ديوانية البحرين - دردشة حوامل البحرين - البحرينيات

[حروف عاشقة]

هلا شمووس

عجل متعلقه فوق ها هههههههه .. المهم ادا تبين تروح الريحة سوي شبة تخفف من الريحة وادا ما تقدرين عليها تخلين فحمة بروحها في المبخر وهي تمتص الريحة هذا إلي اعرفة .. وعلى طول خلي درايش الغرفه مفتوحة عشان تتهوى ..

[نورالدنيا]

خيو نور الدنيا اطلبي من ادارة المنتدى يعدلون اسمش روحي قسم الشكاوي والاقتراحات واطلبي تعديل الاسم


مشكورة أختي

[om khalil]

سلام خواتي شخباركم جميع
مادخلت ماليي خلق مشاكل الدنيا ملوعه جبدي

أحلام أم
الله يعينش على اليهال بروحش ويرده لش بالسلامه ان شاءالله صبري روحش والله يعينش

حنين الماضي
الحمدلله بخير دامش بخير ان شاءالله

حروف عاشقة
ماباقي شي الله يسهل عليش ان شاءالله

أم كرار
ماعندي فكرة اختي وسلامتش الف سلامه ان شاءالله

أم عايشة
الله ياجرش اختي ويصبرش ان شاءالله وعسى ان تكرهوا شيئا وهو خير لكم
جربت احساسش هذا باثنين قبل، الله يعوضني عنهم ان شاءالله
ويارب يارب يارب يمدش بالصحه والسلامه وتيين عقب كم شهر تنضمين لنا
بحمل طبيعي من الله ان شااءلله... قلوبنا وياش.

شمس الصباح
مااشاءالله كل عام وانتي بخير والله لايغير عليكم ان شاءالله

فجوره
اذا ياش الطلق يسوون الفحص، عادي لا تشدين روحش واخذي نفس عميق متواصل

طفلي حياتي
الله يعينش ان شاءالله اني بعد للحين مارحت لنتيجتي موعدي خلف يومين
خففي اكل العيش، المعكرونات، الاكلات بشكل عام وبسش حلويات
اكلي جبن قليل الدسم، حليب قليل الدسم، سكر قليل، ابعدي عن الدهون
اكلي فواكه بس لاتاكلين اللي فيها سكريات مثل الموز والهمبا
وصدقيني بسرعه بينزل اهم شي تواصلين لا تحبطين روحش مع كل اكله تاكلينها ماتشتهينها قولي الحمدلله، صدقيني بتهون عليش لاني مريت بالسكر بولدي يارب مافيني هالمره يارب. ماقلتين جم كانت نسبة ارتفاعه؟
قعدي شوي في السياره عقب سحب الدم لا تسوقين مباشرة خليش مريحه شوي وبعدها توكلي على الله.

[بنت الأياويد]

السلام عليكم خذلي نص ساعة بس اقرى السوالف الي طافتني ماشاء الله عليكم ياما تدشون ياتدشون مرة وحده هههه الله يزيدكم ، ابشركم راس الياهل صار تحت بفضل الله ودعواتكم والله يثبتها ان شاء الله يارب لي التاسع ومشكورين على دعواتكم

[طفلي حياتي]

سلالام
مشكوره ام خليل طمنتيني لاني ما اكلت شي من رجعت غير توست وجبن وبس والحين ارتجف من اليووع قمت قليت نجت وشربت حليب قليل الدسم ماقدر مت مت وضايق خلقي خاطري في حلوى وامس موزعين بيت خالتي وعاطيني قطعه ويش حلاوتها وعن ببدأ فيها اليوم ومالمستها
بس باكل شوي منها عن خاطري
وباشوف لي صرفه ويى طريقة اكلي من الحين لاعاده التحليل وربي يسهل امري وامركم ولا يطلع فيش ان شاء الله

[طفلي حياتي]

بنت الاياويد الحمدلله رب العالمين الله يطمن الجميع ان شاءالله ويعوض ام عايشه بحمل سليم ثابت ويرزق كل محرومه

[طفلي حياتي]

ام خليل مادري جم نسبة ارتفاعه سألتها وايد مرتفع لوشوي؟؟ الا تقول فيه ارتفاع شوي بس لازم نتأكد من خلال اعادة التحليل والله كريم

[فلونة]

سلام

داشة على السريع ،، حبيت اسلم عليكم

وانا اليوم رحت حق التراسوند وهذي المرة الثانية الي اسوي فيهاا

كنت احاتي من البارحة ومارقدت عدل،، سبحان الله مادري ليش

موعدي الساعة 10 وانا من ثمان ونص قمت من النوم

دشيت على الدكتورة وكان ما لها خلق كللش وبسرعة بسرعة تبي تخلص

كانت تجوف البيبي واهي ساكتة انا استغرربت ،، شوية وراحت يابت معاها

دكتورة ثانية ويتحجون انجلينزي عبالهم مافهم لهم ،، سألتهم شصاير ؟؟؟

الا تقول لا مافي شي ،، سألتني عندج آلام قلت لها لا ,, ينزل عليج ماي او دم؟؟

قلت لها لاا ،، اسألها شفيه البيبي الا تقول توج داشة السادس والبيبي وايد

نازل تحت ،، اقولها يمكن لاني ضعيفة وطويلة الا تقول لي مادرري

وبس قمت وانا حدي متوترة وماعرف شسالفة وما عرفت شنو اسألها كللش

طلعت ويا زوجي حدي خايفة يعني شنو البيبي وايد نازل ،، يمكن من الم المثانة اللي

كان يصيدني وكنت احس بضغط تحت والله ألف فكرة وفكرة ترووح ولا ادري

شااسوي ؟؟؟

بنات ادعووا لي ان البيبي يرجع وضعه الطبيعي واذا احد عنده اي فكرة او سمع من

قبل عن شي اقدر اسويه علشان يرتفع البيبي شوي لا يبخل علي

لانه هذا اول بيبي لي وماعندي خبرة في هل سوالف ؟

امي تقولي ارتاحي و خالتي تقولي ماعليج من كلامها وزوجي وداني مستشفى ثاني

وحزة الي رحنا علشان نعيد الالتراسوند كان الي يغطي قسم النساء دكتور

وطبعن ما خلاه يسوي لي ،، وبس هذاني على حالتي ماعرف وين اروح ولا

شاسوي ؟؟

والله البارحة كنت مستانسة اقول في خاطري اعرف شنو نوع البيبي؟ واليووم

ولا على بالي اهم شي الله يثبت حملي ويكون كل شي طبيعي وو يعديها على خيرر

سووري جني وايد طولت السالفة بس احس روحي بانفجر من التفكير

ادعووا لي بناااات

[طفلي حياتي]

ماتشوفين شر فلونه وان شاء الله يارب يثبت لي ولش وماعليش الا العافيه ان شاء الله يرجع لوضعه الطبيعي
ليش مارحتي لفهيمه المطوع فنانة التراساوند حدها عشان تطمنين
ماعليش شر

[بنوتة حلوة]

مرحبااااا حوامل شخباركم شمسوييين ؟؟ من زمااااان ما دشيت لأن صادتني ظروووف .. رقدوني في التخصصي لأني فجأة جاني مغص كلش قوي وبعدين نزل الألم عند الخاصرة اليمين ودشيت على دكاترة ومحد استوعب شنو المشكلة ..

المهم قالوا ليي لازم منظار ومانقدر نسويه أحين مافي إلا عقب الولادة .. وعايشة على مسكنات الألم :(

شخباركم وشمسويين ؟! وحشتني سوالفكم ومافيني شدة أقرأ مادري جم صفحة واجد فاتوني .. :(

[الفتاة الذهبية]

صباح الخير كروشات
الله يعوضج بالحمل الثابت ام عائشه
بنت الاياويد الحمدلله طمنتينا
سوري ما اقدر ارجع حق الصفحات الي فاتوني لانه من التلفون قاعده الانترنت ما ادري شفيه مو شغال
باركوا لنا انا وحنين دشينا السابع

[الفتاة الذهبية]

شموسه اعذريني دخلت بس نسيت اقول لج كل عام وانتي بألف خير

[شمس الصباح]

صباح الخيررر

حروف اي قاعده فوق اضحكي ههههههههه الله يدوم لينا هالضحكه وبجرب نصيحتش بسوي شب وبشوف يمكن تخف الريحة

ام خليل مشكورة وما تقصرين

فلونة لا تحاتين اذا انتين مو حاسة بألم خلاص لا تفكرين وروحي الي دكتورة ثانية وان شاء خير وما بنساش من الدعاء

الفتاة الذهبية مبروك دخولك السابع وعقبال التاسع

صادني في الليل قريب اذان الصبح شد عضلي في الريل ومن قوته قعدت اصارخ وللحين ما راح احس العضله كلش مشدودة والظهر بعد ما ادري ليش يجي الشي مرة وحده يا ما في شي او كله على البعض يالله الحمد لله قلت اصبح عليكم واروح اقضي اشغالي

ام عائشة طمنينا عليش وما تشوفين شر

[بنت الأياويد]

صبااح الخير شلونكم مشكورين على ردودكم ، وام عايشه الله يعوضج ان شاء الله وماتدرين يمكن خيره وصلاح لج من اتييبين طفل مشوه او فيه شي بس الواحد يقول الحمدلله على كل حال وانتي ماشاء الله مبين عليج ايمانج قوي الله يقويج ان شاء الله ويمسح على قلبج ويعوضج خير يارب العالمين، فلونة انا سمعت ان اذا اتعبين روحج وايد يصير جذي في البيبي حاولي تنبطحين وكله رفعي ريولج فوق ولاتمشين وايد يعني لاتهلكين روحج ،الفتاة وحنين مبروك دخولكم السابع وعقبال التاسع ، حروف عاشقة عجبتني القاعدة الي قلتيها وانا بنفسي حسيت فيها سبحان الله يوم افتر راس الياهل صرت نشيطة شوي عاد مو وايد بس يصيدني تعب طبعا ، وشمس الصباح كل عام وانتي بخير حبيبتي والله يخليكم حق بعض ويهنيكم تستاهلين كل خير ، ام حماني شكلها رجعت بيت ريلها الله ايسر امورها ، جني وايد هذرت بس لاني من زمان مادخلت واليوم انا اجازة ماعندي دوام ، شخبار الطباخ عندكم انا زوجي خاطره في معكرونة دياي بسويله

[الفتاة الذهبية]

هلا والله شمس
صباحج عسل ياقلبي
انا بعد قاعده اشتغل بس اطل اجوف من رد وأرد عليه وكمل شغل

[بنت الأياويد]

صباح النور ، شمس اانا دايما يصيدني شد بدى معاي من السابع اقعد زوجي من النوم لان ماقدر اقوم ويصيدني الم فضيع ، زوجي ياخذ ريولي ويرفعها على فوق بس يشدها من القاعه ولازم ماحركها واصير شوي زينة وساعات يصيدني واقوم امشي على طول بعد اصير اوكي الله يعينج على الشد وايد كريه

[الفتاة الذهبية]

هلا بنت الاياويد
عمتي خاطرها في سمج صافي نسوي لها ولايهمها

[بنت الأياويد]

الله يعطيج الصحة والعافية ، خلصتوا اغراض البيبي خلاص؟ انا اقول حق زوجي من امس خل اروح بعد مذركير مجمع الرفاع اخذ لها لين تكبر شوي اثياب صيفيه دام بصكون المجمع وتخفيضاتهم وايد روعة قالي مرة ثانية بس اعتقد ان لي اخر الشهر وخلاص

[الفتاة الذهبية]

انا باقي لي شنطتين وأغراض استحمام

[بنت الأياويد]

انا خذيت بانيو من طابا وايد حلو ولونه بعد روعة على دينارين وشي وفيه منهم طقم كامل بستة دينار يعني كلشي فيه ،شنطة خذيت لها من فارنا بس وحده مع الفراش مالها طقم ب19 اعتقد

[الفتاة الذهبية]

استخدام العافيه يارب

[فلونة]

صبااح الخيرر

اول مرة اقعد هالحزة ،، خايفة يصيدني شي وانا راقدة مادري عن روحي

طفلي حيااتي // زوجي مو راضي اسوي احين ،، يقول لي نطري عالاقل اسبوع علشان يمديج ترتاحين ويتغير وضع البيبي ،، احين ما منه فايدة الالتراسوند

شمس الصباح // الشر ماييج وماتقصرين حبيبتي

بنت الاياويد // اتصدقين كل من قال لي من التعب وانا ماريح روحي كلش يازعم للحين ماحس بالثقل وايد ،، وشقتي في الطابق الثالث وخبرج دري كل يوم انزل واركب وغير جذي يوم الجمعة كنت رايحة مجمع الرفاع باجوف التخفيضات الي قلتي عنها وكان زحمة وايد ،،افتريت ولا خذيت شي مب عارفة شنو الالوان الي باخذها وفي بالي انطر موعد الالتراسوند وما عرفت شنو البيبي ولا تطمنت عليه
يالله الله كرريم

[الفتاة الذهبية]

فلونه ان شاء الله البيبي بخير وما فيه شي

[فلونة]

الله يسمع منج فتاة وانا بدون شي اوسووس واحين الدكتورة قالت لي البيبي نازل

ولا انا اقولها عادي دشيت السادس ابي اطمن روحي بروحي لانه اهم مامنهم فايدة

الا تقول لي لا مب عادي توج داشة السادس ،، مع ان انا اجوف بطني فوق شلون

البيبي نازل مادري ،،

[الفتاة الذهبية]

حبيبتي لا يهمج كلامهم اهم شي انتي تحسين بحركه البيبي

[بنت الأياويد]

فلونه الله يعينج بعد الطابق الثالث انا كان الطابق الاول ومن اوصل اشوف الموت بعيني ومنها غيرت الشقة لان اوردي كارهتها متنسيه فيها والحمدلله الرب مايقصر حصلت شقة ارضي راحة الحمدلله ،
ترى يمكن الدري له تأثير يعني حاولي تركبين مرة وحده او تنزلين مرة وحده وحاولي تريحين روحج يا انج تيلسين بيت امج فترة او بيت اهل ريلج شوفي انتي لج مكان مافي دري تمي على الاقل اسبوعين جذي وخلج كله رافعة ريولج ، انا يوم الدكتورة قالت لي الراس فوق واحتمال قيصري ماجذب عليج وايد كنت خايفة بس الحمدلله بالدعاء وكثرة الاستغفار وعندي زيت الزيتون خليت ريلي يقرى فيه وكل ليلة امش على بطني واقرى المعوذات والحمدلله الله مايخيب ظني الحمدلله والشكر ، الفال لج يارب بس مثل ماقلت لج ريحي روحج وحاولي حتى لو انتي قاعدة خلي ريولج فوق لاتنزلينها تحت والله يطمن قلبج يارب

[الفتاة الذهبية]

وينكم؟صخيتو مره وحده

[بنت الأياويد]

ههههههههههههههه مرة وحده او يسكتون مرة وحده مافي حل وسط

[الفتاة الذهبية]

ههه شدراني

[بنت الأياويد]

نسيت اسألكم في ريش مال الشعر فيهم رازجي صناعي في احد شاف وين يبيعونهم من قبل؟ تشوفينهم جنهم صج رازجي بس اهو صناعي ؟

[الفتاة الذهبية]

لا ما جفت ليش خاطرج فيهم

[فلونة]

فتاة // اي الحمدلله احس بحركة والحمدلله على كل حال

بنت الاياويد // انا في بيت اهل زوجي وشقتي في الطابق الثالث تخيلي ،، انا بغيت اتم في

الطابق الارضي بس الله ماكتب وصار حظي فوق ،، وايد ادووخ وخبرج خالتي عوودة

ما تقدر كل ساعة اتييني فووق ،، وبيت ابوي وايد بعيد عن بيت زوجي وعن شغله

وهالثلاث ايام بيشتغل اول ليل ولازم ابي اسوي له الغدى مع ان قال لي لا اطبخين

يالله جني وايد سندرتكم بسالفتي وسندرت زوجي وانا احن ،،

وان شاء الله اسوي الي قلتي عنه والله ما يخيب العبد ،، مشكوورة حبيبتي

[بنت الأياويد]

اي وايد جم مرة ادورهم مو محصلتهم، شكلهم وايد حلو

[بنت الأياويد]

فلونه حاولي تشغلين روحج لاتفكرين في هالسالفة كل ماتحسين انج بتفكرين لهي روحج في اي شي ، دامج في بيت اهل ريلج وطباخج بروحج خلاص تمي فوق لاتنزلين كل شوي واغراضج كلشي من فليل جوفي الي ناقصج وخلي ريلج اييب لج

[الفتاة الذهبية]

فلونه ما سندرتينا ولا شي
اخذي راحتج
بنت الاياويد سئلي قريباتج يمكن يعرفون

[بنت الأياويد]

لا عادي فلونه عزيزة وغالية لاتقولين جذي احنا حسبة خواتج واذا نعرف اي شي بنفيدج ونستفيد منج اذا في شي

[الفتاة الذهبية]

برب عن اذنكم

[فلونة]

ما قصرتوا والله

اي البارحة اقول حق خالتي خلاص ما بانزل الا الجمعة علشان الغدى

لانه اذا يوم طاف وما نزلت تلفوني ما يسكت ،،

اقولها ترى خلاص ثقلت عن قبل ماقدر انزل،،

[بنت الأياويد]

اي فقيرة تسأل عنج ، بس بعد صعبه عليج ان ماتنزلين الا يوم في الاسبوع بس شتسوين حاولي على الاقل هالايام قبل لا تسوين الاتراساوند، انزين مايصير تصيرشقتج ارضي؟ لان بييج عقب اذا الله كتب ياهل صعبه عليج تركبينه وتنزلينه، فلونه ماشفتي الريش مال الشعر الي قلت لكم عنهم فيهم رازجي صناعي؟

[فلونة]

لا لانه اخوه العود في الارضي واذا الله يسر وخلص بيته بيطلع

وانا قالت لي خالتي نزلي معاي في الارضي في غرفة وحمام

بس ما بارتاح الا في مكاني وخصوصا اهني البيت العود وكله يهال

وعن ذي الرازجي اول مرة اسمع فيه ،، اذا تبين ياسمين طبيعي ومشموم

ترى موجود عندي hwaml02

تدرين في محل في بوكوارة يم مري عنده هالشغلات نسيت اسمه يمكن تحصلين

[بنت الأياويد]

تهقين عنده ؟ اذا عنده بروح آخذ لان وايد عجبني شكل الشباصة واهيه فيها الرازجي عجيبة ، عندج طبيعي بعد خوشي انعم الله عليج هههههههههه مشكورة، الله ايسرلج وتنزلين تحت اي مشكلة بيت اليده البيت العود وايد سندارة واذية مع اليهال الله يحفظهم

[فلونة]

اتصدقين عاد صرت اتخيل شكلها شلوون ،، انا اموت على ريحة الرازجي

شنو بطبخين غداج اليوم؟

انا باسوي اسرع شي سمج صافي مقلي وعيش ابيض

ما لي بارض طباخ

[الفتاة الذهبية]

اتصدقين عاد صرت اتخيل شكلها شلوون ،، انا اموت على ريحة الرازجي

شنو بطبخين غداج اليوم؟

انا باسوي اسرع شي سمج صافي مقلي وعيش ابيض

ما لي بارض طباخصدتج تقلدين عليي احنا اليوم سمج صافي مع عيش ابيض خخnull

[فلونة]

فتاة // اي شعندج احبج واقلد عليج

شاسوي يختج ابي شي سريع وزوجي يحب السمج

يوم كنت عزوبية كلش ما اكل السمج ،، عقب الخطوبة والزواج

صرت اكل لانه لو على كيفه كل يوم اطبخ له سمج

[الفتاة الذهبية]

زوجي بعد يحب السمج

[بنت الأياويد]

اليوم بسوي معكرونة دياي ريلي خاطره يقول تملل من العيش مابطبخ الا على الساعه 12 ونص لان مايي البيت الا على الساعه 3

[الفتاة الذهبية]

انا زوجي مايتغدى في البيت يتغدى في الشغل

[بنت الأياويد]

بل اكره شي اذا ريلج بيتغدى برع عيل بتتغدين بروحج؟من عندها طريقة حلوة حق المعكرونة انا بسويها على افخاذ دياي

[فلونة]

عليكم بالعاافية وانا باخليكم احين،، باسوي نصيحة بنت الاياويد

بانبطح شوي وبرفع ريلي ،، علشان اقوم اصلي واطبخ

ودعواتكم بنات

[الفتاة الذهبية]

لا اتغدى مع بيت عمي

[بنت الأياويد]

أها زين اشوة ، انا شكلي بسوي المعكرونة من الحين وبريح عشان عقب بس اصخنها احس بتعب وثقل ، تشوفين الحلقة الي في قطر الحين توها باديه؟ امي اتابعها وتقول وايد حلوة

[بنوتة حلوة]

خلاااص انا زعلت من صج.. hwaml5

محد كلش كلش سأل عني هذا واني كنت مرقدة وداشة أمس أسأل عنكم وكاتبة قصتي بس يالله.. الله كريم :(

[بنت الأياويد]

بنوتة سامحيني ماحطيت بالي على قصتج ماعليج شر ان شاء الله وأجر وعافيه وان شاء الله ماتحتاجين حق منظار ولا شي ، لاتزعلين منا عزيزة وغالية

[الفتاة الذهبية]

ما تشوفين شر بنوته

[الفتاة الذهبية]

بنت الاياويد لا شسمها الحلقه

[بنت الأياويد]

مادري تصدقين ههههههههههههه يعرضونها الساعه 11 في قطر فيها هيفاء حسين وكذا ممثل بحريني ومكس مع قطر والامارات بس حلوة، برز غداج؟

[الفتاة الذهبية]

اي برز الغدى

[بنوتة حلوة]

مشكورين اللي سألوا وماقصرتووا بس قلت أعتب شوووي لأني كله ادش اتابعكم يعني بس انقطعت فترة بسببب المرض اشوفكم تسألون عن كل من إلا أني :( :(

[بنت الأياويد]

زين بالعافيه مقدما ، انا ماخذه طريقة معكرونة من المنتدى بس الحين مو عارفه شسالفة لان اهيه حامسه البصل والدياي ويا بعض وبعدين زادت الحمسه ماي وكتت فوقها المعكرونة المفيوحة عشان تصير نفس اللينه والحين سويت نفس طريقتها بس ماعرف شسالفة يمكن يبيلي اخليها فترة وعقب بينشف الماي وبتصير اوكي لان للحين مخليتها تطبخ ومانشف الماي

[طفلي حياتي]

فلــــــونه انتي بالسادس ورفع الريول خططططططططططططططر لا ترفعين ريولج خطر خطر
ارتاحي كثر ماتقدرين والدري لا تركبين ولا تنزلين عليه مثل ماقالو شوفي مكان وقعدي هالفتره فيه

[فلونة]

وي طفلي حياتي خرعتيني

انا ما ارفع ريلي وايد ،، توني من البارحة ابتديت عقب ما قالت الدكتورة

ان البيبي نازل @@

وارفعها على موسدة او ثنتين ما ارفعهاا مسافة عودة يعني

الله يسترر خفت

[بنت الأياويد]

اول مرة اسمع ان خطر انا كله يقولون لي رفعي ريلج على موسده لين تنبطحين وبالعكس ارتاح بس مادري اول مرة اعرف ان مب زين

[طفلي حياتي]

على موسده وحده مو مشكله بس ام مرت حماي كانت حامل وفي شهرها الخامس او السادس ومن تتعب رفعت ريولها لفوق الطوفه وماتت بنتها فبطنها وبعدين عرفت ان من هالسالفه الجنين يختنق اذا تتعلق لريول لفوووق بس مخده وحده او ثنتين مو رفاع يعني يتراوى لي عادي ماعليكم شر ماكان قصدي اخوفكم بس بغيت فلونه بسرعه تقرا لا تستمر برفع ريولها وايد

[فلونة]

عموما مشكوورة طفلي وان شاء الله خيررر

واناا ارفع ريلي بس على موسدة

الي اعرفه الي ترفع ريلها على الطوف ويكون زاوية قائمة في التاسع

تمرين مفيد علشان يصير راس الياهل تحت والله اعلم

ومنكم نستفيييد

[أم عائشة]

السلام عليكم خواتي شخباركم جميعا عساكم بخير وعافية
ومشكورين واااااااااااااااااايد على دعواتكم لي ووقفتكم معاي وربي حسستوني اني موغريبة وعندي خوات بالبحرين
ربي لايحرمني من تواجدكم وان شاءالله ربي يتمم حمالكم على خير ويسهل عليكم ولادتكم ويرزقكم باللي تتمنونه يااارب اللهم ااااااااااامين

بنت الاياويد مبروك ياقلبي لانه راس الياهل صارتحت وربي يتمم حملج على خير وتضمين البيبي بين يدينج وهو بكل صحة وعافية

بنوتة حلوة ماعليج شر حبيبتي اجر وعافية يارب
طفلي حياتي وحروف عاشقة وشمس الصباح وام خليل وفجورة واحلام ام مشكوووووووووووورين على دعواتكم الطيبة خواتي والله يتمم لكم على خير يااااااااارب

فلونة اختي لاتحاتين انا يوم كنت حامل بولدي خالد صادني نفسج وقالت لي الطبيبة انه الياهل نازل كنت بنص الخامس وخرعتني
بس بعدين رحت عند دكتورة اسمها دليوار باكستانية كانت بالسلمانية بالخاص وسويتلي سونار وقالت لي لاتحاتين بيرجع بيرتفع
وقالت لي السبب الدري لانه انا نفسج كنت بالطابق الثالث وماكنت اقعد بالشقة وايد كل يوم اطلع وانزل وهم قالت لي لانه البيبي ماشاءالله كان وزنه فوق المطلوب يعني مربرب ههههههههه

فنصحتني بالراحة وكنت دايما منبطحة ومريحة نفسي على الاخر وعقب اسبوعين سويت سونار وكان طبيعي
ويوم يبته صج كان مربرب ههههههههه
ماشاءالله عليه يبته 5 كيلو و200 غرام فديته وللحين مربرب ههههههههه
لاتخافين اختي ارتاحي بس ومثل ماقالولج البنات حاولي لاتركبين دري في هالاسبوعين
وطمنينا عليج

انا اخباري الحمدلله رب العالمين بس للحين مانزل علي دم ولااحس بمغص ولاشي
كاني قاعدة انتظر نزول الدم او الكيس

ابي اقولكم شي بس عاد لاتتطنزون علي خخخخخخخخ
البارحة الصبح كنت منبطحة على ظهري وكنت اتحسس بطني واقرى ايات من القران الكريم ومرة وحدة حسين نوع الرفرفة ببطني
والله العظيم مااتوهم حتى ناديت الشغالة وقلت لها حطي يدج واهي بروحها خافت تقولي مدام جنو فيه ليش هاللون يتحرك بطن مال انتي
يعني ماكان فيه الم ولامغص بس كان جذي نوع الرفرفة وصارت ورى بعض حوالي 5 مرات حتى اني كنت اطالع بطني اجوفه يتحرك خفييييييف بس تبين الرفرفة

الغازات تسوي جذي؟؟؟

[طفلي حياتي]

اهلا ام عايشه الحمدلله رب العالمين وكل شي له حكمه وان شاء الله تكون الروح بثت في الجنين وكان كلامهم خطأ كل شي جايز اهم شي نفسيتش خليها عال وتأكدي ان رب العالمين هو احكم الحاكمين وهو ارأف علينا حتى من والدينا
موفقه

[أم عائشة]

مشكورة اختي طفلي حياتي وكله بامر رب العالمين
الحمدلله على كل حال

كاني انتظر ليوم الخميس عشان اذا مانزل بروحه اروح السلمانية
بس زوجي موراضي يقولي انتظري لعقب العيد يمكن يكون كلامهم موعدل
عنده امل للحين وعليه
الله يعوضنا يارب
فيه ضرر لومانزل الكيس بحاله انتظر لعقب العيد؟؟

[طفلي حياتي]

مادري والله اختي بس لو زين يسوون لش فحص اخير قبل لاينظفون اطلبي منهم هالشي
يمكن فعلا الجنين موجود

[أم عائشة]

ايه انا قلت يوم الخميس بسوي اخر سونار

قلت بروح عند فهيمة وهم بروح ابن النفيس وبجوف اذا كلامهم نفس الشي خلاص بتوكل على الله وبسوي تنظيف والله بيعوضنا ان شاءالله

استاذنج اختي بروح ادرس ولدي حشى ماجستير موابتدائي هههههه
هالكثر واجبات والله اليهال تعبوا واهم توهم بالبداية
كان الله بالعون
تحملي بروحج حبيبتي
مع السلامة

[طفلي حياتي]

في امانه وحفظه
حياش الله

[نورالدنيا]

مرحبا حوامل

[بنت الأياويد]

السلااام عليكم شلوونكم ،ام عايشه ان شاء الله ياربي الله بث في الجنين الروح والله يفرح نظرتج يارب ويطلع كلام الدكاترة غلط ، انا رجعت لكم من عقب اختراع المعكرونة الي سويته والحمدلله طلع لذيذ ومضبوط ، ام عايشه تسلمين الله يبارك في حياتج والفال لج ياربي تبشرينا بالاخبار الزينة

[بنت الأياويد]

مرحبتين نور الدنيا هلا وغلا

[بنت الأياويد]

روز مختفية عن الديوانية ان شاء الله غيابها خير يارب وحنين الله يوفقج في دراستج عاذرينج

[طفلي حياتي]

هلا بنات
امس رحت اول موعد لي طبعا نتيجتي ان السكر شوي مرتفع وبعيدونه لي بو 4 مرات
وصفت الدكتوره الحديد لي وماقالت لي اوقف الفوليك اسيد متحيره اخذهم اثنتينهم لو شسوي؟؟

[بنت الأياويد]

هلا ، ان شاء الله ماعليج الا العافيه ، لا اعتقد فوليك اسد مايضر يعني عادي تاكلينهم ويا بعض ، كثري من الجبود والطماط والاشيا الي تحتوي على حديد

[يارب عفوك]

هااي

بنات التخدير الموضعي كم ساعه يضل ويفك اهئ

بنتي مسوين لها عمليه بالوتر اللي برجلها

واحسها دايخه اهئئئئئ

وخايفه اللحين اذا جلست تقوم الدنيا من البكي
عمرها شهرين

[بنت الأياويد]

حياااتي ماعليها شر ان شاء الله ماعندي فكرة متى يفك البنج بس اعتقد ان المستشفى نفسهم يعطونهم ادوية او مغذي يشيل عنها الالم ، الله يشافيها يارب ويقومها بالسلامة

[طفلي حياتي]

مشكوره بنت الاياويد طمنتيني

[بنت الأياويد]

حاضرين لج ، لان اتذكر دكتورتي مرة كتبت لي حبوب وسألتها اوقف الفوليك اسيد او لا قالت لي لا واصلي عليه مايضر هذي لان حق الياهل يقوي عظامته حق العمود الفقري وبس عقبها كتبت لي حبوب اسمه اليفيت شهريا آخذه باربعه دينار تحتوي الحبه نفسها على كالسيوم وفيتامينات وحديد يعني ماكل الا هالحبه بس وعادي قالت لي تستمرين لي عقب الولادة تاكلينه مفيد ومايضر

[حنين للماضي]

السلام عليكم

بنوتة حلوة ماجوفين شر حبيبتي
وعسى ربي يبعد عنش كل سوء
واعذرينا يمكن لأنش جديدة شوي على الخط من جدي يسقط اسمش سهواً اذا ما نسأل عنش
بس من اليوم ورايح بجوفين راح نسأل ونطمن عليش

بنت الاياويد مشكورة حبيبتي على سؤالش
اني كملت الامتحان تبع الشهادة اللي كنت ابيها
مايندرى انجح لو لا على الله

روز نفس ما قلتي غايبة من مدة مو من عادتها يااارب تكون بخير

حتى ام حماني من راحت لرجل خلاص مابينت

فتوت ترى اني من زمان اعلنت دخولي ودخولش السابع وبعض الاعضاء باركوا لنا من زمان وانتي ماتدرين شكلشhwaml02

استأذن بقوم اصلي

[بنت الأياويد]

الله يوفقج وتنجحين يارب ، انا اليوم صاير خاطري اروح البرادة واشتري خرابيط مادري شسالفتي هههههههههه صايرة ياهل

[بنوتة حلوة]

ان شاء الله بتكثر دخلاتي وبتتعرفون ازيد عليي .. بننوتتي ماشاءالله تتحرك أحس ان بطني صغير عليها .. أحس ساعات كأن أحد قاعد يتمغط من داخل مادري شلووون .. الله يخليها ويحفظها ان شاء الله ... رجلي يقووول شكلش بتولدين قبل موعدش اذا على هالحالة ..

[بنت الأياويد]

حياج الله اختي بنوتة بين خواتج ، انتي نفس حالتي انا لاني ضعيفونه فأحس بطني صغير عليها واحس فيها تتمغط بس ساعات يألمني وكله اقول شكلي بولد قبل موعدي لان بطني مايكفيها بس العلم عند الله يقولج ساعات البطن يكون صغير لكن حجم الياهل ماشاء الله يكون وايد زين احسن من الي بطنها عود وكله ماي والياهل يكون صغير ومايندرى بعد

[الفتاة الذهبية]

حنين الله يسلمج الانترنت عندي مو شغال وانا اقعد من التلفون اتملل ارجع للمشاركات الي فاتتني

[فلونة]

ام عايشة // ان شاء الله يا رب تكون هالرفة حركة البيبي والله يعوضج خيرر

مشكوورة حبيبتي على اهتمامج ،، وانا من اليوم ما بانزل ولا باركب على الدري

وان شاء الله بااعيد السونار واتمنى ان يكون وضعه طبيعي ،، وايد متخوفة

اولد ولادة مبكرة ،، حتى وزن البيبي احسه طبيعي مو زايد ،، على قولة البنات

انا بروحي ضعيفة وما في بطني سبيس علشان الياهل يتحرك

يلا الحمدلله على كل حال ،، الله يثبت حملي وحمل جميع المؤمنات ،، والله يقر عيني

وعين كل محرومة باللي تتمنااه

[بنت الأياويد]

آمـــــــــــــــــــين يارب العــالمين ، فلونة ليش ماتروحين حق دكتورتي رخيصة وشاطرة بعد السونار ب15 دينار والدشة لها 10 بس ماعرف اذا وحده اول مرة تروح لها وماعندها فايل شلون الوضع، بس مادري اذا جريبه اهيه لج او لا صوب يم يم تري سند

[فلونة]

بنت الاياويد انا محتارة شاسوي العشى ،، شنو طريقة هالمعكرونة

عاد باسويها على لحم مفروم يصيرhwaml02

[فلونة]

بنت ترى انا اهم شي تكون دكتورة ،، انا توقعت ان عادي لو دكتور

بيسوي لي سونار بس ريلي ما كان راضي يقول جيف خراطة

والدكتور وعليه هندي يقول له بس مكينة ذي يقول لاا مافي

اي جرريبة ،، لا يكون قصدج المجمع الطبي الي يم رويان؟

عطيني رقم عيادتها وباجوف ،، اهم شي تكون شاطرة يختج

مابي احد يخرعني زوود

[بنت الأياويد]

اي عادي صارت والله عجيبة كلش ماتوقعتها بقولج على طريقة الدياي وانتي بعدين سويها باللحم المفروم، حمست البصل وحطيت فوقه الدياي وبعدين البهارات الثوم والطماط الصلصة والطماط العادي ويليلان وسنوت وفلفل اسود وبزار وكركم وملح شوي يوم شفته طبخ عدل صبيت عليه ماي يغطي الدياي وخليته يطبخ جود انتي فايحة المعكرونة انا فحتها مع بروكلي وخضرة مشكلة وعقب تكتين المعكرونة فوق الدياي والماي الي انتي حاطته يطبخ وخليه لين ينشف بتصيرلج لينة بس صج لذيذة ماتوقعتها هلون، حتى ريلي وايد استانس عليها يقولي شكلها كفاية يشجع على الاكل وقالي خليلي حق العشا بعد ههههههههه بس انا فيني طبع ماحب اصخن مال الغدى واكله مرة ثانية فشكلي باطلب لي من جسميز عشى اليوم لان بخليه يوديني الممشى شوي امشي

[بنت الأياويد]

صبري الشيخه باييب لج رقمها انا من بداية حملي اتابع وياها اسلوبها حلو وشطورة وتريح الواحد انا خرعتني يوم تقول الراس فوق بس امس فرحتني يوم تقولي ان نزل ، اي رياييلنا مايرضون اي هذا اهو مجمع رويان الطبي الطابق الارضي امشي شوي على اليسار اهيه دكتورة منى الشرقي وهذي رقمهم 17625434/17626767فاتحين الصبح من 8.30-11.30 ومن 4.00-7.00

[الفتاة الذهبية]

شكلها معكرونه لذيذه بالعافيه

[بنت الأياويد]

الله يعافيج اي لان ماحمست الدياي والبصل وعقب كتيتها على طول لا حطيت ماي نص الجدر وعقب كتيت المعكرونة فصارت لينه وعجييبه

[الفتاة الذهبية]

اي منى الشرقي شاطره انا سويت سونار عندها وقالت لي بنت حتى معاملتها حلوه

[بنت الأياويد]

جم خذت عليج الفتاة اذا بس سونار؟

[فلونة]

باجرب وباجووف النتيجة ،، عليكم بالعافية

انا من الحمال صرت كلش ماحب الفاست فوود وتنسيت على اللحم

بس احين اعود روحي اكل كلشي مابي يتم معاي لي بعدين عقب

الولادة


بنت خالتي اتابع عن دكتورة منى الشرقي وقالت لي شاطرة في السونار ولا

ادري مابي اروح حق وحدة تسوي لي دقيقة وحدة واهي ساكتة وانا

متوترة نفس الدكتوورة الي سوت لي انا الي اسحب منها الحجي

واسألها شصاير شفيه البيبي واهي ولا على بالها ولا تنصح

تقول ارتاحي او شي كتبت الريبوت ويلا مع السلامة

تخيلي انا موعدة عشر وثلث طلعت من عندها الا الساعة عشر و35 دقيقة

حتى ريلي يقول بيي مداج ،، يقولي ها بنية والله صبي

ولا تفتكر تقوول شي

[الفتاة الذهبية]

فتحت لي فايل وسوت لي سونار كامل  دينار

[الفتاة الذهبية]

بثلاثين دينار

[فلونة]

الفتاة شخبارها كانت اوكي؟؟

انا بنت خالتي وعليه تأخرت شوي في الحمل وراحت تعالجت عندها

والحمدلله احملت واحين في الشهر الخامس

[بنت الأياويد]

ماطلع المبلغ طالع مربعات هههههههههه ، يعني انتي اتابعين عندها حاليا؟الفتاة من اسلوبج في الكتابة احسج مو على بعضج عسى ماشر متضايقة او شي ولا ليكون صايدج اكتئاب الحمل الله لايقول انا يصيدني بين فترة وفترة

[فلونة]

شكلها تستخدم التلفون ماتقدر تعبر وايد hwaml02

انا بعد لين استخدم تلفوني اتملل اكتب لانه الحروف صغيرة

لو للحين فاتحة عيادتها اتصلت جوف لي موعد على نهاية الاسبوع

[الفتاة الذهبية]

فلونه اي اوكي وتضحك وتتغشمر واتقول لج عن كل شي وتراويج جسم البيبي كامل
بنت الاياويد لا ما فيني شي اطالع حلقه صبايا  في ام بي سي عن الملل

[الفتاة الذهبية]

سوته لي بثلاثين دينار خخ اي فلونه صح التلفون متعب

[بنت الأياويد]

فلونه سوي لهم بسرعه تلفون الحين جريب بصكون حق المواعيد يطولون شوي ، أها اشوة مافيج شي الله يعطيج العافيه

[فلونة]

وانا كل ما تتصل لي امي او اختي يسألون عني اصيح

وعليه اختي بروحها جريب ولادتها وملوعة جبدها تحاتيني

باصير خالة للمرة الاولى

[الفتاة الذهبية]

الله يعافيج حبيبتي

[الفتاة الذهبية]

لا تصيحين ترى البيبي يحس بأمه

[بنت الأياويد]

شله تصيحين؟ انا الحين طالعه الله يعزكم من الحمام ودمعتي كلش جريب تذكرت اني بصير أم جريب ، ترى الحامل تصير وايد حساسة ورقيقة زيادة عن اللزوم
فلونة اتصلي العيادة قبل لايصكون اعتقد لي تسع يبطلون عادي

[فلونة]

انا ماصيح الا اذا احد يحاجيني ها شخبار البيبي

على قولتج اذا يحس خل يرتفع شوي يريحني لا

يلا شنسوي الله كريم

[الفتاة الذهبية]

يااي ما اقدر على الرقه
يلا عن اذنكم ريلي وصل

[فلونة]

اتصلت فيهم قالو لي السبت والسبت حفلة تخرجي

بروحي ما لي بارض اروح هالحفلة ومابي اوقف واايد

ابي انطر ريلي اجوف جدوله شنو لانه اهو يوديني

خبرج اول ليل وآخر ليل

[Um Amal]

أهلا بحوامل بلدي ..
كيف حالكم ؟؟
إن شاء الله بخير من تعب الحمل !!

[بنت الأياويد]

الله يعينج فلونه على هالشفتات ، اي جامعة انتي؟ موعدج اهم ، ماعندهم جانس الا السبت؟

[بنت الأياويد]

اذا سويتي المعكرونة قوليلي شصار لاتنسين، يوم الاربعا اذا الله احيانه مفكرة اسوي دياي بالبقصماط وربيان بعد بناكله مع خبز لاعت جبدي من العيش انا ، بس بشوف على ريلي يمكن يبي شي غير

[فلونة]

ام امل // الحمدلله ماشية امورنا بعون الله وانتي شخبارج؟

بنت الاياويد // انا كلية العلوم الصحية اذا سمعتي عنها في مبنى السلمانية

عقب اربع سنوات افتكيت وننطر التوظيف ادعي لي

[Um Amal]

ام امل // الحمدلله ماشية امورنا بعون الله وانتي شخبارج؟



هلا فلونة.. الحمدلله بخير .. فرحانة إني ما بين أهل بلادي الطيبين ..
الله يسهل علينا وع الجميع يا رب

[فلونة]

كاني باقوم احين باسويها

وان شاء الله تضبط معااي

ذكرتيني بخالتي ،، تقول اتملل كل يوم عيش عيش

تلاقين يوم مسوية مضروبة ومعكرونة << يعني المضروبة مب عيشhwaml02

يوم تسوي هرريس وباجة و يوم تسوي دياي مقلي ووخبزز

[بنت الأياويد]

اهاا اذا جذي عيل روحي حسسي روحج انج مسوية انجاز ههههههههههه ، ربي يوفقج ويسهل امورج ويرزقج بالوظيفة الي تليق فيج يارب ، شنو تخصصج كان احس هالجامعه بكبرها صعبة وااايد صح؟

[طفلي حياتي]

أهلا بحوامل بلدي ..
كيف حالكم ؟؟
إن شاء الله بخير من تعب الحمل !!

اهلا ام امل
شفت موضوعش عن السكر وحبيت اسأل اني رحت الى فحص بو مره وحده وطلع فيني نسبة سكر بس جم مادري والحين بعيدونه لي بو 4 مرات
شنو تنصحيني في هالفتره عشان يروح مني وشنو كنتين تحسين من اعراض؟؟

[بنت الأياويد]

فلونه يمكن يصيدج نفسي عبالي فشلت المعكرونة لان حطيت فيها ماي واشوفه مو قاعد ينشف بس خليتها نص ساعة تقريبا وعقب نشف الماي ههههههههههههه ، فلونة اذا تحسين روحج تعبانه لاتسوين عشى انا ماسوي شيين في يوم واحد كفاية علي الغدى لان الثقل يتعبني

[Um Amal]

اهلا ام امل
شفت موضوعش عن السكر وحبيت اسأل اني رحت الى فحص بو مره وحده وطلع فيني نسبة سكر بس جم مادري والحين بعيدونه لي بو 4 مرات
شنو تنصحيني في هالفتره عشان يروح مني وشنو كنتين تحسين من اعراض؟؟

هلا أختي ..

انا سويت الفحص بو 4 مرات يوم الخميس الا طاف والنتيجة إن شاء الله الخميس هده .. إدعي لي إن شاء الله صار أحسن !!
بس الأعراض كانت زيادة في البول وعطش شديد .. قالوا لي إنها من ضمن إرتفاع السكر

وإن شاء الله كل الخير لش

[فلونة]

انا باتصل في ريلي باجوفه اذا يبي طباخ اوو لاا

انا مابي اوقف وايد ،، كفاية مواعين الغدى للحين مكانهم

بس صار خاطري في معكرونة وانا اجوفج تسولفين hwaml02

وبالنسبة الكلية يعني فيها صعوبة شوي نفس اي جامعة

وتخصصاتها تمريض ، اشعة ، مختبر، فني اسنان، صيدلة

وانا يبت الرداء،، باروح اشتري لي جوتي اسود وشيلة بيج << روضة مو تخرج

حاطين لنا شرووط ،، وان شاء الله اتووووظف يارب

[فلونة]

باخليكم انا احيين

ما سويت شي في شغل البيت كلش

نجوفكم على خيرر بنات

[بنت الأياويد]

اي والله روضة ههههههههههههههههههه ، اي لاتوقفين وايد بل مكرهم المواعين مال الغدى اكره روحي بس اليوم استانست لان معكرونة ومافي مواعين وايد ، ربي يوفقج حبيبتي تستاهلين كل خير

[بنت الأياويد]

حياج الله يالغاليه خل نشوفج لاتقطعينا عاد

[الفتاة الذهبية]

طفلي حياتي
اذا شربتي عصير السكر قعدي شوي وعقب تمشي وان شاء الله ما فيج سكري يلا اجوفكم باجر باي

[طفلي حياتي]

في امانه وحفظه كلكم مشيتون
ان شاء الله ام امل مافيش سكر واني مرات احس بأعراض السكري ومرات عادي يعني من فتره صادني عطش شديد كله عطشانه والبول عزكم الله بكثثثثره
شكله يزيد وينقص مايستحي على ويهه خخخخخخ
الحين بنتظر لتاريخ 8 الخبر الحاسم وعلى الله يفرج لي وليكم كلكم

[طفلي حياتي]

ام خليل ويش سالفتش كله تغطين ماتبينين مثل قبل
ان شاء الله المانع خير ياربي

[فجوره]

السلام
شلونكم
ادعو لي بكره فحص السكر بو 4 ساعات ان شاءالله مافيني سكر
وادعو لي مايصيدني امنان الليله لان امس مارقدت من الالم حسيت روحي بولد

[om khalil]

بنت الأياويد
الحمدلله الله يتمم لش على خير يارب، طريقتش في المعكرونة هي نفسها معكرونة المجبوس، وايد لذيذه بالذات اذا اكلتينها مباشرة، اني سويتها كذا مره بس ماضبطتها كثر ماضبطتها اول مره.. بس اني افوح المعكرونة في نفس ماي الصلصه يعني مو بروحه..
قبل مانسى مجمع الرفاع بصكونه؟ ليش؟

طفلي حياتي
ذقتها الحلوى ^_^ عقبال حلاوتنا يارب، خاطري فيها ظل عندي شوي بس ضغطي نازل هذاني ويا الموالح بس حدي صار خاطري فيها.
مادخل يختش لجل راسي هالثلاث ايام داق عليي كرهت روحة المستشفيات بس عاد صرت مسجل خطر عندهم ههههههه.. ماغير اطقطق املاح في عمري وماشتهي شرب الماي ..
اني باجر موعدي لنتيجة السكر ان شاءالله مايكون مرتفع وان شاءالله يخف عندش انتين بعد يارب.

فلونه
ان شاءالله ماعليش شر بس خففي حركه قد ماتقدرين. ويارب تولدين من صوب وينشد عودش خخخ وتتوظفين يارب.

فجوره
ماعليش شر ان شاءالله خليش قاعده عقب ماياخذون منش الدم لا تدوخين ويارب يكون اعتدل السكر

بنوته حلوه
ماعليش شر ان شاءالله

الفتاة الذهبية
مبروووووك انتي وحنين دخولكم السابع الله يقضي هالشهور على خير ان شاءالله

شمس الصباح
الله يعينش على الشد تخيلي كان اييني واني وسط الناس الوحده تتفشل والم فظيع

ام عايشة
ماسووا لش تحليل هرمون الحمل؟ علشان يبان ان كان نازل او لا؟ الله يكون بعونش وطمنينا عليش.بس اقول لش روحي موعدش الخميس احسن لانه لو كان اجهاض ترى خطر يظل في بطنش لانه يسبب تسمم بسم الله عليش.

يارب عفوك
مادري اختي بس التخدير بشكل عام يتعبنا يالكبار فمابالك بالصغار يقلبي عليهم ماعليها شر ان شاءالله

Um Amal
اهلا وسهلا اختي حياش ويانا

[بنت الأياويد]

عليكم السلام فجورة ان شاء الله مافيج الا العافيه ، وان شاء الله مايصيدج امنان بل خرعتيني جان مايصيدني انا بعد الله لايقول ، ام خليل لان بينتقلون كلهم مجمع الواحة عشان جذي بصكونه

[طفلي حياتي]

هلالالالالا ام خليل اخيرا نورتين الصفحه كل ناس بلوتهم شي ناس ضغط عالي ناس سكر زايد ناس سكر منخفظ وبلاوي الله الشافي
لي صديقه سكرها دايما نااااااااازل وخافت ماتتزوج وماتحمل لكن تزوجت وعندها بنت وتوها ولدت بولد ماشاء الله تبارك الله مع انها طو فترة حملها متابعه مشدده في العسكري كل بين فتره يرقدونها بس لمسلم الله ربي يحفظنا كلنا ويثبت اجنتنا بخير وسلامه

[om khalil]

النور نورش يختي الواحد يحمد ربه على كل حال، والحمدلله على عطاياه نتصبر لين الله يفرجها علينا بفرجه الحمدلله.. حسيتين بحركة الجنين؟ انبطحي على ظهرش وتاكدي مافيش غازات خخخخ، حطي يديش على بطنش تنفسي بهدوء استرخي سبحان الله بتحسين انه فيه شي قاعد يعور داخل دبتش ههههههههه الله شعور حليو خبريني ويش يصير وياش

[فلونة]

ام خليل// مشكورة حبوبة و هذاني اليوم ما نزلت تحت كلش

بنت الاياويد // سويتهاا وصارت عجيييييبة تسلم يدي hwaml02

فجورة// ماعليج شرر

بنات شرايكم نسوي جدول حق الولادة كل وحدة تكتب تاريخ ولادتها جم

واذا سووت سوونار شنو طلع لها بنت او وولد

انا بابتدي

فلونة 22/2/2011 ( الجنس غير معروف )
روز 23/2/2011 ( ان شاء الله بنت)

ويلا الباقي اذا حابين واذا ما تبوون براحتكم hwaml5

[om khalil]

باخليش خليل صحى شكله بداية مرضه هيكو عافيته حاره
الله يعين

[طفلي حياتي]

اسكتي بتجه للتجربه خخخ ان شاء الله احس بشي واييش فلت بقول لش

[طفلي حياتي]

ماعليه شر ان شاء الله اليهالو كلهم مرضى هالايام من عفسة الجو
اوكى تصبحين على خير
باااي
باجر بقول لش عن التجربه

[فلونة]

ام خليل وطفلي حياتي

ليش ما كتبتو و موعد ولادتكم المتوقع هاا hwaml9

ترى الجدول بنستفيد منه اذا جريب ولادة اي عضوة

علشان لو غابت نعرف السبب

[بنوتة حلوة]

مرحباااا أني رجعت .. حطوووني في الجدووول .. أني عندي بنوووتة وموعد ولادتي شهر 3 السنة الجاية ان شاء الله :)

[طفلي حياتي]

ماشفت سالفة الجدول اني
عموما تاريخ ولادتي المتوقع ان شاء الله 8\4\2011
وام خليل 10\4\2011

[طفلي حياتي]

رحت فوق وشفت سالفة الجدول طبعا ابغيييي حطونا ماعليكم امر اني وام خليل اكيد عادي ما بتقول شي

[فلونة]

بنوتة ،، كتبي التاريخ بالضبط

طفلي وام خليل ما تعرفون شنو فيكم صح

[طفلي حياتي]

لا للحين مانعرف

[طفلي حياتي]

شفت جدول عند بنات عجيب شكله وحجمه صغير طريقته يتحرك مربع على تواريخ ولادة البنات مثلا يروح من واحد الى مافوق وينكتب مثلا1 فبراير هنوف
6مارس فلانه
8ابريل طفلي حياتي وهكذا
خخخخخ

[فلونة]

عاد انا باسووي واحد في البينت

كلش ماعرف هل سوالف الا اذا انتي بتسوين لنا واحد حلوو

تصبحون على خيرر

[طفلي حياتي]

خخخخخخخخ لوزين اعرف ماعرف ولا شي
اهم شي تسوين شي حلو وبس وتسلم ايدش ان شاء الله وكل شي منش نبغيه
تصبحين على خير

[أم عبدالله 20]

هلا خواتي
نزلت صور للمفارش الي افصل في السوق التجاري اتمنى تشوفو الموضوع وتعطوني رايكم ومشكورين

[الفتاة الذهبية]

صباح الخير؟
طبعا جفت سالفتكم مع الجدول
ضيفوني انا وحنين مثل التاريخ خمسه وعشرين /واحد /السنه الجديده انا قالو لي فيني بنت وحنين ولد

[أحلام أم]

صباح الخير على كل المجاهدات وأمهات الأبطال ههههههههه
أني أحارس موعدي في السلمانية أول موعد حق الألتراساوند بس لين رجع زوجي بالسلامة من السفر ،الحمد لله يارب يطمنونني عن سلامة الحمل وصحة الجنيين وأموري وأموركم يارب ماشية ومتيسرة ،ياكرهي للسلمانيه أخاف من زيارتهم والتعقيد إللي يحطون فية الوحدة والخوف والقلق ،الله كريم ،وموعدي في الخاص قريب العيد بعيد شووي بس الدكتورة على طوول عندها زحمة وهذي مواعيدها
الله يثبت أجنتنا ويطمنه عليهم ،ويتمم لكل حامل ويقومها بالسلامة
نفسي أشاركم الدردشة بس وقتي ضيق في البيت بس دائما أدخل على السريع أطمن عن أخباركم وتسعدني ردودكم على بعض
حلوة فكرة الجدول يارب تيسر جميع أموركم

[الفتاة الذهبية]

كله راقدين ما قدر عليكم

[الفتاة الذهبية]

هلا والله احلام أم شخبارج؟

[فرح عمري]

صباح الخير عليكم

عساكم ع القوه كلكم يارب

وان شاء الله تكون صبحيه حلوه عليكم وفيها اخبار احلى لكم

فلونه الفكره حلوه والله

عن نفسي تاريخ ولادتي 19-1-2011
وقالوا فيني بنوته

[الفتاة الذهبية]

صباحج عسل يا قلبي
اليوم مشغوله حدي
بس اطل عليكم كل شوي
طبعا غداي اليوم مجبوس دياي

[فرح عمري]

فتاه صباحك سكر

عليكم بالعافيه عاد اني من عشاق المجبوس باي شي بس لان اتنسى ع اللحم يعني

احلى شي مجبوسش اليوم هههههههههههههههههه لانه على دياي

عافيه على قلبكم يارب

[rose soul]

سلام عليكم
وحشتوني
انا قريت الصفحات اللي قدرت عليها وعرفت اخباركم
انا قلت لكم من قبل لاب توبي اخترب من جذي اتملل اكتب خخخ
لان استخدم تلفوني والحروف صغار مو متعوده

ا

[rose soul]

انا اخباري الحمد لله
يوم الاحد سويت فحص سكر
وشريت ثياب حق بنوتي من مذركير فديتها بس ماقدر اوريكم لأان خبركم لاب توبي متفرغ خخخ
والحين ابي افصل لها فراشات
القهر ان انا كل شي مسيفته ف اللاب توب الاغراض اللي ابيها و من وين

[أم الورد]

مرحبا كيفكم يا كرووشات تراني يديدة معاكم...

ياريت تشرفوني في موضووووووعي حابة اعرف ارااائكم لو سمحتووون ضروري لاني بالي مشغول كتير؟؟

[الفتاة الذهبية]

فرح
ههه اهم شي ان انتي تحبين المجبوس مثلي
روز
حالج من حالي انا بعد من التلفون ادش
ام الورد
حياج الله نورتي

[أم الورد]

وينكم يا حوامل تراني من ديرتكم!!!

محد سلم علي؟؟

[الفتاة الذهبية]

ام ورد
انا قلت لج حياج الله نورتي

[حنين للماضي]

صباح الورد حبايبي
شخباركم؟؟؟

اني اليوم قعدت متأخرة شوي كله احس روحي فيني نومة وماقدر اقوم
هاليومين صايرة عصبية وماطيق اروح بيت عمي
بس بيت ابوي مسافرين واذا مارحت بيت عمي عمتي بتذبحني من الاتصالات
مادري شقول لها كلش مو خاطري اطلع من البيت ومالي بارض اقعد مع ناس
المشكلة اذا اتصلت لها وقلت لها تعبانه مابجي تقعد تحاتيني وماتقدر تسوي شيء
عبارة ماعندها اله هالولد
مادري شسوي حيرانه

[الفتاة الذهبية]

هلا حنين
تمام
قولي لها رفيجتج بتي تزورج

[حنين للماضي]

هلا حنين
تمام
قولي لها رفيجتج بتي تزورج

مابغي أجذب
لأن ان قلت لها بعد جدي بتقول شنو بتطبخين ولازم ارد اجذب جذبة ثانية لأني اصلا ما راح اطبخ وبجذي جذبة تتبع جذبة

اتصلت لها وقلت لها تعبانة
عن جد راسي داير مادري شنو فيني اخاف صدق فيني سكري لاسمح اللهhwaml78

[الفتاة الذهبية]

الله لا يقوله ان شاء الله
مافيج الا كل خير يمكن
تعب الحمل
اكو انا بطني احس فيه يعورني
بس ادري ان من الحمل
الحمل متعب

[rose soul]

يا هلا فيج ام الورد منوره اختي
هههه الفتاة..انتي بعد لاب توبج خراب مثلي ‏

[rose soul]

هلا و مليون غلا فيج حنون
اذا عمتج تبيج تروحين لها ..لاتكسرين بخاطرها..بس ردي من وكت االبيت و ارتاحي

[فلونة]

مرحباااا بناااات

شخباركم

روز سول // وينج اختفيتي ،، وانا ضفتج في الجدول على كيفي hwaml02

حنين // حالتج نفس حالتي ،، خالتي لازم تبيني كل يوم انزل تحت حسبالها

نفس قبل اقدر اركب وانزل ثلاثة طابق بس شنسوي،، حتى لو اقول لها تعبانة

تزعل تقولي برااحتج

الفتاة// صار خاطري في غداج ترى ،، اليوم ما طبخت شي انا امس طبخت غدى

وعشى واليوم ما قدرت اطبخ غدى ،، سويت سلطة وشوربة بس hwaml03

على قولة ريلي يقول تقصين علي انتي اكل ريجيم ذي

ولحد الآن الجدول كالتالي :

1. فرح عمري 19/1/2011 ( ان شاء الله بنوتة )

2. الفتاة الذهبية 25/1/2011 ( ان شاء الله بنوتة )

3. حنين الماضي 25/1/2011 ( ان شاء الله ولد)

4. فلونة 22/2/2011 ( الجنس غير معروف )

5. روز سول 23/2/2011 ( ان شاء الله بنوتة )

6. طفلي حياتي 8/4/2011 ( الجنس غير معروف )

7. أم خليل 10/4/2011 ( الجنس غير معروف)

ووووين الباااااقي ؟؟؟

[نورالدنيا]

سلام حوامل ديرتي

ضيفوني معاكم 10/1/2011 ولد والله أعلم

[فلونة]

اهلين نور الدنياا

ضفتج في الجدول

الكل راح يتغدى

[الفتاة الذهبية]

روز
لا انا النت مو شغال ما ادري شفيه يبي لنا نستفسر لانه احنا ع طول ندفع بس شسالفه ما ادري
فلونه
خاطرج في الغدى فديتج

[الفتاة الذهبية]

فلونه
انا هني

[rose soul]

فلونه..هلا فيج
شسوي غصبا عني اختفي خخخ ..لو ودي على طول رازه الويه
والله حلو الجدول يهببببببببببل هههه

[نورالدنيا]

يعطيك العافية فلونه

عليهم بألف عافية أنا الحمد لله تغذيت

[حنين للماضي]

مشكورين حبايبي على دعواتكم
فتوت مادري احس هاليومين مو على بعضي اكيد من الحمل
صايرة حدددي اوسوس وفي الليل اصيح بدون مايدري زوجي كله اخاف ولدي يصيده شيء لاسمح الله
مادري اش فيني مرة وحدة صرت جذي رغم اني طول الفترة اللي طافت كنت هادية وكنت مطمنة من قلب بس هاليومين انقلبت احوالي وحالتي النفسية

فلونة مشكورة حبيبتي على الجدول عن جد عجيب
على فكرة اني اسمي حنين للماضي مو حنين الماضي
كلحين اطالعه
صاير حليو وبترتيب
ربي يسهل عليش حبيبتي وتقومين بالسلامة

[فلونة]

الفتاة ،، انا ولا مرة سويت مجبووس وضبطته لازم يصير لين مادري ليش

عليييكم بالعافية ،، انا اتصلت حق خالتي اتييب لي من غداهم صالونة لحم hwaml02


روز ،، رزي الويه افا عليج حالج حالي ،، شنو شريتي حق بنتج

انا رحت مجمع الرفاع اجوف التخفيضات وايد زينة

بس ماعرفت شنو اشتري كله وردي وبحري ،، احترررت

مع ان عندي احساس قووي ان فيني بنووتة وريلي يقوول لا فيج ولد

لانه خاطره في وولد hwaml5

[فلونة]

نوور ،، عليج بالعافية شنو غدااااج

حنين ،، وي سوري العتب على النظر يختج احين باعدله

والوسواس الخناس تركيه عنج ،، ترى اناا نفسج بعد

وايد افكرر ولا اقدر ارقد من هل تفكيرر

خصوصا عقب ماقالت الدكتورة ان البيبي نازل ،، الله كريم

اهم شي عجبكم وان شاء الله عقب ما يكتبون كل الاعضاء باقول حق

ولد خالي يسوي لنا شي حلو في الفوتوشوب نحطه في التوقييع كلنه

[الفتاة الذهبية]

حنين
ليكون فيج اكتئاب الحمل
شكلج جذي
فلونه اذا حطيتي ماي وايد
اكيد بيصير لين يحطون ماي
من تجوفينه غطى الدياي فت
بس خلاص ما تحطين زياده

[rose soul]

فلونه..شريت لها جمن بدله كلهم وردي في وردي خخ مادري شفيني مع الوردي
انا بعد ابي اروح مجمع الرفاع يمن اليوم او باجر

[فلونة]

فتاة ،، اذا حطيت ماي شوي اخاف يصير يابس ،، وما ينأكل عالاقل لين

انا اسوي غداي كوب واحد عيش واحط ماي كوبين ونص

هل مرة باحط الماي بس كوبين وبنجوف النتيجة

روز ،، انا رحت يوم الاحد وو احترت على الالواان وما في الوان محايدة وااايد

اكثر شي ورردي و ازرق،، انا يمكن اروح باجر الصبح

[الفتاة الذهبية]

روز شرايج نحلل حق فلونه خخ ونجوف شنو فيها خخ
يلا فلونه قولي لنا تنسيتي
على شنو وشنوحبيتي وشنو كرهتي

[الفتاة الذهبية]

فلونه العيش اذا نقصه ماي يعني اذا جفتي العيش يابس تقدرين تحطين فوقه ماي شوي وبيضبط معاج

[نورالدنيا]

فلونة ،،، غداي سمج صافي مقلي وعيش أبيض وفتووووش

ومن اشوي اكلت دانيت صايرة أحب الحلاوة

[الفتاة الذهبية]

نور عليج بالعافيه

[فلونة]

وي فتاة ،،،انا ماتم شي ما جرربته

حتى ريلي يقولي كل مافتح قوقل اجوف البحث كله عن جنس الجنين

انزين باجوف خبررررتكم ،، انا كل من يقول لي فيج بنية بس ريلي يقول ولد

تنسيت على اللحم ماحب اكله كللللش

ما حب ريحة المشويات ،، كنت اكل فواكه برتقال وتفاح اخضر واشياء حامضة

واحب السمج في الغدى ،، ما كنت ارغب حق اشياء فيها صلصة طماط

نواشف وصالونة كللش ماحب اجوفهاا hwaml03

يلاا بعد سألي hwaml02

[rose soul]

الفتاه..انا اتوقع فيها بنوته لأن احساس الام ما يخيب هههه

[فلونة]

نور الدنيا ،، تدرين اناا ساعات عقب الغدى اكل رهش جني مينونة

حتى امي تقولي بسج مب زين حق الحامل

[الفتاة الذهبية]

ها روز هو احتمال تكون بنت لانه احساس الام ما يخيب بس ما ادري ليش احساسي من الي كرهته ان فيها ولد

[فلونة]

روز ،، اناا جربت الجدول الصيني مع ان ناس يقولون يضبط بالجانس

واختي جربت طلع لهاا ولد واهي صج قالو لها ولد

من فيكم جرب الجدول الصيني؟؟؟ وضبط معااه

[نورالدنيا]

أنا كنت في بداية حملي كلش ما اشتهي الحلاوة بس الحين أموت فيها بس في حدود

[الفتاة الذهبية]

ههه عجيب الرهش بس مو تكثرين مب زين سكريات

[نورالدنيا]

أنا جربت الجدول الصيني بس ما ضبظ معاي

[فلونة]

فتاة ،، انا فترة الي تنسيت كنت قوية شوي ،، كله راقدة

ووما رجعت وايد وانتي بكرااامة

يمكن طول فترة حملي رجعت 4 مراات بس

عكس اختي كانت نساتهاا ثقيلة وايد وقالو لها فيها ولد

[الفتاة الذهبية]

الجدول الصيني لازم يكون عندها طفل من قبل اما انا اول مولوده

[نورالدنيا]

أهم شي سلامة الأم والطفل الله يتمم لنا ع خير

أنا كان خاطري في تووووم

[الفتاة الذهبية]

فلونه في ناس عكس يعني بالبنت نساتها ثقيله وبالولد خفيفه الي يجي من الله حياه الله

[فلونة]

فتووووت ،، انا بعد اول مولودة ما ادري مولود

مادري شسالفته لازم تحسبين على عمرج الصيني

بس ما عندي ثقة فيه ،، الله العالم ما في الارحام

والحمدلله على البنت او الولد اهم شي السلامة

بس خبرج يصيد الام فضووول وابي اجهز بعد :(


نور ،، انتي بعد اول مولود لج؟

[rose soul]

انا اخليكم الحين حبيباتي..تعبت وانا احرك فوق تحت يمين يسار خخخ علشان اقرا
ضايعه بدون لاب توب
اجوفكم ف الليل ان شاء الله

[الفتاة الذهبية]

نور ان شاء الله المره الثانيه توم

[فلونة]

الله يعنيج روز ،، على خير

[نورالدنيا]

الحمل الثاني بعد أجهاض

[الفتاة الذهبية]

الله وياج روز

[نورالدنيا]

الفتاة الذهبية ،، الله يسمع منج

[نورالدنيا]

في أمان الله روز

[الفتاة الذهبية]

مشغله المكيف شوي وأرقد خخ

[فلونة]

الله يتمم لج على خيرر نور ،،

فتاة ،، صار الجو بارد ،، انا ماشغل الايسي وايد كله بردانه

[الفتاة الذهبية]

بخليكم الحين اجوفكم وقت ثاني فيني نوم الف سنه خخ

[نورالدنيا]

فلونة ويتمم لج ع خير

في امان الله حبيباتي

[الفتاة الذهبية]

فلونه
لو اقول لج انا حتى في البرد اذا برقد اشغل الايسي مجنونه خخ

[الفتاة الذهبية]

يلا عن اذنكم باااي

[حنين للماضي]

مادري فتوت شكلي جدي
صايرة دليعة حدي ومن يكلمني زوجي اصارخ واسوي من لا شيء سالفة وش طولهاhwaml5

على العموم حبايبي من الملل سويت لكم جدول في الوورد اللي تخلي اسمها تسوي رفرش للجدول وتنزله عشان مسكينة فلونة لاتتعبن وتدور في الردود على التواريخ

تحميل الملف .docx من هنا (http://forum.hwaml.com/redirector.php?url=%68%74%74%70%3a%2f%2f%77%77%77% 2e%6d%35%7a%6e%2e%63%6f%6d%2f%66%69%6c%65%73%2d%31 %30%32%36%31%30%30%35%31%30%30%37%78%70%6e%75%67%6 1%69%72%32%6f%78%66%38%64%78%71%6b%67%2d%20%c7%e1% c8%cd%d1%ed%e4%2e%64%6f%63%78)

[فلونة]

حياج الله فتاااتووhwaml02

[فلونة]

حنين ،، ما عرفت افتحه hwaml02

بس معليه الي يعرف وبيحط اسمه

[حنين للماضي]

فلونة عادي فتح الملف
اول ماتضغطين بتطلع لج صفحة بيضة نطري شوي راح تنتقلين اتوماتيكياً للصفحة المطلوبة
عقب نزل تحت في تحميل عادي وبس

[حنين للماضي]

هاليومين مابينوا حروف ولاشمس
يااارب يكونون بخير
صدق نسيت ماضفتهم في الجدول سوري حبايبي

[فلونة]

حنين // عجييب الجدوووول

صار خاطري اعرف شنو فيني علشااان يصير يم اسمي صوورة

يعطيج العافية

[فلونة]

نور الدنيا معاناا بعد في الجدول

[طفلي حياتي]

بنااااااااااااااااااااات الدكتوره عطتني حديد كبسولات داخلها كور صغار وعندي فوليك اسيد وماقالت لي اوقفه الفوليك او استمر قمت اخذهم اثنينهم اليوم ثالث وتوني منتبهه ان على علبة الحديد مكتوب يحتوي على فوليك اسيد يعني الحين اني اخذت جرعه زايده اعتبر؟؟ لمدة 3 ايام ياربي وش اسوي من تاخذ الحديد والفوليك ويى بعض؟؟؟
:(

[om khalil]

فلونه
الله يزيد ويبارك في هالجدول ان شاءالله

طفلي حياتي
وقفيهم الحين وخلش على اللي وصفته لش الدكتورة..رحت موعدي اليوم والحمدلله السكر نتيجته طبيعيه معتدل.. والنسبة تكون 5.6 الى 7.8 يعني طبيعي.
اني نتيجتي 6.4 الحمدلله.. بس بعيدونه ليي بعد شهرين.

أم عبدالله 20
بنشوفهم ان شاءالله

أحلام ام
ماحطيتين تاريخ ولادتش

أم الورد
ان شاءالله اختي بنشوفه

حنين الماضي
وكلي امرش لله هذا اكتئاب الحمل بالذات في الاشهر الاخيرة يزيد كلما اييش اذكري الله والله يسهلها عليش ان شاءالله

[Um Amal]

روز ،، اناا جربت الجدول الصيني مع ان ناس يقولون يضبط بالجانس

واختي جربت طلع لهاا ولد واهي صج قالو لها ولد

من فيكم جرب الجدول الصيني؟؟؟ وضبط معااه


هلا أختي ..
جربت الجدول الصيني .. ورحت لفوزية كمال .. وضابط معاي .. :)hwaml7

[طفلي حياتي]

اهلا بنات
منهي اللي اليوم عندها تحليل سكر بو4 مرات بشوف قصتها وش صار وياها
ام خليل يعني خطر لو ويش اني سألت ناس في منتدى ثاني قالو عادي وحده من البنات تاخذ فوليك في اليوم مرتين

[Um Amal]

بنات لا تنسوني في الجدول ..
أني موعدي 23-1 ..
بس آخر شي لما رحت لفوزية كمال قالت لي إن موعدش 19-1 .. وإن فيني ولد ..

[الفتاة الذهبية]

الله يساعدج حنونه
بنت الاياويد لج وحشه اليوم
ام حماني مو مبينه

[rose soul]

انا رجعت
اي والله بنت الاياويد واحشتني..واستانست لها يوم عرفت ان بنوتتها راسها نزل
وام حماني بعد مكانها مبين..شكلها ان شغلت مع الزوج وحماني الله يخلي لها

[الفتاة الذهبية]

اي اكيد بتنشغل مع زوجها الله يوفقها

[الفتاة الذهبية]

وينج؟ شكلج اختفيتي خخ

[rose soul]

فتوته..ينفتح عندج الجدول اللي سوته حنين ف الورد..ج
؟

[الفتاة الذهبية]

ما جربت افتحه لان يمكن من التلفون ما ينفتح

[أحلام أم]

أحلام ام
ماحطيتين تاريخ ولادتش




هلا حبيبتي أم خليل
ماأدري للحين أوسوس وأحاتي يارب يثبته ويطمني علية ويتمم لي على خير وأوصل للشهر التاسع أني وكل الحوامل
على حسابي إذا الله أراد 11\5 وعلى حساب السونار أخر مرة 17\5 والله يطمن قلبي وأموري وأمور البيبي تمام يارب ..دعواتكم ربي يقومكم بالسلامة في وقتكم
رايحة بيت أبووي ولدي هناك من عصر بنجيبه أشوفكم على خير
hwaml7

[rose soul]

انا ما ختفيت بس عال جبدي التلفون..ما شاء الله عليج انتي اسرع مني هههههه

[الفتاة الذهبية]

في حفظ الله انجوفج ع خير

[الفتاة الذهبية]

ههه الله يساعدج انا اسرع
يمكن لان تلفوني بلمس خخ

[om khalil]

اني بعد ما انفتح عندي الجدول
يوعانه حدي جهزت للعشا قصصت الخضره والمشروم باسوي معكرونة
ادور الولاعه ماني شايفتنها جامو طاح على خبرها خللي ومادري وين دعسها
عفست العابه ادورها ماني شايفه والفرن النحيس مايولع بدونها
رغم اني خاشتنها داخل الفرن،، لا وزوجي برا وماعندي كريدت اتصل له حووسه هههههههه شكلنا مابنتعشى الا 11
يوعاااااااااااااانه

طفلي حياتي
عادي لا تخوفين روحش دام البنات طمنوش وماعليش الا كل عافيه ان شاءالله
اهم شي تداومين على الحميه ترى خطر لو مانزل مستوى السكر عندش

تفضل اني بعد ، هي مو ناقصه وسواس وهذاني اشتغلت ليها ههههههه

[الفتاة الذهبية]

مسكينه ام خليل
اكيد طاح عليها

[rose soul]

فتوته..اي والله يجوز هههه
ها ابتديتي ف التوزيعات؟

[rose soul]

ام خليل هههه اشوه ان المعكرونه تستوي بسرعه....انا بعد شكله عشاي متأخر على ما يرجع زوجي واطلع معاه فوق الساعه عشر

[الفتاة الذهبية]

لا قلت في الشهر الثامن
ببتدي فيها وانتي؟
ترى مركز الانوار و فخر المملكه فيهم حق توزيعات
في سله تحطين داخلها الحلاوه وفي اشياء وايد

[الفتاة الذهبية]

روز كأنج انا انتظر زوجي لمن يرجع
اليوم عياره قلت له يشتري عشى
اتصلت فيه كان خاطر في باستا
لكن لمن اتصلت فيه
قبل لا اقوله شنو أبي قال لي
انا بتأخر شوي خخ

[rose soul]

لا لحين ما ابتديت..قلت اول شي بافصل فراشات لها..وانا سمعت عن الانوار..رحتي اتي؟في ستاندات جاهزه؟
حتى لو ازينهم انا
ههه ضحكتيني..يعطيج انذار ان بيتأخر..عادي جان قلتي له اللي في خاطرج..ولا يصير ف بنوتتج شامه هههه

[الفتاة الذهبية]

انا ما رحت لكن مرة
خالي قالت لي ان فيه
ستاندات جاهزه مزينه
ماعليج الا بس تحطين توزيعاتج
فيها.المشكله يشتغل اوفر تايم
يعني ما بيطلع من الشغل

[الفتاة الذهبية]

وينج شكله خليتوني بروحي خخ

[Um Amal]

أخواتي ..
ما يطلع عندي الجدول .. ليش ؟؟

[الفتاة الذهبية]

حتى احنا ما يطلع عندنا ما ادري ليش

[Um Amal]

بكرة أفكر أشتري أغراض البيبي .. وكلش مستجنه ..
ما عارفة شنو اللي آخده .. وكلشي جم عدد كميته ؟؟!!

[الفتاة الذهبية]

انا اخذت سبع شباحات و سبع بدلات ثلاث وحدات منهم طقم واخذت اربع قماط و اربع فراش للمهاد ومهادين واربع خيوط قماط ومرضعتين

[om khalil]

فتاه
ايه طاح عليها وابوه خشها فوق الثلاجه وزين دخلت المسنجر وبت اختي لقيتها واتصلت له :) وتعشينا معكرونة بالفلفل :) على قولة زوجي هذا فلفل بالمعكرونة ذبحتينا ههههههه

روز
لا بطني قام يصارخ ماقدرت والحمدلله يا بسرعه وتعشينا :)

أم أمل
انتين متى ولادتش بآخر الشتا؟
فيه هني صورة تجهيزات المواليد وعددها بعد مادري باي صفحه صار للاسف او يمكن في الموضوع القديم اللي تقفل

[طفلي حياتي]

اهلين
ويش اسوي من حميه اصير يوعانه ماعرف وش اكل بروحي مسويه رجيم قبل لا احمل عشان العلاج والحين بعد اعيد السالفه كل شي ممنوع ملل

[حنين للماضي]

عادي الجدول المفروض يفتح
اول ماتضغطون على الرابط نطروا لين تنتقلون من الصفحة البيضة لصفحة الموقع
وعقب نزلوا تحت في تحميل عادي وخلاص
ابي انزله من المنتدى بس مايصير
سويت تعديلات بعد على الجدول وضفت اسامي

تحميل الملف البحرين.docx من هنا (http://www.m5zn.com/files-102610131001zskbx87q8cp53jzf0m0- البحرين.docx)


توني راجعة من مجمع الرفاع
يازعم ماباخذ شيء وخميت كل شيءhwaml02
لأول مرة زوجي كان يختار ويجيب ملابس كل مرة يقول انتي اختاري ماعرفhwaml5

[حنين للماضي]

اللي ماعرفت الطريقة خلها اجرب تروح على هالرابط
http://www.m5zn.com/download-102610131001zskbx87q8cp53jzf0m0-102610131001zskbx87q8cp53jzf0m0.docx

[طفلي حياتي]

مافتح عندي ابدا الجدول ولا اعرف شلون افتحه

[Um Amal]

أم خليل ..
ولادتي بالشتاء .. شهر 1 بإذن الله .. وبكرة بروح مذركير وإن شاء الله أقدر أشتري لو جزء بسيط

الفتاة الذهبية: الله يوفق لنا ونخلص من هالمستلزمات بإذن الله >>وشكلي بسوي نفسش

طفلي حياتي: الله يعينش على هالحمية المملة .. أني بعد متملله منها , وأنتظر النتيجة يوم الخميس

دعواتكم