ديوانية البحرين - دردشة حوامل البحرين - البحرينيات [الأرشيف] - الصفحة 21

فرح عمري

11-23-2010, 12:47 PM

مساكم نور وسرور يارب

شلونكم وش مسوين عساكم بخير

اني اليوم شكلي ما بسوي غدى <<< عرق العياره اشتغل شكله هههههههه

بس ما ادري زوجي بروح الشغل او لا واني ما اتغدى اخاف اتعب نفسي ولا يروح

اخذها من اولها ولا اسوي شي احسن والمطاعم حاطه روحها

اقصوصه

11-23-2010, 12:48 PM

مساء الخيررر

فرح عمري

11-23-2010, 12:50 PM

هلا والله اقصوصه حيالله ام حور

شخبارك وشخبار يومك

rose soul

11-23-2010, 12:51 PM

انا هووووووون
رجعت
امس فليل طلعت..لأن النت يقطع لوع جبدي

شخبااااااااركم؟؟

فلونة

11-23-2010, 12:51 PM

هلا والله فررح،، شخباررج؟

انا بعد هل يومين كله متعايرة على الطباخ لانه عقب الطباخ تنظيف المطبخ ومواعين،، كنت باسوي صالونة عدس اسرع شي بس فتحت الثلاجة الا ماميش طماط ومابي اروح البرادة ،، غيرت رايي وباسوي مندي دياي

فلونة

11-23-2010, 12:53 PM

هلا روز ،، رديتي شقتج او للحين؟؟ شنو يابوو لج من الحج اعترفي
اذا عندج ماي زمزم طرشي لنا

اقصوصه

11-23-2010, 12:55 PM

هلا فرح الله يحييك حبيبتي
الحمدلله بخير أخبارك انتي؟

هلا روز بخير الحمدلله اخبارج انتي

فلونه انا ما احب تطبخ ابد

فرح عمري

11-23-2010, 12:55 PM

هلا والله روز

مشكلتنا مشكله مع النت ومن سمعك والله

اقصوصه

11-23-2010, 12:58 PM

انا لابي خربان كله ادخل من الاي فون

rose soul

11-23-2010, 12:58 PM

انا الحمد لله بخير

فلونه..لا لحين ما رديت اليوم برجع بالليل
اكثر شي يابو لي ثياب حق بنوتي خخخ .. لا وكلهم كبار احس .. بتضيع فيهم
حياج تعالي اخذي لج غرشه ماي زمزم هههههههه

فلونة

11-23-2010, 01:00 PM

فررح،، انا احب اطبخ واكل بس ماحب انظف عقب الطبااخ hwaml02
ما قلتي لنا شنو ناوية تسمين بنتج؟

اقصوصه

11-23-2010, 01:02 PM

روز شو ناويه تسمينها

rose soul

11-23-2010, 01:02 PM

اقصوصه..الله يساعدج يملل التلفون

..
بسألكم
انا وايد افكر في الفراشات خخخ
ياتني حالة نفسية..فصلتو لكم فراشات لو للحين مثلي؟؟
انا ابي محل يفصل على ذوقي..مابي يقول لي هذي مايصير ومادري شنو
وشغل مضبوط..ماتعرفون محل يسوي ؟؟

rose soul

11-23-2010, 01:04 PM

انا شكلي بغير اسم جوود.. لأن واايد حصلت انتقادات..لوعو جبدي ههههههه
والله اسم البنية يحير..ماتدرين شنو تسمين بنتج

فلونة

11-23-2010, 01:04 PM

روز ،، زين خشيهم لها .. واليهال ماشاء الله بسرعة يكبرون مع ان ولد اختي ماخذة له ثياب من (0-3 شهور) وللحين ماصاروا كبره تلبسه كله ما نيوبورن وعلى قولتج يضيع فيهم
وماي زمزم خشي لج غرشة حق ولادتج..

فلونة

11-23-2010, 01:07 PM

انا يعجبني اسم جوود والمفروض ما تقولون الاسم الا عقب الولادة علشان محد ينتقد وتفكين عمرج لانه كل ناس ولهم ذووق في الاسم ،، بس صج اسم البنت حيررة

rose soul

11-23-2010, 01:08 PM

اي اللي من 0-3 كبار بعد على اللي توهم مولودين

الا شخباره ولد اختج الحين؟؟

rose soul

11-23-2010, 01:11 PM

انا يعجبني اسم جوود والمفروض ما تقولون الاسم الا عقب الولادة علشان محد ينتقد وتفكين عمرج لانه كل ناس ولهم ذووق في الاسم ،، بس صج اسم البنت حيررة

اي عقدوني في الاسم..مشكلتي ماقدر ايود ألساني ههههه..اقول بانجعم ما بقول ..بس لا ارادي يطلع وعرفوو ههههه

وانتي ما قلتي شنو بتسمين؟؟اذا بنت او ولد؟؟

اقصوصه

11-23-2010, 01:11 PM

انا بنتي عمرها شهر ولين الحين بعدنا نتناقر انا وريلي ع الاسم

بنت الأياويد

11-23-2010, 01:13 PM

بــاك ، شخباركم جميعا ، روز جيكي بيت الحوامل الي في مدينة عيسى اعتقد يفصلون ، وشفت في المنتدى وحده تبيع مفارش والله عجبوني حلوين وناعمين بس انا كنت باخذ منها الا اختي متصلة تقولي المفرش علي انا قلت في خاطري الحمدلله هههههههههههههه الله فرجها، او روز عيل اليوم عندج شهر العسل خخخخخخخ

rose soul

11-23-2010, 01:14 PM

ههههههه اقصوصه الحين خلاص المفروض يتقبل الاسم

انا وريلي عادي واعلية..بس يقول لي اثبتي على اسم هههه فريتي راسي

اقصوصه

11-23-2010, 01:15 PM

هلا بنت الاياويد ولكم باك حبيبتي

فلونة

11-23-2010, 01:16 PM

ولد اختي صار عمره 25 يوم،، بس تعرفين صج الياهل يميز ريحة امه ،، وقت الي تخليه معاي او مع امي تروح تتسبح حتى لوو راقد يقووم سبحان الله..
وانا الثياب الي خذيتهم كله من 0 - 3 شهور ،،

وعلى الاسم للحين كل يوم نغير وما استقرينا على اسم لانه مانعرف بنت او ولد ،، بس انا خاطري في اسم يوسف اذا ولد واذا بنت خوولة
وبالغلط مرة تحجيت جدام خالي خاطري في اسم خولة وعقدني في الاسم وللحين ما يندرى

بنت الأياويد

11-23-2010, 01:17 PM

فرح وصفت لج مكان دكتورة منى ان شاء الله قريتيه في جم صفحة قبل

اقصوصه

11-23-2010, 01:18 PM

حتى اما اقترحت ع اهلي اسمي خوله كلوني

فلونة

11-23-2010, 01:19 PM

رووز ،، الفراشات انا بافصل على بداية السنة شهر واحد

واختي سوت لها اثنين في محل في سوق واقف اسمه احلى الاطفال المحل اصغير وايد بس فيه شغلات حلوة ويمكن انا افصل لي اهناك .. وفي محل جفت شغله وعجبني اسمه مهد الطفل في سترة بس اسعاره شوي فووق

بنت الأياويد

11-23-2010, 01:19 PM

تسلمين اقصوصه شخبارها حور نايمه؟ اليهال يقهروني حزة الي نبيهم ايلسون في النهار يكونون راقدين وحزة الي احنا تعابه فليل بنرقد يقعدون كله عكس الناس

بنت الأياويد

11-23-2010, 01:21 PM

احنا مافي مجال نغير اسم البنيه لان سوينا التوزيعات خلاص وانكتب اسمها ، حتى امس رايحة محل الستاند احجز يقولي الفلبيني شنو اسم بنتج الا اقوله شيخه يقولي اوووه عباله من ال خليفة خخخخخخخخخخخخخ يقولي الشيخه شنو قلت له بدون ال بس شيخة ضحكني

فلونة

11-23-2010, 01:22 PM

اقصوصة انا من يوم كنت في الثانوية وانا خاطري في الاسم وزوجي عاجبه الاسم بس خالي تم ينتقد الاسم واايد حتى زوجي عصب علي يقولي انتي كلشي تخورينه

بنت الاياوويد ،، ها شخبار الجامعة وما قلتي لنا طلعت نتايج الامتحان الي قدمتيه او لسه؟

rose soul

11-23-2010, 01:23 PM

هلا هلا بنت الاياويد.. رديتي من الجامعة
عيل يبي لي اروحه هالبيت الحوامل..وبافصل..لأن مادري امتى بيجهزونه
واختج ريحتج هههه..والله وناسة جذي ..افتكيتي من شي..
اي شهر عسل اليوم خخخخخخخ..تمللت وانا في بيتنا ابي استقر..ماجوف ريلي وايد..كل واحد في وادي..مشتتين واعليه ههه

بنت الأياويد

11-23-2010, 01:25 PM

روز اليوم عوضي ههههههههههههه ، شفت النتيجة وياريتني ماشفته ظلمني وايد في الدرجة واذا في اكثر من كلمة ظلم بقولها بروح اكلمه مابسكت توقعت بينقصني درجة درجتين وطالعه من الامتحان مستانسه اخر شي منقصني تقريبا 13 درجة تخيلي على الحافه حاط لي حتى حسيت ياني الطلق يوم شفت الدرجة حسبي الله ونعم الوكيل فيه كله اتحسب عليه هالظالم مايخافون الله اي الساعه 11 اخلص من الجامعه الحزرة

فلونة

11-23-2010, 01:28 PM

بنت الاياويد،، باقولج شي مهم بعد .. اذا بتروحين في ولادتج السلمانية وتبين غرفة خاصة لازم تروحين من احين تحجزين لانه اختي ما حصلنا لها غرفة خاصة وفي الكونتر يقول لنا اذا تبون غرفة خاصة المفروض قبل شهرين تحجزونها ماتحصلون حزة الحزة .. ويازعم خالتي اهناك تشتغل وراحت تراكض على سالفة الغرفة الخاصة بس ماحصلنا كللش .. وانا اول مرة اسمع حجز حق غرفة خاصة من قبل الولادة .. هالمرة السلمانية مولية ماقصروا
وصيتي على كب كيك او للحين؟؟
والضيافة من وين بتوصين عليها ؟؟

rose soul

11-23-2010, 01:28 PM

فلونه..اي اسم يوسف وااااااايد حلو
انا بعد احبه
باسمي ولدي الثاني يوسف بس اول واحد محمد..اذا يبت صبيان طبعا هههههه
اي رحته ذي المحل اللي في سوق واقف..عجبوني بعضهم اللي على مخمل
..
هههههههههه
بنت الاياويد
..خلاص انتي مافي مجال لتغير كلش..الوحدة من توصل لتاسع خلاص هههه
جان قلتي له اي من آل خليفه ههههه

طفلي حياتي

11-23-2010, 01:30 PM

http://www.mbahrain.net/vb/forumdisplay.php?f=73

السلام عليكم
شوفو هالرابط متجر وحده بضاعتها رووووعه كل شي حلو شكلي باخذ منها بعض الحاجات

فلونة

11-23-2010, 01:31 PM

روز اي سوت لها واحد مخمل لونين ازرق وبيج ومعاه الشنطة والثاني سوته لون واحد بيج خلق عادي..

بنت الاياويد جان قلتي له شيخة آل شيخة ،، يمكن يتوصى فيج ويسوي لج ابلاش :p

فلونة

11-23-2010, 01:35 PM

هلا طفلي ،، مادري انا احس اجوف البضاعة بعيوني اضمن لي اشتريها .. بس خاطري في اللفات الملونة يازعم امريكية ماجفت منهم الا في النت يمكن اخذ لي

rose soul

11-23-2010, 01:36 PM

فلونة شلون تحجز؟؟واهي ماتدري متى تولد بالضبط؟؟يمكن قبل او بعد ولادتها؟؟

بنت الأياويد

11-23-2010, 01:38 PM

اذا قلت له من ال خليفة بزيد السعر ههههههههههههههههههههههههه
هذي فندق ولا مستشفى الي لازم تحجزين من الحين والله سالفة خخخخخخخخخخ ، حجزت كب كيك من زمان وخلتني على الكول ووقت ماولد نخبرهم، والضيافة للحين مادري شسالفة بس حجزت بعد من عند وحدة كيك صغار حق القهوة وباحجز موالح بعد وحده تسويه في البيت وبشوف من محل بعد شي غير ، بحاول ابرز شنطة المستشفى تهقون شنو يحطون في الشنطة خل نسمع آرائكم؟

طفلي حياتي

11-23-2010, 01:38 PM

فلونه وشصار على سكريش يم سكري؟؟

rose soul

11-23-2010, 01:39 PM

النت بدا يقطع..نت بيتنا حزززززر عدل خخخ
ياب لي الضغط

فلونة

11-23-2010, 01:40 PM

روز ،، اي حتى امي تهاوشت معاه تقول له ويمكن حزة ولادتها تغير رايها وماتيي السلمانية والوحدة ماتدري متى توولد hwaml5
والله هل سلمانية غرايب وعجايب.. مسكينة اختي تمت يومين في المستشفى وماميش جانس نوقف معاها ومسوية لها ستاند عود ما له مكان يم سريرهاا والناس اتيي واقفة بسرعة بسرعة وتمشي .. يلا اهم شي عدت

طفلي حياتي

11-23-2010, 01:41 PM

بنت الاياويد روحي اكتبي تجهيز حقيبة المستشفى بيكتبون لش كل شي بالتفصيل
اني بسوي هالشكل
وقت التجهيز بكتب في قوقل وبارتبها لان الحين لو بنقول لش بتنسين وبتتخربطين اشيائش يمكن مو بارزه

بنت الأياويد

11-23-2010, 01:42 PM

ابي اعرف جم بدله اودي حق الياهل؟

طفلي حياتي

11-23-2010, 01:43 PM

عجبتني طريقة وحده تخلي ثياب الياهل في اكياس مثلا حفاظه وشباحه وفوطه صغيره وبجامه وجيست ليها 3 او 4 وخلتهم في شنطتها ووقت اللي بيسبحون ولدها تعطيهم الجيس بارز ويسبحونه ويلبسونه الاغراض اللي مجهزتنهم له في الجيس
الله حلووووووووووووو متى ياربي اقوم بالسلامه واشوف عندي ياهل البسه وابوسه واحظنه
ياربي تمم لي ولكم على خير يارب ونشوفهم سليمين معافين

فلونة

11-23-2010, 01:43 PM

طفلي يا النحيسة اسم الله علي من السكري ،، للحين ما رحت لانه زوجي نهار هاليومين وماميش سياارة الصبح .. يوم الخميس باروح لانه بيكون آخر ليل .. وادعي لي ..

طفلي حياتي

11-23-2010, 01:44 PM

احاتي فجوره مادري وشصار عليها ياها الطلق وهي تسولف هنا خخخخخخ وانقطعت الاخبار شكلها ولدت بس وين الخبر ننتظره يافجوووووووووووره تعالي علمينا اكشناتش

بنت الأياويد

11-23-2010, 01:45 PM

هههههههههههههههههههههههههه حلوة ذي يم سكري خخخخخ ضحكتني

فلونة

11-23-2010, 01:45 PM

بنت الاياويد،، باروح اجوف غداي وبارجع اكتب لج امي شنو جهزت حق اختي

طفلي حياتي

11-23-2010, 01:45 PM

اللهم صل على محمد وآل محمد وفرج عن فلونه وتكون نتيجتها سليمه معافاه ولا فيها لاسكر ولاهم يحزنون وتولد داك القمر اللي وشحلاوته بس اقرع يارب

بنت الأياويد

11-23-2010, 01:47 PM

فجورة شكلها ولا بتدش حالي من حالها خخخخخخخخخخخخ لين ولدت شكلي ولا بقدر ادش مافي وقت الا جان ابشركم بولادتي والاكشن الي صار بس مايهياني قلبي افارقكم بحاول اذا الله قومني بالسلامة وولدت ادش لو بين اليومين مرة اطمن عليكم

بنت الأياويد

11-23-2010, 01:48 PM

اوكي فلونة انتظرج ، طفلي توج شحليلج تدعين لها واخر شي اقرع ليش عاد ههههههههههههههههههههههههههههههههه

اقصوصه

11-23-2010, 01:48 PM

انا بعد ياني الطلق وانا في المنتدى

rose soul

11-23-2010, 01:49 PM

بنت الاياويد لحين ماجهزتي الشنطة؟؟
حق شنطة شيووخ يبي لج..جمن بدله حقها..حفاظات..رظاعة احتياط..بس اكيد في البداية طبيعي..منشفة للأستحمام..وطبعا المهاد..وطقم الفراش .. فوطة..

وشنطتج انتي يبي لج..
معجون اسنان
فرشاة اسنان
صابون جسم
شامبو شعر
مزيل للعرق
فوط صحية
قطن للصدر
مشط
عطر
3 بيجامات
ملابس داخلية
فوطة

وبعد شنووووووو؟؟ههه

طفلي حياتي

11-23-2010, 01:49 PM

اي بنت الاياويد ترى مو حلو تنسونه على الاقل بشرونه وبعدين وقت اللي تحصلون فراغ دشوا نسولف مثل ام حماني الله يذكرها بالخير

بنت الأياويد

11-23-2010, 01:50 PM

ماتقصرون ، روز في البداية ماقط سمعت احد يودي حفاظات المستشفى جنه يلبسونها؟

طفلي حياتي

11-23-2010, 01:50 PM

استانس اتحرش بها عشان جذي خليت كلمه تعصبها ويمكن تبغيه اقرع مايندرى هيهيهيهيهيهيهي

اقصوصه

11-23-2010, 01:52 PM

يوعاااااانه

بنت الأياويد

11-23-2010, 01:55 PM

شنو غداج اقصوصه ؟ احنا صالونة دياي وشيلاني

طفلي حياتي

11-23-2010, 01:55 PM

ماجهز غذاكم اقصوصه؟

rose soul

11-23-2010, 01:55 PM

.
.
.
.
.
.
.
برب

طفلي حياتي

11-23-2010, 01:56 PM

تيت وردة الروح

اقصوصه

11-23-2010, 02:00 PM

حياتي شو غداكم اليوم

طفلي حياتي

11-23-2010, 02:05 PM

تغذيت ويى عمتي غذاها سمج مقلي
انتي شنو غذاش؟

اقصوصه

11-23-2010, 02:07 PM

سمج مشوي هههههه

طفلي حياتي

11-23-2010, 02:07 PM

عوافي على قلبك

فلونة

11-23-2010, 02:11 PM

طفلي ،، اش هالنحااسة هاا
مشكورة يالشريرة على الدعوة الحلوة،، صج الياهل بشعر احلى من اقرع بس بيت عمي عندهم عادة لازم يقرعون اليهال يوم سابع وانا مابي اقرع ولدي او بنتي ،، عمي ما شاء الله عليه يبزر العدة ويقرعهم .. جني غلبتج لا :p

بنت الاياويد ،، حقج انتي نفس ماكتبت لج روز بس ما له داعي فوط صحية لانه هناك يعطونج وترى النوعية الي يعطونج اياها السلمانية وايد زينة حتى اختي ارتاحت منهم مع ان كبار وما ينلصقون بس تقول مريحين وما يشبكون مكان الجراحة وفيهم كله قطن طبيعي ما يسببون حساسة او حرارة مكان الجراحة ..
لا تودين حقج حفاظات ولا حق الياهل .. في غرفة خاصة حق تبديل اليهال فيها كل شي حق الياهل حفاظات وشامبو ولوشن وفورد وحتى صابون بس ودي معاج فوطة صغيرة حق تبدليها ومشط موجود اهناك بس كل من يستخدمه ودي حق الياهل مشطه احسن..

والبدلات 3 بدلات حق الياهل كفاية حق اول يوم وثاني يوم رخصة وحدة احتياط يمكن الحفاظ يسرب او صادج اي ظرف طارىء.. 3 لفات وقحفية وحدة اتيزي يومين لانه ما يصيدها شي.. وتولة عطر صغيرة .. حاولي تاخذين لها مسك ابيض لانه ريحته اخف شي حق الياهل
لا تغربلين روحج تودين اشياء وايد لانه وقت الرخصة يبيلهم عبالة.. ولا تنسين مرضعة اصغيرة جهزيها وبعد جان تذكرت شي باكتب ..
مخي مشغول في الغدى شكله الحجي بيوصل وما برز كله من حنة طفللي

اقصوصه

11-23-2010, 02:11 PM

الله يعافيج حبيبتي

طفلي حياتي

11-23-2010, 02:27 PM

فلونه لا تخليني ازيد عليش نبرة التحجج مو كل شي خليتين اسمي وشدخلني في غداش يلكسوله للحين مابرز بسببي هااا
تعالي من قال غلبتيني اصلا اذا حلقو الياهل يطلعون بوزن شعره ذهب ويتصدقون به وان شاء الله ولدش شويه مقرع مو وايد عشان ما يتغربل عمش بالسعر اللي بطلعه وااااااهههههههههه

أم عائشة

11-23-2010, 02:38 PM

السلام عليكم ورحمة الله وبركاته

شخباركم خواتي وربي وحشتوني كلكم

هابشروني منو ولدت فيكم؟؟

خواتي مثل ماانتوا عارفين انا اجهضت كيس بدون جنين
وماسويت تنظيف قالولي مايحتاي بينزل بروحه
وانا للحين الدم ماوقف معاي اليوم خذلي اكثر من 30 يوم
طمنوني واللي يعافيكم ذي عادي؟؟
ياربي حده نفسيتي داون ابي اخلص هالدم ابي اصلي

طفلي حياتي

11-23-2010, 02:40 PM

طفلي حياتي

11-23-2010, 02:41 PM

اي حروف عاشقه ولدت ويابت توأم عباس وزينب
وفجوره شكلها ولدت كانت تكلمنا وبدأ معاها الطلق وللحين مادخلت تطمننا عسا يارب قامت بالسلامه

طفلي حياتي

11-23-2010, 02:43 PM

بنت الاياويد واقصوصه وروز وفلونه وشهالحركات تختفون ووماتجون
روز قالت برب
وفلونه غذاها للحين تحوس فيه والباقي وينكم؟؟؟؟

بنت الأياويد

11-23-2010, 02:44 PM

طفلي حلوة ذي خله عمها يتغربل هههههههههههههههههههههه الذهب بروحه غالي الحين خخخخ، مشكورة فلونة حبيبتي وماقصرتي بحاول من الحين ثيابي للحين مانقعتهم من شريتهم بس ثياب الياهل ببخرهم شريت لها مبخره وياوي ، صرت انتظر متى اييني الطلق تمللت من الثقل ماقدر امشي عدل وحتى النوم وايد صعبه علي لين اغير بطحتي وحلو الحين تجهزين حق الياهل وتغسلين ثيابها شعور وايد حلو لايوصف الله يبلغكم يارب وتحسون بلي احس فيه بس فرحتي ناقصه بسبب هالجامعة كل ماسوي شي يونسني اتذكر الجامعه واتكدر :(

طفلي حياتي

11-23-2010, 02:46 PM

بنت الاياويد جم باقي وتتخرجين؟؟

بنت الأياويد

11-23-2010, 02:48 PM

بس هالمادة قاعده لي عظم في بلعومي ، وباقي الترينينغ باخذه على بداية 3 لي نهاية 4

طفلي حياتي

11-23-2010, 02:49 PM

اهاا هانت يعني لا تحاتين واستمتعي بلحظاتش ويى الحمل والولاده والدراسه مردها بتخلص

بنت الأياويد

11-23-2010, 02:51 PM

المشكله ان يعطونج بس اسبوع انا وين اقدر اداوم عقب الولادة باسبوع احس صعبة شوي مع الخياط وجامعتنا يقولج ماياخذون بالعذر يكتبون لج غياب بعذر مالت عليهم

أم عائشة

11-23-2010, 02:53 PM

ماشاءالله تبارك الرحمن
مبرووووووووووك لحروف ويتربون بعزها وعز ريلها يارب ويحفظهم لها امين يارب العالمين
ومسكينة فجورة ربي يسهل عليها ولادتها يارب

انزين جاوبوني على سؤالي؟؟؟
الدم للحين ماوقف علي شسوي

بنت الأياويد

11-23-2010, 02:55 PM

ولكمو ام عايشه
انتي رحتي المستشفى سوولج تنظيف؟

طفلي حياتي

11-23-2010, 02:59 PM

جاوبتش ام عايشه مانتبهتين لردي عفر
روحي المركز ضروري هم يعرفون بهالسوالف خبريهم
والصلاة لازم عقب 10 ايام وتصلين تعتبر استحاضه
عليج قضاء صلوات الحين

حنين للماضي

11-23-2010, 03:00 PM

السلام عليكم
شخباركم حبيباتي؟؟

هاليومين صايدتني مشكلة للأسف مو عارفة شلون اتخلص منها
والمشكلة من زود التفكير صايدني ارق كلحين اقوم واصيح في المجلس وارد ارجع على السرير
ادعوا ربي يفرج عن همي عما قريب لأن عن جد تعبت والمكشلة مابي اي شيء اقوله لبيتنا واضايقهم معاي وبكبره اللي فيهم كافيهم

أم عائشة

11-23-2010, 03:02 PM

هلا والله ام عايشه الله يعوض عليش
بالنسبه للدم معناته لازم تتنظيف الرحم روحي راجعي المركز وخبريهم بالقصه بحولونش على تنظيف اما حبوب او عمليه
والصلاة اختي المفروض ما تنطرين هالفتره كلها بدون صلاة عندش الى 10 ايام وعقبها استحاضه لازم تصلين هذا اللي اعرفه والله اعلم اتصلي لاحد استفسري
موفقه

سامحني اختي توني شايفة ردج
اختي انا رحت السلمانية قبل العيد وسوت لي الدكتورة فحص من تحت وقالت لي ماتحتاجين تنظيف رحمج فيه شوي بقايا صغيرة وبتزل بروحها

وبالنسبة للصلاة انا سالت شيخ دين وقالي انتي تعتبرين نفاس حدج 40 يوم ومن عقبها استحاضة
بس انا لاعت جبدي من هالدم وزوجي كاسر خاطري شكله تملل مسكين بس ساكت خخخخخخ
وماقصرتي ياحبيبتي والله يتمم حملج على خير يارب

بنت الأياويد

11-23-2010, 03:02 PM

طفلي انتوا في النفاس تصلون؟
احنا نتم طول فترة النفاس مانصلي لان ينزل منا دم مادري هل هذي الي تقصدينه او تقصدين شي ثاني قصدج يعني فترة النفاس؟ان بس عشرة ايام وتصلي؟

أم عائشة

11-23-2010, 03:04 PM

حبيبتي بنت الاياويد ايه رحت السلمانية قبل العيد بيوم وسوتلي سونار مهبلي وقالت لي مايحتاي تنظيف والدم بيوقف من نفسه
وانا للحين الدم
اهو صج خف ومافي الم بس للحين يعني

الا بسالج الميرمية زينة حق التنظيف؟؟

أم عائشة

11-23-2010, 03:06 PM

حبيتي انا اقصد النفاس مدته 40 يوم حتى ولو ماجفتي دم خلال هالاربعين يوم تعتبرين نفاس مايصيرن تصلين ذي اللي اعرفه انا

وبعد الاربعين حتى ولونزل عليج دم ذي تعتبر استحاضة ولاازم تصلين بس تتوضين وتغيرين الفوطة مع كل صلاة
ذي كلام شيخ دين يعني والله اعلم

أم عائشة

11-23-2010, 03:08 PM

اختي حنين وعليكم السلام والرحمة

اختي كل ماضاقت فيج الدنيا اقراي شوية قران اوقومي تيددي وصلي ركعتين
وان شاءالله تروح الضيقة منج
والله يتمم حملج على خير وتولدينه واهو بكل صحة وعافية يارب

طفلي حياتي

11-23-2010, 03:08 PM

احنا عندنا النفاس على حسب ظهور الدم يصير حتى اقله 3 واكثره 10 يعني من بعد العشره حتى لو في دم نغتسل وفي عدة اغسال الاستحاضه الكبرى والوسطى والصغرى على حسب كمية الدم ونصلي عقب العشرة ايام
هذا حكمنا احنا

طفلي حياتي

11-23-2010, 03:09 PM

اهلا حنين للماضي عاش من شافش
الله يفرج كربتش بحق محمد وآل محمد
حاولي تقرين قرآن وتكررين الصلاة على محمد وربي يفرج لش عاجلا

أم عائشة

11-23-2010, 03:11 PM

الا احلام ام ماتجوفونها؟؟
شخبارها وشخبار الحمل معاها عساها بخير وعافية
ماشاءالله فاتتني اكثر من 200 صفحة مالي بارض ارجع ورى واقرا هالكثر خخخخخخخ

طفلي حياتي

11-23-2010, 03:11 PM

بـــــرب,,,,,,,,

أم عائشة

11-23-2010, 03:12 PM

الله وياج طفلي
وانا بعد بقوم نتغدى توه ياي زوجي
مع السلامة حبيباتي

بنت الأياويد

11-23-2010, 03:16 PM

هلا والله حنين هلا حبيبتي منورة ، الله يفرج همج يارب حاولي تقرين قرآن واقري سورة البقرة وايد ، اها طفلي فهمت عليج وام عايشه اي هذي احنا الي نمشي عليه ، الله ايسر اموركم

فلونة

11-23-2010, 03:30 PM

طفلي ،، اول مرة يخترب غداي بس سويت شوربة علشان ينبلع شوي ... عيل اذا صار اقرع بيكون وزنه جرامات شوية والذهب احين فوق ،، :p
حتى لو جرامات وايد يستااااهل ظنااي بعد عمرري
وانا رحت مرة وحدة لانه وصل زوجي وبرزت له الغدى العجييب

حنوون ،، ازمة وتعدي ان شاء الله وطوولي بالج علشان الي في بطنج

بنت الاياوويد ،، هاذي الي وصيتي عندها حق الضيافة عندج صور حق شغلها وشلون نحجز عندها ؟؟

اقصوصه

11-23-2010, 03:35 PM

انا باك

توني مخلصه غدا

بنت الأياويد

11-23-2010, 03:36 PM

اي وحده قصدج؟
الي سويت عندها الكيك الصغار اي صورها موجودة في جهازي مسيفتهم تسوي لج كوكيز وتسوي كب كيك وانتي بكيفج الكب كيك عندها الدرزن ب1.800

بنت الأياويد

11-23-2010, 03:37 PM

ولكمووووو اقصوصه عوافي على قلبج حبيبتي

فلونة

11-23-2010, 03:41 PM

انتي حجزتي من النت ؟؟
اذا عندج الموقع ابي اجووف..
وباقولج شي ثاني عن السلمانية بعد
جني سندرتج بس علشان يكون عندج خلفية :p

فلونة

11-23-2010, 03:44 PM

حق اختي انا وصيت لها في مري وكان حلوو شكله وطعمه بس حجمه عوود انا خاطري في شي اصغر ...

ووينج يا طفلي ،، انا تأذيت ويا سالفة الاسهال .. مافي له حل موللية :(

طفلي حياتي

11-23-2010, 03:48 PM

هلا اني ييت قاعده اقرا
هالمره لاتتحججين فيني ومايخترب غداش
والاسهال جربتين النشا ؟؟ جربتين تفتحين كيسين ليبتون وتلهمينا مع ماي؟؟هالشيئين اللي اعرفهم

بنت الأياويد

11-23-2010, 03:48 PM

هلا فلونة لاحبيبتي لا سندرتيني عزيزة وغاليه ، شفيهم السلمانيه؟ انا حجزت حق التوزيع من مري خذيت الكيك اللي بثلاث ربيات اوكي سايزه صغيرون وحلو مجكنم خخخخخ
انا هاليومين صايدني اسهال لان يقولون لي الياهل تضغط على المؤخره وناس يقولون لي موعد النحر جرب من جذي صايدج اسهال والله اعلم مايندرى شسالفة ، فلونة اسهال ولا امساك احسن لج بس كثري من الموز زين حق الاسهال

حبيبة حسوني

11-23-2010, 03:56 PM

سلام بنات شخبار عساكم بخير
بغيت اسلكم متى ادخل الثامن؟؟؟

فلونة

11-23-2010, 03:56 PM

باقولج اذا تذكرتي ،، الدكاترة عقب الولادة يكون الروند مالهم الصبح على الساعة ثمان اتيي الدكتورة وتسألج عن مكان الخياطة واذا كل شي اوكي بس طلبي منها تكتب لج الجل وكريم ميبو لان في العادة ما يكتبون ومن الصيدلية موجود سعره 5 او 6 دينار على ماعتقد .. بس انتي قولي لها كتبي لي كريم ميبوو

انا وقت الي كنت عند اختي قلت لها كتبي لها الكريم الا تقول ما له داعي اذا ما تحس بحرقان وحرارة مكان الجراحة قلت لها تحتاجه،، جنهم دافعين شي من عندهم

وكتبت لها جل معقم وكريم ميبو وايد استفادت منه حتى ولدها استخدمته له وقت ختانه.. انتي اذا تذكرتي قولي لها ميبو ميبو hwaml02

طفلي ،، انا حطيت دوبي ودوبج وتركت الغدى يولي علشان جذي اخترب
والشاي شلون ابلعه جذي ،، انا ماحب الشاب واهو مستوي الا جذي جني اكل نمل
والنشا باشتري لي بعديين وحتى موز ماميش عندي ماجلة البيت خلصت في الليل بنروح نشتري والله يعيني على المشي الا جان تتبرعين لي وتروحين بدالي hwaml03
فري على البحرين حاطين بوومبو جان تسليج شووي hwaml02

بنت الأياويد

11-23-2010, 03:59 PM

زين قلتي لي فلونة ان شاءالله حزة الحزة اتذكره هههههههههههه

فلونة

11-23-2010, 04:04 PM

وبعد شنو باقي لج حق الولادة ؟

طفلي حياتي

11-23-2010, 04:04 PM

ويلي على بومبو اموت عليه
وبالنسبه لغداش اني من دخلت وانتين تقولين هو ماجهز مادري ويش بس يا الله عشان ما تتحججين فيني هالمره
الجاي يالطيبه فتحي الجيس وخلي محتواه في حلقش واشربي ماي مباشره عليه بروح داخل بلعومش والثاني مثل الشي
نجي لطريقة النشا ماعدش نشا؟؟ اذا عندش كستر مال رمضان اخذي قفشه مليانه وذوبيها في نص قلاص ماي واشربيه شربا هنيئا
بيوقف الاسهال
والحين اني صرت زينه مو تقولين اتحجج اكو اعالج اني

حبيبة حسوني

11-23-2010, 04:06 PM

يووو محد رد عليي الله يسامحكم:(

بنت الأياويد

11-23-2010, 04:09 PM

تقريبا خلصت كلشي الحمدلله بس باقي اجهز الشنطة ودلة ماخذيت حق الياهل ولا خذيت لي قطن حق الصدر وملابس داخلية الحمدلله اغراضي كلشي برزتهم من قبل بشهر بديت اتشرى من السابع فكيت عمري

طفلي حياتي

11-23-2010, 04:11 PM

حبيبة حسوني هاش الجدول
http://forum.hwaml.com/imgcache2/hwaml.com_1290517903_919.jpg

الشهر الثامن 31اسبوع و1 يوم تدخلين الثامن

حبيبة حسوني

11-23-2010, 04:18 PM

يعني هالجدول مضبوط ؟؟؟؟ سمعت يقولون انه غلط

فلونة

11-23-2010, 04:19 PM

طفلي،،ما شاء الله عليج اخصائية تغذية وجهاز هضمي ،، وينهم عنج هالمستشفيات :P
باسوي لي كستر على قولتج انا الشااي ماحبه كلش والكافيين بروحه ينزل الدم وانا دمي كله قااصر تبين تذبحيني hwaml02
عقب كل وجبة اروح الحمام الله يعزكم ،، ماظنتي يوصل شي حق هالبيبي
مشكوورة حبيبة البي ،، والبحرين كل يوم عقب الاخبار يحطون جازورا وبومبوو تابعيهم ززين ها

بنت الاياوويد،، انا ماخذيت دلة خذيت شي ماعرف شسمه نوع الغرشة تحفظ الماي صاخن ماعرف شيسمونه هالاختراع .. نفس الكوب الي يشربون فيه الكوفي بس على حجم عوود من مذركير

طفلي حياتي

11-23-2010, 04:20 PM

مادري والله خيو عن صحته من عدمها اصلا اني اعتمد على هالشريط اللي في توقيعي اذا شفته انتقل الى شهر عرفت اني دخلت شهر جديد

فلونة

11-23-2010, 04:26 PM

MALAK2010

11-23-2010, 04:30 PM

http://forum.hwaml.com/t35247.html#post507985

طفلي حياتي

11-23-2010, 04:30 PM

احمدي ربش فلونه عطيتش وصفتين صحيتين لايقاف هالاسهال
اني الوصفات اوزعهم بفلوس بس ماعليه ببلاش توش خاربه غداكم بنجبر بخاطرش

طفلي حياتي

11-23-2010, 04:32 PM

قاعدة اكلم رفيجتي في المسنجر وتقول ماعرفتي شنو فيج قلتي لها لا ،، الا تقول لي ركزي على صوت نبض البيبي اذا كان يشبه القطار يعني بنت واذا نفس ركض الحصان يعني ولد ،، شرايكم في هالخرافة hwaml02

ويش هالشلخ بعد
اني توني شايفه بنات وجايبين بنات وولاد الا يقولون كل هالحجي هرار كل واحد نساته غير وكل شي غير

فلونة

11-23-2010, 04:33 PM

هههههههههههههههههههههههههههههههه ،، والله مصدقة روحج انتي مسوية روحج استشارية صج ،، انزين طفلي انا خايفة ان ولدي مادري بنتي ما يروح لهم شي من الاكل :"(

طفلي حياتي

11-23-2010, 04:34 PM

بقوم اتسبح بررررررررررررررب

طفلي حياتي

11-23-2010, 04:35 PM

اتركي الوسواس عنش ترى تفوقتين عليي ومدام اني ماعرف اعطي وصفات ولاني استشاريه مابقول لش شي خلاص
يم اسهال
تطمني يوصله اكل وبلا هرار اصلا هو ياخذ حاجته منش ماعليه اكلتين سهلتين هو اهم شي يتغذا
واكلي اي شي لاتعتمدين بس على الوجبات
يا الله نجي الى الفاتوره
40 دينار بعد التخفيظ

طفلي حياتي

11-23-2010, 04:36 PM

شوفي اني رجعت ورديت عليش معني قايله برب وعشان جذيه المبلغ يزيد فلاف ربيات
بررررررررررب

فلونة

11-23-2010, 04:44 PM

ههههههههههههههههههههههههههههههههههههههههه
انززين روحي تسبحي علشان ماضيع وقتج الثمين انا باروح اسبح مواعين غداي العجيب hwaml02،،
وان شاء الله استفيد من خلطتج السحرية والحساب يوم الحساب

طفلي حياتي

11-23-2010, 05:00 PM

الحساب يوم الحساب بيتضاعف المبلغ هناك بطالب عن الربيه الف وانتين كيفش من وين بتييبين فلوس هناك خخخخخخخخ

طفلي حياتي

11-23-2010, 05:43 PM

امممممم خليل لش وحششششه وينش؟؟

أم حماني

11-23-2010, 06:23 PM

احم احم احماااااااااااااات صار لي ساعه ونص اقرا سوالفكم .. ضحكوني طفله وفلونه ههههههههههههه كأنهم توم وجيري

شمس الصباح

11-23-2010, 06:25 PM

هلووووووووو ام حماني شلونج

أم حماني

11-23-2010, 06:27 PM

هلا وغلا شموسة ... شخباااااااارج؟

شمس الصباح

11-23-2010, 06:29 PM

بخير الحمد لله انتي شخبارش مع حماني

أم حماني

11-23-2010, 06:30 PM

الحمدلله .. حبيب قلبي فديته كل مايكبر يتعلق قلبي به اكثر واكثررر

شمس الصباح

11-23-2010, 06:33 PM

الله يخليه ليش

اقول ام حماني انتي لما كنت بشهر الثامن صادش ترجيع لان صايدني ترجيع وكل ما تحركت ملاك احس اني ابغي ارجع واحس بدوار

طفلي حياتي

11-23-2010, 06:33 PM

السلالالالالالالالالام عليكم
اني ييت

شمس الصباح

11-23-2010, 06:38 PM

هلا طفلي حياتي

أم حماني

11-23-2010, 06:38 PM

لا ماصادني .. يمكن البنوتة تضغط على معدتج ..
وعليكم السلام طفلة

طفلي حياتي

11-23-2010, 06:39 PM

هلا شمس
صايرين تغطون وايد

طفلي حياتي

11-23-2010, 06:41 PM

اني خف عليي الوحم والحين اشوف متجدد الطعم الكريه في الريق وكله يوعانه خخخخخ

شمس الصباح

11-23-2010, 06:42 PM

يعني تتوقعين من بنتي وايد مضايقني هالشعور

حتى زوجي يحاتي لاني مرة وحده يصير وجهي اصفر وارجع

حروف عاشقة

11-23-2010, 06:47 PM

سلااااااااااااااااااااااااااام عليكم

شمس الصباح

11-23-2010, 06:50 PM

طفلي حياتي اي لان النساه صادني من يديد وكلش صاير مزاجي يعني حتى لو ادخل ما ارد بس اطمن وصار لي كم يوم ما فتحت الاب توب كلش كل دايخه واذا حسيت نفسي اوكي قمت اشتغل على التوزيعات

شمس الصباح

11-23-2010, 06:51 PM

حرووووووووف يا رشيقة وحشتيني شلونج وشلون الأكشنات في الولادة

طفلي حياتي

11-23-2010, 06:52 PM

ماعليش شر حبيبتي
هلا حروووووووووووف شخبار عباس وزنابي؟

طفلي حياتي

11-23-2010, 06:53 PM

حروف شيلي التوقيعات اثنينهم انا قادم وهم قدمو من زمان ربي يحفظهم هههههههههههههههههه

حروف عاشقة

11-23-2010, 06:53 PM

هلااااااااااااااااا شموووس

انا بخير الحمد الله اسأل عنكم جضرتيني عليش ما تشووفين شر اني بعد صادني جدي بس فترة وبتعدي إن شاء الله ..

وعن الاكشنات حدث ولا حرج خخخخ اولادي قرروااا يعيدوون فطلعواا قبل العيد خخخخخ

حروف عاشقة

11-23-2010, 06:54 PM

هلا هلا طفلي كانش تدرين عني قاعده أعدل التوقيع خخخخخخ

شمس الصباح

11-23-2010, 06:57 PM

الحمد لله شلونج معاهم فيني فضول ابغي الفاصيل

بس اهم سؤال عندي اهم شي كانت ولادتش طبيعي ان شاء الله

انزين على طاري النساة يعني طبيعي وليش جدي يصير

طفلي حياتي

11-23-2010, 07:02 PM

عندي فيديو الى ولاده فيل سبحان الله لا اله الا الله اللي بهرني فيه تعاملها في وضع الولاده ولمن نزل الفيل سبحان الله بروحهم الحيوانات مساكين

طفلي حياتي

11-23-2010, 07:03 PM

متى بتكتبين قصة ولادتش حرووووووووووووف؟

شمس الصباح

11-23-2010, 07:05 PM

اي اني شفته ولادة الفيل كسرت خاطري اشلون تولد وتسوي انعاش له بس سبحان الله

طفلي حياتي

11-23-2010, 07:06 PM

هذا الفيديو
سبحانك ياربي
http://www.video-ksa.com/n1339-فيديو-ولادة.html

حروف عاشقة

11-23-2010, 07:06 PM

هلا شموووس

اسمحي لي خيوتي بالتفصيل ما بقدر جايني ضيوف بس سوني عمليه وبقول ليكم التفاصيل إن شاء الله الليلة اذا الله كتب

طفلي حياتي

11-23-2010, 07:08 PM

برررررررررررب

شمس الصباح

11-23-2010, 07:10 PM

مسموحه حبيبتي والله وياش

ام حماني كانها راحت

شمس الصباح

11-23-2010, 07:11 PM

الكل راااااااااااااااااااح

أم حماني

11-23-2010, 07:23 PM

سوري انشغلت مع حمني شوي ...

طفلي حياتي

11-23-2010, 07:40 PM

باااااااااااااااااااك

طفلي حياتي

11-23-2010, 07:43 PM

ام حماني شخباره ويى الكحه والزكام؟

أم حماني

11-23-2010, 07:45 PM

الحمدلله اشوف في تحسن شوي بس خبرج الكحه ماتروح بسهولة

طفلي حياتي

11-23-2010, 07:51 PM

اي ماعليه شر ان شاء الله بس تحملي فيه لاتسبحينه الا بماي دافي ولاتفتحين المروحه وانتي توش طالعه من الحمام واذا بتطلعين برا البيت غطيه زين الجو ممل ويمرض اللي هالكبر بسرعه

أم حماني

11-23-2010, 07:54 PM

تصدقين انه احنا نموت من الحر بس عشانه في بيتنا هناك نخلي درجة المكيف 25 و ساعات 26 .. هذا اذا ما سكرناه وتمينا على البانكه ... وهني في بيت ابوي حارمتهم من المكيف خير شر وعساني بس اغير حفاظته اسكر البانكه

اقصوصه

11-23-2010, 08:07 PM

هههههههههههههه ام حماني شفتي كيف الحياه تتغير

أم حماني

11-23-2010, 08:14 PM

اي والله كل شي يتغير 180 درجة ... وبعد تغيير بلا عودة .. الا اذا كبروا العيال وكل واحد صار يعتمد على نفسه ... خاطري انام بغرفه باررررررررررررررررده ابي انام 12 ساعه بس ههههههههههههههههه استغفر الله العظيم ياربي انا مو معترضه على نعمة الله .. نعمة الاعيال نعمة عظيمة ماتقدر بثمن .. ياربي احفظ اعيالنا

اقصوصه

11-23-2010, 08:16 PM

ام حماني والله انا نفس الحال

حتى اني انام في الصاله وزوجبي بالغرفه

ويوم ادخل عليه الغرفه القاه نايم تحت المكيف

اقول بقلبي الله يا ليت اقدر انام تحت المكيف شوي

انا عاد ما اشغل مكيف خير شر هههههههههههههه

أم حماني

11-23-2010, 08:20 PM

امي دايمن تقول .. اجر الوالدين على الله .. الحين بس فهمت معنى هالكلام

اقصوصه

11-23-2010, 08:22 PM

هيه والله ما حسينا بقيمة الام وتعب الام الا بعد ما جربنا

أم حماني

11-23-2010, 08:25 PM

اقصوصة ان شاء الله رجع زوجج بالسلامة من الحج

اقصوصه

11-23-2010, 08:25 PM

هيه الحمدلله رجع يوم الجمعه

أم حماني

11-23-2010, 08:28 PM

حمدلله على سلامته ان شاء الله حج مبرور وذنب مغفور

اقصوصه

11-23-2010, 08:29 PM

الله يسلمج يا رب

انتي حجيتي قبل والا؟

أم حماني

11-23-2010, 08:31 PM

لا والله للاسف ... بس ريلي واعدني نروح شهر واحد العمره .. وانتي رحتي؟

اقصوصه

11-23-2010, 08:32 PM

هيه رحت يوم كان معقود قراني

أم حماني

11-23-2010, 08:35 PM

ان شاء الله ربي يكتبها لنا بعد

اقصوصه

11-23-2010, 08:37 PM

امين

ووين حماني شو يسوي؟

أم حماني

11-23-2010, 08:42 PM

حماني في كرسيه قاعد يلعب بيده هههههههههه وانا العب معاه من بعيد لبعيد

اقصوصه

11-23-2010, 08:44 PM

اها

انا حوريتي نايمه

ابا انام بس ادري من احط راسي بتقوم

أم حماني

11-23-2010, 08:47 PM

هههههههههه تصدقين وايد تصير معاي مادري ليش سبحان الله .. بالغصب ارقده وبس احط راسي ع المخده ع طول يقعد ههههههههههههه
حبيبتي استأذن منج بروح اكلم ريلي

اقصوصه

11-23-2010, 08:48 PM

اوكي الغاليه اذنج معاج

أم حماني

11-23-2010, 11:16 PM

الديوانية تقرش خخخ

طفلي حياتي

11-24-2010, 12:18 AM

هداني ييت اقرقش تصدقين رحت بنام وغفت عيوني نص ساعه وقمت الحين ويش يرجع النومه اصبري

طفلي حياتي

11-24-2010, 12:20 AM

ام حماني تعرفيني الحين ام فناتك
بسألش سؤال غريب ويضحك خخخخخخخخخ

طفلي حياتي

11-24-2010, 12:23 AM

المنتديات فيهم خاصيه انش تشوفين الاشخاص المتصفحين للصفحه هني مافي هالخاصيه وماندري اذا احنا قاعدين نكلم احد لو نكلم روحنا

أم حماني

11-24-2010, 12:39 AM

هذاني بقرقش معاج هههههههههه

طفلي حياتي

11-24-2010, 12:42 AM

يلا حياش اشربي جاي ماتحلى السهره الا فيه

أم حماني

11-24-2010, 12:45 AM

هههههههههههههههه انعم الله عليج ... شنو سؤالج طفطوف؟؟؟

طفلي حياتي

11-24-2010, 12:47 AM

سؤالي يالطيبه عباره عن
وين اكثر شي تبوسين حماني؟؟؟
يعني بعض اليهال احب ابوسهم في رقبتهم اموت على هالمنطقه وبعضهم بين عيونهم وفي البعض لحيتهم
الحين حماني كلما اشوف صورته اللي تحت اسمش اقول يهبل وخاطري ابوسه في لحيته خخخخخخخخخخ
ويلي على هالخبال
يوم حملت اقول لصديقاتي ابغي بس اولد بالسلامه حتى اباط ولدي باحبه هيهيهيهيهيهي

أم حماني

11-24-2010, 12:51 AM

والله من حلاتهم ودج تبوسينهم كل مكان .. بس حاسبي تبوسينه في ويهه وفي ناس يبوسون الياهل على شفايفه وهذي اكبر غلط لانه تنتقل له البكتيريا ويمرض وتتحسس بشرته

طفلي حياتي

11-24-2010, 12:56 AM

لا مابوسهم في بوزهم اني بس في لحيتهم تحت البوزه خخخخخ ورقبتهم وراسهم خنين اح عليهم
وريولهم حليوه كل شي فيهم حليو ربي يخلي لش ويبلغني ياربي

أم حماني

11-24-2010, 12:59 AM

ان شاء الله ياربي ... بس لاتكثرين من البوس بويهه او بويهها عشان مايطلع لهم حرار

طفلي حياتي

11-24-2010, 01:02 AM

ان شاء الله ياربي
يمكن اكون محاسبه بعدين وايد لان بطبعي وسواسيه مادري يدور كيفي على البوس ومنعه خخخخ كل شي جايز
احنا مانبوس الياهل بكثره خصوصا اذا نتفه نخاف بس اني ابوسهم اذا كبر ولدش الحين بقووووه اموت عليهم

أم حماني

11-24-2010, 01:05 AM

تحسين بالحنان حتى لو تبوسينه من فوق المهاد .. الحين انتي اي اسبوع صرتي ومتى موعدج؟

طفلي حياتي

11-24-2010, 01:07 AM

اني صرت الاسبوع العشرين و5 ايام باقي اسبوع او اقل وادش السادس
وموعدي بأذن الله
8\4\2011

أم حماني

11-24-2010, 01:08 AM

الرابع والخامس والسادس اسرع الشهور .. بسرعه تمر
يسمونها اشهر العسل بالحمل

طفلي حياتي

11-24-2010, 01:11 AM

زين والله نختصر مسافه وبعدين من السابع يبدا يصير الزمن بطيييييييييييء تبغي الوحده بسرعه توصل للتاسع وتولد

أم حماني

11-24-2010, 01:13 AM

الا يبتدي الثقل خخخ الوحدة تصير كأنها بطريق

طفلي حياتي

11-24-2010, 01:18 AM

هههههههههه الله يعينا ويسهل لينا ان شاء الله

أم حماني

11-24-2010, 01:20 AM

آميييييييييييييييين يارب العالمين وكل حوامل المنتدى يارب

طفلي حياتي

11-24-2010, 01:23 AM

ام حماني لمتى مبسطه فبيت ابوش؟؟
وقبل لاتروحين لريلش قولي له يركب نت لاتروحين وتختفين مره وحده مالنا غنى عنش ويمكن تحملين بعد مالش غنى عننا هههههههههههه اشتغلت على التطفيش

أم حماني

11-24-2010, 01:29 AM

هههههههههههههههههههه والله احن عليه بس الله يهديه يومه بسنه ... ودي احمل بس اللي مانعني انه حمني توه صغير ..

طفلي حياتي

11-24-2010, 01:29 AM

يلا ام حماني اخليش بقوم جان ترجع النومه في امان الله وبوسي حماني على مهاده هههههههههههه

أم حماني

11-24-2010, 01:29 AM

اي نسيت اقولج تراني باجر رايحه مع ريلي

أم حماني

11-24-2010, 01:52 AM

صباح الخير ياعرب

اقصوصه

11-24-2010, 03:34 AM

صباح النور والسرور

فلونة

11-24-2010, 11:43 AM

صباااح الخيررر

الاوادم كلها رقوود والله شسالفة.. الفتاة الذهبية ، فجورة ، ام خليل غايبين عن المنتدى.. ان شاء الله المانع خيرر

تدرون حلمانة البارحة جني ولدت وحضراتكم في المستشفى تباركون لي .. طفلي حياتي حتى في النووم لاحقتني .. اعوذ بالله hwaml02
بس اتصدقون اجوف بنات متيمعين وما ركزت الا على ويه البيبي بس اتهقون اشله هالحلم hwaml5

rose soul

11-24-2010, 12:30 PM

قوه
انا رديت شقتي
واليوم عندي موعد
ودمي ناااقص
حولوني الطوارئ ولحين مارحت
مالي خلق افففف
برب اجوفكم مادري متى

فلونة

11-24-2010, 12:52 PM

ماعليج شر روز ...
انا بعد صار لي اسبوعين مطقعة حق الحبوب ولا اخذه شكلي بابتدي اخذه من اليوم

شمس الصباح

11-24-2010, 04:38 PM

بقايا انثى 84

11-24-2010, 04:53 PM

متباركين بهالمناسبه اعاده الله علينا بالخير

اقبلوني عضوة جديدة

حنين للماضي

11-24-2010, 09:25 PM

السلام عليكم
شخباركم حبيباتي؟؟

الله يبارك فيش شموس
اعاده الله عينا بصحة وعافية ان شاءالله

بقايا انثى حياش الله معانه
ويلا عاد عطينا تفاصيل حملش عشان نتعرف عليش اكثر

اليوم صادتني قصة
اولاً كنت بطمنكم نحلت مشكلتي ولله الحمد
وثانياً اليوم كله كان عندي آلام جهة اليمين وقررت اروح السلمانية
لأن الالم تعبني
يااااا الله على السلمانية في علال الجبد ورفع الضغط
المهم عقب ساعات انتظار طلع عندي تقلصات الاملاح في كليتي بسبب قلة السوائل
قالت الموالح واجد واجد زايدة ولازم اشرب بكثرة سوائل
ومن رجعت من المستشفى كلحين اشرب ماي
بس ان شاءالله يروح مني وافتك

المهم عقب المعاملة والبرود اللي جفته هناك قلت لو شنويصير مستحيل اولد في السلمانية
اذكر يوم ودينه اختي جدحفص وقارنته مع اليوم صدق فرق شاسع

حنين للماضي

11-24-2010, 09:27 PM

تعالوا صدق باركوا لي ولذهبية الغايبة بمناسبة دخولنا الثامن

اقصوصه

11-24-2010, 10:37 PM

مساااااااااااااء الخير

حبيبة حسوني

11-24-2010, 11:15 PM

مبروك حنونه دخول الثامن وعقبالي احسب باليوم والدقيقه
والحمد لله انحلت مشكلتش وان شا الله اخر المشاكل
والسلمانيه يلوعون جبد الوحده تلوع
اني من 3 اسابيع كنت هناك وكرخت اليوم الي رحت فيه
من 8 المغرب الى 2 الا في الليل تخيلي
ماطلعت الا بصياحي لاعت جبدي واني اوردي اقرب لي جد حفص في حلقي
منجدي بولد في جد حفص الله يسهل علينا يارب

حبيبة حسوني

11-24-2010, 11:24 PM

يلا حبايب قلبي بروح انام
اشوفكم على خير

أحلام أم

11-24-2010, 11:33 PM

السلااااااااام عليكم

الديوانية نايمة نووووووووووووم عميق واخاف اعدد اسماء وانسي ان شاء الله هم بخير

المهم حبيت ابارك
بعيد الغدير اعادة الله علينا بالخير واطفالنا بين يدينا (متباركين بالليلة) hwaml7hwaml7hwaml7
الله يبارك فيش حبيبتي ويارب ينعاد علينا وأطفالنا النونوات بين أيدينا يارب العالمين بحق هالليلة لاتردنا
ترى أني بعد دخلت أبارك ليكم وأسألكم الدعاء ولكم مني بالمثل
hwaml30hwaml30hwaml30hwaml30hwaml30hwaml30hwaml30h waml30hwaml30hwaml30hwaml30hwaml30hwaml30hwaml30
مبرووووووووووووك

اقصوصه

11-25-2010, 03:30 AM

متباركييين

ام اليان

11-25-2010, 08:18 AM

صباح الخير

اقصوصه

11-25-2010, 08:57 AM

صبااح الورد

بقايا انثى 84

11-25-2010, 09:05 AM

صباح الخير ام اليان

حنين الماضي شكرا حبوبة على الترحيب

انا اخر دورة جتني تاريخ 10-10 ولما تاخرت الدورة رحت مستشفى الشفاء بسوي تحليل دم وطلع سلبي وعقبه بيوم رحت للدكتورة كشفت على وقالت روحي عيدي التحليل ما ادري ليش مو مطمنه منه لانه بطانه الرحم سميكة جدا ورحت ابن النفيس سويت التحليل مرة ثانية الا طلعت حامل ورديت رجعت للدكتورة وقالت اصبري يومين ونسوي تحليل ثاني علشان نعرف ونتاكد انه واحد منهم غلط لانه مو معقوله ان اثنينهم صح المهم طلعت حامل واليوم لازم ارد اسوي تحليل ويوم السبت موعدي علشان تسوي لي سونار وتشوف في اي اسبوع انا لانه تقول احتمال صار التبويض عقب
انزين انا ودي اتعرف عليكم وياريت في احد حمله قريب من حملي علشان نتابع التطورات ويا بعض

بالنسبة للسلمانية ابدا ابدا ما انصح فيهم صراحه الي راح الخاص يعرف الفرق والاهتمام الي في الخاص وبط الجبد الي في السلمانية ... بس في نقطه وحده بعد ابي اوضحها السلمانية على الاهمال الي عندهم لكن خبرتهم اكثر من اي مكان ثاني وعندهم اجهزة وكل شي لكن من كثر الناس الي عندهم تحس ما عاد عندهم اهتمام للوحده

فلونة

11-25-2010, 09:39 AM

صبااح الخيرر ،،، والاحسن اقول تصبحون على خير لانه ماميش احد الكل راقد

بقايا انثى ،، الله يكتب لج حمل سليم وكامل ويثبته لج وحيااج الله
معانا

انا اليوم رحت سويت تحليل السكر وان شاء الله تكون النتيجة زينة .. ودمي تعودت تكون النتيجة تحت .. لانه ماكنت اخذ الحبووب

ومتباااركيين جميعاا بهاليوووم والله يعودنا السنة الياية مع اعيالنا في احسن حال.. واليوم كانو يوزوعون في المستشفى حلاوة وعطوني hwaml02،، الله يعودهم ...

حنين للماضي

11-25-2010, 09:58 AM

السلام عليكم
صباح الورد يا زهور البحرين
شخباركم حبايبي؟؟؟

حبيبة حسوني مشكورة حبيبتي
ايي والله يعلون الجبد اني رحت من ساعة 2:30 الظهر لساعة 7 مادري 6:30
وتمللت عدددل
بس يلا الحمدلله على كل حال
عاد حبيبة حسوني انتي شكله دمعتش على خدش على طول هااا
بس لا تصيحين وااجد يقولون الجاهل يطلع عصبي بعيد الشر عن بنتش
بس ماتدرين اخدي احتياطش

بقايا انثى 10-10 ذكرى عقد قراني
بصراحة خوش تاريخhwaml02
وللاسف مافي لحد الآن احد وياش كل الاعضاء في الشهور الوسطى والاخيرة
بس ان شاءالله يشاركون عضوات جدد عشان تقدرين اتابعين وياهم
على العموم طمنينا اذا طلعت النتيجة النهائية
بس حالياً تحملي في روحش عدل ولاتشيلين ثقل كلش

فلونة افتكيتي من التحليل
ان شاءالله يطلع مافيش سكري وتفتكين
تعالي صدق انتي و روز وطفطف اش عندكم مع حبوب الحديد
ترى ضروري تستخدمونه خلال فترة الحمل
فقر الدم كلللش موزين للحامل
واذا انتو من النوع النساي نفسيhwaml02حطوا لكم ريمايندر في التلفون

ها في احد لو لا؟؟؟؟hwaml7
متباركين بهذه المناسبة

وعلى فكرة صلاة هذا اليوم تعادل مائة ألف حجة ومائة ألف عمرة وما سأل الله عزوجل حاجة من حوائج الدنيا وحوائج الاخرة الا قضيت له ما كانت الحاجة

حبيبة حسوني

11-25-2010, 10:11 AM

اي والله اني اقل شي واصيح واعصب من حملت بسرعه اتنرفز
بس الحين احاول اهدي علشان بتي وعلا افادي لاتجي عصبيه بسم الله عليها

حنين للماضي

11-25-2010, 10:26 AM

اي والله اني اقل شي واصيح واعصب من حملت بسرعه اتنرفز
بس الحين احاول اهدي علشان بتي وعلا افادي لاتجي عصبيه بسم الله عليها

تعالي ما قلتي لنا شنو بتسمين بنوتش؟؟؟
كملتي اغراضش واغراض الكتكوتة؟؟؟

حنين للماضي

11-25-2010, 10:29 AM

ولدي مرعوص في التوقيع على قولة زوجي جنه ربيانة مسكينhwaml02
خاطري بسرعة اغسل ثيابة اصفهم في الكبت
بس احس توه الناس صح

حبيبة حسوني

11-25-2010, 10:33 AM

ههههههههههههههه حلوه جنه ربيانه
اي اني تقريبا كملت اغراض بنوتتي
وان شالله بسميها فطومه :)
باقي عليي اغراض الاستحمام شامبو وكريمات وهالسوالف
والسرير بعد والباقي كملتهم

حبيبة حسوني

11-25-2010, 10:34 AM

اي توه الناس على غسالهم وصفافهم ههههههههه ويليي يجننون ثيابهم

شمس الصباح

11-25-2010, 10:36 AM

صباح الخير يا كروشات

الله يعودنا بحال افضل وتلبسون السنة الجايه النونو ملابس جديد ويحصل حلاوة بعد

حنون تصدقين حلمت حلمة امبارح اول شي كان زوجي يصارخ على لان خايف اني اطلع وتصيدني عيون الناس وقمت اخذت منه مفتاح سيارتي ورحت عنه علشان يرجع مشي مغرورة في الحلم خخخخ ولكن نهاية الحلم كان فيها بركات ابو الفضل العباس لي والي اطفالي

فلونة ليش ما جبتين لينا حلاوة هاااااااااااه hwaml14 افتكتين من تحليل السكر ان شاء الله تطلع النتيجه اوكي يوم السبت عندي موعد في الخاص ان شاء الله اشوف بنوتي واطمئن عليها طالع لي حبوب صغيرة في بطني وتحرق بشوف اذا رحت للدكتورة شنو تقول لان صار لي سبوع من طلع الحرار والي الحين ما راح

وارحب بعضوتنا الجديده بقايا انثى وان شاء الله تطمنينا عليج اليوم والله يثبت حملش بحق هذا اليوم المبارك hwaml7

حبيبة حسوني لا تعصبين مو زين العصبيه كل اضحكي صيري مثلي hwaml15 حتى في الحلم اتهاوش خخخخخخخ

Um Amal

11-25-2010, 10:41 AM

مراااااااااااااااحب ..
اليوم كان عندي موعد في مستشفى السلمانية .. والحمدلله طمنوني عالبيبي وخبروني إن نزل راسه ..
وبعد عطوني موعد لتحليل السكر مرة 2..
ولا تنسونا من دعواتكم ..

حبيبة حسوني

11-25-2010, 10:44 AM

اي اني احاول اضحك وماعصب روحي
يلا برب حبيباتي

حنين للماضي

11-25-2010, 10:53 AM

شموس الله يبارك فيش حبيبتي
ويااارب يبلغنا سنة الجاية مع كتاكيتنا

وعلى طاري الاحلام حدث ولا حرج
تصدقين حلمت بربعي ايام الابتدائية والاعدادية
واهلنا اللي من سنين ماجفتهم
ولا اللي يضحكني ساعات اذا اقوم وارد انام ارد احلم تكملة الحلمة
تقولون حلقات مسلسل مصري

حبيبة حسوني افتكيتي اني بعد بس باقي ادوات الاستحمام والحفاضات
سجلتهم مع مالجة هالشهر راح آخذهم ان شاءالله

ام امل من زمان مابينتي
انتي حسيتي يوم نزل راس البيبي
لأن انتي معاي تقريباً
موعدي بعد ثلاثة اسابيع تقريباً
يعني بعيد شوي

Um Amal

11-25-2010, 10:56 AM

هلا حنين ..
لا والله ما عرفت انه نزل او شي ..
بس لاحظت إن الحركة زادت عن قبل .. قلت يمكن نزل ..واليوم في الأشعة بين إنه نزل

شمس الصباح

11-25-2010, 11:03 AM

حنون راح تحسين بثقل اذا نزل راسه الي تحت اني نزل في نهاية السابع وحركاته تحسين غير تصير واثقل
بس انتي ولد يمكن تحسين بشعور غير لاني بصراحة احس الحمل بالبنت ثقيل والولد اخف ورشاقه الحين صاير خشمي منفرش من الخد الي الخد وبراطم اني ما عندي في الأصل الحين عندي براطم كباااااار اكشخ ابهم بس الخشم مخرب الديكور مال الوجه خخخخخخخخخ

حبيبة حسوني

11-25-2010, 12:37 PM

بنت الأياويد

11-25-2010, 12:54 PM

السلام عليكم ، شخباركم جميعا ؟

بقايا انثى 84

11-25-2010, 01:52 PM

مساء الخير جميعا

بنت الاياويد شلونج حبيبتي

شمس الصباح , فلونه , حنين الماضي مشكورين حبايبي على الترحيب

الله يسهلها علينا جميعا

تصدقون مو قادرة انطر لنهاية الدوام ابي اروح احلل بسرعه ويوم السبت موعدي مع الدكتورة

جوعانه حدي حدي وطلبت لنا بنت ويانا في الدوام من نينو الي في مجمع العالي انا قلت لهم ابي بس سلطة لانه اعرف ما راح اشتهي شي وفعلا طلبت لي ودفعت قيمة الاكل واكا مقطوط من فتحته وشميت ريحته بغيت ازوع حاطين فيه طماطم مجففه وصنوبر وجبن لاعت جبدي وانا هني بالدوام ما علمتهم اني حامل لانه هاي اول حمل لي بعد ما طرحت فقررت ما اقول حق احد الا لين عديت الثلاث شهور. المهم فحاولت ابلع لقمه ما قدرت طلعتها بسرعه والبنات يقولون شفيج شكلج حامل توهقت حدي .

وانتوا بنات كنتوا مثلي في البدايات ؟

بنت الأياويد

11-25-2010, 01:59 PM

هلا والله بقايا ، شخبارج ؟ انا الحمدلله بخير ، اي انا كنت جذي نفسج اتشهى ولين يابوا الاكل ماكل ولا شي تنسد جبدي اذكر مرة زوجي عصب علي خليته يوديني الابراج وماتم شي ماطلبناه ويوم يابوا الاكل صادتني اللوعة وماكلت ولا شي مسكين خليته يدفع على الفاضي
اي لاتعلمين احد لين يثبت حملج ان شاء الله ، الله يتمم لج على خير