دردشة بنات العراق, دردشة حوامل العراق , تجمع بنات العراق

[توتايه]

تروحين وترجعين بالسلامه حبيبتي وان شاء الله الله مايخيب ضنج

بنات رحت اليوم ودعيتلكم والله ان شاء الله يستجاب دعائي

[غنى2011]

صباح الخير عليكم جميعا وبدون ذكر اسماء لان ماشاء الله
الله يكثركم صايرين هوايه هههههههه

ايمان بالسلامه ان شاء الله

ام ايهم انتي شلونج قريت كتابتج ذاكرتني تذكرج العافيه ياورده والله يساعدج ع الامتحانات وييسر الامور وتنجحين

هلا بزينب السعدي نورترتي ياحلوه > صدك متصورتج حلوه مو جذب عاد كوليلي انتي حلوه خخخخخخخخ

[غنى2011]

ايه شلونج وشلونها معنوياتج هذيج الايام جنتي ضايجه هسه شلونج

ام شوق صايره تختفي هيه رجعت للعراق لو بعد خلي تجي للحر والضيم ههههه

[**نورا**]

صباح الخير جميعااااااااااااا
شلونكم اليوم

[فوفو العراقية]

مساء الخير
شلونكم hwaml7

مشتاقه الكم
الي يومين ماسمعت اخباركم
بس كنت مشغولة لان البارحة كان عندنا ضيوف اصدقاء زوجي 4
وتعبت على العشة ومن الصبح للمغرب بالمطبخ

شلونكم وحده وحده
اخباركم؟
عسى الكل بخيرررر؟؟؟

[White angel]

زينب آنجل تشرفنا عزيزتي
ياريت تكررين السيفي

مي , أنفال , إيمان , عذراء , آية , نورا ربي يبارك أيامكم
توتة الله يتقبل زيارتج اندعيلنا بالولادة السهلة الميسرة.

هلو صبايا شلونكم
أخباركم
امونه ترحين وترجعين بسلامه حبي
ان شاء الله يفرح قلبج الله وتفرحينا وياج حبي



عيني ام الق الوردة حتى الي يريد يعيني ميطلب السيفي هلكد ههههههههه
ماشي عيني راح أعيد السيفي مالتي بلكي اتعين
الاسم زينب
العمر يقال 20 سنه راح اصير مع العلم اختلفت الآراء بين 20و21 هههههه
السكن السويد
الحاله الاجتماعيه متزوجه من نهاية سنة 2009
المهنه عاطله عن العمل وادرس ترجمة اخر شهر مع العلم مو هوايتي
صارلي من سنة 2002 بلسويد

ههههههه خلص السيفي

[مي &]

هلو بنات شلونكم شخباركم
سلامي للجميع
واهلا بلجديدات
امونه اتروحين واترجعين بسلامه

[زينب السعدي]

هلو بنات شلونكم حبايبي والله مشتاقة اكعد وياكم بس الشغل ماخذ وقتي ودنطلع اني وزوجي نشوف بيوت لان حنشيل ماادري اذا كلتلكم او لا
اليوم رحنا شفنا فيلا كلللللللللش عجبتني كبيرة صاله كبيرة و5 غرف نوم و7 حمامات وغرفة خدامة ومخزن وحديقة كبيرة هواي عجبتني بس زوجي مقتنع بيها هلكد وكال افكر بالموضوع...ادعولنا نلكه بسرعه والله مبينا حيل بهذله وانشالله اول ما ااجر الفيلا الجديدة اصورها واراويكمياها
غنى حبي شلونج وشلونه البيبي انشالله بخير اثنينكم ....ميصير اكول ع نفسي حلوة ولا اقبل اكول محلوة هههههههههههه اسالي البنات هواي منهم شافوني واذا تريدين هم نتشاوف اني وياج عادي
زينب انجل شلونج والبيبي شلونه ومي شلونج وهاي برورة الوكحة شلوونها
بقية البنات فله وتوتايه ورويدة ونورا ومنو بعد مدااتذكر
زينب كوكي شو ماكو بالنا يمها انشالله خير
امونة تروح وترجع بالسلامة وانشالله وترجع ببطنها فد 2 لو 3 وتفرحنا بيهم وتفرك خشم كماشه
نجوله الله يعينج عالامتحانات يبووووووووووووو لسه تجيني كوابيس الدراسة هههه

[مي &]

هلو زنوبه شلونج الج وحسه والله
اني الحمدلله زينه وبروره همين الحمدلله مثل ماكلتي وكحه>> اتبوس ايدج

[زينب السعدي]

حياتي قبلاتي الحارة الها ربي يحفظها ويرزقج باخو الها انشالله

[فوفو العراقية]

سؤال مهم جدا

اني من بداية الحمل لهسة زايد وزني مايقارب 8 كيلو
وعندي ورم بكل جسمي

هذا عادي لو شلون؟
وشنو لازم اسوي مع العلم اكلي اقل من الطبيعي

واني اول حمل الي جان عندي ورم مثل هسة وصار عندي تسمم حمل
اما بحملي الثاني والثالث ف وزني نزل ولغايت نهاية الحمل زاد 5 كيلو بالكثيرررر

كل وحده تكتب لي عن حملها لو زادت بي او قلت
وبيا شهر زادت؟

عفية بنات رحم الله والديكم
اني كلش خايفه.

[فوفو العراقية]

شلونج حبي زينب

مي حبي شلونج

شخباركم؟

[روح ملائكيه]

مساء الخير ع الحلوات

شلونكم بنات مشتاقه توووووو مج

انوش منوره التجمع عيوني وربي يكمل عليج حملج بخير وسلامه
امونه تروحين وترجعين بسلامه غلاتي..يارب ترجعين بتوم ولد وتخلصين من الحجي ..الله يسهلها عليج

بقية البنات شلونكم؟

عذروني والله حالي حال..ملاك البارحه نامت بالـ 4 وربع الفجر وعلى مانامت محمد كعد وللخمسه يله نومته ونمت وبعدين كعد ونومته ونمت نص ساعه كعدني زوجي يريد ريوك ..اتخبلت والله مجاي انام ومحمد جاي يسنن الله لا يراويكم الي جاي اعانيه..

[زينب السعدي]

هلو حياتي فوفو شلونج سلامتج يمعودة .......والله مااكدر افيدج بهالموضوع انشالله البنات يفيدوج بس ادعيلج انه تطمنين وانشالله ماكو شي

[روح ملائكيه]

فوفو عادي زيادة الوزن
الحامل يزداد وزنها بشهور الحمل الاولى اكثر كل شهر كيلوين تقريبا وتبدي تقل تدريجيا يعني بالاشهر الاخيره تزداد الحامل نص كيلو او اقل ومرات ماتزيد ابد والاكل مااله علاقه اهم شي الحاله النفسيه..ومعدل زيادة الوزن بالحمل 12,5 كيلو

[زينب السعدي]

الله يعينج ام شوق هسه شدعوة منه زوجج كان هو يسوي لروحه الريوك يعني مشافج انت منايمة الليل
ذاك اليوم اجيت يم بيتج رحنا للمختاروكان كباله الموناليز انت وين بالضبط؟؟؟؟؟؟؟ا

[روح ملائكيه]

هلو زوزو

لا خطيه مو هو هم سهران ويانه ..وعنده شغل لازم يطلع بره ...واني ماارضى يسوي شي هو هم يتعب ..
حبي احنا كدام الموناليزا بس من الباب الخلفيه للموناليزا ..
شوفي الموناليزا الها بابين وحده كدام المختار والثانيه بظهر المبنى

[عسل بغداد]

مساء الخير بنات شلونكم هلو زنوبه مشتاقون حبي الج وحشه مي شخبارج وبروره شلونها وانتي كل يوم مغيره صوره بنتج وتغورين بينه الله يحفظها حبي ام حمودي شلونج الله يساعدج وينطيج العافيه فوفو شلونج مشتاقيلج وعادي بالحمل كل شهر يزيد الوزن كيلو عادي وكيلوين اقصى شي والورم عادي وره الخامس يبدي لان يثكل البطن والمي وهاي الاشياء فيصيرورم

[مي &]

حبيتي عسوله الله يحفضلج علاوي فروحه واتشوفيهم احسن ناااس

ام شوق شلونج حبي وشلونهم الكتاااكيت

[عسل بغداد]

تسلمين حبي ويحفظ بروره

[روح ملائكيه]

الحمدلله الكتاكيت بخير ومراويني الويل هههههههههههههه
بس والله البارحه سهره صباحيه للفجر خخخخخخخخخخخخخخخخخخخ

هلو عمري سجاوي شلونج اخبارج؟

[ام نورهانه]

هلو حبايب شلونكم ملتهية بشغل البيت الي ميخلص اووووووف
فوفو شلونج قلب اعتفد زيادتج طبيعة مثل مكات مهاوي بس اني عكسج يعني اخر زيارة كامت تحجي عليه الدكتورة لان مزايدة بس كيلو واحد من 59 الى 60 ومدا ازيد حتى في وقتها كالتلي لازم هسه اقل شي تزيدين فد 3 او 4 كيلو والبارحة وزنت وهم نفس وزني 60 وشويه تقريبا و400 غرام لما خابرتها كالت معناتها الطفل ديزيد وزنه وانتي ينقص وزنج وحتى انطتني مشهايات بس اني مشكلتي مااتعشه ابد على الفواكه ومرات هيج على النسكافة والحليب والريوك ايضا اذا اتريك بالكوه اغصب نفسي على نص صمونه

[مي &]

شلونه وضعج هسه
حددتي العمليه موووو؟؟؟؟

حبي فوفو اني بديه حملي نزل وزني لان جنت اكل قليل جدا بسبب الوحاام الله لاايراوكم
وبعدين بديت من الشهر الخااامس زيد بلوزن
و ورمت هوايه وزدت تقريبا 15 كيلوووو
مع العلم اني كلش ناااعمه وضعيفه اول ماحملت كان وزني 45 وصار بشهر التاااسع 60 وهسه بعد الحمل صرت 50

طولت عليكم

[عسل بغداد]

قصدج عمليتي لو احد غيري يريد يسوي عمليه لاسمح الله

[ام نورهانه]

هلا بالحبايب عسوله ومي ومهاوي والزنوبات ورويدة وغناوي ونورا وكل الحبايب
وهلا بيج حبي انوشه ونتشرف بمعرفتج بس تعالي يمنه شويه

[عسل بغداد]

هله وميه بفله نوره شلونها والنونيه الفطيره

[روح ملائكيه]

هلو فله منوره غلاتي


يلا بنات اترخص آني محمد كام يكلب هواي وعذبني

[زينب السعدي]

هلو فله شلونج حبي مشتاقين
سجاوي شلونج عيوين سلامتج عمليه شو دتسوين شو ماادري ؟؟؟
متواصله وياكم بس دااشتغل بالبيت الي ع كوله فله ميخلص ...بس كل شوي امد راسي اشوفكم

[عسل بغداد]

حبي مي وزنوبه عمليه قيصريه يوم 5/22لان الطفل مديتحمل يبقى جوه ضاااااااج ملت روحه

[زينب السعدي]

يا الله لج يعني تجيبين ع 7 اشهر؟؟؟؟؟؟؟؟ الله يكومكم بالسلامة انتي وياه والله قهرتيني بس انشالله سلامات ادعيلج من كل قلبي

[عسل بغداد]

تسلمين عيوني الله لايقهرج

[**نورا**]

هلوووووووو بنات شلونكم
* عسوله الله يكومج بالسلامه بس ليش ع السابع خطيه النونو بعده ناعم

[عسل بغداد]

هلو نورا الله يسلمج لان المي قليل

[فوفو العراقية]

حبيباتي
زينب وروح وام نورهان وعسولة ومي ....
مشكورات على الرد ريحتن قلبي
لان كلش كنت قلقة
حتى اليوم اكلت كلش قليل خفت من الاكل
مع انه ورم كلش واضح مو شحوم ابد
وخصوصا وجهي خشمي وعيوني كلش مورمات
ورجلية
بس يارب خير ويارب ميصير عندي تسمم حمل مثل حملي ب محمد

الله يجزيكم كل خير

[فوفو العراقية]

اوووه حبيبتي عسولة
الله يكومج بالسلامة انتي وجنينج ياااااااااارب
بس حاولي تريحين نفسج كلش ولا تجهدين نفسج لان يزيد تعب الجنين .

[**نورا**]

فوفو انتي عندج ارتفاع بالضغط
اني عندي ارتفاع ودا اخذ الدومت حبايتين باليوم وهم خايفه تصير عندي ولاده مبركه من وره الضغط
والله يستر

[رويدة_ أم ألق]

السلام عليكم جميعا

شلونكم يا بنات؟
صايرة عندي أوجاع قليلة أسفل البطن وبسرعة أتعب
احساسي يكَلي أجيب ببداية التاسع.

[رويدة_ أم ألق]

إيمان تروحين وترجعين بالسلامة وبالاخبار الحلوة إن شاءالله


فادية عزيزتي صح البنات أكثر خبرة مني بالحمل
لكن أشوف انه لازم تراجعين الطبيبة
الورم غالبا ما يبدا بمنتصف الحمل
يصير بنهايته وأصلا أكو حوامل ميورمون
مثلي لحد الآن ماورم شي مني بس خشمي كبر من زمان ههههه
يارب إن شاءالله كل شي تمام ومتشوفين شر




انوش شنو علاقة السشوار بالطفل ؟ميأثر طبعا.

[فوفو العراقية]

لا حبي نورا
اني بالعكس عندي انخفاظ بالضغط ودا ينزل اكثر كلما يتقدم حملي
ولهسبب مستغربة الورم لانه عادتا يكون بسبب ارتفاع ضغط الدم.

الله يحميج حبي وماتشوفين شر يارب.

[فوفو العراقية]

حبيبتي رويده
ان شاء الله تجيبين وتكومين بالسلامة يااااااارب
منتظرين ولادتج للقمورة الجاية يارب بتمام الصحة والعافية
والاوجاع هاي اكيد تقلصات ماقبل الولادة
لازم تكونين دائما على استعداد ونتبهي كلش زين لو نزل عليج قطرات ماء
محتمل تكون ماء الرأس.


اما بالنسبة للورم
اي والله خايفة ومستغربة
لان ببناتي ماصار ابد هالشيئ ووزني بالعكس نزل هواي
وبمحمد ابني صار ورم وستمر وولدت بعد 43 اسبوع اسطناعي
ووكتها عانيت من تسمم الحمل وكلش ورمت ويمكن زدت بحدود 28 كيلو
ولما ولدت فشيت بشكل رهيب خلال اسبوع ههههه
احساسي كان حلو كلش لما اشوف نفسي وحده ثانية ههههههه

[فوفو العراقية]

لو الله تمم علية وجبت بنوته حضرت اسمها وهوة ....

رونــــــــــــــــــــــــق
اشرايكم
لان زوجي يتمنا تكون بنت وانا توقعي ببنت.

[رويدة_ أم ألق]

ألف شكر لهذه الدعوات الحلوة فوفو
اي والله منتبهة ومتأهبة ربي يسهل علينا جميعا

مثل مكتلج راجعي طبيبتج حتى تطمئنين
وبالنسبة للإسم حلو الله يتمم عليج بالخير
شنو أسماء بناتج نسيت؟

[رويدة_ أم ألق]

أتخيل نفسي لو زايدة 28 كيلو شصير هههههههه
وعلى كولتج شكد حلو الواحد يشوف نفسه إنسان ثاني فجأة!

[**نورا**]

احسن يمعود ام الوقه حته تخلصين يوم عيد يوم الي ادخل بالتاسع ويروح كل قلقي يبووووووووووووو
هههههههه
** فوفو ليش ما تخابرين دكتورتج بلكي يرادلج فد علاج او فد شي يعني لتسكتين على روحج
الله يتمم علينه الحمل ويجون اطفالنه بخير وعافيه امين

[**نورا**]

والله شايله هم للريجيمات والرياضه من هسه لان اني بله شي ماشالله عندي زياده رهيبه ووره الحمل لووووووووووول مصايب هههههههههه

[رويدة_ أم ألق]

آمين نورا
هسة انت بأي شهر؟

صحيح تعبنا ومانصدك ندخل التاسع بس لتنسين
اذا يكمل الفترة الكافية من التاسع يجي الطفل أقوى وأحسن.

[**نورا**]

اني كل 1 بالشهر ادخل بشهر وانشالله بعد يومين ادخل بالسابع
وطبعا اكيد اذا كمل شهره للطفل يجي صحته قويه ومربرب هم ههههههه

[فوفو العراقية]

رويده حبي تستاهلين كل الخير
وانتي بنتج شنو راح تسميها بالسلامة؟

واسم بناتي
رنـــا... وأنوار

[فوفو العراقية]

اي والله رويده
الطفل حلو لما يكمل التسع اشهر
اتمنة اجيبة على التاسع
ماريد اتعذب مثلما تعذبت ببنتي جتي بنص الثامين.


حبي نورا هنا غيرررر
ماكو اخابر طبيب
النظام مختلف
هنا مراجعه كل شهر لممرضة اخصائية بالحوامل
ولو اكو اي شيئ غير معتاد تحجز موعد ويا الدكتورة
والدكتورة تجي لمركز الحوامل كل اربعاء
ولازم اخصائية الحوامل هية الي تحجز الموعد وياهة مو اني

واني سبق وكلمتها عن زيادة الوزن كالت عادي
لان جنت قبل الحمل مسوية رجيمات ورياضة ولما وقفت سوة احتباس عندي
وكالت عادي هاي الزيادة
لان زدت اول دفعه 3 كيلو
وبديت كل شهر ازود كيلو
وهسة خلال اسبوعين كيلوين
يعني بالاسبوع كيلو


وانا مو مهم عندي بعد الولادة
اصلا اموت عالرياضة والرجيم وماهتم
صح انزل بصعوبة لكن مو مستحيل وتمنة ارجع للرياضة والحركة والنشاط مثل قبل
حلوة اللياقه.

[فوفو العراقية]

يلا اروح انام
طفلي جايته ام العوافي هههههههههههههههه
وكل شوية هئ هئ ههههههههههههههه
تصبحون على خيرر.

[**نورا**]

يبووووووووووو عود احنه نكول الخارج احسن يهتمون بالمريض وميسكتون عله ابسط شي
وبالنسبه لزيادة الوزن عله كولتج اذا الله سهل وتمم علينه نعمته وره ما نجيب بينه خير وننزل واني هم نفس
الحاله كضيتها ريجيمات ورياضه قبل الحمل
بس عندي سؤال اذا عندج معلومات عله زيت الزيتون وزيت اللوز المر وزيت الجلسرين النقي ويه الليمون للبشره
خما بي تاثير عله الطفل؟؟

[**نورا**]

هههههههههههههههههههههههه وانتي من اهله حبي
احلام سعيده

[ام نورهانه]

هلو حبايب ااااااخ يا رجليه ولكم ديونن عليه اوووويلي

[قمر بغداد]

الووووووووووووووووووووووووووووووو منو موجود اعترفولي هسة بسرعة
عاجل ......... عاجل ولجن عفتكم فترة رجعت لكيت الدنيا محتركة وهواية بنات جديدات (فوفو وغنى وعسل وانجل ووووووووو الخ) شبيجن يمعودات هههههههههههههه عبالك حمام مال نسوان
شلونج امونة الوردة ورويدة وام ايهم ونجولة وانفال ومي وام نورهان وام بساسة وزنوبة ورحوبة وزينة وتوتاية شكو ماكو

[قمر بغداد]

الوووووووووووووووووووووووووووووووووووووووووو حبيبات وينجن

[قمر بغداد]

هاااااااااااااااااااااااااااااا شومحد ديجاوب ترة راح انام

[ام نورهانه]

هلووو قمورة حبي اكلج اني انفال يعني نفسي ام نورهان ههههههههههه تسلمين قلب على السؤال

[قمر بغداد]

خخخخخخخخخخخخخخخخ تيهت بشرفي شلونج كبدبد هسة انتي بيا شهر بشري

[زينب السعدي]

هلو هباوي شلونج بشري بيا شهر يا اسبوع شمدريني انتو شلون تحسبون
ومشفتي شطلع عندج ولد لو بنت
فله سلامة رجلج عيني

[**نورا**]

شلونكم بنات عندي استفسار مهم جدا جدا يعني على مستوى
ههههههههههههه
بشرتي بالحمل صلوات لا احسد عليها بين قوسين تخبل وصايره كل مكان لون شكل يعني لونها مو موحد
فالمهم قريت انو زيت اللوز المر + زيت الزيتون + زيت الجلسرين النقي + الفازلين + بودرة الطفل + النشا + الليمون + نيفيا جلسرين = كلها اشياء تساعد عله ترطيب وتوحيد لون البشره بدون ما يكون الها ضرر على الحمل
حبابات عسولات وردايات الي تعرف شي تكلي

[**نورا**]

شكد عيب مدا اعرف اخلي شريط حمل بالتوقيع

[روح ملائكيه]

هلو بنات شلونكم؟

نورا حبي اني جنت آخذ حبايتين ضغط وولدت ابني محمد متأخر يعني تقريبا عشرت هههههه شوفي هسه الدكتوره من تدخلين التاسع راح تزود الدوميت تسويهن 3 حبايات علمود الجنين ...ان شاء الله ولاده سهله وميسره يارب

فوفو حلو اسم رونق وكللللللللش احبه ..واني افضل البنات على الولد هههههههههه يلا هانت عمري مابقى الا القليل ..

رويده الله يعينج هذا الشهر راح يكون كلش ممل وثقيل عليج وراح تتعبين هواي ماعندج الا الصبر غلاتي بقيتوا على اسم الق لو غيرتوه؟

ايو شلونج قلبي اخبارج؟ وشلونه سوفي؟ قبلاتي اله

نجوله حبي الله يعينج هم دراسه وهم طفل وبيت ..يلا هانت هنه كم شهر وتخلصين وترتاحين قبلاتي لحبيب خالته عمري

رحوبه ماكو غياب ةكةكي هم غياب من زمان

زوزو شلونج عمري؟ ان شاء الله تلكون فيلا حسب مواصفاتكم وحلوه ..

سجاوي عمري شلونج وشلونها المعنويات؟ الله يسهلج ولادتج ..ان شاء الله يتم الحمل على خير هانت عمري

امونه يارب تحققين حلمج بولادة الولد السليم والمعافى وترجعيلنا بخبر حلو وهو حملج ياااااارب

فله فلافل شلونج عمري اخبارج؟ شلونه البيبي؟ ونورهانه؟ هسه تبدي عندج حرب ضروس من الغيره ههههههههههههههههه الله يعينج

زيونه عمري شلونج؟ وهلونه ان شاء الله صارت بخير؟
مي عمري شلونج وشلونها بروره؟ ياعمري حلوه صورتها بالرمزيه الله يحفظها الكم يارب

هنوده هم غياب مانعرف عنها شي
رويده 2 هم ماكو
نورس هم اختفت ههههههه ونورس رقم 1 ام هيمن من زمان ماتبين

ام بنت الهدى عمري شلونج وشلونها عمليتج؟ هداوي كبرت؟ ان شاء الله يوم الي تخاويها يارب


وبقية البنات شلونكمظ عذروني صرتن هواي والذاكره مابيها ربع كيكا هههههههههههههههههه

[روح ملائكيه]

والله يانورا تعذريني مااعرف شي عن الخلطات مامستعملتها بحياتي

[عسل بغداد]

مساء الخير بنات شلونكم هلو مهاوي والله المعنويات زفت الله ليشوفج العمليه حمودي شلون صار

[فوفو العراقية]

صباح الخيررررر
حبايب شلونكم؟؟؟

نورا
هنا الطب ممتاز بس الة اصول ولازم نمشي عليهة ولا تصير هوسة عدهم
والممرضة الخاصة بالحوامل هواااااااااااااااي افهم من الطبيب
لان هنا الممرضة تدرس مثل الطبيبة
وخصوصا بمجالهة.


وبالنسبة للبشرة اني هم بشرتي ساعه دهنية وساعه جافة وتقشر
بس قبل كم يوم سوين الها قناع مكون من

ملعقة روبة لبن+ نصف ملعقة ليمون+خيار مهروس طازج نصف ملعقة
خليته على وجهي لغاية مايجف
وافركة حتى ازيلة
وبعدها اغسلة بماء باااااااارد
جربي ون شاء الله يفيدج لانه يوحد لون البشرة وصحي وطبيعي


واكو خلطة ثانية
دارسين ملعقه+ عسل ملعقه
كلش ينعم ويصفي الوجه

طبعا تخليهن على شكل ماسك للوجه

واكو خلطة ماسك
نشاء ملعقه+ نصف ملعقة شوفان+ملعقة زيت زيتون+ملعقة ونصف ليمون.

وتكدرين تسوين اي وحده منهم راح يفيدنج كلهن مجبات
لكن الاخيرة شوية تجفف البشره فالاحسن بعدها خلي زيت زيتون لنص ساعه
ومهم جدا غسل الوجة بماء بارد
ولازم كل وحده منهن مرة بالاسبوع وممكن كل بين يوم ويوم تسوين وحده من هالخلطات
طبعا افضلهن اول وحده جدا مناسبة لاي بشرة.
اتمنة اكون افدتج.

[ام نورهانه]

هلاااااوو حبايب هباوي اعذريني البارحة اجاني كارت انذار وطلعت قبل لا اكول اسفة
زنوبة تسلميلي كبدبد
نورا شلج بهالدوخة خو خلي كريم مال وجه فيتامين e وفضيها واستعماله مفيد ومابي ضرر ان شاء الله بس يوميا او مرتين باليوم هااا ونسيت اكلج اكو كريم اسمه بيبنايثين هو خاص للحوامل اكو مال وجه وردي وحتى الازرق ممكن تستعملي للوجه بس اني ماخذه الازرق واستعمله الكل جسمي علمود التشققات وطبعا هذا الدكتورة كتبته الي

[ام نورهانه]

هلو فوفو لج البارحة بنتي غارت من ابنج مااعرف بنتج ومن اجيت دا انام لزمتها ام العوافي ههههههههههههههه فد ضحكت اكلج مأخذتي سونار يله هسه بين ان شاء الله

مهاوووي شلونج حياتو اي والله كلش مقهورة على انوشتي احسها بدت تحس لان صايرة تريدني كلش والا بحظني مع العلم هذا مو طبعها لان هي مستقله عني من وهي صغيرة

[فوفو العراقية]

ام نورهان حب شلونج
مشتاقتلج

شخبار البيبي
وشلون صارت حركته
اني البارحة اخذت دقات القلب بالليل قبل ما انام وطلع 120
خفت ... اخاف بي شي
ليش قلت هيج الدقات؟
انتي بعدهن نفس الشيئ؟
لان قبل كنت اني من 150 الى 155 اقصاها
اما البارحة اقصاها 122
شرايج؟ طبيعي؟

وطبعا الحركة معدومة كلش
بس وقت اخذ دقات القلب عود شوية اسمع طراقات ههههههههههه مزحم روحة.

[فوفو العراقية]

السونار هنا مو بكيفي حب
لازم انتضر على 22
هوة اكيد يبين
بس لو اروح طبيب خاص لازم ادفع كومة
خو انتظر الموعد احسن
جايتنة المصاريف مال تجهيزاته هههههههههههه

انتي مستعجلة اكثر مني
مثل زوجي هههههههههههه يكولي نروح خاص وادفع عادي ههههههههه
اني ماحب التبذير

[فوفو العراقية]

هههههههههههه طبعا ام العوافي اشكد مكروهة من تجي للبيبي
كلش تزعج الام
اني اتخبل منها
عبالك بالعه منبه ساعه هههههههههههه

[ام نورهانه]

هاي اول خلطة حلوة مجربتها فوفو صدك تنطي نظارة للبشرة

[**نورا**]

** روح حبي والله اني صاير بيه وسواس كلش خايفه اجيب على السابع لو الثامن والطفل يصير بي شي هلكد ما افكر احس راسي نفاخه يمكن لان 8 سنوات ماعندي هيج مخبله هههههههههه
**مساء الفل عسوله حبي الله يسهل عليج وتصير عمليه سهله
**والله يا فوفو الله يعينج على هالخبصه مال الاطباء ... وططبعا شكرا على الوصفات مال البشره وانشالله اجربها
** ام نورهانه حبي هوه الحمل كله دوخه الف شغله تفكرين بيها بوقت واحد بقت عله الزيوت ههههههههه
وانشالله اشوف اكو يمنه الدهن الي كلتي عليه لو لا

************ بارحه حلمت دا اخذ سونار وجبت وشايله ابني وابجي عليه لان كالو ميعيش وراها رجعته لبطني !!!!!!!! حلم عجيب اول ما كعدت طلعت صدقه وسويت السلام الجمهوري مال كل يوم ادعي اول ما اكعد من النوم ياربي تمم عليه واحفظ الي ببطني وجيبه بسلامه وتمم خُلقه وخلقته وصوره باحسن صوره ياربي اجعله من الصالحين وبارك بي واحفظلي اخته وطول عمرها يوميه ادعي هيج من الصبح والله هالشهرين علما تخلص اني رايحه للشماعيه مابيها مجال ..........

[**نورا**]

فوفو اكو طريقه مضبوطه تعرفين شنو ببطنج اني جربتها بالبطنين وجربوها كرايبنه كلهم هم طلعت صحيحه مال الابره والقلم اكيد سامعه بيها

[ام نورهانه]

اوووووي حبيبي لج صدكي انتي بيج ولد وكولي ام نورهان مكالت لان قريت موضوع عن ضربات قلب الجنين تحدد الجنس يعني فوك 140 بنوته وتحت 140ولد واني بنورهان وبهاي الكتوته هم نورهان كانت 147 وهاي الكتوته 152 واكثر
اما عن الحركة لا الحمد لله كامت تتحركك وادفر بس فقط بالليل مااعرف ليش من اريد انام هههههههه
لا اسمعي البارحه سوينه وكاحة اني وابو نورهان وره مخلصنه لج كعورت روحه فد مره صارت مثل الطوبه بجهتي اليمنى وباقي بطني فشت بحيث ابوها يكولي لج هاي شبيها كتله واني ادري ههههههههههه بس فد موقف لا احسد عليه لان منظر مزعج كلش ههههههههههههه

[**نورا**]

اني من اول يوم صرت بي حامل احوص اريد اعرف شنو ببطني ههههههههههههه

[**نورا**]

ام نورهانه هاي بنتج مراضيه ههههههههههههههههههههههههههههه
سوت احتجاج عليكم

[فوفو العراقية]

خخخخخخخخخخخخخ نورا
جربتها ومافهمت منها شي

كوليها الي وخل اشوف لو اجربها من جديد
اخلي ابرة براس المساحة مال القلب واربط خيط طولة شبر بالابرة واتركها كدام بطني تاخذ مسارها
وبعد؟؟؟؟؟؟؟؟؟؟؟؟؟ ههههههههههههه ماعرف كل شوية شكل تفتر تاخذ طول وعرض هههههههههههههه

[ام نورهانه]

هلو حبي نورا اي اسكتي اني خو الواهس صاير بيه فد مرة واتخيل شغلات حتصير اكوم اتعوذ من الشيطان


لا لعد سمعي حلمي انا حلمت لكينه طفل ولد ستوه جاي للدنيه بس شنو سمين ويخبل كان عمتي ورجلي يكولولي اخذي اخذته غصبوني ارضعه واني مقهورة كلش اكولهم مو هذا حليب بنتي اقصد على الي ببطني يكولولي معليج من تجي يرجع حليبها

[فوفو العراقية]

اني بالاسبوع 10+1
سويت تحليل الادرار بجهاز خاص بي بودرة ولما ينضاف الادرار فوكة يتغير لونة
اذا للاخضر غامق يعني ولد
ولو تغير اللون للبرتقالي الغامق يعني بنت
وكان سعرة ب 50 يورو
وسويته وطلع اخضر غامق
ونسبة نجاحة 89% او اكثر
وبعد العلم عند الله.

[**نورا**]

باعي اني اسويها بالزنجيل والحلقه زنجيل عادي والحلقه هم عادي هههههههه
تخلين الحلقه بداخل الزنجيل مثل المداليه وتسدي عليها
وبعدين تلزمين الزنجيل من طرفه وتخلين الحلقه سايبه وتفتر بكيفها
وبعدين تخليها فوك مكان الساعه بالايد مباشره
وتشوفين حركة الزنجيل اذا دائريه بنوته واذا تروح وتجي يعني خط افقي او عامودي هاي ولد
وطبعا اذا جايبه قبل هذا الطفل راح يطلعون بالتدريج والاسقاطات اسم الله عليج هم محسوبه

[فوفو العراقية]

احلامجن حلوة هههههههههه
والرضاعه كلش خير
والطفل لو كالو يروح يعني يجي بكامل الصحة ان شاء الله


اما اني حلمت بداية حملي
انه جاني توام ولد وبنت
والدكتورة اخذت البنت وزوجي اخذ الولد
وطلعو بره الغرفه بيهم

ولما اجة زوجي شايل بيده الطفل
وجايبة مطهر وكلتلة ليش هيج بعده صغير
هوة سكت
والبنت سالت عنها ماحد جابهة الي
وكالو هذا طفلج وبس.

والليلة حلمت بنتي رنا تنطيني صمون
كل شوية جايبة الي صمونة جبيرة . واني اخذ منها ومستغربة هههههههههههه
اني احلامي افلام ههههههههههههه

ومرة حلمت ان زوجي برة بالحديقه مال البيت
وفتح الباب
وجان اكو عصافير 2
واحد جوزي والثاني اصفر
وجانن يمشن وكبار
العصفور الاصفر زوجي خلا يدخل للبيت
والعصفور الثاني ضل برة ههههههههههههه

[**نورا**]

اشكال والوان واحد يحلم اتصور من القلق وكثرة التفكير الله يعلم
يله حبيبات من رخصتكم اروح اطبخ لووووووووووووول هههههههههه

[فوفو العراقية]

نورا
خل اروح اجربها
وارجع اكولج
بس قصدج تتغير الذبذبه كل شوية وتحدد اجناس الاطفال مالتي قبل؟
وبعدين تثبت على حال وهذا يدل على نوع الي ببطني
صعب
لان عندي 3 اطفال و3 اسقاطات وحامل بالسابع هههههههههههههههه
لازم الصبح باجر تبين النتيجة هههههههه

[ام نورهانه]

هههههههههههههههههههه طبعا هاي التجارب كلها مااعرفلها هههه
فوفو احلامنه افلام سينمائيه
يله اني هم اترخص اروح تسوي الغده

[فوفو العراقية]

فلم فلم

سويت التحربة بزنجيل ذهب وحلقة الزواج مالتي
على معصم اليد اول شي ظل يفر وما منتضم
وبعدين انتضم عمودي وماتغير لثواني وكانو احد دا يحركة لان ايدي ثابتة كلش
وبعدين سويت نفس الطريقة كدام بطني اني وجالسة ومن البداية ماتحرك ابد
وبعدين هم رجع يتحرك مباشرتا عمودي
وهم اني وواكفة كدام بطني هم ضل عمودي
هههههههههههههههه شغلة تدوخ وتخووف
لان كانها احد يجرة ويحركة ههههههههههههه
شوفيلي شغلة ثانية اضمن ومتخووف ههههههههههه

[فوفو العراقية]

ام نورهان جربي العملية وكوليلي النتيجة
هههههههههههههههههه

[فوفو العراقية]

وين رحتن وقت اكل هسة؟
اني مسوية رجيم هههههههههههه

[**نورا**]

هههههههههههههههههه فوفو حبي يمكن بيج ولد اتس ابوي ههههههههههههههههه شوفي الثقافه
بس من تخلين الزنجيل عله الايد يطلعون اطفالج بالترتيب ومن ضمنهم الاسقاطات بس متطول ثواني

[White angel]

مسائو عليكم جميعا
شلونكم أخباركم
اليوم رايحين نخطب الأخوية او ب الأحرى نقطع مهر
واني مزاجي صفر
زوجي من الصبح لي هسه يشاقه وياي واني دمي فاير
هو يشاقه واني ابجي
ومن يشوفني افور يزيد الشقه مالته هسه خلصت بواجي

المهم شنو اخبار البيبيات مالتكم ان شاء الله بخير
عسوله سلامات ياربي تقومين بسلامه
وربي يخلي لج النونو ويقومه بسلامه

فوفو أني جنت 55كيلو وزنت قبل يومين صايره دب 58كيلو و700 غرام ادكول يعني 59 كيلو
الله أليستر بعد شكد اصعد

ادكولي أنتو العرب حسابكم غلط المره تحمل ب الطفل ب 10 اشهر
مو 9 خلتني خربانه ضحك

[فوفو العراقية]

هههههههههههههههه
ونعم الثقافه
والله لو مضمونة هيج خوش احسن من السونار
بس فعلا هية ضلت بالاول على المعصم راحت طول وعرض وداوائر واخرها استقرت على حال وماتغيرت ابد
وبالوقوف والجلوس امام البطن هم عامودي ضلت وماتغيرت ولا ابد

ويوم 22 السونار ونشوف صحة هالمعلومة
شكرا حبي
انتي جربتي؟
وشنو نوع الجنين مالتج ؟

[قمر بغداد]

هلووووووووووو بنات
زنوبة شلونج حبي اني هسة بشهر الخامس بس كل 5 بالشهر ادخل بجديد لا ممبين وبطني صغيرة وحيل نازلة لان الطفل مستعرض ههههههههه متمدد على بطنة ومديقبل يشوفنة هسة بنية لو ولد وتدرين اني وزوجي نحب البنات بس اهم شي اتمام الخلقة والصحة تسوة الدنيا بس عبالك عندي كرش موبطن ههههههههه صغيرونة وهسة وزني 66 وية الحمل بس قبل ما اتزوج جنت 73 مدري 74 ضعفت من ورة الوحام واللة كريم
شخباركم بناااااات شكو ماكو

[**نورا**]

بالخير عله خطوبة اخوج حبي وايت انجل والله اسمج صعب ههههههههه
ولتضوجين لان الطفل يتاثر وتصير عندج تقلصات
** حبي فوفو اني 1 بالشهر ادخل بالسابع وبالسونار طلع ولد وقبل ما اسوي سونار سويت هايه الطريقه وطلعت ولد وطبعا عله بطني طلعت ولد وعلى ايدي طلعت بنتي وبعدين ولد يعني حسب نظرية فيثاغورس اذا تسوي عله بطنج يطلع الطفل الي حامل بي واذا عله ايدج يطلعون كل الجهال هههههههههه
الله يتمم عليج وعليه وعله كل البنات امين يا رب

***قموره منوره حبي

[ام نورهانه]

ها حبايب اني سويتها على ايدي واول مره طلع خطوط طوليه واني اول حمل الي طرحت توم وبعدين دائري اكيد انوشه ووراها هم دائري واتوقف وكام يسوي نصف دائرة يعني ميفتر فره كاملهوطبعا اني ورة انوش هم عندي طرح وسويتها على بطني وهم طلع نصف دائري يم بس لا اخلف خنثي ههههههههههههههه
بس صدك بنات مااعرف ليش عندي احساس ببطني ولد سبحان الله ماادري ليش مع العلم اني وابو نورهان كلش نحب البنات ويمكن حتى اكثر من الولد بس السونار اكدلي بنوته والله اعلم

[ام نورهانه]

ههههههههههههه اني قبل لا اطب الخامس هبه بطني عبالك كرش مو حامل وحتى هسه بس من اتعب تنط يعني تبين مااعرف ليش واني كل 22 اطب شهر جديد يعني انتي ان شاء الله واحد بالشهر تدخلين السادس مو يعني بناتنه 22 يوم وبيني وبين فوفو 4 ايام يعني فوفو كل 18 تدخل شهر

[**نورا**]

هههههههههههههههههههههه حلوه مال خنثى

[ام نورهانه]

صدك نورا تريدين اسويلج شريط حمل لو ادزلج الموقع بكيفج

[ام نورهانه]

هههههههه اي والله نورا لا طول ولا دائري يعني نص فره ويختمها بطول وبعدين هم نص فره

[**نورا**]

والله حبي سويت وما اعرف اخلي بالتوقيع شكد عيب ههههههههههه

[ام نورهانه]

باعي نسخي الرابط الي بالنص يعني المكتوب html وروحي على تعديل التوقيع واكو ايقونه مال اضافة رابط سوي لصق وبعدين حفظي التوقيع وشوفي

[**نورا**]

اوك هسه اجرب بلكي يصير

[عذراء الجابري]

][سلام عليكم بنات
شلونكم وشون الحمل وياكم بالنسبة للحوامل والاطفال للباقيات والماعدهة انشاء الله يرزقها بالقريب العاجل

/

[مي &]

ولكم شلونكم مشتاااقتلكم كومات كومات
شلونكم وحده وحده

حبي هباااوي اشرقت وانورت وينج شنو هلغيبه مشتااقين مبروك دخولج الخااامس ويارب يو الولاده المييسره والسهله
ا
م نورهان شلونج حيااتي وشلونها نورهان والنوني الجديده مشتاااقتلج حيااتي

فوفو شلونج وشلونه حملج حبي لتخااافين من زياده الوزن اكوو حوامل ايزيدون هوايه والدتي هيج كانت بلحمل لتخااافين الله يكتبلج الولاده السهله

سجااااوي الله ايكومج بسلامه حياتي والصحه والسلامه بحق محمد وال محمد

ام الوقه شلونج حياتي والوقه اشلونه ديري بالج على صحتج واشوكت تدخلين التااسع حبي انصحج من اتخلين لشهرج اتروحين لدكتوره اسمها ازهار الطريحي بشارع حي السعد بواحد من الفروع خوش دكتوره

توته شلونج وشلونه يوسف

زنوبه السعدي شلونج حبي وشلونهه صحتج بشريني شوكت تتركين المااانع

امونه حبي انشالله تلكين الخير بلروحه

ام شوق حبي الله الله ايساعدج حبي على الجهااال وديري بااالج عليهم وعلى نفسج
ولويش بنتج تسهر للصبح

عذوره ام هداوي شلونه هداااوي
بقيه البناات شلونكم عذروني اذا نسيت وحده كلكم بلقلب

[**نورا**]

ماكو مصار خبلني شكد ردت وحاولت يكلي ملف غلط

[عذراء الجابري]

صدك بنات اكو غائبات هواية
1\زينب ام لولي
2\رحاب
3\ام كرار بنت الخليج انشاء الله المانع خير
4\زينة
وهذا آخر انذار وراها فصل ...مو عندي اجازة وضع عليمن اضبط ههههه

[عذراء الجابري]

هلو ام ابرار تسلمين عمري
ام شوق اشكرج حبيبتي عالسؤال

[مي &]

هلووو عذوره
شلونج وشلونه هداوي

[ام نورهانه]

هلو قليباتي شلونجن

لج نورا باعي زين اكو يكتبلج رابط مباشر نسخي وخلي كبل بالتوقيع وسوي حفظ يعني بلا ادخال رابط جربي بله

[مي &]

حبي نورا من اتسوين التوقيع وايصير ويجهز دوسي عليه نسخ وبعدين اتروحين على لوحة التحكم مالتج
اكو مربع مال التوقيع ادخلي عليه ودوسي عليه وانطي لصق وانشالله يطلع واذا مفتهمتي عذريني
ادخلي على هذا الرابط
http://forum.hwaml.com/t14737.html

[زينب السعدي]

هلو بنات شلونكم شخبار ايمان متعرفون عنها شي

[مي &]

هلوووووووووووووو

[فوفو العراقية]

زينب السويد
انتي زايده 4
اني اكثر من 8 واااااااااااااااع
صح بطني كبرت بسرعه بس اكو ورم بجسمي
وبعون لله تتم هالفترة علينة كلنة بالصحة والعافية .

قموووووووورة حبي شلونج
الله يتمملج على خير بطفل كامل الصحة والعافية
ويارب الي تتمنوه يجي بعون لله.


حبيبتي نورا
ربي يتمم عليج بكل خير
يارب الطفل السليم وتربو وتفرحون بي اللهم امين..


ام نورهان قلب
ههههههههههههههههههههههه ولج راح يجيلج احلى بيبي اموت عالجهال اني
يارب بتمام الصحة والعافية

يعني نكدر نكول هالاكتشاف صح؟
لان اني جنت احسبها خرافات.

وفرق الحمل بيني وبينج يومين يمكن صح؟

[فوفو العراقية]

مي حبي اني مخايفة من الزيادة
بس خفت من الورم بداء من وقت
وبناتي ماصار ورم ابد ووزني نزل
وماعرف لو حمل عن حمل يختلف.

زينب حبي شلونج شخبارج شمسوية
شكو ماكو حب؟؟؟
وحشاني كوي أبااااااااه ههههههههههه صعيدي كوي..

[فوفو العراقية]

مشتهية ركي .......... واااااااااااااااااااااااااااااااااااااء
من حملت لهسة نفسي في .ههههههههههههه

[عسل بغداد]

هلو بنات حبيبات تسلمون لان تدعولي بالسلامه الله يتمم حملكم بالسلامه ويخلي اطفالكم

[عسل بغداد]

ياعيني فوفو سوده بوجي ليش ماكو يمكم ركي اني لعد مشتهيه عنب اخضر

[فوفو العراقية]

فدوة القلبج حبيبتي عسووولة
اسم الله عليج
وجهج الابيض ياعمري

فدوة ياقلبي العنب الاخضر هنا كووومة
وركي ماكووو بعد ميجي هسة
واكو ركي بس كلة معدوم يمكن من العام ههههههههههه
ومو طيب ابد
اريد ركي موسمي
يلا اصبر لغايت مايجي.
حبيبتي فدوة لقلبج الطيب,

[فوفو العراقية]

الحوامل...
كل وحده تكتب شنو اسم البيبي المنتظر

اني لو بنت اسميها رونــــق.. ولولد لسا اسمة مجاهز لان تخميني ببنت وزوجي هم يتفأل ببنت.

وانتي؟؟؟؟؟؟؟؟؟؟؟؟؟؟؟

[مي &]

شكو ماكوووو
يمكن ماكووو احد

[فوفو العراقية]

هلا ميمو
اني موجوده

فدوة لعمرها ابرار تخبل حبيبتي ماشاء الله
تنكع بالكلب فدوة
عضيلي ياهة هههههههه بس مو حيل

[اه من الغربة]

السلام عليكم شلونكم بنات هواي مشتاقتلكم بس كنت كلش مشغوله اخباركم و اخبار الجهال
فدوه ال قلبها بروره صايرة تجنن حياتي الله يحفظها يارب
شلونج فوفو و شلون البيبي

[اه من الغربة]

وينكم بنات ولا وحده موجوده غير حظ عليه بس أجي الكل يروح فيس مقهور و ديبجي

[zena]

هلوووووووووووووووووووو بنات يالله ع السريع لموااااااااااااااااا الكروه راح نطلع ع الزوراء ههههههههههه


قموره حبيبتي ان شاءالله دكومين بخير وسلامه انتي والنونو

وحبيبتي ام بنت الهدئ بوساتي لهدهوده

[اه من الغربة]

فدوة ال الله تجنن هذي البنيه الله يحفظها ألج زينه و ان شاء الله تتونسون بل طلعة

[zena]

هلووو حبيبتي والله يحفظلج اطفالج لالالالالالالالالالالالا ياطلعه اني بالسويد ههههههههههه

[فوفو العراقية]

اه من الغربة
هلالالالالالالالالالالالا والله ومراحب
حبيبتي وينج شنو هالغياب
شخبارج؟

[فوفو العراقية]

اوووف
احس بالقوة اتنفس
جنيني صاعد لفوك واسفل بطني فارغ
شسويلة حتى يتوسك المنطقه
خصوصا لما اوكف يصعد بالزايد.

[رويدة_ أم ألق]

السلام عليكم
شلونكم بنات يارب الجميع بخير

مهاوي عيوني رغم التردد بس قاسم يكول ألق حلوو
وأنا كل شوية أكَله زين شنو رأيك بكذا.. هيجي مجرد طرح أفكار

فادية أسماء بناتج حلوة ورونق ملائم معاهم
قللي الوكفة ونامي راح ينزل شوية الطفل

هبة شلونج؟ مشتاقين

يمنى ممنوع هالكد تغيبين وعذراء دتسجل وأنت تعرفيها حازمة
جيبي ولي أمرج باجر ههههههههه

[ام نورهانه]

هلو حبايب لج فوفو اني ظهري وكعب رجليه كلش ديوجعوني اوووووووووف حمل كله مرض
اما على الاسماء احنه اذا ولد سيف لان بنورهان حلم اجاله ولد وسماه سيف وتقريبا 3 مرات تكرر الحلم عليه هو
واذا بنوته مختلفين عليه اني اريد ريناد وهو يريد ناريمان وطبعا ريناد من انوشه ردت اسميها ومقبل وهسه احاول اضغط عليه لان كلش احب اسم ريناد

هلو حبي رويده مااعرف تعلمنه عليج ام الق واحسه مميز وغريب بس صحيح ويه اسم ابوها شويه يصير ثقيل لان يلتقون القافات

[فوفو العراقية]

هلو رويده قلب
شلونج؟؟؟

الله يجزيج كل خير عالنصيحة ماقصرتي ياعمري
ربي يتمم عليج بالصحة والعافية

ام نورهان والله حيرة
الاسمين حلوات
واني كلش عجبني اختيار زوجج جدا ملائم لسم نورهان
الله يتمملج على خير وتكومين بالسلامة يارب وتسمين الاسم الي يعجبج ياقلبي

[مي &]

شنو همين محد ماكوووو
يله تصبحوون على خير
احلام سعيده

[زينب السعدي]

ها بنات وينكم شنو ولاوحدة كاعدة ضايجة تعالو يمي

[**نورا**]

صبااااااااااااح الورد على عيون كل البنات الكاعدات والنايمات والبيبيات مالتكم هم وياكم ههههههههه

[حبيبي]

السلالالام عليكم اشلونكم بنات نسوان صبايا مشتاقه الكم
ولكروشاااتكم اشلللون البيبيااات
ويمه من توقيع فوووفوووو احب هالحظه وخاف منها خخخخخخ

رويده اشلونج وشلون الق شنووو غيرتي الاسم خلاص سميها رحااب خخخخخ
ومبررروك لكبررر بطنج وعقبال وزنج ما يزيد وتنفتح نفسيتج للاكل

لسه مقريت بصفحااات اهئ

زنوبه اشلونج اني اجيت

[حبيبي]

صباااااااااااااح الخيرات وليرات لاحلى نووور اشلونج
واهلا وسهلا بيج منورره تجمعناااا

[**نورا**]

بيج اكثر حبي النور نور عيونج وعيون الموجودين ولو كلهم نايمين ههههههههههه

[حبيبي]

هههههههههههههههههه تسلمي اي الكل نايمين بس اولادي خفافيش ليل وصرت نفسهم منام هههههههههههههه
اسفه تاخرت عليج برد كنت مشغوله

[White angel]

صباح الخير حبايب
شلونكم أخباركم
عدينا والحمد الله هههههههه طلبو 18 مليون ونص مقدم و 38 مؤخر
رقم خيالي
بس وافق ابويه مع العلم هوايه 100 الف كرون سويدي ب 200 الف


فوفو أني لحد الان دنتعارك هههههههه
يكولي اذا ولد محمد او احمد لان حلمت اسم ابني احمد
واني اريد اسم منتظر لان هماتين حلمت كانو ينادوني ويكعدوني من النوم
واسم منتظر على مسمى لان هماتين انتظرته هوايه
ودا نتمالخ واذا بنوتة اسميها كوثر
وماادري الله يقدم الي بيها الخير

[**نورا**]

بالخير حبي وايت انشالله كصتها خير عله عائلتكم لان يكولون النسوان هم كصص
وطبعا ذكرتيني بنفسي بالحمل الاول هم جنه نتمالخ اني ورجلي عله الاسامي تالي صديقه سماها هههههههههههههههههه

[عسل بغداد]

صباح الخير حبايب شلونكم وايت مبروك بالرفاه والبنين هلو نورا شلونج

[عسل بغداد]

اتفقنا اذا ولد عسير او صعب او شلعان كلب واذا بنيه مغثه ههههههه جذب اذا ولد بشير واذا بنيه مسره او سرورانطوني رأيكم بأسم البنيه

[روح ملائكيه]

هلووووووووو

شلونكم بنات؟

وايت انجل مبروك وبالرفاه والبنين ان شاء الله

سجاوي عمري مسره احلى لأن سرور يلوك للولد اكثر(هذا رأيي)


نورا شلونج عيني اخبارج؟

بقية البنات كيف احوالكم؟

[مي &]

هلو بنااات
مساء الانوار شلونكم شخبااركم
مشتاااقتلكم
حبي زنوبه انجل الف الف مبروك الخطوبه احنا همين هذاك الاسبوع خطبنا لاخويه يله الله ايتممهه علينا وعليكم بلخير والبركه وايكومج بسلامه انشالله واسم منتظر هوايه احلى

عسوله حبي شلونج شخبااارج شنو مماااخذه سوناار اتعرفين نوع البيبي ؟؟؟؟؟؟؟؟؟؟؟؟
واسم مسره احلى من سرور

نورا حياتي شلونج شخباارج الله ايكومج بسلامه انشالله وهاااي شنو اشو بنتج ضامتهه يمعوده خليلنا صورتها خلي انشوفهه

[مي &]

هله وميه مرحبه بأم شوق الورده
حبي شلونج شخباااارج
اشلونهم الصغار حمودي شلون صااار وملوكه كامت اتنام بليل لو بعدهه تسهر

[روح ملائكيه]

ام محمد نورتينا من جديد غلاتي وين هالغيبه؟

رويده اسم الق كلش حلو والثقل بين التقاء اسم الق وابوها قليل فظلوا ع الاسم احلى ...لأن راح تحتارين بالاسم وتظلين تدورين وماتشفين غليلج هههههههههههه اسماء البنات متعبه مو مثل اسم الولد بسرعه حاضر وجاهز
اني اسم ملاك لحد الآن مامقتنعه بيه بس شسوي زوجي مرضى بالاسماء الي ردتها(جلنار,جمانه) يكلي ثكيله هههههههه هو مايدري اني ادور معاني اسماء خخخخخخخخخخخخخ

[روح ملائكيه]

هلو عمري مي الحمدلله اني بخير والاطفال بخير
والله ملاك شويه تعدلت النومه هههههههههههههه البارحه نامت بـ 1 يله احسن من 5 الفجر


بروره شلونها؟

[عسل بغداد]

هلو ام حمودي ومياوي شلونكم اخباركم اطفالكم شلونهم حبي اني كل اسبوع اخذ سونار بس من اول مره كلي لتسألين عن الجنس الجنين يمكن اليوم اسال وما اكله شتكولون

[مي &]

هله حبي ام حمودي بروره اتبووس ايد زينه الحمدلله

والله يا سجااوي العسل اني زوجي كلي بلحمل الثاني خليهه مفاجئه وخلي جنس الجنين لتعرفي اني وعدته عجبتني الفكره
بس مراات من افكر بيهه من هسه احس بلفضووول خخخخخخخخخخخخ
لان ابروره من الشهر الخاامس رحت شفت جنس الطفل ورحت لغري ام سوناار لان دكتورتي متكوول الطفل شنو الا بلثامن
خخخخخخخخخخخ شفتو الفضل وبقت يمج يعني حسب فضولج ههههههه اذا تتحملين خليهه مفاجئه

[روح ملائكيه]

هلو سجاوي شلون صرتي عمري؟

اي حقج الفضول مال الحوامل مو طبيعي لمعرفة الجنس ههههههههههههههههههه

حتى لو عرفتي جنس الطفل ماتكدرين ماتكولين مو احنه النسوان لازم ننشر الخبر هههههههههههههههههه

[عسل بغداد]

هو المصيبه الفضول بس اني من وره شلعان الكلب اكول شيجي خير من الله ومره حلمت لابسه كلاده بيها 5000 امي تكول بيج ولد

[**نورا**]

هلالالالالالالالالا منورات
** عسوله حبي شخبارج امورج شكو ماكو طبعا اسامي حلوه كلش واتذكر معلمتي اسمها سرور
**روح حبي انتي شلونج اخبارج انشالله بخير
**مي عمري هسه اخلي صورتها بلكي عندج عريس الها هههههههههههههههههههه

[**نورا**]

عسوله اكو طريقه اني كلتها لفوفو اكيد انتي سامعه بيها مال الابره والقلم او الزنجيل والحلقه نفس الشي ونتيجتها اكيده
اني وكل كرايبنه نسويها دائما ولا مره طلعت غلط
جربي وشوفي

[مي &]

يمه صدقه اتجنن
الله يحفضها الج نورا وايخليها واتشوفوها احسن الناااس ويرزقج الله باخ اله وايكومج بسلامه
وعلى العريس اتدللي غاليه و الطلب رخيص خخخخخخخخخ اكووووول صدك حبي ام رنده مبروك على التوقيع وكلنا بلهوه سوا خخخ اني همين شلع كلبي التوقيع يله صار وهلهلت بلتجمع من صار التوقيع خخخخخخخخخخخخخخخخخ

ام حمودي اي والله احنا انسواااان منسكت الا انكوول ياهو الي يسألنا جانت امي تتعارك ويايه كلما احد يسألني واني اكول خخخخخخ
اتكول شكو تحجين كلشي يجي من الله حلووو

عسوله الله ينطيج الي بيه الخير وايرزقج الصحه والسلامه وانشالله اتكومين بسلامه

[عذراء الجابري]

سلام عليكم بنات
حبيبتي مبروك خطبة اخوج وانشاء الله بالرفاه والبنين
بنات محتاجة دعائكم لابنت اختي عمرها خمسة اشهر وحالتها تعبانة ومن خلال التحاليل والفحوصات طلع عدها فتحة صمام بالقلب وفتحة بالمريء وجانو مياخذون سونار ابد بالحمل وهاي نتائجها وخلال ثلاثة اسابيع راح الدولة تسفرها الى تركريا لغرض العملية والعلاج هي امها على نفقة الدولة بسس لازم يروح وياها رجال بس على حسابه الخاص اللهم شافيكل مريض ورد كل غريب الى وطنه سلما وغانما

[عذراء الجابري]

اللهم شافي زهراء بنت اسراء بحق عليل كربلاء

[**نورا**]

تسلميييييييييييين حبي مي الله يخليج ويسلمج ويحفظلج الكتكوته مالتج والتوقيع علما صار طلع روحي من صدك يسوه الهلهوله هههههههههههه

******** حبيبتي عذراء انشالله تروح تسوي العمليه وتجي مابيها شي وياربي يحفظها ويشفيها امين ********

[مي &]

اللهم بحق محمد وال محمد شافي زهراء بنت اسراء ياالله ياحليم يامقيم ياشافي يامعافي

[عسل بغداد]

ياشافي يامعافي اشفي زهراء بنت اسراء بحق محمد وال بيت محمد

[مي &]

اي والله ياربي شاااافيه وعااافيهه

[ام نورهانه]

هلووو حبايب
عيني عذراء يارب ياشافي بنت اختج وتجين تبشرينه وان شاء الله معافى

[**نورا**]

هلاوات حبي ام نورهانه

[مي &]

سلالالالالالالالالالالالالالالالام الله على الطيبين
هاااا محد اكووووووو

[عذراء الجابري]

اشكركم بنات والله يحفظ الكم كل غالي وعزيز

[زينب السعدي]

اللهم اني اسالك بحق فاطمة وابيها وبعلها وبنيها والسر المستودع فيها صلي على محمد واله وشافي زهراء بنت اسراء عاجلا غير اجلا بحق رقية بنت الحسين
عذورة انذروا لرقية بنت الحسين سفرة من تصير زينه انشالله وانشالله مرادها باليد
بنااات شلونكم كلكم ....سجى مي رويدة انفال نورا مها وكل الموجودين والماموجودين
سجى اذا اجيتي ع رائي اني كلش احب اسم مسرة وهو احلى من سرور بت خالي اسمها مسرة واني كلش يعجبني هالاسم بس اني ناذرة اذا الله انطاني بنيه اسميها باحد اسماء سيدتي ومولاتي فاطمة الزهراء سيدة نساء العالمين

[مي &]

الله ينطيج يازنوبه الي تتمنيه بحق محمد وال محمد
اكول صدك كوووليلي بطلتي الماانع لولا

[**نورا**]

هلاوات زنوبه شلونج ...... الله يرزقج ببنوته حلوه انشالله

[مي &]

ولجن وينكم اشو ماكووو

[رويدة_ أم ألق]

مرحبا بنات شلونكم؟اليوم حماتي جابت بنت الحمدلله
خطية من ساعة 8 صباحا لل2 بالمستشفى بس الحمدلله ولادتها كانت طبيعية
وهسة هي يمنا

اللهم بحق النبي وآل بيته شافِ زهراء وسلمها من كل مكروه

مهاوي وفلة اي هاي هي تلتقي القافات ماتلتقي .. نسميها ألق هههه

سجاوي اسم مسرة أحلى وربي يتمم عليج بالخير شلونه وضعج هسة؟
زين منج صابرة على جنس الجنين أنا لو خامس طفل يقتلني الفضول.

وايت انجل مبارك عليكم خطوبة أخوج يوم لاولادكم جميعا وتشوفوهم أحلى عرسان.

[رويدة_ أم ألق]

لالا كل شي ولا اسمج يرحاب ههههههههه

كل البنات من الألف للياء تحياتي ومحبتي.

[زينب السعدي]

اهلا رويدة نورتي
مي والله ناويه لو هالشهر لو الي بعده ارفع المانعوبعد يم الله نشوف شوكت يرزقنا ادعولي
نورا اني اتمنى اول طفل ولد بس كلشي يجي من الله حياه الله

[رويدة_ أم ألق]

تسلمين زينب الله يحققلج اللي ببالج.

[زينب السعدي]

الله يسلمج رويدة والحمد لله ع سلامة حماتج وانشالله يوم الالج وتكومون انت وياها بالسلامة
صدك شسموها للطفله؟؟؟؟؟؟؟؟؟؟؟؟

[فوفو العراقية]

مســـــــــــــــــــــــاء الخيــــــــــــــــــــــــــــر على الجميع..

هلا والله برحوبة
شلونج قلب
اي اني هم احب هاللحظة كلشششششششششششش
وماخاف منها لانها وراي وراي والي يريد الحلو يصبر على ؟؟؟؟؟

حبي زينب
اسم محمد واحمد واحد
واسم حلو ومبارك مع ان كثرة من الناس سموه والتغيير مرغوب لكنة حلووو
واسم كوثر هم حلو وشوفي غيره عبر جوجل .


عسولة
اسم بشير روووووووعه
وسرور حلو كلش ومسرة هم حلو بس مسرة اسم غريب شوية ويكون صعب خصوصا لعنده زهايمر ههههههههههه.

روح
ولج اسم البنت اسهل بهوااااااااااااي
اني لحد هسة مالكيتلة اسم يتماشى بالعربي وبالكردي ههههههههه شوشة عندي
بالكي تطلع بنت ونخلص من هم الاسم هههههههههه.

نورا حبي شلونج قلب
جربتها مال الزنجيل والحلقة..
والله ماعرف اني جربتها على معصم اليد وطلع بية ولد
وجربتها على بطني واني كاعده وطلع ولد
وجربتها كدام بطني واني واكفه وهم نفس الشيئ وسويت تحليل الادرار بالجهاز وطلع التحليل اخضر
يعني ولد وبعد العلم عند الله
راح يذوب الثلج ويبان المرج يوم 22 ههههههههههههه.

زينب السعدي حب شلونج
يلا كلها شهر لو 2 ونفرح ان شاء الله بخبر حملج كولي امين.

مي حبي شلونج
رويده قلبي شخبارج
توتو و ام نورهان حبايب شخباركم. عسى الكل بخيرر.

[حبيبي]

السلام عليكم اشلونكم وشلون اطفالكم
رويده اشلونج والحمد الله على سلامه
حماتج وعكبالج يارب اكومين بسلامه
ودعواتكم لاختي اليوم ارتفع ضغطها فجاء
وسكر نازل وزلال وتنومت بلمستشفى
وراح يحاولون معها بطلق صناعي
اذا منتفتح الرحم عمليه قيصريه
اختى اصغيره عمرها 17 دعواتكم الها
انا جالسه وابجي عليهاا
وتمنى اكون يمها بس اني وين وهي وين ابعيده عني
وراح اكون على اتصال بامي الا ان تولد يارب وكوم بسلامه
اللهم بحق فاطمه وابيها وبعلها وبينها وسر المستودع فيها سهل على اختي وعلى كل حامل يارب

زنوبه اشلونج

[حبيبي]

اهلين فوفو اشلونج وشلون البنت لو الولد الي ابطنج هههههههههه
اني ابدا محب الولاده لحملت اتمنى ما اولد خخخخخ اخاف موت من الولاده
نفسي اغمض وفتح اشوفه جنبي بدون اي تعب خخخخ وهذا مستحيل
الي يريد الدح ليكول اح ههههههههههههههههههه نفس معنا الي يريد الحلو يصبر على مره خخخخ

[ديان]

هلووووووووووو شلونكم ممكن انظم الكم....عفية اني حامل 3اسابيع ونزل علية دم احمر قليل كلش اذا عدكم خبرة تفيدوني ...شنو معناه هذا؟؟؟؟؟؟؟

[حبيبي]

اهلين ديان منوره بيناااا ونظمي يختي انظمي ههههههههههههههه
والله يتمم حملج على خيررر
حبيبتي الدم لازم مثبت وممنوع الجماع وراحه بلفراش
يعني لازم دكتوره اتروحين


ادم انذار بلاسقاط الله لا يكولها ديري بالج hwaml10hwaml10

[رويدة_ أم ألق]

الله يسلمج ويخليج زينب سموها فرح

فادية فعلا براسنا .. أصلا أنا متشوقة للولادة يمكن لان مضايكة ضيمها ههههه

رحوبة الله يسهل على اختج ويحفظها هي ومولودها

ديان أهلا وسهلا .. روحي للطبية مباشرة وإن شاءالله خير.

[حبيبي]

رويدهhwaml4hwaml4ليش الا اسمي
بلعكس اسمي كلش حلوووو hwaml02

سميها بنتج سكينه
سكينه قاسم الله hwaml03شكد حلو

[حبيبي]

تسلمي رنوووووووووده ويسهل ولادتج يارب hwaml5
اي حبيبتي بعدج مضكتيها ويارب اضوكيهااا بولاده طبيعيه
حتى تتفائلين بلولاده المره الجايهhwaml02

[حبيبي]

اللهم شافي زهراء بنت اسراء بحق عليل كربلاء


اللهم شافي زهراء بنت اسراء بحق الزهراء وضلعهاااا

[حبيبي]

hwaml13خخخخخخخخخخخخخ نورا
جربتها ومافهمت منها شي

كوليها الي وخل اشوف لو اجربها من جديد
اخلي ابرة براس المساحة مال القلب واربط خيط طولة شبر بالابرة واتركها كدام بطني تاخذ مسارها
وبعد؟؟؟؟؟؟؟؟؟؟؟؟؟ ههههههههههههه ماعرف كل شوية شكل تفتر تاخذ طول وعرض هههههههههههههه



تجارب لمعرفت الجنس يمه على الفضول يمه بيذبحكم يا حوامل
هي ياولد يبنت خخخخخ ماكو ثالث hwaml02

اني طريقتي وسمعتها من البنات يكلون خلي المحبس مال الخطوبه بخيط طويل
وخليها فوق بطنج hwaml03ولتحرك بطول ولد واذا بلعرض بنت او بشكل دئري بنت hwaml03
وطبعا انا ما اثق لا بسونار ولا بخيوط ما اثق الا بحساسي ويطلع معاي صادق

[حبيبي]

وينكم بنات تتعشون لو شنو
اني نادر احضر هالوقت ولحضرت اختفيتو

[حبيبي]

انتو الخسرانين انا مطلع الا بسنه مره مثل اهلال رمضان خخخخخ
اه على طاري رمضان من هسه اكول الكم كل عام وانتم بخير
اريد اكون اول المهنين خخخخخ

وبحلول رمضان اريد اطباااق تتنزل بتجمعنااا
وتكون سهله ولذيذه

[ام نورهانه]

هلااا حبايب شلونكم فوفو ورحوبه ورويدة ومي وكل كل البنات لحد يزعل زهايمر عندي فول اوبشن شلامي وبوساتي الكم كلكم
رووووووووووويده ولج مظل شي وتجربيها للولاده ان شاء الله وساعتها تكولين التوبه من دي النوبه بس احنه عيونه قويه تشوفين يمر كم شهر نشتاق للحمل بس بصراحة اني 3 ايام نمت مستشفى والم الله لا يواري الاحد لان كانت كليتي ملتهبه مع الم الطلوكه ومكان عندي توسع وتخيلي بس والله بس طلعت بنتي وشفتها نسيت كل الم بحيث تكرمون بوصاختها اول مطلعوها كتلهم انطونياها اريد ابوسها تخيلي بحيث ابجي وابوس بيه وهي عيون العرمات بنتي ولا بجت عبالي بيها شي كتلهم الطفل اول ميطلع يبجي هاي ليش متبجي كان تصطرها براجدي السستر علمود تبجي اني كمت ابجي وياها ودي اروح اخنكها كتلها ليش تضربيها ههههههههههه طولتها عليكم بس ذكرتوني احلى لحظات بحياتي كلها

[ام نورهانه]

رحاب حبيبتي الله يكوم اختج بسلامه وان شاء الله ساعة سهله عليها وطمنينه عليها ان شاء الله تكوم هي والبيبي مالتها بالسلامه

[White angel]

هلو بنات شلونكم
حبيبتي عذوره ربي يشافي زهراء ويقومها بسلامه
بحق محمد وعلي وفاطمه والحسن والحسين والتسعة المعصومين من ذرية الحسين
ان تشافي زهراء بنت أسراء وتفرح قلب أمها يارب


حبي نورا ياريت تعلميني على هاي الطريقة مال الواحد يعرف نوع الجنين
فوفو صحيح مبارك بس عاجبني اسمي مصطفى بس أمي متقبل
والله كريم
بنات الله يبارك بيكم يارب ويوم الولدكم

[زينب السعدي]

رحوبه ربي يسهل ع اختج وتكوم بالسلامة هي والبيبي مالتها امييييين يارب بحق محمد وال محمد
بس ضحكتيني بخصوص رمضاااااااان هههههههه شكد دمج خفف بس انشالله اني ناويه بكرى اصوم قضاء مافي ذمتي

[**نورا**]

هلا بنات هاي شكد حاجين كوووووووومه ههههههههه
منورات كلكم وفوفو تره بيج ولد حظريله اسم ربي يجيبه بالسلامه
*** رويده حبي حمد لله على سلامة حماتج انشالله يوم الي نبارك على سلامتج وسلامت النونو مالتج امين يا رب
***ام نورهانه حبي اقره موقف ولادتج ومتاثره من يمي وربي ههههههههههههههه الله يجيب النونوات بخير
***حبيبي اني اول ما حللت الحمل لحد ما عرفت شنو ببطني اني احوص خخخخخخخخخخخخ
***وايت انجل كبد الطريقه هيه تجيبين زنجيل وتخلين ببطنه الحلقه وتسدي وتلزمي من طرفه وتخلين الحلقه سايبه وبعدين تخليها على معصم الايد (مكان الساعه) وراح تبدي تتحرك بشكل عشوائي لحد ما تثبت على حركه معينه لو تروح وتجي(ولد) لو تفتر بشكل دائري (بنيه) وطبعا يطلعون كل الاطفال الي جايبتهم والي واكعين بالسره والي راح يجون همين انشالله
واذا خليتيها على بطنج راح يطلع النونو الي حامل بي وبس جربي ورديلنه خبر
**********************
بنات اول شي الحمد لله اني باجر ادخل السابع ومناويه اخذ سونار بس هلكد مدا اقره مواضيع عله مشاكل الحمل والمي الزايد والمي الناقص صارت بيه فوبيا
شتكولون اروح اسوي لو ميحتاج لان اني نص السادس سويت وجان ماكو مشكله والحمد لله

[فوفو العراقية]

هلو قلب رحاب حبي
انا بخير دامج بخير
والبيبي هم تمام والحمد لله
انتي شلونج؟
عساج بخير.

ديان
حبي هلا بيج تشرفت بيج
مبروك الحمل
حبي شلون 3 اسابيع يعني؟
شوكت جانت اخر دورة الج
شوكت اول يوم الها جان؟
والدم ممكن متعبة نفسج او صايره علاقة حميمة بينكم وبعض الاحيان هذي شبب النزف لو كان رحمج رخي
لازم اكو سبب
اشرحي لي حبي تاريخ دورتج وشوكت سويتي التحليل... وكم عمرج
ولو تكتبين السي في مالتج يكون افضل.
مبروك مرة ثانية وربي يتمم عليج الفرحة يارب.

[**نورا**]

ديان نورتي حبي هلا بيج
*** زنوبه كبد انشالله ربي ينطيج ولد يشبه يوزر سيف هههههههههههههه

[**نورا**]

فوفو احتمال هاي علامة الحمل لان اني بحملي الاول هيج اول ايام ذبيت شويه دم وعادي ماكو شي شتكولين
هيه لو تجي باجر العصر للعياده مالتي حته اشوف حالتها بالضبط شنو هههههههههههههههههه

[ام نورهانه]

هلا بالزنوبات
هلو نورا قلب تسلمين لعد اني اكتب وعيوني تكت دمع كلما اتذكر خخخخخ شكد اني فطيره ههههههه تسلمين حبي لج هاي شنو بنوتج تخبل ربي يحفظها ومبينه دلوعه كلش بوساتي الها
اما على السونار اذا ماخذه بالسادس وماكو شي خلاص خليها على ربج ومن تدخلين الثامن روحي جيكي احسن اني موعد دكتورتي 25 / 5 كلت اذا مصار شي اخلص السابع ياله اروح ان شاء الله ولو عندي حكه داخليه دمرتني واحس الداخل مفركس مااعرف ليش مااكدر ادوسه

[ام نورهانه]

صدك هلا بيج ديان ويا قلبي روحي جيكي عند الدكتوره احسن سجوز عندج اجهاضش مهدد لا سامح الله احنه منكدر نفيدج بشي
واني ماما كانت تكول المرة من تحبل بالنسبه للوصاخة والافرازات الملونة تكول تصير مثل البوري وتقفلي لازم كلشي ماكو عدا الافرازات البيضه وهاي عادي

[ام نورهانه]

صدك نورا عندج حساب على الفيس لو مثل فوفو هم متحبي

[**نورا**]

سكتي وخليها ام نورهانه بنتي النهار كله تونون وتبجي تكولين عداده خاله يمي بالبيت ههههههههههههههههه
وعلى الحكه روحي للدكتوره احتمال التهاب بالمجاري البوليه والالتهاب الزايد موزين

[**نورا**]

لا والله ممسويه حساب علاقتي بالفيس فوس مو قويه هههههههههههه

[ام نورهانه]

ههههههههههههههههههههه حلو هذا الفيس فوس
انتي فوفو متحبوا مااعرف ليش

[ام نورهانه]

ليش شبيها رنوده شتريد حبيبتي

[فوفو العراقية]

رويده حبي الله يطعمج الولاده السهلة يارب
بس بصراحة
اول ولاده لالالالالالالالالالالالازم تكون صعبة بلا شك
ولسببين
الاول ان الام متعرف تطلك اصلا ومتاخذ نفس ههههههههههههه
والسبب الثاني هوة الحوض بعده ضيق وطريق السلامة جديد هههههه
اني اول ولاده لصتها بالبجر
والولد عصى بالنص
كمت اعصر ومااخذ نفس ابد لغاية ما اختنك الولد
وسوولي فتح كااامل مرتين كصوني وسحبو راسه الطفل وهم ماطلع لغاية ما انزرف راسه
وطلع مايتنفس ههههههههه واخذو برة واني تخبلت كلت يمكن بي شي
وتاخرت تقريبا 8 ساعات وجانت اسطناعي
وخيطوني بلا بنج مرة وحده وجتي الدكتورة الثانية كالت خياط غلط
رجعت فتكت وخيطت من جديد عبالك قماش واني اصيح بدون بنج.

اما الولادة الثانية ف يومين بتت مستشفى لان صار توسع 3 سنت .. ونطوني حبوب مسهلة وامشي بالمستشفى
وصارت الولادة برنا مدة 3 ساعات

اما الولادة الثالثة ف المهة كان تقريبا شهر بالتدريج...
والولادة فعليا تمت خلال ساعتين او اقل


وانتي يا قلبي لازم تاكليها هههههههههههه ترى سبحان الله هذا سبب معزت الطفل عند الام
وسبب ...الجنة تحت اقدام الامهات.... وسبب درجة الشهيد.

زينب
اسم مصطفى اموت عليه
وبراهيم وكاظم وعلاء كلش احب هالاسماء.

رحاااااب
هاتي ماعندك
اريد اجرب كل شيئ قبل السونار
اريد اعرف الصح من الغلط بكشف جنس البيبي
هاتي ماعندك ههههههههههههه

[ام نورهانه]

لج اني اكره شي اسمه طبيب كلش اضوج منهم
هسه اخلي ماكوهيل وتروح

[فوفو العراقية]

ام نورهان
اني جان عندي فس فس
بس كنسلته
اموت منة
ههههههههههههه

[شمس الشموس]

تعااااااااااااااالو وشاااااركون على اربط


http://forum.hwaml.com/t108904.html

[**نورا**]

اكيد ابتسامتي هههههههههههههههههههههههههههههههههههههههه
ممو صدك هههههههههههههه

[ام نورهانه]

هههههههههههههههههه لكم بنات خلي اضحكم هسه تلاغيت ويا ابو الشباب فوكفت بصف السنك خليت ايدي على بطني ولزكت بالسنك طبعا طبعي من اضوج اخذلي خمس دقايق صمت وحداد هههههههههه
المهم لكم هاي العوبه البطني فدوة القلبها ضربتني ضربه بحيث لامسة ايدي لكم كزبر جلدي اول مره تسويها حياتي والله بحيث راسا خشيت للحمام وكمت ابجي حسيتها تريد تضحكني او تفرحني

[زينب السعدي]

ياعيني الله يفرحج بشوفتها امين يارب اكيد شعور حلو ولا يوصف
بنات مدري شبيه صايرة ملي خلك النت هلكد احس روحي تعبانهو شايله هم للشيله مال البيت مع العلم احنا حنجيب شركة نقل هي ترتب الغراض وتشيلها وتفلها بالبيت الجديد وترتبها بس مع ذلك راح نحتاج وقت يلا نستقر ادعولي البيت الجديد تكون عتبته زينه علينه يااارب

[فوفو العراقية]

ام نورهان

فدوة لقلبها ام الركلات
تطلع رياضية لو راقصة باليه لو جملاستك
ههههههههههههههه
حبيبتي ربي يفرحج ويبعد عنج الحزن بحق لا اله الا هو.

[فوفو العراقية]

زينب حبي
ان شاء الله على عتبت البيت تلاكون كل الخير
واذا الشيلة سهلة لا تشيلين هم
هذا ترى حالنة كلنة حين الانتقال
يارب تفرحين وتكون عتبته خير عليكم.

[ام نورهانه]

تسلمون حبيباتي فوفو ويوم الابنج هذا الي مخدد يكوم يرفس ويفضها كوليله كافي نوم اكعد
زنوبه تسلمين حبي ويوم الولد الي يكعد يفرفر بطنج وتشوفي بحظنج ان شاء الله

[فوفو العراقية]

بنات
حب الشمس وحب اليقطين
خو مابي تاثير عالحامل
؟؟؟؟؟؟؟؟؟؟؟؟؟؟؟
مشكلتي احب الاملاح وخصوصا المكسرات والحب
خو ميضر برايكم كثرته؟

[فوفو العراقية]

حبيبتي
تسلمين عالدعوة الحلوة
بس هوة زودها
نوم مو طبيعي
طبق الاصل ابوه سبحان الله
المشكلة وقت اسمع قلبه يكوم يحووووووووووووص ومايخليني اسمع الدقال يفر نفسة كل لحظه
ومن اخلص واعجز خلص بعد مياخذ ولا ينطي
والمشكلة قبل جان يتحرك قليل وبالصدفه اما هسة لا
وقلبه صار نبضة 120 بعدما كان 150
من النوم ههههههههههههههه

[ام نورهانه]

لا ولج فوفو شله علاقه مااعتقد اله تأثير والله اعلم
ودوري بكوكل وشوفي بس اني هم اكل مكسرات عادي الله الحافظ

[ام نورهانه]

ههههههههه حياتو يله هسه يطلع هادئ حبيبي ولا تخافين ان شاء الله ماكو شي بس الظاهر هذا يدلع زايد هههههه
ومن ترحين للدكتوره ان شاء الله طمنينه

[زينب السعدي]

تسلمون حبايبي فوفو وفله فدوة للكلامكم الناعم
لج فوفو كعدي راحة لتظلين تنبشين بروحج خليها ع الله شنو المكسرات يضرن منيلكم هالسوالف لكم شوو بيبياتنا كانو يحبلن ويجين كومة ومشايفين الدكتوةر بعمرهم معتمدين عالقابله المسكينه وكلشي مصار بيهم وجهالهم مبيهم شي بس تطور العلم مثلما بي فوائد اله مضار هم

[فوفو العراقية]

حبيباتي اني مكلت بي تاثير
اني بس فضول سالت
لان هنا منعوني من السمسم
وكلت يمكن حب الشمس هم مضر لان همة ينطو للطيور مياكلة هههههههههههه
مجرد فضول ... ومخليتها على الله

[زينب السعدي]

يمعودة ذولي حشاج هم زمايل مرات مو عبالج كلامهم منزل من السماء ينقنقون هواي هواي وبعدين كل جفصة يجفصوها شكبرها بيهم خير خلي يقمطون الجهال مالتهم مو يعوفوهم مفرعين ميشدون عظامهم
شوفي ماكو احسن من الاطباء العراقيين بس مع الاسف العراق يفتقر للتقنيه الموجودة بره والا كان هو احسن مكان لان بي اطباء ذوي ذكاء خارق..اصلا اني هنا من ادور ع اطباء كله عراقيين اريد

[حبيبي]

اهلين بنات اني رجعت الكم وانا ادموعي اربع اربع على اختي
كلمتها حالتها تعبانه كلش
ضغط مرتفع وسكر نازل زلال وتسمم حمل وهسه تحت العنايه
دعواتكم راح اموت انا من الخوف جالسه وابجي عليهااا

اريد اسليها اكول الها صدك مكلتي لي شنو راح اسميها بنتج كالت لي حتى لمتت اتسمونهاا
قلبي عورني جلست بس ابكي ما اعرف شرد قلت لا راح اكومين بسلامه وتسمينها بس اريد اعرفه
متحمل اني هالمواقف كولي شسوي

[حبيبي]

رحوبه ربي يسهل ع اختج وتكوم بالسلامة هي والبيبي مالتها امييييين يارب بحق محمد وال محمد
بس ضحكتيني بخصوص رمضاااااااان هههههههه شكد دمج خفف بس انشالله اني ناويه بكرى اصوم قضاء مافي ذمتي
يارب زنوبه الله يسمع منج ومن كل البنات وكوم اختي بسلامه


ودوم يارب الضحكه هههههههههه ورمضان كريم من هسه
وليش مصمتي ونهار قصير الله يتقبل مقدما
اني صمتهم بعد العيد مباشره حتى متكاسل بعدين

[حبيبي]

فوفو تسمل يارب ويكومج بسلامه انتي وكل الحوامل
والحب ما يضرر بس لتكثرين لانه يسبب غثيان للحامل
وبلعافيه عليج












وزنوبه اخذو البيت خلاص صار من نصيبكم ؟

[مي &]

حبي رحوبه الله ايكوم اختج بسلامه يارب بحق محمد وال محمد

[حبيبي]

تسلمي يا مي الله يسمع منج يارب

اشلونج وشلون بروره
صورتها اتجنن بوسيها الي

[مي &]

تبوسج العاااافيه حبي
اني وبروره الحمدلله زينين
الصغار شلونهم

[حبيبي]

انتي مشاركه باجمل ابتسامه مي
صورت ابرار اجنن طالعه قمرر
وبنونه بنت ايمان حلوه وماكو اخبار عنهم اشتقنا ليمان
هي وصلت لبنان وبخير وتسلم عليكم وعندها شبكه بس اضعيفه
متفتح المنتدى دعواتكم الله تحمل هي وزينب بيووم يارب



اني الحمد الله بخيااار واولادي بخيررر هذا هما جنبي
يلعبون hwaml16hwaml17

[مي &]

على فكره حبي ام علاوي
ابرار كملت الخمس اشهر شنو اكدر اوكلها
اني حاااليا انطيها سيريلايك وفووح تمن اظافا الى الحليب

[مي &]

اني امشاركه بلمساابقه واذا صوتيلي اسويلك العشه واهتم بجهالك خخخخخخخخخخخخخ رشوه موووو

اي والله يارب تحمل هي وزنوبه وتنطيها الي تريده بحق محمد وال محمد

[حبيبي]

انا الدكاتره ينصحوني من السادس ابتدي ااكلهم
سيريلك بلقمح خضار مهروسه فواكه اتبشريها او تطحنيها
بسكوت القمح والحليب طبعا مهلبيه زبادي
هاي من السادس اطعميهاا

[حبيبي]

خلالالالالالالالالالالالالالالالاص تم التصويت اذا فيها عشاء وتمسكين جهال اصوت عشر مرات
ههههههههههههههههههههه مصدك خبر اني بس اريد راحه من الجهال

[فوفو العراقية]

رحاب حبي
الله ينطيها العافية اختج وتكوم بالسلامة وتفرحون بصحتها
اللهم ربي اشفيها واشفي كل مريض ياااااااااااااااارب يا رحيم

قهرتيني عليها الله يشفيها يارب.

[فوفو العراقية]

تصبحون على خير
نعست اني
اشوفكم باجر على خير حبايب.

[مي &]

خخخخخخخخخخخخ خوش صوتي لعد واني امسك الجهاال

[مي &]

وانتي من اهل الخير فوفو حيااتي

[حبيبي]

رحاب حبي
الله ينطيها العافية اختج وتكوم بالسلامة وتفرحون بصحتها
اللهم ربي اشفيها واشفي كل مريض ياااااااااااااااارب يا رحيم

قهرتيني عليها الله يشفيها يارب.
مشكووووره حبيبتي وامين يارب يسمع منج
وعكبال منفرح بكومتج بسلامه

[ام نورهانه]

بنااااااااااااات منو تعرف شلون انزل برنامج بلوتوث واذا عدها موقع تعطيني

[حبيبي]

ههههههههههههههههه اشوي واصوت لج
اقراء القوانين التصويت ههههههههههه


اتلاقي الخير فوفو احلام سعيده

[مي &]

هااا رحوبه بعدج

[حبيبي]

اني صفر بلكمبيوتر هههههه ما عندي خبره ابد

[ام نورهانه]

صدك يله استخدمت كبل البلوتوث تسلمين قلب اليوم اخذت صور البنتي ونزلتهم على الاب توب

[حبيبي]

هههههههههه مي جلست اسولف على الاميل وما صوتت جالسين يسئلوني عن اختي
بس اوعدج اصوت هههههههههههههه

[مي &]

يمه صدقه نورهانه اتجنن

[حبيبي]

اتجنن نروهان بوسيهااا شنو رايحه الحفله على هلفستان هههههههههههه
بس الصوره مو واضحه من ابعيد

[ام نورهانه]

تسلمين ام بروره عيونج الحلوة الله يحفظلج ابرار وتشوفيها عروسة

[ام نورهانه]

تسلمين رحوبه اي اليوم راحت عرس صديق زوجي

[حبيبي]

مي في اي قسم التصويت او رسلي لي الرابط بسرعه حتى اصوت

[حبيبي]

اهااا الف مبروك ان شاء الله للعروسين
وعكبال نورهان وخوانهاااااااااااا

[ام نورهانه]

http://forum.hwaml.com/imgcache2/hwaml.com_1335823171_219.jpg

[ام نورهانه]

تسلميلي ياقلبي ويوم الي تفرحين بأطفالج

[حبيبي]

الله هذي الصوره اوضح طالعه عروووس هههههههههههههه غطت على العروسه
رقصت ونبسطت نورهان هااااااااااااااا
وتسلمي حبيبتي

[مي &]

يمه اتجنن حياتتتي جنها مره جبيره الله يحفضها وايخليها الكم يارب

[مي &]

تصبحووون على خير
والله يارحوبه انشالله ايكوم اختج بسلامه وتجين باااجر واتفرحينا يارب

[حبيبي]

مي حبيبتي تم التصويت لابرار ويارب الفوز الهااا ولبنونه وكانو ابن ام شوق موجود اني شكيت فيه هههههههههههههههه
وتلاقي الخير حبيبتي وان شاء الله بس تولد اختي اطمنكم

ودعواتكم الهاااااااااااااااااااا

[حبيبي]

وام شوق وام ايهم مشتاقه الكم اشلونكم وشلون اطفالكم
ام ايهم بلختبارات مشغوله الله يوفقها ويوفق الجميع