ديوانية البحرين - دردشة حوامل البحرين - البحرينيات

[soso84]

السلام عليكم
شخباركم... عساكم طيبات
اني منبطه جبدي من هالسعوديه مواليد تبوك تدخل تتحجج بي وتطلع مادري افغصها ؟؟
ماتحط بالها الا عليي لكن باصيدش ادناة ليله يخفاش الفريق بتشوفين
اصلا المحل افتتحو التخفيظات فيه بعد اذني وقالو اختاري القطع اللي تبغينها وبعدين اللي بياخذ بكون مقلد عليش فهمتين؟؟
المهم بنوته والله العظيم كنت بدخل هنا بفصل وسواس يديد لكن حبطتيني تدرين؟؟ موكيفش
بناااااااااااااااااااااااااااااااااات ليش بطني ماكبر وايد؟؟؟ حركة البيبي مو قويه متى تصير قويه؟؟ للحين بس ترفس احس ماتغير شي مو لازم احس شي يفتر ورجول مني وراس وشسمه ماحس الا بحركه عاديه بس مره كنت ضاغطه على فرحه وضربتني بس والباقي حركاتها خفيفه
هذا عاادي لوو ووووويش؟؟ طمنوني قبل لا تدخل احدى البطتين يعرفون روحهمhwaml02

خخخخخ مو لهادرجة عاد تحسين برجول وراس ومادري ويش ههههههه.. هو عادةً في السابع والثامن تزيد الحركة.. والتاسع تقل لأن المكان يصير ضيق على الجاهل.. اذكر ببنتي اكثر شي عقب الاكل انبطح على ظهري واقعد اتحسس تجيني نوع الهزة قوية يتحرك بطني خخخ .. وترفس بس على خفيف.. يمكن لأن بنوتة ناعمة ما ادري بعد ..

[فلونة]

طفلوو ،، ردت حليمة على عادتها القديمة وانتي ما تيوزين عن هالوسواس،، اهم شي حاسة بحركتها سواء خفيفة او قوية،، مادري تبينها تلعب تكواندو في بطنج والله شنو بالضبط ؟ .. مادري اذا دشيتي الثامن والتاسع اشبتسوين انا احين ماحس بالحركة الا نادرن قبل ما ارقد .. انتي احين المفروض دشيتي السابع او بعدج مادري شنو حسبتج لانه في السابع يكون في عز نشاطه

انا متضايقة حدي ما يسوى علي طباخ هالغدى،، كله انسى سالفة دبتي .. نسيت فيني دبة من التفهي ولصقت في الفرن واهو حده ضوو وفي يدي الجدر على ما نزلته واستوعبت اني لاصقة في الفرن .. كان واايد حااااار .. صار لي دائرة عودة حمرة وانتفخت .. انا معليه خل احترق بس البطل الي في بطني شكله وصل له حرارة اجوفه صاخ من مساعة واضغط على بطني ولا امعبرني .. استحمق
امعورني قلبي .. خاطري اصيح ياربي ماوصل له شي
مسكين وايد يعاني بسبتي التفهي وهبالتي:(،، امشي وادعم بالدبة كل شي جدامي
اتهقوون وصلت له حرارة الفرن ؟؟

[طفلي حياتي]

شوف الهباله في من ؟؟
الطفل في حمايه بعيده جدا عن التأثيرات الخاجيه الا القويه منها ارتطام قوي يأثر عليه اما حراره سخنت دبتش ماتوصله ان شاء الله
لكن ليش تصير الحركه بطيئه متى تصير قويه الحين قريب ادخل السابع والحركه عادي متضايقه قسمابالله
فلونه متى حسيتي بقوة الحركه حسيتي ان فعلا في فرق عن الحركات الاولى ؟؟
مادري الحركه عادي متى تصير قويه؟؟

[طفلي حياتي]

انتبهي فلونه مو تمشين وانتين مفهيه لا تسوين في الياهل شي ترى الضربات مو زينه اذا كانت قويه بس هالحراره عادي يتراوى لي

[Roze]

سوسو لحين اتابع وياهم ماغيرت بس اروح فرع سار والبارحه ريلي متصل لهم نبي نبدل الدكتوره عقب سالفة اختي في تحديد جنس المولود ودكتوره الكا هي الي بروح اتابع معاها لانه يقولون سينيور وخبره بس الولاده مابولد عندهم خايفه علا عمري الصراحه

[فلونة]

ياربي ما احترق لانه وايد صار لي طفلووو دائرة عوودة حمررررة وانتفخت :(
والله ضاقت فيني الوسيعة وراسي عوورني الله يستر ،، بنات احد يقول لي عاد شاسوي حطيت ثلج وما خف لون الجلد للحين احمر ،،اخاف احط اي كريم ما يناسب الحامل .. اهم شي ما يوصل حق البيبي

طفلوو ،، الحركة اكثر شي حسيت فيها في الساابع .. في السابع كان يرفس وحتى زوجي حس بحركته في السابع ،، كل مرة يتحرك احط يده على دبتي يقول مافي حركة ،، بس في السابع حس فيها،، يصيدج احسااس حلوو لانه الحركة تكون قوية .. وان شاء الله بدشين السابع وبتجوفين الفرق
وساعات يفرق من وحدة لوحدة والله العالم

[فلونة]

طفلو باخليج كلش مالي بارض ... اجوفكم بعدين

[طفلي حياتي]

لا توسوسين فلونه ترى البيبي دااااااااخل ماتدرين ان الطفل في ظلمات 3 وحمايه قويه يعني بيتأثر من اي شي خارجي كانت مصيبه
ما صاده شي
اخاف هالحرق في دبتش يخلي ريلش يروح فلت عياده خاصه ومنها تكشفين انه سليم وتعرفين نوعه ماعليش شر فلونتي

[أحلام أم]

هلا ياحريمات أمهات دبات
اليوم كلش تعبانه من إلتهاب الأبوال خاصرتي بتنفجر من الألم ولا أقدر أتحرك ويش أسوييي في عمري كل شي سويته ماي كل حيين ونقوعة إلبان ومادريييييييي
فلونة
ماعليش شر كنت أقرى حجيكم وبطلع ،صدق عورتين قلبي على الحرق ،أني عانيت من الحروق قبل ياعلي جحيم الله يساعدش ،ماأعتقد صار البيبي شي لأنه بعيد غايص في الرحم ،بس لأنش تألمتين واايد ونفسيتش خابفة ومتألمه فهرمون الأدريناليين شوي يمكن هدأه لش ومن الخوف لاتحاتيين وعليش بطوارىء الحوامل لاتقعديين تتألميين وتحاتيين وبيعطونش مرهم ميبو مايخالف الحمل وماعليش شر ويارب سلامات

طفلي حياتي
أبسألش عن دوى موكسال إللي كنتين تستعملينه عن معدتش عفر للحموضه زين لطرد الغازات وكم مره كنتين تاخذينه في اليوم وعاادي نكرر الجرعاات
تعبانه من الإلتهاب بعديين بطل

[طفلي حياتي]

هلا احلام ام
لا ماكنت اخذ علاج للحموضه من حملت ابدا بس قبل الحمل اخذ زنتك بدون وصفه طبيه بعد
الحين من تصيدني الحاله شربت حليب بارد
ماعليكم شر اني حاولت اهدي فلونه معني مو مال تهدي لكن ان شاء الله خير ولا عليها شر لا هي ولا بطلها

[شمس الصباح]

اني جيت طلعت صديقتي توها

المهم روز اني اتابع عند كيرنا في ابن النفيس تعطيش ملف ليش خاص غير اللي عندها وفيه كل شي حتى صور السونار ويظل عندش اني جدي الحين عندي وفيه مراحل دورة حياه الغالية على قلبي ملاك من هي عمرها شهر الي التاسع ربي يبلغني واشوفها بس الحين ما اروح عندها لاني بولد في جدحفص

فلونة يا ام دبه كانش اني لما كنت حامل في ولدي الأول بس بقول ليش الحل علشان لا تحترقين مرة ثانية لا تستخدمين عيون الفرن اللي على الطرف احسن ليش وثاني شي اذا جه ولدش لو بنتش ما يحترقون لو حطو ايدهم لا قدر الله اكو عطيتش نصيحه ببلاش بس علشان تسئلين عني يا ام دبه محروقه hwaml02

احلاااااااااام ام ما تشوفين شرحبيبتي بس سامحيني ما عندي وصفة طبيه كنت بقول ليش عن نقوع علك البان بس اكو انتين تعرفين ربي يثبت حملش ويسهل عليش وتقر عينش ببنوته او صبي حلو وعسل مثل أمه

يعني محد سئل عني هااااااااااهhwaml4

[شمس الصباح]

اي ما قلت ليكم

اني صديقتي هذة ما تعرف كم شهر لي عااااااد اسئلها اقول اليها كم شهر اني قامت تطالع وتفكر بعدين الا تقول خمس أشهر خخخخخخخخخخخخخخخخ ما تدري اني بين لحظة والثانية احتمال أولد عجاااااااااايب راح تنصدم يوم تسمع خبر ولادتي

[طفلي حياتي]

هلا شموسه تعالي صدناش
متى تصير حركه الياهل قويه ؟؟
اني للحين حركات بسيطه والوسواس اليوم على هالسالفه تهقين عادي؟
ام خليل حقوي تغطين وايد؟

[شمس الصباح]

ويش فيش طف طووووووووووف ردينا على الوسواس الخناس
الجنين تختلف حركة من شخص الي الثاني بس افضل نشاط عنده يكون في الشهر السابع اني حسيت بحركاتها خفيفة بس لما دخلت السابع كثرت الحركة وتعور احيانا اما التاسع الحركة كلش كريه لانها تعور وما في مكان تعالي للحركة اخذي دبتي وش رايش

[طفلي حياتي]

واذا باحس بالحركه كله جهة اليمين حقويش بعد هالسالفه اما تحت او اليمين ماتدلي عفر الا يمين بنتي مايندرا

[شمس الصباح]

الحين انتين يوم تصيرين نشيطة ويوم ماليش خلق وخايبة نفس الشي الجنين مرة نشاط ومرة خمول وحركة بسيطة وحركة البنت غير عن لصبي ترى

[طفلي حياتي]

هههههههههه الوسواس يادافع البلا يلعب بي لعب من الزين ويخليني كئيبه وهبله وكله ابغي اتهاوش لو ماحد يطمني ما اهدأ
يعني انتظر لين ادخل السابع وان مافترت براويها من الحين ببرز العصا

[شمس الصباح]

ويلي عليش بس تبغي اتعب روحها اكو اني حركاتها كل يمين وما اقدر انام جهة اليمين كلش احس بشي ارعصه كل انام يسار واذا فكرت انااااااام يمين تقعد ترفس في عمري لين ما اعدل روحي

[طفلي حياتي]

مادري وشخبار فلونه مسكينه دبتها فيها دائره حمرا صارت الله يفرج لش يفلونه اتخيلها ما بتهدا اى اذا راحت الدختر بس زين تسوي تتطمن

[طفلي حياتي]

هههههههههه بناتنا يمينيات يعني ويلي على فرحتي متى تطلع واحظنها وظمها لصدري ياخلف طوايفي هالورده ان شاء الله سليمه ومافاه يارب

[شمس الصباح]

شوفي اهم شي ان الطفل يتحرك وما دام يتحرك يعني الحمد لله

ما عليش من احد ولا تقارنين بينش بوحده ثانية لا الحين ولا بعد الولادة مو زين قدارت الشخص تختلف من شخص لثاني اعقلي ولا تعقدين الياهله من الحين

اقول يا استشارية المنتدى متى اني وبولد لاني تمللت

[الفتاة الذهبية]

هاي شخباركم
حبيت اطمن عليكم واطلع

[شمس الصباح]

هلا فتوووووووت شخبارش ما ولدتي

[Roze]

شمس موعدش ماله حل يوم وفاة الامام الحسن

خوش فكره في ابن النفيس اني اصلا الامريكي مو عاجبني الا بسالكم في الموعد ويش يسوون غير الوزة والضغط والالتراساوند من راجعتهم للحين ماطرت لي شي عن السكر ولا الاج بي بس تحط لي هالجهاز وتكتب لي لستة ادويه مالت عليهم من مستشفى

[طفلي حياتي]

هلا فتوت ماولدتين عفر الله يسهل عليش
روز2 ترى الخاص كله همهم الفلوس
شموس بتولدين يوم الجمعه او السبت مايندرا الظهر قريب الاذان بتولدين

[om khalil]

سلام بنات شخباركم

ياربي ضروسي باموووووت كل يوم صوب هذاني اعلف في حبوب الكالسيوم عل وعسى

باروح اشوف لردود

[شمس الصباح]

روز كيرانا بعد تسوي ليش ضغط ووزن والاتراساوند وتحليل دم وتحليل سكر غير التحاليل اول الشهور ما ادري مال ويش وتعطيش نصايح واتابع زين معاش الدكتورة بس مغرورة

[طفلي حياتي]

هلا ام خليل ماعليش شر
روحي شوفي لردود على قولتش خخخخخ

[شمس الصباح]

هلا فتوت ماولدتين عفر الله يسهل عليش
روز2 ترى الخاص كله همهم الفلوس
شموس بتولدين يوم الجمعه او السبت مايندرا الظهر قريب الاذان بتولدين


كانش قاعد مع زوجي هو بعد يقول يبغي يوم اجازة اولد علشان اليهال يستانسون


ام خليل ما عليش شر روحي المستشفى شوفي يمكن عندش ضرس يحتاج علاج

[طفلي حياتي]

شموس عندش شغاله؟؟ لو بروحش ؟
عفر بتتعبين هالشكل مافي مجال تروحين بيت ابوش ع الاقل 10 الايام الاولى

[Roze]

اني في السادس لحد يومكم محد جيك ليي نسبة السكر ومرة وحده يوم في الثالث سوت لي فحص دم ومن ضمنه الاج بي وبسسسس جم مرة اروح بس ضغط ووزن وياخدون ابوال وويع يخمهم من مستشفى

[بنت الأياويد]

السلام عليكم شخباركم كلكم حوامل وامهات؟ حبيت اسلم عليكم ، واسأل عن اخباركم ان شاء الله كلكم بخير يارب ، شمس انسي سالفة الولادة وبتولدين شغلي روحج باي شي ، وفلونة طمنينا عنج ان شاء الله مافيج الا العافيه وحنون من زمان ماسمعنالج حس وباقي البنات شخباركم؟

[شمس الصباح]

شموس عندش شغاله؟؟ لو بروحش ؟
عفر بتتعبين هالشكل مافي مجال تروحين بيت ابوش ع الاقل 10 الايام الاولى

ما يصير اروح لان اليهال في المدارس واني ما رتاح في بيت ابوي ما في خصوصيه اهني في البيت افضل وزوجي مسكين مدلعني حتى المواعين الغذاء والعشاء يغسلهم عني يعني ما احتاج اروح بيت ابوي

[طفلي حياتي]

الله يقومش بالسلامه ان شاء الله يا شموس
اني ريلي يتراوى لي بياخذ اجازه اذا شافت حوستي بروحي خخخخخخ بالله عليش وشعرفني بروحي كل شي اني

[شمس الصباح]

اني في السادس لحد يومكم محد جيك ليي نسبة السكر ومرة وحده يوم في الثالث سوت لي فحص دم ومن ضمنه الاج بي وبسسسس جم مرة اروح بس ضغط ووزن وياخدون ابوال وويع يخمهم من مستشفى

عادي اني اخذو تحليل السكر في السابع وفحص الدم ما ياخذون على طول الا اذا دمش نازل لا قدر الله

السلام عليكم شخباركم كلكم حوامل وامهات؟ حبيت اسلم عليكم ، واسأل عن اخباركم ان شاء الله كلكم بخير يارب ، شمس انسي سالفة الولادة وبتولدين شغلي روحج باي شي ، وفلونة طمنينا عنج ان شاء الله مافيج الا العافيه وحنون من زمان ماسمعنالج حس وباقي البنات شخباركم؟

هلا بنت الأياويد يعني انسى ما اقدر لان من يجي الم عندي اذكر بس اكو قاعده على النت علشان لا افكر اليوم رحت طلعت ملابس ملاك واطالع فيهم يالله هاااااااااانت

[شمس الصباح]

ااااااااي صدق تعالو بقول ليكم اني اذا جبت ولد بسميه مجتبى

بس خسارة التوزيعات كلهم بخشهم حتى المفرش واباجورة خذيت وردي

[Roze]

هلا بنت نحن الحمدلله بالف خير

شمس يعني عادي مو كل شهر يجيكون الاج بي


وطفلوو لاتعتمدين على ريلش في النفاس شوفي جان وحده منخواتش تمرش كل يوم وتسوي لش رشوف

[طفلي حياتي]

هههههههههههههههههههه روز2 ضحكتيني مابتعطل الا على الرشوف اني
ان شاءالله تتدبر اموري

[طفلي حياتي]

اني قلت للمحروس خذ اجازه اقعد وياي فبيت ابوي بس حد النومه ع الاقل ولو بغيت شي تصير ويايي الى الظهر وتالي تروح المدرسه وترجع الليل احسن من ماميش من الصبح الى الليل برا مابتمشي الامور بسهاله هالشكل من يشوف طلباتي عفر؟
قولي الصبح بتمرني وحده والعصر لين الليل هو ايي ع الاقل اشوى

[طفلي حياتي]

ام خليل ما صارت ردود اللي بتقرينهم؟

[شمس الصباح]

طف طف اذا عندش احد يهتم ابش روحي بس اذا ما عندش عادي قعدي في بيتش ما بضيعين بس هو انتين لازم تعرفين تسبيحن الياهل وتتغذين عدل اني اول مولود لي قعدت بس عشرة ايام عند أمي وبعدين رحت شقتي ما قدرت وقمت افاغص بروحي شفت السالفه بسيطة هو بس الرشوفه واشياء مالت النفاس اذا عندش احد يسوي ليش لو قدر كبير وكل يوم تاخذين منه اشوي او انش تسوين مثلي من تدخلين التاسع تشترين الطحين وتقلينه وبعدين الرشوفه ما تاخذ وقت الا سمسم ورشاد وماي وشكر وبهارات وحلبه ووويع اذا تبغين تحطين

[شمس الصباح]

فلونة ما عليش شر طمنينا عليش

بقوم الحين بروح حديقتي الصغيرة قبل لا يأذن اشم هواء الله

[طفلي حياتي]

في امانة الله شموسه
اني اعرف اسوي رشوفه سويت من قبل
بس على الحوسه ماعرف ولا شي وبلا نوم خبرش الوالده خخخخخخ يا الله المدبر الله

[بنت الأياويد]

هلا طف طف رشوفه شنو قصدكم ، يمكن الي احنا نسميها حسو انتوا تسمونها جذي لونها يصير بني وفيها رشاد؟ اانا اعرف وحده من مدينة حمد ومدينة عيسى تسوي بالجدر بس مال مدينة حمد واااايد لذيذ تسويه بس ماعرف الجدر بجم تسوي يمكن ستة دينار مايندرى يعني يكفي حق جم يوم بس انا امي الله يعطيها الصحة والعافيه سوت لي بس هالايام احسها تعبانه شكلي بطلب من الي في مدينة حمد تسوي لي لان الصراحة مالها روعه

[om khalil]

أحلام أم
الحمدلله على سلامة الوالده الغالية وسلامي الحار لها وماتشوف شر يارب وانتين بعد الله يشافيش من شي لشي الحمدلله على كل حال ان شاءالله مافيش الا العافية

فلونه
تعالي عفر انتين كله ضروسش تعورش مو لا؟ جيفه تتصرفين وياهم :( اني بس ويا هالمسمار اعوبل فيهم :( امس خمرت رحت السعودية واول شي طلبته من المطعم عطني مسمار قال مسمار وي قلت مسمار الطباخ بعد وي عقب مناوشات وشوي وارسم له صورة المسمار تذكرت اسمه قرنفل خخخ

اني هالكرسي ناسب يهالي وايد ماشاءالله كنت اثبته في الحوض مال السباحه وعادي الياهل فيه لا يتطعطع ولا شي بالعكس

طفلي
ههههههههههه واني مداني اشوف لردود عدل من حوسة دهيش كل شوي يغافلني ويسحب شنطتي ويطلع لحبوب ماينغفل عنه هالمبدل
رحت السعودية امس يختش ومارجعنا الا في الليل على طول المرقد وماشاءالله وااااااايد حليوين الثياب يارب تلبسهم بالعافية ان شاءالله
وحركة البنية خفيفة تحسين شي يسبح بداخلش وماتتحرك وايد سنعه وبنت ناس :)
بس لصبي دفش وفقيل دم عينة اللي في بطني ماشاءالله ما يخلييني أنام ومن يتحرك أحزب.

روز
داهيه صدق؟ خخخخخخخ مسكينه مسكينه مسكينه الله يجبر بخاطرها وتطلع صدق بنوته، ذكرتيني وكرت ولدي بقحفية ورديه يوم ايابته مادري لوي ههههههه
بس هالمره اني شفته بالسونار في مركز لبديع وايد واضح رغم انه ابيض واسود،، وشفته واضح لما فتح ريوله كانت الكاميرا تحته مباشره خخخخخ

شمس
باجر موعدي في المركز باطلبهم يحولوني على الاسنان والله يعين، خساره كان خاطري اروح باجر مطعم كرامي بوفيه الثلاثا بس يارب اقدر اروح من هالألام، ساعات تزيد ساعات تختفي ولا ادري ويش الشور

برررب صلاه وباسوي جم غرض وبرجع ليكم

[بنت الأياويد]

قريت اهني من الردود المكتوبة ان شاريين بانيو حق البيبي بتسعه دينار؟!!! وايد غالي انا ماخذته من طابا الي في السعودية ب3 دينار اعتقد وفي بانيو معاه اغراضه كاامله بسته دينار اذا حصلتوا احد يوديكم اويروح وصوه اييب لكم فرصه ترى وايد فرق في المبلغ والبانيو فيه اشكال والوان

[طفلي حياتي]

هلا بنت الاياويد الظاهر الرشوفه هي نفسها الحسو
اني مره سويت بسيطه كلش ولا يبغي ليها شي مقاديرها طحين+رشاد+حلبه(ضروريه للوالده تنزل الوسخ وتقوي الظهر) +سمسم +بيض
الطريقه تحمصين الطحين لين يشقر لونه اني احب الطحين الاسمر احلى يصير
في قدر نخلي الحلبه المنقوعه مسبقا ومنظفه ويى الرشاد المنظف ويى السمسم وكمية ماي مناسبه ونخلي الطحين وياهم وبهارات وسكر اذا انطبخت نكسر بيض ونخليه فوق المقدار ونقلب بسرعه عشان يتنتف البيض واذا نضج خلاص جهزت احلى رشوفه ويلي عليها حلووووووووووووووه

[طفلي حياتي]

نسيت ماكتبت الدهن شوي بعد دهن يخلون
ام خليل ان شاء الله اشتريتين شي من السعوديه ما تعبتين الريال ع الفاضي
اني بقوم اكمل صلاتي وبرجع

[بنت الأياويد]

اي الظاهر نفسها لان تنظف البطن وتنزل الوسخ وتقوي الظهر صح ، بس حاليا مب زين الرشاد حق الحامل اتذكر يوم كنت حامل في الثالث ابوي الله يرحمه توفى فكانوا في الخلف يسوون شي نفس الكستر اصفر ويحطون وياه رشاد كان شنو لذيذ وشربت بالغلط وعقب قالولي ان مب زين حق الحامل وتميت اوسوس لايصير شي في البيبي بس الحمدلله وقالولي لاتشربين كلش لان الرشاد مب زين حق الحامل لان ينظف البطن وانتي في بطنج ياهل

[Roze]

هههههههه غربل الله اباليسكم شفيتوني علا الرشوف واني حامل ههههههه ويش الشور

ام خليل اي والله كسرت خاطري هي بالسامان الي اشترته كله مال بنات

[شمس الصباح]

ام خليل اني بكرة موعدي بروح من الصبح على الساعه ثمان علشان اخلص بسرعه

بنت الأياويد اني شريته البانيو اي غالي وايد بس مال السعوديه ما عجبوني في عندهم اشكال والوان ولكن حسيتهم مو كوالتي هذا البانيو فيه فتحه من تحت بس تفتحينها بروحه الماي يطلع ما يحتاج اكسر ظهري علشان افرغ الماي من البانيو والكرسي منه وفيه عليه شي يمنع الياهل انه يزلق واني خوافه من اولد اصير شريرة لا يقرب احد صوب الياهل (الوسواس الخناس )

شهتوني بالرشوفه (الحسو ) خاطري فيها مممممممممم احبها بس من غير حلبه

اقول يصير اشرب شاي دارسين خاطري فيه ما يصيدني شي

[طفلي حياتي]

مادري وش اخبار فلونتي راحت الدختر لولا
اني اذكر مره اكلت رشوفه قفشتين بس وعورني بطني ونزلت علي افرازات كنت وقتها حامل ومت من الخوف وتأكدت انه كلام صح تنظف وزينه للوالده

[طفلي حياتي]

في وحده هني في ديرة ريلي تسوي جلاب اعتقد اسمه مادري مكوناته تكون سميكه وفيه مكسرات وبهارات وطحين ماعرف بالضبط طريقته لكن لذييييييذ حده فن وخاطري فيه بس قلت بنتظر لين اولد بسوي اوردر

[شمس الصباح]

يعني ويش بعد جلاب ما اعرفه شنو يطلع طبخه

[شمس الصباح]

رحت قوقل ادور على صورة الطبخه لان اول مرة اسمع ابها

طلعت لي هذة الصورة كانها قيمات

http://forum.te3p.com/images/images_thumbs/80163bf1dbc918d59ed6252cce28edc6.jpg

[طفلي حياتي]

اني ماعرفه رحت بحثت الحين طلع شي يشبه الرشوفه لكن مكوناته بس رساد وبهار وطحين بس
اني اللي اقصده طبخه تبيعها وحده للي يولدون ومكوناتها فيها مكسرات وطحين وبهارات ومطحونه المقادير مايبين شي منها كانها عصيده تصير عمتي تعرف وشسمه

[شمس الصباح]

اي في ناس تسوي مثل العصيده وتحط فيها مكسرات بس ما اعرف اسويها

[طفلي حياتي]

تعالي بسألش انتين وبنت الاياويد واللي شريتون سلال بجم سعر السله المحترمه؟؟ مالت البيبي

[أحلام أم]

رجعت ليكم أجر خاصرتي
شمس الصباح
أفى عليش إذا مانسأل عن الدبة إللي نحاتي ولادتها في أي لحظه مافينه خيررر بس أني مدهوشه من هالإلتهاب حبيبتي
على الله الشفى ،إيه أحسن لش تتنفسين قرب أولادش وزوجش في بيتش ،الوحدة في بيتها أحسن ليها يكوون كل أغراضها تحتها خصوصا إللي ماتعرف تنام في بيت أهلها نفسي بس أني ماأعرف أسوي رشووفه ولا عصيدة
أني زوجي مايرتااح أقعد في بيت أبوويي وهو بروحه في البيت لأنه يضل بروحه في البيت وحتى لوجامل يضل ضايع،ويضل متشتت وأغراضه مشتته كل ولاده أقول باروح أتنفس مثل الخلق في بيت أبووي أول ولاده كنت في بيت عمي وسيده وداني الشقه بس عمتي ماقصرت وأمي كل يوم تجي وثاني ولاده خلاااني بس 10 أياام مو لشي بس يقول مستوحش في البيت ،يقول قعدي ولاتتحركيين بس أشوفش في البيت وثالث ولادة قعدت بروحي في البيت وكانت عندي شغاله مع إنه كانت العطله الكبيرة
أم خليل
الله يسلمش حبيبتي ويوصل سلامش ليها إن شاء الله
الله يساعدش على عوار الضروس وإذا مافادتش حبوب الكالسيوم لازم ضرسش فيه شي ،وعلى قولتش أني من شي لشي الله يفرج

[شمس الصباح]

احلام ام لازم اتحجج ابكم لاااااااااا علشان لما اولد تفتقدوني وما عليش شر
مسكين زوجي من الحين يقول اذا ولدتي انا باخذها منش من ارجع من الشغل المغرب الي الساعه 12 وانتي نامي بس باقي الليل عليش بعد ويش ابغي ازيد الله يحفظة ويخليه لي

طف طف السلة المحترمة تختلف من محل الي الثاني بس حطي في بالش 30 وما فوق وعلى حسب المحل وشنو تبغين وياها في السعوديه عندهم بس مو كوالتي وارخص من البحرين بوايد تقريبا بست دينار ولا احد بيلاحظ انها مو كوالتي وتقدريت تبدلين القماش حق المولود الثاني

[شمس الصباح]

برررررررب الحين وبعدين برجع علشان اشوف اخبار فلونه ان شاء الله ما فيها الا العافيه

[Roze]

هذي الطبخه الي قالت عنها طف طف مالت عجم ويحطون فيها كازو المعوا مطحون ويقولون انهي تقوي الظهر

[طفلي حياتي]

يا جماعه كلما اشوف روز2 اتذكر روزاتي مادري ويش فيهاااااااااااا مابينت كلش
وفلونتي وينش نبغي نتطمن على ولدنا
اني راسي يعورني حده ومتضايقه
بقوم شوي ويا عمتي

[Roze]

يا جماعه كلما اشوف روز2 اتذكر روزاتي مادري ويش فيهاااااااااااا مابينت كلش
وفلونتي وينش نبغي نتطمن على ولدنا
اني راسي يعورني حده ومتضايقه
بقوم شوي ويا عمتي
لاتوسوسين له مافيها الا كل ير ان شاءالله

فلونه بعد اني قاريه قبل فتره عن وحده حرقت دبتها بعد وحاطه قضيتها تسال قالو لها مايأثر ولشي وان شاءالله سيدان مافيه الا العافيه بحق صاحبة هاليوم السيده رقيه عليها السلام

[om khalil]

أحلام أم
المشكله في كل اسناني، ساعات صوب ساعات صوب ساعات فوق ساعات تحت واذكر القابله قالت ليي لا تاخذين كالسيوم وايد اقولها وحده في الاسبوع؟ قالت ايه كفايه باجر باسايلها

شمس
باروح من سبع وشوي جا اخلص من وقت

طفلي
جارتنا يابت مره لحماتي في ولادتها جلاب على قولتهم، كان اكله دسمه كانها عصيده وفيها سمسم وطحين ومكسرات وايد حلو

ان شاءالله الغايبات ماعليهم شر فتاه وفلونه بدبتها وحنين والباقين
باقوم اعابل شنوصي

[أم حماني]

مساء الخير

[rose soul]

مســـاء الخيــر

[Roze]

مسا النور والسرور روزه وينش مختفيه قامت توسوس رفيقتش

[بنت الأياويد]

مساء النور والسرور ، منورين ثنتينكم الي مختفيين طلعتوا؟

[بنت الأياويد]

موجودين؟ولاطلعتوا؟

[rose soul]

هلا وغلا موجودين ام شواخة

روز شبيهتي منو اللي توسوس؟؟ خخخ

انا نفسيتي داون شوي
:(
دمي نزل جمن بوينت بعد

[بنت الأياويد]

هلا والله روز شلونج؟
اكلي الحبوب الي نفسي وفكي روحج الحبه الوحده تحتوي فيتامينات ومعادن وكالسيوم يعني مايحتاي تاكلين شي غير
ام حماني وينج يمه؟

[rose soul]

هلا شلونج؟؟شلون شواخة؟؟
وشخبار الأمومة؟؟مع الجامعة؟؟ خخخ

[بنت الأياويد]

الحمدلله بخير ، شيخه اعاني معاها ويابطنها كله تصرخ من الالم تقطع قلبي ، الامومة تعب بس بعد شعور حلو تحسين ان جنه حلم شلون كانت في بطني شلون انا ولدت هههههههههه جنج مسوية انجاز ، الجامعه تعب ماقدر ادرس حق الفاينل الا حزة الي ترقد شيخه وانا اكون تعبانه ماقدر ادرس يوميا هذي حالي :(

[om khalil]

روزات طفلي على قولتها اليوم كله تسايل عنش وينش
ماعليش شر ان شاءالله اني باجر باشيك دمي اكيد ناقص كالعاده
مره انزهقت، وصل 10 قلت زين تطور

[طفلي حياتي]

السلاممممممممممممممممم علايكوم
هلا روزاتي اني اللي احاتيش من يحاتي صايره يدتكم اني كلمن غابت قرصني قلبي وخفت عليها
اكلي كيوي طيحي فيه وبيرتفع بشكل رهيب طبعا معلومه من وحده ولا طبقتها لايفوتش بس جربيه تقول ارتفع دمها الى 13
ام حماني هلا وغلا عاش من شافش شخبار حمني؟
ام خليل منهي اللي سوته اي هذا هو طعمه فيه سمسم ومكسرات وحلو حده

[om khalil]

بنت الأياويد
نفس شعوري مع بنتي البكر، كنت اطالعها واقول من وين يت هذي هههههههه

اسمعي، بخصوص بنتش تعصر المسكينه ومايمشي بطنها، ادهني بطنها بزيت زيتون وحركي ايدش عليه شوي شوي مو تعصين، بحركة دائرية عكس عقارب الساعة من السر لبرا عرفتين؟ هالطريقة تحفز الأمعاء وتسهل على البطن ان شاءالله وماعليها شر والله يوفقش في الامتحانات ان شاءالله

[om khalil]

نـسـيبتش :)

[rose soul]

بنت الاياويد..ههههه يلا بعدين بتتقبلين انج صرتي ماذر
والله يساعدج مع الدراسة..صج تعب جذي..يلا .. الله يوفقج..وبتفتكين منها
..
ام خليل..بعد جبدي طف طوفتي
انا بعد موعدي باجر .. مادري شبتقول لي الدكتورة..مابي يركبون علي دم افففف

[بنت الأياويد]

مشكورة ام خليل بجرب وبشوف ان شاءالله خير

[om khalil]

ان شاءالله ماتحتاجين تركيب دم
يمه بديتين تخوفيني عديتوني بالوسواس شكلكم

[rose soul]

طف طف..فديتج..هذي شكله كلة من يوم رجعت لي النساة
كنت شحلاااتي مع النظام اللي سويته

اي ما قلت لكم
من باجر انا باشيل قشي وبروح بيت ابوي

[om khalil]

وش عندش من باجر بتشيلين عليه بيت ابوش؟

[طفلي حياتي]

على خير روزاتي بتستانسين عدل فن بيت الابو الله يحفظ الجميع يارب
ام خليل تقصدين ام عليي؟؟ تعرف تسوي؟؟ يصير نطلب اوردر خخخخخخ اني استحي اطلب لو اموت ماقلت ابغي

[بنت الأياويد]

روز ذكرتيني في روحي يوم اشيل اغراضي ، الله يعينج ويعين زوجج

[rose soul]

اي الله يسلمكم انا تعبت لأن شقتي الطابق الثالث..والحين صرت بشة على ما اركب او انزل
ومن زمان يحنون علي يقولون لي مب زين..و اوردي زوجي بسافر عقب اسبوع

[om khalil]

طفلي ياحلوه شيكي الخاص، طورناش خخخخ

[om khalil]

روز الله يهونها عليش ان شاءالله

[rose soul]

ام خليل .. الله يسمع منج

[طفلي حياتي]

اها ام خليلللللللل طلعت ام زهراء خطيره بعد مادري عنها تعرف تسوي لايكون مشترتنه؟؟ اني بسألها صبري خخخخخخ وباخليها تسوي ليي ما بتقصر

[om khalil]

هاوي هالحاله
ماغير أقروض في هالمسامير في بوزي
كأني محشش hwaml03
يوعانه حدي بطني تقضه سلايه وماقادره آكل من ضروسي آآآآآآي
وحضراتكم هاليومين سوالفكم كله اكل في اكل جلاب ورشوفه وباستا وطماطه :(

[om khalil]

كنت باقول لش من طريتينه اليوم بس اقول لش من دهشة خليل وحوسته اندهشت حدي زين ذكرتيني

اسمعي متى بتروحين تسوين سونار؟ وعند من؟ وعلى جم؟

[rose soul]

انتو ثنتيناكم..تتحجون عن اوردر شنو؟؟
من ورانا بس

[om khalil]

اكله للوالده يسمونها جلاب

كانها عصيدة وفيها مكسرات وسمسم وطبعا طحين

[om khalil]

الله يسهلها لش ياطفلي وتقعدين في بيت ابوش ويسخر لش من يخدمش ويقوم بش
على الاقل اهلش يقدرون ايونش في اي وقت عورتين قلبي

[rose soul]

اها هيك لكان..وانتو كله عن اكل تتحجوووووووون خخخ
انا الحين احاتي خالتي واعليه..هذي شهرها..تقول تحس بألم طلق..الله يسهل عليها وتولد خلال هالاسبوع

[طفلي حياتي]

روزاتي نسولف عن الجلاب استغفر الله اسمه يفشل
بس اكله للوالدات عجيب طعمه حده
ام خليل المسمار يهيج اكثر يتراوى لي ويلهب اللثه كثرته تركيه عنش
ام حماني وام شيخه خمرو مناك شكلهم

[شمس الصباح]

داخله بالعرض

اقوووووووووووول وينش يا فلونة وردة جميله طمنينا احاتيش

ام خليل اني لو أقدر جان رحت من سبع بس زوجي يقعد سبع على ما يتريق ويطلع صارت سبع ونصف وعلى والبس واسخن السيارة صارت ثمان بس اذا رحت بادور وحده حاطة ايدها على اضروسها ههههههههههههههه وانتين دوي وحده دبتها نازلة وفيها خناااااااااافر

روز سول ما تشوفين شر وتحملي بروحش

[om khalil]

فخيتين؟؟؟؟؟

[شمس الصباح]

اقول اذا في وحده في الدراز تسوي رشوف وجلاب ما ادري ويش اعطوني رقمها يمكن اصير خايبه واسوي عندها اوردر

[om khalil]

شكلي اني اللي فخيت خخخخخخ

[طفلي حياتي]

ام خليل ان شاء الله مابضيع بشوف الانسب لي وبسويه بقعد بيت ابوي جمن يوم شفت الوضع زين يوني وحسيت بتواجد ينفعني قعدت ماحسيت احد فاضي برجع شقتي وباخلي بو الشباب ياخذ اجازه مو كيفه

[rose soul]

ام خليل..ربنا ما يضيع عبيده.. وطف طوفتي ما بتضيع ان شاء الله ^_^

يعني المسمار مفيد للثة؟؟
انا بعد لثتي أذتني
يقولون بعد البرتقال زين حق اللثة

[فلونة]

مرحباااا بطات

انا حالتي كسيفة ويا هالدبة كل يوم سالفة،، رجع زوجي وراويته تخيلوو تم يضحك علي يقوول شكلها جنه ويه مهرج خشمه احمر ومنتفخ .. صارت لي دائرة على الخط الي يطلع في الوسط والمشكلة احترقت تحت السر والبطل الي في بطني راسه تحت الله يستر بس.. والمستشفى ما رحت مو راضي سي السيد يقول حتى لو وديتج وعطوج كريم بتقطينه نفس الحبوب الي عطوج اياه حق الالتهاب..وصح كلامه ..

احلاام ام ،، انا قبل ماعرس ماطبخ مولية وعمري ماحترقت من طباخ ،، بس من عرست لي يومج ذي كل يوم لي قصة حتى وانا انجب احترق .. وكريم ميبو ما له ضرر على الحامل .. لانه اختي عطوها اياه عقب الولادة وحق ولدها عقب الختان


شمووس،، انا طبيعي اطبخ كله على الطرف في الفرن لانه اسهل لي.. باجوف من باجر باتبع نصيحتج اذا ما تذكرت خو التفهي شغال على مدار الساعة.. وسوري سندرتكم معااي :(


ام خليل ،، حق الم الضرس نفس ماقلتي المسمار واذا عندج بندول سويه بودر وحطيه على الضرس الي يعورج وبعد شنو ،، انا جربت المضمضة بماي دافي وملح وبعد خذيت لي غسول من الصيدلية اسمه ليسترلاين على نعناع وايد استفدت منه .. اهو صج حار بس يخف الألم


طف طف وبنت الاياويد ،، الشرر ما اييكم


روز اليديدة،، انه متضايقة مو علشان احترقت بس خايفة على البطل المنخش في بطني لانه احترقت تحت سري واحين راسه تحت واايد حارة شلون بيتحمل


روز .. اذا عندج الحبوب الوردي الحديد للحين حاولي تاخذينه وانتي تاكلين مب قبل الاكل .. اكلي لج جمن لقمة وبلعيه وان شاء الله بتستحمله المعدة

انا خلاص لاعت جبدي ابي اولد :( ،، كل يوم لي سالفة تعفس نفسيتي وتمللت من الثقل يصير اول مادش التاسع يولدوني بطلق صناعي؟؟
ان شاء الله ما وصلت له حرارة الفرررن

[طفلي حياتي]

ام خليل نسيت اجاوب على سؤالش اني اقول بروح لحكيمه لانها على طرييقي واسهل لي من غيرها والله سعرها مو قليل بـ35
عندش سميره مدن ب25 وزين سونارها انيمتحيره اروح لولا اصلا لاني جانسه ماليي حال

[om khalil]

طفلي ويش اسوي ساعات ماي وملح وساعات هالمسمار يهدأني شوي ومسرع مايرد

شمس ههههههههههه هذا اللي باسويه عيل خخخخخ

روز الله يهون عليها ان شاءالله وتولد بالسلامه يارب

[rose soul]

شموس..هلا وانتي للحين ما ولدتي.؟؟ملووك مستانسة عدل شكلها
وفلونة شفيها؟؟

[طفلي حياتي]

هلا والله فلونتي يقولون عادي ترى ما يتأثر البطل مافيه الا العافيه ان شاء الله صار يعرف لش ريلش تخلينه يوديش وتالي تقطين الدوا عيل ليش تروحين ؟ يالبشه

[فلونة]

بطني على الصوبين فيه تشققات وكل يوم قاعدة تزيد ،، واليوم اكملت في الوسط صار لي دائرة حمرة واحين الجلد شوي شوي نوع الي ينسحب بسبت ثيابي ،،

[om khalil]

روز،، اني بلايي مو في اللثه، بلايي في الأسنان الله لايبلاكم

فلونه،، ياربي ماعليش شر ان شاءالله وكلي امرش لله وادعيه يسلم مافي رحمش وماعتقد انه وصلت له الحراره هو اصلا بعيد محفوظ بحمى الرحمن، واللي تاثر الجلد الخارجي فقط، اصلا لو صادش اكثر جان بكون حرق من الدرجة الألف جان ذابت دبتش بسم الله عليش

يالله اني بعد ييت بكحلها عميتها هههههههه

سوري حبيبتي بس اتمنى تكون وضحت لش الصوره

[om khalil]

تشققات طبيعية من توسع الدبه
استخدمي زيت زيتون على المنطقة والا فازلين وهونيها على روحش الله الحافظ

[شمس الصباح]

فلونة زين دخلتين ما تشوفين شر ترى الطفل ما يتاثر اني صادني بولدي جدي والحين تعلمت الدرس لا تحاتين

[فلونة]

سنفورة اشفيج انا مو مفتكرة في روحي اهم شي ولدي او بنتي ما يصيجهم شي عالاقل ابي اتطمن .. والحروق درجات انا مادري الدرجة الاولى او الثانية لانه انتفخ مكانه
طفلوو اتصدقين احس الخط الي بطني تحرك من مكانه :(

[طفلي حياتي]

الحقوووووووووووووووووووو هذا خط الاستواء من الاحتباس الحراري اللي صار تحرك من مكانه مادري افغصش؟؟ انتين وسواسش من الصعب اني كلمتين تسكتني وانتين مررر

[om khalil]

هالخط يتعرج على فكره ها
مايصير سيده

حروق الدرجة الأولى اللي هي الحروق الشديييييييدة جدا اللي يادافع البلا الجلد يذوب منها بسم الله علييش

[شمس الصباح]

روز سول لا تذكريني اني للحين ما ولدت ويش اسوي قاعده انتظر اذن الله

[طفلي حياتي]

على طاري لبطون اني بطني غير مقسوم من قبل قسم فوق وقسم تحت عاد الفوقي بدأ يصير خشن والياهل تحت ولين مو خشن ويش هالسالفه بعد؟؟ فرحتي لين بغت تتجول طالعت جهة اليمين وردت نزلت تعسعس تحت مي راضيه تروح فوق هذي بعد خايبه منالحين هالبت

[فلونة]

ام خليل ،، استخدمت زين زيتون وما استفدت منه واحين خذيت لي كريم بالمرز بزبدة الكاكاو واحس للحين الحال نفسه ماتغير .. بس اهم شي تروح عقب الولادة...

شمووس،، فديتج والله تحاتيني .. انا كل يوم لي سالفة يعني مسلسل لين اولد .. اذا يصير اولد بطلق صناعي ابي اولد من بداية شهري تعبت حدي:(

[rose soul]

فلونة..ما تجوفين شر بعد جبدي
انتي الله يهداج..ما تنتبهين وانتي اطبخين..بس بالنسبة للبيبي ماعتقد يتأثرر
انا بعد انسى فيني دبة جم مرة ارقع فيها هههه
او اذا بطوف من الباب ساعات اطوف على صوب وتنرقع بالجدار واعلية

[om khalil]

اني فرحاني كله يحوس يسار ازيد شي والا تحت، احسه ساعات كانه يناطط ويدعس ريوله تحت مادري جيفه هههههههه

[فلونة]

ام خليل،، انا الخط الي فيني تحت السر وفوق السر ما يلتقون مع بعض كل واحد في صوب متخاصمين انتو بعد جذي

طفلووو ،، باذبحج انتي وقت طنازتج .. خط استواء تقول يعني انتي ما فيج خط ودبتج شلون فوق وتحت مافهمت

[om khalil]

فلووونه اني اشتريته ولا استخدمته ذكرتيني به
واني اقصد زيت الزيتون والفازلين عن الحرار

[rose soul]

انا خط الحمل صار داكن عدل
يلوع الجبد
يروح بعدين ؟؟ ولا تتشوه دبتي؟؟

[om khalil]

حرسي باغاور عن خلي باطالع دبتي

[شمس الصباح]

يروح الخط بعدين لا تخافون اني بعد صاير الخط واضح والسر طالع على بره خخخخخخخ تقولين ليت يد صغير

[rose soul]

طف طف .. يعني فيج كرشة من قبل؟؟

[om khalil]

ايه مو سيده قمت اطالع في المنظره ههههههه

روز يقولون تروح اني ما استخدمت البالمرز وايد ما انتظمت فيه

[فلونة]

ههههههههههههههههههههه والله مو حزتج ام خليل ،، انا كله مجابلة المنظرة بسبت هالتشققات حتى ريلي يقولي بسج كل يوم احسب جم خط زادوو:(

روز،، انتي بعد في الطابق الثالث .. خوش شي حالي حالج .. وانتي اصلا يبيلج زف لازم تاخذين الحبوب لانه يرفع الدم اسرع من الحمية الي تسوينها

[شمس الصباح]

حرسي باغاور عن خلي باطالع دبتي

خخخخخخخخخخ عيب شفت اشياء اني يالله تغطي hwaml02

[om khalil]

شموسه يقولون اذا السر طالع على برا يعني حامل بولد؟ صح؟ بيه بيه

[فلونة]

انا احط لي بالمرز بس قبل مارقد ،، المفروض مرة في اليوم او اكثر ولا ادري..

[rose soul]

فلونة..شلون متخاصمين الخط اللي تحت واللي فوق؟؟
مو صاير مع السر اثنينهم؟؟
انا اللي تحت لونه داكن عدل واللي فوق على خفيف بس مو واصل لفوق كلش

[om khalil]

شمس وععع لاعت جبدي من الي شفته هههههههههه

[شمس الصباح]

خخخخخخخخخخخخخخخ تدرين اني اول مرة يطلع سري واذا طلع ولد مو مشكله بسميه مجتبى بس خسارة التوزيعات بخشهم

[طفلي حياتي]

ام خليل راجعي الخاص

[فلونة]

روز ،، انا الخط الي تحت سر على صوب اليسار والخط الي فوق السر صاير في الوسط يعني كل واحد في صوب فهمتي والله ارسم لج الصورة:p

[فلونة]

لا ماعتقد السر له علاقة بنوع الجنين ،، مرت حماي كله ينط سره في الحمال وعندها بنتين .. و شموس قاعدة تشكك كل ذي لانه ملووك ما طلعت
يتراولي لين وحدة ضعيفة ينط سرها

[شمس الصباح]

اني خطي مثل روز سول سيده مو اعوج

خخخخخخخخخخخخخخخ غربل ابليسكم شكلي بولد من الضحك الليلة

[طفلي حياتي]

ضحكتوني غربل الله بليسكم
اي روزا اني فيني دبه قبل لا احمل ومقسومه نص فوق ونص تحت مع الرجيم والرياضه تتعدل ومن امتن انقسمت مره ثانيه خخخخخخ
ام خليل موتيني من الضحك بتغاورين عن خليل ههههههههههههه
ولا قلتون حقويش بطني نص لين نص خشن؟؟ تحت مو خشن
وعلى طاري السر قاعد يحاول يطلع لبرا لايكون فيني ولد واني اتشرا لبنيه يووووووووووووو

[rose soul]

طف طف..وانا اقول وين تختفي؟؟بسج اسرار خخخ
..
فلونة
اي الحين فهمت هههههههههههههه
..
انا سري مسحوب عدل صاير جنه عيون واحد من الصين خخخخخخ
بس ساعات يدخل وساعات يطلع مادري شسالفته

[شمس الصباح]

سري مو طالع وايد بس لان في الأساس منخش ومن حملت الحين متمدد كانه يعني نابص على خفيف

[طفلي حياتي]

روز اني مسحوب سري بعد ماعرف اوصف شكله مسحوب ويبغي يطلع ساعات هههههههههههه

[rose soul]

هههههههههه بس تصدقون
عجبني الموضوع..كل وحدة قاعدة تشرح شلون شكل دبتها وخخخخخخخخخخخخخخخخخخخ

[فلونة]

روز ،،ههههههههههههههههههههههه حلوة ذي مسحوب
والله نسيت سالفتي حرقتي.. انتي نفس خطي والله خطج سيدة:p

طفلوو ،، الصوب الي يكون قاعد فيه البيبي يصير خشن والصوب الي ما يروح يمه يصير لين مادري صح كلامي او لا؟؟
لانه انا كله قاعد صوب اليمين ويصير بطني جهة اليمين خشن واليسار لين :p

[rose soul]

طف طف.. بعدين بتتكور دبتج لا تستعيلين
وبتصير خشنة

[طفلي حياتي]

برب بقوم اسوي شي لريلي وبرجع
مو تهربون

[شمس الصباح]

ويلي قمت افاطس من الضحك هههههههه وولدي قاعد يدرس ويطالع فيني يقول امه استخفت

[أحلام أم]

حسبي الله عليكم كل وحدة متحيره بسرها وخط بطنها وتضرب أفكار في عمرررها
فلونة وقلنه من الحرق خطها نعوج وإنتون كل وحدة تجيك في المنظرة هههههههه
أم خليل شكلش من زماان ماشفتين دبتش مفصخه هههههههه

[شمس الصباح]

هلا احلام ام من كثر ما قمت اضحك اخيرا ولدي نطق قال ويش فيش تضحكين

تعالو صدق بسئل اذا قربت الولادة الطفل يتحرك لو ما يتحرك

[om khalil]

عفر السر ماله دخل طفرته من سحبته

يبي لينا سونار فاني يطفلي

ان شاءالله ياشمس تولدين من الضحك ههههههههههه

[rose soul]

فلونة..انا جنه سيدة..خخخ بس مو بسطرة يعني.. شوي متعرج على خفيف .. يعني مو اعووووي يبين سيدة

[فلونة]

جفتي شلون احلام ام ،، حتى في خطي العوي يبون يناشبوني فيه :p

طفلووو ،، روحي مناك كملي عقرتج في الخاص تالي تعالي

[om khalil]

غربل الله بليسكم خليتوني اروح اشوف دبتي كل شوي ههههههههههه

احلام ام من حلاوتها حتى اطالعها اخر مره شفتها بعد ولادتي بخليل لما هفتت ههههههه

[طفلي حياتي]

لا ما اعقر افا عليكم انتون عزوتي
بروح اسوي عشا لريلي بسيط وسريع وبرجع

[rose soul]

شموس..يقولون تقل حركته..بس مو ما يتحرك..يعني تكون الحركة خفيفة كلش

[شمس الصباح]

اني كان الخط اعوج اشووي بس الحين سيده اظاهر على حسب حجم الدبه يتمدد

[فلونة]

انا باقوم عنكم شوي بيتنا بيمرون شقتي ،، باقوم اسوي لنا كستر صاخن ولا باتوب عن الفرن ،، زوجي موصي علي الف وصية لا اطبخين بنشتري جاهز بس انا نحيسة ما اشتهي اكل المطاعم ..

برررب والي يبي كستر يبرز قلاصه :p

[شمس الصباح]

يعني ما بولد الليلة لانها تتحرك بس ما تتحرك وايد هي مثل قبل

[rose soul]

تيت طف طف.. عشى العوافي.. نتظر رجعتج

[rose soul]

فلونة.. انا قلاصي جاهز..لحين ما كملو القلاصات البلاستك ههههههههههههههههه

[شمس الصباح]

الله وياش فلونة طرشي لي كوبه

[rose soul]

انزين بسألكم
اللي مرو في الشهر الثامن
اصيدكم ألم تحت..مادري اهو نفس الدورة ..بس اخف شوي
هل هالشي عادي؟؟

[شمس الصباح]

صدق محد رد يصير اشرب شاي دارسين واني ما فيني الطلق لو مو زين

[أحلام أم]

عااد الدبه بعد الولادة ليين هفتت تصير تخوف وسودة ههههههه
باقوم وصل زوجي من الشغل وخليكم ويادبيبكم حاولوا تولدووون شموس الليلة على إفادي

[شمس الصباح]

اي روز سول يصيدش بس خفيف وعلى فترات بعيده

[أحلام أم]

زوجي يناديني
شمس
سمعت يقولوون شرب الدارسيين قبل الولادة بمده يتعب الياهل بعد الولادة
يعني يقولوون ليين ياش الطلق شوي موواايد
إنزيييين جيييت باااي

[rose soul]

شموس..لا انا سمعت مو زين اذا مافيج طلق..
انتي في ولادتج السابقة..تاخرتي عن موعد ولادتج ولا في نفس الموعد ولدتي؟؟

[شمس الصباح]

عااد الدبه بعد الولادة ليين هفتت تصير تخوف وسودة ههههههه
باقوم وصل زوجي من الشغل وخليكم ويادبيبكم حاولوا تولدووون شموس الليلة على إفادي

الله يسمع منش يجيني الطلق الليلة وابرشكم بولادتي يالله يا كريم

[شمس الصباح]

لا اني دائما قبل موعدي باسبوع اولد بس هالمرة ما ادري ليش تأخرت

[شمس الصباح]

تدرين اني عندي افرازات خيوط مثل ما يقولون والم في الحوض والظهر بس مو الطلق مال ولادة هذا تمهيد احيانا يجيني الم يخليني افز من مكاني واقول يمكن اولد ومن انام يروح كل شي

[rose soul]

يلا شموس هانت هاااااانت..ان شاء الله من ضحك الليلة تولدين
وتيبين احلى ملوك

[rose soul]

شموس..يمكن لأن فيج بنية من جذي الطلق يروح وايي

تصدقين انا بقى لي اسبوعين وادش التاسع..

[شمس الصباح]

اني بس احاتي خايفة اطوف موعدي ويحطون طلق صناعي واتعذب واللي دابحني ان اليهال امتحانات

[om khalil]

على قولتش هذي تمهيد بالولاده ان شاءالله وكلي امرش لله وان شاءالله بتشرف ملاك العز بالسلامه ان شاءالله

فلونه امبا كستر :(

[شمس الصباح]

اكره شهر التاااااااسع اليوم فيه عن تسع شهور

[om khalil]

جربت الطلق الصناعي مثل الطبيعي تراه بس طبعا بكون متواصل الألم يعني هو نفسه

[شمس الصباح]

اي ام خليل متى الوحده تمترخ بعد الولادة

[rose soul]

متى اهم يحطون الطلق الصناعي؟؟

[طفلي حياتي]

ام خليل ماراجعتين الخاص شكلش تبطين الجبد صايره
باقوم اسوي جاي لريلي يبي وان رجعت ماشفت لش رد بتشوفين
برب

[شمس الصباح]

يؤؤؤؤؤؤ احسب غير لان الكل يقول عذاب الطلق الصناعي اذا جدي بخليهم يولودني كانه على كيفي

[rose soul]

انا برب باخذ شاور احس راسي مصدع
بعدله
بس مو تختفووووون
من زمان ما قعدت معاكم

[شمس الصباح]

برررررررب بقعد مع زوجي

بكرة بدور وحده في المستشفى حاطه ايدها على اضروسها

يالله اشوفكم بكرة اذا الله كتب

[om khalil]

شمس
جربته الله لايعوده بولدي البجر،، ابو 20 سبوع الله يرحمه ويجعله شفيع لي ولابوه بالجنه يارب.. واذكر امترخت من خامس يوم عفر من الولاده..

طفلي
يالمفهيه من زمان رديت عليش رسالتين بعد مو وحده..

[om khalil]

وبراطمها كل واحد صوب هههههههههههه

نايس نايت ^_*

[om khalil]

طفلي يمكن صندوق رسايلش ممتلي؟ امسحي فيهم لجل أني مرسله الرساله من هي نص ساعه

[om khalil]

ماقدر مت هلاج من اليوع غربل الله لضروس
باقوم أييب عشايي باكل وياكم حياكم اقصد برب خخخ

[طفلي حياتي]

كلكم رحتون؟
ماعليه اني انتظر

[om khalil]

هذاني ييت
بقعد وياش لحدعش

[om khalil]

طاستين منفوره من الماتم حياكم ^_^

[طفلي حياتي]

مامبي منافير اني اليوم وكليوم اتريق 1 الظهر واتغدا المغرب او ماتغدا بس اتعشى
عاد اليوم يعت واكلت المغرب نجت دجاج وشكلي اكلت زياده يعني عورني بططني عدل وللحين ماني مشتهيه شي حتى شربت مرقدوش من الالم بدون خبز ولا شي مادري ليش عورني بطني وهداني اكل حب شمسي ورد رجع الالم
اللي قلت لش عنها طلعت للاربعين بس شكلي بصرف نظر معني ابغيها للاربعين بس لان ابغي سرير اني للبيت هذي للزيارات الاولى وشرايش الحين ؟؟
عمتي مسويه عصيده المغرب واكلت قفشتين ومت زياده وشربت مرقدوش من عندها الحين بشرب حليب باارد جان يخف
عليش بالعافيه ام خليل

[طفلي حياتي]

جيفه تخربط كلامي صار مخربط يعني الخاتمه كانت عن اللي سألتش عنها وراحت في النص خخخخخ المهم ينفهم

[Roze]

ويش لحوالhwaml02

[om khalil]

ينفهم ينفهم مادري احسها مو عملية يعني تشترين شي للاربعين وتالي تقطينه خسارة الخاسرين خخخ

الالم مال حموضه؟ لو مال اكل وايد؟ يمكن مارحمتين روحش

هالمنفوره ماقدرت اكلها من ضروسي هذاني اكل سندويجة جبن على صوب

[om khalil]

ويش لحوالhwaml02

تسرش hwaml02 الي بطنها يعورها والي ضروسها يادافع البلا hwaml02

[Roze]

طفطف هذي ارياح وياش

[طفلي حياتي]

هههههههههه بطني مال حموضه على تخربط عفر ما ادري اني شبعت بيني وبينش وتمت قطعه وغصغصتها عن خساره ويقوم ينبط البطن
هلا روز شخبارش؟
تاكلين على صوب موتيني من الضحك ههههههههههههه اكلي على ضروس القداميين ويش هالحاله

[om khalil]

جان ليكم خاطر


انطلاق معرض الخريف 2011 للتسوق 26 يناير الجاري

الوسط - المحرر الاقتصادي


يشارك في المعرض أكثر من 770 عارضاً
تنطلق فعاليات معرض الخريق 2011، في مركز البحرين الدولي للمعارض والمؤتمرات في الفترة مابين 26 يناير و3 فبراير
وستباع خلال هذا المعرض الذي يقام لمدة 9 أيام مجموعة هائلة من المنتجات المختلفة التي تتراوح ما بين المواد الغذائية المتخصصة، الملابس والأثاث؛ والأجهزة التقنية، ألعاب الأطفال، المنسوجات وغيرها الكثير من المنتجات.

وسيفتح أبوابه للجمهور يومياً من الساعة العاشرة صباحاً إلى الساعة الواحدة بعد الظهر، ومن الساعة الرابعة عصراً إلى الساعة العاشرة مساء وذلك في الأيام 27،29،30 و31 يناير والأيام 1،2 و3 فبراير. أما في يومي 26 و28 يناير، فسيكون المعرض مفتوحاً للجمهور من الساعة 12 ظهراً إلى الساعة 10 مساءً. هذا، وستخصص الفترة الصباحية في يومي 30 و31 يناير للسيدات فقط.

منقول من صحيفة الوسط اليوم ..

[Roze]

اي اشوف وايد شكاوي الليلة يم خليل

[om khalil]

اكل على لضروس القدمانيه صاقعه جيفه اقروض ماهم قواطع هذيلين الله يغربل بليسش هذاني اجرب ههههههههههه

[Roze]

تونييي افكر في المعرض داك اليووم اموووت في معرض الخريييف لزمن اروح ويا دبتي

[om khalil]

انتين شحوالش ويا الحمال

[طفلي حياتي]

المعرض ان شاء الله نحصل فرصه ويى هالريل كله مشغول يزوغ المر اني ابغي اروح اماكن التخفيظات جان اشوف سرير لفرحه
ام خليل ما تنصحيني بمكان اسرتهم حليوه وزينه ؟؟ غير مذركير لان الحين بروحي مابقدر اروح مكان لازم ابغي وياه وهو مابيفضى الا عقب الامتحانات يعني التخفيظات خلصت

[Roze]

صاقعه مالت الدراااااز وييلي على اهل الدرااز فديتهم

[om khalil]

اني مارحت من سنين وبنين
عفر من تسع سنوات
هالمره اذا الله يسر باروح باخذ بجامات لليهال

[طفلي حياتي]

روز راحت تاخذ شور وشكلها انبطحت تجيك المخده ونامت اعرف حركاتها الدبه
وام كستر الله يستر الحين بتدخل بتقول حركت صبعتها السبابه ماليها امان هالبشه
وبنوته ما بنسأل عنش يالتبوكيه تغطين وايد وماتدخلين الا نصوص الليالي كان بياكلون منش نتفه

[Roze]

طفطف سوي سرير تفصيل خوش شي

[om khalil]

طفلي مشكله ماعرف للبحرين كل بضاعتي تجهيزاتي من السعودية
هيمن من جم يوم كانت تتحجى عن الأسرة؟

روز أحنا فلتات بس محد يعرف لينا خخخخ

[طفلي حياتي]

ويش دخل البيجامات في السالفه الحين؟؟
اني ابغي سرير لفرحتي اما هذي بعد
طالع روزا مطلعه قاموس لدراز بعد صاقعه تصقع العدو خخخخخ

[طفلي حياتي]

نصره فرحانه هاكي تحركت ياخلف طوايف امها نصره تبغين سرير يفرحتي بناخذ لش احلى سرير

[طفلي حياتي]

وين يفصلون شغله بعد التفصيل
اني الا طلعتي بالموت ابغي شي جاهز اشتريه وتنتهي السالفه

[om khalil]

اني ويا روزززز نسولف عن المعرض لجل من سنين مارحته ولو بروح علشان بجامات سوريا القطنية

على طاري سوريا صحي اخر روحة ليي لمعرض الخريف كان من 2004 يوم اني توي اتنسى ببتي، حضرتي اذكر اخذت مادري هو حب رمان حامض مادري هو ويش وتذوقته وانهدت عليي الزيعان بلا راي فشلت خخخخخ

[om khalil]

طفلي غربل الله سوش صاقعه تصقع العدو ماتندقين سلف ههههههههههههه

[طفلي حياتي]

ههههههههههههه اكلتين من حب الرمان بلا غسال والف سوري مغاوص فيه ويع من جده رجعتين ويلي اتخيل شكلش لعوزتين احد؟؟

[om khalil]

لعوزت دفتي شوي،، هو نفس البهارات ماينغسل لانه عليه عسل مادري دبس رمان مادري هو وي،، شيير ليي واخذته.. وغاورت على صوب باجربه الا ينهد عليي زيعان شوي على الارض وكملتها في الجيس استغفر الله خخخخ
اشوى ضعت في الزحمه بس اكيد شافوني شلت عليه خخخخ

[طفلي حياتي]

هههههههههههههههههههههههههههههههههه
ويش هالحاله عوديها بعد هالمره جربي شي

[om khalil]

اشوى مو وقت نساة والا عادي اعيدها ههههههههههههه
خلف جبدي انتين ادت الساعة حدعش باخليكم
شكلي بانام والمسامير في بوزي جاموا أغص بأدنات مسمار

نسالكم الدعاء بس.. تصبحون على خير

[طفلي حياتي]

قومي فلتيهم ونامي على طعمهم الرائع ماعليش شر
وانتين من اهل الخير
باااي

[Roze]

خيرتكم صخيتون باقون انام عيل ريلي رقد بقوم وياه.



عساش ياشمس تولدين الليله

[rose soul]

رجعت
في احد
لو انخمدتوووووووو؟؟
حشى ما تسوى علينا هالشور خخخ

[طفلي حياتي]

هذا مو شور هذا من سنه ما تسبحتين مهلتين وايد كلهم مشو

[rose soul]

خخخ
ما تأخر
هاي شكلة من زمان ما ذاقو طعم النوم
يلا خلهم ينامون بسلام
الا شخبارج انتي مع فرحتج؟؟

[طفلي حياتي]

والله فرحتي وايد هادئه وخايفه لكن طمنوني والحين باخذ رايش متى تصير الحركه قويه اني للحين احس الحركه خفيفه وكله جهة اليمين اذا فكرت تتحرك حظرتها
شكلها خايبه على امها

[بنت الأياويد]

مساء الخير ماشاءالله وايد سولفتوا صفحات شكثر مرت علي مافيني شده اقرى في اشيا مهمة طافتني؟ انا زوجي توه طالع من شوي والحين يالسه اشرب على قولتكم رشوفه هههههههههههههههه حسو مب زين لكمم جان عزمتكم

[rose soul]

طف طف..انا من السادس حسيت حركتها وفي السابع زادت..بس بعد يقولون يختلف من وحدة لثانية..وانا بعد اكثر شي جهة اليمين
..
بنت الاياويد..اي اختفيتي مرة وحدة..فاتج اشياء وايد..كل وحدة قامت توصف دبتها خخخخ

[بنت الأياويد]

هههههههههههههههه يعني تنصحيني اقرى ولالا ، لاني لو تميت اقرى هالسوالف بتييني النودة وبرقد

[طفلي حياتي]

عوافي بنت الاياويد اهاا كان ريلش وياش
اني قلت خمرتين ويى ام حماني مناك ونسيتينه
شخبار شواخه وابوها شيسوي اذا يشوفها يعرف يدلع لو لا خخخخخخ

[طفلي حياتي]

بقول ليكم معلومه عن ريلي مايحب اليهال هالكبر اللي توهم مولودين كلش ما يدانيهم واني خايفه جان مو يسوي لبنتي هالطريقه خخخخخ

[طفلي حياتي]

صخو البنات وينكمممممممممممممممممممممممممممممممممم

[بنت الأياويد]

شواخه عيارة كله قالبتها صياح بس من يتكلم ابوها اتم ساكتة تتصوخ مايعرف لها ويقهرني كله يبي يشيلها بدون مهاد وانا قلبي في يدي لكن قهرني يقولي شلتها وصرخت في اذوني تصيح ومن الخرعه قلت لها صيخ تخيلي خخخ حدي عصبت عليه يقولي بالغلط مادري بس يشيلها يفتر فيها ومن تصيح او تتنهوص يناديني

[بنت الأياويد]

ام حماني سولفت وياكم ولا من كتبت مساء الخير كانت الساعه سبع ومنها ماتكلمت عقبها سولفت ولا طلعت؟

[طفلي حياتي]

لا ام حماني اختفت وياش في مره من جذي قلت الظاهر راحو مناك يسولفون
وزوجش انتبهي لا يطيحها هو يبغيها بدون شي عشان ايودها عدل يمكن ههههههههه

[rose soul]

طف طف.. لا انا اشك ان ريلج خواف..وايد رياييل يخافون يحملون يهال واهم توهم ما يتيودون جنهم جيلي خخخ
..
بنت الاياويد..واعلية شواخة..مسوينها لعبة هههه
لا تصريخين عليها..ترا تتصروع واعلية فديتها
ام حماني ما سولفت..شكلها يوم تدش ما كان في احد وطلعت

[طفلي حياتي]

على فكره اليهال ساعات يطلعون صوت يبطون الراس يبغون يصرخون بس يختلف الايقاع عندهم وماتسمعين الا صوت يبط الراس هههههه الظاهر شيخه سوت هالحركه ودخل الصوت في راسش مسكينه شواخه
الحين اتخيلها طلعت الصوت وقامت تتمطق ولا كانها مسويه شي

[بنت الأياويد]

اي شكله جذي عباله لعبه ههههههههههههههه ، شيخه تصيح يوعانه استاذن لي بكرى ان شاءالله

[طفلي حياتي]

في امان الله ام شيخه

[طفلي حياتي]

روزا ريلش نام؟؟ اني ريلي للحين يراجع ويى رفيقه وماشفته موليه اليوم واني تعبت من القعده طول اليوم رازه الفيس على النت تكسرت

[rose soul]

اي طف طف .. ساعات اليهال يطلعون اصوات غريبة عجيبة
خاطرج تقطينهم من فوق لتحت خخخخ
بس قلبج مايطاوعج
بس اكيد الضنى غير
الصوت مالهم جنة لحن كلاسيكي ناعم خخخ
..
بنت الاياويد..اخذي راحتج..ونجوفج غدا ان شاء الله

[طفلي حياتي]

آآآآه متشووقه اشوف هالفرحه متى تنتهي معاناة الحمل والولاده واشوف ورده صوبي ابوس فيها والاعبها واستانس وياها ياربي تسهل امرنا جميعا

[rose soul]

لا انا ريلي طلع مع ربعه يغير جو صار له اسبوع ما شافهم وتوه متصل يقول اكا اهو في الدرب

[طفلي حياتي]

تعالي روز خلنا نفتح موضوع
من وين شريتين لبنتش اشياءات اللي يللفون فيه البيبي والفوط المراضع هالاشياء يعني
اني ابغي اشتري كله ماركه بس غالي ويش اسوي وتخفيظات مذركير يقولون كلش خرطي

[rose soul]

طف طف .. انا خايفة حدي الحين.. مابي اولد الا لما يرتفع دمي .. حتى كتبت موضوع في الدردشة علشان آخذ خبرة من اي احد مر بهالتجربة
وباجر موعدي مع الدكتورة الله يستر شبتقول..اخاف تزفني زف :(
كفاية من امي زفتني اليوم..تقول احتمال يرقدونج يحطون دم لج
اففف ياربي شهالحالة

[طفلي حياتي]

انزين اخذي الحبوب اللي قالت عنها ام شيخه اليفت كانه
واكلي كيوي يقولون تمام واكلي مصاص الدماء مالش يعني سوي لش حل

[rose soul]

تصدقين بنوتة..انا معظم اغراض بنوتتي كله من ماذركير وشوي من سوق الطفل و حب الاطفال هالاماكن اللي شريت منها بس
لا تخفيض ولا يحزنون في مذركير..واليوم بعد رحت نزلو بضاعات غير
شريت لها جمن فستان

[طفلي حياتي]

ما جاوبتين سؤالي من وين اشتري اشياءات لبنتي؟
مثلا برنوص بساط مادري شتسمونه الي يلفون فيه البيبي ابغي كشخه وزينين وسعرهم زين بعد

[طفلي حياتي]

اهاا
انزين ويش اسعارهم في لمهادات عفر تسمونه مهاد اللي يلفون به البيبي؟ هذيله بجم
اني ابغي ليها اشياء كله قطن مابغي ولا شي غير القطن

[طفلي حياتي]

يلا روزاتي بقوم مع السلامه

[أم جعفر]

إدعوا اني أكون معكم في هالتجمع عن قريب وأفرح اني حامل
الله يقومكم بالسلامه

[شمس الصباح]

بناااااااااااااااااااااات

اكي اعراض الطلق معاي فزت من النوم الا دم المهم دعواتكم لي بالسهاله يا رب يالله قلت ابشركم وبعدين اقعد زوجي ووووووويلي

[بنوتة حلوة]

مررررحبااااا .. محد هنيه بس كله مني اني الغبية طووول اليوم متمللة وقاعدة في شقة بيت عمي جدي بس لا شغلة ولا مشغلة ..

كنت اقدر اجيب اللابتوب واقعد عليه على الاقل سوالف وياكم عن الملل ... لكن سوف أندم ..

باجر بحمله وياي وين ما اروح ...

وبخصوص حركة الجااااهل خيووو طفلي ترا اني بتي تتحرك كله جهة اليمين يعني ماتحلى ليي البطحة الا على اليسار .. لان ان فكرت انبطح على اليمين تترقص ليي وتتدعس مادري شلون جني فاغصتنهااا والمشكلة رجلي ينام جهة اليسار يعني لازم اقابله كل ليلية سالفة الين ما اعطيه ظهري مضطرة لان بته مو عاجبتنها وتقعد ترفس فيه من القهر خخخخخخخخ

فلونة .. ماتجوف شرر الدبة وان شاااء الله يخف الحرق واكيد اكيد الجاهل ماصاده شي .. روحي اقري ترا طبقات الجلد عبارة عن سبع طبقااات وبعدين في المشيمة وبعدين داخلها في سائل يحمي الجاهل من كل شي .. يعني مستحيييييل يوصله شي باذن الله..

ام خليل .. من صدقش شريتين اغراض بنية واحين فيش صبي ؟؟ ياااا إلهي لو منش اصييييح والطم وانصب عزية

رووزاتي سمعي اخدي حبوب الحديد اني احين كله حبوب الحديد خلاص من احين لين ما اولد مافيني شدة وصفتهم ليي دكتورتي الحبة لونها وردي والدوا اسمه Tardyferon 80 mg
وهكي بتخليني اعيد التحليل نهاية الشهر عشان تتأكد ..

شموووووس تمللت واني ادش كل يوم اقول احين خبر ولادة خل نستانس من زمان ما ولدت وحدة من الديوانية بين كل وحدة والثانية شهر دا ويششش .. يالله ببركة محمد وآل محمد ان شاءالله ماتجي نهاية هالاسبوع الاوانتين والدة واقري سورة مريم كل يوم واقري زيارة عاشوراء ودعاء علقمة ..

[بنوتة حلوة]

شمس الشموووووووسة سمعي جبت ليش موضوع من خلال تفرفري في هالمنتدى اللطيف .. عن اشياء تسوينها عشان تسهل الولادة :
http://forum.hwaml.com/t37337.html

سمعي يقولش اشربي شاي ورق التوت كل يوم كوب في الاسابيع الاخيرة مكتوووب وانتين هادي الايام الاخيرة خلاص اصلا باقي شوي وتطوفين الاسابيع وتدشين الشهر العاشر