ديوانية البحرين - دردشة حوامل البحرين - البحرينيات

[بنت الأياويد]

ام خليل انا نفسج ماحب اسامي الدلع الي هابين فيهم رهف وطهف ومادري شنو احب اسمي الاسامي العادية الي كل من يسمي فيه اعياله من جذي اخترت اسم شيخة

[طفلي حياتي]

ام خليل بتقتليني بهالحجي بموووووووووووووووووووت
تهو نفل امه مايفهم هالريل بعد؟؟

[بنت الأياويد]

انا بررب شكلي بروح الممشى مع ريلي وبعدين برجع انشوفكم على خير سلامي للجميع

[طفلي حياتي]

بدري بنت الاياويد
بس يلا وقت ممتع ان شاء الله بااااي

[om khalil]

بنت الاياويد تدرين لاعت جبدي من السفن اب ازيد هههههههههههه
استغفر الله بس مادري خنافس وسفن هههههههههه
حليو اسم شيخه الله يييبها بالسلامه ان شاءالله

طفلي يقول خاطره في الاسم بس عاد وين مابي ماشاءالله وايد عدنا في العيله

من الحين لذاك الوقت بادور ليي في جم موقع مال اسامي بس عاد تلوع جبدي من اشوف هالتالات ههههههههههه

[om khalil]

اني بعد باقوم يختش توي شفت سوالفكم عن المعكرونة وصار خاطري فيها
باقوم اشوف جان عندي خضرة مافي وقت اطلع دياي من لفريزر

اشوفش ان شاءالله على خير وتحملي بروحش

[طفلي حياتي]

عندش روحش ابحثي وان شاء الله تحصلين اسم حليو هالايام الناس هابه على آتينا من (ربنا اتنا في الدنيا حسنه)
حليو

[طفلي حياتي]

بتروحون كلكم افففف
اصلا تعبانه ماعليش مني خاصرتي عورتني من القعده
في امان الله وحفظه

[فلونة]

بناااات عندي مشكلة تفشل ،، بس عيزت وانا اجرب كل شي وما في فايدة

من بداية حملي لي اليوم واناا على طوول معاي اسهااال الله يعززكم..وجربت كل شي طبيعي ومافي فايدة (روب، خيار، والموووز ) وما فادني كللش والله ساعات افكر اقول شكله هالبيبي ما يوصل له شي وانا تعبت بطني يعورني من هالسالفة ومابي اروح المستشفى واخذ ادوووويتهم الي عندها حل لا تبخل علي بلييزززز:(

عقب شوي باروح عرس والله يستر شكلي ولا باقعد حالي حال هالاوادم

[أم حماني]

السلام عليكم

فلونة لازم تروحين المستشفى ... دام جربتي كل شي ومانفع معاج

[طفلي حياتي]

هلا عليكم السلام
فلونه قومي الحين سوي واحد من اثنين اما قفشه مليانه نشا او محلبية كستر مو مستوي يعني اهم شي نشا وذوبيه في نص قلاص ماي صغير واشربيه
الطريقه الثانيه جاي ليبتون الاكياس قطعي كيسين والهميهم مع ماي
ام حماني هلا والله شخبارش
اليوم رحت وعلى بالي اطمنش رحت الحمدلله ومشى الامر على خير باقي الله يطمني ع النتيجه وتطلع اوكى يارب

[اقصوصه]

ام حماني اخبارج؟

[أم حماني]

طفلي حياتي .. حبيبتي ...ان شاء الله ربي يطمن قلبج ومافيج الا العافيه ان شاء الله

اقصوصة .. هلا فديتج .. انا بخير .. انتي شخبارج وشخبار حور ؟؟

اليوم رحت فحص مابعد الولادة .. برضع حمني الحين وبعدين بقول لكم اش سويت

[اقصوصه]

الحمدلله

سهر ومغص والحياه تستمر

[أم حماني]

وين رحتوا؟

[طفلي حياتي]

انتون رحتون
خخخخ يلا اني ييت غردي
شكل فلونه مشغوله ويى الاسهال مسكينه

[اقصوصه]

أنا هنا ام حماني

[أم حماني]

الله يسلمكم رحت وانا حدي خايفه .. طلبوا تكرمون عينه بول .. وبعدين قاسوا الوزن والضغط والدم .. وعقب نادتني الدكتورة .. وقالت لي انسدحي ... وانا اسوي روحي عادي وانا خااااااااايفه .. واتلفت حوالي .. تذكرت الولادة كنت قاعده واتلفت واطالع في كل شي ... حفظت الغرفه ... 13 ساعه قاعده هناك .. غصب احفظها قطعه قطعه هههههههههه
المهم ... شغلت الدكتورة الليت وانا تكشفت طبعا << ياغربالنا مع هالتكشف ... صرنا فرجه بس تعال وانسدح وكشف هههههههههههههههههههههه
بعدين مادري شنو حطت عشان تاخذ عينه واشوف شي كأنه قطن اذون بس طويل ... تألمت واهيه تقول لي ليني انتي وايد شاده حاولت الين واخذ نفس .. بس ثواني الا اشوفها راحت عني .. اقول لها خلاص ؟؟ تقول لي اي خلاص قومي ... يعني ما خذ وقت وايد .. وبعدين تمت تسألني عن المانع اللي ابي استخدمه .. وخيرتني بين اللولب والحبوب .. وانا زوجي مب راضي لا حبوب ولا لولب ولا ابر ولا شي .... بنات الي عندها خبره بموانع الحمل ياريت تفيدني

[طفلي حياتي]

ههههههههه السالفه هينه يعني لا بوز بطه ولا يحزنون بس وش سالفة 13 ساعه؟؟؟
وطريقة العزل الطبيعي احسن شي
يعني شسمه برا وبس

[أم حماني]

اهيه حطت شي يمكن اهوة بوز البطة بس انا ماشوفه لاني منسدحه واللي المني مكان الجراحه مب شي ثاني .. يعني الكشف اللي يسوونه بالولادة يألم اكثر من الم الفحص بوااااااااااااااايد ..
وال 13 ساعه كانت معاناتي في غرفه الولادة هههههههه

[بنت الأياويد]

بااك عدنا اليكم من جديد
هلا والله ام حماني شخبارج ؟
ان شاء الله بس تكونين موجودة؟

[أم حماني]

طريقه العزل احس مب مريحه .. ويمكن تضايق الريال ... والله اعلم
اقصوصة قولي لنا شالمانع الي استخدمتيه

[أم حماني]

لا مب موجودة رحت من شوي .... يا ام دبه من تشوفيني تشردين ...

[Um Amal]

مراحب ..
شخباركم اليوم ؟

[بنت الأياويد]

والله احاتيج اقول مادري شسوت مع الموعد اليوم ، بطيتي مادشيتي من وقت
زين الحين ام حماني انتي خبره في الديوانية اي شي نبي بنسألج
لا والله ماشرد بروحي ولهانه عليج وعلى سوالفج بس لان حماني ولدج الله يحفظه يسهرج وانا الحين صايرة ماسهر وايد حدي لي 11 بالكثير

[أم حماني]

هلا والله ام امل ... شخبارج

[أم حماني]

الله يسلمج خلصت من موعدي و مريت على يدي الله يشفيه مرقد بالمستشفى ..ادعوا له الله يشفيه .. و موعدي سهالات الحمدلله وبعد عطوني موعد تاريخ 6 - 12

واذا عندكم اي سؤال اكيد بجاوبكم اذا اعرف من عيوني

[Um Amal]

هلا والله ام امل ... شخبارج


هلا بيش أم حماني ..
الحمدلله بخير .. بس أسأل عنكم كلكم ..

[بنت الأياويد]

ربي يشافيه ويطلعه بالسلامة ، الا بسألج عن التصوير الرباعي الابعاد ، صورة حماني نفس الملامح بالضبط ولا تحسينه غير؟ لان ابي اسوي ومترددة وزوجي مب مؤيدني كلش يقولي مالج سالفة جذي جذاك بتشوفينها هههههههههههه
وبخصوص الموانع الله يعينج بيتنا كله يخرعوني اذا ماكلت حبوب بحمل بسرعه لان يقولون دايما تنصادين عقب البجر لان ماعندج كونترول على نفسج بس في اهني كذا وحده متزوجة خل ناخذ خبراتهم

[أم حماني]

سألت عنج العافيه ام امل ... شلون نفسيتج اليوم ؟

[Um Amal]

سألت عنج العافيه ام امل ... شلون نفسيتج اليوم ؟


الحمدلله بخير ..
الله يحفظش على تواصلش الطيب مع الجميع

[أم حماني]

http://forum.hwaml.com/uploaded/9892_11283476663.jpg


يعني ماتبين الملامح بس الخشم نفسه والشفايف بعد بس اهم شي نفس الحركات الي في السي دي ... ليحين يسويها ههههههههههه

[بنت الأياويد]

حياتي هههههههههههههههههه ربي يحفظه ويخليه لج ويتربى في عزج وعز ابوه ، متى بتنقلين السعودية خلاص؟

[أم حماني]

رحت هناك اسبوعين وكنت ارجع بالويك اند هني... وهالاسبوع قلت بقعد بيت ابوي... وايد ولهت عليهم ويوم الاربعا ذي ريلي بياخذني وبيكون اجازة لي عقب العيد ... وناسه انا واهوة اجازة وبنكون في البحرين ... بنقطع الشوارع والمجمعات من الهياته ههههههههههه ... اش رايج بالشبه بين التصوير وحماني .. قارني وقولي لي

[Um Amal]

أعتقد إن يمدحون "فوزية كمال" في التصوير الرباعي
في البحرين

[Um Amal]

إلا أم خليل وينها ..
ما تبين ؟!!
لها وحشة

[أم حماني]

انا رحت عند فهيمه المطوع

[بنت الأياويد]

انا دكتورتي ماشاء الله شاطرة بهالسوالف بس ريلي مو موافق اني اسويه ، زين ام حماني عليكم بالعافية استانسوا ، لا عندي ولدج على الطبيعه احلى فديت روحه لان في التصوير ماينبان واضح بس فيه شبه قليل كلش عيل شكلي مابستعيل على بنتي

[بنت الأياويد]

برررب الجهاز مشير اذا مارديت نشوفكم باجر

[أم حماني]

اولردي مابقى شي تولدين بس هو حلو تحتفظين به كذكرى

[اقصوصه]

ام حماني شخبار حماني اليوم ؟

[أم حماني]

هذا اهوة يصيح ومب عارفه شسوي

[اقصوصه]

الله يعينج

أنا والله تعبتني حور اليوم من كثر ما صاحت

حماني عمره شهرين صح؟

الله يعينا لين يكبرون

[أم حماني]

اليوم كمل شهرين .. المشكله لما يصيحون ماتدرين اشفيهم ... احنا بس نحسب البطن .. يمكن يكون شي ثاني واحنا ماندري

[اقصوصه]

جوع او حفاظه او مغص

هاي الامور الاساسيه

[بنوتة حلوة]

لازم في سبب حق صيحة الجاهل .. الله يكون بعونكم .. ويالله من خبراتكم نستفيد :)

[طفلي حياتي]

السلام عليكم
بنات ضربات القلب عادي تتلخبط في الحمل؟
اذا بنام اسمع صوت قلبي واضح والضربات احس بهم اني من زمان هالشكل وساكته عن روحي والحين اوسوس اقول جان مو الحمل يأثر ازيد بعد

[اقصوصه]

حياتي طبيعي تكون غير منتظمه

واذا انتظمت يعتبر خطر ع الجنين


بنوته نحن السابقون وانتم اللاحقون ههههه

[طفلي حياتي]

اني هالحاله تزيد اذا الحموضه مرتفعه تزيد ضربات قلبي وتضطرب

[طفلي حياتي]

شلون لازم تكون مو طبيعيه؟

[أم حماني]

حماني وايد يصيح .. تصدقون صار له اكثر من ساعه وربع يصيح ... اخر شي عطيته امي ... ماقدر اتصرف

[اقصوصه]

عاديواول بيبي دائما يكون صياح

[أم حماني]

الله يعينه ويعيني عليه ...اقصوصة اي نوع من المانع كنتي تستخدمين؟؟

[طفلي حياتي]

مساكين اليهال مانعرف وشفيهم
هم حتى على النومه يصيحون مايفهمون ان هذا التعب يبغي له نوم يقعدون يصرخون هههههههههه
نيميه اذا ما نيمتينه من زمان
بقول لش هالطريقه تنفعهم اذا تمو يحنون
اابطحيه على ريولش ودوريه على جهه وحده وغني له وخليه مغطى كامل بأي شي خفيف وانتي تهزين ريولش على خفيف مو بقوه وضربي فوقه بالهداوه بعد بتشوفينه هدأ ونام

[اقصوصه]

استعملت لولب 3 سنين يا ام حماني

[أم حماني]

عادي ماكان يألمج او يضايقج؟؟ وماله اثار جانبيه ؟؟؟ اخاف يحطون شي في جسمي وحتى اسمه يخوف ههههههههههه

[أم حماني]

طفلي حياتي تصدقين سويت له طريقتج على طول نام ... اهوة كان فيه النوم بس يصيح ومب قادر ينام

[فجوره]

انه وصلت
باكلكم من اليووووووووووع

[أم حماني]

هههههههههههههههههههه ... توني ماكله ملوخيه ... احس روحي خبله مب صاحيه ... احد ياكل ملوخيه هالحزة هههههه

[فجوره]

ويينكم محد اهني؟

[أم حماني]

ما في الا انا وساهر الليل هههههههههههه

[فلونة]

توني ياية من العرس وو صج اعيال هالزمن فصخوا الحيااا، اناا توني متزوجة من سنة وما سويت لا نص ولا ربع الي جفته اليووم .. الحمدلله والشكر

طفلي حياتي.. باجر باجرب طريقتج وباقولج شيصير ان شاء الله ير جع طبيعي ،، ما شاء الله عليج عندج خبرة ويا اليهال

باجر اختي بتختن ولدها وتوه عمره 9 ايام وانا حدي احاتيه ،، ما تبي الا دكتور جمال الزيرة وبيسافر عقب باجر .. ادعوا له بنات الله يعديها على خيررر

[أم حماني]

هلا والله فلونه ... اش لج بالعروس .. ههههههههههههه مسكين البيبي صجيتي راسه بالطق والغناوي

[فجوره]

هلا والله ام حمااني شلوونج؟
فلوونه شخبار

[طفلي حياتي]

اهلا بنات
الحمدلله ام حماني انه ارتاح اخذيها نصيحه اذا شفتينه يزنزن وماترعفين ليش وشبعان رضاعه معناته يبغي ينام بس مايفهم لروحه ههههههه انتي سوي هالطريقه وبيهدأ على طووووول
ربي يحفظه
فلونه حتى الحين عادي سويها او باجر كيفش
فجوره ليش للحين مو ماكله شي؟

[أم حماني]

فلونة تختنه وهو صغير احسن ... لانه مايتحرك وايد ... اذا حرك ريوله بيعور مكان الختان

[أم حماني]

هلا فجوووووورة ... وين هايته اليوم اعترفي مابينتي .. احنا بخير الحمدلله وانتي شخبارج؟؟>> بدرري هههههههههه

[أم حماني]

ماشاء الله عليج طفلي حياتي .. خبره باليهال

[أم حماني]

كأنه مافي الا انا اهذر هني خخخخخخ

[فلونة]

ام حماني انا تركيزي صار ويا المعرس والعرووس صج اول مرة اجوف هالحركات لايف،، بس توه نتيفة شلون بيتحمل الالم .. يا رب سترك ..

طفلي ،، مافيني شدة جسمي متلخلخ .. اكلت روب احين مؤقتا لي باجر

فجوورة ،، انا زينة انتي شخبارج .. شخبار توزيعاتج؟

[فجوره]

ويين اهييت وعليه عليي
بس ضرووسي يعورووني
وماقدر اكل شي
اليوم غداي روبه وعشاي عصيده

عندي لكم سالفه تفشل حدها

[فجوره]

فلونه توزيعاتي خلصتهم و لستاند ريلي اشتغل عليه
حتى البطايق سواهم
ماشالله عليه هااب رييح

[أم حماني]

ليش مارحتي الدختر يسوون لج حل ؟؟ شنهي سالفتج ان شاء الله خير

[أم حماني]

hwaml5hwaml5hwaml5hwaml5hwaml5hwaml5hwaml5hwaml5hw aml5hwaml5hwaml5hwaml5hwaml5hwaml5

[فلونة]

فجورة لانه جفت ستاند وحدة اتأجره عجبني لونه ازرق ييتي على بالي،، بس دام جذي افتكيتي

[فلونة]

التوزيعات اختي سوت 100 حبة و ماشاء الله كلهم خلصو ،، انا مادري جم اسوي ما شاء الله امي الي ايي تعطيه من كل نووع.. انا باسوي بس شكل واحد ما لي بارض

[فجوره]

دكتورتي مواعيدها فل و الاسنان مايرضوون يسوون لي شي لان سالفتي عوييصه
بحاول الاربعه او الخميس ادخل عليها ارجنت اذا رضت
لان بطني حده نازل على تحت وشكلي جربت ولادتي
ماباقي الا جمن يوم على التااسع

وسالفتي ساالفه
بادش التاسع وللحين مامشيييت
ماعندي احد يمشيني
زوجي على طول في الشغل
وبيتنه مايعبرون
ومايرضون يخلوني اطلع بروحي يعني شالحل؟
غير جذي مافي جماع مع زوجي بالمره
ماكلمته بس احسه وايد يخاف علي وعلى الياهل
لان حدي ماقدر اسوي شي وبسرعه اتعب و وايد صكييت من تحت
وبس عقبها هون يجرب صوبي خصوصا ان عايشين بعيد عن بعض

شااسوي شكلي ولا بوولد
جان مايولدووني قيصريه


حدي نفسيتي تعبت من هالسالفه

[أم حماني]

امج شكلها مثل امي وماشاء الله ابوي من فرحته تم يوزع على الممرضات واللي يشتغلون هناك هههههههههههههههه

[فلونة]

ام حماني ،، بالنسبة حق الموانع انا ما عندي خبرة .. بس بنت خالتي ركبت لها لولب في ابن النفيس من سنة تقريبا بتخليه ثلاث سنوات وتقول ما تحس فيه يضايقها بس المضاعفات الي تصيدها التهاب في الابوال الله يعزج ودورتها كانت 5 ايام واحين صارت 7 ايام
احسن مانع اللولب .. شي فيزيائي مب كيميائي نفس الحبوب وانتي كيفج

[أم حماني]

فجورة انا ماكنت اخلي ريلي يجرب مني .. يمكن بالتاسع صار بس مره وحدة .. وكنت امشي بس مب وايد .. امشي حتى لو داخل البيت والله انا قزرت رمضان وامشي في ممر الصاله رايحه يايه وارقص واستهبل ههههههه ... وسعي الصدر حبيبتي .. وخليج مفرفشه .. تذكري انه قرب الموعد اللي تفتكين فيه من الثقل والتعب وبتصيرين خفيفه واهم بتشوفين ضنااااج

[أم حماني]

عاد التهاب البول كريه ... انا عانيت منه وايد في حملي خصوصا اني من النوع الي ما اشرب مااي

[طفلي حياتي]

على طاري الجماع اني ماحبه من حملت وكله ابغي اسألكم شنو الطرق الغير مضره بالحمل واستحي
ومدام فتحت الموضوع بويه مامنه حيا قولو لي شلوووون هههههههه بلاوي

[فلونة]

فجورة لازم تمشين ، لانه المشي يسهل الولادة .. اختي نفس حالتج ريلها في الشغل على طول ،، تمت تتمشي ويا امي في الفريج ربع ساعة الى نص ساعة والحمدلله قبل موعدها ولدت ،، وتعبت شوي في الولادة لانه ما توسعت بسرعة مع ان طلقها حاار و على بعض اييها .. وسالفة الجمااع ممهمة .. حاولي تستخدمين كريمات او زيووت طبيعية اذا خايفة من الكريم

[أم حماني]

انا بعد كرهته وقت الحمل واهم شي مايكون الجماع بقوة وانه مايضغط على البطن واذا لاقدر الله شفتي دم وقفوا الجماع

[فلونة]

طفلي ،، المفروض انتي خلاص راحت فترة النساة تردين طبيعي ويا زوجج ..

[طفلي حياتي]

تصدقون عندي كثرة البول عزكم الله بشكل موطبيعي كل نص ساعه بالكثير مرات كل ربع ساعه اروح الحمام تمللت مادري من السكر لو التهاب ابوال الله يستر
ولا حللت حق الالتهاب كسوله حدي خوافه ولا اسوي شي

[طفلي حياتي]

انزين اي طريقه احسن اخاف يضغط على بطني ويفطس الياهل هع هع هع هع هع ويلي ميته من الضحك على روحي

[فجوره]

خل اجوف ريلي قبل تالي يصيير خير
والمشي محد فاضي لي بس شكلي بطلع بروحي ولا علي من احد

المشكله من يومين ريلي مطلعني موديني الستي يازعم بيمشيني اخرتها دخت عليه ومن بدال لا نتمشى وداني السينمه خخخخخخخخ

يلا الله كريم

[طفلي حياتي]

هههههه انتي سوي مثل ام حمني في البيت تمشي وافتري احسن من ماميش

[أم حماني]

بنات غمضوا عينكم لاتقرون


الفرنسي .. احم احم hwaml96

[فلونة]

هههههههههههههه،، والله انج ضحكتيني طف طف hwaml02

شلون يضغط على بطنج،، يتراولي السالفة ما لها دخل بالبطن نفس ما قالت لج ام حماني اهم شي مب بقوة ولا عنف بالهداوة يا حلوة وبيصير دربج خضررhwaml02

[فجوره]

الفرنسي يعوور
جربت وخفت حسيت بضغط على بطني

[أم حماني]

هههههههههههههههههههههههههههههههههههههههههههههههههه هههههههههههههههههههههههههههههههههههههههههههههههههه هههههههههههههه

[فلونة]

والله سالفتكم سالفة اليوم ،، اش ناووين عليه الليلة :p

[أم حماني]

هاي الطريقه الوحيده اللي سويتها من طلعت دبتي وكنت احط مخدات استند عليهم عشان ما اتعب ... اوووووووووه خليتوووووووونا واايد نشررررح هههههههههههههههه فشيله احس صار حررررر

[طفلي حياتي]

وااااااااهههههههههههههههههه مالي الا ابحث بقاموس الهنود يمكن عندهم شي زين خخخخخخخخ

[طفلي حياتي]

هههههههههه صكو الستاره لحد يشوف ونزلو صوتكم لحد يسمع الضحك ويلي هههههههه

[طفلي حياتي]

يقول لي ريلي اليوم بشوف لي وحده اتقزر وياها قلت له جرب وشوف اقتلك

[فجوره]

هههههههههههههههههههههه
والله مع ان مالي باارض بس ذبحتيني من الضحك طفلي حياتي

اشك فيج شااربه شي اليوم
مساعه بول خنافس والحين قاموس هنووود

مو طبيعيه
كله من فحص بو 4 ساعات

[أم حماني]

انا خلاص انتهيت بروح ارقد ... تامرون على شي من خبراتي الثمينه قبل ما اروح هههههههههههههههههههههههههههههههههههههههههههههههههه هههههههههههههههههههههههههههههههههههههههههههههههههه هههههههههههههههههههههههههه

[فلونة]

وااي يا قلبي ههههههههههههههه
انا ميوودة روحي مابي اضحك // بسكم عااااد وايد غزرتوا
طف طف طلعتي خوافة اكثر مني ،، بس ما يصير تحرمين الريال من حقه

[فجوره]

هههههههههههههههههه
خبراتج الثمينه نبي منها وايد
بس بنرحمج بنخليج ترقدين شوي
تصبحين على خييير
وحبي لي حماني

[طفلي حياتي]

لا شكرا ام حماني تيسري مرخوصه
فجوره اسكتي عني هذا لو نفسيتي تمام التمام اخليكم مساديح من الضحك الله كريم ان شاء الله يارب دوم نقدر نوسكم وعلى قولتش شكلهم يحقنونه هروين ويى هالابر خخخخخخخ

[أم حماني]

ذكرتوني والله ريلي مسكين انحرم عدل من قلب و اقعد اوعده وبعدين اقوله تعبانه واهوة وايد يراعيني مسكين ويقول لي لا عادي مافيني شي مب زعلان ولا مره بين لي انه متضايق .. وعليه

[طفلي حياتي]

هو بروحه كله مشغول وذا انتبه ان في وحده صوبه قال انتين ما تحسين ؟ ههههههههههههههههههههههههههه

[فلونة]

ام حماني ما لنه غنى عن خبراتج ،، نوم العوافي

[طفلي حياتي]

بصراحه مستغله انشغاله اني يدرس ويشتغل مايرجع الا يتطوطح يتعشى وينام

[أم حماني]

عقب ثمان دقايق بالضبط حماني بيكمل الشهرين وبيدش الثلاثه

[طفلي حياتي]

ان شاء الله يارب العمر كله وتحتفلين بأعياد ميلاده وبتخرجه وبزواجه يارب

[أم حماني]

هالحزة من شهرين كانوا يقولون لي بوش بوش بوووش بوووووووووووش ههههههههههههههههههههههههههههههههههههههه

[أم حماني]

تسلمين حياتي ... الله يبلغج ان شاء الله ويفرحج في ضناج

[طفلي حياتي]

هههههههههههههههههه يدلدغ وايد شكله اشوفش ميته من الضحك
لو تطنزين علينه ياينه الدور

[فلونة]

مجرمة طفلوو ،، بس حاولي تعودين روحج

والله مستانسة من سوالفكم بس تعبت من القعدة ،، باروح ارقد علشان اقوم الصبح اروح بيت ابوي اجوف عليووي وعليه عقب الختان

تصبحووووووون على خيرررر

[أم حماني]

لا المرحله ذي من الولادة ماتعور ... اصراحه ماكان يعورني شي حزتها كنت متخدره اصلا خخ

[أم حماني]

وانا حدي دايخه قاعده من خمس ونص حق موعدي بس فيني لعانه اموت على السوالف هههههههه

[فجوره]

وايه عليه العمر كله ان شالله

[طفلي حياتي]

يستخدمون بنج في الطلق لو قصدش من قوة الالم كانش مبنجه

[أم حماني]

تصبحون على خير فديتكم ... السستم مالي بدى يسوي شت داون بروحه ههههههههههه

نشوفكم باجر على خير انتوا مع دبابكم الحلوة

[أم حماني]

طفلي دشي موضوعي مال ولادتي واقري التفاصيل وباجر بشرح لج اكثر اذا عندج اسأله الحين انا منتهيه خخخ

[أم حماني]

ببااااااااااااااااااااااااااااااااااااااااااي

[طفلي حياتي]

يلا تصبحون على خير
بااااي

[فجوره]

خليتوني برووحي

يلا باقووم
بااااي

[اقصوصه]

انا هنااااا

[نبض الشوووق]

هلا فصوصه
اخبارج

[اقصوصه]

الحمدلله بخير حبيبتي اخبارك انتي؟

[نبض الشوووق]

تمام نحمد الله

[اقصوصه]

هذا اول حمل لك؟

[نبض الشوووق]

لا عندى حمود وبعده سقطت
اوك استاذن ان شاله لنا لقاء ثاني

[اقصوصه]

بحفظ الله حبيبتي

[الفتاة الذهبية]

صبااااح الخير كروشات
اجوف امس السهرة فيهااااا بلاوي خخخخ
انا قلت لكم من قبل اعذروني ترى النت الي عندي مب شي
يعني الصبح شغال وطول اليوم مبند يلااا شنسوي

[اقصوصه]

هلا ذهبيه صباح النور و السرور

[الفتاة الذهبية]

هلا اقصوصه
يقولون امس طق مطر عندكم ؟

[اقصوصه]

والله فمدن ثانيه مش فمدينتنا للأسف

[الفتاة الذهبية]

اها ليش انتي في وين ساكنة
لانه ريل حماتي امس متصل حق زوجي يقول طق عندهم بالشارجه

[اقصوصه]

انا فبوظبي حبيبتي

[الفتاة الذهبية]

والنعم
شخبار البنوتة ؟

[اقصوصه]

والنعم بحالك حبيبتي

البنوته بخير الحمدلله نائمه

وأخواتها توهم طالعين مدارسهم

[الفتاة الذهبية]

وينج ؟ليش ساكته

[الفتاة الذهبية]

اها بالتوفيق يارب
فتحي موضوع نتناقش فيه

[اقصوصه]

امممم ما فبالي موضوع معين

هذا اول بييي لج؟

[الفتاة الذهبية]

اي اول بيبي
والله يتمم لي ع خير

[اقصوصه]

امين يا رب

وقالولج بنت والا ولد؟

[الفتاة الذهبية]

قالو لي بنت
واهم شي السلامة

[rose soul]

صبــــــــــــاح الخير
آه يا المجرمات اللي سهروو امس خخخ طحت عليكم

[rose soul]

بواصل نوم شكلي ما شبعت اجوفكم..بعدين

[شمس الصباح]

صباااح الخيرررررر
مجرماااااااااااااااااااات ام حماني تعطيكم دروس هاااااااااااااااااااااه وما تعزموني هههههههههه

ام حماني انه بنت خالتي كانت تستخدم لولب بس تقول لازم بعد ما تركب اللولب لازم زوجها ما يجامعها لفترة معينه

عن نفسي استخدم حبوب منع الحمل افضل واترك الحبوب بعد سنة او سته اشهر علشان يرتاج جسمي ويصير المانع على زوجي لفترة بسيطة بس وايد احس حبوب افضل واريح نفسيا وخصوصا اني بعد الولادة ما افكر احمل

وبخصوص الألم وقت الجماع الحل ان كل مرة شوي مو كله مرة وحده لان بيألم اكيد بختصار مثل بارك السيارة يمين لا بتحك يسار لا تشخم السيارة لين ما تعدلين السيارة وتدخل البارك ههههههههههههه حلو الشرح خخخخخخخخخ عجيب الشرح



الفرنسي يعوور
جربت وخفت حسيت بضغط على بطني

فجورة ما في شي ما يعور بس حاولي ان يكون الشي بأستعداد نفسي وان زوجش ما يكون عنيف معاش وخلي الجو رومانسي كل شي بيصير واذا بغيتي اي شي انه حاضرة بس على الخاص علشان اعطيش التفاصيل hwaml13

الحين جه دوري اسئل من عندها طفل عمرة تسع سنوات عندي سؤال انه عمر ولدي تسع وما يعرف شنو رضاعه طبيعيه وما شاف احد يرضع واستحي اذا ولدت اني ارضع قدامه لانه بيقول ماما شنو تسوين عيب طبعا بكون مغطيه نفسي بس ما ادري ليش قاعده افكرة في الموضوع تكلمت مع زوجي قال بيتعود وحتى انتي بس احس نفسي استحي وخصوصا اني رضعت ولدي الصغير اربع اشهر ومن زمااااااااااان احس السالفه صعبه هل احاول اني افهمه اشوي اشوي قبل لا اولد والله محتارة لو اخلي الأمر يمشي طبيعي

[شمس الصباح]

تمللت ولا احد موجود بقوم اسوي اشغالي واذا خلصت بدخل من جديد

كل نووووووووووووووووووم يالله قعدوووووووو بسكم نوم

شكلي استخفيت اهدر مع نفسي اقوم احسن لي

[أم حماني]

انا موجودة ... احم
صباح الخيرات .,, سبحت حماني ورقدته والحين بروح اتريق واتسبح وراجعه لكم

[شمس الصباح]

هلا ام حماني صح النوووووووووووووووم

[أم حماني]

من موجود بنات؟

[حبيبة حسوني]

سلام بنات شخباركم
اليوم عندي موعد الترساوند في النعيم من راحت هناك وقالو ليها شنو فيها ولا لا؟؟؟

[أم حماني]

وعليكم السلام حبيبة .... انا ما قط رحت هناك

[Um Amal]

مراحب ..
مساء الورد للجميع

[أم حماني]

هلا وغلا ام امل ... شخبارج

[فرح عمري]

شخبار الكروشات اليوم ان شاء الله طيبين

تصدقون على الرغم اني على طول متفائله وفرحانه الا من شوي تضايقت

لان المستشفى اتصلو لي وقالوا فيني سكري 9-9

ما ادري هذي النسبه عاليه وايد او شوي او وش خطورتها

تقول بتعيد لي التحليل ابو اربع كاسات واني متردده اروح او لا
وش رايكم انتون

اروح باجر او اسوي رجيم سكر اول وبعدين اروح

[أم حماني]

اهلين فرح عمري ... انتوا عندكم احد بالعايله فيه سكر؟؟

[طفلي حياتي]

السلام عليكم
شخباركم حبيباتي
ام امل شخبارش خاطرنا ندردش وياش بس تسلمين وتمشين
فرح عمري احسن شي تعيدينه عشان تطمنين مايخوف اني كنت خايفه طلع عادي كلش بس نامي زين وروحي
وبالنسبه للسكر اني كانت نسبتي 10 والحين الله يستر عقب الاعاده مادري نزل لو للحين فيني
الله يفرج للجميع
ام حماني شخبارش وشخبار حمني

[أم حماني]

انا وحمني بخير الحمدلله ... مشكورة علمتيني الطريقه السحريه ... وايد نفعت معاي هههههه

[فرح عمري]

لا ام حماني ما عندنا احد بالعائله فيه

طفل حياتي اهو لازم جم يعني المعدل يعني اني 9 واجد لو شوي المفروض جم الحامل يكون السكر عندها يعني

اخاف اروح باجر ويكون بعد مرتفع يعني لو اسوي رجيم وبعدين اروح يمكن يصير عادي

وش رايكم

[طفلي حياتي]

ام حمني اني عايلتنا مليانه سكر يادافع البلا وخايفه على روحي وايد ماعندي كنترول صحي على اكلي كله خرابيط

[فرح عمري]

مثلي والله طفل

اكل حلاوه وايد وايد غير العصاير والخرابيط هذي الي كلها سكر

لان مدري ليش كنت واثقه ما فيني ههههههههههههه

بس اليوم انصميت ههههههههههههه

اني الي شاغل بالي المفروض جم الوحده تصير يعني جم النسبه لازم عند الحامل الي ما فيها سكر

[طفلي حياتي]

فرح عمري فلونه تقول ان 10 اخر حد الى كونه طبيعي فوق العشره برقم واحد يعتبر مرتفع وهم ياخذون احتياطهم يعيدون لا تخافين
ام حمني هالطريقه اشوف المرحومه امي وخالاتي يسوونها لليهال وعقب الحنه والصياح تشوفين هدوء هههههه وبنت خالتي صغيره وتحب ولاد اخوها كله وياها عاد اشوفها من يصرخون خمدتهم بهالطريقه اثاريها نافعه خخخخخ خلاص عليش بها من يزنزن سويها بس اهم شي يكون شبعان ومافيه شي ان شاء الله

[طفلي حياتي]

ام حمني كلما تنفعش الطريقه ادعي لي من قلب ( ويه خجول )

[فرح عمري]

الله يسهل الامور

<< من الحين تفكر في الخبز الاسمر وتبتعد عن الحلويات هههههههههههه

عذاب والله

حتى غداي اليوم ما لي مزاجه

الله يطمن قلوب الكل يارب

وهذي الطريقه ي التنويم اذكر امي على طول تسويها وتفيد ما لنا الا هي اذا الله رزقنا

[طفلي حياتي]

النسبه مادري بالضبط اختي فرح

[فرح عمري]

الله يسهل الامور يارب

ونشوف اولادنا في حظنا ونفرح فيهم

[أم حماني]

انا يوم سويت التحليل كان 7 وقالوا لي طبيعي للعلم انه عايلتنا فيها سكري

[أم حماني]

اهيه تنفع اذا الياهل تعبان بس مب قادر ينام .. لكن اذا بطنه ولا يوعان ولا اي شي ماظن بيسكت

[فرح عمري]

اذا 7 طبيعي يعني اني مو مرتفع وايد لاني 9 قالت لي

زوجي يقول لي تخوفين روحش على ما فيه لا يقول بعد لا تروحين سوي رجيم بس خففي الحلاوه

بس شكلي بروح اتاكد الواحد لازم يراعي صحته والاهم صحة الجنين

تسلمين ام حمني على الرد ريحتيني يوم قلتين ان 7 طبيعي

[أم حماني]

خففي من الحلويات وان شاء الله ماعليج شر

[طفلي حياتي]

اني خففت الحلويات من قالو لي والنشويات خففتها شوي بس ماقدر وش آكل
بروحي قبل الحمل عايشه رجيم ورياضه وحالتي حاله والحين ارجع للحرمان قهر
ياربي تكون نتيجتي تمام

[فرح عمري]

الشر ما يجيك وتفرحين بالغالي يارب بالخير والصحه يارب

[طفلي حياتي]

يجيني الم مثل الدوره عادي يعني اني في بداية الخامس الحين شلون لحين يجيني الالم

[فرح عمري]

هذي حالتنا طفله ما نسيطر على روحنا ههههههههههههههه كله نبي ناكل

بس ياختش شكلي بعقل ما بغيت احمل بعد 5 سنوات زواج وسقط واحد

[طفلي حياتي]

اني سقطت مرتين وصار لي 4 سنوات متزوجه خخخخخ

[طفلي حياتي]

ام حمني شكلها تطبق الوصفه السحريه وكاني بها تهز رجليها والحمني مستانس هههههههه

[أم حماني]

الله يعوضكم خير ...

[أم حماني]

هههههههههههههههه لا كنت اسولف شوي مع امي وحماني منسدح على السرير بروحه ... ساعات اخليه بروحه مابي اعوده اني كله مجابلته

[أم حماني]

طفلي حياتي ... قريتي قصه ولادتي؟؟

[طفلي حياتي]

الله يحفظه وزين تسوين
في ناس اول مايولدون متخرعين كله على ريولهم وتعالي مايرضون يخلونهم ع الارض دقيقه فزين تسوين عوديه يلاعب روحه بروحه ع السرير

[طفلي حياتي]

لا ام حمني ماقريتها
عطيني الرابط بروح اقرا

[شمس الصباح]

سلاااااااااااااااااااااااااااام عليكم

صح النوم يا بنات

[أم حماني]

اهوة معاهم حق شوي ,,, تحسين وايد فيج حنيه تبين تعطينها للبيبي ... بس حمني يمكن تعود على المجابل وايد .. الحين انا معطته ظهري يحن يبيني اعطيه ويه

[نورالدنيا]

سلام عليكم حوامل ديرتي

شخباركم ؟؟

[أم حماني]

قصه ولادتي
http://forum.hwaml.com/t28732.html (http://forum.hwaml.com/t28732.html)

[أم حماني]

شمس الصباح ... نور الدنيا .... وعليكم السلام

ماشاء الله شمس و نور ... بقوم البس نظارتي الشمسيه هههههههههه

[أم حماني]

برب بتغدى وبتسبح وبرجع لكم .. حماني ماخلاني اتسبح مساااااااااااعه

[شمس الصباح]

هههههههههههههههه البسي النظارة

اليوم حدي متملله مع انه عندي اشغال وايد بس طفشانه

[نورالدنيا]

بنات تسمعون صوت الرعد الجو بره عجيب

[شمس الصباح]

الله وياش

من اجي الكل يروح نور انتي موجودة

[نورالدنيا]

عليج بالعافية أم حماني ونعيما

[شمس الصباح]

لا ما في رعد

من وين انتي احنا في الدراز كلش ما اشوف غير الغيوم بس

[نورالدنيا]

هلا شموس موجودة

[نورالدنيا]

في صوت خفيف والسماء كلها غيوم أنا من ستره وضواحيها

[نورالدنيا]

شموس كملتي تجهيزات البيبي

[شمس الصباح]

هلا بأهل سترة احنا صوت المكيف يردح وين اسمع بس رحت اطالع من الدريشة بس غيوم شكلي بقعد بدون مكيف علشان اسمع هههههههه

[شمس الصباح]

شريت تقريبا لبينتي كل شي بس ادوات السباحة من بانيو وكريمات باقي اشتري اغراضي للحين ما شريت شي

[نورالدنيا]

هلا بيش انا قاعدة بدون مكيف وفاتحة الستارة

[شمس الصباح]

انتي كملتي اغراضش

[نورالدنيا]

أنا باقي بعض الاغراض وأدوات التنظيف نهاية ذو الحجة بآخذهم

[نورالدنيا]

الله يتمم لنا ع خير

[شمس الصباح]

نور الدنيا تعرفين شنو نوع جنس البيبي

انا قالو لي بنت

[شمس الصباح]

وينش نور الدنيا

[نورالدنيا]

ولد إذا شاء الله

[نورالدنيا]

هلا رحت المطبخ اشوي

[شمس الصباح]

بقوم اريح ظهري ما في احد اختفو مرة وحده

اسمع صوت رعد على خفيف

[شمس الصباح]

هااااااااااااااااااااااه احسب تركتيني اليوم كلش ما لي حظ في الديوانية

[نورالدنيا]

شموس أنا احس بطني صغيره وباقي كم يوم ادخل الثامن

[شمس الصباح]

اني كان صغير بس من دخلت السابع احس صار كورة والدبة واصله لضلوعي تضايقني حدي

كلش رشاقه ما في

انتي اول حمله ليش

[نورالدنيا]

يالله شموسة أخليج اختي معاي

[شمس الصباح]

الله معاش في امان الله وحفظه

[نورالدنيا]

شموسة موجودة

[نورالدنيا]

هلا ثاني حمل بس الاول ما حسيت فيه كلش تقريبا كان عمره شهر ونصف وسقطت

[اقصوصه]

حد هنيييي؟

[حبيبة حسوني]

متملله وضايق خلقي زوجي للحين مارد من الشغل والمفروض اروح خمس ونص مركز النعيم عندي موعد لاشعة التراسوند :(

[اقصوصه]

للا تضايقين عمرج حبيبتي الضيقه مب زينه للحامل

ما عليه ما بيستوي شي لو تاخرتي شوي

[أم حماني]

احم ... امسينا وامسى الملك لله

[اقصوصه]

هلا والله ام حماني مسا النور والسرور

[أم حماني]

هلا اقصوصه .. شخبارج وشخبار حور اليوم؟

[أم حماني]

تصدقن حور من اجوفج اتذكر وحدة اماراتيه تعرفت عليها في لندن ... بينا مسجات من وقت لوقت ... قضيت معاها وقت حلووووووو في لندن ضحك وسوالف .. والله ايااااااام

[اقصوصه]

والله بخير الحمدلله

جوريتي نايمه الحين

شخبار حماني ان شا الله بخير؟

[أم حماني]

حماني احسن ... صاح بس مب مثل امس ..

[اقصوصه]

الله يخليه لج يا رب
يلا كلها شهر ويكمل 3 شهور وتفتكين
انا بعد كلها شهرين ونص وافتك
اهونها على عمري ههههههههههه

[أم حماني]

ليش اذا كمل الثالث بيصير احسن ؟؟ ناس قالوا لي لحد السادس

[اقصوصه]

لا لا

المغص لين الثلاث شهور بس

والنوم يبدى ينتظم ع الثلاث شهور بعد

يعني الحياه تستوي احسن

انتي يالسه عند اهلج والا اهل زوجك

[أم حماني]

اناعندي بيت في السعوديه لانه زوجي يشتغل هناك .. وهني في البحرين ساكنه مع اهل زوجي
هالاسبوع قعدت عند امي ... اريح شوي

[اقصوصه]

اها

الله يعينك

انا خذامتي طلعت عيني ورفعت ضغطي والله

يابتلي المرض متى الله بيفكني منها ما اعرف

[أم حماني]

ههههههههههههههه شنهي جنسيتها ... انا اذا طلعت بشقه بييب لي خدامه بس وايد خايفه لاني ماحب الخدم ولا عمره بيتنا دخلته خدامه .. يعني مب متعوده عليهم .. زوجي قال بييب خدامه واحنا في بيت اهله بس بتقعد في بيتهم عشان اتييب لي الاكل فوق واذا ابي شي اناديها لاني استحي انادي خدامتهم .. بس انا مارضيت .. ما اداني الخدم وايد اخاف منهم

[اقصوصه]

اااااه

انا خدامتي فلبينيه

والله اعد الايام لين يخلص عقدها وسافرها وافتك

مسويتلي عقققققده

[طفلي حياتي]

السلام عليكم
قريت قصتش يا ام حماني عطتني دافع وتهيء حلو للولاده ان شاء الله يارب تتيسر اموري واكتبها بهالطريقه

[طفلي حياتي]

هلا اقصوصه
شنو عقدتش من هالفلبينيه؟خخخخخخ

[اقصوصه]

هلا حياتي الله يسهلها عليج يا رب ويقومج بالسلامه

[طفلي حياتي]

الله يسمع منش اقصوصه
بس ماقلتي قصة هالشغاله معنهم زينين اذا مشوا سيده

[اقصوصه]

والله هالخدامه ترفع الضغط

يعني ما اعرف شو اقولك

تتصرف كان البيت بيت ابوها

وايد قويه

وتحسينها تسوي كل هذا كنوع من العبط يعني مش متعمده

بس تقدرين تقولين انها هبله بالفطره

حمقاااااااااااااااااء

[أم حماني]

هههههههههههههه حلوة هبله بالفطره بس انتي لاتقهرين نفسج وانتي بالنفاس ... مايسوى عليج
طفلي حياتي ... اشوف عجبتج بعد ماقلت لج عنها تحسفت قلت يمكن البنت تخاف هههههههههه

[طفلي حياتي]

الفلبينيات بالذات لعانتهم تزيد اذا عاملتينهم كخدم يبغون يسوون كل شي براحتهم وانتين تطلبين الشي بأبتسامه بدون تأمر ولكن مدامها وصلت لمرحله متعبه مالها حل اذا يبتين فلبينيه حاولي تعاملينها غير عن هذي

[طفلي حياتي]

هلا ام حماني بالعكس وصفش هدأني وهذي تساهيل من رب العالمين عسى ربي يرزقني ويرزق كل البنات ولاده سهله
بس ذكرتين ان عطوش مخدر وماحسيتين متى هذا عطوش اياه؟

[اقصوصه]

ام حماني والله من ناحية القهر انقهر ببلااااااااااش

لوعت جبدي هالخدامه

حياتي فعلا خاصه هاي اللي عندي مش مستوعبه انها خدامه ابد

وانا كل كلمه والثانيه اقولها ترى انتي اللي تشتغلين عندي مش انا اللي اشتغل عندج لا تنسين

والله لوعت جبدي

لا وكل كلمه والثانيه انا جامعيه وانا مش محتاجه فلوس انا اهل زوجي عندهم خير

اقولها جامعيه والا اميه انا يايبتنج خدامه ما يبتج مدرسة هني

والله يوم فراقها عيييييييييييد

[شمس الصباح]

مطفشيني اليهال والله رفعو ضغطي متى اعشيهم وينامون بروحي اليوم اني كلش متملله ااااااااف
وحده ترفس في بطني لا اقدر انسدح لا يمين ويسار والحرارة دبحتني ما يسوى على اكل شي ودبتي كبرت واحس ضغط على ضلوعي ما عندي توازن اذا قعدت لازم تضرب الدبه في ضلوعي خاطري اكفخهم اليهال

[أم حماني]

يعطون ابره تهدي الالم ... بس مب وقت طلوع الياهل .. وقت الطلق تكونين انتي مانفتحتي وايد ذيك الحزة ..بس انا ماستفدت وايد لان المفروض ارقد عليها وانا اهلي كلهم واقفين على راسي وقعدت اتكلم معاهم مارقدت ... صرت اجوفهم كل وحدة ثنتين هههههههههههههههه واقاوم ما ارقد

[أم حماني]

لسانها طويل خدامتج ... لو عنده خير ليش يايه تخدم في البيوت .. ترى هم جذي الفلبينيات متفلفسين .. لانه منفتحين وايد ... انا حماتي خدامتها كانت تبي لابتوب ههههههههههه ... ولقت عندها حبوب منع الحمل تصدقون

[طفلي حياتي]

هلا ام حسوني
شكلش معصبه عشان تبغين تروحين للموعد زوجش ما وصل للحين؟؟

[طفلي حياتي]

اي ترى احقر شي الفبينيات بواقات ريال وحالتهم حاله ويع

[أم حماني]

شمس روئي خيتووووووووووووو مب زين تطلع بنوتج عصبيه

[أم حماني]

الاندنوسيات والفلبينيات بالنسبه لي عليهم اكس ... صح كلامج يبون الريال واذا ماقدروا عليه طفشوا من البيت ... تصدقون وحدة معاي بالشغل قامت الصبح بدري قبل وقتها لقت الخدامه واهيه فلبينيه تنشر الثياب واهيه عليه شلحه بس !!!!!!!!!!!!!!!! بدون شي تحت الشلحه
تخيلوا المنظر ... بس تبي الريال يشوفها جذي ويزعم انها مب متعمده

[طفلي حياتي]

تصدقون اني اخاف من هالكلمه لاتصين يطلع عصبي لاتنفعلين
اني من بداية حملي الانفعالات صادتني بقوه ومواقف جدا صعبه ونفسيتي تعطبت وايد وخايفه لا يتغربل ولدي مابغيه عصبي ولابغيه عفريت ابغيه هادي وعكسي وبحاول اكون هادئه في تربيته الله يسهل لي ويقدرني

[طفلي حياتي]

اي معروفين بلعانتهم الفلبينيات
والله الواحد مايعرف وش ياخذ ويأمن بيته وعياله على من

[أم حماني]

صايدني احتقان في صدري ... بروح استخدم البمب .. سوالفكم ماتنمل بس اذا خليته اكثر من جذي بيعوووورني

[شمس الصباح]

قاعدين يتهاوشون علشان قلم وكل ما اقول عط اخوك القلم ولا كانه يسمعني مستغلين حملي ما تقدر اتحرك وايد بس خله يوصل ابوهم
اليوم راكبين فوق وتسبحو بالمطر نزلو ولا كاني اقول شي ينزل واحد يركب الثاني احس فيني الصيحه

[طفلي حياتي]

ههههههههههههه الله يساعدش عليهم بس حقريهم لاتخلين بالش وياهم