دردشة بنات العراق, دردشة حوامل العراق , تجمع بنات العراق

[مجنونة بحبها]

خطيه الله يساعدها

وشنو هذول ماعندهم رحمه ينطون هالطفله علاج

[zena]

اي احنه نسميها عبسي هذا الي وي عدنان ولينا فوكاها اسنانها 2 عوج هههه

ان شاءالله دومج بخير حبيبتي

[zena]

قابلت الدكتور اكولي الشراب من عمر سنه اله ننطي للطفل كتله متنام وحيل تعبانه اكولي انطي الج بس اسوي توسع قصبات وبقه اخوف بيه كتله لا مااريد وهاي ع اساس لحيت كتلهم اريد دكتور عربي كلت اساعدني طلع صاير اضرب من السويدين

[مجنونة بحبها]

لا شنو عبسي مو حلوووو

واسنانها تتعدل لاتخافين انا من طلعن اسنان بنونه

جانن فرق ومن كملن اتعدلن هههههههههههه

مشكوره حبي وان شاء الله انتي وهلونه دوم بخير

[مجنونة بحبها]

هههههههههههه صاير سويدي

مايدري احنه جهالنه عمرهم يوم وننطيه انواع العلاجات

هاي من غير الابر

[ام نورهانه]

هلوووووو حبايب رجعت من اهلي متخومة من الاكل نمت وكعدت ومن كعدت ليهسة اقرة هلكت بلكوه بكت روحي علمود اشوفكم متابعتكم بصمت لان دا اراجع اني خلصت بس بيه سوله اظل اعيد وارجع ليوره ومرات اطلع غير ماده اقراها لان الادبي كلش مزعج ومطول وكله حفظ ووووووووووووووع

[zena]

الله ابرد كلبج ريحتيني والله مقهوره ع اسنانها وكول شلون بيها
موو تدرين ليش نسميها عبسي ع مود هاي النخله مالت شعرها هههههههه

[zena]

هلووو ام نورهانه الف عافيه عليج وع النونو والله يحفظلكم الوالده وع طول اسويلج اكلات طيبه

[مجنونة بحبها]

هلا ام نورهان الف عافيه على الغده وجبتيلي لو لا

وانتي ادبي لازم كله درخ


اعرف علمود نخلتها بس هيا حلووووه ومحبوبه دمها حلووو

الله يخليها وليش تخافين هاي الجهال تطلع اسنانهم وانوب تتعدل

[مجنونة بحبها]

اليوم بارده تموت وانوب صارت تراب الله اليستر

[zena]

مااعرف اول مفكرت كلت هسه اصيحولها ام سنون العوج ونقهرت ههههههه ان شاءالله يتعدلون هسه عدها 3 واحد عدل و 2البقيه عوج

[zena]

اووووووووووووووف الله اساعدكم ع التراب وساعد اهل الربو خطيه
احنه والله سالب 7والشوارع فد زلك بس طبعا تراب ماكووووووووووو

[مجنونة بحبها]

اليوم البنات ماكو

لا ان شاء الله يتعدلن

[zena]

اني اروح امووووووونه من رخصتج وبوساتي للوكيحه

[مجنونة بحبها]

بس البرد يموت

[مجنونة بحبها]

الله وياج حبيبتي والبوسات توصل

[مجنونة بحبها]

انا بعد ربع ساعه اروح انيم بنونه

[مجنونة بحبها]

تصبحون على خيررررررررر واحلام سعيده

[قمر بغداد]

هلووووووووو بنات شلونكم اخباركم
توتاية
ام الق
زينب السعدي
زينة
زنوبة
رحوبة
نجولة
ام بنونة
كوكي
عذورة
انفال
بيداء
انت روحي
نعومة
ام بساسة
ام ابرار
وكل الحلوات شلونكم عذروني اخاف نسيت اي بنوتة

[ام نورهانه]

ها حبايب تسلمون امونه اي جبتلج بس نورهانه اكلته هههههههههههههه
لكم عيني اليوم البرررررررررررد موت النهار 4 درجة الحرارة

[ام نورهانه]

هلا بيج قمورة

[بنت الخليج]

السلالالالالالالالالالالام عليكم بنات حبيبات اشلونجن اليوم وية البرد ذاعوا بالتلفزيون الموصل واصلة 6 تحت الصفر اوييييييييييييلي حاضنة الصوبة ودااكتبلكم اشلووووووووووونكم دددددددددددددددددددددددد

[kokee]

هلووووووو بنات مشتاقتلكم مووووووووت
اعذروني مدادخل لولي مرررررررريض انطيته لقاح وفوكاهه تمرض وتخربط علي العصر وصلت حرارته اربعين وهسه مسنح بلكوه نزلت صخونته خطيه
شخبااااركم بنات
نورس مدخلت بالي يمها
الباقين شخباركم؟

[kokee]

برووووووووووووووووووووده تخبل ولا حر الصيف ومدبكين هههههههههههههه

[بنت الخليج]

هلو كوكية حبيبتي سلامة لولي عمري ماعندة غير العافية بس هاي حلوة امدبكين ههههههههه يمعودة هو احنة لاشتانة شتا ولا صيفنا صيف لو تسمط سمط لو ثلج

[زينب السعدي]

هلو بناااااااات شلونكم
هلو حبي قمورة شلونج اني بخير
كوكي سلامة لولي وشلونكم ويه الزيارة؟؟؟؟؟
هلا ببنت الخليج
بناااااااااااااااات انطاح حظي اليوم بالشغل مدااكعد دك شغل من الصبح لسه واحس البيت هوسه بعده يبووووووووووووووووو راح اتخبل
انفال ام بطن شدي حيلج هم طفلة وهم حمل وهم دراسه اني بمكانج اشك هدومي

[زينب السعدي]

اليوم توتايه ملتهية ويه مرت حماها الله اليستر خخخخخخخخخخخخخخ

[ام نورهانه]

ههههههههههههههههههههه زنوبه ضحكتيني شسوي غير الرجال والي يريده بس تره شاكه هدومي هههههههههههههههههههههههه
هلو زينا وكوكي وسلامته لولي ديري بالج عليه حبيبي

[ام نورهانه]

هلا بنت الخليج اعذريني انسى اسمك والله بالي متخربط

[ام نورهانه]

يله بنااااات تصبحون على خير

[kokee]

هلا ام نورهانه شخبارج حبي
زنووووووووووووبه وينج حبي مشتاقتلج

[kokee]

بيوده حبي شخبارج
ههههههههههههههههه يمعوده كلهه ولاضيم الصيف

[بنت الخليج]

هلا حبيبات ام نورهانة وزنوبة اني بيداء ام كرار امنورين حياتي

[زينب السعدي]

هلا بيداء عيوني النور نورج ونور الحاضرين
لج هلو زوبة شلونج وين مختفية ملعونه
سكتو اليوم اني هلكانة تعبت ححييييييييل يمكن بعد مااروح للعراق اذا بعد كل روحة اجي الكه البيت هيج

[زينب السعدي]

اليوم هدوووووووووء هذا البرد مشردكم

[ام نورهانه]

صباح الخير بنوتات شلونكم اليوم امتحاني وكلت خلي اسلم عليكم واروح ابدل واليوم ابو نورهان عطله وانوشه هتبقى وياه ادعولي بنات وطبعا همه ليهسة نايمين لان نامو وره 2 بالليل واني نمت ب3 بليل

[روح ملائكيه]

هلو بنات شلونكم؟ اخباركم؟

[قمر بغداد]

هااااااااااااااااااااااااااااااااااي اشششششششششششششششة باردة

[رويدة_ أم ألق]

السلام عليكم شلونكم؟
هبة شخبارج؟ درجة الحرارة اليوم 7
لعد إذا تنزل تحت الصفر مثل أوربا وأمريكا شلون؟

[رويدة_ أم ألق]

مها شلونج؟ يارب يصير اللي تتمنيه واللي بصالحج.

[قمر بغداد]

هلووووووووووووووووووو رويدة شلونج حبي اي باردة اذا 7 متنة برد لعد اذا تنزلف بعد شنسوي هي بس هالفترة وراح يهجم الصيف وننتحر من الحر

[زينب السعدي]

هلو بنات شلونكم
فلة موفقة انشالله بالامتحانات كلها
هلا بيج مهاوي انشالله بخير
هبة شلونج انشالله زينة
رويدة شلونج وشلونها بنوتج

[رويدة_ أم ألق]

ماادري ليش عندي الصيف أهون
منو بلا مبردة يمعودة؟ تشتغل وطني ومولدة
وبالليل تتمشين تكعدين بحديقة
بس البرد يكتفنا سدو البيبان وكثروا ملابس
والطلعة مو حلوة متفتهمين شي منها بهذا البرد.

[زينب السعدي]

بنات تره درجة الحرارة عدكم 4 تحت الصفر قريتها عالعراقية لان جايتكم موجة من تركيا

[رويدة_ أم ألق]

أهلا عزيزتي زينب .. بنتي تبوس ايدج.

[زينب السعدي]

هو الصيف حلو اذا الكهرباء مستمر
يمعودة المبردة بشهر الثامن والسابع تصير نقمة مو نعمة
حر العراق ميلحكله الا سبلت

[رويدة_ أم ألق]

لا زينب مامعقولة لأن بهيجي درجة بس تفتحين باب البيت يستقبلج ثلـــج
هسة اتأكدلج من مركز الرصد الجوي بالانترنت.

[زينب السعدي]

هههههههههههههههههه حلوة مال تبوس ايدج
انشالله تكومين بالسلامة وتشوفيها وهي عروسة

[زينب السعدي]

لا والله اهلي بكربلا كعدو الصبح للدوام بالشوارع مستنقعات مجمدة
بعدين الوفر مو شرط بانخفاض الدرجة يلا ينزل لان العام كنت بلندن ودرجة الحرارة وصلت 3 ونزل وفر ووراها كم يوم نزلت تحت الصفر وماكو وفر

[رويدة_ أم ألق]

المركز عارض بس التوقعات لكن الدرجة المثبتة مامكتوبة
اليوم أتابع أخبار العراقية بالليل.
شلونه الجو بالامارات حاليا؟

[زينب السعدي]

والله الجو حلو جو ربيعي يعني عادي لابسين صيفي ومن ننام باليل نعلك السبلت بس خلال اليوم منشغله هلكد وساعة تغيم ساعة تشمس البارحة شوي مطرت

[مجنونة بحبها]

هلووووووووووووو

انا اليوم اكعد شويه واروح شويه وعلى هذي الحاله
هسه ردت اروح انظف غرفتي زوجي كال لا انتظري اشوف دكتوره مات اسنان واخابرج بلكت يلكه وياخذني اسناني موتتني


مهاوي حبيبتي اسفه الكهرباء طفت وفصل النت


زنوبه شلونج وشلون الشغل خلصتي لو بعدج


ام الوقه انا مثلج اكول الصيف احسن واحد يشتغل براحته
مو هسه ايده جلدن من المي البارد ومن غير مالي واهس اتحرك


ام كرار وزنوبه وعذراء وزينه وهبه وايه ومي ونورس كلكم وحده وحده شلونكم اخباركم

ام نورهان ان شاء الله النجاح مقدما

[زينب السعدي]

ام بنونة حالتي مثل حالتج اروح شوي واجيكم شوي لج عيني والله ماالحك شسوي واني منا بطيئة ومنوالي ثقيلكل هالهوسة اني بس منظفة الاستقبال والحمام مال الاستقبال والمطبخ وشوي غرفتي والغراض الي جبتهن من العراق
بقن 3 حمامات لسه منظفتهن وغرفتي لازم اكملها وغرفة النوم مال الخطار وغرفة المكتب مال زوجي الي صايرة قيامة وفوك كله هذا طبخ
البارحة طلعو بدون غدا ورادو باميا اجوي 1 ونص بالليل طابختلهم باميا كالو لا بعد بس بالنهار ناكل تمن مو مال بالليل ناكل كالو بعد لازم اطبخ بالليل الغدا مال ثاني يوم حتى من يطلعون ياخذون غداهم ويرحون ومن يرجعون بالليل لازم محضرة عشا وطابخة غدا ثاني يوم اتخيلو.؟؟
هسه طلعو انطيتهم باميا وتمن مال البارحة ولازم احضر عشا من يرجعون واكعد الف دولمةهم
وذا صارلي مجال اسوي كبة دك مال حامض شلغم واذا مصار فمعناها ع بكرى
شسوي خطيه زوجي صارله 3 اشهر ع اكل المطاعم وحمايه هم صارله شهرين هنا وكل من المطاعم اشتاقو لاكل البيت

[مي &]

هلو يبنات شلونكم وحده وحده
اخباركم حيل مشتاقتلكم

[روح ملائكيه]

هلو بنات

اسفه جنت تاركه المنتدى مفتوح وماادري

زيونه هلونه صايره تخبل ماشاء الله عليها مثل بنتي ملاك هم عدها ستوته من فوك هههههههههههههه مشافاة على هلونه وماتشوف شر

انتن هسه كاعدات ترجفن وحاضنات الصوبات ههههههههههههههههه اني هسه لابسه كودري ونص ردن وفاتحه شبابيك الصاله الجو يخبل بروده خفيفه ...احنه ماعدنه لا شتا بس صيف وشويه ربيع

زنوبه الف عافيه ع الباميا ..اكلج تشتريها خضره لو مجمده؟؟
والله يعينج ع الخطار هي المأساة انه تتكبعين ابيتج مو خوش فقره ..

امونه عادي اني هم كلت هذي الكهرباء
ايوته شلونج قلب؟؟ سوفي ليش يكعد هواي ؟؟ بعده اسنانه تأذيه؟؟ الله يعينج على مرة حماج ان شاء الله ماتضربكم عين
كوكي سلامات على لولي مشافة ان شاء الله

قموره ذكرتي الامه العربيه كلها ونسيتي اسمي خخخخخخخخخخخخخخ صدك شوكت تروحين تتأكدين من الحمل؟؟ ان شاء الله حمل ثابت وسليم

ام الق شلونج عمري اخبارج؟ وشلونها الوقه؟؟

بيوده اهم شي انتخمتي من عزيمة اهلج ههههههههههههههههه بس لا تاكلين بعد ههههههههه يله شدي حيلج بأمتحاناتج وديري بالج على نفسج بوساتي لنورهانه

عذوره شلونج عمري وشلونه سيد جعفر؟
رحاب ماكو ونعومه ويسرى هم مختفيه ان شاء الله خيررررررررر

[روح ملائكيه]

مياوي شلونج عمري وشلونها بروره؟

[روح ملائكيه]

اكلج مي انتي ترضعين طبيعي؟؟

[روح ملائكيه]

يلا اني اروح اسوي الفطائر لزوجي
اشوفكم على خيرررررررررر

[مي &]

لا حبيبتي ام حمودي ابرار ماخذت صدري ابد لمدة شهر جنت اسحبه الهه بلجذابه وبعدين كام ايقل وبعدين انكطع وهسه انطي لبنتي حليب سيميلاك 1

[مجنونة بحبها]

سلام لكل الغاليات

بنات انا مثلكم اعوف المنتدى والايميل مفتوح واروح اشتغل
واجيه شويه واروح وعلى هذي الحاله

هاااا صحيح العصر زوجي الله هداه واخذني لدكتوره اسنان
وتطلع اللثه كلها ملتهبه والسبب الدكتوره القديمه من محشيه سني تارسته قطن والقطن مخليه صاير التهاب ورجعت من جديد حفرت سني وعافته مفتوح وسجلتلي ابر كلوفوران تعرفون اشكد قويه تموت وهسه ضربت وحده وبجيت من الالم اهئ اهئ

انتو شلونكم اخباركم اسفه ماذكرت الاسامي اخاف انسه وحده وتزعل وزعلكم غالي

[مجنونة بحبها]

مي بروره تخبل صايره الله يخليها

امواااااااااااااااااااااه هاي بوسه لبروره وصليها

[مجنونة بحبها]

انا اروح انيم بنونه وانام بلكت انسه الالم


تصبحون على خيررر واحلام سعيده

[توتايه]

مياوي حليب سميلاك كلش زين صح كسران ظهر لان بين يوم ويوم قوطيه بس كلش زين ووالم يوسف وابد متحسس منه بس اول ايام سواله امساك وراها اتعود عليه


مهاوي حبي اريد تعلميني المافن مال الجبن لان كلش احبها وما اعرف اسويها لان واخيرا لكيت الاكواب الورقيه مال الكب كيك واريد اجربها


شلونكم بنات البارحه على اعصابي كاعد وتغث بية دمرتني ادمر اخر شي بتها ركعت يوسف كله براسها غص صار ازرك من البجي كبل صعدت وصعدته وسديت الباب علية وجنت مسويه حلويات ترايفل كلهم عجبتهم وتخبلو عليها هيه كامت تقلد وسكتت واليوم راحو الله وياهم



اخباركم شسويتو مسويتو صدك يوسف بين اول سن اله بس بعده مشك نقطه بيضه بلثته تخبل انشاء الله يوم الجهالكم كلكم

[توتايه]

سلامتج عمري امونه يبووووووو هاي يمكن باقي شويه كطن جوه وملتهب ميخالف حبيبتي الحمدلله وداج عمري ارتاحي واشربي اشياء دافيه مو كلش حاره ونامي ارتاحي عندج العافيه حبيبتي معذوره عمري متقصرين

[مي &]

اي والله ايوته صدك كسران ضهر هههههههه
وصدك اول ايام سوالهه امساك بس هسه ما ادري انشالله زين عليهه
صار اتنين ايكولولي زين والله كريم

[zena]

تسلمين حبيبتي ام شوق الله يحفظلك اطفالك من كل مكروه اي هاي النخله مالت عبسي كلنه جنه هيج ههههه

كوكي شلون صار لولي حبيبي خطيه والله اشافيه والله اساعدج ع التعب همه بدون شي شلاع ك


ايوووووووووووو الف مبروك سن سوفي ويوم الي اعضج بي ههه
اني هلونه شبعتني عض وهيه كله عدها 3سنون هههههههه


قموره تعالي طمنينه شلون حملج ان شاءالله تفرحين بحمل سليم


ام ايهومي مشتاقيلج اشوووو ملتهيه بس باايهومي ترئ نغار هههههه



اموووووووووووونه الف سلامه والله اساعدج اني هم نفس حالتج اسناني حيل تعبانه و25بالشهر عندي موعد

[kokee]

لووولي دمرني صخونه عاليه ومدتنزل دوه وتحاميل وشراب وحار موتني بس بجي اانوب ني فوكاه هم صارت عدي فلاونزا ....شسويله كلولي حتى دكتور وديته وبس لو بجي لو نوم ؟؟؟؟؟

[kokee]

ااسفه بنات والله دايخه مسلمت عليكم
شخبارجن وحده وحده والله اشتاقلكم بس وكت ماكو والاشاره زفت

[kokee]

اني يم اهلي والاشاره تخبل
بس هناك انترنيتي سككككككككككط هههههههه

[kokee]

لوووووووووووولي يووووووون يكسر الكلب

[kokee]

ووووووووووووووينكم بنات

[kokee]

زينه ابني قهر وضيم فد مره مخربط عليه
مي اني مرتين جبتلي سملايك تالي ميوالمه ابد بسسسسسسسسع يزوووعه تالي كمت استعمله كيكوز لفرنسي وكلش زين عليه

[kokee]

هوه الطفل للسنه هنوب واحد يطي نيدو

[kokee]

بنات اروح بعد لان الدوخه ذبحتني

[ام نورهانه]

هلووووو حبايب تسلمون على دعواتكم الطيبة وربي ميحرمني منكم
شويه اخذت ريست وكلت خلي اشوفكم
ام بنونه معافاه ان شاء الله اني اطلك واجيب سبع مرات ولا تكوليلي روحي طبيب اسنان هههههههههههه

[ام نورهانه]

هلا كوكي حبي شخبارج اوي شكد مزعج الطفل والرضاعة الحمد لله انوش فطمتها وخلصت

[ام نورهانه]

حبيبي لولو ماعنده غير العافية ديري بالج عليه بوساتي للحلو فداوي لعيونه

[ام نورهانه]

بيوده اهم شي انتخمتي من عزيمة اهلج ههههههههههههههههه بس لا تاكلين بعد ههههههههه يله شدي حيلج بأمتحاناتج وديري بالج على نفسج بوساتي لنورهانه
تسلمين ام حمودي الوردة وتوصل بوساتج بس تره اني انفال بنت الخليج بيداء هههههههههههههه

[رويدة_ أم ألق]

السلام عليكم ورحمة الله.

[زينب السعدي]

وعليكم السلام رويده انشاله بخير
كوكي سلامة لولي
شلونج ايه مشتاقيلج وين هالغطة
حبي امونة يمج العافية والله كلشي ولا وجع السن
فلة بشرينة شلونج بالامتحان
بقية البنات شلونكم انشالله زينيين كلكم
اليوم هلكت من الشغل وهسه خلصت لف الدولمة مال غدا بكرى وخابرني رجلي يكلي احنا بالطريق جايين حضري العشا ....... اروح احضر العشا ومااعرف ارجعلكم لو لا

[رويدة_ أم ألق]

الله يكون بعونج زينب
شنو مصرع ويفتر طول اليووم؟

[رويدة_ أم ألق]

الأمهات والأولاد عندكم العافية جميعا.

[ام نورهانه]

كل الهلا بأم الوقة وزنوبة شلونكم لج هسة داارجع طلعت كاتبه بداية ايه ومكملتها بغير ايه لكم عيني شنو هالغباء اني اهئ اهئ

[رويدة_ أم ألق]

ههههههههههه يعني كسر بجمع تنجحين لو لا؟

[ام نورهانه]

ههههههههههههههه لا اني كنت متوقعة ميه هسة لو 90لو 85 واني درجاتي كلها تسعينات

[زينب السعدي]

اجيتكم يمكن زوجي حيجيب عشا من بره خطيه يريد يساعدني لان شافني دااتعب
اي والله رويده مصرع بس عالبطئ لان اني كلش بطيئة
فلة لتهتمين خلي بالج ويه الامتحان الجاي وانشالله موفقة يارب

[رويدة_ أم ألق]

اها ممتاز ...لتخافين اعفاء ان شاءالله.

[توتايه]

حبي زنوبه خلي خل مال اكل لو مال طرشي نكعي خاولي صغير ومسحي جوه اباطه ورقبته وجفوف ايده ورجله وشوفي هسه كبل تنزل حبيبتي والله مجربيها

[ام نورهانه]

لج رويدة اني العام بالرابع طلعت اعفاء عام وناويه السنه هم بي والله اذا على ضروفي لو اطلع فردي لو لا

[رويدة_ أم ألق]

أهم شي يكون حاس بتعبج زنوبة هذا يخلينا ننسى كل التعب
الله يحفظكم لبعض.

[رويدة_ أم ألق]

لا شدي حيلج .. حملج بأوله ان شاءالله
وعندج نصف السنة تحدد لأن الفصل الثاني دائما اسهل وأقل.

[زينب السعدي]

تسلمين رودي حبي ويحفظلج ابو الق وينور بيتكم بقدوم الوقة
اي والله صدك اهم شي يقدر التعب وهو الله يخليلياه كلش متعاون الله ليحرمني منه

[رويدة_ أم ألق]

هههههههههه زنوبة الله يخليج كلت لأبو ألق صديقتي سمتني رودي مثلك
كال هذا الاسم وقف بس الي هههههه

[زينب السعدي]

ههههههههههههههههه خوش صدفة دلعتج بنفس الاسم

[رويدة_ أم ألق]

اي هههه
اليوم ما تعشى ولهذا ماعرفت اكل
تضيق الدنيا بعيوني من أشوفه صافن.

[توتايه]

انفال حبيبتي ربي ينجحج وتاخذين اعلى المعدلات

اني كل سنه جنت اعفاء بالسادس ظليت سنيتن امتحن بالمدرسه وسنه خارجي وسالفة ملحه لحوها ويانا بالبكلوريا وانظلمنا اني وصديقاتي


مياوي والله كلش زين صار 8 اشهر استعمله ومرة حمايه بتها صارت سنتين وهم تستعمليهياه

زوبه جان نطيتيه السميلاك البنفسجي مال الزواع

اي مياوي صح غالي بس واحد شيسوي لانه زين على كولة رجلي يكولي ينطوني بالراتب 10 بالشهر مال الاطفال هوه بس قوطيته ب10 وحفاظات بامبرز الجبيره ب11 ونص يعني خلص الراتب خخخخخخخخخخخخخخخخخخخخخخخخ


زنوبه اني سويت سكالوب دجاج ومعجبه وطنكر علية

[ام نورهانه]

اي والله ايو ان شاء الله اي السادس جنص
طبعا اني صارلي فتره مااكل قبل لا اعرف بالحمل وصايرة هيكل عضمي وفقر دم عام ودصير عندي دوخة ومن اجبر روحي على الاكل تكرمون ارجع الاول والتالي بالحمام

[رويدة_ أم ألق]

هو هذا الوحام ودوخته الله يساعدج.

[توتايه]

باعي حبيبتي اكلي معدنوس سوي تبوله ورجعي ليوره وهم بيها حاموض يكعد النفس وخلي ريحه حتى متلعب نفسج واكلي خس وسبيناغ اني اكثر شي جنت اكلهن من جان بية فقر دم لان موزين ابر وحبوب الحديد هسه لازم وره الخامس اكيد تعرفين

[رويدة_ أم ألق]

هلاو اية شلوني اني ... زينة الحمدلله ههه

[مي &]

هلو بنات
اني جيت هههههه

[مي &]

ام الوقه شلونهه الوقه وشكد هسه حااااااااااامل
ايه يمه فدوه يوسف ايخبل الله ايخلي

[توتايه]

هلو حبيبتي رويده اسفه اعذريني مسلمت عليكم بس لان تعبانه نفسيتي امي مالها خلك من وره بيبيتي كاعده تتمارض ومسويه روحها واكعه وهيه مابيها شي لان لكفتها واكفه تتعدل هدومها وتسوي روحها كدام امي مريضه متكدر تحرك رجلها وتكوم عليها




صح هيه امها بس مو هيج ليش امي شنو مو بشر خابر خالي كاللها تعالي اخذي امج مرتي متكدر تداريها




مرته من نوع المشافو وشافو وعدكم الحساب وامي اصلا المفروض هسه مسويه عملية برجلها لان بيها تمزق ومن دشيلها وتخليها صار عدها تمزق بفقره ظهرها وانتو انطوني رأيكم مع العلم ابويه حالته الماديه موزينه وجدي ابو امي حالته الماديه زينه وبالجذب ولا صرف قرش عليها والله مو علمود الفلوس خره بالفلوس هيه وصخ دنيا بس ما ادري شكوللكم



انتو حكمو اسفه دوختكم بس اعتبركم خواتي ما اكدر احجي كدام رجلي حتى لياخذ نظره على اهلي

[توتايه]

تسلميلي حبيبتي انتي مياوي ربي يخليج ويحفظلج بروره متنطيها لابني؟

[رويدة_ أم ألق]

يا هلا ميمي .. ألوقة بخير تسلمين
بعد 10 أيام وأدخل السادس

آية معذورة عيوني
بمثل هيجي وضع اقترح انه والدتج تحاجي خالاتج
اذا عندج خالات
أو تكلم بقية خوالج
لاتحسس بيبيتج بشيء لانها مهما كان امها
بس لانه وضع والدتج الصحي ميساعدها لازم البقية يعينوها.

[مي &]

الله ايسلمج
اي ليش لا ايخبل سوفي اي انطيههه ههههههه
هسه اتريد اتنام ابرار حاصت حاصت الا طلعت ايديهه من الكماط يله نامت جهال اخر وكت

[مي &]

هااااااااااااااااا بنات شنو نمتو

[توتايه]

والله خالي عندي بأمريكا وخالتي بالسعوديه وخالي بنفس البيت بس عازل فوك ومرته نزلت يمها يومين واتعاجزت تكوله اني مو مشكلتي اداريها انتو داروها

[رويدة_ أم ألق]

اعذروني مضطرة أغادركم
تصبحون على ألف خير جميعا
وتحياتي للأخوات الغائبات خصوصا هند ورحاب ونور.

[توتايه]

اني جان مينام يوسف الا اطلع ايده

فدوووووووووه لبربروره خطيبه ابني

[توتايه]

غاليه حبيبتي نامي وارتاحي

[مي &]

وانتي بالف خير حبي رويده

[مي &]

حبي ايووو انتي لشوكت كمطتي سوفي

[توتايه]

حبي للاربعين لان بعدين يظل متعود عليه ومينام الا يتكمط

[زينب السعدي]

رجعت
وانت من اهل الخير رويدة
هلو مي شلونج .....برورة تجنن الله يخليها لو هيك الطفل لو ملازم
ايو الله يساعدج ع هالهم يعني هي امج هم بين نارين بين صحتها متساعد ودتضغط ع انفسها وبين نار والدتها لان مهما يكون تبقى امها ومحد يحن عالام الا بتها لايفيدها ولد ولاجنة

[توتايه]

ونعم بالله زوبه وغصبا ماعليها امي تداريها لان امها بس المشكله هيه مو مريضه هيه سوت روحها واكعه ومتكدر تكوم ورحنا اشتريلنالها قعاده مال مقعدين وحجله مال معوقين حتى تمشي عليها تالي تكتشف انه هيه تكدر توكف وتمشي وهيه تسوي روحها متكدر حتى الله ميقبلها وتدري كلش زين المفروض بتها هسه مسويه عمليه برجلها

[مي &]

الله ايسلمج حبي زنوبه وايخلليلج ابنج يارب

يله يابنات تصبحون على خير

[ام نورهانه]

هلووووووو زنوبه وايو ومي ربي يخليلج الصغيرة وتشوفيها عروس فدوة وقربان الها
رويدة وانتي من اهل الخير
زنوبه هذه منو النونية الحلوة الي بالصورة الرمزية

[ام نورهانه]

وانتي من اهلة مي بوساتي البرورة

[توتايه]

هيلاوش حياتي انفال صدوك نفوله انتي وين ابغداد؟

[زينب السعدي]

مي اني معندي طفل اني كنت حامل وسقطت قبل 3 اشهر وهسه مسويه مانع لل6 اشهر
ايه والله حقج هي هم امج وتخافين عليها .. هذني النسوان الكبار منيكبرن يكومن يتصنعن بالمرض حتى يشوفن اولادهم وبناتهم يحبوهم لو لا؟؟ طبعا مو كلهم بس اكثرهم عالكبر هيج يفكرون
فله حياتي هاي بنت اخي اسمها مريم

[ام نورهانه]

هلووو رجعتلكم زوجي كان حاجز الابتوب طبعا هو يريد يشتري بس اني ماخلي لان هذا لابتوبي واسجل عليه كل شي واتابع كلشي وهو ميدري
شريره اني ادري بس حقي من سوالفه العوجة
ايو اني بالغزالية ساكنة

[ام نورهانه]

حبيبتي زنوبه الله يحفظها الكم تنكرط يوم الي يصير عندج منها درزن بنات وولد

[توتايه]

بنات رحاب تسلم عليكم وحده وحده وهيه ابيت اهلها باقيه لان مسافرين وخطيه جانت مريضه عندها التهاب بالرحم والتهاب مجاري بوليه ادعولها بنات

[توتايه]

عااااااااااا ولج يعني يمي احنا عبر الجسر يمكم بالفروسيه اذا تعرفيها وره السيطره الفرع هع

[ام نورهانه]

ههههههههههههههه اي يم البكريه غير ههههههههههههههههههه
اني بشارع مدير الامن واهلي بالعامرية خخخخخخخخخخخخخ انتي صايرة بيناتنه

[توتايه]

أي عفيه لالا قبل البكريه يبو شلون منطقه تعيسه اي بالنص والله الغزاليه مفايتتلها بس يكولون حلوه

[ام نورهانه]

هههههههههههههه ياحلوة سمعي بيها ولا تشوفيها احسن
بس هسة بادين يحسنوها شويه

[ام نورهانه]

اني العام كانت وياي وحدة بالمدرسه بيتهم يمكم لان كانت وياي بالخط ناخذها بس شنو كله طين وممبلطة تلعب النفس

[ام نورهانه]

يله تصبحووووووون على خير زوجي راح يتخبل

[مجنونة بحبها]

السلام عليكم ورحمة الله وبركاته

عظم الله لكم الاجر بوفاه نبي الرحمه

محمد صلى الله عليه واله



ماذا على المشتم تربه احمد


ان لا يشم مدى الزمان غواليا

صبت علي مصائب لو انها صبت

على الايام صرن لياليا

[ام نورهانه]

صباح الخير
اجرنا واجرج ام بنونة

[زينب السعدي]

عظم الله اجورنا واجوركم بوفاة سيد الكونين محمد صلى الله عليه وعلى اله وسلم

[روح ملائكيه]

عظم الله اجورنا واجوركم ان شاء الله

مساء الخير بنات شلوووووونكم؟
صارلي ساعه داخله منتدى دردشة مرحلة الولاده وادور على دردشتنا مالكيتها خفت عبالي راحت غلقوها هههههههههههه طلعت داخله مكلوبي خخخخخخخخخخخخخخخخخ

منو موجوده؟؟

[زينب السعدي]

هلو مهاوي اني هنا

[رويدة_ أم ألق]

صباح الخير والعافية
عظَم الله أجورنا جميعا بوفاة الرسول صلى الله عليه وآله
وجعله شفيعاً لنا يوم القيامة

هلو مهاوي أنا موجودة
الليلة اللي فاتت بس أتكلب حتى زوجي ما نام خطية
يقرالي آيات
تالي صحيت على التقيؤ عفوا
ما ادري بنتي راح تطلع عندها ضفاير يمكن هههه

زنوبة شلونج دادة؟
رحاب مشافاة ان شاءالله بحق هذا اليوم.

[رويدة_ أم ألق]

أروح أتريك وأرجعلكم
أم زوجي تكول ريوك المدلل للظهاري
وهي هم بعدها بلا ريوك ههههه

[روح ملائكيه]

بيوده اهم شي انتخمتي من عزيمة اهلج ههههههههههههههههه بس لا تاكلين بعد ههههههههه يله شدي حيلج بأمتحاناتج وديري بالج على نفسج بوساتي لنورهانه
تسلمين ام حمودي الوردة وتوصل بوساتج بس تره اني انفال بنت الخليج بيداء هههههههههههههه




هههههههههههههههههههههههههههههههه خرب سحكت عمري ادري اسمج انفال بس لو تدرين اكتب وافكر بغير حجي فخبطت خخخخخخخخخخخخخخخخخخخخ


امونه ماعندج الا العافيه الم الاسنان ماينحمل واللثه مصيبتها مصيبه اني من رحت اخر مره لدكتورة الاسنان كالتلي كل مشاكل اسنانج من اللثه وانطتني معجون اسنان طبي خاص باللثه وحتى وياه فرشاة اسنان خاصه والحمدلله هسه احسن ..ماتشوفين شر يـ الغاليه

زنوبه الله يعينج وين تكدرين لـهالتعب؟؟ انتي حاولي تسوين اكثر شغلج بالنهار وكت زوجج وحماج مامتواجدين وكملي طبخ بالليل وامرج لله ..

كوكي الله يساعدج عمري خطيه لولي مشااافاة ان شاء الله مايشوف شر ان شاء الله بوسيلياه عمري فديته ..

بيوده الله يعينج بدت امتحانات اولادج ان شاء الله من المميزين ومايضيع تعبج وياهم..

مياوي حاولي تستمرين بجذب الحليب لبروره عسى ماتشرب ممه صغيره باليوم احسن الها والج انتي تدرين الام الي ترضع مايصير بيها سرطان الثدي؟؟؟ هذا من غير فوائد الحليب الطبيعي للطفل...

هباوي شلونج ؟؟ هااااااا مارحتي للطبيب؟؟ ان شاء الله خير

عذوره ماكو اكيد خطيه دترتاح الله يعينها ان شاء الله تكمل حملها على خير وسلامه

نورس مابينت ان شاء الله عمليتها زينه خطيه وهذا يسوري اخذها منا ههههههههههههههه

زيون عمري الله يسلمج حبيبتي هلون ماصارت احسن؟؟ الله يعينها خطيه طفله وماتتحمل المرض بوساتي الها..

امونه حاولي لا يلوحج برد خصوصا منطقة الاسنان واشربي سوائل دافيه والله كريم

[روح ملائكيه]

ام الق هلا ريوك العافيه ان شاء الله

[روح ملائكيه]

مشافاة رحوبه وماتشوووووف شر الله يعينها ...

ايوته عمري شلونج؟ سوفي شلونه؟؟

عمري مثل ماكالت رويده خلي امج تحاجي اخوانها واخواتها يعني مايصير امج وحدها تتحمل المسؤوليه والكل يعرف انه لازم هسه تسوي العمليه!!
والله اني عمتي ام زوجي جانت كل شهر تروح ابيت ولد من ولدها مع العلم انه بيت زوجها موجود وابنها كاعد بيه !!
مشافاة لوالدتج وان شاء الله ماكو الا الخير

[روح ملائكيه]

زنوبه وين رحتي؟؟؟

[روح ملائكيه]

اريد انزل موضع بقسم الطبخ واتعاجز هههههههههههه

[روح ملائكيه]

صدك ايوته بأي نوع جبن تردين تسوين الموفينات؟ حتى اكتبلج الوصفه...

يعني جبن موتزريلا لو حلوم لو جبن ابيض؟؟

[اه من الغربة]

صباح الخير ان كان صباحا و مساء الخير ان كان مساء
هلا اب احلي خوات عراقيات أني هم من العراق حبيت أشارك وياكم
رحبوا بيه عدل ترا عضوة جديده و احتاج تشجيع

[رويدة_ أم ألق]

الله يعافيج مها
اليوم السوك معزل لأن الناس راحت تزور بمناسبة الوفاة
مكانج خالي.. تريكنا خبز حار خبزته خالتي يم أختها
ياريت لو كل يوم ما نلكى صمون هههه

آه من الغربة ألف هلا ومرحبا
عرفينا بنفسج أكثر
وإن شاءالله تقضين ويانا أحلى الأوقات.

[روح ملائكيه]

آه من الغربه منوره التجمع وهلا بيج اخت غاليه وعزيزه علينا

السي في بلا زحمه هههههههه

اني مها

[روح ملائكيه]

رويده عافيات ع الخبز الحار
الحمدلله يمنه خباز يخبز انواع الخبز ومن نشتهي خبز ندز عليه ههههههههههه

[رويدة_ أم ألق]

الله يعافيج حتى احنة يمنة مخبز غير فرن الصمون
لكن الخبز مالتهم مو مثل اللي بالبيت
ميخلون العجين يختمر براحته
وتلاحظين الخبز ما مكَسب.

[روح ملائكيه]

باجر لقاح ملوكه...آخر لقاح الها يعينها خطيه ابرتين او 3

[روح ملائكيه]

اني جنت اخبز لأهلي قبل زواجي بس من اتزوجت بطلت اخبز وهسه نسيت الخبز ههههههههههه
بس اخبز بتنور الطين احسن من تنور الغاز الحديد

[روح ملائكيه]

اي طبعا وين اكو احلى من خبز البيت هم طيب وهم نظيف

[اه من الغربة]

تسلمون عيوني أني عراقية و عايشه بره العراق



لعد علي كلام ام زوجك لازم اكون كلش مدللة لان لا أني و لا ابني نتريق قبل ال 2 الظهر

[زينب السعدي]

هلو مهاوي رودي شلونكم
اه من الغربة اهلا وسهلا بيج بس عفيه غيري خط من المائل للخط العادي لان ديظهر عندي الخط الصيني
بناااااااااااااااتالكابة موتتني من البارحة لليوم واليوم اعزلت عن الشغل بس كاعده ابجي ولل6 الصبح يلا نمت وكعدت ب 11 نومتي معلعلة

[saly.me.91]

شكرا لحسن انتباهكم

[رويدة_ أم ألق]

آه من الغربة لا مو شرط بس من باب المزاح العمات يرددون هذا المثل
تشرفنا بمعرفتج

زينب حاولي تطلعين شوية وية زوجج
حتى لو يتفرغلج ساعتين ثلاثة
العمر يخلص والشغل ميخلص.

[روح ملائكيه]

آه من الغربه لعد شوكت تتغدين وتتعشين؟ هههههههههههه عافيات عيوني المهم يكون الفطور هنئ ومرئ على قلوبكم

زنبوبه سلامتج والله اني هم الكأبه كلش مرتفعه عندي(اسم الله عليكم) ولا اطلع ولا شي ومكابله الاطفال والطبخ مليت والله وحتى نادرا ادخل لغرفتي لأن بس ادخللها ابجي وكاعده دائما بالصاله

[روح ملائكيه]

رويده هي المشكله الي عايش بالامارات حياته كلها شغل بشغل
مثلا هسه زوجي يطلع من الفجر يرجع بـ 3 (هذا اذا هدوه من وكت) يشوف اخبار ينام يكعد يتغده يدخل لغرفته يشتغل وينام آخر الليل ...........بعد يافراغ الله يخليج

[روح ملائكيه]

يلا بنات اروح محمد خبصني اروح انومه

اشوفكم على خيرررررر

[رويدة_ أم ألق]

اي اعرف مها والله يعينكم
لكن عطلة ماكو؟
وأنتو النساء ليش متطلعون وية أولادكم
حتى لو كل عائلتين سوية
مامعقولة تقضون العمر رعاية أطفال وطبخ وتنظيف
النفس ايضا الها حق عليكم.

[زينب السعدي]

بناااااااااات شوفو مشكلتي وساعدوني لان الكابه موتتني
حمايه قبل 4 اشهر عرس وهمو بلندن واني رحت لعرسهم وكنت حامل بالشهر الرابع ومن رجعت صارت شغلة اجهاضي واني كنت مشرفة عالخامس
قبل فترة زوجي كال بان مرت اخوه الجديده حامل ...... متصورون شكد انصدمت هو كله رزق من الله بس لان اني بعرسها كنت حامل وبعدها سقطت تالي هي ازوجت ورايه وحيصير عدها طفل قبلي
بس البارحة عرفت الشئ الاعظم
انه ماشالله حامل بتؤام....... بنات مااعرف اعبرلكم عن شعوري اني مااتمنالها الا الخير بس مااعرف ليش لاحز بنفسي كلت ليش الله اخذ مني ابني والها انطاها بدل الواحد اثنين ... استغفر الله بس اكيد كلكم نساء وحتقدرون ممشاعري .. متصورون شنو وضعيتي هسه ووبس نايمه بالفراش
طبعا هذا بالاضافة لى كابتي السابقة بسبب اسقاطي الي لسه منتهت وكلما اشوف الملابس الي حضرتلها لابني اتخبل لو الكريكوت يمكن حنطيه للفرا لان مااطيق اشوفه
وهسه زوجي عباله اني ضايجة بس لان راح ابني بس بالحقيقة انضاف لضوجتي حمل زوجة حمايه بتؤام
مااعرف مكنت قبل افكر بالمقارنة مدري ليش هسه هيج صرت
وخاصة اني هسه مسويه مانع حمل والمانع اني مجبورة عليه من قبل الاطباء ياريت لو كان بارادتي شي
بالسنة الاولى من زواجي كنت مسوي مانع بس بارادتي فمكنت اضوج بس المووضوع من يصير اجباري يضوج لان الممنوع مرغوب
بنااااااااااااات ساعدوني فدوة لان شكلي راح انتهي

[رويدة_ أم ألق]

يا بنات الروتين هو اللي يسبب الكآبة والملل
وكلما كثروا الأطفال زاد الروتين وكثرت مسؤوليات الأم

البارحة كانت حماتي يمنا
هي خريجة تربية بايولوجي
أكوللها العدد المثالي للاطفال3
لكن أحيانا الأم تتمنى أخ لابنها أو أخت لبنتها فممكن يصيرون4

تكلي لااا أحلى شي 6 !!
إذا هالشكل صار تفكيرنا لا عتب على الرجال
المجتمعات المنغلقة تحب الكثرة بالذرية
وكأنه كلما خلفتي أكثر كلما اثبتي شجاعتك وجدارتك كزوجة!

[رويدة_ أم ألق]

زينب تفكيرج هذا مرفوض جدا
لو أنت بمكانها أول شي راح تكولين عنها حطت عينها علية
ليش هاليأس السريع
ما مر على زواجج سنتين
ومنو كال ربنا مايعوضج
حرام تسالين الخالق ليش اخذت مني وانطيتها
الحكمة عند الله هو فقط يعرفها
الكريكوت انطيه لفقير وطلعي نفسج من هذا الشعور
لانه بصراحة وما اجاملج شعور مو حلو.

[زينب السعدي]

رويده قد يكون شعور محلو بس اني محبيت مساعدتج بهالطريقة
لان حالتي تعبانه ومااتمناها لعدوي
وبوضعي هذا مو مال كلام فلسفة لان الي راح قطعة من كبدها حالتها بس الله يدري بيها وانشالله الله ميراويج الي شفته

[زينب السعدي]

بناااااااااات خابرني زوجي وشاف حالتي تعبانه وحيترك الدوام ويجي يطلعني
مااعرف راح ارتاح بهاللطلعة لو لا؟؟؟؟؟؟؟؟
اتمنى اجي الكه ردود منكم تريح بالي وتطمن قلبي

[اه من الغربة]

ما راح أجاملك اعرف شعورك عدل لان اكوا فرق بين بنتي وابني 7سنين كنت أتمني احمل بعد بنتي علي طول حتي يصير عندي 2 و خلاص بس سبحان الله قعدت 7سنين و كل اللي تزوجوا ويايه و ورايه صار عدهم اكثر من 3 و كنت اشوف كل ما وحده تقول ما اريد جهال سبحان الله تطلع حامل و كنت اتكئب و حالتي تصير حاله بس الله يعلم بيها
بس أقولك لا تتكئبين و ادعي ربك يرزقك اب احسن من اللي راح يرزق مرة حماك
ما تدرين رب العالمين شنو قاسملك قبل فترة صديقتي كانت حامل ب 2 و سقطت و هسه هم حامل مرة ثانية ف لا تشيلين هم و الله يرزقج ان شاء الله ب3 بدل ال 2

[رويدة_ أم ألق]

والله ماتفلسفت وياج نهائيا هذي طريقة حديثي العادية
وبالنسبة الي أحجي بوجه الشخص أفضل مما انتقده بظهره
ولو أمي بمكانج ما اجاملها
ليش ركزتي على عتبي عليج
وماركزتي مثلا على عدم اليأس من الله وانه يعوضج
انا حامل وأعرف معزة الجنين وما ألوم أي أم لو تقضي عمرها حزن
على جنينها
بس ما أتراجع عن رأيي بأنه عبارتج الله ينطيها اثنين بدل الواحد
استغربت الها!

فتأكدي ياعزيزتي اي شخص راح يطلب رأيي ما أجامله ولا أكذب عليه.

[زينب السعدي]

تسلمين اه من الغربة ولو مااعرف اسمجبس انتي قدرتي شعوري لان ماره بهالظرفاتمنى اطلع من هالكابه بسرعة واعتقد متروح هالكاببه الا احمل ومنا ل3 اشهر اقل شي يلا اشيل المانع ويمكن حقضيها سفر قدر الامكان بس ارجع اكلج غيري خطج رن ردج قريته عالايميل مو عالمنتدى

[رويدة_ أم ألق]

الإمام علي سلام الله عليه يقول:
إن قول الحق لم يترك لي صاحبا

عن إذنج آه من الغربة وأشوفج على خير.

[مجنونة بحبها]

هلووووووووو بنات

هلا مهاوي شلونج وشلون الجهال
تسلميلي حبيبتي على سؤالج عني
وداعتج متت من هل الاسنان وانوب انا لازم اضرب نفسي ابر
وهذي الابره قويه اليوم صبحت بجيت وانا ادفع بالعلاج مالت الابره
بس شسوي هذا حظي من سالفه لسالفه ومع الاسف ذيج الدكتوره الي جنه نراجعها متفتهم حشاج لان حتى زوجي مرتين تحشي سنه وتوكع الحشوه وبالاخير راح شلع سنه هسه مااريد شي بس كون اطيب واخلص تعبت من السنون

[مجنونة بحبها]

اه من الغربه منوره حبيبتي بين اخواتج

بس بدون زحمه راويني الجنسيه ماتج هههههههههههههه

انا ايمان ام بنونه القمررررر

[مجنونة بحبها]

زنوبه حبيبتي انا احس بيج لان انا عشت معاناتج وكاعد هسه اعيشها
انا اول حمل فرحت بيه وطرت بالدنيا ولو شايفه شلون عشت اصعب ايام وبعدها الحمل الثاني وبقيت سنتين متزوجه وماعندي طفل
وزوجي جبير وتعرفين وكماشه سمعتني انواع الحجي وجنت كل اكعد وابجي يوميه وعشت حاله نفسيه صعبه وكل الناس جانت تكول هاي متحبل وميصير عندها جهال واشوف اخواتي ونسوان اخواني حوامل وابقى اضحك وبكلبي غصه انا مثلج مااحسدهم بلعكس ادعيلهم بس تعرفين كلب فاقد طفل والله والله هسه اكتب وابجي لان ذكرتيني
انا هسه كملت سنه من فقدت اخر حمل ولهسه ماكو امل ومن غير العلاجات الي دمرتني ومن غير التعب النفسي والجسدي
وزوجي ميحس بيه وهذا اصعب شي وبنونه تحب الجهال ومن تشوف جاهل صغير تبقه تحضن وتبوس بيه وانا انقهر لان مااكدر اجيب الها اخو لو اخت وكلشي سويت عن علاج انواع العلاجات اخذت وعن الادعيه ماخليت دعاء ماقريت وعن الائمه ماكو امام مارحت واتوسلت يتوجه لرب العالمين ويستجيب دعائي
شوفي هيجتي جروحي وصرت اكتب بدون فايده



بس املي بربي جبيرررر
واتمنى يعوضني بيوم القيامه يوم لاينفع لامال ولا بنون

[مجنونة بحبها]

زنوبه حبيبتي اوصيج الصبر والدعاء ويارب يعوضنا

[مجنونة بحبها]

انا صايره العب توم وجيري اروح شويه وارجعه ههههههههه

هسه رجعت ولمده ربع ساعه واروح

[مجنونة بحبها]

زنوبه صحيح انا سنتين وعشر شهور يله صارت عندي بنونه

وانا مامسويه اي مانع بلعكس طول هذي الفتره

انا سكطت منو وره المنشطات والعلاجات

اخذت انواع واشكال

[مجنونة بحبها]

هاي 5 مشاركات احجي وحدي ههههههههههههههه

[زينب السعدي]

سوري حبي امونة كنت طالعة ويه زوجي بالبارك رحنه اتغدينه هناك وهسه رجعنا اليوم الدنيا مغيمة حيل هنا وشوي كرصة برد بحيث مدنشغل السبلتخطيه زوجي خابرني وشاف وضعي تعبان ترك الدوام واجه طلعني اني الحمد لله زوجي زين وعيالي زينيين من هالناحية لان احنا بالبدايه سوينا مانع ووراها راسا صار بعغد المانع يعني ماكو مشكلة والي صار بي بالحمل هاي ارادة الله لابيدي ولا بيدهبالعكس زوجي ديحاول يخفف عني ويكلي مبقه شي شهرين او 3 ونشيل المانع وانشالله يصير راسا بس اني مداارتاح حبي امونة هواي اشكرج لان واسيتيني ادري بيج حنونة ام القل الطيب الله يعوضنا خير ويارب كم شهر ونحبل سوااااااااا ههههههه اااااااااميييييييييين يارب

[مجنونة بحبها]

هلا زنوبه بلعافيه الغده والطلعه

ولا تفكرين ولا تنقهرين اكو ناس

يتمنون اسم الحمل حتى لو اسقاط

اتصوري مره رحت للمختبر احلل وجنت مقهوره

زوجي يضغط علي وانا مقهوره فمن سحبت البنيه دم بجيت

كالت اعرفج متخافين من سحب الدم شبيج

كتلها بسبب الاسقاطات كالت احمدي الله واشكري
اكو ناس صارلهم 15 سنه ويتمنون حتى لو اسقاط حتى يصير عندهم امل
صح انا مرات اجزع واكتئب
بس اصبر نفسي واكول ربي رحيم
وماكاتب الي الا لبيه خير
والا ينطيني طفل معوق شسوي بيه
والحمدلله على كل حال

[مجنونة بحبها]

ايه شلونج وشلون يوسف حبيبي

والله يساعد امج هيا تعبانه وفواكاها امها تعبانه
وترى مهما يكون الام ميتحملها غير بنتها والله يرزقها الصبر
حتى تحصل اعلى درجات المغفره من رب العالمين

رحوبه حبيبتي الله يشافيج وترجعين النا بسرررعه
مشتاقتلج حبيبتي


ام الوقه شلونج وشلون الوقه

عذراء سلامتج ماتختفين هلكدت طمنينه عنج

مي شلونج وشلون بروره

زينه شلون صارت هيلين ان شاء الله صارت احسن

مهاوي حبيبتي ليش متعاجزه نزلي انا احب اشوف اكلاتج
تارسه المنتدى حتى يعرفون شلون العراقيات شاطرات

نجوله حبي شلونج وشلون ايهم بالي يمج حبيبتي


نورس ان شاء الله جابت والتهت ونستنه

زنوبه ام لولي شلونج وسلامه لولي مايشوف شرررر

ام كرار حبي شلونج اخبارج


ام نورهان شاطره مبينه عاد شدي حيلج اعفاء عام واخلصي


بعد منوووووووووووو بله ذكروني اخاف نسيت وحده

[مجنونة بحبها]

انا اروح افرفر بالمنتدى

[ام نورهانه]

هلووووووووو بنات اليوم الكأبه صاعدة للستار وانتوا كئبتوني بالزايد ولكم خايفة ورجلي ميقبل يوديني للدكتورة خرب يومه كتله اني تعبت من الاسقاط اذا وكع هالمرة تحلم احاول اسوي طفل والله تعبت وهو ابد ميقدر وماكو كل احساس انوب متت
ولكيت عنده لابتوب مشتريه واني ماادري اليوم يوم الاذيه
وزنوبه حجيج قهرني اني اول طفل كانوا توم من وكعوا ضليت 3 اشهر منعزله عن العالم وكان زوجي كلش قاسي وياي والله حتى تدخين كمت ادخن بذيج الفترة لان كنت بانيه احلام وهسة مو حامل بس والله ابد موفرحانه لان اخاف اتعلق بيه وهم يوكع بجيتوني ..............

[ام نورهانه]

وزنوبه لا تزعلين من حجي ام الوقه بس بهاي الحاله لان اني مجربتها لازم الواحد يصارحنه علمود نكعد من الوهم الي احنه بيه فبالعكس البنيه محجت شي بس ادري بيج هسه نفسيتج تعبانه وتتحسسين زايد حمد الله زوجج زين وياج اني زوجي حشاج كان كلش قاسي ويجرحني والله كان حتى يضربني

[رويدة_ أم ألق]

مساء الخير
أهلا أم بنين ألق بخير إن شاءالله
أنفال الله يثبتلج حملج
مو زين عليج تقهرين نفسج بهالفترة
خاصة هي فترة تكوين الأعصاب للطفل
روحي لوالدتج وخلي تاخذج للدكتورة ضروري
ولازم هي تحجي وياه ليش يعني ميقبل ياخذج؟؟

[ام نورهانه]

هلا بيج ام الوقة مااكدر هسة اروح علمود امتحاناتي وامي موناقصة قهر مااحب اقهرهم وهو يكولي ماعندي مجال وهو اربع وعشرين ساعة الفيس بوك

[رويدة_ أم ألق]

يعني صدك دمي كام يغلي والله
هذا الوقت المطلوب منه مو لأحد لابنه دمه ولحمه
نصيحتي الج بس تخلصين امتحانات خبري أمج
لازم أهلج يعرفون
احتمال سكوتج خلاه يأمن منج ومن الموقف.

[توتايه]

بنات استهدو بالرحمن شبيكم حبيباتي
اه من الغربه منوره حبحب لا زين اني اصلا ما اتريك

عمري زوبه اللهلوبه انشاء الله مثل مكلتلج مبقه شهرين وسوي واحد كبل هوه مو علمود شي علمود الرحم يرجع المكانه ويتقوه وتره وره الاجهاض وفتره الراحه يصير اقوه والتبويض يصير نشيط وربي يرزقج ويرزق البنات وحاسه بوضعج حبيبتي وكولي الحمدلله الشكر وكولي ربي يتمم عليها وينطيج اضعاف الي عدها وعمري انتي ربج يمكن رحمج من جهضتي يمكن لا سامح الله يطلع معوق لو شي فالحمدلله والشكر ربي يرزقج ويرزق البنات عن قريب وتلعبين نفسنا من الوحام وكلما تجين للمنتدى تزوعين علينا ههههههههههههههههههههههههههههههههههه عمري انتي تره راح تنلطين بالطاوه ههههههههههههههههههههههههههههههههه تعالي ولج عوبه شتغديتي ما اتعشيتي؟

امونه شلونج ورويده حبيبتي اخباركم مشتاقون


مهاوي حبي عاجبني خبطه تكون جبن ابيض وشيدر الاصفر مو يطلع طيب؟ وهيه نفسها تصير مال بطاطا؟

بعد منو منو باقي البنات مشتاقتلكم بدون اسامي

انفال ليش يعني هاللابتوب ؟صارحيه حبيبتي بس بهدوء وشوفي شنو سالفته وانتي اخذي فوليك اسيد ودوفستون مثبت وكوليله مثل ما كتلت روحك علة الطفل وديني للدكتوره والله يثبت الي بأرحامكم يارب

والله اموت عليجن حتى لو كلجن كبار بس هم عوبات وعابتلجن هههههههههههههههههههههههههههه

[ام نورهانه]

والله يارويدة مااعرف شلون اشرحلج هو كلش عجوزي بس يحبني واني ماخذته هم عن حب واهلي مااكدر اكوللهم لان ماخذين موقف منه قبل يعني رأسا يكولولي اطلكي وعوفي واني مااكدر واني مطلكه مرتين منه قبل يعني كلش مترهم فشسوي اني كتله لان هو كاتل روحه على الطفل اكثر مني واني عندي نورهان مكفيتني فلهذا شسوي اكعد ولا ادير بال وهو الي ياكلها بعدين

[توتايه]

انفال تخيلي هسه نورهانه تتخوصرلج وتكولج ماما لو اعضج لو انطيني بوسه كومي سويلها كاستر وجلي خلي تاكل البنيه خدودها راحت من الضعف وهم عوبه

[ام نورهانه]

ههههههههههههههههه هلا توتايه ضحكتيني ربي يضحكج ههههههههههههههههه لج شسوي دمرني ويكولي مصارلي يومين من مشتريه وناسيه بالسيارة كتله لعد راح اخذه اني وانته اخذ القديم ميقبل بس راح اظل انكنك فوكاه

[ام نورهانه]

ههههههههههههه توتايه نورهان عالكه الك شمه والي شمه ونازله دك ركص هههههههههههه وكلساع تجيني تعالي اكصي وياي عود اركصي ههههههههههه
وكل شويه اروح اخذلي هزة وارجع مثل المخبله اكمز وياها وهي تفطس من الضحك

[رويدة_ أم ألق]

هلاوو أيوتة شلوونج
وبيبيتج شلونها يارب تتحسن لخاطر والدتج


أنفال هالشكل فعلا الوضع معقد
بس ربنا ما ينسى أحد إن شاءالله هو يكون طبيبج
كلما تحجيلنا عن نوارة أحبها أكثر
صدقة لخديداتها الحلوة.

[ام نورهانه]

حبيبتي حبتج العافية يوم الي تجيبن الوقة وتطلعلج ملعبة مثل انوشه وام علوم

[رويدة_ أم ألق]

تسلمين الله يحفظها الكم.

[زينب السعدي]

هلو بنات شلونكم طلعنا اني ورجلي للمول وهسه اجينه وشفت ردودكم
اشكركم جميعا الي وهوااااااااي خففتو عني انتو وزوجي الله يخليكم
بسسسسس امونة
اني جدا اسفة لان قلبت عليج المواجع وخليتج تذكرين اسقاطاتج ...... اووف الاسقاط كابوس مرعب وخاصة البكر
وانفاااااااااااال
هوااااااااااااااااااي اذيتيني عليج وع كولتج اني هم صارتلي عزلة عن العالم وحتلو اكعد وياهم بس ابد مااشعر براحة وسعاده من يوم الي صار بي الاسقااااااااط وماراح احجيلج اكثر لان انت مارة بحالتي وبالنسبة لزوجج ليش هيج معاملته ؟؟غريبة؟؟ يعني هو مفرحان بحملج هسه؟؟
شوفي فلة نصيحة مني الج لتسولفين لاهلج تره الاهل من يدخلون بشغلة يخربوها ميعمروها وداعتج حتصير حزازيات ويتطور الموضوع اكثر من اللازم وحيحقدون عليه وخاصة انتو مطلكين قبل فلازم تحافظين ع علاقتج وياه لان لو مهما يكون هو ابو نورة واخوها الي بالطريق انشالله اقلها لاجل عينهم فلي اقترحه عليج بانه تكعدون تحجون وتتناقشون وحدكم وكل واحد يحجي الي عنده بدون تدخل طرف اخر وانشالله ميصير الا الخييييييير بس خليها بعد الامتحانات حتى نفسيتج لتتعب وبوسيلي نورهانة
هاااااااا ولج ايه يا عوبة العوبة شبيج اليوم منهرشة علينه ؟؟؟؟؟؟؟ اشكرج حبي ع ردج الي وانشالله الله يحققلج الي ببالج ويطمنج مثلما ريحتيني
بنااااااااااااااات
مرايدة منكم شي غير تدعولي الله يصبرني هالشهرين واول مااشيل المانع احبل بحمل سليم وثابت لان اني متاكهد حتتغير نفسيتي اذا الله رزقني بطفل

[بنت الخليج]

هلووووووووووووو بنات اشلونكم شخباركم ايمان سلامتج حبي متشوفين شر والله نزلت دموعي على ماساتك والله يصبرك بجاه الحبيب محمد وسلامة اسنانك زنوبة عمري الله يصبرك ويعينك وكل شي ترة بيد الله ام الق اشلونج عمري ام نورهان وهبة وعذراء واية ورحاب وباقي الخوات كلكم واعذروني اذا نسيت وحدة امنياتي لكم بالسعادة والصحة والموفقية لكن عندي تعليق بسيط ارجو الانتباه اليه وهو مسالة الزعل التي من الممكن ان تصبح مودة داخل التجمع فبالبداية حدثت بيني وبين اية واليوم ام الق وزينب وهذا ماارفضه انا وترفضه كل وحدة لاننا اولا واخيرا بمثابة العائلة الواحدة واكثر من الخوات والواحدة منا من المحتمل ان تتحدث داخل المنتدى اكثر من حديثها مع اخواتها الحقيقيات وهذا هو سر تماسكنا واتحادنا كعائلة واحدة وارجو الانتباه ايضا بان الكتابة داخل المنتدى لا تستطيع ان تعطي انطباعا كاملا عن ما تشعره الكاتبة مثل المواجهة وجها لوجه بما فيه من تعابير الوجه ونبرة الصوت والحركات الاخرى التي تساعد على فهم المطلوب وهذا ما يوقعنا بمشاكل سوء الفهم حاشاكم وانا لا اتوقع بان تكون واحدة منا تكره او تضوج من الاخرى لاننا لانعرف بعضنا بالشكل ولا بالصوت سوى بعض الاستثناءات بين بعضنا من حيث تبادل الايميلات او صفحات الفيسبوك او حتى ارقام الهواتف او رؤيتهم لبعض بالحقيقة واتمنى ان ياتي اليوم الذي ننجمع فيه كلنا وفي مكان واحد ويرى احدنا الاخر بالحقيقة وتتطور الاخوة والمحبة بيننا الى ابعد الحدود . تقبلوا تحياتي جميعكم واسفة على الاطالة ودوختكم وياية يا احلى اخوات hwaml7hwaml7hwaml7

[زينب السعدي]

سلامي وتحياتي لرحوبة مكانها خالي وماعدها غير الصحة والعافية

[زينب السعدي]

هلو بيداء تسلمين عالرد
وانشالله ماكو شي بس اني هالفترة حساسة جدا ومااتحمل اي كلام ياذيني وهذا الشي حتى ويه زوجي واهلي لان بس الله العالم بوضعي من يوم السقطت ولسه

[بنت الخليج]

هلو زنوبة حبيبتي الزمي اعصابج اشوية وعالجي الامور بحكمة وترة ميصير اللي اتريدي بالزعل والعصبية السياسة ثم السياسة ثم السياسة

[بنت الخليج]

هاي وين رحتو هو يادوب عندي اشوية وقت اسولف وياجن وين رحتوا تعالوا ترة راح اكوملجن بالجفجير hwaml4hwaml4hwaml4

[زينب السعدي]

بيداء اني مزاعلانة ع احد اني زعلانة ع حالي
ومحد يقدر وضعي الا الي مار بي اسم الله عليج

[بنت الخليج]

لاحبيبتي بالعكس اني مقدرة وضعك ولكن مثل هيجي امور متنحل بهذه الطريقة لان الله سبحانه وتعالى اوصانا بالصبر والاية الكريمة تقول بسم الله الرحمن الرحيم (يرزف من يشاء ذكورا ويرزق من يشاء اناثا ويجعل من يشاء عقيما) صدق الله العلي العظيم وانتي يااختي بعدك في بداية الطريق وانشاء الله ترزقين بالاطفال وصيتي لك الصبر والدعاء والاستغفار وانشاء الله يحقق لك مرادك بجاه الحبيب المصطفى

[زينب السعدي]

لا الحمد لله اني مو عقيم احبل وطبيعية مبيه شي
بس المشكلة الدكاترة جابريني ع تاخير الحمل القادم

[زينب السعدي]

بعدين بيداء شو انتي ذابة كل اللوم عليه
يعني انتي مشفتي اسلوب رويدة جارح بعض الشئ واني بهيج وضع

[بنت الخليج]

ادري حبيبتي اسم الله عليج اني مو قصدي انتي عقيم هاي كلام الاية الكريمة وكان قصدي تستهدين بالرحمن اشوية وتصبرين والله يفتحهة بوجهك

[زينب السعدي]

تره عفية اني الي بيه مكفيني و الي عندي اكبر من هالمواضيع اني طرحت معاناتي بالتجمع حتى الناس تخفف عني مو حتى تزيد همومي ولو البنات ما قصرو

[زينب السعدي]

هو اني مرايدة شي غير الله يصبرني هالشهرين وبلكي تفرج وراها
وادعولي بالصبر

[بنت الخليج]

وين الكلام اللي لمتك بي اني ما لمت احد لا انتي ولا غيرك اني دااتكلم على مشكلة حملك وبس

[زينب السعدي]

لامو انتي تكولين مو كلشي يجي بالزعل والسياسة ثم السياسة
تره اني مكلتلها شي لرويدة بس كلتلها اني بوضعي هذا مو مال كلام فلسفة لان حقيقة مااكدر اكون مثالية بهالوضع يمكن انتي متعرفيني بس البنات يعرفوني ومتابعيني من بدايه حملي الا ان صارت مشاكلي حملي وحتى اسقاطي والي هسه اني بي

[توتايه]

اني مخبله اليوم ما ادري شبيه يوسف نام المغرب وكمت جبت المكناسه وخيتج متعرف الاتكنس بلمكناسه الخوص فدوه تخبل تطلع الزوليه ورد وكعدت كنست ومسحت ومسحت اخشاب دا اطلع قهري على امي

ولج انتي هم بومه ظلي كل يوميه اشبعي واتونسي وكبل من يصير 60 يوم بليله ال60 شيلي الفلاش وهم دكيها دك الا ان يصيرون 10




هههههههههههههههههههههههههههههههه ولج لتخليني اكوم اركص


اي ولج عيني نفوله حياتي فدوه روحي هزيلج شويه بس على كيف مو قوي وبوسيلياها عليج الله وكوليله شعجب نسيت بس موتتعاركين لالا بالعكس خبليه تخبل



بيوده حبيبتي مشتاقيلج وين هالغيبه وشلون الجهال بالامتحانات كالو بلشو

ولج مكلتيلي شتعشيتي زوبه بالي يم زينب ولولي

[توتايه]

عزة صخام وين رحتن؟

[فوفو العراقية]

السلام عليكم
اني حامل جديده اليوم سجلت وجيت ادردش وياكم
هل من مرحب ههههه
شلونكم؟؟؟؟؟؟

[توتايه]

أكيد فوفو تعالي هلا بيج يلا بسرعه البطاقه الشخصيه والتمونيه لا يبو شنسوي بالتمونيه

اني اية ام يوسف مواليد 90 متزوجه صارلي سنتين وعندي بس يوسف افندي

[اه من الغربة]

اريد وصفات اكل للجهال ابني عمرة 8 شهوور و بعده صغير حتي الدكتور يقول ضعيف

[مجنونة بحبها]

صباح الخيررررر

ام كرار حبيبتي تسلميلي والله لايواري اي انسانه الي مريت بيه
وعن اسناني خايفه اتكون هذي الدكتوره ماتفهم ونفس الشغله القديمه وتعبت من الاسنان
انتي شلونج وشلون عمليتج وشلون الجهال والامتحانات
وكلامج ذهب احنه اخوات والله لايجيب الزعل بيناتنه
وانا احجيلكم اكثر ممااحجي لااخواتي لاني مااشوفهم بالسنه حسنه
وانتم يوميه احجيلكم تفاصيل حياتي



مهاوي شلونج كلب وشلون الجهال

ام نورهان حبيبتي اسفه لان جددت المواجع
هذا زوجج مثل زوجي ماعندهم احساس فوك القهر وفقدان الحمل
والتعب النفسي والجسدي يصير يلوم بيه انتي موتي الطفل
انتي غبيه انتي مو مثل النسوان ويخليني اتمنى اموت واخلص
ويزيد الكئابه عندي لاخر حد واضل ابجي وزياده كماشه تجي فوكاها تسمعني سم تكول فكر ومابقه حملها وووووووو الحجي ميخلص
الله يثبت حملج ويقر عينج بيه وان شاء الله ولد وتخلصين
والله يوفقج بحياتي الدراسيه واتجيبين اعلى معدل
وديري بالج مو ترقصين حيل وتوكعين الطفل على كيفج عيني


ايه حبي شجاج اليوم اشو شبعتينه رزايل ههههههههههههههههه
عود هاي انتي الصغيره تعالوا خل اندير عليها ونخنكها هههههههههههههههه
شلون يوسف حبيبي


زنوبه شلونج اليوم ان شاء الله النفسيه اتحسنت
ولا ديري بال غمض فتح تخلص الاشهر


ام لولي ماكو خيررررررررررر ان شاء الله


نجوله هم ماكو ايجوز راحت لاهلها ونستنه

ونورس انشغلت بيسار

وعذراء نايمه تخاف على جعفررررر

ومي مشغوله ببروره

ووئام اجت العراق لاهلها


وام الوقه نايمه للظهر ههههههههههههههه
كون اجيبها هنا حتى يفشخوها تفشخ
لازم الساعه 6 الصبح كاعدين جيش احنه ههههههههه


فوفو العراقيه منوره واهلا وسهلا بيج


اه من الغربه شلونج اخبارج

هااااااااااااااااا لاتكولون نسيت وحده هاي
اخبار الصباح نشره اخباريه كامله ههههههههههههه

[ام نورهانه]

صباح الخير حبايب شلونكم لكم عيني اليوم مااعرف شبيه احس روحي مااعرف شكول احس نفسي مو على بعضي اه اه ومااريد اروح للامتحان لان احس نفسي ممسيطره على الماده وخابرته للافنديكتله روح اجلي اليوم مااكدر امتحن يكول اشوف اذا صار مجال ومااعرف ليش كلش انقهرت وكمت ابجي كتله الكل شي عند مجال بس اني شكولك ماعندي مجال وسديته للتليفون وناويه اليوم مااروح لان صدك مالي خلك

[ام نورهانه]

كل الهلا بيج فوفو واه من الغربة وجناسيكم وين متدرون انتوا طابين بسيطره هههههههههههههههه

[اه من الغربة]

هلو عيني و أخيرا قعدتوا من النوم نوم العوافي
طبعا أكيد عراقيه و ساكنه اب كندا و اسمي ام محمد
وترا بعدي منتظره وصفة الاكل لمحمد

[ام نورهانه]

كل الهلا بيج ام حمدي
اكلج سويله شوربه مال خضار وبد المي خلي مي دجاج يعني من تسلقين الدجاجة اخذي ميها
والخضار بكيفج يعني مثل جزر شجر بتيته يعني بس طماطة لا تخلين وسلكيهم وضربيهم بالخلاط سويها كلش سوفتي وبالعافيه هي طعمها مو كلش بس كلش مفيده للطفل

[ام نورهانه]

ولكم اشوووو بوحدي عااااااااااااااااااااااااااا وينكم

[ام نورهانه]

كاعدة افتر بالمنتدى بوحدي اهئ اهي زاعلتكــــــــــــــــــــم

[ام نورهانه]

بيب بيـــــــــــــــــــب عن عن عنعن كاعدين اني وانوش نفتر بماطورها بالمنتدى بيـــــــــــــب وخرو عن طريقي لا تندعمون >>>>> تخبلت البنيه

[اه من الغربة]

تسلمين ام نورهانه بس دا اسوي شوربه اريد آكلات شوية تسمنة

شكلهم الحلوات اليوم نايمات للعصر مو للظهر مبين البارحة الكل كان عده سهرة *

[ام نورهانه]

ههههههههههههه اي والله
والله مااعرف ليش ابنج شكد وزنه تكدرين تنطي مي مال تمن احنه نسمي فوح
وخلي بدل الملح شكر

[اه من الغربة]

عمره 8شهور و وزنه7 كيلوات دا اعطي اكل بس ما يأكل أحاول اعطية فواكه سريلاك شوربة خضار شويه تمن بس ما ادري احس وزنه بعده حتي اخر مره قبل اسبوع إحنا للدكتور قال ليش هيجي ضعيف اسويله ماي فوح بس ابد ما يحبه

[اه من الغربة]

يمعود صدق كذب هاي وينكم أني عن نفسي نعست راح اروح أنام ماطول محمد نام و بعد شويه لازم اقعد بنتي للمدرسه ف خلاص قفلت عل أخير اشوفكم باجر
تصبحون علي خير لل دينامون و صباح الخير للي توهم قاعدين

[رويدة_ أم ألق]

السلام عليكم ورحمة الله
صباحكم عافية وتفاؤل


يمة فدوة للعقل الراجح والكلام الموزون بيودة
بس أحب أذكر نقطة مهمة
احنة بالفعل اخوات وكل يوم أواصر علاقتنا تزداد
ونشكي لبعضنا ونطرح وجهات نظر وكل وحدة تستفيد من الثانية
بس نصيحة من أخت ما أكول اكبركم
بس الحياة شوفتني أشكال
وعاشرت وقرأت وسمعت لحد ما صرت انسانة تفكر 42 ساعة باليوم
ههههههه حلوة هاي 42 ساعة مو

اللي تشوف نفسها ماتتقبل رأي وحاطة اجابة معينة براسها
إذا ما لكت نفس هالإجابة والرأي.. تتعصب وتخجّل أختها
خلي تهدأ وتوسع صدرها لتباين الآراء بعدين تجي تكتب
ومثلما كالت ام كرار الحروف وحدها متبين مغزى كلامنا
الصوت والوجه يحدد أكثر ولهذا ممكن يصير سوء فهم


إيمان سلامتج إن شاءالله هاي الدكتورة أفضل
لا اليوم مو للظهر
كعدت بال9 هههههه
طبخت وعجنت كليجة
بعدني ممحشيتها ولا شاويتها

أم نورهانة لخاطر الجنين لتبجين وتقهرين نفسج
صدكيني طفلج يتأثر
شدي حيلج صيري أقوى من الظرف
وإذا زوجج مديفيد وياه نقاش ولا توسل والحاح منج
خلي والدتج تحاجيه بهدوء مو شرط تاخذج يمها لا
بس بعض الأزواج من يشوفون الأهل ساكتين يزيدون الطين بلة

كل البنات الحبيّبات سلامي وتحياتي بدون استثناء.

[ام نورهانه]

هلووووووووووو رويدة شلونج حبي لا يمعوده اني تعودت على السكوت وحتى صايرة باردة كلش بس مااعر ليش اني من احبل اظل ابجي حاله نفسيه وهو يضوج ميقبل احد يدخل واني هم صايرة اطنش بس شسوي وضايجه من وره الامتحانات هم عااادي اعرف اخذ حقي منه بغير طرق وهسه خابرني كال راحى اروح اخذلج اجازة

[رويدة_ أم ألق]

أم محمد تشرفنا عزيزتي
الطفل يحتاج طول بال
وكلي باوقات متقطعة حتى لو كل وجبة خاشوكتين ثلاثة
إن شاءالله يصير مثلما تتمنين وأحسن.

[ام نورهانه]

اكول خلي اروح اسوي غده واجيكم اوكي راح اضل فاتحة الدردشة

[رويدة_ أم ألق]

هلاوات عيوني أنتِ
الله يعينج .. اي الانسان من يحس انه احتمال يفقد شي عزيز
حصل عليه بتعب
تمر عليه حالات بكاء لا إرادية
ريحي قلبج بالقرآن والدعاء
ويارب النجاح بالامتحانات والحمل الثابت.

الله وياج أنا ايضا تاركتها مفتوحة

[زينب السعدي]

هلو بنات شلونكم اليوم كعدت ساعة 12 وعالسريع سويتلهم ريوك وكعدت طبخت الغده وبعد شوي حمايه يطلع ونبقى بس اني ورجلي نلعب لعب خخخخخخخخخخخخخخ
لج ايه شبيج مستويه عالاخر شو دك وركص عندج هههههههه يارب الفرحة دايما وتعم الجميع
فله والله عادي هالشي يصير بدايه الحمل اني هم من حملت حالتي صارت زفت 24 ساعة دك ولطم بسبب او بدونه وانتي حابله اكثر مني واكيد تعرفين هالشي وهالشي انشالله يختفي ويه نهاية الوحام
امونة شلونج حبي شخبارج واخبار بنونة وابوها وكماشة
ام محمد اسفة لسه مصار عندي طفل حتى افيدج بهالموضوع انطيه دكسون اذا تكدرين هههههههههههه باقي البناااات شلونكم انشالله الجميع بخير
اليوم الحمد لله حالتي النفسية زينة ومرتاحة بعض الشي ياربي يريح بالي دايما ويريح بال كل وحدة ضايجة

[زينب السعدي]

اهلا وسهلا بفوفو العراقية
بس السي في لسه مقدمتيه شو ؟؟؟؟؟؟؟؟؟؟؟

[زينب السعدي]

بناااااااااات رجلي متخبل عليه مدري شبيه صاير فد مرة معقد
اجيت من العراق لابسه بنطلون جينز بوري وفوكاته مانتو جينز ويه الركبة لو تشوفون شعدلي وصفلي ولا كانه صارلي 3 اشهر مشايفته يكلي شنو هاللبس فضحتيني مع العلم والله لبسي عادي اشوفه ومبي شي بس مدري شجاه الرجال
وهالمرة بالبيت لان حمايه موجود البس حجاب وكل شوي خازرني والله شنو لو شعرايه طالعة لو صدري مبين لو مااعرف شو هسه بله حقه يضوج خو هو هم حرام بس اولا اني ممنتبهة ثانيا خليكلي زينب عدلي نفسج لو ياشرلي مو يخزرني كانه متقصدة؟؟؟؟؟ ماادري شجاه مسوي روحه فد مرة غيران عليه

[زينب السعدي]

لج ايه حبابه شوز صايرة تدخلين قليل والله دخلتج تونسني وسوالفج كلش اتاونس عليها
يمكن بعد المغرب نطلع اني ورجلي فمعندي وقت الا هسه لو بالليل من نرجع اكعد وياكم

[مجنونة بحبها]

هلووووووووووووووووو


هلا ام الوقه عيني اليوم كاعده من غبشه هههههههههه
لازم تدخلين عسكريه تشوفين بيش الساعه اكعد بعدها الشمس مطالعه هع
اسناني راح الالم بس خايفه باجر الجلسه الثانيه
وطلبت 100 الف ومن غير ذيج المره 75 الف واخاف فلوس وبدون فايده والله قهر الطب عدنه متدهور فد مره


ام نورهانه عيني انا كلما يصير عندي حمل اصير كئابه وبجي
بدون سبب وزياده القلق اخاف يوكع اخاف يموت ومن هذا الحجي
انتي طمني نفسج ولا تهتمين وان شاء الله ماتشوفين شررررر



زنوبه عيني عادي انا من اطلع بس وجهي وهذا حجابي من قبل لا اتزوج يعني حجاب وعبايه وجواريب وجفوف وكله زوجي يراقبني
ومن البس بنطلون لو مانتو حتى لو بالبيت يبقى يحجي ويكول عيب
وميقبل اطلع للكراج انظفه واذا عدنه احد حتى لو اخوه ممنوع اتنفس ولا اسلم عليه ولا يشوفني اتصوري اخوانه ماشايفيني ولا شايفتهم وانا احب هذا الشي احسه حرص ودين
انتي انتبهي والبسي شي ميتحرك مثل الشال لا البسي حجاب ودنبوس وملابس طويله احسن الج وتفرحين زوجج


اه من الغربه عيني هذا ثاني طفل عندج شلون متعرفين توكليه انصحج مي عظام يقوي عظامه وبيه فوائد هواي

[kokee]

بنات مشتاقتلكم وحده وحده بس لولي مريض وخبلني اليوم يلا صحه بس بجي لان صار عده اسهال من كثرة الادويه
امووونه شخبارج يا عزيزه قلبي وشخبار ام لسان بتج ههههههههه
زنوبه السعدي انقهرت من قريت كتاباتج بس هذا هم حظج شتسوين بس الله اليدري بحركة كلبج
ان شاء الله حمل سريع ويكون طفل سالم مسلح يشيب راسج ههههههههه
حبيبتي الله يفرحج
ايووووته ام لسان شخبارج ولج عوبه صايره طكه ونص فد مررره هههههههه
مهاوي شخبارج ويه الطبخ خخخخ حبابه علمينه شتسوين علمينه بلكت نصير نسوان شاطرات
ام ايهومي وين غااطه ها ههههههههه اكيد بالحفاظات خخخخخخخخ
ام الوقه شخبارج حب وشخبار السنفوره
نووورس ماكو بالي يمها
الله يكون بعونهه
ام جعفر مختفيه فد مرررررره خير ياربي
مي ام ابرار شخبارج كبد
بيوده ام كرار مشتاقه لسوالفج حبيبه
الباقيات حبيبات كلبي انتو دوم علبال والله

[زينب السعدي]

لج امونة هو هيج النسوان كلشي ميعجبنه اذا غار نكول شدعوة هلكد يغار واذا ميغار نكول هذا شبي خاف ميحبني
بس هو لا من ناحية العلاقة سبورت يعني اني واخوانه نكعد سولف وضحك خو الصبح بس اني وحمايه بالبيت لان رجلي الشغل واحضر الريوك لحمايه وعادي بس هو دينه مذهبه الحجاب وميقبل احجي وسولف ويه ولد اقارببنه بس ويه اخوته مسموح
هلو كوكي شلونج سلامته لولي مابي غير العافية وشكرا لشعورج الطيب ومرايده منج غير تدعيي يم الامير يصبرني هالشهرين ويرزقني وراها بالحمل السليم عاجلا

[اه من الغربة]

ام نورهانه تسلمين عل نصيحة
زنوبه ان شاء الله يصير عندج طفل ونأخذ منج نصايح
حبيبة ما ما صح هذه ثاني طفل بس فرق بيناتهم 7سنين و بنتي لأني بل غربة وحدي و اول طفل ما كنت اعرف أوكلها عدل ف لحد هسه مطلعه عيني بل اكل و ما تأكل كل شي بس هسه اريد محمد اوكله كل شي حتي لا يصير مثلها كافي وحده مطلعه عيني

[اه من الغربة]

زنوبه عيني هذه رجلك من الحب يغار عليج ترا كلهم نفس الشي احسن شي تلبسين جلابيات و احجي وياه علي كيفج قوليلي لا تعصب بس اشرلي و أني اعرف ترا كلهم نفس الموديل ما ادري ليش هيجي خوب اشروا و إحنا نعرف ما اله داعي العصبيه عود ديسوون نفسهم حمشيين الله يهديهم

[زينب السعدي]

تسلمين ام حمادة... شلونج ويه الغربة لج عيني الغربة تموت ببلاد الغربي بس بالبلاد العربيه اهون

[kokee]

ابعيني جبيبتي اروح اندعيلج يم صاحب الحاجات
بس تره اهم شي الحاله النفسيه هم يرتاح جسمج ورحمج ويكون حمل سليم
الله يريح بالج بجاه الحسين الشهيد

[اه من الغربة]

صدقة ال الله منو هل حلو اللي بل سلة قاعد الله يخليه ال اهله يا رب

[زينب السعدي]

اي عفية ام محمد صدك تحجين؟؟؟ يلا هم الحمد لله رجولتنه هيج والله اكو بنات خطيه هين محتشمات بس رجولتهم يجبروهم عاللبس غير المحتشم لو نزع الحجاب والعياذ بالله

[زينب السعدي]

هذا لولي ابن كوكي التحفة
الله يسمع منج كوكي ....... شوي اليوم حالتي احسن

[اه من الغربة]

اي والله يا زنوب لا عاب حلقج بس شسوي ابن الاوادم لمن أجي خطب ما قال راح أخذها و أسافر لمن تزوجنا دقت اب راسه يريد يسافر
شسوي الله كريم

[kokee]

هذا ابني ايليا عمره 8 اشهر ههههههههه مكعدته بالسله

[زينب السعدي]

رجلي هم خطيه يريد يغير عليه جو حتى ارتاح بس هم مشغول بعملين والحمد لله
بس انشالله السبت عنده شغل بقطر وعلساس ياخذني وياه نبقى اسبوع
ويريد نروح اجازة اسبوعين لفد دوله حلوة بس لسه حايرين هو يريد هسه بس اني كتله ع عيد زواجنا بشهر 5

[زينب السعدي]

هاي هي ام محمد المراة تبع زوجها وين ميروح هي وياه كولي الحمد لله والشكر
كوكي شنو ايليا

[اه من الغربة]

تدرين إحنا هنا اكثر النسوان ما تحمل اب سرعة خصوصا اللي يجن من العراق لو سوريه الدكاترة يقولون حاله نفسيه لان المرة لمن ما مرتاحة الرحم عدها ما يفتح حتي البويضة تتلقح ف نصيحه لمن تشيلين المانع خليج ريلكس طول الوقت و سمعي موسيقي ترخي الأعصاب و حاولي تسترخين ب عطر الافندر

[kokee]

ام محمد هذا ابني هم مياكل بس اجيب الاكل يصم حلكه ابدددد بلكوه اجبره مرات ويظل يصرخ بس يحب الجبس هههههههه جنه سنجاب
او ممه يشربه شسويله

[زينب السعدي]

يااااااااااااااااا شمعنى عطر الافندر؟؟؟؟؟؟؟؟؟؟؟؟
هو اكيد الحالة النفسية تاثر عالحمل بس سبحان الله احنا من كنا نسوي اول زواجنا ومسوين مانع منفكر بهالشي فكنا نصير ريلاكس لا اراديا بس من شلنا المانع بعد مرور سنة من زواجنا كمنا من نسوي كل تفكيرنا بالحمل يعني وخاصة هاي مال اعلك رجلي بعد مانخلص
هسه هم رجعنا نفس الشي هسه من نسوي مرتاحين وريلاكس لان مسوين مانع بس وره المانع مااعرف شحيصير اتمنى ابقى ريلاكس وماافكر بهالشي