ديوانية البحرين - دردشة حوامل البحرين - البحرينيات

[شمس الصباح]

سلاااااااااااااااااام

قلت ادخل على السريع قبل لا تجي ام زوجي

احلام ام وفلونة مشكورين وما بنساكم من الدعاء

على فكرة اني قلت اسم الشامبو غلط وهو اسمه سيباميد وهذة صور

http://forum.hwaml.com/imgcache2/hwaml.com_1297093031_282.jpg

http://forum.hwaml.com/imgcache2/hwaml.com_1297093029_721.jpg

وصلت اكي بااااااااااي

[طفلي حياتي]

هلا سيده اشوى وضحتين لان ابغي اشتري لبنتي احسن من اللي اخذته فلونه كوكتيل ماله حل

[om khalil]

سلام ياحلوااات

طفلي اني اروح أحف عادة في صالون موزان، في البناية اللي عند مدخل الدراز اللي مقابل المرخ (آخر محل في البناية). يصكون الساعة 9 في الليل.

وساعات أروح إيما اللي في البديع، دخلي صوب المطاعم سفير والوالي، روحي سيدة واللفة اللي قبل ملعب الكورة دخليها وبتشوفين قدامش البناية المحل في القرنه صاير. يصكون الساعة 8، هذيلين نفس قوم صالون الطاهرة تايلنديات مو مسيحيات علشان جذي لازم اغتسل رجعتي من عندهم، زين فيهم الشيرة سريعة اربع وحدات عليش اللي قابضه إيد واللي قابضه ريول وبسرعه تخلصين. بس عاد روحتي شيرت عليهم ماقادره اتحرك واييوني فلاف وحدات اللي تقلب واللي تمسج فخذي واللي تحط موسدة تحت ريولي حتى انقلب واقدر اقوم.

[om khalil]

دخلت الفااامن hwaml03

[طفلي حياتي]

هلا ام خليل يبتينها والله
اني يوم وفاة النبي صادني موقف وصارت هوشه وشكبرها ويايي واني مفهومه غلط واللي يهاوشوني ناس عصبيين جدا وصوتهم رفييييييييييع وتميت افهم فيهم ولا في فايده وشكيت امري لله دايما يصير لي هالشكل اني دااااااااااايما
يوم ثاني يتني ختهم الا تقول حلمت فيش اداريش واهتم بش وهي االظاهر ماشافت اللي صار من هوشه قلت هذي رساله ان شاء الله توصلهم
الله يساعدنا واكره شي اذا فقدتين السيطره ولاعرفتين تدافعين ..مره كريه
اي عرفت موزان بيت خالتي يروحونه ماجربته ومال لبديع بعد سمعت عنه اذا حفافهم زين بروح احسن من هالمر قبعت يلد ويهي كله قراح متروس تراس

[طفلي حياتي]

مبروووووووووك دخولش الفامن اني امس الدكتوره اكدت لي حجم البيبي فعلا صح حساب السونار يعني اصغر من حساب الدوره بأسبوعين

[طفلي حياتي]

بالنسبه للشيره جربت طاهره تمام والله نفس هذا مال لبديع

[om khalil]

طفلي ان شاءالله الله ييسر لش قبلي
واخبر البنات بولادتش بالسلامه ان شاءالله

أحلام أم ماعليش شر ان شاءلله اني نفسش خبرة في ويع الراس
وعندي منه اشكال وألوان
اذا ياني صداع بغثيان شوي يعني ضغط نازل لازم سوائل وسيلان في الدخاتر
اذا صداع مع زغلله في العين وشوي الم بطن يعني إمساك، ولازم اروح الحمام اغصب روحي عزش الله ومن يمشي بطني يروح ألم الراس وكأني أجذب
وفيه نوع بعد إييني مال قلة النوم او تقلبه هذا ماينفع وياه الا النومه من وقت في الليل، لجل فيه مهمات لازم يأديها الجسم وقت النوم وليها ساعات محددة.
وفيه نوع بعد إييني في لعيون والحواجب اسوي ليي مساج خفيف وافلص حواجبي ويخف الألم الحمدلله. وامسج بعد رقبتي من ورا من الصوبين لجل هنا عرق يوصل الدم للدماغ ويحتاج انش تمشين الدم فيه من تحت لفوق حتى يوصل المكان اللي فيه الدم متخثر او متجتل ويفججه. مادري فهمتين ههههه
وفيه نوع إيي اذا عزش الله نظفتين خشمي على الآخر مره هني إيي الصداع وهذا مالليي الا البندول. والحافظ الله.

وساعات حزة دقة الراس عدل ماليي الا روحة الصالون للمساج حفظوني هناك.

ماعليش شر ان شااءلله ..

[صعب تنساني]

سلام عليكم شخباركم عساكم بخير

[طفلي حياتي]

لوي تفاولين اولد قبلشششششششش انتين طايفتني بسبوعين الحين ... تهاهي قايله الدختره امس ان حجمه يقول انه 29 اسبوع

[صعب تنساني]

طفلي اذا بغيتي حفاف عجيب روحي غصون الكل مستعجب منه

[طفلي حياتي]

اهلا صعب تنساني شخبارش؟؟
شخبار حركة جنينش رحتين جيكتين لولا؟

[om khalil]

طفلي هونيها مثل ماهونتها لا تزيدين مافيش على ناس الله يهديهم ويصلحهم مانبي ليهم الا الخير

صالون ايما احب اروحه لانه ولا مره رحت وزحمه لجل شغلهم سريع. ومساج بعد ولادتي بخلي بعد رحت ليهم وقبل ولادتي بعد. بس هالمره شكلي باروح عند أ/ علي مالت المعامير اللي تعرفينها من عرافتها ماشاءالله يسمونها دكتورة صالحه هههههههه

[صعب تنساني]

واذا تبين شيره سريعه روحي لصالون جولينا الي صوب ما كس انه رحت مره عليج ثنتين كل وحده بصوب

[طفلي حياتي]

لا ما اعرفها ام علي اول مره اسمع عنها
اني اعرف ام احمد فنانه حدها

[om khalil]

أني كله أتاخر يختش ببتي تاخرت فلافة ايام وبولدتي سبوع
وانزين الوحدة لو تاخذ من التاسع يوم يومين وتولد عادي

مرة اخويي ماشاءالله قدمت عن موعدها ازيد من عشرين يوم

[صعب تنساني]

الحمد الله لجنين يتحرك بس مو مثل اول

[om khalil]

انتين قايله بها اللي في سترة المعامير؟ اللي ريلها شايب ومع هذا تقول تخاف عليه من بنات الحرام خخخخخ

توقعتش تقصدينها

[صعب تنساني]

ام خليل الله يستر لانه سمعت البكر اول مره تتاخر بالولاده والطلق

[om khalil]

هلا صعب عاش من شافش

[Roze]

هلوووو
الليله ببيت في بيت ابويي لجل كسرت خاطر ريلي من ركبت الدري ومراعاتن ليي قالي بوديش بيت ابوش قعدي

وهداني قاعدة ارتب اغراضي
نسيت جارج التلفون والجارج مابقا شي ويبند فباروح اخد لاب توب اختي لجل نتواصل معاكم

ام خل صالون سن شاين اني منزمان اروحه الي في البديع واذا ماقدرت اروح اناتوليا الي في بني جمرى شغلهم نظيف وكويس

[om khalil]

مو كل البكريات ياصعب
صديقتي ماشاءالله قدمت عن موعدها اكثر من سبوعين

[طفلي حياتي]

هههههههههههه ام خليل هذي ام احمد الجزيري مالت ستره مهزه لو تشوفينها مقتل سوالفها عجااااااااااايب تشوفينها تقولين منتهيه لكن ماشاء الله تبارك الله اللهم صل على محمد وآله عجيبه حدها تهر هرار عدل ولازم تضيف الناس لالالالالالالالازم وتقهويهم وعالم ينتظرون دورهم كانها عياده مرت ولدها تقول عياده عمتي خخخخخخخ

[طفلي حياتي]

ام خليل ابغي نقل ماتشوفينه؟؟ من قبل بالهبل نحصله في سوق لربعا وغيره مادري وصل الاسواق لولا

[om khalil]

باخليكم برتفع بيت أبويي شوي
اليهال واقفين ليي بالواقف

اشوفكم تالي جان الله أراد غفيت ليي العصر ساعتين عن افادي

ادعوا ليي متعسره ليي حاجه في الشغل يارب تصير ان شاءالله
وليكم الحلاوه ^_^

[Roze]

يالله ياحلوات صارلينه فتره ميبسين المود ويا ريالنه فكرو لينه بهدايا عدله حق عيد الحب نعدل مزاجنه وياهم شووي

[صعب تنساني]

الله يسمع منج يا ام خلي لانه الولاده بالنسبه لي كابوس

[om khalil]

طفلي عفر حلويات الخلود اللي في لبديع عندهم مايختلون

[طفلي حياتي]

روزي ييتين بيت ابوش لجل بتقعدين لمتى يعني.؟؟ لين ما تتحولين ؟

[Roze]

ربي يعطيش مرادش يم خليل ويسهل عليش
طفطف النقل مااشوفه الا في الناصفه مخلوط بالسكسبال فتيق ميندرا منوين

[صعب تنساني]

روز في الوسيط فيه عروض اشكال والوان هدايا عيد لحب حلويات ودببه وزينه وليتات

[طفلي حياتي]

موفقه ام خليل وان شاء الله حاجتش مقضيه بحق محمد وآل محمد... واول مره اسمع ان حلويات الخلود يبيعون نقل؟؟؟ بشوف بعد
روز شوفي عفر لش حاجه يحبها ريلش وسويها وبالتوفيق

[فلونة]

متمللة ريلي راح الشغل واحين قاعدة بروحي.. الدري ما له حال من راحت الشغالة ماقدر انظفه واليوم مرت حماي نظفت بس يم شقتها واهي بتسافر لو بييون لها ناس علشان يسلمون عليها بيقولون انا الوصخة واهم اعيالهم ما شالله عليهم ماخذين الدور

[Roze]

شدراني اني بس تفكير التببيت يعور قلبي ماقدر اخلي بعلي جيفه بنصبر في الاربعين لجججل شقتي هديك مابرزت وهالشقه اخر دور كسرت ليي خناعي

[om khalil]

طفلي اي هذي كان اسمها ام علي ويش سماها ام احمد ههههههه
يالله اهم شي هي ان شاءالله بس ماغيرت رقمها جامو عندها فيفا وكنسلته
اخر مره حاجيتها ايام سقوطي الله لايعود السوء من فمان سنين

يالله سوالفكم ماتنمل بس اليهال دهشوني بلا راي

سي يووو روز عليش بريلش قبل ماتهجرينه مسكين الله يعينه ذكرتيني ببعلي لما حملت ببتي قعدت طول فترة الحمل في بيت ابويي لجل شقتي دري ويش طوله واقف بالواقف.
وساعات أروح اطل عليه عافس المكان فوق حدر شقة عزابي بعد، على عمري..

يالله سي يوووو

[om khalil]

علمي بهم عندهم مكسرات، فاتوقع اكيد عندهم نقل

يالله سي يو

[فلونة]

احلام ام ،، ماعليج شر ونفس ما قالت لج ام خليل ألم الراس له اسباب وايد واظنتي من كلامج ان يلفحج الهوى البارد ويمكن اسم الله عليج يصيد اذونج ويعورج راسج علشان جذي حاولي تغطين اذا طلعتي ،، انا البارحة رحت امشي والجووو ثلجة قال لي ريلي ما تقدرين بتمرضين وانا ميودة دفتي وامشي لانه شوي ويطيرنا الهوى ما كملت عشر دقايق واليوم مزكمة حدي
اذا عندج دبة الماي الي يبيعونها في الصيدليات يحطون فيها ماي دافي وايد مفيدة سواء حق الم الراس او الم الظهر.. والتخطيط رحت العصر سويته ورجعت :d والحمدلله طمنتي الدكتورة

ام خليل ،، الله يعيطج مرادج وتسوين لنا خنفروووش .. وعم الولادة انا شكلي الي باطوف موعدي بس شاسوي على الله متى ما كتب له بالظهور بيطلع وبينور دنيتي

[طفلي حياتي]

اهلا فلونه
اني فبيت عمي والجماعه يعفسون الحوي لين يعيزون ولا المسه هذرو ماهذرو بس انتين موقفش مره يقهر قومي اخذي المخمه الحين ونظفي على بابش بسسسسسسسسسسسسسسس والدري لاتلمسيه

[طفلي حياتي]

فلونه ويش كنتين بتقولين لو تشلخين؟؟

[فلونة]

روز ،، انا ما لي بارض حق فلنتاين ولا شي ابي اولد بس .. يمكن اولد يوم الفلنتاين وبتصير هديته البيبي ماظنتي في احسن من هالهدية :p

[Roze]

في امان الله ام خلي

فلونه طقعي يعني هم مايدرن انش بدبتش وتعبانه الي بتتظفين درااييه المفروض يعذرونش امن بععد

[فلونة]

طفلوو ،، انا بروحي طنقرت عليج وقلت ما بادش بس ماعرف احقررج يا ام دبة اخاف احلم فيج..و شقتي الوحيدة في الطابق الثالث شققهم في الطابق الثاني يعني لازم انظف الدري كامل باقوم عقب شووي شاسوي تالي يعيبون علي الاوادم

اي كنت باقولج الي صار في المركز والسلمانية وشو قالو لي بس :p ذابحج الفضول ها
وكتبت لج رد مساعة .. كتبت فيه ام كشة الا ريلي يطل على اللاب توب اقوله اشفيك اشتبي الا يقول من ام كشة وسيدة مسحت الرد وصكيت اللاب توب :p

[Roze]

فلوونه
وويلي احلى هديه لو اصير صدق يبوس راسش لجلها ان شاءالله ايامكم كلها حب ورومانسيه

[طفلي حياتي]

تمللت من روحة الحمام اففففففف برد اني ماقدر

[فلونة]

رووز ،، انا احين يالله اسوي شغلي في الشقة والا يطلع لي شغلي زوود وما شاء الله على اعيالهم ما يحلا لهم اللعب الا على الدري وباجر بيشرف هالبطل بيصير معاهم بعد .. باجوف جان قدرت بانظفه اسمع حس اوادم رايحة ياية وانا حاقرة الموضوع :p

[فلونة]

طفلوو لا تعورين راسج سحبي لج هووز من مكانج لي الحمام الله يعززج شررايج وبس فكي عمرج يا الشاطرة.. حتى الحمام مافيها شدة تروح لا تحصرين روحج وتالي تقولين التهاب و كريمات عطوني وهرار على قولتج يا ام هرار :p

[طفلي حياتي]

ههههههههههههههههههههه هو مفكر بتوصفين روحش لاحد عشان جديه سأل ويييييو :p
فلونو يعني انتين البشه الوحيده اللي التقيت بها لحد الان هم شقتهم الطابق الثاني والناس بتشوف صوب شقتهم بعد حقوي تنظفين الدري كله خلييييييييييييه يولي وقعدي مكانش ولا تخمين شي امن هذي بعد

[طفلي حياتي]

انزين اتحفينه بآخر اخبارش وش صار

[Roze]

فلونو شوفي جان تحصلين خدامة ام الساعه تخم الدري من فوق لتحت وفجي عمرش

[فلونة]

سنفورة .. حلفي عاد هههههههههههههه انا للحين ما حفيت والشنب يوقف عليه الصقر مغطي على الكشه وعلى كلشي .. جان اتيين تحشينه :p
يبين الدري الي اييب شقتي مو فاهمة الوضع مولية انتي يا الخداااي ..
انزين ماتبين تعرفين شقالت لي الدكتورة الشي الخطير :p ..

[طفلي حياتي]

امبلى يالخداي سألأتش فلطعشر مره وتدلعين لاتنظفين الدري خليه ينقلع

[فلونة]

روز .. ومن سمعج انا ابي حتى حق شقتي اتييني وحدة تنظف معاي مافيني شدة نفس قبل عالأقل تنظيف الحمامات وانتو بكرامة والمطبخ والباقي مقدور عليه الثياب ادبر روحي اغسل واطوي وريلي يودي الدوبي افتك شوي .. بس الله يسلمج محد يرضى ايي وعيزت وانا اقول حق خالتي تقول ما يرضوون اهي توهقت بعد عقب ما راحت شغالتهاا ..

طفلووو ،، انا اخاف اقولج وتحاتين خو انتي ما يبيلج دقلة ,, بس انا الحجي طمني عالأقل اعرف شلون احسب حركة البيبي

[Roze]

امطار متوقعه غدن وبعد غد
لاتنظفين الدري بررد يتلعووز ههههههه

[طفلي حياتي]

انتين خوفتيني بهاللي قلتينه الحين لو تقولين اهون عليي
تدرين دمعتي من مغرب للحين على الباب والسبه هالسالفه بس رحت بحثت قالو عادي اني من بدأ يتحرك هذي حركته خفيفه وناعمه واللي الله كاتبنه بصير

[فلونة]

احمم باقوول انزين بس لا تأذينا بحنتج واايد وتسندريني هاي مو كلامي كلام دكتورة لا تخليني احط لج اسمها في العلن بعد :p

في المركز الدكتورة قالت لي المفروض تحسين بحركة البيبي عالأقل عشر مرات,, قلت لها يمكن يتحرك بس ماحس بالحركة يعني في حركات خفيفة ما احس فيها الا تقول انا اقصد الحركات الي المفروض تحسين فيها .. قلت لها احين انا في التاسع و يمكن البيبي ما عنده سبيس .. الا تقول انا ماقصد الحركة اللي اتيي نتيجة التعب او ان اجهدتي نفسج المفروض وانتي مرتاحة تحسين في الحركة ,, وبس عاد انا خفت قالت سوي تخطيط افضل

رحت عقب الغدى السلمانية وتميت ساعتين اهناك .. سوو لي تخطيط نص ساعة يحطون الجهاز وتسمعين نبض البيبي والمفروض اذا تحرك اطقين على الجهاز يحسب في هالنص ساعة جم مرة تحرك .. الله وكيلج ذبحوني بالحزام الي يحطونه على دبتي بروحي خفت يضغط على الياهل وغصب بيتحرك ... تم الجهاز يطله انذار كل ساعة والهبلة الهندية تقولي اذا سمعتي صوت الالارم الي يعطي طقي نفس الحبة مالت الي تحسب الحركة وتميت كل ماسمع انذار ابنده بالحبة نفسه لا.. دشيت على الدكتور الا يقول ليش تقولين البيبي حركته خفيفة وانتي اكثر من عشر مرات حاطة ان البيبي متحرك قلت له والله مو مني من هالجهاز الي عندكم مخرف و يطلع انذار قالت لي الممرضة اطق الحبة الي تحسب الحركة نفسها وتم يحسب الحركة واساسا هذي انذار .. قال لي زين التخطيط الحمدلله طبيعي ولازم تسوين كل يومين تخطيط في جدحفص عقب اي وجبة سوار الريوق او الغدى ولا باروح جدحفص ولاشي خلاااص .. باوكل امري لربي والله ان شاء الله بيحفظه لي من كل عين وشر وسوووووء

[طفلي حياتي]

انزين الحركه شلون تصير اللي تحسينها قويه رفسات وشي يتقلب لو اشياء داخل ناعمه ومحسوسه
اني مرات بسيطه اللي احس بحركه قويه واحسها حالة استنفار.... اغلب حركات نصره ناعمه كلش

[فلونة]

طفلووو ،، اعرفج انا علشان جذي ماحبيت اقولج ما ابي اخوفج وبالعكس تدرين هالدكتور حزر حده وفشيلة يحطون حق حوامل دكتورة مايفهمون هالسلمانية.. وسألته اقوله سمعت ان حركة البنت خفيفة والصبي قوية يعني على حسب نوع البيبي الا يقولي هاذي حجي حريم وما له صحة بتاتااا ماعليج :p ,, يعني طفلو اهم شي زنوووب تتحرك خفيفة او قوية حركتها مو مهم

رووز ،، شدراج ان غرفة الدري تخر ماي :p .. انا اقول بانظفه وبانظفه وطفلللو ما تخلص اسألتهاا ويني وين اقووم عنهاا احين بتسندرني نطري
وباقولج انتي بجر لازم تسوين توزيعاات عاد تفرحين خواتج واهلج سوي شي بسيط وما يكلف // بالعكس ذكررى حلوة وبتصوورين معاهم واهيه على قولتهم ذكرى اتم عندهم مو نفس الجوكليت ياكلونه وخلاص :p

[rose soul]

سلامي عليكم

شخباركم؟؟

[فلونة]

طفلوو لو اقولج ما تصدقين ،، انا الحركة الي احس فيها بطييئة وجنها رفة انا خلاص في التاسع المفروض اشتد عوده ويرفس بقوة .. بس اتصدقين احس بطني صغيرر واايد والبيبي ماعنده جانس .. جلدي تمدد على آخرره حتى لو تجوفين سري بتستغربين من حالتي .. وايد مشدود لانه قبل الحمال مافيني بطن مولية ضعييفة .. يلا الله يهوونها علي و اولد واقوم بالسلااامة ويطلع في الدنيا وياخذ راحته في الحركة

باقوم انظف الدري وبارجع فشيلة اسمع حس ناس داشة طالعة

[طفلي حياتي]

فلونه ما باسندرش لان كلامش كله ماحسيت فيه شي خطير او غير خطير كأنش ماقلتين شي
الحين هالحجي اللي قلتينه اخر شي ان الدكتور يقول حجي حريم نبغي نفهم الحركه الخفيفه خطيره لو عااااااااااااااادي؟؟ بتقول مللتها وهي كلامها اللي يملل

[Roze]

اي اقول بسوي توازيع بس خل اخلص التجهيزات ويصير خير

هههههه حتى لو ماتخر طبقات الريايل بتييب الطين على الدري



هلا وسهلا روزززي

[طفلي حياتي]

* اضطرابات في رصد حركة الجنين http://forum.hwaml.com/imgcache2/hwaml.com_1297100592_531.gif
* عند ملاحظة حركة الجنين والشك في كونها غير طبيعية، علينا تذكر عدة نقاط حول أية اضطرابات فيها: ـ مدى دقة الأم في الشعور بحركة الجنين وملاحظة ذلك، لأن رصد حركة الجنين، وتعدادها خلال وقت معين، يتطلبان أن ترتاح الحامل بشكل جيد وفي وضعية إما الجلوس أو الاستلقاء على أحد الجانبين. كما يتطلب أن تبتعد الحامل عن أية أسباب للتوتر. وألا تكون لديها شكوى مزعجة في الجهاز الهضمي وغيره. والسبب أن عدم توفر هذه العوامل قد يحرم من احتساب بعض الحركات الخفيفة، إضافة إلى التأثيرات السلبية لعدم توفر تلك الظروف على حركة الجنين بالأصل. ـ قد يكون الجنين نائماً خلال الوقت الذي تُحاول الحامل رصد حركته. وما يحصل في كثير من الأوقات، هو أن تنتاب الأم حالة من القلق على الجنين، وتحاول حينها أن ترصد حركته لتطمئن عليه، ويُصادف أن يكون الجنين نائماً أو كسولاً، فيزداد قلقها دونما داع لمّا لا تجده يتحرك بشكل طبيعي.
ـ نشاط الحركة يختلف من جنين لآخر، أي بمعنى أن ثمة أجنة أكثر نشاطاً من غيرهم. والأمر أشبه بما هو ملاحظ بين عامة الأطفال في اختلاف مستوى نشاطهم وحركتهم ولعبهم وكلامهم.
ـ حينما لا تشعر الحامل بأية حركة للجنين في الفترة ما قبل بلوغ الأسبوع 25 من الحمل، فإن عليها ألا تفزع من الأمر، خاصة حينما لا تكون واثقة بنفسها في القدرة على تمييز حركة الجنين من أية أعراض أخرى في البطن. وغالباً ما تتمكن الحامل، في الأسابيع التالية، من تمييز حركة الجنين ورصدها، نتيجة لتكرار حركته من آن لأخر. بل وستتمكن الحامل من توقع وقت حركة الجنين خلال اليوم قبل حصولها.
ـ بعد تجاوز الأسبوع 32 من عمر الحمل، ربما تقل حركة بعض الأجنة بشكل طبيعي. وذلك نظراً لزيادة نمو حجم جسم الجنين وصعوبة حركته داخل تجويف الرحم، الضيق نسبياً عليه حينئذ.
ـ على الحامل ألا تقلق إن لم تتمكن من رصد 10 حركات خلال ساعتين. بل عليها أن تختار وقتاً آخر في اليوم وأن تُهيئ ظروفاً أفضل للتمكن من حساب العدد. وحينما تتكرر المحاولة من دون بلوغ رصد 10 حركات في ساعتين، أو حينما تشعر الحامل أن نشاط جنينها قل بشكل واضح، فإن عليها مراجعة الطبيب أو إبلاغه بالأمر. وما سيفعله الطبيب هو إجراء فحص بسيط لرصد نبضات الجنين والتأكد من سلامته.

[فلونة]

هههههههههههههههههههههههههههه انا الي مافهم كل مرة اتعب اصابعي معاج وفي النهاية ماحصل منج الا الزف .. اقوولج قال لي الدكتوورة عاااااااااادي الحركة الخفيفة المهم انج حاسة بالحركة وحجي الحريم يقولون ان الحركة خفيفة يعني بنت وقوية صبي الا يقول هاي حجي حريم ماعليج منه .. لا تخليني اعيد الحجي مليون مرة .. و زنوب شكلها طالعة علي ناعمة ورقيقة مو نفس امها يلا مناك

عليكم السلام رروز..

باخليكم بانظف الدري بررب

[طفلي حياتي]

هلا روزاتي عليكم السلام
شخبارش انتين؟

[طفلي حياتي]

شكرا فلونه الحين فهمت عليش شطوووووره

[rose soul]

هلا فيكم
حشى جم صفحة هذرتو من امس لحين واااااااايد

فلونة..انتي لحين تشتغلين..قاصين عليج :p

وبالنسبة لحركة البيبي ليش وايد تحطون بالكم على الحركة..خلوها على الله ولا تعورون راسكم..الحافظ الله

[بنت الأياويد]

السلام عليكم شخباركم جميعا ، فلونة ذكرتيني بالي مضى كانوا يقولون لي عدي حركات البيبي وكنت ماحس فيها تتحرك في اليوم كلش الا مرة وقالولي ضروري تسوين تخطيط وبين في التخطيط انها تتحرك ماشاء الله بس انا ماحس وعقب قالت لي كل يومين سوي تخطيط في السلمانيه او جدحفص ولا سويت ولا شي بس اخر شي يوم حسيت بالم خفيف رحت مستشفى المحرق وقالت لي تخطيط البيبي مب زين ومنها رقدوني يومين وعقب ولدت بطلق صناعي ، طف طف لاتحاتين الحركة القوية او الخفيفة عادية ومو خطرة على البيبي والله يحفظ اعيالكم يارب
شيخه تسلم عليكم وايد تقول متى تشوف اعيالكم تبي تلعب وياهم

[Roze]

ده وا


رحت الحمام مااقدر اجندس ولا اقدر استخدم تيشو ويش هالبلاوي ويا هالظهر

[أحلام أم]

السلام عليكم كلكم
أم خليل
ويش إنسوي بوجع هالراس بعدي في عذابي نمت بالغصب العصر بعد ماضربته حرارة الفير وقعدت عرقاانة وفرحت قلت ألحيين أكيد راح ولفيت راسي بشال ورد رجع إتقوليين عفريت في هالراس
يختي أني خبرة في ألم الراس من صغري جدة ومايروح إلا ليين رجعت عااد مته أررجع ليين دخلت في عالم إلا وعي من الألم
كاسرين خاطري أولادي وريلي مالي بارض ليهم كلش ولا سويت شي اليوم بس أعابل في هالراس ،حتى أخويي سافر اليوم إيران مع زوجته ولا رحت حدي إتصلت له وقلت سلم على مرتك

فلونة
الحمد لله الجنين بخير وربي يسهل ولادتش
طفلي حياتي
لا تحاتيين أبدأ حركة الجنين مادام تحسينه زين ويتحرك وأمس إنتين عند الدكتورة وطمنتش لا تحاتيين أني ببنتي ماتتحرك بس مرة في اليوم وبس رفة خفيفة وأني في السابع وكله أطقطق على بطني وأروح المستشفى ومافيها شي وتالي الصلاة على النبي لمن ولدتها كانت هادئة كلش مثل ماكانت في بطني تركي عنش الوسواس وطلعي صدقات وأقري سور وهفي على بطنش

روز وصعب تنساني
ويش أخباركم ،وروز عيل بتروحيين ديرة الحب على قولة طفلي حياتي وحشتني ديرة الحب ماأقدر أروح إلا الجمعة وباشوف أنجان باجر أروح
شمس الصباح الله يخليش حبيبتي وتدوم طلتش وأحبارش المفرحة

باقوم أشوف إنجان أقدر أغسل المواعيييين

[طفلي حياتي]

هلا ام شيخه عاش من شافش .. ان شاء الله هالفتره بتحصل يها ربع عدل روزسول وفلونه وبنوته حلوه وام الساده خلها تطمن خخخخخخ والباقي بعدين لين يكمل نموهم ان شاء الله
احلام ام اني مواعيني ماقدر المسهم برررررررررررررررررد
روز هذي حالتي نفس معاناتش ههههههههههههه والحمام عزش الله عربي يعني اخذي الحاله

[Roze]

ههههههههه احلام ام هذي فلونة تفتي عليي ديرة الحب
ويش اسوي ريلي كل يوم يباني اروح بقدي اتملل هناك
مافي الا عمتي على القدو قابليني قابلتش العافيه

[طفلي حياتي]

بنات من ضمن الحركه احس توصل لتحت كلش كلش يعني كأنها تلمس الرحم من قريب والحركه فوق وتحت الحمدلله لكن طبيعي ان احس بحركتها في الرحم كلش قريب من برا

[بنت الأياويد]

عاشت ايامج ، الله يقومكم بالسلامة ، الله يعينج على العربي انا اشوة شقتي اثنينهم انجليزي ، بقولج روحي السوق الشعبي او اي مكان يبيعون هالسوالف عندهم الله يعزج كرسي مال الحمام ترى بتتغربلين ومب زين في التاسع تقعدين على العربي خطر عليج وانتي بروحج بتخافين من الضغط تخافين الياهل يطلع هههه بس الكرسي وايد زين حتى حق عقب الولادة حق الخياط ماتقدرين تقعدين على العربي اخذي لج هالكرسي بسته دينار بس وايد زين انا في بيت ام ريلي ماقدر اقعد على العربي واستخدم الكرسي

[rose soul]

هلا ام شواخة..نطري ..ما بقى شي ويصير عندها ربع
بس لا تستعيل وايد ههههه
..
طف طف انا مستغربة..شلون لحين تعرفين تستخدمين الحمام العربي؟؟
انا اذكر مرة ..كنت في السلمانية..ونسيت اسوي تحليل ابوال..ورحت الحمام..عاد اهو انجلينزي بس بعد ماقعد عليه لازم شسمة اقعد مثل العربي..مت ماقدرت..يمكن كنت في السابع بعد..وحتى الصيحة صحتها..وريلي ينطرني جافني تأخرت يقول خوفتيني..شفيج تأخرتي..وحتى دش الحمام هههههههه..قلت له كنت اعابل نفسي

[طفلي حياتي]

اي شفته عند ناس وايد بشوف لي واحد ضروري من الحين اتعب فما بال بعدين اذا صرت نهاية الثامن والتاسع

[Roze]

ههههه اقصد طفطف مو فلونه

حاطين العشق الممنوع وسهدت ويا عيون مهند هههههههههههه الله يلعنه

[Roze]

روووووز هذا اني في تحاليل الابوال ماليييي حاااال

مال الامريكي شوي غراشهم اوسع مال الحكومة جنها مملحه صغيره
بروحه الدبه داهشتنه وماتدلين فتحة البول مكرم السامع
اسوي مناحه في الحمام افصخ الدفه والبنطلون وكل حاجه حق هالتحليل كل شهر

[Roze]

ام عايشه كنه نبي نسالش اني وطفطف

هل بخور العود يوسع حزة الولاده يقولون الي تتبخر بالعود يتوسع الرحم بسرعه

[rose soul]

هههههههههههههههههههههههههههههههه
اي والله روزي صدقتي فتحة البول ما ندلها من الدبة
انا كل مرة آخذ غراش .. واوديهم البيت وفي البيت اريح لي

[طفلي حياتي]

ام شيخه دخلتين وابتلشتين بي هههههههههه شنو اسم الحبوب اللي كنتين تاخذينه؟ اليفيت؟؟
ماقدر على هذا يعور بطني عدل

[فلونة]

هلا ام شييخة،، ااحين ما اقدر اقول شي حق الدكتورة الا بتعطيني تحويل حق السلمانية بس انا من زود حنة طفلوو على الحركة صرت اخااف والحمدلله التخطيط طلع طبيعي وان شاء الله يمر هالاسبوعين على خيرر واولد وارتااح .. الا شخبار شيووخة امتى موعدها مال التطعييييم ؟
انا ابي اسألج عن ادووية النفااس شنو استخدمتي امي ماتعرف وانا من حجي البنات بس باشتري لي من الحووااج

طفلوو.. لا تحاتين وان شاء الله اجنتنا ماعليها الا العاافية والله الحافظ وحجي الدكاترة ماعليج منه وحتى انا ما باعور قلبي معاهم ولا باحسب الحركة وباخليها على ربي ..

رووز سوول ،، اناا يومين كانت الحركة قليلة من جذي خفت حدي .. وقالو لي ان الحركة تخف في التاسع لانه مافي سبيس ويلا ان شاء الله نوولد ونرتاح من هالوسواس

انقص ظهري من هالدري:(

[Roze]

داهيه صايدتني هباله الليله ويش فيي اقلب الاسامي

كلحين وخربطت الاسامي

منك لله ياحسني مبارك

[بنت الأياويد]

اليفيت ، يعور بطنج ولا يمشي بطنج قصدج؟

[rose soul]

هههههههههههه روز اي مو منج من حسون
توني جفت صورة وتذكرتج
لحظة براويج اياها الحين

[فلونة]

بيي ذبحتوا البنية الف سؤال مرة وحدة :p ,, شوي شوي عليها المفروض انا وروز نسألها عن مسهلات الولادة انتو بعدكم يلا مناك :p

[فلونة]

رووز سول ،، ما عندج بوادر ولادة للحين .. انا ماجوف لاا حس ولا خبر والله يستر

[Roze]

زين نبي نفيدكم يفلونه ااااخ متى نولد ونفتك

احين وا بخوور العود زين لو لااا؟؟

[Roze]

لاتغثينه يرووز بصورة هالابليس هههههههه بخرب الديوانية بشكله الحين

[فلونة]

انا بعد راسي يعورني من سالفة المصاروة الله يعينهم صرت ماحط على الجزيرة و لا اشتهي اسمع اخبارهم

[طفلي حياتي]

ام شيخه الحبوب مال الدم مال الدختر يعور بطني عدل تقول لازم اخذه عدل عشان استفيد وطريقتهم لازم قبل الاكل بنص ساعه من اخذه وما اكل شي يعورني بطني منه وايد قلت بشتري اليفيت اللي قلتين عنه وان شا ءالله ينفعني ويرتفع دمي وافتك

[طفلي حياتي]

بررررررررررررررررررب انتظروني ربع ساعه زايد قاصر مو تهربون نفسيتي كلش متحطمه والصيحه على الباب كل شوي امسح الدمعه
بررررررررب

[rose soul]

فلونة..تصدقين تصيدني آلام بس خفيفة وتروح..يعني ماحس بالآلام اللي يقولون عنها
بس مرة وحدة صادني الم قوي عدل في بطني وظهري وخفت عدل..وبس من ذاك اليوم ماحسيت بألم مثله ولا يندرى
شكله بتأخر عن موعدي
..
روزي
اكاهي الصورة
http://a3.sphotos.ak.fbcdn.net/hphotos-ak-ash1/169094_499028681267_690151267_6726664_5247341_n.jp g

[حنين للماضي]

السلام عليكم

اليوم اختي جابت اليو اس بي وقلت بنزل صور علاوي على حسب الوعد
يلا عقبالكم ان شاءالله تحطون صور بيبياتكمhwaml7

[Roze]

طفطف هرمونات يحبيبتي لاوا تصيحين وتعورين قلبش وتكدرين خاطر زنوب وياااش

يالله زتات مشي هالدموع وصلي على النبي

[بنت الأياويد]

بخصوص تطعيم شيخه تاريخ 21/2 احاتي من الحين اقول حق زوجي مابدش انت روح معاها ماتخيل بنتي يطقونها ابرة ، اما عن عقب الولادة استخدمت كريم ميبو في البداية بس تم وياي اسبوع او اقل لان كنت اكته على الكوتكس وايد عشان يبرد على الخياط وبس عقب حصلت كريم ارخص بدينار وربتين اسمه بالاد حتى مال الصيدلية تقول وايد زين لونه وردي وابيض وكنت اتغسل بشي لونه بنفسجي بودرة من الحواي لان ايبس الجرح بس وايد زين تحطين كلش شوي مع ماي دافي وتتغسلين وعقب اسبوعين تنقعت بملح البحر الي يبيعونه في رويان على ماعتقد وقبل لااخلص الاربعين حطيت معمول عشان ينزل الوصخ
واي استفسار عندكم انا حاضره قبل لا اطلع

[فلونة]

عليكم السلام حنوووون

ما شاء الله عليه تبارك الرحمن .. اينن علاووووووووي الله يخلييه لج ويبلغج فيه معرس .. بس ما قلتي لنا يشابهج او يشابه ابوووووه

[طفلي حياتي]

شفت ولد حنون ياخلف جبد امهم لصغااااااااااااااااااااار يهبل عمري عساااااااااااك السعاده يفرحان ايننننننننننن ربي يحفظه ويسلمه ويخليه وتشوفينه معرس ياخلف جبدي العسل بحق محمد وآل محمد ويبلغنا كلنا ونخلي صور بيبياتنا

[بنت الأياويد]

عليكم السلام ، ماشاءالله عليه الله يحفظه ويخليه لج يارب

[فلونة]

مشكووورة حبيبتي ام شيخة ،، واذا رحتي التطعيم سمي عليها و قبل بليلة طلعي صدقة وان شاء الله ماعليها الا العافيية ترى الشهرين ابرتين مو ابرة بس ان شاء الله تكون خفيفة .. انا خايفة من المعمول يقولون حااار

[rose soul]

طف طووف..اسم الله عليج..ناطرينج حبيبتي
..
حنون..ما شاء الله..الله يخليه يااارب فديته
شكله يشابهج..حتى ولد اختج يشبه ابووج..يعني يشابه بيتكم..شكله نسلكم قوي هههه
انتي فزتي على زوجج

[شمس الصباح]

ما شاء الله حنوووووون على علاوي ربي يحفظة ويخليه لج

[فلونة]

طفلوو،، اشفيج عسى ماشر ليكون من كلامي لا اتحسسيني بالذنب عاد ترى آخر مرة اقولج شيصير معاااي يا ام خدود

رووز ،، انا حالي حالج وشكلي بعد بيطوف موعدي واخاف اسوي لي اشياء تحرض على الولادة وانا ما ياني طلق للحين مب زين

[بنت الأياويد]

اي الحين مافي ابره كله ابرتين ، انا حطيت المعمول قبل باسبوع من اخلص الاربعين لان مع الجرح اخاف ، بس لازم ماتتحركين كلش لي الصبح وريولج خليها دايما فوق لاتنزلينها مايحرق وايد بس شوي انا استخدمت 3 حبات والمفروض بعد احط الحين عقب الدورة بس نسيته في بيت امي :(

[فلونة]

اووووه ام شيخة خلصتي الدورة اليوم ها ،، يعني صرتي عروس الليلة عاد ماوصيج رقدي شيووخ وهالله هالله في ابو شيييخة :p
انا ماتخيل شلون بيدش المعمول مع الجرح والخياط بس يمكن اخذه واسوي نفسج في النهاية استخدمه ..

[طفلي حياتي]

لا فلونتي والله مومنش ولا شي بس ريلي باط جبدي مواعدني نروح نشتري اغراض وكل يوم يبط بي قاهرنيوان تكلمت بتصير هو تميت ساكته وعبرتي مخنوقه :(

هذي صورة علاوي سويتها ببرنامج فتوت خخخخ
http://forum.hwaml.com/imgcache2/hwaml.com_1297104156_489.gif

[فلونة]

انزين باسألكم بعد اقدر اسوي شي احين علشان الولادة .. الدارسين سمعت يسبب نزيف وخفت منه وحاليا افور لي حليب وزعفران بس و ساعات اروح امشي اذا صار الجو زين

[طفلي حياتي]

فلونو يا ام النصايح لا تحرضين شي مو زين قلنا لش ستة الاف مره خليها لوقتها

[فلونة]

اشوووة طفلوو خرعتيني واذا على سالفة الاغراض والتشري لاحقة ولا تعورين قلبج .. سكتي عنه و اذا خلص شغله بيقول لج قومي باوديج قولي له ابي اخذ معاك علشان تختار ومن هالحجي يمكن يغير رايه

[فلونة]

طفلوو .. بنجوفج اشبتسوين في التاسع ..اليوم حماي ومرته رايحين العمرة واقولها ادعي لي ما ترجعون الا انا ولدت تمللت.. وما بغيت الا اخذ نفس كلووني بقشووري لا تقولين تمللت لج ثووواب وو وو والله ما كان قصدي يعني خاطري اوولد بس هاي قصدي

[طفلي حياتي]

هو الحين في اجازة الربيع مالت المدرسه وبعدين ما بشوف شكله الا فوق التسع الليل متى اقدر اتشرا
امس متملل ورحت محل قريب ورجعت مافيه شي واليوم وعدني يوديني وقلت بروح مكان قريب في المحرق مابروح مدينة حمد ونفس الشي شكله مايوحي بأنه يبغي يطلع قلت له كيفك تبغي توديني بارزه مالك خلق خلها مره ثانيه وتم يتأفأف يقول برد وسكت عنه واني مخنوقه من القهر

[فلونة]

انزين برد على قولته خل يتسلح ويلبس جاكيت بس احين الوقت تأخر ومانصحج ،، ليش ما ترووحين باجر سوق وقف قولي له معليه اليوم باخليك ترتاح علشان باجر توديني سوق واقف وافصل مفرش حق البيبي والتفصيل ياخذ وقت لازم اروح منوقت..
وفرفشي يمة على قولتج كل شي في وقته حلوو يا حلوة :p .. المهم قبل لا تخلص اجازته يوديج حلو الام والابو يختارون حق ولي العهد اغراضه::d

[rose soul]

سكتي طف طووف..مو انا امس المفروض امشي
يه لي متأخر..واقول له ليش ييت هالحزة..مو متواعدين نتمشى مع بعض..الا يقول لي برد..وامي واختي يقولون مو زين لج..تنفخج ريح..عسى بليس ريح ان شاء الله
وانا ابي اتمشى
لحين ما تمشيت :(
من جذي ما بولد الا متأخرة

[طفلي حياتي]

من زمان نااااااااااام يوم اقول لكم ربع ساعه وارجع كنت بروح وياه بس نجفت قلت خله مابروح ولا شي hwaml56

[فلونة]

باروح اجوف خالتي متصلة لي تبيني وخلج كوول .. انا يمكن اي حزة اولد وللحين ما خصلت اغراضي شاسوي وقت الي اقدر اروح وريلي شغله شفتات وما عندي سيارة بس شوي شوي بتخلصين .. ليش ما تاخذين لج توزيعات و تشتغلين فيهم في البيت علشان تنشغلين عن الاشياء الي تكدرج :d

برب باجوف خالتي

[rose soul]

فلونة..نسيت اقول لج..يطلع من بطني اصوات..جنة صوت قطو يوعان ههههههههه
يضحكني واتفشل ساعات لين يكون واضح ومسموع
مادري صوت شنو ذي بالضبط
..
اففف النت مللني:( هالحزة بالذااااااااااااااااااااات

[طفلي حياتي]

مالي خلق اسوي شي المشترا احزب له بعد اسوي
وين راحت بنت بلادي وام شيخه وحنون صخو مره وحده

[طفلي حياتي]

روز هاليومين اسمع هالصوت اللي تقولون عنه توه في البدايه خخخخخ شكله مع الايام يزيد ويطلع اوضح

[طفلي حياتي]

برررررررب
روزتي بروح شوي وبرجع

[rose soul]

تيت ثنتيناكم
لا طولون
لأن شكله ظليت بريحاتي

[بنت الأياويد]

انا موجودة ، باجر باغسل مو اليوم

[حنين للماضي]

مشكورين حبيبات قلبي
طفطف يا بعد عمري انتي مشكورة على الصورة
سيوتها على طول حتى زوجي استانس عليها عدل
ياااااااااااارب يبلغش في بنوتش وتقومين بالسلامة

روز حبيبتي اني احس علاوي على ابوه
هو بيني وبينش كلحين يتغير
ضحكتيني يوم تقولين نسلكم قوي
يلا خله يقوه احسن
على قولة ابوي يقول احنه عائلة منقرضة بس ثنتين وخلاص
اني ولدي مسكين بعد لاعنده خال ولا عم
وعلى طاري المشي اني كله كنت اروح المجمعات
حتى حفظت الرفوف اللي في جيان وفي لولو ماركت من قلب
روحي تمشي في المجمعات احسن ليش لاسمح الله يصيدش برد لو شيء

[rose soul]

وين رحتي بنت الاياويد
حتى ما تبينين عدل في الدردشة كل هذي من شواخة؟؟
شكلها راقدة الحين

[Roze]

لحد يطري هواش الريال
ينرفزوني بششششكل
مطلع جبدي كل يوم يباني اروح بيت اببووه
تععبت ويحاججني علا روحتي بيت ابوي
انزين بيت ابوي بيتنه ارتاح فيه
وبيتكم اخوانك افنين متصنطرين ليي ياداخلين ياطالعين مااارتااح
ويش اسوي عشان اقنعه انه المفروض يوم في الاسبوع الزياره
يباني قد مااروح بيت ابويي اروح بيت ابوه
ولا وطالع لي بالموال بس يوم الجمعه بيت ابوش تروحين
وبيتنه يومين اتصالاات تعالي وتعالي انقص ويهي واني اتعذر وباجر بجي ومادري وي

تعبت من هالموضوع كل اسبوع يتكرر

[طفلي حياتي]

حنون تستاهلين يالغاليه اخذي الموقع وتفنني في صور علاوي فيه تشكيلات وايد حليوين
روز شنسوي بعد فيهم لازم نصبر وامرنا لله شقتش اليديده اذا قريبه من بيت ابوش بتصير اسهل لش الروحه ولا فيها تعلف

[طفلي حياتي]

www.photofunia.com (http://www.photofunia.com)

هذا الموقع

[Roze]

هههههه. لا
شقتي في قلب الحدث
فوق بيت عمي ويتراوا ليي عمتي من النوع الي اذا يوم مانزلت ليها بتجعجع وبتركب ليي فوق تسحبني ههههههه

[طفلي حياتي]

تووووووووبس عيل خوش شي بعد مدام هو في الشغل انزلي وياها وتالي الطلعه بيت ابوش وشرايش في الفكره هههههههههه

[Roze]

هههههههه والله تمللت يختش
كله وياهم مقعده
علا الاقل في بيت ابوي انبطح وانسدح براحتي لين اقوله يقولي انسدحي في بيت ابووي واتخيلي بالمشمر انبطح وريشة راسي خب مابفصخها تنكسر رقبتي علا سايد واااحد
هههههههه حاله حاله
اخخخخ ماينغلبون في المرادد هالريال

[حنين للماضي]

هههههه
روز حاسبي لا زوجش يجوف ردش عقب تصير ليش سالفة
اني مرة نسيت صفحة المنتدى وماصكيتها وجه زوجي قعد على اللابتوب وقرأ ردي يقول لي حشه بقى شيء ماقلتي
اشوه بعد كان ردي مو حجي عنه كان عن الحمل مادري شنو

اخاف احط راسي على المخده ويقعد علاوي
كل ليلة على هالسالفة من قريب بتغط عيني قعد لي يصيحhwaml5

[Roze]

علا طاري الطلعه للمشتريات
ريلي لحين يقولي بعدهي وقت
يحسب يقول باقي 3 اشهر اقوله ان شاءالله تباني يوم ولادتي في طريقي للمستشفا اروح اشتري بعد

يااعلي مايفهمون في امور ويبون يفرضون رايهم

[rose soul]

حنون..مادري والله انا ماجفت ابو علاوي..يمكن يشابهة بعد
بس يبين علاوي نتوفة
تصدقين الله عوض على ابوج..انتو بنات ثنتين ..وكل وحدة يابت ولد..
صار عنده بنتين و ولدين ههههه
الله يخليهم عبادي وعلاوي..الحين بصيرون ربع
..
تصدقين ساعات يقعد يمي يبي يجوف شنو اكتب اخشه عنه هههههههه
حتى لو مو عنه ماحب يجوف

[Roze]

ههههه
حنين للماضي صلي علا النبي

الله لايقوله يشوف هراري
في الطبيعه هادئه وخجولة وهني لساني شطوله

[طفلي حياتي]

حنون هههههههههه اني مرا بعد قرا لي رد اشوه ماهو حش فيه خخخخخخ

[حنين للماضي]

علا طاري الطلعه للمشتريات
ريلي لحين يقولي بعدهي وقت
يحسب يقول باقي 3 اشهر اقوله ان شاءالله تباني يوم ولادتي في طريقي للمستشفا اروح اشتري بعد

يااعلي مايفهمون في امور ويبون يفرضون رايهم

آخر شهرين اثقل يزيد والنفسية تصير زفت
قولي له عن هالشيء

[Roze]

يمكن لين شاف حالتي تالي يقتنع
لكن اني اقوله هالحجي بقولي لاتقرين من النت وتيين تقولين ليي
لكن ازيد من ويع هالظهر ليلياا ويش بعد
شكلي اخر الاشهر بنجفس محلي

[حنين للماضي]

حنون هههههههههه اني مرا بعد قرا لي رد اشوه ماهو حش فيه خخخخخخ

هههههههههههههه
اشوه عجل
خوب انتي الله هداش ثلاثة اربعاع ردوش حش على بوالشباب ودراستهhwaml02

[طفلي حياتي]

روز اني قررت اسكت ولا اييب طاري التشري ابدا ابددا لا باجر ولا عقبه اذا شفته قال قومي بقوم اما اني افرض عليه واخليه يتأفأف ويتحلطم مابروح مكان

[rose soul]

روزي..ترى الزوج..يحب تكون زوجته تحب اهله..ومايرضون عليهم بشي..وانتي حاولي تكونين عادي..وسوي روحج تحبين تزورينهم حتى لو ما تبين خخ
ترى الريال كل شي ولا اهله
انا في البداية كنت جذي بس بعدين تفهمت الوضع..وخصوصا في اشياء تختلف بين عائلتهم عائلتنا..وما كنت متقبلة الوضع..بس بعدين مشيت الامور..ومشت الاشية عادية

[Roze]

الصبر مفتاح الفرج
هههههه طفطف هذا في قاموس ريلي يسما تطنقر وتبوز وهذا بحد ذاته بداية مشكله
مايبا يشوفني اصيح ولا ابوز ولاازعل رقته بعصبيه بعدجبدي ههههههههه

[rose soul]

انا برب الحمام
النت بط جبدي وفقع مرارتي
وياب لي قرحة

[Roze]

اني مو مااحبهم روز بالعكس اخبهم ويحبوني الصلاة علا النبي
لكن راحة الوحده في بيتها يوديني وينساني هناك طول اليوم بحجة ماعندش احد في الشقه يقعد وياش
اتملل من قلب

[طفلي حياتي]

عدل كلام روز واذا يشوفش تتحلطمين يزيد عناده وبحط قيود على روحتش بيت ابوش فأنتين استغلي وجود شقتش فبيت ابوه وانزلي لو ربع ساعه وارجعي ومن يسألش قولي توني رجعت ورحت اشوف عمت ومن هالقبيل هو بيستانس

[طفلي حياتي]

امرنا لله مالنا غير الصببببببببببببببببببر

[Roze]

يمكن ارتاح لو تستوي هالشقه
تصدقين يطفطف صرت انطر اتجي اخر الاشهر يشوفني مااقدر اتحرك عشان يسكت عني وتابي اولد ولايقدر يفتح ليي هالموضوع

[طفلي حياتي]

ههههههههههههههههه ويش هالحاله تالي بقول لش ويش وديتين بنتش لامي تشوفها اليوم؟؟ خخخخخخخخخخخخ واصبري عاد ويو

[Roze]

هههههه لاتضحكييييييني
شر البلية مايضحك
ههههههههههههه اشوه في بيت ابويي الليله
تصدقين لحين مارحت موعدهم
باجر بقعد من الصبح وبروح في سيارة ابويي الثانيه

[Roze]

يالله تصبحوون جمييعن علا خير

[rose soul]

بااااكو
روزي..انا مو قصدي انج ما تحبينهم..بس كثر ما تقدرين حاولي ماتبنين له انج مضايقة من قعدتج معاهم..واكيد الوحدة ما تاخذ راحتها الا في بيت ابوها
لأن خبرج الرياييل على اقل شي يتحججون
ومع مرور السنين والعشرة..راح تكتشفينه اكثر واكثر

ولا شرايج طفطووفتي؟؟

[طفلي حياتي]

وانتين من اهل الخير
خوب فلونه صايره شلاخه راحت ولا رجعت يمكن عمتها فغصتها بعد
ماشفت روحي الا حرانه ويش السالفه توني ميته من البرد

[rose soul]

انا وراي باجر موعد
تمللت الحين كل اسبوع
بس مافيني نوم

[طفلي حياتي]

اي عدل روز قلت ليها هم اهم شي تحبين اهلهم وبس

[طفلي حياتي]

روزاتي اني الحين كل اسبوعين موعد

[طفلي حياتي]

اين انتم يا اهل الخير تركتموني وحيده

[طفلي حياتي]

بحسب للــ100 وبقوم

[rose soul]

لا تكملين للمئة وصلت
بس النت رد انقطع افف
انا الساعة 12 بحاول اسوي سليب
انتي كل اسبوعين؟؟
متى بدشين الثامن؟؟

[طفلي حياتي]

هلا روز عقب اسبوعين ادش الثامن ان شاء الله
اني بعد ل12 وبقوم

[طفلي حياتي]

روز باقي 4 ايام على الموعد اللي تبغينه ولا في بوادر ابدا ههههههههههههههههههه

[rose soul]

اها
هيك لكان
عيل بنتي بتصير اكبر من زنوب بشهرين :p
وشكله الربع راحو انخمدو بعد
مرة وحدة يختفون

[طفلي حياتي]

اي متعلمين لينا هالطبيعه ماتشوفين الا غبار يولهم لا برب ولا عن اذنكم ماليهم حال صايرين
بس روز بنت بلادي قالت بااي وفلونه طلبوها الاداره ولا رجعت

[rose soul]

اي والله يا طفطوف
اذا مافي بوادر
بروح المستشفى يولدوني غصب
بقول لهم تعبت خلاااص خخخ
مابي يفوتني هالتاريخ صررررررررراحتتتتن

[rose soul]

يلا طف طوفتي
صارت الساعة 12
بقوم اسوي لولو
تصبحين على خير
ان شاء الله اقدر انام من هالحموضة..ماتصيدني الا فليل مادري شسالفتها

[طفلي حياتي]

اي امبلى وبيولدونش خخخخخخخخخ
بقولون لش تيسري بابا

[طفلي حياتي]

اوووكى وانتيي من اهل الخير باااي

[فلونة]

توني ياية من تحت اذا انزل صعب اركب على الدري اقعد مكاني وماقدر اتحرك..
طفلو جنج انتي الشلاخة لا تخليني اذكرج البارحة تقولين باروح احاجيج من تلفون ريلي ورحتي خمرتي ولا جفت الا زرافتج

انا الزكاام ذابحني ما يسوى علي رحت البارحة مشيت من هبالتي في الممشى والجو بارد باموت من الزكااام :(

[صعب تنساني]

فلونه بل شوديج الممشى بالصقيع والبرد

[صعب تنساني]

خصوصا هاايام زايد البرد تقدرين روحين تمشين بالمجمعات بدل الممشى

[فلونة]

شاسوي من هبالتي ومسكين ريلي قال لي الجو بارد بنمرض بس الي ما يطيع يضيع .. تعبت وانا اسحب في هالخشم غير ألم الراااس :(

[صعب تنساني]

حتى ريلج راح وياج؟؟

[صعب تنساني]

انه لو اقوله يوديني اتمشى بهالبرد بالممشى انجان يا خذني ويصفعني بالطوف خخخخخخخخخخخخخخخخخخخ لانه برد وهو معصقل ما يقدر على البرد

[فلونة]

انا ماقدر اروح بروحي،، واساسا ما كان في بالي اروح امشي كنا رايحين نصلي وعقب الصلاة قلت له باروح امشي .. نوبة وتوبة بعد ولا اعيدها
باروح باخذ شور صاخن وبارقد جان يخف شوي .. تصبحين على خيررر

[بنوتة حلوة]

سلامااات سلامااات فلونة ماتشوووفين شررر ..


مرررحباااا هالحزة اكيد ماميش الا الريش ,,

[بنوتة حلوة]

احم احم .. طبعااا كلكم باركووووا ليي دشيت التااااااااسع وأخيراااااااا هكووو التيكررر ويش حلااااوته منووووور البيبي في آخر خاااانة أخيراااا ماااابغيت والله يسهل ويفررررج ان شااااءاللله كل يوووم بدش اطحن اذا ما ولدت ,,

[rose soul]

صبـــــــــــاح الخير يا دبدوبات وأمهات
انا مصحصحة عدل..يمكن لأن موعدي اليوم خخخ

وبنوتة مبروك انضمامج لنا
يلا تريي الولادة الحين خخخ
والله يساعدج ع التاسع

[rose soul]

نوم نوم
اتخيل الحين كل وحدة متلحفة ومستانسة وتتحلم بعد خخخخ
انا بقوم انسدح شوي عيل..لأن الموعد الساعة عشر
وتوها 7 ونص ما صارت

[فلونة]

صباااح الخيرات والليرات على احلى دبدوبات

انا ذابحني هالزكام ومختنقة حدي مو حاصل لي اخمد حالي حال هالناس،، من سسبع ونص قعدتي رحت الصالون حفيت و توني راجعة وخشمي مننفخ حده الهندية تحفني دقيقة واقعد اعطس ساعة حتى اهيه تمت تكح

بنوتة .. الشر مايبج ومبرووك عليج التاسع ويلا بنجوف من الشاطرة الي بتسويها اول وحدة انتي او انا او رووز او ام السادة :p

باحط راسي جان تغفي عيني شوي ،، مادري شاسوي علشان اقدر اتنفس

[أحلام أم]

مساء الخير عليكم وعلى إللي داخل دبيبكم
وييييه اليوم راسي أشوى كل حين أحط ليي ماي حار في المطارة وأنام على المطارة ليين الصبح ،شجعتيني فلونة على مطارة الماي الحار كنت قبل أسويها بس وجع الراس يخليش مدودهه
فلونة
إشربي ليش فيتامين سي الفوار حبة في اليوم واايد يريح من أعراض الزكام وسوي ليش بخار ولا تتطلعيينفي هالجو عني قلت كاك بعد أحوم في هالجو ،أني مشكلتي حساسية خشمي والجيوب مأذيتني لازم أصك خشمي في البرد ماعليش شر وإهتمي بروحش قبل الولادة بعد زكام وولادة مايرهم حبيبتي يبى لش تنفس عميق والمناخير مفتوحة

البارحة في عز ويع راسي للساعة وحدة أنتظر زوجي يرجع من السعودية ،مسافر من الساعة 2 الظهر والمغرب كلمته قال شوي وأنا عندكم ومن 8 وشوي تلفوناته ماتقبل الإتصال قام الفار يلعب في عبي وأني بروحي اليهال ظلو ينتظرون وناموا وأني لا قامت أفكاري تذبحني أقول بتصير الساعة1 ولا وصل ولا إتصل وتلفوناته مبنذة وأقوم أدور أرقام الجسر بسأل عنه أو شرطة الجسر يعني بلغ بي الخوف مبلغ إتصلت لأختي تشاركني حيرتي ولا بعد شوي إتصلت لحميي الصغير كان سهران وأقوله السالفة وأقوله يسامحني ومسكين ماقصر قام يتصل له ولا في رد وتالي إتصل لشرطة الجسر وبعد شوي طلعت صدقة عنه وقريت دعاء الفرج وكل شوي أتوسل برب العالميين يرده سالم
وتاي بعد ماوصلت أخر نشفان دم صوت سيارته وأركض أفتح الباب في البرد إلا هو الله يحفظه وسلمه من كل شر وتالي إتصلت لحميي أبشرة وأعتذر منه وهو مسكيين يقول عاادي هو أخوي بعد وترد إختي تتصل تطمن ،صرت كلش قلقانه من تأخيره
وتالي يقول حسبتش نايمة قلت بلاك ماتعرفني على كل هالعشرة أني أخر وحدة أنام في البيت بعد ماأطمن إنه الكل نايم حشى سجان مايسويها

وتالي سألته طلعت صدقة بنية تسهيل أمورك في السفر وكفاية شرة قال :لا نسيت
شفتون الصدقة وش قد مهمة وتيسر الأمور والمدهش إنه في الوقت إللي طلعت الصدقة عنه تيسرت أموره في الجسر
ربي يحفظ الجميع ويكفينه شر كل شر

وبعديين تلفوناته كان واحد صدق بنذ مافية جارج والثاني عاادي مفتوح ولا كن مايقبل إتصال حتى هو مستغرب شلوون مايقبل إتصال ولاكن هذه حكمة من رب العالميين إني أتصدق عنه وأدعي له وأتوجه بالتوسل لأنه كااان فعلا في مأزق كبير وببركة الدعاء والصدقة تيسرت أمورة وياارب دووم ميسره

هذا موجزي وأخباري لليوم hwaml7

[طفلي حياتي]

السلام عليكم
احلام ام عشت على اعصاب يواني اقرا هههههههه الحمدلله على سلامته وقرة الاعين وربي يخليه ذخر وفخر ليكم ويطول بعمره يارب... حاسه فيش لاني من هالنوعيه الوسواسيه يادفع البلا والصدقه لحد يستهين فيها جدا مهمه.. جان تذكرين سالفة تاير سيارتي يوم يفش ع الاخر ويصير ع الرنج بس كنت قبلها دافعه صدقه وربي حفظني وجات سليمه
الحمدلله رب العالمين من هذا لحفظانش وولادش سالمه واحنا وياش ان شاء الله

[طفلي حياتي]

بنات بطني صاير اصغر من امس وطري مو يابس وخايفه اني اليوم نصره طفرتني من نومتي كنت نايمه على صوب وقامت ترفس وقعدت عدلت روحي على ظهري ماترضى انام على صوب نصره ارعص صبوعها يمكن

[أحلام أم]

السلام عليكم
احلام ام عشت على اعصاب يواني اقرا هههههههه الحمدلله على سلامته وقرة الاعين وربي يخليه ذخر وفخر ليكم ويطول بعمره يارب... حاسه فيش لاني من هالنوعيه الوسواسيه يادفع البلا والصدقه لحد يستهين فيها جدا مهمه.. جان تذكرين سالفة تاير سيارتي يوم يفش ع الاخر ويصير ع الرنج بس كنت قبلها دافعه صدقه وربي حفظني وجات سليمه
الحمدلله رب العالمين من هذا لحفظانش وولادش سالمه واحنا وياش ان شاء الله

هلا وسهلا بطفلي حياتي
يووووو عيشتش وياالقصة وخليتش تتفاعليين وياها وتتعصبين ،ويش إنسوي واايد أني وسواسية وأخاف عليهم خصوصا هالأيام بعد ماكثرت بلاوي الدنيا الله يجيرنه منها ويبعد عنه وعنكم كل شر وأذية ،مشكورة حبيبتي الله يسمع منش ويدووم ظله علينه
أكيد الصدقة مهمة ولازم نخليها في حسبانه في كل يوم لو الشيء البسيط
الله يحفظش حبيبتي ويحفظ جنينش وزوجش وكل أهلش ببركة الصلاة على محمد وآل محمد hwaml13
باقوم أحط الغذى ويمكن أروح أزور الأهل في ديرة الحب hwaml7

[طفلي حياتي]

فلونتي اخذي لش فيتامين سي الفوار واخذي مرتين في اليوم اني سويتها وخف الحمدلله لا تخافين منه حبيبتي يالجبانه لاني بحثت اتضح انه عادي

[طفلي حياتي]

ويلي على ديرة الحب يمكن اليوم اروح اذا بط بي ريلي ولا وداني اشتري بشيل عليه وبروح

[Roze]

السلام

رحت اليوم المركز وسويت تحليل السكر للشهر السابع وافتكييييت اخيرا

نمت ليي شوي رجعتي ولاتغديت ولالي خلق اكل عيش
اكلت كنار وبرتقال عن العين والنفس

[طفلي حياتي]

هلا روز
ان شاء الله يارب ماعليش الا العافيه وخوش اكل والله كنار وبرتقال حقوي ماتغديتين؟

[فلونة]

احلاام ام ،، الحمدلله على سلامة ابو العيال واحين ريلي تغدى وراح ويا اخوه السعودية علشان السيايير والله يردهم بالسلاااامة ودرب السعودية وايد كريه من حقج تحاتين لو انا مكانج ذبحت روحي من الصياح ولا عرفت اسوي شي ،، الله يبعد عنهم كل شر و يحفظهم وبالنسبة حق فيتامين سي باحاول اروح الصيدلية اذا حصلت سياارة مشكوورة حبيبتي

طفلووو،، لا تعيدين الحجي الي تسمعينه يازعم قايلة شي يديد عن الفيتامين هااا

رووز،، افتكيتي من هالتحليل و ان شالله تكون النتيجة زينة ومافيج شكر :p

[Roze]

ماعجبني السمج مسوتنه امي
مااكلت قعدت اكلت هرار تمر على فواكهه

ويش اخبارش اليوم

[فلونة]

انا اليوم غداي سمج بعد سويت مجبوس وصار عجيب بس ريلي مستعيل اكل لقمتين بسرعة وتيسر السعودية

[طفلي حياتي]

هلا روز اني اليوم نزلت مني بقايا مال التحميله واحس كأن شي محشور تحت عفر الباقي يبغي يطلع لو ويش مادري
فلونو اني اكدت على كلام احلام ام لان ادري ومتأكده بتخلين تعليق انش خايفه ومابتاخذين وتخافين اعرفش بشه من اخطر الانواع... وقومي طلعي صدقه من الحين عن ريلش لاتغربلينه اليوم

[طفلي حياتي]

فلونه لو عجيب اكل شبعت بس سوا روحه مستعيل لانه صمه خخخخخخخخخخخخ
امبي منه شوي :p

[Roze]

اي صح
الحمدلله على سلامة ريلش احلام ام
هو بس قراءة الادعية تريح البال والخاطر
اني صادني مره موقف جدي ريلي ساعات يدش البحر وياربعه حق حداق واني متعوده عليه اذا طلع الظهر يرجع بالكثير 10 بالليل
الا الوقعه صارت 1 ومافي حس ولاخبر والقهر يقط تلفونه في السياره لانه مصيود قبل تلفونات من عنده طبو في البحر
المهم انه اني اوشكت علا الموت ليلتها الكل نايم واني بروحي في الشقه وزوجي مختفيي
واقعد علا نار جني مينونه مافي نوم مافي راحة بال
اخخخخ وتالي يوم اتصل ليي عقب ماانفقعت مرارتي طلع هو الخايف يقولي لوا 23 مسكول في تلفوني ويش فيش!!!
ههههههه تالي نمت قبل لايوصل الشقه بعد


فلونه اي افتكيت لوع جبدي عصيرهم الفاجهه وان شاءالله مايطلع في شكر ماللي خلق الاربع تحاليل ونفس العصير وييع*

[Roze]

طفطف اهمشي الالتهاب ينقشع بلا رجعه

تعرفون موقع خديجة موول ؟؟ شرايكم في بضاعته؟؟؟

[طفلي حياتي]

لا روزتي ماعرفه بروح اشوفه الحين

[فلونة]

طفلوو انا قلت يمكن اروح الصيدلية لانه اخاف من الادوية بس ذبحني هالزكام اشدراج انتي و الله اكو الجدر فيه عيش لا تخليني اصوره اراويج شلون شكله ماخذة لي عيش حبته طوويلة ويصير المجبووس فوق العجيب مع لمساتي السحرية ،، احين خاطري في كيكة اسفنجية مالت قبل الي فوقها نوع الشكر

رووز ،، العصير كرريه ولا تقول لي مالت المختبر شربيه بسرعة لا تشربين شوي شوي والحمدلله افتكيينا،،

[طفلي حياتي]

روز ماعجبتني البضاع الحين مخي بس تجهيزات نصره
فلون اني بعد توني اشتريت عيش بوابة الهند غالي لكن روعه الحبه اطول منش ويصير فن انزين قومي ييبيه بتغدا وبسطي ويايي... عمتي عاطتني مضروبه دياي طعمها ملححححححححححح

[فلونة]

ان شالله ربي يحفظه و يرجع لي بالسلامة وباطلع صدقة عمتي

[طفلي حياتي]

فلونه النساة راجعه لي على التشفي وخاطري في كيكه اللي يبيعونهم فيها زبيب وتكون قطعه مربعيه اححح من وين اطلع الحين؟؟ برادات هالفريق كحيانين عدل ماعطتهم الدراز من حلاوتها شوي

[Roze]

طفطف الموقع مال ملابس نوم للمتزوجين
لعقب الولاده مو حق احين*

[طفلي حياتي]

حرف الهاء في كيبوردي تحت مادري ويش ولا ينكتب وكلامي كله ناقص حرف الهاء افففف

[طفلي حياتي]

ان شاء الله اذا ولدت بالسلامه بشوف لي جمن حاجه عاد نصرتي بتخليني خخخخخ

[Roze]

هههههه كيك ابو زبيب هههههههه مخبز الغبار يبيعه وين تحصلينه
يمكن في ديرتي موجوود

[فلونة]

حاطين الارض الطيبة في ام بي سي ومآسي تعور القلب بروحي الي فيني يكفيني وهالتلفزيون كل محطة نكد في نكد ،،
لا تحاولين ما باعطيج ولا نتفة باخليه عندي وحتى لو ماخذة بوابة بنقلادش مافي فايدة السر في نفس الطباخة مو العيش هههههههههههههههههه

[طفلي حياتي]

امبلى كل مره تسوينه عييين يفلونوو
روز اقول لش ديرة الحب تحصلين لكن هنا لو بروح ادور بيفتر مخي ولا بحصل

[طفلي حياتي]

فلونو اني ما اطالع واذا بالغلط شفت لقطه احسبيها ماتروح من بالي وطول الليل تنعاد اللقطه فر راسي اني من النوع اللي امرض اذا اشوف ماقدر

[Roze]

برررررب تشوونه

[فلونة]

عاد محد يصير خاطره في شي الا قلدت سنفوورة اذا يمكم فرع حق ميغامارت يبيعون او اللولو هايبر مخبزهم كله فرش وعجييب انزين انتو شارع البديع انا مادل مكان بس جنه عندكم الرسالة والمنااار ،، انا امس عقب التخطيط طلعت من السلمانية متفرغة قلت حق ريلي يوديني المرزوق واخذت بقلاوة وحاسبتهم ردت الخردة وايد شكلها غلطت في الحسبة ومن امس اطالع الصحن ابي اكل ومب عارفة ابي اروح لهم جان يجوفون حسبتهم عدل اخاف يصير شي في ذمتي

[طفلي حياتي]

تيت روز
متأكده فلونه تطالع العيش وتقول اصوره لو ما اصوره اصوره لو ما اصوره

[طفلي حياتي]

فلونو موجوده في البراده عادي هاللي اقصدها بس هالديره اللي اني فيها الحين ولا مره طلعت ولبست دفتي ابغي حاجه واحصلها

[فلونة]

هههههههههههههه اخاف اصوره ويعورني بطني ابي اكل حلاوة عن زفررة السمج ،، يصير اكل من البقلاووة بس اخاف يتغير الوزن ويصير في ذمتي مابي

[فلونة]

انزين عرفتي قصدي الكيك الاسفنجي مال لول الي فوقه شكر عاد بالنسبة لي مال لول بس انتي بالنسبة لج مال ايام الشباب تعرفينه

[طفلي حياتي]

هههههههههههههههههههههههه اسفنجي فوقه شكر؟؟؟ معلوماتش شوي لش عليها اني خبري ابو الشكر الدونت اما شي غير فهذا مال الجيل اليديد ماعرفه
والبقلاوه بجم طلعت؟؟ مو غالي ترا هوووووو حسبالش مال حلويات طارق لا هنا ارخص بوايد

[فلونة]

روحي مناك طارق جنه الكيلو بخمسة والمرزوق باربعة ونص اشتفرق عاد ،، انا خذيت بقلاوة وعصير اثنين و روتي وبيتزا عطيتها عشرة ردت لي ثمانية دينار واربع ربيات حسيتها غلطانة لانه انا اخترت البقلاوة الي ابيها بس الفلبينية هبلة ماحطت الوزن ومادري ما العمل
الدونت غير وهالكيكة غيررر

[طفلي حياتي]

اقول لش عادي صحن البقلاوه عندهم في بخمس ربيات وفي ب7 ماتدرين يمكن هذا خلنا نقول ب8 ربيات الباقي الاغراض ما تصير ب8؟؟؟ وهالكيكه ماعرفتها ام شكر

[فلونة]

انزين سنفورة بتروحين اليوم سوق واقف ؟؟ او بتروحين ديرة الحب علا قولتج

[فلونة]

انا ابي ارووح اشتري عطر حق البطل قلتي لي شاهين من سيد جنيد لا لانه رحت الرصاصي الي فتحووه في الرملي ما حصلت عنده

[طفلي حياتي]

توني اتصل واسأله بوديني لولا وقال اذا عرفتين مكان المحل بوديش اما اروح افتر مافي
وبشوف بسأل الحين ماحصلت بقول له ماعرفت بالضبط وبمشي بيت ابوي لا تصيدني جلطه

[طفلي حياتي]

اي عند جنيد مالهم العطر تروحين الرصاصي حقوي؟؟ كانش رفيقتي من السعوديه تبط جبدي بطاط اذا اتحجى وياها اقول ليها شي وتقول شي غير

[طفلي حياتي]

فلونه عندي مواعين وايد ومتملله اغسلهم مري عاد شوفي لش صرفه وياهم

[فلونة]

كنت رايحة اشتري حقي عطر وسألته مرة وحدة يا ام دبة ،، والمحل ما يضيع قول له صوب البليارد الي في سوق واقف امجابل القهوة مالتهم وخليه يوديج دام انه اجاازة رووحي كملي اغراضج المحل وايد عوود وفيه اشيا حلووة وبأسعار زينة بلا هبالة دام قال بيوديج

[طفلي حياتي]

اي محل اللي صوب البليارد؟؟
اني بوديني المحرق اقرب له مابوديني سوق واقف
بس هذا اي محل اللي تقصدينه؟؟

[فلونة]

سكتي طفلو انا بروحي رحت المطبخ اجوف لي حلاوة اكلها وجفت في ويهي مواعين الغدى وسفهت لهم ،، قومي حركي دمج غسليهم علشان عقب الصلاة تروحين السوق

[طفلي حياتي]

هو بيرجع 7 وشوي يطلع من الشغل ويروح النادي يلعب ويرجع متشتخشخ من اذكره يرتفع ضغطي واعصب اليوم اذا شفته تعبان ويتحلطم لاقسم بالله ما افتح له الموضوع بتاتا

[فلونة]

قصدي محل حب الطفل مادري الاطفال روحي جوفي شغله وايد حلو وسعره زين عنده كلشي انا بغيت اشتري الطربال الي يبدلون عليه الياهل بس خفت يصير بارد علا ظهر البطل وخبرج اليهال حزة تبديل الحفاظة لازم يسوونها نحتاج هالطربال روحي اخذي لي واحد

[طفلي حياتي]

اني اخذت واحد من مذركير بدينارو200 اي هم مايستحون تسبحينهم وتطلعين يشخونها ولا يبالون.. اني اقول عقب ما انظف فرحتي بخليها شوي لين ما تسويها وارد اغسلها اضمن من تلعوزني

[طفلي حياتي]

فلونه ذكائش ماله حدود مايخلون الطربال بروحه اوردي الياهل ملفوف بالفوطه ياحظي وين يصيد ظهره بس تشلخ هالبنيه

[فلونة]

توني متخيلة الوضع طفلوو هههههههههههههه نسيت الفووطة
انزين انا باروح اغسل المواعين علشان افتك وانتي بعد قومي جوفي شغلج ،، يلا ست الحبايب نجوفج بعدين

[طفلي حياتي]

اوكى بقوم اخذ قسطا من الراحه بعدين بغسلهم
اشوفكم على خير

[om khalil]

ييت خلف مامشيتون
على الساعة 5 وماشفت الا غباركم
والصلاة على النبي توي مخلصة قراية هراركم

طفلي
كرسي الحمام يبيعونه في السوق الشعبي اضكر اخذته على سبعه دينار عفر، عاد هالحجي من ازيد من ست سنين بس فيه عندهم وماعتقد زاد على العشرة.
اختي البارحه كانت تسولف تقول ماكانت تحس بحركة بتها ابدا الا رفات خفيييفه كلش، وهيكي ماشاءالله ماعليها الا العافية في الرابعة. اني تدرين اني يدهشني اللي في بطني من حركاته دام دم دم دم طاخ طيخ طراخ مادري ويش عنده يختش. يضايقني عدل وما اقدر انام اذا هو صاحي وارعص ارعص في هالدبة وأبدن عاطني الأذون الصمخة، تدرين خاطري فرحتش تصير نفس فرحاني ههههههه. على الاقل تساهر وياش عن بريحاتش

روز
اخذي لش اغراش للبيت وعابلي روحش قبل تروحين، اني عفر موعدي طاف ومفهيه ولا رحت اخر موعد رحته من ازيد من شهر.. الحين عفر باصير كل سبوعين. الكرت مالي مادري وين دعسته

فلونه،، يالله تتسهلين ان شااءلله اهم شي ماتدهشينا كل شوي امبي اولد اولد.. تدرين احس باحساس غريب امس عينة الخوف لجل دخلت الفامن مادري ويش باسوي لين دشيت التاسع يارب تسهلها عليي وعليكم يميع

باقوم اصلي، الليلة معزومة ويا شلة بنات بنروح بوفيه كرامي حياكم ^_^

[بنوتة حلوة]

مساء الخير ,,

ويش الاحوال ؟؟

[فلونة]

ما شالله ماميش حس ولا خبر الكل في سبااات

ام خليل ،، ماعليج من حنتي ابي اولد ولين صار الصج وحسيت بألم خفيف احس بخووف و رهبة من الولادة مادري شسالفتي ،، الله يسهل علينا بحق محمد واهل البيت ويمسحون على قلووبنه ياارب ,, بالعافية البوفيه

احين طفلوو يازعم تتسوق في دواعيس و ازقة المحرق وروز قاالت برب ولا رجعت و روز سوول راحت موعدها و مايات تقول لنه شصار معاها،، واحلام ام و ام خليل مشغوولين مع اعيالهم و الامهات اليدد حنون و شمووس و فتووت وبنت الاياويد نفس الحالة ويا بيبياتهم الله يحفظهم

باروح اجوف لي شغلة في الشقة جان يطووف الوقت ويرجع ريلي بالسلامة ان شالله

[Roze]

هههههه فلونه هذا ريلش راح السعوديه وغربلنه اليوم فاضيه لابعد حدوود شكلش
هذا اني انقهرت من ريلي اقوله خاطري في فطاير مخبز المنار طقع فيني وقال مشغول اهئ اهئ وطلع عني
قلت له اييب لي مشويات ماتغديت اليوم
الصراحه تمللت من كل اكل المطاعم مافي شي يديد مول
خاطري اجرب حاجه جديده ابد المعجنات لاعت جبدنه والباستا هيضت روحي منزود مااكله الفاست فود ممنوع ويش ناكل

[فلونة]

اتصدقين روز لو تجوفين الشقة ما تقولين فاضية الا متكيسلة الثياب علا المنشرة صار لهم ثلاثة ايام و اكو ثياب في السلة يبيلهم غسال و توني مغسلة مواعين الغدى والتوزيعات يبلي الصق عليهم البطاقات بعد تبين اقول لج زوود بس انا مطقعة و متمللة خاطري اطلع اجوف الدنيا من زمان مارحت مكان ،، :( قومي طلعيني

انا عشاي من عند خالتي اليوم مسوية هريس لحم و معكرونة خضرة جان تبين تعالي اخذي لج،، شرايج تسوين لج في البيت محاشي ورق عنب و كوسا منها تضيعين وقت و منها تغيير عن اكل المطاعم واذا مافيج شدة خل ريلج يوديج تكة ابل و قعدوا في السيارة طلبوا لكم كباب وتكة وحمص وقلاصين عصير برتقال بييبون لكم في صينية صاخن حده وعليكم بالعافية شرايج في افكاري فاشلة لا :p

[فلونة]

وعقب ما تاكلون التكة والكباب روحوا الكنافة الذهبية اخذوا لكم كنافة عبسي بالجبن وبس خوش برنامج شرايج ،، ياريت سي السيد اهني جان طلعت معاااه ووحشني ريلي ثلاث ايام في الشغل آخر ليل ويوم اجازته راح السعودية :(

[Roze]

ههههههه ويلي عليش يفلونه لو صوبش احين ييتش تعشيت وياش وقمت الزق في هالكروت حدي متملله وتصدقين ماعرف اسوي ورق عنب ولا محاشي بس امي تسوي واكل ماعمري سالتها شلون يسوونه

ضكرتيني اني وريلي نروح قائدي صوب مركز نعيم يجيبون صينية في السياره
اتصدقين علا بدي نمت خفيفه بلا اكل لكن مجبرين نجنز بطونه
ههههههه نساتي كانت علا اكل المطاعم بس اكل ازوع ولا اكل ولا شي من المطعم كله ابي خبز وجبن وبيض وحليب صبح وليل هههههههه

[Roze]

اني يختش ريلي شغله ماله وقت ساعات طول اليوم واضايق حدي من جدي يوديني بيت ابوه او بيت ابويي من الصبح اقعد طول اليوم والبارحه مبيته في بيت ابوي والليله خلاني ومشا
ربي ييسر اموره ويرزقه ويوفقه على قد نيته

[Roze]

ياعلييي الهوا الي داير مو طبيعي
جان مو يطيرون فيابنه من على الحبل هع

[فلونة]

جان زين تسوين شغلة عني انا مللولة وباردة علا قولة امي يومج يصير سنة،، والمحاشي ما يبيلها شي بس يبيلها ظهر وقعدة ،، وانتي تخلين ريلج يشتري لج وما يوصل شي حق بنته خووش شي انا اتصدقين وقت نساتي ولا كنت اشتهي اكل المطاعم بس حبيت الحليب ومشتقاته الجبن واللبنة .. انتي نساتج كانت ثقيلة ؟؟
والله انا تميت في الشقة اعاني و ريلي اييب لي الاكل وماشتهي اكل ويهاوشني صج عانيت نفسيا ذكرتيني بالذي مضى
انزين ها اعجبج البرنامج قومي اتصلي حق ابو بنين وغيري جو وانا باقعد مكاني

[فلونة]

هييك يعني ما منج فايدة كلنا في الهوى سوى ،، انا ريلي مسكين انصاد في جمارك البحرين يقول السييد ما يتحررك و ليش ما تاخذين لج منشرة اريح لج وقت المطر والغبرة تتغربلين

[Roze]

نساتي الصراحه ماقدر اقارن بها احد عشان احدد ثقيله
بس بشكل عام المزاج معفوس وريلي مايفتهم انه هرمونات فمثلش كله هواش
الترجيع يومين يمكن لحد الشهر السادس وانا الصبح لين اغسل اسناني ارجع توني الحين شوي خفيت

ابوبنين موفاضي لي الليله
توه ماشي راح جاب عشا وجا تعشا ويايي وطلع مابي اضغط عليه اذا يبي يطلعني كيفه ههههههههه عزززة نففففسي مبتسمح لييي

[Roze]

اني انطر شقتي الجديده تبرز مشان هيك ماليي نفس اشتري اي شي في هالشقه مخلتنها علا حالها شوفي جان خواتش يجون وياش يلزقون الكروت يشجعوونش شوي

[فلونة]

روز يعني شنوو زهبة انتو تقولونها طفلو النحيسة سألتها ولا قالت لي ،، احين تلاقينها تفرفر في هالاسواق وبتيي لنا تتحلطم لانه الرياح شديدة والجو كلش ما يشجع حق تسوق في مكان مفتووح
ولا يقولون لي ولادتج بتكون في الحر وانا ماخذيت ثياب شتوية وايد وللحين الجو ماتغير ،، الله يستر علا البطل احين منخش في الدفووة واذا طلع في هالجو الله يحميه بس

[Roze]

شلون سويتين التوازيع وشنو كتبتين في الكرت ؟؟

[الفتاة الذهبية]

هلا بالكروشات
شخباركم وشخبار الحمل وياكم ؟

[Roze]

زهبه ماعظم من الشيء فهو عظيم اي ضخم وشديد

ويي هالهوا مو بس يطير الدفيف يجيب ارياح في البطن والام
احين بجي تتحلطم بتشوفينها تطاااير مع الريييح

[Roze]

جان خذتين شباحات ام جم طويل نيوبورن
خصوصن انه اخر الشتا بجي بعد ضربات هوا والياهل يبي له ثياب مسكره حتا لو في الايسي يبي له جم طويل يدفه فيه النتفه ويلي عليهم هالنتف امهات الدبييييب المنفخه

[الفتاة الذهبية]

ههههههههههههههههههه
طف طف مسكينة تحاتي الولاده خخخ

[فلونة]

ههههههههههههههه حلوة ذي بعد لين خاطرج اطلعين قولي له عاادي شنو عزة نفسي ما تغلبج طفلو تقول اذا وداني زين واذا سكت انا بعد باسكت انتو الخسرانيين

اختي عندها علاووي وتوه نتفة عمره ثلاثة اشهر واقل شي يستمرض ماحب اكلف عليها تطلع في هالجو باسويهم علا سعة ،، ولا تصيرين نفسي ايام خطوبتي كنت اجوف اشيا وايد تعجبني حق الشقة واقول ما باخذ الا لين تبرز وحزة الحزة تراكمت اشيا وايد وزحمة العرس والفرش ما قدرت اخذ كلشي نصيحة الي تجوفينه مناسب حق الشقة اليدية علا قولتج اخذيه وخشيه اريح لج وانتي ثقيلة احين زحمة عليج وعلا ميزانية ريلج بعد
وان شالله تبرز عقب الولادة علشان ما تصيدج لوية وايد وانتي بدبتج *

[Roze]

ولكم فتوووت
تمام نحن انتي شخبارش وشخبار الدادوو

هذا يفلونه منزود مايطقعون لينه تمللنه واحنه نقول نبي نطلع ويطلعون مشغولين تعبانين ماليهم مزاج
اني بالذات ريلي لين شافني حاقره يسوي الي ابيه ههههههههاي


بس وحده واحنه وين رحنه مو خواتش ههههههه*

[الفتاة الذهبية]

انا تمام والدادوووه تمام

[Roze]

قاعدين نبني للحين يعني لو بتفضا ليي ميزانيه بتشرا حق المولوده
اني شريت وايد سامان حزة الزواج لدرجة انه طقم الكراسي مالنه مو مستخدم هالشقه مافتحتها لحد ولا حد زارني كله في بيت ابويي اروحون يباركون واقولهم شقتي مابرزت
تقريبن كل تجهيزات الشقه موجوده بس يبي لي انتيكات وزل وشوية اغراض
خوب تعرفين الاسعار الحين فوق ونار مايناخد شي *

[فلونة]

هلا فتووت احنا الحمدلله انتي شخباررج وشخبار الكتكوتة؟؟ المفروض حوامل الشهر التاسع الي يحاتون الولادة طفلوو توا الناس عليهاا الله يتمم لها علا خير

رووز ،،، سكتي عدلت ردي ههههههههههههههه تدرين نسيت اختي الثانية آخر العنقود الدليعة ما لي حال ويا الحمل الذاكرة راحت وبالعكس الله يعلم اشكثر احب قعدتكم و السوالف معاكم و اذا فرحت او تضايقت اكون معاكم وين احصل خوات جذي بس خذي وخلي من كلامي مفهييييية مسكينة اختي نسييتها فقيروو

[Roze]

عندكم اخر العنقود فلونه اتوليها هل اتلززق ويااش

ماقلتين ويش سويتين توازيع