ديوانية البحرين - دردشة حوامل البحرين - البحرينيات

[طفلي حياتي]

مادري والله ويش سالفة فلونتي وايد تأخرت علينه

[طفلي حياتي]

ان شاء الله يارب منصورين انتين انتظري يشبع من الدوار وتصير روحاته شوي اقل قولي له الحين هو ساكت يقول تو الناس عليش من جدي مطير.. عندنا وعندش خير

[Roze]

نستنه يختش عفر ونست منتدى حوامل

[Roze]

بالضبببط
يبط جبدي لين يقول توا الناس مو مستعجل
ينطر لين صرت فيل تالي بوديني
هالريال مايفتهمون

[طفلي حياتي]

قاعده من النوم 12 والحين فيني نومه لكن لو ابغي انام في الليل ماتيي ولاني منبطحه لو ويش بس عن لا اقوم انظف الحمام عزش الله كل يوم اقول باجر يبغي له غسال هالمر لونه ابيض وكلما تغسلين على ورا

[Roze]

هذا مايتملل اعرفه اني
محل ماربعه موجودين هو وياهم
هالربع وياه متربيين في فريقهم
واني الي ابتلشت بهم هههههههههههه
كله وياهم اذا مافي دوار ماتخلص الطلعات

[Roze]

الله يهديش بس
دقيقتين وانتين داشه تتسبحين افركيه واسبحي وانتين مخلصه

[طفلي حياتي]

كلهم هالشكل لصبيان يمللون ولو هم في البيت وانتين في مكان يمرونش مر

[طفلي حياتي]

الحمام مالي كبير ويملل غساله ومو بس ابيض قديم بعد يعني لازم كل يوم تعالي غسلي واني ماقدر من ظهري والم لفخووود قاعده اعبده اني هالحمام البله.. اني اقترحت من زمان نغيره قال بيتنا آيل للسقوط وماندري متى ايي الامر بأخلاءه فخساره نغيره هههههههههه خل عافيتي تتكسر عليه من الحين لين ما يتهدم عقب عمر طويل

[Roze]

تعرفين الادويه الي تنشرا لو لا حق عقب الولاده ؟

[Roze]

هيكو غيرو وزير الاسكان
ان شاءالله يطلع لش شي ويا ريلش وتطلعون من هالبيت خير شر

[طفلي حياتي]

اللي اعرفه السافلون والقطن والمعمول مادري وش اسمه من عند المراخه .. للبيبي فيه مجموعه اعشاب جاهزه وتيي مجموعه عند الكامل وغيرهم .. اني بشتري شاي اليانسون اشتريه لان يدر الحليب بالاضافه لدوا السر مال الياهل ياعلي اشياء وايد لازم ماتنسين شي لو بتطرشين ريلش بييب لش شي غير.. اشتريهم انتين احسن اني قالها لي اخذيهم انا ماعرف شي

[طفلي حياتي]

هي العله ماهي في وزير الاسكان يختش الف مية وزير قبله لكن الله ارجم واكرم
اني ابغي ع الاقل شقه مؤقته اطلع من هالمر .. والحين قمت اخاف مادري من بصيرون جيراني في هالشقق المؤقته

[Roze]

في ادويه اختي استخدمتهم وحده تشتغل ويا ريلها كتبتهم له في ورقه واخدهم ليها
صواريخ بيتادين حق ينظف الرحم كامل
وكريم مدري ويش اسمه
هي اسبوع الياي قالت بتروح الصيدليه بتقضي كل شي قاصرنها لجل قربت ولادتها وبروح وياها وبشوف ويش بتاخد وبقولش

وويش تطلع ادوية الياهل ؟؟ خبري ماي الغريب يعطونه ودوا السر معروف ويا الايدين ومرهم مال الحرار

[Roze]

بروح وبجي لجل حاجه ضروريه يا طفطف

[طفلي حياتي]

انزين روز انتظرش
الادويه مال الياهل وايد مجموعه متكامله عند الكامل موجوده ماي الحيج والزموته ومادري ويش وااايد... وماي الغريب محد ياخذه الحين لان فيه ماده مخدره وحرام يقولون الناس تركته من سنين

[Roze]

بااك

ووين احصل هالكولكشن مال الياهل

[طفلي حياتي]

عفر موجود في مصنعهم في كرباباد مجموعه متكامله اي محل يبيع هالسوالف يمكن عنده بس روحي المصنع اخذي يديد انتاجه يديد اني شفتهم عند بنت خالتي مجموعه متكامله

[طفلي حياتي]

تعالي اختش لا توصل وتشتري التحاميل البيتادين مادري ويش خلها تسوي بحث عنهم اول وتسأل .. ثانيا الناس متعوده تستخدم المره اللي تسويها المراخه هذي فيها مجموعة اشياء تنظف الرحم وترجع الروح على قولتهم .. وهي وش كانت تستخدم بولادتها الاولى ؟؟ ماعندها خبره الحين؟

[Roze]

استخدمت البيتادين في ولادتها الاولا
هيكو بتشتري اسبوع الياي وبقولش
اني ماادري بالادويه خوب امي ماتعرف الا الررشوفه هههههه

هكو اسال امي عنش
اتقول يوم المركز اتقول يمكن مانتبهت لش هناك
ههههه تضحك اتقول اني مافيني هالطبع بروحي احب الناس

[طفلي حياتي]

ههههههههههه انزين سلمي عليها عفر
واختش من قبل يعني مستخدمتنه؟؟ اذا اوكى بناخده عيل

[طفلي حياتي]

تعالي قولي لمش عن الحلبه امي الله يرحمها اشوفها تسوي لاختي تنقع الحلبه ويوم ثاني تفوحها وتكسر فيها بيض وبهار بسيط تقول تقوي الظهر وتنزل الوصخ كامل اكيد تعرفها امش ..الرشوفه زينه بعد مكوناتها حلبه ورشاد وسمسم هديله ينظفون

[Roze]

امبلا اتقول استخدمته صواريخ البيتادين حق الجرح يتنظف
هههههه خلها تخلص سالفتها الحين وبسالها

[طفلي حياتي]

هي متى موعدها اختش؟؟
وحقوي ماخليتينها تنضم ويانه الديوانيه لو ماهي مالت منتديات عفر

[Roze]

اي عرفتها
اتقول يسمونه حسو ههههههههه

[Roze]

موعدها نص 3
ههههه مي مالت انترنت وهي تروح الشغل وترجع خيشه وتنام وعندها ولدها ماعندها وقت

[طفلي حياتي]

يا الله روز هاكو ادن باقوم اصلي
اشوفش بعدين
مع السلامه

[Roze]

علا خير خيو اني بعد بقوم

الله يسلمش من الشر

[طفلي حياتي]

بنات اللي عندكم خبره تعالو شوي :(
بطني لاحظته الحين كأنه ينبض شايفين بطن الياهل اذا يتنفس وبحركه سريعه؟؟ هالشكل صاير بطني ويطقطق مادري هو ابو فاق لو في بنتي شي ارجوكم جاوبوني ماني عارفه حتى اخي استفسار ماعرف وش اكتب.. مادري ويش في بتي :(

[طفلي حياتي]

قتلت عمري من الصياح على بتي اسم الله عليها من كل شر ماني ابغيها ارجوك ياربي ابغيها
اللي قتلني وحده تقول صاددها هالشكل اتضح ان الحبل ملتف على رقبته ومن هالشكل تشوف بطنها ينبض بس الحين هدأ الوضع عني ونصرتي تحركت شوي الحمدلله رب العالمين لكن ابغيها تتحرك مثل كل يوم ع الاقل اتطمن اليوم خامله حبيبة قلبي اسم الله عليها من كل شر
ياربي تحفظها وتخليها وتبلغني اشوفها سليمه مافيها شي اللهم صل على محمد وآل محمد
نادي عليا مظهر العجائب تجده عونا لك في النوائب كل هم وغم سينجلي بقدرتك يا الله بنبوتك يامحمد بولايتك ياعلي ياعلي ياعلي

[om khalil]

اني كل شي يصير ليي ياطفطف ساعات نبض ساعات ذبح ومذابح
ساعات اصيح من الحركة ودباقتها نحمد الله ونشكره على كل حال

اي شي يصيدش ويكدرش بسم الله عليش قومي طلعي صدقة بنية رد السو
وان شاءالله ماعليش شر

تدرين البارحه اللي اقولش باقوم انام، مايتني النومه الا 5 الصبح
دوام ويش بعد.. جفستها
ياعلييي الليله امبي انام من وقت، فيه شي لو اخذت دوا السعله؟

[حنين للماضي]

طفطوفة يا بعد عمري هدي من اعصابش
هاي اله صايدنش بسبب ان نصرتش صايدنها ابوفاق صدقيني 100%
اني بعد كان يصيدني جدي حتى زوجي كان يلاحظ يقزل اشفيها دبتش تتحرك بهالقوة كنت اقول له هذا ابوفاق
والحمدلله قلتي نصرتش تحركت يعني اكيد مافيها شيء
توكلي على الله ودام انتي مؤمنة بكرامات اهل البيت عجل تركي عنش الوسواس وخلي كل شيء عليهم
ربي يقومش بالسلامة ان شاءالله

[طفلي حياتي]

هلا ام خليل
لاتاخذين دوا السعله صخني حليب ابيض وقومي اشتري خس واعلفي صره كامله يقولون زين ينيم... ام خليل اللي صادني حسيته شي مو طبيعي كلش ويوم بحثت لقيت وحده تقول صار ليها واتضح ان البيبي ملتف عليه الحبل السري بطني ينبض يقوم ويقعد حسيت بتي مي قادره تتنفس واقتل روحي من لصياح ولنياح ماتم دعاء ولا تربه تسمحت بها والصدقه نويتها بقوم اشيلها لا انسى ياعلي طلعني ربي واهل البيت سلام الله عليهم ماخاب من تمسك بهم والا جان راحت بتي .. ياعلي قلبي طاح بغيت اموت ..والشي الي خوفني ان لبنيه تقول كانت حركة جنينها خفيفه يومها وهذا صادني
امايي زينبيه محفوظه بالله ورسوله يعيوني اسم الله على هالسعده

[طفلي حياتي]

هلا والله حنين وشخبارش وشخبار علاوي اني حطيت موضوع والكل يفكر اقصد ابو فاق اني الحين عرفت ابوفاق مو هووو
ابو فاق مثل النبض وتطرطق اما اللي صادني بطني ينبض دقات قلبي بروحها وبطني ينبض بروحه
الحين اشوا نصرتي هدأت اسم الله عليها خلف جبدي ياربي اشوفها سليمه

[om khalil]

ان شاءالله مافيش الا كل خير وكلي امرش لله والحمدلله ماباقي شي يارب يوم يومين من التاسع وتولدين بالسلامه يارب

حاسه بمللللللللللللللللللللللللللللل

[طفلي حياتي]

برب عشا
حياكم :)

[om khalil]

عليش بالعافيه ماليي خلق اكل شي

[om khalil]

عندي اكتئاب عفر من الدوار
لجل ماغديت اليوم وامس

[طفلي حياتي]

باااااااك
هل من اوادم هنا؟
شكلها ام الساده ولدت مابينت اليوم

[الفتاة الذهبية]

انا هني

شخباركم

[طفلي حياتي]

هلا فتوته
شخبارش وشخبار فطامي

[الفتاة الذهبية]

ان شاء الله ام الساده
ولدت وتبشرنا الله يقومها بالسلامة

[الفتاة الذهبية]

طف طف
بذبحش بنتي ألاء مو فطامي خخخخ

تمام الحمدلله

[الفتاة الذهبية]

وينش وين رحتين

[طفلي حياتي]

لا تلوميني خصوصا اليوم مالي حال وعيوني ماني قادره افتحها من الصياح اللي صحته ياعلي مابغيت اهدأ شوي وبالنسبه للاسم ليوم القيامه بخربط بينكم اني من اخربط في احد بس مالي حل تخيلي بنات حماتي 2 اخربط بأسمائهم للحين تخيلي كل وحده اقول ليها اسم الثانيه يادافع البلاوي
بس اهمشي آلاء العسل بخير وسلامه عساها السعاده

[الفتاة الذهبية]

اي الاء بخير الحمدلله

يلا مو مشكله بنمشي العزى

لا تصيحين واجد مو زين حق البيبي حاسبي شوي

بخليج لانه بنتي قعدت والشوط بدا سي يوو

[طفلي حياتي]

في امان الله ام آلاء

[om khalil]

امبا انااااااااااااااااام
تدرين طفطف قولتي لش باشتري جم حاجه بعدي ما يهزت ولا شي
الوقت مايساعد بالمره احس اني متيارمه لو دخلت سوق

[om khalil]

يارب الله يسهل على اللي على ويه ولاده
ام الساده وبنوته ومن بعد؟
داهيه مافي الا اني عقبهم؟؟؟؟؟؟؟؟؟؟

[طفلي حياتي]

هلا ام خليل الكل ماله خلق سوقه كلش
بس الاشياء الضروريه على الاقل اخذيهم كلما تصيرين في مكان قريب دخلي اشتري

[طفلي حياتي]

ام الساده وبنوته
تالي دورش ودوري وعقبنا روز واحلام وصعب
كانت وحده تدخل اسمها قمر بنت راشد طيوبه وكلش حليوه ماتدخل الحين كلش مادري وشفيها

[طفلي حياتي]

هداني يم خليل في وسواس مايعلم به الا الله عقب اللي شفته المغرب وبس ايدي على دبتي وادعي واطلب من ربي يتمها لي على خير ياربي تكمل لينا على خير كلنا ونشوف يهالنا بصحه وسلامه ياربي

[om khalil]

الله يسهل لينا كلنا كل وحده بوقتها ان شااءلله

والحين بشري تتحرك زنوب؟

[طفلي حياتي]

من قبل انتظر حركتا الحين من تتحرك خفت قلت جان مو يرد يصير نفس المغرب وبس ايدي على قلبي ياربي تحفظ فرحتي ليي

[صعب تنساني]

طفطف للحين سهرانه قمر كانت تدخل من كم اسبوع يمكن انشغلت بالجامعه والوحم

[om khalil]

اني هالفترة منسحره على الحلاوات والكيكات والكوافي
وشكله هي اللي مخليه اللي في بطني يناقز الصلاة على النبي

[صعب تنساني]

طفطف انه بعد مثلج واقعد اصيح واحن على امي وتقعد تهاوشني تقولي بتمرضيه من صياحج يا لمجنونه هههههههههه

[om khalil]

الله يحفظها لش ويحفظ اجنتنا جميع من كل شر يارب
اخليش والله يمسح على افادش ويهديش ويطمنش ان شاءالله

تصبحين على خيررر

[صعب تنساني]

ام خليل السكر يزيد من نشاط البيبي انه اذا ما تحرك اكل كاكاو ويقعد من سباته ههههههههههه

[صعب تنساني]

ام خليل وانتي من اهل الخير

[طفلي حياتي]

هلا صعب ..الظاهر انشغلت بالجامعه
ام خليل الحلاوه تخليه يتحرك يقولون وانتين مكثره منها فمن جده يفرفر لش هييهيهيهي
توها رفيقتي تقول انه جنينها مو مسوي سوايه جمباز ومناطط عنده لان ولد .. اما البنت غير اهدأ اني نصرتي هاديه وطيبه وى على عمري من اذكر اللي صار المغرب تدمع عيوني اقول مادري ويش صار ليها وى على افادي اذا يبتها بالسلامه بحضنها وباكرر ليها اسم الله على عمرها من كل شر

[صعب تنساني]

طفطف خبري الدكتوره عن الي تحسي فيه وان شاء الله تطمنين انه على طول اوسوس على بطني احسه صغير واحاتي انه البيبي ما ينمو وسواس بلوى

[طفلي حياتي]

يو توني انتبهت انش بتمشين في امان الله ام خليل اني بنتظر تقفل عيوني وبقوم
تصبحين على خير وان شاء الله تنامين بسرعه

[طفلي حياتي]

ان شاء الله مافينا الا العافيه احنا وبيبياتنا يارب
وموعدي تاريخ 13\3 يعني وايد عليه والحافظ الله ان شاء الله
انتين شخبارش بديتين تجهزين لو للحين؟

[صعب تنساني]

اليوم رحت المذركير الي بالمارينا اشتريت جم لبسه ومرضعه والمذركير الي بالمحرق مسوي تخفيض 20 بالميه

[صعب تنساني]

الي بالمحرق ما عجبوني حسيتهم للشتى وانه راح اولد بالصيف الله يعين من اليوم يى الحر

[صعب تنساني]

الموعد وايد متاخر من الحين لتاريخ 13 ليش انتي الحين مو كل اسبوعين ؟؟؟

[طفلي حياتي]

يلبسهم مولودش بالعافيه ان شاء الله انتين اي شهر ولادتش؟؟ خو مافي شريط جان نتم متذكرين

[طفلي حياتي]

الفمروض كل اسبوعين بس القابله شقول لش اهمال وتعرف ان ماله داعي لانهم ما يسوون شي ولا تفرق اسبوع اثنين ماعندهم الا الضغط والنبض .. هالمره خلته 3 اسابيع شسوي ليها وعلى الدكتوره ادخل مو عليها ان شاء الله تتسهل امورنا ونولد بالسلامه نفتك من هالبلاوي

[طفلي حياتي]

يا الله خيو بقوم ارتاح
تصبحين على خير
بااي

[شمس الصباح]

شمس الصباح تصبح عليكم صبااااح الخير

اني قاعده من ثلاث ونصف مع ملاك ما خلتني انام واكو قعدو اخوانها وهي نشيطة ان شاء الله تنام على الساعه سبع ولا تقعد الا عشر اببببببببببغي اناااااااااااام hwaml02

يالله بروح اجهز الرررررريوق hwaml7

[أحلام أم]

صباااااح الخير والأنوار محفوفه ببركة الصلاة على محمد وآل محمد
شمس الصباح
أنتم السابقون ونحن اللاحقون بالسهر مع البيبيات بحول الله وقوته ربي يبلغني بشوفة جنيني سالم يوم ولادته ويبلغ كل حامل
لاكن أني بعد مته أناام وأقعد ويالأذان ومنه أواصل لتجهيز اليهال للمدارس والريوق ربي يهديهم ويحفظهم مع أولاد المؤمنين والمؤمنات
يارب ملاك تنام ليش واايد على هالسهرة الحلوة والمعتبرة من ها ومنها يعتدل نومها يالله كلشي ولا نومة الليل

[طفلي حياتي]

السلام عليكم
شخباركم؟؟
اللي تبغيني تناديني قاعدددددددده بريحاتي يارب اقوم بالسلامه فوقتي ولا بتشوفون رقعة ويهي خخخخخخ

[Roze]

طفطف هداني هنانه بقعد ريحه
بمر عليي ريلي تالي بوديني بيت عمي ولافي نت هناك

رحت اخدت نتيجة الفحص والحمدلله رب العالمين مافي سكر
زوبقتني هالدكتوره وخرعتني وماخلت لي حواس وقررت اني بسحب اوراقي من هالمستشفا الخرا ومالينه الا المركز اخر هالشهرين وربي يتمم علا خير ان شاءالله

[طفلي حياتي]

الحمدلله على سلامتش يروزتي
افا بتروحين بيت عمش للقدو ولا بتقعدين نسولف نفس امس
هالبنات صايرين ماليهم حل واني متملله عدل
جربي قربي قدو عمتش للتلفون يمكن يشغل النت ههههههههههههههه

[Roze]

ههههههههههاييي
هدا اختي اتصلت وتاخرت في الرد
يبي لي يمكن وايرلس يصير
عندهم كمبيوتر ونت بس مااشتهي اقعد عليه
الله يسلمش بعد جبدي
اي الصراحه صايرين ماليهم حل مايدشون علا طول
قبل فلونه وروز يهربدون والحين مول

[Roze]

امس جني حلمانه بش ولا ادري ويش القضيه
مااضكر بس متيمع من احداث امس هرار ههههه

[طفلي حياتي]

هاوي بعد حلمانه ماتبغين الا ام الوسواس قولي ويش حلمتين
هو شكله مال هرارنه الامسي هههههههههههههه

[طفلي حياتي]

اتصلت لام الساده من شوي اسأل عنها الا تقول مسكينه ماولدت واذا بعد زودتها بيعطوها طلق صناعي قلت ليها عليش بالمشي وامترخي وايد زين .. استحيت اطري السيكو سيكو بس المراخ تمام بعد

[Roze]

اي السيكو سيكو بس هني هههههههههه
مسكينه ام الساده الله يسهل عليها ياارب
هي عندها ولد قبل لو اول مرة تحمل

[Roze]

يتراوا لي مسيفه رقمش في تلفونها باسم طفلي حياتي ههههههه

[طفلي حياتي]

لا عندها بت مو اول حمل الله يسهل عليها ان شاء الله

[Roze]

اي علا ماقلتين شكله هرار امس

الشسمة ايادي وريايلي متنفخين دبلتي ماتنقلع من ايدي بالسهاله وتطبع ليي في الصبعه
مو هني المشكله المشكله بس اقعد علا الارض لو اجفس ريايلي لو حزة الغدا تنام عليي ريولي وتصير حمررررا وتنمل ولا اقدر اتحرك الا عقب قرن اقعد اهزهز فيها جان توتعي

[Roze]

هكو نجفنه مابنروح بيت العم طلع عنده شغله ضروريه وراح الله يحفظه من كل شر
وهدحنه قاعدين

[طفلي حياتي]

الدبله شيليها لاتخلينها في صبعش لا تتغصغص هههههههه
والتنمل سكتي عنه يهلكني هلاك ماقدر اقعد على الارض من الريايل اني لازم كرسي لو مسند الله يسهل علينا يارب ونقوم بالسلامه يارب العالمين
هاكي نصره عندها ابو فاق واحسه من فوق هو المفروض يكون تحت الحين في الفامن عباره المفروض نزل الراس بس هاكي تطرطق ليي من فوق ياخلف جبد امها هالنصره .. لو اروح ليهم غربلوني لازم الراس تحت ولازم مادري وي بس خلها ربي بيعدلها فوقتها ان شاء الله بعد تتجول ايودها؟؟ خلها تتنشور

[طفلي حياتي]

انزين جان خليتينه يوديش بيت ابوش ع الاقل افتكيتين من ريحة القدو ههههههههههه

[Roze]

اني مول قاهرتني دكتورة الامريكي يوم تبربر لي وتفاول عليي
طلعت وجهي متنفخ ومن نحاسة الحظ عمتي ويايي
بس غرف فلوس علا ماميش
اولشي طحنو جبدي علا الاشعه ويوم رحت بسويه الا نفس جهاز الالتراساوند العادي بس الي تسوي ياحسب متخصصه وظلت ساكته طم قلت يمكن النتايج تروح للدكتوره وتقعد تسولف لي وجدي وتالي يحقرون ولاقالو شي بس افري ثنق اوكي وشفطو البيزاات
وردون داك الشهر اتقول عندش التهاب في المهبل هبلهم ان شاءالله مابي ادعي وبناخد خزعه وبنتصلش اذا في شي
ولافي خبر كل شي اوكي
وردون هالنوبه يبهدلوني اتقولي في خلايا في البول ولازم تحليل مختبر وبنتصل لش وطبعا كل فحص وتحليل بديك الحسبه ولاشفت اتصال ولاشي
غير بلوه ان الراس اكبر بسبوعين
تيالله لابوهم لابو ابوهم لوعو جبدي الصراحه

[طفلي حياتي]

اني قايله ليكم من اول معروف المستشفيات الخاصه المتابعه وياهم بهالطريقه يزوبقون الواحد عشان يستسلم ويسوي اللي يبونه ..المركز اللي تحسين به قولي ليهم ار روحي موعد عادي وسوي التحليل والدكتوره بتقول لش كل شي مجانا واذا لاسمح الله في شي الطواريء مايقول شي وخبرتهم اغضل من طيحة حظ الخاص
عموما الله يقومش بالسلامه ولا تحتاجين ولا شي وخليش ع المركز وفايلش ضروري في المركز عشان يعطونش اياه للولاده

[Roze]

اني في بيت ابوي بس بروحي امي راحت المدرسه الشغل واختي مايت والثانية في الكليه سويت لي دلة قهوه وحطيت لي فواكه وقاعده قبال التلفزيون

[طفلي حياتي]

اني اول موعد اخذته عقب الحمل في الامريكي حسيت بالفجاهه تعرفين شلون؟؟
اقول ليها حللت وطلعت حامل الا تقول اوكى مبروك وتقوم تسوي التراساوند وتشوف كيس الجنين وتعطيني مثبتات وبديك الحسبه وانقهر عدل لان روحتي كنت ابغي اسمع نبض وفي هالفتره مافي نبض ولا شي توه 4 اسابيع لكن اللعانه اللي فيهم ماله داعي الالتراساوند بس خسرتني 40 دينار ومنها قلت الحقو اهل امكم ان طبيت ليكم وتميت ويى سميره مدن اكمل وسواسي على النبض والمره مسكينه نصحتني قالت لاتتعبين روحش نبض الحين ماميش ولا باخسرش سويه في الاسبوع 9 ع الاقل وفعلا رحت ليها وسمعتني النبض لكن لو على الامريكي جان كل مره بتبطحني وييبي مبلغ وقدره.. وبس وتميت ويى المركز وربي يتمم لي على خير بحق النبي واهل بيته

[Roze]

احين عادي اروح للمركز لو يسون ليي قلقال؟؟

[طفلي حياتي]

ماعليه اهم شي في بيت ابوش ولا قعدة الشقه خنقه هناك
الحين بيون وبيتحرك الجو شوي

[طفلي حياتي]

الحين روحي المركز وقولي كنت اتابع في الخاص وابغي هنا وعادي بسوون لش فايل بس عاد قبل لاتروحين احملي لش جف اوراق عقد الزواج مالكم وبطاقة التحليل ماقبل الزواج وبطاقتش وبطاقة ريلش اعتقد وان شاء الله سهاله بس بترتاحين احسن من طيحة حظ لمريكي

[Roze]

اني من زهقتي من الشهر الثاني واني مداومه عندهم
يعني قسم بالله الصرف الي صرفته عندهم احين يسوي شغل في التجهيزات واخر شهرين مصخوها بشكل
داك الشهر ماخدين 73 دينار
وهالشهر 35 دينار
ايي وتطعيم التتانوس جم ابره لازم اخد
لانه حضراتهم مسوين لي 3 جرعات وكل ابره بخمسة دنانير!!!*

[Roze]

يوو حقوي يبون كل هالاوراق وعقد ومدري وي
اني ماعندي بطاقة فحص ماقبل الزواج ويش هالمتطلبات

ولو مارحت عند المركز يعني مايقبلون السلمانية يولدوني ؟؟؟

[طفلي حياتي]

مادري خيو بس روحي احس شوفي وش يبغون يمكن يكتفون بفايلش
وبالنسبه للتطعيمات هالمركز المقصوف اللي اروحه لا تطعيم ولا زهبه ضربت الظالم ان شاء الله ماقالو لي شي عن تطعيمات ويش هالقضيه بعدد؟؟ حقوي بيعطونش تطعيم مال وي هذا؟؟

[طفلي حياتي]

ناس يعطونهم تطعيم الكزاز وناس التيتانوس واني اسم الله عليي لا طرو لي تطعيمات ولا شي وكل مره اقول بسأل انسى

[Roze]

اول حمل فيه تطعيم التتانوس لانه لازم كل عشر سنوات تتجدد واحنه ناخدين الجرعه يمكن في الابتدائي عشان جدي اذا حملت المره تاخد جرعه
اختي ضربوها ابره وحده واني مصادفين ابي بضربوني فلاف ابر

[طفلي حياتي]

بس ماطروها ليي لوي؟؟ بسألهم هالمره
اختش ضربوها اياها المركز لو الامريكي؟

[Roze]

المركز ضربوها
بس هالمره ماضربوها
انتين مو تبع البديع لا
تروحين تبع مال ريلش
قولي ليهم يتراوا لي عادي حتا لو الحين تضربينها مافي مشكله

[Roze]

خاطري اصبغ شعري اسود غامق
خوب ريلي مايحب الا هللون :(

[طفلي حياتي]

بسألهم هالمر وباشوف
الدختره اللي ادخل عندها كلمة مفهيه قليله في حقها ولا تدري وين الله حاطنها ابدا يقيسون لي نصر بالايد يشوفون حجمها ذكروني بعفو رحمها الله لين تجيك النسوان ههههههههههههههههههههههههههههههه

[طفلي حياتي]

يحب الاسود؟ لو لون شعرش؟ ثانيا وين تصبغين وانتين بدبتش هههههههه اصبري تولدين

[Roze]

اي والله حصلت ليها ترحيمه يو هالاثنين
احين في غيرها مراخات ممتازات في الدراز بعد غير عفيفه الله يرحمها

[طفلي حياتي]

في مراخات ام مكي في افيليد زينه هذي بعد

[Roze]

بسمه تعالى
البيان رقم(7)
بيان صادر عن مجلس إدارة جمعية المعلمين البحرينية
27/2/2011

بناء على حرص المعلمين على سيرورة العملية الدراسية وبعد تحقيقهم لأهداف إضرابهم المرحلية وتعليقهم الإضراب مؤقتاً والعودة للمدارس ، وبدلاً من استقبالهم كمعلمين عائدين من عملٍ وطنيٍ كبيرٍ بما يليق بهم من التقدير و الاحترام، فقد أساءت لهم إدارات المدارس ومسئولو الوزارة وعلى رأسهم وزير التربية الذي نعتبره مسئولا عن كل ما يحدث لمعلمينا وأبنائنا الطلبة و سلامتهم وحفظ كرامتهم وعدم المساس بحقوقهم.
ونعلن أنه إذا لم يتم مايلي بغضون يوم غدٍ:
1. سحب ما سمي بالمتطوعين من المدارس نهائياً.
2. تقديم اعتذار رسمي من قبل الوزير للمعلمين على كل ما صدر منه ومن حاشيته وإداراته ومعلميه من إهانات تجاه المعلمين.
3. فتح تحقيق رسمي محايد حول ما سمي بالمتطوعين وكيفية توظيفهم ومدى كفاءتهم ومن أين أتت الميزانيات التي وضعت للتعاقد معهم وما هي قانونية تعويض المواطن المضرب بشخص آخر.
4. إيقاف وإلغاء جميع الإجراءات الإدارية والقانونية بحق المعلمين والجمعية.
5. إيقاف الحملة الإعلامية المحمومة الموجهة ضد المعلمين المضربين.
6. محاسبة كل من تعرض لمعلمينا أو طلبتنا بالإهانة أو الإساءة.
7. تعهد الوزير بالحفاظ على سلامة المعلمين والطلبة وعدم المساس بأمنهم وكرامتهم.
وفي هذا الصدد تحذر من وجود حوادث متفرقة تمس بأبنائنا الطلبة الذين دعاهم الوزير للعودة للمدارس ولم يقم بحمايتهم. ونعلن أننا لن نقبل المساس بهم ونحن معلمون وأولياء أمور في الوقت ذاته وفوق ذلك مواطنون شرفاء.
وإذا لم يتم ذلك فإن الجمعية والمعلمين لديهم كافة الخيارات لتحقيق أمنهم والحفاظ على سلامتهم وسلامة أبنائهم وسيكون الوزير ماجد النعيمي وطاقمه مسئولون مسئولية تامة عن العبث بأمن الوطن وعدم الالتزام بما طرحه ولي العهد من التهدئة وجميع التداعيات الناتجة عن ذلك وليس المعلمون.
جمعية المعلِّمين البحرينية

[Roze]

في بعد في الاسكان هههه مانبي نضكر من بيت من بعد
بس معروفين المراخات

[Roze]

اني بني غامق شعري مايل للاسود يعني لونه طبيعي
بس هو يحب الاسود الغامق يعني الصبغه السوده الي تجي نفس هي الممثلة المصريه سميه الخشاب

[طفلي حياتي]

بلاوي ماليها حل الا رحمة الله ترحمنا وتنصرنا

[طفلي حياتي]

اهاا اذا ولدتين سوي نيو لوك واصبغيه الحين هبابش على السواد اللي فيش مال الحمل هههههههههههههههههههههههههههه قولي له طالع هالسواد بدل شعري هيهيهيهيهي بلاوي اني العبل زاد من استخدمت التمليس وغربلت روحي معني ماحب الكيماويات ابدا ولا مره صبغت شعري الا هالتمليس المر اللي غربلني وقررت اتركه للابد عبل مو عبل اخرته بينعدل وباقصه اذا ولدت ويمكن اصبغه اغير عن الاسود اما تمليس بس خلاص توبه

[Roze]

اي اني عقب التمليس صارت ليفته اقوا من قبل
خصوصن اذا اسبح في الليل واغسله وانام اقعد الصبح زهبه ماتنبغا ههههههههههه

[Roze]

مالينه حل غير الزيوت والسشوار الممل والمتعب

[طفلي حياتي]

اني احزب لغساله في الليل والسبه انه يصير صاقعه اما اقعد لش احنحن بالاستشوار لو لين نمت ياعلي بنابي طالب خخخخخخ صدق اخترب خساره شعري كان لواويت لكن ينبلع تستشورينه تسوين حركه بكريم يستوي قمت لش ملسته وانعفس عفاس وحت وايد تغربلت الحين بتركه احسن ليي.. اعرف وحده يادافع البلا تملسه من سنين شعرها هي مدرسه والحين يادافع البلا قرعه هاكي .. من شفتها قلت مالي بالتمليس ومصايبه خلني على عبلي احسن ليي بروحه من قدام صاير قرعه مادري من وي ابغي اروح عياده جلديه بشوف وش سالفة هالزحف الصلعاوي

[Roze]

هههههههههه اني بعد حت من قدام بس رد طلع ليي يديد قصف عاد

احس شعري صدق قبل ارحم من الحين
ويوم ملسته صار ضعييف ماادري جيفه
والحين الشعر احسه ميت ويحت في ايدي الله يستر بس

[طفلي حياتي]

اي اني هالشكل بالضبط مكسر صار ومقصف ووايد يتساقط كله من التمليس لوزين ماسلمت نفسي له :(
ان شاءالله يتعدل مع الايام لاني خلاص ما بملسه ومشكلتي الزيوت ما احط ماشتهي احسه لزغ ويع.. بس اخلي كريم وبس

[Roze]

ويش اخبار بت العم ان شاءالله بتها صارت زينة
للحين مارخصوها؟؟

[طفلي حياتي]

لا والله مسكينه للحين في الانعاش اصلا قصوو ليها جمن صبعه لانهم تلفو وماليهم علاج واحتمال باجر يطلعونها الجناح سووا ليها جم عملية ترقيع .. ربي يفرج عنها ان شاءالله ..تدرين لهبل اخوها ويش يقول؟...يقول انا شفت الضو واخذت اختي يقصد الفانيه وصكيت الباب بسرعه وهربت يعني خلا الياهله تفطس وتحترق نساها .. بس مقدر ومكتوب من رب العالمين

[حنين للماضي]

السلام عليكم
شخباركم حبايبي؟؟

من كتبت الرد علاوي قام يصيح شكله يغار اذا يجوفني قاعدة على النت
نراكم عقب

[طفلي حياتي]

ههههههههههه عليكم السلام حنون كل شي ولا علاوي خليش وياه ربي يحفظه لش بس تفضين دشي مافي الا المنتظرات للفرج ان شاء الله

[Roze]

يوو مسكينه ماتستاهل
يادافع البله
الله يشافيها ويفرج عنها
وويها اتعفس لو بيرجع طبيعي

[طفلي حياتي]

ويهها من تحت صاده شي بسيط اعتقد ويعابلونه بالكريمات اما ريايلها يادافع البلا واياديها تأدو وايد .. الله يفرج ليها ان شاء الله بحق محمد وآل محمد

[شمس الصباح]

ويش تسووووووووووووووون hwaml11

[Roze]

الله يفرج ليها

هلا شموس شخبارش وشخبار ملوكة

[طفلي حياتي]

ههههههههههههههههه ولكم شموس
نهدر من الملل ويش نسوي بعد
حياش تفضلي القهوه توها مستويه

[شمس الصباح]

احلام ام ربي يبلغش ان شاء الله وتشوفين المنخش بصحة وسلامة انتي وجميع الحوامل يا رب

حنوووووووون خلف جبدي علاوي مثل ملاك من اقعد للنت تقعد من النوم تصيح

طف طوووووووووف شخبار خنافرش انتين ورز

[شمس الصباح]

اي والله يبغي لي قهوة من زمااااااااااااان ما شربت كوووفي ممممممم بس الحين مسويه مقاطعة عليه علشان ملووكه ارضعها

ملوكة نايمة ومن يقول الله اكبر بتقعد

[طفلي حياتي]

الحمدلله اني بخير بس بدل السؤال عن خنافري اسأليني عن وسواسي ههههههههههه خنافري ماصارو نفسش ونفس باقي البنات اشوا هيهيهيهي

[طفلي حياتي]

القهوه عند روز مسويتنها وتعلف فيها من متى للحين مادري جيكي الدله يمكن قضت عليها

[شمس الصباح]

اقول خلصتون تجهيزاتكم

[شمس الصباح]

الحمدلله اني بخير بس بدل السؤال عن خنافري اسأليني عن وسواسي ههههههههههه خنافري ماصارو نفسش ونفس باقي البنات اشوا هيهيهيهي

خخخخخخخخخخخخخ حتى الخنافر توسوسين عليهم ههههههههههههه خلي عنش الوسواس ترى مو زين

شكلش اذا ولدتين بتصيرن على طول في المنتدى من الوسواس كل دقيقة وسواس يديد

[Roze]

ماخلصت
قاعده اقرض صبار ايراني وايدي لفده جدي مالحق عليكم

خنافري شفتينهم ياشمس لاتسالين

[طفلي حياتي]

ويش اسوي بله هالوسواس
اني تجهيزاتي تقريبا كملت باقي لي اشياء بسيطه ولغلبها حقي ولفرحتي باقي الادويه العشبيه اللي ياخذونهم ودوا السر وهالاشيا
الا ملوك وشخبارها وشخبار فصول اخوها خخخخخخخ اتخيله من ترضعين يرز الفيس يبغي يكتشف

[شمس الصباح]

تعالي صدق طف طف انتي ورزو من الدراز

اقول روز ما لاحظت خنافرش بس اذكر ان وحده متملله لو اشوفش مرة ثانية ما اعرفش لاني ما ركزت فيش لو ادري انت روز جان طااااااااالعت هههههههههه

[طفلي حياتي]

اي شموس احنا درازيات واهل بعد اكتشفنا هالشي
انزين بسألش عن فصل يديد من الوساوس وجاوبيني عدل
البارحه شفت بطني ينبض جنه مو بطني يعني النبض مو مالي لالا نبض نصره بس جيفه بطني ينبض صار لش هالشكل؟؟

[شمس الصباح]

على عمري قسووووووم ولدي الصغير توه يصيح ظهره ولا يدري من ويش قلت اليه ينام

الله يحفظة الحين تعود ومن اقول خصوصيه يطلع بس اشتغل على شي ثاني لما نزلت الدورة قمت ونمت وقت الصلاة جه يسئلني ماما صليتين قلت اليه اي على طول ما صدق اقول ايه طلع برع الغرفه يقول ماااااااااما تجذب تقول صلته وهي نايمة هههههههههههه

[Roze]

اححح حامض

اشوه عيل ماشفتين العبر
اي واحد من ولادش الي يحب يستكشف
العود لو الصغير

[شمس الصباح]

اي عادي هذة نبض البيبي وخصوصا لما تنسدحين تحسين وتشوفين النبض سبحان الله الله يتمم عليكم يا رب

[شمس الصباح]

اححح حامض

اشوه عيل ماشفتين العبر
اي واحد من ولادش الي يحب يستكشف
العود لو الصغير
لا الصغير ربي يحفظة

[شمس الصباح]

تعالو من اي فريق انتون اني متزوجة من فريق فلسطين

[طفلي حياتي]

ههههههههههههه شموس هالولد مطلع لش قرون عيل وحقوي تقولين اي هم مايسألون الا يدرون ان الجواب لا عشان يازعم اكتشفو وانتين قولي الحين باقوم اصلي توني قعدت من النوم وقولي خصوصيه على قولتش خوش نكته والله

[طفلي حياتي]

روز من الحيدريه واني الديره وسط لدراز يعني

[ام السادة]

السلاااااااااااااااااااااااااااااااااااااااااااااا اااااااااااااااااااااااام وشحوالكم

ماولدت خخخخخخخخخخخخخخخخخخخخخخخخخخخخخ
لا اليوم الدكتورة تقول ادا واصلتين الى الاحد بنعطيش موعد الى الطلق الصناعي والله يستر

مشكورة طفطف على اتصالش فرحتيني اليوم ههههههههه

شكلي بروح المراخه وبشوف وبنشغل الرجل هعهعهعهع والمشي عجزت واني امشي مافي الا ركبي موصلين حدهم حالتهم حاله

باقي البنات وشحوالكم

[Roze]

ههههههههههه فتقني من الضحك
حركته عجيبه ولدش الله يحفظه ويخليه ان شاءالله

[شمس الصباح]

اني الحين بيتنا قريب من مدرسة الدراز الأعدادية للبنين بس ما اعرف ويش يسمون المنطقه ولكن قريب من افيليد

ما اعرف وين الحيدرية تصير بس اسمع عن ماتم الحيدرية

[شمس الصباح]

هلا ام السادة ان شاء الله تولدين الليلة وتفتكين ربي يسهل عليش

[طفلي حياتي]

هلا ام الساده عليكم السلام
اني كنت بسألش عن السيكو واستحيت بس يقولون يسوي شغل عليش به والمراخ تمام بعد جان تقدرين توصلين ستره لام احمد تمام هذي

[طفلي حياتي]

اي عرفت وين بيتكم شموس
المنطقه اليديده عفر..

[شمس الصباح]

اي عليش نور المنطقة اليديده

[طفلي حياتي]

ويش صار الا صخيتون نوبه وحده؟؟ باقي شويويأذن عفر

[شمس الصباح]

اني هني بس صخيتون وصخيت معاكم

بررررب صلاة

[Roze]

اني وديت تلفوني للجارج
المنطقه اليديده هدي تقصدون بها الكومد يمكن

يالله بنقوم للصلاه

[ام السادة]

هههههههههههه اشوى ما قلتين شي عن السيكو لانه رجلي كان قاعد قبالي جان انبطيت من الضحك
على المراخه ما اقدر اروح الا الصبح لانه الرجل شغله كله اول ليل من 3ونص الى 12 في الليل

[ام السادة]

ادا تدلينها هدي ام احمد بتصل لش تدليني باجر الصبح لانه الحين مافي احد يوديني وان شاء الله اولد على ايدها

[أحلام أم]

شحوالكم يأم الدبيب واليهال
ويش نسوي ويالمدارس ناقصين شغل أمس جلدت 8 كتب واليوم عليي2 كتاب مال الكورس الثاني كسااار ظهر
وااايد هريتون
روز
الحمدلله على السلامة بنجاح تحليل السكر والفال ليي ،شكلش تحتفليين حاطة ليش قهوة وفواكة وصبار
طفلي حياتي
ذكرتين المرحومة (عفو)الله يرحمها كانت يسمونه دكتورة عفيفه ولدت أكثر نسواان الدراز الله يرحمها ،أني أخذتها تمرخني بعد ولادتي ببنوتتي الله يحفظها وكانت من بعد ماتخلص ال3 المرخات تسبح الياهل تييب طشت وترمي تحت الياهل جف ملح في الطشت مادري لويش وكانت قبل سكتي هههههه تسبح المره الوالدة تسبوح النفاس تدخل وياها الحمام وتسبحها بس مو أني تسبحت بروحي الله يرحمها طلع على إيدها جهال وااايد
تعالي أم مكي إللي صوب بيت الجمري يعني ،أني أحسبها شرعنها ماتت من زمان
مو مني من التهجير إللي صار لي عن ديرتي هلي الدراز هههههه
شمس الصباح
تعالي ولدش كم عمره الصغير ،كانش مره قلتين ولادتش بملوكة جت بعد 9 سنين
وبعد يمكن أعرفش أني تقوليين متزوجه من فلسطين ،أني من فلسطين الحرة (حي الغدير )والمنطقة إللي فيها بيتكم عفر إسمها شامل وياأفليد بيت خالتي هونيك بس هي أول بيت هونيك إنبنه
الدراز ديرة هلي الطيبين من زمان ماتمشيت في شوارعها ولازرت اهلها أخذني الشوق ليها

[طفلي حياتي]

هلا اني صليت فرض باقي فرض
روز لا مو الكومد المنطقه اليديده اللي اختلطت بفيليد وراها مدرسة لصبيان لعداديه جان عرفتينها الحين
ام الساده اني عندي رقم بيت المراخه ولا بعرف اوصف ولا شي اسمها ام احمد الجزيريه في مهزه بيتهم ورقم تلفون بيتهم هذا اتصلو اسألوهم بيوصفون البيت ليكم (17732933)
احلام ام هلا خيوو..عاشت فلسطين الابيه هههههههه يمكن تطلعون تعرفون بعض انتين وشموس لان ريلها من صوبكم ... لايكون انتين بنت هـ... عفر اعرفش اني خخخخ كله اكشف الناسولا احد يكشفي ويوووووووو

[Roze]

احلام ام اي حدي ارتحت الصراحه لانه الكل عاتبني بسبة كلام هالدكتوره رغم انه نسبة السكر الاولى ماكانت مرتفعه داك الزود
يالله الحمدلله على كل حال
طفطوف هديك المنطقة الي انبنت فيها بيوت يديده امبلا عرفتها

[Roze]

طفطوف عدنه احنه مرهونه تمرخ في الفريق ووحده من بيت العيمي بعد مراخهم جيد

[ام السادة]

مشكورة طفطوفة ونخدمش في الافراح

روزة واحلام ام شخباركم صدق اني مفهية حتى سلام ما سلمت عليكم مو مني من الدبة الي متعبتني

[ام السادة]

تعالوا لكن عادي اروح امترخ بدون ما يجيني طلق

[أحلام أم]

هههههة
طفطوووف صدتيني هاااااا بس أني ماني قااادرة أصيدش بس إحنه ماشاء الله 4 أخوات كبار و2 صغار للحين في المدرسة الصلاة على النبي يمكن وحدة صارت وياش في صف أعتقد ل.... على العموم أتشرف بمعرفتش يالغالية
روز
أوووووه أول مرة أسمع مرهونة تمرخ
أم السادة
مادري أني أسمع ليين بدت على الوحده الرياح تروح تمترخ علشان يتعدل الطلق وبسرعه تولد أني ولا مره رحت لمراخه علشان أولد خخخخ الله ييسر عليش جربي تشغليين السيد
عشانه على الفرن ليي عوده بإذن الله

[شمس الصباح]

احلام ام اي بيت عمي قريب من بيت ابوش اني سئلت ابو الشباب وعرف من اي بيت انتي وما شاء الله مدح فيكم واااااااايد قال عنكم انكم طيبين واجاويد بس اني ما اعرفكم هههههههههه حتى ولدي الكبير يعرفكم ام عن الجيران وااايد عندنا جيران واني توني من ثلاث سنوات بس ساكنه وكل وحده من جيراني تقول ان هي اول من سكنو المنطقه اقول لا يكون خالتش تقرء كل ليلة خميس في بيتها وما عندها اطفال

[Um Amal]

helloooooooo Friends
w7shtoony.. w w7shtny swalifkom 59oo9an fe fatrat l 7mal
sh5barkom??

[طفلي حياتي]

روز اني ماعتمد مراخ مرت العيمي مادري لوي ماعدها مراخه ... اما ام مكي فنانه بصراحه قديمه .. مرهونه تمرخ بعد زينه
احلام ام انتين اللي بحرف الــ أ) عفر تعرفيني زين مازين اذا انتين هي ماصرت ويى ل اني لالالا
ام الساده شكلش بتولدين لانش بديتين تخربطين انتين سلمتين مو ما سلمتين يوم تدخلين هههههههههههه ويش هالمر

[طفلي حياتي]

شموس هذي اللي تقرا كل خميس وماعندها اطفال بنت خالتي ويلي بس شكلي مابعرفش مستحيل مناميه وماخده من مناك ماعرفش
بس احلام ام عفر هذي اللي بحرف الـ أ اعرفها وتعرفني عدل مدل

[Um Amal]

shams.. taree5 cham waldteen malook?

[طفلي حياتي]

هلا ام موسى شخبارش وشخبار اليهال ؟؟ عفر عندش موسى وامل؟؟

[rose soul]

سلاااااااااااااااااااااااااااااااااااااااامي عليكم

[طفلي حياتي]

علاااااااااااااااااااااااااااااااايكووم السلام
شخبارش ام بشوره وشخبار ام البشاير؟؟ عساها السعاده توني المغرب اتخيلها خاطري ابوس هالخد الناعم

[rose soul]

هلا طف طوفتي حبيبتي
بشور بخير الحمدلله..فديتها..كل يوم اتعلق فيها اكثر واكثر..حتى النوم ماقدر ارقد..كل شوي اقعد اجوف اذا فيها شي .. كله اتخيلها تختنق او يصير فيها شي
والأمومة يا طفطفاتي..حلوووووووووووووة موت على قولة السعوديين هههههه

شخبارج انتي مع الحمال..؟؟
ها كملتي كل شي؟؟

[طفلي حياتي]

اني الحمدلله وتجهيزاتي باقي لها شوي بس خلنا نفوق نشم هوا من هالظروف وان شاء الله يصير كل الخير ربي يحفظها لش ويسلمها تهبل ما شاء الله عليها ويحق لش هالتصرف لاني اتوقع اسوي هالحركات واكثر بلوه اني حدي

[اقصوصه]

هااي

شحالكم بناات؟؟

[rose soul]

الحمدلله..يلا ان شاء الله هالظروف تتعدل..ونصير احسن من هالحال..
والله يبلغج ان شاء الله بزنابي الوردة..وتعشين معاها احلى امومة

الا بسألج فلونة مادشت؟؟
ابي اعرف اخبارها

[ام السادة]

هلااااااااااااااااااااااااااااااااااااااااا ام بشورة ويش احوالش ويش احوال بتش غلبتيني ها ما عليه هالخيانه باراويش

هلا ام امل منورة يبي لينا ساعه على ما نقرى كلامشششش خخخخخخخ

طفطوفة الله يسمع منش جان بهالخربطه بولد بهدر خربطة الحين الللنتااعلفبيينعلامهوها

[طفلي حياتي]

فلونه لا والله محد يعرف عنها شي ولو ماخذه رقمها احسن جان نتطمن عليها
هلا والله اقصوصه شخبارش؟؟

[rose soul]

اهلين اقصوصة
اوووه
من زمان ما جفناج
شخبارج؟؟
وشخبار الكتكوتة؟؟

[ام السادة]

هلا اخت اقصوصة شخبارش عيوني

[طفلي حياتي]

ام الساده اثنبتين انش على وشك ولاده ماهي عمايل هاللي عاملتنها
قومي اتصلي بيت ام احمد واخذي وصف البيت واكتبيه في ورقه عشان ريلش يروح عليه اما اذا بتتصلون باجر يمكن مافي احد يوصف البيت

[rose soul]

اهلين ام السادة..هههههههه
انا توقعت تولدين قبلي..بس نطرتج وايد..
و ولدج ما يبي يطلع شكله
بس ما تدرين..في اي وقت الحين نتوقع ولادتج
يمكن الحين بعد ما تدرين

[ام السادة]

هههههههههههههههههههههههههههههههه ويش اسوي يختش مي حاله بس اخاف اروح خالتي تقول ادا ما عندش طلق مافي فايدة روحتش

[rose soul]

وصفة شنو اقصوصة؟؟

[rose soul]

اقصد طف طوفتي**

[rose soul]

تعالي طف طوف
خذيتي الدياية من عند ام السادة؟؟حق ولد اختج؟؟
لأن اتذكر آخر كلام قبل لا اولد انكم تتفقون تتلاقون مع بعض

[طفلي حياتي]

لا هذي ام الساده اقول ليها روحي امترخي عند ام احمد وخلها تتصل يوصفون ليها البيت مالهم في ستره عفر ولازم وصف الطريق

[ام السادة]

ويش اسوي يم بشورة الله يسهل ان شاء الله حتى رجلي يقول هدا ويش انتين هالمرة متى بتولدين يعني


طفطوف بتسمين بتش زينب مفهية الله يسلمش كل مرة بسال وانسى خخخخخخ على اسم بتي اكيد بتطلع قمررررررررررررر

[طفلي حياتي]

اي روز اخذتها ولكن اختيمارضت تخليها في بيتهم تقول عفست المكان ههههههههههههههه ودتها الى ناس عندهم دياي مسكينه عربون الصداقه تشتت شملها بنسوي ليها زيارات

[طفلي حياتي]

ان شاء الله ام الساده تطلع زينبتي قمر متى ياربي تمشي الايام واشوفها في حضني ياربي تمم ي على خير اني والبنات يارب

[اقصوصه]

هلا طفلي حياتي انا بخير الحمدلله شخبارج انتي عساج بخير؟؟

هلا روز والله من مده ما دشيت المنتدى

انا تمام الحمدلله والبنوته ماشي حالها كملت 4 شهور

هلا ام الساده انا بخير الحمدلله شخبارج انتي عساج طيبه؟

[rose soul]

بنات
ابي موقع اللي يحطون في مراحل البيبي
علشان اعرف عمر بنوتتي

[طفلي حياتي]

هذا موقع اللي تستخدمه شموس حق تيكر بنتها
http://lilypie.com/

[ام السادة]

وينكم الا صخيتون مرة

[طفلي حياتي]

اني بقوم شوي ويى عمتي ماطلعت اليوم كلش
ان شاء الله اشوفكم عقب شوي
برب

[ام السادة]

اوكي طفطف سي يو

[طفلي حياتي]

هل من نفرات هناااااااااااااااااااااااااااااااااااااااااااااا
تعبانه ومتملله

[الفتاة الذهبية]

اي في نفرات هنا تعالي

[الفتاة الذهبية]

رحت سويت حق شعري هاي لايت ((صبغه))
وشلت شيرة وحفيت لانه خلاص اخر شي الخميس لي في الاربعين
بس ما بتحنى لانه امي تقول ما يحتاج لانه بنتي تجننهم ما ترضى تسكت خخخ
اليوم رحت وامي كل شوي تتصل حتى اني تفشلت من المرة الي تسوي ليي شعري
ههههههه

[أحلام أم]

هلا والله
ظهري منقص قصاص من الألم
من شوي جت مرت حميي تزورنه وتلمح على شهاادة بنتي وكلما أقوليها بنتي نزل مستواها في كم مادة تعاينيي وتقول لا بنتي شافت شهاادة بنتش وتقول كله ممتاز مع إنهم في الخامس حمقتني وقمت يبت ليها الشهادة وصبوا عليها مااي حار وسكتت وإنحرجت بعد ويش أسوي وياها تحسب أجدب ،وااايد صعبه المناهج ولاعاااد منهج العبيكاان زين على عمري بدلت مجهودها ونجحت الله يحفظها من عيونها

طفطف ياطفطف
حيرتيني في أمرش يطفطف ،تعرفيني عدل مدل وأني بعد أعرفش
أني ذاكرتي من صوب الدراز شوي وتنمسح من قلت ماأشوف شعبها مادري بحثت في عربسات والنايل سات والهوت بيرد ولا حصلت إشارة تهديني إليش ههههههه
أقولش أني بحثي سيء

شمس الصباح
ههههههه ،شاكه في وحدة بس مو متأكدة وزوجها قريب لبيت أبويي
ومشكورة حبيبتي على إطرائكم هذا من طيب قلوبكم
هذي الوحدة كانت تسكن في شقة قريب لبيت عمها في فلسطين وتالي تحولوا هناك في الفريق اليديد تحت إفليد أخر مره شفتها من كم سنه أوسنتين عندها ولدين
شكلي إللي أفكر فيها وحدة ثانية ،رحتين مرة رحلة للقطيف في الباص وزرتين حديقة ومنتزه الدولفين مع زوجش وأولادش إذا موإنتين عيل ماأعرفش وسوف يتم البحث عنش
أم السادة
سبق وقلت ليش إذا مابدت عليش أرياح الطلق روحة المراخه مابتعجل بالطلق وشوفي روحي يمكن تستفيدين على ماقالت طفطف المراخه إللي تعرفها ممتازة والله يسهل عليش

[طفلي حياتي]

هلا هلا فتوت نعيما
شخبار آلاء عدل الاء خخخخ

[Roze]

طفطف يننتين احلام ههههههه
اني بعد يننتني عرفتني قبل لا اعرفها ههههههههه

[الفتاة الذهبية]

هلا احلام ام شخبارش

[الفتاة الذهبية]

روز
ولكم

طف طف
اي عدل عليش نور خخ

اوو كلكم تع

[الفتاة الذهبية]

كلكم تعرفون بعض خخ

[طفلي حياتي]

احلام ام لا تعرفيني احسن خخخخخخ مدام انتين هي بس خلاص
اني بينكم فنتينكم انتين ول وماكنت في يوم رفيقتش لكن اعرفش وتعرفيني عدل هههههههههههههههه

[Roze]

نعيما فتوت

خاطري اتحنا ان شاءالله في مولد الامام علي اتحنا

[الفتاة الذهبية]

اني بعد خاطري اتحنى بس شنسوي
اذا عندش بنت او ولد صغاار مشكله ما يسكتون

[Roze]

استغفر الله ميلاد الامام حسن العسكري

[طفلي حياتي]

هلا روز اني عرفت ام خليل وانبط راسها تقول يمه جيفه عرفتيني ويلي خخخ عاد هي شكت فيني لان تعرفني عدل مدل اكثر من احلام ام وانتين ياروز سبحان الله من قلتين اني من الحيدريه وبيتنا قريب البحر عرفتش او شكيت فيش 80 بالميه ولا توقعت اختش العوده لان قلتين اختي العوده عندها ولد خخخخخخخخ

[الفتاة الذهبية]

وحشتني بنت الاياويد
من ولدت ما تبين صايرة كلش
ام حماني خب من زمان مو مبينه
حنين للماضي
يعني ها تبين ع خفيف

عقبالي خخخ اذا طلعت من الاربعين ما ببين والسبب
في بيت زوجي نت ما عندي قطعناه
ما ادري متى زوجي بياخذ لاب توب يالله الله كريم

[Roze]

الي مبهدلني المديع المكحل اكو حاطينه في البي تي في وييييوووو

[الفتاة الذهبية]

طف طف
يا عليي ما اقدر عليش خخخخ
ليش تجننين احلام ام قولي ليها انتين منو خخخ

[Roze]

اني لو وا ماعرف احد يمكن اصغر وحده فيكم ولا اعرف اهل الدراز مووول
يعني مايحتاج اتعب روحي


اخ مافيني شده اتحرك رجعت الشقه وفصخت الدفه وسدحت روحي
ابي اغسل سلة الفياب خوب يوميا عندي غسيل الله يهديه ريلي بالفلاف لبسات في اليوم وكسار الظهر في تنشيرهم يالله الله كريم

[طفلي حياتي]

قتلتيني روز من الضحك على هالمكحل غربل الله بليسه ان شاء الله واحلى شي عالبي تي في باللحن خخخخخخخخ

[الفتاة الذهبية]

وش اسمه هالمذيع كلمن يسمينه المكحل ههههههه

[Um Amal]

helloo
'طفلي حياتي .. شخبارش ؟؟ وشخبار الوسواس معاش ؟
الفتاة الذهبية .. وحنين للماضي .. شخباركم ؟؟ صديقاتي في مشوار الولادة .. بس سبقتكم :)
بنت الاياويد.. شخبارش مع شيخة ؟؟ الله يخليها لش ..
وشمس الصباح وحبيبة حسوني وام خليل وروز سول .. وكل البنات شخباركم ؟
وحشتوني ووحشتني فترة الحمل .. كلما ادخل هالمنتدى أتذكرها ..
الله يخليكم كلكم

[Roze]

محمد الشروقي
ههههههههههههه موهني طفطف المشكله يقوليش متحلفين فيه المصبن يبون بس يدلون بيته واههههههههههههههه
الي يبي يشلخ يروح يقعد صوب المذيع المكحل

[Roze]

حليو لون ثوبه
لون الجمل

[الفتاة الذهبية]

هلا ام امل

احنا تمام انتي شخبارش؟

[أحلام أم]

هلا أم آلاء وعليش بالعافية اللوك اليديد
طفطف
بتيننيني إذا إنتين تصيرين بيني وبين إختي لـ...عيد قد إ...إختي لأنه هي الوسطيه بيناتنه
إحنه ثلاثنه متزوجين بره الدراز حتى لوبنعسسعس مابنعرفش
بس أشوه عندنه وحدة ماخذه درازي اللعام تزوجت
مسير الأيام تذلني عليش ولو بعد حيين ههههههه
تعالي إنتين متزوجه في المحرق حماتي متزوجه هونيك من بيت السـ...
روز
هذي طفطف تصلح تكون متحريه بدرجة إمتياز
أني معظم أهل الدراز أعرفهم من وجوهم لأني من قبل لاأتزوج ماأطلع واايد بعد

[طفلي حياتي]

روز المشكله مو في لكحل لا والله طلعي اللزمات اللي يسويها بويهه وبراطمه مقتل

[ام السادة]

مرحبا اني جيت وشححووووااالل

[الفتاة الذهبية]

متحلفين فيه لي ههههه صدق الي ما عنده شغله يختن السنانير

فاضيين ليه الناس عشان يبون يدلون بيتنه ههههههههههه

[ام السادة]

مللل وبتي مجننتني جنون باقي شوي وانتحر

[الفتاة الذهبية]

احلام ام
الله يعافيش
ام الساده
احنا تمام وانتي؟

[الفتاة الذهبية]

ام الساده
ليش شفيها مجننتنش

[طفلي حياتي]

احلام ام لو اقول قسمابالله ماعرف احد غير اللي صارو ويايي في صف واللي صادتني وياهم مواقف فقط لاغير ولا كأني درازيه ابدا.. روز نسيبتي وعرفتها وام خليل رفيقتي في مرحله من مراحل حياتي وانسانسه عزيزه على قلبي.. انتين اذا انتين هي بحرف( الـ أ) فتعرفيني واعرفش عدل مدل ومن قالت ام خليل انتين بنت عمتها ماعرفتش ابدا الا اليوم لمن تكلمت شموس عن موقع بيتهم وقلتين انش من فلسطين قلت ايييي اهل ام خليل مال فلسطين عرفتش

[طفلي حياتي]

ويش فيها السيده الصغيره بعد تتحجج

[الفتاة الذهبية]

اووووووووف مللللللللللللللللللللللللللللللللللللللللللللللللل حده

[Roze]

عيونه ذباحه

افا خلص
رحت اغسل الفياب وجيت الا هو اختفا

فتوت حاطينه في قائمة الناسات الخايسين الي يبي ليهم دست هههههههههه
احلام مابتصيدين طفطف مول ولااتوقع تعرفينها

[طفلي حياتي]

يبطون جبدي اذا يصخون مره وحده
روز من حلاوة هالمكحل دخل ريلي واني اطالع زفني

[اقصوصه]

بااااااااااك

[أحلام أم]

الله يخليش حبيبتي يطفطووف
إحنه المبعدات عن الدراز الذاكرة كل مالها تنمحي الله يخلي الجميع
وعلى طاري أم خليل مادري ويش أخبار بطنها من زماان ماأتواصل وياها على عمري أني حتى بيت خوالي لو بتسأليني أقوليش يمكن رحت قبل شهر رمضان أشوف أمها ومن حملت خلاااص إعتزلت العالم
تذكرين زوجة خالي أم علي (حادث باص الأردن )في محرم للحيين هناك تحت العلاج ربي يردهم هي وخالي بالسلامة وهي الوحيدة من الضحايا إللي في الأردن مازالت تحت العلاج

[طفلي حياتي]

تصدقين كل يوم بسألش عنها وانسى وشخبارها الحين مرت خالش؟؟؟

[ام السادة]

ويش مسويه بعد طاحت قحفية صورتها قامت تصيح لانه ما عرفت تلبسها وبس مي راضيه تصك بوزها

ههههههههههههههههههههه ويلي على لمكحل اما صار مسخرة السنه

[طفلي حياتي]

ياعلي اليهال وحجايجهم على اشياء تافهه يصيحون

[Roze]

قصصت لي سفرجل وكيوي وتفاح اخضر من يبي حياااكم ..

[طفلي حياتي]

بالعافيه روزتي اني توني ماكله كريب فروت وموزه ماكله المغرب جكن فيليه جان مو ايوع قال ريلي بييب عشا قلت لا بس والحين شكلي بايوع

[Roze]

حاطين فلم احمد حلمي في فنون شكله حليو

[Roze]

هو الفواكهه والخضره اتيوع

مشكلتش تسهرين لازم بتيوعين

[طفلي حياتي]

هي البلوه تالي ويش اكل غربلت روحي اول شي قلت باخليه اييب لي مقبلات وتالي نجفت قلت له لاتييب شي غباوتي مالها حدود ويش اكل مابغي اجبان ولا بيوض ولانجت اففف عندي قيمر بالعسل بس قمت اكل منه وايد وكرهته الحين بنشوف من الحين لشوي ويش اكل جان تغفي عيوني

[Roze]

هههههههه باجر سوي لش العصر مكرونه واكليها ويا سلط وبتشبعين

اكو الريل وصل بقوم بقعد وياه شوي قبل لاينام

يالله تصبحون علا خير نراكم غدا علا خير ان شاءالله

[أحلام أم]

مسامحة طفطوف
ولدي حمود مو مسوي سوايه وكل حين يسحبني أسوي له شي
فيش الخير حبيبتي
زوجة خالي للحيين على سرير المستشفى وخالي ساكن في الفندق من وقت الجادث للحيين وكل يوم عندها محتاجه للكل يساعدها وبناتها وأولادها وأخوتها بين فتره ووفتره يسافرون يزورونها ولاعااد بنتها فـ... إللي كانت وياها في الحادث لازم تسافر إسبوعيا أو إسبوع وترك الله يساعدها شافت المصايب وإيد أمها إللي إنبترت الله يفرج عنها
إحنه ماعندنه إلا الإتصال المستمر ونتكلم وياهم ولين نسألهم مته يرخصونها تقول للحيين علاج وإنشاء الله قريب يارب الرجوع
ألحيين شكلها على العلاج الطبيعي والأطراف الصناعية يااادافه البلى ربي يفرج عنها ويردهااا بالسلامه يااارب

[طفلي حياتي]

تصبحين على خير روزتي
احلام ام الله يفرج كربتها ان شاء الله وبنتها ف هذي هي اللي ويايي في صف واعرفها ههههههه

[أحلام أم]

شكلكم إنتين وأم خليل وفـ...صرتون في صف واحد قد بعض وإختي لـ...أصغر منكم بسنه بس بس مايحتاج بسألها لييين شفتها ههههه
لين رجعت أمها بالسلامة
ألله يخليش ويفرج كرب المكروبين ويعجل بالفرج
أني إسمحي لي باقوم ظهري زاايد وهيكو الولد يحوم بروحه
ماأسمعه إلا يقول كلهم ماتو في التوال حتى صادق مادري من وينه يهر ويييب هالحجي
تصبحيين على خير حبيبتي

[شمس الصباح]

جيت ادخل اشوف اخر التحقيقات هههههههههههه

المحققه طف طووووووف اي هذة جارتي بنت خالتش ترى في الفريق عندنا من المنامة اني ووحده كبيرة اشوي عندها بنت معرسة وبنت خالتش تعرفني وجت وشافت ملاك بعد hwaml02 بس اسئليها من ولدت وعندها بنت اسمها ملاك بدليش بيتنا بس تعالي البيت مو تمرين صوبه وما تدخلين hwaml4

احلااام ام مااااااااااا شاء الله اكو تعرفيني لكن اني ما اذكرش لا يكون كنتي معانا في الرحله واني ما اعرفش hwaml15 اني تعرفت على ناس في الرحله بس ما شفتهم من زماااااااااان ولا اذكر غير شكلهم اذا شفتهم ما عدا ام جلال اذكر اسمها

الحين برررب ونكمل تحقيقات بكره ان شاء الله

ملاك قاعده

[طفلي حياتي]

هههههههههههههههههههههههههههههههههههههههههههه قتلتيني من الضحك ويلي ريلي نايم ويش اسوي في الضحكه كلهم ماتو في الدوال يفاول لوي هههههههههههههههههههههههه

[طفلي حياتي]

خلا شموس المناميه اللي اعرفها ادري ماتوقعتها انتين ابدا لانه عندها بنت معرسه هذي تيي الماتم اشوفها وانتين ماتمشين ويى شلة فريقهم يمكن؟

[شمس الصباح]

لا طف طووووووف اني ما اطلع وايد وهم قروب ما يخلون مكان ما يرحون ربي يحفظهم

ما قدرت ما ادخل المنتدى من يديد قعدت اعصر مخي مني مناك واذكر لين تذكرت تعرفت على من في الرحله خخخخخخخخخ

احلااااااااااام ام اعتقد عرفتش انتي قعدتي صوبي في الباص واسمش ام علي

بروح انااااااااام قبل لا تقعد ملاك وتبدء السهرة الصباحي

تصبحون على خير

[فلونة]

سلااااااام بطااات ..hwaml7
طلعت عنكم بدبتي ورجعت لكم رشيقة والفال لكم ان شاء الله
شكلكم رقوود وانا سهرتي صباحي..المهم حبيت ابشركم بولادتي .. الحمدلله ولدت وقمت بالسلاااامة وشرفت على الدنيا احلى بطلة.. بس باقولكم التفاصيل مرة ثاانية

[rose soul]

رجعت لكم
لأن انشغلت مع بشورتي
اوووه
فلونتي..تعالي بطله مثل ما توقعت
يلاااااااااااا خبرينااااااااااااا
وحمدلله على سلامتج
كل من يحااااااااااتج بعد جبدي انتتتتتتتتتتتتتتتتتتتتتتي

[طفلي حياتي]

فلوووووووووووووووووووونتي ياخلف جبدااااااااااااتي الحمدلله على السلامه تعالي لاتروحين يالكريهه ابغي اسولف ويااااااااااااش
قسمابالله كنت بسوي حركه الليله بالذات عشان ماننسى اسمش ونفكر فيش كل يوم تعالي ام البطله امشييييييييييييييييييييييييييييي

[طفلي حياتي]

تبط الجبد تقول مره ثانيه تعالي الحين يالكريهه
كنت باخلي صورة فلونه في توقيعي وبكتب فوقها جاري البحث عن صاحبة الصوره خخخخخخخخخ بس ييتين الحمدلله رب العالمين يارب تبلغني وتبلغ كل البنات
ماتخيل انش ولدتين مادري ليش ابغي اشوف بنتش بسرعه
توقعت ولد اني مادري ليش ياربي تحفظها ولا قلتين اسمها ياعلي تبطين الجبد