ديوانية البحرين - دردشة حوامل البحرين - البحرينيات

[فلونة]

وايد متفائلة .. انا احاتي هالسالفة لانه يقولون فترة الحمل الي تكون عصبية ومتوترة الياهل يتأثر في بطن امه وتالي يصير عصبي وكله يصيح .. وانا خبرج فترة حمالي كلش ما عصبت ولا صحت واايد.. ان شاء الله يكون هالبطل هادىء

[فلونة]

السرير قصته قصة .. خالتي مب راضية نشتري سرير احين تقول اخذي عقب الولادة وانا ابي افتك من سالفته و ولدها يسمع كلامها ويقول لي نطري احين شاسوي بانطر .. وانا عجبوني الي في مذركير واايد حلووين واسعارهم زينة وعليهم تخفيض هالفترة اذا تبين روحي جيكي انا خلاص بانطر لي بعدين .. باقزر بالسلة لين الله بلغني ولدت بالسلامة باشتري

[طفلي حياتي]

وصل خطيبي ويلي استحيت يوم شفته اقول له موافقه ؟؟

[طفلي حياتي]

بجم الحين في التخفيظ هالمره اختصري مو تخليني اضطر اقول بجم؟؟

[فلونة]

ههههههههههههههههههه ،، تبين تقولين وصل وبتروحين له لا تستحين روحي روحي لصقي يمه عادي تررى :p
اسعارهم عقب التخفيض في الاربعين 45 - 48 دينار .. و اذا تبين روحي بسرعة قبل لا يخلص التخفيض

[طفلي حياتي]

وصل وقاعد ع التلفزيون اكو خخخخخخ مدام هو مشغول بسولف وياش

[alsabera]

مرحبا بنات

انا عضوة جديدة ممكن اشارك معاكم ؟؟!

[فلونة]

قومي سوي لكم نفيش وروحي تفرجي معاه على التلفزيوون يمة،، قاعدة معاي وقلبج معاه :p
روحي تدلعي شوي عليه.. مافيني شدة باجر بتقولين خليت ريلي بروحه وجابلتج .. وانا باقعد شوي وباقووم .. بس باتفرفر في المنتدى

[طفلي حياتي]

اهلا الصابره حياش تفضلي
والله يعوض صبرش خير يارب بأحلى جنين :)
بحرينيه ؟؟

[فلونة]

هلا الصابرة.. حياج الله اختي
شارركي وسولفي وقولي الي في خاطرج

[طفلي حياتي]

على راحتش فلونه
يلا في امان الله

[فلونة]

بيي طفلوو ليكون زعلتي ،، انا اتغشمر معااج .. والله تبيها من الله تقوم حق خطيبها البنية :p
كنت باخذ رايج في سالفة بس معليش لين جفتج مرة ثانية

[بنت الأياويد]

السلام عليكم دشيت وقريت سوالفكم وتطمنت عليكم عقبال مانطمن على شمس شكلها ولدت مسكينة ، تصبحون على خير انا دايخه وشيخه تصيح من بطنها مو راضية ترقد الله يعيني والله ، مع السلامة

[فلونة]

هلا بنت الاياويد ،، اي شمس شكلها ولدت ..وان شاء الله نسمع خبر حلو عنها
والله يعينج ذكرتيني بعلاوي.. لازم الياهل في البداية يعاني من بطنه جربي معاها الحلوة مغلي وماعليها شر شواخة

[بنت الأياويد]

الشر ماييج ، جربت وياها الحلوه مرة تصيب ومرة تخيب وهذاني اعاني وياها وامتحاني الفاينل يوم الاثنين حالتي كلش صعبه من احد يكلمني بس اصيح وخاصه زوجي صايرة ماتحمل منه شي حتى لو يتغشمر احس ضغط النفاس مسوي فيني جذي، امي قعدت من نومها مسكينة خذتها الحين تبدل حفاظتها واهيه حضرتها شبعانه رقاد ماتبي ترقد شيخه عبالها احنا متفرغين لها

[فلونة]

وعليه اذا يعورهم بطنهم ما يرقدون ترى .. وانا امي كانت تعطي علاوي مرقدوش وتحط فيه شكر والحمدلله يمشي بطنه.. وانتي وسعي سدرج ترى اليهال يبيلهم بارض وكل ما ترقد بنتج انتي رقدي معاها علشان ترتاحين واذا حصل لج فجة درسي وقت الي تكون فيه راقدة
والله يعينج من ضغط الامتحانات وشواخة يبيلها عبالة .. تعوذي من ابليس وجابلي بنتج وان شاء الله بترقد درسي لج جمن كلمة والله يوووفقج خلج قوووية و الله بيعدي هالأيام على خير

[بنت الأياويد]

الله يسمع منج ، ابروحه النفاس والحكره في البيت كلش كريهه اليوم تنسيت في جان برجر ومسكين ريلي قالي قومي بوديج عشان تغيرين جو شوي احس روحي جني طالعه من سجن مادري شلون الشعور ، اهيه من ترقد انا اكون دايخه بعد يعني مافي مجال اني ادرس ربج كريم ان شاء الله الحين انا برقد وربج باجر يسهلها وعقبال مانسمع اخبار حلوة عن البنات

[فلونة]

الله يعينج ام شيخة وان شاء الله هالايام بتعدي بس انتي لا تزحمين مخج بالتفكير اهم شي تدرسين حق امتحانج واحين انتي في بيت ابوج وامج تساعدج الله يعطيها العافية .. وبتخلص هالاربعين يوم بسرعة وبتردين بيتج وبترتاحين .. وزين سويتي طلعتي غيرتي جوو،، نووم العوااافي والله يوووفقج ويسهل عليج

[بنوتة حلوة]

منهي اللي تبي فراااش ومافصلت ؟؟ حصللللت محل كششششخة ويجنن وحده حليووو اقول لو زين ماشريت مفرش عشان آخد من عنده ..
المحل اسمه Royal Baby

http://forum.hwaml.com/imgcache2/hwaml.com_1294874421_803.jpg

http://forum.hwaml.com/imgcache2/hwaml.com_1294874424_800.jpg

http://forum.hwaml.com/imgcache2/hwaml.com_1294874423_600.jpg

http://forum.hwaml.com/imgcache2/hwaml.com_1294874426_970.jpg

http://forum.hwaml.com/imgcache2/hwaml.com_1294874425_643.jpg

http://forum.hwaml.com/imgcache2/hwaml.com_1294874422_752.jpg

http://forum.hwaml.com/imgcache2/hwaml.com_1294874427_177.jpg


شكلي بس بروووح اسوي قحفية عليها اسم بتي الجمييييلة @@

[بنوتة حلوة]

طبعا بالنسبة للاسعااار :



المفرش يبدآ 45
الشنطه 40
البساط 6
القماط 4
الكفر مع المرضعه 6
القبعة 4

[Roze]

هي حالتي يوميا اوتعي للصلاه وتطير النومة


يه يه يه شهالزين رويال بيبي هااا بس اسعاره غاليه كل الطقم يوصل فوق ال 100 دينار مايسوا بس افكارهم جيده

[rose soul]

صباح الخير للكــل

[om khalil]

صباح الخيرررررررر حبيبات ئلبي
كيفكون ان شالله مناح

تئبرو ئلبي نفسي حاكيكن بس مامعي وئت هلا
دنشوفكم وئت تاني hwaml02

[soso84]

صبااااااااااااااح الخير على احلى كروشات...
مافي اخبار عن شمس.. اكيد تكون ولدت انشاء الله .. وعقبال الجميع ياااااااارب

[Roze]

صباااحكم ورد وعسل وبطيخ يا احلى حوامل



هذا اطالع موعد ولادتي في الكلندر الهو تقريبا يصادف وفاة السيدة ام البنين

[أحلام أم]

hwaml48صباح الخيرررررررر حبيبات ئلبي
كيفكون ان شالله مناح

تئبرو ئلبي نفسي حاكيكن بس مامعي وئت هلا
دنشوفكم وئت تاني hwaml02
صبااح النور على عيون الكل
الله يساعدش على هالرطنه مرة وحده قلبتين من درازي لشامي
ويش أخبار خليل بعدهوا يسوي جرايم في البيت
بسألش عن التصوير الرباعي د حكيمه زينه وبكم تسووووووي

[Roze]

احلااام اني بسويه في الامريكي ب 31 دينار

[أحلام أم]

احلااام اني بسويه في الامريكي ب 31 دينار
هلا وغلا روز
المشكله أني مابسويه مني والطريق أني دكتورتي في التخصصي في موعدي إللي فات من شهر عطتني ورقه للتصوير الرباعي ولازم أسوية على الإسبوع 22 قالت لي خذي موعد في نفس المستشفى التخصصي ولاكن ماحصلت موعد إلا بعيد كلش والمواعيد القريبة رجال يسوي الأشعه hwaml4وأني لوماأسويها كلش ولا رجال ياخذ ليي الأشعه فإقترحت أروح للدكتورات أشعه من بره وعطتني أسامي دكتورات بس أني لأنه د حكيمه قريبه ليي كلش وينعتونها قلت يمكن أروح هالأسبوع وعلى الضروف عشرة أمي تبدأ اليوم بعد
وهيكي عندي الورقه منقعه من شهر وأخاف يجي الموعد ويالتخصصي ولاسويت الأشعه hwaml03
بشوف يمكن أخذ موعد بس مته يارب بعد ويارب يطمنوني كل شي تمام hwaml7

[rose soul]

وينكم بنوتات؟؟

امس ريلي ياب لي توزعات الفخار..عاد اليوم قلت بالونهم
الا ريحة الصبغ دوختني..لونت بس ثلاث وراسي افتر.. وقمت ارجع.. احس الريحة دخلت داخل جبدي حشى خخخ
بقول له اهو يصبغهم ماقدر على ريحتهم

[Roze]

احلام اني دكتورتي قالت لي لازم علا الاسبوع ال20 طنشتها ردو امس سالوني قالو لي روحي خدي موعد الحين هالاشعه مو ضرورية يختش بس يبون علا قولتهم يطمنون علا القلب والكليه ويعطونش خبر اكيد عن جنس البيبي يوم الاثنين موعدي اني وريلي الي حجز عاد ان درا ان ريال الي يسوي هالاشعه شكله بهوون بروحه اعصابه حريقه في هالسوالف

[Roze]

روزه خلي خواتش يصبغون او ريلش لاتتعبين قلبش

عاد ويش غكرة توزيعاتش وشنو بتحطين مع الفخارات

[rose soul]

روز..باحط فيهم جوكليت..وبلزق البطاقات فيها
لين كملت منهم براويكم..ترا كيوت حتى بدون تلوين

[Roze]

ادا شفتين في النت طرشي بشوف شوقتيني

اني لحد الحين مافكرت في التوازيع

[rose soul]

لا ماجفت في النت
انا رحت المصانع الفخار اللي في عالي
وقلت لهم يسون لي الاشكال
طلع لي كلهم بــ24 دينار ..ستين حبة

[rose soul]

روز..ترا لاحقة على التوزيعات لين دخلتي السابع او الثامن ابتدي فيهم
الحين .. كملي اغراضج الاهم اول

[أحلام أم]

احلام اني دكتورتي قالت لي لازم علا الاسبوع ال20 طنشتها ردو امس سالوني قالو لي روحي خدي موعد الحين هالاشعه مو ضرورية يختش بس يبون علا قولتهم يطمنون علا القلب والكليه ويعطونش خبر اكيد عن جنس البيبي يوم الاثنين موعدي اني وريلي الي حجز عاد ان درا ان ريال الي يسوي هالاشعه شكله بهوون بروحه اعصابه حريقه في هالسوالف
روز هو عاادي تسووينه الإسبوع 20 بس يقولش كل ما تقدم عمر البيبي يكوون أوضح التصوير حق الأحشاء الداخلية وتكون في إكتمال إنشاء الله
زوجش نفس زوجي وزوجي أخس في هالسوالف مايناقشhwaml4 يمممممه أخااف منه وأني بدوون حتى مايمانع زوجي أني لا وألف لا ،إذا رجال لا تسويين لش سالفه ومولازم تسويين عندهم الأشعه أماكن واايد تسوي أشعه مثل فهيمه الكل ينعتها وشااطرة وتاخذ وقت في الفحص ويعني أستر لش دكتورة تشوف بطنش لأنه موشي ضروري علشان تحل المحرمات فيه
الله يوفقش وتطمنين على البيبي

[Roze]

روز للحين مابديت في شي حتا اغراض للحين ان شاءالله الشهر الجاي والتوازيع زوجي يقول بيتصرف ولا ادري شبسوي


احلام مااستفسرت عن منو يسوي الفحص ويشوف الدبه اصلا يختش حتا في السلمانية يجيبون دكاتره رجال للفحص ويتسالون اساله محرجه ههههههه اختي انصادت مرة ويا واحد

[Roze]

لا ماجفت في النت
انا رحت المصانع الفخار اللي في عالي
وقلت لهم يسون لي الاشكال
طلع لي كلهم بــ24 دينار ..ستين حبة
وايد غلطتين في هالسالفه الحين الحلاوه شوفي جم بتكلفش اذا الكيلو عند حلويات
طارق يوصل 18 والكرووت وغير تعبش والصباغه وغير جزي اكيد بينحطون بدون استاند وببين شغل بيت

اعرف وحده من كرانه سويت عندها مال سفرة العجم مالي

[Roze]

هذي ال من كرانه اسعارها حلوه واغراضها ككشخه وبالستاند والكروت والحلاوه وكل فكره تبينها تسويه وتحطهم في ستاند اذا تبين كله بشغل ايدها جاهز يمكن ب 60 دينار اذا مو اقل

[الفتاة الذهبية]

0هاي شخباركم كروشات
قالوو ليي لا تاكلين شي فيه ملح يقولون ما نبي ضغطج يرتفع اكثر من جذي لانه وراج
ولاده
حبيت استفسر
يدي متنفخه واتيني حكه فيه حتى من بين الاصابع
هذا طبيعي والا شسالفة

[Roze]

الضغط خطير في الاشهر الاخيره لازم تحاسبين ودام قالو لش خففي املاح خففي

بالنسبه للانتفاخ الاطراف اتوقع من الضغط بساني اول حملي كان بين فتره وفتره تنتفخ صبعه من اصبع يدي وتجيني حكه فيها لدجة ماقدر اجفس صبعتي بس كان ضغطي اوك فماادري اذا له علاقه بالضغط او لا

[الفتاة الذهبية]

ما ادري والله
بس صج الحكه فضيعه

[الفتاة الذهبية]

انا سويت توزيعاتي بس
ما صورتها وفي بيت زوجي ما عندي نت
النت بس في بيت امي

[Roze]

شنو التوزيعات الي سويتينها

[الفتاة الذهبية]

خذيت 50 حبة تشكيله سرير وتحطين الجوكليت داخله
وخذيت 50 حبة تشكيله بطه وتحطين الجوكليت داخله
لونهم وردي وحطيت بطاقه فوقهم مكتوب فيها
شيلوني شويه شويه الماما تعبت عليا

[Roze]

ههههههه حلوين وجم كلفوش جميع


حطيتينهم في سله او علا ويش

[الفتاة الذهبية]

كلفني كامل 32 دينار تقريبا
وحطيت كل 50 حبه في سلة

[Roze]

اني عجبتني حركة وحده من البنات مسوتننها مشتريه منتجات بيبي جنسون الحجم الصغير كلونيا علا برتقال ومغلفتنه وحاطه عليه كرت بس ماادري منوين يشترون البيبي جنسون بكميات والحجم الصغير

[الفتاة الذهبية]

ما ادري والله
ما عندي فكره

[فلونة]

سلااام بطاات

شخباركم.. طفلوو من البارحة ما بينت شكلها طنقرت الدليعة

فتووت ،، شخبارررج ويا الشهر التاسع والثقل.. انا توقعتج ولدتي خلاص

روز نمبر تو ،، اختي سوت توزيعاتها نفس الشي بودر مال جونسوون صغار وايد حلووين صاروو

[Roze]

فلونه منوين حصلتهم صغنوونيين

[الفتاة الذهبية]

اكاني موجوده بعدي ما ولدت
اقول لج يدي متنفخه واتيني حكه فيهم

[الفتاة الذهبية]

يلا عن اذنكم

[Roze]

اتحملي بروحش فتاتو ولاتكثرين موالح


ربي يسهل عليش ويقومش بالسلامه انتي والمولود

[فلونة]

فتووت،، ماعليج شر والله يسهل عليج وتولدين بالسلامة

روز،، خذتهم من محل في بوكوارة اسمه روشان وفيه اشكال وايد من التوزيعااات وستاندات واذا تبين اي شي يسوي لج في المحل ..

عجبتني فكرة هالبنية في التوزيعات وايد حلوة.. انا خذيت براويز وراويت زوجي الفكرة يقول لي متفرغين صوروها حزة الحزة وحطو الصورة في البرواز يعني مستحيل يسويها :P

http://forum.hwaml.com/t39429.html (http://forum.hwaml.com/t39429.html)

جوفي يمكن تعجبج فكرة حلوة ويديدة ومشالله وايد كيووت الياهل .. انا باخليج وبعدين نجوفكم ..
توترت على طفلو مو من عواديها ما اطل مولية

[Roze]

طفطف ماتزعل يتراوى لي يمكن راحت تتشرى لو مشغولة في شي

[om khalil]

أحلام أم
هاليومين خللي هاجد على عمري الله يهديه بس ويطول هيدته hwaml03
اسمع البنات يحدون بهالحكيمه ولا ادري يختش ماسويت اني

فتاه
الله يسهل عليش ان شاءالله وتولدين بالسلامه يارب لاتقطعينا

شمس
ننتظر خبر منش تطمنينا عليش بالسلامه يارب

طفلي
وينش؟؟؟

باقوم انخمد ليي ريحه اشوفكم على خيرر

[شمس الصباح]

السلاااااااااااااااااااااااااام

وحشتوني قلت أدخل أسلم عليكم قبل لا أحد يجي وأقول


أشرقـت بالمحبـة و التهانـي ملاك
اعطت العمر زينة و زادت النور نور

و احظنتها المشاعر و الغلا و الحنان
و عمت الكون كله بالفرح و السرور

أمها السيده كانت تنتظـر مـن زمـان
شوف وردة صغيرة غير كل الزهـور

و الفرح و السعادة بوجه أحمد بـان
و من حنان الابوة يهدي اصدق شعور





راح ادخل وقت ثاني علشان اعرف اخباركم
ترى طلبت ليكم وقت ولادتي ومانسيت احد حتى في وحده كانت تتمنى تحمل وتكون معانا في الديوانية اول وحده طلبت اليها
hwaml7

[Roze]

ويلي يالسيييييده انتفضت عافيتي فرحت ليش حبيبتي
الحمدلله على سلامتش وسلامة ملوووكة وتتربى في عزكم ان شاءالله

[فلونة]

شمووووووسة اخيررن طمنتينا كنا نحاتيج .. الحمدلله على سلامتج وتتربى في عزكم ملووكة وننطر تقولين لنا مغامرتج في الولاادة.... والحمدلله افتكيتي والفال لنا يااارب
الله يخليها لكم وتفرحوون فيهاا عروووس ..:d

[rose soul]

لقد عدنا..

هلا والله شموووووووس السيدة..اخيرا بشرتينا..
حمد لله على سلامتج وسلامة الوردة ملوكة..
ترا احنا بنتظارج مرة ثانية..وتخبرينا بولادتج

[rose soul]

hwaml16
.
.
.
.
.

[حبيبة حسوني]

الف الف الف مبروك شمووووووووووسه hwaml7
واخيرا حمد لله على سلامتش وسلامة ملوكتنا القموره hwaml84تتربى في عزكم ياربhwaml02
وعقبالنا يارب لانه نفسيتي كلش زفت بس اصيح امبي اولد تعب مو طبيعي hwaml78
ياربي بحق هاليلله سهل علينا اجمعين وفرحنا بشوفة اولادنا سليمين معافيين ياربhwaml73
وباقي البنات شخباركم؟؟؟؟؟؟

[الفتاة الذهبية]

شموس
الف حمدلله ع السلامة
وتتربى ملوكة في عزكم

[الفتاة الذهبية]

وينكم اختفيتووو خخخ

حنين شكلها ولدت ما تبين خخ

[rose soul]

هلا فتوتة بعد جبدي
انا موجودة
شخبارج؟؟

[rose soul]

لا حنون جذي عوايدها.. تختفي وتظهر مرة وحدة
مادري شسالفت البنات اليوم!!
سكون عدل اليوم

[أم حماني]

قووووووووووووووووووة ... من اللي ولدت؟؟

[rose soul]

الله يقويج ام حماني..شموس ولدت :d
عقبالنا يارب عقباااااااالنا

[أم حماني]

ماشاء الله ... الحمدلله على سلامتها وعقبال ماتبشرونا انتوا بعد بولادتكم بالسلامة
اليوم كان تطعيم حمني مال 4 شهور وصخن علينا وكله يصيح مزاجه معتفس

[rose soul]

واعليه حمني فديته
شكله قوية الابرة عليه..انزين ما سويتو له شي؟؟

[أم حماني]

لا بس اعطيه بندول كل 4 ساعات

[rose soul]

يلا معليه بعد جبدي .. ان شاء الله شوي شوي يصير احسن

[rose soul]

طف طفووف .. اليوم وينج؟؟

[أم حماني]

سوري رحت ارقد حمني .. روز متى موعدج وشنو نويتوا تسمون البنوتة

[rose soul]

لا عادي ام حمني..اخذي راحتج..
بالنسبة لأسم بنوتتي بنسيمها بشرى خلااااص :p
عقب عشرة ايام ادخل التاسع
وموعدي 23-2
الله يستر يارب

[أم حماني]

عاشت الاسامي وان شاء الله قدومها يكون احلى بشرى لكم

[rose soul]

الله يسمع منج يارب..بس انا خايفة
لأن دمي ناقص..وتوني من جمن يوم قريت قصة وحدة حامل وكان دمها ناقص..وفي الولادة صادها نزيف
يعني الوحدة تروح فيها :(
انا قالت لي الدكتورة الحين عندي بس اسبوعين وشي حق ارفعه.. واذا مارتفع احتمال ينقلون لي دم :"(

[أم حماني]

ليش جم دمج الحين؟؟؟

[rose soul]

الحيـــن 8.2
مشكلتي ماقدر على الحبوب..قطعتهم فترة..ومن قالو لي جذي..توني ارد استخدمهم مره ثانية..ارد استفرغ وانتي بكرامة وسخونة..
الحين معتمدة بس على الاكل

[أم حماني]

انزين عليج بالاشياء الخضره مثل البقدونس والسبانخ

[rose soul]

اي لو تجوفيني صرت خروووف خخخخخخخخخ
انا الحين في بيت ابوي وامي لاعبة الدور فيني
بس ان شاء الله يرتفع مابي ينقلون لي دم

[أم حماني]

اي حاسبي الله يعينج ... انا يوم دشيت الولاده دمي كان 11 وطلعت من الولادة دمي 8

[أم حماني]

يالله انا بطلع ... تصبحون على خير

[rose soul]

اوكي ام حماني..خذي راحتج..وانتي من اهله وهابي دريمز

[حبيبة حسوني]

سلام بنات بسالكم اني من تعشيت وجايني الم في الحوض
مثل الم الدوره يروح ويجي وماني عارفه ويش اسوي يعورني بطني
هذا طلق لو ويش ؟؟

[rose soul]

عليكم السلام حبيبة..اي يقولون هذي بداية الطلق

[حبيبة حسوني]

يووووووووووو ويش اسوي اني قلت لين زاد الالم كلش بروح المستشفى

[فلونة]

مرحباا..

حبيبة حسوني،، صبري جوفي الألم اذا انتظم عندج هاذي طلق لانه باقيلج وايد على ولادتج.. يمكن على قولتهم ريح استقبال مو حزة ولادة.. لا تستعيلين نطري وجوفي الألم يزيد وينتظم والله يسهل عليج وتولدين

طفلوووووووووو وينج اليوم.. اشفيج ما بينتي :(.. تحسسني بالذنب سنفورة كريهة

[rose soul]

لا عادي لأن انتي الحين في التاسع..تصيدج علامات الطلق .. بس مو شرط تكون ولادة
بس هذي علامات ان الولادة قريبة

[حبيبة حسوني]

يعني قولكم جدي اني قلت اذا اتالمت واجد واستمر ويايي الالم تالي بروح
الحين اشوف الالم يروح ويجي الله يسهل يارب

[rose soul]

على فكرة انا بعد تصيدني هالالام مثل الدورة بس على خفيف .. و مو كل يوم
مع اني في الثامن

[حبيبة حسوني]

اي اني عد كانت تصيدني في الثامن
يلا اني بقوم تعبانه اشوفكم على خير

[rose soul]

اووك تيك كير .. الله وياج

[rose soul]

هدوووووووووووووووووووووووووووووووووووء
تااااااااااااااااااااااااااااااااااااااااااااااااا ااااااااااااااااااااااام

[فلونة]

متمللة وابي ارقد ومافيني نودة..

رووز ،، شخبارج ويا توزيعاتج وين وصلتي

[rose soul]

انا بعد الملل ضارب التوب
سكتيييييي..توزيعاتي لونت ثلاث والريحة ذبحتني ماقدرت اختنقت
قلت لريلي يلونهم .. لأن ماتحمل صراااااحتن خخخ

[فلونة]

قلت لج لو خليتيهم في الفخار يصبغونهم لج اريح.. انا بابتدي اشتغل في الستاند يوم السبت ..
اتصدقين اليوم كل ما يتحرك هالبطل الي في بطني يتحرك بالحركة البطيئة واحس بألم في حركته لدرجة افز من مكاني مادري ليش اول مرة يصيدني جذي خايفة:(

[بنوتة حلوة]

مرحباااا بنوتااات شخباركم شمسوييين ؟؟
هاللآلام تصيدني ساعات بس تروووح وتجي يعني تجي لمدة ثواني بس .. من دخلت الثامن وجدي ..

هادي نفس آلام الطلق يعني ؟؟

[rose soul]

اي والله انا لو خليتهم يصبغونهم اريح لي..بس ما توقعت جذي كنت بتسلى فيهم

الحين تحسين بالحركة تحت..؟؟
واحس شي بيطلع مادري شلون يعني

[rose soul]

بنوتة..اي آلام الطلق يقولون نفس الدورة..بس هذي اللي تصيدنا الحين بالنسبة لها ولا شي..بس مقدمات خفيفة خخخ

[فلونة]

روز..احسه يتحرك صوب اليمين في نص بطني مادري شلون يعورني بحركته .. انتي يصيدج جذي؟

هلا بنوتة،، اييه توج في الحمد صبري بعد .. كل يوم بتجوفين الم غير شكل ،، وماظنتي نفس ألم الطلق .. هاذي نفس ألم الدوورة .. راس بنتج صار تحت او للحين؟؟

[بنوتة حلوة]

هي الدكتورة فهيمة يوم اروح لها قالت ليي الراس تحت بس يعني مو كلش تحت والرجول فوق بس جهة اليسار يعني معووجة شوووي .. بس تقول تقريبا قاعدة تنزل على تحت .. تقول يبغي ليش 4 اسابيع على ما تنزل خلاص وشكلها مابترد ترتفع .. مادري شلون تتوقع .. ان شاءالله تصدق :)

[rose soul]

اي بنتي تتحرك اكثر شي يمين..حتى ساعات بطني يصير جبل على جهة اليمين .. يضحك شكله يصير خخخ
ساعات اقول هذي شنو الحين بالضبط راسها .. ولا اللي تقعد فيها ههههههههه
واحس بالاطراف..يعني اما تكون يدها او ريولها ما يندرى

[rose soul]

بنوتة .. لا دكتورة فهيمة خبرة لا تحاتين .. لأن تخصصها اطفال و ولادة
لا واهي اسم على مسمى هههههههه

[بنوتة حلوة]

شوفي .. هي اذا مقلوبة لأن انتي احين في الثامن يعني اكيد ان شاءالله تكون خلاص قاعدة تفتر نفس بتي ..
بتكون ايدهاا عند ظهرش يعني مستحيل تحسين بحركة ايدهااا باذا حسيتي بأطراف هذي اكيد رجوولها لأن رجولها مقابلة الدبة واياديها ورا لأنها مقلوووبة ..

مادري اذا فهمتين عليي hwaml02hwaml02

[فلونة]

بنوتة،، المفروض يصير راسها تحت ويستقر عشان يتهيأ للولادة خلاص .. ومع المشي يلتحم الراس في عنق الرحم علشان ساعة الصفر والله يكتب لنا ولادة طبيعية ان شاء الله ويستقر الراس تحت بحق هذي الليلة،، ما راويتنا صورة بنتج في الثري دي واضحة ملامحها ؟؟

رووز،، نفس الحالة تصيدني.. وانا افكر سبحان الله يتركون جهة اليسارر فاضية ويلمون روحهم جهة وحدة بس.. انا اليوم كنت بامشي وامي واختي عصبوا علي يقولون لي اذا دشيتي التاسع مب احين.. :(

طفلوووووووو وووينج يا النحييسة .. ان شاء الله تكون بخير

[rose soul]

بنوتة..هههههههههه اي فهمت عليج..انا بنتي من السابع قالو لي انقلبت.. واتأكد اكثر من ان راسها تحت ..لين يصيدها بو فااك خخخ
يصير طق من تحت في العظم..فأعرف ان راسها تحت

بس بقول لج مو شرط تكون ريولها في دبتي يمكن .. لأن الاطراف اللي احس فيها على صوب..يمكن تمد يدها لأن توها قاعدة من النوم خخخ

[بنوتة حلوة]

فلونة:
اي اني فاهمة هالسالفة بس يعني يوم اروح اني نهاية السابع اقول من احين ما شاءالله منقلبة يعني .. اسمع قصص ناس مو قادرين يولدون والسبة ان البيبي مو راضي يتخذ الوضعية الصحيحة حق الولادة وراسهم كله فوق ..

[rose soul]

فلونة .. انا مو مستعيلة على المشي .. قلت من ادش التاسع بابتدي مو من الحين .. لأن مابي اولد وريلي محد..بس شكلي باسويها و اهو محد..بعدها بانتحر @@

[بنوتة حلوة]

توني مستووعبة ان بيني وبين فلووونة اسبووووع بالضبط
وبيني وبين روووز سول اسبوعييين ويووم .. خخخخخخخ والله فن يعني روزة بتدشين التاسع أول وحدة فينا

[فلونة]

هههههههههههههههههههه،، خيالج وواسع ررووز.. انا اذا احس شي ناط في دبتي احط يدي عليه خاطري ايوده واجوف هالمنخش في دبتي وايود يده وريله .. ابي الايام ترركض واجووووف البيبي بصحة وعاافية ..
اليوم خالتي تقول حلمانة فيني والدة ويبت بنووتة وما يندرى شنو تفسيرها

[rose soul]

اي في ناس ينقلب الراس تحت..بعدها يفتر يرد يصير فوق مادري ليش..انا جم وحدة سمعت في حملها جذي .. حتى يقولون لهم بيسون لهم عملية .. بس في التاسع يرد ينزل تحت.. ويولدون طبيعي

[rose soul]

اي ان شاء الله اولد قبلكم واحركم خخخخ ثنتيناكم
فلونة فيج بنوتة مليون في المية

[فلونة]

بنوتة .. انا التيكر مالي على حسبة السونار يقولون ادق وعلى حسبة الدورة المفروض انا قبل روز بيوم وااحد .. ودعواتكم بنات اولد بداية التااااااسع والله يعطيني الي اتمنااه ياارب ويلا بنجوف من الشطورة الي فينا الي تولد اول وحدة.. واهم شي السلاامة

رووز،، انا عندي سيكل في الشقة.. ساعات افكر اسوي رياضة عليه بس اخاف لانه عوود وحركته فوق وتحت .. لين اتيي هالافكار في بالي اتعوذ من ابليس وافر ويهي عنه

[بنوتة حلوة]

ان شاء الله مايسووون لنا ولادنا حاكر مااكر فينا شدة حزة اللي حقت حقايقها وجى الوقت اللي الله يكتب فيه ان نولد تطلع لنا قصة الراس تالي بعدين انواع التنقز والرياضة والمشي والبالونة اللي نقعد عليها مادري شلووون بس عشان ينزل الراس ..

يقولون المشي بعد ينزل الراس في التاسع .. اني احب امشي بس بسرعة أتعب اجوف روحي لين اتسوق في مجمع كله ادور كراسي او شي اقعد عليهم مافيني شدة .. شلون بعدين لين بروح ممشى أتمشى .. ماعتقد بمشي واجد كفاية

[فلونة]

اي ان شاء الله اولد قبلكم واحركم خخخخ ثنتيناكم
فلونة فيج بنوتة مليون في المية

روز رجاءن انتي نطري ريلج لين يرجع من سفرته وتالي ولدي وخلي الدور علي ابي اوولد انا واجوف هالبيبي بنية صبي اهم شي يكون بصحة وعافية
يعني ما يحتاي اسوي سونار خلاص سويتي لي ها hwaml02

[rose soul]

فلونة..سيكل عاد؟؟؟
لا لا تستخدمينة انا اصلا صمعت انا البنت ما يصلح لها تركب سيكل..يقولون البنت العادية تسبب لها عقم مادري شنو
فما بالج وانتي حامل!!
بس ماتخيل شكلج وانتي راكبته بدبتج هههههههههههههههههههههههههههههههههههههه
اصلا مافي على المشي

[بنوتة حلوة]

الللاي بيصيرون مواليد الديوانية كله بنااااات هالسنة ..

[فلونة]

بنوووووووتة اذا عندج السي دي مال فهيمة وفي صورة راوينا السوونار مااالج ابي اجووف واضح او لا التصوووير ..

[rose soul]

اصلا انا متفقة مع بنتي اني اولدها 11-2-2011

عاد انتي كيفج بتولدين قبلي مو مشكله ههههه

[rose soul]

فلونة..ليش تسألين واضح لو لا ليكون قررتي تروحين لها؟؟

[فلونة]

السيكل الرياضي يسبب عقم،، ماظنتي يختج لانه في صالات الجم والرياضة يستخدمونه عادي.. الي عندي نفس الصورة.. خرعتيني

http://forum.hwaml.com/imgcache2/hwaml.com_1294958732_502.jpg

[rose soul]

مادري انا سمعت مادري من من بس يمكن معلومة غلط بعد

[فرح عمري]

صباح الخير عليكم جميعا


الف مبروك لك يا شموس وعقبال عندنا يارب نولد بالسلامه وصحه ونشوف فرحتنا

[فلونة]

رووز،، اي خاطرري اسووي ثري دي شرايج انتي ؟ وريلي شكله اقتنع شوي بكلامي .. مع اني ناطرة جمن شهر وباقيلي شوي واجووف هالمنخش في بطني وتقريبا كملت تجهيزاتي

بنوتة.. ابتدي امشي مسافات بسيطة وشوي شوي بتعودين وترى لازم غرشة الماي في يدج وانا نفس الشي امشي خمس دقايق واوقف مكاني مافيني نفس حق مسافات طويلة

[بنوتة حلوة]

دخلت شموووسة ؟؟ مادري !!
ويش جابت ؟؟ محد قااال !!

[rose soul]

هههههههههه هاي شلون بتركبينه بدبتج؟؟
اخاف تركبين وتنشدخين فيه
وماحسه ينفع حق الحامل..احس بس حق عضلات الريول

[فلونة]

فررح عمرري،، وووينج مختفية مولية.. من جم يوم كانت تسأل عنج حنوون تقول شكلها ولدت .. يلا الله يسهل عليج وما باقي لج وايد ان شاء الله عاد اماانة لا تنسينا وقت الوولادة

[فلونة]

رووز ،، اقولج اذا تطري علي هالافكار اتعوذ من ابليس واهون ههههههههههههههههه

بنوتة ،، اي دخلت اليوم شموس ولدت ويابت ملووكة

[rose soul]

اهلين فرح يا صباح النور
..
فلونة..تبين نصيحتي روحي سوي..منها تجوفين نوع البيبي..ومنها يكون لج ذكرى..علشان ولدج او بنتج يستانسون لين كبرو يجفون روحهم
..
بنوتة..شموس يابت ملاك

[طفلي حياتي]

سلام
صار لي ساعه اقرأ هراركم وشكرا لكل من سال عني فلونه حسيتين لأهمية وجودي ؟
أني فبيت أبوي من الظهر شخباركم

[فلونة]

روز.. باجوف يوم اجازته اذا مزاجه زين باحاول اكلمه في الموضوع وان شاء الله يرضى ..
وانا كل من يقول فيج بنووتة وما يندرى اشفيني الله ورسوله اعلم :p

[بنت الأياويد]

صباح الخير ، هههههههههه بما ان صار الوقت عقب الساعه 12 شخباركم ، استانست يوم قريت خبر ولادة شمس ذكرتني في روحي يوم ابشركم اني ولدت عقبال الباقي مايبشرونه بولادتهم واهم شي تركوا الخوف عنكم ترى عقب بتضحكون على روحكم لان الولادة ترى شي عادي مو نفس الي يقولون عنه يخرعون الوحده جنه بيي ملك الموت ياخذ روحنا ترى شي عادي والم الوحده تقدر تتحمله بس اهم انها ماتصرخ وحبيت اسلم عليكم والحين بقوم ارقد وبرقد شيخه تصبحون على خير وانشوفكم بكرى طف طف الديوانية مو حلوة بدونج

[rose soul]

يلا دبدوبات اخليكم..بحاول ارقد..احس بحموضة وحرارة ابتدت

[فلونة]

طفلوووووو ليش تسوين هالحركات الي ما لها معنى كلش.. يعني تغبين يوم كامل ولا تاخذين الاذن مني جنه على كيفج.. ماعندج سالفة آخر مرة لج سمعتي

[فلونة]

بنت الاياويد،، ان شاء الله اليوم نفسيتج احسن ويا شيخة والدراسة.. و لا تقولين حق طفلوو جذي ترى بتصدق روحها واهي اوردي رافعة خشمها الخنافر بعد احين شيسكتها

بنوتة،، بس مانبي نجوف صورة بنتج في السونار بس تعالي يمة يا كلمة ردي مكانج :p

[بنوتة حلوة]

وكتبت قصتها بعد ؟؟ خلنا برروووح أدور في الصفحااات .. اذا ماكتبت قصتها مابدور خلني بنتظر لين ماتجي وتقوووول

حدي مستانسة ليهااا عجيييييييييب بالسلامة ان شاءالله للجميع وتتربى في عزها ملااااكة

[طفلي حياتي]

يويو بتروحين روزو بس يلا في أمانه وحفظه بنت أنا قيت ترا
فلونه قلت بشوف غلاتي عندكم طلعت اشوا تحبوني خخخخخخ

[بنت الأياويد]

اليوم يزعم بدرس والا رفيجتي من ايام المدرسة مسكينة ياتني وعقب اهلنا قايلين من امس ان بيون وشيخه ماسكتت من الصياح من بطنها حتى صوتها راح وسرها انتفخ حياتي بنتي ، مسكينة طف طف ههههههههههههههههههههه
تصبحون على خير اكي شيخه رقدت ببطحها بسرعه وبرقد

[بنوتة حلوة]

هههههههههههههه الصورة أحين مو عندي في البيت وأني في بيت ابوووي .. يعني واضحة بس نوعااا ما حسيتها مو ذاك الزوووود أحس لين طلعت بتكووون أحلى .. وبتجي طفطف كالعاااادة تتطنز على بنتي وشكلهااا مافيني شدتها بعدين لين جبتهاااا براويها الجمال على حقيقته @@

[طفلي حياتي]

بنوته أني بقتنع بجمال كل طفل وطفله ينولد بس حلاوة فرحه لا يمكن تقارن والأيام بتثبت كلامي :)

[فلونة]

يلا معليه سامحتج بنوتة:p

طفلوو.. شخبارج اليوم بدوني ضايعة لا :p

[طفلي حياتي]

اسكتي تعودت حدي عليكم فبيت أبوي لا نت ولا بشر إخواني يو في الليل أني الغرب كريت علي خالتي لان طفشت من ظهر بروحي علي مايبدو انش انتين ضعتين بدوني خخخ

[طفلي حياتي]

لاتاخذون علي الكلمات الغريبه ترا الايفوون غبي يحط كلمات بروحه

[فلونة]

طفلو،، جنج مصختيها ساعة لين تكتبين رد وكل الحروف غلط بعد ... انا كنت احاتيج ما ضعت ولاشي الا افتكيت من لسانج:p
روحي مناك بس انا بانبطح شوي ظهري عورني .. وهل يومين زوجي آخر ليل ماحب ارقد في غرفتي ماتييني النودة مادري ليش.. ايي الصالة انبطح تغفي عيني وماقوم الا ظهري متشنج

[بنوتة حلوة]

فلووووونة نسيت اقولش ترااا السيدي عبارة عن فيديو حق من اول ماتشتغل هي على الجهاااز يعني تسجل كل شي هي تسويه يعني وطول المدة تقريبا 25 دقيقة هي بس تراويش وجه البيبي من جهات مختلفة يعني وانتين ماتدرين ان هادا كله مسجل فيديووو بعدين تعطيش اياه .. يعني مو تحط جم صووورة .. تحط فيديووو ..

والصور تسوي ليش برينت حق صورتين اوكي وتعطيش اياهم والباقي في السيدي على هيئة فيديوو .. ووووو بسس .. أنصحش تروحين لأن حليووو لصراحة اني بسوي ألبوم بحط كل صوور الالتراساوند اللي سويتهم طووول فترة الحمل لأن عندي وااااجد ومفلتين بجمعهم وبسوي ليها شي ذكرى تستانس به لين كبرت @@

[طفلي حياتي]

اوووكي أني بعد بخلد للنوم تصبحون علي خير الله يساعدش فلونه بس روحي الغرفه اذا قفلت عيونش حدها وان شا الله تنامين
باااااااااي

[بنوتة حلوة]

اني بعد رجلي شوووي وبيجي ليي .. راجع من الشغل مسكين :(
النت هنيه مأسااااوي في بيت ابوي حددده بطيء .. بالغصب تنفتح الصفحة وأقرا اللي فيها واكتب رد ..

يالله تصبحون على خيرررر .. والجماعة اللي يجون عقب هالحزززة بكلمكم من البيت اذا وصلت ان شاااءالله :)

[Roze]

مافي الا غبار ريايلكم

[أحلام أم]

صباح الخير وجمعه مباركة وسعيدة

تهنئة ممزوجة بأريج الفل والياسمين أقدمها

إلى

شمس الصباح

بمناسبة قدوم المولوده الجديدة ....

ونسأل الله العلي العظيم أن يقر بها عيني والديها وأن يجعلها من مواليد السعادة

وأن يحفظها من كل سوء ...إنه سميع مجيب الدعاء

وبهذه المناسبة السعيدة أهدي لها هذه البطاقة البسيطة




http://forum.hwaml.com/imgcache2/hwaml.com_1294990953_723.jpg (http://forum.hwaml.com/redirector.php?url=%68%74%74%70%3a%2f%2f%77%77%77% 2e%61%6c%6e%61%64%64%79%2e%63%6f%6d%2f%69%6d%61%67 %65%73%2f%69%74%65%6d%73%2f%31%32%32%32%36%30%34%3 9%30%36%66%32%36%32%35%68%2e%6a%70%67)


http://forum.hwaml.com/imgcache2/hwaml.com_1294990492_573.gif
ربي يتمم لينه ونشوف أولادنه في أحضانه سالميين مملؤيين بالصحه والعافية بحق يوم الجمعه وعظمته

[Om KHaled]

السلام عليكم ورحمة الله وبركاته



* اقرأوا هذا الدعاء*
*أن شاء الله الله بيسر أموركم كلها *
*لا إله إلا الله الحليم الكريم*
*لا اله إلا الله العلى العظيم*
*لا اله إلا الله رب السماوات السبع و رب العرش العظيم*
*اللهم إنا نسألك زيادة في الدين*
*وبركة في العمر*
*وصحة في الجسد*
*وسعة في الرزق*
*وتوبة قبل الموت*
*وشهادة عند الموت*
*ومغفرة بعد الموت*
*وعفوا عند الحساب*
*وأمانا من العذاب*
*ونصيبا من الجنة*
*وارزقنا النظر إلى وجهك الكريم*
*اللهم ارحم موتانا وموتى المسلمين واشفي مرضانا ومرضى المسلمين*
*اللهم اغفر للمسلمين والمسلمات والمؤمنين والمؤمنات الأحياء منهم والأموات*
*اللهم ارزقني قبل الموت توبة وعند الموت شهادة وبعد الموت جنة*
*اللهم ارزقني حسن الخاتمة*
*اللهم ارزقني الموت وأنا ساجد لك يا ارحم الراحمين*
*اللهم ثبتني عند سؤال الملكين*
*اللهم اجعل قبري روضة من رياض الجنة ولا تجعله حفرة من حفر النار*
*اللهم إني أعوذ بك من فتن الدنيا*
*اللهم أني أعوذ بك من فتن الدنيا*
*اللهم أني أعوذ بك من فتن الدنيا*
*اللهم قوي إيماننا ووحد كلمتنا وانصرنا على أعدائك أعداء الدين*
*اللهم شتت شملهم واجعل الدائرة عليهم*
*اللهم انصر إخواننا المسلمين في كل مكان*
*اللهم ارحم إبائنا وأمهاتنا واغفر لهما وتجاوز عن سيئاتهما وأدخلهم فسيح جناتك*
سبحان الله وبحمده سبحان الله العظيم عدد خلقه ورضى نفسه وزنة عرشه ومداد كلماته
*وبارك اللهم على سيدنا محمد صلى الله عليه وسلم*

[طفلي حياتي]

السلام عليكم
شخباركم
جمعه مباركه وفيها مايسر الخواطر للجميع ان شاء الله
وشموس مادري البارحه باركت لش لولا نسيت عموما الف مبروك ملاكي وتتربى في عزكم يارب وتشوفونها عروس بصحه وسلامه
وفلونه اني دخلت عشان اراويش ويهي لا تمرضين مافينا شده غبت يوم انعفستين قلت خلاص بحاول ان شاء الله لو اطل عليكم... روحي شوفي ويش في دبتش احسن لش
مع السلامه

[om khalil]

جمعه مباركة لكل الحاضرين والغايبين

مبروووووووووووك شموس ما ياكم وتتربى في عزكم ان شاءالله وايد استانسنا لش وكنا نحاتيش... الحمدلله عقبال باقي بنات التاسع ان شااءلله بالسلامه يارب..

رايحة بيت ابويي اشوفكم على خيررر

[om khalil]

طفلي مره كنت شايفه صورة فيها تجهيزات المواليد البنات والصبيان عفر في المنتدى هنا شوفيها وايد بتفيدش، البارحه نابصه القبايل عن خاطري اخذت اللي تنظف الخشم خخخخ

[rose soul]

السلام عليكم جميعا
جمعة مباركة..حبيت اسلم عليكم..واستودعكم اليوم .. بنرووح البيت العود.. اليوم التجمع العائلي..
مع السلامة حبيباتي..

[فلونة]

مسااء الخيرر،، جمعة مباركة..

كلكم شاردين تتيمعون .. الله يجعلها جمعة خير وتستانسون مع اهلكم .. وانا عقب شوي بانزل حق خالتي .. طفلوو اشفيج هالأيام يازعم كله بزي وماعندج وقت .. وزين انج استأذنتي مني قبل لا اطلعين عرفتي المعروف :p

نجوفكم في الليل اذا الله كتب لنا عمر ويااكم ..

[Roze]

صباحكم سكر

وجمعة مباركة علينه وعليكم

اي الكل اليوم هارب اني اليوم بعد في بيت ابويي تجمع العايله نشوفكم علا خير ان شاء الله

[بنوتة حلوة]

السلااااااااااام علييييييكم

[بروفكشن]

وعليكم السلااااااام


هلا بنووووته شخباااااارك مع التعب

[أم حماني]

مساء الخيرات

[حنين للماضي]

السلام عليكم

الف الحمدلله على السلامة شموس
عن جد فرحت ليش
عقبال باقي البنات ان شاءالله

شكراً على اللي سألوا عني
ونفس ما قالت روز اني ادش ومرة وحدة اختفي
لأن ساعات ماحصل وقت او مالي مزاج اقعد على النت

المهم حبيباتي طمنوني عليكم؟؟
اما اني شكله علاوي عاجبنه التاريخ مايبي يقدم

ام حماني طمنينا على حمني راحت الصخونة ان شاءالله؟؟؟

بنت الايويد ياااااااارب يوفقش وتفتكين من هالامتحان اللي مو في وقته ان شاءالله

تعالوا صحيح فلونة وام خليل شخبار اسنانكم؟؟

احلام ام ان شاءالله الوالدة اوكي
لاتنسينا في مجلسكم من الدعاء

فتوت ان شاءالله ينزل ضغطش قبل لا تولدين
بتروحين جدحفص؟؟؟
يمكن نلتقي ماتدرين

حبيبة حسوني شخبار الاتهاب عمري؟؟؟

[حنين للماضي]

اني توزيعات ولدي مع البطاقات والجوكليت طلعوا 30 دينار تقريباً 100 حبة
والستاند اجاره بعشرة دينار بعد
يعني كله 40 دينار

يعني امشي مافي احد خلاص؟؟؟؟hwaml5

[أحلام أم]

مساء الخير
هلا حبيبتي حنين للماضي ،تكتبي شوي وتختفيين وكله نقول يمكن ولدت وتردين تيينه إنتين ودبتش الله يسهل عليش الولادة وتقوميين بالسلامه
مشكورة حبيبتي على سؤالش الوالدة الحمدلله رخصوها وزينه ماشاء الله
واليوم ثاني من بدينه عشرتنه ومابنساكم كلكم من الدعاء إنتين بعد لاتنسيني من الدعاء وقت ولادتش
هالأياام بصير مشغوله مع أمي في الماتم وإمتحانات اليهال الله ينجحهم زين إذا طلييت مرة وحده في اليوم

[بنوتة حلوة]

سلاااامووون عليكم .. كيف الحااال شلونكم شخباركم؟؟ شمسويين ؟؟
محد هنيه كلللش ؟؟ داشة من وقت اني بعد!

[om khalil]

مرحبااااااا بنات

عندي احماض طافحه ليي في حلقي ويش الشور ويش اسوي؟؟؟

[أحلام أم]

مرحبااااااا بنات

عندي احماض طافحه ليي في حلقي ويش الشور ويش اسوي؟؟؟
هلا صبااح الخير توي باقووم بقعد دقيقتين وباروح أنخمد إذا قدرت من الغازات
سكتي يأم خليل الحموضه مخليتني مذبوحه البارحه أصيح من كثر ماترتفع في البلعوم وتالي شربت دوى الحرارة الأبيض موكسال عطوني إياه نعيم والليله بعد هيكو يطابخhwaml9

[بنوتة حلوة]

اني بعد حالي من حااالكم .. شي ماكلتنه من مدددة يرتفع ليي فجأة ويظل في البلعوووم مأساااة

أحين احس روحي منتفخة ومو عارفة أقعد .. وفي النص في صدري يعووورني عدل :(

[فلونة]

انا ياية اطل وباررقد

ام خليل.. اكلي خيار او شربي حليب بارد ولا تنبطحين عقب الأكل مباشرة علشان ما ترتفع لج الحموضة

بنوتة.. رحت اليوم مشوار على قولتج وجفت نفس شباكة بنتج الوردية :p

[om khalil]

حنين الماضي
الله يسهل عليش ان شاءالله
الحمدلله اسناني تغب يومين وتيي صايره مثل النوبات
والليله يتني مره وحده واني اتعشى نسيت واكلت جهة الي تعورني
وينهد علي الم مره وحده فظيييييييييع رغم انهم ماكان فيهم الم اليوم بالمره
بس ياني ألم مع دوار ياب ليي ابو خليل دوا من الصيدلية عفر زيت القرنفل
هو نفسه المسمار اللي كنت اداوي عمري به ولا يفيد الا ثواني ويرد

حطيت شوي في عود أذون وخليته على اسناني وعضيت عليه
والحمدلله خدر الألم عندي وراح،، بس ظلت الدوخة فترة على ماراحت بس الحمدلله


رايحه بنام الا طفحت ليي هالأحماض وشكلكم كلكم نايمين ماحد ليي


شكلي بدمن عليه ..

[فلونة]

احلام ام .. الغازات سالفتها سالفة بس انتي ابتعدي عن الاكل الي يسبب غازات حتى لو كان مفيد مثل الخيار المفلوف البقل القرنبيط الشمندر البيض المفيوح وفي لستة طويلة حق الاكل الي يسبب غازات وانتي عارفتها

[أحلام أم]

أني أمس جارتنه عندها الختم مالهم وطرشت عيش مربين حااار
وأني نفسي فيه أكلته من حرارته خشمي إنسد
الله يعين أني الحليب موزين ليي يزيد الغازات وماأحب الخيار لأنه ليين تاكليين واايد يسوي الأبوال خضرة مافي شدة محاتاة

[om khalil]

فلونه
باقوم اشوف ليي خيار عيل عل وعسى رحم الله والديش قومي نامي نوم العوافي ان شاءالله

أحلام أم
الله يواليش العافية ان شاءالله وينجح يهالش ويسهل عليش وقومش بالسلامه ان شاءالله

[أم حماني]

صباح الخير

[فلونة]

حنوون،، انا اسناني خفت بس عندي التهاب في اللثة واستخدم غسوول اسمه لسترلاين حدده حار وماستحمل اتمضض فيه الا ثواني ما يعطي الفايدة المطلوبة ويلا ان شاء الله هالشهرين يعدون على خير .. وانتي الله يسهل عليج وتولدين بالسلامة

ام خليل.. قلت لج جربي الغسوول لا ترى ززين

[om khalil]

احلام أم
مارديتين رحتين الدختر يشوفون لش صرفه ويا هالغازات؟ اني شفت الموت اتذكر في الخمسة الايام الي يوني فيها الله لايعودها ان شاءالله

[أحلام أم]

أم خليل الله يساعدش على ضروسش
والحامل موزين ليها كثرة الأدوية وداومي على المسامير بس لاتبلعيين واحد
زوجي ساعات من ألم ضروسه ألف له شحنة مسامير في منديل ويظل طول الشغل خاش له كم واحد بين ضروسة

[أحلام أم]

ويش يأم خليل هالدكاترة مايفهموون شي مرة رحت الطوارىء أعرف روحي غازات وهي تبى تسووي لي أشعه وتحاليل مهي عارفه شي ليي
ويش بيسوون ليي أكثر من حبوب الغازات المصاص أني غازاتي صعب تخف ويش أسوي وبس بدبه منفوخه

[om khalil]

صباح النوور ام حماني شخبارش وشخبار الصغير
نسيت اعزيش عظم الله اجركم

فلونه، تقولين الغسول حار؟ بس يروح الألم على طول؟
يعني افضل من اللي اني استخدمته تتوقعين؟ لانه هذا حطيته وثواني والألم اختفى وتخدرت عندي المنطقة شوي وتالي عادي

[فلونة]

طفلوو هل يومين مادش نفس قبل مايندرى اشفيها البنية تتعزز والله تدلع النحيسة

احلام ام،، دام عندكم الماتم احين ادعي لي الله يتمم حملي على خير واولد اول مادش التااسع واجوف البيبي سليم ومعافى والله يعطيني اللي في بالي << جني مصختهاا لا :p

المهم بطات تصبحون على خيرر

[أحلام أم]

تصبحيين على خير حبيبتي فلونه ومابنساكم كلكم من الدعاء في الماتم وفي كل مكان

[om khalil]

فلونه
الله وياش، وطفلي من اشترت هالتسع شباحات نيوبورن تكبرت علينا ههههههههههه

احلام أم
هذا نفسه زيت المسمار اللي عندي وزوجي سال الصيدلي ان كان زين للحامل قال عادي
واني من شفته خمدني بسرعه خلاص هيكو في شنطتي وين ما أروح اسهل من هالمسامير ومفعوله اسرع

[أحلام أم]

الله يشافي حبيبتي أم خليل وخلي زيت المسمار رفيقش في كل مكان مادام يخمد الألم عندش والله يقشع هالألم عنش
شكلي بقوم هالغازات عندها أشواط وباجر عندي شغلة الصبح نسأل الله التوفيق لها بحق الزهراء (ع)

[بنوتة حلوة]

قمتوووون عجل .. يعني كلش ماتقعدوون ؟؟ اجازة يااعالم .. اني مادري شلون فيني النومة يعني مو مقتنعة ! بس يعني مافيني شدة انام من احين احس واجد من وقت ..

[أحلام أم]

تصبحووون على خير وإسمحولي أنسحب من مجلسكم
أم خليل الله يعطيش العافية إنتين ويهالش وأشوفش على خير حبيبتي
أحلااااام سعيدة للجميع إنتون والأبطال إللي في دبيبكم ترااهم يحلموون

[om khalil]

الله وياش احلام أم
اني اولردي كنت منبطحه بانام من 11 ونص اليهال مقعديني اليوم من صباح الله خير
بس هالاحماض طفرتني

[أم حماني]

اجرنا واجرج ام خليل

[أم حماني]

الظاهر مشيتوا وانا توني .. شخباري؟؟ هههههههههههههه كنت العب بلعبه و وايد انشديت معاها

[بنوتة حلوة]

اني متمللة بعد .. مادري شسسوووي .. ومابي أنام كلش !

[أحلام أم]

توي راجعه من التصوير الرباعي
ولكم الموجز دعواااااااااتكم
بناات اليوم رحت سويت تصوير رباعي وأخرتني إسبوع يعني موعد الولاده إنشاء الله 17\5 بدل 11\5 وأني من الأول يعني مأخريني إسبوع وفي التوقيع على هالموعد
وبعديين الجنين طول الوقت عاطني ظهره كان نفسي أشوف وجهه حاولت الدكتورة بس مادري مهو راضي ينعدل أشوف شكلة وقالت نفسي أعطيش صورة له بس مايرضى يعطينه وجهه وعطتني صورة ملونه معطيني ظهره <<إهيء إهيء
عااد من زمان أنتظر هاللحظه ،وبعد لأنه مكبوب على وجهه والأعضاء التناسلية ليين تحت ورجايلة مضمومه ماأكدت لي جنسة عدل أول شي قالت ولد وبعديين بنت وإتقول الإسبوع 28 تعالي بأكد لش يمكن يعدل وضعه
بس شي محزنني الحبل السري ملفوف على رقبته وشفته بعيوني ويش أسوي في إحتمال ينفك عن رقبته
عطتني سي دي وتقرير بس خايفة من إلتفاف الحبل السري أبوي راح معااي ويقول يعني الجنين مشنوق <<<< خوفني زياادة هو يمزح بس إشتغل الوسواس ،أبويي مادخل ويايي لأنه أبويي عيييب يدخل بس خبرته وشوفوا ويش قال ويستدعي يقول يارب بنيه يبى بنيه يحب البنات

[طفلي حياتي]

السلام عليكم ورحمة الله وبركاته
شخباركم وشخبار دبيبكم وشخبار الوالدات منكم وبيبياتهم؟
اني ياطويلات العمر اخر الاسبوع كله طايره افهموها ماقعد في البيت اروح بيت ابوي
يلا اني هنا الحين لحق ماتلحق شوي وبمشي

[Roze]

احلام. خساره ماعطاش وجه ولدش بس اهمشي تطمنتي عليه من مجاميعوو

ويش الحل ويا الحبل السري مايتبطل بروحه يعني ؟؟؟



طفلوو اني قلت كله هايته لانه لو قاعده في شقتش ماتقدرين ماتقعدين ايدش تقرصش

[Roze]

اني اليوم بروح بيت عمي ماعندهم وايرلس مابرجع الا الليل بعد

يالله في امان الله ابروو ذمتنه

[طفلي حياتي]

ويش فيش روز حبل سري وماسري ويش صاير؟

[فلونة]

مرحبا بطاات

احلام ام سويتي رباعي عند فهيمة او من
و لا تحاتين دام الدكتورة قالت لج ينفك بروحه الحبل السري وان شاالله ماعليه الا العافية بس انتي لا تحاتين وشنو كان شعورج اول ماجفتي البطل الي في بطنج والله يعطيج اللي في بالج
انا وايد افكر في الحبل السري من اشوي توني قايمة من النوم وشكلي كنت ناسية عمري وانا منبطحة كله علا صوب اليمين وصار لي كله خطوط من الفراش وحسيت ولدي محشور حده ومستحمق صج انا غبية
جان رحتي ويا ابو اعيالج فرصة يجوف وياج ويطمنج لانه احنا البنات وايد يوسوس وعلا موعد السونار اخرتج كل تاخيرة وفيها خيرة انشالله

طفلو يا المفهية روحي جوفي الصفحة الي قبل واصلن من قال لج قعدي ها
انا باروح بيت ابوي بس انطر سي السيد يقعد

[فلونة]

ام خليل انا الغسول الي استخدمه وايد فادني حق التهاب اللثة بس ما يندرا شنو مفعوله ويا ضروسج بس للحين اذا اغسل اسناني تعالي جوفي نزيف شلون ما يوقف الدم يبيلها علاج عقب الولادة انشالله

انا عندي استفسار بس مو وقته احين ولا اعرف اعبر عن شعوري بالتلفون اذا فتحت اللابتوب باستفسر منكم

[طفلي حياتي]

يو ياعلي اني بروحي يوميا على هالحاله كله اخاف من انقلب احس بألم في بطني واقول ياربي تستر على بنتي من التفاف الحبل
اني ساعات اقول احتمال ان عادي يلتف ويتعدل لان الحبل طويل والمكان صغير فشي طبيعي يلتف لكن الحافظ الله يحفظنا ويحفظ اجنتنا من كل سوء لاتحاتين وكلي امرش لله احلام واطلبي من الله ان مافي شي ثانيا انتين شفتينه بعيونش ليش ماكلمتين الدكتوره عن السالفه؟؟
فلونه هلا والله وينش ووين يقعد الحجي قعدي انرزي مكانش خخخخ

[طفلي حياتي]

فلونه حاولي تكتبين استفسارش الحين لان فرصه شايفتني والاستفسار مجاني هالحزه

[أحلام أم]

مرحبا بطاات

احلام ام سويتي رباعي عند فهيمة او من
و لا تحاتين دام الدكتورة قالت لج ينفك بروحه الحبل السري وان شاالله ماعليه الا العافية بس انتي لا تحاتين وشنو كان شعورج اول ماجفتي البطل الي في بطنج والله يعطيج اللي في بالج
انا وايد افكر في الحبل السري من اشوي توني قايمة من النوم وشكلي كنت ناسية عمري وانا منبطحة كله علا صوب اليمين وصار لي كله خطوط من الفراش وحسيت ولدي محشور حده ومستحمق صج انا غبية
جان رحتي ويا ابو اعيالج فرصة يجوف وياج ويطمنج لانه احنا البنات وايد يوسوس وعلا موعد السونار اخرتج كل تاخيرة وفيها خيرة انشالله

طفلو يا المفهية روحي جوفي الصفحة الي قبل واصلن من قال لج قعدي ها
انا باروح بيت ابوي بس انطر سي السيد يقعد
سويته عند دكتورة حكيمه واايد زينه أخلاقها روعه وتاخذ وقتها ،ويش شعوري ماشفت وجهه مادري وجهها ومثل ماقلت عاطنه ظهره ولاصق بالمشيمه من ورى
زوجي في الشغل وهو ماكان يبى أسوي السونار فرحت مع أبويي
الله يطمن قلبي ياررررب وينفك من على رقبته
أشوفكم بعديين زوجي وصل

[فلونة]

طفلو يا طفلي المعجزة يبيلها قعدة السالفة مابي اقولها علا الطاير وماظنتي بتعرفين تفتين فيها سنفورة وحلوة ذي مجاني هالحزة هههههههههههههههه امصدقة روحج انتي
انا باروح اقعده جان يمدينا نوصل يبيلنا نص ساعة في الدرب
اجوفج عقب شهرين زين ماوصيج يا المغرورة

[طفلي حياتي]

بل شهرين ليش تفاولين
صدق بشه
يعني بتولدين وبتخلصين وبعدين بتدخلين
بس تدرين قفلنا وقت الاستشاره خلي ريلش ينفعش روحي
مع السلامه

[om khalil]

مسااااااااء الخير

توي اليوم رفيقتي متصله ليي من جهة تسجيل بتي في المدرسة وفحص الدختر بدا شهر 1 واني مفهيه حدي باشوف جان باجر اروح..

متمللللللللله حدي، سيارتي في الكراج واليوم سبت اجازه وعندي مشوارين لازم اسويهم وهذاني مقعده .. فيي نومه عفر بانام قاعده من غبشه ويا هالمعفرين


أحلام أم ،، ماعليه شر ان شاءالله يارب يرجع لوضعه الطبيعي وكلي امرش لله وانذري ويارب مايخيب رجاش ان شااءلله
وحكيمة وين عيادتها؟ ولازم موعد؟ لو اوصل وأهبد؟


طفلي،، يالفقيلة لش فيًًًًه أمس وايد..

فلونه،، قولي ويش عندش... اني اليوم الحمدلله ماحسيت بهالالم يارب ماحس به لولادتي يارب

[om khalil]

سؤال
جيفه تحصنون روحكم عن العين؟ وولادكم بعد؟

[طفلي حياتي]

هلا ام خليل
شخبارش وشخبار اليهال
اني بعد يبغي لي تحصين عدل وفي طرق وايد ومنها قراءة آية الكرسي مع المعوذات يوميا الكوراني يقول ولا يصيدش شي لو تسوينهم
اني تصدقين ام خليل العين تهلكني هلاك ومن اروح يدرعون ليي تطلع عيون كبيره مالت مرا وريال على طول هالطريقه على طول لو ادرع مرتين في اليوم تطلع نفس العين مادري من مترصد ليي
بس اذا شفت روحي محترقه حراق ووضعي لا يحتمل قريت اية الكرسي والمعوذات
وقولي احتجز من الناس كلهم ببسم الله الرحمن الرحين وبقل هو الله احد اقريهم عن يمينش ويسارش وفوقش وتحت وخلفش وامامش
واني خايبه حد حدي حتى هالكلمات البسيطه اتعييز وماسويهم
طلعي صدقات بستمرار والحافظ الله

[أحلام أم]

روز
ويش دراني يختي شلوون ينفك الله يستر ويطمن قلبي في المرة اليايه وعالعموم موعدي ويادكتورتي إسبوع الجاي وبشوف ويش تقتي ليي بعد
طفلي حياتي
أني موكله أمري لله ومتوسله بأهل البيت وربي يتمم لي وأشوفه سالم وبصحه وسلامه
أم خليل
عيادة الدكتورة حكيمه فوق روياان - البديع
وياارب ماعليه شر ولا ضر جنيني وأبنذر يختي وعلى الله وأني كله نذور والله مايخيب من لجأ وتوكل علية
أشوفكم وقت ثااني إذا الله أراد hwaml7

[ام السادة]

السلام شخباركم شعلومكم

[أحلام أم]

أم خليل
صحي لازم موعد ،أني أمس يوم الجمعه وكنت مهونه عن التصوير الرباعي بس إتصلت ولاأحد شاله يوم الخميس لأنه العيادة تبنذ المساء وأمس ماشفت إلا إتصال من إنجليزيه ترطن ليي أقول ليها الرقم غلط تقول لا موغلط هذي عيادة دكتورة حكيمه تبين موعد وحيرتني والله كاتب تذلل ليي دلايل يختش وأروح وكل حيين تأكد ليي الموعد حتى قريب التيم مالي إتصلت تتأكد بس طيبه سكرتيرتها وهي أطيب يعني لازم موعد وتاخذ في التصوير نص ساعه تقريبا حاولت يعدل وضعه علشان تصوره ليي وأشوف ملامحه لاكن مو راضي أشوفه
بس محزنني سالفة الحبل السري شلوون إنلف شكله لفتين وشلون ينفك وهو بعد مو حركته لهناك علشان في لحظة ينفك ولو مو الدكتورة راوتني وخبرتني والله أني ويش دراني ويش فيه وركزت على منطقة الرقبة بألوان خضرة وحمرة علشان تبين موقع الحبل السري
ربي ييسر أمري ويقر عيوني بسلامته لاتنسوني من دعواتكم
مع السلامه

[أم حماني]

السلام عليكم

[أم حماني]

ليش انتوا كله محد

[بنوتة حلوة]

وشحووووالكم ؟؟ شمسوييين ؟؟
اليوم اني حالتي حالة ترجيع واسهااال كله من الأكل مال البارحة واليوم بعد ما أكلت شي عدل كل ما آكل شي اطلعه :(

واحين مجودتني مغصة مو راضية تفج , الله يستر بسس آخر مررة صادني جدي وزاد الألم ويوم رحت التخصصي رقدوووني :(
احين مابي جدي .. ابي اعالج روحي بأي طريقة :(

[أم حماني]

ماتجوفين شر بنوتة حلوة

[بنوتة حلوة]

مشكووورة خيووو شر مايجيش ان شاءالله :(

شخبارش انتين وشخبار ولدش ؟؟ ويه افتكيتين من الحمل وبلاااويه اني احسب الاياااام بس ابي اولد من هالامراض والعلل اللي كل يوم بسسس

[Roze]

هيك لكان

بنوته اشربي قلاص مرقدوش وسوائل بزياده عشان الاسهال والترجيع لا يسبب جفاف

[أم حماني]

معليه فتره وتعدي بنوتة حلوة .. بعدين بتحسين كأنها كانت حلم .. انا ولدي فقير hwaml42 اليوم طلعت له حراره عودة في شعره ... وديته عند دكتورة جلديه قالت لي فيه بو شنيتر hwaml80

[om khalil]

طفلي حياتي
نفس الشي مانترقع كله تدريع في تدريع يارب لطفك بنا فكنا من شر الحاسدين
اللي يحسدون حتى على القطين الحمدلله والشكر

اني اذا اشوف احد ادري به عينه حاره او اشوف روحي منعفسه اقرا المعوذتين واية الكرسي واقول
اعيذ نفسي وامي وزوجي وذريتي واهلي ومالي بكلمات الله التامه من كل شيطان وهامه وعين لامه بحق محمد واله الطيبين الطاهرين..

بس قلت اسئلكم يمكن فيه جمله قصيرة احفظها وارددها على طول، الله يحفظنا وياكم من شر الانس والجن يارب..

[om khalil]

أحلام أم
ان شااءلله ماعليش شر يارب تتعدل وضعية الجنين ويتباعد عنه هالحبل السري يااارب.. طمنينا ويش يصير وياش في الموعد.. يارب خير

ام حماني
ولدي ياه شنيتر وهو ولد ثمانية اشهر
الله يعينه حماني على التفصخ والكريم في هالبرد :(

بنوته
ماعليش شر ان شاءالله كثري سوائل واشربي مرقدوش والله يرفع عنش الضر يارب

[أم حماني]

مسكين وايد يصيح ام خليل ... والمشكله الياهل مايشتكي ...

[أم حماني]

طف طف عطينا ويه واتركي عنج الحسد وسوالفه بس حصني نفسج وتوكلي على رب العالمين

[حنين للماضي]

السلام عليكم

بنات طالعوا بث مباشر من ماتم بن خميس لملا سعيد المعاتيق الساعة 9:30 مساءً
ولا تنسونا من الدعاء

بدخل عقب بقرأ سوالفكم

[om khalil]

طف طف من الليله بتحصلينها مداومه خلاص خلص الويكند

مسكين ولدش الحين بصير لازم تفصخينه ثيابه تحطين عليه كريم اني ولدي بعد صاده وهو ولد ثمانية شهور وعدى اخته، افتكينا

[om khalil]

حنين زين على أي قناة

ولو اني منبطحه وبتي نايمه ماقدر اشغل تلفزيون

[طفلي حياتي]

السلام عليكم
اني ييييييييييييييييييييييييييييييت وتوني واصله من بيت ابوي ورحت تسمعت المعاتيق مباشره مو على موقع خخخخخ
عفر صدق عجيب هالريال
ام حماني هلا والله اني والله متعوده على الحسد عادي حياتي ماشيه وياه تعودت على الدمار بس ام خليل تسأل وشنسوي له وسولفت وياها عن الحسد اني ماييب طاريه بتاتا متعايشه وياه :)
بنوته بقاياش هالبلوه بعد روحي المستشفى احسن لاتلعبين بروحش
حنين القمر ماتبينين الا قليل اذا خلصتين تسموع تعالي
احلام ام الله يطمن قلبش وقلبنا كلنا على اجنتنا يارب
فلونو يلا امشي ابغي العب بحسبتش شوي

[طفلي حياتي]

ام خليل على النت مو التلفزيون تقصد حنين

[om khalil]

اشتغل الحااارق

[طفلي حياتي]

ماعليش شر ام خليل اشربي حليب بارد اذا عندش او اخذي الدوا الابيض يقولون السمسم زين اكلي سمسم قعدي قوضي فيه اذا عندش

[بنوتة حلوة]

هلكت بطني كله يعورني .. مي حالة أمة دي :(

[حنين للماضي]

عدنا من جديد

طفطف عليش بالعافية
احنه بعد يقرأ في ديرتنا ساعة 9:30 بس كلش مافيني شدة اروح واقعد ساعة وحدة وكفاية شقتي طابق الثاني

هاليومين زايد الم اللي تحت
ياااااارب يشرف علاوي بسرعة

[حنين للماضي]

يلا حبوبات نراكم وقت آخر
رجع بوالشباب من الماتم بروح اقعد معاه

[طفلي حياتي]

هههههههه بنوته روحي المستشفى مو زين
حنين الله يسهل عليش يلا قربت ساعة الصفر وبتشوفين احلى علوووي
اي والله كان يقرا 3 ليالي توني الليله رحت نفسيتي كله زفت وبس اقعد فبيت ابوي بروووووووووووحي ولا اطلع مكان من الزق بس ما اطلع معنه قريب المكان والليله عزمت ورحت لكن استانست الحمدلله

[شمس الصباح]

دخلت على السريع اسلم عليكم واعرف اخباركم اسمحو لي لاني ما ادخل وايد بس كلش ما عندي وقت امتحانات اليهال غير ان ملاك فيها ابوصفار والضيوف من صوب

مشكورين على التهاني وربي يبلغكم ويسهل عليكم يا رب

على فكرة لا تنسون بنتي من الدعاء لان طلعو فيها الف شي قالو ان القلب فيه صوت وعطوني موعد يوم الأربعاء اذا ما راح الصوت بيحولوني على اخصائي القلب غير بعد عندها تحويل على السلمانية يقولون فيها نزله في ظهرها عطوني اليها موعد سونار والطبيب موعد ثاني دعواتكم بنات لاني كلش نفسيتي زفت

احلام ام ما تشوفين شر وان شاء الله نسمع منش اخبار زينه

بحاول ادخل بكرة اذا اللة كتب

[طفلي حياتي]

اوكى خنون وقت ممتع نتمناه لكم

[بنوتة حلوة]

الله يخليها ويحفظها ليش خيوووو وان شاءالله ماعليها شرر .. الجهال الجدد مناعتهم كلش ان شاءالله مافيها الا العافية وكله اقري عليها قرآن ..

خيووو لكن ماقلتين لينا قصة ولادتش ودا ..

[طفلي حياتي]

يو ياعلي شموس الله يفرج ليها بحق محمد وآل محمد وبحق كريم اهل البيت انولدت بأيامه
الحين تذكرت صديقتي اللعام والده وولدها الف عله وعله قالو فيه ورقدوه فتره لكن الحمدلله رب العالمين ببركة اهل البيت وبركة ابوفاضل مافيه شي الحين الحمدلله رب العالمين
ويارب بنتش بعد مافيها الا العافيه يارب

[بنوتة حلوة]

اي والله ان شاءالله مافيها الا العافية ..

اني ألم البطن يجي ويرووح آخر مرة صادني جدي خيووو رحت المستشفى ورقدووني ومافيني شدة هالمرررة ترقيد وغفصة .. ومابي يعطوني ادوية وخرابيط .. بصبر على هالسالفة أحين وباجر نجوف يحلها ألف حلال

[طفلي حياتي]

اني بعد اكلي كله هرار ولا اهتم لصحتي ولا لنوع اكلي يطوف يوم كامل واني على جبس وعصير ساعات
الحين اكلت خبز ولبن كأني وضحه مرت غليص في خيمتي خخخخخخ مال خلق شي وعورني بطني الحين :(

[Roze]

طف طف اكلي لاتندمين تالي خوب ماتاكلين لروحش عندش بيبي مسكين يصيح يبي اكل فوحي لش بيض وقرضي فيه

[om khalil]

طفلي قمت اكلت ليي خيارتين عل وعسى

شموس على افادي ماعليها شر بتش ان شاءالله يارب تتطمنين عليها وكلي امرش لله وانذري لام البنين وان شااءلله مافيها العافية يارب الحافظ الله يختي

[Roze]

ام خليل عليش بالعسل الطبيعي يشفي من كل شي

[om khalil]

عورش بطنش من اليوع يطفلي لانه انزهق مو لا
هالمره خلي لش كورن فلكس وحليب ومشي العزا
احسن من هالاجباس

[om khalil]

عندي عسل هيكو في الفلاجه بس ماقادره على حلاوات بالمره احس الحارق ياني من هالكافي الي علفت فيه البارحه والليله بعد باقوم اقطه استغفر الله ربي لا ومشتريه ليي سته

[Roze]

شمس ماعليها شر بنوتتش وان شاءالله تتطمنون عليها مافيها شي بحق الامام الرضا وهذي ايام وفاته يارب تطمن قلبش وقلب ابوملاك وماعليها شر ان شاءالله

[بنوتة حلوة]

هاكم هالموضوع محصلتنه واني ادور شلون اسوي توزيعات ابغي ابدي فيهم قبل لا بعدين أطفشش وما أحصل فرررصة

http://www.lakii.com/vb/showthread.php?p=2204301#post2204301

[ام السادة]

ويش احوالكم موجودين لوهربتوون

اخر اخباري قدموا موعد الولادة من 2-3 الى 18-2 يقولون الياهل راسه كبير والله يستر يقولون بيسوون متابعه اسبوعية بالاشعه والله يسهل اني خايفه حدي

[طفلي حياتي]

ام خليل مخلصه ماجلتنه صار لها جمن يوم وعلى تناتيف عايشين المدير امتحانات وانجان فيني خير ابطل بوزي اصبري واصبري
كنت اعلف في الكورن فليكس اسهل ليي والله

[Roze]

افكر مااسوي توازيع هالفلوس الي تنصرف بطلعها صدقه عن عمري وعن بتي وصينية حلاوه كشخه وانتها الموضوع

[rose soul]

مســــــــــــــــــــــــــــــــــــاء الـــــــــــــورد

[Roze]

hwaml4hwaml7قد نايت

[طفلي حياتي]

والله اني بافوض امري لله والمكتوب مامنه مهروب اشوف هذي القصه الثالثه اليوم انتين واحلام ام وشموس ربي يستر على الجميع ويسهل اموركم يارب .... اممم ام الساده يمكن هذي من شلخ الدكاتره المعتاده كبير صغير مادري ويش مافيه الا العافيه ان شاء الله

[om khalil]

ام الساده
ماعليش شر ان شاءالله اكيد قالوا لش الراس كبير لانش متقدمه اكثر من اسبوع يعني الحمل صار بعد الدورة مباشرة... الله يطمنش ان شاءالله على جنينش وعادي متابعة التاسع كل اسبوع،، ان شاءالله مافيش الا كل خير وكلي امرش لله وهو كفيل بش وبجنينش

طفلي الله يساعدش عيل على الاجباس على مايخلص سي سيدش من الامتحانات الله يوفقه ان شاءالله
امبا انام بس صوت الرياح عاجبني هههههههههه
عجيب الجو جو رومانسي موو

[طفلي حياتي]

مساء الخيرات روزاتي