دردشة بنات العراق, دردشة حوامل العراق , تجمع بنات العراق [الأرشيف] - الصفحة 52

مجنونة بحبها

05-13-2012, 03:24 PM

فوفو لا والله بعدها مطلعت وخايفه وربي
الحمدلله ماكول ماتونست لان شفت غير عالم
بس الصراحه تعبت لان بنونه كله شايلتها وحامد ماخذنه للمناطق الحلوه
وخاصه الي يسولفون على جمال الطبيعه بيها بس من عياده دكتور لعياده ثانيه
انا رحت بس لدكتوره الاسنان والنسائيه وهو افتر الدكاتره كلهم وميقبل ابقى بالفندق
الا اروح وياها وانشلع كلبي بالانتظار

ولج حويره غير الواحد يشوف اكلات غير بلده خوما مجلبين باكلاتنه وبس

زينب السعدي

05-13-2012, 03:25 PM

طبعا هي شكد حقيرة بس تخيلي اني اكره شوكت اكثر منها لان كلش غبي وبالفعل كل مصايب اهله بسببه جنه اهبل
هسه شوكت القديم جان ينجرع شوي بس هذا الجديد مينطاق

مجنونة بحبها

05-13-2012, 03:25 PM

ماعدكم غير سالفه المسلسلات عابتلكم

روضانيه

05-13-2012, 03:26 PM

شوووفي مو جانت فتوووون مسووويه حفله هيه ورجلها مال شوووي
بعد مااعرف اشوون احتركت يمكن شوكت حركه

مجنونة بحبها

05-13-2012, 03:27 PM

؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

عسل بغداد

05-13-2012, 03:28 PM

هلللللللللو اني اجيت شلونكم

زينب السعدي

05-13-2012, 03:28 PM

ههههههههههههههه لج امون مو هالمسلسل تخبل وصارلها 4 اجزاء واحنا متابعيها من اول جزء يعني صارلها شي على شي فوك 220 حلقة يعني عشرة عمر احنا وبيت علي رضا مو حوري هههههههههههههههههههههه

زينب السعدي

05-13-2012, 03:29 PM

هلا بسجاوي الوردة نعالها فردة وفردة

عسل بغداد

05-13-2012, 03:29 PM

بله شفتي شلون واني اكول شبسرعه هلكد كتبن طلعن يسولف عالمسلسل

عسل بغداد

05-13-2012, 03:30 PM

هلللللله بيج عنوني

روضانيه

05-13-2012, 03:30 PM

هلا عسووووول نورتي قلب
اموووووووووووووون اقترحينا سالفه بشرررفج لان مللل

فوفو العراقية

05-13-2012, 03:31 PM

امونة
زوجج يغار عليج لهل درجة؟
الله يسعدكم ويهدي ويوفقكم ويخليكم لبعض

بس مكلتيلي
عن الفحوصات
اشكالولج؟

مجنونة بحبها

05-13-2012, 03:31 PM

هلوووووووووووووو سجاوي العسل

ادري بيكم تحجون على مسلسل عابتلكم

روضانيه

05-13-2012, 03:32 PM

زنوووووووووووووووووب اي وربي عشرة عمر
محمد ايكوولي من خذيتج لهسه متابعه هل المسلسل

منتضرها تخلص يمووووت منها ههههههههههه

عسل بغداد

05-13-2012, 03:33 PM

هللللو حوريه شاخبارج

زينب السعدي

05-13-2012, 03:33 PM

هسه فد شوي نعوفكم نروح نشوفها بعد نص ساعه عود من نروح دكو وركصو

فوفو العراقية

05-13-2012, 03:33 PM

هلو عسوووووووله
نورتي حبي

زينب السعدي

05-13-2012, 03:34 PM

هو الرياجيل يضوجون من يشوفون شي ملهينا عنهم هسه اني زوج يتخبل منكم ومن منتدى حواامل خخخخخخخخخخخخخخ

عسل بغداد

05-13-2012, 03:34 PM

هلللووو امونه مشتاقين حبي

مجنونة بحبها

05-13-2012, 03:36 PM

فوفو مو كتلج بعدها مطالعه النتائج ومن تطلع راح ترسلهم الدكتوره على الايميل وتحجي ويانا والله كريم
وعن زوجي والله ماعرف غيره لو شك لو شنوووووووو مطلع روحي بس افتح حلكي كال صوتج الناس سمعوج

عسل بغداد

05-13-2012, 03:36 PM

هلووووووووو فوفو وين صارت الكيكه لهسه ما كملتيها ردت اخلي كيكه مال حوامل وي الرد بس معرفت هي عباره عن بطن وبيها رجل مال نونو

روضانيه

05-13-2012, 03:37 PM

هلا ب سجاووووي ام البلاوووي وين جنتي صار لي 24 ما حاجيه وياج
اشووو اشتاقيتلج ههههه
زنوووووب يردووونا نلتهي بس بيهم

زينب السعدي

05-13-2012, 03:39 PM

اي عادي مساله طبيعيه كل الرياجيل هيج

روضانيه

05-13-2012, 03:40 PM

امووووووووووووووووووون هذا حامد كووولش نسخه عن محمد
كوووولش هيج نفسيته تعبانه اكووو بنات ارجووولتهم والله باردين لو تلبس فوك الركبه هو ماله علاقه
مطنشين الا اني حجاب ومالتو لو جبه ويكوولي ضيك

روضانيه

05-13-2012, 03:44 PM

يلا بنات ح اروووح اكل وانتضر المسلسل
مشتاقة كوووولش ال علي رضا بيك

فوفو العراقية

05-13-2012, 03:46 PM

امونة حبي الله يخليكم لبعض
حبي الرجال غيرته مثل الشك بس ابد ميشك بحبيبته وام اطفالة
ربي يسعدكم
هذا صفاة الغيرة بي وبتصرفاته
حاولي تحتوي وتكوليلة ان هذي غيرته او تصرفه دا يحسسج بعدم الراحة واكيد راح يتفهم وضعج,

عسولة ولج اليوم عيد الام هنا
والدنية محتفلة والاسواق مسدودة كلهة
ورحت سوق غذائي يفتح بهيج ايام وجبت بكم باودر
اليوم لو اني لو انتي على الكيكة
هههههههههههههههه صورة كيكة اكو عبارة عن قنابل امومة ههههههههه وبطن حامل خخخخخخخخخخخخخخ
خليهة عادي ام كرش ههههههههههه

فوفو العراقية

05-13-2012, 03:49 PM

اروح اخلي الكيكة بالفرن واجي هههههه

عسل بغداد

05-13-2012, 03:56 PM

hwaml03hwaml5hwaml7hwaml8hwaml11وينكم

عسل بغداد

05-13-2012, 03:59 PM

نعسسسسسسسست خ خ خ خ خ zzzzzzzz

زينب السعدي

05-13-2012, 04:01 PM

همزين شفت الحلقة السابقة مال الاوراق المتساقطة ع شاهد .نت وهسه اروح اشوف الحلقة الجدية ع التلفزيون
باااااااااااااي

رويدة_ أم ألق

05-13-2012, 04:04 PM

مساء الورد شلونكم

زنوبة سجاوي حوري فوفو أمونة وعذورة شخباركم؟

مي ماشاءالله يعني انتو ال3 حلوين الله يخليكم لبعض
ألوقة بخير تبوس خدج ودومها تدفر متخليني أرتاح

فادية الله يسلمج ويخليج
بالنسبة للابرة ياريت لو اكو طبيب خبرة بيها وأستعملها
بس المسألة تخوف لان بعد ممنتشرة يمنا وتكون شغلة مجازفة
ما اخذت اي شي لحد الان .. وبالولادة خالتي أم قاسم وحماتي يجون وياية
وأكيد بس أحس بوجع أتصل على أمي حلفتني حتى لو ب3 بالليل

حوري .. خير الأمور أوسطها يعجبني الزوج اللي يغار بس مينكد على زوجته
ويعقد الأمور.

مجنونة بحبها

05-13-2012, 04:05 PM

فوفو عيني حتى لو احجي وياه يزيد مينقص

حوريه شتكولين علي انا البس عبايه مات راس وجفوفو وجواريب
ومطالع مني بس قرص الوجه ومن اكعد بلسياره تنزل عبايتي من راسي يخزرني
ويكول اشو طالعه عينج صعدي عبايتج ههههههههههههه

مجنونة بحبها

05-13-2012, 04:07 PM

ام الوقه منوررررررررررره

مجنونة بحبها

05-13-2012, 04:09 PM

زنوبه الله وياج هههههههههههههه

رويدة_ أم ألق

05-13-2012, 04:09 PM

إيمان بيت حماج اللي داريتي أولادهم حاليا وين؟

رويدة_ أم ألق

05-13-2012, 04:11 PM

نورج عيوني إيمان ... زنوبة بايات.

مجنونة بحبها

05-13-2012, 04:12 PM

الوووووووووووووووووووووووووووو

اكلت كباب ومووتني من العطش شربت سفن وكل شويه اشرب مي وبدون فايده

مجنونة بحبها

05-13-2012, 04:14 PM

عيني ام الوقه ببيتهم كبال بيتنا الباب بلباب هههههههه

مجنونة بحبها

05-13-2012, 04:15 PM

مو اهلهم اجو صحيح ليش انا كتلكم بوكت من اجو وبقوا هم فتره عندي لحد مرمموا بيتهم وراحوا

تقريبا شهرين بقوا عندي

رويدة_ أم ألق

05-13-2012, 04:17 PM

اها وشصار عن ابنهم؟

صورة بنونة هذه تجنن الله يخليها.

مجنونة بحبها

05-13-2012, 04:23 PM

ابنهم على حطه ايدج هسه مسويلها غرفه عزل محبوس بيها ليل

نهار ومايشوف الجو لان يخافون عليه من التراب

وامه سولها 3 عمليات سحب بيوض وبيضه وحده طلعة ممطابقه لعلاج الولد

ومن زعروا الجنين ببطنها ماثبت والحمدلله حالتهم حاله تقهر

هاي صوره بنونه بعيد ميلادها الاول هههههههههه قديمه هسه بس الكه كيبل الكامره
انزللكم صورها بلبنان لو هيا حقيره مقبلت اصورها اااااااااااابد

رويدة_ أم ألق

05-13-2012, 04:26 PM

خطية والله ربي يعينهم ويعين الجميع

ليش عيني متقبل تصوريها؟ متعرف قيمة لبنان حقها ههههه

رويدة_ أم ألق

05-13-2012, 04:28 PM

أمونة من بغد فحص الدكتورة " وهو شلون فحص كأنما هجوم مسلح هههه"

شنو ممكن يصير عند الحامل؟تغيرات حالات؟

سألت أمي تكول بس سوائل

أنا هسة غير شكل ..

مجنونة بحبها

05-13-2012, 04:29 PM

اي والله الله يشافيه ويفرح اهله خطيه عدهم 3 ميتين وهما صغار

بنونه تتخبل ولا واحد يصورها اتريد كون هيا اتصور ههههههههههه

وانوب خبلت الدكورات يادكتوره نخلص انريد نطله كلتلها كود باي
وتحرك ايديها وانوب تبوسهم بوسه هوائيه وشبعت هدايا ياليشوف حركاتها
ينطيها شي هههههههههه واكو دكتوره تكولي احنه منحب الولد نحب البنات
انريد مثلها عشره

مجنونة بحبها

05-13-2012, 04:31 PM

اوووووووووووف من الفحص انا من تزوجت لليوم ماكو دكتوره ماشافتني وفحصتني
عوووووووووووع عووووووووووع

اكيد تنزل افرازات لان الفحص يوسع الرحم

الله يسهلج انتي لاتروحين اول متنوجعين لان اتصيرين فلم هندي
كل شويه وحده ماده ايدها ههههههههههههههههه

رويدة_ أم ألق

05-13-2012, 04:33 PM

هههههه يمة فدوة لبنونة

بالعافية على قلبها الهداياا.

مجنونة بحبها

05-13-2012, 04:33 PM

أمونة من بغد فحص الدكتورة " وهو شلون فحص كأنما هجوم مسلح هههه"

شنو ممكن يصير عند الحامل؟تغيرات حالات؟

سألت أمي تكول بس سوائل

أنا هسة غير شكل ..

شنو يعني غير شكل ههههههههههه

مجنونة بحبها

05-13-2012, 04:34 PM

الله يعافيج حبيبتي

وربي يفرحج بشوفه الوقه

فوفو العراقية

05-13-2012, 04:38 PM

رويده حبيبتي والله ان شاء الله ماراح نقصر اني والبنات بالدعاء الج
بالكومة بالسلامة وتسهيل الولادة عليج بجاه محمد وال محمد
وان شاء الله فاطمة الزهراء ع
راح تكون وياج وتسهل عليج الولادة
الله يكومج بالسلامة وانتي حاولي تكتبين النة لما تبدي الطلوكة عندج
حتى ندعيلج بالسلامة وقتها
وانتي حاولي تمشين هواي هالفترة
ترى كلش تسهل الولادة عليج.
موفقه ياقلبي اتمنالج الصحة والعافية.

امون حبي الله يهدي ويقلل نار الغيرة العنده عليج
مالج غير الدعاء اله بالهداية وان الله يبرد كلبة تجاهج وتروح غيرته هاي
حبيبتي والله انج ذهب.

رويدة_ أم ألق

05-13-2012, 04:39 PM

هذا أول فحص وتأذيت والله أمونة
إلا تقوا عندي الأوجاع يلة أروح مرة ثانية
وبالنسبة لوضعي هسة راح أدزلج رسالة أفهمج
ما أريد أشرح هنا بالقلم العريض حفاظا على الذوق العام هههههه

مجنونة بحبها

05-13-2012, 04:40 PM

هلا فوفو انتي الذهب ياذهب

رويدة_ أم ألق

05-13-2012, 04:41 PM

ألف شكر عيوني فادية على الكلمات الطيبة
ويارب ولادة ميسرة للجميع
يحفظلج كل عزيز إن شاءالله.

مجنونة بحبها

05-13-2012, 04:41 PM

الله يسهلج ياااااااااااارب بحق لااله الا انت

فوفو العراقية

05-13-2012, 04:45 PM

رويده حبي
بالنسبة لوجود امج وقت الولادة اني انصحج بي
كلش مهم تكون وياج
تنطيج امان اكثر من اي احد
اني جنت اتمنة امي يمي وتحضر ولادتي بس للاسف مو يمي وبس زوجي يكون وياي وقتها
وبالنسبة للفحص هذا ترى كلنة ننفحص هيج لما نكون بجر
عادي
هوة يوجع
اني بمحمد نزل علية دم بعد الفحص
هية تتاكد منة على الحوض ونزول الطفل شلون راح يتم
حبيبتي كلها تصير سوالف وتكومين النة بالسلامة.

امونة
بنونة تخبل حبيبتي
ربي يحفظها
تنوكل اكل ههههههههه

رويدة_ أم ألق

05-13-2012, 04:46 PM

تسلمين ويرزقج بأحلى ولد اليوم قبل باجر.

مجنونة بحبها

05-13-2012, 04:48 PM

شكر حبيبتي فوفو عيونج الحلواااااااااااات

بس وكحه بشكل

مجنونة بحبها

05-13-2012, 04:49 PM

شكر حبي ام الوقه

رويدة_ أم ألق

05-13-2012, 04:52 PM

اي فعلا فادية وجود الأم عبارة عن احساس بالأمان بكل موقف
فكيف إذا ولادة؟
وعدتها أتصل بيها حتى لو طريقها بعيد
وشكد دا ألح عليها تجي من هسة متقبل
طبعها تستحي حتى ببيت أخوتها متبقى هواية

وعلى طولتج تصير سوالف كلها إن شاءالله.

رويدة_ أم ألق

05-13-2012, 04:53 PM

كوولتج هههههههه

حامل معذورة خو ما مثل ذيجي البنية تسحك وتغلس

رويدة_ أم ألق

05-13-2012, 04:56 PM

اكللكم بنات صح المنتدى تطرحين بي تساؤلاتج ومخاوفج
بس بصراحة مرات أحس بعض المواضيع والاسئلة مثل الواحد يضحك على واحد
ما احب حتى اعطيها من وقتي وأجاوب

وحدة تصيح الحقوني اكلت ايس كريم " ازبري " وزوجها مخوفها
والثانية تسال هل المداعبة تؤثر على الجنين
مصخوها حشاكم.

مجنونة بحبها

05-13-2012, 04:56 PM

هههههههههههههههههههههههه

مجنونة بحبها

05-13-2012, 04:57 PM

اوووووووووووو اشكد مواضيع تشوفيها عبالك مسخره

رويدة_ أم ألق

05-13-2012, 05:02 PM

اي والله .. لو اني بمكان سماسم احذفها.

مجنونة بحبها

05-13-2012, 05:11 PM

تحذف هواي مواضيع بس اكو مواضيع تزعل العضوات
ومنريد نخسر العضوات منسايرهم هههههههههههه

زينب السعدي

05-13-2012, 05:16 PM

اجييييييييييييييييت
كملت المسلسل واريد اروح اعدل البيت شلونكم
ها رويدة ماكو شي جديد

فوفو العراقية

05-13-2012, 05:22 PM

taraaaaaa
طلعت الكيكة ام بيضة وحده من الفرن
ريحتهة تجنن توصل لسابع جار هههههههههههه بس هم ماحب اكل حلا ماعرف ليش
جهالي جانو برة يلعبون ومن ريحتهة اجو يركضون هههههههههه

ام كرش
هاج اكلي هههههههههههههه

وينهة زينة
هاي الكيكة الي انطيتها مقاديرها

يلا تفضلو يا بنات.
بس اخذت الصور بكاميرت المبايل لان الكاميرا دزيتهة لعيالي لان اريد اشتري حديثه.
والكيكة صورتها وجه وكفه هههههههههههههههه.

http://forum.hwaml.com/imgcache2/hwaml.com_1336918932_894.jpg (http://www.hwaml.com/up/)

http://forum.hwaml.com/imgcache2/hwaml.com_1336918932_101.jpg (http://www.hwaml.com/up/)

http://forum.hwaml.com/imgcache2/hwaml.com_1336918933_975.jpg (http://www.hwaml.com/up/)

http://forum.hwaml.com/imgcache2/hwaml.com_1336918933_572.jpg (http://www.hwaml.com/up/)

http://forum.hwaml.com/imgcache2/hwaml.com_1336918933_468.jpg (http://www.hwaml.com/up/)

http://forum.hwaml.com/imgcache2/hwaml.com_1336918933_794.jpg (http://www.hwaml.com/up/)

رويدة_ أم ألق

05-13-2012, 05:26 PM

هلاوات زنوبة كافي شغل متعتبي؟
والله ماكو شي جديد بس كتلج هاي ام الايسكريم خاايفة احتمال يدخلوها عمليات اليوم ههههههههه

فادية عاشت الأيادي اشتهيتها
وصحتين على قلبكم.

فوفو العراقية

05-13-2012, 05:31 PM

خخخخخخخخخخخخخخخخخخخخخخخخخخخخخخخخخ رويدة حرام عليج
هاي وين قريتيها
ولج تنفع نكته والله هههههههههههههه
قال ايس كريم قال
ههههههههههههههههههههههههههههه وازبري بعد؟
لو اني منج اكوللها جيراني اكلت ازبري وورة ساعه نزل عليها دم مثل الازبري وولدت قبل موعدها
والله تصدكج ههههههههههههههههههههههههههههه
والمداعبه هم ههههههههههههههههههههههههه يبووووووووووووووووووووو
والطب جماله ينصح بيها اثناء الحمل خخخخخخخخخخخخخخخخخخخخ ... أخ بطني...

زينب السعدي

05-13-2012, 05:31 PM

ههههههههههههههههه متحملت خبصوتني بام الايس كريم رحت قريت موضوعها شوفي هي بالبداية كاتبه راح تكفخوني لان سؤال غبي هههههههههههه
بس تدرين ماالومها ....لان كل حامل تخاف ع جنينها وخاصة من تسمع فلان هيج وعلان هيج وبالاضافة الى انه النت يخبل الواحد يعني من تبحثيلج ع شغله بالكوكل تطلعلج سوالف كومة انت ممفكرة بيهن ويصير عندج وهواس اوووووووو سكتي دمرني النت لذلك بطلت بحث بالكوكل لان الناس الي تكتب ماعدها ذيج الخبره مجرد كل وحدة تحجي عن تجاربها الخاصة وغير علميه بس من تقريهن تثيرلج قلقج ....

رويدة_ أم ألق

05-13-2012, 05:37 PM

هههههههه فادية اي مو هو شر البلية ما يضحك

زنوبة الخوف بحدود العقل ياعيني

زينب السعدي

05-13-2012, 05:37 PM

لارويدة مو تنظيف البيت بس هيج تعديل وامسح البيت لان اني يوميه امسح تعرفين هنا منفرش زوالي لان حارة واللارضية كلها مرمر فيبين اذا توسخ بسرعه ...بس غرفة الاستقبال فارشتها زولية الباقي كله ممفروش لان حارة

رويدة_ أم ألق

05-13-2012, 05:42 PM

ها خووش ..

أترخص منكم حبايب.

فوفو العراقية

05-13-2012, 05:49 PM

رويده والله لو قريبه علية ماقصر واسويلج اطيب كيكة
بس المشكلة حتى البريد يتاخر جان دزيتهة ههههههه

الله وياج حبي
ديري بالج على نفسج والنونو .

فوفو العراقية

05-13-2012, 05:54 PM

يلا حبايب اروح اني اتمدد شوية واسوي العشة وارجع وياكم بالليل ان شاء الله.
في امان لله.

zena

05-13-2012, 08:02 PM

هلووو فوفو وهاي شنو الكيكه ام البيضه طلعت بلوه ومجنت منطتها قيمه ههههههههههه الف عافيه وبشرج اشتريت بيض يعني تطورنه عيني هههههههههههه

حبيبي

05-13-2012, 08:10 PM

مساااااااااااااء الخير للجميع الحاضرين والغايبين
اشكد تحجوووون صدك نسووووان خخخخخخخ
اليوم عشت فلم مرعب بلبيت
وبجي ودموع ومناديل لسماء صعدت خخخخ
بس الحمدالله محمد كااام بسلامه
محمد الشيطان حطلي مسمار اصغير بخشمه
واجى علي يصرخ وحوراء تبجي الحكي محمد
طبعا ما قدرت اطلع المسمار راح لجوه خشمه
وابوه بشغل كلت اذا سكر القصابات الهوائيه
بعد يموت منلحك عليه لدكتور لانا اهوايه اطفال عندنا ماتو هيك
فشتعدون حاااااااااااااااااالتي
محمد يتنفس ويصرخ بس حاولت اهديه حتى متبعد اكثر
وحاولت اطلعها بس ما قدرت وبعدت اكثر تقريبا للقصابات خلاص
اجى ابوه واخذه لدكتوووور واني فلبيت مسويه اجنااازه خخخخ اني وحوراء
واتصالت بتلفون كل دقيقه
ومرتحت الا بعد مطلعوها من انفه في قسم الطورئ اهئ اهئ
بيموتوني هلعيال من حركاتهم مع اني ما اتركهم ولا دقيقه

اتمنى الجميع بخيررر ومنوره امونه انتى وبنونه صورتها اتخبل بوسيهاا
وفوفو الكيكه ابداااع بلعافيه نفسي اذوقها مع كوب شاي يم يم
لي عوده فاصل ونواصل
جسمي لسااتو يرجف خووف

فوفو العراقية

05-13-2012, 08:17 PM

هلو زيزووو
زينة مبروووك البيض ههههههههههههه
ماجبتي ليمون؟
اكيد لا
هههههههههههههههههههه
سوي كيكة ونزليها هنا صورتها
خل نشوف منو كيكتها اطيب
اني هسة رحت اكلت قطعه منها بدل العشة لان ماشتهي ويا حليب
بس طييييييييييييييبه
كلش لان بيضها قليل ومابيها طعم زفارة البيض
منا ورايح اسوي ام بيضة والبركة بيج انتي خليتيني اسويها ببيضه وحده وسويتهة بكلاصين طحين

مي &

05-13-2012, 08:34 PM

هلو بنات شلونكم شخباركم hwaml7
اشكد حاجين الخاطر الله hwaml03hwaml03 اليوم الصبح اجيت كتبلت رد يله هلمره راااح اسامحكم
اشلونكم وجده وحده hwaml5
مرااح اكدر احجي واكتب اهوايه لاني ابيت اهلي هسه اتكولون هاااي اشكد تروح لاهلههه
اكولكم hwaml5 اهلي بيعدون عنه شارعين بس >> الله ايقربلكم كل بعيد يارب hwaml13

يله باي سلامي الكم

فوفو العراقية

05-13-2012, 08:47 PM

رحاااااااااااااب هاي اشصاير بيكم
حبيبتي الف الحمد لله على سلامته
بس اشجاب المسمار يمة هوة لعب؟
ياربي الك الحمد والشكر انه ماصار بي شي
ديري بالج عليهم حبي
وراح الشر ان شاء الله.

مي
حبي شلونج
حلوة لمة الاهل الله يجمعني وكل وحده بعيده عن اهلهة
اللهم امين
اكولج انتو بيا منطقه تسكنون؟
يمكن اذكر مناطق مدينتي لان ماذكر كلش هههه

مي &

05-13-2012, 08:54 PM

حبي فوفو شلونج شخبارج وعاااشت ايدج على الكيكه

حبي احنا اصلا من ديالى بلاوضااااع الموزينه اجينه للنجف والحمدلله والشكر فا اهلي بقوا بلنجف واني اتزوجت بلنجف >> طولت مووو

احنا وااهلي ساااكنين ابحي السلام

فوفو العراقية

05-13-2012, 08:58 PM

اها
اي ماعرف هالمنطقه ههههههههههه
عذريني لان من 1990 طالعه من العراق جنت تقريبا 6 سنوات هههه

روضانيه

05-13-2012, 10:01 PM

هلا بنات اشوووونكم
اي عيني ميووووش اتووونسي من ائدك هع د>>> رح احسدج
رحووووب الحمدلله على سلامته يارب مايشوووف شر
الجهال كولشي يصير بيهم لاتذبين اللوم على حالج
فوفو شنوووو هل الابداعات كيك وحليب ياسلام
عوافي حبيبتي

فوفو العراقية

05-13-2012, 10:12 PM

هلو حبي روضانية
الله يعافيج ويخليج
شلونج حبي شخبارج؟

عسل بغداد

05-13-2012, 10:24 PM

مساء الخير هلو شلونكم فوفو عاشت ايدج عالكيكه بس اني ستوني اتعشيت مااشتهي عدنان يموت على هيج كيك *رحوبه الحمدلله على سلامه ابنك

عسل بغداد

05-13-2012, 10:26 PM

اليوم العصر اجت حماتي تباركلي علمود المي مال الطفل وقبل شويه راحو

عسل بغداد

05-13-2012, 10:34 PM

هللللللللللللللللللللو اكو احد احجي وياه

حبيبي

05-13-2012, 10:35 PM

الله يسلمج فوفو
المسمار طلع من البنطلون الجينز حكي
انا شفته بلغساله وخليته على جنب كلت بعدين اصلحه
وما ادري اشلون ومتى اخذه مع اني رافعته ابعيد
بس الحمدالله انوو عدت السالفه على خيرررر

مي اشلونج وشلون ابرار وبلعافيه عليج الطلعه ولمه بين الاهل

حبيبي

05-13-2012, 10:36 PM

مساء الخير هلو شلونكم فوفو عاشت ايدج عالكيكه بس اني ستوني اتعشيت مااشتهي عدنان يموت على هيج كيك *رحوبه الحمدلله على سلامه ابنك
الله يسلمج ويبعد عنكم كل مكروه
وشنو الماي صار زين عندج ؟ hwaml03الف مبروك والله يتمم عليج الحمل

عسل بغداد

05-13-2012, 10:41 PM

اي الحمد لله زاد شوي بس احسن من قبل جان 2سم صار5سم

سوسهs

05-13-2012, 10:49 PM

تفضلي شاركينا

http://forum.hwaml.com/t113581.html (http://forum.hwaml.com/t113581.html)

تقبلو مروري سوسه

روضانيه

05-13-2012, 10:50 PM

هلا عسووول اني حماتي جتي تعشت عدنا وح اتابت
وهسه ضهررري انكسر من الكعده
هيه حبابه بس اني تعبت هع هع

روضانيه

05-13-2012, 10:52 PM

هلا فوفو حبيبتي اني تمام
انتي اخبارج اخبار الحمل

حبيبي

05-13-2012, 11:00 PM

حبيبي

05-13-2012, 11:02 PM

اي الحمد لله زاد شوي بس احسن من قبل جان 2سم صار5سم
الحمدالله ياربي المهم النقصاان ما ياثر على الطفل
الله يسهلج يارب

فوفو العراقية

05-13-2012, 11:03 PM

الحمد لله حبي روضانية
اني والبيبي بخير
واليوم البيبي معررس وكلش فرحانة دا اشوف بطني تركص هههههههههه
لان ميتحرك
بس اليوم الحمد لله فرحت بحركته
بس كلش فوك الضرب جوة صدري ههههههههههه معلك فوك

عسولة حبي مبروك
والله فرحتيني
يعني راح تتم ولادتج بعون لله عالتاسع؟

رحاب حبي راح الشر
والله اني من قريت عبالك بواحد من جهالي
ربي يخليهم الج ويسلمهم ويبعد عنهم السوء.

زينب السعدي

05-13-2012, 11:05 PM

هلو بنات شلونكم كلكم شلع قلع
لج رحووب الف الحمد لله ع سلامة حمودي الله الستر عليه والله اني من يمي جنيت الله يساعدج الحمد لله عدت ع خير

فوفو العراقية

05-13-2012, 11:06 PM

ماشاء الله رحاب
هذا ابنج محمد؟ ابو البرغي؟
وكح
فدوة يخبل
ربي يحفظة ويفرحكم بي يارب.

زينب السعدي

05-13-2012, 11:06 PM

هذا حمودي ربي يخليه حلو الله يستر عليه مبين خليجي هههههههههه

حبيبي

05-13-2012, 11:07 PM

تسلميلي حبيبتي الله يخليلج جهالج ويحفظهم من كل مكروه
اليوم سوالي رعب والله ولهسه يكول ماما خفتي عليا اكوله اي يكول ليش
خلاص الدكتور روحه هههههههههه عباله سهله السالفه
ودوم يارب الرفس ونشاط فلبيبي يمكن عجبته الكيكه هههههههههههه
ومسويلج حفله ابطنج

ام نورهانه

05-13-2012, 11:08 PM

هلووووووووووو بنات شلونكم كملت قرايه واجيت

قمر بغداد

05-13-2012, 11:08 PM

كيفكم شلونكم اخباركم
ام الق واللة مشتاقة لسوالفج اذا موجودة شاركينة اخاف تكولين ماكو هبة
زينب عوووووووووووووووافي البوكس هاي لواني جان من جوة اللحاف واكرصة حيل اخلي يكمز هههههههههههههههههههه همزين ماطار خشمج يمعودة
لعد زوجي من ينام هالكد ما ابالة الدراسات العليا وهلكد مايقرة وهو نايم يشلع بشعر راسة بحيث هسة ناتفة نصة واللة فد ضحك خطية
لو يفز حيييل من اكعدة عباله عندة المناقشة
شلونكم بنااااات حوامل شلع كلكم
امووووووونة حييييييييييييل اشتاقينالج

حبيبي

05-13-2012, 11:09 PM

هههههههههههه اكيد خليجي خخخخخ
والله يسلمج زنوبه

قمر بغداد

05-13-2012, 11:10 PM

يمة فدووووووووووووة لهذا الشنوف الحلوووووووو يانورهان فدوة لحلكج

حبيبي

05-13-2012, 11:10 PM

اهلين ام نورهان اشلونج وشلوون البيبي
قموره منوره وشلووون الحمل معاااج عامل عمايلوو اكيد

فوفو العراقية

05-13-2012, 11:11 PM

ههههههههههههه رحاب
يمكن عجبته واكول ليش مكيف
شربته كلاص حليب دبل وقطعة كيك
ممممممممممممممممممممممممم والله صح ههههههههههههه

هلا والله ب ام نورهان
هلو حبي احنة تمام بجيتج
شلونج وشلون البيبي ونورهان؟

فوفو العراقية

05-13-2012, 11:12 PM

هلووو حب نورا
نورتي قلب.

حبيبي

05-13-2012, 11:13 PM

بلعافيه عليه الحليب والكيك
عازم عليهم الحبل السري ويردحون سوى ابطنج ههههههههههههههه

من اسمع سوالفكم اذكر الحمل وتعب ورفس فلبطن ههههههههههههه
اتشوكون الوحده انها تحمل خخخخخخخخخ

قمر بغداد

05-13-2012, 11:15 PM

رحوب الف سلامة على حمودي الوكيح ديري بالج علية اللة ستركم ادفعي كفارة لفقير لان اللة دفع عنكم الشر والحمد للة والشكر

قمر بغداد

05-13-2012, 11:16 PM

اييييييييي اسكتي وخليها رحاب صايرة فلم هندي وداعتج

حبيبي

05-13-2012, 11:16 PM

الله يسلمج قموووره اي والله ظهرت صدقه باسم محمد
تدفع عنا وعن المونين ان شاء الله

فوفو العراقية

05-13-2012, 11:17 PM

حبيبي

05-13-2012, 11:18 PM

هوو الحمل كل 3 اشهر فلم ههههه
الاشهر الثلاثه الاولى فلم محترررم
و3 الاشهر الوسط فلم كوميدي
و3 الاخيره فلم رعب هههههههه

الله يساعدكم ويهون عليكم

فوفو العراقية

05-13-2012, 11:19 PM

بلا حبايب اني من الصبح لهسة نعسانة وكووة كامشه نفسي هههههههههههه
تصبحون على خير.

ZZZzz

حبيبي

05-13-2012, 11:20 PM

وشنو وراج
متحبلين
والج البنون زينة الحياة

يلا غلطي وسويها ههههههههههههه
ولج اني ميتحرك الا بالحسرات
صار اسبوع نايم الدب
ههههههههههههه وحركتة خفيفه ماعرف اشبي فاهي لو فاهية ههههههههههههه

لالالالالالالالا يا معوده مريد احمل لا بلغلط ولا بلحلم بعد ههههههههههههه
يكفي الي عندي hwaml15hwaml15
وحبوب منع الحمل معلكته اكلاده على رقبتي hwaml02

حبيبي

05-13-2012, 11:21 PM

اتلاقي الخيرررر واحلام سعيده بلمفهي لو لمفهيه هههههههههههههههههههه

زينب السعدي

05-13-2012, 11:29 PM

هلو هباوي شلونج اليوم ماكو
فله ربي يوفقج بالامتحانات الله يساعدج
رحوب ضحكتيني مسويه حبوب منع الحمل قلادة ع ركبتج خخخخخخخخخخخخخخخ

ام نورهانه

05-13-2012, 11:35 PM

رحوبه مايشوف شر ابنك ان شاء الله انا من كنت صغيرة دخلت بخشمي حبة حمص خخخخخخخخخخ

زنوبه ورورو زوجي مشكلتي الازليه ويا ان هو مزاجه برتقالي ومتقلب جدا وهوائي واكو هواي تصرفات منغصه عليه حياتي ويا ومن النوع اليوم تخلي على الجرح يبرد وعشره متكدرين تكعدين بنفس المحافظة الي هو كاعد بيها لان مزاجي اكثر مماتتصورون وعنده غرور مو طبيعي ويعتبر الناس كلها تغلط الا هو ميغلط اما على البارحة لان والدتي بيومها امنته وكالتله انفال امانه برقبتك واي شي يصير بيها انته المسؤول لان ذيج الفتره كلش هملني ومكان يخليني اروح للدكتورة لان معاجبه بحيث رحت من وراه اني وامه للمستوصف

توتايه

05-13-2012, 11:45 PM

اني اجيييييييييت ياحبابه تنطيني ملخص على السريع لان صار هوايه مداخله

حبيبي

05-13-2012, 11:53 PM

هههههههههههههههههههه اي زنوبه معلكته حتى ما انسى واحمل
والموبايل كمااان يرن وقت الحبه كل هذا خوووف هههههههههه

ام نورهااان الله يساعدج على زوجج
وتسلمي يارب وشر ما يجيج وانتي بعد حمص hwaml03ابني طالع عليج هههههههههههه
طفلين ماتو جيران بيت اهلي بسبب واحد حمص وبنت خرز
انتبهوو لاطفالكم hwaml4وين ميرحون الخطر حوليهم

ايه نورتي اشلونج وشلون يوسف
مشتاااقين لج وين مختفيه

توتايه

05-13-2012, 11:57 PM

اي والله مختفيه الله يعلم بالاحوال صدك غيرت الايميل رحوبه راح ادزلجايه برساله خاصه وضيفيني

توتايه

05-13-2012, 11:59 PM

صدك الحمدلله على سلامة حمودي حبيبي ميشوف شر

حبيبي

05-14-2012, 12:04 AM

الله يسلمج اوكي اضيفه

توتايه

05-14-2012, 12:09 AM

بنات ضوجه كش

حبيبي

05-14-2012, 12:13 AM

ايوته ضفتج وصلتج دعووه ؟

توتايه

05-14-2012, 12:25 AM

لسه مو فاتحه حبيبتي

توتايه

05-14-2012, 12:27 AM

لا ماوصلت رحوب

حبيبي

05-14-2012, 12:36 AM

يلهووووووووووووووووي يمكن لسه ما و صلت للعراق وتفتيش وسيطرات خخخخخخخ
يوم كامل على متوصل ههههههههه

حبيبي

05-14-2012, 12:37 AM

اشلون يوسف صاررر يخطي خطوتين لو لالا

توتايه

05-14-2012, 12:50 AM

اي يلزم الطاوله ويحاول يمشي وياها ويوكع كبل بس يوكف شويه من يلزم الطاوله ويكمز

حبيبي

05-14-2012, 12:53 AM

حلووو بدايه موفقه ليوسف

توتايه

05-14-2012, 01:08 AM

بس اجداده من الجهتين مسويله حصار وحظر تجوال مايخلوه يسوي اي شي احسهم بيضغطون عليه

اه من الغربة

05-14-2012, 09:41 AM

شلونكم اخباركم مشتاقتلكم ولكم ولا وحده سئلت عليه غير صديقات
اخباركم و اخبار الجهال منو حبلت منو جابت
الحمد لله و أخيرا بعد 9سنوات و 5شهوراخذنا الجنسية و باقي شغلة بسيطه ان شاء الله تخلص علي خير حتي نقدر نسافر
كلش مشغوله البيت و الجهال و السفر ما دا اقدر احك راسي

اه من الغربة

05-14-2012, 09:51 AM

رحوبالف الحمد لله علي سلامة محمد و الله يحفظه يارب الظاهر كل محمد وكح أني محمد مطلع عيني 24 ساعة بس امشي وراه

فاديه شلونج و شلون البيبي

ولج زنوب ما سافرتي بعدج

رويدة ان شاء الله تكومين بألف سلامة يارب

إيمان شلونج و شلون بنون الحلوة باقي البنات ان شاء الا كلكم تكونون بخير

رويدة_ أم ألق

05-14-2012, 11:55 AM

السلام عليكم بنات شلونكم

رحوووبة الله يساعدج على هذا الموقف الصعب والحمدلله على سلامة محمد
ديري بالج عليه ربي يحفظهم من كل سوء

زنوبة شنو الأخبار ؟ أعتقد شلتي المانع مو .. الله يسهل عليج

يمنى مشتاقين والله البارحة سألت عنج وذكرتج بالاسم قبل كم صفحة مو بعيدة

هباوي البارحة ب11 كنت أتابع وية قاسم فلم خريف نيويورك كلش أحبه شايفته من زماان

مي بالعافية عليج لمة الأهل .. يعني أهلج ميرجعون لديالى بعد؟

تووتة عاش من شافج شخبارج؟

فلة صح مبين مزاجي من خلال كلامج بس مع هذا من تقارنيه بغيره من اللي نسمع عنهم
يمكن يطلع بشكم صفة أحسن .. وحبج اله مصبرج عليه وهذا أهم شي
أعرف بنات أصلا ميحبون أزواجهم الله لا يوصل وحدة منا لهذه المرحلة أبدا

فادية وزينة تحياتي الكم ولشعار البيضة الواحدة هههههههه
بيض الكيك يعني ها مو يروح بالكم لبعيد

فوفو العراقية

05-14-2012, 12:32 PM

مساء الخير عالجميع

اه من الغربة حبي شلونج
اني والبيبي بخير
انتي شلونج؟ شخبارج ؟ ليش هالغيبه؟

رويده
هههههههههههههههه اني ترى دائما افهم الموضوع غلط هههههههههههههههه
شلونج وشلون البنوته
ها بشري ماكو جديد؟

**نورا**

05-14-2012, 12:41 PM

مساء الورد على عيون الكل شلونكم شكو ماكو طبعا انترنيت موزين ودائما ماكو يبو على راسه
****
اني اليوم كعدت ضايجه تلش تلش الروتين صاير قاتل ما اعرف شسوي مالي واهس كلشي
********
بارحه بالليل سويت لفة الخميره واتمنيت تضوكوها حيل طيبه طلعت
واليوم اقاربنه جابت فتح بطن بس خطيه الطفل مالتهم عنده مشكله براسه بس كالو زين
يعني يرادله متابعه

عسل بغداد

05-14-2012, 12:53 PM

مساااااااااؤؤؤؤؤؤؤؤؤ بنات شلونكم ام الق وفوفو ونوؤرا *اه من الغربه مبروك عليكم الجنسيه باقي البنات مشتاقتلكم

**نورا**

05-14-2012, 12:56 PM

مساااااااااااء الورد والجوري حبي منوره تلش احنه اشوق

عسل بغداد

05-14-2012, 12:57 PM

حبي فوفو مبروك الحركه مال النونو يارب يشك.......من الحركه افتهميها بغير قصد عادي

عسل بغداد

05-14-2012, 12:58 PM

هلووووووو نورا شخبارج عيوني بنوتج شلونها والنونو شلونه

**نورا**

05-14-2012, 01:00 PM

هلو بيج كبد زينين يبوسون ايدج انتي شلونج وشلون امور الحمل والجهال

عسل بغداد

05-14-2012, 01:04 PM

الحمد لله بخير بس عندي امتحانات علاوي موتتني

عسل بغداد

05-14-2012, 01:04 PM

اروح اسوي اكككككككككل

زينب السعدي

05-14-2012, 03:44 PM

هلووووووووووووووووو بناااااااات شلونكم كلكم
لج يمنى امشي روحي دايما اسال عنج بس انتي اختفيتي فد مرة وبالنسبة للسفر لغيته حاليا لان صارت عندي تغيرات مفاجئة بعدين اسولفلج اكثر البنات يدرون
رويدة اكيد ماشلت المانع لسه هههه لان بعد 3 ايام مدري 4 ايام لموعد الدورة ومن خلصت الدورة الفاتت رحت للدكتورة كالتلي انتظري شهر لو شهرين يلا تشيلين اضمنلج انت صبرتي صبرتي واني من النوع الي كلش التزم بكلام الدكتورة ومااخالفها
بقية البنات شلونكم كلكم انشالله بخير

اه من الغربة

05-14-2012, 03:57 PM

هلو زنوب شلونج والله التهيت بل جنسية و هسه رجلي يريدنا نسافر للعراق و عندج الحساب هوه يروح للشغل و أني ابتلي اروح و اشتري و الجهال مطلعين عيني و محمد صاير يضوج يقعد بل عربانه يتحجج يقول نزليني أني امشي و هذه طبعا غير شغل البيت و الطبخ و الاوراق

اخبارج يلا ما بقي شي ان شاء الله تشيلين المانع و تسمعينا الاخبار الحلوة

مجنونة بحبها

05-14-2012, 04:56 PM

هلوووووووووووووووووووووووو

رحوب راح اذبحك شلون تهملين نسيبي

حمدلله على سلامته يجنن صح عريس بنتي ههههههههههه

باقي البنات شلونكم وحده وحده بدون ذكر اسماء لان عندي خطار طبيت اسلم واطلع

مجنونة بحبها

05-14-2012, 04:59 PM

يمنى حبي مبروك على الجنسيه ويارب يهنيكم بيها

زينب السعدي

05-14-2012, 05:33 PM

والله يمنى متصورين شكد فرحتلج عالجنسية خطيه ضيعتي 9 سنين حارمة روحج من اهلج وهو هم حارم روحه من اهله بس انشالله ذقتو ثمرة تعبكم خير وتسلمين عالدعاء
اووووووووووووووووو بنونة لعبي بيها شنو هالمنظر الرائع ....سفرة سعيدة وانشالله المرة القادمة تكون سياحية وانتو وبنونة وابنكم

رويدة_ أم ألق

05-14-2012, 05:50 PM

هلاوو بنات
اي زينب التزمي بكلامها أفضل وإن شاءالله تتلقين نتائج ترضيج

يمتى صدك مباركتلج على الجنسية نسيت
مبروك والله يوفقكم بحياتكم

أمونة هاي شنو بنين طالعة تجنن ماشاءالله
هي تشبهج أنت؟ لو تشبه أبوها؟

مجنونة بحبها

05-14-2012, 06:12 PM

شكر زنوبه ويارب يرزقج ضعف ماتتمنين
الاولى يم مقام راس الحسين عليه السلام
والثانيه يم صخره الحريري
بس الحقيره مخلتني اخذلها صور اتضل بس تبجي تريد الكامره
وهيا تصور وقهرتني

ام الوقه مشكوره حبي عيونج الحلوات
والله اشو اهلي يكولون متشبهني تشبهه ابوها
بس من اطلع وياها وتشوفني الناس كلها تكول تشبهني
واكو من يكول ماخذه مني ومن ابوها هههههه صارت قصه مو سؤال ابتلت البنيه
اسئلي زينب شافتني وهيا تحكم هعهع

فوفو العراقية

05-14-2012, 06:13 PM

توني رجعت من برة
من الصبح لهسة برة

ولج ام كرش
شيشك ها؟؟؟؟؟؟؟؟؟؟؟؟؟ أيا......؟ هههههههههههههههههههه
اني الج
بسيــــــــــــــــــــــــــــطـه...!

نورا قلب شلونج؟
سلامتج من الضوجة
ولج طلعي لاضلين بالبيت
اني كل يوم دا اطلع
حتى غداي برة اخلي
كلش اتكأب من البيت حتى اتعارك ويا الجهال لما اكون بالبيت طول النهار
رجلي بس يشوفني ضايجة يروح يشغل السيارة ويجيبهة اباب البيت ويكولي لبسي وصعدي
وياخذني يفرني لو عالبحر لو ناكل برة
لان صدك على كولتج الروتين يضوج كلش ويملل

لهسبب اكولج طلعي لاتضلين بالبيت.

فوفو العراقية

05-14-2012, 06:21 PM

امونة حبي
شلونج شخبارج؟
فدوة لقلبها البنوته الحلوة فدوووووووووووووة ماشاء الله ربي يحفظها.

اه من الغربة
حياتي شلونج شخبارج؟ عساج تمام.

زينب السعدي شلونج عيوني عساج بخير.

رويده
شلونج وشلون البيبي؟

توتو حياتي شلونج؟؟؟؟

وباقي البنات حبايب شلونجن؟

روضانيه

05-14-2012, 06:24 PM

هلوووووووو بنات اشونكم اخباركم
مشتاقتلكم >> جاي اتثاوب صار يومين عندي خطار وكووولش هلكانه
طبخ وغسل اصحووون وسهر يراد لي شاحنه يلا اتشيلني من الفراش
هايه اخباري انتووو اشونكم

White angel

05-14-2012, 06:30 PM

هلو بنات شلونكم
امونه الف الحمد لله ع السلامه
وياربي يفرحج ويفرح قلبج
وتجين تبشرينه
بحق محمد وال محمد

عيوني عسوله فرحت لج من كل قلبي وياربي المي مالت يزيد ويزيد
لحد متجيبين ب السلامه

باقي البنات شلونكم واخباركم
أني دا اعد ايام وليالي حتى يجي النونو قلبي محروق
ودا اريد اعرف جنس الجنين هماتين
بطني كبرت شوي بس بعده الكرش مبين ويتعكف هههههههههههه هسه عبالكم دب
تره بس شويه مكرشه هههههههههههه

روضانيه

05-14-2012, 06:43 PM

زنوووووووووووبه ان شاء الله يجي النونو
واطيح رجلج وايدج من الشيل والحط
يوووومه فووديته وهو بالكروووشه
امووووت على البيبي اول مايجي بس مااحب فترة الحفاظات هع

فوفو العراقية

05-14-2012, 06:43 PM

روضانية حبي شلونج؟
شخبارج؟
عساج بخير؟؟

زينب السويد حبي
اني هم اتمنة اعرف جنس البيبي وما اعول يجي يوم 22 وروح للسونار هههههههههه
وانتي شوكت موعدج؟
هنا وبالسويد نفس الشي
لازم ننتظر موعد السونار
لو اكو طبيب خاص روحي وتاكدي راح يبين.

ان شاء الله تمر فترة حملج على خير وتجيبيلنة احلى بيبي يارب.

روضانيه

05-14-2012, 06:45 PM

هلوووو حبيبتي فوفو انتي شخبارج
اني تمام
انتي ش اتحبين يكووون النونو بنت ولا ولد وش رح اتسميهم
اني احب تطلع عندي بنوووووته

فوفو العراقية

05-14-2012, 06:46 PM

بالنسبة لكبر البطن اني كبرانة شوية
بس عبالك كرش وقوية كلش
هههههههههههههه قبل شوية سمعت دكات قلب الجنين يجهازي المنزلي
فدوة لقلبه يرفس ودقات قلبه واضحة كلش مو مثل قبل لان كبر حبيب او حبيبة الماما.

زينب متشترين جهاز دقات قلب الجنين مثلي لان بالسويد اكيد اكوو
لو تردين دزيلي ايميلج على البريد الخاص واني ادزلج عنوان مشتريات حوامل بالسويد او انتي سوي بحث بجوجل.

كلش يفيدج وتفرحين بي.

فوفو العراقية

05-14-2012, 06:57 PM

والله يا روضانية الحمد لله على عطيت لله
بس اني اتمنة ولد حتى يكون اخ لمحمد ابني لان واحد وعنده 2 خوات من ام وابو و خت وحده من اب
وزوجي يريد بنت لان يحب اول طفل يجي بنت مثل اهلة واخوانة وهذا المتوقع لان عائلة زوجي اول طفل بنت
ومتوقعين ان البيبي بنت ف محضريلهة اسم (رونق) والولد بعد ممحضرين عود نلكاله اسم هههههههه

White angel

05-14-2012, 07:00 PM

اي روض حبي تره اعرف بس اشتياق الامومه والاشتياق اله وهوساتهم

فوفو أني موعدي بشهر السادس وع الدوله لا حبي ماكو خاص جان رحت
بس غير حظي
لاوالله حبي مسامعه بي يعني مااتصور اكو
بس والله هسه ادزلج ايميلي ودزي لي اياه

توته حيدر

05-14-2012, 07:16 PM

مرحبا بيكم خواتي عندي مشكله واريد اطرحها وممكن اعرف رايكم بيها تاخرت عليه الدوره 14 يوم وحللت بالدم وطلع سلبي باليوم 5 من تاخرها واعطتني الدكتوره ابره زيتيه اذا حمل اتثبته واذا بالعكس ينزل بس صارلي من ضاربتها 9 ايام ولهسه مابينت شنو الحل

فوفو العراقية

05-14-2012, 08:17 PM

توته حيدر
اهلا بيج حبيبتي
سوي تحليل من جديد الاسبوع الجاي وشوفي النتيجة
ولو مابين شي وطلع سلبي ف لازم ترحين طبيب وياخذلج سونار ويتأكدون من النتيجة
ان شاء الله ربي يفرحج يارب,

ام نورهانه

05-14-2012, 08:36 PM

هلااااااا حبايب شلونكم
والكم اني البنبونيه مالتي مبينه من هسة كلش عرمه لكم داقتني اي كعده اكعدعها تسوكني بجلاق خبلتني كلشي ميعجبها اليوم ثكلت بالاكل وراها ضلت تدفرني على معدتي الى ان زوعت لان كلبتها المعدتي بنت الزفرة

فوفو العراقية

05-14-2012, 08:52 PM

هههههههههههههههه ام نورهان
يعني لو تطلع وكحه غير على امها؟
بعدين شعليج بيها خليهة تتحرك
مو احسن من الدب مدري الدبة العندي
مكضيها شخير؟

o فرح عمريo

05-14-2012, 09:13 PM

مساء الخير والعافيه على عيون الكل
يسلمووو ع الترحيب الرائع ياغوالي
طبعا صارلي يومين اقره بالصفحات لحد ماانحولن عيووني خخخخخ
بس صدك سوالفكم رووعه وتونس
الله يحفظكم من كل شر ويحقق الي ببالكم امين يارب
ودي

o فرح عمريo

05-14-2012, 09:18 PM

ام نورهاته .. فوفو
الله يتمملكم على خير ويرزقكم بالذريه الصالحه المعافاة ياربي

اني اسمي فرح متزوجه من 8 اشهر وقبل 3 اشهر حبلت
بس سقطت(اسم الله ع السامع ) بشهرين ونص لأن لزمتني كحه قويه لمدة اسبوعين وخفت اخذ اي علاج
وقبل 3 ايام اجتني الدوره مال اربعين بس كلش غزيره وشايله هم لأن اول مره تصير عندي هيج
ادعولي الله يعوضني بالحمل السليم الثابت ويرزق كل محروم

فوفو العراقية

05-14-2012, 09:23 PM

اهلا وسهلا فروحة
شكرا للدعوة الحلوة ياقلبي
قهرتيني والله
بس ولا يهمج ربج كريم ويعوضج كل خير
ترى ماكو اكثر مني 3 اسقاطات وبعدها رب العالمين عوضني ب 3 اطفال وحامل بالرابع >>> ماصدكت تعوض هههههههه
والدورة الغزيره عادية بالاربعين... وتوقعي بعدها حملج يتم سريع بعون لله.

o فرح عمريo

05-14-2012, 09:35 PM

تسلمين ياعمري والله يخليلج ويحفظلج اولادج
ونعم بالله كلشي مكتوب والحمدلله على كل حال
انطيتني امل كلش جبير الله يريح كَلبج ان شاء الله ويهون عليج

ام نورهانه

05-14-2012, 09:36 PM

ههههههه لج فوفو موخبلتني بحث خلتني اتقيأ من الوكاحه والعرامه

هلو بيج حبي فروحه ربي يرزقج بالذريه ويعوضج خير ولا يهمج بعدج عروس وتعوضين اني عندي اجهاضين واحد ببداية زاجي كانوا توم وضليت سنه ونص لان كانت عندي مشكله بالحمل فكنت خاله لولب والثاني بعد بنتي تقريبا قبل سنتين وهسه صرت حامل مره لخ ربي يتمم للجميع على خير

ها واني انفال ام نورهان عندي بنوته وصارلي 5 سنوات متزوجه وهسه حامل بالشهر الخامس بقالي اسبوع واخلصه على خير ان شاء الله

مجنونة بحبها

05-14-2012, 09:42 PM

زينب انجل الله يسلمج قلب وشكرا على الدعوه الحلوه مثل صاحبتها

فوفو تسلميلي عيونج الحلوات حبي

فروحه عيني منوره والله يعوضج حبي
انا ايمان ام بنونه هم عندي ثلاث اسقاطات وبنونه وبس
وانتظر رحمه ربي

توته حيدر عيني منوره عيدي التحليل واذا ماكو حمل روحي لدكتوره شاطره

ام نورهانه شلونج وشلون نورهانه

ام نورهانه

05-14-2012, 09:47 PM

كل الهلا بيج ام بنونه والورد وهاي شنو بنونه تخبل طالعة ويارب يرزقج الها درزن اخوه واخوات يملون عليكم البيت يمه فديت الضحكه الحلوة ربي يحفظها من كل شر

o فرح عمريo

05-14-2012, 09:50 PM

ام نورهان اتشرف بيج عمري والله يرزقج الولد الصالح ان شاء الله ويخليلج نورهان

ام بنونه مية هلا بيج اتشرف بمعرفتج وربي يخليلج بنونه وتشوفيها احلى عروس ويرزقج بالولد الصالح عاجلا ياربي

واني من ديالى ومكمله معهد معلمات والسنه تخرجت من كلية التربيه الاساسيه والبارحه جانت حفلة تخرجنه

غيرنه جو شويه جانت الحفله كلش حلوه

ام نورهانه

05-14-2012, 09:57 PM

حبيبي فروحة الف مبروك التخرج ويارب دوم اايامج افراح وتسلمين على الدعوه الحلوة مثلج
اني بعدني بالاعدادية صف خامس ادبي اهئ اهئ لان بطلت بفتره ماقبل الزواج والزواج وهسة رجعت
وكلش مزعجة الامتحانات ومتعبتني
ومن هسة خايفة من السادس وشايلتله طن هم وبالذات اني ولادتي تصير ببداية الدوام تقريبا

فوفو العراقية

05-14-2012, 11:06 PM

اكول بنات
اني زوجي اليوم خلاني اقلق
مرتين سألني ليش بطنج مدا تكبر وعلى حطتها؟؟؟

اني تفاجئت لان احسها كبرانه او بالاحرى صايرة قوية لان نفس الملابس دا البس من بداية الحمل لهسة
صح هنة واسعات شوية بس البسهن عادي
والله اني ماذكر شي من حملي السابق
بس كولولي هية شوكت تبدي تبين كلش؟

ام نورهان اشرايج؟
ممكن بسبب قلة حركة الجنين متكبر هواي؟
انتي نفس فترتي تقريبا؟.

ام نورهانه

05-14-2012, 11:20 PM

ههههه لا عادي حبي فوفو هي كبرانه بس لان ملابسج شويه عريضه متبين اني هم البس ملا بس عريضه للبيت ولا كأني حامل عبالك شويه كرش
بس من لبست الصدريه مال حمل كلش بينت بطني حتى زوجي كالي هاي وين كنتي ضامتها ههههههههههه بس من البس ملابسي العاديه وبالذات اذا بنطلون وفوكه قميص كلشي عبالك ماكو بس من البس الصدرية تبين واضحة كلش

ام نورهانه

05-15-2012, 12:04 AM

وينكم حبايب اشو ماكو الحلوات تعالو ضايجه اريد اسولف

قمر بغداد

05-15-2012, 12:05 AM

هاااااااااااااااااااااااي يناااااااااااااااااااااات شلونكم شلع كلكم بدون استثناء

قمر بغداد

05-15-2012, 12:08 AM

فوفو ترة عادي اني هسة بالسادس وبطني جنهة بطيخة ترة عادي اني هم صغيرة يكولون بالسابع تكبر ليضل بالج

قمر بغداد

05-15-2012, 12:09 AM

هااااااااااااااا اكو احد لو لا

قمر بغداد

05-15-2012, 12:23 AM

امووووووووووووووووووووونة هاي بنونة ديري بالج عليها خطية مبينه كولش محبوبة ربي يرزقج بالذرية الصالحة ويفرحج

توتايه

05-15-2012, 02:48 AM

شلونكم بنات حبيباتي تسلمولي الي سألت عليه مشتاقتلكم كومات كومات

رويدة_ أم ألق

05-15-2012, 07:08 AM

صباح الخير والعافية

شلونكم حبايب؟

من الخمسة كعدت خبلني البك والله ما أعرف إذا زاد الحر شراح يصير بينا؟
المولدة خلصت بانزين وطفت ... كهرباء ماكو

الله يعين الأطفال والمرضى والكبار بالعمر ..

رويدة_ أم ألق

05-15-2012, 07:12 AM

فرح نورتينا أنت وكل أهل ديالى

أنا من ديالى ومتزوجة بحقول الـ بك قصدي بالنجف ههههه

فادية البطن تتبع الجسم ولتخافين أنا بالسابع يلة بين الحمل بوضوح عندي

باقي البنات كلكم شلونكم يارب بخير وعافية.

White angel

05-15-2012, 10:08 AM

صباح الخير ياكروشات شلونكم أخباركم وأخبار البك ويلكم ههههههههههههههه

رحمة الرحمان

05-15-2012, 10:10 AM

صباح الخير بنات

رحمة الرحمان

05-15-2012, 10:11 AM

منو موجود؟

رحمة الرحمان

05-15-2012, 10:19 AM

بنات الي تجي ادزلي تنبيه

مي &

05-15-2012, 10:24 AM

صبااح الخير شلونكم شخباركم والله مشتااقتلكم كومه الله يشهد
حبي بناات اسفه مدا ادخل لان ملتهيه ويه ابرار خطيه بطنهه امساك >> وانتو ابكرامه
وهااي عمتي مده تقبل انوديهه دكتور ادكول خلولهه صابون هسه تتطله وللعلم قبل 5 ايام خليتلهها صااابون والبارحه من ورايه سمعتني اريد اوديهه للدكتور خلتلها صابون
واتكلي هسه همين خليلهه وماكو داعيللدكتور قابل الدكتور يفتهم عليكم الله ما ادري شسوي والله ساااكته ومفتحت حلكي بكلمه
رااح يخلص عمري من وره هلحجي ماعندي خلك اعاند والله خطيه رجلي صاير بين ناارين
شدكولون عااادي بطن الطفل اتعاند متطلع فتره عفيه ما اعرف ماعندي خبره وماعندي خلك استشير عمتي ماعندي خلكهه

الله ايخليكم جاااوبوني ماعندي غير الله وانتو

رحمة الرحمان

05-15-2012, 10:30 AM

هلا مي لازم تروحين للدكتور ترة اكثر من 3 ايام مو زين على الطفل

مي &

05-15-2012, 11:24 AM

اشكرج حبي علياء
واعذريني عمتي امدوختني كلش
مسلمت عليج شلونج وشلونهه زهوره حبي اجيتي للعراااق مو

زينب السعدي

05-15-2012, 11:43 AM

هلو بناااااات شلونكم مشتاقتلكم
البارحة بديت الملم الغراض واحطهن بالكراتين لميت الفرفوي والكرستالات لان هالسوالف مااخلي العمل يلعبون بيها يروحون يكسروهن حتى اتخبل غير ههههههههه
مي حبي سلامة ابرار والله قهرتيني عليهاولازم ترحين للطبيبملج علاقة بيها كوليلها لو صار بالطفله شي شيفيدنا هالحجي اسم الله عليها وخلي زوجج يكون عنده همه ومله علاقة بحجي امه هاي صحو طفله مو شغل عناد الله يهديها لعمتج
هلو علياء شلونج شخبارج
توته حيدر اهلا وسهلا وانشالله ماعندج الا العافية
بقية البناااااااات شلونكم كلككم

فوفو العراقية

05-15-2012, 11:48 AM

صباح الخير
http://forum.hwaml.com/imgcache2/hwaml.com_1337072229_939.png
ههههههههههه توني كعدت
حتى ريوك زوجي مسوي لان كعد قبلي صايرة تنبل ومال نوم وبس
شلونكم حبايب؟؟؟

ام نورهان حبي شكرا على ردج
والله يطمن بالج يارب
ماعرف ليش قلقت من كالي هيج
والمشكلة ماذكر حمالي السابق
ناسية كل السوابق هههههههههههه,

قمورة حياتي مشكوووووووووووورة
عالرد والله ماقصرتي وربي يتمملج حملج على احسن حال.

رويده قلب
شكرا ياعمري ربي يجزيج كل خير على ردج وربي يطمن بالج ويسهل عليج بحق لا اله الا هو.
وانتي ساكنة بالنجف؟؟؟؟؟؟؟؟؟؟؟؟ اللللللللللللللللله مدينتي ومسقط رأسي وااااااااااااع مشتاقه اشوفها
اخذي صور حبابه ودزيلي كلش حابة اشوف النجف
احنة جنة من سكنة حي الاسكان
وبعدها دور الهندية بسنة 1988 على ماعتقد هههههههههههه
ربي يهون عليكم الحر
هوة هنا هم اكيد هالسنة اكو حر بس بعده مجاي ههههههه

مجنونة بحبها

05-15-2012, 11:50 AM

صباح الخيرررررررررررررر

هلا ام نورهانه حبي تسلميلي على الدعوه الحلوه
بس متوصل لجمالج يالعابه هههههههههههه

الوان شكرا على الدعوه ومبروك التخرج
وعقبال الولد الصالح اااااااااااااااامين رب العالمين

زينب السعدي

05-15-2012, 11:51 AM

الله يساعدج رويدة عالبك هو الحر ينجرع بس البك مصيبه يبوووووووووو
فووفو صح النوم اني هم هسه كعدت وحماية وزوجي طالعين وداسوي ريوك منا الي وغده منا الهم ههههههههههههه

مجنونة بحبها

05-15-2012, 11:55 AM

مي حبي ماعرف والله علاج بس جربي وكليها موز وكثري بالمي
ماعندي خبره اعذريني
بس شلون تاخذين حجي كماشه وتخلين صابون انا كالتلي اكثر من مره
واغلس لان اعرف موزين الصابون واسم الله ابوي يكول جدي خاليله صابون ومات
اسم الله على بروره بس انا اخاف من الصابون وماستخدمه
ها صحيح اكو تحاميل ملين مات اطفال موجوده بالصيدليه احسن

علياء شلونج قلب وشلون زهوره تعالي سولفينه القصه ترى انا ذابحني الفضول
اريد اعرف قصتج اذا تحبين

فوفو العراقية

05-15-2012, 12:00 PM

زمزم
http://forum.hwaml.com/imgcache2/hwaml.com_1337072416_502.png
صح بدنج
الله يعينج
اني اتعاجز من الريوك بالذات
اكون سكرانه من النعاس ههههههههههههه

فوفو العراقية

05-15-2012, 12:02 PM

مي حبي

http://forum.hwaml.com/imgcache2/hwaml.com_1337072531_438.png
سلامة برورة
انطيها كوجة مرديها ونطيها
واذا اكو جاهز للاطفال يمكم وكليها
كلش ينفعها
او عنب مثلا خلطي بالخلاط ونطيها بالممة.

فوفو العراقية

05-15-2012, 12:03 PM

امون
صباح الوررررررررررد
http://forum.hwaml.com/imgcache2/hwaml.com_1337072600_219.png
حبي شلونج؟

زينب السعدي

05-15-2012, 12:17 PM

بنات زوجة اخويه فات ع موعد ولادتها اسبوع ولسه ماولدت وهاي ثالث بطن الها يعني مو بكرية اصلا ببكرها وبالثانيه ولدت بموعدها وبسرعه وهسه لحد البارحة ماكو اي طلق واليوم علساس يدخلوها مشفى ويسوولها طلق اصطناعي لان مو زين تتاخر هلكد
عفية ادعوووووولها حبابات الله يسهل عليكم كلكم

ام نورهانه

05-15-2012, 12:32 PM

**نورا**

05-15-2012, 12:34 PM

ام نورهانه

05-15-2012, 12:35 PM

زنوبه ربي يسهللها الزوجة اخوج وتولد وتكوم بالسلامه اكلج خاف هي غلطانه بالحساب مالته يعني يجوز بعدها ممخلصه شهرها المهم الله يسهللها هي والنونو ويكومون بالسلامة

**نورا**

05-15-2012, 12:38 PM

الله يكومها بالسلامه ويسهل عليها ويتمم علينه ويرزق الجميع الذريه الصالحه
***
مساء الورد على عيون الكل شلونكم اخباركم يا رب بخير

زينب السعدي

05-15-2012, 12:39 PM

لا فله مو حتى ع حساب السونار هم خلصت لذلك حيسوولها طلق اصطناعي والله كريم

ام نورهانه

05-15-2012, 12:39 PM

ميوشه سلامتها البروره وانتي ورجلج ليش تاخذين بكلام عمتج شنو هي بنته يعني مينتضر احد يكوله وديها لو لا اني عمتي هم هيج بس زوجي من النوع خواف وكلش يخاف عليها فميدرلها بال لو تظل تحجي للصبح يروح يطمئن عليها ياله يرتاح والله مرات بلا ماادري الكاه ماخذها للدكتور
وانتي اليوم توكلوا على الله وودوها للطبيب وان شاء الله ماعندها غير العافية

زينب السعدي

05-15-2012, 12:39 PM

تسلمون بنااااااات فله ونورا وربي يسهل عليكم وعلى كل الحوامل

زينب السعدي

05-15-2012, 12:41 PM

هاي عمتج مي الله يهديها بس شكلها شادة وياج كلش ...بس تريد تسوي شغل عناد الله يعينج عليها وانشالله تطلعون من يمهم باقرب فرصة ممكنه

**نورا**

05-15-2012, 12:44 PM

صبااااح الخير حبايب شلونكم طبعا عندي صبح لان ستوني كعدت اني وانوشه العوبه طالعة تنبل مثلي ولكم شسوي للنوم خبلني مد الحك على شي من وراه يعني اكعد الصبح ويا رجلي من يروح للدوام واظل ساعة وراها كاعدة وبعدين عيوني تكوم تنقفل من النعاس بحيث مالكه روحي الا نايمه شسوي اهئ اهئ من كنت مو حامل اشرب كافيين ومنبهات هواي علمود ماانام بس من حملت كطعت كلشي حتى الكهوه شسوي اريد شي يبقيني مصحصحه
طبعا ها ومن اكعد لما انام اني بس اركض واشتغل لان بالكوه الحك
يله اكوم اسوي ريوك الي والانوشه واسوي غده الرجلي

عافيات على قلبج وقلب انوشه حبي
وبالنسبه للنوم مدام انتي حامل عادي تنامين اكثر من الطبيعي والنوم عافيه هههههههههههههه
hwaml7hwaml7
ذكرتيني بتوم اند جيري من يريد يبقه كاعد لزك عيونه وجاب برميل كهوه شرب وبالاخير هم نام هههههههه

**نورا**

05-15-2012, 12:47 PM

اني امي من جانت حامل بيه جابتني طلوكه صناعيه جنت مجلبه ما اقبل انزل ههههههههه
واني ببنتي حددولي موعد السبت اروح للمستشفى يسوولي طلوكه صناعيه بس من سمعت خافت والجمعه بالليل جتي للدنيه

**نورا**

05-15-2012, 01:11 PM

سبحاااااااااااااااااااااااان الله التوقيع صار ونزل الافندي (الشريط) ولو هم مو قانوني بالعرض صار
خخخخخخخخخخخخخ

مجنونة بحبها

05-15-2012, 02:43 PM

الله يسهلها واتكون ولاده سهله ميسره

فوفو الحمدلله انتي شلونج

نورا شلونج عيني

ام نورهانه انا هم صايره بس نعاس تعبت
بس انا اكعد الساعه سبعه الصبح وابقه كاعده
وماعرف انام بالنهار فابقه لليل عود كوه اسيطر على عيوني وراسي
يريد ينفجر نعسانه موووووووووووت وانوب شربت لبن هههههههه

**نورا**

05-15-2012, 04:57 PM

هلو بيج كبد انتي شلونج انشالله زينه

حبيبي

05-15-2012, 05:03 PM

مساء الخيرررررررررررررر اشلونكم اشلون حملكم واطفالكم hwaml7
امونه اتجنن كنتي هههههههه هي وزوجها وكحين اشلون اخلص منهم
شوفي من هسه اكولج ما ريدهم معاي بلبيت
والله يسلمج ويبعد كل مكرووه عن خطيبت ابني ههههههههههه
رويده لسه ما ولدتي ؟ امتى ياله شدي حيلك مع ابو الشباب خخخخ والمشي واكل التمرر
انريد البنوته تطلع ونحتفل ونزغرط hwaml02الله يسهل عليج بحق محمد وال محمد
زنوبه ما تركتي المااااااااانع يلهوي ههههههه يله كل تاخيره فيها خيره
ايه اشلونج وشلون يوسف العسل
مي سلامتها بروره
فوفو وام نورهان وعسوله وانجل وقمر اشلون الكتكيت ودفرات وتعب الحمل

مبروك الجنسيه لاه من الغربه
ومين الي تخرج ؟ الف مبروك اني صايره انسى اظاهر كبرنا ههههههههههه

مشتاقه للغايبات ام شوق وام ايهم وام يليا
عليااا صورت بنتج اجنن الله يخليها الج اشلونج وشخبااار البنوته ولامومه معاااج

hwaml12
اليوم لولاد زاعجيني اصراخ وبجي وعراك hwaml15hwaml16hwaml17صرت اصرخ معاهم ياااحلو العزوبيه ليتني متزوجت وجالسه ابيت اهلي
ونام واكل واشرب وسافر وتابع تلفزيون ههههههههههههه فكوو احلوجهم اشفيهاا ماماhwaml03hwaml03

فوفو العراقية

05-15-2012, 05:15 PM

هلو حبي رحوبه
اني زينه انتي شلونج؟
والله الكتكوت مالتي زين بس دفراته مو شي ههههههه
منتظرته يتحرك مثل الاوادم.

مجنونة بحبها

05-15-2012, 05:19 PM

هلا رحوب حبيبتي

كنتك مو بس وكحه وانما شيطانه وعصبيه

ومن تصير عصبيه تكتلنا انا وابوها ههههههههههه

يعني تحضري تكتل ابنك واذا فتحتي حلكج تعضج هع هع هع

شلونج قلب مشتاقيلج

مجنونة بحبها

05-15-2012, 05:20 PM

هلا فوفو ونورا شلونكم حبايب

مجنونة بحبها

05-15-2012, 05:25 PM

الوووووووووووووووووووووووووووووووووووو

مجنونة بحبها

05-15-2012, 05:30 PM

الوووووووووووووووووووووووووووووووووووووووووووووو

زينب السعدي

05-15-2012, 05:31 PM

اكو احد هنا لو رحتو

زينب السعدي

05-15-2012, 05:32 PM

الوووووووووووووو ويااااااااج دااسمعج بس انت متسمعيني

**نورا**

05-15-2012, 05:32 PM

الوات الصوت يكطع الظاهر شبكه مو زينه خخخخخخخخخخخخخخخخخ

**نورا**

05-15-2012, 05:33 PM

بنات حساب الحمل دوخني كلش شلون احسبه صح حرت والله

زينب السعدي

05-15-2012, 05:34 PM

يمعودين االرصيد خلص ومدتسمعوني هههههههههه
شلونكم بنات اني بالي يم مرت اخويه بس خلصت رصيد واريد اطلع اشتري رصيد حتى اخابرهم

زينب السعدي

05-15-2012, 05:40 PM

شوفي همو عادة الاطباء يحسبون من اول يوم دورة بس حقيقة اني مااعترف بهذا الحساب اشوفه فاشل جدا
اضبط شي هو تحسبين من يوم اتبويض يعني انت اذا دورتج منتظمة تبويضج يوم 14 يعني احسبي من يوم 14 لاخر دورة
احسبي 280 يوم هذا كحد اقصى...والباقي بيد الله هذا الي اعرفه

صدك بنات انسى اكوللكم
اكو طريقة مال معرفة الجنس كانوا امي وخالاتي يسووها يكولون مضبوطة اني نسيت اكوللكم عليها بس درية خانم بالاوراق المتساقطة ذكرتني بيها ههههههههه مال المقص والسكين
احنا شلون نسويها ...نجيب مقص ونلفه بقطعة قماش او اي وصله ونجيب السكين هم نلفه بنفس الطريقة يعني مجرد يتغطن حى ميبين ياهو السكين وياهو المقص ويجيبوهن اثنينهن للحامل اذا اختارت المقص يعني بنيه وا1ا السكين يعني ولد
اني سويتها لمرت حمايه من اجتي واختارت السكين وصدك طلع بيها ولد ههه وهم سوت مال الزنجيل والحلقة وهم طلع ولد وكله بامر الله بس يعني للتسلية وحب الاستطلاع

رويدة_ أم ألق

05-15-2012, 05:45 PM

مساء الخير حبايب شلونكم؟

علياء شخبارج؟ تعالي طمنينا عنج معرفنا شصار وياج
والله قلوبنا يمج.

رحووبة ههههههه أبو الشباب مامقصر بس تعرفين البكرية تتأخر
وتسلمي يا غالية الله يحفظلج كتاكيتج المفترسين

فلة أدزلج شوية بك يصحيج مثل الضباط ههههه

زنوبة الله يكتب السلامة لزوحة أخوج يارب

فادية تتدللين من عيوني أدزلج صور النجف بس تصيرلي فرصة اصورلج مناطق

ميمي ترى ما بيها زعل المفروض أبو أبرار ياخذها مباشرة حتى لو أمه معترضة
وهسة حاولي توكليها موز مفعوله يبين بسرعه حتى وية الكبار

زينب آنجل .. أمونة .. يمنى .. وكل البنات تحياتي.

**نورا**

05-15-2012, 05:45 PM

والله ما ادري لان اني انسطرت يعني المفروض 1/7 ادخل شهر ال9 بس اذا هوه يبدي من 37 اسبوع معنا حسابي غلط
ومال الحلقه والزنجيل اني سويتها وطلعت صح

زينب السعدي

05-15-2012, 05:51 PM

صدك نورا انتي شنو بيج ولد لو بنت
سوي مال المقص والسكين حتى اذا ضبطت اسويها بحملي القادم ههههههههه
اني بحملي الراح سويت مال الزنجيل والحلقة عالبطن وطلع ولد وصدك كان ولد
وسويت مال القلم ابو مالساحة عالعضد هذا الي يطلع الاطفال كلهم طلعلي اول شي 3 ولد وبعدين بنت وبعدين ولد2
هههههههههه
مال المقص والسكين لازم انت متدرين بيهن كولي للي يمج يحضروهن بدون متعرفين ويجيبولجياها ملفلفة وانت اختاري ههههه

**نورا**

05-15-2012, 05:55 PM

ههههههههههههههههههه اي زين 3 حلو

اني سويت مال الحلقه والزنجيل قبل السونار وطلع ولد
وسويت مال قلم طلع 4 جهال ( حصير ام الزعاطيط ) فديتهم كلهم هههههههههههههههههه
2 بنات و2 ولد واللهيعلم بعد

روضانيه

05-15-2012, 05:56 PM

هلووووووووووو بنات شااخبااركم مشتاقتلكم
ليوم اني كووووش دايخه مااعرف اشبيه
ورحاتي توووجعني اسم الله عليكم
خابرت امي اتكوووي لاتروووحين اتشلعيها موزين وانتي حامل
بنات صدوووك تعبانه وضايجه خصوصا ماشفت الاوراق المتساقطه اليوم
ميووووووووووووش يمكن رح ندخل الجنه اني ويااج كد مانستحمل
بس صدكي الي وحدها بيت نفس الي وياها عمتها اسئليني اني
اذا العمه زينه الله وفقج هههههههههه
باقي البنات اشووونكم مابي اذكر اسماء حبيباتي انتو

روضانيه

05-15-2012, 05:59 PM

حيـــــــــــــــل باعووو اشكد اكلت بالاحرف هع
يارب مايشووووفون ماينتبهوووون ههههههههههههه

يارب يغلسوون

عسل بغداد

05-15-2012, 06:01 PM

مساء الخير بنات شلونكم مشتاقتلكم هوااااااااااااااايه

**نورا**

05-15-2012, 06:01 PM

الله يساعدج وجع السنون مينحمل بس حماتي العام جانت حامل وشلعت 3 سنون وسوت حشوات وصلوات كلشي مصار وجابت وعمر بتها هسه 7 شهور

**نورا**

05-15-2012, 06:02 PM

مساء الورد والجوري حبي عسول منوره

عسل بغداد

05-15-2012, 06:02 PM

هلونورا وحوراء شلونكم حبي ميوش سلامتها لبروره عدها العافيه

**نورا**

05-15-2012, 06:04 PM

بخير عمري نسال عنج

عسل بغداد

05-15-2012, 06:05 PM

زنوبه الله يساعدج على تعب الشيله يشلع القلب

عسل بغداد

05-15-2012, 06:06 PM

شكو ماكو اخبار امورات اني اخويه البارحه اجه وقبل شويه يله راح فدوه لعينه شالي الزوالي مال البيت

**نورا**

05-15-2012, 06:09 PM

هوه الاخ بس طبته عليج ترد الروح الله يحفظهم

عسل بغداد

05-15-2012, 06:12 PM

اي والله ربي يحفظهم الي ويحفظ كل اخ لاخته

روضانيه

05-15-2012, 06:13 PM

هلا عسووووووووول اشونج خيتي ش اخباربج
بس كووولتي اخووويه الله يخليه اللج امين يارب
اجه على بالي اخوواني صار شهرين مشايفتهم حمزه وعبدالله وعلي
نواره ان شاء الله لعد اروح يوم الخميس وراء مااخلص امتحان
صدوووك ماباركتلوولي
دجاجتي الصينيه فقست جابت اثنين بيبي مثل العسل >> يتربووون بعزي اني ومحمد ههههههههه

**نورا**

05-15-2012, 06:15 PM

هههههههههههههههههههه
مبروووووووووووووك صار عدكم كتاكيت 2

روضانيه

05-15-2012, 06:17 PM

زنووووووووووووب اجي اعزل وياج البيت
ترى عندي خبره بنقل الاغراض
انقلي اغراضج الغاليه بسيارتكم مالت البيت

عسل بغداد

05-15-2012, 06:17 PM

مبروك والف عالخير يتربون بعزكم ودلالكم وتشوفون اولاد اولادهم يعني افراخ افراخهم

روضانيه

05-15-2012, 06:19 PM

نواره الله يبارك بعمرج
باعي امهم وابوهملونهم ابيض
وهم طلع لونهم اسووود كلي محمد لاتودينهم يم الديج
اخاف ينتحر من القهر ههههههههههههههههه

روضانيه

05-15-2012, 06:21 PM

هههههههههههههههههههه عسووول والله ضحكتني
البارحه عمتي ام زوجي كالت صار شهر كاسرين ضهر الدجاجه على 2 كتاكيت
كوتلهم بقلبي حتى الكتاكيت مخلصت
لو شايفين محمد ااشووون فرحان كول الوقت كاعد يمهم حتى اليوم اخذ اجازه وبقه يمهم
صرت اغار من الدجاجه ههههههه