوازن هديك الحزه ووقفتين ع السرير ههههههههههههه مناكر غربل الالم مادري وشبسوي اني
ام خليل اني ماحاجيش روحي مناك ..... عفر ما تطبين تطمنينه تمللت واني اكتب اممممم خليل ولا من مجيب وانتين غايصه مناك ولا تطبين

بنت الاياويد لاتشربين دارسين يتراوى لي مابينفعش ولا شي لان الياهل بوقته بينزل بس اذا

[طفلي حياتي]

الرد اللي فوق راح بروحه ماكملته وراح
المهم بنت الاياويد اذا ياتش اعراض الولاده اخذي مسهلات اما الحين ماله داعي يتراوى لي والمشي استمري عليه

فلونه وشهالدلاعه ليش طلعتين البارحه ومارججعتين اليوم بطوله ماطبيتين لكن ماعليه

بنوته رفيقة السهر حياش الله منوره يم سعيده

[طفلي حياتي]

روزاتي مالحقت عليش جان نسولف وشخبارش وشخبار بنتش عساكم بخير ان شاء الله
الفتاة الذهبيه من زمان ما شفناها عسى ماشر؟ ان شاء الله المانع خير
ام حماني هلا والله منوره شخبار الحمنييي عساه بخير؟
وفجوره ليش ماتدخل تطمننا ع الاقل عشنا قلق مو طبيعي عليها الله يسهل عليها ان شاء الله

[rose soul]

لقد عدنا
سوري بنت الاياويد طلعت بدون احم ولا دستور خخخ..انقطع النت وبعدين بيتنا مرووو علي وطلعت معاهم..

..
شخباركم خفافيش؟؟

[طفلي حياتي]

هلا روز توني اقول مشيتين بدون لا اشوفش
شخبارش
وين رحتين ويى بيتكم عفر علمينا

[طفلي حياتي]

روز تمر عليش حالة اذا تتعبين مثلا الم من تحت وشعور ممل؟؟
يعني احس يبغي راحه

[بنوتة حلوة]

الحمدلله الامور طيبة واحنا بخير... بس واجد ملل وضيقة خلق.. طفطف امشي نفكر في حل مو زين النفسية تظل جدي واجد.. أكي سعيدة تأيد كلاامي وتقولش شحوال فرحان فج عليها.. شكله مغازلنها البارحة واحنا خبر خير... خخخخخخخخخخخخ

[rose soul]

هلا وغلا طفطف
بيتنا في مدينة حمد..وشقتي في جد علي..رحنا نتسمع
سكتي بطلت البسكوت بضروسي..وقام ينزف افففف
انتو بعد لثتكم جذي خخخخ
انا من حملت قام ينزل منها دم على اقل شي..يقولون نقص حديد

[rose soul]

طفطف..تقصدين نفس التقلص وشي مشدود؟؟او ألم مثل الدورة؟؟
اي تصيدني هالحالات
والممل يصيدني بس مو دايم..اتعوذ من ابليس

[rose soul]

زوجي يبي اللاب توب
اخليكم
اجوفكم باجر

[طفلي حياتي]

يو رزاتي مشيتين القاش مره ثانيه
اني اقصد الالم او الشعور اللي يصير تحت هو الممل ههههههههه الشر بعيد عننا كلنا والملل ربي يشيله بقدرته ورحمته
بنوته لا تضايقيني عليش اني امس وانتين اليوم
والظاهر بتش مشاتاقه لفرحان قولي ليها عيب احنا في محرم في ربيع بنسوي ليهم قابله ههههههههه هو بجي ربيع الثانيه خلها تنتظره

[طفلي حياتي]

اني للحين ماعرف وشفيني والجامعه كلهم اجمعوا على ان فيني بنت ومايندرا
اهم الشي السلامه واشوفه بين ايديني سليم يارب بحق محمد وآله الطاهرين اني وكل البنات

[طفلي حياتي]

بنوته اقري على روحش المعوذات الحين وآية الكرسي واقرأي وان يكاد الذين كفروا ليزلقونك بأبصارهم لما سمعوا الذكر ويقولون انه لمجنون وماهو الا ذكر للعالمين
واقري على نفسش احتجز من الناس كلهم ببسم الله الرحمن الرحيم وبقل هو الله احد عن يمينش ويسارش وفوقش وتحت ورائش واامامش معني اتعاجز اذا تصيدني حالة الملل اسوي هالاشياء بس هي تنفع

[طفلي حياتي]

وينش ام سعيده ؟؟؟

[طفلي حياتي]

بنوته ماني قادره اقعد احس تحت بينبط من الحركه طول اليوم
بقوم اريح اذا ماغفت عيوني رجعت بشوف شوي التلفزيون وبقوم
مع السلامه

[بنوتة حلوة]

هلا.أاأ. هنيه اني بعدي في بيت ابوي وماعندي لابتوب داشة من تلفوني.. للحين ماخلص العزا شكله.. ملل.. بحاول أسوي اللي قلتينه والله كريم يفرج عنا.. صدقوا يوم قالوا آخر الشهور أخس شي...

[طفلي حياتي]

يا الله هانت وكلها 3 شهور او اقل وتولدين بالسلامه وتشوفين سعيده وتسعدش ان شاء الله
اني بقوم اريح واذا لا سمح الله مانمت ييت
يلا ماعليش شر وتصبحين على خير

[قمر بنت راشد]

بنااااااااااااااااااااااااااات وسعووووووووووووووو لي انا انضميت لك بأذن الله الرحمن


http://forum.hwaml.com/t36795.html

اللي حابه تقراء قصتي

وتصبحون على خير ان شاءالله اسالف وياكم باجر

[بنت الأياويد]

صباح الخير ، شخباركم ، صايدتني غازات في بطني من أول ماقعدت وقاعدة تطلع اصوات غريبه داخل بطني مادري شسالفة ، مبروك حبيبتي قمر فرحتينا بس نطري وحللي في البيت انا اذكر حللت بس تميت شوي على ماطلع الخط الثاني وكان خفيف كلش مايتلاحظ كثر الخط الاولي وعن العمرة نصيحة لاتروحين لان كلش خطر عليج لي الشهر الثالث المفروض تحاسبين على كل شي لان الياهل توه يالس يتكون وان شاء الله لاحقة على العمرة ولا انج الله لايقول تخسرين البيبي انا اعرف وحده جذي عاندت وراحت العمرة وماتبي كانت تحلل معنه الدورة متأخرة عليها وطلعت حامل بس طرحت من كثر الدرب والتخضخض في الباص لان كفاية شوارعهم مأساة اهناك كله مكسرة يعني يفضل انج تريحين وهذي من رايي يعني والخيار الاول والاخير لج وخلي ريلج ييلس معاج واذا صار سوولكم برنامج انتي واهو او زيدوا المبلغ وروحوا في طيارة بس حتى المناسك أديها على راحه وربي يثبت حملج ويبلغج ان شاء الله

[حنين للماضي]

السلام عليكم
صباح الورد

بنت الاياويد الله يعينش على هالجامعة
بس يلا هانت ما باقي اله شهر وتكملون على خير ان شاءالله
شنو شعورش مع قرب الولادة؟؟

اني ساعات اذا افكر احس روحي اخاف رغم ان من قبل كنت ريلكس بس الحين مع قرب الموعد يصيدني شعور غريب ومو متخيلة يكون معانه في الشقة شخص ثالث

البارحة اقول لزوجي فديته حبيب امه بتكون سلته مني يعني صوبي يقول لا والله تكون صوبي
قلت مو مهم تكون اي صوب المهم من بقوم له اذا صاح نصاص الليالي
قال طبعاً انا بس اني متأكدة مليون بالمئة ما راح يقومhwaml02

[بنت الأياويد]

هلا والله حنين ، اي باقي شهر بس الله يعديها على خير يارب ، والله فيني خوف شوي وقلق في نفس الوقت فليل مارقد اتم بس قاعدة وخاصة يوم جربت المدة مو متخيله روحي ان ينزل علي ماي او يصيدني ألم ، كله حجي ماعليج منهم انا ريلي يقولي جذي بس شكله اول ماتصيح بيطردني انا واهيه الغرفة الثانية او اهو بيرقد برع ههههههههههههه عندهم النوم شي مهم واساسي

[شمس الصباح]

سلااااااااااام عليكم وجمعة مباركة

حنون اقووووووووول هم ما يشفون لو انتين ماثر فيش الحمل وما تشوفين عدل خخخخخخخخخ خنااااااااافر hwaml02 بس شكل خنافرش مو وايد

طف طف لا تعلقين الحين اني خاطري اشوفش وقت الولادة وش بتسوين شكلش بتعفسين المكان هذا اذا ما عطيتين النرس شوته زين خخخخخخخخخ

وام السادة ترى اني اعذرها لانها وقفت خخخخخخخخخ hwaml02 لاني وقت الطلق اني كنت اتقلب من الوجع على السرير وكان خاطري اوقف بعد بس استحيت وخفت يصارخون على بس العجيب ان تقول الي اختها ان البول الله يعزكم مو راضي يوقف خخخخخ خوش بول لونه ابيض غليظ اشلوووووووووون

بنت الأياويد يالله هانت الله يسهل عليش الحين احاتيش كل ادخل المنتدى علشان اشوف انتي موجودة او لا لان اكيد من تولدين ما بنشوفش كلش hwaml5

اختي قمر بنت راشد الله يثبت حملش ونصيحة لا تروحين العمرة لانش توش وتحتاجين راحه افضل وخصووصا انش بالشهور الأولي وهي اخطر شهور الله يتمم ليش على خير

[حبيبة حسوني]

سلااااااااااااامhwaml7
شخباركم بنات؟وشخبار دبيبكم؟hwaml02
والبيبيات عسى مو مجننينكم؟؟hwaml03
اني الحين بصلي وبروح بيت بابا عود تالي بروح اتسمع فمابشوفكم الارجعتي ان شاللهhwaml5
اتحملو بروحكمhwaml02
وماجورين

[طفلي حياتي]

السلام عليكم
مأجورين........شخباركم
رجعت من بيت ابوي توني وببدأ السهره ببفتتح البوابه يلا تفضلوا
لاتدوسون على دفتي ماقدر يوم وترك غسال
اي من هالصوب
قعدي له المكان وشكبره











ويلي بدأت فصول الجنون لتغيير النفسيه

[طفلي حياتي]

سلااااااااااااامhwaml7
شخباركم بنات؟وشخبار دبيبكم؟hwaml02
والبيبيات عسى مو مجننينكم؟؟hwaml03
اني الحين بصلي وبروح بيت بابا عود تالي بروح اتسمع فمابشوفكم الارجعتي ان شاللهhwaml5
اتحملو بروحكمhwaml02

وماجورين

هلا وعليكم السلام
بالنسبه للدبه للحين مافيني دبه لهناك توه فرحتي يتوسع واحس جنبي اليمين قاعد يبدأ يكبر وبيفتر ع اليسار بعدين هههههه
وعلى طاري الجنون فرحان من امس هدوء يتحرك شوي مو مثل قبل لان تعب وايد وعندي الم في بطني وتحت
ويلا ننتظر تنورين المكان ولو سمحتين طالعي عدل لا تدوسين دفتي

[طفلي حياتي]

بنووووووووووووووووووووووووووووته
وينش السهره بدأت ماقدر اكملها بدونش لا تصيرين مثلهم تعودون يتركونيويمشون اهيء اهيء اهيء

[بنوتة حلوة]

هلااا.. شحوووالكم؟ مريضة اليوووم اني :(
مزكمة حدددددي وبلاعيمييي راح رجلي الصيدلية مارضووا يعطونه شي حقي بس عطوه بخاخ ومااااامنه فايدة مال جهال رضع.. واحين احس بدأت أعراض الصخووونة :(

كلحين ما اشرب شي دافي عشان ادفي بلاعيمي بس مافي فايدة :(

[طفلي حياتي]

يو ماعليش شر خلف جبدي اجر وعافيه
اكلي برتقال ثم برتقال ثم برتقال
وليمون مع نعناع مو بارد بدون ثلج
بتخفين ماعليش شر بنوتتي مالي غنى عنش اني

[طفلي حياتي]

يا الله ام سعيده بقوم احاول انام
ماعليش شر وتصبحين على خير
باااي

[بنوتة حلوة]

اي كلش حالتي حالة مادري ويش أسوي....
تعبانة من الزكام وظهري والبلاعيم والثقل وكل شي.. باخد بنصيحتش طفطف أبي أصير زينة مو قادرة.. كل عظامتي يعوروني وما أبي أصخن على نهاية العشرة حراااام :(

[قمر بنت راشد]

صباح الخير ، شخباركم ، صايدتني غازات في بطني من أول ماقعدت وقاعدة تطلع اصوات غريبه داخل بطني مادري شسالفة ، مبروك حبيبتي قمر فرحتينا بس نطري وحللي في البيت انا اذكر حللت بس تميت شوي على ماطلع الخط الثاني وكان خفيف كلش مايتلاحظ كثر الخط الاولي وعن العمرة نصيحة لاتروحين لان كلش خطر عليج لي الشهر الثالث المفروض تحاسبين على كل شي لان الياهل توه يالس يتكون وان شاء الله لاحقة على العمرة ولا انج الله لايقول تخسرين البيبي انا اعرف وحده جذي عاندت وراحت العمرة وماتبي كانت تحلل معنه الدورة متأخرة عليها وطلعت حامل بس طرحت من كثر الدرب والتخضخض في الباص لان كفاية شوارعهم مأساة اهناك كله مكسرة يعني يفضل انج تريحين وهذي من رايي يعني والخيار الاول والاخير لج وخلي ريلج ييلس معاج واذا صار سوولكم برنامج انتي واهو او زيدوا المبلغ وروحوا في طيارة بس حتى المناسك أديها على راحه وربي يثبت حملج ويبلغج ان شاء الله

هلا حبيبتي بنت الاياويد

الله يبلغنا فيج ونفرح بخبر ولادتج

بس والله يا اختي للحين متحيره مو عارفه شنو اسوي

اليوم لازم اقرر امي تقول احس ان شاءالله مابيصير شي وبنات خالي يقولون لاتروحين انتي اول حمال لج

وريلي يقول هذي قرارج يقول اذا على هناك لا تخافين كل ويل جير ومابخليج تتعبين بس الباص يقول مالي دخل ماعرف اتصرف ولا ادري شنو اسوي اذا تعبتي

شرايكم انتو بعد

[أحلام أم]

هلا حبيبتي بنت الاياويد

الله يبلغنا فيج ونفرح بخبر ولادتج

بس والله يا اختي للحين متحيره مو عارفه شنو اسوي

اليوم لازم اقرر امي تقول احس ان شاءالله مابيصير شي وبنات خالي يقولون لاتروحين انتي اول حمال لج

وريلي يقول هذي قرارج يقول اذا على هناك لا تخافين كل ويل جير ومابخليج تتعبين بس الباص يقول مالي دخل ماعرف اتصرف ولا ادري شنو اسوي اذا تعبتي

شرايكم انتو بعد
هلا خيوو بيش بينه
الله يتمم لش على خيرر ويقومش بالسلامة
شوفي الأسفار لاحقه عليهم لين تقوليين بس ،بس نصيحه لش تحملي بروحش وخلي عنك السفر ترى الحمل يبي له راحة راحة خصوصا في الأشهر الأولى لأنه موثابت وصغير
والباص كسار ظهر بتضليين تقريبا يوم أو أقل بكم ساعة متصلبه وظهرش يبي له راحه ورجت الباص ،الناس العاديين ينكسر ظهرهم والبنات إللي قرييب دورتهم تنزل من تعب الباص بسرعه مابالش وإنتين توش حامل ،لاحقه على الأسفار وروحة أي مكان بس حافظي على ثمرتش لين تثبت وتكبر وبعديين بعد ولادتش لوبتسافريين القمر روحي
زوجش مايدري عن الحمال شي وهو قالش روحي لأنه يبيش تروحيين ومابقصر وياش بس الباص آه من الباص والشوارع هناك غير مستوييه مائله جبليه وايد بتتعبين لاتتسرعيين فكري
أني هذا موأول حمل لي وسبق أجهضت 3 مرات ولي أطفال وهذا الحمل أخذ مثبتات ولاأطلع من البيت ويارب يثبت لي وأتمم على خير نفسي أسافر كل محل بس لازم أضحي برغباتي وأحرم روحي شوي وترى بكل حملاتي ماأروح مكان يعني سجن وهل المرة زوجي سافر عني وعانيت بغيابه بس رجع ووعدني يوديني وياه مرة ثانيه
ربي يتمم لش بس لاتسافريين هذا أول حمل حاسبي لروحش hwaml7

[قمر بنت راشد]

احلام ام مشكوره يالغاليه الله يتمم لج يارب ويحفظ لج البيبي وتجوفينه باكمل صحه ويكون ذريه صالحه

ويحفظ لج عيالج ويرفعون راسج يااااااارب

جزاج الله خير على كلامج وان شاءالله اللي في الخير الله كاتبه لي

بجوف شنو اقرر ان شاءالله اي شي كان خير يارب

[أحلام أم]

الله يكتبش لش كل خير ياارب ياقمر بنت راشد
توكلي على الله في كل أمورش ولاتنسين الصدقة فهي تدفع البلاء المبرم
يارب إتمم لش على خير وتكمليين شهور حملش بالسلامه وتيبيين أحلى بيبي
ومشكورة على الدعاوي الحلوة

[Um Amal]

hiiii
Good Afternoon

[Um Amal]

شخبار بنت الاياويد ؟؟
ما ولدت ؟

[الفتاة الذهبية]

شخباركم كروشات ؟وشخباركم رشيقات ؟
وحشتوني
والله ما يندرى عن بنت الاياويد
انا صار لي فترة ما دشيت بس ان شاء الله نسمع خبر ولادتها

[قمر بنت راشد]

فديتج احلام ام كلامج عين العقل الله يحفظج ويحفظ كل المسلمين يارب

ام امل هلاااا والله ماعتقد ولدت لانها توها من شوي راده علي ههههههه

[الفتاة الذهبية]

قمر بنت راشد
لاحقه ع السفر
اذا ولدتي سويي الي تبينه
بس الحين اهم شي انتي والبيبي

[قمر بنت راشد]

الفتاه الذهبيه مشكوره يالغلا

والله حيرتوني خخخخخخخ ماشاءلله يوم قريت بالنت قريت كل خير وان شاءالله المغرب ارووح للدكتوره واجوف شتقولي

الله يسهل علينا كلنا يارب

[فلونة]

سلام عليكم

مأجوورين بنات ،، والله يعطي كل وحدة اللي تتمناه بحق غربة الحسين عليه السلام

حنوووووون،، شنو قررتو تسمون البيبي علي او ميثم ؟
وابي منج طلب .. اذا قدرتي حطي لنا اهني اصور من شغل هاذي البنية الي قلتي عنها ام زينب.. لانه عقب شهر محرم ان شاء الله بابتدي اسوي التوزيعات وللحين محتارة حدي ماعرف شسوي

بنت الاياويد ،، الله يسهل عليج حبيبتي ... والحكة انا ذابحتني احس جسمي كله مشدوود والمشكلة كل ماحك يطلع لي خطوط في جسمي :(
مادري شنو الحل من احين صادني اكتئاب على جسمي وافكر اذا بتروح او لا

قمر بنت راشد ،، انا وزوجي مخططين السنة نروح الحج بس الله كتب لي الحمل وبس قعدنا ما رحنا واذا الله اراد السنة الياية ان شاء الله بنروح وانتي كيفج

شموووس .. شخبارررج ويا الماتم ..؟؟

والباقي المختفين ان شاء الله خيرر غيبتهم ..

[شمس الصباح]

السلام عليكم ومأجورين

شخباركم بنات hwaml7

فلونة اني بخيرررررر حاليا زوجي يوديني الماتم ويرجعني بس بعد مو حاسه بالعشرة عدل لاني ثقيله وما أقدر اروح كذا ماتم مثل كل سنة حتى العزاء بس اسمع صوته الليلة عندنا شيخ حسين يشيل خاطري اروح بس زوجي قال روحي بروحش بالسيارة وارجعي بعدين واني خااااايبه بحاول تاسع وعاشر اروح كذا ماتم عن خاطري هذة ايام لا تعوض الله يعودنا بحال أفضل من كل حال

اي فلونة على طاري الحكة لا تحكين ترى مو زين لان تزيد تالي عندش الخطوط وخصوصا انها ما تروح بعد الولادة ودائما خلي ليش فازلين وخصوصا قبل النوم علشان تساعد على تمدد الجلد واذا بغيتين تحكين امسحي باطراف الأصابع مو تهرشين الجلد هرش hwaml5

[أحلام أم]

السلام عليكم ومأجورين

شخباركم بنات hwaml7

فلونة اني بخيرررررر حاليا زوجي يوديني الماتم ويرجعني بس بعد مو حاسه بالعشرة عدل لاني ثقيله وما أقدر اروح كذا ماتم مثل كل سنة حتى العزاء بس اسمع صوته الليلة عندنا شيخ حسين يشيل خاطري اروح بس زوجي قال روحي بروحش بالسيارة وارجعي بعدين واني خااااايبه بحاول تاسع وعاشر اروح كذا ماتم عن خاطري هذة ايام لا تعوض الله يعودنا بحال أفضل من كل حال

اي فلونة على طاري الحكة لا تحكين ترى مو زين لان تزيد تالي عندش الخطوط وخصوصا انها ما تروح بعد الولادة ودائما خلي ليش فازلين وخصوصا قبل النوم علشان تساعد على تمدد الجلد واذا بغيتين تحكين امسحي باطراف الأصابع مو تهرشين الجلد هرش hwaml5
مأجورة ،وأنت كذالك
شلونش شمس الصباح
أني للحيين مارحت مواتم ،واايد تعبانه بطني من تحت يألمني والغازات ذابحتني ماأقدر أتحرك
السنه أني كلش المواتم تسأل عني كل سنه أروح ثلاثة المجالس صبح وعصر وليل وليل بالماتميين وأقرأ ويش أسوي واايد السنه ماني حاسة بالعشرة وبس تعبانه ماأقدر أطلع
يقولون شيخ حسين الليلة عند ديرة أهلي ويش أسوي بسجني
بس لا باجر بطلع بعد خلاص هالليالي ماتتفوت بروح ديرة أهلي وبطلع وياأمي
يالله تعطيني طاقه للطلعه

[حنين للماضي]

السلام عليكم
مأجورين

شخباركم حبايبي؟؟؟

طف طف دبحتينا بدفتش
عناد ليش بدوس عليهاhwaml02

فلونة شخبارش حبيبتي؟؟
والله الاسم للحين ماستقرينا
اني عندي علي احلى بس في نفس الوقت ما في احد في العائلتين اسمه ميثم يعني حبيب الماما بصير اسمه مميزhwaml02
وعلى طاري التوزيعات اني في الموضوع القبلي كنت منزلة الصور
والحين صار لي نص الساعة ادور على الصفحة مو محصلتنها
طرشي لي ايملش على الخاص عشان اصطرش ليش الصور


شموس شخبارش؟؟
وشخبار ملوك؟؟؟
اليوم صادني موقف بعد انقهرت
قلت لكم رحت دورة مكياج الناس في عزاء والعروس تبي رجلhwaml7
ان شاءالله صح المثل اذا غلط مسحوه في الطوف مادري على الطوف
المهم اليوم علمتني مكياج نهار وقالت بما ان خشمش عريض من الحمل لازم تحطين فوندشن غامق شوي
قهرتني عددلhwaml4
شنو قصدها فيني خنافرhwaml4

باقي الاعضاء مايبنون كلش
يااارب يكونون بخير

فتاة واخيراً دخلتين
شخبار بنوتش؟؟؟

بنوتة ماجوفين شر حبيبتي
تحملي في روحش زين واتبعي توصيات الاخصائية زينhwaml02

[بنت الأياويد]

مساء الخير ، شخباركم ترى لحين ماولدت شكلها بتطلع على الموعد هههههههه وايد تعبتني هالبنيه اتييني الام مو طبيعية اقول خلاص ولادة واليوم زوجي لاحظ اني متوسعة عكس قبل وانتوا فاهمين قصدي شنو خخخخخ مابي اغزر وبكرى المغرب موعدي عند الدكتورة بتفحصني من تحت بتشوف الوسع طبيعي او لا حدي خايفة الله ايسر الامور الحمدلله كلشي بارز بس باقي اسكر شنطتي دعواتكم

[شمس الصباح]

احلام أم اي روحي مع امش افضل وجربي اذا تعبتين ردي ارجعي البيت بعد الوحده وش تسوي وعلى طاري شيخ حسين اكو للحين الشباب وابوهم ما رجعو البيت واني قاعده بروحي متملله حدي اخاف انام ويجون بأزعاهم بعدين هم ينامون واني اقعد
اي تعالي ما قلتين الحين انتين في اي شهر

حنون يقول المثل الناس في زلزله والعروس تبغي رجل ههههههه شكل خنافرش مرة وحده طلعت hwaml03 يالله تحملي بخنافرش لان بعد الولادة بيرجع خنفرش طبيعي وبتصيرين حلوه اي ما قلت ليش اني في الماتم شفت حوامل واايد مساكين كل وحده خنافرها غير شكل هههههههه

بنت الأياويد الله يسهل عليش بس انتي لا تفكرين بالولادة hwaml10 وراح تولدين متى ما اكتمل الجنين يطلع الله يسهل امرش يا رب وتقر عينش ببنوته مثل القمر

[شمس الصباح]

اي صدق احلاااام ام انتي تقرين في الماتم يعني صوتش حلووو يالله الله يعوده عليش وعندش الياهل في حضنش على فكرة اني صوتي حلو بس استحي اقراء مره من المرات دبحت روحها القارئة تبغيني اقراء واني ما رضيت طبعا هي سمعت صوتي في مناسبة عائلية من جدي كانت تحاول انها تأخذني معها المواتم بس يأست مني في النهاية

[طفلي حياتي]

السلام عليكم
مــــأجورين...........شخباركم؟
ادري وحشتكم ولي فيه كبيره لكن شنسوي نبغي نتعزز شوي

[حروف عاشقة]

سلاااااااااااااااااااااام مأجوورين جميعاً

وحشتوووني كلكم ما يمديني اقرأ سواالفكم بس بكتب بسرعة بسرعة قبل لا انشغل بالرضاعة القمرين ..

اول شي ابي اسأل عن فجورة وبنت الاياويد هم كانوا بعدي مواعيدهم إن شاء الله ولدووو؟؟! طمنوني عليهم

وثاني شي شموس وحنين وفتاة وحشتوووني كومايات كومايات على قولت السوريين وحشتني قعدت الصبح وياكم شخباركم وشخبار الحمل وياكم ..

وباقي الكروشات فلونة ، أم خليل ، طفلة ، احلام ام ، بنوتة شخباركم كلكم وخلهم يعذروني إلي ما ذكرتهم خب المخ ما يجمع هل الايام ،،

ودي اهدر وياكم بس اكا قعد عباس لازم اقوم قبل لا تقعد زنوب واتورط خخخخخ

[شمس الصباح]

صباااااااح الخير شمس الصباح وصلت

اليوم من الصبح نفسي تقلب وارجع بلعت لي حبه مالت الترجيع وبشوف النتيحه ان شاء الله بخف لاني احس نفسي اذا قمت من على السرير راح استفرغ


حررررروف وحشتيني وااااايد hwaml84 ووحشتني القعدة معاش الصبح لان الحين الكل ينام ما في غير بنت الأياويد تدخل احيانا الصبح
شخبار عباس وزنوب حبيهم عني الله يخليهم ليش اقول محد ولد أخر وحده ولدت حروف وحاليا نتظر بنت الأياويد اما فجورة ما تدخل المنتدى الحين مع ان هي ما ولدت مثل ما قالت أم حماني ربي يسهل على الجميع

حنون أم الخنافر شخبار خنافرش اذا قعدتين من النوم تصير اكبر مووووو خخخخ شكلش بتروحين سيده المنظره علشان تتأكدين ههههههههه hwaml77

طف طف اني من اشوفش سيده بدوس على دفتش وبقعد اناطط عليها وبفرشها على الأرض وباكل عليها صالونة بعد نياهااااااااااااااااه hwaml66

[بنت الأياويد]

صباح الخير ، تسلمين حبيبتي شمس آمين ويبلغكم ان شاءالله في عيالكم

[شمس الصباح]

هلووووووووو بنت الأياويد وش اخبار دبتش اليوم والبنوته

اذا رحتين الموعد طمنينا عليش

[بنت الأياويد]

هلا فيج حبيبتي ، والله متعبتني امس افتريت في سوق المنامة كامل وللحين مصممة انها ماتطلع مستانسة شكلها ، اي ان شاءالله بطمنكم بس شكله صج لين يقولون طلق البنت بارد عكس الولد ايي حار وحامي

[شمس الصباح]

اي بنت الأياويد بسئلش ليش ياخذون عليج فحص من تحت لان اني أذكر بولدي ما اخذو لي فحص الا حزت الولادة وفي اي اسبوع يسون الفحص

[بنت الأياويد]

في الاسبووع 39 قالت لي بجيكج من تحت بشوف الوسع اذا طبيعي او لا، لان اعتقد ان جريب الولادة الرحم يتوسع شوي يتهيأ حق الاكشن الي بصير ، اما اذا حست ان مسكر عدل يمكن تحولني حق طلق صناعي او الله لايقول قيصري ماعرف والله شسالفة لاني بجر مافهم في هالسوالف ، الا بسألج بخصوص الماي الي ينزل قبل الولادة تحسين قبل لاينبط الكيس يعني فيه مقدمات؟ ولا على غفله وايد خايفة من هالسالفة

[شمس الصباح]

في ناس ما تحس بس عن نفسي بولدي الأول اول شي جاني ألم الظهر على خفيف من المغرب طبعا والفجر الله يعزش قام صادني اسهال لمده تقريبا نصف ساعه وبعدين رد رجع الألم اكثروحسيت بشي انبط ونزل على ماي قليل بس مو شرط ان ينزل ماء عليش لان بولادتي الثانية بدون الم نزل على دم على خفيف وحسيت كاني بسوي الكبيرة فاهمة صح

انتي لاتفكرين اساسا من يجيش الطلق بتعرفين سبحان الله الوحده تعرف انها بتولد لان الطلق يختلف بوايد عن الم الأيام العادية تركيها على الله

[بنت الأياويد]

الله كريم ان شاء الله ، شوفي دردشة مرحلة الولادة في مواضيع حلوة ، وحده استغربت منها كاتبه ان صادتها الام خفيفة وراحت المستشفى الا مفتوحة 7 سم ؟!!!! لو زين انا جذي هههههههههههه

[بنت الأياويد]

انا استاذن الحين بروح الجامعة الاقيكم في اقرب وقت باذن الله

[شمس الصباح]

اقول ترى مو لازم تحسين بألم فظيع احيانا ألم بسيط وتولدين اكره لحظة فيها الألم يشتد هو وقت طلوع البيبي وبعدها كل شي يختفي من تسمعين صوته اجمل لحظة وأسعد لحظة لما يحطونها على صدرج واعيونها مفتوحة مخلوق كنتي تبغين تشوفينه واخيرا وصل لا تخلين الخوف يسيطر عليج لان الخوف يخليش تتألمين أكثر أنتي بس فكري ببنتش انها قريب بتشوفينها وتحضينها وخلي الباقي على الله

شوقتيني اني اولد خاطري أشوف بنتي قرعة لو مثل اخونها شعرها خفيف وناعم تشبهني ولا تشبه ابوها الله يجيبها لي سليمة يا رب

[أحلام أم]

اي صدق احلاااام ام انتي تقرين في الماتم يعني صوتش حلووو يالله الله يعوده عليش وعندش الياهل في حضنش على فكرة اني صوتي حلو بس استحي اقراء مره من المرات دبحت روحها القارئة تبغيني اقراء واني ما رضيت طبعا هي سمعت صوتي في مناسبة عائلية من جدي كانت تحاول انها تأخذني معها المواتم بس يأست مني في النهاية
هلا حبيبتي شمس
البارحة بالغصب غمضت عيوني من الوجع غازات وألم من تحت البطن وللحين حالي
أني هالإسبوع أدخل الخامس إن شاء الله ،وبكرة عندي موعد المغرب الله يستر لاتنسون تحشروني ويالدعاء في الماتم ويارب الليلة أقدر أطلع hwaml80
إيه حبيبتي أني أقرأ في المواتم طالعه على الوالدة الله يحفظها ملايه
يقولون صوتي حلييو أخذ على العراقي يمكن على أمي
بس ويش فايده خيو المواتم تسأل عني وأني محبوسه في سجني كل سنه أطبع بصمتي ويبدوني لاكن الله كريم
اليوم من الظهر رايحه بيت أهلي ويارب أطلع الليله

[Um Amal]

hiiiiii Ladies

[بنت الأياويد]

الله يبلغج يا شمس والله ان كلامج بلسم على الجروح يزاج الله خير وماقصرتي كلامج ريحني الله يريحج دنيا وآخره ويبلغج في ضناج يارب العالمين

[حبيبة حسوني]

ياعليييييييييي الله ساعدش بنت الاياويدhwaml85
الله يسهل عليش يارب بحق محمد وآل محمد وبحق صاحب هاليله
شخباركم بنات وحشتونيhwaml02
اما اني فيوميا مارجع من الماتم الا متيبسه
يالله على حب الحسينhwaml7
كل شي ولا اهل البيت تالي هم الي بيحضرون ليي حزة الولاده وبيسهلون عليي:(

[فلونة]

سلااام بناات.. مأجوورين جميعا

شمووس.. انا سألتج عن الماتم لانه اسمعج قبل محرم تحاتين الروحة وانا في الماتم اجوف الحوامل واتذكرج لانج دشيتي شهرج واقول في خاطري الله يعينج .. بس كله اجر وثوواب وهالايام ما نقدر نقعد في البيت والله يعطينا الصحة ويقدرنا ونكمل العشرة في المواتم ..
والحكة في جسمي خصوصا في الليل قبل ما ارقد احس جسمي ياكلني ولازم اتسبح بماي دافي قبل مارقد عشان تخف علي بس مافي فايدة .. لازم احك

حنوون.. احين باطررش لج.. وبالنسبة لي اسم علي احلى بس ميثم بعد حلو والله يبلغج لليوم الي تجوفين فيه ولدج بصحة وعافية

احلااام ام طلعتي ملااااية هاا .. انا كنت اتعلم وانا اصغيرة بس ماعندي الجرأة وصوتي ما يساعد كلش hwaml02...

حبيبة حسووني .. انا اروح الماتم واقعد كل ساعة اغير قعدتي والي تقعد يمي اوترها كلل ماا يجوفوني افتر لانه بسرعة تنام ريلي .. بس شنسوي كل شي يهون لجل ابا عبدالله عليه السلام ..

بنت الاياويد .. الله يسهل علييج وكلنا قلوبنا معااج حبيبتي
طفلوو .. كلش ما وحشتينا يلا روحي منااك hwaml7

[بنت الأياويد]

مساء الخير ، شخباركم ؟ توني راجعة من موعدي تقولي الله يعينج الجلد واصل حده متمدد للآخر بس مادري شفيها الياهل مو راضية تطلع تقولي معنه اليوم التاريخ كشخه هههه ، بس انا سمعت معلومة مادري صح او غلط الي موعد دورتها منتظمة تولد على التاريخ شرايكم في هالمعلومة؟

[بنت الأياويد]

تسلمين حبيبة حسوني وفلونة فديتكم الله كريم ان شاء الله والله يسهل علي وعليكم يارب العالمين بس انا حاسة بهالالم الي اييني ان قاعد يزيد يوم عن يوم وحاسة ان ولادتي جريب وكل ذي بأمر رب العالمين ، مفكرة على الساعه 8 اروح اتمشى شوي اخذلي جم لفه وانا راجعة البيت

[أم جعفر]

بحرينيات حلوات خبروني من منكن حملت بعد استخدام الكلوميد وكانت تتابع عند من؟
اني بحرينية ومأجورين بمصاب الإمام الحسين وإدعوا لي بالحمل بحق صاحب الليلة أبا الفضل العباس عليه السلام

[حنين للماضي]

تسلمين حبيبة حسوني وفلونة فديتكم الله كريم ان شاء الله والله يسهل علي وعليكم يارب العالمين بس انا حاسة بهالالم الي اييني ان قاعد يزيد يوم عن يوم وحاسة ان ولادتي جريب وكل ذي بأمر رب العالمين ، مفكرة على الساعه 8 اروح اتمشى شوي اخذلي جم لفه وانا راجعة البيت

الله بسهل عليش حبيبتي وتقومين بالسلامة
جان زين اني مكانش
ما باقي شيء واجوفين شيوخة بإذن الله ان شاءاللهhwaml7

اما اني سكتوا الحالة صعبة
كله ابي انام ودايخة حددددي
رغم ان انام زين وما اقعد من الصبح
وألم الحوض حدث ولا حرج
شكله راس ولدي مدخخ شوي من جدي اتألم واااجد من تحتhwaml02(مصدقة روحها ويه هالدبة اللي جنها كرة سلة)

شموس اني موعدي الاولي نفسش وانتي الحين دخلتي التاسع
مايندرى اي موعد بيضبطhwaml03
عجل المثل الناس في زلزلة هااhwaml02
وعلى طاري الخنافر ااي والله اني الصبح اذا بروح بيت ابوي وجهي تقولين جنه بطيخة متخفسة hwaml5hwaml02

احلام ام طلعتي ملاية عجل
الله يتقبل منش ان شاءالله وتقومين بالسلامة بحق هذه الليلة

فلونة شخبارش حبيبتي؟؟؟
اييي اكيد علي احلى بس في نفس الوقت الاخت خاطرها في ميثم لأن اذا بتلفظينه بالعجمي يصير كشخة ودلوعيhwaml02 (هبلة ساعات احس روحي)

حروف مابغيتين تدخلين
الله يكون في عونش ويخلي ليش كتاكيتش

روز وطف طف والذهبية مابينوا؟؟؟؟

[شمس الصباح]

مأجورين كروشات

اليوم تسمعت ثلاث محاضرات عاد قعدتي تضحك ومثل ما قالت فلونة كل دقيقة قعده ولا ملوكه من اروح الماتم تقعد تحوس احس بطني يتحرك واستحي والناس خب من تشوفني ادخل من الباب تطالع لاني كلش موصله حدي مشيتي حدث ولا حرج
الله يسهل علينا أجمعين بحق غربه الأمام الحسين (ع)

حنووون اي اني بعد قاعده افكر اقول يمكن انتي تولدين قبلي لان الدورة جت ليش قبل بس أقول جهزي شنطتش لا تتورطين اني زوجي من الحين يسئلني متى بتدخلين التاسع يحسب من ادخل التاسع بولد شكله محد بيطفشني في التاسع غيره لان بسرعه يبغي بنته تطلع

اي الليلة ما نسيتكم من الدعاء وبالخصوص أحلام أم وبنت الأياويد

[شمس الصباح]

اي حنوووون انتي عجميه عندي صديقتي عجميه ومثل ما قلتي اولادي اسمهم بالعجمي للدلاعه احله الحين ملاك محتارة اشلون ادلعها ملاكي او ملوكه او ملكوت hwaml5

[خجول وردي]

بنات و الله بستخف :(
شوفوا لي حل !
انا حسبت متى اخلص الشهر الثالث في أحد المنتديات المسؤولة عن هالشي قالت لي انه نهاية الإسبوع 12 نكون مخلصين الشهر الثالث و بداية الإسبوع 13 داخلة الرابع
رحت احسب بمواقع أجنبية ، يطلع لي .. في واحد اني اخلص الشهر الثالث تاريخ 17 - 12
مع العلم اني اخلص الإسبوع 12 اليوم
و موقع يقولي .. اسبوع 13 آخر اسبوع لي في المرحلة الأولى اي الثالث وانه من الإسبوع 14 .. الشهر الرابع
و المشكلة متورطة لأني ماعرف متى آخذ الحبوب النوع الثاني اللي عطتني الدكتوره :(
ساعدوني الله يخليكم ، لأنه لو مشيت ع حساب البنت المفروض آخذه بكرا
وانا ماعندي اخد اسأله يساعدني ، و للعلم اول يوم من آخر دورة ليي كانت تاريخ 19 - 9 - 2010
و آخر يوم كان 23 - 9 - 2010
و اليوم كملت 12 اسبوع بالتمام و الكمال

[طفلي حياتي]

السلام عليكم
مــــــــأجورين..........شخباركم وشخبار اليهال
انيم الي خلق ارد على كل وحده ماقدر تعبانه حدي
وفلونه لاتسألين ادري ما وحشتش عيل داك اليوم تشوفيني مني وتشيلين عليه مني لكن ماعليه قولي هالمره فيش اسهال لو امساك ماحد لش
بنوته ياخلف جبدي ماعليش شر مانسيتش من الدعاء يارب تقومين بالسلامه وتكملين العشره بخير
وحشتيني عدل
باقي البنات من داست شمس على دفتي نتفتها بنعالها الحزر وغربلتني استحي امشي بها واخاف البس الدفه الثانيه تسوي فيها مثل الشي
ولا تنسوني بنات منالدعاء يتم حملي على خير الوسواس لازال قائما ابغي اشوف هالجنين سليم في السونار وابغي اولده طبيعي واربيه واستانس عقب انتظاري
موفقات لكل خير بحق ابوفاضل سلام الله عليه.....باب المراد هالبطل

[طفلي حياتي]

http://forum.hwaml.com/imgcache2/hwaml.com_1291552354_316.jpg


هلا اخت خجول وردي هذا جدول بينفعش
مراحل الحمل بالاسابيع
الشهر الاول من اول يوم في الدورة
الشهر الثاني 5 اسابيع و4 ايام تدخلين الثاني
الشهر الثالث 9 اسابيع تدخلين الثالث
الشهر الرابع 13 اسبوع و3 ايام تدخلين الرابع
الشهر الخامس 17اسبوع و6 ايام تدخلين الخامس
الشهر السادس 22اسبوع ويومين تدخلين السادس
الشهر السابع 26اسبوع و5 ايام تدخلين السابع
الشهر الثامن 31اسبوع و1 يوم تدخلين الثامن
الشهر التاسع 35اسبوع و4 ايام تدخلين التاسع
الله يتمم على كل حامل حملها ويسهل عليها .. والله يرزق كل محرومه بالذريه الصالحه

[بنوتة حلوة]

مأجورين يا حوامل.. شخباركم وشخبار التسموع؟ أني كل ليلة حالتي تزيد.. اليوم قعدت من النوم بلاعيمي مو قادرة منهم كللش أحس كتلة في حلقي.. والزكام قتلني كلش.. تمللت من المرض..

طفطف شحوالش؟ وحشتيني ووحشتني سهراتنا.. بس مو جنه قلتين من سابع بتبيتين بيت أبوش؟ الا نجفتين؟؟

[طفلي حياتي]

بن


بنووووووته
أني معارف ابيت الا مكاني معني متكسسره بس رجعت ماتوقت تدخلين وقمت يا زعم بنام والحين داخله من تلفون رجلي اجيك الوضع وشفتش ماتشوفين شرر يالغاليه

[بنوتة حلوة]

خخخخخخ أني بكبري داشة من تلفوني ورجلي في العزا وأني في بيت أبوي وماعندي سيارة انجان رجعت بيتي ومكاني..

نامي وريحي ظهرش أحسن لش من القعدة.. أني تعودت على السهر أحين مافي أمل أنام..

[طفلي حياتي]

تصدقين اتضاييق من مطالع للجماعه لبطني غصب يجيكون قياس الدبه وين مايشوفوني. طالعو هالبطن
اليوم وحده تكلمني هي قاعده واني واقفه وعيونها فيي بطني انبطتت جبدي ويش هالحله

[طفلي حياتي]

بنوته متي تصير الدبه مكوره عدل هههههههه ابغيها تتكور عشان يتحرك البيبي فيها كامل لان الحين في النصف السفلي من الدبه يفتر خخخخخخ سؤال بشاوي

[طفلي حياتي]

قمت فتحت النت يلا تعالي لا افغصش
بحارس عيوني تقفل عشان انام ماقدر اتقلب

[بنوتة حلوة]

أني خب حفظوني الماتم خلاص واني يعني مو مفتكرة في نظرات أحد.. وأحاول قد ما أقدر أخش الدبة عن لا أحد يمللني بنظراته بس شتسوين.. واضحة هي ماتنخش.. فضيحة خخخخخ

[بنوتة حلوة]

أني أحين الدبة بالضبط كأنها كرة سلة يابسة عدل.. متعلمة ليي بتي حركة جديدة.. قاعدة تضغط ليي من تحت جنه شي بيطلع.. ويعووةر نوعا ما من تحت مو في الدبة مادري اذا فهمتين عليي.. أحس ان من وقت على هالحركات.. شرايش انتين؟؟

[طفلي حياتي]

اني بروحي يصير لي هالشكل ومرات احس الياهل باقي شوي وينزل في هناك ههههههههه مرات حركته تكون كلش تحت مادري هي بصاقه منهم يبغون يطالعون شي لو ويش مادري

[بنوتة حلوة]

خب كله كأنش مخلوق فضائي ولا تنسين بعد في ناس شكله اول مرة يجوفون حامل.. شكله عبالهم دبيبنا جدي من الله.. سبحان الله..

أخيرا رجلي توه متصل يقول في الطريق..

[طفلي حياتي]

زين اخيرا بيوصل الحين هو زين ومو زين قعدتش في بيت ابوش لو بتروحين بتمللين ولو بتقعدين الانتظار كريه
تدرين بنوته بقوم ع السرير وبشوف اذا بتدخلين واني قاعده دخلت كلمتش واذا نمت لله الحمد والمنه
مع السلامه

[بنوتة حلوة]

توني موصلة البيت وأخيرا.. مو عن شي هناك أظل بثيابي وحالة.. هنيه ألبس اللي يريحني..

وين تتسمعين؟ بعدش في بيت أبوش يقرون؟

[بنوتة حلوة]

شكلسي خلاص محد.. أني بحوس شوي على ما يأذن مابقى شي.. أبي عيوني بروحها تغمض عشان أقووم بعدين..

[خجول وردي]

طفلي حياتي مشكووورة الله يعطيش الصحة و العافية ، بس جفت الجدول و هم لخبطت :( ..
يمكن اروح اليوم المستشفى اشوف خبري شنو

[الفتاة الذهبية]

صباح الخير
كروشات ابتدي اتمشى
وألا انتظر لين ادش التاسع

[طفلي حياتي]

هلا هلا
هههههههههههههههه ماشاء الله عامره منصبح الديوانيه
اي وقت تلاقوني خخخخخخخخ قعدت اصلي وراحت النومه معني نايمه 3 واكو اغسل ثياب

[الفتاة الذهبية]

هلا فيج
عامره بوجودي خخخ

[طفلي حياتي]

الين فتوت مأجوره
يتراوى لي انتظري التاسع ليش من الحين تتعبين مخش بالمشي
خيو خجول وردي ويش اللي مو فاهمتنه؟؟
عطيني اخر دوره كانت لش بعطيش تفاصيل عن حملش

[الفتاة الذهبية]

على طاري النوم نوم مافي

[خجول وردي]

الحين استوعبت شوي ، و بمشي ع اللي يقوله ليي الجدول و بيبي قا قا
لأنه ذيك البنت قايلة لغيري تدشين الرابع 13 اسبوع و كم يوم
شمعنى اني 12 اسبوع !

[الفتاة الذهبية]

مثابه حبيبتي
مستعجله ابي بنتي
تطلع بسرعه خخ
الاعضاء الجدد منورين

[طفلي حياتي]

اني مستعيله ابغي اعرف وشفيني هههههههههه مادري بنت لو ولد اهم شي السلامه

[الفتاة الذهبية]

اهم شي سلامتش
وسلامت البيبي
اني صدق جيكت في خاص
بس بعد العلم عند ربنا

[طفلي حياتي]

بنوته خلف جبدي احنا ماتمنا الليل وبيت جدي العصر عفر والظهر عقب الصلاة كنت اروحماتم في ديرتنا من يوم سابع بس شكلي السنه بروح بس تاسع وعاشر لان اتعب بسرعه وريولي كله نايمه

[طفلي حياتي]

اي والله فتوت الحافظ الله رزقنا ويتكفل بهم رب العالمين
الله يبلغنا ونشوفهم سليمين معافين والسنه اليايه ويانه في الماتم اني ولدي بكون 9 شهور يعني يحبي ياخلف اهلي وعشيرتي هالسعد

[الفتاة الذهبية]

والناس في الماتم
ما شاء الله دود
مافي مجال حتى تحركين رجولش
وتروحين من وقت يالله
تحصلين لش مكان

[الفتاة الذهبية]

يدافع البلاء يالله
حاروق من الصبح
والحليب الي عندي مخلص

[الفتاة الذهبية]

وين رحتين طف طف
شكلش خليتيني بروحي

[طفلي حياتي]

ماعليش شر
اني على طاري قعدة الماتم مو بس ريولي تنام لا ايجيني الم هناك هالايام ماقدر كله يعورني معني ما اقعد وايد انوع انسدح شوي واقعد شوي وكله احس شي بيطلع مني ولا ادري ويش اسوي
في عمري
كله في ضمانة اهل البيت سلام الله عليهم