دردشة بنات العراق, دردشة حوامل العراق , تجمع بنات العراق

[فوفو العراقية]

لج فوفو تاليها وياج راح تكضيها اقتباسات خخخخخخخخخخخخخخ


ههههههههههههههههه
حتى اذكر شنو مكتوب
ذاكرتي عدم هههههههه

[زينب السعدي]

اوك حبي براحتج الظاهر الزهايمر شغال يمج عالاخر هههههههه
لج قهرتيني عليج والله ..زين كلتي عند ولد و2 بنات يعني من طليقج الشايب.. وهسه همو يمج لو لا

[روح ملائكيه]

هلو فوفو منورتنا غلاتي شوفي هسه تندمجين ويانه اندماج مو تبيعي ههههههههههههههههه

الله يعينج ع الغربه اني هم مغتربه بالامارات صارلي اكثر من 5 سنوات اهئ..

ربي يتمم حملج على خير وان شاء الله الولد الصالح..
اني ولدت محمد آخر العنقود من 4 اشهر بالضبط
هههههههههههههههههههههه

ولج زوزو اكوله لزوجي ...ولج هو اني نايمه راح انتحر مانايمه ابد هههههههههههههههه كمت اباوع للمخده واتحسر هههههه
مافتحت نت من وكت جنت كاعده بغرفة زوجي حرس ههههههههههه لأن الخدامه تنظفها واني يمها مو هذي تعتبر اغلى غرفه بالبيت بيها ذهباتي ولوحات زوجي هههههههههههه اللوحات اغلى من الذهب هههههههههههه

[فوفو العراقية]

زينب ههههههههه شلون عرفتي اسمي
اسمي ذكرتي هوة اسم على مسماه الخيار الاول ههههههههههه

[روح ملائكيه]

فوفو عمرج راح هدر الله يعينج ...
طليقج بشكد جان اكبر منج؟

[فوفو العراقية]

زينب
اي اطفال ال 3 من الشايب
يخلف ويذب
عندي همة
قابل انطيهم للدولة حتى يصيرون مسيح
الله يعيني على تربيتهم والله كلش صعبة
اصلا حياتي كلها قهر بقهر من انولدت لهسة
المشتكى لله.

[روح ملائكيه]

ههههههههههههههه عدنا زوزو ماترتاح اذا ماتعرف الاصل والفصل خخخخخخخخخخخخخخخخخخخخخخ

[زينب السعدي]

هههههههههههه صدك اسمج فادية طبعا اني ذكرته بس مكنت متوقعة يكون اسمج ..لج كلش حلو اسمج احب اسم فادية وفادي بس زوجي ميقب عليهن هئ هئ هئ
الله يساعدج مهاوي ..عفية انطيني الرد بسرعة بخصوص زوجج والشجرة خخخ حتى اذا يسوي انطيني رقمه عالايميل حتى يخابره رجلي ..وفرصة لنتشاوف بحجة الشجرة خخخخخخخخخخخخخخ

[فوفو العراقية]

اي والله يا روح ملائكة
بس ماكو شي راح لان عند الله موجود

وطليقي اكبر مني جان ب 30 سنة تقريبا
وملغوث ومجرم وقبيح وكل الصفات بي بشهادة الجميع.

[فوفو العراقية]

يمعودة يا حلو
دائما الاسم يأثر على الشخص
واسمي مثل حياتي
انطي وما اخذ بس افدي
ديربالجن وحده تسمي بتها هيج
لازم اسم بي تفائل او بلا معنى احسن ههههههههههه

[روح ملائكيه]

امونه عيوني اي كلام من عمتج او اقارب زوجج لا تهتمين ادري صعبه بس لازم تحسسيهم انه انتي مو مهتمه ...وربي يعينج عليهم ..يمهل ولا يهمل .

فله عادي الحراره حبي علمود الانياب ملاك هم دتطلع انيابها وهم سوه تخبلت بس هسه احسن الحمدلله حبي تحاميل وجل اسنان واذا عندج قطرات ادول بالفراوله بعد خير على خير...

[زينب السعدي]

اوووووووووووووووي الله يعينج فوفو والله انتي مضحية ..تعاي هنا واشكي همج لان احنا كلنا نشكي همومنا لبعض وصدكي كل وحدة بينا عدها هموم شكل ماكو احد مرتاح للاخر وهمزين اطفالج يمج يظلون قطعة من كبدج وانشالله زوجج هسه يعوضج عن اللي راح يارب
لج مهاوي انتي فد وحدة لوتية تذبها براسي لان اريد معلومات دقيقة شوفي انتي بالمعلومات اعتمدتي عليه بس بقت عندج فرق السن بينها وبين طليقها مااتحملتي متعرفيها كبل سالتيها اني الج ام الفطائر بس خلي اجيج اريد من كل نوع من الفطائر كيلو اتعامل بالكيلوات مو الوحدات اوك ههههههههههه
فوفو خو متضوجين احنا هلكد نسال تره عادي احنا كل وحدة تدخل تنزل قصة حياتها وبعدين كل صغيرة وكبيرة نسولفها لبعض بحيث صرنا نعرف اسرار بعض اكثر من اهلنا

[روح ملائكيه]

يممممممه 30 سنه !!!!!!!!!!! احوليت وربي ههههههههههههههههه

الحمدلله خلصتي منه ...

اني اسمي مها وبناتي الجبيره شوق بصورة توقيعي ..وملاك واخيرا محمد الي بالصوره الرمزيه

زوزو زوجي هسه بمعرض دبي ومتفرغله والله ماادري اذا يرجع هسه للغده او لا البارحه طلع من الصبح رجع 2 ونص بالليل ..
هلكوه اسم الله عليه ...بس المهم انباعت لوحاته بسعر زين ههههههههههههههههههه

[زينب السعدي]

الحمد لله الله يوفقه ويرزقه من حلاله

[فوفو العراقية]

روح
والله يا حبيبتي الامارات مو غربة ابد
لو تشوفين هنا صدك غربة

وخلي انطيج دليل
قبل فترة بداية خبر حملي اكو عجوز عنصرية كركوبة جتي كدامي
وتفلت علية بنص وجهي وتكول انتو المسلمين الارقابيين الشياطين ... الخ
والله من استغرابي ماعرفت ارد
بالله عليج هاي مو عنصرية وغربة ؟

الله يخليلج حمودة واخوانه ويهون عليج الغربة

[روح ملائكيه]

هههههههههههههههههههههههههههههههههههههه

خرب متت من الضحك دروحي سويتيني لوتيه ...انتي نزلتي اسأله خخخخخخخخخخخخخخخخخخخخخخخخ

حبي اني اتعامل بالصواني مالت الفرن مو بالكيلوات هههههههههههههههههههههههههههههههههههههههه

[زينب السعدي]

كبر لفها للعجوز اوووووي شنو هالعنصرية ..لا صدك تحجين فوفو الامارات متشعرين بغربة لان بلد حلو ومنفتح وهو اصلا يحوي كل الجنسيات بس المسالة البعد عن الاهل والاصدقاء وبس والا هو بلد مريح الى درجة

[روح ملائكيه]

صدك موقف غريب الله يعينج عليه...

[زينب السعدي]

امشي روحي مهاوي خليها صينية الفرن الج ولجهالج
وشمدريني صينية فرنج شكد هسه تطلع بكد النعل بكي

[فوفو العراقية]

زوزو حبيبتي تؤمرين
لا ابدا ما اضوج بالعكس لازم نتعرف على بعض زين
واني متأقلمة كلش هههههه

شهيتوني فطاير ومالي خلك اسوي ولا شي
اصلا مكضيها بيض ههههههههه

[ام نورهانه]

ها ولجن شكد تكركون كاعدة اوكل انوش شوربة كيفت انفتحت شهيتها

[زينب السعدي]

اي هاي الملعونة مهاوي مشهورة بالفطائر ويوميه تسوي وتشهينا اني مرة وحدة سويت ع وصفتها وطلعت كللللش طيبة

[زينب السعدي]

حياتي فوفو ميامر عليج ظالم احنا خواتج هنا
لج فله شهيتيني شوربة خررررررررررررررررررب

[ام نورهانه]

لج فوفو هاي شنو انتي الله يعينج ياربي والله كل واحد مصايبه شكل ماكو احد مرتاح
صدك سؤال نسو يسألوا المحققين خخخخخخخخخ هسة زوجج شلونه زين ان شاء الله وياج ويه جهالج لو هم حظ ماعندج وان شاء الله عندج حظ
زين بس كوليلي اهلج شكالوا الربج من زوجج من الكركمه

[روح ملائكيه]

ولج زوزو طباخي 4 عيون لأن انتي تعرفين حسب المكان المحدد بالمطبخ ..وشنو صينيه ؟هههههههههههههه اني كل مره اسوي فطائر ع الاقل 4 صواني وميكفي يخلص بسرعه خلال ساعه الكاهن انتفن ههههههههههههههههههههه

سوده عليه فوفو لو يمي اسويلج احلى فطائر

[فوفو العراقية]

مهاوي حبي عاشت الاسامي
اسمج روعه

حمادة حبيبي صدك هاي صورته ماشاء الله ربي يحفطة يخبلل
الله يفرح كلبكم بي
ديربالج عليه
اشكد عمره 4 اشهر؟

[روح ملائكيه]

هلو فله الحمدلله انفتحت شهية نورهانه هسه تصير زينه عليها..

زوزو مرتاحه حاليا من الفطائر صارلي اسبوع الله ينطي المعرض زوجي ياكل بالبوفيه مال الفندق هههههههههههههه

[زينب السعدي]

لالالالالالالالالالالالالالالالا فله ممقبوله منج تقللين من شان اداؤنا كمحققين بس احنا عبارة عن لجنة تحقيق وكل عضو من اللجنة اله اسالته المخصصة واحناخملنا اسالتنا وباقي الاسئلة تتوزع ع باقي الاعضاء ..يعني هاي طبيعة العمل

[زينب السعدي]

خملنا = كملنا

[روح ملائكيه]

تسلمين عمري فوفو ...
اي حمودي عمره 4 اشهر ويوم واحد ههههههههههههه

بس اني عندي ولد جبير بالسادس الاعدادي (علمي) ...ابن زوجي اسمه احسان وعايش وياي وعلاقتي بيه كلللللللش قويه وفوق ماتتصورين هههههههههههههههه

الحمدلله يعني عندي 2 ولد و2 بنات

[ام نورهانه]

ههههههههههههههههههههههههههههههههه

[روح ملائكيه]

زوزو ترجمنه لأن تعودنه ع السحكات خخخخخخخخخخخخخخخخخخخخخخخخ

صدك البارحه مخمخت ههههههههههههه واخترعت وصفة حلويات بس هي بعدهي داخل دماغي محتاجة التطبيق هههههههههههه

اسوي عجينه كليجه بس زبد وطحين وذره حليب وكلش شويه خميره واجنها بس لازم تكون هشه

واسوي حشوات من تمر وجوز ولقم ويجوز اسوي سمسم على شكل عجينه واسويها صغيره كلش وبأشكال بس مااطبعها واشويها ومن تبرد اغطسها بمستحلب من الحليب المكثف والزبد واحط عليها اخيرا مكسرات مثرومه او جوز هند

هااااااااا انطوني رأيكم ؟؟ ههههههههههههه

[فوفو العراقية]

لج فوفو هاي شنو انتي الله يعينج ياربي والله كل واحد مصايبه شكل ماكو احد مرتاح
صدك سؤال نسو يسألوا المحققين خخخخخخخخخ هسة زوجج شلونه زين ان شاء الله وياج ويه جهالج لو هم حظ ماعندج وان شاء الله عندج حظ
زين بس كوليلي اهلج شكالوا الربج من زوجج من الكركمه




ههههه ماشفتي شي من واقعي

الحمد لله
حاسة داخلة كاتون المحقق كونان وجماعته ههههههههه

اي تزوجته عن حب وجان عايش بالمانية وتعرفت عليه بالسويد
مابي شي جنتل مان بس مشكلته من سليمانية كردي!!!
ولازم احجي اعوج حتى يفهمني خخخخخ
طيب وحنون واهم شيئ يحبني ويحب الاطفالي.. وماسبق اله الزواج
واكبر مني ب 3 او 4 سنوات ووسيم
يعني ماكو مقارنه هههههههه فرق السما عن الارض
عوضني من كل حرمان
بس مشاكلنه هواي وكلها لانه يغاااار كلش علية ماعرف شسويلة
يعني لو واحد باوعلي يكولي منو هذا تعرفي؟ اكوله منو يكولي هاذا الي تعدى من شوية تخيلي

[فوفو العراقية]

على فكرة اهلي ماهمتهم حياتي اصلا 10 سنوات ميخابروني الا اني اخابرهم واسأل
عبالك جايبيني من الشارع
اني ماغفرلهم ليوم الدين
اصلا حتى انفصالي والخلع الي سويته ماقبلو بالاول الا لما خابرهم ويغلط وخلا ليلهم ونهارهم واحد كالو الله يعينج.

[ام نورهانه]

هههههههههههههه فوفو الحمد لله الله عوضج وارتاحيتي واذا على الغيرة عاادي اني رجلي يغار حتى من الاقارب ونفس الحالة اذا شاف واحد يباوع يكولي هذا منو اي اني ادري منو يحظي واحد طايح حظه وديباوع على وحده ويا رجلها شمعرفني بيه

[ام نورهانه]

اوووي الله يعينج والله اتعجب من هالعالم شلون صارت هيج
اكلج بنوتاتج شكد اعمارهم وشنو اسمائهم
اني عندي بس وحده فريده من نوعهااا خخخ اسمها نورهان

[زينب السعدي]

بالنسبة لمهاوي مااعرف الا تسويها ونذوقها اذا طلعت طيبة سويها دايما بس اذا مطيبة لتكرريها(عود حليتها اني )اذا حليب مكثف محلى مو اخاف تطلع حلوة كلللللش!!
فوفو كردي عربي المهم قريب لعمرج ومرتاحتله وهاي الغيرة شي طبيعي عند اكثر الشرقيين والله رجلي هم معقدني من هالسالفة شسويله
البارحة اول ماطلعنا يكلي شو حذائج يكعب(يطلع صوت) كتله شسويله كال ماكو تحاولين متطلعين صوت وراها مشينا بعدين صرنا بالسوك يدعي ع الاساس الولد يباوعولي هو باوعلي يكلي ليش يباوعوج اخاف حاطة مكياج هواي واني كنت محاطة بس شي خفيف جدا مثل كل مرة وراها مشينا جان يكلي اكلج شو احس عبايتج مو طويله هلكد ليش كتله يعني هاي عبايه مو جديدة قديمة ولا قصرتها ولا شي وهي طبعا توصل لنهاية كعب الحذاء تكرمون بعد اطلابه يكلي لا منا ويهج من تشترين عبايه اريدها تسحل احسن كتله خو اني لابسه جواريب يكلي حتلو
اخر شي بشنو ختمها يكلي انتي تمشين وتهزين بطي....ج كتله والله مااهز يكلي لا ديهتز يكلي امشي عدل مثل الجندي انت تتماوعين بالمشية مالتج كتله غير تكون مشيتي انثويه شنو تريدني اهبد ..لكم شلع قلبي بس شسويله هو يحبني واني اموت عليه وماالكه احسن منه والحمد لله

[فوفو العراقية]

ام نورهان

اني يغار علية من زوج اختي
ومن ابني حتى ههههههههه
مخبلل

[زينب السعدي]

فوفو لتزعلين اني بهاي قصتج انقهرت من اهلج اكثر من طليقج لان ذاك غريب ميهمه بس ااهلج بتهم من دمهم ولحمهم هيج يسوون بيها ..يمكن اني لو بمكانج اعبد زوجي الحالي عباده وولا حتى اشتاق لاهلي لان هو الوحيد الي يحبج من صدك

[ام نورهانه]

ههههههههههههههههه زنوبة خربت ضحك ههههههههههه على رجلج تمشين وتهزين بطيطج ههههههههههههههههه
لج والله لو نمشي مثل ميردون يس يم كان كالو علينه مستزلمات لا اني من ناحية البس ميكول كلش واني اصلا الخلفية الحضارية مالتي مو كبيرة فماخذه راحتي باللبس وبالعكس يريدني من اطلع ويا اكون احلى شي واشيك شي بس لازم محد يباوعلي زين هاي شلون دبروني خخخخخخخخخخخخخخخخخخخخ

[زينب السعدي]

هههههههههههههههههههه شفتي بله
لج اني معندي خلفية كبيرة خلفيتي حلوة لا ماكو (من صنف اللاطي..يات) ولا كبيرة حلوة اعتيادية بس هو يتحجج وشي اكيد هو هم يريدني انيقة بس بطريقة محتشمة واني اكثر لبسي هنا عباية خليجية والعبي هنا كلش حلوة وفيكة وغالية مو مثل الي يجيبوها بالعراق ومرات البس مانتو فوك الركبة وبنطلون جينز يعني حسب الطلعة وحسب المكان

[فوفو العراقية]

زوزو موتيني ضحك
ههههههههههههههههههههههههه
كل هذي غيرة وحجج بعد
كوليلية بعد البس شماغ وعكال ودشداشة مال زلم وقماش كتان هههههههه
وارسم شوارب والبس حذاء فلات

هم يكولج لبسي وراها نظارة شودة ههههههههههه

كلش مركز
على فكرة اني اصلي نجفية
بس كمت اكره اصلي بسبب اهلي
وهنا مالبس لا عباية ولا شماغ ههههههههههه
محجبة اي وحط مكياج خفيف رملي
ولبس عادي يعني مو جبه
قميص طويل وبنطلون او تنورة وبوتين طويل وقميص وجاكيت هيج يعني
بس همة هنا الزلم عدهم 100 عين بعد ماعرف بالعراق شنو لان طلعت من العراق كلش صغيرة ماذكر شي.

[روح ملائكيه]

حمدن ربجن تطلعن بملابسجن العاديه دشوفن زوجي من اشتري عبايه يختارها هو ولازم تسحل وراي بهواي وعريضه كللللش يطبون بيها 2 هههههههههههههههههههههههههه ومنا اني شلون مو سمينه وكصيره وانتو حكموا خخخخخخخخخخخخخخخخخخخخخخخخخخخخخخخخخخخ اي خوش ختمها زوجي حتى محد يباوعلي خخخخخخخخخخخخ

[زينب السعدي]

ههههههههههههههههههههههههههههههههه وووووووووووووووووووووهههههههههههههه
وووووووووووووووووووهههههههههههههههههيييييييييييي ووووووووووووووووخخخخخخخخخخخخخخخخخخخخخخ
يا يابه موتيني ضحك فوفو يريدون يلبسونه لبس زلم خخخخخخخخخخخ لا وشماغ وعكال وشوارب

[روح ملائكيه]

صدك زوزو منين تشترين العبي ؟؟؟

وشكد اسعارهن؟؟
اريد اخذ كم عبايه مو اني من اشتري اشتري بالجمله ههههههههههههههه

اريد اخيط عبي مفتوحه لأن ارضع آخر وجبه خيطتها واني حامل بمحمد وكلها مسدوده على الموديل ههههههه هسه شورطني واختهن هسه رجعت البس العبي القديمه

[ام نورهانه]

ههههههههههههههههههه والله احنه رجالنه قرج خخخخخخخخخخخخخخخخخخخخخ

[فوفو العراقية]

زوبه حبي لا مازعل اني اهلي كلبي مجمور منهم
اصلا همة خلفوني ونسوني

واني عندي اخوات 2 اكبر مني
وطليقي ابن عم بابا ولان طليقي جان خاطب وبابا مانطا وانطا لغيره ف هوة قرر يقتل خطيب اختي الجبيرة
وبابا يريد يتفادا المشاكل وماكدر على اختي الثانية قرر يجبرني اني الاصغر ان اتزوج وبالغصب ودون ما اعرفه ولا اشوفه الا وقت الدخلة
عقد نفسية خلا عندي
افففففففففففففف

والله لحد هسة ممصدكة اني خلصت
لان جان يكول اني الله قالي ان الله الي بالارض استغفر الله
ليا درجة كافر ومستهين بقدرة الله
لا ومسوي نفسة رادود خخخخخخخخ والي مثلة مصدكي
اهنا الناس زفت الاغلب
قبل فترة اكو شيخ منبر طلع مريض بالادز والعياذ بالله
متخبئين تحت عبائة الاسلام.

[روح ملائكيه]

هههههههههههههههههه خرب راح يسووها رجال هههههههههههههههههههههه

[ام نورهانه]

ولجن خلي اروح اسوي غدة الرجلي هسة يجي يكرع راسي

[زينب السعدي]

هههههههههههههههههههه يبووووووووووووووووووووو هههههههههههههههههههههههههه
لج مهاوي دااتخيل منظرج مثل دبة عنبة متنقلة خخخخخخخخخخخخخخخخخخخخخ

[ام نورهانه]

اكلج فوفو مكلتيلي بناتج شكد اعمارهم

[روح ملائكيه]

لا حول الله همزين خلصتي منه ..
انسي الي راح من عمرج والحمدلله زوجج يحبج ..
حقه يغار عليج زوجته ويحبج الله يخليكم لبعض ويديمها عليكم..

[زينب السعدي]

الله يساعدج فوفو والله قصتج مو طبيعية قهرتيني هواي احسج مهمومة بس انشالله ربج عوضج بالزوج الصالح وانشالله الولد الصالح بالطريق بس ديري بالج ع نفسج وانسي الايام الحزينة وفرفشي واتونسي

[فوفو العراقية]

بنوتاتي رنا وانوار وخوهم الكبير محمد

محمد 13 ورنا 11 وانوار 7
يعني الله يعيني محمد واخته على سن البلوغ ووالله محتارة وخايفه عليهم من هالغربة والمجتمع الفاسد.

[زينب السعدي]

عفية فوفو احد الاعضاء وراها طبخ ولسه انتي مجاوبتيها عالسؤال تره متكدر تروح اذا متعرف يمكن تريد تخطب بناتج

[روح ملائكيه]

ههههههههههههههههههههههه اي سمينه وزني 85 كيلو خخخخخخخخخخخخخ

المصيبه لأن اني كصيره مبين السمن بيه ههههههههههههههههههههه

[روح ملائكيه]

ماشاء الله اولادج كبار الله يخليهم الج

بس رناوي بالغه شرعا لأن البنت تبلغ وعمرها 9 سنوات والولد 15 سنه...

[فوفو العراقية]

الي راح راح ونسيته وعند الله موجود

الحمد لله حياتي مستقره
وطفالي وياي واحلى اطفال واذكياء ومتفوقين بالمدرس الاوربية الاوائل
الحمد لله
لا وبعد صار عندي احلى خوات هنا
الله يخليكم الي وان شاء الله بيوم نلتقي في بلدنا ونكون احلى صحبة ,

[ام نورهانه]

ماشاء الله فوفو الله يخليهم الج ويعينج على تربيتهم ويشوفج برهم ان شاء الله بس يمكن العالم من يشوفوج ميصدكون هذول جهالج مووو شكد حلو

[زينب السعدي]

مهاوي اني كله اشتري من دبي سوق الوصل اكو مجمع هناك اسمه منال مول مرات اشتري من داخل المول ومرات اكو محلات عبي بره المول واكو سوق داخلي بصف المول سوق كلللللش كبير كل محلات عبي يخبلن اشكال والوان والاسعار تبدي من 400 هذني العاديات الى 1200 يعني هاي اغلى شي اشتريتها بس هو اكو بعد اغلى ..اني اشتري الموديلات الي يرضى بيها زوجي والي تناسبني وتلوكلي

[روح ملائكيه]

ان شااااء الله يارب نلتقي سوه ..

يلا اني اروح محمد يبجي كعدته شوق ..

اشوفكم على خير

[فوفو العراقية]

اي رنا تصلي وتصوم
حبيبتي وتساعدني وشاطره والعيون عليها عشرة عشره لان كلش حلوة وجذابه
بس ماحجبتها
وماتمنة تتحجب وتنحرم من التعليم مثلي لان هنا صعب المحجبة تعيش طبيعي وتتعلم.
بس بعد ماتجيلها الدورة يمكن احجبها وماجبرها اكيد بس اني رغبتها
واني كلش محتارة بهالموضوع ماعرف شسوي,

[زينب السعدي]

الله يخليهم الج فوفو وانشالله يارب تصير فرصة وننجمع وفعلا انا هنا اخوات وهسه يجون ابنات الباقيات وتشوفيهن شكد حبوبات
اروح اخلي زيت جدايل بشعري

[روح ملائكيه]

زوزو غاليات ب 1200

اني آخر مره فصلت على 600 درهم بس مو بدبي بعجمان كلش رخيص وموديلات رهيييييييييييبه

يلا باي

[فوفو العراقية]

ماشاء الله فوفو الله يخليهم الج ويعينج على تربيتهم ويشوفج برهم ان شاء الله بس يمكن العالم من يشوفوج ميصدكون هذول جهالج مووو شكد حلو


الله يسلمج ويحفظلج كل غالي
اي اني يكولون مبين عندي بس طفل واحد واكو صديقات جانن وياي بالشغل ماصدكن عندي اطفال اصلا ههههه

ورجلي من خطبني كال ماتوقعت تكونين متزوجة اول مرة لان جنت بوحدي شافني

[رويدة_ أم ألق]

مساء الخير عليكم جميعا.

[فوفو العراقية]

كلش سعيده بمعرفتكم
ورتاحيت وياكم

الله يسلمكم جميعا يارب

بس اني هسة راح اروح ..
واريد حللللللللللللللل للبلغم الي مصاحبني فترت النسا كلها
بلغم قوي يخلي معدتي تتحجر
عفية ساعدوني تعبت النسا مو راضية تروح ولا تكولولي اعشاب لان هنا ماكوووو.

[ام نورهانه]

ها ولجن هسة شعري راسي وكف فوك ماهو اصلا واكف ومنتوف ادور على نورهان تخبلت تالي لكيتها خاتله جوه الجرباية لمن اباوعلها تسويلي ميو عود هي بزون بنت المخبلة

[رويدة_ أم ألق]

فوفو الله يعينج على اللي واجهتيه بحياتج
ويعوضج بأولادج...


فلة زوجج متأثر بالمسلسلات التركية
ايبرو وسمر ونور كلهن معظمات هههههه


توتة حبيبتي ماقصدت النظافة واللبس لا هاي الأمور أكيد أنت واعيتلها
هسة أدزلج راسلة خاصة أفهمج قصدي.

[رويدة_ أم ألق]

اوووي لتخليني أكَزكَز عليها أكثر

لج من الله أحبها موت
يمكن إذا اجي لبغداد أمر أشوفها هالمضروبة هاي

[زينب السعدي]

لج فله انتي وبنتج تموتون ضحك ..اتمنى تجيني بنوتة سوالها مثل بنتج شيطانة بس زوجي يريد ولد
علساس هو بكيفنا ههههه

[ام نورهانه]

هلو رويدة حب حبتج العافية ان شاء الله تجيج بنوته تخبلج مثل ممخبلتني
لج زوبة ان شاء تحملين بتوم بنوته وولد الولد رجلج يلعب بيه وانتي اخذي البنية لعبي بيها ههههههههههه
اي موهمة لعابات مو جهال ياله يارب يجيج ولد ووراها تجيبين بنوته حلوة مثلج

[رويدة_ أم ألق]

المفروض كل عمه تعتبر زوجة ابنها مثل ابنتها وتعاملها بشكل صحيح وتنصحها واهم شي عدم التدخل بحياتها وحياة ابنها فسوف يعيش الجميع بسعادة وراحة بال
اكو مثل يكول اذا العمه رضت علة الجنه جان ابليس دخل الجنه


حبيبتي عذورة صح المثل شائع وينطبق على الأغلبية
بس أكيد اكو استثناءات
أحس عمتي راضية عني
وأنا عرفت شلون أكسبها وزوجي صاحب فضل بهذي النقطة
الله وكيلج مسوية حياتهم كلها ضحك وشقة
حتى الشي اللي يزعجني أعترض عليه بطريقة المزاح
يعني من يمنا احتمال ابليس يدخل للجنة hwaml03هههههههههههه

[kokee]

مساء الخير بنات هفففففف ستوني صعدت شلون دوخه

[زينب السعدي]

هلو كوكي حبي الله يساعدج
افففففففففف ذكرتيني الخميس ارجع للبيت الي راح تنكلب الدنيا بي واني ورجلي واكعين بيها

[kokee]

هلا حبي زنبنب
هههههههههههه لازم تطلع الونسه من خشمج خخخخخخخخخخخخخخخخخخ

[رويدة_ أم ألق]

مساء النور أم الزوز.

[kokee]

وهنا تكمن جمالية الحياة خخخخخخخخخخخخخخخ
عود سويت عجينه مالت جرك تاليهه اجت الوطنيه ضعيفه ودحت انه وعجينتي هههههههههههههههههههه

[kokee]

هلا ام الوقه شلونج وشلون رجلج

[رويدة_ أم ألق]

عيوني كلنا بخير تسلمين.

[ام نورهانه]

ها اني اجيت ولكم كملت الغدة بس رجلي بعدة ما اجه والمواعين بعدهم بعد مابيه حيل احس عيوني لزكت من النعس اوووووووووووف واشو عندي لعبان نفس وحرقة بمعدتي اووووووووف تعباااااااااااانه والله شوكت يجي اريد اناام طفيت

[فوفو العراقية]

بنات عفية ساعدني وردو على سؤالي.

علاج البلغم فترت الحمل الاولى ويا النساة شنو؟؟؟؟؟؟؟

[ام نورهانه]

هلو فوفو والله مااعرف ماعندي علم اني عادي عندي بلغم وبالذات الصبح حتى بنورهان بس مأخذت شي عاادي

[عذراء الجابري]

سلام عليكم بنات
اهلا بيج عيني فاديه الله يعينج ويصبرج عالغربة
زنوبة ممكن الترجمة =وشمدريني صينية فرنج شكد هسه تطلع بكد النعل بكي

[زينب السعدي]

ههههههههههه ضحكتيني عذورة
صينية فرنج الصينية مال الفرن
نعل بكي =ماعون الشاي =ماعون الاستكان..احنا اهل كربلا نصيحله نعل بكي واصل الكلمة تركية من ايام العثمانيين ماخذيها ههه

اني كلتلها اخاف الصينية مال الفرن مالتج تطلع بكد ماعون الشاي يعني صغيرة (صيغة مبالغة)

[عذراء الجابري]

هههههههههههههههههه خخخخخخخخخخخخخخخخخخخ
ولج زنوبة لو يحطوهة بسؤال المليون محد يعرفها

["ام دينا"]

هااااااااااايوو بنااات ..
شلوونكم..؟؟
آني جديده بالمنتدى..فهل من ترحيب..؟؟

[زينب السعدي]

اهلا وسهلا نهلي ونمرحب بيج ام دينا
بس مثلما كتلج تره هنا مطلوب تنطين السي في بكيفج بعد خخخخخخ

[اه من الغربة]

مساء الأنوار شلونكم عوبات اليوم من وره محمد قعدت من ال 7 الصبح و هسه كل ما اريده ينام ما يقبل هايجه عليه سنونه سوده عليه

اهلا و سهلا بيج ام دينا البطاقة لو سمحتي مثل ما تفضلت زنوب

[زينب السعدي]

لج هلو يمنى شلونج عيوني الله يساعدج ويه حمودي حبيبي خطيه ديربالج عليه بوسيلياه هسه يصير زين ههههههههه

[فوفو العراقية]

هااااااااااايوو بنااات ..
شلوونكم..؟؟
آني جديده بالمنتدى..فهل من ترحيب..؟؟


هايوووووووووووووو ورحمة الله
هلا والله بهالطلة
اشرقت وانورت ونستقبلج باحلى جسر ورد
http://forum.hwaml.com/imgcache2/hwaml.com_1329833538_413.jpg
ياهلا ومرحبا بيج ويانة احلى خوات وصحبات وتجمعات هنا.
نورتينا.

[زينب السعدي]

الله شو حلو شتريدين بعد ام دينا ......
ع فكرة ام دينا حتكون اصغر وحدة بالتجمع مواليد 92

["ام دينا"]

اهلا وسهلا نهلي ونمرحب بيج ام دينا
بس مثلما كتلج تره هنا مطلوب تنطين السي في بكيفج بعد خخخخخخ

هلا بيج قلبوو..ههههههه ولا يهمج..
الاسم: نور
المواليد : 1992
المحافظه: ذي قار
بعد شتريدين؟؟هههههه

[فوفو العراقية]

شحلاتكم يا طيب كلبكم وحبكم لبعظ
الله لا يحرمنه من بعض

متدرون اني اشكد فرحانة بيكم
ماعرف حسيت كأني زرت العراق وكعدت ويا احلى جيران
اشكد مشتهية فعلا ازور العراق وكعد وسولف ويا بنات مثلكم.

[اه من الغربة]

الف هلا بيج فوفو العراقية و الله يعوض صبرج خير و تشوفين جهالج اب احسن المراتب و يفرح قلبج بيهم انشأالله
اذا عل بلغم حاولي تشربين ماي هواي قبل ما تنامين والله يتمم حملج علي خير يارب

زنوب ضحكتيني علي رجلج كلهم نفس الموديل إني البس بنطلون و بلوزات طويله و ما اخلي مكياج لان مدينتنا صغيره و وين ما تمشين تشوفين عرب و يباوعون بعني لو رحتي مكان الاجنبي ما يباوع بس العربي يباوع

فله يا فله ديري بالج علي البنيه دمرتيها يوميه مريضه

[زينب السعدي]

ههههههههههههههههههه لاصدكيني نوره اني موحدي افتح التحقيق احنا هنا لجنة مال محققين واذا اني مسالتج حيجون الباقين يسالوج وحيعتبروني مقصرة بعملي ..تقبليها انتي ؟؟

[اه من الغربة]

هلا بيج زنوب بوستج تخدر بسته ال حمودي و سوده عليه حط راسه علي القنفه و نام

[زينب السعدي]

يا حياتي مو كتلج هسه يصير زين ع بوستي مو اني من اسمع بيبي اسمه محمد قلبي يرف عليه لان اريد اسمي اول ولد يجيني محمد
حتى يصير اسمه محمد جواد ..حلو مو بالله

["ام دينا"]

الله شو حلو شتريدين بعد ام دينا ......
ع فكرة ام دينا حتكون اصغر وحدة بالتجمع مواليد 92

هههههههه هبطتي معنوياتي..^^

[فوفو العراقية]

اه من الغربة
تسلمين ياعمري ويخليلج كل غواليج ويفرحج بطفالج يارب
والله الماي اصلا ماشربه
ولا العصائر اموووت من اي شي حلو
وكلما اكل شي اكوم بعد اكرهة وماكلة مرة ثانية
نساتي هذي غير تعبتني كلش بس الله كريم
راح اشتري اسوارات تمنع الوحم وشوف لو يفيدني.
شكرا حبيبتي.

["ام دينا"]

ههههههههههههههههههه لاصدكيني نوره اني موحدي افتح التحقيق احنا هنا لجنة مال محققين واذا اني مسالتج حيجون الباقين يسالوج وحيعتبروني مقصرة بعملي ..تقبليها انتي ؟؟

هههههههههههههههههه ..لالا طبعا ماراح اقبلها حبي..

[زينب السعدي]

من رخصتكم حبايب اروح اصلي المغرب وادعيلكم
باي مؤقتا

[فوفو العراقية]

الله يتقبل حبيبتي زينب فدوة اسمج نفس اسم زينب اختي بس هية بكندا هسة.
ادعيلي نساتي تخلص وخلص منها .

[اه من الغربة]

كلش حلو الاسم انشأالله يارب ينطيج مرادج و يرزقج اب احلي محمد و يخليلج احلي جواد يا رب
ولكم ولا وحده شجعتني بل مسابقه طبوا شجعوني
http://forum.hwaml.com/t98055.html

["ام دينا"]

بنات آني حامل بالسابع...و بدأ ماء الطفل بالنقصان..وقالت لي الدكتورة اذا استمر الوضع على هاي الحاله يؤدي الى اختناق الطفل..
قولولي شو اسوي؟؟انا خايفه ع بنوتي

[اه من الغربة]

تقبل الله اعمالج زنوب

فوفو ليش ما تاخذين حبوب مالت الوحام وين عايشه اختج اب كندا ب اي ولاية

ام دينا عيني ال cv كلش مختصر كملي الباقي وين عايشه و ويه منو و جم جاهل عندج و سوري علي الإزعاج

[اه من الغربة]

زين ما قالت اسباب نقصان الماي و. بما انج بل سابع ليش ما تولدج اذا اكوا خطر علي الجنين

["ام دينا"]

تقبل الله اعمالج زنوب

فوفو ليش ما تاخذين حبوب مالت الوحام وين عايشه اختج اب كندا ب اي ولاية

ام دينا عيني ال cv كلش مختصر كملي الباقي وين عايشه و ويه منو و جم جاهل عندج و سوري علي الإزعاج

لالا عادي حبي..
آني عايشه مع زوجي..صارلي 7 اشهر متزوجه..وهذا الحمل الاول ..
سوؤوري بنات مضطرة اطلع

[اه من الغربة]

الله وياج عيني و يتمم حملج علي خيرانشاالله

[اه من الغربة]

وين رحتوا خلي اروح أنام لان حمودي نام و الظهر عندي موعد دكتور اشوفكم علي خير
لا تنسون تدخلون علي هل صفحة و تشجعون
http://forum.hwaml.com/t98055.html

[غنى2011]

اه من الغربة
تسلمين ياعمري ويخليلج كل غواليج ويفرحج بطفالج يارب
والله الماي اصلا ماشربه
ولا العصائر اموووت من اي شي حلو
وكلما اكل شي اكوم بعد اكرهة وماكلة مرة ثانية
نساتي هذي غير تعبتني كلش بس الله كريم
راح اشتري اسوارات تمنع الوحم وشوف لو يفيدني.
شكرا حبيبتي.

هلو فوفو هاي شنو السوار مال تمنع الوحم ماسامعه بي

تدرون بنات معدتي توجعني احس بالم هذا طبيعي بالحمل شلون غثيان يصير واحس بالم
اما اذا جعت لتحجون حجايتي تكون معدتي تعصرني عصر شنو هذا عادي؟؟

[قمر بغداد]

هلووووووووووووووووووووو بنات شلونكم

[زينب السعدي]

ههههههههههههههههه صدك ضحكتيني ام دينا تكول عايشة ويه رجلي
خو اكيد عايشة ويه رجلج بس هي قصدها بيت وحد ويه العيال يعني هيج

[قمر بغداد]

اكو احد لو الكل نايمة
مشتااااااااااااااااااااااااقوووووووووووووووووووووو ووووون

[قمر بغداد]

هلووووووووووو زنوبة

[زينب السعدي]

الله يكون بعونج غناوي بس اني من كنت حامل الدكتورة انطتني حبوب مال وحام مااتذكر اسمها بالبدايه فادتني بس بعدين كامت متسويلي شي ابلعها لو ماابلعها ماكو فرق
هلو هباوي اهلا بيج شلونج ويه الوحام

[قمر بغداد]

ياااااااااااااااااااااااااا لتذكريني وبالذات من الصبح

[قمر بغداد]

خوب اني اجوع وما اكدر اكل طبعاً الاشوية ابجي بس ما اكدر والحليب نهائياً ما اشربة وااااااااااااااااااع يبوووووووووووووه ودوخة حتى زوجي ما اكدر اتقرب يمه راسن معدتي تنكلب

[قمر بغداد]

شخبار الكل انشاء اللة بخير

[زينب السعدي]

ياعيني يلا كل شي تره اله حلاوته والله اسم الله عليج هسه من اتذكر ايام الوحام اتمنى اكمل هال 6 اشهر بسرعة حتى احبل وارجعلهن هههههههههه

[روح ملائكيه]

جاي ارضع محمد واقره يعني انتن تدرن ابني مايعرس اله من افتح المنتدى هههههههههههههههه

حل البلغم هو العسل

والي تلعب نفسها من تكعد من النوم وهي بالفراش تاكل بسكتايه وبعد 5 دقايق تكوم عادي
هلو هباوي شلونج
فاصل ونواصل

[زينب السعدي]

لكم زوجي متخبل من المنتدى وبس كاعد يحجي عليه ويكول 24 ساعة هنا انتي
ويكلي شسمه هذا المنتدى اريد ادخل اشوف شتكتبن ههههههههه يبوووووووووو
لو قبل شوي يكلي اني مسجل بالمنتدى وداادخل باسم وحدة حتى اشوفج شتكتبين هههههههههه ساعة اضحك ساعة اخاف بس اني متاكدة هو مداخل هنا بس صد حايص يريد يشوفني شكتب

[*ام هيمن*]

هلو بنوتات شلونجن
منو موجودة؟؟؟؟؟؟
يومية ادخل ومحد موجودة

[*ام هيمن*]

هلو قمورة
مبرووووووك الحمل
يلة اشبعي زواع من هسة ههههههههههه
اويلي ذكرتيني باكثر ايام ضوجتني بحياتي

[قمر بغداد]

هلوووووووووو ام شوق

[فوفو العراقية]

ام دينا حبيبتي هذي يعني ولادتج لازم تتم هاليام بل سابع
المفروض تدخلين مستشفى لغاية الولادة
لان فعلا يختنق الطفل وممكن يتمرض لان البكتريا تكدر تدخل هسة بهذي حالتج
المفروض الدكتورة ادخلج مباشرتا لمتابعت وضعج ودفات فلب الجنين
اني صار هيج ببنتي الاخيرة وولدتها بالثامن.

[قمر بغداد]

بنات اخاف وحدة جديدة تشترك من هالحظة لحد يحاجيها اخاف يطلع زوج زينب ونبتلي هههههههههههههههههههههه يمعودة شيدخلة
انت روحي اسكتي موبس شبعت تنكت فدمرة ههههههههههههههه

[*ام هيمن*]

اكول بنوتات صدك من ياشهر ابدي انطي الطفل سيريلاك؟؟؟؟؟؟

[فوفو العراقية]

اه من الغربة

حبيبتي هنا مينطون هيج شي للحامل ابدااااا
لان يكولون ان كل هالاشياء تشوه تمو الجنين
وقبل سائة حالتي وضليت بلا اكل اسبوع وبس اتقيئ
ودخلوني مستشفى ونطوني بس مغذي لغاية ما كدرت اكل
هنا كلش حريصين لان الطب مطور كلش
حتى منعوني من بعض الاكلات فترت الحمل والاول مرة لان قوانين وتحاليل 2012 جديده.

[*ام هيمن*]

ههههههههههههههه اي اشبعي بعد بعد

[قمر بغداد]

لا فدوة دورات يعجبني اكل واتحسر عالاكل بس ما اكدر لان كبل للحمام هههههههههههههه

[قمر بغداد]

شكد عمرة هسة ؟؟؟؟؟؟؟ بابة وكلي اكل شنو سيريلاك فوح مال تمن عصير برتقال خلي يتقوة ترة يصير فاهي

[فوفو العراقية]

هلو فوفو هاي شنو السوار مال تمنع الوحم ماسامعه بي

تدرون بنات معدتي توجعني احس بالم هذا طبيعي بالحمل شلون غثيان يصير واحس بالم
اما اذا جعت لتحجون حجايتي تكون معدتي تعصرني عصر شنو هذا عادي؟؟


اي حبي عادي اني هسة هيج حالي
لازم اكول كل شوية وحس على طول معدتي تنكمش من تفرغ
ولو طولت وما اكلت اكوم اتقيئ تكرمون

بيا شهر انتي؟

والاسوارة هذي تنحط بالايدين وهية توقف الوحام والقيئ لان تنضم الهرمون وهية تلبس بالايد
وعلى اساس توقفه كلة ومنغير ضرر
هنا هواي يطلبنها الفنلنديات واكو تريحهم واكو متنفع
راح انزلج صورته.

ومو غالي
بس ب 15 يورو راح اطلبه من النت هوة وختبار نوع الجنين واشوف لو يضبطن.

[*ام هيمن*]

الجمعة تطلع اربعينتة بعدة صغيروني كنوني
بس دااسال من ياشهر يبدي ياكل سيريلاك؟؟؟؟؟

[*ام هيمن*]

وييييييييييييينكم بنوتات
شوماكو مختفين

[نور السحر]

السلام عليكم
اتقبلوني وياكم عضوة جديدة اتمنى اكون مثلكم حامل عن قريب hwaml7
اني من العراق بس مغتربة عجبتني سوالفكم هواي اشتاق للمة العراقية
تحياتي

[فوفو العراقية]

ههههههههههههه موتني ضحك بكلامجن والتعليقات اضرب بعد تكوللها فاهي
اذا سرلاك يسوي فاهي لعد انطي فياجرة من هسة هههههههههه


زنوب انطي عنوان بيتكم لزوجج
هههههههههههههههههه
ولو دخل موقع حوامل راح يدوخ ويطلع
حتى ميعرف انتي وين اصلا هههههههههه

قمررر
السرلاك زين والله ليش تكولين هيج ههههههههه
اني انطيت لطفالي منه بداية الشهر الخامس بالممة خفيف
واكل هم اسويلهم جزر مهروس ويا بتيته
وعصيده تمن ويا الحليب
هيج اشياء تنفع هم.

[غنى2011]

اي حبي عادي اني هسة هيج حالي

لازم اكول كل شوية وحس على طول معدتي تنكمش من تفرغ
ولو طولت وما اكلت اكوم اتقيئ تكرمون

بيا شهر انتي؟

والاسوارة هذي تنحط بالايدين وهية توقف الوحام والقيئ لان تنضم الهرمون وهية تلبس بالايد
وعلى اساس توقفه كلة ومنغير ضرر
هنا هواي يطلبنها الفنلنديات واكو تريحهم واكو متنفع
راح انزلج صورته.

ومو غالي

بس ب 15 يورو راح اطلبه من النت هوة وختبار نوع الجنين واشوف لو يضبطن.




خيه هذا اكيد ماكو منه بالعراق

هسه كمت اكلت ومعدتي ادور مدري شصار بيها كمت اخاف اكول شبيها معدتي
ولكم عيني احس بالم ههههههههه شلون طلابه

[فوفو العراقية]

هذا الاسوار مال منع الوحام والدوخة والتقيئ هوة مفعولة خارجي
ومو علاج ولا ابد راح اجربه وكوللكم.

http://forum.hwaml.com/imgcache2/hwaml.com_1329842189_374.jpg
http://forum.hwaml.com/imgcache2/hwaml.com_1329842188_970.jpg
http://forum.hwaml.com/imgcache2/hwaml.com_1329842188_523.jpghttp://forum.hwaml.com/imgcache2/hwaml.com_1329842188_854.jpg

[غنى2011]

السلام عليكم
اتقبلوني وياكم عضوة جديدة اتمنى اكون مثلكم حامل عن قريب hwaml7
اني من العراق بس مغتربة عجبتني سوالفكم هواي اشتاق للمة العراقية
تحياتي


هلا بيج عيوني

[فوفو العراقية]

وهذا يكشف نوع الجنين بعد الاسبوع ال 10 من الحمل
ومضمون 90% وهم راح اجربه من اكمل الاسبوع العاشر
وشوف السونار وراها وجرب هوة صح لو لا.

http://forum.hwaml.com/imgcache2/hwaml.com_1329842345_929.jpghttp://forum.hwaml.com/imgcache2/hwaml.com_1329842345_903.jpg

[غنى2011]

فوفو سبحان الله قادر على كل شي ههههههههههه

ماتصور اكو منه بالعراق

[غنى2011]

اني بحملي الثاني جنت بلبنان بالاسبوع العاشر بالسونار كالت الدكتوره ولد

اهنا بالعراق اكوله لام السونار تكولي ماكو هيج حجي ههههههههههه غير متخلفين بالعراق

[فوفو العراقية]

غنى يمكن ماموجود عدكم بس اكيد اكو مواقع ترسل الاشياء
اني دورت ولكيت الموقع وبي كل شي حتى سونار صوتي

وخلال يومين يوصل
والله اني ممجربه من قبل وعندي فضول كلش ماريد احرم نفسي من شي
لازم اجربهن كلهن ههههههههههههه بية دوده

بعدين حبيبتي المعص عادي
خو اني ميضل شي ابطني لو اتقيئة لو اسهال تكرمون يعني حالي حال
بس كل حمل يختلف عن الثاني
بس انتي ادفي زين لان الحامل تبرد,

[غنى2011]

اه من الغربه
طبعا طبخج روعه وخربت على تمن الباكله كولش اشتهيته خابرت زوجي كتله جيبلي باكله كلي شسوين بيها كتله اريد اسوي تمن باكله هههههههههه
همزين عندي شبنت بالمجمده

[غنى2011]

اي فوفو
الله كريم الله يسهل علينه الحمل الحمد لله من صار حمل يمعوده

[فوفو العراقية]

هههههههههههه غنى
هنا قبل جان السونار بالاسبوع ال 15
هسة لازم اجباري بل 11 وهذا كلة على نفقة الدولة واجباري المراجعه كل شهر للاخصائية للحوامل
والمتابعه لغاية شهر 7 بعد تتحول الحامل للمستشفى العام ويا الدكتور كل اسبوعين

لان القانون يحمي بالمرتبه الاولى الطفل وبعدين المراة وبعدين الكلب المنزلي وبعدين الرجل .
قانونهم اجباري مثل المدارس وكل الامور هذي
وكلش اذكياء
من رقبة الجنين يعرفون لو بي مرض عضوي او تشوه من حجم الرقبة من ورة يمكن اسمها العلباة.
وكل هذا بالاسبوع 11.

[فوفو العراقية]

وينجن نمتن لو شنو؟؟؟؟؟؟؟؟؟؟؟

[زينب السعدي]

اهلا وسهلا بيج سحر نورتي
يمنى عاشت ايدج اكلاتج تجنن شهيتيني خررررررررررررب
ها فوفو بعدج هنا..لج مو تجودرين هنا يروح الرجال يكوم يغار من عدنا بعد مثلما رجلي قبل شوي اتعارك ويايه بسبب المنتدى

[فوفو العراقية]

يلا تفضلو جاي نومي بصرة

http://forum.hwaml.com/imgcache2/hwaml.com_1329846998_493.png

[ام نورهانه]

هلوووووووووو
لج فوفو هذا مال كشف جنس البيبي موجود منه بس شنو من كتلها لام الصيدلية كامت تتفيك وتكولي هذا ممعتمد من وزارة الصحة ومو صحيح ومن هالتخربط

[فوفو العراقية]

هههههههههه لا تخافين
هوة هم عالنت كاعد كبالي
اني عندي لاب توب وهوة جهاز منزلي يكتب وياي عالايميل واني بالمنتدى
هوة ماخذ موقع كوورة يموت عالطوبة موووت
واني ويا الحوامل هههههههههههه

[فوفو العراقية]

ليش اخاف هاي لسبالهة راح نشربه خخخخخخخخخخخخخخ
هوة تحليل يسوو عن طريق البول وبي بودرة تنخلط ويا الهرمون ويتغير لونها
ولا يضر ابدااااا
وبعدين هوة ماله دخل بالصحة
يعني صيدلية العراق احسن من طب الاوربيين
ترى ماكو ادق منهم هنااا كلش غثيثين بهالمور
وهوة مموجود بالصيدلية
اني اشتري من الانترنت موقع خاص اطلب وادفع ويوصلني بعد فترة.
يمكن مو نفسة هذا.

[ام نورهانه]

ههههههههههههههه لج فادية لا هنا جهاز شلون مال تحليل حمل يعني تخلين تكرمين قطرات بول ويطلع لو خط ازرق لو وردي يعني الكتروني

[ضفاف]

مرحبا نسوان شلونكم بعد شلونكم

[انسانة]

السلام عليكم بنات

[ام نورهانه]

صدك فاديه بينت بطنج لو بعدها اني بدت تبين هههههههه بس اني طبيعة جسمي لان قصيرة وناعمة بسرعة تبين بطني حتى بنورهان نفس الحالة وناس يكولولي من الكورتاجات تكبر البطن

[ام نورهانه]

هلو ضفاف وانسانه منورات

[مي &]

هلو بنات شلونكم شخباركم مشتاااااااااااااااااقتلكم

[انسانة]

النور نورك حبيبة ام نورهان

[ام نورهانه]

هلو مي شلونج وشلون بروره

[مي &]

الحمدلله حبي بخير نورهانه شلونهه

[ام نورهانه]

انسانه انتي لمياء مو لو اشتغل عندي الزهايمر خخخخخخخخخخ

[روح ملائكيه]

هلو سحر منوره التجمع عيوني

انسانه منوره ..

ضفاف هلا بيج اليوم ذكرتج والله كلت مختفيه ههههههههههه ابن الحلال بذكره ..

فوفو اي ظلي بحوامل هو احنه شعدنه غير حوامل ههههههههههههه
زوجي يكلي ها شو ولدتي وبعدج بحوامل ؟ كتله لا مااعوفهن صديقاتي هههههههههههههههه

ولج زوزو لا تكعدين ع المنتدى من هو موجود تره يغاااار عيني يريدج يمه ...
حبيباتي الي تريد اتداري خبزتها وتظل بالمنتدى لا تكعد وزوجها موجود ههههههههههههههههههههههه

ها فله شلون صارت نور؟


غنى شلون صرتي غلاتي؟؟

[روح ملائكيه]

هلووووووووو مياوي عمري شلونج وشلونها بروره؟؟

ها بشري شصار ويه حماتج؟

[اه من الغربة]

هلو نسوان شلونكم اجيت أمد راسي اسوي دي قبل ما اروح للدكتور
غني عيني تسلمين
زنوبه شكرًا علي الاطراء
زنوب ما سئلتي نور السحر علي الcv

اهلا و سهلا نورالسحر بيج ويانه

هلا ضفاف و إنسانه

فوفو اختج بيا ولاية كنديه عايشه و ترا الحبوب ما تأثر علي الجنين أني أخذتها علي أطفالي اثنيناتهم و هنا إحنا هم يسوون التحاليل الخاصة بتشوهات الجنين بل اسبوع العشرين

[ام نورهانه]

والله شالعة قلبي تطلع ناب لو شكت طي......ي خبلتني

[انسانة]

سلامتج من الزهايمر حبيبتي اي اني لمياء واشكرج جدا لان انتي اول وحدة اتنور صفحتي . روح ملائكية حبيبتي النور نورك واتشرف بيج

[ام نورهانه]

هلووو مهاوي يمنى شلونجن منورات

[عذراء الجابري]

هلو بنات وأرحب بالحلوات الجديدات والقديمات ..طبعاً

[ام نورهانه]

ههههههه تسلمين قلب لمياء انطينه السبيفي تبعك بلا زحمة يعني
مكان سكنك الحالي خارج او داخل العراق
شكد صارلج متزوجة
شكد عندج اطفال
مواليدج ممممممممم بعد بكيفج انتي
شتردين تضيفين وطبعا هذه الاسئلة لجميع الجديدات الي نوروا تجمعنه بنورهم علمود نزيد المعرفة ونشبع الفضول الذي يسري في عروقنا

[مي &]

هلو بنات شلونجن منورات والله
والله حبي يمنى حماااااااااااااااااااااااااتي على حطت ايدج لاجديد واني مو شجاعه حتى احجي ويه زوجي او اي احد بموضوعها لان هي لااباليه ومااااااااااااااااااعدهه احساس

اكول حبي يبنات الي عدهم جهال منو منكم جرب دوه البيبي كالم

[ام نورهانه]

هلووو عذورة شلون صرتي حب

[ام نورهانه]

مي بيبي كالم مال شنو اني مجربة كومة من وره نورهان راح افتح صيدلية

[انسانة]

تسلمون حبيبات على الترحيب الحلو واتشرف بيكم كلكم اني طبعا اسمي لمياء مواليد 1985 وصارلي 6 اشهر متزوجة وحامل شهرين واسكن ببغداد وشتريدون بعد اني حاضرة

[مي &]

مكتوب عليه مهدئ وطارد للغازات ومضاد للتشنج
الدكتور كتبه لابروره من شهر تقريبا وبليل يوميه زوجي ينطيهها حتى اتنام لان انشوفهه اتنام عليه واني اكله حباب اخاف موزين ايكلي شنو موزين مو الدكتور كتبه الهه واليوم ابرار مثل الي مكبسله ما ادري شبيهه اخاف منه كلش خايفه ومرعوبه

[فوفو العراقية]

ام نورهان

حبي راح اشرحلج هالتكنلوجيا
العلبة تحتوي على هذولي ...
صرنجة فارغه
وقلاص بلاستيك فارغ
وعلبة الاختبار بيها بودرة تفرز الهرمون وهية سر هالاختبار

اما عن شلون يتغير اللون ف لو كان ذكر راح يتغير الهرمون ويكون مخلوط مع هرمون الام ويكون لون اخضر
ولو بنت ف راح يختلط ويتضاعف هرمون الاناث ويصير برتقالي مركز
اما اذا كان توئم ولد وبنت راح ينفصل قسمين في العلبة على الاعلى اخضر وتحت برتقالي.

http://forum.hwaml.com/imgcache2/hwaml.com_1329849750_861.jpg


http://forum.hwaml.com/imgcache2/hwaml.com_1329849749_298.jpghttp://forum.hwaml.com/imgcache2/hwaml.com_1329849749_490.jpg

[ام نورهانه]

كل الهلا بيج لمياء ويارب يتمملج حملج على خير بسلامة اني هم حامل بس عندي بنوته عمرها سنتين وشهرين وهسة اني حامل 3 اشهر وهم ساكنه ببغداد
صدك شنو تدرسين مخلصة نسيت اكمل تحقيقي ههههههههههههه

[روح ملائكيه]

مي عادي مو الدوه يخلي الطفل ينام ليش ماتنطيها انفاكول روووعه بس مااعرف اذا موجود بالعراق

[زينب السعدي]

هلو بناااااات شلونكم جميعا وحدة وحدة
اهلا وسهلا لمياء نورتي التجمع انتي العراكية مو

[مي &]

ها ام نورهانه اشو مرديتي عليه لو ملتهيه بلتحقيق خخخخخخ

[روح ملائكيه]

يلا اشلع بس مو تحجن هواي

اذا تأخر الرجال يجوز ارجع

يلا باي

[مي &]

حبي يمنى اتصور سامعه ابسمهه هذا الدوه بس هو الدكتور انطاني البيبي كالم
وهي يوميه زينه بس اليوم ما ادري شبيهه والله مرعوبه وفوكاهه ابوهه طالع اريد بس يجي حتى اكله

[ام نورهانه]

مي سوي سيرج بالكوكل وان شاء الله ماله تأثير يجوز تعبانه او منايمه زين فدوة القلبها
فادية اي فتهمت هذا مااعتقد موجود هنا الي موجود عدنه الكتروني

[انسانة]

ههههههههههه اي زينب اني العراكية ديري بالج ههههههههههه امنورة حبي . ام نورهانة عمري اني امخلصة اعدادية بس وكاعدة هسة بالبيت . مياوي عمري خليهة على راحتهة خلي اتكمل تحقيق ههههههههههههه

[عذراء الجابري]

هلو عمري ام نورهان
الحمد لله زينة وزوجي مسويلي جدول للاكل ولازم وياه باكه معدنوس ...ايييييععع
هلو حبيبتي مي هيمن اشلونه

[مي &]

الله وياح حبي ام حمودي

[ضفاف]

هلة بيج روح ملائكية وكل البنات
لو مذاكرتني احسن كصبتج بالدرجه هههههههههههه مو ازعلين
بس اني معلمه وادور اجوبه خوورافيه ههههه

[فوفو العراقية]

ام نورهان
بطني قليل بينت مو كلش بس قوية شوية.

روح
اي لعد شنو وراي حامل وكاعدة انتظر فرج الله ههههه

اه من الغربة
اختي بكالكري عايشة.

[زينب السعدي]

بنااااااااااات عذرا ماااكدر اتواصل وياكم حاليا لان زوجي يمي وديبااوعلي نظرات تخر ع
يممممممممممممممممه كمت ارجف من صدك
اتمنى ابقى وياكم بس الخوف مانعني
بلكي ارجع بعدين باي

[ام نورهانه]

خخخخخخخخخخ زين لمياء اني تعرفتي عليه هسة بعد منطيتي السيفي تكدرين تاخذين سيفياتنه اذا حبيتي
مع محدثتكم ام نورهان مووووووووووووووووسكووو

[ام نورهانه]

اي زنوبه حبي داري خبزتج روحي واالب داعيلك

[انسانة]

ام نورهانة حبيبتي اني راح اخذ السيفيات بالتتابع وحدة وحدة ودا احاول اقرا ردودكم السابقة حتى اعرف من ذاتي كل وحدة وسيفيها ههههههههه . بس اتريدين الصدك الله ايساعدجن كل وحدة همهة شكل والله يفرج همومكم جميعا ويسعدكم ويتمم حملك ويخلي بنوتك يا عسل

[انسانة]

ها صدك نسيت اكلج ترة قريت قصة زينب السعدي وقصة حبيبة ماما وقصة توتاية الله ايعينهن ويفرج عليهن وعلى الكل . بس مدااذكر بعد الله ايعين الجميع

[ام نورهانه]

هههههههههههه ياله لعد روحي اقري وماكو واحد بينه مرنتاح بس الحمد لله على كل حال شي اهون من شي

[رويدة_ أم ألق]

السلام عليكم
وألف مرحبا بكل البنات الجدد ويانا يارب ترتاحون بلمتنا الحلوة

فلة شلون صارت نوارة؟

[رويدة_ أم ألق]

بلكي بيج توم هالمرة فلة وكون ولد اثنين هههه
لأن قليل تبين البطن بالثالث خصوصا انت مو سمينة.

[انسانة]

اي والله صحيح الله ايفرج عنهن وعن الكل بس مكتيلي شنو اسمج ووين ساكنة ترة السيفي مالتج ناقص اهواية بي اوراق نقص ههههههههه

[رويدة_ أم ألق]

هلااو انسانة شلونج مو أتذكر تعينتي بالتجمع موظفة سيفيات هههههه
شلونه الراتب مكفيج؟

[ام نورهانه]

ههههههههههههههههههه اي عمي تتدللين اسمي انفال ساكنة بالغزالية مواليد 89 صارلي اكثر من اربع سنوات متزوجة وعندي بنوته وهسة حامل
وطالبة خامس ادبي هسة لان تاركة
وكاعدة وحدي هههههههههههه بعد اامريني ان شاء الكه تعين خخخخخخخخخخخ


هلو حبي رويدة ونورهانه تبوس خدج والله تصحة وشكد حلو وترجع تخنطل
اما على بطني اشو مااعرف ليش كلهم يكولولي بيج توم خخخخخخخخخخخ يااااا يمه غير اتخبل فوك مااني مخبلة
بس لا اني حتى بنورهان هيج بطني طبيعة جسمي بالحمل بسرعة تكبر وتبين بطني لان ضعيفة وحجم البيبي يصير كبير ويصير عندي مي هواي

[رويدة_ أم ألق]

ربي يشافيها وتبوسها العافية
التوم صح متعب بس والله اختصار حمل ووحام واحد .. ولادة وحدة
وعلى كولتج اكعدي العبي بيهم انت ونورهان ههههه

على فكرة انا بالثالث والرابع نهائيا محد يكدر يعرفني حامل
خو انت شفتيني هسة بالسادس وإلا بالملابس اللي فصالها عدل يلة تبين
هسة تطلع بنتي عصفورة.

[انسانة]

اسفة بنات ترة المهجوم فصل وهسة رجع النور نورك حبيبة ام الق انتي زوجة الشاعر مو صح شفتيني اشلون شاطرة ومتابعة اخباركم خخخخخخ بس ترة اليوم يللة باشرت بعدني مقبضت راتب هههههه . حبي انفال ما يامر عليج ظالم كفيتي ووفيتي والله يتمم حملك وايخليلج نورهانة

[رويدة_ أم ألق]

شااطرة أكيد
راتبج يوصلج أول الشهر وادللي
بس وزعيلنا بيه حلويات ومعجنات وعصائر ..." لعد شراح يبقالج منه ههههه"

[فوفو العراقية]

هههههههههههه افا افا ماعرفتج خوافه هيج

ليش تخافين منه خلي يخزرج انتي غمزيله ههههههههههه
خزرة بغمزة
هذا صدك يغار عليج يمكن من الكيبورد ههههههههه

[انسانة]

يبقالي انتوا وهذا احلى شي عندي واحسن من كل راتب حبيبتي

[ام نورهانه]

لا والله ام الوقة اني من الشهرين تبدي تبين مثل الكرش صغير وتكبر رأسا بالبداية مي وبعدين يكبر النونو يعني كنت بنورهان بالرابع عبالهم بالسابع وها صدك من اصل للاشهر الاخيرة يعني الثامن والتاسع تبدي تصغر يعني بعد متكبر ومن كنت بالسادس بطني واصله الخشمي خخخخخخخ

[رويدة_ أم ألق]

كلج ذوووق انسانة.

[رويدة_ أم ألق]

اها يعني من تقتربين من ال8 و9 تاخذ بطنج حد معين
الله يسهل عليج يارب.

[انسانة]

ام الق انتي هم حامل لو شنو . اني هسة راح ادخل بالثالث وبطني كل شي ماكو ممبينة

[انسانة]

وينجن وين رحتن اشو الكل فلتن

[ام نورهانه]

ها رجعت النت ديحشش ويايه
لمياء انتي لان اول حمل اني هذا رابع حمل الي واني هم طبيعة جسمي ناعمة يعني حتى من اكل راسا تبينلي حوصلة مثل الدجاجة خخخخخخ

[فوفو العراقية]

هلو انسانه اني هم حامل
9 اسابيع ويوم1
قريبين مو؟
الله يتمم علينة بالخير.

[انسانة]

ليش شنو هم تفرق بمرات الحمل

[انسانة]

هلووووووو فوفو امنورة حبي اي والله كلش قريبين هههههههههه الله يتمم علينة

[ام نورهانه]

اي لمياء يفرق لان بتكرار الحمل يتوسع الحوض ويبدي يبين اسرع وهم على حسب طبيعة الجسم
طبعا سويتلي ماعون زلاطة ترستها خل وكاعدة انتحر بيها
صدك انتوا شكد اخر دورات الكم فادية ولمياء اني اخر دورة كانت 19\12

[kokee]

مساء الخير حبايب

[ام نورهانه]

ولكم النت موتني عاااااااااااا
اليوم توتاية ماكو مثل الخفافيش تجي تالي الليل من نريد نروح

[kokee]

لوولي مخله موبايل على حالي يجطهن بحلكه وكلهن خربهن هههههههههه
همزين وائل يعرف يصلح خخخخخخخ

[انسانة]

بالعافية عمري على الزلاطة اني دااكل تبولة هههههه . صدك عفية ام نورهانة اني اخر دورة 1/12 تعرفين اشكد صارلي حشاج مثل الثولة مدااعرف احسب خخخخخ

[kokee]

هلو فله شلونج ام لسان مشتاقتلج انتي وبتج ام خدود

[kokee]

انسانه منوره حبي
الله يتتملج على خير

[انسانة]

اهلا كوكي امنورة حبيبتي اني اسمي لمياء

[kokee]

توته تلكيهه تتماطل ويه الرجال هههههههههههههههههههه

[ايمان البيضاء]

ياهلا باهل العراق كيفكم
انا ايمان من الجزائر
عندي مشكلة ارتفاع هرمون الحليب هل ممكن اني احمل

[kokee]

منوره حبيبتي لمياء
واني زينب ام ايليا عمري 25 سنه متزوجه من سنه و9 اشهر وعدي ايليا بالصوره عمره 9 اشهر

[ام نورهانه]

هلو كوكي حب
طبعا مكتفيت رحت سويت كاسة لخ زلاطه

[ام نورهانه]

هلو عيني ايمان نتشرف بيج وباهل الجزائر منورة
لا حبيبتي لازم تعالجين الهرمون ياله يصير حمل

[kokee]

اهلا بيج ايمان خالتي ارتفع هرمون الحليب عدها
بس جففته بلادويه ووحملت ابنت
ان شاء الله تفرحين بحمل عن قريب

[انسانة]

النور نورك حبيبتي زنوبة والله ايخليلج ايليا فدوة الله ايخبل حبيبي صدك الباروكة لايكة عليه ههههههههههه

[kokee]

ولج فلافل تعالي اكليني بعد خخخخخخخخخخخخخخخخخخخخخخخخخخخخخخخخخخخ

[ام نورهانه]

لمياء بشهر الواحد اخر دورة لو بال12

[توتايه]

خفاش ياكلج فله هههههههههههههههههههههههههه

هلو حبي انسانه منوره

هلا فيج اختي وكل اهل الجزائر اتوقع لا لازم ينخفض الهرمون للصفر


ولج كوكيه كاعدع اكرز حب ثول شبح ورزلني كالي كافي سطرتيني كلتله تسلم لا يمعوده بعد ولا اغث روحي

اليوم شلون تشريبايه سويت على العشه تلوك الحلكم الي متعرف التشريبايه تعرفها مثروده لو محروك اصبعه

[ام نورهانه]

لج انتي شكو اكلج اروح اكل لولي احسن فدوة ينكرط بيه عضة يولي

[kokee]

هههههههههههههههه حبيبتي كدامج اخذي ذابحني بلوكاحه جنه قرد هههههههههههههه
بنات رجلي خبصني يريد النت
تصبحون على خير ولو ملحكت اسولف وياكم اهئ خخخخخخخخخ
بااااااااااااااااااااي

[ايمان البيضاء]

انا صارلي 4 شهور بتعالج اخد بارلوديل و الحين الدورة متاخرة 11يوم البارح عملت تاست لكن (-) قالولي مو الحين يبين اصبري 10 ايام اخرى
فمتى يبين اعراض الحمل و شكككككككككككككككككككككككرا

[حبيبي]

سلالالالالالالالالام اني اجيت وسع وسع

منوره رحوبه طبعا بوجودكم خخخخخ

اليله طلعنا على المووول وتسوكنا وتعشينا ولعبنا بلملاهي

منوره انسااانه

[ام نورهانه]

لج عوبة فوكاه تاكلي مثرودة لج بابا شبيج اكو واحد ياكل مثروده وفوكاها حب الثول بالليل اويلي لج شلون متسمنين حوبه

[حبيبي]

ايمااان انتظري يكتمل شهر على غياب الدوره وخذي تحليل منزلي

[انسانة]

ام نورهانة شهر 12 حبيبتي . هلو توتاية النور نورك حياتي واتشرف بيج وبالعافية على التشريباية

[ايمان البيضاء]

شكرا على التوضيح

[حبيبي]

اشفيج ام نورهان على ايوته خليها تاكل وتسمن اشوارنا غيرر الاكل ههههههههههه

شنو عشاااج ام نورهان واسمج شنو انفال ؟

[حبيبي]

العفوووووو حبيبتي

[انسانة]

اتشرف بيج عمري حبيبي ما ادري شسمج خخخخخ وبالعافية على الطلعة والعشا

[حبيبي]

الله يعافيج ياا روحي فيس خجلان

اسمي رحاب
وانتي عرفيني بنفسج وعمرج ومتى متزوجه
وعندج كتاكيت لو لالا
والجنسيه

هههههههههههه تعبتج

[اه من الغربة]

هلو قاعده يم الدكتور و دا اكتب شلونج مي و شلونها قلب بوسيلياها بوسه قويه كلش فدون ال قلبها

رجلي ديغار من الدكتور لانه بعده شاب و طبعا حلو ف ضاج منه يقول شوكت تخلصين

[انسانة]

اتشرف بيج حبيبتي رحاب اسمي لمياء مواليد 1985 ومتزوجة من 6 اشهر وعندي كتكوت واحد بس بعده اببطني خخخخخخخخخخ

[توتايه]

بالعفيه الطلعه حياتي انتي رحووووووبه


ولي فلايه البكايه دروحي عبالي انيج حب هسه اكرز واشمر كشور عليج

[نور السحر]

اللام عليكم ورحمة الله
اشكر كل اللي رحبو بية حمستوني هوااااااي صارلي شكد ما حاجية وية احد
بالنسبة لل cv
اني مقيمة بقطر مواليد 86 تزوجت من 6 سنوات و عندي ولد 5 سنوات اسمة علي
وهسة ان شاء الله منتضرة الاسبوع الجاي اسوي تحليل حمل ان شاء الله حامل لانو كلش تعبانة
وعندي بعض الاعراض المبكرة
تسلمولي حبيباتي مرة ثانية عالترحيب

[حبيبي]

هههههههههههههههههه حلوه يغار يعني دكتورج نفس مهند التركي فيس مطير اعيونه براسه هههههههههههههههههه

ليش محولتي على دكتوره
صدك الاسم متشرفنا بمعرفته خخخخ

[ام نورهانه]

اي ولج رحوبة هسة ياله عرفتي اسمي انفال