ديوانية البحرين - دردشة حوامل البحرين - البحرينيات [الأرشيف] - الصفحة 14

فلونة

11-07-2010, 03:39 PM

ايي ام حماني انتي عقب ماسافرتي فقدناج صار مكانج خالي في الديوانية

باسألكم اقصوصة وام حماني بداية حملكم ياكم احساس شنو نوع البيبي في فيكم ؟؟

لانه انا من بداية حملي وانا احساسي ان فيني بنت واختي قالت لي اهيه بعد فترة حملها

كان عندها احساس ان فيهاا بنت قبل لا يسوون لها سونار ويقولون لها شنو فيها

أم حماني

11-07-2010, 03:41 PM

انا كان احساسي بنت و طلع غلط هههههههههههههه
لانه انا خاطري في بنت

اقصوصه

11-07-2010, 03:41 PM

فلونه انا عن نفسي لا

فلونة

11-07-2010, 03:50 PM

اي لانه اناا احساسي بنت وزوجي يقوول لي احساسه ولد لانه خاطره في ولد،، وانا ميتة ابي اعررف شنوو فيني،، والاهم ابي اطمن عليه يكون سليم معافى ادعووا لي بنااات
حتى الاسم ما استقريناا عليه للحين :s

أم حماني

11-07-2010, 03:50 PM

في ناس يصدق معاهم الاحساس وناس لا ..

فلونة

11-07-2010, 03:54 PM

الله كرريم ،، باغير الموضوع لانه صرت احن واايد على هالسالفة اهني وسندرت زوجي بعد حتى خالتي تقوول لي بسج من هالحنة مب زين وجهزي لج شي بسيط

شخبار تجهيزاتكم للعيد ،، شنو شريتي حق حمني ،، اختي تبي تاخذ حق ولدها ثووب وانا مب راضيه وين بتحصل كبره يوم العيد بيكمل 17 يوم الله يحفظه

أم حماني

11-07-2010, 03:57 PM

بشتري له جم بدله بس صبحية العيد ابوه خذ له ثوب اماراتي .. انا مب عاجبني وايد لانه ابي البسه سديري مع قحفيه ومايناسب مع الثوب الاماراتي ... جان زين اعرف اسوي له حمدانيه

اقصوصه

11-07-2010, 04:04 PM

مب عايبنج الثوب الاماراتي ها؟

أم حماني

11-07-2010, 04:06 PM

هههههههههههههه لا والله عاجبني بس لازم معاه حمدانيه وانا ماعرف اسويها .. ومابي البسه الثوب بروحه بدون شي على راسه

فلونة

11-07-2010, 04:09 PM

ايي حلات عيد الاضحى بالثووب ،، و احين توه صغير لبسيه قحفية ارتب له من الحمدانية السنة الياية ان شاء الله سوي له .. وانا من الحمال مو مفتكرة في العيد نفس قبل..عيد الفطر مر علي وما كشخت نفس كل مرة واحين بعد فصلت لي فستان ناعم وخذيت لي شنطة وبس ما لي خلق اطلع السوق .. اللعام نفس هالحزة كنت توني متزوجة وريلي خذ لي حيية :p

أم حماني

11-07-2010, 04:11 PM

انا ذاك العيد كنت والدة هههههههههههههه وماشريت اي شي حق العيد وناويه اعوض هالعيد بكشخ كشخه مب طبيعيه

فلونة

11-07-2010, 04:18 PM

ايي والله حتى نفسيتج تتغير،، عاد صووري ويا حمني وابووه .. انا خاطري اسوي لي دفة نفس الي هابين فيهم البنات احين السترج الملوون بس محتارة اسوي احين او انطر لي عقب الولادة

أم حماني

11-07-2010, 04:25 PM

اذا في خاطرج سويها بس عقب الولادة مابتستفيدين وايد منها .. على اني تميت البسهم لانه الجسم يتغير وبتم فيج دبه فتره

فلونة

11-07-2010, 04:32 PM

انا استأذن احين مواعين الغدى للحين ما غسلتهم ،،
ننجوفكم بعديين

أم حماني

11-07-2010, 04:33 PM

اوك ... الله يعطيج العافيه

اقصوصه

11-07-2010, 04:56 PM

شووو تسوون؟

فلونة

11-07-2010, 06:21 PM

بنااات خاطررري في بو فرووووة :(

ويصير اشرب زنجبيل اوو مب زين حق الحامل؟؟

أم حماني

11-07-2010, 06:24 PM

انا كنت اكل حبوب زنجبيل ... واذا بتشربين لاتسوينه حار وايد

اقصوصه

11-07-2010, 06:31 PM

فلونه انا اللي اسمعه ان الزنجبيل يخلي الطلق يزيد

يعني لو ما كنتي فالتاسع مب زين تاخذينه

أم حماني

11-07-2010, 06:34 PM

انا حمواتي قالوا لي عادي بس يكون مع حليب وشوي بس ... اذا خايفه لاتشربين احسن

نورالدنيا

11-07-2010, 06:38 PM

لا نور الدنيا ضافوووج ... ارجعي شوفي الردود جم صفحه ورى بتلاقين طفلي حياتي حطت التوقيع من عقب ماضافوج

يعطيج العافية أم حماني ع الرد بس ما اشوف اسمي في التوقيع شلون احطه

أم حماني

11-07-2010, 06:40 PM

http://forum.hwaml.com/imgcache2/hwaml.com_1289127607_456.gif

شوفي اسمج موجود

فلونة

11-07-2010, 06:40 PM

اتصدقين انا خبري الوحدة تتنسى بداية الحمل بس وتالي تروح النساة،، عاد انا للحين كل يوم خاطري في شي ،، والبارحة يبت من بيت ابوي ملة جلاب وصخنتها احين علشان اكلها ،، وفيها حلبة مب زين حق الحامل بس ماقدر اقاوم ،، والزنجبيل لازم اشرب ويا الحلييب بعدين باسووي لي شوي وعلى الله مابي يصير في بنتي مادري ولدي شامةhwaml02

شمس الصباح

11-07-2010, 06:44 PM

انا هنا

شخبارج ام حماني وفلونة واقصوصة وفجورة وطفلي حياتي

أم حماني

11-07-2010, 06:44 PM

انزين الجلاب حق اللي بالنفاس يعني اكيد فيه اشياء مب زينة للحامل ... عادي تتنسين اي وقت يتراوى لي.. انا للتاسع يصير خاطري في اشياء

فلونة

11-07-2010, 06:46 PM

اهلين شمس الشموسة hwaml02

انا الحمدلله زينة،، انتي شخبارج ويا الدبة؟

أم حماني

11-07-2010, 06:46 PM

هلا هلا شموسة ... تو مانور المكان بنورج ياشمس

شمس الصباح

11-07-2010, 06:48 PM

هلا والله بكم

اووووووو سكتو على طاري الدبة احس ان دبتي صدق الحين تبين عدل خخخخخخخ شكلي كلش يضحك رشاقه هههههههههههههه

فلونة

11-07-2010, 06:49 PM

اي ام حماااني حتى امي تقول لي حطي لج شوي بس،، شاسوي اذا يصير خاطري في اشياء جذي احب هالسوالف،، واليوم هابة على الحلويات الظهر اكلت رهش واحين جلاب والله يعين بعدين

أم حماني

11-07-2010, 06:49 PM

شموسة ... يمكن حامل هههههههههههههههههههههههههه

فلونة

11-07-2010, 06:51 PM

اتصدقون انا دبتي احسها هالجم يوم ولا تغيرت ،، باجر لي موعد وباجوف اذا زاد وزني او لا خاطرري امتن ويتم وزني عقب الولادة ،،

شمس الصباح

11-07-2010, 06:51 PM

اي انه بعد احس صاير خاطري في رشوفه بس اخاف اكلها ويجيني الطلق

شنو اخبار حماني شيخ الديوانية

اقصوصه

11-07-2010, 06:53 PM

فلونه كل الحريم يبون يضعفون بعد الولاده وانتي عكسهم ههههه

أم حماني

11-07-2010, 06:53 PM

حماني حبيبي بخير فديته .. اش حلاته الله يحفظه

أم حماني

11-07-2010, 06:54 PM

انا ميته قهر زايد وزني 10 كيلو .. وصايره كله ابي اكل .. خبركم خذت اجازة طويلة وماعندي شي اسويه غير اجابل ولدي والمطبخ و ريلي دوام

شمس الصباح

11-07-2010, 06:54 PM

شموسة ... يمكن حامل هههههههههههههههههههههههههه

يمكن جدي ههههههههههههههههههه

فلونة وش ليش بالمتن بعد الولادة خلي جسمك يرجع مثل قبل انه من الحين احاتي جسمي عندي جينزات ما لبستهم ولا مرة

اقصوصه

11-07-2010, 06:55 PM

ام حماني انتي لبستي مشد بعد الولاده

وولو لبستي كم استمريتي عليه

فلونة

11-07-2010, 06:55 PM

انا اكللت وعلى الله ،، على قولتهم الي فيه خير يقدمه رب العالمين،، على الاكل وايد اشياء تحرض على الولادة اول مرة اقراها في المنتدى،، خصوصا الاناناس سألت الدكتورة عنه تقول لي اكلي الي نفسك فيه وانا سمعت كلامها والي في خاطري اكله

اقصوصه

11-07-2010, 06:57 PM

فلونه بالعافيه حبيبتي

أم حماني

11-07-2010, 06:58 PM

شريت المشد الاندونيسي ولبسته مره بس .. ساعتين او اقل وشلته ماقدر استحمله هههههههه

فلونة

11-07-2010, 06:59 PM

لا خاطري امتن وايد ضعيفة انااا ومستعدة اقط ثيابي كلهم اذا زاد وزنيhwaml02 ،، ابي اصير بطة ،، مع ان الكل يحبطني يقوولي ما متنتي حتى دبتي صغيررة

اقصوصه

11-07-2010, 06:59 PM

انا المشد العادي بالغصب اتحمله وين عاد الأندونيسي

يعني انتي ما لبستي مشد بعد الولاده؟

نورالدنيا

11-07-2010, 07:00 PM

الظاهر الحمل أثر على نظري للحين ما اشوف اسمي hwaml45

شمس الصباح

11-07-2010, 07:00 PM

اكلي اللي خاطرش فيه تدرين انه صايرة مجرمة اشرب بيبسي اول مرة اسويها في حملي

والمشكله زوجي ما يبغي يزعلني من جدي ما يرفض لي طلب

اقصوصه

11-07-2010, 07:01 PM

شمس حرام مب زين يسبب ترقق عظام للياهل

أم حماني

11-07-2010, 07:01 PM

http://forum.hwaml.com/imgcache2/hwaml.com_1289127607_456.gif

فلونة

11-07-2010, 07:01 PM

تعالي شموسة اش ناوية تسمين بنتج ؟؟

أم حماني

11-07-2010, 07:03 PM

امبله نور الدنيا ... انتي شهر يناير

اقصوصه

11-07-2010, 07:04 PM

ام حماني ولدك الحين انتظم نومه والا بعد؟

شمس الصباح

11-07-2010, 07:04 PM

ما اشرب وايد يعني مرة في سبوع او مرتين

بسمي بنتي ملاك

فلونة

11-07-2010, 07:04 PM

انا بداية حملي كنت اعاني من حموضة المعدة،، وقريت معلومة ان البيبسي يقلل من الحموضة وشربت وصج وايد كانت تخف بس احين ماحب اشرب

أم حماني

11-07-2010, 07:05 PM

انا كنت اشرب بس مب وايد وبالخش لو ريلي يدري ذبحني

فلونة

11-07-2010, 07:06 PM

ايام الثانوية كان خاطري في اسم ملاك ،، حسبالي المرة تقدر تختار الاسم مادريت كلشي في يد الريااال ،، الله يقر عينج بجوفتهاا ويقر عين كل ام بجوفة ضناهااا ان شاء الله

أم حماني

11-07-2010, 07:07 PM

برب لاتروحون

شمس الصباح

11-07-2010, 07:08 PM

اي تخف الحموضة اذا اشربه من جدي اشرب بس ما اخلص علبه كاملة يعني ربع كاس نصف كاس مو وايد
لكن احاول الحين امتنع عنه اخاف يصير في بنتي غازات وما تخليني انام

فلونة

11-07-2010, 07:10 PM

اي اختي احين متأذية ويا ولدها كله يوون في الليل ومعاه غازات ما في حل حق الغازات الي تصيد اليهال؟

شمس الصباح

11-07-2010, 07:11 PM

ايام الثانوية كان خاطري في اسم ملاك ،، حسبالي المرة تقدر تختار الاسم مادريت كلشي في يد الريااال ،، الله يقر عينج بجوفتهاا ويقر عين كل ام بجوفة ضناهااا ان شاء الله

لا فلونة اول ولد زوجي اختارة بس الثاني انه سميته وبنتي كان القرار لي انه اللي اتعب مو هو
اذا اول ولد كيفه بس الثاني لالالالالالالالالالالالا مو كيفهhwaml15

اقصوصه

11-07-2010, 07:13 PM

تيت ام حماني

فلونه شفتي كيف الحياه
كل شي بيدهم هم ههههههه

شمس الصباح

11-07-2010, 07:13 PM

افضل شي انها تبطحه على بطنه فوق صدرها راح يرتاح وهي بعد بترتاح بس تحاسب لا تنام على البيبي

حبيبة حسوني

11-07-2010, 07:16 PM

هاااااااي بنات شخباركم اني شريت لبنتي كل اغراضها وحتى السله والفراش والشنطه شريتهم
وباقي فراش ثاني للحين ماجهز هي للكشخه اني عاطيني موعد 6-2 بس ودي اولد اول يوم في شهري التاسع شنو في طرق سهله لتسهيل الولاده من البدايه غير المشي والجماع ؟؟؟

فلونة

11-07-2010, 07:19 PM

انا زوجي يقول لي اذا ولد انا بختار الاسم واذا بنت انتي اختاري،، واحين غير رايه يقول اول واحد انا الي اختار الاسم ،، واناا مخليته على راحته :p

شمس الصباح

11-07-2010, 07:19 PM

استأذن برب اسوي العشاء

اقصوصه

11-07-2010, 07:21 PM

في تمارين معينه تلقينها في المنتدى تقدرين تسوينها

اقصوصه

11-07-2010, 07:22 PM

فلونه كلهم نفس الكلام

شمس تيت

فلونة

11-07-2010, 07:23 PM

وفي اكل واايد يحرض على الولاادة بتلاقين في المنتدى بعد

اناا خاطري اقوم انظف المطبخ بس ما لي خلق

فلونة

11-07-2010, 07:27 PM

اقصوصة يعني انتي ما سميتي ولا واحد من اعيالج؟

حبيبة حسوني

11-07-2010, 07:27 PM

برب بشرب شوربه

أم حماني

11-07-2010, 07:27 PM

فلونة من شوي وحدة كاتبه موضوع عن دوى اسمه سالينال .. انا ماخليت شي ماسويته حق حماني ... لدرجة وديته عند دكتور متخصص بالجهاز الهضمي ... بس اهوة فتره ويخف

فلونة

11-07-2010, 07:29 PM

ام حمني ،، تدرين حتى اذا بيصيح يوووون كله من بطنه وعليه امعور قلبي نتيفة وغازات والاسبوع الياي بيختنونه ،، وانا اقول لهم صبروا على الولد مب راضي ابوه

اقصوصه

11-07-2010, 07:30 PM

فلونه هذا ثالث بيبي وبعد حرب طويله ومناقشات ومفاوضات قدرت اسمي انا

اقصوصه

11-07-2010, 07:31 PM

أمم حماني ذكرتيني بولدي الاول

ما خليت دكتور أطفال ما وديته له بسبب المغص

أم حماني

11-07-2010, 07:31 PM

بخصوص الاسامي مب كل الرياييل يفرضون رايهم في رياييل عادي عندهم اي اسم ,,
انا زوجي عادي عنده اي اسم .. اهم شي الياهل يكون بصحه وعافيه

أم حماني

11-07-2010, 07:34 PM

اقصوصه يعورون القلب اذا يصيحون من هالمغص والغازات ... قلبي يتقطع عليه والله ...
يصرخ من قلبه

فلونة

11-07-2010, 07:40 PM

احلى شي يكون الاسم بالتفاهم والاثنين متفقين عليه ونفس ماقلتي الفرحة تكمل اذا الله تمم نعمته وانعم علينا بطفل صحيح سليم معافى ،،

فلونة

11-07-2010, 07:43 PM

بنت الاياويد ما دشت اتطمنا على امتحانهاا،، فتووت، ام خليل، وحنين ما لهم حس اليووم...

أم حماني

11-07-2010, 07:47 PM

اتوقعها تدش بالليل .. لانها تطلع من الجامعه وتروح بيت اهلها وترجع شقتها بالليل

أم حماني

11-07-2010, 07:56 PM

وين رحتوا؟

فلونة

11-07-2010, 07:58 PM

في هالجوو كله ابي ارقد على قولة ريلي السبات الشتوي،، ومن مساعة ابي اقاوم النودة لانه اذا رقدت بيخترب نومي
باروح اجوف لي شي يلهيني عن النووم

أم حماني

11-07-2010, 08:02 PM

يالدبة يعني احنا مانلهيج عن النوم

فلونة

11-07-2010, 08:04 PM

هههههههههههههههههه لانه الله يسلمج ريلي في الشغل والشقة سهدددددددة وماميش الا صوت البانكة تخيلي الوضع اييب النودة او لا

أم حماني

11-07-2010, 08:06 PM

ليش سهده ... شغلي التلفزيون خليه يصدح في اجواء شقتج خخخ

اقصوصه

11-07-2010, 08:09 PM

ام حماني والله حتى يوم بنتي تصيح قلبي يتقطع عليها

أم حماني

11-07-2010, 08:10 PM

انا سمعت انه الاولاد يصيدهم اكثر من البنات ... توقعت البنات مايصير معاهم

فلونة

11-07-2010, 08:11 PM

هاليومين مادري شفيني ماحب التلفزيون حتى ريلي اذا بيشغله اقوله يا انا في الصالة او التلفزيوون اختاار :p
والله قعدة البيت لا دراسة ولا شغل تشغل الينون،، باشغل لي قرآن احسن

أم حماني

11-07-2010, 08:13 PM

انا خذت اجازة طويلة ... راحه نفسيه الصراحه من عقب ضغط الشغل ومشاكله

اقصوصه

11-07-2010, 08:15 PM

ام حناني تقصدين ان المغص عند الأولاد بس والبنات لا؟

فلونة

11-07-2010, 08:15 PM

جوفي صور حفلة تخرجنااا والله انا اطالع الصور واتذكر ايام الدراسة ،، حزة البريك اهيت ويا ربعي نرووح النادي البحرري ناخذ لنا نفيش ونقعد نشم هوى البحر العليل :P

http://www.bahrainafter8.com/showImages.php?id=1094&page=1#page

أم حماني

11-07-2010, 08:17 PM

توقعت البنات مايصيدهم

فلونة

11-07-2010, 08:18 PM

لا انه مكتئبة من قعدة البيت،، يمكن لانه توني متخرجة وللحين ما تعودت على الوضع اليديد ومجابل شغل البيت بس ،، الله كريم ان شاء الله اولد واقوم اناا والي في بطني بالسلامة واشتغل
انتي وين تشتغلين؟

أم حماني

11-07-2010, 08:18 PM

عاد ماقلتي لنا انتي اي وحدة

فلونة

11-07-2010, 08:25 PM

ام حمااني عاد ابحث عن فضووولي hwaml02

أم حماني

11-07-2010, 08:25 PM

يعني قصدج ادور وحدة فيها دبه هههههههههههههههههههههه

فلونة

11-07-2010, 08:34 PM

هههههههههههه ،، اتصدقين عاد ما توقعت احد من البنات بيعرف اني حامل
بس من دشيت القاعة واسلم عليهم الا كل من يسألني ها حامل ،، اقولهم اي شدراكم الا يقولوون من خشمج طلع التحليل hwaml02 .. بس الدبة توها صغيررة

فلونة

11-07-2010, 08:37 PM

ترى ما شاء الله الحفلة ثلاثة افوااج وبعض البنات يابوا اعيالهم ،، والي حامل جريب بتوولد ،، معظمهم اشتغلوا حسيت روحي وايد صغيررة بالنسبة لهم

أم حماني

11-07-2010, 08:41 PM

الف مبروك التخرج !! تذكري كلامي احلى شي يصير معاج انج بتييبين اول بيبي لج وانتي ماتشتغلين .. ترى صعبه وايد تكونين تشتغلين واتيبين اول بيبي .. ماتقدرين تخلينه وتروحين قلبج بيتقطع عليه .. على الاقل بتقضين وقت معاه لحد ماتشتغلين ان شاء الله وحزتها اذا يبتي الثاني بتكونين تمكنتي وتعودتي على التربية .. شوفيني خذت اجازة بدون راتب لانه قلبي مب مطاوعني اخلي ولدي واهوة توه صغير

فلونة

11-07-2010, 08:50 PM

الله يبارك فيج ،، تدرين كلامج نفس كلام امي وزوجي وخالتي وكل من يجوفني مكتئبة على سالفة الشغل يقول لي نفس كلامج ،،بس انا مستعيلة على الشغل،، والله ما يسوي شي الا فيه صلاح للإنسان بس طبيعة البشر ما عندهم صبر ،، وكل تأخيرة فيها خيرة ان شاء الله،،،

ان شاء الله اربي البيبي الي ياي في الطريج واييني الشغل على غفلة ،،، وانا مابي افكر في هالسالفة وايد لانه تعبت.. والله يعوضج عن الراتب اهم شي حمنيي

أم حماني

11-07-2010, 08:51 PM

انا استأذن لانه ريلي ياي بالطريج

فلونة

11-07-2010, 08:55 PM

وانا بعد باحرك دمي شوي ،، باروح انظف المطبخ

Um Amal

11-07-2010, 10:21 PM

مرااااحب .. شخباركم ؟؟
أم حماني وإقصوصة ..
إن شاء الله .. الولد بيكون إسمه "موسى"

حروف عاشقة

11-07-2010, 10:32 PM

والله فيني الصيحة من قلب مووووووووووقادرة انام لا على اليمين ولا اليسار ولا على ظهري احس روحي بفطس شلون اناااااااااام يا ناس ،، انام واني وااقفة يعني اهئ اهئ اهئ اهئ

بنت الأياويد

11-07-2010, 10:49 PM

الله يعينج حروف عاشقة حاسة فيج والله ، انا صادني جذي كان فيني الصيحة لان حدي تعبانه وماقدر ارقد والحل الوحيد اني قمت ارقد على الكرسي مال الصالة وريلي يرقد على السرير وصرت اوكي قمت ارقد عادي لان الظهر يكون مشدود كلش والفراش مايصلح لنا ، الله يعينا ويصبرنا مابقى الا القليل ان شاء الله وبتفتكين ، وفلونة ابشرج عن امتحاني بشكل عام كان الحمدلله سهل وقالت لج ام حماني حزة الي عندي جامعة اروح بيت اهلي وارجع في الليل بس من شوي كنت رايحة الممشى ومريت الانوار شوي اشوف شنو عندهم من توزيعات بس ماشفت الستاندات الي قلتوا عنهم ؟!
والباقي شخبارهم ؟

أم حماني

11-07-2010, 10:56 PM

بنت الاياااااااااااااااااااااااااويد

أم حماني

11-07-2010, 10:59 PM

انا ام مجرمة وديت ولدي عند خالته وقلت لها يوديه ابي ارتاااااح

بنت الأياويد

11-07-2010, 11:12 PM

هلا والله ام حماني شلونج وشخبار حمني ؟ لج وحشة يالبايخه قطعتينا مرة وحده

بنت الأياويد

11-07-2010, 11:18 PM

سمحي لي الحين بقوم ارقد قعدتي من خمس الفجر اراجع حق الامتحان حاولي تدشين باجر على العشر الصبح اذا ماعندج شي بكوون موجودة ’ تصبحين على خير

أم حماني

11-07-2010, 11:19 PM

وي عاد ما مدانا نسولف... انا باجر عندي موعد من الصبح ... مادري متى برجع

طفلي حياتي

11-07-2010, 11:59 PM

طق طق طق
هل من بشر هنا؟

شمس الصباح

11-08-2010, 06:38 AM

والله فيني الصيحة من قلب مووووووووووقادرة انام لا على اليمين ولا اليسار ولا على ظهري احس روحي بفطس شلون اناااااااااام يا ناس ،، انام واني وااقفة يعني اهئ اهئ اهئ اهئ

صبااااااااااااااخ الخيررررررررررررر

اليوم قلت ادخل من الصبح لاني شكلي برد انام من يطلع زوجي احس ان حرارتي مرتفعة كل مني وش لي اروح العب بالمطر كاني ياهل بس استاهل

حروف شخبارج وحشتيني والله يساعدش ترى تصيدني هالحالة وانام على الأريكه وارتاح نامي على اي كرسي عندكم غيري المكان بتشوفين النومه بسرعه تجيش نوم العوافي يارب والله يسهل عليج من تدخلين التاسع وتولدين

rose soul

11-08-2010, 07:02 AM

صبـــــــــــــــــــــــــــــــــــــاح الخير

الفتاة الذهبية

11-08-2010, 07:11 AM

صباح النوووووووووووووووووور

الفتاة الذهبية

11-08-2010, 07:13 AM

امس في الليل سويت مفاجأه الى ريلي
الا اهوو عيد ميلاده طبعا كل شي تم بالسر خخخ
رتبت الغرفة انا مع حماتي لانه تدرون ما اقدر انفخ بالونات خخخ
وشريت له هدية خذيت دب عووود مع عطر حلووو
خذيت جيز كيك من مخبز المنار
والحمدلله مر ع خير

rose soul

11-08-2010, 07:14 AM

اهليييييييييييييييييييين فتوتة
شخبارج
؟
اليوم صاخين الصبح

الفتاة الذهبية

11-08-2010, 07:17 AM

تمام الحمدلله
اي صاخين يمكن لانه مافي مطر خخخخخ
بس انا اعذروني اذا ما دشيت النت الي عندي مب عاقل يوم زين والف مب زين

rose soul

11-08-2010, 07:17 AM

اوووه عليه بالعافية..ان شاء الله استانس
عقبال ما تحتفلين مع بنوتج

rose soul

11-08-2010, 07:19 AM

هههههههه شنو علته نتكم؟؟
ميناتيليكوم انتي؟؟

الفتاة الذهبية

11-08-2010, 07:23 AM

اي الحمدلله استانس
بس قال لي ليش مخسره فلوسج
قلت له ما يصير انت تسوي لي مفاجأة وانا لا
قام يضحك
ان شاء الله نحتفل بالبنوته خخ

اي علته انه ما يشتغل الا في الشهر بلغصب يثبت النت
اي ميناتلكوم

rose soul

11-08-2010, 07:23 AM

اي اليوم مشمس امس كان الجو احلى

rose soul

11-08-2010, 07:27 AM

انا اللي ف شقتي مينا.. جذي كان يقطع لين ابنده
بس اذا خليته شغال ..يشتغل مزبووووط ما يقطع

الفتاة الذهبية

11-08-2010, 07:29 AM

انا ما ابنده شغال ع طول
ما ادري ليش بقطع

rose soul

11-08-2010, 07:31 AM

خبرتوهم انتو؟؟
قولو لهم اذا ما عدلتو نتكم ..بنسوي مقاطعة خخخ

الفتاة الذهبية

11-08-2010, 07:32 AM

انا ما ابنده شغال ع طول
ما ادري ليش يقطع

الفتاة الذهبية

11-08-2010, 07:33 AM

انا ما ابنده شغال ع طول
ما ادري ليش يقطع

روز انا بقوم لا يرتفع ضغطي مع النت بطيء حد امه

rose soul

11-08-2010, 07:35 AM

هههههههه
اوك الله يساعدج عليه

الفتاة الذهبية

11-08-2010, 07:35 AM

اي بنخبرهم هالمره اذا راح زوجي يدفع
بنجوفهم شيقولون اذا ماسوو حل اخر شي هالشهر وياهم
وعقب بنسوي مقاطعه ع قولتج

rose soul

11-08-2010, 07:39 AM

hwaml02 اي لا تسكتون عنهم..يبي لهم العين الحمرة..

أم الورد

11-08-2010, 07:50 AM

صباح الخير ...

توني مخلصة اشغالي..

واليوم ما عندي طبخ ونفخ ولا شي لان رايحة بيت ابوي اتغدى...

rose soul

11-08-2010, 07:54 AM

صباح الخيرات..هلا ام الورد

rose soul

11-08-2010, 08:04 AM

برررب..ريلي بيي يتريق معاي

أم الورد

11-08-2010, 08:14 AM

اليوم لا حس ولا خبر الظاهر الاغلبية نايمات

معنى الوفاء

11-08-2010, 09:10 AM

صباااااااااح بنااااااات

شخباركم اليوم؟؟؟

شكراً على كل وحده رحبت فيني

فلونة

11-08-2010, 09:17 AM

معنى الوفاء

11-08-2010, 09:29 AM

فلونة
الحمدلله تطمني على البيبي
اتوقع اكره شي فحص السكر

بنت الأياويد

11-08-2010, 10:18 AM

صبااااح الخيير

بنت الأياويد

11-08-2010, 10:44 AM

فلوونه زين انج تطمنتي عليه الله يفرح قلبج ان شاء الله :)
انا اليوم مفكرة اطبخ لاعت جبدنا من اكل برع قلت بسوي شي خفيف معكرونة دياي

معنى الوفاء

11-08-2010, 11:09 AM

أنا وقت حمالي ماحب آكل من برى
أحب كله طباخ البيت وهل المره صايره كأني قطوه كله سمج

الله يعدي فترة الوحام على خير
وبالعافية عليكم المعكرونة

بنت الأياويد

11-08-2010, 11:15 AM

انا ماقدر على وقفة المطبخ تعبانه مع الثقل بس قبل كنت اطبخ ، الله يعافيج تسلمين

شمس الصباح

11-08-2010, 11:18 AM

صبااااااااااااااااح الخير

شبعت نوم توني قاعده تسبحت والحين اتريق حياكم معاي

اقول فلونة الحمد لله ما دام كل شي طلع اوكي اما بخصوص موعدهم مو لازم الوحده تولد في موعدهم انه بولدي الأول جدي طوفت موعد المركز وقبل موعد الخاص باسبوع ولدت لا تحاتين

وان شاء الله اولد في السنة الجديدة 1 يناير وايد افضل لي

فتوته مبروك العيد ميلاد عقبال ما تحتفلون والبنوته معاكم

بينت الأياويد شلونج مع الحمال وشنو اخبار دبتش انه دبتي الحين زوجي كل يعايرني بها يسميني ام دبه لاني كل انادية ابو دبه الحين قاعد يطلع حرته فيني خخخخخخخخ بعد الولادة دبتي بتروح ولكن هو ما تروح خخخخخخ برد ارجع اناديه خخخخخخخخخخخخخ

روز معني الوفاء اقصوصة والكل شخباركم

ام حماني شنو اخبارها مع الفحص اليوم اكيد اكشن عندها هههههههههه

وحشتني ام خليل وخصوصا كلماتها اعسعس عسى المانع خير

حنونة بعد ما ليها حس

بنت الأياويد

11-08-2010, 11:22 AM

بنت الأياويد

11-08-2010, 11:23 AM

ترى الصورة الي في نكي احسها مو مضبوط الايام فيها لان امس يوم اروح لها قالت لي انتي 34 اسبوع وعندي موعد تاريخ 21 اعتقد 36 اسبوع يمكن لاني بدش شهري ؟ الله يعدي هالشهور على خير يارب اطول شهر الثامن مايخلص بسرعه

معنى الوفاء

11-08-2010, 11:24 AM

شسوي لازم اطبخ او ماراح آكل... انا ساكنة في بيت عمي بس استحي اقول لهم حسبونه معاكم فشلة

شمس الصباح
صباح الخير وصح النوم
الحمدلله بخير دامج بخير

فلونة

11-08-2010, 11:26 AM

معنى الوفاء ،، انا كنت نفسج بداية حمللي ماكل الا السمج بس ابي احد يطبخ لي hwaml02
هاذي حملج الثاني؟؟

بنت الاياويد،، امس كنت احااتيج ،، تدرين انا يوم الي عندي امتحان من زود التوتر يصيدني اسهال وانتي بكرامة ،، يله الحمدلله ان يابوه سهل وننطر الحلاوةhwaml03
وعن الطباخ سوي شي يفوح على الفرن لا اتعبين روحج وايد ،،

شموووووسة،،، تدرين رفيجتي موعدها 30 من هالشهر وامس ولدت.. بس ابي اعرف اي موعد فيهم الي اعتمد عليه،، اتهقين موعد السونار اهو الي يكون مضبوط؟
عجيب شهر 3 احب رقم ثلاثة.. بس جنه مواليد شهر 1 يتأخرون سنة دراسة؟

بنت الأياويد

11-08-2010, 11:31 AM

هلا والله فلونة منورة حبيبتي ، انا نفسج يصيدني من التوتر اسهال الله يعزج وبطني كله يعورني ، معكرونة مايبي لها شي طلعت الدياي برع والحين موصية البرادة اييب طماط قلت بصلي وببتدي عاد ان شاء الله ماتعب واكمل الطبخه وعقب اريح ، اي هذاني احاتي الدرجة مايندرى لازم تطلع لج اخطاء مني ومناك وخبرج دكاترة جامعة البحرين مايعطونج حقج لازم فيه ظلم شويونه يالله ربج كريم

فلونة

11-08-2010, 11:36 AM

وي توني احين كتبت لستة خضرة حق ريلي كل شي ماميش لا بصل لا آلوو ولا شي ،، يقول لي بنروح نشتري الاشياء الي قاصرتنه وانا مابي اروح ،، ماقدر افتر وايد نفس قبل .. وعن الامتحان لكل مجتهد نصيب وان شاء الله ما بيضيع حقج
انا سويت ريش لحم وباحط خضرة تفوح معاها ويا صلصلة طماط والبهارات وبس خلاص اسررع واريح

بنت الأياويد

11-08-2010, 11:39 AM

خوشي عليكم بالعافيه ، تشترينه جاهز الريش صح؟ بس انا سمعت اذا تخمرينه من فليل يطلع طعمه الذ جربي هالمرة ، انا خاطري اسوي ريش لحم بس الحين وين مافي وقت وكله دايخه بروحي احاتي اشلون بسوي المعكرونة الحين واذا تعبت بهون وبقوله اييب من برع كالعاده، اي انا ماقدر على السوبر ماركت مو نفس اول وايد اتعب وكله احس جنه ريولي بروحه بطيح في الارض ودورة ودقات قلبي بسرعه بس يوم نزل راس الياهل شوي خفيت عن قبل بس نفس الاعراض يعني

معنى الوفاء

11-08-2010, 11:46 AM

هههههههههه
جان زين في أحد يطبخ لي>>> يازعم تستحي

اي ولله الحمد هذي حمالي الثاني
وعندي بنت عمرها سنتين و10 شهور
الله يعنكم دايخين الا في الأشهر الاولى دايخين والا في الاشهر الاخيرة دايخين

بنت الأياويد

11-08-2010, 11:50 AM

انا احاتي من الحين اقول اما احمل على بنتي بسرعه احس بموت من الصياح يعني بينعاد كلشي مرة ثانية الشد والنساه والتعب الله لايقول ان شاء الله لين كبرت احمل عليها اذا الله كتب لي،
معنى الوفاء شنو مفكرة تسوين غدى؟

فلونة

11-08-2010, 11:51 AM

لا ماحب الريش جاهز كله افكر يمكن الهندي حط اليهارات ويوده بيده بدون قفاز مادري ليش اتييني هالأفكار السخيفة hwaml03 ،، انا خمرته في الليل وحطيته في الثلاجة .. ترى الريش يستوي بسرعة ومب ثقيل نفس اللحم ..
انا اول ما تزوجت احب اروح بداية كل شهر نفتر نشتري وخصوصا يم الخرابيط الكافي والبستووق كلشي احطه في هالجاري hwaml02... بس احين ويين وانا كل ماجوف حالتج اقول الله يعينج والله يستر بعدين اذا دشيت الثامن ..

جوفي المعكرونة باقولج طريقة سريعة انا اسويها اذا اعجبتج جربيها علشان نقوم نصلي ...افوووح المعرونة عادي ويا الآلو مقطع مربعات واذا عندج خضرة مثلجة خليها تفوح بعد معاهم.. احط الطماط والبصل في الخلاط .. ووبعدين احط فوقه ماجي مكعب واحد لانه اسوي نص جيس معكرونه واخليه على الفرن ونص قوطي صلصلة طماط احط البهارات الي ابيها ( فلفل اسود ، فلفل احمر، ليمون، بهار دياي، وكمون ) واذا تبين تحطين الدياي حطيه معاه .. خليه لين يستوي الدياي .. وجوفي طعمه اذا يحتاج زيادة ملح وبس احط عليه المعكرونة و اخليه 10 دقايق الى 15 دقيقة لين تاخذ لون الصلصلة .. واذا ريلج في الشغل بس حطي المعكرونة على الصلصة ونطري اذا رجع علشان تصير صاخنة ومو جافة وايد .. وبالهناء والشفاء hwaml02
بس حاسبي على المعرونة لا تغلي وايد

معنى الوفاء

11-08-2010, 11:57 AM

هل الحملة ماكنه مخططين لها بس الحمدلله الله أنعم علينا فيها
أنا اطبخ من قبل بيوم لأني دوام
اليوم غدانا دجاج مقلي مع عيش ابيض على اصفر يعني طباخي كله اشياء خفيفة لأن ماقدر على الوقفة ولا على الريحه...

فلونة
ان شاء الله بجرب طريقتج في المعكرونه مره ثانية

rose soul

11-08-2010, 12:15 PM

باااك سريع وبرد اقوم عنكم خخخخ
معنى الوفاء (http://forum.hwaml.com/u15112.html).. هلا وغلا فيج اختي..

فلونة..ترا السوناريطلع مزبوط اكثر من الدورة..وحجم البطن..ماله دخل ..
انا يوم سويت سونار اخرتني يومين يعني 25-2
اشوه مافي فرق الا يومين بس ..بس انا بحسب على23 كيفي خخ..اتفائل

بنت الاياويد..ههههه انا بعد افكر ماحمل بسرعة..باخذ احتاياطاتي خخخ
مافيني شدة صراحة..خصوصا ايام النساة ماساااة من قلب

ام حماني ما يندرى شخبارها مع الموعد؟؟؟

يلا برب خخخ

معنى الوفاء

11-08-2010, 12:26 PM

مشكوره أختي Rose Soul

شمس الصباح

11-08-2010, 12:41 PM

هلا والله شموسة انا تعبانه والله مع الثقل وريولي الحين ثنتينهم يصير فيهم شد امس كان موعدي عند الدكتورة والحمدلله طمنتني كلشي تمام بس ماسوت لي سونار مادري متى بتسويلي يمكن في التاسع، ليش لازم يسوون فحص عقب الولادة شمس؟ وشلون يكون يكشفون تحت بعد؟

هلا بنت الأياويد بخصوص الفحص يسون علشان يعرفون اذا عندش التهاب او اي مرض لا قدر الله وتقدرين بعدها تنظيم النسل عندش يعني لما تروحين للنتيجة ممكن تتكلمين مع الدكتورة عن تنظيم النسل
الفحص يسون مثل ما قالو بوز البطة يدخلون شي مثل بوز البطة وياخذون عينه مثل القطن من عنق الرحم ويسون لها زراعة هو الفحص ما يعور ويعتمد على حسب الدكتورة واهم شي انج تأخذين نفس وقت اللي تدخل بوز البطة وما ياخذ وقت وايد بس السالفه ان الوحده تتفشل يعني وقت الولادة انتي من الألم ما تحاتين فشيلة او لا بس تبغين تولدين اهني شوي في احراج hwaml02 وعلى فكرة هذا الفحص في ناس تروح تسويه بفلوس لان الوحده من تتزوج لازم تفحص بين كل فترة افضل لها والي صحتها

شموووووسة،،، تدرين رفيجتي موعدها 30 من هالشهر وامس ولدت.. بس ابي اعرف اي موعد فيهم الي اعتمد عليه،، اتهقين موعد السونار اهو الي يكون مضبوط؟
عجيب شهر 3 احب رقم ثلاثة.. بس جنه مواليد شهر 1 يتأخرون سنة دراسة؟

انه بعد اقول ان شهر يناير تروح سنة بس اسمع ناس وايد تقول لا ما تروح سنة كل بمشي علشان اولد نهاية شهر 12 تدرين احاتي هالسالفه وايد لان اولادي احاول انظم متى احمل ومتى اولد بس هذة الحمله كانت ظروفي كلش غيرررر من جدي ما اهتميت بالأشهر كان اهم شي احمل واتفك من الدورة لانها عدمتني عدام بعد الأجهاض كل نزيف وما انظف منها الا بطلاع الروح

بنت الأياويد

11-08-2010, 12:46 PM

مشكووورة ماقصرتي ، انا الي سويتها تقريبا نفس وصفتج بس ماخذتها من منتدى وسويتها وريلي وااايد اعجبته لان تصير نفس المخمخه اذا فهمتي قصدي نفس اللينة بس عجيبة ان شاءالله عقب الولادة اجرب طريقتج لان الحين معكرونة وتعبت الله يعين لو كل يوم اطبخ وقفة المطبخ تكسر الظهر

بنت الأياويد

11-08-2010, 12:56 PM

أم حماني شكلها مابتدش من مساعه انطر دشتها امس فقيرة ابي اسولف وياها من زمان ماسولفت معاها بس الوقت كان متأخر وكنت دايخه ان شاء الله تدش وتطمنا ، انا بخلي النت مفتوح

rose soul

11-08-2010, 12:56 PM

باااااااااااك مرة 2hwaml02

rose soul

11-08-2010, 12:59 PM

اي ما يندرى ياريت تدخل تطمنا..وتخبرنا شصاارمعاها

شمس الصباح

11-08-2010, 01:01 PM

رحت اعسعس في النت على قولت ام خليل الله يذكرها بالخير وشفت موقع وزارة التربية مكتوب انه يقبلون مواليد شهر يناير بس بشروط

تسجيل الأطفال من مواليد شهر يناير في الصف الأول الابتدائي
1. بعد الإعلان عن بدء مواعيد التسجيل لمواليد شهر يناير على ولي الأمر مراجعة المدارس الابتدائية التي بها مقاعد شاغرة ويعرف ذلك بمراجعة المدارس القريبة أو بمراجعة إدارة التعليم الابتدائي مبنى رقم 8 الكائن بمقر الوزارة بمدينة عيسى, علمًا بأن تسجيل مواليد شهر يناير لا يتم وفق المجمعات السكنية وإنما وفق المقاعد الشاغرة المتاحة في المدارس، وتعطى الأفضلية في التسجيل للأسبقية في تاريخ الميلاد ثم السكن. وعلى ولي الأمر توفير الوثائق التالية:

ملء استمارة التسجيل (http://forum.hwaml.com/pdf/form8.pdf) والتي ستسلم له عند تقديم الطلب
شهادة الميلاد الأصلية للطفل
البطاقة السكانية الأصلية للطفل
صورتان شمسيتان للطفل

واذا لا قدر الله ما قبلو المدارس الخاصة ما تقول شي hwaml7 اول شي خفت وقمت ادور بطني عورني من الخوف هههههههه بس الحين ارتحت

اقول فلونة الدجاج اشلون ينظج بس مع الطماط والبصل ممكن تفصيل اكثر علشان اسوي لان صاير خاطري في معكرونة

rose soul

11-08-2010, 01:07 PM

شموسة..الحين عادي يقبلون اللي شهر واحد بس يقدمون لهم امتحان اول..بس اذا كلش مثل ما قلتي الخاص ما يقولون شي

rose soul

11-08-2010, 01:09 PM

اففف سكتو صار خاطري في معكرونة من كثر ماتكلمتو عنها..دبرو لي مالي شغل ههههههههhwaml02

بنت الأياويد

11-08-2010, 01:27 PM

ولكموووو روز ، انا توني مكمله غداي مسوية معكرونة دياي ، جربي الطريقة الي سويتها ترى كلش عجيبة ، فوحت الدياي قصصته اول شي وفحته وعقب قصيت بصل وحمسته شوي وقطيت عليه الدياي وفوقه طماط فريش وثوم وكزبرة ولين نضى شوي كتيت فوقه ماي غطيت فيه الدياي مع البهارات بزار وفلفل اسود ومعجون طماط وماجي وملح والي تبين تحطينه ، جود انتي مخلصة فايحه المعكرونة وخضروات مثلجة ولين طبخ الماي الي كتيتيه وصار لونه احمر شوي من الطماط تكتين فوقه المعكرونة وتغطينه لين ينشف الماي لكن صج طعمها روعة زوجي وااايد عجبته ماخذتها من المنتدى الطريقة

بنت الأياويد

11-08-2010, 01:28 PM

روز اذا انتي جريب من شقتي تعالي اخذي صحنج انتي وشموسة ، عيل روز ماتطبخين حق خواتج؟

rose soul

11-08-2010, 01:35 PM

هههه انا في مدينة حمد
خخخ لا ما اطبخ مرت اخوي واعلية تطبخ..شكله انا كاسره خاطرهاhwaml02

rose soul

11-08-2010, 01:37 PM

وعليكم بالعافية ع المعكرونة .. بس اذا صار في بنيتي شي منكم خخخ

فلونة

11-08-2010, 01:39 PM

ويي انا سالفتي سالفة سالفة ويا هالفررن ،، رحت بانجب الغدى يازعم من الساعة تسع مبرزة كل شي،، رحت توقعوا شصار ...... الفرن ما يشتغل والسبة الغاز خلص ولا ادري عنه وحسبالي استوت هالطبخة وحزة الحزة وهقة ماعرفت شاسوي نزلت تحت عند خالتي واشوة عندي كباب لحم جاهز قليته بسرعة ويا عيش ابيض

رووز ،، مب حجم البطن ،، في السونار يطلع لي 5/3 والدكتورة فحصت بطني قالت لي الرحم واصل لي اهني اشرت على بطني هلون قالت لي توج 22 اسبووع فهمتي شلون عاد انا ماعرف اوصل الافكار hwaml02

شمووسة،، خرعتج ها hwaml03 ،، انا بعد بيشرف البيبي بداية السنة بس ما يقبلونه المدرسة في التسجيل بس شهريناير بعض المدارس تقبل اذا كان في مقاعد..
وبالنسبة للمعكرونة انا احبها على خضرة واذا تبين دجاج على قولتج حطي اول شي الدياي وقليل من الدهن ويا الماجي عالاقل يستوي نص قلية وبعدين حطي صلصلة الطماط والبصل ربع ساعة تقريبا يمديه ينضج لا

rose soul

11-08-2010, 01:47 PM

فلونة..ماعنده سالفة الفرن مالج هههههه متفرغ
اي الحين فهمت يعني بالسونار 5-3
يعني انا قبلج صرت هههه
بنتحدى اللي تولد قبلhwaml02

بنت الأياويد

11-08-2010, 01:47 PM

بل فلونة اكره شي الحمدلله ماصار شي في المطبخ لان مبطل وعبالج فيه غاز ، وزين ماشاء الله عليج تصرفتي بسرعه وسويتي شي ثاني ، انا شكل المعكرونة صار يشجع بس مايندرى لين ايي سي السيد ونشوف رايه ـ اي يمدي ربع ساعه كفاية وزود لان اوردي بتنطبخ بعد ويا المعكرونة ، عيل روز هاده ريلج بروحه فقير

بنت الأياويد

11-08-2010, 01:48 PM

الله يعينكم هذي توكم وتحنون على الولادة عيل احنا شنو نقول ، الله يسهل علينا جميعا

rose soul

11-08-2010, 01:52 PM

بنت الاياويد..بس لا تتكلمين عن المعكرونة اللعاب نزل لتحت خخخ
وانا ميته يوع..مادري شنو الغدى استوى ولا لحين
اي والحين انتي بقى عليج اسبوعين تقريبا تدخلين التاسع

بنت الأياويد

11-08-2010, 01:55 PM

ههههههههههههههههههههههههههه قلت لج تعالي مري اخذي صحنج ماتبين كيفج بتفوتج ترى خخخخخ يمكن يطلع غداكم معكرونة ماتدرين ، اي امس موعدي قالت لي اني 34 اسبوع وبتشوفني عقب اسبوعين يعني بداية شهري الله يسهل

فلونة

11-08-2010, 01:56 PM

صج انه متفررغ ،، كان خاطرري اصييح وريلي يضحك يقول باييب من المطعم خلاص عاد انا اليوم مسوية الغدى من صباح الله خير ،، قلت له مافي اسويه يعني اسويه > نحيسة حدي

رووز اتهقين من تلغب هااا ... اتصدقين انا من قالت لي الدكتوورة 22/2 اقول حق اختي التاريخ حلوو الا تقول لي 3/3 احلى اقولهاا اهم شي اوولد في التاسع وارتاح واي تاريخ عادي

بنت الاياويد ,, في طبخة امي تسويها يسمونها مخمخة بالخبز والشكر استانس عليها ذكرتيني فيهاا وانا ابي اسوي مقاطعة للشكر لي حزة موعد السكر :p

بنت الأياويد

11-08-2010, 02:01 PM

شوفوا البحرين شيحطون البيت العود صج حزرين بس عشان مايخسرون فلوس ويشترون حلقات يديدة بس وناسة استانس على الحلقات القديمة هههههههههههههههه

rose soul

11-08-2010, 02:02 PM

بنت الاياويد..لو آدل شقتج مريتج خخ علشان آخذها
بس معله باسويها مرة ثانية نفس الطريقة وباحركم خخ..كل شي ولا تطلع لبنتي شامة

..
فلونة
مايندرى من تولد قبل..بس اللي تولد قبل تعطي الثانية حلاوةhwaml02

rose soul

11-08-2010, 02:04 PM

هههههههههه قناة البحرين من متى يحطون شي عدل ؟؟

بنت الأياويد

11-08-2010, 02:06 PM

يقولون الشامه تصير بداية الشهور حزة النساه وعقب الياهل يكبر خلاص مايندرى هالمعلومة صح او لا؟

rose soul

11-08-2010, 02:07 PM

انا برب الغدى شكله استوى

فلونة

11-08-2010, 02:09 PM

افا عليج رووز الي تولد قبل تمر على الثانية المستشفى وتاخذ الحلاوة شرايج :p

انا سمعت هالمعلومة بس لين صار خاطري في شي اوسوس واكله متعقدة من الشامات،، اعيال خالي اربعتهم ماشاء الله كللهم شامات

فلونة

11-08-2010, 02:10 PM

بنت الاياويد ،، قبل البيت العود كانو يعرضون الحلقة امممم نسيت اسمها .. الي فيها سلمان ومرريم :p

بنت الأياويد

11-08-2010, 02:15 PM

ملفى الاياويد المفروض ماتنسينه لان نفس نكي هههههههههههههههههه ، كلشي حزر في حزر
تغديتي فلونة؟

بنت الأياويد

11-08-2010, 02:16 PM

فجورة وحنين الماضي وحروف والبنات مابينوا اليوم مافي الا احنا نلغوي في الديوانية؟!

فلونة

11-08-2010, 02:18 PM

لووووووول ....ايي اناا شكيت في اسم الحلقة اقول بسبت نكج hwaml02
اي كل من مختفي اليوم مافي الا احنا ،، فتووت وام اخليل وام حماني ما لهم حس
طفلي حياتي ما يندرى شصار معاها في الموعد

فلونة

11-08-2010, 02:19 PM

اي الحمدلله تغديت مع ريلي قبل لا يروح الشغل ،، اذا الحجي اول ليل اتغدى معاه منوقت وبسرعة ايووع

بنت الأياويد

11-08-2010, 02:20 PM

امس اقولج يوم سويت الله يعزج تحليل البول مال الوزن عند العيادة الا بولي اصفر غااامج وفيه خيوط بيضة مت من الخوف قلت جان ماتقولي التهاب ويغربلوني بس الحمدلله الله ستر قالت لي مافيج شي

بنت الأياويد

11-08-2010, 02:21 PM

بيه الله يعينج لازم يبي لج بعد تاكلين العصر ، انا ساعات اروح لي البرادة مشي مرة وحده رياضة واشتري لي خرابيط اسد يوعي لي العشى من بدال ماكل فاكهة خخخخخ
والحين تقعدين بروحج لين يرجع ريلج؟

فلونة

11-08-2010, 02:25 PM

وي انا تحليل البول الله يعزج استحي منه مادري ليش :s ،، ماحب اسويه .. بس اليوم اصرت علي الا تسوينه

انا حالي نفسج لين ايوع اطيح في الكافي و هالخرابيط ،، ايييي يختج اتم في الشقة برووحي من جذي اتملل وانزل تحت مع خالتي ،، اول امس رحت بيت ابوي بس ماقدر اروح كل يوم لانه درررب طويل

بنت الأياويد

11-08-2010, 02:30 PM

انتي شكلج نفس حالتي بيت امي في وين وانا شقتي في المحرق بعيد بس شسوي ماشوفهم الا ثلاثة ايام في الاسبوع من عقب الجامعه والاثنين والاربعا ايلس في الشقة وزوجي عقب مايرد من المركز مال القرآن نطلع عقب العشا اروح الممشى او اوروح اشتري عشى ونرجع نرقد وبس هذي حالتنا :)
ماشاء الله اذن العصر الوقت بدى يقصر بس فله حق الي عليها دين او شي تصوم انا كان علي يوم واحد والحمدلله قضيته بحاول اصوم في يوم عرفة اذا قدرت والله بلغني، ريلي للحين ماوصل من الشغل مسكين

فرح عمري

11-08-2010, 02:30 PM

مساء الخيرات عليكم

شخباركم وش مسوين

ام حمني نورتي المكان وكان لك وحشى وان شاء الله اليوم موعدش زين

ام خليل ما لها حس يعني للحين منشغله بالعرس ههههههههه

فلونة

11-08-2010, 02:36 PM

بنت الاياويد ،، انا ماجوف بيتنا الا مرة او مرتين بالكثير تمنيت اكون جريبة من امي بس الله ماكتب ... بس احين اختي والدة وخاطري كل يوم اروح اجوف ولدهاا وريلي شغله شفتات اول ليل وآخر ليل وماميش الا سيارة وحدة يروح فيها الشغل ،، وحشني علاوووووي حتى اختي تقول لي علمتيه ما يرقد الا في حظني واذا احطه في السلة يصيح :p

فلونة

11-08-2010, 02:37 PM

اهلين فرح .. اي ام خليل اختفت يمكن مشغولة مع اعيالهاا ..
تعالي انتي شخبار بنوتج ؟؟

بنت الأياويد

11-08-2010, 02:42 PM

انزين ليش ماتوصلينه الشغل وتاخذين السيارة ؟ او احد من هلج ايي ياخذج ؟ اي هذي الكريه نفس حالتنا سيارة وحده وغربال ، الله ايسر الامور يارب
اي الحين قلبج كله مع الياهل فديته، الله يبلغج وتشوفين ضناج

فلونة

11-08-2010, 02:46 PM

بنت الاياويد تخيلي دربج من شقتج لي جامعة الصخير .. نفس الدرب بيصيدني hwaml02
ما اقدر اسوق السيارة مسافات طويلة كلش ماركزز.. وانا في من بين اخواني العودة واخواني في المدرسة .. بس صار لي سنة من تزوجت والحمدلله احاول اتأقلم
للحين ما تغديتي؟؟

بنت الأياويد

11-08-2010, 02:49 PM

لا ريلي توه فقير بيطلع من الشغل وبتقوم الصلاة وهو في الدرب بيصلي واهو ياي ، بس قلت له يسوي رنة عشان اصخن الغدى ، شوي صايرة ماصخه المعكرونة بس اخاف ازيدها ملح وتصير لي مالحه ماعرف شلون اتصرف بس تنأكل اهيه بحط له فلفل غراش وقام الشوط هههههههههههههه

فلونة

11-08-2010, 02:55 PM

ايي مشيهاا ويا الفلفل والكجب hwaml02,,, اليوم معزومة على عرس خاطري ارووح بس للحين ماحفيت ولا سويت شي حق العيد اتهقين فشلة اروح جذي اخرع الاوادم hwaml03

بنت الأياويد

11-08-2010, 02:58 PM

روحي استانسي وسعي سدرج ، انا اليوم خاطري اروح الصالون اقص شعري من تحت ابي اضيع وقتي العصر لان بعد بتم بروحي قاعدة ، حطي مكياج خفيف غطي الشعر ، الصالون بحاول اروح هالاسبوع احف لان مابقى شي عن العيد وبعدين بصير زحمة وانا مافيني شدة على القعدة والنطره مايسوى

فلونة

11-08-2010, 03:02 PM

ايي اكره الحفاف ايام العيد تروحين الصالون طابووور جدامج جنج في مقصف المدرسة وكل من يبي يخلص بسرعة،، اتصدقين عيد الفطر رحت الصالون الساعة ثمان اول ما فتحوه الا هنااك اشكثر اوادم اقول في خاطري امتى طلعو من بيوتهم ذيلة .. بازعم وباروح.. متمللة من يلسة البيت بروحي
تدرين مساعة ريلي مشتري خضرة وفواكه للحين مادخلتهم الثلاجة ،، متكيسلة حدي

فلونة

11-08-2010, 03:03 PM

خلي على ام بي سي فور .. حاطين اوبرا يسوون دياي في الفرن

بنت الأياويد

11-08-2010, 03:05 PM

تلقينهم يصلون الفجر ويقعدون في الباركات لين يفتح ، ههههههههههههههههه على قعدتج شيليهم وحطيهم في الثلاجة تركي عنج الكسل هههههههههه ، شخبار وضع البيبي مو جنه قبل قلتي الراس تحت ؟اي انا ان شاء الله باجر بروح احف ويدي طالع لي كلش صغار مفكرة اشيله بمكينه بس مالي بارض بشوف لي باجر

بنت الأياويد

11-08-2010, 03:06 PM

بل فريته الا دعاية ههههههههههههههههههههه زين قلتي لي بروحه مافي برامج

فلونة

11-08-2010, 03:11 PM

شكله جذي hwaml02،، انا خاطري اروح صالون الانامل الناعمة اسمع ربعي يمدحون حفافه بس قالو لي معاملتهم شوي كريهة وانا ماتحمل معاملة هلون ...
لين رحتي تغديتي باروح ادخلهم الثلاجة hwaml03 << جفتي العيارة
الله يسلمج آخر مرة سويت سونار قالت لي الدكتورة ان البيبي نازل بس راسه فوق .. والحمدلله ارتحت ورفعت ريلي على موسدة فترة واليوم قالت لي وضعه الحمدلله تمام والله يتمم لنا على خيرر

فلونة

11-08-2010, 03:13 PM

عاد الدياية استوووت :p ما لحقتي عليها ،، انا ريلي حاط دريم بوكس ولا افتكر فيه كله على قنوات ام بي سي يقول لي ما منج فايدة :p

بنت الأياويد

11-08-2010, 03:13 PM

زين الحمدلله الرب مايقصر ، خوشي يعني بتنطريني لين اقوم اتغدى عشان تحطينهم في الثلاجة هههههههههههههههههه ، يالله انزين انا بقوم الحين اصخن الغدى واحط العصير لان اكيد اهو على وصول الحين فجت الصلاة ، انشوفج بعدين ، وين محلهم الانامل الناعمة؟

بنت الأياويد

11-08-2010, 03:15 PM

انا عندي دريم بوكس ولا افر على شي ولا اشوف شي ريلي حاطه بس حزة المباريات يفر عليهم وانا كله حاطه على نوكولودين مال اليهال اقعد اتابع سبونج بوب هههههههههه صايرة وايد بيبي من حملت

نورالدنيا

11-08-2010, 03:21 PM

مساء الخير حواامل

مشكورة حبيبتي طفلي حياتي ع التوقيع

فلونة

11-08-2010, 03:22 PM

ايي انطرج واحين باقوم معاج hwaml02
الانامل الناعمة في الرفااع الشرقي ... وعليه انا ريلي ماعنده وقت حق تلفزيون ساعات يجوف له فلم بالغلط ..
نجووفج بعدييين .. بانظف الشقة شوي قبل العيد يمكن احد يمرني

شمس الصباح

11-08-2010, 04:07 PM

اني جيت وانتو طلعتون يالله مو مشكلة والله شهيتوني بالمكرونة ما ادري اروح اضرب سلف دقيقة بالسيارة واشترى اغراض ممممممممممممممم لعابي سااااااااااااااااااال

عليكم يالعافية شكلي بروح المطبخ بشوف شنو قاصر وعلى طول على البرادة

شمس الصباح

11-08-2010, 04:14 PM

اي نسيت شكرا على الجدول حده كشخة والله يثبت حملها وحمل كل وحده ويسهل علينا الولادة

طفلي حياتي

11-08-2010, 04:17 PM

صبااح الخيررر...

شخباررركم؟؟؟ واليوم انا لي موعد وطفلي وام حماني بشروونا عاد

اناا توني واصلة الشقة ،، الحمدلله كل اموري طيبة بس جافت الدكتورة بطني اخرت موعد الولادة الى 5/3/2011 تقول لي حجم بطنج بس 22 اسبووع ،، وانا ولا ادري احين اعتمد على الموعد الاول او هالمووعد hwaml5،، بس الحمدلله سمعت نبض
البيبي وارتاح قلبي والله يعديها على خيرر
والاسبوع الياي لي فحص سكر والله المستعان hwaml03
باروح ابتدي في الغدى الحجي اول ليل باسووي لحم يبيله وقت
نجووفكم بعدييين

هلا والله
الحمدلله تطمنتين ع البيبي
اني رحت اليوم وسحبو 4 مرات لكن حصلت لي وحده ضاع الوقت وياها سوالف وهذره عاد رجعت البيت ماشوف الدرب اكلت ريوقي خبز وجبن ونمتتتتتتتتتت لان مانمت الليل
وقعدت 2 الظهر ونومتي الليله الله يعين ما بتيي الا بالعزر

طفلي حياتي

11-08-2010, 04:19 PM

مساء الخير حواامل

مشكورة حبيبتي طفلي حياتي ع التوقيع
العفو حبيبتي تستاهلون كل خير وهذا مجهود وحده من منتدى ثاني مسكينه ماقصرت بس ادعوا لها بثبات وصحة جنينها وربي يقومها سالمه ان شاء الله

طفلي حياتي

11-08-2010, 04:32 PM

الا صخيتوووووووووووووون

اقصوصه

11-08-2010, 06:01 PM

مسا الخيررررر

طفلي حياتي

11-08-2010, 06:05 PM

هلا وغلا اقصوصه
مساء النور

اقصوصه

11-08-2010, 06:06 PM

شحالج حياتي عساج بخير؟

طفلي حياتي

11-08-2010, 06:10 PM

بخير دامكم بخير
انتي شخبارش وشخبار عيالش عساكم بخير ان شاء الله

اقصوصه

11-08-2010, 06:13 PM

والله بخير الحمدلله

بس اليوم عانيت مع بنتي من قلة النوم

شكلها فيها مغص وكله تحنحن وتصيح

فرح عمري

11-08-2010, 06:16 PM

هلا والله بالكل

تصدقين طفله اني سويت تحليل السكر وشربت العصير وبخاطري اقول ماكو واحد بعد هههههههه

كنت عطشانه واهو حده بااااااااااااارد <<< مو صاحيه هههههههه

ان شاء الله ما فيش الا كل خير والنتيجه تطلع زينه

فلوونه يسلمك ربي على السؤال

بنوتي زينه واكي ترفس الظاهر عندها كوره داخل ههههههههههههههههههه

طفلي حياتي

11-08-2010, 06:24 PM

ماعليها شر بنتش يا اقصوصه وهذا حالهم بهالفتره ان شاء الله تعدي على خير
هلا والله فرح عمري اني اول مره عطوني اياه كان بارد شربته وعادي لكن اليوم لوع جبدي ماكان كلش بارد وصادتني حوووووومه عدله وربي يستر ولا يطلع فيني سكر لان الوسواس مابخليني ارتاح

طفلي حياتي

11-08-2010, 06:26 PM

تصدقون مشتريه بخور ولما اشتري واحد يطلع خرطي هالمره قلت الى البياع ابغي شي عدل وعطاني واحد اسمه احبك هههههههههه وطلع ميح مو شي
ويلي مادري ارجعه عليه

طفلي حياتي

11-08-2010, 06:28 PM

اقول له اي نوع احلى شي قال هذا الاصفر ما قل اسمه ولا قريت الا اسمه احبك ككككككككك

طفلي حياتي

11-08-2010, 06:30 PM

فرح عمري ليش ما خليتين التوقيع اكو فيه اسمش

rose soul

11-08-2010, 06:42 PM

نحن هناhwaml02

طفلي حياتي

11-08-2010, 06:45 PM

هلا روز
يعني لازم مدة هاللسان hwaml4
تالي قولي من وين متعلمه بنتي

بنت الأياويد

11-08-2010, 06:46 PM

وانا بعد هني :) روز شكلج ماكله مجبوس ورقدتي عقبه لانج غبيتي ماشفناج
شلون احط التوقيع في نكي؟ اشوف كلكم حاطينه بس جنه تاريخ ولادتي حاطينه غلط كاتبين 22؟! بس يالله تمشي بس شكليا انا عاجبني يزاها الله خير الي سوته والله يحفظ لها البيبي ويثبته لها يارب

طفلي حياتي

11-08-2010, 06:50 PM

هلا بنت الاياويد والله مادري عن صحة التاريخ عطوني اللسته البنات ونقلتها للبنيه وسوته
انتي جم تاريخ ولادتش؟

اقصوصه

11-08-2010, 06:51 PM

حياتي والله اعد الايام لين تعدي هالفتره

روز منوره حبيبتي

بنت الأياويد

11-08-2010, 06:52 PM

هلا فيج ، تاريخ 21جني شفت تاريخ 22 يمكن ماثبت بس عادي ترى انا عاجبني الشكل مايهمني التاريخ كلها الا يوم واحد هههههههههه ، بس ابي احطه في توقيعي شلون

rose soul

11-08-2010, 06:54 PM

هلا بنت الاياويد .. لا ماكو ارقاد اليوم ..رحت زرت مرت حماي والدة..وبعدها رحت فصلت فراش والثاني باخذ جاهز..
والحين اختي تقول راجعي معاي ما كملت و مب عارفة..شكلي بانتحر قبل لا يردون امي وابوي..او بسوي جريمة فيهم

برب بدرسها

اقصوصه

11-08-2010, 06:57 PM

تيت روووووز

بنت الأياويد

11-08-2010, 07:00 PM

تيت ههههههههههههههههه الله يعينج ، روز سويتي لج انتي فراش ابي اعرف وين يسوون فراشات حق الكبار ابي حق المستشفى وحق بيت امي مرة وحده ينفعني بس ابي مكان رخيص مب غالي

طفلي حياتي

11-08-2010, 07:00 PM

بنت الاياويد اضربي رايت كلك على الصوره واختاري بربرتيز اخر خيار وبيطلع لش مربع مكتوبه فيه العنوان address
انسخي العنوان وحطيه في توقيعش في خانة الصور طبعا تعرفين وين اذا بنخلي صوره نختار المربع اللي فيه صورة جبل اصفر

طفلي حياتي

11-08-2010, 07:01 PM

تيت روز
الله يعينش عليهم خخخخخ

بنت الأياويد

11-08-2010, 07:06 PM

http://forum.hwaml.com/imgcache2/hwaml.com_1289232384_331.gif

om khalil

11-08-2010, 07:07 PM

شكرا لسؤالكم حبيبات ئللبي فلوونه وشمس الصباح وفرح عمري

على قولتكم من ليلة الملجه واني عظامي كله تعورني وكان فيني شد في فخذي من اكثر من اسبوع وماقدر اقعد على الكرسي وايد
والبارحه قدرت فشيت عالكرسي واقرا سوالفكم شوي الا طفا النت مايشتغل مادري ويش فيه مينا تيلكوم دهشني.. توني اخذت اشتراك فيفا مال حميي..

كان خاطري بسرعه ايي الشهر الخامس علشان اسوي سونار واعرف جنس الجنين.. بس شكلي هونت ابيها مفاجأه مثل حملي السابق من حطوه على صدري سايلت بوي اور قيرل.. وكان بوووي عمري خلللي.. هالمره خاطري بنفس الاحساس.
ومادري احس اكيد فيني بنوته، حملي هذا مثل حملي ببتي احس كله ترتفع فوق لقريب القفص الصدري وكله ابي اقعد بانسدااح ههههههه..

طفلي حياتي
يالكريهه ولا فييت عليش تستاهلين بخور احبك يوم طاح في جبدش هههههههههه
اخذته مره لوع جبدي وحرمت احب مره ثانيه ههههههه

باقي البنات كلكم الله يسهل عليكم وماتقطعونا ان شااءلله

طفلي حياتي

11-08-2010, 07:09 PM

هههههههه خليه في توقيعش خخخخخ
يازعم تبغين تراويني انش عرفتين يلا خليه في التوقيع

بنت الأياويد

11-08-2010, 07:10 PM

مشكورة طفلي حياتي على التوقيع ، ولكموووو ام خليل ماعليج شر ، انا الشد يصيدني في الريلين بس انتي وايد صايدج الشد من وقت الله يعينج

بنت الأياويد

11-08-2010, 07:11 PM

اي افوشر عليج ههههههههههههههههههههه لازم اشيل صورة وحده اعتقد لان مايكفي ماحطيته

طفلي حياتي

11-08-2010, 07:11 PM