دردشة بنات العراق, دردشة حوامل العراق , تجمع بنات العراق

[نبضات قلبه]

هلا زنوبة منورة

[مجنونة بحبها]

اووووووووووو سكتي عايشه برعب بعد يومين وخاااااااايفه موووووووووووت

[sarah84]

هلو بنات اني عضوة جديدة حابة اهنيكم على المنتدى الجميل واتمنى تقبلوني بينكم

[زينب السعدي]

اوووووووووو امونة الله يساعدج انشالله يارب متجي بحق هذا اليوم
ايمان سوي بنهار الجمعة اقري يس والصافات واهديها لفاطمة الزهراء وراها صلي ركعتين عاديه مثل الصبح ووراها تسبيحة الزهراء هم اهديها لفاطمة الزهراء واطلبي حاجتج ...اذا تكدرين سويها هسه مادام بعده النهار

[زينب السعدي]

اهلا وسهلا سارة بس ممكن تقدمين السي في تبعك
نبضات اعتقد اسمج نبا وحامل بالشهر الرابع او الخامس ومقيمة بالدنيمارك
بنوته مقيمة بالسويد وحامل شهرين ونص بس مااعرف اسمج

[*بنوتة عراقية*]

زينب السعدي
انا اسمي فاطمة

[زينب السعدي]

اهلا وسهلا فاطمة منورين انتي ونبا وانشالله يارب يتمم عليكم بالسلامة

[*بنوتة عراقية*]

مشكوررررة حبيبتي

[مجنونة بحبها]

مشكوره زنوبه ان شاء الله راح اسويها
لان خايفه فدمره اذا اجت ام التحطيم


بنوته عاشت الاسامي انا بنتي اسمها الحقيقي فاطمة
وادلعها بنونه كرامته لام البنين

هلا ساره نورتي
اسفه داخله من التاب جان ضيفتج التحبيه
جاي ببسي لو عصير شتحبين

[*بنوتة عراقية*]

حبيبة ماما
الله يخليها سلام الله عليها ام البنين

[مجنونة بحبها]

زنوبه رحت فحصت نفسي خفت عبالي اجت يمه راح يصير بعقلي

[زينب السعدي]

يمعودة صلي عالنبي هسه حتلو اجتي قابل شحيصير كلش كلش رجعو للبنان وسوو انابيب

[مجنونة بحبها]

ويخليج حبيبه قلبي

صح نسيت اعرف بنفسي

انا ايمان عمري 26 وخمس شهور ههههههه
صارت بالشهور هههههههه متزوجه بعد شهر ونص اكمل خمس سنين وادخل السادسه
عندي بس بنونه و3اسقاطات الله يبعدها عنكم
وهسه انتظر الحمل بفارغ الصبر دعواتكم

[*بنوتة عراقية*]

حبيبة ماما
عاشت اسامي وعمر كلة يارب ويخلي بنتج الحمدالله ماطول عندج بنوتة حلوة ان شاءالله ربج يرزقج عن قريب يارب ياكريم

[مجنونة بحبها]

اسكتي زنوبه مليت الدكاتره يكولون مبيج شي وانا ماحمل ليش
مو شبعت قهر لو بيه شي جان هانت اكول مرض ويتعالج
بس شلون بحالتي




هلا فطومه حبي شكر حبيبتي على الكلام الطيب

[مجنونة بحبها]

اللهم صل على محمد وال محمد

[زينب السعدي]

امونة لتزعلين اني كلام اطباء لبنان بخصوصج معجبني ومااعرف انتي شلون اقتنعتي
يعني انتي ملهوفة عالطفل وكلشي مبيج ويكولوج مدام كلشي مبيج خلي منسويلج انابيب شدعوة عليهم همو شلهم علاقة لو كايلتلهم اني رايدة وبعد مااكدر انتظر اكثر
تدرين اني من سقطت كلتلها لدكتورتي الي هنا اتمنى يصير عندي توم اثنين بمكان الي راح تكولي اذا حابة اسويلج انابيب وانطيج 3 بدل الاثنين ...يعني بس مجرد ردت التوم ...عجباه انتي صارلج فوك السنه مديصير طفل ورحتي علمود هالشغله ويكولوج مبيج شي ومنسويلج انابيب ...شلون اقتنعتي ..مامليتي من الانتظار ...زين ماانطوج فد علاج فد حبوب تسرع الحمل يعني مو حرام رحتو واجيتو ومسويتي شي بخصوص هالشان

[نبضات قلبه]

هلا والله سارة اني هم جديدة واليوم سجلت


___


تسلميلي زنوبة امين يا رب

___

واهلا بالاخت فاطمة منورة, وين بالسويد بمالمو؟


____

حبيبة ماما ربي يحفظلج بنونة وتشوفيها عروس
صدكَيني لا تفكرين بالموضوع والله من تفكرين بيه ما يصير...

اني هذا الشي شفته بوالدتي وببنية اقاربي

والدتي كلشي ما بيها راحت لدول كومة ويكولولها نفس الحجاية ما بيج شي وابوية نفس الشي...
جابت اخوية و وراها بـ6 اسنين يلة جابت اختي والدكتورة هنا كلتلها عندج عقم نفسي بكَد ما تفكرين بالموضوع وصدك لهيناها و الدعوات اللي اكيد ماكو دوا اقوى منها والحمد لله صارت عندها بنوته وهاي 3 سنوات وماكو شي واحنا بس 3...

واخو زوجي هم زوجته وهوة ما بيهم شي وهاي صارلها 3 سنوات والله تقهر وحالتها حالة نكَولها بس بطلي تفكرين وشوفي شلون راح ترتاحين بس هوة هم صح الكلام سهل الفعل صعب...


بحق هذا يوم الجمعة وفيه ساعة استجابة أريد من رب العالمين بجاه اهل البيت ع ينوللكم اللي ابالكم <3

[*بنوتة عراقية*]

نبضات قلبة
اي نعم في مالمو ام مشاكل ههههههههههه كلها مشاكل بمشاكل ما امخلصين منة

[نبضات قلبه]

اي والله فد اكرهة ولو المعذرة يعني انتي ساكنة بيها بس من ادخلها ينكرب قلبي...

عندي هواي اقارب اهناك...

[*بنوتة عراقية*]

هوا هذة الوحيد تفكير يلي يذبح الواحد
والله انا صارلي 3 سنوات متزوجة وانشلع كلبي وسوينا تحاليل و بصراحة كالو من زوجي وانا وقتها كلش تضايقت ما عرفت طريقي كلت لا ما اخلي هذة الشي ابالي انو دكتورة تكول بزوجي لا اخليها بيد الله وهوا يلي يرزق والله كطعت تفكير وكلت خلاص سبحان الله نفس الشهر يلي ابد ما خليت ابالي حمل وكنت اسوي رجيم ونادي وهوسة ولمن تأخرت دورة حللت طلعت حامل والله ما صدقت سويت 3 مرات و4 يم دكتورة وكان زوجي ما كنا امصدقين حتة زوجي كال عيل شلون دكتورة كالت مني عيب وماجيب اطفال
والله يا بنات كالت لو تزوج 4 او اكثر ما يصير اطفال ف هاي الحين مشاءالله حامل وربي يتمم علي وعلى كل حوامل
وهسة كلت اروح اشتكي على دكتورة يلي انطيتنا تحاليل خليتنا نأيس والحمدالله شكر انو الله يلي رزقنا
ما نمشي على كلام دكاترة خلي على ربج وصدقي راح يرزقج لانو تفكير هوا سبب لهذة الشي
الله يسهل على جميع ويرزق كل محرومة بجاه محمد واله محمد

[*بنوتة عراقية*]

نبضات قلبة
ههههههه والله انا كارهتة مووووووووووووووت ودي اطلع من السويد كلة والله لعبان نفس بس شسوي مو بيدي

[نبضات قلبه]

فاطمة أبد لازم واحد ما ييأس من رحمة الله فـ هي وسعت كل شئ وبـ لحظة يقول للشئ كون فـ يكون...

كَلتلج أهم شي واحد ما يفكر بالموضوع, أني من ورة شغلة والدتي أصلاً من أتزوجت قررت ورة سنتين أو حسب الرزق وصدك يعني جنة ما رايدين طفل بس بعد رزق من ربج وواحد ابد ما يخليها اباله احسنله... لان جنت اعرف شلون دمار اني عشت الحالة ويا والدتي لحظة بلحظة...

والحمد لله على كل شئ الله يثبت حملنا ويرزق كل محرومة بحق ال بيت محمد

[نبضات قلبه]

اني نفس الشي كارهة الدنمارك بس بعد احسن من العراق يمعودة

فطومة أشكَد عمرج؟

[*بنوتة عراقية*]

نبضات قلبة
والله دنمارك ولا حبيتة كلشي بي صعب وخصوصا لغة تلعب نفس هههههه
انا عمري 25 بعد شهر ادخل 26

[زينب السعدي]

وين الربع شنو كلها عدها امتحانات لو الكل ديشيلون خخخخخخخخخ

[*بنوتة عراقية*]

انا موجودة

[زينب السعدي]

فطومة حبي
ولنا عودة بعد البرنامج
بده اربز كوت تالينت
اشوفكم بعدين باي

[*بنوتة عراقية*]

اهاااااااااا مو هذاك الأسبوع خلصو؟
زوجي يشوف المباراة ماكدر اشوف تلفزيون هههههههه

[رويدة_ أم ألق]

مساء الخير حبايب
رحت زرت وذكرتكم داخل الحضرة بالأسماء
الله يقضي حاجاتكم يارب.
ومشيت مساافة طويلة لكن بنتي عاجبها تظل ببطني شسويلها ههههه

[روضانيه]

مساء العسل على احلىكروووووشات
اشونكم بنات
رويده زياره مقبوووووووووووووله
يمعووووووووووده خليها الا اطلعيناها للجو الحار من هسه

[ام نورهانه]

هلووووووووووو حبايب

[روضانيه]

بنات جنت اقره بالصفحات
شفت حجي على اطفال الانابيب
خلي اضوووجكم اشوووويه قبل شهر راحت اختي وزوجها ع اساس اتسووووي انابيب خطيه واتحملت علاجات
بس علاج حبوب منطينهم ب 600 الف هذا قبل العمليه وابر ضلت تضربها بالاصره
المهم صرفوووو صرف مو طبيعي وبالاخير ماصار حمل
ومو بس هم المجموعه الوياهم كووولها مصار عدهم
على فكره سوووها بااربيل العمليه ع اساس المستشفى برطاني والاطباء كولهم من الخارج

[روضانيه]

هلا ب ام نورهان الورده
اشونج خيتي

[زينب السعدي]

هلا بفله وحورية شلونكم
حورية انشالله ربي يعوضهم لاختج ولزوجها خير بس الانابيب اضبط شي بلبنان الباقي اكثره خرط

[رويدة_ أم ألق]

هلاوات عيوني حوري وفلة

اي والحر دا يزيد شتنتظر ألق خانوووم .

[مجنونة بحبها]

عيني زنوبه الدكتوره كالت يمكن ايكون جسمج يرفض الطفل ويسقطه
ويمكن عندي تخثر بالدم ويمكن انسجتنه انا وزوجي ممتطابقه فها دكتوره عندها
ذمه وضمير كالت الانابيب ربح الي وفلوس بس تعب عليج
نسبه نجاحه 60%وكالت نفرض انسويه ونتعب وبالاخير يطلع دمج وجسمج يرفض الحمل
شسوينه هم راح يموت الطفل ويوكع وبس راح تذبون كومه فلوس
والحل سوتلي تحاليل كومه وكانت التحاليل لازم صايمه 12ساعه واخذوا مني تقريبا اربع سرنجات دم واخذوا دم من زوجي ونتائج التحاليل راح تطول شهر يله تطلع فكالت هاكم ايميلي وراسلوني
واذا طلعت التحاليل نظيفه تعالوا واسويلكم انابيب هذي كل القصه فلازم اقتنع وانا حتى زوجي دخلته وياي حتى يسمع باذنه ويقتنع وهسه عايشه بخوف ورعب من نتائج التحاليل



فطومه ونبأ حبيباتي تسلمولي على كلامك
بس التفكير صعب اتركه من بالي لان قضيه الحمل عايشه بدمي ههههههههه



رويده زياره مقبوله ويارب استجابه الدعاء

[روضانيه]

اي خطيه هسه كووولش نفسيتهاااا تعبانه

المشكله اهووووووايه راحوووو وياهم من بغداد والموووصل بس عجيب هايه الدووووله شنو دووورها
الاجانب ايضحكوووووووووون على الناس وزارة الصحه ولايمهم

[روضانيه]

امووووووووووووووووون ان شاء الله يصير حمل بلا انابيبوتعب
وان شاء الله الدوووره هذا الشهر ماتشرف
واذا على الاطباء اتعيشين وكوولشي اتسمعين منهم كوووله المصلحتهم مو المصلحة المريض
محد يحجي بيهم الصدك اتكووولين تجار مو اطباء

[مي &]

زنوبه انتي ومي بالجذب ردوا السلام الظاهر ميعجبكم اتردون عموما شكرا


اولا اسفه جدا جدا بس اني كتبت رد وطلعت لان مثل ما كلت جنت تعبانه كلش وسلمت على الجميع

فاسفه مره ثانيه

[زينب السعدي]

حبي امونة اولا انشالله التحاليل سليمة وماكو اي شي يخوف امين يارب بس لتنسين هالحتمة الي علمتجياها كل جمعة
ومدام انتي اجتكم بنونة فانشالله الامور زينه والا شلون صارت اذا جسمج ميتقبل الحمل لتكونين انتي حملتي بيها وكلفتي كماشة تكمل باقي ال 9 اشهر بيها خخخخخخخخخخ
وانشالله يارب متجيج الدورة وتحبلين طبيعي امين

[مجنونة بحبها]

حوريه الله يعوض اختج على تعبها
انا الشهرين الي فاتن جنت اخذ هذي الابر الي تحت الجلد بالبطن يموتتن موووت
شوفي هنا دكاترتنه كلهم مصالح
انا شفت اطباء لبنان لا غير ناس اخلاقهم عاليه واهم شي عندهم راحه المريض
واينصحون انا تخبلوا من شافوا دكاترتنه العباقره شمسوين بيه
راد يصير بيه مرض خبيث باللثه بسبب دكاترتنه وهناك اتلاحقوني وخلصوني
بعد معاناه دامت 9اشهر انا ابجي من اسنوني
وعن الحمل كالت بس تطلع التحاليل نظيفه تعالوا واسويلكم على مسؤليتي بس حاليا لا
لان مأضمن اي نجاح


مي منوره شلونج اليوم

[مجنونة بحبها]

خخخخخخخخخ الله يسمع منج زنوبه
افتراضات واحتمالات و3اسقاطات شي مو طبيعي
والتحاليل هواي تخوف والنتائج 1/6بله شيجيب الشهر السادس

[ام نورهانه]

ما شاء الله الحبايب كثروا الله يزيد ويبارك
هلو بيج حبي رضاونيه اني اختي هم قبل كم شهر سوت طفل انابيب بالاردن وفشل لان صار كيس بلا طفل

[مجنونة بحبها]

هلا ام نورهانه منوره


ترى نسبه نجاح اطفال الانابيب 60%وتقلل كلما العمر يكون اكبر


والامر يبقه رزق بيد الله

[مجنونة بحبها]

تصبحون على خير راح انام وراي كعده من الصبح

[مي &]

هلو شلونكم مشتااقتلكم
ضايجه حيل

[ام نورهانه]

هلا بأم بنونه تدرين عبالي بنتج اسمها بنين طلعت فاطمه عاشت الاسامي بس بنونه يلوكلها اكثر
اي صحيح الانابيب نسبه نجاحه مو هوايه بس اني اختي عدها اربع بنات ورادت ولد بس ربج مراد

[ام نورهانه]

هلاااا مياوي شلونج خب خير شبيج

[فوفو العراقية]

مســــــــــــــــــاء الخيـــــــــــــــــــــــــــــر
شلونكم يا صحبتي وعز ناسي؟؟؟؟
عساكم بخير
ها رويده
بعدج ماجبتي
ترة خلص صبري
اريد اشوف الوووووووووووقه يلا عاد فضيها
الا تخلصين على الموعد
هاي صدك ملتزمو بمواعيدهة مثل البابا مالتها هههههههه
http://forum.hwaml.com/imgcache2/hwaml.com_1337370511_325.gif
يا هلا كل الهلا با الصديقات الجدد بنوته ونعومة ومبروك الحمل
عسى ربي يتمم عليكم وعلينا بالخير..
اني فادية
عراقية عمري 29 سنة عايشة ب فنلندا من 15 سنة ونص
عندي 3 اطفال من طليقي + 3 اجهاظات
ومتزوجة من 4 سنوات وحامل ب نهاية الخامس.
وبث ههههههههه

[فوفو العراقية]

واخيرا اكلت ركي هاهاهااااااااااااااااااااااااااااي
منتعشة عالاخر
وجنيني فرحاااااااااااااااان اليوم خخخخخخخخخخخخخ
http://forum.hwaml.com/imgcache2/hwaml.com_1337370791_487.jpg
http://forum.hwaml.com/imgcache2/hwaml.com_1337370792_903.jpg

http://forum.hwaml.com/imgcache2/hwaml.com_1337370793_913.jpg

http://forum.hwaml.com/imgcache2/hwaml.com_1337370793_590.jpg

http://forum.hwaml.com/imgcache2/hwaml.com_1337370794_427.jpg

[مي &]

زوجي سااافر واني اليوم وحدي وميه من الضوجه ودموعي على خدي ماكو شي يلهيني

[مي &]

هاااااااااااااااااااااااااا صدك بنت ايمان اسمهه فاطمه والله عبالي بنين

فاديه الف عوافي على الركي

[مي &]

بس لا رحتو
لا عفيه حبابات محتاجتلكم

[مي &]

الي تجي ادزلي تنبيه
اني موجوده
اخذلي فره بلمنتدى

[ام نورهانه]

هلا فوفو بالعفية اني هم هسة دا اكل ركي بس تكرمين راح اشد صونده من وره الادرار مالتي كل خمس دقايق

هلا مياوي عادي حبي ان شاء الله يرجع بالسلامة زين شوكت يرجع وليش مرحتي يم اهلج

[فوفو العراقية]

هلو حبي ام بروره
سلامتج من البكاء
يمعودة يرجعلج بالسلامة
وبرورة تكفي وتوفي
ولهي نفسج بفلم عبر النت او اتكلمي ويا صديقه على الايميل مثلا
حبيبتي كلشي ولا دموعج الغالية.


ام نورهان حبي الله يعافيج ويخليج
الف عافية على قلبج هم
اني هم كل شوية للحمام
بس عااااااااااااااااادي
المهم ركي
ولو مو كلش طيب قوي عبالك خيار هههههههههههه
ولج رحت فريت الاسواق واخيرا لكيت
وجبت ركيتين حجمهن مو كلش جبير
تقريبا 3 كيلو الوحده
وياجر هم اروح اجيب اخاف يخلص
لان وحده خلصت اكلناهة اني والجهال
ولو تشوفيني اشكد بخيلة عليهم بالركي هههههههههههههههههه
جبتلهم موطة كومة حتى يلتهون بيها وميطلبون ركي هههههههههههههه وصيت صديقاتي
لو شافن ركي بالسوق يخابرني مباشرتا حتى رجلي يطير يجيبلي هههههههههههه فلم مو؟
لك والله مدمنة عبالك هههههههههههه

[*بنوتة عراقية*]

فوفو عراقية
مشكورة حبيبتي على ترحيب
اهلا وسهلين فيج وعمر كلة يارب

[*بنوتة عراقية*]

الف عافية على ركي
عااااااااااااااد شهيتونة ههههههههههه

[فوفو العراقية]

تسلمين حبي بنوته
فديت قلبج.

[*بنوتة عراقية*]

انا الحين والله صارلي شهرين ونص حامل وكلشوي اروح لحمام

[فوفو العراقية]

بنوته
ولج صارلي 4 اشهر ونص مشتهية الركي ودورة دوارة
وفنلندا مابيها ركي لهسة
ولما يجي عدكم بالسويد بالاسواق الشرقية بعدها يجينة
بس هذا ركي فنلندي
ركي على خيار هههههههههههه

[*بنوتة عراقية*]

ههههههههههههههههه خوش ركي على خيار هههههههه
اهنا من زمان نزل عندنا بين فترة وفترة اجيب واموت على هههههههههههه

[فوفو العراقية]

اي عادي حبي
اني وام نورهان ترسنة براميل من الادرار خخخخخخخخخخخخخخخخخخخخخ
من اول شهر بدينة هيج
خو اني اكعد نص الليل 3 مرات والصبح مرة ههههههههههههه وقبل ما انام هم مرة يعني هاي 5
وعندج لحساب بالنهار بعد الركي شيصير هههههههههههههههه

[فوفو العراقية]

وين نزل؟
انتي عايشة بالسويد مو؟
لو نعومة عايشة هناك
ترى عندي زهايمر ههههههههههههههه

[نبضات قلبه]

هلوووو مساااء الخير


بنونة ربي يسهلج يا رب والله بعد راح نبقى ندعيلج ونسأل الله الاجابة عسى دعوة المؤمن للمؤمن تكون مستجابة...

___


يا هلا بيج فوفو نورتي وردة والف عافية الركَي...

___


مي الله يرجعه الج بالسلامة يا رب, لا تبجين ما يصلح ادعي يرجعلج سالم وردة

___


صدك ردت اسأل اني بعدلي 4 ايام ادخل بالخامس بس قبل اشوية صار عندي الم كلش قوي تحت بطني وما ادري شنو سببه مع انه اني عندي دايماً الم بحوضي ولذلك اكثر الوقت كاعدة بالبيت وانام على ظهري حتى زوجي هوة يسوي اكل فـ يعني اصلا ما سويت شي اليوم, بس والله الالم جان مو طبيعي؟ :(

وسؤالي الثاني اني حسيت قبل كم يوم برفرة أبطني امي كالت يجوز الطفل بدأ يتحرك؟ شكَد عمر الطفل بالضبط ويكَوم يتحرك؟

[*بنوتة عراقية*]

هههههههههههههه
لا مصيبة البليل حلاة نومج تكعدين انا والله مرتين اكعد ومن غير صبح اكعد

[*بنوتة عراقية*]

انا عايشة في السويد

[فوفو العراقية]

هلو نبظات قلبه
حبيبتي
انتي جديده هنا؟؟؟

يا هلاا وسهلاا بيج ويكل الخوات الجدد
نورتينا
عسى وجودج ويانة يسعدج ونكون خير صديقات وخوات.

[مي &]

هله بيكم حبايب

اي والله تعالو ضاايجه

[فوفو العراقية]

بنوته
هههههههههههه لعد زين اني ماعندي زهايمر هههههههه
حبابه اول مايجي الركي بالاسواق الشرقية الاسلامية كتبيلي هنا حتى افرح
لان بعدها يجي عدنة لان هنا اليظاعه يجيبوها من السويد
عساني اشبع من الركي ولو ماعتقد
بس طفلي راح ينغسل غسل هههههههههههه

[فوفو العراقية]

هلو ميمو
حبي سلامتج من الضوجة
ماعاشت الضوجة لو تضوجج >>>> محششه!

[نبضات قلبه]

هلا بفوفو اي بلي اني جديدة هنا اليوم سجلت

والله وتشرفني ايضاً معرفتي بيكم ربي يحفظج تسلميلي

[*بنوتة عراقية*]

فوفو
اهنا كل مكان اكو موجودة حتة اكو عندنا ساحة جبيرة يبصطون كل يوم بس اكثر شي السبت يكون رخيص يبيعون خضروات كلشي واكثر شي ركي ومرات من اشتري ركي رجال يكصلي واكل منة كلش طيب

[فوفو العراقية]

البنوتات الجدد الحوامل
شلونة حملكم؟
شنو تحسون
شتحبون شتكرهون
تحرك البيبي عدكم؟
اول حمل الكم لو اكو اطفال قبله؟
اذكرولي لان ماقريت كل الصفحات الفاتتني
والله لو اقراهن اغفة عالكيبورد
لان محسوبتكم تنساتهة نوم وركي ههههههههههههه حامل ب دب هههههههههههه

[مي &]

النت اهنا ابيت اهلي كلش ضعيف
شلون حظ

[فوفو العراقية]

يمييييييييييييييييييييي
انتي بيا مدينة؟
اني شايفه ستوكهولم كم مرة وأوريبرو
لان اختي بالسويد
واول شي جانت بستوكهولم ونتقلت ل ارويبرو
وشايفه ساحة الخضرة مال ستوكهولم لو نفسها
بس عدكم العرب هواي يبيعون وفاتحين محلات غذائية لهسبب اكولج عدهم ركي اطيب.

[*بنوتة عراقية*]

ههههههههههههه فوفو هسة ابنج شنو حالة هههههههههههههه


انا حامل صارلي شهرين ونص وصارلي متزوجة 3 سنوات والحمدالله الحين صار حمل
وكرهت حلا احب موالح
شغلات ايد صرت ما احب اكلة مثل معكرونيا وحتة فواكة مو كلش ويا بس اكل مرات واكثر شي احب اكلة ركي ههههههههه موز
ولعبان نفس والم في معدتي ومن بداية الحمل لهسة ما راحت مني والم في صدري يلي ذبحني
هذة اول طفل

[*بنوتة عراقية*]

فوفو
انا عشت في ستوكهلم سنة وطلعت
اجينا لمالمو ام مشاكل اوووووووووووف ههههههه

[مي &]

البنات الجديدات اهلا بيكم حبي
اني مي ام ابرار

حبي فوفو اليوم الصبح زوجي ساافر واني كلش كلش ضايجه متعوده على حسه

[مي &]

الله ايكومكم بسلامه انشالله

صدك فوفو اشكد الساعه يمج هسه
يمنه 12 الا ربع

[*بنوتة عراقية*]

مي
اهلا بيج حبيبتي لا تضوجين
والله ذكرتيني بزوجي كنا متزوجين توا النا 4 اشهر وسافر اوووووووووووف شصار بية متت

[مي &]

طبعا 12 الا ربع بليل

[مي &]

اي والله بنوته كلش صعبه الله لايشوفها لاحد

صدك انت شسمج

[سوسهs]

http://forum.hwaml.com/t118397.html

[فوفو العراقية]

بنوته
هههههههههههههههه حال الطفل مطووف ههههههههههههه

الله يتمم عليج الحمل بخير
وتولديه بالسلامة
وربي يسعدكم ويهنيكم ويخليكم لبعض ويرزقكم المال والبنون الصالحين...

اني النساة استمرت 3 اشهر تماما ... وكرهت بيها حالي ودنياي
واحب الكرزات والموالج والجبن والموز وحس مرات راح اخلف قرد كل يوم رجلي جاي بيده كيس موز هههههههههه
الحلا ماحبة الا مراااااااااااااااااااااات اشتهي ومن اكله اندم لان تلعب نفسي من طعمة وضل يوم كامل لعبانة روحي
جنيني قليل الحركة لحد هذا الوقت
سوناري يوم الثلاثاء الجاي
ويارب اكدر اعرف وقتهة جنسة لان كلش حابة اعرف.

[فوفو العراقية]

مي
فنلندا نفس توقيت العراق بالصيف
والسويد فرق ساعه

[نبضات قلبه]

هلا بالورد كله فوفو


عادي اعرفج عليه من جديد

اني نبأ عمري 23 ساكنة بالدنمارك


اتزوجت قبل 8 اشهر وهسة حامل بـ حملي الاول طبعاً بعدلي 4 ايام وادخل بالخامس

بصراحة مو كلش غثيان وهالسوالف بالبداية ما حسيت بيهم

بس كرهت البصل بشكل مو طبيعي

واموت على الحامض يعني ليمونة كاملة هذاك اليوم كعدت من النوم رحت كشرتها واكلتها ويا الملح :( زوحرته للطفل خطية...

وكلشي حامض احبه ومبتعدة عن الحلا...



____

واعيد سؤالي اتوقع ما قريتوه:




صدك ردت اسأل اني بعدلي 4 ايام ادخل بالخامس بس قبل اشوية صار عندي الم كلش قوي تحت بطني وما ادري شنو سببه مع انه اني عندي دايماً الم بحوضي ولذلك اكثر الوقت كاعدة بالبيت وانام على ظهري حتى زوجي هوة يسوي اكل فـ يعني اصلا ما سويت شي اليوم, بس والله الالم جان مو طبيعي؟ :(

وسؤالي الثاني اني حسيت قبل كم يوم برفرة أبطني امي كالت يجوز الطفل بدأ يتحرك؟ شكَد عمر الطفل بالضبط ويكَوم يتحرك؟

[رويدة_ أم ألق]

مساء الخيــــــر من جديد ..

فلة اعذريني اضطريت اغلق ما اكدر أكتب
الياهو يعلك من كيفه
رغم أي صفحة على الكوكل طبيعية حتى لو أفتح 4 صفحات


ميمي الله يساعدج حاسة بيج لأن الحال من بعضه

فادية ألف عافية الركي

بنوتة شنو كان شعورج أول ما حللتي وطلعتي حامل!

نبضات قلبه عيوني اكيد هذه حركة الطفل
بعض الأطفال بالثالث يتحركون والبعض بال4 و5
والآلام شي طبيعي بس اذا زادت عن حدها راجعي الدكتورة.

[*بنوتة عراقية*]

هههههههههههههههههههه طافح بلماي ركي ههههههههههههه الله يساعدة هههههههههههههههه


تسلمين على دعوة الله يسهل عليج

اي مشكلة هاي انا هم كرهت حلا بس قليل مرات هم اشتهي
امس اختي جانت امسوية كيكة وانطتني اشوي اكلت ورجعت لعبت نفسي
كرزات والله اموت فيهم احب اكلة خصوصا فستق
هههه اي زين ما بقى شي عيل شتكولين علي اهي خخخخ
شهر 7 عندي سونار بعد شهر ونص اووووووووووف

[رويدة_ أم ألق]

ههههههه جاوبتج قبل أن تكرري نبضات.

[*بنوتة عراقية*]

رويدة
والله شكولج هههههههه كنت مترددة انو اسوي ولا لا
ف اخر شي كلت خلاص سويت وانا ارجف هههههه و انتضر ماكو 5 ثواني كأنة 5 ساعات هههه
وطلع نتيجة حامل 3+ وما صدقت وضليت ابجي والله وحدي بلبيت وزوجي ما يدري كالي لا تجيبي انا ما تحملت كلت اجيبة وامري لله ومن اجا كتلة حامل هههه ما صدق كال هذة اجهزة كلة غلط كتلة والله حامل كال باجر جيبي وحدة ثانية جبت هم حامل وشفتة ما امصدق وليل كلة ما نمنا ورحنا لدكتورة وسوتلي تحليل و ما ورتني ههه وريت زوجي لانو كتلها ما امصدق ف اريد يسمع منج كالتله زوجتك حامل وبين فرحة بوجة هههههههههههههه الحمدالله وشكر والله يتمم علي وعلى كل حوامل

[رويدة_ أم ألق]

لحظات حلوة بنوتة الله لا يحرم وحدة منها
ربي يتمملج على خير وعافية.

[نبضات قلبه]

ربي يريحج تسلميلي

المشكلة اخاف اسأل والدتي

راح تبدي سين وجيم لان خطية كلش تخاف عليه واي شغلة اكوللها ينخطف لونها :(


____

بنوته ربي يفرحج دنيا واخرة وان شاء الله ولد او بنية تفرحين بيهم و اجيبين غيرهم درزن

[*بنوتة عراقية*]

رويدة مشكورة والله ايام حلوة وصعب هههههههه

[*بنوتة عراقية*]

نبضات قلبة
مشكورة ربي يسهل عليج يارب

[فوفو العراقية]

عاشت الاسامي يا نبأ
والعمر كله يارب بالصحة والعافية
والحمل السليم المعافا
والشعادة وربي لا يحرمكم من بعض

حبي بالنسبة للالم
اني سبق واجهضت بعيد الشر عن كل سامع
بس حتى اوضحلج ان مو كل الم تخافين منة
ترى الخوف والتوتر وحده خطر
الالم الي يكون خطر ويستدعي الخوف
لما يكون مثل الغازات وماكو غازات قوية بمناطق بالضهر والبطن
وتجي من تحت الصدر مسحوبة لجوة
وتسبب توسع ملحوظ
وتصير الوحده متكدر تنام ولا تكعد ولازن تعصر نفسها وبطنها
الم مو طبيعي ومستمر واكثر من الم الولادة
اما التقلصات هذي عادي وتحصل من وقت للثاني
اهم شي امتنعو عن الجماع او التقليل منه قدر الامكان
والحالة النفسية ثم النفسية ثم النفسية
لانها اهممممممممممممممم شيئ بالحمل واخطر شيئ لو ساءة
والاكل مهم
ديري بالج تصوميييييييييييين
اني صمت ببنتي بالشهر السادس وكم يوم.. رمضان كلة
وجبتها بيوم العيد
على اقل من 8 اشهر ووصلت الموت لولا رحمة ربي
اني اوصيجن كلجن خصوصا البجريات الجدد
لان اخاف عليكم وغالين والله.

[نبضات قلبه]

والله اني ازوجت شهر 9 وكنا نعرف ما راح انسوي طفل حالياً

بس اجتني البريود شهر 11 يعني غابتلي شهر وجان اول مرة يصير هيج وجنت ادري هم مو حمل

واجتي اخر مرة شهر 12 وبعد ابد ما شفتها بشهر الواحد حللت دم وطلع سلبي واني جنت اعرف راح يطلع سلبي...

وضلت غايبة شهر الثاني كله فـ سويت موعد واهنا خلكَهم طويل انطوني بشهر الخامس موعد اروح انزل البريود حتى انظمها بس بشهر الثالث يومية كاعدة وابجي على اقل حجاية وامي كالت هالشي مو طبيعي روحي حللي, رحت حللت وطلع خطين بوكتها كلت اني ما اعرف استخدمة واصلا مو حامل ثاني يوم كلت لامي هية جابتلي واحد من الصيدلية ووكفت على راسي وهم طلع خطين رأساً خابرت الدكتورة وسوتلي تحليل دم وكالت حامل بس ما عرف شكد عمر الطفل بس والله اتخيلوا لو منطيني موعد قبل الخامس ورايحة منزلة البريود بصراحة جان كلش اتأذيت لان مثل ما كالت الاخت بنوتة احساس مو طبيعي وحتى زوجي فرح كلش بطريقة استغربتها...

الحمد لله على كل شئ

[*بنوتة عراقية*]

نبضات قلبة
سبحان الله لو ما امج ماجان اصلا عرفتي والحمدالله الله يتمم عليج بلخير

[نبضات قلبه]

فوفو الله يسعدج يا رب
ويطول بعمرج ان شاء الله
ويكَومج بالسلامة

والله اني مشكلة حوضي يوجعني من وكت الحمل ليهسة يعني مرات ما اكدر نهائياً اتحرك
وبالليل احسه مكصوص كص الى درجة اضل اكعد ابجي الليل كله..
واحنا حالياً ممتنعين كلش عن هالشي

لا ما اصوم الحمد لله ما مطلوبة

والاكل كاعدة احاول اكل بس والله دوووم كلشي ما اشتهي...

اصلا بحملي ضعفت والكل ملاحظ هالشي...

تسلميلي يا وردة

الله يحفظج ويكَومج بالسلامة

[حبيبي]

السلالالالالالالالام عليكم
hwaml8شكد حاجين من ورايه يومين ما فتحت النت وحاجين سوالف شهرررر hwaml4

اولا اهلا وسهلا بفاطمه ونباء ونورتو تجمعنااا والله يتمم حملكم
ثانيااا hwaml03ما صدكت هالمفاجاء الحلوه وئام تعود الينااااا مشتاقه لج ولديمه وشنو اخبارج بتفصيل الممل hwaml02كنت الخميس افكر فيج وفيسرى وام كرار والبنات الي فقدناهم وفجاء افتج
واشوفج موجوده hwaml03انتي وام بساسه ام محمد متشوفين شر والله يتمم حملج ومبروك البنوته
ام ايهم اشلونج وبتوفيق يارب لج ولكل البنات الي يختبررون
ام الق بعدها تنااضل ههههههههههههههههه البكر اطول لازم على الموعد او تزيد hwaml02
الله يساعدج ويسهل عليج
زنوبه مخلصت نقل العفش hwaml8الله يساعدج
ايه وام نورهان وفوفو ومي وعسل وروضانيه اشلونكم
عذاء اشلونج اي انا مطلع الا اخر اليل مو كلت لكم خفاااااش ههههههههههههه

فاصل واوصل 10 دقايق وارجع hwaml17لا تروحون

[نبضات قلبه]

بنوتة اي والله اصلا حتى الدكتورة بوكتها كالت هذا سترس مال الزواج وهسة انزلها وتتنظم, تعرفين دكاترتهم هنا شلونهم؟

بس امي ابد جانت ما ممقتنعه بهالشي وسبحان الله غايبتلي شهرين بس جنت مو حامل بهالشهرين حملت من شهر الثاني...

الحمد لله الله يتمم على الكل وتكومون بالسلامة

ويرزق كل من تريد الحمل يا رب امين <3

[نبضات قلبه]

حبيبي يا هلا بيج وردة هذا نورج اللي سابقنا... تسلمين

[فوفو العراقية]

نبأ
حبي صاير وياج حادث زالكة واكعه
لان حالج يشبه حالي
اني ببنتي الاخيرة بشهري الخامس زلكت من الدرج ووكعت
ونكسر الحوض الامامي عندي
وميتعالج
ولما احمل ينفتح العضم الامامي المكسور وتحديدا بالامام بالوسط
ويوجع وجع مو طبيعي
خصوصا لما الجنين ينزل لجوة
ف محتمل عندج كسر لا سامح الله
والله الله يعينج
اني حاسة بيج
الم الحوض مينحمل فوك الحمل
ربي ييسر عليج ويخفف حملج وتجيبين وتكومين بالسلامة.

[*بنوتة عراقية*]

هلا بيج حبيبي
مشكورة على ترحيب

[فوفو العراقية]

هلو رحووووووووووووووووبه
شلونج قلب؟

[*بنوتة عراقية*]

نبضات والله كلش صعبة دكاترهم

اكول انتي وين بلضبط عايشة؟

[فوفو العراقية]

اني اروح انام
وباجر ان شاء الله الصبح اجي
ونكمل حجي
الغو انتو ههههههههههه للصبح
بس اني ام الدب تنبل نوم ههههههههههه

تصبحون على خيررر.

[*بنوتة عراقية*]

ههههههههههه فوفو روحي نامي مسكين ابنج غركان في ماي ركي ههه
نوم عوافي

[نبضات قلبه]

فوفو والله ما اذكر اني دوووم انجبح هههههههههه
بس اني لا الجهة اليسرى بس توجعني واذا اشتغلت بس شوية رأساً يهيج الالم عليه
الى درجة وصل الالم لرجلي اليسرى وصايرة مرات امشي عرجة :(
الدكتور ما يقبل ينطيني دوا يكولي كلش مو زين عليج وهمات يكولي سوي رياضة و اسوي احياناً رياضة بس ما فاد

الله يخليج تسلميلي وان شاء الله يا رب الله يسهل عليج وتكومين بالسلامة

[نبضات قلبه]

فوفو تصبحين على خير

نوم العوافي

نشوفج باجر

[مي &]

ولج رويده الله يشهد اليوم الضهر اتذكرتج وكلت الله ايساعدها ام الوقه شلون متحمله فراكه كل اسبوع لو اني جان انجنيت

[نبضات قلبه]

بنوتة حشى السامع دكاترتهم اغبياء كلش :(

اني عايشة بكوبن هاكن بمنطقة اسمها لونبي شي نص ساعة بالباص والقطار بس بالسيارة 10 دقايق عن كوبن هاكن

[رويدة_ أم ألق]

رحووبة يا هلا بهالطول يا مية هلا ...

[*بنوتة عراقية*]

اها بكوبنهاكن عندنا ناس انعرفهم اهناك وبأودنسا هم نعرف

[رويدة_ أم ألق]

نوم العوافي فوفو

لا مي زوجي كل خمس ايام يسافر وميطول
لكن حاليييا يريدون يغيرون نظامهم
على القديم اني أضوج وأشتااقله .. اذا طبقوا الجديد شلون؟

[نبضات قلبه]

والله بأودنسه ما نعرف هواي بس اني خالتي واقاربي نصهم بمالمو

فـ دائماً اجي مو بعيدة ومن لونبي محطة لهليغوب ومن هليغوب دايكرت المالمو يعني تقريباً هم 35 دقيقة

سويلنا شي زيارة خلي نشوفكم

[مي &]

تصبحون على خير يابنات

[*بنوتة عراقية*]

انتو بيت منو؟

ههههه والله مافتكر انو اكدر اجي

[نبضات قلبه]

مي تصبحين على خير وردة



_____


بنوتة اني من عائلة الكعبي وزوجي نصراوي وما غيرت على عائلته بقيت كعبية هههههههههههههههه عنصرية شأسوي

وانتي من بيت منو؟

[حبيبي]

يا هلا فيكم تحجون على الحمل وتعبه الله يسااعدكم
ام الواقه حبيبتي مشتاقه لج وفكر فولادتج ونتظرهااا
مي اشلون بروره

اعرفكم على نفسي البنات الجدد
اسمي رحاب
سعوديه
عندي 4 اطفال
2 بنات و2 اولاد
وربت بيت اطبخ وغسل وكنس خخخخ وربي جهال خخخخخ

[عذراء الجابري]

صباح الخير والسهر بنات
اهلاً وسهلاً بوئام & فاطمة & وبعد وحده فلتت
اقدملكم نفسي عذراء مواليد 1982 صارلي 3سنوات متزوجة وعندي بنت الهدى اليوم الاربعين مالتها ربي يحفضها الي
ام الق آخر الاخبار
رحاب اليوم كلت الا اكعد وره نص الليل حتى اشوفج ياخفاشة الليل

[*بنوتة عراقية*]

حبيبي
امنيتي يكون عندي 2 ولد و2 بنات وخلاص ستوووووووووووووب ماكو بعد هههههههه
الله يخليهم يارب

[*بنوتة عراقية*]

انا من عائلة الركابي وزوجي الغزي

بس انا قصدي بيت ابو منو؟

[حبيبي]

هههههههههههههههههههههه اهلين عذراء نورتي السهره ههههههههههههههههههه
اشلونج وشلون بنت الهدى وعمليتج صارت زينه مشتاقه لج


بنوته ان شاء الله اجيبين اربعه وستوووب
اني حاليا استووووب وللابد بس
الله اعلم بلمجهول خبركم لسعوديين لازم 12 فلبيت ههههههههههههههههههه فريق كره وواحد للحتياط خخخخخخخخخخخخخ

[*بنوتة عراقية*]

هههههههههههههههههههههههههههههههههه حبيبي والله ضحكت لازم لواعب كرة هههههههههه
لا احلا شي بس 4 والله احسن شي

[حبيبي]

اووووو عذراء اليوم الاربعين
طالعه من الشررر ان شاء الله انتي والبنوته
والف مبروووووووووك اطلعوج

متى العرس هههههههههههه انريد انزغرط وناكل حلوياااااااااات

[*بنوتة عراقية*]

ميتة نعس واريد انتضر لصلا بعد ساعة اووووووووووووووف بلغصب فاتحة عيوني

[حبيبي]

لالالالالازم لو يتزوج عليج هههههههههههههههههههههه اختري الفريق لو زوجه ثانيه على راسج ههههههههههههههههههههه

[نبضات قلبه]

هلا برحاب ربي يحفظلج اولادج يا رب ويتربون بعزج ان شاء الله منورة


____

نورتي عذراء ربي يحفظلج بنت الهدى يا رب


____


بنوتة اتشرفنا وردة

اني ابوية اما ينادوه ابو نبأ لو أبو امير واكثرها ابو امير

[*بنوتة عراقية*]

ههههههههههههههه لا يما مو بكيفهم كلشي يكلون اي هوا اهنا نتعذب ونتحمل وهما ماعليهم شي لا والله خلي اتمنة يكون 4 وخلاص استوب ماكو بعد

[حبيبي]

لالالالالالالالالالالا مصدكت لكيت ناس تسهر خلكم معاااي لصلاه هههههههههههههه
الصلاه خير من النوم خخخخخخخخخخخخخخ

[*بنوتة عراقية*]

نبضات قلبة
ااها ما سامعة ههه علأساس كلت يمكن نطلع عرف هههههههههههه يلا شرفت بمعرفتج واهلا وسهلا فيج

[عذراء الجابري]

هلا ورحب يرحوب اني الحمد لله كليش زينة وهداوي بعد اتبوس خدج
اكول بناتنا الحلوات الجديدات شو اطونة عطوة ههههههههه صارت عشاير شنو عدنا فصل خخخخخخخ

[*بنوتة عراقية*]

هههههههههههههههههههه
لانريد انخطب هههههههههههه من عندهم ف لازم نسأل ههههههههه لا امزح

[حبيبي]

تسلمي نبضااات ويخليلج البيبي وتشوفيه بحظنج
فطومه اذا زوجج مقتنع ب4 خلاص استوووووب
ههههههههههه خافت من الفريق

[*بنوتة عراقية*]

ههههههههه والله ما كتلة ههههههه ولا سألتة بس مادري والله اكدر اقنعة هههههه

[حبيبي]

ههههههههههههه عذراء

اي هلايام الخطبه وزوج عن طريق النت والمنتديات خخخخخخخ زواج اخر زمان

[نبضات قلبه]

ههههههههههههههههههههه مو احنا العراقيين لازم دوووم نسأل من يا عشيرة لو من يا عمام لو بيت منو

بنوتة اي اني هم كلت بلكي نطلع عرف بس ما فرقت انا اخوات ان شاء الله اهنانا



نورتي بنوتات والله حتى اني نعست وزوجي يكَولي اليوم مكَابله هالنت وكاعدة اشعندج هههههههههههههههه

[*بنوتة عراقية*]

هههههههههههههههه شايفة شلون حبيبي خطوبة وزواج اخر زمان

[حبيبي]

عندي طريقه وجربتها انو يقتنع بواحد مو اربعه هههههههههههههههههههه
انتي بس احمليه فبطنج ولولديته اتركيه لابوه
وتشوفي النتائج هههههههههههههههههه

[*بنوتة عراقية*]

نبضات ونعم فيج حبيبتي ان شاءالله اخوات اهنا
هههههههه انا والله ميتة من نعس اريد انتضر لصلاة صبح بس ماكادرة

وباجر من صبح اريد اكعد واروح لأيكيا يفتحون مكان في اغراض يحطون نص مستعمل ونص جدد واريد اروح اشوف

[حبيبي]

نباضات نحنا بينا عيب الي يعرفنااا يدمن على النت خلي فبالج هالمعلومه هههههههههههههههههههههه

[عذراء الجابري]

هلا بيجن حبايب اتشاقة وياجن
رحوبة تعرفين النت عدنا في بغداد كلش بطيء
اشكرك على الكلللووووش يوم زوجين الاولاد وتفرحين بيهم

[حبيبي]

ايكيااا هم بسعوديه في فرع اتصور ههههههههههه
شنو ناقصج من اغراض البيت وحابه تشتريه

[*بنوتة عراقية*]

حبيبي
ههههههههههههههه انتي لو تشوفين شكول هههههه
هوا يتمنى توم وكتلة اي مو انت راح تتحملهم وتبدلهم يكول لا خلي واحد اهنا واحد يم اهلج ههههههههه كتلة خوش انا جايبة واذبة وكتلة انت تتحمل تبدلهم وتسويلهم ؟ كال لا ههههههههههه

[*بنوتة عراقية*]

حبيبي
اهنا في ايكيا بس انا ما راحد ادخل
راح يفتحون في ناس تبيع اغراض مستعملة بس شغلات اجهزة و مواعين نص مستعمل ونص جدد ف كلت اروح اشوف يفتحون من ساعة 10 ل 1 واريد اشوفلي كم شغلة اجهزة او مفرمة

[حبيبي]

الله يسااعدكم عذراء على الشبكه
بس فلفندق لما رحت العراق كلش حلوه وسريعه ههههههههههه
وتسلمي يارب وعكبال منزغرط لبنت الهدى

[*بنوتة عراقية*]

ماكدر اقاوم اكوم انام تصبحو على خير

[حبيبي]

اهااا بلعافيه على الاجهزه مقدما هههههههههههه
اني اكتملت ادوات المطبخ ما محتاجه شي حاليا
عندي فرامه 12 قطعه تفرم تبشر تعصر تعجن واشكال مختلفه
وقلايه للبرستد وسمك والبطاطا
وكل شي احتاجه وفرته ولي ما احتاجه ما اشتريه لانا مطبخي اصغيررر اهئ قاهرني كلش المطبخ

[مي &]

بخ
اجيتكم
هلي بعدكم كاعدين
ما اجني نوم كلت خلي افتح نت


هلو رحوبه شلونج شخبارج مشتااقتلج

[حبيبي]

او فطومه راحت اتلاقي الخيررر واحلام سعيده با يكياااااااا هههههههههههههههههههههه

[حبيبي]

الحمدالله اني بخيرررر
وناسه اليوم سهرانين دوم ان شاء الله هههههههههههههههههههههههه
انتى اشلونج وشلون بطنها بروره صارت زينه

[مي &]

وانتي من اهل الخير حبي

[مي &]

مشتااقين الج حبي رحوبه
والله بروره الحمدلله وبطنها الا بلحماله يله تطلع ما اعرف عاادي الو لا
اشو الدكتور كال عادي هيه من وحدهه تصير زينه

[عذراء الجابري]

ممكن اسئلج سؤال رحوبة عندي صديقة من الكاظمية تزوجت قبل سنتين وساكنة بالسعودية في البقيق وين هاي المنطقة تصير

[مي &]

هلو حيبتي عذوره ماشالله انتي همين سهرانه اشلونهه هداوي حبيبتي

[حبيبي]

اي طبعا ممكن عذوره هههههههههههه ابقيق هاي قريبه من الاحساء بين الاحساء ودمام


مي هو طبيعي بس مو زين بعد تطول على التحاميل
عطيها عصير برتقال وخففيه بماي فلممه وخل تشربه يمشي بطنها

[حبيبي]

مي انتي مغيره الها الحليب
وكم شهر هسه بروره وشنو تاكلينها ؟

[عذراء الجابري]

هلو حبيبتي ام برورة هاي كله علمود اشوف رحاب

[مي &]

عصير برتقال
مو الدكتور كال موزير على معدتها الا اتكمل ست اشهر

[عذراء الجابري]

ليش من ايش تشتكي ابرار

[مي &]

منوره حبي غذوره


لا والله حليبها نفسه اسمه سيميلاك
وكنت اوكلها سريلاك مالت اربع اشهر وفوح تمن بس بطلت من شفت بطنها هيج خفت ليكون من هذا الاكل

[حبيبي]

ههههههههههههههههههههه تسلميلي عذوره والله نفسي افتح فنهار بس شغل البيت والولاد مااكو مجال
ومدارس


هو البرتقال مو زين لمعده الطفل بس اني نصحني فيه الدكتور وطفالي بس شهرين
كال بدل معطيج مواد كميائيه لعلاج البطن خذي البرتقال وخففيه بماء يعني بيصير خفيف على معدتهم
ونطيها كل يومين ما يضر

[مي &]

والله ياعذوره بعيد عن بنتج اشالله عدهه امساك صاره تقريبا فوك الاسبوعين الا احنا انطلعه يله تطلع بطنهه >> وانتو بكرامه

[حبيبي]

حليب السيميلاك اكثر الاطفال ميناسبهم ويسبب الهم امساك
وغلط تعطيها التمن والسيريلاك هو على العبه مكتوب من 4 اشهرر بس الدكاتره متنصح بيه
اتكول يكملون السادس وبدئ بلاكل
وصدرج مترضع ؟

[مي &]

والله يارحوبه راح اجرب البرتقال باجر انشالله
يعني هي بعدلها 12 يوم واتخلص 6اشهر والله اعتفد ميضر على هل 12 يوم مو صح

[عذراء الجابري]

الله يساعدك على التعب ومدارس وامتحانات
مي اني هداوي اطيها صدري بس ميكفي كمت اطيها سيميلاك 1
بس بطنها متطلع الا يومين او ثلاث تكرمون

[حبيبي]

اي ما يضرر ان شاء الله اني مجربه
وهو طبيعي الطفل يصير عندو امساك لا تخافين ترجع لوضعها
ومرات تكرمي اسهال ومرات امساك

[مي &]

لا مترضع من لانها من اول يوم مقبلت تاخذه وكانت اتنام جوعانه فخفنا عليهها وجبنالها حليب

لان من وديت بروره ذاك اليوم للطبيب كال السريلاك م اتكمل 6 اشهر

بصراحه كلبي متكطع عليهه وحيل خايفه

[حبيبي]

عذراء انتي هم طبيعي لانا اضطربات فلمعده اتصير عندهم
من تغير الحليب واذا اتعود بطنهم يرجع طبيعي

[مي &]

هاا صدك عذوره بنتي همين هيج الله ينطيج العافيه طمنتيني يعني عادي

[مي &]

انا الدكتور كالي في اطفال طبيعي عندهم المساء اربع او ثلاث ايام
بس اني لان خايفه على بنتي كل شويه تجيني فكره شكل

[عذراء الجابري]

اسمحولي بنات زوجي كعد ويباوع علية بعين الغضب
تصبحون على خير قبل ما اسمع حجاية منه

[حبيبي]

اي كلش عااااااااااادي
من يطلع الطفل من بطن امه الى السنه
وهو امساك اسهال
وبجي ما يسكت وتاخذيه لطبيب ويكولج طبيعي وما فيه شي

[مي &]

عذوره كتبت بنتي وانا اقصد بنتج

[حبيبي]

هههههههههههههههههههههههههههههه اتلاقي الخير عذراء
باوعيله بلعين الثانيه غمزه حب ههههههههههههههههه
ومشكوره حبيبتي عذراء سهرتي لاجلي hwaml53hwaml53
بوساتي لج ولبنت الهدى ونزلي صورتها اكيد كبرت hwaml7

[مي &]

وانتي من اهل الخير حبيبتي

[مي &]

يله اني همين الحك اناملي شويه قبل متكعد بروره
تصبحون على خير واحلام سعيده

[حبيبي]

تغليس اخر اليل مي ههههههههههههههههه بنتج وبنتها واحد ههههههههههههه

[حبيبي]

اتلالالالالالالالالالاقون الخيررر حبيباتي انبسطت اليوم بشوفتكم
ويااااااارب دوم خخخخخخخ طماعه

[بناتي كل حياتي]

بنات تكفون دعواتكم لي بالنجاح

[o فرح عمريo]

صباح الحب والعافيه على عيون الجميع شخباركم حبايبي ان شاء الله تمام
يبووووووو هاي شكد حاجين واحد يرادله ساعتين يله يلحك وياكم خخخخخخ

زهره حبي ربي يتمم حملج ع خير ويرزقج بالذريه المعافاة يارب
ام بنونه ان شاء الله ياربي يرزقج بالحمل السليم المعافى عاجلا غير اجلا امين يارب العالمين
ام الوقه الورده ياربي يسهلج حملج وتولدين بألف سلامه
نبأ-فاطمه-ساره مليووون هلا بيكم نورتو المنتدى بتواجدكم
ام نورهانه ربي يوفقج ان شاء الله وتبشرينا بالنجاح امين
فاديه -حوراء-ام بنونه-ام نورهانه-زينب-رحوبه- مي -نبأ-فاطمه-عسوله-ام الوفه-عذراء -نعومه -ام ايهومي-
وكل الغوااالي بدون استثناء تحياتي واشواقي الكم

[o فرح عمريo]

رح اجاوب اني هم اسويلكم واهس hwaml7hwaml7


1- شلون تعرفتي على زوجك ؟؟؟ وهل ترينه الآن مثل ماتمنيتي بزوج المستقبل ؟؟

تعرفت على زوجي بدائرة بريد ديالى hwaml23 بوقتها كان عندي تدريب صيفي يصير بالمرحله الخامسه من معهد اعداد المعلمات وهو جان المسؤؤل عليه واستمر تدريبي لمدة شهرين وباليوم الي كان رح يخلص تدريبي صارحني وبعدها استمرت علاقتنا اربع سنوات وبعدها كتب الله لنا الزواج والحمدلله بعد قصة حب جميله ومعاناة ومشاكل وصراعات hwaml15

2- وضحي لنا كيف كان ردك بالموافقه ؟؟؟ وكم كان عمرك وقتها ؟؟؟

ردي بالموافقه اجه بعد ماسألت عنه وعرفته وعرفت اهله وكان جدا مناسب لي من كل المجالات وكان عمري وقتها 21

3- كم دامت فتره الخطوبه وما كان السبب التاخير ؟؟؟وهل تعتبريها كما يقولون اجمل فتره ؟؟؟

دامت 11 شهر بسبب الدراسه كنت وقتها مرحلة ثالثه بالجامعه واعتبرها اجمل فتره

4- اذكري لنا اليوم الموعود وكيف كان وياليت لو تذكري جميع تفاصيله ؟؟؟

اليوم الموعود كان اجمل يوم بس حاااااااااااااااااااره نار لأن بعز السادس وتعرفون الجو بالعراق بالصيف يخبل خبال وصار زواجنه بقاعة من ال5 لحد 8 مساءا بس اصعب موقف لما طلعت من البيت وشفت امي وابويه وخواتي والدموع مانشفن لحد ماوصلت hwaml93hwaml93


5- اين كان شهر البصل ههه اقصد العسل ؟؟

بالشمال (السليمانيه) بس رحنه لمدة اسبوع فقط

6- موقف في شهر العسل عاش بذكراك ويجعلك مبتسمه عندما تتذكريه و موقف اخرمحرج ؟؟؟

من صعدنه للغرفه مالتنه والي هي فوك شالني hwaml67من الدرج لحد الغرفه

7- كم مدة زواجك ؟؟ وكم لديك اطفال ان وجد ؟؟؟؟

10 اشهر ؟؟ بعد ست اشهر حملت ولكن صار عندي اجهاض من شهر تقريبا


8- موقف او حادثه او قصه حدثت اثناء زواجك واحسستي بانك مثمره ؟؟؟ وموقف اخر ترك اثر بليغ في نفسك ؟؟؟

قصة اجهاضي جدا تركت بليغ الاثر في نفسي لأني كنت جدا فرحانه واعد الايام والاشهر ولكن الحمدلله على كل حال

9- اهم النصائح التي تقدمت لكي قبل الزواج وممن كانت؟؟؟؟

يبوووووو كووومه نصائح من الصديقات والخالات
ولكن اهم نصيحه اخذتها من زوجي بأن لا اسمع الى كلام احد واتذكر دائما بأنه سيحبني دائما وابدا

10- نصيحه تقديميها لكل عروس ؟؟؟؟

لا تهملي الرومانسيات ابدا لأنها قلب الحياة الزوجيه \
ولاتقارني حياتك وزوجك بأي احد

بأنتظار اجوبتكم الحلووووه

بوساااااااااااااااااااااتي

[مي &]

صباااح الخير
والسرور على عيونكم
شلونكم

شلونج حبي فروحه ولج هااي شنو انتي من ديالى يا هلا اني همين من ديالى من بعقوبه الجديده بس حاليه متزوجه وساكنه النجف مهد الشرف

انتي منين من ديالى

انطيج السيفي مالتي

احم احم

اسمي مي مواليد 87
متزوجه من سنه و7اشهر وعندي بنوته وحده اسمهه ابرار عمرها 5اشهر ونص

[عسل بغداد]

صباححححححححكم عسللللللللل ياحلوين

[فوفو العراقية]

http://forum.hwaml.com/imgcache2/hwaml.com_1337418510_264.gif

صباح الخيــــــــــــــــــــــر
يبووو اشكد حاجيات
ادري متنامن يا حوامل؟
اني هسة كعدت ويمكن ارجع انام بعد ساعه هههههههههه

ولجن النمل سنو بالحلم؟؟؟؟
حلمت اطفال صغار ياكلهم نمل الارض واني اخليلهم زيوت على جسمهم حتى يموت النمل وميموتون الاطفال
كانو طفلين رضع وواحد متوفي بالارض
حلم مفزع اللهم اجعلة خير.

[عسل بغداد]

صباح الانوار هلللللللو فوفو عواااااااااااااااااافي عالركي همزين اكلتي اليوم اني هم حلمت بالنمل بس من هذا النمل الكبار
يارب يجعله خير

[فوفو العراقية]

صباج الورد عسولة حبي
ولج اييييييييييييي
نمل كبار ويلزك بالجلد
وياكل البشر يممممممممممة يخووف
بس كعدت محصورة من الركي وكتها وكلت يمكن بسبب الحصرة هههههههههه

[مي &]

هلو شلونكم
فاديه وسجاااوي شكباركم
شنو متفقين على الاحلام بحثو بلكوكل وشوفو معنى النمل شنو

ولج فاديه هاي بنت اختج اتجنن الله يحفضها

[مي &]

شكباركم اي بمعناه شخباركم

نعتذر عن هذا العطل الفني

[o فرح عمريo]

صباااح الخير
والسرور على عيونكم
شلونكم

شلونج حبي فروحه ولج هااي شنو انتي من ديالى يا هلا اني همين من ديالى من بعقوبه الجديده بس حاليه متزوجه وساكنه النجف مهد الشرف

انتي منين من ديالى

انطيج السيفي مالتي

احم احم

اسمي مي مواليد 87
متزوجه من سنه و7اشهر وعندي بنوته وحده اسمهه ابرار عمرها 5اشهر ونص

هلو مي حبي طلعنه كرايب hwaml7hwaml7 مليوون هلا بيج اتشرف بمعرفتج عمري وربي يخليلج بروره وتشوفيها احلى عروس

اني من التحرير وحاليا متزوجه بحي المعلمين مواليد 1988 متزوجه من عشر شهور وصار عندي اجهاض من شهر اسم الله عليكم

[مي &]

ولج ياهله بريحة الحبايب طلعنا جوارين خخخخ
خالتي اتداوم بلتحرير معلمة روضه بس ما ادري شسمهه الروضه

[o فرح عمريo]

هلوو فوفو وعسوله شخباركم اليوم ان شاء الله تمام
ولله مبعرف شي بالأحلام لأن كلشي ميتحققلي خخخخخخ
ان شاء الله خير ياربي

[فوفو العراقية]

هلووووووووووو حب ميوش
صباحك خير وفرح ومسرات
قلب شلونج اليوم
ان شاء الله احسن؟
وشلونهم الاهل وشلونة النجف
حبيبي برورة تجنن الله يحفظها كلما اشوف صورتها ابتسم لا ارادية
لان ابتسامتها بريئة ربي يحفظها...

هبوشة بنت اختي اموووت عليها
ولج اموت واشوفها عالحقيقيه لان همة بكندا

[مي &]

الله ينطيج الي تتمنيه بحق لا اله الا الله

[مي &]

الله ايخليج حبي فاديه وانشالله دوم الضحكه والابتسامه
النجف تزهو بناسهه

وانشالله اتشوفيهه عن قريب انشالله يارب


والله حالتي اكثر من البارحه لان كلما يزيد الوقت يزداد الشوق مع العلم الاتصال والمسجات مستمره

[فوفو العراقية]

هلو فروحة حبي شلونج قلب؟

[مي &]

اقصد انشالله عن قريب اتشوفين بنت اختج

[o فرح عمريo]

بيج اكثر حبي
اهاااا لعد يجوز خالتج تداوم بروضة التحرير الي يم ثانوية الامال لأن بس هاي حكوميه

[فوفو العراقية]

مي
الله يعينج
هوة وين سافر؟
وليش مارحتي ويا؟
وشكد راح يطوول؟

[عسل بغداد]

هلو حبايب ميوشه شلونج يارب يرجع زوجك بالسلامه
الوان حبي اهلا بيج ياورده
هسه جنت ابحث عن النمل بس اني حلمي موحلو فمراح احجي

[مي &]

ما ادري والله فروحه اي هي روضتهه حكوميه

شلونهه بعقوبه هسه قبل شهر جنت اهناك

[عسل بغداد]

لازم هاي اول مره يسافر ابو ابرار

[o فرح عمريo]

هلووو فادية حبي اني بخير اسأل عنج انتي شو اخبارج ؟؟
عسوله احسن لتحجي اذا مو زين وان شاء الله خير

[مي &]

سااافر لاربيل بشمال

ومارحت وياه لان وياه ولد اصدقاءه اثنين فمناخذ راحتنا من وحدنا احسن بهوايه
اما عن الجيه فمو معلوم لو باجر لو الاثنين لو الثلاثاء وبقت يم الله

[o فرح عمريo]

الحمد لله تزهووو بعقوبه
بس حاااااااااااااااااره نااار الجو مينطاق

[مي &]

لا حبي سجااوي مو اول مره
مرتين راح لتركيا و3 مرات لايران
وهاي المره الثانيه ايروح لاربيل

[عسل بغداد]

اهلا بالبنا ت الجددنبضات نورتي عيونني
سااااره وبنوته اهلا بيكم ويانه

[مي &]

خخخخخخخخخخخ بعقوبه حاره لعد لو تجين للنجف شدكولين اتخلين بيضهه بلجو تستوي

[فوفو العراقية]

ان شاء الله يرجعلج بالسلامة
يلا حتا تشتاقون لبعض كم يوم ههههههه

[عسل بغداد]

يله بسيطه اربيل هياتها شمره عصاااااااا

[فوفو العراقية]

يلا اني اترخص
اشوفكم وقت ثاني,

[o فرح عمريo]

ان شاء الله يجي بالسلامه
عاد انتي همتج قبل ميجي سويله فد جو رومانسي وتحضيرات حتى يتفاجأ
الرياجيل يتخبلون على هالسوالف حتى لو ميبينون

[o فرح عمريo]

الله وياج فاديه
نشوفج بخير حبي

[عسل بغداد]

رويده زياره مقبوله
عذراء مبروك طلوع اربعين البنوته يوم تشوفيها عروس

[o فرح عمريo]

اني قبل فتره راح للسليمانيه بشغل يومين وترست ملابسه كارتات صغار وبيها عبارات حلوه
يكول كلش عجبتي الفكره ولسه محتفظ بيهن \
تصوري مره رحت لأهلي ابات هم حاطلي ورقه بملابسي
فالمره هيه تعلم الرجال على هالسوالف

[عسل بغداد]

فوفو الله وياج حب حب

[مي &]

الله ويااج حبي فاديه

حبي سجا ياشمره عصا اني اذا ينزل جوه اشتااقله

والله يافروحه دائما من ايسافر ويرجع ايشوف كلش غير شكل

بس شغلت الكارتات الله شااهد اجتي على بالي بهاي سفرته بس بليه الي دي سافر جان عدنه خطار وكلش تعبت فنمت والصبح من كعدنه حتى ايروح مكدرت لان هو موجود

[مي &]

شنو وينكم كلكم رحتو ويه فاديه

[مي &]

فله ام نورهانه اليوم عدهه امتحان الله ايسهل عليهه انشالله

وامونه ماكو اليوم

[عسل بغداد]

اني مره سويت فكره الكارتات من راح لسوريا خطيه فدوه لعينه خابر جان يكلي
كبرررررررررر
شنو هالسخافه وين ما امد ايدي الكي ورقه

[مي &]

ولكم اشتااقيت لام شوق اشو ماكو
محد يعرف يوصللهه

[عسل بغداد]

الله يديم عليكم المحبه
اني هم يحبني الله شاهد بس يضوج من هاي الشغلات

[مي &]

ههههههههههههههه اشتعل ابليسج والله ضحكتتيني ليش هيج ميحب الرومانسيه

[عسل بغداد]

اي خطيه ام شوق كلنا مشتاقيلها بس كالت ابنها مريض وملنهيا ويا الله يساعدها

[مي &]

اي صح اكو رياجل الحب مالتهم بلكلب وميعترفون بهيج اشياء هذا زوج صديقتي هيج

[عسل بغداد]

موكلش ويه الرومانسيه فا سميناها( منسيه)اختصرناها

[مي &]

يا خطيه ابن ام شوق الله ايكومهه بسلامه ويحفظ كل طفل لاهله

[مي &]

يله المهم الحب موجود

فروحه ما ادري وين راااحت

[مي &]

اكلج سجاوي موجنتي خاله صوره فروحه بنتج وين وديتها ولج اتجنن الله يحفضها امببنه كلش نزاكه

[عسل بغداد]

تره اكثر الرياجيل ميبينون حبهم عبالك راح ينقصون

[مي &]

وينكم اشو اختفيتو

[عسل بغداد]

الله يسلمج حبي ويحفظ بروره هسه ارجعها
تره طفت الكهرباء وتأخرت عليج

[عسل بغداد]

راح اخلي صورتها من جان عمرها 6اشهر

[عسل بغداد]

سبحان ربي الاعلى وبحمده سبحان ربي العظيم

[عذراء الجابري]

مساء الخير رومانسيات المنتدى
والله اني من ورة سهرة البارحة ليهسا دايخة كلة من ورة رحاب متطلع الا بنص الليل
اشكرك عسولة سبحتها وقلمت اضافرها وزورناها الامامين الكاظم والجواد عليهما السلام

[عذراء الجابري]

http://forum.hwaml.com/imgcache2/hwaml.com_1337427512_362.jpg (http://www.iraqup.com/)
محمد ابن عمها لهداوي

[مي &]

ولج سجااااوي فروحه اتجنن الله يحفضها اتجنن خدودها


ولج عذوره هااي شنو هلكمر ايجنن الله يحفضه

[*بنوتة عراقية*]

سلام عليكم اخباركم؟

[روضانيه]

حيل بنات اشكد كاتبين صار ساعه اقره بالصفحاتتتتتت وماكملت >> دخت
ايـ مساء الخير اشوووووووونكم اني اشووو مشتاقتلكم اليوم
طلعت رحت لبيت اختي غيرت جوووو اشووووووووووويــه واجيت
ورحنا لبيت اهل زوجي يعني اليوم اني دياحه وسفر خخخخخخخخخ

[فوفو العراقية]

مساء الخير
شلونكم حبايب
شمسوين شخباركم؟

هسة اجيت للبيت
جنة معزومين اني والبنات ابيت صديقتي على غده
وهسة رجعنه
تونسنة كلش تغيير مهم جدا ولمة الصداقه حلوة.

شلونجن شكو؟؟ ماكو؟؟

[روضانيه]

هلا بنووووووووووووووووتة وعليكم السلام والرحمه
اخبارج خيتي

[روضانيه]

مساء العسل فوفو
واهم شئ اتونستي اليووووموغيرتي جوووووووووو

[*بنوتة عراقية*]

روضانية
الحمدالله بخير انتي شلونج ان شاءالله بخير؟

[روضانيه]

الحمدلله اني زينه
بس دا احس مثل المغص بطني ديجي ويروووووح
يمكن غازات مثل متكووووول دكتوووره فوفو

[مجنونة بحبها]

مساء الورد لاحلى ورد


شلونكم اخباركم

اليوم رحت لكربلا وزرت واندعيتلكم بلصحه والعافيه وتحقيق امنياتكم


اروح اقره الصفحات وارجع

[روضانيه]

هلا ب اموووووووووووون يامية هلا
زيارة مقبوووووووووووووله وشكرا ع الدعاء حبيبتي

[*بنوتة عراقية*]

حبيبة ماما
زيارة مقبولة ومشكورة

[روضانيه]

متابعه فاطمه بنات منو دا اتشوووووووووووفها منكم