ديوانية البحرين - دردشة حوامل البحرين - البحرينيات

[ام السادة]

اوكي احلام ام تصبحين على خير

[om khalil]

ام الساده تتصل لش الحين حتى تقعدون تهرهرون وتخلوني بروحي
اني تعبانه ابي اقوم بس قاعده ادور في اخبار البحرين

[om khalil]

تخيلوا قعدتي من خمس الصبح وكرف الصبح للعصر والشد العضلي والأرف
ابي انااام بس الأرق ذابحني اروح انسدح بس عيوني ماتنصك
أشوى باجر رخصه

[طفلي حياتي]

اتصل لوي قولي هنا عفر
هو مجانا بس استحي هههههههههههه
اممممم اني يوم الخميس امشي من بيتنا العصر شكلنا بنخليها اما للجمعه او السبت وبنشوف جان مو تكبر الفرخه ههههههههه

[om khalil]

طفلي توي باقول لش بتأجلين بتأجلين على هالحاله بتكبر هالفرخه ههههههههه

[طفلي حياتي]

احلام ام تصبحين على خير
ساعات احس بنصره تطرطق مادري هالموديل وي بعد مادري هي تقرطع صبوعها لو ويش مادري الظاهر تسحب في الحبل السري وترد تهده !!

[ام السادة]

هلا صعب اي والله شكلها جدي

طفطوفة اي عمي قمر اللهم صل على محمد وال محمد يجيي ليي الشقة لين ما نزلت يسال عني وكله يمزح ويايي عكس عمتي ولا اطب شقتي ولين نزلت كله ساكته خفيف لين تتكلم ولين سويت شي ما تاكل منه ما ادري لويش مع انه حمياني يحبون طباخي عدل كل فترة اسوي طبخه واوديها ليهم وحمواتي بعد ما ياكلون من طباخي بس اليوم الظاهر الشوربه عجبت حماتي واكلت منها

ام خليل توي البارحه ماشيه لين هلكت كنا بنطلع الليله نمشي بس اني خفت وفشيت مكاني ان شاء الله ليلة باج

وطفطوفة عاد متصلة مي صاخية على صوتها تخاف ابوقه خخخخخخخخخخخ

[صعب تنساني]

ام الساده متى بيون الاهل بالسلامه ان شاء الله ييون قبل ما تولدين

[طفلي حياتي]

هذا موكد غيره منش معروفه الحركه شكلش طباخه فنانه وعمش يمدح في طبخش وينقهرون هههههههههههههه

[ام السادة]

طفطفووو قولي ليي من وقت يوم الخميس علشان لين بتجين باخدها ويايي بيت بابا اوكييييييييي

واتصلي بسش عناد اما هالمرة نحيسة

[ام السادة]

باجر بيطلعون يعني على الاربعاء هم ان شاء الله في البحرين

الظاهر جدي طفطف خخخخخخخخخخخخخ ولا جتني هالفكرة خبرش هبلة وعلى نياتي

[om khalil]

الله ماباقي شي ياطفطف وتفلصينها وتعضضينها وتبوسينها

مكتوب في الصرح اجتماع عاجل بين الملك والشيخ عيسى قاسم من شوي!!

[صعب تنساني]

يعني ما بقي شي ويرجعون بالسلامه

[طفلي حياتي]

ام الساده بيت ابوش وينه؟؟ انتين بعد غير شكل احنا نقول عادي قولي
اذا بتروحين بيت ابوش وهو قريب من الدراز حمليها وياش لمنقطه وباروح اخذها عاد حطوها في سله لو شي اني اخاف منهم بتطير من عندي

[طفلي حياتي]

ام خليل ساعات وايد يخلون شلخ ماعليش مو كل شي عدل... ام الساده ترى واضحه الحركه اني عمتي تسويها لي الله يهديها ريلي اذا يمدح طبخي هي تتحجج وتقول مالح ماصخ حار بلا فلفل اي شي تبغي تقهرني واني واثقه طبخي حلو الحمدلله .. بس مال غيره تقول هالشكل بأني الحين تعودت عليها عادي

[ام السادة]

بنقول والي فيها فيها بيت ابويي في مقابه واطير ويش هدي فرخه مو عصفور خخخخخخخخخخخخخخخخخ

[طفلي حياتي]

ام خليل ان شاء الله يارب تتم الامور على خير وتروح الوساوس مني يارب صدق اشوف جنيني فحظني سليم معافى واني وياه بصحه وعافيه .. هو انتظار وترقب وهو خووف ماعرف اوصف الشعور

[طفلي حياتي]

اوكى حمليها بيت ابوش وباروح ليها ان شاء الله بس بتخلينها في ويش؟؟

[ام السادة]

طفلوا هداني قاعده ومجوده التيلفون في ايدي اتصلي له لو اقول الى ام خليل تتصل بتتصل اما انتين شكلش عنيدة قال تستحي قال اتصلي خلني اعرف اسمش دخير با الله

[طفلي حياتي]

ام الساده لدياي يركضون بسرعه واني الا هبله اخاف منهم

[om khalil]

ان شاءالله يختش الله يبلغش هاليوم وانتين بصحه وسلامه ويروح هالوسواس عندش
عاد تالي بتدهشينا كل يوم بتيين تصيحين تقولين هيكي بتي تصيح مادري ويش فيها
بزنطش ههههههههه

يالله اخليكم ياحلوين تصبحون على ألف خير والله يصلح الحال ان شااءلله

[ام السادة]

ما ادري اني باقول الى رجلي يحطها في شي ما تطلع منه خخخخخخخخ لا تطفر علييش ما فينا شده

[طفلي حياتي]

على خير يم خليل تصبحين على خير

[ام السادة]

وانتي من اهل الخير تحملي بروحش

[طفلي حياتي]

هاكو اكلم ولد اختي عن مواصفاتها قال ابغيها صفرا منقطه قلت اوكى لكن انت احملها اني اخاف الا يقول حطوها في سله ضحكتني هههههههههههه المهم خلوها في شي مسكينه لديايه بتعور افادي بلا امها بروحها

[طفلي حياتي]

اسمعي ام الساده لو بتصل لش بتكلم بصوت خافت حده لان ريلي نايم واخاف يقعد واتغربل مو حليوه اكلمش بهالطريقه لاني اذا اتصل هالحزه لبيت اختي اتحجى بالعدال لايوتعي ريلي

[ام السادة]

ههههههههههههههههههههه على راحتش عيوني هكي بتي قعدت يعني خلاص السهرة صباحي

[طفلي حياتي]

الله يخليها لش ان شاء الله جم عمرها؟؟ وليش تنيمينهامن وقت جان خليتينها ل11 ع الاقل عشان تواصل

[ام السادة]

حتى لو نامت متاخرة لين اني مو صوبها تقعد عمرها سنتين ونص

[صعب تنساني]

عيل اذا ولدتي شبسوي اكيد راح تستانس بخوها ام الساده

[طفلي حياتي]

الله يحفظها ويقومش بالسلامه واحنا وياش يارب
صعب سويتين سونار لولا؟ عرفتين بنت لو ولد؟

[ام السادة]

هلا صعب وين تروحين

اي احسها تحارس اكثر مني ههههههههههههههههه

[صعب تنساني]

ام الساده زين اذا مشوقه لها لانه اذكر بنت اختي كانت تغار من اخوها

[صعب تنساني]

طفطف لما اللحين ما عرفت والحبيب طالعلي بقصه ثانيه يقول بس خلاص ما ابي اعرف لانه الحين السالفه امصخت وما بقي شي على الولاده خليها مفاجاه وامه بعد واقفه بصفه تقول الحين ما يحتاج نعرف خليها مفاحاه احسن بس انه ما اصبر ابي اعرف ون شاء الله هالمره المركز يسون لي

[طفلي حياتي]

هي الغيره لازم تتواجد بس الام وطريقة تعاملها تقدر تخلي الكبير يحب الصغير
لاتصبين الاهتمام على البيبي اليديد بتكرهه عدل بالعكس كله ناديها وكله لزقيها فيش وسولفي ليها عنه قولي الاي حليو اخونا الصغير احنا نحبه ومن هالكلام قولي ماحد ياخذه هذا اخو فلانه وهي تحبه له؟؟ بهالطريقه سوي وبتحبه وبتتعلق فيه بعد ان شاء الله يارب تحبه

[بنوتة حلوة]

السلااام عليكم .. شخباركم ؟؟ وشخبار الاوضااااع عندكم ؟؟

الوضع يخوووف ومو جايني نوووم خايفة حدي مادري من ويش .. :(

[ام السادة]

الله يخليش طفطف

الله يستر يصعب ما ادري ويش تسوي الحين من تشوف بت اختي ترمي روحها عليها ما ادري بعدين ويش بتسوي

[صعب تنساني]

بنوته ليش مو جاينج نوم المظاهرا ت الحين خلصت وراح تبدي بكره

[صعب تنساني]

اكيد ما راح تخلي احد يقرب منه ام الساده راح تكون حريصه عليه والي يقرب يويله منها خخخخ

[طفلي حياتي]

صعب انتين في اي شهر ليش ما تخلين تيكر؟؟

[بنوتة حلوة]

ماخلصوووا ولا شي .. جيت بيت ابوووي اني لأن بالغصب الشغب خلونا نطووف ومارحنا مدينة حمد .. زوجي في الشغل وأحاتي ابيه يكمل بسرعة ويرجع البيت .. اني بدون شي ما أنام في الليل .. أحين بعد قاعدة اطالع في المنتديات الاخبار وهالسوالف :(

[ام السادة]

هلااااااااااااااااا بنوته شخبار

[طفلي حياتي]

هلالا بنوته عليكم السلام
هذي يتراوى ليي تقلبات مزاجيه مال حمل اني لاعب فيني لعب مره خووووف شديد مره حزن مره قهر اشكال والوان صلي على النبي وقومي شيلي مبلغ من بوكش اي شي وطلعيه صدقه واقري الم نشرح لك صدرك الايه على صدرش خلي ايدش على صدرش واقريها 3 مرات بترتاحين ان شاءالله

[صعب تنساني]

انه الحين في الشهر السادس ما اخليه لانه احس انه الوقت يمر اسرع اذا اخليه احس الايام ما طوف واقعد اعد واحسب الايام

[صعب تنساني]

بنوته انه هاايام ما احب انام لانه احلامي كلها كوابيس رعب وموت يا دافع البلا

[ام السادة]

لا تخافين ولا شي الله الحافظ قومي سوي الي قالت لش طفطف وان شاء الله ما يصير الا الخير

[بنوتة حلوة]

صدق التاسع أخس شي .. ماتدرين عن روحش متى تولدين .. يعني كل ليلة أفكر اقول لو يجيني الطلق واني بروحي امي مسافرة وعمتي مسكينة توها مسوية عملية .. ورجلي في الشغل .. والاوضاااع أحين حالتها حاااالة ويش هالاجواء الواحد تنجز نفسه حتى عن الولادة !!

المفروض أوصي صينية كب كيك حق المستشفى وكل يوم على اليوم .. احس منهو ليه نفسية يزور وحدة والدة في هالوضع :(

[طفلي حياتي]

بنوته لا تقرين اخبار تضيق الخلق اذا فيش هالحاله لان تزيدين قعدي سولفي ويانه عن اشياء مالت ولاده مثلا: جهزتين غرفة نفاسش؟؟ ويش كملتين وش ماكملتين لحد الان؟

[بنوتة حلوة]

أم الساااادة .. باقي اربعة ايام وتولدين .. لو منش جان اني كل ليلة اصيح .. ماستحمل .. شلون كملتين التاسع ماشاءالله عليش أحسه ممل ويجضر ويجيب الغبنة .. توني مكملة سبوع منه !

[طفلي حياتي]

اليوم فلونه قصدي امس لان اليوم يديد المهم فيه مسيلات دمووع وتقول عورها بطنها جان ياها الطلق وولدت خخخخخ ويلي على فلونه ام العباير الناس في وقعه راحت بطلت الدريشه تطالع وفطست ههههههههههههههه

[صعب تنساني]

بنوته ايه والله صدقتي الاوضاع الي عندنا تخوف والشوارع فاضيه الكل منخش في بيته من مسيلات الدموع

[بنوتة حلوة]

طفطوووفة هداني اقولش توزيعاتي ماكملت تزيينهم أني اسويهم في البيت .. ومادري وين احطهم لازم اطلع اشتري سلة وامر الانوار اشتري اغراض تناتيش مال تزيين (شرايط وفراشات) خخخخخ المهم الوضع مايشجع فـ ما رحنا ..

باجر مادري متى أروح .. ينطلع أصلا ؟؟

غرفة نفاس ماسويت ولا بسوي إلا عقب الولادة .. بس كملت اغراض البيبي لكن اني ماشريت بجامات وجلابيات حق المستشفى ولين يجوني ناس :( مادري من وين اشتري .......

[طفلي حياتي]

تعالو هي المفروض الوحده تولد عندها مجال تخلص التاسع كله؟؟ انيمن خوفي يتراوى لي ابغي اكمله كله حاليا اقول اما اذا دخلته مادري يمكن الثقل يزيد وهالسوالف اني الا بشه

[بنوتة حلوة]

صدق ولدت فلوووونة ؟؟؟؟

[طفلي حياتي]

يقولون في انصار جاليري عندهم دراعات مال رضاعه بيت التنزيلات اني من قبل شايفه ..

[طفلي حياتي]

اني ماقلت ولدت ان شاء الله يارب تتسهل وتولد اقول لش كانت تطالع وفطست من المسيل وجان مو ولدت ههههههههههههههههه الله يسهل على الجميع اخاف باجر تزفني صرت اخاف منها صايره ماليها حال من دشت التاسع

[بنوتة حلوة]

وييييييع التاسع اثقل من أي ثقل تخيلي اني متربعة على الأرض .. أبغي أقوم من قعدتي ماااقدر !! لازم أحد يسحبني .. أو أجود شي .. أما بروحي عادي اتعرقل وارد اطيح جم مرة بغيت انشطف احسب روووحي فلة نفس الشهر السابع والثامن ..

لاااا وزفتني الدكتورة تقول احد يزيد وزنه هالقد ؟؟؟ وصل وزني تقريبا 63 .. تقول وااااجد والبيبي بيصير متين وتالي تبينه يطلع طبيعي مابيطلع .. وانتين قصيرة والحوض عندش صغير .. مادري شقول ليها تقول وقفي أكل !

[ام السادة]

لا اصيح ولا شي يضيق خلقي بس ما ابي اصيح لا يصير الجاهل عصبي مثل اخته
بس احاول ما اقعد بروحي وكله اشغل روحي وما شاء الله عليها بتي مي مقصرة تسوي ليي جو وعلى التاخير عادي ويش فيها ما بيطلع الا ادا الله كتب

[بنوتة حلوة]

أنصار جاليري قريب من بيت ابوي .. باجر بجوف انجان ينطلع بنمر ديك الجهة ومرة وحدة بمر الأنوار عجل .... مادري يختش .. اعرف بنية اليوم والدة ثاني اسبوع ليها في التاسع .. وبكرية والناس كلها تقول البكرية تطوول وماتولد بسرررعة واكي ماشاءالله ولدت بسرعة .. مايندرى اني احين في السبوع الثاني وقمت وخفت وابي بسرعة اكمل الاشياء مابي حزة الحزة شسمه !

[طفلي حياتي]

في بنيه حليوه اسمها قمر بنت راشد تمت تدخل والحين يومين مالها بيان مادري وشفيها
ان شاء الله يارب مافيها الا العافيه

[بنوتة حلوة]

لا اصيح ولا شي يضيق خلقي بس ما ابي اصيح لا يصير الجاهل عصبي مثل اخته
بس احاول ما اقعد بروحي وكله اشغل روحي وما شاء الله عليها بتي مي مقصرة تسوي ليي جو وعلى التاخير عادي ويش فيها ما بيطلع الا ادا الله كتب


اي ماشاءالله عليش انتين صبووورة .. وعندش جاهلة ل تشغل وقتش يعني .. احنا اول جاهل ونحاتي ونفكر وتجربة كلش جديدة من جدي نتملل بسرعة نبي نجوووف شلون شكله بيصير وهالسوالف اللي خبرش ...

أكيد اول ولادة ليش كنتين جدي .. أحين مجربة الشي انتين عادي عندش قدم لو أخر hwaml02hwaml02hwaml02

[طفلي حياتي]

ههههههههههههههههههههه دكتورتش مينونه يمكن بنوته هههههههههههههههههه
جم زاد وزنش وحلوه هذي وقفي اكل يووووووووووووو
السكر عندش اوكى؟؟

[بنوتة حلوة]

بقوم اسوي لي كوبة جاي وراجعة ... لحد يروح ينام ..

طفطف على ما ارجع خبريني عن آخر اخبارش وتجهيزاتش وويش ناقصنش لحد أحين ؟؟؟؟

[صعب تنساني]

بنوته اول مره الوحده تخاف بس ثاني مره الوحده تكون عندها خلفيه

[ام السادة]

لا بالعكس مالحقت دخلت التاسع ولدت واصلا اخر ثلاثة شهور من حملي ما دريت بهم لانه ياداخلة المستشفى ياطالعه منها الله يسلمش جاني طلق من السابع وظليت ب3 سانتي الى التاسع واخدت منه بس اسبوع ولا كنت حاطة في بالي الولاده اصلا كنت مفكرة باطول بس اشوف هالمرة غير واصلا كل ما كملتين التاسع كل ما كان الجاهل ادكى

[طفلي حياتي]

بنوته شريت اني الاغراض تقريبا مال فرحتي وخليت صور لمفارشها مادري شفتينهم لولا
وباقي ادوات تسبوح نصرتي بس شريت ليها الاسفنجه بافي البانيو البلاستيكي وادوات النظافه ياخلف عمري هالسعده الورديه الناعمه ياعلي متى اشوف صوبي ياهله حليوه جميله واني مافيني الا العافيه وهي صوبي اح عليها فرحتي

[ام السادة]

بالعكس صعب اني هالمرة خايفة اكثر لانه اول مرة خبلة ولا دريت بالدنيا ما شفت الا بتي في حظني الله يبلغكم هاليوم ان شاء الله واني وياكم

[طفلي حياتي]

اي وليي ماخذت شي ابدا لا ثياب للولاده ولا ادوية نفاس ولا شي اصلا مادري ويش اخذ غير مال الرشوفه الاغراض ابغي جمن غرض

[بنوتة حلوة]

هداني رجعت

صدق يقولون لي لازم اشتري ادوية واعشاب .. مادري ويش آخد أني بكبري اول مررررة ..

[طفلي حياتي]

اني اقول للبنات كلكم اخذو يانسون وحده توصفه تقول كانه سحر يخلي الحليب يدر للبيبي اول مابشتريه هو عشان نصره تشرب حليب مابغي حليب صناعي اعتمد عليه اني ابغي ارضعها فرحة عمري وحياتي

[بنوتة حلوة]

طفطوووف مارديت عليش .. اي السكر عندي اوووكي الحديد شووي مو لهناك .. تقول ليي لازم يكون البيبي ضعيف عشان يطلع بسهولة .. الريدي قايلة هالحجي من قبل وقلت ليكم ..


لاااا وازيدش من الشعر بيت .. يقولش تولدش وانتين واقفة أو قاعدة جنش تستخدمين الحمام العربي عشان تتدخل الجاذبية الأرضية وتساعدش على الولادة .. شرايش خخخخخخخخخخخخ

[بنوتة حلوة]

يانسون للأم يعني تشربه ؟؟ يووو عندي غرشة يانسون في البيت .. اشتري من أحين ؟؟ يقولون التمر واجد زين للحليب كل يوم 3 تمرات من الصبح والحليب يشرشررر من هالصدر خخخخخخخ مايندرى بعد بس بت خالتي ماشاءالله تقول صدق التمرر فادها واجد

[طفلي حياتي]

مادري والله بنوته طبعا احنا بنسوي اللي يقولونه لينا ننسدح وهم يتصرفون بعد نوقف هذي قضيه نفس ام الساده عفر اللي وقفت على السرير هههههههههههههههههههههههههااااي
واليانسون اني يمكن اشتري شاي اليانسون اللي يجي مجيس مابغي ابو اغراش ماوثق فيه احس يشلخون يحطون خلطات هرار ويقولون يانسون وماي زيتون

[طفلي حياتي]

وين ام الساده شالت عليه
ابغي اشتري البوم لفرحة عمري من وين هالالبومات اللي اقدر اول شي اخلي معلومات عن البيبي بعدين لصور؟؟ ريلي يبط جبدي كل شي عنده هرار واني بشتري من وراه مابخليه يشوفني

[ام السادة]

يا الله حبيباتي اخليكم مع بعض البتري خلاص فنكش اشوفكم باجر ادا الله اراد

طفطف لا تنسين ادا بتجين يوم الخميس اكيييييييد اتصلي ليي من وقت يعني قبل ثنتين ونص العصر علشان احمله ويايي
تصبحون على خير

[طفلي حياتي]

طالع ام الساده توني قايله لش وديها وياش بيت ابوش بمر عليها امن هذي بعد

[ام السادة]

ايي طفطف تعلموا مني من اول مرة خبرة شغلت الجاذبيه خخخخخخخخخخخخخخخخخخخخ

[ام السادة]

اوكي على خير اقولش البتري خلص قمت اشكل

[طفلي حياتي]

هههههههههههه طلعتين خبره كنسلتين على الدخاتر

[بنوتة حلوة]

اني بوقف يعني بس مووو على السرير كلللللش مافي أمل مابغي استوي مطنزة المستشفى حزتها .. مادري شبسوي من الألم شكلي بغني !

[طفلي حياتي]

تيسري ام الساده تصبحين على خير
اني بنتظر شوي وبقوم لان بنوته بدت حركاتها ما تشوفين الا ماميش احد

[طفلي حياتي]

ههههههههههههههههه حلوه بنوته بتغنين لا بتقولين عطوني سناره بكمل برنوص بتي :p

[بنوتة حلوة]

برنوص بتي من زمان وقفته .. صار ويش متنه مادري من الصوووف لو أني فاشلة ماعرف اسوي شي ..

[ام السادة]

ههههههههههههههههههههه اني شكلي ما باقوم
اي تغنين قولي برقص بغرد بسوي ديسكو خخخخخخخخخخخخ بصفع الدكتورة او يمكن الهندية

هالمرة شافتني الممرضة الي ولدتني ببتي تقول كاني شايفتنش من قبل قلت ليها اي مو اني سويت فلم من جدي تدكريني يوم قلت ليها فطست من الضحك تقول ليي صدق

[طفلي حياتي]

لا يمكن الصوف اللي اخذتينه متين او الغرزات كلش قريبه ولا يسوى تعبه اكهم بارزين على 4 و5

[طفلي حياتي]

ويش اسوي لاتخوفوني ام الساده اني الا بلش وجبانه عدددددددددددددل باتم مغمضه طول الوقت تخيلي مدام ياخذون مني دم اغمض في الولاده ويش بسوي بس آه وآه

[ام السادة]

على خير يا الله حبايب قلبي تصبحون على خير

[بنوتة حلوة]

مو بغني قصدي بعزي .. بقرا ليهم بخلي امي وعمتي واللي جايين يقعدون برااا وبجود مكرفون بنصب عزية وكل مايجيني الألم بقعد اصيح وهم بعد بيصيحون

[طفلي حياتي]

لريال لكراه ولا يحسون بشي لكن باخلي ريلي يدخل اذا يصير عشان يحس بقيمتي وبتعبي مو بس صار ابو بلا تعب لالالالالالا والف لالا

[بنوتة حلوة]

اني رجلي مستحييييييل لاااازم يدخل وياي ويعيش وياي الألم لحظة بلحظة .. مابخليه يجوف الدم ودا بس يقعد وياي طول المدة مو على كيف الممرضات ولا الدكاترة ولا المستشفى بكبره !

[طفلي حياتي]

ضلعي كلماله يزيد الالم من فرحتي تروح صوبه ويألمني

[طفلي حياتي]

اي اني قصدي اذا يصير بخليه صوب راسي مابغي يشوف لا تلوع جبده خوب هالريال مناكر ماتدرين بعد يمكن يستكره لو شي

[بنوتة حلوة]

قاعدة اشرب جاي التوت .. قلت ليش الدكتورة تقول يحفز الطلق مادري ويش ولا يندرى .. وتقول لين كملتين هالسبوع ابدأي كل يومين اخدي ملعقة زيت خروع واشربي عقبها عصير برتقال ..

[بنوتة حلوة]

اي اني قصدي اذا يصير بخليه صوب راسي مابغي يشوف لا تلوع جبده خوب هالريال مناكر ماتدرين بعد يمكن يستكره لو شي

احنا نحاتيهم يستكرهون لو مايستكرهون .. انزين خله يجون عشان يحسون باللي يصيدنا وباللي نسويه .. هادا اسمه جهاد في سبيل الله عفر hwaml03

[طفلي حياتي]

اني سمعت كل البنات يقولون ان محفزات الطلق ياخذونها وقت اللي تشوفين علامات ولاده اما مني والدرب بس تغربلين روحش بالالم يعني مايسرع الولاده
وزيت الخروع وايد بنات يقولون قصص ولادتهم من ياخذونه كلها جم ساعه ويولدون ..يعني يقولون قربت ساعه الصفر وبينت علامات الولاده ياخذون منه ويسهل وايد.. من وين الاصلي نحصله؟؟ اما اني هالحواويج ولا اوثق فيهم مو كلهم صادقين

[طفلي حياتي]

اي جهاد ههههههههههههههههههههههههههه ويلي تدرين الولاده عليها اجر عفر خلهم محرومين من هالاجر اللي ما يستحون

[بنوتة حلوة]

ههههههههههههه .. عجل الخروع زين .. هي قالت ليي في الاسبوع 38 يعني سبوع الجاي احين اني في 37 ماكملته .. بنجرب ونجووف

[بنوتة حلوة]

مادري عنها قالت ليي اخديهم يعني اشياء طبيعية ما احس ليها تأثير .. ناس ياخدون دارسين ومادري ويش هادا يفتح الرحم لين جاش الطلق مو أحين يعني .. وقالت ليي لين حسيت بآلام شكلها بتفحصني من تحت وبتجوف .. خوفتي تحاوس ليي اخاف اني

[طفلي حياتي]

اي يحوسون على قولتش يشوفون في توسع لولا هذي منهي كيران؟؟

[بنوتة حلوة]

اييي كيران هادي هي .. وتقول ليي مو لين جاش الطلق تركضين ليي .. قعدي في بيتكم واحسبي لين وصلتين بين كل طلقة 3 دقايق .. تقول مو تجين ليي بين كل طلقة وطلقة 5 دقايق .. تقول حسبي عدل لازم 3 دقايق خخخخخخخخخخخخخ

[طفلي حياتي]

من طياحة حظها ماتبغي تقابلش وايد تبغي تيين مني وتولدين مني ماعليش تالي تولدين في السياره هالبنغاليه تهر عليش اسألي البنات قولي اذا وصلت مرحلة الطلق لكل 3 دقايق عقب أي كثر تولد الوحده ؟؟

[بنوتة حلوة]

اي امي استصرعت يوم اقول ليها تقول ليي تالي تولدين لينا في السيارة !!! الحمدلله المستشفى ورا بيت ابوووي -ابن النفيس- كلللش قريب هادا لو كنت هنيه لكن لو كنت في مدينة حمد من الهايواي لهنيه واااجد صعب ..

ماعليي منها اني خلها تولي بكبري ماعرف ولا بيجيني الزاغر احسب ديك الحزة عفر .. تقول جيبي ساعة وورقة وقلم وحسبي وين الوحدة ليها خلق هبابها على روحها

[طفلي حياتي]

بنوووته بقوم اعدل ظهري وبحاول انام ياربي انااااااااااااام خاطري في النهار اشوفه عدل ماقعد الا 1 ويضيع اليوم كريه
يلا باااي تصبحين على خير

[بنوتة حلوة]

قومي ارتاحي .. اني مابعرف انام قبل لا يرجع رجلي :(
تصبحين على خير .. والنهار اني خلاص ما اعرفه كل يوم اقعد على 2 الظهر ساعات 3 الظهر .. كلش مآسي الوضع !

[نبع الكوثر]

مرحبا كيفكم

وكيف الوضع معكم هناك في البحرين الله يحميكم

والله قلبي عليكم طمنوني

[rose soul]

سلامي عليكم
شخباركم؟؟
شهالعفسة اللي صايرة..والأخبار اللي تكدر الخلق
جان نطروني أولد أول
برب بصلي

[rose soul]

انا رجعت
وينكم؟؟

[فلونة]

مرحباااا بطااات

نبع الكوثر،، الاخبار كلها في التلفزيون ما يحتاي نتحجى ،، الله يرحم الشهداء ويجعل مثواهم الجنة والله ينتقم من كل ظااالم

رووز،، انا من البارحة متعكر مزاجي عقب الصور الي حطوها في الجزيرة وقلبي امعورني على الي قاعد يصير و هالظلم الي احنا فيه بس كل ظالم له يوم والله يمهل ولا يهمل ،، وريلي البارحة يقول لي لو اييج الطلق هل يومين وين اوديج كل مكان عفيسة

طفلو،، لا تقعدين اطلعين اشاعات بعد وين ولدت شكلي باقعد علا جبدج وبيطوف موعدي وهالبطل ما بيطلع ،، بس خله علا راحته

ذبحونا بمسيل الدموع ما يراعون حق اليهال وكبار ااسن واحنا الحوامل مب زينة لنا هالغازات بس الله يحفظنا من شرهم،. اللهم ومن ارادني بسوء فأرده ومن كاد لي فكده
والله يررحم الشهداء ويفرج عن المعتقلين ويتعدل حالنا عاجلا ليس آجلا يا كريم

[فلونة]

روز انا مشغولة شوي في المطبخ بس باطل عليكم كل شوي ،، قاعدة اطبخ الغدى وشكله ولا بيبرز لحم و الساعه 12 حطيته علا الفرن

[rose soul]

اهلين فلونتي..انا بعد مزاجي متعكر من هالاخبار..ونفسيتي صارت داون..

اللهم إنا نرغب اليك فى دولة كريمة تعز بها الإسلام وأهله وتذل بها النفاق واهله ..وتجعلنا فيها من الدعاة الى طاعتك والقادة الى سبيلك
و ترزقنا بها كرامة الدنيا والأخرة ..اللهم ماعَرفتنا من الحق حملناه وما قصَرنا به فبلغناه.

الله يرحم اللي توفو..
ويصبر أهلهم..

[rose soul]

احد يطلع اللحم هالحزة؟؟
عيل تغديتوو اليوم خخخ
اذا عندج الجدر الضاغط بيستوي لج بسرعة حتى لو في نص ساعة

[طفلي حياتي]

هلا روز
عليكم السلام
شخبارش؟؟
والله من الصبح تكدر خاطرنا على هالعفسه:(

[فلونة]

الله كرريم،، واحين ما يحصل لنا نروح نمشي الجو البارد من صوب والصوب الثاني العفسة الي صايرة في الديرة وفي ناس ما شالله عليهم ولا مفتكرين وعندهم احتفالات مادري هالاوادم ينقال عنهم بشر
امسوية ناشف لحم يصير اسوي معاه سلطة خيار بالروب او لا انا سمعت معلومة ان الروب ما يصير ناكله مع السمج او اللحم يعور البطن بس اي واحد فيهم بالضبط ناسية*

[طفلي حياتي]

هلا فلونتي اليوم ماقعدت الا على الم قوي نفس الدوره قلت ياعلي ياربي ابغي اكمل هالشهر على خير ابغي اولد في وقتي ومت من الخوف مرتين صادني وعقبا شد قوي في بطة ريولي والحين خايفه يصيدني طلق لو شي اسم الله عليي:( يارب الطلق لش ولبنات التاسع اني مابغيه الحين
والله يرحم الشهداء ويفرج كربتنا يارب

[ام السادة]

السلام عليكم شخباركم

والله الاخبار تعور القلب الله يحفض ولاد ديرتنا ويقومنا بالسلامه ما قصرو فينا الله ينتقم منهم الشكوى لله

[rose soul]

هلا طف طوفتي
والله اخباري انا من امس ومنعفس حالي
انتو شخبار ديرتكم؟؟
احنا ما ندري بشي..لأن مافي صوبنا..

[فلونة]

اهلين طف طف بندلعج شوي كله حاطة علي انا ازفج بس ما باتنقرش فيج مو علشان شي بس ما لي بارض اطول الساني احين ،، المفروض تعودتي على هالألم وانتي لازم تاكلين يمكن لان يوعانة يصيدج الألم انا في الليل احصر روحي مابي اقوم اروح الحمام الله يعزج ويصيدني ألم كريه حتى ابي امشي ماقدر

روز،، سكتي بس الله يستر شكله بيي سي السيد والغدى ما برز،، وماعندي هالجدر للأسف ابي اخذ لي واحد لانه عملي وايد

[rose soul]

فلونتي..اللبن او الروب زين مع اللحم
بس مع السمج او الربيان يعني المأكولات البحرية مو زين
..
هلا فيج أم السادة

[فلونة]

اهلين ام السادة،، الله يكوون في عون الشباب والله ما يرد دعاء المظلووووم

انا باقوم اجوف غداي شكلكم طبختوا وخلصتوا بس انا متأخرة

[rose soul]

فلونتي..روحي جوفي غداج..اليوم مابتتغدون الا الساعة خمس..أو بتاكلونه ني ههه
انزين في بديل بعد عن هالجدر..في ناس يستخدمون مُلين..بعد علشان ينضج اللحم بسرعة

[ام السادة]

ولا طبخت ولا شي يقول الحجي بيجيب من بره
ابغى اروح البرادة اخد جم حاجة وبالمرة اتمشى هناك لانه مافي مكان نروح من هالعفايس

[طفلي حياتي]

فلونتي اي ما يصير ما تدلعيني بعد انتين والزمن عليي خخخ
اشتري لش قدر ضغط عملي ومفيد حددده اني شريت واحد ماركة اوميغا ستيل مو شي وغالي
وبنت خالتي يابت لي هديه صغنون وماركه عاديه لكن تمام ماشاء الله لان نوع المعدن مثل ماركة سب بس سب غاااااااااااااالي الحين نار
فأشتري واحد وتعلمي تستعملينه بعلمش لاتغربلينه
هلا ام الساده

[طفلي حياتي]

روز لدراز امس انعفست عفاس مارحت اني وكل شوي اتصل لبيت اختي اليهال لايفتحون الباب ولا حد يطلع وديرة ريلي مسيره عقب الصلاه طلعو المغرب وفللوهم

[rose soul]

انا انتظر غدانا
امي مسوية سمج صافي
يوعانة..
وطف طوفتي شكلها توها متريقة خخخ
وام السادة بارز
مافي الا انتي فلونتي طباختنا

[ام السادة]

هلا بيكم
ما ادري لويش ما احب هالقدر احب اللحم يستوي شوي شوي

[طفلي حياتي]

روزاتي اني اليوم خليت المنبه على 11 عشان تتعدل نومتي لكن امقدرت اقوم من السرير الا 12 معني قاعده مانمت بس ابغي اقدر افتح عيوني .. وقاعده اسوي غدا حقي احس جسمي وتغذيتي فاشله لازم اسوي حل لروحي دياي مقلي ويى آلو وطماط تفضلوو

[فلونة]

روز،، اي شي يطلع مني احين خير وبركة والمفروض ماطبخ بس انا نحيسة ماحب اكل المطاعم وتدرين للحين لين افوح اللحم تلوع جبدي من ريحته وهالملين انا خبري بيكنج بودر يحذونه في النخيي علشان يلين ماعندي خبرة

طفلو،، هالجدر عند خالتي تسوي فيه هريس في شهر رمضان وفيه نوع الفتحة الصغيرة المفروض اذا برزت الطبخة تفتحينها علشان تفضي البخار الي في الجدر عاد انا جفت البخار يطلع منها وشكلها حلو يطلع بسرعة من فتحة صغيرة جنه نافورة ومن هبالتي احط يدي واحترق من البخارر مادري ليش سويت هالحركة جني باتبخر ،، ولين خذيت اخاف تعلميني طريقة غلط علشان احترق بعد ما لج امان انتي سنفوورة خطيرة

باقوم اسوي العيش واذا ما برز الناشف ناكل عيش و روب :p

[نبع الكوثر]

في طريقه تخلي الاكل يلين بسرعه
انك تحطي قصدير على القدر يلين بسرعه انا مرة سويت كدا في الرز وصار لي عصيده خخخخخخخخ فشله بس اسويها مع الخضار الى في الفرن والورق العنب حلوة الحركه

[ام السادة]

هههههههههههههههههههه شكلش عليش حركات فلونة الله يغربل بليسش احد يحط ايده صوب حرارة

[طفلي حياتي]

ام الساده هذا حجي اخويي بعد ولاهو مقنع هراركم ولا شي ويش الفررررررررررررررق ماشوف اني في فرق بس تشلخون هداك يقعد يوصف ام الفتايل جان تعرفينها يقول تسوي اللحم على راحه ولذيذ خخخخخخخخخ اني بصراحه اسوي في قدر الضغط لا اشوف في فرق ولا شي الا سهل وسريع

[rose soul]

طف طوفتي..اي والله جسم الوحدة يتكسر على ما تقوم..وانا بعد خصوصا هالايام..ماقدر اشيل عمري من على السرير..وهالكائنة البشرية اللي داخلي ماشاء الله عليها احسها صارت عودة..بس ما استحمل احملها اكثر..استغفر الله ربي...وعلى ما افتر واعدل روحي من على السرير احس روحي بتطلع
وعليج بالعافية الدياي والآلو..اي اكلي عدل لا تخلين روحج..
..
فلونتي..اي شكله غداكم عيش ابيض و روب..وخلي الناشف للعشى خخخ

..
انا برب ما اقدر استحمل يوعانة عدل وانتو تتكلمون عن اكل بعد

[طفلي حياتي]

ماتبغيني اقول بشه ما بقوووووول وراش ولاده مابقول
بس كنتين تتخيلين ريحة مسك بتطلع مثلا وخليتين ايدش؟؟ بلاوي هالبنيه
هذي القطعه الصغيره اذا تلمسينها والضغط عالي تطفر في السقف ويطلع الاكل ويرش المكان ويحرق الاولي بالتالي هذي القطعه يخلونها عقب مايطفون النار لمدة 5 الى 10 دقايق تفضي البخار على راحه عقبها ترفعينها شوي شوي تطلعين باقي البخار وبعدين تفتحين القدر ويلي على مخي لو بشرح من الحين لين يتخرج البطل مالش مابتفهمين فلا تشترين احسن :p

[طفلي حياتي]

نبع الكوثر ولكمممممم
اي جبتينها الحين بشرح لفلونتي وان شاء الله تستوعب
تاخذين اللحم تعصرين عليه ليمون وتغلفين القدر بالالمنيوم وتحكمينه عدل وتفتحين فتحه بسيطه براس السجين وتغطين القدر بغطاه ويصير قدر ضغط ويلين اللحم في غضون ساعه ونص تقريبا

[ام السادة]

ههههههههههههه اي والله بس نحاسة هاويين تعب الله يسلمش

ادا تسوي اختي اكل عادي مافي فرق

[ام السادة]

يا الله عن اذنكم وصل الغدى وريحته تنفخ اراس حياكم

[طفلي حياتي]

عوافي ام الساده وروز وفلونه تحملي بروحش لا تسوين في روحش شي

[شمس الصباح]

السلاااااااام

شخباركم بنات

احس نفسيتي زفت من الأحداث الله ينصرنا ويخفف على ام الشهداء

فلونة الله يساعدش اذا جاش الطلق ماليش الا الأسعاف تتصلين عليه افضل ليش علشان لا تحاتين زوجش ولا شي

اني ملاك بعد عمري كانت نايمة اول ليلة وقعدت على صوت السلندر وقامت تصيح رحت اركض اليها

الله يفرج عن جميع المؤمنين والمؤمنات

[فلونة]

وانا هاذي حالتي اطبخ وانفخ وايي ريلي يبي يتغدى تحت ويصير لي الشغل دبل ،، احين خلصت الشفت الي تحت وباقي الشفت الثاني شغل الشقة واحس ظهري بينقص

طفلووو،، انتي كل شي عندج هرار ترى في بعض الأكل لازم يستوي علا نار هادئة ،، والجدر انا فاهمة شلون تشتغل بس كان عندي فضول احط يدي حسبالي البخار دافي مو حار

شموووسة،، طلعي عن ملووك صدقة وحطي لها شبة والله يكوون في العوون .، وجان زين اييني الطلق وحزتها الله يفرجها بس اتصدقين اخاف من الاسعاااف الله يسهل

[طفلي حياتي]

اهلا حيى الله فلونه شكلش بتولدين في مطبخ خالتش يالبشه تبطين جبدي ولا تبغيني اقول بشه
لو منش قسم بالله انبطح واريح عافيتي وخله ياكل تحت وانتين ارتاحي مكانش هذي حركات ماهي عدله منش تفشلين .. انتين تتعبين وتتكسر عافيتش وتروحين تسوين شي غصب عنش اصلا شرعا غير جائز غصب النفس .. فهمتين؟؟
كيفش انتين عاد اني ماقدر عليش

[طفلي حياتي]

اهلا شموسه والياهله شببيها وطلعي صدقه على قولة ام البطل.. والمفروض في حزتها تسوين الشبه

[فلونة]

ما توقعتج اهني طفلو طلعتي من الفانووس ،، انا الله يسلمج ان قلت حق ريلي مابي انزل بيقول لي معليه وبيقعد ياكل واهو عافس ويهه وانتي تعرفين كل شي ولا اهلهم بس انا صج تعبت اليوم،، وبيت حماي بيرجعون من العمرة ورحت ويا خالتي ننظف شقتهم وزاد الطين بلة مكنستهم مكسورة ولازم اشيلها ما تنسحب ،،
يالبشة انا خلاص انا من باجر ما بانزل معاهم علا الغدى الجارج خلص واخاف ظهري يتعور لين ياني الطلق ،، باروح اصلي سنفوررة
ويا الباردة روحي بدلي الشفاطة قبل لا اطوف الايام وتصير الديرة عفيسة زود ما تقدرين تطلعين وتسندرينا تالي
بررب نمااز

[طفلي حياتي]

هههههههههه انتظر استشاراتش ياحبيبتي رحت الظهر ورجعت الشفاطه واخذت اغراض مال بيجون ياعلي قعدت اتشممهم وتخيلت راس نصرتي خنينه عدل احلى من ريحة بيبي جونسون بوايد.. اخذت مخده لنصرتي واخذت غطا مرضعه و3 شباحات بيضان عاديين ومناديل مال البيبي ابغي اخذ مقراض وهالسوالف ماشفت شي يدخل مخي مقراض وشكبره وفيه مكبره حسى بقلع صبعة نصره على هالحاله ابغي اخذ استشارة البنات اول..ولا شفت قطعة الخلق اللي يخلونها فوق المفرش مادري وش تقصدين في مهادات اللي يلفون بهم البيبي ماخذت منهم معنه خاطري فيهم لوزين خذت واحد ع الاقل

[فلونة]

اشلون تروحين ولا تاخذين اذن مني ها يا ام السنافر،، انا عجبوني الغطا مال المرضعة الي عليهم اشكال دبدوب وايد حلوين بس ماخذيت لانه ما خذيت الا مرضعة صغنونة حق المااي والقطع يمكن مو موجودة في كل الفرووع،، انزين حصلتي مجموعة بيجوون كامل انا بعد تميت افتحهم واشمهم ريحة الشور جل وايد حلوة،، انا خذيت طقم مقراض صغير وياه مقص ومبرد بدينار وشي ليش تستشيرين بعد ،،
وصج ماقلت لج عن طبختي صارت عجيبة ريلي استانس عليها ،، يلا طفلو قومي حركي دمج اختاري مواعين الغدى او اطوين الثياب او تكنسين شنو تبين :p

[طفلي حياتي]

اختار طراق على خنافرش
اني اخذت المجموعه اللي كل شي صغير بس ريحتهم روعه سيده تخيلت راس فرحتي حلووه باكل منها قطعه
وهالقطع سألت عنهم مافي والمقراض اللي تقولين به ماشفت الا مقراض بروحه بدينار وشوي حسيتها مصاخه سعره اذا شفت فمكان ثاني باخذ

[طفلي حياتي]

غطا المرضعه خذيت وردي وعليه دب .. على قولة بنوته كلما تشترين غرض تشتاقين اكثر لشوفة البيبي ..ياربي قومني بالسلامه ويى كل الحوامل واشوف جنيني سليم
فلونه ينتابني شعور ان احتمال مو بنت اللي فيني مادري ليش ومشترياتي معضمها بناتي بس فيها بعد محايد اشياء وايد

[شمس الصباح]

فلونة وطف طف اني ختمت القراءن على ملاك

اقول فلونة انتين تخافين من كل شي من الدواء والأسعاف وهذا وانتين ممرضة تخافين احنا ويش نقووووووووول

اليوم احلام ام ما ليها حس ولا ام خليل

[طفلي حياتي]

ودو قناة البحرين مخلين ميدان التحرير مالنا خخخخخخ
اي والله على ماقلتين مادري ويش صاير لا احلام ولا ام خليل عسى يارب المانع خير
تصدقين شموس كله افكر اقول فلونه تخاف من شكل البندول وتخاف من قوطية الدوا شلون بتشتغل ممرضه شكلها بتخرم العالم وهي مغمضه راحت الاوادم

[فلونة]

طفلوو مامنج فايدة امسوية روحج شاطرة وتشتغلين ما جفنا شي من هالشطارة شكلج اخيب من قملة بس تقصين علينا روحي مناك،، وانا المقراض خذيته من مذركير في حتى بثمان ربيات لا تاخذين اي شي حق بنتج خصوصا ادوات النزافة يا نزيفة انتي
خذيتي الشنطة الصغيرة ماتيزي شي يا الرزيلة جان خذيتي لج الكبار،، وبعدين اذا شاكة بسونار المركز روحي سوي لج في الأمل بعشرة دينار بس علشان تتأكدين من جنس البيبي ويعطونج صورة بعد

شمووس ،، ادعي لي سيدة اولد هاليومين تمللت ابي اجوف هالمنخش في دبتي،، وانا بطبيعتي خوافة وانتو يمكن قلوبكم اقوى مني لانه كل ما درسنا وعرفنا البلاوي زاد خوفنا

انا باخليكم باقوم اجوف شغلي جان افتك وسنفوورة عليج بالعافية الاغراض الي خذتيها

[شمس الصباح]

اي والله طف طف اني لازم اتعرف عليها علشان اذا رحت المستشفى وهي تشتغل هناك بقوووووووول ما ابغي فلونة خخخخخخخخخخخخخ

سكتي قناة البحرين تبط الجبد بس توفر الينا صور حيه

[فلونة]

انا من رجع ريلي واهو مستلم التلفزيون من قناة العالم الى الحرة والبحرين وانا راسي عورني من الاخبار خذ بريك صلى بس واحين الريموت في يده يفرفر،، وبعدين يا حظ المرضى الي يصيرون تحت يدي يستانسون لانه احاسب في كل شي ياعيوني عبالج نفسج خذوه فغلووه

انا شكلي ماباقوم كله اخاف اييني الطلق والشقة حالتها تفشل ،، يلا برررب شابات

[حنين للماضي]

السلام عليكم
شخباركم حبايبي؟؟
اما اوضاع الديرة لا تعليق
وابو علاوي قاهرني كلحين يطلع مايقدر يقعد في البيتhwaml4

كل يوم اطل عليكم واقرأ سوالفكم
بس مايمديني اكتب

كنت بقول لكم اشتروا عدد كبير من القماطات
اني ماخذه 5 ومتوهقة كل يوم غسيل
لأن ساعات يخرس وانتو بكرامة وساعات ترجيع
فاخذوا احتياطكم احسن
المشكلة ماحب اقول لأحد لأن ماراح ياخذون بيزات وابوعلاوي خوب مايعرف هالسوالفhwaml5

بنزل لكم صور علاوي دام هو راقد
وقولوا لي كبر لو لا هالنتفةhwaml02

[طفلي حياتي]

فلونه اني ماخذه صغار بشوف يناسبون فرحة شبابي لولا وان شاءالله يناسبونها بنشتري لكبار
ومن قال لش اني اشتغل عندش روحي نظفي مطبخ عمتش ياحبيبتي وخمي شقة مرت حميش وخلي مكانش عفسه وظهرش منقص صدق بشه هالبنيه...تدرين مغسله ثياب ماقدر انشرهم متملله وعندي مواعين اني ماقدر ماقدر امشي سويهم عني
شموس اكو شالو الصورة مالت ميدان التحرير!!!

[طفلي حياتي]

حيى الله حنين لكويتيه وربي يحفظ علاوينا
راوي ريلش شكل لقماط وقولي له روح المحل وقول ابغي اللي يلفون به البيبي لاتخليني اطلق عليش لقب من القاب فلونه ترى للحين ميودي روحي
وقولي من وين انتين نصش الفاني

[شمس الصباح]

الحال من بعضة من قناة الي الثانية حتى الاب توب احتله بس الحين هو طلع من جدي استلمت اني الريموت والاب توب

ان شاء الله تولدين يا فلونة كل شي ولا فلونة ما نقدر على زعلها وخصوصا هي بالتاسع ربي يسهل عليش

[طفلي حياتي]

نتفففففففه هالعلاوي ربي يحفظه بيكبر ان شاء الله وبصير دبدوب نفس امه

[شمس الصباح]

حنووووووووون علاوي الله يحرسة كبر بس شكل شعره خف عن قبل اعتقد لول كان شعره اغلط الله يخليه لج ويكبر

اني ملوكه حت شعرها من قدام ومن وراء كثيف وطويل بس الحمد لله اكو الحين رد يطلع اليها

طف طوووووووف النصف الثاني مال حنون ايراني اعتقد

[طفلي حياتي]

حنون ماخذه اني 6 اذا قليلين برد اشتري 10 اووكى؟؟

[شمس الصباح]

برررررررررب اكي ملاك تصيح بروح اليها

[Roze]

السلام عليكم ورحمة الله وبركاته
هاضت روحي من اخبار البحرين كله اخبار وكله مقابلات وكلحين سالفه

رحت اليوم بيت ابويي
وكلحين ضرب اتصال لريلي يااعلي خايفه عليه مااايقعد

[طفلي حياتي]

الله وياش شموس صرت بروحيييييي

[طفلي حياتي]

هلا روز لا تخافين عفر اليوم مابسوون شي اكو البث مباشره ويقولون ماحد بيتعرض ليهم مدام القعده سلميه..اني شفت العالم والحين اشوف البحرين ابغي صوره مقربه للدوار

[حنين للماضي]

هههههههههه
طفطف اشوداني الكويت اني
اصلا ما قط رحت في عمري
ويلا الحين عرفتين نصفي الثاني بنجوف بيرتاح بالش

وعلى طاري القماطات سويهم 8 احسن
وانتي بعد بتصيرين بروحش يعني صعبة كل يوم غاسلة ثياب


شموس ايي خف شعر علاوي عن قبل
شخبار ملوكة ؟؟؟ان شاءالله راح ابوالصفار عنها؟؟
اني لحد الآن ينزل دم علي
تمللت من هالسالفة
تعالي بسألش الحين العشرة الثانية من عقب الولادة تعتبر استحاضة صح والثالثة دورة وهكذا
لأني الحين ماصلي عن يازعم دورة

[طفلي حياتي]

هلا حنين اتصلي لنسوان مدرسات مال حوزه بتعلمش بالضبط وشتسوين وويش تعتبر اللي فيش
النفاس اقصى حد له 10 ايام واقله يوم
واذا خلص النفاس ووقف وعقب 10 ايام نزل شي يعتبر حيض اما اذا استمر لفوق العشره اللي عقب العشره استحاضه مادري قدرت اعطيش معلومه لولا
وطلعتين من اهل جتوري يا زشتوووووووووووو :p

[rose soul]

انا باااااااااك
حنون..احسه هالنتفة يشاااااابهج
الله يخليه هالكتكوت

[ام السادة]

وشحوالكم ملل عفر

[طفلي حياتي]

ولكم روزاتي
شخبارش شكلش صامده طاف 11 ووصلنا 15 :p

[rose soul]

اي طف طوفتي صامدة..وشكلي بطووف موعدي بعد
يلا شنسوي
الله كريم
..
هلا ام السادة

[rose soul]

شخبار الديرة؟؟
انا طول العصر راقدة
مادري شصاير الحين
اللي اعرفه ان في بث مباشر صوب الدوار

[Roze]

ههههه يقولون موفرين العشا والفواكه والماي والعصير هناك

مريضين الشباب هناك

[Roze]

طفطف جي التصوير بوقفهم
ماتدرين متى ينهدون

[فلونة]

هاذي حالة اكو ريلي رقد وماقدر اشغل المكنسة كله من عين طفلووو السنفورة،، ياية اطل عليكم علشان اطوي الثياب ولا تقعد طفلو النحيسة تعايرني

طفلوو يا الخداي شنو 6 بس ما ايزون قليل،، انا خذيت قطن 8 وخذيت 4 الخلق العادي وامي تقول الخلق العادي الخفيف عملي واحسن،، اخذي لج زوود ماما

حنين،، ما شالله عليه كيووت بس للحين نتفة الله يخليه لكم وتجوفينه احلا معرس واحنا نحسب علا ايام الدورة اذا تييج 6 ايام مثلن ومن عقب هالستة الايام تصلين بس في حالتج انتي مادري لانه عملية مسوينج الا شخبار الجرح؟؟

رووز سول ،، ما ولدتي للحين :p

[حنين للماضي]

طفطف ايي العشرة الثانية استحاضة صح اني سؤالي العشرة الثالثة دورة تعتبر صح؟؟؟

وينه بث المباشر؟؟
قناة البحرين بس هرار

اتصلت لبوالشباب يقول مسوين خيمة أكل مع شباب الديرة ويوزعون أكل للمظاهرين في شارع التحرير على قولته ومستانس عدل يقول بتأخرhwaml4

[طفلي حياتي]

من عيوني يابشة زماني؟؟
بالعكس فرج لش موزين هلكتين روحش رايحه منظفه مطبخ عمتش وشقة حميش يعني مرت حميش مخبله؟؟ جان نظفت شقتها قبل لا تسافر وهي مسافره اسبوع مو سنه ينظفون مكانها بعد والله حاله
قعدي قعدي عدلي ظهرش يم البطل

[rose soul]

لا فلونتي..انتظرج تولدين..تمللت من التفكير في الولادة هههههه

[حنين للماضي]

روز حلفي يشبهني؟؟
استانس لين يقولون لي يشبهش
مانزل عليش شيء هالايام؟؟؟

فلونة مشكورة حبيبتي
نتفة علي وعلى ابوه
تعالي شخبار علاويكم؟؟؟
انتي موعدش مع روز صح؟؟
ربي يسهل عليكم وتقومون بالسلامة

ياعلي ماتخيل روحي حامل صدق تعب آخر الشهور

[فلونة]

الله يكوون في عوونهم وانا سمعت في الاخبار بيسمحون لهم ثلاثة ايام بالتظاهر بس واذا علا هالحالة المفروض يسوون اضراب ما يروحون الشغل بس عاد وين الوحدة ناس تتظاهر وناس قاعدة في البيت تتطمش ويبون كلشي جاهز

[rose soul]

دام في أكل .. ومستانسين خلونا نروح بدبيبنا يلا خخخ

[طفلي حياتي]

روز فكرت ابغي اروح بس المشكله المداخل مسكره ولازم توقفين بعيد يعني تمشين مسافه واني من اتحرك هلكت ماقدر امشي اليوم بس رحت سنتر بوينت رجعت مكسره تكسر

[Roze]

هههههه ويش بسون عقب فلافة ايام ؟؟

[rose soul]

حنون..اي جنج انتي على صغيرة
لا للحين ما نزل علي شي
انزين بسألج..انا بنتي للحين تتحرك..يعني يعني شكلي مريضة مو؟؟بتأخر وايد

[حنين للماضي]

دام في أكل .. ومستانسين خلونا نروح بدبيبنا يلا خخخ

اشدراني على وصف زوجي حسيت السالفة كأنها رايحين رحلة أو تنزه
يقول اشكثر بنات ونسوان في الشوارع مافي اله انتي وولدش قاعدين لي في البيت
قلت لا تتوقعني اطلع بعد مع هالنتفة اله هو ولدك

[فلونة]

هههههههههههههههه صج نحيسة ما تيوزين عن كلمة بشة باجوف اذا ولدت وماجفتوني بتقولين حق من البشة و تسكت عنج،، مادري احنا في بيت واحد واليوم قضيت لهم شغلة وباجر يمكن احتاج لهم ما تدرين الدنيا دوارة واذا ما فادوني اجري علا الله داشة علا ولادة ما يندرى اطلع منها او لا،،

حنوون،، الحمدلله علاوي زين بس يعاني ويا الامساك بالثلاثة ايام ما يمشي بطنه ويتم يصرخ توها البارحة متصلة فيني اختي تقول عيزت معاه كلشي جربت ومافي فايدة

رووز،، يلا كلشي علا الله يمكن الليلة نولد:p

[حنين للماضي]

حنون..اي جنج انتي على صغيرة
لا للحين ما نزل علي شي
انزين بسألج..انا بنتي للحين تتحرك..يعني يعني شكلي مريضة مو؟؟بتأخر وايد

تتحرك وااااجد يعني؟؟
بس اذا كانت حركات قليلة وركلات خفيفة عادي اني بعد لآخر الايام كان بوالشباب يغافص في احشائي فديته والله
امشي قد ماتقدرين
بس مشكلة هالام مو مال مشي

[حنين للماضي]

هههههههههههههههه صج نحيسة ما تيوزين عن كلمة بشة باجوف اذا ولدت وماجفتوني بتقولين حق من البشة و تسكت عنج،، مادري احنا في بيت واحد واليوم قضيت لهم شغلة وباجر يمكن احتاج لهم ما تدرين الدنيا دوارة واذا ما فادوني اجري علا الله داشة علا ولادة ما يندرى اطلع منها او لا،،

حنوون،، الحمدلله علاوي زين بس يعاني ويا الامساك بالثلاثة ايام ما يمشي بطنه ويتم يصرخ توها البارحة متصلة فيني اختي تقول عيزت معاه كلشي جربت ومافي فايدة

رووز،، يلا كلشي علا الله يمكن الليلة نولد:p

مسكين عور قلبي
قولي لأختش تحاسب لأكلها وتبتعد عن الاكلات اله تسبب امساك مثل الموز والروب
وخله تمسح على بطنه بزيت زيتون بحركة دائرية وماعليه شر ان شاءالله
(مو جني خذيت محل طفطوفةhwaml11)

[فلونة]

حنوون موعدي نفس هاليوم الاسبوع الياي يعني باقي لي اسبوع واخلص التاسع وشكلي بادش العاشر بعد ماجوف اي بوادر ولادة ومشي صار لي فترة مامشيت في هالاجواء

[rose soul]

فلونتي ع الاقل نولد في مولد النبي ههههه
يوم مبارك
حنون..اي تتحرك بس احس هالجمن يوم تتحرك
بنسبة للمشي.. انا مو كليوم امشي صراحتتتتتن
واليوم كلش ما مشيت كلش

[Roze]

حنون يعني ميدان التحرير امان لو لا
قاعده واحاتي
والحين اتصل الهو لايمكن الاتصال امن اني في المحاتاة بلوه بعد

[طفلي حياتي]

اسكتو عني خايفه تخطف ريلي وحده ينعجب فيها يقول شجاعه وانتين بشه لالالا راح الريل

[فلونة]

ههههههههه اي الاستشارية مالتنا جنها خامرة ويا سنافرها،، باقولها تجرب معاه وان شالله يصير احسن،،

قعدتكم حلووة بس وراي ثياب وشغل وايد باروح عنكم
نجوووفكم علا خير اذا الله كتب ودعواتكم لي اولد وتفتكون مني

[rose soul]

روزي..لا امان يقولون
وما يقدرون يسون شي..اكا اخوي يقول

[حنين للماضي]

روز وفلونة وام السادة اتمنى من اعماق قلبي ربي يسر لكم وتولدون بالسلامة
لاتحاتون حبايبي اني بعد ولدت في نفس الموعد اله عطوني بالضبط قبل بيوم واحد فقط
البجر عادة تكمل التاسع

اني يوم رحت المستشفى رغم الالم كنت طايرة من الفرحة
ياااااااارب يبلغكم لهذا اليوم وتقومون بالسلامة

[rose soul]

طف طوف منو اللي تخطفة بعد؟؟
..
فلونتي وانتي حياتج كلها شغل..لا لا
شكلج بتولدين قبلي صج
يقولون الشغل زين حق الوحدة اللي في التاسع وانا..كلش ما اشتغل..انا في بيت ابوي مقعديني على اكفوف الراحة

[حنين للماضي]

اسكتو عني خايفه تخطف ريلي وحده ينعجب فيها يقول شجاعه وانتين بشه لالالا راح الريل

يجوز يا طفطف
احس ثلاثة ارباع الناس اله رايحين ومن ضمنهم زوجي طبعاً لطماشة والفضولhwaml02

روز لاتحاتين حبيبتي توه زوجي متصل ويقول مافي شيء ومستانس عدل مع ربعهhwaml4 واني اهني قاطني مع ولدهhwaml5

[حنين للماضي]

يلا عزيزان من(اشتبون بعد كل يوم بعلمكم كلمة) نراكم عقب ان شاءالله
بقوم اعدل ظهري قبل لايقعد بوالشباب

[rose soul]

حنوني..الله يسمع منج يااااارب
يعني خلاص
هالاسبوع بنكمله وبنولد؟؟
هههههههههههههههههههههه
يلا معليش وافقت اكمل لي موعدي بس ما اطول

يعني هالاسبوع ما بتجوفونا هههه
فلونتي
تعالي جد حفص
لأني بولد هونيك
وام السادة بعد
يمكن نتلاقه

[rose soul]

وينكم؟؟
وين طسيتووو؟؟
يلا انا برب اجوفكم بعدين

[Roze]

طفطف ههههه منهي الي بتخطف ريلش
في ميدان التحرير في نسوان تخطف الرجاله

[قمر بنت راشد]

شخباااااااااااركم بناتات

[طفلي حياتي]

اهلا قمر بنت راشد شخبارش
اني ياروز اليوم مقومه روحي من السرير عشان انام الليله وهداني متسندره عدل عندي ثياب بنشرهم وابغي اغسل مواعيني والحجي في الميدان ومتملله
بروح اكمل لثياب والمواعين وبرجع مو وايد بعدهم

[Roze]

قومي ضيعي وقتش
اني يوم قعدت اتصل فيه تالي اخر شي اتصل وزفني زف قالي انا ويا صبيان وانتين حرقتين التلفون هذا الي يحاتيهم :(

[rose soul]

انا رجعت
تعالووو
يقولون ملك السعودية احتمال توفى!! لأن للحين ما طلع على شاشات التلفزيون

يااارب خلاص
علامات الظهووور

[Roze]

برب اسبحhwaml16

[فلونة]

غسلت المواعين وكنست الصالة والممر عن خاطري وبس ايست ظهري انقص،، احس بلووعة ويوعانة وحموضة كلشي في وقت وااحد
واكو حاطين اصور في الوسط شكلها قعدة عادية

[بنوتة حلوة]

من زمان طلع خبر وفاته .. لااا وفي خبر واصلني على البلاكبيري ان احتمال حسني مبارك بعد توفى .. مايندرى !

[شمس الصباح]

حنوووووووووون مثل ما قالت فلونة تحسبين اول ايام مثل الدورة والباقي استحاضة واذا توقف الدم وبعدين نزل مثل عدد الدورة تعتبر دورة اما اقل من عدد ايام الدورة تعتبر استحاضه نفس حالتي اني للحين استحاضة

فلونة خلي اختش تسوي نباته مع ماء لانه يمشى البطن

[Roze]

مات وماعلنو خبر الوفاة في التلفزيون
اكيد وراه شي

[فلونة]

تيت حمام الهنا يمة

اكو ريلي راح يشتري عشى وحطيت اندومي علا الفرن،، حياااكم

[بنوتة حلوة]

http://forum.hwaml.com/imgcache2/hwaml.com_1297796384_557.jpg

[بنوتة حلوة]

http://forum.hwaml.com/imgcache2/hwaml.com_1297796498_905.jpg

http://forum.hwaml.com/imgcache2/hwaml.com_1297796499_484.jpg

http://forum.hwaml.com/imgcache2/hwaml.com_1297796499_858.jpg

[طفلي حياتي]

اووووه اللمه زادت اشوووف
زوجي يسألني يقول صدق مات مبارك؟؟ قلت ولا قناة بثت وناس تقول ملك السعوديه ميت سريريا ولا يندرا

[فلونة]

شمووس سبحان الله اتفائل بلوون خطج،، تتغير نفسيتي لين اجوووفه وباقول لها اختي تسوي له شكر وماااي وتعطيه ماي الحلوة ومافي فايدة
انا للحين ماخذيت هل سوالف ماي الحلوة والحندبان مرقدوش وماي الحيج بعد شنو ياخذون

[فلونة]

بنوتة صار خاطري في الشربت لوووونه عجيييب ابيييي متفرغة حدي ،، حماي رجع يقول القعدة شاي واكل وحتى شيشة خوشي
انزين وين يبيعونه الشربت الاخضر علا شنو ذي ابي نفسه

[بنوتة حلوة]

فلوووونة ولدتين ؟؟ منهو دا اللي بتعطووونه الحلوة ؟؟ متىىى محد قال ليييي

[فلونة]

يابووه يابووه حياكم يوعانة حدي برررب يا الراقدين

[شمس الصباح]

فلونة مو شكر نباته ولا تنسين ماي الحندبان والحلوه توني مسويه لملاك

ان شاء تتفائلين على طووووول يا رب وربي يسهل عليكم

[بنوتة حلوة]

http://forum.hwaml.com/imgcache2/hwaml.com_1297797402_356.jpg

http://forum.hwaml.com/imgcache2/hwaml.com_1297797402_281.jpg


http://forum.hwaml.com/imgcache2/hwaml.com_1297797401_727.jpg

[شمس الصباح]

بنوته يعطون الياهل حلوه مع الماي تفوحين الحلوة وتشربين الماي الياهل

بررررب شكلكم كلكم مشيتون

[صعب تنساني]

بنوته الظاهر الكل عند دوار اللؤلؤه ما با قي الا انه خخخخخخخخخخخخخخ

[بنوتة حلوة]

الناس عندها مهرجان على الدوار ... صار خاطري اروح :(

[صعب تنساني]

الله ينصرهم ويحصلون مطالبهم

[صعب تنساني]

كانهم قا عدين على الكورنيش سوالف وقعده وناسه بس ريلي مو راضي يوديني اهئ

[بنوتة حلوة]

http://forum.hwaml.com/imgcache2/hwaml.com_1297797733_924.jpg

[بنوتة حلوة]

كانه يوم العيد والناس طالعة تغير جووو .. والجو صدق حليوو ويشجع ! والجاااي والحليب .. والشواااي ..

[طفلي حياتي]

بنوته من وين هالصور؟؟؟
عطيني الموقع

[Roze]

باااك

حلوين الصور بنوته من اي موقع

[Roze]

ياعلي قناة البحرين يرفعون الضغط اني غلطانه موديه عليهم
قال ايييه قال الفئة الي طالعه معارضه كانت تبي ناس تنقتل !!!!

[rose soul]

http://www.fsupport.gov.bh/pubporta...portal/fsupport (http://www.fsupport.gov.bh/pubporta...portal/fsupport)
جوفو يفتح عندكم الموقع
انا مادري ليش ما يفتح

[rose soul]

طفلووو..دشي منتدى الصرح الوطني الأخبار كلها هونيك
روزي..شلة تودين على قناة البحرين؟؟خخخخخخ

[بنوتة حلوة]

http://umm.biz/index.php?showtopic=83126&st=2460

[بنوتة حلوة]

http://forum.hwaml.com/imgcache2/hwaml.com_1297799097_179.jpg

[بنوتة حلوة]

http://forum.hwaml.com/imgcache2/hwaml.com_1297799505_714.jpg

[طفلي حياتي]

يجيني الم مثل الدوره مخوفني :(

[rose soul]

طفلووو..قلنا لج عادي..وايد توسوسين انتييييييي

[rose soul]

وينهم الدبدوبات كلهم راحو الدوار

[بنوتة حلوة]

اني قاعدة مكاني مارحت مكان ...

[صعب تنساني]

طفطف عادي وطبيعي مال التوسع

[صعب تنساني]

هههههههه روز سول الظاهر ما بقينا الى احنا

[rose soul]

اهاااا اشوه في احد ههههه
شخباركم بعد؟؟

[ام احمد4]

السلام عليكم
حبيت استفسر
انا اخذت اشعه صوتيه وقالت لي انك بالاسبوع 35يعني توي داخله التاسع او يومين وادخله
وانا بحسابي اني الان بالاسبوع37والسبت ادخل 38
سألتني قالت لي انتي الدوره عندك منتظمه قلت له ايه لكن تاخرت علي شهرين تقريبا بعده انتظمة وجتني شهرين شهر 5 و6 وشهر 7 باخره تحليل منزلي وصرت حامل الحمدالله وبعد يومين رحت لدكتوره قالت لي انك حامل وبشهر الثاني يعني لي 6 اسابيع ويومين
بعد وانا ابي ادخل الرابع او دخلت الرابع قالت لي ان المويه شويه قووه وانك تغيرحسابنا انك الاشعة اخرتك اسبوعين
وبعد ضل هالتغيير
مادري انا امشي ع حسابي الاول ولالا
لانهم يقولون الاشعه الاولى هي اللي تعطي الحساب المضبوط

[صعب تنساني]

ام احمد الاشعه الاخيره توضح لك بانج باسبوع 35 بس خلاص امشي على هذا الاسبوع الله يسهل عليج

[صعب تنساني]

روز سول ما بقي شي على ساعه الصفر بدا العد التنازلي الفال لنا يارب متى يطوف الوقت احسه طويل الله يسهل عليج

[rose soul]

عليكم السلام ام احمد
بالنسبة للأشعة اهيه المضبوطة اكثر..لأن من خلالها يبين حجم البيبي وجم عمره

[صعب تنساني]

روز تتوقعين يصير تغير مع المظاهرات

[rose soul]

صعب .. تصدقين الاشهر اللي راحو حسيت مرووو بسرعة
بس التاسع مو راضي يمر
احسه طوووووووويل
والله يسمع منج يسهل لنا جميعا..ويتمم لكم..وتوصلون لي التاسع

[طفلي حياتي]

اني يييييت
روزاتي تصدقين اليوم قعدت روحي غصب عشان انام في الليل ومن مغرب عيوني متسكره وماني قادره اقوم الحين اشوف مصحصحه الله يستر بس بنتظر لاخر سهرتكم وبقوم مابقعد ل2

[صعب تنساني]

طفطف انه بعد غفيت جم دقيقه بالمغرب والليله سهرتي صباحي خخخخخخخخخخخ

[صعب تنساني]

روز سول يقولون ان الشهر التاسع عن كل الاشهر صدق هالمقوله والله تخاريف

[rose soul]

صعب..اي خلاص اتوقع يصير تغير كبير بعد..الشعب خلاص ما بيهدأ
..
طف طوفتي..لا دام ما رقدتي بترقدين من وقت لا تحاتين
بعدين ما بجوفين الا عيونج بروحها تتسكر

[بنوتة حلوة]

الشهر التاسع ممل حدددددددده ويلوووع الجبد !!!

[rose soul]

صعب..اي احس صدقووووووو في هالمقولة هههههه
تعب من قلب
والوحدة وصلت حدهااا
بس تنتظر الفرج
وغير المحاتاة