دردشة بنات العراق, دردشة حوامل العراق , تجمع بنات العراق

[رحمة الرحمان]

خخخخخخخخخخخ لا اني اني ب ولاية واشنطن

[رحمة الرحمان]

ايوته انتي شكد عمرج

[توتايه]

حبي اني مواليد 90

موجوده حياتي اني خالي بأمريكا بأوهايو وكرايبنا هم بكالريفونيا

[رحمة الرحمان]

العمر كله وهايو اتخبل بس كالريفوني حاره

[توتايه]

تسلمين حياتي يمكن انتي اصغر مني صح؟

[رحمة الرحمان]

ايوته التحاليل اسبوع وتطلع انتيجه وراح اضل بسبوع مرتين اروح للمستشفي علمود اشوفون نبض الطفل اذا ضعيف الولدوني لا انا مات عندي طفال بشهر السابع وخايفه حتي مااكل من الخوف

[رحمة الرحمان]

اي انا موليد 93

[توتايه]

اوووووووي فيدوه للبنات صغيرونه والله بعدج على الزواج والحباله حيااااتي

لا انشاء الله بردا وسلاما


بالعكس عمري اكلي شغلات مغذيه حتى يطلع النونو الحلو مربرب بيه لجعه لحم وانشاء الله تولدين بالسلامه يمه يمه وتبوسيه وتشميه وتزوجيه وتلعبين فلك ابمرته ههههههههههههههه

[رحمة الرحمان]

خخخخخخخ تسلمين اي بس صار عمري 1-1 صار 19 سنه عجوز خخخخخخخخ

[صعب تنساني]

توتو انتي اهني؟؟؟؟؟؟؟؟؟؟؟

[kokee]

هلو بنات شخباركم مشتاقتلكم
يوووسف يخبل حبيبي فدوه لكلبه
صارلي يومين مداخله ضايجه من روحي والبارحه تعاركت ويه كماشه على كولة ايمان
جزعتني اخر شي طكيت عليها زعت الاول والتالي
يعني فوك ما تداوم ل3 يلا تجي وخادمتهه بلبيت تكلي شمسويتلي انتي
هيه عليهه تطبخ مركة الصبح وتطلع وهم مو يوميه كل يومين تلاثه والباقي تنظيف ومواعين وهدوم وعزه عليه كله واكول ميخالف يمعوده سويهه لله وهم لخاطر رجلج بس بعد فاضت بيه حتى لله ماسوي بعد ليش اكلكم ارد اداوم من هاي الشغله االطايح حظهه حتى اخلص لابيت ولا عزه ولولي اوديه يم امي متدرون شكد مقهوره حته ليلي كوه نمته بس بعد ما سكت هاي الناس مو مال احترام اني ام الراهي لاحركها حرك هيه وعشيرتهه اني مناقصه ضيم
ياااربي هاي شون مغثه

[kokee]

اروح اكمل نومتي ارجعلكم الظهريه حبايبي مشتاقه لسوالفكم

[رحمة الرحمان]

بنات صار عندي مغص ودم ينزل راح اروح للمستشفى

[مجنونة بحبها]

صبااااااااااح الخيرررررررررررر

هلا زنوبه عيني ديري بالج اتحملي انا اتحمل لان اذا حجيت بعد مراح اخلص لو يجي النبي محمد صلى الله عليه واله وداعتج متخلصين من شرهن اذا حجيتي لو سكتي انا ساكته ومخلصانه طولي بالج حبي ادري مغثه بس شنسوي مجبورين وعند الله متضيع
وعن الوضيفه يصير الحمل حملين هم تعب الوظيف وهم شغل البيت ومراح تخلصين التعبان يكضي عمره تعبان وداعتج


علياء عيني سلامتج خوفتيني تعالي بسرررعه وطمنينه

يارب بحق الحبيب محمد ثبت حمل علياء وفرحها بطفلها



ايه شنو هذا يوسف صاير يخبل الله يخليه الج ويحفظه

[سمراء]

رسالتك ماتكفيني مكالمتكيمكن ترضيني أشوفكهي منى عيني محتاره كيف أصبح عليك أقول ياورد صباح النور ولا يا نور صباح الورد صباح مخصوص لحبيبة ماما صباحكم كل خير يالغاليات عاى قلبي أحبكم في الله.

[سمراء]

وينك حبيبتي الغالية

[سمراء]

حبيبة ماما ورااااااااااااااااااااااااااااااااكي

[سمراء]

أروح أغسل الصحون وعمل الغداء وأجيك ندردش أوكي

[سمراء]

أنا جيت يالغاليه

[مجنونة بحبها]

اهلا حبيبتي سميره اخجلتيني بكلامك العسل ياعسل

اسفه اجه ابي اليوم وتركت المنتدى مفتوح واستقبلته

والحين راح مشتاقتلك بس ضروفي مامعطتني مجال

[kokee]

اي امونه وداعتج
صدك منخلص

[توتايه]

حبيبتي صعوب اجيت اني

علياء بالي يمج يمعوده ياربي خير يارب

زنوبه اني نزلت اليوم ذبيتلها يوسف لان فلاونزا بالعظام اني وصرت اعصاب جانت تثرم بصل ومغسلت ايدها واجتي اخذته بس محجيت لان مجان بية حيل احجي


تسلمولي بنات حبيباتي امونتي ربي يرزقج بالي احلى منه يارب وانشاء الله 2

[مي &]

هلوبنات شلونكم
ايوته حبي مابيج غير العافيه حبيبي

[kokee]

يمعوده البصل سهله بدليله هدومه اني حتى ما تشيله ولا عبالك ابن ابنهه

[kokee]

هلوو مي شلونها بروره

[kokee]

منوووووووووو موجود

[رويدة_ أم ألق]

مساء الخير يا بنات عودة ميمونة لهذا المنتدى
وماشاء الله مثلما قرأتوا المشاركات زادت بنسبة 370% تقريبا
شنو من حوامل نتوحم على سوالف ههههه

أم بنين العزيزة تسلمين للكلمات والإجابات الطيبة
وبالنسبة للمقلب اللي صار بأم بساسة تفاجات من شفتها مصدكة
بس والله ضحكت من قلبي شلون تعصبت ونزلت نزلة قوية
بالله شكالت علية اعترفي ^_^

[kokee]

هلو بنات شخباركم مبروك تنظيف المنتدى خخخخخخخ
البارحه تعاركت ويه الحيه وهسه اني يم اهلي
البارحه غسلت مواعين الغده ونظفت المطبخ وصعدت عفتهه هيه وعمي يتغدون
بعدين صلينه المغرب اني وابو لولي كالي امشينه نفتر نشتري جم شغله وهم نتعشه بره
بدلت ومن نزلت كابلتني تستجوب وشنو رايحين ووين رايحين بعدين تتخوصر وتكلي بالله شنو مواعينه ما غاسلتهن شلون بالله احطلي خدامه بتهه كاعده عدهه عطلة نص السنه متصخرهه كدرتهه عليه
اخر شي ظلت تدردم وصار مصايحنه ماله والي بحيث فقدت ومن الصياح مادري شحجيت عليهه فوخت بيهه كلبي صار سنتين متحملتهه مثل مرض السرطان وتداوم وتدرس وتطلع وعايفه البيت ور جلهه المشلول اني اداريه وفوكاهه معاجبهه ولو ما رجلي يوكف لا جا طكيت راسهه بمية حايط وانعل ابوهه لابو حته الرجوله
وانعل ابو اليوم الحطني يمهه جنهه بومه حتى عايفه ما ظلت عدي من وراها
رجلي راد يرجعني البارحه بليل بس كتله اريد ارتاح اني تعبت شنو قابل حديد اني
كتله يوم يومين وارجع ما طايره

[kokee]

اووووووووووف ياربي حته يكلك ليش تصير عصبي
يعني الى متى وحدتنه تتحمل ادري مو م ولحم لو حديد
لو على ما نسكت نسكت نسكت ونتحمل وتالي يصير بينه السكر والضغط منو ينفعنه
من اتذكر من اشتغللها واحط الصينيه كامها انقهررررررررر
وهاي اخر مره بعد مالي علاقه بالشغل يكومن يشتغلن اشتغل
مايشتغلن اني هم ابقه كاعده شنو قابل خدامه عد الخلفوهه

[مجنونة بحبها]

عوده ميمونه

ياربي ضليت مثل التايهه بلياكم حبيباتي


زنوبه حبيبتي الله كريم وداعتج كلها قهر بقهر ونصبر
ها انتي نفس حالتي بنونه لو تموت من البجي ماتسكتها
ولا تحاجيها بلعكس صايره وياها جاهل بس تشوفيها تباوع على
قناه طه تجي اتدور التفلزيون وتخليها تبجي وتصير عصبيه وانا ساكته واتريد بس حجه احجي حتى تتعارك وياي البارحه جانت بنونه ماخذه الريمونت مات التلفزيون وشامرته بالكاع هيا ماتباوع ضلت تصيح ضامه الريمونت تريدني مااكعد هنا وحركت كلبي حرك برغم هيا عدها تلفزيون بغرفتها ولاحكه الجاهل اؤؤؤؤؤف شسولفلج
صحيح والله راح يصير بينه ضغط وسكر هاي اذا مو جلطه
ذكرتني من تحرك كلبي اكول ساعه السوده الي تزوجت بيها


ايه حبي تسلميلي وشكرا على الدعوه الحلووووووووه

ام الق حبيبتي شلونج وشلون الوقه

وام بساسه ماحجت عليج بس حجت على المالكي والاداره
هههههههههههههههههه

بااااااااااقي البنااااااااااات مشتاقتلكم مووووووووووت

[kokee]

شسصبر ايمان مو جبدي طك من كثر ما اتحمل يعني شلون
هيه تطلع الصبح جنابهه ترجع ب3 تلكة كلشي مخلص وتنام تكع تدرس مسجله كلية تربيه المفتوحهه وعايفه الامه منكلبه واني اخلي ابني يبجي في سبيل اخلص شغلي
ايهه بيض يتلامعن وانه الاكزما ماكلتهن تحط خلطات لوجهه وعزه كليلي يعني للطلعه وللسوالف الطايح حظهه حاضره وللشغل مال بيتها تطلع شطارتهه براسي
بس لا والله انوب الا اوكفهه عد حدهه

[kokee]

رجلي فقير ويكسر خاطري اتحمل لخاطره
بس هيه استسبعت علي من شافتني ساكتتلهه

[kokee]

بنات اعذروني على كلامي
بس شسوي من ضيمي

[مجنونة بحبها]

زنوبه حبيبتي معذوره لان كاعد احس بيج

[مجنونة بحبها]

بناااااااااااات وينكم مسووووين اضرااااااااااااب

[بنت الخليج]

هلوووووووووووووو اني جيت وينجن يا حبوبات اكو احد لو ملتهيات برياجيلجن وجهالجن خخخخخخخخخخخخخخخخخ

[kokee]

هلو بنات شخباركم
من البارحه لليومة حتى ما اتصل عليه ولا كال شي
ويدري بيهه هيه ام الطلايب
بس شكول حسبي الله ونعم الوكيل عليهه

[بنت الخليج]

حبيبتي كوكاية اشلونج عمري ديري بالج على نفسج وكافي اتحركين ابدمك ترة محد ايفيدك ترة المشاكل متخلص وبعدين هاي هم مثل امك امراة كبيرة . هذا زوجك ماطول ساكت معناها يعرف الصوج منهة بس ميكدر يحجي لان يخاف منهة مع احترامي له . الحل اتدزين احد من اهلك ايكون فاهم الامور ويحجي وياهة ويبينلهة وجهة نظرك بلكي تتغير .

[kokee]

ان انت اكرمت الكريم ملكته..وان انت اكرمت اللئيم تمردا
والله صحيح

[kokee]

يا امي يمعوده لو احجيلج حجيهه تصفنين
بس شسوي الشكوه لله

[بنت الخليج]

حبيبتي ادري والله ادري . لكن هيجي امور متنحل بهذه الطريقة انتي هيجي راح اتاذين بس نفسج . زين اهلك شنو موقفهم ؟

[kokee]

ابويه ما كتله لان مريض خطيه واختي مريضه ماريد ازو همه
امي شسوي يعني واخويه يعرفهه لان هيه بت عمتي
يعرفهه رعنه

[kokee]

ايييييييييييييي والله ضايجه والدمعه تلوج بعيني حركتني حرك

[kokee]

وينج ايمان ايه مها محتاجتلكم

[بنت الخليج]

اختي هم كانت عمتهة مثل عمتك وكان رجلهة ليحل ولا يربط كلش متعلق بامه وصارت مشاكل قوية بيناتهم وجتي زعلانة للبيت ورجلهة مكذب خبر طلكهة ومنطة بامه وديجية تسمع حسك كاعدة بالبيت . اسم الله عليج حبيبتي متوصلين لهذا الحد بس فكري بهذا الامر ترة اكو رياجيل شتكول امهاتهم اينفذون

[عذراء الجابري]

http://forum.hwaml.com/imgcache2/hwaml.com_1325874771_220.gif (http://www.iraqup.com/)
سلام عليكم بنات
حبيبتي كوكي طولي خلكج وحافظي على بيتج وتحملي ولا تخلين زوجك في خيار صعب يعني بينج وبين امه وتذكري انتي عندج ولد وراح يكبر ويتزوج ان شاء الله

[بنت الخليج]

هلا بالعلوية اشلونج حبيبتي

[عذراء الجابري]

هلا بيج خيتي ام كرار ان شاء صحتج زينة انتي والعائلة الكريمه

[بنت الخليج]

تسلمين حبيبتي والله بالي يمك صار فترة ماكو الله لايحرمنا منك ومن ادعيتك يالغالية

[عذراء الجابري]

الحمد لله اني بخير وآني اقرأ مشاركاتكم الطيبة

[عذراء الجابري]

بس خطية زينب يرادلها نصائح

[بنت الخليج]

اي والله خطية نفسيتهة كلش تعبانة الله ايساعدهة

[عذراء الجابري]

لكيت هاي القصة باحد المنتديات وحبيت اخليها للعبرة وانشاء الله زينب تقراها والامثال تضرب ولا تقاس

أتحدث إليك اليوم بحساسية دقيقة، غير أنها ضرورية، لأنها كثيراً ما خيمت على بيوت سعيدة ، فأشقتها وكثيراً ما خيمت على بيوت فأسعدتها.. إنها الصلة بين أم الزوج وزوجة الابن .
وأم الزوج تسمى في العرف والتاريخ "الحماة" وما أجمل أن نتعامل معها على أساس الأمومة للزوجين ، لأنها الشجرة التي أثمرت الزوج، ثم حنت عليه بظلالها،' وسقته من ماء حياتها ، حتى غدا ثمرة تاقت إليها النفوس، وتمنتها القلوب، فكنت أنت يا بنتي القاطفة لها ، فهل تحبين أن تكوني القاطعة لهذه الشجرة المباركة التي أعطتك هذا الزوج الحبيب الحاني؟!
إنني أدعوك إلى أن تناجي ظلالها وتسقيها بيدك ماءً يباركها، تلك هي "حماتك" أتعلمين يا بنتي أنك لو أطعت الله فيها ماذا يكون لك من أجر عند الله ؟
إنه الأجر العظيم ، فقد أوصى سبحانه في كتابه العزيز (وبالوالدين إحسانا) . فكما أنك تحرصين على مرضاة أمك وتفعلين كل ما يسعدها، كذلك فافعلي مع أمه ، فاتقي الله فيها .
إن العقوق يا بنتي ذنب هو من الكبائر
عندما قال صلى الله عليه وسلم ما معناه : [ألا أدلكم على أكبر الكبائر ؟ ] قالوا : بلى يا رسول الله ، قال : [ الشرك بالله، وعقوق الوالدين، ألا وشهادة الزور.. ] [ البخاري وغيره ]
فمن المهم أ ن تساعدي زوجك على أن يكون باراً بوالديه وأن توصيه دائماً بذلك، إن برّك يا بنتي بأم زوجك هو بركة لك ، إن وجدت ابنها أغضبك ، غضبت لغضبك حتى يرضيك..
إن السعادة هي التي تشهد امتزاجاً بين أسرة الزوج وأسرة الزوجة بحب ومودة، فهل تكونين يا بنتي لحماتك الابنة والصديقة والحبيبة، فتكون لك الأم والصديقة والحبيبة ؟! أرجو أن تتفكري في كلماتي..
وأنت أيتها الحماة الحبيبة ..
أرجو أن تتنبهي إلى أسباب سلامته .. فكم كانت سعادتك وأنت تزفين ابنك يوم عرسه، كم كنت موفقة وأنت تؤكدين أن زوجة ابنك ستكون كابنتك.. فماذا يا سيدتي وقع بعد الزواج.. ؟
إنها هي التي ضممتها إلى صدرك والسعادة تجري في دمائك وتملأ وجهك، ثم تابعت الحب الذي كان بين الزوجين بعد زواجهما..
فماذا أغضبك من سعادة ولدك وزوجه.. ؟
إنني يا سيدتي أعتب عليك ألا تنزليها منزلة ابنتك، فأنت تفرحين لابتسام زوج ابنتك وحنوه عليها ، أفليس من واجبك أن تغمري ولدك وزوجه بهذا الذي تغمرين به ابنتك وزوجها ؟
حبيبتي..
إن العدل شريعة الله، فراجعي نفسك في علاقتك بزوجة ابنك، واقرأي معاني الرحمة والمودة في كتاب الله، وأن ذوي القربى أولاهم بالمودة والمحبة.. فالزوج هو فلذة كبدك وأبناؤه هم أحفادك.. فاملأي قلبك بالحب للزوجة والأحفاد، حتى ينشأ البيت على أساس من النور الرباني،
فالبيوت التعسة لا يصل إليها نور
مرضاة الوالدين ودعواتها لأبنائهما وبناتهما.. فلا تحرمي بيت ولدك من دعواتك الحانية، ومودتك المثمرة، فالمال يفنى وتبقى المعاني الجميلة للحياة..
تراحم الأسرة وتوافقها.
لا تبحثي عن أخطاء زوجة ابنك، ولكن انصحيها،
واعلمي أنها من جيل غير جيلك ومن واقع غير واقعك، فكوني
لها الأم الحنون، الأخت والصديقة
وثقي أنها ستعاملك كابنتك وصديقتك، فترفرف بذلك أعلام السعادة على البيت
وشكرا يارب مااكوان اغضبت احدمني واكوان ارضيت الجميع


Read more: http://www.hayah.cc/forum/t16592.html#ixzz1ihsn5srt

[مي &]

هلو بنات شلونكم حبايب

[مي &]

زنوبه حبيبتي دري بالج زين على بيتج وابنج وزوجج تره عمتج امبينه قويه وكلشي اتسوي
الله لايكولهه خلي بالج من ابنج وزوجج بس ولا اتديريلها بال هي محتادتج مو انتي

[مي &]

بيداء حبي شلونج

[مي &]

غذراء حبي شلونج وشلونه النونو
سويتي سونر لولا عرفتي نوع الجنين

[عذراء الجابري]

هلو مي الحمد لله زينة لا حبيبتي مماخذة ليهسة سونار وجنس الجنين مخليتة على الله

[بنت الخليج]

هلو مياوي حبيبتي شخبارج

[بنت الخليج]

الله يتمم حملك على خير واتكومين بالسلامة عذورة

[مي &]

اي والله احسن شي ياغذوره يا حبيبي اتوفي على الله بس زين والله صابره هههههه
اني من اول ماعرفت حامل كمت احوص اريد اعرف شنو وامي اتكولي شلج بهاي السالفه عوفيهه حلو لمن تتفاجئن بيهه بلمستشفى بس اني شيصبرني هههههه بس دخلت الخامس اول اسبوع بيه سويت سونر وعرفت اني حامل بنوته ههه ماما كامت اتكلي هسه يطله ولد واضحك عليج بس همزين طلع السونر صحيح مو مخربط مثل كثير من السونرات وطلت ابرار الله ايخليهه الي ولبوهه


هلو حبيبتي بيوده انتي شلونج صدك حبي انتي من وين

[رويدة_ أم ألق]

السلام عليكم شلونكم
أم كرار مشتاقين .. تحياتي للجميع.

[بنت الخليج]

حبي اني من بغداد منطقة الشعب تندليهة ؟ ههههههههههههه

[بنت الخليج]

عليكم السلام حبيبتي من الق شخبارج اني هم مشتاقتلج عمري

[مي &]

ههههههههههههه
خوش سؤال على طول نعصه بسيطرة الشعب من انريد انروح من النجف لديالى

[مي &]

بيداء حبي ابرار راح اتخبلني بس تبجي ما ادري شتريد
شربت حليب وبدلتله الحفاظه وحللتها وكمطتهه وكلشي ميفيد
شسويله

[رويدة_ أم ألق]

أنا بخير الحمدلله ربي يخليج

اي والله الشعب بالنسبة النا كانت المعضلة بس نطلعها وصلنا وين مانريد ببغداد.

[بنت الخليج]

هههههههههههه يمعودة هو اكو مكان ببغداد مابي سيطرات وازدحام . اكلج طلعنة كرايب اني هم من ديالى من الخالص

[رويدة_ أم ألق]

تحياتي لرحاب وهند ونور وآية والجميع في غيابهم.

[مي &]

اني من بعقوبه الجديده

[رويدة_ أم ألق]

اها والله؟ ألف هلا
يعني حاليا أهل ديالى محتلين التجمع!

[عذراء الجابري]

عليكم السلام ام الق
شكرا ام كرار
مياوي عيوني كثرت السونارات والمراقبة سوي قلق نفسي

[بنت الخليج]

اخاف عدهة غازات خطية خليهة ابحضنك ونيميهة على بطنهة وطبطبي على ظهرهة بلكي ترتاح

[مي &]

بيداء وينج حبي اشو مجاوبتيني على سؤالي بخصوص ابرار بنتي

[عذراء الجابري]

لا انشاء الله بعد ماكو احتلال ههههه
كلنا بنات العراق ام ألقققققق

[رويدة_ أم ألق]

أهلا عذراء أنتِ بأي شهر بالسلامة؟

[مي &]

اي حبيبتي ام الق زانتي من وين من ديالى ومن وين من النجف
اني من بعقوبه الجديده وبعدين سكنه النجف اهلي في حي السلام وانا متزوجه بحي السلام ايضا

[رويدة_ أم ألق]

أكيد بس من باب المزاح طبعا.

[بنت الخليج]

سويلها ماي امهيل دافي ايفيدهة

[مي &]

اي حبيبتي تسلمين وربي يخليلك اولادك سويت مثل ما كلتي وهي هسه ساكته وراح اتنام
الله ينطيج العافيه

[رويدة_ أم ألق]

أنا من قرية تابعة لناحية العبارة
ومن أشوف وحدة من ديالى أو بغداد يفيض بية الحنين أم أبرار

زوجي من النجف وساكنة بالحيرة تحديدا.

[مي &]

ماي هيل يعني ايروح الغازات(العفوووو منك)

[مي &]

اهلا وسهلا بيج حبيبتي وبكل اهالي التجف وديالى
الغربه صعبه مو

[عذراء الجابري]

هلو عيوني اني بالشهر السادس
وانتي انشاء الله حامل او عندك اولاد

[رويدة_ أم ألق]

اي والله يا مي رغم زوجي يحاول يبدد الغربة وما مقصر
بس أشتاق لأهلي وناسي وأيامنا.

[بنت الخليج]

اي حبيبتي سوي الهيل مثل متخدرين الشاي وخلي اشوية يدفة وانطيهيا

[رويدة_ أم ألق]

اي عزيزتي عذراء هذا حملي الأول ... قبل كم يوم دخلت بالخامس.

[مي &]

اعتذر منكم دقايق اسوي ماي هيل لابرار واجي

[بنت الخليج]

اني صحيح من ديالى لكن من اسمع بالنجف او كربلاء روحي اتفرفح على الائمة عليهم السلام هنيئا لك من صرتي من سكنة النجف

[عذراء الجابري]

ام الق الله يفرحج بحملك بجاه محمد وآل محمد
يعني انتي مدينة البرتقال وسكنت مدينةالعنبر

[رويدة_ أم ألق]

الله يكتبلج الزيارة والشفاعة أم كرار

ولاصغراً بمعلوماتج الهيل إذا يستخدم بكثرة سامعة بأنه يضعف القلب
يعني المفروض هسة أم أبرار تخلي حبة هيل وحدة وللضرورة.

[رويدة_ أم ألق]

اي عذراء ..
ولو مابقى شي ببرتقال ديالى يبس وقلت كمياته.

[بنت الخليج]

واني هم مكلت تستعملة بكثرة كلت من ايصير عدهة غازات ايخليهة ترتاح واتريع وهايهية

[عذراء الجابري]

اكول بنات عندي النت يتأخر بالارسال والاستقبال
فأرجو المعذرة بالتواصل

[رويدة_ أم ألق]

معذورة وإن شاءالله دائما نشوفج ويانا.

[مي &]

بنات تصبحون على خير احاجيكم بعدين

[بنت الخليج]

طبعا ييبس البرتقال اذا ماي ماكو بدجلة والفلاحين كلهم غيروا شغلتهم صاروا احوال و ميحجون كلة بالدولار ههههههههههههه

[عذراء الجابري]

مي انشاء الله مي العافية شو صارت باجة

[رويدة_ أم ألق]

وأنت بخير وعافية مي

ههههههه إي أم كرار.

[عذراء الجابري]

وانتي بالف خير نوم العوافي

[بنت الخليج]

يمكن راحت اتجيب هيل من الشورجة ههههههههههههههههه

[رويدة_ أم ألق]

أم علاوي عند أهلها؟ مو عوايدها ماتجي بهيجي وقت.

[عذراء الجابري]

مسك الختام

قم جدد الحزن في العشرين من صفر ففيـــــــه ردت رؤوس الآل للحفر

يا زائري بقعة أطفالهم ذبحــــــــــت فيها خذوا تربها كحلاً إلى البصــــر

وا لهفتا لبنات الطهر حين رنــــــــت إلى مصارع قتلاهن والحفـــــــــــــر

رمين بالنفس من فوق النياق علـــى تلك القبور بصوت هائل ذعـــــــــر

وابكوه يلثم أطفالاً ويرشفــــــــــها مودعاً ودموع العين كالمـــــــــــــــطر

وتلك تصرخ واجداه وأبتـــــــــــــاه وتلك تصرخ وايتماه في الصـــــــغر

فلو تروا أم كلثوم منــــــــــــــــاشدةً ولهىً وتلثم ترب ألطف كالعطــــــــر

يا دفني الرأس عند الجثة احتفظـــوا بالله لا تنثروا ترباً على قمــــــــــــــر

لا تدفنوا الرأس إلا عند مرقـــــــــده فأنه روضة الفردوس والزهـــــــــــر

لا تغسلوا الدم من إطراف لحيتــــــه خلوا عليها خضاب الشيب والكـــــــبر

لا تخرجوا أسهماً في جسمه نشـــبت خوفاً يفور دمٌ يطفو على البشــــــــــر

رشوا على قبره ماءً فصاحــــــــــبه معطش بللوا أحشاه بالقطـــــــــــــــــر

لا تدفنوا الطفل إلا عند والـــــــــــده فانه لا يطيق اليتم في الصـــــــــــــغر

لا تدفنوا عنهم العباس مبتعــــــــــداً فالرأس عن جسمه حتــى اليدين بري

لا تحسبوا كر بلا قفراء موحشـــــــةً أضحت تفوق رياض الخلد بالزهـــــر

يا راجعين السبايا قاصدين إلــــــــى ارض المدينة ذاك المربع الخضــــــــر

خذوا لكم من دم الأحباب تحفتكـــــم وخاطبوا الجد هذي تحفة الســــــــــفر

يا أم كلثوم قدي الجيب صــــــارخةً على أخيك وفوق المرقد أعتفــــــــري

قولوا لعابده أن لا يفارقــــــــــــــــه فكر بلا منزل الأحزان والضــــــــــجر

يا كر بلا أي جسم في ثراك ثـــــوى لو تعلمين لنلت العرش في الـــــــــقدر

زاروكِ يوماً فأمسى زائروك لـــهم شأن تفوق من حاج ومعتمـــــــــــــــر

يا مؤمنون أكثروا للحزن وانتحبوا عليهم مدة الآصال والســــــــــــــــــحر

حطوا عزاه وقولوا رأس سيدنـــــا قد رد في العشرين من صفـــــــــــــــر

وابكوه يرنو شطوط الماء ومهجته في حرة لم يطقها طاقة البشــــــــــــــر

كل الكواكــــــب في الأفلاك آمنةً والكسف والخسف حظ الشمس والقمر

يا عترة المصطفى المختار يا عددي ومن بدولتهم عزي ومفتـــــــــــــخري

أنتم أولوا الفضل إذ جئتم على قدرٍ كما أتى ربه موسى علـــــــــــــــى قدر

صلى عليكم إلهي حيث خصــــكم بعصمةٍ من جميع الإثم والكـــــــــــــدر

[عذراء الجابري]

عظم الله لكم الاجر وتصبحون على خير

[رويدة_ أم ألق]

وأجركِ عزيزتي ..أحسنتِ
تصبحين على خير وعافية.

[بنت الخليج]

عظم الله اجورنا واجوركم تسلمين عذورة هي هاي عوايدج دائما متئلقة اسال الله الثبات على الولاية انشاء الله

[kokee]

صباح الخير بنات

[رويدة_ أم ألق]

أهلا زينب صباح النور شلونج هسة أحسن إن شاءالله.

[رحمة الرحمان]

السلام عليكم بنات شكرا على سؤالكم عليه راحت للمستشفى والرحم مفتوح 1سم لازم مااتحرك نهائي وطلع عندي سكر حمل الله كريم بنات عظم الله اجركم

[أم أيهومي]

هلو بنات يارب تكونون جميعا بخير وسلامه
اختي رحمة الرحمن ربي يسهلك يارب وتولدين طبيعي ومتشوفين مرار العمليه الي شفته
ام ابرار حبي والله اني ايهومي هم نفس الشي بس يبجي خبلني البارحه عيد زواجنا وحتى محتفلنه من وراه بجي من الاربعه الصبح الى الساعه 2 من الصبح اليوم فأجلنا الاحتفال الى ان يصير زين من الغازات والمغص
حبي اني خالة زوجي نصحتني باليانسون افوره واخليله شويه سكر كلوكوز وانطي اله بالممه وجربته مره وزين بس لانه جبناله الطبيب للبيت وشافه وانطاه علاج امتنعت عن الاعشاب بس الظاهر راح ارجعلهة لانه فادته كلش احسن من العلاج,,
ام الق حبي طلعنا اكثر بنات التجمع من ديالى ولو هو ماكو فرق ان شاء الله كلنه بنات وطن واحد ولكني بصراحه قريت كلماتك على الفيس بوك وخنقتني العبره..
اليوم يالله طلعت صورة زوجك عندي بالمنتدى وعرفته صراحه اني شايفته ببرامج هوايه بس عذرا محافظه الاسم بالظبط وعموما اتشرف بيه وبكلماته الحلوة وبيج هماتين والبارحه على الفيس بوك زوجي شوفني صفحته
وبعثت طلب صداقه الج..وايضا ضفت زوجك..واتشرف بيكم
بنات اسفه لانه مااتواصل وياكم هنا دائما لانه المنتدى مرات ميفتح عندي نهائيا او الصفحه تبقى لازكه متمشي ومتتحرك
بنات هذا اسمي على الفيس بوك الي تحب تضيفني اتشرف بيهة لانه الفيس بوك يفتح دائما واني ايضا اتواجد فيه بأستمرار
Najlaa Alobaidy
وهلا وغلا بيكم

[مجنونة بحبها]

صباااح الخيرررر

زنوبه حبيبتي ديري بالج وطولي خلكج شويه
تره هذن يتمردن ويسون مشاكل
انا العام بعشره محرم جان زوجي مو بالبيت بكربلاء
وسوتلها طلابه وياي وكالت اطلكج اطلكج
ومن رجع زوجي تلكته تكله تغلط علي وتسبني وانا والله
اخلاقي وتربيتي متسمحلي اسب احد لو مهما يكون
وكامت تلفق على حجي عجيب غريب
بس ربج ستر لان زوجي يعرف امه واصلا عشيرتهم كلها تعرفها
صاحبت مشاكل لهذا مقبل كلها مااطلكها شتريدين
كالتها شعاجبك بيها كلها عاجبتني وهذا هو وبقت تفر وتحولك مشاكل بس الحمدلله
يمكرون ويمكر الله والله خير الماكرين
ومكدرت بس ديري بالج اذا زوجج ياخذ حجيها لانها ر اح تدمر حياتج
الله لا يكولها وان شاء الله ترجع المياه لمجاريها




ام كرار حبي شلونج


نجوله حبيبتي عيد زواج سعيد ويارب الف عام سعاده
بس مكلتي صارلج اشكد متزوجه
والله يحفظ ايهومي حبيبي




عذراء وعظم الله اجرج ويفرحج بحملج



علياء حبيبتي خوفتيني عليج
زين ليش مربطتي بدايه الحمل وخلصتي من وجع الراس
وديري بالج من السكر تابعيه واستحمي من الاكلات الي تزيد السكر
وطمنينه عنج حبيبتي انتي بعمر بنت اختي مواليد 93


مي شلونج وشلون ابرار


ايه ورحوبه وام بساسه ماكووووووووو ان شاء الله المانع خيرررررر


باااقي البنات شلونكم وحده وحده حتى لاتزعلون

[مجنونة بحبها]

اليوم زوجي راح مشاي لكربلاء

ومن هسه اريد ابجي

يارب احفظ زوار الحسين وارجعهم سالمين

واحفظهم من كل مكروه

يارب ارجع زوجي سالم معافئ

بحق محمد وال محمد

[توتايه]

بنات حبيباتي شلونكم مشتاقتلكم كلكم كلش هوايه بالمناسبه ابيتي مديفتح المنتدى يكولي دنسوي تطوير لمده 24 ساعه ما ادري طلع هالشي يمكم لو لا

اني ابيت اهلي هسه جيت اشوفهم

زنوبه استهدي بالله وكوليله اني مالي غير حمامي وغرفتي ومسح الاخشاب لان الاكزيما متصير زينه اذا تستعملين كيماويات ولازم يعجبهم الوضع

والله اني بيبيتي ام ابويه كالتلي حجايه وخليتها ترجيه بأذاني كالتلي ماطول اكو بنيه بالبيت انتي ماعليج لا بتنظيف ولا تعزيل عليج بغرفتج وحمامج واذا حبيتي انتي تطبخين شي هذا يرجعلج لان ماطول اكو وحده بالبيت بنيه وتكدر تشتغل انتي مامسؤوله

حبي مياوي انطيها يانسون يصير اكياس مثل الشاي التي باك

بالصيدليات نظيف وجديد احسن مما تشتريه من العطار يطلع وصخ وبيه رمل لو شي وتخلين جيس واحد بمي فاير وتدفيه وتخليله سكر كلوكوز وتنطيهياه اني ليهسه يوسف عليه وما استعمله دوه مغص ابد ومع العلم رروحه بالبامية والفاصوليه

شخبار البنات حبيباتي

فدووه اروحلج رحومه حبيبتي اهجعي واكعدي مبقه شي عمري حتى لو تعرفين اسم الله ياستار تجيبليج كرسي متحرك بس حتى متتحركين وتكومين وتكعدين وابتعدي تماما عن الجماع لان يفتح الرحم فدوه لعيونج مبقه شي هيه كم شهر

ارجعلكم بالليل حبايب

[توتايه]

هلو امونه حبيبتي والله كتبتلج سبب الغياب وياربي يحفظ جميع المسلمين يارب

[أم أيهومي]

امونه اكملنه اربع سنوات..
شبيهة زنوبه ايهم خبلني بحظني ومدااكدر اقرا شي..؟؟
يدزلج بوساته يكول لخاله امونه ..حاله اموتني من الاربعه كاعده دقيقه منايمه وهو الساعه 2 نام

[توتايه]

حبي نجوله سويله ينسون هسه يدفيه ويهديه وينومه بوسيلياه عليج الله

[kokee]

بنات مشتاقتلكم
شسوي لا شال تلفون ولاخابر اصلا وسال علة ابنه
والله متصورون شكد مصدومه بي يعني هاي الناس صدك مالهه امان واني لهسه ابيت اهلي
ابويه يكلي تحملي لخاطر ابنج
استغفر الله ياربي انته تشوف وتحكم

[kokee]

الله يرجع زوجج بالسلامه وطيب الخاطر وينطيه مراده بحق الحسين الشهيد

[kokee]

خايبه انه انظف البيت كله وافتر وماعاجبهه انوب الا بس حمامي غير تنتحر هههههههههههههههههههههههه

[kokee]

ابخيرهم ما خيروني وبشرهم عمو عليه
عود اليوم عيالي مسوين قرايه ع الحسين
وتخابر على امي تري تعزمهه انتو شايفين هيج صلافه

[مجنونة بحبها]

هلو ايه جانت اكو صيانه بالمنتدى البارحه يله فتح عندي


زنوبه مشكوره على الدعوه
هسه كماشه كاعده يمي وتدردم راح انفجر ههههههههههه


نجوله حبي شكرا على البوسه شكد حلووووووه ناعمه

[مجنونة بحبها]

اكو احد موجود لو ارررررررررروح

لان اليوم زوجي ماكووووو

والنت فارررررررررغ بس كماشه تشوش هع هع

[kokee]

ههههههههههههههههههههه الله يساعدج هفيهه بطابوكه واخلصي هع هع

[مجنونة بحبها]

ولج زنوبه شيخلصني هع هع

انا كلشي مااسوي وهيا تصيح

سوت وسوت

بس وداعتج كلها تعرفها وكرايبهم

يكولولي شورطج بيهم
كتلهم شدراني

[kokee]

اسكتي وخليهه هاي طلايبهن متخلص
اني لهسه لا خابر ولا اجه ولا اصلا عبرني
بس خلي
اكو الله

[مجنونة بحبها]

اليوم ماكووووووووووووووووووووووو

[مجنونة بحبها]

يعني شتريدين اكيد ينحاز لامه

انا زوجي يعرف شر امه وهم يزعل من تتعارك وياي

[رويدة_ أم ألق]

السلام عليكم بنات شكرا على سؤالكم عليه راحت للمستشفى والرحم مفتوح 1سم لازم مااتحرك نهائي وطلع عندي سكر حمل الله كريم بنات عظم الله اجركم

عليكم السلام والرحمة عزيزتي رحمة دعواتي من القلب الج بالسلامة ديري بالج على نفسج ... وشنو سالفة سكر الحمل المنتشرة من شنو تصير؟

[مجنونة بحبها]

هلا رويده شلونج

[رويدة_ أم ألق]

ام الق حبي طلعنا اكثر بنات التجمع من ديالى ولو هو ماكو فرق ان شاء الله كلنه بنات وطن واحد ولكني بصراحه قريت كلماتك على الفيس بوك وخنقتني العبره..
اليوم يالله طلعت صورة زوجك عندي بالمنتدى وعرفته صراحه اني شايفته ببرامج هوايه بس عذرا محافظه الاسم بالظبط وعموما اتشرف بيه وبكلماته الحلوة وبيج هماتين والبارحه على الفيس بوك زوجي شوفني صفحته
وبعثت طلب صداقه الج..وايضا ضفت زوجك..واتشرف بيكم
بنات اسفه لانه مااتواصل وياكم هنا دائما لانه المنتدى مرات ميفتح عندي نهائيا او الصفحه تبقى لازكه متمشي ومتتحرك
بنات هذا اسمي على الفيس بوك الي تحب تضيفني اتشرف بيهة لانه الفيس بوك يفتح دائما واني ايضا اتواجد فيه بأستمرار
najlaa alobaidy
وهلا وغلا بيكم

عيد زواج سعيد وحياة ملؤها فرح عيوني نجلاء
كنت كاعدة يم قاسم لما وصل طلب الصداقة لكن بصراحة ماعرفتج
لما اجيت الآن وقرأت مشاركتج بلغته وسولفتله
نتشرف بيج وبالأخ أبو أيهم

اي فعلا هو يظهر على عدة قنوات فضائية وحاليا ينتظر نتيجة مسابقة شاعر الطف
دعواتكم ويانا بالفوز.

بوساتي لأيهم وربي يحفظه الكم.

[رويدة_ أم ألق]

هلاو عيوني أم بنين كنت اقرا وأرد وجايتج بالسرة ههه

[رويدة_ أم ألق]

اليوم زوجي راح مشاي لكربلاء

ومن هسه اريد ابجي

يارب احفظ زوار الحسين وارجعهم سالمين

واحفظهم من كل مكروه

يارب ارجع زوجي سالم معافئ

بحق محمد وال محمد

زيارة مقبولة إن شاءالله ويرجع بالسلامة هو وجميع الزائرين
انتو وين ساكنين أم بنين؟

[رويدة_ أم ألق]

عزيزتي آية المنتدى مو فقط يمج توقف لفترة وإنما عند الجميع
لأن صار ضغط عليه بسبب كثرة العضوات والمشاركات
صورة يوسف هذي كلش حلوة الله يخليه وعنده العافية.

[قمر بغداد]

هلوووووووووووووووو بنات شلونكم اخباركم مشتاقتلكم

[قمر بغداد]

هااااااااا الوووووووو

[قمر بغداد]

شووووو ماكو احد

[kokee]

هلا هباوي
شلونج ياحلوه

[مجنونة بحبها]

هلوووووووو منو موجود

ام ألق عيني انا من بغداد شلون الوقه


هلو هباوي شلونج وشلون النفسيه


زنوبه بشري ماخابر شي لو الاخ هم زعلان
الله يصلح حالج للاحسن

[مجنونة بحبها]

تعالي زنوبه فضفضي حبي

[kokee]

لا والله امونه ما خابر
ماتصورين شكد مصووومه بي مسوي نفسه يحبني ويخاف عليه صارلي 3 ايام حتى ما سال على ابنه
يمعوووده خليني ارتاح منهم جم يوم صبر ماعدي بعد

[kokee]

شكد ما اصير زينه وياهم شما ينكرون علي وتدرين احنه كصه بكصه يعني بتهم يمنه
عادي معامله اهلي وكلت لامي مالهه علاقه لا تخلين مشاكلي وتدخلينهم بلنص هيه واخويه
ماريد احمل وزر غيري

[kokee]

المفروض تداري بتهه عد امي تدوام ل4 والطفل عد امي ومرتاحه لان امي مريضه مالهه خلك حتى روحهه

[مجنونة بحبها]

لا حبيبتي هيا ماعليها باليصير وياج

اخذي فتره ارتاحي اتلحكين على الشغل

[مجنونة بحبها]

وادعتج ذني ماعدهن عقول حتى يفكرن يفكرن بس بشرهن

[مجنونة بحبها]

شوفي الحظ لان اليوم ابو بنونه ماموجود كعدت على النت
اشو بنونه متقبل اتريد العب وياها ومن اروح وياها تعوفين

تضحك علي

[kokee]

اووووووووووف كلبي مقهووور والله والدمعه تلوج بعيني

[kokee]

ههههههههههههههه حبيبتي
شيطانه

[kokee]

اكلج غرفتج جوه يم كماشه لو شلون
تنام وحدها؟

[kokee]

وينجججججججججج

[kokee]

حبي امونه
جنج التهيتي يلا اروح واجي بعدين حبيبتي

[مجنونة بحبها]

حبيبتي هاي الشيطانه متخليني كل شويه
مطلعه سالفه ساعه اتريد تاكل ساعه تلعب اتريد بس تلهيني

حبي انا من تزوجت لليوم انام بغرفه الخطار هههههههه
يعني جوه يم كماشه حتى وانا عروس جانت غرفتي فوك
وزوجي ميقبل نصعد نام فوك وداعتج حتى افراش ماجان عندي جنت انام على الكاع منا لمن سوتلي امي فراش ههههههههههههه
وهسه قبل فتره زوجي اشتره بيت جوارينه وطبكه ويه البيت وصارت عندي غرفه جوه وهم ميقبل انام بيها ايكول تعودنه على غرفه الاستقبال واذا اجانه خطار فراشي فوك راسي واركض ههههههههه
حجيت قصه حياتي

[مجنونة بحبها]

قبل موجان ماعندي غرفه جوه وجان صيف والغرفه الفوك مابيها لامبرده ولا شي واجونه خطار بقو عندنا فصار لازم انام يم كماشه وهذا اتعس يوم بحياتي هيا متقبل تطفي الضوه وانا ماعرف انام الا بلظلمه من غير تحجي متسكت والراديون يشتغل براسي ووووووووووووووالله لايعود ذاك اليوم

[رويدة_ أم ألق]

السلام عليكم ورحمة الله

أم بنين شلونج؟ وربي أنت ورردة هاي لو اني جان كمت اتنعوص ههههه.

[مجنونة بحبها]

وعليكم السلام ورحمة الله وبركاته

هلا ام ألوقه شلون تتنعوصين هههههههههههه

[مجنونة بحبها]

المسج ماتج كلش عاجبني يكول كل طاهره جميله لكن ليست كل جميله طاهره عجبني هوووووووووووواي

[رويدة_ أم ألق]

يعني ما أقبل أنام بالاستقبال مثلا
أما طريقة التنعوص hwaml15 هاي لازم تشوفيني بيها وجها لوجه ههههههه

[رويدة_ أم ألق]

تسلمين هذا من ذوقج.

[مجنونة بحبها]

هههههههه نمت بالاستقبال وبدون فراش على المرمر والله شاهد وانا جنت عروس ههههههههههههههههههه

[رويدة_ أم ألق]

الله يجازيج على قدر صبرج وتحملج أمونة
ترى هاي الأمور عند الله ما تضيع.

[مجنونة بحبها]

النت عندي بطي

[مجنونة بحبها]

الحمدلله والشكر

وداعتج مامهتمه ولا احسبله اي حساب عندي امور عاديه

بس هسه ذكرتني زنوبه من سئلتني وين انام

[kokee]

هههههههههههههههه لا كماشتي عهه رجل وتنام يمه ولو مشلول بس اسمه زلمه يمهه خخخخخخخخخخ
رررررررجلي لهسه ولا خابر ولا طخ راسه تدرين هههههههه
هناك ابيتنه هيه القائد عدنه الرجال اذا حجه تكله تره اذبك بره
اكيد هسه تكل لابنها اذا ترجعها اشمر غراضك بره
وعلى هالرنه طحينج ناعم
لوووو ادري ما خلفت شلي بالهبلوه وين جانتلي بالله

[رويدة_ أم ألق]

اي دا ألاحظ النت عندج ضعيف
خطج شنو ايرث لنك لو غيره؟

[مجنونة بحبها]

تعالوا شوفوا بنونه لازمه قلم حبر وتريد تكتب بوجهي

[kokee]

ههههههههههههههه حلوه مالت فراشج على راسج وتركضين ضحكتيني واني ضايجه ههههههههههههههههههههه
شر البلية ما يضحك

[مجنونة بحبها]

زنوبه حبيبتي لا ان شاء الله زوجج يرجعلج
لا تفكرين بهاي الطريقه اكيد هسه عليه ضغط بس
هو باله يمج ويم لولي هو اكو واحد يكدر ينسه هالقمر


رويده عيني انا خطي كلمات وتعبااااااااااااااان موتني

[kokee]

خل ترسملج شوارب بزون ههههههههههههههههه

[مجنونة بحبها]

هو اني اريد اضحكج على حالي ههههههههه


ولا تخافين هما بس نفخ شفتي قبل فتره خوب زوجي
صايح وراي انتي طالك وبقيت 13 يوم عند اهلي ولا احد سأل
صدك جذب وحتى مانطاني مصرف وبنونه حليب وحفاظات
وهو عنده خير من الله وممحتاج وبالاخير طخ راسه واجه
هسه يطخ راسه وراس امه ويجيج غصبن عليهم

[مجنونة بحبها]

كوه خلصت منها اتريد ترسم بوجهي وتضحك ههههههههههههههه

[رويدة_ أم ألق]

كلمات طيارة أحسن من كلمات أمونة.

خليها ترسم عيني تفجر طاقاتها شكو بيها هههه

[kokee]

اي ادري مجلبه بي السعلوه هههههههههه
اني هم يمي ضعيف لان عندي شبكة فوك كرد هم تعباااااااانه فد مره
بس يم اهلي نانو ستيشن و واي فاي الاشاره طلقه ولو هيه ع الكهرباء بس اقلها واحد يفتح ويتصفح ويحمل براحته

[مجنونة بحبها]

كلمات مو سريع ابد زوجي يريد يغيره بس ماعرف شوكت


هسه صحت عليها اتريد ترسم على الحايط حتى ابوها

يمسح الحايط بوجهي هع هع

[kokee]

اني اريده يطخ راسه لان انهانيت بما فيه الكفايه وهوه ولا يمه فقير وحجايه تودي وحجايه تجيبه

[رويدة_ أم ألق]

ههههههه
اعطيها أوراق ولتاخذين القلم منها.

[kokee]

هههههههههههههه ولج فطم اكعدي راحه ههههههههه

[kokee]

اذا الصبغ بلاستيكي يطلع بلمسح بسرعه

[مجنونة بحبها]

زين اشكد سعر الاشتراك انا اشتراكنه 27 دولار شهريا

[kokee]

اليوم رحت شويه تمشيت على طريق كربلاء
اتمنى اكمل بس ابني زغير

[مجنونة بحبها]

لا مو بلاستيكي وانطيتها دفتر شكبره تعوفه وتجي ماما

تريد تسويلي طلابه ههههههههههههههههههههههه


خطيه زوجج زنوبه راح يتعبج اذا يمشي وره الحجي

[رويدة_ أم ألق]

اهاا لعد ذاك غالي وعلى ما اعتقد 70

يمنا بالنجف الايرث لنك زين ببعض المناطق
هسة خطي هذا ممتاز واشتراكه ب50 ألف عراقي.

[مجنونة بحبها]

اي الطياره غالي 70 الف

زنوبه اتمنى اروح مشي وتوسلت بزوجي ومقبل

[kokee]

اشتراك ب38 الف بس النانو ستيشن ب130 اعتقد بابا اشتراه

[مجنونة بحبها]

38 الف كلش زين

[رويدة_ أم ألق]

اشتهيت تمر أروح اجيب وأجي

أمونة حقه ميقبل غير يخاف عليج يا عيني.

[مجنونة بحبها]

اليوم عيني ترف عيني اليسرى وخايفه منها

الله يستررررررررررررررررر

[مجنونة بحبها]

اكلي تمر زين الج

ميخاف علي يخاف على بنونه ههههههههههههه

[kokee]

اهناك ابيت عيالي ب50 الاشتراك وزفت الاشاره وهنا يم اهلي ب38 واشاره تخبل

[kokee]

ولج اليسرى خيررررررررررررررررررررررر
اليمنه فكر

[سمراء]

مين حبيبة ماما أنا مين روح ماما أنا كيفك يالغالية اشتقتلك كثيرااااااااااااااا شلون حال بنونه هي بخير وأم زوجك وزجك نتمنى تكونو كامل بصحة وعافية الله يحييكم يالغاليات حبيبة ماما غالية عندي جداااااااااااااااااااااااااااااااااااااااااااااااا ااااااااااااااااااااا

[رويدة_ أم ألق]

اي دا آكل تفضلوا

أنتِ وبنونة واحد ماكو فرق
ذاك اليوم وصلت بية الحالة أكول لأبو ألق
ترى إذا حبيتها أكثر مني من هسة أعاند وما أجيب
ههههههههه

[مجنونة بحبها]

انا اروح اغير لبنونه حتى تنام واخلص من وكاحتها

[kokee]

البنات ماكو بس اني وام الوقه وام فطووم

[kokee]

ابراحتج حبيبتي

[سمراء]

أنتي هنا يالغالية

[سمراء]

سلام عليكم أختي كوكي كيف حالك انتي بخير سلميلي كثيرا على حبيبة ماما

[روح ملائكيه]

هلوووووو بنات شلووووووووووووووووونكم؟؟

مشتاقتلكم تو تو تو توووووووو مج هههههههههههههههههههههههه

وين رحتي امونه شنو اذا جاءت الشياطين ذهبت الملائكه؟؟ ههههههههههههههه

ويلكم لكل الجديدات الي نورن التجمع

[روح ملائكيه]

شنو السالفه عفتجن يومين لكيتجن واصلات لوين ...
كوكي شلونج قلب؟ وشلونه لولي؟شلونج ويه المحاضرات؟

سمراء منوره عيوني
امونه لا تتأخرين تره شويه واروح (الي يقره كتابتي يكول ساكنه التجمع هههههههههههههه واني كل سنه اجي شويه خخخخخخخخخخخ)

[روح ملائكيه]

اليوم تمنيتجن يمي جابولنه تمن وقيمه رهيييييييييبه طبعا انتظرها كل سنه القيمه خرافيه ومو طبيعيه واكلت هواي وراح اسمن من جديد هههههههههههههه عود مكيفه نزلت 300 غرام عن اول البارحه هههههههههههه يلا هم اسمي نزلت وزن...

اليوم زوجي يذبلي بسامير ع الكرش ههههههههههههه كتله شسوي غير جايبه 3 اطفال وعادي يصير عندي كرش يكلي هذي حجج ..
بنات اريد اسرع وسيله لأزاله الكرش والترهلات وكون مجربه مو مقريه من النت ..وبسرررررعه لا يشرد الرجال ههههههههههههههه

[روح ملائكيه]

الكل شلونجن؟ اخاف اكتب اسماء وانسه وحده منجن ..وبصراحه ذاكرتي تعبانه جدا ..ومااريد انسه اسم وانتن كلجن اخوات غاليات عليه ومكانجن بالقلب..

انتظر اليوم الي اشوفجن بيه (ان شاء الله من ارجع للعراق) وكون هيجي نلتم ونكعد ناكل ونحجي ههههههههههه لو تدرون شلون اتخيلجن عبالك عايشات ويايه على ارض الواقع ههههههه
هسه تكولن يااااااااااا تخبلت مهاوي ههههههههههههههه عادي نو بروبلم خخخخخخخ

[روح ملائكيه]

اي وين رحتن؟ شو كل مااجي تروحن وتتفرقن (فيس متكأب)

مو تنسن اريد حل سريع للكرش

[روح ملائكيه]

صدك نجلاء هم بينت؟ اخبار ابنها شلونه؟

ومنو ولدت بعد؟ كتبولي موجز ان شاء الله باجر ادخل الصبح ..الله يهدي حمودي وينام حتى ادخل شويه للمنتدى..

والله ولا عبالك عندي خدامه اشتغل واكثر من قبل (قبل الولاده) خطيه البنيه هم تشتغل بس منلحك بس بنتي ملاك كافيه تركض ونركض وراهه هههههههههههههه

الحمدلله انفكت شويه الكأبه عندي لأن طلعت مرتين البارحه وقبل اسبوع ..مره رحت لمنتزه اخذت البنات يلعبن والبارحه رحت لمكان يسمونه القصباء بيه العاب ومطاعم ومماشي ..الخ كلش حلو هم لعبن البنات واني ارتاحيت..
طبعا زوجي مايطلع وياي يشتغل خطيه كالي انتي روحي ويه اولادج والخدامه ولا تعتمدين عليه ..
وفعلا كمت اطلع ساعتين ونرجع احسن من كعدة البيت والحمدلله شويه ارتاحيت بس تعب عليه لأن محمد اشيله على كتفي مايرضه بالعربانه بس ملاك تركب عربانه ..ومن يجوع اخلي شال وارضعه اذا كان المكان الكاعده بيه ظلمه تقريبا وهم اسحبله حليب من صدري واخليه بممه صغيره بس مايشرب منها بس سيسي واحد اكثر شي ماااايرضه ..
ولو تشوفون طلعتي تخربون ضحك عليه كلها ركض بركض بس هم احسن من ماكو ..

[روح ملائكيه]

ضوجه وحدي يلا لعد اروح اني
تصبحون على خير بنات
احلاااااااام سعيده

[قمر بغداد]

هلووووووو كوكي شلونج حبي هاي شبيج يمعودة على كيفج فكري واللة كريم
امونة انتي شلونج والنفسية عادي عادي

[قمر بغداد]

ها روح ملائكية شبيج ضايجة يمعودة

[قمر بغداد]

اكو احد لو لاااااااااااااااااااااااااااا

[قمر بغداد]

الووووووووووووو
شو كلها طافرة روحها شبيجن فالتات

[قمر بغداد]

ولجن هااااااااااااااااااااااااا
راح ابجي نمتووووو

[مي &]

هلو هبااااوي شلونج اي والله اني روحي طافره مو شلون ماجان
زوجي لحد هسه مجاي مسافر وجماله متأمله الاثنين يجي اليوم خابر وكال الثلاثاء يله اجي
زادت الكابه وضجت حتى من نفسي
وجماله ابرار بس تبجي عدهه مغص وكلش ضااااااااايجه اني راح ابجي

[مي &]

لا لا يمعوده وين اريد احد اسولف وياه قبل لا ابرار تكعد

[مي &]

وينج هبااااااااااوي

[قمر بغداد]

هلووووووووو مي ايست عبالي ماكو احد شبيكم شو الكل مفولة وصاعدة الكأبة

[قمر بغداد]

خطية ليش زوجج وين هسة

[قمر بغداد]

وين رحتي مي؟؟؟؟؟؟؟؟؟؟

[مي &]

سافر خارج العراق الله يجيبه بسلامه

[مي &]

موووووووووووووو جوه

[قمر بغداد]

توتاية وينج وام بسبوسة وام نورهان وامونة وكوكي وعذراء وبنت الخليج وروضانية وزينة وام ايهم ورحوبة وعذراء وام الق والكل وينكم

[قمر بغداد]

اللة يرجعة الج بالسلامة يلة مابقة شي باجر احد وعود باجر كولي عكب باجر يرجع وتشوفي بخير وسلامة لتضوجين انتي وابرار

[قمر بغداد]

صحتج شلونها؟؟؟؟؟؟

[مي &]

اكول هباوي اني بس اعرف اسمج هبه ممكن هويتج ههههه

[قمر بغداد]

ههههههههههههههههه
هبة من بغداد / زيونة/ عمري 25 سنة صارلي 3 اشهر من تزوجت وزوجي ديدرس ماجستير وخريجة محاسبة ودانتضر الحمل يصير ههههههههههه
بعد خوما نسيت شي

[قمر بغداد]

وانتي؟؟؟؟؟

[رويدة_ أم ألق]

هلااو هباوي هياتني اجيت

[مي &]

لا لا لا ماقصرتي
اني مي من النجف واصلي ديالى
صارلي سنه ونص من اتزوجت وعندي بنوته اسمهه ابرار ولدت قبل شهر و8 ايام بولاده قيصريه
عمري 24 سنه خريجه تربيه قسم كيمياء وكاعده بلا تعين لان زوجي ميقبل اتعين واني بصراحه امكيفه ما احب كعدت الصبح

[مي &]

الله يكتبلج الحمر بأقرب وكت انشالله
هله هله هله ام الق نووووووووورتي

[قمر بغداد]

هلوووووووووو ام الق
مي هذا شبي زوجج هو وينة التعيين الناس تتمنة تشتم ريحة تعيين وماكووووووو

[قمر بغداد]

مي كامت تحشش الحمر منوووووووو هههههههههه

[رويدة_ أم ألق]

هلاو مي شلونج سلامة أبرار وعندها العافية

أنا ايضا اختصاصي كيمياء بس خريجة كلية علوم
ليش كملنا ودرسنا إذا ما نتعين حتى أم زوجي تكلي شعندج كاعدة توظفي.

ادعولنا تتثبت عقودنا على بشائر الخير .

[قمر بغداد]

اكلج مي اني الدورة مالتي 7 ايام تبقه بس هالشهر اجتي بس يومين وكل يوم نقطتين بس هاي ليش؟؟؟؟؟؟؟؟

[مي &]

ههههههههه ابويه همين ايكوله ايكوله لو المدرسه ابصف غرفت النوم مالتنا همين ما اقبل

[قمر بغداد]

رويدة انتي اداومين بعقد

[مي &]

والله ماعندي علم ايجوز كامت تتخربط
اكو بيهم دورتهم منتظمه من تتخربط يحملون مثل بنت خالتي
واكو بيهم دورتهم مخربطه من تنتظم يحملون مثلي

[مي &]

ام الق شلونهه الق همين تظرب دفرات مثل بنتي من جانت ابطني

[رويدة_ أم ألق]

اي عزيزتي هبة داومت بعقد مدة 3 أشهر بمختبر تحليلات
هذا الكلام قبل زواجي من صارت بشائر الخير بديالى
وسمعنا إنه احتمال راح تتثبت.

[مي &]

الوووووووووووووووووو

[رويدة_ أم ألق]

النور نورج ميمي
لحد الآن ماتحركت والله
بنتي عجوزية ههههههه

[قمر بغداد]

هههههههههه واللة يا مي جان شفايتلج يم غرفة النوم حرامات هههههههه

[مي &]

ههههههههههه اي والله

بنت خالتي ابنهه اسبوع بلخامس يله اتحرك

اني بنتي من الثالث اتحركت ههههههه مستعجله

[قمر بغداد]

يجوز بس حتة الام دورة ماعندي راحت هذيج الشهرين جانت 7 ايام بس هالشهر خربطت كلت اروح للطبيب اشوف شكو؟؟؟؟؟؟؟ظظ

[رويدة_ أم ألق]

اي مي مو شرط
أكو حوامل للسادس يلة يحسون بيها.

[قمر بغداد]

علوااااااااا تثبيت اني هم عقد بالنفط صارلي 8 اشهر بس ماكو تثبيت الا افوك السن ولازم انتضر الدرجات الوظيفية على 2013 واللة كريم نصبر بس الخوف باي لحظة يكدرون ينهون العقد

[قمر بغداد]

الوووووووووووووووووو

[رويدة_ أم ألق]

احنة حالتنا تختلف هبة لأن العقود تخصصت بوقتها فقط لديالى
فما ننتظر درجات وظيفية

حضرتج خريجة شنو؟

[قمر بغداد]

وينجن؟؟؟؟؟؟

[مي &]

يارب التثبيت لكل العقود

ايكول اكو تثبيتات على شهر الواحد

[رويدة_ أم ألق]

اشو اثنيكم تصيحون ألو والردود دا تجي عادي متتأخر كلش
شبيكم هههههه

[مي &]

اشو الرد سنه يله يوصل

[مي &]

هههههههههه من الضوجه وطلعان الروح ولكم يابنات راح ابجي والله وجماله بيت اهلي ينامون من وكت والكابه ما ااكللكم بيهه
رااااااح اطك

[قمر بغداد]

محاسبة
شنو دجاج ههههههههههههههههه

[قمر بغداد]

قاق قاق قاق يمعودة لتنعدين هههههههههههه ديري بالج ساعة بيش ينامون؟؟؟؟؟؟؟

[مي &]

ههههههههه
شمدريني حيل ضجت