دردشة بنات العراق, دردشة حوامل العراق , تجمع بنات العراق

[ام نورهانه]

لا مو شرط اني نورهان كانت بالعرض وهاي حبيبه امها الوكيحه بالطول لج عيني فد عرومه مبينه من هسه الله يساعدني

[**نورا**]

ليش هوه بقت بنيه من هذا الجيل مو عرومه يمه كل وحده لسانها متر ونص

[eng merna]

هلالاو بنات اني عضوه جديده
مو جديده يعني صارلي شهر هيجي شي بس مكنت اعرف تكو تجمع لبنات العراق فحبيت ادخل وادردش معاكم
اسمي ميرنا عمري 33 متزوجه 5 سنين وماكو طفل
نسبه زوجي صفر
وهاي من الاخر داحجيلكم
سوا عمليه خزعه وماكو فائده هم صفر
ع اساس دنروح لسوريا لو عمان بس مع الاسف الوضع الامني مزين جدا جدا
شسوي وهسه جايتنه العطله؟؟؟؟؟؟؟؟؟؟؟؟؟؟؟؟
فقررنا نروح لمستشفا الوزيرية وحه تعرف شونها؟؟؟؟؟
بس حبيت اسال ع مستشفى الوزيريه شونها؟ انتو مسويييييين تحاليل بيها؟ يم د ابتهاج الالوسي شونها؟ تعاملها؟ ديكولون بيه كادر تركي متخصص مو علمود اريد اسوي انابيب هناك بس ماعرف شسوي حاله زوجي حيل حسسسساسسسه نسبته صفر بس همه كاللوله نكدر نطلعلك منها كم نطفه بس اني داشوفهم مادييين بس يخمطون فلوسهم ويطفرون كلوله العمليه تكلف 60 ورقه مادري شسوي؟؟؟؟ اذا تعرفووووون احد كلوليييييي سلامي
وطبعا مثل حاله زوجي يرادله عمليه التفتيش المجهري بس همه كاللولنه انه نكدر نطلع نطفه 1 مادي اكو هيجي شي؟؟؟؟ اروحلهم لو اتورط وياهم؟؟؟؟؟

[**نورا**]

نورتي ميرنا حبي الف هلا ويا ربي يشافي زوجج من حالته ويصير عدكم طفل وتفرحون بي امين
وبالنسبه للمستشفى اني ما اعرف شي بس د.ابتهاج اشهر من نار ع علم مشهوره ويكولون كلش تفتهم
والطمع بكل مكان موجود بس لو كلامهم مضبوط واكو نتيجه فدوه الفلوس

[فوفو العراقية]

ام نورهان
حبي شلونج
والله اني بطني كبرانه
كلش
والخلفية بلوة ههههههههههه
بس بطني ثكيلة بالكعده والكومة مثلج
وخصوصا بالنوم من اكلب كلش اتأذة
وحجم البطن كلش مبين
خصوصا من اكل
والطفل فوك كلش واحسة كبران كلش مثل طفل ال 7 اشهر
بس كالت الدكتورة عادي
لان حجم الطفل بالبطن من الخارج 18 س.م

[توتايه]

الحمدلله على سلامة رويده حبيبتي اوووووووووي فدوه
الله يكوم البنات بالسلامه ويرزق الرايدات حبيباتي


ميرنا عمري جاوبتج برساله خاصه عمري وادللي

[White angel]

هلاو صبايا شلونكم ناييييمين شي
اليوم أجوي بيت حمايه من الصبح وهسه يله طلعو
تعبانه ونايمه ع القنفه لان ظهري دا يون عليه وب النسبه


الام الق الورده
الف الحمد الله ع سلامتج وسلامت الوقه الوكيحه
وان شاء الله تملي الضوه بحياتكم
وتتربى بعزكم يارب
ويوم الي تشوفيها احلى وأروع عروس
وهاي هلهوله مال وحده ميته من التعب بس تستاهل رويده ام الق
كل كل كل كل كل كلووووووو ووووووو ووووووو ششششش ش ش ش*

[White angel]

حبايبي
الله يبارك بيكم ويوم الجيبوبه مالتكم كلكم ويوم
الي الله يرزق كل من محرومه من الاطفال



هههههههههههه رد ع تبريكاتي مو عبالكم احجي نيابة عن ام الق ههههههههه

[White angel]

يله عيني تصبحون ع الف خير واحلام سعيده للجميع



أني عندي الم بصفحتي اليمنه وعبالي دا احس ب ذبذبات هههههههههه يمكن دفراته هاي

[توتايه]

صباح الورد على عيونكم

[روح ملائكيه]

هلووووو

شلونكم بنات اخباركم؟

اني كلش تعبانه هالفتره وحالي حال اسم الله عليكم

حمودي طلعله سن صغير تحت وابني سووله حفله تخرج مال الثانويه (هذي اخبار تفرح الحمدلله)

بيوم تخرج ابني اول البارحه ملاك بنتي وكعت ع الطبله الستيل وانجرحت بالجفن بس الحمدلله عينها مابيها شي ركضت بيها بالليل للمستشفى طوارئ ضمدوها الها وحطولها لصقات خاصه تلم الجرح بدل الخياط وهسه عينها مسدوده ومورمه ولونها بنفسجي على ازرق اسم الله على اطفالكم...
الله يخليكم لا تخلون الطفل كدام شي يجرح لا يصير بيكم الي صار بيه ...والله لصقة الجروح توكع من كثر الدم !!!

هسه دنحطلها ثلج حتى يفش الورم

المسكينه رغم الي صار بيها تضحك ..لا حول الله

بيت بيه اطفال مايصير واحد يشتري شغلات زجاج بس شسوي لزوجي الله يسلمه يشتري الي يعجبه.. من صارت الشغله كام يصيح شيلوها للطبله

بنات محتاجه دعواتكم ..تعبانه كلش

اشوفكم على خير وسلامي للجميع

[روح ملائكيه]

رويده حمدالله على سلامتج وسلامة الوقه تتربى بعزكم ان شاء الله

[توتايه]

مبروووووووووووك مهاوي على السن الحلو

وربي تشوفين ابنج باحسن الجامعات

وسلامتها قلبي الف سلامه لا زين اني ماخذه احتياطي

مشتاقيلج هوايه الله يفرج عليج

[زينب السعدي]

نهنئكم بولادة امير المؤمنين الامام عليه (عليه الصلاة والسلام) الهي بحق هذا الشهر وهذا اليوم تفرج عن كل مهموم وتشافي كل مريض وترد كل غريب الى اهله سالم وتقضي حاجة كل طالب حاجة بحق محمد وال محمد (اللهم صلي عى محمد وعلى اله وسلم)
http://forum.hwaml.com/imgcache2/hwaml.com_1338800431_755.jpg

[زينب السعدي]

هلو بناااااااااااااات شلونكم كلكم
مهاوي الف الحمد لله ع سلامة ملاك والله قهرتيني انشالله مشافاة معافاة ديربالج يمعودة
والف مبروك تخرج احسان وانشالله يوم تخرج الجامعه ومبروك طلع سن لحمودي ههههههه
بقية البنااااااااات شلونكم
توته شلونج حبي
الله يسهل ع فطومة خطيه انشالله تكون مرتاحه وميصير الا البي صالح الها
اليوم اني صايمه وتوني كاعدة من النوم وهسه راح التهي بعبادتي وادعيلكم انشالله ووراها التهي بالفطور لان كلنا صايمين انشالله
اشوفكم بعدين حبايبي سلامي للجميع

[عسل بغداد]

نهنئكم والامه الاسلاميه بولاده الأمام علي عليه السلام
http://forum.hwaml.com/imgcache2/hwaml.com_1338801372_701.jpg (http://www.hwaml.com/up/)

[عسل بغداد]

مساء الخير بنات شلونكم اخباركم مشتاقتلكم كوماااات

[ام نورهانه]

هلووووووووووووو بنااااااااااااااااااااات باركوووووووووووولي الحمد لله نجحت عاااااااااااااااااااااااااا
ومن هسه شايله هم السادس


مهاوي سلامتها الملوكه وان شاء الله مشااااااافاه حبيبتي ويله ان شاء الله طار الشر

[عسل بغداد]

الف مبروك ولاده الق يارب تشوفيها من بنات السلامه
ربي يحفظها من كل شر
http://forum.hwaml.com/imgcache2/hwaml.com_1338801785_639.gif (http://www.hwaml.com/up/)

[عسل بغداد]

زينب انجل مبروك دخولك الخامس
يوم الي تكومين بالسلامه

حبي مهاوي مبروك نجاح ابنج يارب تشوفي دكتور وسلامتها هاي الوكحه ملوكه

[عسل بغداد]

هله بفله شلونج عمري الف مبروك النجاح
الله يسهلج السنه الجايه

[عسل بغداد]

ام نورهان اني بطني ام النفاخه بس نص السادس يله بدت تكبر

[عسل بغداد]

ميوشه انشالله زياره مقبوله

[مجنونة بحبها]

هلوووووووووووووووووووو


مهاوي مبروك نجاح احسان

ومبروك سن حمودي

وخطيه ملوكه ماتشوف شر حبيبتي


يارب يارب يسهل كل امورك يامهى بحق هذا اليوم المبارك

[مجنونة بحبها]

مي زياره مقبوله عيني

سجاوي شلونج حبي

[عسل بغداد]

هلو عمري ام بنونه مشتاقتلج شلونج اخبارج

[توتايه]

مبروووووووووووووووك فلايه عمري
ان شاء الله يوم المعدل

[ام نورهانه]

تسلمين حبي سجاوي

زنوبه صيام مقبول مقدما وافطار شهي

[ام نورهانه]

تسلمين حبيبه قلبي توتايه

[*ام هيمن*]

هلو بنات شلوووونكم
منو موجودة؟

[*ام هيمن*]

مبرووووووووك ام نورهانة
يارب دوم النجاح
والمعدل العالي
وانشاءالله تتوفقين بالسادس

[White angel]

مساء الخير

نهنئ صاحب العصر والزمان والامه الاسلاميه ومراجعنا العظام
بذكرى ولادة امير المؤمنين وسيد الوصيين علي امير المؤمنين عليه افضل الصلاة والسلام
ويارب بحق هذا اليوم المبارك
ان ترزق كل من طالب ذرية بالذرية الصالحه
وان تشافي وتعافي كل مريض
وان ترجع الامان والاستقرار في بلادنا بلاد الرافدين
وان ترزقنا شفاعة محمد وال محمد يـــأرب


شلونكم حبايب
اخباركم
فله الف مبروك النجاح ياربي تكملين السادس وتنجحين هماتين وان شاء الله يوم التعيين يارب وطبعا بعد دخولج الكليه وتخلصيها يارب
روح ملائكيه الف الحمد الله ع سلامة بنوتج ومبروك نجاح ابنج ومبروك السن الابنج ربي يعافي ويحفظه من كل سوء

الله يبارك بيج حبي عسوله وربي يقومج بسلامه


بنات حبايب اني كلش متوجعه
بصفحتي اليمنه على ظهري وعمود الفقري نهايتة هماتين الالام كلش قويه
والله لو تشوفون شلون نظفت كعت كعده وكمت اكنس بالمكنسه الكهربائيه واني كاعده

وهماتين حلمت حلم يجنن
بس للاسف مااكدر اسوي

حلمت كأنو واحد مااعرف منو بس هاي اكيد رؤيه
اتصور واحد منو الاثنين
او هو النبي محمد صل الله عليه واله وسلم
او سيدة النساء فاطمة الزهراء عليها السلام
لان سمعت بس صوت وهو كان وجه مممبين


كالي
زينب انتي بيج ولد وراح يكون اسمه مصطفى

كعدت بس فرحانه وضايجه
لان خالي توفى ب الكهرباء وطبعا خالي الكبير
وامي اصلا حتى متريد تكول اسمه لان بس تتذكره تنقهر وتبجي
لان وصلت لحد الجنون من توفه
والله روحي طلعانه
هذا الاسم اموت عليه
شسوي ماادري

[*ام هيمن*]

بالخير على رويدة
وبالخير ماجاها
ويارب تتربى بعزهة وتكوم بالف سلامة

[*ام هيمن*]

روح ملائكية مبروك نجاح ابنج وتخرجة
ويارب كل سنة تشوفي باحسن معدل واحسن درجات
ومبروك لابنج عالسن الصغيروني

[*ام هيمن*]

وايت انجل
حاولي تراجعين دكتورة اذا بقة الالم بظهرج على طول
اني هم جان عندي الم بظهري
ومن راجعت لدكتورتي كالت الي تحمل بولد
ظهرهة ورجلهة تاذيهة
ولحد هسة مرات هم يوجعني

وبالنسبة للحلم انتو اذا متفقين على اسم ابقو علي
وشوفي ترة الجهل يجي واسمة مكتوب وياه
اني شكد ظليت متمسكة باسم يزن وحبيت هالاسم هواية
بس ورة ماولدت ثاني يوم تغير سبحان الله
هو اسمةوياه لتظلين تفكرين هواية

[*ام هيمن*]

بنات عندي مشكلتين بليز اريد حل وماسعدة
ابني من ينام ميعرف الة ينام على بطنة
خبلني شكد حاولت اغيرة ميقبل
يرد مرة ثانية يرجع على بطنة
ويمص اصبعة
بالغرم ممخليتة جوعان ابد
كل ساعتين انطي اكل مااخلي جوعان
وخليت صبر مر بايدة وهم مصة
ولبستة جفوف وهم مصهن
وشديت ايدة وماكو فايدة ظل بس يبجي
خبلني شلون شسوي بليز

[White angel]

وايت انجل
حاولي تراجعين دكتورة اذا بقة الالم بظهرج على طول
اني هم جان عندي الم بظهري
ومن راجعت لدكتورتي كالت الي تحمل بولد
ظهرهة ورجلهة تاذيهة
ولحد هسة مرات هم يوجعني

وبالنسبة للحلم انتو اذا متفقين على اسم ابقو علي
وشوفي ترة الجهل يجي واسمة مكتوب وياه
اني شكد ظليت متمسكة باسم يزن وحبيت هالاسم هواية
بس ورة ماولدت ثاني يوم تغير سبحان الله
هو اسمةوياه لتظلين تفكرين هواية

هلو حبيبي شلونج
اكولج هاي من البارحه لليوم موتتني
وبالنسبه للدكتورة العاويه
متحجز لي وبس اتصل عليها ادكولي اي روح للمستوصف بس اني من دون العالم حصلت على هيج عاويه
يعني تخيلي السونار الواحد ياخذه ب الاسبوع ال 18 واني مخليته ب الاسبوع ال 20
طلعت روحي منها خل اخابر واغيرها احسن لي


وع الحلم زوجي كلش عاجبه يسمي على اسم النبي محمد *ص) بس يكولي لو احمد لو محمد لو مصطفى بس اني عاجبني مصطفى وماادري الله كريم

[*ام هيمن*]

منو موجووووووووووووووووووووووووووووووووودة؟؟؟؟؟؟؟؟؟؟؟

[*ام هيمن*]

الله كريم عيوني
مثل ماكتلج ترة يجي اسمة وياه والله

[*بنوتة عراقية*]

سلام عليكم شلونكم!

انا الحمدالله خلصت العملية بس متت من الم اليوم من كعدت صبح اخذت حبيتين و وراها بديت الام زاد وقت يلي جنت بلمستشفى وكمت اصيح واخذوني لغرفة العمليات وانطوني بنج كامل وراها نص او ساعة تقريبا يلا كعدت والحمدالله عديت على خير واول ما دخلت والله ضليت ابجي وقريت فاتحة لأم البنين ع
والحمدالله وشكر ولحد الحين عندي الم ونزيف قل اشوي بس مادري اذا يرجع!

[*ام هيمن*]

حمداله على سلامتج بنوتة
الله يعوضج خير
المهم صحتج وسلامتج
وانشاءالله ربي يرزقج بالذرية الصالحة يارب

[White angel]

سلام عليكم شلونكم!

انا الحمدالله خلصت العملية بس متت من الم اليوم من كعدت صبح اخذت حبيتين و وراها بديت الام زاد وقت يلي جنت بلمستشفى وكمت اصيح واخذوني لغرفة العمليات وانطوني بنج كامل وراها نص او ساعة تقريبا يلا كعدت والحمدالله عديت على خير واول ما دخلت والله ضليت ابجي وقريت فاتحة لأم البنين ع
والحمدالله وشكر ولحد الحين عندي الم ونزيف قل اشوي بس مادري اذا يرجع!



الف الحمد الله ع السلامه حبيبتي
وربي يشافيج ويعافيج
وربي يرزقج ب الذريه بجاه الحبيب المصطفى
والله اني راح انتحر من وره الطبيبه مالتي
لج خابرت 1177 كالت يمكن صاير عندج بواسير وهيج دا تتالمين وهي الحقيره حشاكم مدا تجاوب
لكم راح اموت صاير عندي قبض قوي وهسه من فتت للحمام تكرمون
عبالك كزيز بي ومااكدر حتى امسح متت
وهي ولاعبالك اوف ياربي شوكت اخلص منها الله لاينطيها

[*بنوتة عراقية*]

مشكورة حبيبتي ام هيمن والف حمدالله وشكر

[فوفو العراقية]

مساء الخير
شلونكم وحده وحده
عساكم بخير

رويده ماجتي؟
طمنوني عنكم.

[White angel]

مساء الخير
شلونكم وحده وحده
عساكم بخير

رويده ماجتي؟
طمنوني عنكم.

مساء النور حبي
شلونج حبي اخبارج
اما عن اخباري زفت وعاويه

وب النسبة الرويده لا مااجت لي هسه
هسه هي ملتهيه ب الق ومدا تصدك واخيرا وصلت الله يهنيها بيها ويسلمها

انتي شلونج وشلون النونو

[*بنوتة عراقية*]

زينب انجل
الله يسلمج
عاد انتي مالكيتي الى هذولي 1177
روحي لأكوت ما راح يفيدونج هذولي ف هسة انتي روحي حتة تطمنين اكثر لا تسكتين على نفسج والله انا شفت حالتي كل ماشوف شي او يصير شي والله اركض لأكوت ف انتي روحي وحتة بعد تطمنين والله يعينج

[فوفو العراقية]

بنوته حبي شلونج؟
مارحتي للموعد لو بعده؟

[White angel]

زينب انجل
الله يسلمج
عاد انتي مالكيتي الى هذولي 1177
روحي لأكوت ما راح يفيدونج هذولي ف هسة انتي روحي حتة تطمنين اكثر لا تسكتين على نفسج والله انا شفت حالتي كل ماشوف شي او يصير شي والله اركض لأكوت ف انتي روحي وحتة بعد تطمنين والله يعينج



فطوم تحجين وكانج متعرفيهم
اروح يطردوني اصلا ميهتمون بس اني هاي النذله خبلتني
لج عبالك كزيز موجود بهذيد المنطقه والله راح انجن وخايفه ع الجنين
ربي شدا تطلع لي سوالف من جوه الكاع

[فوفو العراقية]

حبيبتي هلو زينب السويد
شلونج قلبي
خير اشبيج؟
احجي لا تخوفيني شكوو؟


وبالنسبة الي والنونو زينين
وبس يدفر (جلاليق) هههههههه

وانتي النونو مالتج ماتحرك؟

[*بنوتة عراقية*]

زينب والله ادري بيهم بس هذة الشي ضروري لا تسكتي مو زين اكو روح بداخلج وانا والله اعرفهم واهنا شفتهم والله شفت ضيم من وراهم بس شسوي الحمدالله هاي نهايتة ف لا تسكتين والله انقهر من اشوف احد هشكل وكاعد وساكت

[White angel]

حبيبتي هلو زينب السويد
شلونج قلبي
خير اشبيج؟
احجي لا تخوفيني شكوو؟


وبالنسبة الي والنونو زينين
وبس يدفر (جلاليق) هههههههه

وانتي النونو مالتج ماتحرك؟


فوفو اني مو زينه
من البارحه لليوم الالام كلش قويه بصفحتي اليمنه وبنهاية ظهري
اليوم لازمني قبض قوي تكرمين
فتت ع الحمام مدا اكدر وبس اطخه عبالك بي كزيز خابرت ع قسم النصائح ادكولي هاي علامات البواسير وراح انجن خايفه ع الطفل والله ياربي راح اموت
لالالالا هذا نايم ميتحرك هو يعني حركه خفيفه اكو بس مو دفرات دفرات

[*بنوتة عراقية*]

فوفو اليوم رحت وكتبت صفحة قبلها شوفي مابيه حيل اكتب ههههه

[*ام هيمن*]

عيني وايت انجل
روحي بدلي دكتورتج خلي تولي
شنو قابل الي خلقهة ماخلق غيرهة؟؟؟؟؟
راجعي الدكتورة افضل الج وللبيبي

[White angel]

عيني وايت انجل
روحي بدلي دكتورتج خلي تولي
شنو قابل الي خلقهة ماخلق غيرهة؟؟؟؟؟
راجعي الدكتورة افضل الج وللبيبي


اي والله لازم هذا الشي يصير بس غير يجاوبون الانذال ماكو

[فوفو العراقية]

زينب
لا تتهوريييييييييييين
اني هيج صار بية 100%
وكالو مكن الزايده
وسوولي فحوصات طلع ماكو شي
ورحت للمستشفى سوولي سونار كالة الطفل متمركز على جهة اليمين
ابد لا تسوين شي
وبطنج الامساك اكلي على الريك الصبح 3=5 حبات تين مجفف ويا كلاص مي
ولحكي على روحج
ههههههههههه
وكثري ركي
اني بنفس فترتج صار بية هيج شي والبنات يدرون
وطلع ماكو شي ابد
لا تقلقين القلق موزين...

[*ام هيمن*]

اكلج صدك انس جان عندي امسك قوي بالشهر الخامس لو السادس
ورحت للدكتورة كالت هاي المقويات مرات تسبب امساك
والخروج الله يكرمكم اخضر على سواد

[فوفو العراقية]

بنوته
الف الحمد لله على السلامة
ربي يعوضج بطفل احسن من الي راح
وهانت ان شاء الله كلها كم يوم وتبشرينا بحملج الجديد
والنزف من يقل بعد ميزود بعد الكورداج
فلا تقلقين
حاولي تشربين اشياء دافية
والف سلامة عليج وربي يصبركم ويعوضكم كل خير.

[*ام هيمن*]

هلو فوفو شلونج عيوني
اخبارج وشلون البيبي
انشاءالله زين؟

[*ام هيمن*]

بنات اشو محد جاوبني على المشكلة مال ابني شسويلة؟

[فوفو العراقية]

هلو حبي ام هيمن
حياتي
اني زينه والبيبي هم... انتي شلونج؟
هيمون شلونة؟
عساكم بخير؟؟

[*ام هيمن*]

احنة بخير الحمدلله
يمعودة دمرني خبلني شيبت من وراه طلع روحي
ميكعد وكيييييييح حتى كمت ابسطة وميفيد

[*ام هيمن*]

الاربعاء ارجع لبغداد اووووووووووووووووووف
رح ارجع لعيالي زوجي خبلني ارجعي وارجعي
هو يكلي ارجعي وهو بالدوام يجي السبت
كتلة شسوي راجعة انت انزل اجازة واني اجي فدمرة
يكلي لا تعالي وية والدج من ينزل
اليوم خابرت خالتي ام زوجي تكلي صارلج 20 يوم هناك موكافي
علساس كاعد تشاقةوذبتلهة حجاية هلكبرهة ههههههههههههه
كتلهة شتسوون بية كافي ماضجتو مني؟
كالت شنسوي بيج نريد هيموني عوفي وروحي ههههههههههه

[*ام هيمن*]

يلة اني اروح هسة بالليل ارجع مرة ثانية
سي يووووووووو

[توتايه]

انجل حبيبتي شربي عصير برتقال فريش واكلي موز اني جانت هذني تمشي بطني اذا تاخذين حديد تره هوه يسوي امساك

[زينب السعدي]

هلو بنااااااات شلونكم انشالله زينييين شو اليوم مكاتبين هوااااااااي خير
فطومة الف الحمد لله ع سلامتك وانشالله الله يعوضج ويعوضنن خير من الراح ااااااامين
بقية البنات انشالله كلكم زينين

[زينب السعدي]

فللللله الف مبروك النجاح انشالله يارب النجاح الدائم ويم الدخولج بكلية زينة ويوم تخرج ويارب التوفيق بكل جوانب حياتج والله انت شاطرة بكل وكلنا نشهدلج وانشالله ايامج http://forum.hwaml.com/imgcache2/hwaml.com_1338832340_648.gifدايما افراح ومسرات

[White angel]

انجل حبيبتي شربي عصير برتقال فريش واكلي موز اني جانت هذني تمشي بطني اذا تاخذين حديد تره هوه يسوي امساك


هلو بنات شلونكم..زنوبة شلونج فطرتي لا
صيام مقبول وافطار شهي يارب
وباقي البنات اخباركم

هلو حبي توتايه
والله دا اكل بس مدا يصير شي
تخبلت
هسه زوجي راح جاب تين وخليت مي حار وشربته قبل 10 دقايق
بس ماكو شي والله يعيني

[زينب السعدي]

هلو زنوبة الله يعينج والله مااكدر افيدج بهالموضوع بس من خلال كلامج وكلام فطومة الطب بالسويد فاشل وخالي من الانسانيه الله يلعنهم هالحقراء ...الله يكون بعونج ويشافيج عاجلا غير اجلا بحق هذا اليوم
حبي فطرت صارلي ساعتين ونص تقريبا وصليت وكملت اعمالي واندعيتلكم وشربت شاي بس اشتهيت كاسترد اروح اشوف مسلسل فاطمة ووراها اسوي كاسترد

[White angel]

هلو زنوبة الله يعينج والله مااكدر افيدج بهالموضوع بس من خلال كلامج وكلام فطومة الطب بالسويد فاشل وخالي من الانسانيه الله يلعنهم هالحقراء ...الله يكون بعونج ويشافيج عاجلا غير اجلا بحق هذا اليوم
حبي فطرت صارلي ساعتين ونص تقريبا وصليت وكملت اعمالي واندعيتلكم وشربت شاي بس اشتهيت كاسترد اروح اشوف مسلسل فاطمة ووراها اسوي كاسترد

اي حبي الله يعينه عليهم
الف عافيه يارب وتقبل الله الطاعات
يوم الي يفرحج الله بطفل بجاه هو الامام علي ع عند الله وبجاه هذا اليوم

[بنت الخليج]

السلام عليكم بنات اشلونكم ... صار فترة مداخلة لان كلش نفسيتي تعبانة ومدمرة ابن اخوية عمرة سبع سنوات ضربتة السيارة وتوفى الى رحمة الله والحمد لله رب العالمين

[مجنونة بحبها]

هلا ام كرار مشتاقيلج حبي

وبقيه بحياتكم

والله يرزقكم الصبر والسلوان

وان شاء الله يكون شفيع لاهله وطير من طيور الجنه

[مجنونة بحبها]

فله الف الف الف مبروك النجاح
ويارب يوم المعدل العالي
وتصيرين دكتوره حتى اراجع عندج هههههه



ام هيمن عادي انا بنونه من هيا صغيره لليوم من تنام لازم تنام على بطنها
ومص الاصابع هم عادي كل الجهال هيج هوايتهم مص اديهم
فلا تقيديه خطيه بعده صغير

[عسل بغداد]

مساء الخير بنات شلونكم
زنوبه صيام مقبول انشالله

فطوم الحمد لله على سلامتج والله يعوضج خير عن الي راح

ام كرار شلونج حبي البقيه بحياتكم والله يجعلها اخر الاحزان

[عسل بغداد]

هلو زوزو شلونج عبالي دسوين كاستر

[عسل بغداد]

اكلج زينب انتو مو تدخلون عالفيس من المنتدى

[مجنونة بحبها]

هلا زنوبه والله انا كاضيتها ركضه ومن تصير فرصه
ادخل وهاي الحقيره حشاج متخليني
انوب من جانوا هنا جهال حماي علموها تتفل وهسه
تتفل علي اصيح بيها واكلها عيب ولاعبالك موتتني
وانوب حتى على ابوها كتله دير بالك تنطيها مجال تره اركعها براسك
هههههههههه صرت شجاعه اتخبل من الجهال اليتفل

[عسل بغداد]

اي والله كسلانه حتى بالبيت اكل ونوم النهار كله احس نفسي دائما نعسانه
بلكوه اسوي شغل البيت

[مجنونة بحبها]

هلا سجاوي شلونج حبي

[عسل بغداد]

هلو امون حب حب شلونج

[بنت الخليج]

ايمان وزينب وسجى وكل البنات الباقيات الله يبعد عنكم كل مكروه ويحفظلكم كل عزيز وغالي بحق محمد وال محمد

[فوفو العراقية]

مساء الخير
شلونكم حبايب

ام كرار حبيبتي والله قهرتيني
الله يصبر اهلة ويجعلهة اخر الاحزان عليكم
انا لله وانا اليه راجعون
الله عطاهم والله اخذه والله عليه العوض
ربي يعوضهم كل خير.

[عسل بغداد]

هلو فوفو شلونج والنونو شلونه

[بنت الخليج]

تسلمين حبي فادية والله يبعد عنكم كل مكروه شسوي زنوبة مو بيدي النوب صورة بكل مكان بالبيت

[عذراء الجابري]

سلام عليكم بنات
الف سلامة لام الق وجعلها الله من بنات السلامة وقرت عين لك ولابوها
ام كرار البقاء لله والصبر والسلوان لذويها
فاطمة حمد لله عالسلامة والخير في ما اختاره الله
باقي البنات كيف احوالهن انشاء بكل خير

[*ام هيمن*]

هلو زنوبة الله يعينج والله مااكدر افيدج بهالموضوع بس من خلال كلامج وكلام فطومة الطب بالسويد فاشل وخالي من الانسانيه الله يلعنهم هالحقراء ...الله يكون بعونج ويشافيج عاجلا غير اجلا بحق هذا اليوم
حبي فطرت صارلي ساعتين ونص تقريبا وصليت وكملت اعمالي واندعيتلكم وشربت شاي بس اشتهيت كاسترد اروح اشوف مسلسل فاطمة ووراها اسوي كاسترد


صيام مقبول زنوبة
دزيلي ماعون كاسترد

[فوفو العراقية]

هلوووووووووو حبي عسووووووووووووول
اني والنونو ابو الجلاليق زينين ونسلم عليج
شلونه البيبي مالتج؟
يتحرك هواي؟
شخبارج؟

هلووووووووووووووو حبحب زمزم
شلونج قلب
واني مشتاقتلج برشا
حبيبة قلبي

[*ام هيمن*]

بنت الخليج البقاء لله
ويارب يلهمكم الصبر
الله يكون بعون اهلة

[فوفو العراقية]

هلووووووووو توتو وعذورة شلونكم حبايب؟

[عسل بغداد]

هلو عذوره شلونج اخبارج هداوي شلونها

حبي فوفو النونو مالتي البارحه جان يدفر اليوم نعسان

[عذراء الجابري]

ام كرار اشلونج عيوني وشلون الاطفال والله يرحمة برحمتة الواسعة ويكون ذخر لاهلة وشفيع في الجنة
واني بنت اختي زهراء توفت الى رحمة الله وعمرها 6 اشهر وكان اليوم المفروض تسافر للعلاج ولكن الله يفعل ما يريد وهسة حالة اختي كلش موزينة واني وياها وصبرها بس الضنة غالي وعزيز وبعد اجراآت الدفن اخوية يراجع الى الصحة في باب المعظم صار كدامة انفجار الوقف الشيعي وسود علية وجه وبطنة كلة شضايا وسيارتة تملخت وهسة بالمستشفى الله يكومة هو وجميع الجرحى بالسلامة والله ينتقم من اللي سواها في الدنيا والاخرة

[عسل بغداد]

ام كرار اشلونج عيوني وشلون الاطفال والله يرحمة برحمتة الواسعة ويكون ذخر لاهلة وشفيع في الجنة
واني بنت اختي زهراء توفت الى رحمة الله وعمرها 6 اشهر وكان اليوم المفروض تسافر للعلاج ولكن الله يفعل ما يريد وهسة حالة اختي كلش موزينة واني وياها وصبرها بس الضنة غالي وعزيز وبعد اجراآت الدفن اخوية يراجع الى الصحة في باب المعظم صار كدامة انفجار الوقف الشيعي وسود علية وجه وبطنة كلة شضايا وسيارتة تملخت وهسة بالمستشفى الله يكومة هو وجميع الجرحى بالسلامة والله ينتقم من اللي سواها في الدنيا والاخرة
ياعيني البنيه الله يرحمها وانشالله طير من طيور الجنه وسلامه اخوج الله يشافي الكم انشالله ويحفظه ويقر عينكم بسلامته

[عسل بغداد]

شووووووووووووو وينكم

[عذراء الجابري]

اشكرج عيني سجى والله لايشوفكم مكروه

[بنت الخليج]

الله يصبركم خية عذورة ويصبر اختك بحق محمد وال محمد صحيح الموت حق بس الضنة عزيز والحمد لله رب العالمين على كل حال والله يشفي اخوج ويعوضة على اللي فقده

[*ام هيمن*]

عذورة الله يصبر اختك
ويجعل بنتهة طير من طيور الجنة ويرحمهة يارب
والله يشافي اخوج خطية كلهة التمت بيوم واحد
الله يصبركم يارب

[*ام هيمن*]

منو موجودة هنا؟

[kokee]

هلوووووو بنات
لج هلو نورس مشتاقتلج ك...
شخبار هيمو

[kokee]

الله يصبركم عذوره التمت عليكم سوده عليه

[kokee]

هذا رجلي مصيبه بالقران ما فد يوم كلي نطلع نمشي
بس يريد هدومه حاضره واكله جاهز وغرفته نظيفه عبالك خدامه

[kokee]

آخر مره طلعتهه بشهر الثالث من رحنه لبغداد وهاي هيه
اووووووووووف

[kokee]

مرات احس روحي مثل المسجون ومن احاجي يكلي اني فارغلج عدي شغل
لذلك ما احاجي بعد لان الظاهر رجلي (احساس لس)

[توتايه]

اجييييييييييييييييييييييت

[أم أيهومي]

هلوووووووووووووووووو بنات باركولي كملت امتحاناااااااااااااااااااااااااااااااااااااااااااا ااااااااااااااات واخيرا ولكم روحي طلعت واحس نفسي مضروبه براسي..

حبيبتي ام كروري الله ايصبركم يارب ويصبر امه وابوه ويجعله طير من طيور الجنه ويعوضهم خير ان شاء الله


عذراء ربي يصبر اختج ويعوضهة خير ويشافي اخوج يارب ويبعد عنه كل شر



منكول غير حسبنا الله ونعم الوكيل

[توتايه]

طبعا اخذت دوش واجيتكم فيس خجلان كلش كلش

فيمكن راح انمطل

[توتايه]

بيوده عمري ان شاء الله اخر الاحزان والبقيه بحياتكم والله يصبر اهله ويصبركم


شلووووووووووووونكم بنات

[توتايه]

نجوله ان شاء الله ناجحه وتفرحينا شلونه ايهومي

[أم أيهومي]

هلوو توته اشلونج واشلون سفسف

[أم أيهومي]

تسلمين عمري والله زين الحمد لله بس عنده حرارته اشويه مرتفعه على طول خطيه لحد الان مطلعت اسنونه

[توتايه]

عادي عمري خليله من تصعد هوايه تحميله خلال 5 دقايق تنزل فظيعه

اني طلعن 7 وملخني عض

[kokee]

هلو نجوله هلو ايوته شلونجن

[توتايه]

هلو كوكيه حياتي ولج اشو منزلتي صور لولي

[مجنونة بحبها]

عذراء بقيه بحياتكم والله يصبر اختك

ويشافي اخوك ويبعد عنكم السؤ والاحزان

[توتايه]

عذوره عمري اسفه هسه يلا انتبهت على الخبر البقاء بحياتكم والله يصبر اهلها واهلكم

[توتايه]

شلونج امونه قلبي

[kokee]

حبيبتي ايوته فوتي على بروفايل وائل نزلهن البارحه صور لولي

[نعومه التميمي]

مرحباااااااااااااااااااااااااااااااااااااااااااااا ااااااااااااااااا

[نعومه التميمي]

القاء في حياتج عذراء انشاءالله خاتمت الاحزان
زنوبه شلونج شخبار لولي يمكن صار عمره سنه كل عام وهو بالف خير
ايه شلونج حبيبيتي مشتاقتلج شخبار يوسف
باقي البنات شلونكم

[بنت الخليج]

بنات اشكركم من كل قلبي على مشاعركم وياية والله يبعد عنكم كل سوء ويشافي مرضاكم ويستر عليكم وعلى عوائلكم واحبائكم بجاه ابا عبدالله الحسين

[بنت الخليج]

عذورة حبي اشلون صار اخوج طمنينا عليه الله يشافي بحق محمد وال محمد

[مجنونة بحبها]

هلو بنات اشو صايرين سبات


ايه هلا حبيبتي شلونج وشلون يوسف

نجوله مبروك وان شاء الله المعدل العالي


رحاب والله اشتاقيتلها كالت اروح لبيت اهل زوجها
وبعد مبينت

[مجنونة بحبها]

صحيح ابشركم

الحمدلله الحمدلله

تحاليلي طلعت كلها نظيفه وماكو لا تخثر بالدم ولا اي شي يخوف
بس اكو تحليل كالت الا دكتور دم يشوفه وبعد اريد حامد ياخذهم ويشوفله طبيب براسه حظ يقراهن
ويارب هم يطلعن نظيفات وارتاح

[بنت الخليج]

الف مبروك امونة حبيبتي على سلامتج والله يرزقك بالحمل انشاء الله بالنسبة الرحاب اطمنكم عليهة هي زينة والحمد لله وهي حاليا بالمدينة يم النبي صلى الله عليه واله

[*ام هيمن*]

هلو بنات شلونكم
شكوماكو
منو موجودة؟

[بنت الخليج]

الف مبروك ام تورهان وام ايهومي على تكملة الامتحانات وانشاء الله المعدل العالي فادية حبي مبروك عليج السونار بالولد وانشاء الله يوم اتكومين بالسلامة فطومة حبيبتي اهلا وسهلا بيج ويانة ونورتي المنتدى والف الحمد لله على سلامتج والله يعوضج خير انشاء الله ولو اجتي متاخرة تبريكاتي الج والفادية بس اعذروني مداخلة صار فترة ها وصدك زنوبة حبي الف مبروك البيت الجديد وعتبة خير عليكم بعد منو عفية ذكروني بنات ترة كلكم عزيزات بس هذا اللي كدرت افتهمة من البارحة لليوم مكدرت اقرا كل الكتابات والله يحفظكم كلكم ويجعل كل ايامكم افراح واعياد لان انتوا عزيزات علية الله يشهد واكثر من خوات

[بنت الخليج]

هلو ام هيومي حبيبتي اني موجودة اشلونج شخبارجتذكريني لو ناسيتني؟؟؟

[عسل بغداد]

مساء الخير بنات شلونج نورس حبي
بيوده عيني شلونج اليوم انشالله زينه

[عسل بغداد]

امونه الحمد لله من طلعت التحاليل نظيفه

[بنت الخليج]

هلو سجاوي حبيبتي الحمد لله على كل حال الله سبحانه وتعالى ناعم علينة بنعمة الصبر والحمد لله على كل حال انت اشلونج شخبارج

[*ام هيمن*]

هلو بنوتة شلونج
اي اتذكرج بس ناسية اسمج لان هواي بنات ماشاءالله

[*ام هيمن*]

اهل عسولة حبي
شلونج شخبارج
وينج؟؟؟؟؟؟؟

[*ام هيمن*]

http://forum.hwaml.com/imgcache2/hwaml.com_1338900874_299.jpg (http://www.gulfup.com/show/X5mrx1586a45r)

هاي صورة ابني اخذتهة اليوم ديخابر عالخدمة من الصبح هههههههههههههه

[*ام هيمن*]

كعدني من الصبح يريد يخابر الافندي
يمكن جان يخابر الق بنت رويدة هههههههههههههههه

[ام نورهانه]

هلووووووووووووو حبااااااااااااااااااااااااااااايب شلونكم

عذورة البقاء لله وان شاء شفيعة الامها وابوها والحمد لله على سلامة اخوج وان شاء الله يكوم بالسلامة

بيداء حبيبي البقاء لله والله يلهمكم الصبر والسوان ويصبر امه وابوه

[ام نورهانه]

اووووووووووووووي فديته الاهيموني الي يخابر حبيب قلبي فد بوسه نورس من الخدود

[*ام هيمن*]

يوصل حبي ام نورة
تبني منحرف من هسة
يدور حب مثل ابوه هههههههههههه

[*ام هيمن*]

اشو اليوم الدردشة صنطة شعجب؟

[*ام هيمن*]

وينكم شنو نايمين؟؟؟؟؟؟؟؟؟؟؟

[حبيبي]

االسلام عليكم اشلونكم مشتاقه الكم كومات وعذروني للانقطع فجااا لاني مساغره المدينه ومكه المكرمه العمره الرجبيه واليوم خلصت الطواف ودعيت الكم وخاصه ايمان وزينب بذريه وبيدءبشفاء ومقدر اعرف اخباركم فاتحه بلموبايل ونت اضعيف فلفندق الي فهمته اكو متوفين الله يعظم الاجر لعذراءوبيدااء واذا ولدت رويده الحمدالله على سلامتها ومبروك

[بنت الخليج]

السلام عليكم بنات اشلونكم رحوبة هسة دزتلي ايميل واتكول اني بمكة وتسلم عليكم كلكم وتدعيلكمزنوبة حبيبتي الله ايخليج ويحفظج ويرزقج بالولد الصالح انشاء اللهام نورهان حبيبتي الله يحفظج ويحفظلج نورهانة واتكومين بالسلامة بحق محمد وال محمد نورس حبي الله ايخليلج ايهومي انشاء الله ما شاء الله صاير ايخبل يوم التفرحين بي عريس اني اسمي بيداء ام كرار امونة حبيبتي طمنينا مرحتي على دكتور الدم انشاء الله كل تحليلاتج سليمة والله يرزقج بالحمل السليم انشاء الله. وبالنسبة الرحاب اتسلم عليج وعلى كل البنات واتكول رسايل ايمان توصلني بس ادزلهة رسايل ومتوصلهة باقي البنات اشلونكم كلكم انشاء الله تكونون بخير كلكم

[*بنوتة عراقية*]

سلام عليكم شلونكم اخباركم

انا الحمدالله اليوم احسن من امس وبس وكف من امس واليوم اتصلت عليهم كالو رحم نضيف مابي شي ف ما ينزل شي بعد


انتو شنو رائيكم؟راح ينزل ولا لا؟

[*بنوتة عراقية*]

http://forum.hwaml.com/imgcache2/hwaml.com_1338900874_299.jpg (http://forum.hwaml.com/redirector.php?url=%68%74%74%70%3a%2f%2f%77%77%77% 2e%67%75%6c%66%75%70%2e%63%6f%6d%2f%73%68%6f%77%2f %58%35%6d%72%78%31%35%38%36%61%34%35%72)

هاي صورة ابني اخذتهة اليوم ديخابر عالخدمة من الصبح هههههههههههههه

اللهم صلي على محمد واله محمد
مشاءالله الله يخلي ان شاءالله تشوفي عريسhwaml13hwaml12hwaml7

[*بنوتة عراقية*]

الف مبروك ام تورهان وام ايهومي على تكملة الامتحانات وانشاء الله المعدل العالي
فادية حبي مبروك عليج السونار بالولد وانشاء الله يوم اتكومين بالسلامة
فطومة حبيبتي اهلا وسهلا بيج ويانة ونورتي المنتدى والف الحمد لله على سلامتج والله يعوضج خير انشاء الله
ولو اجتي متاخرة تبريكاتي الج والفادية بس اعذروني مداخلة صار فترة ها وصدك زنوبة حبي الف مبروك البيت الجديد وعتبة خير عليكم
بعد منو عفية ذكروني بنات ترة كلكم عزيزات بس هذا اللي كدرت افتهمة من البارحة لليوم مكدرت اقرا كل الكتابات والله يحفظكم كلكم ويجعل كل ايامكم افراح واعياد لان انتوا عزيزات علية الله يشهد واكثر من خوات


مشكووووووورة حبيبتي لا عادي مو مشكلة اهلا وسهلا بيج

[بنت الخليج]

يا هلا فطومة اشلونج حبيبتي اعرفج بنفسي اني بيداء ام كرار واتشرف بيجاني اللي افتهمتة من كتاباتج السابقة نزل عليج دم قليل والطفل موكع فاشلون ايكولولج رحمج نظيف ؟؟؟ على العموم الف الحمد لله على سلامتج وانشاء الله يعوضج عنه خير بحق محمد وال محمد

[*بنوتة عراقية*]

هلا فيج ام كرارا

لا انا امس طلعو طفل سوولي كورتاج ف وساعة من كعدت ورحت لتواليت حشاج ونزل دم وايد شافت دكتورة كالت اي زين
ف ورا كم ساعة وقف ولأليوم ماكو شي اتصلت عليهم كالو انو مو كلها سوا ما ينزل دم وهذة الحين رحم نضيف وما راح ينزل شي ف مادري امي تكول لا بعدة بعدين يبدي شو امس واليوم ما نزل شي

[بنت الخليج]

فطومة راح ينزل دم بعد بس احتمال يتاخر لكن مو معناها انكطع اسفة اتاخرت عليج

[بنت الخليج]

اني تسمحولي اروح اصلي وراح اخلي النت مفتوح

[*بنوتة عراقية*]

والله مادري مانزل ش من امس وحتة الم بعدها

[*بنوتة عراقية*]

هلا حبيبتي زينب
انا والله امس من خلصت كورتاج ضل ينزل بشكل مو طبيعي ف وراها بشوي وقف ولحد الان ما نزل شي واتصلت عليهم كالو هذة معناتة انو رحم نضيف ومو كل نفس الشي كالت اكو نص يضلون يستمر ونص لا ينقطع ف مادري هشكل طبيعي ولا لا؟
او اسوي سونار حتة اتأكد؟

[*بنوتة عراقية*]

والله مادري هسة محتارة مادر شلون؟

[عذراء الجابري]

سلام عليكم بنات
واشكر تعاطفكم وياية ومؤاساتي والله لا يشوفكم مكروه
اليوم اخوية زين الحمد لله رب العالمين واصاباتة سطحية من ورة جام السيارة اللي طشر عليه والعصف مال الانفجار
واختي حالتها احسن من سمعت اخوية يكلمها بالتليفون وذكرناها بمصيبة زينب عليها السلام والصبر على قضاء الله
خطية اخوية علي من 1995 جان عايش بلبنان وزوجتة هم لبنانية صارلهم سنة من رجعو لبغداد وعند اطفال 2 حسن و موسى ياربي يحفظهم الة ويحفظة الهم

[عذراء الجابري]

رحاب عمرة مقبولة وانشاء حجة ودعيلنا يم سيد البرية الله يحفظ العراق واهله وجميع المؤمنين من كيد الظالمين

[*بنوتة عراقية*]

خير عذراء حبيبتي شصاير ولا ادري شنو صاير؟

[عذراء الجابري]

خير انشاء الله وكل اللي يجي من رب العالمين خير
بنت اختي طفلة عمرها 6 اشهر توفت الى رحمة الله
واخوية انصاب بالانفجار مال البارحة على الوقف الشيعي والحمد لله اليوم احسن

[*بنوتة عراقية*]

اووووووووووووف الله يعينهم والله ماكنت اد اعذريني والله امس كنت تعبانة ومادخلت والله يصبرهم

[فوفو العراقية]

مساء الخيررر
شلونكم

حبيبتي ام كرار تسلمين ياعمري
ربي يحفظلج كل غالي يارب..


رحوووبة الله يتقبل منج صالح الاعمال
ادعيلنة حبي
ربي يفرحج يارب وكل البنات..

[عسل بغداد]

مساء الخير حبايب
رحوبه عمره مقبوله انشالله
هلو فوفو شلونج
باقي البنات شلونكم

[عذراء الجابري]

اجمل ما قيل في الصبر والتصبر للامام الشافعي رحمه الله
دع الأيام تفـعــــــــــل ما تـشــــــاء ** وطب نـفـسـا" إذا حـكـــم القـضاء
ولا تـجـــزع لحـادثــة اللـيـالــــي ** فــمـا لحوادث الـدنيا بقــــــــــــاء
وكن رجلا" على الأهوال جلـــــدا" ** وشيمتك السماحة والوفـــــــــــاء
وإن كثرت عيوبك في البرايــــــا ** وسرّك أن يكون لــها غـطـــــــــاء
تــســتـر بالـسـخــاء فـكـــــــــــــل * عـيـب يغـطيه كـما قيل السخــــــاء
ولاتـــر للأعـــادي قـــــــــــــط ذل ** فــإن شـمــــاتـة الأعــداء بـــــــلاء
ولاتـرج الســـمـاحة مـن بـخـيـــل ** فـما في النـار للظمآن مـــــــــــــاء
ورزقك ليس ينقصه التأنــــــــــي ** وليس يزيد فـي الـرزق العــــنــــاء
ولاحــزن يـــدوم ولاســـــــــــرور ** ولا بــؤس عـلــيـك ولارخــــــــــاء
إذا مــا كـنـت ذا قـلــب قـنــــــوع ** فـأنـت ومـالـك الدنيا ســـــــــــواء
ومن نزلت بساحـته المـنــــــــايـا ** فلا أرض تـقـيـه ولاســـمـــــــــــاء
وأرض الله واســعــــــة ولكن إذا ** نزل القضــاء ضـــاق الفضــــــاء

[عسل بغداد]

آآآآآآآآآآآآآآآآآآآآآآآآآآآآآآ

[بنت الخليج]

هلووووووو بنات اشلونكم

[بنت الخليج]

اليوم كان عندي مراقبة على المتوسطة ودخلت علينة مديرة المركز الامتحاني علينة للقاعة وكالت ماشاء الله خوش طالبات عدنة كلهن محجبات وامبين متربيات خوش تربية .. اني من يمي اجاني ايحاء رباني اكو شي تحت الربطات وفاجات المديرة وفاجات الطالبات وكتلهن اريد كل الطالبات تنزع الربطات !!!طبعا اتفاجاوا بطلبي وسالتني المديرة ليش ست ؟؟ كتلهة هسة تعرفين .. وبعد ما نزعن الربطات لكيت 15طالبة من مجموع عشرين خالات ابلوتوث باذانهن تحت الربطات وصدق حدسي ههههه .. المديرة اخذتني للادارة وظلت اتبوس بية وكالت همزين انتبهتي خخخخخخخ . طالبات اخر وكت

[بنت الخليج]

يا هلا زنوبة ترة مو بس انتي عندك حدس اني هم هههههه

[*ام هيمن*]

هلووووووووووووووو
منو موجودة؟؟؟؟؟؟؟؟

[*ام هيمن*]

رحوبة عيوني عمرة مقبولة يارب

شكرا بنوتة على ذوقج يوم الج يارب ويجيج احلى من هيمن

[*ام هيمن*]

اشو اليوم صنطة كلش
بنات وييييييييييييييينكم؟؟؟؟؟؟؟؟؟

[*ام هيمن*]

هلو زنوبة شلونج
والله حيل ضايجة
باجر رح ارجع لبيت عيالي

[بنت الخليج]

زنوبة حبي خليهة يم الله والله كريم وينملي عليج البيت اطفال وتتهنين بيهم انشاء الله

[*ام هيمن*]

اتمنى ماارجعلهم ابد
لان حيل مخنوكة بس اسمع رح ارجع دمعتي بعيني

[فوفو العراقية]

ههههههههههههه ام كروري
بلوتوث هههههههههههههههههههه والله نجاح موفق
هههههههههههه

[*ام هيمن*]

زنوبة تخيلي اليوم احتاجيت المستمسكات مال بطاقة سكن وتموينية مال عيالي
رادوهة مني هنا من الصبح خابرت حماية الصغير
كل شوية يكلي هسة ادزهن وهسة وهسة
ومن الصبح لهسة مادزهن عبالك دااجديهن منة

[بنت الخليج]

اي والله فادية شفتي اشلون هاي اخر صيحة بعالم الغش ههههههه

[White angel]

مساء الخير حبايب
شلونكم اخباركم
أني اليوم كعدت من الصبح متخربطه اوضاعي
عندي فواتير دا ادفعها ودا اجمع فلوسها ومتورطه ورطه للستار
وكعدت الفلوس ماكو
زوجي يدور
واني متخبله بلبيت
ادور وماكو
بطلعان الروح واسحب المجر مال الجربايه واشوفها بنص
والله متت حتى لكيتها

بنات حبايب عذراء وبنت الخليج البقيه بحياتكم وياربي خاتمة الأحزان ان شاء الله
عذراء الحمد الله ع سلامة اخوج وربي يقومه بسلامه
زنوب فطوم فله سجاوي فوفو امونه شلونكم مشتاقين حبايب

[*ام هيمن*]

المشكلة حتى زوجي رافض فكرة بيت وحد
يكول ناجرة على اسبوع واحد اكعد ادفع 500 الف
اني علمودة صابرة وساكتة والمصبرني اكثر ابني
تخيلي حتى زوجي من ورة خشمة يحجي وياية
ماعرف شبيهم اشسامعين
باجر اروح واشوف شصاير من وراية حجي؟؟؟؟؟

[White angel]

ام هيمن حبيبي شلونج حبي مشتاقيين

الله يعينج ع الحموين والعيال
أني شفت الويل لان قلبي طيب وع نياتي

[بنت الخليج]

اهاا هاي اكو نور جديد على الساحة (وايت انجل) امنورة حبيبتي اسمي بيداء ام كرار وبحياتك الباقية والله يحفظك من كل مكروه ويستر عليج حبيبتي ام هيومي الله يساعدك على عيالج وانتي كلتيهة اصغير حماج يعني لتحسبيهة عليهم كلهم ايجوز همة ميدرون بموضوع المستمسكات لو اموصية واحد كبير كان افضل .. اووووووووف من العيال ماكو بيهم زين ابد ؟ كلنا بالهوى سوى

[*ام هيمن*]

الله كريم باجر شوف شلون رح اصير وياهم

[White angel]

اهاا هاي اكو نور جديد على الساحة (وايت انجل) امنورة حبيبتي اسمي بيداء ام كرار وبحياتك الباقية والله يحفظك من كل مكروه ويستر عليج حبيبتي ام هيومي الله يساعدك على عيالج وانتي كلتيهة اصغير حماج يعني لتحسبيهة عليهم كلهم ايجوز همة ميدرون بموضوع المستمسكات لو اموصية واحد كبير كان افضل .. اووووووووف من العيال ماكو بيهم زين ابد ؟ كلنا بالهوى سوى


حبيبة قلبي والله النور نورج ونور البنات
اتشرفت بمعرفتج حبي بيداء وعاشت الأسامي

واني زينب ام ماادري لحد الان ههههههههه
حامل باول طفل وطبعا بعد صبر طويل دام سنتين
ساكنة ب السويد اصلي بصراويه
عمري 21 سنه
مختصر السيفي هذا هههههههههه

[بنت الخليج]

حبيبتي زينب السويد اتشرف بمعرفتك والعمر كله يا رب ويتمم حملك على خير بحق الحبيب محمد معرفتي شنو جنس الجنين لحد الان ؟؟؟

[kokee]

نورس حبيبتي تحملي يمعوده لخاطر رجلج ولا تعوفينه بديهم يترسون راسه حجي
ديري بالج على رجلج
وشتاجرين يمعوده على اسبوع تدفعين نص مليون متسوه
من ينقل اجرو واطلعو من هاي اللغوه

[White angel]

لاوالله بس متأكده ولد وشفت رؤيه انو ولد واسمه مصطفى

[*بنوتة عراقية*]

زينب انجل
والله حلم بولد كلش اخاف منها
اكولج ليش
البنية بلحلم بشارة يعني تسمعين خبر حلو
اما ولد نسمع بي موت وهاي انتي حلمتي بولد وسمعتو موت ف هوا هذة مو زين حلم بولد
اانا هذاك الأسبوع قبل لا اسوي سونار حلمت كأنة عندي ولد وكأنة امي شايلتة وكتلها انطيني رضا لا يتعبج وكعدت من نوم وكنت خايفة وسمعت واحد صديق زوجي توفى وبعدها بيوم رحت سويت سونار كالو طفل ميت شفتي شلون حلم بولد كلش مو زين انا اخاف من هذة حلم الله يكفينا شر وانتي حطي صدقات والله يسهل ان شاءالله

[*بنوتة عراقية*]

بســـم الله الــرحــمن الرحـــيــم
اللهـــم صــلــي علـى محمــد والــه محمــد
http://forum.hwaml.com/imgcache2/hwaml.com_1338970981_295.gif
عظم الله لكم الاجر بذكرى وفاة بطلة كربلاء ام المصائب سيدتي ومولاتي زينب بنت امير المؤمنين علي عليهما السلام

[White angel]

صباح الخير
شلونكم بنات اخباركم

حبي فطومه شلونج وشلون صرتي
حبي اني محلمت عندي ولد اني شفت رؤية للنبي محمد (ص) كالي انتي بيج ولد وراح يكون اسمه مصطفى
يعني مو حلم وانما رؤية والرؤية دائما تكون صحيحه

[*بنوتة عراقية*]

هلووو زينب انجل
والله الحمدالله زينة احسن اشوي بس بعد الم عندي ورجعت بيتي وبديت اتحرك واشتغل والحي نفسي اشوي حتة ماافكر و شي
الحمدالله وشكر

يلا ان شاءالله يكون خير حلمج وتكومين بسلامة وتشوفي بحظنج

[مجنونة بحبها]

هلووووووووووووحبايب


ام كرار حبي اشكرج ويارب يرزقج ضعف ماتتمنين
اليوم راح انشوف التحاليل عند طبيب دم والله كريم
ومشكوره على توصيل السلام من رحوبه
انا انقهرت وخفت اراسلها ومتجاوب كلت اخاف صاير بيها شي
بس الحمدلله وان شاء الله عمره مقبوله



زينب اشكرج حبيبتي على الدعوه الحلوه
وعلى حدسج ههههههههههههههههههه
اخاف تاليها تصيرين كشافه ههههههههههههه
وان شاء الله هذا الشهر بس تشيلين المانع تحملين على طول


زينب انجل شلونج حبي

فطومه حمدلله على سلامتج
انا بعد الكورداج ابقه 5 ايام ينزل دم بس قليل
وبعدها ماشوف الا بعد اربعين يوم لاتخافين حبي

[*بنوتة عراقية*]

هلو ام بنونة شلونج؟
والله من او امس وقف دم لأليوم ماكو شي والم بعدة عندي يعني عادي هشكل يصير ؟ولا لازم اسوي سونار؟

[White angel]

هلو امونه كبد شلونج اخبارج اشو ماكو


فطوم انتي عندج مشكله ب الحمل وشكد صارلج متزوجه

[*بنوتة عراقية*]

زينب انا صارلي 3 سنوات وشهر ونص متزوجة وماعندي اي مشاكل من حمل مادري شنوو سبب يلي توفى جنين وهذة اول حمل وصارت هشكل بس ان شاءالله اسبوع الجاي اخذ موعد اشوف بلكت الاكي دكتورة زينة

[مجنونة بحبها]

هلا فطومه حبيبتي يارب يعوضج عاجلا غير اجل



هلا زينب انجل شلونج
انا الحمدلله بخير

[ام نورهانه]

هلووووووو حباااايب شلونكم مشتاقتلكم بس والله الشغل ميخلص وكل ما اخلص شغله تطلعلي غيرها واريدج اروح الاهلي اسبوع الجاي ان شاء الله وطبعا يمكن ماعدهم نت فيجوز هغيب عنكم فترة


صدك امونه حب يمكن منتبهتي قبل كم يوم كتلج اريد اتعلم طريقه الفطاير المحشيه اذا عندج موضوع انطيني الرابط مالته اريد اتعلمها لان لا اني ولا رجلي نحب الحلاة

[ام نورهانه]

واريد اسوي اكلات جديده وسوالف مليت اريد اغير شويه

[*ام هيمن*]

هلو بنات شلونكم
رح اشتاقلكم هواية والله
هسة فد نص ساعة ارجع لبغداد
انشاءالله مناك افتح نت واتراسل وياكم

[فوفو العراقية]

السلام عليكم

شلونكم يا طيبين عساكم مرتاحين...
اسفه لقلة دخولي هواي
بس دا اتعب
والحوض عندي اله يومين مموتني الم مال الكسر القديم وكلما يذكل الحمل حالي يسوووء
حملي سهل لو بدون الكسر
بس لازم اصبر واطلب الاجر
ربي يسهل على كل حامل حملها وولادتها ..

حبيبتي زينب اني بخير وهم مشتاقتلج
اي والله دخولي قليل للسبب الي ذكرته كلش متألمة والله المعين
انتي شلونج وشخبارج؟

ادعولي الله يخفف عني الالم لانه ماينحمل ولا اكدر امشي
مراات ابجي ماتحمل
كلشي ولا الكسر الله لا يراوي لحد.

[*بنوتة عراقية*]

فوفو حبيبتيي سلامتج والله يعينج والله يموت الكسر والله يساعدج ويسهل عليج

[فوفو العراقية]

تسلمين ياعمري يا بنوته
حالي ميسر ابد
اتوقعت بهذا حملي يكون راح
بس للاسف كلما حملي يكبر يفتح الكسر اكثر وماله علاج لانه بالحوض

الله كريم كلها 3 اشهر وربي يسهل علية

انتي شلونج اليوم؟

[مجنونة بحبها]

هلا حبيبتي فله اسفه مانتبهت لوجودك
حبيبتي انا منزله بس عجينه الفطائر الخياليه
وانتي حره بلتحشيه بيها
انا هم مأحب الحلاه واحب الموالح
فاكو طرق مات الجبن واللحم
هيا المهم العجينه تكون مضبوطه وانا عن تجربه وتجربه البنات
هذي العجينه مضبوطه واي سؤال انا حاضره واعذريني على التقصير حبيبه قلبي



فوفو سلامتج ويارب يسهل عليج

[فوفو العراقية]

هلو حبيبتي اموون
شلونج قلبي

شلونهة بنونه
شخبارج؟

[فوفو العراقية]

مشكووووووووورة ياعمري....
اللهم امين.

[فوفو العراقية]

بنات
عندي مشكلة مدا الكالها حل
وهوة اسم الطفل

محتارين شنسمي
زوجي يريد اسم كردي ومدا يختار اسم حلو او بي معنى حلو
واني ماحب الاسماء الكردية ابداااااا

واني اريد اسمه عربي وزوجي ميحب يسمي اسم عربي
وبنفس الوقت مدا يقتنع باسم حلو ابد

والبارحة تعاركت اني ويا
لهسبب

وهسة اني فكرت انو زوجي خل يسمي الاسم الي يعجبه بالهوية واني واهلي وناسي نصيحلة ب اسم عربي
حتى متصير مشكلة جبيره علمود اسم

ف عندي اسماء 2
يوسف والي هوة عاجبني كلش
أو ياسر ك بديل ههههه
شرايكم؟
لو عدكم اسماء حلوة كتبوها بالكي اغير.

[مجنونة بحبها]

هلا فوفو حبيبتي

انا عاجبني اسم يوسف حلووووووووووووو


بس انا اذا صار عندي ولد اسميه حيدر او محمد هههههههههههههههه

يارب يرزقني ويرزق زينب السعدي وفاطمه واماني وكل البنات بالحمل السليم

[مجنونة بحبها]

hwaml7hwaml7hwaml7hwaml7hwaml7hwaml7

[بنت الخليج]

نعزي صاحب العصر والزمان ومراجعنا العظام بذكرى وفاة الحوراء زينب عليها السلام اشلونكم بنات

[عذراء الجابري]

سلام عليكم بنات
انشاء الله امونة يرزقج انتي وكل محبة لاهل البيت عليهم السلام بالذرية الصالحة بجاه العقيلة زينب ام المصائب عليه سلام الله

[بنت الخليج]

عليكم السلام علوية اشلونج

[ام نورهانه]

هلااااا بفوفو سلامتج الف سلامه ياقلبي و الحمل بليه كسر متعب النوب عندج كسر مااقول غير الله يعينج اني طبعا عندي فقرات ظهري وكلاوي وبالذات الصبح ديموتني صفاحي اول مااكعد بحيث تجيني البجيه بس شسوي وهاي صايرة حركتها مزعجه بالذات وقت النوم كلش تضوجني وتظربني العوبه على صرتي تشوغ روحي

امونه حبيبي ماكو اي تقصير ياقلبي بالعكس اكلج زين يصير احشيها مثلا جبن ومعدنوس او اشياء غير اللحم لان رجلي مايكل اللحم دائما يعني اذا عندج افكار حشو كوليلي وشغلة لخ من اخليهم لازم الفرن يكون حااااار مو
واني مااقيس الحرارة لان بفرن الطباخ عادي مو

[عذراء الجابري]

اسفة ام كرار هلا بيج بس صار وقت المغرب وقبل الصلاة تسبيحات واستغفار ونوافل والله يهدي الجميع للصراط المستقيم وانشاء الله صلاة مقبولة للجميع

[فوفو العراقية]

مساكم الله بالخير
وعظم الله لنا ولكم الاجر جميعا...


حبيبتي امونة
الله يسلمج يارب
واسم يوسف هواي عاجبني
اما محمد ف ابني الجبير محمد
وكلت المشكلة وين
وثنينة عقولنة متحجرة هههههههههه ومنتنازل

وربي يرزقج انتي وزينب وبنوته وكل وحده تحب تكون ام الذرية الصالحة

ام نورهان
الله يكون بعونج يارب
والله كلامج صح الحمل منغير شي صعب
الله يعينة ويخفف عنة بجاه الامام علي (ع).

[فوفو العراقية]

وعليكم السلام
ام هداوي شلونج
شلونهة هدهد حبيبتي فدوة لقلبها
عساكم بخير؟؟

هلو ام كروري شلونج ياقلبي؟


البنات كلكم شلونكم؟ عساكم سالمين..

[بنت الخليج]

السلام عليكم بنات اشلونكم اسفة علوية اني هم دخلت سلمت وطلعت صليت والله يتقبل منا ومنكم فادية حبيبتي اشلونج الله يساعدج على الالم ويكون بعونج المشكلة اخاف ايصير عندك انحراف بعظم الحوض اسم الله عليج مع مرور الزمن المفروض تاخذين راي الاطباء بالموضوع لان بالاشهر الاخيرة راح تحتاجين للاشعة احتمال والله لا ايكولهة انشاء الله بس واحد ايخلي كدامة كل الاحتمالات والاشعة مو زينة على الطفل فلا تهملين نفسج وبالسلامة انشاء اللهامونة اشلونج شخبار التحاليل ؟؟؟فطومة شخبارج حبي اشلون صرتي اليوم ؟؟؟باقي البنات اشلونكم كلكم عساكم بخير انشاء الله

[بنت الخليج]

فادية بالنسبة للاسم ترة اكو اهواية اكراد امسمين اسماء عربية لكن ماكو عربي امسمي اسم كردي واني اشوف اسم يوسف كلش مناسب للاكراد وللعرب يعني راح يكون مرضي للطرفين .. فانتوا اختاروا اسم متداول عند الطرفين ويكون مفهوم وذو معنى مثل صلاح او حامد او احمد او مشتاق او اكرم وغيرها من الاسماء والله كريم واتكومين بالسلامة

[فوفو العراقية]

حبيبتي ام كروري تسلمين عالنصيحة
ترى اني الكسر عندي من قبل 8 سنوات بحملي ب بنتي زلكت عالدرج وجنت حامل على 5 اشهر
والجنين مصارلة شي بس اتمركز بالحوض الامامي وتسبب ب كسر الحوض الامامي
وهذا يألمني قليل بدون حمل لما العب رياضة عنيفه او اكعد كعده مو عدلة صعب اسد رجلية من اكوم
وبالحمل يرجع يفتح وصعب ينسد ويألمني بشكل بس الله يعلم بي
بس الله كريم اتحمل
لان ماله علاج
ووقت الحمل مستحيل اكدر اعالجة وجان لازم اشوف الحل قبل الحمل بس متوقعت هيج راح يرجع
مشكورة ياعمري ربي يجزيج كل خير...

[White angel]

السلام عليكم ورحمه الله
اتمنى ان تكونو في احسن الاحوال
والله يتمم حملكم ان شاء لله
فقط للتذكير والنصيحه اسمحولي ان انبهكم انه لا يجوز في اسلامنا ولا يوجد في ديننا هذه الذكرى وهذا العزاء كما انه لا يجب ان نحلف الا باسم الله وليس بالاسم الزهراء او بجاه ال البيت ولا باسم الصحابه رضوان الله عليهم..لم يرد هذا في سيرة النبي صل الله عليه وسلم
وحاولو يا اخوتي البحث والتدقيق في هذه الامور ولا تجعلو الشيطان يوهمنا بما ليس في ديننا فهدفه النار وهدفنا الجنه والنجاة من النار
واذا اردتم اي استفسار فانا موجوده
والسلام عليكم ورحمه الله

لكل دين افرع ولكل فرع اعتقادات
وللدين الاسلامي فرعين
السنة والشيعة= كلهم اسلام

وكل مذهب اله اعتقاداته
ومعتقد الشيعة هم اهل البيت
ونتمنى وندعو الله ان يجعلنا من خدامهم ورجاءآ دعينا بمعتقداتنا بدون تدخل
مختصر طبعا


شلونكم حبايب اخباركم
ان شاء الله بخير مشتاقين

[فوفو العراقية]

تسلمين حبيبتي ام كروري
والله رجلي عنييييييد من هالموضوع ماعرف ليش
كلش تعبت ويا
كل اسم اكولة يكولي لا ماريد
شيقنعه
والاسم كلش مهم
بس لو ماحب يسمي اسم عربي ف مضطرة اصيحلة ب اسم يوسف
وخلي بالهوية يكتب الي يريده
والمشكلة اهلة اغلبهم اساميهم عربي الاغلب حتى ابوه اسمة توفيق هههههه ولقبة فرج
بس عناد
وياريته يختار اسم عليه العين والمعنى
بس يريد اسم lion يعني بالانجليزي اسد
والمشكلة يعوف اسماء الانبياء الحلوة ويروح على الاسد؟
ههههههههههههه يرادلة زعلة من هاي العدلة حتى يفكر عدل بس مالي خلك هههههههههه

اني عجبني اسم
قيصر
ليث
يوسف
ياسر
بس ابددددد مافاد
ادعيلي ربي يهدي ويسمي اسم حلو
لان اهلة كالولة سمي احمد... وهم ماقبل هوة واااااااااااااااااااااااااع كلش هالموضوع معقدني.

[مجنونة بحبها]

السلام عليكم


فله حبي اي عادي حشيه جبن وكرفس انا هم هيج احبه
احسن من اللحم بيه كومه امراض



فوفو اشكرج حبي والله يعينج على تعب الحمل ويسهلها عليج


ام كرار حبي انا الحمدلله انتي شلونج
التحاليل والله بعدنه مموريهن للطبيب بعدنه




عذراء شلونج عيني وشلون هداوي مشكوره على الدعاء

اشكركم بنات على دعواتكم ويارب يحقق كل امنياتكم

[ام نورهانه]

حبيبتي ام كرار تره البنيه مكالت شي هي نصيحة الي يحب ياخذها والي ميحب هو حر واتذكري ان هذا التجمع يجمع كل المذاهب العراقيه تقريبا وانتي بطريقة كلامج دتسيئن للمذاهب الباقيه انتي اخت عزيزة بس بصراحة كلامج قهرني لان اني مو من مذهبكم بس محترمه افكاركم وبصراحة جواب زينب انجل عجبني لان عبرت عن مذهبها بطريقه صحيحه

[*بنوتة عراقية*]

الله يرزق كل محرومة ويرزقني بحق اهل البيت وبحق هذة مصاب سيدة زينب عليها السلام

[*بنوتة عراقية*]

السلام عليكم بنات اشلونكماسفة علوية اني هم دخلت سلمت وطلعت صليت والله يتقبل منا ومنكمفادية حبيبتي اشلونج الله يساعدج على الالم ويكون بعونج المشكلة اخاف ايصير عندك انحراف بعظم الحوض اسم الله عليج مع مرور الزمن المفروض تاخذين راي الاطباء بالموضوع لان بالاشهر الاخيرة راح تحتاجين للاشعة احتمال والله لا ايكولهة انشاء الله بس واحد ايخلي كدامة كل الاحتمالات والاشعة مو زينة على الطفل فلا تهملين نفسج وبالسلامة انشاء اللهامونة اشلونج شخبار التحاليل ؟؟؟فطومة شخبارج حبي اشلون صرتي اليوم ؟؟؟باقي البنات اشلونكم كلكم عساكم بخير انشاء الله
حبيبتي مشكورة على سؤوالج
والله الحمدالله بركت الله واهل البيت عليهم السلام وام البنين عليها السلام
الحمدالله وشكر بخير وما قصر الله واهل البيت وام البنين قريت فاتحة الها والله ما قصرو واليوم احسن وايد هم طلعت وهم اشتغل واسوي ما اهتم والحمدالله وشكر

[سعادتي في بيتي]

اختي بنوته العراقيه انا فقط اردت ان انصحكم ولكم الحريه طبعا فانا لست هنا لفرض عليكم اوامري فقط ارجو الا تحلفو بغير الله فهذا لا يجوز اما الرسول صل الله عليه وسلم والصحابه وال البيت هم بشر مثلنا لهذا الدعاء لله وحده لا شريك الله

[*بنوتة عراقية*]

لا اختي ما يحتاج مانريد نصائحح واهنا دايما نحلف بالله سبحانة وتعالى واهل البيت عليهم

لو قطعو ارجولنا واليدين نأتيك سحف سيدي يا حسين

[أم أيهومي]

هلو بنات اشلونكم يارب الكل ابخير
اتمنى من جميع الاخوات عدم الخوض في الامور الدينيه اولا لانه هذا منتدى اجتماعي ودنجتمع بغض النظر عن الدين والمذهب سواء مسلمه او مسيحيه او صبيه او سنيه او شيعيه وحتى لوكانت بينه وحده يهوديه فمااعتقد راح انقاطعها لانه الرسول عليه افضل الصلاة والسلام كان يسلم على اليهود ويتكلم معاهم ووو

وياريت نحترم طوائف بعضنا دون المساس بأحد واحنا هنا مو بحرب علمود نشن هجوم على اي احد الاخت سعادتي عبرت عن رأيها وانتو رديتوا عليها فياريت تنهون الموضوع بلا خلافات او تهجمات على الطائفه الاخرى
واحنه اجتمعنا هنا على الحب وماكو اجمل من الحب سوى الاحتــــــــــــرام

مع خالص احترامي للجميع

[*بنوتة عراقية*]

خلاااااااااااص كافي سكرو موضوع واهنا حر شنو مانريد انسوي كافي غيرو موضوع

[*بنوتة عراقية*]

بنااااااااااااات ساعدوني شسوي حتة ما يصير حمل الحين يعني اريد أخرة شي 4 اشهر حد اقصى 6 اشهر اخاف يصير من هسة انا
ماريد عفية كولولي

[بنت الخليج]

زنوبة حبيبتي بحق زينب الكبرى ان يحفظك ويستر عليج ويرزقك الحمل السليم المعافى وان يجعل ردودك انت وفاطمة في ميزان حسناتكم

[*بنوتة عراقية*]

زنوبة والله اخف من حمل الثاني
وشغلة ثانية انو انا اريد اسوي رجيم وانا سمينة وزني 80 ف لازم انزل من وزني قبل لا احمل كان وزني 87 وسويت رجيم وصلت 78 ف من حملت رجع زاد ف هوا هذة الشي يلي اريد اخر حمل لحتة اشوي انزل من وزني لانو راح يأثر على حمل ف اريد بس مدة 4 ل 6 اشهر مو اكثر واريد اسوي فحوصات هما ما كولو شنو سبب ف هاي شغلة يلي امخلينا اخر حمل
واريد انو نفسيتي تصير زينة لانو كلش تعبت وقت الحمل

[*بنوتة عراقية*]

مشكورة حبيبتي بنت الخليج مستحيل اسكت على هذة الشي وهما اهل البيت عليهم السلام روحي لهم فداء

[فوفو العراقية]

مساء الخير

بنوته
لا تخافين حبي
زينب اختي سوت حمل مباشرتا بعد الاجهاض ماصار عدهة بشهر تقريبا
والحمد لله حملت طبيعي وجابت هبوشة
حبيبة خالة
وماكانت عدهة مشكلة ابد بالحمل لغايت التاسع
لا تخافين والتوكل على الله مثل ماكالتلج زينب السعدي...

[*بنوتة عراقية*]

يا بنات صلو على محمد واله محمد
خلاص سكرو موضوع

[بنت الخليج]

اللهم صلي على محمد وال محمد وعجل فرجهم والعن عدوهم

[فوفو العراقية]

تصبحون على خيررر
جميعــــــــــــــــــــــــــــأ

[*بنوتة عراقية*]

بنات سكرو موضوع وكلوحدة تجي تحجي بهذة موضوع لحد يرد عليها خلاص كلواحد بكيفة خلينا طبيعين مالنا شغل بأحد

[*بنوتة عراقية*]

فوفوفوفوفففووفوفوفوفوفو ويييييييين
هوا اهنا تكلمنا وياج وين تروحين

[سعادتي في بيتي]

اجواب اولا على بنوته مع انك جاوبتي عالسوال بنفسك لما قلتي ان هذه عادتنا من لما كنت صغيره يعني مجرد عادة وليس فرض او واجب في الدين وفي آلاول وفي الاخير هي عادة او بالاحرى بدعه بس للاسف تتبعونها من دون ان تعرف ان بهذا تخالفون امر الله لان للمسلمين عيدين فقط لاحتفال....
اما انك تدعين ال البيت وهم يستجبون لكي ولدعواتك فاقول لكي اعوذ بالله هذا شرك فاتقي الله يا اختي هذا الامر لا يجوز
قال سيدنا ابو بكر حين وفاة الرسول ان كنتم تعبدون محمد فمحمد قد مات وان كنتم تعبدون الله فالله حي لا يموت...اي علينا عناده الله والدعاء له وليس لغير الله
انا لست هنا لعمل فتنه ولكن لاظهر الحق فقط فالله يهدينا جميعا

[*بنوتة عراقية*]

ارجوج اطلعي اوكي ما راد عليج ولا كأني اشوف شي خلاص

[*بنوتة عراقية*]

انتي تعرفين انو ابو بكر ورا كل هذة مصايب و ورا قتل اهل البيت عليهم السلام
روحي اقري كتب وبعدين تعالي تكلمي والله ينتقم من كل ظالم
وهذة اخر رد لو شنو ما كتبتي ورجا اطلعي

[أم أيهومي]

زينب ارجع واكولج شي اني مدافعت عن الي اتهمتكم بالكفر وسبق وكلت لسعادتج اني مالي علاقه بيهة اني غثني كلام الاخوات لانه لازم نحترم بعض مو وحده اجتي ذبت كلمتين كمتوا تتهجمون على الطائفه كلهة

وياريت قبل لاادافعين عن احد تقرين الكلام المكتوب لانه احنه مو اغبياء ومنفتهم شمكتوب..ومااعتقد احد محتاج دفاعج عنه لانه الاخت ام كرار ممقصره وعدهة لسان وايد ودتكتب فبلا طائفيه رجاءا
واعتقد انه اهل البيت محبتهم من حق كل الناس مو ملك احد او مسجله طابو باسم احد وممنوعه على الغير
ورجاءا سدي الموضوع لانه ديكبر ودتهميني باشياء اني مكلتهة ومقصدتهة وعوفي دور المحاميه لانه ميصلح الج
وخلينه نيقى اخوات وبلا نقاشات عقيمه

[سعادتي في بيتي]

نجلاء اعتقد ماكو مقارنه بين كلامج وكلامها ...يعني انتي كتبتي كل واحد وطريقه دعاؤه واحنا ملنا علاقه وصح كلامج
اصلا اني اعرف هواي سنه يروحون للحسين وللكاظم ويسوون نذوراتهم هناك وهاي اغلب سنة العراق هيج والحمد لله ...واني احاجيج طبعا اني من عائلة نصن سنه ونص شيعه يعني اني مو مااعرف السنه شنو
بس السنه الي اعرفهم همو السنه المعتدلين وهذولي ع رراسنا ...بس لو انتبهتي لكلام الاخت حضرتها مسويتنا احنا بضلاله وهي جايه تهدينا هذا مو كلام سني معتدل هذا كلام نواصب وكلنا نعرف من النواصب
طبعا النواصب يختلفون عن السنه المعتدلين وتعرفون شنو قصديني بالنواصب ومااريد اخوض اكثر بالموضوع \واعتقد يانجلاء احنا هنا بتجمعنا ماعدنا ولا وحدة ناصبيه ويمكن بالعراق ماكو نواصب او قليلين كلش بس همو منتشرين ببقيه الوطن العربي وهم اكثرنا يعرف وين

انا مسلمه واتبع سنة رسول الله التي تركها
واحب الصحابه واهل البيت
ولا اشتم الصحابه ولا ام المؤمنين
قال رسول الله تركت فيكم أمرين لن تضلوا ما تمسكتم بهما
كتاب الله وسنة نبيه
وكل ما تفعلونه ليس في السنه لهذا استغربت
الله يهدي الظالين ولا تعجبو من النصيحه يا اخواتي فمن حبي لكم
اعطيتكم وقتي لانصكم ولست هنا للشتيمه

[*بنوتة عراقية*]

انتي جاية تخربي بيناتنا ف رجا مانريد نصائحك اطلعي وخالينا براحتنا وانسوي شي بكيفنا اوكي

[*بنوتة عراقية*]

يارب بحق ام مصائب سيدة زينب ان ترزق كل محرومة وبحق طفل الرضيع ان ترزق كل محرومة

[*بنوتة عراقية*]

اي والله الحمدالله وشكر

[*بنوتة عراقية*]

بنت الخليج اريد نصائح
شسوي حتة ما يصير حمل هههه

[بنت الخليج]

فاطمة اني ام كرار هههههههههههههههههههههههههههه

[توتايه]

طبعا صار فتره اشوف المنتدى مو منتدى انكلب حسينية و100 الف مره كاتبين بالتعليمات لتجيبون طاري الاديان بالنص ومع ذلك مصممين طبعا اني سنيه وافتخر ومن انذر على شي اسوي خبز العباس بس دتصير شغلات دتخلينا نكره الكون وما احب اتدخل بهالشغلات فيا بنات اني انسحب وجيبو باسم الكربلائي ينوحلكم زين

[*بنوتة عراقية*]

كل هلا ام كرار هههه اسفة
زين خلي اسم ام كرار هههههههه

[*بنوتة عراقية*]

كلنا خلاصصصصصصصصصصصصصصصصصصصصصصصصصصصصصصصصصصصصصص
كافي كلما انغير موضوع تجي وحد تدخل وشنو ناوين تخربون خلاص كافي

[توتايه]

هاي شبيجن كيفتن مكلت راح اجيب سارية السواس

[توتايه]

هم صدك نجوله نبقى ونبقى والي ميعجبه يلطخ راسه ب100 الف حايط

[بنت الخليج]

نجلاء مو انتي اللي اتعلميني العيب روحي علمي نفسج بالبداية والكلام الكتبتة ميخصج ليش تحشرين نفسج بي

[ام نورهانه]

لا تجاوبين عيني لا تجاوبين هو انتي حتى عراقي متعرفين تحجين وجايه تحجين على تاج راسج سيدنا ابو بكر

ايه دخلي الفرقه مال باسم

[بنت الخليج]

شوفوا بنات هي هاي الافكار اليهودية اللي اقصدها صارلنا اشكد احنا اخوات وقلب على قلب وتالي اجتي وحدة مغرضة خلتنة وحدة تتهجم على الثانية وهذا بالظبط اللي حصل بالعراق دخلوا علينة المغرضين وخلونة نتكاتل ونتذابح بيناتنة وهو هذا اللي ايريده اليهود واللي اتريده اسرائيل ومع الاسف اكو جهلة بيناتنا راسا ينجرون وراء هيجي امور

[توتايه]

بلا غلط بيداء مغلطنا عليج وكافي لهنا وبس طوختوها

[White angel]

توتايه وام ايهومي رجاءا سدو الموضوع وبلا تجاوزات
لكم إحنا خوات وعيب الي دا يصير
إحنا بدل منحاول نحل الموضوع مو نتهجم ونزيد الطين بله