ديوانية البحرين - دردشة حوامل البحرين - البحرينيات

[بنوتة حلوة]

شكله لا طلق ولا شي .. هكي تترقص وشكله صايدنها بوفاق ..
تشتغل على الصوبين .. فوق خانقتني لاني عارفة اتنفس .. وتحت تدقدق ليي مكان اللي اني قاعدة ولا يندرى ..

[بنوتة حلوة]

http://forum.hwaml.com/imgcache2/hwaml.com_1298415107_443.jpg

http://forum.hwaml.com/imgcache2/hwaml.com_1298415107_596.jpg

http://forum.hwaml.com/imgcache2/hwaml.com_1298415109_602.jpg

http://forum.hwaml.com/imgcache2/hwaml.com_1298415108_453.jpg

http://forum.hwaml.com/imgcache2/hwaml.com_1298415107_358.jpg

http://forum.hwaml.com/imgcache2/hwaml.com_1298415108_317.jpg

http://forum.hwaml.com/imgcache2/hwaml.com_1298415108_488.jpg

http://forum.hwaml.com/imgcache2/hwaml.com_1298415107_771.jpg

[طفلي حياتي]

اي على طاري ابو فاق شلون نعرف ان ابو فاق ويش نحس؟؟ للحين ماعرف

[بنوتة حلوة]

ابو فاق يعني كلحين ماتنقز ليش .. وتحسين بنقزتها لمدة ربع ساعة تقريبا وهي كل شوي تنقز .. أشكره بوفاق !! ماصادش ؟؟؟
أني من السابع حسيت فيه

[om khalil]

يمكن متدافشه في حركتها وحسبتينه طلق
اسمعي اقنعي روحش بالصبر هو الي بفيدش
نفسيتش وانتين حره هذاني قلت لش

وحزة الولادة حزة اللي يقولون لس أسري أسري (عصري)
صكي بوزش وعصري هيك الحزه لجل الدفع بكون أقوى جذي فهمتين عليي

ومن حلاوة الولادة اللي تحارسينها اني احس بدخل التاسع واني أحاتي جاموا أولد خخخخ

[om khalil]

رجعو مكينة النفييشششششششش
حلاوتهم هههههههههههههه

[om khalil]

باقوم احط راسي عفر قمتون
ذابت مهجتي من لتفرفر في المنتديات
تصبحون على خير والله ينصرنا نصر عاجل يااارب

[أحلام أم]

صبااح الخير
هلا أم خليل وطفلي حياتي وأم السادة وبنوتة حلوة
بنوته
الله يساعدش صدق الشهر التاسع يضيق الخلق ولاعاد ليين جتش بروبات الولادة وراحت ياربي مانسمع منش إلا والدة إنتين وأم السادة
أم خليل كل يوم مسنترة هناك ،أختي بعد تقول كل يوم من الصبح توقع هناك لازم مع باقي المدرسات ليهم خيمه خاصة بهم
أمس وصل أخويي وزوجته من إيران ويقولون مشهد كلها ثلج الأرض وضحكني أخويي يقول كله من يمشي يتزحلق في الشارع مو متعود ثلج منفر في كل مكان hwaml02

ويش الشور لادجاج ولاسمك في السوق والدكاكين ويش نسوي الغذى
ماليي إلا الروبيان اليابس باشوف ويش أسويه hwaml15
فلونة نداء أخير إلش ...
أرجو سرعة الإستجابة للنداء وموافاتنه بأخر أخباركي وطمأنتنه عن وضعكي الصحي من بعد الولادة وماذا كانت الدبة تحوي سواء كان ذكر أم أنثى فقد نفذ الصبر وقمنه نحاتي hwaml13

[أحلام أم]

شفت ليكم جدول يوضح وزن الجنين وطوله من الإسبوع 20 إلى الولادة وقلت أحطه




http://forum.hwaml.com/imgcache2/hwaml.com_1298449526_160.jpg (http://forum.hwaml.com/redirector.php?url=%68%74%74%70%3a%2f%2f%77%77%77% 2e%37%6d%61%72%2e%63%63)

[شمس الصباح]

سلاااااااااام عليكم حوامل وامهات

يالله اولدو جان نسوي تجمعات امهات البحرين

اي ال شي مبروك روز على الولادة

وفلونة تعيب على ام خليل تقول ما بتشوف الا اغبارها والحين هي ماليها حس يالله ان شاء الله تكونين بخير

اقول احلام ام ويش اخبار خنافرش ودبتش واي تعالي ما قلتين شنو قالو ليش بنت لو صبي لا تتهربين اكيد الحين عرفتين يالله قولي

اليوم رحت مركز البديع الصحي علشان اسوي تحاليل الي ملوكه وصادتني قصة اول ما عرفو ان صاحب التحاليل طفله صغيرة نتفه على طول قبل لا يوصل رقمي نادوني وكل وحده تتهرب علشان ما ياخذون دم منها ويبغون يحولوني على جدحفص واني اقول اليهم ان التحاليل الدكتور من المركز عطاني مو السلمانية وبعد كلمة من ومناك قالو يبغون يشوفون ذراع ملاك وطبعا هالمره الدم من وسط اليد على عمري وقامت غزت الأبره وملاك قلعت المكان من لصياح واني مجودة ايدها الا تطيح الغرشة من يد الممرضة وتقول لي جودي الأبرة اني قلت هااااااااااه hwaml9اخاااااااااف وما اعرف ونادت على ممرضة ثانية جان تحط الغرشه وتشحن ثلاث اغراش دم منها والمهم بعد ما خلصت حطت القطنه الا القطنة تنشحن دم عدل اني خفت وقلت اليهم بدلت القطنه وتخليني اقعد انتظر علشان تشوف وقف الدم او لا والا ولدي الصغير يصيح مااااااااما ابغي ماي قلبي يعورني اهني اني ما عرفت اجود من ملاك لو ولدي وبعدين تذكرت ان اخوه برع قلت اليه خذ غرشه ملاك واشرب ماي واطلع برع ومن طلعت من المختبر الا النسوان يطالعوني اقول اليهم اغمي عليه الا تقول لاااا بس طلع ووجهة اصفر واني قلت اليه لا تدخل بس بدخل بروحي الا هو مصر الله يهديه لا بدخل ماما انا ما اخاف hwaml4 ولين ما رجعنا وهو احسه مرعوب وكل يطالع اخته شكله خايف عليها لان منظر القطنه وفيها الدم فظيع على وحده بمثل عمر ملاك بس هذة قصتي لليوم باقي انتظر نتائج التحاليل بعد خمسه ايام ان شاء الله خير ونعرف السبب ابو صفار ما راح للحين

هدرت وااااااااايد والحين بروح احط راسي على المخده يمكن اناااااام قبل لا تقعد ملاك

[شمس الصباح]

اي صدق مبروك لكل وحده عندهم في العائلة سجين سياسي واطلقوا سراحة قرة عينكم وعيني معاكم وان شاء الله الفرحة الكبيرة منصورين

[حنين للماضي]

يا بعد عمري ملاكي
صدق عورت قلبي مسكينة
ياااااااااااارب بحق محمد وآل محمد يطلع مافيها شيء وتفتكين من هالسالفة
اكلي زين شموس مسكينة خذوا من بنتش وااجد دم على حسب عمرها يعني ضروري تعوضينها بالحليب الكافي من عندش
انتوا كان عندكم سجين يعني؟؟

بنوتة لاتحاتين حبيبتي
باقي على موعدش بس اسبوعين
ان شاءالله ما تتأخرين اكثر وتقومين بالسلامة

طفطوفة اني بعد خاطري اروح الدورار بس مالي قلب احط علاوي بروحه
حماتي قالت بجوده لي بس ماقدر اطلع عنه
بقول لزوجي يوديني بالسايرة اليوم مع علاوي عن خاطري شوي
وعلى طاري التسبوح لا والله ماسبحته للحين اخاف شوي
بس قلت هالمرة ان شاءالله بسبحه مع اختي عشان اتعود

صخنت الاكل بس مالي خلق آكل بروحي
يلا حياكم ونسوني بالصالونة الباميا

[حنين للماضي]

صحيح روز روحي سوي سونار عند فهيمة نفس ما قالوا ليش البنات وتطمني
الامريكي فاشل حبيبتي خلهم يولون
يااااااااااارب تطلع بنوتش بخير ومافيها الا العافية بحق الزهراء وابيها

حروف شكلها نستنا من زمان مابينت
وحشتني حدها

[نورالدنيا]

سلام بنات ديرتي شخباركم من زمان ما قعدت ع النت الحمد لله على سلامة إلي ولدوا والله يسهل للباقي أنا ولدت وجبت حمود

الله يفرجها علينا وينصرنا ع الظالمين

[حنين للماضي]

حمدلله على سلامتش ام حمود
تاريخ جم ولدتي؟؟
ويلا كتبي لنا قصة ولادتش وحطي لنا صور حمود

[أحلام أم]

مساء الخير عليكم كلكم
شمس الصباح وقرة عيونش حبيبتي ويارب عقبال الباقي
ألف سلامة عليه ملوكتنه الحلوة ،ذكرتيني بولدي علي يوم كان في عمرها سوينه له تحاليل شاملة وفي السلمانية بس بأمر دكتور خاص على عمري كان صغير وللحيين أذكر يوم يربطون ذراعه الصغير بجلدة علشان يسحبون الدم ويعصرون إيده وحطوا الأبره في الوسط كبيرة عااد ولدي قلع المكان قلاع من الصياح وحتى الناس بره مستغربين من صياحه وأني إلا قلبي روبة وكان أبوه ويانه وقمت أصيح وأقول للرجال إللي يسحب دم بس خلااااص خلااص ماقدر خله وجتني نفس الهستيريه ذبحه وسيدة قبل لاأطلع من المستشفى قمت أرضعه وهو الدموع تسيل حبيبي وتالي طلعت التحاليل سليمة الحمدلله
يارب ملاك بعد تحاليلها سليمه
تسأليين عن خنافري كلمالهم في نمو يفشلوون ماأشتهي أطلع والرقبة سودت ويش حالتنه تبينت تعرفين ويش في بطني علموني بس ماأمبى أتسرع لأني أحس في بطني غير إللي علموني به بنتظر شوي علشان أتأكد
نور الدنيا
ألف الحمدلله على سلامتش وسلامة حمود
حنين للماضي
هلا أم علي الله يساعدش على سفر الأهل في هالوقت ربي يردهم بالسلامة وويش أخبار عمليتش
لاتروحيين بعلاوي هناك الدوار خليه مع أحد في البيت أحسن له بعده صغير وهناك زحمة السيارات عدل
ربي يوفق الجميع
باقوم تونه بنتغدى حياكم معانه

[Roze]

شمس الصباح
شفتش اليوم في المركز وعرفتش يوم حطيتين السالفه ههههههه
اني رايحه بسوي فحص السكري ونقعت نقعه

قرة عيونكم بالمساجين
خاطري اليوم اروح الدوار بس ريلي اكيد مابوديني هههههه اقول النسوان يعيقون في هالمحلات

طفطف وينش اليوم مابينتين !!؟؟
فلونه اختفت وماردت لينه ببشايرها

[شمس الصباح]

الله يسمع منكم وتطلع التحاليل زينه

تدرون للحين ما تغديت يا زعم معزمين اليوم بمناسبة اطلاق المساجين بس ما رحت وقلت بنام ولكن ما خلتني انام واكي في حضني الحين

روز لا يكون انتي اللي كنتين صوب الجامه متملله حدش اول شي قعدت جنبش وبعدين قمت ورحت كرسي ثاني

عجل شفتين رشاقتي بحرش اشوي هههههههههههه

[rose soul]

اعلن فرحتــي لكلـ بشر .. وابشرهم بأحلــى خبــر .. وصلتـ الغالية ((بشرى))
اللي أحلى من القمر .. ياربي أحفظها من كل خطــر ..
..
انا سيدة وجدي رسول الله
وتسميت "بشرى" بأسم بنته الزهرة
حملوني وبوسوني في خدودي الحمرة
فرحة الماما والبابا فيني اكبر فرحة
..
شخباركم حبيباتي؟؟
في ولادتي..تاريخ21-2-2011..والساعة وحدة وشوي..طلعت احلى بشورة..واحلى مافي الموضوع..في يوم مبارك..مولد النبي
وحشتوني..
دعيت لكم كلكم..والله..ومانسيت وحدة فيكم يوم ولادتي..
واكيد حنون خبرتكم
وانا لي رجعة ابي اعرف آخر أخبار البنات..وحدة وحدة..وفلونتي ولدت..شنو يابت؟؟
لأن اليوم توهم مرخصيني..مضطرة اخليكم

[شمس الصباح]

روز سول مبروك ام بشرى وعقبال ما تشوفينها عروس

ونور الدنيا بعد مبروك

[ام السادة]

السلام عليكم شخباركم

ويه على عمري ملوكه عورت افادي بسم الله عليها وماتشوف شر

هلا روزة سول الحمد لله على سلامتش وسلامة بشوره القمر يا الله حطي صورتها بنشوفها هالوردة

يارب نسمع خبر عن فلونه جابت لينا الوسواس الله يهديها

بنوته حبيبتي تفائلي خليني اتفائل وياش

طفطوفه واحلام ام وروز وحنونه وام خليل وصعب تنساني شخباركم ان شاء الله بخير
والي ما ذكرتهم شخباركم


للحين مااااااااااااااااااااااااااااااااااااااااااااااااا اااااااااااااااااااولدت

[Roze]

اي ياشمس صدتيني
شفتين الويه صاير دفعه
ومن الضجر وضياقة الخلق ولوعة الجبد من العصير ماعندي حواس
حتا احس رقعات قلب في راسي من الدوخه
قعدتين صوبي ورديتين قمتين
البارحه مانمت عدل من التفكير الله يلعن المستشفى الامريكي حولو عليي بوسواس ماخلو ليي رايي ويبون اسبوع الياي نتايج التحاليل قلت بضرب سلف وبروح اليوم وبفتك جان تطلع واوديهم لهالدكتوره

هههههه لا شموس ماتوقعت جدي شكلش بس ماشفت ويه ملوك الله يحفظ اولادش يبينون مناميين *

[أحلام أم]

ألف مبروك روز سول وتتربى في عزكم بشوووورة


http://forum.hwaml.com/imgcache2/hwaml.com_1298473918_749.jpg

[أحلام أم]

وألف مبرووك نور الدنيا ويتربى في عزكم حمودددددد


http://forum.hwaml.com/imgcache2/hwaml.com_1298474164_235.jpg

[صعب تنساني]

روز سول الف الحمد الله على السلامه وسلامه بشورتنا القمر
ام الساده الفال لج ونسمع بشاير ولدتج

[صعب تنساني]

ما فيه اخبار عن فلونه ؟؟؟

[صعب تنساني]

روز طمنيني عنج رحتى سويتي سونار ؟؟ما عليج من كلامهم ذيلين اكيد مخرفين شلون الراس اكبر من الجسم لا تحطي كلامهم في بالج ترى كلامهم وايد وما له معنى

[صعب تنساني]

احلام ام وام خليل شلونكم اليوم والف مبروووووووك فرحه الافراج عن المساجين
طفطف ما بينت اليوم ؟؟ يمكن راحت الدوار خخخخخخخخخ

[شمس الصباح]

تدرين روز ليش عرفتش لان باقي اشوي وتنسدحين على الكرسي من الملل والتعب ربي يسهل

يعني اولادي يشبهوني hwaml03 واخيرا ما راح تعبي بلاش الكل يقولون يشبهون اهل زوجي

هاااااااااه ما قلتين اشلوت توقعتين شكلي

على فكرة اني غيرت مكاني لان شنطتش hwaml4 مضايقة ولدي خخخخخخخ وما بغيت اقول ليش شيليها لانش حامل وكان شكلش تعبان من جدي بدلت مكاني ولا جان قعدت وتعرفت عليش لاني احب اتعرف على الناس hwaml7

باشوف الصفات اللي قبل علشان اعرف ويش قالو ليش الأمريكي

ام السادة هانت ما باقي الا كم يوم وتولدين

[صعب تنساني]

شموس شخبار العروسه اليوم يقولون الشمس زينه للي فيهم ابو صفار ان شاء الله يروح عنها ونتيجه تطلعع زينه وترتاحين من هم المستشفيات ومشاويرها الي ما تخلص

[Roze]

حالتي حالة اليوم والله يعني بلا نوم طول اللليل
وجايه صايمة والقعده اتيبست على الكرسي وكل ساعه سحاب دم وايد متعب هالتست
هههههههه اني من قلتين انش في المركز اليوم قبل لا اقرا السالفه اتوقعت ان هذا انتين
لانه قعدت اطالع مفرش بتش حلو ماشاءالله
ههههههه مادري توقعت شكلش غير بس حليوه لاتخافين
هههههه ولدش الكبير منامي كلو على بعضو هههههه والصغير كسر خاطري يوم طلع من المختبر يدور محل يقعد فيه مادري دار راسه من شوفة الدم
هههه يوم اتيين اني واصله قمة التعب ولالي خلق الانتظار في المستشفا كريه وناس اتيي ويقعدون ويمشون واني قاعده جدي ضايق خلقي لو مسولفه وياي جان زين كنت حدي طفشانه ولاعلا بالي الشنطة هههههه فكرت اجزيه المحل صغنون سامحيني اذا جدي ههههههههه
ويش توقعتين شكلي هلوون؟؟
اي روحي شوفي بلاوي المستشفيات الخاصه
داك الشهر سوي اشعه عشان نطمن علا كل شي سويناه بلي يفتح الله وقالو فيش التهاب وخدو خزعه وكل شي بسعره وكل شي طلع تممام والحمدلله وهالشهر طلعو ليي بقضايا التهاب في الابوال والراس مقدم علا الجسم جننوني واني يحظي موديه عمتي والدكتورة تبربر عن السكر والاكل ونقص الدم قبال عمتي طلعت مضجره حدي لليوم والبارحه ماسكت من الصياح واليوم من الصبح قعدت ويوم خلصت جا زوجي لي اامركز لانه ماقدرت اتزحزح من التعب ودعواااتكم حبيباتي تطلع النتيجة زينة ويرتاح بالي يااارب
*

[Roze]

وينهي طفطف ماليها لوووده

ويش فيها النسيبه

[Roze]

فلونة يالله زتتي عطينه خبر عنش

[شمس الصباح]

روز روحي عند دكتورة غير احسن ليش علشان ترتاحين
تصدقين عاااااد اني كان عندي احساس غريب ان بشوف وحده من المنتدي وراح تعرفني من المفرش وتوقعت ام خليل بس شوفي الصدف طلعتين انتين ورب صدفة خيرا من الف ميعاد

اي على عمري من شاف القطنة انشحنت دم وايد حتى تنعصر من كثر الدم اهني قام يقول ان قلبه عوره وراسه بعد عمري من جدي قلت اليه اطلع سمعتين صوت ملاك قلعت المكان من لصياح على عمري
وعلى سالفة الشنطة عادي المكان يكفيه بس كان يلصق فيني واني عندي ملاك من جدي رحت كرسي ثاني

مممممممم ما ادري تخيلت شكلش ضعيفة بس اعتقد كل هذا تنفخ مال الحمل لان اني الحمل بعد نفخني بس الحين ضعفت كلش حتى كرشتي الصلاة على النبي راحت بس ابغي خدود تطلع لي لان مو عاجبني شكلي

ان شاء التحاليل تطلع ليش والي ملاك زينه وارتاح وترتاحين انتي بعد ويسرالله على كل حامل

جوعاااااااااانه وزوجي للحين ما جه ما تغذيت ابغي عشااااااااء

[أحلام أم]

هلا حبيباتي
طفلي حياتي
وينش اليوم ،مو حليو أفتح الديوانية ولا أشوفش مو من عادتش أني كل شوي أطل وأقول وينها بنت ديرتي عادتها كل حين تطل علينه حتى لوإحنه مافينه خير نسولف واايد وياش يالله دخلي خلنه نشوف طفطوووف وأخر أخبارها
روز
ماعليش شر حبيبتي ولا تحاتين الله كريم روحي دكتورة أشعه متخصصة ،تذكرين حالتي لمن صورو جنيني الحبل ملتف على رقبته على عمري الله لايعود الشر صرت حالتي حاله دمعتي على خذي ولا ليي بال ولاد ولازوج ولابيت ولا الناس كلهم نفسيتي تعبت خصوصا من أقرأ إن بعيد الشر إلتفاف الحبل يسبب بعيد الشر إختناق الجنين في الرحم ولايمده بأكسجين وأكل تعبت وصرتبس أطلع صدقات عن جنيني ونذرت نذرين وسبحان الله هذيك اليوم وأني موصله حالتي النفسية التب إلا سيد طاق الباب يطلب طلعت صدقة وعطيته الصدقات المتجمعه عندي وقالي ويش تبين أدعي ليكم أني هنيه قمت أصييييح تحته وأقوله أمبيك تدعي لي أني حامل وجنيني في خطر أصيييح وهو يصبرني ويقول إنشاء الله بدعي ليكم وماعليكم شر وأن مسافر العراق عندي أولاد هناك أقعد 6 أشهر وأرجع البحرين وهالفلوس أوديها ليهم وقلدته الدعاء والزيارة ولاينسانه من الدعاء صدقيني في اللليل رحت أعيد التصوير الرباعي وأني كلي هم وألم وخوف عليه ونفس الدكتورة إللي صورتني أول مرة ومن قالت لي الحبل إنزاح من على رقبته والله صحت صياح لو أحد ضاربني ماصحت الحمدلله ياربي حتى الدكتورة قامت تخفف من عليي وتعتذر مني لأنها حاطه اللوم عليهالأنها خبرتني أول مرة بإلتفاف الحبل وااايد طيبه هالدكتورة ربي ييسر ليها أمورها كلها يارب تبعد الشر عن جنيني وأكمل حملي وأولده بالسلامه يااارب
وألحيين أمس خبروني إن رحمي مايل على صوب اليمين والله يستر
ربي ييسر أمورش وتطمنين

[طفلي حياتي]

السلام عليكم
اني اليوم من الصبح طالعه رحت بيت حماتي وتالي الدوار بصراحه غفصه وملل ما استانست هناك وظهري انقص من الوقفه نص ساعه ورجعت.. الله يستر علينا ويسهل امورنا ان شاء الله
مسكينه ملوك حقوي هالكثر دم ماخذين منها؟؟ على حساب تحليل ابو صفار؟؟ ان شاء الله يارب مافيها شي ...روز بنت بلادي وشخبارش عفر..باقي البنات ماقدر اعد اسامي بس وشخباركم وحشتوني اليو ماقعدت وياكم

[ام السادة]

السلااااااااااااااااااااااااااام اخيرا جيتون استمليت واني احارس ويش احوالكم عفر

[طفلي حياتي]

هلا احلام ام سألت عنش العافيه وهذا عشمي فيكم كلكم ومالي غنا عنكم اصلا
احبكم كلكم واتمنى الخير ليكم مثل ما اتمناه لي بالضبط
وعسى ربي يوفقنا للحب والخير جميعا يارب

[طفلي حياتي]

هلا ام الساده وشخبارش؟؟ هدحنا يينا حياش بس شكلهم مشو مايندرا

[ام السادة]

ويش دراني صايرين كلش ما تقعدون الا الليل واني صايرة ما اقدر اسهر

[ام السادة]

ويلي يختش ماني راضي اولد حتى رجل اختي امس يسال اختي يقول ليها ويش فيها اختش مو كانها دخلت شهر ل11 وهي ما ولدت

[ام السادة]

يؤؤؤؤؤؤؤؤؤؤؤؤؤؤ شكلي اهدر بروحي وين رحتون

[طفلي حياتي]

ههههههههههههههههه يضحك ريل اختش بعد خخخخخخخ
هداني هنا اني

[rose soul]

رجعت لكم
اكا صورة بشوري
صلو على النبي
^_^

[طفلي حياتي]

ولكم روز اللهم صل على محمد وآل محمد تهبل تينن ربي يحفظها ويخليها قممممممر ياربي نبغي نشوف فلونو وشيابت بعد
الفال للباقي كلنا نقوم بالسلامه ونخلي صور بيبياتنا
وننتظر قصة ولالالالالالالالادتش يلا كتبيها

[rose soul]

الله يسلمج حبيبتي طف طوووف
انا اشك فلونو ولدت معاي ههههههههه
وايد اللي ولدو معاي
مايندرى وين ولدت
اوك الحين بكتبها

[طفلي حياتي]

يلا ننتظــــــــــــــــــــــــــــــــــــر

[أحلام أم]

ألف الصلاة على النبي روز بنتش جميلة الصلاة على النبي ألحيين مو تقوليين طالعه عليش <<<أضحك وياش أكيد ماخذه جمالها من أمها ولازم أبوهأ بعد لايزعل تذكرين يوم أقولش إني حلمت بنتش حليووه وكانت نايمه وتضحك طلعت أحلى من الحلم
الله يخليها ويجعل قدمها قدم الخير ياارب عليكم

طفطووف
هلاااا عاش من شااافش كله حوامه اليوم عفر وحشتينه
أم السادة
للاتحاتيين السيد بيطلع بيطلع صبري عليه شوي
يارب إتمم لينه إحنه الحوامل وتقومنه بالسلامة وطمنه على أجنتنه ونشوفهم في أحضانه بولادة سهلة بحق فاطمة الزهراء(ع)
ومشكورة أم بشرى لأنش دعيتين لينه

[مبسم الروح]

السلآم اهل البحرررين
الله يلم شملكم و يحفظ ملكم ويبعد عنكم الفئه الظآله وينصرررركم

دعوآتكم

[Roze]

شحوااال
رجعت من الدوار

طفطف شحوال
بت العم دريتين عنها ؟؟؟؟
امي اليوم خبرتني وكلش اضجرت على بتها الفقيره:(

اني بروح اخذ الدش وبرررجع

[Roze]

روووزه القمر بتها طالعه عليها صلوات على محمد وال محمد
حليو الشعور لما تعيشين وقت وبطنش هالنتفه وتالي تشوفينها واحنه عشنه وياش يروز اخير الاشهر واستانسنه ويا بعض
ربي يتمم علينه احنه بعد

تتربى في عزكم ان شاءالله*

[طفلي حياتي]

هلا روز اي والله تكسر الخاطر الياهله الله يفرج ليها ان شاء الله هذا من شطانة ولدها شر حده زين ماقتلهم .. ان شاء الله ما تتشوه بس
تعالي رحتين الدوار يعني؟؟

[طفلي حياتي]

تعالي روز قلتين لمش عني؟؟
وشقالت :p

[صعب تنساني]

روز سول بنتج قمر الله صلي على محمد وال محمد فديتها الله يخليها ويحفظها لج

[صعب تنساني]

روز ريحتي الدوار اللاي انه بعد خاطري اروح بس المسعد الي عندي رافض مو راضي

[ام السادة]

اللهم صل على محمد وال محمد ما شاء الله

الله يحفظها ويخليها لش يارب وتتربى في عزكم

[طفلي حياتي]

من رجعت من الدوار اني في دوامه وضيقة خلق وحالتي حاله نفسيتي صفر
مادري ويش قالب حالي خايفه لا يتأزم وضعنا وخايفه من المجهول مادري خربطات داخل راسي
يارب رحمتك وعفوك ونصرك وسترك تستر علينا وترحمنا

هذا ويش هالحاله اذا نكتب شي وبنعدله يلحقون العالم كله يقراه وتالي يصير تبدلين ويش هالمر hwaml15

[ام السادة]

صلي على النبي طفطف وقومي طلعي صدقه واستبشري خير وان شاء الله منصورين باذن الله وباعدي هالوسواس عنش اني لو يرضى الرجل يوديني جان ارجع متشققه

[طفلي حياتي]

مادري حسيت بختناق مادري من ويش الكل يقول حليو ويستانس بالروحه واني من رحت مادري كآبه ضيقة خلق مادري شلوون وبروحي بعد ريلي راح يفتر واني واقفه والظهر منقص تمللت عدل:(

[ام السادة]

يمكن من التعب حسيتين جدي بس ادا رتحتين بيصير خاطرش تردين تروحين

[Roze]

ايي يطفطف بس صدق ويش حالة الياهله وايد احترقت لو شنو بالضبط
وولدها شر سمعنه عنه وايد شيطان مسكينه ماتخيل شعورها اغراضها وعوايزها احترقت وهم على قد حالهم الله يعوض عليها ان شاءالله

اي رحت في السياره فريت ومشيت ويش قدرني انزل الصراحه كله صبيان واني بدبتي الوحده تستحي بعد
والله نطوف هالبنات العبر كل وحده مدلدله علم في حلقها جنها سوبر وومن ميستحون صارو انزين قلنه وطنيين بس عبري عن هالشي باحترام وادب مو كانش صبايووو!!! هههههه

ماقلت لمي بس قلت لختي عنش ديك الليله وقامت تضحك اتقول هي تضكرش قبل كله في بيت عمي له بس اني مااضكرش بس اعرف اسمش يبي لي اقول لمي وبشوف شتقول ههههههه
شمش اني بس ويهي متنفخ جنه زهبه صاير بس جسمي بس الدبه متنفخه امن جتوفي متغير وضعهم ولا ريايلي بس عندي الويع طلعت خدود والخشم انفرش زود لو تشوفين صور عرسي مابتعرفين هدي اني جسمي وويهي 360 درجه غير وعلى قولتش الحمال يغير وشكله معفس خلقتي هههههههه *

[طفلي حياتي]

مادري يمكن
اني قلت له ابغي اروح الظهر هناك شوي اهدأ الوضع والناس اخف ابغي اشوف وافتر اطالع على راحتي لكن الله هداه وداني بيت اخته وما مشى الا العصر
الله يفرج همي وكربي اني والمؤمنين ان شاء الله

[طفلي حياتي]

اهلا روز اي الياهله احترقت وسووها جم عملية ترقيع مسكينه وولدها مو بس شيطان شرر يادافع البلا... وبالنسبه لروحتي كنت من قبل كله هناك والحين قليل جدا اذا رحت ... مو نفس قبل
وعلى طاري شكلش اني اذكرش صغنونه كنتين تهبلين كأنش قطوه كان عمرش تقريبا 10 يوم اشوفش اخر مره الحين مادري جيفه صرتين ان شاء الله نلتقي ونشوف بعض :)

[طفلي حياتي]

روز راحت بتكتب قصة ولادتها ولا يت شكلها يوها ناس او بنتها تصيح يلا ننتظر
اما فلونه كلش ماليها حل في هالحركات لكن براويها اذا يت تخوفنه عليها الكريهه

[ام السادة]

هلا روزة هههههههههههههههه ضحكتيني على الخشم هدا لو تشوفيني اسالي طفطف عن شكلي خلها تبدع لش عن حالتي صايرة مو درام قولي فيل باب من لكبار حالتي حاله

طفطوفة انتين بس شيلي الفكرة هذي من بالش وبتهدائين لا توسوسين واجد ترى بتطلع بتش عصبيه (اخوفش ههههههههههههه)

[Roze]

يووووو وي عليي مسكينه يادافع البله
اني مو بس الياهله معوره قلبي حتى امها ماعندها محل الحين
الله يصبرهم ويعين قلبهم
خساره ماجيتين خطوبتي عجل
10 سنين نتفه ههههههه احين عمري 23 سنه
ان شاءالله نتلاقا بس خلني اولد دام شمس قالت صايره متنفخه ههههههه ابي اهفتت شوي عيل

[Roze]

ام الهواشم لاتتحجين عن الخشوم اني صاير دفعه هدا وي!!!
لكن يهون الشكل والله العظيم قدام معاناة الحمل والالام والنساة

[ام السادة]

ويش عندكم ثنتينكم ويش السالفة منهي الا احترقت ومنهي الي ما عندها مكان يادافع البلى

[Roze]

وحده من نسباتنه صاير حادث في شقتها واحترقت الشقه
دعواتش ليها ام الساده الله يفرج ليهم

[ام السادة]

يااااااعلي الله يفرج ليها يا رب ويصبرها

[ام السادة]

وينكم ليكون هربتوووووووووووووووووووون

[طفلي حياتي]

هلا ام الساده
انتظر روز قالت بتخلي صورة بنتها ولا شوف بينت وانشغلت بالمسن بعد هههههههه

[طفلي حياتي]

قصدي قصة ولادتها مو صورة بنتها مالي حال المخ مجيم

[ام السادة]

هههههههههههههههههههههه ويش هالحاله بس الليله صدق الملل موصل التب

[طفلي حياتي]

الله كريم يفرج كربتنا ان شاءالله
ماقلت لش لديايه اخذتها اختي وعطتها ناس ويى ديايهم واليهال عافسين الدنيا تقول تطلع ريحه ومكانهم مسكر هههههههه وهي صدق تمشي وتهدهد ماتستحي خلوها في كارتونها وتالي اطلقو سراحها

[أحلام أم]

باسولف شوي وباقوم ماني قادرة من خاصرتي الألم مجود الرجول وياها
طفطف
إللي يسمعش تقوليين لروز شفتش عمرش 10 سنين يقول بل كبيرة إنتين وروز عمرها 23 ألحيين
ياربي في الدراز إللي إنحرقت شقتها الله يعوضها ويستر عليهم
أم السادة
لوتشوفيين خشمي يفشل ويش كبره ،أني الحمل واايد يكبرني أمتن وأسود وأنتفخ حتى صوتي يصير جهوري <<أخوف
بس بعد الولادة أرجع ضعيفة بس الكرشة ماتروح مكلها

[ام السادة]

ههههههههههههههههه زين له والحين ويش تبين بعد لو خلاص

[طفلي حياتي]

هلا احلام ام
اني قصدي من كان عمرها تقريبا 10 اخر مره شفتها فيها وتالي كلش ولا ادري بديارها وينه
الحين التقينا هنا صدفه ههههههههه

[ام السادة]

هلا خيو احلام ام لا تتكلمين عن الي يسويه الحمل فينا يعفسنا فوق تحت لكن الحمد لله اهم شي نقوم بالسلامه ويه بيبياتنا يارب

اليوم بتي مجننتني جنون الله يحفظها مي مخلية شي في مكانه تقولون ضاربنها لجنون تقوم من شي الى شي

[طفلي حياتي]

ام الساده لا خلاص وين اوديهم هي لو مهلتني رجعتها ليكم تنضم لاهلها احسن

[ام السادة]

افاااااااااااااااااااا طفطف ترجعين عربون الصداقة خخخخخخخخخخخخخ

الي يجي يقول دهب ههههههههههه

[Roze]

هداني رجعت


اشلون اكل عشان يرتفع الدم وفي نفس الوقت مايرتفع السكر
بلوه

[أحلام أم]

هلا طفطف
عاادي أكو شفنه أخوتنه صغار وحملناهم وسبحناهم وهيكم رجال مو معناته إحنه عجايز أني من صغري أشيل وأحط في أخوتي وبينه وبين بعض كل واحد سنتين
أم السادة
عندي وعندش خير أني مو بس ولدي ضاربنه الجنون إلا صاير مثل المغازلي المغرم كل خمس دقايق حبيني وأحبش عساه لو مشغوله بويش تعالي حبيني وباحبش وإذا ماحبيته يقلع البيت قلاع
لاعت جبدي كل خمس دقايق ويسألني ماما تحبيني أقول إيه يقول لويش تحبيني يبى له خلق زااايد

[طفلي حياتي]

ههههههههههه ام الساده لا عربون الصداقه مقبول وخلها تعيش ويى دياي يدد
روز اني نفس استفسارش غربال عدل ان اخذتين حبوب الحديد تعالي امتنعي عن الحليب ومشتقاته انزين متى اشرب حليب؟؟ اكل جبن وش اكل اتملل وتركت الحبوب وفكيت روحي
انتين رتبي لش اكل اللي يرفع الدم الكيوي خضروات اكلي سلطه جبود يعني اكلي عدل
اني اليوم قريت موضوع من اسباب قلة حركة الجنين سوء التغذيه واني اكلي هرار حده ولا راعيت للبيبي والظاهر من هالشكل الحركه خفيفه.. الحافظ الله

[أحلام أم]

روز
كثري من السلطة والأوراق الخضرة خست ،جرجير ،بقدونس
قد ماتقدرين كلي سلطة يوميا ومن تجوعيين لأنه السلطة زينه للي فيهم سكر ولاتأثر ولاترفع السكر

[طفلي حياتي]

ههههههههه احلام ام ولدش جم عمره؟؟
هذي بنت حميي اشوفها تسوي لعمتي هالشكل تمللها تملل تحبيني عوده؟ تقول ليها اي تقول حقوي؟؟ خخخخخخخخ ومن تشوف اختها لزقت وتعلفت بالخت تبغي الساحه بس ليها
الظاهر ولدش خايف ينأخذ مكانه والاهتمام بالجنين متخوف فلاتبينين له انش متملله وانتين ناديه قبل لا يطلب البوسه قولي له تعال حبيبي وبوسيه عفر بيستانس حده

[أحلام أم]

تعالوا صدق جمعية المعلمين أعلنت باجر دووام في المدارس مكتوب في الوسط ويش الشور

[Roze]

احلام ضحكتيني ههههههههههه صاير رومانسي ولدش
احنه اليوم ود اختي طلع لينه قروون مو مسوي سوايه
طلع ليمون من الثلاجة وجا يعصره علينه
وحزة الصلاه جاب حبوب اكل مال الكناري ويهاايله على السياده الي تصلي عليها امي ونفقعها ضحك واحنه وسط الصلاة استغفر الله خرطت دموعنه من الضحك ههههههههههههه

[أحلام أم]

سكتي لايعة جبدي أبوه ماسوى جده هههههههه
طول اليوم رايح ياي تقوليين خايف أهرب بوسات رايحه وبوساة يايه ساعات ليي خلق وساعات أطفش منه لأنه شيطان وحركي وبعد تعالي لاتحمقيين عليي وحبيني وإلا إنتين ماتحبيني عمره في الرابعة يعني 3 سنوات وونص تقريبا
صاير حساس كلش مع إني ماأبين ليهم أني حامل بس يحسون

[Roze]

يعني اداوم على الخضره
الكيوي سمعت عنه زين للدم
ابي بعد انواع خضره زينة للدم
جبده رغم اني ماحبها لكن اغصب روحي ويش اسوي بعد


سترك ياكريم ويش بصير باجر المعارضه عطوهم مهله للخميس جنه
الله يستر بس

[ام السادة]

الحمد لله اني لين اتنسى احب الفواكه والخضروات وهالمرة بعد الجبن كاني فار امشي واكل جبن هدا الي يخلي دمي زين لانه اني كله ناقص لانه حامل سكلر

روزة يبي ليي اجي اقعد وياش جم يوم ازيد دمش وامشي خخخخخخخخخخخخخ او تدرين انتين تعالي ويه طفطف اضبط اكلكم
لازم اكل سلطة كل يوم لا ما يوقف راسي من الدوران

[Roze]

اني تاركه الحبوب كنت ومريحه عمري من عوار الراس قام ريلي فضحني قدام الدكتوره البارحه وقالها ادويتها ميمعه ماتشرب شي وتستلمني الدكتوره وتزيد الجيله وتخليها حبتين حديد في اليوم ههههههه جنيت علا عمري

[Roze]

اني احب الفواكه والخضره ماعندي مشكله
بس اكلي مو لهناك يعني علا الغدا انقد واقوم مو اكل مال حامل والعشا سندويجات هرار

[أحلام أم]

روز
شكله ولد إختش نفس إللي عندي
هذه غير أخوته لين يبى شي تسوينه تسوينه أمس رجعتنه من الدراز حضرته يبى يبيت في بيت أبويي لأنه شاف إختي يايه ويأولادها وزنط أبوه وهو يسوق باقي شوي ويكسر جامات السيارة ويرد يرجع يسخب أبوه من رقبته وتالي أبوه يقول أخر مره تتلاقون إنتين وإختش ويشوف أولادها وتالي ماسكت إلا في دكان شفيق (قمر بني هاشم ) راح ماخله حلاوة ماإشتراها وطفيت ناره
طفطف شفت في دكان شفيق يبيعون نقل مكسر الكيس بدينار إنتين مرة سألتين عن النقل

[ام السادة]

لا لازم تنتبهين الى اكلش علشان الجاهل يطلع قوي وبصحه اوويش حلاوته وردي مدخدخ ههههههههههه

[Roze]

احلام ام هدا ود اختي مافي الا هو حفيد في البيت ويا بت اخوي وهديك مانشوفها
بس هالمبدل الشر متعلق في ابووي ازيد من ابوه
يدلدل في ثيابه ابي انام وياك وكل ليله يبيت ولايروح الروضه

[طفلي حياتي]

روز ان شاء الله مافي الا الخير بحق محمد وآل محمد
احلام ام خوش خبر عن النقل اسكتي شفت لقطه مادري وين شي في صحن كانه نقل مقشر وشفيت عليه مره ثانيه لازم اشتري منه مادري عاد حلو لو مر عجيب لنقل على حياة المرحومه امي بالهبل ناكل لين نعيز وكله حلو مادري من وين تييبه رحمش الله يالغاليه يماييي
طالعو هالمر خلطت الامور بس يلا ما بمسح شي عشان تترحمون ليها:)

[rose soul]

مشكورين حبيباتي..انتو عيونكم الحلوة..وعن الشبه
بشورري .. صايرة مكس..
وسوري رحت..وتوني ارد..خبركم صرت ماما ههه

قصة ولادتي:-
الله يسلمكم..قبل بولادتي كنت احس بألآم .. حتى كنت اقول لكم عنها..بس اللي محيرني ان ما نزل مني شي..
وكنت اقول لزوجي الآلام زايدة..عاد الا يقول .. تبيني اساعدج في الولادة ههه
قلت له لا مشكور ماقصرت..كفاية الألم اللي احس في
يقول لي انتي سمعي كلامي..بعد عدة محاولات رضيت بالأمر خخخ
عاد بعد السيكو سيكو.. زادت الآلام..بس مو أثناء السيكو سيكو..
ويوم ثاني تاريخ 20-2 الآلام تروح وترجع..وعلى فترات..بس كنت اتحمل الألم..اقول له قوم نتمشى حاوالين البيوت ونشتري من البرادة مرة وحدة..طلعنا..وانا كلش..امش واوقف من الألم بس مشيت تقريبا ساعة الا ربع
وفي هاليوم رقد معاي بس ما سوينا شي خخخ..الموووهم..وتاريخ 21-2
حزة اذان الصبح قعدت فزيت ألم فضيع..قلت بصلي من الألم ماقدرت..قعدت افتر في البيت..ماعرف شاسوي..وحضرات بيتنا وريلي راقدين وانا ماعرف شاسوي..بس ادش الحمام واطلع..وافتر وهذي سالفتي..ولا نزل علي شي..
وارد انسدح على السرير يمكن يخف .. لااا ولا يخف..
تميت على هالحالة لي ساعة 8 الصبح
وبعدين رحت غرفة امي .. واشوة كانت قاعدة..اقول لها ألم عدل..قامت سوت لي حليب مع زعفران .. شربته مني وفرغته الصوب الثاني خخخ
وقرت علي سورة ياسين..وهفت في صدري..
وشربت ماي زم زم مقري عليه..
الا تقول لي لازم تروحين المستشفى..وانا رافضة الفكرة تماما..اقول لها شلون اروح..وانا ما نزل علي ولا شي
تقول اذا زاد عليج اكثر..ما بتعرفيت تتحركين..بتمين مقعدة في مكانج..انا خفت اهني..
قالت لي قولي لريلج..خله يودينا..بعدين لبست دفتي..وانا اون من الألم..
وامي ختمت القرآن في السيارة ههههه
عاد وصلنا مستشفى جد حفص..دشيت انا وامي وريلي راح يبركن السيارة..الا يقولون حالة ولادة؟؟
اتقول لهم امي اي..عاد سييييييدة خذو الفايل وجيكو وزني..وجيكو تحت
يقولون لي انتي الحين متوسعة 2 سانتي..قالو فصخي ثيابج وعطيهم ريلج..حتى ريلي انصدم يوم دشوني
فقيت عيوني..ودخلوني غرف الولادة..ودموعي اربع اربع..اقول بييه شبسون فيني
وانسدحت على السرير..وانا اتألم
والألم يزيد ..والفترات بينهم تقل..بعدها بربع ساعة..زاد اربع..اقول لهم ابي شي يخفف..تعبت..قالو الحين بنعطيج ابرة..وعطوني وتخدرت جني سكرانة..تغفة عيني واقعد..قالو لي اكا توسعتي 8..رفعو ريولي.. دفعي..اقول لهم ماقدر وانا متخدرة..الله لا يراويكم شكلي..
يقولون دفعي بسرعة اكا نجوف الراس..وادفع..واحس مافيني قوة..لأن الطلق كان ايني كله في بطني..بس ببركات مولد النبي ..صج تألمت بس لما طلعت بنتي ماحسيت فيها..ماعرفت انها طلعت .. يوم شفت ان مافيني دبة..اقول وين راحت..ويابوها..يقولون بنية جوفي هههه..راوني بتاعتها..بس ماعطوني اياها..وقعدو يخيطوني..في البداية ما حسيت فيه..بس بعدين ..حزيت بنغزة الابرة تعور شوي..بس الحمدلله تساهيل من رب العالمين..عاد ريلي رجع امي البيت وانا كنت في المستشفى .. لأن قالو له بتأخر بس ماتأخرت.. ومن يوم وصل قالو له اكا مرتك توها والد.. وكان الساعة 1 الظهر وشي.. وراوه بشورة اول ما طلعت وقالو له..صورها قبل لا انسبحها هه
وبس..انا اهني لحين ماكنت مستوعبة الوضع..بعدين يابو بنتي وحطوها يمي ع السرير..وبستها بعد جبدي..واطالعها..
حسيت بأنجذاب لها بعد جبدي..وبعدها نادو سي السيد.. يشوفنا..وفي هاللحظات كان في يده الكاميرا ويصورنا ..وما كان مصدق ان صار ابو..مستانس..وفيه الدمعة..
وتوتة توتة خلصة الحتوته..
عقبال الحمل ان شاء الله..يجوفون ضناهم بصحة وعافية..وما نسيتكم..في كل طلقة اذكركم..واذكر كلامكم..اللي فيها وسواس واللي على وشك الولادة..واللي كانت تحاتي ..كلكم كلكم ذكرتكم..ان الله يسهل عليكم

[Roze]

الحين ناويه اغير وضعي ويا الاكل هههههه
يالله يبنات بقوم عنكم
جت حزة النوم
تصبحون علا خير

[ام السادة]

الله يرحمها ويرحم جميع المؤمنين والمؤمنات

[طفلي حياتي]

الحمدلله على سلامتش ياروزاتي عشت لحظات ولادتش وربي اللي سهل عليش يكمل لينا على خير ويقومنا بالسلامه ان شاء الله ويى بيبياتنا بصحه وسلامه يارب يارب يارب
ابغي اولد هالشكل مابغي يعور وايد خخخخخخخ

[طفلي حياتي]

مع السلامه روز بنت بلادي تصبحين على خير

[ام السادة]

ياعلي كشخه روز الحمد لله على سلامتش

ياربي اني بعد تسمعون خبر ولادتي واشوف هالنتفة المنخش

[أحلام أم]

الله يرحم أمش يطفطف ويجعلكم الخلف الصالح ليها
الأول النقل مفلت ومتناول في كل مكان وألحيين صار شحيح
البارحه شفته في دكان شفيق معبأ في كيس في الثلاجه ومكتوب عليه بدينار
زوجي مرة إشتراه من عند بيايع الأيام بالكيلو مقشر حلو وفيه ملوحه ملحوظه ألحيين وين تحصليين البيايع ماحد لحد
بنشوف قصة أم بشوررة وباقوم
تعالوا يقولون خلاص الدراسة والإنتظام للمدرسين والطلاب باجر خلاص وإحنه مو مستعدين اليهال للحيين قاعديين

[ام السادة]

على خير احلام ام


تصبحين على خير روزة

[أحلام أم]

الحمدلله على السلامة روز سول
وياربي كلنه الحوامل تتسهل ولادتنه وتكون سهلة مثل ولادتش يأم السيدة الصغيرة
تصبحوون على خير حبيباتي كلكم

[طفلي حياتي]

تصبحين على خير احلام ام ان شاء الله احصل نقل نفس اللي ابغيه
روزاتي تعالي سولفي لينه عن الامومه الحين وين نصيدش مافي مجال الله يخلي هالسيده الصغيره ويسلمها لمها
وفلونو ام البطل نستنا الظاهر ولا نيي على بالها قاعده وتبوس في البطل لكن ماعليه لين صدناش يصير خير

[طفلي حياتي]

تلفوني طاح حظه كلما اشحنه جارج يخلص استين عفر
البارحه فل والحين مافيه شي

[om khalil]

مايمديني أقرا لردود
مترضرضه بانام روحتي الدوار من خلف صلاة لظهر مارجعت إلا عشر وشوي باجر مابغدي عفر باجل طاقتي لحداد الجمعه انشالله
تصبحون على خير

[ام السادة]

يا الله شعب تصبحون على خير البتري خلص

[صعب تنساني]

محد مو جود من الشعب ؟؟؟

[طفلي حياتي]

وانتون من اهل الخير جميعا قمت اكل بلا اكل قاعده
يلا باي

[شمس الصباح]

صباح الخيرررررررر بنات

اليوم مدارس واعيوني بالغصب افتحها قلت بصبح عليكم لاني ما ادري بلووويه المدارس يمكن ما اقدر ادخل يوميا
تحيااااااااااتي

[أحلام أم]

صباااااح الخير
هلا شمس الصباح
اليوم راحواا أولادش المدرسة hwaml12،أني سكتي مادريت إلا نص الليل أنهم اليوم يروحوون والبنت مبيته في بيت أبوييhwaml81 والولد سهران لين ثنتين hwaml16مافيه نومة وهيك الحين ويش يجيب البنت وشلون الولد يقعد الصبح وبعد محد من الباصات جه ياخذهم المدرسة الله يحفظهم من كل شر (الباصات محد)
مافي إلا أني وإنتين بننغفص بالمدارس hwaml15وإنتين الله يساعدش ملوكة بعد يبى ليش تراجعين وياها في الليلhwaml42

[ام حسين الدار]

السلام عليكم اخباركم انشاالله الجميع ابخير اني اختكم من دردشة اهل القطيف اختي احلام ام مرحب فيك معانا في كل وقت وانتي واهل البحرين كلهم الله اسهل على الجميع وينصركم يارب
دعواتكم

[أحلام أم]

مشكورة حبيبتي أم حسين الدار
على ترحيبش فيي وهذا مايدل إلا على طيبة قلوبكم السمحه
ربي ييسر للجميع ويفتح لينه أبواب الفرج
ربي يحفظكم ويسلمكم إنتون أهلنه وغاليين علينه كلكم

[حنين للماضي]

السلام عليكم
الله يساعدكم مدارس والحين بعد شموس عندها ملاك عن جد ربي يكون في عونها

روز الف الحمدلله على سلامتش
اييي خبرت البنات اول ما اختي قالت لي استانست من قلب
فديتها هالنتوفة الله يخليها لكم

اما اني علاوي طفشني البارحة
يبي بس احطه على رجولي ومن ارحعه السرير يقعد يصرخ
اهزه وهو في سريره مايجيب راسه اله يبي رجولي
واني جرح بطني هاليومين زايد علي من كثرة القعدة وياه هالولد وهو الله هداه ولا مفتكر
قريب الفجر قهرني زبرت عليه وعطيته صطار على خفيفhwaml02
وعقب نام لساعة 7:30 ورد يصيح ما نام لي اله قريب اذان الظهر
تعبني من قلب وحضرته الحين جافسها نومه
صدق تعب الجهال

[om khalil]

تكسورت حدي كريه الشد بأعلى الفخذ ويا حركة الياهل المزعجه
بطني يعورني
روز ماشالله حمدلله عالسلامه

شمس واحلام الله يعينكم على لوية المدارس

ام حسين الدار الله يحفظكم وشكرا على وقفتكم ويانا

طفلي وش احوالش

[بنت الأياويد]

السلام عليكم شخباركم جميعا ، مبرووووك روز سول والله اني استانست وايد وايد لج حمدلله على سلامتج وتتربى بعزج ان شاء الله يا ام بشورة واي استفسار احنا حاضرين اهم شي تتغسلين وتتطهرين عن الجرح في مرهم اسمه بالاد في الصيدلية بدينار لونه وردي حق الجرح مشي عليه بالعدال وفي الحواج جيس بنفسجي صغير تحطين قفشه مع ماي دافي وتتغسلين فيه او تتنقعين وااايد زين عشان جرحج يطيب بسرعه الا فلونه شخبارها ولدت؟ شنو يابت لان ماكانت تعرف؟ وعقبال الباقي يارب

[صعب تنساني]

محد موجود لو رحتوا الدوار

[ام السادة]

السلام عليكم شخباركم مافي احد ويش فيكم ماحد يدخل

مبدي عليي الم بس ما ادري ولادة لو مثل كل مرة بس هرار دعواتكم تكون ولادة

[صعب تنساني]

ام الساده ان شاء اللله اعراض ولاده وتبشرينا بولدتك

[صعب تنساني]

كثري من المشي ام الساده الله يسهل عليجhwaml16

[ام السادة]

هلا صعب

الله يسمع منش وان شاء الله ابشركم بولادتي

يا الله اشوفش بخير بقوم اريح تعبانه حدي

[بنوتة حلوة]

خيو أم السادة بيني وبينش اسبوووع .. جان زين اني باقي ليي اسبووووع :(

كله تجيني آلام بس ماااليها معنى بس جدي "طلق كاذب" تعبت من الشلخ! وكله افكر واقوول يووو خلاص احين يعني ودا واتخيل جيفه بولد وجيفه بروح وكل شي ويطلع ولا شي هرار ..

اليوم رحت الدوار قلت يالله خلنا نمر يمكن ببركة المكان الله ييسر ويجيني الطلق .. كللللش ماااافي خبر .. قعدت على الحشيش والوضع حليووو جني توني في السابع لو الثامن .. ولا جنه في التاسع وكل ما اجوف وحدة اعرفها تفق عيووونها : ويش مجيبنش هنيه ؟؟؟ اقول ليهم يعني أموووت في البيت ؟ أفطس من القهر ؟؟ خلني بجي شووي بعيش اياكم الاجووواء ..

والله خوش أجووااء أحلى شي جابوا شيخ حسين الاكرف >> جنه يدرون اني جاية :d

بس استانست صراااحة وأنصح كل حامل طافشة تمرر على الاقل تجووف الوضع ..




روز سوول مبروووووووووووك ولادة بشووورة ماشاءالله الله يسهل على الباقي نفس ماسهل عليش .. واشوا دعيتين لينا بعد مافيني شدة ابي اولد اني بسهولة ويسر .. تتربى في عزش البنوووتة ونوع الا عشت قصتش وتخيلت وداا يعني شكله الشي عجيب مو واجد صعب .. بس مشكلته انه يعوور ..

عندي سؤال عقب ماعطوش ابرة التخدير تقولين جنش سكرانة .. يعني في ألم لو كنتين ماتحسين بشي خير شرر .. ؟؟؟؟

[أحلام أم]

صباااااااح الخير والأنوار
عندي ألم في راسي من أمس العصر هالكني وحارمني من النوم طول الليل أصارع هالألم بشتى الوسائل ومن صليت الفجر صحصحت وللحين يوز الألم
يوووووو وينكم ماحد سهر البارحه غير صعب وأم السادة
أم السادة يارب ولادة وتكون ميسرة وسهلة بسلامتش إنتين والسيد الصغير
طفطف ويش فيش هالأيام صرتين تقطعين ماعليش شر
باقي الحوامل والأمهات ربي يجعل هاليوم يوم جمعة مباركة وموفقة بحلول الخير للجميع
أشوفكم على ألف خير

[أحلام أم]

بنوته
هلا ومرحبا ،مردكم بتولدوون طنشوا وعيشوا الشهر التاسع من أوسع أبوابه ،مادري لين دخلت التاسع ويش بسوي
سكتي يكولون بارحة أمس أعلنوا في الدوار في حالة ولادة صدق فشيله كانوا خواتي هناك وخبروني يقولون قاموا ينادون على زوجها بسرعة يجيب السيارة
أبرة التهدئة إللي يعطونها المخاض وهي تولد يعطونها فقط البكر وتخليش مثل السكرانه يعني فيش ألم بس الخدر غالب والألم يكون مستحمل نوع ما بس حزت الدفع تصحصحين ونص للدفع
ربي ييسر ليش وتقومين بالسلامة

[rose soul]

صباح الخير يا حلوات..
شخباركم؟؟
يبي لي ارجع ورا اقرأ ردودكم القبلية وايد فاتني اشياء..
ام السادة ان شاء الله تكون اعراض ولادة وتولدين..
بنوتة حبيبتي..بالنسبة لسؤالج..حسيت جني سكرانة..ومافيني قوة حق دفع..كنت احس بألم في بطني..بس اللي ساعدني بعد..كانت تقول لي اخذي نفس وطلعيه..وكنت اسوي هالطريقة وانا ادفع..وحاولت ان ما اصرخ..بس كنت اون شوي من الألم..لازم ترا الألم..بس ان شاء الله تتحملونه..واحلى شي..لما يراونج البيبي..جنج مسوية انجاز
انا الحين شوي مأذني مكان الخياط..قاعدة استخدم كريم ميبو..ومشيتي شوي فيها شي غلط هههههه من السيم

[rose soul]

السلام عليكم شخباركم جميعا ، مبرووووك روز سول والله اني استانست وايد وايد لج حمدلله على سلامتج وتتربى بعزج ان شاء الله يا ام بشورة واي استفسار احنا حاضرين اهم شي تتغسلين وتتطهرين عن الجرح في مرهم اسمه بالاد في الصيدلية بدينار لونه وردي حق الجرح مشي عليه بالعدال وفي الحواج جيس بنفسجي صغير تحطين قفشه مع ماي دافي وتتغسلين فيه او تتنقعين وااايد زين عشان جرحج يطيب بسرعه الا فلونه شخبارها ولدت؟ شنو يابت لان ماكانت تعرف؟ وعقبال الباقي يارب
بعد جبدي ام شيوخ
فديتج..الله يبارك في عمرج ^_^
الا بسألج..متى يطيب الجرح؟؟تقريبا
انا شوي متأذية يعورني لحين..قاعدة استخدم كريم ميبو حاليا..ريحته خايسة خخخ
اذا ما نفع باشتري اللي قلتي لي عنه

[طفلي حياتي]

السلام عليكم
جمعه مباركه وفيها تفاؤل ونصر بأذن الله
شخباركم وحده وحده
اني احس كأنه رطوبه فيني شوي مو وايد بس في رطوبه وخايفه حدي ماخليت نذر ولا دعاء يارب رحمتك ارحمني وتمم لي على خير
البنات كلكم شخباركم؟؟ امس ماكنت في البيت طلعت من وقت والحين بمشي خبركم الديار خليه من الناس والوحده تقتل فلازم اطلع
روز سول وحده كتبت عن السيم تقول اخوها او زوجها يحملونها للحمام من الالم وتصيح صياح عند اي حركه وامها تقول ليها خلي عسل وهي ماتطاوع تالي يوم يأست طاعت امها وخلت عسل مكان السيم ويوم ثاني قامت تركض في بيتهم مو مصدقه ان الالم راح خخخخخخ انتين جربي وخلي عسل مكان السيم وياربي يروح الالم

[طفلي حياتي]

ياعلي لو تشوفون عباير المصريين مقتل
يصلون خلط وبجواتيهم خخخخخخخخخخ صاقعه ماليهم حل

[حنين للماضي]

السلام عليكم
شخباركم حبايبي؟؟

احلام ام ماعليش شر حبيبتي
صدق الم الراس شيء مريع
انتي على طول يجيش كأنه لأن كل مرة تشتكين من هالشيء

روز شخبار بشورة؟؟
هالايام بتكون هادئة وبترتاحين في نومشhwaml03
بس عقب جم من يوم قولي وداعاً للراحةhwaml5

البارحة طلعت من عقب حبسة شهر واحد ورحنا عن يازعم المطعم وقلبنا في يدنا عن لايقعد حبيب قلب الماما
وصدق من عقب ما جابوا العشاء بخمس دقايق قعد الحب وفزع المكان فزعة وشال المطعم بصريخه كل الناس قاموا يطالعونه حتى زوجي يقول اول مرة اسمعه بهالقوة يصيح
عاد شلته وسكت الحمدلله وقمنا على طول
ويوم ركبنا السايرة رد يصيحhwaml5قلت ما في فايدة ورجعنا البيت وهددنا ان خلاص مافي طلعه مرة ثانيةhwaml02

طفطوفة شخبارش حبيبتي؟؟
شنورطوبة يعني افرازات قصدش؟؟
ترى حده طبيعي
اني كنت في اليوم في كل صلاة اغير ملابسي الداخلية بسبة هالشيء

بنوتة غبتي يومين وقلت في قلبي شكلها ولدتhwaml02

ام السادة ياااااااااااارب تقومين بالسلامة وتبشرينا بخبر ولادتش اليوم

[ام حسين الدار]

مساء الخير خواتي اخباركم وكيف اطفلكم وكروشاتكم الله اسهل على الجميع انشاالله الوضاع عدكم هدت والوضع استقر وحبيت اقول لكم ان مرحب فيكم في دردشة في كل وقت دعواتكم الي راح اتنوم بكره واذا البيبي ابخير وكل شي ابخير راح اسوي عملية ربط يوم الاحد يارب لاتحرم احد من الدريه
وانشاالله اذا قمت بسلامه راح اطمنكم عني
والله يرزق الجميع يارب

[شمس الصباح]

سلاااااااااااااام عليكم

ام السادة ان شاء الله ولادة ربي يسهل عليش

احلام ام ما عليش شر بس ليش ما تدهنين شعرش زيت يمكن يخف

باقي الأمهات والحوامل شخباركم

اليوم جتني الدورة بعد الآربعين واحس جسمي كلش متكسر

اي ما قلت ليكم اني من ولدت ما طلعت وامس كنت متملله قام زوجي طلعني مع ملوكة بس وداني ميدان الشهداء hwaml03 قعدت الي الساعه عشر بعدين قامت تصيح ورجعنا
هناك النسوان يقولون يعني هالنتفه معتصمة قلت اليهم اي مو بس انتون بعد هي علشان مستقبلها ومستقبل اولادها والكل قام يطلب الفرج كان موقف حلو وقلوبهم على بعض وحده وطنيه hwaml7

[حنين للماضي]

هلا فيش ام حسين
ربي يقومش بالسلامة وتبشرينا بسلامة البيبي
بس ليش بتسوين ربط؟؟؟

هلا والله شموسه
ملوك صايره تشبه علوان شوي بالصورة تصدقين
يعني لازم تقلديني في الطلعة
اني بعد البارحة طلعت بس علوان قعد من نومته وقام يصيح ورجعنا البيت
بس عالاقل شميت هوا شوي

[حبيبة حسوني]

سلام بنات شخباركم ؟ويش مسويين ؟hwaml02
قرات قصة ولادتش روز حمد لله الله سهل عليش وماتعسرت ولادتش واني اليوم اكمل 3 اسابيع من ولادتي وبكتب ليكم قصة ولادتي الحين اني كنت بكتبها من زمان بس كنت واجد تعبانه
المهم يوم الجمعه تاريخ 4/2/2011
كنت نايمه وزوجي كان قاعد وجه ينبطح شوي علشان بيقوم لصلاة الظهر تالي المهم اني قعدت يوم يجي حسيت شي ينزل عليي رحت الحمام الا دم ينزل عليي وياه مثل الماده مخاطيه
رحت سيده اقول لزوجي قام وتالي راح سال حماتي لاني ماكنت احس باي الم قالت ليه خلها تنتظر لين مايجيها الم تالي ودها بس اني خفت واتصلت لامي وقلت ليها قالت ليي روحي احسن ووداني زوجي المستشفى وجيكوني مافي اي توسع تالي سوو لي تخطيط وعقب قالو ليي التخطيط اوكي هي الدم عادي من علامات الولاده روحي البيت اذا صادش اي شي اونزل عليش ماي ردي ارجعي طبعا ظل ينزل مني دم قالت ليي الممرضه عادي عقب الفحص ينزل دم المهم رجعت البيت وخبرت امي طبعا بكل شي قالت بتصلي الظهر وبتمرني قلت ليها ماحس باي الم وهي الا مصره تمرني قلت ليها حياش المهم ظل ينزل عليي دم وشويه بني وامي جت وكلحين اراويها الي نزل عليي >>عباره خبره اميhwaml02 المهم ظل ينزل عليي افرازات كلحين لون مندم الي بني وتالي ظل ينزل عليي شوية ماي وتالي اخضر واني كل دقيقه بس في الحمام يوم قلت لامي اخضر استغربت الا اصرت اراويها في الكيرفري مالتي راويتها اياه وسيده اتصلت لدكتور تعرفه عاد شرح ليها السالفه وقاليها لازم اروح المستشفى هي يسمونه ميكينيوم هي ويش عاد مادري قاليها تقوليهم وهم بيعرفون اني كنت احس بالم في ظهري دابحني اكثر شي وتالي في الحوض بس موواجد واجد الم بسيط
المهم رحنا المستشفى وامي خايفه عليي جيكوني الا ولاشي بعد متوسعه وشافو الي ينزل عليي يسوون لي هي عادي عادي تخيلو
وامي منقهره حدها عليهم لانهم مو فاهمين شنو الي ينزل عليي hwaml4وتالي قعدنا على الكراسي الي برا في مستشفى جدحفص عند غرفه الفحص علشان انتظر زوجي راح يجيب لي سندويشه وعصير لازم اكلهم قبل لايسوون لي تخطيط مره ثانيه المهم واحنا قاعدين على الكرسي امي تشرح للي هناك الممرضه تشتغل شنو الي كان ينزل عليي ماشافوني الا اضرخ مره وحده ماشفت الا ماي واجد نزل علي ويا اخضر واني على الكرسي تخيلو ودبحت روحي من لصياح hwaml78ثيابي ودفتي وحالتي حاله سيده جت تركض قومتني هي ويامي ودتني داخل الغرفه وبدلت ثيابي وردت شيكت ليي مافي توسع سيده فصختني ثيابي تسوي ليهم ولاده hwaml21واني خايفه لاني مو حاسه بالالم القوي شلون ولاده بدلوني واني دابحه روحي من لصياح hwaml93وهي تهدا فيني مسكينه وتقرا عليي ايات وتصلي على النبيhwaml73 واني بس اصيحhwaml78 كنت خايفه لاني مادري ويش صايره المهم بدلو ثيابي وقعدوني على ويب جير تالي زوجي مسكين جه وتفاجا ماكان متوقع اني بولد hwaml03ولايدري ويش صاير المهم طلعوني حب راسي زوجي ياعليييييي والدمعه في عيوني بس ماحبيت اصيح جودت روحي قدامه hwaml78وتالي امي من حضنتني دبحت روحي من لصياحhwaml93 دخلوني بصياحي حتى كلهم يقولون ليي لاتصيحين توش ومدري ويه hwaml93
المهم ودوني غرفه من غرف الولاده حطو عليي سيلانين ويا هوز البول الله يعزكم وجهاز تخطيط ظليت منبطحه وكلحين وحده تجي تجيك مافي اي توسع وماكان عندي الم وهالاخضر عفسني عفاس ظل ينزل عليي مو راضي يوقف وكلما يجيكوني يشوفونه في ايدهم يقولون هذا مو ماي ويطالعون في التخطيط ويستغربون خوفوني تالي جت دكتوره تقوليي هي البيبي موصخ داخل بطنش هي المفروض يسويها عقب مايطلع بس سواها في بطنش وهي خطر عليش وعليه خطر لايستنشقه ويموت او اني اتسمم او يصير فيني شي hwaml85قالت ليي حاليا الي مطمننا تخطيط البيبي اوكي بس تاكدي من التخطيط يصير مو اوكي سيده عمليه
واني خفت وظليت بس اقرا ادعيه المهم تالي ظلو يروحون يجون ظليت 4 ساعات على هالحال ومافي اي توسع تالي جاني طلق بدا عندي وماتوسعت الا اقل من نص سانتي والوقت يمر وهي خطر عليي وعلى البيبي قلت ليهم بكلم زوجي اتصلت ليه وجه لي عند الباب هو ويا امي بالغصب خلوني اطلع ليه طلعت ليهم برا وقلت ليهم يمكن عمليه وجدي الا ايمكانت تدري اصلا من يوم تتصل للدكتور قال ليها اكيد عمليه بس ماحبت تخوفني وقالو بيصبرون يمكن اولد طبيعي عاد هم قالو لي ماعليه لاتخافين حتى لو عمليه هي تعبتش 9 شهور اهم شي تقومين بالسلامه قلت ليهم بخليهم يحطون علي طلق صناعي واذا ماتوسعت بسوي عمليه وقالت ليهم امي يحطون عليي طلق صناعي حضنت زوجي hwaml58ودخلت داخل علشان يحطون علي طلق صناعي وحطو عليي ماكمل ربعه الا ويسمعوني صراخي جو يتراكضون من سمعو صراخي بغيت اموت من الوجعhwaml79 جيكوني الا توني نص سانتي ياعليييييييي بغيت اموت وراحو عني وظليت اتلوى من الوجع مو قادره وصلت حدي حسيت اني بمووت من الوجع واني اصارخ وماجو لي الا عقب ماطلعت روحيhwaml78 قلت ليها بندي بندي بس مابي طلق صناعي نادي دكتوره تقوليي دكتوره في بريك تاكل اني بمووووووووت وهي تقوليي دكتوره بريك hwaml4وتاكل تخيلو وظليت ساعه كامله علما شرفت الدكتوره واني الطلق حده موصل تالي جت الا سيده اصاررررخ اقوليها دكتوره خلاص بسوي عمليه ماقدر بمووت hwaml85قالت ليي اوكي بس بجيكش اول لانها جافت حالتي حاله ومو قادره جيكتني نفس الشي تخيلو على كل هالالم ماتوسعت ظليت اقل من نص سانتي hwaml93تالي قالت لي زوجش برا قلت ليها اي قالت ليهم ينادونه ونادوه علشان يوقع وشرحت ليه وضعي انه لازم عمليه لانه خطر عليي وعلى فطومه تالي تنهد تنهديه كبيره وفي ايده كان مسباح وعلا عمري ووقع وقال ليي لاتصيحين اوكيhwaml78 واني ماصحت علشانه وتالي ماشفتهم الا يبرزوني للعمليه وسيده لبسوني وودوني غرفة العمليات واني الله يعلم بحالي اصرخ من الوجع اتلوى على السرير مو قادره الطلق دابحني قاعد يزيد وظليت اقول طول الوقت في نادو عليا مظهر العجائب تجده عونا لك في النوائب وعلما دخلوني الغرفه وبرزو الاغراض ويلبسون ثيابهم حطوني على سرير العمليات وحطو ايادي كل ايد على قاعده وحده فيها سيلان ووحده عليها مال الضغط وطبعا هوز الابوال مركب ماشفت الا دكتور داخل hwaml96واتصروعت اقول في قلبي يوووو جيفه دكتوره واني مفصخه يعني ثياب العمليه مفتوحين من ورا ويش هالفلشه بعدين قلت الا هو بس اولد بموووووووووت hwaml93تالي سيده قالو ليي تلوتي مثل الربيانه علشان يضربني الدكتوره الابره في ظهري واني خايفه ومو داريه ويش بيصير واصارخ من الام مو قادره اثبت على السرير الا تقوليي الدكتوره لاخافين من نضربش ابره بيروح كل الالم مابتحسين بولاشي وجودت ايد الممرضه الفيلبينه قال ليي الدكتور لاتتحركين ولين خف الالم قوليي ومن خف شوي قلت ليه وجودت ايد الممرضه بزززززور وضربني الابره ومن ضربني اياها الله وكيلكم ماحسيت الا بحراره تتخلل جسمي من تحت صدري الا اخر جسمي وكل الالم راح في دقيقه وتالي ماحسيت بجسمي سيده قعدت اصارخ اقويلهم غطوني غطوني مامبي اشوف شي وهم اوردي بيغطوني بس اني كنت خايفه حدي ومستحيه من هالدكتورhwaml53 وهو مسكين وقف على راسي يمسح على راسي ويهداني وقعد يسولف ويايي وجدي يضيع الوقت الا تالي يقوليي تدرين الحين هم اشتغلو فيش اني استغربت اقوليه يعني شقو بطني يقوليي اي لاني ماحسيت بولاشي وقعد يسولف ويايي عاد عقب ربع ساعه قان قاليي ماعليه تحملي شوي بضغط تحت صدرش في دكتورتين يسوون العمليه ضغط تحت صدري علشان يدفع فطومتي لتحت بطني ليهم وتالي حسيت بشي طلع من جسمي سبحان الله مع اني كنت مبنجه الا اقوليه وين بتي امبي بتي ماسمعتها تصيح لانه وخفت قالي حينظفوفها ويجيبوها وتالي سيده سمعتها تصيح واني ماشفتها طبعا من سمعت صوتها تصيح دبحت روحي من لصياح hwaml78وسيده لفوها وجابوها ليي في خلقه وعليها شوية دم ياعمرييييييي ماقدر اوصف شعوري في هالحظه hwaml59كنت امبي احضنها بس ماقدرت لاني جابوها صوب راسي واياديي كلها سيلان وجهاز الضعظ لمست رجولها الصغنونه وظل في صبعتي اثر دم شويه منها يعمرررررررري hwaml65فطومتي الورده كانت بنفسجيه المهم يوم يدخلوني العمليات كانت الساعه عشر وشي ويوم يبدون العمليه كانت الساعه 11 الا ربع وطلعت فطومتي الساعه 11 بالضبط وتالي ظلو يكملون ليي العمليه للساعه 12 بالضبط وطلعوني وكنت ارتجف ميته من الرجفه hwaml61وسيده حطو عليي لحاف داااافي وودوني غرفه الانعاش وحطو عليي اجهزه وجهاز بخار واني دايخه مو في دنيه مو حاسه بشي والا بس خمس دقايق والا كللللل خالاتي وحمواتي وامي وابويي وخواتي وزوجي كلهم دخلوhwaml03 دمعت عيوني من الفرحهhwaml88 ماتوقعتهم كلهم هني لاني مادري من جه ومن ماجه استانست عدل وماكنت قادره اتكلم كنت اتنافض وكلهم مستانسين ويصيحون وتالي جابو ليهم فطامي القمر وراحو يحببونها وسييييييده قالو ليي نسختي بالضبط اني وزوجي كان يرتجف مو عارف يجودها وهو ياذن في اذونها صدق كان احلا شعور من بين كل الالم الي صادتني شوفت فطومتي القمرhwaml84 هونت عليي كل الالام الي شفتها وحمد لله اني شفتها في حضني بصحه وسلامه هههههههههه سوري طولت عليكم بس حابه تعيشون الجو ويايي وعقبال كل الي ماولدو الله يفرحهم بشوفة كتاكيتكم hwaml7

[أحلام أم]

السلام عليكم كلكم حوامل وأمهات
طفلي حياتي
شكله الرطوبة إللي فيش من الفطرياات حبيبتي لاتخافين يبى ليش علاج عن الفطريات
شمس الصباح وحنين للماضي
الله يسلمكم أني ألم الراس مشتهره به وفي الحمل يزيد وشمس تصدقين ماخليت شي الزيت مغرق شعري والكمادات الساخنه والتدليك وساعات أربطة وساعات أخلي الماي الحار يهد عليه ولافي فاايدة لين يبره بروحة
روز سول
السيم يبى له وقت على مايبره
أم حسين الدار
هلا بيش حبيبتي ،توكلي على الله وطلعي صدقه بنية نجاح العملية وسلامة حملك وجنينك ومابننساش من الدعاء
حبيبة حسوني
ياااااالله عشت قصة ولادتش بكل حذافيرها وكأني مكانش وتفاعلت وياش
الحمدلله يوم الله سلمكم إنتين وبنوتتش وشفتينها في حظنش ،تتربى في عزكم إنتين وأبوها وربي يحفظها ليكم ويجعل قدمها قدم السعد على طول عليكم

[صعب تنساني]

حبيبه الحمد الله على سلامتك تاثرت وايد بقصتج وعشت الجو معاج صدق الي قال الوحده من جوف ظنها بيدها تنسى التعب سبحان الله

[حبيبة حسوني]

أحلام أم

صعب تنساني

تسلمون حبيباتي على هالمشاعر الطيبه واشكر تفاعلكم وياقصتي hwaml02بس صدق
الوحده لماتكون في الولاده تحس روحها في دنيا غير هالدنيا وهي مو تنسى الالم
بس شوفة البيبي تهون وتخفف عليها كل الالم والتعب الي شافته hwaml23
الله يفرحكم بشوفة كتاكيتكم ياربhwaml29

[ام حسين الدار]

تسلمي اختي احلام ام واشكر الجميع على وقفكم معاي
اختي حنين الماضي راح اعمل ربط عنق لان عندي عنق الرحم قصير واخر حمله الي انفتح عندي الرحم واني في شهر6
الحمدالله على كل شي
دعواتكم
والف مبروك الى الولدنين الله لايكسر فرحت احد

[الفتاة الذهبية]

حبيبة حسوني
الف حمدلله ع سلامتج

[الفتاة الذهبية]

روز سول
مبروك ع بشورة
والحمدلله ع سلامتكم

[rose soul]

حبيبة..خوش قصة ولادة صراحة..ومثل ما قلتي شوفة البيبي تخفف كل الآلام اللي تحس فيها الام
..
ام حسين الدار..الله يعطيج على قد مرادج ياااارب
..
احلام..يعني تقريبا جم يبي له؟؟
ناس يقولون لا تمشين وايد مب زين لسيم..وناس تقول لازم تمشين علشان يطلع الوسخ اللي في بطنج ولا يندرى..وانا ماعرف اقعد في مكان وحدة..اقوم واقعد..ماحب انسدح وايد..وخصوصا يوم صرت رشيقة خخخخ
فتوتة .. مشكورة بعد جبدي
..
انزين بسألكم امهات
انا صدري..صاير خشن هاليومين
اخاف يتكتل الحليب..شكله متكتل..لأن صاير صخر ويعور..وبشرى الله يهديها اليوم طول اليوم راقدة..واغصبها على الرضاعة..لأن ابي ينزل الحليب
وصدري صاير شكبر..كبر بعد ازيد من الحمل
مادري شنو الحل..فكرت في الشفاطة..بس ماقدر عليها
شنو الحل؟؟يا اهل الخبرة

[أحلام أم]

روز سول
دخلت على السريع وقايمه
شوفي حبيبتي تحركي بس لاتتعبين ظهرش يبى ليش ترتاحين والحركة زينه تسرع في إلتأم الجرح والسيم
بالنسبة لصدرش وتضخمة وإمتلاءه بالحليب ماليش إلا الشفاطة حبيبتي لازم تشفطينه مابتقدرين واايد بألمش ويمكن يتحجر عليش نإشفطيه بالشفاطة وحطية في مرضعه وصحصحي بنتش كل ساعتين وغصبيها على الحليب حركي المرضعه في بوزها يمين يسار فريها مني مناك حركي في أياديها ورجايلها على شان تظل صاحية لين تخلص المرضعه بس مو ترغمينها على حليب أكثر من طاقتها حاولي تشرب لرقم 4 علشان صحتها ونموها ومناعتها لاتخلينها تنام واايد وطوفها رضعات مهمه وعلشان صدرش حبيبتي ترى ليين خليتينه جدية بيألمش وبيتحجر عليش وتالي بتشوفينه يسرب الحليب بروحه وبنتش أحق فيه حبيبتي
صدق هذي أول تجربة ليش حبيبتي وهذي مهمتش ويارب تنجحين بتفوق فيها ربي يخلي بشورة وتشوفينها عروووس ياارب
أشوفش على خير يمكن بعدين أدخل زوجي توه راجع من الشغل

[rose soul]

مشكورة احلامي حبيبتي ع النصايح..بتبعها وان شاء الله تنفع معاي
انا بعد بقوم بريح ظهري..طول اليوم قاعدة ولا جني وحدة توها جمن يوم والدة

[ام السادة]

السلااااااااااااااااااااااااام وشحواااال


طلع الالم هرار وللحين قاعدة بالدبة خخخخخخخخخخخخ

لا يفوتكم اليوم رحت المسيرة وبركنت في الدوار ويوم قمت بمشييي بللللللللللللللللللللللللل ظغط قمت امشي اياديي على دبتي واقول الى النسوان الدبة الدبة علشان يتباعدون ويوم وصلت صوب لرجال قام رجال رحم الله والديه سوى ليي طريق علشان اطوف خخخخخخخخخخخخخخخ تفشلت يعني بس الحمد لله وصلت البيت بالسلامه

حبيبة حسوني الحمد لله على سلامتش وسلامه بنوتتش الصراحه فلم سويتين ههههههههههه

باقي الشعب شحوالكم ومنصورين والناصر الله

[طفلي حياتي]

السلام عليكم
حبيبة حسوني قصتش تخوف واني الا خوافه بس اهم شي ربي سلمت وبنتش سليمه الحمدلله رب العالمين ياربي اشوف جنيني سليم كله وسواس ان بصيدني شي او في جنيني الله لايقوله ياربي تحفظني بحفظك اني وكل البنات
باقي البنات وشخباركم؟

[rose soul]

انا رجعت
ماقدرت ارقد من ألم صدري..وشكلي بسخن
خليت ريلي يشتري لي شفاطة الحين
لان ماشريت قلت ما بحتاجهاا

شخباركم
ام السادة و طف طوفتي؟؟

[طفلي حياتي]

اهلا روز الظاهر مشيتين بس النت علق عندي
والشفاطه اني رجعتها وشكلي بشتري وحده من لرخاص يمكن احتاجها
على فكره روز في حركه يسوونها للبيبي يحوسون صوب ادونه او ريوله ويرضع فأنتين وعيها كل شوي وسوي هالحركه بترضع تأكدي من الطريقه بعد حاولي تكثرين ارضاعها لا يتجمع ويألمش

[حبيبة حسوني]

مسااااااء الخير ياحلوات
فتاة :الله يسلمش حبيبتي
روز:اي والله صح لسانش شوفة النونو تنسيش كل الالم
ام الساده:هههههههههههه اي سكتي يختش مسويه ليي مدبلج مو فلم هههههههههه ماليي حل
يوووو تعالي للحين ماولدتين له الله يسهل عليش وترتاحين يارب
طفلي :لاتخافين مافي شي يخوف وانتين بعد ماتحبين توسوسين الله يسهل عليش يارب وتولدين طبيعي
اكي فطوم سهرانه سهر مي راضيه تنام
كلما ارضعها واغير حفاضتها واخليها في سلتها تقعد تتدلع تصيح ليي
اكي قاعده وتلعب وتناغي ياحلوها جبدتي

[طفلي حياتي]

هلا حبيبه
اي هم برنامجهم كله بالعكس يقعدون الليل ويغنون ويلعبون او يصرخون المهم برنامج هههههه ربي يحفظها
اني ابغي اقوم انام لكن اعرف روحي بتقلب لين اعيز وبعورني بطني من لتقلب خلني مكاني لين ماتقفل لعيون حدها

[حبيبة حسوني]

اي والله صادقه
ههههههههههههههه ودعي النوم تالي يطفطف
اما اني سهرتي صباحي ويافطامي باجر ابوها بيجي لينا من الصبح بس شكلي بيجي لي واني قاعده مواصله

[om khalil]

بطني يعورررني من دفاشة هالمبدل ماقادره اقعد يعورني عدل :(

اشتغل وسواسي، اخر زيارة ليي للدختر بداية شهر 1 جامو رجع ليي السكر وكبر ليي حجم الياهل في بطني :( يبي ليي اشوف ليي موعد فاني ياعلييي

وش احوالكم كلكم،،، حبيبة حسوني عشت قصة ولادتش ماشاءالله الله ياجرش عليها تعذبتين على الطبيعي على قلة الفايدة بس كله بأجره والله يحفظ فطومتش من كل شر ويجعلها من الصالحات ان شاءالله

[om khalil]

تصبحون على خيرررر تعبانه حدي باقوم البس حزام البطن جان يخف هالالم

[بنوتة حلوة]

قريت قصة حبيبة حسوووني ,,

صار خاطري أووولد .. ويش هالحالة تجيني آلام على الفاضي تبط الجبد وتقهررر ولايندرى ..

[أحلام أم]

صبااااح الخيرلكل الحوامل والأمهات
البارحه بالغصب نمت ولاكأنه اليوم إجازة حلاوتي مصحصحة وهذا إللي أقول اليوم بستعد للمدارس وياليهال الله يستر
أم الساااادة من وين طلعتين أمس أقول خلاص راحت تولد
أم خليل الله يساعدش على عوار البطن أني غازات مديم مأذيتني يمكن عندش غازات
طفطف وأم آلاء وروز سول وبنوته وأم فطومة ربي ييسر أموركم
تصدقووون وااايد أحاتي فلونة وليها وحشة

[طفلي حياتي]

السلام عليكم
شخباركم
ام خليل ابغي من هالحزام من وين وشلون شكله بدينه ويش لش تطرينه لاني من الالم امشي واني ميوده الدبه
فلونتي ياخلف جبدي ماهي عدله منش تخلين مخنه يودي واييب وشدرانه وشسالفتش؟؟ اختش ماعندها نت؟؟ ..ان شاء الله ياربي نسيتينه وانتين بخير وبطلش بخير ماعليه انسينه بس انتين بخير وعافيه
وام الساده وبنوته هانت اني اتوقع ام الساده تولد قبل بنوته خخخ يلا اشتغلو ع الامر وشسمه بتولدون
الموهم هذا اني طليت عليكم عشان ما اخلي الصفحه من تواجدي ومن سماع اخباركم الطيبه

[om khalil]

يسعد مساكم
ياعلييي منسحره اروح اليوم الدوار وصول استاذ مشيمع بس ماقدر أروح اتوكر الدنيا خلت من الكراسي كل مكان مافي كراسي لي تتجفس ويش هالحاله رامز خلي

احلام أم
اني الصلاة على النبي عوار بطني من حركة الياهل مو غازات، حده دفش وحركي حده على اخوه الظاهر هههههه

طفلي
اخذته من مذركير، حزام عادي ينحط على الدبه من تحت يعني كانه يشيل فقل الدبه
وفيه جكجك تقدرين تفسحينه تضيقينه اخذته من سبع سنين في التخفيض على خمس ربيات
قولي ليهم حزام مال الحوامل بعرفونه. وصحي قلت لش عن الشفاطه لازم تاخذين شوفي روز ويش صار ليها وتغربلت، بس ضروري تاخذين اللي تشفط والحليب يروح مباشره في المرضعه مو انتين تصبينه في المرضعه فهمتين؟
صحي روز بعد اشفطي شوي شوي يعني عصي على البم خخخ اقصد يعني عصي على هالبالونه شوي شوي علشان تسحب الحليب شوي شوي مو تعصين مره وحده ترى بعورش بيهلكش.. ويالله بالسلامه ان شاءالله

[شمس الصباح]

سلاااااااااام عليكم امهات وحوامل

حبيبة حسوني قصتش خلتني ادكر تفاصيل ولادتي بملاك يالله اجر وعافيه والحمد لله على سلامتش
ام السادة توقعت ما اشوفش اهني خخخخخخخخ ربي يسهل عليش

فلونة وينش وايد طولتين
ام علاوي حنووون شخبار علاوي اني ملاكي الحين تلعب بس دليعه ادا تمللت تبغي احد يحملها
احلام ام ما ابغي اعرف شنو قالو ليش بنت لو ولد علشان انتين مثلي تطلعين من شي لشي ثاني وكأن العين عليش ربي يحفظش اني دائما ما احصل الشي بسهوله hwaml8ولازم فيه منغصات بس بعدين الله يسهل وتتيسر الأمور مثل حالتي مع ملاك من شي لشي ..اقول خلي المنخش في بطنش مفاجئة لين تولدين بالسلامة hwaml03


باقي البنات شخباركم

اني الدورة ما نزلت عدل بس نقطتين وخلاص والحين احيانا ينزل على ماي وردي والم في الليل جاني مثل الطلق حتى كسرت خاطر زوجي وقام يمسح على هئ هئ

سويت رشوفه بس بعد ما في فايده بعدين باسوي دارسين وباشوف يمكن تنزل عدل ظهري وبطني الم يروح ويجي يوم كنت حامل مرتاحه من الدورة وهمها hwaml15

[شمس الصباح]

حنوووووووون اني ملاك كل يوم ليها شكل مرة بيضة مرة سمرة مرة ورديه واحيانا حمرة ولا اعرف شنو بتطلع بشرتها واكو الحين يطلع اليها شعر بدل اللي طاح عندها قشور بس استخدم زيت الزيتون وايد زين ان شاء الله يطلع اليها شعر وايد لانها قرعت من قدام وما باقي شي عن الصيف بعدين ما تلبس كحافي يعني ما تنخش القرعه

[أحلام أم]

مساكم خير وسرور محفوف بالصحه والعافية
أم خليل
إللي يسمعش يقول فيش توأم يتهاوشون ،بس شكله هالكتكوت حركي بزيادة بيصير حتى نومة تالي قليل ماعليه شره صبي
أني بحمود صرت جدية واايد يتحرك ويشدخ طول الوقت وتالي نومه قليل كلللللش وحركي بزياادة مايهدأ في الأرض الصلاة على النبي وللحيين من جبته ماإنعدل نومي أنام على نومته وأصحى على قعدته فيي خير أنام وهو قاعد
أول أمس فيي نومة الظهر عدل وأسحبة وياايي ينام مارضى وقمت هيئته علشان يتخذر حطيت في راسة زيت وااايد وقالي قولي قصص جدية على عدد أصابعه وكلحين أشلخ علية قصة قصيرة وأني مغمضة وراسي مفتر ويوم خلصت قلتله يالله ناام قال ألحين دوري فر راسي وتالي الحمدلله ورى بيتنه زراعه ويش كبرها فيها شحنة كلاااب مهجورة تابعه للأوقاف وينابحون ويصخ مرة وحدة بس مودايما هالكلللاب يخاف من صوتهم هههه
شمس الصباح
هلا وغلا ،صاادقه حبيبتي كأنش تعرفين حالي على قولتهم (ورية إنجم ) من شي لشي يصيدني
والبيبي خله لبعديين الكل بيعرف ويش في هالدبه وأهم شي أكمل وأولد بالسلامة هذا مناي حبيبتي
ملاك لاتحاتينها عوذيها على طول حاسه فيش ،دامش مثلي الله يعينش والعين على هاليهال الناس تطالع على كل شي حتى لو عصايه ملبسة ثيااب
شكله عاادتش بتصير مثلي لين أولد نقطتين وشوي يعني مثل الإستحاضة وهذا راجع للرضاعة لاتخافين وإذا هالمرة نزلتينها بشي مرة ثانية بتأخرش بعد وبتصير جدية من هرمونات الحليب والرضاعه إلا إذا تعطين بنتش حليب صناعي أكثر من الطبيعي تالي بتنتظم ليش وصبري يمكن تنزل عدل ولو تروحين المستشفى بيقولون ليش من الرضاعه
تحياتي ليكم

[حنين للماضي]

السلام عليكم
حبيبة حسوني قصة ولادتش خلتني اذكر تفاصيل ولادتي لأن نفسش عملية
بس عاد اني رحت في عالم ثاني يوم كانوا يسوون العملية من قعدت كانوا مكملين ويوم سألتهم عن علاوي قالوا ينظفونه ونفسش ضرب الوسواس وقلت اكيد صاده شيء
بس الحمدلله عدت على خير
الله يخليها لكم وتتربى في عزكم

ام السادة امس مادشيتي واني قلت خلاص ولدت ولله الحمد
بس يلا ربي يقومش بالسلامة ان شاءالله وتبشرينا
عاد طرشي مسج لطفطوفة كأنه عندش رقمها عشان تبشرنا

روز سول اله يصيدش طبيعي
اول اسبوع الوحدة يصيدها التهاب في الصدر بسبب تكون الحليب وتضخم الغدد الحليبية وهذا شيء طبيعي تحسين بألم وتحجر
اني قالت لي الدكتورة طبيعي ويروح بعد مرور ايام وصدق ماطول صار صدري طبيعي
اني ماستخدمت شفاطة ولا شيء ولا ابي استخدم اله اذا اشتغلت لأن بكون مضطرة لحظتها
لأن بيني وبينش بنت عمتي وصديقتي كانوا يشفطون الحليب وتالي نشف صدرهم
يقولون الشفاطة ماتناسب اي صدر والله العالم واني مابي اجازف في هالشيء
لو تبين نصيحتي تحملي الالم جم من يوم احسن من اجازفين في حليبش وانتي بنوتش توها صغيرة صبري عليها اسبوعين بالكثير بجوفينها بتقعد ليش اكثر عشان ترضع منش
اني جربت جم مرة اقعد علاوي من نومته وارضعه وفعلاً يشرب بس عقب يرد يرجعه كامل لأن ما كان جوعان من الاساس واني اغصبه
هم اذا جوعانين بيقعدون وبيشربون عدل
اذا حسيتي الالم كلش زايد عليش شفطي بيدش عادي

شموس ايي اني بعد علاوي كل يوم شكل
يوم ابيض يوم اسمر يوم في خدود يوم لا
يقولون من عقب الاربعين يثبت الشكل ومايندرى
اني مالبس علاوي قحفية حرور حده وبسرعة يعرق والحين الجو حليو بعد

بنت الاياويد وينش حبيبتي؟؟
قلت دخلاتش عسى ماشر
شخبار شيوخة
شنو صار موضوعش في الجامعة والله وربي الشاهد احاتيش على طول بس انسى اسألش اقول في قلبي الله يعينها دوام وتريننق
يلا ربي يسر امورش وتتخرجين على خير ان شاءالله

باقي الشعب شخباركم حبايبي

[بنت الأياويد]

السلام عليكم
هلا حبيبتي ام علاوي ماشاءالله عليه كبر علاوي شحلوه صار ربي يحفظه ، ماشاء الله شيخه ماتخليني اتفرغ حق شي تبي كله مجابلتها وماتنام عدل وغيرالله يعزكم الزواع تشرب مني وتزوع مني غيرنا لها الحليب وشوي قل الزواع، وعن الجامعه خبرج التظلم نفس الجواب ماطلع لج درجات ومن تاريخ 1 بصير ترينينغ وجامعه يعني الله يعيني والحين بتقل عدل دخلاتي الديوانية والسبب الدوام برجع كلش دايخه الله يعينا ويسر امورنا يارب العالمين والباقي شخباركم ؟. روز ام بشورة شلونج وشلون بشورة بالنسبة حق الحليب ترى عادي اول الايام بس حاولي ترضعينها من تشرب بتحسين براحه ومانصحج بالشفاطه تشقق الحلمات وتنشف الحليب تحملي ، اما عن السيم انا تم وياي اسبوعين واخر الايام كانت تصيدنا حكه وايد مكان السيم واااي كلش تعبتني بس عقب صرت اوكي ميبو استخدمته مرة بس ريحته خايسه جنه سمسم محروق والريحة تنشم حتى حق الي يقعد يمج ومشكلة ان سعره غالي انا استخدمته 3 ايام وخلص لان قالولي حطي وايد على القطن عشان يلمس السيم فقمت استخدم بالاد ماشاء الله شفته زين واي استفسار فديتج حاضرين لج وحق باقي البنات ، طف طف شخبارج؟ وشلون فلونه مارديتوا علي ولدت ولالا؟

[حبيبة حسوني]

بنوته :الله يسهل عليش يارب وتكون ولادتش سهله ^_^
شموس :الله يسلمش حبيبتي الا انتي ولدتي طبيعي ولا عمليه ؟؟
حنون :اي والله انتين مثلي عمليه تحسين فيني
حمدلله الله فرحنا بشوفة كتاكيتنا القمران hwaml03

[حنين للماضي]

سلام عليكم

هلا والله ام شيوخة
على طاري فلونة للحين مادشت والله وخبرتنا
الكل يحاتيها
ياااااااااااارب تكون بخير وقامت بالسلامة
شكلهم كلهم متفقين يطلعون دلاليع هالجيل
اني بعد علاوي متعود على الايادي ومن تحطينه في سريره يقوم يصيح
اشوه اليوم الصبح نام شوي وقدرت اغسل الثياب واخم البيت وارتبه شوي
الله هداهم لين قاعدين مايعطون مجال الواحد يسوي شيء
ماعليه حبيبتي تحملي وان شاءالله ربي يوفقش وتتخرجين على خير
التريننق كله شهرين ان شاءالله تعدي بسرعة وتفتكين

حبيبة حسوني ها شكلها فطومة نايمه عشان جدي دخلتي
شخبار الجرح الحين؟.؟
حركتش ان شاءالله احسن؟؟؟
تعالي شخبار الالتهاب اله كان وياش انشاءالله راح

[حبيبة حسوني]

هلا حنون اي والله يختش توها نايمه عقب مادبحتني علما نامت
جرحي اشوه حمد لله بس هالسيم للحين مو راضي يطيح ملوع جبدي عدلhwaml4 احط عليه كريم ميبو يوميا ولا طاح وتجيني مثل الحكه والتنميل فوق الجرح
وحركتي اشوه حمد لله بس ظهري واجد يالمني يمكن من الرضاعه بعد تكسر الظهر:(
والالتهاب حمد لله راح مو ناقصه بعد هههههههه من فوقنا لتحتنا متنتفينhwaml02
الا انتين شخبارش ويش اخبارجرحش بعد وحركتش
وعلواني الجميل عسى بس مومسهرنشhwaml9

[حبيبة حسوني]

يالله بقوم اخذ ليي قيلوله دام الورده نايمه
لاني من امس مو نايمه بررررررررب

[حنين للماضي]

ايي قومي ارتاحي الله يساعدش
وعلى طاري السهر علاوي ليلة اجوفينه اوكي وليلة ادق عليه ويصير لي مصحصح مايرضى ينام
يازعم ليلة الجمعة زوجي كان من المفترض بيتكفل فيه واني انام
نص ساعة وماجفته اله جابه لي قال لي ماعرف له
قلت هاي اله كنت ابي اوصل له عشان تعرف انت نص ساعة وتعبت الله يساعدني اني
السيم اني ماحس فيه وصدقيتي ممرضة تقول هو بروحه يطيح
حركتي اشوه الحين بواجد بس بعد ساعات احس بألم اذا اقعد مع علاوي مدة طويلة واشتغل شوي
اشوهراح الالتهاب وافتكيتي ايي والله مو ناقصه من فوق وتحت وش خليتي بعد

[ام السادة]

السلااااااااااااااااااااااااااااااااااااااااااام وشحوالكم


للحين ننتظر فرج الله علينا

شخباركم كلكم من زمان ما هدرت وياكم ادخل اسلم واطلع ان شا الله الليله السهرة وياكم لانه رجلي بيهيت ويه ربعه ما بيجي ال باجر

[Roze]

سلامن عليكم

اخباركم يبنات

فلونه ماحطت خبر ولاشي??
وايد طولت

[ام السادة]

هلا روزة ويش اخبارش

ما ادري ويش فيها ان شاء الله تكون بخير خلتنا نحاتيها الله يحفظها

[Roze]

هلا ام الساده انا بخير الحمدلله

ويش شعورش في اخر ايام الحمل

[الفتاة الذهبية]

هلا بالحلوين
شخباركم؟

[حبيبة حسوني]

مساء الخير شخباركم امهات وحوامل ويش مسوين؟؟
اني صايدتني حالة اكتئاب على جسمي وحتى الصياح اصيح ويش اسوي
واجد متضايقه خصوصا هالكرشه الي طلعة ليي مضيقه خلقي يالله حمد لله على كل حال

[الفتاة الذهبية]

تمام الحمدلله
حبيبة حسوني
لا تحاتين كلها 6 شهور وان شاء الله يرجع جسمش مثل ما كان
بس اهم شي حافظي عليه عشان يرجع

[حبيبة حسوني]

هلا فتوته
اني الي محزنني شكل كرشتي وماقدر البس حتى مشد
كنت مشتريه ليي بس قالو لي في المستشفى مايصير البسه الا عقب شهرين
يتراوليي عقب شهرين مافي فايده البسه :(

[الفتاة الذهبية]

لانش عملية قيصريه من جذي ما ينفع تلبسين مشد
لا اتوقع ان عقب شهرين حاولي تسوين تمارين تشد البطن
وادهني بطنش والبسي المشد وان شاء الله تروح

[ام السادة]

هلا الفتاة شخبارش

هلا حبيبة حسوني لا تكتئبين ولا شي غمضي وفتحي وبتروح ان شاء الله

هلا روز ويش اقول لش عن شعوري طبعا خايفة وحدي تعبانه ورجولي ماتشيلني من الثقل بس يا الله ان شاء الله نقوم بالسلامه وبننسى التعب والله يممم ليكم ونشوفكم شلون تتشكون من الثقل

[الفتاة الذهبية]

هلا ام الساده انا تمام
انتي شخبارش؟

[حبيبة حسوني]

الله يسمع منكم وتروح يارب لاني واجد متضايقه
وصايدتني حاله نفسيه واكتئاب بخصوص شكلي
يلاعن اذنكم اكي فتومتي تصيح بدا زامها

[طفلي حياتي]

السلام عليكم
شخباركم جميعا
رجعتي البيت مريت على الدوار وانشلع افادي رووووووووووووووعه قمت اطالع من فوق الجسر طبعا خففت السياقه وقمت اطالع حلييييييييييييييييييييييييييو صار خاطري بقوه انزل لكن ويني ووين اني ماقدر اتحرك ولا شي
الله ينصرنا ويوفقنا ان شاء الله وتتحقق مطالبنا ونعيش بعزه وسلام مثلنا مثل هالعالم

[الفتاة الذهبية]

اي يقولون فيه ناس واجد
اني ولا طبيت هناك خخخ
بعدي في الاربعين واصلا ما اقدر اوقف واجد
لانه احس بالم لانه بعده يقولون يبي الى الجرح شهرين ع الاقل

[ام السادة]

شحوالكم ويش اخباركم

شكلي ما بسهر ولاشي باقوم المنطقة ما فيها احد يا الله نشوفكم مرة ثانية

[الفتاة الذهبية]

ام الساده
احنا تمام

الله وياش

حشى وينكم مافي احد
اروح وارجع ما القيكم متجمعين

[اقصوصه]

مسااااء الخير

بنات طمنوني شخباركم في البحرين

بعده اللاعتصام مستمر

وعسى ان شا الله ما في شهدا يداد؟

[الفتاة الذهبية]

احنا تمام
نورتي يا احلى اقصوصه

اي الاعتصام ما زال مستمر
لا ما في شهداء

[طفلي حياتي]

السلام عليكم
هلا حيى الله اقصوصه عاش من شافش وياترى منو منعش من زيارتنه خلني اراويه شغله
الاعتصام مستمر ولا في شهداء غير الـ8 الله يرحمهم وينصرنا ان شاء الله

[الفتاة الذهبية]

طف طف
شخبار الحمل وياش

[طفلي حياتي]

اهلين فتوته والله الحمل فرحتي متعلقه صوب ضلوعي ماهي مسويه سوايه فيني ماقدر اجندس (انحني)منها ويعوووور عدل.. هذا غير الظهر والم الفخود يا الله هانت خلني اكمل هالفتره على خير واولد بالسلامه ياربي
بس في شي قاعد يصير لي ماقلته لاحد اذا يتني البـ... عزش الله احس بحراره مو وقت التبول لالالا قبل يعني بدل لا احس اني حصرانه احس بحراره وشعور كريه مادري ويش هالسالفه بعد

[الفتاة الذهبية]

ما رحتين المستشفى
روحي جوفي من شنوو وليش تحسين بحراره

[صعب تنساني]

سلام عليكم شلونكم
طفلي اسالي الدكتوره عن الحراره يمكن تعطيج شي يخفف منه
فتاه ذهبيه شلون عروستنا اليوم اكيد الححين راقده لو قاعده ما تخليج تقعدين خخخخخخخ

[طفلي حياتي]

اكره شي عندي روحة الدخاتر والدكتوره قايله بتخلي مواعيدي كل اسبوعين قامت القابله البشه خلته كل 3 اسابيع يعني لازم انتظر اسبوعين الحين بعد ماقدر اروح ولا انتظر بس بشرب ماي وبس

[طفلي حياتي]

هلا عليكم السلام صعب شخبارش؟؟
اني احاتي فلونه وفيني قهر على ان ليش ماخلت حد يعلمنا عنها نبغي نتطمن الله هداش يم البطل

[صعب تنساني]

طفطف للحين ما فيه اخبار عن فلونه ؟؟؟

[صعب تنساني]

ليش ما خلت احد من خواتها طمنا عليها

[طفلي حياتي]

لا والله مافي لو في ماقمنا نحاتي لا حس ولا خبر طولت وايد

[صعب تنساني]

وايدددد طولت بس اهم شي سلامتها يمكن ما عدها احد يطمنا

[طفلي حياتي]

محد يه من البنات الليله للسهره اللي يسهرون ويانه الحين يسهرون ويى بيبياتهم ياربي تبلغنا ونولد بالسلامه وننشغل ويى بيبياتنا بصحه وسلامه وتحفظ اللي ولدو وتحفظ بيبياتهم ياااااااااااااااااارب

[طفلي حياتي]

تصبحوون على خير
باي

[om khalil]

من صارت الأحداث وأني كله
أرق
أررق
أرررررق

وباجر دوااااااااااام خلص الاضراب

اذا مانمت الحين برقع راسي في الطوف

[طفلي حياتي]

هههههههههه ومن سمعش منذ الازل
قومي اشربي حليب ابيض واذا عندش خس اعلفي فيه واقري لش جمن صفحة من القرآن عل وعسى...... بالنسبه لي باقيه حتى تأتيني النومه هيهيهيهيهي

[أحلام أم]

هلا ومرحبا
أم خليل
إذا إنتين بتضربين راسش في الطوف أني ويش أقول وعليي أقعد اليهال للمدارس أررررررق والنومة كل ماأرحب فيها تهرب من عيوني
البيت كلهم يبوني أقعدهم وأني للحيين قاعده ومتفرغه للسهر والغازات من صوب هالكتني
باقوم أقرأ ليي كم سورة وأحاول أنخمد لاوأزيدكم من الشعر بيت باجر موعدي ويش هالحاله
تصبحوون على خير وسلامة

[om khalil]

المطبخ برا وبررررد وهوا اخاف اطلع خخخخ

[طفلي حياتي]

احلام ام الله يعينش ان شاء الله يارب تنامين
ام خليل ماعندش فلاجه في حجرتش؟؟ ع الاقل تخلين حليب بارد ضروري الابيض لين ارتفعت الحموضه لو شي

[om khalil]

ياساعد الله قلبش ياحلام ام اني بتي منيمتنها من 8
يا المبدل الشر وقعدها هديكلحين الساعة 11 واني برا الحجرة
صحصحها وهيكي تتقلب من حزتها وتوها نامت
باجر بتكفر ليي في القعده

[طفلي حياتي]

انزين البيت مقفل والمطبخ داخل الصاله عفر لو خارجي؟؟

[طفلي حياتي]

ام خليل هالمبدل على قولتش من تنام خليه وياش مرافق ابدا لاتهدينه لان توقعي هالشي يسويه واكره شي اذا نايم الياهل ويقعد بعدين نومته صعبه .. الله يعينش على تقعيدها باجر

[om khalil]

عندي فلاجه بس مارغب للحليب
وماشاءالله الحمدلله هالحمله معدتي مافيها حوامض :)
بس ببتي اذكر مت هلاااااااااااااج منها

[طفلي حياتي]

هههههههههههههههه حلوه مت هلاج.... الا روز بنت بلادي مابينت اليوم
على فكره ام خليل احس بألم مثل الدوره وحاقرتنه يستر الله عليي وعليش وعلى المؤمنين يارب

[om khalil]

لجل دشيتين الفامن مثل ماقلت لش تزيد هالالام
بالذات الم الفخوذ والعظام
اني ميته من الم أعلى الفخذ من الصوبين
يبا ليي العب رياضه على السيكل عفر

رحت بشتري روتي لبتي للروضة وخب الديرة اختلت من الروتي
نبصت لبديع محلات بوحجي وحقلت عندهم
الا سكتي ولدي الله يحفظه كان ساكت وفجأه
السعب يليد اسكات النداااااااااام hwaml03
داهيه يبست
سديت بوزه ودفعت البيسات وهربت
لايتخوون بي اني بدبتي هههههههه

[طفلي حياتي]

ام خليل باقوم نصره معترضه ليي على ضلعي متوكره تحته مباشره ابغي انزل راسي ماقدر منها عساش تفرحين يفرحتي على هالعمايل كله منرزه مناك مادري لويش
يا الله مع السلامه

[طفلي حياتي]

هههههههههههههههههههههههههه غربل الله بليسك يخلي وااااهههههههههههههه توني انتبهت اشوا رجعت ريوس وشفت الحجي
لو تشوفين بت حميي يوميا تطلع من حجرتهم قبل لاتغسل ويهها وتصرخ بصوت يبط المخ
الشعب ووري مينك صقا قريها عاد بالتهجي ويلي اموت عليها اسمها واقول ليها قووووووولي وتقول وتستانس تالي حضرته ابوها علمها اياها عدل اتوقع امها فكرتني اتطنز واني اموت عليها كلما تقول الشعب ووري مينك صقا يوميااا ههههههههههههههههههههه

[om khalil]

هههههههههه ماشاءالله عليها الله يحفظها حلاوتهم اليهال الفال لش وتعلمين زنوب انا انتصرنا وخلاص :)
ياني شوي مفاوب عفر من صوبش ههههههه
تصبحين على خيرر

[طفلي حياتي]

وانتين من اهل الخير في امانه وحفظه
بااي

[بنوتة حلوة]

ووو شحووالكم , أني كل ليلة هالحزة أدخل ماميش أحد ,,
لان طول النهار نووور وسهر في اللييييل شكلي قاعدة أستعد ..

طفطف أكييييد أم السادة بتولد قبلي باقي ليها جم يوووم بس .. أني إلا 12 يوووم حسب التيكر .. ولا يندرى .. بس عاطيني موعد 7-مارس يعني باقي 8 ايام على هالحسبة .. فرق 4 ايام ولا يندرى يختش :(

كله أحس بالراس تتقلقل ليي تحت في المثااانة مكان اللي تتجمع البولة خخخخخخ باجر لازم اروح المستشفى أحلل السكر قايلين ليي يمكن فيني سكر الحمل لأن البيبي وصل حجمه أحين 3 كيلو و100 غرام وهست ماااي واجد عند الراس ولا يندرى ..

بنجووف واذا شسمه شكله قيصرررية :(

[اقصوصه]

هلا طفلي

انا الايام اللي ما كنت ادش فيها ديوانيتكم ما كنت ادخل النت

من مده ما عندي خدامه وبنتي وشغل البيت ماخذين وقتي

ذهبيه مشكوره حببيبتي ع الترحيب تسلمين :)

[شمس الصباح]

اوووووووووو اقصوصة شخبارش عاش من شافش
الله يساعدش على شغل البيت
بروح اوشوف الصفحات اللي طافت

[شمس الصباح]

الحين رجعت بعد ما شفت الصفحات السابقة
اول شي سلامي للكل من حوامل وامهات خخخخخ كاني رايحه الحج

احلام ام اي اني وانتي نفس الشي في كل شي مطالعين بس الحمد لله الله معانا وربي يثبت حملش ويفرج لج ويسهل عليش وعلى طاري الدورة من امس مافي شي وقفت خير شر وعلى ما قلتين اني من شفت نقطتين عرفت انها استحاضة

حبيبة حسوني لا اني ولدت طبيعي بس في ولادتي في اكشنات والم قصدي دلدغة

ام علاوي اني ما البس ملاك في البيت كحفيه بس اذا زرونا ناس او للطلعه علشان اخش القرعه خخخخ لان القرعه من قدام بس والباقي فيه شعر طويل

روز سول بخصوص تضخم الصدر اني جدي بعد صادني وما استخدمت الشفاطة حاولت اني افصخ الصدرية او البس اكبر وارتاح وبروحه راح تشوفين ان يطلع حليب قليل من الصدر بروحه وبيخف عنش الألم البسي مقاس اكبر علشان تتركين مجال للصدر والحليب وحاولي ترضعين بنتش كل ساعتين
يالله اشوفكم على خير

[طفلي حياتي]

السلام عليكم
شخباركم؟
شموس اني مثلكم انتين واحلام ام بالضبططططط على كل شي يطالعوني خخخخخ تدرين حملي يادافع البلا والبلوه اول ماحملت نفسيتي تتعب كل بين فتره واكره الحمل وساعته وحتى اغراض الياهله كل مره اشتري شي ارجع كئيبه واكره اطالعهم يادافع البلاوي
لكن كثر ماقدر اصلي على النبي واقرا قرآن واطلع صدقه وارد نادي عليا مظهر العجائب .. والحافظ الله

[Roze]

السلام عليكم
ويش اخباركم

اني هاليومين تغبانه نفسيتي مول
انتظر نتايج السكر
وموقادره اضبط روحي عن الاكولات الحلوه
ويش اسوي حالتي صعبه
والريل كله لازق ليي في هالدوار تمللت واني اسمعه يقول بروح هالدوار
وزايد الطين بله مشتري هالبلاك بيري وطول الوقت مقابلنه حق الاخبار
والله ابتلشنه ههههههه
خاطري اطلع كشته اغير فيها جو واعدل نفسيتي

[أحلام أم]

مساء الخير على عيونك الحلوة
داخله أسلم وأشوف أخر أخباركم تعبانه حدي ويازوجي مريض عنده ألم في الظهر يصرخ منه مايقدر حتى يصلي صلاته بالغصب عنده من زمان فقرتين متباعدين وصار زين ومن يوم الخميس رجع له الألم بقوة حركته كلش صعبه حط لزقات عن الألم ولا ليهم أثر غير التدليك يعور الفاد يعني حتى الشباب مو راحمنهم ألم الظهر الأول نسمع بس الشيوبه الله يفرج عنه
شمس الصباح وطفلي حياتي
الله يعيني ويعينكم على العين مخليتني ماأزور أحد يعطونش الكلام في وجهش الله يكفينه شرهم بحق الصلاة على محمد وآل محمد

سكتوا عن هبالتي اليوم أحسب موعدي وقبل يومين متبرزة للموعد واليوم الصبح أطالع تاريخ الموعد الساعه جم إلا مكتوب شهر 3 الموعد أشوى مارحت ونقعت من الهباله وتفشلت لا ومبرزة كل أوراقي لأنه الفايل عندي
باقوم أشوف واجبات اليهال مسكينه بنتي مادري هالمدرسات مايحسون ويش كثر عليها واجبات ويوم الخميس إمتحان بدينه عااااد

[أحلام أم]

قبل لاأقوم
هلا روز
عاش من شافش تصدقين كنت أحاتيش أقول إختفت مره وحدة ماعليش شر
وخففي من عليش وتوكلي على الله يمكن نتايجش زينه وتعبين نفسيتش على الفاضي أدحنه نحارس موعدنه وبنشوف نتايج سكرنه وأني صايدني في حمل سابق
أشوفش على خير

[طفلي حياتي]

ولكم روز عليكم السلام
هلا احلام ام
روز بنت بلادي لا تسوين نفسي عشت ايام رعب وهم وغم وهلكت البنات ويايي الكل يهدي فيني واني مريتهم مر بس تركي الحلاوه فكري في البيبي وفي روحش بروحش بتكرهين شي اسمه حلاوه واكلي كله اشياء صحيه واشبعي بها وبس ماباقي شي وتولدين بالسلامه وكلها ذكريات بتصير .. وانجان على الدوار اني كاسرين خاطري صار الجو حار ياربي تعينهم (يانار كوني بردا وسلاما على ابراهيم) ياربي تحفظهم وتثبتهم ياربي تنصرنا على القوم الظالمين

[طفلي حياتي]

متملللللللللللللللللللللللله عدددددددددددددددددددددددددللللل

[Roze]

اتغديت وجيت

احلام ام فيش الخير بعد شبدي ان شاءالله خلال هاليومين اشوف النتايج ونبشركم

طفطف انتين وين تغطين تهربين طول اليوم

[طفلي حياتي]

اني اللي اغط؟؟
اني هداني مقعده مكاني وبريحاتي
من تدخل وحده لزقت ويهي ههههههههه ماتشوفين البنات شكلهم تمللو مني
الله يعدي شهوري على خير واولد بالسلامه واييب هديك الفرحه المنصوره وانشغل وياها والكل ينشغل بالخير يارب

[Roze]

وين تنشغلين عيل مابتدشين موليه

اني اليوم تخيلي ماقمت من سريري الا الساعه 12ونص الظهر
صليت وارتفعت بيت ابويي
وهداني منسدحه بعد وين الواحد يروح صدق ملل

[طفلي حياتي]

تقولين اغط وينش يحظي تمشي ويايي
مستمله عدددل

[Roze]

احين في التيكر مالي مكتوب 73 يوم يصدق لو لا ؟!؟!؟!؟

[طفلي حياتي]

اذا ولدت باصير حالي من حال هالبنات خصوصا بيت ابوي مافيه نت مالي الا بتصل للي اعرف ارقامهم بخليهم يخبرونكم خخخخخ وباطرش مسجات كلما يو البنات على بالي.. وش رايش تييبين امش وياش وتيين بيت ابوي في حال قعدت هناك

[Roze]

البارحه يوم التنظيف العالمي حطيت ليي هديك المنظره وطاااحت عليي وقضه هالداهيه ويش صاير تحت 360 درجه صايره غير المنطقه ويش هالبلوة الغلقه كفايه الاسوداد المنتشر في اكثر من منطقه ويش الشووور

يعني يرجع البدن مفلات قبل صدق بلوه*

[طفلي حياتي]

ههههههههههههه اسكتي شفت مكتوب لي 53 وعورني بطني خفت من الولاده ومره اقول ياربي بسرعه خلها تمشي ومره اقول ياعلي ابغي جنيني سليم ارجوك يارب ما تشوفين الا حاله
بالنسبه لسؤالش صدق هالايام لولا ان شاء الله صدق اهم شي تقومين بالسلامه وفي وقتش

[طفلي حياتي]

اي على طاري السواد لو تفركين بتشوفين اشياء سوده كلما له يزيد فيني بس يقولون اول سبوحه تتفكرين وينقلع شوي شوي هههههههههههههه اني هناك صاير كححححححل ماله حال اسود يفشل والله العظيم والاباطات والصدر وسري عاد دائره سوده بروحه على صوب خخخخ

[Roze]

اي فرق بيني وبينش تقريبن عشرين يوم لاخر الايام بنتم هني
اني ماادلي بيت ابوش بس بقول لمي عاد وين اذا اني بولد
بس نتمنى ان شاءالله نلتقي ونخلي بناتنه يلتقون

[Roze]

كحل مقرف بعد لون الكحل احلا
سكتي الرقبه خطوط مادري منوين حاله علييي جنه لواف متراكم
وكلما افرك علا ورا
صاير دبه من غير شي هههههههههههههه
مساكين ريالنه

[Roze]

منهو بيقعد وياش في بيت ابوش ؟؟

طفطف تدلين بيتنه لو لا

[طفلي حياتي]

ان شاء الله ياربي ... يمكن وقتها تكونين كوره ولا تقدرين تتحركين اصلا بس اهم شي نقوم سالمين هذا اهم شي احنا والبيبيات وبناتنا بعدين بيلتقون ان شاء الله من اروح الممشى اشم هوا بتصل اشوفش فبيت ابوش لولا جان تيين هيهيهيههي نلعبهم فنتينهم وتحملي بتش تعض بتي لو تسوي حاكر ماكر براويها

[طفلي حياتي]

روز مادله بالضبط بالضبط بس اعرف موقعه امر عليه
وبيت ابوي اختي شقتها قريبه من بيت ابوي الثانيه مو اللي تعرفينها وبتمرني لازم يعني بنشوف الوضع من الحين لوقتها

[Roze]

اني مالي شغل اذا اشتغل العرق الدرازي الدساس فاججيهم من بعض حزتها هههههههههههه
الله يسهل ولادتنه يارب وتسلم بناتنه وتحفظهم من كل سوء يالله ياربي تهدي بالي وتطمن قلبي وتقر عيني
ههههه باقي عليي 10 اسابيع الله يسهل ويمرون بسهاله

[Roze]

للتقريب بيتنه صوب البيت الاخضر ابوزراعه عوده يفصل بينه شارع

بس اذا جدي ضبطي لش هناك حجره للناس اذا جوش
وخلي ريلش يبيت وياش
لو نفس ريلي مايشتهي الدراز هههههههه

[طفلي حياتي]

ان شاء الله ياربي نقوم بالسلامه
اليوم طلعت اغراض نصره وافكر ويش اخلي في شنطة الدختر..تدرين رفيقتي تقول لريال مفهيين وجهزي شنطتش وخليها في صندوق سيارته عشان يودي لغراض هههه مالي الا هالطريقه

[طفلي حياتي]

على قولة البنات عن الحسد كان ريلي يموت على لدراز ويبغي يصور النخيل والفريق وجده ومقت من غباوتي اسولف واقول ريلي ماعنده مانع يسكن في لدراز والحين ما يشتهي لدراز بس ليوم القيامه هالكره خخخخخخخ يقولون مافي حسد ... قلت له قال قعدي هناك وانا وراي شغل ومدرسه يعني مشي بوزش انام وياش واذا بيرجع 9 كليوم ويش اييبه خلها على الله من الحين لهداك اليوم افراج الله..

[Roze]

ضكرتيني في ولاده اختي جدي
ولدت نص الليل شفناها واطمنه عليها ومشينه
تالي ركبوها حجرتها وتوهقت تبي تروح الحمام تبي تتسبح ماعندها شي
قامت تتصل له مايرد اتصلت لي الساعه 3 الصبح زوبقتني من تلفون المستشفا تبي اغراض
هالمره اقولها عطيني الشنطة اتي بوديها لش
مارضت ولا تقول بتقعد في شقتها لحزة الولاده علا قولتها تبي ريلها يشوف المعاناة هههههههه
الا صدق طفطف كلش ماعندش اتصال ويا فلونه
معقوله ماعطت احد رقمها يطمنه لو شي
كلش مي عدله منها

[Roze]

لا اني من اخدته هدا حاله حتا كلامي يعلق عليه هههههه
بس السكن مستحيل يسكن هني مادري لوا يكرهون هالمنطقه ههههههههههههههههه
هذا عفر ريلش كان يجاملش في البدايه تالي ظهر علا حقيقته تجاه منطقتنه الحبيبه

[طفلي حياتي]

لا والله ندمت اني ماخذت رقمها بس استحيت يمكن ما تبغي والحين على وجل بس هي قالت ان مافي نت فبيت ابوها .. لكن اختها ماعندها؟؟ ولا احد عنده بلاك بيري تدخل منه؟؟ مادري ويش اسوي فيها

[Roze]

اي صح شفتين المحل الي فاتحينه مال ثياب الاطفال الي صاير علا شارع البريد
شكلها اغراضهم حليوه ويديده
اقول بمر بس ارد انجف

[طفلي حياتي]

لالا اقول لش مستين على لدراز يقول فعاليات روعه فيها وشكلها رهيب وكل شي حليو كان يحبها وقمت من الغباوه اتكلم على ماكره لدراز وبالغصب ايي مره يقهرون على لمطالع الناس
اني الحين قولي لين ولدت وقعدت هناك ويش الشور وياه؟؟؟ ماقدر اقعد في شقتي ويع محد بييني ..على الاقل لدراز بمرون عليي الناس .. مرات اقول بتأجر شغاله احد مدام اني هناك

[طفلي حياتي]

مابغي الحين اغراض خلاص بس يبغي لي ادويه وجمن حاجه حقي
وبالنسبه للمشط كله بقول لش وانسى اني شريت من مذركير مشاطه ناعمه وياها مشط بدينار ونص حليو شكلهم ناعم

[Roze]

ههههههه دخير بالله تطمنه عليها ماندري ويش صار وياها وويش يابت
هكي روز سول وياها في نفس الفتره وصلنه خبر ولادتها قبل لاترد تدش وميكينه ماطولت دشت بنفسها وطمنتنه

[Roze]

مذركير للحين مارحت اتصدقين
طلع لينه هالدوار <<< بدأت اكرهه
وريلي ماينشاف يامسيره يادوار
وخوب مذركير الجايناوي مال المارينا مبند بسبة الدوار ماادري فتحوه يعني؟؟؟
ماليي الا مجمع البحرين
الاجواء ماتشجع علا التسوق ويا هالاوضاع
الله ييسر الامور وتنحل المشاكل ونرجع احسن من قبل يااااارب