ديوانية البحرين - دردشة حوامل البحرين - البحرينيات

[الفتاة الذهبية]

ام حماني
مرة خالي ما تسوي شي اهي اساسا جسمها ضعيف وما تمتن في الحمل
بس تطلع لها دبه وهي عندها حزام شرته من السرور بس الحين السرور
رحت اجوف الاحزمة الي عندهم الا يايبين غير يايبين احزمة مب عريضه وهاذي ما تصلح

[أم حماني]

طفلي ... كلامج اثلج صدري لاني ماسويت رياضه ههههههههههههه بس ليش ممنوع الرياضه

[الفتاة الذهبية]

توني اسمع عن الرياضه مب زينة عقب الولاده مباشرة
زين عطيتينا معلومة

[rose soul]

وينها بنت الاياويد اختفت مرة وحدة؟؟

[أم حماني]

وينها بنت الاياويد اختفت مرة وحدة؟؟


كالعاده خخخخ ... ماقلتي شي يديد

[الفتاة الذهبية]

روز عادي عادي تعودي
ما تجوفين الا صخه مرة وحده خخخ ما تدرين شسالفة

[الفتاة الذهبية]

ام حماني
انا الحين بدخل الثامن امي تقول تمشي من الثامن
بس لا تكثرين من المشي وقلت لها ناس يقولون لا تمشي من التاسع
امي تقول اهي قبل تتمشى من الثامن بس مو بكثرة انتي شرايج ؟

[rose soul]

هههههههههه

انا ما متنت..تخيلو عصاقل حاملة دبة
جني زيتونة مرت بباي وفيها دبة

[أم حماني]

عادي تمشين حتى من السابع

[بنت الأياويد]

هههههههههههههههههههههه اوه جنه الكلام لي خخخخخ ، رحت اتمشى شوي في الصالة احس كله جبدي منسده ماقدر اقعد وايد ، ام حماني بنت الحلال على طاريها توني اسأل عنج من شوي ، انا يبت جهازي بيت امي من امس رقدت عندهم خلاص

[طفلي حياتي]

هلا ييت
ربط البطن المرحومه امي تقول من تولد الوحده مباشره تربطه ومال اول يربطونه بخلق عادي لا مشد ولا يحزنون
ام حماني مع ان ينصحون بالرياضه والاجانب يسوونها لكن رياضه خاصه لبعد الولاده احنا نروح نادي ونسوي رياضه عنيفه ونتأثر وهذا الخطأ
وعلى طاري الدبه عقب الولاده واللي حسيتين فيه شكله بطنش قاعد يفسر مكان اللي طلع منه حماني يبغي ينكمش وفكرتينه بيبي ثاني هههههههههههه ويلي اشياء تحس المرأه

[بنت الأياويد]

اذا انتي مرت بباي انا نملة بالعه نخيه هههههههههه ، انا برب بروح وبرجع لكم عقب شوي ، امي تبي تشتري اغراض فقيرة بوديها

[الفتاة الذهبية]

ههههههههههههه زيتونة مرة بباي عجبتني


روز ذكرتيني يوم العيد
طفنا ع شباب واقفين الا كلهم يطالعوني ويضحكون
وانا تفشلت اقول حق امي فيني شي غلط تقول امي لا قلت لها عيل
شفيهم يطالعوني ويضحكون قالت امي شعليج منهم تركيهم عنج
ويوم طفنا عليهم الا يقولون جوفوا البطيخ الي قاعد يمشي خخخ
يعيبون على دبتي خخخ

[طفلي حياتي]

ههههههههههههههههههه بلاوي
اني بصراحه فيني متون شووووووي وفيني كرش وان شاء الله عقب الولاده يروح هذا وذاك ويستانس ريلي يموت على الرشاقه
لايفلت من ايدي يشوف له شوفه

[rose soul]

اي يقهروني الاجانب هههههههه
مادري شلون فيهم شدة عقب الولادة ولا جنهم توهم والدين
جنه ولا شي صار..
..
بنت الاياويد ههههههههههههه نملة بالعة نخية..صرتي كورة ههههههه
ما بقى الا نشوتج هههههههههه.. علشان تولدين

[الفتاة الذهبية]

ههههههههههههههههههههههههههههه
لا تتحجون ع الرشاقه انا بكبري اقول ان شاء الله اذا ولدت
يرجع جسمي مثل قبل رشيق لانه بصراحة بيت عمي خخخخ
اذا يتجمعون يقعدون يسألون انتي جم وزنج وجذي وفشله عاد هم رشيقات وانتي وزنج محطم المقاسات هههههههههه

[rose soul]

فتوت هههههههههههههههه بطيخة..ما يستحون الشباب على كل شي يركزون
انا ألبس دفه وسيعه .. و اغطي الدبة هههههه.. بس بعد الحين تبين .. ماقدر اخشها

[الفتاة الذهبية]

انا الدفه وسيعه
بس بعد تبين شسوي خخخخخخخخخخخخخخخ
الشباب فضيحه

[طفلي حياتي]

على طاري الدبه طبعا هي اشكال ناس تشوفون دبتهم فوق واقفه ناس نازله وطافره لقدام يعني تشكيلات
المهم مره كنت في السلمانيه الا وحده دبتها ملفته طافره لقدام وفي نفس الوقت نازله الا صبي مراهق فاطس من الضحك زوجي شافه وقام يضحك عليه ونزل راسه يقول لي شوفي اسود الوجه يضحك على دبة المره ههههههههههههههههههههههههه

[rose soul]

بعد شنسوي هذي سنة الحياة..مرة اقول لزوجي..خذ عني دبتي لو يوم واحد بس

[الفتاة الذهبية]

اي الشباب فضيحه
ما يعرفون يسكتون خخخخ

[الفتاة الذهبية]

ام حماني شفيها صخة مرة وحده

[rose soul]

يلا نتحمل كل شي .. حتى تتطنز الاوادم علينا ههههههههههه
بس اجرنا عن رب العالمين

اي بقول لكم
صار لي جمن يوم دبتي تتخفس..يعني مب نفس الكورة..لا
صارت لي جنها جبلين وتحت وادي ههههه والله خفت
اقول هذي شلون وضعية بنتي
صار لكم جذي؟؟
حتى يبين واضح انها مخفسه ..

[rose soul]

ام حماني..شكله ريلي بنتي غربلها هههه

[طفلي حياتي]

ام حماني من شوي تطنز على بنت الاياويد اثار العدوا صادتها
شوفو اخذو العبره لا تعيبون على احد

[الفتاة الذهبية]

روز توني اقول حق زوجي امس
احس دبتي فيها اثنين مب واحد
قام يضحك يقول ليش اقول له ليش فوق منتفخ وتحت منتفخ وفي الوسط مخفس
واحيانا لا بطني كله منتفخ بس اعتقد شي عادي يعني البيبي بيقعد ع حسب راحته
ما يندرى شخبار حرووف مع عباس و زنوب

[rose soul]

اي والله يا بختهم اللي اوولدوووو و افتكووووووو
متى احنا متى؟؟
انا بقوم عنكم باقوم اتغدى من مساعة مارحت اتغدى..كليت اجباس بس

[طفلي حياتي]

فتوت عيزت ادور موضوع المشد ماشفته

[طفلي حياتي]

حتى اني برب بقوم اكل ماكلت شي

[الفتاة الذهبية]

روز في حفظ الله
طفلي اوك بس مو مشكله تعبتج معاي

[الفتاة الذهبية]

طفلي
الله معاج في حفط الله

[أم حماني]

ههههههههههه سوري رحت مره وحدة عاد انامعذورة ولدي يصيح وايد يوعان يبي يرضع مامداني اكتب لكم

[طفلي حياتي]

اهلا ام حماني
انتين من شوي قلتين ان ريلش اخذ لش تحميلات
صادش التهاب الحمل؟؟
انزين شلون راح؟

[أم حماني]

لا ماصادني التهاب بس كنت ابي شي ينظف الرحم والصيدلي ماعرف شنو يقصد ريلي

[أم حماني]

انا بروح اودي حمني العياده زادت عليه الكحه مسكين

[طفلي حياتي]

في امان الله وحفظه مايشوف شر ان شاء الله
هذا من تغيير الجو اليهال كلهم مزكمين ويكحون
وبالنسبه للالتهاب بكره موعدي في السلمانيه بقول للدكتوره وبشوف اذا تنصحني بشي من برا المستشفى
اشوفكم بعدين

[اقصوصه]

هااااااااااااي

[Um Amal]

هلووووووووووووووووووووووو

[Um Amal]

3 أيام وأدخل الثامن .. :)

[اقصوصه]

هلا والله ام آمال

يلا هانت الله يسهلها عليج

[بنت الأياويد]

بـــاك ، شخباركم جميعا ، عقب مارحنا نشتري اغراض رحت موعدي في العيادة وسوت لي سونار الحمدلله كلشي تمام بس قالت لي الراس تحت بس مو ثابت عليج بالمشي ابتدي في الجد ورحت الممشى طوله تقريبا 350 متر مشيت 3 لفات هوست على روحي عشان اخلصهم وقلت كل يوم بمشي عشان راس الياهل يثبت مافيني شده بعد

[اقصوصه]

الله يقومك بالسلامه يا رب

[فجوره]

سلام
شخباركم

[اقصوصه]

هلا والله فجوره بخير الحمدلله أخبارك انتي؟

[فجوره]

انه نص نص بصراحه
النفسيه تحطيييم
كرهت رووحي بسبه الحمل
وايد صادتني مشاكل بسبته استغفر الله العظيم

سمعو بس هالاغنيه حدها مثل نفسيتي
http://www.4shared.com/audio/dnj2YSWl/Britney_Spears_-_Girl_In_The_M.htm

[بنت الأياويد]

عليكم السلام ، هلا والله فجورة ، شخبارج وشخبار التاسع معاج؟

[اقصوصه]

فجوره خلاص هانت حبيبتي

استغفري ربج واسمعي قران عشان البيبي

وكلها ايام وترتاحين

[فجوره]

هلا بنت الاياوييد
مالج بيان وحشتينه
يقولون غايلو فيج بأياديهم !!
خرعتيني بروحي شارده من موعدي بكره بسبه هالسالفه
شكلي بوقف مواعييد خلاص مب رايحه

اقصوصه جان زين ايام واولد
لان تعبت من الآلام كل يوم
بس المشكله محد يبيني اولد كل من يقول لي انتظري اشغالنه لا تولدين
عزبالهم في يدي السالفه

[بنت الأياويد]

استغفري ربج مب زين ترى في غيرج وايد يتمنون يحملون ، سمعي قرآن احسن ، انا الحمدلله ماسمع اغاني :)

[بنت الأياويد]

انتي اكثر والله ، اي شفتي شلون لعبوا في حسبتي حسبي الله عليهم هههههههههه ، توبه اروح لهم ، موعد شنو عندج؟
انا عادي كان اليوم موعدي وسوولي سونار وتطمنت على الياهل الحمدلله بس مايكشفون عليج ولا شي الا في حزة الطلق روحي تطمني على البيبي احسن لاتكنسلين من عندج مواعيد انا الحين بديت مواعيدي كل اسبوع

[اقصوصه]

فجوره يوم ربج يكتب يبطله البيبي لا ع كيفهم و لا ع كيف حد

[بنت الأياويد]

على قولة امي لي زحم مارحم ، اول ماينضى راسه بيطلع لا عليه من زيد ولا عبيد ، انا اهني في الديوانية محطوط لي في الصورة 35.5 اسبوع بس عند الدكتورة دشيت ال36 خلاص وعندي موعد بعد تاريخ 28 شكلها الحين بس تسمع دقات الياهل وخلاص بس اهم شي اتطمن على بنتي فديتها وايد واحشتني وولهانه عليها ربي يبلغنا وياكم وانشوف عيالنا يااارب

[فجوره]

الحمدلله على نعمته انه مستانسه بالياهل بس اللي حولي مايشجعوون كلش يخلون النفسيه في القاع

موعدي بكره بكنسله لان اصلا ماعندي احد يوديني المستشفى كل مره ويا ريلي ارووح هالمره محد عنده دوام ومابي اكلف على اهلي لان تمللو مني ودوني وييبوني

[اقصوصه]

بنت الاياويد الله يقومك بالسلامه يا رب

هذا اول حمل لج؟

[طفلي حياتي]

السلام عليكم
شخباركم

[فجوره]

انه حدي ابي اولد ملل التاسع يومي عن شهر
الالم كرهاااااات يملل

[بنت الأياويد]

اي فديتج اول حمل لي ، شدعوه فجوره موعدج يتمللون يودونج واييبونج مابقى شي ان شاء الله وتولدين خل يتحلمون هالجم اسبوع بس لازم ماطوفين ولا موعد المفروض تروحين ، عليكم السلام هلا والله طفلي، اهم شي المشي فجورة ضروري حاولي عشان تسهل عليج الولادة

[اقصوصه]

هلا والله حياتي وعليج السلام بخير الحمدلله شحالج تنتي؟

[طفلي حياتي]

الحمدلله بخير
متملله طول اليوم بروحي زوجي يطلع الصبح ويرد الليل ينام
انتظره بفارغ الصبر واذا وصل يكون تعبان وماله خلق وينام اففففففف اتملل

[اقصوصه]

طفلي انزين ليش ما تطلعين؟

[طفلي حياتي]

وين اروح بيت اهلي بعيد وايد ومنطقة اهل زوجي ماعرف فيها حد ولا احب اطلع

[بنت الأياويد]

الله يعينج على هالروتين الممل يوميا هالسالفة؟
انا خلاص من امس شديت الرحال وييت بيت امي
انا تقريبا نفس حالتج الصبح يكون دوام وايي على الساعه 3 ويطلع اربع ومايرجع الا فليل دايخ حده ماله بارض بس الحين احاول اسوي لي برنامج مشي وانا في بيت امي يوميا اذا الله قدرني بمشي ، والله في الممشى اشوف ناس بطنهم صغير شكلهم توهم وبعد يمشون مو خطر عليهم؟

[اقصوصه]

حياتي زين مارسي اي هوايه يعين مثلا ما تحبين تقرين؟

[طفلي حياتي]

وبيت ابوي محد فيه الا اخوي ساكن وتعرفين الشباب كله برامج
مانلتقي الا الاجازه انا واخواني وين اروح ملللل
يوميا هالسالفه لان الصبح شغل والعصر دراسه

[طفلي حياتي]

لا والله ماحب القراءه ابدا

[اقصوصه]

حياتي ما تعرفتي ع حد من جيرانك؟

[طفلي حياتي]

اللي بط جبدي انه راجع تعبان واخاف حتى اكلمه لان يكون متشنج واتغربل وياه خخخخخخخخخخ

[طفلي حياتي]

بلى عرفت بنتين بس ماحب اروح بيتهم يوميا اروح كل سنه مره لان عندهم يهال ومدارس ماحب اشغل احد

[اقصوصه]

اها

انا بعد ما اروح وايد عن يارتي بالشهر مره والحين من ربيت قالتلي تعاليلي

قلتلها انسي وين ايي انا وهالعصفوره اللي عندي ههههههه

[طفلي حياتي]

الله يخليها لج يارب واهم شي اليهال حواليش يكفون
ان شاء الله ري يبلغني واشوف عندي عيال ولا اهتم للطلعه ولا للملل اطلع بهم واغير جو معاهم

[طفلي حياتي]

وين راحو بنت الاياويد وفجوره
؟

[اقصوصه]

امين حياتي

بس ترى يوم يكون عندج العيال مرات تبين تشردين منهم بعد

تاخذين اجازه يعني هههههههههه

[طفلي حياتي]

اي هذا لابد منه تهربين للهدوء والراحه بس مالينا غنى عنهم
ربي يحفظ عيالش ويوفقني لليوم اللي ابغي فيه راحه من ازعاجهم خخخخ

[بنت الأياويد]

اي والله طفلي الياهل احس بيملي علينا حياتنا يعني حتى لو ازواجنا كله برع احس مابنفتكر فيهم كثر الحين من الفراغ الزايد ، الله يبلغنا ان شاء الله

[اقصوصه]

امين يا رب

[فجوره]

انه اهني بس صايدني الم شوي
احس بنقزات تحت كلش وكأن احد ينقزني بشووك

بنت الاياويد مامشيت الا مره وبالترجي بعد
مايرضون يخلوني بروحي امشي
اهلي يقولون لي خلي زوجج يمشيج وزوجي يقول لي خلي اهلج يمشونج
وهذاني احاول افتر في البيت بس بعد مايفيد يبيله مكان مفتوح تطالعين الاوادم مو الاثاث

[طفلي حياتي]

آمين يارب
ان شاءالله يكونون مثل مانبي حلوين وسليمين وطيبين ونستانس بهم

[اقصوصه]

انا ما امشي بحملي الا يوم اروح الجمعيه اقضي اغراض البيت هههههههههه

[طفلي حياتي]

فجوره اخذي وحده من خواتش وتمشوا في فريقكم ع الاقل او روحو اذا في قريب منكم ممشى ولا تتعطلين

[طفلي حياتي]

اقصوصه انتي من وين في الامارات؟.
دبي .الشارجه.بوظبي ؟....

[اقصوصه]

بوووووووظبي

[بنت الأياويد]

فجورة خوشي عيل ، تمشي في الفريج على الاقل انا اليوم سحبت امي ومرت اخوي ودت اعيالها يلعبون في الدوارف وانا خذت لي جم لفه لازم تمشين حاولي ، انا الحين توني قايمة لان احس بألم جنه الم الدورة رحت سيدة الحمام كله اخاف ينزل علي ماي صايدني خوف مادري ليش ، النقزات لابد منها من فترة تصيدني جنه احد يحرقني من تحت وايد يعور يخليني انقز مرة وحدة من مكاني ،hwaml15 الله المستعان ، المشي في البيت مافي فايدة منه شبسوي لج يعني ، ماعندكم ممشى جريب ؟ مارحتي بيت هلج قعدتي للحين؟

[اقصوصه]

والله تذكروين بالذي مضى ههههههههههه

الله يسهلها عليكم يا رب

[فجوره]

بيت ابوي في المدينه يعني تجمع الاجرام والمجرمين
فريجنه الحمدلله والشكر كل بيت فيه مدمن يا مخدرات يا خمر
وصعبه اطلع بروحي ومحد راضي يطلع وياي

آآآآيه على الحد والله
الحين حسيت بقيمتها
امشي واسلم لو اطلع نص الليل محد جرب صووبي
الكل مايرضى على الكل

فدييت محرق واهلها

[اقصوصه]

حلوه فحوره ما في بيت الا في مدمن مخدرات والا مدمن خمر هههههههه

[طفلي حياتي]

اي مدينه تقصدين فجوره اللي كلها مجرمين؟
خبري مدينة عيسى حليوه وحيويه

[بنت الأياويد]

اي مدينة قصدج؟ حمد ولا عيسى؟ حاولي تمشين نصيحة مني صدقيني ترى سمعت قصة وحده مادري من وين قاريه سالفتها يقولج راس الياهل متهيأ حق الولادة وكلشي اوكي بس لان كله يالسه ماتتحرك صاير الياهل بعيد عن الحوض وسوولها بعيد الشر عنكم قيصري انا بدت النغزات وياي الحين وكل شوي طاقة ورادة الحمام لان جنه شي يحرقني من تحت

[طفلي حياتي]

فجوره بيت ريلش في الحد ؟؟
وبيت ابوش المدينه؟

[طفلي حياتي]

ابغي شقه في مدينة عيسى ابغي اشوف الحياة طفشت من الحبسه والضييييييق

[اقصوصه]

انا ما كنت امشي فحملي

عادي ما فيها شي لا تخوفون البنيه ههههههههههه

[فجوره]

ايييي
مدينه حمد
عندنا من كل بستان زهره
كل انواع الجنسيات العربيه والباكستانيه هني خخخخخخخخخخخخخخخخخ

[اقصوصه]

بالاضافه للهنود المجنسين صح هههههههههههههه

[أم حماني]

السلااااااااااااام عليكم

[اقصوصه]

هلا والله ام حماني منوره وعليج السلام ورحمة الله وبركاته اخبارج؟

[فجوره]

وعليكم السلام ام حماني

بنت الاياويد
انه من حملت معسكره في بيت ابوي ليين لاعت جبدهم من جوفتي
والالم واايد قاعد يصيدني

اقصوصه
الكل يخرع فيني على سالفه المشي
امي تنقز لي على اني بولد قيصريه
ولي قلت لها امشي معاي قالت عندج ريل خخخخ
حالتي صعبه

[طفلي حياتي]

هلا ام حماني عليكم السلام
شخبار عبادي عساه خف ان شاء الله؟

[بنت الأياويد]

عليكم السلام ورحمة الله وبركاته ، هاا ام حماني شخبارج طمنيني عن حماني اشوة الحين شقاله الدكتور؟

[طفلي حياتي]

اقصوصه مانزلتي صور الى حووووووور خلنا نشوفها يمكن تعجب الحمني

[بنت الأياويد]

طفلي شفيج يمه أثر عليج الحمل ، عبادي من؟ توج تقولين لها ام حماني سيدة قلبتي هههههههههههههههههههههههههههههههه

[فجوره]

اووو حماني مرييض
اسملله عليييه
فدييته مايجووف شر

[أم حماني]

هلا بيكم زود .. انا بخير الحمدلله وحماني يوم وديته الدكتور عطاه ادوية للزكام والكحه والبلغم وعطاه مضاد وقال لي الزكام نزل في صدره ومساعه يم عطيته الادويه على طول رجع المسكين

[طفلي حياتي]

بدينه بالتحجج اسمه عبدالرحمن وله اسمين للدلع كيفي كل يوم بقول له شي زييييييييييييييييين

[أم حماني]

فجورة
سمت عليج الملايكة ... الشر ما اييج

[بنت الأياويد]

آيه عليه حياتي مايشوف شر، ام حماني حاجيت ياسر من جم يوم ورحت له الا محله مسكر يقول ابطل الساعه 6 بس ماكنت اقدر ارجع له مرة ثانية ، يصير احجز من عنده واقوله يخليني على الكول وقت الي اولد ان شاء الله ايي على طول يركب؟
ماشفتي الديزاين الي انتي سويتيه شنو الالوان الي يقدر يسويهم؟

[أم حماني]

ها بشروا ... ما في احد ولد للحين ؟

[اقصوصه]

ام حماني سلامات ما عليه شر

انا عندي الصور ع الجهاز بس ما اعرف ارفعهم عشان انزلهم في المننتدى

[بنت الأياويد]

طفلي اها اشوة عبالي ناسيه وقلتي عبادي بس دام بدلعينه دلعيه حقج علينا خخخخخخخخخ انا بس قلت يمكن ضيعتي

[أم حماني]

لازم تروحين عشان تختارين وتدفعين له .. ماظن يصير بالتلفون .. اتوقع يصير يسوي لج الالوان .. ليش ماسألتيه بالتلفون

[أم حماني]

اقصوصة الشر ما اييج فديتج ... حق تنزيل الصور روحي حق الانتقال للوضع المتطور وفي زر احمر من هناك تقدرين ترفعين الصور وتنزلينهم هني

[اقصوصه]

زين اول ما يرد لاب توبي من التصليح بنزلكم الصور

لانه ما عندي صور بهالكمبيوتر الصور كلها بالاب توب

[أم حماني]

اوك اقصوصة ... شخبار حور .. جم صار عمرها الحين ؟؟ وان شاء الله خف عليها المغص

[بنت الأياويد]

لا بروح المحل بختار ، النقزات ذبحتني وفيني الم جنه الم الدورة طاقه ورادة الحمام الله يستر

[اقصوصه]

هلا ام حماني بخير الحمدلله يسرج حالها بتكلم شهر بعد باجر ان شا الله

[بنت الأياويد]

ماشاء الله ، الله يخليها لج ويبلغج فيها ان شاء الله

[أم حماني]

يمكن هاي الي يسمونه امنان .. مابقى شي تدشين التاسع .. كأنه عقب 37 اسبوع عادي تولدين

[بنت الأياويد]

انا دشيت التاسع خلاص عند دكتورتي دخلت 36 اسبوع ماعليج من الي اهني في الديوانية غلط شكلها الحسبه

[أم حماني]

ان شاء الله العمر كله بصحه وسعاده يارب .. باقي 3 ايام وحمني يصير عمره شهرين ونص فديته

[اقصوصه]

تسلمين حبيبتي بنت الاياويد

وتشوفين البيبي ان شا الله وتفرحين فيه

[فجوره]

بنت الاياوييد الحال من بعضه
ساعات احس بوولد خلاص ويروح الالم


بنات بسألكم شنو احسن مانع للحمل
لان اليوم قعدت اتعايه ويا ريلي على المانع
اقوله ابي اركب لولب يقول لي لا ركبي رشاش <<يازعم ينكت
مو راضي بولا وسيله منع
يعني شاسوي في عمري انه؟

[اقصوصه]

والله ان ابالنسبه لي اشوف ان احسن شي اللولب

انا استعملته 3 سنين

[أم حماني]

اووه زين الحمدلله على البلاغ ... يعني على حسبتج جم صار لج من دشيتي التاسع .. ترى دكتورة منى حسبتها مضبوطة على الولادة بس يوم قبل او عقب انا كانت معطتني 8 - 9 و ولدت 9 - 9

[أم حماني]

فجورة انا ريلي مب راضي بعد استخدم اي مانع واتفقنا على الطبيعي واختي علمتني انه قبل الدورة بخمس ايام مدري اسبوع وعقبها بنفس المده الوحدة تاخذ راحتها مايصير حمل والباقي يعتبر فتره تخصيب

[أم حماني]

بنت الاياويد وينج ابي اقولج شي ضروري

[بنت الأياويد]

اكاني موجودة آمري ؟ دكتورة منى عطتني موعدي تاريخ 21 ديسمبر

[بنت الأياويد]

اذا على حسبتها اهيه المفروض اليوم اعتقد دخلت التاسع بس انا من تاريخ اخر دورة لي الي اهو تاريخ 14 حسيت بأعراض غريبة ماكنت احسها قبل يعني مثل الالام والنغزات وهالافرازات الي ملوعة جبدي

[أم حماني]

غيرتوا عناوينكم ولا للحين ...؟؟ تراني تبهدلت والله لانه كان لازم اخذ موعد لي فحص بعد الولادة وموعد تطعيم حمني واضطريت اقلب عنواني

[فجوره]

قولولي وياكم خخخخخخ
حشووره

ام حماني ريلي ماشالله عليه راسه يااابس
العزل حق اللي بيمنعون سنه لو سنتيين
انه ابي اريييح شوي ابي اركز علشان اشتغل واساعد ريلي
هو يقول اللي يستخدمون موانع مافيهم مخووخ مايعرفون يمنعون طبيعي خخخخخخخخخخخ

[بنت الأياويد]

لا للحين هذا اهو ريلي يحن يبي يغير بس مايندرى شسالفة ، خذ منج وقت يوم تغيرينه ولا في نفس اليوم؟ اذا ماغيرنا بنرد نفس سالفة الوزن بعد لازن خاص صح؟ كفاية ريلي الي خسره فقير في العيادة

[أم حماني]

ذكرتيني انا يوم حامل اتمنى اشوف اي افرازات عشان احس انه ولادتي جربت ولحد ماترقدت و ولدت ماشفت اي شي هههههه

[اقصوصه]

أنا ناويه أخذ موعد عند الدكتوره هالايام عشان اركب لولب

[فجوره]

عنواني مغيرته من ملجت
وللحين مو حافظته
عندي عنوانيين عنوان البطاقه مال بيت اهل ريلي
وعنواني الصجي مال شقتي
واثنيناهم في نفس الفريج تقريبا خخخخخخخخخخخخخخخخ

[بنت الأياويد]

ياربي على هالنغزات الله يصبرني احس جنه احد يحرقني من تحت مب قادره ولاعت جبدي من روحة الحمام ، هذي شلون بعد يركبونه هاللولب مايسبب حساسية ولا التهابات؟
انا ريلي بعد مايبي ولا شي من هالسوالف يقولي طبيعي اوكي

[أم حماني]

احنا خذ منا وقت لانه ريلي سالفته سالفه اهوة ساكن في مكان وعنوانه على مكان ثاني خخ بس اهوة يتغير بنفس اليوم اظن وتأكدي انكم رحتوا الاحصاء وسويت تحديث انكم متزوجين ..

[فجوره]

امبي هكو زااد الالم
خذ له اكثر من ساعه متواصل وقاعد يزيييد
ليكون بوولد!!

اليوم ريلي بايخ متصل لي الظهر يقعدني يقول لي ولدتي؟

[بنت الأياويد]

بعد سالفة طويلة وعريضة ، اقصوصه اذا ماعليج كلافة قوليلنا شقصة هاللولب ؟

[أم حماني]

اتوقع المانع الطبيعي احسن شي بس لازم الريال يحاسب وايد لانه اذا خربط بيصير حمل .. واحسن شي بالطبيعي انه مريح للحرمه والمسئووليه ع الريال هع هع هع

[بنت الأياويد]

فجورة شكلج ولادة اذا الالم منتظم ويزيد هذي طلق ، بس نطري لين ينزل عليج ماي نصيحة مني احسن لج او ينزل عليج افراز او دم شي يبين لج ان موعد النحر جرب خخخخخ، ولدي خل الحقج واولد عقبج، لاتروحين الحين يحوسون فيج تحملي نفس ماسوو فيني حسبي الله عليهم دعست يدها كلها داخل باقي بس اهيه تدش

[أم حماني]

الاي فجورة .. شكلج بتولدين .. وين بتروحين السلمانيه ولا العسكري .. وعندج احد يوديج الحين و لا اخلي حمني عند امي واييج

[بنت الأياويد]

فجورة صخت معناته صار الصج ، الله يسهل عليها

[بنت الأياويد]

تصبحون على خير بقوم ارقد الحين مدام راح الالم قبل لا اييني واقحصني من حلات نومي ، فجورة طمنينا عليج ، بحاول ادش الصبح ام حماني حاولي تدشين اذا ماسهرج حماني اليوم وشوفي اقصوصه وسالفة اللولب يمكن نقتنع ونركب عاد نبي حار وبارد مو بس بارد لان الجو برد الحين مايصلح خخخخخ

[أم حماني]

ها اش صار الحين؟؟

[فجوره]

امبي والله هكو قاعد يزيييييد
ظهري صاير حااااااار وبطني متيبس
مابي اروح يغايلون فيني
العسكري جريب 10 دقايق واوصل

ان شالله مو ولاده حدي خفت

[أم حماني]

هههههههههههههههه انا اقعد الظهر اغلب الظن

[أم حماني]

لا فجورة لاتروحين الا اذا نزل عليج ماي او صار الالم متظم ومتواصل .. متى بدى معاج؟

[فجوره]

خذ له سااعه
رحت حق امي تصروعت هكي تقول بترقد في حجرتي
اشوه تحرك الياهل حركه خفيفه
يقولون الطلق مايتحرك

[أم حماني]

شكلج ماتبين تولدين ههههههههههههه ... شنو شعورج فجورة؟؟

[فجوره]

هونت مابي اوولد
مابرزت شنطتي وستاندي يبرز يوم الاربعه وللحين ماوصيت حق ضيافه

من دشيت التاسع وانه احن ابي اووولد وابي اوولد
شكله الله يعاقبني على كلامي المساعي
كنت مطنقره والله مو قصدي

اشوه هكو هون شوي يوم تمشيت في الصاله

[أم حماني]

برزي شنطتج .. اش تنطرين يمه ؟؟ واغراض البيبي ان شاء اللله جاهزين

[فجوره]

ولا شي بارز خخخخخخخخ
شكلي باجر بابرزهم
خلصت لشناط من كثر الاغراض وبقت شنطه صغيره عطيتها الخدامه تحطها في الشمس علشان تتعقم وباجر بادعس فيها اغراض المستشفى


اشوه شكله انذار كاذب لان تقريبا راح الالم

[أم حماني]

خلج بارزة اهم شي عشان ماتتوهقين.. انا الحين بطلع بروح اجابل ولدي

[فجوره]

اوكي يبه
مع السلامه

[اقصوصه]

هل من احد هنا

[الفتاة الذهبية]

صباح الخير كروشات خخ ورشيقات
شخباركم ؟؟
على سالفة اللولب
انا اتوقع ان المانع الطبيعي افضل من اللولب
ام حماني
كأني جفت انج تقولين ها مافي احد ولد ؟
ما في الا حروف ولدت ويابت عباس وزنوب

فجورة
الااااااااااااااي شكلج جريب بتولدين
برزي اغراضج لا توهقين عمرج

انا بعد رحت حق الدكتورة منى
وعطتني موعد ولاده تاريخ 25/1/2011
ان شاء الله يكون تاريخ مضبوط

[اقصوصه]

هلا والله ذهبيه صباح النوور

ما اعرف أنا احس ان اللولب أحسن من المانع الطبيعي واضمن

[الفتاة الذهبية]

بس في ناس يعانون من مشاكل اذا يحطون لولب

[اقصوصه]

صح لان اللولب ما يناسب بعض الحريم

انا عن نفسي ناسبني وارتحت عليه

[الفتاة الذهبية]

زين ان ناسبج
طيب حبوبة بخليج الحين لانه وراي تنظيف وطباخ خخخ
اوك اشوفج وقت ثاني

[اقصوصه]

اوكي سي يو :)

[بنت الأياويد]

صـبـاح الخير ، شخباركم

[رباه فرج همي]

http://forum.hwaml.com/imgcache2/hwaml.com_1290410918_677.gif
http://forum.hwaml.com/imgcache2/hwaml.com_1290410917_856.gif

[طفلي حياتي]

صباااااااااح الخير والنور والسرور

[طفلي حياتي]

توني راجعه من السلمانيه عشان المثبت وكلمت دكتوره سميره مدن اقول لها مابغي اراجع عندكم لان ماقدر اتعب بعيد وايد وابغي بس المثبت
وقلت لها اقدر اتركه خلاص قالت لالالالالالالالالالالالا امرش عجيب لا تتركينه مابغيتي تحملين والحين تتركينه قلت اكتبي لي كميه ماقدر كتبت لي لثلاث شهور لكن عطوني حق شهر يعني لازم كل شهر اروح او اطرش احد
ربي يتمم لي على خير خوفني كلامها يوم تقول بعدين ينزل البيبي لا توقفينه واني اخربط في المثبت يوم اخذ حبه ويومين ماخذ شي وحالتي حاله قامت تضحك عليي

[بنت الأياويد]

صباح النور هلا طفلي ، هذي توج في الحمد تمللتي وتعبتي عيل احنا شنقول ، لاتتسرعين وخلي حملج يمر بسلام داومي على الحبوب وتعوذي من ابليس

[اقصوصه]

مسا الخير

بنات أنا مفكره أسافر البحرين فنص السنه

يعني بعد شهرين تقريبا

بشو تنصحوني؟

بصراحه يقولون لي البحرين ممله وما فيها اماكن للسياحه

انتوا شو رأيكم؟

[فلونة]

سلاااام،،hwaml7

سوري امس طلعت مرة وحدة لانه ريلي وصل وكان يبي ريووق وماقدرت ادش مرة ثانية ..

بنت الاياويد ،،، الله يسهل علييج الولادة وتفتكين وتجوفين بنوتج بصحة وعافية،، وبالنسبة للولب بنت خالتي ركبت في ابن النفيس حق 3 سنوات وللحين اجوفها مستانسة منه ماعدا الالتهابات الي تصيدها بين فترة والثانية والدورة الشهرية كانت اتييها 5 ايان واحين 7 ايام .. ومو منتظمة عندهاا .. وانا نصيحتي لج لا تركبين مادري الوحدة تخاف الله لا يقول يسبب لها عقم اوو ضرر ثاني اسمله علينا

طفلي حياتي ،،، رووحي منااك hwaml02
الحمدلله يات سليمة،، اهم شي افتكينا من سالفة السكر مالتج وانا باجر باروح المشكلة ماتذكر اني لازم اصوم من الساعة ثماان علشان جذي ماقدرت اروح للحين..
انا اليوم قعدت الصبح احس ريلي متشنجة حدها وماقدر احركها وبطني يعورني من تحت كلش اقول في خاطري الله يستر الياهل شكله بيطلع... تميت ربع ساعة تالي رجع الوضع طبيعي مادري ليش يصيدني جذي

فتووت ،، شنو طبختج اليووم ، وبالنسبة حق مستشفى جدحفص اسمع ناس وايد تمدح معاملتهم وتقول احسن من السلمانية ،، البارحة زوجي يقول باجوف لج العسكري حق ولادة جم ياخذون اهو عنده تأمين صحي بس حقه ما يغطي العائلة .. يعني مامنه فايدة
وانا خايفة اروح خاص احس السلمانية معاملتهم بايخة بس عندهم امكانيات متطورة اكثر من اي مستشفى في البحرين .. حالات وايد كنت اجوفها اتيي السلمانية من العسكري او من جدحفص حزة الولادة

رووز ،، مادري والله احسب على السونار او الموعد مال الدورة محتاارة اليوم بارووح عيادة وباجيك وبنجوووف من توولد قبل ،، ومبرك عليج السابع hwaml03
حسبة المنتدى اهني المفروض دشيت السابع وحسبة الدكتورة المفروض عقب اسبوع ادش ولا ادري العلم عند الله

اقصوصة،، والله البحرين نور العين من قالج مملة ومافيها اماكن سياحية .. ديرتنا صغيرة صح وتقدرين في جمن يوم تفترين فيها مو نفس باقي دول الخليج .. بس اذا تبين تستانسين فيها اماكن حلوة واايد وانا بصراحة اذا ابي اطلع في محلات وايد اروحها وما اتملل كلش

[شمس الصباح]

سلااااااااااااااااام بنات شخباركم وشخبار دبتكم

غبت كم يوم عن المنتدى لاني رجع لي النساة من يديد تخيلو في الثامن وكل ارجع لاعت جبدي ما احب اكل شي احس نفسي كل تقلب

اقصوصة حياش في البحرين اهلا وسهلا بيش في مملكتنا العزيزة hwaml7hwaml7hwaml7

عن الأماكن السياحيه

عندنا للتسوق مجمعات واايد

وعندنا متحف البحرين فيه تاريخ البحرين وبعد بيت القران

وعندنا بعد قلاع قديمة تقدرين تزورينها

اما للآطفال في عين عذاري ومملكة الطفال وبعض الأماكن للالعاب بس ما تحضرني الحين اي عندنا بعد السيلك بس ما ادري لمتى بيظل في البحرين وكذلك الدولفين

وافضل مكان عائلي ولكن بدون العاب وهو افضل مكان تروحينه لما الجو يكون بارد وهو محمية العرين فيها زرافة ونعام وحيوانات كثيرة وياخذونكم جوله بالباص يعرفونكم على الحيوانات وتنزلون في جزيرة في وسط المحمية فيها بط وبعض الطيور وفيه كفتريا

وعندنا جزيرة حوار ولكن في الوقت الحالي مافي مراكب اعتقد لان عندهم صيانه وفي البرد ما يسوى تروحين

وان شاء البنات يفيدونش اكثر

[أم حماني]

مسا الخير ..... مسكينة حروف توني ادري انها ولدت بالسلامة .. وانتوا شلون دريتوا ..؟ دخلت وخبرتكم؟؟ .. وشلون كانت ولادتها وشلون اليهال .. بليز ابي تفاصيل اكثر

[فلونة]

ام حماني ،، حروف دخلت اهني وكتبت رد انها ولدت ويابت زينب وعباس واهي بخير واليهال بعد ،، بس ما كتبت اي تفاصيل عن الولادة لانها تعبانة ومشغولة ويا اليهال قالت مرة ثانية بتدش وبتخبرنه التفاصيل اكثر

[بنت الأياويد]

بـــاك ، شخباركم ، انا احاتي من سالفة ان راس بنتي ماثبت للحين اول مرة اسمع في هالسالفة مادري قصدها مادخل عنق الرحم ولا شسالفة ، ام حماني رحت المحل دريم هوم وحجزت ستاند وديكور حق الباب حق يومين وقالي لازم اخذ 5 مال التوصيل ؟! بس اذا تبين حق 3 ايام ماناخذ بس المشكلة ااذا الله كتب وولدت طبيعي بخلوني اعتقد يوم واحد وبيطلعوني قالي معلي نخصم من المبلغ اذا بس يوم وقلت له احتمال الستاند اوديه البيت يعني حق اليوم الثاني وعقب ياخذونه بس الي على الباب يشيلونه وطلع علي كامل 37 دينار وخذيت مبخره حق الثياب اليوم غسلنا الثياب وباقي ثيابي عشان ابرز الشنطة خلاص ومابي احاتي شي ، وانتي شخبارج وشخبار حماني اشوة؟

[فرح عمري]

شخباركم كروشات ان شاء الله تمام

الله يعينكم ويتمم لكم على خير

الا بسئلكم وين تصير دكتوره منى ابي اروح لها

لان اني بعد محتاره على موعد الولاده مع ان المركز يوم سووا لي التراساوند قالو لي في السابع عدل بس اني موسوسه واحس اني بالسادس <<< وحده تبي ترجع ورى ههههههههههههههه

ياليت توصفون لي وين عيادتها ابي اروح لها لان واتاكد

[بنت الأياويد]

هلا والله فرح ، اذا تدلين يم يم تري سند اهيه تصير في نفس الصفة جنب رويان بالضبط فيها بنايه لونها بنفسجي اهيه اهني تصير في الطابق الاول واتذكر اني حطيت رقمها من قبل بس الحين ماعندي الفايل في شقتي

[بنت الأياويد]

هدوووء وسكووون

[rose soul]

مســـــــــــــــــــــــاء الخيــــر
اليوم بيتنا ردوو من الحج..اخيرا رد النور للبيتـ..بس باجر برد شقتي
واليوم ادخل السابع باركوو لي خخخ
بعد بقى لي مشوووووووووووار

[فلونة]

روز .. قرت عينج والحمدلله على سلامتهم ، ومستانسة على الساابع ها

ماميش احد اهني ...

[بنت الأياويد]

مساء النور ، الحمدلله على سلامتهم وقرت عينج ، وبالبركة على الشهر السابع شدي حيلج مابقى شي ، باقي البنات وينهم مالهم حس ؟

[بنت الأياويد]

انا الحارج من أمس رد رجع لي ذبحني مايروحه الا موسي او لبن اكتيفيا وايد كريه ، من أمس بديت امشي كل يوم قلت بزيد لفه وحده مابي ادش على قوة اخاف اتعور خخخخ ، ادعولي ان الله يثبت راس البيبي واولد طبيعي يااارب

[فلونة]

موسي عادي ما له مضرة على الحامل؟
والله اناا اكل كل شي ومن اشوي جفت موضوع ان التونة يضر الحامل كل يوم نجوف شي يديد وانا كنت اكل توونة ولا ادري على الله .. واختي كانت تمشي كل يووم نص ساعة و احسها من زود المشي داخت في الولادة.. لا تاخذين على روحج وايد في المشي ...

[فلونة]

الله يثبت راس شيخة البنات لي حزة الولادة وتبشرينا بولادة سهلة ان شاء الله،، صرت احاتيج انتي وفجورة وانطر ولادتكم بالسلامة انتوا آخر مواليد سنة 2010 وياي الدور لنا

[بنت الأياويد]

الله يسمع منج ، والله لوبتابعينهم بتعيزين كلشي مضر وكلشي مب زين خلي كلشي على الله ، اانا سمعت الي يصيدها اسهال معناته ولادتها جريب وحتى الي تحس روحها صايرة نشيطة بس مايندرى هل صج هالحجي او لا وغير النغزات الي اتييني على غفله ووايد صايرة ادش ابول الله يعزكم

[فلونة]

انا ماعندي خبرة في الولادة بس اتذكر اختي كنت معاها في بيت ابوي ناكل عصيدة وماكان فيها شي ويوم ثاني الا امي متصلة فيني تقول لي معاها طلق.. واستغربت لان ما كان فيها شي بس تقول كانت راقدة ومرة وحدة قعدت من الالم في الليل .. وجدمت على موعدها تقريبا اسبووع لانه كانت تمشي واييد من بداية شهرهاا وترى يختلف من وحدة لي الثانية وعلى قولتهم طلق البنت غير طلق الولد وما يندرى

[بنت الأياويد]

الله يسهل علينا يارب، طلق الصبي حامي يضرب في الظهر والبنيه لا يروح وايي والالم كله تحت البطن والعلم عند الله

[اقصوصه]

انزين بنات لو سرت البحرين في وحده فيكم تتبرع تكون دليل سياحي لي وتدليني الاماكن؟

[بنت الأياويد]

هلا اقصوصه ترى مايحتاي دليل سياحي حق البحرين بروحها صغيرة وسألوا ومابتضيعون كلش ماتضيع ، وحياج الله في ديرتج الثانية

[اقصوصه]

الله يحييج حبيبتي

[بنت الأياويد]

والمجمعات كلها جنب بعض والفنادق في نفس المنطقة ان شاء الله بتستانسون، انا خاطري اروح الامارات عشان اشتري لي جلابيات من اهناك احب الجلابيات الي يلبسونهم العيايز الي فيهم شك في اليد وفوق السدر :)

[اقصوصه]

انزين واي منطقه هاي اللي فيها كل هذا؟

[بنت الأياويد]

في العاصمة الي اهيه المنامة

[بنت الأياويد]

اليوم الديوانية صخه مافيها احد وينكم ؟ فجورة شكلها ولدت

[اقصوصه]

اها

انا مفكره اسير بعد شهرين ان لقيت فرصه

[بنت الأياويد]

اها زين تسوين تغيرين جو ، انتي ماعندج الا هالبنت حور؟

[اقصوصه]

لا عندي ولدين وبنيه

[بنت الأياويد]

اها ربي يخليهم لج ، يعني الدلع كلها لها الحين ، يقولون البنيه عيارة ابوها تعرف شلون تاخذ قلبه عاد انتي شوفي بنتج شلون والاولاد يقولج يكونون جريبين حق الام قلبهم عليها ، يعني انتي جربتي طلق الولد وطلق البنيه اي اخف؟

[اقصوصه]

اممم طلق البنيه مختلف عن طلق الولد

طلق الولد حار بس طلق البنت بارد

والله فعلا البنت غير انا احس تعلقي فيها غير اخوانها

[بنت الأياويد]

اها يعني المعلومة صحيحة ان البنيه طلقها بارد يروح ويرجع ، البنات حلوين فديتهم ربي يبلغني واشوف بنتي يارب

[اقصوصه]

امين يا رب :)

[بنت الأياويد]

انا مستغربة ان الديوانية خالية اليوم بالعادة يتيمعون البنات بس شكلهم لاهيين وان شاء الله فجورة تدش واطمنا عليها ، اقصوصه يوم كنتي حامل تحسين بوخزات تحت تألم تحسين انج تبين تروحين الحمام؟

[أم حماني]

السلام عليكم .. مساكم ربي بالخير

[اقصوصه]

هيه يوم كنت حامل حسيت بكل انواع الالام والنغزات هههههههه

[بنت الأياويد]

عليكم السلام ، مساج الله بالنور والسرور ، تعيبين علي هااا وانتي غبيتي مساعه مرة وحده

[بنت الأياويد]

من ايي الليل بدت الاكشنات الم تحت في بطني وهالنغزات الي تذبح

[اقصوصه]

هلا والله ام حماني وعليج السلام

مسا النور والسرور اخبارج؟

[Um Amal]

سلام ..
كيف الحال ؟

[أم حماني]

تمام الحمدلله .. ام حور .. انتي شلونج ؟

[أم حماني]

هلا ام امل ... شخبارج؟

[أم حماني]

انا سامحوني اذا اختفيت مرة وحدة بس تدرون ساعات حمني يصيح ومايمديني اكتب لكم اني بروح له وخصوصا انه مريض هالايام الله يشفيه

[Um Amal]

بخير الحمدلله ..
وشخبار حماني ؟؟ إن شاء الله صحته أحسن

[Um Amal]

بنات .. حبيت أستفسر ..
من أي إسبوع يستحسن المشي فيه ؟؟

[أم حماني]

ان شاء الله احسن .. خبرج اليهال لازم يتعبون مع تغيير الجو

[أم حماني]

انا اتذكر الدكتورة قالت لي من السابع بس لازم الوحدة تبتبدي تدريجيا ..

[اقصوصه]

سلامة حماني يا ام حماني ما عليه شر ان شا الله

[Um Amal]

لان سمعت من الثامن زين المشي .. بس بعد حبيت أتأكد منكم

[اقصوصه]

اخبارج ان آمال؟

[Um Amal]

الحمدلله اقصوصة ..
نسأل عنش ..

[اقصوصه]

تسال عنج العافيه حبيبتي

اخبار الحمل وياج

كم باقيلج ع التاسع؟

[طفلي حياتي]

السلام عليكم
شخباركم؟
الا وشفيها ام خليل غيباتها طالت وايد عسى ياربي المانع خير
وفجوره شكلها ولدت ننتظر تطمنا عنها وعن اكشنات الولاده على قولتها

[rose soul]

في احد هووون؟

[طفلي حياتي]

اليوم قاعده الساعه 6 ونص الصبح ورايحه مشوار للسلمانيه
ياتني النومه من 7 المغرب ماني قادره افتح عيني
انتظرت لين عشر ونص رحت اتقققققققققققققققلب في الفراااش وقمت مافي فايده زوجي يقول لان تنامين للظهر اكيد بتسهرين ماعرف شلون افهمه انه مرض الارق ومتعبني اف ياربي

[طفلي حياتي]

هلا روزا
اي اني ناقعه هذاني تعالي ويايي
شخبارش اكيد وحشتش قعدة خواتش وزعاجهم هع هع

[rose soul]

هلا هلا طفلي
تصدقين انا توني قاعدة من النوم خخخخخخخخ
شلون برقد مادري
لأن امس رقدت انا و ريلي في بيت عمي
لأنه امه بروحها وبنتها لحين ما رجعت من الحج
..وتكسر ظهري ومارقدت عدل..والحين عوضت وتوني قاعدة..شكله ثنتينا في الهوا سوااا

[طفلي حياتي]

اني قعدتي من 6 ونص تقريبا الصبح
والحين ابغي انام ماقدر
بقعد لين ما تنصك عيوني وتدلدل تالي بقوم هههههههههههااااي
حلوه تتدلدل

[rose soul]

هههههههههههههههه
هاي من التفكير..شكلج وايد تضربين افكار في مخج هههههه
هاي من الحمال لو انتي قبل جذي؟؟

[اقصوصه]

بااااااااك

[طفلي حياتي]

لا من قبل جذي والحين حساسيتي زايده اقل موقف يتم في راسي ويحرمني النوم
من اكلم ريلي الله يهديه يقول لاتسبقين الامور يبط جبدي ابغي ادردش وياه ابغي اسولف وهو اساسا يرجع البيت 9 يعني مايدري ويش اقول يبغي ياكل وينام واني اقل شي وانقهر
من شوي اقول له استخدم مانع عقب ما اولد بالسلامه لو ويش تقترح قال مادري
عقب شوي قال تعليقات لو ماقالها احسن
يازعم قصده لا تسبقين خلي كل شي لوقته

[طفلي حياتي]

ولكممم اقصوصه

[اقصوصه]

ام حماني الحامل دوم تتحسس جيه وتوسوس يعني لا تحاتين

[طفلي حياتي]

اقصوصه قصدج طفلي حياتيمو ام حماني هههههههههه

[اقصوصه]

ههههه دوم اخربط بينكم احس الصور متقاربه هههه

[rose soul]

هههههههه
ولكم باك اقصوصه
..
طفلي..انزين ليش ما حاولتي تعالجين الارق اللي عندج..لأن يأثر ويضر جسمج ؟؟

[طفلي حياتي]

روووووووووووووووز توش قاعده وين رحتين .؟

[طفلي حياتي]

احنا وراثه فينا هالسالفه راسنا خفيف اقل شي نقعد ونومة الليل بصعوبه
اقل شي نتأثر

[اقصوصه]

حتى والله كنت أعاني من الارق وايد فترة حملي

[rose soul]

لا ما رحت مكان كاني خخخخ
قاعدة على جبدكم

بس مشكله جذي!! احلى شي النوم .. حرام تنحرمون منه ههههههه

[طفلي حياتي]

نوم العوافي دوم عليكم
بسأل سؤال نموذجي وابغي اجابه نموذجيه



متى ابدأ اجهز خخخخخ للبيبي؟
لان زوجي المصون كلشي تو الناس

[اقصوصه]

والله مرات كنت افكر أخذ منوم
وأقول متى إربي هشام اقدر تخد منوم كل يوم عشان اشبع نوم هههههه

[rose soul]

طفلي المفروض تبتدين من الحين خلااص

[طفلي حياتي]

مشكلتي مو بس الارق يعني لو تعبانه عادي انام لكن اقل شي يخليني انحرم النوم
موقف بسيط وتافه او اي شي اكبره براسي
ان شاءالله تغير بعدين اذا يبت الياهل

[طفلي حياتي]

مشكلتي كلما شفته تو الناس عنده قلت اني بعد تو لناس هههههههه
شكلي اذا شفت دبتي طلعت وصارت مكوره حليوه ببدأ لان الحين مافي تغيير على بطني
ومن جدي هو يقول تو الناس

[طفلي حياتي]

يلا عندكم جم دقيقه ترا عيوني بدأت تنغلق ابوابها
عند الاشاره تكون الساعه.........

[rose soul]

هههههههه
في السادس والسابع بتنط لج الدبة
بتصير صاروخ..ابتدي الحين..لأن انتي الحين تقريبا كملتي نص المشوار..وعلشان ما تنضغطين

[اقصوصه]

خخخخخخخ طفلي كم دقيقه

سلوني قبل ان تفقدوني ههههه

[طفلي حياتي]

ان شاء الله
يبغي لي ابدا اسوي لسته على الاقل بالاحتياجات وكلما اشوف شي اشتري

[rose soul]

إذا أراد الإنسان أن يجعل فراشه مكاناً للنوم، والنوم فقط، فإن عليه أن يراعي الأمور التالية:
1 ـ لا تذهب إلى الفراش إلا إذا كنت متعباً.
2 ـ لا تستعمل فراشك لشيء آخر غير النوم (وتدخل المعاشرة الزوجية في هذا الباب أيضاً بالطبع).
3 ـ إذا عجزت عن النوم بعد فترة معقولة (بين 15 و20 دقيقة) فاترك فراشك واستغرق في القراءة، أو شاهد التلفزيون، المهم حمل الهموم إلى غرفة أخرى.
4 ـ إذا أصبحت مستعداً للنوم عد إلى فراشك. فإذا صعب عليك النوم بعد ذلك، فطبق القاعدة السابقة وابدأ من جديد. ثابر على فعل ذلك طوال الليل إذا اقتضى الأمر إلى أن تستسلم للنوم لدى ملامسة رأسك للوسادة.
5 ـ اربط المنبه كل صباح. واترك فراشك عندما يدق جرس الساعة كالعادة مهما تكن درجة تعبك.
وإذا ما أعيتك المحاولات لبلوغ شواطىء النوم العميق:
1 ـ إياك والإفراط في النوم في اليوم التالي للأرق ظناً منك بأن الإسراف فيه يغنيك عما فقدته. إذا كنت في أول الخمسين من عمرك، وكنت مصاباً بالأرق، فاستيقظ في نفس الوقت كل صباح، لأن ذلك ينشط فيك ساعة النوم واليقظة الطبيعية.
2 ـ حاول أن تضع معياراً ثابتاً تأوي فيه إلى الفراش كل ليلة. فإذا ما تبين لك أن الكرى «النعاس» لا يطرق جفنيك حتى مع وصولك إلى وقت ذلك المعيار، فأخر التوقيت. ومن الضروري ألا تذهب إلى الفراش إلا بعد أن ينهكك النعاس أو يغلبك النوم.
3 ـ إذا استيقظت ليلاً وعزَّت عليك العودة إلى سابق عهدك من النوم فلا تضطرب، بل إهدأ هنيهة ريثما يداعب النوم جفنيك. حاول أن تقرأ، فإذا بقيت مسهداً رغم ذلك وأعيتك الحيلة وازددت اضطراباً وتوتراً، فغادر الفراش، وقم ببعض الأعمال المنزلية الهادئة إلى أن يصيبك النعاس وبعدها عد إلى الفراش.
4 ـ قلل التدخين وتعاطي الشوكولا والشاي وتجنبها عصراً أو مساءً.
5 ـ تجنب تناول الوجبات الثقيلة عند اقتراب موعد النوم، وكذلك تفاد تناول الطعام في منتصف الليل. ولكن وجبة خفيفة من الحليب الساخن والبسكوت تساعد بعض الأشخاص على النوم.
6 ـ حافظ على لياقتك البدنية عن طريق التدريب المنتظم، ولكن لا تتدرب عند اقتراب موعد النوم.
7 ـ أبذل نشاطاً جسمانياً، إن أمكن في الليلة التي تلي إصابتك بالأرق.
8 ـ إذا توترت عندما تحين ساعة النوم فتدرب على أساليب الإسترخاء، كأن تتوتر قليلاً وتسترخي بالتناوب، وتصور مشاهد مناظر هادئة.
9 ـ حاول ممارسة أي من المقترحات الآنفة لمدة أسبوع على الأقل قبل أن تتخلى عنه.
ومن النصائح العملية التي يقدمها الأخصائيون لمكافحة الأرق:
1 ـ عدم تناول أي مشروب ساخن كالزهورات أو الشاي أو القهوة قبل النوم مباشرة.
2 ـ الإمتناع عن مطالعة كل ما من شأنه أن يحرض الخيال، أو مشاهدة برنامج تلفزيوني مثير، أو الإستماع إلى الراديو وهو يذيع أخباراً مقلقلة.
3 ـ الإسترخاء الكامل في السرير وترك العضلات دون أي توتر.
4 ـ عدم التفكير في أي هم من الهموم اليومية، أو محاولة حل إحدى المشكلات المستعصية التي تحفز الدماغ وتنبهه.
وأخيراً يجب أن تدرك أن الأرق هو حالة ذهنية. وليس هنالك مقدار محدد لما ينبغي أن ينامه الإنسان. وقد دلت الدراسات على أن الإنسان قد يكتفي بأربع ساعات من النوم كل ليلة إذا اقتضى الأمر في الأحوال الطارئة.
وقد يكون أهم شيء هو أن يذكر الإنسان عندما يستعصي عليه النوم، ألا يقلق.
إن الإنسان لا يموت من الأرق، ولا وجود للإنسان الذي يظل مسهداً إلى الأبد.



هذي زين لج هههههه

[اقصوصه]

حلوه النصائح:)*

[طفلي حياتي]

ـ إياك والإفراط في النوم في اليوم التالي للأرق ظناً منك بأن الإسراف فيه يغنيك عما فقدته. إذا كنت في أول الخمسين من عمرك، وكنت مصاباً بالأرق، فاستيقظ في نفس الوقت كل صباح، لأن ذلك ينشط فيك ساعة النوم واليقظة الطبيعية.

ههههههههه احلى نقطه
اني خيو اسوي هالشكل اعطي روحي ربع ساعه نص ساعه ما شفت ياني نوم قمت للتلفزيون او النت لين ما تنغلق العيون
والحين اكي غلقت ماني قادره ابطلها ياربي اناااااااااااااااااااااااااااااااااااام
يلا تصبحون على خير
ومشكوره تعبناش ام جوود

[أم حماني]

صباح الليل

[اقصوصه]

وانتي من اهله طفلي حياتي

صباح النور والسرور ام حماني

[rose soul]

اي اهم شي اللسته..انا اول ماشريت..نسيت اللسته..ما حملتها معاي..عاد ريلي يقول لي يلا اشتري..الله لا يرااااااويج..جني هبله..ماعرف شاخذ خخخ
الا يقول لي..يبين عليج ام يديدة هههههههه
وانتي من اهله طفلي..شكلنا بنغير الاسم ههههه
..
هلا هلا ام حماااااني

[اقصوصه]

انا يوعاااااااااااانه

[rose soul]

لا تيبوووون طاري الاكل ماقدر ترا ههههه

[أم حماني]

شخباركم ؟ فيني نوم وحماني مايبي يرقد الله يحفظه
صج امي ترقده كل ليله بس مايطاوعني قلبي ارقد واهوة قاعد ..