ديوانية البحرين - دردشة حوامل البحرين - البحرينيات [الأرشيف] - الصفحة 11

أحلام أم

10-27-2010, 07:11 AM

اللي ماعرفت الطريقة خلها اجرب تروح على هالرابط
http://www.m5zn.com/download-102610131001zskbx87q8cp53jzf0m0-102610131001zskbx87q8cp53jzf0m0.docx (http://forum.hwaml.com/redirector.php?url=%68%74%74%70%3a%2f%2f%77%77%77% 2e%6d%35%7a%6e%2e%63%6f%6d%2f%64%6f%77%6e%6c%6f%61 %64%2d%31%30%32%36%31%30%31%33%31%30%30%31%7a%73%6 b%62%78%38%37%71%38%63%70%35%33%6a%7a%66%30%6d%30% 2d%31%30%32%36%31%30%31%33%31%30%30%31%7a%73%6b%62 %78%38%37%71%38%63%70%35%33%6a%7a%66%30%6d%30%2e%6 4%6f%63%78)
صباح الخير على الجميع هلا بيش حبيبتي ...حنين للماضي
مشكورة على جهدك لعمل الجدول أني فتح عندي وسيبته الجدول حليوو الله يبلغنا كلنا بأجنتنا ونجيبهم سالميين غانمييين يارب العالميين
اهلين
ويش اسوي من حميه اصير يوعانه ماعرف وش اكل بروحي مسويه رجيم قبل لا احمل عشان العلاج والحين بعد اعيد السالفه كل شي ممنوع ملل
هلا بيش ...ياطفلي حياتي
تحملي حبيبتي علشان صحة البيبي وإصبري مريت في حمل سابق بالسكري وتلعوزت لعواز من سحاب دم مرات مومرتين ولاثلاث ،إذا رحتين موعدش في السلمانية خليهم يحولونش إلى قسم التغذية قولي للدكتورة أمبي برنامج حمية غذائية للحامل للسكري وبتكتب لش بطاقة وبتحولش دايركت ،ماأدري دكتورة التغذية دعد العريض بعدها موجودة في السلمانية لولا ،بتعطيش برنامج تمشين علية أوراق واايد فيه كل مسموح من أغذية ومقدارها للحمية أنا فادتني بس السكري ماراح إلا بعد الولادة والله يوفقش ويظبط السكري وإذكري إن حوامل واايد تعبانيين مع السكري

أم عائشة

10-27-2010, 07:32 AM

أم عائشة

10-27-2010, 07:58 AM

ويه هديتوني بروحي هههههههههه

انا اتصلت علي ام زوجي وفالت خاطرها بجباتي وسمبوسة من يم شقتي

فبروح اشتري لها واتريق عندها
اشوفكم عقب ان شاءالله
تحملوا بروحكم
مع السلامة

مزيونه 11

10-27-2010, 08:37 AM

السلام عليكم
اني عضوة جديدة بالمنتدى وحبيته واجد بتواجدكم فيه بس شلون اسوي ليي شريط حق التوقيع

مع خالص تمنياتي لكم بالتوفيق

فلونة

10-27-2010, 10:19 AM

صبااح الخيررر على الراقديين

انا عن نفسي رقدت البارحة الساعة ثنتين وقمت تسع ونص،،،

مادري شفيني اررق مو طبيعي،، احس نبض البيبي وايد سريع

حتى احط ورقة على بطني واجوفها بسرعة تتحرك اتهقون ليش؟؟

والله انا اوسوس ،، مادري شسالفة

ام عايشة// بشرينا عنج باجر ،، ما تدرين عند الله لا تموت الأمنيات وان شاء الله

خيرر وادعي لي الله يعطيني الي في بالي،، عليكم بالعافية الجباتي hwaml02

مزيونة 11// اختي متى موعد ولادتج المتوقع ،، باسوي لج اذا تبين

فتوووت اليوم غاطة وياا من شتسوين

تذكيرر: والي يبي يكون معانا في الجدووول يكتب موعد الولادة وجنس البيبي اذا يعرف..

حنين للماضي

10-27-2010, 10:59 AM

صباح الورد حبايبي

هالايام مانام عقب صلاة الصبح مادري اشفيني
اليوم لساعة 7:30 قاعدة حددي انقهرت بس عقب غطت عيوني

طفلي حياتي لاتحاتين واااجد
ترى كثرة التفكير ساعات ازيد السكري بعد
اني عن نفسي آكل كل شيء بس اذا اسوي عصير ماخلي شكر واجد
ولا آكل حلويات وهالامور

فتوت مو جنه اللي شريتيهم قليل
الطفل يحتاج لوااجد ملابس لأن وااجد يلعوز روحه

اني عن نفسي لو اقول لكم اي قد شريت بتموتون من الضحكhwaml02جني فيني توأم
حتى زوجي يقول انا ماعندي قد هالجني ملابسhwaml16
يعني بعطيكم الرقم التقريبي يمكن يكونون اكثر بعد
15 شباحة
14 بدلات جم قصير للمنزل
10 بيجامات لليل
14 مشبوك
ملابس داخلية 7 ماادري جم
قماطين وفراشين وثلاث مرضعات وحدة فيها كمجة
شنطة وحدة بس بعد أبي وحدة ثانية
هاي غير الدواليغ والكبابيس واللي يحطونهم على صدر البيبي اذا بياكل مادري شيسمونهم بالعربي والغفازات عشان لايشمخه عمره
والغرشة اللي تكون طبقات حق حليب البودرة
وفوطتين وبرنوصين
فوط صغار 7 ماادري جم
بس هاي اللي اذكرهhwaml02

ادوات الاستحمام وهالامور عقب باخذهم

اذا في شيء نسيته ذكروني بليز

أحلام أم

10-27-2010, 11:08 AM

كاني قاعدة
بس رحت اريق زوجي قبل ليروح الشغل ههههههههههه

احلام ام شخبارج عساج بخير وشخبار النونو طمنيني اختي ان شاءالله كل امورج عال

وعليه زوجي امس ضحكني راح الصيدلية ويبلي تحليل منزلي يقولي رجعي حللي هههههههههه

قلت له شفيك انا حامل بكيس بلا جنين يعني حتى لو حللت بيطلع لي خطين
يقول لا مايصير يقول سال صديقه وقاله انه الجنين اهو اللي يفرز هرمون الحمل مو الكيس واذا طلع لي خطين معناه فيه جنين
ماحبيت اكسر بخاطره وحللت وسيده طلع لي خطين
انا متاكدة من انه كلامي اهو الصح بس اهو للحين عنده امل وعليه يكسر الخاطر
هلا حبيبتي ...أم عائشة وحشتينييييييني ،كل مرة أقول بأكتب أسأل عنش بس ماحبيت أضايقش ودائما أدعي لش بالفرج ،إنشاء اللة تحملين طبيعي المرة الياية والله يثبته ويفرح قلوبكم
أني الحمدللة بخير والنونو ماأدري يختي موعدي في الخاص بعيد قريب العيد عند الدكتورة وموعدي في السلمانية المفروض يوم الأحد بس أجلته لأن زوجي مسافر وبالصراحة أخاف من السلمانية وروحتها متعقدة منها ومن العذاب النفسي إللي يخلون الواحد فية ،الله يطمن قلبي علية واايد أحاتي إللي مريت فية موقليل 3إجهاضات ،الله كريم
صرت أضرب الأبر اليومية بروحي في البيت خليت الممرضة تعلمني ،حزت ضراب الأبرة أنخش في حجرة في البيت عن لايشوفوني أولادي يخافون عليي ويتخرعون بس الصغير ورايي ورايي ومايهمه ويش يشوف لصقة يصك ويهه لين أغز روحي ههههة

الله كريم يختييي ،لاتضحكين على زوجش وسايرية ماتدرين وكوني قريبة منه أكثر ،الأمل بالله كبيييييير ،الله ييسر أمورك وأمور المؤمنين والمؤمنات
لاتقطعينه عن جد نشتاق ليش

الفتاة الذهبية

10-27-2010, 11:21 AM

فلونه
لو اقول لج ليش غاطه بتضحكين عليي خليت
التلفون يمي انتظر احد يدش
ورقدت والله مسخره
حنين
اذا اخذتين عدد كبير من الملابس
ما راح تستخدمينهم كلهم
لانه الطفل يكبر بسرعه

بنت الأياويد

10-27-2010, 11:34 AM

الفتاة الذهبية

10-27-2010, 11:56 AM

هلا والله
وحشتينا امس وايد
جان سألتي امج عن الالم
يمكن تكون نغزات طبيعيه
وما تشوفين شر حبيبتي

بنت الأياويد

10-27-2010, 12:15 PM

مايوحشج غالي حبيبتي ، ماسألت امي لان بتقعد تحاتيني واهيه راعية ضغط مافيني شدة ، قلت بسأل خواتي احسن بما اني اصغر وحده واهمه عندهم خبره ، الشر ماييج تسلمين

Um Amal

10-27-2010, 12:48 PM

سلام ..
حبيت أستفسر منكم !! جم فوطة كفاية للبيبي ؟؟
وبالنسبة للبدلات مو الشباحات ..6 كفايه ؟

أحلام أم

10-27-2010, 12:51 PM

صباح الخير شلونكم ، انتوا اكثر واحشيني الفتاة وروز تسلمون انكم سألتوا عني ، انا من امس لي الفجر ماقدرت انبطح كلش الصوبين كان يألمني ومارتاح ولا على اي جهة وتحت كان فيني ضغط مو طبيعي نغزات الي تخليني اقوم من قوتها والله مو عارفه بالضبط هذي شنو اول مرة يصيدني جذي ودايخه حدي في عيني النودة بس ماقدر انبطح حالتي مأساة كنت ارقد وانا قاعدة خفت ان يكون طلق حتى الله يعزكم لما رحت الحمام لقيت مع البول شي ابيض دائري بس ماعرف شنو ذي :(
وبخصوص الجدول ضيفوني وياكم ولادتي21-12 وفيني بنوتة
هلا بيش حبيبتي بنت الأياويد
ماعليش شر ،الله يساعدش هذي الألام مؤلمة يمكن عندش غازات غليظة هي عادتا تمسك الجوانب وأسفل البطن وتخليك ماتقدرين تتحركين حتى النوم مستحيل خصوصا في الحمل وتحسين كانك فيك ضغط وتحاوليين تخففين منه بس ماتقدرين ويجي بعد مثل النغزات تروح وتجي ،إغلي ليش زعترولبان وإشربية وكثري من الماي ومسحي بطنش بزيت زيتون وحاولي ماتتعرضين لهواء بارد خصوصا تحت المنطقة ،يمكن صادش هواء بارد وإنتي قايمة من دفىء السرير أويمكن رايحة مكان ومشيتين واايد ودخلتين مكان مكيف ماعليش شر حبيبتي

Um Amal

10-27-2010, 12:58 PM

http://forum.hwaml.com/imgcache2/174.gif

هذول .. محد ينصحني فيهم .. قالوا لي كلش مو مريحين للطفل .. والمفتوحين تحت أحسن ..
شرايكم ؟؟

بنت الأياويد

10-27-2010, 01:14 PM

الشر ماييج احلام أم تسلمين حبيبتي ، وام أمل على طاري الصورة انا بنتي كله خذيت لها جذي لاني بولد في البرد مافيهم شي بالعكس

Um Amal

10-27-2010, 01:18 PM

وام أمل على طاري الصورة انا بنتي كله خذيت لها جذي لاني بولد في البرد مافيهم شي بالعكس

إي اني بعد بولد في البرد .. والمحلات كل فيهم أكثر شي من هذول .. بس قالوا لي اخدي جواريب أحسن لان يمكن تعيق حركة البيبي ..
ف محتارة

بنت الأياويد

10-27-2010, 01:24 PM

انتي اخذيلها اشوي اكبر شوفي مذركير فيه نيوبورن وفيه من 0-3 اييونج اطوال وايد انا كله خذيت من 0-3 بيكون اوكي على الياهل تقدر تحرك ريولها والله يسهل عليج ان شاء الله

rose soul

10-27-2010, 01:28 PM

مساء الخير للحلوين
شخباركم اليوم؟
حنون..هههه ان شاء الله ما شريتي كلهم نفس السايز او كلهم صغار..لأن بتضطرين بعد بتشترين ف الاشهر اللي بعد بيكبر البيبي
بنت

rose soul

10-27-2010, 01:32 PM

بنت الاياويد..هلا فيج و ماجوفين شر..

فلونة

10-27-2010, 01:50 PM

بنت الاياويد // كنت اغسل مواعين الغدى وتذكرتج،، ااقول جنها مو امبينة
ماعليج شر،،
اتصدقين عاد من الاعراض الي فيج احس ان فيج ولد ،، روحي تأكدي hwaml02

فتووت // عادي وايد تصيدني ،، وانا منبطحة اطالع التلفزيون اررقد
بس هل يومين صادني ارق مو طبيعي

وانا اجوفكم تسولفون عن تجهيزاتكم مافي الا اناا ماشريت ولا شيhwaml5

بنت الأياويد

10-27-2010, 01:58 PM

هلا والله روز ، فلونة تشككيني ههههههههههههههه مسوية مرتين سونار وراوتني ان بنيه دكتورتي ماتقول شي الا اذا متأكدة 100% لان رفيجتي قالت لها ماقدر اقولج مايبين واضح بس عطتها نسبة ان فيها بنت وفعلا ولدت طلعت بنت

فلونة

10-27-2010, 02:01 PM

اشككج علشان لا تاخذين لج وردي وايد :p

نفس اختي قالو لها صبي وخذت كل شيي ازرق

حتى جلابيتها حق الدختر بحرررية

اهم شي السلامة ،، والله يتمم علينا وعلى الجميع بخييررر

بنت الأياويد

10-27-2010, 02:10 PM

آمين الله يسمع منج ، انا صايدني وسواس اقول ليكون هذي طلق وبولد في الثامن بس بعد اقول الله لايقول على الاقل ادش التاسع وعقب بنتي كيفها اي وقت تبي تطلع خل تطلع

فلونة

10-27-2010, 02:14 PM

لا اسمله عليج ،، ان شاء الله شيخة البنات بتسمع كلامج وبتولدين في موعدج

بس انتي حاولي ترتاحين ولا اتعبين روحج،،

بنت الأياويد

10-27-2010, 02:18 PM

ان شاء الله يارب وياكم ، انا سياقة السيارة اهيه الي متعبتني من المحرق لي الصخير اسوق يوم وترك والحين مفكرة اذا صادني اليوم نفس الالم ارقد في بيت امي لان ريلي دوام وماعندي احد في الشقة

الفتاة الذهبية

10-27-2010, 02:20 PM

بنت الاياويد
لا تخافين بتولدين في موعدج ان شاء الله
فلونه
اشوه مو بس انا يعني
روز
امس خليتيني ومشيتي
ما جفت الا وحده صاخه

فلونة

10-27-2010, 02:25 PM

بييي الله يعينج،، سفرر ذي

والمفروض ترى خلاص ما تمشين سيااارة

اناا توني في السادس واحس روحي ماركز في السياقة،، ولا اجوف بوضوح

مادري نظري ضعف من الحمال << ابتدى الوسواس

بس انا ماطلع في السيارة الا مع ريلي،، عقب ما تخرجت وافتكيت ما امشي سيارة الا قليل

وعليه ابوي يحاتيني ،، متصل من الشغل يقوولي بايي باوديج المستشفى

اقوله باجر ريلي بيوديني،، يقوولي انا احين باطلع من الشغل وباييج

كسرر خاطري ،، يقول لي كله من هالدرري

حبيبة حسوني

10-27-2010, 02:28 PM

سلام بنات شخباركم
اما اني حالتي حاله امس اليل كنت في طوارئ الحوامل من ثمان ونص الي ثنتين الا
تعبت ولاعة جبدي ماظل شي الاس ووه ليي احس جسمي متكسر مو قادره اني رحت لاني احس بالم في بطني من تحت ومثل النغزات والم في قلبي بس سوو لي تحايل وقالو كلشي اوكي عقب مالوعو جبدي وحطو لي سيلانين وعطوني حبوب وسوو لي تخطيط بعد الدكتوره تقوليي هي من الحمل الي يصيديش صايدنش مثل الحموضه ومايندرى والله احس روحي كلش تعبانه وجسمي كل مكان فيه يعورني يالله ادعوليي الله يسهل عليي وعليكم

الفتاة الذهبية

10-27-2010, 02:29 PM

الدري خطير مب زين
انا تحت اشوه كنت فوق وعقب نزلت تحت

الفتاة الذهبية

10-27-2010, 02:31 PM

حبيبه حسوني
ماتشوفين شر

بنت الأياويد

10-27-2010, 02:34 PM

فقير ابوج اي صاج اهو كله من هالدري اذا جذي بس روحي بيت ابوج ريحي اهناك مايسوى عليج ، حبيبة حسوني ماعليج شر ان شاء الله

فلونة

10-27-2010, 02:38 PM

حبيبة حسوني ما عليج شر

اي قال لي تعالي قعدي في البيت ،، بيتنا طابقين بعد

واذا بارقد هناك اخاف ارقد في الطابق الارضي بروحي

يعني تيتي تيتي زي مارحتي جيتي :p

بنت الأياويد

10-27-2010, 02:43 PM

سالفتج سالفة ههههههههههههههه انزين خلي ريلج يرقد وياج دام عندج مكان

حبيبة حسوني

10-27-2010, 02:43 PM

الشر مايجيكم حبيباتي

فلونة

10-27-2010, 02:52 PM

بنت الاياويد ،، ريلي مستحيل يرقد في بيتناا مع ان اختي متزوجة وفي بيت ريلها

ومافي الا اخوااني الصغارر ،،

الله يعديها على خيرر ويرجع البيبي وضعه طبيعي

باسألكم بنات في احد عنده فكرة جم المفروض يكون وزن البيبي حاليا

بالنسبة لي في الاسبوع 23 ؟؟؟

أحلام أم

10-27-2010, 02:59 PM

سلامات على الكل وماتشوفون شر ،الحامل تضل في معاناة لين تولد بالسلامة

فلونة

10-27-2010, 03:06 PM

حصلت جواب على سؤالي

ـ يبلغ طول الجنين 33 سم ووزنه 570 غراما، هذا على نهاية الشهر السادس

وانا الوزن وايد اقل ،، يمكن لاني في بداية السادس

انا باخليكم بنات،، عندي ثياب وايد باغسل وباطوي الي على المنشرة

حياكم معااي شاركوني :p

سي يوو ليترر

حنين للماضي

10-27-2010, 03:59 PM

السلام عليكم

ماجوفين شر حبيبة حسوني
هذه الآم ان شاءالله طبيعية اني بعد تصيدني نغزان وألم في بطني
لاتحاتين ربي يسهل عليش ان شاءالله

روز الثياب نفس ما قالت بنت الاياويد من 0-3 يجون بعضهم كأن مال 6 أو 7 شهور يعني طوال وكبار
فأني نوعت يعني احس الثياب اللي خذيتهم كفاية حق أول 7 أو 8 شهور وإذا مو اكثر
اني خذيت واااجد لأن عقب بصير صعب اطلع واشتري اغراض مع البيبي
فقلت مرة وحدة

بنت الاياويد الله يساعدش ويعدي عليش هالكورس بخير
انتي في البزنس؟؟؟

حنين للماضي

10-27-2010, 04:03 PM

ماادري من سألت ان 6 شباحات كفاية لو لا
بالنسبة لي قليل جداً جداً
الشباحة شيء اساسي للطفل يعني لو بتلبسينه شنو لازم تحته شباحة عشان يمسك الحفاضة
فيعني اكيد في اليوم اقل شيء بتبدلينه مرتين فتخيلي بس 6 احس قليل جداً

وعن المشبوك اللي سألت عنه ام امل بالعكس نفس ما قالوا البنات هو اكثر راحة ودفاً للطفل
وبالذات اللي نفسنا راح يولدون في الشتاء هاي ادفأ بدال لاتلبسينه سروال وحالة ويضغط على بطنه

Um Amal

10-27-2010, 05:07 PM

مشكورة حنين الماضي على النصح .. الله يحفظش ويحفظ جنينش
بنت الأياويد.. لك الشكر الجزيل ..
والله يسهل على كل الحوامل يا رب ..

rose soul

10-27-2010, 05:12 PM

فتوته..ههههه سكتي امس صرت في حاله..حسيت بدوخه شوي وراسي يفتر علي..انا ادري ان دمي ناقص فقلت بابتدي ف الحبوب اللي قالتهم لي الدكتوره..والله وكيلج شربتهم مني..وقعدت افرغ جني وحده متنسيه وتعبت..لليوم احس بتعب بس اهون ‏..وبنتي بعد ما شاء الله عليها وايد تتحرك..وترفس..يعني حركتها طول اليوم حتى لو برقد..ونادرا ما توقف عن الحركه..والله تمللت هههههه
مادري انتو بعد جذيج
؟
شكله امس كان بيصيدني اكتئاب بس تعوذت من ابليس هههههه

الفتاة الذهبية

10-27-2010, 05:42 PM

روز
حمدي ربج انها تتحرك
في ناس يتمنون الجنين يتحرك
لانه اذا ما ااتحرك يعني يخافون ان فيه شي خخخ
ضحكتيني فديتج
الله يبعد عنج الاكتئاب

rose soul

10-27-2010, 05:50 PM

اي ساعات افكر في كلامي واستغفر ربي....الحمدلله على كل حال
عيل امس تميتي بريحاتج ههههه؟

الفتاة الذهبية

10-27-2010, 06:02 PM

ههه نسيت اقول لج
اتصل ريلي عشان العشى
قال تبين باستا وجان ما يسمع
الا وحده تضحك يقول شفيج
الا اقوله لان صج خاطري في
باستا وبس تعشيت باستا

الفتاة الذهبية

10-27-2010, 06:13 PM

روز
وينج ليكون مثل امس شردتي

حنين للماضي

10-27-2010, 07:25 PM

شخبارش فتوت اني اهني

فجوره

10-27-2010, 10:24 PM

السلااام
محد هوون؟

Um Amal

10-27-2010, 10:27 PM

Me also here... hiiiii

فجوره

10-27-2010, 10:42 PM

هلا ام امل شخبارج

Um Amal

10-27-2010, 10:48 PM

هلا خيتو ..
الحمدلله أسأل عنش ..بكرة عندي موعد .. وأنتظر نتيجة السكر بو 4 مرات ..
الستار الله .. لا تنسوني من دعائكم

طفلي حياتي

10-27-2010, 10:56 PM

هلا بنات
ام امممممممممممممممممممل امس سألتش ولا جاوبتين طاعت روحي
سويتين حميه لو شي للسكر لولا؟؟؟؟

بنت الأياويد

10-27-2010, 10:59 PM

السلااااام عليكم ، هل من أحد هنا؟

فجوره

10-27-2010, 11:59 PM

نعم نعم يا اختاااه
انا هناا

فجوره

10-28-2010, 12:16 AM

وينج بنت الاياوييد
تطلين وتمشييين
شكلي باقوم باجر عندي شغله مهمه جدا جدا
بليييييييييز ادعولي بالتوفيق
باجر احتمال تتغير حياتي 180 درجه
يارييت يصير اللي في بالي يااااااااااااااااارب

طفلي حياتي

10-28-2010, 12:19 AM

فجوره بالتوفيق ان شاء الله

الفتاة الذهبية

10-28-2010, 06:09 AM

صباح الخير
حنين يوم طلعت دشيتي
مافي فايده
أم أمل
ان شاء الله ما فيج الا العافيه
طفلي حياتي
وحشتيني انتي وأم خليل
شمس الصباح
وينج ما تبينين
بنوته حلوه
عسى ما شر ليش هالغيبه
أم حماني
لج وحشه فديتج
فجوره
ان شاء الله يصير الي في بالج وبالتوفيق
امس رحت شريت
حوض سباحه
وشامبو وسائل استحمام
وزيت وجل للاطفال برائحه الزهور
الجل للجسم لا يروح بالكم للشعر
وخذيت لوشن
وكريم لتغيير الحفاظ
باقي عليي اغراض الصيدليه
فقط لا غير

الفتاة الذهبية

10-28-2010, 06:18 AM

روز
امس في فخر المملكه
جفت مال توزيعات
عجبني شي والدرزن بدينار وثمان مئه فلس
عاد ما شريت بروح لهم مره ثانيه

حنين للماضي

10-28-2010, 10:42 AM

السلام عليكم
صباحكم سكر حبايبي

شخباركم؟؟؟
يبي لي اشتغل على التوزيعات
بس اني بسوي عند وحدة
يبي لي بس اختار الشكل والستاند عشان لاينحجز لتاريخ اللي ابي

فجورة يااارب ايسر امورش ويتحقق اللي في بالش

شمس وحروف وام حماني وام خليل وبنوتة حلوة هالايام مايبينون
يااارب يكونون بخير

om khalil

10-28-2010, 11:00 AM

طفلي حياتي
الله يعينش فترة كريهه عشتها هذاني ريجيم مسويه اخاف اييني لانه بردون يعيدونه ليي في السابع اذا الله بلغنا ان شاءالله
ابحثي في قوقل عن اكل مرضى السكر والله يخففه عنش ان شاءالله ويعتدل
نسيت اقولش اشتري لش ماي السكري، موجود في المحلات صوب اغراش المرقدوش.

حنين الماضي
حليييييييو الجدول الله يزيد ويبارك ان شاءالله

فجوره
الله يوفقش ان شاءالله ويارب تطلع نتيجة السكر زينة

ام عايشة
اليوم الخميس طمنينا ويش يصير وياش والله يصبر قلبش ان شاءالله

مزيونة 11
قولي متى تاريخ ولادتش وبنسوي لش شريط حمل ان شاءالله

Um Amal
خذي فوط وايد اني اذكر ببتي اخذت 7 فوط ويالله كفوني تدرين الياهل كل شوي بتغيرين له
و 6 بدلات كفايه بالذات الياهل يكبر بسرعه

حبيبة حسوني
ماعليش شر ان شاءالله

الفتاة الذهبية
ماتشوفين وحش ان شاءالله شوقتيني للباستا ^_^

حنين الماضي
مافي عصرية هالايام يختش ويالله ارجع من الشغل انام العصر وعقب على واجبات بتي مال الجامعه ههههه

الفتاة الذهبية

10-28-2010, 12:33 PM

ام خليل
لا تيبين طاري الباستا
ترى لو كل يوم عشاي باستا
ما بتملل
راسي كان يألمني الحين صار اوك

نورالدنيا

10-28-2010, 12:45 PM

سلام حوامل ديرتي شلونكم ؟؟

Um Amal

10-28-2010, 01:33 PM

مرااااااااااااااااااااااااااحب مليون ..
اليوم كلش فرحااااانة ..
لان طلعت نتيجة السكر مضبوطة .. وقالت لي الدكتورة خلاااض إخدي راحتش كلشي مسموح لش بالأكل .. طبعاً بفضل الله وفضل دعائكم .. صدق إنكم خير عليي

أم خليل:مشكورة أختي .. لحد الآن اشتريت بس 6 ,, ومدام قلتي لي كفاية بس بوقف لعقب إدا ولدت بشوف ادا احتجت ازيد عليهم ..
الفتاة الذهبية: من زمااااان خاطري في الباستا بس أنتظر هالنتيجة ,, والحمدلله صارت تمام .. يعني كلما بشتريها الحين بجين في بالي ..

Um Amal

10-28-2010, 01:40 PM

هلا بنات
ام امممممممممممممممممممل امس سألتش ولا جاوبتين طاعت روحي
سويتين حميه لو شي للسكر لولا؟؟؟؟

هلا خيتوو ..
جاوبتش قبل له !!
الحمية اللي سويتها إني في الصبح آكل بس بيض وجبن وخبز أسمر وحليب ضروري ..
واما في الغداء .. أحط كمية متوسطة من العيش لانه نشويات وادا زاد يتحول سكريات .. فمكتوب في الورثة الا عطوني اياها انه لاوم يكون بحدود 200 جرام ..وبرتقالة وحدة وصحن سلطة بس ..
وفي العشا..خبز أسمر ولبنة أو روب .. وإذا بغير آكل مشويات .. أو قليل معكرونة صحن متوسط يعني نفس العيش ..

واشرب عصير برتقال بدون سكر 4 مرات في اليوم تقريبا .. ونفس الشي الحليب بعد ..

إن شاء الله لك كل الخير يا "طفلي حياتي"

الفتاة الذهبية

10-28-2010, 02:09 PM

نور الدنيا
وعليكم السلام
انا تمام
ام امل
شكرا حبيبتي ما تقصرين

الفتاة الذهبية

10-28-2010, 02:10 PM

بنت الاياويد وفلونه وينكم
مو مبينين

طفلي حياتي

10-28-2010, 02:16 PM

ياخلف جبدي انتووووووون
اني معروف عني الوسواس يقتلني قتال سامحوني مللتكم لكن انتون عزوتي واعز خوات لي والله ومنكم استفيد حبيبتي ام خليل اخذته من زمان ماي السكري وطعمه يلوع الجبد عدل
وحبابتي ام امل يالقمر مشكوره جدا من الوسواس ما اركز يادافع البلا والف الف الف مبروك نتيجتش الطيبه والفال لي ابشركم وافرحكم بنتيجتي تطلع زينه يا وجوه الخير
باقي البنات شخباركم عساكم بصحه وسلامه
ام حماني تلومني لو اقول ان شاء الله تحمل عقب شهرين خخخخخخ راحت للريل ونستنا شكلها متعومسه ويى تحفظ حماني وتسبحه وتنومه بروحها الله لها وييسر امرنا واهرمها يارب

الفتاة الذهبية

10-28-2010, 02:23 PM

طفلي حياتي
هلا شخبارج

طفلي حياتي

10-28-2010, 02:38 PM

هلا فتاة بخير
انتين شخبارش

طفلي حياتي

10-28-2010, 02:40 PM

على فكره الجدول كلكم شفتونه اني ماينفتح لي هنا ولا رابط تخلونه مادري ليش

الفتاة الذهبية

10-28-2010, 02:46 PM

تمام
انا ماجفت الجدول

طفلي حياتي

10-28-2010, 02:47 PM

يقولون حليو شكله صار ابحثي من الردود السابقه بتشوفين الرابط ماله يمكن يفتح عندش

الفتاة الذهبية

10-28-2010, 02:51 PM

جربت من قبل وما فتح

الفتاة الذهبية

10-28-2010, 02:56 PM

صج لين قالو ثلاث الاشهر الاخيره
من الحمل متعبه

الفتاة الذهبية

10-28-2010, 03:08 PM

وينج صاخه
ملل ما في احد

طفلي حياتي

10-28-2010, 03:12 PM

ههههههههه الله يعينش فتوت كلها فتره بسيطه وتعدي وتشوفين احلى نونو بين ايدينش
اني استأذن بقوم
مع السلامه

الفتاة الذهبية

10-28-2010, 03:16 PM

الله يسمع منج
في حفظ الله

الفتاة الذهبية

10-28-2010, 04:27 PM

وينكم اليوم شفيكم مو مبينين
في الديوانيه بالعناد يعني خخ

حنين للماضي

10-28-2010, 04:44 PM

غريبة ليش مايفتح عندكم
جيكوا هالمرة بعد

http://www.m5zn.com/download-102810061039yhnw0andovjjwgc427f-102810061039yhnw0andovjjwgc427f.docx

ضغطوا بس على كلمة تحميل وخلاص
اول ماتضغطون على الرابط نطروا لين تنتقلون لصفحة الموقع اتوماتيكياً

الفتاة الذهبية

10-28-2010, 04:47 PM

حنين
انا ما بيفتح لانه اقعد من التلفون

حنين للماضي

10-28-2010, 04:50 PM

حنين
انا ما بيفتح لانه اقعد من التلفون

الله يكون في عونش
ملل التلفونhwaml5
زوجش في الشغل العصاري؟؟؟

الفتاة الذهبية

10-28-2010, 04:52 PM

اي زوجي في الشغل

حنين للماضي

10-28-2010, 04:54 PM

اي زوجي في الشغل

اني بعد
بيت ابوي مسافرين وهو مايرجع اله ويه الاذان او عقب
صايرة حدددي متمللة بدون بيت ابوي
متعودة كل يوم ارز الفيس من الصبحhwaml02

الفتاة الذهبية

10-28-2010, 04:59 PM

ههه
انا كل اسبوع اروح يوم الخميس
العصر وأبيت للجمعه
بس لانه زوجي يشتغل اوفر تايم
من جذي قاعده في غرفتي
وملل

حنين للماضي

10-28-2010, 05:03 PM

تخيلي نولد في يوم؟؟؟
عجيب لا
ان شاءالله نقدم مابي اتأخر كلش واقعد احاتي
اني ولدي كله يحوس صوب اليسار ماادري ليش؟؟
وانتي شو اخبار حركات بنوتش؟؟

الفتاة الذهبية

10-28-2010, 05:04 PM

يلا عن اذنج بقوم

الفتاة الذهبية

10-28-2010, 05:07 PM

بنتي هذا هي ترفس خخ
اي عجيب ها حجزه ولدج حق بنتي
والمثل يقول اخطب حق بنتك قبل لا تخطب حق ولدك

الفتاة الذهبية

10-28-2010, 05:14 PM

اكو اذن يلا بخليش

حنين للماضي

10-28-2010, 05:15 PM

بنتي هذا هي ترفس خخ
اي عجيب ها حجزه ولدج حق بنتي
والمثل يقول اخطب حق بنتك قبل لا تخطب حق ولدك

هههههه
عجيب المثل اول مرة اسمعهhwaml7
اذنش معاش حبيبتي

اني بعد بقوم نستعد للصلاة

الفتاة الذهبية

10-28-2010, 05:42 PM

وعدنا بعد ما صلينا
حنين
ها يعني موافقه
خخ

الفتاة الذهبية

10-28-2010, 05:43 PM

بروح اقعد مع عمتي المسكينه
بروحها قاعده

فلونة

10-28-2010, 07:35 PM

مرحبااا

حبيت اطلع عليكم عالسرريع

رحت اليوم مجمع الرفاع وخذيت جم بدلة وفوطة عوودة عجبتني ناااعمة حدهاا

صار خاطري في اشيااء واايد،، بس اكثرر الثياب وردي وازرق واحترت

اي لون اشتري ،، حتى زفني ريلي من زود ماحط في السلة واشيل hwaml02

خذيت كله بيييج ،، يلاا ادعووا لي الله يعطيني الي في باالي

نجوفكم على خيررر حبيبات البي

نورالدنيا

10-28-2010, 08:03 PM

مرحبا صبايا

فلونه
وين يصير مجمع الرفاع اذا ما عليج امر ابي الشرح بالتفصيل

أم عائشة

10-28-2010, 10:34 PM

السلام عليكم
شخباركم وشخبار البيبيات عساكم بصحة وسلامة

انا الحمدلله الذي لا يُحمد على مكروه سواه نزل اليوم علي دم
ورحت سويت عند فهيمة سونار وقالت لي ان شاءالله بعد يومين او3 بينزل الكيس بروحه
وقالت لي مافي داعي اروح اسوي تنظيف لانه الكيس صغير عمره بس 4 اسابيع و3 ايام

يعني ممكن الرحم يتنظف بروحه مثل ماقالت؟؟؟
طمنوني فديتكم

بنت الأياويد

10-29-2010, 01:26 AM

السلام عليكم ، هلا والله ام عايشه ربي يعوضج خير ان شاء الله والبركة في الباقي ان شاء الله ، اي دام اهيه قالت لج ان شاء الله بينزل بروحه ولا غربالج التنظيف يقولون وايد مأساة نطري وان شاء الله خير

Um Amal

10-29-2010, 10:42 AM

صباحكم سكر يا أهل البحرين ..
كيف الحال ؟؟

فلونة

10-29-2010, 11:53 AM

سلاااااام

بنااات الله يخليكم اللي تجوف ردي

تدعي حق اختي بتسهييل الولاااادة والله يقومها لناا بالسلااامة

ترى امي محتااسة وياهاااا ،،

أَمَّن يُجِيبُ الْمُضْطَرَّ إِذَا دَعَاهُ وَيَكْشِفُ السُّوءَ

أَمَّن يُجِيبُ الْمُضْطَرَّ إِذَا دَعَاهُ وَيَكْشِفُ السُّوءَ

أَمَّن يُجِيبُ الْمُضْطَرَّ إِذَا دَعَاهُ وَيَكْشِفُ السُّوءَ

Um Amal

10-29-2010, 12:56 PM

الله يسهل عليها الولادة إن شاء الله .. ويا رب , الله يطمن قلبكم عليها ..

بنت الأياويد

10-29-2010, 01:31 PM

الله يسهل عليها الولادة ويقومها بالسلامة ويعطيها طلقة سهله يارب العالمين ، الله يفرحكم ان شاء الله

طفلي حياتي

10-29-2010, 02:12 PM

السلام عليكم
شخباركم حوامل عساكم طيبين
جمعه مباركه ع الجميع ان شاء الله
فلونه: ان شاء الله تقوم بالسلامه وولاده سهله ميسره بحق محمد وآل محمد

حبيبة حسوني

10-29-2010, 04:08 PM

هااااااااي بنوتات حبايبي شخباركم
فديتكم طلبتكم لاتردوني
عندي عيد ميلاد زوجي عقب جم يوم
ومادري شسوي ليه
ابغي افكاركم بليزز وابغي شي مو مكلف لاني راح اكون في الشقه
يلا انتظر ردودكم الحلوه ودي افاجاه هو علطول يفاجاني واني ولامره فاجاته
بلييز انصحوني شسوي

فرح عمري

10-29-2010, 04:09 PM

مساكم خير يارب يا كل الحوامل

فلونه ما عليها شر اختش وان شاء الله بين ساعه وساعه يسر يارب

تقوم لكم بالسلامه وتقر عيونكم بشوفتها وشوفت ولدها

فجوره

10-29-2010, 04:15 PM

فلونه الله يسهل ولاده اختج ياارب وتقر عينها بشوفه ضناها

حبيبه حسووني في ناس يسوون كييك وفي توصيل حق البيت اذا تبين
عندج آلاء كب كيك
عندها صفحه في الفيس بوك
اختاري الكيكه وطرشي لها وهي اتييبه لج لي البييت
واسعارها زينه

بنت الأياويد

10-30-2010, 12:25 AM

السلام عليكم ، فلونة بس ان شاء الله تبشرينا بولادة اختج لاتنسين
شخباركم حوامل كلكم ان شاء الله كلكم بخير ؟

فجوره

10-30-2010, 01:47 AM

شهست شفيييييييييييكم؟
محد يدش الديوانيه كلللش

الفتاة الذهبية

10-30-2010, 07:27 AM

صباح الخير
شخباركم؟
فلونه
ولاده ميسره ان شاء الله
اسفه كروشات امس
ما قدرت ادش لانه كنت في
بيت امي
صايرة مو طايقه اقعد في
بيت عمي بس في نفس الوقت
أحس ما ارتاح الا في غرفتي

حنين للماضي

10-30-2010, 10:37 AM

صباح الخير يا حلوات

فلونة طمنينا على اختش يااارب تكون ولدت وقامت بالسلامة

حبيبة حسوني اني هالمرة طرشت ورد لشغله واستانس عدل
جوفي بعد اذا تقدرين تروحين لايف ستايل اخذي هالشموع الصغار اللي يازعم بالرائحة وشغليهم من على باب شقتش لغرفة النوم
الحركة كلش حلوة
زيني حجرة النوم بهاليتات الصغار اللي يولعون ويبندون وعلقيهم على السرير
واخذي ورود روز ونتفيهم على السرير مع بالونات حمران
يلا هاي اللي في بالي اذا تذكرت بكتب ليش بعد

فتوت, بنت الاياويد, فرح عمري, شموس, فجورة, حروف, روز, ام حماني, بنوتة حلوة, ام خليل, طفلي حياتي, ام امل, ام عائشة واحلام ام وباقي الحبايب شخباركم بعد

حنين للماضي

10-30-2010, 10:45 AM

امس بيتنا رجعوا من السفر
كنت مستانسة عدل
مسكين ابوي اشكثر ماخذ ثياب لعلاوي كسر خاطري عدددل
كنت اتمنى ويرضى زوجي نسمي ولدي على اسم ابوي
ادعوا الله يهدي زوجي ويرضى لحزة ولادتي

حنين للماضي

10-30-2010, 11:17 AM

بنات في دكتورة قلتوا كلش شاطرة فهيمة كان اسمها؟؟؟
وين عيادتها وجم رقم العيادة؟؟؟
هالايام كله يصيدني آلام ووخزات في بطني بعيد الشر عنكم

نورالدنيا

10-30-2010, 12:30 PM

مرحبا صبايا

فلونه
وين يصير مجمع الرفاع اذا ما عليج امر ابي الشرح بالتفصيل

بنات وين يصير مجمع الرفاع hwaml15 محد رد علي

الفتاة الذهبية

10-30-2010, 12:36 PM

حنين انا تمام
ما اعرف رقم فهيمه ولا اعرف عيادتها
اكو ظهري يعورني اليوم
ما ادري شفيني احس بشوي
تعب
نور الدنيا
ما ادله لو ادل جان قلت لج

الفتاة الذهبية

10-30-2010, 01:00 PM

بنات عطوني حل حق مره حميي
اذا انا مو في بيت عمي
تتحجى عليي هي صج
ما تحاجيني بس مو معناتها
انها تسوي جذي تعبت
بس ما ابي ابين حق زوجي
هالشي لانه قلت له خلنا نطلع
بروحنا قال ما عندي أمكانيه
لو عندي من زمان طلعنا
نفسيتي تعبت والله قاعده اصيح
من القهر
احيانا انا داشه المطبخ
اسمع اسمي ولمن ادش
تغير الموضوع ولا كأنه صاير شي

بنت الأياويد

10-30-2010, 02:25 PM

ماعليج منها لاتفتكرين وخاصة انج حامل عيب عليها تتكلم عليج وتسمعج كلام يغثج ، مافي الا تقولين حق ريلج ، انا من جم يوم صادني موقف مع ام زوجي وتميت ساكتة فترة بس عقب ماقدرت قلت له وقالي ليش ماتكلمتي من قبل انا مع الحق اذا اهيه غلطانه بكلمها مافيها شي ونفس سالفتج بعد متكلمة علي جدام نسوان حماي وكلمها ريلي والحين علاقتي فيها كلش سطحية فالحل الوحيد تكلمين زوجج واهو يتصرف وليش تسكتين وتكتمين في قلبج مايسوى عليج

فرح عمري

10-30-2010, 04:02 PM

فتاه والله اني اتفق مع بنت الاياويد

فيه ناس مع السكته يزيدون ويتمادون وهذا مثل موقف صار وياي مع ام زوجي سكت على شان ما اخرب العلاقه بينها وبين ولدها واخرتها صرت اني الغلطانه

بس الحين تعودت ان اقول الي اشوفه واسمعه له على شان يعرف منو الي على حق

قولي ولا تعورين قلبش وراسش ما فيه حد يسى تصبري عليه خصوصا لو مرت حميي

فلونه ما قلتي لنا شخبار اختش ان شاء الله ولدت ؟؟

حروف بعد ما يندري وينها زماااااااان عنها يارب تكون بخير

الفتاة الذهبية

10-30-2010, 05:53 PM

نحمد الله ع كل حال

الفتاة الذهبية

10-30-2010, 06:08 PM

اي صج حروف وشمس وبنوته ماا لهم بيان

الفتاة الذهبية

10-30-2010, 09:00 PM

وينكم صاخين ملل روز وينج ماتبينين

om khalil

10-30-2010, 09:27 PM

سلام خواتي اشتئتلكم يومين ماسولفت وياكم
عندي شد عضلي في اعلى الفخذ من الصوبين ذبحني كل شوي تشير ريولي الحمدلله..

طفلي حياتي
وينش؟؟

أم عايشة
الله يعوضش خير ان شاءالله، بس اني اذكر مره سقطت الله لايعود السوء بـ 6 اسابيع وسووا لي تنظيف.. اذكر هالعملية كسرت ظهري عدل وايد تعبت منها وليومش اعاني الام في الظهر يارب لا تعود السوء يارب.. فيه ناس تاخذ شغلات من عند الحواج لتنظيف الرحم... الله يصبرش ويعوضش خير ان شاءالله..

فلونه
يااااااااااارب يسهل على اختش بولاده ميسره ان شاءالله وتقوم بالسلامه قريب يااااارب..

حبيبة حسوني
مادري يختي اني متنسيه على زوجي ليومش ولا ليي خلق سوالف رومانسيه ههههههههههه

حنين الماضي
الحمدلله على سلامة الأهل

الفتاة الذهبية
خليها تتحجى وتهوذر لين تمل، الله يكفيش شرها ان شاءالله. واقولش يختي احمدي ربش انها تسولف بس وموقاعده تحسدش وتضربش بعين وتطالعش في كل شي وتقلدش وتخليش تكرهين اليوم اللي انولدتين فيه........ مثلي :(

الفتاة الذهبية

10-30-2010, 09:35 PM

هلا ام خليل شخبارش
هي شكلها غيرانه مني من جذي تتحجى لانه قبل كانت اوكي معاي بس عقب يوم وصلت الشهر الرابع من حملي قامت ما تحاجيني

om khalil

10-30-2010, 09:41 PM

نفس الي عندي هيكي قاتله روحها صياح كل شهر من تييها الدوره
تخيلي اقل شي اني اخذه عساه قوطي بيبسي راحت شرت ليها ههههههههه
معاناه يختش ويا عيونها ذبحتني كرهتني في ولادي وريلي ودنيتي وشغلي وكل شي
الله يكفينا شرها ويكفيش شر اللي عندش
بس صدقيني طنش تعش تنتعش.. اني هذي مطنشتنها بالمره ولا التقي بها المكان اللي هي فيه اهرب منه بسرعه وكلامي وياها رؤوس أقلام ولا اعور راسي..
وكله اقول مريضه ههههههههههه كله تعبانه كله باموت بس حتى افتك من شر عيونها عساها البط ههههههههه
استغفر الله الله يفكنا بس من شرها ان شاءالله

الفتاة الذهبية

10-30-2010, 09:45 PM

بلشه جذي بعد خخخ

om khalil

10-30-2010, 09:49 PM

الله يكفينا شرهم بس

وين باقي البطات محد مبين

om khalil

10-30-2010, 09:56 PM

فيي نومه بس قاعده احارس نتيجة انتخابات المحافظه الوسطى منطقة الرابعه
يارب تفوز منيرة فخرو ان شاءالله

فرح عمري

10-30-2010, 09:58 PM

ام خليل ومن سمعش

عندي شد برجولي اليسار ذابحني

ما اقدر اتحرك ولا اسوي شي

ما ادريوش الحل لازم له حل لان يألم عدل

أحلام أم

10-30-2010, 09:58 PM

مساء الخير عليكم والله يجعل أيامكم خير وصحه وهناء بال
قصة نسوان الحمي والغيرة ماتخلص خصوصا إللي عندها نسوان حميي 4 مثلي الله يعينها
ويعين عيشتها القشرة وياهم
ويش أخبار شمس الصباح وحروف عاشقة مايبينوون من زمان

om khalil

10-30-2010, 10:06 PM

فرح عمري
اذا ياش الشد بسرعه حاولي ترخين اطرافش لانش لو صلبتينها بيزيد
اني بالأساس عندي ألم مع شد مو شد مع ألم ههههه
رغم اني للحين توني في الرابع

أحلام أم
الله يعينش ان شااءلله، تصدقين من شوي في بالي هالثنتين واني اسال عن باقي البطات
يارب يكونون بخير..

الفتاة الذهبية

10-30-2010, 10:07 PM

تجمعتو يا سلام انا عندي ثلاث نسوان حمي وانا الرابعه

الفتاة الذهبية

10-30-2010, 10:11 PM

متى نولد بالسلامه صدق تعب والشد كريه أي حروف لها فجه هي مع شمس

om khalil

10-30-2010, 10:15 PM

اليوم قاعده اتخيل نفسي اولد
يدخلوني الغرفه ويعلقوني من ريايلي كاني ذبيحه
واصرخ وانتف ريش شعري هههههههه
والهندية تيي تصارخ عليي :(

الفتاة الذهبية

10-30-2010, 10:17 PM

ههه انا كله احلم إني ولدت خخ

om khalil

10-30-2010, 10:19 PM

ايه وويش يبتين هههههههه

الفتاة الذهبية

10-30-2010, 10:22 PM

ههه ما اجوف وش جبت بس الناس تزورني خخ

om khalil

10-30-2010, 10:24 PM

وش وزعتين ههههههههههه

الفتاة الذهبية

10-30-2010, 10:26 PM

حلوه دي وش وزعت خخج صرت مصفعه ما وزعت شي

om khalil

10-30-2010, 10:29 PM

اني بهالحمل ماليي خلق لا اجهز ولا اوزع هههههههه

الفتاة الذهبية

10-30-2010, 10:32 PM

ليش ؟ اني بجهز ان شاء الله الشهر الجاي ف

om khalil

10-30-2010, 10:39 PM

من لوعة جبدي من تقارير مرة حميي الشهرية ونياحها جتني الدورة نياااااااااااع
خخخخخخخخخ

الفتاة الذهبية

10-30-2010, 10:40 PM

يلا عن اذنج بقوم

طفلي حياتي

10-30-2010, 10:40 PM

السلام عليكم
شخباركم؟
وحشتوني عفرر
اني شدوني موضوعين ابغي اناقشهم على الطاوله المستديره وياكم
نسوان الحمي بلاويهم بلاوي وتوني الحين صايدني موقف ويى وحده مرها مر تضحكني الشي الزين حمواتي يكرهونها لانها مصدقه روحها عدل وهي خرطي وتسوي لي حركات تسلم ع الجماعه وتخطرني مثلا او اذا اسولف تطنشني لكن ماسكت ليها ارد ليها الموقف بتصرف يغيضها يخليها تخقققق
والموضوع الثاني الآلام اني هالايام الم في بطني جهة اليسار ماني عارفه ويش اسوي والم في خاصرتي واذا ضربوني اثنينهم مت
شكله عندي التهاب ابوال عزكم الله وبطني جهة اليمين الالم

om khalil

10-30-2010, 10:42 PM

يعني تنتظرين تدشين الثامن تالي بتجهزين؟؟ بتثقلين اكثر

طفلي حياتي

10-30-2010, 10:45 PM

ام خليل شفتش يوم الجمعه العصر ويى ريلش في السياره بتنزلين بيت ابوش عفر عطيتكم درب تطوفون وانتين ما انتبهتين هييهيهيهيهيهيهي

om khalil

10-30-2010, 10:47 PM

الله وياش فتوت

طفلي حياتي هلا وغلا بيش زين تسوين فيهم الله لايحوجنا ليهم ان شااءلله مرونا مر الزمان.. الالم اللي تحسين به اني بعد يصيدني عفر شكله طبيعي يختش يمكن الياهل يتكور من صوب ويدهشنا.. واذا شاكه فيش التهاب ابوال اشربي ماي قد ماتقدرين وان شاءالله مافيش الا كل خير
باقي يومين وتدشين الخامس ماشاءالله ^_^

om khalil

10-30-2010, 10:49 PM

ايه نسيت اقول اني شفتش بعد لفتش عند النخله هههههههه
كنت دايخه يختش كان توه بادي فيي الشد والألم بريايلي

طفلي حياتي

10-30-2010, 10:53 PM

هذا ويش هالالم يبط الجبد مره رحت الحمام عزش الله الفجر كان يوم الجمعه ومن نزلت الشسمه الا الم قوووووووووووي مادري هو في خاصرتي هو في البطن جهة اليمين مادري
وليش كله تلزق فرحه صوب واحد من الحين خجوله وتنخش

om khalil

10-30-2010, 10:55 PM

نفس الشي اني بعد اعاني من هالألم مو لازم يكون الياهل هذا في الكلى اتوقع
اروح الحمام اخلص عزش الله بس بعد احس بالألم وكاني محصوره

طفلي حياتي

10-30-2010, 10:57 PM

انزين ويش الحل في شي نسويه عشان يخف؟

طفلي حياتي

10-30-2010, 10:58 PM

تصدقين قمت ادخل الحمام بس جدي اتم مثانتي فاضيه ابغي اتخلص من الالم بس يا الله تهون بس نشوف الجنين سليم معافى ماعليييييييييه

حنين للماضي

10-30-2010, 10:58 PM

السلام عليكم

الله يعينكم كلكم تعانون من نسوان الحمي
ربي يبعد شرهم عنكم ويقومكم بالسلامة

اني مفتكة زوجي وحيد ماعنده اخوان بس خواتhwaml7

طفلي حياتي

10-30-2010, 11:05 PM

فتكيتين حنين من نسوان الحمي بالرغم من اني مسيطره ع الوضع وياهم وكل موقف حمق منهم اءكلهم اياه بموقف واسكتهم بكل هدوء
الله يهنيش في حياتش يارب

طفلي حياتي

10-30-2010, 11:07 PM

وين رحتين ام خليل من ايي تروحين

om khalil

10-30-2010, 11:09 PM

اني الله باليني بوحده هي طيبه
بس عيونها ناااااااااااااار
لو عساني فييي ريحة خياس شفت عليها ههههه

استغفر الله بس

طفلي كله بأجره ماعلينا الا نتحمل ويارب اييون يهالنا بصحه وعافيه
اهم شي نحمد الله انه فترة الخطر عدت والحمدلله

om khalil

10-30-2010, 11:11 PM

رحت افضي اللي في بطني ههههههههه
مسنتره في الحمام عزش الله اوقف طوارئ من احد يدخل

om khalil

10-30-2010, 11:12 PM

تدرين هاليومين من حسيت فيني هالالم والشد طليت على المنتدى ادورش اقول اكيد هي بعد ياها وماشفتش

طفلي حياتي

10-30-2010, 11:13 PM

هههههههههه
ويش نسوي الحمدلله ان شاء الله الخطر زال فعلا ويتم حملنا على خير كلنا
اني مافيهم حسد اسم الله عليش منوعين ناس مخبلين ناس ميانين ووحده ويلي يبغي ليها موسوعه عشان اوصفها هذي على الساحه ويايي الحين واااااهههههههههههههههههه اليوم شفتها في بيت حماتي فاشخه روحها اذا تمشي وكان ريل حماتي وريلي قاعدين وهي تمشي مفتحه ريايلها كانها تمشي والبطه مالت الفحص فيها ياااااااااااااادافع البلالالالالالالالا وتوها حامل في الشهر الثالث

طفلي حياتي

10-30-2010, 11:17 PM

تصدقين ام خليل اني هالالم استحيت اقول عنه لان وايد اتشكى ماحبيت والحين تشجعت وقلت ومره قررت اكتب من قوة الالم الا شفت جمن موضوع كاتبينه وقريت الردود ناس تقول التهاب مسالك وناس تقول الرحم يتوسع ومادري ان شاء الله خير

om khalil

10-30-2010, 11:18 PM

يمكن فيها حرار ههههههههههههههههههههه

طفلي حياتي

10-30-2010, 11:19 PM

ههههههههههههههههههههههههههههههههههههههههههه
يمكن وماحد فاهم ان فيها حرار
قتلتيني من الضحك وماني قادره من الالم هههههههههههههه

om khalil

10-30-2010, 11:20 PM

فيه موضوع عن تطورات الحمل مع الاشهر مكتوب فيه وش بتحسين هالشهر
قريته مره من زمان واني حامل ببتي وكنت اتطمن على روحي من اقرا
بس صدق مثل ماقلتين مع تقدم الاشهر الرحم يتوسع علشان يستوعب حجم البيبي
فلازم بنحس بألم

om khalil

10-30-2010, 11:21 PM

غربل الله بليسش ماقدر اضحك احس دبتي تتهزهز ويايي لازم ايودها هههههههه

طفلي حياتي

10-30-2010, 11:22 PM

اني بعد ايودها اذا اضحك لو اعطس

om khalil

10-30-2010, 11:25 PM

شخبارها خشنت؟

طفلي حياتي

10-30-2010, 11:28 PM

اذا قاعده ما احس بتغيير الا بسييييط بس اذا انام على ظهري احس ان في فرحه داخل
ساعات تيود على جهه
ياخلف جبدي بردانه ومتلوته

طفلي حياتي

10-30-2010, 11:29 PM

ام خليل الحركه اللي نسويها عشان نحس بالحركه اعيز ما احس بشي
بس مره الفجر حسيت ومره كنت اتوهم هذي حركه لو هي فعلا حركه مادري

om khalil

10-30-2010, 11:31 PM

احساس حليووووو
والاحلى في الاشهر اليايه اذا حسينا ان شاءالله انه فيه راس طافر
ولا التحتيه ههههههههه ياعمرررررررري الله لايحرمنا شوفتهم بصحه وعافيه يارب

وينش باقوم انخمد عليي قعده من غبشه

طفلي حياتي

10-30-2010, 11:33 PM

تيسري نامي في امان الله وحفظه
الله يبلغنا على خير وسلامه ونييبهم حليوين وصاحيين يارب

om khalil

10-30-2010, 11:34 PM

ايه هذي حركه
تحسين شي يسبح بداخلش كرري التجربه مره ثانيه
مابتحسين بها كل يوم ولا كل وقت طبعا لانه الياهل بعده نتفه يمكن كبر الكف او اصغر بشوي

om khalil

10-30-2010, 11:35 PM

ان شاءالله
تصبحين على خيررر

طفلي حياتي

10-30-2010, 11:36 PM

ان شاء الله خير
يلا تيسري مع السلامه

فجوره

10-31-2010, 12:35 AM

ماشالله الديوانيه عامره اليوم
حسافه مالحقت علييكم

الفتاة الذهبية

10-31-2010, 06:26 AM

صباح الخير
شخباركم اليوم ؟
طفلي حياتي وام خليل
حجيكم كأنكم من الدراز
اسفه ع الفضول من وين انتو
أم خليل التوزيعات بجهزها الشهر الثامن ان شاء الله
بنت الاياويد عسى ما شر مالج حس وفلونه ان شاء ولدت اختج بالسلامه وروز ان شاء هالغيبه خير وما يكون فيج شي بنوته ليش هالغبه ؟حروف وينج عسى ما شر طمنينا عليج وشمس ليش ما تبينين؟وأم حماني الله يوفقها ويهنيها مع زوجها وولدها

الفتاة الذهبية

10-31-2010, 06:41 AM

فجوره هذا حظج ما تيين الا ما في احد خخ

فلونة

10-31-2010, 11:01 AM

صبااح الخيرر بناات

سوري ما قدرت ادش امس وابشرركم،، انشغلنا مع اختي

وامس كانت حفلة تخرجي ،، والحمدلله عدت على خير

مشكووورين على دعواتكم الحلوووة والله يعطي كل وحدة اللي

تتمنااه ياارب ،، واخيراا الحمدلله اختي ولدت

يوم الجمعة في الليل الساعة ثنتين ونص hwaml7

والله يبعد عنكم الي جافته ،، وووااايد تعبت،، ووانااا مت من

الصياااااح عليهااا ،، كل ما اجوفهاا تطللق واختي اوول مولود

لهاا وومسكينة وصيت عليها قبل الولادة ان ما تصييح واايد

ولا تصرررخ علشان ما تخلص طاقتها حزة الولادة،،

بس ما شاء الله عليها توها صغنونة اختي وصبررت

كانت صبوورة فدييتهاا،،

المهم مابي ادش في تفاصيل الولااادة واهذرر ووايد

بس الحمدلله عقب هل تعب الله عووضها ويابت أحلللى

((علااااااوووي)) بعد عمرري اينن ما شاء الله عليه

الله يخليه لهاا ووتجوووفه معررس،، يااارب

والله يسهل على الجميييع وتجوفوون اعيالكم بأحسن حال

صررررت خااالة لأول مرة ،، والله خاطري ما ارد البيت

اتم معاهاا،،

ومرة ثانية بايي اجووف اخباااركم

مشكوورين مررررة ثانية حبيبات البي

أحلام أم

10-31-2010, 11:17 AM

hwaml42صبااح الخيرر بناات

سوري ما قدرت ادش امس وابشرركم،، انشغلنا مع اختي

وامس كانت حفلة تخرجي ،، والحمدلله عدت على خير

مشكووورين على دعواتكم الحلوووة والله يعطي كل وحدة اللي

تتمنااه ياارب ،، واخيراا الحمدلله اختي ولدت

يوم الجمعة في الليل الساعة ثنتين ونص hwaml7

والله يبعد عنكم الي جافته ،، وووااايد تعبت،، ووانااا مت من

الصياااااح عليهااا ،، كل ما اجوفهاا تطللق واختي اوول مولود

لهاا وومسكينة وصيت عليها قبل الولادة ان ما تصييح واايد

ولا تصرررخ علشان ما تخلص طاقتها حزة الولادة،،

بس ما شاء الله عليها توها صغنونة اختي وصبررت

كانت صبوورة فدييتهاا،،

المهم مابي ادش في تفاصيل الولااادة واهذرر ووايد

بس الحمدلله عقب هل تعب الله عووضها ويابت أحلللى

((علااااااوووي)) بعد عمرري اينن ما شاء الله عليه

الله يخليه لهاا ووتجوووفه معررس،، يااارب

والله يسهل على الجميييع وتجوفوون اعيالكم بأحسن حال

صررررت خااالة لأول مرة ،، والله خاطري ما ارد البيت

اتم معاهاا،،

ومرة ثانية بايي اجووف اخباااركم

مشكوورين مررررة ثانية حبيبات البي
مبروك حبيبتي فلونة
والحمدلله على سلامة الوالدة والمولود والله يجعلة من مواليد السعادة ويتربى في عز أمة وأبوه
الفال ليش حبيبتي الله يتمم لش ويقومش بالسلامة

الفتاة الذهبية

10-31-2010, 12:27 PM

الله يخلي علاوي لها تستاهلون سلامتها صغنونه يعني جم عمرها؟

طفلي حياتي

10-31-2010, 01:17 PM

السلام عليكم
الحمدلله على سلامة اختش يافلونه ويتربى في عزها وعز ابوه ان شاء الله ويبلغنا لهاليوم ونقوم بالسلامه
باقي البنات مختفيين وشفيكم ان شاء الله المانع خير يارب

الفتاة الذهبية

10-31-2010, 01:30 PM

ان شاء الله غيبتهم خير

Um Amal

10-31-2010, 01:58 PM

الحمدلله ع السلامة فلونة ...
ويتربى بعزكم

Um Amal

10-31-2010, 02:06 PM

الفتاة الذهبية

10-31-2010, 02:07 PM

هلا أم امل
شخبارج؟

الفتاة الذهبية

10-31-2010, 02:08 PM

ولا تزعلين حبيبتي أم امل
ليش هالغيبه عسى ما شر

Um Amal

10-31-2010, 02:09 PM

الحمدلله بخير .. :)
أسأل عنكم جميعاً ..

Um Amal

10-31-2010, 02:11 PM

ولا تزعلين حبيبتي أم امل
ليش هالغيبه عسى ما شر

مو زعلانة خيتي .. بس هالأيام حاسة بآلام في بطني عند منطقة السر وكلش تعبانة .. ولا أقدر أنام على الجهتين ..

الفتاة الذهبية

10-31-2010, 02:14 PM

ما تشوفين شر يالغاليه
انا بعد احس بألم في بطني
هونيها وتهون ما بقى شي ونشوف
احلى البيبيات قدام عيونه

Um Amal

10-31-2010, 02:19 PM

إن شاء الله يا رب .. ما بقى إلا القليل ..

الله يسر الأمور لنا ولجميع الحوامل

الفتاة الذهبية

10-31-2010, 02:20 PM

جهزتي اغراض للبيبي
وألا بعدج

طفلي حياتي

10-31-2010, 02:21 PM

اهلا اهلا اخير تحرك الجو شوي
شخبارش فتوت وام امل عساكم بخير ما تشوفين شر ام امل هذا حالنا اني توني بالرابع والالام لاعبه بحسبتي واشوف الكل يشتكي من هالالام كله يهون بس نشوفهم بسلام

الفتاة الذهبية

10-31-2010, 02:24 PM

هلا طفلي حياتي
تمام اسأل عنكم
وانتي شخبارش؟

الفتاة الذهبية

10-31-2010, 02:31 PM

وينكم؟الا ساكتينhwaml02

طفلي حياتي

10-31-2010, 02:33 PM

بخير دامكم بصحه وسلامه

الفتاة الذهبية

10-31-2010, 02:35 PM

دووم ان شاء الله

الفتاة الذهبية

10-31-2010, 02:38 PM

طفلي شريتين اغراض للبيبي

الفتاة الذهبية

10-31-2010, 02:44 PM

واجد تتأخرون ع ما تردون

طفلي حياتي

10-31-2010, 02:46 PM

هههههههههههههه توني شفت ردش
اني لا والله وزوجي الله يهديه يقول تو الناس اقول له تخفيظات في مجمع الرفاع قال وشيوديني وتو الناس مو الحين :(

الفتاة الذهبية

10-31-2010, 02:51 PM

بالعكس اتجهزين من الحين
أحس عقب بتصيرين ثقيله
وما بتقدرين

طفلي حياتي

10-31-2010, 02:53 PM

اني قلت له مو عن مستعجله ولا شي بس التخفيظات فرصه واذا ربي كاتب له بالتمام بتم
وخلها على الله اذا لي رزق باحصله وباجهز ي يوم من الايام

الفتاة الذهبية

10-31-2010, 02:56 PM

يلا مو مشكله
ان شاء الله بتجهزين للبيبي احلى أغراض
من وين انتي

الفتاة الذهبية

10-31-2010, 03:08 PM

وين رحتين تمللت بروحي

طفلي حياتي

10-31-2010, 03:09 PM

اني من شارع لبديع عفر
وانتي؟

الفتاة الذهبية

10-31-2010, 03:14 PM

اني من مدينه عيسى
بتسوين توزيعات للبيبي

طفلي حياتي

10-31-2010, 03:17 PM

ان شاء الله
اسوي بشوف افكاركم اول شي وبقرر شنو اسوي
شي بسيط وسعره حلو احسن من مافي

طفلي حياتي

10-31-2010, 03:18 PM

انتين ويش بتسوين من توزيعات قررتين؟

الفتاة الذهبية

10-31-2010, 03:21 PM

اني الله يسلمش
جفت في فخر المملكه
سله تقدرين تحطين فيها حلاوه
وفي اشكال وايد للتوزيع
الشهر الجاي بروح اختار
لي شكل وبراويكم اذا خلصت
منهم

طفلي حياتي

10-31-2010, 03:29 PM

اني بعد اسهل طريقه بسويها
لان كل شي بروحي اسويه ماقدر زوجي كله مشغووووووووووووووووووووووول
يعني باسوي اشياء كثر مجهودي الشخصي وبس
تعالي اذا نبغي بطاقه صغيره ونغلفها تغليف حراري هذيله وين يسوونهم عادي في المكتبه ؟

الفتاة الذهبية

10-31-2010, 03:31 PM

أي المكتبه يسوون

طفلي حياتي

10-31-2010, 03:33 PM

يقولون في السعوديه فيه حركات مرضعه او اشياء اني يمكن اسوي هالشكل مرضعه داخلها حلاوه وشريطه ذهبيه مثلا واخلي كرت صغير مكتوب فيه عباره حلوه

الفتاة الذهبية

10-31-2010, 03:36 PM

انا رحت السعوديه
ودورت المرضعه ولا حصلت

طفلي حياتي

10-31-2010, 03:37 PM

سمعت وحده تقول في خمس دوائر هنا موجودين ولا ادري بعد
المهم خيو اخليش بقوم خواصري عوروني
في امان الله

الفتاة الذهبية

10-31-2010, 03:40 PM

الله وياش
اني بعد بقوم خلص جارج التلفون

Om KHaled

10-31-2010, 07:32 PM

شاركوني فرحتي بعيد خطوبتي

http://forum.hwaml.com/t33016.html

Um Amal

10-31-2010, 07:35 PM

جهزتي اغراض للبيبي
وألا بعدج

تقريبا اي ..
بس حبيت استفسر جم بساط للطفل أخدتوا ؟ "المهاد" ؟؟

om khalil

10-31-2010, 08:48 PM

تتوقعون حروف ولدت؟؟؟؟؟؟؟؟؟؟ ولا يمكن مشغولين هي وشمس مع امتحانات ولادهم لانها حزة امتحانات منتصف هالسبوع. عدنا خطوبة قريب ويش اسوي في دبتي وحضرتي خاطري في فستان بعد مو قلابية..

الفتاة الذهبية
ايه :) والمراضع تحصلينهم في السعودية في سوق الجمله على ريال وهني يبيعونهم غضب

فلونه
ماشاءالله الحمدلله على سلامة اختش وسلامة علاوي الله يحفظه ويجعله من الصالحين يارب

أم امل
اني عندي بساطين للحين صاحين ماتوسخوا من اخر ولاده لي وباخذ بعد ثنين. ولاني استخدم الجفافه فما اتوهق لو اخذت عدد قليل. انتين ولادتش في الشتا شكلش ولو انه السنه يقولون مافي شتا. اذكر العام هالحزه بدت لبروده.

طفلي حياتي
بطاقات المواليد المغلفه حراريا تحصلينها في المكتبات وفيه بعض محلات التوزيعات بعد يبيعونهم.. اني خاطري اسوي المرضعه اللي قلتون عنها واخذ الشوكلاته اللي عليها طباعه كانها كارت الصقها وافك عمري..

الفتاة الذهبية

11-01-2010, 06:31 AM

انا اخذت مهادين
ومرة خالي عطتني مهاد
ام خليل
صدق شكله مافي برد هالسنه
ذيك السنه في برد بس ما طول جانه شوي وراح

الفتاة الذهبية

11-01-2010, 06:50 AM

انا ما اعتقد ان حروف ولدت
يمكن يكون عندها ضرف

&*أم علي*&

11-01-2010, 09:09 AM

السلام عليكم
شخباركم
انا عضوة جديدة ممكن اشارك معاكم

الفتاة الذهبية

11-01-2010, 09:52 AM

حياج الله أم علي
نورتي المكان

الفتاة الذهبية

11-01-2010, 10:04 AM

بنت الاياويد وينج انتي وروز و حروف وشمس لكم وحشه
فلونه وحنين بعد هالجم يوم صاخين
وبنوته حلوه ما تبين

بنت الأياويد

11-01-2010, 10:14 AM

السلام عليكم ، صباااح الخير ، شخباااركم كلكم مشكورة الفتاة حبيبتي على سؤالج عني وانا دخلت من نص ساعه بس قاعدة اقرى السوالف الي فاتتني ، بسألكم الي عندها خبره صايدني ألم من شوي في ظهري وبطني الي مو قادرة اتنفس عدل من الالم وخايفة يكون طلق فالي عندها خبره من قبل اطمني لاني توني مادخلت التاسع للحين

Um Amal

11-01-2010, 10:17 AM

اي اني بعد اقول ان السنة ما في شتا ..
والثياب الا خديتها شتوية أكثر شي ..

الفتاة الذهبية

11-01-2010, 10:20 AM

وعليكم السلام
صباح العسل يا عسل
انا تمام اسأل عنج
ما تشوفين شر
ان شاء الله الي عندهم خبره يفيدونج

الفتاة الذهبية

11-01-2010, 10:22 AM

هلا أم امل
انا اخذت صيفي اكثر

Um Amal

11-01-2010, 10:27 AM

هلا "الفتاة الذهبية" ..
صباح الكناري إن شاء الله ..
شخباركم ؟؟

بنت الأياويد

11-01-2010, 10:29 AM

الشر مايييج ماتم احد ماتصلت فيه ههه زوجي وامي واختي يقولون لي هذي عادي لانج في الثامن اصعب شهر فيصيدج الام عادية وتروح بس امي قالت لي لازم فيه شي يبين لج اذا كان طلق او لا مثلا ساعات ينزل عليج خيط احمر او ماي جذي بس ان شاء الله ادش شهري ياربي وعقب خل ايي الطلق ، وفي نفس الوقت احس مو مستحملة الثقل والالم وبدينا امتحانات قلت ببتدي ادرس من الحين لان مادري مع الايام شنو يصير لي يوم الاحد الياي على الاقل الحين اقرالي جم كلمة الله يعينا ان شاء الله

الفتاة الذهبية

11-01-2010, 10:30 AM

تمام وانتي شخبارج وشخبار البيبي

حروف عاشقة

11-01-2010, 10:30 AM

صباح الخير

مشكورين كلكم على السوااال ما تقصرون فيكم الخير ،، وادا جيت اقول لكم سالفتي لازم اول احمد الله على كرمه ونعمه وعطاياه فالحمد الله على كل حااال ..

ما ادري من وين ابتدي هل الحملة من بدايتها كلها اكشنات سبب غيابي يا خواتي اننا صادنا حادث انا مع زوجي وتكنسلت السيارة وزوجي تعور وانا بعد بس الحمد الله الاجنه ما صادهم شي وهذه من لطف الله فينا .. ما ادري شلون اوصف الموقف بس معجزة من الله اننا طلعنا سليمين انا وزوجي بإصابات طفيفة الحمد الله الحمد الله الحمد ..

وبعدين صارت دوخت المستشفى ويه الاترساونتد والمتابعة عشان اطمن على الاجنه محتاجة دعواتكم خواتي عشان اكمل هل كم اسبوع وادخل التاسع بسلاااام ..

الفتاة الذهبية

11-01-2010, 10:32 AM

بنت الاياويد
ان شاء تولدين في التاسع
وبالتوفيق مع الامتحانات

الفتاة الذهبية

11-01-2010, 10:34 AM

حروف
الله حفظكم
ان شاء الله يتم حملج ع خير يارب

حروف عاشقة

11-01-2010, 10:40 AM

اي والله ، الله الحافظ
مشكوووروة وما تقصرين على الدعوة الحلوة الله يتمم عليي وعليكم اجمعين إن شاء الله
الحمد الله على قولتهم في الحديد ولا العبيد ، اني الرضوض إلي متعبيني شوي لانه منشرين على قعد جسمي والضربة صارت صوبي بس الحمد الله جت سليمة ..

بنت الأياويد

11-01-2010, 10:44 AM

اووه حروف سلامات حبيبتي خطاكم الشر الحمدلله على سلامتكم اشوفج مالج بيانه كلش في الديوانية يالله الحمدلله في الحديد ولا في العبيد واهم شي البيبيات مافيهم شي ، حاولي المغرب تقرين على روحج المعوذات وعلى بطنج يمكن صايدتكم عين او شي لاسمح الله بس ارقي روحج بكلام الله

حروف عاشقة

11-01-2010, 10:56 AM

خطاااااااكم اللاش خيوتي ،، الله يسلمش الحمد الله على كل حااال ..
اي والله يا خيو من حملت وانا مو مترقعة كل مره شي الكل يقول أكيد عين ما صلت على النبي وإن شاء الله اسوي بنصيحتش تسلمين لي :) ،، المشكله يوم الحادث كنت رايحة موعدي ومطمنه على البيبيات وصادفت وحده ما ادري ليش من اشوفها اتشائم صليت على النبي لما شفتها ووقفت معااي وتسألني ليش جايه وجم ليش وليش بطنش كبيرة ما فكتني وبس طلعنا من المستشفى قريب من وصل البيت يصيدنا الحادث والله يا وخيتي ذكرتيني قبل الحادث بدقايق بالضبط كنت اكلم زوجي عنها ومره وحده صادنا الحادث سبحان الله ..

بنت الأياويد

11-01-2010, 11:22 AM

بل اكيد عينها حاره هذي ، يبي لج تاخذين شي من وراها اذا من النوع الي تزوركم في البيت حطي لها تمر او شي وملة ماي عشان تغسل يدها واخذي الماي وزيديه وتمسحي فيه عن عيونها والله هالناس ماتخلي احد في حاله ولاتنسين تطلعين صدقة عن يوم الحادث والحمدلله على سلامتكم

فلونة

11-01-2010, 11:26 AM

صباااح الخيررر

مشكوورين بنات ،، الله يسلمكم ويحفظكم والله يسهل على الجميع

وكل وحدة تفررح بضناها سليم معافى

فتوت ،، ثنكيووو على سؤالج ،، وانا هل جم يوم مابي ارد بيتنا

لوو على كيفي ابي ارقد في بيت ابوي مع اختي وولدها hwaml02

حرووف،، في نفس اليوم الي ولدت اختي كانت هناك وحدة بتولد

وفيها توأم كنت اقول في خاطري ان شاء الله مب انتي ،،

والحمدلله على سلامتكم واهم شي البيبيات ما صادهم شي ،، والله

يحفظكم من كل عيين ما تصلي على النبي ويحفظ جمييع المؤمنين

والمؤمنااات

بنت الاياويد،، بسج من هل وسواس ان شاء الله بتولدين في

التاسع،، بس هالفترة ريحي روحج ولا توقفين وايد وتركي

عنج السياااقة لي الله يسرهاا لج وتولدين

بسألكم بنات ،، الشباصة الي يحطونها في سر البيبي عقب الولادة المفروض يوم الرخصة في المستشفى الممرضة تشيلها صح؟؟ hwaml5 يعني ما نرجع ويا البيبي البيت وفي سره الشباصة ؟

بنت الأياويد

11-01-2010, 11:46 AM

هههههههههههههههه هلا فلونة الحمدلله على سلامة اختج والفال لنا ياربي ، السياقة ماقدر اتركها عني لاني لازم انا اسوق مافي احد بوديني واييبني الله كريم، شخبار الطبخ ماشوف احد سولف لنا عن الطباخ؟

فلونة

11-01-2010, 12:01 PM

افا عليج انا ماعندي شي اوديج واييبج بس جم تعطيني hwaml02

اتصدقين صار لي خمس دقايق مجابلة الفريزر مادري شنو اطبخ

وفي النهاية قررت اطبخ دياي يمكن احطه في الفرن اسرع

وما اتغربل بالمواعين عقب الطبااااخ،، الصبح مسوية

ريووقي بلاليط وبس انا الي تريقت ريلي يازعم

يبي يخفف هالجم يوم مايبي عيش ولا خبز ولاا اشياء مقلية

بنت الأياويد

11-01-2010, 12:04 PM

يحليلاته يسوي ريجيم ، حلوة انتي بروحج يبي لج تريحين روحج حالج من حالي بثقلنا ههههههههههه ، بس سوي دياي في الفرن اسرع لج ، عاد الحين حلو بيت ابوج صاير لان في بيبي اهناك وناسة فديتهم اليهال ، فلونة ماقط جفتي شباصة مالت الشعر عليها رازجي صناعي؟عيزت ادور يمكن شفتوا في مكان بالغلط؟